| e-texts navigator |
| བོད་ཡིག |
83a1 pa chen po'i mtshan/ / sum bcu rtsa gnyis thos pa gang // de la gau ta ma khyod kyi ni// sku la gnyis shig ma mthong na// mi mchog mdoms kyi sba ba ni// ci lags sbubs kyis khebs gyur tam// ljags bzang zhes ni bgyi ba yang // ji ga
83a2 thung ba ma lags grang / / 'jig rten na ni rdzogs sangs rgyas// grags dang ldan rnams mthong dka' bas// zhal nas ljags srab dzod de// bdag gi som nyi bsal bar gsol// de nas bcom ldan 'das 'di snyam du dgongs te/ bram ze'i khye'u ma sdug
83a3 'di nga'i sku la skyes bu chen po'i mtshan sum bcu rtsa gnyis rtog pa na sum bcu ni mthong na gnyis po mdoms kyi sba ba sbubs su nub pa dang / ljags shin tu ring zhing srab pa la som nyi dang the tsom za na/ ma la ngas ji ltar bram ze'i khye'u ma sdug gis bdag gi mdoms kyi sba ba
83a4 sbubs su nub pa dang / ljags shin tu ring zhing srab pa mthong bar 'gyur ba de lta bu'i rtags shig bya'o snyam nas/ de nas bcom ldan 'das kyis de lta bu'i rtags mdzad nas/ bram ze'i khye'u ma sdug gis bcom ldan 'das kyi mdoms kyi sba ba sbubs su nub pa dang / zhal nas
83a5 ljags brkyang pas zhal gyi dkyil 'khor dbu skra'i bar thams cad khebs par mthong ngo / / mthong nas kyang de 'di snyam du sems te/ dge sbyong gau ta ma ni skyes bu chen po'i mtshan sum bcu rtsa gnyis dang ldan pa yin te/ de dag dang ldan pa'i skyes bu chen po'i 'gro ba ni gnyis
83a6 las gzhan du mi 'gyur te/ gal te khyim pa khyim na gnas na 'khor los sgyur ba'i rgyal po zhes bya ba nas 'jig rten du sgra rnam par grags par 'gyur ro zhes bya ba'i bar gong ma bzhin du'o// de nas bram ze'i khye'u ma sdug bcom ldan 'das kyis gsungs pa la mngon par dga'
83a7 ste rjes su yi rangs nas bcom ldan 'das kyi spyan snga nas song ngo / / de'i tshe bram ze pad ma'i snying po khyim mchog gi sa mthon po zhig na shas che ba'i bram ze rgan rabs rgan rabs rnams dang lhan cig tu 'dus shing 'khod par gyur to// bram ze'i khye'u ma sdug kyang sdod cing
iiif viewer powered by OpenSeadragon
Texts on this page
D1 - 'dul ba gzhi