rKTs

e-texts navigator

Volume

Page

145a₁ byed na 'gal tshabs can du 'gyur ro/ / de ltar smad pa'i las byas pa de skra gyen du 'greng ba lta bu dang / skra zhig pa lta bu dang / dge 'dun la spu sa la ltung ba lta bur byed ces bya ba nas/ mtshams kyi nang du 'dug nas bslang bar gsol te/ yang dang yang du ltung ba byed pa
145a₂ nyid kyang spong ngo zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong legs ldan smad pa'i las byas pa dang / gzhan yang de lta bu dang mthun pa su yang rung ba la bslang ba'i las
145a₃ byos shig/ smad pa'i las byas pa chos lnga dang ldan pa bslang bar bya ste/ lnga gang zhe na/ skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur byed pa dang / 'byung bar bskyod pa dang / mtshungs par nye bar ston pa dang / mtshams kyi nang du
145a₄ 'dug nas bslang ba gsol pa dang / yang dang yang du ltung ba 'byin pa yang spong ba'o// bslang ba ni 'di ltar bya ste/ gnas mal bshams la gaN+DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing mthun par gyur pa
145a₅ dang / dge slong legs ldan gyis rgan rims kyi mdun du tsog tsog por 'dug la thal mo sbyar ba btud la 'di skad ces brjod par bya'o// dge 'dun btsun pa rnams gsan du gsol/ bdag dge slong legs ldan yang dang yang du ltung ba bgyid de/ yang dang yang du dge 'dun lhag
145a₆ ma'i ltung ba 'byin pas/ de'i slad du bdag la dge slong rnams kyis spo ba dang / gzhi nas spo ba dang / mgu bar bgyi bar stsol ba dang / 'byin pas bgyi ba mang zhing bgyid pa pas lung nod pa dang / klog pa dang / 'don pa dang / rnal 'byor dang / yid la bgyi ba dang / nang du sems
145a₇ zhi gnas su bgyi ba shor nas dge 'dun gyis bdag la smad pa'i phrin las mdzad lags te/ smad pa'i phrin las mdzad lags pa bdag skra gyen du 'greng ba lta bu dang / skra zhig pa lta bur dge 'dun la spu sa la ltung ba lta bur bgyid/ 'byung bar bskyod/ mtshungs par nye bar ston/

_{iiif viewer powered by OpenSeadragon}

144b - 145b

Texts on this page