rKTs

e-texts navigator

Volume

Page

102b₁ yul sdig byung na ston pa drug po thams cad mkhyen pa ma yin par thams cad mkhyen par mngon pa'i nga rgyal byed pa rnams gnas te zhes bya ba nas/ 'od srung gi gan du song ste 'di skad ces smras so// khyod kyi chos kyi tshul ni gang yin slob ma la gdams pa ni gang yin/ khyod kyi tshangs
102b₂ par spyod pa la gnas pa'i 'bras bu ni gang yin phan yon ni gang yin/ des smras pa/ gzhon nu kho bo ni 'di ltar lta zhing 'di skad smra ste/ sbyin pa med do// mchod sbyin med do// sbyin sreg med do// legs par spyad pa med do// nyes par spyad pa med do// legs par spyad
102b₃ pa dang nyes par spyad pa rnams kyi las kyi 'bras bu rnam par smin pa med do/ / 'jig rten 'di med do// 'jig rten pha rol med do// ma med do// pha med do// sems can rdzus te skye ba med do// 'jig rten 'di na yang dag par song ba dang / yang dag
102b₄ par zhugs pa'i dgra bcom pa gang dag rang gi mngon par shes pas 'jig rten 'di dang 'jig rten pha rol mngon sum du byas shing bsgrubs nas khong du chud par byas te bdag gi skye ba zad do/ / tshangs par spyod pa brten to// bya ba byas so// srid pa 'di las gzhan mi
102b₅ shes so zhes go bar byed pa dag med do zhes bya ba nas/ ston pa 'di yang lam gol bar zhugs pa/ lam ngan pa sgrub par byed pa yin te/ mkhas pa rnams kyis lam 'jigs pa dang bcas pa ji lta ba bzhin spang bar bya ba yin no zhes bya ba'i bar dang tshigs su
102b₆ bcad pa smras pa/ lta ngan log par ston byed pa// dman pa ston par grags pa ste// gang gi chos ni de 'dra ba// de yi chos min ci 'dra zhig/ ces bya ba nas/ de bzhin du ston pa drug po rnams snod stong pa bzhin du brdabs te song ngo zhes bya ba'i bar du'o//
102b₇ sangs rgyas bcom ldan 'das rnams kyi chos nyid ni nyin lan gsum mtshan lan gsum/ nyin mtshan lan drug tu sangs rgyas kyi spyan gyis 'jig rten rnams la gang ni nyams par gyur/ gang ni sdug bsngal bar gyur/ gang ni nyam nga bar gyur/ gang ni mi

_{iiif viewer powered by OpenSeadragon}

102a - 103a

Texts on this page