| e-texts navigator |
| བོད་ཡིག |
221a1 tha dad pa na gnas pa'i bram ze rnams kyi ston par gyur pa zhig 'dug nas/ shed bu de bram ze de'i drung du song ste phyin nas zhi ba dang spyod lam zhi bas mgo bos phyag 'tshal te mtha' gcig tu 'dug go// de nas bram ze des shed bu
221a2 de la 'ongs pa legs so zhes bya ba'i tshig gi kun tu spyod pas smras pa/ kye shed bu khyod ga las 'ongs/ ci zhig 'dod/ shed bus smras pa/ bdag yul dbus nas mchis te/ mkhan po'i zhabs la sri zhu bgyid par 'tshal lo// ci zhig
221a3 gi phyir/ rig byed bklag pa'i slad du'o// shed bu legs kyis de bzhin gyis shig/ de ni bram zes bya ba yin no// shed bu des bram ze de'i drung du rig byed bklag pa bya bar brtsams so// shed bu rnams kyi kun tu spyod pa ni 'di
221a4 yin te/ gang gi tshe mi klog par gyur pa de'i tshe na lan 'ga' ni chu ngogs su nye reg byed du dong ngo // lan 'ga' ni grong khyer bltar 'dong ngo // lan 'ga' ni yam sreg shing thur 'dong ngo // ji tsam dus gzhan zhig na de dag mi klog par gyur nas
221a5 de'i tshe de dag yam sreg shing thur dong ba dang / de dag la lam gyi bar du bar skabs kyi gtam rjod pa 'di lta bu 'di byung ste/ kye kud sa'i rigs dag/ bad sa'i rigs dag/ shan di li'i rigs dag/ b+ha ra dwa dza'i rigs dag/ lnga
221a6 pa'i rigs dag/ nye lnga'i rigs dag/ ji khyed cag las gang ni yul ga las 'ongs pa dri bar bya'o// de na shed bu gcig gis smras pa/ kho bo ni yul shar nas so// gzhan dag gis smras/ kho bo ni lho lam nas so// yang
221a7 gzhan zhig gis smras pa/ kho bo ni nub kyis nas so// yang gzhan zhig gis smras pa/ kho bo ni byang lam nas so// shed bu des smras pa/ kho bo ni yul dbus nas so// de dag gis smras pa/ shes ldan dag bdag cag
iiif viewer powered by OpenSeadragon
Texts on this page
D3 - 'dul ba rnam par 'byed pa