| e-texts navigator |
| བོད་ཡིག |
109b1 cag gnyis bcom ldan 'das gang na ba der ma son pa de srid du sdod la/ de'i 'og tu khyod shog shig/ de nas dge slong mdza' bo dang / sa las skyes gnyis bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag
109b2 'tshal te phyogs gcig tu 'dug go/ / de nas dge slong ma mdza' mos dge slong mdza' bo dang / sa las skyes gnyis dong nas ring po ma lon par rig pa dang / bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag 'tshal
109b3 te phyogs gcig tu 'dug go/ / phyogs gcig tu 'dug nas bcom ldan 'das la dge slong ma mdza' mos 'di skad ces gsol to// btsun pa 'di ltar 'phags pa gyad bu nor bdag dang lhan cig mi tshangs par spyad de phas pham pa byung ba de ni mi mdzes shing tshul dang
109b4 mthun pa ma lags so/ / dge slong mdza' bo dang / sa las skyes gnyis kyis kyang 'di skad ces gsol to// btsun pa de de bzhin no// bde bar gshegs pa de de bzhin te/ bdag cag gnyis kyi sring mos ji skad gsol pa de kho na bzhin du bdag cag gnyis
109b5 kyis kyang 'tshal to/ / de'i tshe na tshe dang ldan pa gyad bu nor 'khor de nyid du 'dus par gyur te 'dug go// de nas bcom ldan 'das kyis tshe dang ldan pa gyad bu nor la bka' stsal pa/ gyad bu nor khyod kyis de thos sam/ bcom ldan 'das bdag gis thos lags so//
109b6 gyad bu nor khyod kyi de ji lta bu yin/ bdag ji lta bu lags pa de bcom ldan 'das kyis mkhyen to// bdag gi ji lta bu lags pa de bde bar gshegs pas mkhyen to// bcom ldan 'das kyis bka' stsal pa/ gyad bu nor khyod kyi dran na dran no zhes smros shig/
109b7 khyod mi dran na mi dran no zhes smros shig/ bcom ldan 'das mi dran lags so// bde bar gshegs pa mi dran lags so// de'i tshe tshe dang ldan pa sgra can zin bcom ldan 'das kyi snam logs na rnga ma'i bsil yab thogs te bcom ldan 'das la g.yob
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa