| e-texts navigator |
| བོད་ཡིག |
144a1 rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe dge slong legs ldan yang dang yang du ltung ba 'byin pa zhig ste/ dge 'dun lhag ma'i ltung ba 'byin pas de la dge slong rnams kyis spo ba dang / gzhi nas spo ba dang / mgu
144a2 bar bya ba sbyin pa dang / 'byin pas bya ba mang zhing byed pa mang por gyur pas lung nod pa dang / klog pa dang / 'don pa dang / rnal 'byor dang / yid la bya ba dang / nang gi sems zhi gnas su bya ba shor bar gyur pa'i skabs de dge slong rnams kyis bcom ldan 'das la
144a3 gsol pa dang / bcom ldan 'das kyis bka' stsal pa/ dge slong dag khyed kyis dge slong legs ldan yang dang yang du ltung ba 'byin pa dang / gzhan yang de lta bu dang mthun pa su yang rung ba la smad pa'i las byos shig/ rgyu lngas smad pa'i las byas na de ni chos ma yin pa'i
144a4 las dang 'dul ba ma yin pa'i las yin te/ des na dge 'dun yang 'gal tshabs can du 'gyur ro// lnga gang gis zhe na/ gleng ba ma byas pa dang / dran par ma byas pa dang / gzhi med pa dang / khas ma blangs pa dang / mngon sum du ma gyur par byed pa'o// yang rgyu lngas
144a5 smad pa'i las byas na de ni chos kyi las dang 'dul ba'i las yin te/ des na dge 'dun yang 'gal tshabs can du mi 'gyur ro// lnga gang gis zhe na/ gleng ba byas pa dang / dran par byas pa dang / gzhi dang bcas pa dang / khas blangs pa dang / mngon sum du gyur pa'i'o//
144a6 'di ltar yang bya ste/ gnas mal bshams la gaN+DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing mthun par gyur pa dang / dge slong gcig gis gsol ba byas te las bya'o// dge 'dun btsun pa rnams gsan
144a7 du gsol/ dge slong legs ldan 'di ltung ba yang dang yang du bgyid de/ yang dang yang du dge 'dun lhag ma'i ltung ba 'byin pas dge slong rnams 'di la spo ba dang / gzhi nas spo ba dang / mgu ba stsol ba dang / 'byin pa mdzad pas bgyi ba mang zhing bgyid pa pas lung nod pa dang
iiif viewer powered by OpenSeadragon
Texts on this page
D1 - 'dul ba gzhi