| e-texts navigator |
| བོད་ཡིག |
141a1 bka' stsal pa/ dge slong dag khyed kyis dmar ser can gyi dge slong 'thab krol byed pa/ mtshang 'dru bar byed pa/ rtsod par byed pa/ 'gyed par byed pa/ rtsod pa'i gzhi byed pa rnams dang / gzhan yang de lta bu dang mthun pa su yang rung ba la bsdigs pa'i las byos shig/
141a2 rgyu lngas bsdigs pa'i las byas na de ni chos ma yin pa'i las dang / 'dul ba ma yin pa'i las yin te/ des ni dge 'dun yang 'gal tshabs can du 'gyur ro// lnga gang gis zhe na/ gleng ba ma byas pa dang / dran par ma byas pa dang / gzhi med pa dang / khas ma blangs pa dang /
141a3 mngon sum du ma gyur par byed pa'o// yang rgyu lngas bsdigs pa'i las byas na de ni chos kyi las dang 'dul ba'i las yin te/ des na dge 'dun yang 'gal tshabs can du mi 'gyur ro// lnga gang gis zhe na/ gleng ba byas pa dang / dran par byas pa dang / gzhi dang bcas pa dang /
141a4 khas blangs pa dang / mngon sum du gyur par byed pa'o// 'di ltar yang bya ste/ gnas mal bshams la gaN+DI brdungs te dris pa'i tshig gis dge slong rnams la yang dag par bsgo la/ dge 'dun thams cad tshogs shing mthun par gyur pa dang / dge slong gcig gis gsol
141a5 ba byas te las bya'o/ / dge 'dun btsun pa rnams gsan du gsol// dge slong dmar ser can 'di dag ni 'thab krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa dag lags te/ 'di dag gis dge 'dun la yang dang
141a6 yang du rtsod pa'i gzhi skyed par bgyid de/ des na dge 'dun 'thab krol dang / mtshang 'dru ba dang / rtsod pa dang / 'gyed pa byung zhing gnas na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong dmar ser can 'thab
141a7 krol bgyid pa/ mtshang 'dru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa rnams la bsdigs pa'i phrin las mdzad do// 'di ni gsol ba'o// de nas las bya ste/ dge 'dun btsun pa rnams gsan du gsol/ dge slong dmar ser can 'di
iiif viewer powered by OpenSeadragon
Texts on this page
D1 - 'dul ba gzhi