| e-texts navigator |
| བོད་ཡིག |
222a1 btsal te/ yam sreg shing gi khur thogs nas/ bram ze de'i khyim ga la ba der dong ste phyin nas yam sreg shing gi khur mtha' gcig tu bzhag ste/ bram ze de ga la ba der dong nas phyin pa dang / bram ze de la 'di skad ces smras so//
222a2 mkhan po mkhyen par mdzod cig/ shed bu 'dis ci nas kyang bdag cag thams cad yul dbus su mchi 'tshal bar gyur pa de ltar yul dbus kyi bsngags pa brjod do// bram ze des smras pa/ bu dag ci ji snyed thos pa de snyed bgrod par bya ba yin nam/
222a3 'di ltar yul dag ni thos na dga' bar 'gyur ba yin pas mnyan par bya'i/ bgrod par ni mi bya'o// mkhan po shed bu 'di'i mchid nas/ yul dbus na bdag cag gi mkhan pos gang dag gi gdong du blta bar yang mi nus pa/ snyan par smra ba smra
222a4 ba'i khyu mchog de lta bu dag mchis so zhes mchi'o/ / bu dag ci kho bo na re/ sa'i steng na kho bo gcig pu kho na las smra ba gzhan 'ga' yang med do zhes zer ram/ sa ni rin po che mang po 'dzin pa yin pas sa gzhi ni mdzes pa dag gis gang ba yin no//
222a5 mkhan po re zhig yul de yang mthong bar 'gyur zhing / chu ngogs su nye reg kyang bgyi/ smra ba'i khyu mchog de dag la yang bsnyen bkur bgyi/ rgol ba dag kyang tshar gcad par bgyi/ rang gi grags pa yang bsgrag par bgyi/ rnyed pa
222a6 yang bsgrub par bgyis/ bdag cag yul dbus su mchi'o// bram ze de slob ma la rjes su chags pa dang bcas pa dang / 'khor nyung ba yin pas des shed bu de dag la 'di skad ces smras so// bu dag gal te de lta na g.yang gzhi dag dang /
222a7 shing shun dag dang / dbyug gu dag dang / blugs gzar dag dang / dgang gzar dag dang / ril ba dag long shig dang yul dbus su 'dong ngo // de dag gis de dag blangs nas/ bram ze de shed bu de dag dang lhan cig yul dbus su
iiif viewer powered by OpenSeadragon
Texts on this page
D3 - 'dul ba rnam par 'byed pa