| e-texts navigator |
| བོད་ཡིག |
103b1 pad ma'i nags khrod na 'dug go/ / de nas tshe dang ldan pa rta thul snga dro sham thabs bgos zhes bya ba nas/ gyad bu nor steng gi khang thog na 'dug pas tshe dang ldan pa rta thul 'gro ba dang / ldog pa dang / bskum pa dang / brkyang ba dang / snam sbyar dang /
103b2 chos gos dang / lhung bzed thogs pa mdzes pa de mthong ngo // gyad bu nor gyis tshe dang ldan pa rta thul mthong ba de'i tshe tshigs su bcad pa smras pa/ rtags can chos kyis 'tsho byed pa// 'di na phal cher bdag gis mthong // zhi zhing zhi bar gnas gyur pa//
103b3 'di 'dra bdag gis ma mthong ngo // zhes bya ba'i bar du'o// mi zhig btang nas zhes bya ba nas spyod lam mthong ste slar log nas gzhon nu la smras so zhes bya ba'i bar du'o// de nas tshe dang ldan pa gyad bu nor dge ba'i rtsa bas bskul te lta 'dod de zhes bya ba nas/ yang
103b4 dag par dga' bar 'gyur ba'i bar du byas nas 'dug ste de la smras pa/ ci khyod ston pa yin nam/ 'on te nyan thos yin/ tshe dang ldan pa rta thul gyis zhes bya ba nas tshigs su bcad pa smras pa/ ri dbang gangs can dang ni yungs kar nyid kyi khyad par gang yin dang //
103b5 rgya mtsho dang ni phyugs rjes chu chung nyid kyi khyad par gang yin dang // nyi ma 'od zer dra ba che dang srin bu me khyer khyad gang yin// de dag rdzogs pa'i sangs rgyas yon tan gter dang nyan thos khyad par ro// zhes bya ba'i bar du'o// pha ma gnyis kyi gan du 'ongs nas gsol
103b6 ba 'debs par byed de zhes bya ba nas/ ma gnang ngo zhes bya ba'i bar dang / nyin zhag gcig zan bcad pa'i bar dang / pha ma 'ongs nas 'di skad ces smras so// khyod kyis ni sdug bsngal mi shes te tshangs par spyod par spyad dka'o// gcig pu nyid la mngon par
103b7 dga' bar bya dka'o/ / gnas mal dgon pa dang / nags 'dab dang / bas mtha' dag tu gnas dka'o// khyod kyis ji srid 'tsho'i bar du gcan gzan gdug pa dag dang lhan cig gnas par bya dgos so// khyod kyis ji srid 'tsho'i bar du mi rnams kyi dga' ba
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa