Wylie

e-texts based on the ACIP/ALL Input

། །།བཀྲ་ཤིས། །*། །རྣལ་འབྱོར་མའི་གསང་བའི་སྦྱིན་སྲེག་ཆོ་ག་བཞུགས་སོ། །བཅོམ་ལྡན་འདས་དཔལ་འཇམ་པའི་རྡོ་རྗེ་ལ་ཕྱག་འཚལ་ལོ། །དང་པོ་རེ་ཞིག་དཔལ་རྡོ་རྗེ་རྣལ་འབྱོར་མའི་དགོངས་པས་འཇིག་རྟེན་དང་འཇིག་རྟེན ལས་འདས་པའི་ལས་ཀྱི་ཚོགས་ཀྱི་དངོས་གྲུབ་བསྒྲུབ་པའི་ཕྱིར། སྦྱིན་སྲེག་གི་བྱ་བ་བྱེད་པར་འདོད་པའི་སྔགས་པས་གྲུ་གསུམ་གྱི་རྣམ་པའི་ཐབས་ཁུང་བྱས་ཏེ་རྒྱའི་ཕྱེད་དཔངས་སུ་ཁ་ཁྱེར་དང་བཅས་པའོ། །ཁ་དོག དམར་པོ་ལ་སོགས་པ་ལེགས་པར་བྱུགས་ལ་ནུབ་ཏུ་མངོན་པར་ཕྱོགས་པའི་རིམ་པ་ཉེ་བར་གནས་ལ། མཆོད་པ་ལྔས་ཡང་དག་པར་མཆོད་དེ། ཐབས་ཁུང་དུ་བུད་ཤིང་བརྩིགས་པ་དང། རིམ་གྱིས་བོན་ལས་བྱུང་བའི་མེ་ལྷ་ཁ་དོག་དམར པོ་རྣམ་པར་བསྒོམ་སྟེ་། སྤྱི་བླུགས་དང་མི་འཇིག་པ་དང་དབྱུག་པ་དང་ཕྲེང་བ་རྣམས་ཕྱག་ན་འཛིན་པའོ། །དེ་ནས་ཡེ་ཤེས་སེམས་དཔའ་དགུག་ལ་སོགས་པ་བྱས་ནས། ཡང་དག་པར་མཆོད་པ་ནི། དེའི་ལྕེ་ལ་རཾ་བཀོད་ལ། བདུད་རྩི་ལྔ་ལ སོགས་པའི་རྫས་དང། འཇིག་རྟེན་པའི་རྫས་ལ་། ཨོཾ་ཨགན་ཡེ་སྭཱཧཱ། ཞེས་པའི་སྔགས་འདིས་བསྲེག་སྟེ། སྔགས་དེ་ཉིད་ཀྱིས་དགང་བླུགས་ཀྱང་དབུལ་ལོ། །དེ་ནས་དེ་བཞིན་ཉིད་ཀྱི་ཡེ་ཤེས་ཀྱི་བདག་ཉིད། མེའི་དབུས་སུ་དཀྱིལ འཁོར་ལྷག་པར་མོས་པར་བྱས་ཏེ། མཆོད་པ་ལ་སོགས་པ་བྱས་ནས། བདུད་རྩི་ལྔ་ལ་སོགས་པའི་རྫས་ལ་།ལྷ་མོ་དང་ལྷ་མོའི་སྔགས་ཀྱིས་བསྲེག་པར་བྱའོ། །ཞི་ལ་བསྲེག་རྫས་མངར་སོགས་ཏེ། །རྒྱས་པ་ལ་ཡང་དམར་བ་ཉིད།། དབང་ལ་མངར་དང་ལན་ཚྭ་ཡིན། །དྲག་ལ་ཚ་དང་ཁ་སོགས་ཀྱིས། །ཞི་ལ་དཀར་པོའི་གཟུགས་ཀྱིས་ཏེ། །རྒྱས་ལ་སེར་པོ་རྣམ་བསྒོམ་བྱ། །དབང་ལ་དམར་པོ་ཞེས་སུ་བརྗོད། །དྲག་ལ་ནག་པོ་རབ་ཏུ་གྲགས། །དངོས་གྲུབ་བསྒྲུབ་པའི་དུས སུ་ནི། །དམར་པོ་ཡང་ནི་རྣམ་བསྒོམ་བྱ། །དེ་ལྟར་བྱས་ནས་དཀྱིལ་འཁོར་གྱི་འཁོར་ལོ། །རང་བཞིན་གྱིས་ལུས་ལ་བཅུག་སྟེ། གཏོར་མ་བྱིན་ནས་ཚོགS་ཀྱི་འཁོར་ལོ་རིམ་པས། འཇིག་རྟེན་དང་འཇིག་རྟེན་ལས་འདས་པའི་མཆོད་པ བྱས་ནས། བདག་ཉིད་གང་འདོད་པའི་དངོས་གྲུབ་བླང་བར་བྱའོ། །གསལ་པོར་སྦྱིན་སྲེག་འདི་མི་བྱ། །འབད་པས་གསང་བར་བྱ་བ་སྟེ། །དེ་ལ་དངོས་གྲུབ་འབྱུང་བར་འགྱུར། །གཞན་དུ་དངོས་གྲུབ་བསྐལ་པ་མེད། །ཡང་དག་དད་པས་རྗེས་འབྲངS ནས། །སྔགས་རྣམས་ཡིད་བཞིན་ནོར་བུ་མཚུངས། །དེ་ལ་ཕྱག་རྒྱ་ཆེ་སོགས་ནི། །འདོད་པས་དང་བས་བརྟན་པོར་བྱ། །དཔལ་རྡོ་རྗེ་རྣལ་འབྱོར་མའི་དགོངས་པ། །གསང་བའི་སྦྱིན་སྲེག་གི་ཆོ་ག་།སློབ་དཔོན་ཨ་བི་ཛུ་ག་ཏས་མཛད་པ་རྫོགས སོ། ། །།རྣལ་འབྱོར་པ་གང་ཞིག་རྡོ་རྗེ་ཕག་མ་བསྒྲུབ་པ་ལ་དམིགས་ཏེ། ཉི་མའི་གུང་ལ་ཁྲོས་པའི་ང་རྒྱལ་གྱིས། མངོན་སྤྱོད་ཀྱི་རྫས་དུར་ཁྲོད་ཀྱི་སོལ་བས། འདབ་མ་དྲུག་པ་གཡོན་སྐོར་གྱིས་བྲིས་ལ། ཨོཾ་ཆེ་གེ་མོ མཱ་ར་ཡ་བཾ་ཞེས་རྩིབས་བཞི་ལ་བྲི།

CLOSE WINDOW