| e-texts navigator |
| བོད་ཡིག |
141b1 dag ni 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa lags te/ 'di dag gis dge 'dun la yang dang yang du rtsod pa'i gzhi skyed par bgyid de des na dge 'dun 'thab krol dang / mtshang 'dru ba dang / rtsod
141b2 pa dang / 'gyed pa byung zhing gnas pas/ de'i slad du dge 'dun gyis dge slong dmar ser can 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa rnams la bsdigs pa'i phrin las mdzad na/ tshe dang ldan pa gang
141b3 dag dge slong dmar ser can rnams la zhes bya ba nas/ bsdigs pa'i phrin las mdzad par zhes bya ba'i bar gong ma bzhin du ste/ bzod pa de dag ni cang ma gsung shig/ gang dag mi bzod pa de dag ni gsung shig/ 'di ni las brjod pa dang po yin te/ de bzhin du las
141b4 brjod pa gnyis pa dang / gsum pa'i bar du brjod par bya'o// dge 'dun gyis bzod cing gnang nas dge 'dun gyis dge slong dmar ser can zhes bya ba nas bsdigs pa'i phrin las mdzad lags te/ 'di ltar cang mi gsung bas de de bzhin du 'dzin to zhes bya ba'i bar gong
141b5 ma bzhin no/ / dge slong dag ngas bsngags pa'i las byas pa'i dge slong gi kun tu spyod pa'i chos bca' bar bya ste/ bsdigs pa'i las byas pa'i dge slong gis rab tu dbyung bar mi bya/ bsnyen par rdzogs par mi bya/ gnas mi sbyin dge tshul gzhag par mi bya/ dge slong
141b6 ma rnams la gdams par mi bya/ dge slong ma rnams kyi gdams ngag dbog par bsko bar mi bya/ sngar bskos na yang dge slong ma rnams la gdams par mi bya'o// dge slong la tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pas
141b7 gleng ba dang / dran par mi bya/ gdams ngag sbyin par mi bya ste/ gso sbyong ma yin/ dgag dbye ma yin/ gsol ba dang gnyis pa ma yin/ gsol ba dang bzhi'i las ma yin no// bsdigs pa'i las byas pa'i dge slong gis kun tu spyod pa'i chos ji ltar bcas pa bzhin
iiif viewer powered by OpenSeadragon
Texts on this page
D1 - 'dul ba gzhi