| e-texts navigator |
| བོད་ཡིག |
10a1 gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o// lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na chos 'di yang
10a2 lan gsum gyi bar gyis ltung bar 'gyur la 'byung ba dang bcas pa ste dge 'dun lhag ma'o/ / 'phags ma dag bdag gis dge 'dun lhag ma'i chos nyi shu po dag bton zin to// de dag las bcu gnyis ni ltung ba dang po nyid kyis so// brgyad ni lan gsum gyi bar gyis
10a3 so/ / dge slong mas de dag las ltung ba gang yang rung ba zhig byas la ji srid du shes bzhin du 'chab par byed pa de srid du de mi 'dod bzhin du spo ba bya'o// dge slong mas mi 'dod bzhin du spo ba byas nas de'i 'og tu zla ba phyed kyi bar du gnyi ga'i dge 'dun mgu bar bya ba spyad par
10a4 bya'o/ / dge slong mas mgu bar bya ba spyad nas dbyung ba la thogs te chos dang mthun par byas la gnyi ga'i sems mgu bar byas nas gang na gnyi ga'i dge 'dun bzhi bcu'i tshogs yod pa der dge slong ma dbyung bar bya'o// gnyi ga'i dge 'dun bzhi bcur gcig gis ma
10a5 tshang ba'i tshogs kyis dge slong ma de 'byin par byed na dge slong ma de yang ma phyin la/ gnyi ga'i dge 'dun de dag kyang smad par bya ba yin te/ de la de ni cho ga yin no// de la bdag gis 'phags ma dag la ci 'di la khyed yongs su dag gam zhes dri bar bya'o// ci 'di
10a6 la khyed yongs su dag gam zhes lan gnyis lan gsum du dri'o/ / 'di la 'phags ma dag yongs su dag na 'di ltar cang mi smra bas de de bzhin du 'dzin to// // sdom la/ 'chang ba 'bral ba 'jog pa dang // 'khru ba dang ni len pa dang // slong dang stod g.yogs smad
10a7 g.yogs bcas/ / rin thang so sor bskur ba'o// 'phags ma dag spang ba'i ltung byed kyi chos sum bcu rtsa gsum po 'di dag ni zla ba phyed phyed cing so sor thar pa'i mdo gdon pa las 'byung ngo // dge slong ma chos gos zin pas sra brkyang phyung nas zhag bcu'i bar du gos lhag pa rung
iiif viewer powered by OpenSeadragon
Texts on this page
D4 - dge slong ma'i so sor thar ba'i mdo