| e-texts navigator |
| བོད་ཡིག |
6a1 pa'i bstan pa gsal bar byed na bde ba la reg par gnas par 'gyur gyis/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces bsgo bar bya'o// dge slong de dag la dge slong de rnams kyis de skad ces bsgo ba na
6a2 gal te gzhi de gtong na de lta na legs/ gal te mi gtong na gzhi de gtang bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o// lan gnyis lan gsum du yang dag par bsgo/ yang dag par bstan pa na gzhi de gtong na de lta na
6a3 legs/ gal te mi gtong na dge 'dun lhag ma'o// dge slong rab tu mang po dag grong ngam grong rdal zhig na nye bar rten cing gnas par gyur la/ de dag kyang khyim sun 'byin pa sdig pa'i chos kun du spyod par gyur cing / de dag gis khyim dag sun phyung bar mthong ngam/ thos
6a4 sam/ rab tu shes/ de dag sdig pa kun du spyod pa mthong ngam/ thos sam/ rab tu shes na dge slong de dag la dge slong rnams kyis 'di skad ces/ tshe dang ldan pa dag khyim sun 'byin pa sdig pa'i chos kun du spyod pa dag yin te/ khyed kyis khyim dag sun phyung bar yang
6a5 mthong zhing thos la rab tu shes/ khyod sdig pa kun du spyod par yang mthong zhing thos la rab tu shes kyis/ tshe dang ldan pa dag khyed 'di na gnas pas chog gis/ gnas 'di nas deng shig ces bsgo bar bya'o// gal te de dag dge slong rnams la 'di skad ces/ tshe dang
6a6 ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes zer na/ dge slong de
6a7 dag la dge slong rnams kyis 'di skad ces/ tshe dang ldan pa dag khyed de skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las
iiif viewer powered by OpenSeadragon
Texts on this page
D2 - so sor thar ba'i mdo