| e-texts navigator |
| བོད་ཡིག |
145b1 mtshams kyi nang du mchis nas bslang ba gsol te/ yang dang yang du ltung ba 'byin pa yang spong bar bgyid na/ dge 'dun btsun pa thugs brtse ba can thugs brtse ba nye bar bzung ste/ bdag dge slong legs ldan yang dang yang du ltung ba 'byin pa smad pa'i phrin las mdzad lags
145b2 pa bslang bar gsol/ de skad ces lan gnyis lan gsum du brjod par bya'o// de'i 'og tu dge slong gcig gis gsol ba byas te las bya'o// dge 'dun btsun pa rnams gsan du gsol/ dge slong legs ldan 'di yang dang yang du ltung ba 'byin te zhes bya ba nas
145b3 nang du sems zhi gnas su bgyi bar zhes bya ba'i bar gong ma bzhin du ste/ dge 'dun gyis 'di yang dang yang du ltung ba bgyid pas smad pa'i phrin las mdzad de/ smad pa'i phrin las mdzad lags pa 'di skra gyen du 'greng ba lta bu dang / skra zhig pa lta bur dge 'dun la spu sa la
145b4 ltung ba lta bur bgyid ces bya ba nas/ yang dang yang du ltung ba 'byin pa nyid kyang spong ngo zhes mchis na zhes bya ba'i bar gong ma bzhin du ste/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong legs ldan yang
145b5 dang yang du ltung ba 'byin pa smad pa'i phrin las mdzad lags pa slong bar mdzad do/ / 'di ni gsol ba'o// las bya ba ni/ dge 'dun btsun pa rnams gsan du gsol/ dge slong legs ldan yang dang yang du ltung ba 'byin pa smad pa'i phrin las mdzad lags pa 'di skra gyen du 'greng
145b6 ba lta bu dang / skra zhig pa lta bur dge 'dun la spu sa la ltung ba lta bur bgyid/ 'byung bar bskyod/ mtshungs par nye bar ston/ mtshams kyi nang du mchis nas bslang ba gsol te/ yang dang yang du ltung ba bgyid pa nyid kyang spong ngo zhes mchi nas de'i slad du dge 'dun gyis dge
145b7 slong legs ldan yang dang yang du ltung ba bgyid pa smad pa'i phrin las mdzad lags pa slong bar mdzad na/ tshe dang ldan pa gang dag dge slong legs ldan yang dang yang du ltung ba bgyid pa smad pa'i phrin las mdzad lags pa bslang bar bzod pa de dag ni cang ma gsung shig/
iiif viewer powered by OpenSeadragon
Texts on this page
D1 - 'dul ba gzhi