rKTs

e-texts navigator

Volume

Page

10b₁ yod bzhin du bzang po 'dod pa'i phyir lhung bzed sar pa gzhan tshol zhing lhung bzed grub na spang ba'i ltung byed do/ / dge slong des lhung bzed de dge slong gi 'khor la dbul bar bya'o// dge slong gi 'khor de'i lhung bzed tha mar gyur pa gang yin pa de dge slong de la dge slong khyod
10b₂ kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug gi bar du khad kyis dal bus dal bus spyad par bya'o zhes sbyin par bya ste/ de la de ni cho ga yin no// yang dge slong gang rang gi lag gis bslangs pa'i dog pa
10b₃ tha ga pa nye du ma yin pa la gos 'thag tu 'jug na gos grub na spang ba'i ltung byed do/ / dge slong gi phyir khyim bdag gam khyim bdag gi chung ma nye du ma yin pas tha ga pa nye du ma yin pa la gos 'thag tu bcug pa las/ de la gal te dge slong de la sngar ma bstabs par rnam par rtog
10b₄ pa 'ga' zhig byung nas tha ga pa nye du ma yin pa'i gan du song ste 'di skad ces/ tshe dang ldan pa tha ga pa shes par gyis shig/ gos 'di ni kho bo'i phyir 'thag gis/ tshe dang ldan pa tha ga pa gos 'di zheng che ba dang / khrun ring ba dang / thar gyis zhag pa dang / thags ran bzang
10b₅ bar legs par gyis shig/ tshe dang ldan pa tha ga pa 'di ltar kho bos gla rngan 'di lta ste/ bza' ba'am/ bca' ba tsam mam/ bza' rgyu cung zad cig sbyin no zhes smras nas/ de la gal te dge slong des gos bsgrub pa'i phyir gla rngan 'di lta ste/ bza' ba'am/ bca' ba
10b₆ tsam mam/ bza' rgyu cung zad cig sbyin zhing gos grub na spang ba'i ltung byed do// yang dge slong gang dge slong la gos byin nas de'i 'og tu khros 'khrugs rngam par gyur te/ yi ma rangs nas 'phrog gam/ 'phrog tu 'jug cing de la 'di skad ces/ dge slong khyod la gos mi
10b₇ sbyin gyis/ phyir byin cig ces zer na dge slong des lhag ma yod pa phyir sbyin par bya zhing btang na spang ba'i ltung byed do// dge slong gis ston zla tha nyar zhag bcus ma tshang ba tshun chad du brtad pa las byung ba'i gos shig rnyed la 'dod na dge slong des gos de blang bar bya'o// blangs

_{iiif viewer powered by OpenSeadragon}

10a - 11a

Texts on this page