rKTs

e-texts navigator

Volume

Page

6b₁ dge slong kha cig ni skrod par byed/ kha cig ni skrod par mi byed do zhes ma zer cig/ de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang
6b₂ ldan pa dag nyid khyim sun 'byin pa sdig pa'i chos kun du spyod pa dag yin te/ khyed nyid kyis khyim dag sun phyung bar mthong zhing thos la rab tu shes/ khyed sdig pa kun du spyod par yang mthong zhing thos la rab tu shes pa'i phyir te/ tshe dang ldan pa dag 'dun pas 'gro ba zhes bya ba'i
6b₃ tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bsgo bar bya'o// dge slong de dag la dge slong rnams kyis de skad ces bsgo ba na gal te gzhi de gtong na de lta na legs/ gal te mi
6b₄ gtong na gzhi de gtang bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o// lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge 'dun lhag
6b₅ ma'o/ / 'di na dge slong 'ga' zhig bka' blo mi bde ba'i rang bzhin can du gyur la/ de la dge slong rnams kyis gdon par gtogs pa bslabs pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par
6b₆ smras pa na/ tshe dang ldan pa dag khyed cag dge yang rung / sdig kyang rung / bdag la ci yang ma smra zhig/ bdag kyang dge yang rung / sdig kyang rung / tshe dang ldan pa dag la ci'ang mi smra'o// tshe dang ldan pa dag gis bdag la tshig gi lam thong shig/ khyed la yang bdag
6b₇ gis smras pas ci zhig bya zhes bdag nyid brjod par bya ba ma yin par byed na/ dge slong rnams kyis 'di skad ces/ tshe dang ldan pa khyod dge slong rnams kyis gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun

_{iiif viewer powered by OpenSeadragon}

6a - 7a

Texts on this page