བོད་ཡིག

e-texts based on the ACIP/ALL Input

/ //bkra shis/ /*/ /rnal 'byor ma'i gsang ba'i sbyin sreg cho ga bzhugs so/ /bcom ldan 'das dpal 'jam pa'i rdo rje la phyag 'tshal lo/ /dang po re zhig dpal rdo rje rnal 'byor ma'i dgongs pas 'jig rten dang 'jig rten las 'das pa'i las kyi tshogs kyi dngos grub bsgrub pa'i phyir/ sbyin sreg gi bya ba byed par 'dod pa'i sngags pas gru gsum gyi rnam pa'i thabs khung byas te rgya'i phyed dpangs su kha khyer dang bcas pa'o/ /kha dog dmar po la sogs pa legs par byugs la nub tu mngon par phyogs pa'i rim pa nye bar gnas la/ mchod pa lngas yang dag par mchod de/ thabs khung du bud shing brtsigs pa dang/ rim gyis bon las byung ba'i me lha kha dog dmar po rnam par bsgom ste / spyi blugs dang mi 'jig pa dang dbyug pa dang phreng ba rnams phyag na 'dzin pa'o/ /de nas ye shes sems dpa' dgug la sogs pa byas nas/ yang dag par mchod pa ni/ de'i lce la raM bkod la/ bdud rtsi lnga la sogs pa'i rdzas dang/ 'jig rten pa'i rdzas la / aoM agna ye swAhA/ zhes pa'i sngags 'dis bsreg ste/ sngags de nyid kyis dgang blugs kyang dbul lo/ /de nas de bzhin nyid kyi ye shes kyi bdag nyid/ me'i dbus su dkyil 'khor lhag par mos par byas te/ mchod pa la sogs pa byas nas/ bdud rtsi lnga la sogs pa'i rdzas la /lha mo dang lha mo'i sngags kyis bsreg par bya'o/ /zhi la bsreg rdzas mngar sogs te/ /rgyas pa la yang dmar ba nyid// dbang la mngar dang lan tshwa yin/ /drag la tsha dang kha sogs kyis/ /zhi la dkar po'i gzugs kyis te/ /rgyas la ser po rnam bsgom bya/ /dbang la dmar po zhes su brjod/ /drag la nag po rab tu grags/ /dngos grub bsgrub pa'i dus su ni/ /dmar po yang ni rnam bsgom bya/ /de ltar byas nas dkyil 'khor gyi 'khor lo/ /rang bzhin gyis lus la bcug ste/ gtor ma byin nas tshogS kyi 'khor lo rim pas/ 'jig rten dang 'jig rten las 'das pa'i mchod pa byas nas/ bdag nyid gang 'dod pa'i dngos grub blang bar bya'o/ /gsal por sbyin sreg 'di mi bya/ /'bad pas gsang bar bya ba ste/ /de la dngos grub 'byung bar 'gyur/ /gzhan du dngos grub bskal pa med/ /yang dag dad pas rjes 'brangS nas/ /sngags rnams yid bzhin nor bu mtshungs/ /de la phyag rgya che sogs ni/ /'dod pas dang bas brtan por bya/ /dpal rdo rje rnal 'byor ma'i dgongs pa/ /gsang ba'i sbyin sreg gi cho ga /slob dpon a bi dzu ga tas mdzad pa rdzogs so/ / //rnal 'byor pa gang zhig rdo rje phag ma bsgrub pa la dmigs te/ nyi ma'i gung la khros pa'i nga rgyal gyis/ mngon spyod kyi rdzas dur khrod kyi sol bas/ 'dab ma drug pa g.yon skor gyis bris la/ aoM che ge mo mA ra ya baM zhes rtsibs bzhi la bri/

CLOSE WINDOW