| e-texts navigator |
| བོད་ཡིག |
140b1 bcom ldan 'das la tshe dang ldan pa nye ba 'khor gyis zhus pa/ btsun pa gnas nas dbyung ba'i las du zhig mchis lags/ nye ba 'khor bzhi ste/ mi mthun pa dag gis chos ma yin pas gnas nas 'byin pa dang / mthun pa dag gis chos ma yin pas dang / mi mthun pa dag
140b2 gis chos kyis dang / mthun pa dag gis chos kyis 'byin pa'o// de la gnas nas 'byin pa'i las ni gcig yin te/ 'di lta ste/ mthun pa dag gis chos kyis gnas nas 'byin pa'o// btsun pa bslang ba'i las du mchis lags nye ba 'khor bzhi ste/ mi mthun pa dag gis
140b3 chos ma yin pas slong ba dang / mthun pa dag gis chos ma yin pas dang / mi mthun pa dag gis chos kyis dang / mthun pa dag gis chos kyis slong ba'o// de la slong ba'i las ni gcig yin te/ 'di lta ste/ mthun pa dag gis chos kyis slong bar byed pa'o// las kyi
140b4 gzhi rdzogs so/ / // phyir bcos pa'i gzhi'i sdom ni// dmar ser can gyi gzhi dang ni// de bzhin gang zag dag dang ni// de nas spo ba bya ba dang // gso sbyong gzhag par bya ba dang // gnas mal dang ni rtsod pa dang // dge 'dun 'byed pa phyi ma yin// dmar ser can gyi gzhi'i
140b5 sdom ni/ dmar ser can dag bsdigs pa dang / legs ldan smad par bya ba dang // 'gro mgyogs dang ni nab so gnyis// bskrad dang chu stod phyir 'gyed dang // 'dun pa yi ni ma mthong dang // de bzhin slar ni mi 'chos dang // 'chi ltas sdig pa'i lta ba can// 'char ka dang ni
140b6 las lnga'o/ / sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe mnyan yod na dge slong dmar ser can 'thab krol byed pa mtshang 'dru bar byed pa/ rtsod par byed pa/ 'gyed par byed pa/ rtsod pa'i gzhi byed pa
140b7 rnams gnas te/ de rnams dge 'dun la yang dang yang du rtsod pa'i gzhi skyed pas des na dge 'dun 'thab krol dang / mtshang 'dru ba dang / rtsod pa dang / 'gyed pa byung zhing gnas so// skabs de dge slong rnams kyis bcom ldan 'das la gsol pa dang / bcom ldan 'das kyis
iiif viewer powered by OpenSeadragon
Texts on this page
D1 - 'dul ba gzhi