rKTs

e-texts navigator

Volume

Page

138b₁ ba dang bzhi'i las la gsol ba byas nas lan gsum du rjes su sgrogs par byed pa ni chos kyi las so/ / las gzhan gyis gsol ba byas la gzhan gyis rdzogs par byed pa ni chos ma yin pa'i las so// las de nyid kyis gsol ba byas nas rdzogs par byed pa ni chos kyi las so// mngon
138b₂ sum du bya ba'i las mngon sum pa ma yin pa la byed pa ni chos ma yin pa'i las so/ / mngon sum du bya ba'i las mngon sum pa la byed pa ni chos kyi las so// khas blang bar bya ba'i las khas mi len par byed pa ni chos ma yin pa'i las so// khas blang bar bya ba'i las khas len
138b₃ par byed pa ni chos kyi las so/ / mngon sum gyis 'dul bar 'os pa la dran pas 'dul ba sbyin pa ni chos ma yin pa'i las so// ma myos pas 'dul ba dang / de'i ngo bo nyid tshol du gzhug pa dang / gang tshul shing mang po brim pa dang / khas blang bar 'os pa dang / rtswa bkram pa lta bu
138b₄ dang / bsdigs pa dang / smad pa dang / bskrad pa dang / spang ba dang / ma mthong bas gnas nas dbyung ba dang / phyir mi byed pas gnas nas dbyung ba dang / sdig pa'i lta bar song ba ma spangs pas gnas nas dbyung pa'i las dang / spo ba dang / gzhi nas spo ba dang / yang gzhi nas bslang
138b₅ ste spo ba dang / mgu bar bya ba dang / gzhi nas mgu bar bya ba dang / yang gzhi nas bslang ste mgu bar bya ba dang 'byin par byed pa ni chos ma yin pa'i las so// mngon sum gyis 'dul bar 'os pa la mngon sum gyis 'dul ba nyid sbyin gyi dran pas 'dul ba ma yin pa dang zhes bya ba nas/
138b₆ 'byin par byed pa ma yin pa zhes bya ba'i bar du chos kyi las so// dran pas 'dul bar 'os pa la ma myos pas 'dul ba sbyin pa ni chos ma yin pa'i las so// de'i ngo bo nyid tshol du gzhug pa dang zhes bya ba nas 'byin par byed pa zhes bya ba'i bar gong ma bzhin du ste/ mngon sum gyis
138b₇ 'dul ba sbyin pa ni chos ma yin pa'i las so/ / dran pas 'dul bar 'os pa la dran pas 'dul ba nyid sbyin gyi ma myos pas 'dul ba ma yin/ de'i ngo bo nyid tshol du gzhug pa ma yin zhes bya ba nas/ mngon sum gyis 'dul ba ma yin pa zhes bya ba'i bar ni chos kyi las so// ma myos pas

_{iiif viewer powered by OpenSeadragon}

138a - 139a

Texts on this page