| e-texts navigator |
| བོད་ཡིག |
208a1 te khyod kyis shAkya'i rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can gang yin pa de la ras zung 'di bskon na de lta na khyod la yongs su btang ba las byung ba'i bsod nams dang
208a2 yongs su longs spyad pa las byung ba'i bsod nams su yang 'gyur ro/ / zhes zer ro// des 'di skad ces shAkya'i rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can su yod ces byas na de na re kho bo nyid shAkya'i
208a3 rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can yin no zhes zer nas/ des de la ras zung de sbyin par brtsams pa dang / de na re khyim bdag khyod sbyin pa sbyin yang mi shes sam/ gang gi tshe sangs rgyas
208a4 la sogs pa dge slong gi dge 'dun mchod ston gsol ba de'i tshe khyod kyis rgan pa'i mtha' logs su rjes su yi rang bar byed du chug la kho bo la byin cig ces zer nas/ des de kho na bzhin byas pas des nyes pa ci yod/ dge slong don nyung ngu dag ci'i phyir dge slong
208a5 dag dge 'dun la bsngos pa'i rnyed pa shes bzhin du gang zag bdag la sngos 'jug ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to// de nas bcom ldan 'das kyis byung ba 'di dang / gleng
208a6 gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no// sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye
208a7 dga' la rmas pa/ nye dga' khyod dge 'dun la bsngos pa'i rnyed pa shes bzhin du gang zag bdag la bsngor 'jug pa bden nam/ btsun pa mad do// sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba
iiif viewer powered by OpenSeadragon
Texts on this page
D3 - 'dul ba rnam par 'byed pa