| e-texts navigator |
| བོད་ཡིག |
220b1 yid kyi las la de ltar so sor brtags shing / so sor brtags nas yongs su sbyangs shing yongs su sbyangs te/ mang du gnas par 'gyur ro// sgra can zin de lta bas na 'di ltar lus kyi las dang / ngag gi las dang / yid kyi las de la so
220b2 sor brtags shing / so sor brtags nas yongs su sbyangs shing yongs su sbyangs te/ mang du gnas par bya'o zhes bslab par bya ste/ sgra can zin khyod kyis de ltar bslab par bya'o// bcom ldan 'das kyis de skad ces bka' stsal te/ bde bar
220b3 gshegs pas de skad gsungs nas/ ston pas gzhan yang 'di skad ces bka' stsal to// sangs rgyas bstan pa dran byed na// lus kyi las dang ngag las dang // yid kyi las la mang du ni// so sor rtogs shig sgra can zin// 'di
220b4 ni dge sbyong las yin te/ / 'di la slobs shig sgra can zin// 'di la khyod ni slob byed na// dge bar 'gyur zhing sdig med yin// de nas bcom ldan 'das kyis tshe dang ldan pa sgra can zin la chos dang ldan pa'i gtam gyis yang dag par bstan/
220b5 yang dag par 'dzin du bcug/ yang dag par gzengs bstod/ yang dag par rab tu dga' bar mdzad nas gdan las bzhengs te gshegs so// 'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams
220b6 kyi bslab pa'i gzhi bca' bar ni mi mdzad do/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so// de'i tshe na mnyan yod na shAkya'i bu dge slong lag brgyud ces bya ba zhig 'dug pa de shin tu
220b7 smra ba dang gzhan gyi smra ba'i rjes su brtson par gnas so/ / de na shed bu gsang tshig 'dod pa/ gsang tshig pa tshol ba zhig yul dbus nas lho lam du song ngo // de na bram ze rig byed dang rig byed kyi yan lag gi pha rol du son pa/ yul
iiif viewer powered by OpenSeadragon
Texts on this page
D3 - 'dul ba rnam par 'byed pa