| e-texts navigator |
| བོད་ཡིག |
100a1 dang zhes bya ba nas skyed par byed do zhes bya ba'i bar du'o/ / mngag gzhug ma bu mo zhig gis de phrag pa la blangs te srang du zhugs pa dang / de na bram ze mtshan mkhan zhig gis mthong nas 'di skad ces smras so// rkang gnyis pa bsod nams
100a2 kyi zhing yin no zhes bya ba nas pha las blangs te zhes bya ba'i bar dang / til mar dri zhim pos byugs nas zhes bya ba nas mchod pa byas nas phyir khyim du bskyal to zhes bya ba'i bar du'o// gang gi tshe chen por gyur pa de'i tshe yi ge dang / rtsis slob tu bcug go zhes bya ba
100a3 nas rtsis dang / gzhan dag la de blo rno ba dang / byang bar gyur to// rgyal rigs rnams kyi bzo'i gnas dang / las kyi gnas gang dag yin pa 'di lta ste/ glang po che'i gnya' bar zhon pa dang / rta la zhon pa dang / shing rta'i thabs dang / ral gri'i
100a4 thabs dang / 'phong thabs dang / phyir bsnur ba dang / mdun du bsnur ba dang / lcags kyus bsgyur ba'i thabs dang / zhags pa gdab pa dang / rdo rje rtse gcig pa 'phang ba dang / 'khor lo 'phang ba'i thabs dang / mda' bo che 'phang ba'i thabs dang / 'dzin
100a5 stangs dang / gom stangs dang / thor tshugs bcing ba dang / bcad pa dang / gtub pa dang / dbug pa dang / dral ba dang / gsheg pa dang / rgyang nas phog pa dang / sgra grag par phog pa dang / gnad du snun pa dang / mi 'chor bar phog pa dang /
100a6 tshabs cher phog par bya ba la pha rol du phyin par gyur to// gnas bzhi rnams dang / 'phen pa lnga rnams dang / rig pa'i gnas brgyad po rnams la mchog tu blo rno ba dang byang bar gyur to// phas kyang de'i skyed mos tshal gsum po dgun gyi dang / dpyid kyi
100a7 dang / dbyar gyi rnams byed du bcug ste/ dgun gyi ni gcig tu dro ba'o// dpyid kyi ni gcig tu bsil ba'o// dbyar gyi ni ha cang mi dro ha cang mi grang ba'o// chung ma'i 'khor gsum po chen ma dang / bar ma dang / chun ma yang bzhag go// de yang
iiif viewer powered by OpenSeadragon
Texts on this page
D5 - dge slong ma'i 'dul ba rnam par 'byed pa