| e-texts navigator |
| བོད་ཡིག |
2b1 bstan pa yang bde ba yin/ / dge 'dun mthun pa bde ba ste// mthun pa rnams kyi dka' thub bde// 'phags pa rnams ni mthong ba bde// dam pa dag dang 'grogs pa bde// byis pa rnams ni ma mthong na// rtag tu bde ba nyid du 'gyur// tshul khrims ldan pa mthong ba
2b2 bde/ / mang du thos pa mthong ba bde// yang srid rnam par grol ba yi// dgra bcom pa dag mthong ba bde// 'jug ngogs bde ba'i chu klung bde// chos la goms pa'i skye bo bde// shes rab thob par gyur pa bde// nga'o nga rgyal zad pa bde// nges par byas shing dbang
2b3 po thul ba dag/ dgon pa zhi ba rnams su rgas gyur dang // mang du thos pa nags kyi nang dag tu// lang tsho yol ba rnams kyi gnas pa bde// tshe dang ldan pa dag sog rnams kyi 'das pa dang / lhag ma ji tsam pa de tsam mo// tshe dang ldan pa dag rga ba dang 'chi ba mngon par 'ong zhing
2b4 ston pa'i bstan pa yang 'jig par 'gyur bas/ tshe dang ldan pa dag gis bag yod pas rnal 'byor du bya'o// de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang / gzhan yang gang dag de lta bu dang mthun pa dge ba'i chos byang chub kyi
2b5 phyogs rnams kyang bag yod pas 'thob bo/ / bcom ldan 'das kyi nyan thos kyi dge 'dun ni don nyung ba dang bya ba nyung ba yin pas dge 'dun gyis thog mar bya ba ci yod/ tshe dang ldan pa dag ma lhags pa rnams la 'dun pa dang yongs su dag pa dris shig/ dris nas kyang brjod par
2b6 bya'o/ / shAkya seng ge de la ni// sor mo bcu yi thal sbyar te// so sor thar pa gdon par byas// gdul ba'i don du nga las nyon// thos nas drang srong chen po yis// ji skad gsungs bzhin bsgrub bya zhing // kha na ma tho phra rnams la// rtun cing byed pa nyid du gyis// rtag tu 'bad
2b7 pas bda' ba yi/ / sems rta kha blan dka' ba la// mthun pa gzer rnon brgya pa yi// srab ni so sor thar 'di yin// che ba gang dag ngag tsam gyis// ldog cing mtshams las mi 'da' ba// de dag mi rta bzang po ste// nyon mongs g.yul las nges rgyal 'gyur// su
iiif viewer powered by OpenSeadragon
Texts on this page
D2 - so sor thar ba'i mdo