| e-texts navigator |
| བོད་ཡིག |
108a1 brtan rnams so/ / ngan pa dag sbyin par bar ma rnams so// bsod pa dag sbyin par gzhon rabs rnams te/ de ltar tshul de lta bus dge slong rnams zas la sko bar byed do// yang dge slong glo bur ba gang yin pa de dag nyi ma dang po la ni bsod
108a2 pa sbyin pa dag tu'o/ / nyi ma gnyis pa la ni 'bring sbyin pa dag tu'o// nyi ma gsum pa la ni ngan pa sbyin pa dag tu sko bar byed cing / nyi ma bzhi pa la ni lam srang gi spyod yul la mkhas par byed do// des rim par bklags pa de bzhin du dge 'dun rnams zas la
108a3 bkod pa na rgan rims ji lta ba bzhin dang rim par bklags pa ji lta ba bzhin du thod rgal med par gyur to/ / de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong rnams gnas mal 'bogs pa rnams
108a4 dang / zas la bskos pa rnams kyi nang na gyad bu nor 'di mchog yin no// de'i tshe dge slong mdza' bo dang / sa las skyes gnyis ljongs rgyu zhing 'gro ba na rim gyis rgyal po'i khab tu phyin pa dang / tshe dang ldan pa gyad bu nor gyis de gnyis kyi gnas mal dang
108a5 gnas khang yang bskos so/ / de nas nam nangs pa dang mdza' bo dang / sa las skyes kyis 'di skad ces smras so// tshe dang ldan pa dag zas las bsko ba su yod/ dge slong zhig gis de gnyis la smras pa/ gyad bu nor yin no// de gnyis kyis tshe dang
108a6 ldan pa gyad bu nor la 'di skad ces smras so/ / gyad bu nor bdag cag gi zas skos shig/ de nas tshe dang ldan pa gyad bu nor gyis de gnyis nyi ma dang po la zas bsod pa sbyin pa dag tu bskos so// de nas mdza' bo dang / sa las skyes snga dro chos
108a7 gos bgos/ lhung bzed thogs nas sbyin bdag gi khyim gang na bar dong ngo // khyim bdag de yang bu gcig pa sdug pa/ yid du 'ong ba shi bas de bu shi ba'i mya ngan gyis gdungs pa'i phyir dge slong gi zas bsham pa ma byas so// de gnyis kyis kyang
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa