rKTs

e-texts navigator

Volume

Page

106a₁ 'bras bu thob pa de dag ni phyir mi 'ong ba rnams dang lhan cig/ phyir mi 'ong ba rnams ni dgra bcom pa rnams dang lhan cig ste/ de ltar dge slong de rnams lhag par phan tshun du 'bel ba'i gtam rnam par gtan la dbab pa dang / dge ba'i phyogs
106a₂ 'phel bar 'gyur ba de ltar gnas mal mthun par gzhan dang gzhan du bskos so/ / de'i tshe na tshe dang ldan pa gyad bu nor rdzu 'phrul gyis gnas mal 'bogs par byed do// gang dag mtshan mo sngar 'ong ba de dag la ni sor mo gcig las 'od sbar te gnas mal
106a₃ 'bogs par byed do/ / gang dag mtshan mo ches phyis 'ong ba de dag la ni sor mo gnyis las 'od sbar te 'bogs par byed do// de bzhin du gsum pa dang / bzhi pa dang / lnga pa las 'od sbar te zhes bya ba'i bar du'o// de nas dge slong de dag 'di snyam du
106a₄ 'di ni chos dang ldan pas las byas pa yin te zhes bya ba nas/ khong du ma chud pa ni khong du chud par gyur/ khong du chud pa ni lhag par khyad par du khong du chud par gyur to// de ltar byas pa nas 'di ltar tshe dang ldan pa gyad bu nor gyis rdzu 'phrul gyi cho 'phrul bstan te
106a₅ gnas mal 'bogs par byed ces phyogs bzhi dag tu de'i sgra grags par gyur to/ / de'i tshe gang dag ngo mtshar du gyur pa de dag gis ni mngon sum du bya ba'i phyir nyin par 'ongs nas 'od ma'i tshal gyi nyen kor du 'dug ste nyi ma nub pa dang mtshan mo 'ong bar byed do// de
106a₆ rnams la yang tshe dang ldan pa des de bzhin du rdzu 'phrul gyi cho 'phrul bstan nas gnas mal 'bogs par byed do/ / re zhig na rgyal po'i khab de na sbyin pa po dang / sbyin bdag de dag dge 'dun la zas rnam pa gsum du shom par byed de/ kha cig ni bsod pa sbyin
106a₇ par byed pa'o/ / kha cig ni 'bring dag sbyin par byed pa'o// kha cig ni ngan pa dag sbyin par byed pa'o// khyim gang na bsod pa dag sbyor ba de dag ni drug sde rnams kyi sngon ngo shes pa yin pas der ni rang 'ba' zhig 'gro bar byed do// gang na 'bring sbyin par byed pa

_{iiif viewer powered by OpenSeadragon}

105b - 106b

Texts on this page