| e-texts navigator |
| བོད་ཡིག |
108b1 ma brtags par 'ongs pa khyim bdag gis mthong ngo / / mthong nas kyang khyim gyi mi rnams la smras pa/ dge slong dag gi phyir zas bshams pa cung zad yod dam/ de dag gis smras pa/ ma mchis so// des 'di snyam du re zhig bu shi ba 'di yang phung
108b2 byas pa gcig yin na/ gnyis pa go ci'i phyir bya snyam du bsams so// de ltar bsams nas kyang des kha zas ngan pa zhig phul lo// de gnyis kyis kyang zos so// zos nas kyang de gnyis kyis 'di snyam du bdag cag gis thos pa yang gzhan la/ myong ba yang
108b3 gzhan du gyur te zas ngan pa dag zos par gyur mod kyi/ 'on kyang sang ni zas bsod pa dag bza' bar bya'o snyam du bsams so// de gnyis nyi ma gnyis pa la sbyin bdag 'bring dag sbyin par bskos te der dong ba las zhes bya ba nas/ der yang nyes pa de bzhin du gyur
108b4 to zhes bya ba'i bar du'o/ / nyi ma gsum pa la sbyin bdag ngan pa dag sbyin pa der bskos so// dgra bcom pa rnams ni ma dgongs par ye shes gzigs pa mi 'jug pa yin la/ de gnyis kyis kyang kha zas ngan pa dag zos pas de dag lus shin tu rjud par gyur to//
108b5 de nas dge slong mdza' bo dang / sa las skyes gnyis kyis 'di snyam du kye ma'o sdug bsngal lo// kye ma'o mi bzad de/ tshe dang ldan pa gyad bu nor gyis bsams bzhin du bdag cag gnyis lan gsum gyi bar du kha zas ngan pa zar bcug pas tho btsams te lus shin tu
108b6 rjud par gyur gyis/ brku thabs 'ga' zhig bya'o snyam du bsams so// de'i tshe dge slong mdza' bo dang / sa las skyes gnyis kyi sring mo dge slong ma mdza' mo zhes bya ba rgyal po'i khab na dge slong ma'i dbyar khang rgyal po'i kun dga' ra ba na 'dug go// de
108b7 nas dge slong ma mdza' mos dge slong mdza' bo dang / sa las skyes gnyis ga la ba der song ste phyin nas/ dge slong mdza' bo dang / sa las skyes gnyis kyi rkang pa la mgo bos phyag 'tshal te phyogs gcig tu 'dug go// dge slong ma mdza' mo phyogs gcig tu 'dug
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa