| e-texts navigator |
| བོད་ཡིག |
146a1 gang dag mi bzod pa de dag ni gsung shig/ 'di ni las brjod pa dang po ste/ de bzhin du las brjod pa gnyis dang gsum gyi bar du brjod par bya'o// dge 'dun gyis bzod cing gnang nas dge 'dun gyis dge slong legs ldan yang dang yang du ltung ba bgyid pa smad
146a2 pa'i phrin las mdzad lags pa bslang ste/ 'di ltar cang mi gsung bas de de bzhin du 'dzin to// sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe ri nag po la dge slong 'gro mgyogs dang
146a3 nab so khyim sun 'byin pa sdig pa'i chos kun du spyod pa gnas so/ / de gnyis dge sbyong gi las ma yin pa 'di lta bu dag byed cing byed du 'jug ste/ 'di lta ste bud med dang lhan cig kha dpya zer/ rtse bar byed/ ze slong bar byed/ mig zur gyis lta bar byed/ 'phyar bar byed/
146a4 lus kyis snyogs par byed/ stan gcig la yang lhan cig 'dug par byed/ snod gcig tu longs spyod par byed/ phor bu gcig tu chang rnam pa sna tshogs 'thung bar byed/ me tog 'thog par byed/ 'thog tu 'jug/ me tog phreng rgyud par byed/ rgyud du 'jug/ me tog
146a5 gi thum bu'i rna rgyan byed/ byed du 'jug/ gar byed/ gar byed du 'jug/ glu len par byed/ glu len du 'jug/ rol mo'i cha byad 'bud par byed/ 'bud du 'jug/ gar mkhas pa dang / glu snyan pa dang / rol mo'i cha byad 'bud pa mkhas pa la gla sbyin par byed/ gos
146a6 rnams brdzes nas rgyug par byed/ mchong bar byed/ rgal bar byed/ rkang pa gcig bskums te skor bar yang byed/ lag 'gros kyis kyang skor bar byed/ nya tshar gyis kyang skor bar byed/ chu bgags shing gtong bar byed/ chu la sbal pa'i skad 'byin/ chu la rnga'i sgra
146a7 yang 'byin/ glang po che'i skad kyang 'byin/ rta'i skad kyang 'byin/ khyu mchog 'gying ba'i skad kyang 'byin/ khas rdza rnga'i skad kyang 'byin/ khas dung dang / khas rnga dang / rma bya'i skad kyang 'byin/ khu byug gi skad kyang 'byin/ glang po che'i 'thab mo yang byed/ rta'i 'thab mo dang / khyu
iiif viewer powered by OpenSeadragon
Texts on this page
D1 - 'dul ba gzhi