<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
S646: 'phags pa don yod pa'i zhags pa'i cho ga zhib mo'i rgyal po<br><table><tr><td>
<input type="button" onclick="location.href='complete2p.php?id=S646&coll=S';" value="show page break" />
<td width=150><td>
<input type="button" onclick="location.href='complete2l.php?id=S646&coll=S';" value="show line break" />

<td width=150><td>
<a href="complete2u.php?coll=S&id=S646" style=font-size:25px;">བོད་ཡིག</a><td width=150><td>e-texts produced with ocr Programm</table><hr><p style="font-size:18px;">rgya gar skad du/ Ar+ya a mo g+hA pA sha kalpa rAng / bod skad du/ 'phags pa don yod pa'i zhags pa'i cho ga zhib mo'i rgyal po/ / // bam po dang po/  sangs rgyas dang byang chub sems dpa' thams cad la phyag 'tshal lo// byang chub sems d pa' sems dpa' chen po 'phags pa spyan ras gzigs dbang phyug la phyag 'tshal lo/ / 'di skad bdag gis thos pa dus gcig na/ bcom ldan 'das ri bo pi Ta la ni spyan ras gzigs dbang phyug gi pho brang shing sA la dang / ta ma la dang / tsam pa ka dang / mya ngan 'tshang dang / a ti muk+Sha ka sna tshogs mang pos legs par brgyan pa na/ dge slong gi dge 'dun chen po brgya stong dang / byang chub sems dpa' sa ya bye ba brgya stong phrag dgu bcu rtsa dgu dang thabs cig tu bzhugs te/ gnas gtsong ma'i ris kyi lha'i bu brgya stong phrag du mas yongs su bskor cing mdun gyis bltas pa na/ dbang phyug dang / dbang phyug chen po dang / tshangs pa dang / lha'i bu rnams kyi dbang phyug mdzad nas chos ston par mdzad do// de nas byang chub sems dpa' sems dpa' chen po 'phags pa spyan ras gzigs dbang phyug stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te thal mo sbyar ba btud nas/ bcom ldan 'das ga la ba de logs su 'dzum pa'i bzhin gyis bcom ldan 'das la 'di skad ces gsol to/ / bcom ldan 'das gang 'di don yod pa'i rgyal po'i snying po zhes bgyi ba mchis te/ bdag gis bskal pa dgu bcu rtsa gcig gi sngon logs su 'jig rten gyi khams rnam par lta ba de bzhin gshegs pa 'jig rten dbang phyug rgyal po las mnos nas/ 'di ltar bdag gis dbang phyug dang / dbang phyug chen po la sogs pa'i lha'i bu rnams dang / gnas gtsang ma'i ris kyi lha'i bu brgya sto phrag mang po bla na med pa yang dag par rdzogs pa'i byang chub 'dzin du stsal nas/ bdag gis rmongs pa ma mchis pa'i ye shes bkod pa la sogs te ting nge 'dzin brgya stong phrag bcu thob par bgyis lags so/ / bcom ldan 'das 'di ltar yang sa phyogs gang du snying po 'di spyod pa sa phyogs der yang dbang phyug dang / dbang phyug chen po dang / tshangs pa la sogs pa lha'i bu khI nyis stong gis bsrung ba dang / bsgrub pa dang /  sba ba'i slad du gnas par rig par bgyi lags so// bcom ldan 'das gang na don yod pa'i phun sum tshogs pa'i snying po 'di spyod pa'i sa phyogs de'ang mchod rten du 'ong bkur bar 'gyur lags so/ / bcom ldan 'das sems can de dag ni sangs rgyas bye ba khrag khrig brgya stong phrag du ma la dge ba'i rtsa ba bskyed par 'gyur lags so// gang zhig don yod pa'i zhags pa'i snying po 'di mnyan par bgyid na/ bcom ldan 'das sdig pa spyod pa 'am/ sdig pa'i chos kun tu spyod pa 'am/ 'phags pa la skur pa 'debs pa 'am/ dam pa'i chos spong ba 'am/ mnar med par gzhol ba'am/ sangs rgyas dang / byang chub sems dpa' dang / nyan thos dang rang sangs rgyas thams cad spong ba de 'gyod par gyur cing /  ma 'ongs pa na sdom par 'thob par 'gyur lags so// bcom ldan 'das re zhig de nyid kyis zhag gcig smyung ba bgyis te bzlas brjod bgyis na/ tshe 'di nyid la las de rnam par dag pa dang / gtugs pa dang / bsal bar 'gyur ro// rims nyin gcig pa'am/ nyin gnyis pa'am/ nyin gsum pa 'am/ nyin bzhi pa'am/ de bzhin du rims nyin bdun pa 'am/ mig nad dam/ rna ba'i nad dam/ sna'i nad dam/ so'i nad dam/ mchu'i nad dam/ lce'i dang drakan gyi nad dam/ snying nad dam/ lto nad dam/ ro rgyab dang rked pa'i nad dam/ yan lag dang nying lag gi nad dam/ gzhang 'brum mam/ pho ba'i nad dam/ tshad pa'am/ lag pa dang rkang pa'i nad dam/ sna nad dam/ klad pa'i nad dngam/ sha bkra chen po'am/ sha gzi gu'am/ mdze'am/ rkang shu 'am/ 'brum bu phra mo 'am/ lhog pa 'am/ mtshan mar rdol ba 'am/ 'brum bu 'am/ brjed byed dam/ byang dam/ gzhan gyis bgyis pa'i gsod pa 'am/ 'ching ba 'am/ rdeg pa 'am/ skrod pa 'am/ bden pa ma lags pas skur pa 'debs pa'am/ bcom ldan 'das mdor na lus kyi gdung ba 'am/ sems kyi gdung ba 'am/ rmi lam ngan pa'i las de yongs su gtugs par 'gyur na/ sems cad dag pa lhag par dad pa rnams kyi yongasasu byang bar 'gyur ba lta smos kyang ci 'tshal/ bcom ldan 'das gal te 'khor bzhi'am/ rigs bzhi las gang dag sgyu dang g.yos bdag gis don yod pa'i zhags pa'i snying po 'di nyan par bgyid//  'dzin par bgyid/ 'chang bar bgyid/ klog par bgyid/ 'dri bar bgyid/ 'drir 'jug par bgyid/ kun chub par bgyid/ sems can gzhan la'ang sgrog par bgyid cing than dud 'gro'i skye gnas su gtogs pa rnams kyi rna khung du gtad de rna bar bzlas brjod bgyid la/ rdo rje'i tshig 'di rnams sems par bgyid de/ skur pa ma mchis pa dang / gzug ma mchis pa dang / rnam par mi rtog pa dang / kun tu 'byung ba ma mchis pa dang / ring du 'gro ba ma mchis pa dang / bgyid pa ma mchis pa dang / gos pa ma mchis pa dang /  sems mnyam pa nyid dang ma bral ba dang / phung po lnga dang bral ba ste/ rnal 'byor 'dis sangs rgyas rjes su dran pa sgom par bgyid na/ de la phyogs bcu nas sangs rgyas stong zhal ston par mdzad par 'gyur zhing nongs pa 'chags par 'gyur ba la sogs pa rgyas par sbyar ro/ / glegs bam du bgyis te khyim du 'chang bar bgyid dam/ rje dpon gyis skrag pas sam//  gzhan gyi ngor ram/ bzhad gad tsam gyi rgyus mnyan par bgyid na/ bcom ldan 'das mkhas pas 'phags pa spyan ras gzigs dbang phyug gi mthus de dag gi rna khung du sgra de grag pa lags par 'tshal bar bgyi'o/ / bcom ldan 'das dper na skyes bu 'ga' zhig gis tsan dan nam/ ga bur ram/ bla rtsis zhig la khros sam/ yongs su smad de rdo la btags nas bdag nyid la byug na tsan dan nam/ ga pur ram/ gla rtsi de 'di snyam du/ 'dis bdag la khros sam/ yongs su smad pas dri mnam par mi bgyi'o snyam du mi sems kyi/ gzhan du na de nyid la dri gda' bar bgyid lags so/ / bcom ldan 'das de bzhin du bdag gi don yod pa'i zhags pa'i snying po 'di'ang gang su'ang rung bas bzhad gad tsam gyis zhes bya ba rgyas par sbyar ro/ / bcom ldan 'das g.yo dang sgyus mchod par bgyid na'ang de nyid sems can dmu rgod de dag gi dge ba'i rgyur 'gyur lags so// gang dang gang du skye bar 'gyur bar tshul khrims dang / ting nge 'dzin dang / shes rab dang / bsod nams kyi tshogs kyi dri dang bral bar mi 'gyur te/ tshul khrims kyi dri gda' bar bgyid pa lags so//  bcom ldan 'das gang yang rigs kyi bu pho 'am/ rigs kyi bu mo 'am/ dge slong pha 'am/ dge slong ma'am/ dge bsnyen pha 'am/ dge bsnyen ma 'am/ de las gzhan pa'i sems can su'ang rung bas don yod pa'i zhags pa'i snying po'i ched du yar gyi ngo'i tshes brgyad la smyung ba bgyis te/ gzhan mi smra bar don yod pa'i zhags pa'i snying po lan bdun bzlas brjod bgyid na/ bcom ldan 'das des tshe 'di nyid la phan yon nyi shu rtsa gcig thob par 'gyur te/ nyi shu rtsa gcig gang zhe na/ 'di lta ste/ de'i lus la nad rnams 'byung bar mi 'gyur ro//  de'i lus la las kyi dbang gis nang rnams byung na'ang myur du zhi bar 'gyur zhing / lus mdangs dang ldan pa dang yid du mchi bar 'gyur ro// skye bo mang po'i snying du sdug pa dang dbang po sbas par 'gyur ro/ / de'i don rnam 'grub par 'gyur ro// de'i don grub pa' 'chom rkun gyis mi 'phrogs te/ zhugs kyis mi 'tshig/ chab kyis mi 'tshal/ rgyal po'i mthus dbrog par rngo mi thogs par 'gyur ro/ / de'i las kyi mtha' rnams rgyas par 'gyur te/ se rabs ma lags so// chab kyi 'jigs pa 'byung bar mi 'gyur te/ rlung dang char gyi 'jigs pa ma lags so// don yod pa'i zhags pa'i snying po thal ba dang chu la lan bdun bzlas brjod bgyis nas/ zhing gis phyogs mtshams dang steng 'og tu bcing ba bgyis na gnod pa thams cad nye bar zhi bar 'gyur ro//  ga bi brjid dang mdangs dbrog par rngo mi thogs par 'gyur zhing / sems can thams cad kyi snying du sdug pa dang yid du 'thad par 'gyur ro// de la dgra'i 'jigs pa 'byung bar mi 'gyur ro// de la dgra'i 'jigs pa byung yang myur du zhi bar 'gyur ro/ / de la mi ma lags pa'i 'jigs pa 'byung bar mi 'gyur te/ byad kyi 'jigs pa ma lags/ mkha' 'gro ma'i 'jigs pa ma lags te/ de la nyon mongs pa dang nye ba'i nyon mongs pa drag po 'byung bar mi 'gyur ro/ / me dang / mtshon dang / dug gis 'gum par mi 'gyur ro// de la'ang lha rnams kyis rtag tu rgyun mi 'chad par bsrung ba dang /  skyob pa dang / sbed pa'i phyir gnas par 'gyur ro// gang dang gang du skye bar 'gyur bar byams pa dang / snying rje dang / dga' ba dang / btang stobs dang 'bral bar mi 'gyur te/ de la phan yon nyi shu rtsa gcig po 'di dag 'thob par 'gyur lags so/ / gzhan yang chos brgyad thob par 'gyur te/ brgyad gang zhe na/ 'gum pa'i dus su 'phags pa spyan ras gzi dbang phyug dge slong gi gzugs su mngon sum du zhal ston par 'gyur ro/ / bde bar 'chi ba'i dus bgyid par 'gyur ro// lta ba 'khrul par mi 'gyur ro// lag pa mi g.yob pa dang / rkang pa mi g.yob pa dang / bshang gci ma mchis pa dang / khri'i steng du 'chi ba'i dus bgyid par mi 'gyur ro// dran pa shin tu nye bar gnas par 'gyur ro// kha sbub tu 'chi ba'i dus bgyid par mi 'gyur ro/ / 'gum pa'i dus na'ang spobs pa mi bas par 'gyur ro// de'ang sangs rgyas kyi zhing gang du smon pa der skye bar 'gyur zhing / dge ba'i bshes gnyen dang yang 'bral bar mi 'gyur ro//  nyin gcig bzhin du dus gsum du lan gsum du bzlas brjod pagyi'o// chang dang / sha dang / rkun dong dang / ke'u dang / sgog skya dang 'dres pa dang / lhag rol dang / 'di rnams khyad par du don du gnyer bas spang bar bgyi'o/ / don yod pa'i zhags pa'i snying po'i chos kyi rnam grangs 'di'ang sems can rnams la mthu mchis pa dang mthu ma mchis par 'tshal bar bgyis nas bsgru par bgyi'o/ / slob dpon gyi dpe mkhyud mi bgyi'o// 'di ltar dri ma dang bral zhing phrag dog dang ser sna spangs pa ni byang chub sems dpa' rnams lags te/ sems can rnams kyi don bgyi ba'i sla du sangs rgyas kyi byang chub 'thob par 'gyur bas/ byang chub sems dpa' rnams kyi tshogs kyi nang du gtogs so// byang chub ces bgyi ba ni shes rab lags/ sems dpa' zhes bgyi ba ni thabs lags te/ chos 'di gnyis sems can rnams kyi don gyi slad kho nas thob pa lags so// gal te bcom ldan 'das kyis bdag la rjes su gnang na/ 'di ltar bdag gis snying po 'di de bzhin gshegs pa'i spyan sngar 'khor bzhi rnams dang / gzhan sdig pa spyod pa rnams kyi don dang / sman pa dang bde ba'i slad du bsgrag par bgyi'o// de nas bcom ldan 'das kyis/ byang chub sems dpa' 'phags pa spyan ras gzigs dbang phyug la 'di skad ces bka' stsal to// sems can dag pa de de'i dus la bab par shes na khyod spros shig/ de bzhin gshegs pas rjes su yi rang bar mdzad zin te/ phyi ma'i tshe phyi ma'i dus na byang chub sems dpa'i theg pa can rnams la ba'i bya ba byed par 'gyur ro// de nas byang chub sems dpa' 'phags pa spyan ras gzigs dbang phyugs mig mi 'dzum par/ bcom ldan 'das la 'di skad ces gsol to// bcom ldan 'das byang chub sems dpa' thams cad kyis phyag bgyis pa rnam par grol ba'i dkyil 'khor skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo'i tshogs chen po'i don du bdag la gsan du gsol/ dus gsum du gshegs shing bzhugs pa'i sangs rgyas dang byang chub sems dpa' thams cad la phyag 'tshal lo/ / rang sangs rgyas dang 'phags pa nyan thos kyi dge 'dun 'das pa dang /  ma byon pa dang / da ltar bzhugs pa thams cad la phyag 'tshal lo// yang dag par song ba rnams dang / yang dag par zhugs pa rnams la phyag 'tshal lo// shA ra dwa ti'i bu la phyag 'tshal lo//  byams pa la sogs te byang chub sems dpa' sems dpa' chen po thams cad la phyag 'tshal lo// 'phags pa de bzhin gshegs pa dgra bcom pa yang dag par rdzogs pa'i sangs rgyas 'od dpag med la phyag 'tshal lo/ / dkon mchog gsum la phyag 'tshal lo// byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ / tad+ya thA/ oM tsa ra tsa ra/ tsi ri tsi ri/ tsu ru tsu ru/ e h+ye hi ma hA kA ru Ni ka/ tsi ri tsi ri/ mi ri mi ri/ tsu ru tsu ru/ ma hA kA ru Ni kA ya/ si ri si ri/ tsi ri tsi ri/ bi ri pi ri/ bi ri bai ri/  mahA pad+ma hasta/ ka la ka la/ ki li ki li/ ku lu ku lu/ ma hA shud d+ha satwa/ bud+d+ha bu d+d+ha/ d+hU bad+hU ba/ ka Na kaN/ kiN+Di kiMNi/ kuNu ku Nu/ pa ra ma shud d+ha satwa/ ka ra kar/ ka ri ki ri/  ku ru ku ru/ ma hA sA ma prAH/ tsal tsa la/ sar+b+ba la sa ny+tsa la/ bi tsa la bi tsa la/ oM phaT e Ta Ta/ b+ha ra b+ha ra/ b+hai ri b+hi ri/ b+hu ru b+hu ru/ e h+ye Ni/ ma hA ka ru Ni ka/ ma hA ba shu pa ti be Sha d+hA ma d+ha ra d+ha ra/ sa ra sa ra/ tsar car/ har harA/ hahA satwA/ bihrIHdz+riM/ huh+mAd+har+tha/ oM kAr thah+ma be Shad+ha ra/ d+ha ra d+ha ra/ d+hi ri d+hi ri/ d+hu sad+hu rba/ ta ra ta ra/ sa ra sa ra/ ba ra ba ra/ 6 ra/ rasmi sha ta sa ha sra pra ti man+di ta/ shA rI rA ya/ dzA la dzA la/ tA pa tA pa/ b+ha ga wAn so ma/ A di t+ya/ ya ma/ ba ru Na/ ku be ra/ brah+ma nA ri Shi de ba ga na/ a b+hu rtsi ta tsa ra Na/  su ru su ru/ tsu ru tsu ru/ mu ru mu ru/ pu ru pu ru/ sa ned ku mA ra/ ru dra/ bA sa ba/ biSh+Nu d+ha da da/ de ba/ ri Shi nA ya ka/ ba hu bi bi d+ha/ be Sha d+ha ra/ d+ha ra d+ha ra/ d+hi ri d+hi ri/ d+hu ru d+ha ru/ tha ra tha ra/ g+ha ra g+ha ra/ ya ra ya ra/ la ra la ra/ ha ra ha ra/ ma ra ma ra/ pa ra pa ra/ ba ra ba ra/ ba ra dA ya ka/ sa man+ta a ba lo ki ta/ bi lo ki ta/ lo ke shwa ra/ ma he shwa ra mu hu mu hu/ mu ru mu ru/ mu ya mu ya/ muny+tsa muny+tsa/ bcom ldan 'das 'phags pa spyan ras gzigs dbang phyug gis dpal sa gsum gyi lha rnams dang / bdag dang / sems can tham cad 'jigs pa thams cad dang / gnod pa thams cad dang / 'tshe ba thams cad dang / don thams cad las srungs shig srungs shig/ bsad pa dang / bcing ba dang / brdeg pa dang /  bsdigs pa dang / rgyal po dang / chom po dang / rkun po dang / me dang / chu dang / dug dang / mtshon las yongs su thar bar mdzad pa/ ka Na kaN/ ki Ni ki Ni/ ku rtsa ku N+Da/ 6ratsa in+d+ri ya/ ba la bo d+h+r-i ga/ tsa tur AHsa t+ya saM pra kA sha ka/ tA pa tA pa/ dam dag/ sa mas ma/ a sa ma sa/ ma hA ta mo/ oM d+ha ka ra/ bi d+ha ma na Shawa pA ra mi tA pa ri pU ra ka/  me li mi li/ TaTarbaT/ ShaH3/ wi Ti T+Ti Ti/ Tu Tu Tu Ta/ e ne ya tsarma kri ta pa ri ke ra/ e h+ye hi/ I shwa ra ma he shwa ra/ ma hA b+hU ta ga NA sa b+hAny+dza ka/ ku ru ku ru/ pa ra ba ra/ 18 ka ra/ ka Ta ka Ta/ ma Ta ma Ta/ bi shud+d+ha/ bi Sha ya/ bA si na/ ma hA ka ru Ni ka shwe ta ya dz+nyo pa bI ta/ rat+na mu ku Ta/ mA lA d+ha ra/ sar+b+ba dz+nyA shi ra si kri ta ma ku Ta/ mA lA d+ha ra/ ma hA da b+huta ka ma la a laM kri ta ka ra d+ha rA ya/ d+hA na sa mA d+hi/ bi mok+Sha A pra kaM pya/ ba hu satwa san+ta ti pa ri pA tsa ka/ ma hA kA ru Ni ka/ sarba karma a wa ra Na bi sho d+ha ka sar+b+ba byA d+hi pa ri mo tsa ka sar+b+ba A shA pa ri pU ra ka/ sar+b+ba satwA sa mA shwA saM na ka ra na mo stu te swA hA/ bklags pas las thams cad 'grub par 'gyur ro// dus gsum du bzlas brjod bgyid na mtshams med pa lnga 'byang bar 'gyur zhing / las kyi sgrib pa thams cad kyang yongs su dag par 'gyur ro// mtshams gcad pa la ni a ka ru'i bdug pa'am/ thal ba 'am/ chab bam/ yungs kar dang /  seng ldeng gi phur bu la sogs pas so// rims thams cad la ni skud pas so// nad thams cad la ni mar ram/ 'bru mar ram/ chab la bzlas brjod bgyis te gtor bar bgyi'o//  byang grol ba la ni mtshon gyis so// lto na pa la ni srung ba'i skud pas so// dug gsad pa la ni sa 'am chab kyis so// mig nad la ni skud pa dkar pos rna ba la gdags par bgyi'o//  so na ba la ni shing ka ra wI ra'i so shing gis so// mtshams gcad pa la ni tshon sna lnga'i skud pa la lan nyi shu rtsa gcig bzlas brjod bgyis te/ seng ldeng gi phur bu bzhi la bcing nas phyogs bzhir gzugs par bgyis na mtshams chen po bcings par 'gyur ro/ / thams cad srung ba la ni skud pa 'am/ chab bam/ thal bas bya'o// gdon thams cad la ni tshon sna lnga'i skud pas so/ / rims thams cad la ni skud pa dkar pos so// g.yan pa dang / khyi rngo dang / ldog pa dang / mgrin pa 'gags pa thams cad la ni sbrang rtsi dang pi pi ling bsres pas so// mi ga nang la ni dri chu dang / shing ba la sha'i chu 'am/ shing mngar gyi chus so// rna ba'i nad la ni 'bru mar gyis so// 'thab pa dang / 'thab mo dang / rtsod pa 'gyed pa dang / skur pa 'debs pa thams cad la ni chab la bzlas brjod bgyis te kha bshal bar bgyi'o/ / dpung dang / yul dang / rgyal srid dang / yul 'khor rnams srung ba la ni bum pa gang ba bzhag la gos gtsang ma bgos pas mchod pa rgya chen po bgyis nas bklag par bgyis na zhi ba chen por 'gyur ro/ / de yang chab kyis gtor bar bgyis te/ sems can thams cad la srung ba bgyis par 'gyur ro// yams kyi nad dang / gnod pa dang / 'tshe ba thams cad zhi bar bgyid pa dang / glags lta ba rnams la ni tsan dan la lan nyi shu rtsa gcig bzlas brjod bgyis te snying khar byug par bgyi'o// mtshams ma mchis pa'i las thams cad bas par bgyi ba ni rtag tu bzlas brjod kyis so/ / khyim srung ba la ni pad+ma'i sbyin sreg gis so// sems can thams cad bskyang ba dang / 'byung po'i 'jigs pa dang /  gdon thams cad las srung ba la ni tsan dan gyi sbyin sreg gis so// dza yA dang / bi dza yA dang / nA ku lI dang / gan d+ha nA gu lI dang / ba ru ni dang / tse'i dra ba ru Ni dang / a b+ha ya ba ni dang / in dra ba ni dang / gan d+ha pri yang ku dang / rgya spos dang / tsakra dang / ma hA tsakra dang / biSh+Ta krAn+ta dang / so ma rA dzi dang / su nan da rnams la lan brgya rtsa brgyad bzlas brjod bgyis te nor bur bgyis nas/  spyi bo 'am dpung pa la gdags pas bsrel bar bgyi'o// khye'u rnams la mgul par ro// bu mo rnams la ni sta zur nas te/ dpal dang ldan par bgyid pa dang / bkra mi shis pa rab tu zhi bar bgyid pa'i nor bu 'di bsrel na thams cad las srung ba bgyis par 'gyur ro/ / dug dang mes mi tshugs lags so// dug gis gnod pa skye bar mi 'gyur ro// skyes na'ang gnod pa skyed par mi bgyid cing byur du zhi bar 'gyur ro/ / gdon rnams zhi bar 'gyur ro// rlung dang / 'brug dang / se rab gcad pa dang / chab kyi rgyun dang / ser ba bzlog pa la ni shing ka ra wI ra'i lcug mas te/ las thams cad bgyid pa 'phags pa spyan ras gzigs dbang phyug gi snying po grub pa dam pa ma bsgrubs par las 'di rnams bgyid par 'gyur lags so/ / de nas sgrub par 'tshal na thang sku'i cho ga ni ras la lhag ma ma yin pa'i tshon rtsis sangs rgyas dang / 'phags pa spyan ras gzigs dbang phyug gi gzugs brnyan ral pa'i thor tsugs dang / e n+ya ya'i pags pa dang / phyugs bdag gi cha lugs 'chang ba rgyan thams cad kyis brgyan par bri bar bgyi ste/ ri mo mkhan gso sbyong can 'drir stsal bar bgyi'o// de nas sgrub pa pos sku gzugs de'i spyan sngar ba'i lci ba'i dkyil 'khor bgyis te/ me tog dkar po'i sil ma bkram la spos kyis bkang ba'i snod brgyad gzhag par bgyi'o// sna brgyad pa'am/ drug cu rtsa bzhi pa'am/ gzhan yang lha bshos sha dang khrag dang ma 'dres pa bshams shing drangs la/ a ka ru'i bdug pas bdugs te/ lan stong rtsa brgyad bzlas brjod bgyi'o// nyin zhag gcig gam/ nyin zhag gsum du spyang ba bgyis nas zas dkar gsum 'tshal te/ dus gsum du khrus bgyis nas gos gtsang ma bgos nas/ 'phags pa spyan ras gzigs dbang phyug bdag nyid mchis nas bsams pa thams cad yongs su rdzogs par bgyid do/ / ldong ros sam mig sman la bzlas brjod bgyis te mig la bskus na/ de nas mi gda' bar gyur nas nam mkha' la mchi bar 'gyur zhing / don yod pa'i ye shes bkod pa zhes bgyi ba'i ting nge 'dzin 'thob par 'gyur te/ ci 'tshal ba de bgyid par 'gyur ro// de ni 'grub pa'o// bcom ldan 'das kyis de skad ces bka' stsal nas/ byang chub sems dpa' 'phags pa spyan ras gzigs dbang phyug dang / gnas gtsang ma'i ris kyi lha'i bu de dag dang / mi mjed kyi bdag po tshangs pa dang / dbang phyug dang / dbang phyug chen po'i lha'i bu rnams yi rang ste/ bcom ldan 'das kyis gsungs pa la mngon par bstod do// don yod pa'i zhags pa rdzogs so// // de bzhin gshegs pa rgya mtsho rab 'byam thams cad la phyag 'tshal lo/ / de nas byang chub sems dpa' sems dpa' chen po 'phags pa spyan ras gzigs dbang phyug stan las langs te bla gos phrag pa gcig tu gzar nas/  pus mo g.yas pa'i lha nga sa la btsugs te/ nyi ma'i 'od ltar 'od zer stong 'phro zhing 'od zer sna tshogs 'gyed pa'i lus kyis/ bcom ldan 'das gang na ba de logs su thal mo sbyar ba btud de/  zhal gyi dkyil 'khor rgyas shing rdzogs la zhi ba/ bzhin 'dzum pa'i bzhin gyis byams pa dang snying rje chen po'i mthu yid la byed pas/ rigs bzhi'i 'jig rten la phan pa dang snying brtse bas don thams cad grub par rig sngags 'chang rnams kyis bla na med pa'i de kho na nyid grub pa mchog sbyin pa thob par bya ba'i phyir/ bcom ldan 'das la 'di skad ces gsol to// bcom ldan 'dra bdag la don yod pa'i rgyal po'i cho ga zhib mo'i rgyal po chen po'i snying po 'di mchis te/ 'di pad+ma rgya chen po'i dkyil 'khor de kho na nyid chen po snying por 'phags pa/ snying por gyur pa de kho na nyid grub pa/ pad+ma dam pa/ dkyil 'khor chen po 'di phyag rgya dang / gsang sngags dang / snying po rim par phye ba gsang ba dam pa rnam par grol ba'i dkyil 'khor dam tshig dang sgrub gsang ba 'di bcom ldan 'das kyi spyan sngar bsgrag par bgyi'o/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi mang po'i 'khor chen po'i mdun dang / rig sngags grub pa'i lha'i dkyil 'khor gyi mdun 'dir yang bsgrag par bgyi'o// gang yang dbang phyug dang / dbang phyug chen po dang /  tshang pa dang / lha dang / gshin rje dang / chu lha dang / lus ngan dang / drang srong gi tshogs dang / zla ba dang / nyi ma dang / skar ma'i tshogs dang / rgyu skar dang / rig sngags 'chang grub pa'i lha mo rnams kyi mdun du de kho na nyid kyi snying po yang dag pa 'jig rten las 'das pa/ dngos grub sgrub pa bklags pas sgrub pa dang bsgoms pas sgrub pa/ bcom ldan 'das kyi spyan sngar rig sngags chen po 'chang ba'i tshogs kyis yongs su bskor ba'i mdun du de kho na nyid kyi snying po gsang ba dam pa bsgrags shing brjod par bgyi'o/ / de nas bcom ldan 'das de bzhin gshegs pa shAkya thub pa'i bsod nams stong gis brgyan pa/ mtshan dang dpe byad rnams kyis rnam par spras pa/ phyag dpung pa'i mdog gser gyi kha dog lta bu 'od zer 'phro ba du ma'i 'phreng ba dang / spos kyi glang po che'i sna lta bu'i phyag brkyang ste/ byang chub sems dpa' sems dpa' chen po 'phags pa spyan ras gzigs dbang phyug gi spyi bor bzhag nas klad pa la byugs te 'di skad ces bka' stsal to/ / sems can dag pa dam pa snying rje chen po dang ldan pa khyod smros shig/ de bzhin gshegs pa rnams kyis byin gyis brlabs te/  ngas kyang da ltar byin gyis rlob kyis/ khyod gsang ba dam pa'i dam tshig smros shig/ phyogs bcu'i de bzhin gshegs pa thams cad kyis rjes su yi rang bzhin byin gyis brlabs pa/ gang+gA'i klung 'bum phrag bye ba brgya stong gi bye ma'i rdul phra rab snyed kyi de bzhin gshegs pa rnams kyis kyang byin gyis brlabs shing rjes su yi rang bar mdzad do/ / de nas byang chub sems dpa' sems dpa' chen po 'phags pa spyan ras gzigs dbang phyug gis phyogs bcur bltas te/ bcom ldan 'das kyi spyan sngar rang gi snying po de kho na nyid gsang ba'i gsang sngags 'di dag gsol to// oM pad+ma hasta ma hA a mo g+ha pA sha sA d+ha ya sa ma ya hri da ya/ tsa ra tsa ra hUM/ don yod pa'i zhags pa'i rang bzhin gyi gzugs kyi snying po yin no// byang chub sems dpa' 'phags pa spyan ras gzigs dbang phyug gis gsang ba'i snying po 'di brjod ma thag tu ri'i rgyal po po Ta la 'di brag dang / nags tshal dang / rtswa shing du bcas pa dang / ri rab khor yug dang / khor yug chen po dang bcas pa rnam pa drug tu rab tu g.yos shing lha'i gnas rnams kyang ldeg par gyur te/ thams cad 'dara'adar por gyur to// klu'i gnas dang / gnod sbyin dang / srin po'i gnas rnams kyang 'khrugs par gyur to// rgya mtsho chen po'i rlabs kyang 'khrugs par gyur to/ / chu gter rnams kyang 'khrugs par gyur to// de ma thag tu phyogs bcu na sangs rgyas kyi sku gzugs brnyan bzhugs pa rnams kyis legs so zhes bya ba byin te/ 'di skad ces kyang bka' stsal to/ / rgyal ba'i bdag nyid du skyes pa don yod pa/ gsang ba'i snying po bklags pas 'grub pa bla na med pa smras pa legs so legs so// bcom ldan 'das de bzhin gshegs pa shAkya thub pas 'di skad ces bka' stsal to/ / spyan ras gzigs dbang phyug don yod pa'i gsang ba bklags pa de kho na nyid kyi sgrub pa ni legs so legs so// sems dpa' dag pa khyod kyis gsang ba bklag pa'i cho ga de kho na nyid sgrub pa rgyas pa dang bcas par smros shig/ spyan ras gzigs dbang phyug gis gsol pa/ bcom ldan 'das gsang ba'i snying po'i gzungs 'di lan cig brjod pa tsam gyis de'i mod la phyogs bcu tha dad pa nas gang+gA'i klung sa ya bye ba brgya stong gi bye ma snyed kyi de bzhin gshegs pa'i phyag brkyang ste spyi bo la bzhag nas legs so zhes bgyi ba'i sgra gsungs te/ gsungs pa tsam gyi mod la sngon bskal pa brgya stong du bsags pa'i sgrib pa rnams nyams par bgyid/ zhig par bgyid do// sdig pa thams cad dang / nad thams cad dang / de bzhin du gnod pa zhi bar bgyid do/ / sdig pa dang / sems can gdug pa rnams dang / phas kyi rgol ba dang / mi mdza' ba rnams 'jig par bgyid de/ 'di la the tshom mi bgyi'o// rtag tu 'phags pa spyan ras gzigs dbang phyug mchog sbyin lha 'tshal bar 'gyur lags so/ / rig sngags 'di'i cho ga sgrub pa ni 'di yin te/ rig sngags 'chang gtsang mar gyur pas shin tu khrus bgyis te gos gtsang ma bgo bar bgyi'o/ / byams pa dang snying rje yid la bgyis pas 'byung po thams cad la mchog tu snying pa rtse bar bgyi'o// 'phags pa spyan ras gzigs dbang phyug gi ri mo'i gzugs la mchod par bgyi'o//  me tog dang / bdug pa dang / dri dang / 'phreng ba dang / byug pa dang / mar me dbul bar bgyi'o// tshes brgyad dam/ tshes bco lnga la sgrub pa'i bzlas brjod kyi cho ga bgyi'o// ri mo'i gzugs kyi mdun du thog mar skyil mo krung bcas te 'dug nas don yod pa'i zhags pa'i snying po lan brgya rtsa brgyad bzlas brjod bgyi'o/ / tshig gzhan mo smra bar khro bo'i rgyal po brgya rtsa brgyad bzlas brjod bgyis te chab dang yungs kar gyi dbang bskur bar bgyi'o/ / phyag rgya bcing bar bgyi ste lan nyi shu rtsa gcig tu gdon par bgyi'o// gsang sngags kyis ni dbang bskur bar bgyi'o// phyag rgyas kyang dbang bskur bar bgyi'o/ / de'i 'og tu don yod pa'i gsang ba'i dam tshig gi snying po stong rtsa brgyad bzlas brjod bgyi'o// bzlas brjod bton pa tsam gyis de'i mod la don yod pa'i zhags pa'i snying po khro bo rgyal po dang bcas pa 'bum 'gyur du bzlas brjod bgyis par 'gyur ro/ / bzlas brjod rdzogs nas ri mo'i gzugs 'bar zhing sa'ang g.yo bar 'gyur ro// 'phags pa spyan ras gzigs dbang phyug gi lus las 'od zer sna tshogs 'byung bar 'gyur ro/ / don yod pa'i zhags pa'i lag na thogs pa'i zhags pa 'bar bar 'gyur zhing / rig sngags 'chang snying dga' ba dang spyi bo'i gtsug 'bar bar 'gyur ro/ / 'di ni grub pa'i rtags yin no zhes grub pa'i rtags dang legs so zhes bya ba'i sgra 'byin te/ don yod pa'i zhags pa'i snying po'i cho ga zhib mo'i phyag rgya grub par 'gyur ro//  de nas dgos pa thams cad dang las thams cad brjod pa tsam gyis de'i mod la 'grub par 'gyur lags so// de bzhin gshegs pa sa ya bye ba brgya stong gang+gA'i klung gi bye ma snyed dang mnyam pa'i phyag gser gyi kha dog 'dra ba spyi bo'i gtsug tu 'jog par rmi lam du mthong bar 'gyur ro/ / 'phags pa spyan ras gzigs dbang phyug gi rang bzhin gyi lus shin tu dri ma dang bral zhing yongs su dag pas/ gsang ba'i snying por gyur pa so sor gnas par 'gyur ro// dri ma med pa'i bdag nyid kyi lus kyi rang bzhin mdun na mchis par 'gyur ro// mchog thams cad stsol bar 'gyur ro//  rnam pa thams cad du grub pa stsol bar 'gyur ro// don yod pa'i zhags pa'i snying po cho ga zhib mo'i phyag rgya grub pa stsol bar 'gyur ro// ji ltar snying las skyes pa'i bu bzhin du sangs rgyas kyi byang chub thob kyi bar yongs su sbyong bar bgyid do/ / de lta bas na 'jig rten gyi khams bde ba can gyi dkyil 'khor mtha' dag yongs su rdzogs pa sangs rgyas kyi zhing legs par brgyan pa/ byang chub sems dpa'i tshogs kyis yongs su bskor ba dang bcas pa na khang pa brtsegs ma legs par brgyan pa'i seng ge'i khri mchog la/ 'phags pa rgyal ba 'od dpag med 'od zer brgya stong phrag 'bum 'phro ba'i skus bzhugs shing chos ston pa lta bar 'tshal na/ rig sngags 'chang des legs par bkrus te gtsang mar gyur pas gos gtsang ma bgos te/ cho 'phrul gyi zla ba/  yar gyi ngo la byams pa'i sems dang snying rje'i lhag pa'i bsam pas gus pa dang / dang ba dang / zhe sa dang / bla mar bgyi'o// 'phags pa spyan ras gzigs dbang phyug gi ri mo'i gzugs la ci 'byor pa me tog dang / bdug pa dang / dri dang / 'phreng ba dang / byug pa dang / phye ma dang / gos dang / lha ba lbub dang / ba dan gyis mchod par bgyi'o// tshes brgyad nas/ tshes bcu gsum gyi bar du bas dkar gsum 'tshal bar bgyi'o/ / ri mo'i gzugs kyi mdun du nyin gcig bzhin dus gsum du don yod pa'i rnag pa'i snying po lan nyi shu rtsa gcig dang / tshig gzhan mi smra bar khro bo'i rgyal po'i snying po dang / nye ba'i snying po lan brgya rtsa brgyad bzlas brjod bgyis nas ri mo'i gzugs de nyid kyi mdun du mchis nas nyal bar bgyi'o// mchod yon dang yon chab dus gsum du dbul bar bgyi'o//  ka ru dang / tsan dan dang / du ru ka dang / gu gul gyi me tog khu ba dang bcas pa gla rtsi dang lhan cig bsres nas bslang bar bgyi'o// dgug pa'i sngags lan stong rtsa brgyad bzlas brjod bgyis te/  don yod khams gsum rnam par grags/ bdug pa'i rgyal po bla na med/ gang phyir bdugs pa tsam gyis ni/ stong gsum gyi stong chen po'i 'jig rten gyi khams kyi phyogs bcu'i sangs rgyas kyi zhing rnams su bdug pa'i sprin chen po 'khrigs pas rgyas par 'gyur ro/ / dri 'khrigs pa de dag gis sangs rgyas dang / byang chub sems dpa' thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rnams la dri chen po'i mchod pa dang / bdug pa chen po'i mchod pa bgyis par 'gyur zhing / nad thams cad 'jig par 'gyur zhing / rmi lam ngan pa thams cad zhi bar 'gyur ro// de dag thams cad dga' bar 'gyur ro// gang yang dud 'gro'i skye gnas su gtogs pa'i sems can gang ngag gis bdug pa'i dri tshor ba de dag thams cad ngan song du skye bar 'gyur ba'i las kyi sgrib pa rnams yongs su gtugs par 'gyur ro/ / 'thab pa dang / 'thab mo dang / mu ge dang / rtsod pa dang /  'gyed pa dang / nang 'khrugs pa dang / 'khrugs pa dang / rmi lam ngan pa dang / yams kyi nad dang / gnod pa dang / 'tshe ba dang / gdung ba dang / mi bde ba thams cad dang / nang thams cad zhi bar 'gyur ro/ / rlung dang / ser ba dang / grang ba dang / tsha ba'i sprin thams cad zhi bar 'gyur ro// sdig pa thams cad 'jig par 'gyur ro// byad dang / g.yengs byed dang / sngags kyi sbyor pa thams cad dang / dug dang / dbyig dug dang / dug sbyar ma thams cad zhi bar 'gyur ro// gdon thams cad dang / brjed byed thams cad dang / rims dang / bza' nyes dang / sgo mnyes dang / gnod sgrib dang / gnod ltas thams cad bdug pa'i dris 'bros par 'gyur ro// 'jigs par 'gyur/ 'gyes par 'gyur te/ byang chub kyi snying po la thug gi bar du lan 'ga' yang tshugs par mi 'gyur ro//  bdug pa'i rgyal po 'di rtag tu sbyar bar bgyi'o// 'di ltar tshes bcu bzhi'i nub mo mchis la don yod pa'i zhags pa'i snying po brgya rtsa brgyad dang / khro bo'i rgyal po brgya rtsa brgyad bzlas brjod bgyi'o// zas dkar gsum gyi gtor ma ci 'byor pa dbul bar bgyi'o/ / snying po dang nye ba'i snying po stong rtsa brgyad bzlas brjod bgyis la dri dang 'bru mar gyi mar me dbul bar bgyi'o// ri mo'i gzugs de nyid mdun du nam langs kyi bar du mchis nyal bar bgyis te/ rmi lam du dbyig gi mdzod mthong ngam/ bde ba can gyi 'jig rten gyi khams gzhal med khang dang bcas/ rin po che'i shing dang bcas/ rin po che'i ri dang bcas/ rdzing dang bcas/  gnas dang bcas/ khang pa brtseg ma dang bcas/ gzhal med khang dang bcas/ rdzu 'phrul dang / cho 'phrul dang / rnam par 'phrul pa dang bcas pa mthong ngam/ de bzhin gshegs pa tshe dpag med byang chub sems dpa'i tshogs kyis yongs su bskor cing khang pa brtsegs pa na bzhugs pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po 'khor dang bcas pa mthong ngam/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bcom ldan 'das tshe dpag med de'ang rig sngags 'chang de la dbugs 'byin par mdzad cing legs so zhes bgyi ba'ang stsol bar mdzad de/ kye skyes bu dam pa khyod kyis rig sngags 'chang gi skyes bu'i byed pa mang du byas pa dang / khyod kyis dge ba'i rtsa ba mang du bskrun pa dang / khyod kyis lhag par mang du byas pa dang / khyod kyis bya ba gang yin pa byas pa dang / khyod kyis don yod pa'i zhags pa'i snying po rnam par grol ba'i dkyil 'khor phyag rgya chen po dang / gsang sngags rnam par phye ba'i snying po sgrub pa ni grub zin te legs so legs so/ / khyod rig sngags 'chang gi sangs rgyas nyid du gyur cig/ khyod 'di nas ma 'ongs pa'i mngal gyi skye ba blangs te tshe brjes nas nga'i sangs rgyas kyi zhing du skye bar 'gyur ro/ / byang chub kyi snying po la thug gi bar du sangs rgyas kyi zhing nas sangs rgyas kyi zhing du 'gro bar 'gyur ro zhes phyag g.yas pa klad pa'i spyi bor 'jog par 'gyur ro// 'jig rten pa'i dngos grub thams cad stsol cing / 'jig rten las 'das pa'i dngos grub sgrub pa ste/ 'di ni dam pa sgrub pa yin no zhes bdag nyid sad nas dga' bar mthong ste/ sgrib pa thams cad dang bral zhing yongs su dag par 'gyur ro/ / 'phags pa spyan ras gzigs dbang phyug bram ze'i gzugs kyis mdun na mchis par 'gyur zhing 'dod pa thams cad kyi mchog stsol bar 'gyur ro//  gzugs kyi ri mo de'ang 'bar zhing 'od zer 'byung bar 'gyur ro// yon tan brgya stong mang po gzhan yang 'thob par 'gyur ro// 'jig rten pa'i phun sum tshogs pa'ang 'thob par 'gyur ro// skye bo dang / rgyal po dang / blon po dang / bram ze dang / khyim bdag thams cad dbang du 'gyur zhing cher mchod par 'gyur ro// dge sbyong dang bram ze rnams la don yod pa'i grub pa chen po 'thob par 'gyur ro/ / grub pa chen po bla na med pa'ang 'thob par 'gyur ro// nyin gcig bzhin dus gsum du phyag rgya bcing bar bgyi'o// de nas tshes bcu bzhi la thog mar dge sbyong dang bram ze rnams la ci 'byor pa'i yon dang bcas pa'i mchod ston stsal bar bgyi'o/ / de nas bdag nyid longs spyod par 'gyur ro// gang gis tshe'ang sangs rgyas la lta ba dang / byang chub sems dpa' la lta ba dang / lha rnams la lta bar 'tshal na/ de'i tshe bdug pa'i rgyal po la dgug pa'i gsang sngags lan nyi shu rtsa gcig bzlas brjod bgyi ste/ sangs rgyas bcom ldan 'das la bdug par bgyi'o// bdug pas bdugs pa tsam gyi mod la zhal ston par 'gyur zhing / dge ba'am mi dge ba thams cad dam/ nyams pa 'am bri ba de dag thams cad gsung bar 'gyur ro// ji tsam tshe'i mthar thug gi bar du gsung ba 'am/ 'gro ba'am/ 'ong ba gsung bar 'gyur ro// de nas gsang sngags kyi cho ga dang / sgrub pa'i don dang / las kyi cho ga'ang ji lta ba bzhin du bshad par bgyi'o// oM pad+ma d+ha ra/ a mo g+ha dza ya de tsu ru tsu ru swA hA/ don yod pa'i rgyal po'i snying po'i nye ba'i snying po'i gsang sngags so// oM pad+ma pA sha d+hA rA ya/ a mo g+ha ba ra sats+tshe da ya hU~M/ de bzhin gshegs pa dang / byang chub sems dpa' thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa la sogs pa bskul ba'i gsang sngags te/ bdug pa'i rgyal pos bdugs nas chab dang yungs kar bsres la lan nyi shu rtsa gcig bzlas brjod bgyis nas phyogs bcur gtor na thams cad bskul bar bgyis par 'gyur ro/ / oM trai lo kya a b+hu hA na/ a mo g+ha pA sha/ pad+ma bi lo ki ta A yan+tu/ b+hu ba ne su ra/ su ru su ru/ bi ma le hUM/ dgug pa'i gsang sngags te/ gu gul gyi bdug pa la lan brgya rtsa brgyad/  bzlas brjod bgyis nas chu dang me tog bsres nas phyog bcud gtor bar bgyi ste/ thams cad nas dgug pa dam pa grub pa lags so// oM pad+ma b+hu dza ma hA pA sha d+hA ra Ni man+t+ra ya mi/ a mo g+ha bA sha yan tu b+hu ba s+t+ra/ mu ru su nuts+tsha/ de bzhin gshegs pa dang / byang chub sems dpa' thams cad dang / nyan thos dang / rang sangs rgyas thams cad dang / dkyil 'khor thams cad na gnas pa'i lha'i tshogs la sogs pa spyan drang ba'i gsang sngags te/ ril ba spyi blugs dang / chab dang / me tog dang / tshems shing la bdug pa'i rgyal pos bdugs te/  thams cad la lan brgya rtsa brgyad bzlas brjod bgyis te/ thams cad spyan drang ba'i rig sngags so// oM pad+ma a mo g+ha badz+ra a d+hiSh+ThA na ku ru ku ru swA hA/ sa'i dkyil 'khor bcing ba ste/ chab dang yungs dkar la lan brgya rtsa brgyad bzlas brjod bgyis nas sa la gtor na dpag tshad sum brgyas kun nas 'khor ba'i sa'i dkyil 'khor rdo rjer byin gyis brlabs par 'gyur ro/ / de thams cad bsrungs pas ni rdo rje sra ba'i sems su 'gyur ro/ / dgra rnams kyis mi mthong ba dang / bgegs dang / log 'dren dang / gnod sbyin dang / srin po dang / 'byung po dang / sha za dang /  brjed byed dang / ro langs dang / mkha' 'gro ma dang / 'dod dgur bsgyur ba'i gzugs can thams cad kyis mi mthong ste/ rnam pa thams cad du mi mi mthong bas rdo rje sra bar 'gyur ro// oM A mo g+ha pA sha pad mo d+ha ra saM hA/ san+na Ti si ri si ri hUM/ gdan gyi gsang sngags te yungs kar la stong rtsa brgyad bzlas brjod bgyis te sa la gtor na/ pad+ma chen po'i gzhal yas khang gi gdan du byin gyi brlabs nas legs par phul bar 'gyur ro/ / de bzhin gshegs pa thams cad la rin po che sna bdun las byas pa'i seng ge'i gdan du byin gyis brlabs nas legs par phul bar 'gyur ro// rig sngags 'chang gis rang gi stan la chab la yu ngas kar la lan nyi shu rtsa gcig bzlas brjod bgyis nas gtor te/ rig sngags grub pa'i pad+ma'i stan gsang ba'i gsang sngags so// oM ma hA kA ru Ni ka/  pad+ma a mo g+ha pA sha dri D+ha badz+ra a d+hiSh+Thi ta b+hu ru b+hA ru b+han d+ha re swA hA/ dkyil 'khor mtha' dag na khyim dang / nags tshal dang / kun dga' ra ba dang / gtsug lag khang dang / bsti gnas dang / 'chags dang / phug dang / dgon pa dang / gnas gsang ba'i phyir dri chab dang yungs dkar la lan brgya rtsa brgyad bzlas brjod bgyis nas gtor bar bgyis te/ gnas su gtogs pa thams cad gsang ba chen po bgyis par 'gyur ro/ / nyes par bgyid pa dang / bgegs dang / log 'dren dang / gnod sbyin dang / srin po dang / 'byung po thams cad 'bros par 'gyur te/ gnas gsang ba'i gsang sngags so// /  / oM pad+ma a mo g+ha pA shA na sa man+ta da sha su dik+ShA si mA ban d+hA ya/ tu ru tu ru hUM/ lcags kyi phur bu sor brgyad pa'i tshad lnga la tshon sna lnga'i skud pas dkris te lan stong rtsa brgyad bzlas brjod bgyis nas phyogs bzhir gzugs par bgyi'o/ / lnga pa ni dbus kyi gzhir gzugs par bgyi ste/ rgyang grags bdun 'khor bar mtshams bcing ba bgyis par 'gyur ro// ji srid du phur bu ma phyung ba de srid du mtshams chen po bcing ba bgyis par 'gyur ro/ / oM a mo g+ha maN+Da la ban d+hA ya sa man/ pad+ma ma hA bad+me/ d+hA ru d+ha ru swAd+hA/ dkyil 'khor bcing ba ste/ dri chab dang yungs kar la lan brgyam rgyud bzlas brjod bgyis nas dkyil 'khor mtha' dag dang / de bzhin du 'og dang steng du'ang gtor te/ dkyil 'khor chen po bcing ba bgyis par 'gyur ro// bgegs dang / log 'dren dang /  gnod sbyin dang / srin po dang / 'byung po dang / sha za mchis par 'os pa thams cad kyis mchi bar mi 'gyur ro// sems can gdug pa dang / lha 'am/ klu gdug pa gang su'ang rung ba de dag thams cad zil gyisamanan par 'gyur ro/ / 'jig rten pa'i bgyi ba ngan pa dang / sngags ngan pa dang / sems can ngan pa dang / bgyid pa ngan pa thams cad yongs su spangs par 'gyur ro// oM a mo g+ha pa ri shud d+he sho d+ha ya sa man+te na/ d+hi ri d+hi ri shud d+ha satwa ma hA pad+me hUM/ 'dis pa'i rnam lnga la lan stong rtsa brgyad bzlas brjod bgyis te/ dkyil 'khor gyi sa'i cha mtha' dag na gtsug lag khang ngam/ dgon pa 'am/ bya skyibs sam/ tshang tshig ngam/ 'chag sa 'am/ gnas sam/ tshal lam/ nags tshal lam/ skyed mos tshal lam/ kun dga' ra ba 'am/ brangs 'am/ skyabs sam/ khang pa la gtor na stong pa 'am/ mi stong pa 'am/ 'dab rdzab dang / mi gtsang ba dang / phyag dar gyis gang ba dang / 'byung po dang / sha za dang / yi dgas la sogs te rigs ngan pa thams cad yongs su spangs par 'gyur ro/ / gtsang ma dag par 'gyur ro// gnas gtsang mar 'gyur ro// bdag nyid la dbang bskur na/ bza' nyes dang / sgom nyes dang / gnod ltas dang / gnod sgrib kyi gnas ngan pa thams cad yongs su dag par 'gyur ro/ / gtsang ma dag par 'gyur ro// mi gtsang ba gtsang bar 'gyur ro// tshangs par spyod pa ma lags pa tshangs pa spyod par 'gyur ro// bsnyen gnas ma bgyis pa ni bsnyen gnas bgyis par 'gyur ro/ / de la lha thams cad srung ba dang / skyab pa dang / sba ba bgyid par 'gyur ro// dbang phyug dang / dbang phyug chen po dang / tshang ba dang / khyab 'jug dang / khyab 'jug chen po/  dang / gshin rje dang / chu lha dang / lus ngan la sogs pa srung ba dang / skyab pa dang / sba ba'i slad du rtag tu rjes su 'brang bar 'gyur ro// 'jig rten thams cad kyi snying du sdug pa dang mchod par 'os par 'gyur ro/ / tshig brtsan par 'gyur ro// nad thams cad dang bral bar 'gyur ro// sdig pa dang / sgrib pa dang / gnod pa la sogs pa thams cad las yongs su thar bar 'gyur ro// phyogs bzhir kun tu gtor na 'thab pa dang / 'thab mo dang / rtsod pa dang / 'gyed pa dang / mu ge dang / mi ngas dang / yams dang / gnod pa dang / 'tshe ba dang / 'khrug pa thams cad zhi bar 'gyur ro// nyin gcig/  bzhin du bdag nyid la dbang bskur ram reg par bgyis na rig sngags dang / phyag rgya dang / dkyil 'khor gyi rim par dbye ba dang / las chen po 'grub par 'gyur ro// don yod pa'i grub pa chen po 'grub par 'gyur ro/ / gang dang gang du mchis pa de dang der cher mchod par 'gyur ro// khas thams cad kyis mi bzlog par 'gyur ro// nyin gcig bzhin gzhal med khang rgya chen po bkra zhing rnam par bkra ba chen po rma lam du mthong ba dang / rnam pa thams cad du mchog rgya chen po 'thob par 'gyur ro// dge sbyong dang / bram ze dang / rgyal rigs dang / khyim bdag dang / rgyal po dang / blon po dang / btsun mo'i 'khor dang bcas pa thams cad dbang du 'gyur zhing mchod par 'os par 'gyur ro// rtag tu gtsang mar spyod par gtsang zhing dag par 'gyur ro// rtag par dus kun tu 'phags pa spyan ras gzigs dbang phyug lta 'tshal bar 'gyur ro/ / 'dod pa thams cad kyi mchog stsol bar 'gyur ro// de bzhin gshegs pa dgra bcom pa yang dag par rdzogs pa'i sangs rgyas 'od dpag med rmi lam du rtag tu mthong zhing / shi 'phos nas kyang 'jig rten gyi khams bde ba can du skye bar 'gyur ro// oM pad+me sa ra sa ra/ tiSh+Tha tiSh+Tha ma hA a mo g+ha sa ma yA swA hA/ gsang ba chen po'i dam tshig gi gsang sngags so/ / oM bi pu la pad+ma a mo g+ha pra sa ra pra bi sha tu/ ku ru ku ru swA hA/ 'jug pa'i gsang sngags so// oM a mo g+ha a nu sha ya ma hA pad+ma ban d+hu re hUM/  slob ma'i gsang sngags so// oM a mo g+ha pad+ma shi ge tu ru tu ru/ tiSh+Tha badz+ra ban d+he swA hA/ spyi gtsug gi bcing ba'i gsang sngags te lan nyi shu rtsa gcig bzlas so// oM a mo g+ha pad+ma dza long pa/ b+hi ri b+hi rits+tsha/ chab bteg pa'i gsang sngags te lan nyi shu rtsa gcig bzlas so// oM a mo g+ha bi ka Ta saM b+ha ra pad+ma a sa Ne dza la ba ti/ ku ru ku ru hUM/ bum pa'i gsang sngags te lan brgya/  rtsa brgyad bzlas so// oM pad+mo pra sa ra a mo g+ha bi ma le b+ha ra b+ha ra swA hA/ chab kyi rgyun gyi gsang sngags te lan nyi shu rtsa gcig bzlas so// oM a mo g+ha pad+ma su pad+me/ pUr+N+Na ka re d+hi ri d+hi ri bi ma le swAhA/ lag pa'i gsang sngags te lag pa gnyis la lan stong rtsa brgyad bzlas brjod bgyis nas/ dkyil 'khor dang / gsang sngags dang / phyag rgya dang / cho ga zhib mo dang / sgrub pa'i / dgos pa thams cad bgyis ste/ sgrub pa thams cad la bsgrub par bgyi zhing las thams cad la dus thams cad bgyi'o// oM a mo g+ha bi pa le dzi hwA gra saM sho d+ha ni pad+ma ka ma la dzi hA/ saM sho d+ha ya d+ha ra d+har su bi ma le swA hA/ lce sbyang ba'i gsang sngags te/ dri chab la lan stong rtsa brgyad bzlas brjod bgyis te/ kha ba shal la lce'i dri ma yongs su dag par 'gyur ro// pad+ma dang ku mu da'i 'dab ma dang 'dra bar lce mnyen par 'gyur ro/ / so dang / dkan dang / mgul pa yongs su dag par 'gyur ro// oM a mo g+ha gan d+ha ba ti su ru su ru/ pra b+hu ru di bya gan d+he pad+ma pra b+he sAhA/ gsang sngags 'dis khar stsal ba'i ril khu can dan dang / na la da dang / spri ka dang / ut+pal dang / gur gum dang / gla rtsi lhan cig bslang ba bgyis la/ phye ma zhib mor btags nas ril bu zho gnyis tsam pa'i tshad du sbrang rtsi dang lhan cig sbyar la/ gsang sngags stong rtsa brgyad tshang bar bzlas brjod bgyis te/ zangs kyi snod du stsal nas/ bzlas brjod bgyis pa'i tshe khar stsal nas skad cig tsam zhig bsdad pa bgyis na rtag tu kha nas ut+pa la'i dri 'byung bar 'gyur te/ rgyung grags tsam du the tsom med/ de bzhin gshegs pa thams cad dang / de bzhin byang chub sems dpa' yang dgyes/  'phags pa spyan ras gzigs dbang phyug mchog sbyin mgon po mchog tu dga' bar 'gyur ro// // 'phags pa don yod pa'i zhags pa'i cho ga zhib mo'i rgyal po bam po gnyis pa/ / bzlas pas bde ba 'grub 'gyur ba// don yod rigs ni bla na med// rig sngags 'chang dang gtam bgyid pas// dus kun rul dri spang bar bgyi//  mkhris pa bad kan snabs dag dang // de bzhin kun 'jigs myur du ni// kha nas lha yi dri dag 'byung // su la tshig dag smras pa ni// de ni myur du dbang du 'gyur// lha rnams dbang du mchis pa dang / / bde sogs bdag po dbang po dang // gshin rje chu lho lus ngan dang // tshangs pa khyab 'jug dbang phyug che// 'jig rten skyong ba bzhi dag dang // zla ba nyi ma nyid dag dang // thams cad dbang du 'gyur nas mchis/ / 'di ni kha na mur bgyid na// tshig ldan lce yi rtse mo la// mchis pas tshig ni gsal bar 'gyur// rtag tu mi min dbyangs 'gyur te// dri ma'i skyon ni rnam par spangs/ / tshigs bcad stong ni klog pa dang // sngon bklags pa ni nyams mi 'gyur// hUM zhes bgyis pas lha kun dang // lha gang dkyil 'khor gnas pa'ang mchi// phaT ces bgyis pas gdug pa dang / / bgegs dang log 'dren rnam par 'jig/ gnod sbyin srin po sha za dang // brjed byed 'byung po gsang ba pa// thams cad mod la 'byor 'gyur zhing // kha sbub tu yang 'gyel bar 'gyur/ / ril bu kha na thogs na ni// dus kun tu ni mkhas par 'gyur// grub pa myur du thob 'gyur te// thams cad du yang tshe ring 'gyur// tshig mnyen 'jam zhing snyan par 'gyur// ril bu 'di ni bcang bgyis na/ / don yod pad+ma dri ma med// ril bu zhes bgyis 'grub par 'gyur// oM ma la bi ga te pad+ma bi ba re/ sany+tsa ra ba ba tsa re swAhA/ a mo g+ha sid d+he/ sho d+ha ya hUM/ nag pus pa'i shun pa dang / u shi ra dang / tsan dan dang / pad+ma ge sar dang / li shi dang / ka ko la dang / spang spos dang / rgya spos dang / gur ku ma dang / pra pun da ri ka dang / e la dang / sa ma ka dang / u gra dang / su gan d+hi ka 'di rnams cha mnyam par bgyis te zhib tu btags nas/ gsang sngags lan stong rtsa brgyad bzlas nas char pa'i chab dang bsres pa khrus bgyis shing 'tshal ba 'am/ chab dron pos khrus bgyi ba 'am 'tshal ba shin tu khrus bgyis pa gtsang ma dag pas bag tsha ba ma mchis pa gtor ba tsam gyis/ sngon gyi drag po'i las rnams dang / gdon kun 'joms par 'grub pa dang / nad kun rnam par nyams pa dang / 'dod chags zhe sdang gti mug gi/ mun pa mi bzad spongs par gsungs// bkrus 'tshal tsam gyi mod la ni// dri ma kun zhi som nyi med// dpal gyis lha yi bzhin du 'bar/  bsod nams phung po rnam par 'phel// gzi brjid phung po rtag tu 'bar// zla ba nyi ma bzhin du mdzes// gtsang ma'i lus su gyur pa na// lus ni lha yi bzhin du 'gyur// mi gtsang ba ni gtsang bar 'gyur/ / ma dag pa ni dag par 'gyur// tshangs par spyod min tshangs spyod 'gyur// thub min thub pa kho nar 'gyur// tshangs par mi spyod tshangs spyod 'gyur// mgo skye gnyer ma spangs pa dang / / rtag tu bro nad ma mchis 'gyur// lus la lha mo'i dri rnams 'byung // pad+ma ku mud mnyen pa'i lus// sngon gyi dri ni rab spangs te// lha yi tsan dan dri dag ni// mda' rgyang gang du som nyi med/ / rtag tu bde bar nyal ba dang // bde bar yang ni sad par 'gyur// gnod sbyin srin po 'byung po dang // lha min gdug pa log 'dren dang // gdug pa'i bgegs kun mthong mi 'gyur//  mi bzang dgra rnams kyis kyang min// lus nyid sbyangs pa bgyis nas su// bzlas brjod brtson pa'i bsgrub pa bgyis// legs par sgrub pa'i las bgyis na// de nyid bde bar 'grub par 'gyur/  rgyal ba byang chub sems dpa' kun// de bzhin mod la gzigs par 'gyur// lha rnams kun dang gang dag gzhan// dkyil 'khor gnas pa myur du mchi// ci 'dod yid la bzlas pa yi// rtag tu don yod 'grub par 'gyur/ / thog mar lus sbyangs chog bgyi// de nas gsang sngags legs par spyad// oM a mo g+ha pad+ma la tsan de m+b+ha/ dri Sh+Ta pa ri shud d+he/ su ru sarba pa zlas NI shwa b+hu nA d+hA rus ma/  bya ba lo ka ni swAhA/ ldong ros gi'u wang rgya mtsho lbu ba hA sa dza// ut+pal sbrang rtsi lhan cig reng bu 'di bgyis la// gsang sngags sum stong rtsa brgyad bzlas pa'i mig sman 'di// de bzhin gshegs pa rnams kyis mchog tu bzangs zhes gsungs/ / 'di ni 'jig rten dbang phyug mchog sbyin gyis// kun pas bkra shis shes 'di mig nad kun// 'joms par bgyid de g.yar lam bzang po rmi//  yid du mi mchi ba nyid mthong mi 'gyur// ngan par snang dang ngan par lta// nam yang mthong bar mi 'gyur ro// gtum mo 'joms pa gtum po dang // lhag ma sbags pa sgomanyes dang // bza' nyes gnod sgrib gnod sbyin dang / / srin po dang ni sdig sbrul dag/ thams cad nyin dang mtshan dag tu// mi snang bar ni the tsom med// mig gis bzang po mthong ba dang // rmi lam bzang po mthong bar 'gyur/ / zla ba srid du rab sbyar bas// lha rdzas dag ni mthong bar 'gyur// mig yongs su sbyong ba'o// oM bud d+ha bud d+ha/ bi bud d+ha pad+ma a mo g+ha mu khi/ ba ra ba ra ba ra de swAhA/ rig sngags 'dis gi'u wang la lan stong rtsa brgyad bzlas brjod bgyi'o/ / don yod pa'i rgyal po lan nyi shu rtsa gcig bzlas brjod bgyi'o// khro bo'i rgyal po lan mdun bzlas brjod bgyi'o// snying po dang nye ba'i snying bo lan rgyam brgya bzlas da kyig/ bzlas brjod pagyid pa ma ba sgyus bras pa'i dbus su zag lnga basmras te/ big 'an tsug rgyas pas ste na skar ma'i dbyibs lta bur gnas par 'gyur ro/ / gdug pa thams cad dbang 'gyur mchis// gnod sbyin 'byung po gang dag dang // srin po bgegs dang log 'dren nyid// thams cad 'jig 'gyur the tshom med/ / sems can gdug pas gdug bsams kyang // phyir zhing bzod par mi nus pas// de dag thams cad 'jig 'gyur te// me la phye ma leb bzhin no// rtag tu rgyal po skye bor bcas/ / 'khor bcas blon por bcas pa dang // blon po che dang mdun na 'don// btsun mo tshogs bcas dbang du 'gyur// dge sbyong dang ni bram ze dag/ thams cad dbang du mchis par 'gyur/ / rgyal rigs dmangs rigs nyid dag ste// thams cad dbang du mchis par 'gyur// mchod pa chen po'i 'os su 'gyur// rig sngags lha ni thams cad dang // gang dag dkyil 'khor gnas pa ste/ / de dag thams cad dam tshig gi/ rjes su sgrub cing skyong bar 'gyur// phyogs bcur srung ba bgyid 'gyur zhing // rtag tu grub pa bla med stsol// thig le 'di bgyis grogs med rgyu ba dag/ chom rkun dang ni chom po g.yo can dang // g.yul 'gyed nyid kyi 'jigs pa gang yin pa// kun nas bsgral bar 'gyur te som nyi mang // seng ge stag dang dom dag dang /  glang chen khro bo mi bzang dang // wa dang gdug bcas srog chags dang // so gdug sbrul kun mgo nas za// gang dag srog chags gdug par bcas// de dag thams cad nub 'gyur te// nam yang 'byung bar mi 'gyur ro/ / ser ba med dang tshig pa dang // char pa mi bzang mtshon chu byad// mkhas pa thig le 'chang ba'i lus// khyim rdib pas kyang non mi 'gyur// mkhas pa rig sngags 'chang ba'i don/ / thams cad 'di yis bgyid par 'gyur// shin tu ma grub gsal bar yang // 'grub par 'gyur te the tshom med// bcom ldan 'das rig sngags 'chang gis bdag dran par bgyid cing / don yod pa'i zhags pa'i snying po dran par bgyid na/ bcom ldan 'das de ma thag tu rig sngags 'chang de'i mdun du bdag mchis nas yid la bsams pa yongs su rdzogs par bgyi'o// /  thams cad kyi mchog thams cad ji skad gsungs pa bzhin stsal bar bgyi'o// dgos pa thams cad bsgrub par bgyi'o// don yod pa grub pa rjes su sprul bar bgyi'o// bden par dam bcas pas dam tshig rjes su bskyang bar bgyi'o/ / bcom ldan 'das gal te rig sngags 'chang gis ji skad gsungs pa'i cho ga zhib mo sgrub par bgyid na/ de bzhin gshegs pa'i byin gyi rlabs dang /  de bzhin gshegs pa'i bkas rjes su gnang ba de dag thams cad bdag gis stsal bar bgyi'o// bcom ldan 'das gal te rig sngags 'chang sgrub pa dang bral bar gyur na/ bcom ldan 'das de ni bdag gis ma nongs so/ / de lta bas na rig sngags 'chang gis ji skad gsungs pa'i cho ga dang cho ga zhib mo sgrub pas/ gsang sngags dang phyag rgya bsgrub par bgyi ste/ dgos pa de dag thams cad the tshom ma mchis par 'grub par 'gyur ro/ / de nas gsang sngags bzlas te/ oM a mo g+ha pA sha d+ha ra sa pra sa ra hUM/ mchod phyir thogs pa'i skud pa'i gsang sngags te/  gzhon nu mas bkal ba'i sku da pa la lan brgya rtsa brgyad bzlas brjod bgyis nas mdud pa gsum dor bar bgyi'o// oM a mo g+ha pra ba ra Na/ mu ru mu ri di bya ka shi ki/ saM b+ha ba tu ta ra ta ra swA hA/  / gos kyi gsang sngags te lan nyi shu rtsa gcig bzlas so// oM a mo g+ha bas+t+ra n+yod k+Shi bA pi bo d+hi ni pad+me swA hA/ gos bteg pa'i gsang sngags te lan nyi shu rtsa gcig bzlas so// oM di byo da ka saM b+hu ta a mo g+ha ba ru Na tsa re b+hi k+Shin tsu hU~M/ / khrus kyi sngags te lan nyi shu rtsa gcig bzlas so// oM a mri ta a mo g+ha pad+ma a sa ne/ baR+Sha ni/ tsu ru tsu ru swA hA/ nye reg gi sngags te lan nyi shu rtsa gcig bzlas so//  oM a mo g+hu rak+Sha Ni/ ku ru ku ru swAhA/ bdag bsrung ba ste/ yungs kar dang chab la lan nyi shu rtsa gcig bzlas nas rang gi lus la dbang bskur ro// oM a mo g+ha sa ma ya/ ma hA pad me tiSh+Tha tiSh+Tha hUM/  dam tshig gi gsang sngags te lang bdun bzlas so// oM sar+b+ba tra a mo g+ha ba pa ti tiSh+Tha rak+ShaM tu hUM/ slob ma dang grogs bgyid pa srung ba ste/ thal ba la lan bdun bzlas nas dpral bar thig le bgyi'o//  oM trai lo kye pad ma a mo swa kra ma na mi li mi li swAd+d+ha/ gos pa 'dor ba'i sngags te lan ti gu rtswa gcig bzlas so// oM pad+me ma hA pad+me sa ra sa ra/ sa marten pa ri baSh+TA ya/ a mog+hA bA shen su na su rba sa/  tshon skud sA lnga la lan bdun bzlas te dkri bar bgyi'o// oM bo tsit+ta a mo g+ha bstan na rag bi shud d+hA ya/ ki Ni ki Ni swA hA/ ba dan gyi gsang sngags te lan bdun bkris so// oM a mo g+ha sha ra badz+ra d+had+d+ha tha ra tha ra swA hA/ mda'i gsang sngags te lan bdun bzlas so// oM bi pu la a mo g+ha ma hA d+ha ra bi shu de d+he/ si ri si ri swA hA/ rta babs kyi gsang sngags te lan nyi shu rtsa gcig bzlas so// su dag der zhug na mtho ris kyi sgor zhugs par 'gyur ro/ / sdig pa dang sgrib pa thams cad yongs su byang bar 'gyur ro// oM nA nA bi tsi Ti/ a mo g+ha puSh+pa/ pha la tA kIr+Na pU ra ya/ ba ra pa ra hUM/ bum pa gang ba'i gsang sngags te lan bdun bzlas so/ / oM a mo g+ha rat+na bi ma Na/ ka Ta tsa/ a driSh+Ta bi bya gan d+ho dza la s+pha ra Na/ sa man+te na dz+wa la dz+wa la swA hA/ pog por gyi gsang sngags te lan bdun bzlas so// oM dz+wa la ba ti/ rat+na ga ta/ si ri Ni tu Ti tu Ti swAhA/ gtor ma'i snod kyi gsang sngags te len bdun bzlas so// oM di bya bA dza na a mo g+ha can ga mo g+ha pad+ma ba pur ya Sh+kaM/ kham po dkyigs sngags te lan bdun pa zlas so oM a mo g+ha saM pu ra Ni dro Na gan d+ha ba ti swA hA/ thig le'i gsang sngags te lan bdun bzlas so// oM sa ra ni sA ra ya/ a mo g+ha b+ha dzi na mA da ne hUM/ ril ba mgrin rings kyi gsang sngags te lan bdun bzlas so/ oM rat+na di pya rat+na kum b+ha ba ti sA ga ra/ saM pU ra Ni swA hA/ bum pa'i gsang sngags te lan bdun bzlas so// oM bi tsid tro dz+wa la nA ra raM ga bi b+hak+Sha ya saM shwa d+hA ya tu Ti swA hA/  tshon rtsi'i gsang sngags te lan bdun bzlas so// oM di bya a wa lo ki ni bi b+ha dza yaM tu sa man+te na sa ma ra ne swA hA/ lan nyi shu rtsa gcig bzlas brjod bgyis te so sor dbye bar bgyi'o// oM nA nA pra hA ra Na a mo g+ha mu drA dz+wa la dz+wa la swAhA/ phyag mtshan bri ba ste lan bdun bzlas so// oM a mo g+ha rat+na sU tra d+ha re/ ki Ni ki Ni swA hA/ thig skud kyi gsang sngags te lan brgya rtsa brgyad bzlas brjod bgyis te dkyil 'khor ram/ ri mo bri ba'i ras sam/ gzhan gzhi ci'ang rung ba la'ang gdab par bgyi'o// oM bi pu la ba re pra ba re sha ya/ a mo g+ha pad+me hUM/ sgo'i cha dbye ba'i gsang sngags te sgo re rer yang lan nyi shu rtsa gcig bzlas so/ / oM su b+hi b+hak+Shi su maM ga la d+hA ra bA ban ti/ oM di bya bA dzA na/ a mo gA pA sha na pa na ba re/ gi ri gi ri hUM/ oM sa pUr+Na/ rU pya di bya ba dza ni/ a mo g+ha pad+me swAh+na/ lan bdun bzlas par bgyi'o// oM bi bi d+ha rU pa hA ro pak+Sha ra Na/ tsa la tsa la/ a mo g+ha ba ti swAhA/ lan nyi shu rtsa gcig bzlas so// oM di bya gan d+hA nu sa ra Ni a mo g+ha ba le d+ha ra d+ha ra swAhA/  mchod yon gyi gsang sngags te lan bdun bzlas so// oM gan d+ha s+pha ra Ni sa man+ta/ a mo g+ha pra s+phu ra hU~M/ dri'i gsang sngags te lan bdun bzlas so// oM ni ra ma la kA ya sho d+ha ni di bya gan d+ha pra pU ra NaM pU ra ya trUM/ byug pa'i gsang sngags te lan bdun bzlas so// oM gAn d+ha tsud+d+ha pra bA ra Ni/ tsu ru tsu ru swA hA/ dri'i phye ma'i gsang sngags te lan bdun bzlas so// oM sam sa man+ten/ bi ma legs d+ho ta ta re swA hA/ bskul ba'i gsang sngags te lan bdun bzlas so// oM di bya gan d+ha pra b+hA ra Ni sA ga ra dza la dib bya a d+hiSh+Ti te ka la sho d+ha ra/ pUr+Na pU ra ya dza ya sid d+he swA hA/ bum pa'i dri chab kyi gsang sngags te lan brgya rtsa brgyad bzlas so/ / oM ra sa sA gra pa ti/ sar+b+ba bi d+ha a d+hiSh+Tha na a d+hiSh+Thi te saM pU ra ya hUM/ gtor ma ro sna tshogs can gyi gsang sngags te lan nyi shu rtsa gcig bzlas so// oM dib b+ho dza na/ saM pU ra ya/ pi pU la pra b+he swA hA/ kha zas kyi gsang sngags te lan nyi shu rtsa gcig bzlas so// oM tri shukra b+ho dza na/ ba li bi pU la ra sA gra ba te su ra pra su ra hUM/ zas dkar gsum gyi gtor ma 'am/ gtor ma gzhan la'ang lan nyi shu rtsa gcig bzlas so// oM pha la ba ti sA ra ba ti dib bya ba ni sU ti/ ta ra ta ra tu ni swA hA/ 'bras bu'i gsang sngags te lan bdun bzlas so//  oM dib bya ku su mod pa la nA nA puSh+pa pra baR+Sha Ni b+ha ba b+ha ba swA hA/ me tog gi gsang sngags te lan bdun bzlas so// o bi bi d+ha la ta puSh+mA pe kuN Ni ta ba na spa ti A ha ra saM pU r+Na/ kuM b+he swA hA/ me tog gtor ba'i gsang sngags te lan bdun bzlas so/ / oM ma hA d+hU ba me g+ha pa Ta la sany+tsa dA ya/ sa man+te na hUM swA hA/ bdug pa'i gsang sdigs te lan nyi shu rtsa gcig bzlas so// oM a tha ra pa r+Ni dzA la dz+wa la de ba mu khe swA hA/ me'i gsang sngags te lan bdun bzlas so// oM bi bi d+ha ma Ni ka na ka rat+no dz+wa la pU Sha Na ma Ni ma Ni a mo g+ha ma Ni swA hA/ cha zhing brgyan pa'i gsang / sngags te lan bdun bzlas so// oM pad+ma ka re bi ma la na Sha/ ang gu li/ sa ma sa ma sar+b+ba ta tha ga ta/ a d+hi ShI te swA hA/ thal mo sbyar ba'i gsang sngags te lan nyi shu rtsa gcig bzlas so//  oM sarba gu Na pra Na ta/ shi ro b+han d+ha nA ya na mo ska ro mi/ mi li mi li tu ri Ni swA hA/ phyag bgyi ba'i gsang sngags te lan bdun bzlas so// oM da sha di sha a b+hi ban d+ha d+ha pra sa ra tu hUM/ bskor ba'i gsang sngags te lan nyi shu rtsa gcig bzlas so/ / oM bi bi d+hA yu d+hA dz+wa li ta pa ni/ pra dz+wa la pra s+phu ra hUM/ thal mo'i gsang sngags te lan nyi shu rtsa gcig bzlas so// oM dIb bya a mo g+ha bi pu la swA hA/  re ma d+hu ra nir g+ho Sha ru te na ra Na hUM/ dril bu'i gsang sngags te lan nyi shu rtsa gcig bzlas so// yang na brgya rtsa brgyad do// oM rash+mi dz+wa la sa man+te na a ba b+hA sa ya ma hA ma Ni rat+na shi khe swAhA/ mar me'i gsang sngags te lan brgya rtsa brgyad bzlas so/ / oM d+hu ru d+hu ru a pa hA ya shI g+hA dza be hUM/ dgug pa'i gsang sngags te/ gu gul gyi bdug pa la lan brgya rtsa brgyad bzlas so// oM duSh+Tas do bi bo d+ha ni/ sa ma sa ma ya ba re swA hA/ dam tshig gi gsang sngags te lan nyi shu rtse gcig bzlas so// oM bi tsi tra ma Ni bi pu la pra bar ta ni hUM/ bgrang 'phreng gi gsang sngags te lan brgya rtsa brgyad bzlas so/ / oM bi tsi tra rat+no dz+wa lo dpe bya/ ku su ma ba re pum+ba ra ti swAhA/ me tog 'phreng ba'i gsang ba'i sngags te lan bdun bzlas so// oM dib bya lo tsa ne a mo g+he pra ba re/ sarba dib bya a d+hiSh+Thi ta sid d+he shud d+ha bi lo kau te swAhA/ dgug pa'i gsang sngags te lan nyi shu rtsa gcig bzlas so// oM a mo g+ha pad+me sa man+te shu b+ha ne ta ra ta ra/ gats+tsha swa b+hA ba na ma swA hA/ slar gshegs/  su gsol ba'i gsang sngags te lan nyi shu rtsa gcig bzlas so// oM dib pya saM pU ra Ni/ nA ga bi lo ki na hUM/ 'khar gsil gyi gsang sngags te lan nyi shu rtsa gcig bzlas so// oM pad Ta s+phu ra Ni s+phu ra ya/ a mo g+ha bi ta sa man+ta pra b+he swA hA/ lhung bzed kyi gsang sngags te lan nyi shu rtsa gcig bzlas so// oM dur b+ha saM s+tha ra bi d+h+ya a tiSh+Thi ha pra sa ra/ su ra su ra/ ri Shi pU dzi te swA hA/  / rtswartsa gding ba'i gsang sngags te lan nyi shu rtsa gcig bzlas so// oM dz+wa la du ma dz+wa la shi khi ra sh+lau gar b+he swA hA/ sbyin sreg gi gsang sngags te lan brgya rtsa brgyad bzlas so// oM pad+ma ni pad+ma sa ne ba re pra ba re nA ga b+hu ba ne swA hA/ 'bab chu dang mtsho'i gsang sngags te lan bdun bzlas so// oM kha ga tsa ri Ni/ ga ma ga ma ya pa da pra tsa ri Ni hUM/ len pa'i gsang sngags te lan brgya rtsa brgyad bzlas so/ / oM sarba tra a mo g+ha b+hi She ma ma hA tsA Da bi ma le/ a b+hi Shiny+tsa tu mA na/ pra ba ra pA Ni b+hu dze pad+me d+ha dze swA hA/ dbang bskur ba'i gsang sngags te lan nyi shu rtsa gcig bzlas so/ / rig sngags 'chang gis gsang sngags 'di dag thams cad so sor cho ga zhib mo'i sgrub pa ji lta ba bzhin du thams cad so sor sbyar nas cho ga bsgrubs na dgos pa rgya chen po'i 'byor pa'i mthu 'di dag dang / me tog dang / bdug pa dang / dri dang / 'phreng ba dang / byug pa dang / rin po che'i snod sna tshogs dang / nor bu sna tshogs kyi gzhal med khang rgya chen po 'byung bar 'gyur ro/ / lha'i me tog dang / gdugs dang / ba dan sna tshogs 'byung bar 'gyur ro// ro brgya dang ldan pa'i kha zas kyi mchog dang / ro sna tshogs kyi mchog rnams 'byung bar 'gyur ro/ / gtor ma bzang po rnam pa sna tshogs 'byung bar 'gyur ro// ji tsam de bzhin gshegs pa la 'os pa'i gzhal med khang dag 'byung bar 'gyur ro//  byang chub sems dpa'i gzhal med khang ji lta ba de lta bu dag 'byung bar 'gyur ro// lha rnams kyi gzhal med khang ji lta ba de lta bu dag 'byung bar 'gyur ro// klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams la so so'i gzhal med khang ji lta ba de lta bu dag 'byung bar 'gyur ro// mi rnams kyi khang pa ji lta ba dang / kha zas kyi mchog ji lta bu dag 'byung bar 'gyur ro// de lta bas na dgos pa'i rnam pa thams cad bgyi ba dang / de kho na nyid sgrub pa'i ji skad gsungs pa'i cho ga zhib mo dang / cho ga dang / gsang sngags bsgrub pa rnams bgyi'o// de nas rig sngags 'chang gis grub pa bla na med pa thams cad 'thob par 'gyur ro// gal te rig sngags 'chang gis las yongs su rdzogs par bgyi ste/ don yod pa'i zhags pa'i snying po 'di brjod pa tsam gyis rig sngags 'chang gis mdun du bdag rang gi gzugs kyis nye bar mchis nas bsam pa dang re ba thams cad yongs su rdzogs par bgyi'o/ / sdig pa dang / sgrib pa dang / gnod pa thams cad 'jigs par 'gyur ro// yongs su dag pa'i lha chen po ltar lus dag par bgyi'o// cho ga zhib mo dang /  phyag rgya dang / gsang sngags dang / snying po dang / dkyil 'khor dang / don yod pa'i zhags pa'i rgyal po'i rnam par thar pa'i dkyil 'khor grub pa'i mchog thams cad stsal bar bgyi'o// rig sngags 'chang 'khor los sgyur ba chen po'i dbang bskur bas dbang bskur bar bgyi'o/ / de kho na nyid yang dag par sgrub pa'i grub pa stsal bar bgyi'o// don yod pa'i zhags pa 'jig rten pa dang 'jig rten las 'das pa sgrub pa 'i grub pa chen po stsal bar bgyi'o/ / shin tu rgya che zhing bag tsha ba ma mchis pa dang / mchod pa dang / bkur sti chen po 'jig rten thams cad kyi mchog khyad par du 'phags shing nor 'du ba'i bkra shis dang dpal stsal bar bgyi'o/ / 'di la yid gnyis dang som nyi bskyed par mi bgyi zhing / dngos po gzhan du'ang yid la mi bgyi'o// sems can thams cad la byams pa dang snying rje dang / dga' ba dang / btang snyoms kyis brtse ba la mchog tu brtson par bgyi'o// bu gcig pu bzhin du sems can du gyur pa thams cad la mchog tu brtse bar bgyi'o/ / bden par smra ba dang / bden par dga' ba dang / snyan par smra ba dang / snying rje'i lhag pa'i bsam pas dmigs nas don yod pa'i zhags pa'i snying po bzla bar bgyi'o//  bzlas brjod kyi cho ga bgyi zhing / phyag rgya dang gsang sngags kyang bzla bar bgyi'o// phyogs bcu'i sangs rgyas kyi zhing thams cad du gtogs pa'i de bzhin gshegs pa rnams yid la bgyis nas sangs rgyas rjes su dran pa bsgom par bgyi'o/ / sangs rgyas dang byang chub sems dpa' thams cad la phyag bgyi'o// 'phags pa mgon po spyan ras gzigs dbang phyug la phyag bgyis nas mngon gsum du bsgom par bgyi'o/ / bcom ldan 'das 'phags pa spyan ras gzigs dbang phyug gi ri mo'i gzugs la phyag bgyis te/ mdun du rtswa'i gding ba bting nas skyil mo krung bcas te mchi nas gzhan mi smra bar bzlas pa bgyi ste/ 'di ni gsang ba'i de kho na nyid sgrub pa'o// de nas phyag rgya dang gsang sngags brjod par bgyi'o// bdag la don yod pa'i zhags pa'i snying po'i de kho na nyid grub par gyur cig/ 'jig rten dbang phyug mgon po thugs rje can sems can la byams pa dang / sems can dag pa lag na pad+ma can/ sems can thams cad la byams pa'i bdag nyid can gyi byin gyi rlabs kyis byin gyis brlabs dang / phyogs bcu'i de bzhin gshegs pa kun dang / lha dang klu dang gnod sbyin dang // srin po lha min gsang ba pa// 'jig rten skyong dang tshangs pa dang / / drag po khyab 'jug gzhon nu sogs// gshin rje chu lha lus ngan dang // drang srong tshogs dang de bzhin du// zla nyi kun 'gyed gzhon nu dang // de bzhin dbang phyug dbang chen dang // phyag rgya bcings pa tsam gyis ni/ / de dag myur du 'du bar 'gyur// sgrol ma bdun ni 'du bar 'gyur// de bzhin pha rol phyin bcu dang // mgrin sngon de bzhin gos dkar can// de bzhin pad+ma/  gar gyi dbang // rgyal dang rnam rgyal nyid dang ni// lcags sgrog rdo rje lcags sgrog dang // lha mo khro gnyer mA ma kI// dpe med pho nya mo dang ni// 'jigs med dpal dang dbyangs can dang /  pad+ma ko ti ut+pa la// pad+ma'i so can de bzhin du// ti se yi ni rtse mo na// 'phrog ma 'byung po ma dag dang // de bzhin lag na rdo rje bcu// mthu chen ji bzhin rig 'dzin dbang // rdo rje 'chang chen de bzhin du/ / bcu gsum lha dbang lhan cig dang // sum cu gnyis nas lha dag ni// gsang sngags phyag rgya bcings tsam gyis// de dag thams cad 'du bar 'gyur// phyogs bcu'i de bzhin gshegs pa thams cad kyis rnam par gzigs shing ston par mdzad do/ / de'i mod la byang chub sems dpa' rnams kyis rnam par gzigs shing rtag tu mchog stsol bar 'gyur ro/ / rtag tu mgon po 'phags pa spyan ras gzigs dbang phyug phyag stong spyan stong pa dang / phyag rgya sna tshogs 'dzin pa lta 'tshal bar 'gyur ro// phyag rgya bcings pa tsam gyis ni/ / bram ze'i cha lugs don yod zhags// mthong bar 'gyur te so ma nyi med// mgrin sngon dang ni rta mgrin dang // de bzhin rgya mtsho'i glong dang ni// mgon po'i zhal ni bcu gcig dang / / de bzhin zhal ni bzhi dag dang // mgon po 'jigs pa brgyad 'phrog dang // de bzhin gzigs pa bsam mi khyab// rnam pa sna tshogs gzugs dang ni// sgyu ma lta bu'i ting nge 'dzin/ / phyag rgya bcings pa tsam gyis ni// mgon pos thams cad ston par mdzad// bde ba can gyi 'jig rten khams// rgyal ba 'dren pa 'od dpag med// byang chub sems dpa'i tshogs bskor ba/ / mgon po mod la mthong bar 'gyur// gzhan yang sangs rgyas zhing ni stong dag gi/ chu bo gang+gA'i bye ma dang mnyam pa'i// de bzhin gshegs 'bum bye ba brgya phrag stong / / byang chub sems dpa'i tshogs bcas yongs bskor mgon// phyag rgya bcings pa tsam gyis mthong bar 'gyur// mthong ba chen po'i rnam par gzhan mthong ste// nyin gcig bzhin du byang chub snying po dang / / chos kyi 'khor lo de bzhin rdo rje'i gdan// de dag rmi lam snang ba mthong 'gyur bas// de la yid gnyis som nyi the tsom med// sangs rgyas rnams kyis gshung ba'am mtshams med lnga/ / mgon po che la gdug sems nyid dang ni// byang chub sems dpa'i bar chad 'phags pa la// kha zer nyid dang dam chos slu ba dang // rgyal bas gsung spong mnar med gzhol ba dang / / mi bzad dmyal ba bcu drug gnas pa dang // bskal pa 'bum po thams cad skad cig grol// phyag rgya gsang sngags bzlas pa tsam gyis sam//  thos sam mthong ngam ming ni gzung bas kyang // sdig pa de kun 'jig 'gyur som nyi med// don yod zhags snying phyag rgya mthong ba yang // 'jig rten mgon dang mtshungs te khyad par 'phags/ / sangs rgyas 'bum phrag stong dang gang+gA yi// bye ma brgya stong dag ni mthong bar 'gyur// byang chub snying por gtogs pa thams cad dang // chos kyi 'khor lo rab tu bskor bar mtshungs/ / don yod rgyal po'i snying po phyag rgya dang // gsang sngags mthong na bsod nams phung chen gyis// bsod nams phung po 'di dag 'phel bar 'gyur// de yi tshe yang rnam par 'phel bar 'gyur/ / de ni dpag tu med par som nyi med// de nas rig sngags 'chang ba gtsang gyur nas// gtsang ma'i gos bgos nas ni thog mar yang // yo byad sgrub pa gtsang zhing spyod pa gtsang / / rtag tu yan lag spos ni sna tshogs dang // sna tshogs bdug pas rab tu bdug bgyis shing // dpung pa lag pa lha yi spos kyis byug/ gtsang ma'i sa phyogs gtsang ma'i stan bshams par/ / skyil mo bkrung bcas nas ni byams sems dang // snying rje'i lhag bsam de nyid mnyam bzhag nas// phyogs bcu dus gsum gshegs pa'i sangs rgyas dang / / rtag tu 'jig rten dbang la phyag bgyi zhing // rtag tu bla ma mchod ras chos la brtson// shin tu rig pas tshig gzhan mi smra bar// shin tu rig pas srung ba'i cho ga bgyi/ / shin tu bkra shis bla ma de nyid gus// bden par smra zhing snyan par smra ba dang // sems can kun la snying rje'i bdag nyid can// lhan cig rjes mthun gyur nas de nas ni// phyag rgyu 'di bcing bar bgyi ste/ / lag pa pad+ma'i tshul du gzhag la sor mo rnams mnyam par bcings te mthe'u chung zla ba'i tshul du snying khar bzhag go// phyag rgya 'di ni don yod pa'i rgyal po'i snying po'i rtsa ba'i phyag rgya ste/ byang chub kyi snying po'i bar du stsol bar 'gyur ro// mgon po 'jig rten dbang phyug dgug pa'i gsang sngags 'di brjod do// oM a mo g+ha bi kur bi ta/ sa man+ta a wa lo ka ya na ma s+t+rai ya d+hA/ a d+hiSh+Thi ta a mo g+ha pad+me tsa ra sany+dza ra hUM hUM/ de ma thag tu dus gsum la rnam par lta ba don yod pa'i rgyal po'i pad+ma 'bar ba gsal ba'i cho 'phrul dang bcas pa'i phyag rgya'i rgyal pos shin tu phra ba'i rdul dang mnyam pa'i dus gsum du gshegs pa'i sangs rgyas kyi zhing mang po mtha' dag cher g.yos par 'gyur ro/ / dus gsum du gshegs shing bzhugs pa'i sangs rgyas bcom ldan 'das de dag gi sku las 'od zer sna tshogs 'bum phrag brgya stong du ma dag byung nas/ de bzhin gshegs pa de dag thams cad rab tu dgyes shing sangs rgyas kyi zhing la mdzad pa'i thugs rje chen pos phyag gser gyi kha dog lta bu brkyang nas rig sngags 'chang gi spyi bor 'jog par 'gyur ro/ / grub pa dam pa don yod pa'i rnam par 'phrul pa'i byin gyi rlabs kyis byin gyis brlabs pa stsol bar 'gyur ro/ / dbang phyug dang / dbang phyug chen po dang / tshangs pa dang / lha'i bu dang / gshin rje dang / chu lha dang / lus ngan dang / khyab bdag dang / kun 'gyed gzhon nu la sogs pa lha rnams srung ba dang /  skyob pa dang / sbed pa bgyid par 'gyur ro// phyag rgya bcings pa tsam gyi mod la sdig pa dang / sgrib pa thams cad dang / 'jigs pa brgyad rnams dang / chad pa thams cad las yongs su thar par 'gyur ro/ / de'i grub pa yid du mchis par 'gyur ro// las thams cad bgyid pa'i phyag rgya thams cad du mchog lags par grags pa lags so// don yod dam tshig mchog grags pa//  pad+ma rgyas pa'i phyag rgya bcing // mdzub mo gung mo rnams pad+ma lcags kyu'i tshul du bgyis la/ sen mo mnyam par gzhag pa'i phyag rgya 'di bstan te/ rnam par grol ba'i dkyil 'khor brtse ba'i phyag rgya 'dzin pa'i gsang sngags 'di brjod do/ / oM a ma~M g+ha pad+mi ku sha sa ma yA na/ grih+Na grih+Na/ d+ha ra d+ha ra/ ma hA satwa hUM/ phyag rgya bcings te bcings ma thag tu'am/ gzung ba tsam gyis dus gsum du gshegs pa'i sangs rgyas bcom ldan 'das thams cad kyis legs so zhes bgyi brtsol bar 'gyur ro/ / de bzhin gshegs pa de dag tham cad dgyes pa dang / mnyes pa dang / rab tu dgyes pa dang / tshim pa dang / thugs dgyes pa skye bar 'gyur zhing / rig sngags 'chang la thugs rje chen po rgyas pa'i snying po grub pa dam pa stsol bar 'gyur zhing / yang ras yang du mthong bar stsol bar 'gyur ro// mchog thams cad stsol bar 'gyur ro// don yod pa'i dam tshig grub pa stsol bar 'gyur ro// de bzhin gshegs pa thams cad kyi gsang ba'i dkyil 'khor gyi cho ga zhib me phyag rgya dang / gsang sngags 'dzin pa rnam par grol ba'i dkyil 'khor gzung ba tsam gyis dam tshig gi rjes su 'jug par 'gyur ro/ / thams cad du 'phags pa spyan ras gzig dbang phyug gi gsang ba'i dkyil 'khor phyag rgya dang dam tshig 'tshal bar 'gyur ro// thams cad du dgos pa'i gsang sngags grub par 'gyur ro/ / 'phags pa spyan ras gzigs dbang phyug mchog sbyin pa rtag tu lta 'tshal bar 'gyur ro// lag mthil pad+ma lngar bgyis la/ mdzub mo gung mo rdo rje ltar bgyi zhing /  mthe'u chung brkyang ba'i phyag rgya ni/ pad+ma 'chang la bdug pa dang // me tog la sogs dri rnams dang // 'phreng ba byug pa phye ma dang // ba dan gos dang brgyan dang ni// gtor ma mchod yon rab tu dbul/ / bum pa gang ba'i dri sogs dang // mtshon skud sna lnga tshon phye'o// gzhan yang zas ni sna tshogs la// phyag rgya 'di ni kun la mchog/ 'di ni dbul ba'i phyag rgyar gsungs/ / thams cad du ni don yod mchog/ go bar bgyid pa'i phyag rgya ni// pad+ma'i phyag gis byin gyis brlabs// gung mor nor bu dkris pa lta bu'i phyag rgya 'di ni bag che ba med pa'i pad+ma rin po che'i phyag rgya lags te/ 'di ni grub pa dam pa lags so// spyan drang ba'i gsang sngags ni/ oM a mo g+ha pad+ma ma hA satwa a ya tu mi ha maN+Da le/ bai ro ri pad+ma b+hu dze swA hA/ dus gsum gshegs pa'i sangs rgyas rnams// gsol ba gdab pa'i gsang sngags te// byang chub sems dpa' thams cad dang // phyag na pad+ma gsol gdab dgug/ lha rnams kun dang de bzhin du// dkyil 'khor gyi ni lha rnams dgug/ phyag rgya 'di ni bcings pa yis// phyogs bcu kun gyi sangs rgyas dang // de bzhin byang chub sems dpa' yang 'du/ / lha dang klu dang gnod sbyin dang // dri za lha min de bzhin du// nam mkha' lding dang mi 'am ci// lto 'phye chen po nyid dag ste// de kun skad cig 'du 'gyur zhing //  srung ba'i phyir ni som nyi med// lag pa rdo rje'i tshul du gzhag la// lag pa'i mthe'u chung rnams pad+ma'i mtshams su bya ste/ gung mo rnams yid tsam bskum pa'i phyag rgya bcings pa ni/ grub ldan 'di ni phyogs bcing dang // dkyil 'khor bcing bar bgyi ba yi// srung ba'i las la bag tsha med// phyag rgya 'di ni bcings tsam dang // gsang sngags stong ni bzlas tsam gyis/ / dpag tshad bdun ni khor yug tu// mtshams bcing dkyil 'khor bcing ba dang // srung ba'i las ni bgyis par 'gyur// oM a mo g+ha badz+ra dri n+ta pad+ma ban d+ha sa man+te na ma hA sa man+da rak+Shan+na mAM/ tsu ru tsu ru hUM phaT/ de nas don yod phyag rgya ste// grub ldan sems can kun smra na// don yod pa ni phyag rgya ni// khyad par 'phags pa gzhan yang bstan/ / rdo rje thal mo sbyar nas/ sor mo rnams mnyam par gzhag ste/ srin lag kha gdengs la sor mo rnams yid tsam bskums pa ni/ don yod sna tshogs rgyal po yi// pad+ma'i phyag rgya chen por bsgrags/ / phyag rgya 'di ni las kun dang // 'jug pa'i las kun sbyar ba dang // dkyil 'khor phyag rgya mchog kun gsungs// phyag rgya 'di ni gzung tsam dang // gsang sngags dam pas bsrung bgyis na/ / rig sngags 'chang ba 'jug par 'gyur// dus gsum gshegs pa rnam thar pa'i// dkyil 'khor dam pa grub par 'gyur// oM badz+re badz+ra/  / d+hiSh+mid pad+me bi shwa rU pa d+ha re/ d+ha ra d+ha ra hUM/ pra be sha tu s+t+rai ya d+hA nu ga ta na d+hi ri tu Ti swA hA/ phyag rgya 'di ni bcings tsam gyis// de nyid grub pas phyogs bcu yi// sangs rgyas zhing ni rnam drug tu/  g.yos par 'gyur bar som nyi med// phyag na pad+ma'i lus 'bar nas// mgu ba chen po 'byung bar 'gyur// rig sngags 'chang la 'dzum bzhin gyis// rtag tu lta zhing mdun na mchis//  sangs rgyas kyi ni zhing kun dang // mtho ris sgo rnams 'byed par 'gyur// sum cu rtsa gnyis gnas rnams na// gnas pa'i lha rnams sgo 'byed cing // sum cu rtsa gsum gnas sgon//  gnas pa thams cad sgo 'byed do// bde can 'jig rten khams dag ni// sgo na gnas pa sgo 'byed do// phyag rgya 'di ni bcings tsam gyis// gnas kun tu ni 'jug par 'gyur// phyag rgya sdig pa thams cad 'phrog/ nye ba'i nyon mongs thams cad 'joms// sdug bsngal kun las rnam par grol// gnod pa thams cad 'jig par bgyid// dmyal ba bcu drug rnam las thar/ / phyag rgya bcings pa tsam gyis ni// mi bzang 'jigs pa brgyad rnams dang // nyes byas thams cad 'jig par bgyid// dmyal ba'i sgo ni gcad par 'gyur// mi bzad 'jigs las bsgral bar 'gyur/ / phyag rgya 'di nyid mthong tsam gyis// mtshams med lnga ni bgyis pa dang // sdig pa kun las rnam par thar// sems can kun la rtag tu sdug/ de bzhin gshegs kun byin gyis rlob/ / phyag rgya 'di nyid mthe bo'i rtse mo cung zad bkug la bzung ste/ gung mo pad+ma'i ral pa'i tshul du bgyis te/ spyi bo'i ral pa sa la gzhag pa ni/ pad+ma'i ral pa'i phyag rgya lags te/ 'di ni don yod pa'i zhags pa zhes bsgrags te/ sems can thams cad la sman pa'i slad du gsang sngags 'di brjod par bgyi'o// oM a mo g+ha pad+mo dza le bi sho d+ha ya hUM/ bi ri bi ri bi ma le swA hA/ phyag rgya spyi bor bzhag nas chab dag gis// bkrus nas gtsang mas gsang sngags ni// brgya rtsa brgyad du bzlas nas su// phyag rgya gsang sngags dogs med pas/ / rtag tu bkrus pa'i mod tsam gyis// mi gtsang ba ni gtsang bar 'gyur// mi gtsang spyod pa gtsang ba dang // tshangs spyod ma yin tshangs spyod 'gyur// mi thub pas ni thub par 'gyur/ / bsod nams phung pos lha bzhin 'bar// zla ba nyi ma bzhin du mdzes// 'jig rten kun snying rtag tu sdug/ gsang sngags bla na med pa 'grub// grub pa don yod zhags pa yi/ / don yod de nyid 'grub par 'gyur// lha rnams kun ni 'du 'gyur te// srung ba'i phyir ni som nyi med// mgon po 'phags pa spyan ras gzigs// sems dpa' mchog sbyin dag pa po/ / mchog sbyin rgyun du thams cad du// nyi ma re re mthong 'gyur zhing // tshe 'phel rtag tu nad med 'gyur// de bzhin mgu dang rgyas par 'gyur// thams cad du ni las 'grub/  ste// gnod pa kun las rnam par grol// sdig pa kun las rnam par thar// thams cad du ni bkra shis mchog/ khrus kyi rnam par 'di dag ni// don yod khrus kyi mchog yin no// lag gnyis bsdams la 'og tu bstan/ / srin lag gnyis yid tsam bskum pa ni pad+ma'i nor bu phyag rgya lags te/ kun nas kyang ni mnyam par gzhag/ phyag rgya ting 'dzin lta bu 'di// skyil mo krung bcas mchis nas su/ / phyag rgya 'di dag bcing bgyis shing // mnyam par bzhag nas gsang sngags bzlas// bcings pa tsam gyis mod nas ni// skyil krung rdo rje lhun mnyam 'gyur//  kun nas go char gyur nas ni// bgegs dang log 'dren thams cad dang // gnod sbyin srin po 'byung por bcas// lha min mkha' lding gis mi mthong // phyogs dang phyogs mtshams rnams dag tu/ / de dag thams cad rgyang ring 'gros// bgegs med par ni las 'grub pa// bzlas pa'i las la som nyi med// oM a mo g+ha badz+ra dri d+ha pad+me shwa ra hUM/ thal mo mnyam par sbyar la mdzub mo rka 'gung mo bkug nas mthe bong pad+ma kha phye ba ltar bgyi ste/ don yod pa'i dbang phyug rgyal po'i phyag rgya'o// 'phags pa spyan ras gzigs dbang phyug gi mdun du gsang sngags dang/  phrag rgya bcing bar bgyi'o// oM pad+me sha ra a mo g+ha ba ra da/ b+hi ri b+hi ri swAhA/ 'dis thog mar bzlas brjod nyi shu rtsa gcig bgyi'o// de'i 'og tu phyag rgya bcings nas don yod pa'i zhags pa'i snying po da kho na nyid sems pa'i bsam pa rtse gcig pas bzlas brjod bgyi'o/ / lan cig brnas pa tsam gyi mod la dus gsum du rgyun du gshegs pa'i sangs rgyas 'bum phrag brgya stong gang+gA klung gi bye ma dang mnyam pa g.yo bar 'gyur zhing / de bzhin gshegs pa dgra bcom pa yang dag par rdzogs pa'i sangs rgyas rnams kyis rig sngags 'chang de la legs so zhes bgyi ba stsol bar 'gyur ro/ / dbugs 'byin par mdzad do// rig sngags 'chang de la 'od zer sna tshogs gtong bar mdzad do// mgon po 'phags pa spyan ras gzigs dbang phyug dran par bgyis pa tsam gyi mod la mdun du mchis par 'gyur ro/ / 'di ltar bcings pa tsam gyis pha rol tu phyin pa drug yongs su rdzogs par 'gyur ro// pha rol tu phyin pa bcu dang ldan par 'gyur ro/ / sangs rgyas kyi chos ma 'dres pa bco brgyad dang ldan par 'gyur ro// de bzhin gshegs pa'i stobs bcu dang ldan par 'gyur ro// mi 'jigs pa bzhi 'thob par 'gyur ro/ / 'phags pa'i lam yan lag brgyad pa yongs su dag pa 'thob par 'gyur ro// phyag rgya 'di bcings la don yod pa'i rgyal po'i snying po dran par bgyis pa tsam gyi mod la yon tan dang phan yon rnams 'thob par 'gyur ro/ / bzlas brjod brgya rtsa brgyad bgyis la phyag rgya brgya rtsa brgyad bcings nas zhag gcig spyang ba bgyis te bzlas brjod bgyis na/ 'phags pa spyan ras gzigs dbang phyug bdag nyid kyi rang bzhin du mdun du mchis nas rig sngags 'chang la legs so zhes bgyi ba stsol te/ rig sngags 'chang la legs so legs so// 'di ni bzlas brjod kyi dam pa yin no zhes dpung pa g.yas pa brkyang ba'i lag pas rig sngags 'chang gi spyi bor bzhag nas dbugs 'byin par 'gyur te/ tshur shog bu gang 'dod pa'i mchog slongs shig dang sbyin no/ / khyod rjes su bzung zhing byin gyis brlabs pas nga'i bu rig sngags 'chang gi thu bor gyur cig/ rig sngags 'chang khyod kyis don yod pa'i zhags pa'i snying po grub pas rnam par grol ba'i dkyil 'khor gyi phyag rgya rim par dbye ba dang / cho ga zhib mo'i rgyal po la brtan par bgyis shig/ snying rje chen po'i sems kyis sems can thams cad la gom par gyis shig/  khyod 'di nas ma 'ongs pa'i mngal du gnas nas shi 'phos te 'jig rten gyi khams bde ba can du 'gro bar 'gyur zhing / khyod pad+ma'i nang du rdzus te skyes nas rgyan thams cad kyis brgyan cing mtshan dang dpe byad kyis rab tu brgyan pa/ byang chub kyi snying po'i mthar thug gi bar du tshe dpag tu med par 'gyur ro// 'di ltar tshig gzhan mi smra bar lan stong rtsa brgyad bzlas brjod bgyis te/  phyag rgya brgya rtsa brgyad bcings pas lan stong rtsa brgyad tshang nas nam mkha' la mchi bar 'gyur ro// don yod pa'i rnam par 'phrul pa rnam par dag pa'i dkyil 'khor gyi 'khor los sgyur bar 'gyur ro/ / rig sngags 'chang 'bum phrag bye ba brgya stong phrag bco brgyad kyis yongs su bskor bar 'gyur ro// tshe dpag tu ma mchis par 'gyur ro// don yod rgya cher snang ba zhes bgyi ba'i rdzu 'phrul 'thob par 'gyur ro/ / rdzu 'phrul gang gi mthus stong gsum gyi stong chen po'i 'jig rten gyi khams su dpung pa bskum pa las brkyang ba tsam gyis mchi zhing slar ldog par 'gyur ro/ / bzlas brjod brgya stong bgyis la phyag rgya brgya stong bcings na/ tshe 'di nyid la 'phags pa spyan ras gzigs dbang phyug dang 'dra bar 'gyur ro// sgyu ma lta bu'i ting nge 'dzin gyis rnam par rol pa'i don yod pa'i mig yongs su dag pa 'thob par 'gyur ro/ / dbang phyug dang / dbang phyug chen po dang / tshangs pa dang / lha'i bu dang / drag po dang / dbang po dang /  nyi ma dang / zla ba dang / gzhon nu dang / gshin rje dang / chu lha dang / lus ngan la sogs pa'i gzugs sna tshogs mthong bar 'gyur ro// klu'i rgyal po'i gzugs rnam pa sna tshogs kyi bar du mthong bar 'gyur ro/ / ji lta ji ltar sems can rnams 'dul bar gyur pa de lta de lta bu'i gzugs mthong bar 'gyur te/ 'di ni 'jig rten pa'i bzlas brjod sgrub pa 'bum lags so// 'bum bzlas pas 'jig rten las 'das pa phyogs bcu'i sangs rgyas kyi zhing thams cad na de bzhin gshegs pa thams cad mngon sum du sdang ba'ang mthong bar 'gyur ro/ / de bzhin gshegs pa thams cad las lung bstan pa 'thob par 'gyur ro/ / byang chub kyi snying po la thug gi bar du phyir mi ldog par byin gyi rlabs kyis byin gyis brlabs par 'gyur ro// phyag rgya bcings te skyil mo krung bcas nas sems can thams cad la brtse ba dang / 'byung po thams cad la byams pa dang / snying rje ba'i sems kyi rang bzhin gyis don yod pa'i zhags pa'i snying po lan cig bzlas brjod bgyi'o//  bzlas brjod bgyis ma thag kho nar lan drug brgya bzhi bcur bzlas brjod bgyis par 'gyur ro// de bzhin gshegs pa thams cad dbugs 'byin par mdzad cing dran pa dang / blo gros dang /  gzi brjid lus la 'jug par bgyid do// bzlas brjod bgyis pa tsam gyi mod la pha rol tu phyin pa drug yongs su rdzogs par 'gyur ro// ri mo'i sku gzugs de la'ang 'od zer 'byung bar 'gyur ro/ / 'phags pa spyan ras gzigs dbang phyug yongs su dag pa'i bdag nyid rmi lam du mthong bar 'gyur ro// mchog thams cad stsol bar 'gyur ro// de'i las kyi sgrib pa thams cad yongs su dag par 'gyur ro/ / sdig pa dang sgrib pa thams cad yongs su bsal ba dang btugs par 'gyur ro// nad thams cad spangs par 'gyur ro// 'jig rten pa'i dgos pa sgrub pa rnams kyi dam pa thams cad 'grub par 'gyur bas sangs rgyas rjes su dran pa bsgom par bgyi'o/ / // 'phags pa don yod pa'i zhags pa'i cho ga zhib mo'i rgyal po bam po gsum pa/  thal mo lhan cig bsdams te sbyar la rtse mo yid tsam bkug ste khar gtad la/ srin lag gnyis phyir 'gyed cing gung mo pad+ma lta bur bgyis te sngags 'di brjod do// oM tu ru tu ru pad+me a mo g+ha sid d+hin+tu/ phyag rgya 'di ni don yod grub// las rnams grub dang ldan pa yi// 'di ni bcing ba bgyis pa yis// kun rig myur du 'grub par 'gyur// myur du ston pa stsol 'gyur te/ / rnyed dka' don yod grub pa mchog/ mchog kun rab tu stobs par 'gyur// 'jig rten 'das pa de bzhin 'jig rten pa// sgrib pa thams cad las ni rnam par grol// bsod nams phung po dag ni rtag tu 'phel/ / bkra shis sgra ni 'byung bar 'gyur ba'o// lha rnams rtag tu srung bar 'gyur// rdo rje bcing ba shin tu bcing // rtag tu sems ni brtan por bgyi// mdzub / mo dag ni yid bskums nas// snying kha dag tu rab tu brkyang // don yod pa'i pad+mas pad+ma'i dkyil 'khor phyag rgya dang // snying po gsungs pa dang / pad+ma'i dbang phyug gi phyag rgya las dang don thams cad grub pa'i gsang sngags de dag gsungs nas/ de nas don yod pa'i rgyal po gsungs pa/ oM a mo g+ha hri da ya/ pad+me d+ha ra d+ha ra pad+ma d+ha ra ma hA maN+Da la hri da ya hUM/ snying po phyag rgya 'di ni bcings ba yis/ / pad+ma 'chang ba'i don yod snying po yi// grub pa de nyid yang dag som nyi med// thams cad du ni las rnams thams cad dag/ de ni grub par 'gyur te som nyi med// shin tu gsang ba'i phyag rgya gzung / / shin tu gsang ba'i gsang sngags bzlas// shin tu bkrus pas gos gtsang bgo/ gtsang ma'i sems kyis 'chang bgyid cing // sems can kun la brtser gyur nas// rtag tu bla ma gus par sgom/ / rtag tu shin tu dang bgyi zhing // pad+ma'i phyag la dga' bar bgyi// myur du las 'grub myur du ni// pad+ma 'chang dang sangs rgyas 'thob// myur du 'jig rten dbang phyug 'thob/ / myur du sems can kun phan ldan// lag pa g.yon pa brkyang ba tsam gyi khar pad+ma'i tshul du bzhag la/ lag pa bsgyur nas mdzub mo gyen du sgreng / mthe bong yid tsam pa bkug la lag pa g.yas pa brkyang ste/ sor mo rnams pad+ma'i tshul du bzhag la mthe bong yid tsam bkug ste/ gung mo don yod pa'i zhags par bgyi ba ni don yod pa'i zhi ba'i cho ga chen po'i mig sems can thams cad / la byams pa'i sems dang / snying rje'i bdag nyid can lags te/ gsang sngags 'di brjod do// oM pa shu pa ti pA shA d+ha ra sa ha sra rash+mi pra ti maN Di ta ka ya/ A ka ri Sha ni/ sany+tsod ni/  b+hu ru b+hu ru/ a mo g+ha pA sha sid d+hi hUM/ phyag rgya 'dis gsang sngags lan nyi shu rtsa gcig bzlas so// de nas don yod pa'i zhags pa'i snying po bzlas nas lag pa g.yas pa zhags pa'i phyag rgya'i tshul du gdeg cing / slar yang rang gi gnas bzung zhing gsang sngags lan bdun bzlas te lan bdun du'ang gdeg go// don yod rgyal po bzlas pa ni// bsam pa mchog tu dag par bgyi// bzlas pa tsam gyi mod la ni/ / don yod zhags pa'i phyag rgya yis// byang chub thams cad dgug pa dang // mod la sangs rgyas nyid du 'gyur// gzhan yang dgos pa sna tshogs dag/ ji ltar yid la bsam pa bzhin/ / mod la grub pa bla med dang // mod la thams cad dgug par 'gyur// lha dang klu dang gnod sbyin dang // dri za lha min nam mkha' lding // mi 'am ci dang lho 'phye/  che// rig sngags 'chang la blta ba'i phyir// thams cad de yi mod la 'du// phyogs bcu'i sangs rgyas thams cad dag/ de nyid gzigs pas gzigs par 'gyur// rig sngags 'chang la bas/  bgyi'i phyir// byang chub sems dpa' 'du bar 'gyur// mgon po 'phags pa spyan ras gzigs// mchog sbyin spyi bor phyag 'jog 'gyur// yongs su dag pa'i bdag nyid kyi// rang bzhin mod la ston par mdzad/ / gang dag mnar med song ba dang // sems can mtshams med lnga bgyid dang // gang dag 'phags la skur 'debs dang // gang dag dam chos spong ba dang // phyag rgya 'di mthong 'dzin bcug dang / / bcings pas mod la sdig pa kun// 'jig 'gyur mod la 'dren pa mthong // phyag rgya bcings pa tsam gyis ni// dgos pa thams cad 'grub par 'gyur//  phyag rgya 'di ni mthong tsam dang // gsang sngags zlos par bgyid pa dang // rig sngags 'chang ba mthong ba de// 'phags pa spyan ras gzigs dbang ni// mngon du mthong bar blta bar bya//  tshe rabs brgyud par bskal pa ni// brgya dang stong du bsags pa yi// sdig pa las kyi sgrib pa rnams// phyag rgya bcings som mthong tsam gyis// de kun 'byang 'gyur som nyi med//  thal mo lhan cig dam du sbyar te/ mkhas pas pad+ma'i tshul du bgyis la mdzub mo nor bur bgyis te/ gung mo yid tsam zhig bkug pa ni yid bzhin gyi nor bu chen po'i rgyal mtshan gyi rtse mo ste/  lag pa spyi bor brkyang nas spyi bor dbang bskur ba stsol ba'i gsang sngags 'di brjod do// oM stA d+hA nu ga ta/ a b+hi Shiny+tsa tu/ sarba s+yA d+hA/ a b+hi She keHpad+ma ma Ni su pad+me/ a mo g+he sarba ta thA ga ta/ a d+hiSh+Thi te hUM/ 'dis dbang bskur ba tsam gyis rig sngags 'chang la de bzhin gshegs pa thams cad kyis dbang bskur bar 'gyur ro// 'phags pa spyan ras gzigs dbang phyug gi phyag gis dbang bskur bar 'gyur ro/ / rig sngags 'chang gi rgyal po chen por 'gyur ro// rig sngags 'chang thams cad 'grub par 'gyur ro// nyon mongs pa'i sgrib pa thams cad rnam par dag par 'gyur ro/ / 'jig rten thams cad kyi gtso bo gcig pu'i gnas su 'gyur ro// spyi gtsug rdo rje pad+ma bcing // rtag tu sor mo'i rtse mo brkyang // mdzub mo lcags kyu'i tshul du bgyi//  rang gi gdong gri khro gnyer bzhin// khro bo'i rgyal po'i phyag rgya che// las kun sgrub par bgyid pa yi// thams cad sgrub bgyid phyag rgya ste// kun sgrub dam pas gsang sngags pas// 'di dran grub pa kun gyi mchog/ oM kro d+ha rA dzA d+hA ma ma hA a mo g+ha ha na ha na/ sarba duSh+TAn hUM/ phyag rgya 'di dran tsam gyis kyang // mthu chen po yi gsang sngags kyis// gdug pa kun ni rnam 'jig ste// ri rab kyang ni snyil bar bgyid/ / phyag rgya bcing bar bgyis pa yis// sdig pa thams cad 'jig par bgyid// sems can gdug dang gdug pa'i klu// bgegs dang log 'dren gdug pa ste/ / de dag thams cad zhi bar 'gyur// phyag rgya bcings pa tsam gyis ni// thams cad dbang du gyur nas mchis// lha dang mi dang dge sbyong dang // bram ze rgyal rigs dmigs gang lags/ / thams cad dbang du gyur nas ni// mchis par 'gyur bas som nyi med// rgyud ni rtag tu mnyag bzhag la// mthe bong mnyam du bteg nas ni// gung mo yis ni gung mo nyid// yid tsam bkug nas bsgreng bar bgyi/ / 'di ni pad+ma chen po yi// lha mo sgrol ma'i phyag rgya ste// grub pa bla na med pa yi// thams cad kyi ni dam pa lags// thal mo pad+ma'i tshul du sbyar// mthe bong nyid ni brkyang bgyis la/ / mthe'u chung yid tsam bkug pa ni// dkar sham chen mo'i phyag rgya ste// 'di ni kun grub bla na med// rdo rje'i tshul du thal sbar dam bcings shing // shes rab can gyis g.yas pa'i lag bsgyur la/ / khro gnyer bzhir ni de bzhin khro ba dang // phyag rgya chen po kun 'dod rab tu sbyin// lag pa gnyis kyi thal sbyar brkyang nas ni// gsang ba de brkyang gung mo bskum nas su//  mthe'u chung brkyang nas lcags sgrog pad+ma yi// tshul du snying kha'i gnas su gzhag par bgyi// phyag rgya 'di ni phyag rgya che// phyag rgya 'di ni bcings pa yis// dkyil 'khor kun nas lha dag dang /  dkyil 'khor lha kun dga' bar 'gyur// thams cad tshogs shing 'du ba dang // kun gyis srung bgyid som nyid med// phyag rgya 'di nyid bshig nas lag pa ni// thal sbyar pad+ma'i tshul bzhin du byas te/ / snying khar bzhag pa gnod sbyin pho nya mo// 'di ni phyag rgya lags par legs par bsgrags// dang po rdo rje khu tshur legs bcings la// gung mo lhag ma bskum zhing mthe bong gzhag/  pad+ma'i tshul gyi bzhin dram sgrol mdun gyis// grub pa kun gyi bla med phyag rgya 'di// sdig pa thams cad 'jig cing nyon mongs kun// nad kun nye bar zhi bar som nyi med// don yod pa'i grub pa bla med kyis/ / cho ga zhib mo thams cad rab tu 'grub// lag pa gnyis ni mnyam bzhag ste// rdo rje'i tshul du pad+ma bcing // mdzub mo bskum pa bgyis nas ni// mthe bong yang ni dgug par bgyi//  'di ni rta mgrin phyag rgya ste// cho ga zhib mo'i dam pa lags// pad+ma'i tshul du thal mo sbyar// mdzub mos 'khyud la gung mo ni// lcags kyu'i tshul du bsgreng bar bgyi// don yod zhags pa'i phyag rgya 'di/ / rgya mtsho'i glong gi kha lta bur// rdo rje za ba nyid kyis gsungs// 'di ni las kun bgyid pa po// grub pa kun gyi bla na med// phyag rgya 'di ni mdzub mo'i mthe bong nyid//  lcags sgrog lhag ma bskum nas pad+ma'i tshul// snying kha'i gnas su bzhag pa mgrin sngon gyi// 'di ni dogs med las kun phyag rgya lags// lag gnyis pad+ma'i khu tshur te// g.yas g.yon du ni bzhag nas su/ / kun nas zhi ba'i bzhin du gzhag/ byams pa'i mig gnyis bgyis pa ni// zhal ni bcu gcig phyag rgya ste// de bzhin kun gyis mi thub pa'o/ / mthe bong mnyam par mnyam bgyis la// sor mo'i rtse mo bskums pa dang // mdzub mo gnyis ni pad+ma'i tshul// rig pa'i dbang phyug phyag rgya las// phyag rgya 'di nyid dbus su ni//  'khor lo'i tshul du mdzub mo bskum// g.yon pa brkyang ba dbang chen gyi// phyag rgya 'byung po thams cad 'joms// lcags sgrog dam du bgyis nas ni// lag pa gnyis po brkyang nas kyang // snying khar bzhag pa'i phyag rgya ste/ / 'di ni rgyun du gshin rje lags// lag pa g.yon pa brkyang nas su// sor mo bsgreng ba'i thor to dgug/ g.yas pa snying khar bzhag nas su// mthe bong dang ni mthe'u chung dgug/ lhag ma rnams ni brkyang bgyis te// 'di ni chu lha'i phyag rgya ste// klu kun dgug pa'i mchog lags so// lag pa gnyis ni bsdams bgyis la// sor mo phying ga log tu sbrel// g.yA pa dang ni g.yon pa dag/ snying kha'i gnas su bzhag bgyi ste// phyag rgya 'di ni lus ngan gyi// gnod sbyin thams cad skrag par bgyid// lag pa g.yas pa spyi bor yang // mthe bong mdzub mo dgug bgyis la/ / lag pa g.yon pa brkyang nas su// mdzub mo gyen du bsgreng ba ni// 'di ni tshangs pa'i phyag rgya ste// thams cad du ni las sgrub pa'o// phyag rgya 'di nyid g.yas pa yi// mthe'u chung sor mo dgug bgyis te/ / drang srong tshogs kyi phyag rgya 'di// lha rnams kun gyis phyag bgyis pa'o// lag pa gnyis ni dam bcings la// blta sdug 'khor lo'i phyag rgya ste// lha min thams cad 'gugs pa yi/ / khyag 'jug phyag rgya 'di zhes gsungs// g.yas pa bi dza pu rar bgyi// g.yon pa rtse gsum tshul du bgyi// mthe bong mthe'u chung bskum pa ni// 'byung po thams cad skrag bgyid pa/ / 'di ni drag po'i phyag rgyar gsungs// g.yas pa khu tshur bcings nas su// mdzub mo brkyang nas g.yon pa ni// dkur brten khu tshur bcangs nas bzhag/ sor mo rnams ni brkyang bar bgyi/ / drag po rgyun tu lta bgyid pa// de bzhin lha yi sde dpon gyi// gzhon nu phyag rgya 'di zhes gsungs// gyen du lag pa gnyis bsgrengs nas// sor mo gsum ni brkyang bgyi te// mthe bong mdzub mo bkug pa ni/ / 'od zer stong dag 'phro bgyid pa// 'di ni nyi ma'i phyag rgya lags// phyag rgya 'di nyid sor mo gsum// bkug nas sor mo gnyis gnyis brkyang // skar ma'i tshogs kyi mdzes gyur pa/ / 'di ni zla ba'i phyag rgyar gsungs// gsang sngags chen po phyag rgya 'di dag ni// las dang don kun grub pa sgrub par bgyid// sdig pa thams cad spong zhing nyon mongs kun//  nyams par bgyid cing sgrib pa thams cad 'byang // las kun zad par bgyid cing don yod pa'i// las grub don yod grub pa 'grub par 'gyur// oM pad+ma tA re tA ra ya pad+ma b+hu dze hUM/ oM ma hA pad+me shwe taM ge hu ru hu ru swA hA/ oM b+h+r-i ku Ti pad+me ta ra ta ra hUM/ oM pad+me pAN+Da ra bA si ni kuN+Da kuN+Da swA hA/ oM a mo g+ha pad+ma ba ra de sid d+hi sid d+h+yaM tu hUM/ oM sarba tra gA mi ni A b+hA ya/ ro dri ni hUM/ oM a mo g+ha ni tA re tA ra ya pad+me b+hu dzen+d+haM/ oM dA ru ta ru la pad+me a mo g+ha hUM/ oM ba Da ba mu khe ni krin ta ya duSh+TAn hUM/ oM pad+me nI la kar+t+ti shwa ra/ b+hu ru b+hu ru hUM/ oM sau mya / ba da ne pra si da shwA sa ma ya hUM/ oM pad+me shwa ri sA d+ha ya hUM/ oM a mo g+he shwa re hUM/ oM sa ma ri ta re ta re hUM/ oM nA ga pad+ma ni hUM/ oM yak+ShA d+hi pa ti mu ru mu ru hUM/ oM a mo g+he brah+ma ra te hUM/  / oM shi ra bi ra de a mo g+ha b+hu dze hUM/ oM a mo g+ha biSh+Nu rA dza pad+ma nA b+he/ sa ra sa ra sa man+ta b+hu dze swA hA/ oM ru dra ru Ti mi li mi li swA hA/ oM shaM ka ti d+ha re a mo g+ha ba ti swA hA/ oM sa ha sra ki ra Ne hUM ru ti swA hA/ oM so ma pra b+he hUM/ de bzhin phyag rgya gsang sngags gsungs pa yang // phyag rgya tha dad gsang sngags tha dad sgrub// gsang sngags 'chang gis ji skad gsungs pa'i las//  rtag tu kun gyis mdor na thams cad bgyid// gtsang ma spyod ma gtsang ma dag/ legs bkrus gtsang ma'i gos bgos nas// dri zhim dri yis dpung pa dang // lag pa yan lag byugs nas su//  phyag rgya lan re bcings pa na// gsang sngags lan re bzlas par bgyi// phyag rgya dag ni bcings pa dang // gsang sngags bzlas pa'i mod la ni// brgya stong phrag ni 'bum phrag 'bum//  phyag rgya dag ni bcings par 'gyur// phyag rgya bcings pa bgyis pa na bsod nams kyi phung po dang ldan par 'gyur ro// sangs rgyas dang byang chub sems dpa' thams cad kyis lung bstan pa dang byin gyis brlabs par 'gyur ro/ / lha thams cad kyis legs par bsrungs par 'gyur ro// 'jig rten thams cad kyi mchod gnas gcig pur 'gyur ro// 'jig rten thams cad kyi bla ma gcig pur 'gyur ro/ / dkyil 'khor gyi phyag rgya'i cho ga'i rim par phye ba dang dam tshig thams cad la zhugs par 'gyur ro// tshe dpag tu ma mchis par 'gyur ro// don yod pa'i rig sngag grub par 'gyur ro/ / tshig btsan par 'gyur ro// dran pa dang blo gros bag tsha ba ma mchis par 'gyur ro// blo gros thogs pa ma mchis par 'gyur ro// 'phags pa spyan ras gzigs dbang phyug mchog sbyin rtag tu lta 'tshal bar 'gyur ro/ / rtag tu dam pa stsol bar 'gyur ro// rtag tu dgra dang / phas kyi rgol ba dang / mi mdza' ba dang / gdug pa dang / rab tu gdug pa thams cad pham par bgyis par 'gyur ro/ / rtag tu thams cad du rgyal bar 'gyur ro// gnod sbyin dang / srin po dang / 'byung po dang / sha b+ha dang / bgegs dang / log 'dren dang /  lha ma yin dang / klu thams cad mthong bar 'gyur ro// 'phags pa chen po thams cad la bag tsha bo ma mchis par 'gyur ro// rgyal po dang / blon po dang / btsun mo'i 'khor dang bcas pa thams cad dbang du gyur nas mchis par 'gyur ro/ / thams cad du gtso bo gcig pur 'gyur ro// thams cad du bla ma'i gnas gcig pur 'gyur ro// tshe ring bar 'gyur ro/ / nad thams cad las thar bar 'gyur ro// skyon gyi dri ma dang / ser sna dang / phrag dog thams cad dang bral bar 'gyur ro// legs par dran zhing lus shin tu yongs su dag par 'gyur ro//  'chi ba'i dus kyi mod la de bzhin gshegs pa mthong bar 'gyur ro// 'phags pa spyan ras gzigs dbang phyug mthong bar 'gyur zhing / de dag thams cad kyis dbugs 'byin par 'gyur te/  rigs kyi bu khyod 'jig rten gyi khams bde ba can du song zhig ces shin tu dran pa nye bar bzhag nas dus bgyid par 'gyur ro// dmyal ba'i sgo thams cad bcad par 'gyur ro// ngan song gi 'gro ba thams cad las yongs su grol bar 'gyur ro/ / 'di nas ma'i mngal du skye bar mi 'gyur ro// skye ba na rtag tu skye ba dran par 'gyur ro// thams cad du pad+ma la rdzus te skye bar 'gyur ro/ / byang chub kyi snying po la thug gi bar du sangs rgyas kyi zhing nas sangs rgyas kyi zhing du mchi bar 'gyur ro// de nas 'jig rten dbang phyug sprul pa yi// phyag rgya'i rtag ni rjod par bgyid// wu gang kho na'i tshad dag gi/ dkyil 'khor lham gyis bri bar bgyi// gang zhig mthong ba'i mod tsam gyis// dga' ba dang ni mgu bar 'gyur// sdig pa kun las grol ba dang // de nyid dag/  ni 'grub 'gyur ro// rgyun du gang gi go cha yis// rtag tu go cha bgos par 'gyur// go cha'i go ni 'bar ba dang // mdzes pa rtag tu stsol bar 'gyur// cho ga zhib mo legs grub ste//  gsang sngags bla med thams cad 'grub// phyag rgya'i dkyil 'khor bris tsam gyis// gnod sbyin srin po 'byer bar 'gyur// mthong ba tsam gyis don kun kyang // 'jig par 'gyur te som nyi med/ / gnod pa kun las grol 'gyur te// nad kun las kyang de bzhin no// pha rol dpung ngam rang dpung ngam// mi thub pa yi dgra kun las// rtag tu legs par rgyal bar 'gyur//  rtag tu gdon las srung ba dang // dus kun tu yang 'grub par 'gyur// rig sngags 'chang yang bde bgyi'i phyir// de nyid dam pa 'grub 'gyur zhing // 'phags pa spyan ras gzigs dbang gis/ / phyag rgya'i mtshan ma mtshon cha dag/ dgos pa kun gyi rjes mthun par// gang dang gang du bkod pa dag/ de dang der ni phyag rgyar 'gyur// pad+ma kha bye zhes bgyi ba// pad+ma 'dab mas mdzes pa dang / / kun nas 'khor bar 'bar ba'i 'phreng // rnam par rtog pa med par bgyi// phyag rgya 'di kun srog las byung // 'di nas thams cad 'bras bu stsol// rdo rje gsum rdo rje'i mda'/ / dkyil 'khor pad+ma rdo rje dang // pad+ma'i 'phreng ba rdo rje'i mtshan// pad+ma rab gnas pad+ma gnyis// rtag tu pad+ma legs par bgyid// pad+ma'i khu tshur de bzhin du/  pad+ma'i mdzub mo pad+ma bgyis// pad+ma'i lcags kyu'i thal mo sbyar// pad+ma'i lcags sgrog pad+ma'i gzeb// rtag tu pad+ma sems pa dang // nor bu pad+ma rdo rjer gsungs/  don yod pad+ma de bzhin du// pad+ma'i ral gri pad+ma'i dril// rtse gsum zhes bgyi gtun shing 'chang // nor bu dbyug pa me tog dbyug/ de bzhin zhags pa gtun shing dang // chu srin 'dzin dung 'khor lo phyed/ / bi dza pU ra rtag tu se'u 'bru// zla 'dzin nyi ma 'dzin pa dang // tho ba 'dzin dang tshems shing dang // me tog phur ma bgrang 'phreng dang // rdo rje rtse lnga don yon zhags//  don yon grub pa de dag ste// thams cad pad+ma'i steng du dgod// lag pa'i phyag rgya 'di bri ba// gang dang gang du dgod pa ni// lag pa'i phyag rgya bzhi bcu tham// 'di dag kyang ni bri bar bgyi/ / kun nas kyang ni 'bar bar bgyi// nor bu'i rgyan gyis grub par bgyi// dkyil 'khor ldan pa'i ras sam ni// ra ba'am rtsig par bgyis pa'am// ci yang rung ba de dag ste//  de dag mthong ba tsam gyis sam// mthong ba tsam gyi mod la ni// rtag tu sdig pa thams cad spong // mnar meng gnas su gtogs pa dang // mtshams med pa ni lnga nyid de// thams cad skad cig tsam gyis 'byang / / sems can dag pa dran bgyid na// phyir mi ldog pa nyid du 'gyur// sems dpa' sa bcu rab tu gnas// 'di ni phyir mi ldog pa'i gnas// gang lags dkyil 'khor mthong ba ni/ / spyan ras gzigs dbang mchog sbyin ni// rgyun du spyi bo lag na thogs// gang gis phyag rgya 'di mthong ba// rgyun du mchog sbyin 'jig rten dbang // rtag tu mngon sum mthong ba yi// de dang mtshungs te khyad par 'phags/ / gsang sngags sum cu rtsa lnga'i tshig/ rtag tu dran bgyid thams cad 'grub// de ni dus rnams kun tu yang // ngan 'gror mchi bar mi 'gyur ro// rnam grol dkyil 'khor rab myur bar/ / myur du sangs rgyas nyid thob 'gyur// 'od dpag med kyi sras po yi// thu bor gyur par som nyi med// 'jig rten mgon gyi thugs zhal nas// skyes sras rtag tu thu bor 'gyur/ / 'dren pas 'di ni chos nyid dang // chos las skyes par lung ston 'gyur// gang+gA'i klung sa ya bye ba brgya stong dang mnyam pa'i bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba bskyed par 'gyur ro/ / tshad med grangs med dpag tu med pa'i bsod nams kyi phung po 'thob par 'gyur ro// gang gi sug par phyag rgya dang gsang sngags kyi tshig 'di mchis par gyur na/ phyag rgya 'di las 'di lta bu'i phan yon mang zhing che ba mchis par bsgrags so// de la gsang sngags ni/ oM a mo g+ha maM dza li mi li mi li tsi li hUM/  oM a shwA sa yak+Sha Na bi ga te hUM/ oM a b+ha ya ba ra de Di hUM/ oM sarba ta thA ga ta/ a d+hiSh+Thi te/ d+hi ri d+hi ri hUM/ oM pad+ma hrid ya muSh+Tits+tsha/ oM b+hi sa ra b+hi sa ra sar+b+ba mA lAn ta rA dza ya hUM/  baN+Di san+naT+Tarban+tu/ sa r+m+ma A sa g+hA A kaR+Sha mar+d+ha/ oM ka ba sas t+pan+na d+harur+N+Na/ oM u oM / ma ma man+d+ha/ oM a moHtsan+na trAr+sa u0f7fb+h+yad+d+ha/  a mo grA ma Ni tsi li tsi lin+d+ra/ oM badz+ra tu Ta tsi lidz+dza/ oM a mo g+ha hr-i da ya tsa ra tsa ra shud+d+ha satwA n+tu/ oM gr-I Sha pra ti tsi Ti tsi Ti hU~M/ oM bing+ga khad ga tsin ta ya sha trun hU~M/ oM dz+r-i ma la ba ra~M shud+d+he b+hi TiSh+T+rI tsiTIhUM/ oM su ru su ru hUM/ oM ma Ni ma Ni hUM/ oM puSh+pa ba ti dza ye hUM/ oM bo d+hi tsit+ta pA sha d+hA ra d+ha ra hUM/ oM pad+ma pA sha bi shud d+he hUM/ oM badz+re pA she b+ha ba tu mu ru mu ru hUM/ oM tsan+ta ma Ni pA sha ba ra de hUM/ oM tsakra pA sha swa ni ra g+ha ta ka d+hu ru d+hu ru hUM/ oM tri shu lI pA sha bi lo ka tA ra ya hUM/ oM nA ga pA sha b+han d+hA ya kar+N+Na ya duSh+Ta nA ga na pA sha pA ta ya hUM/ oM dza lod b+ha ba d+ha rA ya hUM/ oM tsan+d+ra bi ma le/  bai sho d+ha ya an d+ha kA ra rashrI ba re hUM/ oM shr-i bo d+ha ya hUM/ oM bi dza ya pUr+Na ba re hUM/ oM pha lod b+ha be tu ri hUM/ oM pUr+Na maN+Da le dza ya hUM/ oM sa ha sra rash+mi ki ra Na hUM/ oM sarba duSh+TA na pra ha ra shA sA ya hUM/ oM ma Na bi sho d+ha ya mA lA bi ma le hUM/ oM puSh+pa ba ti su g+ha d+ha ba re hUM/ oM pA sha sa ha sra gu Ni te k+Sha Nak+Sha Na hUM/ oM badz+rod k+She pa su tsi mu Sha tsi Ti tsi Ti hUM/ oM a mo g+ha a pra tiH ta pA sha ha ste trAM/ oM sarba tra a mo g+ha sid+h+ya sid+d+ha sA d+ha ya hUM/ lag pa'i phyag rgya 'di dag dang // de bzhin gsang sngags phyag rgya dag/ lan gcig bzlas pa tsam dang ni// phyag rgya mthong ba kho nas kyang / / sdig pa thams cad mod la 'joms// myur du sangs rgyas nyid thob 'gyur// cho ga zhib mo myur du 'grub// don yod zhags pa rnam grol ba'i// dkyil 'khor dam pa 'grub par 'gyur/ / de la mtshon cha'i phyag rgya ni nor bu rin po che dang / me tog dang / pad+ma dang / ril ba spyi blugs dang / nor bu'i 'phreng ba dang / bgrang 'phreng dang / dung dang / 'khor lo dang / dbyug todang / / mdung thung dang / rdo rje dang / rtse gsum dang / rtse gsum kha gdengs dang / mtshon shag ti dang / rdo rje dang / dgra sta dang / rtse gsum pa gnyis dang / nor bu dang / rdo rje dang /  mtshon shu li dang / las kyi rdo rje dang / yid bzhin nor bu dang / mtshon cha dang / be con dang / dbyug pa dang / dbang phyug chen po'i rtse gsum dang / ral gri dang / zhags pa dang /  lcags kyu dang / sbrul dang / ljon shing dang / b+hu ru dang / dgra sta dang / 'khor lo dang / dgra sta yu ba sbom po can dang / lag pa dang / gtsug pud dang / nor bu sgron ma dang / 'od dang /  'od zer dang / gtun shing dang / 'phyang mo nyug pa dang / dgra sta dang / snod zlum po dang / bum pa dang / brag dang / ri dang / lhun po dang / sbrul 'khyil ba dang / gdugs dang /  rgyal mtshan dang / chu srin dang / nya dang / rus sbal dang / g.yung drung 'khyil ba dang / rig sngags kyi dkyil 'khor dang / rig sngags dang / phyag rgya dang / rtse gsum dang /  dkyil 'khor dang / ral gri dang / gri dang / pad+ma'i 'phreng ba dang / rtse gsum dang / mu sun di dang / mtshon rtse gcig pa dang / phyag rgya bzhi dang / mche ba bzhi dang / zlum po dang / dung dang / 'khor lo dang / rdo rje dang / rtse gsum dang / dung dang / nor bu'i dung dang / pad+ma'i dung dang / urda dang / gos dang / seng ge'i gdong dang /  shang shang te'u dang / ka la bing ka dang / ngang pa dang / bzhad dang / khrung khrung dang / rma bya dang / gshin rje'i dbyug pa dang / gdong bzhi pa dang / dkyil 'khor bzhi dang / rtse gsum dang / bum pa gang ba dang / zla ba phyed dang / nyi ma'i dkyil 'khor dang / zla ba'i 'od dang / pad+ma bzhi dang / pad+ma gsum dang / rgya mtsho dang / me tog dang / phur ma dang /  glegs bam dang / ri dgas kyi g.yang gzhi dang / rdo rje dang / lcags sgrog dang / rdo rje lcags sgrog dang / rta babs dang / lhung bzed dang / chos gos dang / 'khar gsil dang /  so mangs dang / kha khyer dang / ska rags dang / gtsug pud dang / mchod phyir thogs dang / 'phreng ba chen po dang / gru gsum dang / kun nas rdo rje sde dang / phyag rgya mtshon cha 'di dag ni//  'jig rten 'dren pas gsungs pa bzhin// rnam grol dkyil 'khor gsang ba 'di// don yod zhags pa'i cho gar dran// ras sam gos sam rtsig pa 'am/ ci yang rung bar 'dri bgyid pa//  dogs med legs gsal legs 'byor pas// mtshon gsal kun tu pad+mar gzhag/ phyag rgya kun nas 'bar bar bgyi// thams cad srog las byung bas ni// don dang las rnams kun stsol cing / / phyag rgya mod la sdig pa 'phrog/ de ni mod la 'bras bu ster// 'dren pa 'jig rten dbang phyug kun// phyag rgya 'di ni byin gyi brlabs// sangs rgyas kun dang shAkya yi//  rgyal po de bzhin gshegs pas brlabs// de lta bas na mkhas pas su// rtag tu kun nas mtshon bcangs na// sangs rgyas rnams ni dgyes 'gyur te// sras kyi thu bor som nyi med//  phyag rgya rim phyed dam pa 'chang ba gang // 'jig rten mgon po'i sras kyi thu bor 'gyur// don yod zhags pa'i snying po gsang ba yi// rnam par grol ba'i snying po bla na med// phyag rgya dang ni gsang sngags dam pa dag/ 'di 'chang ba la myur du 'grub par 'gyur// de nas don yod pa las thams cad pa dang rjes su mthun pa'i zhags pa bdun bshad par bgyi ste/ de nyid 'grub pas ji lta bu'i/ / cho ga'i cho ga sgrub pa bzhin// so so so sor 'tsham pa yi// de dag kun ni rtogs par bgyi// de nyid grub pa'i ji lta bu'i// mtshan nyid gzugs ni ji bzhin pa// de nyid bsgrub pas zhags pas ni/ / skud pa lnga las 'grub 'gyur te// gsang sngags 'dzin pas mod la ni// 'grub par 'gyur te som nyi med// ras skud pad+ma'i skud pa dang // arga kha che dar dag gis/ skud pa shun pa'i skud pa ste// skud pa 'di dag bkal nas de na nyid kyi cho ga dang / cho ga zhib mo sgrub pas zhags pas ras skud kyi rgyu las langs te/ tshad bzhin bkal nas rtag tu smyung ba bgyis la legs par bkrus pa gos gtsang ma can tshangs par spyod pas zas dkar gsum 'tshal nas/ gnas gtsang ma'i phyogs su don yod pa'i zhags pa'i snying po mdor na byams pa'i sems dang ldan pas dran par bgyi'o/ / de nas shin tu mnyam par bzhags pas brgyad sgril du bkal te/ don yod rgyal po thal mo sbyar bas pad+ma kha phye ba thogs pa/ ral pa'i thor tshugs kyis bzhugs pa/ rgyan thams cad kyis klubs pa'i lus phyed pa sor bzhi pa'i tshad du bgyi'o// bgyis nas gzugs rnam pa gsum du bgyis te/ nges pa'i gzugs dang / khro gnyer gyi bzhin dang / khro bo'i rgyal po'i gzugs te/ dngul lam gser las bgyi'o// de nas zhags pa srid kyi tshad khru bcu drug pa zhags pa'i thor to gcig rdo rje rtse gsum pa dang / skyu ru ra lhan cig sbrel ba gdags par bgyi'o// de nas rig sngags 'chang gis yar gyi ngo'i tshes bco lnga 'am/ tshes brgyad la legs par bkrus gos gtsang ma bgos nas zhag gcig mchis te skyil mo krung bcas nas/ sangs rgyas la mchod pa rnam pa sna tshogs bgyis te/ tshig gzhan mi smra bar zhags pa la lan stong rtsa brgyad bzlas brjod bgyi'o/ / de nas stong rtsa brgyad tshang ba dang / stan bzang po bshams nas de'i steng du zhags pa gzhag par bgyi'o// don yod pa'i zhags pa'i phyag rgyas dbang bskur bar bgyi'o/ / me tog dang / bdug pa dang / dri dang / 'phreng ba dang / byug pa dang / phye ma dang / ba dan bzang po la sogs pas mchod par bgyi'o// a ka ru dang / tsan+da dan dang / du ru ka'i bdug pa dbul bar bgyi'o// mar me'ang dbul bar bgyi'o// de nas rig sngags 'chang gis yungs kar la lan nyi shu rtsa gcig bzlas brjod bgyis te zhags pa'i steng du gtor bar bgyi'o/ / 'phags pa spyan ras gzigs dbang phyug gi ri mo'i gzugs la'ang ci 'byor pas mchod par bgyi'o// de nas rig sngags 'chang gis zhags pa de'i mdun du skyil mo krung bcas te/ ma 'khrus pas gdugs rtse ba'i bar du mchod pa bgyis nas bzlas brjod bgyi'o// yungs kar re re la bzlas brjod re re bgyis te zhags pa'i steng du gtor zhing / stong rtsa brgyad tshang gi bar du gdugs re re mchis par bgyi ste/ rngo ci thogs pas gdugs rtse'i bar du bzlas brjod bgyi'o// mchod par bgyi'o// kha zas ngan pa spang bar bgyi'o/ / lhag ma dang sbags pa spang bar bgyi'o// gos gtsang ma bgo bar bgyi'o// stong rtsa brgyad tshang nas zhags pa 'bar bar 'gyur te/ gal te 'jig rten pa'i grub na ni me'i kha dog tu 'bar bar 'gyur ro/ / gal te 'jig rten las 'das pa'i grub na ni kha dog sna tshogs 'bar bar 'gyur ro// don yod pa'i lus de'ang 'bar bar 'gyur ro// sgra/  'byung bar 'gyur te/ rig sngags 'chang legs so legs so// khyod kyis 'jig rten las 'das pa'i byang chub kyi sems kyi zhags pa 'di grub kyis/ khyod kyis byang chub kyi sems bla na med pa khug cig/ pha rol tu phyin pa drug dang pha rol tu phyin pa bcu'i khongs su gtogs pa yongs su rdzogs par bgyis shig/ 'on te 'jig rten pa'i sgrub na ni yid bzhin gyi nor bus bsams ji lta ba bzhin du yongs su rdzogs par 'gyur ro/ / ji ltar yid la bsams shing smon pa bzhin lag pas 'phangs na gsang sngags kyis thams cad sgrub par bgyid de/ thams cad bkug par 'gyur ro/ / phyogs gang dang gang du 'phangs pa de logs su don yod pa'i zhags pa'i snying po lan bdun bzlas par bgyis te/ mod la bsams pa thams cad 'grub par 'gyur ro// gal te mtshams med pa lnga bgyis pa 'am/ mnar med par mchi ba zhig na'ang de'i legs par 'grub par 'gyur te/ de la yid gnyis dang som nyi bskyed par mi bgyi'o// khro gnyer gyi bzhin gyis gang du 'phangs na lha dang /  klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rnams bkug nas rig sngags 'chang gi mdun du mchi bar 'gyur zhing / ji srid 'tsho'i bar du bran bzhin du mchis par 'gyur ro// rgyal po dang / blon po dang / btsun mo'i 'khor thams cad mchis par 'gyur ro// 'jig rten thams cad kyis cher mchod par 'gyur ro/ / gang gi don du zhags pa 'phangs pa'i don du 'grub par 'gyur ro// khro bo'i rgyal po'i zhags pa la khro bo'i rgyal po lan nyi shu rtsa gcig bzlas brjod bgyis nas 'phang bar bgyi'o/ / 'phangs pa tsam gyi mod la bgegs dang / log 'dren dang / gdug pa'i sems can thams cad zhags pas bcings par 'gyur ro// gal te 'tshal na lo 'am/ lo brgya 'am/ stong ngam/ bskal pa brgya stong gi bar du zhags pas bcings par 'gyur ro// nam byams pa dang snying rje bskyed nas de'i tshe don yod pa'i zhags pa'i snying po lan gsum bzlas nas phyir dkrol bar 'gyur ro/ / dpung gi nang du 'phangs na dpung rnams zhags pas bcings par 'gyur ro// g.yul 'gyed pa'i dbus su 'phangs na mtshon dang / go mtshon dang / gzhu dang /  mda' dang / mdung dang / ral gri dang / gtun shing dang / mu sun di dang / 'khor lo dang / thag mdung dang / mtshon cha thams cad dang / go cha dang / ya lad thams cad zhags pas bcings par 'gyur ro/ / chab dang yungs kar la lan bdun bzlas brjod bgyis te gtor na grol bar 'gyur ro// zhags pa la gdugs gcig bzhin ci 'byor pas mchod par bgyi'o// gang gi don du bsams pa de thams cad 'grub par 'gyur ro/ / don yod pa'i zhags pa sgrub pa'i cho ga'o// // 'on te mi snang ba sgrub par 'tshal na/ don yod pa'i zhags pa'i phyag rgya lag pas bcings te/ g.yas pa dang g.yon pas gong du ji skad gsungs pa bzhin zhags pa bzung nas don yod pa'i zhags pa'i snying po lan brgya rtsa brgyad bzlas brjod bgyis na mi gda' bar 'gyur ro/ / brgya rtsa brgyad lan gnyis bzlas brjod bgyis na nam mkha' la mchis par 'gyur ro// don yod pa'i rig sngags 'chang gi 'khor los sgyur bar 'gyur ro//  rig sngags 'chang brgya stong phrag 'bum gyis yongs su bskor bar 'gyur ro// lo bye ba bcur 'tsho bar 'gyur ro// skra cung zad 'khyil bar 'gyur ro// stobs dang brtson 'grus pha rol gyis zil gyis mi non par thogs pa med par 'gyur ro/ / char pa 'tshal bas mchod pa bgyis na ji tsam gsol ba btab pa bzhin 'bab par 'gyur ro// ha cang char ches pa dgag pa'i slad du mchod pa bgyis na char pa bkag par 'gyur ro/ / yams kyi nad dang / gnod pa dang / 'tshe ba dang / 'khrugs pa thams cad dang / mings thams cad rab tu zhi bar 'tshal bas/ rig sngags 'chang legs par khrus bgyis pa gtsang mas gos gtsang ma bgos la/ lag pas zhags pa blangs te gnas mthon por 'dzegs nas/ don yod pa'i zhags pa'i phyag rgya dang zhags pa bcings te/ don yod pa'i zhags pa'i snying po phyogs bzhir lan bdun bzlas nas zhags pa 'phangs na de dag thams cad dran pa tsam gyis 'thab pa dang / rtsod pa dang / 'gyed pa dang / rang gi dpung dang / gzhan gyi dpung thams cad dang / phas kyi rgol ba dang / mi mdza' ba thams cad rab tu zhi bar 'gyur ro// 'jigs pa dang / yams kyi nad dang / gnod pa thams cad dang / mi ngas chen po dang / mu ge'i dgon pa'i 'jigs pa thams cad rab tu zhi bar 'gyur ro/ / ha cang char che ba dang / dus ma lags pa'i char dang / grang ba dang / rlung dang / tsha ba mi bzad pa'i 'jigs pa thams cad rab tu zhi bar 'gyur ro/ / dpag tshad brgya stong khor yug tu mtshams chen po bcings pa bgyis par 'gyur ro// ji lta ji ltar yid la bsams pa de lta de ltar thams cad 'grub par 'gyur pas/  don yod rgyal po mchod par bgyi zhing bzlas brjod bgyi/ gsol bar yang bgyi'o// mchod pa dang gsol ba bgyis pa tsam gyi mod la thams cad phun sum tshogs par 'gyur te/ de la yid gnyis dang som nyi bskyed par mi bgyi'o/ / cho ga zhib mo las ji skad gsungs pa bzhin las bgyid pa rnams kyi cho ga de bzhin du bsgrub par bgyi'o// de nas skad cig de'i mod la thams cad 'grub par 'gyur ro/ / byams pa dang / snying rje dang / dga' ba dang / btang snyoms bsgom par bgyi'o// sems can thams cad la mchog tu brtse bar bgyi'o// 'phags pa spyan ras gzigs dbang phyug la mchod par bgyi'o/ / dkon mchog gsum la gus par bgyi'o// de bzhin gshegs pa thams cad la gus pa dang / bla mar yid la bsgom par bgyi'o/ / mi gtsang ba spyod pa gtsang bar bgyi zhing yongs su dag pa'i ngang tshul can du bsgom par bgyi'o// don yod pa'i zhags pa de kho na nyid kyi cho ga sgrub pa yid bzhin gyi nor bu byang chub dgug par bgyi'o/ / de nas zhags pa'i 'khor lo'i cho ga sgrub pa bshad par bgyi ste/ rig sngags 'chang de kho na nyid sgrub pas phug tu 'jug pa'i sgrub pa thams cad kyi mchog phug tu 'jug pa dang / lha ma yin gyi gnas su 'jug pa dang / mi 'am ci'i gnas su 'jug pa dang / dri za'i gnas su 'jug pa dang / lha'i gnas su 'jugs pa dang / nam mkha' la rgyu ba dang / sum cu rtsa gsum pa'i gnas su 'jug pa dang / 'og min gyi gnas kyi bar du 'jug pa dang / klu'i rgyal po'i gnas su 'jug pa dang / thang la rgyu ba dang / nyi ma'i gnas su 'jug pa dang / zla ba'i gnas su 'jug pa dang / skar ma'i gnas su 'jug pa dang / rgyu skar gyi gnas su 'jug pa dang / nags su 'jug pa dang / ri la rgyu ba dang / 'bab nu chen po 'jug pa ste/ ji lta ji ltar yid la bsams pa de lta de ltar 'jig rten pa dang 'jig rten las 'das pa'i zhags pa'i cho ga sgrub pa tshegs chung ngu dang / brtsol ba chung ngus 'grub par 'gyur te/  de la yid gnyis dang som nyi bskyed par mi bya'o// rig sngags 'chang gtsang mar gyur pa legs par khrus bgyis te/ gos gtsang ma bgos nas zas dkar gsum 'tshal la/ gtsang ma de kho na nyid la gus pas sangs rgyas rjes su dran pa bsgom par bgyi'o/ / byams pa'i sems la mnyam par bzhag nas snying rje'i bsam pa dag pa'i yid kyis tshes bcu gsum nas brtsams te/ zla ba nye ba'i bar du gsal ba shin tu bkra shis pa la dus gsum du ci 'byor pa'i rnam pa rnams kyis mchod par bgyis la/ rtag tu brgya rtsa brgyad pa yi// dus gsum rgyun du bzlas brjod bgyi/ / nyin par dus gsum lan gsum ste// mtshan mo'i dus su lan gsum bgyi// 'khor lo zhags pa bla med 'di// skud pa gsum las bsgrub bgyi ste/  ras skud pad+ma'i skud pa dang // arga'i skud pa sum 'gyur du// de ni legs par tshad bzhin du// khru ni sum cu rtsa drug bgyi// 'khor lo rnam pa las ni bgyi// rgyar ni sor bzhi'i tshad lags te/ / snying por bcas shing mu khyud bcas// kun nas rtsibs dang ldan pa dang // gser dang dngul dang zangs las bgyi// chos bstan legs par brgyan pa yi// bzang po'i stan la gzhag par bgyi/ / spos kyi dkyil 'khor me tog gi/ sil ma bkram nas bum pa dgod// de bzhin mchod yon snod kyang bsham// ri mo'i gzugs kyi mngon du phyogs par bzhag ste chos kyi snyan bsham par bgyis pa'i steng du 'khor lo'i zhags pa bzhag ste mchod pa bgyis la/ bsams pa ji lta ba bzhin du dus gsum du lan brgya rtsa brgyad bzlas bgyi'o/ / de nas tshes bco lnga'i zla ba nya la nyin zhag gcig mchis par gyur pas tshig gzhan mi smra bar 'phags pa spyan ras gzigs dbang phyug gi ri mo'i gzugs la mchod par bgyi zhing gdug pa rnam pa gsum po a ka ru dang / tsan dan dang / gu gul rnams dbul bar bgyi'o// ri mo'i gzugs kyi mdun na chos kyi stan mchis pa la mngon du phyogs te mchis nas don yod pa'i zhags pa'i snying po stong rtsa brgyad bzlas brjod bgyis te/ yungs kar re re la bzlas brjod bgyis pas zhags pa'i steng du gtor bar bgyi'o// stong rtsa brgyad tshang nas zhags pa 'bar zhing 'khor lo nam mkha' la mchis nas 'bar zhing lding bar 'gyur ro/ / rig sngags 'chang gi lus kyi stod dang spyi bo nas 'od zer 'byung bar 'gyur ro// ri mo'i gzugs las legs so zhes bya ba'i sgra 'byin par 'gyur ro/ / de nas rig sngags 'chang gis don yod pa'i zhags pa'i snying po'i 'khor lo zhags pa'i cho ga rgya chen po 'di 'grub par 'tshal bar bgyi'o// de nas rig sngags 'chang gis mchod pa chen po bgyis la/ don yod khro bo'i rgyal po lan stong rtsa brgyad bzlas brjod bgyi ste/ de'i 'og tu rig sngags 'chang gis zhags pa blang bar bgyi'o// lag pa g.yon pa 'khor lo'i phyag rgya'i tshul du bcing bar bgyi zhing / g.yas pa zhags pa'i phyag rgya dang 'khor lo'i tshul la brten nas blangs te/ don yod pa'i zhags pa'i snying po brjod nas phyogs bzhir 'phang bar bgyi'o/ / de nas phyogs bcur khro bo'i rgyal po lan nyi shu rtsa gcig bzlas brjod bgyi'o// de nas bdag nyid kyi lus la dbang bskur ba'i tshul du lan bdun du bskur bar bgyi'o//  de nas phyag rgya'i tshul du bskor ba tsam gyi mod la rig sngags 'chang 'khor los sgyur ba'i dbang bskur bar 'gyur ro// dam pa chen po 'grub par 'gyur ro// 'khor los sgyur ba'i rgyal po chen po legs mthong rang gi gzugs kyis mdun na mchis nas/ rig sngags 'chang gi rkang pa spyi bos blangs nas 'di skad ces kyang smra bar 'gyur te/ rig sngags 'chang gis ci bka' stsal pa de bgyi'o zhes ci bsgo ba'i don de dang de thams cad bgyid par 'gyur ro/ / bran gyi rang bzhin gyis thams cad du las bgyid par 'gyur ro// de nas rig sngags 'chang gang gi tshe gnas su 'jug par 'tshal bas/ 'di ltar nub gsum du mchis par gyur pas zhags pa'i phyag rgya lag pas blang bar bgyi'o/ / phug gi sgo gang lags pa der zhags pa lan gsum du bskor bar bgyi'o// don yod pa'i rgyal po bzlas brjod bgyis te zhags pa gdab par bgyi'o/ / zhags pa btab pa tsam gyi mod la gnas kyi phug gi sgo thams cad bye bar 'gyur ro// 'khrul 'khor dang / gtan pa dang / phug dang / 'bab chu chen po dang / brtsegs ma dang /  'bab chu dang / gnod sbyin dang / srin po dang / lam mi bde ba thams cad bsal ba dang / bcom pa dang / bshig par 'gyur ro// gtan pa dang / sgo glegs dang / 'khrul 'khor dang / lcag sgrog rnams dum bu dum bur chad cing gyes par 'gyur/ nyams par 'gyur// 'jig par 'gyur ro// shin tu dag pa dang / shin tu dri ma med pa dang / shin tu rgya che ba'i gzhal med khang 'byor pa rnam par 'phrul pa dag mthong bar 'gyur ro/ / rin po che sna tshogs kyis bkra ba/ rin po che sna bdun gyis brgyan pa'i gnas/ rin po che sna tshogs kyi ljon shing gis brgyan pa'i gzhal med khang mthong bar 'gyur ro/ / me tog sna tshogs kyi ra ba shin tu dri zhim pa'i gzhal med khang mthong bar 'gyur ro// de nas rig sngags 'chang gis lag pa'i zhags pa dang / 'khor lo'i phyag rgya'i tshul mngon sum du bgyis nas don yod pa'i zhags pa'i snying po bzlas te 'jug par bgyi'o/ / rig sngags 'chang gnas su zhugs pa tsam kho nas gnas mchog de'ang rnam pa drug du 'gul ba dang / g.yo ba dang / ldeg pa dang / 'ur 'ur chem chem ste/ lha'i 'od zer gyi snang ba chen pos snang bar 'gyur ro// de nas rig sngags 'chang 'jug par bgyi'o// de nas don yod pa rnam par dag pa dri ma med zhes bgyi ba'i sman bud med kyi gzugs lha'i rgyan gyis brgyan pa/ lha'i gos kyi rgyan gyis klubs pa/ kha dog bzang po rgyas pa mchog dang ldan pa/ lha'i gzugs chen po 'chang ba bi dza pur thogs pa mchi bar 'gyur ro/ / sman bud med kyi gzugs 'chang ba de mthong ba tsam kho nas dpag tshad gang tsam nas gzi brjid thams cad dang / stobs thams cad nye bar sgrub par bgyid do// de nas rig sngags 'chang gis don yod pa'i 'khor lo'i zhags pa mdun du bcing bar bgyi ste/ mthong ba tsam gyi mod la de'i stobs dang / brtson 'grus dang / gzi brjid nyams par 'gyur ro// mthu chung bar 'gyur ro/ / de nas bud med de dgod pa dang / oM zhes bgyi bas mnan par bgyi'o// khro bo'i rgyal po bzlas pa bgyi ste/ kha sbub tu 'gyel nas chab 'byung bar 'gyur te/ chab de la reg par mi bgyi'o//  don yod rgyal po bzlas par bgyi ste/ de nas mig tshugs kyis lta bar bgyid na rig sngags 'chang gis zhags pas gzhu bar bgyi'o// de'i 'og tu bdud rtsi'i chab 'byung ste/ blang bar bgyi/  byug par bgyi'o// kun tu byug pa tsam gyis nam mkha' la mchi bar 'gyur te/ thog mar rlung gi phung po nas 'dzeg par 'gyur ro// mig la byugs nas phyogs bcu thams cad du gtogs pa'i de bzhin gshegs pa byang chub sems dpa'i tshogs kyi 'khor dang bcas pa thams cad dang / sangs rgyas kyi zhing de'i gzhal med khang dang / gnas kyi rnam par 'phrul pa dang / gang dag bzhugs shing bzhes la 'tsho ba dag ji ltar lag mthil na mchis pa de bzhin du mthong bar 'gyur ro/ / gang dag yongs su mya ngan las 'das pa dang / gang dag 'das pa dang / gang dag ma byon pa dang / gang dag da ltar byung ba dang / sangs rgyas pa rnams dang / gang dag ring bsrel snying po'i mchod rten chen po'i srog shing gi tshogs can dag dang / de bzhin du ji ltar 'khor gyi dkyil 'khor gyi khang pa de dag thams cad mthong bar 'gyur ro/ / bdag nyid la kun nas byugs te/ des byugs pa tsam gyis pags pa'i mdog lha'i gser dang 'dra bar 'gyur ro// sgra sngo la cung zad 'khyil bar 'gyur ro/ / mig lha'i ut+pa la sngon po mchog 'dra bar 'gyur ro// tshe lha'i bskal pa brgya stong du 'gyur ro// rig sngags 'chang gi 'khor los sgyur ba 'bum phrag brgya stong phrag bco brgyad kyis yongs su bskor bar 'gyur ro/ / lha'i bu mo brgya bzhi bcu dang / mi 'am ci'i bu mo dang / rig sngags 'chang gi bu mo gang+gA'i klung gi bye ma brgya stong phrag 'bum snyed kyis yongs su bskor bar 'gyur ro/ / ji ltar yid la bsams pa dang / yid la brnags pa tsam gyis lha'i zas kyi mchog ro brgya dang ldan pa dag mdun du 'byung bar 'gyur ro// lha'i btung ba chen po bdud rtsi'i ro bro ba dag 'byung bar 'gyur ro/ / byang chub kyi snying po la thug gi bar du 'khor los sgyur ba'i rgyal po chen po legs mthong mdun nas rgyug par bgyid do// dgra thams cad dang / bgegs dang / log 'dren thams cad bcom pa dang / nyams pa dang / gtugs pa dang / gshegs pa dang / brtsal ba dang / gyes pa dang / phye mar bgyis par 'gyur ro// yang na sman gyi bud med de'i sgra kun bton te ska rags su bgyis nas bcing bar bgyi'o/ / gang du bcings pa de'ang rin po che sna bdun du 'gyur ro// gang du bzhugs pa thams cad mi snang bar 'gyur ro// de la lha thams cad gnas 'cha' bar 'gyur ro/ klu thams cad dang / lha ma yin thams cad dang / mi 'am ci thams cad dang / rig sngags 'chang thams cad de'i dbang du mchis par 'gyur ro// 'khor de thams cad byang chub kyi snying po la thug gi bar du de'i phyi bzhin du rjes su 'brang bar 'gyur ro/ / de nas rig sngags 'chang gnas su 'jug par 'tshal zhing / slar yang ldog par 'tshal na sman gyi bud med de dang gtam mi bgyi/  reg par mi bgyi bar lag pa zhags pa'i phyag rgyas gnas mchog tu 'jug par bgyi'o// de nas gnas thams cad na gnas pa'i bud med dang / skyes pa dang / khye'u dang / bu mo thams cad phyir byung nas mdun na sdod par 'gyur te/ kha gcig gi lag na ni bum pa gang ba'o// kha cig gi lag na gdugs so// kha cig gi lag na ni lha'i gos thogs so// kha cig ni lha re nor bu rin po che thogs so/ / kha cig ni dri dag go// kha cig ni me tog dag go// kha cig ni 'phreng ba dag go/ kha cig ni rgyan dang lhab lbub sna tshogs thogs so// kha cig ni byug pa dag go/  kha cig ni dri'i phye ma dag go// kha cig ni spos chu'i rin po che sna bdun gyi snod bkang ba dag go// kha cig ni lha'i 'bras bu sna tshogs pa dag go// kha cig ni lha'i me tog sna tshogs thogs te/  pad+ma dang / ku mu da dang / pad+ma dkar po dang / man da ra ba dang / man dar ba chen po dang / many+dzu sha ka dang / many+dzu sha ka chen po dang / mdog mdzes dang / mdog mdzes chen po dang / a ti mug ta ka dang / tsam pa ka dang / bar shi ka dang / mthon ka dang / mthon ka chen po dang / ka dam pa dang / sna ma dang / yu ti ka dang / klu'i me tog dang /  kon ta dang / g+han d+ha bar shi ka'i me tog dag thogs so// kha cig ni lha'i tsan dan go shI ra sha dang / sbrul gyi snying po'i bdug pa dang / a ka ru dang / du ru ka dang / ta ma la'i lo ma'i bdug pa thogs so/ / kha cig gi lag pa na ni rma bya'i bsil yab thogs so// kha cig gi lag pa na ni ral gri'o// kha cig gi lag pa na ni mdung thung ngo // kha cig gi lag pa na ni rdo rje dang /  dgra sta dang / mda' bo che dang / mdung dang / gtun shing dang / mdung rtse gsum pa dang / gzong kha gnyis pa dag go// kha cig ni go cha dang ya lad bgos nas srung ba'i phyir kun nas 'du zhing mchi bar 'gyur ro/ / kha cig ni rin po che sna tshogs kyi snod dang / gser gyi snod dang / dngul gyi snod dag thogs pa rin po che sna tshogs kyi me tog dang / gser gyi me tog dang / dngul gyi ma tog dag gis bkang nas thogs te/ de dag thams cad rig sngags 'chang la dbul bar bgyid do// rig sngags 'chang gis byams pa dang snying rje chen po yid la bgyid pa dang / sangs rgyas yid la bgyid pas 'phags pa spyan ras gzigs dbang phyug don yod pa'i zhags pa'i cha lugs 'chang ba yid la bgyi'o/ / mchog tu brtse ba yid la bgyid pas bag yod pas tshig gzhan mi smra bar dbugs dbyung bar bgyi zhing lam drang po nas 'jug par bgyi ste/ seng ge'i khri la mngon du mchis nas don yod pa'i 'khor lo'i zhigs pa thogs mar seng ge'i khri'i steng du gzhag par bgyi'o/ / // 'phags pa don yod zhags pa'i cho ga zhib mo'i rgyal po bam po bzhi pa// de'i 'og du rig sngags 'chang rang nyid mchis nas steng du gtogs pa'i de bzhin gshegs pa thams cad la phyag bgyi zhing / 'phags pa spyan ras gzigs dbang phyug mchog sbyin pa'ang phyag bgyi'o// des dgra thams cad pham par bgyis par 'gyur ro/ / gal te 'og tu phyogs nas phyag bgyis nas/ de nas 'khor los rig sngags 'chang gi phyir rgol ba rnams mgo bcad par 'gyur ro// rig sngags 'chang mchis ma thag tu gnas rnam pa drug du g.yos nas sgra chen po 'byung bar 'gyur ro/ / ca co'i sgra chen po 'byung bar 'gyur ro// lha'i rol mo'i cha byad yan lag lnga dang ldan pa dag 'bud par 'gyur ro/ / nam mkha'i lha rnams kyis kyang gzhal med khang chen po nas dbu rgyan dang cod pan gyis rig sngags 'chang gi mgo bo la dbang bskur bar bgyid do// dbang bskur ba tsam gyi mod la rin po che sna bdun gyi char 'bab par 'gyur ro/ / gser gyi char dang gos kyi char 'bab par 'gyur ro// gser gyi me tog dang / dngul gyi me tog dang / lha'i me tog ba sna tshogs kyi char dang / lha'i rgyan gyi char 'bab par 'gyur ro// de nas lha'i bu mos rin po che sna bdun gyi snod du bdud rtsi'i bcud 'tshal te mchis nas dbul bar bgyid do// rig sngag 'chang gis blangs nas don yod pa'i zhags pa'i snying po bzlas par bgyi'o/ / de nas rig sngags 'chang gis reg par bgyi'o// rig sngags 'chang gis reg pa tsam gyi mod la lha'i lus rnam par dag pa thob nas pags pa'i mdog gser 'dra bar 'gyur ro/ / skra lhag par sngo ba dang / mig ut+pal sngon po ltar lha'i mig yongs su dag par 'gyur ro// tshe'i tshad lha'i bskal pa 'bum phrag brgya stong du 'gyur ro/ / gal te phyir mi ldog par 'tshal na de'i bcud kyis len mchog las ji tsam 'tshal ba blangs te/ lha'i chab tsan dan gyi dri dang ldan pa'i nang du zhugs nas khrus bgyi'o/ / khrus bgyis pa tsam gyi mod la phug gi sgo rang 'bye bar 'gyur zhing / ji ltar dbang phyug chen po'i gzugs 'dra bar mthong na ni 'jig rten thams cad kyi mchod gnas kyi gtso bo gcig pur 'gyur ro/ / ji ltar 'phags pa spyan ras gzigs dbang phyug bzhin du rig sngags 'chang 'di'ang mchod pa dang / bkur sti dang / bla mas bla mar bgyi ba de lta bur 'gyur ro// gang du bcud kyis len mchog 'dis reg na 'dzam bu'i chu bo'i gser yongs su dag par 'gyur ro/ / rtsig pa 'am/ ri 'am/ ka ba 'am/ ljon shing ngam/ snod dam/ bum pa 'am/ rdza bo 'am/ gos sam/ bong ba la reg na de dag thams cad 'dzam bu'i chu bo'i gser yongs su dag par 'gyur ba nas/ dgos pa'i bar du 'gyur ro// de nas rig sngags 'chang klu mo 'am/ lha mo 'am/ mi 'am ci mo 'tshal na/ rig sngags 'chang de gos gtsang ma bgos nas legs par khrus bgyi'o// tshes brgyad dam/ bcu bzhi 'am/ bco lnga la 'phags pa spyan ras gzigs dbang phyug gi ri mo'i gzugs la mchod pa bgyis nas nyin zhag gcig gnas par bgyi'o/ / 'khor lo'i zhags pa chen po 'di chos kyi stan legs par brgyan pa'i stan bzang po'i steng du gzhag par bgyi zhing mchod pa chen po bgyi ste/ de nyid kyi mdun du tshig gzhan mi smra bar lan stong rtsa brgyad bzlas te yungs kar re re nas bzlas brjod bgyis pa zhags pa'i steng du gtor bar bgyi'o/ / lan stong rtsa brgyad tshang ba dang zhags pa de'ang sprul bzhin du yongs su 'khyil la 'khor lo'i gdengs ka'i tshul du mchis par 'gyur ro/ / de nas rig sngags 'chang gis zhags pa blangs te klu gnas pa'i mtsho 'am/ mi 'am ci gnas pa'i mtsho 'am/ lha mo gnas pa'i mtsho 'gram du mchis nas don yod pa'i zhags pa'i snying po bzlas te/ gnas kyi nang du zhags pa 'phang bar bgyi'o// 'phang ma thag kho nar slar yang drang bar bgyi ste/ ji lta bu'i don yid la bsams pa'i don de zhags pas bcings nas ji ltar bsam pa de bzhin du bgyi bar 'gyur ro/ / gzhan yang ji ltar yid la bsams pa'i nor ram/ dbyig gam/  gser ram/ nor bu 'am/ mu tig gam/ bai n+dur+Ya 'am/ shang ka shi la'am/ byu ru 'am/ sa le sbram mam/ dngul lam/ gos sam/ chas sam/ rgyan nam/ gzhan yang gzhal med khang ji lta bur 'byor pa can dag don du gnyer na zhags pa 'phang bar bgyi ste/ de thams cad 'dren par bgyid do// gang dang gang du 'phang pa de dang der ji ltar yid la bsams pa de nyid shin tu gsal bar yongs su rdzogs par 'gyur ro/ / dngos po gzhan du mi 'gyur ro// rgyal po'i rigs sam/ bram ze'i rigs sam/ rgyal rigs sam/ khyim bdag gi rigs sam/  rje'u rigs kyi ci dang ci bsams pa 'grub par bgyid do// skyes pa 'am/ bud med dam/ khye'u 'am/ bu mo'i ming nas brjod de zhags pa 'phangs pa tsam gyi mod la zhags pas bcings nas 'dren par 'gyur ro/ / tha na ri dgas dang / bya dang / seng ge dang / stag dang / glang po che dang / ma he'ang 'dren par bgyid do// gang gis ming nas brjod de g.yul 'gyed pa'i nang du 'phangs na/ de'ang zhags pas bcings nas mdun du mchis te/ ji ltar yid la bsams pa de bzhin du thams cad 'grub par bgyid do// zla ba dang nyi ma dbab par 'tshal na zla ba dang nyi ma'i mdun du mchis nas don yod pa'i zhags pa'i snying po lan bdun bzlas te/ zla ba dang nyi ma'i mngon sum du zhags pa 'phangs nas slar yang drang bar bgyi ste/ zla ba dang nyi ma zhags pas bcings nas drangs par 'gyur ro/ / nam mkha' las bab nas rig sngags 'chang gi mdun du mchis te/ ji ltar yid la bsams pa bzhin dgos pa thams cad sgrub par bgyid do// 'on te zla ba dang nyi ma'i gnas su mchi bar 'tshal na zhags pa'i phyag rgya bcings pa lag pas blangs te don yod pa'i rgyal po'i snying po bzlas pa dang / rig sngags 'chang nam mkha' la 'phur nas nyi ma dang zla ba'i stan la ji srid du 'tshal bar longs spyod par 'gyur zhing / slar bde ba dang / ma snad pa dang / ma smras pa dang / legs par 'grub par 'gyur ro// nags khung du 'jug par 'tshal na gtsang ma legs par khrus bgyis pas gos gtsang ma bgo bar bgyi zhing / nags khung gi sgor lan nyi shu rtsa gcig bzlas brjod bgyis te zhags pa 'phang bar bgyi'o// lag pas zhags pa 'phangs pa tsam gyis nags khung gi gnas kyi gzhal med khang gi klu thams cad bcings nas thams cad rig sngags 'chang gi mdun na mchis par 'gyur zhing / rig sngags 'chang la phyag bgyis nas/ rig sngags 'chang khyod gnas chen po mchog tu zhugs shig ces smra bar 'gyur ro// de nas rig sngags 'chang gis don yod pa'i rgyal po'i snying po bzlas te/ lag pa zhags pa'i phyag rgyas nags khung du 'jug par bgyi'o/ / zhugs pa tsam kho nas nags kyi gnas rnam pa drug tu g.yo bar 'gyur zhing / dbus kyi nags kyi mtha' na rin po che sna bdun gyi rdzing lha'i chab dngas shing rnyog pa ma mchis pa/ shin tu gsal ba/ lha'i tsan dan gyi dri dang ldan pa/ ha cang mi grang ba/ ha cang mi dro ba/ reg na bde ba/ ro dang ldan pa/ bdud rtsi'i bcud can mchis te/ 'di ltar don yod pa'i rgyal po snying po yungs kar la lan nyi shu rtsa gcig bzlas brjod bgyis nas rdzing gi dbus su zhags pa 'phang bar bgyi'o// 'phangs pa tsam gyi mod la bud med rin po che'i gzugs 'dra ba'i lha'i bu mo'i lus phyed byung nas/ lha'i me tog rnam pa sna tshogs kyis legs par brgyan cing / rin po che sna bdun gyi bum pa gang ba thogs te rig sngags 'chang la dbul zhing spyi bo smad de 'dzem pa dang bcas pas rig sngags 'chang la smras pa/ rje btsun rig sngags 'chang khyod ma bzhengs par gnas su zhugs shig/ rig sngags 'chang gis grub pa'i tshig gsum brjod par bgyi ste/ 'jig rten pha rol gyi don dang / rig sngags 'chang nyid dang / 'jig rten pa'i dngos grub grub ste/ bdag nyid kyi ma dang / sring mo dang / mngag gzhum zhes gar bde bar brjod la/ de'i 'og tu rig sngags 'chang gis smra bar bgyi ste/ sring mo kho bo la 'jig rten pha rol gyi don byin cig ces 'jug par bgyi'o// de yang rig sngags 'chang khyod rang gi gnas su snoms te zhugs shig ces smra bar 'gyur ro/ / de nas rig sngags 'chang gis lag pa zhags pa'i phyag rgyas 'jug par bgyi zhing / don yod rgyal po'i snying po bzlas so// de nas gnas chen po mchog rin po che sna bdun gyi gzhal med khang lha'i dril bu g.yer kha'i dra ba dang / gser dang / gos sbyangs pa/ dar gyi chun 'phyang rab tu sbyangs pa gda' ba nas bu mo de yang nor bu rin po che chen po thogs te/ rig sngags 'chang 'jig rten pha rol gyi don du rin po che chen po bzhes shig ces dbul bar bgyid do// de nas rig sngags 'chang gis stan bshams pa'i steng du zhags pa legs par yongs su skyil te/ stan du bting la nor bu rin po che chen po de zhags pa'i steng du bzhag cing me tog dang bdug pa dbul bar bgyi'o// don yod rgyal po'i snying po bzlas par bgyi'o//  bzlas pa tsam gyi mod la zhags pa nor bu rin po che dang bcas te 'bar bar 'gyur ro// nor bu rin po che chen po de las yang 'o ma'i chab 'byung bar 'gyur ro// rig sngags 'chang gis 'o ma'i chab de las blangs la sbyor chu lan bdun du reg par bgyi'o/ / 'o ma'i chab kyis reg pa tsam gyi mod la lus thams cad dri ma dang bral zhing yongs su dag par 'gyur ro// don yod snang ba nor bu gzhal med kyi dkyil 'khor gyi 'od zer gyi dra ba 'od zer zhes bgyi ba thob nas sa bcu la gnas te phyir mi ldog par 'gyur ro/ / bla na med pa'i byang chub kyi lam thob par 'gyur ro// 'phags pa spyan ras gzigs dbang phyug gi ting nge 'dzin sgyu ma lta bus rnam par 'phrul pa thob par 'gyur zhing / shin tu yongs su dag pa'i bdag nyid kyi rang bzhin gyis don yod pa'i zhags pa'i cha lugs 'chang ba rig sngags 'chang gi mdun du mchis nas lag pa g.yas pa spyi bor bzhag ste/ nga'i rig sngags 'chang gi bu thu bo khyod kyis grol ba chen po'i dkyil 'khor sangs rgyas kyi sku yongs su dag pa 'thob bo zhes dbugs 'byin par 'gyur ro/ / phyogs bcu'i de bzhin gshegs pa rnams mthong nas thams cad kyis legs so zhes bya ba'i sgra 'byin par 'gyur te/ sems dpa' chen po legs so legs// khyod ni byang chub lam du zhugs// khyod kyis sangs rgyas nyid 'thob ste// grol ba'i lam zhes bya ba bsgrubs// 'on te rig sngags 'chang nyid don du gnyer na/ de'i tshe gser gyi me tog stsol bar 'gyur te/ blangs la bu mo de nyid kyi spyi bor bzhag nas/ oM zhes bgyi bas mnan par bgyi'o// oM zhes bgyi ba'i sgra brjod nas spyi bor bzhag pa tsam gyi mod la bu mo de'i mig mchog gnyis nas mchi ma 'dzag par 'gyur ro/ / de nas rig sngags 'chang gis blangs te nye reg bgyi'o// nye reg bgyis pa tsam gyi mod la rig sngags 'chang gi 'khor los sgyur bar 'gyur ro/ / sba bcung zad 'khyil cing lag pa na 'khor lo'i zhags pa thogs te nam mkha' la mchi bar 'gyur ro// rig sngags 'chang bye ba 'bum phrag bco brgyad kyis yongs su bskor bar 'gyur ro/ / tshe lo drug khri nyis stong du 'gyur zhing skye ba bdun stong rjes su dran par 'gyur ro// 'on te gsang sngags 'chad 'jig rten pa'i dngos gru kyi cho ga slong na/ de'i tshe 'di lta bur 'gyur te/ rig sngags 'chang gis bdag gi sgra 'di sdoms shig ces de'i tshe bud med des rang gi skra'i ral pa bton nas rig sngags 'chang la 'bul ba na/  sgra thams cad blangs te dum bu gsum du bkum nas srad bu la mdud pa nyi shu rtsa gcig bgyi ste// mgo la btags pas ni/ ji ltar yid la bsams pa de bzhin du mig 'phrul ston par 'gyur ro/ / 'bras bu dang me tog 'tshal ba thams cad ston par 'gyur ro// bden pa ji ltar 'tshal ba bzhin ston par 'gyur ro// mgul du btags pas ni mi gda' bar 'gyur nas//  gnod sprin dang / srin po dang / 'byung po dang / sha za dang / grul bum dang / lto 'phye chen po dang / mi ma yin pa rnams dbang du gyur nas mchis par 'gyur ro// dpral ba la btags pas ni lha dang klu thams cad dbang du gyur nas mchis par 'gyur ro/ / dpung pa g.yas pa la btags pas ni glang po che bcu'i stobs dang ldan par 'gyur te/ phas kyi dgra bo dang / mi 'dza' ba dang /  gdug pa thams cad kyis mi tshugs pas stobs kyis 'khor los sgyur bar 'gyur ro// dpung pa g.yon pa la btags pas ni rigs bzhi'i 'jig rten dbang du gyur nas mchis par 'gyur ro//  lag pa g.yon pa la btags pas ni gang la reg pa de dbang du 'gyur zhing bdag gi nor du 'gyur ro// lag pa g.yas pa la btags pas ni grong khyer gyi shar phyogs kyi sgo nas rgyal po'i sgo la thal mo lan gsum brdabs na/ rgyal po'i btsun mo 'khor dang bcas pa dang / grong khyer dang / yul 'khor dang / rgyal po'i pho brang dang / bud med dang / skyes pa dang /  khye'u dang / bu mo dang bcas pa bdag nyid dam nor dbang du gyur nas mchis par 'gyur ro// tha na dud 'gro'i skye gnas su gtogs pa bya dang / gcan gzan dang / ri dgas dang / gdug pa dang /  gzhan yang gdug pa dang bcas pa'i srog chags rnams dbang du gyur nas mchis par 'gyur ro// brla g.yas pa la btags pas ni 'tshal lam/ ser ga 'am/ ri 'or ram/ phug gam/ dgon pa 'am/ bsti gnas gang du zhugs te/ zhugs pa tsam gyi mod la nor thams cad dang / sman thams cad dang / lha thams cad rang gi gzugs su mngon nas mchis par 'gyur ro/ / byin pa g.yas pa dang rkang pa g.yas pa la btags pas ni rgya mtsho chen po'i pha mthar yang rgal bar 'gyur na/ chu klung chen po'i chab kyis byin pa nub tsam du 'gyur ba lta smos kyang ci 'tshal//  byin pa g.yon pa la btags pas ni nyi ma re re zhing dpag tshad brgyar phyin nas dub pa ma mchis par slar yang ldog par 'gyur ro// brla g.yon pa la btags nas dur khrod chen por zhugs na dur khrod thams cad na gnas pa'i gcer bu pa thams cad dbang du gyur nas mchis par 'gyur ro/ / de nas rig sngags 'chang gnas de nyid na spyod na rig sngags 'chang des lag pa g.yon pas bum pa gang ba bzung zhing / lag pa g.yas pas bud med de bzung nas gnas chen po'i mchog tu 'jug par bgyi'o// gnas mchog de'i dbus na rdzing me tog gis chal par bkram pa bgyi ste/  rdzing der gnyis ka khrus bgyi zhing chab kyis nye reg bgyi'o// bkrus shing reg pa tsam kho nas 'khor lo rig sngags 'chang zhags pa dang / 'khor los sgyur ba'i rig sngags 'chang du 'gyur ro//  rig sngags 'chang 'bum phrag bdun stong gis yongs su bskor cing tshe bskal pa khrir 'gyur ro// skra cung zad 'khyil par yang 'gyur ro// nags kyi gnas kyi gzhal med khang bdun cu rtsa gnyis kyi dpon po rgyal por 'gyur ro/ / gal te ma zhes bgyi bas don du gnyer ba ni bu gcig pa bzhin du yongs su skyong bar 'gyur ro// 'bras dang / 'bru dang / gos dang / chas dang /  nor bu dang / mu tig dang / byu ru dang / gser dang / dngul yongs su grub par bgyid do// sring mo zhes bgyi bas ni dgos pa'i yo byad thams cad tshang bar stobs par 'gyur zhing yan lag spong bar bgyid do/ / nyi ma re re zhing rgyan thams cad kyis klubs pa'i lha'i bu mo khrid de mchi bar 'gyur/ lha'i gzhal med khang 'byor pa stobs par bgyid/ lha'i khyim dang gzhal med khang stobs par bgyid do/ / mngag gzhug ma zhes bgyi bas ni gang dang gang du mngags pa de dang der mchi bar 'gyur te/ lha'i gnas sam/ klu'i gnas sam/ gnod sbyin gyi gnas sam/ srin po'i gnas sam/ 'byung po'i gnas sam/ gzhan yang mngag gzhug pa'i sgrub pa rnam pa sna tshogs yid la bsams pa bzhin du bgyid do// nags sgrub pa'i cho ga'o/ / / de nas rig sngags 'chang thang la rgyu bar 'tshal na gtsang ma khrus bgyis pas gos btsang ma bgo bar bgyi/ gnas dben pa gtsang ma'i sa phyogs su dkyil 'khor gru bzhir bgyis la dri sna tshogs kyis byug/ ro sna tshogs dang ldan pa'i gtor ma bshams la/ a ka ru'i bdug pas bsregs te/ nub gsum du mchis nas 'khor lo zhags pa'i lag pa'i phyag rgyas don yod rgyal po'i snying po'i bzlas brjod stong rtsa brgyad bgyis te/ lan stong rtsa brgyad tshang ba dang / dkyil 'khor gyi dbus nas du ba 'byung bar 'gyur te/ khro bo'i rgyal po lan bdun bzla bar bgyi'o/ / de nas dkyil 'khor gyi dbus nas skyes pa nag po chen po'i tshul mi sdug pa/ mche ba gtsigs pa/ skra gyen du 'greng ba/ mgo 'bar ba/ mig dmar ba mchu dang lce dmar ba/ sen mo dmar ba/ skra sngo ba/ dpung pa mkhrang zhing brtan pa/ gsus pa 'phyangs po/ mchod phyir thogs pa dang ldan pa/ mgo lnga pa/ sbrul ltar lce bsgyur ba/ stag gi sham thabs bgos pa/ lag pa na dgra sta dang dril bu thogs pa zhig lus phyed tsam byung nas phyogs bcur lta bar bgyid do// de nas rig sngags 'chang gis skrag par mi bgyi ste brtan par bgyi la/ khro bo'i rgyal po bzlas nas 'khor lo'i zhags pa 'phangs te mgo gcad la khrag mang du byung ba dang / rig sngags 'chang gis khrag des lus thams cad byug par bgyi'o// /  byug pa tsam gyi mod la bdag nyid kyi lus mi chod pa dang mi shigs pas rdo rjer byin gyis brlabs par 'gyur ro// mig gnyis phyung la rang gi mig phyis nas mig la bskus na lha'i mig tu 'gyur ro/ / rkang brus te byug nas tshe bskal pa stong phrag bcur 'gyur zhing thos pa gsal ba'i rgya mtshor 'gyur ro// bskal pa brgya stong gi skye ba'i skye ba dang tshe rabs dran par 'gyur ro//  snying phyung ste 'tshal na nam mkha' la mchi'o// khrag gis snying khar thig le bgyis na mi gda' bar 'gyur ro// lce gcad na ral grir gyur nas dgra thams cad rlag par bgyid do// gal te thang la rgyu bar 'tshal na/ de'i tshe khro bo'i rgyal po lan brgya rtsa brgyad zhags pa dang 'khor lo la bzlas brjod bgyi'o// 'khor lo zhags pa gsang ba'i phyag rgya'i tshul gyis thal mo sa la brdab par bgyi ste/ lan gsum du thal mo brda bra ba dang / de'i 'og tu thang gi sgo dbye bar 'gyur ro// ji ltar rang gi khyim bzhin du 'jug par bgyi ste/ zhugs nas slar yang mchi zhing dgos pa gzhan thams cad bgyid pa dang / thang thams cad la gnas pa thams cad dbang du gyur nas gnas par 'gyur ro// 'on te nam mkha' la mchi 'tshal na gyen du bltas nas don yod rgyal po'i snying po yungs mar la stong rtsa brgyad bzlas te/ lan stong rtsa brgyad bzlas nas bdag nyid la byugs te/ lag pa'i zhags pa'i phyag rgyas nam mkha' la mchi bar 'gyur zhing nam mkha' go 'byed par 'gyur ro/ / lha'i gnas su mchi bar 'tshal na lha'i khyim du mchis nas zhags pas lha'i mgu la nas bcing bar bgyi zhing / don yod rgyal po'i snying po lan stong rtsa brgyad bzlas nas/ lha bcis pa gang lags pa de'i ming nas brjod na/ lha de babs nas rig sngags 'chang gi mdun na mchis par 'gyur ro// tshangs pa dang / khyab 'jug dang / dbang phyug chen po rig sngags 'chang la/ rig sngags 'chang ci zhig don du gnyer ba de snoms shig ces smra bar 'gyur ro/ / rig sngags 'chang gis lha'i gnas su 'gro'o zhes brjod par bgyi'o// gal te gzhan bsams pa zhig mchis na mchog thams cad stsol bar bgyid do/ / de nas lha'i gnas nas mchi ba na lha'i gnas lha'i rdzu 'phrul gyis lag pa na thogs te nam mkha' la mchi bar 'gyur ro// ji srid 'tshal bar lha'i gzhal med khang chen po longs spyod par 'gyur zhing / 'on te mi 'tshal na lha'i gnas nas slar yang 'bebs par 'gyur ro// gzhan yang ji ltar rang gi blo gros dang yid la bsams pa'i dgos pa thams cad bgyid par 'gyur zhing thams cad grub par 'gyur te/ de la som nyi dang yid gnyis bskyed par mi bgyi'o// 'khor lo'i zhags pa sgrub pa'i cho ga'o// // de nas rig sngags 'chang pad+ma'i zhags pa sgrub par 'tshal bas/  rig sngags 'chang de gtsang ma legs par bkrus te gos gtsang ma bgo bar bgyi'o// nub gsum mchis sam/ nub lnga mchis sam/ nub gcig mchis nas rig sngags 'chang gis zhags pa'i skud pa bsgrub par bgyi ste/  ras kyi skud pa'am pad+ma'i skud pa bai DUR+Ya'i kha dog lta bur mtshon gyis kha bsgyur bar bgyi zhing / khru nyi shu rtsa gcig par bkal te/ de la'ang pad+ma bgyi ste/ rin po che sna bdun gyi 'dab ma kha phye ba sor bzhi pa'i tshad kyis pad+ma gser gyi 'dab ma dang / dngul gyi 'dab ma dang / bai DUR+Ya dang / in+d+ra nI la dang / rin po che rka ti ka las bgyi zhing mu tig gis bskor ba bgyi ste/ de nas zhags pa la gdags par bgyi'o/ / zhags pa'i thor to gcig la ni pad+ma'i phyag rgya gdags par bgyi'o// de nas legs par brgyan pa'i chos kyi stan bzang po bsham par bgyi'o// ba'i lci bas dkyil 'khor bgyis la/  dkyil 'khor gyi steng du dri'i pad+ma bsam par bgyi zhing / dkyil 'khor gyi steng du chos kyi gdan bshams la bum pa gang bas brgyan par bgyi'o// me tog gi sil ma bkram zhing a ka ru dang /  btsan dan dang / du ru ka'i bdug pa dbul bar bgyi'o// mchod yon dang zhabs bsil gyi snod kyang gzhag par bgyi'o// pad+ma'i zhags pa de'ang chos kyi snyan gyi steng du gzhag par bgyi'o// 'phags pa spyan ras gzigs dbang phyug gi mdun du rig sngags 'chang gis skyil mo krung bcas te mchis nas don yod zhags pa'i snying po lan khri bzlas te/ bzlas pa'i yungs kar re re nas de'i steng du gtor bar bgyi'o/ / lan khri rdzogs nas de nas tshes bco lnga'i zla ba nya'i nub mo mchis nas 'phags pa spyan ras gzigs dbang phyug la mchod par bgyi'o// zhags pa de'ang mchod par bgyi'o/ / don yod pa'i zhags pa'i phyag rgya bcings nas don yod pa'i rgyal po'i snying po lan brgya rtsa brgyad bzlas so// de nas khro bo'i rgyal po lan brgya rtsa brgyad bzlas te/ nyin mtshan gsum dus gsum du bzlas brjod dang mchod pa bgyi'o/ / de nas pad+ma'i zhags pa 'bar zhing kha dog sna tshogs kyi 'od zer 'byung bar 'gyur ro// legs so legs so zhes bgyi ba'i tshig 'byin par 'gyur ro/ / 'phags pa spyan ras gzigs dbang phyug gi lus la kha dog sna tshogs kyi 'od zer 'byung bar 'gyur ro// de nas rig sngags 'chang phyag rgya'i skyil mo krung gis mchis nas mig mi 'dzum zhing bzhin 'dzum pas snying rje chen po yid la bsgom par bgyi'o/ / 'phags pa spyan ras gzigs dbang phyug gi gdong du bltas te/ don yod pa'i zhags pa'i snying po lan sum stong bzlas par bgyi'o/ / de'i 'og tu 'phags pa spyan ras gzigs dbang phyug bdag nyid kyi lha'i rang bzhin mdun du mchis nas lag pa g.yas pa brkyang ste/ rig sngags 'chang gi spyi bor bzhag nas legs so zhes bgyi ba stsol bar 'gyur zhing / 'di skad ces kyang dbugs 'byin par 'gyid do// rig sngags 'chang ba'i bu snying nas skyes pa'i thu bo bzlas brjod kyi cho ga chen po dang / mchod pa'i cho ga chen po 'dis nga la mchod pa'i mchog byas pa dang / bzlas brjod kyi mchog dang grub pa'i mchog ste/ khyod kyis don yod rgyal po'i snying po grub cing / khyod kyis pad+ma'i zhags pa chen po grub kyis/ ji ltar yid la bsams pa bzhin du mchog khyer cig/ khyod kyi yid kyi brnag pa thams cad ni yongs su rdzogs par byas/ khyod 'khor ba'i 'jigs pa rgyu ba las ni grol/ khyod skye ba dang / rga ba dang / na ba dang / 'chi ba'i mya ngan mi bzad pa'i 'jigs pa las thar na/ khyod dmyal ba chen po mi bzad pa bcu drug las ni yongs su grol/ 'jigs pa chen po mi bzad pa'i sdug bsngal gyi tshor ba brgyad las ni yongs su thar/ 'di nas phyi ma'i skye ba'i mngal du gnas nas sdug bsngal mi bzad pa las shi 'phos te/ rig sngags 'chang khyod byang chub kyi snying po la thug gi bar du 'jig rten gyi khams bde ba can du pad+ma las rdzus te skye bar 'gyur ro/ / khyod kyis gang+gA'i klung 'bum phrag stong brgyad cu rtsa bzhi snyed kyi bye ma dang mnyam pa'i de bzhin gshegs pa rnams la dge ba'i rtsa ba cher bskyed pa'i bsod nams kyi tshogs chen po dang ni ldan//  rig sngags 'chang khyod kyis lhag par bya ba mang po ni byas/ khyod rig sngags 'chang chen por ni lung bstan/ dmyal ba dang sngon gyi las kyi sgrib pa mi bzad pa thams cad las ni grol gyis/ ji ltar yid la bsams pa bzhin mchog khyer cig/ de nas rig sngags 'chang gis ji ltar yid la bsams pa bzhin de'i tshe mchog thob par 'gyur ro// de nas rig sngags 'chang gis pad+ma'i zhags pa de blangs te/ gnas gtsang mar gus pas mchod pa rgya cher bgyi'o// nam dgos pa de'i tshe zhags pa blang bar bgyi ste/ las thams cad bgyid par 'gyur ro//  pad+ma ni 'phags pa spyan ras gzigs dbang phyug gi lag pa g.yon par bzhag la/ lag pa g.yas pas zhags pa bzung ste/ don yod rgyal po'i snying po lan brgya rtsa brgyad bzlas nas/ sems can nam lha gang gi ming nas brjod de bzlas brjod brgya rtsa brgyad tshang ba dang / byang chub sems dpa' mdun du mchis nas 'dod pa'i mchog thams cad stsol bar 'gyur ro// de nas rig sngags 'chang byang chub tu lung bstan pa don du gnyer bar 'tshal na/ rig sngags 'chang gtsang mas legs par khrus bgyis te/ gos gtsang ma bgos pas nyin zhag gcig mchis par gyur pas/ sangs rgyas bcom ldan 'das shAkya thub pa la mchod pa rgya chen po bgyis nas/ pad+ma'i zhags pa de'ang sangs rgyas bcom ldan 'das kyi phyag tu dbul bar bgyi'o// zhags pa'i thor to ya gcig gis ni rang gi mgul du btags la/  don yod rgyal po'i snying po lan stong rtsa brgyad tshang bar bzlas brjod bgyi'o// stong rtsa brgyad tshang ba dang / sangs rgyas bcom ldan 'das sku gser gyi mdog can rig sngags 'chang gi mdun du bzhugs nas/ rig sngags 'chang gi spyi bor phyag bzhag ste dbugs 'byin par mdzad/ lung ston par mdzad/ yid kyi brnag pa thams cad yongs su rdzogs par mdzad par 'gyur ro// sgrib pa dang sdig pa tshe rabs brgya stong du bsags pa thams cad gtugs par 'gyur/ lhag ma ma lus par gtugs par gyur nas/ lus yongs su dag par 'gyur ro// dri ma dang bral zhing phrag dog dang ser smra spangs par 'gyur ro/ / 'di nas ma 'ongs pa'i skye ba'i mngal du gnas nas/ lha dang mi'i dpal nyams su myong bar bgyis nas sems can thams cad kyi bla ma gcig pur 'gyur ro// mchod par 'os pa dang bla ma'i gnas su'ang 'gyur ro/ / nad rnams dang bral bar 'gyur ro// skye bo thams cad dga' bar 'gyur ro// 'gums pa'i dus su phyogs bcu'i de bzhin gshegs pa thams cad kyis dgongs par 'gyur ro/ / dbugs 'byin par mdzad/ legs pa'i lam ston par mdzad par yang 'gyur ro// 'phags pa spyan ras gzigs dbang phyug mdun na mchis nas dbugs 'byin par bgyid cing lag pa g.yas pa spyi bor 'jog par bgyid do/ / de bde bas shin tu dran pa nye bar bzhag nas lus 'dor bar 'gyur ro// bor ba tsam gyi mod la skal ba mnyam pa bde ba can gyi 'jig rten gyi khams su skye bar 'gyur te/ rgyan thams cad kyis brgyan pa/ mtshan dang dpe byad kyis spras pa'i lus pad+ma las rdzus te skye bar 'gyur ro// tshe rabs dran par 'gyur te/ bskal pa brgya stong gi skye ba'i tshe rab dran par 'gyur ro/ / don yod pa'i zhags pa'i snying po rnam par grol ba'i dkyil 'khor gyi phyag rgya rim par phye ba'i cho ga zhib mo 'di mtha' dag rdzogs par g.yar thon du bgyis nas/ sa bcu la gnas shing phyin ci log tu ma gyur pas phyir mi ldog par 'gyur ro// rdzu 'phrul gyi rnam par 'phrul pa chen po dang / cho 'phrul chen pos lha'i khang pa brtsegs pa dang / gzhal med khang dang / gnas mchog dang / phyogs bcu'i sangs rgyas kyi zhing thams cad nas sangs rgyas kyi zhing du byang chub kyi snying po la thug gi bar du mchi bar 'gyur ro// de nas rig sngags 'chang bde ba can gyi 'jig rten gyi khams mthong ba'i chos kho na la lta bar 'tshal na/ rig sngags 'chang gi gnas gtsang ma'i phyogs sam/ gnas sam/ khang pa 'am/ dgon pa'i gnas sam/ 'khor gyi khyams sam/ 'chag sa 'am/ khang pa brtsegs ma 'am/ spyil po gtsang ma phyi bdar legs par bgyis pa'i sa phyogs su dkyil 'khor gru bzhi dbyes pa khru gang ba tsam/ khru do pa'i dkyil 'khor bgyi ste/ gru bzhi lham pa/ grwa kun nas cha 'byes pa/ sa dang sbyar ba'i lci bas shin tu legs par phyi bdar bgyis la rtswa sngon po mnyen po lta bu la mkhas pas dkyil 'khor mtha' dag gi cha dbye ba'i thig gdab par bgyi'o/ / dkyil 'khor gyi dbus kyi snying po la pad+ma rgya chen pos dbyes pa/ 'dab ma brgya pa tshon sna brgyad kyi tshon rtsis bkra bar bgyi zhing 'byes par bgyis la/ snying po ni rin po che rka ti ka las bgyi'o/ / pad+ma'i mtha' nor bu rin po che sna tshogs kyis bskor la/ grwa bzhi nas kha khyer sor bzhi pa'i tshad du bgyi'o// pad+ma'i bar gyi phur byur du ut+pa la sngon po legs par brisA la/ kha khyer gyi phyi rol nor bus 'khor ba'i mtha' de mchos bskor bar bgyi'o/ / lha'i chab rin po che sna tshogs kyi gzhal med khang gis mdzes par bgyis la/ chab la me tog sna tshogs kyi sil ma bkod pa bya sna tshogs gnas 'cha' ba/ ngang pa dang / bzhad dang / khrung khrung dang / dur pa dang / shang shang te'u dang / ka la bing+ga dang / bya'i tshogs kyis mdzes par bgyis la/ nya dang / chu srin dang chu srin byis pa gsod kun nas rten 'cha' bar bgyid do/ / mtsho'i 'gram na rin po che'i ljon shing dang / me tog gi ljon shing dang / 'bras bu'i ljon shing sna tshogs kha khyer dang bcas par bgyi'o//  dkyil 'khor gyi kha khyer gyi phyi rol na lag pa dang thal mo'i phyag rgya bris la sgo bzhi rnams su rgyal po chen po bzhi bgyi'o// de nas dbus kyi dkyil 'khor la pad+ma'i gdan bzang po bshams te/ de'i steng du bcom ldan 'das 'od dpag med dang / 'phags pa spyan ras gzigs dbang phyug dang / mthu chen thob gzhag par bgyi'o// dkyil 'khor bum pa gang bas brgyan par bgyi'o// me tog sil ma dang /  dri dang / byug pa'ang dbul bar bgyi'o// ba dan bzang po sna tshogs kyis brgyan par bgyi'o// gtor ma dkar po dbul bar bgyi'o// yon chab dang zhabs bsil gyi snod dang / mar me'i 'phreng ba dbul bar bgyi'o/ / pad+ma'i zhags pa 'od dpag med kyi phyag tu dbul bar bgyi'o// rig sngags 'chang gtsang mas gos btsang ma bgo bar bgyi'o// legs par khrus bgyis nas pa'i rnam lngas nye reg bgyis la/ zla ba nya la nyin zhag gcig mchis par gyur pas kha shar phyogs su bltas la skyil mo krung bcas te mchis nas lag pas zhags pa'i phyag rgya bcings te bzlas brjod bgyi'o//  byams pa dang brtse ba'i sems kyis lhag par brtson par bgyi'o// snying rje mchog tu brtse bar gyur pas sems can thams cad la brtse bar bgyis na don yod pa'i zhags pa'i snying po bzlas brjod bgyi ste/  ji tsam na thun tha ma la 'od dpag med 'bar bar gyur nas dkyil 'khor chen po de la'ang 'od zer 'byung bar 'gyur ro// rig sngags 'chang g.yo bar gyur nas lus 'bar bar 'gyur ro// de nas rig sngags 'chang gis skya rengs shar tsam na de bzhin gshegs pa dgra bcom pa yang dag par rdzogs pa'i sangs rgyas 'phags pa 'od dpag med gser spangs pa lta bu/ de bzhin gshegs pa'i sku gser gyi kha dog gis rig sngags 'chang gi mdun du bzhugs nas/ phyag g.yas pa rig sngags 'chang gi spyi bor bzhag ste dbugs 'byin par mdzad cing / yid kyi brnag pa thams cad yongs su rdzogs par mdzad nas mi gda' bar gyur pa dang / shin tu rnam par dag pa dri ma med pa'i snang ba zhes bya ba'i gnyid thob nas/ ji ltar nyal ba tsam mam mig btsum pa tsam gyis 'jig rten gyi khams bde ba can gzhal med khang dang / gnas dang / 'jig rten dang / yul ljongs dang / byang chub sems dpa'i 'khor mtha' dag dang bcas pa'i dkyil 'khor yongs su rdzogs par mthong bar 'gyur lags so/ / de bzhin gshegs pa de chos ston par mdzad pa'ang mthong bar 'gyur lags so// 'khor gyi dkyil 'khor de dag thams cad dbugs 'byin par bgyid pa dang / gzhal med khang dang / rnam par 'phrul pa dang / rdzu 'phrul dang / cho 'phrul thams cad mthong bar 'gyur lags so// 'di nas ma 'ongs pa'i skye ba nas shi 'phos te 'jig rten gyi khams bde ba can du skal ba mnyam par skye bar 'gyur ro/ / skye ba'i skye ba dran par 'gyur te/ skye ba bdun stong rjes su dran par 'gyur ro// de sad nas zhags pa la lan stong rtsa brgyad bzlas brjod bgyis nas lag pa g.yas pas bzung na nam mkha' la 'phur bar 'gyur ro/ / lo khrir 'tsho bar 'gyur ro// zhags pa grub pa rnams dang rig sngags 'chang thams cad kyi 'khor los sgyur bar 'gyur ro// 'khor khri brgyad stong dang ldan par 'gyur ro/ / pad+ma'i zhags pa sgrub pa'i cho ga'o// / de nas rig sngags 'chang rdo rje'i zhags pa sgrub par 'tshal na/ shing shun dang / ras skud dang / kha chedar gyi skud pa mnyam du lhan cig bkal te/ khru nyi shu rtsa gcig gi tshad tsam du bgyis la/ tsan dan dkar po las rdo rje sor bzhi pa'i tshad du bgyis te/ rtse lnga pa 'byung po la sogs pa'i mgo dang sbrul gyi skra rags bcings la/ klu'i rgyal po dga' bo dang nye dga' bo'i dra ba'i 'phreng bas dkri ba bgyis nas zhags pa la gdags par bgyi'o// de nas rig sngags 'chang gtsang mas gos gtsang ma bgo bar bgyi'o/ / legs par khrus bgyi'o// ba'i rnam lngas nye reg bgyi'o// rtswa'i stan bting nas ri mo'i gzugs kyi mdun du lag pa g.yas pa zhags pas mnan nas don yod pa'i zhags pa'i snying po khri bzlas so/ / khro bo'i rgyal po'i snying po stong bzlas so// de nas zhags pa de 'bar bar 'gyur te/ de bzung nas nam mkha' la 'phur bar 'gyur ro// rdo rje'i rigs dang / de bzhin gshegs pa'i rigs dang / nor bu'i rigs dang / pad+ma'i rigs gang dag lags pa de dag thams cad mdun na bzhugs par 'gyur ro// lag na rdo rje dang 'dra bar gzugs dang / mthu dang / brtson 'grus pha rol gyi zil gyis mi non par 'gyur ro/ / lag na rdo rje dang 'dra bar rig sngags 'chang gi dbang por 'gyur ro// lha'i lo khri nyis stong du 'tsho bar 'gyur ro// las thams cad bgyid pa rdo rje'i zhags pa dgra thams cad 'joms par bgyid pa'i zhags pa steng ngam/ 'og gar 'phangs par yid la bsams pa bzhin thams cad bcings nas dgug par bgyid do// phyogs bcur 'phangs te khro bo'i rgyal bopo bzlas nas skyes pa 'am/ bud med dam/ gzhan gang ci'ang rung ba thams cad zhags pas bcings nas myur du 'gugs par bgyi ste som nyi mi bgyi'o// gal te lha 'am/ klu 'am/ gnod sbyin nam/  srin po 'am/ dri za 'am/ lha ma yin nam/ nam mkha' lding ngam/ mi 'am ci 'am/ 'byung po 'am/ lto 'phye chen po thams cad zhags pas bcing nas myur du 'gugs par bgyid de som nyi mi bgyi'o// zhags pa la khro bo'i rgyal po lan nyi shu rtsa gcig bzlas brjod bgyis te/ mar gyi ngo'i tshes bcu bzhi'i mtshan mo nam phyed na zhags pa phyogs bzhir 'phang bar bgyi'o// 'phangs pa tsam gyi mod la bgegs dang /  log 'dren dang / gnod sbyin dang / srin po dang / gdug pa thams cad zhags pas bcings nas/ rig sngags 'chang gis mdun na mchis shing / ji srid 'tsho'i bar du dbang du gyur nas mchis te bran bzhin las thams cad bgyid par 'gyur/ bltas pa tsam gyis gdon thams cad las thar par 'gyur ro// zhags pa la khro bo'i rgyal po lan brgya rtsa brgyad bzlas brjod bgyis te/ lag pas zhags pa blangs te dur khrod du zhugs na mi snang bar 'gyur zhing gnas thams cad kyi sgo phye bar 'gyur ro/ / phug gi sgor mchis nas rdo rje zhags pas brdabs na phug thams cad kyi sgo 'byed par 'gyur zhing / 'khrul 'khor dang gtan pa thams cad dum bur chag par 'gyur ro// lam ngan pa dang / mi ngan pa dang / mi ma yin pa dang / 'bab chu ngan pa dang / sbrul dang / dbugs gdug pa dang / srog chags go na sa dang / gdug pa dang bcas pa'i srog chags su gtogs pa thams cad mi gda' bar 'gyur ro// mi drang po dang lam drang por ji ltar rang gi gnas sam/  gtsug lag khang ngam/ khang pa bzhin du zhugs nas dgos pa thams cad bsgrubs te/ slar yang gnas nas phyir ldog par 'gyur ro// rdo rje zhags pa las thams/  cad bgyid pa sgrub pa'i cho ga'o// / de nas rig sngags 'chang nor bu'i zhags pa sgrub par 'tshal na/ rig sngags 'chang des nor bu stsal bar bgyi ste/ rdo rje 'am/ bai DUR+Ya 'am/  shel rang byung ngam/ mar gad dam/ in+d+ra nI la sor mo'i tshigs pa bas lhag tsam shin tu phyis paM/ shin tu yongs su dag par bgyis pa/ gser gyi me tog gi tshul du bgyis pa/ mu tig gis dkris pa/ ge sar kha bye ba/ tsam pa ka'i me tog ji lta ba de bzhin du bgyis la/ ras bzang po'i skud pa tshon rtsis dbyes pas kha sbyar ba/ shin tu tshad la bab par bkal ba/ khru nyi shu rtsa gcig pa/ sor mo gung mo'i tshad tsam gyi nor bus brgyan la/ thor to cig shos su ni nor bu'am gser las bgyis pa'i lcags kyu gdags par bgyi'o// de nas rig sngags 'chang gtsangs gos gtsang ma bgo bar bgyi'o/ / legs par bkrus nas pa'i rnam lngas nye reg bgyi'o// de'i 'og tu ri mo'i gzugs kyi mdun du spos thams cad kyi dkyil 'khor tshad dang ldan pa bgyis la/  grwa bzhir bum pa gang ba bzhag cing po gapor gyi snod pashams nas a ke ru'i bdug pa dang / tsan dan dang / du ru ka'i bdug pa dbul bar bgyi'o// dkyil 'khor gyi dbus su chos kyi stan babang po tshad dang ldan pa bshams la/ ba dan sna tshogs kyis dkyil 'khor bskor bar bgyi'o// me tog sil ma dang / dri dang / rol mo'i cha byad dag dgod par bgyi'o// rig sngags 'chang gis zas dkar gsum 'tshal bar bgyi'o/ / btung ba ngan pa dang / kha zas ngan pa dang / gnas ngan pa dang / lhag ma dang spags pa rnams yongs su spang bar bgyi'o// don yod pa'i rgyal po'i snying po nyi khri tshig stong bzlas nas lag pa g.yas pas chos kyi stan gyi steng du bzhag pa'i zhags pa la mnan no/ / lan nyi khri tshig stong tshang ba dang / de nas rig sngags 'chang gis khro bo'i rgyal po lan stong rtsa brgyad tshang bar bzlas te/ yungs kar re re nas dbang bskur bar bgyi'o// lan stong rtsa brgyad chang ba dang / rig sngags 'chang gis 'phags pa spyan ras gzigs dbang phyug gi ri mo'i gzugs la mchod pa rgya cher bgyi'o/ / bcom ldan 'das 'od dpag med dang / de bzhin gshegs pa shAkya thub pa la'ang mchod pa rgya cher bgyi'o// de nas rig sngags 'chang gis tshes bco lnga'i nyal nyin zhag gcig smyung ba bgyis nas mchod pa rgya cher bgyis ste/ mchod pa'i yo byad gang ci'ang rung ba de dag thams cad la re re nas don yod pa'i zhags pa'i snying po lan nyi shu rtsa re re bzlas brjod bgyis nas dbul bar bgyi'o/ / de nas skyil mo krung bcas te mchis nas nyin mtshan kun tu don yod pa'i zhags pa'i snying po lan stong rtsa brgyad bzlas te/ yungs kar re re nas brdeg par bgyi'o/ / lan stong rtsa brgyad tshang ba dang / sa cher g.yo bar 'gyur ro// 'phags pa spyan ras gzigs dbang phyug gi ri mo'i gzugs las kyang 'od zer kha dog sna tshogs dag 'byung bar 'gyur ro/ / nor bu'i zhags pa de'ang 'bar bar 'gyur ro// rig sngags 'chang gi mgo bo'ang 'bar bar 'gyur ro// 'bar ba tsam gyi mod la rig sngags 'chang gis lag pa g.yas pas nor bu'i zhags pa blangs pa na sgra chen po 'byung bar 'gyur ro/ / de nas 'phags pa sman ras gzigs dbang phyug lha'i bdag nyid kyi rang bzhin gyis rig sngags 'chang gi mdun na mchis par 'gyur ro// /  de bzhin gshegs pa 'od dpag med dang / de bzhin gshegs pa shAkya thub pa dang / de bzhin gshegs pa 'phags pa spyan ras gzigs 'od kyi rgyal po'i sku gser gyi kha dog gis nam mkha' la rdzu 'phrul gyis bzhugs nas rig sngags 'chang la legs so zhes bgyi ba stsol bar 'gyur/ phyag dpung pa gser gyi kha dog 'dra ba brkyang ba'i phyag gis rig sngags 'chang gi mgo bor bzhag nas rig sngags 'chang la dbugs 'byin par mdzad de/ rig sngags 'chang legs so legs so// khyod kyis yid bzhin gyi nor bu chen po don yod pa'i zhags pa rnam par dag pa grub po// khyod kyis 'jig rten pa dang 'jig rten las 'das pa'i las sgrub pa'i cho ga bla na med pa grub ste/ rig sngags 'chang gis 'dod dgur sgyur ba thams cad de/ 'phags pa spyan ras gzigs dbang phyug gi don yod grub pa yid bzhin gyi nor bu chen po'i/ gas pa thogs nas/ rig sngags 'chang gis 'bad mi dgos par yid bzhin gyi nor bu chen po don yod pa'i zhags pa'i grub pa'i rang bzhin 'dis 'jig rten dang 'jig rten las 'das pa'i dgos pa rnam pa sna tshogs sgrub par byed pa la ltos shig/ yid la ji ltar bsams pa bzhin rdzu 'phrul dang cho 'phrul rnam pa sna tshogs la ltos shig/ rig sngags 'chang khyod shi 'phos nas 'jig rten gyi khams bde ba can du song zhig/ 'on te bde ba can lta bar 'tshal lam/ ji ltar de bzhin gshegs pa la 'os pa'i lha rdzas kyis mchod par 'tshal lam/ de bzhin gshegs pa la mchod pa'i sprin gyis mchod par 'tshal lam/ lha'i me tog dang / lha'i dri dang / 'phreng ba dang / byug pa dang / phye ma dang / chos gos dang / gdugs dang /  rgyal mtshan dang / dril bu dang / ba dan dang / lhab lhub dang / rgyan dang / gos kyis de bzhin gshegs pa la mchod par bgyi bar 'tshal na/ rig sngags 'chang des spyi bo'i gtsug tu dri'i dkyil 'khor bgyi la me tog dang bdugs pa'ang dbul bar bya/ yid bzhin gyi nor bu chen po don yod zhags pa'i mchog 'di lag pa g.yon pas mnan la/ lag pa g.yas pas don yod yid bzhin nor bu'i mchog bzung nas pus mo g.yas pa'i lha nga sa la btsugs te/ 'di lta bu'i yid la bgyis pa chen po ji lta bu'i bsam pa yid la bgyid pa de lta bu'ang bsams nas don yod rgyal po'i snying po lan bdun bzlas te phyag bgyi'o/ / yid bzhin gyi nor bu chen po rgya chen don yod pa 'di bzlas nas 'phags pa spyan ras gzigs dbang phyug gi snying po 'di lan brgya rtsa brgyad bzlas brjod bgyi'o/ / byams pa chen po dang snying rje chen pos yongs su gdungs pa'i snying gis sems can thams cad la mchog tu brtse bar bgyis nas gsang sngags bzlas brjod bkyis 'phags pa don yod pa'i zhags pa'i cho ga zhib mo'i rgyal po bam po lnga pa/ / // dus gsum du gshegs shing bzhugs pa'i sangs rgyas dang byang chub sems dpa' rgya mtsho mtha' yas pa thams cad la phyag 'tshal lo/ / rang sangs rgyas dang 'phags pa nyan thos kyi dge 'dun 'das pa dang / ma byon pa dang / da ltar 'byung ba thams cad la phyag 'tshal lo/ / yang dag par song ba dang yang dag par zhugs pa thams cad la phyag 'tshal lo// blo gros chen po shA ra dwa ti'i bu la phyag 'tshal lo// gnas kyi mchog dga' ldan na gnas pa 'phags pa byams pa la sogs pa tshogs dang bcas pa'i mchog la phyag 'tshal lo/ / bde ba can gyi dkyil 'khor na bzhugs pa de bzhin gshegs pa 'phags pa 'od dpag tu med pa la phyag 'tshal lo/ / dkon mchog gsum la phyag 'tshal lo// byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ / tshangs pa dang / khyab 'jug dang / dbang phyug dang / dbang phyug chen po la sogs pa'i lha'i bu gzugs sna tshogs mnga' ba spyan ras gzigs la phyag 'tshal lo// tad+ya thA yA/ oM ma hA pad+ma tsan+d+ra ma Ni ma Ni/ a mo g+ha ma Ni su ma Ni/ ma hA ma Ni/ sarba ta thA ga ta a laM kA ra/ ma hA a mo g+ha ma Ni/ tsa ra tsa ra sany+tsa ra/ ni sha tsa tsa re shwa ra ma hA/ pad+ma b+hu dza ba ra da/ ma hA kA ru Ni ka/ ma hA bi shwa rU pa d+ha ra/ pra ba ra ma hA bo d+hi satwa pad+ma d+har pad+ma A san pad+ma ma ku Ta/ mA lA d+ha ra/ pad+ma gau ra/ pad+ma a laM kri ta ta nu sa ha sra b+hu dza sa ha sra ne tra/ nA nAd b+hu ta/ pra ba ra Na/ mu dra bi b+hu Shi tA si ha sra b+hu dza/ dza ya dza ya/  sha ta sa ha sra rash+mi pra ti maN+Di ta sha rI ra/ b+ha ra b+ha ra/ bi tsi tra/ A b+ha ra Na d+ha ra/ ma Ni ka na ka/ badz+ra bai rUr+Ya/ ma ra ka ta/ in dra nI la pad+ma ra ga b+hu Shi ta sha rI ra/ tsi re tsi ri/ bi tsi tra/ tsa raNA/  ma hA bo d+hi satwa ba ra da brah+ma/ biSh+Nu ma he shwa ra/ rU pA d+ha ra/ pad+me shwa ra lo ke shwa ra/ a nat+te shwa ra/ ya ma ba ru Na/ ku be ra r-i Shi ga Na ku mA ra/ se nA pa ti be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/  ma hAd b+hU ta be Sha d+ha ra/ sarba ta thA ga ta a b+hik+Sh+mI sa mA ya ma nu s+pha ra b+ha ga ban+da/ b+hA ra ya me A tA shAt+ta ra ya pA rad/ shA ya yA satwAM/ ta rA da ya dun+d+ha nA pA ta ya bis+thAn/ mA ra ya tri do shra mA la~M/ sa sa ra/ pA baM/ hUM hUM hUM/ phaT phaT phaT/ si d+h+ya si d+h+ya/ ma hA tsin tA ma Ni/ a mo g+ha pA sha d+ha ra/ sA d+ha ya sA d+ha ya/ bi pu laM sid d+hi/ ma mai tri b+hu ba na de b+hA pra yats+tsha ma hA ka ru Ni ka/ bud+d+ha bun+ya bo d+ha ya bo d+ha ya/ saM bo d+ha ya saM bo d+hA ya/ ma d+hU pa shu pa ti pA shA d+ha ra/ a nan+ti ba kur bAn/ rid+d+hi san+na rA ya/ tu mu hu ru/ ta ra ta ra/ ga ga ne bi pu la bi mAn/ san d+ha rIShiH namo stu te bi bu la pu N+ya ko Sha d+ha ra/ ma hA a mo g+ha sid d+he hUM hUM/ a b+hi Shiny+tsa tu mAM/ tri b+hA ba na de byA/ pi pu la kIrti ka re swA hA/ b+hu ba swA hA/ b+hur b+hu ba swAhA/ a mo g+ha pi pu le swAhA/ ma hA tsin tA ma Ni sid d+he swA hA/ ma hA tsin tA ma Ni sid d+he ba ra de swA hA/ sarba sid d+hi ba ra de swA hA/ oM bi pu le shwa ra/ lo ke shwa ra/ ma hA tsin+tA ma Ni/ ma hA a mo g+ha sid d+he hUM phaT swA hA/ don yod nor bu'i zhags pa chen po 'di lan brgya rtsa brgyad bzlas ma thag tu rig sngags 'chang gi lus thams cad 'bar bar 'gyur ro/ / don yod pa'i zhags pa lag pas mnan na nam mkha'i ngos la rdzu 'phrul gyis mchi bar 'gyur ro/ / sgyu ma lta bu'i ting nge 'dzin dang 'dra ba'i rdzu 'phrul gyi cho 'phrul chen po ston par 'gyur ro// 'jig rten gyi khams bde ba can mthong bar 'gyur ro// de bzhin gshegs/  pa 'od dpag med kyang tshogs dang btsas/ 'khor dang bcas/ byang chub sems dpa' chen po'i dkyil 'khor dang gzhal med khang mchog dang bcas rdzu 'phrul gyi rnam par 'phrul pa mthong bar 'gyur ro/ / bde ba can gyi gnas mtha' dag tu mchod pa'i char gyi sprin chen po 'byung bar 'gyur zhing / de bzhin gshegs pa tshe dpag med kyi mthus mchod pa'i sprin chen por gnas par 'gyur ro//  bde ba can na gnas pa de dag thams cad de bzhin gshegs pa tshe dpag med des rig sngags 'chang la legs so zhes bgyi ba stsol bar 'gyur ro// rig sngags 'chang des kyang sgra de dag thams cad thos par 'gyur zhing mchod pa'i char chen po'ang mthong bar 'gyur ro/ / gal te rig sngags 'chang nam mkha' la 'bebs par 'tshal na/ de'i tshe bsams pa tsam gyis 'bebs par 'gyur ro/ / 'on te mi 'tshal na nam mkha' de nyid na nam mkha' la grub pa dang / rig sngags 'chang thams cad kyi mchog don yod rgya chen grub pa yid bzhin nor bu lag pa zhes bya ba'i 'khor los sgyur ba mchog tu 'gyur ro/ / dpag tu ma mchis pa'i 'khor los sgyur ba'i rig sngags 'chang gis yongs su bskor bar 'gyur ro// tshe bskal pa chen po brgya stong phrag brgyad cu rtsa gnyis su 'gyur ro/ / 'on te babs na lo khrir 'tsho bar 'gyur ro// 'jig rten dbang phyug dang 'dra bar mchod pa dang gus pa cher bgyid par 'gyur ro// 'jig rten thams cad kyi gtso bor gcig pur 'gyur ro// /  lha rnams kyang babs nas rig sngags 'chang de la mchod pa'i mchog rgya chen po dag bgyid par 'gyur ro// sems can thams cad la bu gcig pa bzhin du mngon par dga' bar 'gyur ro// mchod pa'i 'os su'ang 'gyur ro/ / lnga thams cad kyis kyang kun tu srung zhing phyag bgyi ba'i 'os su 'gyur ro// thos pa bsags pa'i rgya mtsho chen por 'gyur ro// gal te rig sngags 'chang phyogs bcu dus gsum thams cad kyi de bzhin gshegs pa byang chub sems dpa'i tshogs kyis yongs su bskor ba dang bcas pa/ rang sangs rgyas dang / 'phags pa nyan thos kyi dge 'dun thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po sangs rgyas kyi bstan pa la mngon par dad pa dang bcas pa la mchod pa bgyid par 'tshal ba'am/ phyogs bcu dus gsum du gtogs pa thams cad kyi de bzhin gshegs pa rnams la bsod nams kyi phung po chen po yongs su rdzogs par 'tshal ba'am/ dge ba'i rtsa ba chen po bskyed par 'tshal ba'am/ lha'i zas kyi mchog ro bro ba'i mchog dang ldan pa'i bza' ba dang / lha'i bcud kyis len gyi mchog gis de bzhin gshegs pa byang chub sems dpa' dang / rang sangs rgyas dang / 'phags pa nyan thos kyi dge 'dun thams cad la bstabs par 'tshal ba 'am sbyin pa mang po dang chen po gtong bar 'tshal ba'am/ nyin re zhing mchod pa'i sprin bgyid par 'tshal na rig sngags 'chang des legs par bkrus te/ gtsang mas gos gtsang ma bgos nas ci 'byor pas dkyil 'khor grub bgyi ba bzhi pa bgyis la bcom ldan 'das 'phags pa spyan ras gzigs dbang phyug gi mdun du me tog dang bdug pa'ang dbul bar bgyi'o/ / pus mo btsugs te thal mo sbyar nas zhags pa bzung ste/ de bzhin gshegs pa thams cad yid la bgyi'o// yid bzhin gyi nor bu chen po rgya chen don yod 'di'ang mchod par bkru'o// 'phags/  pa spyan ras gzigs dbang phyug gi snying po lan bdun bzlas par bgyi'o// yid la bgyid pa yangs pa rgya chen po mchod pa'i sprin chen po dang / sbyin gtong chen po dang / kha zas dang / btung /  dang / dri dang / 'phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / gos dang / brgyan dang / lhab lhub dang / rgyan 'phya dang / rol mo dang / sil snyan dang / pheg rdob dang / rin po che'i ljon shing dang / 'bras bu'i ljon shing dang / me tog gi ljon shing dang / mar me'i ljon shing dang / dpag bsam gyi ljon shing yid la bgyi ste/ gsang sngags kyi gzungs bzlas nas ji ltar yid la bsams shing don du gnyer ba bzhin phyogs bcur 'phangs na/ de'i tshe phyogs bcur dus gsum du gshegs pa dkyil 'khor mtha' dag tu gtogs pa'i 'khor gyi dkyil 'khor du mkho ba'i yo byad thams cad ma tshang ba ma mchis par/ ci bsams pa bzhin de bzhin gshegs pa thams cad kyi 'khor gyi dkyil 'khor gyi spyan sngar mchod pa'i char gyi sprin chen po 'brang bar 'gyur ro/ / de bzhin du mkho ba'i yo bad thams cad kyi mchod pa chen po mtshang ba ma mchis pa 'byung bar 'gyur ro// de bzhin mthu chen po 'tsha bu rgya chen don yod la mchod pa'i gzungs bzlas shing / 'phags pa spyan ras gzigs dbang phyug gi snying po'i gzungs 'di'ang nyin gcig bzhin du thun gsum du la na gsum du bzla bar bgyi'o/ / des na rig sngags 'chang gis dus gsum du gshegs pa 'khor gyi dkyil 'khor dang bcas pa de dag mnyes par bgyis pa dang / mchod pa bgyis pa dang / rim gro bgyis par 'gyur ro/ / bsod nams kyi phung po'i tshogs chen po dang dge ba'i rtsa ba chen po bskyed par 'gyur ro// dus gsum du gtogs pa'i de bzhin gshegs pa 'khor gyi dkyil 'khor dang bcas pa de dag thams cad kyis rig sngags 'chang la dran pa dang / blo gros dang / stobs dang / brtson 'grus dang / gzi brjid stsol bar mdzad do// nyin gcig bzhin du de bzhin gshegs pa thams cad mthong bar 'gyur ro// rtag tu de bzhin gshegs pa rnams kyis dgongs par 'gyur ro/ / 'phags pa spyan ras gzigs dbang phyug rtag tu rjes su 'brang bar 'gyur ro// rtag tu mchog sbyin pa mthong bar 'gyur ro// mthong ba'i chos la 'khor ba'i sdug bsngal 'jigs pa 'jigs su rung ba dang / skrag pa dang / sdang ba rnams rnam par zhi bar 'gyur ro// nad kyi kyang gnod par mi 'gyur ro// rims kyis ma lags/ dug gis ma lags/  dug sbyar mas ma lags/ sbyor bas ma lags/ mtshon gyis ma lags/ mes ma lags/ chus ma lags te/ lus la gser ba 'bab par mi 'gyur ro// dgras 'jigs par mi 'gyur te/ pha rol gyi dpung gi 'jigs pas ma lags/ pha rol gyi sde'i 'jigs pas ma lags/ phas kyi rgol ba dang mi mdza' ba'i 'jigs pas ma lags/ lha'i 'jigs pas ma lags/ klu'i 'jigs pas ma lags te/ gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po dang / mkha' 'gro ma dang / 'dod dgur sgyur ba dang / sbyor ba rtsub mo'i 'jigs pa 'byung bar mi 'gyur ro/ / dpag tshad gcig gi nang tshun chad gzung bar mi nus shing rgyang ring por 'bros par 'gyur te/ de la bgegs bgyid par mi 'gyur ro// gang dag mnar med par gnas par 'gyur ba'i sems can nam/ mtshams med pa lnga bgyid pa 'am/ 'phags pa la skur pa 'debs pa 'am/ dam pa'i chos spong ba 'am/ bskal pa bye bar bsags pa'i las kyi sgrib pas lus yongs su dkris pa gang lags pa de'ang mthong ba'i chos la thams cad lhag ma ma lus par yongs su gtugs par 'gyur/ yongs su grol bar 'gyur ro// gal te tshig gzhan mi smra bar lan stong rtsa brgyad bzlas brjod bgyid cing smyung pa lan cig bgyis te bzlas brjod byas na/ de bskal pa bye ba brgya stong du 'khor bar skye ba las phyir ldog par 'gyur/ gzungs kyi bzlas brjod kyis las kyi sgrib pa snga ma rnams kyang 'byung bar 'gyur zhing / bskal pa stong du bsags pa'i sdig pa rnams nyams par 'gyur ro// 'khor ba'i nyes pas phyir yang gos par mi 'gyur te/ sdig pa dang sgrib pa thams cad kyis pad+ma bzhin du gos par mi 'gyur ro/ / mthong ba'i chos la sa lnga pa thob par 'gyur ro// bsten pa tsam mam/ mo ga'i bzlas brjod la nges par gnas na phyir mi ldog pa'i gnas 'thob par 'gyur ro//  dran pa tsam gyis pha rol tu phyin pa drug yongs su rdzogs par 'gyur ro// pha rol tu phyin pa bcu'i rjes su mchi bar 'gyur ro// nyin gcig bzhin du lan brgya rtsa brgyad bzlas brjod bgyis na mthong ba'i chos la kun tu bzang po nyid 'thob par 'gyur ro/ / gsang sngags dang / cho ga zhib mo dang / dkyil 'khor dang / phyag rgya thams cad kyi rjes su zhugs pa dang / dam tshig thams cad la zhugs par 'gyur ro//  yang dag par bskyed pa thams cad kyi rjes su 'brang bar 'gyur ro// rig sngags 'chang mthong ba tsam gyis mnar med par gnas pa rnams kyi sdig pa rnam par 'jig par 'gyur ro// chung ngun rig sngags 'chang dur khrod du zhugs nas gum pa'i rus pa'am/ gum pa'i sha'am/ gum pa'i ro rul pa'am/ gum pa'i zhun nam/ chung ngu na gum pa'i gos bor ba 'am/ rtsig pa'i ri mo la rig sngags 'chang de'i grib mas phog par 'gyur na/ sems can gang dang gang gi dmyal bar gzhol bar gyur pa de dang de nas mod la thar nas 'jig rten gyi khams bde ba can du skye bar 'gyur te/ de la yid gnyis sam som nyi bskyed par mi bgyid na/ gang dag che mang du lhag par bgyid par 'gyur ba lta smos kyang ci 'tshal/ gang rigs kyi bu pho 'am/ rigs kyi bu mo 'am/ dge slong pha 'am/ dge slong ma 'am/ dge bsnyen pa 'am/ dge bsnyen ma dad pa'i rjes su 'brang ba 'ga' zhig bzung 'di 'chang bar bgyid/ rjod par bgyid/ klog par bgyid/ gdon par bgyid/ sems par bgyid/ sgom par bgyid//  mchod par bgyid/ 'dri bar bgyid/ 'drir 'jug par bgyid na/ de nges par bla na med pa yang dag par rdzogs pa'i byang chub las phyir mi ldog par 'gyur ro// mthong ba'i chos la yon tan chen po brgya stong mang po 'thob par 'gyur ro/ / 'di nyid bcangs na mthong ba'i chos la dge ba'i rtsa ba'i tshogs thams cad dang / pha rol tu phyin pa drug dang rjes su mthun pa'i dge ba'i rtsa ba yongs su rdzogs par 'gyur ro/ / gzung 'di nyid re zhig kun chub par bgyis nas mkho ba'i yo byad thams cad yongs su rdzogs par 'gyur na/ dgos pa mang pos grims par bgyid pa lta smos kyang ci 'tshal/ de nas rig sngags 'chang don yod yid bzhin nor bu'i zhags pa bsgrubs nas yid la bsams te/ bsams pa'i las thams cad bgyis na thams cad 'grub par 'gyur/ dgos pa dang bgyi ba thams cad grub par 'gyur ro/ / ji ltar 'phags pa spyan ras gzigs dbang phyug mchog sbyin mngon sum du mthong nas lung bstan pa bzhin du don yod pa'i yid bzhin nor bu'i zhags pa 'di de bzhin du blta bar bgyi ste/ 'di la yid gnyis mi bgyi'o// de nas rig sngags 'chang gis zhogs pa mgrin par btags la lag pa g.yas pas nor bu blangs te/ lag pa g.yon pas lcags kyu blangs na mi gda' bar gyur nas gar dga' ba der 'jug par 'gyur te/ mtshan mo'ang nor bu'i 'od kyi snang bas nyin par ji lta ba bzhin du 'gyur ro// thams cad du lha'i gnas su 'jug pa dang / klu dang / gnod sbyin dang / srin po dang / lha ma yin dang / nam mkha' lding dang / mi 'am ci'i gnas dang / lto 'phye chen po'i gnas dang / ri sul gyi phug dang / ri dang / nags tshal dang /  thang gi sgo rnams 'bye bar 'gyur zhing / thams cad du mi mngon par zhugs nas slar yang ldog par 'gyur ro// zhing ci 'tshal ba de bgyid par 'gyur ro// mi rnams kyi nang du lha'i tshe lo brgyar 'tsho bar 'gyur ro/ / nyon mongs pa dang nyes pa'i skyon thams cad spangs par 'gyur/ 'on te rig sngags 'chang gis grub pa'i don la brtag par 'tshal na/ zla ba yar gyi ngo'i tshes brgyad dam bcu bzhi la legs par khrus bgyi'o/ / gtsang mas gos gtsang ma bgo bar bgyi'o// gtsang ma'i gnas sam phyogs su ba'i lci ba ste ba'i rnam lngas yongs su sbyang bar bgyi'o// gnas de'i nang logs kyi dbus su dri'i dkyil 'khor bgyi'o/ / me tog sil ma dgram zhing bum pa gang bas brgyan cing spos sna tshogs kyis bsgos pa'i bdug pa gzhag par bgyi'o// de nas 'phags pa spyan ras gzigs dbang phyug gi mdun du stan bzang po bshams te/ shin tu mnyam par bzhag pas zhags pa sbrul 'khyil ba'i tshul du zlum po bskyil nas bzhag par bgyi'o// dbus su nor bu gzhag par bgyi'o/ / de nas rig sngags 'chang gis mchod par bgyi'o// don yod rgyal po'i snying po lan nyi shu rtsa gcig bzlas brjod bgyis nas khro bo'i rgyal po lan nyi shu rtsa gcig bzlas brjod bgyi'o/ / de nas don yod yid bzhin nor bu'i snying po lan brgya rtsa brgyad bzlas nas de'i 'og tu tsan dan dang / a ka ru dang / du ru ka'i bdug pa dbul zhing nor bu la brtag par bgyi ste/ zhags pa dang de thams cad nor bu'i nang nas gda' bar 'gyur ro// de bzhin gshegs pa gda' ba 'am/ byang chub sems dpa' gda' ba 'am/ lha gda' ba 'am/ klu gda' ba 'am/ gnod sbyin dang / srin po dang / dri za dang / lha ma yin dang / nam mkha' lding dang / mi 'am ci gda' ba 'am/ 'byung po dang / lto 'phye chen po gda' ba 'am/ g.yul 'gyed pa gda' ba 'am/ tshe ring ba gda' ba'am/ tshe nyams pa gda' ba 'am/ tshe 'phos pa gda' ba 'a rgyal srid gda' ba 'am/ grong 'thob pa'am/ yul 'thob pa'am/ grong khyer 'thob pa 'am/ dbyig dang / gser dang / nor bu dang / mu tig dang / bai DUR+Ya dang / shang ka shi la dang / byu ru dang / ka le sbram dang / dngul dang / gos dang / lhab lbub dang / rgyan gda' ba 'am/ nor sgyur ba sma ba 'am/ mig 'phrul smra ba 'am/ zhing smra ba 'am/ gter smra ba'am/ 'bru smra ba 'am/ bud med 'phrog pa 'am/ las sgrub pa'am/ gsang sngags 'grub pa 'am/ dbang du bgyi ba 'am/  ngo mtshar ba de dag thams cad nor bu'i nang na gda' bar 'gyur zhing / dge ba 'am mi dge ba de dag thams cad kyang gda' bar 'gyur ro// lo 'am/ lo phyed dam/ gnod pa 'am/  'tshe ba 'am/ yams sam/ mi ngas sam/ mi ngas chen po 'am/ phyugs ngas sam/ gor ram/ rta nad dam/ glang po che'i nang ngam/ rang gi dpung ngam/ gzhan gyi dpung gi 'jigs pa dang skrag pa chen po de dag thams cad me long gi dkyil 'khor la ji lta ba de bzhin du gda' bar 'gyur lags so/ / gang bsams shing gang gnyer bar 'grub pa'am/ mi 'grub pa'am/ dge ba'am/ mi dge ba thams cad gda' bar 'gyur te/ de la the tsom dang / yid gnyis dang / som nyi mi bgyi ste/ dngos po don yod gzhan du mi 'gyur ro// char mi 'bab pa'i dus su klu'i gnas su nor bu gzhag na ci tsam 'tshal bar char gyi rgyun 'bab par 'gyur ro/ / ha cang char ches na nam mkha' la nor bu bstan na char chen po 'chad par 'gyur ro// nyi ma char kar nyi ma la bstan na nyi ma babs nas mchog thams cad stsol bar 'gyur ro/ / zla ba tshes pa la bstan na zla ba babs nas 'dod dgu thams cad kyi mchog stsol bar bgyid do// chu klung chen por bstan na rin po che rnams 'byung bar 'gyur ro//  nags khung du bstan na sman gyi rdzas thams cad rang gi gzugs kyis mdun na mchis nas gang gnyer ba de len par 'gyur ro// ri phug tu bstan na sman thams cad 'bab par 'gyur te/ ci 'tshal pa de blang bar bgyi'o/ / 'bru'i phung po la bstan na 'bru thams cad 'du bar 'gyur te/ gang du 'tshal ba der 'byung bar 'gyur ro// ma mo'i gnas sam nag po chen po la bskan ma la gcig bzhag na/ nag po chen po ma mo'i tshogs kyi 'khor dang bcas pa rang gi gzugs kyis mdun na mchis nas dbang du 'gyur zhing dgos pa dang las thams cad bgyid par 'gyur ro// rgyal po'i mngon sum du bstan na yan lag bzhi'i dpung dang bcas pa/ blon po'i tshogs dang bcas pa/ btsun mo'i 'khor dang bcas pa/ dbyig dang / gser dang / nor bu dang / mu tig dang / bai DUR+Ya dang /  shang ka shi la dang / byu ru dang / sa le sbram dang / dngul dang / gos dang / rgyan dang / lhab lbub dang / rgyan 'phyang dang / khang pa dang / ngo mtshar du bcas pa dbang du gyur nas/ ji srid 'tsho ba'i bar du bsnyen bkur bgyid par 'gyur ro/ / skye bo'i tshogs chen po'i nang du zhags pa 'phangs te/ don yod pa'i yid bzhin gyi nor bu'i gzungs bzlas na ji ltar 'tshal ba yid la bsams pa bzhin me tog dang / 'bras bu dang / gzhal med khang gi char 'bab par 'gyur ro// rgyal mtshan bsgreng ba'i rtse mor bzhag ste/ rgyal rigs spyi bor dbang bskur ba khyim gyi steng ngam khyams su bzhag la/  'phags pa'i lam yan lag brgyad kyi bsnyen gnas kyis sems can thams cad la mchog tu brtse bar bgyi'o// don yod rgyal po'i snying po lan nyi shu rtsa gcig bzlas brjod bgyis nas khro bo'i rgyal po lan nyi shu rtsa gcig bzlas par bgyi'o/ / de nas don yod yid bzhin nor bu'i gzungs lan brgya rtsa brgyad gsang bstod de bzlas brjod bgyi'o// lan brgya rtsa brgyad tshangs nas ji ltar yid la bsam pa bzhin du char 'bab par 'gyur ro/ / nor bu dang / 'bru dang / gos dang / lhab lhub la sogs pa me tog dang 'bras bu'i char 'bab par 'gyur ro// 'thab pa dang / 'thab mo dang / rtsod pa dang / 'gyed pa dang / mu ge'i dgon pa'i 'jigs pa dang / yams dang / gnod pa de dag thams cad 'phags pa spyan ras gzigs dbang phyug gi mthus bas par 'gyur/ thams cad rab tu zhi bar 'gyur ro/ / sems can thams cad la mi 'jigs pa stsol bar 'gyur ro// 'jigs pa dang sha kho na thams cad las thar par 'gyur ro// gdug pa nas/ gcan gzan khro bo thams cad kyi bar du'ang byams pa la gnas par 'gyur ro/ / sems can thams cad mthun par bgyid par 'gyur ro// yid kyi brnag pa thams cad yongs su rdzogs par 'gyur ro// don yod yid bzhin gyi nor bu'i zhags pa chen po sgrub pa'i cho ga'o/ / / de nas rig sngags 'chang ral gri dang zhags pa sgrub par 'tshal na/ rig sngags 'chang gis lcags chen po las ral gri sor bcu drug gi tshad du bgyis la/ lag zungs kyi ngos dngul las bgyis te gser gyis 'bar bar bri'o// shing shun gyi skud pa dang / arka'i skud pa dang // kha che dar gyi skud pa lhan cig tu khru bcu drug byung ba shin tu tshad la bab par bkum pa/ sgrub pa'i dgos pa yongs su rdzogs pa la sum sgril du bkal bar bgyi'o// de nas rig sngags 'chang gis legs par khrus bgyis te gtsang mas gos gtsang ma bgos te/  zhags pa dang ral gri mnan la lag pa g.yas pas dkyil 'khor la bzhas ste gzung bar bgyi'o// khros pa'i khro gnyer gyi bzhin gyis skyil mo krung bcas te mchis nas/ 'phags pa spyan ras gzigs dbang phyug gi ri mo'i gzugs kyi mdun du khro bo'i rgyal po lan stang rtsa brgyad brlab par bgyi'o/ / bzlas brjod lan stong rtsa brgyad tshang nas ral gri 'bar bar gyur nas/ rig sngags 'chang nam mkha' la 'phur bar 'gyur zhing / ral gri grub pa'i rig sngags 'chang thams cad kyi gtso bo 'khor los sgyur bar 'gyur ro// gzhan gyi mthus gzil gyis non par mi 'gyur ro//  lo khri brgya stong du 'tsho bar 'gyur ro// 'on te lag pa g.yon pas zhags pa bzung la g.yas pas ral gri bzung ste/ khros pas hUM zhes bgyi bas mnan na mi gda' bar gyur nas mi gda' ba dang /  zhags pa dang ral gri grub pa'i rig sngags 'chang thams cad kyi gtso bo rgyal po 'khor los sgyur bar 'gyur ro// tshe lo khri thub par 'gyur ro// 'on te rig sngags 'chang khros pas ral gri bskor na bgegs dang / log 'dren dang / gnod sbyin dang / srin po gdag pa can thams cad dang / 'byung po thams cad kyi rig sngags bcad par 'gyur ro// g.yul gyi dbus su lan cig bskor na g.yul 'gyed pa'i mtshon cha thams cad gtubs par 'gyur/ rengs par bgyis par 'gyur te/ thams cad phyogs bcur 'byer bar 'gyur ro// dur khrod kyi nang du bskor na dur khrod na gnas pa'i gdug pa rgyu ba thams cad kyi rig sngags gtubs par 'gyur zhing gnas thams cad stongs par 'gyur ro/ / phug gi sgor bskor na 'khrul 'khor dang sgo glegs thams cad gtub par 'gyur ro/ / sgo dang gtan pa thams cad gtubs par 'gyur ro// gdug pa'i mi ma yin pa bar chad bgyid pa thams cad bcom par 'gyur ro// thal bar brlag par 'gyur ro/ / gzhan yang dgos pa thams cad du ji ltar 'tshal ba bzhin du bgyid par 'gyur ro// ral gri sgrub pa'i cho ga'o// // de nas rig sngags 'chang sbrul gyi zhags pa sgrub par 'tshal na rig sngags 'chang des skud pa lnga las sgrub ste/ tshon rtsi lngas kha bsgyur ba'i skud pa tshad bzhin du gtubs la/ sgrub par shin tu 'os pa las bsgrub par bgyi'o// de nas zas bzang po'i phye ma dang / ma d+hu'i me tog dang / ra sa'i me tog dang / ldong ros dang / pad+me ge sar dang / na ga pus pa dang / shing arga'i 'o ma lhan cig tu sbyar ba der btsag bsal te/ dus gcig du lhan cig mnyam du btags shing / spyi bor legs par spras te/ de la don yod rgyal po lan sdong rtsa brgyad bzlas brjod bgyis nas sbrul 'khyil ba mgo gsum gyi gdengs ka can yongs su 'khyil ba gser gyis g.yogs pa/ legs par sbrel ba ni zhags pa'i mchog lags so// rig sngags 'chang gis legs par khrus bgyis la/ gtsang mas gos gtsang ma bgos nas pa'i lci ba'i dkyil 'khor gru bzhi tshad bzhin bgyis te dris mchod par bgyi'o/ / me tog gi sil ma dang bum pa gang bas brgyan par bgyi'o// ba dan gyis kun nas brgyan par bgyi'o// dkyil 'khor gyi dbus kyi gnas su stan bzang po bshams te/ de'i steng du klu'i zhags pa bskyil nas gzhag par bgyi'o// sbrul gyi mgo'i gdengs ka dbus ma ni kha shar phyogs su ston no// dkar gsum gyi gtor ma gzhag par bgyi'o/ / mchod yon zhabs bsil dkar po'i snod dang / bdug pa rnam pa gsum po tsan dan dang / a ka ru dang / du ru ka rnams sreg go// 'bras yos dang yungs kar bkram pa'i dkyil 'khor bgyis la/ 'phags pa spyan ras gzigs dbang phyug mngon sum du bzhag la mchod pa rgya chen po bgyis te/ rig sngags 'chang gis skyil mo krungs ces te mchis nas bzlas brjod mang du bgyi'o//  thog mar don yod zhags pa'i snying po lan stong rtsa brgyad bzlas brjod bgyis nas tshang ba dang / khro bo'i rgyal po lan stong rtsa brgyad bzlas pa'i yungs kar re re nas sbrul gyi mgo la gtor bar bgyi'o//  sgrub pa thams cad tshang nas ni// rgyun du sbrul ni 'bar bar 'gyur// stan las zhags pa g.yo ba ni// sor bzhi tsam gyi tshad tsam du// stan las gyen du 'phar bar 'gyur// de nas rig sngags 'chang gis gzung nas mi gda' bar gyur nas klu'i gnas su mchis te/ klu'i mtshor mchis na klu'i gnas kyi sgo rnams 'bye bar 'gyur ro// rig sngags 'chang gis zhugs tedon yod rgyal po bzlas nas sbrul gyi zhags pa lan gsum du bskor bar bgyi'o/ / de nas klu'i rgyal po btsun mo'i 'khor dang bcas pa mchis nas rig sngags 'chang la mngon sum du smra bas rig sngags 'chang zhugs shig ces smra bar 'gyur ro/ / de nas rig sngags 'chang gis sbrul gyi zhags pa bzung ste bskor nas 'jug par bgyi'o// des na rig sngags 'chang gis klu'i skyon de mi mthong zhing nub par 'gyur ro/ / 'khrul 'khor dang / sgo glegs dang / gtan pa thams cad gtubs shing bcag par 'gyur ro// zhug pa tsam gyi mod la klu'i bu mo gzug bzang mo mdzes ma/ rgyan thams cad kyis klubs ma mdzes ma mchis nas rin po che'i 'phreng ba thogs te/ rig sngags 'chang la dbul bar bgyid do// rig sngags 'chang gis blangs nas spyi bo la gzhag ste/ bzhag pa tsam gyi mod la klu'i bu mo nam mkha' la 'phur nas nu ma gnyis nas 'o ma zags pa dang / rig sngags 'chang gis bzed nas btung bar bgyis te/ tshe khri nyis stong thub par 'gyur ro// sgra cung zad 'khyil bar yang 'gyur ro// klu'i rgyal po zhes bgyi ba thams cad kyi bdag po 'khor los sgyur bar 'gyur ro/ / mthu dang brtson 'grus chen pos pha rol gnon par 'gyur ro// de nas rig sngags 'chang gis sbrul gyi zhags pa bzhag la don yod rgyal po'i snying po shing ka ra wI ra'i lcug ma la bzlas nas byab par bgyi ste/ gang dang gang gi ming nas drangs shing yid la bsams pas mong du thams cad 'grub par 'gyur ro// char mi 'bab pa'i dus su sbrul gyi zhags pa gnas mthon por bskor bar bgyi ste/ lan cig bskor ba tsam gyis char gyi rgyun chen po 'bab bo// char ha cang che ba'i dus su sbrul gyi zhags pa gnas mthon por bzhags na char ha cang che ba las 'chad par 'gyur ro/ / grang ba'i rlung ngam ser ba 'bab pa'i dus su nang par sngar klu'i zhags pa phyogs bzhir bskor na dpag tshad brgya kho ra khor yug tu ser ba 'bab par mi 'gyur te/ grang ba'i rlung dang ser drag thams cad bcings par 'gyur ro// lo 'khyud 'khor tshang bar mtshams chen po bcings par 'gyur ro// nyin gcig bzhin don yod rgyal po'i snying po lan nyi shu rtsa gcig bzlas brjod bgyis nas zhags pa lag pa g.yas pas bsdogs la/ lag pa g.yon pas bskrad pa bgyis na nyin gcig bzhin lha'i zhal zas dang btung ba 'dod dgu thams cad klu'i gnas nas byung nas skye bo stong stong 'tshal ma stsol bar 'gyur ro/ / de'i dug thams cad mthong ba tsam gyis dug ma lags par 'gyur ro// sbrul gyi zhags pa lag pa g.yas pas bzung la lag pa g.yon pas klu bzung nas/ dpyid dam/ ston ka 'am/ sprin chags pa'i dus su zhags pa bskor la khro bo'i rgyal po bzlas brjod bgyis te/ nam mkha' la 'phangs na me tog dang / 'bras bu dang / lo tog gang yang rung ba bzang po shin tu smin pa dang / kha zas shin tu bzang po thams cad nam mkha'i ngos las sa la 'bab par 'gyur ro// gal te lan nyi shu rtsa gcig bskor la khro bo'i rgyal po bzlas brjod bgyis na/ klu'i gzhal med khang dang / gos dang / lhab lhub dang / rgyan 'phyang dang / rgyan thams cad sa la 'bab par 'gyur ro// gal te rig sngags 'chang gis lan nyi shu rtsa gcig las lhag par bskor cing khro bo'i rgyal po bzlas brjod bgyis na/ de'i tshe klu 'khor dang bcas pa gzhal med khang dang bcas par sa'i steng du ltung bar 'gyur ro// gal te rig sngags 'chang gi rgyal po btsun mo'i 'khor dang bcas pa dbang du bgyi bar 'tshal na/ zhags pa gzhag la yungs kar la don yon rgyal po lan stong rtsa brgyad bzlas brjod bgyis nas bsnun la/ de nas sbrul gyi zhags pa blangs te rgyal po'i khyim gyi phyogs gang lags pa der lhag par zhags pa bskor na/ rgyal po'i btsun mo'i 'khor dang bcas pa dbang du gyur nas ji srid 'tsho'i bar du mchis par 'gyur ro// g.yul 'gyed pa na khro bo'i/  rgyal po bzlas brjod bgyis nas zhags pa g.yul gyi dbus su 'phangs na sbrul gdug pa mig bgrad pa/ lce sgyur ba/ mig me mdag ltar dmar ba 'byung bar 'gyur te/ mthong ba tsam gyi mod la dpung gi tshogs yan lag bzhi pa phyogs bcur 'byer bar 'gyur ro/ / gzhan yang ji lta ji ltar yid la bsams pa'i don de lta de lta bur thams cad sgrub par byed par 'gyur ro// sbrul gyi zhags pa sgrub pa'i cho ga'o/ / de nas 'byung po'i dbang phyug gi zhags pa sgrub par 'tshal ma 'bri'i rtsid pa dang / rtsid pa chen po lhan cig tu bkal ba dang / lcags las mdung rtse gsum pa sor bzhi'i tshad tsam du bgyis la/ de nas don yod rgyal po'i snying po lan stong rtsa brgyad bzlas brjod bgyis nas khro bo'i rgyal po lan stong rtsa brgyad bzlas te/ nyin zhag gcig mchis la legs par khrus bgyi ste gtsang mas gos gtsang ma bgo bar bgyi'o/ / zla ba mar gyi ngo'i tshes bcu bzhi'i nyin zhag gcig gis bsgrub par bgyi'o// de nas mdung rtse gsum pa'i zhags pa blangs na 'byung po'i dbang phyug gi gzugs 'dra bar 'gyur ro/ / 'byung po thams cad kyi bdag po lo brgya stong du 'tsho bar 'gyur ro// 'byung po'i gnas kyi gzhal med khang thams cad kyi bdag por 'gyur ro// zhags pa lag par thogs nas dur khrod du zhugs na dur khrod na gnas pa thams cad mdun du mchis te/ gnas kyi sgo thams cad 'byer bar 'gyur zhing khyod ci dgar zhugs shig ces ci 'tshal ba de bgyid par 'gyur ro// ro'i mgul du btags nas khro bo'i rgyal po bzlas na/ de nas ro langs nas ci dris pa de smra bar 'gyur zhing ci sgo bde bgyid par 'gyur ro// bkrol na mchi bar 'gyur ro// gnod sbyin gyi mgul du btags te/ khro bo'i rgyal po bzlas la khros pas drangs nas gnod sbyin de'ang mdun du mchis nas/ rig sngags 'chang la rje btsun bka' stsol cig dang thams cad bgyi'o zhes smra bar 'gyur ro// rig sngags 'chang gis khyod ji srid 'tsho'i bar du khro bo'i rgyal po ma ngag gzhug pa'i las gyis shig ces smra bar bgyi ste/ bka' bzhin 'tshal zhes de nas nyin gcig bzhin bsgo ba bgyis na las thams cad bgyid par 'gyur ro// /  gnod sbyin mo'i mgul du btags te khro bo'i rgyal po bzlas na/ gnod sbyin mo mchis nas rig sngags 'chang gi mdun du mchis te/ rig sngags 'chang la mig mi 'dzums par lta zhing / rig sngags 'chang ci zhig don du gnyer zhes smra bar 'gyur ro/ / rig sngags 'chang gis kho bo lam dang / chung ma dang / sring mos bsgrub par bya ba'i dgos pa gsum byos shig ces bsgo bar bgyi'o// gal te ma zhig tu bgyid na bu gcig pa bzhin du bza' ba dang / btung ba dang / mal cha dang / gos dang / nor dang / 'brus yongs su skyong bar bgyid do// chung ma zhig tu bgyid na mkho ba'i yo byad thams cad kyi dbang phyug dang bdag por bgyid cing / de dang lhag par dga' bar rtse bas phyi bzhin 'brang bar 'gyur ro// gal te sring mo zhig tu bgyid na yid la brnag pa'i 'dod pa thams cad yongs su rdzogs par bgyid do/ / dgos pa thams cad bgyid par 'gyur ro// thams cad du rgyug cing slar yang ldog par 'gyur ro// nyin gcig bzhin lhab lhub dang / gos dang / rgyan rnams stsol bar bgyid do//  nyin gcig bzhin gzhan yang lha'i bu mo dag rtsed mo'i don du dgug par bgyid do// rnam thos kyi mgul tu btags te khros pas drangs nas khro bo'i rgyal po'i bzlas brjod bgyis na/ de nas rnam thos mchis nas nyin gcig bzhin dong rtse stong stsol bar 'gyur/ gser stong stsol bar 'gyur te/ des nyin gcig bzhin sbyin pa'ang stsa la/ bsod nams kyang bgyi'o// nag po chen po'i mgul du btags la khro bo'i rgyal po lan bdun bzlas brjod bgyis te/ khros pas lag pa g.yas pa'i thal lcag gis brdeg par bgyi'o// nag po chen pos sgra phyung ba na rig sngags 'chang skrag par mi bgyid par slar yang khros pas brdeg par bgyi'o/ / de nas mchi ma zags pa dang / rig sngags 'chang gis mchi ma bzed de thig le bgyis na mi gda' bar gyur nas gter thams cad mthong bar 'gyur ro//  de nas rig sngags 'changagis yang thal mos brdeg par bgyi ste/ de nas nag po chen po khrag tu skyug pa rig sngags 'chang gis byugs na nam mkha' la mchis nas gnod sbyin gyi sde dpon chen por 'gyur ro/ / gu gul gyi bdug pas bdugs nas khro bo'i rgyal po bzlas na nag po chen po rang gi gzugs kyis mdun na mchis nas ci 'tshal ba'i mchog thams cad stsol bar bgyid cing /  ma mo'i tshogs dang bcas pa thams cad dbang du mchis par 'gyur ro// gzhan yang ci 'tshal ba bgyid pas dgos pa thams cad bgyid par 'gyur ro// mdung rtse gsum pa'i zhags pa sgrub pa'i cho ga'o/ / // de nas zhags pa dang rjes su mthun pa'i ri mo'i cho ga de kho na nyid sgrub pa'i cho ga bla na med pa brjod par bgyi ste/ 'jig rten mgon pos sna tshogs pa'i// rnam pa'i kha dog gzugs bstan pa/ / sgyu ma lta bu'i ting 'dzin gyi// cho 'phrul sna tshogs gzugs bstan te// lag pa stong dang mig stong dang // mtha' yas pa yi phyag rgya bskam/  rnam pa sna tshogs pa yi gzugs// khams gsum dag tu bstan pa ni// gdul bya gdul phyir gzugs bstan to// gsang ba 'di yi gzugs bstan pa// sems can kun la phan pa'i phyir// rig sngags grub pa bla med pa/ / de nyid zhags pa sgrub phyir ro// de bas rig 'dzin shes rab can// 'jig rten pha rol rjes 'thun pa// sangs rgyas nyid don gnyer ba dang // de bzhin gshegs kun lta ba dang // bde can lta bar 'tshal ba dang / / de nyid 'jig rten 'das pa yis// 'jig dbang mgon po mthong 'tshal la// mchog tu gus pas bgyi ba yi// cho ga'i rgyal po 'di brjod kyis// de nyid gus par dad pa dang // shin tu dang ba nyid du bgyi/ / grol ba sna tshogs 'tshal ba la// sna tshogs pa yi gzugs bstan te// sna tshogs thabs kyis grol bar 'gyur// don yod rgyal po cho ga'i mchog/ don yod grub pa'i 'jig rten 'das// don yod 'bras bu dam pa po/ / don yod kun tu grub pa 'thob// sangs rgyas kun gyis byin gyis brlabs// don yod 'jig rten 'jig rten mgon// 'jig rten dbang phyug mchog sbyin pa// don yod 'jig rten ci 'tshal ba/ mchog 'tshal ba ni grub par 'gyur// don yod rgya chen rdzu 'phrul gyi// cho 'phrul rnam 'phrul rgyun mi 'chad// de lta bas na kun bsgrims te// bdag nyid yongs su dag bgyis nas// ji ltar cho ga bkod pa bzhin rjes su 'phrul par ri mo'i gzugs/ / rtag tu ri mo'i gzugs lta zhing // zhags pa'i gzugs ni sna tshogs dang // de bzhin khro bo'i rgyal po dang // rig sngags rgyal po de bzhin du// dkyil 'khor lha dang me lha dang / / sbyin sreg rlung lha chu lha dang // khro bo'i gzugs dang zhi ba dang // lha dang klu yang ston pa dang // gnod sbyin srin po'i gzugs dang ni// 'byung po lha min dri za dang // nam mkha' lding dang mi 'am ci// lto 'phye chen po'i gzugs kun tu/ / 'jig rten mgon pos mchog sbyin bstan// gshin rje dang ni lus ngan dang // tshangs pa khyab 'jug dbang phyug che// gzhon nu dbang phyug lha dang ni// dbang phyug chen po nyi ma dang / / zla gzugs rgyu skar tshes grangs dang // 'di dag rnam pa sna tshogs pa'i// gzugs su 'jig rten mgon pos bstan// sems can rnams la phan 'tshal bas// gdul ba'i don du 'gro ba'i lam/ / sems can rnams la bstan pas na// de bas som nyi nyid mi bgyi// mchog tu dad par bgyi ba lags// ji ltar mthun pa'i dgos pa rnams// ji ltar mthun pa bzhin du sgrub// ji ltar mthun pa'i ri mo'i gzugs/ / ji ltar mthun pa'i zhags pa sgrub// gnas ni gang du 'os pa dang // gang du sems ni dga' 'gyur ba// goms pa gang gis phyag rgya dang // gang gi dkyil 'khor char dbye ba/ 'phags baspyan ras gzigs dbang mgon/ / kun tu sgrol ba 'dren pa'i gtso// don yon 'bras bu stsol ba po// don yod pa yi grub pa 'thob// don yod dgos pa thams cad dang // thub pa'i chos kyi 'khor lo ni/ / mchog nyid la yang reg par 'gyur// zhags pa dang ri mo sgrub pa'i cho ga'o// / de nas don yod pa'i las dang dgos pa sgrub pa thams cad kyi sbyin sreg gi cho ga bshad par bgyi ste/ sdig pa thams cad mod la 'phrog pa/ sgrib pa thams cad 'jig par bgyid pa/ dgra thams cad 'joms pa/ bgegs thams cad rnam par 'joms pa/ gdug pa thams cad bzlog pa'i mchog sdig pa thams cad 'jig par bgyid pa/ dmyal ba'i sdug bsngal bcu drug las grol bar bgyid pa/ 'jigs pa mi bzad pa brgyad rtag tu 'phrog pa/ mi mdza' ba rnams rab tu 'joms pa pha rol gyi dpung bzlog pa'i mchog nad thams cad 'joms pa/ mod la 'thab pa dang / 'thab mo dang / rtsod pa dang / 'gyed pa zhi bar bgyid pa/ mu ge'i dgon pa 'jig par bgyid pa/ yams kyi nad dang gnod pa 'joms pa/ lha'i bde ba 'dren par bgyid pa'i cho ga de kho na nyid kyi sangs rgyas sgrub pa/ sangs rgyas kyi byang chub bla na med pa'i mchog thams cad sgrub par bgyid pa/ sems can thams cad kyi mthun mong mchog sbyin shin tu rnyed par dka' ba/ lha rnams rtag tu mgu bar 'gyur ba/ klu thams cad dga' ba 'thob par 'gyur ba/ de bzhin gshegs pa rnams rtag tu nyin mtshan du gzigs par som nyi ma mchis pa/ byang chub sems dpa' rnams dga' bar 'gyur ba/ dus kun tu shin tu mnyam par bzhag pas 'jig rten dbang phyug mchog sbyin rtag tu mchis par som nyi ma mchis pa/ rgyal po chen po bzhi 'khor dang bcas/ blon po dang bcas pa srung ba'i don du thams cad du rtag tu rjes su 'brang bar 'gyur lags so/ / de nas rig sngags 'chang shes rab dang ldan pas gtsang ma'i gnas su mchis nas sbyin sreg bgyis te/ gtsang ma yi ni sa phyogs sam/ / ca co ma mchis dben par ni// zhi ba dang ni rgyas pa dang // drag shul spyod pa rnams bgyi'o// zhi ba sems can thams cad kyi// don du sdig pa thams cad 'joms// rgyas pas rgyas pa 'thob 'gyur te//  thams cad phun sum tshogs par 'gyur// dgra dang log 'dren gtug pa dang // gnod sbyin srin po gsang ba pa// gdug sems can rnams bred pa dang // skrag par bsdigs pa drag shul spyod// gsang sngags sgrub pa'i sprin sreg ste/ / gsang sngags sgrub pa'i bla na med// 'jig rten 'jig rten pha rol gyi// sbyin sreg gi ni las bgyi'o// me lha'i lha dang klu dag dang // de bzhin rig pa 'dzin pa'ang dgug / khung brkos de la pad+ma'i tshul// pad+ma rtag tu bri bar bgyi// cho ga ji bzhin khung nang gi/ pad+ma la ni ge sar bgyi// gru bzhi 'am ni zlum po ste// de lta bur ni brko bar bgyi// legs par byugs shing shin tu brnag shin tu sbas shing tshad la dbab/ / tshes grangs rgyu skar nyid dag dang // shin tu bkra shis dag la bgyi// bkra shis phyag rgya chen po dang // bzang po'i gtor ma'i las bgyi'o// bdug pa me tog la sogs pa/  bzang po dag ni 'khor bar dgod// thog mar me lha bkug nas ni// de nas sbyin sreg las rnams bgyi// rig sngags 'chang ba gtsang gyur pa// legs bkrus gtsang ma'i gos bgos nas// gsang sngags bzlas pa'i cho ga bgyi/ / de la mtshams kyang bcing bar bgyi// bdag srung gtsug tor bcing ba dang // gzhan srung dkyil 'khor bcing ba dang // de bzhin grogs bgyid srung ba dang /  rgyun du a ka'i shing spar te// dri yi shing rnams nyid dag dang // mar dang yungs kar 'bras yos dag/ nyi shu gcig dbul me tog bgyi// de nas me yi lha dgug go// oM na mo ag+ni dz+wA la ma hA dzA la/ rjod sna pra b+ha maN+Da la/ sar+b+ba bid A hU ti/ pra hU ti rak+ti ni rad tuSh+Ta dz+wa la/ d+hu ma shwa sa/ a tsi ShA mu kha tik+Sh+Na/ rashrId pa ag+ni sh+tsa bi tu ta sh+tsa hU ta sha na mu kha na te/ sar+b+ba de bA nAM/ sarba yak+Sha ma hA bIr+ya ma hA dza ya/ ma hA bApA la nir ma ri shan/ sar+b+ba da ha na pra pu la A ka ra sha sa mu gad kash+tsa a ba pra saM kA sha na/ maN+Da la pU dzi to// ma na ti sar+b+ba tra di bya rU pa bi ShA ra da A bA hA na sar+b+ba tra gAn/ de ba hU ta/ sha na hu tra/ sha na ta ma si bi d+ha ma kan/ an d+hu ka ra na/ muk+taM ra shI ma pri yo ku gan d+ha pha lA ha ra/ sa ra sa ra/ a gra dza/ sAk+ShA su tI k+ShAsh+tsa mri ti san dzi be na/ pri yau bash+ma puSh+pa bas+tha bas+t+ra tsa basma bsta ni/ se ba ka ma/ basmA sany+tsa d+ha ni t+yan d+hu ma mA ku la/ dza ya se/ ba ka sid d+ha ra sa d+ha ra sa grA tsa ra sarba tra pra d+ha ba ri shA/ sarba tri ni ra ma ri shi No/ nai t+yai smiSh+pa dASh+Ta na mun tsa si/ dA tr-i sha/ b+ha ba no d+ha ba ag+ni/ mu khe de bA ta/ a ru tsi ru dzA ba la ba da ka ma hA na ta/ a tha par No/ de ba de ba na/ bi shA ra da/ a yAn tu sA d+ha ya ta da tA ta/ oM dz+wa la dz+wa la/ tiSh+Tha sa ma yan/ hu ru hu ru hUM phaT swA hA/ gsang sngags 'dis ni lan bdun du// bzlas nas me ni dgug par bgyi/  gu gul yungs kar mar sbyar ba// spar bdun spar bas me la dbul// mchod yon snod rnams dbul ba yang // de bzhin spar ba'i spar bas so// dri rnams dang ni byug pa dang // bdug pa rgya chen dbul bar bgyi/ / de bzhin 'bras bu spar bar dbul// de nas chab kyis gsang ba bgyi// ji ltar lha rnams rim bzhin du// nye reg dag kyang dbul bar bgyi// de nas rig sngags 'chang gis su// sbyin sreg las ni yang dag brtsams/ dri zhim shin tu dag pa dang // p+lag sha u dum pa ra dang // sna ma'i me tog tsam pa dang // kar ni ka ra nyid dag dang // pad+ma ut+pal thang shing dang // de bzhin dri bda'i tsan dan dang //  byang chub ljon shing shing dag dang // de bzhin gzhan yang dri gda'i shing // 'on te 'bras bu'i shing mang dang // shi ma shi ba'i las lags pas// mchod yon de bzhin rtswa dag ste// de dag gis ni me sbar nas//  sbyin sreg gi ni las bgyi'o// 'bras yos tsan dan phye ma dang // a ka ru dang du ru ka/ kun tu ru la sogs pa dang // du ru kar bcas spri ka dang // spang spos pri yang ku blangs te// de dag lhan cig sbyar bsres shing / / mar ram mar gsar lhan cig brdzi// don yod rgyal po'i gsang sngags ni// brgya rtsa brgyad bzlas me la dbul// 'phags pa spyan ras gzigs dbang phyug gi mdun du lan stong brgyad kyi sbyin sreg bgyi'o/ / lan stong rtsa brgyad tshang ba dang / nam phyed na me lha rang gi gzugs 'bar bar shin tu gnas pa langs nas phyogs bcur lta zhing kun tu brtag nas rigs sngags 'chang la legs so zhes bgyi ba stsol bar 'gyur ro/ / rig sngags 'chang legs so legs so// bdag tshim par byas pas rig sngags 'chang khyod kyis sbyin sreg gi cho ga grub kyi/ mchog slongs shig dang thams cad sbyin no/ / de nas rig sngags 'chang gis ji lta bu'i 'dod pa'i mchog rnams blangs par bgyi ste/ ji ltar blangs pa bzhin thams cad stsol bar bgyid do// de nas rig sngags 'chang gis mchod yon gyi snod dang zhabs bsil gyi snod dag dbul zhing gtor ma dbul ba'i las bgyi'o/ / de nas rig sngags 'chang gis mar dang bsres pa'i gong bu chen po dag gis sbyin sreg bgyi zhing / 'bras bu'i shing la me sbar nas don yod zhags pa'i snying po lan stong rtsa brgyad bzlas brjod bgyi'o/ / stong rtsa brgyad tshang ba dang / thab kyi dbus nas skyes pa zhig lus phyed tsam phyung nas dngul gyi gzhong pa kha bas kyis bkang ste/ pus mo nub tsam du dbul bar bgyid do// rig sngags 'chang gis blang bar bgyi ste/ blangs pa tsam gyis nam mkha' la 'phur bar 'gyur zhing / rig sngags 'chang gis lus la me 'bar ba'i 'od zer 'byung bar 'gyur ro/ / de 'tshal na tshe lo khrir 'gyur ro// nam mkha'i rig sngags 'chang gi 'khor los sgyur bar 'gyur ro// bskal pa bcu tshun chad kyi sngon gyi skye ba dran par 'gyur ro/ / don long rgyal po'i cho ga zhib mo rnam par grol ba'i dkyil 'khor kha gton tu gnas par 'gyur ro// gal te snod mi len na de'i tshe yang lan nyi shu rtsa gcig sbyin sreg bgyis na cher g.yo bar 'gyur ro/ / 'phags pa spyan ras gzigs dbang phyug gi gzugs kyi mdun du mchis na rig sngags 'chang la dbugs 'byin par bgyid de/ rig sngags 'chang legs so legs so// rig sngags 'chang khyod kyis sbyin sreg gi cho ga de bsgrub zin gyis/ mchog slongs shig dang sbyin no zhes/ de'i tshe rig sngags 'chang gis ci bsams pa'i mchog smras pa de'i tshe thams cad stsol bar bgyid do//  'phags pa spyan ras gzigs dbang phyug gis skyes pa de las snod blangs te/ rang gi lag nas rig sngags 'chang la stsol bar bgyid do// rig sngags 'chang gis blangs nas zas kyi gong bu de bza' bar 'gyi'o/ / 'tshal ba tsam gyi mod la nam mkha' la rdzu 'phrul gyis mchis par 'gyur ro// lus las me'i snying po 'bar ba'i kha dog sna tshogs 'byung bar 'gyur ro// don yod rgyal po'i rig 'dzin 'khor los sgyur bar 'gyur ro/ / / 'phags pa don yod pa'i zhags pa'i cho ga zhib mo'i rgyal po bam po drug pa// / gang+gA'i klung bye ba khrag / khrig brgya stong dgu bcu rtsa gnyis kyi bye ma dang mnyam pa'i rig sngags 'chang ba'i 'khor los sgyur ba rnams kyi rig sngags 'chang gis yongs su bskor bar 'gyur ro// gang+gA'i klung gi bye ma bye ba khrag khrig phrag brgya stong dgu bcu rtsa gnyis kyi bye ma dang mnyam pa'i gnas kyi gzhal med khang don yod rab tu gnas pa'i gnas rnams 'byung bar 'gyur ro/ / rin po che sna bdun gyi gzhal med khang ri dang / tshal dang nags tshal dang bcas pa/ me tog dang 'bras bu'i shing rnam pa sna tshogs yal ga dang / sbal mig dang / lo ma dang / rtsa ba dang / myu gur bcas pa kha cig ni gser gyi me tog dang / kha cig ni dngul gyi me tog/ kha cig ni rin po che sna bdun las byung ba'i me tog dag go/ gzhan yang lha'i me tog rnam pa sna tshogs dag dang / ta ma la dang / tsam pa ka dang / lcug ma'i me tog dang /  ta la dang / g+han da bar shi ka dang / sna ma dang / yu thi ka dang / ta ra na dang / ku ba pya ka'i me tog dag dang / tshal dang / nags tshal dang / skyed mos tshal dga' bar 'gyur ba'i gnas kyi gzhal med khang gis mdzes par bgyis pa'i gzhal med khang thams cad 'byung bar 'gyur zhing dga' ba dang yid du mchi bar 'gyur ro/ / lha'i chu klung dang / 'bab chu dang / lteng ka dang / rdzing lha'i tsan dan gyi dri chab kyis yongs su gang ba de la rin po che sna bdun las byung ba'i gzhal med khang dang / lha'i pad+ma dang / ut+pa la dang / ku mu da dang / pad+ma dkar pos legs par brgyan pa'i chab gser gyi bye ma legs par bdal ba'i gzhal med khang dag 'byung bar 'gyur ro/ / lha'i bu mo dang / mi 'am ci'i tshogs dang / dri ba mo'i tshogs kyis dga' bar bgyis pa/ lha dang / lha ma yin dang / dri za dang / klu dang / rig 'dzin dang / mi 'am ci'i tshogs kyis yongs su bskor cing / lha'i 'byor pa'i gzhal med khang legs par bstabs pa'i gnas na/ thams cad du rtse bar bgyid/ dga' bar bgyid/ dga' mgur spyod par 'gyur ro// byang chub kyi snying po la thug pa nas/ byang chub la mchis kyi bar dang / chos kyi 'khor lo bskor ba nas/ yongs su mya ngan las 'das pa'i bar du tshe'i tshad gcig tsam du skyong bar bgyid do// de bzhin du grub pa bla na med/  pa chen po 'phags pa spyan ras gzigs dbang phyug nyid byang chub kyi snying po la thug gi bar du rtag tu rjes su 'brang bar 'gyur te/ de ltar zas kyi gong bu sgrub pa'i cho ga shin tu rnyed par dka' lags so//  phyogs bcu mtha' dag gi sangs rgyas kyi zhing thams cad kyi de bzhin gshegs pa thams cad dang lhan cig 'grogs nas mchi bar 'gyur ro// de bzhin gshegs pa thams cad la mngon sum du chos nyan pa thos par 'gyur ro/ / de'i 'od zer 'bar ba'i snying pos stong gsum gyi stong chen po'i 'jig rten gyi khams snang bar 'gyur ro// don yod pa'i zhags pa 'phags pa spyan ras gzigs dbang phyug gi snying po byang chub sems dpa' thams cad kyis phyag bgyis pa/ rnam par grol ba'i dkyil 'khor gyi gsang sngags dang phyag rgya rim par phye ba'i cho ga zhib mo mtha' dag rdzogs par sgrub pa'i cho ga thams cad dang / cho ga zhib mo'i rgya chen po mtha' dag gi dkyil 'khor 'di kho na nyid du gnas par 'gyur lags so// klu'i rgyal po bye ba phrag brgya stong rnams de'i dbang du gyur nas rtag par rgyun du mchis par 'gyur ro//  lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po thams cad dbang du gyur nas mchis par 'gyur ro// 'og min gyi gnas kyi lha rnams kyi bar du rig sngags 'chang de'i phyi bzhin rtag tu 'brang zhing rtag par rgyun du yongs su bskor bar 'gyur ro/ / lha'i ro bro ba'i mchog dang ldan pa'i bza' ba dang / btung ba dang /  gzhal med khang rnam pa sna tshogs dag lhun gyis grub par 'byung bar 'gyur ro// de bzhin du gos dang / lhab lhub dang / rgyan sna tshogs dang ldan pa'i gzhal med khang dag 'byung bar 'gyur te/ de la sogs pa sbyin sreg gi cho ga don yod pa sgrub pa dag 'byung bar 'gyur ba'i grub pa 'thob par 'gyur ro/ / 'on te skal ba chung ba sangs rgyas dang byang chub sems dpa'i sa bon ma mchis pa zhig mchis la/ des snod de blangs pa tsam gyi mod la rgyal srid kyi dbang phyug 'thob par 'gyur te/ lha dang mi'i dpal nyams su myong bar 'gyur ro// reg pa tsam gyi mod la tshe lha'i lo brgyad khri bzhi stong thub par 'gyur ro// de la phyis kyang nad 'byung bar mi 'gyur te/ sdig pa dang sgrib pa thams cad kyis nyon mongs par mi 'gyur ro// phas kyi rgol ba dang / mi mdza' ba dang / gdug pa dang / rab tu gdug pa thams cad nub par 'gyur ro/ / sems can dmyal ba dang / dud gro'i spyi gnas dang / gshin rje'i 'jig rten dang / yi dgas kyi yul thams cad las yongs su grol bar 'gyur ro// sems can thams cad kyi mchod gnas gcig pur 'gyur ro/ / bud med dang / skyes pa dang / khye'u dang / bu mo dang / sems can thams cad lta 'tshal bar 'gyur ro// thams cad du rgyal ba sbyin par 'gyur ro// tshig btsan zhing don yod pa 'thob par 'gyur ro/ / 'gum pa'i dus su de bzhin gshegs pa thams cad gzigs bzhed par 'gyur ro// 'phags pa spyan ras gzigs dbang phyug mngon sum du mthong bar 'gyur ro// dran pa shin tu nye bar bzhag nas dus bgyid par 'gyur ro/ / dus bgyis nas skal ba mnyam pa 'jig rten gyi khams bde ba can du skye bar 'gyur te/ pad+ma las rdzus te skye bar 'gyur zhing skye ba'i skye ba dran par 'gyur ro//  lan 'ga' yang phyir ngan song du mchis par mi 'gyur te/ phyis ma'i mngal du skye bar mi 'gyur ro// de bzhin gshegs pa thams cad blta ba dang / byang chub sems dpa' thams cad blta ba'i phyir/ sangs rgyas kyi zhing nas sangs rgyas kyi zhing du rtag tu mchi bar 'gyur ro/ / dpral bar thig le bgyis na thams cad du mi gda' bar 'gyur ro// me lha rtag par rgyun du dran par bgyis pa tsam gyis rang gi gzugs kyis mdun na mchis nas mchog thams cad stsol bar bgyid do/ / dgos pa thams cad bgyid par 'gyur ro// de nas don yod bsgongs pa sgrub par 'tshal na rig sngags 'chang des 'bras dang sran ma shar bsres te bsgral la bsgongs nas mar dang / bu ram dang / sha kha ra dang / sbrang rtsi lhan cig brdzis nas/ bil ba'i tshad tsam du bgyis te/ de'i 'og tu shing ka ra wI ra'i me spar nas bsgongs pa re re la lan bdun bzlas brjod bgyis nas me'i nang du sbyin sreg bgyi ste/ nyin lan gsum mtshan lan gsum du brgya rtsa brgyad brgyad sbyin sreg bgyi'o// de nas rig sngags 'chang gis yungs kar dang me tog ji snyed pa dang bsres te/ lan nyi shu rtsa gcig bzlas brjod bgyis nas me'i dbus su stsal bar bgyi'o// 'bras yos dang / yungs kar dang / khro bo'i rgyal po lan brgya rtsa brgyad bzlas nas gtor bar bgyil de nas me'i dbus nas me lha lus phyed tsam phyung nas rin po che sna bdun las bgyis pa'i snod zas bsgongs pas bkangs nas/ rig sngags 'chang la rig sngags 'chang khyod kyis zas bsgongs pa sgrub pa'i cho ga grub zin gyis/ lha'i zas bsgongs pa chen po long zhig ces stobs par bgyid do// de nas rig sngags 'chang gis zas bsgongs pa'i snod de blang bar bgyi'o// blangs pa tsam kho nas bcud kyis len du gyur nas nam mkha' la 'phur bar 'gyur ro/ / sgra ba cung zad 'khyil par yang 'gyur ro// pags pa yongs su dag par yang 'gyur ro// rig sngags 'chang 'khor los sgyur bar 'gyur ro// rig sngags 'chang gi 'khor los sgyur ba drug khri brgyad stong gis yongs su bskor bar 'gyur ro/ / me lha gnas dang gzhal med khang dang bcas/ 'khor dang bcas pa dbang du mchis nas las thams cad bgyid par 'gyur ro/ / gang dang gang gis zas bsgongs pa la reg pa de'ang thos pa bsags pa'i rgya mtsho chen por 'gyur ro// don yod zhags pa'i snying po byang chub sems dpa' thams cad kyis phyag bgyis pa/  rnam par grol ba'i dkyil 'khor phyag rgya dang gsang sngags rim par phye ba dang bcas pa cho ga zhib mo mtha' dag rdzogs par kha ton du gnas pa 'di nyin gcig bzhin du sho lo ka stong klog gam 'chang bar bgyid naHtshe brjes nas 'jig rten gyi khams bde ba can du skye bar 'gyur te/ pad+ma las rdzus te skyes nas skye ba'i skye ba dran par 'gyur ro// lan 'ga' yang phyis dran pa brjed par mi 'gyur ro// tshig btsun par 'gyur/  te sems can thams cad kyi snying du sdug par 'gyur ro// mchod pa chen po'i 'os su'ang 'gyur ro// dpral ba la thig le bgyis na mi gda' bar gyur nas 'byung po dang / gnod sbyin dang / srin po thams cad dbang du gyur nas gnas kyi sgo thams cad 'byed par 'gyur ro/ / bud med gang zhig bu'i ched du zas bsgod pa de 'tshal na bu gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa rnyed nas yun ring du 'tsho zhing yid gzhungs pa dang / mkhas pa dang / bstan bcos thams cad la bag tsha ba ma mchis par 'gyur ro// de nas skye bo 'bum la zas stsal bar 'tshal na'o//  ma'i thug pa bsgrub par bgyi ste/ gnas gtsang ma gcom bskyungs par shing ka ra wI ra'i lcug mas dkrug cing don yod zhags pa'i snying po'i gsang sngags bzlas brjod bgyis te/ de nas khro bo'i rgyal po chab dang yungs kar la bzlas brjod bgyis nas gtor bar bgyi'o/ / de nas zas bsgongs pa gcig snod kyi nang nas phyung nas 'o thug gi nang du stsal lo// de nas char bgos te thog mar dkon mchog gsum la bsod snyoms dbul bar bgyi'o/ / de'i 'og tu byang chub sems dpa' 'phags pa spyan ras gzigs dbang phyug la dbul bar bgyi'o// de'i 'og tu 'phags pa 'jam dpal la dbul bar bgyi'o// de'i 'og tu dge sbyong dang / bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / khye'u dang / bu mo rnams dang / bkren pa dang /  sdug 'phongs pa dang / lam gyis dub pa dang / slong mo pa rnams la rab tu stsal bar bgyi'o// ji tsam du skye bo 'bum ci 'tshal bar kha zas 'tshal du stsal kyang snod de gang ba 'am bri bar mi mngon zhing de bas par mi 'gyur ro/ / gang dag zas de 'tshal ba de dag sngon gyi sdig pa dang / sgrib pa dang / bar du gcod pa thams cad dang 'bral bar 'gyur ro// nad thams cad dang bral bar 'gyur ro// dgra thams cad dang / phas kyi rgol ba dang mi mdza' ba'i 'jigs pa thams cad kyis tshugs par mi 'gyur ro/ / 'byung po dang / gnod sbyin dang / srin po'i 'jigs pa thams cad kyis mi tshugs par 'gyur ro// lus mnyen cing 'jam par 'gyur ro// nga ro la ltar mnyen zhing snyan la dga' bar bgyid pa mi 'am ci'i dbyangs su 'gyur ro/ / rtag tu dub pa'i sdug bsngal thams cad yongs su spangs par 'gyur ro// rtag tu ji srid 'tsho ba'i bar du bde ba yang dag par stobs par 'gyur ro// tshe brjes nas bde 'gro thams cad du 'gro bar 'gyur ro/ / 'o ma'i thug pas lhung bzed bkang nas de gnas mthon po bla gas med par dkyil 'khor bgyis te/ dkyil 'khor gyi steng du bzhag nas phyogs bcu'i de bzhin gshegs pa thams cad la lhung bzed de dbul bar bgyi'o/ / phul ba tsam gyi mod la chu bo gang+gA bye ba 'bum phrag brgya stong gi bye ma snyed kyi phyogs bcu'i sangs rgyas kyi zhing gi de bzhin gshegs pa thams cad kyi de bzhin gshegs pa re re'i spyan sngar lha'i zhal zas ro brgya dang ldan pa'i lha'i zas bsgongs pa dang / lha'i 'o thug gis lhung bzed bkang ba dang / lha'i tsan dan gyi dkyil 'khor lha'i me tog sil ma bkram pa 'byung bar 'gyur ro// de bzhin du phyogs bcu'i sangs rgyas kyi zhing du gtogs pa'i de bzhin gshegs pa'i 'khor gyi dkyil 'khor dang bcas pa/ byang chub sems dpa'i tshogs dang / nyan thos kyi dge 'dun dang bcas pa la lha'i zhal zas ro brgya dang ldan pa'i mchog gis bstabs par 'gyur ro/ / de bzhin gshegs pa'i 'khor gyi dkyil 'khor dang bcas pa/ byang chub sems dpa'i tshogs dang / nyan thos kyi dge 'dun dang bcas pa de dag thams cad kyis rig sngags 'chang yon bdag de'i yon sbyong bar mdzad do/ / gang gi phyir yon sbyangs nas skal ba dang mthun pa'i tshe 'di nyid dang gzhan du dbang phyug chen po 'thob par 'gyur ro// grub pa chen po'i gser gyis 'byor par 'gyur ro/ / mdzod dang / bang mdzod mang pos rgyas par 'gyur ro// de bzhin gshegs pa thams cad kyis dgongs par 'gyur ro// byang chub sems dpa' thams cad blta 'tshal bar 'gyur ro// lha thams cad kyi de las srung ba dang / skyab pa dang / sba ba bgyid par 'gyur ro// de nas rgyal po btsun mo'i 'khor dang dpung gi tshogs yan lag bzhi dang bcas pa dbang du bgyi bar 'tshal na/ rig sngags 'chang des legs par khrus bgyis te/ gtsang mas gos gtsang ma bgos nas 'o thug mar dang bsres pa 'dis lan brgya rtsa brgyad sbyin sreg bgyi'o// sgron shing dang arga'i shing gi yam sreg shing gi me spar bar bgyi'o// sbyin sreg lan stong rtsa brgyad tshang ba dang / rgyal po btsun mo'i 'khor dang dpung gi tshogs yan lag bzhi dang bcas pa bdag nyid dam nor dbang du gyur nas mchis par 'gyur ro// nub gsum du bgyis nas klu'i rgyal po thams cad gnas dang 'khor du bcas pa dbang du gyur nas mchis par 'gyur ro/ / nub lngar bgyis na 'byung po dang / gnod sbyin dang / srin po dang / dri za dang / lha ma yin dang / nam mkha' lding dang /  mi 'am ci dang / lto 'phye chen po dang / mi ma lags pa thams cad dang / mi thams cad 'khor dang bcas par dbang du gyur nas mchi bar 'gyur ro// nub bdun du bgyis na rig 'dzin thams cad dbang du gyur nas mchis par 'gyur ro/ / nub thams cad du bgyis na brgya byin la sogs te sum cu rtsa gsum ris kyi lha rnams dang / lha'i bu mo'i tshogs thams cad dang / gtsang ma'i lha'i bu mo rnams babs nas dbang du gyur te/ ji srid 'tshe ba'i bar du bsnyen bkur bgyid cing mchis par 'gyur ro// zla ba nya nas brtsams te mar gyi ngo'i tshes nyi shu gsum mam gnam stong gi bar du dus gsum du lan nyi shu rtsa gcig sbyin sreg bgyis la/ arga'i shing gi yam sreg shing gis me sbar nas gnam stong gis rdzogs pa dang / 'phags pa spyan ras gzigs dbang phyug rang gi gzugs kyis mdun du mchis nas rig sngags 'chang la legs so zhes bgyi ba stsol bar bgyid de/ rig sngags 'chang legs so legs so// nga mnyes par byas kyis/ rig sngags 'chang smros shig dang mchog sbyin te gang mnyer ba de thams cad sbyin no// gter smra ba 'am/  nor bsgyur ba smra ba 'am/ zhing smra ba 'am/ nam mkha' la 'gro ba 'am/ mi snang bar bya ba 'am/ gsang sngags smra ba 'am/ cho ga zhib mo sgrub pa de dag thams cad sbyin no// rgyal po nyid dam/ blon po nyid dam/ yul bdag nyid dam/ phyug pa nyid dam/ grong rdal 'thob pa 'am/ gos 'thob pa 'am/ ba lang dang / rta dang / ma he dang / rnga mo dang / lug 'thob pa 'am/ nor 'thob pa 'am/ 'bru 'thob pa de dag thams cad sbyin no/ / nam mkha' la 'gro ba'am/ mi snang bar bya ba 'am/ rdzu 'phral 'thob pa 'am/ ting nge 'dzin 'thob pa'am/ gzungs 'thob pa 'am/ phyag rgya dang dkyil 'khor gyi cho ga zhib mo sgrub pa 'am/ ro langs bslang ba 'am/ rig 'dzin grub pa nyid dam/ ral gri'i rig 'dzin nyid dam/ nam mkha'i rig 'dzin nyid dam/ phug tu 'jug pa'am/ dur khrod du 'jug pa'am/  nags su 'jug pa 'am/ ri la rgyu ba de dag thams cad sbyin no// de nas rig sngags 'chang gis ji ltar yid la bsams shing smras pa de dag thams cad stsol bar bgyid do// rig sngags 'chang la bstan pa tsam gyi mod la dri med don yod lta ba zhes bgyi ba lus yongs su dag pa 'thob par 'gyur ro/ / tshe brjes nas 'jig rten gyi khams bde ba can su skye bar 'gyur te/ pad+ma'i ze ba'i dbus nas rdzus te pad+ma las skyes nas skye ba'i skye ba dran par 'gyur ro/ / don yod zhags pa'i snying po byang chub sems dpa' thams cad kyis phyag bgyis pa/ rnam par grol ba'i dkyil 'khor phyag rgya dang / dkyil 'khor rim par phye ba dang bcas pa cho ga zhib mo mtha' dag dang bcas pa 'di rdzogs te/ byang chub kyi snying po la thug gi bar du kha ton du gnas par bgyi'o// de nas la du'i sbyin sreg gi cho ga sgrub par 'tshal na/ rig sngags 'chang des kha zas las la du stong rtsa brgyad bgyis la/ de nas rig sngags 'chang gis don yod pa'i zhags pa'i snying po lan stong rtsa brgyad bzlas brjod bgyi'o// de nas legs par khrus bgyis te gtsang mas gos gtsang ma bgo bar bgyi'o/ / de nas la du mar dang bsres te sbyin sreg bgyi'o// shin tu dri zhim po'i shing gi yam sreg shing gi me spar bar bgyi'o// stong rtsa brgyad tshang ba dang / me'i dbus nas khye'u zhig byung nas snod lha'i la dus bkang nas dbul bar bgyid do/ / de nas rig sngags 'chang gis yut+pa kar la lan bdun bzlas te khye'u de'i la du la gtor ro// khye'u des rig sngags 'chang la smras pa/ rig sngags 'chang ci zhig don du gnyer/ rig sngags 'chang gis 'dod pa thams cad byin cig ces brjod par bgyi'o// des smras pa/ rig sngags 'chang snod kyi la du khyer cig dang / 'dis khyod kyi dgos pa dpag tu med pa grub par 'gyur ro/ / 'di ni khyod kyi bcud kyi mchog yin no// rig sngags 'chang long zhig/ 'di ni khyod kyi grub pa'i mchog tu 'gyur ro// de nas rig sngags 'chang gis snod gang ba de blangs te khye'u la'ang khyod kyis kho bo'i grogs gyis shig ces brjod par bgyi'o/ / khye'us smras pa/ dgos pa thams cad 'grub pa'i grogs bgyi'o// rig sngags 'chang gang gi tshe dgos pa byung ba de'i tshe gu gul dang tsan dan lhan cig bsres la mar dang yungs kar sbyar nas don yod lcags kyus lan bdun bzlas te sbyin sreg bgyi'o/ / arga'i shing gi me sbar ro// sbyin sreg bgyis pa tsam gyi mod la bdag bkug pas mod la mchis nas dgos pa thams cad bsgrub par bgyi'o/ / las thams cad bgyi'o// ji srid 'tsho ba'i bar du bsnyen bkur bgyis shing bkur stir spyad par bgyi'o// bgegs dang / log 'dren dang /  'byung po dang / gnod sbyin dang / srin po thams cad bzlog par bgyi'o// de nas rig sngags 'chang gi sa la du de la reg par bgyis na nam mkha' la 'phur nas rig sngags 'chang gi rigs thams cad zil gyis gnon par 'gyur ro/ / rig sngags 'chang thams cad kyi 'khor los sgyur bar 'gyur ro// rig sngags 'chang gi 'khor los sgyur ba sa ya phrag gnyis dang / bye ba phrag bdun gyis yongs su bskor bar 'gyur ro/ / tshe'i tshad lha'i bskal pa drug khrir 'gyur ro// skra cung zad 'khyil bar yang 'gyur ro// la du lhung bzed kyi nang du stsal te/ 'phags pa spyan ras gzigs dbang phyug gi mdun du bzhag nas don yod rgyal po'i khro bos dbang bskur te/ de nas dge sbyong dang / bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / khye'u dang / bu mo thams cad stsol bar bgyi ste/ longs spyod du stsal kyang bas par mi 'gyur gyi/ slar zhing slar zhing 'phel bar 'gyur ro// ji srid du lhung bzed nang na la du mchis pa de srid du 'phel bar 'gyur ro// ji srid du skye bo 'bum 'bum mang zhing phal che bar stsal kyang gtugs par mi 'gyur ro/ / la du la don yod zhags pa'i snying po lan bdun bzlas brjod bgyis na/ de'i 'og tu gang du reg pa de'ang gser bzang por 'gyur ro/ / la du la lan bdun bzlas brjod bgyis te klu'i gnas su 'phangs na/ de'i tshe rgya mtsho chen po mthar gtugs pa'i klu'i rgyal po 'khor dang bcas pa thams cad dbang du gyur nas mchis par 'gyur te/ bsgo na char mi 'bab pa bsgo ba bzhin char 'bebs par bgyid do// ci bsgo ba bzhin bgyid par 'gyur ro// ha cang char ches na bsgo ba bzhin ha cang char chen po 'gum par bgyid do/ / rlung dang / grang ba dang / tsha ba dang / ser ba thams cad bsgo ba tsam gyis gcod par bgyid do// phug gi sgor la du la lan bdun bzlas brjod bgyis nas phug gi sgor bsnun na phug gi sgo thams cad 'bye bar 'gyur ro/ / 'khrul 'khor dang / gtan pa dang / sgo glegs thams cad dum bur bcag par 'gyur ro// gnas na gnas pa thams cad phyir byung nas rig sngags 'chang gi mdun du mchis te bsgo ba bzhin bgyid par 'gyur ro/ / nags tshang tshing gi dbus su 'phangs na nags tshang tshing gi gnas kyi sgo thams cad phye nas sman gyi rdzas thams cad rang gi gzugs kyis mdun na mchis par 'gyur ro// /  la dul lan bdun bzlas brjod bgyis te dur khrod chen po'i dbus su 'phangs na 'byung po dang / gnod sbyin dang / srin po dang bcas pa'i gnas kyi sgo thams cad 'bye bar 'gyur ro// gnod sbyin dang /  srin po dang / 'byung po thams cad sgren mor gyur nas thams cad dbang du mchis par 'gyur zhing / ji srid 'tsho'i bar du bsgo ba bzhin mchis par 'gyur ro// rma ma byung ba'i mi ro dri chab kyis khrus bgyis la la du la lan nyi shu rtsa gcig bzlas brjod bgyis te/ lag pa gnyis su la du stsal la gos dkar pos ro g.yogs nas/ khro bo'i rgyal po yungs kar dang chab la lan bdun bzlas nas dbang bskur na ci dris pa de dag thams cad smra bar 'gyur te/ bde ba dang / lo legs pa dang / lo nongs pa dang / nad dang / gnod pa dang / 'tshe ba dang / pha rol gyi dpung dang / phas kyi dgra bo dang / mi mdza' ba'i 'jigs pa dang / mi ngas dang / yams kyi nad de dag thams cad smra bar 'gyur ro// lha'i 'jig rten du skye ba 'am/ sangs rgyas kyi zhing du skye ba smra bar 'gyur zhing / dmyal bar skye ba smra bar 'gyur ro// tshe ring ba 'am che/  thung ba smra bar 'gyur ro// dus ma lags pa'i 'chi ba smra bar 'gyur ro// gter gyi gtam smra bar 'gyur te/ nor bsgyur ba'i gtam mam/ zhing gi gtam mam/ mig 'phrul gyi gtam smra bar 'gyur ro//  cho ga zhib mo 'grub pa dang / gsang sngags 'grub pa dang / phyag rgya'i dkyil 'khor 'grub par smra bar 'gyur ro// mig sman 'grub pa dang / ril bu 'grub par smra bar 'gyur ro// nam mkha' la mchi ba dang / mi gda' bar bgyi ba dang / ro langs bslang ba dang / ris mngag pa dang / dgra chad pas bcad cing dbang du bgyi ba de dag thams cad smra bar 'gyur ro// sgyu thabs smra bar 'gyur ro// nyams pa smra bar 'gyur ro/ / 'phel ba smra bar 'gyur ba nas/ bskal pa las 'das pa'i 'das pa dang / ma 'ongs pa dang / da ltar byung ba'i bar du smra bar 'gyur ro// de nas rig sngags 'chang gi chab kyis khar stsal la la du blangs na ro 'gyel bar 'gyur ro/ / la du la lan nyi shu rtsa gcig bzlas brjod bgyis nas rgyal po'i sgor bsnun na/ rgyal po'i btsun mo'i 'khor dang bcas pa bdag nyid dam nor dbang du gyur nas mchis par 'gyur ro/ / grong khyer gyi sgor bsnun na grong khyer na gnas pa'i skyes pa dang / bud med dang / khye'u dang / bu mo thams cad dbang du gyur nas mchis par 'gyur zhing nor chen po 'du bar 'grub pa 'thob par 'gyur ro/ / mchod pa'i gnas chen por 'gyur ro// la dul lan bdun bzlas brjod bgyis te/ dpal lha mo chen mo'i lag pa sprul na dpal lha mo chen po dbang du gyur nas nor chen po stsol cing / ji srid 'tsho'i bar du mchis par 'gyur ro// la du la yan brgya rtsa brgyad bzlas brjod bgyis nas khug ma'i nang du stsal te mchan khung du bsrel bar bgyis ste/  ji tsam du bsrel ba de srid du mi gda' bar gyur nas gang du stsal ba der 'jug par 'gyur ro// gang na shing gcig gam 'bab chu gcig par la du la khro bo'i rgyal po lan brgya rtsa brgyad bzlas brjod bgyi ste/  dbang bskur nas shing gi drung du brdegs na 'dod dgur sgyur ba dbang du gyur nas mchis par 'gyur ro// ji ltar bsams pa'i 'dod pa thams cad nye bar mchis nas yongs su spyod pa dang / ji srid mtsho'i bar du mchis par 'gyur ro/ / la du la lan nyi shu rtsa gcig bzlas brjod bgyis te/ ma mo'i gnas su nag po chen po'i spyi gtsug tu bzhag la/ khro bo'i rgyal po lan bdun bzlas te chab dang yungs kar gyis dbang bskur bar bgyis na/ de nas sbyor ba mo thams cad dang / mkha' 'gro ma thams cad dbang du gyur nas mngag gzhug pa las thams cad bgyid par 'gyur ro// la du la lan nyi shu rtsa gcig bzlas te nag po chen po'i lte ba'i phyogs su bzhag na/ ma mo'i tshogs thams cad rang gi gzugs kyis mdun du mchis nas mchog thams cad stsol bar 'gyur ro// las thams cad bgyid par 'gyur ro//  la du la lan brgya rtsa brgyad bzlas brjod bgyis nas 'phags pa 'jam dpal gyi lhung bzed kyi nang du stsal te/ khro bo'i rgyal pos dbang bskur bgyis na ji srid du lhung bzed na la du mchis pa de srid du phyogs bcu'i de bzhin gshegs pa thams cad kyi spyan sngar lha'i zhal zas ro sna tshogs kyi ro'i mchog dang ldan pa dag 'byung bar 'gyur zhing / nyan thos dang byang chub sems dpa'i tshogs kyi 'khor gyi dkyil 'khor chen po dang bcas pa tshim par bgyis par 'gyur ro/ / de bzhin gshegs pa de dag thams cad dang / byang chub sems dpa'i tshogs dang / nyan thos kyi dge 'dun dang bcas pa de dag gis rig sngags 'chang de'i yon sbyong ba mdzad par 'gyur ro/ / la du la lan brgyad rtsa brgyad bzlas brjod bgyis te/ khro bo'i rgyal po'i dbang bskur la lcags kyu'i rgyal pos chab la bzlas brjod bgyis nam thab kyi mtshams bcing bar bgyi'o/ / de nas arga'i yam sreg shing gis me spar la la du de ma thab kyi dbus su bzhag ste/ mar dang / yungs kar dang / zho dang / sbrang bsres pas lan brgya rtsa brgyad sbyin sreg bgyi'o/ / lan brgya rtsa brgyad tshang ba dang / me lha me'i rang bzhin gyi gzugs kyis byung nas/ rig sngags 'chang la smras pa/ rig sngags 'chang legs so leg so/ / bdag tshim par byas so// bdag dga' bar 'gyur to// rig sngags 'chang bdag gis mchog tu dga' ba thob kyis/ rig sngags 'chang ji ltar yid la bsams shing 'dod pa smros shig dang mchog sbyin no/ / rig sngags 'chang gis ji ltar yid la bsams pa bzhin mchog brjod par bgyi'o// me lha des kyang thams cad stsol cing dbang du gyur nas mchis par 'gyur ro// las thams cad grub pa stsol bar 'gyur ro/ / me'i phung po'i dbus su zhugs na 'od zer stong 'phro ba rnams gangs bzhin du bsil bar 'gyur te chab nas byung ba bzhin no// lag pas me rnams tshugs par bgyid do// 'bar ba bzhin du klad pa'i spyi bor bzhag na skra nyag ma gcig kyang 'tshig par mi bgyid de/ me'i dbang du mchi bar mi 'gyur ro// 'bar bzhin du g.yar gyi nang du bsrel na cung zad dro ba tsam du'ang mi 'gyur ro// lus la bab na ji ltar tsar dan bzhin du bsil zhing bde bar 'gyur ro/ / gzhan yang dgos pa sna tshogs bgyid par 'gyur ro// gos kyi mtha' mar thum po bgyis na tshig par mi 'gyur ro// chab kyi nang du stsal na 'gum par mi 'gyur ro/ / sbyin sreg thams cad kyi cho ga so so'i gzugs su mchis par 'gyur ro// thams cad du dgos pa 'di yan grub pa stsol bar 'gyur ro// dgos pa gang dang gang du bskos pa de dang der dgos pa thams cad grub pa stsol bar 'gyur ro/ / thams cad du gsang sngags dang / dkyil 'khor dang / cho ga sgrub pa thams cad lung 'bogs par 'gyur ro// du ba dang / rlung dang / me 'bar ba'i shugs kyis dpag tshad stong du mchis shing slar yang ldog par 'gyur ro/ / dgos pa thams cad nye bar ston par 'gyur ro// dgos pa thams cad bgyid par 'gyur ro// thams cad du grub pa stsol bar 'gyur ro/ / de nas don yod me 'bar ba// bla med 'bar bzang sgrub 'tshal ba// yid bzhin nor bu lta bu dang // gzi brjid nyi ma dang mnyam pas// phyogs bcu kho ra khor yug gi/ kun nas su ni gsal bar bgyi/ / sgrub pa rnam pa sna tshogs dang // 'tshed pa bla na med pa 'grub// bcud kyi mchog ste dam pa lags// nor sgyur smra ba bla na med// gzhan yang 'tshed pa sna tshogs pa// sgrub pa bla na med pa lags/ / ji ltar nyin mtshan gda' bas na// nyin par gyi ni gdugs dang mtshungs// lan cig dgos pa sgrub pa na// legs par las bgyis nor bu dang // rdzas bsres leg par bgyis pa la//  gtsang mas bzlas pa'i las rnams dang // gtsang mas spyad pas sgrub pa dang // don yod chu dang me dang ni// me yi shing rnams brjod par bgyi// me 'bar 'od dang mtshungs pa ste// de dag thams cad gcig spungs pa'i/ / yam sreg cho ga bla na med// tsan dan dang ni seng ldeng dang // pa tang ka ra wI ra dang // arga sha mi smyug ma dang // shir sha kar na ri ka dang // 'o ma'i shing dang byang chub shing / / p+lag sha dang ni sna ma dang // gan d+ha bar shi pad+ma yi// rtsa ba dang ni lo mar bcas// pad+ma dkar po ku mu de// ut+pal me tog l-i ma rtsa// bi dza pu ra bi la ba shing // sin du bi ra tsam pa ka/ dre ka bi tsu marde tsa// sa ha ba la tsi dra ka/ shing de kun ka bsdus pa yi// yam sreg shing gi las bgyis te// yungs kar mar dang zho dang ni// sbrang rtsi 'bras yos sbyin sreg bgyi// bzang po'i zangs las srang gsum dang / / mtshal las nyis 'gyur gang bskus kyang // srang gcig tsan dan dkar po nyid// srang bcu ldong ros srang gcig ste// de dag bsres pa'i rdzas rnams dang // de bzhin yung ni nyis 'gyur dag/ zhi ga dag ni bkang nas su// me thab dbus su gzhug par bgyi// sbyin sreg stong ni rtsa brgyad du// shin tu mnyam bzhag legs gsal ba// gtsang ma gtsang mar spyod pa yi//  gos gtsang legs par khrus bgyis pa// dri zhim dri yis bsgos par bgyi// ro sna tshogs pa'i gtor ma dang // me tog 'bras bu nyid kyang dgod// bzlas brjod kyi ni sbyin sreg nyid// stong rtsa brgyad ni tshang ba dang / / de nas lha bshos gtor ma dang // me tog bdug pa mchod yon snod// dbul te 'o mas mdag ma dgum// 'o mas zhig zhi bar bgyi// de nas rig sngags 'chang gi bzlas brjod stong rtsa brgyad bgyis nas yungs kar gyis bsnun par bgyi'o/ / khro bo'i rgyal po lan nyi shu rtsa gcig tu dbang bskur bar bgyi'o// de nas zhig 'bar bar 'gyur ro// de nas rig sngags 'chang gis zhig de la mchod par bgyi'o/ / de nas zangs kyi sgrom bu 'am dngul gyi sgrom bur zhi gnas nor bu blangs te/ sgrom bu der gzhag par bgyi ste/ yid bzhin gyi nor bu ji lta ba bzhin du 'di'ang don yod pa 'bar ba mthu chen po'i mthu dang ldan par 'gyur ro/ / mtshan mo ni zla ba'i 'od bzhin du gda' bar 'gyur ro// nyi mo ni nyi ma'i 'od bzhin du gda' bar 'gyur ro// nam 'tshed pa'i dus kyi tshe nor bu de bzhag na 'tsho ba dang sreg pa dang / 'tshed pa thams cad grub par 'gyur ro// nam hom bgyid pa de'i tshe thab kyi dbus su bzhag ste/ sreg blugs kyi sbyin sreg bgyis na me chen po 'bar bar 'gyur ro// thams cad kyi thams cad du dgos pa rnams sgrol mas gsal bar bgyis pa bzhin du 'gyur ro/ / g.yul ngo chen por g.yul 'gyed pa'i dbus su skyes pa dpa' bo legs par khrus bgyis pa/ gos gtsang ma bgos pa/ ya lad dang go char bsdams pa yid bzhin gyi nor bu chen po de'i spyi bo'i gtsug tu bzhag nas gcig pu g.yul gyi dbus su zhugs na de nas skyes pa de me 'bar ba gcig pur 'gyur ro/ / de nas g.yul 'gyed pa'i pha rol gyi dpung rnams pham par gyur nas phyogs bcur 'khrugs nas 'byer bar 'gyur ro/ / phyi nas lan 'ga' yang pha rol gyi dpung dang dgra'i 'jigs pa 'byung bar mi 'gyur ro// pha rol gyi dgra dang mi mdza' ba'i 'jigs pa 'byung bar mi 'gyur ro/ / lag pas nor bu bzung nas phug gi gnas su zhugs na gnas kyi sgor thams cad 'bye bar 'gyur ro// gnas na gnas pa thams cad mdun du mchis par 'gyur ro/ / klu'i gnas thams cad du mchis nas lag pas nor bu bzung ste gnas kyi nang du zhugs na chab thams cad kyi phyir mi tshugs par 'gyur ro// de nas klu thams cad mdun du mchis nas bden par dam bca' bar 'gyur ro/ / dbang du gyur nas ji srid mtsho'i bar du las bgyid par 'gyur ro// bsgo ba bzhin bgyid par 'gyur ro// lo tog dang / rtsa dang / shing gel ba dang / nags tshal thams cad bde ba 'phel bar 'gyur ro/ / snyan cing mdangs dang ldan pa dang mnyen par 'gyur ro// gzi brjid dang ldan pa dang / dran pa dang ldan pa dang / mi bde ba chung bar yang 'gyur ro// sems can gang dag gis kyang lo tog dang / me tog dang / 'bras bu la longs spyod par 'gyur ba de dag thams cad dang / gzhan ches mang po dag gis dgos pa mang po bgyid par 'gyur ba ni nor bu chen po don yod 'bar ba'i nor bu me 'bar ba'i chen po lags so/ / de nas don yod snang ba rnam par lta bas 'phags pa spyan ras gzigs dbang phyug bkug ste rang gi gzugs su blta bar 'tshal na/ de nas rig sngags 'chang gtsang mas gos gtsang ma bgo bar bgyi'o/ / lus legs par bkrus te spos chab kyis byug par bgyi'o// shing arga'i yam sreg shing gis me spar bar bgyi'o// yungs kar dang / a ka ru dang / tsan dan dang / zho dang / sbrang rtsi dang /  mar sbyar bas stong rtsa brgyad sbyin sreg bgyi'o// de nas don yod lcags kyu gu gul las lan nyi shu rtsa gcig gi sreg blugs kyis sbyin sreg bgyis na/ 'phags pa spyan ras gzigs dbang phyug rang gi gzugs kyis mdun na mchis nas/ mchog thams cad bsams pa bzhin yongs su rdzogs par bgyid do// ji ltar yid la bgyid cing bsam pa'i mchog stsol bar bgyid do// de nas rig sngags 'chang gis ji ltar yid la bgyis shing bsams pa'i mchog smras pa dang / de'i 'og tu 'phags pa spyan ras gzigs dbang phyug gis thams cad stsol bar bgyid do// de nas mig sman sgrub par 'tshal na rig sngags 'chang des legs par bkrus te gtsang mas gos gtsang ma bgo bar bgyi'o/ / nub gcig smyung ba bgyis te/ des zangs kyi za ma tog bgyis la/ de nas mig sman so bi ra dang yung ba nyis 'gyur du bsres pas dgang bar bgyi'o/ / de nas stong rtsa brgyad bzlas brjod bgyis nas thab kyi dbus su gzhag par bgyi'o// de'i steng du u shi ra dang / yungs kar dang / tsan dan dang / zho dang / sbrang rtsi dang / mar dang bsres pas lan stong rtsa brgyad sbyin sreg bgyi'o/ / shing arga'i me spar bar bgyi'o// lan stong rtsa brgyad tshang ba dang / de nas mig sman blangs la gtun gyi steng du legs par zhib du btags la/ ldong ros dang / ga bur dang glaslar rtsi bsres nas slar yang don yod pa'i zhags pa'i snying po lan brgya rtsa brgyad bzlas brjod bgyis la/ don yod lcags kyu'i rig sngags rgyal po lan nyi shu rtsa gcig bzlas brjod bgyis pa ni thams cad du mgul pa legs par sbyar te/ de nas don yod rgyal pos dbang bskur bar bgyi'o// don yod zhags pa'i phyag rgyas lan bdun phyag rgya bcings so// de nas mig sman gyis byug na nam mkha' la 'phur nas rig sngags 'chang thams cad kyi dpon por 'gyur ro/ / skra cung zad 'khyil bar yang 'gyur ro// bskal pa khrir 'tsho bar 'gyur ro// dpral bar thig le bgyis na mi gda' bar 'gyur ro/ / mig la bskus te tshig gzhan mi smra bar rgyal po'i pho brang du zhugs na rgyal po'i btsun mo'i 'khor dang bcas pa dbang du gyur nas mchis par 'gyur ro// mchod pa phal po ches cher mchod par 'gyur ro/ / nor 'du ba grub pa chen po 'thob par 'gyur ro// sgrub pa'i dus sam bzlas brjod kyi dus su mig la bskus na bgegs dang / log 'dren dang / bdud kyi rigs kyi lha thams cad kyi sa mi mthong bar 'gyur ro/ / phyis kyang bgegs byed par mi nus te/ bar chad bgyid par mi 'gyur ro// bde ba sgrub pa'i cho ga dang bzlas brjod kyi cho ga grub par 'gyur ro// mig la byugs te skye bo mang po'i nang du zhugs na de dag thams cad dbang du gyur te nor dang / 'bru dang / gos dang / lha ba lhub rgyan phal po che 'grub par 'gyur ro// bud med kyang mig mi 'dzums par lta bzhin du bdag nyid dam nor dbang du 'gyur ro/ / mig la byugs te dgon pa chen por zhugs na chom po dang / g.yon can dang / rkun po dang / gcan gzan gdug pa dang / sbrul dang / dbyig dug dang / sbrul gyi dug gi 'jigs pa thams cad 'byung bar mi 'gyur te/ bde legs su slar yang mchi bar 'gyur ro// 'thab mo dang / rtsod pa dang / 'gyed pa thams cad la mig sman bskus na smra ba rnams kyi bla na med par 'gyur te thams cad du rgyal bar 'gyur ro/ / g.yul ngor g.yul 'gyed pa'i nang du mchis nas mig la byugs na thams cad las rgyal bar 'gyur zhing / 'jigs pa thams cad las bsgral bar 'gyur ro// gdug pas zin pa thams cad la mig la bskus na gdug pa ma mchis par 'gyur ro/ / rims zhag gcig pa dang / zhag gnyis pa dang / zhag gsum pa dang / rims zhag bzhi pa thams cad la mig la bskus na rims nad thams cad las grol bar 'gyur ro/ / dug mi bzad pa 'tshal la mig la bskus na dug ma mchis par 'gyur ro// gdon thams cad kyis zin pa la mig la bskus na gdon brgyad khri bzhi stong las thar par 'gyur ro/ / mig bro 'tshal ba la bskus pa tsam gyi mod la byang bar 'gyur ro// klang pa cher bro 'tshal ba la'ang mig la bskus pa tsam gyis byang bar 'gyur ro// tshangs pa'i srin po'i gdon dang brjed byed kyis zin pa la mig la bskus pa tsam gyis thar bar 'gyur ro/ / rgyal po khros pas gsad par 'os pa gang su'ang rung ba khrid pa mig la bskus pa tsam gyis 'jigs pa thams cad spang ba'i thar par 'gyur ro/ / nor bu chen po'i mig la bskus na rang gi gzugs kyis dus su mdun na mchis nas mchog thams cad stsol cing dgos pa thams cad bgyid par 'gyur ro// ma mo'i tshogs thams cad dbang du gyur nas mchis par 'gyur ro/ / dpal lha mo'i mig la bskus te mig mi 'dzum par don yod rgyal po'i snying po lan gsum bzlas na/ dpal lha mo chen mo mchis nas dgos pa thams cad dang 'bru rab tu mang po stsol bar 'gyur ro/ / nyal ba'i tshe mig la bskus te nyal na rmi lam bzang po mang zhing phal che ba mthong bar 'gyur ro// 'phags pa spyan ras gzigs dbang phyug rang gi gzugs mthong bar stsol bar 'gyur ro/ / mchog thams cad stsol bar 'gyur ro// dran pa dang blo gros rgya chen por 'gyur ro// mig la bskus te tshogs kyi dbus su zhugs na mchod pa chen po 'thob par 'gyur ro/ / 'phags pa spyan ras gzigs dbang phyug gi gzugs brnyan gyi mig la bskus na rtag tu mchog stsol bar 'gyur ro// rtag tu blta 'tshal bar 'gyur ro/ / gi'u wang dang lhan cig sbyar te mig la bskus nas rgyal po'i pho brang du zhugs na dbang phyug rgya chen po 'thob par 'gyur ro// longs spyod chen po phun sum tshogs par yang 'gyur ro//  don chen po 'grub par yang 'gyur ro// rgyal po btsun mo dang / blon po'i tshogs dang / 'khor thams cad dga' bar gyur nas thams cad dbang du gyur te mchis par 'gyur ro// dpal lha mo chen mo'i gzugs brnyan gyi mig la bskus na 'byung po thams cad kyi bdag por 'gyur zhing / las bgyi ba ci mchis zhes thams cad dbang du gyur nas mchis par 'gyur ro// nag po chen po'i gzugs brnyan gyi dpral ba dang mig la bskus na gnod sbyin thams cad dbang du 'gyur ro/ / mi ro'i mig la bskus na ldang bar 'gyur ro// gsang sngags dang / dug sbyar ma dang / byad kyis zin pa thams cad kyi mig la bskus na/ dug sbyar ma dang / byad dang / gsang sngags thams cad bshig par 'gyur zhing lan 'ga' yang slar zil gyis gnon par mi 'gyur ro// bkres pa'i mig la bskus te grong du zhugs na bza' ba dang btung ba'i ston mo lhun gyis 'grub cing 'thob par 'gyur ro/ / bsod snyoms pa'i mig la bskus te bsod snyoms la mchis na kha zas sna tshogs mang po dang yon phal po che 'thob par 'gyur ro/ / sme ba dang / ling tog dang / rab rib dang / chu bur dang / mtshan mo 'thob pa dang / g.yal ba dang / tshag po dang / mig gi rdzi ma rdung ba dang / mig sle bo de dag thams cad zhi bar 'gyur ro/ / mig nad thams cad las sos par 'gyur ro// lha'i mig dag pa 'dab bzang dang mtshungs pa 'dab bzangs kyi mthong ba thob nas thams cad kyi snying du sdug pa dang / dbang du gyur nas nor rnyed pa dang / don grub pa'ang thob nas dbang phyug bla na med par 'gyur ro// de nas nor dang / 'bru dang / gos dang / lhab lhub dang / rgyan dang / rgyan 'phyang thams cad dgug pa dang / 'phel bar bgyid pa dang / don yod me lha dgug pa'i sbyin sreg rgya chen po brjod par bgyi'o// grub pa kun gyi bla na med// don kun grub pas mod la ni// mkhas rnams mchog tu dga' bar bgyid// dbang phyug skal ba phun sum tshogs/ / mod nyid kho nar 'thob 'gyur bar// the tshom du yang mi bgyi zhing // yid gnyis nyis kyang ma lags so// gtsang mas gtsang ma'i gos dag dang // legs par bkrus pa'i las sgrub bo/ / sbyin sreg bla na med 'phel ba// 'di ni rgya chen bsam mi khyab// kar na rtsa ba sdong bur bcas// 'dab ma me tog 'bras bur bcas// arga'i shing dang blag shing gi/ yam sreg dag gis me spar la/ / sa bon bdun po 'bras dang bcas// 'bras yos til dang yungs kar dang // zho dang sbrang rtsi mar dang ni// yungs mar dag dang bsres pa yi// sbyin sreg stong rtsa brgyad tshang bgyi//  khro bo'i rgyal po lan stong rtsa brgyad kyis dbang bskur ba tshang ba dang / de nas don yod lcags kyu'i rig sngags kyi rgyal po lan brgya rtsa brgyad bzlas nas gu gul dang / ske tshe'i 'bras bu dang / mar du sbyar bas sbyin sreg bgyi'o/ / dgos pa thams cad rdzogs pa dang / de'i tshe bza' ba dang / btung ba dang / gnas mal dang / stan dang / nad kyi rkyen sman dang / yo byad dang / nor dang / 'bru dang / mdzod dang / bang ba 'phel bar yang 'gyur ro/ / gos sna tshogs dang / ltab lhub dang / rgyan dang / rgyan 'phyang dang / me tog dang / dri dang / 'phreng ba dang / byug pa rnams lhun gyis grub par 'byung bar 'gyur ro// dbang phyug gi 'byor pa chen po 'thob par 'gyur zhing / ji srid 'tsho'i bar du mchis par 'gyur ro// de nas zla ba yar gyi ngo'i tshes brgyad la nyin zhag gcig mchis nas mig la bskus te/ don yod zhags pa'i snying po lan dgu bcu bzlas brjod bgyis la/ khro bo'i rgyal pos dbang bskur nas don yod zhags pa'i phyag rgya bcings te/ de nas mig la mig sman gyis bskus na nam mkha' la rdzu 'phrul gyis mchis par 'gyur ro/ mig sman grub pa'i rig sngags 'chang thams cad kyi gtso bo rgyal po 'khor los sgyur bar 'gyur ro// sgra cung zad 'khyil bar yang 'gyur ro// bskal pa khrir 'tsho bar 'gyur ro// mig sman 'dis mig la byugs na nyin par ji lta ba bzhin du mtshan mo mthong bar 'gyur zhing mi gda' bar yang 'gyur ro/ / 'byung po dang / gnod sbyin dang / srin po'i gnas thams cad du zhugs na thams cad kyi dpon por 'gyur ro/ / // 'phags pa don yod pa'i zhags pa'i cho ga zhib mo'i rgyal po bam po bdun pa/ mig sman 'dis mig la byugs nas ma mo'i gnas su zhugs na/ lha gtso bo de dag mig mi 'dzums par lta bar bgyid pa la khro bo'i rgyal po lan gcig bzlas par bgyi'o// de nas ma mo dang lha'i gtso bo thams cad mdun du mchis nas mchog thams cad stsol bar 'gyur ro/ / ji srid 'tsho'i bar du las thams cad sgrub par bgyid pas mchis par 'gyur ro// ma mo'i tshogs thams cad kyis yongs su bkur cing snying du sdug par 'gyur ro// rtag par rgyud du srung ba dang /  skyab pa dang / sba ba'i phyir gnas shing rjes su 'brang bar 'gyur ro// de nas gi'u wang sgrub pa'i sbyin sreg gi cho ga brjod par bgyi ste/ don yong rgyal po grub pa yis// rig sngags 'chang ba bde myong zhing // lnga dang lha min mchod pa dang / / sgrub pa'i don kun 'grub pa dang // dbang du 'gyur ba dam pa dang // mkha' la mchi ba'i dam pa dang // mi snang shin tu rnyed dka' dang // mod la phug tu 'jug pa dang / / nags kyi nang du 'jug pa dang // ri sul dag tu 'jug pa dang // thang dag la ni rgyu ba dang // klu gnas mtshor ni 'jug pa dang // de bzhin chu klung che bsgral dang // rdzu 'phrul grub dang bskyed pa dang / / de bzhin 'jigs dang sgrib kun dang // nad kun zhi bar bgyid pa nyid// sdig pa thams cad nyams par bgyid// g.yul ngor g.yul las rgyal bgyid de// rtag tu dgra kun rlag par bgyid// gdon rigs kun dag tshar gcod cing / / rims rnaMs thams cad zlog par bgyid// sngon gyi sgrib pa 'jig bgyid cing // sdig pa thams cad nyams par bgyid// dbang phyug stsol cing skal ba stsol// nor dang 'bru rnams 'phel bar bgyid/ / 'thab pa 'thab mo rtsod pa dang // 'gyed pa rab tu zhi bar bgyid// bcing ba dang ni shing sgrog dang // khong sgril lcags sgrog phye mar rlog/ rgyal po gdug pa khros pa yis// gsad par 'os pa sel bar bgyid/ / da ltar 'di la brten pa nas// mi bdag bu sdug bzhin smra zhing // mi bde kun las grol bar 'gyur// 'di ni kun tu sdug pa dang // gnas kun mchis par mchos par 'os//  lus can snying du rtag tu sdug/ rgyal po btsun mo 'khor bcas pa'i// rtag tu gnang chen dag tu 'gyur// dge sbyong bram ze nyid dang ni// rgyal rigs rje'u rigs dmangs rigs dang // bud med kun dang de bzhin du/ / skyes pa khye'u bu mo yi// rtag tu gnang chen dag tu 'gyur// gi'u wang bla na med pa'o// 'di la gang dag rtag brten na// 'phags pa 'jig rten dbang phyug ste// mchog sbyin rtag tu mchod par bgyid/ / tshangs pa khyab 'jug dbang phyug che// nyin dang mtshan du srung ba dang // rtag tu mchog stsol phyir mchis so// gzhan yang lha ni mang po dang // klu yi rgyal po mthu chen dang // 'byung po gnod sbyin srin po dang / / grul bum mi min lto 'phye che// dri za lha min nyid dag dang // nam mkha' lding dbang mthu chen te// de dag thams cad srung ba yi// ched du nyin dang mtshan dag tu// rang dbang nyid kyis gnas par 'gyur/ / gi'u wang grub pa dam pa po// de ltar stobs dang ldan pa lags// de nas rig sngags 'chang ba yis// gtsang gyur legs par khrus bgyis nas// gtsang ma yi ni gos bgo ste/ / gi'u wang legs par bsgrub nas su// dmar po chen po nyid dag dang // gur kur dag dang mnyam sbyar la// zangs kyi snod du bkang nas su// don yod zhags pa'i gzugs mdun du// stong rtsa brgyad ni tshang bzlas nas/ / rgya dar gyi ni kha dgum mo// de nas seng lde gi shing dang / arga'i shing gi yam sreg shing gi me spar la 'bras yos dang / yungs kar dang / gu gul dang / 'bras dang /  til dang bsres la/ zho dang sbrang rtsi mar du bsres te lan stong rtsa brgyad sbyin sreg bgyi'o// lan stong rtsa brgyad tshang ba dang / de nas me zhi zhing me mdag phra mo'ang zhi ba dang thal ba blangs te snod kyi nang du stsal nas/ de nas slar yang lan brgya rtsa brgyad bzlas la/ khro bo'i rgyal pos dbang bskur te/ phyag rgya'i phyag rgyas kyang dbang bskur ro// de nas dpral ba'i dbus su thig le bgyis nas nam mkha' la 'phur nas rig sngags 'chang chen po'i rgyal po 'khor los sgyur bar 'gyur ro/ / rig sngags 'chang thams cad kyi dpon por 'gyur zhing skra cung zad 'khyil bar yang 'gyur ro//  lo dgu khri dgu stong du 'tsho bar 'gyur zhing gnas kyi sgo thams cad rtag tu 'byed par 'gyur ro// dpral ba la thig le bgyis na mi gda' bar gyur nas gnas thams cad du zhugs na gnas thams cad kyi bdag por 'gyur zhing 'byung po dang / gnod sbyin dang / srin po'i gnas kyi sgo thams cad 'byed par 'gyur ro// 'byung po dang / gnod sbyin dang / srin po mthu dang ldan pa thams cad kyis yongs su bskor nas mchis par 'gyur ro/ / ji srid 'tsho'i bar du bsgo ba bzhin bgyid par 'gyur ro// mig la bskus na ji ltar nyin par bzhin du mtshan mo snang zhing thams cad du gter mthong bar 'gyur ro/ / sa'i phug dang thang gi sgo phye ba mthong bar 'gyur ro// thang gi gnas su zhugs na thang gi dgos pa thams cad bgyi ste/ slar yang mchi bar 'gyur ro// chu klung chen po'i nang du zhugs na khyim dang gzhal med khang ji lta ba bzhin du mthong bar 'gyur ro/ / rin po che thams cad kyis brgyan pa'i gzhal med khang mthong bar 'gyur ro// chab la gnas pa gang lags pa de dag thams cad dbang du gyur nas mchis par 'gyur ro/ / klu'i mtsho dang gnas su ji ltar rang gi khyim bzhin du 'jug cing 'byung bar 'gyur ro// lus mtha' dag byugs te g.yul ngor g.yul 'gyed pa'i nang du zhugs na/ ya lad dang go cha bgos pa bzhin du mthong nas thams cad las rgyal bar 'gyur ro/ / khar bsrel te rgyal po'i pho brang du zhugs na btsun mo 'khor dang bcas pa dbang du gyur nas mchis par 'gyur ro//  gang la tshig smras pa de dag thams cad bgyid par 'gyur ro// gang la blangs pa de dag thams cad ster bar 'gyur ro// gang la bsgo ba de thams cad bsgo ba bzhin bgyid par 'gyur ro// khar 'chos nas gang dang gang du mchis pa de dang der skyes pa dang / bud med dang / khye'u dang / bu mo thams cad bdag nyid dam nor dbang du gyur nas mchis par 'gyur ro// lag pa g.yas pa la byugs nas su la reg pa de dbang du 'gyur ro/ / nor dang / 'bru dang / dbyig dang / bran pho dang / bran mo dang / las bgyid pa dang / zho shas 'tsho ba dang / mngag gzhug pa rnams dbang du gyur nas bsgo ba bzhin mchis par 'gyur ro/ / mdzub mo g.yas pa la bskus nas ser ba dang / sprin dang / 'brug gi dus su sprin la mngon sum du bstan te bsdigs na/ grang ba dang / rlung dang / ser pa thams cad zhi bar 'gyur ro/ / dpag tshad gcig kho ra khor yug tu zil gyis mnan par 'gyur ro// char ha cang ches na lag pa g.yas pa sprin la mngon sum du bstan pas ha cang char che ba gcod par 'gyur ro// char mi 'bab pa'i dus su lag pa g.yas pa'i lag mthil la byugs nas klu gnas pa'i mtsho'i chu la thal mo lan gsum brdabs na/ de'i mod la klu'i rgyal pos char gyi rgyun chen po gtong bar 'gyur ro/ / gal te mod la char pa mi 'bebs na de'i tshe lan lnga brdegs pa dang / klu de dag thams cad kyis char gyi rgyun gtong bar 'gyur ro// gang gi tshe char pa mi 'bebs pa de'i tshe klu thams cad la klad pa'i nad 'byung bar 'gyur ro/ / gal te lan bdun bsnun na klu'i rgyal po thams cad la tshul ma yin pa'i sdug bsngal 'byung bar 'gyur ro// klu'i rgyal po thams cad kyi rig sngags phung bar bgyis par 'gyur ro/ / gdon gyis zin pa thams cad kyi mig la bskus na/ bskus pa tsam gyi mod la gdon brgyad khri bzhi stong rab tu zhi bar 'gyur ro// rims kyis thebs pa rnams kyi dpral bar la thig le bgyis na rims zhag gcig pa 'am/ nyin gnyis pa 'am/ nyin gsum pa 'am/ nyin bzhi pa'i rims thams cad zhi bar 'gyur ro// nad kyis zin pa rnams la khrus bgyis na mod la nad thams cad las thar par 'gyur ro/ / sha bkra dang / mdze dang / rkang shu dang / g.yan pa dang / shu ba dang / 'brum bu rnams las thar par 'gyur ro// g.ya' ba dang / lhog pa dang / mtshan par rdol ba dang / shu ba mched pa dang / 'brum bu phra mo mched pa la byugs pa tsam gyis thar par 'gyur ro// gdug pas zin pa thams cad la byugs pa tsam gyis mi gdug par 'gyur ro// dug gis myos par bgyis pa thams cad la 'tshal ba tsam gyis thar par gyur ro/ / lton pa dang / skran dang / dmu chu dang / mchin pa na ba dang / rtsib logs na ba dang / snying na ba dang / chu so na ba dang / gzhang nad dang / tshad pa dang / gcin srib dang / gsung pa dang / ma gzhu ba dang / rtug skams la bsros nas 'chal ba tsam gyi mod la zhi bar 'gyur zhing / phyis lan 'ga' yang gnod par bgyid par mi 'gyur ro// 'tshogs mar gi'u wang gi ril bu bgyis te/ phug gi sgo dang nye bar mchis nas lag pa g.yas pa la'ang byugs te/ mgo la thal mo brdabs na phug gi sgo thams cad 'bye bar 'gyur ro// bag tsha ba ma mchis par 'jug ste/ slar cung zad kyang bgegs bgyid par mi 'gyur ro/ / gnas de na gnas pa gang lags pa de dag thams cad dbang du gyur nas mdun na mchis par 'gyur ro// dgos pa sgrub pa chen po thams cad 'grub par 'gyur ro// rkang pa gnyis la byugs te me 'bar ba'i nang du zhugs na me lha rang gi gzugs kyis mdun du mchis nas lag pa nas bzung ste/ rig sngags 'chang la rig sngags 'chang bdag gi gzhal med khang gi gnas su zhugs shig/ rig sngags 'chang gis bsgo ba thams cad bsgrub par bgyi'o zhes smra ba na/ de'i tshe rig sngags 'chang gis bgyi ba ci mchis pa de bsgo bar bgyi ste/ thams cad bgyid par 'gyur ro//  dpung pa gnyis la byugs na glang po che bdun gyi stobs dang ldan par 'gyur ro// brla gnyis la byugs na tshugs pa ma mchis pa'i gyad du 'gyur ro// byin pa gnyis la byugs na 'bab chu chen po'i pha rol tu rgal bar 'gyur ro/ / mgrin pa la byugs nas nags khung du zhugs na nags khud kyi gnas kyi sgo thams cad dbye nas sman gyi rdzas thams cad rang gi gzugs kyis mdun na//  mchis par 'gyur te ci 'chal ba de blang bar 'gyur ro// gi'u wang gi ril bu bgyis te khar bsrel nas ri sul dang sman gshong du zhugs nas skad drag po lan gsum gdon par bgyi ste/ ri sul dang sman gshong gi gnas gsang ba'i sgo gang dag lags pa 'bye bar 'gyur zhing / de na gnas pa gang lags pa de dag thams cad rang rang gis gzugs kyis mdun na mchis par 'gyur zhing las thams cad bgyid par 'gyur ro/ / de nas rtswa dang / shing gel ba dang / nags tshang tshing gi sman gyi rdzas gang lags pa dag rang gi gzugs kyis mdun na mchis par 'gyur zhing / gang dag gi bcud kyi mchog de dag la 'dzag la/ bcud srung ba de dag kyang rang gi gzugs kyis mdun na mchis nas thams cad dbang du 'gyur ro// ji ltar 'tshal ba bag tsha ba ma mchis par dgos pa thams cad bgyid par 'gyur ro// snying khar thig le bgyis nas snying la cung zad ci bsams pa dang / yid la bsams shing brnag pa'i dgos pa de dag thams cad mod la grub par 'gyur ro// lto la thig le bgyis na kha zas dang btung ba'i ston mo 'dod dgu thams cad thob par 'gyur te/ phun sum tshogs pa thams cad lhun gyis 'grub par 'gyur ro// rtsibs logs gnyis la byugs na ji ltar bsams shing don du gnyer ba'i gos rnams 'thob par 'gyur/  ro// sgal tshigs la byugs na ji ltar yid la bsams pa'i mal dang stan 'thob par 'gyur ro// rna ba la byugs sam gnad dang gnad thams cad kyi gnas su byug na ji ltar bsams pa'i rgyan dang lhab lhub thob par 'gyur ro/ / mjug do la byugs na rta'i bzhon pa 'thob par 'gyur ro// nyin gcig bzhin nang par tshig gzhan mi smra bar gi'u wang gi ril bu re re la don yod rgyal po'i snying po bzlas nas 'tshal te/ nyi ma dang po la tshigs su bcad pa stong bklags na 'dzin par 'gyur ro// nyin gcig bzhin nyis 'gyur du bgyis nas bklags na 'dzin par 'gyur ro// zhag bdun gyis thogs pa mang por 'gyur ro//  zhag bcu bzhir bgyis na mi 'am ci mo lta bu'i sgra dbyangs su 'gyur ro// zhag nyi shu rtsa gcig bgyis na thos pa bsags pa'i rgya mtsho chen por 'gyur ro// ka la bing ka'i dbyangs ltar mnyen cing snyan la rna ba'i sgra dbyangs su 'gyur ro/ / bu'i ched du mar dang lhan cig stsal na bya rog lta bu dang mo gsham rnams kyis kyang bu rnyed par 'gyur ro// btson rar stsal ba dang shing sgrog dang / lcags sgrog dang / gtan pa dang /  khong sgril la byugs na byugs pa tsam gyi mod la dum bur dum bur 'chag par 'gyur ro// 'thor bar 'gyur ro// tshes brgyad dam/ bcu bzhi 'am/ tshes bco lnga la don yon rgyal po'i snying po lan bdun bzlas la/ khro bo'i rgyal pos rang la bskur nas gi'u wang gi ril bu dang spos chab bsres pas khrus bgyi'o// khrus bgyis pa tsam gyi mod la sdig pa thams cad dang / sngon gyi sgrib pa thams cad rnam par 'jigs par 'gyur ro/ / nub gsum du khrus bgyis na gsang sngags dang / phyag rgya dang / sgrub pa dang / grub pa'i mchog thams cad thob par 'gyur ro// phas kyi rgol ba dang / mi mdza ba dang / gdug pa dang / sdig pa thams cad kyis mi tshugs par 'gyur ro// lan 'ga' yang thams cad kyis thams cad du 'jigs pa mi 'byung zhing yongs su thar par 'gyur ro// phyis lan 'ga' yang sdig pas dri mas gos par mi 'gyur ro/ / gi'u wang gi ril bu til mar dang bsres te kha gdong la byugs nas rgyal po'i mdun du mchis na bu bzhin du phang du 'khyud nas dga' ba chen po 'thob pa dang /  rgyal po khro bo'i 'jigs pa thams cad zhi bar 'gyur ro// lus thog thag tu byug na gsad par 'os pa'i lus la'ang mtshon gyis phog par mi 'gyur te/ dum bur dum bur 'chag par 'gyur ro// 'da' 'phangs na lus la 'bab par mi 'gyur zhing gzhu 'chag par 'gyur ro/ / gi'u wang gi ril bu mgul tu btags nas 'brog dgon pa dang / ri dang / nags tshang tshig gi bgrod dka' bar zhugs na chom po dang /  g.yo can dang / rkun po dang / gnod sbyin dang / srin po dang / mi dang / mi ma lags pa dang / gcan gangan gdug pa dang / sbrul gdug pa dang / dug gi 'jigs pa thams cad 'byung bar mi 'gyur te mi gda' bar 'gyur ro/ / dpung pa g.yas pa la btags na thams cad du pha rol las rgyal bar 'gyur ro// thams cad du mchod gnas chen por yang 'gyur ro// thams cad du mthu dang brtson 'grus chen po brdzi ba med pas pha rol zil gyis gnon par 'gyur ro/ / dpung pa g.yon pa la btags na skyes pa dang / bud med dang / khye'u dang / bu mo thams cad kyi gnang chen du 'gyur te/ thams cad lha 'tshal bar 'gyur ro/ / mchod pa'i 'os chen por 'gyur ro// dgos pa mang po 'grub par 'gyur ro// byin pa g.yas pa la gtags na dub pa ma mchis par dpag tshad stong du mchis par 'gyur ro// gi'u wang gi ril bu khar bsrel la lag pa g.yas pas yungs kar gyi don yod lcags kyu bzlas nas drangs te tshig gzhan mi smra bar gnas mthon por 'gyur te/ phyogs gang du bsams pa'i skyes pa dang / bud mas dang / khye'u dang / bu mo mchis pa'i phyogs der yungs kar gyis gtor na mod la bkug par 'gyur te mchis par 'gyur ro// gal te dpag tshad brgya tsam na gnas pa zhig na'ang gdon mi 'tshal bar de zhag gsum gyis mchis par 'gyur te yid gnyis mi bgyi'o/ / lag pa g.yas pa 'am/ lag pa g.yon pa la gi'u wang gi ril bu btags na gang du reg par nor dang / 'bru dang / dbyig dang / nor bu dang mu tig dang / shang ka shi la dang / b+hu ru dang / sa le sbram dang / dngul dang / gos dang / lha ba lbub de dag thams cad bkug nas mchis par 'gyur te/ ci 'tshal ba de mchi bar 'gyur ro// byan tshang du zhugs nas tshang mang gi sgor thal mo brdabs na/ 'tshed pa dang 'tsheng pa'i kha zas de dag thams cad bkug nas mchi bar 'gyur te/ gang du 'tshal ba der mchi bar 'gyur ro// spos 'tshong gi tshong khang mang du mchis na tshong khang gi yo byad thams cad mchi bar 'gyur ro/ / chang 'tshong gi sgor thal mo brdabs na chang gi bum pa thams cad mchi bar 'gyur ro// bang ba'i sgor thal mo brdabs na 'bru thams cad bkug par 'gyur ro/ / bcud 'byin pa'i khyim du zhugs nas 'khrul 'khor la reg par bgyis na/ bu ram gyi khu ba dang sha kha ra'i glegs bu thams cad mchi bar 'gyur ro/ / gang du 'tshal ba der mngags par 'gyur ro// grong khyer gyi sgor mun tshab tshub na thal mo brdabs na grong khyer na gnas pa thams cad gnyid sgrogs par 'gyur ro// dgra bo'i sgor btab na bskrad par 'gyur ro/ / mtshon mkhan gyi khyim du 'phangs na mtshon cha dang go cha rnams rengs pa dang rmugs par bgyis par 'gyur ro// rgyal po'i sgor btab na phas kyi rgol ba dang / mi mdza' ba dang sems can gdug pa thams cad bcings pa dang / rengs pa dang / rmugs par bgyis par 'gyur ro// dung la byugs nas gnas mthon por bus na sgra gang du grags pa de dag tu 'thab pa dang /  'thab mo dang / gnod pa dang / 'gyed pa dang / byang dang / dug sbyar ma dang / dug dang / nad las yongs su thar par 'gyur ro// grong khyer gyi sgor bus na yams kyi nad dang / gnod pa dang /  mi ngas thams cad rab tu zhi bar 'gyur ro// phyugs lhas su bus na 'o ma thams cad phrogs par 'gyur ro// gang du 'tshal ba der mchi bar 'gyur ro// ra lug gi lhas su bus nar lug gi 'o ma phrogs par 'gyur te/ gar 'tshal ba de mchi bar 'gyur ro// skye bo'i tshogs chen po'i dbus su bus na thams cad sgren mor gyur nas go thams cad bkug par 'gyur ro// rdza rnga la byugs te 'khyams mthon po'i steng du brdungs na grang ba dang / rlung dang / ser ba thams cad bcings pa dang bshig par 'gyur te tshugs par mi 'gyur ro// dpag tshad brgya kho ra khor yug tu ser ba bkag par 'gyur ro//  grong khyer ram yul 'khor mtha' dag tu bus na nad dang / yams kyi nad dang / gnod pa dang / 'tshe ba thams cad zhi bar 'gyur ro// 'thab pa dang / 'thab mo dang / rtsod pa dang / 'gyed pa thams cad rab tu zhi bar 'gyur ro/ / mi ngas dang mu ge'i 'jigs pa thams cad rab tu zhi bar 'gyur ro// gzhan yang dgos pa rnam pa sna tshogs brgya stong dag bgyid par 'gyur te/ thams cad la sbar bar bgyi'o//  de nas sems can thams cad dang thun mong ba zhi pa dang rgyas pa nang thams cad zhi bar bgyid cing / sdig pa thams cad 'jig par bgyid pa/ yams kyi nad dang gnod pa thams cad rab tu zhi bar bgyid pa/  mu ge'i dgon pa thams cad rab tu zhi bar bgyid pa/ 'byung po dang / gnod sbyin dang / srin po dang / gdon dang / brjed byed thams cad rlag par bgyid pa brjod par bgyi'o// rig sngags 'chang gtsang mar gyur pas legs par khrus bgyis te/ spos dri zhim pos lus byugs la/ gos gtsang ma bgos la spos dri zhim pos bsgos nas byams pa'i sems la mnyam par gzhag cing / sems can thams cad la lhag par brtse ba dang / snying rje chen pos snying gdung bas sbyin sreg gi las 'di bgyi ste/ arga'i shing dang / sha mi'i shing dang / shing 'o ma can nam/ ji ltar yang byang chub kyi shing ste/ de dag gi yam sreg shing gi me spar la/ 'bras yos dang / yungs kar dang / pad+ma dang / pad+ma'i ldum bu dang / 'dab ma dang / zho dang / sbrang rtsi dang / mar du bsres par sbyin sreg bgyid don yod zhags pa'i snying po stong rtsa brgyad bzlas nas/ de nas don yod zhags pa khro bo'i rgyal pos dbang bskur te/ don yod zhags pa'i phyag rgyas phyag rgya lan brgya rtsa brgyad bcing ngo // de nas sbyin sreg gi dgos pa rnams mthar phyin pa'i mod kho nar dpag tshad gcig khor yug tu yams kyi nad dang / gnod pa dang / 'tshe ba dang / nad dang / mu ge'i dgon pa mi bzad pa dang / rang gi dpung dang gzhan gyi dpung gi 'jigs pa dang / phas kyi rgol ba dang / mi mdza' ba'i 'jigs pa thams cad dang / chom po dang / g.yon can dang / rkun po dang / gcan gzan gdug pa can dang / sbrul dang / dug mi bzad pa dang / gdug pa dang bcas pa'i srog chags kyi 'jigs pa thams cad rab tu zhi bar 'gyur ro// mi tshugs par 'gyur ro// dpag tshad brgyad khor yug tu rims mi 'byung ste/ gnod pas ma lags/  nad kyis ma lags te/ gnod sbyin dang / srin po dang / 'byung po dang / gdon rnams kyis mi tshugs te rab tu zhi bar 'gyur ro// 'thab pa dang / 'thab mo dang / rtsod pa dang / 'gyed pa dang / nang khrug pa dang / 'khrug pa dang / skrod pa dang / mdangs gcod pa dang / 'ching ba dang / bsdigs pa rnams kyis mi tshugs te rab tu zhi bar 'gyur ro// sems can thams cad bde bar 'gyur ro// shin tu lo legs shing mdangs dga' la skye bo dang mi mang pos rab tu gang zhing / me tog dang / 'bras bu phun sum tshogs par 'gyur ro// nor dang / 'bru dang / lo tog rab tu mang po 'grub par 'gyur ro// shin tu ro dang ldan pa dang / shin tu smin pa dang yongs su rdzogs par 'gyur ro// rtswa dang / shing gel ba dang / sman dang / nags tshang tshing dang / myu gu dang / rtsa ba dang / 'bras bu bzang po yongs su rdzogs par 'gyur ro/ / phyir zhing ji srid 'tsho'i bar du yul de na yid du mi mchi ba'i reg pa myong bar mi 'gyur ro// yul de na dge sbyong dang / bram ze dang / rgyal rigs dang / rje'u rigs dang / dpangs rigs dang //  skyes pa dang / bud med dang / khye'u dang / bu mo rnams rtag tu nad ma mchis par 'gyur ro// bde bar 'tsho ba dang yid la dga' zhing mgu bar 'gyur ro// byams pa dang snying rje'i sems kyis gnas par 'gyur ro/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po de dag thams cad kyang legs par srung ba'i phyir rtag tu bsrung ba dang /  bskyab pa dang / sba ba'i phyir dpag tshad brgya kho ra khor yug tu bsrung ba dang / yongs su bskyang ba dang / zhi ba dang / bde legs su bgyid par 'gyur ro// rgyal po bzhi'ang dpung dang bcas te yongs su sbyong ba dang / srung ba dang / skyob pa dang / sbed pa bgyid par 'gyur ro// gdug pa thams cad bzlog pa dang / srung ba dang / yongs su skyong bar 'gyur ro// dbang phyug dang dbang phyug chen po'i lha'i bu rnams rtag par rgyun du srung ba dang / skyob pa dang / sbed par bgyid par 'gyur ro// lha'i dbang po brgya byin sum cu rtsa gsum pa'i lha'i bu 'khor dang / tshangs pa dang / khyab 'jug dang /  dbang phyug chen po dang / lha'i tshogs kyi 'khor thams cad kyis yul de legs par bsrung bar 'gyur ro// gzi byin stsol bar 'gyur ro// dpag tshad gcig kho ra khor yug tu sems can thams cad yongs su srung ba dang / yongs su skyong bar 'gyur ro// dge sbyong dang / bram ze dang / rgyal rigs dang / rje'u rigs dang / dmangs rig dang / skyes pa dang / bud med dang / khye'u dang / bu mo thams cad la srung ba dang / sgrub pa dang / sbed par bgyid par 'gyur ro// zhi ba'i las 'di'i mthus sems can thams cad sdig pa dang sgrib pa thams cad las rnam par grol bar 'gyur ro// de bzhin gshegs pa thams cad kyi yul de la dgongs par 'gyur ro/ / phyogs bcu'i byang chub sems dpa' sems dpa' chen po thams cad dang / byang chub sems dpa'i tshogs thams cad yang dag par dgongs par 'gyur ro// sems can thams cad la dbugs 'byin par ston par 'tshal bar 'gyur ro/ / sems can thams cad yongs su srung ba'i don du nyi ma dang zla ba rgyu skar gyi tshogs dang bcas pa legs par 'byor par 'gyur ro// 'phags pa spyan ras gzigs dbang phyug rtag par rgyun du skyes pa dang / bud med dang / khye'u dang / bu mo thams cad la bu gcig pa bzhin du dbugs 'byin par 'gyur ro// yongs su bsrung ba dang yid kyi brnag pa thams/  cad yongs su rdzogs par bgyid par 'gyur te/ yang nas yang du lta bar 'gyur ro// de nas des sbyin sreg gi thal ba dang dri chu skyo ma bgyis te phyogs bzhi kun tu dbang bskur na mtshams chen po bcad pa bgyis par 'gyur ro/ / nad kyi zin pa thams cad kyi nad thams cad nye bar zhi bar 'gyur ro// rims thams cad la thig le bgyis na rims thams cad las thar par 'gyur ro// dri chab dang thal bas khrus bgyis na thams cad kyi sgrib pa dang sdig pa thams cad rnam par dag par 'gyur ro/ / btson ra na mchis pa 'am phyag sbal na mchis pa'i gos la bskus pa na ral bar 'gyur ro// gdug pas zin pa dang dug gis myos pa thams cad la bskus na gdug par mi 'gyur ro/ / me dgug pa'i sbyin sreg gi cho ga rdzogs so// / de nas pad+ma rgya chen po'i dkyil 'khor 'dir pad+ma'i rigs 'phags pa spyan ras gzigs dbang phyug gi don yod pa'i zhags pa'i snying po rnam par grol ba'i dkyil 'khor cho ga zhib mo'i rgyal po chen po brjod par bgyi ste/ 'di ni ma bsgrubs par las brgya spong bgyid par 'gyur ro// tshes grangs rgyu skar bzang po dang / / shin tu bkra shis mchog dge la// legs par khrus bgyis gos gtsang bgo/ byams pa'i sems la mnyam par gzhag/ sems can kun la brtse ba dang // snying rje dam pas brgyan pa dang //  don yod zhags pa rig sngags che// grub pa bla med cho ga'i rgyal// bklags pas las rnams thams cad dag/ 'grub par bgyid de som nyi med// 'jig rten bla ma'i snying po dag/ de bzhin gang dag rtag brjod na/ / lus can rtag tu mchog sbyin gyis// phyag na pad+ma rtag tu 'gyur// ji ltar gang+gA'i bye snyed kyi// sangs rgyas bye ba phrag stong la// bsod nams phung po khri khrag bskyed// dge ba'i rtsa ba sogs pa dang / / sangs rgyas bya ba bgyid par 'gyur// smyung ba bgyis nas bzlas brjod gcig/ mkhas pa'i mis ni brjod bgyis pa// dge slong pha dang dge slong ma// dge bsnyen po mos de bzhin du// bde ba can du myur du mchi/ / sdug bsngal mi bzad myong 'gyur ba'i// nyon mongs pa las thar bar 'gyur// rtag tu sangs rgyas byang sems dag/ mthong bar 'gyur te som nyi med// de nas don yod zhags pa'i snying po'i cho ga ji lta ba bzhin du bzlas brjod kyi cho ga brjod par bgyi ste/ bzlas brjod kyi ni las bgyis na// rig sngags 'chang de nye bar 'grub// don yod zhags pa'i gzugs brnyan gyi// mdun du ba lci'i dkyil 'khor bgyi/ / gru bzhi kho ra khor yug tu// tshod rtsi dkar po zhib mo yis// gru bzhi lhab par thig gdab bo// ngos bzhi rnams su sgro bzhi dag/ dbus nas ngos bzhi rag shis su dbab// tsan dan dkar po bri ba ni/ / dkyil 'khor mchog la pad+ma dag/ 'dab brgya gur kum gyis gtong cing // pad+ma'i ze ba'i dkyil dag tu// ma zhom pa yi bum pa ni// spos chab kyis ni bkang ba yi// yungs kar ldan pa gzhag par bgyi/ / a ka ru yi bdug pa dbul// bum pa gang ba'ang dgod par bgyi// me tog sna tshogs brgyan par bgyi// mchod yon snod kyang bzhi gzhag go/ rig sngags 'chang ba gtsang gyur par/  gtsang ma'i gos ni bgo bar bgyi// legs bkrus rnam par dag pa dang // gso sbyong dag ni blangs pa dang // dkar gsum zas ni 'tshal nas su// dus gsum du ni khrus bgyi'o// dus gsum bzla brjod bgyi ba ni/ / don yod zhags pa'i snying po dag/ dus gsum du yang brgya rtsa brgyad// 'phags pa 'jig rten dbang phyug gi/ mngon sum skyil mo krung bcas te// bzlas brjod phyag rgya bcings nas su/ / bgrang 'phreng dag ni blang bar bgyi// mdzub mo dang ni mthe bong dag/ brkyang nas zhi zhing dul ba yi// yid kyis byams sems mnyam par gzhag/ ting 'dzin brtan pas lus snyoms par//  legs par bzhag ste zhi bar lta// tshig gzhan mi smra bzlas brjod bgyi// bzlas brjod bgyib tsam gyis mod la sa chen po g.yo bar 'gyur/ don yod pa'i zhags pa'i phyag rgya bcings te phyag bgyis na sa chen po'ang g.yo bar 'gyur/ brtan pa'i sems kyis skrag par mi bgyi'o// sems can thams cad la mchog tu brtse bas 'phags pa spyan ras gzigs dbang phyug don yod zhags pa mthong ba tsam du bris la/ ji tsam na khro bo'i rgyal po lan bdun bzlas so// lan bdun bzlas pa tsam gyi mod la sa chen po g.yo zhing sgra 'byung bar 'gyur ro// 'phags pa spyan ras gzigs dbang phyug gi dpral ba nas 'od zer byung nas kun tu snang bar 'gyur ro/ / rig sngags 'chang de'ang cher snying dga' ba dang / bzhin 'dzum pa dang / shin tu rab tu dga' bas spu gzing zhes bgyid par 'gyur ro/ / de nas bcom ldan 'das kyi gdong du blta bar bgyi ste/ gdong du bltas pa tsam gyi mod la bcom ldan 'das 'phags pa spyan ras gzigs dbang phyug gi phyag g.yas pa nas legs so/  zhes bgyi ba'i sgra 'byung bar 'gyur ro// mig bsgyur bar bgyid cing kun tu legs so zhes bgyi ba'i sgra byung na/ rig sngags 'chang gi sgrib pa thams cad rnam par dag pa thob nas lus yongs su dag pa chen po dang ldan par 'gyur ro/ / de bzhin gshegs pa bye ba sa ya phrag brgya stong la dge ba'i rtsa ba bskyed par 'gyur ro// byang chub sems dpa' thams cad kyis blta ba'i 'os su 'gyur ro// lus 'jam pa dang / shin tu gzhon sha chags pa dang / mnyen par 'gyur ro// skra cung zad 'khyil ba dang / mnyen pa dang / snyan pa'i tshig smra bar 'gyur ro// mig yongs su dag par 'gyur te/ lus yongs su dag pa dang / yid yongs su dag pa dang / gnyen ma dang / skra skye bo spangs par 'gyur ro// sems can thams cad la lta ba dag pa zhes bgyi ba'i ting nge 'dzin 'thob par 'gyur ro// ji tsam du 'dug ce na/ 'phags paspyan ras gzigs dbang phyug rang gi gzugs ston cing dbugs 'byin par bgyid de/ lag pa g.yas pa spyi bor bzhag nas mchog thams cad stsol bar 'gyur ro// nam mkha' la mchi ba 'am/ mi gda' bar bgyi ba 'am/ lha'i mig 'thob pa 'am/ sangs rgyas kyi zhing lta ba 'am/ ting nge 'dzin rab tu 'thob pa 'am/ gzungs rab tu 'thob pa 'am/ don yod pa'i zhags pa'i snying po'i cho ga zhing mo 'grub pa 'am/ gtsug lag smra ba'am/ gsang sngags smra ba 'am/ thos pa 'dzin pa nyid dam/ gter smra ba 'am/ nor bsgyur ba smra ba 'am/ mig 'phrul smra ba 'am/ 'jig rten du 'gro ba 'am/ phug tu 'jug pa'am klu'i gnas su 'jug pa 'am/ zhing smra ba'am/ gnod sbyin dgug pa 'am/ srin po dgug pa 'am/ ro langs slang ba 'am/ nags khrod du 'jug pa 'am/ ri la rgyu ba 'am/ grong khyer du 'jug pa 'am/  sman lta ba'i phyir 'jug pa 'am/ ral gri'i rig sngags 'chang nyid dam/ grub pa'i rig sngags 'chang nyid dam/ 'khor los sgyur ba nyid dam/ rgyal po 'thob pa 'am/ yul 'thob pa 'am/ yul gyi bdag po nyid dam/ dpung chen po rab tu gzhom pa'am/ bskrad pa 'am/ rgya mtshor 'jug pa de dag thams cad stsol bar 'gyur ro// dgos pa grub pa thams cad stsol bar 'gyur ro// ji ltar gang du 'tshal bar yongs su skyong bar 'gyur ro/ / mtshams ma mchis pa lnga rnams byang bar 'gyur ro// rtag tu bzlas brjod bgyis na sems can thams cad la lta ba sgrib pa dang bral ba dag pa zhes bgyi ba'i ting nge 'dzin 'thob par 'gyur ro/ / smig sman sgrub par 'tshal bas des zla ba yar gyi ngo'i tshes brgyad la ldong ros kyi mig sman zangs kyi snod kyi nang du stsal te/ tsan dan gyi dkyil 'khor bgyis la 'phags pa spyan ras gzigs dbang phyug gi mdun du bzhag nas/ legs par khrus bgyis te gos gtsang ma bgos nas/ 'phags pa spyan ras gzigs dbang phyug gi mdun du skyil mo krung bcas te mchis nas bzlas brjod bgyi'o/ / don yod zhags pa'i phyag rgya'i mtshams bcing bas mtshams bcing bar bgyi'o// khro bo'i rgyal po lan bdun du bzlas par bgyi'o// zas dkar gsum 'tshal bar bgyi'o/ / rigs kyi bu pho 'am/ rigs kyi bu mo gang yang rung bas 'phags pa'i lam yan lag brgyad kyi bsnyen gnas la goms par bgyis nas bzlas brjod bgyi'o// bzlas brjod bgyis pa tsam gyi mod la zangs kyi snod 'bar ba dang / rlangs pa dang / dbu ba 'byung bar 'gyur te/ de blangs nas mig la byugs na nam mkha' la rdzu 'phrul gyis mchis nas sangs rgyas kyi zhing thams cad kyi de bzhin gshegs pa thams cad mthong bar 'gyur ro/ / phyogs bcu'i sangs rgyas rnams mthong ba dang / rig sngags 'chang gi 'khor los sgyur ba chen por 'gyur ro// phug gi gnas phye ba thams cad mthong bar 'gyur ro//  gter byung ba thams cad mthong bar 'gyur ro// lha'i gnas thams cad kyi sgo phye ba mthong bar 'gyur ro// gang du 'tshal ba der mchi bar 'gyur ro// gnod sbyin dang / srin po dang / 'byung po dang / sha za dang / gdon dang / mi dang / mi ma yin dang // phas kyi rgol ba dang / mi mdza' ba thams cad mi gda' bar 'gyur ro// tshes brgyad dam/ bcu bzhi 'am/ bco lnga la tshig gzhan mi smra bar 'phags pa spyan ras/  gzigs dbang phyug gi mdun du skyil mo krung bcas te mchis nas lan stong rtsa brgyad bzlas brjod bgyi'o// bzlas brjod bgyis pa tsam gyi mod la 'phags pa spyan ras gzigs dbang phyug lha'i bdag nyid kyi rang bzhin gyi gzugs kyis mdun na mchis nas lag pa g.yas pa spyi bor bzhag pa dang / dri med 'phags kyi lta ba'i cho 'phrul zhes bgyi ba'i ting nge 'dzin 'thob cing / de bzhin gshegs pa thams cad kyis gzigs pa'i byin gyi rlabs bkod pa yang dag par lta ba snang ba zhes bya ba'i rdzu 'phrul thob nas tshe'i tshad lha'i bskal pa stong du 'gyur ro/ / bdag nyid lha'i rang bzhin thob pa dang / de bzhin gshegs pa thams cad dang /  de bzhin gshegs pa dgra bcom pa yang dag par rdzogs pa'i sangs rgyas 'od dpag med kyis dam pa'i chos kyi gtam gleng bar mdzad pa thos par 'gyur ro// bde ba can na gnas pa'i byang chub sems dpa' sems dpa' chen po thams cad bsu ba'i slad du lha'i gzugs kyi mdun na mchis par 'gyur ro/ / skra cung zad 'khyil bar yang 'gyur ro// pad+ma snang ba'i gzhal med khang zhes bgyi ba'i khang pa brtsegs ma'i gzhal med khang mthong bar 'gyur ro/ / de nas rang gi lus rdo rje sra ba bdag nyid kyi snying po'i rang bzhin thob par 'tshal na/ rig sngags 'chang des spos chab des bum pa bkang nas lan drug khri nyis stong bzlas brjod bgyis te/ byang chub sems dpa' 'phags pa spyan ras gzigs dbang phyug gi mdun du nyin zhag gcig mchis par 'gyur bas khrus bgyi'o/ / khrus bgyis pa tsam gyi mod la lus rdo rje las byung ba'i rang bzhin du 'gyur ro// de bzhin gshegs pa thams cad de la gzigs par 'gyur ro/ / tshe lha'i lo khrir 'gyur ro// gnod sbyin dang / srin po dang / 'byung po'i gdon thams cad dbang du 'gyur ro// lha dang klu thams cad kyi dpon por 'gyur ro/ / 'jig rten pa'i dgos pa sgrub pa thams cad bgyid par 'gyur ro// dran pa tsam mam sems bskyed pa tsam gyi mod la gdon thams cad dang brjed byed thams cad babs nas thams cad smra bar 'gyur te/ bden pa 'am/ mi bden pa 'am/ yang dag pa 'am/ yang dag pa ma lags pa 'am/ skal ba dang ldan pa'am/ skal ba dang mi ldan pa'am/ byung ba'am/ ma byung ba'am/  'byor pa dang / rgyas pa dang / bde ba dang / lo legs pa de dag thams cad smra bar 'gyur ro// de la sogs te las bgyi ba thams cad bgyid par 'gyur ro// bran bzhin du las thams cad rtag tu bgyid par 'gyur ro/ / yang na 'jig rten thams cad so sor bsgral bar 'tshal ba 'am/ thams cad dbang du gyur nas gzhag par 'tshal lam/ thams cad sems can dmyal ba 'am/ dud 'gro'i skye gnas sam/ gshin rje'i 'jig rten las thar bar bgyid par 'tshal lam/ don yod ye shes bkod pa zhes bgyi ba'i ting nge 'dzin thob par 'tshal lam/ rnam par grol ba'i dkyil 'khor sgrub par 'tshal lam/  don yod pa'i zhags pa'i snying po'i cho ga zhib mo sgrub par 'tshal na/ rig sngags 'chang des gzugs brnyan so so ba bzhin du 'phags pa spyan ras gzigs dbang phyug don yod pa'i gzugs su bgyis te/  ral pa'i thor zhugs dang / ri dgas e n+ya ya'i pags pas brgyan pa/ phyugs bdag gi cha lugs 'chang ba/ rgyan thams cad kyis brgyan pa/ skyil mo krung ngam 'greng ba/ drung na nor babang pus mogs pa phab pa/ g.yon na khro bo'i rgyal po gdong gyen du lta ba khro bo'i gzugs lag pa drug pa/ 'od dpag med kyi dbu rgyan thogs pa/ rgyan thams cad kyis klubs pa/ thams cad ring bsrel dang bcas par bgyi ste/ ri'i steng gi pad+ma'i stan la mchis par bgyi'o// gtsang mas gos gtsang ma bgos te/ dus gsum du khrus bgyis nas nyin zhag gcig mchis te/ rig sngags 'chang gis pa'i rnam lngas nye reg bgyi'o/ / chab dang yungs kar gyis dbang bskur bas dbang bskur bar bgyi'o// snying rje chen pos gdungs pa'i snying gis blta bar bgyi'o// gal te 'di lta bu'i cho gas mi bgyid na bklags pa tsam gyi mod la'ang 'grub par 'gyur na/ bzlas brjod kyi las kyi tsho gas lha mos kyang ci 'tshal/ yang rig sngags 'chang gang zhig gang+gA'i klung gi bye ma phrag brgyad bcu rtsa brgyad kyi bye ma dang mnyam pa'i de bzhin gshegs pa dgra bcom pa yang dag par rdzogs pa'i sangs rgyas la mchod par 'tshal lam/ lta bar 'tshal lam/ dge ba'i rtsa ba rgya chen po bskyed par 'tshal lam/ sems can thams cad dge ba'i rtsa ba la rab tu gzhag par 'tshal lam/ thams cad kyi sgrib pa rnam par dag par bgyi bar 'tshal na/ rig sngags 'chang des dge slong pha 'am/ dge slong ma 'am/ dge bsnyen pa 'am/ dge bsnyen ma 'am/ rgyal po 'am/ btsun mo 'am/ gzhan su'ang rung bas thams cad cho ga 'di bzhin bgyis te/ des ci 'byor pa'i gser las 'phags pa spyan ras gzigs/  dbang phyug don yod pa'i zhags pa'i gzugs brnyan bgyi'o// de nas kha shar phyogs su bstan te bzhag la/ gur kum gyi dkyil 'khor bgyis te/ gru bzhi cha 'byes par li khris thig gdab par bgyi'o/ / dkyil 'khor dbus su pad+ma'i 'phreng ba bgyi'o// pad+ma'i 'phreng ba'i dbus su ril ba spyi blugs dang bgrang 'phreng gzhag par bgyi'o// me tog sna tshogs kyis mdzes par bgyi'o// spos chab kyis bkang ba'i bum pa me tog ci 'byor pas legs par brgyan pa bzhi gzhag par bgyi'o/ / mchod yon gyi snod lnga gzhag par bgyi'o// pog por lnga las a ka ru'i bdug pas bdug par bgyi'o/ / dris bsgos pa'i mar me bcu drug spar bar bgyi'o// 'phags pa spyan ras gzigs dbang phyug la mchod par bgyi'o// me tog dang / bdug pa dang / dri dang / 'phreng ba dbul bar bgyi'o//  'jig rten dbang phyug gi mdun du skyil mo krung bcas te mchis nas don yod zhags pa'i phyag rgya bcings te/ bdag nyid la dbang bskur bar bgyi'o// khro bo'i rgyal po lan cig bzlas par bgyi'o//  de bzhin gshegs pa thams cad la dmigs pa yid la bgyis nas phyogs bcur yid kyis mchod cing phyag bgyi'o// bzlas brjod kyi phyag rgya bcings te bzlas brjod bgyi'o// bzlas brjod brgya rtsa brgyad bgyis pa dang sa chen po g.yos par 'gyur ro/ / bdag nyid dga' bar gyur nas 'bar bar mthong ngo // de bzhin gshegs pa de dag thams cad kyang zhal mngon sum du ston pa nye bar ston par/  'gyur ro// 'phags pa spyan ras gzigs dbang phyug gi ral pa'i gseb 'bar bar gyur nas legs so zhes bgyi ba'i sgra 'byung bar 'gyur ro// lan brgya rtsa brgyad lan gnyis bzlas brjod bgyis na grub pa chen po'i rtags ston par 'gyur ro/ / 'phags pa spyan ras gzigs dbang phyug gis phyag brkyang nas rig sngags 'chang gi spyi bor 'jog par 'gyur ro// de bzhin gshegs pa thams cad gzigs pa zhes bgyi ba'i ting nge 'dzin 'thob par 'gyur ro/ / don yon zhags pa grub pa'i rig sngags 'chang bar 'gyur ro// nyi ma'i rtse na de bzhin gshegs pa de dag kyang mthong bar gyur nas sangs rgyas kyi zhing thams cad ston par 'gyur ro/ / de bzhin gshegs pa thams cad kyi dge ba'i rtsa ba dang ldan par 'gyur ro// brgya rtsa brgyad pa lan gsum bzlas na 'phags pa spyan ras gzigs dbang phyug gi gzugs skya rengs 'char ka'i dus su mdun du mchis nas pad+ma dri ma med pa zhes bgyi ba'i zhags pa stsol bar 'gyur ro/ / grub pa thams cad stsol bar 'gyur ro// rgyal ba 'od dpag med kyang legs so zhes bgyi ba stsol bar 'gyur ro/ / gang su'ang rung bas 'phags pa spyan ras gzigs dbang phyug gi gzugs mthong na de ni de bzhin gshegs pa drug khri bzhi stong la dge ba'i rtsa ba bskyed par 'gyur ro/ / de la lha thams cad dang tshangs pa la sogs te/ dbang phyug dang dbang phyug chen po'i lha'i bu rnams rtag tu lta 'tshal bar 'gyur ro// nad thams cad dang bral bar 'gyur ro/ / mchog thams cad yongs su rdzogs nas rtag tu rjes su 'brang zhing srung ba dang / skyob pa dang / sbed pa bgyid par 'gyur ro// sdig pa thams cad dang bral bar 'gyur ro//  / 'phags pa don yod pa'i zhags pa'i cho ga zhib mo'i rgyal po bam po brgyad pa// / des ci 'byor pa'i gser la 'phags pa spyan ras gzigs dbang phyug don yod pa'i zhags pa byas la/ de nas zhal shar phyogs su bstan te bzhag la gur kum gyi dkyil 'khor gru bzhi pa legs par 'byes pa byas te/ li khris thig btab la dkyil 'khor gyi dbus su pad+ma bri/ pad+ma'i dbus su ril ba bring ka ra dang / bgrang 'phreng bri/ me tog sna tshogs bkram la bum pa spos chus bkang la/ me tog ci 'byor pas legs par brgyan pa bzhi gzhag/ mchod yon gyi snod lnga gzhag par bya zhing / pog por lnga nas a ka ru'i bdug pas bdug par bya'o/ / spos sna bcu drug dang ldan pa'i til mar gyi mar me bldam ste/ 'phags pa spyan ras gzigs dbang phyug la mchod pa bya zhing / me tog dang / bdug pa dang / dri dang /  'phreng ba dag kyang dbul bar bya'o// 'jig rten dbang phyug la mngon du phyogs te/ skyil mo krung bcas la don yod pa'i zhags pa'i phyag rgya bcings la bdag nyid la dbang bskur ro// khro bo'i rgyal po lan gcig bzlas la phyogs bcu'i de bzhin gshegs pa thams cad yid la byas te/ yid kyis phyag byas la lus kyis kyang phyag byas te/ bzlas brjod kyi phyag rgya bcings la bzlas brjod bya'o// brgya rtsa brgyad bzlas pas sa chen po g.yo bar gyur zhing bdag nyid snying dga' la 'bar bar snang ngo / / de bzhin gshegs pa de dag thams cad zhal nye bar ston par mdzad do// 'phags pa spyan ras gzigs dbang phyug gi dbu ral pa'i gseb 'bar zhing legs so zhes bya ba'i sgra 'byung ngo / / brgya rtsa brgyad bzlas pa gnyis pas ni dngos grub chen po'i mtshan ma ston to// 'phags pa spyan ras gzigs dbang phyug gis phyag brkyang ste/ rig sngags 'chang gi mgo bo'i spyi bor 'jog par 'gyur ro/ / de bzhin gshegs pa thams cad la rnam par lta ba zhes bya ba'i ting nge 'dzin 'thob par 'gyur ro// rig sngags 'chang la don yod pa'i zhags pa 'grub par 'gyur ro//  tho rangs de bzhin gshegs pa de dag zhal ston par 'gyur ro// sangs rgyas kyi zhing thams cad ston par 'gyur ro// de bzhin gshegs pa thams cad kyi dge ba'i rtsa ba dang ldan par 'gyur ro// bzlas brjod brgya rtsa brgyad gsum pas ni skya rengs shar ba'i dus kyi tshe 'phags pa spyan ras gzigs dbang phyug rang gi gzugs kyis mdun na bzhugs te/ pad+ma'i dri ma med pa zhes bya ba'i zhags pa sbyin par mdzad cing / dngos grub thams cad sbyin par mdzad do/ / rgyal ba 'od dpag med legs so zhes bya ba sbyin par mdzad do// gang la 'phags pa spyan ras gzigs dbang phyug gi skur bstan pa ste/ de bzhin gshegs pa stong phrag drug cu rtsa bzhi la dge ba'i rtsa ba bskrun par 'gyur ro/ / lha thams cad dang / tshangs pa la sogs pa dbang phyug dang / dbang phyug chen po dang / lha'i bu rnams rtag tu lus ston 'dod par//  'gyur ro// nad thams cad dang bral bar 'gyur ba dang / mchog thams cad yongs su rdzogs pa dang / rtag tu phyi bzhin 'brang zhing srung ba dang / skyab pa dang / sba bar byed par 'gyur ro// sdig pa thams cad dang bral bar 'gyur ro/ / de nas dngul las 'phags pa spyan ras gzigs dbang phyug don yod pa'i zhags pa'i gzugs snga ma bzhin du byas pa la/ tsan dan dkar po'i dkyil 'khor du tsan dan dkar po'i dri chab kyis bkang ba gzhag par bya zhing mchod yon gyi snod lnga gzhag par bgyi'o/ / me tog sna tshogs bkram zhing tsan dan dkar po'i bdug spos kyis bdugs te/ 'phags pa spyan ras gzigs dbang phyug la mchod par bgyi'o/ / dri sna bzhi bcu rtsa gnyis dang ldan pa'i til mar gyi mar me bltam par bya zhing / bdug spos kyi snod bzhi bcu gzhag par bgyi'o// khro bo'i rgyal po lan nyi shu rtsa gcig bzlas brjod byas la rig sngags 'chang gtsang mas gos gtsang ma bgos te/ don yod pa'i zhags pa'i phyag rgya lan bdun bcing ngo // bzlas brjod kyi phyag rgya byas te/ skyil mo krung du 'dug la lag pa g.yon pa'i 'dzub mo brkyang ba pad+ma'i tshul du byas la bzlas brjod lan brgya rtsa brgyad bya'o/ / lan brgya rtsa brgyad tshang ba dang / shar phyogs nas legs so zhes bya ba'i sgra grag par 'gyur zhing bdag nyid dga' bar snang ngo // rgyal po dang /  blon po dang / btsun mo'i 'khor dang bcas pa dbang du 'gyur te/ ming brjod pas dpag tshad stong nas 'ong bar 'gyur ro// thams cad bgyi ba ci mchis zhes bran bzhin du 'gyur ro// gang bsgo ba de byed par 'gyur ro/ / de nyid bla mar 'gyur zhing cher mchod par 'gyur ro// brgya rtsa brgyad lan gnyis bzlas pas brgya byin dang / tshangs pa dang / khyab 'jug dang / dbang phyug chen po dang / gshin rje dang /  chu lha dang / rlung lnga la sogs pa dbang du 'gyur zhing bsgo ba bzhin byed par 'gyur ro// gang bsgo ba byed par 'gyur ro// rgyal po bzhi 'khor gnod sbyin dang srin po'i tshogs dang bcas pa rnams dbang du 'gyur ro/ / brgya rtsa brgyad lan gsum bzlas pas nyi ma dang zla ba nam mkha' las 'bab cing mdun na 'dug par 'gyur ro// mtshan mo'i lha dang nam mkha'i lha 'ongs nas mdun na 'dug par 'gyur zhing dbang du 'gyur ro/ / thams cad ci bgyi zhes pa'i bya ba byed cing 'dug par 'gyur ro// brgya rtsa brgyad lan bzhi bzlas pas klu thams cad dbang du byas par 'gyur te/ rgya mtsho'i klu'i rgyal po dga' bo dang nye dga' bo la sogs pa'i bar thams cad dbang du byas par 'gyur ro/ / zangs las byas pa'i 'phags pa spyan ras gzigs dbang phyug don yod pa'i zhags pa la tsan dan dmar po'i dkyil 'khor byas / me tog dmar po bkram la bdug spos kyi snod bzhi nas bdug par bya zhing mar gyi mar me lnga bcu rtsa gnyis bltam par bya'o// mchod yon gyi snod bzhi bzhag la 'phags pa spyan ras gzigs dbang phyug la mchod pa bya'o/ / khro bo'i rgyal po lan nyi shu rtsa gcig rjes su dran par bya'o// don yod pa'i zhags pa'i phyag rgya lan nyi shu rtsa gcig bcing bar bgyi'o// ras la bris pa'i sku gzugs kyi spyan sngar skyil mo krung du 'dug ste/ sems can thams cad la dmigs pas de bzhin gshegs pa thams cad yid la bya'o// phyogs bzhir byams pa'i lta bas blta bar bya'o//  sems can dmyal ba dang / gshin rje'i 'jig rten dang / lha ma yin dang / yi dag kyi yul thams cad yid la bya'o// sems can dmyal ba chen po brgyad yid la bya zhing snying rje'i sems kyis blta bar bya'o/ / bzlas brjod kyi phyag rgya pad+ma'i tshul du bcings te bzlas brjod bya'o// brgya rtsa brgyad tshang ba dang phyogs bzhir g.yo zhing sgra grag par 'gyur la/ dmyal ba'i sems can de dag thams cad yongs su grol bar 'gyur ro/ / dmyal ba'i sgo thams cad bcad par 'gyur zhing bcom pa dang thal bar brlag par 'gyur ro// dmyal ba'i sems can de dag bde 'gror 'gro bar 'gyur ro// bdag nyid kyang byang chub kyi mthar thug gi bar du dmyal ba'i sdug bsngal gyi tshor ba thams cad las yongs su grol bar 'gyur ro/ / lus kyang mtshan bzang pos brgyan par 'gyur zhing / sems can gang dag gis mthong ba de dag thams cad phyir mi ldog par 'gyur ro/ / brgya rtsa brgyad lan gnyis bzlas brjod byas pas ni sa'i 'og gi sems can mun gnag pa snang ba dang bral ba de dag don yod pa'i zhags pa'i snying po'i mthus mun gnag dang bral bar 'gyur zhing 'od zer 'byung bar 'gyur ro/ / yongs su grol ba'i sems can de dag 'phags pa spyan ras gzigs dbang phyug gi gnas su rdzus te skye bar 'gyur zhing dga' ba dang 'chi ba spang bar 'gyur ro/ / byang chub kyi mthar thug gi bar du kun nas mthu 'phags pa dri ma med pa zhes bya ba'i ting nge 'dzin 'thob par 'gyur zhing tshe bskal pa thub par 'gyur ro// shi nas bde ba can gyi 'jig rten gyi khams su skye bar 'gyur ro/ / byang chub kyi mthar thug gi bar du de nyid kyi zhab kyi drung na gnas par 'gyur zhing mya ngan thams cad dang bral bar 'gyur ro// tsan dan dkar po dang / gla rtsi dang / ga bur dang / spos kyi rigs sna tshogs gzhan dag phye ma zhib mor byas te/ yang legs par btags la kun du ru ka dang / sra rtsi pog dang / gan d+ha ra sa dang / chu dang lhan cig/  sbyar te/ sha kha ra btab la legs par btags pa las 'phags pa spyan ras gzigs dbang phyug don yod pa'i zhags pa sor bzhi pa'i tshad du byas te rgyan thams cad kyis brgyan pa ral pa'i / thor tsugs dang / e n+ya ya'i pags pas bzhag pa/ phyugs bdag gi tshe lugs 'dzin pa/ phyag bzhi gcig na pad+ma thogs/ gnyis pa zhags pa thogs/ gsum pa gsal shing thogs/ bzhi pa dbugs 'byin pa/ gdan pad+ma/ 'od kyi dkyil 'khor 'dom gang gis brgyan par bya ste/ g.yas su 'phags ma sgrol ma/ g.yon du dri med 'gro bya'o// 'jig rten dbang phyug gi 'og tu ni khro bo'i rgyal po'o/ / gong du ni 'od dpag med do// de nas rig sngags 'chang gtsang mas gos gtsang ma bgos te/ dus gsum du khrus bya zhing gos sum phrugs bgos la tshes brgyad nas/ tshes bco lnga'i bar du dus gsum du bzlas brjod brgya rtsa brgyad bya'o// spos sna tshogs kyi dkyil 'khor byug par bya zhing tshon sna lngas bri bar bya ste/ dkyil 'khor gyi dbus su don yod pa'i zhags pa dang /  rig sngags kyi lha pus mo gcugs te gyen du lta ba bri bar bya'o// grwa bzhir dbang phyug dang / dbang phyug chen po dang / gshin rje dang / chu lha bri bar bya'o// sgo bzhi'i cha 'byes par bya'o// dkyil 'khor khor lug tupad+ma bri bar bya'o/ / grwa bzhir spos kyis bkang ba gzhag go// sgo bzhir dri dang / gtor ma dang / bum pa gang ba bzhag go// dkar gsum gyi gtor ma dang mchod yon gyi snod brgyad bzhag go// me tog sna tshogs dgram par bya zhing a ka ru dang tsan dan gyi bdug pa dbul bar bya'o/ / spos sna brgya nyi shu rtsa brgyad dang ldan pa'i til mar gyi mar me bltam par bya/ 'phan gdugs bzang po sna tshogs kyis legs par brgyan par bya ste/ byang chub sems dpa' 'phags pa spyan ras gzigs dbang phyug dkyil 'khor du zhal shar phyogs su bstan pa bzhag la mchod pa bya'o// ras kyi tshen srud sna lnga pa/ srid du khru bcu drug pa/ thor to gcig tu gser gyi yang mig/ thor to gcig tu mu tig gi chun kor btags te/ sbrul 'khyil ba bzhin du bskyil la dkyil 'khor gyi dbus su bzhag ste/ gtsang mas gos gtsang ma g.yog par bya'o//  rig sngags 'chang dkyil 'khor la mngon du phyogs te/ skyil mo krung du 'dug la don yod pa'i zhags pa'i phyag rgya lan sum cu rtsa gnyis bcing ba byas la bdag srung ngo // khro bo'i rgyal po lan brgya rtsa brgyad bzlas par byas la/ dkyil 'khor bcing ba dang phyogs bcing ba'ang bya'o// de nas rig sngags 'chang gis bzhin 'dzum gyis rgyas par byas la bzlas brjod kyi phyag rgya bcings te/ mi smra bar yungs kar 'bru re re nas bzlas brjod stong rtsa brgyad brjod nas ras kyi srad bu'i steng du gtor bar bya ste/ stong rtsa brgyad tshang ba dang / ras kyi srad bu de 'bar bar 'gyur zhing / 'od zer sna tshogs 'byung bar 'gyur ro//  legs so zhes bya ba'i sgra 'byung bar 'gyur te/ rig sngags 'chang legs so legs so// khyod kyis don yod pa'i zhags pa grub kyis long la dgos pa thams cad byos shig/ khyod kyis yid bzhin gyi nor bu chen po gnyis don yod pa'i zhags pa pad+ma grub pas/ 'jig rten pa dang 'jig rten las 'das pa'i dgos pa thams cad sgrub par 'gyur ro// 'phags pa spyan ras gzigs dbang phyug de'ang 'bar bar 'gyur ro/ / 'jig rten dbang phyug gi sku las spos kyi sprin chen 'byung bar 'gyur te/ spos des dpag tshad drug tsam du khyab par byed do// gang la dri mnam pa tsam gyis nad thams cad dang bral bar 'gyur//  sdig pa thams cad dang bral bar 'gyur/ sdug bsngal gyi sgrib pa thams cad dang / byang dang / dug dang / dbyig dug dang / phye ma'i sbyor ba rnams 'jig par 'gyur ro// lus thams cad dri ma med par 'gyur ro/ / sems can thams cad kyang rjes su 'brang bar 'gyur ro// de nas rig sngags 'chang gis yid bzhin gyi nor bu'i zhags pa de blangs la zangs kyi gab tshe bzang po'i nang du bcug ste/ 'phags pa spyan ras gzigs dbang phyug gi zhabs drung du gzhag par bya'o// nam dgos pa byung ba'i tshe gtsang mas khrus legs par byas te blang bar bya zhing dgos par bya'o// nyin re bzhin dus gsum du mchod par bya'o/ / rig sngags 'chang de'ang nam mkha' la 'gro bar 'gyur zhing lus yongs su dag par sngon gyi rig sngags 'chang rnams dang lhan cig rtse zhing thams cad dbang du 'gyur ro/ / tshe lo stong thub par 'gyur te/ shi nas bde ba can gyi 'jig rten gyi khams su skal ba mnyam pa rnams kyi nang du pad+ma'i snying po la rdzus te skye bar 'gyur ro// rig sngags 'chang thams cad kyi 'khor los sgyur bar 'gyur ro/ / byang chub kyi snying po la mthar thug gi bar du tshe bskal pa brgya phrag stong thub par 'gyur ro// 'phags pa spyan ras gzigs dbang phyug de'ang gang gis mthong ba tsam gyis mtshams med pa lnga la sogs pa zad par 'gyur ro/ / sna ma'i me tog la lan brgya rtsa brgyad bzlas la/ 'phags pa spyan ras gzigs dbang phyug la re re nas dbul bar bya ste/ brgya rtsa brgyad tshang ba dang / rgyal po dang / blon po dang / btsun mo'i 'khor dang bcas pa dbang du 'gyur te/ rang nyid nor dang bcas/ dbyig dang bcas/ 'bru dang bcas/ bran pho dang bcas/ bran mo dang bcas te las byed par 'gyur ro/ / sna ma'i me tog rnying pa de bsdus la/ gla rtsi dang / pri yang ku dang / rgya spos dang / ru rta dang / gur kum dang / spang spos dang / sA ma ka dang / sprig ka dang / na la da dang / bo la dang / yungs kar rnams zhib tu btags pa'i phye ma char pa'i chu dang sbyar ba'i ril bu ni dug med par byed pa'i mchog pad+ma zhes bya ste/ thog mar grags pa dang dpal du byed/ nad thams cad sel ba dang rims nad thams cad nye bar sel bar byed do// brtsog shu dang / 'bras dang / me dpal dang / rkang shu dang / phol mig dang / lhog pa dang / de thams cad la ni bskus na bde bar zhi bar 'gyur ro zhes gsung ngo / / nad de dag thams cad la khrus byas na sdig pa sel to zhes thub pas gsung ngo // tshe sbyin par byed/ rgyal po dag yul sbyin par byed do//  thig le byas te g.yul ngor song na thams cad las rtag tu rgyal ba dang / bud med rnams dga' ba dang / dbang du 'gyur bar byed pa'i mchog yin no// byang 'joms shing dug dang / dbyig dang /  phye ma'i dug dang / gsang sngags kyi sbyor ba byas pa dag kyang de bzhin no// zas za ba dang khrus byed pa ni thig le'i byug pa rtag tu byas na de thams cad las 'gro ba rnams bde bar thar par 'gyur / / zhes 'jig rten dbang phyug gsung ngo // klad pa'i nang mi bzad pa la ni byug par bya'o// mig na ba la ni mig sman gyi thur mas so// so na ba la ni khar mur ro// ljo na pa la ni chu dron dang ngo //  rtsib logs na ba la ni mar dang byug go/ yan lag dang nyin lag na ba la ni bsku bar bya'o// dbang du bya ba la ni lag mthil la bskubs so// nad tshabs po che la ni bsku mnye dang khrus bya'o/ / gnod sbyin gyi gdon bsal ba la ni sna nas gtang ba'i las bya'o// bdug pas ni gdon thams cad las rnam par grol bar 'gyur ro// rgyas thebs pa rnams la ni 'tshogs mar thig le bya'o/ / snying na ba la ni chu dron dang lan tshwa bsres pa'o// khyim zhi bar bya ba la ni 'bras yos dang gsum sbyar bas zhi ba chen por 'gyur ro// thams cad du lan nyi shu rtsa gcig bzlas nas so//  'thab pa dang / 'thab mo dang / rtsod pa dang / 'gyed pa rnams la ni ba lang gi lci bas dkyil 'khor byas la me tog bkram ste/ dri nus bkang ba bzhi gzhag cing 'o mas bkang ba bzhi dang / mchod yon gyi snod bzhi dang / pog por bzhi gzhag ste/ a ka ru dang du ru kas bdug go/ gu gul la lan nyi shu rtsa gcig bzlas te bdug par bya'o// 'phags pa spyan ras gzigs dbang phyug la dri chab kyis mchod par bya'o/ / khro bo'i rgyal po yungs kar la lan brgya rtsa brgyad bzlas te phyogs bzhir gtor bar bya'o// don yod pa'i zhags pa'i snying po lan dgu bcu rtsa gcig bzlas na 'thab pa dang / 'thab mo dang / rtsod pa dang / 'gyed pa rnams la smra ba'i mchog tu 'gyur ro// g.yul 'gyed pa las rgyal bar 'gyur ro// rang gi dpung dang gzhan gyi dpung yan lag bzhi pa thams cad / las rgyal bar 'gyur ro// gal te brgya byin rang dang lha ma yin lhan cig pas kyang ma yin na/ mi rnams kyis lta ci smos/ brgya byin dgug par 'dod na pad+ma la lan brgya rtsa brgyad bzlas te brgya byin gyi ming nas brjod la/ 'phags pa spyan ras gzigs dbang phyug la re re nas dbul bar bya zhing dri chab kyang dbul lo// gu gul dang / mar dang / yungs kar la lan brgya rtsa brgyad bzlas te/ shing arka'i me s+phaspar la tshes bcu bzhi la sbyin sreg bya'o/ / bzlas brjod kyi cho ga rdzogs pa dang / brgya byin lha'i dbang po dpung dang bzhon par bcas pa 'ongs nas mdun du 'dug ste/ bsgo ba bzhin byed cing thams cad dbang du 'gyur ro/ / brgya byin gyi go 'phang ma gtogs pa gang bslangs pa de sbyin par byed de/ de ni sems mi zad do// tshangs pa rdog pas mnan te lan brgya rtsa brgyad bzlas na/ brgya rtsa brgyad tshang ba dang tshangs pa rang gi gzugs kyis mdun du 'dug ste mchog thams cad sbyin par byed do/ / yid la ci 'dod pa sgrub par byed do// gu gul la lan dgu bcu bzlas te khyab 'jug la bdug cing chu dang yungs kar la lan nyi shu rtsa gcig bzlas te spyi bor gtor na/ khyab 'jug rang gi gzugs kyis mdun na 'dug cing las thams cad byed par 'gyur ro// gzugs sna tshogs kyi bar du ston to// hi ran n+ya ka shi bu la'ang sbyin par byed cing khyab 'jug chen po'i stobs kyi shugs dang ldan par 'gyur ro/ / dbang phyug chen po'i zhal mthong bar 'dod na rna ba g.yas par lan brgya rtsa brgyad bzlas te/ yungs kar la lam nyi shu rtsa gcig bzlas nas spyi bor gtor ro// gu gul gyi bdug pas bdug cing arga'i chu la lan bdun bzlas te dbul bar bya'o/ / de nas dbang phyug chen po'i gzugs 'gul bar 'gyur zhing legs so zhes bya ba'i sgra 'byung ngo // de nas dbang phyug chen po rang gi gzugs kyis mdun na 'dug par 'gyur zhing / rang gi tshogs kyi 'khor dang bcas pa thams cad dbang du 'gyur ro// 'dod pa'i mchog thams cad sbyin par byed do// mchog gang 'dod pa thams cad sbyin par byed do/ / nag po chen po dgug par 'dod pa gu gul la lan brgya rtsa brgyad bzlas te/ khrag dang chang dbul bar bya zhing yungs kar la lan nyi shu rtsa gcig bzlas nas nag po chen po'i steng du gtor na khug par 'gyur te/ bran bzhin du las thams cad byed par 'gyur zhing gar mngags pa der 'gro bar 'gyur ro// 'khor gyi tshogs dang bcas pa dbang du 'gyur ro// gnod sbyin gyi gnas thams cad kyi sgo bya bar 'gyur zhing gang 'dod pa byed do/ / thams cad byams par 'gyur zhing las thams cad byed par 'gyur ro// mi smra bar mtshan mo'i dus 'tshams gsum du lan nyi shu rtsa re re bzlas na mtshan mo'i lha 'khor gyi tshogs dang bcas pa dang / mtshan mo rgyu ba dang / nyin par rgyu ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad dbang du 'gyur te/ las thams cad byed par 'gyur ro// thams cad rang gi gzugs kyis rtag tu mdun na nye bar gnas so// mtshan mo longs spyad par gnal med khang thams cad sbyin byed do/ / gtsang mas gos gtsang ma bgos te/ khrus legs par byas nas bden par smra zhing byams pa'i sems nye bar bzhag nas/ sems can thams cad la rtag tu brtse ba dang snying rje chen pos lhag par dmigs te bzlas brjod rtag tu bya'o/ / bzlas brjod kyi cho ga rim par phye ba'o// / de nas rtag tu las thams cad byed pa/ dge ba/ zhi ba/ rgyas pa/ drag shul spyod pa/ srung ba/ nang thams cad sel ba/ byad 'jig pa/ dbang du byed pa/ sbyin sreg gi cho ga bshad par bya'o// khyim srung bar 'dod pas arka'i yam sreg shing dang / pad+ma dang / yungs mar bsres pa las sbyin sreg brgya rtsa brgyad byas te/ don yod pa'i zhags pa'i snying po lan brgya rtsa brgyad bzlas brjod byas la/ khro bo'i rgyal po lan bdun bzlas brjod byas na khyim chen po bsrungs par 'gyur ro// 'thab pa dang / rtsod pa dang / khrag khrug thams cad dang / phyir rgol ba dang / mi mdza' ba thams cad dang / rims thams cad dang / yams kyi nad dang / nad 'go ba thams cad dang / gdon thams cad dang / mu ge'i dgon pa dang / mi ngas dang /  mi ngas chen po dang / skyes pa dang / bud med dang / khye'u dang / bu mo'i mi ngas thams cad zhi bar 'gyur ro// lha thams cad kyang srung ba dang / skyab pa dang / sba ba byed par 'gyur ro// dbang phyug dang dbang phyug chen po'ang rtag tu phyi bzhin 'brang bar 'gyur ro/ / 'phag pa spyan ras gzig dbang phyug kyang rtag tu rgyun mi 'chad par sku ston bzhed par 'gyur ro// sbyin sreg gi mar dang / yungs kar dang / gu gul gyi sbyin sreg stong rtsa brgyad byas na yul dang / yul 'khor dang / grong khyer dang / yul gru dang / ri khrod dang / ljongs rnams zhi ba chen por 'gyur ro// 'phags pa spyan ras gzigs dbang phyuphyag gi spyan sngar zla ba nyal me tog dkar po dang / gan d+ha pri yang ku dang / rgya spos rnams yungs mar dang bsres te sbyin sreg stong rtsa brgyad byas na/ rgyal po dang / blon po dang / btsun mo'i 'khor dang bcas pa dang / yul gru dang / grong khyer dang / grong rdal dang / ljongs dang / rta dang / glang po che dang / ba lang dang / ma he rnams dbang du 'gyur ro// shing a pa marga'i yam sreg shing zho dang / sbrang rtsi dang / mar bsres pa dang / me tog dkar po rnams la lan brgya rtsa brgyad sbyin srog byas na yul gru stong thob par 'gyur ro// 'phags pa spyan ras gzigs dbang phyug gi spyan sngar zho dang / sbrang rtsi dang / mar bsres pa dang / pad+ma'i sdong po'i yam sreg shing rnams las brgya rtsa brgyad sbyin sreg byas na mtshan mo zad pa dang di na ra brgyad brgya 'thob par 'gyur ro// me tog ku mu da dang / pad+ma sdong bu dang / rtsa ba dang 'dab mar bcas pa dang / yungs kar bsres te shing seng ldeng gi me s+pha ra la sbyin sreg brgya rtsa brgyad byas na log 'dren thams cad las yongs su grol bar 'gyur ro// zla ba yar gyi ngo tshas brgyad la smyung ba byas te/ gtsang mas khrus legs par byas la/ gos dkar po bgos te tsan dan dang / bri yang ku'i shing dang / 'bras yos dang / mar dang / yungs kar bsres pa'i sbyir sreg stong rtsa brgyang byas mamatha phyed kyi dus su gnod sbyin mo 'ongs nas song lta sdong sbyin par 'gyur ro/ / zla ba mar gyi ngo ches bcu bzhi la nyin nag gcig spung ba byas te/ rgya mtshor 'gro ba'i chu klung gi 'gram du song la shing bil ba'i me sbar/  te/ bil ba'i me tog dang / mar dang / sbrang rtsi bsres pa stong rtsa brgyad sbyin sreg byas na de'i 'og tu gnod sbyin mo rgyan thams cad kyis brgyan pa 'ong bar 'gyur ro// nam phyed na rin po che'i ba ma tog thogs nas 'ong bar 'gyur te/ rig sngags 'chang des blang bar bya'o// gdong du mig blta bar mi bya'o// yang brgya rtsa brgyad bzlas brjod byas pa dang / rkang pa'i drung du sdong bor nas btung de rig sngags 'chang 'gum mo zhes zer ro/ / de nas rig sngags 'chang gis khro bo'i rgyal po lan nyi shu rtsa gcig bzlas brjod bya'o// de nas gang gi tshe dgos pa byung ba de'i tshe nam phyed na lan brgya rtsa brgyad bzlas brjod byas na gnod sbyin mo 'ong bar 'gyur te/ dgos pa thams cad byed cing bran bzhin du las thams cad byed par 'gyur ro// zla ba mar gyi ngo'i tshes bcu bzhi la gang na gter yod pa der song ste/ stong rtsa brgyad bzlas brjod byas la gtor ma'i cho ga yang gzhag par bya zhing / 'phags pa don yod pa'i zhags pa la mchod pa byas la sna ma'i me tog dang / pad+ma'i 'dab ma dang / yungs kar dang / mar bsres pa rnams las sbyin sreg stong rtsa brgyad byas te/ chu dang yungs kar lan nyi shu rtsa gcig bzlas brjod byas nas sa la brdabs na de'i 'og tu gter thams cad 'byung bar 'gyur te blangs la/ dkon mchog gsum gyi sku bskal dbul bar bya zhing lhag ma rang gis blang bar bya'o/ / ba ru ra'i shing gi me spar la til dang / 'bras so ba dang / mar bsres pa la sbyin sreg sdong rtsa brgyad byas/  cha rgyal po btsun mo'i 'khor dang bcas pa dang / dpung gi tshogs yan lag bzhi dang bcas pa dang / nor dang 'bru dang bcas pa dang / dbyig dang gser dang bcas pa dbang du 'gyur te/ ji srid 'tshol bar du gnas par 'gyur ro/ / yungs kar dkar po dang / tsam pa ka'i me tog dang / pad+ma'i yam sreg shing dang / sbrang rtsi dang / mar bsres pa'i sbyin sreg stong rtsa brgyad byas na yul thams cad dbang du 'gyur zhing / bud med dang / skyes pa dang / khye'u dang / bu mo dbang du 'gyur ro// 'bras phub lan tshwa dang ldan pa las lan dgu bcu rtsa gcig sbyin sreg byas na rigs bzhi'i 'jig rten dbang du 'gyur ro/ / a ga ti'i shing gis me sbar la sbrang rtsi dang mar bsres pa dang / arka'i me tog las sbyin sreg brgya rtsa brgyad byas la/ 'phags pa spyan ras gzigs dbang phyug la mchod pa byas na nyin re zhing di na ra brgya 'thob par 'gyur ro/ / pa la sha'i yam sreg shing dang 'bras yos las sbyin srog stong rtsa brgyad byas na gser brgya phrag stong 'thob par 'gyur te/ dkon mchog gsum la mchod pa bya zhing bgo bsha' byas na yang 'byung bar 'gyur ro/ / tshes bco lnga zla ba nya la smyung ba byas te/ rgya mtshor 'bab pa'i chu klung ngam/ chu klung chen po'i nang rked pa nub tsam du zhugs te/ lan brgya rtsa brgyad bzlas brjod byas la/ yungs kar la lan nyi shu rtsa gcig bzlas nas khros pas chu klung de la brdab par bya'o// de nas chu'i nang nas bu mo zhig byung nas rin po che mang po dag sbyin par byed de blangs la/  phyed kyis dkon mchog gsum mchod par bya zhing / 'phags pa spyan ras gzigs dbang phyug la yang mchod par bya'o// tshes bco lnga zla ba nya la spyang ba byas te/ nam phyed na bcom ldan 'das 'phags pa spyan ras gzigs dbang phyug la mchod pa byas nas a pa marga'i yam sreg shing dang / sbrang rtsi dang / mar dang / sra rtsi pog bsres pa la lan brgya rtsa brgyad bzlas brjod byas la/ rang gi ming gis sprin sreg stong byas na sdig pa'i sgrib pa thams cad las grol bar 'gyur zhing / nad thams cad dang gnod pa thams cad las grol bar 'gyur ro// phyir rgol ba thams cad dang mi mdza' ba thams cad 'jigs par 'gyur ro/ / shing arga dang / til dang / yungs kar dang / gu gul dang / mar bsres pa las sbyin sreg byas na zhi ba chen por 'gyur ro// 'bras yos dang / 'o ma dang / mar dang / yungs kar dang / tsan dan dkar po bsres pa las sbyin sreg brgya rtsa brgyad byas na rgyas pa dang mchog tu dge bar 'gyur ro// tshes bcu bzhi la ka ra wI ra'i me tog dang / lan tshwa sna bdun bsres pa dang /  shing tsher ma can gyi yam sreg shing yungs mar la bsres pas drag shul spyod pa bya'o// char mi 'bab pa'i tshe pad+ma dang / tsan dan dang / yungs kar dang / mar bsres pa la lan nyi shu rtsa gcig bzlas te/ sbyin sreg brgya rtsa brgyad byas na khro bo'i gsang sngags lan bdun bzlas na ji srid 'dod pa de srid du char gyi rgyun chen po 'bab par 'gyur ro// thal ba de blangs la/  lan nyi shu rtsa gcig bzlas te nam mkha' la gtor na ha cang char che ba zhi bar 'gyur ro// phyogs bzhir gtor na mtshams chen po bcad par 'gyur ro// sprin la mngon du phyogs te gtor na rlung dang / sprin dang / ser ba rnams 'byung bar mi 'gyur ro// gzhan gyi sde mnan pa ni til dang 'bras so ba'i sbyin sreg gis so// pha rol gyi dpung zlog pa ni sa bon bdun gyi sbyin sreg gis so// /  phug sgrub pa ni shing arka'i sbyin sreg gis so// arka'i lo ma dang mar bsres pa'i sbyin sreg byas na phug gi sgo thams cad 'byed par 'gyur ro// nags su 'gro ba ni tshe ku mu da dang / rgya spos dang /  yungs kar dang / mar bsres pas nags kyi phug gi sgo thams cad 'byed par 'gyur zhing / sman gyi dngos po thams cad rang bzhin du gnas par 'gyur ro// shing pa la sha'i me spar te na le sham brgya stong sbyin sreg byas na brgya byin dang / tshangs pa dang / khyab 'jug dang / dbang phyug chen po dang / nyi ma 'ongs nas mdun na 'dug par 'gyur ro// na ma'i me tog dang / kar ni kA ri ka'i me tog dang / ut+pal rnams mar dang bsres pa las sbyin sreg brgyad stong byas na zla ba dang nyi mo 'ongs nas mchog sbyin zhing lus la 'od zer btang nas nam mkha' la 'gro bar 'gyur ro// a shwad thas yam sreg shing byas la shu ti dang / nye'u shing dang / arka dang / tsan dan dang / yungs kar dang / nas dang / mar bsres pa las nyi ma bdun gyi dus 'tshams gsum du sbyin sreg nyi shu rtsa gcig byas na rgyal/  po btsun mo'i 'khor dang bcas pa dbang du 'gyur ro// gdon dang / gnod sbyin dang / srin po thams cad chad pas bcad na 'bras so ba dang / yungs kar dang / lan tsha'i sbyin sreg bgyis te thams cad la don yod pa'i zhags pa bcing bar bya zhing khro bo'i phyag rgya dang gsang sngags lhan cig rjes su dran par bya'o/ / sbyin sreg gi cho ga'o// / de nas don yod pa'i zhags pa'i snying po'i cho ga'i rgyal po chen po ras kyi sku gzugs mthong ba tsam gyi mod la mnar med pa'i mthar thug pa dang / mtshams med pa lnga byed pa byang bar 'gyur ba'i cho ga bshad par bya ste/ ras khru do gru bzhi lham pa/  kha tshar ma chad pa/ skra med pa/ thags ran bzang ba/ shin tu dkar ba/ shin tu sbyangs pa la rin mo mkhan mi smra ba'i dka' thub can/ bsnyen gnas la gnas pa gtsang mas gos gtsang ma bgos pa/  zas dkar gsum za ba/ dus gsum du khrus byas pa/ lhag ma ma yin pa'i tshon rtsi snod gsar par bzhag ste/ pir gsar pas 'phags pa spyan ras gzigs dbang phyug don yod zhags pa bzhengs pa 'am/ bzhugs pa 'am/ skyil mo krung du bzhugs pa bri bar bya ste/ ral pa'i thor tshugs kyis brgyan pa/ e n+ya la'i pags pa bsnams pa/ phyugs bdag gi cha lugs 'chang ba/ rgyan thams cad kyis brgya pa phyag bcu drug pa/ zhal zhi ba/ spyan phye ba/ dbu rgyan la rgyal ba 'od dpag med bzhugs pa/ gzhal g.yas pa'i thor tshugs la bla tshes kyis brgyan pa/ phyag gnyis rdo rje'i thal/  mo sbyar ba las gyen du pad+ma'i tshul du bya'o// phyag gnyis thur du kun tu zhal gyi phyag rgya bya'o// phyag gnyis bzlas brjod kyi phyag rgya byas la/ mdzub mo g.yas pa brkyang ste pad+ma'i tshul du byas la bar na bgrang 'phreng 'dzin par bya'o/ / phyag gnyis don yod pa'i zhags pa'i phyag rgya bya'o// phyag gcig na rtse gsum/ gnyis pa na pad+ma/ gsum pa na don yod pa'i zhags pa'i gleg bam/ bzhi pa na don yod pa'i zhags pa zhags pa tha mal pa 'dra ba/ lnga pa na dbugs 'byin pa/ drug pa na ril ba spyi blugs/ bdun pa na rin po che sna tshogs kyis bkang ba'i snod/ brgyad pa na me tog sna tshogs kyi snod thogs par bya zhing / 'od 'dom gang gis brgyan pa/ sku me tog sna tshogs kyis bkra bas mdzes par bya'o// ri po Ta la'i khang pa brtsegs pa shin tu mdzes pa/ gru bzhi lham pa/ ka ba bzhi zug pa/ khri 'phang stegs bu mdzes pa dang ldan pa/ rin po che sna tshogs kyis mdzes par brgyan pa/ pad+ma'i 'phreng bas mdzes par byas pa/ rdo rje'i 'phreng bas brgyan pa/ me tog sna tshogs dang chu shing gi yal gas mdzes par byas pa/ g.yas logs kyi steng na nyi ma/ g.yon logs na zla ba/ gnas gtsang ma'i ris kyi lha'i bu dag lag na me tog sna tshogs pa mang po thogs te/ bcom ldan 'das la mchod pa byed pa bya'o// ri pad+ma 'dra ba zhig snying po mdzes par byas shing sdong po dang ldan pa/ mtshos mdzes par byas pa/ mtsho nyas gang zhing chu srin ma ka ra dang / bzhad dang / shang shang te'u dang / ngur pas brgyan pa/ nor bu rin po che sna tshogs kyis legs par brgyan pa'i r-i de'i steng du pad+ma'i gdan dang seng ge'i khri bya'o/ / g.yas phyogs kyi phyi rol khang pa'i gnas su dbang phyug bya'o// g.yon du dbang phyug chen po rgyan thams cad kyis brgyan par bya'o/ / nang gi gnas su 'phags pa spyan ras gzigs dbang phyug go// g.yas su 'phags ma sgrol ma lus btud de 'dzem bag dang bcas pa bya'o// g.yon du dri med 'gro lag pa dbugs 'byin pa dang / nor bzang bus mo btsugs pa bya'o// pad+ma'i snying po'i dbus kyi gnas su khro bo'i rgyal po khros pa'i gzugs can/ lag pa bzhi pa lag na mtshon cha thogs pa ste/ zhags pa dang / dbyug to dang / rtse gsum dang / pad+ma'o// pad+ma'i stan la skyil mo krung phyed bcas la/ lus cung zad btud pa mgo'i steng g.yas g.yon du drang srong bstod rabs byed pa bya'o// de nas 'og gi g.yas g.yon du rdo rje'i zom chen po lag na rdo rje'i tshogs mang po 'dug pa dang / gshin rje dang / chu lha dang / rlung lha dang / dbang po dang / lha'i tshogs dag bya'o// g.yas phyogs kyi mtsho dang ri'i bar du brgya byin dang tshangs pa bya'o/ / g.yon phyogs su rgyal po chen po bzhi go cha bgos pa bya'o// de'i 'og tu pho nya mo pad+ma'i rigs mdzes ma lag pa brel ba bya'o// lha mo chen mo dpal dang / dbyangs ldan ma dang / 'jigs byed ma dang / mtshan mo'i lha dang / sa'i lha mo dang / lo tog gi lha mo bya'o// dbang phyug gi drung du khro gnyer can bya'o// dbang phyug chen po'i drung du gos dkar mo'o/ / ri dang pho nya mo'i bar du srin mo ral pa gcig ma'o// ri'i khor yug gru bzhi rin po che sna bdun gyis spras pa bya zhing / ljon shing dang / lcug ma sna tshogs dang / me tog gis brgyan cing mtshe'u mdzes pa me tog sna tshogs kyis brgyan pa dang / seng ge dang stag gis gang ba dang / klu'i phrug gu dang grul bum dag bya'o// g.yon du gsang ba chen po lnga bya'o// 'og tu klu'i rgyal po chen po lnga bya'o// tham cad brag gi stan dpalag na rin po che'i me tog phor ba thogs te/ bcom ldan 'das la blta bar bya'o// 'phags pa spyan ras gzigs dbang phyug gi zhabs drung du rig sngags 'chang bus mo btsugs te/ lag na me tog dang phog por thogs pa/ bcom ldan 'das la blta bar bya'o// steng gi bang rim du thub pa chen po rgyal ba 'od dpag med dang / shAkya'i rgyal po dang / 'jig rten dbang po'i rgyal po bya'o// ras kyi sku gzugs 'di mthong btsam gyi mod la tshe rabs brgya stong du mnar med pa bsags pa dang / mtshams med pa lnga'i las byed pa de dag thams cad 'jig par 'gyur/ rnam par 'jig par 'gyur zhing / sems can de dag thams cad kyang yongs su grol bar 'gyur na/ sems can dag pa rnams lta ci smos/ dad pas mos pa rnams dang / dkon mchog gsum mchod pa don du gnyer ba de dag ni tshe 'di nyid la 'bras bu che ba dang / phan yon mang po dag tu shes par bya'o// de bzhin gshegs pa gang+gA'i klung gi bye ma bye ba khrag khrig brgya stong phrag drug cu rtsa bzhi'i drung du dge ba'i rtsa ba bskyed par 'gyur zhing / de dag gi dge ba'i rtsa ba dang ldan par 'gyur ro/ / ras kyi sku gzugs 'di mthong ba ni 'phags pa spyan ras gzigs dbang phyug don yod pa'i zhags pa'i snying po dngos su mthong ba yin no// ras kyi sku gzugs 'di mthong ba tsam gyis 'phags pa spyan ras gzigs dbang phyug dgongs par 'gyur zhing sku'ang ston par 'gyur ro/ / nyam thag pa tsam gyi mod la sku ston par 'gyur zhing mchog thams cad sbyin par 'gyur ro/ / don yod pa'i zhags pa'i gzugs kyi snying po 'grub par 'gyur ro// nad kyis thebs pa dang / nad tshabs chen pos gzer ba dang / nad sna tshogs dang / sdug bsngal brgya stong gis dkrugs pa de dag thams cad kyis mthong ba tsam gyi mong la nad thams cad dang / sdug bsngal thams cad dang / gnod pa thams cad las yongs su grol bar 'gyur zhing sgrib pa dang nang dang bral bar 'gyur ro/ / tha na dud 'gro'o skye gnas su gtogs pa dag kyang mthong ba tsam gyi mod la yongs su grol bar 'gyur ro// ras kyi sku gzugs 'di 'khor mang pos mchod pa dang / bkur sti chen po dang /  sil snyan dkrol ba mang po dang / gdugs dang / rgyal mtshan dang / ba dan gyis legs par brgyan par byas te/ grong khyer chen po 'am/ rgyal po'i pho brang ngam/ gtsug lag khang ngam/ ljongs sam khyim mam/ grong du zhugs na ras kyi sku gzugs gzhug pa tsam gyi mod la 'thab pa dang / rtsod pa dang / 'thab mo dang / khrag khrug dang / mu ge'i dgon pa dang /  mi ngas dang / rang gi dpung dang / gzhan gyi dpung gis 'jigs pa zhi bar 'gyur ro// gnod sbyin dang / srin po dang / 'byung po dang / sha za dang / srul po dang / lus srul po dang / skem byed dang / brjed byed dang / grib gnon zhi bar 'gyur zhing / bde ba dang / lo legs pa dang / dga' ba dang / mi mang po bde ba mang por 'gyur ro// dga' ba dang / yid bde ba mang bar 'gyur ro//  pha rol tu phyin pa drug gi rjes su 'gro bar 'gyur ro// 'di mthong ba tsam gyis shi 'phos nas 'jig rten gyi khams su skye bar 'gyur ro// bskal pa brgya stong phrag bdun cur tshe rabs su tshe rabs dran par 'gyur ro/ / pad+ma'i 'od dri ma med cing rnam par dag pa'i rgyal po zhes bya ba'i ting nge 'dzin byang chub sems dpa' sems dpa' chen pos ma thob pa thob par 'gyur ro// pad+ma rab tu gnas pa zhes bya ba'i rig sngags 'chang gi 'khor los sgyur ba nyid 'thob par 'gyur ro/ / ri mo'i sku gzugs sgrub pa'i cho ga dang cho ga zhib mo'o// / de nas don yod pa'i zhags pa'i snying po'i cho ga zhib mo chen po'i dkyil 'khor bshad par bya ste/ chu klung gi 'gram mam/ pad+ma'i mtshe'u 'am/ ut+pa la'i mtshe'u 'am/ me tog gi skyed mos tshal las 'bras bu'i kun dga' ra ba 'am/ khang bzang sa gzhi dag cing sa gzhi yongs su sbyangs pa rtswa dang / shing bal dang / skra dang / phub ma dang / thal ba dang / sol ba dang / phyag dar gyi phung po dang / gyo mo dang / shing dang / bong ba dang / gseg ma dang / thod pa'i rus pas gang ba dang / shi ba'i ro rnams spangs pa'i sa gzhi'i phyogs na mtshe'u dang / 'bab chu dang / 'bab chu byang phyogs nas 'bab pa dang nye ba na chu yod cing shin tu mdzes pa/ lho phyogs dang / byang phyogs dang / nub phyogs dang / shar phyogs gang na ljon shing gis mdzes par byas pa/ gang nyams dga' ba/ kha dog dang gzi byin du ldan pa'i gnas de lta bu rnyed nas chu dang yungs kar la bzlas te kun tu gtor ro/ / sa gzhi de lta bu sbyang ba ni mchog yin no// khro ba'i rgyal pos yungs kar la lan nyi shu rtsa gcig bzlas te phyogs bzhir gtor na kun nas dpag tshad brgya tshun chad phyogs bcing ba dang / dkyil 'khor bcing ba dang / mtshams bcing ba byas par 'gyur ro// sdang ba thams cad dang / bgegs dang / log 'dren thams cad kyang skad cig kyang mi gnas par phyogs bzhir byer te dong ngo / / srog chags sdang ba dang / sdang ba'i sems can dang / sdang ba'i gcan gzan khro bo gang yin pa de dag thams cad rab tu zhi bar 'gyur zhing / lha thams cad srung bar 'gyur ro// /  gnas kyi phyogs der mkhas pas dkyil 'khor bya ste/ gru bzhi lham pa/ ngos re re zhing khru sum cu rtsa gnyis gzhal bar bya ste/ cha 'byes pa/ gru bzhi cha mnyam zhing mdzes la sgo bzhi dang rta babs bzhi ldan pa/  'bras kyi phye ma'i tshon sna bzhir sbyar la/ de nas dkyil 'khor bri bar bya ste/ tshon sna lnga'i thig skud kyis thig btab nas tsan dan dkar po'i phur bu btab ste/ zla ba yar gyi ngo'i tshes brgyad dam/ tshes bco lnga la tshes grangs dang rgyu skar bzang po gdams te/ dkyil 'khor gyi mchog bri bar bya'o// dang po ni dkar po'i bri'o// gnyis pa ni dmar pos so// gsum pa ni ser pos so// bzhi pa ni nam mkha'i kha dog gis so/ / lnga pa ni mig sman gyi kha dog gis te/ dkyil 'khor gyi dbus kyi snying po 'jigs pa med par cha rnam par 'byes shing gsal bar pir gsar pa dang / tshon dang / snod gsar bas bri bar bya ste/ dkyil 'khor gyi snying por pad+ma 'dab ma stong pa kho ra khor yug stegs bu dang bcas pa bri zhing / pad+ma'i 'phreng ba tshon gyis mdzes pa bris la/ de'i dbus su sangs rgyas bcom ldan 'dra thub pa chen po shAkya'i rgyal po dang / 'od dpag med dang / 'jig rten dbang po'i rgyal po gzhag go// g.yas su mgon po 'jig rten dbang phyug don yod pa'i zhags pa'i cha byad 'chang ba gsang sngags kyi rjes su 'brang bar bya'o/ / g.yon du phyag na rdo rje rnga yab dang rdo rje thogs pa/ bzhin khro gnyer can 'od 'bar bas bskor ba'o// 'phags pa spyan ras gzigs dbang phyug gi drung du lha mo sgrol ma dang dri med 'gro bya'o/ / 'phags pa spyan ras gzigs dbang phyug gi 'og tu dkar sham chen po dang / gos dkar mo dang / dkar mo chen mo lag na dbyug pa dang ril ba spyi blugs thogs pa'o// de'i 'og tu srin mo ral pa gcig pa pa che ba gtsigs pa/ thod pa'i 'phreng ba thogs pa/ sbrul gyi mchod phyir thogs pa/ lag pa bzhi pa/ lag pa g.yas g.yon gnyis na rdo rje dang / dgra snga dang / g.yas pa'i gung mo lha dang log 'dren la sdig pa bya'o/ / g.yon du 'phags pa spyan ras gzigs dbang phyug bram ze'i cha lugs 'chang ba ral pa'i thor tsugs kyis bzhugs pa/ 'od dpag med kyis thor tsugs brgyan pa bya'o//  g.yas g.yon du dbang phyug dang dbang phyug chen po bya'o// de'i 'og tu dpal lha mo dang / lha mo dbyangs can ma dang / mtshan mo'i lha mo dang / sa'i lha mo dang / lo tog gi lha mo dang / 'bras bu dang me tog gi lha mo bya'o/ / de'i 'og khor yug tu gshin rje dang / chu lha dang / rlung lha la sogs pa bya'o// ral pa'i thor tsugs kyis brgyan pa'i drang srong gzhag par bya'o// grwar rgyal po chen po bzhi go cha bgos pa gzhag par bya'o/ / dkyil 'khor gyi snying po'i dbus dang bar bar du lcags kyu dang / dgra sta dang / rdo rje dang / dbyug pa dang / zhags pa dang / lcags sgrog dag bya'o// phyi rol tu tshangs pa dang / drag po dang / lha mo u ma dang / tshangs pa'i drung du lha mo dbyangs ldan ma khros pa'i gzugs can no// de gnyis kyi bar du dbyug pa dang ril ba spyi blugs bri bar bya'o// grwa gcig tu don yod pa'i zhags pa'i snying po rnam par grol ba'i dkyil 'khor gyi chos kyi rnam grangs gzhag go/ / grwa gcig tu shi bA ba ha gzhag go// de nas shar phyogs kyi sgor khro bo rta mgrin 'jigs su rung ba'i mig can gzhag go// lho phyogs kyi sgor rdo rje chen po ki li ki li zhes bya ba rdo rje rnam par 'dren pa lag na rdo rje dang / dgra sta dang / zhags pa thogs pa bya'o// nub phyogs kyi sgor pho nya mo pad+ma'i rigs mdzes ma lag pa pad+ma'i rtse mo nas 'dzin pa bya'o/ / byang phyogs kyi sgor rdo rje chen po zom zhes bya ba'i tshogs lag na rdo rje dang zhags pa thogs pa bya'o// de nas 'jug pa'i sgo nas gser gyi bum pa spos chus bkang ste/ dar las bcings la rgyan thams cad kyis brgyan pa dar las g.yogs te me tog gi 'phreng bas brgyan nas bsam pa ji lta ba bzhin du dkyil 'khor gyi dbus su gzhag ste/ steng du sna ma'i me tog gi gdu bu gzhag par bya'o/ / tsan dan dang / gur kum dang / gla rtsi dang / ga pur gyi chu dang / pog por bzhi gzhag cing / a ka ru'i bdug pas bdug go/ tshon sna lnga'i ras kyi srad bu mchod phyir gyi srad bu tshad du byas la/ gser gyi yang mig rtse gsum can gdags par bya zhing / thor to gcig tu me tog pad+ma'i gdub kor dang / mu tig dang / rin po ches spras pa zlum por bskyil ba bum pa'i steng du bzhag la mchod pa dang bsnyen bkur byas te/ yungs kar la don yod pa'i zhags pa'i snying po lan stong rtsa brgyad bzlas te de la gdab par bya'o// tsan dan dang / ga bur dang / glar rtsi'i phye mas gos la bgo bar bya'o/ / sgo bzhi'i gnas su dri chab kyis bkang ba'i bum pa dang zas dkar gsum gyi gtor ma gzhag par bya zhing / gser dngul gyi mchod yon gyi snod sum cu rtsa gnyis dang / spos chus bkang ba brgyad dang / spos chu dkar pos bkang ba brgyad gzhag par bya'o// ro dang dri sna tshogs kyis bkang ba brgyad dang / zho dang / 'o ma dang / spos chus bkang ba brgyad dang / gtor ma la sogs pa dbul ba sna brgyad dang / dbul ba sna drug cu rtsa bzhi pa rnams sha dang / khrag dang / kun dong dang / ke'u dang / kha zas ngan pa dang / btung ba ngan pa spangs te gtsang mas gtsang ma sbyar bar bya'o// me tog sna tshogs kyi gcal dgram par bya zhing / gdugs dang / rgyal mtshan dang / lnga ldi dang / ba dan gyis brgyan par bya/ pog por sum cu rtsa gnyis gzhag par bya zhing / bdug spos sna tshogs mang pos bdug par bya/ spos sna brgyad rtsa brgyad dang ldan pa'i til mar gyis mar me bltam par bya/ dkyil 'khor gyi khor yug tu pad+ma'i 'phreng ba bri bar bya'o// rig sngags 'chang gtsang mas gos gtsang ma bgo bar bya zhing dus gsum du khrus byas la/ gos gsum bgo bar bya/ grogs gtsang ma sgrub par bya'o// 'jug pa'i cho ga byas pa nas/ don yod pa'i zhags pa'i snying pos dbang bskur bas dbang bskur ba'i bar tsam gyis sangs rgyas thams cad kyis yongs su gzung zhing / 'jig rten mgon pos byin gyis brlabs pa dang / pad+ma'i rigs pad+ma 'chang ba'i dkyil 'khor chen po don yod pa'i zhags pa'i snying po'i dngos grub la mngon du phyogs par 'gyur ro/ / gang bsams pa thams cad de kho na bzhin byed par 'gyur ro// dam tshig thams cad la don yod par 'gyur ro// chod nyid thams cad kyi rnam par grol ba'i dkyil 'khor gyi chos la dam tshig grub par 'gyur ro/ / las kyi sgrib pa thams cad las rnam par grol ba dang bde ba thams cad kyi rjes su 'gro zhing / lha dang mi'i dpal thams cad myong bar 'gyur ro/ / lha dang / lha ma yin dang / gnod sbyin dang / srin po'i tshogs kyi bsgo skal la dbang bar 'gyur ro// rnal 'byor gyi dkyil 'khor dang gsang sngags la rten par 'gyur ro/ / brdeg pa dang / spro ba dang / phur bus gdab pa dang / bsreg pa dang / bsdigs pa dang / g.yeng ba dang / gsad pa dang / dbang du byas pas mi tshugs so// gang dag de lta bu byed pa de nyid kyi lus sam mgo la brgya phrag stong gyur tu 'bab par 'gyur zhing / gzhan gyis phyir bzlas shing dgrol bar mi nus te/ rig sngags 'chang des dgrol bar bya'o// de nas rig sngags 'chang des ri mo'i gzugs de dkyil 'khor la mngon du phyogs par bzhag nas don yod pa'i zhags pa'i snying po stong rtsa brgyad bzlas la/ don yod pa'i zhags pa'i phyag rgya lan brgya rtsa brgyad bcing bar bya zhing khro bo'i rgyal po lan nyi shu rtsa gcig bzlas par bya'o/ / de'i 'og tu dkyil 'khor gyi lha rnams las 'od zer kha dog sna tshogs pa 'byung bar 'gyur ro// bum pa de'ang 'bar la/ ras kyi sku gzugs de'ang kha dog sde bdun du 'bar zhing shas cher 'gul bar 'gyur te/ rig sngags 'chang snying dga' bar 'gyur zhing / ras kyi sku gzugs las legs so zhes bya ba'i sgra 'byung bar 'gyur te/ rig sngags 'chang legs so legs so/ / khyod kyis 'phags pa spyan ras gzigs dbang phyug don yod pa'i zhags pa'i snying po grub cing / khyod kyis zhags pa 'di'ang grub/ khyod kyis yid bzhin gyi nor bu'i zhags pa'i mchog 'di'ang grub kyis/ khyod kyis las thams cad byos shig/ de dkyil 'khor gyi cho ga rgyas pa mchog grub nas bum pa spos chus bkang ba de blangs la lan brgya rtsa brgyad bzlas te rgyu skar rgyal la khrus bya ba 'am/ zla ba yar gyi ngo'i tshes grangs shis pa la khrus byas pa tsam gyi mod la lus thams cad dri ma med cing yongs su dag pa 'thob par 'gyur zhing / dngos po lnga'i bdag nyid yongs su dag pa 'thob par 'gyur te/ rna ba lnga yongs su dag pa dang / mig lnga yongs su dag pa dang / sna lnga yongs su dag pa dang / lce lnga yongs su dag pa dang / rnam par shes pa lnga yongs su dag pa dang / dbang po lnga yongs su dag pa 'thob par 'gyur ro// 'phags pa spyan ras gzigs dbang phyug rtag tu mchog sbyin par 'gyur zhing / rtag tu sku ston bzhed par yang 'gyur ro//  de bzhin gshegs pa thams cad zhal ston par 'gyur ro// rtag tu byang chub sems dpa' thams cad dgongs par 'gyur ro// lha thams cad kyang de la srung ba dang / sgrub pa dang / sba ba byed par 'gyur ro/ / brgya byin dang tshangs pa la sogs pa dag kyang 'ong bar 'gyur ro// rgyal po bzhi dpung gi 'khor dang bcas te sa'i phyogs der 'ong bar 'gyur zhing / rtag tu rgyun ma'i chad par srung ba dang / skyab pa dang / sba ba byed par 'gyur ro// sred med kyi bu dang / dbang phyug chen po dang / nor bu bzang po dang / gsang ba pa brgya stong phrag du ma srung ba dang / sgrub pa dang / sgrub byed par 'gyur ro/ / zhi ba dang legs su byed par 'gyur ro// shes pa don yod pa dang / shes rab don yod pa dang / thos pa dang / tshul khrims dang / brtson 'grus thob par 'gyur zhing / sbyin pa don yod pa'i sbyin pa por 'gyur ro/ / bsod nams kyi phung po don yod pa dang ldan par 'gyur zhing / 'di lta ste/ pha rol tu phyin pa drug yongs su rdzogs par 'gyur ro// rdzu 'phrul dpag tu med pa la mkhas par yang 'gyur ro/ / rig sngags 'chang gi cho ga zhib mo'ang 'grub par 'gyur ro// stobs dang / brtson 'grus dang / pha rol gnon par don yod par 'gyur ro// sangs rgyas kyi zhing gi yon tan bkod pa phun sum tshogs pa 'thob par 'gyur ro/ / de bzhin gshegs pa gang+gA'i klung gi bye ma sa ya snyed sa ya brgya phrag stong drug cu rtsa bzhi'i dge ba'i rtsa ba yongs su rdzogs pa yang dag pa gzung bar 'gyur ro/ / sems can thams cad kyis kyang mchod pa dang / bkur sti bya bar 'gyur zhing thams cad dbang du 'gyur ro// mchod rten gyi snying po dang 'dra bar phyag bya ba'i 'os su 'gyur ro// dkyil 'khor gyi cho ga'i cho ga zhib mo'o/ / / 'phags pa don yod pa'i zhags pa'i cho ga zhi mo'i rgyal po bam po dgu pa// de nas byang chub sems dpa' sems dpa' chen po 'phags pa spyan ras gzigs dbang phyug stan las langs nas/ bla gos phrag pa gcig tug par nas/ pus mo g.yas pa'i lha ngas la btsugs te/ bcom ldan 'das gal bde la su thal mo sbyar te btud nas/ bcom ldan 'das la lan gsum bskor ba byas te/ bcom ldan 'das kyi zhabs la mgo bos phyag byas nas/ bcom ldan 'das la 'di skad ces gsol to// bcom ldan 'das bdag la pad+ma'i rigs la rnam par grol ba'i dkyil 'khor gyi cho ga/ rig sngags chen po'i rim par phye ba'i cho ga zhib mo don yod pa'i zhags pa'i snying po rig sngags kyi rgyal po chen po mchis te/ bcom ldan 'das 'khor 'dus pa'i dbus dang / bcom ldan 'das kyi spyan sngar de bdag gis yongs su bsgrag par bgyi'o// de nas byang chub sems dpa' 'phags pa spyan ras gzigs dbang phyug bzhin 'dzum pas bcom ldan 'das la lta bzhin du don yod pa'i zhags pa'i snying po 'di smras so/ / na ma s+t+rai ya d+hA nu ga ta pra tiSh+Thi te b+h+yaHsarba bud+d+ha bo d+hi satwe b+h+yaHna maHpra t+ye ka bud+hAr+ya shrA ba ka saM / g+he b+h+yaHa tI tA nu ga ta pra t+yud pan ne b+h+yaHna maHsa mya ka ga tA nAM/ na maHsa myaka pra ti pan nA nAM/ na maHshA ra dA ti pu tA ya ma hA ma ta ye/ na ma Ar+ya mai tre ya pra mu khe b+h+yoHma hA bo d+hi sa tA Ar+ya gaH bababere b+h+yaHna ma Ar+ya a mi tA b+hA ya/ ta thA ga tA ya/ ar+tha te sa myaka saM bud+d+hA ya/ na mo rat+na tra yA ya/ na ma Ar+yA ba lo ki ti shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ ma hA ri Shi AH ga Na ba re b+h+yaHna mas+thi tA i dan Ar+yA ba lo ki te shwa ra mu kho nIdz+dza/ a mo g+ha rA dza na nA ma hrid yan/ ta thA ga ta saM mu khaM b+hA Shi ta ma hA taM pan+d+han+yA r+b+he/ a ha mi da nI mA bar+t+ta lir+N+Na bisan+d+ha/  tume man+t+ra pa dAHsar+b+ba kA r+ya Ni/ sar+b+ba b+ha ye b+h+yo ma ma sar+b+ba satwA nAny+tsa rak+Sha b+ha ba tu/ tad+ya thA/ oM tsa ra tsa ra/ tsi ri tsi ri/ tsu ru tsu ru/ ma hA kA ru Ni ka/ bai ri bi ri/ bi ri pi ri/ tsi ri tsi ri/ bai ra ma ma hA ka ru Ni ka/  si ri si ri/ pi ri pi raM/ tsi ri tsi ri/ ma hA pad+ma ha ste/ ka la ka la/ ki li ki li/ ku lu ku lu/ ma hA shud d+ha satwa/ e h+ya hi/ bud+d+ha bud+d+ha/ d+hU ba d+hU ba/ ka Na ka Na/ ki Ni ki Ni/ kuN+ya ku N+ya/ pa ra ma shud d+ha satwa/ ka ra ka ra/ ki ri ki ri/ ku ru ku ru/ ma hA b+hU ma prAp+ta/ tsa la tsa la/ sany+tsa la sany+tsa la/ bi tsa la bi tsa la/ e Ta Ta e TaT/ b+ha ra b+ha ra/ b+hi ri b+hi ri/ b+hu ru b+hu ru/ e h+ye hi/ ma hA ka ru Ni ka/  ma hA pa shu pa ti be Sha d+ha ra/ d+ha ra d+ha ra/ sa ra sa ra/ tsa re tsa ra/ ha ra ha ra/ ha hA ha hA/ hi hI hi hI/ hu hU hu hU/ oM ka ra ma hA brah+ma be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ sa ra sa ra/  pa ra pa ra/ tsa ra tsa ra/ ba ra ba ra/ ba ra da/ rash+mi sha ta sa ha sra pra ti maN+Di ta sha rI ra/ dz+wa la dz+wa la/ ta pa ta pa/ b+ha ga bAn/ so ma A di t+ya/ ya ma ba ru Na/ ku be ra/ brah+man+na/ ri Shi ga Na a b+h+ya rtsi ta tsa ra Na/ su ru su ru/ tsu ru tsu ru/ pu ru pu ru/ mu ru mu ru/ sa nad ku mA ra/ ru dra/ bA sa ba/ biSh+Nu/ d+ha na da de ba ri ShaM/ nA ya ka/ ba hu bi bi d+ha be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ 18 tar/ bar thar/ g+ha ra gyu ra/ sa ra la ra/ la rA lar/ bar har/ mar mar/ pA ra par/ bar bar/ bar d+ha sa ka sa man ta a ba lo kata/ lo ke shwa ra/ ma he shwa ra/ mud+ha su rba/ mu rba su ru/  mu ya/ mur+tha muny+dza/ b+ha ga ban/ Ar+yA ba lo ki te shwa ra/ rak+Sha rak+Sha ma ma sar+b+ba satwAM sh+tsa/ sar+b+ba b+hA ye b+h+yaHsar+b+bo ba sarge b+h+yaHsar+b+ba gra he b+h+yaHsar+b+ba b+hU d+hi b+h+yaHsar+b+ba dzA re b+h+yaHe dza bad+ha/ bad+d+hA na/ tA Dan/  tardza na/ rA dza tsau ra/ taska ra/ ag+ni/ u da ka/ bi Sha shas+t+ra/ pa ri mo tsa ka/ ka Na ka Na/ ki Ni ki Ni/ ku Nu ku Nu/ tsa ra tsa ra/ an dri ya/ ba la bo dz+yA ga/ tsa tur Ar+Ya sat+ya/ saM pra kA sha ka/ tama? ta ma/ da ma da ma/ sa ma sa ma/ ma sa ma sa/ ma hA ta mon d+ha kA ra/ bi d+ha ma na bi d+ha ma na/ ShaT pa ra mi tA pa ri pU ra ka/ mi li mi li/ Ta Ta Ta Ta/ Sha Sha Sha Sha/ Ti Ti Ti Ti/ Tu Tu Tu Tu/ a Ne ya tsar+m+ma i ta pa ri ka ra/ e h+ye hi I shwa ra/ ma he shwa ra/ ma hA b+hU ta ga Na b+hany+dza ka/ ku ru ku ru/ pa ra ba ra/ ka Ta ka Ta/ ma Ta ma Ta/ bi shud+d+ha/ bi Sha ya ni bA si na/ ma hA kA ru Ni ka shwe/ ta yadz+nyo ba bI ta/  rat+na mu ku Ta/ mA lA d+ha ra/ sar+b+ba dz+nyA shi ra si kri ta mu ku Ta/ ma hA da b+hu ta/ ka ma la kri ta ka ra ta la/ d+h+ya na sa mA d+hi bi mok+Sha a pra kam+ma/ ba hu satwa san+na pa ri pA tsa ka/ ma hA kA ru Ni ka/ sar+b+ba kar+m+ma a ba ra/  Na bi sho d+ha ka/ sar+b+ba byA d+hi pra mo tsa ka/ sar+b+ba A shA pa ri pU ra ka/ sar+b+ba satwa sa mA shA sa ka/ na mo stu te swA hA/ de nas byang chub sems dpa' sems dpa' chen po 'phags pa spyan ras gzigs dbang phyug gis don yod pa'i zhags pa'i snying po 'di bshad pa tsam gyis/ 'khor mang po ri dang nags tshal du bcas pa 'di rnam pa drug tu g.yos so// 'jig rten du snang ba chen po byung bar gyur to/ / lha'i me tog ut+pa la dang / pad+ma dang / ku mu da dang / puN+Da ri ka dang / man da ra ba'i me tog gi char chen pos pus mo nub pa tsam bab par gyur to/ sil snyan dang pheg rdob pa'i sgra dag kyang byung bar gyur to/ / mtho ris kyi lha dag gis kyang nam mkha' las bcom ldan 'das la rgyan dang lhab lhub dag gi char phab po// 'khor gyi dkyil 'khor na gnas pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / gtsang ma de dag thams cad kyis legs so zhes bya ba byin te/ sems can dag pa chen po lekra so legs so/ / yid bzhin gyi nor bu chen po don yod pa'i zhags pa'i snying po mchog tu rnyed dka' ba 'di bshad cing / dngos grub mchog gi cho ga zhib mo'i rgyal po 'di bshad pas rin po che'i char chen po 'bab bo zhes zer ro/ / de nas de'i phyir dus gsum du bzlas brjod bya zhing gtsang mas gos gtsang ma bgos te/ dus gsum du khrus bya zhing zas dkar gsum za bas/ 'phags pa spyan ras gzigs dbang phyug gi spyan sngar dpal lha mo bzhag ste mchod pa byas la/ yungs kar 'bru re re la brgya rtsa brgyad bzlas nas dpal lha mo la bsnun pa byas na tshes bcu bzhi nas/ bco lnga'i bar du dpal b+ha mo 'ong bar 'gyur ro/ / mtshams med pa lnga 'byung bar 'gyur ro// 'phags pa spyan ras gzigs dbang phyug sku ston par 'gyur ro// sdig pa thams cad 'brang bar 'gyur ro// mtshamasadapa/  dang zhi bar bya ba la/ a ka ru dang tsan dan gyi bdug spros bsregs la thal ba dang / yungs kar dang / seng ldeng gi phur bu gdab par bya'o// rims thams cad la bu mo gtsang mas bkal ba'i srad bu la mdud pa nyi shu rtsa gcig bor la lan nyi shu rtsa gcig bzlas te btags na rims thams cad las thar par 'gyur ro/ / nad thams cad la mar dang til mar la bzlas te zangs kyi snod du sangs rgyas la phul ba'i sna ma'i me tog rnying pa dang pad+ma ze ba dang bcas pa btab ste btsos pa 'di ni grub pa yin te/ zas dang / skom dang / bsku ba dang / sna nas gtang ba'i las bya ste/ nyi shu rtsa gcig bzlas pas nad thams cad las thar par 'gyur ro/ / byad gcad na mar dang sbrang rtsi la lan nyi shu rtsa gcig bzlas te lus la bsku zhing tshigs mas dril la/ lus kyi dri ma phyin par bya ste/  gong bu las gzugs brnyan byas la lan bdun bzlas te mtshon gyi btab na dug sbyar ma dang / byad dang / gsang sngags thams cad bcad par 'gyur zhing nad thams cad las thar par 'gyur ro// byad chen po 'jigs par 'gyur ro/ / srung ba'i skud pa la lan nyi shu rtsa ga cig bzlas te de bzhin du mdud pa dor bar byas na srung ba chen po byas par 'gyur ro// 'jigs pa dang / skrag pa dang /  dngang ba thams cad dang / 'byung po'i 'jigs pa thams cad kyis mi tshugs so// lto na pa la tshwa chu 'jam tsam la lan bdun bzlas te byin na lto ba'i nad 'jigs par 'gyur ro/ / dug gsod na chu la lan bdun bzlas te byin na dug thams cad 'jig par 'gyur zhing mi gdug par 'gyur ro// mig na ba la srad bu dkar po rna ba la btags na mig nad thams cad 'jig par 'gyur ro/ / sdang ba'i dug mi bzad pa la 'jim pa la bzlas te byug pa byas na dug med par 'gyur ro// so na ba la ka ra wI ra'i so shing ngam/ sna ma'i so shing ngam/ shing pa gu'i so shing la bzlas te zos na so nad zhi bar 'gyur ro/ / mtshams gcad pa thams cad la ni tshon sna lnga'i srad bu byas la lan nyi shu rtsa gcig bzlas te/ seng ldeng gi phur bu bzhi la btags te phyogs bzhir btsugs na mtshams chen po bcad par 'gyur ro/ / gdon thams cad la tshon skud sna lnga'i srad bu la lan nyi shu rtsa gcig bzlas na gdon thams cad las thar par 'gyur ro// srog chags kI Ta dang /  lhog pa dang / mgul pa 'gags pa la sbrang rtsi pi pi ling ldan par byas te byug go/ mgul 'gags pa la bldag pa byas na mgul 'gags pa thams cad las thar par 'gyur ro// mig nad la spos chu dang / shing pa la sha'i chu dang / pa la sha'i me tog gis bkru bar bya ba 'am/ shing mngar gyi chu la lan bdun bzlas te bkrus na mig nad thams cad las thar par 'gyur ro// rna ba na ba la til mar dang shu ti zangs kyi snod du btsos pas rna ba bkang na rna nad las thar par 'gyur ro/ / 'thab pa dang / rtsod pa dang / khrag khrug dang / mi snyan pa thams cad la chu la lan bdun bzlas te gdong bkru ba byas na thams cad las rgyal bar 'gyur ro/ / dpung dang / stobs dang / yul dang / yul 'khor dang / phyir rgol ba dang / mi mdza' ba thams cad dang / g.yul po thams cad du ba lang gi lci bas dkyil 'khor byas la bum pa gang ba bzhi gzhag ste/ gtsang mas gos gtsang ma bgos la a ka ru'i bdug pa dbul bar bya zhing / 'phags pa spyan ras gzigs dbang phyug la mchod pa byas nas don yod pa'i zhags pa'i snying po'i mdo 'di mchod de bklags pa byas na zhi ba chen por 'gyur to/ / thams cad byams pa'i sems dang byams pa'i yid du 'gyur zhing / thams cad du rgyal ba thob par 'gyur ro/ / zhi ba chen por 'gyur ro// chu des bdag nyid la kun tu gtor te tsan dan la lan nyi shu rtsa gcig bzlas te snying khar thig le byas te/ rtag tu dran par byas na mtshams med pa thams cad zad par 'gyur ro/ / khyim thams cad bsrung na pad+ma dang / na ku lI dang / shing arga'i me tog mar dang bsres pa las sbyin sreg byas na khyim bsrung ba chen po byas par 'gyur ro// 'byung po'i gdon thams cad las bsrung ba byas par 'gyur ro/ / yang ni las thams cad la nor bu bsgrub pa'i rdzas 'di dag bsogs la cha mnyam par byas te/ gtsang mas gos gtsang ma bgos la snying po brgya rtsa brgyad bzlas pas las thams cad bya'o/ / dzas dang / bi nga ya dang / nA gu lI dang / gan d+han gu lI dang / badz+ra dang / in drabatsu nI dang / gnaHdril bu dang / ta gar dang / kra dang / @ tsakra dang / so ma rA dzi dang / su mnad rnams phye ma zhib mor byas te/ char pa'i chus sbrus la tsan dan dang gur kum sbyar ba'i chus brlan te brgya rtsa brgyad bzlas la/ 'phags pa spyan ras gzigs dbang phyug gi spyan sngar nor bur byas te/ yang lan nyi shu rtsa gcig bzlas nas a ka ru'i bdug pas bdugs la de nyid bcom ldan 'das kyi zhabs drung du bzhag ste/ ras kyis g.yogs la grib mar bskams te blangs la yang don yod pa'i zhags pa'i snying po lan bdun bzlas par bya zhing / khro bo'i rgyal po lan gsum bzlas brjod byas te mgo bor bzung na/ rgyal po btsun mo'i 'khor dang bcas pas mchod par 'gyur zhing thams cad dbang du 'gyur ro/ / rigs bzhi'i 'jig rten thams cad dbang du 'gyur ro// bla mar gcig pur 'gyur ro// lha thams cad kyang gzi byin 'jug par 'gyur ro// 'phags pa spyan ras gzigs dbang phyug kyang rtag tu gzigs par 'gyur ro/ / tshangs pa dang / khyab 'jug dang / dbang phyug chen po'ang rtag tu phyi bzhin 'brang bar 'gyur zhing dus thams cad du mchog sbyin par 'gyur ro/ phyir rgol ba dang mi mdza' ba tham cad kyang rtag tu mthun par byed cing dbang du 'gyur ro// byad mi bzad pa dang / dug sbyar ma dang / phye ma'i dug dang / gsang sngags dang / g.yengs byed kyis mi tshugs shing thams cad 'jigs par 'gyur ro/ / rtag tu dpal dang / gzi byin dang / bsod nams dang / bkra shis dang / dge ba'i tshogs dang ldan par 'gyur ro// de bzhin gsheg pa tham cad de la gzig par 'gyur ro/ rtag tu ston bzhed par 'gyur ro// thams cad du dus thams cad na rgyal ba thob par 'gyur ro// skal pa bzang po thogs pa med pa'ang 'phel bar 'gyur ro// dpung pa la btags na glang po che chen po'i stobs dang ldan par 'gyur ro/ / g.yul 'gyed pa dang dmag thams cad las rgyal ba chen por 'gyur ro// stobs dang / brtson 'grus dang / pha rol gnon pa chen por yang 'gyur ro// rig sngags 'chang gi cho ga zhib mo chen po grub par 'gyur ro/ / gnod sbyin dang / srin po dang / 'byung po dang / sha za'i gdon dang / brjed byed kyis mi tshugs par 'gyur ro// nam yang de la rmi lam ngan pa dang lhas ngan pa 'byung bar mi 'gyur ro/ / byis pa rnams la mgul du btags na gdon thams cad dang / rims nad thams cad dang / nad thams cad dang / btsas pa 'phrog pa thams cad kyis mi tshugs so// nag po chen po ma mo'i tshogs kyi 'khor dang bcas pa rtag tu rgyun mi 'chad par phyi bzhin 'brang zhing / srung ba dang / sgrub pa dang / smra ba byed par 'gyur/ yun ring du 'tsho bar 'gyur/ tshe ring bar 'gyur ro// bud med rnams la ska rags gsar pa btags te khrus byas nas gos gtsang ma gsar pa bgos te/ 'phags pa spyan ras gzigs dbang phyug la phyag dang mchod pa byas na skal ba bzang po mchog dang ldan par byed cing bkra mi shis pa rab tu zhi bar byed/ khyim thab dang rtag tu rjes su mthun par 'gyur/ khye'u dang bu mo yod par 'gyur/ shes rab mchog tu 'gyur/ thams cad dga' bas lta bar 'gyur/ de la bud med kyi skyon yang 'byung bar mi 'gyur/ phyi ma la de lta bu'i bud med kyi lus mi thob par shes par bya ste/ shi nas bde ba can gyi 'jig rten gyi khams su skye bar 'gyur ro/ / nor bu 'di btags na thams cad du bsrung ba byas par 'gyur zhing dug dang / mtshon dang / mes mi tshugs so// dus byas pa'ang skye bar mi 'gyur ro// nor bu 'di btags pas dug med par 'gyur zhing myur du zhi bar 'gyur ro/ / tshor ba skye bar mi 'gyur zhi ba bde bar zhi bar 'gyur ro// rlung dang / sprin dang / ser ba mnan na chu la lan bdun bzlas te nam mkha' la gtor na rlung dang / sprin dang / ser ba thams cad mnan par 'gyur ro// bzlog par bya na bal po se'u'i lcug ma 'am ka ra wI ra'i lcug mas bya'o// dran pa bskyed na 'phags pa spyan ras gzigs dbang phyug gi spyan sngar mi smra bar don yod pa'i zhags pa'i snying po lan bdun bzlas te/ nor bu chu dron las btang ba byas na bklags pa tsam gyis tshigs su bcad pa stong 'dzin por 'gyur zhing thos pa mang po rgya mtsho bsags par 'gyur ro/ / rgyal srid dang / yul 'khor dang / btsun mo 'khor dang bcas pa dbang du bya bar 'dod na lus bslu ba byas na gang du zhugs pa der thams cad dbang du 'gyur ro/ pus mo gnyis la byugs na chu klung chen po pus mo nub tsam gyis pha rol tu rgol bar 'gyur ro// rgyal mtshan gyi rtse mo la btags te dmag gam/ g.yul ngo'am/ tshogs pa'i nang ngam/  ri khrod dang / tshang tshing dang / ri sul dang / dgon par phyin pa na bsgreng ba byas na bde ba dang bde legs su rgal bar 'gyur zhing / chom po dang / g.yon can dang / rkun po dang / gcan gzan gtum po'i 'jigs pas mi tshugs par 'gyur zhing bltar med par 'gyur ro/ / btson ra thams cad du song ba na byug pa byas na shing sgrog dang / khong sgril dang / lcags sgrog gis bcings pa thams cad chags grugs su 'gyur ro/ / bdag nyid la bskus na mtshon cha mi snang bar 'gyur ro// mig gnyis la bskus na gnyid log pa'i tshe rmi lam chen po rmi bar 'gyur zhing / ji ltar bsams shing smon pa snang bar 'gyur ro/ / 'phags pa spyan ras gzigs dbang phyug sku ston par mdzad cing thams cad bka' stsol bar 'gyur ro// de la mig nad thams cad kyis mi tshugs so// kha'i nang du bzhag na gang bslangs pa sbyin par byed cing dbang du 'gyur ro/ / gdon gyis zin pa la dpral ba la byug pa byas na byugs pa tsam gyis 'bab par 'gyur te/ thams cad smra bar 'gyur ro//  lag mthil du bskus na glang po chel reg na dbang du 'gyur zhing gar btang ba der 'gro bar 'gyur ro// dpral ba'i dbus su thig le byas na 'jig rten thams cad kyis cher mchod par 'gyur ro// mi pa la byugs na mgrin sngon bzhin du bram ze thams cad dbang du 'gyur zhing bgyi ba ci mchis zhes bran bzhin du 'gyur ro/ / 'o ma dang sbyar te mig la bskus na mtshan mong nyin mo'i bzhin du snang bar 'gyur ro/ / gnod sbyin dang srin po'i gnas thams cad kyi sgro phye bar 'gyur zhing gter thams cad 'byung bar 'gyur ro// thams cad bran bzhin byed par 'gyur ro// klu'i gnas kyi mtshor bor na klu chen pos char gyi rgyun gtong bar 'gyur ro/ / char ha cang che ba'i tshe chu dang bsres te nam mkha' la gtor na zhi bar 'gyur ro// sprin la bltas te ser ba'i rgyun la gtor na ser ba 'bab par mi 'gyur ro/ / lag pa la btags na gang la reg pa de zad mi shes par 'gyur ro// rkang pa'i rje ngar la btags te me'i nang du zhugs na mes mi tshugs shing tsan dan bzhin du bsil bar 'gyur ro//  ral gri la byugs te g.yul ngor song na lus thams cad gcig tu 'bar bar gyur nas/ pha rol gyi dpung thams cad 'byer bar 'gyur zhing thams cad du rgyal bar 'gyur ro// nad chen pos thebs pa'i nad pa tshabs po che la phye ma byin na nad tshabs chen po las thar par 'gyur ro/ / tshad pa dang po ba na ba la chu dron las btang na mod la yongs su thar par 'gyur ro// rtsib logs na ba la dar ba las btang na zhi bar 'gyur ro/ / nad thams cad la ni zhun mar dang til mar las sbyar te bsku mnyes dang / bza' ba dang / btung ba'i nad dang / snar blugs pa dang / byug pa byas na nad thams cad 'jig par 'gyur zhing nam yang 'byung bar mi 'gyur ro/ / phug gi sgor khor yug tu byugs la snying po lan bdun bzlas te/ don yod pa'i zhags pa'i phyag rgya byas la khro bo'i rgyal po'i gsang sngags lan gcig bzlas brjod byas nas zhugs na phug gi sgo chag ste rang gi khyim ji lta ba bzhin du 'gyur zhing sdang ba thams cad bzlog par 'gyur ro/ / bgegs dang log 'dren tham cad mi snang bar 'gyur ro/ / khar bcug ste mi smra bar snying po'i mdo brjod par byas na lan brgya phrag stong bzlas par 'gyur ro// de bzhin gshegs pa thams cad kyi dge ba'i rtsa ba dang ldan par 'gyur ro/ / shing rta'i srog shing la byugs na g.yul ngo thams cad du rgyal ba thob par 'gyur ro// zong na gtor na rin chen pos nyo bar 'gyur ro// bu mo'i gdong bkrus na mgo yang bar 'gyur ro/ / snying khar thig le byas na thams cad du bltar med par 'gyur ro// thams cad du 'dod pa thams cad sbyin pa/ las thams cad byed pa/ bdag bsrung ba/ gzhan bsrung ba'i nor bu gang dang gang la sbyar zhing bzlas na thams cad du bltar med par 'gyur ro/ / bgegs dang log 'dren rnams la til dang chu la lan bdun bzlas te byin na bgegs dang log 'dren thams cad zhi bar 'gyur ro/ / byur ngan pa med par bya na ras la dkyil 'khor zlum po bris la/ 'phags pa spyan ras gzigs dbang phyug gi spyan sngar mi smra bar bzlas son stong rtsa brgyad bzlas la mchod pa rgya chen po byas te gtsang mas gos gtsang ma bgos te/ a ka ru'i bdug pas bdug par bya zhing / spos dang ldan pa'i til mar gyi me bltam pa byas na bzlas brjod byas pa tsam gyis mod la byur ngan pa thams cad med par 'gyur ro/ / dbul ba nyams pa'i don dang / ma grub pa dang / sdig pa dang / rmi lam ngan pa dang / ltas ngan pa dang / sgrib pa bsal na gser ram dngul gyi bum pa spos chus bkang ba la lan brgya rtsa brgyad bzlas te blugs na/ de dag thams cad 'jig par 'gyur zhing 'jig rten pa'i dpal chen po nyams su myong bar 'gyur ro/ / gdon thams cad tshar gcad na til dang 'bras so ba'i sbyin sreg gis so// nad dang gnod pa thams cad bsal na chu la bzlas pas so// dus ma yin par 'chi ba zhi bar bya na dus gsum du lan gsum gsum du rtag tu bzlas pas dus ma yin par 'chi bzhi par 'gyur ro/ / bcing ba dang / lcags sgrog dang / khong sgril gzhom na nyin re zhing brgya rtsa brgyad bzlas pas so//  rgyal po dbang du byas na lam po cher brgya rtsa brgyad bzlas na rgyal po 'khor dang bcas pa dbang du 'gyur ro// chom po dang rkun po regs par bya na rA dzA ko shA ta ki'i sa bon gyi sbyin sreg gis so// me rengs par byan song ldeng gi shing la bzlas te mer bcug nas bzlas na me rengs par byed par 'gyur ro/ / chu rengs par bya na ka la gi'i sa bon chu'i nang du btab na chu rengs par byas par 'gyur ro// dug gzhi la na rma bya'i sgro yis so/ / mtshon rengs par bya na shing gnam lcags kyis tshig pa'i thal ba la bzlas te gtor na mtshon cha thams cad rengs par 'gyur ro// ting nge 'dzin sgrub na ting nge 'dzin gyi phyag rgya bcings te bzlas na ting nge 'dzin stong thob par 'gyur ro/ / pha rol tu phyin pa drug rdzogs par 'dod pa'i rig sngags 'chang dge slong ngam/ dge slong ma 'am/ dge bsnyen nam/ dge bsnyen ma des ba lang gi lci bas dkyil 'khor gru bzhi pa cha shin tu 'byes pa byas te/ tsan dan gyis mchod par bya zhing gur kum dang / gla rtsi dang / ga pur gyis mchod nas me tog sna tshogs bkram ste/ 'phags pa spyan ras gzigs dbang phyug mngon du phyogs par bzhag nas bum pa spos chus bkang ba bzhi bzhag la/ mchod yon gyi snod bzhi dang / pog por bzhi spos chu'i bum pa'i dbus su gzhag par bya zhing / a ka ru'i bdug pa dbul bar bya'o/ / bum pa'i steng du bcom ldan 'das ma shes rab kyi pha rol tu phyin pa gzhag par bya/ rgyan thams cad kyis brgyan par bya zhing / spos kyi mar me bzhi bltams par bya/ mchod pa rgya chen po bya/ ba dan gyis brgyan par bya zhing dkyil 'khor byas la/ dkyil 'khor gyi mdun du skyil mo krung du 'dug ste bzlas brjod stong rtsa brgyad bya/ khro bo'i rgyal po lan brgya rtsa brgyad bzlas brjod byas na pha rol tu phyin pa drug yongs su rdzogs par 'gyur zhing / 'phags pa shes rab kyi pha rol tu phyin pa sku ston par 'gyur ro// dge ba'i rtsa ba'i tshogs thams cad yongs su rdzogs par 'gyur ro/ / sems can brgya stong mang po gdul na ri'i rtse mor stong rtsa brgyad bzlas pas so// bdud la sogs pa sdang ba thams cad gzhom par 'dod pas rdo rje 'am/  mdung rtse gsum la lan stong rtsa brgyad bzlas te/ don yod pa'i zhags pa'i phyag rgyas tsham rngam bya zhing khro bo'i rgyal po'i bsdigs pa'i phyag rgya bcings te/ khros pas lan brgya rtsa brgyad bzlas nas gsor te/ nam mkha' la 'phangs na bdud la sogs pa snang ba thams cad bcom par 'gyur ro// las thams cad grub pa dang / gsang sngags thams cad 'grub pa dang / bsam pa thams cad 'grub cing yongs su rdzogs par 'dod pas don yod pa'i zhags pa'i phyag rgya bcings te/ stong nyi shu bzlas na grub pa chen por 'gyur ro// de bzhin gshegs pa thams cad kyis dbang bskur bar 'dod pas stong sum cu rtsa gnyis bzlas na/ de bzhin gshegs pa thams cad dbang bskur bar 'gyur te/ de bzhin du spos chu'i bum pas dbang bskur bar bya'o// de bzhin gshegs pa'i gzug brnyan sku gdung dang bcas pa la mig gtad de khri bzlas na de bzhin gshegs pa nyid 'thob par 'gyur ro/ / 'phags pa spyan ras gzigs dbang phyug gi zhabs drung mnan te khri bzlas na spyan ras gzigs dbang phyug dang 'dra bar 'gyur ro/ / phyag na rdo rje spyan drang bar 'dod pas/ phyag na rdo rje'i zhabs mnan te bzlas brjod lan stong byas nas gu gul gyi bdug pa dbul ba byas no// 'phags pa phyag na rdo rje rang gi gzugs kyis mdun na 'dug par 'gyur ro/ / thams cad du khro bo'i rgyal po dran par bya zhing / thams cad du don yod pa'i zhags pa'i phyag rgya bcing ba byas na/ ma bsgrubs ma bklags par 'grub cing / cho ga zhib mo mtha' yas 'grub par 'gyur ro// snying rje dang / dga' ba dang / btang snyoms dang / ngo tsha shes pa dang / brtse ba dang / byams pa dang / shes rab dang ldan pas 'di 'grub par bstan to/ / go cha bgos pa grub pa mchog thams cad grub pa thob cing bsod nams kyi phung pos 'bar bar 'gyur ro// thog mar khro bo'i rgyal po bzlas pas rtag tu mtshams gcad pa dang / phyogs bcing ba dang / yul bcing ba bya ste/ srung ba mchog tu dkon pa'o// de bzhin gshegs pa dang rgyal ba'i bdag nyid skyes pa thams cad kyis dbang bskur bar 'gyur zhing go/  cha bgos par 'gyur ro// rtag tu dbang bskur ba dang / cho ga zhib mo thams cad 'grub pa dang / dam tshig shes par 'gyur ro// thams cad du don yod rgyal po myur du 'grub par 'gyur te/ phyag na pad+mas 'jig rten du bde ba'i mchog sbyin pa dang / dbugs 'byin par 'gyur ro// de bas na rtag tu khro bo bklag par bya'o// gal te dbang bskur bar 'dod na'ang rgyal ba thams cad kyis dbang bskur bar 'gyur ro/ / de bzhin gshegs pas bden bston par 'gyur ro// don yod pa'i rgyal po'i cho ga zhib mo mchog las khro bo'i rgyal po bshad par bya ste/ gtsang mas gos gtsang ma bgos la shes rab dang byang chub kyi thabs dang ldan pas 'di 'grub par de bzhin gshegs pa thams cad kyis lung bstan to/ / na maHsar+b+ba ta thA ga ta/ Ar+yA ba lo ki te shwa ra badz+ra d+ha/  re b+h+yaHoM tsa ra tsa ra/ tsu ru tsu ru/ ma hA kA ru Ni ka/ tsi ri tsi ri/ bi ri bi ri/ ma hA pad+mA hasta/ ka la ka la/ ku ru ku ru/ ma hA s+thA ma prAp+ta/ tsa ra tsa ra/ tsa tsa ra ti/ tsa re shwa ra/ e h+ye hi/ si d+h+ya sid+d+ha/  bud+d+ha bu d+d+ha/ d+hU ba d+hA ba/ ki Ni ki Ni/ pa ra ma shud d+ha satwa/ ka ra ka ra/ ki ri ki ri/ ku ru ku ru/ ma hA pa shu pa ti be Sha d+ha ra/ ha hAM/ ha hI/ hu hU/ oM kA ra ma hA brah+ma be Sha d+ha ra/ tsa ra tsa ra/ bar ba ra/ rash+mi sha ta sa ha sa pra ti maN+Di ta sha rI ra/ dz+wa la dzA la/ ta pa ta pa/ b+ha ga bAn/ sa mA di t+ya/ ya ma ba ru Na/ ku be ra/ brah+ma na dra/ r-i Shi ga Na/ de ba ga NA b+h+ya rtsi ta tsa ra Na/ su ru su ru/  mu ru mu ru/ san ta ku mA ra/ ru dra/ biSh+Nu bA sa ba/ d+ha na da/ de ba ra~M Shi nA ya kA/ ba hu bi bi d+ha be Sha d+ha ra d+ha ra d+hA ra/ sa man+ta ba lo ka/ bi lo ki te/ lo ki shwa ra/ mu ya mu ya/ muHs+sa ban+d+ha ban+d+ha na/ tA Da na/ tardza na/ rA dza taskA ra ag+ni/ u da ka/ bi Sha/ shastA pa ri mo tsa ka/ ka Na ka Na/ ba la bo d+h+yaM ga tsa tu rA r+ya sa t+ya sam pra kA sha ka/ ta ma ta ma/ sa ma sa ma/ ma hA tsi t+yan d+ha kA ra~M pra sha ma na ma li mi li/ e Ne ya tsa mi kr-i ta pa ri ka ra/ e h+ye hi/ sarba maT/ bi shud+d+ha bi Sha ya ni bA si na~M/ ma hA kA ru Ni ka/ shwe ta ye d+ho pa bI ta/ rat+na mu ku Ta mA lA d+ha ra/ sar+b+ba nA shi ra si kri ta/ ka ra buT/ d+h+yan/ sa mA d+hi/ bi mo k+Sha a pra kam+b+ha/ ShaH pA ra mi tA pa ri pU ra ka/ ba hu satwa san ta tI pa ri pA tsa kA sar+b+ba mA rA di pra duny+dza pra mdza ka/ sar+b+ba sid d+hA shA pa ri pu r+yak+Sha/  / a b+hi Shiny+tsa sar+b+ba ta thA ga ta/ a b+hi Shi kair/ b+ha ga bAn ta/ a mo g+ha rA dza hUM phaT/ na mo stu te swA hA/ gsang sngags kyi cho ga snga ma de lta bus las thams cad pa don yod pa'i zhags pa khro bo zhes bya / ba grub pa mchog las thams cad pa'o// na mo rat+na tra yA ya/ na ma Ar+ya a mi tA b+hA ya/ ta thA ga tA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ a mo g+ha ba ra dA pA sha has+thA ya/ ma hA shud+d+haHsatwa ya/ A gats+tsha/ b+ha ga bAn/ pad+ma hasta/ ba ra da ka rAM gu le/ pad+ma b+hu dze ma hA pa shu pa ti be Sha d+ha re/ pra sA da/ shI g+h+raM A gats+tsha/ ma hA be ga/ bi bA sha ta rash+mi/  ha sa ha sa/ a mo g+ha shud d+he/ ha sa ha sa/ tsa la tsa la/ A gats+tsha A gats+tsha/ b+ha ga bAn/ a ba lo ki ta shwa ra/ ma ma gan d+ha puSh+pa/ sa ma mardza ni ya ma pra tIts+tsha/ tri rat+na sa t+ye na/ a mo g+ha si d+he swA hA/ 'phags pa spyan ras gzigs dbang phyug gi dkyil 'khor na gnas pa thams cad dgug pa la a ka ru'i bdug pa la lan nyi shu rtsa gcig bzlas pas so// na mo rat+na tra yA ya/ na maH Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ sar+b+ba gan d+ha ba ti sid ta/ a mo g+ha b+hu dza/ ba ra dA ya/ sar+b+ba gan d+ha mA l+ya bi b+hU Shi ta pri ye/ tsan+na r+d+ha shi ra si pri ye/  gan d+ha gan d+hA nu le pa na sA ma ma pra tIts+tsha/ ba ra ba ra ba ra d+ha ya swA hA/ lan bdun bzlas te dbul bar bya'o// na mo rat+na tra yA ya/ nA ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ hi li hi li/ mi li mi li/ ma hA pra b+ha/ su bi ma le/ brah+ma be Sha d+ha re/ su ma ti ba ra de/ tu ru tu ru/ bi tsi tra puSh+pa mA l+ya bi b+hU Shi te/ ha ra ha ra/ mar ma ra/ tu ru tu ru/ a mo g+ha hri da ya pra mo da na ku ru pra tIts+tsha ma ma puSh+pa ba re swA hA/ me tog la lan bdun bzlas te dbul bar bya'o// na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA ka ru Ni kA ya/ ma hA bo d+hi satwa ba ra de/ sma ra sma ra/ b+ha ga bAn/ sa ma ya/ sar+b+ba ta thA ga tA shA sid d+he/ b+ha ga bAn/ a ba lo kA ya/ sar+b+ba satwA a ba lo ka ni/  a mo gA ba ti pA sha ha ste/ sid d+he sid d+he/ sid d+ha ba ra da sid d+h+yan tu te/ bud+d+ha d+harma/ saM g+ha sa t+yen tu ru tu ru/ sa t+ya sa ma ya pA la ya swA hA/ 'phags pa spyan ras gzigs dbang phyug dran par bya ba'i / rig sngags so// na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ d+hu re b+hu re/ badz+ra d+ha ra/ pad+ma dza be/ bi ga tA ba ra de/ be ga be sa d+hu Tu d+hu Tu/ sar+b+ba bi dza pri ye/ bud+d+ha d+harma/ saM g+ha sa t+ye na/ mi li mi li swAhA/ gtor ma'i sngags te lan bdun bzlas te sbyin no// na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/  ma hA satwA ya/ ma hA kA ru Ni kA ya/ a pra ti ha ta/ ta thA ga ta dz+nyA na kA ya/ b+ha ga bAn/ A ha ra A ha ra/ pad+ma sa na/ pad+ma b+hu dze/ shre taM ge/ shwe ta su dze/ shwe ta mA l+ye bi b+hU Shi te/ d+hu ma d+hu ma/ dz+wa la bud+d+ha d+harma/ saM g+ha sa t+ye ne swA hA/ mar me'i rig sngags te lan bdun bzlas so// na mo rat+na tra yA ya/ na ma Ar+ya a ba lo ko te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/  / oM bi ri bi ri/ pad+ma pA Ni/ A ga mA ga mA/ a mo g+ha ta tA sid d+he/ sar+b+ba ta thA ga ta ga ga na rash+mi sany+tso di te/ sar+b+ba bi d+yA d+ha ra bi sho d+ha ne/ a mo g+ha sid d+he swA hA/ spos chu'i dri zhim po'i bum pa la lan bdun bzlas te khrus bya'o/ / khrus kyi rig sngags so// na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwa ya/ ma hA kA ru Ni kA ya/ tad+ya thA/ d+hu me d+hu me/ d+hu d+hu me/  pad+ma pad+me nir b+hA se/ shud d+ha shud d+ha/ ka na tsa na/ pra b+hA sa bi ma le/ shud d+ha rA shrI/ shu tsi shu tsi/ shu tsi go tsa ra side d+hi/ pad+mi ga ba ti/ pra ba ra Ni swA hA/ gos kyi rig sngags te lan bdun bzlas pas so/ / na mo rat+na tra yA ya/ na ma Ar+ya a ba lo ki te shwa rA ya/ bo d+hi satwe ya/ ma hA satwA ya/ ma hA kA ru Ni kA ya/ tad+ya thA/ shA me shA mi ya/ shan ti me/ ma ma swa s+yA naM ku ru/ shAnra to si me sar+b+ba pA pa shan ta shud d+ha ka l+ya na bi ra dze/ shAn ti bi dza ye/ dza ya sid d+he/ b+ha ga bAn/ Ar+ya a ba lo kiM te shwa rA ya/ sa ra sa ra swA hA/ mal cha la bsngags te nyal na rmi lam ngan pa dang ltas ngan pa thams cad mi mthong ngo / / na mo rat+na tra yA ya/ na ma Ar+ya a ba lo ki tai shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ nA ga prA ka Sha Ne/ da bya dza le/ dza lA ba he/ dza la saM k+Sho ba yan nA ga dza la saM sho d+ha ni pad+ma sa re/ pad+ma bi shud d+he/ phA Ni dza le saM sho d+ha ya/ Ad man d+ha ra d+ha ra/ sa le le swA hA/ chu'i sngags te khrus dang dbang bskur ba'i chu blangs la lan bdun bzlas te spyad do/ / na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ sar+b+ba satwAM hi ti ka rA ya/ a mo g+ha ba ra pra dA ya/ sarba satwAM man na pA na pra dA ya/ de ba nA gA da ya b+ho dz+ya bi d+hi d+ha ra sA nu pra dA ya/ sa ka la b+hu ba ni/ b+hu ba na bi sho d+ha ni/ san+ta thA ya pra ba ra bi shud d+he sA hA/ dbul ba'i gsang sngags so// na mo rat+na tra yA ya/ na ma Ar+ya a ba lo ki shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ sar+b+ba de bA su ra na ma s+thi te/ sa ma sa man+ta pra pU ra Ne/ sa ma gan d+hU ba b+hA si te/ ga ga na bi shud d+he/ muk+ti pra b+he/ dza ye bi dza ye/ dza ya nir mA l+yo pa na ya ti/  puSh+pa mA l+ya gan d+ha bi sho d+ha na/ bi sho d+ha ya/ sar+b+ba ta thA ga ta bi shud d+he/ pad+ma bi sho d+ha ni swA hA/ me tog rnying pa dor ba'i rig sngags so// na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ma hA kA ru Ni kA ya/ tad+ya thA/ d+ha ra Ni na d+ha re/ d+ha ra Ni ban d+he/ ban d+ha ban d+ha/ shu kra bi sho d+ha ni/ shu kra mA li ling gi ti/ shu kra bi sho d+ha ni/ shud d+ha bi ma le sAhA/ rtswa ku sha 'am/ ras kyi srad bu 'am bu mo gtsang mas bkal ba'i srad bu la lan nyi shu rtsa gcig bzlas te mdud pa nyi shu rtsa gcig bor ba byas na khu chu 'gags par 'gyur ro/ / na mo rat+na tra yA ya/ na ma Ar+ya a ba lo ki tai shwa rA ya/  / bo d+hi satwA ya/ ma hA satwA ya/ ma hA kA ru Ni ka ya/ tad+ya thA/ dz+wA le dz+wa le/ bi ma le dzA le/ pra b+hA sa bi ra dza/ sUr+ya ba ti/ dza ya pad+ma mA la d+ha re swA hA/ me'i sbyin sreg gi thal ba la lan bdun bzlas te kun tu gtor na bgegs dang log 'dren thams cad kyis nam yang mi tshugs so/ / na mo rat+na tra yA ya/ na ma Ar+ya a ba lo ki tai shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ dza le dza le/  dza la ba ti/ dza la pra b+hA ba ni/ nA ga sra ba Ni/ di bya bA ri Ni/ mi li mi li swA hA/ nye reg gi rig sngags so// na mo rat+na tra yA ya/ na ma Ar+ya a ba le ki te shwa rA ya/ bo d+hi satwA ya/ ma hA swat+pA ya/ ma hA kA ru Ni kA/  ya/ tad+ya thA/ ri Ni ha ra Ni/ pi ga li piM ga li/ hi ri hi ri/ b+ha ga bAn ni tsa la pra tsa la/ pra ti tiSh+Tha mAn rak+Sha rak+Sha ma ma bud+d+ha d+harma saM g+ha sa t+ye na sA hA/ stegs bu 'am r+dz+dza ku sha bting ba la lan bdun bzlas pas stan gyi rig sngags so/ / na mo rat+na tra yA ya/ na maHsar+b+ba maN+Da la ni bA si na de ba tA nAM/ na mo bi d+yA de ba tA nAM/ sar+b+ba ka la ba sid d+hA nAM/ na ma Ar+ya a ba lo ki ti shwa rA ya/ bo d+hi satwA ya/ ma hA satwa ya/ ma hA/  kA ru Ni kA ya/ e h+ye hi b+ha ga ba / pad+ma sun d+ha ri/ ma hA bid+yA de ba ti/ tsa la tsa la/ pad+ma sun d+ha ri/ be ga ba te/ su ru su ru swA hA/ nyin re zhing me tog dang / bdug pa dang / gtor ma dang / spos chus pho nya mo pad+ma'i rigs mdzes pa dang / gnod sbyin mo ral pa gcig ma mchod nas bzlas brjod lan bdun byas na nam yang bgegs thams cad kyis mi tshugs so// na mo rat+na tra yA ya/  na maHkro d+ha rA dzA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ na maHsar+b+ba bi d+ya ku la baM sha s+ya/ tad+ya thA/ oM a mo g+ha hri da ya pra b+hA bi ni/ sar+b+ba big+h+nAn pra sha ma ni/ a ha ra/ saM ha ra/ pad+ma bi Sho ba biSh+Te/ ma Ni ka Na bi b+hU Shi ta/ ka ma la b+hu dze/ ta ra ta ra/ tA rA ya pa ra ma/ a mo g+ha hri da ya/ dza ye tri ne tre/ ba ra da b+hu dze/ sma ra sma ra/ b+ha ga bAn/ sarba ta thA ga ta sa ma ya/ b+ha ra b+ha ra/ b+hu ru b+hu ru/ brah+ma be Sha d+ha ra/ bi b+hA Shi ta te nu/ ma hA b+ha ya ha re/ a lo ka ya/ bi lo ka ya/ sar+b+ba satwA ba lo ka ni/ ba ra ba ra de swA hA/ las thams cad pa'i rig sngags te/  sgrub pa'i dus su khyad par du ni rig sngags 'dis dkyil 'khor gyi gnas na 'khod pa'i las mi rnams bsrung bar bya'o// na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ pa ra pa ra/ ma ra ma ra/ sa ra sa ra/ ban d+ha ban d+ha sa man+te na/ a mo g+ha pA sha ha ste/ tiSh+Tha tiSh+Tha/ bud+d+ha d+harma saM g+ha sa t+ye na swA hA/ thal ba la len nyi shu rtsa gcig bzlas te don yod zhags pa'i phyag rgyas yul bcing ngo / / na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/  di shA ban d+ha ni/ a mo g+he/ a pra ti ha te/ mu ru mu ru/ su ru su ru/ tu ru tu ru/ sar+b+ba big+h+nAn bi nA sha Ni/ pad+ma sA ra bi b+hU Shi te/ bud+d+ha d+harmA saM g+ha sa t+ye na ban d+ha/ a dzi ta ba ra de swAhA/ spyan drangs te phyi nas phyogs bcing bar bya'o/ / na mo rat+na tra yA ya/ na ma Ar+ya a ba lo ki te shA rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ hi li hi li/ mi li mi li/ si ri si ri/ pi ri pi ri/ ba ra ba ra/ pra ba ra bi mA na d+ha ra/ da ra da ra/ gats+tsha gats+tsha/ b+ha ga bAn/ Ar+ya ba lo ki te shwa rAsh+tsa/ b+ha ga bAn/ tu ru tu ru/ a mo g+ha pad+me swA hA/ me tog ci rnyed pa la lan nyi shu rtsa gcig bzlas te snyim pa nas phul na slar gshegs su gsol bar 'gyur ro/ / rig sngags kyi cho ga zhib mo rim par phye ba'i cho ga'o// // de nas don yod pa'i zhags pa'i rgyal po khro bo chen po'i snying po'i mchog sgrub na sgrub sla ba'i ras kyi sku gzugs kyi cho ga bshad par bya'o/ / cho ga zhi ba grub grub pa che// khro bo'i rgyal grub grub pa mchog/ don yod pa ni grub pa'i mchog/ rig sngags 'di ni bshad par bya'o/ / don yod rgyal po khro chen gyi// snying po dam pa grub pa na// cho ga zhib grub grub pa che// khro bo'i rgyal po grub pa mchog/ grub pa'i mchog ste don yod pa// rig sngags 'di ni bshad par bya'o/ / gang brjod pa tsam gyis cho ga zhib mo'i mchog thams cad 'grub pa/ sangs rgyas bye ba brgya phrag stong gis gzigs par 'gyur ba/ rdzogs pa'i sangs rgyas gang+gA'i klung gi bye ma snyed brgya stong mthong bar 'gyur la/ de bzhin gshegs pa 'bum la dge ba'i rtsa ba bskyed par 'gyur ba/ bsod nams kyi phung po bla na med pa/ sdig pa thams cad rab tu zhi bar 'gyur ba/ stobs dang brtson 'grus bskyed pa/ cho ga zhib mo thams cad don yod pa de kho na nyid sgrub pa 'grub pa/ dran pa tsam gyis mod la ni// sa gzhi yang ni g.yo 'gyur la// sum cu'i lha rnams g.yo 'gyur zhing / / lhar bcas rgya mtsho lhun por bcas// klu rnams 'dar ni yed yod cing // gnod sbyin srin po 'bros 'gyur ba// lha dang lha min g.yul 'gyed tshe// rig sngags rgyal po bla med kyis//  phyag na rdo rje gnod sbyin bcas// dpung dang bcas shing bzhon bcas pa'i// lus skyes 'bar ba'i 'phreng can kun// 'dar zhing kun tu 'dar yed yod// rgyal po chen po bzhi po yi// gnas mchog dag ni g.yo 'gyur zhing / / de dag thams cad 'dus gyur nas// 'jig rten dbang la skyabs 'dong zhing // bcom ldan mgon pos bskyab tu gsol// thugs rje'i bdag nyid bskyab tu gsol/  nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das gang na ba der song ste phyin nas/ bcom ldan 'das la 'di skad ces gsol to// bcom ldan 'das bdag la grub pa don yod pa'i snying po rig sngags rgyal po'i snying po 'di gang gis bklags pa tsam gyis don yod pa'i zhags pa'i snying po myur du rab tu 'grub cing / dran pa tsam gyis 'phags pa spyan ras gzigs dbang phyug lha'i lus kyis lus ston par 'gyur ba/ dngos grub dang mchog thams cad sbyin par 'gyur ba mchis te/ bcom ldan 'das de bdag gis bcom ldan 'das kyi spyan sngar 'khor gyi dkyil 'khor 'di'i nang du bsgrags par bgyi'o/ / na mo rat+na tra yA ya/ na mo a mi tA b+hA ya/ ta thA ga tA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ mo hA kA ru Ni kA ya/ tad+ya thA/ oM pad+me pad+me/ pad+ma d+ha ra/ bi b+hU Shi ta b+hu dze/ tsa ra tsa ra/ brah+ma be Sha d+ha ra/ b+ha ra b+ha ra/ bi tsi tre mau la d+ha ra/ ma Ni ka na ka badz+ra bai DUR+YA laM kri ta shA rI ra/ ta ra ta ra/  ta rA ya/ b+ha ga ba ti bA ra Na/ d+hu ru d+hu ru/ a mo gA pA sha ha ste/ ba ra ba ra/ ba ra dA ya ka/ sa man+ta a ba lo ki te/ ma hA bo d+hi satwA ba ra da pad+ma sa na pad+ma go'u raM/ dzA la dzA la/ sar+b+ba ta thA ga ta a b+hi She ka/  a b+hi Shi ka te/ ma hA kA ru Ni ka/ ba la ba la/ ma hI be ga d+ha ra/ bi kri tA na ya na/ daMSh+Ta ka rA la ma hA te dza/ d+ha ra d+ha ra/ bi pu la dza na ba ra da/ ma hA kA ru Ni kA ya/ ma hA pa shu pa ti bi Sha d+ha ra/ sa ra sa ra/ pra ba ra pu N+yan+ya saM b+ha ra/ su ga ta d+hA na sa mA d+hi/ sa man+ta a ba lo ki ta/ I shwa ra ma he shwa ra/ puny+dza da ma ka/ ro dra pra la da ma ka/ kro d+ha rA dza ma hA be gA d+ha re/ sa me sa ma/ ma hA s+thA ma prA b+ha/ tsan+na sUr+ya a ti re ka pra b+ha ma la ma la/ sar+b+ba ma la bi shro d+haka/ sar+b+ba r-i Shi ga Na sar+b+ba ti/ ma hA ma he shwa ra rU pa d+ha ra/ a mi tA b+ha dzi nA laM kri ta dza TA/ dak+Shi Na tsan drA laM kri ta shi ra/ ma tha ma tha/ sar+b+ba yak+Sha rAk+Sha sa b+hU ta ga na b+hany+dza ka/  ta ra ta ra/ ta ra ga Na sa mA laM kr-i ta/ nak+Sha tra mA la sar+b+ba big+h+nAn bi nA sha na ka ra/ pa ra mai tri tsit+ta ma hA ka ru Ni ka/ pa ra pa ra/ pa ri pUr+Na maN+Da la/ sau mya mu kha/ ShaT pA ra mi tA pa/  ri pU ra ka/ mi li mi li/ e Na ya tsarma ni bA sa na/ byA g+h+ra tsarmod ta ri ya/ d+ha ra d+ha ra/ sar+b+ba ta thA ga ta a ba lo ki ta/ tri nai tra tri shU la d+ha ra/ badz+ra dz+wA la d+ha ra/ a mo g+ha pA sha haste/ ya ma ba ru Na ku be ra rU pa d+ha ra/ na ge na rba rU pa d+ha ra/ bi ma la bi shud d+ha de ha/ sar+b+ba pA pa shA ma ka sar+b+ba ba ra Na bi sho d+ha ka/ sar+b+ba ki la bi Sha nA sha ka/ swai lo kya ba shaM ka ra/ sar+b+ba satwAM bi sho d+ha ka/ bo d+hi satwA ba ra da/ sar+b+ba ta thA ga ta a d+hiSh+Thi te/ oM pad+ma bi b+hu Shi ta shud d+he/ d+hi ri d+hi ri/ a ba lo ki ya mAn/ sa ma sa ma sar+b+ba karma me sa d+ha ya/ a mo g+ha pA sha hri da ya sid d+he/ gu h+ya na pi si ni ba ra da hUM phaT/ na mo stu te swa hA/ grub pa don yod pa rig sngags kyi rgyal po 'di bshad ma thag tu 'byung po'i tshogs dang / gnod sbyin dang / srin po dang / bgegs dang / log 'dren de dag thams cad khas bub tu 'gyel te gcig tu 'bar bar gyur cing / gnas kyang 'bar bar gyur pa dang / de nas gnod sbyin gyi sde dpon chen po phyag na rdo rje dga' bas pa spu langs te/ skrag par gyur pa'i lha'i tshogs thams cad dang / brgya byin dang / tshangs pa dang / khyab 'jug dang / dbang phyug chen po dang / rgyal po chen po bzhi dang / skrag par gyur pa'i lha dang / lha ma yin dang / drang srong spa bkong ba thams cad dang / rgya mtsho na gnas pa'i klu'i rgyal po thams cad dang / chu bran thams cad dang / lha dang klu gang dag chu na gnas pa thams cad dang / rgya mtsho chen po'i lha dang / lha gang dag lang ka'i grong khyer na gnas pa thams cad dang / rig sngags 'chang gis 'khor los sgyur ba thams cad dang / gang dag gnas gtsang ma'i ris kyi lha rnams dang / nam mkha'i lha thams cad 'khrugs par gyur nas nam mkha' las babs te/ bcom ldan 'das la mchod pa'i las dang / byang chub sems dpa' 'phags pa spyan ras gzigs dbang phyug de la'ang mchod pa'i phyir lha'i me tog rnam pa sna tshogs pad+ma dang / ku mu da dang / ut+pa la dang / puN+Da ri ka dang / man da ri ka dang man da ra ba chen po'i char dang / lha'i rgyan dang lhab lhub kyi char pus mo nub tsam ri bo bo Ta lar phab ste/ lha'i sil snyan dang glu dbyangs len cing ha ha zhes ca co dang gzha'i sgra bton nas/ bcom ldan 'das 'phags pa spyan ras gzigs dbang phyug gis sems can thams cad kyi don du rig sngags chen po 'di bshad do zhes ched du brjod pa chen po ched du brjod do/ / de nas gnod sbyin gyi sde dpon chen po phyag na rdo rje byang chub sems dpa' sems dpa' chen po 'phags pa spyan ras gzigs dbang phyug gang na ba der song ste/ lan gsum bskor ba byas nas mchod pa'i phyir mu tig gi do shal brgya stong rib phul tebacom ldan 'das kyis rig sngags chen po cho ga zhib mo thams cad kyi mchog bshad do/ / don yod pa'i rgyal po rag sngags chen po'i snying po 'jig rten mgon po thub pa chen pos bshad du gsol/  bcom ldan 'das cho ga zhib mo mtha' dag don yod pa'i rgyal po 'grub pa'i mchog las thams cad grub pa bshad du gsol/ de nas de'i don du 'phags pa spyan ras dbang phyug gis don yod pa'i zhags pa'i snying po cho ga zhib mo grub pa don yod pa rig sngags kyi rgyal po ras kyi sku gzugs sgrub pa'i mchog cho ga dang yo byad du bcas pa bshad pa/ ras gru bzhi pa kun nas cha legs par phye ba/ kha tshar ma bcad pa/ skra med pa/ ri mo mkhan gtsang ma khrus byas pas gos gtsang ma bgos la gso sbyong dang ldan par byas pas tshon lhag ma ma yin pa snod gsar par bzhag la bri bar bya ste/ dbus su 'phags pa spyan ras gzigs dbang phyug ral pa'i thor tsugs kyis bzhugs shing rgyal ba 'od dpag med kyis brgyan pa/ thor tshugs kyi g.yas su zla tshes kyis brgyan pa/ ri dag e n+ya ya'i pags pa gyon pa/ phyugs bdag gis cha lugs 'chang ba/ rgyan thams cad kyis brgyan pa/ dbu gsum/ spyan gsum/ phyag bzhi pa/ ri'i steng na pad+ma'i gdan la bzhugs pa/ zhal dbus ma zhi ba'i zhal bzhin 'dzum pa/ zhal g.yas pa 'jigs su rung ba/ khro gnyer can thor tsugs 'od dpag med kyis brgyan pa/ dbu zla tshes kyis brgyan pa/ zhal g.yon pa 'jigs su rung ba bzhin bsgyur cing mche ba gtsigs pa/ rgyal ba 'od dpag med dbu la bzhugs pa/ phyag gcig na pad+ma thogs pa/ gnyis pa rtse gsum thogs pa/ gsum pa don yod pa'i zhags pa sku'i phyed / na 'dzin pa la bcom ldan 'das zhal khro gnyer can don yod zhags pa'i phyag rgya bcings pa'i phyag la spyan gtod par bya zhing / bzhi pa dbugs 'byin pa'i phyag tu bya zhing 'od 'dom gang ba khor yug 'bar ba dang ldan par bya'o/ / g.yas phyogs na lha mo sgrol ma 'gying bag dang bcas shing lus btud par mchog sbyin pa'i phyag la mig gtod par bya'o// g.yon du pad+ma'i rigs mdzes ma 'dzem bag dang bcas pa gsang sngags kyi tshul dang rjes su mthun zhing don yod pa'i zhags pa'i phyag la mig gtod pa bya'o/ / lha mo sgrol ma'i bar du gnod sbyin mo ral pa gcig ma bya'o// pad+ma'i rigs mdzes ma'i bar du dri med 'gro bya'o/ / lha mo sgrol ma'i steng du khro gnyer can bya'o// phyogs gnyis par lha mo dkar mo lag na pad+ma thogs pa bya'o// pad+ma'i rigs mdzes ma'i 'og tu pho nya mo gsang sngags kyi rjes su 'brang ba bya'o/ / ral pa gcig ma'i 'og tu lha mo chen mo 'jigs byed ma bya'o// gong du gnas gtsang ma'i ris kyi lha'i bu dang / brgya byin dang / tshangs pa dang / khyab 'jug dang /  dbang phyug chen po me tog sna tshogs thogs te/ bcom ldan 'das la mchod pa byed pa bya'o// 'og tu rgyal po chen po bzhi bya'o// 'phags pa spyan ras gzigs dbang phyug gi 'og tu 'phags pa phyag na rdo rje 'jigs su rung ba gad rgyangs can khro bo don yod pa'i rgyal po dang smra ba bya'o/ / ras kyi sku gzugs 'di mthong ba tsam gyis 'phags pa spyan ras gzigs dbang phyug ri bo po Ta la na gzhal med khang dang bcas pa mngon gsum du mthong bar rig par bya'o/ / // 'phags pa don yod pa'i zhags pa'i cho ga zhib mo'i rgyal po bam po bcu pa/ / // mthong ba tsam gyis sems can dmyal ba chen po brgyad las thar par 'gyur/ 'jigs pa chen po brgyad las yongs su grol bar 'gyur/ mtshams med pa lnga byed pa yongs su thar par 'gyur/ dam pa'i chos spong ba dang / sangs rgyas dang byang chub sems dpa' thams cad spong bas mthong ba tsam gyis mod la rnam par dag par 'gyur/ mnar med pa la gzhol ba'i mthar thug pa'ang yongs su grol bar 'gyur ro/ / tshangs pa chen po'i bsod nams brgya stong gi dge ba'i rtsa ba bskyed par 'gyur/ 'jig rten pa thams cad kyi dge ba'i rtsa ba mchog thob par 'gyur 'chi ba'i dus na 'phags pa spyan ras gzigs dbang phyug mngon sum du ston par 'gyur zhing dbugs 'byin par 'gyur/ shi nas bde ba can gyi 'jig rten gyi khams su skye bar 'gyur/ sgrib pa thams cad dang bral nas tshe rabs brgya stong phrag lnga rjes su dran par 'gyur ro/ / byang chub kyi snying po'i mthar thug gi bar du skye ba 'di tha ma yin te/ 'di mthong ba tsam gyis bsod nams kyi phung po dang ldan par 'gyur na/ lhag par mang du byed pa lta ci smos te/ de ni phyir mi ldog par 'gyur/ bla na med pa'i byang chub tumangon par rdzogs par 'tshang rgya bar 'gyur ro// gal te rigs kyi bu 'am/  rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ rgyal po 'am/ rgyal po'i blon po dang / btsun mo'i 'khor dang bcas pa 'am/ btsun mo dam pa gang la la zhig gis ras kyi sku gzugs bsgrub par bya ba de'i sman sngar don yod pa'i zhags pa'i snying po dran par byed cing / 'phags pa sman ras gzigs kyi dbang phyug de la'ang mchod pa byed na/ des na khyod kyis 'di ltar rig par bya ste/ don yod pa'i zhags pa'i snying po stong phrag brgya 'gyur du bzlas shing / bzlas brjod kyi cho ga chen po byas pa yin no// gang zhig khro bo don yod pa'i zhags pa bcom ldan 'das kyi spyan sngar mi smra bar lan gsum bzlas brjod byas te chus dbang bskur na/ des na khyod kyis de bzhin gshegs pa thams cad dang / byang chub sems dpa' thams cad kyis bdag byang chub kyi snying po la thug gi bar du dbang bskur bar 'gyur ro snyam du de ltar shes par bya'o/ / gang gis don yod par grub pa'i cho ga zhib mo chen po'i gzungs 'phags pa spyan ras gzigs dbang phyug ras kyi sku gzugs kyi spyan sngar mngon sum du thal mo sbyar te 'dug nas lan bdun du bzlas te bskor ba lan bdun byas la/ chu'i mchod yon dang / lha bshos dang / bdug spos dang /  me tog phul nas phyag 'tshal lo zhes smras na/ des khyod kyis 'di ltar shes par bya ste/ gzungs thams cad so sor lan stong phrag brgya bzlas par 'gyur zhing / don yod pa'i zhags pa'i snying po rnam par grol ba'i dkyil 'khor gyi chos kyi rnam grangs chen po 'di lan stong phrag brgya bzlas par 'gyur ro/ / don yod pa'i zhags pa'i phyag rgya byas la 'phags pa spyan ras gzigs dbang phyug gi zhal la mig gtad te/ lag pa g.yas g.yon gnyis sbyar la snying khar gzhag cing tshul 'dis phyag rgya re re la lan stong phrag brgya byas par 'gyur ro// bcom ldan 'das rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ rgyal po 'am/ rgyal mo 'am/ btsun mo dam pa'am/ btsun mo'i ' khor ram rgyal po dang rgyal po chen po gang la la zhig 'phags pa spyan ras gzigs dbang phyug don yod pa'i zhags pa'i snying po 'di brgya stong phrag khri bzlas brjod bya bar 'dod pa dang de bzhin gshegs pa brgya stong phrag khris dbang bskur bar 'dod pa dang / rnam par grol ba'i dkyil 'khor mtha' dag gi cho ga zhib mo 'di rdzogs par lan brgya stong khri bzlas par 'dod pa dang / don yod pa'i zhags pa'i phyag rgya 'di lan brgya stong phrag khri bya bar 'dod pa des ras kyi sku gzugs la brtson par bya ste/ ras kyi sku gzugs mngon du bzhag nas gnas gtsang zhing dben pa/ gnas sam/ 'chag sa 'am/ dgon pa'i gnas sam/ phug gam/ ri'i rtse mo 'am/ gtsug lag khang ngam/ khang par gtsang sbra dang byi dor byas te/ ba ser mo'i chu ba legs par mnyes la/ ba las byung ba lnga dang bsres te bskus la spos sna tshogs kyi byug pas byugs nas/ ras kyi sku gzugs kyi spyan sngar tsan dan dkar po'i dkyil 'khor bya ste gur kum gyis khru do'i tshad tsam bris la gla rtsi dang ga pur gyis mchod par bya'o/ / dri chab kyi bum pa dri rnam pa sna tshogs kyis bkang ste/ ras kyi mgul chings kyis bcings la dkyil 'khor gyi dbus su gzhag par bya/ me tog dang / bdug spos dri zhim po dang / gtor ma dang / me tog gi 'phreng ba nyi shu rtsa gcig gzhag par bya/ dri chab kyis bkang ba brgyad phyogs bzhir gzhag par bya'o/ / 'o mas bkang ba'i snod brgyad gzhag par bya/ stegs bu'i drung du 'o mas bkang ba'i snod gzhag par bya/ 'o thug dang / sbyar thug dang / khaN+Da kha d+ya dang / 'bras chan dang /  lag pa na dang / bu ram dang / sha kha ra dang / zhun mar gyis bkang ba'i snod gzhag par bya/ a ka ru nag po dang / tsan dan dkar po dang / ga pur dang / kun tu ru dang / shi ra bI sa ka dang cung peng rnams snod du bzhag nas/ a ka ru'i yam sreg shing gis sbyin sreg bya/ me tog sna tshogs kyis brgyan par bya zhing mar gyi mar me sum cu rtsa gnyis kyis bltam par bya'o// de nas rig sngags 'chang gtsang mas gos gtsang ma bgos shing khrus legs par byas pas tshes bcu bzhi nas/ bco lnga'i nya'i bar du 'phags pa spyan ras gzigs kyi dbang phyug gi ras kyi sku gzugs la mchod par bya'o/ / de'i 'og tu rig sngags 'chang gis khro bo'i rgyal po lan bdun bzlas te dri chab kyis dbang bskur bar bya/ don yod pa'i zhags pa'i phyag rgya lan nyi shu rtsa gcig bya/ de nas mi smra bar skyil mo krung du 'dug ste/ bzlas brjod kyi phyag rgya bcings la/ don yod pa'i zhags pa'i snying po lan brgya rtsa brgyad bzlas par bya/ de'i 'og tu don yod par grub par rig sngags kyi rgyal po stong rtsa brgyad bzlas par byas na/ de nas ras kyi sku gzugs las 'od zer bdun byung nas kun tu snang bar byas te lan gsum bskor ba byas nas 'phags pa spyan ras gzigs dbang phyug gi dpral ba'i spyan du zhugs par 'gyur ro/ / zhugs pa tsam gyis mod la sa chen po g.yo bar 'gyur zhing / rig sngags 'chang yang snying dga' zhing ba spu ldang bar 'gyur/  mdog mdangs yongs su dag par 'gyur/ 'phags pa spyan ras gzigs dbang phyug gi mchog sbyin pa'i phyag gi sor mo las lha'i chu 'dzag par 'gyur/ zhabs gnyis las 'o ma 'dzag par 'gyur/  don yod pa'i zhags pa'i phyag 'bar bar 'gyur/ phyag na pad+mo'i pad+ma lo ma g.yo bar 'gyur ro// rtse gsum g.yo bar 'gyur zhing legs so zhes bya ba'i sgra 'byung bar 'gyur te/ rigs kyi bu legs so/  legs so// khyod kyis don yod pa'i zhags pa'i snying po grub kyis las thams cad byos shig/ khyod kyis don yod grub kyi cho ga zhib mo'i rgyal po chen po dam pa grub bo zhes nas/ de nas 'phags pa spyan ras gzigs dbang phyug rang gi gzugs ston par mdzad do/ / 'dod pa tham cad kyi mchog sbyin par mdzad do// 'di ni grub pa'i mchog bla na med pa ste/ ma bsgrub par las byed pa'o// de nas dbang du bya bar 'dod pa na me tog pad+ma la lan brgya rtsa brgyad bzlas la/ 'phags pa spyan ras gzigs dbang phyug la phul te/ gang gi ming nas brjod pa de dbang du 'gyur ro// sna ma'i me tog la lan brgya rtsa brgyad bzlas te 'phags pa spyan ras gzigs dbang phyug la phul la/ yang lan bdun bzlas nas me tog rnying pa blangs te gang la byin pa de dbang du 'gyur ro// gdon gyis zin pa la byin na gdon thams cad lnga yongs su grol bar 'gyur ro/ / nad kyis thebs pa la byin na nad thams cad las yongs su grol bar 'gyur ro// rgyal po'i sgor gtor na rgyal po btsun mo'i 'khor dang bcas pa dbang du 'gyur ro// mi ro bsregs pa'i sa'i steng du gtor na sems can de sems can dmyal ba las yongs su grol bar 'gyur ro/ / mnar med pa na gnas pa'i sems can la gtor na skad cig de la yongs su grol bar 'gyur ro// nyal ba'i sngas su bzhag na rmi lam chen po mthong bar 'gyur ro/ / 'phags pa spyan ras gzigs dbang phyug sku ston par mdzad cing yid du 'ong ba thams cad gsung bar 'gyur ro// skyed pa 'am bud med gang gi steng du gtor ba de dbang du 'gyur zhing grib ma bzhin phyi bzhin 'brang bar 'gyur ro/ / rgyal po'i steng du gtor na bran bzhin du 'gyur ro// lha'i gzugs brnyan gyi steng du bzhag na 'gugs par 'gyur zhing las thams cad byed par 'gyur ro/ / mig sman sgrub par 'dod pas ras kyi sku gzugs kyi spyan sngar mig sman ldong ros la stong rtsa brgyad bzlas na grub pa'i rtags gsum ston par 'gyur te/ 'bar ba dang / dbu ba 'byung ba dang / dud pa 'byung bar 'gyur te/ des mig la bskus na mi snang bar 'gyur ro// gter thams cad mthong bar 'gyur ro// gnod sbyin gyi gnas thams cad mthong bar 'gyur ro/ / dpral bar thig le byas na phug thams cad du 'jug par 'gyur ro// sgo thams cad dang 'khrul 'khor thams cad 'bye bar 'gyur ro// yan lag dang nying lag la bskus na nam mkha' la 'gro bar 'gyur ro/ / spyi bor thig le byas na 'phags pa spyan ras gzigs dbang phyug gis rtag tu mchog sbyin par 'gyur ro// mig la byugs na khyab 'jug dang dbang phyug chen po la sogs pa lha rnams rtag tu phyi bzhin 'brang bar 'gyur zhing dgos pa thams cad 'grub par byed do/ / mtshan mo mig la bskus na nyin mo bzhin du mthong bar 'gyur zhing gter thams cad 'byung bar 'gyur te/ khas bub tu bzhag nas dor bar bya'o/ / rang gi lus la byugs na ji srid 'tsho'i bar du go cha bgos pa'i lus su 'gyur ro// gnod sbyin dang srin po la sogs pas mi mthong bar 'gyur zhing las thams cad byed par 'gyur te/ tshe bskal pa stong thub par 'gyur ro// yang na bza' ba dang snying khar bsku ba byas na nag po chen po'i gzugs su 'gyur zhing / lha thams cad kyi gzugs ston par 'gyur ba nas/ tshangs pa dang / khyab 'jug dang / dbang phyug chen po'i gzugs dang / gzugs sna tshogs mang po ston par 'gyur ro// zla ba dang nyi ma ston par 'gyur ro// ldong ros dang / gi'u wang dang / so'u bi rA ka dang /  gur kum dang / kra ku d+ha la don yod par grub pa khri bzlas/ don yod pa'i zhags pa'i snying po stong rtsa brgyad bzlas/ khro bo'i rgyal po brgya rtsa brgyad bzlas par byas te/ thams cad du mi smra bar bya zhing 'phags pa spyan ras gzigs dbang phyug gi spyan sngar btags la/ ras kyi sku gzugs la mngon du phyogs te/ gtsang mas gos gtsang ma bgos la tshes bco lnga nya la nyin zhag gcig smyung ba byas nas phye ma zhib tu btags te/ yang don yod pa'i zhags pa'i snying po dang / khro bo'i rgyal po dang / don yod pa'i grub pa'i rig sngags kyi rgyal po brgya rtsa brgyad bzlas brjod byas la/ 'phags pa spyan ras gzig dbang phyug gi phyag tu bzhag ste/ mchod pa chen po byas nas ras kyi sku gzugs la mchod pa byas la nyin zhag gcig spyang ba byas te/ ras kyi sku gzugs kyi spyan sngar skyil mo krung du 'dug la don yod pa'i zhags pa'i snying/  phyag rgya lan nyi shu rtsa gcig bya/ don yod pa'i zhags pa'i snying po lan nyi shu rtsa gcig bzlas pa byas te/ bzlas brjod kyi phyag rgya byas la/ khro bo'i gsang sngags lan bdun bzlas te/ de'i 'og tu mig la bskus nas don yod pa'i grub pa'i gzungs bzlas par byas nas bskus pa tsam gyis 'phags pa spyan ras gzigs dbang phyug ri po Ta la dang bcas/ gzhal med khang dang bcas/ byang chub sem dpa'i tshogs gzhal med khang dang bcas pa ri bo po Ta la na gnas pa mthong bar 'gyur ro/ / bde ba can gyi 'jig rten gyi khams mthong bar 'gyur zhing / de bzhin gshegs pa 'od dpag med chos 'chad pa mthong bar 'gyur ro/ / chos bshad pa de'ang thos par 'gyur ro// phyogs bcu'i de bzhin gshegs pa byang chub sems dpa'i tshogs dang bcas/ nyan thos kyi dge 'dun dang bcas/ sangs rgyas kyi zhing gzhal med khang dang bcas pa mthong bar 'gyur zhing chos 'chad pa'i gsung gi sgra de'ang thos par 'gyur ro// 'di ltar rig ngan gyi rigs su skyes pa dang / mnar med pa la gzhol ba dang / mtshams med pa lnga byed pa gang yin pa thams cad kyang de bzhin gshegs pa thams cad kyi byin gyi rlabs dang / 'phags pa spyan ras gzigs dbang phyug gis thugs rjes dgongs par 'gyur zhing rmi lam du ston par mdzad do/ / sdig pa dang sgrib pa thams cad rnam par sbyong bar 'gyur/ mchog thams cad sbyin par 'gyur/ don yod pa'i zhags pa'i snying po'i dngos grub sbyin par 'gyur/ lha'i lo stong du 'tsho bar 'gyur zhing lha'i bde ba nyams su myong bar 'gyur/ nad kyis thebs pa thams cad la mig sman 'dis bskus na nad thams cad zhi bar 'gyur zhing rims nad thams cad sel bar 'gyur/ dug thams cad la bskus pa tsam gyis dug med par 'gyur/ 'jigs pa thams cad la mig la bskus na mig thong bar 'gyur/ phyir rgol ba dang / dgra bo dang / g.yo can dang / cho po dang / rkun po thams cad kyis mi mthong bar 'gyur/ mtshon gdab pa'i 'jigs pa 'byung bar mi 'gyur/ 'thab pa dang / rtsod pa dang / khrag khrug la mig la bskus na thams cad las rgyal zhing lan thebs par 'gyur ro/ / g.yul ngo thams cad du mig la bskus na g.yul 'gyed pa las rgyal bar 'gyur zhing dpung gi mchog rgyal bar 'gyur ro// rgyal po'i pho brang du 'gro ba'i tshe mig la bskus na rgyal po btsun mo'i 'khor dang bcas pa dbang du 'gyur ro/ / mi smra bar grong khyer du song na skyes pa dang / bud med dang / khye'u dang / bu mo grong khyer na gnas so cog thams cad dbang du 'gyur ro/ / mig g.yas pa la bskus na rigs bzhi'i 'jig rten gang mig gis mthong ba de thams cad dbang du 'gyur ro// mig g.yon pa la bskus na rigs ngan thams cad dbang du 'gyur ro/ / 'phags pa spyan ras gzigs dbang phyug gi phyag g.yas pa nas bzung ste/ don yod pa'i grub pa'i rig sngags kyi rgyal po lan stong rtsa brgyad bzlas brjod byas te/ 'phags pa spyan ras gzigs dbang phyug la mchod pa byas na/ des don yod pa'i zhags pa'i snying po dang / khro bo'i rgyal po dang / gzungs thams cad so sor lan stong phrag brgya brgya bzlas par 'gyur ro/ / de bzhin gshegs pa dgra bcem yang dag par rdzogs pa'i sangs rgyas bye ba stong phrag drug cu'i drung du dge ba'i rtsa ba bskyed par 'gyur/ thams cad kyi ming bzung ba byas par 'gyur/ de bzhin gshes pa stong mnyes par byas par 'gyur/ de bzhin gshegs pa stong phrag drug cu rtsa bzhi mngon sum du mthong ba thob par 'gyur/ 'jig rten pa'i don thams 'ad 'grub pa 'gyur ro/ / sngon gyi sgrib pas mnar med pa'i gnas su 'gro ba yongs su dag par 'gyur/ nams kyang ngan song du 'gro bar mi 'gyur/ tshe rabs tshe rabs su skye ba dran par 'gyur/ lha thams cad kyang mchog sbyin par 'gyur zhing / rtag tu srung ba dang / sgrub pa dang / sba bar byed par 'gyur ro// phyag g.yon pa mnan te lan stong rtsa brgyad bzlas brjod byas na bzlas pa tsam gyis mod la lha dang /  klu dang / gnod sbyin dang / srin po la sogs pa bkug par 'gyur zhing thams cad dbang du 'gyur te gnas so// gang gi tshe dgos pa byung ba de'i tshe don yod par grub pa'i rig sngags kyi rgyal po lan bdun bzlas pa byas na/ lha dang klu la sogs pa thams cad kyang las thams cad byed cing rtag tu rgyun mi 'chad par phyi bzhin 'brang bar 'gyur ro// lte ba'i gnas su mnan te bzlas na klu la sogs pa thams cad char gyi rgyun 'bebs par 'gyur te/ 'dzam bu'i gling mtha' dag tshim par byed par 'gyur ro// snyan du lan brgya rtsa brgyad bzlas na ga dngag du song ba der skyes pa 'am/ bud med dam/ rgyal po 'am/ rgyal mo 'am/ dge sbyong ngam/ bram ze 'am/ dge bsnyen nam/ dge bsnyen mas gang bsams pa dang / gang bcol ba dang / gang spras pa'i las de thams cad sgrub par 'gyur ro// dbu nas bzung ste bzlas na tshangs pa'i 'jig rten gyi bar du dbang du byas par 'gyur te/ thams cad la dbang sgyur cing bsgo ba bzhin byed par 'gyur ro// thog mar bzlas brjod stong rtsa brgyad byas nas bzlas pa bya'o/ / zhabs gnyis mnan te stong phrag bcu bzlas pa byas na sa 'og yan chad dbang du byas par 'gyur zhing las thams cad byed par 'gyur te/ mngag gzhug thams cad byed par 'gyur ro// pad+ma la stong rtsa brgyad bzlas nas pad+ma'i mtshe'ur bor na pad+ma zad mi shes pa 'byung zhing pad+ma dus thams cad par 'gyur ro/ / ut+pa la la lan stong rtsa brgyad bzlas nas ut+pa la'i mtshe'ur bor na/ ut+pal sngon po zang mi shes pa 'byung bar 'gyur zhing nams kyang nyams par mi 'gyur te/ dus thams cad du me tog 'byung bar 'gyur ro// de bzhin du sna ma'i me tog dang / gan d+hA bA rI ka dang / yu thi ka dang / na ba ma lI ka'i me tog rnams kyang dus thams cad du me tog 'byung bar 'gyur zhing zad mi shes par 'gyur ro/ / 'bras bu dang me tog la lan brgyad rtsa brgyad bzlas te/ skyed mos tshal lam nags tshal gyi nang du gtor na/ me tog dang 'bras bu zad mi shes shing dus thams cad par 'gyur ro// dpal chen mo dgug par 'dod pas spra tshil las lha mo dpal chen mo skyil mo krung phyed du 'dug pa/ rgyan thams cad kyis brgyan pa/ lus btud pa/ lag pa na pad+ma thogs pa/ brang rgyas pa byas la 'bras bu dang me tog dgram par bya zhing ga pur dang / gla rtsi dang / tsan dan dkar pos mchod pa byas la ras kyi sku gzugs kyi spyan sngar gzhag par bya zhing / sngar tsan dan dkar po las byas pa'i dkyil 'khor gyi cho ga bzhin byas la/ 'phags pa spyan ras gzigs dbang phyug gi ras kyi sku gzugs la a ka ru'i bdug pa dbul bar bya/ dpal lha mo chen mo la tsan dan dkar po'i bdug pa dbul bar bya zhing gnyis ka la mchod pa dang bsnyen bkur bya/ gtor ma dkar po dang dri chab dbul bar bgyi/  mchod yon gyi snod brgyad dbul bar bya ste/ rig sngags 'chang gtsang ma dus gsum du khrus byas shing gos gtsang ma bgos pas mngon du phyogs te skyil mo krung du 'dug nas/ don yod pa'i zhags ba'i phyag rgya lan bdun byas la ci rnyed pa'i dri dang / 'phreng ba dang / me tog la don yod pa'i zhags pa'i snying po lan brgya rtsa brgyad bzlas te/ dpal lha mo chen mo'i mgo la gdags par bya/ me tog gzhan gyis mchod pa bya zhing tsan dan dkar po la lan brgya rtsa brgyad bzlas pas bdug spos dbul bar bya'o/ / de nas rig sngags 'chang gis don yod pa'i zhags pa'i snying po lan stong rtsa brgyad bzlas par bya zhing / yungs kar re re bzlas la dpal lha mo chen mo la bsnun par bya ste/ stong rtsa brgyad tshang ba dang dpal lha mo chen mo 'bar bar 'gyur zhing / 'phags pa spyan ras gzigs dbang phyug gi dpral ba nas 'od zer 'byung bar 'gyur ro/ / dkyil 'khor gyi yo byad gang yin pa thams cad gser du snang bar 'gyur ro// dpal lha mo chen mo bkug par 'gyur zhing / ji srid 'tsho'i bar du 'dar bar mi 'gyur ro/ / lha'i dpal rjes su spyod par 'dod na nyin re zhing 'phags pa spyan ras gzigs dbang phyug dang / dpal lha mo chen mo la dus gsum du mchod pa bya zhing / mchod yon gyi snod kyang gzhag par bya/ dkon mchog gsum mchod par bya/ sbyin par bya/ longs spyad par bya/ bsod nams kyang bya zhing dpal lha mo chen mo la dus gsum du mchod par bya'o// yang na dpal lha mo chen mo rang gi gzugs kyis gnas par 'dod pas don yod pa'i rgyal po'i khro bo'i snying po stong rtsa brgyad bzlas par bya zhing tsan dan gyi ril bu stong rtsa brgyad kyis bdug par bya/ yungs kar stong rtsa brgyad kyis bsnun par bya ste/ yungs kar stong rtsa brgyad tshang ba dang / dpal lha mo chen mo rgyan thams cad kyis brgyan pa/ lha'i nor bu dang / gser dang / mu tig gi rgyan gyis brgyan pa'i lus snang la zhal pad+ma kha phye ba lta bu/  spyan ut+pa la sngon po ltar gsal ba/ pad+ma bsnams pa/ pad+ma'i 'od/ gdan pad+ma/ nor bu dang / rin po che dang / gser mang po'i pad+ma'i char 'bebs pa/ rin po che 'bar ba'i bum pa stong phrag brgya thigs pa/ lha'i bu mo dang gnod sbyin gyi bu mo brgya stong mang po thams cad lha'i rgyan gyis brgyan pas lus gsal zhing 'bar la mdzes pa mang pos yongs su bskor ba mdun na 'khod par 'gyur te/ rig sngags 'chang gis 'jigs par mi bya zhing sems dga' bar byas la/ gsang sngags 'di lan bdun bzlas par bya'o// na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/  ma hA satwA ya/ ma hA kA ru ni kA ya/ ma hA a mo g+ha ba ra dA ya/ tad+ya thA/ oM pad+mi Ni/ pad+ma ne tra pad+ma ge/ pad+ma d+ha re/ pad+ma ba ti/ pad+ma prI ye/ pad+ma go rI/ pad+d+ha pra b+he/ pad+ma sa na pra tiSh+Thi te/ a ba lo ki ta pri ye ba ra de/ ba ra dA yi ni/ pra si ta/ pra sA d+ha ya/ ku ru ku ru/ Ar+ya a ba lo ki ta ba ra de/ hu ru hu ru/ ba raM gi ni tsa la tsa la/ pad+ma bi b+hU Shi ta/ pad+ma pri ye/ bi tsi tra/ bi mA na d+ha re/  b+hAb+ha ra b+ha ra/ sam+b+ha ra sma ra sa ya/ Ar+ya a ba lo ki te shwa rA sa me/ sar+b+ba a d+hiSh+Thi ta de bi/ a mo g+ha pA sha ba ra de hUM/ na mo stu te swAhA/ lan bdun bzlas pa tsam gyis lha mo dpal chen mo phyag brkyang ste/  rig sngags 'tshang gi spyi bor 'jog par 'gyur zhing / 'di skad ces kyang gsung bar 'gyur ro// rigs kyi bu tshur shog/ thugs las skyes pa/ gsung las skyes pa khyod kyis don yod pa'i zhags pa'i snying po khro bo dang bcas pa grub kyis/ don yod pa'i zhags pa pad+ma dri ma med pa'i dpal zhes bya ba'i gzungs la zhugs shig/ nga'i gnas la khyod rang gi khyim bzhin du las su bya ba thams cad byos shig/ de nas rig sngags 'chang gis yang rig sngags dang / gsang sngags dang / gzungs sngags 'di lan gsum bzlas brjod bya'o// na mo rat+na tra yA ya/ na ma Ar+ya a ba lo ki te shwa rA ya bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM b+ha g+ha ba te/ mA tri dzi ne tri/ ba ba ra/ a ba lo ki ta ba ra de/ a kI ri ni pra ba tu/ a ma ba/ a ma ba/ bi bu la kIrti ka re/ pra b+ha ra b+hu ra a mo g+ha pA sha haste swA hA/ de'i 'og tu lha mo dpal chen mo'i nu ma gnyis las 'o ma'i rgyun 'byung bar 'gyur te/ 'o ma'i rgyun de khas bzed de 'thung na/ 'thungs pa tsam gyis mod la lha'i me tog pad+ma dang ku mu da ltar 'jam pa'i lha'i lus su 'gyur/ skra cung zad 'khyil cing 'khyil la mig ut+pal sngon po lta bu dang / tshig gsal zhing mi 'am ci'i sgra dbyangs dang ldan par 'gyur/ don yod pa'i rgya mtsho'i nor bu chen po pad+ma la rnam par lta ba'i dpal dri ma med pa zhes bya ba'i cho ga zhib mo'i rgyal po mngon sum du 'gyur/ cho ga zhib mo mang po 'grub par 'gyur/ tshe lo stong phrag bcu thub par 'gyur//  rgyal ba 'od dpag med byang chub sems dpa'i tshogs dang bcas pa thabs cig tu gzhal med khang mchog na chos bgro ba mthong bar 'gyur/ rdzu 'phrul gyis nam mkha' la 'gro bar 'gyur/ nor bu chen po pad+ma la lta ba zhes bya ba don yod pa'i zhags pa chen po'i 'khor los sgyur bar 'gyur/ rig sngags 'chang thams cad kyi 'khor los sgyur ba'i gtso bo gcig pur 'gyur/ 'phags pa spyan ras gzigs dbang phyug gi sras su 'gyur/ de bzhin gshegs pa thams cad kyi sras gcig pur 'gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang /  mi 'am ci dang / lto 'phye chen po rnams kyi bu'i gtso bo gcig pur 'gyur/ rgyal po chen po bzhi'i bu gcig pur 'gyur/ thams cad du stobs dang / pha rol gnon pa dang / brtson 'grus thogs pa pa med pa dang ldan par 'gyur/ de bzhin gshegs pa thams cad kyi phyag rgya dang dkyil 'khor rim par phye ba rig sngags kyi rgyal po gsang ba'i gzungs kyi rgyal po cho ga zhib mo zab pa dag mngon sum du 'gyur/ lha thams cad kyi gnas dang / klu thams cad kyi gnas dang / mi 'am ci thams cad kyi gnas dang / phug dang / khung gi gnas thams cad sgo 'byed par 'gyur/ gnod sbyin dang srin po'i gnas thams cad sgo 'byed par 'gyur/ thams cad dbang du 'gyur zhing bgyi ba ci mchis zhes bya ba byed cing 'dug par 'gyur/ 'jig rten thams cad kyi ston pa bla ma gcig 'jig rten mgon po dang 'dra bar mchod pa'i gnas su 'gyur/ 'jig rten dang 'jig rten las 'das pa'i gsang sngags dang dkyil 'khor thams cad grub pa chen por 'gyur dpal lha mo chen mo 'khor dang bcas pa la sbyin sreg byas na rig sngags 'chang de la bu bzhin du byams pas rang nyid bsnyen bkur yongs su spyad pas yongs su spyod do/ / 'dod pa thams cad dang yid du 'ong ba thams cad kyi dgos pa byed par 'gyur ro/ / nor dang / 'bru dang / dbyig dang / gser dang / nor bu dang / mu tig dang / bai DUR+Ya dang / shang kha shi l-i dang / b+hu ru dang / sa le sbram dang dngul dang / lha'i nor bu rin po che'i bar thams cad sbyin par byed do// yul ka shi ka'i gos bzang po mang po sbyin par byed cing / lha'i bza' ba dang / btung ba'i bar dang / bdud rtsi'i ro'i bar du sbyin par byed do/ / gnas thams cad du song na'ang rtag tu rgyun mi 'chad par ma bu la byams pa'i tshul gyis rtag tu phyi bzhin 'brang zhing 'gro bar 'gyur ro// rig sngags 'chang gi rang gi khyim yang rgyal po'i pho brang lcang lo can ji lta ba de bzhin du rig sngags 'chang gi gzhal med khang mchog tu 'gyur ro/ / rnam thos kyi bu'i gnas na 'byor pa ji lta ba bzhin rgyas par 'gyur ro// tshangs pa dang / khyab 'jug dang /  dbang phyug chen po dus kun tu 'ong bar 'gyur ro// gnod sbyin gyi sde dpon chen po rdo rje 'chang yang rig sngags 'chang gi tshogs thams cad dang / gnod sbyin chen po gsang ba pa'i 'khor rnams dang rtag tu rgyun mi 'chad par srung ba dang / sgrub pa dang / sba ba byed par 'gyur ro// de bzhin du dpal lha mo chen mo 'khor dang bcas pa dang / rnam thos kyi bu gnod sbyin bye bas yongs su bskor ba nyin mtshan du srung ba dang /  skyab pa dang / sba ba byed par 'gyur ro// de nas don yod pa'i rgya mtsho nor bu chen po pad+ma la lta ba'i dpal dri ma med pa'i zhes bya ba don yod pa'i zhags pa'i snying po'i cho ga zhib mo'i rgyal po bklags pas 'grub par 'gyur zhing / de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma bye ba khrag khrig brgya stong drug cu rtsa bzhi'i rdul phra mo snyed las dge ba'i rtsa ba bskyed par 'gyur ro/ / bsod nams kyi phung po chen po dang ldan par 'gyur ro// rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma gang la la zhig gis lha'i nor bu rin po che chen po dang / nor bu rin po che chen po sna bdun dang / lha'i gser dang gser gyi me tog dang / dngul gyi me tog mang po dang / lha'i gos dang / lha'i rgyan dang / lha'i dri dang me tog dang / me tog 'phreng dang / byug pa rnams re re zhing 'phang du ri'i rgyal po ri rab tsam gyi phung po byas nas de dag de bzhin gshegs pa gang+gA'i klung gi bye ma snyed bye ba khrag khrig brgya stong phrag drug cu rtsa bzhi'i rdul phra mo snyed kyi de bzhin gshegs pa dgra bcom pa yang dag par rdzogs pa'i sangs rgyas rnams la/ de bzhin gshegs pa re re la tshul de lta bus so sor de bzhin gshegs pa thams cad la nyin re zhing lo bceg gi bar du dbul bar byed/ mchod pa dang bsnyen bkur byed cing / de bzhin gshegs pa re re'i spyan sngar dri zhim po dang ldan pa'i til mar rgya mtsho chen po tsam gyis bkang ba'i mar me bltam par byed pa'i bsod nam kyi phung po dang ldan par 'gyur/ dge ba'i rtsa ba chen po yongs su b.rung bar 'gyur ro// gal te don yod pa'i rgya mtsho'i nor bu chen po pad+ma la rnam par lta ba'i dpal dri ma med pa don yod pa'i zhags pa'i snying po 'di klog pa dang / bzlas brjod brgya rtsa brgyad byed pa 'di ni bsod nams kyi phung po de dang ldan par 'gyur zhing dge ba'i rtsa ba chen po dang ldan par 'gyur/ de bzhin gshegs pa thams cad kyis byin gyis brlabs par 'gyur/ de bzhin gshegs pa thams cad kyis yongs su bzung bar 'gyur/ de bzhin gshegs pa thams cad sku ston par 'gyur/ de bzhin gshegs pa thams cad kyis lung ston par 'gyur/  dpal lha mo chen mo de'ang mchog thams cad sbyin par 'gyur/ dus kun tu de'i khyim du dpal gnas par 'gyur te/ gang na dpal lha mo chen mo gnas pa der de bzhin gshegs pa gang+gA'i klung gi bye ma bye ba khrag khrig brgya stong phrag dru surtsabazhi'i rdul phra mo dang mnyam pas phyogs de nyid du gnas par 'gyur te/ dpal lha mo chen mo ni de bzhin gshegs pa thams cad kyi yum yin pa'i phyir ro// lha dang / klu dang /  tshangs pa dang / khyab 'jug dang / dbang phyug chen po'i gsang sngags dang / cho ga zhib mo dang / phyag rgya dang / dkyil 'khor dang / zhi ba dang / rgyas pa dang / drag shul la spyod pa dang / las sna tshogs gzhan dag pas dpal lha mo chen mo'i las mchog tu bstan to/ / dpal lha mo chen mo ni byang chub sems dpa' thams cad kyi yum yin no// dpal lha mo chen mo ni don yod pa'i mchog sbyin pa'o//  don yod pa'i zhags pa sbyin pa'o// don yod pa'i grags pa rgya chen po sbyin pa'o// don yod pa'i nam mkha'i gzhal med khang 'chang ba'o// don yod pa'i yon tan bsgrags pa'i mchog sbyin pa'o// dpal lha mo chen mo ni don yod po zla ba dang nyi ma'i 'od byed pa gnas sum cu rtsa gnyis kyi nang na dpal lha mo chen mo mchog tu bstan to/ / de nas rig sngags 'chang gtsang ma khrus legs par byas la/ dri chus bsangs shing ba las byung ba lngas byugs pa/ gos gtsang ma bgos pas kha zas gtsang ma bza' bar bya zhing / chang dang / sha dang / beg btsong dang / sgog skya dang / ke'u rnams dang 'dres pa dang / 'phags pa rnams yongs su spang bar bya/ kha bas ngan pa dang / btung ba ngan pa dang / gos ngan pa dang / dri ma can yongs su spang bar bya/ sems can ngan pa sten pa dang / ngan g.yo can dang / gsod skyon can dang / skye bo ngan pa dang / khrel med pa dang / snying rje med pa dang / byams pa dang bral ba dang / thub chod can gyi skye bo ngan pa yongs su spang bar bya/ gnas ngan pa dang / gnas rten ngan pa dang / 'go mnyes dang / bza' nyes dang / grib ma ngan pa yongs su spang bar bya/ gcig gis gcig 'phags pa'i kha zas ngan pa yongs su spang bar bya zhing dri dang bdug spos kyis bsangs te/  mi smra bar bzlas brjod bya/ byams pa dang / snying rje dang / dga' ba'i sems dang / yid bde bar bya/ bkra shis tshang bar bya zhing / snying dga' ba dang / mgu ba dang / rab tu dga' ba'i sems su byas nas bzlas brjod bya'o/ / 'phags pa spyan ras gzigs dbang phyug la a ka ru'i bdug pa dbul bar bya/ de bzhin gshegs pa thams cad la du ru ka'i bdug pa dbul bar bya/ dpal lha mo chen mo la tsan dan gyi bdug spos dbul bar bya zhing mchod yon snod kyang dbul bar bya'o/ / dus ji lta ba'i me tog dbul bar bya ste/ gsang sngags 'di lan nyi shu rtsa gnyis bzlas te thams cad la dbul bar bya'o/ / na mo rat+na tra yA ya/ na ma Ar+ya a ba lo ki ti shwa rA ya/ bo d+hi satwA ya/ ma hA satwA ya~M/ ma hA kA ru Ni kA ya/ tad+ya thA/ oM puSh+pa bi lo ki te/ gan d+ha sa re/ a mo gA ra la saM b+ha raH/ baR+Sha sam b+hu ri ta ra ta ra/ mu di te b+huM swAhA/ lan nyi shu rtsa gcig bzlas te me tog dang / bdug spos dang / dri dang / mchod yon dbul lo// 'phags pa spyan ras gzigs dbang phyug gi zhabs drung stong rtsa brgyad bzlas/ don yod pa'i zhags pa'i snying po lan bdun bzlas/ khro bo'i rgyal po lan gsum bzlas la a ka ru'i bdug spos dbul bar bya zhing / ci rnyed pa'i me tog dbul bar bya/  spos dang ldan pa'i til mar gyi mar me bltam par bya zhing / de nyid kyi zhabs drung du skyil mo krung du 'dug la/ 'phags pa spyan ras gzigs dbang phyug la bltas la snying po'i gzungs lan brgya brgyad bzlas la bzlas brjod kyi phyag rgya byas te/ don yod pa'i zhags pa'i phyag rgya lan bdun bcing ba byas na bcings pa tsam gyis mod la sku gzugs g.yo bar 'gyur zhing / sku thams cad 'bar bar 'gyur/ rang gi lus spu zing zhes byed par 'gyur/ tho rangs 'phags pa spyan ras gzigs dbang phyug sku ston par 'gyur te/ yid la bsams pa thams cad bka' stsol bar 'gyur/ mchog thams cad sbyin par 'gyur/ 'dod pa'i mchog thams cad sbyin par 'gyur/ dbugs kyang 'byin par 'gyur/ yid du 'ong ba thams cad yongs su rdzogs par byed/ tshe 'di nyid la nad thams cad dang bral bar 'gyur/ dge ba'i rtsa ba'i bsod nams kyi tshogs thams cad dang ldan par 'gyur/ sgrib pa dang sdig pa thams cad zad cing mthar thug par 'gyur/ nyon mongs pa thams cad las yongs su grol bar 'gyur/ phas kyi rgol ba dang dgra bo thams cad 'jigs par 'gyur zhing mi tshugs par 'gyur/ g.yul ngor 'jug pa'i tshe rig sngags kyi rgyal po 'di yungs kar la lan nyi shu rtsa gcig bzlas nas dmag gi nang du gtor bar byas na/ thams cad rengs par byas pa dang rmugs par byas par 'gyur ro// 'di'i snying po dang gsang sngags ni 'di yin no// na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ha thA/ oM a mo g+hA pA sha hr-i da ya/ pad+me ni ba ra de/ dz+wa la dz+wa la/ pra sa ri ta pad+ma b+hu dze swAH snying za'i rig sngags so/ / oM a ba lo ki te/ pad+ma te/ be raM gi ni tu ru tu ru hUM swAhA/ nye ba'i snying po'i gzungs so// don yod pa'i rgya mtsho'i nor bu pad+ma rnam par lte ba'i dpal dri ma med pa/  don yod pa'i zhags pa'i snying po'i cho ga zhib mo'i gzungs 'di rtag tu bzlas brjod byas na mtshams med pa lnga zad par 'gyur/ lha mo dpal chen mo rtag tu rgyun mi 'chad par mchog sbyin par 'gyur/ 'phags pa spyan ras gzigs dbang phyug dus kun tu sku ston par bzhed par 'gyur/ de'i lus la dug thams cad kyis mi tshugs par 'gyur ro// 'jigs pa chen po mi bzad pa brgyad las yongs su grol bar 'gyur/ rims nad thams cad dang mang thams cad kyis mi tshugs par 'gyur ro// gdon tham cad la tshon sna snga'i srad bu la lan nyi shu rtsa gcig bzlas te mdud pa nyi shu rtsa gcig bor la gu gul gyis bdugs te mgul tu btags na gdon thams cad las yongs su grol bar 'gyur ro/ / gal te nag po chen po dang ma mo 'ongs te rgyas btab pa gang yin pa'ang gdon thams cad las yongs su thar par 'gyur ro/ / skud pa nag pos rims nyin gcig pa las yongs su grol bar 'gyur ro// gzhan dag la ni thams cad du srad bu dkar pos bsal bar bya'o/ / 'thab pa dang / rtsod pa dang / khrag khrug thams cad la gi'u wang la lan nyi shu rtsa gcig bzlas te thig le byas na thams cad du thogs pa med par 'gyur ro// snying khar thig le byas na gnod sbyin dang / srin po dang / 'byung po dang / sha za la sogs pa thams cad kyis mi mthong bar 'gyur ro// lag mthil la thig le byas na skyes pa dang / bud med dang / khye'u dang /  bu mo gang la reg pa dbang du 'gyur ro// smin mtshams su thig le byas na rgyal po btsun mo'i 'khor dang bcas pa dbang du 'gyur ro// mgul par byugs na rje'u rigs thams cad dbang du 'gyur ro//  dpung pa gnyis la byugs na rgyal rigs thams cad dbang du 'gyur ro// dpral ba'i sgra mtshams su thig le byas na bram ze thams cad dbang du 'gyur ro// lte ba'i gnas su thig le byas na dmangs rigs thams cad dbang du 'gyur ro/ / rkang pa'i rje ngar la byugs na dpag tshad brgyar ngal ba med par 'gro zhing slar yang 'ong bar 'gyur ro// rkang mthil na bskus na chu klung chen po'i pha rol tu phyin par 'gyur ning rgya mtsho'i bar du brgal bar 'gyur ro/ / dpung pa gnyis la byug na gyad kyis mi thub par 'gyur ro// pus mo gnyis la byugs na me'i phung po chen po 'bar zhing rab tu 'bar bar zhugs na tsan dan dang pu shel tsi ji bzhin du bsil bar 'gyur ro/ / ba ser skya'i 'o ma dang sbyar te mig la bskus na mtshan mo'ang nyin mo bzhin du snang bar 'gyur ro// gter thams cad 'bar bar 'gyur zhing gal te de bskal pa brgya stong du bzhag pa zhig na'ang 'byung bar 'gyur ro/ / de bzhin du lto ba la bskus ni ji srid du lho chus ma bkrus pa de srid du kha zas dang btung ba mi 'dod par 'gyur ro// pho mtshan la bskus na khu ba 'gags pa byas par 'gyur ro/ / ba las byung ba lnga dang bsres te 'thungs na lus dag cing dri ma med la gtsang zhing spyod pa gtsang ba dang ldan par 'gyur ro// sgomanyes pa dang /  bza' nyes pa dang / grib ma ngan pa dang / blta nyes su mi 'gyur/ 'jigs pa thams cad las yongs su grol bar 'gyur/ sdig pa dang sgrib pa thams cad las yongs su grol bar 'gyur/ rmi lam ngan pa dang / ltas ngan pa dang / bkra mi shis pa'i dngos po thams cad 'jigs par 'gyur/ dug dang / dbyig dug dang / byad thams cad 'jig par 'gyur/ gsang sngags dang / sbyor ba dang / gtor ba rnams 'jigs par 'gyur/ 'thab pa dang / rtsod pa dang / khrag khrug rnams kyi lan thebs par 'gyur zhing thams cad du rgyal bar 'gyur/ phas kyi rgol ba dang / mi mdza' ba dang / pha rol gyi dpung gi 'jigs pa thams cad 'byung bar mi 'gyur ro/ / zhun mar dang sbrang rtsi dang lhan cig sbyar te tho rangs kyi dus su mi smra bar byas nas thos na bklags pas tshigs su bcad pa stong 'dzin par 'gyur ro// sbyor ba zhag bdun du byas na bstan bcos thams cad mngon sum du 'gyur ro/ / zhag nyi shu rtsa gcig tu sbyor ba byas na gsang sngags kyi cho ga zhib mo dang / dkyil 'khor dang / gsang sngags dang / phyag rgya rim par phye ba thams cad 'grub par 'gyur ro/ / zla ba gcig tu sbyor ba byas na thos pa mang po rgya mtsho bsags par 'gyur ro// sbyor ba lo gcig bar du byas na tshe lo stong thub par 'gyur ro// 'jig rten thams cad na bla ma gcig pur 'gyur zhing dga' ba dang tshig btsun par yang 'gyur ro/ / til mar dang lhan cig bskol te mgo la bskus na sgra cung zad 'khyil cing lung lo can du 'gyur ro// bzhin gyi dkyil 'khor la bskus na ston ka'i zla ba nya dang mtshungs par 'gyur zhing / me tog pad+ma dang / ku mu da ltar 'jam par 'gyur/ lus thams cad la byugs na mar dang 'dra bar 'jam por 'gyur zhing / rkang lag shin tu gzhon sha can du 'gyur/ rna ba la byugs na rna ba ji tsam 'dod pa skye bar 'gyur/ sna nas btang na klad pa'i nad do cog 'jig par 'gyur zhing snabs dang mchil ma 'byung bar mi 'gyur/ lha'i spos kyi dri mnam par 'gyur zhing / nams kyang yid du mi 'ong ba'i dri mnam par mi 'gyur/ gnyer ma dang sgra dkar spangs par 'gyur/ so brgal ba'ang gsar du skye bar 'gyur/ lce pad+ma'i lo ma ltar 'jam par 'gyur/ ming pa'i nang dang ske 'gags pa thams cad las yongs su grol bar 'gyur/ 'jam tsam du byas te rna ba bkang na sim par byed cing lha'i rna ba dang ldan par 'gyur/ sgra yid du 'ong ba dang / bar shis pa'i sgra thos par 'gyur ro/ / de lta bas na gi'u wang gi cho ga chen po bsgrub par bya'o// / de nas legs par grub pa/ mchog tu dge ba/ thams cad du thogs pa med pa grub par 'gro ba/ dge bar 'gro ba mig rkang zhes bya ba bshad par bya ste/ don yod pa'i zhags pa'i snying po 'di lan nyi shu rtsa gcig bzlas te/ khro bo'i rgyal po lan bdun bzlas nas/ don yod pa'i rgya mtsho'i nor bu pad+ma la rnam par lta ba'i dpal dri ma med pa don yod pa'i zhags pa'i snying po 'di lan stong rtsa brgyad bzlas te/ gtsang mas gos gtsang ma bgos shing khrus legs par byas pas kha zas dkar bo zos la/ mig rkang gi ril bu khar bcug nas mdor bstan pa bzung bar bya ste/ ji snyed bshad pa dang bklags pa 'dzin par 'gyur/ lde pad+ma dang ku mu da'i lo ma ltar 'jam par 'gyur/ mi 'am ci'i sgra dbyangs dang ldan par 'gyur/ de las lha'i sgra'ang 'byung bar 'gyur/ gang la smras pa de dag bran po dang bran mo bzhin du bgyi ba ci mchis pa byed cing gnas par 'gyur/ gang la dri mnam pa de'ang dbang du 'gyur/  tha na dud 'gro'i skye gnas su gyur pa'ang dbang du byed do// 'byung po dang / gnod sbyin dang / srin po dang / gnod sbyin mo dang / yi dgas dang / sha ba la sogs pa thams cad dang / brjed byed dang / sdang ba dang rab tu sdang ba dang / mi ma yin pa thams cad dri des 'byer bar 'gyur zhing phyogs bzhir dpag tshad brgyar byer nas thag ring po na 'khod par 'gyur ro// phyir rgol ba dang / sdang ba dang / rab tu sdang ba'i sems dang ldan pa thams cad dri des 'byer bar 'gyur zhing byams pa'i sems kyis dbang du 'gyur ro/ / dpung pa g.yas pa la btags na lag pas glang po che gnon par 'gyur ro// stobs dang /  brtson 'grus dang / pha rol gnon pa chen por 'gyur ro// gyad kyis mi thub par 'gyur ro// rdo rje 'chang dang 'dra ba'i mthu stobs ston par 'gyur ro// mgul du btags te g.yul ngor song na gcig bus dpung gi tshogs yan lag bzhi las rgyal bar 'gyur zhing slar yang 'ong bar 'gyur ro/ / spyi bor bzhag ste rgyal po'i pho brang du song na rgyal po'i btsun mo'i 'khor dang bcas pa dang / blon po dang / blon po /  chen po dang / bram ze mdun na 'don dang bcas pa dbang du 'gyur zhing spyi bo la bkur bar 'gyur/ thams cad du thogs pa med pa dang ldan par 'gyur/ lag pa la btags na gang la reg pa de thams cad dbang du 'gyur/ nor dang / 'bru dang / dbyig dang / nor bu dang / mu tig dang / gser la reg pa tsam gyis zad mi shes par 'gyur/ sa bon gdab pa dang brdza ba byas na zad mi shes pa 'phel bar 'gyur/ rin po che'i lag pa dang 'dra bar 'gyur/ 'bru'i phung po 'phel bar 'gyur/ nyi ma re re zos na dran pa dang blo chen po 'phel bar 'gyur/ sdig pa thams cad dang bral bar 'gyur/ nad thams cad dang bral bar 'gyur/ rims thams cad sel bar 'gyur/ 'bras dang / mdze dang / lhog pa dang / lu'u ta dang / shu ba dang / g.yan pa dang / g.ya' ba dang / phol mig la byug pa pa tsam gyis 'jig par 'gyur zhing nams kyang tshugs par mi 'gyur ro/ / sbyor ba zla ba gcig tsam du byas na cho ga zhib mo dang / gsang sngags rim par bye ba dang / phyag rgya dang / dkyil 'khor gyi mchog 'grub par 'gyur ro/ / dus kun tu lus la thogs na mtshon gzas pas lus la mi tshugs so// chom rkun dang g.yon can thams cad kyis glags rnyed par mi 'gyur ro// thams cad du thogs pabapa med par 'gyur/ til mar dang lhan cig bskol te klad pa na ba dang / rna ba na ba dang / son pa dang / mig na ba dang / klad pa phyed na ba la 'jam tsam blugs pa tsam gyis sdug bsngal thams cad rab tu zhi bar 'gyur zhing phyin chad nad gang yang 'byung bar mi 'gyur ro/ / gdon stong phrag drug cu rtsa brgyad la zhun mar dang yungs kar bsres te bdugs na/ ngus nas phyogs bcur 'byer zhing nams kyang gnas kyis phyogs der 'ong bar mi 'gyur ro/ / rang gi yid la 'dod pa'i dgos pa gzhan thams cad kyang byed par 'gyur ro// de nas lha thams cad 'gugs pa dang / byang chub sems dpa' tham cad spyan 'dren pa/ de bzhin gshegs pa thams cad la bskul ba/ rig sngags 'chang thams cad kyi grub pa'i mtha'/ gnod sbyin dang / srin po rnams dang / 'byung po'i gdon rnams dang / brjed byed dang / gnod sbyin mo rnams dang / yi dgas dang / sha ba dang / skem byed thams cad 'byer bar byed pa/ sdang ba'i bdud rnams gsod pa/ nad thams cad bzlog pa/ gdug pa'i dug rnams bzlog pa/  mche ba'i dug dang / gnas pa'i dug dang / 'gro ba'i dug thams cad la thogs pa med par grub pa/ rims thams cad 'joms pa/ khyad par du rims nyin bzhi pa 'joms pa/ bzhin dang bar byed pa'i gtso bo/ gos bdug pa'i mchog/ gsang sngags dang byad thams cad dbang du byed pa'i mchog/ gang la rgyal po khros nas gshed mas mtshon gzas pa'ang bdug pa 'dis bdugs na de thams cad zhi bar 'gyur ro/ / dug dang / dug sbyar ma dang / srog chags lu'u ta dang / sbrul gyis zin pa dang / srog chags go na se dang / gzhan yang srog chags sna tshogs dug dang bcas pa mchog tu mi bzad pa rnams dang / gal te klu 'jog pos zin na'ang bdugs pa tsam gyis dug thams cad med par 'gyur ro// nad kun 'phrog pa grub pa ste// sdig pa thams cad 'jig byed pa/ / bsod nams phung po che dang mnyam// grub pa lha rnams kun gyis mchod// brgya byin sum cu'i lha dang ni// lha min lhan cig g.yul 'gyed tshe// bdug pa 'di yis bdugs pa dang //  lha min de bzhin pham par 'gyur// drag po yis ni sum brtsegs bsregs// khyab 'jug gis ni ba li bcings// mi'u thung gis ni sa gzhi mnan// lha min dbang pos nyi zla dang // gza' rnam pham byas 'khrugs par gyur/ / bdug pa'i rgyal pos khyad par gyis// mi'u thung ni kun las rgyal// sgyu ma byed pa stong phrag brgya// rtag tu rnam par rgyas par byed//  bdug pa'i rgyal pos skya bseng rnams// rnam par pham par the tshom med// bdud ni bye ba stong phrag brgya// 'dren pas byams pa'i stobs kyis btul// bdud ni bye ba stong phrag brgya/ bdug pa'i rgyal /  mthu stobs kyis// sdang ba'i bdud ni yang dag zad// rgya mtsho rnam par bkrug byas pas// rgya mtshor gnas kun gcer bur 'gyur// snod gcig gis ni sum cha bskams// yid bzhin nor bu chud zos pas/ / don kun grub pa bdag nyid ches// bdug spos 'di yis bdugs byas nas// slar yang rang gi khyim 'ongs te// rtag tu rgyal mtshan rtser btags nas// bdug pa 'di yis bdugs byas shing / / nyin mtshan bdun gyi bar du ni// rin chen bdun gyi char pa phab// de ltar bdug pa stobs ldan yin// las kyi don kun sgrub par byed// g.yul chen po lhung ba'i klu'i mchor dga' bo dang nye dga' bos rgya mtsho chen po la lhun po chen po'i ri rab kyis srubs pas/ dug mdzags pa mgrin sngon gyis dug 'thungs pa bdug pa'i rgyal pos bskor bas dug med par byas so/ / bdug pa'i rgyal po 'di'i mthus bdud rtsir yongs su byas so// de ltar bdug pa'i rgyal pos dug thams cad 'joms par the tsom med do// gling bzhi pa yi drang srong gis// des ni maN+Da la pham par byas/ / gtan phyed la ni longs spyod pa'i// skra can dbang pos ltung bar byas// bdugs pa'i rgyal po bsams pa yis// brdzun du smra ba de rnams nyams// de phyir bden par// /  smra ba'i phyir// bdug pa 'di ni bden par ldan// bden pa'i rgyal pos rab tu bsgrags// bden pa'i chos dang bden par smra// mtha' dag bsdus las byams pa'i sems// 'jig rten kun la rtag tu byams/ / snying rje dang ni dga' ba nyid// bdug pa gzhan gyis bdugs pa 'di// mtshon cha thams cad 'joms par byed// bden pas byin gyis brlabs pa'i bdug pa 'di de bzhin gshegs pa thams cad kyis gsungs pa/ 'jig rten dbang phyug mgon po 'jig rten pa'i rtag tu bla mar gyur pa'o// sems can thams cad la phan pa'i don du rig sngags 'chang rnams kyi khyad par du dmyal ba bcu drug gi 'jigs pa mi bzad pa dang / 'jig pa chen pos sdug bsngal gyi tshor ba myong bar 'gyur ba dang / yi dgas kyi sdug bsngal gyi 'jigs pa chen po cher mi bzad pa/ rtag tu bkres pa dang skom pas nyen pa/ kyi hud ces sgra sgrogs par byed pa'i skrag pa de la skyabs med do// sems can thams cad rjes su brtse ba la brtan par kun tu blta bar bya'o// 'jig rten thams cad kyi skyabs su gsungs pa ni bdug pa'i rgyal po bla na med pa'o/ / bdug pa 'dis bdugs te gang gi don du ming nas smos pa'ang ma rung ba 'am/ yang na byams pa'ang rung ste/ yid la bsams pa rnams sgrub par byed do//  'dis bdugs te brjod pa tsam gyis mod la 'di rnams thams cad rtag tu 'grub par byed de// spyan ras gzigs dbang phyug gi gsung dge ba'o// gza' zla ba 'am gza' nyi ma rgyu skar nyam nga ba la gnas pa sgra gcan gyis zos pa rnams dang / mi gang yin pa skye ba'i gnod pa dang / rgyal po 'am/ yang na bud med dam/ blon po chen po dang / blon po dang / bkrabs pa dang /  mdun na 'don dang / rgyal rigs dang / bram ze dang / dmangs rigs dang / rje'u rigs dang / skye bo gzhan dang 'grogs pas gnod pa dang / 'thab pa nyid dang / sdug bsngal mi bzang bas nye bar 'tshe ba la bdug pa'i rgyal pos bdugs pas de'i skad cig la de dag thams cad mi 'byung ngo / / bza' ba dang btung ba shin tu zhim po thob ste/ gos med pa'i skye bos gos dang / rgyan dang / lha rdzas kyi dri dang / raphreng ba dang / byug pa dang / gos dang / bzhon pa dang / khri dang / nye bar bsten pa dang / lngab lhub thams cad skad cig gis 'byung ste/ gal te yang dag par sbyar ba ma yin na'o// bsam pa dang / re ba dang yid kyi shing rta thams cad mngon par smras pas 'grub par byed do/ / 'jig rten dbang phyug gi gsung ste/ rtag tu 'di dag thams cad 'grub bo// yi dgas rnams kyis zas rnyed cing / lha rdzas kyi gos dang rgyan mchog rab tu 'byung ngo / / bdag gi sdig pa thams cad rtag tu grol bas dmyal ba las grol te/ dmyal ba mi bzad pa thams cad las grol lo// sdug bsngal thams cad las grol te/ skye bo bde ba la rtse bar byed do/ / bde zhing bad 'gror 'gro la bde ba thams cad du thob par byed do// bdug spos 'dis bdugs pas mchog gi dri snom par byed do// rdul dang mun pa can thams cad bdug pa bsnams/  pabs sangs par byed de// dper na nyi ma shar bas 'jig rten gyi mun pa rnam par sangs par byed pa bzhin no// bdug pa'i rgyal po 'dis sdug bsngal thams cad rnam par nyams par byed cing / dmyal ba thams cad dang / sdig pa dang / 'jigs pa thams cad las grol te/ sa bcu po thob cing bde 'gro'i lam bzang po bstan pa de'i phyir 'bad pa thams cad kyis bdug pa'i rgyal po 'di sbyar bar bya'o//  de nas byang chub sems dpa' sems dpa' chen po 'phags pa spyan ras gzigs dbang phyug gis bdug pa chen po'i rgyal po chen po mo gzhib mo dang rjes su mthun pa 'di gsungs so// 'jig rten mgon po'i spyan sngar mchod rten la sa phyogs gang du bdug pa 'dis bdug par bya ste/ de bzhin gshegs pa'i gnas rtag tu byin gyis brlabs pa dang / thams cad du rgyal ba dang / de bzhin du lung bstan pa'i sa phyogs der gad+hA'i bye ma bye ba khrag khrig stong phrag snyed kyi sangs rgyas rnams bzhug pa der rig sngags 'chang gis gang du bdug spos kyis bdugs rdo rje 'chang bye ba brgya stong phrag rnams dang / rgyal po chen po bzhi dpung dang bcas/ bzhon pa dang bcas pa dang / rtag tu ri gangs ldan dang / de bzhin du nor bu bzang po dang / lngas rtsen dang / gang ba bzang po dang / ke lI kI la dang / gnod sbyin chen po yang dag shes dang / mi la zhon pa dang / sangs rgyas stobs dang / stobs po che dang / sgra sgrog skyong dang / na bkru ba ra dang / rab 'joms dang / d+ha Ta ba ka dang / stobs kyi lha dang / rdzu 'phrul/  chen po ste/ 'di rnams sde dang bcas/ dpung dang bcas/ bzhon pa dang bcas pas nyin mtshan rtag tu gnas nas de bzhin nyid du srung bar byed do// bdag gi dpal sa gsum gyi lha mo rtag tu mchod par byed do/ / rtag tu sa gzhi gang du bdug pa rab tu bdug par bya ste/ rdo rje 'dzin pa dang / de bzhin nyid du gas ba pa dang bcas pa dang / chos 'dzin pa la mkhas pa rnams rtag tu srung bar byed cing /  de bzhin nyid du tshangs pa dang / drag po lha'i bu rnams dang bcas pa dang / de bzhin nyid du khyab 'jug dang / lha'i ris sum cu rtsa gnyis po thams cad du dus rtag tu'ang srung bar byed do// zla ba dang / nyi ma dang de bzhin du nyid du sgra gcan dang / rgyu skar dang / skar ma'i tshogs dang / mtshan mo'i lha rnams kyis dus rtag tu srung bar byed do// 'jigs ma dang / dpal mo dang / dung can ma'i lha rnams dang /  dbyangs can ma dang / sa 'dzin gyi lha rnams dang / chu lha dang / ljon pa dang / nags kyi rtse mo'i lha dang / ri'i lha dang / chu klung dang / lteng ka'i lha dang / gshin rje dang / nu'i lha dang / lus ngan gyi lha dang /  gzhon nu'i lha dang / lha'i drang srong bdag nyid che ba dang / lteng ka'i lha dang / chu klung dang / lteng ka dang / lha ma yin dang bcas pa'i lha rnams dang / zla ba dang / nyi ma dang / de bzhin du lha rnams kyis rtag tu srung bar byed do/ / rtag tu rjes su 'brang zhing nyin mtshan rtag tu rgyun mi 'chad par rjes su 'brang ste/ sa'i phyogs gang du bdug spos 'dis bdugs pa'i sa phyogs su rtag tu lnga'i gnas su byin gyis brlabs so/ / 'jig rten dbang phyug dang / mgon po dang / bla ma dang / rnam par 'dren pa dang / 'jig rten gyi skyabs dang / mchog sbyin par de bzhin nyid du rtag tu rgyun mi 'chang bar gnas so// gnas der bdug spos gang yin pa de dag gis mchog tu bdug par bya'o/ / dri mnams pa tsam gyis myur du sangs rgyas nyid thob bo zhes so// sems can kun la phan don phyir// sdug bsngal thams cad ldog byed pa'i/ / rdzas kyi ming rnams bshad bya yi// lha dang mi rnams mnyan par gyis// a ka ru dang rgya spos nyid// de bzhin tsan dan ser mor bcas// bri ka nyid dang gi haM dang // kun tu ru bcas mtsho'i mig/ ro dang sra rtsi pog nyid dang // de bzhin gur kum na la nad// a ru ra bcas dpal bskor ba// sA ma kaM dang spang spos bcas// pri yang ku bcas tu ru ska// ka ya s+tha dang ba ya s+tha// na me ru dang gla sgang bcas//  ru rta a ka ru na ga nyid// ga pur dang ni gla rtsi nyid// laM ka gser shing 'bras bu dang // arka'i 'o ma gser 'o ma// sU ha'i 'o ma nyid dang ni// thod pa skal ba ldan nyid dang // so ma rA dza khyab 'jug gnon// shing dga' rgyal dang rnam rgyal nyid/ / nA ku lI dridr-i nA ku lAM// tshangs pa'i bu dang ku mu da// pad+ma'i chu ba sbrang rtsi dang // bu ram dkar po'i khu ba dang // 'di rnams lhan cig sbyar ba yi// bdug pa'i mchog 'di bsgrub par bya//  mkhas pas legs par khrus byas te// gtsang mas gtsang ma'i gos bgos shing // zla ba nya'am bcu bzhi pa// bcu gsum pa'am tshes brgyad la// rtag tu sbyar bya nyin mtshan gzung / / sngags la mkhas pas bdug spos 'di// so so so sor kun sbyar nas// phyag rgya dkyil 'khor gsang sngags dang // me tog bdug spos dri rgya chen// mchod pa'i cho ga 'di yis dang // gtor ma'i las la mkhas pa dang / / mchod yon snod ni gang ba dang // mgo la'ang dri dang til mar gyi// mar me legs grub gnas su ni// legs sbas gtsang mar gnas te sgrub// legs sbas gtsang mar gnas pa yi/ / slob ma mchog gi grogs kyis ni// don yod zhags pa'i spyan snga ru// 'dug nas yongs su dag pa'i lus// sdom dang byams pa'i sems bzhag nas// sems can kun la snying rje bdag/ sangs rgyas rjes su dran sgom zhing // gsang sngags bzlas pa'i mchog gyis shig/ de bzhin gshegs pa thams cad la dmigs te/ 'jig rten dbang phyug gi zhal nas byung ba/ don yod pa'i zhags pa'i snying po stong rtsa brgyad/ khro bo'i rgyal po stong rtsa brgyad/ don yod grub pa brgya rtsa brgyad tshig dang yi ge shin tu gsal bar bzlas nas/ don yod pa'i rgya mtsho'i nor bu pad+ma la rnam par lta ba'i dpal dri ma med pa don yod pa'i zhags pa'i snying po stong phrag bcu bzlas te/ de nas gsang sngags 'di stong phrag brgya bzlas so// oM sarba ta thA ga ta a ba lo ki te/ a mo gA hri da yan/ tsa ra tsa ra tsa ra/  mthAk+Sha n+ya NikA sa/ sAd+ha yadz+dza/ a b+h+rUM'i u0f7f ya/ a mo k+Sha b+hag bste swAhA/ de nas gas sngags brjod par bya ste/ mnyam par bdag pa las thams cad la mkhas pas bdug spros kyi mchogs bzlas pa tsam gyis mod la bdug spos kyi rgyal po la de bzhin gshegs pa thams cad kyis byin gyi rlabs kyis byin gyis brlabs par 'gyur ro/ / don yod pa'i zhags pa snang ba rgya che ba nor bu chen po'i sprin gyi ma med pa zhes bya ba de bzhin gshegs pa thams cad kyis rnam par gzigs la/ 'phags pa spyan ras gzigs dbang phyug gis mchog sbyin pa'i 'khor los sgyur ba zhe bya ba'i bdug pa'i rgyal po yin te/  thog mar de bzhin gshegs pa thams cad la sngags 'di lan bdun bzlas te bdug pa dbul bar bya'o// oM sarba ta thA ga ta a ba lo ki te ma hA a mo g+ha dza ya dza ya swA hA/ de'i 'og tu bdag rang bdugs na de bzhin gshegs pa thams cad kyis byin gyis rlob par 'gyur ro/ / byang chub sems dpa' chen po 'phags pa spyan ras gzigs dbang phyug mchog sbyin pa bdug pa tsam gyis mod la 'phags pa spyan ras gzigs dbang phyug gi sku ston par 'gyur ro/ / dge sbyong dang bram ze'i gzugs kyis de dang lhan cig smra bar byed do// gang la smras pa dang / gang la gtam byas pa de thams cad tshe 'di la 'grub par 'gyur ro// /  de'i 'og tu mtshan mo rang gi gzugs ston par 'gyur zhing mchog thams cad sbyin par mdzad do// don yod pa'i ye shes thob par 'gyur/ 'jigs pa chen po brgyad yongs su grol bar 'gyur/ sngon gyi sgrib pa dang sdig pa dmyal ba'i tshor ba myong bar 'gyur ba zad cing mthar thug par 'gyur ro/ / gang bdag gis lus la bdugs pa tsam dang mthong ba tsam gyis mod la thams cad dbang du 'gyur ro/ / yul 'khor dang / grong khyer dang / grong rdal dang / ljongs dang / rgyal po btsun mo'i 'khor dang bcas pa dang / blon po dang / blon po chen po dang / bkrabs pa dang / bram ze mdun na 'don dang bcas pa dbang du 'gyur zhing thams cad bgyi ba ci mchis zhes bya ba byed par 'gyur ro/ / rig bzhi'i 'jig rten dbang du 'gyur ro// tshes bcu bzhi dang / bco lnga dang / tshes brgyad la khrus legs par byas te/  gos gtsang ma bgos la/ ba las byung ba lngas byugs pas khyim gyi phrugs su dkyil 'khor byas la/ me tog dang mchod yon gyi snod gzhag par bya/ gtor ma dkar po nye bar gzhag par bya/ de bzhin gshegs pa thams cad la dmigs/ byang chub sems dpa' thams cad la dmigs te phyogs bzhir phyag byas la bdug pa'i rgyal po 'dis bdug par byas na/ bdugs pa tsam gyis mod la phyogs bcu mtha' yas mu med pa'i sangs rgyas kyi zhing rnams kyi rdul phra mo snyed kyi de bzhin gshegs pas yongs su gang ba la 'di lta ste/ sangs rgyas kyi zhing re rer de bzhin gshegs pa gang+gA'i klung gi bye ma bye ba khrag khrig stong phrag brgyal bdug pa'i sprid 'khrigs pa/ lha'i spos kyis bsgos pa/ mi mnyam pa dang mnyam pa'i bdug spos chen po tsan dan sbrul gyi snying po dang / go shir sha dang / ta me la'i lo ma dang / bdug spos mang pos nam mkha'i ngos khebs pas mchod par 'gyur ro/ / byang chub sems dpa'i 'khor rnams dang / sum cu rtsa gsum na gnas pa'i lha brgya byin dang / tshangs pa dang / khyab 'jug dang / dbang phyug chen po la sogs pa 'og min gyi gnas na gnas pa'i lha'i bar thams cad bdug pa'i dris rab tu dga' bar 'gyur ro/ / rgyu skar dang / skar ma'i tshogs dang / nyi ma dang / zla ba thams cad dga' bar 'gyur te/  'di la the tsom mi bya zhing yid gnyis bskyed par mi bya'o// skad chen pos don yod pa'i zhags pa'i snying po bzlas pa byas na/ des na sangs rgyas kyi zhing thams cad na bzhugs pa'i de bzhin gshegs pa legs so zhes bya ba'i sgra 'byin par 'gyur zhing / rig sngags 'chang de la'ang de bzhin gshegs pas byin gyis rlob par 'gyur/ dus kun tu dgongs par 'gyur/ yang dang yang du gzigs pa'i phyir byon par 'gyur ro/ / bde ba can na bzhugs pa de bzhin gshegs pa tshe dpag med dang / byang chub sems dpa' 'phags pa spyan ras gzigs dbang phyug dang / mthu chen thob la sogs pa byang chub sems dpa' thams cad thugs rab tu dgyes par 'gyur/ rig sngags 'chang la don yod pa chen po'i dngos grub stsol bar mdzad/ gzigs bzhed par 'gyur ro// klu thams cad la bdugs pa tsam gyis dbang du 'gyur zhing gcang char ches na gcod par byed cing / char mi 'bab na char 'bebs par byed do// rlung dang / ser ba dang / sprin thams cad gcod par byed/ bdugs pa tsam gyis gdon thams cad 'jig par 'gyur/  bgegs dang log 'dren thams cad phyogs bcur dpag tshad stong du 'bros par 'gyur/ ma mo'i gnas su bdugs na rlung dang / ser ba dang / sprin thams cad gcod par byed do//  ma mo'i tshogs dang nag po chen po la sogs pa 'gugs par 'gyur zhing dbang du gyur nas 'dug par 'gyur/ bya ba thams cad byed par 'gyur ro// g.yul 'gyed pa'i tshe bdugs na dpung gi tshogs yan lag bzhi pa'i dpung las rgyal bar 'gyur/ thams cad du bdugs pa tsam gyis rgyal bar 'gyur/ thams cad du sbyar bar byas na kun tu grub pa chen por 'gyur ro// bdug pa'i cho ga'o//  / 'phags pa don yod pa'i zhags pa'i cho ga zhib mo'i rgyal po bam po bcu gcig pa// / de nas rig sngags 'chang rnams la phan pa dang bde ba'i phyir thig le bya ba dang /  gdong bkru ba dang / lus bslu ba byas na ya lang dang go cha bgos pa dang 'dra bar 'gyur bar bshad par bgyi yis/ bcom ldan 'das gsan du gsol/ don yod pa'i nor bu rgya chen po rdo rje zhags pa zhes bya ba'i nor bu gang sbyor bar byas pa tsam gyis thams cad 'grub pa/ bla na med pa/ mkhas pas mdzod spu rnams su thig le byas na tshogs kyi nang dang / skye bo mang po'i nang dang / tshogs pa'i nang dang dge 'dun gyi nang dang / de bzhin du rig byed kyi tshogs pani'i rang du skar ma'i tshogs kyi nang na zla ba ches pa bzhin du mdzes shing 'jigs pa med do// lha rnams thams cad la mtshan skye// drag po yin cing pan 'chang / / 'jig rten mgon po'i g.yas kyi dbu'i// dbu rgyan rtse bran zla tshes bzhin// gdong bkru ba ni mchog yin no// zla ba nya ba'i 'od dang mtshungs// sprin ma rnab dpral ba dang // pad+ma dkar sham shin tu'ajam/ / mig gnyis ut+pal sngon po 'dra// sems can thams cad dga' bas lta// dga' zhing rtag tu tshig bcan 'gyur// de yi mig gis gang mthong ba// thams cad dbang du gyur par 'gyur// skyes pa dag la bsku byas na/ / rtag tu rig smra blo che zhing // rtag tu ya lad go bgos pa'i// 'jig pa med pa'i lus su 'gyur// 'byung po rnams ni mi bzod cing // gnod sbyin srin po gsang ba pas// rtag tu thub par mi 'gyur ro/ / stobs chen pha rol gnon pa dang // rtag tu sred med stobs ldan zhing // glang chen stong gi stobs ldan 'gyur// lha rnams 'dar ni yid yod cing // klu rnams mtshon skrag par byed//  gal te rig sngags smra ba yis// reg na ri rab lhun po yang // g.yo bar 'gyur ba the tsom med// rtag tu sred med stobs ldan zhing // stobs dang gzugs dang rtsal ldan 'gyur// nor bu rgyal po bla na med//  'di ni thos pa tsam gyis su// sdig pa kun las ngas grol zhing // dug rnams thams cad 'joms par byed// dpal dang skal bzang rtag 'thob 'gyur// gang gi lag tu thob gyur pa// sgrib pa kun las nges grol zhing / / de bzhin 'jig rten dga' bar 'gyur// de ni de bzhin gshegs kun gyi// thugs skyes gsung skyes sras su 'gyur// 'phags pa spyan ras gzigs dbang phyug/ bla ma rtag tu rjes 'brang zhing / rig sngags smra ba dbugs dbyung phyir// de bzhin du ni srung ba dang // rtag tu mchog ni sbyin par 'gyur// 'jig rten mgon po thub chen gyi// bsod nams phung po chen po 'thob/  gang zhig nor bu 'di 'chang ba de de bzhin gshegs pa gang+gA'i klung gi bye ma bye ba khrag khrig brgya stong phrag drug cu rtsa bzhi snyed las dge ba'i rtsa ba bskyed par 'gyur/ de bzhin gshegs pa de dag thams cad mthong zhing dbugs 'byin pa dang phyi bzhin 'brang bar 'gyur ro/ / dpal dang skal ba bzang po thams cad dang ldan par 'gyur/ rtag tu lus dang / ngag dang / yid yongs su dag par 'gyur/ sems can thams kyis mchod pa gcig pur 'gyur/ dgra thams cad kyis mi sod par 'gyur/ phyag na rdo rjes de la rtag tu bsrung ba dang / bskyab pa dang / sba ba'i phyir gnas par 'gyur/ phyag na pad+ma rang rtag du mchog sbyin par 'gyur ro/ / rig sngags 'di ni de bzhin gshegs pa thams cad kyis lung bstan pa ste/ 'dir de bzhin gshegs pa thams cad kyi nor bu chen po bzung bas sdang ba bdud la sogs pa thams cad dang / bgegs dang log 'dren thams cad las rgyal te/ pha rol pham par mdzad nas chos kyi 'khor lo bskor ro// 'di rnga bo che la bskus te brdungs na chos kyi rnga bo che brdungs par 'gyur ro//  gang dag sgra thos pa tsam gyis sems can thams cad kyi mtshams med pa lnga'i sdig pa rab tu'i bar 'gyur ro// tha na dud 'gro'i'o skya gnas su gtogs pa'i ri dgas dang bya gang yin pa de dag thams ca yongs su grol bar 'gyur ro/ / 'phags pa la srung ba 'debs pa dang / dam pa'i chos spong ba dang / man med pa la gzhol zhing gnas pa dag las yongs su grol bar 'gyur/ dmyal ba/  chen po bcu drug las yongs su grol bar 'gyur/ 'jigs pa chen po brgyad las yongs su grol bar 'gyur/ de la dug gi 'jigs pa 'byung bar mi 'gyur/ me'i 'jigs pa 'byung bar mi 'gyur/  mtshon gyi 'jigs pa 'byung bar mi 'gyur/ dus ma yin par 'chi ba'i 'jigs pa 'byung bar mi 'gyur/ rims thams cad kyi 'jigs pa 'byung bar mi 'gyur/ 'di drung la bskus te bus na chos kyi dung chen po bus par 'gyur/ tha na dung gi sgra thos pa'i bar de dag thams cad kyang slar ldog par mi 'gyur/ skyes pa dang / bud med dang / khye'u dang / bu mo dag kyang skye ba dang / rga ba dang / nad dang /  'chi ba dang / mya ngan dang / smre sngags 'don pa'i sdug bsngal las yongs su 'grol bar 'gyur/ 'di ni skye ba phyi ma yin te/ shi nas thams cad ris mthun par bde ba can gyi 'jig rten gyi kham su pad+ma las rdzus te skye bar 'gyur/ lus skyes bu chen po'i mtshan dang dpe byad kyis brgyan pa/ rgyan thams cad kyis klubs pa/ pad+ma las skyil mo krung bcas te skye bar 'gyur ro// byang chub kyi snying po la thug gi bar du 'od dpag med las mngon sum du chos kyi 'phel gtam thos par 'gyur ro/ / zla ba yar gyi rol cod pan dkar po bcings te nor bu chen po 'di rgyal mtshan gyi rtse mo la btags nas bsgrung bcam gyis mod la chos kyi rgyal mtshan bsgrengs par 'gyur ro/ / 'di rgyal macan kyi rtse mo la btags pa mthong ba cam gyis de bzhin gshegs pa cus chub kyi snying por chos kyi 'khor lo bskor ba dang / bdud 'dul ba'i rgyal mtshan bsgreng ba mthong bar rig par bya'o// 'di bsgrengs pa tsam gyis 'thab pa dang / rtsod pa dang / khrag khrag tham cad zhi bar 'gyur/ gnod pa thams cad dang / mi ngas dang / mu ge'i dgon pa rab tu zhi bar 'gyur/ chom po dang / g.yon can dang / rkun ma dang / phyir rgol ba dang / mi mdza' ba 'jig par 'gyur/ rang gi dpung dang / gzhan gyi dpung dang ldan pa'i gdug pa'i sems can rab tu zhi bar 'gyur/ dug mi bzad pa dang / gcan gzan gtum po dang / bya dang / sbrang bu dang / sha spang dang /  bye ba dang / sdig sbrul dang / 'bras dang / lo'u ta dang / dug dang / shu ba dang / ldog pa dang / mtshan mar rdol ba dang / ske bgags pa thams cad 'jigs par 'gyur/ sdang ba'i klu dang / sar ba dang / grang ba dang / rlung gis mi tshugs shing nad thams cad rab tu zhi bar 'gyur ro// bde ba dang / dga' ba dang / lo legs pa dang / skye bo mang po dang / mi mang pos yongs su gang zhing 'byor par 'gyur/ chos 'dod cing chos kyi kun dga' la dga' ba dang mgu bar 'gyur/ me tog dang / 'bras bu dang / lo tog dang / zas dang / skom ro zhim pa dang / shin tu 'jam pa phun sum tshogs pa 'gyur/ thams cad du lha'i rig pa dang bcas pa'i baba' ba dang btung ba 'byung bar 'gyur ro// snang ba'i gnod sbyin dang / srin po dang / 'byung po dang / sha ba dang / 'phra menas dang / yi dgas/  dang / brjed byed dang / sbrul po dang / lus srul po dang / skem byed dang / grib ma dang / bza' nyes dang / 'go mnyes dang / blta nyes dang / grib ma ngan bzhi par 'gyur zhing mi tshul par 'gyur/ sems can de dag thams cad phan tshun byams pa'i sems su 'gyur/ mchog tu yid bde ba'i gnas pas gnas par 'gyur ro// yon tan dang phan yon chen po de dag ni nor bu'i rgyal po chen po'i byin gyi rlabs yin no/ / de nas byang chub sems dpa' sems dpa' chen po 'phags pa spyan ras gzigs dbang phyug/ bcom ldan 'das kyi spyan snga na bzhin 'dzum zhing mig mi 'dzums par bcom ldan 'das la 'di skad ces gsol to/ / bcom ldan 'das grub pa'i rdzas kyi mchog nor bu gdags pa de bzhin gshegs pa thams cad kyis byin gyis brlabs shing lung bstan pa/ bdag gi snying po chen po yid bzhin gyi nor bu chen po sems can thams cad la phan pa dang bde ba'i phyir zhugs pa rjes su bsgrags par bgyi'o/ / gser dang / na la da dang / gi'u wang dang / ba p+la dang / ldong ros dang / pad+ma dang / ut+pal dang / gur kum dang / nag pus pa dang / tA tsa dang / ta rag dang / tsan dan rnam gnyis dang / sprig ka dang / kA la ka dang / ru rta dang / shu ti dang / pri yang ku dang /  ha re rtsa ke dang / sug smel dang / lo d+ha dang / dzA ta pa tri ka su man dang / sA ma ka dang / sra rtsi pog dang / shing arka'i 'o ma rnams bsags te cha mnyam par byas la gse/  gnyis 'gyur du byas te/ rgyu skar bzang po dang tshes grangs shis shing dge ba la khrus legs par byas te/ gos gtsang ma bgos nas nyin zhag gcig byams pa'i sems la mnyam par bzhag ste/  phye ma zhib mor byas te/ don yod pa'i zhags pa'i rgyal po'i snying po'i gzungs stong rtsa brgyad bzlas/ khro bo'i rgyal po brgya rtsa brgyad bzlas te gtor la dri chab bzang pos spungs te sbyar la/ gsar dang bsres la ga pur dang gla rtsi'i bdug pas bdugs te/ nor bu zho gnyis pa'i tshad du byas nas phug la ras skud kyis btags te gser gyis g.yogs la/ yang don yod pa'i zhags pa'i snying po stong rtsa brgyad bzlas/ khro bo'i rgyal po brgya rtsa brgyad bzlas te/ 'phags pa spyan ras gzigs dbang phyug gi spyan sngar mi smra bar bsgrub par byas la/ de nyid kyi zhabs drung du grib ma la bskam par bya ste/ phyed dam bzhi cha gser gyis g.yog par bya zhing phyed g.yog par mi bya'o// gang la gser gyis g.yogs pa 'di ni gang la don yod pa'i zhags pa yid bzhin gyi nor bu chen po dang 'dra ste/  sangs rgyas kyi byang chub dang / 'jig rten pa dang / 'jig rten las 'das pa'i las chen po sgrub par byed do// gser gyis ma g.yogs pas ni 'jig rten pa'i dgos pa thams cad sgrub par byed de/  nad thams cad dang / gdon thams cad dang / lu ta dang / 'bras dang / 'gro ba'i nad dang / shu ba dang / ldog pa dang / mtshan mar rdol ba dang / phol mig dang / sha bkra dang / mig nad dag klad nad dang / gzhogs phyed na ba dang / mgul ba 'gags pa dang / kha nad dang / sna nad dang / rna ba'i nad dang / so nad dang / rkan na ba dang / lcen pa dang / mchun pa dang / snying na pa dang / rtsib logs na ba dang / lto ba na ba dang / mchin pa na ba dang / rgyab na ba dang / gcin snyi ba dang / gzug gzer dang / 'khru ba dang / pho ba'i nad dang / gzhang 'brum thams cad rab tu zhi bar 'gyur zhing rims thams cad rab tu zhi bar 'gyur te/ rims nyin bzhi pa dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa rnams rab tu zhi bar 'gyur ro/ / lus kyi nang gi nad thams cad la chu dron dang lhan cig sbyin no// phyi rol gyi nad thams cad dang gnod pa thams cad la byugs pa tsam gyis yongs su grol bar 'gyur ro// thams cad du dgos pa thams cad la sbyar ba tsam gyis thams cad 'grub pa 'gyur te/ the tsom mi bya'o// gser gyis g.yogs pa dpung pa la btags na thams cad du thogs pa med par 'gyur te/ stobs dang / brtson 'grus dang / pha rol gnon pa phyag na rdo rje dang / pad+ma 'chang dang 'dra bar 'gyur ro// dgos pa thams cad 'grub pa bla na med pa rnam pa gsum po 'di la sbyar bar bya ste/ thig le/  dang / gdong pa bkru ba dang / lus bsku ba'o// yid la ji ltar bsams pa'i dgos pa sgrub pa'i de kho na nyid 'grub pa ste/ the tsom mi bya'o// rgyal po btsun mo'i 'khor dang bcas pa dang / skye bo dang blon por bcas pa rtag tu bgyi ba ci mchis zhes bran bzhin du dbang du 'gyur ro// nor bu spyi gtsug tu bzhag nas rig sngags bzlas na bgegs med par thams cad 'grub par 'gyur ro/ / lag pa g.yas pa la btags te rig sngags bzlas na bzlas brjod kyi cho ga stong phrag brgya 'gyur du byas par 'gyur te/ lan cig bzlas pas stong phrag brgyar rab tu 'phel bar 'gyur ro/ / mgul par btags te bcangs na khrus ma byas pa khrus byas par 'gyur/ mi gtsang ba gtsang bar 'gyur/ tshangs par mi spyod pa tshangs par spyod par 'gyur/ thub par ma byas pa thub par byas par 'gyur/ smyung ba ma byas pa smyung ba byas par 'gyur/ tshig mi btsan pa tshig btsan par 'gyur/ ma grub pa grub par 'gyur/ dam tshig mi shes pa dam tshig shes par 'gyur/ byams pa'i sems dang ldan par 'gyur/ sbyin pa gang cung zad ci sbyin pa chung ngu'ang stong phrag brgya 'gyur du sbyin pa chen po 'phel bar 'gyur/ pha rol tu phyin pa drug rdzogs par 'gyur/ nor bu 'di lag mthil g.yas pa la btags na gang la reg pa de zad mi shes par 'gyur ro/ / su la'ang brjod par mi bya ste/ de'i 'og tu de dag thams cad 'phel bar 'gyur ro// rked pa la btags te chu'i nang du zhugs na chu klung chen po'i gting bslebs par 'gyur ro/ / de nas nor bu sgrub par 'dod pas dngul shin tu yongs su dag pa las pad+ma 'dab ma sum cu rtsa gnyis pa kha phye ba/ dbus kyi snying po dang ze ba za ma tog 'dra ba sor bcu drug pa'i tshad du byas la/ de'i dbus su gser gyi nor bu gzhag par bya'o// ba lang gi lci ba ba lang gi gcin dang ldan pas dkyil 'khor gru bzhi pa byas la tshon sna tshogs kyis bri bar bya ste/ kho ra khor yug tu pad+ma bris la/ pad+ma'i dbus kyi ze bar dngul las byas pa'i pad+ma bzhag ste/ bum pa gang ba bzhi dang gtor ma'i bum pa bzhi gzhag par bya zhing / me tog dgram par bya/ tshon rnam pa sna tshogs kyis bri bar bya/ a ka ru dang / tsan dan dang / du ru ka'i bdug pas bdug cing gtor ma dkar po gzhag par bya/ 'phan gdugs rnam pa sna tshogs kyis brgyan par byamar gyi mar me sum cu rtsa gnyis bltam par bya/ 'bras bu dang me tog 'phreng sna tshogs gzhag par bya/ 'phags pa spyan ras gzigs dbang phyug mngon du phyogs par gzhag ste/ rig sngags 'chang gtsang mas gos gtsang ma bgos la nyin mtshan gcig smyung par byas la tshes bco lnga nas/ nyi shu dgu dang gnam stong gi bar dus 'tshams gsum du mchod par bya zhing / pad+ma za ma tog de dang / 'phags pa spyan ras gzigs dbang phyug la'ang mchod pa byas la dkyil 'khor gyi shar phyogs su mngon du phyogs te 'dug la bzlas brjod stong rtsa brgyad bya/ khro bo'i rgyal po stong rtsa brgyad bzlas te/ yungs kar dang chus dbang bskur bar bya/ don yod pa'i zhags pa'i phyag rgya lan stong rtsa brgyad bya/ de bzhin du khro bo'i rgyal po'i phyag rgya bya'o//  mi smra bar dgos pa thams cad byas na de'i 'og tu tshes bco lnga zla ba nya'i nang par gyi dus 'tshams su nor bu'i rgyal po pad+ma dang bcas te gcig tu 'bar bar 'gyur zhing / 'phags pa spyan ras gzigs dbang phyug gi zhal nas sgra 'byung bar 'gyur/ rig sngags 'chang dga' bar 'gyur/ nam mkha'i dkyil nas legs so zhes bya ba'i sgra 'byung bar 'gyur/ de bzhin gshegs pa'i sku chen po mthong bar 'gyur/ de nas rig sngags 'chang gis pad+ma 'bar ba de lag pa g.yas pas blang bar bya ste/ blangs pa tsam gyis mod la nam mkha' la 'gro bar 'gyur zhing / rig sngags 'chang thams cad kyi 'khor los sgyur bar 'gyur/ 'khor los sgyur ba'i rgyal po gser gyi mdog can blta na sdug pa chen po mdun na gnas par 'gyur/ sdang ba dang / phyir rgol ba dang / mi mdza' ba thams cad bzlog par byed//  'khor bye ba stong phrag bcu gnyis dang ldan pa'i rig sngags 'chang gi rgyal por 'gyur/ tshe bskal pa stong thub par 'gyur/ don yod pa'i rnam par lta ba'i nor bu chen po rgyal mtshan gyi rtse mo dang ldan pa zhes bya ba'i ting nge 'dzin thob par 'gyur/ don yod pa'i dri ma med pa 'bar ba'i rtse mo rnam par lta ba zhi bya ba'i don yod pa'i zhags pa 'thob par 'gyur/ phyogs bcu kun gyi de bzhin gshegs pa'i sangs rgyas kyi zhing gi rnam par 'phrul pa mthong bar 'gyur/ de bzhin gshegs pa de dag thams cad kyis dbugs 'byin par 'gyur/ nor bu chen po yongs su dag pa rdo rje la rnam par lta ba'i 'od kyi lus rnam par dag pa 'thob par 'gyur/ lha dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams bgyi ba ci mchis shes dbang du 'gro bar 'gyur/ mgo'i spyi bor btags na nor bu chen po'i rdzu 'phrul gyis nub phyogs su song nas bde ba can gyi rab tu dbye ba gzhal med khang dang bcas/ 'khor dang bcas/ legs par brgyan pa'i dkyil 'khor dang / byang chub sems dpa'i tshogs dang bcas pa mthong bar 'gyur ro// de bzhin gshegs pa de dag las chos snang ba'i sgo chos bshad pa chen po thos par 'gyur/ 'phags pa spyan ras gzigs dbang phyug gi gzugs dang / rgyan dang / gzhal med khang ston par 'gyur/ mgul du btags na phug gi gnas thams cad du 'jug par 'gyur/ thams cad du rgyal ba'i rje dpon dang / 'khor los sgyur ba'i rgyal por 'gyur/ phug stong phrag drug cu rtsa bzhi'i sgo 'bye bar 'gyur/ dpung pa g.yas pa la btags na mi snang bar 'gyur zhing lus mi snang ba gang+gA'i klung bye ba stong phrag brgya snyed kyi lus mi snang ba rnams kyi mchog rje dpon dang rgyal por 'gyur ro/ / dpung pa g.yon pa la btags na gnod sbyin dang / srin po dang / 'byung po la sogs pa thams cad mi sdang bar byas par 'gyur/  thams cad kyi gnas kyi gzhal med khang sgo bye zhing 'dug par 'gyur ro// rked pa la btags na gter thams cad 'byung bar 'gyur/ pus mo g.yas pa dang brla g.yas pa la btags nanags kyi phug gi gzhal med khang gi gnas thams cad kyi sgo phye zhing / sman gyi dngos po thams cad rang gi gzugs kyis mdun na gnas par 'gyur zhing thams cad dbang du 'gyur ro// rkang pa'i rje ngaral btags na rlung gi phung po dang po'i stobs kyi shugs chen po dang ldan par 'gyur zhing / cung zad tsam song bas dpag tshad stong phrag bcur 'gro zhing slar yang 'ong bar 'gyur/ nyin mtshan gcig gis stong gsum gyi stong chen po'i 'jig rten gyi khams rlung chen po'i shugs kyi stobs dang brtson 'grus kyis song ste/ slar yang 'ong bar 'gyur zhing gang gis kyang gnod par mi 'gyur/ thams cad du dgos pa sgrub pa thams cad grub par 'gyur ro/ / rkang mthil la btags na sa'i 'og gi dngos grub chen po thob par 'gyur zhing / sa'i 'og phug gi sgo thams cad bye bar 'gyur te/ rang ji ltar 'dod pa der 'jug cing 'byung bar 'gyur ro/ / khar bcug na nyi ma re re tshigs su bcad pa stong lobs par 'gyur ro// mid pa tsam gyis thos pa rgya mtsho bsags par 'gyur ro// lce'i rtse mor bzhag na lce pad+ma dang ku mu da ltar 'jam par 'gyur zhing thos pa mang po 'dzin par 'gyur ro/ / lag pa la byugs na gang la reg pa de bgyi ba ci mchis shes bran bzhin du 'gyur ro// skyes pa dang / bud med dang / khye'u dang / bu mo dang / dge sbyong dang / bram be thams cad bgyi ba ci mchis zhes thams cad dbang du 'gyur ro/ / nor bu sgrub pa'i cho ga'o// / de nas byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das la 'di skad ces gsol to// bcom ldan 'das bdag la don yod grub kyi bum pa rab mchog ces bgyi ba'i sgrub pa'i cho ga chen po mchis te/ don yod pa'i zhags pa'i snying po yid bzhin gyi nor bu'i gzungs kyi mthu bstan pa ji lta ba der/ de ltar bcom ldan 'das bum pa chen po mthu sgrub pa'i cho ga 'di rnam par 'phrul pa bsam gyis mi khyab pa sgrub pa 'grub par 'gyur ba lags so// /  rig sngags 'chang rnams la phan pa dang bde ba'i phyir de kho na nyid yang dag par sgrub par 'gyur ba lags so// de nas gser ram/ dngul lam/ zangs sam/ kham pa'i bum pa tshad dang ldan zhing kun nas shin tu zlum pa/ mgo'am mgrim par phyin pa'i tshad shin tu 'jam zhing thag thug dang shang shong med pa/ dbyibs legs shing byi dor legs par byas pa/ kun nas yongs su gang ba la mtshal gyi tshon gyis pad+ma 'dab ma brgya rtsa brgyad pa bri bar bya ste/ mgrin par pad+ma'i snying po dang ze ba bri/ khor yug tu 'dab ma bri bar bya'o// 'phags pa spyan ras gzigs dbang phyug don yod zhags pa bri bar bya ste/  shar phyogs su zhal bri/ lhor mi 'jigs pa sbyin pa'i phyag/ nub tu dbugs 'byin pa'i phyag/ byang du yid bzhin nor bu/ thams cad rgyan thams cad kyis brgyan pa skyil mo krung du bzhugs par bya'o//  pad+ma'i 'dab ma la dbang phyug dang / dbang phyug chen po dang / bram ze dang / lha dang / drang srong gi tshogs dang / gshin rje dang / chu lha dang / rlung lha dang / khyab bdag dang /  brgya byin dang / rdo rje 'chang dang / lha'i tshogs gzhan dag bri bar bya zhing / me dang / rlung dang / nyi ma dang / zla ba dang / lha mo sgrol ma dang / khro gnyer can dang / pho nya mo dkar mo dang / tshogs kyi bdag po dang / gzhon nu dang / rgyal po chen po bzhi dang / drag po dang / khyab 'jug bri bar bya'o// pad+ma'i 'dab ma'i khor yug tu pad+ma'i 'phreng ba bri'o// de nas bum pa tshon sna tshogs kyis bri bar bya zhing gser gyi rgyan thams cad kyis brgyan par bya/ rim pa'i cha bkra zhing mdzes par bya'o// de nas thang shing las pad+ma'i gdan zlum po bum pa shong ba tsam gyi tshad du byas la de'i steng du bum pa bzhag la/  bum pa de yungs kar dkar pos bkang ste rgyan thams cad kyis brgyan par bya/ ras dkar pos bcing bar bya/ steng du yungs kar dang / gla rtsi dang / ga pur dang / gi'u wang dang / ldong ros gzhag par bya/ bum pa'i kha ras dmar pos g.yog par bya/ rin po che sna bdun bzhag par bya/ de nas rig sngags 'chang gtsang mas gos gtsang ma bgos la dkyil 'khor khru bzhi gru bzhi dang / 'phang du khru gang ba byas te/ ba lang gi lci ba dang sar bsres pas legs par byugs te grwa bzhi cha mnyam par bya'o// de nas dkyil 'khor gyi steng du dri thams cad kyis byugs la/ dkyil 'khor gyi snying po'i dbus su tsan dan dkar pos dkyil 'khor khru gang gru bzhi pa byas la/ gur kum dang me tog pad+mas mchod par byas te/ pad+ma 'dab ma sum cu rtsa gnyis babris la pad+ma'i le ba'i steng du bum pa gzhag ste/ 'phan gdugs/  sna tshogs kyis brgyan par bya/ dkyil 'khor gyi snying po khor yug tu spos dang / me tog sna tshogs dang / byug spos sna tshogs dang / mchod yon gyi snod sna tshogs dang / bum pa gang ba mdzes pa dang /  bdug spos kyi phye ma rnam pa mang po gzhag par bya/ me tog rnam pa sna tshogs dang me tog 'phreng ci 'byor pa kun tu gzhag par bya/ mar gyi mar me bzang po bcu drug bltam par bya/ phyi rol gyi dkyil 'khor kun nas pad+ma'i 'phreng ba bri bar bya/ sgo bzhi shin tu 'byes par bri/ 'jig rten dbang phyug gi mtshan ma gsal bar bya/ mda' dang ba dan khor yug tu gzhag par bya/ tshon skud sna lngas bskor bar bya/ ro rnam pa sna tshogs dang dkar gsum ci 'byor pa gzhag par bya/ 'bras bu sna tshogs dang bza' ba rnam pa sna tshogs gzhag par bya/ me tog sna tshogs gzhag par bya/ me tog sna tshogs dgram par bya/ me tog 'phreng bzang po kun tu gzhag par bya/ bdug spos kyi snod dang bum pa gang ba kun tu gzhag par bya/ pog por bzhi bzhag par bya/ dri chab kyi phor bu bzhi gzhag par bya/ snod bzhi dang kham phor brgyad gzhag par bya/ ro sna tshogs kyi gtor ma dkar po rnam pa mang po gzhag par bya/ mar gyi mar me gang ba drug cu rtsa gcig dbul bar bya/ 'bras yos dang yungs kar dgram par bya'o/ / chang dang / sha dang / be gcong dang / ke'u dang / 'bags pa dang / kha zas ngan pa dang / btung ba ngan pa spang bar bya/ 'gomanyes spang bar bya ste/ gtsang mas gos//  gtsang ma gos la zla ba nya la bsgrub par bya'o// srung ba'i cho gas pa dag bsrung ba dang / thor tsugs bcing ba dang / phyogs bcing ba dang / yul bcing ba dang / de bzhin du grogs bsrung ba dang /  gzhan bsrung ba'ang bya'o// gu gul gyi bdug pa dang / mar dang yungs kar gyi bdug pas bdug par bya'o// tsan dan dang / a ka ru dang / du ru ka dang / kun tu ru'i bdug pa 'di ni yang dag par bstan to/ / bum pa sgrub pa 'di ni mchog ste/ zhag lnga spyang ba byas nas gsang sngags bsgrub par bya ste/ dus 'tshams gsum du bum pa dang sangs rgyas la mchod par bya'o// mi smra bar dkyil 'khor la mngon du phyogs te skyil mo krung du 'dug nas/ lag pa g.yas pa bum pa'i steng du bzhag la khro bo'i rgyal po stong rtsa brgyad bzlas la/ chu dang yungs kar gyis dbang bskur la don yod pa'i zhags pa'i snying po stong phrag bcu bzlas so/ / yid la byed pa rtse gcig pas sems can thams cad la byams pa dang snying rje lhur len cing sangs rgyas yid la bya ba bsgoms la bzlas brjod bya'o//  de'i 'og tu ches bco lnga nya'i thun tha ma'i nang par dbyig gi bum pa cher g.yo bar 'gyur zhing / legs so zhes bya ba'i sgra chen po'ang grag par 'gyur te/ bum pa chen po de'ang 'bar zhing 'od zer la dog sna tshogs 'byung bar 'gyur/ rig sngags 'chang dga' bar 'gyur/ dri ma med cing yongs su dag la dri ma dang bral bar 'gyur/ mdog yongs su dag cing me tog pad+ma dang / ku mut+ta ltar dkar zhing 'jam par 'gyur/ bum pa de'i sku gzugs rnams rang rang gi lus las 'od zer 'byung bar 'gyur ro// de nas rig sngags 'chang gis 'phags pa spyan ras gzigs dbang phyug la mchod pa rgya chen po bya/ rig sngags 'chang bum pa sgrub pa 'di ni grub bo// de'i 'og tu rig sngags 'chang gis dri'i chu dang yungs kar la khro bo'i rgyal po lan nyi shu rtsa gcig bzlas nas dbang bskur bas dbang bskur ba byas na dbang bskur ma thag tu bum pa de las sgra 'byung bar 'gyur te/ rig sngags 'chang chen po legs so legs so// khyod kyis bum pa bzang po grub ste/ bum pa bzang po ji lta ba bzhin don yod pa'i snying po bum pa bzang po yid bzhin gyi nor bu chen po'ang de bzhin gyis ji ltar 'dod pa longs spyod cig/ yid la ji ltar bsams shing bcol ba thams cad grub par gyur cig/  de nas mchod pa chen po gzhal med khang chen po mchod de/ bum pa bzang po de gzung bar bya zhing mchod pa byas na yid la ji ltar 'thad pa dang 'dod pa thams cad grub par 'gyur te/ legs par bshad pa 'am/ gtsug lag gam/ snyan dngags dang / gar gyi bstan bcos dang / rtsis chos dang / byA ka ra Na dang / cho ga zhib mo smras pa dang / gsang sngags smra ba dang / nags sgrub pa dang / phug sgrub ba dang / bcud kyi len dang / mig sman dang / gter smra ba dang / rig byed kyi sngags dang / mdo'i sde dang / dbyangs kyis bsnyad pa'i snga la sogs pa chos dang 'dul ba smra ba de dag thams cad 'byung bar 'gyur ro/ / 'di lta ste/ zas dang / skom dang / gos dang / rgyun dang / spud pa dang / gser dang / dngul dang / sa li sbram dang / mu tig dang / in+d+ra nI la dang margad dang / ke ke ru dang / shel dang / mu sa ra dang / bai DUR+Ya dang / mthon ka dang / mthon ka chen po dang / me tog dang / 'bras bu dang / gos dang / mal cha dang / gnas dang / khang pa dang longs spyod dang / rtsed mo rgya chen po dang / rgyal po la 'os pa'i lha'i gzhal med khang sems kyis bsams pa tsam gyis mod la 'byung bar 'gyur ro// mig 'phrul gyi gzhal med khang dang / sangs rgyas kyi sprul pa dang / byang chub sems dpa'i sprul pa dang / rdo rje 'chang gi sprul pa dang / lha dang / klu dang / lha ma yin dang / nam mkha' lding dang / mi 'am ci dang / dri za dang / lto 'phye chen po'i gzhal med khang dang / gnod sbyin dang / srin po dang / 'byung po'i bdag po'i gzhal med khang de thams cad bsams pa tsam gyis 'byung bar 'gyur ro// char ha cang che ba dang / char mi 'bab pa dang /  dus ma yin pa'i char dang / grang ba dang / rlung dang / sprin dang / ser ba dang / chu brog par byed pa/ de thams cad ston par byed do// sde ston par byed pa 'am/ g.yul 'gyed pa ston par byed pa 'am/  gnas dang / gzhal med khang dang / dpal ston par byed pa de thams cad ston par byed pa/ de la sogs pa thams cad bsams pa tsam dang smon pa tsam gyis 'grub par 'gyur ro// nor dang / 'byung ba 'bras bu dang / me tog dang / gzhal med khang 'byung bar 'gyur ro// ji ltar bsams pa de thams cad 'byor par 'gyur ro// gla rtsi de blangs la gi'u wang dang ga pur dang bsres te/ shing arga'i 'o mas spras te ril bur byas nas pa ser mo'i 'o ma la brdar te dpral bar thig le byas na nam mkha' la 'gro bar 'gyur/ rig sngags 'chang bye ba stong phrag bcu'i 'khor dang ldan par 'gyur/ snying khar thig le byas na mi snang bar 'gyur zhing / gnod sbyin dang / srin po dang / 'byung po thams cad kyi rje dpon du 'gyur ro// lce'i rtse mo la reg na nyin re zhing tshigs su bcad pa stong bklags shing 'dzin par 'gyur/  mid na lo stong phrag bcur 'tsho bar 'gyur/ 'o ma dang lhan cig 'thungs na thos pa mang po rgya mtsho bsags par 'gyur/ shing arga'i 'o ma dang lhan cig zos na rig sngags 'chang thams cad kyi 'khor los sgyur bar 'gyur/ cho ga zhib mo dang / gsang sngags dang / dkyil 'khor dang / phyag rgya thams cad mngon du 'gyur/ lte ba'i gnas su thig le byas te chu klung chen po'i nang du zhugs na gting du 'bying bar mi 'gyur zhing pha rol tu phyin par 'gyur/ rgya mtsho'i pha rol tu'ang phyin par 'gyur/ spyi bor thig le byas te g.yul ngor zhugs na dpung gi tshogs yan lag bzhi las rgyal bar 'gyur/ zhun mar dang lhan cig zos na glang po che stong gi stobs dang ldan par 'gyur zhing / lag pa ya gcig gis glang po che bskyod pa dang / nam mkha' la 'phen cing slar yang 'dzin to/ ril bu 'dis lag pa la bskus na mi stong thub par 'gyur ro// ril bu 'di lha'i gnas su brkos te bzhag na lha thams cad dbang du 'gyur te/ dus dus su char 'bebs shing sad dang /  rlung dang / sprin dang / ser ba gcod par byed do// rgyal po'i sgor brkos te bzhag na rgyal po'i btsun mo'i 'khor dang bcas pa dang / bka' la gtogs pa dang / zhang lon dang / bram ze mdun na/  'don dang bcas pa dbang du 'gyur ro// gtsug lag khang gi sgor brkos te bzhag na/ dge slong thams cad bde ba'i reg pa la gnas pas gnas par 'gyur ro// rtag tu byams pa'i sems kyis gnas par 'gyur ro/ / 'phags pa'i dge 'dun gyi nang du rgan pa'i mthar brkos te bzhag na/ dge slong thams cad zas dang skom 'dod dgu thob par 'gyur ro// lhung bzed kyi nang du bzhag ste/  grong khyer mang por bsod snyoms la song na kha zas ro bro ba'i mchog rnam pa sna tshogs 'bad mi dgos par thob par 'gyur ro// sku gdung dang bcas pa'i mchod rten gyi gnas su brkos te bzhag la mchod rten la mchod pa byas na/ ril bu ji srid du mchod rten gyi gnas na gnas pa de srid du mchod rten chen po brgyad la nyin re zhing mchod pa chen po byas par 'gyur ro// 'phags pa spyan ras gzigs dbang phyug gi gnas su 'phags pa spyan ras gzigs dbang phyug gi zhabs drung du brkos te bzhag la/ 'phags pa spyan ras gzigs dbang phyug la mchod pa byas te/ don yod brda zhags pa'i snying po lan brgya rtsa brgyad bzlas brjod byas na/ ril bu ji srid gnas kyi bar du nyi ma re re zhing 'phags pa spyan ras gzigs dbang phyug la mchod pa byas par 'gyur ro// lam po cher brkos te bzhag na chom po dang / g.yon can dang / rkun ma dang / mi dang / mi ma yin pa dang / gcan gzan khro bo rnams bcings par 'gyur zhing phyogs mtshams su 'byer bar 'gyur ro/  ri'i rtse mor brkos te bzhag na sman gyi dngos po thams cad 'bar bar 'gyur te/ ji srid du ri'i rtse mo snang ba de srid du skyes pa dang / bud med dang / khye'u dang / bu mo dang / ba lang dang / phyugs dang ma he dang / rta la sogs pa 'jigs pa thams cad las grol bar 'gyur zhing / sems can dmyal ba chen po bcu drug gi 'jigs pa las yongs su thar par 'gyur/ 'jigs pa chen po brgyad las yongs su grol bar 'gyur/ nad thams cad las yongs su grol bar 'gyur/ dpag tshad brgyad khor yug tu zhi ba chen por 'gyur/ nad thams cad dang bral bar 'gyur/ mgul tu du btags te bcang bar byas na 'phags pa spyan ras gzigs dbang phyug sku ston bzhad par 'gyur zhing rtag tu dgongs par 'gyur ro/ / bang bar brkos te bzhag na 'bru mang po 'phel bar 'gyur ro/ / chang yod pa'i sgor brkos te bzhag na chang thams cad rab tu 'phel bar 'gyur ro// zhing gi nang du brkos te bzhag na lo tog mang po 'byor par 'gyur ro// brag rnguH/  tu brkos te bzhag na brag phug gi sgo bye bar 'gyur ro// phug gi sgo la byugs na phug gi sgo thams cad bye bar 'gyur ro// bu ga'i gnas su byugs na ro thams cad 'dzag par 'gyur ro// nags kyi phug tu brkos te bzhag na nags kyi lha thams cad rang gi gzugs mdun na 'dug par 'gyur ro/ / dgos pa gang byed pa de grub par 'gyur ro// pad+ma'i mtsho'i nang du brkos te bzhag na pad+ma mang po 'byung bar 'gyur zhing dus kun tu lha'i dri bsung 'byung bar 'gyur ro/ / khyim mthon po'i gnas su bzhag na ji srid snang ba de srid du skyes pa dang / bud med dang / khye'u dang / bu mo rnams 'jigs pa thams cad las bsrung bar 'gyur zhing phyogs bcu kun nas dpag tshad brgya mtshams bcad par 'gyur/ nad thams cad las yongs su grol bar 'gyur/ sdig pa thams cad dang / dgra thams cad dang / gdon thams cad dang / 'go ba'i nad thams cad rab tu zhi bar 'gyur/ pha rol gyi dpung thams cad rab tu zhi bar 'gyur/ 'go ba'i nad thams cad rnam par 'jig par 'gyur/ g.yul ngor yungs kar dang bsres te gtor na g.yul 'gyed pa chen po phan tshun mdza' ba chen por 'gyur ro// nad chen pos lus bskams shing tshe zad pa dang / bgegs chen bos zin pa la dri chab kyi bum par ril bu 'di bsres te/ don yod pa'i zhags pa'i snying pos lan brgya rtsa brgyad bzlas te khrus byas nas/ 'phags pa spyan ras gzigs dbang phyug la mchod pa byas na khrus byas pa tsam gyis mod la nad thams cad dang gdon thams cad las yongs su thar par 'gyur ro/ / sdig pa thams cad dang sgribs thams cad las yongs su thar par 'gyur/ tshe yongs su zad pa'i tshe slar nur bar 'gyur/ lha'i lus gzugs dang ldan par 'gyur/ dri ma dang bral ba dang / ser sna dang phrag dog dang bral bar 'gyur/ las gzhan dang gzhan stong phrag brgya byed par 'gyur te/ rang gi blos kyang thams cad du sbyar bar bya'o// thams cad la thogs pa med pa'i lus can du 'gyur/ phug gi gnas thams cad kyi rje dpon dang rgyal por 'gyur/ tshe bskal pa stong phrag bcu gnyis thub par 'gyur/ shi nas 'jig rten gyi khams bde ba can du pad+ma'i snying po las rgyan thams cad kyis brgyan pa/ nor bu dang / gser dang /  dngul dang / rdo rje dang / bai DUR+Ya dang / mar gad dang / pad+ma rA ga dang / in+d+ra nI la dang / mu tig rnams kyis lus brgyan par 'gyur ro// spa bung ba ltar nag cing 'khril la 'khyil ba dang /  mig ut+pa la'i mchog sngon po lta bu dang / pags pa'i mdog gser lta bur 'gyur ro// ngag 'jam pa dang / snyan pa dang / yid du 'ong bar 'gyur ro// rgyal ba 'od dpag med kyis phyag brkyang ste phyag gis spyi bo la 'jog par 'gyur ro/ / phyag na pad+ma'i phyag mchog sbyin pas dbugs 'byin cing khyad par mchog sbyin par 'gyur ro// pad+ma la rab tu gnas pa rnam par gzigs pa don yod pa'i sangs rgyas zhes bya ba 'phags pa 'od dpag med lung ston par 'gyur ro/ / de nas yungs kar de de bzhin gshegs pa stong phrag brgya phrag bye ba snyed kyi spyan du 'gyur pa dang / gang+gA'i klung gi bye ma dang mnyam pa'i sangs rgyas bcom ldan 'das rnams kyi ring bsrel du 'gyur zhing / khams sna tshogs kyi kha dog rnam pa sna tshogs kyi mdog gi ngo bo nyid du 'gyur/ nor bu rin po che bdun dang 'dra zhing / 'di lta ste/ sku gdung re re'ang nyi ma bzhin du so sor gsal bar 'gyur/ phyogs bcu kun tu 'od zer 'byung bar 'gyur zhing / rdzu 'phrul gyi cho 'phrul rnam pa sna tshogs mdzad de lus re re ston par 'gyur ro/ / ring bsrel 'di mthong ba tsam gyis bla na med pa yang dag par rdzogs pa'i byang chub las phyir mi ldog par 'gyur te/ gzhan du yid la ma byas na de dag gis de bzhin gshegs pa thams cad kyis de la smad par mi 'gyur ro/ / gzhan yang nyal kar rang gi blos byams pa'i sems kyis ring bsrel mngon du byas te smon lam gdab par bya'o// ci 'dod pa bsams te mchod pa byas na bsams pa tsam gyis mod la skad cig la thams cad 'grub par 'gyur ro/ / ring bsrel gyi snying po 'di ji lta ba de bzhin du bum pa bzang po 'di'ang blta bar bya ste/ de gnyis ka'ang rdzu 'phrul mdzad pa snang ba mthun pa yin te/ 'di la the tsom dang yid gnyis bskyed par mi bya'o// bum pa sgrub pa don yod pa'i cho ga'o// / de nas bcom ldan 'das shAkya thub pa de bzhin gshegs pa'i phyag gser gyi kha dog can brkyang ste/ 'phags pa spyan ras gzigs dbang phyug gi dbu'i spyi bor bzhag ste bka' stsal pa/ mchog tu rmad du byung ba zhes bya ba'i cho ga zhib mo grub pa/  bla na med pa/ don yod pa chen po'i bum pa sgrub pa/ rig pa 'chang ba rnams kyis bklags pas grub pa/ 'dzam bu gling pa'i rigs bzhi'i 'jig rten la phan pa dang bde ba'i don du rab tu byin pa dang /  sgrub pa shin tu bkra shis pa/ bla na med pa/ rang gi byin gyi rlabs kyi byin gyis brlabs pa/ don yod pa chen po'i cho 'phrul sangs rgyas dang byang chub sems dpa' bla na med pa/ grub pa yang dag par sgrub pa/ che zhing che ba/ byang chub kyi snying po chos kyi 'khor lo bskor ba/ de bzhin gshegs pa chen po'i byin gyi rlabs kyi byin gyis brlabs pa/ sems can thams cad la phan pa dang bde ba'i phyir dbugs 'byin pa chen po 'jig rten du bzhag pa ni sems dpa' chen po legs so legs so/ / mchog tu grub pa/ bla na med pa sgrub pa/ bklags pas 'grub pa/ rtag tu rjes su 'brang bar 'gyur ba rtag tu mchog sbyin par mdzad pa/ rtag tu rjes su skyong bar mdzad pa ni sems can gyi bsams pa thams cad yongs su rdzogs par bya ba'i phyir spyan ras gzigs dbang phyug khyod la yongs su gtad do/ / de nas byang chub sems dpa' sems dpa' chen po 'phags pa spyan ras gzigs dbang phyug mchog tu yid dga' ste bzhin 'dzum nas/ bcom ldan 'das ga la ba de logs su thal mo sbyar te btud nas/ bcom ldan 'das kyi zhabs gnyis la spyi bos phyag 'tshal te/ bcom ldan 'das la 'di skad ces gsol to// bcom ldan 'das phyogs bcu'i sems can thams cad dang / stong gsum gyi stong chen po'i 'jig rten gyi khams kyi srog chags su gyur pa ji snyed ri dgas dang bya ji snyed pa de dag thams cad bdag gis yongs su gzung bar bgyi/  zhing / sdug bsngal thams cad las yongs su thar par bgyi ba dang / byang chub chen po'i lam la dgod pa'i phyir snying rje chen po rnam par dag pas rjes su gzung bar bgyi'o// bcom ldan 'das mngon par brtson pa de dag ni bdag gis thams cad kyi mchog tu yongs su grol bar bgyi'o/ / bcom ldan 'das yang dag par grub par byed pa'i rig pa 'dzin pa thams cad kyis bdag dran na bcom ldan 'das sems can de dag ni bdag gis rtag tu blta bar bgyi'o/ / rtag tu rjes su dran pa dang rtag tu rjes su bsrung bar bgyi'o// // 'phags pa don yod pa'i zhags pa'i cho ga zhib mo'i rgyal po bam po bcu gnyis pa/ bcom ldan 'das 'on kyang don khyad par can gyi ched du/ don yod zhags pa'i snying po'i cho ga zhib mo 'ang klog pa dang sgrub pa dang / reg pa dang / mchod par byed pa la mngon par brtson pa de/ bdag cag gis bcom ldan 'das kyi thugs las skyes pa'i sras lta bur yongs su bskyang bar bgyi/ phrag pas yongs su bkur bar bgyi'o/ / bcom ldan 'das de bzhin nyid du sems can thams cad snying rje chen pos yongs su bzung ste yongs su thar pa'i don gyi ched dang / mchog sbyin pa yongs su rdzogs pa'i ched dang / re ba dang yid kyi shing rta thams cad yang dag par dgongs pa'i ched du/ bdag gis bcom ldan 'das la bltos pa med par bgyi'o// bdag bcom ldan 'das kyi tshim pa med pa dang / sems can thams cad yongs su grol ba'i ched dang / mchog sbyin pa'i ched dang / bsrung ba'i ched dang / thams cad la byang chub mchog gi lam la rab tu dgod pa'i ched dang / bcom ldan 'das khyad par du cho ga zhib mo'i rgyal po 'di la gal te klog pa dang / sgrub pa dang / dkyil 'khor dang / phyag rgya la mngon par brtson par byed pa dang / 'chang bar byed pa dang / 'don par byed pa dang / mchod par byed pa dang / kun chub par byed pa dang / tshul bzhin du yid la byed pas sgom par byed pa dang / nyan pa byed pa dang / tha na rna ba'i bu gar yang sgra lhung bar 'gyur ba de la bdag gis bcom ldan 'das rtag tu dus thams cad du rgyun du rjes su 'brang bar bgyi/ 'jig rten dang 'jig rten las 'das pa'i dngos grub kyi mchog thams cad dang / bkra zhing rnam par bkra ba'i lha rdzas thams cad rjes su sbal bar bgyi/ cho ga zhib mo chen po sgrub par byed pa rnams phyir mi ldog pa'i gnas la dgod par bgyi/ tha na dud 'gro'i skye gnas su so ba'i ri dgas dang bya rnams kyi'ang sgra grags pa rna ba'i bu gar lhung ba tsam las phyir mi ldog pa'i gnas la rab tu 'jug par bgyi/ bcom ldan 'das ci slar yang yongs su dag pa'i yid kyis byams pa dang / snying rje dang / dga' ba dang / btang snyoms la rtag tu yang dag par gnas pas don yod zhags pa'i snying po 'di sgrub par byed pa dang / klog par byed pa dang / dkyil 'khor dang / phyag rgya dang cho ga zhib mo'i rgyal po sgrub par byed pa dang / 'chad par byed pa dang / 'don par byed pa dang / thun mtshams gsum gyi gnas su gnas pas rjes su dran par byed pa dang / nyin dang mtshan mor ri mor byed pa 'di rnams bcom ldan 'das mi'i lus su mi 'gyur te/ mi'i lus dag pa'i lus su rig par bya/ lha zhes bya ba'i lus su rig par bya'o// bcom ldan 'das bdag gis rtag par rgyun du phrag pas yongs su bkur bar bgyi/ bcom ldan 'das bdag gi spyi bor son pa gzung bar bgyi/ bcom ldan 'das gang gi slad du zhe na/ bcom ldan 'das lha'i lus 'di ni mi'i lus su rig par bgyi ba ma lags so/ / gang gi slad du zhe na/ bcom ldan 'das don yod pa'i zhags pa'i snying po 'di mi'i lus kyi snying dang nang gi yid la gnas pa des/ de'i mthus don yod pa'i zhags pa'i snying po chen po'i mthu yis mi'i lus dag pa'i lha'i lus su 'gyur te/ lha'i lus su rig par bya'o// 'jig rten dbang phyug gi lus su rig par bya'o// yid bzhin gyi nor bu rin po che'i lus su rig par bya'o//  de bzhin gshegs pa'i mdzod rgya mtsho chen po'i dkyil 'khor gyi lus su rig par bya'o// don yod pa'i snying po'i lus su rig par bya'o// dri ma dang bral zhing ser sna dang phrag dog spangs pa'i lus su rig par bya'o/ / sdig pa dang sgrib pa thams cad rnam par dag cing dri ma med pa'i lus su rig par bya'o// lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad kyis mchod par bya ba dang / rjed par bya ba dang / phyag bya ba'i 'os su rig par bya'o// sum cu rtsa gsum pa'i lha rnams kyis bsrub pa'i lus su rig par bya'o/ / de bzhin gshegs pa gang+gA'i klung gi bye ma bye ba khrag khrig brgya stong phrag bdun cu rtsa gnyis kyis bskyed pa'i dge ba'i rtsa ba dang yang dag par ldan pa'i lus su rika par bya'o/ / tshe dpag tu med pa'i lus su rig par bya'o// byang chub sems dpa' thams cad kyis dbugs phyung ba'i lus su rig par bya'o// lag na rdo rjes rdo rjer byin gyis brlabs pa'i lus su rig par bya'o/ / rgya mtsho chen po zab mo'i chu'i rigs dku dang mnyam zhing mtshungs pa'i lus su rig par bya'o// de ma thag tu lhun po chen po'i lus su rig par bya'o// nam mkha' chen po yongs su dag pa dang / nor bu rin po che chen po dang 'dra bar 'gyur te/ lha'i lus dang / lha'i khams kyi snying po mnyam pa'i lus su rig par bya'o// de ltar mthu chen/  po dang stobs chen po zhes/ de bzhin gshegs pa thams cad kyis byin gyis brlabs shing lung bstan par 'gyur te/ lus chen por yang 'gyur ro// bcom ldan 'das 'on kyang sems can sgrub dka' ba/ khong du chud par dka' ba/ gting dpag par dka' ba/ dad pa med pa/ ser snas yongs su dkris pa/ sdig pa dang / gdug pa dang / lhag ma dang / sbags pa dang /  khro ba dang / zhe gdug pa mang ba des ni/ bcom ldan 'das sems can rang gi nyes pa lags kyi/ bcom ldan 'das bdag gi nyes pa ni ma lags so// bcom ldan 'das 'on kyang bdag dran pa tsam gyis snying po 'di klog pa dang / kha ton du byed pa dang / bzlas pa tsam gyis yang dag par dgongs par bgyi/ mthong ba stsal bar bgyi'o// yang dang yang du bskul bar bgyi'o//  bcom ldan 'das sems can de rnams ni bdag la lta bar mi byed pa dang / bsam par mi byed pa dang / sems par mi byed pa dang / skad cig yud tsam thang cig yid la byed pas kun tu 'dzin par mi byed lags te/ gdug pa'i bsam pa dang / gdug pa'i sems kyi sems can rang gi nyes pas yang dag par gang ba'i lus lags so// bcom ldan 'das bdag ni sems pa dang / dran pa dang / rnam par lta bar byed pa tsam gyis mod la mdun du nye bar 'dug par bgyi/ mthong ba dang / yang dag pa'i gtam kun tu smra ba dang / yang dag par 'grogs par bgyi'o// sems can de rnams ni rig sngags 'chang tha na sems kyi kun tu rtog pa tsam yang mi skye ste/ yid la byed pa dang / sems par byed pa'ang ma lags so// 'di lta ste/ dge sbyong gi cha byad skra bzhar zhing ngur smrig tsam 'chang ba'i cha byad ni/ bram ze dang rgyal rigs kyi cha byad dang / tshong pa dang ded dpon chen po'i cha byad dang / byis pa dang bcom ldan 'das kyi cha byad dang / rgyal po dang / blon po dang / 'grogs shes dang / gos dmar po can la mkhan po dang slob dpon dang mtshungs par/ mkhan po dang / bu dang / bu mo dang / ma dang / pha dang / sring mor nye bar lta bar byed do// 'on kyang mkhas pa ni lhag pa'i bsam pa yang dag par rdzogs pa la gnas pas/ gzugs dang / kha dog dang / rtags dang / dbyibs dang / skad dang / yang dag pa'i gtam smra ba dang / tshig 'bru dang / yi ge dang / dus tshigs su 'gro ba yang dag par mtshon par bya/ yang dang yang du gtam kun tu smra ba la rnam par spyad par bya/ de'i 'og tu shes par bya'o// 'phags pa'i sems can no zhes blta bar bya/ bdag la blta bar 'dod pa dang / bdag mthong bar 'dod pa der nye bar 'gro bar bgyi'o// de lta bu'i tsho gas shin tu gsal bar mthong ba stsal bar bgyi/ re ba thams cad dang yid kyi shing rta yongs su rdzogs par bgyi/ skye bo chen po'i dbus su nyo ba dang / 'tshong ba dang / kun tu smra ba dang / yang dag par smra ba'i tha snyad yang dag par bgyi/ 'dun sa'i dbus su bstan bcos dang / snyan dngags dang /  rig byed dang / gsang sngags dang / rig pa dang / brda sprod pa dang / mdo sde dang / zlos gar dang / dri za'i glu dbyangs kyi tha snyad yang dag par bgyi/ byang chub sgrub pa la tshul dang / 'dul ba dang /  theg pa chen po'i chos kyi man ngag lhag par bgyi/ bram ze rnams la sngon rabs dang / rig byed dang / me'i sbyin sreg dang / b+ha ra ta dang / rA mA ya na bstan par bgyi/ gsang sngags smra ba rnams la gsang sngags kyi bzlas brjod dang / dkyil 'khor dang / phyag rgya dang / cho ga zhib mo dang / gzungs kyi bzlas brjod dang / sbyin sreg dang / zhi ba dang / rgyas pa dang / mngon spyod la sogs pa bstan par bgyi/ gang gis bdag mngon sum du mdun na 'dug par ci zhig gis shes par bya zhe na/ rnam pa gsum gyis shes par bya ste/ tshig snyan pa dang / 'jam zhing mnyen pa'i ngag mi 'gyur zhing yod/  su gsal bar rab tu 'byed pa yin pa dang / ngag gsal ba yin pas te/ thams cad du mchog tu smra zhing so sor khyad par du byed pa'o// kha nas ut+pa la'i dri dang ldan pa'i rlung gnas pa dang / lus las kyang gla rtsi'i dri gnas pas te/ 'on kyang 'jigs su rung ba'i gzugs la shin tu dpal gyis 'bar bar byed do// de na rig sngags 'chang gis gzhan nam/ 'jig rten gyi rigs bzhi po gang yang rung ba 'di 'phags pa spyan ras gzigs dbang phyug go zhes/ de gsal bar shes par bya ste/ 'di la yid gnyis dang dogs pa bskyed par mi bya'o// rmi lam du'ang thun mtshams bzhi ru sna tshogs pa'i gzugs dang / kha dog dang / dbyibs su mthong ba stsal bar bgyi/ re ba thams cad dang yid kyi shing rta'i mchog rjes su stsal bar bgyi/ lhun gyis grub pa las phan pa thams cad dang /  phun sum tshogs pa'i 'byor pa yongs su rdzogs par bgyi/ bcom ldan 'das nam du'ang rnam pa gzhan du mi 'gyur bar bgyi'o// yongs su gtang bar mi bgyi'o// des mchog sbyin pa la bltos par mi bgyi'o/ / bcom ldan 'das rdzun du smra ba de'i dngos grub yang dag par rjes su mi mthong zhing / lha rnams de la srung ba dang yongs su skyong bar mi bgyid pa ni ma gtogs so// bcom ldan 'das de'ang sems can sdug bsngal can de'i skyob pa dang / dpung gnyen dang / skyabs dang / 'khra sar 'gyur bar bgyi/ gdon mi za bar brtse ba med par 'gyur ba ma yin no// zhes mchog tu bsgral bar bgyi'o/ / bcom ldan 'das de ltar snying rjes yongs su zin pa'i yid kyis sems can thams cad bla na med par bgyi/ yang dag par gzung bar bgyi/ sems can 'di dag la gdon mi za bar byang chub kyi sa bon rjes su gdab par bgyi'o zhes so/ / de nas yang bcom ldan 'das de bzhin gshegs pa shAkya thub pa de dang / phyogs bcu'i de bzhin gshegs pa thams cad kyis/ byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ legs so legs so sems dpa' chen po mchog gi snying rje can/ khyod sems can la mnyes gshin pa gang gis sems can de rnams thams cad snying rje chen pos yongs su bzung ste mchod par byed cing / 'khor ba chen por spyod par byed pa las yongs su thar pa gang yin pa dang / gsad par 'os pa shin tu yongs su gyur par bying bar gnas pa dang / bkres pa dang / skom pas nyen pa dang / 'jigs pa dang / skrag pa dang / yid byung zhing skyo ba dang / sdug bsngal mang ba des na sems can de'i don yod pa'i rgyal po'i snying po'i dkyil 'khor dang / phyag rgya rim par phye ba dang / cho ga zhib mo'i rgyal po chen po 'di'i ming 'dzin pa dang / sgra rna ba'i bu gar lhung zhing thos par byed pa de'i sdug bsngal ches che ba de rnams dang / sdig pa dang / sgrib pa thams cad yongs su grol te/ 'jigs pa thams cad zhi bar 'gyur ro// dmyal ba'i 'jigs pa chen po las 'don cing yongs su grol bar 'gyur ro/ / 'jig rten dang 'jig rten las 'das pa rnams sdig pa thams cad dang / dmyal ba'i sdug bsngal gyi tshor ba myong ba'i las kyi sgrib pa rnams yongs su zad cing yongs su gtugs par 'gyur ro/ / de de bzhin gshegs pa thams cad kyis byin gyis brlabs par 'gyur ro// de bzhin gshegs pa thams cad kyis yongs su 'dzin par 'gyur ro//  de bzhin gshegs pa thams cad kyis lung bstan par 'gyur ro// lan bdun thos pa tsam gyis sems can de brgal bar 'gyur ro// tshogs chen po bsags pa dang / de bzhin gshegs pas dbugs phyung ba yin no/ / byang chub kyis sa bon yongs su rdzogs par 'gyur ro// spyan ras gzigs dbang phyug 'on kyang sems can de dag ni/ 'phags pa spyan ras gzigs dbang phyug don yod zhags pa'i snying po dkyil 'khor dang / phyag rgya rim par phye ba dang bcas pa'i cho ga zhib mo mtha' dag rdzogs par nyan par byed pa dang / klog par byed pa dang / 'chang du 'jug pa dang / 'don du 'jug pa dang / mchod par byed pa dang / 'dri bar byed pa dang / 'drir 'jug pa dang / mchod pa chen po byed pa de'i sems can de rnams phyir mi ldog par rig par bya ste/ 'di la the tshom dang dog pa bskyed par mi bya'o/ / 'on kyang ril bu dang / mig sman dang / bdug pa lag tu thogs par 'gyur ba de'i sems can de rnams cher dag cing / kun nas phyogs bcu rnams su de bzhin gshegs pa thams cad kyis yongs su 'dzin par 'gyur ro/ / de bzhin gshegs pa thams cad mnyes par byas par 'gyur ro// phyag na pad+ma/ rigs kyi bu 'am/ rigs kyi bu mo 'am/  dge slong ngam/ dge slong ma 'am/ dge bsnyen nam/ dge bsnyen ma gang don yod zhags pa'i snying po dang / kun tu khro bo'i phyag rgya'i snying po 'di lan bdun spyang bar gnas pa'i tsho gas mchod pa skye cing / bzlas pa 'bul bar byed cing dbang bskur bar byed pa de ni mthong ba'i chos nyid la de bzhin gshegs pa'i lus su rig par bya'o// de bzhin gshegs pa'i chos nyid dngos su mthong ste/ de bzhin gshegs pa'i mdzod lag tu son par 'gyur te yid kyi the tshom mi bya'o// 'khon dang dregs pa thams cad yongs su spangs pas bya ste/ snying rje chen pos yongs su bzung bas/ sems can de rnams thams cad kyi mthar thug par 'gyur bar bya zhing bzlas pa sbyin par bya'o// gang yang don yod pa'i dkyil 'khor chen po 'chad par byed pa dang / mthong ba dang /  lta bar byed pa dang / ras ris chen po 'di lta bar byed pa de'i de bzhin gshegs pa de rnams thams cad kyi sangs rgyas kyi zhing phyogs bcu kun tu gang+gA'i klung gi bye ma dang mnyam pa'i sangs rgyas kyi zhing rnams su rjes su zhugs par 'gyur ro/ / de bzhin gshegs pa thams cad kyi gsang ba dam tshig chen po'i snying po la rab tu zhugs par 'gyur ro// de bzhin gshegs pa thams cad kyi sku mthong bar 'gyur ro/ / khro bo'i rgyal po 'dis dbang bskur bas de bzhin gshegs pa thams cad kyis dbang bskur bar 'gyur ro// de ltar yon tan dang / phan yon chen po dang / bsod nams kyi phung po chen po dang ldan par 'gyur ro/ / dge ba'i rtsa ba chen po yongs su 'dzin par 'gyur ro// de bzhin du phan yon chen po dang / mthu chen po dang / yon tan chen po bskyed par bya ba cho ga zhib mo'i rgyal po chen po'i cho ga ste/ cho ga zhib mo'i rgyal po chen po 'di dang / byang chub sems dpa' sems dpa' chen po 'phags pa spyan ras gzigs dbang phyug gi ming 'dzin pa dang mthong ba tsam gyis mthong ba'i/  chos nyid la cho 'phrul ches che ba dang / de bzhin gshegs pa'i byin gyis rlob pa blta ba 'di dag mtshungs so// cho ga zhib mo'i rgyal po'i dkyil 'khor dang / snying po dang / phyag rgya dang / gzungs dang /  / don yod pa'i rgyal po'i rnam par 'phrul pa glegs bam du bris pa lta bar byed pa 'di dag mtshungs so// de bzhin gshegs pa gang+gA'i klung gi bye ma bye ba brgya stong phrag dang mnyam pa'i de bzhin gshegs pa dgra bcom pa yang dag par rdzogs pa'i sangs rgyas khrag khrig brgya stong phrag rnams mthong bar 'gyur ro/ / de bzhin gshegs pa de rnams thams cad du yang dag par rjes su 'brang bar 'gyur/  yang dag par srung ba'i ched dang / yang dag par dbugs 'byin pa'i ched du mthong ba'i gnas so// glegs bam bris pa 'di'ang mthong ba tsam gyis mtshams med pa'i las rnams dang / sngon gyi sgrib pa thams cad yongs su zad pa dang / yongs su gtugs par 'gyur ro// mthong ba'i chos nyid la dpal dang / g.yang mang po dang / gzi brjid dang ldan par 'gyur ro// shi 'phos nas bde ba can gyi 'jig rten gyi khams su pad+ma las rdzus te skye bar 'gyur ro/ / 'di ni skye ba'i tha ma'o// glegs bam 'di mthong na tshe dang bral ba'ang tshe 'phel bar 'gyur ro// nad rnams dang bral bar 'gyur ro/ / sgrib pa dang khro bo dang bral bar 'gyur ro// mchog chen po grub par 'gyur ro// grub pa chen po dang rnal 'byor gyi dbang phyug tu 'gyur ro// yon tan phun sum tshogs pa thams cad dang ldan par yang 'gyur ro/ / glegs bam 'di ni chos kyi dbyings dang mnyam pa'i de bzhin gshegs pa dang mtshungs par rig par bya'o// de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das ga la ba der logs su thal mo sbyar ba btud de/ bcom ldan 'das kyi spyan sngar bzhin 'dzum zhing /  snying g.yo ba dang bcas pa/ 'od zer 'bar zhing snang bar byed bzhin pa/ rgyan bye ba khrag khrig brgya stong phrag gis yang dag par brgyan pa'i lus/ bcom ldan 'das kyi sprin sngar 'dug ste gsol pa/  bcom ldan 'das bdag la pad+mo yangs pa'i dkyil 'khor chen por kun nas don yod pa'i ras ris blta ba dang / don yod zhags pa'i snying po gang gis don yod pa'i ras ris kyi bya bas de rnams thams cad la sgyu ma lta bu'i ting nge 'dzin gyi mthong ba'i rnam 'phrul stong phrag mang po mthong ba dang / rnam pa sna tshogs pa'i gzugs dang / kha dog dang / rtags mthong ba dang / gzugs gcig gi rjes su 'jug par mtshungs so zhes mi 'jug go/ / 'di lnga ste/ dbang phyug dang / dbang phyug chen po dang / tshangs pa dang / khyab 'jug dang / dbang phyug chen po phyugs bdag chen po dang / gshin rje dang / chu lha dang /  lus ngan dang / drang srong gi tshogs dang / gzhon nu dang / ded dpon dang / tshangs pa dang / rig sngags 'chang dang / zla ba dang / nyi ma dang / rgyu skar dang / skar ma'i tshogs lus gcig pus rjes su 'jug par 'gyur ro/ / bcom ldan 'das gang gis mthong ba tsam gyis mod la don yod pa'i zhags pa'i dkyil 'khor chen po dang / dam tshig dang / phyag rgya dang / cho ga zhib mo'i sgrub pa chen po de rnams thams cad bsgrub par 'gyur ro/ / grub pa'i dam tshig rjes su zhugs par 'gyur ro// don yod pa chen po'i gsang sngags dang / snying po dang / gzungs dang / dam tshig rjes su stsal bar bgyi'o// sems can thams cad kyi bde ba sgrub pa'i ched du/ bcom ldan 'das kyi spyan sngar mngon sum du 'dug par 'gyur ro// rig sngags 'chang rnams kyi mchog gi dngos grub kyi mched dang / re ba thams cad yongs su / rdzogs pa'i ched du klog pa dang sgrub par byed pa'o// na ma s+t+rai ya d+hI kA nAM/ ta thA ga tA nAM/ a mo g+ha pad+ma pA sha kro d+ha/ A kaR+Sha ya pra be sha ya ma hA pa shu pa ti ya ma ba ru Na ku be ra/ brah+ma be Sha d+ha ra/ a mo g+ha hrid ya pad+ma ku la sa ma yA ya hUM hUM hUM phaT phaT phaT swA hA/ snying po'i gzungs kyi phyag rgya 'di/ 'khor gyi dkyil 'khor chen po 'dus par gsungs pa tsam gyis mod la/ ri dang / nags dang / dgon par bcas pa rnam par 'gyur ba drug tu rab tu g.yos te/ me tog gi char chen po mngon par bab bo// lha dang / klu dang / gnod sbyin dang / dri za rnams ca co'i sgra chen po ring du sgrogs par byed do//  don yod zhags pa'i cho ga zhib mo'i rgyal po'i snying po 'di gsungs pa'i de ma thag tu/ gnod sbyin dang / srin po gdug pa thams cad dang / log 'dren gdug pa can rnams khas phub tu 'gyel te 'bar zhing / phyogs kyi gnas skyed cing kha phyir phyogs so// bgegs dang log 'dren rnams phyogs bcur 'bros par byed do// ngu bzhin du rgyug par byed cing / spa gong zhing kun tu 'khyam mo/ / 'dir ni byang chub sems dpa' sems dpa' chen po 'phags pa spyan ras gzigs dbang phyug gis lha rdzas kyi rgyan dang / gos dang / ras bcos bu rnam pa sna tshogs pas mchod par byed cing / chos kyi dgab pa rjes su sbyin par byed do// lha rdzas kyi me tog sna tshogs dang / lha rdzas kyi dri'i mchod pas mchod pa byed par 'gyur ro// de nas lha dang / klu dang / gnod sbyin dang / dri za dang /  lha ma yin dang / nam mkha' lding dang / mi 'am ci dang / lto 'phye chen po rnams me tog dang / dri dang / 'phreng ba dang / byug pa dang / phye ma dang / chos gos dang / rgyal mtshan dang / ba dan dang / lha rdzas kyi gos dang / spyad pa dang / rgyan dang / lhab lhub sna tshogs pa thogs nas/ byang chub sems dpa' sems dpa' chen po 'phags pa spyan ras gzigs dbang phyug ga la ba de logs su dong ste lhag nas/ byang chub sems dpa' sems dpa' chen po 'phags pa spyan ras gzigs dbang phyug dang / de bzhin gshegs pa'i spyan sngar mchod pa ches che ba byed par 'gyur ro// bcom ldan 'das dang / byang chub sems dpa' sems dpa' chen po 'phags pa spyan ras dbang phyug gis mchod pa 'gugs pa ni mchog tu rnyed par dka'o// don yod pa'i rgyal po'i snying po rnam par thar pa'i dkyil 'khor gyi cho ga zhib mo'i rgyal po 'di dang / don yod pa'i ras ris kun tu blta ba'i snying po 'di gsungs pa 'di ni dag pa'i sems dpa' chen po'o// // de nas yang bcom ldan 'das shAkya thub pas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to// dag pa'i sems dpa' cho ga shin tu rgyas pa shod cig byang chub sems dpa' sems dpa' chen po 'phags pa spyan ras gzigs dbang phyug gis gzungs 'di'i don yod pa'i rnam par 'phrul pa shin tu rgyas pa bshad do/ / gzungs 'di'i don yod pa'i rnam par 'phrul pa ni/ rig sngags 'chang des don yod pa'i rgyal po'i snying po nyi ma re rer stong rtsa brgyad du bzlas pas/ sgyu ma lta bu'i ting nge 'dzin gyis gzugs rnam pa sna tshogs pa yang dag par mthong ba dang //  sgyu ma yang dag par mthong ba'i ting nge 'dzin gyi rnam 'phrul de thams cad rjes su 'dzin par 'gyur zhing / thams cad rjes su zhugs par 'gyur la/ thams cad du dam tshig rtogs par khong du chud par 'gyur / thams cad du phyag rgya dang / dkyil 'khor dang / gsang sngags kyi cho ga zhib mo'i rjes su rab tu gnas par 'gyur ro// thams cad du ting nge 'dzin gyi rnam par 'phrul pa rgyal mtshan gyi mchog ces bya ba la gnas te/ de bzhin gshegs pa thams cad kyi gsang ba'i rjes su son cing rjes su zhugs par 'gyur ro// don yod pa'i rig sngags kyi dngos grub yongs su rdzogs pa la rab tu gnas par 'gyur ro/ / don yod pa'i rnam par 'phrul pa dang ldan par 'gyur ro// don yod pa'i gzugs dang / kha dog dang / rtags dang / dbyibs dang mthun par 'gyur ro// don don yod pa'i yon tan yongs su bsgrags pa dang ldan par 'gyur ro/ / don yod pa'i dge ba'i rtsa ba dang ldan par 'gyur ro// don yod pa'i de bzhin gshegs pa lung bstan pa yongs su 'dzin par 'gyur ro/ / don yod pa'i de bzhin gshegs pa'i bsod nams kyi phung po chen po dang dge ba'i rtsa ba skyed par 'gyur ro// don yod par de bzhin gshegs pa mngon sum du mthong zhing byin gyis rlob pa dang ldan par 'gyur ro/ / don yod par de bzhin gshegs pa'i rigs kyi rjes su zhugs par 'gyur ro// don yod par rdo rje'i rigs la mnyam par rjes su zhugs par 'gyur ro// don yod par pad+ma'i rigs kyi dam tshig byin gyis brlabs par 'gyur ro/ / don yod par nor bu'i rigs kyi dam tshig rjes su 'dzin par 'gyur ro// don yod par rgyal po'i rigs kyi dam tshig rjes su 'dzin par 'gyur ro/ / don yod par de bzhin gshegs pa thams cad kyi dkyil 'khor gyi rnam par 'phrul pa byin gyi rlob pas byin gyis brlabs par 'gyur ro// don yod par 'khor los sgyur ba'i rigs dbang du gyur nas rab tu gnas par byin gyis brlabs par 'gyur ro/ / don yod par rig sngags kyi dbang gis mngon par dbang bskur bar 'gyur ro// don yod par de bzhin gshegs pa thams cad kyi mngon par dbang bskur bas mngon par dbang bskur bar 'gyur ro/ / don yod par phyag rgya chen po rim par phye ba dang gsang sngags kyi sgrub thabs la rab tu gnas par 'gyur ro// don yod par de bzhin gshegs pa thams cad kyi byang chub kyi snying por nye bar 'gro bar byin gyis brlabs par 'gyur ro/ / don yod par de bzhin gshegs pa thams cad kyi chos kyi 'khor lo skor bar 'gyur ro/ / don yod par chos kyi rnga bo che rdung bar 'gyur ro// don yod par chos kyi dung 'bud par 'gyur ro// don yod par pha rol tu phyin pa drug yongs su rdzogs par 'gyur ro// don yod par de bzhin gshegs pa thams cad kyi chos kyi dbyings kyi snying por 'gyur ro/ / don yod par thos pa zab mo chos kyi dbyings kyi snying po dang ldan par 'gyur ro// don yod par de bzhin gshegs pa thams cad kyi 'jig rten las 'das pa'i lam gyi yan lag brgyad dang ldan par 'gyur ro/ / don yod par 'jig rten pa dang thun mong ba'i chos cho ga zhib mo'i sgrub pa'i dngos grub chen po so sor thob bo// don yod par 'jig rten pa'i lha'i dpal nyams su myong ngo / / don yod par sems can thams cad kyi mchog tu bla mar byed pa dang / gus par byed pa dang / spyi bor 'jog par 'gyur ro// de bzhin du tshogs chen po'i yon tan dang ldan pa dang phan yon chen po rjes su son par 'gyur ro/ / don yod pa'i rgyal po'i snying po'i cho ga zhib mo rim par phye ba dang bcas pa la phyag rgya dang / dkyil 'khor sgrub pa dang / zhags pa'i cho ga mtha' dag rdzogs pa gang yin pa 'di mnyan par 'gyur ba dang / 'chang bar 'gyur ba dang / 'don par 'gyur ba dang / kun chub par 'gyur ba dang / tshul bzhin du yid la byed pa dang / bzlas pa'i cho ga byed par 'gyur ba dang / sangs rgyas rjes su dran pa sgom par 'gyur ba de dag skye ba 'di nyid la las kyi sgrib pa thams cad dang sdig pa thams cad yongs su dag cing bsal bar 'gyur ro/ / nad thams cad dang / skye ba dang / rga ba dang / na ba dang / 'chi ba las yongs su grol bar 'gyur ro// 'khor ba'i rgya mtsho'i chu bo'i pha rol tu 'gro bar 'gyur ro/ / bcom ldan 'das 'on kyang gang la la zhig sems can ches mang po la dbang byed par 'gyur te/ de'ang bcom ldan 'das phyir mi ldog par rig par bgyi'o// sa bcu la rab tu gnas pa dang bcas par brjod par bgyi'o/ / bcom ldan 'das rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma gang la la zhig don yod pa'i rgyal po'i snying po 'di cho ga zhib mo'i rgyal po chen po dang / phyag rgya dang / dkyil 'khor dang / ras ris yongs su dag nas dang pa dang gus pa yid la byed pa dang / de bzhin gshegs pa thams cad la lhag pa'i bsam pa rab tu dang bas 'dri bar 'gyur ro/ / 'dri mkhan dad pa dang / gus pa dang / byams pa yongs su dag pa'i yid kyis yo byad yongs su ma tshang ba med pa'i mchod pa dang / bsnyen bkur ba'i dri mkhan gyis 'dri ba 'am 'drir gzhug par 'gyur ro/ / sems can thams cad kyi stobs dang mthus dris pa'i sems can de'ang phyir mi ldog par rig par bgyi ste/ 'di la dogs pa dang yid gnyis bskyed par mi bgyi'o/ / gzhan yang sems can 'di de bzhin gshegs pa thams cad kyi thugs las skyed pa'i sras su rig par bgyi/ zhal las skyes pa dang / chos las skyes pa dang //  chos kyi sprul pa dang / de bzhin gshegs pa thams cad kyis byin gyis brlabs par 'gyur te/ sems can de bla na med pa yang dag par rdzogs pa'i byang chub tu mngon par rdzogs par sangs rgyas par lung bstan to/ / de ltar rdzu 'phrul che ba'i phyir/ cho ga zhib mo'i rgyal po de bzhin gshegs pa dang mnyam pa nyid du rig par bgyi'o// de'i phyir 'di'i phan yon dang yon tan chen po yongs su bsgrags so/ / de nas don yod pa'i dngos grub bla na med pa'i yo byad dang cho ga bshad par bgyi ste/ ras khru gnyis pa'i tshang du bgyi zhing / kun nas gru bzhi pa/ shin tu gsal ba/ shin tu btags pa/ shin tu gsar pa/ legs par bcags pa la/ ri mo mkhan gtsang mas gos gtsang ma bgos pas/ chang dang / sha dang / kun dong dang / sgog skya dang / ke'u dang 'dres pa dang / spabs pa dang / kha zas ngan pa yongs su spungs pas tshon rnam pa sna tshogs pa 'bar ba/ lhag ma ma yin pa snod gsar par bzhag pas 'drir gzhug par bgyi ste/ 'phags baspyan ras gzigs dbang phyug gi gzugs brnyan ri mo bgyi'o/ / don yod pa'i nags pa zhi pa'i zhal/ spyan gsum pa/ ral pa'i cod pan gyis brgyan pa/ zhal bcu gcig pa bgyi ste/ phyag sum cu so gnyis pa/ rgyan thams cad kyis rnam par brgyan pa/ phyag na tshon cha sna tshogs pa dang zhags pa thogs po/ pad+ma dkar po'i lus dang kha dog can/ sna tshogs pa'i gos 'chang ba/ zhal g.yas pa dbang phyug chen po'i zhal/ g.yon pa sred med kyi bu'i gzugs 'dzin pa/ dbang phyug chen po'i steng du gshin rje'i gzugs/ sred med kyi bu'i steng du chu lha'i gzugs/ gshin rje'i steng du lus ngan gyi gzugs/ zhal khro gnyer can/ chu lha'i steng du gzhon nu zhal khro gnyer can/ lus ngan gyi steng du dbang phyug chen po'i gzugs drag po mche ba gtsigs pa'o// gzhon nu'i steng du dbang phyug drag po'i gzugs mche ba gcig pa'o/ / dbang phyug gi steng du nyi ma'i zhal/ dbang phyug chen po'i steng du zla ba'i zhal/ steng gi ral pa la 'phags pa 'od dpag med 'od 'dom gang dang bcas pa'i phyag brkyang bas dbugs 'byin par byed do/ / phyag g.yas pa dang sgra'i bar du rlung lha bya ste lus rdzogs pa'o// gzhogs g.yon du me'i lha ste lus phyed pa'o// sngar bshad pa'i phyag rgya dang mtshon cha lag na thogs pa bgyi'o// g.yas su 'phags pa khro bo'i rgyal po bgyi ste/ rgyan thams cad kyis rnam par brgyan pa khros pa'i gzugs so// g.yon du rig pa'i rgyal po rgyan thams cad kyis rnam par brgyan par bgyi'o// khro bor rgyal po ni pad+ma dang zhags pa thogs pa'o/ / rig pa'i rgyal po ni yid bzhin gyi nor bu dang / me tog gi phur ma thogs par bgyi'o// 'phags pa spyan ras gzigs dbang phyug ni zhal nas 'od zer 'phro bzhin pa bgyi ste/ pad+ma'i gdan dang / lus la pad+ma'i 'phreng ba 'phyang ba'o// 'phags pa spyan ras gzigs dbang phyug gi 'og gi pad+ma la dkyil 'khor gyi lha mo bgyi ste/ drag mo drag tu dgod pa/ phyag bzhi pa/ rgyan thams cad kyis rnam par brgyan pa/ pad+ma dang / zhags pa dang / dgra lnga dang / ral gri thogs pa/ pad+ma'i gdan la skyil krung phyed pas bzhugs pa bgyi'o// khro bo'i rgyal po'i rgyab tu 'phags ma sgrol ma bgyi ste/ phyag na gos 'dzin pa/ dbu sprad pa/ rgyan thams cad rnam par brgyan pa'o// rig pa'i rgyal po'i rgyab tu dkar sham chen mo bgyi ste/ rgyan thams cad kyis rnam par brgyan pa/ phyag thal mo sbyor zhing mgo smad pa'o// dkyil 'khor gyi lha de dag gi bar du/ g.yas ngos su rig sngags 'chang pus mo btsugs pa bgyi ste/ 'phags pa spyan ras gzigs dbang phyug gi zhal la lta bzhin pa/ lag na me tog gi phog pa thogs pa bgyi'o// ngos bzhir sangs rgyas bcom ldan 'das kyi ri mo bgyi ste/ skyil mo krung gis bzhugs pa/ dkyil 'khor gyi rnam pa sum cu rtsa brgyad rnam par 'byes par bgyi'o/ / steng du son par drang srong rnams dang lha'i bu bgyi'o// grwa bzhi ru rgyal po chen po bzhi bgyi ste/ go cha dang ya lad bgos pa'o// zhabs dag gi 'og tu dpal lha mo dang / dbyangs can dang / 'jigs ma dang / mtshan mo'i lha mo rnams bgyi'o// ras ris yongs su rdzogs pa legs par bgyis shing / las bgyis pa bris nas de'i 'og tu gas ba'i gnas su bzhag ste/ phyogs gtsang mar ba byung gi dkyil 'khor bgyi ste/ kun nas gru bzhi pa bgyi'o// de'i steng du dri sna tshogs kyi byug pa sbyin par bgyi/ me tog sna tshogs kyis gcal du dgram par bgyi/ gang ba'i bum pas spras par bgyi/ pog por gyis spras par bgyi'o// tsan dan dang / kun tu ru dang / a ka ru dang / du ru ka dang / gu gul gyi bdug pa sreg cing / mchod yon dang zhabs bsil yang gzhag par bgyi'o/ / ras ris dkyil 'khor la mngon du phyogs par bzhag nas/ rig sngags 'chang gos gtsang mas gos gtsang ma bgos pa legs par khrus byas pas bgyi ste/ ras ris la mchod pa bgyi zhing mar me bcu drug sbar bar bgyi'o/ / de nas ras ris la mngon du phyogs nas/ skyil mo krung gis 'dug nas phyag rgya bcing bar 'gyi'o// don yod pa chen po'i snying po'i gsang sngags kyi gzungs kyi dam tshig stong phrag bcur bzlas so/ / don yod rgyal po'i snying po dang / khro bo'i rgyal po dus gsum du lan nyi shu rtsa gcig bzlas par bgyi'o// stong phrag bcu rdzogs pa dang /  rig sngags 'chang gi mgo la 'bar bar bgyid cing / ras ris de la'ang 'od sna tshogs pa rnams 'bar bar bgyid de/ tho rangs skya rengs ser po'i thun mtshams kyi dus tshod la ji lta ba bzhin du ras ris/  mngon par 'dri na/ 'phags pa spyan ras gzigs dbang phyug lha'i lus kyis mdun du 'dug ste/ rig sngags 'chang la dbugs 'byin par bgyid cing / de bzhin du smra bar bgyid de/ rig sngags 'chang smros shig/ mchog sbyin par bya'o// yid la ji ltar 'dod pa de dag thams cad sbyin par bya'o// rig sngags 'chang gis mchog gnyis blang bar bya ste/ 'jig rten pa'i mchog gi dngos grub dang / 'jig rten las 'das pa'i mchog sangs rgyas nyid do// gal te 'jig rten pa'i mchog slong bar byed na de thams cad sbyin par bgyid de/ don yod zhags pa'i rnam par thar pa'i dkyil 'khor cho ga zhib mo'i rgyal po chen po mchog gi sgrub pa'i dngos grub tu 'gyur ro/ / 'phags pa spyan ras gzigs dbang phyug gi spyan sngar grub pa'i dngos grub ji lta ba de bzhin du rig sngags 'chang la mchog gi dngos grub 'grub par bgyid do/ / zhes bya ba'i dngos grub chen por 'gyur ro// dngos grub yangs par yang 'gyur ro// 'jig rten pa'i bya ba thams cad kyi mchog sgrub pa'i dngos grub tu 'gyur ro/ / gzhan pa'i mchog thams cad mngon par bslangs na stsol bar bgyid de/ 'di lta ste/ sngags kyi dngos grub dang / mig 'phrul dang / 'od zer gyi dra ba dang / lha'i gzugs mthong ba dang / mi snang ba dang / nam mkha' la 'gro ba dang / khung bur 'jug pa dang / nags su 'jug pa dang / klu'i gnas su 'jug pa dang / mi 'am ci'i gnas su 'jug pa dang / chu la 'jug pa dang / nam mkhar 'jug pa dang / sa 'og tu 'jug pa dang / nor sgyur ba smra ba dang / zhing du smra ba dang / nor du smra ba dang / g.yul ngor 'jug pa dang / 'gugs pa dang /  char 'bebs pa dang / yang dag par 'dzin pa dang / dbang du byed pa dang / gnod sbyin phyir 'byin pa dang / rnam par g.yo ba med par byed pa dang / chu klung chen po sgrol ba dang / rgyu skar smra ba dang /  sngags smra ba dang / rdzas dang sman g.yo bar byed pa dang / bcud kyi len sgrub pa dang / 'pho bar byed pa dang / 'byin par byed pa dang / lo tog sgrub pa dang / gos 'dor bar byed pa dang / rgyal po dbang du byed pa dang / 'jig rten pa'i sgrub pa'i dngos grub de thams cad 'grub par bgyid do// de nas 'jig rten pa gzhan don du gnyer cing 'dod na phyag g.yas pa spyi bo'i gtsug tu 'jog par byed de/ gzhag pa tsam gyi mod la lus med pa dri ma dang bral ba yongs su dag pa zhes bya ba'i yongs su dag pa'i lus so sor thob ste/ sbrul gyi shun pa bzhin du lus 'dor bar bgyid do// bsams pa nyid kyi mod la/ de ma thag kho nar bde ba can gyi 'jig rten gyi khams su 'gro bar bgyid do/ / skye ba bye ba brgya stong phrag gi tshe rabs dran par 'gyur te/ de ma thag kho nar de bzhin gshegs pa tshe dpag tu med pas lung bstan pa thob pa'i mod nyid la bla na med pa yang dag par rdzogs pa'i byang chub las phyir mi ldog par 'gyur ro/ / 'di nyid ni skye bar skyes pa'i tha ma'o zhes so// sgrib pa thams cad dang bral ba don yod pa rnam par 'phrul pa zhes bya ba'i ting nge 'dzin so sor thob cing / ting nge 'dzin gzhan bye ba khrag khrig brgya stong phrag thob bo// phyogs bcu kun gyi de bzhin gshegs pa thams cad kyis dgongs par 'gyur zhing legs so zhes bya ba rjes su stsol bar mdzad do/ / byang chub sems dpa' thams cad kyis dgongs par 'gyur ro// lha thams cad kyis kyang 'di la kun tu srung bar 'gyur ro//  'jig rten pa dpa' jig rten las 'das pa'i dngos grub kyi mchog gnyis po 'di ni mthong ba'i chos nyid la rjes su stsol bar 'gyur ro// bya ba gzhan mang zhing chos mang ba thams cad sgrub par bgyid do// /  gdon grol bar byed pa dang / 'bebs par byed pa dang / mdo sde la rtog pa dang / tshe la rtog pa dang / nad rab tu zhi bar byed pa dang / 'bras dang / pho la mig dang / lhog pa dang / mtshan mar rdol ba dang / rkab shu dang / sha bkra dang / mdzod pa/ 'brum bu phra mo dang / g.yan pa dang / me dpal dang / lto ba na ba dang / mig na ba dang / mgo bo na ba dang / zhogs phyed na ba dang / ma ro tsa ka dang / pho ba'i nad dang / so na ba dang / mgul ba na ba dang / lce dang rkan na pa dang / kha na pa dang / snun pa dang / rna ba na pa dang / snying na pa dang / lto ban pa dang / rtsib logs na ba dang / lag pa na ba dang / rkang pa na ba dang / rje ngar na ba dang / sen mo na ba dang / rims nyin gcig pa dang / nyin gnyis pa dang / nyin gsum pa dang / nyin bzhi pa dang / rtag pa'i rims pa dang / mtshan mo pa dang / nyin mo pa dang / 'dus pa ste/ 'di dag thams cad gsang sngags 'di bzlas pa tsam gyis rnam par nyams par bgyid do// sdig pa de rnams rnam par nyams par bgyid do/ / gdug pa thams cad dang / phyir rgol ba dang / dgra thams cad rnam par nyams par bgyid do// de ltar gzungs kyi snying po 'di ni stobs chen po dang ldan pas te/  'jig rten pa'i dngos grub kyi mchog 'di dag 'grub par 'gyur ro// de nas las byed par 'dod na/ de'i 'og tu rig sngags 'chang gtsang mas gos gtsang ma bgos pa legs par khrus byas pas bgyi ste/ de nas don yod pa chen po'i snying po'i gsang sngags kyi gzungs 'di sgrub cing bzlas pas de dag 'grub par 'gyur ro// stong phrag bco brgyad du bzlas pas sdig pa thams cad zhi zhing 'jig rten pa'i rig sngags chen grub par 'gyur ro/ / thams cad la lus thams cad du sgrub par byed do// de nas 'jig rten las 'das pa'i bzlas pa'i cho ga sgrub par 'dod pa'i rig sngags 'chang des nyi ma re re zhing gzhi gtsang ma legs par khrus bgyis shing gos gtsang ma bgos pas bgyis te nyal tshe gcig nas brtsams te/ nyi ma re re zhing stong phrag bcur bzlas pa dbul bar bya'o/ / bcu gcig pa'i phyogs la tshes gsum gyi nyin mtshan nas bgyi ste/ nyi ma re re zhing stong phrag phyed dang gnyis bzlas pa dbul bar bgyi'o// 'phags pa spyan ras gzigs dbang phyug la mchod par bgyi/ bco lnga'i nya la dkar gsum gyi gtor ma dbul bar bgyi/ mchod yon dang zhabs bsil dbul bar bgyi/ de nas zas dkar gsum bza' bar bgyi zhing / bco lnga nya'i mtshan mo stong rtsa brgyad bzlas pa dbul bar bgyi'o/ / thun tha ma la 'phags pa spyan ras gzigs dbang phyug 'ongs te/ rig sngags 'chang legs so zhes smra bar bgyid cing / khyod kyis don yod rgyal po'i snying po mtha' dag yongs su rdzogs pa'i cho ga zhib mo dang / rnam par thar pa'i dkyil 'khor grub bo// phyag g.yas pa brkyang nas pad+ma stsol bar bgyid de/ rig sngags 'chang gis blang bar bgyi'o//  blangs pa tsam gyis mod la nam mkha' la rdzu 'phrul gyis 'gro zhing gang du 'dod pa'i sangs rgyas kyi zhing der 'gro'o// de bzhin gshegs pa thams cad kyis yang dag par dbugs 'byin par bgyid do//  de nas sbyin sreg gi cho ga bgyid par 'dod pas pad+ma'i snying po bza' bar bgyi/ dkyil 'khor gyi tshad la pad+ma'i rtsa ba dang / sdong bu dang / lo ma mar dang bsres pa'i sbyin sreg bgyi'o// dri zhim po'i shing la me sbar la stong phrag brgyad du sbyin sreg bgyi'o/ / stong phrag brgyad rdzogs pa dang / dpal lha mo chen mo dngos su 'ongs te/ de la dri zhim po'i mchod yon phul bas rig sngags 'chang bgyi ba ci yod ces smra bar bgyi'o/ / des bcom ldan 'das ma bdag la nor mi zad pa rnyed pa dang / gter rnyed pa rab tu stsol cig ces brjod par bya'o// de nas khyod kyi de bzhin bya'o zhes dbugs 'byin par byed cing mi snang bar 'gyur ro/ / rig sngags 'chang gang dang gang du 'gro ba de dang der gter chen po mthong ste/ nam yang zad par nye bar mi 'gro'o// sbyin par bgyi/ longs spyad par bgyi/ dkon mchog gsum la mchod par bgyi/ 'phags pa spyan ras gzigs dbang phyug la mchod par bgyi/ dpal lha mo chen mo la nyi ma re re zhing so so'i cha shas dbul bar bgyi'o// ut+pa la sngon po dang / tsan dan gyi phye ma dang / mar gsar bsres pas arka'i shing la me s+phar te/ 'phags pa spyan ras gzigs dbang phyug gi ras ris kyi mdun du zla phyed gcig tu sbyin sreg bgyi ste/ dpag tu med pa dbul bar bgyis na/ rdzogs pa na las thams cad la kun nas longs spyod pa thob bo// ras ris kyi mdun du shing kun dang / til mar dang / yungs kar bsres la pad+ma'i 'dab ma dang /  thang shing gi yam shing gis zhag bdun du thun gsum du sbyin sreg brgyad brgya byas na grong brgya thob bo// shing mya ngan med pa'i yam shing mar la btags pas zla phyed gcig tu thun gsum du sbyin sreg brgyad brgya byas na rgyal po nyid thob bo/ / mtshan mo mdun du thun gsum du yam shing gis sbyin sreg brgyad brgya byas na gnas nges par bstan pa'i tshi ga smra bar byed do// 'phags pa spyan ras gzigs dbang phyug gi gzugs brnyan la mtshan mo bcu gnyis su ma li ka'i me tog stong phrag brgyad kyis mchod par bya ste/ sangs rgyas bcom ldan 'das thams cad la mngon par dad pa dang / lha dang klu rnams mngon par dang bar 'gyur ro/ / mchog thams cad dang bya ba thams cad sgrub par byed do// nor bu bzang po sman drang bar 'dod pas snying khar ming med kyi sor mo bzhag nas thun gsum du brgya brgya bzlas par bya ste/ mtshan mo bcu gnyis su las rdzogs pa dang / nor bu bzang po mthong ba stsol bar byed do// snying khar yongs su byugs pa tsam gyis nyi ma re re la dong tshe brgya stsol bar bgyid de/ de'ang lhag ma med par zad par bgyi ste/ yang dang yang du stsol bar bgyid do// gang yin pa de dang de ma bgyis na phyis stsol bar mi bgyid do// 'phag pa spyan ras gzig dbang phyug la mngon du phyog par 'dug nas sam/ yang na ring bsrel gyi mchod rten nam/ ras ris la mngon du phyogs par gzhag par bgyi'o// seng ldeng gi yam shing zho dang / sbrang rtsi dang / mar la btags pas thun gsum du brgyad brgyar sbyin sreg bgyi ste/ nyi ma bdun yongs su rdzogs pa na zong stong phrag bcu thob bo/ / de lta bu la sogs pa'i rgyas pa'i las rnams thams cad du sbyar bar bgyi'o// de nas mig sman sgrub par 'dod pa'i rig sngags 'chang des gtsang mas bsgrub par bgyi ste khrus bgyi'o/ / ldong ros zangs kyi snod du gzhag par bgyi ste/ ras ris la mngon du phyogs nas skyil mo krung gis 'dug ste/ tshes brgyad dam bco lnga la nyin mtshan du smyung bar gnas pas/ a shwat+tha'i 'dab ma bzhis dgab par bgyi ste/ ji srid du dngos grub rnam pa gsum dro bar bgyid pa dang / du ba 'thul bar bgyid pa dang / 'bar bar bgyid pa de srid du bzlas pa bgyi'o/ / dro bar gyur pa 'dis mig la byugs pas gang mthong ba de dbang du 'gyur ro// gang blangs pa de rnyed do// 'jig rten thams cad kyi mchod pa'i 'os chen por 'gyur ro//  rgyal po dang / rgyal po'i blon po dang / btsun mo'i 'khor dang bcas pa thams cad kyis mchod pa bya ba'i 'os su 'gyur te/ spyi bor 'jog par 'gyur ro// du ba 'thul ba 'dis mis la byugs pas sor mo bcu'i tshad kyi sa gzhi la rkang pas reg pas dpag tshad stong phrag tu song nas/ slar yang 'ong bar byed do// dpag tshad stong phrag tu nyan par byed do// dpag tshad stong phrag tu lta bar byed do// lo stong phrag bcu gsum du 'tsho bar byed do/ / su gang gis kyang bka' bsgo ba byed par mi 'gyur ro// rtag tu bde ba dang bcas pa yang dag par thob pa dang / rtag tu bla ma'i gnas su bya bar 'gyur ro// de bzhin gshegs pa thams cad lhag par mthong bar 'gyur ro/ / 'bar bas ni bdag nyid gnyis te/ 'phur bar byed pa dang / lo stong phrag bcur 'tsho bar byed do// de nas ldong ros kyi sgrub pa gzhan ni/  'jig rten dang 'jig rten las 'das pa'i sgrub par byed pa'o// de nas kar wI ra dang ldong ros dpa' bo'i rin gyis blangs nas sbyong du gzhug par bgyi zhing 'byung lngas yang dag par sbyangs nas rdzogs pa la zhag gsum du sbyang bar gnas pas/ bcom ldan 'das dang 'phags pa spyan ras gzigs dbang phyug la mchod pa rgya chen po byas nas/ pad+ma'i 'dab ma bzhi rnams kyis ldong ros la rab tu bkod nas/  gsum gyis kun tu g.yogs te/ ji srid du dngos grub rnam pa gsum dro bar byed pa dang / du ba 'thul bar byed pa dang / 'bar bar byed pa de srid du bzlas par bya'o// dro bar byed bzhin pas ni thig le byas nas/ ji srid du sems can mthong ba dang / gang gis blta ba de thams cad dbang du 'gyur ro// dud 'gro'i skye gnas su song ba che med pa'ang tshe nyis 'gyur du 'phel bar 'gyur ro// du ba 'thul bzhin pas ni thig le byas pas rigs bzhi'i 'jig rten thams cad de'i dbang du 'gyur ro/ / skyes bu tsam gyi sa gzhi la rkang pas reg pas dpag tshad stong phrag gsum mthong ngo // dpag tshad stong phrag gsum nas nyan par byed do/ / lo stong phrag bcu gnyis su 'tsho bar 'gyur ro// 'bar bar byed pas ni thig le byas pas nam mkha' la 'gro bar 'gyur ro// lan grangs nyi shur 'phur bar byed do// ldong ros kyi dngos grub tham cad kyi rgyal por 'gyur ro/ / dpag tshad stong phrag gsum du 'phur bar byed do// lo stong phrag brgyad bcur 'tsho bar byed do// gi'u wang sgrub par 'dod pas ba ser skya'i mar gyis gi'u wang yang dag par sbyangs te/ dkar po'i bco lnga 'am brgyad la mtshan mo gsum du sbyang bar gnas pas/ bcom ldan 'das dang spyan ras gzigs dbang phyug la mchod pa rgya chen po byas nas rab tu bkod de/ lag pa g.yas pas mnan nas ji srid du dngos grub rnam pa gsum du gyur pa de srid du bzlas par bya'o/ / dro bar byed bzhin pas ni thig le byas pas gnod sbyin dang / srin po dang / yi dgas dang /  sha za dang / 'byung po rnams kyis de la ri mor byed do// gang bslangs pa de ster ro// nyi ma de nas brtsams te tshe lo stong phrag lngar 'gyur ro// du ba 'thul bzhin pas ni thig le byas na mi snang ba thams cad kyi rgyal por 'gyur ro/ / rlung gi phung po rab tu zhi bas bzhon par byed do// dpag tshad stong phrag nyi shur song nas slar yang 'ong bar byed do// tshe lo stong phrag drug cur 'gyur ro// dpag tshad stong phrag drug cu rnams mthong bar byed do/ / 'bar bar byed pas thig le byas nas nam mkha' la 'gro bar 'gyur ro// bdag nyid lan brgyar 'bar bar byed do// gi'u wang grub pa thams cad kyi rgyal por 'gyur te lo bye bar 'tsho bar 'gyur ro/ / gang gi tshe 'chi bar 'gyur ba de'i tshe gling bzhi la dbang ba'i rgyal por 'gyur ro// de nas bdag nyid gser gyi kha dog tu sgrub par 'dod pa'i rig sngags 'chang des zla phyed drug gi bar du / bzlasapa'i cho ga bsgrub par bgyi'o// de nas rig sngags 'chang gtsang mas gos gtsang ma bgos pas legs par khrus byas te sman 'di rnams bsgrub par bgyi'o// yuSh+mA Ni dang / ldong ros dang /  ba bla dang / sbrang rtsi dang / sa kI dang / ru rta dang / gur kum dang / gi'u wang dang / shing mya ngan med kyi me tog dang / pUN+Da tra byams dang / 'dzam bu chu bo'i sman dang / gser gyi phye ma dang / ba'i 'o ma dang / shing arka'i 'o ma dang / gser gyi 'o ma dang / sU ha'i 'o ma dang / byang chub shing gi 'o ma dang / khyab 'jug chen po'i 'o ma ste/ 'di rnams cha mnyam par sbyar bar byas nas zangs kyi snod du gzhag par bgyi zhing dkrug par bgyi ste/ zla ba phyed la ba'i 'o ma nyid du 'gyur te 'di la the tshom med do// ras ris la mngon du phyogs par gzhag par bya zhing / dgon pa 'am/ gtsug lag khang ngama'achag sa 'am/ sa'i phyogs gtsang mar ras ris bzhag nas byams pa dang / snying rje chen po dang / sangs rgyas dang / chos dang / dge 'dun rjes su dran pa dang / brtan zhing dpa' bas pa rol gnon pa'i go cha chen po bgos pa dang / 'phags pa spyan ras gzigs dbang phyug la mchog tu dad cing gus pa dang / byang chub don du gnyer zhing mngon par 'dod bzhin pas nyi ma re re zhing ji ltar nus pa'i mchod pa sngon du 'gro bas zla phyed drug tu bzlas par bya'o/ / de nas rig sngags 'chang gis zla phyed drug rdzogs pa dang / sman gyi mchog bskams la phye ma zhib mor byed du bcug ste zangs kyi snod du bzhag nas/ don yod rgyal po snying po stong rtsa brgyad bzlas shing / khro bo'i rgyal po'ang stong rtsa brgyad du bzlas so// de nas tshes bco lnga'i nya la mtshan mo gsum du smyung bar gnas te/ sangs rgyas bcom ldan 'das dang / 'phags pa spyan ras gzigs dbang phyug la mchod pa rgya chen po byas nas/ phyogs bzhir gtor ma ches rgya che ba dbul bar bgyi'o// de nas rig sngags 'chang gis sman gyi mchog de dngul chu dang / li kha ra dkar po dang / sbrang rtsi dang lhan cig sbyar bar bya'o// de nas slar yang stong phrag bcur bzlas so// 'phags pa spyan ras gzigs dbang phyug gi spyan sngar zangs kyi snod la 'bar bar bgyid de dro bar bgyid do/ / 'od zer kha dog sna tshogs pa rnams 'bar bar bgyid do// rig sngags 'chang gi lus 'bar bar 'gyur te/ sa'ang g.yo bar 'gyur ro/ / de nas rig sngags 'chang ba bzhin 'dzum pa yid la bya'o// 'bar ba de dang brah+ma pu tra ka'i mar dang lhan cig sbyar la bdag gi lus bsku bar bya'o// bskus pa tsam gyis mod la rang gi lus kyi pags pa gser gyi mdog tu 'gyur ro/ / lus rdo rje snying po bzhin du mi mchod pa dang mi phigs par gyur nas 'khor brgya phrag stong dang bcas te 'phur bar 'gyur ro// sgra la bskus na skra spu gser gyi mdog tu 'gyur ro/ / sen me la bskus na sen mo gser mdog tu 'gyur ro// so la bskus na so gser du 'gyur ro// mi lus gang dang gang du bskus pa de dang de nyid gser mdog tu 'gyur ro/ / til mar bzhag ste bcud kyis len mchog srang gcig gis zangs srang stong gser du 'gyur ro// til mar dang sbyar ba zangs glebs pa la bskus te mer bsreg na srang gcig gis srang bcu'i gser du 'gyur ro/ / bcud kyis len mchog 'di dang / ba'i 'o ma dang / zhun mar bzhi cha gcig dang sbyar te me mi che bas bskol te chos par rig pa dang / 'di de nas byugs la khrus legs par byas shing gos gsar pa bgos la gtsang mar byas te/ thog mar ba'i rnam lnga la reg par bya'o// de nas chu dron po dang bcud kyis len gyi mchog 'di btung bar bya'o// sbyor ba zhag bdun du byas na de'i lus rnam par dag par 'gyur ro/ / sdig pa thams cad zad pa dang / mod la nyon mongs pa thams cad dang bral ba dang / nad thams cad byang ba dang / mod la dug thams cad sel ba dang / dug slar zhen par mi 'gyur ba dang / mtshon gyis ma yin/ chus khyer bar mi 'gyur/ mes tshugs par mi 'gyur/ yang dug ma rungs pa gzhan gyis mi tshugs par 'gyur ro// zhag bcu bzhir sbyor ba byas na nad thams cad byung ba dang / 'di'i pags pa rnam par dag pa dang / gnyer ma dang skra dkar med par 'gyur ro// zhag nyi shu rtsa gcig sbyor ba byas na byis pa lo bcu pa pad+ma dkar sha ma dang 'dra ba'i mdog can gyi lus su 'gyur ro/ / pad+ma'i lo ma dang ku mu da ltar 'jam pa dang / ut+pa la sngon po lta bu lha'i mig dang / mi 'am tsi'i dbyangs lta bur ma zhum pa dang / dbu sgra 'khyil la 'khyil cing bung ba ltar mdog gnag pa lha rdzas lta bur 'gyur ro/ / zla ba gcig tu sbyor ba byas na lo stong phrag bcur 'tsho bar 'gyur ro// dgra thams cad dang / gnod sbyin dang /  srin po'i tshogs kyis mi tshugs par 'gyur ro// 'byung po dang sdig pa byed pa gzhan rnams kyis kyang de mi mthong bar 'gyur ro// lo gcig tshang bar bsnyen na lha'i bu mo dag dang lhan cig rtse zhing lha rdzas kyi longs spyod dang / gzhal med dang / ji ltar lha rnams rtse ba bzhin du 'gyur ro// dro bar gyur pa sbrang rtsi dang lhan cig zos na lo khri nyis stong du 'tsho bar 'gyur ro/ / nam mkha' la 'gro bar 'gyur ro// zangs srang stong dang / bcud kyis len pa'i mchog srang gcig dang / dngul srangs bcu zangs dang sbyar te bzhun/ bcud kyis len mchog dngul srang stong du 'gyur ro/ / srang gcig gis zangs srang stong dngul du 'gyur ro// kha dog sna tshogs kyi 'od zer byung na ni kha dog sna tshogs su 'gyur te/ gzugs mdog sna tshogs kyi nor bu rin po che 'chang zhing / dngul dang gser bzhu la til mar dang lhan cig bskol te mgo bo la bskus pa tsam gyis mod la skra mdog sna tshogs su 'gyur ro// lus la bskus na kha dog sna tshogs kyi 'od zer 'byung bar 'gyur ro/ mig la bskus na nam mkha' la 'gro zhing khyim thams cad kyi sgo phye bar mthong ste/ khyim thams cad kyi dpon po dang rgyal por 'gyur ro// dpral ba la thig le byas na mi snang bar 'gyur ro// khar bcangs na gang dang gang smra ba de nor gyi dbang dang bdag gi dbang du 'gyur ro/ / yang na ba ser skya'i 'o ma mar dang / mar dkar dang / 'o ma dang / bcud kyis len gyi mchog 'bar ba dang lhan cig bskol te khar bzhin du legs par tshos pa dang blangs la/ don yod pa'i rgyal po'i snying po brgyad stong bzlas brjod byas te/ rig sngags 'chang ba bdag nyid bskus pa tsam gyis mod la thams cad rig 'dzin gyi 'khor los / sgyur bar 'gyur ro// bskal pa chen po bcur 'tsho bar 'gyur ro// bar gyi bskal par sangs rgyas bcom ldan 'das mthong bar 'gyur ro// byang chub kyi snying po mchog tu lung bstan pa thob par 'gyur ro// /  thig le byas na nam mkha' la 'phur bar 'gyur ro// oM zhes byas pa'i sgras tshangs pa gnas nas phyir 'byung bar 'gyur ro// se gol gtogs pa tsam gyis 'og min gyi gnas kyi bar du 'gro zhing phyir yang 'ong bar 'gyur ro/ / nam gyi tshe 'chi ba'i dus byed par 'gyur ba de'i tshe bde ba can gyi 'jig rten gyi khams su 'gro bar 'gyur ro// 'di ni skye ba tha ma yin zhing mngal na gnas pa las yongs su thar pa yin no// /  de nas don yod pa'i ril bu brjod par bya ste/ rig sngags 'chang ba sgrub par byed pa legs par sgrub na ni/ rig sngags 'chang ba legs par khrus byas shing gos gtsang ma bgos te gtsang bar bya'o//  pad+ma dang / lig bu mig dang / na ga ge sar dang / gi hang dang / ut+ta ma ra Ni dang / skyer kha 'da' dang / a ka ru rnams de bzhin du rdzas de dag cha bsnyams te zhib mor btags la kha ra dang sbyar te/  gser dang dngul gyis dkris shing zangs kyis kyang dkris te/ tsan dan dkar po'i gab che'i nang du bcug la lag pa'i snyim par bcang bar bya'o// zla ba yar gyi ngo tshes brgyad dang / bcu bzhi la zhag gcig smyung ba byas te/ 'phags pa spyan ras gzigs dbang phyug gi ras ris kyi sku gzugs kyi spyan sngar don yod pa'i rgyal po'i snying po stong rtsa brgyad bzlas brjod bya/ khro bo'i rgyal po brgya rtsa brgyad bzlas brjod bya/ gsang sngags stong rtsa brgyad bzlas brjod bya'o// de nas 'gul bar gyur na de blangs te khar bcug na mi snang bar 'gyur ro// lo stong thub par 'gyur ro//  sor bzhi tsam gyis rkang pas la mi reg par 'gyur ro// dpag tshad brgyar 'gro zhing phyir yang 'ong bar 'gyur ro// me tog can gyi rig 'dzin 'khor los sgyur bar 'gyur ro// lus las ku mut+ta dang ut+pa la'i dri 'byung bar 'gyur ro/ / ut+pa la sngon po dang / tsam pa ka dang / ke ta ki'i me tog dang / de dag cha bsnyams te sbyar la mkhas pas sbrang rtsi dang lhan cig sbyar te ril bu byas la gser dang /  dngul dang / bangs kyis dkris te/ zla ba yar gyi tshes drug nas tshes brgyad dam/ tshes bcu gnyis nas bcu bzhi'am/ bcu gsum nas bco lnga'i tshe nyin zhag gsum du sbyang ba bya'o// shin tu khrus byas shing gos gtsang ma bgos te gtsang bar bya'o/ / sangs rgyas bcom ldan 'das dang 'phags pa spyan ras dbang phyug gi sku gzugs ras la bris pa la mchod pa rgya chen po byas te/ shing a shwad tha las byas pa'i gab tshe'i nang du ril bu bcug nas lag pa'i snyim par bcug la/ ri mo'i spyan sngar ji srid du 'khol ba'i sgra 'byung ba de srid du bzlas brjod bya'o// de nas grub pa yin te de las khar bcug na dpag tshad stong tu 'di 'gro bar 'gyur zhing slar yang 'ong bar 'gyur ro/ / sor brgyad tsam rkang pa sa la mi reg par 'gyur ro// lo stong phrag bcur 'tsho bar 'gyur ro// mig ut+pa la sngon po lnga bur 'gyur ro/ / ut+pa la sngon po'i dri kha nas 'byung bar 'gyur ro// bzhin yongs su rgyas pa zla ba'i dkyil 'khor lta bur 'gyur ro// mdog pad+ma lta bur 'gyur ro// lus las tsam pa ka' dra 'byung bar 'gyur ro/ / rig 'dzin nam mkha' la 'gro ba thams cad kyi 'khor los sgyur ba'i rgyal por 'gyur ro// tsan dan gyi phye ma dang / a ka ru'i phye ma dang / rgya spos dang / a ru ra dang / pa ni na dang / de dag rnams cha bsnyams te zhib mor btags la du ru ka'i mar gyis ril bur bya'o// gser dang / dngul dang / phangs kyis dkri'o// tsan dan dkar po las byas pa'i sgrom bur bcug ste/  tshes bcu gsum nas nya'i bar du nyin zhag gsum mi nyal bar/ sangs rgyas bcom ldan 'das dang 'phags pa spyan ras gzigs dbang phyug la mchod pa rgya cher bya zhing gtor ma'ang rgya cher byin la/  rtswardza dur ba'i stan la 'dug ste lag pa'i snyim par bcug nas/ don yod pa'i zhags pa'i snying po stong rtsa brgyad kyi bar du bzlas brjod bya'o// khro bo'i rgyal po brgya rtsa brgyad brjod bya'o// de nas ril bu 'gul bar gyur na rig sngags 'chang bas de nas grub pa yin par rig par bya ste/ ril bu grub pa ni de yin no// de nas rig sngags 'chang bas 'phags pa spyan ras gzigs kyi dbang phyug la mchod pa byas te/ nam langs ka skya rengs ser po 'char ba'i dus su bza' bar bya'o// sangs rgyas dang byang chub sems dpa' thams cad la phyag byas nas sems can thams cad la byams pa'i sems bya'o/ / grogs byed pa la'ang byin te ril bu gcig gzhug par bya'o// ril bu khar bcug pa tsam gyis mod la mi snang bar 'gyur ro// nam mkha' la 'gro bar 'gyur//  dpag tshad lnga stong du 'gro zhing slang yang 'ong bar 'gyur/ ril bu sgrub par byed pa tshegs med par grub pa rnams kyi 'khor los sgyur ba'i rgyal por 'gyur/ tshe lo lnga stong thub par 'gyur/ khru gang tsam gyis rkang pa sa la mi reg par 'gyur ro/ / de nas gter rko bar 'dod pas gnas gang na gter yod par dogs pa'i gnas dor ba'i lci bas maN+Dal byas la/ me tog gtor zhing gu gul gyi bdug pas bdug cing / gtor ma gtsang ma dang / sha dang khrag gi gtor ma dang / phye zan dang / 'bras bu dang / pad+ma'i gtor ma dang / gtor ma rnam pa gsum sbyin par bya'o// 'phags pa spyan ras gzigs dbang phyug la mchod pa bya'o/ / stong phrag bcu bzlas brjod bya'o// stong phrag bcu tshang ba dang gnas gang na gter yod pa'i gnas der gter srung ba mngon du 'byung zhing gter 'byung bar 'gyur ro/ / gter srung ba la gtor ma dang mchod yon sbyin par byas na gter srung ba de ji srid 'tsho'i bar du las byed pa por 'gyur ro// gang du mngags pa dang / gang bsgo ba'i las de thams cad byed par 'gyur ro/ / yungs kar dang thal ba la don yod pa'i rgyal po'i snying po lan bdun bzlas brjod byas te phyogs bzhir gtor na bgegs dang / log 'dren dang / gnod sbyin dang / srin po dang / 'byung po thams cad bcings par 'gyur ro/ / mtshams chen po bcing ba byas par 'gyur ro// log 'dren phung bar byas yungs mar dang / yungs kar dang / gu gul dang / ske tshe'i 'bru dang / lan tshwa rnams sbrang rtsi dang bsres la shing ka ra wI ra'i yam sreg shing gis me bus te/ nyin par dus gsum du brgya rtsa brgyad sbyin sreg byas na log 'dren gyi rigs thams cad bcom par 'gyur zhing rnam par zhi bar 'gyur ro/ / dmag bcing bar 'dod pas yungs kar dang / dung dang / ske tshe'i 'bru dang / sa bon bdun rnams sbrang rtsi dang sbyar la dmag gi mdun du shing nim pa'i me spar te/ thog mar brgyad brgya byas na dmag bcings par 'gyur ro/ / lan gnyis byas na nad chen po mi 'byung bar 'gyur ro// brgyad brgya bzlas brjod lan gsum byas na dmag thams cad zhig par 'gyur/  zhing phyir yang lan 'ga' yang 'ong bar mi 'gyur ro// de nas dbyug pa sgrub par 'dod na dbyug pa seng ldeng las gshin rje'i dbyug pa'i tshad khru do ba bya'o// de nas 'phags pa sman ras gzigs kyi dbang phyug gi spyan sngar zas dkar gsum zos te stong phrag bcur bzlas brjod bya'o/ / de nas tshes bco lnga tshang ba'i tshe zhag gcig smyung ba byas te/ don yod pa'i rgyal po'i snying po brgya rtsa brgyad bzlas brjod bya'o/ / khro bo'i rgyal po brgya rtsa brgyad bzlas pa byas na de nas dbyug pa 'bar ro// de nas grub pa yin par shes par bya'o// don yod pa'i dbyug pa zhes bya ba'i sgra 'byung bar 'gyur ro/ / de nas 'phags pa spyan ras gzigs kyi dbang phyug la mchod pa bya'o// de nas rig sngags 'chang bas dbyug pa blangs te kun tu lan bdun bskor bar bya'o/ / de nas dbyug pa des la brdab par bya'o// dbyug pas sa la gru bzhir gzhal bar byas na kun tu gru bzhi lham pa'i khyim chen po gzhal med khang 'byung bar 'gyur te/ phun sum chogs pa rnam pa thams cad yongs su rdzogs pa'i lha'i gzhal med khang 'byung bar 'gyur ro/ / bud med dang / skyes pa dang / khye'u dang / bu mo'i skye bos gang bar 'gyur to// de nas lha mo rgyan thams cad kyis brgyan pa/ bzang ba/ mdzes pa/ blta ba 'os pa zhig 'ongs nas rin po che bdun las byas pa'i snod bum pa gang ba zhig thogs shing sgo'i nang na 'dug go/ de nas lha mo de na re/ rig sngags 'chang rang gi khyim yin gyis nang du zhugs shig ces smra bar 'gyur ro// rig sngags 'chang bas snying po med par gyur pa'i khyim gzhal med khang 'dis ci zhig bya zhes brjod par bya'o/ / de na re/ snod gang ba 'di long zhig dang rgya cher 'phel bar 'gyur ro zhes smra bar 'gyur ro// rig sngags 'chang bas d+hi ga d+hig ces khros pa byas pa dang / lha mo de ngus te ji ltar char pa babs cher 'bab pa de bzhin du 'di'i mig nas mchi ma byung ba dang / rig sngags 'chang bas blang bar bya zhing rang gi lus la bsku bar bya'o// bskus pa tsam gyis mod la 'dzam bu chu bo'i gser lta bu'i lus su 'gyur ro/ / tsan dan sbrul gyi snying so dang go shi sha'i dri lus las 'byung bar 'gyur ro// khar bcug na lha rdzas kyi ut+pa la'i dri kha nas 'byung bar 'gyur ro// mchi ma de mig tu bskus na lha rdzas kyi ut+pa la sngon po 'dra ba'o lha'i mig tu 'gyur ro/ / skra la bskus na lha'i rma bya'i mdog 'dra ba'i skar 'gyur zhing skra 'khyil la 'khyil bar yang 'gyur ro// rna ba'i bu gar blugA na lha'i snyan du 'gyur te/ dpag tshad stong phrag gsum du thos par 'gyur ro// dpag tshad stong phrag gsum du mthong bar 'gyur ro// 'thungs na bskal pa stong phrag bcu 'tsho bar 'gyur ro// bar gyi bskal pa stong rjes su dran par 'gyur ro/ / gar thabs dang / to Ta ga dang / brda sprod pa dang / bstan bcos dang / b+ha ra ta dang / ra ma ya na dang / sngon gyi gtam rnying dang / tshul dang / 'dul ba dang / skyes rabs dang / snyan dngags dang / bye brag pa thams cad dang / cho ga zhib mo thams cad dang / dkyil 'khor dang / phyag rgya dang / gsang sngags dang / gzungs dang / mdo sde dang / chos mngon pa dang / theg pa chen po dang / de dag thams cad mngon du gyur par gnas so// thams cad du rtogs pa khong du chud pa chen por 'gyur ro// de nas bud med de na re/ rje btsun dam pa rang gi khab mchog tu gshegs su gsol zhes smra bar 'gyur ro/ / rig sngags 'chang bas brjod par bya zhing rang gi rkang pa rim gyis 'jug par bya'o// de nas bud med de nu ma gnyis ston par byed na rig sngags 'chang bas nu ma gnyis bzung la btsir na de las 'o ma 'dzag par 'gyur ro/ / de nas rig sngags 'chang bas blang bar bya/ gtung bar bya/ rkang pa la bsku bar byas na bskus pa tsam gyis mod la 'khor stong dang / lha mo de dang lhan cig tu nam mkha' la 'phur te 'gro bar 'gyur ro// rlung gi phung po dang po la zhon par 'gyur/ rig 'dzin 'khor los sgyur ba stong phrag brgyad cu rtsa bzhi rnams kyi rig 'dzin 'khor los sgyur ba'i rgyal po dang dpon por 'gyur ro/ / bde ba can gyi 'jig rten gyi khams su 'gro bar 'gyur/ de nyid rig 'dzin rnams kyi mchog tu 'gyur te/ 'jig rten pa'i cho ga sgrub pa pa yin no/ / dbyug pa la lag pa g.yas pas bzung ste/ don yod pa'i rgyal po'i snying po lan nyi shu rtsa gcig bzlas brjod bya zhing lan bdun bskor ba byas na don gang yid la sems pa dang / gang 'dod pa de dag thams cad skad cig tu 'grub par 'gyur ro/ / gang dgug pa de dag thams cad bku gcig mdun na gnas par 'gyur ro// gnod sbyin dang gnod sbyin mo dgug par 'dod na btsag gi ri mo bris la dbyug pa la don yod pa'i rgyal po lan bdun bzlas brjod bya zhing / gnod sbyin dang gnod sbyin mo'i steng du bskor bar bya'o// gu gul gyi bdug pa sbyin par bya'o// gtor ma dkar po can gyi snod dbul bar bya'o/ / lan bdun bskor ba tsam gyis mod la gnod sbyin dang gnod sbyin mo mdun na 'dug cing bka' bzhin du byed par 'gyur ro// gang bsgo ba'i las de byed par 'gyur ro// thams cad ma tshang ba med par bsgrub par 'gyur ro/ / nor dang / 'bru dang / dbyig dang / nor bu dang / mu tig dang / dngul dang / sa le sbram dang / gos dang / mal stan dang / chos gos dang / rgyan gyi rnam pa la sogs pa sgrub pa byed par 'gyur ro/ / gzhan gang bsgo ba de thams cad sgrub par byed do// dpal lha mo'i mdun du bskor na nor gyi mchog rnam pa mang du sbyin par byed do// mdun na rang gi ngo bo gnas par 'gyur ro/ / gang 'dod pa de thams cad sbyin par byed do// rnam thos sras kyi zhabs la lan bdun brdab cing don yod pa'i rgyal po la lan nyi shu rtsa gcig dran par byas na rnam thos kyi sras rgyug cing mdun na gnas par 'gyur ro/ / nor mang du sbyin par mdzad do// gang 'dod pa de thams cad mdzad par 'gyur ro// mi smra bar dbyug pa la lan nyi shu rtsa gcig bzlas brjod bya zhing rgyal po'i sgor lan bdun bskor ba byas na/ rgyal po dang btsun mo'i 'khor dang rnams bdag nyid dang nor la dbang bar 'gyur ro// grong khyer gyi sgor bskor na grong khyer na gnas pa'i bud med dang / skyes pa dang / khye'u dang / bu mo rnams dbang du 'gyur zhing gnas so/ / de gcig pu mchod par 'os par 'gyur ro// de dag thams cad bran pho dang bran mo bzhin du rjes su 'brang bar 'gyur ro// lha khang du song nas lha'i spyan sngar bskor zhing don yod pa'i rgyal po'i snying po bzlas brjod byas na lha de rang gi ngo bo mdun na gnas par 'gyur ro/ / gang bsgo ba de thams cad byed par 'gyur ro// gang 'dod pa de thams cad sbyin par 'gyur ro// nyi ma 'char ba'i tshe nyi ma'i mdun du bskor bar bya zhing / don yod pa'i rgyal po'i snying po bzlas brjod byas na nyi ma babs te mchog gang 'dod pa de thams cad sbyin par mdzad do// zla ba nya'i zhal du bskor cing don yod pa'i zhags pa'i snying po bzlas brjod byed na zla ba dang / rgyu skar dang / skar ma'i tshogs dang bcas te 'bab par 'gyur ro// mchog bsam pa thams cad sbyin par byed do/ / ring bsrel dang bcas pa'i mchod rten la bskor ba byed cing don yod pa'i rgyal po bzlas brjod byed cing dbyug pa bskor na mchod rten 'bar zhing sgra 'byung bar 'gyur ro// gang bsams pa dang dris pa bde thams cad smra bar 'gyur ro/ / gang 'dod pa de thams cad sbyin par mdzad do// de bzhin gshegs pa la bskor ba bya ste/ don yod pa'i zhags pa'i snying po bzlas brjod byed cing dbyug pa bskor na/ de bzhin gshegs pa thams cad mthong bar 'gyur pa dang / de bzhin gshegs pa thams cad kyis dbugs 'byin par mdzad pa dang / bsam pa dang re ba thams cad yongs su rdzogs par mdzad par 'gyur ro/ / yang na 'phags pa spyan ras gzigs dbang phyug gi rang gi sku bzhi thun gyi tho rangs kyi tshe mdun na bzhugs par 'gyur ro//  mchog bsam pa thams cad sbyin par mdzad par 'gyur ro// dgos pa thams cad grub por mdzad par 'gyur ro// don yod pa'i dbyug pa rig 'dzin 'khor los sgyur ba grub pa thob par 'gyur ro//  char mi 'bab pa'i tshe klu'i gnas su song ste/ don yod pa'i rgyal po'i snying po dran par bya/ dbyug pa bskor bar bya'o// bskor ba tsam gyis mod la klu rnams char pa'i rgyun chen po 'byung bar 'gyur ro/ ci 'dod pa'i char gyi rgyun 'bebs so// char ches na khang thog tu don yod pa'i zhags pa'i snying po skad drag pos brjod de/ dbyug pa bskor na char ches pa 'chad par 'gyur ro// ser ba 'bab pa'i tshe sprin logs su bltas te khros pas khro bo'i rgyal po skad chen pos dran par bya zhing khros pas dbyug pa bskor na sad dang / rlung dang / ser ba mi 'bab par 'gyur ro// dpag tshad tshun chad du mtshams chen po kun tu bcad par 'gyur ro/ / gdon kun gyis zin pa la khro bo'i rgyal po la lan bdun dran par bya zhing dbyug pa bstan na gdon thams cad ngu zhing 'bros par 'gyur ro//  brjed byed la sogs pa'i bar la bstan pa tsam gyis 'bros par 'gyur ro// rims thams cad don yod pa'i rgyal po'i snying pos bya bas na byabs pa tsam gyis mod la rims thams cad las thar par 'gyur ro/ / zhag bzhi pa'i rims ni ngu zhing 'bros par 'gyur ro// g.yul 'gyed cing 'thab pa'i tshe don yod pa'i rgyal po'i snying po khros pas bzlas brjod bya/ dbyug pa bskor ba byas na/  mtshon dang / dgra cha dang / lag cha thams cad mi snang bar 'gyur zhing / pha rol gyi dpung rnams kyi hud kyi hud zer zhing 'bros par 'gyur ro// 'brog dgon pa'i nang du 'gron po rnams song ba na don yod pa'i rgyal po dran par bya zhing dbyug pa bskor ba byas na rkun po dang / chom po dang / mi rgod dang / seng ge dang / stag dang / dom dang / dred dang / dug mi bzad pa dang / gcan gzan khro bo dang / glang po che dang / ma he dang / dug dang bcas pa'i srog chags de dag thams cad mi snang bar 'gyur ro// rang gi khyim du bde bar 'gro bar 'gyur ro// mi ngas thams cad dang / ba lang gi nad thams cad dang / phyugs ngas chen po dang / rta nang chen po dang / bud med dang / skyes pa dang / khye'u dang / bu mo'i nad chen po byung ba'i tshe don yod pa'i rgyal po'i snying po dang / khro bo'i rgyal po'i snying po skad chen pos dran par bya zhing dbyub pa grong khyer gyi sgo bzhir bskor ba byas na/ bskor ba tsam gyis mod la mi ngas dang / gnod pa dang / nyon mongs pa dang / 'khrugs pa thams cad dang / 'thab pa dang / rtsod pa dang / 'gyed pa dang / mtshang 'dru ba thams cad zhi bar 'gyur ro// 'jigs pa thams cad las grol bar 'gyur ro// bud med dang skyes pa dgug par 'dod na gnas mthon por 'dug ste/ skad chen pos don yod pa'i rgyal po'i snying po lan nyi shu rtsa gcig dran par bya'o// dbyug pa bskor bar bya'o// gang gi ched du bya ba de'i ming brjod par byas na dpag tshad brgya nas kyang de 'ong zhing bdag dang nor la dbang bya bar yod cing gnas par 'gyur ro/ / ji srid 'tsho'i bar du gnas par 'gyur ro// 'on te nor bu bzang po'i sras dgug par 'dod na zla ba yar gyi ngo tshes bcu bzhi la spyang ba byas te/ dbyug pa la don yod pa'i rgyal po'i snying po lan nyi shu rtsa gcig bzlas brjod bya ste/ nor bzangs kyi sras kyi lto ba'i steng du gzhag par bya/ khro bo'i rgyal po bzlas pa byas na bzhi thun gyi tho rangs tsam na nor bu bzang po'i sras rang nyid rig sngags 'chang ba'i mdun na bzhugs par 'gyur zhing / gser gyi dong tshe stong phrag bcu sbyin par mdzad do/ / de las dkon mchog gsum gyi sku skal dbul bar bya/ 'phags pa spyan ras gzigs kyi dbang phyug la mchod pa bya/ nor bu bzang po'i sras la mchod yon gyi chas dbul bar bya/ nyi ma re re zhing nor bzang gi sras la mchod yon gyi chab phul na/ nam mtsho'i bar du nyi ma re re zhing gser gyi dong tshe stong sbyin par mdzad do// de nas rig sngags 'chang bas phyed dam bzhi cha gcig bgod par bya ste sbyin par sbyin par bya/ bsod nams bsags par byas la/ nor bu bzang po'i sras dang lhan cig tu rjes su yi rang bar bya'o// 'brog dgon pa gang du song ba na/ 'brog dgon pa gang na chu dkon par dbyug pa la lan nyi shu rtsa gcig don yod pa'i zhags pa'i snying po bzlas brjod bya zhing / gang na ne'u gsing sngon po yod pa'i gnas der sa la lan bdun brdab cing bskor te skad drag pos don yod pa'i rgyal po'i snying po dran par bya/ 'phags pa spyan ras gzigs kyi dbang phyug la nyam thag thag skad du byas na/ de nas gnas gang du brdabs pa'i gnas der lha rdzas kyi chu ha cang grang ba'ang ma yin/ ha cang dro ba'ang ma yin/ ro dang chas pa yod pa'i rdzing bu 'byung bar 'gyur ro// de nas rig sngags 'chang bas dbyug pa la khro bo'i rgyal po lan bdun bzlas brjod bya ste/ rdzing bu'i nang du chu la brdab par bya'o// de nas rdzing bu'i nang nas mi ser skya bo zhig byung ste/ rig sngags 'chang ba la thal mo khong stong du sbyar nas mdun na 'dug ste rig sngags 'chang ba ci 'dod ces smra bar 'gyur ro/ / rig sngags 'chang bas bdag ni kha zas kyi ched du lags kyis/ stsal du gsol zhes brjod par bya'o// de nas rig sngags 'chang bas mi de la shis pa'i tshig brjod par bya'o/ / de nas mi de rdzing bu'i nang du zhugs pa dang / skad cig thang cig yud tsam la kha zas dang btung ba'i ro zhim po rnam pa sna tshogs yod par byed cing / rig sngags 'chang ba la sbyin par byed do/ / skye bo stong phrag brgya'i ston mo byar yod cing yo byad phun sum tshogs pa shin tu mang por 'gyur ro// gal te rig sngags 'chang bas rdzing bu med par mi byed na rdzing bu de dus rtag tu gnas par 'gyur ro/ / mi snang bar mi 'gyur te/ sems can thams cad dang 'gron po thams cad la yo byad thams cad kyis bral ba med par 'byung bar 'gyur ro// 'on te don yod pa sna tshogs bya bar 'dod na rig sngags 'chang ba des lan nyi shu rtsa gcig bzlas brjod byas pa'i dri chus khrus byas la spyi gtsug bcing bar bya'o/ / mi smra bar dbyug pa la lan brgya rtsa brgyad bzlas brjod byas te bskor bar bya de nas 'khor dang skye bo mang po 'khor zhing rmongs par 'gyur ro/ / de nas dbyug pa bskor ba byas na yid la ji ltar sems pa'i ngo bo de bzhin du thams cad ston par byed do// 'bras bu dang me tog gi char 'bebs so/ / sgyu ma rnam pa sna tshogs ston par byed do// de nas ro langs bslang bar 'dod na rig sngags 'chang ba des legs par khrus byas shing gos gsar pa bgos te gtsang mar byas la dur khrod du song ste/ dbyug pa la don yod pa'i rgyal po'i snying po lan bdun bzlas brjod byas nas khro bo'i rgyal po lan bdun bzlas brjod byed cing / dur khrod kyi nang du bskor ba byas na dpag tshad tshun chad du kun tu mtshams bcad par 'gyur ro/ / bgegs thams cad dang / gnod sbyin dang / srin po ma rungs pa thams cad bcings par 'gyur ro// de nas rig sngags 'chang bas mi ro blangs te bkru bar bya'o//  ba'i rnam lngas sbyang bar bya'o// ba'i lci bas dkyil 'khor gru bzhi lham par bya'o// seng ldeng gi phur pa tshad sor bcu gnyis pa bzhi grwa bzhir gzugs par bya'o// tshon sna lnga'i skud pas dkyil 'khor kun tu bskor bar bya'o/ / mi ro ras dkar pos dkri bar byas la dkyil 'khor dbus su gzhag par bya'o// me tog gis gtor bar bya'o// gtor ma dkar po gzhag par bya'o// mchod yon gyi chu gzhag par bya'o/ / gu gul gyi gdug pa sbyin par bya'o// rig sngags 'chang ba shar phyogs su kha bltas te 'dug la dbyug pa lag pa g.yas par gzhag ste rig pa'i rgyal po gdon par bya'o//  khro bo'i rgyal po lan drug cu dran par bya'o// g.yas pas byab par bya'o// lag pa g.yas pa'i dbyug pas brdab pa byas na mi ro de 'gul bar 'gyur/ g.yo bar 'gyur te langs te phyogs bcur lta bar 'gyur/ rig sngags 'chang bas dbyug pa de spyi bor bzhag par byas na mi ro de tshig smra bar 'gyur ro// rig sngags 'chang bas gsang sngags dran par bya'o// yid kyis bsams par byas na mi ro des thams cad smra bar 'gyur te/ 'das pa dang / ma 'ongs pa dang / da ltar byung ba dang / ma 'ongs pa na 'byung ba smra bar 'gyur ro// de nas rig sngags 'chang bas dbyug pa snying khar bzhag par byas na khrag tu skyug par 'gyur te/ khrag des thig le byas na khyim thams cad la sgo srungs med cing sgo thams cad gdangs par 'gyur ro// bud med dang / skyes pa dang / khye'u dang /  bu mo thams cad dbang du 'gyur zhing 'dug go// dbyug pa snying khar btsir na skyug par 'gyur ro// rig sngags 'chang bas blangs te mtha' dag bza' bar bya'o// zos pa tsam gyis nam mkha' la 'gro bar 'gyur ro/ / 'byung po chen po'i bdag po dang dbang phyug chen po 'dra bar 'gyur ro// lha'i lo stong du 'tsho bar 'gyur ro// oM zhes bya bas dbyug pas btsir la bsdig pa byas na de nas lce 'byin par 'gyur ro/ / rig sngags 'chang bas bcad la rig sngags 'chang bas blang bar bya'o// blangs pa tsam gyis nam mkha' la 'gro bar 'gyur ro// rig sngags 'chang ba ral gri'i 'khor lo sgyur bar 'gyur ro//  lo stong phrag bcur 'tsho bar 'gyur ro// rig sngags 'chang ba bco brgyad kyi 'khor gyis bskor bar 'gyur ro// de nas rig sngags 'chang bas mi ro'i spyi bor dbyug pas brdabs na sgra 'byung bar 'gyur zhing / shi ba'i ro gcig tu mkhregs pa'i gser yin pas blang ba byas na srang gcig gis zangs srang stong gser du 'gyur ro// de dag ni 'jig rten pa sgrub pa'i cho ga yin no// de nas byang chub sems dpa' 'phags pa spyan ras gzigs kyi dbang phyug gis/ bcom ldan 'das la 'di skad ces gsol to// bcom ldan 'das de dag ni sems can thams cad la snying brtse ba'i phyir bdag gi 'jig rten pa sgrub pa'i cho ga lags so/ / // de bzhin gshegs pa shAkya thub pas bka' stsal pa/ sems can chen po sems can thams cad la snying brtse ba'i phyir 'jig rten las 'das pa'i cho ga dam pa gsang ba'i snying po dang / dkyil 'khor dang / blo brtan po 'jigs pa med pa thob par 'gyur ba dang / rig sngags 'chang thams cad kyi dam pa sgrub par byed pa de kho na nyid grub par 'gyur ba dang / bklags pa dang / dran pa tsam dang / sgrub par byed pa tsam gyis de dag thams cad grub pa chen po thob par 'gyur ba dang / bsam pa chen po yongs su rdzogs pa grub par 'gyur ba dang / mchog grub pa chen po so sor thob par 'gyur ba dang / rig sngags 'chang ba'i 'dod par gtogs pa bsam pa thams cad yongs su rdzogs par grub par 'gyur ba smros shig/ de nas byang chub s ems dpa' sems dpa' chen po 'phags pa spyan ras gzigs dbang phyug bcom ldan 'das kyi drung nas dbugs 'byin pa dang bsgo ba thos nas shin tu yid dga' ba chen po por 'gyur te/ de stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar te/ bcom ldan 'das kyi zhabs gnyis la spyi bos phyag 'tshal te/ me tog dang / bdug pa dang / dri dang / 'phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / gos dang / rgyan sna tshogs dang / spyad pa rnam pa sna tshogs kyis bcom ldan 'das la mchod pa dang bsnyen bkur chen po byas te mchod nas/ 'khor gyi dkyil 'khor mang por byang chub sems dpa' sems dpa' chen po gang dag dkyil 'khor gyi lhar gtogs pa dang / gang dag rig 'dzin grub pa dang / gang dag lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / gang dag don yod pa'i zhags pa'i rnam par grol ba'i dkyil 'khor gyi dam tshig la rjes su zhugs pa dang / gang dag ri bo po Ta la na gnas pa de dag thams cad kyis me tog dang / bdug pa dang / dri dang / 'phreng ba dang / byug pa dang / gos dang / rgyan sna tshogs dang / chas dang / spud pa sna tshogs kyis mchod pa byas te yid dga' bar 'gyur ro//  'phags pa spyan ras gzigs dbang phyug gis bcom ldan 'das la stong phrag brgya bskor ba byas/ 'khor gyi dkyil 'khor de la'ang mchod pa byas nas/ bcom ldan 'das ga la ba de logs su thal mo sbyar te btud nas/ bcom ldan 'das kyi spyan sngar mig mi 'dzums par 'dug ste/ bcom ldan 'das la tshig 'jam po 'jam pos 'di skad ces gsol to// bcom ldan 'das bdag la mchis pa ni rmad du byung ba rnam par lta ba don yod pa'i cho 'phrul/ de bzhin gshegs pa thams cad kyi snying po rnam par grol ba'i dkyil 'khor dang / de bzhin gshegs pa tham cad kyi rmad du byung ba de kho na nyid rnam par 'phrul pa rnam par snang mdzad kyi byin gyi rlabs dang / dam tshig chen po'i dkyil 'khor don yod pa'i rnam par lta ba'i zhags pa'i snying po dang / 'jig rten las 'das pa'i bklags pa dang sgrub par byed par grub pa/ mchog tu gyur pa'i snying po dang 'jig rten las 'das pa'i mchog sgrub pa/ de bzhin gshegs pa thams cad kyis byin gyis brlabs shing lung bstan pa lags te/ de dag gis bcom ldan 'das kyi spyan sngar bcom ldan 'das kyi byin gyi rlabs kyi rig sngags 'chang thams cad mchog tu grub par bya ba'i phyir dang /  sems can thams cad bsgral ba'i phyir dmyal ba dang / dud 'gro'i skye gnas dang / gshin rje'i 'jig rten sel ba/ sngon gyi sgrib pa dang sdig pa mi bzad pa 'joms pa/ ngan song thams cad sel ba/ 'jig rten dang / 'jig rten las pa'i sdig pa dang sgrib pa nges par sreg par byed pa yongs su bsgrags par bgyi'o// mtshams med pa lnga dang sangs rgyas dang byang chub sems dpa' spong ba dang / dam pa'i chos spong ba dang / mtshams med pa la gzhol ba dang / 'phags pa'i dge 'dun la 'khu ba dang / nyan thos dang / rang sangs rgyas dang / byang chub sems dpa'i tshogs thams cad spong bar byed pa de dag gis mnyan pa dang / mthong ba tsam dang / sdom pa tsam dang / lan cig 'bad pa dang / 'chad pa tsam gyis thams cad byang bar 'gyur ro/ / nga mthong ba tsam gyis thams cad zad par 'gyur/ byang bar 'gyur ro// rims thams cad dang / nad thams cad dang / dri ma dang / ser sna dang / phrag dog thams cad bral bar 'gyur ro/ / nyon mongs pa dang sgrib pa thams cad las yongs su grol bar 'gyur ro// 'jig rten dang 'jig rten las 'das pa'i sdug bsngal skye ba dang / rga ba dang 'chi ba dang / nad dang / mya ngan dang / smre sngags 'don pa dang / sdug bsngal ba dang / yid mi bde ba thams cad dang bral bar 'gyur ro// 'thab pa dang / rtsod pa dang / 'gyed pa dang / phung bar byed pa dang / rdeg pa dang / bsdigs pa dang / gsod pa dang / g.yul 'gyed pa dang / gshegs bgyed pa dang / btson du 'dzin pa dang / lcags su 'jug pa dang / rkun ma dang / zol ba dang / mi rgod dang / seng ge dang / glang po che dang / ma he dang / nad ngan pa dang / dmu chu dang / sha bkra dang / mdze dang / 'brum bu dang / g.yon can dang / shu ba dang / shu bran dang / g.yan pa dang / klad pa na ba dang / gzhogs byed na ba dang / dom dang / dred dang / gnod sbyin dang / srin po dang / yi dgas dang / sha za dang / brjed byed dang / sbrul ma rungs pa dang / khA gdug pa dang /  sbrul nag po dang / srog chags gon dang / dug dang bcas pa'i srog chags 'jigs pa sna tshogs dang bcas pa dang / me dang / chu dang / dug dang / mtshon dang / g.yang sa dang / khyim rdib pa dang grang ba dang / rlung dang / nyi tshan dang / byi ba kha gdug pa'i 'jigs pa thams cad ni bklags pa dang / kha ton byas pa dang / mthong ba tsam gyis thams cad rnam par zhig par 'gyur/ phung bar 'gyur//  mod la phye mar rlag par 'gyur ro// yongs su thar par 'gyur ba 'di la dogs par mi bya/ yid gnyis bskyed par mi bya/ the tsom mi bya/ sems gnyis su 'gyur ba bskyed par mi bya'o// bcom ldan 'das bdag rtag tu mngon du dran par bgyid pa dang / rtag tu yid la byed pa'i blo 'byung bar 'gyur ro// don yod pa'i zhags pa'i snying po dang / khro bo'i rgyal po'i snying po'ang bzlas par bgyi'o// rmad du byung ba rnam par lta ba/ don yod pa rnam par 'phrul pa/ de bzhin gshegs pa thams cad kyi snying po rnam par grol ba'i dkyil 'khor/ de bzhin gshegs pa thams cad rmad du byung ba'i cho 'phrul/ rnam par snang mdzad kyi byin gyi rlabs dam tshig chen po'i dkyil 'khor/ don yod par rnam par lta ba'i zhags pa'i snying po ni rtag tu rgyun mi 'chad par dus thams cad du yid la kha ton du brjod par bya'o/ / rtag tu rgyun mi 'chad par rjes su dran pa bsgom par bya'o// de dag dran pa bsgom pa tsam dang dran pa tsam gyis 'jig rten dang 'jig rten las 'das pa'i yon tan phun sum tshogs pa thams cad thob par 'gyur ro/ / phyir mi ldog pa zhes bya'o// phyir mi ldog pa'i gnas la rab tu gnas par 'gyur ro// de bzhin gshegs pa thams cad dgongs pa dang / lung ston pa dang /  byin gyis rlobs par 'gyur na/ lta ba dang / klog pa dang / kha ton byed pa dang / 'phags pa spyan ras gzigs kyi dbang phyug mthong ste phyag 'tshal ba dang / mchod pa dang / dran pa dang / dus gsum du shin tu gsal bar yid la byed pa dang / mchod cing phyag byed pa de lta smos kyang ci dgos te/ sems can de ni nga dang 'dra ba yin par rig par bya'o// 'jig rten dbang phyug gis byin gyis brlabs/  pa'i lus yin par rig par bya'o// de bzhin gshegs pa thams cad kyis byin gyi rlabs kyis byin gyis brlabs pa dang / dbang bskur bas dbang bskur bar yin par rig par bya'o// gang zhig/  lan mang du shin tu lhag par byed pa lta smos kyang ci dgos te/ sems can de ni de bzhin gshegs pa'i snying po yin par rig par bya'o// bdag kyang dus thams cad du rtag tu rjes su 'brang bar bgyi'o/ / dus thams cad du mthong ba sbyin par bgyi'o// bsam pa dang re ba thams cad yongs su rdzogs par bgyi'o// de'i tshe bdag gis sems can thams cad myur ba myur bar byang chub kyi snying por 'gro ba dang / chos kyi 'khor lo chen po bskor bar gzhag par bgyi'o// bcom ldan 'das bdag ni go cha chen po brtan par khas blangs pa la 'chel ba lags pas/ sems can thams cad bsgral ba'i phyir re ba'i mchog thams cad yongs su rdzogs par bgyi'o/ / de nas de bzhin gshegs pa bcom ldan 'das shAkya thub pas/ byang chub sems dpa' sems dpa' chen po 'phags pa spyan ras gzigs kyi dbang phyug la 'di skad ces bka' stsal to/ / sems can dag pa'i mchog legs so legs so// 'di ni mchog tu dkon pa ste/ 'jig rten las 'das pa'i cho ga de'i ming 'dzin pa tsam gyis sems can yongs su grol bar 'gyur na/ lta ba dang / klog pa dang / sgrub pa dang / smyung ba'i cho ga byed pa dang / sdom pa la gnas pa lta smos kyang ci dgos/ sems can de ni bla na med pa yang dag par rdzogs pa'i byang chub las phyir mi ldog par 'gyur ro// sems can dag pa dus la bab pa gang yin pa de ni shes na smros shig/ de nas byang chub sems dpa' sems dpa' chen po 'phags pa spyan ras gzigs kyi dbang phyug bcom ldan 'das kyi zhal du lta zhing bzhin 'dzum ste/ don yod pa rnam par lta ba'i zhags pa'i snying po smras so// /  dus gsum du gshegs shing bzhugs pa'i de bzhin gshegs pa thams cad la phyag 'tshal lo// rang sangs rgyas dang 'phags pa nyan thos kyi dge 'dun thams cad la phyag 'tshal lo/ / 'phags pa byams pa la sogs pa 'phags pa byang chub sems dpa'i tshogs kyi mchog la phyag 'tshal lo// 'phags pa rdo rje 'chang ba'i dkyil 'khor gyi lha gshin rje dang /  chu lha dang / lus ngan po dang / drang srong gi tshogs kyi mchog la phyag 'tshal lo// dkon mchog gsum la phyag 'tshal lo// byang chub sems dpa' sems dpa' chen po 'phags pa spyan ras gzigs kyi dbang phyug thugs rje chen po la phyag 'tshal lo/ / 'di lta ste/ oM sarba ta thA ga ta/ a ba lo ki te pA sha hr-i da ye/ dz+wA la dz+wA la/ d+harma d+ha tu gar+b+he/ tsa ra tsa ra/ ma hA pad+ma/ pad+ma b+hu dze/ d+ha ra d+ha ra/ ma hA pA sha d+hi ra/ ba ra ba ra ba ra/ rosh+mi sha ta sahA sra/ pra ti mar+t+ti ta/ sha rI ra/ ta ra ta ra/ bi pu la te dad+ha re/ b+ha ra b+he ra/ Shar pA ra mi tA pa ri pU ra Ni/ ka la ka la/ many+dzu brah+ma/ be d+ha re/ ma la ma la/ sar+b+ba pA pa A ba ra Na/ ma la kil+li Sha/ nA sha ne/ d+hu ru d+hu ru/ bo d+hi satwA/ bi shud+d+he b+hur+yA b+hu ru/ ma hA sa twA/ bta sa le/ ya ma ba ru Na/ ku be ra na mas+tha twe/ hu nu hu ru/  br-ir+tha/ biSh+Nu ma he shwa ra/ ku mA ra/ nen di ke shwa ra/ I shwa ra/ me he shwa ra/ daM ba pra tra/ ban ti ban di ta na~M mi ts+tshe ta~M/ bi bi d+ha ma Ni mo li d+ha ru re/ a mi tA b+ha dzen/ su kuT d+ha re/ di bya ma Ni kan / swA / brgyan+d+ha/ nI la T+Tas d+hA// / 8/  san/ pad+ma b+h+rU~MH/ trai lo tsan/ hU~MshU la d+hA / pA sha d+ha raM/ sar+b+bA ta thA gA tA/ a b+hi Shi ka ta/ sa ra sa ra/ sar+b+ba byA ba/ prA sha ma na ka ra/ mA hAk+Sha ru Ni ka~M turba trarba/ sar+b+ba ba ra dA la d+hIdzad+haM/ sarba ta thA ga te/ a rba me ko ti/ bo d+hi mat+te/ a ba ma kaM te/ lo ke shwa ra/ ma he shwa ra/ ma hA tsin ta ma Ni d+ha ra/ bi shwa rU pa/ ma hA so mya/ ba da na ma hA kA ru Ni ka/ bud+d+he bud+d+ha/  bo d+ha ya bo d+ha ya/ b+ha ga ban/ sar+b+ba ta thA ga ta/ a ba lo ki ta gan+d+he/ ma hA pu dz+nyA/ te dza/ d+ha ra/ pra ba ra/ sid d+hi ka ra/ sarba bA d+hi ha ra/ sarba satwa dA ya pa ra/ sarba duHkha/ prA ma~M tsaka ma hA ka ru Ni ka/ na mo sU te swAhA/ bcom ldan 'das bdag gi 'di ni rmad du byung ba rnam par lta ba'i zhags pa'i snying po'o// don yod pa'i zhags pa'i snying po'o// rnam par grol ba'i dkyil 'khor 'jig rten las 'das pa'i gzungs kyi snying po'o/ / 'phags pa spyan ras gzigs kyi dbang phyug gi snying po'o// gzugs sna tshogs chen po sgyu ma lta bu'i ting nge 'dzin rnam par 'phrul pa/ phyag stong mnga' ba/ dbu stong mnga' ba/ spyan stong gis rnam par gzigs pa/ phyag brgya stong gis byin gyis brlabs pa/ gang+gA'i klung bye ba khrag khrig stong phrag bcu'i bye ma'i rdul shin tu phra ba dang mnyam pa'i dam tshig gi dkyil 'khor du rjes su zhugs pa/ de bzhin gshegs pa thams cad kyi de kho na nyid gsang ba la 'jug pa/ sangs rgyas thams cad kyi zhing du 'jug pa/ byang chub kyi snying por bgrod pa/ chos kyi 'khor lo bskor ba/ chos kyi sgron me 'bar ba/ bdud la sogs pa ma rungs pa thams cad kyi bdud 'joms pa/ chos kyi dung 'bud pa/ chos kyi rgyal mtshan sgreng ba/ dmyal ba thams cad sel ba/ cho ga zhib mo thams cad grub par mdzad pa/ cho ga grub pa thams cad kyi mchog sa bcu chen po la so sor 'jog pa/ phyir mi ldog pa'i gnas la rjes su 'jug pa/ de bzhin gshegs pa thams cad kyis dbang bskur ba dang byin gyis rlabs kyis byin gyis brlabs pa/ don yod pa'i mchog phun sum tshogs pa thob par mdzad pa/ don yod pa'i rnam par 'phrul pa'i rnam par sprul pa/ don yod par sems rgya mtsho snyed yang dag par 'dzin pa/ don yod par sems can sa bon la so sor 'jog pa/ don yod par byang chub sems dpa'i rnam par 'phrul pa la 'jog pa/ don yod par de bzhin gshegs pa thams cad kyi rnam par 'phrul pa yongs su sgrogs pa/ don yod par de bzhin gshegs pa thams cad mchod pa dang bsnyen bkur gyi sprin rab tu byed pa/ don yod par sems can thams cad mi 'jigs pa'i khyim du 'dzud pa/ don yod par sbyin pa chen po'i pha rol tu phyin pa drug yongs su rdzogs pa dor yod par lha rdzas kyi me tog dang / bdug pa dang / dri dang / 'phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / gos dang /  rgyan dang / chos gos sna tshogs dang / rin po che bdun gyi char 'bebs pa/ don yod par tshe yongs su brjes te sangs rgyas kyi zhing kun tu brgyan pa sna tshogs su de bzhin gshegs pa thams cad yang dag par lta ba/ don yod par bsod nams kyi phung po chen po rab tu rdzogs pa/ don yod par dge ba'i rtsa ba chen po skyed pa/ don yod par de bzhin gshegs pa thams cad yang dag par mthong ba dang / grub pa dang / cho 'phrul gyi rnam par 'phrul pa ston pa/ don yod par dbang phyug grub pa/ don yod par rig sngags dang / dkyil 'khor dang / phyag rgya dang / rim par phye ba dang / cho ga zhib mo yang dag par ston pa/ don yod par grub pa mthong ba/ don yod par cho ga mthong ba/ don yod par tshe rab tu 'phel ba/ don yod par snyan par grags pa rab tu ston pa/ don yod par 'khor ba las rab tu sgrol ba/ don yod par skye ba dang / rga ba dang / 'chi ba las yongs su sgrol ba/ don yod par mchog rab tu sbyin pa/ don yod par bzlas brjod dang cho ga rab tu rdzogs pa/ don yod par dran pa'i dge ba'i rtsa ba rab tu rdzogs pa/ don yod par rig 'dzin 'khor lo sgyur ba thob par yang dag par ston pa/ don yod par lha'i gnas dang gzhal med khang sum cu rtsa gnyis kyi lha'i gnas su 'jug pa/ don yod par dga' ldan gyi gnas su 'jug pa/ don yod par 'og min gyi gnas su 'jug pa/ don yod par sum cu rtsa gsum gyi gnas su brgya byin lha'i rgyal por 'jug pa/  don yod par ri rab chen po lag pa gcig gis sgul ba/ don yod par rdzu 'phrul gyi stobs ston pa/ don yod par mi snang ba ston pa/ don yod par stobs 'phel ba/ don yod par gling bzhi la dbang ba'i 'khor lo sgyur ba so sor 'thob pa ston pa/ don yod par yid bzhin gyi nor bu chen po'i rin po che sna tshogs kyi char 'bebs pa/ don yod par 'bru'i char 'bebs pa/ don yod par gos kyi char 'bebs pa/ don yod par rgyan dang / chos gos dang / mu tig gi chun 'phyang dang / gdub kor dang / gser gyi tsong tsong dang / gdu bu dang / dpung rgyan sna tshogs kyi char 'bebs pa yang dag par ston pa don yod par ro rnam pa sna tshogs ro'i mchog ro brgya'i kha zas kyi char 'bebs pa/ don yod par sems can sna tshogs grol ba ston pa/ don yod par bstan bcos dang / tshig le'ur bcad pa dang /  tshul dang / 'dul ba dang / mdo sde dang / lung bstan pa dang / tshigs su bcad pa dang / ched du brjod pa dang / gleng bzhi dang / de lta bu byung ba dang / skyes pa rabs dang / shin tu rgyas pa dang / rmad du byung ba'i chos kyi man ngag sna tshogs dang / chos mngon pa dang / tshogs kyi gtam yang dag par ston pa dang / don yod par theg pa chen po rnam pa sna tshogs rgya mtsho chen po la 'jug pa rab tu ston pa/ don yod par gnod sbyin dang / srin po dang / 'byung po dang / sha za dang / yi dgas dang / grul bum dang / brjed byed dang / bgegs dang / log 'dren sna tshogs nyes pa dang / gsod pa dang / shin tu sel ba yang dag par ston pa yin no/ / bcom ldan 'das de ltar na yon tan chen po can gyi gzungs ngan song thams cad rab tu zhi bar 'gyur ba/ thams cad du mi 'jigs pa'i gnas rab tu ston pa/  'jig rten las 'das pa'i lam legs pa'i lam rab tu ston pa/ mya ngan las 'das pa'i lam rab tu ston pa/ phyir mi ldog pa'i gnas dang sangs rgyas nyid sbyin par mdzad pa lags te/ bcom ldan 'dra don yod par rnam par lta ba'i zhags pa'i snying po'i gzungs chen po 'phags pa spyan ras gzigs dbang phyug gi snying po yon tan khyad par yongs su bsgrags pa/ de bzhin gshegs pa thams cad kyi snying po gsang ba la rab tu gnas pa lags so/ / de nas bcom ldan 'das de bzhin gshegs pa shAkya thub pas/ byang chub sems dpa' sems dpa' chen po spyan ras gzigs dbang phyug la 'di skad ces bka' stsal to/ / sems dpa' chen po mchog tu dkon pa'i gzungs 'di'i snying po 'jig rten las 'das pa rnam par 'phrul pa bshad pa dang / de bzhin gshegs pa thams cad dang / byang chub sems dpa'i tshogs thams cad rdzu 'phrul rnam par 'phrul pa/ gsang ba'i snying po yongs su bsgrags pa legs so legs so// de dag ni sems can thams cad la lam mchog/ shin tu mchog tu gyur pa/ gya nom pa/ bla ma bla na med pa/ mchog tu dkon pa'i gzungs kyi snying po gsang ba yongasu bsgrags pa ste/ gang gis 'khor ba'i rgya mtsho'i chu bo chen po dang / srid pa'i rgya mtsho las sems can thams cad pha rol tu sgrol ba yin no/ / sAn ras gzigs kyi dbang phyug rigs kyi bu pho 'am/ rigs kyi bu mo 'am/ dge slong pha 'am/ dge slong ma 'am/ dge bsnyen pa 'am/  dge bsnyen ma 'am/ dge sbyong ngam/ bram ze'am/ rgyal rigs dang / rje'u rigs dang / dmangs rigs gang la la zhig gam/ sems can gzhan gang yang rung bas don yod par rnam par lta ba'i snying po 'di dang / rmad du byung ba rnam par lta ba don yod pa'i snying po// de bzhin gshegs pa thams cad kyi snying po/ rnam par grol ba'i dkyil 'khor/ de bzhin gshegs pa thams cad rmad du byung ba'i de kho na nyid rnam par 'phrul pa/ rnam par snang mdzad kyis byin gyis brlabs pa/ dam tshig chen po dkyil 'khor gyi ming 'dzin pa tsam gyis kyang dge ba'i rtsa ba chen po sogs par 'gyur ro// bsod nams kyi phung po chen po dang ldan par yongs su 'dzin par yang 'gyur ro/ / gang+gA'i klung 'bum phrag bye ba khrag khrig dgu bcu rtsa gnyis kyi bye ma'i rdul phra rab dang mnyam pa'i de bzhin gshegs pa dgra bcom pa yang dag par rdzogs pa'i sangs rgyas mngon du mthong ba dang / mngon du chos thos pa dang / mngon du dbyangs thos pa dang / mngon du lung bstan pa thos par 'gyur ba'i sems can chen po de dag gis ni bsod nams kyi phung po shin tu che ba dang / dge ba'i rtsa ba chen po yongs su bzung bar 'gyur ro// sems can de gzungs gang yin pa dang / dkyil 'khor dang / cho ga dang / ming sna tshogs da ltar thos pa dang / yang na klog pa dang / yang na lta ba tsam mthong ba ni de dang mnyam pa yin te/ rigs kyi bu pho 'am/ rigs kyi bu mo de ni bsod nams kyi phung po chen po'i dge ba'i rtsa ba dang ldan par 'gyur/  ba'ang de dang mnyam pa yin na/ dka' ba byed pa lta smos kyang ci dgos te/ de bzhin gshegs pa dang mnyam pa nyid du thos pa dang mthong bar 'gyur ro// gang dag gzungs 'di'i dkyil 'khor 'bad de stobs dang brtson 'grus pha rol gnon par byed pa dang / tshol ba dang / 'dri ba dang / klog pa dang / bzlas brjod kyi cho ga byed pa dang / dkyil 'khor gyi cho ga sgrub par byed pa dang / 'bad par byed pa de ni dka' ba chen po la zhugs pa yin no/ / de dang mnyam pa yin no// dka' ba gang zhe na/ ji ltar de bzhin gshegs pa dgra bcom pa yang dag par rdzogs pa'i sangs rgyas shAkya thub pas bskal pa grangs med pa gsum du dka' ba la zhugs pa dang / sangs rgyas te chos kyi 'khor lo bskor ba'i bar yin no// rigs kyi bu pho 'am/ rigs kyi bu mo 'am/ dge slong pha 'am/ dge slong ma'am/ dge bsnyen pa 'am/ dge bsnyen ma 'am/ dge sbyong ngam/ bram ze 'am/ rgyal rigs sam/ rje'u rigs sam/ dmangs rigs sam/ dmangs rigs gang yin pa 'am/ sems can gzhan gang yang rung ba'i gzungs 'di'i dkyil 'khor dang / cho ga stobs chen po dang / pha rol gnon pa'i brtson 'grus kyis sgrub par byed pa 'di ni 'jig rten las 'das pa'i cho ga tshol ba yin no/ / 'di lta ste/ 'dri ba dang / klog pa dang / kha ton byed pa dang / bzlas brjod dang / cho ga dang / dkyil 'khor lta ba dang / 'jug pa dang / dam tshig dang / phyag rgya bcings te sgrub pa dang / 'di lta ste/ thos pa dang / 'dzin pa dang / klog pa dang / kun chub par byed par dang / tshul bzhin du yid la byed pa dang / sems pa dang / dus gsum du lan gsum don yod/  pa'i zhags pa'i snying po dran pa dang / khro bo'i rgyal pos dbang bskur ba dang / gzungs 'di'ang lan nyi shu rtsa gcig tu bzlas brjod dang / cho ga dran pa dang / byams pa dang / snying rje dang / bums pas snying brlan pa dang / sems can thams cad la snying brtse ba lhur byed pa de ni dka' bar spyod pa chen po la zhugs pa yin no// bskal pa grangs med pa gsum du dka' ba spyod pa la zhugs pa dang 'dra ba 'am/ lhag pa yin no// de tshe 'di nyid la 'bras bu chen po thob par 'gyur ba dang / 'jig rten las 'das pa zhes bya ba dang / sangs rgyas nyid du so sor gnas pa yin no// /  / 'phags pa don yod pa'i zhags pa'i cho ga zhib mo'i rgyal po bam po bcu gsum pa// bsod nams kyi phung po chen po'i dge ba'i rtsa ba bsags par 'gyur ro// rtag tu 'jig rten dbang phyug rjes su 'brang bar 'gyur ro/ / rtag tu phyag g.yas pa byang chub sems dpa' de'i spyi bo la 'jog par 'gyur ro// rtag tu mchog sbyin pa mdzad par 'gyur ro// rtag tu zhal mthong bar 'gyur ro/ de ltar na yon tan rgya chen po brjod pa'i gzungs dang / dkyil 'khor dang / phyag rgya dang / cho ga 'di ni mchog tu dkon pa yin no// gzungs dang dkyil 'khor gyi cho ga 'di thos pa tsam dang / rna ba'i bu gar 'di'i sgra lan bdun du nges par lhung na/ de 'chi 'pho ba tsam dang bsams pa tsam gyis bde ba can gyi 'jig rten gyi khams su skye bar 'gyur te/ 'od dpag med kyi spyan sngar zhabs kyi drung du pad+ma la rdzus te skye bar 'gyur ro/ / rgyan thams cad kyis rnam par brgyan pa dang / de bzhin gshegs pa thams cad kyis gsungs pa'i mdo sde dang / cho ga zhib mo dang / dkyil 'khor dang / phyag rgya rnams kha ton du kun tu gnas shing tshe rabs dran par yang 'gyur ro/ / dbang po drug yongs su dag pa dang / mngon par shes pa lnga'ang so sor thob bo// tsam la rab tu skye bar 'gyur ro// lha'i gzugs dang / kha dog dang //  rtags dang / dbyibs yongs su dag pa de'i phyir/ stobs dang brtson 'grus kyis sems can thams cad sna tshogs 'dzin pa dang mnyan par bgyi/ bklag par bgyi/ kha ton du bgyi/ ser sna'i dri ma dang bral ba dang / phrag dog dang bral bar bgyi/ sems can thams cad byams pa dang / snying rje la sogs pa mchog dang yang dag par ldan par bgyi'o// gzungs dang dkyil 'khor gyi cho ga 'di mnyan par bgyi/ blta bar bgyi/ 'jug par bgyi'o// phyi ma'i dus dang phyi ma'i tshe ma yin par phul du byung ba'i don la brtson par bgyi'o zhes pa'o// 'jig rten las 'das pa'i sgrub thabs kyi cho ga 'di ni bla na med pa zhes bgyi'o/ / mang du smos ci 'tshal te/ de la 'gran sems kyis kyang mnyan par bgyi'o zhes so// de nas byang chub sems dpa' sems dpa' chen po 'phags pa spyan ras gzigs dbang phyug gis gzungs 'di gsungs pa'i de ma thag tu/ skad cig thang cig yud tsam gyis po Ta la'i ri bo 'di rin po che sna bdun gyi rang bzhin du gyur to// me tog gi shing ljon pa dang 'bras bu'i shing ljon pa gang yin pa rnams kyang / rin po che sna bdun gyi rang bzhin gyi khang pa brtsegs par rab tu gyur to// gang+gA'i klung gi bye ma bye ba khrag khrig brgya stong phrag rnams 'bum phrag bye ba dgu bcu rtsa dgu'i rdul phra rab dang mnyam par rab tu gyur to/ / lha rdzas kyi me tog dang 'bras bu rnam par bkra ba rnam pa sna tshogs pa rnams pham par byas pa'i rgyan rnam par bkra bas rnam par bkra zhing / dril bu g.yer ka'i dra ba dang gser gyi dril bu 'khrol ba'i bla re dpyangs pa rnams dang / lha rdzas kyi seng ge'i khri yongs su bshams pa rnams kyang re re zhing khang pa brtsegs pa'i dbus na/ seng ge'i khri bshams ba brgya stong phrag dgu bcu rtsa dgur rab tu byung bar gyur te/ seng ge'i khri thams cad la phyogs bcu nas de bzhin gshegs pa yang dag par byon te bzhugs so// de bzhin gshegs pa thams cad kyang phyag gser gyi kha dog can brkyang nas/ byang chub sems dpa' sems dpa' chen po 'phags pa spyan ras gzigs dbang phyug gi spyi bo'i gtsug tu phyag 'jog par mdzad cing / legs so zhes bya ba'i sgra brjod par mdzad do/ / spyan ras gzigs dbang phyug legs so legs so// mchog tu khyad par du 'phags pa'i 'jig rten las 'das pa'i lam chen po rab tu bstan pas sems can thams cad pha rol tu 'gro bar byed pa dang / gang gis thos pa tsam gyis 'jig rten las 'das pa so sor khyad par du 'phags pa'i sangs rgyas nyid kyi lam tshol ba la rjes su 'gro'o// 'on kyang bzlas pa dang /  'dri ba dang / klog pa dang / dkyil 'khor mthong ba dang / 'jug pa ches mang ba'i dbang du byas pa'i sems can rnams dam tshig la rjes su 'jug par 'gyur ba de skye ba 'di nyid la de bzhin gshegs pa'i lus su rig par bya'o/ / de nas po Ta la'i gnas kyi ri bo dang / rtsa dang / shing gel ba dang / sman dang / nags de rnams thams cad la mi gang tsam du mtho ba nyid dang / shing rta'i 'khor lo'i tshad tsam pa'i rin po che sna bdun gyi rang bzhin can gyi pad+ma rnams rab tu byung ste/ 'dab ma kha dog sna tshogs pa dang / sdong bu bai DUR+Ya dang / 'dzam bu chu bo'i gser gyi kha dog ltar dmar ba'i mu tig gi ze'u 'bru dang / lha rdzas kyi mu tig gi ge sar gyis khor yug tu bskor ba gang yin pa la byang chub sems dpa' sems dpa' chen po rnams bzhugs te/ byang chub sems dpa' de rnams thams cad / kyang chos la gus pas thams cad pus mo btsugs te/ gzungs 'di'i dkyil 'khor dang phyag rgya mthong ba'i don du mu tig gi do shal brgya stong ri ba byang chub sems dpa' sems dpa' chen po 'phags pa spyan ras gzigs dbang phyug la mngon par bkab par gyur to/ / stong gsum gyi stong chen po'i 'jig rten gyi khams rdo rje'i rang bzhin du byin gyis brlabs pa 'di'ang ches cher g.yos par gyur to/ / lha'i me tog gi char chen po mang po rab tu phab ste/ de bzhin gshegs pa thams cad mchod pa'i don dang / byang chub sems dpa' thams cad mchod pa'i don dang / gzungs 'di'i dkyil 'khor dam pa la mchod pa'i don du char rab tu phab bo/ / de nas yang gnod sbyin gyi sde dpon chen po lag na rdo rjes bzhin 'dzum zhing rdo rje bskor bzhin du/ bcom ldan 'das gang na ba der dong ste lhags nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to// bcom ldan 'das 'jig rten las 'das pa'i gzungs kyi dkyil 'khor gyi cho ga 'di ni shin tu rnyed par dka' ba ste/ 'di lta bu'i rdzu 'phrul gyi rnam par 'phrul pa dang cho 'phrul ni de bzhin gshegs pa bskyed par blta bar bgyi/ chos kyi 'khor lo bskor bar blta bar bgyi/ de bzhin gshegs pa dang mnyam pa nyid du blta bar bgyi'o/ / bcom ldan 'das mthu chen po 'di 'dzam bu'i gling na mchog tu dkon par blta bar bgyi ste/ 'di ni phyi ma'i dus phyi ma'i tshe na de bzhin gshegs pa'i mdzad pa dang /  sangs rgyas kyi mdzad pa byed par 'gyur ro// gang gis thos pa tsam gyis 'di lta bu'i yon tan dang phan yon so sor thob bo// kun tu snang bar byed par 'gyur ba 'di nyid ni/ byang chub sems dpa' sems dpa' chen po 'phags pa spyan ras gzigs dbang phyug ma gtogs par/ sems can thams cad kyi nang na gzhan su'ang ma mchis so// bcom ldan 'das kyis bka' stsal pa/  lag na rdo rje ji skad smras pa de de bzhin no// lag na rdo rje 'dzam bu'i gleng ba'i sems can thams cad ma dang par gyur pa 'di gzungs kyi dkyil 'khor 'di dang / byang chub sems dpa' sems dpa' chen po 'phags pa spyan ras gzigs dbang phyug 'di sems can thams cad kyi re ba skong ba dang / skyob pa dang / skyabs dang / 'jig rten dang 'jig rten las 'das pa'i dpung gnyen byed pa nas/ ji srid bud med dang / skyes pa dang / khye'u dang / bu mo dang / sems can thams cad sangs rgyas nyid kyi bdag nyid kyi bar la rab tu 'god par byed do// de ltar byang chub sems dpa' sems dpa' chen po 'phags pa spyan ras gzigs dbang phyug gi stobs dang / brtson 'grus dang / pha rol gnon pas sngon sems can rnams la phan pa'i don du zhugs pa yin no// de nas gnod sbyin gyi sde dpon chen po lag ni rdo rje nyi ma'i 'od zer gyi snying po dri ma med pa zhes bya ba'i nor bu rin po che chen po thogs nas/ byang chub sems dpa' sems dpa' chen po 'phags pa spyan ras gzigs dbang phyug gang na ba der dong ste lhag nas/ byang chub sems dpa' sems dpa' chen po 'phags pa spyan ras gzigs dbang phyug gi zhabs gnyis la mgo bos phyag 'tshal nas/ nor bu rin po che chen po de'ang mngon par dgab par phul lo// lha rdzas kyi me tog sna tshogs pas gcal du bkram pa mchod pa'i don du rab tu bkod nas rang gi stan la 'dug go/  de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa don yod pa dri ma med cing rnam par dag pa rab tu gsal ba'i 'od zer zhes bya ba'i ting nge 'dzin la snyoms par bzhugs so/ / bcom ldan 'das ting nge 'dzin la snyoms par zhugs pa gang gis spyi bo'i mtshams su gdugs kyi rnam pa'i khang pa brtsegs pa kun tu gnas par gyur to// /  khang pa brtsegs pa de las kyang 'od zer rnam pa sna tshogs pa byung ngo // 'od zer sna tshogs pa'i snang ba des kyang nam mkha' mthil du rdzu 'phrul pa dang cho 'phrul chen po sna tshogs pa bstan to// 'od zer gyi snang ba re ris kyang de bzhin gshegs pa'i sku gang+gA'i klung gi bye ma bye ba khrag khrig brgya stong phrag dgu bcu rtsa dgu rab tu bstan to/ / de bzhin gshegs pa'i sku de rnams thams cad kyis kyang /  byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ sems can chen po mchog tu rnyed par dka' ba'i gzungs kyi dkyil 'khor / dang phyag rgya 'di bshad pa 'di legs so legs so// 'jig rten las 'das pa shin tu khyad par du 'phags pa'i byang chub kyi snying por 'gro bar byed pa'i lam/ chos kyi 'khor lo bskor bar byed pa'i chos kyi rnam pa phrul 'bar bar byed pa/ chos kyi rgyal mtshan sgreng bar byed pa/ chos kyi dung 'bud par byed pa/ bdud bzhi'i dkyil 'khor las rnam par rgyal bar byed pa/ de bzhin gshegs pa'i stobs bcus gnon par byed pa/ sangs rgyas kyi chos ma 'dres pa bco brgyad rab tu rdzogs par byed pa/ mi 'jigs pa bzhis gnon par byed pa/ de bzhin nyid dang yang dag pa'i mthas pha rol gnon par byed pa// /  pha rol tu phyin pa bcu rab tu rdzogs par byed pa'o// 'di ni 'phags pa'i lam yan lag brgyad bsgom par byed pa'o// 'di ni lam rab tu nyams pa rnams kyi lam du 'chag par byed pa/ bsam pa rab tu nyams pa rnams kyi bsam pa yongs su dag pa/ ngan song du 'gro bar rgyu ba rnams kyi bde 'gro'i lam du 'gro bar byed pa/ 'di ni byang chub chen po'i snying po'i sa bon dang 'bras bu rab tu ston par byed pa'o//  de nas bcom ldan 'das de bzhin gshegs pa shAkya thub pas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to// sems can dag pa 'jig rten las 'das pa khyad par du 'phags pa rnam par thar pa'i dkyil 'khor don yod pa'i zhags pa'i rnam par 'phrul pa 'jig rten las 'das pa'i dkyil 'khor gyi nye bar spyod pa'i cho ga shod cig/  byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyi spyan snga nas bskul ba thob nas/ bcom ldan 'das kyi spyan sngar 'jig rten las 'das pa'i cho ga dang / dkyil 'khor gyi nye bar spyod pa'i cho ga dang sgrub thabs gsungs so// gnas bzangs gzhi dge ba dang // sa gzhi gtsang zhing ne'u gsing la// ljon shing me tog 'bras bus khyab/ / me tog 'khri shing 'gram dang ni// sa gzhi mnyen la dag pa dang // gang du chu bo 'bab pa dang // gzi brjid ldan zhing yid dga' ba// sa gzhi sems ni dga' bar 'os// yid kyi shing rta rgyas byed cing / / sgo skabs legs par gnas pa dang // shin tu dag cing thun tshags bral// rus pa gseg ma gyo mo dang // phub ma sol ba yongs su spangs// gtsang zhing gtsang la legs dag pa'i/  sa gzhi yongs su zlum pa der// mkhas pas rgyar ni gzings tshad du// gzhal nas shin tu rnam 'byes shing // gtsang zhing mnyen la 'jam par phye// gnas der dkyil 'khor legs par bsgrubs//  sangs rgyas byang chub bla na med// 'jig rten las 'das khyad 'phags par// de bzhin gshegs kun gyis byin brlabs// sa yi cha las dpangs su ni// mi gang tshad du brko bar bya// dmar po'am yang na gur kum kha dog dang / / sa rdul dkar po snum pa ni// mar gsar 'dra ba 'jam pa yin// sa yi khyad par dbye ba de// de bzhin gshegs pa kun gyis bsngags// byang chub snying po sa der mtshungs/ / ring bsrel bzhugs pa'i mchod rten dang // de ni mtshungs par gyur pa yin// brkos pa'i nang du mkhas pa yis// slar yang sa des dgang bar bya// ji srid dong bu mnyam par dgang /  ni dkyil 'khor yang dag pa'o// nyung dang lhag pa bsngags pa min// 'dir ni 'grub pa med par bstan// khru ni sum cu rtsa gnyis tshad/ mkhas pas dkyil 'khor thig dag gdang/ yang na khru ni bcu drug dang / yang na khru ni bco lngar bya/ / mnyam zhing grwa bzhir legs par dbye// ba yi lci ba dag dang ni// sa dang bsres te bsku bya ba// shin tu zhen par bajig pa dang // 'jam zhing mnyen par bya ba yin// de la dkyil 'khor thig gdab pa/ / sna tshogs tshon gyis kun tu dbye// sgo bzhi rnam par 'byes pa dang // rta babs bzhi dang ldan par bya// dkyil 'khor dbus kyi snying po ni// rnam par phye ste gru bzhi tshad// khru gsum yang ni khru bzhi ni/ / thig skud tshon gyis rnam par dbye// nang gi thig gi tshad dag tu// mdung rtse gsum pa dag dang ni// nor bu rin chen sna tshogs bya// bar gyi thig gi tshad dag tu// pad+ma dang ni rdo rje dang // kun tu bri bar bya ba yin/ / phyi yi thig gi tshad dag tu// rdo rje'i rnam pa'i stegs bu dang // rin chen sna tshogs gzhal med khang // stegs bu dag kyang bri bar bya// pad+ma'i dbus su gzhal med khang // gzhal yas khang pa gnas par bya/ / dkyil 'khor dbus kyi pad+ma la// rnam par snang mdza thub pa bya// g.yon du 'od ni dpag med pa// g.yas phyogs su ni de bzhin gshegs// shAkya'i rgyal po dag dang ni/ / don yod rgyal po 'jig rten gyi// dbang phyug mgon la mngon sum du// btud de thal mo sbyor ba ni// phyag bzhi par ni bya ba yin// phyag gnyis kyis ni sna tshogs pa'i//  me tog rnams ni 'chang ba dang // rgyan rnams kun gyis brgyan par bya// 'od dpag med pa'i mdun du ni// khro bo'i rgyal po phyag bzhi pa// btud de thal mo sbyor ba dang // lha rdzas me tog sna tshogs pa/ / lag pa gnyis na thogs pa dang // sna tshogs brgyan gyis brgyan par bya// dbus kyi dkyil 'khor legs par brgyan// sna tshogs dar gyis mdzes par byas// don yod zhags pa'i phyag rgya che/ / pad+ma'i gdan dang rnam brgyan pa// 'bar ba'i nang na yod par bya// grwa bzhi dag ni byas na ni// gnyis kyi bar gyi cha bzhi ste// dbus kyi gnas su 'jigs med pa// shar gyi gnas su gnas pa ni/ / lha mo sgrol ma rnam par brgyan// g.yas kyi gnas su gnas pa ni// gos dkar mo ni rnam par brgyan// nub kyi gnas na gnas pa ni// lha mo dkar mo rnam par brgyan// byang gi gnas na gnas pa ni/ / lha mo pad+ma mdzes dwags brgyan// dkyil 'khor phyi rims grwa rnams su// rgyal chen bzhi ni gzhag par bya// bar gyi gnas su gzhag pa ni// ral pa gcig pa gtum mo shar/ / nub tu pho nya bzhin sgyur ma// g.yas phyogs su ni bzhin sgyur ma// rdo rje lcags sgrog bya ba yin// byang du srin mo khro gnyer gdong // kun kyang me dbus 'jigs pa med// dkyil 'khor dbus su dgod pa bzhin/ / phyi rol thig le pad+mo'i 'phreng // rdo rje rtse gsum gzhag pa ni// kun tu 'bar ba'i 'phreng bar bcas// phyi rol dkyil 'khor kun tu ni// bri bya rtags dang phyag rgya dang // lha ni dbang phyug dbang phyug che/ / tshangs pa khyab 'jug gshin rje dang // chu lha dbang po lus ngan po// dbang sgyur dga' ldan gnas dag gi/ lha nas 'og min gnas kyi bar// lha rnams bri bar bya ba yin/ sum cu rtsa gsum lha rnams dang // rtags ni rnam pa sna tshogs dang // kun kyang pad+mo'i gdan la gnas// de bzhin chos kyi 'khor lo dang // rdo rje rtse lnga rdo rje dang // zhags pa dang ni dgra sta dang //  legs mthong 'khor lo de bzhin no// mdung rtse gsum dang pan+d+ha sa// ngos la dbyug pa tho ba dang // rdo rje dkyil 'khor pad+ma'i 'phreng // 'khor lo gdung dang dga' ba dang // ral gri dang ni to ma rab//  bum pa gang ba dag dang ni// mi snang ba yi 'bag sha dang // pad+ma dang ni ut+pa la// rgyal mtshan gdugs dang nor bu dang // dbyug pa dang ni rdo rje dang // grwa bzhir rdo rjes mtshan pa yin// nor bu rdo rje dag dang ni/ / dgra sta rdo rje dag dang ni// phyag rgya bzhi dang dga' ba 'khyil// bya ma bum dang kun di dang // ring ba b+h+ring ga ri dang ni// ri dgas e n+ya'i pags pa la// mchod phyir thogs pa'i snam bu dang //  steng du rgyu skar bcas pa yi// zla ba nyi ma de bzhin no// kun kyang 'bar ba'i nang du 'dug/ so sor cha ni dbye bar bya// mkhas pas shar gyi sgor bri ba// 'gying bag mthong na 'jigs su rung //  lag na rdo rje 'jigs pa med// rdo rje 'chang ba 'bar ba'i nang // ke la ke la gtum po che// lho phyogs kyi ni sgo ru gzhag/ nub tu rdo rje bingag la// mthong na 'jigs su rung ba yi//  byang du nges par gnod mdzes bya// phyi rol dkyil 'khor kun tu ni// pad+ma'i 'phreng dang ut+pal 'phreng// grwa dag dang ni grwa rnams su// klu yi rgyal po bzhi rnams bri// sgo srungs pa dag bri ba ni// nor bu bzang dang gang ba bzang / / stobs kyi lha dang lngas rtsen yin// sgo yi gnas kyi bar dag tu// chu bo bzhi ni bri bya ba// gang+gA dang ni sI ta dang // pak+Sha dang ni sir d+hA yin// 'phreng ba'i nang rol thog thag tu//  dpal gyi lha mo ba san ti// dpe med ma dang sa yi lha// lo tog sman gyi lha mo dang // sgra dbyangs ma dang 'jigs ldan ma// de bzhin me yi lha dag dang // 'phrog ma dang ni dung can ma// gtum mo dang ni me tog so/ / de dag bri bar bya ba yin// khrus byas 'dri mkhan gtsang ma yis// gtsang ma'i snod du tshon rnams ni// lhag ma min pas kun tu bri// zas ni dkar gsum grub par bya// khyad par 'dod pas zas ngan pa/ / spang bar bya ba nya sha dang // btsong dang sgog skya ke'u rnams dang // 'dres pa spang bar bya ba ni// log 'dren glags tshol spang phyir ro// khrus byas gos ni gsar pa bgos/ / gtsang mas dkyil 'khor bri bar bya// dkyil 'khor rnam pa sna tshogs kyis// kun tu brgyan par bya ba ni// ba dan rnam pa sna tshogs dang // rnam pa sna tshogs mda' dang ni//  lngalha rdzas dar ni sbyang ba dang // ba dan yang ni spyang bar bya// tshon skud sna lnga'i srad bu yis// kun tu yongs su bskor bar bya// zangs las byas pa'i pad+ma'i tshad// sor bzhi 'dab ma kha bye ba/  mdzes pa grwa bzhir gzugs par bya// snying po'i dkyil 'khor grwa rnams su// pad+ma brgyad ni gzhag pa dag/ gser las byas pa bzhi gzhag cing // de bzhin dngul las byas pa bzhi// kun tu byu ru'i 'phreng ba dang / / mu tig 'phreng ba de bzhin no// kun tu gser gyi srad bu dang // rin chen sna tshogs bzhag par bya// snying po'i dkyil 'khor thig bar du// gser gyi snod ni bzhi dag dang // dngul gyi gnod ni bzhi gzhag go/ / dngul gyi bum pa gang ba bzhi la dngul dang / gser dang / zangs las byas pa'i me tog gis spras pa'i mgo lcogs kyis spras pa gzhag par bya'o// gser gyi bum pa gang ba bzhi bzhag pa la mu tig dang / byu ru dang / pad+ma rA ga dang / mar gad dang / in+d+ra ni la dang / dngul dang / gser dang / me tog gis spras pa'i mgo lcogs gzhag par bya'o// gla rtsi dang / ga pur dang /  gur kum dang / lha rdzas kyi tsan dan gyi phye mas gser gyi snod bkang ba dang / dngul gyi snod kyi nang du gser gyi me tog dang / dngul gyi me tog dang / zangs kyi me tog mu tig gis brgyan cing rin po che sna tshogs pas spras pa gzhag par bya/ / cod pan gyi rgyan mtshan bzhi gzhag par bya/ rin po che'i rgyal mtshan bzhi gzhag par bya/ tshon sna tshogs can dang dar dmar po spyang bar bya/ dngul gyi pog por bzhi gzhag ste/ tsan dan dang / gla rtsi dang / ga pur dang / gur kum gyi bdug pas bdug par bya/ sa las byas pa'i bum pa gser gyis g.yogs pa'i nang du dri chab rnam pasnga tshogs kyis bkang ste/ rin po che sna bdun dang ldan par bgyis la/ bkang ba la dar gtsang mas bcings la rgyan rnam pa sna tshogs kyis brgyan pa'i steng du zangs las byas pa'i me tog bzhag nas/  snying po'i dkyil 'khor gyi steng du pad+ma'i steng du gzhag par bya'o// de nas phyi rol gyi dkyil 'khor thog thag tu dri dang / phye ma dang / byug pa dang / me tog dang / 'bras bu la sogs pa rnam pa sna tshogs dang / mchod yon gyi chab kyis dngul gyi snod dang zangs kyi snod bkang ba drug cu rtsa bzhi gzhag par bya'o// lcags kyi snod bum pa gang ba drug cu rtsa bzhi gzhag par bya'o// me tog dang / mgo lcogs dang /  pog por bkang ba drug cu rtsa bzhi gzhag par bya'o// bdug pa sna tshogs kyis bdug par bya'o// sgo bzhir zangs dang lcags kyi dri chab kyi bum pa dar gyis brgyan cing spud pa gzhag par bya'o// sna ma'i me tog gis gdu bu'i steng du mda' la ba dan btags pa drug cu rtsa bzhi btsugs te/ tshon sna tshogs kyis bkra bar byas pa'i mda' dang nor bu'i 'phreng ba rnam pa sna tshogs kyis dkyil 'khor brgyan par bya'o//  de nas phyi rol gyi dkyil 'khor thog thag tu sa dang bsres pa'i ba'i lci bas dkyil 'khor byas la/ dri chab kyis bskus te tshon sna lnga'i srad bus thig btab la sgo bzhi rnam par phye ste/ seng ldeng gi phur bu tshang sor bcu gnyis pa drug cu rtsa bzhi gdab bo/ / tshon sna lnga'i srang bus dkyil 'khor kun tu bskor bar bya'o// bum bu dang / brub pa dang / byam bum drug cus bani gtor ma sna tshogs kyis bkang ba gzhag go/ / kham phor zlum po drug cu rtsa bzhi gtor ma sna tshogs kyis bkang ba gzhag go/ gtor ma tshul sna tshogs pa drug cu rtsa bani so sor gzhag go/ snod tshon sna lnga pa drug cu rtsa bzhi kha zas rnam pa sA tshogs kyis bkang ba dang / bca' ba rnam pa sna tshogs blugs pa dang / gtor ma dkar po rnam pa sna tshogs gzhag go/ yo byad thams cad kyis yongasu gang ba ro rnam pa sna tshogs kyi gtor ma gzhag go//  'bras bu sna tshogs dang me tog sna tshogs dgram mo// 'phreng ba brgya nyi shu rtsa gcig dkyil 'khor du spyang bar bya ste/ byang phyogs kyi dkyil 'khor la drug cu rtsa bzhi/ snying po'i dkyil 'khor la sum cu rtsa gnyis gdags so/ / me mar gyi sdong bu bzhi bud par bya'o// gtor ma brgya drug cu rtsa bzhi dang dkyil 'khor thog thag tu mar me bud par bya'o// chang dang / ga dang / beg tsong dang / sgog skya dang / ke'u dang /  tshod sngon dang / la phug spangs pa'i gtor ma gzhan rnam pa sna tshogs gzhag par bya'o// dkyil 'khor gyi phyi'i grwa bzhir don yod pa'i zhags pa'i mdo sde bklag par bya ste/ sgo re rer bcom ldan 'das ma shes rab kyi pha rol tu phyin pa bklag par bya'o/ / chos klog pa legs par khrus byas te/ lha rdzas kyi gos kyis dkris te gtsang ma la dri rnam pa sna tshogs kyis bsgos pa'i gos gtsang ma gsar pa bgos ter chos kyi stan shin tu brgyan pa lha rdzas kyi stan la 'dug nas tshig 'jam po 'jam po tshig mnyen pos bklag par bya'o/ / nub kyi phyogs cha la dkyil 'khor mthon po la bde ba can ni bkod pa bris pa/ 'od dpag med dang / 'phags pa spyan ras gzigs kyi dbang phyug dang / mthu chen thob pa'i gzugs bris pa'i ras kyi sku gzugs dkyil 'khor la mngon du phyogs pa par gzhag par bya'o/ / shar gyi phyogs cha la dkyil 'khor gru bzhi mthon po byas la/ rnam par grol ba'i dkyil 'khor la shAkya thub pa dang / 'phags pa rdo rje 'chang ba dang / don yod pa'i zhags pa'i khro bo'i gzugs bris pa ras kyi sku gzugs dkyil 'khor la mngon du phyogs par gzhag go/ / lho'i phyogs cha la ri 'dra ba'i gnas mthon po byas la/ de bzhin gshegs pa 'jig rten dbang phyug rgyal po dang / 'jam dpal dang / sgrib pa thams cad rnam par sel ba dang / don yod pa'i zhags pa ras la bris pa'i dkyil 'khor la mngon du phyogs par gzhag go/ byang phyogs chal khro bo'i rgyal po dang / de bzhin gshegs pa rnam par snang mdzad dang / byams pa dang / sa'i snying po bris pa'i ras kyi sku gzugs dkyil 'khor la mngon du phyogs par gzhag go/ stegs bu'i rnam pa mthon por byas pa thams cad legs par brgyan par bya'o/ / dar gyi 'phreng bas brgyan par bya'o// rgyan thams cad kyis brgyan pa dang / bum pa gang ba gzhag pa dang / dris dkyil 'khor bya ba dang / ro'i mchog rnam pa sna tshogs bza' ba'i ngo bo rnam pa du ma'i kha zas kyi ro dbul ba dang / 'bras bu rnam pa sna tshogs dang ldan pa'i bsod snyoms gzhag pa dang / tsan dan dang / a ka ru dang / du ru ka dang / ga pur dang / gla rtsi dang / gur kum dang bsres pa'i bdug pa ras kyi sku gzugs la dbul bar bya'o// de nas rig sngags 'chang bas dus gsum du khrus bya zhing gos lan gsum brjes te/ dus gsum du bzlas brjod dang sbyin sreg gi cho ga bya'o// tshes brgyad nas brtsams te tshes bco lnga tshang gi bar du don yod pa'i zhags pa lan nyi shu rtsa gcig bzlas brjod bya'o// khro bo'i rgyal po lan nyi shu rtsa gcig bzlas brjod bya'o/ / don yod pa'i zhags pa'i lcags kyu nyi shu rtsa gcig dang / don yod pa'i rnam par lta ba'i zhags pa'i snying po dang / 'jig rten las 'das pa rnam par 'phrul pa lan nyi shu rtsa gcig dang / rnam par grol ba'i dkyil 'khor byang chub sems dpa' thams cad kyis phyag byas pa stong rtsa brgyad bzlas brjod bya ba dang / rnam par grol ba'i dkyil 'khor gyi zhags pa'i snying po stong rtsa brgyad bzlas brjod bya'o/ / zla ba nyar thug gi bar du zas dkar gsum bza' bar bya'o// tshes bco lnga'i nyin mtshan thog thag tu don yod pa'i zhags pa'i snying po dpag tu med par bzlas brjod bya'o/ / mtshan thog thag bzlas brjod byas kyang ngal ba med pa dang / lus snyoms pa dang bral bas bzlas brjod bya'o// byams pa dang snying rje'i lhag pa'i bsam pa'i sem bya'o/ / bzlas brjod kyi cho ga zin nas dkyil 'khor gyi bya ba mtsham bcad pa dang / phyogs bcing ba dang / bdag bsrung ba dang / gzhan bsrung ba dang / dkyil 'khor bsdam pa byas nas/ de nas 'khor rnams dkyil 'khor du dam tshig la gzhug par bya'o// dkyil 'khor du gzhug pa dang / dkyil 'khor gyi las zin nas mchod pa brtsam mo// mchod pa'i cho gzin pa dang / de nas bzlas brjod brtsam par bya ste/ don yod pa'i zhags pa'i snying po'i dkyil 'khor gyi spyan sngar 'dug nas/ don yod pa'i zhags pa'i snying po'i bzlas brjod byas la/  khro bo'i rgyal po brgya rtsa brgyad kyis dbang bskur ro// bzlas brjod lan nyi shu rtsa gcig dang / dbang bskur ma thag tu ras kyi sku gzugs dang / dkyil 'khor thams cad kun tu 'bar zhing 'od zer sna tshogs 'byin cing legs so zhes bya ba'i sgra 'byin par 'gyur ro/ / rig sngags 'chang ba'i snying dga' zhing lus 'bar bar 'gyur ro// 'phags pa spyan ras gzigs dbang phyug rang gi gzugs shin tu 'bar zhing 'od 'phro ba/ nyi ma'i stong phrag brgya pas lhag pa'i 'od zer can/ don yod pa'i zhags pa tshangs pa'i cha byad 'chang ba dkyil 'khor gyi dbus kyi nang nas mngon sum du gshegs te/ phyogs bcu'i dkyil 'khor kun la rnam par gzigs shing rig sngags 'chang ba legs so zhes bya ba'i sgra phyung ste/ phyag g.yas pa brkyang ste rig sngags 'chang ba'i spyi bo la bzhag ste/  dkyil 'khor gyi mchog shin tu brgyan cing smras pa 'di ni shin tu bzang ba yin te legs so legs so// 'di ni rnam par grol ba'i dkyil 'khor don yod pa'i zhags pa rnam par 'phrul pa/  de bzhin gshegs pa thams cad kyis byin gyis brlabs pa/ byang chub sems dpa' thams cad kyis phyag byas pa/ de bzhin gshegs pa dang byang chub sems dpa' thams cad kyi gsang ba/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po rnams kyi dam tshig gi dkyil 'khor/  bdud thams cad pham par byed pa'i dkyil 'khor/ bgegs dang rnam par log 'dren thams cad 'joms pa/ bud med dang / skyes pa dang / khye'u dang / bu mo dang / dge sbyong dang / bram ze dang rje'u'i rigs dang / dmangs rigs dang / tha na byol song gi skye gnas su gtogs pa'i bya'ang rung ste/ sems can thams cad 'khor ba'i gcong rong las sgrol ba yin no// 'di ni sdig pa dang /  sgrib pa thams cad dang / dmyal ba dang / sdug bsngal dang / nad dang / skye ba dang / rga ba dang / 'chi ba las yongs su thar par byed cing 'jigs pa med pa'i khyim du 'jug par byed pa yin no// /  'di ni rnam par thar par byed pa dkyil 'khor chen po'i snying po dang gsang sngags su bcas pa rnam par grol ba'i dkyil 'khor/ byang chub sems dpa' thams cad kyis phyag byas pa 'di rig sngags 'chang ba de dang des ming brjod pa dang / gang dran pa tsam la sogs pa dang / lta ba dang / nyan pa dang / ming 'dzin pa'ang 'khor ba'i pha rol tu rgal bar 'gyur ro// phyir mi ldog pa nyid du sa bcu bgrod nas bla na med pa yang dag par rdzogs pa'i byang chub las phyir mi ldog pa 'thob par 'gyur ro/ / de gang zhe na/ gang zhig dkyil 'khor chen po 'di 'dra ba mngon du mthong ba dang / rnam par grol ba'i gzugs 'jig rten las 'das pa'i gsang sngags kyi tshig bzlas brjod byed pa dang / klog pa dang / dran pa dang / 'chad pa dang / lan 'ga' smyung bas mthong ba dang / thang cig dang / skad cig dang / yud tsam gyis mthong ba ni nga dang mnyam pa dang / mi mnyam pa dang mnyam pa yin no zhes smra'o// bdag ni sems can de la de bzhin gshegs pa yin par yang 'dzin te/ 'jig rten dang 'jig rten las 'das pa yin pas spyi bos dbang bskur bar bgyi'o/ / rig sngags lngachang bas zung zhig dang / mchog ji ltar 'dod pa dang / ji ltar yid la re ba dang / bsam pa de thams cad rjes su gzung zhing sbyin par mdzad do/ / de'i tshe rig sngags 'chang bas yid la ji ltar bsams pa'i mchog smras na/ de thams cad sbyin par mdzad cing don yod pa'i ye shes bkod pa rnam par grol ba dri ma med pa zhes bya ba'i ting nge 'dzin thob par 'gyur ro/ / gzhan yang gang+gA'i klung gi bye ma bye ba dang mnyam pa khrag khrig stong phrag bcu'i ting nge 'dzin thob par 'gyur ro// rdzu 'phrul gyis nam mkha' la 'gro bar 'gyur ro// dkyil 'khor de'i dam tshig tu zhugs pa ni dam tshig shes pa'i rjes su zhugs pa yin te/ de dag thams cad sa bcu la rab tu gnas pa yin no// 'di lta ste/ bla na med pa yang dag par rdzogs pa'i byang chub las phyir mi ldog pa thob par 'gyur ba yin/ lung bstan pa dang byin gyis brlabs par 'gyur ba yin/ de ni mngal na gnas pa skye ba'i tha ma ste/ phyis mngal na gnas pa'i dri mas gos par mi 'gyur ro// shi nas bde ba can gyi 'jig rten gyi khams su skye bar 'gyur ro/ / de pad+ma'i nang nas rgyan thams cad kyis brgyan par rdzus te skye bar 'gyur ro// tshe rabs kun tu tshe rabs dran par 'gyur ro// don yod pa'i rgyal po'i phun sum tshogs pa cho ga zhib mo'i rgyal po rnam par grol ba'i dkyil 'khor/ de bzhin gshegs pa thams cad kyis byang chub kyi snying po chos kyi 'khor lo bskor ba/ dam tshig chen po 'di kha ton byed na phyogs bcu'i de bzhin gshegs pa thams cad sangs rgyas kyi zhing na byang chub kyi snying po la bzhugs pa mthong bar 'gyur ro/ / de bzhin gshegs pa thams cad kyi spyan sngar legs so zhes bya ba thob par 'gyur/  te/ rigs kyi bu skye ba blangs pa legs par skye ba yin pas legs so legs so// phyir mi ldog par bla na med pa yang dag par rdzogs pa'i byang chub la rab tu gnas pa yin no// de bzhin gshegs pa de dag thams cad dang / phyogs bcu'i sangs rgyas bcom ldan 'das rnams 'od zer 'bum phrag bye bas mdzes par gyur cing / bsod nams kyis brgyan pa'i phyag gser gyi mdog can brkyang nas spyi bor phyag 'jog cing dbugs 'byin par yang mdzad do/ / byang chub kyi snying po la thug gi bar du chos 'bel ba'i gtam mngon sum du sgrogs par mdzad do// tha na dkyil 'khor chen por rol mo'i sgra rnga bo che dang / rnga phran dang / rdung dang / rdza rnga dang / rol mo'i sgra gang dag grags pa la/ sems can gang dag gis sgra de thos nas rna ba'i bu ga tsam du song ba de thams cad phyir mi ldog par 'gyur zhing / bla na med pa yang dag par rdzogs pa'i byang chub la rab tu gnas par 'gyur ro/ / tha na byol song gi skye gnas su gtogs pa bya'i rna bar sgra thos pa de dag thams cad kyang phyir mi ldog par 'gyur ro// de ltar na rnam par 'phrul pa'i cho 'phrul chen po dang ldan pa rnam par thar pa'i dkyil 'khor gyi cho ga mthu chen po rnam par 'phrul pa yin no/ / rigs kyi bu pho 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ sems can gzhan gang yang rung ba dge sbyong ngam/ bram ze 'am/ rgyal rigs sam/ rje'u'i rigs sam/ dmangs rigs sam/ 'ga' zhig gi rnam par grol ba'i dkyil 'khor gyi cho ga 'di 'khor mang po'i nang du klog pa dang / sems can gang gis sgra de thos nas sgra dbyangs de dang ming thos pa rna ba'i bu gar song bar gyur pa de dag thams cad sgrib pa dang sdig pa mi bzad pa las bral bar 'gyur ro/ / sngon gyi sgrib pa dang sdig pa las rnam par grol bar 'gyur ro// phyir mi ldog par 'gyur ro// de bzhin gshegs pa thams cad kyi sras su rig par bya'o// 'phags pa spyan ras gzigs dbang phyug gi sras kyi thu bo yin no/ / rtag par 'phags pa spyan ras gzigs kyi dbang phyug grogs mdzad cing rjes su 'brang bar 'gyur ro// rtag tu dbugs 'byin par mdzad par 'gyur ro/ / mthar byang chub kyi snying po la gnas kyi bar du rtag tu rjes su srung bar mdzad do// sems can gang zhig dkyil 'khor de'i sa phyogs su song ste/ sa gzhi snang ba tsam mthong ba de dag tham cad kyang phyir mi ldog par 'gyur ro/ / nyon mongs pa thams cad bsregs shing sgrib pa thams cad las yongs su grol bar 'gyur ro// de'i sa rdul rlung gis bdas te lus la phog pa gang yin pa de dang /  tha na sems can ngan pa'ang rung ste/ de dag thams cad phyir mi ldog par 'gyur ba'i gnas la rab tu gnas par 'gyur ro// sdig pa thams cad las yongs su grol ba dang / 'phags pa spyan ras gzigs dbang phyug rtag tu mthong ba dang ldan par 'gyur ro/ / de bzhin gshegs pa thams cad kyis dgongs par 'gyur ro// byang chub sems dpa' thams cad kyis dbugs phyung bar 'gyur ro// lha thams cad kyis bsrungs par 'gyur ro/ / bsod nams kyi phung po chen po yongs su bzung bar 'gyur ro// dge ba'i rtsa ba chen po dang ldan par 'gyur ro// de ltar na sgra thos pa tsam dang / ming 'dzin pa tsam gyis 'bras bu chen po thob par 'gyur ro/ / de nas rnam par grol ba'i dkyil 'khor gyi sbyin sreg gi cho ga bshad par bya ste/ sdig pa dang sgrib pa thams cad sreg cing sdug bsngal drag po las rnam par grol bar 'gyur ba dang / nyon mongs pa drag po'i rgya mtsho dang 'khor ba las sgrol ba 'grub pa/ phyir mi ldog pa'i gnas bla na med par dbugs 'byin par mdzad pa/  sangs rgyas thams cad dang byang chub sems dpa' rnams kyi 'jig rten las 'das pa'i lam bla na med pa ston pa/ sangs rgyas dang byang chub sems dpa' ston pa/ lha'i stegs sbyin sreg byas pa tsam gyis mod la the tsom med par me lha dang / dbang po dang / khyab 'jug dang / dbang phyug chen po dang / dbang phyug dang / dbang phyug chen po dang / gshin rje dang / chu lha dang / lus ngan po dang /  gzhon nu rnams sbyin sreg byas pa 'di tsam gyis mod la thams cad 'ong bar 'gyur ro// the tsom med par lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po dang / sha za dang / grul bum thams cad 'ong bar 'gyur zhing / de'i mod la rig sngags 'chang ba'i rkang pa gnyis la rtag tu 'dud par byed do// de bzhin du nyin mtshan du kun tu srung bar 'gyur ro/ / rgyal po chen po bzhi dang / phyag na rdo rje bdag nyid chen po dang / gnod sbyin gyi dbang po chen po bcu'ang phyogs bcur srung bar byed de/ mi bsrun pa ma rungs pa sel cing dmyal ba dang / 'jigs pa mi bzad pa dang / dug drag po dang / sems can ma rungs pa rnams sel bar byed do// de ma thag tu bsod nams chen po'i lhun po dang / bsod nams chen po'i phung po bla na med skye bar 'gyur ro/ / tsan dan srang nyi shu dang / a ka ru srang lnga dang / du ru ka srang bdun dang / ga pur dang gla rtsi srang gcig gi bzhi cha re re dang / gur kum srang gcig dang / lce pog kun tu ra srang lnga dang / gu gul srang bdun dang / 'di rnams gcig tu bsres te phye mar byas la/ kha ra dkar po dang sbrang rtsi ril bu zho re'i tshad tsam du byas pa stong rtsa brgyad dang / yungs kar dang 'bras yos bsres te ril bu dang bsres nas mar gyi nang du bsnyungs te sprin sreg bya'o/ / shing su ra b+hi dang / shing arka dang / shing sha mya'i yam shing gis me sbar te sbyin sreg gi cho ga bya'o// gang dang gang gi tshe stong rtsa brgyad sbyin sreg byas na de dang de'i tshe sdig pa dang sgrib pa drag po thams cad sreg par 'gyur ro/ / de dang de'i tshe de nad thams cad las yongs su grol bar 'gyur ro// de dang de'i tshe gcod thams cad las yongs su grol bar 'gyur ro/ / de dang de'i tshe 'dzam bu'i gling gi sems can bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u'i rigs dang / dmangs rigs la sogs pa thams cad kyi sdig pa dang sgrib pa thams cad byang par 'gyur ro// sdig pa thams cad dang / gyur thams cad dang / gnod pa thams dang / 'khrug pa thams cad dang / 'thab pa dang / rtsod pa dang / g.yul 'gyed pa dang / gshegs 'gyed pa thams cad dang / rang gi 'khor dang / gzhan gyi 'khor gyi 'jigs pa thams cad dang / phyir rgol ba'i dgras 'jigs pa thams cad dang / sems can ma rungs pa thams cad dang / rkun po dang / zol ba dang / mi rgod dang / gcan gzan gtum po'i 'jigs pa thams cad rab tu zhi bar 'gyur ro/ / sems can de dag thams cad 'jigs pa med par 'gyur ro// bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u'i rigs dang / dmangs rigs gang dag gis de'i dri tshor ba de dag thams cad kyang phyir mi ldog par 'gyur zhing / bla na med pa yang dag par rdzogs pa'i byang chub la rab tu gnas par 'gyur ro/ / tshe brjes nas thams cad bde ba can gyi 'jig rten gyi khams su 'gro bar 'gyur zhing / pad+mo'i nang nas rdzus te skye bar 'gyur ro// byol song gi skye gnas su gtogs pa rkang gnyis dang rkang bzhi pa rnams kyis de'i dri tshor ba tsam gyis thams cad nges par phyir mi ldog par 'gyur ro/ / bla na med pa yang dag par rdzogs pa'i sangs rgyas nyid las phyir mi ldog par 'gyur zhing mngon par rdzogs par tshang rgya'o/ / rig sngags 'chang ba de ji lta ji ltar sbyin sreg byed pa de lta de ltar de'i lus dri ma med cing yongs su dag par 'gyur ro// stong rtsa brgyad tshang na rig sngags 'chang ba'i lus 'bar bar 'gyur ro/ / phyogs bcu'i sangs rgyas mang po'i sku mthong bar 'gyur ro// de bzhin gshegs pa'i sku de dag gis rig sngags 'chang ba la legs so zhes bya ba'i sgra 'byin te/ rig sngags 'chang ba legs so legs so/ / 'di ni de bzhin gshegs pa thams cad kyi gsang ba'i mchog/ rnam par grol ba'i dkyil 'khor 'jig rten las 'das pa'i sbyin sreg gi cho ga yin no// 'di ni bdud thams cad rab tu 'joms pa'i sbyin sreg chen po'i cho ga yin no/ / 'di ni gnod sbyin dang / srin po dang / 'byung po dang / brjed byed dang / bgegs dang / log 'dren tshar gcod pa'i sbyin sreg chen po'i cho ga yin no/ 'di ni byang chub kyi snying por song ste chos kyi 'khor lo bskor ba'i sbyin sreg chen po cho ga yin no// 'di ni byang chub kyi lam bla na med pa'o// de nas de bzhin gshegs pa'i sku de dag thams cad kyis phyag g.yas pa gser gyi kha dog lta bu brkyang ste/ rig sngags 'chang ba'i mgo'i spyi bo la phyag 'jog par mdzad do// 'phags pa spyan ras gzigs dbang phyug gi rang gi ngo bo nyid kyi rgyan thams cad kyis brgyan pa/ don yod pa'i zhags pa dang tshangs pa'i cha byad 'chang ba/ dbu lhung lo cod pan gyis brgyan pa/ pad+ma dang / mdung rtse gsum pa dang / zhags pa thogs pa/ rig sngags 'chang ba'i mdun du bzhugs te bka' stsal pa/ rig sngags 'chang ba khyod kyis don yod pa'i zhags pa'i snying po rnam par grol ba'i dkyil 'khor 'jig rten las 'das pa'i sbyin sreg gi cho ga chen po grub pa legs so legs so/ / zung zhig dang / mchog ji ltar ba dang / ji ltar 'dod pa de thams cad sbyin no// de nas rig sngags 'chang bas ji ltar 'dod pa'i mchog smras na/ de thams cad thob par 'gyur ro//  'phags pa spyan ras gzigs kyi dbang phyug gis phyag brkyang ste rig sngags 'chang ba'i mgo bo'i spyi bo la phyag bzhag pa dang / phyag banag ma thag tu rig sngags 'chang ba nam mkha' la 'gro bar 'gyur ro/ / phyogs bcu'i sangs rgyas kyi zhing thams cad du 'gro bar 'gyur ro// de bzhin gshegs pa thams cad mngon sum du mthong ba thob par 'gyur ro// phyir mi ldog pa dang phyir mi ldog pa'i gnas thob par 'gyur ro/ / sangs rgyas thams cad kyi zhing du de bzhin gshegs pa thams cad kyis dbang bskur ba thob par 'gyur ro// sangs rgyas thams cad kyi zhing la bsnyen bkur byas nas bde ba can gyi 'jig rten gyi khams su 'gro bar 'gyur ro/ / de bzhin gshegs pa 'od dpag med byang chub sems dpa'i 'khor dang bcas pa chos 'chad pa/ byang chub kyi snying po la thug gi bar du/  mngon sum du thob par 'gyur ro// de nas ho khung bshad par bya ste/ 'jig rten las 'das pa'i sbyin sreg gi gnas bla na med pa ni pad+ma kha bye ba 'dra bar byas pa/ zlum po khru gsum pa sa dang ba'i lci ba bsres pa dang ldan par byas te/ pad+ma'i snying po la ho khung zabs su brko ba dang / thad ka kun tu khru gang ba brko bar bya'o// nang du pad+ma bcu drug pa 'bur du byas pa bzhag la/ tshon sna tshogs kyis pad+ma de brgyan par bya'o/ / pad+ma'i phyi 'khor du dkyil 'khor gru bzhir byas la dri sna tshogs kyis gtor ba dang brgyan par bya'o// dkyil 'khor kun tu bum pa gang ba bzhi dang / dngul gyi snod gang ba bzhi dang / mchod yon gyi chus bkang ba'i dngul gyi snod bzhi dang / rol mo dang dri sna tshogs kyis bkang ba'i gsar gyi snod bzhi dang / ro sna tshogs kyi gtor ma bzhag pa ni gtor ma dkar gsum rnam pa sna tshogs dang 'bras bu rnam pa sna tshogs bzhag pa dang / dri dang me tog sna tshogs kyis gtor te 'phreng ba rnam pa sna tshogs sbyangs la/ dkyil 'khor kun tu tshon sna lnga'i ba dan gyis mda' la brgyan te gzugs pa dang / sgo bzhi cha dbye ba dang / bum pa bzhag pa ni legs par brgyan cing dri chus yongs su bkang ba bya'o// sgo bzhir chos smra ba shin tu brgyan pa'i stan la 'dug ste/ shes rab kyi pha rol tu phyin pa bklag par bya'o/ / grwa bzhir chos smra ba chos kyi stan legs par brgyan pa la 'dug nas don yod pa'i zhags pa'i mdo sde bklag par bya'o// gser gyi me tog dang / dngul gyi me tog dang / zangs kyi me tog dang / rin po che sna bdun gyi mchod par bya'o// de nas rig sngags 'chang bas khrus byas// gos gtsang ma bgos/ dri zhim pos bsgos te gtsang mar byas la/ ril bu la don yod pa'i zhags pa'i snying po brgya rtsa brgyad bzlas brjod bya'o/ / khro bo'i rgyal po brgya rtsa brgyad kyis dbang bskur ro// don yod pa rnam par lta ba'i snying po brgya rtsa brgyad bzlas brjod bya'o//  de nas don yod pa 'bar ba rnam par grol ba'i dkyil 'khor gyi zhags pa'i snying po stong rtsa brgyad sbyin sreg bya ba ni mo smra bar byams pa'i sems dang / snying thag pa nas brtse ba dang / snying rje bar bya ba ni las bla na med pa yin no/ / dkon mchog gsum la phyag 'tshal lo// byang chub sems dpa' sems dpa' chen po 'phags pa spyan ras gzigs kyi dbang phyug thugs rje chen po la phyag 'tshal lo/ / 'di lta ste/ oM pad+ma ma pA ni/ tsa ra tsa ra pad+ma b+hu dze/ dz+wa la dz+wa la hU ta sha na/ b+hu ru b+hu ru/ bi mok+Sha b+hu dze/ da ha da ha/ san+d+hu ma lA nau/ a mo g+ha pA Ni ba ra de/  hU~MhUMhU nir da ha/ pA paM/ sha ma sha ma ni/ lo kot+tA ra Ni/ sa man+ta rash+mi ba ra te/ tu ru tu ru/ pra ba raM/ a mo g+ha sid d+hi/ oM b+hUR+ShA ba/ na po stu te swA hA/ de ni rnam par grol ba'i dkyil 'khor 'bar ba zhags pa chen po'i snying po dang gzungs kyi sbyin sreg gi cho ga 'jig rten las 'das pa bla na med pa yin no/ / de nas rig sngags 'chang bas thal ba des rmad du byung ba chen po'i bya ba thams cad bya'o// thal ba des gang gi lus la byugs pa de ni sgrib pa dang sdig pa thams cad las grol bar 'gyur ro/ / dpral bar thig le byas na de ma thag tu zhag bzhi pa'i rims las thar par 'gyur ro// zhag gnyis pa dang /  zhag gsum pa dang / mtshan mo pa dang / nyin par pa dang / nam phyed pa dang / nyin phyed pa dang / lo gcig pa dang / zla ba gcig pa dang / zhag bdun pa dang / rtag pa'i rims dang / grang ba'i rims lan 'ga' yang gnas shing phyir 'ong bar mi 'gyur ro/ / dpag tshad brgya 'das te 'bros par 'gyur ro// 'tshog mar thig le byas na gdon stong phrag brgyad cu rtsa bzhi las thar bar 'gyur ro// thams cad kyang phyog bcur dpag tshad stong du 'bros par 'gyur ro/ / thal ba'i rdul bya rog gi mchu la gos pa phyogs kyi gnas gang du lhung ba der gnod sbyin dang / srin po dang / 'byung po dang / sha ba dang / yi dgas dang /  grul bum dang / brjed byed dang / bgegs dang / log 'dren phyir gnas par mi 'gyur ro// thams cad 'bros so// phyogs kyi gnas der lhung na slar 'ong bar mi 'gyur ro// snying khar thig le byas na nang thams cad las thar par 'gyur ro/ / lte ba'i gnas su thig le byas na lto ba'i nang gi nad thams cad mod la sos par 'gyur ro// gdug pas zin pa la bskus na dug med par 'gyur ro// dug gis myos pa la byin na dug med par 'gyur ro/ / thal bas khrus byas na byad dang / g.yengs byed dang / sngags dang / dug thams cad rnam par zhig par 'gyur ro// sha bkra dang / mdze dang / 'bras dang /  shu phran mched pa dang / 'brum bu dang / lhog pa dang / me dpal dang / 'brum phran rnams byung na chu dron mo dang sbyar te bskus la/ mar la lan bdun bzlas brjod byas pas bskus na mod la nad thams cad las yongs su thar par 'gyur ro/ / sprin logs su gtor na sad dang / rlung dang / ser ba thams cad mi 'bab bo// rlung ldang ba'i logs su gtor na rlung bsdams par 'gyur ro//  phyogs bzhir gtor na mtshams chen po bcad par 'gyur ro// yul 'khor kun tu gtor na me tog dang / 'bras bu dang / lo tog dang / me tog gi ljon shing dang / shing gi yal ga dang / ldum ra dang /  kun dga' ra ba dang / ri dang / rtswa dang / shing gel ba dang / sman dang / nags tshal thams cad legs par bsrungs par 'gyur ro// yul 'khor la dpag tshad brgya tshun chad kun tu mtshams chen po bcad pa byas par 'gyur ro/ / grong khyer gyi sgo bzhir gtor na der 'jug pa dang phyir 'byung ba'i sems can bud med dang / skyes pa dang / khye'u dang / bu mo dang /  dge sbyong dang / bram ze dang / rgyal rigs dang / rje'u rigs dang / dmangs rigs dang / byol song gi skye gnas su gtogs pa rkang gnyis pa dang / rkang bzhi pa dang / ri dgas dang / bya de dag thams cad sgrib pa dang sdig pa dang bral bar 'gyur ro/ / 'gongs pa tsam gyis nad dang sdug bsngal thams cad las grol bar 'gyur ro// nad thams cad dang bral bar 'gyur ro// tshe yongs su brjes nas bde ba can gyi 'jig rten gyi khams su 'gro zhing / sangs rgyas nyid du gnas kyi bar du phyir mi ldog par 'gyur ba'i gnas thob par 'gyur ro// dur khrod dam ro bsregs pa'i steng du thal bas gtor na/ dmyal bar skyes pa'i sems can de dag thams cad mod la dmyal ba nas thar te/ mngon par dga' ba 'am bde ba can du skye bar 'gyur ro// grong khyer ram/ gtsug lag khang ngam/  lha'i gnas sam/ grong ngam/ khyim mam/ dgon pa'i gnas sam/ yul 'khor kun tu gtor na mtshams chen po bcad cing zhi ba chen por 'gyur ro// rgyal po'i pho brang gi sgor gtor na rgyal po dang btsun mo'i 'khor dgra thams cad las legs par bsrungs par 'gyur ro/ / skye bo mang po'i nang du gtor ba tsam gyis mod la skye bo mang po de dag thams cad sgrib pa dang sdig pa dang bral bar 'gyur ro//  nad thams cad dang bral bar 'gyur ro// gzhan yang bye ba stong phrag brgya byed pas rang 'dod pa la rang gi blos thams cad du sbyar bar bya'o// de nas rnam par grol ba'i dkyil 'khor don yod pa'i zhags pa'i snying po 'jig rten las 'das pa'i sku gzugs ras la bri ba bshad par bya'o/ / dar ram ras gtsang ma legs par btags pa tshad khru do 'am/ khru gsum mam/ khru bzhi pa de'i dbus su don yod pa'i zhags pa 'jig rten dbang phyug tshangs pa'i cha byad 'chang ba/ dbu lcang lo cod pan gyis brgyan pa/ cod pan rgyal ba 'od dpag med dang g.yas su zla ba tshes pa can gyis brgyan pa/ phyag bzhi pa/ rgyan thams cad kyis brgyan pa/ skyil mo krung bcas te bzhugs pa bri ba ni ri bo po Ta la lcug ma me tog can sna tshogs kyis gang ba/ rin po che sna tshogs kyi lcug mas gang ba bya'o// de'i steng du rgyan thams cad kyis brgyan ba seng ge'i khri bya'o/ / seng ge'i khri'i steng du pad+ma'i gdan bya'o// de'i steng du 'phags pa spyan ras gzigs dbang phyug bzhugs par bya ste/ pad+ma dang / mdung rtse gsum pa dang / zhags pa thogs shing gzugs de phyag dbugs 'byin pa bya'o/ / dbu'i gong man chad gzhal med khang chen po lha rdzas rin po che sna tshogs kyis spras pa/ dbus su mtho ba dang bcas pa bya'o// dbus mtho ba'i steng du de bzhin gshegs pa bdun tshad dang 'thun par pad+ma'i gdan la bzhugs shing rgyan thams cad kyis brgyan pa'o/ / de bzhin gshegs pa de'i gong gi dbus su de bzhin gshegs pa rnam par snang mdzad dang /  'od dpag med dang / spyan ras gzigs dbang phyug 'od dang / de bzhin gshegs pa gsum rgyan thams cad kyis brgyan pa/ skyil mo krung bcas te gzhal med khang gi nang na bzhugs par bya'o// 'phags pa spyan ras gzigs dbang phyug gi 'od 'dom gang ba la 'khor bar de bzhin gshegs pa sum cu rtsa gnyis kyis brgyan par bya/ de bzhin gshegs pa'i nye 'khor kun tu 'od zer 'bar ba sna tshogs dang mdung rtse gsum pa'i 'phreng ba bya'o/ / de nyid kyi nye 'khor du lha sum cu rtsa gnyis bya'o// gong gi dbus su rdo rje 'chang ba khro gnyer can gtum po rdo rje gsor bar bya'o// de nas tshangs pa dang / khyab 'jug dang /  dbang phyug dang / dbang phyug chen po dang / lha'i bu dbang phyug chen po dang / sum cu rtsa gsum gyi dbang po dang / 'og min gnas kyi lha'i bu dang / dga' ldan gyi lha'i bu dang / 'phrul dga'i lha'i bu dang /  zla ba dang nyi ma'i lha'i bu dang / rgyal po chen po bzhi dang / gshin rje dang / chu lha dang / lus ngan po dang / gzhon nu dang / me lha dang / nag po chen po dang / dga' ba'i dbang phyug dang / dga' bo dang / nye dga' bo dang stobs lha dang / gang ba bzang po dang / nor bu bzang po dang / gnas gtsang ma'i rigs kyi lha dang / sum cu rtsa gsum pa'i lha dang / gzhan 'phrul dbang byed kyi lha'i bu rnam me tog sna tshogs dang /  nor bu rin po che sna tshogs lag pa nas 'phrul pa dang / mtshon cha sna tshogs thogs par bya'o// 'phags pa don yod pa'i zhags pa'i cho ga zhib mo'i rgyal po bam bcu bzhi pa/ / / lha rnams kyi pha rol thog thag tu pad+ma'i 'phreng ba rdo rje dang mdung rtse gsum pas spras pa'i pad+ma'i 'phreng bas kun tu 'khor bar bya'o// g.yas phyogs su 'phags ma sgrol ma skyil mo krung phyed du bcas te bzhugs pa/ ut+pa la dang nor bu rin po che phyag na thogs pa/ rgyan thams cad kyis brgyan pa/ 'phags pa spyan ras gzigs dbang phyug gi zhal tu blta bar bya'o//  de'i rgyab tu khro gnyer ma me tog sna tshogs 'chang ba rgyan thams cad kyis brgyan par bya'o// g.yon du dkar mo zhes bya ba ni skyil mo krung phyed du bcas te bzhugs pa/ ku mu da dang nor bu rin po che lag na thogs pa sna tshogs pa'i rgyan thams cad kyis brgyan pa/ spyan ras gzigs dbang phyug la blta bar bya'o// dkar mo de'i rgyab tu pad+ma mdzes dga' ma me tog sna tshogs thogs pa rgyan thams cad kyis brgyan pa bya'o/ / lha mo sgrol ma dang dkar mo'i 'og tu pha rol tu phyin pa bcu'i lha mo thams cad kyang dbu yid tsam 'dud pa/ na bza' dkar po gsol ba/ rgyan thams cad kyis brgyan pa bzhengs pa bya'o// g.yas phyogs su srin mo ral pa gcig ma gtum mo skyil mo krung phyed du bcas te bzhugs pa/ phyag bzhi la zhags pa dang / dgra sta dang / ral gri dang / rdo rje lag na thogs pa/ 'phags pa spyan ras gzigs dbang phyug la blta bar bya'o/ / g.yon du pho nya mo zhal mche ba gtsigs pa/ rgyan thams cad kyis brgyan pa/ phyag bzhi la zhags pa dang / dgra sta dang / rdo rje dang / mdung gsum pa phyag na thogs pa/ skyil mo krung phyed du bcas te bzhugs pa/ 'bar ba'i nang na 'jig rten dbang phyug la blta bar bya'o// ri bo po Ta la'i ngos kyi gseb tu klu'i rgyal po dga' bo dang / nye dga' bo dang / klu'i bu mo klu'i gnas dang bcas pa bya ste/ me tog sna tshogs thogs shing / gong du bcom ldan 'das 'jig rten dbang phyug la 'thor bar bya'o// ri'i smad du lha mo dpe med ma dang / lha mo bsan ti dang / sa'i lha mo dang / dpal lha mo dang / lha mo 'jigs byed ma dang / sgra dbyangs ma dang / lcags sgrogs ma dang / dung can ma bya ste/ rgyan thams cad kyis brgyan pa/ me tog sna tshogs dang nor bu rin po che thogs pa bya'o/ / gzhal med khang gi gong du mchod rten chen po brgyad 'phreng bar sbrengs la/ mchod rten gyi rgyan ji ltar brgyan pa de ltar brgyan par bya'o// mchod rten gyi 'og g.yas rol du bcom ldan 'das byang chub kyi snying por gshegs pa la 'jig rten phyug mngon du mchod pa mdzad pa bya'o/ / 'phags pa rdo rje 'chang ba phyag na rnga yab thogs pa bya'o// de'i 'og tu drang srong dang lha'i bu me tog sna tshogs kyis bcom ldan 'das la mchod pa bya'o/ / g.yon phyogs su bcom ldan 'das chos kyi 'khor lo bskor ba bya ste/ kun dga' bo dang / rdo rje 'chang ba la ga na rnga yab kyis bcom ldan 'das la mngon du g.yob par bya'o/ / g.yas phyogs su 'phags pa spyan ras gzigs dbang phyug don yod pa'i zhags pa bcom ldan 'das la mchod pa byed pa bya'o// g.yon phyogs su khro bo'i rgyal po bcom ldan 'das la mchod pa byed pa bya'o/ / de'i 'og tu drang srong dang lha'i tshogs bcom ldan 'das mchod pa byed pa bya'o// ras kyi sku gzugs kyi g.yon dang g.yas kyi phyi rol thog thag/  tu de bzhin gshegs pa'i sku gzugs brgya rtsa brgyad pad+mo'i gdan la tshad ji lta ba bzhin du skyil mo krung bcas te bzhugs pa rgyan thams cad kyis brgyan par bya'o// 'phags pa spyan ras gzigs dbang phyug gi seng ge'i gdan gyi zhabs drung du rig sngags 'chang ba pus mo btsugs te/ me tog dang / pog por dang / bgrang 'phreng lag na thogs te/ 'phags pa spyan ras gzigs dbang phyug la mngon du blta bar bya'o/ / ri mo mkhan khrus byas shing gos gtsang ma bgos te gtsang bar byas la/ ro sna tshogs pa'i zas dkar gsum bza' bar bya'o// snod gsar pa gtsang ma'i nang nas tshon lhag ma ma yin pas bri bar bya'o/ / 'di'ang kha zas mi gtsang ba sna tshogs dang gos ngan pa mi gtsang ba yongs su spang bar bya'o// tshig ngan pa dang sems ngan pa yongs su spang bar bya'o// chang dang /  dang / be gtsong dang / sgog skya dang / ke'u dang 'dres pa yongs su spang bar bya'o// nyi ma re re zhing ba'i rnam lnga la reg par bya'o// dri ma dang bral zhing ser sna phrag dog dang bral bar bya'o// byams pa dang snying rje'i lhag pa'i bsam pa dang / dkon mchog gsum la dad pa lhag par bya ste/ ras kyi sku gzugs bri bar bya'o// ga pur dang gla rtsis bsgos pa'i tshon sna tshogs kyis bri bar bya'o/ / dben zhing 'du 'dzi yongs su spang bar bya'o// rmugs pa dang gnyid yongs su spang bar bya'o// de ltar ra mo bri ba ni las legs par byas pa yin no// zla ba yar gyi ngo la bri bar bya'o/ / rgyu skar shin tu bkra shis pa dang / tshes grangs dang nyi ma shin tu bkra shis pa la brtsam par bya'o// rgyu skar rgyal ni bkra shis pa yin te/ de bzhin gshegs pa thams cad kyis bsngags pa/  byang chub sems dpa' thams cad kyis byin gyis brlabs pa/ lha thams cad kyis rjes su bzung ba yin no// rigs kyi bu dang / rigs kyi bu mo dang / dge slong dang / dge slong ma dang / dge bsnyen dang / dge bsnyen ma dang / dge sbyong dang / bram ze dang / rgyal rigs dang / rje'u rigs dang / dmangs rigs dang / bud med dang / skyes pa dang / khye'u dang / bu mo gang la la zhig don yod pa'i zhags pa'i snying po byang chub sems dpa' thams cad kyis phyag byas pa/ de bzhin gshegs pa thams cad rnam par gzigs pa/ byang chub chen po'i dkyil 'khor gsang ba/ rnam par grol ba'i dkyil 'khor gsang ba/ ras kyi sku gzugs mthong ba tsam gyis mod la sdig pa dang sgrib pa thams cad las rnam par grol bar 'gyur ro// mtshams med pa lnga byed pa dang / mnar med pa la gzhol ba dang / dam pa'i chos yongs su spong ba dang / 'phags pa la skur pa 'debs pa dang / sangs rgyas dang / byang chub sems dpa' dang / nyan thos dang / rang sangs rgyas thams cad spong bar byed pa rnams kyang mthong ba tsam la sogs pas sdig pa thams cad phyi mar rlog go/ rnam par grol bar 'gyur ro// sdom pa chen po yang dag par 'dzin par 'gyur ro// gang+gA'i klung gi bye ma bye ba khrag khrig 'bum phrag dgu bcu rtsa dgu snyed kyi de bzhin gshegs pa byang chub kyi snying po la mngon du gshegs pa dang / chos kyi 'khor lo skor ba mthong ba dang 'dra bar rig par bya'o// ras kyi sku gzugs 'di mthong ba ni gzhal med khang gnas dang bcas pa'i ri bo po Ta la na 'phags pa spyan ras gzigs dbang phyug 'khor gyi dkyil 'khor dang bcas te mngon du bzhugs pa mngon du mthong ba dang 'dra ste/ 'di la the tsom mi bya'o/ / yid gnyis bskyed par mi bya'o// sems kyi skad cig gcig rab tu dang ba byas na bsod nams kyi phung po chen po yongs su bzung bar 'gyur ro// dge ba'i rtsa ba chen po sogs pa dang ldan par 'gyur ro/ / 'phags pa spyan ras gzigs dbang phyug gis dgongs te mchog sbyin par 'gyur ro// de bzhin gshegs pa thams cad kyis yongs su bzung bar 'gyur ro// lus dang sems yid las byung ba yongs su dag par 'gyur ro/ / dbang po thams cad yongs su dag par 'gyur ro// dri ma dang bral zhing ser sna dang phrag dog dang bral bar 'gyur ro// 'jig rten pa thams cad dga' pa dang bla mar lta bar 'gyur ro/ / tshe ring por 'gyur ro// nad thams cad dang bral bar 'gyur ro// shi nas bde ba can gyi 'jig rten gyi khams su skal ba mnyam par skye bar 'gyur ro/ / tshe rabs dran par 'gyur ro// pad+ma'i nang nas rdzus te skye bar 'gyur ro// mthong ba tsam gyis mod la phyir mi ldog par 'gyur ro// de bzhin gshegs pa 'od dpag tu med pa'i sku gzugs 'di gang gis mchod pa de ni phyogs bcu'i de bzhin gshegs pa thams cad mchod par 'gyur ro/ / 'di ni mngal na gnas pa'i tha ma yin te/ phyis ma rig pa'i mun pa'i nang du lhung bar mi 'gyur ro//  de ltar na mi mnyam pa dang 'dra ba yin te/ ras kyi sku gzugs kyi cho ga 'jig rten las 'das pa sgrub pa'i cho ga 'di ni dam pa yin no// de nas gsang sngags kyi cho ga 'jig rten las 'das pa sgrub ba brjod par bya'o/ / gang gis dran pa tsam gyis mod la de bzhin gshegs pa thams cad mngon sum mthong nas 'dug pa dang / phyogs bcu'i sangs rgyas kyi zhing thams cad sgo phye ste 'dug pa dang /  byang chub sems dpa' thams cad kyis mngon du mthong ba sbyin par mdzad pa dang / dkyil 'khor gyi lha thams cad kyis mngon du srung ba dang / skyob pa dang / sbed par mdzad pa dang / dkyil 'khor dang phyag rgya dang / gsang sngags dang / snying po dang / cho ga zhib mo thams cad mngon du 'gyur ro// 'jig rten las 'das pa'i lus su 'gro ba yongs su dag par 'gyur ro// dus gsum du gshegs shing so so na bzhugs pa'i de bzhin gshegs pa dang / byang chub sems dpa' chen po'i 'phags pa'i tshogs mchog thams cad la phyag 'tshal lo// 'phags pa rdo rje 'chang ba dang / dkyil 'khor gyi lha thams cad dang / rig pa'i rgyal po la phyag 'tshal lo// oM a mo g+ha a ba lo ki te ma hA maN+Dal pad+ma sar+b+ba bo d+hi satwA na maskr-i te/ b+ha ra b+hA ra/ sa man+ta a ba lo ki te/ a mo g+ha ma hA brah+ma/  be Sha d+ha ra/ d+ha ra d+ha ra/ ma hA kA ru Ni ka bo d+ha ya bo d+ha ya/ ma hA bo d+ha ni/ bo d+hi bo d+hi/ pad+ma bi bo d+ha ni/ sar+b+be pA pa an d+ha ka ra/ pra sha ma ni/ sar+b+ba durga ti/ b+hA ra ka/ ma hA kA ru Ni ka/ ba hu bi bi d+ha/ beSha d+ha ra/ sar+b+ba ta thA ga ta gar+b+he/ hu ru hu ru/ a mo g+ha gar+b+be/ tu ru tu ru/ a mo g+ha pA sha haste/ mu ru mu ru/ bi mo k+Sha b+hu dze/ k+Shi Ni k+Shi Ni/ sar+b+ba A ba ra Na bi shud+d+hi/ b+ha ra b+ha ra/ sarba ta thA ga ta/ pa re pU ra Ni/  tar ta ra/ tA ra ya mAn/ a ba lo kA ya/ pad+ma b+hu dza/ ma Ni ka na ka/ bi b+hU Shi ta/ bA hu/ da ma da ma/ dur dAn tA nAn/ ma hA bo d+hi satwa ba ra da/ ma hA kA ru Ni ka/ sar+b+ba de ba ga Na na mo s+tha ta/ ri Shi ga Na/  sta bi ta/ sha ta sa ha sra tsan+na sUr+ya/ a ti re ka/ rash+mi/ a ba b+hA si ta/ ma hA ma shu pa ti/ be Sha d+ha ra/ pa ra ma/ shud+d+ha satwa/ a ba lo ki te/ lo kai shwa ra/ pa ra ma/ kA ru Ni ka/ maN+Da le shA ra/ supra bud+d+ha/ ma hA pad+ma/ b+hu dze shwa ra/ ma hA bi d+yA d+ha re shwa ra/ d+hi ri d+hi ri/ ma hA kA ru Ni ka/ ma hA bi mok+Sha/ man+ta la d+ha ra sar+b+ba ta thA ga ta/ gu h+ya/ mu dra sa ma ya d+ha ra/ ma hA ba la bid+yA dA ra/ ma hA ma Ni/ mau li d+ha ra/  a mi tA b+ha/ ma ku Ta/ d+ha ra/ d+hu ru d+hu ru/ sa man+ta/ a ba lo ki ta/ lo ke shwa ra/ ma he shwa ra/ pA sha d+ha re shwa ra/ pa ra ba ra/ pa ra ma/ ma hA me tri/ a ba lo ki ta/ sar+b+ba satwAM san+ta rA ga sid+ha sid+h+ya sha/ ba ri pU ra ke/ ma hA ba ra/ pra mo da nan mo stu te swA hA/ 'di ni thams cad rnam par grol ba'i dkyil 'khor byang chub sems dpa' thams cad kyis phyag byas pa/ de bzhin gshegs pa thams cad kyi gsang ba/ 'phags pa spyan ras gzigs dbang phyug gi snying po'i mchog gsang ba/ sdig pa dang sgrib pa thams cad yongs su sbyong ba/ 'jig rten las 'das pa'i lam rnam par sbyong ba/ de bzhin gshegs pa thams cad kyi rigs su 'jug pa yin no// dkon mchog gsum la phyag 'tshal lo// dus gsum du gshegs pa'i sangs rgyas dang byang chub sems dpa' thams cad la phyag 'tshal lo/ / oM bI ra bI ra/ ma hA maN+Da la/ bi shwa rU pa Sha Ta pA ra mi tA/ pa ri pU ra ka/ sar+b+ba bo d+hi satwa/ na mas+thi ta/ pa ra ma bi pu la/ bi mok+Sha d+ha ra/ ma hA pA sha/ bi lo ki ta/ a mo g+ha pA sha dzA li ta/ mahA dzAdz+wa la a ba lo ki ta/ ma hA ma Ni/ biSh+Ta d+ha ra/ sa man+ta a ba b+hU si ta/ dzA la dzA la/ ma hA gam b+hI ra/ bi mok+Sha pA sha d+ha ra/ ba la bo d+h+yang ga/ A kaR+Sha ka/ oM brah+ma rU pa/ ma hA a mo g+ha pA sha hUM hUM/ phaT phaT/  sar+b+ba satwa/ bi lo ki ta/ ba ra pra da/ na mo sU te swA hA/ 'di ni rnam par grol ba'i dkyil 'khor don yod pa'i zhags pa'i snying po 'jig rten las 'das pa'i rnam par 'phrul pa'o// dkon mchog gsum la phyag 'tshal lo/ / byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo// oM bi bu d+d+ha/ bi bu d+h+ya/ ma hA kA ru Ni ka/ ta ra ta ra/  ta rA ya/ ma hA ar+N+Na ba pA raM/ ma hA b+hu dza bi lo kA ya hUM phaT swA hA/ nye ba'i snying po'o// de bzhin gshegs pa thams cad la phyag 'tshal lo// byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ / oM a mo g+ha pA sha/ ma hA dA na pA ra mi tA/ pa ri pU ra ya/ hUM da ra da ra/ bi bi d+ha/ bi tsi traM/ sar+b+ba satwa/ u pa b+ho ga/ sar+b+ba / ta thA ga ta/ ma hA dA na/ pU dzA me g+ha/ pra brta ya/ ta ra ta ra/ ta ra ya/ ma hA pad+ma pA Ni hUM phaT swA hA/ 'di ni sbyin pa'i pha rol tu phyin pa'i zhags pa chen po'i snying po ste/ gang gis yungs 'bru tsam yang sbyin pa byin te/ dran pa tsam gyis lan bdun bzlas brjod byas na mchod sbyin sbyin pa rnam par 'phrul pa chen po shin tu rgyas pa chen po'i sbyin pa'i pha rol tu phyin pa yongs su rdzogs par 'gyur ro// de bzhin gshegs pa thams cad la phyag 'tshal lo/ / byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo// oM a mo g+ha shI la saM b+ha ra saM b+ha ra/ b+ha ra b+ha ra/ ma hA shud d+ha satwa/ pad+ma bi b+hU Shi ta/ b+hu dza d+ha ra d+ha ra/ sa man+ta/ a ba lo ki te hUM phaT swAhA/ gzungs 'di smyung ba byas te gso sbyong gi yan lag brgyad bzung nas mi smra bar lan nyi shu rtsa gcig dran par bya'o/ / de nas don yod pa'i zhags pa'i snying po bzlas brjod bya'o// bzlas brjod byas pa tsam gyis mod la tshul khrims yongs su dag pa chen po dang ldan par 'gyur ro/ / tshul khrims kyi pha rol tu phyin pa yongs su rdzogs par 'gyur ro// tshul khrims kyi dri zhim po'i dri mang po lus las byung zhing phyogs bcu'i 'jig rten du grags par 'gyur ro/ / gang zhig nyi ma re re zhing gzungs 'di dran na de ni rtag tu tshul khrims yongs su dag par 'gyur ro// dge slong gang zhig tshul khrims nyams pas sbyang ba byas te 'di bzlas brjod byas na bzlas brjod byas pa tsam gyis mod la tshul khrims yongs su dag par 'gyur ro/ / tshul khrims mang po dang ldan par 'gyur ro// de bzhin gshegs pa thams cad la phyag 'tshal lo//  / byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo// oM ma hA bIr+ya/ a mo g+ha bi lo ki te/ ba ra ba ra/ dri DA/ bIr+ya/ ma hA/  ba la/ ma hA bo d+h+yaM ga/ ba la bo d+ha ni hUM phaTaswA hA/ gzungs 'di dus rtag tu yongs su dag pa'i yid kyis dran par byas na/ dran pa tsam gyis mod la brtson 'grus kyi pha rol tu phyin pa yongs su rdzogs par 'gyur ro/ / byang chub kyis snying po la thug gi bar du nam yang brtson 'grus kyi pha rol tu phyin pa dang bral bar mi 'gyur ro// de bzhin gshegs pa thams cad la phyag 'tshal lo// byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ / oM a mo g+ha k+ShAn ti/ sar+b+ba bo d+hik+Sha mi Na/ k+Sha nak+Sha Na/ ma hA mai traM/ kA ru Na/ sar+b+ba satwa bta sa la/ ma hA kA ru Ni ka/ sar+b+ba satwa k+Sho mi Na hUM phaT swA hA/ gzungs 'di sems can du gyur pa thams cad la bzod pa chen po dang / snying rje chen po dang / brtse ba'i sems kyis dmyal ba na gnas pa dang / byol song gi skye gnas su gtogs pa ri dgas dang bya gang dag 'das pa gang yin pa dang / gnas pa gang yin pa dang / skye ba gang yin pa de rnams la snying rje ba'i phyir gang zhig gzung kyis mchog dran par byed na/ dmyal ba'i sems can las thar par 'gyur zhing skye bo mang po gnas pa gang yin pa rnams grol bar 'gyur ro// nam sangs rgyas kyi zhing la gnas kyi bar du bzod pa pha rol tu phyin pa yongs su rdzogs par 'gyur ro/ / de bzhin gshegs pa thams cad la phyag 'tshal lo// byang chub sems dpa' sems dpa' chen po 'phags pa spyan ras gzigs kyi dbang phyug thugs rje chen po la phyag 'tshal lo/ / oM sar+b+ba ta thA ga ta/ ma hA a mo g+ha/ ka ru Na/ d+h+yan sa mA d+hi/ sar+b+ba bi mo k+Sha/ a pra kaM pya ka/ tsu ru tsu ru hUM phaT swAhA/ gzungs 'di 'phags pa spyan ras gzigs dbang phyug la dmigs nas yid rtse gcig tu byas te dran par byas na/ dran pa tsam gyis mod la des bsam gtan gyi pha rol tu phyin pa yongs su rdzogs par 'gyur ro// gzhan yang nying 'dzin stong phrag brgya so sor thob par 'gyur ro/ / sangs rgyas kyi zhing du gtogs pa thams cad du zhugs pa 'gyur ro// bzlas brjod byas pa tsam gyis ting nge 'dzin thams cad la dbang sgyur bar 'gyur ro/ / de bzhin gshegs pa thams cad la phyag 'tshal lo// byang chub sems dpa' sems dpa' chen po 'phags pa spyan ras gzigs dbang phyug thug rje chen po la phyag 'tshal lo/ / oM a mo g+ha/ ma hA pradz+nyA/ a ba b+hA sa/ s+pha ra Na/ bud d+hi/ pra sa ra pra sa ra/ sa man+ta bud d+hi/ a ba lo ki te/ b+ha ga bAn pradz+nyA/ a ba lo ki ta/ tsak+Shu ShA ma hA pradz+nyA/ ba ra da/ pA Ni/ ma hA pradz+nyA/ pad+ma d+hA ra Ni/ b+hu dze hU~M phaT swA hA/ gzungs 'di dran pa tsam gyis mod la shes rab kyi pha rol tu phyin pa yongs su rdzogs par 'gyur ro// thabs dang shes rab sna tshogs kyi dge ba chen po'i blo 'phel bar 'gyur ro/ / rtag tu rgyun mi 'chad par pha rol tu phyin pa bcu'i blo dang ldan par 'gyur ro// phyogs bcu'i de bzhin gshegs pa thams cad dang /  'das pa dang / ma 'ongs pa dang / da ltar byung ba'i sangs rgyas rjes su dran pa'i shes rab dang blor 'gyur ro// lan 'ga' yang pha rol tu phyin pa drug dang bral bar mi 'gyur ro// sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi blo nyams par mi 'gyur ro// byang chub la thug gi bar du rab tu rmongs par mi 'gyur ro// don yod pa'i pha rol tu phyin pa drug gi gzungs chen po yin no/ / dkon mchog gsum la phyag 'tshal lo// byang chub sems dpa' sems dpa' chen po 'phags pa spyan ras gzigs dbang phyug / thugs rje chen po la phyag 'tshal lo// tad+ya thA/ oM a mo g+ha gi mo k+Sha/ maN+Da la ma hAd b+hu ta bi ma le/ d+ha ra d+ha ra/ d+hi ri d+hi ri/ ma hAd b+hU ta/ a mi tA b+hA/ ma ku Ta/ d+ha ra hUM phaT swA hA/ dkyil 'khor der yungs kar dang dri chab dang ldan pa'i bum pa la sngags bzlas brjod byas nas chus kun tu chag chag btab na/ chag chag btab pa tsam gyis mod la dkyil 'khor kun tu dpag tshad gcig gi nang du sa spyang te yongs su dag par 'gyur ro/ / ji ltar shel gong rin po che sna tshogs pa dag pa dri ma med pa mdzes pa de 'dra ba'i sa gzhir 'gyur ro// shin tu dag pa dang / shin tu dri ma med pa dang / shin tu nyams dga' ba dang / shin tu yid du 'ong ba'i sa gzhir 'gyur ro// shin tu sa gzhi dpa' bar 'gyur ro// sa phyogs de'i bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u rigs dang / dmangs rigs gang dag 'khod pa de dag thams cad phyir mi ldog pa'i sa la rab tu gnas par 'gyur ro// de dag thams cad phyir mi ldog par 'gyur ro// shi nas bde ba can gyi 'jig rten gyi khams su skye bar 'gyur ro/ / tshe rabs dran par 'gyur ro// nam bla na med pa yang dag par rdzogs pa'i byang chub tu mngon par rdzogs par 'tshang rgya ba'i bar du bsod nams kyi phung po chen po dge ba'i rtsa ba chen po sogs par 'gyur ro/ / gang dag byol song gi skye gnas su gtogs pa'i ri dgas dang bya de dag phyogs der 'gro zhing rab tu 'jug pa de dag thams cad yongs su grol bar 'gyur ro/ / bde 'gro'i lam la rab tu gnas par 'gyur ro// gang gis de'i sa lag par 'ongs te reg pa de dag thams cad nad dang bral ba dang / nyon mongs pa dang bral ba dang / rims dang bral ba dang / sgrib pa med pa dang / sdig pa dang bral bar 'gyur ro// de dag phyis lus la tshor ba'i nad 'byung bar mi 'gyur ro// rtag tu bde bas tshim pa'i lus su 'gyur ro// sa yongs su sbyong ba'i rig sngags so/ / dkon mchog gsum la phyag 'tshal lo// byang chub sems dpa' sems dpa' chen po 'phags pa sman ras gzigs dbang phyug thugs rje chen po la phyag 'tshal lo// tad+ya thA/ oM a mo g+ha dru ma/ la ta brik+Sha/ shaM kha pa tra/ puSh+pa pha la/ bi Ta pa a ro ha/ na hi DA ga/ pushwa ri Na/ ud sa hri da/ sun+da ra pra sra pa Ni/ bi bi d+ha/ bi tsi tra/ pa ri shA d+ha ya/ pad+ma b+hu dze/ sa ma sa ma/ sa man+te na/ pa ri maN+Da la/ pa ri sho d+ha ya/ ma la ma la/ bi ma la bi ma la ni rma la su pa ri shud d+ha/ pad+ma ud pa lip+ta/ dza la ma lAd bi shud d+ha/ sho d+ha ya sho d+ha ya/ ba ra ma ma hA shud d+hA ya/ satwa hUM phaT swAhA/ na maH tri b+hu ba ne hUM phaT swA hA/ 'dis tsan dan dang / pad+ma dang / chu dang / yungs kar la yongs su bzlas te/ ljon pa'i sdong po dang / me tog gi shing dang / 'bras bu'i shing dang / sna tshogs pa'i lcug ma dang /  rtswa dang / shing gel ba dang / sman dang / chu klung dang / mtsho phran dang / lteng ka dang / rdzing bu dang / 'bab chu mdzes pa'i steng du gtor bar bya ste/ de rnams thams cad la bdud rtsi blug par 'gyur ro//  de rnams thams cad la lha rdzas kyi me tog dang 'bras bur 'gyur ro// tha na lha'i rtswa dang / shing gel ba dang / sman dang / nags kyi bdag por 'gyur ro// gang la reg pa tsam gyis reg pa de thams cad ser sna'i dri ma dang bral zhing phrag dog spangs par 'gyur ro/ / mkhris pa dang / bad kan dang / mchil ma dang bral zhing / lus kyi phyi dang nang gi dri mi zhim pa thams cad yongs su dag par 'gyur ro//  gang yang lus kyi nang gi nad dang gnod pa sna tshogs pa de rnams thams cad yongs su grol bar 'gyur zhing / rnam par dag pa dang / rnam par nyams pa dang / legs par yongs su dag pa dang /  dri ma med par 'gyur ro zhes so// de la chus khrus byas pa gang yin pa de rnams kyang / lha'i chu dang byang chub yan lag gi chus khrus byas par 'gyur ro// sdig pa dang sgrib pa'i dri ma thams cad bkrus par 'gyur ro/ / yan lag brgyad dang ldan pa'i chus bkrus par 'gyur ro// des so shing zos pa de rnams de rnams kyang sangs rgyas kyi ye shes rjes su dran pa chen po 'phel bar 'gyur ro// mya ngan thams cad dang bral bar 'gyur zhing / zhags pa thams cad yongs su spangs pa dang / rtag tu kha nas ut+pa la'i dri bro bar 'gyur ro// ngag 'jam zhing snyan par yang 'gyur zhing ngag mnyen par yang 'gyur ro//  dga' ba'i gtam byed par 'gyur zhing skye bo thams cad yid dga' bar yang 'gyur ro// mi 'am ci'i dbyangs su'ang 'gyur ro// bstan bcos dang / cho ga zhib mo dang / gsang sngags dang / theg pa chen po thams cad thos pa tsam gyis kun tu 'dzin par byed cing kha ton du'ang gnas par byed do// me tog de la mnams pa dang / 'phreng ba mgul par 'ching bar byed pa gang yin pa de rnams kyang / byang chub yan lag gi me tog gi 'phreng ba bcings par 'gyur ro// de bzhin gshegs pa'i dbang gis mngon par dbang bskur bar yang 'gyur ro// sna tshogs su dag par yang 'gyur te/  lha'i dri dang reg pa dang yang dag par ldan par 'gyur ro// lce pad+ma'i 'dab ma dang mtshungs par yongs su dag par 'gyur ro// lha'i so dang mtshungs pa'i kha dog tu 'gyur/ bud med dang / skyes bu dang / khye'u bu mo gang la gtam smras pa de rtag tu dbang du 'gyur ro/ / shi 'phos shing skye ba brjes nas bde ba can gyi 'jig rten gyi khams su skye bar 'gyur te/ pad+ma las rdzus te skye bar 'gyur ro// tshe rabs dran par yang 'gyur ro zhes pa'o/ / 'bras bu dang / me tog dang / chu dang / nags kyi bdag po dang / rtswa dang / shing gel ba dang / sman yongs su sbyong ba'i sngags so// dkon mchog gsum la phyag 'tshal lo/ / byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo// tad+ya thA/ oM a mo g+ha a ma le tri ma le/ bi ma le/ nirma le/  ngidi bya ba ri shud+d+he sar+b+ba ma lo pa kaR+Shi ma ma hA bo d+hi sa twa ba ra de pra ba ra pa ri shud+d+he/ ma hA ma Ni rat+na kA ya pa ri shud+d+he/ ma Ni ma Ni sho d+ha ni ma hA a mo g+ha tsin+tan+tA ma Ni shud+d+he/ hr-i da ya shud+d+he/ kA ya nirma la ma hA Ni pa ri shud+d+he/ hu ru hu ru pra ba ra pA Ni mahA b+hu dza ba ra de/ tu ru tu ru/ ma hA satwa bta sa le/ pa ri sho d+ha ya mAM sarba pA su bi shud+d+ha ma le swA hA/ rig sngags 'dis rig sngags 'chang gis bdag nyid kyi lus yongs su sbyang bar bya ste/ tsan dan gyi chu dang / gur kum dang / gla rtsi'i chu dang / ga pur gyi chu dang / yungs kar dang / ba byung lnga bsres pas rdza gsar pa'i bum pa bkang ste/ rig sngags 'di stong rtsa brgyad du bzlas par bya'o/ / ras dkar pos bkru bar bya zhing lan bdun srang bdun btung bar bya'o// khrus byas pa tsam gyis mod la khro bo'i rgyal pos bdag nyid dbang bskur bar bya'o// khrus byas pa tsam dang / dbang bskur ba tsam gyis bdag rang gi phyi nang yongs su dag cing dri ma med par 'gyur ro// sdig pa dang / sgrib pa dang / dug dang bral bar 'gyur ro// nyon mongs pa dang nad dang bral bar 'gyur ro/ / rga ba la sogs pa dang bral bar 'gyur ro// bgegs dang / log 'dren dang / bdud la sogs pa thams cad las yongs su thar par 'gyur ro// gnod sbyin dang / srin po dang /  'byung po dang / sha za la sogs pa thams cad yongs su spangs par 'gyur zhing / bar chad bya ba'i phyir rig sngags 'chang ba'i drung du slar 'ong nus par mi 'gyur ro// rig sngags 'chang bde bar sgrub pa dang / bde bar nyal ba dang / bde bar sad pa dang / nam 'tsho'i bar du bde bar gnas pa dang / dri ma thams cad spangs pa dang / de bzhin gshegs pa thams cad mthong ba dang byang chub sems dpa' mthong bar 'gyur ro/ / 'phags pa spyan ras gzigs dbang phyug mngon sum du mthong ste shi ba'i dus byed par 'gyur ro// bde ba can gyi 'jig rten gyi khams su skal ba mnyam par skye bar 'gyur ro/ / pad+mo'i nang nas rdzus te skyes nas de bzhin gshegs pa 'od dpag med mngon sum du mthong bar 'gyur ro// rgyan thams cad kyis brgyan pa dang / lus mtshan dang dpe byad kyis brgyan pa dang tshe rabs dran par 'gyur ro/ / mthar byang chub la thug gi bar du sangs rgyas kyi zhing nas sangs rgyas kyi zhing du 'gro bar 'gyur ro// rnam par grol ba'i dkyil 'khor don yod pa'i zhags pa'i snying po cho ga zhib mo 'di mtha' dag rdzogs par kha ton byed par 'gyur ro/ / gzhan yang de bzhin gshegs pas bka' stsal pa'i mdo sde gzhung sna tshogs rnam pa du ma kha ton byed par 'gyur ro/ / bskal pa stong phrag brgya tshun chad du skye ba dran par 'gyur ro// oM a mo g+ha pad+ma/ bi ma le pra sa ra/ sa man+ta/ pu khe swAhA/ dkyil 'khor char phye ste thig gdab pa'i sngags so// oM a mo gA bi bi d+ha/ rU pa bi tsi tra/ gan d+ha/ ra san d+ha ra/ pra ba ra/ b+ha dze swAhA/ tshon rtsi'i sAk+ka dang / sku gzug gzhag pa dang / mtshon cha dang rtags bri ba'i sngags so// oM a mo g+ha san+na pa ri man+da la/ pA sha ban d+hahUM/ yungs kar la lan bdun bzlas brjod byas pas dkyil 'khor bsdam par bya'o// oM a mo g+ha sa man+ta/ da sha dig ma hA sI man/ ban d+ha ya/ d+hu ru d+hu ru hUM phaT swA hA/ yungs kar dang chu la lan bdun bzlas brjod byas pas mtshams gcad pa'o/ / oM a mo g+ha rak+Sha Na/ pA sha ha ste/ b+hu ru b+hu ru swA hA/ yungs kar dang dri chab la lan bdun bzlas brjod byas pas bdag bsrung ba'o//  oM a mo g+ha/ tsU Da ma Ni/ hu ru gu ru/ nA ga pA sha ban d+he hUM swA hA/ lan nyi shu rtsa gcig bzlas brjod byas pas spyi gtsug bcing ba'i sngags so// oM a mo g+ha rak+Sha sa man te na/ ma hA pA she/ b+hu ru b+hu ru swA hA/ slob ma dang grogs rnams bsrung ba'i sngags te/ yungs kar dang thal ba la lan nyi shu rtsa gcig bzlas brjod byas te bsrung bar bya'o// oM a mo g+ha/ dza la bi ma le su ru su ru swA hA/  / dri chu la lan nyi shu la rtsa gcig bzlas brjod byas pas khrus bya ba'i sngags so// oM a mo g+ha a mri ta/ bin+d+ha tsa ra tsa ra swA hA/ nye reg bya ba'i sngags so// oM a mo g+ha di bya bste tsu ru tsu ru swA hA/ gos kyisngags so/ / oM a mo g+ha b+hu dza ka/ ka ba tsa/ ba ra de/ tsau ri tsau ri swA hA/ go cha'i sngags yin te yungs kar dang gur kum gyi chus bya'o// oM a mo g+ha brah+ma b+hu dze pAr+yan te pra sa ra swA hA/ mchod phyir / thogs kyi sngags so// oM a mo g+ha tsu Da ma Ni pad+me/ a b+hi Shiny+dza ya/ ma ma sar+b+ba ta thA ga ta a b+hi She kaM ma Ni ma Ni swA hA/ dbang bskur ba'i sngags so// oM a mo g+ha pad+ma ba sun d+ha ra/ d+ha ra d+ha ra/ d+ha ra Ni/  maN+De hUM/ stan gyi gsang sngags so// oM a mo g+ha sa man+ta bar+yang ke/ b+hu bi swA hA/ skyil mo krung bca' ba'i sngags so// oM a mo g+ha su ra d+hi/ pad+me pa ra pa ra hUM/ me tog gi sngags so/ / oM a mo g+ha bi bi d+ha/ ga na d+ha/ pra sa raM/ pUr+Na b+hu dze swA hA/ dri'i sngags so// oM a mo g+ha bi bi d+ha le pa na pra ba re pi ri pi ri swA hA/ byug pa'i sngags so// oM a mo g+ha ga na s+phu ra Na ma yaM b+hu ru b+hu ru hUM/ bdug pa'i sngags so// o a mau g+ha shu kla ra sa ra sa/ a gra d+ha ra bi d+ha ra hUM/ gtor ma'i sngags te thams cad du bya'o// oM a mo g+ha/ pra ba ra/ nu pi lo ki ni/ ki ri ki ri hUM/ zas dang gtor ma'i sngags so// oM bi bi d+ha/ a mo g+ha/ pha la/ pa ra pa ra hUM/ 'bras bu'i sngags so// oM a mo g+ha ang b+hu ta gan d+ha ba re hUM/ mchod yon gyi sngags so// oM a mo g+ha/ bi bi d+ha/ ma Ni/ b+hu Sha Na/ ba re/ dzA la dzA la hUM/ rgyan dang / thod dang / dar spyang ba dang / mda' dang / tshon sna lnga dang / thig skud kyi sngags so// oM a mo g+ha/ bi bi d+ha/ b+ha dza ne/  / dza ya dza ya swA hA/ snod kyi sngags te thams cad du sbyar ro// oM a mo g+ha/ pra ba ra b+ha ba na/ b+hu be tha ra tha ra swA hA/ gzhug pa'i sngags so// oM a mo g+ha na ma sa ra Na/ sar+b+ba ta thA ga ta/ oM dza le hUM/ phyag 'tshal ba dang thal mo sbyor ba'i sngags so// oM a mo g+ha tsakre du ru du ru pra duru swA hA/ bskor ba'i sngags so// oM a mo g+ha sa man+ta b+ha ba ne b+ha ba b+ha ba swA hA/ spyan drang ba'i sngags so/ / oM a mo g+ha tsin+ta ma Ni prA ka rA ya du ru du ru swA hA/ gsol ba gdab pa'i sngags so// oM a mo g+ha nirmar+d+ha Na bi mok+Sha maN+Da le mi li mi li swA hA/ snyan gsan dbab pa'i sngags so// oM a mo g+ha ma hA rash+mi dz+wA la dz+wA la sa man+ta swA hA/ par me'i sngags so// oM a mo g+ha pA sha haste pra sa ra gats+tsha swa b+hA ba nan bi sardzi ta si sa ra sa ra hUM phaT swA hA/ slar gshegs su gsol ba'i sngags so// oM a / mo g+ha pA sha ban+d+ha sa men+ta ma hA sa ma ya/ dri D+he hUM phaT swA hA/ dam tshig gi sngags so// oM a mo g+ha sa man+te/ pra ba ra/ sa ra sa ra/ pra sa ra ma hA b+hU te shwa ra/ d+hi ri d+hi ri/ hUM hUM phaT swA hA/ gsang sngags 'dis la du dang / mo da ka ra dang / zan dang / rtsa ba dang / sdong bu dang / gtor ma dkar po dang / tshogs chen po'i bdag po'i gtor ma sbyin pa dang / me tog dang / bdug pa'i sbyin pa byas na phyis bgegs byed nus par mi 'gyur ro/ / 'jig rten 'das pa'i dkyil 'khor gyi// phyag rgya de nas brjod bya ste// gang gis bzung ba tsam gyis ni// sdig pa thams cad zhi bar 'gyur// las dang nyon mongs sgrib pa dang / dug rnams thams cad rnam par bcom// rnam grol dkyil 'khor rigs kyi ni// dam tshig phyag rgya yang dag yin// lag gnyis pad+ma 'drar byas la// sor mo rnams ni mnyam bzhag ste/ / gung mo lcags kyu 'dra bar bya// lag gnyis mnyam par bzhag pa yi// phyag rgya rnam grol dam tshig 'di// don yod zhags par byin gyis brlabs// 'jig rten 'das pa khyad par gyi/ lam gyi 'bras bu thob par byed// oM pad+ma b+hu dze/ pad+ma ka re/ pad+ma bi ma le swA hA/ dam tshig rtse mo'i rtse shes pas// rdo rje pad+ma rtag tu bya// gung mo cung zad bskums/  nas ni// lag gnyis pad+mo 'dra bar bya// gang gis phyag rgya 'di mthong ba// 'jig rten rnams kyi dbang phyug dag/ mtshungs pa med par 'gyur ba yin// rnam grol phyag rgyas dogs med par// sangs / rgyas mtshungs med 'gyur ba yin// byang chub sems dpa' kun gyis ni// phyag byas pa yi phyag rgya 'di// rnam grol dkyilta rmad du byung // oM pad+me su pad+me/ bi mo k+Sha maN+Da la/ pad+ma b+hu dze swA hA/  rdo rje bcing ba mnyam bzhag ste// rdo rje pad+mo gung mo ni// bskums na de bzhin gshegs kun gyi// rnam grol gsang ba'i phyag rgya 'di// yang dag grol ba rab tu bstan// phyag rgya 'di ni bstan pas ni/  ngan par byas pa thams cad 'jig/ oM a mo g+ha badz+ra pad+ma b+hu dze mi li mi li swA hA// lag gnyis thal mo khong stong las// mdor na nor bu 'dra bar bcing // nor bu'i phyag rgya rdo rje 'dra// yid bzhin nor bur brjod pa yin/ / las ni don yod thams cad byed// don yod mchod pa'i char 'bebs shing // don yod pha rol phyin drug rdzogs// don yod sangs rgyas rnams dang ni// byang chub sems dpa' mthong ba yin/ / don yod rnam grol dkyil 'khor gsang // mtshams med lnga po sbyong bar mdzad// oM a mo g+ha/ ma Ni ma Ni/ ma hA ma Ni/ pad+ma Ni swA hA/ rdo rje pad+ma'i thal mo sbyar pad+ma kha bye 'dra bar rgyas/ / gung mo lcags kyu 'dra ba yi// phyag rgya 'di ni mchog tu bzang // phyag rgya 'di ni mthong tsam gyis// 'bras bu chen po rmad du byung // 'jig rten 'das pa khyad par 'phags dus gsum sangs rgyas mthong ba yin/ / oM a mo g+ha/ badz+re ma hA pad+me/ dz+wa le su dz+wA le/ ma hA dza le swA hA/ snying khar rdo rje pad+ma nyid// rdo rje bcing ba phun sum tshogs// mdzub mo lcags kyu 'dra ba ni/ / btsir bar bya ba'i phyag rgya 'di// gzi brjid chen po dag dang ni// stobs chen pha rol gnod pa dang // thams cad grub par byed pa'i gnas// thams cad grub par rab tu sbyin// 'jig rten 'das pa grub pa che/ / sangs rgyas nyid phyir bla na med// sdig pa thams cad 'phrog pa grub// gsang sngags grub pa bla na med// oM a mo g+ha sid+d+he/ sar+b+ba ta thA ga ta sid+d+he/ a ba lo kA ya sid+d+he/  ma hA bi pu la sid+d+he/ ku ru ku ru swA hA/ rdo rje thal mo mnyam bzhag ste// gung mo gshibs te bsgreng ba dang // srin lag mthe bong so sor dgyed// gung mo yid tsam dgug bya ba// pad+ma'i dbang phyug sems dpa' che/ / 'jig rten dbang phyug bla ma ste// rtag tu rnam grol dkyil 'khor ni// byang chub sems dpa' thams cad kyis// phyag rgya byas pa 'di yin no// phyag rgya 'di dang don yod pa'i zhags pa'i snying po'i phyag rgya dang / phyag rgya de dag mthong ba ni 'jig rten dbang phyug mthong ba dang 'dra ba yin no// phyag rgya mchog 'di mthong ba ni rnam par grol ba'i dkyil 'khor mthong ba dang 'dra ba yin te/ phyir mi ldog pa thob par 'gyur ro// phyag rgya 'di bcings pa tsam mthong bas mod la dam tshig thams cad shes par 'gyur ro// mthong ba dang bzung ba tsam gyis mod la 'bras bu chen po 'thob cing / mod la sangs rgyas kyi byang chub bla na med pa yin no// dkon mchog gsum la phyag 'tshal lo// byang chub sems dpa' sems dpa' chen po 'pham pa spyan ras gzigs dbang phyug thugs rje chen po la phyag 'tshal lo/ / oM a ba lo ki ta/ ma hA shud+d+ha satwa sa ra sa ra/ sa man+ta a ba b+hA sa/ kuN+Da la/ d+ha la/ a mi tA b+hU/ ma ku Ta/ d+ha ra / dzA Ta ma ku Ta/ na ba badz+ren+ma/ maN+Di ta/ tsa ra tsa ra/ saM b+ha ra/ b+hu ba Ne shwa ra pad+ma b+hu dze swA hA/ phyag rgya chen po bdun po de dag ni 'jig rten las 'das pa'i byang chub snying po'i lam gyi 'bras bu ston pa rtag tu 'jig rten dbang phyug bla ma'i 'jig rten mgon po'i chos kyi 'khor lo skor ba yin no/ / phyag rgya bdun ni phyag rgya chen po bye ba phrag bdun gyis yongs su bskor ba yin te/ phyag rgya chen po bdun po de gang du bcings shing phyag rgya mchog bzung ba ni phyag rgya chen po bye ba phrag bdun brgya bcings par 'gyur ro/ / bzung bar 'gyur ro// de dag thams cad mchod pa dang bsnyen bkur byas par 'gyur ro/ / bstod par 'gyur ro// ming 'dzin pa byas par 'gyur ro// phyag rgya bdun po de dag ni gsang sngags sgrub pa thams cad dang / kun tu las thams cad la sbyar bar bya'o// thams cad byed pa'i phyag rgya 'jig rten las 'das pa'i lam bla na med pa yin no/ / gang zhing phyag rgya de dag bcings mthong zhing khrus legs par byas te/ gtsang mas sgrub par byed pa 'di ni ngan 'gror 'gro bar mi 'gyur ro/ / sngon gyi sgrib pas dmyal ba mthong bar mi 'gyur/ phyag rgya bcings pa tsam gyis mod la yang dag par rdzogs pa'i sangs rgyas bye ba khrag khrig 'bum phrag bdun gyi drung du dge ba'i rtsa ba bsags par 'gyur ro/ / bsod nams kyi phung po chen po kun tu bzung bar 'gyur ro// pha rol tu phyin pa drug yongs su rdzogs par 'gyur ro// sa bcu la rab tu gnas par 'gyur ro//  phyir mi ldog pa'i gnas rab tu thob par 'gyur ro// mtshams med pa lnga byed pa dang / dam pa'i chos spong ba dang / 'phags pa la skur pa 'debs pa dang / mnar med pa la gzhol ba rnams kyis ci ste phyag rgya bzung ba tsam dang / bstan pa tsam gyis mod la sdig pa de dag thams cad rnam par zhig par 'gyur ro// sangs rgyas dang byang chub sems dpa' thams cad kyis yongs su bzung bar 'gyur ro/ / lha dang / klu dang / gnod sbyin dang / srin po dang / 'byung po dang / sha za la sogs pa rnams las legs par bsrungs par 'gyur ro// dbang phyug dang / dbang phyug chen po dang /  rgyal po chen po bzhi dang / gshin rje dang / chu lha dang / lus ngan dang / gzhon nu rnams rtag tu rgyun mi 'chad par bsrung ba dang / bskyab pa dang / sba ba'i phyir rgyun du rjes su 'brang ba byed par 'gyur ro/ / sems can thams cad dga' ba mthong bar 'gyur ro// mchod rten du gyur pa yin par 'dod pa dang / lus ring bsrel gyi snying po yin par 'gyur ro// rdo rje ltar mthes pa'i lus su 'gyur ro/ / dug gis mi tshugs/ mes ma yin/ mtshon gyis pa yin/ chus ma yin/ dbyig dug gi 'jigs pas ma yin/ seng ges ma yin/ gcan gzan gtum pos ma yin/  dug mi bzad pas ma yin/ rkun po dang mi rgod kyis ma yin/ khyim rdib pas ma yin/ gnod sbyin dang / srin po'i gdon yang 'ong bar mi 'gyur/ nad thams cad 'jug par mi 'gyur/ lus la dug sbyar ma dang / byang dang / spod gtong gi 'jigs pa 'byung bar mi 'gyur ro// rtag tu sdig pa can gyi rmi lam mthong bar mi 'gyur ro// rtag tu de bzhin gshegs pa lta ba mthong bar 'gyur ro/ byang chub sems dpa' lta ba mthong bar 'gyur ro// rtag tu 'phags pa spyan ras gzigs dbang phyug mthong ste/ rtag tu mchog sbyin pa mdzad par 'gyur ro// lha thams cad kyang rtag tu rgyun mi 'chad par 'dis mthong bar dgyes par 'gyur ro/ / rtag tu yon tan dang bsod nams 'bar ro// dpal gyis lus la shin tu 'bar ba'i lus su 'gyur ro// thams cad du 'di mchod par 'os pa chen por 'gyur te/ rgyal po dang / blon po dang / bram ze dang / khyim bdag dang / btsun mo'i 'khor gyis mchod par 'os pa chen por 'gyur ro// lha'i gnas sum cu rtsa gnyis kyi bar du'ang dgyes par 'gyur te mchod par byed do/ / lha rnams kyi dbang po brgya byin lha'i bdag po dang / tshangs pa dang / khyab 'jug dang / dbang phyug chen po dang / gshin rje dang / chu lha dang /  lus ngan po dang / gzhon nu dang / drang srong gi tshogs rnams kyis mchod par 'os pa chen por 'gyur ro// sems can thams cad kyang rtag tu de mthong bar 'dod par 'gyur ro// rtag tu dgyes par ston par bzhed par 'gyur ro/ / rig sngags 'chang bas khrus byas gos gtsang ma bgos te gtsang mar byas la dri sna tshogs kyis lus bsku ba dang / bdug pa sna tshogs kyis bdug pa byas la/ tsan dan dkar po dang / gur kum gyis lag pa gnyis bskus te/ ga pur dang gla rtsis bsgos pa'i sa phyogs gtsang mar ras ris kyi sku gzugs kyi spyan snga 'am/ sangs rgyas kyi sku gzugs kyi spyan snga 'am/ 'phags pa spyan ras gzigs dbang phyug gi sku gzugs kyi spyan sngar skyil mo krung bcas te 'dug nas phyag rgya 'di bcing bar bya'o// mchod rten ring bsrel can gyi drung du phyag rgya bcing bar bya'o/ / sangs rgyas la mchod pa'i tshogs yon chab la sogs pa dbul bar bya'o// byams dang dang snying rje'i sems su bya'o// sems can thams cad la lhag par brtse ba dang snying rje'i sems bsgom par bya'o/ / sems can thams cad la bu gcig pa dang 'dra bar shes par bya'o// 'phags pa spyan ras gzigs dbang phyug yid la dran par bya'o/ / sangs rgyas yid la byed pa dran pa bsgom par bya ste/ phyag rgya chen po bdun po de dag ni bcing ba byas na phyag rgya bye ba phrag bdun bcings par 'gyur ro//  de nas mthu brjod par bya'o// mthu ni 'jig rten las 'das pa yang dag par mthong ba dang / don yod pa'i zhags pa'i cho 'phrul dang / rang bzhin gyi sku mngon du mthong ba yin no// rgyal po 'am/  btsun mo'i nang du 'am/ skye bo mang po'i nang du tshogs pa'am/ dge slong gi tshogs kyi dge 'dun gyi nang du 'am/ 'khor du bcas pa'i nang du'am/ rig byed bzhi tshogs pa dang / dge sbyong dang /  bram ze dang / rgyal rigs dang / bud med dang / skyes pa dang / khye'u dang / bu mo dang / rje'u rigs dang / dmangs rigs dang bcas pa de dag gi nang du de dag gis don yod pa'i zhags pa'i cho 'phrul 'jig rten las 'das pa mod la mngon du mthong ba dang / 'das pa dang / ma 'ongs pa dang / da ltar byung ba'i 'chi ba dang / skye ba dang / skyes nas yang dag par dge ba dang mi dge ba'i 'bras bu dang / dge ba dang mi dge bas shi ba dang / skyes nas phyug po 'am/ dbul po 'am/ rgyal po thob pa 'am/ lha'i longs spyod dang / lha'i gnas sum cu rtsa gnyis dang / brgya byin dang / tshangs pa dang /  khyab 'jug dang / rtag tu dbang phyug chen por 'gyur ba dang / klu'i skye gnas dang / yi dgas dang / gnod sbyin dang / srin po gsang ba pa rnams kyis dmyal ba mi bzad par skye ba dang / mtshams med pa la thug gi bar du mthong ba dang / bram ze'i rigs sam/ rgyal rigs sam/ gzhan yang rigs du ma sna tshogs par skye bar mthong ba dag 'jig rten mgon po'i mthus mngon sum du mthong bar 'gyur ro/ / 'jig rten pa'i las bsgrub par bya ba de dag thams cad bstan par bya ste/ rgyal ba dang / rnam par rgyal ba dang / bde ba dang / lo legs pa dang / lo nyes pa dang / mi ngas dang /  yams kyi nang dang / pha rol gyi 'khor ram/ rang gi 'khor la gnod pa dang / dgra dang / phyir rgol ba dang / 'gyed pa dang / g.yul sprod pa dang / tshe ring ba dang / tshe thung ba dang / nad 'byung ba dang /  nad med pa dang / char 'bab pa dang / shin tu char 'bab pa dang / char mi 'bab pa dang / dus ma yin par 'bab pa dang / dar ba dang / rgud pa dang / 'byor pa dang / mi 'byor pa dang / 'ong ba dang / 'gro ba dang / nor dang / 'bru rnyed pa dang / 'phel ba dang / bri ba dang / lo nyes pa mthong ba dang / 'khor ba na da ltar gyi las gang cung zad legs par byed pa dang / nyes par byed pa dang /  dge ba 'am/ mi dge ba'am/ 'bri ba 'am/ 'phel ba 'am/ skye ba legs par skye ba 'am/ ngan par skye ba 'am/ bu 'byung ba bu pho 'am/ bu mo 'am/ bu bzang po 'am/ bu ngan pa 'am/ bsod nams can nam/ bsod nams med pa mngal na gnas pa de dag bden pa nyid du mthong ste/ las kyi cho ga legs par byas pas the tsom mi bya'o// tshes grangs dang / rgyu skar dang / nyin mtshan brjod par bya mi dgos kyi/ bzlas brjod dang / gtor ma dang / gtsang sbra dang / bkru ba shal dang / shin tu khrus bya ba dang / gos gtsang ma bcang ba dang / bden par smra/  ba dang / byams pa'i sems dang / bla ma lA legs par mnyan pa de gzung ba kho nar bya'o// zas dang / skom gtsang ma dang / chang dang / sha dang / beg tsong dang / sgog skya dang / ke'u dang / 'dres par byas pa'i 'dres pa'i zas yongs su spang ba dang / shin tu 'bags pa dang / de dag ni khyad par 'dod pas yongs su spang bar byas nas/ las 'di ni mod la thams cad mngon du mthong bar 'gyur ro/ / dka' thub spyod pa la bsnyas sems mi bya/ ma gus pa mi bya'i/ lkog tu'ang mi bya'o// rjes su bstan pa de dag ni mchog yin no// bsgrub par bya ba mchog de dag ni 'jig rten dbang phyug mgon pos bka' stsal pa yin no/ / dngul las me long chu zheng du sor bcu drug pa byas la/ zangs las pad+mo'i gdan khru gang gi tshad sdong bu dang bcas par bya'o// me long gi gong du dngul lam gser las 'phags pa spyan ras gzigs dbang phyug don yod pa'i zhags pa bya ste/ tshad sor bzhi pa/ gdan pad+mo/ phyag bzhi la mdung rtse gsum pa dang / zhags pa dang / pad+ma dang / nor bu ring po che thogs par bya ba ni 'jog sbyong legs par byas pa/ 'jam po 'od phyin pa tsam du skrang bar bya'o// de nas rig sngags 'chang bas me long gi gong gi 'jig rten dbang phyug gi sku la ring bsrel gzhag par bya'o/ / ga pur dang gla rtsis sku la mchod par bya'o// me long gi nye 'khor thog thag tu dngul gyi me tog dang / gser gyi me tog rin po che sna tshogs kyis spras pa'i 'phreng ba gdags par bya'o//  dbang bskur ba'i dar gdags par bya'o// de nas rig sngags 'chang bas me long de la nyi ma re re zhing dus gsum du don yod pa'i zhags pa'i snying po brgya rtsa brgyad bzlas brjod bya ste/ ji tsam brgyad stong tshang gi bar du bya'o/ / khro bo'i rgyal pos dbang bskur bar bya'o// de nas me long 'bar bar 'gyur ro// gcig kho nar kha dog sna tshogs pa 'bar bar 'gyur ro// 'jig rten dbang phyug gi sku gzugs de las lha rdzas kyi chu 'dzag go/ / 'od zer sna tshogs 'byung ngo // de nas rig sngags 'chang gi lus 'bar zhing dga' bar 'gyur ro// don yod par dga' ba dri ma med pa zhes bya ba don yod pa'i zhags pa'i snying po'i cho ga zhib mo grub pa thob par 'gyur ro/ / lus shin tu dri ma med cing yongs su dag par 'gyur ro// de nas rig sngags 'chang bas 'jig rten thams cad kyi mngon sum du don yod pa'i zhags pa rnam par 'phrul pa 'grub pa bstan par bya dgos pas/ de nas rig sngags 'chang bas sa dang ba'i lci ba bsres pa'i dkyil 'khor rgyar khru bzhi/ 'phang du khru do pa byas pa/ shin tu mkhregs pa/ shin tu 'jam par bya'o// thig skud kyis rnam par phye zhing tshon sna tshogs rnam par dbye zhing sgo bzhi rnam par phye nas dkyil 'khor gyi dbus kyi snying po rnam par phye ste/ pad+ma 'dab ma brgya rtsa brgyad tshon gyis gsal bar bri zhing pad+ma'i dkyil du ge sar dang ze ba bya'o// stegs bu gru bzhi la rin po che sna tshogs kyis brgyan pa dang /  stegs bu'i grwa bzhir rgyal po chen po bzhi go cha bgos pa/ gtum pa/ 'jigs pa byed pa'i gzugs bri bar bya'o// stegs bu'i dbus kyi gnas par bar du lha dbang phyug dang / dbang phyug chen po dang / gshin rje dang / chu lha dang / gzhon nu dang / lus ngan po dang / tshangs pa dang / khyab 'jug dang / dbang phyug chen po dang / lha dbang phyug chen po dang / phyag na rdo rje dang / ral pa gcig pa dang / sgrol ma dang / dkar po dang / khro gnyer ma dang / rdo rje pho nya po rnams tshon sna tshogs kyis bri zhing rgyan thams cad kyis brgyan pa/ me tog sna tshogs thogs pa bya'o// stegs bu'i phyi rol du mdung rtse gsum pa'i 'phreng ba dang / rdo rje'i 'phreng ba dang / pad+ma'i 'phreng ba kun tu bya'o// 'phreng ba'i bar dbus dang grwa'i bar du lha mo brgyad bya ste/ 'jigs byed ma dang / dpe med pa dang / ba san ti dang / dpal dang / sgra dbyangs dang / sa'i lha mo dang / dung can pa dang / pus pa dan ti rnams rgyan thams cad kyis brgyan pa/ me tog sna tshogs dang rin po che'i snod thogs par bya'o//  phyi rol thog thag tu 'phreng ba'i bar bar du dri sna tshogs kyis dkyil 'khor bsku zhing tsan dan dkar po dang gur kum gyis mchod pa sna tshogs bya'o// ga pur dang gla rtsis mchod cing dkyil 'khor kun tu dar sna tshon sna lnga'i rgyal mtshan dang / mda' dang / rta babs kyis brgyan par bya'o// dngul gyi snod bzhi cung beng gis bkang ste gzhag par bya'o// dngul gyi snod bzhi gtor ma dkar gsum gyis dgang bar bya'o/ / dngul gyi snod bzhir mchod yon gyi chu gzhag par bya'o// snod brgyang ro sna tshogs kyi gtor mas dgang bar bya'o// 'bras bu rnam pa sna tshogs gzhag par bya'o// kha bas bza' ba dang gtor ma rnam pa sna tshogs gzhag par bya'o/ / dri sna tshogs dang byug pas dngul gyi snod bkang ste gzhag par bya'o// dngul gyi pog por brgyad tsan dan dang / a ka ru dang / du ru ka dang / ga pur dang / gla rtsi dang / gur kum dang / sra rtsi pog dang / pog gis gang bar bya zhing bdug spos sna tshogs pas bsreg go/ dngul dang / zangs dang / gser gyi me tog gi snying po'i dkyil 'khor du gcal du dgram mo/ / phyi'i dkyil 'khor du ji ltar rnyed pa'i me tog gcal du dgram par bya ste/ 'phreng ba rnams khor yug tu bskor nas bzhag ste/ de la'ang me long legs par brgyan par byas nas/ dbus kyi dkyil 'khor gyi pad+ma'i ge sar dang ze'u 'bru la shar du phyogs par gzhag par bya'o// rig sngags 'chang gtsang mkhrus byas gos gtsang ma bgo bar bya ste/  dkyil 'khor gyi las dang bya ba thams cad byas nas/ me long la mngon du phyogs te skyil mo krung du 'dug par gyur nas/ 'phags pa don yod pa'i zhags pa'i snying po'i bzlas brjod dbul bar bya ste/ bzlas brjod brgya rtsa brgyad rdzogs pa dang / khro bo'i rgyal pos dbang bskur ro// dbang bsgyur ba tsam gyis mod la 'jig rten thams cad kyi mngon sum dang 'khor chen po'i dbus su me long gi dbus der/ 'phags pa spyan ras gzigs dbang phyug rang gi gzugs kyis mthong ste/ me long gi dbus de nas rig sngags 'chang de la legs so zhes bya ba sbyin par mdzad do/ / rig sngags 'chang chen po legs so legs so// bdag la don yod pa'i me long la 'bebs pa'i de kho na nyid dam par gyur pa 'di thams cad yang dag par mthong ste/ 'jig rten dang 'jig rten las 'das pa'i las kyi 'bras bu bla na med pa zhes bya ba yongs su dag pa nyid do/ / rig sngags 'chang khyod kyis 'bras bu chen po 'jig rten las 'das pa'i lam mtshungs pa med pa thob bo/ / khyod kyis don yod pa'i zhags pa'i snying po'i 'jig rten dang 'jig rten las 'das pa'i sgrub pa'i cho ga dang / cho ga zhib mo dang / dkyil 'khor dang / phyag rgya grub po// rig sngags 'chang 'jig rten dang 'jig rten las 'das pa'i mchog gang 'dod pa smros shig/ de thams cad sbyin par bya'o zhes so// de nas rig sngags 'chang gis mchog gang don du gnyer ba de blangs ma thams cad 'phral nyid du sbyin par byed do/ / 'khor gyi dkyil 'khor gang yin pa der kun nas 'ongs pa'i bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / dmangs rigs dang / rje'u rigs dang / rgyal po dang / blon po dang / bkrabs pa dang / mdun na 'don dang / btsun mo'i 'khor du kun 'ongs pa dang / bsod nams dang ldan pa 'am/  bsod nams dang mi ldan pa 'am/ yongs su dag pa 'am/ lta ba ngan pa 'am/ gzhan dmyal ba pa'i sems can gti mug gi mun pa la lhung ba/ mnar med pa la gzhol ba/ mtshams med pa lnga byed pa/ 'phags pa la skur pa 'debs pa/ dam pa'i chos spong ba gang yin pa de rnams thams cad la'ang / 'phags pa spyan ras gzigs dbang phyug gi lus de la ston par byed/ thams cad du smra bar byed/ yang dag par dbugs 'byin par byed/ thams cad du rang gi las dge ba'am mi dge ba'i 'bras bu rnam par smin pa de thams cad ston par byed do// rig sngags kyis chom rkun dang / gdol pa dang / rig sngag spong zhing nyam par byed pa dang / rig sngag sun 'byin par byed pa dang / rig sngag la ma dad cing gus pas mi nyan pa de'i mi mthong ba ni ma gtogs te/ gzhan du na rang gi las kyi 'bras bu sdug bsngal rnam pa sna tshogs nges par 'byung bar mthong ngo / / de nas sems can de rnams gang 'dod pa'i don yid la byed pa 'jug ste/ 'jig rten pa 'am 'jig rten las 'das pa de thams cad 'khor gyi dkyil 'khor chen por rang rang gi 'bras bu nges par 'byung ba/ bsod nams dang bsod nams ma yin pa'i 'bras bu mthong bar byed do// de bzhin gshegs pa thams cad kyi sangs rgyas kyi zhing mthong ngo //  de bzhin gshegs pa'i sku chen po dang / khang pa brtsegs pa dang bcas pa'i gzhal yas khang mthong ngo // po Ta la ka'i ri bo'i gzhal yas khang rnams bcom ldan 'das kyi rnam par 'phrul pa dang bcas pa dang / 'phags pa spyan ras gzigs dbang phyug 'khor dang bcas pa gzhal yas khang na lha dang klus yongs su bskor ba mthong ngo // gzhan ji ltar da ltar gyi dge ba dang / mi dge ba dang / lo legs pa dang / lo nyes pa dang / nad dang / 'chi ba dang / tshe thung ba dang / tshe ring ba dang / rang gi dmag tshogs dang / pha rol gyi dmag tshogs dang / g.yul dang /  'khrug pa dang / 'jigs pa dang / rgyal ba 'am/ 'pham pa 'am/ brlag pa'am/ ma brlag pa'am/ yams sam/ char ches pa 'am/ dus ma yin pa'i char ram/ char med pa 'am/ rlung ngam/ sad dam/ tshad pa'ang rung ste/ de dag thams cad mthong ngo // nor dang ldan pa'am/ nyams pa 'am/ 'phel ba 'am/ lo tog gam/ me tog gam/ 'bras bu 'phel ba'ang rung ste/ de dag thams cad mthong ngo / / chom rkun dang / kun po dang / dug dang / mtshon cha'i 'jigs pa 'am/ rgyal po'i 'jigs pa 'am/ gnod sbyin dang / srin po dang / 'byung po dang / mkha' 'gro ma dang /  brjed byed kyi 'jigs pa de thams cad mthong ngo // nor chen po 'am nor med pa de thams cad mthong ngo // 'chi 'pho ba dang skye ba mthong ngo // bu thob pa dang / grong dang / grong khyer dang / yul dang / ljongs thob pa dang / bud med thob pa de thams cad mthong ste/ 'di la dogs pa dang / yid gnyis dang / the tsom bskyed par mi bya zhing / mchog tu dang ba dang gus pas shin tu 'bad de cho ga 'di bsgrub par bya'o/ / don yod zhags pa'i rnam par thar pa'i dkyil 'khor du 'jig rten las 'das pa'i sgrub thabs kyi cho ga rdzogs so// / de nas yang gnod sbyin gyi sde dpon chen po lag na rdo rjes/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po 'phags pa spyan ras gzigs dbang phyug gis/ don yod pa'i nags paba'i snying po gsungs pa cho ga zhib mo'i nye bar spyod pa dang bcas pa dang / dkyil 'khor dang / phyag rgya rim par phye ba dang / ras ris shin tu zab pa/ shin tu gting dpag dka' zhing / shin tu rgya che la shin tu sgrub dka' ba dang / dkyil 'khor mang po dang / phyag rgya mang po dang / gsang sngags mang po dang / ras ris mang po yongs su bsgrags pa rnams ni rab rib dang 'bral bar mthong ste/  bcom ldan 'das rgya mtsho chen po dug can pa zab pa lta bu/ lhun po chen po dang mtshungs pa lta bu/ smig rgyu lta bu/ rdul phra rab lta bu/ de bzhin gshegs pa'i ye shes dang mtshungs pa lta bu/ bgrang ba las yang dag par 'das pa/ mtshungs pa med pa/ gzhal du med pa/ tshad med pa/ bskal pa'i grangs kyis bgrang bar bya ba med pa'i bskal pa'i tshad ma dang / bskal pa bsam gyis mi khyab pa'i tshad ma dang / lha'i yul gyi tshad ma dang / klu'i yul gyi tshad ma dang / sems can gyi tshad ma dang / de bzhin gshegs pa'i bsam gyis mi khyab pa'i chad ma dang / de bzhin gshegs pa'i spyan la snang ba'i tshad ma dang / de bzhin gshegs pa'i ye shes la kun tu snang ba'i tshad ma dang / byang chub sems dpa'i ye shes kyi tshad ma dang / bdud kyi yul gyi tshad ma rnams kyis thogs mar dmigs pa ma lags so/ / bcom ldan 'das bar du'ang dmigs pa ma lags/ tha mar yang ma lags na/ bcom ldan 'das de ji ltar yongs su shes par bgyi/ sgrub pa thabs kyi cho gas bsgrub par bya ba ni du zhig lags/ gsang sngags ni du zhig/ phyag rgya ni du zhig/ dkyil 'khor ni du zhig/ bri bar bya ba'i phyag rgya ni du zhig/ lag pa'i phyag rgya ni du zhig/  bdug pa'i sbyor ba ni du zhig/ mig sman na du zhig/ ril bu ni du zhig/ bdug pa ni du zhig/ ras ris ni du zhig/ rtsa ba'i gsang sngags ni du zhig/ snying po ni du zhig/ nye ba'i snying po ni du zhig khro bo'i gsang sngags ni du zhig/ drag po ni du zhig/ zhi ba ni du zhig/ yi ge gcig pa ni du zhig/ yi ge gnyis pa ni du zhig/ yi ge gsum pa ni du zhig/ yi ge bzhi pa ni du zhig/ yi ge lnga pa ni/  du zhig/ yi ge drug pa ni du zhig/ yi ge bdun pa ni du zhig/ yi ge brgyad pa ni du zhig/ yi ge dgu pa ni du zhig/ yi ge bcu pa ni du zhig lags/ smyur bar gnas pa ji ltar lags/ nyin mo dang mtshan mo ni ji ltar/ khrus kyi cho ga ni ji ltar/ gos bgos ni ji ltar/ phyogs bcing ba ni ji ltar/ dkyil 'khor bcing ba ni ji ltar/ gtsug gtor bcing ba ni ji ltar/ bdag bsrung ba ni rdza ltar/ gzhan bsrung ba ni ji ltar/ grogs bsrung ba ni ji ltar/ slob ma bsrung ba ni ji ltar/ rab tu 'jug pa ni ji ltar/ phyag bya ba ni ji ltar/ bskor ba bya ba ni dza ltar/ mchod yon dang zhabs bsil dbul ba ni ji ltar/ gtor ma 'bul ba ni ji ltar/ me tog 'bul ba ni ji ltar/ bdug pa ni ji ltar/ dri ni ji ltar/ mar me ni ji ltar/ nye reg ni ji ltar/ lha bshos ni ji ltar thams cad du spyan drang ba ni ji ltar/ snyan gsan dbab pa ni ji ltar/ rmi lam bskul ba ni ji ltar/ sbyin sreg gi cho ga ni ji ltar lags/ zhi ba can ni du zhig lags/ rgyas pa can ni du zhig/  mngon spyod can na du zhig/ zhags pa ni du zhig/ rdo rje ni du zhig/ pad+ma ni du zhig/ gshegs su gsol ba ni du zhig/ nye bar 'pho bar byed pa'i bya ba ni du zhig lags/ bcom ldan 'das de dag gi mtshan nyid ci 'dra ba dang / rgyu mtshan ci 'dra ba dang / kun tu spyod par 'gyur ba ni mi shes so// bcom ldan 'das bdag las sgrub pa'i cho ga du zhig gis rjes su 'brang bar bgyi/  bcom ldan 'das ji ltar phyi ma'i dus phyi ma'i tshe na sems can rnams kyi rjes su 'brang bar 'gyur/ dngos grub du zhig rjes su stsal bar bgyi/ ji ltar sems can bla na med par 'gyur bar bgyi/ bcom ldan 'das 'di dag la bdag 'khrugs par gyur cing bdag la spobs pa med do// bcom ldan 'das bdag gis shes par mi nus na/ bcom ldan 'das kyis cho ga'i mtshan nyid ji lta ba de dag bdag la gsungs gsol/ bcom ldan 'das bdag la the tsom mchis pas/ bcom ldan 'das kyis bdag gi the tsom gcad du gsol// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas zhu ba yongs su zhus par gyur pa gsan nas/ gnod sbyin gyi sde dpon chen po lag na rdo rje la 'di skad ces bka' stsal to/ / lag na rdo rje mchog tu rnyed par dka' ba 'di dri ba yongs su dris pa ni legs so legs so// lag na rdo rje khyod la yongs su 'dri bar byed pa'i spobs pa skyes pa ni/ lag na rdo rje sems can thams cad la phan pa'i phyir don gyi ched du yongs su zhus pa'i phyir dang / rig sngags 'chang thams cad kyi mchog 'grub pa'i don du yongs su zhus pa'i phyir dang / lag na rdo rje 'di ni mchog tu rmad du byung bas te phyi bzhin du rjes su 'brang ngo // lag na rdo rje 'di ni sgyu ma lta bu'i ting nge 'dzin dang mtshungs pa'o// lag na rdo rje don yod pa'i zhags pa'i snying po'i cho ga zhib mo'i rgyal po chen po'i cho ga/ rgya mtsho chen po dug can pa dang zab par mtshungs pa ste/ 'di ni gting dpag dka' ba'o// lag na rdo rje rgya mtsho chen po thigs pa'i grangs gyis bgrang bar nus kyi/ lag na rdo rje don yod zhags pa'i snying po'i tshad ni gzung bar mi nus so// lag na rdo rje ri'i rgyal po ri rab ni rdul phra rab tu gtor ba'i grangs kyi mthar thug par bya bar nus shing / slar yang ri'i rgyal po'i ri rab tu gnas par 'dod pas rang gi gnas su rab tu gzhag par nus kyi/ don yod zhags pa'i snying po'i cho ga zhib mo'i tshad ni gzung bar mi nus so//  de ltar rgya che ba/ de ltar gting dpag dka' ba/ de ltar zab pa ste/ lag na rdo rje 'das pa dang / ma 'ongs pa dang / da ltar byung ba'i de bzhin gshegs pa thams cad kyi thugs kyis mkhyen pa dang / gting dpag par mi nus so// don yod zhags pa'i snying po'i cho ga zhib mo'i tshad 'dzin par ni mi nus so// lag na rdo rje sgyu ma lta bu gang yin pa de dang / snying po dang ting nge 'dzin gang yin pa de dang / zhags pa dang sgyu ma lta bu'i ting nge 'dzin gyi rnam par 'phrul pa 'di/ byang chub sems dpa' sems dpa' chen po 'phags pa spyan ras gzigs dbang phyug gis sems can rnam kyi gzugs dang / kha dog dang / dbyibs sna tshogs pa dang / tshul sna tshogs su mthong bar byed de/ sems can thams cad bsgral ba'i ched dang / rig sngags 'chang thams cad kyi dngos grub kyi mchog sgrub par byed pa'o/ / lag na rdo rje 'di ni byang chub sems dpa' sems dpa' chen po 'phags pa spyan ras gzigs dbang phyug thams cad du mnyam par 'gro ba ste/ gang du chu dang 'o ma mnyam pas mnyam pa bzhin no/ / thams cad du mnyam pas byams pa dang snying rje chen po rgyas par byed do// don yod pa'i zhags pas 'gugs par byed la sgrol bar byed do//  'chi ba med pa'i thang rdo rje'i dkyil 'khor du 'jog par byed do// dman pa dang / mchog dang / bar ma dang / rigs mthon po dang / dma' ba dang / dmyal ba dang / byol song gi skye gnas dang / gshin rje'i 'jig rten la sogs pa rnams thams cad du mnyam par dran par byed cing ming smos pa tsam gyis 'dzin par byed cing / sems can thams cad bla na med par byed la/ dub pa dang / ngal ba dang / yid la gcags par 'gyur ba med do/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po dang / 'byung po dang / brjed byed dang / yi dgas dang / nags dang / gshin rje'i gnas ji srid dus 'og gi nang du son pa rnams dang / srid pa'i rtse mo nas mnar med pa'i mthar thug pa dang / ji srid du 'og min gyi srid pa'i bar du gcig tu sems bskyed pas yongs su rgyug go/ lha dang klu dang bcas pa nas ji srid dud 'gro'i skyes gnas kyi bar thams cad dang / bud med dang / skyes pa dang / khye'u dang / bu mo rnams bla na med par byed do/ dper na nyi ma'i 'od zer ni mun pas mdongs pa thams cad sel bar byed de/ 'dzam bu'i gling thams cad du mnyam par snang bar byed do// de bzhin nyid du byang chub sems dpa' sems dpa' chen po 'phags pa spyan ras gzigs dbang phyug thams cad du snying rje chen pos kun tu snang bar byed cing / tham cad la thams cad du mnyam par gnas te/ sdug bsngal gyi tshor ba dang / 'jigs pa mi bzang pa dang / nad dang / mya ngan dang / sdug bsngal gyi 'ching ba rnams thams cad yongs su grol bar byed do// skye ba dang / rga ba dang / 'chi ba'i sdug bsngal yongs su grol bar byed do// mtho ris la gzhol ba la sogs pa'i lam thams cad du 'god par byed do/ / de ltar snying rje chen po dang byams pa chen pos thams cad du mnyam par rjes su 'gro ste/ thams cad du mnyam par mchog tu byed cing / thams cad du mnyam par byang chub kyi lam la rab tu dgod par byed do/ / thams cad du mnyam par skyabs dang dpung gnyen du 'gyur ro// lag na rdo rje de ltar na byang chub sems dpa' sems dpa' chen po spyan ras gzigs dbang phyug ni brtan pa dang / go cha dang / spro ba chen pos rig sngags 'chang thams cad dang / sems can thams cad kyi don gyi ched du zhugs pa'o// lag na rdo rje 'di ni thabs cig tu 'jug pa chen po ste/ sems can thams cad 'jigs pa chen po'i lam las so sor ldog par byed pa'o// bde bas nas bde bar gshegs pa'i lam du 'god par byed pa'o// rtog pa med cing rnam par rtog pa med la bsam pa rnam pa gzhan du 'gyur ba med do/ / sems kyis yid la gcags par 'gyur ba med do// de nas yang gnod sbyin gyi sde dpon chen po phyag na rdo rjes/ bcom ldan 'das kyi spyan snga nas byang chub sems dpa' sems dpa' chen po 'phags pa spyan ras gzigs dbang phyug gi yon tan sngags pa chen po 'di thos nas dga' ba dang / mgu ba dang / yi rangs pa dang / rab tu rangs pa dang / dga' ba dang / yid bde ba skyes nas ched du brjod pa ni ched du brjod par gyur to// e ma mgon po 'jig rten dbang phyug/ e ma 'jig rten dbang phyug bla ma/ khyod kyi ming gi yon tan bskyed pas ngan 'gro thams cad grol bar byed do/ / phyag na rdo rjes/ byang chub sems dpa' la smras pa/ 'di ni 'jig rten gyi bla ma mgon po/ 'di ni 'jig rten gyi yab chen po/ 'di ni 'jig rten sgrol bar byed pa'i mgon po/ / thub pa nyin mo'i nyi ma'o// bcom ldan 'das la 'di skad ces gsol to// de lta bur lag na rdo rje ji ltar smra bar bgyid/ bcom ldan 'das kyis bka' stsal pa/ lag na/  rdo rje byang chub sems dpa' sems dpa' chen po spyan ras gzigs dbang phyug can song la mngon par phyag 'tshal nas yongs su zhus shig/ mchog tu gyur pa'i dam tshig gi cho ga ji lta ba bzhin du snying po dang / de kho na nyid kyi rang bzhin de rnams ston par byed do// don yod zhags pa'i snying po'i cho ga zhib mo'i sgrub pa'i dngos grub ji lta ba bzhin du ston par 'gyur zhing lung 'bogs par byed do//  de nas gnod sbyin gyi sde dpon chen po lag na rdo rjes zab mo zab pa rtogs shing khong du chud de seng ge'i rtsal gyis 'gro zhing / rdo rje skor bar byed bzhin pas zla ba mdzes pa dri ma med pa'i me tog bzung nas/ byang chub sems dpa' sems dpa' chen po 'phags pa spyan ras gzigs dbang phyug ga la ba der dong ste lhags nas/ byang chub sems dpa' sems dpa' chen po 'phags pa spyan ras gzigs dbang phyug gi zhabs gnyis la mgo bos phyag 'tshal nas lan gsum bskor ba byas te/ zla ba mdzes pa dri ma med pa'i me tog phul te/ pus mo g.yas pa'i lha nga sa la btsugs te byang chub sems dpa' sems dpa' chen po 'phags pa spyan ras gzigs dbang phyug la 'di skad ces gsol to/ / bcom ldan 'das bdag ni shin tu rmongs pa dang ldan pa/ dran pa yongs su nyams pa/ blo'i dpal zhum pa ste/ don yod zhags pa'i snying po'i gsang sngags dang / phyag rgya mang po dang / ras ris kyi sgrub pa'i cho ga shin tu rgyas pa 'di dang de dag mi shes so// sngon ma ni du zhig/ bar ma ni du zhig/ tha ma ni du zhig/ rtsa ba'i gsang sngags ni du zhig/ snying po ni du zhig/ nye ba'i snying po ni du zhig/ ji srid du yi ge bcu pa'i bar gyi gsang sngags ni du zhig/ dkyil 'khor dang / cho ga zhib mo dang / ras ris ni du zhig lags/ bcom ldan 'das bdag la skabs dbye bar gsol zhes so// de nas byang chub sems dpa' sems dpa' chen po 'phags pa spyan ras gzigs dbang phyug gis/ phyag na rdo rje la brtse ba'i don du zla ba mdzes pa dri ma med pa'i me tog blangs nas/ bcom ldan 'das la mchod pa'i don du nam mkha'i dbyings su gtor ro// gtor ma thag tu bcom ldan 'das kyi dbu steng gi mtshams su 'khor lo rnam par gnas so/ / dpag tshang lnga brgyar khyab cings gaN+DI las gyen du 'phags pa nyid kyi ji srid 'og man gnas kyi bar du gnas te/ bai DUR+Ya sngon po chen po'i sdong bu la/ 'dzam bu'i chu bo'i gser gyi dril bu dpyangs pa'i ba dan bcings pas mdzes shing 'bar bar yongs su gyur to// 'khor lo'i rnam pa legs par yongs su 'khor ba ni nyi ma bye ba brgya stong phrag pas lhag pa'i kun tu snang ba/ legs par yongs su dag pa/ yongs su byang ba/ shin tu dri ma med pa'i gser gyi mchod sdong rnam par mdzes par shin tu gnas pa/ nor bu rin po che chen po sna tshogs pas smras pa/ dga' bar bya ba/ yid kyi shing rta rab tu tshim par byed pa dang / dga' bar bya ba mthong ba/  lha dang lha ma yin gyis phyag bya bar 'os pa dang / rjed par bya bar 'os pa dang / drang srong rnams kyis bstod par 'os pa dang / sangs rgyas bcom ldan 'das rnams kyis lung bstan par 'os pa ste/ thams cad du zla ba mdzes pa dri ma med pa'i me tog gi ge sa ra la/ de bzhin gshegs pa'i sku bzhugs pa'i rin po che sna bdun gyi khang pa brtsegs par 'khor gyi dkyil 'khor gyis yongs su bskor nas bzhugs pa la/ gdugs kun nas yongs su 'khor ba'i lha rdzas kyi gzhal med khang dang / lha dang / klu dang / chus byung dang / lha'i bu mo dang / klu'i bu mo dang / mi 'am ci'i bu mo dang / lha dang / klu dang / gnod sbyin dang / dri za dang / lha ma yin dang / mi'am ci dang / lto 'phye chen po dang / rig sngags 'chang dang / rig pa 'dzin pa brgya stong phrag gis lha rdzas kyi me tog sna tshogs pa'i gzhal med khang dang / lha rdzas kyi rgyan dang / gos dang / lhab lhub kyis brgyan cing / dar dpyangs dang / ba dan dang / dri dang / 'phreng ba dang / byug pa dang / phye ma dang /  chos gos dang / gdugs dang / rgyal mtshan dang / ba dan rnams thogs te/ bcom ldan 'das dang 'khor gyi dkyil 'khor la mchod pa byed par gyur to// lha rdzas sna tshogs pa'i mchod pa'i sprin gyi char 'bab par gyur cing / lha'i dri za'i glu dbyangs yang dag par len cing / rnga dang pheg rdo ba rnams kyis mchod pa'i don du rol mo byed par gyur to// po Ta la'i ri bor gzhal med khang 'khor gyi dkyil 'khor dang bcas pa ru tsa co'i sgra chen po sgrogs par 'gyur to/ / po Ta la kar gnas pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang yin pa rnams kyang sems tshams par thob cing rmad du byung ba thob bo/ / de bzhin gshegs pa'i rigs kyi dkyil 'khor ba'i lha gang yin pa rnams dang / pad+ma rigs kyi dkyil 'khor gyi lha gang yin pa rnams dang / rdo rje'i rigs kyi dkyil 'khor ba'i lha gang yin pa rnams dang / nor bu'i rigs kyi dkyil 'khor gyi lha gang yin pa rnams dang / glang po'i rigs kyi dkyil 'khor ba'i lha gang yin pa rnams dang / dkyil 'khor chen po'i lha gang yin pa de rnams thams cad mchog tu ma mtshan pa dang ldan zhing rmad du byung ba thob ste/ sems tshims skyes la ngo mtshar ba thob nas bcom ldan 'das la lta bar byed bzhin du kun tu gnas par gyur to/ / zla ba dang / nyi ma dang / rgyu skar dang / skar ma'i tshogs dang / lha dang / mtshan mo'i lha dang / dbang po dang / tshangs pa dang / khyab 'jug dang / dbang phyug chen po dang / gzhon nu dang / dga' byed dbang phyug dang / tshogs kyi dbang phyug dang / nag po chen po dang / dbang phyug dang / dbang phyug chen po dang / tshad ris kyi lha'i bu dang / rgyal po chen po bzhi dang / rer bu bzang po dang / gang ba bzang po dang / stobs kyi lha dang / gshin rje dang / chu lha dang / lus ngan gyi lha rnams dang / gzhon nu'i lha rnams gdugs kyi yu ba nas bzung nas bcom ldan 'das la mchod pa byed par gyur to/ / lha'i gzhal med khang chen po lha'i rnam par sprul pa'i mchod pa'i sprin gyi mchod pa byed do// gdugs kyi rnam pa'i khor yug gi nang du dga' ldan gyi lha dang / 'og min gyi lha dang / lha'i gnas thams cad du lha'i bus yongs su bskor ba gang yin pa de nam mkha' la mchod pa'i sprin chen pos bcom ldan 'das shAkya thub pa dang / spyan ras gzigs kyi dbang phyug gi 'khor gyi dkyil 'khor la mchod pa byed do/ / sa'i lha dang / klu dang / gnod sbyin dang / srin po dang / dri za gang yin pa rnams dang / sa gzhi'i lha dang / chu'i lha dang /  nags kyi lha dang / lo tog gi lha dang / sman gyi lha gang yin pa de rnams thams cad sa'i mthil gyi gzhal yas khang de sbyong bar byed par gyur te/ dri sna tshogs pa'i chus chag chag 'debs shing dri sna tshogs pa'i phye mas byug par byed/ me tog sna tshogs gcal du 'grems shing / bdug pa sna tshogs kyis bdugs nas sa'i dkyil 'khor yang dag par brgyan par gyur to// de ltar rnam par 'phrul pa'i sgo skabs rgya chen po ni/ de bzhin gshegs pa'i khyu mchog/ de bzhin gshegs pa'i dam tshig byin gyis rlob pa'o// de nas gnod sbyin gyi sde dpon chen po lag na rdo rjes/ de lta bu'i rdzu 'phrul gyi rnam par 'phrul pa chen po langs pa rgya chen po mthong nas/ shin tu ya mtshan pa thob cing rmad du byung ba thob ste/ 'di ltar sems par gyur to// byang chub sems dpa' sems dpa' chen po 'phags pa spyan ras gzigs dbang phyug gis bstan pa ni shin tu ya mtshan no/ / de nas gnod sbyin gyi sde dpon chen po lag na rdo rjes/ byang chub sems dpa' sems dpa' chen po 'phag pa gzigs dbang phyug la slar yang gsol ba btab bo/ / bcom ldan 'das skabs dbye bar mdzod cig/ de nas byang chub sems dpa' sems dpa' chen po 'phags pa spyan ras gzigs dbang phyug gyis/ gnod sbyin gyi sde dpon chen po lag na rdo rje la 'di skad ces smras so// lag na rdo rje dogs pa bsal ba dang the tsom gcod pa la rjes su gzung ngo // de nas byang chub sems dpa' sems dpa' chen po 'phags pa spyan ras gzigs dbang phyug stan las langs te/ bcom ldan 'das gal ba der logs su thal mo sbyar ba btud nas lan gsum bskor babyas te/ bcom ldan 'das kyi spyan sngar 'khod nas mig mi 'dzum zhing bzhin rab tu 'dzum pa lus 'od zer 'bar bas/ bcom ldan 'das la 'di skad ces gsol to// bcom ldan 'das bdag la don yod zhags pa'i dkyil 'khor dang / pad+ma yangs pa'i rnam par 'phrul pa dang / pad+ma gtsug tor gyi nor bu'i dkyil 'khor dang / don yod zhags pa'i gsang ba sgyu ma lta bu'i snying po dang / phyag rgya dang /  kun tu spyan ras gzigs kyi dkyil 'khor chen po'i rim par phye ba mchis te/ bcom ldan 'das de dag bdag gis bcom ldan 'das kyi spyan sngar yongs su bsgrags par bgyi'o// sgrub pa sla zhing bklas pas 'grub pa dam tshig mchog tu gyur pa'i snying po nye bar bstan par bgyi'o/ / de nas bcom ldan 'das de bzhin gshegs pa shAkya thub pas phyag gser gyi kha dog can/ 'od zer sna tshogs pa bye ba khrag khrig brgya stong phrag gis yang dag par brgyan pa brkyang nas/ byang chub sems dpa' sems dpa' chen po spyan ras gzigs dbang phyug gi spyi bo'i gtsug tu phyag 'jog par mdzad cing / sems can dag pa chen po legs so legs so/ / spyan ras gzigs kyi dbang phyug nga lta de'i dus la bab par shes na spros shig/ de nas byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das kyis bskul bar rig nas phyogs bcur kun tu bltas te/ de bzhin gshegs pa thams cad la phyag byas nas/ de bzhin gshegs pa thams cad la kun tu bltas te/ rtsa ba'i gsang sngags don yod zhags pa'i pad+ma gtsug tor gyi nor bu don yod zhags pa'i snying po gsungs so// don yod pa'i snying po'i dkyil 'khor du pad+ma gtsug tor gyi gsang ba'i rnam par 'phrul pa dris pa'i dkyil 'khor gyi cho ga dang po ni/ dus gsum du gshegs shing rab tu bzhugs pa'i de bzhin gshegs pa thams cad kyi gtsug tor don yod pa gsang ba'i dkyil 'khor gyi sangs rgyas dang byang chub sems dpa' thams cad la phyag 'tshal lo/ / 'das pa dang / ma byon pa dang / da ltar byung ba'i rang sangs rgyas dang / 'phags pa nyan thos kyi dge 'dun thams cad la phyag 'tshal lo/ / de bzhin gshegs pa thams cad kyi gsang ba'i rigs kyi snying po'i dam tshig rnams la phyag 'tshal lo// yang dag par song ba rnams la phyag 'tshal lo// yang dag par zhugs pa rnams la phyag 'tshal lo/ / blo glos chen po 'phags pa shA ri dwa ti'i bu la phyag 'tshal lo// 'phags pa byams pa la sogs pa byang chub sems dpa' sems dpa' chen po 'phags pa'i tshogs kyi mchog rnams la phyag 'tshal lo/ / de bzhin gshegs pa dgra bcom pa yang dag par rdzogs pa'i sangs rgyas 'phags pa 'od dpag tu med pa la phyag 'tshal lo// dkon mchog gsum la phyag 'tshal lo/ / pad+mo'i gtsug tor gyi dkyil 'khor 'chang ba la phyag 'tshal lo// byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ / drang srong chen po 'phags pa'i tshogs kyi mchog rnams la phyag 'tshal lo// de rnams la phyag 'tshal lo// rnam par thar pa'i dkyil 'khor 'phags pa spyan ras gzigs dbang phyug gi zhal nas gsungs pa/ don yod pa'i rgyal po'i pad+ma gtsug tor gyi snying po de bzhin gshegs pa'i spyan sngar gsungs pa 'di bdag gis da ltar 'khor chen po la bshad par bgyi'o/ / tad+ya thA/ oM pad+moSh+NI Sha ba ra da hUM/ tsa ra tsa ra/ tsi ri tsi ri/ tsu ru tsu ru/ ma hA kA ru Ni ka/ tsi ri tsi ri/ bi ri bi rau/ tsi ri tsi ri/ pa ra ma kA ru Ni ka/ si ri si ri/ tsi ri tsi ri/ pi ri pi ri/ bi ri bi ri/ ma hA pad+ma hastaM/ ka le ka la/ ki li ki li/ ku lu ku lu/ mahA shud d+ha satwa/ e h+ye hi/ bu d+h+ya bu d+d+ha/ d+hA ba d+hA ba/ ka Na ka Na/ ki Ni ki Ni/ ku Nu ku Nu/ pa ra ma shud d+ha satwa/ ka ra ka ra/ ki ri ki ri/ ku ru ku ru/ ma hA s+thA ma prAp+ta/ tsa la tsa la/ sany+tsa la/ bi tsa la/ e Ta Ta e Ta Ta/ b+ha ra b+ha ra/ b+hi r-i b+hi ri/ b+hu ru b+hu ru/ ma hA bi ma la/ pad+moSh+NI Sha bo ra dza sA d+ha ya hUM hUM/ e h+ya hi/ ma hA kA ru Ni ka/ ma hA pa shu pa ti/ bai She d+ha ra/ d+ha ra d+ha ra/ ma hA pad+moSh+NI Sha d+ha ra/ sa ra sa ra/ sarba A ba ra Na ha ra/ tsa ra tsa ra/ sarba bid+yA d+ha ra na ma s+t+rai ta/ ha ra he ra sarba kimr-i Sha68/ d+hA hAd+hAn+ta/ tAn+d+had+hi nI/ d+hun+nad+hu n+tu/ oM kA ra prad+d+ha ba lad+hA ra/ d+hA ra d+ha ra/ d+hA ra d+hA ri/ d+hAn+ya d+hArma/ man+ta pad+mA d+hA la d+hAr/ tarat+nar/ sa ra sa rA/ par bA ra/ pan+d+ha pA sha d+ha ra/ tsaraHra/ 8 ba ra ba ra ra sh+tsi sha ta sa ha sra/ pra ti maN+Di ta sha rI rA ya/ dzA la dzA la/ ta pa ta pa/ b+ha ga bAn so ma A di t+yA ya ma/ ba ru na/ ku be ra/ brah+ma/ in+ta/ ri Shi ga Na/ de ba ga Na/ a b+h+ra rtsi ta/ tsa ra Nasu ru su ru/ tsu ru tsu ru/ pu ru pu ru/ mu ru mu ru/ sa nata ku mA ra/ ru tra/ bA sa ba/ biSh+Nu/ d+ha na da/ de ba r-i Shi/ nA ya ka/ ba hu/ bi bi d+ha/ be Sha d+ha ra/ ma hA pad+ma daN+Da d+ha ra/ pA sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ tha ra tha ra/ g+ha ra g+ha ra/ ya ra ya ra/ la ra la ra/ ha ra ha ra/ pa ra paM ra/ sa ra sa ra/ tsa ra tsa ri/ ba ra ba ra/ ma hA ba ra d+ha ra ya ka/ sa man+ta maN+DA la/ a ba lo ki ta/  lo ke shwa ra/ ma he shwa ra/ mu hu mu hu/ mu ru mu ru/ mu ya mu ya/ muny+tsa muny+tsa/ b+ha ga ban Ar+ya a ba lo ki te shwa ra/ rak+Sha rak+Sha/ ma ma sarba b+ha ye b+h+yaHsarba u pa dra bye b+h+yaHsarba gra he b+h+yAH sarba dzA re b+h+yaH/ sarba byA d+hi b+h+yaH/ bAn d+ha b+han d+ha na tA Da na tardza na/ rA dza tsau ra/ taska ra/ ag+ni/ u da kaHbi Sha/ shas+dza/ pa ri mo tsa ka/ ka Na ka Na/ ki Ni ki Ni/ ku Nu ku Nu/ tsa ra tsa ra/  in+di ba la/ bo d+h+yaM ga/ tse tu rAr+ya sat+ya/ saM pra kA shi ka/ ta ma ta ma/ da ma dam/ sa ma sa ma/ sa ma sa ma/ ma hA ta mon+te kA ra/ bi d+ha pa na/ ShaT pA ra mi tA pa ri pU ra ka/ mi li mi li/ Ta Ta TaT/  sid+d+hi swa ra/ ku ru ku ru/ ba ra pa ra/ ka Ta ka Ta/ ma Ta ma Ta/ bi shud+d+ha bi Sha ya/ ni bA si na/ ma hA kA ru Ni kA/ shwe ta yadz+nyo pa bI ta rata nA ma ku Ta/ mA lA d+hA ra/ sarba dz+nyA shaM ra si kri ta ma ku Ta ma had+hu ta ka maM lA laM kri ta/ ka ra ta la/ d+h+yA na sa mA d+hi/ bi mok+Sha pram+ba/ b+ha hu satwa san+ta ti/ pa ri pA tsa ka/ many+dza kA ru Ni ka/ sarba karma a ba ra Na bi sho d+ha ka/ sarba byA d+hi pra mo tsa ka/ sarba A shA pa ri pU ra ka/ sarba satwa sa ma shwA sa ka/ oM pad+moSh+NI Sha pA sha hr-i da ya maN+Da lan mo sU te swA hA/ 'phags pa spyan ras gzigs dbang phyug gis don yod zhags pa'i pad+ma gtsug tor gyi gsang ba'i snying po'i dkyil 'khor 'di gsung ma thag tu/ stong gsum gyi stong chen po'i 'jig rten gyi khams kyi sa gzhir cher g.yos par gyur te/ ri dang / nags dang / dgon par bcas pa rnam par 'gyur ba drug tu g.yos par gyur to// kun nas sa'i mthil 'di'ang rin po che sna bdun gyi rang bzhin gyi pad+ma'i gdan kun nas bting bar 'gyur to/ / bcom ldan 'das phyag na pad+mo'i lte ba'i gnas na pad+mo chen po gyen du 'phags pa 'dab ma stong pa/  rin po che sna bdun gyi rang bzhin/ bai DUR+Ya sngon po chen po'i sdong bu dang / 'dzam bu chu bo'i gser gyi snying po dang / mu tig dmar po'i ze'u 'bru dang / lha'i mu tig chen po'i ge sar dang gcig tu 'bar bar 'gyur ba/ 'od zer sna tshogs pa 'byin par byed pa ste/ 'di lta ste/ sngon po dang / ser po dang / dmar po dang / dkar po dang / btsod dang / shel dang / dngul gyi kha dog tu snang bzhin pas 'bar zhing rnam par gsal la lhang nge'o/ / phyogs bcu kun tu sangs rgyas kyi zhing rnams su kun tu sdang bar byed do// lha'i gnas dang / klu'i gnas dang / gnod sbyin gyi gnas dang / srin po'i gnas dang / dri za'i gnas dang /  lha ma yin gyi gnas dang / nam mkha' lding gi gnas dang / mi 'am ci'i gnas dang / lto 'phye chen po'i gnas rnams kun tu snang bar byed do// rab tu tshim par byed do// yang dag par sprul bar byed do// yang dag par dbugs 'byin par byed do/ / dmyal ba chen po bcu drug po rnams kun tu snang zhing reg pas dmyal ba chen po de rnams kyang pad+ma can chen por skyes par gyur ro// sems can dmyal ba de rnams kyang kun nas snang zhing reg pa tsam gyis de rnams thams cad yongs su grol te/ bsams pa tsam gyis mod la bde ba can gyi 'jig rten gyi khams su pad+ma las rdzus te skyes shing / lha'i lus la rgyan dang / lhab lbulhub dang / gos dang / spud pas rnam par brgyan cing / skye ba nas skye bar skye bar dran par skyes so// de bzhin du dud 'gro'i skye gnas su song ba rnams kun nas snang bas/ ri dgas dang bya de dag thams cad kyang dud 'gro'i skye gnas las yongs su grol te/ mtho rigs su rna rgyan dri ma med cing g.yo ba 'dzin par skyes so// de bzhin du phyogs bcu kun tu sems can thams cad kun tu snang zhing reg pa de rnams thams cad sa chen po brgyad pa la rab tu gnas par 'gyur to/ / des kyang 'khor chen po kun tu 'ongs pa'i byang chub sems dpa'i tshogs chen po de rnams thams cad bla na med pa yang dag par rdzogs pa'i byang chub tu phyir mi ldog pa nyid la rab tu bkod par gyur ro/ / rig sngags 'chang gi 'khor gang yin pa thams cad kyang don yod par pad+ma'i gtsug tor chen po'i snying po gsang ba don yod zhags pa'i dngos grub so sor thob par gyur to/ / klu'i rgyal po'i 'khor gang yin pa de rnams thams cad kyang yid bzhin gyi nor bu'i rgyal mtshan so sor snang bar gyur ro//  lha'i 'khor gang yin pa de rnams thams cad kyang 'od 'bar ba'i ting nge 'dzin so sor thob bo// gnod sbyin dang srin po gang yin pa de rnams thams cad rin po che'i gzhal med khang du gnas par gyur to//  'byung po'i 'khor gang yin pa de rnams thams cad gzi brjid drim med pa'i ting nge 'dzin so sor thob par gyur ro// lha ma yin gyi 'khor gang yin pa de rnams thams cad rdo rje'i go cha dang rdo rje rgyal mtsha gyi ya lad bgos par gyur to/ / nam mkha' lding gi 'khor gang yin pa thams cad kyang rdo rje mchu rtse mo chen po'i stobs kyi shugs rjes su thob par gyur to// mi 'am ci dang lto 'phye chen po'i 'khor gang yin pa thams cad kyang lus dang / ngag dang / yid yongs su dag par gyur to// dge bsnyen dang / dge bsnyen ma dang / bud med dang / skyes pa dang / khye'u dang / bu mo gang yin pa de rnams thams cad skye ba dang / rga ba dang / 'chi ba'i sdug bsngal las yongs su grol bar gyur to// bcom ldan 'das kyis kyang sku las nyi ma'i tog ces bya ba'i 'od zer chen po snang bar spros te/  byang chub sems dpa' sem dpa' chen po 'phags pa spyan ras gzigs dbang phyug gi thugs kar rjes su zhugs so// spyan ras gzigs dbang phyug gi thugs kar zhugs ma thag tu/ gnod sbyin gyi sde dpon chen po lag na rdo rje la 'di skad ces bka' stsal to/ / lag na rdo rje don yod zhags pa'i pad+ma gtsug gtor gyi gsang ba'i rnam par 'phrul pa la ltos shig/ lag na rdo rjes gsol pa/ bcom ldan 'das bdag gis mthong lags so// sems dpa' dag pa bdag gis mthong lags so// sems dpa' chen po dag pa 'di'i rnam par 'phrul pa bsam gyis mi khyab pa/  pad+ma'i dbang phyug don yod pa'i zhags pa'i snying po// pad+ma gtsug tor gyi gsang ba'i snying po'i dkyil 'khor shin tu zab pa/ shin tu rgya che ba/ rmad du byung ba chen po// dngos grub mchog sgrub par byed pa ni/ bcom ldan 'das mtha' dag rgyas par gsungs shig/ gsang sngags rim par phye ba dang / rig sngags dang / dkyil 'khor rmad du byung ba/ nye bar spyod pa'i cho ga dang bcas po ni/ sems can thams cad kyi sdig pa rnam par 'joms pa'i don dang / rig sngags 'chang rnams kyi mchog 'grub pa'i don du/ de bzhin gshegs pa'i spyan sngar gsungs shig/ de nas byang chub sems dpa' sems dpa' chen po 'phags pa spyan ras gzigs dbang phyug gis/ gnod sbyin gyi sde dpon chen po lag na rdo rje la 'di skad ces smras so//  lag na rdo rje don yod zhags pa'i snying po mchog tu gsang ba gtsug tor thams cad kyi dkyil 'khor/ sems can thams cad kyi don gyi ched du sdig pa thams cad nyams par byed pa/ sgrib pa thams cad rnam par sbyong bar byed pa/ dri ma dang rnyog ma thams cad sel bar byed pa/ nad thams cad rab tu zhi bar byed pa/ bkra mi shis pa thams cad zlog par byed pa/ sdig pa dang / ma rungs pa'i sems can phyir rgol ba dang / dgra'i 'jigs pa rab tu zhi bar byed pa/ bgegs dang log par 'dren pa thams cad tshar gcod par byed pa/ dud la sogs pa'i ma rungs pa thams cad 'joms par byed pa/ dug dang / mtshon cha dang / me dang / chu'i 'jigs pa dang / mche ba'i dug dang / seng ge dang / rgyal po dang / gnod sbyin rnams ldog par byed pa/ dug dang / byang stems dang / g.yeng byed dang / phye ma'i sbyor ba thams cad rnam par nyams par byed pa/ don yod zhags pa'i snying po de kho na nyid gces pa/ rmad du byung ba/ de kho na nyid kyi snying po'i sgrub pa bla na med pa bklags pas grub pa 'di rjes su zung zhing / de nas gnod sbyin gyi sde dpon chen po lag na rdo rje bzhin 'dzum zhing / gdong khro gnyer dang bral bas rdo rje skor bar byed bzhin du/ byang chub sems dpa' sems dpa' chen chen po spyan ras gzigs dbang phyug la 'di skad ces smras so/ / bcom ldan 'das don yod zhags pa'i snying po dam par gyur pa gsang ba pad+ma gtsug tor gyi dkyil 'khor de rnams du nig las de dag bcom ldan 'das kyis gsungs shig/ de nas byang chub sems dpa' sems dpa' chen po 'phags pa spyan ras gzigs dbang gis/ gnod sbyin gyi sde dpon chen po lag na rdo rjes gsol pa btab par rig nas/ phyag g.yas pas lte ba'i pad+ma'i phyag rgya'i rnam par reg go// reg ma thag tu phug g.yas pa'i pad+ma la snying po'i rig sngags de'ang pad+ma'i steng du 'dug ste/ rang gi ngo bo gzhal med khang tshangs pa'i cha byad 'chang ba/ don yod pa'i gzugs spyan gsum pa/ phyag bzhi pa/ rgyan thams cad kyis rnam par brgyan pa/ nor bu gser gyi cod pan can/ 'od dpag med kyi cod pan gyis brgyan pa/ ral pa'i cod pan pad+ma'i gtsug tor gyis spud pa/ zla ba phyed pas rnam par mdzes pa/ zhags pa 'chang ba dang / pad+ma'i gtsug tor 'chang ba dang / nor bu'i dbyug pa 'chang ba dang /  rdorje'i dbyug pa 'chang ba dang / skyil mo krung gis bzhugs pa/ 'od zer 'bar bas yang dag par brgyan pa/ gos rnam par bkra ba sna tshogs pa dang / spyan nyi ma dang zla ba bas lhag par 'bar bas rnam par mdzes pa/ pad+ma rnams kyi steng na mdzes bzhin pa/ de bzhin gshegs pa thams cad kyi thugs mnyes par byed pa/ byang chub sems dpa' thams cad kyis phyag bya bar 'os pa/ lha thams cad kyis mchod par 'os pa/ klu thams cad kyis rjes su gzung bar 'os pa/ drang srong thams cad kyis dga' bar 'os pa/ lha ma yin dang / nam mkha' lding dang / mi 'am ci dang /  lto 'phye chen po thams cad kyis rjes su 'gro bar 'os pa/ sems can thams cad kyi bla mar 'os pa mthong ste/ de lta bu'i snang ba rgya chen po byang chub sems dpa' sems dpa' chen po 'phags pa spyan ras gzigs dbang phyug gis/ de kho na nyid ces pa'i snying por gyur pa snying po nye bar bstan no// de nas gnod sbyin gyi sde dpon chen po lag na rdo rjes/ 'khor gyi dkyil 'khor chen po de mthong ba tsam gyis mod la snying po gsang ba/ don yod pa'i pad+ma dri ma med pa'i gtsug tor 'od zer 'bar ba'i ting nge 'dzin so sor thob par gyur to// ting nge 'dzin so sor thob pa gang gis sgyu ma lta bu'i ting nge 'dzin gyi nang du chud par gyur to//  de rnams thams cad rab tu mgu ba'i yid kyis zhabs dag gi rjes la phyag 'tshal bar gyur to// de nas byang chub sems dpa' sems dpa' chen po 'phags pa spyan ras gzigs dbang phyug gis don yod zhags pa'i snying po'i gsang sngags 'di smras so/ / oM a mo g+ha pA sha hr-id ya pad+moSh+NI'i ku mA ra be ShA b+ha ra pad+me shwa ra/ A be sha ya/ sarba a mo g+ha ku la sa ma ya hrid ya/ sarba sid+d+hi a mo g+ha pra yats+tsha pad+ma/ pad+ma hUMhUMn mo stu te swahA/ 'don don yod zhags pa'i snying po bklags pas grub pa'i sgrub thabs so// oM a mo g+ha pad+meSh+Ti She shwa ra/ pad+me shwa ra/ sa man+ta ya sarba ta thA ga ta nA~M/ a mo g+ha pad+moSh+Ta~M Sha sa ma A kaR+Sha ya/ pra be sha ya/ sarba karma sid+d+hiM pra yats+tsha me a ba lo ki te shwa rad+d+hA hUM/ mahA pad+moSh+NI Sha b+hu dze swA hA/ rigs kyi rgyal po'i gsang sngags so// oM ma hA tsaN+Da pad+me shwa ra bi bi d+ha rU pa/ bi kA Ta/ par+b+ba daMr+dz+dza ka rA la b+hI ShaN/ pak+Sha sarba duSh+Ta hri ya~M/ khA da ya/ biSh+Ta/ pad+ma d+hI/ Ta~M/ dr-i Ti hU~M swA hA/ khro bo'i rgyal po'i rigs kyi snying po'o// nang gi dkyil 'khor gyi gsang ba'i las rnams so// oM a mo pad+meSh+Ti Sha pad+me pA sha kro d+ha kA mA ya kar+sa pra be sha ya maN+Da shu ba ti/ ye ma/ bcu mgu be+e ma prAng+ga beSh+Ta d+hA re/ ma hA tsaN+Da be ga a mo g+ha ku la sa ma ya/ pad+me ts+tsha nAM/ khro bo'i rgyal po don yod zhags pa'i pad+ma gtsug tor gyi snying bo'o/ / de nas don yod pa'i snying po'i las rnams su 'gyur te/ dran pa tsam gyis mod la dus gsum gyi de bzhin gshegs pa thams cad dang mnyam pas gcig tu mtshungs par 'gyur ro// tshe dpags dang mnyam pa'i lus su 'gyur ro/ / phyogs bcu sangs rgyas kyi zhing thams cad dang mnyam pa'i de bzhin gshegs pa thams cad dang mtshungs shing mnyam pa nyid du 'gyur ro// mtshungs shing mnyam pa nyid kyi ba / dgegab thas ca mnyam pa nyid du mthong ngo // pad+ma'i byug gi ting nge 'dzin rnams dang / pad+ma'i gtsug tor gyi phyag gis 'jig rten dbang phyug dang mnyam pa nyid du 'gyur ro// pad+ma'i gtsug tor bcings pa nyid kyis spyi na gtsug tu mngon par dbang bskur na/ dus gsum gyi de bzhin gshegs pa thams cad kyis mngon par dbang bskur ro// pad+ma'i gtsug tor gyis don yod par dbang bskur ba gang yin pa de pad+ma gtsug tor gyi snying po rgyas par 'gyur ba thob ste/ ting nge 'dzin brgya stong phrag dang bla na med pa'i dpal thob bo// rigs kyi rgyal po'i gsang sngags rgyas par gyur pa pad+ma gtsug tor rgya dkyil 'khor du rigs kyi rgyal po legs par grub par 'gyur te/ thams cad du rigs kyi rgyal po'i dngos grub bzang po rnams 'ongs par 'gyur ro// rigs kyi rgyal po'i gsang sngags kyi rgyal po dang rig sngags kyi rgyal po mchog gi dngos grub thams cad rab tu sbyin par byed do/ / pad+mo'i phyag gis rjes su 'jug cing / don yod pa'i rigs kyi dngos grub ji lta ba bzhin du 'grub ste/ bklags pas grub pa 'di la the tsom med do/ / pad+ma gtsug tor gyi rigs kyi dngos grub dang / pad+ma yangs pa'i dkyil 'khor ram/ don yod zhags pa'i dkyil 'khor du bklags nas bzlas pa tsam gyis 'grub ste/  rigs kyi rgyal po dang rig sngags kyi rgyal po gang yin pa de thams cad du dbang phyug tu 'gyur ro// dkyil 'khor rnams kyi cho ga zhib mo dang phyag rgyas byang chub sems dpa' thams cad kyi rigs thun mong ba thams cad du rgyal po'i bya ba byed par 'gyur ro/ / sangs rgyas kyi zhing stong phrag rnams dang / sangs rgyas kyi zhing brgya phrag rnams dang / gang+gA'i klung gi bye ma dang mnyam pa'i zhing du rgyal por 'gyur ro/ / rigs kyi rig pa lha'i dbang phyug dang / lha'i tshogs rnams kyi dbang phyug tu 'gyur ro// rtag tu'ang gnod sbyin rnams dang / srin po rnams su gyur pa dang / dri za rnams su gyur pa dang /  gnod sbyin rnams dang / srin po rnams kyi de bzhin nyid du thams cad du rgyal po dang dbang phyug tu rtag tu 'gyur te the tshom med do// nam mkha' lding rnams dang / mi 'am ci rnams dang / lto 'phye chen po rnams dang / thams cad du ji srid byang chub la yang dag par gnas kyi bar du rigs kyi rgyal por 'gyur ro// de nas khro bo'i rgyal po dran pa tsam dang / drag po de yid la sems pa tsam gyis mod la 'phral du ri rab ltung bar byed cing / khor yug gi ri rnam par 'thor bar byed do// rgya mtsho chen po kun nas dkrug cing / rgya mtsho chen po nye bar skye bar byed do// kun tu gsal bar byed do// klu'i gnas thams cad du klu'i gnas 'bar bar yang byed do/ / bgegs dang log par 'dren pa thams cad kyi skad cig tsam gyis steng du bdug par byed do// gnod sbyin dang / srin po dang / 'byung po dang / gza' dang / brjed byed dang / mi babad pa de rnams thams cad khro bo'i rgyal po dran pa tsam gyis 'jigs par 'gyur ro// khro bo'i rgyal po'i gsang ba pa thams cad kyi rigs kyi dam tshig la gnas pa dang / dkyil 'khor du phyag rgya gnas pa dang / gsang sngags kyi lha gzhan gang yin pa rnams kyis khro bo'i rgyal po dran pa tsam gyis de rnams thams cad rig sngags 'chang la skyabs su 'gro bar byed do// de rnams thams cad rjes su 'brang bar 'gyur zhing gnas par byed do/ / 'ga' zhig gang du 'gro ba 'am 'dug pa de la dbang po dang / skabs gsum pa'i lha dang / tshangs pa dang / khyab 'jug dang / dbang phyug chen po dang / gshin rje dang /  chu lha dang / klu'i rgyal po rgya mtsho dang / dga' bo dang / nye dga' bo dang / gzhon nu dang / sde dpon dang / de bzhin du rgyal po chen po bzhi dus rtag tu rig sngags 'chang gi rjes su 'brang bar byed do/ / the tshom med do// khros pa'i las rnams sam/ de bzhin du drag po'i las rnams thams cad kyang hU~M yig tsam gyis de la dngos grub mthong ngo // phyir rgol ba dang / dgra dang / sems can ma rungs pa shin tu mi bzad pa rnams dang / pha rol gyi dmag tshogs dang / 'jigs pa dang / rnam par 'gras pa'i skye bo dang / sdig pa de rnams thams cad hUM yig gis mchog tu gzir ba tsam gyis thal bar 'jig par 'gyur ro/ / sdang ba dang / ngan sems pa'i sems can dang / byas pa mi gzo ba dang / byas pa la 'khon pa thams cad drag po'i hUM yig bzlas pa tsam gyis skad cig la sreg ste/ dper na me yis bye ma leb bzhin no/ / las gzhan stong phrag rnams dang / las brgya stong phrag nyid bzlas pa tsam gyis 'grub ste/ dran pa tsam gyis mod la las thams cad 'grub bo// de nas don yod pa pad+ma'i gtsug tor dran pa tsam gyis bya ba thams cad ni gnyis su 'gyur te/ ji ltar gang cung zad yid la byed pas las byed do// dkyil 'khor ram gnas rnam pa gzhan thams cad du ji ltar yid la byed pa'i bya ba thams cad du byed do zhes so/ / / 'phags pa don yod pa'i zhags pa'i cho ga zhib mo'i rgyal po bam po bco lnga pa// de nas gsang sngags la 'jug pa rnams kyi dgos pa thams cad so sor 'grub par 'gyur ba ni/ oM zhes bya ba don yod pa'i zhags pa pad+ma ga cu gtor gyi dkyil 'khor thams cad du gsang sngags yi ge gcig pa'o// 'jig rten mgon po'i spyan sngar 'a'abum dran par byas nas dang po la gnas par 'gyur ro/ / sngon gyi sdig pa bsags pa sems can dmyal ba mi bzang ba gang ci'ang rung ba de dag thams cad ji ltar rlung gis phyag dar gtor ba bzhin 'jig par 'gyur ro/ / dngos grub thams cad thob par 'gyur ro// don thams cad rjes su 'jug par 'gyur ro// de bzhin gshegs pa thams cad dang / gang dkyil 'khor gyi lha gzhan dag kyang dgyes par 'gyur ro//  'phags pa spyan ras gzigs dbang phyug rtag tu mchog sbyin pa mdzad do// gsang sngags oM zhes bya ba dran nas tshe 'phos pa ni 'jig rten gyi khams bde ba can du 'gro bar 'gyur ro// gsang sngags kyi yi ge gcig pa'o/ / oM b+hu/ yi ge gnyis pa 'bum bzlas brjod byas nas sa gnyis pa thob par 'gyur ro// de bzhin gshegs pa snang ba mtha' yas kyi spyan sngar 'du bar 'gyur zhing mchog thams cad rjes su sbyin par mdzad/ sdig pa thams cad kyang rnam par dag par mdzad/ sngon gyi nad kyis btab pa sos par 'gyur/ nor gyi dbang phyug nor bu bzang po'i bu dbang du 'gyur zhing nye bar gnas par 'gyur ro//  mi gang gis kyang phyir zhing bar chad byed nus par mi 'gyur/ tshe 'phos nas ri gru 'dzin du skye bar 'gyur/ don yod pa'i zhags pa'i dngos grub kyang thob par 'gyur ro// oM pad+me/ gsang sngags kyi yi ge/  gsum pa 'bum bzlas brjod byas nas gsum pa la yang dag par 'jug par 'gyur ro// pad+ma yangs pa'i dkyil 'khor gyi phyag rgya dang gsang sngags gang yin pa / thams cad la zhugs par 'gyur/ 'phags pa spyan ras gzigs dbang phyug gzhon nu'i cha byad can mdun na bzhugs par 'gyur zhing 'dod pa thams cad kyi mchog rjes su sbyin par mdzad/ don yod ba'i zhags pa'i pad+ma gtsug tor gyi dkyil 'khor ston par mdzad/ de bzhin gshegs pa thams cad kyi gsang ba'i dkyil 'khor rnams ston par mdzad pa/ thams cad du dngos grub rjes su sbyin par mdzad do/ oM pad+ma hrIHgsang sngags yi ge bzhi pa 'bum bzlas brjod byas na sa bzhi pa la 'jug par 'gyur/ 'phags pa de bzhin gshegs pa mi 'khrugs pa'i sku mdog gsar gyi kha dog can mdun na bzhug shig dpung po brkyang nas phyag spyi bor 'jog par mdzad la/ rig sngags 'chang ba legs so zhes bya ba rjes su sbyin par mdzad de/ rig sngags 'chang tshur shog/ khyod kyi sdig pa dang sgrib pa thams cad yongs su dag ste/ rang gi ngo bo thams cad shin tu dri ma med par yongs su dag go/ mi'i 'jig rten 'di nas tshe 'phos nas nga'i sangs rgyas kyi zhing du 'ong zhing tshe rabs dran par 'gyur zhing / phyir zhing nam yang mngal na gnas pas gos par mi 'gyur/ 'jig rten pa'i dgos pa thams cad 'grub par 'gyur ro// oM pad+ma b+hu dze/ gsang sngags yi ge lnga pa 'bum bzlas brjod byas nas lnga pa la gnas par 'gyur ro/ / de bzhin gshegs pa dgra bcom pa yang dag par rdzogs pa'i sangs rgyas pad+ma'i bla ma rab tu ston par mdzad/ sgrib pa thams cad yongs su zad par 'gyur/ rig sngags 'chang la legs/  so zhes bya ba'i sgra 'byin par 'gyur te/ rig sngags 'chang legs so legs so// khyod la bsod nams kyi phung po chen po skyes te/ rig sngags 'chang khyod dge ba'i rtsa ba chen po bskyed pas/  rig sngags 'chang khyod che brjes na de bzhin gshegs pa bye ba khrag khrig 'bum phrag dgu bcu rtsa gnyis kyi drung du dge ba'i rtsa ba mtshungs par bskyed par 'gyur zhing / nga'i sangs rgyas kyi zhing du skye bar 'gyur/ khyod kyis don yod pa'i zhags pa pad+ma gtsug tor gyi snying po dang / gsang ba'i dkyil 'khor dang / phyag rgya chen po rim par phye ba grub cing rig sngags 'chang khyod sgrib pa dang sdig pa tham cad spangs kyis/ bya ba thams cad gyis shig/ yid la bya ba'i sgrub pa thams cad ji ltar 'dod pa bzhin de dag thams cad shin tu 'grub par 'gyur ro// oM pad+ma lo ki te/ gzungs sngags yi ge drug pa 'bum bzlas brjod byas na sa drug pa 'tho ba ste 'jug par 'gyur/ de bzhin gshegs pa thams cad snang ba mdzad par 'gyur/ stong gsum gyi stong chen po'i 'jig rten gyi khams kyi rdul phra mo snyed kyi de bzhin gshegs pa dgra bcom pa yang dag par rdzogs pa'i sangs rgyas rnams gzigs shing mngon gsum du ston par mdzad/ dbugs 'byin par mdzad do// de nas de bzhin gshegs pa dgra bcom pa yang dag par rdzogs pa'i sangs rgyas pad+ma gzigs pa'i rgyal mtshan rig sngags 'chang de la yang dag par dbugs 'byin par mdzad do/ / rig sngags 'chang nga'i sangs rgyas kyi zhing du byang chub snying po'i mthar thug gi bar du tshur shog/ las byas pa ni shin tu yongs su zad cing khyod kyis sems can dmyal ba'i sgo rnams ni bcang / khyod kyis sangs rgyas zhing thams cad rnam ni phye/ khyod kyis de bzhin gshegs pa thams cad kyi sa bon dang rigs kyi spyi ni khong du chud/ khyod kyis don yod pa'i zhags pa pad+ma gtsug tor gyi snying po dang gsang ba'i dkyil 'khor ni grub/  khyod kyis thams cad du gnas kyi sgo rnams ni phye bas/ 'jig rten dang 'jig rten las 'das pa'i las sgrub pa rnams ji ltar yid la byas pa bzhin las thams cad byos shig/ oM pad+ma d+hA la b+h+rU~MSh+Ti ka yi ge bdun pa 'bum bzlas brjod byas ma thag tu ting nge 'dzin pad+ma dri ma med pa sgrib pa dang bral ba dag pa zhes bya ba thob par 'gyur la/ ting nge 'dzin gang thob pas lus shin tu 'bar bar 'gyur zhing 'od zer kha dog sna tshogs su gyur/ sa bdun pa la gnas par 'gyur/ lus kyi snang ba gang gis stong gsum gyi stong chen po'i 'jig rten gyi khams kyi sangs rgyas kyi zhing thams cad kyi gnas rnams snang bar byed cing / gang dang gang du 'od zer rin po che 'bar ba sna tshogs dag 'bab pa las me tog gi char sna tshogs pa rnams 'byung bar 'gyur la/ de bzhin gshegs pa thams cad la mchod par 'gyur ro//  de nas de bzhin gshegs pa dgra bcom pa yang dag par rdzogs pa'i sangs rgyas dri ma med pa'i pad+ma 'od zer 'bar ba gser gyi mdog can dpung pa brkyang ste/ phyag g.yas pas rig sngags 'chang gi sgra bopor 'jog cing legs so zhes bya ba'ang sbyin la dbugs 'byin par mdzad de/ rig sngags 'chang legs so legs so// 'di ni sangs rgyas bcom ldan 'das rnams kyi snying po gsang ba bzlas brjod kyi cho ga mchod pa'i mchog yin no/ / 'di ni 'phags pa spyan ras gzigs dbang phyug gi snying po gsang ba zhes pa'i dkyil 'khor don yod pa'i zhags pa pad+ma gtsug tor gyi snying po yang dag pa'o//  rig sngags 'chang khyod kyis dkyil 'khor mtha' dag rdzogs pa dang / pad+ma gtsug tor gyi snying po'i cho ga zhib mo dang / don yod pa'i zhags pa rnam par sprul pa grub kyis/ rig sngags 'chang nga'i sangs rgyas kyi zhing du song la sangs rgyas kyi mdzad pa gyis shig/ oM a mo g+ha ma Ni pad+me/ gzungs sngags kyi snying po yi ge brgyad pa 'bum bzlas brjod byas na lus shin tu yongs su dag cing dri ma med par 'gyur/ bzlas brjod byas pa tsam gyis nor bu rin po che chen po shel ltar phyi nang shin tu yongs su dag ste/ de ltar rig sngags 'chang gi lus yongs su dag par 'gyur/ sa brgyad pa la gnas par 'gyur/ byang chub sems dpa' sems dpa' chen po 'phags pa spyan ras gzigs dbang phyug rang gi lus yongs su dag pa rang gi gzugs kyi ngo bo ston cing / rig sngags 'chang gi mdun na gnas la rig sngags 'chang yang dag par dbugs 'byin par mdzad de/ phyag g.yas pa mgo'i spyi bor 'jog par mdzad/ legs so zhes bya ba'ang sbyin par mdzad de/ rig sngags 'chang legs so legs so/ / rig sngags 'chang khyod lhag pa'i bsam pa dam pa dga' ba la zhugs so// rig sngags 'chang sangs rgyas kyi zhing mnyam par 'brel ba'i 'jig rten rnam par blta bar tshur shog/ der khyod kyis sangs rgyas kyi mdzad pa byed par 'gyur ro// khyod kyis don yod pa'i zhags pa pad+ma gtsug tor gyi snying po dkyil 'khor gsang ba grub kyis/ 'jig rten dang 'jig rten las 'das pa'i sgrub pa pad+ma dam pa bya ba thams cad gyis shig/ oM pad+ma lo tsan su ru hUM/ gsang sngags kyi snying po yi ge dgu pa 'bum bzlas brjod byas nas dgu pa la gnas par 'gyur ro// 'phags pa spyan ras gzigs dbang phyug gi sras kyi gtso bor 'gyur/ de bzhin gshegs pa dgra bcom pa yang dag par rdzogs pa'i sangs rgyas bye ba khrag khrig 'bum phrag dgu bcu rtsa dgu dag rig sngags 'chang la mngon sum du ston cing / sangs rgyas kyi yul rnam par sprul pa sna tshogs ston par mdzad/ rig sngags 'chang gi spyi bor thams cad kyi phyag 'jog par mdzad/ legs so zhes bya ba'ang sbyin par mdzad de/ rig sngags 'chang chen po legs so legs so/ / khyod kyis ngal zhing sbyang ba'i las legs par bsgrub par byas so// khyod kyis 'jig rten pa dang 'jig rten las 'das pa sangs rgyas nyid du bsgrub pa ste/ don yod pa'i zhags pa'i dkyil 'khor gyi cho ga zhib mo sgrub pa dang / mdo sde lung dang bcas pasgrub pa 'jig rten gyi 'dren pas brten pa gang yin pa de dag thams cad grub pa yin no// oM pad+moSh+NI Sha bi ma le hUM phaT/ gsang sngags kyi snying po yi ge bcu pa 'bum bzlas brjod byas na phyir mi ldog pa nyid du gyur nas sa bcu pa la gnas par 'gyur zhing / lha dang mi'i skye dgu dag 'di ni de bzhin gshegs pa'o zhes brjod la/ bla na med pa yang dag par rdzogs pa'i byang chub las phyir mi ldog par 'gyur/ don yod pa'i pad+ma gtsug tor gyi 'khor los sgyur bar 'gyur te the tsom mi bya'o// gsang sngags bcu pa'i sgrub pa de kho na nyid kyi dngos grub bla na med pa 'di ni don yod pa'i zhags pa'i snying po rnam par sprul pa'i bzlas brjod tsam gyis 'grub pa yin te/ bdag gis sngar bstan pa thams cad la lhag par zhen pa/ gtsang ma gtsang sbra spyod pa/ gos gtsang ma bgos pa/ byams pa'i sems dang snying rje skyes pa/ bden pa smra ba/ bla ma la gus pa/ dkon mchog gsum la dad pa che ba/ bla ma dang slob dpon la rtag tu mchod pa byed pa 'di ni bzlas brjod kyi cho ga yin te/ sangs rgyas kyi byang chub bla na med par bstan to/ / de nas gnod sbyin gyi sde dpon chen po lag na rdo rje byang chub sems dpa' sems dpa' chen po 'phags pa spyan ras gzigs dbang phyug la rab tu 'dzum la lag na rdo rje gsor bzhin du mgo btud nas smras pa/ sems dpa' chen po gzungs kyi gsang sngags kyi gzhi don yod pa'i zhags pa pad+ma gtsug tor gyi dkyil 'khor gyi snying po gsang ba chen po rgyas pa 'di ni shin tu rnyed par dka' ste/ gzungs sngags kyi snying po re re bo 'di dag ni bzlas brjod byas pa tsam gyis sangs rgyas kyi mdzad pa byed par 'gyur na/ spyan ras gzigs dbang phyug gang ches ngal zhing dub par bzlas brjod sgrub pa dang / cho ga rgyas par sgrub pa lta smos kyang ci dgos/ nyin zhag gcig bsnyen gnas la gnas shing zas bslangs pa dang / 'bras bu dang / ldum bu dang / rtsa ba bza' ba zos ma rig sngags 'di bsgrubs na spyan ras gzigs dbang phyug de'i dngos grub ji lta bu zhig 'byung bar 'gyur/ spyan ras gzigs dbang phyug gis smras pa/ lag na rdo rje nyin zhag gcig smyung ba la gnas shing nyin zhag gcig tsam bzlas brjod byas pa tsam gyis 'bras bu 'grub par 'gyur ba la ni/ lag na rdo rje rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ gzhan yang dge sbyong ma/  bregs pa/ rigs kyi gtso bo bram ze 'am/ rgyal rigs sam/ skyes pa 'am/ bud med dam/ khye'u 'am/ bu mo 'am/ rje'u rigs sam/ dmangs rigs gang la la skad cig thang cig yud tsam mam/ dus tshigs gcig gam/ dus tshigs gnyis sam/ dus tshigs gsum yongs su rdzogs par gzhan mi smra bar/ don yod pa'i zhags pa pad+ma gtsug tor gyi snying po khro bo'i rigs kyi gsang sngags rim par phye ba gzungs sngags chen po'i snying po bcu po 'di lan cig dran nam/ klog gam/ ming gzung ba'ang dran nam/ lag na rdo rje dus tshigs gcig tu dran pa tsam gyis kyang de'i mtshams med pa byed pa mnar med par gzhol ba/  bskal par gnas pa'ang des thams cad rnam par dag par 'gyur la/ sdig pa dang sgrib pa bsags pa rnams zad par 'gyur/ lus yongs su dag cing dri ma med par 'gyur/ sgrib pa dang sdig pa dang 'bral bar 'gyur/ tshe 'phos nas 'jig rten gyi khams bde ba can du pad+ma dag las rdzus te skye bar 'gyur/ tshe rabs su tshe rabs dran par 'gyur/ nam yang ngan 'gror 'gro bar mi 'gyur/ bskal pa bye ba 'bum phrag brgyad bcur 'khor los sgyur ba mchog tu 'gyur/ bskal pa bye ba 'bum phrag brgyad cur 'jig rten gyi khams bde ba can du bder bar yang 'gyur/ bskal pa 'bum phrag drug cu rtsa gnyis su 'jig rten gyi khams mngon par dga' bar bde ba myong bar 'gyur/ bskal pa 'bum phrag bdun cu rtsa gnyis su 'jig rten gyi khams 'jig rten rnam par gzigs par skye bar 'gyur/ tshe rabs su tshe rabs dran par 'gyur/ bskal pa 'bum phrag drug cu rtsa gnyis su nor bu dbang ba'i 'khor los sgyur bar 'gyur/ bskal pa khri brgyad stong 'phags pa spyan ras gzigs dbang phyug gi gnas ri gru 'dzin du bde ba myong bar 'gyur/ bskal pa brgya stong phrag dgu bcu rtsa dgur 'og min gyi lha rnams kyi nang du skye bar 'gyur/ bskal pa 'bum phrag brgyad nur dga' ldan gyi lha rnams kyi nang du bde ba myong bar 'gyur/ bskal pa 'bum phrag sum cu rtsa gsum gyi nang du brgya byin nyid byed par 'gyur/ bskal pa 'bum phrag lnga bcu rtsa gnyis su phyogs bcu'i sangs rgyas kyi zhing rnams su 'jug par 'gyur/ bskal pa stong phrag nyi shur 'khor los sgyur ba'i rgyal srid la spyod par 'gyur te/ nams kyang mi'i mngal du skye bar mi 'gyur zhing / gang dang gang du skye bar 'gyur ba thams cad du rdzus te skye bar 'gyur/ thams cad du tshe rabs dran par 'gyur te/ lagan rdo rje de ltar rig sngags lan cig dran pa tsam gyis dge ba'i rtsa ba bsod nams kyi phung po chen po dang ldan par 'gyur ro/ / lag na rdo rje gal te gang zhig zhag gcig gam/ lan cig smyung ba la gnas te bzlas brjod dang bcas pa byed na/ lag na rdo rje de ni tshe 'di nyid la mi bdag nyid kyi ngo bo nyid sgrib pa dang bral nas don yod pa'i zhags pa chen po dri ma med pa zhes bya ba'i ting nge 'dzin 'thob bo// don yod pa bkod pa'i ting nge 'dzin 'thob bo/ / pad+ma gsal ba rnam par 'phrul pa'i ting nge 'dzin 'thob bo// don yod pa dri ma med par snang ba zhes bya ba'i ting nge 'dzin 'thob bo// don yod pa rnam par gzigs pa'i rgyal mtshan zhes bya ba'i ting nge 'dzin 'thob bo/ / pad+ma gtsug tor mthar phyin pa'i rgyal mtshan zhes bya ba'i ting nge 'dzin 'thob bo// don yod pa 'bar ba'i gtsug tor gyi snying po gsang ba grub pa 'thob po// de bzhin gshegs pa bye ba khrag khrig 'bum phrag dgu bcu rtsa gnyis dang / de bzhin gshegs pa gang+gA'i klung gi bye ma snyed la dge ba'i rtsa ba bskyed par 'gyur/ bsod nams kyi phung po chen po dang ldan par 'gyur/ tshe brjes nas 'jig rten gyi khams bde ba can du pad+ma dag la rdzus te skye bar 'gyur te/ 'di ni don yod pa'i zhags pa'i snying po cho ga zhib mo dang / don yod pa pad+ma gtsug tor gyi dkyil 'khor rnam par thar pa'i dkyil 'khor gyi cho ga mtha' dag rdzogs pa dang / phyag rgya dang bcas pa cho ga zhib mo mtha' dag rdzogs par kha ton du lobs par 'gyur zhing / don yod pa'i rig sngags 'chang 'khor los sgyur bar 'gyur ro// don yod pa'i zhags pa'i snying po pad+ma gtsug tor gyi dkyil 'khor gyi snying po gsang sngags sgrub pa'i cho ga ste/ sgrub pa'i cho ga gnyis pa'o// / de nas gnod sbyin gyi sde dpon chen po lag na rdorjes/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces smras so// bcom ldan 'das don yod pa pad+ma gtsug tor gyi dkyil 'khor don yod pa'i naH pa'i snying po bya ba'i cho ga dang sgrub pa'i cho gar bcas pa bshad par gsol/ bcom ldan 'das rig sngags 'chang kun gyis 'grub pa/ bsam pa yongs su rdzogs pa/ dngos grub sgrub pa'i cho ga de kho na bshad du gsol/ de nas byang chub sems dpa' sems dpa' chen po 'phags pa spyan ras gzigs dbang phyug gis/ gnod sbyin gyi sde dpon chen po lag na rdo rje la 'di skad ces smras so// lag na rdorje bya ba'i cho ga dang sgrub pa'i cho ga bshad par bya yis nyon cig/ lag na rdo rje gas sngags rtsa ba don yod pa'o zhags pa pad+ma gtsug tor gyi snying po gsang ba 'di'i rig sngags 'chang rigs kyi bu 'am/  rigs kyi bu mo 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma lan cig tsam dran pa yid la byed pa yongs su dag pa'i bdag nyid snying rje chen po dang byams pa dang ldan pa'i lhag pa'i bsam pas sems can thams cad la dmigs pa'i sems can gang yang rung ba ngan song gsum du skye bar mi 'gyur te/ sems can dmyal ba 'am//  dud 'gro'i skye gnas sam/ yi dgas kyi yul rnams kyi gnas de dag med de/ de ltar sems can thams cad sgrub pa dge ba'i rtsa ba chen po dang ldan par 'gyur ro// lan gnyis brjod pa tsam gyi nad thams cad rab tu zhi bar 'gyur ro/ / lan gsum brjod pa tsam gyis nad thams cad rab tu zhi bar 'gyur te/ dug dang / 'brum bu dang / 'bras dang / lhog pa dang / rkang shu dang / mdze dang / g.yan pa la sogs pa thams cad 'jig par 'gyur ro/ / lan bzhi brjod pa tsam gyis dbyig dug dang / byad thams cad sel bar 'gyur ro// lan lnga brjod pa tsam gyis 'thab pa dang / 'thab mo dang / rtsod pa dang / 'gyed pa thams cad rab tu zhi bar 'gyur ro/ / lan drug brjod pa tsam gyis 'jigs pa dang / gdon dang / rims thams cad 'jigs par 'gyur ro// lan bdun brjod pa tsam gyis dus ma yin par 'chi bas 'jigs pa thams cad dang /  sems can thams cad kyi nad dang / yams kyi nad thams cad rab tu zhi bar 'gyur ro// lag na rdo rje de lta bas na sems can thams cad kyi don du nyin re zhing gzhan mi smra bar lan bdun dran par bya'o// sems can gang la la sems can dmyal bar gzhol ba shi ba dang / dge slong gang la la bslab pa'i sdom pa dang tshul khrims kyi sdom pa ral ba dang / mkhan po dang slob dpon la gus par ma byas pa shi ba de'i don du bye ma gtsang ma blangs la lan bdun bzlas brjod byas nas/ dur khrod dam/ ro bsregs pa 'am/ ma chad pa der bye ma gtor bar bya'o// gang dang gang na sems can gang dag gi rus pa yod sar bye ma gtor ma thag tu de dang der bye ma bab pa'i sems can de dag sems can dmyal ba 'am/ yi dgas sam/ sha zar skyes pa 'am/ gnod sbyin nam/ srin po'i skye gnas su skyes na/ de de'i mod la tshe brjes nas thams cad mtho ris su gzhol bar 'gyur zhing / nams kyang sems can dmyal bar gzhol bar mi 'gyur ro// yang na gro ga la bris nas mchod rten gyi nang du bcug pa'i gnas der rkang pa gnyis pa 'am/ rkang pa bzhi pa gang dag nye bar 'ongs pa de dag thams cad grib ma phog pa tsam gyis sdig pa dang sgrib pa thams cad rnam par dag cing thams cad mtho ris su gzhol bar 'gyur ro/ / tha na ri dgas dang / bya dang / tha na ldang sgo skra dang / ne le'u dang / sdig pa dang / sbrul dang / khyi dang / rus sbal dang / lag 'gro dang / dkyil 'khor de la grib ma bab pa tsam gyis thams cad kyi las kyi sgrib pa rnams rnam par dag par 'gyur zhing / de dag thams cad mtho ris kyi 'jig rten du gzhol bar 'gyur ro/ / dung la lan bdun bzlas brjod byas nas gnas mthon por bus na sems can gang dag dung de'i sgra thos pa skyes pa dang / bud med dang /  khye'u dang / bu mo dang / ri dgas dang / bya dang / dud 'gro'i skye gnas su gtogs pa de dag thams cad mtho ris kyi 'jig rten du gzhol bar 'gyur ro// gang dag tshul khrims yongs su dag pa dang sems can gang dag sbyin pa la dga' ba dang / gang dag bsnyen gnas la nye bar gnas pa dang / gang dag skyabs gsum bzung ba dang / gang dag byang chub sems dpa'i sdom pa bsdams pa de dag kyang dung gi sgra thos nas sems can de dag thams cad phyir mi ldog par 'gyur zhing / bla na med pa yang dag par rdzogs pa'i byang chub 'thob par 'gyur la/ tshe brjes nas 'jig rten gyi khams bde ba can du skye bar 'gyur te/ tshe rabs nas tshe rabs su tshe rabs dran par 'gyur ro// tsan dan la lan bdun bzlas brjod byas nas dge 'dun gyi kun dga' ra ba 'am/ mchod rten gyi 'khor sa 'am/ dge 'dun gyi nang ngam/ skye bo mang po'i nang ngam/ rgyal po'i pho brang du bdugs na/ gang dag der dri mnams pa'i sems can de dag thams cad sangs rgyas kyi sku yongs su rdzogs par 'gyur ro/ / chos gos la bdugs nas gang gis lus la gyon pa de'i sdig pa dang sgrib pa thams cad rnam par 'jig par 'gyur ro// lus la bab pa tsam gyis dri ma dang / ser sna dang / skyon thams cad spangs par 'gyur ro/ / gos bcangs pa tsam gyis 'jig rten thams cad dbang du 'gyur ro// bdag nyid kyi gos de bdugs nas rgyal po'i pho brang du zhugs na rgyal po dang btsun mo dang 'khor dang bcas pa dbang du 'gyur ro/ / mchod gnas chen por 'gyur/ 'jig rten thams cad kyi bla mar yang 'gyur ro// 'phags pa'i dge 'dun gyi nang du zhugs na dge slong thams cad kyi mchod gnas chen por 'os par 'gyur ro/ / skye bo mang po'i nang du zhugs na nor chen po 'phel bar 'gyur zhing mchod pa chen po'i 'os su 'gyur ro// ri'i rtse mo nyi ma 'char ba'i khar bdugs nas gsang sngags rtsa ba lan bdun bzlas brjod byas na mod la nyi ma 'bab par 'gyur zhing 'dod pa mchog kun rjes su sbyin par byed do/ / gu gul dang bsres nas lha chen po'i mdun du bdug par bya zhing / gsang sngags rtsa ba lan bdun byab pa byas na mod nyid la lha chen po 'bab par 'gyur zhing / rig sngags 'chang gi mdun na 'dug nas bsam pa thams cad yongs su skong bar byed do// bo la dang / tsan dan dang / gu gul bsres nas sred med kyi bu'i mdun du bdug par bya zhing / gsang sngags rtsa ba lan nyi shu rtsa gcig lus kyi yan lag la byab pa byas na/ sred med kyi bu rang gi gzugs kyis mdun du 'dug cing 'dod pa mchog kun rjes su sbyin par byed la/ dngos po sna tshogs kyang sbyin par byed do// yungs kar dang bsres nas tshangs pa la bdug cing gsang sngags rtsa ba lan bcu bzhi byab pa byas na/ tshangs pa rang gzugs kyis mdun na 'dug la mchog thams cad sbyin par mdzad do/ / pad+ma'i phye ma dang bsres nas nag po chen po dang ma mo'i tshogs la bdugs na/ nag po chen po dang ma mo'i tshogs 'khor dang bcas pa rang gi gzugs kyis mdun na 'dug cing mchog dang bya ba sgrub pa thams cad sbyin par byed do/ / na ga puSh+pa dang / sbrul gyi shun pa dang bsres pa'i bdug pa klu'i mtshor bdug cing gsang sngags rtsa ba lan bdun yungs kar la bzlas brjod byas nas klu'i mtshor gtor la/ don yod pa'i zhags pa'i snying po'i mdo lan cig brjod cing dran par byas nakru dang / klu mo dang / klu'i bu pho dang / klu'i bu mo thams cad gnas kun nas byung nas rig sngags 'chang gi rkang pa gnyis las bdud cing gang bsgo ba de dag thams cad byed la/ 'dod pa thams cad sbyin zhing dbang du 'gyur ro// lan gsum sbyar na klu'i rgyal po rgya mtsho'ang 'ong ngo / / klu'i rgyal po dga' bo dang nye dga' bo'ang 'ong zhing thams cad bsgo ba bzhin byed la dbang du gyur nas 'dug go/ gnod sbyin dang srin po dgug par 'dod pas dur khrod kyi nang du mi ro bsregs pa'i sol bas bdugs la/ gsang sngags rtsa ba gsang mthon pos lan bdun brjod cing dran na gnod sbyin dang sring po dag rgyug cing 'ong la/ rig sngags 'chang gi rkang pa gnyis la btud nas/ rje btsun bka' stsol cig ces zer ba dang / de'i tshe rig sngags 'chang gis de bsgo ba ji lta ba bzhin du byas na bsgo ba thams cad byed la/ mngag pa'i las byed par 'gyur zhing ji srid 'tsho'i bar du 'dug go/ / thod pa sbyar la lan bdun bzlas brjod byas nas thod pa bkang ba'i bdug pas bdugs na 'byung po thams cad kun nas 'ong zhing thams cad dbang du 'gyur la/ las byed par 'gyur ro/ / gnod sbyin mo dbab par 'dod pas btsag gis gnod sbyin mo bris la/ ba lang gi lci bas dkyil 'khor byas par phyes pad+ma'i ri mo bri zhing / phye'i gtor ma pad+ma lta bur byas pa bzhag la bdug pa 'dis bdug cing / gsang sngags brgya rtsa brgyad bzlas brjod bya/ yungs kar la lan bdun bzlas brjod byas nas gnod sbyin mo la brdeg pa byas na gnod sbyin mo rang gi gzugs kyis mdun du 'dug cing / lha'i 'jig rten gyi bar du 'gro la/ slar yang 'ong ste don gsang ba thams cad bsgo ba tsam gyis byed par 'gyur ro// yang na ma 'am/ chung ma 'am/ sring mo yin no zhes smra bar bya ste/ gal te mar byas na bu la sdug pa longs spyod dang / gzhal med khang thams cad kyi nang du 'jug la/ rgyal po'i bu bzhin yongs su skyong bar byed do// gal te sring mor byas na rnam thos la 'gran par 'gyur ro/ / gal te chung mar byas na su cu rtsa gsum gyi bdag po ltar dga' ba'i longs spyod dag la rtser 'jug par byed do// lha mo dpal la bdugs la gsang sngags rtsa ba lan bdun bzlas brjod bya ba zhing lha mo dpal gyi mgo la byugs na/ lha mo chen mo dpal rang gi gzugs kyis mdun no 'dug cing nor gyi phung po chen po 'bul bar byed de/ nam 'tsho'i bar du khyim na 'dug cing nor chen po nyid 'phel bar 'gyur ro/ / rnam thos kyi bu la bdug na gser srang stong sbyin par byed do// nor bu bzang po'i bu la bdugs na gser gyi dong che stong sbyin par byed do// tshal gseb tu bdugs na tshal na gnas pa'i lha rang gi gzugs kyis mdun na 'dug cing / rdzas dang sman thams cad rang gi gzugs kyis mdun na 'dug go// ri rnams la bdugs mimra dang / shing gel ba dang / sman dang /  thams cad 'bar bar 'gyur ro// grong khyer bzhi'i sgo rnams su bdugs na grong khyer kun tu yams kyi nad dang / gnod pa dang / dad 'go ba dang / nad thams cad dang / 'thab ba dang / 'thab mo dang / rtsod pa dang / 'gyed pa thams cad rab tu zhi bar 'gyur ro// 'brog tu bdugs na rkun mo dang / g.yon can dang / gnod byed dang / seng ge dang / stag dang / sbrul dang /  dred dang / dom gyi 'jigs pa thams cad 'byung bar mi 'gyur zhing / ri dgas gtum po'i 'jig pa thams cad rab tu zhi bar 'gyur ro// rims thams cad la bdugs na rims thams cad las thar bar 'gyur ro/ / sdig pa thams cad 'gegs pa tsan dan gyi bdug pa sgrub pa'i cho ga ste gsum pa'o// // de nas thig le yang dag par bshad par bya ste/ rig sngags kyi rgyal po'i gsang sngags sgrub pa ni nyi ma'i gzi brjid dang mtshungs shing skar ma'i rnam pa ltar 'bar ba yin te/ gzi brjid kyi rgyal po de gnyis kyis 'bar bar 'gyur ba ni bsod nams kyi phung po rnam par 'phel lo/ / lha rnams kyi nang na lha'i dbang po dang / tshangs pa dang / khyab 'jug dang / dbang phyug chen po dang bcas pas rtag tu mchod pa'i gnas su 'gyur gyis/ rig sngags 'chang gis the tsom mi bya'o//  dpral ba'i steng du thig le byed pa ni rtag tu mdzes pa yin te/ nyi ma ltar 'od zer gyi dra ba stong gis gsal zhing shel ltar dag pa/ mdog dkar sham ltar dri zhim pa dang / glang po che'i bya la dang /  dpral ba dang / ba lang gi gnas ltar skyon med cing mnyam par mthun la shin tu dul ba/ ded dpon gcig pu'i nor bur gyur cing gsang sngags 'bum bzlas pas legs par bab pa/ gser dang gos ltar kun tu 'bar ba ni thig le yin no/ / smin mtshams kyi bar dpral ba na shin tu phra ba rtag tu rtag par mdzes pa ni zla ba nyab mkha' la 'gro ba lta bu yin la/ skye bo'i dbus na gsal ba ni rgyu skar gyi rgyal po zla ba dbus na gnas pa bzhin rang gi 'khor gyi dbus na lha rnams kyi rgyal po dbang po brgya byin lta bu yin la/ skye bo'i dbus na ni 'jig rten gyi rgyal po gdugs cig pa ltar 'bar ba yin/ 'jig rten gyi nang na gdugs cig pa bde bar gshegs pa ltar shin tu dul ba yin la/ shAkya'i rigs kyi brgyud ltar sems can thams cad la phan par 'dod pa de bzhin du nor bu mchog rnam par dag pa ni sems can thams cad la phan par 'dod pa yin no/ / lha dang bcas pa'i 'jig rten na ji ltar 'jig rten dbang phyug gcig pu ltar mchog dang rab mchog sems can thams cad kyi don du sbyin par byed de/ de ltar thig le nor bu'i mthu ni 'dod pa thams cad rab tu sbyin par byed do// lha dang / klu dang / gnod sbyin dang bcas pa dbang du 'gyur zhing / sum cu rtsa gsum gyi bdag po dbang po dbang du 'gyur bar rjes su 'gro ba dang / dri za dang / lha ma yin dang / nam mkha' lding dang / mi 'am ci dang / lto 'phye chen po 'dod par gyur pa thams cad kyang dbang du 'gyur ba ni nam mkha' la skar ma ltar dpral bar rtag tu dbang du 'gyur ba yin te/ sems can thams cad kyi mgo bos rkang pa'i drung du rtag tu 'dud la mes mi 'tshig/ chus mi 'byed zhing / lus la dug dang / sbyar ba'i dug dang / phye ba'i dug dang / byad mi bzad pa dang / ngan sngags dang / sdang ba'i rnam pas mi tshugs par 'gyur te/ nor bu lta bu'i mthus de dag thams cad kyis mi tshugs par 'gyur ro/ / rims dang / sdug bsngal ba dang / nad dang / rlung dang / klad nad chen po la thig le byas pas mod la de dag thams cad rab tu zhi bar 'gyur/ sems can btson du gzung ba'am/ chang pas gcad pa 'am/ bcing bar 'os pa la thig le lta bu byas pas de dag thams cad las thar par 'gyur ro// smin mtsham sa ma dpral bar thig le lta bu byas na de'i mod la gnod sbyin brgyad stong dang srin po drag po'i gzugs can gdon brgya stong rnams lus la 'jug par mi 'gyur zhing / glang po che dang / ri dgas kyi bdag po'i khyu dang / chom rkun gyi lam dang / shod kyi lam dang / ri'i lam dang /  ri sul dang / ram grog dang / glog dang / grang ba dang / rlung sbrul dang / sdang 'jigs kyi 'jigs pa thams cad zhi bar 'gyur/ thig le lta bu'i mthus dgra'i sde brgya stong snyed kyi nang na 'gyed pa las myur ba nyid du rgyal bar 'gyur/ g.yul dang / 'thab mo dang / tha snyad med nyid la zhi bar 'gyur ro// de'i tshe nor bu gtsug gi spyi bor btags pa gang yin pa dang / thig le'ang byas nas 'khor lo la byugs la pha rol gyi dmag tshogs g.yul gyi nang du zhugs na/ bdag nyid gcig pus dpung gi tshogs yan lag bzhi pa las rgyal bar 'gyur/ 'dis thams cad du zhugs pa tsam gyis pham pa byas par 'gyur zhing /  phyogs bcur 'bros la thams cad 'jigs par 'gyur ro// thig le'i byas nas rgyal po'i pho brang du zhugs na rgyal po dang / btsun mo dang / 'khor dang bcas pa dbang du gyur nas nye bar 'khor ro//  srid 'tsho'i bar du mchod gnas su 'gyur ro// dpung pa g.yas par nor bu btags la yan lag dang yan lag dag tu thig le byas na thams cad du rgyal ba 'thob cing reg pa tsam gyis dbang du 'gyur la/  don gang dang gang bsgrubs pa de dang de thams cad 'thob par 'gyur ro// ril bu dag ni khar bcug nas// lhan cig 'dug la smras na ni// thams cad dbang du 'ong bar 'gyur// rgyal po dang ni btsun mo 'am//  dge sbyong dang ni bram ze dang // rgyal rigs dang ni dam ngas rigs nyid// skyes pa dang ni bud med dang // khye'u dang bu mo rnams kyang rung // de dag thams cad dbang du 'gyur// kun tu mngags pa'i las rnams byed/ / ril bu thos pa tsam gyis ni// nad rnams thams cad rnams par 'jig/ gang gi nyin bzhi pa yi rims// gang dag khong skem nad kyis nyams// gang zhig rtag pa'i rims kyis btab// gang du 'thab mo 'byung ba dang / / de bzhin skye bo sdang sems can// bdag la grib gnon gzhan grib gnon// skem byed skem pa brjed byed dang // gang zhig gdon gzhan mi bzad pa// sdig pa'i las ni kun tu spyod/ sngon gyi las ni mi bzad pa// de kun skad cig tsam gyis 'jigs// ril bus khrus byas tsam gyis ni// 'bras dang shu bar gyur rnams dang // ldog pa dang mi chang cu dang / / mtshan par rdol dang mi dpal dang // khyi rngo mdze dang rkang pa'i nad// mi bzad de rnams kun dang ni// gang dag nor rgyas sdang bas zin// byugs pa tsam gyis mod la ni// thams cad dug med zhe pabar 'gyur/ / ril bu thams cad las byed pa// lha rdzas shi ba sos par byed// ril bu dag ni 'chang byed cing // thig le dag ni byas pa yis// tham cad du ni mchod pa 'thob// thams cad du ni nor dag 'du/ dpal 'dod pa ni dpal 'thob cing / 'bru 'dod 'bru yi phung po 'phel// lha rnams dag ni dga' 'gyur zhing // klu rnams kyang ni dga' dang bcas// gnod sbyin srin po dri za dang // lha min mkha' lding mi 'am ci// lto 'phye chen po thams cad dang / / 'byung po rnams kyang dga' dang bcas// rtag tu phyag bya'i gnas 'gyur zhing // thams cad dbang du gyur nas 'khod// 'khod kun dran bya ci bya zer// gang zhig ril bu de dag bsten/ / ril bu thig le rtag byed la// de bzhin gshegs kun dgongs pa mdzad// 'phags pa spyan ras gzigs kyi dbang // de nyid rig la rtag tu ni// mchog sbyin dus kun gzigs par mdzad//  bsod nams phung po stong dag ni// nyi ma re re ba sogs par byed// 'jig rten pa yi bde spyad cing / 'jig rten pha rol shin tu bde// tshe brje ba ni 'phos nas su// bde ba can du mod la 'gro// gang dang gang du skye bar ni/ / tshe rabs rtag tu tshe rabs dran// lag na rdo rje gnod sbyin che// gnod sbyin bye bas yongs bskor cing // g.yel ba med par nyin mtshan du// dus kun tu ni srung ba dang // skyo ba dang sbed dang srung bar byed/ / gang zhig bu ni med pa dang // bud med bu ni 'dod pa la// ril bu gcig cig sbyar nas su// mnyam par bzhag pas gsang sngags ni// mkhas pas zla ba yar gyi nger// 'bum ni tshang bar bzlas nas su/ / zla ba nya ste bco lnga la// skyes pa bud med khrus bya zhing // yan lag yan lag thig le bya// dkon mchog gsum ni legs mchod cing // bram ze dag kyang mchod ston byed//  srung ba'i cho ga byas nas su// gtor ma dkar gsum mang po bsham// bdag nyid rgyan gyis brgyan nas su// gos gtsang rnams ni bgo bar bya// byams pa'i sems la yang dag gnas// snying rje sems can sdug par byed/ / bsam pa dag cing des pa dang // bla mar rtag tu gus par bya// me tog sna tshogs rab dgang zhing // spos dang byug pa sna tshogs dang // du rus tsan dan sa la ki/ lha yi bdug pas bdug bya zhing / / bu ram 'o ma bdun dang ni// ril bu legs sbyar bza' bar bya// gsang ba 'di 'thungs mod la ni// btung dang kha zas bza' bar bya// mgon po spyan ras gzigs kyi dbang / / mchog sbyin mdzad par mchod par bya// byams mdzad de yi zhabs drung du// mtshan mo nyal dang nang par ni// mthong ba mchog 'di thob par 'gyur// 'phags pa spyan ras gzigs kyi dbang //  mchod sbyin rang gzugs ston mdzad cing // mchog nyid dam pa sbyin par mdzad// bud med de ni bu skyed cing // gzugs bzang mchog tu lta na sdug/ stobs ldan gzugs ni phun sum tshogs/ / lha yi dpal gyi rjes su 'gro// chos ldan mkhas shing gsal ba dang // tshe ring dbang phyug tshad med 'gyur// dpa' bo dgra las rgyal ba dang // sdang ba thams cad 'joms par 'gyur/ / yang na dran pa'i blo skyed par 'dod pas thos pa la brten nas 'dug cing // rig sngags 'chang gtsang ma zhag bdun du nyin re zhing mar dang 'o ma bskol ba der ril bu bdun bcug ste/ zan ma zos pa'i sngon rol du lan nyi shu rtsa gcig bzlas brjod byas nas 'jam tsam pa 'thungs la phyis kha zas bza' bar bya/ zhag bdun gyis thos pa'i rgya mtsho chen po bsags par 'gyur te/ bstan bcos thams cad dang / chos lugs dang / 'dul ba dang / snyan dngags dang / brda sprod pa dang / mdo'i sde dang / dbyangs kyis bsnyad pa'i sde dang / tshogs su bcad pa'i sde dang / gleng gzhi'i sde dang /  ched du brjod pa'i sde dang / de lta bu byung ba'i sde dang / skyes pa rabs kyi sde dang / chos mngon pa dang / rtsis dang / cho gzhib mo dang / gsang sngags dang / phyag rgya thams cad dang / theg pa chen po thams cad kha ton du lobs par 'gyur ro/ / zhag nyi shu rtsa gcig tu sbyar ba byas na stobs chen po'i brtson 'grus kyis pha rol gnon par 'gyur te/ glang po che khri'i stobs su 'gyur ro// zla ba gcig tsam sbyar ba byas na lo lnga brgyar 'tsho zhing gnyer ma dang sgra dkar spangs la/ sgra lcang lo 'khril zhing 'khyil bar 'gyur ba dang / lus kyi mdog pad+ma dkar sham lta bur 'gyur ro// lo gcig tu sbyar na lha'i sman bcud kyis len mchog la 'jug cing nam mkha'i steng du lha rnams dang lhan cig mthun par 'gyur la/ brgya byin dang yang lhan cig 'gran par 'gyur/ lha rnams kyi lha mo'i tshogs dang / lha'i gzhal med med khang na rtse zhing dga' bar byed la/ rin po che sna bdun gyi gzhal med khang gi gnas na 'dug par 'gyur/ nyi ma lta bur 'od gtong zhing rgyu la gnas pa bzang po rnams kyis 'gro bar byed/ gzi brjid shin tu gsal ba mi bzod cing rnam par dag par 'gyur ro zhes bya ba la the tsom mi bya'o/ / las thams cad sgrub pa'i thig le dang / ril bu sgrub pa'i cho ga bzhi pa'o// // de nas mi snang bar bya ba dang / nam mkha' la 'gro ba sman gyi mchog don yod pa'i mthus grub par bshad par bya ste/ rig sngags 'chang ba rnams kyi grub pa'i mchog de kho na yin no// sman dngul chu dang / brah+ma kI ra dang /  su bar+Na k+Shi ra dang / shel bsngo bsangs dang / ku k+Shi dang / su gan d+hi dang / ki kuSh+pa skyon med pa dang / ut+pa la bzang po dang / pad+ma k+Sha dang / gu gul dang / phe lu pata tra dang / gur kum dang / nA gi puSh+pa dpa bcas pa dang / spang spos dang / shi ri Sha'i me tog dang / tsan dan dkar po dang bcas pa bsres nas zhib tu btags pa'i phye ma la don yod pa pad+ma gtsug tor gyi gsang ba'i rigs kyi rgyal po'i sngags kyis shin tu brtson par lan brgyad brgya bzlas brjod bya zhing / khro bo'i gsang sngags lan brgyad stong bzlas brjod byas pas lan nyi shu rtsa gcig tu dbang bskur la/ yi ge gcig pa lan 'bum bzlas brjod bya/ de'i tshe gsang sngags bcu po so sor lan nyi shu rtsa re re bzlas brjod bya ste/ gsang sngags thams cad rdzogs par bzlas brjod byas nas sman don yod pa rgya che ba gsal ba zhes bya ba sman gyi mchog/ bcom ldan 'das 'phags pa spyan ras gzigs dbang phyug gi zhabs drung du bzhag la grib ma la bskam par bya'o// yang don yod pa'i zhags pa'i gtsug tor gyis lan brgya rtsa brgyad bzlas brjod byas nas snod gtsang ma'i nang du bcug la/ nam dgos pa byung ba de'i tshe thams cad du sgrub pa'i dgos pa thams cad la sbyar bar bya'o// de nas rig sngags 'chang gtsang mar gyur pas lus legs par khrus byas la spos chus byugs te gos gtsang ma bgo bar bya/ sman gyi mchog 'di yungs mar gyis sbrus la rang gi lus la byug par bya ste/ lan cig bskus pa tsam gyis mi snang bar 'gyur la/ gnas gsang bar bya ba'i sgo bcad pa thams cad mthong bar 'gyur/ gnas thams cad du ji ltar 'dod pa bzhin du 'jug par 'gyur/ don thams cad byed par 'gyur/ 'byung po dang / gnod sbyin dang / srin po dang / sha za la sogs pa'i gtso bo rgyal por 'gyur zhing / de dag thams cad dbang du 'gyur te/ ci bgyi zhes bya ba byed la ji srid 'tsho'i bar du nye bar gnas nas las su bya ba'i dgos pa thams cad kyi rjes su 'jug par 'gyur ro/ / klu'i gnas kyi sgo bcad pa thams cad na 'dug la/ klu 'khor dang bcas pa thams cad mdun du 'khod nas bya ba thams cad la ci bgyi zhes bya ba byed par 'gyur zhing / las su bya ba dang dgos pa thams cad byed par 'gyur/ ji srid 'tsho'i bar du nye bar 'khod cing nyin mtshan du gnas la/ de nas klu thams cad ji srid 'tsho'i bar du bsgo ba bzhin byed par 'gyur ro//  sman la sing ha dzi hA dang ba'i 'o ma dang sbyar bas mgo kun byugs na ji lta ba yid la byas pa dang / rang gi blos 'dod pa'i ngo bo sna tshogs ston par byed/ gnas su gtogs pa thams cad ji ltar 'dug pa bzhin ston par byed/ gnas su gtogs pa thams cad 'khor gyi nang na ji ltar rnam par sprul pa'i gzugs sna tshogs ston par byed/ ji srid 'tsho'i bar du 'phel ba rnams ston par byed cing bya ba thams cad byed do// spros kyi til mar dang spras nas byin pa dang rkang pa la bskus na nam mkha' la 'phags par 'gyur zhing / nam mkha' la 'gro bar 'gyur la/ gang du 'dod pa der 'gro bar 'gyur/ chu'i steng du 'gro zhing nams kyang phyir sa la rkang pa 'jog par mi 'gyur/ lag pa g.yas pa la bskus na gang dang gang la lag pa reg pa de 'ong bar 'gyur la sus kyang mthong bar mi 'gyur/ bud med gzhon nu'i 'o ma dang bsres nas mig la bskus nas rgyal po'i pho brang du zhugs na mthong bar mi 'gyur zhing don 'dod pa gang yin pa byed do/ / don gyi rdzas gang yin pa blangs kyang sus kyang mi mthong ngo // bud med gang dang phrad na sus kyang ming mthong la/ ji srid 'tsho'i bar du 'dug kyang sus kyang mi shes so/ / khar byugs nas gang dang gang na bro gar byed pa dang / bzhad gad byed pa nyid kyi nang du zhugs na bya ba thams cad byed la lus ni sus kyang mi mthong ngo / / bum pa la byugs nas chus bkang na chu'i rgyun snang la bum pa de ni mi mngon no// gzhong pa chus bkang ba de'i dbus byugs na chu de gang bar snang la bum pa de ni mi snang ngo // bdag nyid la byugs nas bum pa chus bkang ba lag na thogs na bum pa las chus 'byung ba ni snang la mi de'i lus ni mi snang ngo / / mig la bskas nas skye bo mang po'i nang du zhugs na mi mthong bar 'gyur la/ de'i sgra ni thos shing rang gi lus ni mi mngon no/ / gnas su gtogs pa thams cad du zhugs na rang gi lus khrus ma byas kyi bar du mi mthong ngo // su 'ang rung ba'i mig la bskus la lus la'ang bskus na de dag thams cad mi mthong bar 'gyur zhing / gang dang gang du 'gro ba de dang der mi snang bar 'gyur la/ khrus byas pa tsam gyis phyir snang bar 'gyur ro// lus kun la bskus nas mdzod chen po'i nang du zhugs na mi mthong bar 'gyur la/  gser dang / dngul dang / 'phra men dang / nor bu dang / mu tig dang / b+hu ru dang / dung dang / man shel dang / rdo rje dang / bai DUR+Ya dang / marga dang / mthon kha dang / gos dang / spud pa dang / rgyan dang / lhab lhub gang yang rung ba nyid 'dod na thams cad blangs nas song na sus kyang mi mthong la gar dga' bar 'gro bar 'gyur ro/ / ji srid du khrus ma byas pa de srid du rang gis mi mthong la/ khrus byas na thams cad du mthong ngo / / rig sngags 'chang bud med kyi nang du 'jug par 'dod pa gtsang bar khrus bya'o// de nas spos chus khrus bya'o// de'i 'og tu ba gcin gyis khrus bya'o// yang gur kum gyis khrus bya'o//  de'i 'og tu ba'i rnam lngas khrus bya'o// de'i 'og tu til mar dang lhan cig bsres pa'i ril bu des lus bsku bar bya'o// de'i 'og tu bud med gzhon nu'i mu no dang sbyar bas mig la bskus la/ de nas ril bu gsum dpung pa g.yas pa la gdags par bya'o/ / de nas gos gtsang ma bgos nas gsang sngags brjod cing dran par byas la/ rgyal po'i pho brang du zhugs na mi mthong bar 'gyur te/ lus sus kyang mi mthong ngo / / nyi ma gcig gam/ nyi ma gnyis sam/ nyi ma bdun nam/ nyi ma bcu bzhi 'am/ nyi ma nyi shu rtsa gcig tu khrus byas la bud med de dag gi nang na rtse zhing dga' bar byed la/ yongs su spyod par byed kyang sus kyis mi shes la 'jug cing phyir 'gro ba na sus kyang glags mi rnyed de/ ji srid du khrus ma byas pa'i bar du rang gi lus mi snang bar 'gyur ro// phug tu 'jug na lus kun spos kyi til mar gyis byug/  la phug tu zhugs na phug gi sgo thams cad phye bar 'gyur gyis/ gnas de'i nang du zhugs la ji lta ji ltar las su byas pa de lta de ltar gyis shig/ chu'i nang du zhugs na ji ltar khyim gyi nang na 'dug bzhin du chus mi rlan la/ chus gos par yang mi 'gyur ro// me'i nang du zhugs nems lus la mi reg cing tsan dan ltar bsil bar 'gyur ro// klu'i gnas mtshor zhugs na gnas na 'khod pa rnams kyis de mi mthong gis/ ji ltar rang gi yid la las su bya bar 'dod pa'i las kyi rnam pa gzhan dag kyang gyis shig/ mi snang bar bya ba ril bu'i sgrub pa'i cho ga'o//  / 'phags pa don yod pa'i zhags pa'i cho ga zhib mo'i rgyal po bam po bcu drug pa// / de nas sbyin bsreg gi cho ga bshad par bya ste/ las thams cad kyi don sgrub par byed dngos grub thams cad byed pa'i gnas/ sdig pa thams cad 'phrog pa/ de bzhin du sgrib pa thams cad rnam par dag pa/ rig sngags thams cad kyi dngos grub bla na med pa/ gnod sbyin thams cad rab tu zhi bar byed pa/ sdig pa thams cad 'joms par byed pa/ sangs rgyas thams cad kyis legs par rgyal ba sbyin pa/ dgra thams cad zlog par byed pa/ 'thab pa dang / rtsod pa nyid dang / 'gyed pa dang / mtshon cha'i dra ba thams cad las sgrol bar byed pa/ grub pa don yod pa mchog tu rnyed par dka' ba/ rig sngags 'chang thams cad kyi dngos grub thams cad du gsang sngags dang dkyil 'khor gyi dngos grub/ phyag rgya 'pho ba dang / de kho na nyid kyi rim par phye ba'i sgrub pa las thams cad du mchog gi dngos grub kyang 'grub ste 'di la the tsom med do// bde ba thams cad rtag tu rab tu sbyin pa dang /  dbang phyug ma yin pa thams cad kyi sgrub pa dang / 'gugs pa dang / lha dang klu thams cad spyan 'dren pa dang / gnod sbyin dang srin po thams cad rab tu 'joms pa dang / bdud dang / 'byung po dang /  sha za dang / gdon mi bzad pa dang / brjed byed mi bzad pa dang / tshangs pa'i srin po rnams thams cad thams cad du sgrol bar byed par grub pa dang / nyin mo dang mtshan mo'i dus rtag tu tshar gcod par the tsom med do/ / rims thams cad rtag tu rab tu zhi bar byed pa/ nad thams cad zlog par byed pa/ dug thams cad gsod par byed pa/ 'phral du sreg blugs byin pa tsam gyis thams cad du rtag tu gnang chen pa dang / thams cad du mthong na dga' ba dang / 'jig rten thams cad kyi bla mar mchod par bya ba dang / thams cad du stobs dang / brtson 'grus dang / pha rol gnon pa dang / de bzhin gshegs pa rtag tu mthong ba'ang sbyin par 'gyur te/ 'di la the tsom med do// byang chub sems dpa' rtag tu kun tu snang ba dang / dus thams cad kyi tshe las thams cad la shin tu dga' ba dang / skye ba nas skye bar tshig btsun par 'gyur ro/ / thams cad du bla ma la sri zhu che ba dang / thams cad du mchod par 'os pa'i bla ma'o// de nas dpal ldan rdo rje 'dzin pas rtag tu'ang srung ba dang / yongs su skyong bar byed pa dang / rgyal po chen po bzhi dang / gshin rje dang / chu lha nyid kyis kyang dus rtag tu srung ba dang / sgrub pa dang / sba bar byed par the tsom med do// dbang phyug dang / dbang phyug chen po dang / lha'i bu stong phrag dgu bcu rtsa dgu dang /  lha'i bu rdzu 'phrul che ba rnams kyis srung ba dang / skyab pa dang / sba bar byed cing rtag tu legs par kha los sgyur bar gnas par 'gyur ro// tshangs pa dang / khyab 'jug dang / dbang phyug chen po dang / drag po dang / gzhon nu dang / nor bu bzang po dang / stobs kyi lha dang / gang ba bzang po dang / lngas rtsen dang / gar mkhan mchog ste/ 'di rnams kyis rtag tu srung ba dang / skyab pa dang /  sba bar byed cing gnas te 'di la the tsom med do// me'i lha gzi brjid chen po dang / nyi ma dang / zla ba dang / rgyu skar gyi lha rnams kyis srung ba dang / skyab pa dang / sba bar byed cing mchog tu mchod pa byas pas gnas par 'gyur ro/ / sbyin sreg tsam 'di ni bya ba thams cad bla na med pa'i dngos grub rnams la'o// 'bras thug po che dang / yungs kar dang / gu gul dang / mar dang / sbrang rtsi bsres pas sbyin sreg stong phrag brgyad byas nas/ 'phags pa spyan ras gzigs dbang phyug gis thams cad mchog sbyin par 'gyur te/ bya ba thams cad sgrub par byed par 'gyur ro// tsan dan dang / pad+ma'i chu ba dang / 'bras yos dang / yungs kar dang / a ka ru dang / zho dang / sbrang rtsi dang / mar bsres pas sa mI'i shing gis zhi ba'i me sbar te stong phrag brgyad du sbyin sreg bya'o// de nas 'phags pa spyan ras gzigs dbang phyug rang gi gzugs kyis mdun du nye bar gnas te/ mchog thams cad sbyin par 'gyur ro// bya ba thams cad kyi dngos grub tu'ang 'gyur ro// yid kyi shing rta thams cad yongs su rdzogs par yang 'gyur ro/ / cho ga zhib mo thams cad kyi dngos grub tu'ang 'gyur ro// thams cad du don yod pa thogs pa med pa'i dngos grub tu'ang 'gyur ro// bsod nams thams cad 'gugs pa'i dngos grub tu'ang 'gyur ro/ / dkyil 'khor dang / phyag rgya rim par bye ba dang / cho ga zhib mo dang / sgrub pa'i cho ga thams cad kyi mchog gi dngos grub tu 'gyur ro// de bzhin gshegs pa thams cad kyi rigs kyi dam / tshig gsang ba la rjes su zhugs par 'gyur ro// seng ldeng dang nim pa'i shing gi yam shing gis 'bras sA lu dang / til dang / yung kar dang / zho dang / mar dang / lan tshwa dang bsres pas sbyin sreg stong phrag brgyad byas na/ bgegs dang / log par 'dren pa dang / gnod sbyin dang / srin po'i gdon thams cad dang / gdug pa dang / phyir rgol ba dang / dgra thams cad rab tu zhi bar byed do// 'thab pa dang / rtsod pa dang /  'gyed pa thams cad las sgrol bar byed do// mtshon cha thams cad las rgyal bar 'gyur ro// pha rol gyi dmag tshogs dang / phyir rgol ba dang / dgra thams cad las rgyal ba sbyin par 'gyur ro// tsan dan dang / 'bras yos dang / zho dang / sbrang rtsi dang / mar bsres pa'i pad+ma'i sbyin sreg stong phrag brgyad byas na/ yul 'khor dang / ri brag dang / grong dang / grong khyer dang / ljongs rnams su kun nas dpag tshad stong phrag gcig kho ra khor yug tu zhi ba chen por 'gyur ro/ / sems can thams cad dang / bud med dang / skyes pa dang / khye'u dang / bu mo rnams la bsrung ba dang bskyab pa'i ched du yang dag par sgrub par 'gyur ro/ / nad thams cad thams cad du rab tu zhi bar 'gyur ro// gcan gzan gtam po thams cad dang / sbal gdug pa dang / ma rungs pa thams cad byams par 'gyur ro// rgyal po dang / yul 'khor dang / btsun mo'i 'khor gyis yongs su bskor ba thams cad shis pa dang bde bar 'gyur ro// ma tam ga dang / yungs kar dang / mar dang / klu shing gi me tog dang / 'bras yos rnams bsres pas arga'i shing gi yam shing gis me sbar la stong phrag brgyad du sbyin sreg byas na char mi 'bab par byed pa la/ de nas klu chen po rnams kyis char gyi rgyun 'byin par byed de/ ji srid char pa 'bab par 'dod pa'i bar du'o// lo tog dang / shing dang / rtswa dang / shing gel ba dang / sman gyi rdzas dang / me tog dang / 'bras bu rnams yongs su rdzogs par byed do// legs papar yongs su rdzogs par 'gyur ro/ / klu'i rgyal po chen po 'khor dang bcas pa thams cad kyi dga' ba chen por 'gyur zhing / dus dus su ji lta ba bzhin du char gyi rgyun 'byin par byed do// ha cang char ches na denyid kyi thal bas stong phrag brgyad du sbyin sreg byas na ha cang char ches pa rab tu zhi bar byed do/ / 'bras yos dang / go la dang / yungs kar dang / gtum po'i sa bon mar dang bsres pa'i sbyin sreg byas na rlung dang ser ba thams cad bzlog par byed do/ / dpag tshad stong phrag khor yug tu mtshams chen po bcing bar byas par 'gyur ro// rlung bcing ba la yungs kar dang 'bras thug po che'i sbyin sreg stong phrag brgyad byas na rlung gi dkyil 'khor thams cad bcing bar byas par 'gyur te/ ji srid du be ram b+ha'i rlung gi bar du bcings par 'gyur ro// klu bcing ba ni yungs kar dang til gyi sbyin sreg stong phrag brgyad byas na lo bcu gnyis su klu bcing ba byas par 'gyur ro/ / nad thams cad rab tu zhi bar bya ba la ni yungs kar mar dang bsres pa'i sbyin sreg stong phrag brgyad byas na nad thams cad rab tu zhi bar byed do// pha rol gyi dmag tshogs ldog pa la ni ka ra wI ra'i shing gis me sbar te/ nim pa'i 'dab ma dang / lan tshwa dang / phub ma'i sprin sreg stong phrag brgyad byas na pha rol gyi dmag tshogs dang / phyir rgol ba dang / dgra thams cad rnam par nyams par byed de/ ji srid 'tsho'i bar du phyis 'byung bar mi 'gyur ro// phyogs bcing ba la dpag tshad stong phrag khor yug gis so// til dang / yungs kar dang / 'bras yos dang / pad+ma'i 'dab ma mar dang bsres pas sbyin sreg stong phrag brgyad byas na/ dpag tshad stong phrag khor yug tu mtshams chen po bcing ba byas par 'gyur ro// log 'dren thams cad bcing ba la ni yungs kar nag po dang / til nag dang / sran ma dang / til dang mar bsres pas sprin sreg stong phrag brgyad byas na bgegs dang / log 'dren dang / bdud la sogs pa ma rungs pa dang / gnod sbyin dang / srin po rnams bcing ba byas par 'gyur ro/ / gnod sbyin 'byin pa ni b+haM ga'i sa bon dang / lan tshwa dang / til mar bsres pas sbyin sreg stong phrag brgyad byas na gnod sbyin dang / srin po dang / 'byung po dang / sha za dang / brjed byed la sogs pa thams cad 'jig rten thams cad kyi mngon sum du nges par 'byin par 'gyur ro// yams dang / nye bar 'tshe ba dang / nad 'gro ba thams cad/ 'jig pa thams cad rab tu zhi bar 'gyur ro/ / dge legs thams cad 'byung bar 'gyur ro// bram ze dbang du byed pa la 'bras yos dang a rka'i yam shing mar gyis btags pas sbyin sreg stong phrag brgyad byas na bram ze thams cad dbang du 'gyur ro/ / rgyal rigs dbang du byed pa la bu ram dang / mar dang / 'bras yos dang / arka'i 'dab mas sbyin sreg stong phrag brgyad byas na rgyal rigs thams cad dbang du byed par 'gyur ro/ / dmangs rigs dbang du byed pa la smros byed kyi 'bras bu dang dong ka'i sbyin sreg stong phrag brgyad byas na dmangs rigs thams cad dbang du byed pa'i mchog 'grub bo// rje'u rigs dbang du byed pa la mar rnam pa gsum gyis bsres pa'i sbyin sreg stong phrag brgyad byas na rje'u rigs thams cad dbang du byed do/ / sna ma'i me tog mar gyis btags pa'i sbyin sreg stong phrag brgyad byas na bud med thams cad dbang du byed par 'gyur ro/ / gzhon nu ma dbang du byed pa la chu'i me tog mar gyis btags pa'i sbyin sreg stong phrag brgyad byas na gzhon nu ma thams cad dbang du byed par 'gyur ro//  'jigs pa thams cad rab tu zhi bar byed pa 'bru dang mar gyi sbyin sreg stong phrag brgyad byas na 'jigs pa dang / 'thab mo dang / 'thab pa dang / rtsod pa dang / 'gyed pa thams cad rab tu zhi bar byed do//  nor dang 'bru 'phel bar byed pa la 'bru bdun mar gyis btags pa'i sbyin sreg stong phrag brgyad byas na nor dang 'bru 'phel bar 'gyur ro// dbang phyug thob pa la yungs kar dang / mad+d+haHdang / sbyin sreg stong phrag brgyad byas na dbang phyug chen po 'phel bar 'gyur ro/ / yul thob pa la tsha ba gsum mar dang / mad+d+haHdang bsres pa'i sbyin sreg stong phrag brgyad byas na yul chen po thob par 'gyur ro// grong gi don du ka ra wI ra'i me tog dang / yungs kar dang / 'bras yos mar gyis btags pa'i sbyin sreg stong phrag brgyad byas na grong rnyed par 'gyur ro// gter gdon pa la ni pad+ma'i chu ba mar rang bsres pa'i spri sreg stong phrag brgyad byas na gter chen po so sor rnyed do/ / gnod sbyin spyan drang bar 'dod pas gu gul dang / gtum po'i sa bon dang sbrang rtsi mar gyis btags pa'i sbyin sreg stong phrag brgyad byas na/ gnod sprin rang gi gzugs kyis mdun du nye bar 'dug ste/ ci bsgo ba byed cing las thams cad byed par 'gyur ro// 'dod pa'i gzugs can ma sman drang bar 'dod pas 'bras yos dang /  yungs kar dang / zho dang / sbrang rtsi dang / mar gyis btags pa'i dri dang pri yang ku yis ka ra wI ra'i shing gi yam shing gis me sbar nas sbyin sreg stong phrag brgyad byas na/ de'i 'og tu 'dod pa'i gzugs can ma 'ongs te/ ji ltar 'dod pa bzhin du spyod par byed do// rnam pa gsum brjod par bya ste/ ma dang / chung ma dang / sring mo'o// gal te ma yin na bu la zhen pas nor dang / 'bru dang longs spyod chen po rnam par 'phel zhing phun sum tshogs par byed de/ ji srid 'tsho'i bar du mi 'bral bar kun tu gnas par byed do// gal te chung ma yin na rnam pa sna tshogs pa'i dga' ba du mas rtse ma dang / sbrang rtsi dang / mar gyis btags pa'i sbyin sreg byas na zla ba dang / rgyu skar dang / skar ma'i tshogs 'bab par byed de/ 'dod pa dang / yid kyi shing rta dang / skal ba dang / dbang phyug thams cad cher 'phel ba rab tu sbyin no/ / ji srid 'tsho'i bar du nye bar gnas te/ ji srid 'tsho'i bar du srung ba dang / skyab pa dang / sba bar byed par 'gyur ro// nyi ma re re zhing mthong bar 'dod na 'bab par byed do/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin dang /  bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u rigs dang / dmangs rigs thams cad 'gugs pa la til dang / yungs kar dang / 'bras thug po dang / sman sna tshogs dang / zho dang / sbrang rtsi dang / mar gyis btags pa'i sbyin sreg stong phrag brgyad byas na 'gugs pa chen po'i dngos grub tu 'gyur te/  'jig rten thams cad dga' bar yang 'gyur ro// rgyal po dang btsun mo'i 'khor dang g.yog tu bcas pa 'khor du 'gyur te/ rtag tu de nyid kyi rjes su 'brang bar 'gyur la ngag gi rjes su 'jug par 'gyur ro/ / bdag nyid kyis sam nor gyis kyang rung ste/ thams cad du bla ma gcig pur mchod pa chen po byed par 'gyur ro// sbyin sreg gi cho ga'i sgrub thabs so//  zhing longs spyod pa yongs su spyod par byed de/ rnam pa sna tshogs pa'i gos dang / rgyan dang / lhab lhub dang / dri dang / 'phreng ba dang / byug pa dang / bza' ba dang / btung ba rnam pa sna tshogs pa'i ro bro ba'i longs spyod la yongs su spyod cing / rnam pa sna tshogs pa'i mal stan dang / nor dang / 'bru dang / mdzod dang / bang ba dang bcas pa rnam par 'phel ba dang yongs su spyod de/ ji srid 'tsho'i bar du grib ma bzhin du rjes su 'brang bar 'gyur ro// srog kyang yongs su gtong bar byed do// gal te sring mo yin na de'i tshe rnam pa sna tshogs pa'i dbang phyug dang /  lha'i gzhal med khang gi longs spyod la yongs su spyod cing / ji srid 'tsho'i bar du bsnyen bkur dang rim gro byed do// pha rol gyi dmag tshogs zlog pa la phub ma dang lan tshwa'i sbyin sreg gis dpag tshad brgya stong phrag gi nang du dgra mi 'byung ste/ sbyin sreg stong phrag brgyad byas na g.yul dang / 'khrug pa chen po las rgyal bar 'gyur ro// nyi ma 'bab par byed pa la ri'i rtse mor sbrang rtsi dang / na le sham dang / 'bras thug po che dang / mar gyis btags pa'i sbyin sreg stong phrag brgyad byas ma nyin re re zhing nyi ma 'bab par byed de/ mchog thams cad rjes su stsol bar byed cing / ji srid 'tsho'i bar du 'dod pa tsam gyis bsnyen bkur dang rim gro byed cing nye bar gnas so/ / zla ba dang / rgyu skar dang / skar ma'i tshogs 'bab par 'dod pas gnas mthon por tsha ba gsum dang / rgya mtshwa dang /  nas mig 'phrul bshad par bya ste/ don yod pa pad+ma gtsug tor gyi rig sngags kyis sems can thams cad la phan pa'i don gyi ched du las thams cad byed pa/ dge ba la mkhas pa rnams kyi bde ba sbyin pa/ rtag tu dbul po rnams kyis bde ba thob par byed pa'o// de nas rtogs pa'i mod la 'bru mchog tu 'phel bar 'gyur zhing / 'jig rten thams cad kyi bla ma nyid du mchod par bya ba dang / mi 'jigs pa dang / dbang phyug sbyin zhing longs spyod chen po 'phel ba dang / rgyal po'i bde ba dang ldan pa dang / phyogs phyogs su rab mchog sbyin par byed do/ / gi'u wang dang / cu gang dang / ldong ros dang / mu zi dang / pad+ma ge sar dang / ut+pa la sngon po dang / li kha ra dang / gur kum dang / rgya mtsho lpa ba dang / gnyis dang / gser gyi 'dab ma stong phrag sbyar te/ phye ma shin tu zhib mor byas la/ legs par bsgongs la ga pur dang glar rtsi tsam gyi blangs la/ sngags kyi stong phrag brgyad bzlas pa mkhas pa rnam pa gsum du sbyar bar bya ste/ skye bos gang ba nyid la lnga mnyam pa'o// de nas rig sngags 'chang gis mig sman gyi snying pos stong rtsa brgyad bzlas la mig la byug par bya ste mi snang bar 'gyur ro// skye bo'i mang po'i dbus su nam mkha' la nye bar gnas par byed do/ / hUM yig gis mthong bar bya'o// nam mkha' la 'gro bar byed do// gnas par byed do// nyal bar byed do// rgyug par byed do// bskus na lus la me 'bar bar mthong ste/ de ston par byed do// du ba'i rgyal mtshan ston par byed do// rkang pa'i mthil la kun tu byugs nas chu bo dang chu klung chen po'i steng nas 'gro ste rkang pa la chus gos par mi 'gyur ro//  me chen po 'bar ba'i nang du 'jug ste sreg par mi byed cing / ba spu'i khung bu gcig kyang 'byi bar mi 'gyur ro// phye mas phyogs bzhir nam mkha' kun tu gtor na me tog dang 'bras bu sna tshogs pa'i char gyi rgyun ltung bar byed do/ / rin po che sna tshogs kyi gzhal med khang mthong bar byed do// lus mtha' dag la byug par bya zhing / skye bo'i mig sman bsku zhing phye nas gtor nas ljongs chen po'i nang du 'jug par bya ste/ de cung zad kyang mi mthong ngo // ji ltar yid la byed pa bzhin du rmongs pa chen po'i sgyu ma ston par byed de/ rgyal po dang / dmag sde chen po dang / drang srong gi gzugs dang / gser gyi bum pa can dang / mi'i seng ge dang / phag dang / dga' byed kyi mtshan nyid dang / rol snyed ma phrog pa dang / zla 'od mgo bo yongs su gtong ba ston par byed do// 'joms pa dang / gsod pa dang /  srog 'dor ba ston par byed do// me tog gi char ram/ 'bras bu'i char ram/ rlung dang / sprin dang / ser ba dang / 'bru'i char ston par byed do// rnam pa sna tshogs pa'i rnam 'gyur rnams ston par byed do// gzhal med khang chen po'i rnam pa rnams bsams pa tsam gyis ston par byed do/ / dge 'dun gyi nang du 'jug na/ rnam par 'phrul pa rnam pa sna tshogs pa la sogs pa ya ma zung gzhal du med pa ston par byed do/ bdag nyid kyi mgo bo la bskus nas mgrin pa tsam gyis dri za/ til mar gyis bsgos pa'i phye mas gtor bar bya zhing / mig sman gyis byug par bya/ phye mas lus mtha' dag la bdug par bya/ rkang pa la byug par bya ste/ dge 'dun gyi nang du zhugs na yang dag par shes bzhin dang / zhi ba dang / dul ba dang / zung tsam du mthong ngo // de nas zhugs pa tsam gyis me'i khams su mthong bar byed do/ / mthong bar byed do// sems dpar mthong bar byed do// nam mkha' la gnas par byed do// 'chag par byed do// 'dug par byed cing ma la stan la rtogs par byed do/ / 'ong bar byed cing 'gro bar byed do// me tog 'bab par byed do// nam mkha' la rnga'i sgra ston par byed do// rig byed bzhi pa'i nang du shing arka'i ngo mas bsgos nas byugs pa tsam gyis 'jig rten gsum pa'i gzugs su mthong bar byed do/ / lha'i gar mkhan sna tshogs pa'i gzugs su mthong bar byed do// ji lta ji ltar yid la byed pa bzhin pa'i b+hA ra ta dang dga' byed rnams mthong bar byed do/ / 'khor chen po'i dbus su rnam pa sna tshogs pa'i gar mkhan rnams su ston par byed do// rgyal po'i pho brang du rgyal po chen po'i 'khor dang bcas pa'i dbus su lha'i gar mkhan sna tshogs pa rnams su mthong bar byed do/ / gling gi dbang phyug 'khor los sgyur ba'i rgyal po sna tshogs pa dang / mAn d+hA ta dang / yid ldan dang / shing rta bcu pa dang / rin chen 'od dang / drag po sa 'od sbyin dang / mi bdag dang / mnga' bdag dang / tshong pa dang / ded dpon dang / zhi ba dang / mche bzang dang /  snying rje can dang / pad+ma dkar po la sogs pa rnams dang lhan cig pa'i gar mkhan rnams su mthong ngo // rin po che'i char dang / gos kyi char dang / rgyan gyi char dang / spud pa'i char dang /  lha ba lhub kyi char mthong bar byed do// me tog gi gzhal med khang dang / 'bras bu'i gzhal med khang mthong bar byed do// gzhal med khang la sogs pa rnam pa sna tshogs pa mthong bar byed do//  de ltar na mig sman dang phye ma mthu chen po bsku ba dang sbyor bas gzhal med khang dang / gar mkhan dang / gzhan med khang mthong bar byed de/ ji srid sgra sgrogs dang / 'jigs byed dang /  bum pa dang / gzhal med khang mthong ba dang / ha nu ma'i gzhal med khang mthong bar byed pa dang / gar mkhan rmongs pa chen po'i gzhal med khang mthong bar byed do// ji srid bdud 'joms pa la sogs pa dmag sde sna tshogs pa'i mchog gi gzugs kyi bar du mthong bar byed do/ / stobs dang brtson 'grus chen po mthong bar byed do// mig sman dang phye ma'i sbyor ba gsum tsam gyi dngos grub ni bsku ba dang / bklags pa dang / yang dag par sbyar bas tshe'i dngos grub chen por 'gyur ro// sgyu ma'i rnam 'phrul sna tshogs pa 'grub ste/ yid bzhin gyi nor bu ji lta ba de bzhin du rab tu sbyor ba'i dngos grub tu 'gyur ro/ / rab tu sbyar ba tsam gyis dngos grub chen po rgya che ba 'jig rten thams cad kyis mngon sum du 'grub par 'gyur ro/ / sgrub pa'i dngos grub bla na med pa'i cho ga rmongs pa chen po'i cho ga'o// // de nas dkyil 'khor bshad par bya ste/ de kho na nyid dngos grub bla na med pa dang / don yod zhags pa'i pad+ma gtsug tor gyi dngos grub dang / rig pa 'dzin pa thams cad kyi dngos grub kyi de kho na nyid bla na med pa'o// dang por sdig pa zad par byed pa de bzhin du sgrib pa thams cad rnam par nyams par byed pa/ 'dod pa thams cad kyi dngos grub dang / don yod pa'i dngos grub bla na med pa dang / sngags kyi dngos grub dang / mchog gis dngos grub dang / gzungs thob pa'i dngos grub rnams dang / sa bcu la rab tu 'jug par byed pa grub pa/ sangs rgyas nyid kyi sgrub thabs de kho na nyid mthong ba rmad du byung ba/ byang chub kyi snying por nye bar 'gro bar byed pa/ rdo rje gdan gyi gnas su yang dag par lhag par gnas pa/ chos kyi 'khor lo skor bar byed pa/ bdud 'joms shing tshar gcod pa/ bgegs thams cad lhung bar byed pa/ sangs rgyas kyi zhing gi gnas mthong bar byed pa/ de nyid las de bzhin gshegs pa thams cad kyis byin gyis rlob pa'i gnas dang mnyam pa/ sems can thams cad dang thun mong ba'o/ / de nas poT la ka'i gzhal med khang dang mnyam pa'i gnas// don yod pa spyan ras gzigs dbang phyug gi gnas/ skad cig la mnar med pa'i gnas dang mtshams med pa lnga rnam par sbyong bar byed pa/ de bzhin gshegs pa thams cad kyi gsang ba'i gnas dang mnyam pa/ de bzhin du sangs rgyas thams cad kyi rigs kyi mchog byang chub sems dpa'i gzhi'i gnas/ de bzhin du rdo rje snying po'i dge ba 'phel ba/ de bzhin gshegs pa'i rigs kyi rig sngags kyi dngos grub dang / de bzhin du pad+ma'i rigs dang / de bzhin du nor bu'i rigs dang / de bzhin du rdo rje'i rigs kyi dngos grub dang / dkyil 'khor gyi gtso bo gcig pur zhugs pa/ dkyil 'khor gyi mchog ri rab chen po dang mnyam pa'i gnas/ de bzhin du rgya mtsho chen po lta bu/ khyad par du 'phags pa'i gnas thams cad du son pa/ yid bzhin gyi nor bu'i mchog rab tu smin pa/ dpag bsam shing dang mtshungs pa'i gnas/ yid kyi shing rta thams cad yongs su rdzogs par byed pa/ re ba phun sum tshogs par byed pa'i gnas/ thams cad du mchog sbyin pa po/ 'di ni byang chub kyi sa bon gyi gnas te/ sems can thams cad rtag tu sgrol bar byed pa/ don yod pa'i gnas gsang zhing rdo rje byin gyis rlob pa bla na med pa'o// bsod nams thams cad 'gugs par byed pa'i gnas/ dge ba'i rtsa ba thams cad rnam par 'phel bar byed pa/ 'di ni bsod nams kyi phung po'i gnas/ chos kyi mdzod dang rtag tu mnyam pa/ sangs rgyas//  kyi mdzod/ mdzod chen po spyan ras gzigs kyi mdzod la mkhas pa/ rtag tu pad+ma'i mdzod/ de bzhin du de bzhin gshegs pa thams cad kyi mdzod/ rdo rje'i mdzod/ de bzhin du nor bu chen po nyid kyi mdzod//  rgya mtsho chen po ltar zab pa/ mi g.yo ba/ mi 'gul ba/ zil gyi mi non pa'o// bdud dang / log par 'dren pa dang / bgegs dang / gnod sbyin dang / srin po dang / 'byung po dang / srin po thams cad kyis sdang ba'i sems kyis 'jug par mi nus so/ / de la mi g.yo ba'i gnas rnyed dka' zhing bla na med pa'o// dkyil 'khor gru bzhi par bya ste/ ba byung dang yang dag par ldan pa/ khru sum cu rtsa gnyis pa bya'o/ / yang na khru brgyad par bya ste/ de phyed dang gnyis kyi khru'i tshad kyi thig skud kyis tshad rnam par phye ste gdab par bya'o// grwa bzhi mnyam par phye ba/ logs bzhi legs par rnam par phye ba/  shin tu legs par bcags pa/ mnyen la 'jam shing brgyan pa/ sa gzhi bai DUR+Ya'i kha dog la dkyil 'khor mdzes pa thig gis char rnam pa dbye bar bya ste/ sgo bzhi rnam par phye ba/ skud pa la tshon sna lnga byin te/ dbus kyi dkyil 'khor gyi snying por gru bzhi par rnam par dbye'o// khru gnyis kyi tshad kyi re kha lnga rnam par dbye'o// dbus kyi dkyil 'khor gyi snying por pad+ma 'dab ma sum cu rtsa gnyis pa kun nas rgyas pa bri bar bya ste/ dbus kyi pad+ma'i ge sar la don yod pa pad+ma'i gtsug tor bya ste/ pad+ma phyed kha bye ba'i pad+ma'i 'dab ma'i steng du pad+ma la zhal gsum par bri bar bya ste/ bde ba'i gzugs dang mtshan gyis brgyan pa/ gtsug tor gyi rnam pa 'bar ba'i snying po la khor yug tu yongs su bskor ba bri'o// gzhogs g.yas su 'phags pa spyan ras gzigs dbang phyug gi gzugs ral pa'i cod pan gyis brgyan pa/ dbu la 'od dpag med 'bar ba'i snying po'i lus can no// gzhog g.yon du 'phags pa spyan ras gzigs dbang phyug gi gzugs ral pa dang rgyan bcings pa/  'bar ba'i snying po'i lus dang dbu la pad+ma gtsug tor gyi khor yug tu 'od zer sna tshogs 'bar ba'o// phyi rol du tsam pa ka dang / bAR+Shi ka dang / ut+pa la sngon po'i me tog gyi 'phreng ba bcing bar bya'o/ / de nas dkyil 'khor gyi snying po'i gru bzhi'i gnas rnams su rgyal po chen po bzhi bri bar bya ste/ go cha dang ya lad bgos pa drag po'i gzugs can/ 'jigs par byed pa/ 'bar ba'i 'phreng ba'i snying po'i lus so/ / dkyil 'khor gyi re kha sngon ma la rdo rje dang mdung rtse gsum pa'i re kha 'bar ba dang bcas pa bri bar bya'o// re kha rim par phye ba gnyis pa la me tog gi re kha bri bar bya'o// gsum pa la nor bu rin po che chen po'i skud pa'i re kha bri bar bya'o/ / re kha bzhi pa la lag pa'i phyag rgya mtshon cha sna tshogs pa 'dzin pa bri bar bya'o// re kha lnga pa la kha khyer gyi rnam pa bri bar bya ste/ tshon sna tshogs pas rnam par phye ba rnam par bkra ba'o/ / dkyil 'khor gyi phyi'i khor lug tu mtshan ma'i phyag rgya mtshon cha sna tshogs pa rnams bri bar bya'o// dkyil 'khor gyi sgo bzhi rnams su gnod sbyin chen po bzhi bya ste/  drag po drag tu rgod pa'i gzugs can/ mche ba gtsigs pa/ bzhin rnam par 'gyur ba/ bum pa gang ba thogs pa/ skra brdzes pa/ rgyan thams cad kyis rnam par brgyan pa/ thod pa'i cod pan can/ 'bar ba'i snying po'i lus can/ ri bo'i gdan la gnas par bya'o// dkyil 'khor gyi re kha'i phyi rol tu 'phreng sum 'gyur du bri bar bya'o// pad+ma dang / ut+pal sngon po dang / tsam pa ka dang / sna ma'i me tog dang / wIR+Sha ka dang /  a d+hi muk+ta ka rnams rnam par dbye bar bya'o// de nas rig sngags 'chang gis dkyil 'khor lags par bri bar byas nas/ shin tu rnam par phye ba/ shin tu mkhas pa/ dkyil 'khor gyi khor yug tu rgyan dang rta babs bzhis mdzes par byas pa/ khor yug tu mnga' dang tshon sna tshogs kyis rnam par bkra ba'i ba dan dang / gdugs dang / rgyal mtshan dang / ba dan dang / bla res dang / dar dpyangs dang / khor yug tu bum pa gang ba bcu drug dang / gtor ma'i bum pa bcu drug dang / de bzhin du bdug pa'i snod bcu drug dang / gzhong pa bcu drug tu rab tu brjod do// kham phor bcu drug tu bshad pa dang / dri sna tshogs pa'i snod dang / lhung bzed bcu drug nyid dang / mchod yon gyi snod bcu drug dang / dngul gyi snod bzhi dang / dri'i phye ma rnams gzhag cing / gtor ma'i bum pa bcu drug bzhag nas phog por bzhi'i nang du tsan dan dang / a ka ru dang / du ru ka dang / pog dang / gu gul gyi bdug bsreg cing / de bzhin du spri k+ka dang / sra rtsi pog dang / gur kum dang / gla rtsi dang / 'bol dang / ga pur tsam dang yang dag par ldan pa'o// dkyil 'khor gyi lha thams cad kyi byug pa 'di nye bar gzhag par bya'o/ / tsan dan dang / gur kum dang / de bzhin du dzaM g+ha dang bal+li ka'i phye ma rnams thams cad yang dag par sbyar ba 'dis phye mar sbyar bas bsgos pa'o/ / me tog sna tshogs gcal du bkram zhing / ji ltar 'dod pa/ ji ltar stong pa dang / ji ltar thob pa'i me tog mdzes pa mngon par gtor bar bya'o// dkyil 'khor gyi khor yug tu dri'i chus gang pa'i bum pa ma reg pa dang / gser dang dngul las byung ba'i snod gsar pa nyid dang / zangs dang sa las byung ba'i mchog dang / dri sna tshogs sbyar bas dgang bar bya'o// bum pa dang bkra shis bcing bar bya zhing / pi wang dang / kos bzang po dang / rgyan dang / lhab lbub rnams kyis brgyan par bya'o// ring bsrel pad+ma'i steng du bzhag nas/ bum pa dang / gtsug tor gyi mtshan nyid dang / sna ma'i me tog dang /  gdubu byas nas gzhag par bya'o// dbus kyi snying po'i dkyil 'khor du snying po dang / nye ba'i snying po nyid kyi gsang sngags stong phrag brgyad bzlas so// de nas gtor ma'i las la mnyam par bzhag nas sna tshogs pa'i gzugs rnam pa sna tshogs dang / dkar po dang / de bzhin du sna tshogs pa'i gzugs nyid dang / sna tshogs pa'i ro gzhag par bya'o// rnam pa sna tshogs su bye ba'i sna tshogs pa'i gzugs dang / sna tshogs pa'i rnam pa dang / sna tshogs pa'i kha dog dang / ro nyid dang / sna tshogs pa'i yul du mu ba ste/ 'di ni gtor mar brjod de/ 'byor pa'i gtor mar bshad do//  dkyil 'khor gyi khor yug tu rgyan gdags te/ sna tshogs pa'i 'bras bu rgya chen po dang / sna tshogs pa'i lo ma sngon po'i 'phreng ba dang / mar me'i 'phreng ba brgya rtsa brgyad dang / ji ltar rnyed pa'i mar dang / til mar gyis kun nas bkang ba brgya rtsa brgyad do/ / bdag dngos grub 'dod pa rnams phye dang / la phug dang / dkar dang / la du dang / sran ma mud ga'i la du dang / 'bras bu rnams de bzhin du log 'dren la gtor mar byin pas las thams cad bde blag tu 'grub bo/ / phye'i zan dang / zho'i nying khu dang / lo ma sngon po nyid gnod sbyin dang srin po kun nas phyogs bzhir gnas pa rnams la gtor mar sbyin par bya'o// zho'i zan dang 'o ma'ang ste/ 'di ni 'byung po'i gtor mar bshad do// lo ma'i gong bu dang / phye dang / 'bras thug po che'i zan dang / de bzhin du 'khur ba zlum po ste/ 'di ni phyogs bzhir yi dgas dang shaH rnams la gtor mar sbyin par bya'o/ / 'bras thug po che dang 'o ma'i zan ni zla ba dang nyi ma'i tshogs kyi lhan cig pa'i lha dang rgyu skar rnams kyi gtor mar bya'o// rtag tu tsan dan gyi chu dang / de bzhin du me tog dang 'o ma'i zan ni mtshan mo'i lha la gtor mar sbyin par bya ste/ las kyi dngos grub bla na med pa'o// 'bru bdun mdzes pa chen po dang / shing sU ha mchog tu mdzes pa dang / 'bras A ma khu bskol ba mdzes pa dang /  zho dang 'o ma so sor mnyam pa dang / me tog dang / 'bras bu dang bcas pa rnam pa bdun po sa'i dkyil 'khor gyi lha la gtor mar sbyin par bya'o// sa kurba dang / rtsab mo dang / 'bras thug po che bcos pa'i khu ba dang ldan pa 'di rlung lha'i gtor mar brjod de/ rlung gi dkyil 'khor thams cad dgyes par byed do// zho dang / 'o ma bskol ba dang / 'bras thug po che dang / hwags dang bcas shing / bu ram dang bcas par ldan pa/ 'khur ba zlum po dang / mar gyis gang ba'i 'khur ba 'di ni klu'i rgyal po rnams kyi gtor mar brjod de/ las thams cad sgrub pa'o// 'khrur ba zlum po dang / ba byung lnga dang / pu shel ci dang / ma la ya'i can dan dang / 'bras thug po che dang / zhabs bsil dang / mchod yon rnams bdud kyi dkyil 'khor la gtor mar sbyin par bya'o// gur kum gyi chu dang 'bras thug po che la dri bzang pos bsgos te chu klung gi rgyal po la gtor mar sbyin par bya'o/ / thams cad du las thams cad sgrub par byed do// rtswa dur ba'i chu dang / 'o ma dang / gtum pa'i sa bon bcos pa dang / 'bras thug po che ni tshangs pa'i srin po nyid dang / gsang ba pa rnams la gtor mar dbul bar bya ste/ thams cad rigs pas so// 'di ni gtor mar brjod de/ bgegs rnams kyi dkyil 'khor sgrub par byed pa la bgegs rnams ji srid 'tsho'i bar du dga' bar 'gyur te the tshom med do/ / de'i phyir rig sngags 'chang mkhas pas thams cad legs par bsgrub par bya'o// zho dang / 'o ma dang / 'o thug dang / bu ma dang / mar dang / li khar dang ldan pa 'dis bdag skyes pa'i rgya skar gyi lha la gtor mar sbyin par bya ste/ tshe'i dngos grub dang / de bzhin du rgyas pa dang / zhi ba dang / sdig pa thams cad zlog par byed do// 'di ni gtor mar brjod de/ rig sngags 'chang rnams kyi bde ba thob pa'o/ / bya ba gang yin pa de rnams la bdag gis gtor ma thun gsum du byas na/ rig sngags 'chang rnams kyis rig sngags dang gsang sngags bde blag tu 'grub ste the tsom med do/ / de'i bgegs thams cad dang / sdig pa dang / sdang ba rnams nam yang bar du gcod par mi nus te/ nam yang phyis sdig pa mi 'byung ngo // rtag tu gtor ma rgyas pa thob par byed cing / stobs dang brtson 'grus dang ldan pa dang / thams cad thogs pa med par 'gyur ro// de lta bu byed bzhin pa'i rig sngags smra ba'i mi mkhas pa de bgegs rnams thams cad kyis de nam du'ang mthong bar mi 'gyur ro// gnod sbyin dang / srin po dang / 'byung po dang / sha zas sdang bar byed pa med do// nad med cing rgyal po'i dpal min med la/ skem byed dang skem pa med la/ brjed byed dang / klu dang / gza' dang / rims med cing thams cad kyi tshe cung zad kyang med do/ / dug med cing sbyar ba'i dug nyid kyang med la/ byang stems thams cad kyang nam yang mi yong ste/ kun nas dpag tshad stong phrag tu ring du 'bros par byed do// kun nas stobs nyid kyang rgyas pa dang /  de bzhin du'ang dga' ba dang / de bzhin du'ang stobs dang / brtson 'grus dang / gzi brjid 'phel bar 'gyur ro// thams cad du phyag rgya dang / gsang sngags dang / cho ga zhib mo thams cad kyi dngos grub thob par byed do/ / tshe ring du 'phel zhing / lha dang mi rnams kyis mchod pa'i 'os su 'gyur ro// skyes pa'i chu skar gyi lha gang yin pa'ang dri yongs su 'dzin par 'gyur zhing / de rnams thams cad kyi ji srid 'tsho'i bar du stobs dang brtson 'grus 'phel bar byed par the tsom med do/ / de la dgra mi 'byung zhing nam du'ang phyir rgol ba dang dgra bo med de/ phyag rgya 'dzin pa nyid med kyang dkyil 'khor gyi mchog tu zhugs pa tsam gyis mod la 'am/ yang na 'jug pa'i dkyil 'khor mthong ba tsam la/ de rnams kyi lus de bzhin gshegs pa gang+gA'i klung gi bye ma snyed bye ba khrag khrig brgya stong phrag bcu'i byin gyis brlabs pa'i lus su 'gyur ro//  de bzhin gshegs pa ka d+hA'i klung gi bye ma snyed bye ba khrag khrig brgya stong phrag brgyad cu rtsa bzhi'i drung du bsod nams kyi phung po rab tu skye bar 'gyur te/ ri rab chen po dang mnyam pa'i bsod nams kyi phung po chen po yongs su 'dzin par 'gyur ro/ / de bzhin gshegs pa bye ba khrag khrig brgya stong phrag gang+gA'i klung gi bye ma snyed dgu bcu rtsa dgu dang mnyam pa'i drung du dge ba'i rtsa ba chen po dang yang dag par ldan par 'gyur ro// /  de bzhin gshegs pa thams cad kyi rigs kyi dam tshig gsang ba dang / cho ga zhib mo dang / gsang ba dang / cho ga zhib mo dang / gsang sngags rnams kyi dngos grub chen po so sor rnyed do// byang chub sems dpa' thams cad kyi ris thun mong ba'i cho gas bsdus pa'i sar bgrod de phyir mi ldog par 'gyur ro/ / sum cu rtsa gnyis kyi lha'i gnas na gnas pa dang / lha'i dbang po brgya byin dang / sum cu rtsa gsum gyi lha'i tshogs dang lhan cig thams cad du bsrung ba dang / bskyab pa dang / sba ba'i ched du yang dag par sgrub par 'gyur ro// lag na rdo rje dang rig pa 'dzin pa'i dbang po du ma rig pa 'dzin pa bye ba'i tshogs kyis yongs su bskor zhing rtag tu rjes su 'brang ba rnams bsrung ba dang / bskyab pa dang / sba ba'i ched du yang dag par sgrub par 'gyur ro// stobs chen po dang / brtson 'grus dang / pha rol gnon pa dang /  mdangs kyi rnam pa so sor rnyed par 'gyur ro// dkyil 'khor mthong ba tsam gyis mod la bskal pa bye bar brgyud nas bsags pa'i sdig pa dang / sgrib pa dang / mtshams med pa lnga'i 'gro ba rnams dang /  mnar med pa la gzhol ba de thams cad yongs su zad cing yongs su gtugs par 'gyur ro// thams cad rab tu zhi bar byed do// don yod pa'i bya ba'i dngos grub so sor rnyed do// sgrib pa dang / nyon mongs pa'i rnyog pa'i dri ma dang / ser sna'i dri ma thams cad dang bral bar 'gyur ro// 'jig rten thams cad dga' ba dang / bla ma chen po mchod par 'os par 'gyur ro// de bzhin gshegs pa thams cad mthong bar 'dod par yang 'gyur ro/ / 'phags pa spyan ras gzigs dbang phyug gis rtag tu mchog stsol bar byed cing bla mar 'gyur ro// 'chi 'phos te skye ba brdzi ba na bsams pa nyid kyi mod la bde ba can gyi 'jig rten gyi khams su pad+ma las rdzus te skye bar 'gyur ro/ / dkyil 'khor gyi slob dpon la de bzhin gshegs pa thams cad kyi dam tshig gi bla mar shes par bya/ mchod par bya/ 'od dpag med dang / spyan ras gzigs dbang phyug dang / mthu chen thob kyi bkod pa dang 'dra bar blta bar bya'o// des na rig sngags 'chang dkyil 'khor gyi slob dpon des kyang dkyil 'khor du 'jug pa byas nas/ kun nas mtshams bcing ba byas shing bsrung ba'i cho ga byas la/ bdag bcing ba dang / gtsug tor bcing ba dang / mtshams bcing ba byas te/ de'i 'og tu kha shar du phyogs te/ dkyil 'khor la mngon du phyogs pas skyil mo krung gis 'dug la don yod pa pad+ma'i gtsug tor stong phrag brgyad bzlas par bya'o/ / gu gul la lan brgya rtsa brgyad bzlas pa'i bdug spos dbul bar bya'o// de nas 'phags pa spyan ras gzigs dbang phyug dbus kyi snying po'i dkyil 'khor du pad+ma'i gsar gyi dbus su tshangs pa'i cha byad 'chang ba/ pad+ma dang zhags pa thogs te bzhengs nas phyogs bcur rnam par gzigs par mdzad de/ rig sngags 'chang la bka' stsal pa/ rig sngags 'chang legs so legs so/ / khyod kyis rig pa 'dzin pa grub po// don yod pa'i zhags pa pad+ma gtsug tor gyi rig pa'i rgyal po 'di rjes su zung zhig/ rig sngags 'chang ji ltar yid la byed pa bzhin du 'dod pa'i mchog thams cad sbyin par 'gyur ro/ / 'di ni rig sngags 'chang de rnams kyi mngal du gnas pa'i skye ba'i tha ma yin te/ skye ba brjes nas thams cad du pad+ma las rdzus te skye bar 'gyur ro// thams cad du tshe rabs dran par 'gyur zhing / thams cad du skye ba dran par skye bar 'gyur ro// skye ba nas skye ba thams cad du don yod zhags pa'i dkyil 'khor mtha' dag dang / cho ga zhib mo'i rgyal po mtha' dag kha ton du byed do/ don yod zhags pa'i gtsug tor dri ma med pa kha ton du kun tu gnas so// de nas rig sngags 'chang gis 'phags pa spyan ras gzigs dbang phyug gi zhabs drung du mchod yon dang zhabs bsil dbul bar bya/ a ka ru'i bdug pa dbul bar bya/ me tog ji ltar 'byor pa dbul bar bya/ gshegs su gsol bar bya ste/ de nas 'phags pa spyan ras gzigs dbang phyug mi snang bar 'gyur ro//  de lta bu byas nas rig sngags 'chang nam mkha' la 'gro'o// don yod pa'i gtsug tor pad+ma dri ma med pa'i 'od zer gyi bkod pa zhes bya ba'i ting nge 'dzin so sor thob ste/ rig pa 'dzin pa bye ba khrag khrig brgya stong phrag drug cu rtsa bzhis yongs su bskor bar 'gyur zhing / pad+ma'i ris kyi 'khor los sgyur bar 'gyur ro// tshe lo bskal pa bye ba khrag khrig brgya stong phrag dgu bcu rtsa dgur 'gyur ro// dkyil 'khor gyi cho ga dang /  sgrub thabs kyi cho ga'o// / de nas de'i ras ris bshad par bya ste/ don yod pa'i zhags pa pad+ma gtsug tor gyi rig pas ras khru bzhi pa byas nas sam/ yang na dar la bal tshon sna tshogs pas rnam par phye ste/ lha'i gzugs mchog tu mdzes pa/ phyag gnyis pa/ 'od zer gyis 'khor bar bya'o// ras ris sgrub pa ni dkar po'i phyogs kyi tshes bco lnga la tshon lhag ma min pa snod gsar par bzhag pas ri mo mkhan gtsang ma legs par khrus byas pas 'drir gzhug par bya'o/ / dbus su 'phags pa spyan ras gzigs dbang phyug tshangs pa'i cha byad 'chang ba/ pad+ma rgyas pas yongs su bskor ba bya ste/ khor yug tu 'od 'dom gang ba/ kun nas 'bar ba'i 'phreng ba can/ phyag bzhi pa/ zhal gsum pa/ ral pa'i cod pan gyis brgyan pa/ zla ba tshes pas spras pa/ 'od dpag med kyi cod pan 'chang ba/ mdung rtse gsum 'chang ba/  pad+ma'i 'dab ma rnam par bkra ba'i pad+ma'i zhags pa 'chang ba/ phyag g.yon par me tog 'chang ba/ pad+ma'i steng du pad+ma gtsug tor bya'o// 'dab ma phyed la bye ba'i dbus kyi pad+ma'i 'dab ma la 'phags pa spyan ras gzigs dbang phyug mgul yan chad tsam cod pan 'chang ba/ dbu 'bar ba'i snying por yod par bri bar bya'o// phyag gcig ni dbug 'byin pa 'chang zhing rin po che'i char 'bebs pa/ 'bar ba'i snying po can/  rgyan thams cad kyis rnam par brgyan pa/ sna tshogs pa'i gos 'chang ba bya'o// pad+ma'i gdan la klu'i rgyal po dga' bo dang nye dga' bo mgo bo dgu pa/ klus yongs su bskor ba dang bcas pa/ thal mo 'chang zhing lus phyed par bya'o/ / nya dang / chu srin dang / me tog sna tshogs dang / nor bu shel dang / ngang pa dang / ngur pa dang / shang shang te 'us yang dag par brgyan pa'i kha khyer dang bcas pas spras pa'o// gzhogs g.yas su sgrol ma rgyan thams cad kyis brgyan pa/ phal mo sbyar ba smad de 'dzin pa/ 'bar ba'i snying po'i lus can bya'o// g.yon du gos dkar mo gos dkar po 'chang ba/ rgyan thams cad kyis rnam par brgyan pa/ 'bar ba'i snying po'i lus can/ thal mo smad de 'chang ba'o// gzhogs g.yas su khro gnyer can skyil krung phyed pas bzhugs pa bya'o// de'i 'og tu dkar sham ma gos dkar po 'chang ba bya'o//  g.yon du srin mo chen mo ral ba gcig ma bya ste/ phyag brgyad pa drag mo drag tu rgod pa'i pho nya mo bya'o// bzhin khro gnyer can/ thams cad skyil krung phyed pas bzhugs pa/ rgyan thams cad kyis rnam par brgyan pa/ thams cad pad+ma'i gdan la bzhugs pa bya'o// steng du tshangs pa dang / khyab 'jug dang / dbang phyug chen po dang / lha'i dbang po rnams nam mkha' nas bcom ldan 'das dang bcom ldan 'das la mchod pa byed bzhin pa bya'o/ / 'og tu pad+ma la gshin rje dang / chu lha dang / lus ngan dang / gzhon nu rnams khrus bya ste/ skyil krung phyed pas bzhugs pa bya'o// rgyal po chen po bzhi rnams bya ste/ drag po'i gzugs skyil krung phyed pas bzhugs pa ste/ de rnams thams cad kyang pad+ma 'dzin pa'i gzugs su bya'o// rig sngags 'chang ni bcom ldan 'das dang / 'phags pa spyan ras gzigs dbang phyug gi zhabs drung du pad+ma'i gdan la rig sngags 'chang pus mo btsugs pa bya ste/ pog por dang / lag na me tog gi bor pa dang / bgrang 'phreng 'dzin pa/ bcom ldan 'das kyi zhal la lta bar byed bzhin pa bya'o/ / de lta bu'i ras ris kyi bya ba pad+ma yangs pa'i dkyil 'khor mtha' dag dang / ras ris kyi dkyil 'khor mtha' dag gi nang du gtogs par 'gyur ro// mthong ba tsam gyis mor la sdug bsngal dang / sdig pa dang / ngan 'gro thams cad rnam par nyams par byed do// thams cad rab tu zhi bar 'gyur ro// 'gro ba thams cad gcod par 'gyur ro// nyes par byas pa thams cad 'joms par yang 'gyur ro/ / sdig pa dang / sgrib pa thams cad dang / mtshams med pa lnga las rnam par thar bar byed do// mthong ba tsam gyis mod la don yod pa'i dngos grub so sor thob bo/ / sems can thams cad kyis kun tu bskor bar bya ba dang / mchod par bya ba'i 'os su 'gyur ro// dgongs pa thams cad legs par sgrub par byed par 'gyur ro// bde bar byed par 'gyur ro/ / nor dang / gzugs byed pa dang / bkra shis dang / longs spyod dang / rigs dang / dbang phyug dang / stobs dang / spobs pa dang / bsod nams dang / skal pa bzang por byed pa dang / bdag nyid chen po'i yon tan gyi bye brag 'phel ba dang / bsod nams bsags pa dang / dge ba'i rtsa ba mngon par 'phel ba dang / phun sum tshogs par byed do//  mthong ba tsam gyis mod la las su bya bar 'os pa'i bya ba thams cad byed do// de ltar ras ris mthong ba tsam gyis mod la yon tan gyi bye brag lhag par rtogs par 'gyur ro zhes so// ras ris sgrub pa'i cho ga dang / sgrub thabs kyi cho ga'o// / de nas phyag rgya bshad par bya ste/ phyag rgya rnams kyi don yod pa'i 'khor los sgyur ba/ phyag rgya chen po bla na med pa 'jig rten dbang phyug gis rgyas btab pa/ sems can thams cad la phan par byed pa/ don yod pa'i phyag rgya thams cad dang sgrub thabs thams cad kyi dngos grub bla na med pa/  sdig pa thams cad zad par byed pa nyid dang / phyag rgya'i dam tshig gi dngos grub bla na med pa/ phyag rgya bzung ba tsam gyis mnar med pa'ang skems par byed pa/  dmyal ba rnams skems par byed pa ste/ gang gis bzung ba tsam la sogs pas dmyal ba pa'i sems can thams cad grol bar byed cing skems par byed do// dus gsum pa'i de bzhin gshegs pa thams cad dang / rgyal ba de rnams thams cad kyis dgongs par 'gyur ro// phyogs bcu kun tu gzigs par 'gyur te the tsom med do// dus gsum pa'i rgyal ba dang /  byang chub sems dpa'i tshogs thams cad dang / de bzhin du pad+ma'i phyag gis rtag tu mchog sbyin pa dang / rtag tu mthong bar 'dod pa dang / lha rnams kyis rtag tu srung bar byed cing dga' ba dang / 'og min gyi lha dang / lha'i dbang po brgya byin dang / sum cu rtsa gsum pa'i lha thams cad kyis srung bar byed cing kun nas yongs su skyong bar byed de/ thams cad la cho ga bzhin du bdag nyid kyi snying las skyes pa'i bu bzhin du dge ba dang / zhi ba dang / stobs dang / brtson 'grus nyid dang / mdangs kyang rab tu 'jug par byed cing / de bzhin du'ang tshe 'phel lo//  phyag rgya 'di rnams bzung bas bkra mi shis pa thams cad nyams par byed do// bgegs thams cad nyams par byed cing / bdud dang / log par 'dren pa dang / gdug pa'i gnod sbyin rnam par nyams par byed do/ / gdug pa'i srin po dang / yi dgas thams cad kyang phyag rgya 'dzin bzhin pa'i skad cig de la mgo bo tshal ba bdun du 'gas shing mig 'byin par byed do// brgya byin dang tshogs dang bcas pa'i gdug pa thams cad rab tu nyams par byed do/ / de'i phyir yang dag par 'dzin par byed pa la lag pa'i thal mo pad+ma 'dra ba/ pad+ma 'byung ba'i gtsug tor don yod zhags pa'i phyag rgyas sdigs mdzub yongs su dkris la/ mthe bong gi sor mo dang / gung mo'i sor mo rab tu brkyang la lcags kyu'i rnam par bkug ste/ ming med dang mthe'u chung lag pa'i nang du bcug nas rtag tu snying kha'i gnas su gzhag par bya ste/ 'di ni don yod pa pad+ma gtsug tor ni rtsa ba'i gsang sngags kyi sngags dang phyag rgyar brjod do// de bzung ba tsam dang / phyag rgya dang / gsang sngags brjod pa nyid kyis dus gsum du gshegs pa'i sangs rgyas kyi zhing thams cad rnam par 'gyur ba drug tu g.yos te char 'bab par byed do/ / me tog gi char dang / lha rdzas kyi gos dang /  rgyan dang / lhab lhub rnams mchod pa'i don du kun nas char bab po// dus gsum du gshegs pa'i sangs rgyas dang byang chub sems dpa'i tshogs dang bcas pa thams cad kyis bsod nams kyi phung po chen po stong phrag bskyed do/ / phyag rgya de bzung ba tsam gyis skad cig de la phyag rgya gang+gA'i klung gi bye ma dang mnyam pa bye ba stong phrag bye ba'i grangs su bgrangs pa'i phyag rgya bcings par 'gyur ro//  phyag rgya bzung ba tsam gyis de bzhin gshegs pa thams cad dang / de bzhin du thub pa rnam par snang mdzad kyi phyag rgyas byin gyis rlob bo// ri rab kyi tshad dang mnyam pa'i rin po che sna bdun gyis rin po che'i phung por byas te/ dus gsum du gshegs pa'i de bzhin gshegs pa so so so so la phul ba dang / rgyal ba thams cad kyi bsod nams kyi phung po chen po thob pa'i grangs kyi tshogs nyid kyang phyag rgya bcings pa tsam gyis 'di'i 'bras bur 'gyur te/ de bzhin gshegs pas nyin mtshan rtag tu rnam par gzigs par the tsom med do zhes so//  phyag rgya 'di nyid las g.yas pa'i mdzub mo brkyang ste rtsa ba'i gsang sngags lan cig brjod do// phyag rgya 'di ni don yod pa'i 'ag pa btsug tor dri ma med pa'i chu skyes kyi stobs spyan ras gzigs kyi snying po zhes bya ste/ thams cad du las thams cad legs par thob par byed do// phyag rgya 'di bcings pa tsam gyis kyang bsod nams kyi tshogs thams cad dang / spyan ras gzigs don yod pa dri ma med pa'i dngos grub tu'ang 'gyur ro/ / de bzhin gshegs pa thams cad kyis gzigs pa dag pa'i snying po'i phyag rgya yang dag par 'dzin par 'gyur ro// sdig pa dang / ngan 'gro dang / log par lhung ba'i 'jigs pa thams cad rab tu zhi bar 'gyur ro// phyag rgya 'di bzung ba tsam dang / dang po bcings pa tsam gyi ri rab chen po ltar 'gyur te/ bdud dang bgegs la sogs pa thams cad dang / 'byung po dang / gnod sbyin dang / srin po thams cad kyi mi 'gul zhing mi g.yo la zil gyis mi non par yang 'gyur ro// phyir rgol ba dang dgra'i 'jigs pa thams cad las yongs su grol lo/ / de bzhin gshegs pa gang+gA'i klung gi bye ma dang mnyam pa bye ba brgya stong phrag dgu bcu rtsa dgu'i drung du dge ba'i rtsa ba'i bsod nams kyi tshogs chen po kun tu 'dzin par 'gyur ro/ / dge ba'i rtsa ba bskyed pa dang ldan par 'gyur ro// de bzhin gshegs pa thams cad kyi sku mngon sum du mthong ba dang ldan par 'gyur ro// phyag rgya'i gsang ba'i lhag par 'dren pa 'di 'ching bzhin pa de de bzhin gshegs pa'i phyag rgya gang cung zad yod pa de mig gis gsal bar mthong ngo / / thams cad du rab tu 'ching zhing 'dzin par 'gyur ro// gang yang 'phags pa spyan ras gzigs dbang phyug gi sgyu ma lta bu'i ting nge 'dzin gyi phyag rgya gang yin pa dang / phyag stong gi phyag rgya gang yin pa dang / nor bu'i rigs kyi dkyil 'khor gyi phyag rgya gang yin pa dang /  glang po'i rigs kyi dkyil 'khor gyi phyag rgya gang yin pa dang / don yod zhags pa'i yangs pa rgya chen po'i dkyil 'khor gang yin pa dang / rta mgrin gyi phyag rgya gang yin pa dang / mgrin sngon gyi phyag rgya gang yin pa dang / gzhan phyag rgya'i dam tshig gsang ba rnam pa sna tshogs pa gang yin pa de rnams thams cad kyang / phyag rgya 'di gcig pu bcings pa tsam gyis de rnams thams cad bcings par 'gyur zhing yang dag par bzung bar 'gyur la/ kun tu bcangs pa dang mchod par yang 'gyur ro// 'di ni phyag rgya thams cad kyi phyag rgya'i gsang ba'i dkyil 'khor du gdugs gcig pur gyur pa ste/ ji ltar 'phagapa spyan ras gzigs dbang phyug gi sgyu ma lta bu'i ting nge 'dzin gyi rnam par 'phrul pa bzhin du phyag rgya 'di ni sgyu ma lta bu'i phyag rgya'i rnam par 'phrul pa ste/ las thams cad la phyag rgya 'od sbyar na/ gang dang gang la rab tu sbyar ba de thogs pa med par 'grub bo// phyag rgya 'di nyid las mdzub mo 'i sor mo gnyis brkyang la lcags kyu'i rnam pa tsam du bkug pa 'di ni gnas pa'i phyag rgya 'di spyan drang ba dang / bod pa dang / yang dag par bskul ba dang / mchod pa'i sprin nyid kyang yin te/ dam tshig dang / phyag byed pa dang / 'jug pa dang / skor ba byed pa nyid dang / gdan dang / phyogs bcing ba dang / dkyil 'khor bcing ba dang / mtshams bcing ba zhes pa dang / gtsug tor bcing ba dang / bdag srung ba dang / gzhan srung ba dang / de bzhin nyid du grogs srung ba dang / khrus dang / gos bgo ba dang / nye reg byed pa nyid dang / sbyin sreg dang / de bzhin du sngags bzlas pa dang / bdug pa dang / me tog dang / dri dang / 'phreng ba dang / byug pa dang / gtor ma 'bul ba'i las dang / de bzhin du gshegs su gsol ba nyid dang / de bzhin du 'gus pa ste/ thams cad la phyag rgya 'di bya'o// sa bcu gnon pa'i phyag rgya dang gsang sngags bcu la'ang phyag rgya 'di bya ste/ snying po dang nye ba'i snying po 'di nyid kyang thams cad du sbyar bar bya'o//  khro bo'i rgyal po nyid dang / mngon par dbang bskur ba dang / rigs kyi gsang sngags dang / gzhan la'ang phyag rgya 'di dang / phyag rgya 'di'i snying po dang / nye ba'i snying po nyid kyang rab tu sbyar bar bya'o/ / khro bo'i rgyal po'i mngon par dbang bskur ba dang / rig sngags kyi gsang sngags gzhan la'ang gnas thams cad du sbyar bar bya'o zhes so// phyag rgya'i cho ga dang sgrub thabs kyi cho ga'o/ / / phyag rgya gsum ni rnam sprul pa// phyag rgya de dag yang dag bstan// bzang po gtso bo chen po ste// mchog dang rab mchog nyid yin no// phyag rgya nom bla na med/ / 'jig rten 'dren pas bstan pa yin// snying po de nyid gyur pa ste// phyag rgya dkyil chen legs par bsgrubs// sangs rgyas byang chub phyag rgya 'di// dus gsum gtogs pa'i de bzhin gshegs/ / kun gyis 'di ni byin gyis brlabs// phyag rgya dus gsum gshegs pa yis// de bzhin gshegs pas phyag rgyar btab// de bzhin sangs rgyas chen po pa//  thub pa snang mdzad kyis kyang btab// de bzhin gshegs pa'i rigs dkyil gyi// gsang nyid kun tu bzhugs pa yin// de nas gsang sngags gsang ba nyid// dngos grub bla med bshad par bya/ / oM a mo g+hA hr-i da ya/ pad+ma uSh+NI Sha a kaR+Sha ya/ sA d+hA ya b+ha ra saM b+ha ra/ ma hA pad+me swA hA/ bskul ba dang / spyan drang ba dang / gshegs su gsol ba'i sngags so/ / oM pad+ma uSh+NI Sha a mo g+ha maN+Da le hUM/ dkyil 'khor srung ba dang / phyogs bcing ba dang / mtshams gcad pa dang / dri chab dang / chu dang / yungs kar bsres pa la lan bdun bzlas brjod byas pas bya'o/ / oM pad+ma sha~M la re hUM/ spyi gtsug bcing ba yin te/ lan bdun bzlas brjod byas pas so// oM pad+ma uSh+NI Sha a mo g+ha dza le hUM/ khrus bya ba'i sngags so/ / yungs kar dang chu la lan bdun bzlas brjod byas pas so// oM bi ma le shud+d+he hUM/ nye reg bya ba'i sngags so// oM saM ts+tshad ye pad+me hUM/ gos bgo ba'i sngags so/ / oM mi li mi li shud+d+he hUM/ lus yong su sbyangs pa'i sngags te/ ba'i rnam lnga'i chu la lan bdun bzlas brjod byas pas so// oM pad+ma uSh+NI Sha a maM g+ha a b+hi Shiny+tsa At+ma shUd+d+he hUM/ dbang bskur bya'i sngags te/ dri chab la lan bdun bzlas brjod byas pas so// oM pad+ma ka pa tse/ dri b+hA ban+d+ha b+h+rU~M dz+wA la swAd+d+ha/ go cha'i sngags te/ lan nyi shu rtsa gcig bzlas brjod byas pas so/ / oM badz+ra a d+hiSh+ThA na pad+me hUM/ byin gyis brlab pa'i sngags so// oM dz+wa la pad+me d+ha ra ha ra hUM/ sa'i sngags so// oM pad+ma a shra ya/ ru ha tsa la tsa la hUM/ gdan gyi sngags so/ / oM di bya pad+me maM/ me tog gi sngags so// oM pad+ma a mo g+ha saM b+hA ra Ni swAhA/ bdug spos kyi sngags so// oM pad+ma gan d+ha I shwa ri hUM/ byug spos kyi sngags so// oM bad+ma pra kI d+he d+ha ra Ni sa me swA hA/ 'bras yos dang me tog dgram pa'i sngags so// oM pad+ma dza le su gan d+ha ba ti hUM/ mchod yon dbul ba'i sngags so// oM shukra ba ra ra sa ya na shud+d+he hUM/ lha bshos kyi sngags so/ / oM su ru su ru kum+b+ha ba ti swAhA/ gtor ma'i sngags so// oM ma hA pad+ma a shrI ni sA d+ha ya hU~M/ gtor ma zar gzhug pa'i sngags so// oM pa la bi shud+d+he pra ba ra hU~M/ 'bras bu'i sngags so/ / oM pra ba ra puSh+pe dza ya swA hA/ 'phreng ba'i sngags so// oM dz+wA la dz+wA lA ya ra sa ra sA gri Ni hUM/ gtor ma bcos pa'i sngags so// oM pad+ma dI pa ya dz+wa la hUM/ mar me'i sngags so// oM sa ma pad+ma b+hA ba ne Shu sa ra hUM/ 'jug pa'i sngags so// oM pad+ma uSh+NI Sha a ma~M g+ha mu ni hUM/ phyag bya ba'i sngags so// oM tsakra maN+Da le sa man+ta pad+me hUM/ bskor ba'i sngags so// oM sa man+ta pra kIr+Na pad+ma sam+b+har hUM/ me tog dor ba'i sngags so// oM pad+ma sa ma sa uSh+NI Sha/ mahA a mo g+ha sa ma ya hUM/ dam tshig gi sngags so// oM sa man+ta swa b+hA ra Na pad+me hUM phaT/ skyil mo krung gi sngags so// oM a pa 'i miH dz+wa laM pad+me hUM/ bzang 'phreng gi sngags so// oM sha ta sa ha sra dz+wa li ta pad+ma d+ha ra d+ha ra hUM/ bzlas brjod kyi sngags so// oM sa man+ta d+ha ri sha pad+me hUM/ rmi lam gyi sngags so// oM sa man+ta rak+Sha ra Ni pad+me hUM/ srung ba'i sngags so//  oM sa man+ta me ru d+hiDA sI ri hUM/ ra ba'i sngags so// oM sa man+ta/ dz+wa lA mA lA gan+d+he/ dz+wa la dz+wa la/ mahA pad+me dz+wa le hUM/ me'i sngags so// oM d+hu ru d+hu ru/ prA sA ra/ d+hA sa ri man+te/  swAhA/ sreg blugs kyi sngags so// oM sa man+ta a ba lo ki ta gu h+ye/ bA yu dza be pad+ma bi ge ni swA hA/ nam mkha' la 'gro ba'i sngags so// oM shu d+hasta d+hA ri Ni pad+ma b+hu dze hU~M/ mtshon cha'i sngags so//  oM sa man+ta A kaR+Sha Ni pra sa ra gu h+ye hUM/ drang ba'i sngags so// na maHtri b+hu ba na/ i shwa rA ya/ lo ke shwa rA ya/ ma he shwa rA ya/ d+ha ra d+ha ra/ sa man+ta/ a ba lo ki ta/ gu h+ye/ A gats+tsha b+ha ga ban d+hi ri/  d+hi ri/ ma hA bi ri/ ma ni ka na ka badz+ra bai DUR+Ya/ ma ra ka ta pad+ma rA ga/ in+d+ra nI la/ ma hA muk+ti ka/ b+hi b+hu Shi ta sha rI ra/ ma hA mad+me b+hu dza/ a mo g+ha pA sha d+ha ra/ sa man+ta a ba lo ki ta/ ba radA/  ba ra dA ya ka/ dz+wa la dzA la/ sa man+ta/ a ba lo ki ta/ A gats+tsha A gats+tsha/ b+ha ga ban shI g+h+raM sa ma ya/ ma nu sma ra/ bi bi d+ha be Sha d+ha ra/ ya ma ba ru Na/ ku be ra nA maskr-i ta/ I shwa ra/ ma he shwa ra/ pad+me shwa ra/ lo ki shwa ra/ e hi b+ha ga ba na/ shI g+h+raM A gats+tsha/ sarba bi d+yA maN+Da la/ sa ma ya ma nu sma ra/ da ri sha na swa ra pa na/ bi bi d+ha te dza d+ha ra/ sa man+ta rash+mi/ dz+wa la gar+b+ha sha rI ra/ ma hA kA ru Ni ka sau ma mya mu kha/ ba ri pU ra Na/ tsan+d+ra maN+Da la mu kha/ na pa tsan+na dza Ta d+ha ra/ a mi tA b+hU/ ma ku Ta d+ha ra/ mahA prah+ma be Sha d+ha ra/ thi lo tsa na a mo b+ha ba ra da/ b+hu ru b+hu ru/ mahA kA ru Ni ka/ pad+ma pA sha a ba lo ki te/ shud+d+ha satwa/ ba ra dA ya ka/ na mo stu te swA hA/ 'phags pa spyan ras gzigs dbang phyug gshegs su gsol ba'i sngags so// rig sngags 'dis gu gul nag po la lan ba rtsa brgyad bzlas brjod byas nas 'phags pa spyan ras gzigs dbang phyug la bdug par bya'o/ / bdugs pa tsam gyis mod nyid la 'phags pa spyan ras gzigs dbang phyug gi gzugs kyis ston par mdzad cing mchog thams cad sbyin par mdzad do/ / gal te mtshams med pa lnga byed pa mnar med par gzhol ba des kyang bdugs pa tsam gyis nges par ston par mdzad na/ dge slong tshangs par spyod pa bsam pa dag pa/ dad pa can/ mos pa lta mos kyang ci dgos/ mod nyid la rang gi gzugs rang gi ngo bo yongs su dag pa mngon sum du ston par mdzad cing / mchog thams cad sbyin par mdzad la/ don yod pa chen po'i dngos grub sbyin par mdzad do// drag po la bdugs na gzugs mngon sum du mdun na 'dug cing / 'dod pa dang dgos pa'i dngos grub thams cad sbyin par byed do//  sred med kyi bu la bdugra na gzugs brnyan 'gul zhing tshig 'byin la/ yid la bsams pa thams cad yongs su rdzogs par byed/ rtag tu rjes su 'brang bar 'gyur/ stobs dang / shugs dang brtson 'grus dang / pha rol gnon pa'i dngos grub sbyin par byed do// ma mo'i gnas su nag po chen po la bdugs na nag po chen po ma mo'i tshogs dang bcas pa dbang du gyur nas 'dug la wa dang bya ba thams cad grub par byed/ thams cad du dngos grub chen po sgrub par byed do// tshogs kyi dbang phyug la bdugs na bgegs dang logs drin thams cad bcings par 'gyur ro/ / 'dod pa'i dbang phyug la bdugs na sdang ba dang / bdud dang / bar chad byed pa gzhan gang yin pa de dag thams cad bcings par 'gyur zhing mi snang bar 'gyur ro// rgyal po'i sgor bdugs na rgyal po'i btsun mo'i 'khor dang bcas pa bkug nas dbang du 'gyur te/ nye bar gnas la 'dod pa dang bya ba thams cad byed do// nyi ma shar ba'i tshe nyi ma la mngon du phyogs nas bdugs na nyi ma 'bab cing 'dod pa'i dngos grub thams cad sbyin par byed do/ / zla ba nya la bdugs na zla ba 'bab cing dbang phyug 'byor pa chen po sbyin par byed do// rnam thos kyi bu la bdugs na nor 'phel ba chen po sbyin par byed do/ / lha mo chen mo dpal la bdugs na dpal 'thob par 'gyur ro// gdon thams cad la bdugs na bdugs pa tsam gyis 'bab cing phyogs bcur 'bros so//  zin pa 'am ma zin pa la bdugs na mod la 'ong ngo // dur khrod kyi mi ro la bdugs na ro langs lhung bar 'gyur ro// thod pa la bdugs na bab cing gar byed/ glu len rgyug par byed cing spod gtong byed do/ / rdo rje la bdugs na 'bar ro// mdung rtse gsum pa la bdugs na 'bab par byed do// 'khor lo la bdugs na nam mkha' la 'gro'o// thag pa la bdugs na sbrul bzhin 'khril bar byed do/ / rdza ma dang / bum pa dang / bum bu la bdugs na 'bab par byed cing rang nyid 'gyur bar byed la phan tshun 'gro bar byed do// lhung bzed la bdugs na rang nyid 'gro bar byed do/ / ral gri la bdugs na 'bab par byed cing 'bar bar byed la rang nyid 'gro bar byed do// dung la bdugs nas bus na sgra gang du grag pa de dag thams cad du 'thab pa dang / 'thab mo dang / rtsod pa dang / 'gyed pa dang / yams kyi nad dang / gnod pa dang / 'go ba'i nad dang / 'khrug pa dang / nad thams cad dang / nyon mongs pa thams cad dang / sdig pa dang / gdug pa thams cad dang / dgra thams cad las thar par 'gyur zhing sgrib pa thams cad zad par 'gyur ro// rims thams cad la bdug na rims thams cad zhi bar 'gyur ro// rims nyin bzhi pa la bdug cing gsang sngags kyang rjes su dran na rims nyin bzhi pa ku co 'don cing 'bros par 'gyur ro/ / klu'i mtshor bdugs na mod nyid la char gyi rgyun chen po 'bebs par byed do//  chur ches na gnas mthon por bdugs na char ches pa gcod par byed do// sprin la mngon du phyogs nas bdugs na grang lcags dang / rlung dang / ser ba thams cad gcod par byed la/ lo gcig gi bar du mtshams chen po bcad par 'gyur ro/ / ri mthon po'i rtser bdugs na phyogs bzhi thams cad kyi pha rol gyi dmag tshogs dang / phyir rgol ba dang / phas kyi dgra thams cad dang /  dpag tshad stong gi bar du rmugs pa dang / rengs pa dang / bcings par 'gyur la/ dpag tshad stong gi bar du mtshams chen po bcad par 'gyur ro// bdag nyid la bdug na sems can thams cad la mchod pa'i gnas chen por 'gyur la/ sems can thams cad dbang du 'gyur ro// bu mo la bdugs na bag mar blangs par 'gyur ro// tshong bzong la bdugs na rin che bar lom par 'gyur ro/ / bang ba la bdugs na 'bru 'phel ba mang bar 'gyur ro// btung ba'i gnas su bdugs na btung ba 'phel ba mang por 'gyur ro// gos la bdugs na gos thob par 'gyur ro/ / me tog dang 'bras bu la bdugs na gang la byin pa de dag pad nyid dam nor gyi sgo nas dbang du 'gyur ro// 'phreng ba la bdugs nas gsang sngags lan bdun bzlas brjod byas nas gang gi mgo la bcings pa de la 'bab par byed cing / ya mtshan byung ba dang 'byung ba smra'o// 'phags pa rdo rje 'chang la bdugs na rig sngags chen po'i dngos grub thob par 'gyur zhing / 'phags pa rdo rje 'chang ston par mdzad la dgos pa thams cad sgrub par mdzad do/ / gnod sbyin mo'i gzugs bris pa la bdugs la gsang sngags lan bdun dran par byas na/ gnod sbyin mo 'ongs nas 'dod pa thams cad sbyin zhing las byed par 'gyur la/ ji srid 'tsho'i bar du nye bar 'dug go// sbyor ba mo la bdugs na sbyor ba mo thams cad dang / mkha' 'gro ma thams cad dbang du gyur nas ji srid 'tsho'i bar du nye bar 'dug go/ / 'dod dgur bsgyur ba'i gzugs can ma la bdugs na 'dod dgur bsgyur ba'i gzugs can ma 'ongs nas chung mar bya'o zhes smra na/ ji srid 'tsho'i bar du yo byad dang longs spyod du bya ba thams cad sgrub par byed la/ 'dod pa'i yon tan lnga la rtse bas dga' bar 'gyur ba dang / rnam thos kyi bu la 'gran par 'gyur ro// dril bu la bdugs nas sgra dkrol na 'jigs pa thams cad las thar bar 'gyur la/ bsrung ba chen po byas par 'gyur/ khyim gyi nang du dkrol na 'byung po dang / gnod sbyin dang / srin po dang / yi dgas dang / brjed byed dang /  gri ba gnon thams cad byung nas phyogs bcur 'bros par 'gyur ro// oM a mo g+ha pA sha pad+ma uSh+NI Sha/ ta ra ta ra/ a pa ta raM tu/ b+ha ga ban gats+tsha na tu/ swa b+hA ba nan/ tu ru tu ru/ ma hA pad+ma b+hu dze sAhA/  slar gshegs su gsol ba'i sngags te/ bdug spos gu gul dang / chu dang / sungs kar dang bsres pa la lan bdun bzlas brjod byas na thams cad du slar gshegs su gsol ba'i sngags byas par 'gyur ro/ / gsang sngags rim par phye ba'i cho ga dang / sgrub pa'i cho ga'o// / de na lha mo chen mo sgrol ma byang chub sems dpa' sems dpa' chen po 'phags pa spyan ras gzigs dbang phyug ga la ba der song ste phyin nas/ byang chub sems dpa' sems dpa' chen po 'phags pa spyan ras gzigs dbang phyug gi zhabs la mgo bos phyag 'tshal nas/ lha'i mchod pa'i sprin chen pos mchod de lan gsum bskor ba byas nas mgo btud de thal mo sbyar nas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces smras so//  bcom ldan 'das rig sngags chen po 'jig rten du cher bstan lags so// gsang ba chen po'i dkyil 'khor dang / phyag rgya rim par phye ba dang / cho ga zhib mo dang / don yod pa'i zhags pa pad+ma gtsug tor gyi rig sngags kyi rgyal po chen po'i snying po rig sngags 'chang thams cad kyi don dang / sems can thams cad la phan pa dang / bde bar bgyi ba'i slad du 'dzam bu'i gling du bzhag lags so// bcom ldan 'das bdag gis kyang don yod pa pad+ma gtsug tor gyi rig sngags kyi rgyal po de'i snying po dang / cho ga zhib mo don yod par sgrol ba dri ma med pa pad+ma gtsug tor gyi zhags pa zhes bgyi ba rig sngags kyi rgyal po'i snying po bshad par bgyi ste/ rig sngags 'chang gang gis dran pa tsam gyis bdag bkug cing g.yar drangs par 'gyur/ rig sngags 'chang gis rig sngags sgrub cing yongs su spyod pa la rim gro bgyi ba dang / rig sngags 'chang sgrub pa'i dngos grub mchog stsal bar bgyi ba dang / bsam pa thams cad yid bzhin du yongs su bskang bar bgyi ba de dag gis bcom ldan 'das kyi spyan sngar 'khor mang po 'dus ba'i mngon sum du rig sngags kyi rgyal po bshad par bgyi'o/ / de nas bcom ldan 'das shAkya thub pas/ lha mo sgrol ma la 'di skad ces bka' stsal to// lha mo chen mo sgrol ma rang gi rig sngags kyi rgyal po de bzhin gshegs pa nga'i byin gyi rlabs kyi phyag rgyas byin gyis brlabs kyis shod cig/ de nas lha mo chen mo sgrol mas bcom ldan 'das kyi spyan sngar don yod par sgrol ba dri ma med pa pad+ma gtsug tor gyi / zhags pa zhes bya ba rig sngags kyi snying po smras pa/ na maHsAM ya d+h+wi kA nAM/ ta thA ga tA nAM/ shAkya rA dzA ya a d+hiSh+ThA na na mo skr-i tA nAM/ na mo rat+na tra yA ya/ na maHAr+ya a ba lo ki te shwa rA ya/ bo d+hi satwA ya/  ma hA satwA ya/ ma hA kA ru Ni kA ya/ na maHtA rA ye/ ma hA de bi/ oM tA ra Ni tA ra Ni tA re/ pad+ma bi b+hU Shi ta tA re/ ma Ni ka na ka/ bi tsi tri ta ma la/ dza Ta ma ku Ta nan/ dai ta pad+me/ d+hu ru d+hu ru pad+ma pA sha b+hu dze/  a mo g+ha pA sha haste/ tA ra ya b+hA ga ba ti/ ma hA sid+d+hi/ ba ra de/ tu ru tu ru/ ma hA tA ra Ni/ ba ra de/ sA d+ha ya sA d+hA ya/ sid d+he/ a mo g+ha ba ra de swA hA/ oM a mo g+ha pad+mi ni tA re swA hA/ snying po'o//  oM ma Ni tA re hUM/ nye ba'i snying po'o// bcom ldan 'das 'di ni bdag gi gsang sngags nor bu rin po che chen po'i snying po// don yod pa'i zhags pa pad+ma gtsug tor gyi rig sngags kyi snying po'i zhags pa cho ga zhib mo'i rig sngags 'chang ba rnams kyi bsam pa yongs su rdzogs par bgyi ba dang / sems can thams cad la mchog stsal pa rab tu stsal bar bgyi ba'i slad du rjes su sprul pa lags so// bcom ldan 'das rig sngags kyi rgyal po 'di'i yo byad dang cho ga bshad par bgyi ste/ du ru ka dang / gu gul dang / sprig ka gcig tu bgyis la/ gsang sngags kyi snying po 'di lan brgya rtsa brgyad bzlas brjod bgyis nas/ bcom ldan 'das bdag la bdugs na bdugs pa tsam gyis mod la bcom ldan 'das bdag dgug pa dang g.yar drangs par 'gyur lags so// bcom ldan 'das rigs sngags 'di sgrub pa'i tshe rang gi gzugs kyis mdun na mchis shing / bsam pa thams cad yid bzhin du dngos grub rjes su stsal bar bgyi/ bgegs dang log 'dren thams cad bzlog par bgyi/ gnod sbyin dang / srin po dang / 'byung po dang / sha za thams cad bzlog par bgyi/ 'thab pa dang / 'thab mo dang / rtsod pa dang / 'gyed pa thams cad rab tu zhi bar bgyi/  bsam pa thams cad yid bzhin du rdzogs par bgyi/ mchog stsal bar bgyi/ bde legs dang / dge legs bsrung ba dang / bskyab pa dang / sba bar bgyi'o// bcom ldan 'das mchis nyal ba na bdug spos kyi rgyal po 'dis bdag la bdugs shing / bdag gi snying po nor bu rin po che chen po'i snying po gsum po de dag lan nyi shu rtsa gcig brjod na bdugs pa tsam gyis mod dang / dran pa tsam gyis bcom ldan 'das bdag nyid kyi ngo bo rang gi gzugs yongs su dag pa bstan cing mngon sum du mchis par bgyi/ mchog thams cad rjes su stsal bar bgyi/ byung ba dang 'byung ba'i bka' mchis bgyi'o//  dran pa tsam gyis mod la don yod pa pad+ma gtsug tor gyi zhags pa'i snying po 'di dran pa tsam gyis/ bcom ldan 'das bdag rig sngags 'chang de'i mdun du mchis shing bsam pa thams cad yid bzhin du yongs su rdzogs par bgyi/ sdang ba dang / sdig pa thams cad dang / bgegs dang / log 'dren thams cad so sor bzlog par bgyi/ dngos grub chen po sgrub pa rjes su sbal bar bgyi/ bkra shis kyi sgra thams cad 'byung bar bgyi/ rig sngags kyi dngos grub thams cad rjes su stsal bar bgyi/ cho ga zhib mo dang / dkyil 'khor dang / phyag rgya rim par phye ba'i dngos grub thams cad rjes su stsal bar bgyi/ bsod nams drang ba'i dngos grub thams cad rjes su stsal bar bgyi/ dus ma yin par 'chi ba thams cad so sor bzlog par bgyi/ sdig pa dang sgrib pa thams cad rnam par dag par bgyi/ rtag tu rjes su 'brang bar bgyi/ rtag tu rgyun mi 'chad par rig sngags 'chang gi bgegs dang log 'dren thams cad so sor bzlog par bgyi/ nad thams cad bsal bar bgyi'o// bcom ldan 'das rig sngags 'chang 'gum pa'i tshe rnam par shes pa tha ma la bab ste/ bcom ldan 'das bdag gis rtag tu mngon sum du bstan cing mdun na nye bar mchis par bgyi/ sangs rgyas yid la bgyid pa shin tu dran pas dus las 'da' bar bgyis pa dang / ji ltar sprul pags pa brjes pa bzhin lus brjes nas 'jig rten gyi khams bde ba can gyi skal ba dang mnyam par pad+ma dag la rdzus te skye la/ rgyun thams cad kyis brgyan pa dang / tshe rabs su tshe rabs dran par 'gyur/ de bzhin gshegs pa thams cad kyis yongs su bzung zhing byin gyis brlabs par 'gyur/ lus rdo rjer 'gyur/ sangs rgyas kyi zhing thams cad du chud par 'gyur/ sa bcu la gnas par yang 'gyur/ phyir mi ldog pa'i sa la gnas par yang 'gyur/ de bzhin gshegs pa thams cad kyis lung bstan par yang 'gyur/  dge ba'i rtsa ba thams cad bskyed par yang 'gyur/ de bzhin gshegs pa thams cad mngon sum du ston par 'gyur/ bsod nams kyi tshogs thams cad bsags par 'gyur/ sdig pa dang / sgrib pa dang / gdug pa thams cad yongs su dag par 'gyur/ de bzhin gshegs pa thams cad kyi dge ba'i rtsa ba'i dam tshig rtogs pa dang / gsang ba'i dkyil 'khor chen po'i dam tshig byang chub kyi snying po'i mthar thug pa'i bar du 'tshal bar 'gyur ba lags so/ / de nas bcom ldan 'das de bzhin gshegs pa shAkya thub pas/ lha mo chen mo sgrol ma la legs so zhes bya ba byin te/ lha mo chen mo legs so legs so/ / rig sngags kyi rgyal po 'di khyod kyis bshad pa mchog tu legs so// cho ga zhib mo 'di yongs su rdzogs par bya ba dang / rig sngags 'chang de'ang yongs su bsrung ba'i phyir dang / yongs su bskyang ba'i phyir dang / dngos grub rab tu sbyin pa'i phyir khyod kyis yongs su bskyang bar bya'o// de nas gnod sbyin gyi sde dpon chen po lag na rdo rje dang / rgyal po chen po bzhi dang / tshangs pa dang / khyab 'jug dang / dbang phyug chen po dang / lha rnams kyi dbang po brgya byin dang / tshogs kyi bdag po nag po chen po dang / rig sngags dang / dkyil 'khor gyi lha du ma dang / nor bu bzang po'i bu dang / lngas rtsen dang / gar mkhan mchog dang / stobs can dang / stobs po che dang / ljang sngo dang / dung can dang / de bzhin du 'jigs byed dang / dbyangs ldan ma dang / dpe med ma dang / lha mo chen mo dpal dang / ral pa gcig ma dang / me tog tshems te/ thams cad 'dus nas mthun par stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/  bcom ldan 'das ga la ba de logs su thal mo sbyar nas btud de/ bcom ldan 'das la 'di skad ces gsol to// bcom ldan 'das bdag cag kyang phyi ma'i dus phyi ma'i tshe rig sngags 'chang de dang /  rig sngags smra ba'i rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ gzhan yang skyes pa 'am/ bud med dam/ khye'u 'am/ bu mo gang zhig don yod pa'i zhags pa gtsug tor 'di sgrub par bgyid dam/ klog par bgyid dam/ 'don tam/ tha na ming tsam yang 'dzin par bgyid na/ bcom ldan 'das de la bdag cag kun nas mthun par rtag pa rjes su 'brang zhing bsrung bar bgyi/ yongs su bskyang bar bgyi/ gzi brjid gzhug par bgyi/ dngos grub chen po'i bsam pa yongs su rdzogs par bgyi/ bsam pa thams cad kyi mchog yongs su rdzogs par bgyi/ nyes par bgyis pa thams cad so sor bzlog par bgyi/ sdig pa dang sgrib pa thams cad yongs su sbyang bar bgyi/ byang chub kyi snying po la mthar thug gi bar du rtag tu rjes su 'brang bar bgyi'o/ / bcom ldan 'das kyis 'di skad du/ grogs po dag legs so legs so// khyed kyis bya ba de ltar yin te/ rig sngags kyi rgyal po chen po 'di ngas gtams shing yongs su gtad do/ zhes bka' stsal to// don yod pa'i zhags pa pad+ma gtsug tor gyi rdo rje chen po'i snying po gsang ba rdzogs so// / rnam par thar pa chen po'i dkyil 'khor gyi snying po gsang ba bstan pa bklags pas grub pa cho ga zhib mo rgyas pa mchog tu gsang ba mtha' dag rdzogs pa yongs su rdzogs so/ / / de nas byang chub sems dpa' sems dpa' chen po 'phags spyan ras gzigs dbang phyug bcom ldan 'das kyi zhabs gnyis la gtugs nas mig mi 'dzums par bcom ldan 'das kyi zhal du bltas nas/ bcom ldan 'das la 'di skad ces gsol to/ / bcom ldan 'das 'di na bdag la pad+ma yangs pa'i dkyil 'khor pad+ma'i rigs kyi snying por gyur pa gsang ba de kho na nyid bstan par mchis te/ rnam par thar pa'i dkyil 'khor gyi gsang ba'i don yod pa'i zhags pa'i snying po khro bo'i rgyal po rig sngags kyi rgyal po'i snying po bcom ldan 'das kyi spyan sngar ngo bo tha dad pa dang / phyag rgya tha dad pa dang / sngags tha dad pa dang /  dkyil 'khor dang / gzugs bri ba yongs su bsgrags par bgyi/ sems can thams cad rjes su gzung ba'i slad du/ rig sngags 'chang ba rnams kyi de kho nar gyur pa grub pa ni 'di lags te/ rig sngags 'chang ba thams cad kyi gsang ba'i dkyil 'khor pad+ma yangs pa'i dam tshig don yod pa'i zhags pa sgrub pa'i cho ga rjes su stsal bar bgyi na/ bcom ldan 'das de bdag la gnang bar mdzad cing / de bzhin gshegs pa thams cad kyi rigs kyi dam tshig byin gyi rlabs dang / de bzhin gshegs pa'i rigs dang / pad+ma'i rigs dang / nor bu'i rigs dang / rdo rje'i rigs dang / spyi'i dam tshig 'grub par 'gyur/  spyi'i byin gyi rlabs dang / rig sngags kyi rgyal po'i dkyil 'khor dang / gzugs bri ba dang / phyag rgya rim par bye ba la rjes su 'jug par 'gyur/ cho ga zhib mo sgrub pa thams cad kyi dngos grub de kho na nyid du 'gyur/ de bzhin gshegs pa thams cad kyi sangs rgyas kyi zhing dang / byang chub sems dpa'i dkyil 'khor du 'jug pa'i dam tshig gi byin gyi rlabs kyi de kho na nyid du 'gyur lags so// de nas de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to//  snying rje chen po dang ldan pa don yod pa'i zhags pa'i snying po'i dam tshig rnam par thar pa chen po'i dkyil 'khor rnam par 'phrul pa/ byang chub sems dpa' thams cad kyi dam tshig dkyil 'khor chen po dang /  phyag rgya rim par phye ba cho ga zhib mo de'i dus la dbab par shes na shod cig/ ngas byin gyis brlabs shing rjes su yi rab la phyag rgya chen pos btab nas byin gyis brlabs so// sngon gyi de bzhin gshes pa gang+gA'i klung gi bye ma bye ba khrag khrig 'bum phrag dgu bcu rtsa dgu'i de bzhin gshegs pa thams cad kyi byin gyi rlabs kyis byin gyis brlabs so/ / sems can thams cad kyi don du/  de kho na nyid kyi dngos grub bla na med pa'i phyag rgya dang / dkyil 'khor rim par phye ba dang / dam tshig chen por byin gyis brlabs so// de nas byang chub sems dpa' sems dpa' chen po 'phags pa spyan ras gzigs dbang phyug bzhin 'dzum zhing / de bzhin gshegs pa thams cad kyi gsang ba rnam par thar pa'i dkyil 'khor rnam par 'phrul pa bkod pa don yod pa mthong ba'i ting nge 'dzin mngon sum du byas nas/ ting nge 'dzin des stong gsum gyi stong chen po'i 'jig rten gyi khams na sangs rgyas kyi zhing thams cad 'od zer gyis snang bar byas/ lha'i gnas thams cad snang bar byas/ klu'i gnas thams cad snang bar byas/ gnod sbyin dang srin po'i gnas thams cad snang bar byas/ 'byung po'i gnas thams cad snang bar byas/ lha ma yin dang / nam mkha' lding dang / mi 'am ci dang / lto 'phye chen po'i gnas thams cad snang bar byas/ sa'i 'og tu gtogs pa 'og na gnas pa thams cad snang bar byas/ bar snang gi gnas nam mkha' la rgyu ba'i lha rnams snang bar byas shing / stong gsum gyi stong chen po'i 'jig rten gyi khams kun nas g.yo ba chen por gyur pa dang / g.yo ba'i mthu des de dag thams cad bskul bar gyur to// bskul ba tsam gyis mong nyid la de dag thams cad lhags te/ ri gru 'dzin na 'khor mang po 'dus par mthun par lhag nas 'khod do/ / de nas byang chub sems dpa' sems dpa' chen po 'phags pa spyan ras gzigs dbang phyug 'khor mang po 'dus par mkhyen nas/ don yod pa'i zhags pa'i cha byad du zhugs shing bcom ldan 'das kyi spyan sngar 'dug nas/ 'di ltar de bzhin gshegs pa'i gsang ba thams cad du rigs spyi'i dam tshig gi tshul du zhugs la/ ral pa'i thor tsugs kyi rgyal ba 'od dpag med thor tsugs su thogs pa/ tshangs pa'i gzugs can/ phyag bco brgyad la rang gi ngo bo zhags pa thogs pa/ thal mo sbyar ba/ sku phyed na phyag g.yon pa brten pa/ mdung rtse gsum pa bsnams pa/ ril ba spyi blugs dang bgrang 'phreng bsnams pa/ pad+ma bsnams pa/ pad+ma'i phyag rgya bsnams pa/ yid bzhin gyi nor bu dang rgyal mtshan bsnams pa/ me tog gi phur ma dang bi dza pu ra bsnams pa/ dbugs 'byin par mdzad pa/ rin po che'i char 'bebs par mdzad pa/ thal mo sbyar ba'i phyag rgya mdzad pa/ spyi bor phyag rgya mdzad pa/ dam tshig gi phyag rgya mdzad pa/ pad+ma yang pa'i phyag rgya mdzad pa/  rdo rje'i rigs kyi dam tshig gi phyag rgya mdzad pa/ de bzhin gshegs pa dang nor bu'i phyag rgya mdzad pa/ gzugs zhi ba/ spyan gsum pa/ mchod phyir thogs pa/ gdan pad+ma/ sku 'od zer sna tshogs 'bar ba/ sgrol ma bdun rjes su 'brang ba/ pha rol tu phyin pa bcus bskor ba/ brgya byin dang / tshangs pa dang / gshin rje dang / chu lha dang / lus ngan pos bskor ba/ dbang phyug dang / dbang phyug chen po dang / tshangs pa dang / lha'i bu dang / sred med kyi bu dang / dbang chen dang / rgya mtsho dang / dga' bo dang / nye dga' bo 'khor dang bcas pa bcom ldan 'das shAkya thub pa'i spyan sngar 'khod nas mig mi 'dzums shing bzhin 'dzum pas/ me tog sna tshogs pa rnams bcom ldan 'das la 'thor te/ 'di lta ste/ me tog shA la dang / ta ma la dang / tsam pa ka dang / o ti muk+ta ka/  dang / sho kA brta dang / kha bye 'khyil ba dang / gan d+ha bArI ka dang / mthon kha dang / mthon kha chen po dang / ka dam pa dang / mdog mdzes pa dang / su ma n+ya ka dang / skya snar dang / cher gsal ba dang / dri med gzi brjid dang / dri dga' dang / rab sim dang / pa la sha dang / za ba dang / mA raN+Da ka dang / gzi brjid bsil dang / dri med dang / gzi yangs ldan dang / shin tu bstan dang /  lha dga' dang / yid dga' dang / yu thi ka dang / pad+ma dang / ku mud dang / pad+ma dkar po dang / ut+pa la dang / ut+pa la dmar po dang / ta ra Na gu h+ya dang / gser dang / dngul dang / rin po che rnam pa sna tshogs kyi me tog rnams kyis bcom ldan 'das la mchod pa byed pa ni mngon sum du rnam par thar pa'i dkyil 'khor gsang ba don yod pa'i rgyal po 'di smras so/ / dus gsum du gshegs shing bzhugs pa sangs rgyas dang byang chub sems dpa' thams cad la phyag 'tshal lo/ / de bzhin gshegs pa thams cad kyi gsang ba rigs kyi dam tshig la phyag 'tshal lo// rig sngags kyi rgyal po don yod pa rnam par thar pa'i dkyil 'khor gyi rigs dang phyag rgya thams cad la phyag 'tshal lo/ / 'das pa dang / ma 'ongs pa dang / da ltar byung ba'i rang sangs rgyas dang nyan thos kyi dge 'dun thams cad la phyag 'tshal lo/ / yang dag par rtogs pa rnams la phyag 'tshal lo// yang dag par zhugs pa rnams la phyag 'tshal lo// blo gros chen po dang ldan pa shA ra dwa ti'i bu la phyag 'tshal lo/ byang chub sems dpa' sems dpa' chen po byams pa la sogs pa 'phags pa'i tshogs kyi mchog rnams la phyag 'tshal lo// 'phags pa de bzhin gshegs pa dgra bcom pa yang dag par rdzogs pa'i sangs rgyas 'od dpag med la phyag 'tshal lo/ / dkon mchog gsum la phyag 'tshal lo// byang chub sems dpa' sems dpa' chen po thugs rje chen po dang ldan pa sman ras gzigs dbang phyug la phyag 'tshal lo/ / drang srong chen po de dag dang 'phags pa'i tshogs kyi mchog de dag la phyag 'tshal nas/ 'phags pa spyan ras gzigs dbang phyug gi zhal nas byung ba/  don yod pa'i rgyal po rnam par thar pa'i dkyil 'khor gyi snying po de bzhin gshegs pa'i mngon sum du gsungs pa 'di 'khor mang po'i nang du bdag gis da bzlas kyis/ bdag gi dgos pa thams cad grub par gyur cig/ 'jigs pa thams cad du srung bar gyur cig/ tad+ya thA/ oM tsa ra tsa ra/ tsi ri tsi ri/ tsu ru tsu ru/ ma hA kA ru Ni ka/ bi ri bi ri/ pi ri pi ri/ tsi ri tsi ri/ pa ra ma ma hA kA ru Ni ka/ si ri sa rba/ ra cir/ pi ri thaM ra/ bi ri bI rI/ mu hA pad+mA hastA/ ka la ka la/ ki li ki li/ kA lu ku lu/ ma hA shud+d+ha satwa/ e he hi/ bud d+ha budad+d+ha/ d+hU bad+hA ba ka Na ka Na/ ki NI ki Ni/ ku Nu ku Nu/ pa ra ma shud+d+ha satwa/ ka ra ka ra/ kI ri ki ri/ ku ru ku ru/ ma hA s+thA ma prAp+ta/ tsa la tsa la/ sany+tsa la sargya la/ bi tsA la bi tsa la/ e Ta Ta I Ta Ta/ d+ha b+ha ra/ b+hi ri b+hi ri/ b+hu ru b+hu ru/ e h+ya hi ma hA kA ru Ni ka/ ma hA pa shu pa ti be Sha d+ha ra/ d+ha ra d+ha ra/ sa ra sa ra/ tsa ra tsa rA/ ha ra ha ra/ hA hA hA hA/ hI hI hI hI/ hU hU hU hU/ oM kA ra drah+ma ba Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta rA/ sa ra sa ra/ ba ra ba ra/ tsa ra tsa ra/ b+ha ra b+ha ra/ ra sh+tsi sha ta/ sa ha sra pra ti/ maN+Di ta sha rI ra/ dz+wa la dz+wa la/ ta pa ta pa/ b+ha ga ban/ so ma A dit+ta/  ya ma ba ru Na/ ku bi ra/ brah+ma in+d+ra/ rai Shi de ba ga Na/ a b+h+yArtsi ta tsa ra Na/ su ru su ru/ tsu ru tsu ru/ pu ru pu ru/ mu ru mu ru/ sa nata ku mA ra/ ru dra bA sa ba/ biSh+Nu d+ha na da/ bA su de ba r-i Shi nA ya ka bi nA ya ka/ ba hu bi bi d+hi be She d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ tha ra tha ra/ b+ha ra g+ha ra/ ya ra ya ra/ la ra la ra/ ha ra ha ra/ ma ra ma ra/ pa ra pa ra/ tsa ra tsa ra/ ba ra ba ra/  dA ya ka/ sa man+ta a ba lo ki te/ bi lo ki te/ lo ke shwa ra/ ma he shwa ra/ mu hu mu hu/ mu ru mu ru/ mu ya mu ya/ muny+tsa muny+tsa/ bcom ldan 'das 'phags pa spyan ras gzigs dbang phyug bdag dang sems can thams cad 'jigs pa thams cad dang / gnod pa thams cad dang / yams kyi nad thams cad dang / gdon thams cad dang / nad thams cad las srung du gsol srung du gsol/ gnod pa dang / 'ching ba dang / rdeg pa dang / bsdigs pa dang / rgyal po dang / chom rkun dang / gnod byed dang / me dang / chu dang / dug dang / mtshon las yongs su thar par mdzad pa/ ka Na ka Na/ ki Ni ki Ni/ ku Na ku Nu/ tsa ra tsa ra/ in+d+ri ya/ ba la bo d+hang+ga/ mA ra ka/ tsa tu nAR+ShA sat+sa/ sam prA kA sha ka/ ta ma ta ma/ da ma da ma/ sha ma sha ma/ sa ma sa ma/  ma hA ta mon d+hA ka ra/ bi d+ha ma na/ ShaT pA ra mi tA/ pa ri pU ra ka/ mi li mi li/ Ta Ta Ta Ta/ Sha Sha Sha Sha/ Ti Ti Ti Ti/ Tu Tu Tu Tu/ ShI Shi ShI NI/ Shu Shu Shu Shu/ a Ne ya tsa ma kr-i ta/ pa ri ka ra/  e h+ye hi ma hA kA ru Ni ka ma he shwa ra/ ma hA b+hU ta/ ga Na b+haM dza ka/ ku ru ku ru/ pa ra pa ra/ ka Ta ka Ta/ ma Ta ma Ta/ bi shud+d+ha bi Sha ya ni bA si ni/ ma hA kA ru Ni ka/ shwe ta yadz+nyo ba bI tA ya/ rat+na ma ku Ta/ mA la d+ha ra/ sarba dz+nyA shi ra si kr-i taM/ dza TA ma ku Ta ma hAd b+hU ta/ ka ma la kr-i ta/ ka ra ta la/ d+hu na sa mA d+hi/ bi mok+Sha/ a pra kam+b+ha/ ba hu satwa/ san+ta ti pa ri pA tsa ka/ ma hA kA r+ra Ni ka/ sarba karma A ba ra Na bi sho d+ha ka/ sarba bI d+hi pa ri mo tsa ka/ sarba A Sha pa ri pU ra ka/ sarba satwa sa mA shA sa ka ra na mo stu te swAhA/ oM brah+ma be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/  sa man+ta/ dz+wA la a mo g+ha hUM/ don yod pa'i snying po/ a/ yi ge gcig pu ni kun nas gsang ba de bzhin gshegs pa'i rigs kyi dam tshig dang / pad+ma yangs pa'i dkyil 'khor du zhugs pa/ rigs thams cad kyi spyi'i yin te bklags pas grub pa'o// de nas byang chub sems dpa' sems dpa' chen po 'phags pa spyan ras gzigs dbang phyug gis snying po yi ge gcig pu kun nas de bzhin gshegs pa thams cad kyi rigs kyi gsang ba spyi'i rnam par thar pa'i dkyil 'khor smras pa tsam gyis/ stong gsum gyi stong chen po'i 'jig rten gyi khams 'di rnam pa drug tu g.yos shing / lha'i me tog gi char rab tu ba ba la/ kun nas rin po che'i char rab tu bab po// de bzhin gshegs pa ga d+hA'i klung gi bye ma snyed bye ba khrag khrig 'bum phrag stong phyogs kun nas gshegs nas nam mkha'i dkyil la rdzu 'phrul gyis bzhugs so/ / don yod pa'i rim par phye ba'i sprin lha'i rin po che sna bdun phab la 'bab pas khebs pa dang / lha'i rin po che sna bdun gyi me tog rnams dang / lha'i rgyan dang / gos sna tshogs pa'i char bcom ldan 'das dang / 'phags pa spyan ras gzigs don yod pa'i rgyal po'i tshul du zhugs pa la mchod pa dang bkur sti bya ba'i phyir rab tu phab po/ / sangs rgyas bcom ldan 'das de dag gis kyang legs so zhes bya ba'i sgra 'byin par mdzad de/ sems can dag pa chen po khyod kyis sangs rgyas 'byung ba mchog bstan pa legs so legs so/ / 'di lta ste/ de bzhin gshegs pa thams cad kyi rigs kyi gsang ba'i phyag rgya dang / dkyil 'khor dang / rig sngags kyi gnas rim par phye ba rnam par thar pa'i dkyil 'khor dang / yi ge gcig pa'i rjes su zhugs pa ni stong gsum gyi stong chen po'i 'jig rten gyi khams su nyi ma gcig shar ba yin no// gang 'das pa dang / ma'o/  pa dang / da ltar byung ba'i sangs rgyas bcom ldan 'das stong gsum gyi stong chen po'i 'jig rten gyi khams rdul phra mo snyed kyi sangs rgyas 'byung ba rdzogs par sangs rgyas 'byung ba gcig gi thams cad kyi rjes su zhugs pa yin zhing / snying po yi ge gcig gis rjes su zhugs pa yin la/ phyag rgya dang / dkyil 'khor rim par phye ba dang / dam tshig gcig gis rjes su zhugs pa yin no//  don yod pa rna par 'phrul pa rnam par thar pa'i dkyil 'khor de bzhin gshegs pa'i gsang ba bzang po 'di ni don yod pa'i gsang sngags kyi zhags pas drangs shing sku gcig gi dam tshig la bkod pa yin te/ de nas don yod pa'i zhags pa zhes bya bar byin gyis brlabs so// snying po yi ge gcig pa'i gzungs sngags ni rtag tu bklags pas grub pa/ de bzhin gshegs pa thams cad kyis byin gyis brlabs pa yin no/ / de nas bcom ldan 'das de bzhin gshegs pa shAkya thub pas byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin ste/ snying rje chen po dang ldan pa legs so legs so// de kho na nyid bsgrub pa grub pa/ de bzhin gshegs pa'i rigs spyi'i dam tshig thams cad grub pa/ don yod pa'i zhags pa'i snying po sgrub pa bklags pas 'grub pa 'di ni mchog tu bzang ba yin gyis/ yon tan gyi phung po shod cig/ snying po yi ge gcig pa 'di ni don yod pa'i zhags pa bsgrub pa'i cho ga sgrub pa bde ba/  bklags pas grub pa/ phyag rgya dang / dkyil 'khor dang / sku gzugs ri mo dang bcas pa sgrub pa'i cho ga bla na med pa yin no// de nas byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das la 'di skad ces gsol to// bcom ldan 'das don yod pa'i zhags pa pad+ma yangs pa'i dkyil 'khor dang / pad+ma'i rigs kyi rnam par thar pa'i dkyil 'khor dang / de kho na nyid kyi dam tshig gi snying po gsang ba chen po dang / rigs spyi'i sgrub pa bklags pas 'grub pa 'di'i yo byad dang cho ga bshad par bgyi yis/ bcom ldan 'das kyis byin gyis brlab du gsol/  bcom ldan 'das gang gis dran pa tsam gyis bdag mdun na nye bar mchis shing bsam pa thams cad yid bzhin du yongs su rdzogs par bgyi/ rig sngags kyi dngos grub thams cad rjes su stsal bar bgyi'o// /  bcom ldan 'das kyis bka' stsal pa/ spyan ras gzigs dbang phyug legs so legs so// de ltar khyod kyis sems can thams cad bsgral bar bya zhing / rig sngags 'chang rnams kyi dngos grub dam pa mchog de khyod kyis rab tu sbyin par gyis shig/ don yod pa'i zhags pa'i snying po'i gsang ba'i dam tshig dang / yi ge gcig pu rigs spyi'i rjes su zhugs pa de bzhin gshegs pas byin gyis brlabs kyis/ yo byad dang sgrub pa'i cho ga shod cig/ de nas byang chub sems dpa' sems dpa' chen po 'phags spyan ras gzigs dbang phyug bcom ldan 'das kyis dbugs phyung ba dag thos nas snying shin tu dga' ste/ yo byad dang cho ga smras pa/ bcom ldan 'das kyis mngon sum nyid du sdig pa sreg cing ma lu so bzad par bgyid pa/ sems can dmyal ba rtse ba nas 'byin pa'i dkyil 'khor gyi cho ga smras pa/ dkyil 'khor gru bzhir byas nas su/ dbus su pad+ma'i 'khor lo bya/ tshon rtsi sna tshogs rnam par dbye// pad+ma ze ba'i dbus su ni// spyan ras gzigs dbang bzhugs par bya// bum pa bkang dang 'phan rnams kyis/ / dkyil 'khor kun nas brgyan par bya// me tog sna tshogs legs par dgram// spos dri bzang pos bsgos pa yi// mar me'i 'phreng ba kun tu bud// mchod yon chu dag gzhag par bya/ / gu gul dang ni sa la la ki/ a ka ru dang du ru kas// bdug spos snod ba'i dag nas bdug/ rig sngags 'chang ba khrus byas nas// gos gtsang bgos te smyung ba la// nye bar gnas nas tshes brgyad dam/ / bcu bzhi'am tshes ni bco lnga ste// zla ba yar gyi ngo la sgrub// shar du kha bltas 'dug nas su// don yod zhags pa dus gsum du// nyi shu rtsa gcig bzlas brjod bya/  snying po'ang brgyas brgyad du bzas// yi ge gcig pu 'bum du ni// mtshan mo bar chad med par bzlas// skya rengs shar nas 'jig rten dbang // ze ba'i dbus na 'bar 'gyur zhing / / 'gul 'gyur 'gul ba de yis ni// dmyal ba chen po bcu drug gi/ sgo rnams dag ni bye bar 'gyur// dmyal ba'i gnas nas shugs chen gyis// g.yo la g.yos pa tsam des ni// /  dmyal ba'i tsher kun rnam par 'jig/ dmyal ba de'i yang rnam par 'joms// sems can dmyal ba de dag ni// thar nas phyogs bcur rgyug pa yi// dmyal ba'i sdug bsngal kun las grol//  mtho ris lam du zhugs par 'gyur// dud 'gro'i skye gnas kyi sdug bsngal thams cad dud 'gro rnams las yongs su grol bar 'gyur/ bdag nyid kyi sgrib pa dang / sdig pa dang / sdug bsngal mi bzad pa thams cad mthar gtugs par yongs su zad par 'gyur/ 'khor ba'i sdug bsngal thams cad las yongs su grol bar 'gyur ro// gal te sdig pa thams cad zad par gyur na/  de'i tshe 'phags pa spyan ras gzigs dbang phyug gi sku mdog gser gyi mdog can du ston par mdzad la/ mchog thams cad sbyin par mdzad do// don yod pa'i dri mad pa'i ye shes rgya mtsho bkod pa zhes bya ba'i ting nge 'dzin thob par 'gyur/ sgrib pa dang bral ba sems kyi rgyan rnam par dag pa'i bdag nyid kyi ngo bo thob par 'gyur/ de bzhin gshegs pa gad+hA'i klung gi byes bye ba khrag khrig 'bum phrag dgu bcu rtsa dgu po rnams mod nyid la mngon sum du ston par mdzad la/ de bzhin gshegs pa de dag thams cad kyi phyag g.yas pa mgo'i spyi bor 'jog par mdzad//  bsod nams kyi phung po chen po dang ldan par 'gyur/ dge ba'i rtsa ba chen po yongs su gzung bar 'gyur/ 'jig rten pa kun gyis gcig tu mchod pa chen po byas par 'gyur/ gshin rje dang / chu lha dang / lus ngan dang / zla ba dang / nyi ma dang / tshang pa dang / khyab 'jug dang / dbang phyug chen po rang gi gzugs kyis mngon sum du ston cing / nye 'khor la kun nas srung ba dang / skyob pa dang / sbed pa byed par 'gyur/ dngos grub dang dgos pa thams cad 'grub par 'gyur/ gal te sdig pa thams cad zad par ma gyur na/ de'i tshe 'phags pa spyan gzigs dpa 'a phyug gi sku mdog gser gyi kha dog can du mi mthong / des sgrib pa dang sdig pa lhag ma lus par shes par bya ste/ de nyid du bzlas brjod kyi cho ga smyung ba gnyis pa byas pa dang /  sdig pa dang sgrib pa thams cad rtsa ba dang bcas pa thams cad phyung bar 'gyur ro// gal te bzlas brjod kyi cho ga smyung ba gsum pa byed na dazlas brjod kyi cho ga gsum rdzogs pa dang / 'phags pa spyan ras gzigs kyis phyag g.yas pa brkyang nas rig sngags 'chang bteg ste/ mod la 'jig rten gyi khams bde ba can du 'od dpag med kyi spyan sngar 'jog par mdzad la mngon sum du bzhugs so//  de bzhin gshegs pa tshe dpag med kyis dbugs 'byin par mdzad cing phyag spyi bor 'jog par mdzad de/ tshe dpag tu med par 'gyur ro// gal te sems can gzhan rigs kyi bu 'am/ rigs kyi bu mo 'am/ dge sbyong ngam/ bram ze 'am/ skyes pa 'am/ bud med dam/ khye'u 'am/ bu mo 'am/ tha na dud 'gro'i skye gnas su song ba gang zhig sdig pa dang sgrib pa zad par 'dod na rigs sngags 'chang khrus byas la gos gtsang ma bgos/ smyung ba byas pa des dkyil 'khor la mngon du phyogs par gzhag la/ rig sngags 'chang cho ga byed pas gsang sngags rjes su dran par byas nas rma bya'i sgros byab par bya'o/ / de tsam gyis yon tan gyi khyad par thob par 'gyur te/ sdig pa dang sgrib pa thams cad zad par 'gyur/ nad thams cad dang / gdug pa thams cad dang / na ba thams cad dang / mtshams med pa thams cad zad par 'gyur te the tshom med do// sgrib pa dang bral ba nyid thob par 'gyur zhing tshig gzung bar 'os par 'gyur/ lha thams cad kyis gzung zhing kun nas srung bar 'gyur/ de bzhin gshegs pa'i gsung thob par 'gyur/ 'phags pa spyan ras gzigs dbang phyug gzigs bzhed par 'gyur/ tshe ring dang / sgrib pa dang /  nad dang bral bar 'gyur/ tshe 'phos nas 'jig rten gyi khams bde ba can du skye bar 'gyur/ tshe rabs su tshe 'bos dran par 'gyur/ dge ba'i rtsa ba bsod nams kyi tshogs thams cad dang ldan par 'gyur te/ snying rje dang byams pa chen po yid la bya ba rtse gcig tu bya zhing smyung ba dang bzlas brjod bya'o// sdig pa dang sgrib pa zad par bya ba'i dkyil 'khor chen po'i cho ga'o//  / 'phags pa don yod pa'i zhags pa'i cho ga zhib mo'i rgyal po bam po bcu bdun pa// / de nas rtag tu bzlas pa'i dkyil 'khor gyi cho ga bshad par bya ste/ dkyil 'khor gyi tshad ji lta ba bzhin du legs par phye ba/ gru bzhi pa/ rgyar gzings kyi tshad kyis shin tu rnam par phye ba bya ste/ dri'i tshon rtsi rnam par bkra ba kun nas pad+ma'i 'phreng ba dang rdo rje'i ge sar la brten pa'i dbus su pad+ma bya'o/ / rdo rje'i thig skud kyis kun nas bskor ba'i dbus kyi pad+ma'i ge sar la 'phags pa spyan ras gzigs dbang phyug tshangs pa'i cha byad 'dzin pa dgod par bya'o// nyi ma re re zhing me tog dang bdug pa dbul bar bya zhing / nyi ma re re zhing a ka ru'i bdug pa dang khrus byas gos gtsang ma bgos te/ don yod rgyal po'i bzlas brjod dang phyag rgya bcing bar bya'o// yi ge gcig pa'i snying po'i bzlas brjod thun gsum du lan gsum mam/ lan bdun nam/ lan nyi shu rtsa gcig tu bzlas so// zas ngan pa bcu yongs su spang bar bya zhing / sems can ngan pa'ang spang bar bya'o// sgrub thabs kyi de kho na nyid las thams cad du 'jig rten pa'i bya ba thams cad 'grub po/ / 'jigs pa chen po mi bzad pa brgyad po de rnams las grol lo// don yod pa'i rgyal po dran pas nad thams cad rnam par nyams par byed do/ / dug dang / sbyar dug dang / byad snyems dang / gdon thams cad dang / 'jigs pa dang / sdang ba dang / skrag pa dang / rims dang / nad thams cad dang phol mig dang / lhog pa dang / mtshan mar rdol ba dang / g.yan pa dang / rkang shra dang / mdze dang / mgo bo na pa dang / mig na ba dang / rna ba na ba dang / snan pa dang / kha na pa dang / rkan na ba dang /  mgul na ba dang / snying na ba dang / lto na pa dang / so dang mchun pa dang / lag pa na ba dang / rtsib logs na ba dang / chu so na pa dang / pho ba'i nad dang / ma zhu ba dang / rkang pa na ba dang / rgyaban pa dang /  yan lag dang nying lag thams cad na ba dang / tshad pa dang / gzhang nad dang / gcin nad dang / gsung pa dang / 'khogs pa la lan cig brjod de byabs pa tsam gyis thams cad sel bar byed de/ myur du rab tu zhi bar byed cing skad cig de nyid la'ang yang dag par gnas par byed do/ / 'jig rten pa'i bya ba gzhan thams cad 'grub par 'gyur ro// de bzhin gshegs pa bye ba khrag khrig brgya stong phrag dgu bcu rtsa dgu'i dge ba'i rtsa ba nyi ma re re zhing skyed par 'gyur ro/ / bsod nams chen po dang ldan par 'gyur ro// tshig btsun par yang 'gyur ro// 'jig rten thams cad kyi tha mar yang 'gyur ro/ / mchod pa'i 'os chen por 'gyur ro// don che zhing che ba dag 'ong bar 'gyur ro// dbang phyug dang khon po lhun gyis grub pa nyid du rnyed do// rgyal po dang / btsun mo'i 'khor dang g.yog tu bcas pas gcig tu mchod par 'os par 'gyur ro/ / nyi ma re re zhing 'phags pa spyan ras gzigs dbang phyug mthong bar 'gyur ro// rtag tu'ang de bzhin gshegs pa'i sku mthong ba so sor thob bo/ / sangs rgyas kyi zhing yang dag par brgyan pa mthong ngo // tshes brgyad dang bco lnga la po Ta la ka'i ri bo'i gzhal med khang 'phags pa spyan ras gzigs dbang phyug gi gnas na/  'phags pa spyan ras gzigs dbang phyug bzhugs te/ 'khor chen po la chos ston par mdzad bzhin pa dang / 'od dpag med bde ba can gyi gnas na bzhugs pa mthong ste/ ji srid byang chub snying po'i bar du mthong ngo / / 'chi 'phos pa na bsams pa nyid kyi mod la bde ba can gyi khams su skye bar 'gyur te/ rgyan thams cad kyis rnam par brgyan par pad+ma las rdzus te skye bar 'gyur ro// sgrib pa dang bral zhing rnam par 'phrul pa byin gyis rlob pa don yod pa'i 'od zar zhes bya ba'i ting nge 'dzin so sor thob po/ / ting nge 'dzin gang zhig thob pas sangs rgyas kyi zhing gang+gA'i klung gi bye ma bye ba khrag khrig brgya stong phrag skad las 'das pa'i de bzhin gshegs pa thams cad la mngon par phyag byas nas/ se gol gtogs pa tsam nyid la slar yang 'ong ba de lta bu'i ting nge 'dzin so sor thob bo// ting nge 'dzin gzhan khrag khrig brgya stong phrag so sor thob cing / bzlas pa'i cho ga gcig pus las thams cad sgrub par 'gyur ro zhes so// bzlas pa'i dkyil 'khor chen po'i cho ga'o//  de nas khrus kyi dkyil 'khor bshad par bya ste/ khrus byed pa la mkhas pa gang gis dri ma thams cad sel bar byed cing mdzes pa/ sdig pa thams cad rnam par nyams par byed pa dngos grub thams cad byed pa'i de kho na nyid bsod nams dang gzi brjid rab tu 'phel bar byed pa/ nad thams cad sel bar grub pa/ sdig pa dang sdig to nyams par byed pa/ de bzhin du zad pa dang nyams pa bcom pa/ dug dang byad stems nyams pa/ nad yun ring po yongs su spangs pa/ de bzhin du gcong yun ring po dang rims yongs su spangs pa ste/ 'di dag khrus kyis 'grub ste/  rig sngags dang yin pa des 'grub par don yod pa spyan ras gzigs dbang phyug gis yongs su bsgrags so// bgegs kyis reg pa gang yin pa dang / grib gnon gyi gdon mi bzad pas reg pa gang yin pa dang / pha rol gyi dmag tshogs kyi 'jigs pa mi bzad pa dang / 'thab pa dang / rtsod pa la'ang dgra rnams kyis pham pa dang / skye bo sdang ba dang / gang gi 'khrug pa'i g.yul du song ba dang /  rgyu skar gyis bcom pa gang yin pa dang / blo'i skye ba zad pa dang / ma ni nga dang / nyams pa'i ma ning dang / dbang po nyams pa'i bar gang yin pa rnams dang / bu mi 'tsho ba gang yin pa rnams kyi bu mthun par skye bar 'gyur ro/ / gsad cing gzhom pa thob pa gang yin pa dang / 'ching ba dang gsod par song ba gang yin pa dang / chom rkun nam/ rkun mo'i nang ngam/ gnod sbyin nam/ srin po'i nang du song ba gang yin pa dang / gcan gzan gtum po'i nang du song ba gang yin pa dang / mche ba gdug pa dang / dug gi khrod du song bas dug 'jigs pa mi bzad pa zos pa gang yin pa dang / khyim rdib pa dang /  g.yang sa dang / byi ba kha gdug pa'i 'jigs pa rnams dang / mi mngon par sdig pa byed pa gang yin pa dang / mtshams med pa byed pa gang yin pa dang / 'phags pa la skur pa 'debs pa dang /  dam pa'i chos spong ba 'di rnams dkyil 'khor du khrus byas pas thams cad yang dag par zad par 'gro zhing / myur du thams cad rnam par nyams par byed de/ rtswa rnams mes sreg pa bzhin du sngon bsags pa'i mi bzad pa'i las 'di dag thams cad rnam par nyams par byed do/ / 'jig rten thams cad kyi bla ma dang rtag tu mchod par 'os par 'gyur ro// tshe yun ring por gnas te/ rtag tu bde ba dang dga' bar byed do/ / ji srid 'tsho'i bar du nad med cing rims med pa nyid du gnas so// bde blag tu bya ba byed cing / de'i skye ba bdun dran par 'gyur ro// lha rnams kyis rtag tu srung bar byed cing / mthar thug rtag tu dpal 'bar bar byed do// sangs rgyas rnams rtag tu mthong ba dang / rtag tu 'jig rten dbang phyug gis mchog sbyin par byed pa dang / rtag tu mthong bar 'dod pa'ang thun mtshams rtag tu mngon sum du mthong bas gnas par byed do/ / rtag tu rig sngags dang / dkyil 'khor gyi lha dang / rig sngags kyi dngos grub tu 'gyur te/ rtag tu dkyil 'khor gyi mchog gang yin pa'ang sgrub par byed do/ / rgyar gzings kyi tshad kyi dkyil 'khor gru bzhi pa bya ste/ mtshon sna tshogs pas rnam par phye ba'i dkyil 'khor gyi mchog bri bar bya'o// me tog dang 'bras bu sna tshog pas bkra ba/ sgo bzhi kun nas rnam par phye ba dang / las rnams legs par zin nas dbus kyi dkyil 'khor gyi snying por 'khor lo yang dag par bri'o// pad+ma'i lte ba dang snying po nyid kyang 'bar bar bya'o//  zur dang zur rnams su zhags pa 'bar ba pad+ma la gnas par bya'o// rig sngags 'dod pas khrus dang gtor ma dkar po'ang 'dir dgod par bya'o// a ka ru'i bdug pa dbul zhing / dkyil 'khor gyi cho ga ji lta ba bzhin du dkyil 'khor legs par brgyan par bya'o/ / las gzhan sgrub pa ni ro sna tshogs pa'i gtor mas mchod par bya zhing / sna tshogs pa'i bdug spos dbul lo// bum pa chus bkang nas rdzas kyi phye ma rnams der gzhug cing / rin chen sna bdun bcug ste/ de la rgya dar gyis bcings la/ don yod zhags pa lan brgya dang / snying po nyid kyang lan brgyar bzlas so// yi ge gcig pa brgya rtsa brgyad du bzlas so/ / tsan dan dang / sa mI dang / si ri Sha dang / ha ba shang tsi'u dang / gur kum dang / yungs kar dang / pad+ma ga sar rnams legs par btags nas bum pa bkang bar bya ste/ 'di rnams kyis khrus bya'o// nye'u shing dang / shu ti dang / bil ba ste/ 'di rnams kyis nyed pa dang / rtag tu sngon du byab par byas la/ de nas mkhas pas khrus bya'o// de nas srung dang / dom dang / gcig dang / dred dang / khyi dang / bag dang / lce sbyang rnams las nor bu'i rgyal po gang du gnas pa'i mod la tham cad du sgrol bar byed do// dug dang / sbrul thams cad dam/  mche ba gdug pa dang / sbrul go na sa dang / bta sa nA b+ha dang / dug nyid dang / dug shring ga dang / dug musta ka nyid dang / dar da'i dug dang / lus la byas pa dang / mi bzad pa'i dug dang / dug ha la ha la dang / sdig pa la sogs pa gang yin pa dang / mthong ba'i dug gang yin pa dang / dbugs kyi dug mi bzad pa gang yin pa dang / reg pa'i dug 'jigs pa dang / 'jog pos kyang zin pa dang /  gzhan yang srog chags mi bzad pa rnam pa sna tshogs pa'i dug mi bzad pa rnams dkyil 'khor mthong ba tsam dang / nor bu reg pa tsam gyis de rnams thams cad 'phral du dug med par 'gyur ro//  gal te gang gar 'bab pa'i dug 'thungs kyang 'phral du 'joms par byed do// nam mkha' lding gis sbrul nyid dang klu bzhin no// mes mi 'tshig go// slar yang rgyas 'byor bar mi 'gyur ro/  bye ba la gdug pa'i 'jigs pa myi 'drude la rgyal po khro bar mi byed do// nam yang phyir rgol ba dang / dgra dang / 'thab mo dang / 'khrul 'khor byed pa dang / snang ba gang yin pa re rnams med de/ cho ga 'di ni mchog go// dug dang / byang sems dang / bye ma'i sbyor ba la sogs pa thams cad skad cig de la nyams par byed do// gnod sbyin dang / srin po dang / 'brung par byed pa/ nyon mongs pa thams cad zad par byed pa/ nad thams cad las yongs su grol bar byed pa ste/ mdor na thams cad du dngos grub so sor rnyed cing / dpal chen por lhag par 'gro'o/ / rig sngags don du gnyer ba thob ste/ rig sngags don yod pa'i dngos grub kyi de kho na nyid las bu 'dod pas ni bu thob bo// nor 'dod pas ni nor thob po// dbang phyag 'dod pas ni dbang phyag thob po/ / myur du dpal 'dod pas ni dpal thob po// mngon par 'dod pa thams cad 'phral du yongs su rdzogs par byed do zhes so// khrus kyi dkyil 'khor gyi cho ga'o// /  / de nas nor bu'i sgrub thabs kyi cho ga dang / dkyil 'khor gyi cho ga bshad par bya ste/ yid bzhin gyi nor bu'i sgrub pa rmad du byung ba don yod pa'i nor bu'i dngos grub dang bya ba thams cad sgrub par byed pa/ thams cad du lhung ba'i sdug bsngal las byung ba'i 'jigs pa thams cad las skyob par byed pa/ gsod thob pa mngon par thar par byed pa/ mtshon cha dang / khong bsgril gcog par byed par the tsom med do/ / sdig pa thams cad rnam par nyams par byed pa/ mtshams med pa zad par byed pa/ rtag tu gsod pa med pa'i gnas thams cad du son par byed pa/  rtag tu 'khrugs pa dang g.yul ngo las rgyal ba sbyin par 'gyur ro// chom rkun gyi nang nas grol bar 'gyur zhing / rkun mo las kyang sgrol bar byed do// gcan gzan gtum po seng ge dang / glang po che bu'i cho ga ni don yod rgyal pos bya'o/ / de nas rtswa dur ba bting nas/ de sa skyil mo krung gis 'dug ste/ bum pa'i nus khrus bya zhing / pang+gA'i phyag rgya'ang byed du gzhag s+ho/ de nas gsung mas gos gtsang ma bgos te/ gtsug tor bcing bar bya zhing / sngon du bzlas pa 'bul ba dang bskor ba byas nas sgo dang ske nas phyag bya'o// shAr gyi sgor zhugs la dbus kyi dkyil 'khor gyi snying skyil krung gis 'dug la/ don yod pa'i rgyal pos lan bdun du grub par bya'o// lag tu rdo rje dang bgrang 'breng gis mngon par dbang bskur zhing / chu dang / yungs kar dang / phyag rgyas dbang bskur bar bya'o/ / de nas dkon mchog gsum la mchod pa bya'o// 'di ni khrus kyi gtso bor 'jig rten dbang phyug gis gsungs so// sems can thams cad la phan pa'i don gyi ched dang / rig sngags 'chang rnams la khyad par du sangs rgyas thams cad kyis byin gyis brlabs pa dang / lha thams cad kyis mchod pa dang / don yod pa'i phun sum tshogs pa gdon mi za bar byed do// gang dang gang du las la nges par sbyar ba thams cad du don yod pa'i dngos grub thob par 'gyur te/ thams cad du 'di yi tshom med do// sngags kyi dngos grub bla na med pa ma grub pa'ang grub par 'gyur te/ don yod pa'i dngos grub thob cing 'phral nyid du 'bras bu mthong ba yin no/ / lus yongs su dag cing shin tu dri ma med pa dang / legs par khrus byas par de brjod par bya'o// sdig pa thams cad nyam po dang / yi dgas dang / skem byed dang / brjed byed dang / gsang ba pa dang / bgegs dang / log 'dren rnams dkyil 'khor mthong ba tsam dang / nor bu gzung ba nyid kyis thams cad 'bros par byed de 'di la the tsom med do/ / 'di thams cad kyis thun mong du nor bu'i dkyil 'khor mthong ba la bsam pa gang yin pa'i bsam pa de thams cad yid la don du gnyer bar bya ba gang yin pa rnams kyang / nor bu gzung ba nyid la thams cad myur du phun sum tshogs par byed do// tshe 'phel ba dang sngags kyi dngos grub bla na med pa grub po// bkra shis pa dang / dam pa dang / bsod nams dang / dag pa dang / sdig pa nyams pa dang / rmi lam ngan pa nyams pa dang / 'phral du rmi lam bzang por byed pa nyid dang / rtag tu sangs rgyas dang byang chub sems dpa' mthong ba dang / rtag tu lha rnams 'gugs pa nyid dang / rtag tu 'byor pa thams cad byed pa dang / rtag tu zla ba nye ba ltar 'od zer 'bar bas rnam par mdzes pa dang / tshig btsun pa dang / rtag tu dga' ba dang / thams cad du mchod par bya'o// de nas rig sngags 'chang gi rdzas kyi sbyor ba bya ste/ cha mnyam par legs par phye la gtso bo'i rjes su 'brang bar bya'o// 'di lta ste/ rgyal ba dang / rnam par rgyal ba dang / nA ku li dang / dri'i nA ku li dang / a ru ra dang / lag pa dang / dbang po lag pa dang / dri'i pri yang ku dang / rgya spos dang / 'khor lo dang / 'khor lo chen po dang / khyab 'jug gnon pa dang / so ma rA dza dang / su nan da dang / pad+ma ge sar dang / ma la ya'i tsan dan dang / na la da dang / gur kum dang / ba p+la dang / ut+pa la sngon po dang / klu shing gi ma tog dang / tsam pa ka'i me tog dang / pa DA dang / brag skyes dang / spang spos dang / sA ma ka rnams mnyam par byas te phye ma zhib mor legs par btags la/ pu shel tsi dang tsan dan gyi chus sbrus te zangs kyi snod du gzhag la/ khrus kyi dkyil 'khor gyi steng du bkod de/ don yod zhags pa'i snying po brgya rtsa brgyad bzlas nas/ snying po brgya rtsa brgyad nyid dang / yi ge gcig pa 'bum du bzlas pas rdzas kyi snod 'bar bar byed do/ / de nas nor bu mgo bo la bcings pa 'am/ lag pa la bcings la gzung bar bya ste/ mchog tu skal ba bzang po thob cing / dbang phyug gi mchog dang dpon po thob bo//  rje'u rigs bu med pas kyang mi dang nor 'phel bar 'gyur ro// rgyal po dang dgra rab tu 'joms shing / srung ba'i mchog tu rnyed par bka' bas te/ nor bu gang du gnas pa der glog gi gnod pa med do/ der byi ba kha gdug pa'i 'jigs pa dang g.yo ba mi 'byung ngo // nor bu'i rgyal po gang du gnas pa'i gnas 'di mchod rten du bskur ro// sum cu rtsa gsum na gnas pa'i lha rnams kyis rtag tu srung bar byed cing / rtag tu'ang rgyal po chen po bzhi dang / lag na rdo rje stobs po ches rtag tu'ang srung zhing / dus rtag tu rjes su 'brang bar 'gyur te the tsom med do// dkyil 'khor bshad par bya ste/ rgyar gzings kyi tshad kyi logs bzhi pa/ zur bzhi pa/ shin tu bcags pa/ legs par sbyar ba/ mchog tu mdzes pa bya'o// khor yug tu me tog sna tshogs kyi mgo lcogs kyis bkra ba bris la/ shar gyi sgo rnam par phye ste/ dbus kyi dkyil 'khor gyi pad+ma rdo rje'i dkyil 'khor gyis yongs su bskor ba'i dbus kyi pad+ma'i ge sar la yang / 'jig rten dbang phyug dgod par bya'o/ / 'phags pa spyan ras gzigs dbang phyug gi zhabs drung du rdzas kyi snod gzhag par bya zhing / me tog gcal du bkram par byas la/ dkyil 'khor brgyan par bya ste/  dri dang yon chab dbul bar bya zhing / tsan dan gyi bdug pa sreg go// nyin mtshan du gos gtsang ma bgo zhing bcang bar bya/ shin tu dri ma med pa'i sems su 'gyur bar bya/ byams pa dang snying rje mchog tu 'gyur bar bya zhing / de nas nor bu'i rdzas sgrub bo zhes so// nor bu'i dkyil 'khor gyi cho ga'o// / de nas ldong ros kyi mig sman gyi cho ga'i dkyil 'khor bshad par bya ste/ rgyar gzings kyi cha'i mthar thug pas dkyil 'khor gru bzhi pa byas te/ dri sna tshogs dang rnam par bkra ba'i rig sngags 'chang ni grwa rnams su mkhas pas bri bar bya'o// dbus kyi dkyil 'khor gyi snying por pad+ma 'dab ma phyed kha bye ba'o/ / lag pa gnyis kyi dbus su pad+ma ga sar rgyas pa 'chang ba'o// shar gyi sgo rnam par bya ba bya ste/ ldong ros dngul gyi snod du gzhag nas dkyil 'khor du pad+ma'i steng du dgod par bya'o/ / snod kyi khor yug tu dar dmar po'i gos bzang pos g.yog par bya'o// yang na pad+ma'i 'dab ma 'am/ yang na byang chub shing gi 'dab ma 'am/ yang na shing 'dzam bu'i 'dab mas g.yog par bya'o/ / a ka ru'i bdug pa dbul bar bya'o// 'phags pa spyan ras gzigs dbang phyug don yod zhags pa'i gzugs 'dzin pa pad+ma'i 'dab ma'i drung du dgod par bya'o// me tog dang dris mchod par bya/ rig sngags 'chang gis dkar gsum zos la 'phags pa'i yan lag brgyad kyi bsnyen gnas su 'gyur bar bya'o// yang na nyin mtshan du smyung bar gnas par bya/ zla ba yar ngo 'am/ tshes bco lnga'i nya 'am/ tshes bcu bzhi 'am/ tshes brgyad la gtsang mar khrus byas te/ gos gtsang ma bgo bar bya/ don yod zhags pa'i snying po brgya rtsa brgyad bzlas shing / snying po brgya rtsa brgyad kyang bzlas par bya/ yi ge gcig pa stong phrag bcur bzlas la/ dkyil 'khor nye ba'i spras shing / me tog dang / bdug pa dang / dri dang / mar me dang / gtor ma dbul bar bya'o//  de nas yungs kar la lan nyi shu rtsa gcig bzlas par bya ste/ dkyil 'khor gyi steng du 'phang bar bya'o// 'phangs pa tsam gyis mod la 'phags pa spyan ras gzigs dbang phyug gi lus las 'od zer sna tshogs 'byin par byed do/ / ldong ros kyi snod de'ang 'bar bar byed de/ 'bar ba tsam gyis mod la mig la bskus na nam mkha' la 'gro'o// don yod pa'i ye shes yangs pa yid bzhin gyi nor bu'i 'od zer gyi bkod pa zhes bya ba'i ting nge 'dzin so sor thob po/ / don yod pa'i 'khor lo kun nas rnam par gzigs pa zhes bya ba'i rig sngags 'chang gi 'khor los sgyur bar 'gyur te/ rig sngags 'chang gi 'khor los sgyur ba ga d+hA'i klung gi bye ma bye ba khrag khrig brgya stong phrag dgu bcu rtsa dgus yongs su bskor bar 'gyur ro//  thams cad du gnas kyi mnga' bdag rgyal por 'gyur ro// sangs rgyas kyi zhing thams cad du 'gro zhing / tshe bskal pa dpag tu med par 'gyur ro// rgyal ba 'od dpag med kyi cod pan 'chang bar 'gyur ro/ / don yod pa dri ma med pa'i spyan zhes bya ba'i rdzu 'phrul so sor thob ste/ rdzu 'phrul gang gis se gol gtogs pa tsam gyis/ sangs rgyas kyi zhing gang+gA ra klung bye ba khrag khrig brgya stong phrag dgu bcu rtsa dgur 'gro bar 'gyur ro/ / de bzhin gshegs pa thams cad kyi don yod pa'i dngos grub yangs pa'i mchod pa byed par 'gyur zhing / skad cig gis slar yang 'ong bar byed do/ / rang gi lus la 'od zer brgya stong phrag du ma 'bar bar byed do// gang 'dod pa de thams cad byed do// de nas du ba 'thul bzhin pa ni bskus na mi snang bar 'gyur te/ mi snang ba'i reg pa 'dzin pa thams cad kyi 'khor los sgyur ba rig sngags 'chang gi rgyal por 'gyur ro// lha dang / klu dang / gnod sbyin dang / srin po dang / 'byung po dang / lha ma yin dang / nam mkha' lding dang / mi 'am ci dang / lto 'phye chen po'i gnas kyi sgo thams cad bye nas gnas te/ gang du 'dod pa der 'jug par byed do// gnas thams cad na gnas pa rnams 'bangs su gyur nas gnas te ci bsgo ba byed do/ / sems can thams cad kyang rjes su 'brang bar 'gyur ro// rgyal po dang btsun mo'i 'khor g.yog dang bcas pas mchod pa dang / bla mar bya ba'i gnas gcig pur 'gyur ro// bka' bsgo ba'ang bdag nyid dang nor gyis kyang byed cing gnas so// dbu ba 'byung bzhin pa bskus na cho ga zhib mo dang / phyag rgya dang /  dkyil 'khor thams cad dang / de bzhin gshegs pa thams cad rigs kyi gsang ba'i dam tshig mngon du gyur nas gnas te/ 'das pa dang / ma 'ongs pa dang / da ltar byung ba'i de bzhin gshegs pa thams cad kyis gsungs pa rnams sngon du gyur nas gnas so/ / lha dang / klu dang / gnod sbyin dang / srin po dang / 'byung po thams cad yang dag par rjes su 'brang zhing bsrung ba dang / bskyab pa dang / sba ba'i ched du rtag pa kho nar rjes su 'gro'o// sangs rgyas dang byang chub sems dpa' thams cad mngon sum du mthong ba sbyin par 'gyur ro//  don yod pa'i 'od zer dang ldan pa zhes bya ba'i ting nge 'dzin so sor thob ste/ sa'i steng nas sor bzhi'i tshad du 'phags pa'i nam mkha' la gnas so// ldong ros la bzlas nas mig la bskus na mig gis gang mthong ba de dbang du gyur nas gnas te/ rgyal po dang / btsun mo'i 'khor dang / blon po dang / bkrabs pa dang / mdun na 'don dang / dpung gi tshogs yan lag bzhi dang / bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u rigs dang / dmangs rigs rnams dbang du gyur nas gnas so/ / tha na ri dgas dang bya'ang lta bar byed bzhin du dbang du gyur nas nye bar gnas so// 'dis byugs pa'i mig gis nad dang / gnod pa dang / sdig pa dang //  sgrib pa thams cad rnam par nyams par byed do// lus kyi gdung ba dang / sems kyi gdung ba thams cad dang / rmi lam ngan pa dang / mtshan ma ngan pa dang / bkra mi shis par gyur pa thams cad rnam par nyams par byed do/ / skye ba brjes nas kyang spyan lnga yongs su dag pa so sor thob bo// tshe rabs dran par yang skye bar 'gyur ro// 'jigs pa dang sgrib pa dang bral zhing / don yod pa legs par rab tu gnas par kun tu gzigs pa zhes bya ba'i lus dag pa so sor thob po// kun nas don yod pa'i dkyil 'khor gyi gsang ba de bzhin gshegs pa thams cad kyi dam tshig so sor thob po/ / de bzhin gshegs pa thams cad kun tu gzigs pa'i rgyal mtshan zhes bya ba/ byang chub sems dpa'i dbang bskur ba so sor thob po//  sprin 'khrigs pas kun nas g.yogs par 'dod pa dang / dri sna tshogs pa'i char 'bebs par byed par 'dod pa des/ bdug pa'i rgyal pos bdug pa de rig sngags 'chang gis rtag tu rgyun mi 'chad par mngon par brtson par bya'o/ / de nas rig sngags 'chang gis nyi ma re re zhing sangs rgyas bcom ldan 'das dang 'phags pa spyan ras gzigs dbang phyug gi spyan sngar dkyil 'khor byas la/ me tog gcal du bkram par bya'o// mchod yon dang zhabs bsil yang gzhag par bya/ bdug pa'i rgyal po 'dis bdug par bya zhing / don yod pa'i rgyal po dus gcig tu brjod par bya ste/ phyogs bcur bdug pa'i pog por dbul bar bya'o// de bzhin gshegs pa thams cad yid la byed par 'gyur ba dang / sems can 'byung po thams cad la byams pa bsgom par bya/ sangs rgyas kyi zhing du gtogs pa thams cad dri ma med pa'i sems kyi yid la bsgom par bya/ dkyil 'khor la me tog dang / bdug pa dang / mchod yon dang /  zhabs bsil phul te yi ge gcig pa yid la brjod cing / phyag rgya'ang lan cig bcings la phyag bya'o zhes so// phul ba tsam gyis mod la phyogs re re zhing gang+gA'i klung gi bye ma bye ba khrag khrig brgya stong phrag dgu bcu rtsa dgu'i sangs rgyas bye ba la dris khyab par byed cing / bdug pa chen po 'khrigs pas nam mkha'i mthil du khyab par 'gyur ro// dri sna tshogs kyi char 'bab khye'u 'am/ bu mo 'am/ dge sbyong ngam/ bram ze nyid dang / de bzhin du dge bsnyen dang / dge bsnyen ma dang / dge slong dang / dge slong ma dang / rgyal po dang /  rgyal phran dang / de bzhin du rgyal mo dang / btsun mo'i 'khor yang rung ste/ legs par khrus byas gos gtsang ma bgos nas bdug spos 'dis bdugs na/ gang gis bdugs pa'i dri mnams pa dang / de lus la reg pa tsam gyis sdig pa thams cad las rnam par grol lo// sgrib pa thams cad rnam par dag pa'i bdag nyid thob par 'gyur te/ 'di la the tsom med do// /  mtshams med pa lnga'i sdig pa rnams 'phral du thams cad rnam par dag par 'gyur ro zhes so// bdug pa 'di gdugs pa tsam gyis stong gsum gyi stong chen po'i 'jig rten gyi khams dris kun tu 'gengs te/ sum cu rtsa gsum pa'i lha'i gnas nas ji srid tshangs pa'i 'jig rten gyi bar dris kun tu 'gengs so// stobs dang shugs chen pos lha'i gnas thams cad 'gul bar byed cing spyod par byed do/ / chu rgyun gyi klu rnams 'gul bar byed cing / ri rab las gzhan pa'i ri gang yin pa 'dar med yod byed do// gsang bar gnas pa rnams rnam par skrag par byed do/ / dmyal ba bcu drug gi 'jigs pa rnams rnam par zhig par byed do// de bzhin du sa'i mthil thams cad kyang dkar bsil du snang bar 'gyur ro// dmyal ba pa'i sems can rnams shin tu sbyangs pa dang / sdug bsngal mi bzad pa de rnams thams cad yongs su grol te/ bde ba can du'ang 'gro'o// mtho ris thams cad du ji lta ba bzhin du gnas so// dmyal ba thams cad nyams te pad+ma can du rab tu 'gyur ro/ / nyi tshe ba'i dmyal ba rnam pa sna tshogs pa gzhan rnams dang / sa 'og gi nang du song ba gang yin pa dang / dgon pa dang / ri dang / tshang tshing dang dgon dung dang / g.yang sar gnas pa'i dmyal ba'i sdug bsngal myong ba gang yin pa rnams thams cad bdug pa'i dris yongs su grol lo// mi gtsang ba za ba'i gnod sbyin dang / srin po dang /  'byung po dang / sha za gang yin pa rnams dang / bshang ba dang gci ba za ba gang yin pa rnams dang / mchil ma dang snabs za ba gang yin pa rnams dang / 'dres pa za ba gang yin pa de rnams thams cad bdug pa'i dri mnams pa tsam gyis yongs su grol nas 'phral nyid du lha'i 'jig rten du skye'o/ / rnam pa sna tshogs pa'i ro bro ba'i mchog dang / dri zhim po'i kha zas rnyed par 'gyur ro/ / dud 'gro'i skye gnas su song ba'i srog chags ri dgas dang / bya rnams thams cad dril mnams pa tsam gyis nad thams cad las yongs su grol lo// bdug pa mnams pa tsam 'dis nad thams cad las yongs su grol lo/ / rims thams cad las yongs su grol lo// na ba thams cad las yongs su grol lo// 'bras dang / phol mig dang / lhon pa dang / me dpal dang / shu ba dang / mdze dang / g.yan pa dang / mig na ba dang / mgo bo na pa dang / gzhogs byed na ba dang / rna ba na ba dang / snun pa dang / son pa dang /  kha na ba dang / lba ba dang / 'jigs pa dang / skrag pa dang / nad 'go ba dang / 'khrugs pa'i sdug bsngal thams cad bdug pa'i dri bsnams pa tsam gyis rab tu zhi bar byed do// 'phags spyan ras gzigs dbang phyug de dang / don yod pa'i rgyal po'i snying po'i mthus sdug bsngal myong bar 'gyur ba'i las kyi sgrib pa thams cad rnam par nyams par byed cing / rnam par grol te mi 'jigs pa'i grong du 'gro bar 'gyur ro/ / de nas rdzas rnams kyi rang gi cha shas rnam par phye ba dang ldan pa bshad par bya ste/ tsan dan srang gsum dang / a ka ru srang gsum dang /  tu ru ka srang lnga dang / gur kum srang bcu dang / smi ka srang gnyis dang / na lan da srang gnyis dang / me he'i mig srang nyi shu dang / sra rtsi pog srang bcu dang / bo la srang gsum dang / sa wa kI srang brgyad dang / rgya spos srang gnyis dang / spang spos srang gcig dang / shA ma ka sra ba gcig dang / gan+d+ha pa tra srang gcig dang / pad+ma ge sar srang gcig dang / shri rI ma'i me tog srang gcig dang / li kha ra dkar po srang bcu dang / dri'i pri yang ku srang gcig dang / pu shel ci srang lnga dang / stag sen srang gcig dang / sug smel srang gsum dang / gA la ka srang lnga dang /  gur kum dang gla rtsi tshor ba ste/ thams cad legs par rnam par dbye bar byas nas/ phye mar byas la mthar thams cad gcig tu bsdoms te sbrang rtsis slu bar bya'o// tshes bco lnga la rgyu skar dang tshes grangs kyi lha dge ba la/ rig sngags 'chang gtsang mar gyur pas gos gtsang ma bgos te/ legs par khrus byas par gyur pas brtul zhugs spyad pas bdug pa'i mchog sbyar bar bya'o//  de nas bdug pa'i rgyal po sgrub pa'i dkyil 'khor gru bzhi pa tshad shin tu rnam par phye ba bya ste/ gzings kyi tshad kyi shin tu bcags pa/ 'jam zhing mnyen pa la tshon rnam pa sna tshogs pas sgo bzhi shin tu rnam par phye ba/ mdzes par bri bar bya'o// dbus kyi dkyil 'khor gyi snying por pad+ma'i 'phreng ba bri'o// dbus kyi pad+ma phyed kha bye ba'i 'phreng ba bri ste/ lag pa gnyis 'thon nas sna tshogs pa'i sprin 'khrigs pa 'dzin par byed pa'o/ / de'i steng du bdug pa'i snod bkod nas/ me'i kha dog can gyi gos kyis g.yogs la/ dkyil 'khor gyi grwa bzhi rnams su rlung gi rgyal po bri'o/ / sgo bzhir zhags pa bris nas khor yug tu lag pa'i phyag rgya'o// pad+ma'i 'phreng ba las nges par 'thon pa'o// bdug spos 'khyil pa 'chang bar byed pa dkyil 'khor gyi steng du spras par bya'o/ / ji ltar 'byor pa'i gtor ma dang me tog dbul bar bya/ mchod yon gyi snod dang / gang ba'i bum pa dang / ba dan dang / rgyan dang / skud pa dmar pos mtshams bcing ba dang / dkyil 'khor la dngul dang gser gzhag cing / khor yug tu mar me'i 'phreng ba dang dri sna tshogs rgya chen po'o// 'phags pa spyan ras gzigs dbang phyug bkod nas kha shar du phyogs nas pad+ma'i 'phreng ba la nye bar dgod par bya'o/ / de nas rig sngags 'chang gis bdug pa'i rgyal po la yongs su bzlas par bya ste/ nyi ma bdun la thun gsum du don yod pa'i rgyal po brgya rtsa brgyad bzlas shing snying po brgya rtsa brgyad bzlas so/ / don yod pa'i snying po yi ge gcig pa'i bzlas brjod 'bum rdzogs pa ste/ stong phrag brgya rdzogs pa ni bzlas brjod kyi cho ga'o/ / // de nas 'phags pa spyan ras gzigs dbang phyug la mchod pa bya zhing / slar yang don yod pa'i rgyal po'i bzlas brjod nyi shu rtsa gcig dang /  khro bo'i rgyal po'i bzlas brjod nyi shu rtsa gcig bya'o// de nas thog mar sangs rgyas bcom ldan 'das la bdug pa dbul bar bya/ de nas 'phags pa spyan ras gzigs dbang phyug la bdug pa dbul lo/ / 'di ni bdug pa sgrub pa'i cho ga grub par 'gyur ro// bdug pa'i rgyal po 'dis bya ba de sgrub par 'gyur ro// gal te rig sngags 'chang gis yungs kar gyi 'bras bu gcig gi tshad tsam gyi bdug pas de bzhin gshegs pa thams cad mchod par 'dod pa dang / stong gsum gyi stong chen po'i 'jig rten gyi khams dri gcig gis rgyas par 'dod pa dang / bdug pa'i byang chub sems dpa' thams cad dang rtag tu'ang 'grogs shing gnas pa dang / de bzhin gshegs pa thams cad kyis lung bstan par 'gyur ro zhes so// mig sman gyi dkyil 'khor gyi cho ga'o/ / / de nas bdug pa rim par phye ba'i cho ga bshad par bya ste/ rig sngags 'chang thams cad kyi mchog tu rmad du byung ba/ sangs rgyas dang byang chub sems dpa' thams cad mchod pa'i don dang / de bzhin nyid du 'jig rten gsum po thams cad 'gugs pa grub pa dang / lha thams cad spyan drang ba dang / dbang po dang / tshangs pa dang / khyab 'jug dang / dbang phyug chen po rnams sdigs par byed par/ gnod sbyin dang / srin po dang / sha za dang / gdon ma rungs pa de rnams thams cad bdug pa'i dris 'bros par byed par the tsom med do/ / bgegs dang / log par 'dren pa nyid dang / sdang ba dang / de bzhin du bdud kyang rung ste/ bdug pa'i dris rnam par zhig par 'gyur zhing / yan lag dang nying lag rnam par 'thor bar byed do/ / rang gi dmag dang / pha rol gyi dmag tshogs dang / shin tu 'gras pa dang / phyir rgol ba dang / de bzhin du dgra bo nyid dang / skye bo sdang ba dang /  gang du 'thab pa dang / rtsod pa dang / 'gyed pa dang / g.yul nyid kyang bdug pa'i dris thams cad rab tu zhi bar 'gyur bar the tshom med do// gal te skyes pa 'am/ bud med dam/  par 'gyur te/ bcom ldan 'das mchod pa'i las sangs rgyas kyi zhing re re zhing gang+gA'i klung gi bye ma khrag khrig brgya stong phrag bye ba dgu bcu rtsa dgu'i sangs rgyas bcom ldan 'das la mchod par 'gyur ro/ / de bzhin gshegs pa thams cad mchod pas de bzhin gshegs pa de rnams thams cad rig sngags 'chang la dus dus su don yod pa'i rgyal po dran par byed pa srung ba'i don dang / phyag rgya 'ching bar byed pa de srung ba'i don du legs so zhes bya ba'i sgra rjod par byed do// de bzhin gshegs pa thams cad byams pa rgyas par byed pa de bzhin du bya'o/ / don yod pa chen po'i dngos grub kyang sbyin par byed do// de bzhin gshegs pa de rnams kyi drung du bsod nams kyi tshogs chen po nye bar sogs par byed do// de bzhin gshegs pa re re zhing bye ba brgya stong phrag gi drung du bsod nams kyi phung po dang / dge ba'i rtsa ba nye bar sogs par byed do// ji ltar rig sngags 'chang de bzhin gshegs pa mchod pa'i cho ga byed byed pa de bzhin du/ rnam pa du ma de bzhin gshegs pa re re zhing gi spyan sngar rab tu 'byung bar 'gyur ro// rig sngags 'chang nyi ma bdun du rab tu brtson pas/ de bzhin gshegs pa dang bla ma mchod do/ / phyogs bcu'i de bzhin gshegs pa thams cad mngon sum du mthong ba stsol bar byed do// de rnams thams cad kyis dbugs 'byin par byed la/ mchog rab tu stsol bar 'gyur ro/ / don yod pa'i dngos grub rjes su sgrol bar 'gyur ro// phyir mi ldog pa la rab tu gnas par 'gyur ro// sa bcu yang dag par gnon te mngon par shes pa lngar 'gyur ro/ / 'jig rten pa'i bdug pa sgrub pa'i cho ga'o// // de bzhin nyid du 'jig rten las 'das pa la 'chi 'pho ba na de bzhin gshegs pa'i spyan sngar zhas drung du pad+ma la rdzus te skye bar 'gyur ro/ / tshe rabs dran par yang 'gyur ro// de bzhin gshegs pa'i sangs rgyas kyi zhing gang dang gang du 'gro bar byed pa de thams cad du'ang / de bzhin gshegs pas rig sngags 'chang la lung ston par 'gyur ro/ / phyis kyang skye ba gzhan du skye bar mi 'gyur ro// lus 'di nyid kyis de bzhin gshegs pa thams cad la bsnyen bkur nas//  bde ba can gyi 'jig rten gyi khams su song ste/ sangs rgyas bcom ldan 'das kyi chos kyi 'khor lo bskor bar byed do// tshe dpag tu med par 'gyur ro// de bzhin gshegs pa tshe dpag tu med pa ji lta ba de bzhin du/ 'di'i rdzu 'phrul dang rnam par 'phrul pa'i khyad par so sor thob bo// 'di ni 'jig rten las 'das pa'i bdug pa sgrub pa'i khyad par ro// de nas 'jig rten pa'i bdug pa sgrub pa'i cho ga brgya stong phrag du ma 'grub par byed do/ / ji lta ji ltar bdug pa nyid yid la byed pa de lta de ltar thams cad yang dag par 'grub par 'gyur ro// klu'i gnas sa bdugs na bdugs pa tsam gyis mod la klu'i rgyal pos char rgyun chen po 'byin par byed do/ / rgyal po'i sgor bdug na rgyal po dang btsun mo'i 'khor g.yog dang bcas pa dbang du gyur nas gnas so/ / skye bo mang po'i dbus su bdugs na rigs bzhi'i 'jig rten dbang du gyur nas gnas so// bdag nyid la bdugs na thams cad du mchod pa'i 'os chen por 'gyur ro/ / nad thams cad la bdugs na nad thams cad yongs su grol bar byed do// dug la bdugs na dug med par 'gyur ro// mtshams kyi nang du bdugs na me tog dang 'bras bu thams cad ro zhim pa dang / legs par bsrungs par 'gyur ro// lo tog la bdugs na 'bru'i phung po chen por 'gyur ro// khyim mam/ gtsug lag khang ngam/ grong ngam grong khyer la bdugs na dug dang / sbyar dug dang / dug dang bcas pa'i srog chags thams cad nam yang mi 'byung ngo // g.yul gyi dbus su bdugs na cher rgyal bar 'gyur ro//  bdag nyid dam/ gzhan rnams sam/ don mthun pa rnams la bdugs nas lam du 'gro ba na tshem rkun dang / g.yon can dang / rkun mo dang / gcan gzan gtum po'i 'jigs pa thams cad mi snang bar 'gyur zhing / bde ba dang legs pas rang gi khyim du 'ong ngo // dpag tshad stong du 'gro'ang ngal ba med cing / slar yang 'ong bar byed do// dung la bdug nas mthon por bus na ji srid dung gi sgra thos pa de srid du gnod pa thams cad dang / 'jigs pa thams cad dang / nad thams cad dang / mtshon cha dang / 'thab mo dang / 'thab pa dang / rtsod pa dang / 'gyed pa dang / phyir rgol ba dang / dgra bo dang / sdang ba dang / rab tu sdang ba'i sems can thams cad rnam par nyams par byed do// yams thams cad dang //  nye bar 'tshe ba dang / nad 'go ba thams cad dang / 'khrugs pa thams cad rnam par nyams par byed do// bde ba dang / lo legs pa dang / dga' bar 'os par 'gyur ro// dge ba'i rtsa ba thams cad 'dod par 'gyur ro/ / nad med pa dang / gnod pa med pa dang / rims med pa dang / thang chad pa med par ji srid 'tsho'i bar du gnas so// khang pa'i steng mthon por phyogs bzhir bdugs na rlung dang / sad dang / sprin gyi ser ba thams cad bcing bar 'gyur te/ ji srid yid la byed pa nar mar yod pa de srid du mtshams bcing ba byas par 'gyur ro//  khyim gyi nang du bdugs na bud med dang / skyes pa dang / khye'u dang / bu mo dang / bran po dang / bran mo thams cad dang / ji srid du rkang gnyis pa dang rkang bzhi pa thams cad byams pa'i yid du 'gyur te dbang du gyur nas so/ / ji srid 'tsho'i bar du bsnyen bkur byed do// slar yang yid gzhan du mi 'gyur ro// 'chi ba'i dus kyi tshe bdugs na dri ma nams pa'i mthu des sangs rgyas rjes su dran pa skyes te/ de bzhin gshegs pa bye ba phrag dgu bcu rtsa dgu mngon sum du mthong ba so sor thob ste/ phyis kyang ngan 'gro log par ltung bar 'gro bar mi 'gyur ro/ / dge ba'i rtsa ba'i tshogs thams cad yang dag par 'dzin par 'gyur ro// 'chi 'pho ba na bde ba can gyi 'jig rten gyi khams sam/ mngon par dga' bar skyes te/ 'di la dogs pa dang yid gnyis bskyed par mi bya zhing / the tshom bskyed par mi bya'o zhes so// ma mo'i dkyil 'khor gyi khyim la bdugs na nag po chen po la sogs pa ma mo'i tshogs kyis yongs su bskor ba dbang du gyur par 'gyur te/ mdun du nye bar gnas par byed do// lha dang / klu dang / gnod sbyin dang / srin po thams cad dang / nag po chen po'i gzugs brnyan gyi spyi bo'i gtsug tu bdugs na bdugs pa tsam gyis mod la kha nas khrag skyug go/ / rig sngags 'chang gis de blangs te thig le byas nas nam mkha' la lding bar byed do// mig la byugs na mi snang bar 'gyur te/ bde blag tu 'byung po'i bdag po chen por 'gyur ro// lto bar yongs su byugs na gnod sbyin dang srin po'i dpon po'o// lus mtha' dag la byugs na/ stobs dang /  brtson 'grus dang / rtsal chen po nag po chen po dang mtshungs pa'i shugs su 'gyur te/ de nyid kyi gzugs su 'gyur ro// 'khor gyi tshogs chen por yang 'gyur ro// tshangs pa la bdus na bdugs pa tsam gyis mod la 'o ma 'dzag pa blang bar bya ste lus la byug par bya'o/ / tshangs pa dang 'dra ba'i stobs dang shugs su 'gyur te nam mkha' la 'gro bar byed do// khyab 'jug la bdugs na bdugs pa tsam gyis mod la lus la pa lA sha'i kha dog gi dri'i chu 'dzag ste/ rig sngags 'chang gi lus la byug par bya'o// sred med kyi bu'i gzugs dang / stobs dang / shugs 'chang bar 'gyur te/ lag na 'khor lo thogs pas nam mkha' la 'gro'o// dbang phyug chen po la bdugs na dbang phyug chen po'i lus la rdul 'byung ste/ rig sngags 'chang gi lus la byug par bya'o/ / dbang phyug chen po'i gzugs su 'gyur te/ lag na mdung rtse gsum dang / stobs dang / brtson 'grus dang / rtsal gyis 'byung po'i bdag po chen por 'gyur te/ nam mkha' la 'gro'o//  thams cad la don yod rgyal po'i bzlas brjod lan gsum gsum rna bar sbyin par bya'o// snying po yi ge gcig pas spyi bor bzlas brjod lan bdun du bzlas brjod sbyin par bya'o// spra tshil las byung ba'i klu mgo bo dgu pa sor bzhi pa'i tshad du bya ste/ gser gyis g.yog par bya zhing dri'i dkyil 'khor bya ste/ dkyil 'khor gyi steng du gzhag par bya'o// don yod pa'i rgyal pos lan brgya rtsa brgyad du bzlas so/ / bdug pa 'dis bdugs pas klu ldang bar byed do// rig sngags 'chang gis 'jigs pa med par bya ste/ khro bo'i rgyal po yungs kar la bzlas te/ spyi bo'i gtsug tu brdegs na lding bar byed do/ / gang du 'dod pa der gnas nas klu chen po'i mtsho dang / gnas dang / gzhal med khang rab tu 'byung ngo // chu gang yin pa de rnams kyang 'thung bar byed pa dang / khrus byed pa'i bud med dang / skyes pa dang / khye'u dang / bu mo 'am/ tha na dud 'gro'i skye gnas su song ba'i 'thung ba dang khrus byed pa de rnams thams cad kyang nad rnams dang bral bar 'gyur ro/ / sdig pa dang sgrib pa dang bral ba dang / 'jig pa tham cad dang bral bar yang 'gyur ro// klu rnams kyang dus dus su char gyi rgyun chen po 'byin par byed cing / char 'beb/  par byed do// dus dus su me tog dang / 'bras bu dang / lo tog rnams rdzogs par byed de/ ro zhim po'i ro myong bar 'gyur ro// phyir zhing log par ltung bar 'gro bar mi 'gyur ro//  phug dang khung bu'i sgor 'khrul 'khor gyi sgo glegs la bdugs na bye zhing gcog par 'gyur ro// 'khrug pa'i dus su bdugs na 'pham par 'gyur ro// lag mthil la bdugs na gang dang gang la reg pa thams cad du dbang du byed do/ / bdug pa'i dkyil 'khor gyi cho ga'o// // de nas sman gyi dkyil 'khor gyi cho ga bshad par bya ste/ don yod par thams cad du gzhan gyis mi bub pa/ nang thams cad sel bar grub pa/ thams cad du dug/ 'joms par byed pa/ na pa thams cad sel bar grub pa/ snang ba thams cad log par byed pa/ 'byung po thams cad la mi 'jig pa/ mtshon dang / me dang / chu dang / drug rab tu 'joms pa/ rtag tu srung ba dang / sgrub pa dang / smra bar byed pa/ dgra rnams dang gzhan rgyal ba ldog par byed pa/ rgyal po dang / rgyal phran dang /  btsun mo'i 'khor du song ba dang / gtso bo rtag tu dbang du byed cing thams cad du thogs pa med par 'gyur ro// pha rol gyi dmag tshogs dang / 'khrug pa dang / g.yul rnams rtag tu rab tu 'joms par byed pa/ gang gi tshe chom rkun gyi nang du song ba nyid dang / don 'thun gyi nang dang / rkun mo dang / seng ge dang / stag gi nang du song ba de'i tshe thams cad du sman gyis rgyal ba ster ro//  tshe ring por 'gyur te/ rtag tu pad+ma'i phyag gi mchog sbyin par 'gyur ro// lha rnams kyis rta tu srung bar byed do// gnod sbyin dang / srin po dang / klu dang / lha ma yin dang / nam mkha' lding nyid dang / mi 'am ci dang / lto 'phye chen po nyid dang / mi ma yin gdug pa gang yin pa de rnams thams cad nyin dang mtshan du srung ba'i don du yang dag par sgrub par 'gyur te/  the tshom med do// rgyal po chen po rnam thos sras dang / rgyal po chen po yul 'khor srung dang / rgyal po chen po 'phags skyes po dang / mig mi bzang dpung dang bzhon pa dang bcas pa dang / skabs gsum pa'i lha'i dbang po dang / tshangs pa dang / khyab 'jug dang / dbang phyug chen po dang / lha de rnams thams cad mthun pas rtag tu srung bar byed do// sangs rgyas kyis rnam par gzigs shing rtag tu'ang mthong ba stsol bar mdzad do/ / gang sman lag tu phyin par 'gyur ba 'di/ yang nas yang du rig sngags kyi dngos grub myur du thob po/ / byang stems 'pho ba med do// de la dug med cing sdig pa med la/ mi bzad pa'i sbyor ba dang / phye ma'i sbyor bas gnon par mi 'gyur ro// sngon gyi sgrib pa nyams par byed do/ / de bzhin du'ang sdig pa thams cad dang / rmi lam ngan pa dang / mtshan ma ngan pa gang yin pa dang / gzhan rnam pa sna tshogs pa'i sdang ba nyid de/ de rnams thams cad myur du rnam par nyams par byed do/ / sman gang du gnas pa'i dpag tshad khor yug tu srung ba dang / de bzhin nyid du mtshams bcing bar byed do// bgegs dang log par 'dren pa thams cad dang / de bzhin du bdud dam sdang de rnams thams cad rab tu 'bros par byed do/ / sman gang du gnas par gdon rab tu 'bros par byed do// mkha' 'gro ma gang yin pa dang / rnal 'byor ma gang yin pa dang / skem byed dang / gza' dang / brjed byed dang / grib gnon gang yin pa dang / mi bzad pa de rnams thams cad rab tu zhi bar 'gro bar 'gyur ro// lha rnams der gan par byed cing / 'khrul 'khor la sman a ga da de mchog go zhes so// rgyal bas dbugs 'byin par mdzad cing / dngos grub thams cad kyi de kho na nyid stsol bar mdzad do// rtag tu 'jig rten dbang phyug gis mchog stsol zhing / rtag pA'i mthar mthong ba stsol bar 'gyur ro// don yod pa'i zhags pam+WAr du 'grub ste/ sman 'chang ba la sman gang du gnas par gang gis kyang glags mi rnyed do/ / don yod pa'i mchog sbyin pa zhes bya ba yid bzhin gyi nor bu sman gyi mchog rab tu 'bad pas bcangs pas legs par bsgrub par bya ba dngos grub gyi mchog las thams cad byed pa de nyid de'i tshe shi ba yang dag par 'tsho bar byed pa/ lo rdzogs par bsten te/ sngags dang phyag rgyas gso bar bya'o// lo stong phrag tu rtag tu bde ba dang dga' bar byed do/ / dbang phyug dang / nor thob pa dang / 'bru 'phel ba dang / bla na med pa dang / rgyal po dga' bar 'gyur te rtag tu gnas so// 'bangs dang / ci bgyi dang / mchod pa chen po rnyed do/ / thams cad du de rtag tu tshig btsun pa'o// thos pas dngos grub mchog gyur pa'i// rdzas kyang 'dir ni bshad bya ste// tsan dan rgya spos ru rta dang / sprik+ka shing tsha bA la ka/  brag skyes spang spos sA ma kang // sug spel 'bras dgang na la da// pad+ma ut+pal pri yang ku// shing kun 'dab ma tsha ba gsum// shi rI sha yi me tog dang // de bzhin pa'i la ba/ / 'di rnams cha ni mnyam par ldan// thams cad legs gzhal legs par sbyar// gsang sngags brgya rtsa brgyad bzlas pa la khro bo'i rgyal pos dbang bskur te/ yi ge gcig pas stong phrag bcur bzlas so/ / 'dir sman rnams bgrang 'phreng gi tshad tsam du bskongs nas grib ma la yongs su bskam par bya'o// glu rtsi dang ga pur gyi blang la legs par sbyor ba'i bya ba byas pa dang / dkyil 'khor du 'jug pa ni ji lta ba bzhin du dkyil 'khor gyi bya ba dang / phyag rgya dang / gsang sngags dang / dam tshig la rab tu 'jug pa la/ shar gyi sgo ru phyag byas nas dkyil 'khor mchog la bskor ba bya ste/ sgo dang sgo ru phyag bya zhing shar gyi sgo ru 'jug par bya'o// dbus kyi dkyil 'khor gyi snying por 'phags pa spyan ras gzigs dbang phyug la mngon du phyogs par pad+ma'i ge sar la 'dug nas/ don yod pa'i rgyal po'i bzlas brjod brgya rtsa brgyad dang / khro bo'i rgyal po'i bzlas brjod brgya rtsa brgyad bya ste/ mngon par dbang bskur bar bya zhing / phyag rgya dang gsang sngags legs par sgrub po// de nas mchod pas 'jig rten mgon po'i dngos grub mthong bar byed cing rtag tu g.yo bar byed la/ 'jig rten mgon po'i 'od zer gyi sbyin sreg rab tu grol lo// dkyil 'khor bshad par bya ste/ gru bzhi po ko la'i tshad du cha legs par phye ba/ glu bzhi dang sgo bzhi yod pa them skas kyi rim pa can du tshon sna tshogs kyi skud pas thig garab cing dkyil 'khor gyi snying po mdzes par bya/ dkyil 'khor gyi dbus kyi snying por pad+ma mchog la phye ba 'dab ma brgya rtsa brgyad pa/ snying po dang ze ba shin tu mdzes pa/ snying po las pad+ma byung ba/ kha phyed bye ba dang / lag pa gnyis byung bas pad+ma'i 'dab ma 'dzin pa bris pa'i dngul gyi snod kyi nang du sman bkang ste dar gyis kha g.yogs nas pad+ma'i 'dab ma'i steng du bzhag par bya/ 'phags pa spyan ras gzigs dbang phyug rtag tu tshangs pa'i cha byad du bzhugs pa/ dar gyi cod pan bcings shing brgyan pa pad+ma'i steng du bzhugs par bya'o/ / dkyil 'khor gyi phyi rol kun tu phyag rgya'i rtags rnams gsal bar bri'o// sgo sgor don yod pa'i zhags pa pad+ma'i steng du gzhag pa kha dog dang 'od zer 'bar ba bri'o/ / grwa grwar bum pa gang ba bri'o// dkyil 'khor kun tu 'phan dang / bum pa gang ba dang / 'bras bu dang / me tog bsres pa mdzes pas brgyan par bya'o//  gtor ma rnam pa sna tshogs gzhag par bya'o// mchod yon gyi chu dbul bar bya/ tsan dan dang a ka ru'i bdug spos dang / spos sna tshogs dbul bar bya/ dkyil 'khor kun tu mar me'i 'phreng ba dang / me tog 'phreng ba dgod cing kun tu 'bras yos dang yungs kar dgram par bya'o// rig sngags 'chang gtsang mar gyur pas legs par khrus bya zhing gos gtsang ma bgos pa 'jig pa med pas zla ba yar gyi ngo nya la bsgrub par bya ste/ sems can thams cad la brtse bar gyur cing byams pa'i sems dang / snying rje'i bdag nyid can gyis bsgrub par bya'o// gang gis lag gis gzung ba tsam dang / reg pa tsam gyis mod la de dga' ba thob cing sdig pa thams cad 'jig par 'gyur/ sngon gyi sgrib pa rnams 'jig par 'gyur/ mtshams med pa byed pa rnams las grol bar 'gyur/ mod la nad thams cad 'byang zhing ngan 'gro thams cad 'jigs par byed pa/ bsod nams chen po'i stobs kyi dngos grub sman gyi de kho na nyid mthong ba ni sangs rgyas thams cad kyis lung bstan cing / de bzhin gshegs pa thams cad kyis byin gyis brlabs pa/ byang chub sems dpa' rnams kyis bsngags pa/ 'dren pa 'jig rten dbang phyug gis sprul pa/ dkyil 'khor gyi lha thams cad kyis bsngags pa/ rig sngags 'chang gi dbang po thams cad kyis phyag byas pa/ lha thams cad kyis bsrungs pa/  klu'i dbang po thams cad rjes su 'brang ba/ sum cu rtsa gsum gyi lha'i dbang po dang / tshangs pa dang / khyab 'jug dang / dbang phyug chen po dang / gshin rjed pa/ chu lha dang / ku be raM dang / nyi ma dang / zla bas mchod pa/ de bzhin du rgyu skar gyi tshogs dang / gza' kun dang / mjug rings dang / de bzhin du gza'i khyim dang / thams cad du bkra shis kyis mchod pa/ cho ga zhib mo thams cad dang / de bzhin du dkyil 'khor dang / phyag rgya dang / bzlas brjod thams cad dang / gsang sngags thams cad kyi rjes su zhugs pa/ rigs spyi'i de bzhin gshegs pa gang+gA'i klung gi bye ma snyed bye ba khrag khrig 'bum phrag drug cu rtsa bzhi'i de bzhin gshegs pa rnams kyis sman gyi mchog dbang bskur ba/ dus gsum gyi de bzhin gshegs pa rnams kyis lung bstan pa/ yid bzhin gyi nor bu thams cad dang mthun pa'i sman ni sman gyi rdzas bkra shis pa bye ba phrag gam/ lhag par gyur pa gzhan gang yang med do// sman de lta bu ni rtag tu mchog/ gtso bo/ 'byin pa/ 'jig rten dbang phyug dang 'dra ba yin no// de'i phyir thams cad sman 'chang bar 'dod pas gnas gang yang rung bar sbyar bar bya ste/ gtsang ma legs par khrus byas pa des sbyar bar bya'o/ / ji lta ji ltar bkra shis kyi bsam pa yid la byed pa de lta de ltar bsam pa yid la byed pa yong su rdzogs par 'gyur te/ sbyar ba tsam gyis mod la thams cad 'grub par 'gyur/ 'dod pa thams cad kyi bsam pa yongs su rdzogs par 'gyur/ rig sngags 'chang gtsang mar gyur pas gos gtsang ma bgos pa/ spos chus legs par khrus byas la/ nyin re sman re re don yod pa'i rgyal pos bzlas brjod byas te zos na/ zos pa tsam gyis mod la de bzhin gshegs pa thams cad dang / byang chub sems dpa' thams cad dang / byang chub sems dpa' 'phags pa spyan ras gzig dbang phyug gis dgongs shing snang ba rnam par dag pa thob par 'gyur/ nyin zhag gsum du sbyar na sngag rnam par dag pa thob po// nyin zhag lngar sbyar na dran pa rnam par dag pa thob bo// nyin zhag bdun du sbyar na rig sngags chen po'i cho ga zhib mo rnam par dag pa thob po/ / nyin zhag bcu bzhir sbyar na don yod pa'i zhags pa de kho na nyid kyi dngos grub kyi dam tshig chen po thob po/ / nyin zhag nyi shu rtsa gcig tu sbyar na de bzhin gshegs pa thams cad kyi rigs kyi dam tshig dang / phyag rgya dang / dkyil 'khor chen po'i dam tshig gi dngos grub thob bo// de bzhin gshegs pa thams cad kyi gsang ba de kho na nyid kyi dam tshig gi dngos grub thob po/ / zla ba gcig gi bar du sbyar na 'phags pa spyan ras gzigs dbang phyug gi dngos grub sgyu ma lta bus brgyan pa thob cing tshe lo stong thub par 'gyur ro/ / zla ba gsum du sbyar na lus yongs su dag pa dang mdog yongs su dag pa thob bo// lo gcig tshang bar sbyar na don yod pa'i dngos grub rig sngag 'chang 'khor los sgyur bar 'gyur te/ mig mthon mthing mdog bung ba lta bu skra ral bu 'khyil bar 'gyur/ tshe lo bdun pa lta bu'i gzugs dang mthun par 'gyur la/ tshe bskal pa 'bum thub par 'gyur ro/ / brdar nas bdag nyid la byugs na gang dri mnams pa tsam gyis bgegs dang / log 'dren dang / gnod sbyin dang / srin po dang / 'byung po dang / sha za dang / yi dgas dang / skem byed dang / brjed byed dang / grib gnon thams cad dang / gdon thams cad dang / gdug pa thams cad dang / dgra thams cad dpag tshad stong du 'bros so// gal te myur du mi 'bros na ni spyi bo dum bu 'bum du 'gas shing yan lag dang / ting lag rnams zhig par 'gyur la/ bu dang rlung mar bcas pa 'jigs par 'gyur/ sngon gyi sdig pa dang sgrib pa rnams kyi mi tshugs par 'gyur/ sems can dmyal ba skyong bar 'gyur ba mtshams med pa lnga dag 'jig par 'gyur/ rmi lam ngan pa dang / ltas ngan pa dang / mi shis pa dang / bkra mi shis pa'i dngos po thams cad 'jigs par 'gyur/ spos mnams pa tsam gyis rgyal po dang / rgyal po'i blon po dang / bram ze dang / khyim bdag dang / rgyal rigs dang / rje'u rigs dang /  dmangs rigs ci bgyi zhes bya ba byed la dbang du gyur nas 'khod do// byugs pa tsam gyis 'bras dang / phol mig dang / lhog pa dang / mtshan par rdol ba dang / me dpal dang /  rkang shu dang / g.yan pa dang / mdze dang / khyi rdo dang / shu ba dang / 'brum bu phra mo dang / rma dang / khong gi rma yongs su sos par 'gyur/ dug thams cad dang / zos pa dang /  drug myos dang / sbyar dug drag po dang / dug sbyar ma dang / sbyar dug phye ma dang / byad rnams la bslus pa tsam dang / chu dron po 'thungs pa tsam gyis dug med par 'gyur ro//  dri tsam gyis klu'i rgyal po 'jog po'i dug kyang med par 'gyur ro// rims nyin bzhi pas thabs pa la dpral bar bskus na ku co 'don cing 'bros so// rims thams cad dang /  rims nyin gcig pa dang / nyin gnyis pa dang / nyin gsum pa dang / rlung las gyur pa dang / mkhris pa las gyur pa dang / bad kan las gyur pa dang / 'dus/  pa las gyur pa dang / lbu ba dang / pho ba'i nad dang / mchin pa na ba dang / ljon pa dang / skran dang / gcin sri ba dang / snying na ba dang / rtsib logs na ba dang / mgul pa na pa dang /  kha na ba dang / 'khyil zhing na ba dang / tshad pa dang / mdoms na ba dang / yan lag dang nying lag na ba chu dron po 'thungs pa tsam gyis yongs su sos par 'gyur ro// gzhogs byed na ba dang / mgon pa dang / mig na ba dang / rna ba na ba la bskus pa tsam gyis sos par 'gyur ro// thig le byas na chom rkun dang / gnod sbyin dang / me dang / chu dang / byi ba za bas 'jigs pa dang / gcan gzan khro bos 'jigs pa las yongs su thar par 'gyur zhing / 'jigs pa thams cad las yongs su thar bar 'gyur ro// nyes par byas pa thams cad wa yongs su thar par 'gyur ro/ / lag pa gdengs pa'i 'jigs pa 'byung bar mi 'gyur/ mi ma yin pa gang gis kyang mdangs 'phrog par mi nus shing bar chad bya bar mi nus so// mkha' ma thams cad mthong ba tsam gyis dbang du gyur nas 'khod do/ / rgyal po btsun mo dang 'khor dang bcas pa'i mchod gnas chen por 'gyur ro// gzhan yang gang dang gang du sbyar ba rang gi rlom bye ba phrag 'bum sbyar nas las sgrub par byed de/ sman gyi mchog shin tu 'bad pas bsgrub par bya'o// sman gyi dkyil 'khor gyi cho ga'o// / de nas de'i phyir gser gyi ri lu'i dkyil 'khor bshad par bya ste/ 'jig rten dbang phyug gi don yod pa'i snying po/ de bzhin gshegs pa thams cad kyi don yod pa'i rnam par gzigs pa/ de bzhin gshegs pa pad+ma gtsug tor gyi rgyal po zhes bya bra byin gyis brlabs pa/ de bzhin gshegs pa rnam par snang mdzad dang / de bzhin gshegs pa rin chen snying pos byin gyis brlabs pa/ de bzhin gshegs pa 'jig rten dbang phyug 'od kyis bka' stsal pa/ gzhan yang de bzhin gshegs pa gang+gA'i klung gi bye ma snyed bye ba khrag khrig 'bum phrag dgu bcu rtsa dgus gsungs shing bsngags pa/ byin gyis brlabs pa/ dbang bskur ba/ rjes su thugs rangs par mdzad pa/ lung bstan pa/ mgon po 'phags pa spyan ras gzigs dbang phyug gi gtsug gi nor bu'i cod pan 'chang ba/ rgyal ba 'od dpag med kyi gtsug tor gyi mtshan nyid kyi thig le yid bzhin gyi nor bu rgyal mtshan gyi nor gyi chen po'i rgyal po mchog tu grub ga/ rig sngag dang / dkyil 'khor dang / phyag rgya dang /  cho ga zhib mo thams cad kyi gsang ba/ de bzhin gshegs pa thams cad kyi rigs kyi dam tshig spyi/ sku'i snying po gang gis mthong ba tsam la sogs pa 'dir tshad bstan par lta su zhig gis nus mod kyi/ 'on kyang de bzhin gshegs pa gang+gA'i klung gi bye ma snyed bye ba dang / dus gsum gyi de bzhin gshegs pa rdzogs par mngon sum du mthong ba dang 'drags 'gyur zhing / de bzhin gsheg pa de dag nyid mngon sum du mchod par gzung ba dang / lung ston pa thob par 'gyur/ de bzhin gshegs pa de dag gi mngon sum du dge ba'i rtsa ba bsod nams kyi phung po dang ldan par 'gyur ro/ / nor bu gser gyi kha dog tu bstan pa'i ril bu 'di gang gis mthong zhing 'chang ba ni dge ba'i rtsa ba bsod nams kyi phung po chen po bskyed par 'gyur/ nor bu'i ril bu 'di mthong ba tsam gyis sgrib pa dang / sdig pa dang / gdug pa dang / mtshams med pa lnga dang / mnar med par gzhol ba dang / dam pa'i chos spong ba dang / 'phags pa la skur pa 'deb pa dang / sngon gyi tshe rabs nas bsags pa'i sgrib pa thams cad rnam par 'jigs cing spangs par 'gyur/ rims dang nad thams cad las yongs su thar bar 'gyur/ gang gi lag na sman 'di yod par gyur pa'i sems can de ni lung bstan par 'gyur ro/ / ril bu gang la yod pa ni/ phyir mi ldog par lung bstan cing // mgon pos bcu dag la gnas// rtag tu mchod rten gyur pa ste/ sku gdung snying po'i bdag nyid can// rtag tu sangs rgyas bdag nyid 'gyur// dus gsum dag la bzhugs pa yi// sangs rgyas de bzhin gshegs pa gang // sangs rgyas dpa po de kun gyisras gcig tu ni brjod pa yin/ / 'di ni de bzhin gshegs pa'i sras// thugs las skyes dang zhal las skyes// chos kyi dbyings sprul chos las skyes// 'jig rten dbang phyug mchog sbyin mgon/ / rtag tu rjes su 'brang bar 'gyur// phyag g.yas rtag tu spyi bor ni// 'jog mdzad 'di ni the tshom med// ril bu mthong ba tsam gyis ni// sdug bsngal kun las rab tu 'grol//  sdig pa thams cad lhag par 'tshed// sgrib pa thamacad rnam par bdag/ de ni ngan 'gror 'gro mi 'gyur// phyir zhing gnas mchog zhi ba 'thob// 'jig rten 'dren pa 'od dpag med// mgon po rtag tu mngon sum mthong / / bde ba can du 'jug par byed// gang na de yi mngon dga' ba// de bzhin gshegs pa mi 'khrugs pa// rtag tu mi 'khrugs par 'gyur zhing // de bzhin mi g.yo mi 'gul te/ / sems dpa' ri rab che dang mnyam// gzung du med pas mtsho dang 'dra// de la bgegs dang log 'dren dag/ nams kyang 'jug par mi 'gyur la// sems dpa' phyag bya'i gnas su 'gyur//  gang la nor rgyal 'di yod la// rgyal po chen po bzhi po dag/ dpung dang bcas pa bkol dang bcas// rtag tu srung phyir gnas byed de// 'dir ni nyin mtshan de bzhin no// lha tshogs thams cad srung bar ni/ the tsom med par byed par 'gyur// gzi brjid dpal yang rab tu 'phel// de la legs par 'jug par 'gyur// 'jigs med rtag tu rmi lam ni// dngos po chen po sna tshogs mthong //  gru 'dzin ril gzhal med khang // tshul dang bcas shing rin chen bcas// gnas dang bcas pa mthong bar 'gyur// lha dang klu dang gnod sbyin dang // dri za lha min gsang ba pa/ nam mkha' lding dang mi 'am ci// de bzhin lto 'phye 'khor dang bcas// byang chub sems dpa'i 'khor rnams ni// kun nas bskor ba mthong bar 'gyur// rin chen lha yi seng ge'i gdan//  khang pa brtsegs pa rin chen dang // nor bu chen pos brgyan pa dang // 'jig rten dbang phyug thub pa'i gtso// pad+ma'i snying po la bzhugs nas// don yod zhags pa'i phyag rgya dang // dkyil 'khor bcas pa'i chos bstan to/ / gsung kun thob par gyur nas ni// thub pa rang gi ngo bo mthong // de ltar rmi lam bzang rmi ba// nyin gcig bzhin du mthong bar 'gyur// nor bu rgyal po'i mthu ni de 'dra bas// de bas mi yis 'bad pa chen pos gzung / / dge sbyong bram ze nyid dang rgyal rigs dang // dmangs rigs nyid dam yang na rgyal po 'am// btsun mo smras sam dpung gi gtso bo 'am// skyes pa 'am bud med khye'u dang bu mo dag/ nor bu'i rgyal po rtag tu 'chang byed pa// de ni ston pa nyid dang 'dra bar 'gyur// chom rkun gyis ni mi slu zhing // gnod byed kyis ni 'jigs mi 'gyur// 'jigs pa mi bzad brgyud las mthar//  de la dug dang sbyar ba'i dug/ sbyar dug drags pos mi tshugs shing // de la byad kyis tshugs mi 'gyur// gang la nor bu'i rgyal po yod// de la nad kyis mi tshugs shing // na bas ma yin sdig pas min//  pad+ma chu yis mi chags ltar// rtag tu chags pa med par gnas// g.yul 'gyed pa yi nang na 'am// 'thab bam 'gyed dam rtsod pa na// lan thebs rtag tu rgyal bar ni// thob par 'gyur te the tsom med// de nas rdzas ni bshad bya ste/ / sman ni bkra shis dang ldan pa// grub pa'i mtha' ste mchog tu gtsang // 'jig rten mgon dang mnyam par gsungs// a ka ru dang / tsan dan dang / pad+ma dang / ut+pal dang / shi ri'i sha'i me tog dang / a pa marga dang / me ru dang / na la da dang / chu srin gyi sen mo dang / ka na ka'i 'bras bu dang / tsan dan gyi 'bras bu dang / pad+ma'i 'bras bu dang / rdo dreg dang / me dang / btsod dang / sU ka ri dang / ma ka TI dang / dza ya dang / bi dza ya dang / pa ri pa la ba dang / ra sa dang / bI rA dang / d+h+ya ma ka dang / rgya spos dang / bu sA dang / a brta ka dang / ru rta dang / bya gra na kha dang / pata tra dang / tra tsa dang /  ka dam b+ha rA dang / pri yang ku dang / gi'u wang dang / spri ka dang / smyig rkang dang / yungs kar dang / na ga puSh+pa dang / e la dang / ldong ros dang / gur kum dang / ga pur dang / gla rtsi dang / spang spos dang na le sham dkar po dang / su ma dang / nye'u shing dang / shu ti dang / sbrang rtsi dang / tsam pa ka staM/ de bzhin rdzas ni de dag kun// su bar+Na ni dkar po sbyar// ril bu nam cig tsam du ni// skyes bu mkhas pa bya ba yin/ / su baNas ni bkab nas su// rdzas rnams bsres nas sbyar bar bya// cha rnams 'phel bar bya ba ste// gla rtsi yis ni dri skyed do// bye ma zhib mor btags nas su// tsan dan dkar po'i chus sbyar nas/  grib ma la ni bskam par bya// tshes brgyad dag nas brtsams nas ni// tshes ni bco lnga nya yi bar// nyin gcig bzhin du don yod pa'i// rgyal pos brgya rtsa brgyad du bzlas/  bo'i rgyal pos nyin gcig bzhin// lan bdun bar du dbang bskur ro// phyag rgyas dbang bskur bar yang bya// de nas tshes ni bco lnga ste// nya la chu dang yungs kar dag/ dkyil 'khor du ni gzhag par bya//  de nas nor bu'i rgyal po ni// gzhag pa'i dkyil 'khor bshad par bya// cha rnams ma nor legs par dbye// rgyar ni ko la'i tshad du bya// shin tu 'jam la byi bdar legs// tshon rtsi sna tshogs mdzes pa dang / / dkyil 'khor mchog ni thig gdab bo// sgo bzhi dod cing glu bzhi dod// kun nas shin tu chaphye zhing // dkyil 'khor snying po che phye ba// tshad dang shin tu ldan par bya// pad+ma chen po bzhi dag dang //  de bzhin phyag dang spyan du bcas// don yod dngos grub bri bar bya// nor bu'i rgyal po 'chang ba yis// phyag rgyar bcas pa bri bar bya// chu yi rgya mtsho'i nang du ni// las kyi rdo rje legs par bri// dkyil 'khor snying po dam pa la/ / kun nas kha khyer rnam pa dang // me tog sna tshogs pa dag bri// dkyil 'khor phyi rol kun tu ni// nor bu pad+ma legs par bri// sgo bzhi yi ni gnas rnams su// pad+ma zhags pa mdud ce gsum/ / rdo rje'i tshul mchog legs par bri// grwa bzhi yi ni gnas rnams su// lag na nor bu yod pa bri// pad+ma'i steng na rab tu gnas// dkyil 'khor bzang po phan phran dang // bum pa bkang dang ma tog dang / / bdug pa 'bras bu rnams kyis brgyan// gtor ma rnam pa sna tshogs dag/ ci bdog bungs cher gzhag par bya// kun tu mar me'i 'phreng ba dang // mchod yon chu dang a ka ru// tsan dan bdug spos dbul bar bya/ / nor bu'i rgyal po 'jigs med pa// snod bzang legs par bkang nas su// rgya dar la yis kha g.yogs te// dkyil 'khor de nyid rig pas gzhag/ dkyil 'khor snying por 'jig rten dbang //  gzhag ste de nas las rdo rje// snod kyi steng du gzhag pa ni// nor bu'i dkyil 'khor bya ba yin// de nas rig sngags 'chang gis don yod pa'i rgyal po lan nyi shu rtsa gcig bzlas brjod bya// khro bo'i rgyal pos lan bdun dbang bskur bar bya/ / de nas gsang sngags yi ge gcig pu 'bum tshang bar bzlas brjod bya ste/ 'bum bzlas brjod byas na nor bu'i rgyal po 'bar bar 'gyur/ de nas rig sngags 'chad gi lag/ g.yas dang ldan pas bzung nas ni// chang pa dam du bsdam par bya// bsdams pa tsam gyis mod dag la// rdzu 'phrul gyis ni mkha' la 'gro// nor bu dri ma med pa don yod pa'i rnam par 'phrul pa bkod pa zhes bya ba/ rig sngags 'chang gi 'khor los sgyur ba 'thob la/ 'khor rig sngags 'chang 'khor los sgyur ba bye ba phrag 'bum yod par 'gyur/ lung gi sgo thams cad phye bar 'gyur/  sangs rgyas kyi zhing thams cad phye bar 'gyur/ de bzhin gshegs pa thams cad kyi rigs kyi dam tshig dang / dkyil 'khor dang / phyag rgya dag kha ton du lobs par 'gyur/ sangs rgyas kyi zhing thams cad du 'jug par 'gyur/ de bzhin gshegs pa thams cad la phyag 'tshal ba dang bdud pa dag gis gsong por smra bar byed/ thams cad du'ang don yod pa'i dkyil 'khor rnam par thar pa'i dkyil 'khor rnam par bye ba thob par 'gyur/ tshe bskal pa 'bum phrag bdun cu rtsa gnyis su ring bar 'gyur/ don yod pa'i pad+ma'i 'khor lo mdun nas 'gro bar 'gyur ro// gal te 'bar bar ma gyur na sngar/  bstan pa'i yon tan gyi khyad par rnams thob par 'gyur la/ mnyam pa nyid kyis de bzhin gshegs pa dang 'dra ba'i nor bu rgyal po'i ril bu ni 'jig rten dang 'jig rten las 'das pa'i las nas sgrub pa yin no// tshe brjes nas 'jig rten gyi khams bde ba can du skye bar 'gyur la/ gang dang gang du skye ba'i tshe rabs thams cad du tshe rabs dran par 'gyur/ nor bu'i ril bu 'di mthong ba tsam gyis dus gsum gyi de bzhin gshegs pa mngon gsum du mthong zhing lta bar 'gyur/ 'phags pa spyan ras gzigs dbang phyug mngon du mthong zhing rtag tu lta bar 'gyur/ ril bu rang gi lus la yod na de'ang phyir mi ldog par rig par bya'o// de bzhin gshegs pa'i rings srel gyi snying po mchod rten dang mnyam pa zhes bya ba ste/ 'di la som nyi dang yid gnyis bskyed par mi bya'o// mthong ba dang reg pa tsam gyi mod la sngon gyi las kyi sgrib pa grangs dang bgrang ba'i tshul gyi bskal pa 'bum du bsags pa mnar med pa'i gnas su 'gro bar 'gyur ba/ mtshams med pa lnga byed pa/ 'phags pa la skur pa 'debs pa/ dam pa'i chos spong ba de dag thams cad dus gsum gyi bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de dag gi mthu dang / 'phags pa spyan ras gzigs dbang phyug gi nor bu'i rgyal po'i mthus thams cad zad par 'gyur/  sems can dmyal ba'i 'gro ba dag las yongs su thar bar 'gyur/ bde 'gro'i lam la gzhol bar 'gyur/ tshe brjes nas 'jig rten gyi khams bde ba can du skye bar 'gyur ro// de lta bas na legs par sgrub pa'i mthar thug par bya zhing bsgrub par bya/ mthu stobs kyis sbyar bar bya/ shin tu gsal zhing rab tu gsal ba'i bsam pas 'bad pas sbyar bar bya/ rang gau sha dang khrag kyang yongs su btang nas btsal bar bya zhing /  cho ga zhib mo'i rgyal po yongs su btsal bar bya ba yin/ phyi rol gyi dngos po nor dang / 'bru dang / dbyig dang / gser dang / dngul dang / gos dang / rgyan rnams yongs su btang nas yongs su btsal bar bya ba lta smos kyang ci dgos te/ srog gtang bar bya'i/ de gtang bar mi bya'o// don yod pa'i zhags pa'i snying po rnam par thar pa'i dkyil 'khor rim par phye ba sgrub pa 'di btsal bar bya zhing bsgrub par bya'o//  'di dus phyi ma'i tshe na sems can thams cad la sangs rgyas kyi mdzad pa byed par 'gyur/ sems can thams cad yang dag pa nyid kyi dad pas sangs rgyas nyid du mngon par rdzogs par 'tshang rgya bar 'gyur/  phyir mi ldog par 'gyur zhing / nams kyang ngan 'gro log par 'gro bar mi 'gyur ro// nor bu'i ril bu sgrub pa'i dkyil 'khor gyi cho ga'o// / de nas de'i phyir don yod pa yangs pa'i dkyil 'khor chen po don yod pa chen po'i rnam par 'phrul pa'i dngos grub kyi sman nor bu dang gsang sngags rnams bshad par bya ste/ sman nor bu dang / gsang sngags dang / dkyil 'khor dang /  phyag rgya'i mthu des phyi ma'i dus phyi ma'i tshe na rig sngags 'chang rnams kyi de bzhin gshegs pa thams cad kyi rigs kyi dam tshig spyi'i gsang ba'i dkyil 'khor rnam pa sna tshogs sgyu ma lta bu'i ngo bo nyid bstan pa yang dag par bstan pa yang dag par ston par mdzad/ bklags pas grub pa/ rigs kyi dam tshig spyi'i gsang ba thams cad du nye bar ston par mdzad do// rig sngags 'chang rnams kyi ngal ba 'bras bu med pa gzhan du 'gyur ba med do/ / ngal ba dang / dub pa dang / 'bad pa'i bzlas brjod kyi cho ga 'bras bu med par mi 'gyur bar bya ba'i phyir/ rang gi sems kyi rgyud dad pa dang / gus pa dang / gsang chen dang / gsang bar bya ba gzhan la bstan par mi bya ste/ dngos grub med par mi 'gyur ro// de lta bas na gsang sngags sgrub pa ni shin tu gsang bar bya zhing legs par smyung ba byas pa la 'bad par bya/ kha zas ngan pa spang bar bya/ gos ngan pa dang sems can ngan pa'ang yongs su spang bar bya/ mi bsrun pa dang / mi bden pa dang / phra ma dang / sems can sun par byed pa dang / gsang sngags rku ba dang / cho ga zhib mo rku bar byed pa dang / phyag rgya dang / dkyil 'khor rku bar byed pa de dag gis rtogs pa ni gang na'ang med de/ dus gsum gyi mgon pos spad cing byang chub sems dpas kyang spad la/ mgon po 'phags pa spyan ras gzis dbang phyug gis kyang smad pa yin no/ / sems can sdong dum bsregs pa 'di// gsang ba sun 'byin ma rungs pa// 'jig rten 'di dang pha rol tu// rtag tu smad par bya ba yin// lha rnams kyis ni yongs su btang / / ma rungs pas ni bdud kyis zos// ma rungs pas ni bgegs kyis zos// bslab gzhi tshul khrims nyams pa dang // mgon po'i bstan pa sun 'byin pa// de la dngos grub ji ltar 'byung / / de la skyob pa gang yang med// mgon med kun tu smad pa yin// de bas de la dngos grub ni// chung ngu'ang med la nyes pa yis// gsang sngags dang ni sman mi 'grub// nyes pa de dag rang gis byas//  gzhan yang ma rungs byed pa yin// de bas sems can mkhas la sbyin// slob pa 'dod cing yon tan dga'// snying rje'i bdag nyid byams la gnas// sems can kun la brtse ba'i mchog/ de yi lag tu sbyin bya ste// de yi dngos grub bla na med/ / gsang ba 'di ni shin tu gsang ba yin te// 'jig rten dbang phyug gi snying po gsang ba de'ang rig sngags 'chang rnams kyi de kho na nyid kyi gsang ba dang / gsang sngags dang / phyag rgya sgrub sla ste/ bkras pas 'grub pa de bzhin du sman nor bu 'di la rtag tu 'jug cing dngos grub kyi de kho na nyid rab tu ston par byed pa yin no/ / rig sngags 'chang ni bdag nyid kyis// mchog tu gsang ba bsgrub bya ba// rig sngags 'chang ni gtsang ma yis/ / khrus byas gos gtsang gyon byed la// 'dir ni nyin zhag sbyang ba dang // dad dang gus pas mchod pa dang // don yod 'khor lo sgrub byed pas// dngos grub dkyil 'khor dam pa sgrub// sman s+thi ka dang / tsan dan gyi @#bye ma dang / a ka tsu dang / pad+ma ge sar dang / pad+ma dang / pad+ma'i ldum bu dang / pad+ma'i 'dab ma dang / de bzhin du giru wang dang / sdong ros dang / tsam pa ka dang / su ma na ste/ de bzhin cha ni mnyam sbyar te/ / phye ma dag tu byas nas ni// de nas don yod rgyal po yis// tshes brgyad dang ni bco lnga'i bar// brgya rtsa brgyad du bzlas brjod bya// khro bo'i rgyal pos brgya rtsa brgyad// bzlas brjod byas nas dbang bskur ro/ / de'i 'og tu cha lngar bya ste// mig bsku ba dang / ril bu dang / phye ma dang / til mar tshos pa dang / kha dong bkru zhing khrus bya'o// mig sman ni so'u byi re dang lhan cig sbrus la don yod pa'i rgyal pos brgya stong bzlas brjod bya'o/ / ril bu ni sbrang rtsi dkar po dang lhan cig spu'o// phye ma ni 'jig rten dbang phyug la phul ba'i me tog dang lhan cig spu'o// til mar bcos pa ni brah+ma ti la ste/ shing ba la sha'i mar dang lhan cig spu'o/ / kha gdong bkru ba ni tsan dan dkar po'i chu dang lhan cig sbu zhing // su ma na dang / gur kum dang / spos chus lhan cig sbrus la so sor brgya rtsa brgyad bzlas brjod bya/ khro bo'i rgyal pos nyi shu rtsa gcig bzlas brjod byas nas dbang bskur bar bya'o/ / de nas rig sngags 'chang nyin zhag gcig smyung ba byas pas gcig tu sbrus te/ dngul gyi snod kyi nang du bcug la/ so sor brgya rtsa brgyad bzlas brjod byas nas shar phyogs kyi sgo nas dkyil 'khor du gzhag par bya ste/ dkyil 'khor mchog la phyag dang bskor ba byas la/ de nas so sor dar gyis kha gcad de dkyil 'khor gyi snying por gzhag la/ don yod pa'i rgyal po brgya rtsa brgyad bzlas brjod bya/ khro bo'i rgyal po brgya rtsa brgyad bzlas brjod byas nas dbang bskur bar bya/ dbang bskur bar byas nas kyang rig sngags 'chang gis dbang bskur bar bya/ de nas dkyil 'khor snying por ni/ / 'jig rten dbang phyug mchod bya ste// bdug spros lnga dag dbul bya bar// a ka ru dang tsan dan dang // spri ka gu gul du ru ka/ mchod yon snod ni lnga dbul zhing // gtor ma lnga ni dgang bya ste/ / ro ldan sna tshogs dag gis dgang // ro ldan 'bras bu sna tshogs pa'i// gtor ma cha lnga dbul bar bya// kun tu 'phreng ba nyi shu dang // mar me nyi shu lnga dag dang // spos kyi phye ma lnga dag dang // spos kyi cha lngar phye bas byug/ 'phan phran nyi shu rtsa lnga gdags// tshon rtsi lnga yis mdzes par bya// gser dang dngul gyis g.yogs pa yi// bum pa gang ba nyi shu lnga// rin po che ni lnga gzhug go/ sgo bzhi grwa bzhir bum pa brgyad/ / brgya dang nyi shu rtsa lnga nyid// dkyil 'khor me tog 'bras yos dang // yungs kar nyid kyis mngon par dgram// slob dpon bla ma mchod pa ni// gos dang snod dang yon gyis so// thub pa 'jig rten dbang phyug ltar/ / ston pa'i 'du shes bskyed nas su// dkyil 'khor slob dpon mchod byas nas// de nas dkyil 'khor gshegs par gsol// de nas las rnams bya ba ni// ji ltar yid la sna tshog bya/ / don yod chen po'i gzhal med khang // rig sngags 'chang gis rtag tu gsang // de nyid dngos grub sgrub sla ba// de bzhin nor bu sman sngags so// don 'di shin tu bkra shis so// mkhas pa mi bya ba yin/ / phra ma'i tshig kyang mi bsten te// brdzun ni rnams kyang sgra mi bya// 'di ni sgrub pa'i de nyid de// de la 'grub pa the tsom med// 'dir ni dkyil 'khor bshad par bya/  kun nas gru bzhi lham pa ste// grwa bzhi cha ni legs par byed// ko la'i tshad de lags pa dang // sna tshogs mtshon gyi thig skud kyis// dkyil 'khor dam pa thig gdab po// dkyil 'khor dbus kyi snying por ni/ / 'khor lo bzang po bri bar bya// dbus kyi lte bar pad+mo yi// 'khor lo gsal ba bri bar bya// pad+ma'i snying po'i gser dang ni// dngul lam tsan dan las byas pa// 'bar bar 'jig rten dbang phyug bcu 'khor lo kun tu rtsibs dang ni/ / mu khyud dag gis cha dbye'o// dkyil 'khor snying po'i grwa rnams der// lha'i dbang po tshangs pa dang // khyab 'jug dbang phyug chen po bri// kun tu kha khyer rnam pa dang //  pad+ma 'phreng ba rnams bya'o// dkyil 'khor phyi rol kun tu ni// rtag tu phyag rgya rnams bri ste// rdo rje dgra sta mdung rtse gsum// ral gri zhags pa tho ba dang // gshin rje be con pad+ma gdugs// dbyug to mda' po che rnams so/ / sgra rnams kun tu 'phreng ba dang // me tog rnam pa sna tshogs dgram// sgo s+tho de ni dkyil 'khor gyi// lha ste gshin rje nu lnga dang // lus ngan dang ni gzhon nu bri// dkyil 'khor gA ba'i rnams su ni/ / rgyal po chen po bzhi po dag/ go cha legs par bgos pa dang // khro bar lta ba 'jigs byed bri// 'di ni dkyil 'khor mchog yin te// dkyil 'khor gyi ni dgos pa rnams// legs pa yongs su rdzos ba ra ni/ / rig sngags ji bzhin bstan pa yin// de nas legs par khrus byas la// gos gtsang bgos pa 'jigs med pas// sman mchog gzung ste las bya'o// rmongs pa'i dra ba sna tshogs dang /  sgyu ma lta bu'i rnam sprul pa// gang gis ngan 'gro thar 'gyur ba// sems can kun la bstan par bya// rtag tu dga' dang dad pa dang // gus pas de nyid thob par 'gyur// rig sngags 'chang gis sgrub pa'i mchog/ dngos grub de nyid thob par 'gyur// rig sngags 'chang gis sngar khrus byas la rdzas kyi dri chab gtsang ma don yod pa'i rgyal pos brgya rtsa brgyad bzlas brjod bya/ tsan dan gyi chu la lan brgya rtsa brgyad bzlas brjod byas nas sgra yan chad tsam byug la tshod zin par bskus nas kha gdong bkru bar bya'o/ / mig sman la brgya rtsa brgyad bzlas brjod byas nas bskus na mig bzang bar 'gyur ro// brgya rtsa brgyad tshang bar bzlas brjod byas nas bdag nyid dang phyogs bcur gtor ro/ / de bzhin du til mar la brgya rtsa brgyad bzlas brjod byas nas sgra yan chad bsku ba dang / tshod zin par bslu ba dang / lus rkang mthil yan chad bsku'o//  yi ge gcig pu yid la bya ba la sems byams pa nyid la gnas nas rgyal po dang / btsun mo'i sgo 'am/ skye bo'i nang ngam/ 'dus pa chen po 'am/ dge 'dun gyi nang ngam/ tshogs dang phrad pa 'am/ de bzhin du gzhan dag kyang rung ste/ de dag thams cad kyis 'jig rten mgon po'i gzugs dang kha dog tu mthong zhing sa'i steng nas rkang pa khru gang tsam gyis spags te 'dug la/ ji lta ji ltar 'dul ba rnams kyi dang pa de lta de ltar gzugs rnams ston par byed de/ rgyal po 'am/ 'khor los sgyur ba 'am/ mi'i seng ge 'am/ bag gam/ sred med kyi bur ston pa 'am/ tshangs pa 'am/ sum cu rtsa gsum gyi dbang po 'am/ dbang phyug chen po mig gsum pa 'am/ gzhon nu 'am/ chu lha 'am/ gshin rje 'am/ rnam thos kyi bu 'am/ de bzhin du rgyal po chen po bzhi 'am/ nag po chen po 'am/ dga' byed dbang phyug gam/ ser skya 'am/ gsang ba pa 'am/ lag na rdo rje stobs po che 'am/ nor bu bzang po'i bu 'am/ gang ba bzang po 'am/ stobs kyi lha 'am/ gar mkhan mchog gam/ rlung lha 'am/ drang slong nyid de/ ji ltar gzugs rnam pa sna tshogs yid la byas pa thams cad ston par byed do// me tog dang 'bras bu sna tshogs pa nyid 'byung bar byed do// de bzhin du dge 'dun gyi nang du zhugs na de sangs rgyas kyi gzugs dang / gzugs sna tshogs su snang zhing gzhal med khang gi rnam pa dag kyang ston par byed do// ji ltar 'dod par 'gyur ba yid la byas pa de ltar gzugs rnams ston par byed do// 'khor tshogs pa'am/ dgon pa 'am/ 'chag sa dag kyang sman nor bu dang / gsang sngags kyi mthus gzugs sna tshogs su ston par byed do// 'gron po 'brog gi nang du phyin pa nyam thag pa/ 'jigs pa mi bzang ba chu med pa/ mu ge'i dgon par mgon med pa/ sdug bsngal drag po de lta bu'i nang du chud pa'i skye bo sdug par gyur pa/ skyabs med pa/ mgon med par gyur pa/ skyob pa med pa/ dpung gnyen med par gyur pa na de la rig sngags 'chang gis phye ma 'dis phyogs bzhir mtshams gcad par bya/ phye mas dkyil 'khor gyi tshul du ri mo bris la ril bu lnga dkyil 'khor gyi dbus su gzhag go// yungs kar la til mar gyi rgyal pos bskus la don yod pa'i rgyal pos brgya rtsa brgyad bzlas brjod bya/ khro bo'i rgyal pos brgya rtsa brgyad bzlas brjod byas te dbang bskur nas/ khro bo'i rgyal pos hUM zhes bya bas phyag rgya bcings la/ sa la bsnun cing phyogs bzhir gtor bar bya ba phyag rgya dang ldan par byas pa tsam gyis chu bzang po rnam pa sna tshogs 'bab cing rdzing 'byung bar 'gyur/ tshal dang / nye ba'i tshal dang /  me tog dang / 'bras bu sna tshogs dang ldan pa'i gzhal med khang 'byung bar 'gyur/ phye ma'i dkyil 'khor de las grong khyer dang khang bzang 'byung bar 'gyur/ khyim gyi gnas lnga stong 'byung bar 'gyur zhing / bde ba dang / lo legs pa dang / nyams dga' ba dang / skye bo dang / mi mang pos gang ba 'byung bar 'gyur/ nyo tshong dang / ba lang dang / ma he dang / rta dang / glang po'i gnas dag 'byung bar 'gyur/ dge sbyong dang / bram ze dang / tshong pa dang / khyim dang / khang pa bzang po dag 'byung bar 'gyur te/ ji srid du bsams pa de srid du 'dug go// chu dang yungs kar la lan bdun bzlas brjod byas nas phyogs bzhir gtor na mi snang bar 'gyur ro/ / yungs ka la de yul 'gyed pa'i nang du gtor na dpung gi tshogs yan lag bzhi dang ldan par 'byung bar 'gyur te/ des pha rol gyi dmag tshogs dang /  dgras 'jigs shing 'joms par byed pa las rgyal bar 'gyur ro// grong khyer gyi phyogs bzhi kun tu gtor na gtor ba tsam gyi mod la 'obs bcad cing ra ba kha khyer gyis bskor la/  grong khyer kun tu skyes bu go cha bgos pa dag snang bas grong khyer mnan pa 'am gtse bar sus kyang mi nus so// mtshan mo'i dri'i til mar de nyid yungs kar la bskus te/ brgya rtsa brgyad bzlas brjod byas nas chang pa gang mo'i nang du gtor/ chang pa gang grong khyer gyi phyogs bzhi kun tu gtor na kun nas mar me'i 'phreng ba 'byung bar 'gyur la/ ji srid dgos pa de srid du 'bar ro// gtsug lag khang ngam/ dgon pa 'am/ ri 'am/ phug gam/ 'chag sa'i gnas sam/ khyim du gtor na mar me'i 'phreng ba 'byung bar 'gyur ro// chu dang yungs kar gyis mi snang bar 'gyur/ grong khyer gyi sgor yungs kar gtor na gtor ba tsam gyi mod la dgra thams cad dang / pha rol gyi dmag tshogs kyis grong khyer mi snang bar 'gyur ro// gang na phyir rgol ba dang / pha rol gyi dmag tshogs gnas pa'i grong ngam/ grong khyer ram/  tshal gyi nang ngam/ dgon pa'i gnas su gtor na 'brog dgon pa 'byung bar 'gyur la/ thams cad phan tshun ngo mi shes nas 'jigs shing skrag pa chen pos rab tu 'bros par byed do// dgra'i tshogs kyi nang du gtor na mtshon cha thams cad dang / 'gyed pa'i go cha thams cad mi snang zhing gcer bur 'gyur ro// zhal che 'gyed pa'i nang du gtor na 'gyed zla gtso bo de gcer bur 'gyur ro// dgra'i steng du gtor na me 'bar ba 'byung bar 'gyur te/ de dag la sogs pa yid la ji ltar byas pa'i las 'bum snyed byed do// de nas las rgya chen po byed par 'dod pa'i rig sngags 'chang gtsang ma legs par khrus byas pa spos kyis lus bskus pa des/ yungs kar dang til mar gyi rgyal pos bskus pa la brgya rtsa brgyad bzlas brjod byas nas/ 'phags pa spyan ras gzigs dbang phyug la gtor bar bya/ khro bo'i rgyal pos lan bdun dbang bskur nas phyag rgya bcas pa'i lag pas ril bu spyi bor bzhag la phye mas gdab par bya/ til mar gyi rgyal pos rkang pa la byug par bya/ don yod pa'i rgyal po lan cig dran par bya ste/  yongs su sbyang ba'i las lhan cig bya ba legs par byas pas 'phags pa spyan ras gzigs dbang phyug gi gzugs g.yo ste gar dga' bar 'gro la/ gzugs brnyan gang du 'gro ba de nyid du rang 'gro/  lha'i steng du gtor na lha lha'i gnas nas 'pho zhing gar dga' ba der 'gro'o// phye mas lha'i steng du gtor na khro bo'i rgyal po hUM zhes bya ba mi snang bar 'gyur ro// til mar gyi rgyal po la lan brgya brgya bzlas brjod byas la bdag nyid kyi pus mo dang byin pa la bskus na nam mkha' la 'gro bar 'gyur ro/ / rkang mthil la bskus na sa'i steng na rkang pa sor bzhi tsam mi reg go// rdo'i steng du rkang pa gzhag pa dang / rkang rjes byung ba'i steng du rdza ma dang / bum dang / bum pa gzhag pa'i rku ba la bskus na sor bzhi tsam gyi tshad du nam mkha' la 'du'o// yungs kar la bzlas brjod byas nas mes sbyin sreg byas pa'i thal ba de blangs nas lan brgya rtsa brgyad bzlas brjod byas la/ til mar gyis smras pa la khro bo'i rgyal pos brgya rtsa brgyar dbang bskur nas mig la bskus na mig gsum ston cing dbang phyug chen po'i gzugs su ston par byed do/ / thal bas lus la byugs na tshangs pa'i gzugs su ston to// shing pa la sha dang parna Sha bsres pas lus byugs na sred med kyi bu'i stobs dang / shugs dang / gzugs su ston to// til mar chen pos khar bskus la thal bas dpral bar thig le byas na gzhon nu'i gzugs su ston to// yungs kar gyi 'bru kha dog sna tshogs can la til mar chen po byugs pas bskus la don yod pa'i rgyal pos brgya rtsa brgyad bzlas brjod bya/ phyag rgyas brgya rtsa brgyad dbang bskur cing khro bo'i rgyal pos brgya rtsa brgyad dbang bskur la/ de nas dngul gyi snod kyi nang du gzhag/ de nas las thams cad byed de nam mkha' la gtor na nor bu dang rin po che'i char 'bab par ston to// de bzhin gshegs pa mchod pa'i tshe nam mkha' la gtor na me tog gi char sna tshogs 'bab par 'gyur/ 'dus pa'i nang du nam mkha' la gtor na 'bras bu dang nor gyi rgyun sna tshogs pa ston to// tshal gyi nang du gtor na me tog dang 'bras bu swa tshogs pa ston to/ / ri bug tu gtor na rdzas dang sman sna tshogs ston to// mchod rten rnying pa 'am/ gtsug lag khang ngam/ lha'i gnas su gtor na yo byad thams cad kyis yongs su gang zhing rdzogs pa'ang ba bzang po yangs pa gnas kyi mchog ston to/ / grong khyer stong par gtor na 'tsho ba'i yo byad thams cad phun sum tshogs shing yongs su rdzogs pa dang / yul rgyal po dang / slas dang / bkrabs pa dang /  mdun na 'don pa dang / blon po dang / skyes pa dang / bud med dang / khye'u dang / bu mo dag ston to// yang khro bo'i rgyal po'i hUM zhes bya bas gtor na dpung gi tshogs yan lag bzhi pa ston to// dur khrod kyi nang du gtor na shi ba'i rus pa gang dang gang la bab pa de dang de gang du sems can dmyal ba 'am/ dud 'gro'i skye gnas sam/ gshin rje'i 'jig rten nam/ lha ma yin nam/ nam mkha' lding ngam/ dri za 'am/ mi 'am ci'am/ lto 'phye chen po 'am/ bya 'am/ nya 'am/ rus sbal gyi rigs su skyes pa 'am/ lha'i 'jig rten nam/ sangs rgyas kyi zhing du skyes pa de'i rus pa 'am bod pa las tshig 'byung bar 'gyur la/ gang du skyes pa de'i gtam yang smra'o// gang dang gang gi skye gnas su skyes pa de thams cad smra la/ thabs ji ltar bya ba de smra'o// yungs kar des kyang rus gong 'brel bar ram/ shi ba'i ro 'am/ rus pa 'thor ba la bab na bab pa tsam gyis mod la sems can dmyal ba las yongs su thar nas 'jig rten gyi khams bde ba can du skye bar 'gyur ro// zong bkram pa'i nang du gtor na thams cad mi mngon par 'gyur ro/ / nam mkha' la gtor na skar ma rnams mi mthong bar 'gyur ro// skye bo mang po'i nang du gtor na thams cad gcer bur 'gyur ro// 'dus pa'i nang du gtor na thams cad bro rdung bar byed do/ / dge 'dun gyi nang du gtor na dge slong thams cad bsam gtan 'thob par 'gyur ro// tshogs kyi gtso bo la gtor na rnal 'byor spyod par 'gyur ro/ / mkha' 'gro ma'i tshogs kyi nang du gtor na thams cad bong bu dang / wa dang / khyi'i gzugs can du 'gyur ro// sbyor ba'i sgor gtor na sbyor ma thams cad 'bar la ma he'i gzug can du snang ngo / / shi ba'i steng du gtor na bro brdung bar byed do// thod pa'i steng du gtor na bro rdung bar byed cing rgyug la phan tshun rgyug par byed do// lam gyi bzhi mdor gtor na gnod sbyin dang / srin po dang / 'byung po thams cad rang gi gzugs kyis mdun na nye bar 'khod la/ ji srid 'tsho'i dbang du gyur nas 'khod do// nyin gcig bzhin bdag nyid la gtor na mchod pa chen po'i gnas su 'gyur te/  gzhan yang rang gi blo rnams kyis las 'bum snyed do// don yod pa chen po rnam par 'phrul pa'i dkyil 'khor sgyu ma lta bu'i cho ga'o// // 'phags pa don yod pa'i zhags pa'i cho ga zhib mo'i rgyal po bam po bco brgyad pa/ / / de nas de'i phyir 'gugs pa chen po dang / lag na rdo rje'i gzugs bstan pa'i cho ga bshad par bya ste/ gang gis lha rnams myur du 'ong ba dang /  phyag na rdo rje'i gzugs myur du ston to// rdo rje'i sku dang stobs po che// ta mgrin dang ni mgul sngon dang // de bzhin rta ni rgod ma'i kha// bdud rtsi 'khyil ldan gzugs po che// log 'dren rnams ni rab 'joms dang / / khro rgyal de bzhin 'jigs byed spyan// ke le'i ke li'i rgyal po che// khro bo tshol pa stobs po che// de bzhin rdo rjes 'og gzugs// rdo rje rtse mo de nyid dang // klu chen rab 'joms spyan yangs dang / / sog ma med ni 'dul ba dang // de bzhin thigs khro khros chen dang // de bzhin mche ba gtsigs mdzad dang // rgyal po chen po rdo rje'i sgrog/ klu yi dbang po stobs kyis gnon// mgon po gos sngon gyon pa dang / / dbyug sngon dgra las rgyal ba dang // 'jig rten dbang phyug pad+ma'i ste// phyag na pad+ma pad+ma phyug/ de bzhin 'jigs pa brgyad sel dang // de bzhin mchod rten 'jig rten bla//  sna tshogs gzugs te bzang po dang // sred med bu dang tshangs pa dang // drag po daN+Di dbang phyug dang // nag po chen po gzhon nu dang // gshin rje dang ni chu lha nyid// nyi ma dang ni zla ba dang // rgyu skar sgra gcan mjug rings dang / / de bzhin gza' dang lha ma yin// nam mkha' lding dang mi 'am ci// gnod sbyin srin po lto 'phye che// 'byung po dpal ldan rnam thos bu// de bzhin yul skyong mig mi bzang / / 'phags skyes de nyid mthong ba dang // mi'u thung dang drang srong gzugs// nor bu bzang sras gang ba bzang // sna tshogs gzugs can ston pa dang // rgyal po dang ni ded dpon dang // tshong dpon de bzhin khyim bdag dang / / bram ze dang ni rgyal rigs dang // dge sbyong stag dang seng ge dang // khyu mchog de bzhin nags kyi lha// shing lha de bzhin lo tog lha// gad+hA sI ta ya mu na// thab nam ldan rus sbal nya/ / lag 'gro dang ni bod pa can// skal sod de bzhin 'bras bu dang // me tog rgya rlabs chen po dang // sku tshogs gzugs dang rnam sna tshogs// de ltar dgug pa bstan pa dang / / de ltar slar gshegs gsol ba nyid// sbyin sreg dra ba 'di nyid kyis// spu 'phrul rmad byung gsang sngags grub// rdzas grub nor bu ti la mar grub// don yod zhags pa bsrub pa'i phyir/ / de nyid dngos grub rab ston pa// mchod rten dgon pa gtsug lag khang // lha yi gnas dang de bzhin grong // grong khyer nyid dang 'bab chu'i dang // mtshe'u dang lteng ka chu bo dang // rdzing dang de bzhin char 'bab dang / / 'brug sgrogs dang ni glog 'bru dang // gzhan yang me ni 'bar ba dang // dud pa'i phung po bde 'gyed dang // skyes bu go cha gyon pa dang // de bzhin mtshon cha sna tshogs mthong // khyu mthong grub pa mthong ba dang / / de nyid rmad du byung ba ste// rdzas nyung sbyar ba nyung gyur kyang // de nyid dngos grub bla na med// sems can rnam la phan 'tshal nas// bcom ldan de nyid bdag gis bshad// rig sngags 'chang rnams bklags pas 'grub/ / dbul po rnams ni nor 'thob cing // sdang ba rnams ni byams par bgyid// mu stegs gzhan rnams dad par bgyid// mkhas pa rnams ni dga' bar bgyid//  gdul dka' rnams ni thar bar 'tshal// dge slong rnams ni bsam gtan thob// ting 'dzin bla na med pa thob// chos 'dod rnams ni sangs rgyas mthong // sdig pa byed rnams sdig pa 'jig/ mi rigra byas rnams thar pa thob/ / mtshams med lnga rnams rnam dag don// dbugs ma phyin rnams dbugs 'byin mchog/ ma dul ba rnams de bzhin 'dul// ma brgal ba rnams sgrol ba'i gru// thar pa'i lam du 'gro bar gnas/ / ma grol ngan 'gro kun las 'grol// sdig pa kun las rnam par grol// lung ma bstan pa lung ston byed// skyon dang dri ma sdig pa rnams// thams cad mod la spong bgyid du/ / de la sogs pa'i las rnams ni// bklags pas grub pa bgyid pa lags// 'jig rten pa dang 'jig rten 'das// don gyi dngos grub bla na med// gang dang gang du sbyor ba bgyid//  dgos pa thams cad 'grub par 'gyur// yid la bsam pa 'grub par 'gyur// 'dir ni yid kyis rnam bsam pa// ji ltar yid la 'dod pa dang // ji ltar ngo bo kun bsams pa// de ltar rnam 'phrul ston par bgyi/ / tshes grangs rgyu skar sbyar mi 'tshal// smyung ba bgyi ba mi 'tshal te// cho ga ji bzhin dus ji bzhin// cho ga rig sngags rgyal po bzlas// rig sngags 'chang ba gtsang gyur cing / / legs par khrus bgyis gos gtsang dag/ bgos pa bden par smra ba dang // bla ma la ni gus byed pa// rtag tu byams pa'i sems la gnas// sems can la ni brtse ba'i mchog/ sdom la gnas shing tshangs par spyod/ / chos ma yin pa spong byed pa// gal te de nyid grub 'dod na// chang dang sha dang kun dong dang // 'dres dang za 'phro sbags pa spangs// sems can ngan pa sun 'byin pa/ / rig sngags chu dang cho ga chu/ chos chu gsang sngags chub dang // de bzhin rkun mo chom rkun dang // ser sna rtag tu spang bar gyis// de dag la ni dngos grub med// ma rba pa ni dam tshig nyams/ / yid gcugs pas ni med par byed// sdig pa'i chos ni kun tu spyod// de bzhin gshegs pa kun gyis spad// byang chub sems dpa' rnams kyis smad// rtag tu chos kyi sdong du ma 'gyur/ / shi nas sems can dmyal bar gzhol// rtag tu smad pa'i gnas su 'gyur// dbul po lus ni bskams pa dang // mdze dang khyi rjes 'debs pa dang // sdug bsngal rkun ma chos sun 'byin/ / chos rku ba'i lus can ni// 'jig rten 'dir ni bder mi 'gyur// 'jig rten pha rol ga la bde// sems can dmyal bar gzhol ba yin// de lta bas na chen po 'dod pas ni rtag tu dam pa'i chos kyi rjes su 'brang bar bya zhing / rtag tu dkon mchog gsum dang / pa dang / ma dang / bla ma dang / ston pa ni skyob pa dang / skyabs dang / dpung mnyen mdzad pa/ ston pa/ mchog sbyin pa/  dngos grub dang mi 'jigs pa sbyin pa/ rga shi las thar bar byed pa/ dbang phyug sbyin pa/ nor sbyin pa/ longs spyod sbyin pa/ dang ba mchog bskyed pa de nyid 'jig rten bla ma/ mgon po'i 'jig rten dbang phyug/ dbang phyug chen po/ dbang phyug mgon po/ mchog sbyin par mdzad pa/ gzugs sna tshogs ston par mdzad pa/ dngos grub sna tshogs sbyin par bgyid pa/ mgon po sdug bsngal sna tshogs yongs su thar bar bgyid pa/ nad sna tshogs sbyong bar grub pa/ rin po che sna tshogs rab tu sbyin par bgyid pa/ 'jig rten gyi sdig pa sna tshogs sel bar bgyid pa/ bla ma la gus pa sna tshogs bgyis pa lags te/ de lta bas na rtag tu 'bad pas dgos pa thams cad rab tu sbyin par bgyid pa/ rtag tu 'bad pas shin tu gus par bgyid pa lags so// / de nas rdzas kyi sman sgrub pa dang /  bzlas brjod kyi cho ga bshad par bgyi ste/ seng ge'i lce dang / snying dang / mig dang / de bzhin du nya phyis kyi phye ma dang / ldong ros dang / brah+ma'i 'o ma dang / gu gul dang / pad+ma dang / pad+ma'i ze ba dang / ut+pa la sngon po dang / na ga pus pa dang / li shi dang / rgya spos dang / de bzhin du gi'u wang dang / gla rtsi dang / ga pur dang / gur kum dang / tsan dan dkar po dang / smi ka dang / te dza ba ti ste/ de ltar cha mnyam par byas pa de dag thams cad phye ma zhib mo byas la dngul gyi snod bkang ste dar gyis g.yogs/ don yod pa'i rgyal po spyan ras gzigs dbang phyug gi mdun du dus gsum du khri bzlas brjod bya'o/ / dus gsum du khro bo'i rgyal pos lan nyi shu rtsa gcig bzlas brjod byas pas dbang bskur zhing / phyag rgyas kyang nyi shu rtsa gcig tu dbang bskur ro// khri tshang nas cha lnga byas te phye ma nang / til mar dang / nor bu dang / mig bsku ba dang / til mar tshos pa dang cha lnga'o// phye ma'i pad+ma mu ru ka'i phye ma dang sbyar la bzlas brjod bya'o// khro bo'i rgyal bro ni lnga stong ngo // til mar ni mahA ru ti ras 'grub ste brgyad stong bzlas brjod bya'o/ / khro bo'i rgyal pos bzhi stong ngo // nor bu sbrul gyi khrag gis spras te khri chig stong bzlas brjod bya'o// khro bo'i rgyal pos lnga stong lnga brgya'o mig sman ni rma bya'i mig cha dang / 'ug pa'i mig dang / klar pa dang sbyar la khri chig stong bzlas brjod bya'o// khro bo'i rgyal po stong rtsa brgyad do// bra h+ma te la srang nyi shu/ gan d+ha ra ba te'i la srang brgyad/ yungs mar la sa? bcu drug/ 'o ma la srang brgya/ ba ser mo grub pa'i 'o ma dang / ba'i lci ba dang / ba gcin srang bdun/ du ru ka'i mar khu srang gnyis te/ rdzas 'di rnams chu dang bsres nas pad+ma'i sdong bus dkrug cing zangs snod du btso'o/ / mnyam par gzhag pas gsang sngags bzlas// cho ga dag gis bsrung bar bya// cho ga bzhin tu gtor ma sbyar// me tog bdug spos dag gis bdug/ til mar mchog ni bsgrub par bya// rlung phu me bu grub par mchog/ spos kyi shing gis bud pa bzang // 'di ltar grub par shes pa dang // khro bo'i rgyal pos dbang bskur ba// nyi shu gcig tu dbang bskur ro// til mar de ni snod gtsang ma// zangs snod yang na dngul snod bzang / / smyig ma'i snod du gzhag par bya// de nas rig sngags brgyad stong dang // khro bo'i rgyal po brgyad stong nyid// so so dag tu bzlas brjod bya// dkyil 'khor yongs su rdzogs pa der gzhag par bya ba ni/  ji ltar dkyil 'khor gyi cho gar bya ba de ltar byas nas gzhag cingapa/ slob dpon gyi las kyang bya ste/ ji ltar dkyil 'khor sgrub pa dang / 'jug pa dang / dam tshig dang / phyag rgya dang / dbang bskur ba dang / mchod pa dang /  dkyil 'khor bskor ba dang / phyag bya ba dang / spyi gtsug bcing ba dang / phyag rgya bcing ba dang / srung ba'i cho ga dang / nye reg bya ba dang / gos bgo ba dang / mchod phyir thogs pa ste/ dkyil 'khor gyi slob dpon kun gyis de dag thams can bstan par bya'o/ / de nas dkyil 'khor gyis dbus kyi snying por gzhag la rig sngags 'chang sbyang ba'i cho ga byas pas 'phags pa don yod pa'i zhag pa'i snying po stong rtsa brgyad bzlas brjod bya/ khro bo'i rgyal pos kyang stong rtsa brgyad du dbang bskur/ phyag rgyas kyang stong rtsa brgyad du dbang bskur la/ phyag rgya bcings nas rnam pa gsum 'dra bar dbang bskur ro// de nas las thams cad byas te yungs kar dkar po grub pa la rig sngags 'chang gis brgyad stong bzlas brjod byas la pad+ma'i mchog gtso bo gtsang ba/ gtsang mar byas pa/ legs par bkrus pa/ sbyangs pa/ phye ma zhib tu btags pa/ thal ba lta bu la brgyad stong bzlas brjod byas nas snod dgang / gu gul dang / tsan dan dang / a ka ru dang / sprig ka la stong rtsa brgyad bzlas brjod byas nas snod kyi nang du bkang la/ dbus kyi dkyil 'khor dam pa'i steng du so sor gzhag go// de nas khro bo'i rgyal pos dbang bskur cing phyag rgyas kyang dbang bskur ba byas na/ gang gi don du bya ba byung ba'i tshe bya ba thams cad byed do// gser ram/ yang na dngul lam/ zangs las pad+ma'i tshad du byas pa 'dab ma nyi shu rtsa gcig dang / snying po dang / ze ba can dang / de bzhin du sor bcu gnyis pa'i tshad la sdong bu sor bcu drug pa'i tshad rdo rje'i rnam pa can du bya/ skud pa dmar po'i zhags pa pad+ma'i tshon dmar pos bzhen pa/ gzhon nus bkal pa grub pa dang / de dag la brgyad stong bzlas brjod bya/ khro bo'i rgyal pos dbang bskur cing phyag rgyas kyang dbang bskur ba byas la/ mkhas pas gsang ba'i gnas su gzhag go// gang gi tshe don du bya ba byung ba de'i tshe las thams cad grub pa ston to/ / shin tu gtsang zhing gtsang bar bya ste/ su la'ang mi sbyin no// sangs rgyas rnams la sku brnyas par 'gyur ba/ dam tshig nyams pa yang ba la bgegs 'jug par 'gyur zhing / 'phral du mtshams med pa lnga byed pa/ rmongs pa'i dra ba de la dngos grub nams kyang shes par mi 'gyur ro// gzhan ni bla ma la gus shing / sangs rgyas chos la sten byed pa/ / 'phags pa'i tshogs la dad pa dang // byams sems snying rje'i bdag nyid can// de yi lag tu rab tu sbyin// bdag gi srog bzhin gtang bar bya// de dag dngos grub mchog sbyin te//  bklags dang mthong ba tsam gyis na// ji ltar yid la byas pa bzhin// rjes su mthun pa'i las byed do// 'jig rten 'dir ni rtag tu bde// 'jig rten pha rol bde ba yin// 'gro ba lam ni bde pabapar 'gro/ / gang na 'od dpag med bzhugs pa// bde ba can du rtag tu 'gro// rdzus te skyes pa'i pad+ma las// rgyan rtags kun gyis rnam par brgyan// tshe rabs dag ni dran 'gyur te// sngon gyi tshe rabs dran par 'gyur/ / de nas rig sngags 'chang rmongs pa chen po'i dam tshig ston par 'dod pa gtsang mas legs par khrus byas/ gos gtsang ma bgos nas nyin zhag gcig smyung ba byas pas lag na rdo rje dang /  'phags pa spyan ras gzigs dbang phyug zhal mngon du gzhag ste/ me tog dang bdug spos dbul zhing 'phags pa spyan ras gzigs dbang phyug gi sku gzugs la/ phyag na rdo rje'i sku gzugs la mchod pa'ang bya/ 'phags pa spyan ras gzigs dbang phyug la a ka ru'i bdug spos kyis bdug/ lag na rdo rje la gu gul gyi bdug spos kyis bdug/ 'phags pa spyan ras gzigs dbang phyug la lnga bshos dkar po dbul/ lag na rdo rje la ro sna tshogs dang ldan pa'i lha bshos phul la/ nyin par don yod pa'i rgyal po bzlas brjod bya/ mtshan mo khro bo'i rgyal po ngal ba med par bzlas brjod bya ste/ kha gdong khro gnyer med pa dang / dri ma dang ser sna med pas nams langs kyi bar du bzlas brjod byas pa dang / 'phags pa spyan ras gzigs dbang phyug 'bar bar 'gyur la/  lag na rdo rje'ang pus mo 'dzugs par 'gyur te/ de gnyis kyi mig nas 'dzag pa/ rig sngags 'chang gis blangs nas thig le byas na mi snang bar 'gyur ro// mig la bskus na nam mkha' la 'gro'o//  khar bcug na rig sngags dang / cho ga zhib mo dang / gsang sngags dang / dkyil 'khor mngon du 'gyur ro// lag na rdo rje'i stobs dang / shugs dang / brtson 'grus kyis pha rol gnon par 'gyur ro/ / lag na rdo rje rang gi gzugs kyis mdun na nye bar 'dug cing 'dod pa thams cad kyi mchog rjes su sbyin par byed la/ rang gi gzugs kyis skyo bar byed/ lag na rdo rje'i stobs dang /  d+ya lagan rdo rje rang gi gzugs kyis mdur na ge bar 'dug cing 'dod pa thams cad kyi mchog rjes su sbyin par byed la/ rang gi gzugs kyis spyod par byed/ lag na rdo rje'i stobs dang / shugs dang / brtson 'grus kyis pha rol gnon par rjes su sbyin par byed/  shugs dang / brtson 'grus kyis pha rol gnon par 'gyur ro// de ltar lag na rdo rjes 'gugs par 'gyur ro// nyi ma 'char ba'i dus su til mar chen po ran par bdag nyid la bsku/ mig sman gyis mig byug/ phye mas gtor zhing bdag nyid la thig le bya/ nor bu mgo la bzhag nas gu gul gyis bdug/ bdag nyid gos ngur smrig gos nas sangs rgyas yid la bya ba sgom zhing / zhi ba dang dul ba'i yid kyis sde can gyi nang ngam dge 'dun gyi nang du 'jug par bya'o// de nas dge slong de dag gi sde can gyi nang du zhugs sam/ dge 'dun gyi nang du zhugs pa'i rig sngags 'chang da bcom ldan 'das kyi sku dang / mdog dang / rtags dang / spyod lam du mthong ste/ mtshan nyi shu rtsa brgyad yod pa/ 'od 'dom gang pa/ stan pad+ma/ brgya byin dang tshangs pa'i mdun gyi bdar ba'i lha'i tshogs sna tshogs kyis gzugs mthong bar ston to/ / dge slong de dag gis kyang de bzhin gshegs pa'i sku dang mdog tu mthong nas thams cad zhabs gnyis la 'dud par byed do//  rig sngags 'chang des brnyas par mi bya zhing / bdag la bstod par yang mi bya/ brnyas pa tsam gyis khyod kyi bsod nams yongs su nyams par mi 'gyur bar bya'o// 'phags pa'i dge slong gi dge 'dun rdzu 'phrul chen pos stobs bcu dang ldan par dbugs dbyung bar bya ste/ rgyu des na brnyas par mi bya'o// de nas grong khyer dang rgyal po'i pho brang du 'jug par bya/ de nas 'dus pa'i nang du 'jug par bya/  de nas zong dang / tshang tshing dang / yul dang / ri brags kyi nang du 'jug par bya/ de nas btsun mo'i nang du 'jug par bya ste/ yul gyi skyes pa dang / bud med dang / khye'u dang / bu mo de dag tham cad kyis kyang sangs rgyas kyi sku dang / mdog dang / rtags dang / dbyibs su mthong zhing mchod pa chen po dang rim gro sna tshogs byed par 'gyur la/ de bzhin gshegs pa sangs rgyas yin no/  zhes smra ste/ de bzhin gshegs pa mchod pa'i cho ga thob bo// yungs kar dang til mar gyis rang gi 'khor gyi spyi bor gtor cing byugs na/ thams cad lha dang / klu dang / gnod sbyin dang /  dri za dang / lha ma yin dang / nam mkha' lding dang / mi 'am ci dang / lto 'phye chen po'i gzugs su ston to// rkang pa til mar gyis bskus na sa'i steng nas sor brgyad tsam gyis spags te nam mkha' la 'gro ste/ ji srid du ma bkrus pa de srid du sangs rgyas kyi cha byad du ston to// mgon po spyan ras gzigs mthong bar 'dod pa'i rig sngags 'chang des nang par sngar langs nas gtsang ma khrus byas te/ gos gtsang ma bgos nas khang steng du 'dug la yungs kar la til mar gyis byugs nas phyogs bzhir gtor na/ rgyal po dang / blon po dang / rgyal rigs dang / bram ze dang / btsun mo dang / skyes pa dang / bud med dang / khye'u dang / bu mo thams cad sbru ma chen pos rmongs par 'gyur ro// de nas rig sngags 'chang des nor bu bzhis dbu rgyan dang 'phreng ba byas la mgo la gdags so//  @til mar gyis yan lag tsam la bslu bar bya/ dpral bar thig le bya/ mig sman gyis mig bsku/ bye mas bdag nyid la gdab/ ras bzang po yug gcig bgo bar bya byang chub sems dpa'i cha byad du bya/ nor bu dang / gdu bu dang / dpung rgyan dang / gser srud kyis bcings na de dag thams cad rgyan dang / spud pa dang / nor bu dang / dngul dang / rdo rje dang / bai DUrmas tshogs la sogs pas lus brgyan par snang ngo / / lag na pad+ma thogs na/ 'phags pa spyan ras gzigs dbang phyug gi gzugs su snang ngo // yid la ji ltar bsams pa don yod pa'i zhags pa'i tshul dang / 'jigs pa brgyad dang / tshangs pa'i tshul dang / yid bzhin nor bud dang / rgod ma'i kha dang / mgul sngon dang / rta mgrin du ston to// ji ltar gzugs yid la byas pa de ltar ston te/ ji srid du thig le yod cing dbu rgyan thogs pa de srid du tshul sna tshogs ston par byed do// til mar dang yungs kar bsres nas/ kai kuSh+Na dang lhan cig smras nas lus la bsku/ lag pa g.yas na rdo rje/ dpral bar dbang phyug chen po'i thig le byas nas pad+ma'i phye mas gtor la/ nor bu spyi gtsug tu bcing ngo // mig sman gyis mig bsku/ gu gul gyis bdugs la/ shes rab can khro bo'i lta ba'i tshul byas na mngon gsum du rdo rje 'chang gi gzugs su snang ste/ de la the tsom mi bya'o// ji srid du bdag khrus ma byas pa de srid du rdo rje'i gzugs can du snang la/ las sna tshog byed cing mi dang 'jig rten thams cad kyis rdo rje 'chang nyid du sems te/ de la the tsom mi bya'o// seng ge'i khrag gis til mar dang nor bu sbrus nas lus la bskus na mi'i seng ge chen po'i gzugs su ston to/ / phag gi khrag gis sbrus nas lus la bskus na phag gi gzugs chen por ston to// til mar dang phye ma lhan cig tu sbrus nas yung ba dang shing pa la sha'i mdog tu byas la/ lus la bskus na sred med kyi bu'i gzugs su ston to// rig sngags 'chang gis pad+ma dang til mar lhan cig sbrus la lus la bskus na dbang phyug chen po'i gzugs su ston to//  shing arga'i 'o ma dang / til mar dang mnyam par sbyar la lus la bskus na tshangs pa'i gzugs su ston to// glang po che'i khrag dang til mar sbyar nas lus la bskus na tshogs kyi dbang phyug chen po'i gzugs su ston to/ / ra'i khrag dang sbrus nas lus la byugs na ra'i gzugs su ston to// til mar dang / thing shing dang / pad+ma'i phye ma dang / glang po che'i khrag dang lhan cig sbyar nas lus la bskus na nag po chen po'i gzugs su mngon sum du rang gi gzugs su ston la/ gang dang gang dag la thig le byas na ma mo'i tshogs kyi gzugs su ston to// sbrul gyi khrag dang /  pags pa dang / til mar gyi rgyal po dang lhan cig sbrus la rgal tshigs su bsku zhing / dpung pa g.yon par yang bsus na klu'i rgyal po chen po'i gzugs su ston te/ ji lta ji ltar khrag dang sbyar zhing / ji lta ji ltar yid la bsams pa de lta de ltar gzugs su ston to// de nas gzhal med lang lta bar 'dod na spangs kar la til mar gyis bsdus nas dge 'dun gyi nang du steng 'og tu gtor/ phye mas nor bu rgyal mtshan gyi rtse mo kun tu bskus na dge 'dun rgan rims su bkod pa'i dbus su gzhal med khang chen po rgyan gyis brgyan pa ston/ dge slong rnams kyi steng du gtor na dge slong thams cad gzugs sna tshogs yid la ji ltar byas pa bzhin rgyal po'i gzugs su snang ba dang / gzhan dag blon po dang / gzhan dag bkrabs pa dang / gzhan dag mdun na 'don pa dang / gzhan dag yongs su spyod pa'i gzugs su ston la/ yungs kar la bskus pas gtor na slar yang dge slong rnams su snang ngo // shing arga'i 'o ma yungs kar la bskus nas dge 'dun gyi dbus su dge slong rnams kyi mal sngon gyi steng du gtor na/ ji ltar dge slong thams cad 'khod pa ltar snang ngo // ral pa'i thor tsugs kyis brgyan pa la gtor na rgan po 'khar ba thogs pa sgur po ltag dgye sgra dkar can nyam chung bar snang ngo / / mal stan gyi steng du yungs kar gtor ba gal te mtshan thog thag bzhag na gzugs gzhan du mi 'gyur ro// lug gi steng na snod yod pa la gtor na de thur ma'i gze ba dang /  sbrul nag por snang ngo // snod kyi steng du gtor na lam por bu snang bar 'gyur ro// btung ba'i sdod sbrang rtsis byugs pa'i steng du gtor na phyag dar gyi phung por snang ngo // grong khyer gyi sgo 'grong khyer kun tu gtor na grong khyer kun nas mi snang bar 'gyur ro/ / grong khyer kun la yungs kar dang pad+ma'i phye ma gtor na skyes pa dang / bud med dang / khye'u dang / bu mo mi snang ba thams cad snang bar 'gyur ro// seng ga'i khrag dang sbyar nas bdud 'gro'i skyes nas kyi steng du gtor na lam gyi bzhi mdo thams cad du seng ge'i gzugs su ston to/ / sde drag cing gtum la yan lag mchog gi gzugs dang ldan pa'i steng du gtor na thams cad wa'i gzugs su snang la phyogs bcur rgyug go/ / g.yul 'gyed sar gtor na thams cad nyid log par byas par 'gyur la/ mtshon cha thams cad dang go cha thams cad mi snang bar 'gyur ro/ / me'i nang du gtor na mi snang ba rnams snang bar 'gyur ro// til mar dang sbyar nas me'i nang du gtor na rtag tu 'bar bar 'gyur ro// chu'i nang du gtor na chu mi mngon par 'gyur ro//  bum pa chus bkang ba la gtor na srog chags chu'i nang na gnas pa thams cad chu'i nang nas 'byung zhing thang la gnas so// tshal gyi nang du yungs kar gyis gtor na me tog dang 'bras bu mi snang bar gyur pa thams cad snang zhing / shing skam po dang tshal gyi mthar me tog dang 'bras bu thams cad ston to// nam mkha' la gtor na phyogs bzhi'i dge 'dun gyi nang ngam/ 'dus pa'i nang ngam/ skye bo mang po'i nang du me tog gi char rnam pa sna tshogs dag 'bab ste/ lha'i dri legs par smin pa yid dga' ba sim par byed pa 'bab bo// las dang ldan pa 'am/ bzo'i gnas kyi las te/ las kyi snod thams cad la til mar gyi rgyal pos byugs la phye mas bsku/ pad+ma chen po'i phye mas dkyil 'khor gyi gnas bsku/ yungs kar gyis phyogs bzhir gtor la/ de nas las kyi bzo bzang po ji lta ba bzhin ston par 'dod na las kyi snod de dang de dag nyid g.yo la/ las kyi bzo'i tshul bzang pos mthar phyin pa rnam pa du ma dag ston par byed la nyo tshong byed pa 'byung ste/ gal te phyir bzlog pa ma byas na rin ji lta ji lta ba de lta de ltar nyo tshong byed do/ / chu dang yungs kar gyis bzlog pa byas na mi snang bar 'gyur la/ dpag tshad brgya stong tsam gyi bar du khrid na de dang de nyid du mi snang bar 'gyur ro/ / rdza mkhan gyi 'khor lo la phye mas byug cing yungs kar chags par byas la/ pad+ma chen po'i phye mas gtor nas 'jim pa bzhag la snod kyi ngo bo ji ltar 'dod pa bzhin bya ste/ snod kyi ngo bo dngul las byas pa 'am/ gsar las byas pa 'am/ zangs las byas pa 'am/ lcags las byas pa'am/ lcags lnga las byas pa rin po che bzang po sna tshogs kyis spras pa ji lta ba de lta bu'i snod bkra ba rnam pa sna tshogs dag 'byung bar 'gyur la/ nyo tshong byed pa'ang 'byung ste/ rin chen pos tshong byed do// yungs kar gyi phye ma dang / pad+ma'i phye ma lhan cig sbyar nas tshong dus kyi dbus su gtor na kun tu zong bkram ba'i snod mi snang bar byas pa thams cad snang bar byed do/ / thag pa'i steng du gtor na sbrul chen po ston to// khyim dang / ra ba'i ngos dang / sgo dang / shing sbyar ba dang / ka ba'i steng du gtor na khang pa dang /  rab dang / 'khor gyi khyams rnams sbrul du ston to// ji srid du chu dang yungs kar gyis bzlog pa ma byas pa de srid du sprul pa rnams 'dug go/ bzlog pa byas na mi snang bar 'gyur ro// gtsug lag khang ngam/ lha'i gnas sam/ khang bzangs kyi ngos la gtor na sbrul chen por snang ngo // lha'i steng du gtor la mig sman gyis mig bsku/ ril bus thig le byas na lha'i gzugs brnyan de ku co 'don cing 'gro ste/ gar 'dod pa der 'gro'o// bzlog pa byas na phyir 'dug go// sangs rgyas kyi sku gzugs kyi zhabs la byugs la phye mas gtor na sangs rgyas kyi sku gzugs g.yo bar mdzad do// bzhud par mdzad do//  'jug par mdzad do// 'chag par mdzad do// tsan dan la bzlas brjod byas nas bdugs na phyir bzhugs so// bum pa sbrang rtsis bskus pa rnams la gtor na g.yo bar byed do// ji tsam du phyir zlog pa ma byas pa de tsam du g.yo'o/ / chu dang yungs kar gyis bzlog na phyir 'dug go/ de nas rdo rje bskyod par 'dod na spos kyi dkyil 'khor byas la me tog bkram ste/ gu gul gyi bdug pas bdug/ de'ang yungs kar dang phye ma dang bcas pa gtor la don yod pa'i rgyal po lan bdun bzlas brjod byas na rdo rje de dkyil 'khor las langs nas nam mkha' la 'gro bar byed/  'phar bar byed/ 'dug par byed/ 'bar bar byed cing / phan tshun 'gro bar byed/ mtho ba 'gro bar byed/ dma' bar 'gro bar byed/ rnam par 'gro bar byed/ 'bar ba chen pos 'bar bar byed de/ ji srid du bzlog pa ma byas pa de srid du nam mkha' la 'gro'o// chu dang yungs kar gyis bzlog pa byas na de nyid du snang ngo // de nas 'khor lo bskyod par 'dod na dkyil 'khor gru bzhi pa byas la/ spos sna tshogs kyis bris nas me tog sna tshogs yang dgram par yang bya/ gu gul gyi bdug pas kyang bdugs nas 'khor lo la lan nyi shu rtsa gcig bzlas brjod byas la til mar gyi rgyal pos bsku/ phye mas bsku/ lte ba'i dbus su thig le byas nas dkyil 'khor gyi dbus su gzhag par bya/ de la'ang yungs kar dang pad+ma chen po'i phye ma gdab par bya/ 'khor lo kun nas gu gul gyi bdug pas bdug cing sa gol gyi sgra'ang byas na 'khor lo de dkyil 'khor las langs nas nam mkha' la 'phar zhing sdang ba thams cad la 'bab par byed de/  gal te g.yul 'gyed par 'bab na de'i tshe dgra thams cad kyi mgo gcod par byed de/ sdang ba thams cad dang phyir rgol ba thams cad la bab na 'jig par byed de/ bgegs thams cad la 'bab pa dang /  gnod sbyin dang / srin po dang / 'byung po dang / sha za dang / brjed byed dang / gdon rnams la 'bab pa dang / klu sdang ba thams cad la bab na 'jig par byed de/ ji srid du bzlog pa ma byas pa de srid du 'phar ro/ / chu dang yungs kar gyis bzlog pa byas na slar dkyil 'khor la 'dug go/ mdung rtse gsum pa bskyod par 'dod na dkyil 'khor byas la thod pa gzhag par bya/ me tog dgram par yang bya/ gu gul gyi bdug pas kyang bdug la/ mdung rtse gsum pa la til mar gyi rgyal pos bsku/ phye mas gdab cing thig le bya/ rtse'i rgyun gsum la pad+ma chen po'i phye mas gtor nas thod pa'i steng du gzhag par bya/ yungs kar gyis gtor zhing hUM zhes se gol byas na mdung rtse gsum pa 'bar bar byed/ ldang bar byed/ nam mkha' la 'gro bar byed/ kun tu 'phar bar byed/ 'gro bar byed/ phyogs bcur 'bar bar byed de/ ji srid du bzlog pa ma byas pa de srid du 'phar bar byed do// chu dang yungs kar gyis bzlog pa byas na slar dkyil 'khor la 'dug go// dung la til mar gyis byugs la phye mas gtor la thig le bya/ yungs kar gyis kyang phyi nang gtor la bus na ji srid du sgra thos pa de srid kyi skyes pa dang / bud med dang / khye'u dang / bu mo thams cad bro rdung bar byed/ rgyug par byed/  mchong bar byed cing phyogs bcur rab tu rgyug par byed do// g.yul ngor bus na 'gyed pa'i mi thams cad dang / mtshon cha thams cad dang / go cha thams cad btang nas bro rdung bar byed/ gcer bur 'byung bar byed/ phyogs bcur rgyug par byed do// gal te dung lan bdun bus na phyir rgol ba dang pha rol gyi dmag tshogs des nyon mongs pa bskyed par 'gyur te/ ji srid du bzlog pa ma byas pa de srid du mchong zhing phyogs bcur rgyug go/ / spos chus bzlog cing khrus byas na phyir bde bar gnas par 'gyur la/ rtag tu rgyal ba dang / dpal gyi mchog sbyin par 'gyur ro// de nas sgyu ma de kho na nyid sgrub pa'i gsang sngags dang / rnam par 'phrul pa'i dngos grub kyi dkyil 'khor bshad par bya ste/ sgyu 'phrul gyi dra ba rnam par 'phrul pa'i dkyil 'khor gang du dkyil 'khor yongs su rdzogs shing / kun nas brgyan par yungs kar dang / til mar gyi rgyal po dang / phye mar bsres pas byug pa dang / thig les kyang dbang bskur cing pad+ma chen po'i phye mas byugs la lag pa pad+ma'i phyag rgya dang / hUM zhes bya ba'i sgra brjod na/ brjod pa tsam dang / yungs kar gyis gtor ba'i mod la gtor ma'i snod dang / snod rdza ma dang / bum pa dang / bum bu bkang ba thams cad dang / mtshon dang phyag cha thams cad dang / dkyil 'khor gyi steng nas nam mkha' la sor bzhi tsam gyis spags te 'dug la/ ji srid du dkyil 'khor gyi las su bya ba thams cad rdzogs rdzogs kyi bar du nam mkha' la 'dug go/ rig sngags 'chang ba sa'i steng gi sor bzhi tsam gyi tshad kyi steng gi nam mkha' la 'dug go// las su bya ba thams cad zin nas dkyil 'khor gyi yo byad dri chab kyi cho gas dbang bskur na gtor ma dang /  snod rdza ma dang / bum pa dang / bum bu thams cad rang nyid 'phar bar byed la slar yang rang gi gnas su 'dug go/ cho ga de lta bu ni dkyil 'khor thams cad la bya ste/ thams cad du yon tan ston par snang la/ byas pa tsam gyis las thams cad bsgrub par 'gyur te/ the tsom mi bya'o zhes bshad do// de'i phyi nas pad+ma'i dngos grub bshad par bya ste/ gser ram/ dngul lam/ zangs las shin tu legs shing mdzes pa snying po dang ze ba dang bcas shing sdong bu tshad dang ldan par byas la/ 'dab ma phyed la phye ba 'khor bar 'dab ma drug cu rtsa bzhi yod pa khru gang tsam gyi tshad sdong bu dang / snying po dang / ze ba'i tshad sor bzhi tsam du byas pa la til mar gyi rgyal pos bsku/ pad+ma'i phye ma dang / mig sman dang / mig bsku ba dang / thig ler byas pa dang bcas pas kun legs par bskus la/ pad+ma'i sdong bu'i bar du nor bu rin po che gzhag nas lan stong rtsa brgyad bzlas brjod bya/ khro bo'i rgyal pos lan bdun gyi bar du dbang bskur nas/ rig sngags 'chang gtsang ma legs par khrus byas pa gos gtsang ma bgos pas til mar gyis bdag nyid la bsku bar bya/ mig bsku ba dang / thig le dang / bdug pas bdag nyid kyi lus la bdug par bya'o// lag pa g.yas pa la nor bu gdags/ lag pa g.yon par pad+ma bzung la bcom ldan 'das kyi spyan sngar 'dug ste/ 'khor gyi nang du bcom ldan 'das la pad+ma'i mchod pa 'bum bya ste/ pad+ma 'bum 'byung bar 'gyur ro// mchod pa'i cho ga byas nas chu dang yungs kar gyis btab na'ang 'byung bar 'gyur ro/ / pad+ma sprul pa gang yin pa de dag thams cad chu'i nang du bor na pad+ma mgal me bskor ba ltar 'khor bar 'gyur la/ pad+ma 'bum rnams char du 'bab par 'gyur ro// pad+ma chu'i nang du gzhag par bya ba ni mtsho bran nam/ lteng ka 'am/ chu bo 'am/ chu bo chen po 'am/ 'obs sam/ rdzing ngam/ mtsho'i nang gang yang rung ba'i gnas su bzhag na gnas de dang de thams cad du pad+ma'i mtsho chen po 'byung ste/ ji srid du pad+ma ma phyung ba de srid du/ dus rtag tu pad+ma'i mtshor 'dug ste/ ston ka'am/ dgun nam/ dpyid dam/ sos ka tsha ba'i dus su rtag tu pad+ma'i mtshor 'dug go/  tshal gyi 'gram du zhugs nas yungs kar la til mar gyis bskus pa phye ma dang sbyar nas me tog gang yang rung ba zhig lag gis bzung ste bskor la yungs kar gyis gtor na/ tshal gyi mtha'i shing tham cad la me tog rgyas par snang ngo / / dge 'dun gyi nang ngam/ tshogs pa'i nang ngam/ rgyal po'i pho brang 'khor ram/ skye bo'i nang du me tog ji snyed pa lag gis bskor la/ yungs kar gyis gtor na me tog mang po 'byung bar 'gyur ro/ / chu dang yungs kar gyis thams cad du zlog par byed pa yin no// 'bras bu ji snyed pa lag gis bzung nas yungs kar gyis gtor na 'bras bu'i char 'bab par 'gyur ro/ / gos lag pas bzung nas yungs kar gyis gtor te bskor na gos dang bla re sna tshogs ston par byed do// rgyan lag pas bzung nas yungs kar gyis gtor na lha'i rgyan bzang po snga tshogs pa lag tu 'byung bar 'gyur zhing / skye bo 'dus pa thams cad kyi rgyan du byas la/ thams cad la rgyan btags par 'gyur ro// yungs kar dang chus bzlog par bya'o// yungs kar la mar gyis bslus/ bye mas bsgo/ giT wang dang / gur kum dang / shing kun dang / sU tra'i 'o mas kyang bskos la/ de dag gcig tu byas nas grib ma la bskas so// de nas 'bras bu gcig khar bcug la phyogs bzhir gtor na kha nas me 'bar bar snang zhing lus las 'bar ba sna tshogs 'byung bar snang ste/ ji srid du yungs kar kha na yod pa'i bar du lus las 'od zer 'bar ba kha dog rnam pa sna tshogs 'byung ngo / / til mar dang lhan cig btags pa'i snying por bya/ skong bur til mar gyi rgyal pos bkang ste mar me 'bum ston par byed do// me thab khung bu'i nang du bcug na ji srid du ma phyung ba de srid me 'bar ston to/ / mar me'i sdong bu'i nang du bcug la ma phyung na rtag tu 'bar ro// mgal me 'bar ba'i nang du bcug na 'bar ba'i 'phreng ba 'bum snyed du snang ngo // gtor ma'i rdza ma dang bum pa'i nang du gtor na gtor ma'i rdza ma dang bum pa thams cad du 'bar bar snang ngo / / lag cha dang mtshon cha thams cad la byugs na gcig tu 'bar bar 'gyur ro// bdag nyid kyi lus la byugs la ril bu gtsang ma spyi bor bzhag na/ lus thams cad gcig tu 'bar bar snang ba nas lus ril bsregs pa ltar snang ngo // 'o ma dang / yungs kar gyis gtor na lus slar snang bar 'gyur ro// lag pa dang rkang pa la bskus la ril bu gtsang ma 'bar ba lag pa g.yas pas bzung ba 'am/ rkang pa'i mthe bos bzung na lag pa dang rkang pa gcig pu 'bar ba dang 'brel bar snang ngo // 'dus pa'i nang ngam/ skye bo 'dus pa mang po 'am/ rgyal po'i 'khor ram/ sde can gyi nang ngam/ rig byed bzhi'i nang thams cad du yan lag nyam par snang / dri chab dang yungs kar gyis gtor na lus slar rdzogs par 'gyur ro/ / mtshan mo ril bu bsregs pa lam gyi bzhi mdor bzhag nas yungs kar gyis phyogs bzhir gtor na mar me 'bum phrag bye ba snang ngo / / kun nas phyogs bzhir chu dang yungs kar gyis bzlog par bya ba yin no// tshal chen po'i mtha' dang nang du gtor la shing gcig la ril bu gtsang ma bzhag na shi dang / rdza dang / shad gel ba dang / 'dab ma dang / lo ma thams cad gcig tu 'bar bar snang ngo // ri'i rtse mor mar me bus nas ri kun tu gtor na ri kun nas gcig tu 'bar zhing mchad par snang la sems can thams cad kun nas ngo mtshar du 'dzin par 'gyur ro/ / rkun ma dang / g.yon can dang / gnod byed dang / pha rol gyi dmag tshogs dang / sdang ba dang / phyir rgol dang / phas kyi dgra thams cad dang / sdang sems can nas/ ri dgas gtum po dang bya la sogs par ri la gnas pa rnams de'i mtshan mo nyid phyogs bcu kun tu bros shing ha ha zhes bya ba'i sgra 'byin to// spos chab kyis bzlog par 'gyur ro/ / gzugs brnyan gyi steng du gtor la/ gtsang ma'i ril bu 'bar bar bzhag na gzugs brnyan thams cad gcig tu 'bar bar 'gyur te/ spos chu dang sungs kar gyis bzlog par 'gyur ro/ / mar me'i ril bu grong khyer gyi shar phyogs kyi sgor sbar te gnas gtsang mar gzhag/ dkyil 'khor gcig byas nas gtor ma'i cho ga bum pa bkang ba gzhag/ grong khyer kun tsu srungs kar rnaMs ku nga don mod pa'i nal po'i phyag rgya bcing shing don yod pa'i rgyam po'ang dran par byas na zong zher kun nas mar me'i 'breng ba 'bar ba gcig tu snang ngo / / zong khyer byin bzhir dkyil 'khor gyi cho ga byas la shar phyogs kyi sgo nas zhug na kang grong khyer na gnas pa skyes pa dang / bud med dang / khye'u dang / bu mo de dag thams cad dga' ba chen po rgya che bas tshim par 'gyur ro//  grong khyer de na gang sdang ba'i sems can phyir rgol ba dang / phas kyi dgra dang / chom rkun dang / g.yon can dang / gnod byed dang / glags tshol dang skabs tshol bar gyur pa/ gnod sbyin dang /  srin po dang / yi dgas dang / sha za dang / brjed byed dang / mi ma yin pa gang yang rung ba grong khyer de na gnas pa de dag lang long du gyur cing gdung la ngu zhing ha ha zhes sgra 'byin cing grong khyer gyi sgor byung nas phyogs bcur rab tu 'bros so/ / grong khyer de'ang kun nas gnod pa med cing 'khrug pa med par 'gyur// 'jigs pa dang / gnod pa dang / nad 'gro ba dang / 'khrug pa thams cad dang /  nad thams cad rab tu zhi bar 'gyur/ mtshan mo 'das nas spos chu dang yungs kar gyis grong khyer gyi sgor gtor zhing dbang bskur na bzlog par 'gyur ro//  'phags pa don yod pa'i zhags pa'i cho ga zhib mo'i rgyal po bam po bcu dgu pa// sdong ros dang / zing shun gyi bye ma dang / yungs kar dang / ma hA trai la dang / arga'i 'o ma dang / pha gu'i 'o ma dang gcin du sbyar ro// nya'i mig mkhris pa dang bcas pa dang / nag bus pa dang / pad+ma'i chu ba rnams kyang lhan cig tu phye ma zhib mor bya'o// phye ma snga ma legs par sbyar la chus ril bur byas pa dang / phye mas gzhan yang bcang ngo // phye ma 'di dang pad+ma chen po'i phye ma bcang ba lhan cig tu bsres pa'i bye mas lus bskus la phyogs bzhir yungs kar gtor te/  ril bu khar bcug la hUM zhes bya ba bsdams te brjod na de'i lus las chu 'dzag cing / de kho na bzhin du rna ba gnyis nas kyang lha rdzas kyi chu 'byung bar snang / lus las spos kyi rigs yid du 'ong ba rab tu sim par byed pa 'byung ba ni nang thams cad grub par snang ste/ rgyal ba'i phyag bzhin no// yungs kar gyi phye ma blangs te nam mkha' la gtor la ril bu lag pas bskor na char chen po 'bab par 'gyur ro// ril bu nam mkha' la 'phangs na mi 'bab bo/ / g.yul chen po 'gyed pa'i nang du phye ma de yungs kar dang bsres te nam mkha' la gtor la ril bu de'ang khar bcug ste/ stang du bltas la hUM zhes bya ba'i sgras bos la/ gnam lcags chen po 'bab ste yid mi 'chad pa dang sdug bsngal skyed par 'gyur ro// chu'i nang du zhugs te phye ma de gtor la yungs kar dang ril bu chu'i nang du gdab par bya/ phyogs bzhir yungs kar gton te til mar gyis lus la bskus na klu chen po'i gzugs su snang ngo / / ril bu dang yungs kar me'i mdog lta bu chu dang bsres pa'i yungs kar nam mkha' la gtor na 'brug sgra chen po 'byung zhing glog chen po gsal ba snang bar 'gyur ro/ / chu'i nang nas 'byung na mi snang bar 'gyur ro// khron pa'i nang du btab na chu lung nas phyogs kun tu chu 'bab par 'gyur ro// rdza ma 'am/ bum pa 'am/ rdze'u 'am/ ril bo b+h+r-ing ga ra 'am/ ril ba la phye mas byugs te/ de'i steng du yungs kar gyi gtor nas chus bkang ste khrus byas na de chu 'bab par snang zhir/ de'i snod ni mi snang bar 'gyur ro// gzhan yang dgos pa mang po byed de mchog tu grub pa yin no/ / de nas rin chen po'i tshad du 'bru mar gyi rgyal pos byas te 'bru mar gzhan dang / de bzhin du til las 'bru mar gyi rgyal po de bzhin du sbyar ro// lag pa dang rkang pa bzhag la 'dir nyam drod kyang shes par bya'o/ / bzhag pa thams cad du nyam drod shes par bya ba ni mar gsar bzhin du 'jam par 'gyur zhing / skad cig de nyid la mtho ba dang dma' ba ji ltar yid la 'dod pa bzhin duri'ang 'gyur ro/ / snying po thur ma 'dra ba dang / zlum po 'am/ yang na lcug ma lta bur byas pas ka ba'ang 'dud pa dang / ri'ang dma' ba 'am/ yang na mthon por 'gyur bar byed do// yungs kar dang pad+ma chen po'i phye ma lhan cig bsres pa 'bru mar gyi rgyal pos bsgos te phyogs bzhir kun tu gtor na ri bo thams cad mi snang zhing 'brog dgon par snang bar 'gyur ro/ / yang ri bor snang bar 'gyur ro// yang na mis bgrod par mi nus pa'i ri'i rtse mo na seng ge dang stag gis gang ba 'am/ lcug ma dang tsher ma can gyi shing ljon pa sna tshogs kyis gang ba 'am/ rtsub pa 'am/ dum bu 'am/ khong stong du snang bar 'gyur ro//  ci ste rig sngags 'chang 'phags pa spyan ras gzigs dbang phyug gi pho brang ri po Ta la'i gzhal med khang mthong bar 'dod na/ de nas rig sngags 'chang gis zhag bdun gyi bar du ras kyi 'o thug gi zas zos te gtsang ma shin tu khrus byas pa gos gtsang ma bgos pas ri'i gseb tu zhugs la/ sa phyogs gtsang ma'i gnas der shing dri zhim po'i me sbar ba la yungs kar phye ma dang bsres pa 'bru mar gyi rgyal po dang sbyar la 'bras so ba dang bsres pa stong rtsa brgyad zhag bdun du dus gsum du sbyin sreg bya'o/ / lha bshos dang gtor ma dkar po 'bul lo// de nas rig sngags 'chang gis tshes brgyad la nyin zhag gcig smyung ba byas la shin tu khrus byas pa gtsang mas spos sna tshogs kyis lus bskus/ gos bzang po gtsang ma bgos te/ 'bru mar gyi rgyal pos rang gis lus bskus/ phye mas lus byugs/ mig sman gyis mig bskus/ thig le byas la nor bus mgo bcing zhing / mgul pa dang / lag pa dang / dpung pa dang / rked par yang bcings la/ yungs kar dang mtshal bsres pas ri'i phyogs bzhir gtor bar bya/ pad+ma chen po'i phye ma de'ang phyogs bzhir gtor/ rang gi lag pa g.yon pas zhags pa dang pad+ma gzung zhing / lag pa g.yas pas rnam par lta ba snang ba dang / don yod pa chen po dri ma med pa'i phyag rgya gzung ste/ don yod pa'i zhags pa'i mdo lan cig bzlas brjod byas na/ ji ltar don yod pa'i zhags pa'i mdo sde bshad pa las bstan pa de ltar ri po Ta la'i gzhal med khang mthong bar 'gyur ro// rig sngag 'chang de'ang 'phags pa spyan ngas gzigs dbang phyug gi gzugs su snang bar 'gyur ro/ / ji ltar ri po Ta la'i gzhal med khang bzhin du ri de la'ang / zhal med khang snang ste/ ri de la rin po che'i shing ljon pa sna tshogs snang ngo // me tog sna tshogs kyi gzhal med khang snang ngo / / sA la dang / tA la dang / ta mA la dang / tsam ba ka dang / a sho ka dang / a ka dang / a sho d+hi muk+ti ka dang / ba ri sha ka dang / ka dam pa dang / nI la dang / ba Ta la dang / pa lA sha dang / u dum wa ra dang / dong ka'i me tog sna tshogs dang / sna ma'i me tog dang / tog dang / twa ra Na dang / na ba ma li ka dang / kub pya sna tshogs snang bar 'gyur ro// bya'i tshogs sna tshogs kyis legs par brgyan pa dang / ri dgas kyi tshogs sna tshogs kyis gang ba snang bar 'gyur ro// gang gi tshe phyir bsdu ba byed par 'dod pa de'i tshe gnas gzhan du 'gro bar bya'o// gzhan yang dgos pa sna tshogs la rang gi blo gros la ji ltar snang ba bzhin bya'o/ / dgos pa thams cad la rab tu sbyar ba ni bklags pa tsam gyis 'grub par 'gyur ro// don yod pa'i zhags pa chen po'i dkyil 'khor gyi rig sngags 'chang gi cho ga gsang ba'o/ / / don yod pa'i sgyu ma rnam par 'phrul pa zhes bya ba'i sgrub pa'i cho ga ni/ de nas de'i 'og tu phyag rgya bri ba'i dkyil 'khor bshad par bya ste/  rtags mtshon phyag rgya'i de nyid ni// pad+ma rgyas dang sna tshogs mtshon// pad+ma kha ni phyed bye ba// phyag dag na ni rab tu 'dzin// phyag gnyis phyung zhing brkyang nas kyang // bskum pa'am 'dzin stangs de nyid kyis//  kun nas 'phreng ba 'bar ba'i rtags// mtshon cha phyag rgya bsnams pa ni// 'di lta ste/ ral gri dang / mdung thung dang / mda' bo che dang / mdung rtse gsum pa dang / yid bzhin gyi nor bu dang / rgyal mtshan dang / rdo rje dang / rdo rje 'phreng zlum dang / las kyi rdo rje dang / zur gsum ma zhes bya ba dang / 'khor lo dang / dung dang / tho ba dang / zhags pa dang / dgra sta dang / dbyug to dang / me tog gi thum po dang / bum pa gang ba dang / rin po che'i snod dang / pad+ma'i 'phreng ba dang / rdo rje'i 'phreng zlum dang / ut+pa la'i 'phreng ba dang / me tog gi 'phreng ba dang / pad+ma dang / ut+pal dang /  zla ba dang / ri rab dang / me long dang / klu dang / mchod phyir thogs dang / zla ba dang / nyi ma dang / rgyal mtshan dang / gdugs dang / be con dang / gshin rje'i be con dang / chu srin gyi kha dang /  sngags de'i 'phreng ba dang / mdung rtse gsum pa'i 'phreng zlum dang / bsdigs pa dang / bsgyings pa dang / dbugs 'byin pa dang / mi 'jigs pa dang / mchog sbyin pa dang / thal mo sbyar ba dang /  glegs bam bsnams pa dang / 'khar gsil dang / lhung bzad dang / gdugs dang / dbu rgyan dang / nor bu brgyus pa dang / gsar skud dang / mu tig gi 'phreng ba dang / gdu bu dang / dpung rgyan dang / rna cha dang / me'i thab khung ngo // kun nas 'bar 'phreng phyag rgya de// sna tshogs rmad du byung bas spras// mtshon cha sna tshogs bsdams pa yi// pad+ma 'dzin la rab tu gnas// ras la bris pa 'am dkyil 'khor rab/ / rtsig pa 'am gang yang rung ba la// tshon rtsi rnam pa sna tshogs kyis// gang du bris pa mthong ba de// ngan 'gro sems can dmyal bar ni// phyir yang 'gro bar mi 'gyur ro/ / 'jig rten dbang gis rtag mchog sbyin// sdig pa thams cad rnam par spangs// gang zhig nyes byas mi bzad pa// mtshams med lnga po byed pa nyid// mnar med pa'i gnas dang ni// /  dmyal ba gzhan du gzhol ba gang // phyag rgya de dag mthong tsam gyis// 'gro ba thams cad zad par 'gyur// skye dang 'chi las rnam par grol// 'khor ba'i rgya mtsho brgal bar 'gyur// de dag skye ba phyi mar ni/ / phyir yang mngal gyis mi gos te// yang dang yang du pad+ma las// rdzus te skye ba dag tu 'gyur// rtag tu bde ba can du 'gro// gang na 'dren pa tshe dpag med// bzhugs pa'i spyan sngar rtag tu der//  skyes 'gyur the tsom mi za zhing // don rnams bde bar 'grub 'gyur zhing // rig sngags sna tshogs bde bar 'grub// bde bar dkyil 'khor 'grub 'gyur zhing // rtag tu mi ldogs nas 'gyur//  phyag rgya 'di dag mthong tsam gyis// sangs rgyas byang chub dang mnyam 'gyur// dus gsum gshegs pa'i sangs rgyas la// bla med dge rtsa bskyed par 'gyur// 'jig rten 'di dang pha rol tu// bsod nams phung po chen po 'thob/ / de nas dkyil 'khor rab bshad pa// de nyid 'grub pa'i phyag rgya rnams// 'jig rten 'di dang pha rol tu// 'dod pa thams cad rab tu sbyin// sdig pa thams cad mod la sel//  gang zhig mtshams med byed pa dag/ mi bzad mnar med gnas pa yis// sdig pa thams cad 'jig par 'gyur// dmyal ba'i sgo rnams bcad nas ni// mtho ris sgo phye the tsom med/ / sgo phye gyur pa rnams la ni// sangs rgyas zhing rnams snang bar 'gyur// de bzhin gshegs pa thams cad kyi dgongs pa/ mgon po 'jig rten dbang phyug gi phyag rgya'i dkyil 'khor mthong ba tsam gyis sems can phyir mi ldog par 'gyur ro/ / phyag rgya'i dkyil 'khor 'di mthong na shi 'bos pa'i mod la bde ba can du skye bar 'gyur ro// dkyil 'khor 'dir zhugs pa tsam gyis gang na thub pa 'dren pa 'od dpag med bzhugs pa'i pho brang du myur du 'jug par 'gyur ro/ / dkyil 'khor gru bzhi lham pa la// kun nas cha ni mdzes par bya// gru bzhi go la'i tshad tsam la// sgo bzhi them skas bzhi yis brgyan/ / shin tu legs par bskus dang ldan// 'jam zhing mnyen la mnyam pa yi// sa yi cha dang ldan pa la// dkyil 'khor shes rab can gyis dbye// dkyil 'khor de nyid thig btab la// phyag rgya bri ba rnam par dbye/ / phyogs bzhi'i cha ni mnyam pa yi// dbus na dkyil 'khor snying po yin// gru bzhi pa la kun nas kha khyer gyi rnam pa dang / mdung rtse gsum pa'i 'phreng ba rnam par dbye'o// gru bzhi pa'i dbus su phyag rgya don yod pa'i zhags pa'i phyag rgya kun nas 'bar ba bla na med pa dang / phyag rgyan gyis brgyan pa tshon rtsi sna tshogs kyis bri'o// dbus kyi dkyil 'khor gyi phyi rol gyi gnas su phyag rgya bri ba'ang shin tu 'byes par bya'o/ / dkyil 'khor kun nas gos dang / ba dan dang / rgyal mtshan gyis brgyan la kun tu yungs kar pos gtor ro// phyag rgya'i dkyil 'khor gyi phyi rol gyi gnas su phyogs bzhi kun tu bya ba ni ba lang gi lci ba sa dang bsres pas shin tu legs par byugs pa dang ldan pa la tshon rtsi'i phye mas kha khyer gyi rnam pa dang / kun nas pad+ma'i 'breng ba rgya chen po dang / mtshon cha bris la 'di'i sgo bzhi'ang rnam par 'byes par bri'o/ / ji ltar phyag rgya dang mthun pa'i ro sna tshogs kyi gtor ma gzhag par bya ste/ phyag rgya re re la'ang mchod yon phul la/ dbyib mo dang / phru ba dang / bum pa dang /  khams por dang / rdze'u gtor mas bkang la gzhag go/ kun tu bum pa gang ba dang // bdug spos kyi ni snod dag dang // me tog 'bras bu sna tshogs dang // gtor ma dkar po dag gis bkang /  me tog rnam par bkram byas la// kun tu 'phreng bas gzhag par bya// 'phreng ba bzang po gzhag nas kyang // de bzhin kun tu bdug spos dbul// a ka ru dang / tsan dan dang / du ru ka dang / sa la ki dang /  sprik+ka dang / gu gul dang / sra rtsi pog dang / sgron shing dang / gla rtsi dang / ga pur gyi bdug pa 'di dag gis bdugs la/ gtor ma dang / me tog dang / lha bshos dbul lo// phyag rgya'i dkyil 'khor du 'jug pas don yod pa'i rgyal po dran par byas te bskor la/ phyag rgya'i dkyil 'khor la phyag bya zhing phyag rgya thams cad la me tog bkram zhing me tog gtor ro// gang phyag rgya'i de kho na nyid gsang ba 'di dang / phyag rgya'i dkyil 'khor 'di sgrub pa gang dgos pa la sngar dkyil 'khor phyag rgya dang bcas pa la mchog tu mdzes par byas la/ phyis las thams cad bya'o// rig sngags 'chang ba gtsang ma yis// gtsang ma yi ni gos bgos la/ / ji ltar dkyil 'khor cho ga bzhin// dkyil 'khor du ni gzhug par bya// ji ltar dkyil 'khor la dgos pa// de bzhin du ni las bya'o// phyag rgya'i dkyil 'khor la med pa// dkyil 'khor 'dir ni zhugs tsam gyis/ / thub pa snang mdzad kyis gsungs pa'i// spyi yi rigs ni thams cad du// phyag rgya dkrigs dang gtams rnams kyis// dam tshigs kun tu shes par 'gyur// spyi rigs kun gyi cho ga yis/ / dam tshig rjes zhugs de bzhin no// dkyil 'khor kun tu zhugs pa dang // rgyal bas lung ni bstan par 'gyur// kun gzigs de bzhin gshegs pa yis// phyag ni spyi bor 'jog par mdzad/ / chos kyi ro ni bdud rtsi yi// gzi brjid mod la 'jug par 'gyur// rnam snang mdzad gsungs dkyil 'khor du// don yod dngos grub stsol ba mdzad// phyag rgya'i dkyil 'khor gang bzhugs pa//  kun tu spyi yi rigs rnams kyi// don yod dngos grub mchog myur thob// sangs rgyas bye ba gang+gA'i klung gi bye ma khrag khrig brgya stong phrag dgu bcu rtsa dgu'i de bzhin gshegs pa'i drung du dge ba'i rtsa ba bskyed par 'gyur ro/ / bsod nams kyi phung po chen po dang ldan par 'gyur te/ yon tan gyi phan yon 'di dag ni tshe 'di yin par khong du chud par bya'o// bde ba can gyi 'jig rten gyi khams su pad+ma las rdzus te skye bar 'gyur ro/ / tshe rabs su tshe rabs dran zhing 'od zer bye ba 'bar ba'i lus dang ldan zhing / tshe bskal pa brgya stong dpag tu med par 'gyur ro// yon tan thams cad dri ma med par snang ba don yod pa'i rnam par 'phrul pa bstan pa bkod pa zhes bya ba'i ting nge 'dzin thob ste/ gang ting nge 'dzin thob pas sgyu ma chen po lta bu'i rnam par 'phrul pa'i rdzu 'phrul gyi cho 'phrul ston par byed do// dkyil 'khor thams cad kyi lha'i spyi'i rigs de bzhin gshegs pa'i rigs kyi byin gyis brlabs kyis rjes su 'jug par 'gyur ro/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phya chen po dang / mi dang / mi ma yin pa thams cad dbang du gyur nas rtag tu rjes su 'brang bar 'gyur ro// sangs rgyas dang byang chub sems dpa' thams cad kyis dkyil 'khor rnams 'byor par gzigs nas bsrung ba dang / bskyab pa dang / sba ba mdzad par 'gyur ro// sems can thams cad phyi bzhin du 'brang zhing mchod pa chen po byed par 'gyur ro// rgyal po btsun mo dang / 'khor dang bcas pa rnams kyis mchod pa'i 'os chen por 'gyur ro/ / sem+ba can thams cad gcig tu bla mar byed par 'gyur ro// nad tham cad med par 'gyur ro// sgrib pa thams cad rnam par dag par 'gyur ro// mtshan ma bri ba'i phyag rgya'i dkyil 'khor gyi cho ga'o/ / / de nas sbyin sreg gi cho ga'i dkyil 'khor bshad par bya ste/ rig sngags 'chang ba rnam dag gi/ de nyid sgrub pa bsgrub pa'i phyir// spyi yi rigs rnams thams cad kyi/ / cho ga zhib mo bla med yin// gang gi sbyin sreg byas tsam gyis// phyogs kun rnam par gzigs pa yi// de bzhin gshegs rnams byon 'gyur zhing //  byang chub sems dpa' dgongs par 'gyur// rig sngags dngos grub rjes stsol cing // rtag tu srung ba mdzad par 'gyur// mgon po 'phags pa spyan ras gzigs// the tsom med par myur du byon//  mgon po 'khor bcas gnas nyid na// rang gi gzugs su mthong bar 'gyur// 'dod pa thams cad rtag tu stsol// rtag tu mchog ni stsol ba nyid// nyin dang mtshan du rtag par ni// rnam par gzigs 'gyur the tsom med/ / dkyil 'khor bshad par bya ste// dkyil 'khor gru bzhi shin tu mdzes par bya ba ni rgya chen po ko la'i tshad tsam la// legs par byugs pa shin tu 'jam pa/ shin tu gsal ba/  gru bzhi sgo bzhi dang / tham skas bzhi dang ldan pa/ rnam par 'byes pa/ mchog tu mdzes pa/ dbus kyi dkyil 'khor gyi snying por yang bya'o// me yi gnas kyi dkyil 'khor ni// gru bzhi nyid kyi rnam pa la//  kun nas them skas bzhi dag dang // steng du grwa ni bzhi pa bya// rtag tu pad+ma'i snying po dang // snying po rgyas pa'i stang du yang // kun nas 'dab ma mdzes par bya// grwa bzhir pad+ma'i 'phreng ba bya/ / de bzhin du grwa gnyis kar rdo rje pad+ma dang bcas pa'o// gsum par mdung rtse gsum pa pad+ma dang bcas pa'o// bzhi par 'khor lo pad+ma dang bcas pa'o// lnga par bum pa gang ba bzhag go//  sna tshogs tshon gyis rnam mdzes pa'i// kun nas 'dab ma'i myugu bya// rin chen snod ni bkang ba dang // me tog 'phreng dang ngang pa dang // bye ma bad+mar bcas pa dang // de bzhin me tog rigs dag nyis de bzhin sna tshogs rgyan brgyan pa'o/ / nub kyi gnas dang grwa dag tu// pad+ma'i 'dab ma ut+pal bcas// bum pa dur rabs bkang ba bri// rtsa ba'i bum pa dbu ma la// 'dir ni kha khyer thig kyang gdang /  de nas dkyil 'khor mdzes bya ba// thig gis kun nas cha mnyam zhing // sgo bzhi mdzes par bya ba ni// tshon sna lnga yi skud pas gdab// me 'bar mdog can bri ba ni// kun nas 'bar ba'i 'breng ba can/ / grwa dang grwa ra ni me lha bri// lus ni me mdog 'bar ba dang // lag nam 'bar 'dzin pa dang // mtshan ma sna tshogs gzhan dag kyang // cho ga bzhin du bri bar bya// dkyil 'khor gyi ni cho ga bzhin/ / ba dan mda' dang sna lnga yi// srud pas bum pa gang dkris dang // de bzhin bdug spos snod dag gis// kun nas dkyil 'khor brgyan par bya// sna tshogs gzugs can rgya che yis// snaH royi gtor ma gzhag/ rdze'u dang kham por rnam gsum gyi// dkar pos bkang ba gzhag par bya'o// rdze'u dang dbyib mo bum pa ni// gtor mas bkang ba kun tu gzhag/ 'bras bu rnam pa sna tshogs gzhag/ kun nas me tog dgram bya zhing // 'phreng ba sna tshogs gzhag par bya// 'bras yos yungs kar gtor nas ni// kun tu mar me 'bar ba dang // sna tshogs dri dang de bzhin du/ dri yi phye ma lha bshos dang // dkyil 'khor kun la gzhag par bya// dkyil 'khor dag ni thams cad la// blugs gzar du ra ba rtag tu gzhag/ shing ni arga shi mi dang / yungs kar 'bras ni so ba dang // zhu mar dang ni mar dkar dang // kun du ru ka tsan dan dkar// sbyin sreg cho gar 'dir bzhag ste// dus gsum rtag tu rig 'dzin gyi// sbyin sreg brgya rtsa brgyad du bya/ / rig pa 'dzin pa gtsang ma yis// gtsang ma yi ni gos bgos la// dkar gsum gyi ni zas bza' zhing // gzhan ni bza' dang bca' mi bya// dkyil 'khor gyi ni nub sgo nas// dkyil 'khor shes pa 'jug bya zhing / / d+ha ra b+ha'i stan la skyil krung du// shar phyogs kha bltas 'dug par bya// byams pa'i sems la mnyam bzhag ste// don yod rgyal po dran bya zhing // snga dro'i dus su sbyin sreg bya/ / gung la slob ma gzhug bya zhing // spyi yi rigs kyi sreg blugs ni// phyi 'phreng dus su bya ba'o// gang zhig dkyil 'khor du zhugs la// sbyin sreg dkyil 'khor de nyid dang // grub pa kun tu cho ga yi/ / bdag nyid dbang bskur med kun gyi// sbyin sreg byed pa'i mchog tu gsungs// kun tu gnas ni thams cad na// rgyas pa gnas mchog rwa gcig dang // gar ge de bzhin phur bu dang // mdun na don pa me lha ni/ / sbyin sreg byed pa 'jig rten par// mtshungs shes ston pas lung bstan to// 'jig rten 'das pa'i las sgrub pa// rig 'dzin dbang po chen po dang // phyag na rdo rje tshangs pa dang //  khyab 'jug dbang phyug chen po dang // mnyam pa bas kyang lhag pa nyid// me yi sbyin sreg byed pa la// de bzhin gshegs kun byin gyis rlob// gal te zhag bdun dus gsum du// de la sogs pa'i las rnams ni/ / ma la sbyin sreg byed pa la// mod la sngon shes lnga thob ces// de skad 'jig rten 'dren pa gsung // las ni byas nas de nas ni// sbyin sreg las ni brtsam par bya// sreg blug sbyin sreg byas tsam gyis/ / las rnams thams cad 'grub par 'gyur// lha rnams rtags tu 'ong 'gyur zhing // de bzhin gshegs kun dgyes par 'gyur// byang chub sems dpa' byon nas ni// /  mod la mthong ba'i sbyin par mdzad// sdig pa thams cad sreg par 'gyur// shin tu mi bzad sngon gyi las// sreg blugs tsam gyis mod la sreg/ 'bar ba me yis phye leb bzhin// de la sogs pa'i sdig pa ni/ / sreg 'gyur 'dir ni the tsom med// sdang ba'i phyir ni rgol nyid dang // mi bzad phas kyi dgra rnams dang // pha rol dpung gis 'jigs pa nyid// de bzhin du yang rgyal po'i dpung // /  de kun sbyin sreg byas tsam gyis// mi gnang bar 'gyur the tsom med// de bzhin mi ngas gcong kun dang // nad kun rab tu zhi bar 'gyur// mu ga'i dgon pa'i 'jigs nyid kyang // sbyin sreg byas pa tsam gyis 'jig/ gnod sbyin srin po 'byung po dang // de bzhin bgegs dang log 'dran dang // sha za brjed byed yi dgas dang // de bzhin rnam pa sna tshogs gdon// 'di kun sbyin sreg byas tsam gyis/ / 'jig par 'gyur ba the tsom med// rtag tu 'jigs med lo legs shing // gling dang bde bar 'gyur ba yin// rtag tu sems can thams cad ni// kun tu rgyal bar 'gyur pa yin/ / rgyal po dpung dang bcas pa nyid// btsun mor bcas pa nyid kyang ni// rtag par kun tu gsal bar ni// mi 'jigs sbyin par the tsom med// rtag tu nad med 'gyur ba dang / / dga' zhing yid ni bde ba dang // lus can dag ni thams cad la// rtag tu dga' bar byed cing gnas// rtag tu ma yi lha nyid ni// rgyun du mthong bar 'dod pa yi// mo la sbyin sreg byas tsam gyis/ / me lha nyid ni bzhugs 'gyur te// rtag tu las ni thams cad mdzad// rgyun du phyi bzhin 'brang bar 'gyur// lha ni rtag tu 'ong 'gyur zhing // thams cad du ni mthong ba ster// rgyu skar zla ba/  nyi ma dang // gshin rje dang ni chu lha dang // rgyal po chen po bzhi po dang // dpung bcas bzhon par bcas pa yang // nyin dang mtshan du rtag pa ni// rjes 'brang bsrung 'gyur the tsom med// ci ste rig sngags 'chang don yod pa'i rgyal po'i snying po sgrub par 'dod na/ rig sngags 'chang gtsang ma des shin tu khrus byas la gos gtsang ma bgo bar bya/ nyin zhag gcig smyung pa bya zhing / shing arga'i yam sreg shing gis ma spar la pad+ma dang / zhun mar dang / 'bras so ba'i sbyin sreg brgyad brgya byas nas sreg zugs lan cig byas pas/ mtshams med pa lnga byed pas kyang 'grub par 'gyur te/ 'di la the tsom dang yid gnyis bskyed par mi bya'o//  de bzhin gshegs pa thams cad kyi spyi'i rigs kyi dngos grub 'dod na rig sngags 'chang des byang chub kyi shing gis me sbar la rigs spyir pad+ma dang / ut+pal sngon po dang / yungs kar dkar po dang / zhun mar bsres pa'i sbyin sreg brgyad brgya byas na de bzhin gshegs pa thams cad kyi spyi'i rigs kyi dngos grub 'thob ste/ thams cad cho ga chen po zhib mo dang / sbyin sreg chen po'i cho gar 'gyur ro// de nas pha rol gyi dmag tshogs gzhom par 'dod na rig sngags 'chang gtsang ma des shin tu khrus byas la gos gtsang ma bgos te/ seng ldeng gi me spar la/ zho dang / zhun mar dang / yungs kar dang / gu gul gyi sreg blugs kyi sbyin sreg brgyad stong byas na dpag tshad stong tshun chad kyi pha rol gyi dmag tshogs bcing ba byas par 'gyur ro/ / pha rol gyi dmag tshogs dang / dgra gzhom par 'dod pa dang / dpung gzhig par 'dod na/ de nas rig sngags 'chang gis shing ka ra wI ra'i me spar la/ sbrul gyi pags pa rjes pa dang / ske tshe'i sa bon dang / lan tshwa 'bras sA lu dang bsres pa yungs mar dang sbyar ba'i sbyin sreg byas na dpag tshad stong tshun chad kyi pha rol gyi dmag tshogs dang / dgra la gnam lcags chen po dang / rlung grang mo 'bab pas 'phongs pa dang / yid mi bde ba skyed par 'gyur/ dgra thams cad rnam par 'jig par 'gyur ro// klus char 'bebs par 'dod na rig sngags 'chang des nyin zhag gcig sbyang ba byas la shin tu khrus byas pa gtsang mas dri sna tshogs dang / me tog 'phreng ba dang / yungs kar dang / sha ta pus pa zhun mar dang sbyar ba'i sbyin sreg mtshan gcig la dus gsum du byas na klu'i rgyal pos char gyi rgyun chen po 'bebs te/ 'dzam bu'i gling mtha' dag tu zhag bdun gyi bar du char 'bab par 'gyur ro// char de nyid ha cang ches na thal ba nam mkha' la gtor na ha cang char ches pa 'chad par 'gyur ro/ / yang me lha 'ong bar 'dod cing rang gi gzugs su mthong bar 'dod na rig sngags 'chang gtsang ma des gos ga tsang ma bgos la/ nyin zhag gcig gnas par gyur pa sa shing sna ma'i ma spar la 'bras so ba dang / zhun mar dang / 'bru mar dang / sha kha ra dang / bu ram dang bcas pa dang / tsha ba gsum dang / sna ma'i me tog bsres pa brgyad stong sbyin sreg bya'o/ / brgyad stong tshang ba dang / me lha me'i nang nas lus phyed phyung ste 'dug nas/ rig sngags 'chang la ci bgyi bka' stsol cig ces zer zhing / ji ltar rig sngags 'chang gi cho ga'i don du 'gyur ba de bzhin du smra'o/ / thams cad sbyin pa zhes bya ba/ mchos thams par phyin pa zhes byab/ bdud kyi pa ne rgya ma pa chos sbyin par byed do// gang bdud rtsi 'bar ba me'i kha thob pas gang du dbug phyung ba dang brngubs pa der ma 'bar ba 'byung bar 'gyur ro/ / gang du phu zhes byas pas me 'byung bar 'gyur ro// mun gnag tu dbugs phyung na me 'bar te snang bar 'gyur ro// tsan dan dkar po'i sbyin sreg stong rtsa brgyad byas pas 'phags pa spyan ras gzigs dbang phyug nyid kyi gzugs ston par mdzad do/ / sa bon brgyan gyi sbyin sreg gis nad thams cad zhi bar byed do// 'bras so ba'i sbyin sreg gis ni rgyal po dbang du byed do/ / phub ma dang lan tshwa'i sbyin sreg gis ni zhes 'gras par byed do// 'bras yos dang yungs kar gyi sbyin sreg gis ni sems can thams cad dbang du byed do// yungs kar dang / gu gul dang / zhun mar gyi sbyin sreg gis ni gnod sbyin 'gugs so/ / ka ra wI ra'i me tog dang gu gul zhun mar dang sbyar ba'i sbyin sreg gis ni srin mo 'gugs so// de bzhin du 'dir las thams cad byed do// sbyin sreg gis dkyil 'khor gyi cho ga'o/ / / ri mo'i dkyil 'khor gyi sgrub pa'i cho ga bshad par bya ste/ kun tu thun mong sgrub pa'i mchog/ dge ba'i las kun byed pa ste// sangs rgyas thams cad mthong 'gyur zhing / / bla med bsod nams chen po sogs// don yod rgyal po de nyid ni// rnam pa sna tshogs gzugs dag tu// 'jig rten 'dren pa snang bar bya// mthu dang dngos grub sna tshogs pa'i//  'jig rten 'dren pa'i gzugs bya ba// grub pa sna tshogs byed pa'i gnas// so so'i gzugs su bya ba ni// ras sam yang na dar dag la// 'jigs pa med pa'i gzugs bya'o// don yod pa'i rgyal po ni khru gang tsam gyi tshad dam/ yang na tshad shin tu rnam par 'byes pa/ pad+ma'i mdog lta bu/ phyag brgyad pa/ dbu gsum pa/ de bzhin du spyan gsum pa/ zhi ba'i zhal du bri bar bya ste/ de bzhin du zhags pa 'dzin pa dang / pad+ma 'dzin pa dang / mdung me gsum pa dang / ril ba spyi blugs 'dzin pa dang / yid bzhin gyi nor bu dang / be con dang / dbugs 'byin pa dang / bgra ba 'phreng dang / me tog thum po 'dzin par bya'o/ / g.yon du ni dkar mo'o// g.yas su 'phags ma sgrol ma thal mo sbyar la dbu yid tsam 'dud pa rgyan thams cad kyis brgyan pa'o// 'phags pa spyan ras gzigs dbang phyug ni ral pa'i thor tsugs can/ dbu rgyan 'od dpag med kyis brgyan pa/ g.yas phyogs kyi dbu zla ba ches pas brgyan pa/ ri dgas kyi pags pa bsnams pa/ mchod phyir thogs pa/ rgyan thams cad kyi brgyan pa/ 'od 'dom gang dang ldan pa'o// nang rim du pad+ma'i 'phreng ba'o// rim pa gnyis par rdo rje 'phreng ba lcags kyu dang bcas par bya'o// rim pa gsum par nor bu rim po che'i 'phreng ba dang rin po che sna tshogs mdzes pa'o/ / rim pa bzhi par mdung rtse gsum pa'i 'phreng ba'o// rim pa lnga par kun nas 'bar ba'i 'phreng ba'o// steng dang g.yas phyogs kyi gnas su dbang po dang / tshangs pa dang / khyab 'jug dang /  dbang phyug chen po me tog sna tshogs thogs par bya'o// g.yon du gzhon nu dang / gshin rje dang / chu lha dang / lus ngan dang / dbang phyug dang / lha'i bu rnams bya ba ni me tog sna tshogs thogs par bya'o//  lha mo sgrol ma'i rgyab tu khro bo'i rgyal po don yod pa'i zhags pa bya ba ni khros pa/ gtum pa'i gzugs 'chang ba/ phyag bzhi pa/ 'bar ba'i nang du bzhugs pa/ sku rgyan thams cad kyis brgyan pa/ ral pa 'chang ba/ 'od dpag med kyis dbu brgyan pa/ spyan gsum pa/ g.yas pa zla bas brgyan cing ral gri 'dzin pa dang / zhags pa 'dzin pa dang / mdung rtse gsum pa 'dzin pa dang / dgra sta 'dzin par bya'o/ / dkar mo'i rgyab tu rig sngags kyi rgyal po dbu gsum pa bya ba ni zhi ba'i zhal ras can/ rgyan thams cad kyis brgyan pa/ dbu rgyan rgyal ba 'od dpag med can thogs pa/ pad+ma 'dzin pa/ nor bu rin po che chen po 'dzin par bya'o/ / 'og tu pho nya mo dang / dbyangs can dang / dung can ma dang / dpal mo dang / gnas ma dang / dpe med ma dang / ral pa gcig ma dang / pho nya mo zhi ba dang / lo tog gi lha dang / sa'i lha dang / rgyal po chen po bzhi bya'o// steng dang g.yas g.yon du sangs rgyas kyi sku gzugs skyil mo krung bcas pa sor bzhi pa'i tshad tsam bya'o// nyi ma dang zla ba'i lha rgyu skar dang bcas pa bya'o/ / ri mo'i gzugs kyi phyi rol gyi// rnam pa kun tu phyag rgya dang // phyag mtshan sna tshogs rdzogs par bri'o// klu brgyad bya zhing kun nas 'khor ba dang bcas par bya'o// rig sngags dngos grub bla med pa'i/ / ri mo'i cho ga'i gnas 'di ni// sdig pa thams cad mod la sel// mtshams med lnga po sbyong bar byed// phyag rgya dang dkyil 'khor dang bcas pa'i ri mo'i gzugs grub pa 'di ni spyi'i rigs thams cad du 'jug pa ston pa yin no/ / spyi'i rigs thams cad kyi de kho na nyid kyi ri mo'i dkyil 'khor 'di ni dus gsum du gshegs pa'i sangs rgyas dang / de bzhin du byang chub sems dpas kyang byin gyis brlabs pa'o/ / don yod pa'i byin gyis brlabs kyi ri mo 'di ni thub pa rnam par snang mdzad kyis byin gyis brlabs pa ste/ don yod pa'i zhags pa'i de kho na nyid snying por gyur pa de kho na nyid gsang ba 'di mthong ba tsam gyis rnam par thar pa thob cing lung bstan par 'gyur ro/ / mthong ba tsam gyis cho ga zhib mo bla na med pa thams cad 'grub po// rnam par snang mdzad 'khor gyi dkyil 'khor chen po dang ldan par snang ba bye ba gang+gA'i klung gi bye ma bye ba khrag khrig brgya stong phrag dgu bcu rtsa dgu mngon sum du mthong bar 'gyur ro/ / dkyil 'khor chen po 'khor bcas kyi/  rig sngags cho ga bla med pa// spyi rigs yang dag 'byung ba ni// thub pa rnam snang mdzad kyis bstan// de bzhin gshegs rigs grub pa dang // gang yang pad+ma'i rigs de bzhin// nor rigs de nyid 'byung ba dang / / rdo rje'i rigs gang bla med pa// spyi rigs 'di nyid mthong ba ni// ri mo mthong ba'i khyad par yin// phyir yang ngan 'gror mi 'gro zhing // dmyal ba ngan 'gro'i sgo bcad de// mtho rigs kyi nisgo yang phye/ / bla na med pa ston pa yi// phyag rgya'i ri mo'i dkyil 'khor 'di// bsod nams bla na med pa yin// ci ste don yod pa 'jig rten dbang phyug gi gzugs mthong bar 'dod na// rig sngas 'chang des tsan dan dkar po las 'phags pa spyan ras gzigs dbang phyug don yod pa'i zhags pa sor brgyad kyi tshad tsam la/ gnad kyi gnas kyi cha'i sor tshad shin tu rnam par 'byes pa/ dbu dang mgur dang / rked pa dang / pus mo dang / yan lag dang / zhabs kyi tshigs dang / phyag sor dang / phyag sor gyi tshigs dang / sen mo thams cad mnyam zhing mdzes pa dang / ral pa dang sen mo tshad shin tu 'byes shing cod pan gyi rgyal ba'i g.yas phyogs na zla gam zhi ba'i gzugs can/ spyan gsum pa/ phyag bzhi shin tu mdzes pa dang / dbu skra shin mdzes pa/ rgyan thams cad kyis brgyan pa'i gzugs dang ldan pa/ zhags pa 'dzin pa/ g.yon pa 'od dpag med can/ phyag na pad+ma bsnams pa/ phyag g.yas pa mdung rtse gsum pa dang / dbugs 'byin cing rtag tu mchog sbyin par mdzad pa/  pad+ma'i gdan la bzhugs par bya'o// sgrol ma dang dkar mo 'ang 'od 'dom gang dang bcas par dgod do// mgon po shin tu mdzes pa nor bu dang mu tig gi rgyan gyi mtshams su gser gyi rgyan gyis g.yog pa'i cod pan nam/ yang na spyi gtsug tu ring bsrel bzhag par byas la/ tsan dan dkar po'i dkyil 'khor bya zhing / gur kum dang / gla rtsi dang / ga pur gyis mchod la/ dkyil 'khor gyi snying po 'di'i dbus su pad+ma ge sar dang bcas pa 'dab ma sum cu rtsa gnyis pa bris la/ de'i dbus su 'jigs pa med pas 'jig rten dbang phyug dar gyi cod pan gyis bcings pa bzhag la/ a ka ru dang tsan dan gyi bdug pa dbul zhing me tog dgram par bya/ mo tog gi 'phreng bas mchod par bya'o// rig sngags 'chang gtsang mar gyur pa shin tu khrus byas pa gos gtsang ma bgos pas smyung ba byas la/  mgon mo 'jig rten dbang phyug la mngon du phyogs par skyil mo krung bcas te 'dug la/ mchod yon dang lha bshos phul la byams pa'i sems la mnyam par bzhag ste/ sangs rgyas rjes su dran pa bsgom mo/ / sems can thams cad la brtse bar gyur pa'i ting nge 'dzin yang bsgom zhing / gtam gzhan la mi smra bar shin tu yongs su sbyang ba legs par spyod cing / gzhan 'jigs pa med pas bdag bsrung ba dang / phyogs bcing ba dang / dkyil 'khor bcing ba bsrung ba dang bcas pa'ang byas la/ bzlas brjod de nyid stong rtsa brgyad dang / phyag rgya rang stong rtsa brgyad brtsa na 'phags pa spyan ras gzigs dbang phyug 'bar zhing g.yo ba dang / bdag kyang 'bar ba dang snying dga' bar 'gyur ro// 'phags pa spyan ras gzigs dbang phyug gi mchog sbyin par mdzad pa'i phyag brkyang nas spyi bor bzhag ste legs so legs so/ / rig sngags 'chang khyod kyis mchod pa dam pa dang gsang sngags kyi cho ga chen po byas so// sgrub pa dam pa byas so// de bzhin gshes pa'i spyi'i rigs 'di dang / de bzhin gshegs pa'i rigs thams cad kyi cho ga zhib mo gsang ba dang / phyag rgya dang / dkyil 'khor gyi cho ga dang / thams cad du spyi'i dngos grub rig sngags 'chang khyod la 'grub kyis/ khyod kyis don yod pa'i zhags pa'i snying po rjes su zung zhig dang / rig sngags 'chang ji ltar yid la byed pa de ltar 'dod pa dang / mchog thams cad ji ltar yid la bsams pade thams cad rjes su sbyin no/ / 'di ni khyod kyi skye ba'i 'khor ba tha ma yin te/ skye ba dang / rga ba dang / 'chi ba dang / mngal du gnas pa las yongs su grol ba 'gyur ro// rig sngags 'chang khyod shi 'phos nas bde ba can gyi 'jig rten gyi khams su pad+ma las rdzus te skye bar 'gyur ro/ / de bzhin gshegs pa tshe dpag med mngon sum du mthong bar 'gyur ro// mngon sum du chos nyan par 'gyur ro// byang chub kyi snying po la gnas kyi bar tshe'i tshad bskal pa brgya stong dpag tu med grangs med bgrang du med par 'gyur ro zhes tshig tu gsung ngo / / de nas rig sngags 'chang gis khro bo'i rgyal po gang la khro bo'i rgyal pos me tog gam/  cod pan la mngon par gtor na/ des na 'phags pa spyan ras gzigs dbang phyug rang gi skur bzhugs te/ rig sngags 'chang nam mkha' la 'gro zhing don yod pa'i ye shes bkod pa dri ma med pa zhes bya ba'i ting nge 'dzin 'thob po/ / yangs pa chen pos rnam par thar pa'i dkyil 'khor don yod pa'i zhags pa'i dngos grub thob par 'gyur ro// sku gzugs sgrub pa de kho na nyid ces pa 'di gal te rig sngags 'chang skal ba chung ba/ mnar med par gzhol ba/ mtshams med pa lnga byed pa des lan cig nges par bsgrubs pa tsam gyis mdun du rang gi gzugs kyis nges par mchis par bgyi'o// gal te de bzhin gshegs pa thams cad dang dus gsum du gshegs pa'i sangs rgyas la sdang bas khrag dbyung bar sems bskyed pa des kyang / de bzhin gshegs pa thams cad dang dus gsum du gshegs pa'i sangs rgyas kyis dgongs pa'i dam tshig chen po'i byin gyis brlabs te rig sngags 'chang sgrub na rmi lam du bdag gis gzugs mthong ba sral bar bgyi zhing / yid la bsam pa thams cad yongs su rdzogs par bgyi'o// mchog thams cad rjes su stsal bar bgyi zhing / sdig pa dang sgrib pa thams cad rnam par dag par bgyi'o// dri ma med par rnam par thar pa'i 'od zer dkyil 'khor la rnam par lta ba zhes bya ba'i ting nge 'dzin 'thob po/ / sad nas 'jig rten pa thams cad kyi mchod pa'i 'os chen po gcig pur 'gyur ro// skye bo thams cad kyis mchod par bya ba chen por 'gyur ro// sgrib pa dang bral zhing rnam par dag pasgo kun tu dri ma med par snang ba zhes bya ba'i lus yongs su dag pa 'thob par 'gyur ro/ / sems can gang dag gis de mthong bar gyur pa de dag thams cad sgrib pa dang bral bar 'gyur ro// nad thams cad dang bral zhing nyon mongs pa dang bral bar 'gyur ro/ / gdol pas kyang dad pa dang gus pas sgrub pa rnam pa gsum dang / cho ga gzhan gyis kyang nges par yid la bsam pa thams cad yongs su rdzogs par bgyi/ rang gi gzugs kyis mthong ba stsal bar bgyi na/ mir gyur pa dad pa'i rjes su 'brang ba sdom brtson can gyis lta smos kyang ci 'tshal te/ dran pa tsam gyis bdag rang gi gzugs kyis mdun du mchis par bgyi zhing /  yid la bsams pa thams cad yongs su rdzogs par bgyi ste/ 'di la the tsom dang yid gnyis skyed par mi bya'o// de lta mod kyi bcom ldan 'das sems can tshe gcig pu pa de la rig sngags sgrub pa'i dngos grub rjes su stsal bar bdag gis rngo mi thogs lags so/ / gang yang phyi ma'i tshe phyi ma'i dus na dge slong dag dang / rig sngags 'chang ba'i sems can ser sna can/ sems gya gyu ba/ yid gnyis su byed pa/ ngo gnyis can/ ser sna can/ byas pa mi gzo ba/ pha rol gyi rdzas la brkam chags can/ gsang sngags rku ba/ yi ge rku ba/ gdug pa/ phrag dog che ba/ khengs pa/ gzhan gyi rdzas 'phrog pa/  mkhan po dang slob dpon phyag rgya dang dkyil 'khor bla ma la ma gus pa/ rig sngags kyi cho ga zhib mo 'di ston pa la ma gus pa nyid brkam chags can/ byas pa mi gzo ba nyid dag 'byung ste/ sems can de dag la bskyang bar bstan pa 'am/ dngos grub bstan par rngo mi thogs lags so// bdag la'ang brnyas par bgyid pa'i sems can de lta bu mang du 'byung ste/ bdag la'ang sun par bgyid pa/ bdag la'ang ma gus par bgyid pa/ kun nas mnar sems dang sdang bas khrag 'byin par bgyid pa dag 'byung bar 'gyur ro// bdag la'ang 'khu bar bgyid pa/ de bzhin gshegs pa thams cad kyi gsang ba'i dkyil 'khor /  spyi'i rigs kyi dam tshig sun 'byin par bgyid pa'i sems can de ni smad par 'os pa zhes brjod par bgyi'o// rig sngags kyi cho ga zhib mo dang / dam tshig kun nas 'joms par bgyid pa'i gdol pa zhes rigs par bgyi'o/ / de bzhin gshegs pa thams cad kyi gsang ba kun nas 'joms pa zhes rig par bgyi'o// de bzhin gshegs pa thams cad kyi snying po dang / gsang ba dang / dkyil 'khor kun nas 'joms pa zhes rig par bgyi'o/ / byang chub sems dpa' thams cad kyi dam tshig dang / gsang ba dang / rig sngags 'chang gi dkyil 'khor dang / phyag rgya kun nas 'joms pa zhes rig par bgyi'o/ / de dag gis bdag la smad pas sems can de dag sdig pa gdol pa zhes bgyi ste/ dge slong dag dang / rig sngags 'chang de dag ni smad par 'os par rig par bgyi'o//  tshig pa ka ba tshig pa lta bu/ rig sngags nyams pa/ log 'dren gyis zin pa/ dkyil 'khor gyi lha thams cad kyis smad pa zhes bgyi'o// 'jig rten pa dang 'jig rten las 'das pa chud gzan pa/  rig sngags nyams pa/ dmyal bar gzhol ba de dag ni bdag gis ma nongs te/ bdag gis yongs su spangs pa ma lags so// de lta mod kyi dus gsum du gshegs pa'i de bzhin gshegs pa'i yongs su spangs pa/ dus gsum du gshegs pa'i byang chub sems dpa' yongs su spangs pa/ rdo rje'i dam tshig dang / dkyil 'khor dang / phyag rgya thams cad spangs pa/ thub pa rnam par snang mdzad kyi dam tshig chen po'i dkyil 'khor dang dam tshig yongs su spangs pas/ bgegs dang log 'dren thams cad dang sdang ba thams cad kyis zin cing nad kyis yongs su zin par 'gyur ba de dag ni bdag gis ma nongs te/  bdag gis yongs su ma spangs so// de lta mod kyi rig sngags bsregs pa/ dkyil 'khor dang dam tshig bsregs pa/ phyag rgya byed pa dang bcas par bsregs pa/ gsang ba bsregs pa/ de bzhin gshes pa'i dam tshig dang rigs sun par byed pa/ sdig pa'i dge slong mang po de dag ni des na bskal pa mang po rdul phra mo bsags pa'i bskal par sdug bsngal nyams su myong ste/ 'jig rten 'di dang 'jig rten pha rol gyi bde ba can med do/ / de lta bas na sems can rig sngags kyi ched du rig sngags rjes su sems pas byams pa'i sems su bya'o// gang gi drung du phyag rgya dang / gsang sngags rim par phye/  pab dang / rig sngags gsang ba rnyed par 'gyur ba de la des gus pa chen po dang / bla mar bgyi ba chen po bskyed par bgyi/ pa dang ma dang 'dra ba'i sems bskyed par bgyi/ pha dang ma'i gus par bgyi/  ston pa'i gus pa bgyi/ rang gi sha dang / khrag dang / rkang yang gtang bar bgyi/ gos dang / rgyan dang / bza' ba dang / btung ba dang / stan dang / bgo bas rim gro dang mchod pa bgyi ste/ de la ni bdag gis mchod par bgyi/ rje dpon dang bla mar bgyi'o// rtag tu rjes su 'brang bar bgyi/ dran pa tsam gyis kyang bdag gis gzugs mthong ba rjes su stsal bar bgyi/ rgyun du rjes su 'brang bar bgyi/  bdag rgyun du rjes su 'brang ba ni/ ji ltar chab kyi nang du til mar gyi thigs pa stsal ba ltar dngos grub kun tu mchi bar bgyi/ rgya mtsho'i dus rlabs bzhin du thams cad du mchi bar bgyi'o// bdag gis zhags pa dang lcags kyus dmyal ba thams cad drang bar bgyi/ bde bar gshegs pa'i lam la so sor gzhag par bgyi/ stobs dang / brtson 'grus dang / gzi brjid chen po 'jug par bgyi/  thams cad du sgrub pa dang / dngos grub dang / mchog stsal bar bgyi'o// de nas tsan dan gyi gzugs 'di mthong bas 'phags pa spyan ras gzigs dbang phyug nyid kyi gzugs mthong ste/ de mtshungs par 'tshal bar bgyi ste/ bdag rang gi gzugs kyis rgyun kho nar gnas par bgyi'o// gang na cho ga 'di gnas pa de mchod rten dang bcas pa der mtshungs par rig par bgyi'o//  sa phyogs de ni ston pa bla ma bzhugs pa'i gnas su rig par bgyi'o// gang na dus gsum du gshegs pa'i de bzhin gshegs pa'i spyi'i dam tshig gnas pa sangs rgyas kyi gnas so zhes rig par bgyi'o/ / de gsang ba'i dkyil 'khor rmad du byung ba zhes rig par gagyi'o// lha thams cad kyi gnas dang dam tshig go zhes rig par bgyi'o// de bzhin gshegs pa'i rigs thams cad kyi gnas byang chub kyi snying po dang / chos kyi 'khor lo bskor ba dang / bdud 'dul ba dang / yongs su mya ngan las 'das pa chen po yang dag par ston pa'i gnas so zhes rig par bgyi'o// sa phyogs 'di rin po che sna bdun gyi gzhal med khang gi gnas bkod pas brgyan par rig par bgyi ste/ de la the tsom dang yid gnyis bskyed par mi bya'o// de nas de'i 'og tu gnas thams cad du gtogs pa'i dngos grub chen po sgyu ma chen po'i rnam par 'phrul pa'i gnas byed par 'dod pa dang / dgos pa thams cad byed par 'dod na rig sngags 'chang des dri sna tshogs las 'phags pa spyan ras gzigs dbang phyug gi gzugs sor bcu drug pa shin tu mdzes pa/  sku shin tu tshad dang ldan pa/ phyag drug pa/ de bzhin du zhal gsum pa bya ste/ dang po ni zhi ba'i zhal ras can/ tshangs pa'i cha byad 'chang ba/ spyan gsum pa/ ral pa'i thor tshugs kyis brgyan pa/ 'od dpag med pa'i dbu rgyan 'chang ba/ zla gam can no// zhal g.yas pa ni khro bo'i rgyal po'i gzugs can khros pa/ gzugs bsgyur ba/ spyan gsum pa/ ral pa'i thor tsugs can gyi steng gi ral pa la 'od dpag med pa'i dbu rgyan 'chang ba/ zla gam g.yas phyogs na gnas pa'o// g.yon pa ni zhal khro gnyer can/ khros pa'i lta stangs su lta ba/ spyan gsum pa/ ral pa'i thor tsugs 'chang ba/ 'od dpag med pa'i dbu rgyan 'chang ba/ g.yas phyogs bla gam can/ rgyan thams cad kyis brgyan pa/ 'od 'dom gang gis legs par brgyan pa/ zhags pa thogs pa/ pad+ma thogs pa/ mdung rtse gsum pa thogs pa/ dgra sta thogs pa/ dbus 'byin pa/ rin po che'i dbyug pa thogs pa/ pad+ma'i gdan la bzhugs pa'o// g.yas na lha mo sgrol ma thal mo sbyar cing 'dud pa'o// g.yon na dkar mo thal mo sbyar te yid tsam du 'dud pa/ rgyan thams cad kyis brgyan pa/ me tog sna tshogs kyis legs par brgyan par bya'o// zhabs kyi drung du rig sngags 'chang gser gyi rgyan gyis brgyan pa/ lag na me tog thogs pa/ 'phags pa spyan ras gzigs dbang phyag la kha bltas nas pus mo btsugs te 'dug par bya'o/ / lhag ma ma yin pa'i tshon rtsis tshud dang tshad ma 'dres par spyan dang / smin ma dang / mchu dang / sen mo'i gnas kyi gnas su sbyang bar bya'o/ / / 'phags pa don yod zhags pa'i cho ga zhib mo'i rgyal po bam po nyi shu pa// de nas rdzas bshad par bya ste/ 'jigs pa med pas spos kyi rigs tsan dang / ta ga ra dang / pu shel ci dang / li shi dang / nag puSh+pa dang / sbri ka dang / rgya skegs dang / kha bar+Ni kha dang / spang spos dang / na lad dang / gur kum dang gla rtsi dang / ka pur dang / smon shing dang / gnad s+thi yang ku dang / kun tu ru dang / sha kha ra dang / pad+ma ge sar dang / du ru ka dang / til mar dang / spra tshil dang lhan cig sbyar ba'i bye ma zhib mo shin tu 'jam pa/ shin tu gnyen pa/ mchog 'di gtsang ba gtsang sbra spyod pas thub pa/ 'phags pa spyan ras gzigs dbang phyug dges shing shin tu dul ba/ rab tu zhi ba'i rnam par shin tu mdzes par bya'o//  gsang sngags brgyad stong bzlas brjod byas pas lan gcig bsgrubs pa ni mchog yin te/ 'di yongs su rdzogs nas khro bo'i rgyal po thams cad la mngon du gtor te/ de nas rig sngags 'chang gis las brtsam mo/ / de nas rig sngags 'chang gtsang mar gyur pas gos gtsang ma bgos te/ shin tu khrus byas la dris byugs pas dkyil 'khor gru bzhi shin tu mdzes pa gsal ba/ ko la'i tshad tsam gyi dkyil 'khor bzang po legs par byugs pa shin tu gsal bar bya'o/ / dri sna tshogs kyis byugs pa shin tu 'jam pa la tsan dan dkar po dang gur kum gyis dbus su las kyi dkyil 'khor rnam par phye ba bri bar bya'o/ / 'dir pad+ma'ang bya ste/ 'dab ma brgya rtsa brgyad pa ges ra dang snying por bcas pa/ shin tu mdzes pa/ shin tu bzang ba tsan dan dang gur kum gyis bri bar bya ste/ der tshon rtsi gzhan ni spyad par mi bya'o//  bum pa spos chus bkang ba dang / de bzhin du dri chu dang gtor ma thams cad dri sna tshogs kyis bsgos pa dang / ci yod pa'i gtor ma bzhag ste/ de nas 'dir dkyil 'khor bya ba ni gnas sam/ dgon pa 'am/  khyim mam/ gang du gnas par gyur pa der khru gang tshad dam/ khru do 'am/ khru gsum mam/ lhag par yang bya'o// de bzhin du bdug spos dang / tsan dan dang / a ka ru dang / du ru ka dang / kun tu ru'o//  ba dan kha dog sna tshogs pas dkyil 'khor kun nas brgyan par bya'o// me tog 'phreng ba dgram bya zhing // dri dang byug pa de nyid dang // kun tu mar me'i 'phreng bya'o// de nas dri las byas pa'i 'phags pa spyan ras gzigs dbang phyug dkyil 'khor gyi dbus su pad+ma'i ge sar gyi steng du bzhag pa la/ rig sngags 'chang mngon du phyogs par skyil mo krung bcas te 'dug nas gzhan mi smra bar bzlas brjod brgyad stong brtsam par bya'o/ / brgyad stong rdzogs pa dang / 'phags pa spyan ras gzigs dbang phyug gi sku las 'od zer sna tshogs 'byung zhing sa cher g.yo bar 'gyur// rang gi lag pa g.yas pa 'bar bar 'gyur ro//  gzugs brnyan las rig sngags 'chang legs so legs so// khyod kyis 'dod pa'i las thams cad grub pa'o// don yod pa chen po'i 'khor lo rnam par 'phrul ba'i dngos grub dang / thams cad du dgos pa grub pa de kho na nyid grub po/ / khyod kyis don yod pa'i zhags pa'i snying po 'di mchog tu grub pa'o// khyod kyis sgrub pa'i cho ga rgya cher mchog tu grub po zhes sgra 'byung ngo // de nas rig sngags 'chang gis dgos pa yongs su rdzogs pa'i dkyil 'khor gyi cho ga ji ltar dgos par bya ste/ slob ma gzhug pa dang dam tshig ni 'dir dgos pa zhes bya'o// de nas rig sngags 'chang gis gang gi tshe dgos pa byung ba de'i tshe dri las byas pa'i mgon po la sngar mchod pa bya ste/ de nas dgos pa thams cad 'grub par 'gyur/ 'phags pa spyan ras gzigs dbang phyug mdun du bzhag la/ bzlas brjod brgyad brgya byas na dgos pa sna tshogs rmi lam du ston cing / ji ltar bsams pa thams cad ston par 'gyur/ de'i mdun du tsan dan dkar po las dkyil 'khor byas la/ tsan dan dkar po'i sbyin sreg brgya rtsa brgyad bya'o// de nas thal ba la bzlas brjod lan brgya rtsa brgyad bya ste/ rang gi lus mtha' dag khyab par bsku zhing / thal ba de nyid dang yungs kar gyi byugs pa phyogs bzhir gtor na 'jig rten dbang phyug gi gzugs ji lta ba de ltar 'jig rten thams cad kyis mngon sum du mthong ste/ ji srid du phyir bsdu ba ma byas pa de srid du 'jig rten dbang phyug gi gzugasu snang bar 'gyur ro// dri chu dang yungs kar gyis mngon du phyogs par gtor na phyir bsdu ba byas par 'gyur ro//  thal ba des rab tu bdugs te/ dur khrod kyi nang du zhugs na 'byung po'i bdag po dpung dang 'khor dang bcas pa mdun na nye bar gnas par 'gyur ro// gnod sbyin dang / srin po dang / 'byung po dang / sha za thams cad mdun na nye bar gnas shing dbang du gyur nas gnas te/ bdag dang nor gyis bgyi ba ci mchis zhes bya ba byed do// rang la byugs te tshogs kyi nang ngam/ dge 'dun gyi nang du zhugs na ston pa mthong ba ji lta ba de ltar de rig sngags 'chang snang zhing mthong ste/ mchod pa'i 'os chen por 'gyur ro// phyag bya ba'i 'os su 'gyur ro// don dang mchod pa chen po 'thob par 'gyur ro// thal bas lus bskus te klu'i mtshor zhugs na klu'i rgyal po stong phrag drug cu rtsa brgyad thams cad dbang du gyur nas gnas te bka' bzhin byed par 'gyur zhing / ji srid 'tsho'i bar du nye bar gnas par 'gyur/ rang la byugs te rgyal po'i pho brang du zhugs na/ rgyal po'i btsun mo dang 'khor du bcas pa rnams dbang du 'gyur te/ ci bgyi zhes bya ba byed cing mdun na nye bar gnas par 'gyur ro// 'jig rten gyi bla ma ji lta ba de bzhin du mchod pa chen po 'byung bar 'gyur/ don chen po dang mchod pa chen po 'thob par 'gyur/ ji srid 'tsho'i bar du nye bar gnas par 'gyur te/ ston pa dang / 'dren pa ji lta ba bzhin no// gang dang gang la thal bas reg pa tsam gyis de dang de'i nad thams cad dang bral bar 'gyur/ sdig pa dang sgrib pa thams cad rnam par dag par 'gyur/ ngan 'gro'i sgo thams cad bcad par 'gyur/ mchog tu bde ba dang ldan par 'gyur ro/ / shi 'phos nas bde ba can gyi 'jig rten gyi khams su skye bar 'gyur ro// byas pa mi gzo ba/ gsang sngags kyi gdol pa/ ma gus pa/ bla mar mi byed pa/ rlom sems can/ nga rgyal dang ldan pa/ bdud kyi phyogs pa/ skyes bu gti mug can bsogs pa la zhen pa/ khengs pa/ nga rgyal can de dag gis gang du'ang dngos grub yang dag par rjes su mi mthong ngo // de dag yun ring por thar pa mi rnyed par 'gyur ro/ / dus gsum gyi de bzhin gshegs pa dang / byang chub sems dpa' dang / gang yang rig sngags kyi dkyil 'khor gyi lha rnams kyis spang ba/ skye ba brgyud pa rang gi rgyud la dngos grub bsregs pa/ 'jig rten 'di dang pha rol chud gson pa dag ni ma gtogs te/ de lta mod kyi 'dir bdag gis cung zad kyang ma nongs te/ sdug bsngal mang po dang chen po'i sems can dgrol bar rngo mi thogs lags so/ / sangs rgyas thugs rje chen pos bka' stsal pa'i yid la bgyi ba bskal pa grangs par yid la bgyis pas dgrol bar rngo thogs lags so// de lta mod kyi sdug bsngal mang po brgyud par nyams su myong bar 'gyur ro/ / dngos grub ni byams pas 'thob ste/ byams pa dang gsang sngags kyi go cha bgos pa/ byams pa'i ral gri thogs pa/ sems can thams cad la phan zhing mnyes gshin pa la de kho na nyid sgrub pa'i dngos grub 'di dag 'jig rten 'dren pas rjes su gnang ngo / / mgon po 'di mthong ba tsam gyis spos kyis gzugs kyi 'jig rten mgon po mthong ba dang 'jig rten 'dren pa rang gi gzugs su mngon sum du mthong ba mtshungs pa nyid du khong du chud par bgyi'o/ / sangs rgyas bye ba gang+gA'i klung gi bye ma dang mnyam pa mngon sum du mthong ba kho na dang / 'jig rten gyi mgon po mthong ba mtshungs pa kho nar khong du chud par bgyi ste/ 'di ltar shes par bya'o// de nas phyir mi ldog pa'i gnas rig sngags 'chang gi 'khor los sgyur ba chen po sgrub par 'dod pa'i rig sngags 'chang gi dge slong ngam/ rigs kyi bu 'am/ rigs kyi bu mo 'am/ rgyal po 'am/ blon po chen po 'am/ rig sngags 'chang ngam/ gzhan gang yang rung ba'i rig sngags 'chang gis phyir mi ldog pa'i gnas 'thob par 'dod pa dang / dus gsum du gshegs pa'i sangs rgyas mthong bar 'dod pa dang / 'phags pa spyan ras gzigs dbang phyug gi gnas mthong bar 'dod pa dang / rig sngags 'chang gi dkyil 'khor gyi lha thams cad mthong bar 'dod pa dang / 'phags pa rdo rje 'dzin mthong bar 'dod pa dang / de bzhin gshegs pa'i rigs thams cad kyi spyi'i dam tshig mthong bar 'dod pa mchog 'di bsgrub par bya ste/ snying po dang bcas/ bya ba dang bcas pa des myur ba dang / shin tu myur ba dang / mgyogs par 'jig rten thams cad kyi mngon sum du cho 'phrul rmad du byung ba gsang ba bstan par mthong ste/ 'di la som nyi dang nem nur bskyed par mi bya'o// the tsom dang yid gnyis bskyed par mi bya'o// de nas rig sngags 'chang gis 'phags pa spyan ras gzigs dbang phyug gser gyi mdog can sor bzhi'i tshad tsam tshangs pa'i cha byad 'chang ba/ ral pa'i thor tsugs kyis brgyan pa bya ste/ shin tu tshad dang ldan pa/ cha byad mdzes pa/ cha shin tu rnam par 'byes pa/ phyag gnyis pa/ sman gsum pa/ 'od dpag med pa'i dbu rgyam can/ g.yas na zla ba tshes pa/ phyag gson na pad+ma dang ril ba spyi thugs bsdams pa/ phyag g.yas mi 'jigs pa sbyin pa/ sku'i nang ga pur dang / rma rtsi dang / ring bsrel gyis bkang ba/ g.yas na lha mo sgrol ma dngul las byas pa thal mo sbyar te yid tsam 'dud pa/ gser gyi rgyan gyis brgyan pa dang / g.yon na dngul las dkar mo thal mo sbyar te/ yid tsam 'dud pa pad+ma'i gdan la bzhugs par bya'o// steng gi g.yas phyogs na 'od dpag med skyil mo krung bcas te bzhugs pa dang / g.yon na shAkya'i rgyal po skyil mo krung bcas te bzhugs pa dgod par bya'o/ / 'od 'dom gang dang bcas pas legs par brgyan par bya zhing / gnad dang gnad shin tu rnam par 'byes pa/ skra dang / dpral ba dang / smin ma dang / shangs dang / snyan dang / zhal dang / mgul pa dang / dpung pa dang / nu ma dang / rked pa dang / brla dang / pus mo dang / byin pa dang / zhabs dang / phyag gi sor mo mnyam zhing thams cad mdzes pa/ sku chu zheng gab cing mtho dman ran pa/ mchod phyir thogs dkar 'chang bar bya'o// las shin tu yongs su rdzogs shing shin tu mthar phyin pa dang / 'phags pa spyan ras gzigs dbang phyug gi gzugs zin par rig nas/ de nas rig sngags 'chang gis rgyu skar bzang po'i zla ba nya'am/ tshes brgyad dam/ bco lnga 'am/ bcu gsum mam/ bcu bzhi 'am/ rgyu skar bkra shis pa rgyal gyi nyis dang mthun pa rnyed nas dkyil 'khor bsgrub par bya ste/ dkyil 'khor shin tu mdzes par bya ba ni gru bzhi la cha legs par phye ba/ ko la'i tshad tsam la them skas bzhis brgyan pa/ khru gsum par rnam par dbye bar bya ste/ chung bar dang lhag par ni mi bya'o/ / legs par byugs pa/ shin tu 'jam pa/ snyi ba/ mnyen pa/ dbyibs legs pa la tshon rtsi sna tshogs kyis rnam par dbye zhing dkyil 'khor dam pa thig gdab pa ni shin tu rnam par 'byes pa/ sgo bzhi pa la dkyil 'khor gyi dbus kyi snying por pad+ma'i rig kyi dkyil 'khor don yod pa'i zhags pa'i dkyil 'khor bri'o// phyi rol gyi dkyil 'khor gyi gnas su cha rnam pa dbyel lho'i grwa'i gnas su de bzhin gshegs pa'i rigs tshon sna tshogs kyi bri'o/ / de nas byang gi grwar bri ba ni rdo rje'i rigs kyi dkyil 'khor tshon rtsi sna tshogs kyis rnam par bkra bar bri'o// de nas nub kyi glar bri ba ni nor bu'i rigs kyi dkyil 'khor sna tshogs kyis rnam par bkra bar bri'o/ / de nas shar gyi grwar glang po che'i rigs kyi dkyil 'khor tshon rtsi sna tshogs kyis rtag tu shin tu mdzes pa dang / shin tu gsal bar bri'o/ / shar phyogs kyi dkyil 'khor gyi sgor ri bo bo Ta la me tog dang shing ljon pa sna tshogs kyis legs par brgyan pa ri'i lha dang bcas pa bri'o// lho phyogs kyi sgor ri rab klu'i rgyal po dga' bo dang nye dga' bos kun nas dkris pa dang / sum cu rtsa gsum pa'i ris kyi lha bri'o// byang phyogs kyi sgor ni spos kyi ngad ldang dri za'i tshogs kyis gang ba/ shing ljon pa sna tshogs kyis shin tu mdzes pa bri'o/ / nub phyogs kyi sgor ri ti se lha rnams kyi gnas me tog sna tshogs dang / 'khri shing dang / shing ljon pa sna tshogs mchog gis rtag tu gang ba bri'o// legs par zin nas kun tu ni// mdung rtse gsum pa'i 'bar 'phreng ngo / / de bzhin gshegs pa'i rigs su de bzhin gshegs pa dang rdo rje'i rigs nyid bzhag go// nor bu'i rigs su de bzhin gshegs pa bzhag cing /  de bzhin gshegs pa'i rigs dang / thams cad du rdo rje 'dzin pa bzhag na spyi'i rigs 'grub po// lha mo sgrol ma ni ri bo po Ta la la bzhag go/ ri rab la ni gos dkar mo'o// dpe med ma ni ti se'i rtse mor ro//  sgrol ma bdun ni spos kyi ngad ldang la bzhag go/ shar phyogs kyi sgor pho nya mo zhi ba mo pho nya mo bdun gyis yongs su bskor ba'o// lho phyogs kyi sgor ni srin mo ral pa gcig ma srin mo bdun gyis yongs su bskor ba'o/ / nub phyogs kyi sgor rdo rje lu gu rgyud yugu rgyad bdun gyis yong su bskor ba'o// byang phyogs kyi sgor khro gnyer can gyi rgyal po khro gnyer can bdun gyi yongs su bskor ba'o// de nas 'jigs pa med pra mgon po 'jig rten gyi bla ma'i gzugs gser gyi mdog can ring bsrel dang ldan pas don yod pa'i rgyal po rnam par 'phrul pa'i dkyil 'khor gyi snying po pad+ma rgya chen po'i dkyil 'khor du bzhag par bya'o/ /  grwar rgyal po chen po bzhi stobs po che go cha bgos pa/ drag shul gyi gzugs can/ mtshon cha 'bar ba thogs pa gzhag par bya'o// gang zhig thub pa rnam par snang mdzad kyi sprul pa/ spyi'i rigs yang dag par 'byung ba/ don yod pa'i rgyal po rnam par 'phrul pa/ 'jig rten dbang phyugs mchog sbyin pa dang bcas pa 'phags pa don yod pa'i zhags pa rnam par 'phrul pa sgrub pa'i ched du cho ga sna tshogs dran par bya'o//  sems can kun la phan bya'i phyir// rnam thar dkyil 'khor de nyid ni// legs par sgrub pa mthong tsam dang // bklags pas dngos grub bla med 'gyur// de bas rtag tu 'bad pa yis// sgrub par byed pa ni mkhas so/ / de nas rig sngags 'chang gtsang mar gyur pa shin tu khrus byas pa gos gtsang ma bgos pas dar dang ba dan sna tshogs bzang pos dkyil 'khor brgyan par bya'o// ro bro ba'i mchog rgya chen pos snod sna tshogs legs par bkang ba dang / gser dang dngul gyi snod du mchod yon dbul zhing ro sna tshogs kyi gtor ma gzhag par bya'o// de bzhin 'bras bu sna tshogs gzhag par bya'o// gzugs rnam pa sna tshogs pa'i la zas kyi gtor ma'ang bsgrub po/ / me tog sna tshogs bkram zhing gtor ma sna tshogs kyis bkang ba dang / bum pa dang / rdze'u dang / phor zlum dang / kham por dang / dbyib mo dag kyang dgang ngo // kun tu tri chus bsgos pa yis/ / rgya chen gtor ma kun tu'o// sna tshogs pa yi pog bor nas// sna tshogs bdug spos dbul ba ni// a ka ru dang / tsan dan dang / sprig ka dang / du rus ka dang / kun tu ru dang gu gul dang / sgron shing dang / shrI preSh+Ta ka dang / sa ra dang / sa ra dza ra sa dang / de bzhin du ga pu ra dang / gla rtsi dang / gur kum dang / sha kha ra'i bdug spos 'di dag ni rab tu phul/ thams cad du sgrub pa bla na med pa yin no/ / sna tshogs pa yi dri dag dang // phye ma byug pa sna tshogs nyid// shes rab can gyis kun tu ni// dkyil 'khor dag la gzhag par bya// lha rdzas kyi rin po che sna bdun gyi me tog dang /  dngul gyi me tog dang / rangs kyi me tog dang / byA ru dang ni mu tig dang // in+d+ra nI la dag dang ni// pad+ma rA ga dag kyang ngo // gser dang dngul gyi bum pa rin po che sna bdun can yang u0f7f bzhir gzhag par bya'o/ / 'bras yos dang yungs kar bsres pas dkyil 'khor kun tu gtor ro// kun nas me tog 'phreng ba ni// rmad byung dkyil 'khor la gzhag cing // kun nas mar me'i 'phreng ba yang / / dkyil 'khod rmad du byung la gzhag/ rig sngags 'chang nyid zhag gcig gnas par gyur pas yang bzlas brjod rgya cher byas la cho gas bsrung ba dang / phyogs bcings pa dang / kun nas dkyil 'khor bcing ba byas la dkyil 'khor gyi las bya'o/ / de nas slob ma gzhug par bya ste/ bla ma mkhan po 'am/ slob dpon nam/ pha 'am/ rgyal po 'am/ blon po chen po la dam tshig dang / phyag rgya dang dkyil 'khor gsang ba bstan te/ mgon po 'jig rten gyi bla ma mthong bzhir dkyil 'khor rmad du byung ba mthong nas phyag bya zhing mchod pa dang / me tog dang / bdug spos dbul bar byas la bskor ba bya'o//  de nas rig sngags 'chang gis thams cad la byams pa'i sems mnyam par bzhag ste/ skyil mo krung bcas nas 'dug la mi smra bar ya mtshan snang bar mthong gi bar du don yod pa'i zhags pa'i snying po bzlas brjod byas la/ dkyil 'khor kun tu khro bo'i rgyal pos lan brgya rtsa brgyad dbang bskur zhing yungs kar dang / chu dang / me tog gis dkyil 'khor kun tu lan brgya rtsa brgyad gtor ba'i mod la rtag tu phyag rtsa lan brgya rtsa brgyad bcings la dkyil 'khor kun tu me tog dang / bdug spos dang / dri phul nas mgon po 'jig rten dbang phyug don yod pa'i zhags pa mthong na don yod pa nyid mchod par bya'o// de nas mgon po phyag na rdo rje dang / rig sngags kyi rgyal po bla na med pa mchod par byed do// de nas lha mo sgrol ma dang kun tu lha mo thams cad la'o// de nas dkyil 'khor gyi lha thams cad la'o// de nas ri'i rgyal po rnams la gnas pa'i ri'i lha thams cad la'o/ / thams cad dang sgo srungs la rtag tu mchod pa bya'o// de nas phyogs bzhi kun tu rig sngags 'chang gis rtag tu mchod nas skyil mo krung bcas te 'dug la 'jigs pa med pas lag pa'i phyag rgya bcing bar bya'o/ / byams pa'i sems dang snying rje'i lhag pa'i bsam pa nyid kyis don yod pa'i zhags pa rtag tu dran par bya zhing sangs rgyas rjes su dran pa bsgom mo// /  gsang sngags brjod ma thag tu dkyil 'khor dpas gzhi g.yo zhing / gang dkyil 'khor du zhugs pa'i mod la snying dga' ba dang sems bde ba thob bo// 'od zer bye ba kha dog sna tshogs rnam par bkra ba 'byung zhing dkyil 'khor gyi snying po na don yod pa'i zhags pa 'gul bar 'gyur/ dkyil 'khor gyi snying po 'bar bar 'gyur/ de bzhin gshegs pa thams cad dang / de bzhin du phyag na rdo rje 'bar 'gyur/ dkyil 'khor la gnas pa'i lha dang lha mo thams cad 'bar bar 'gyur/ lha g.yo bar 'gyur zhing dkyil 'khor kun nas legs so zhes sgra grags par 'gyur ro// de nas ji ltar gser bkod pa de ltar dbus kyi dkyil 'khor gyi snying po dang / mgon po de bzhin gshegs pa shAkya thub pa dang / 'phags pa spyan ras gzigs dbang phyug dang / phyag na rdo rje dang / sgrol ma dang / dkar mo gser gyi mdog gis bkod pa chen po'i dkyil 'khor gyi nang nas bzhengs par 'gyur/ sku gser mdog can gzugs bzang pos bdag nyid kyi rang gi ngo bo ston pa snang bar 'gyur/ phyogs bcu kun tu rtag tu gzigs par 'gyur ro/ / thams cad du rtag tu sems brtan por bya ste/ rig sngags 'chang byams pa dang bcas pa'i sems brtan por gyur pas/ me tog dang rol mo'i sgra dbul zhing don yod pa'i rgyal po'ang dran par bya'o/ / de nas de bzhin gshegs pas phyag gser gyi mdog can brkyang ste/ rig sngags 'chang gi spyi bor bzhag nas legs so zhes bya ba sbyin par mdzad cing /  rig sngags 'chang khyod kyis don yod pa'i zhags pa'i snying po dang / cho ga zhib mo mtha' dag dang / dkyil 'khor dang / phyag rgya'i rim par phye ba grub ste/ skyes bu dam pa khyod bde ba can gyi 'jig rten khams su lung bstan gyis/ rang gi ngo bo nyid kyis yongs su dag nas bla na med pa yang dag par rdzogs pa'i byang chub mngon par rdzogs par sangs rgyas kyi bar du skyes bu dam pa khyod rang gi ngo bo phyir mi ldog pa dang / don yod pa'i rig sngags 'chang gi 'khor los sgyur bar 'gyur bar byos shig/ dkyil 'khor 'di la brten pa'i skye bo dge ba dang lhag pa'i bsam pa la zhugs pa'i sems can thams cad bla na med pa'i mya ngan las 'das par lung bstan gyi bar du phyir mi ldog par 'gyur ro/ / ci ste sems can ngan pa rig sngags kyi gdol pa spang ba dag der zhugs na gzugs brnyan las khrag 'dzag cing sgra mi bzad pa 'byung ste/ mgon po 'di mi mthong / sa 'di g.yo bar mi 'gyur/ dkyil 'khor 'di 'bar bar mi 'gyur te/ de'i tshe rig sngags 'chang la rmi lam du ston te/ de nyid kyang gzhan du mi 'gyur ro/ / ji ltar mngon sum pa de bzhin du rmi lam du ston cing yid la bsam pa thams cad yongs su rdzogs par 'gyur ro// de lta bas na rig sngags 'chang gis legs par brtag cing so sor rtag tu sems can dkyil 'khor du gzhug par bya'o/ / sgrub pa po bden par smra ba dang / dbang po yang dag par bsdams pa/ sems can thams cad la byams pa/ sems can thams cad la brtse ba can/ gzhan la yang dag par smra ba/ tshig brtags pa dad pa can/ gus pa dang ldan pa nyid mar 'dzin pa/ phar 'dzin pa/ dkon mchog gsum la skyabs su song ba/ rtag tu bla ma la gus pa nyid kyi sems can 'di dag gzhug par bya'o/ / rab tu ba ga yod pa dang / rtag tu gtsang zhing gtsang sbra dang ldan pa dang / kha zas ngan pa dang / lhag ma dang / 'bags pa dang / 'dres pa dang / gcig tu bsres ba dang / cung zad bkrus pa dang / chang dang / sha dang / kun dong dang / sgog skya dang / ke'u dang bsres pa'i kha zas dag spang bar bya zhing / rang gi kha 'phro'ang spang bar bya'o// lhag ma ni rtag tu spang par bya ste/ 'di dag sgrub pa'i cho ga la dran par bya'o// lag pa 'bags pas gdong la reg par mi bya/ lhung bzed bor bar mi bya'o// rtag tu 'am phyed phyed du gcod pa dang /  mchog tu 'bags pa 'di dag nam yang bza' bar mi bya'o// gtsang mas zas gtsang ma bza' zhing lag pa'i sor mo bsdams pas la gdong la sogs pa la mi reg par 'di dag za ba nyid ni mchog tu mdzes shing blo dang ldan pa yin no/ / de nas rig sngags 'chang gis las shin tu yongs su rdzogs par byas shing dkyil 'khor gyi bya ba legs par rdzogs na de la khrag 'dzag par mi 'gyur ro// de nas 'phags pa spyan ras gzigs dbang phyug gis phyag brkyang nas rig sngags 'chang gi lag pa nas bzung nas dkyil 'khor gyi nang du 'jug par mdzad cing / shin tu dri ma med par snang ba zhes bya ba'i nor bu nyid kyi mgul pa nas bkrol te rig sngags 'chang gi mgul du 'dogs par mdzad do/ / spyi bor phyag 'jog par mdzad cing 'di la sras kyi thu bo zhes gsung ngo // mgul par nor bu bcings pa tsam gyis mod la de nam mkha' la 'gro bar 'gyur ro/ / de bzhin gshegs pa thams cad kyi spyi'i rigs kyi gsang ba'i dam tshig dang dkyil 'khor mthong bar 'gyur/ byang chub kyi snying po la thug gi bar du rigs thams cad du don yod pa'i rig sngags 'chang gi rgyal po 'khor los sgyur bar 'gyur ro/ / don yod pa'i rgyal po'i cho ga zhib mo dang / dkyil 'khor chen po rtag tu mngon du 'gyur zhing rgyal mtshan gyi rtse mo nyid sprin mtshams na 'dug par 'gyur ro/ / rgya chen po dri ma med par snang ba don yod pa'i ye shes rnam par 'bral pa zhes bya ba'i ting nge 'dzin 'phob ste/  gang ting nge 'dzin rjes su thob pas 'jig rten pa thams cad kyi dngos grub rnam par 'phrul pa'i cho 'phrul ston par 'gyur ro// phyag rgya dang / dkyil 'khor dang / cho ga zhib mo dang / sgrub pa dang /  dam tshig dang / gsang ba thams cad kyi mthu chen po ston par 'gyur ro// don yod pa chen po'i 'khor los sgyur ba lta bu'i rnam par 'phrul pa thams cad ston par 'gyur ro// don yod pa'i dam tshig gi byin gyis brlabs dang / de bzhin gshegs pa'i gsang ba'i dam tshig mtha' yas pa 'thob ste/ gang dam tshig thob pas dus gsum gyi de bzhin gshegs pa thams cad kyi dam tshig dang mtshungs par shes par 'gyur ro/ / de bzhin gshegs pa'i dam tshig mnyam pa nyid kyi rnam par 'phrul pa ston par 'gyur ro// de nas rig sngags 'chang dkyil 'khor gyi cho ga'i bya ba thams cad yongs su rdzogs par byas nas/ spyan ras gzigs dbang phyug ring bsrel dang bcas pa de'apas phyogs dben pa'i gnas gtsang mar gos gtsang ma'i gdam bshams la de'i steng du gzhag par bya'o// a ka ru'i bdug spos 'bul zhing nyin gcig bzhin du nang par sngar gzhan mi smra bar bzlas brjod brgya rtsa brgyad bya ste/ rig sngags kyi rgyal pos mchod pa dbul bar bya'o// de nas 'phags pa spyan ras gzigs dbang phyug gi gzugs brnyan 'bar bar 'gyur te/ nyin gcig bzhin du 'phags pa spyan ras gzigs dbang phyug gi gzugs brnyan smra bar 'gyur/ tshig 'byin par 'gyur ro//  da ltar gyi bzhin du de dag thams cad smra bar 'gyur te/ dge ba dang / mi dge ba dang / 'das pa dang / ma 'ongs pa dang / da ltar byung ba de thams cad smra bar 'gyur ro// tshe ring ba 'am/ tshe yong su zad pa de thams cad ston cing smra bar 'gyur ro/ / rgyal po brje ba 'am/ dgra 'thab pa 'am/ pha rol gyi dmag tshogs 'thab pa 'am/ lo nyes pa dang / mi ngas dang / dgon pa dang / nad dang / na ba dang / gdon dang / gnod pa dang / 'tshe ba dang / grang ba dang / rlung dang / tsha ba dang / ser ba dang / chom po'i 'jigs pa dang / rkun po'i 'jigs pa dang / gcan gzan gtum po'i 'jigs pa dang / sbrul gdug pa'i 'jigs pa dang / bde ba dang / lo lags pa dang / 'bras bu 'phel ba dang / 'bru 'phel ba de thams cad smra bar 'gyur zhing / de'i thabs thams cad kyang rab tu ston par 'gyur ro// /  rig sngag 'chang la nyin gcig bzhin du khyad par du gyur pa rnam pa mang po rab tu ston par 'gyur ro// kha cig la bstan par mi bgyi ste/ sdang sems can/ rig sngags kyi gdol pa/ rkun ma/ byas pa mi gzo ba/  brlang ba/ 'phags pa'i dge 'dun la 'khu ba/ 'phags pa'i dge 'dun la 'phrog pa/ bslab pa mi 'dod pa dang yang dag par ldan pa de dag gi lag tu bstan par mi bgyi/ na bar bsgrags par mi bgyi/  skra'i rtse mo tsam du snang ba'ang bstan par mi bgyi'o// cho ga zhib mo 'di ni yi ge'i 'bru gcig tsam yang bstan par mi bgyi'o// rjes su 'jug par mi bgyi'o// de nas rig sngags 'chang dngos grub mchog thob par 'gyur te/ mchog tu yid brtan pa/ rnam par thar pa mchog gi dkyil 'khor gsang ba thob par 'gyur ro// gang gi drung nas rig sngags kyi rgyal po'i rig sngags kyi dkyil 'khor chen po lag tu 'thob par 'gyur ba de la ston pa dang bla ma'i 'du shes skyed par bgyid/ bdag dang 'dra ba'i mchod pa sna tshogs kyis gus par bgyid na bdag la gus pa dang bla mar bgyis pa lags/ mchod pa dang rjed pa bgyis pa lags so/ / de lta bas na dad pa'i rjes su 'brang bas byams pa bsgoms pa dang / snying rje bskyed pas dngos grub chen po 'thob par 'gyur ro// ci ste bgyis pa 'di las 'da' bar mi bgyid pa'i sems can de la bdag gis rtag pa rgyun mi 'chad par dran pa dang / bdag brjod pa tsam gyis rang gi shin tu yongs su dag pa'i rang gi ngo bos bdag mdun na mchis par bgyi zhing / yid la re ba thams cad dang mchog yongs su rdzogs par bgyi'o/ / ci ste bdag ji ltar dam bcas pa las gzhan du bgyid na bdag gis sangs rgyas bcom ldan 'das de dag la bslus pa lags so// rig sngags kyi gdol pa rkun mar gyur pa la ni mi bgyid de/ dam bcas pa bzhin du smra bar mi bgyid de/ rig sngags 'chang gis rtag tu gtsang bar bgyid/ rtag tu 'dzum pa dang / rtag tu byams pa dang snying rje sgom pa yid la bgyid na/ de la bdag gis rtag tu yon tan phun sum tshogs pa thams cad 'thob par 'gyur bar bgyi/ de dge ba'i spyod pa thams cad dang ldan pa bgyi/ don yod pa yangs pa chen po'i dngos grub rjes su stsal bar bgyi'o/ / sems can thams cad kyi bsam pa thams cad yongs su rdzogs par bgyi ba la/ rgya mtsho'i dus rlabs ltar thams cad kun tu mchi bar bgyi'o// ngan song dang / ngan 'gro dang / log par lhung ba thams cad yongs su zad par bgyi ba'i slad du bdag dga' bas kun tu mchi bar bgyi'o// sems can gang la byams pa dang snying rje mchis pa'i sems can pha rol de rnams kyi bsam pa phun sum tshogs pas yongs su rdzogs par bgyi'o/ / de lta bas na rig sngags 'chang gis shin tu sdom pas bsdam zhing rig sngags brjod par bgyi'o// yongs su gtong ba'i lag par bgyi zhing spar 'chums par mi bgyi ste/ lag pa brkyang bar bgyi'o// gtong ba mang bas de bzhin gshegs pa dam tshig la gnas par bgyi'o// sngar legs par spyad par bgyi ste/ don yod pa'i rgyal po'i spyad pa bgyi zhing rtag tu yid bgyi'o/ / de nas bdag dang chos kyi mchog la dga' ba zhes bgyi'o// rang gi gzugs brnyan bya ba'i dkyil 'khor gyi cho ga'o// / de nas khro bo'i rgyal po bshad par bya ste/ don yod rgyal po rmad byung che/ / kun tu dngos grub thogs med cing // dkyil 'khor kun la dbang bskur ba// sdang ba thams cad rab tu 'joms// bdud dang bgegs ni rnam par 'jig/ gnod sbyin srin po gsang ba pa// 'byung po thams cad rab tu 'bros/ / gdon gyi gtso bo spong byed cing // sdang ba thams cad rab tu 'joms// sdang ba'i klu rnams rnam 'jig cing // 'jigs 'phongs rnams la mi 'jigs stsol// rig 'dzin rnam la grub stsol ba/ / don yod zhags pa'i dngos grub mchog/ dus gsum gshegs pa'i sangs rgyas ston// spyi yi rigs ni rab ston pa// don yod spyi yi gsang ba ni// rtag tu gzhan min snying po nyid//  khro bo'i rgyal po bla med pa// de ni bdag gis rab tu bshad// bcom ldan 'das kyi spyan sngar byang chub sems dpa' sems dpa' chen po 'phags pa spyan ras gzigs dbang phyug don yod rgyal po'i khro bo'i gzum su gnas te/ sdang ba thams cad 'jigs par byed par gyur cing lag na zhags pa thogs te khro bo 'di smras so// na maHsarba ta thA ga ta/ Ar+ya a ba lo ki ta shwa ra badz+ra d+ha re b+h+yaH/ oM tsa ra tsa ra/ tsu ru tsu ru/ ma hA kA ru Ni ka/ tsi ri tsi ri/ bi ri bi ri/ ma hA pad+ma hasta/ ka la ka la/ ku lu ku lu/ ma hAsta ma prAp+ta/ tsa ra tsa ra/ tsa tsa ra ni shA tsa re/ shwa ra e h+ye hi/ bud+d+ha bud+d+ha/ d+hU ba d+hA ba/ ki Ni ki Ni pa ra ma kuH saH/ ka rakar/ ka ki ri/ mahA ba shub ti/ 9u0f7fra/ b+hUdz+dza hrI hi b+h+yaH/ oM kA rarba ba~M Shad+ha ra/ sa ra sa ra/ ba ra ba ra/ bA ra shwe shA d+hasarbasa?/ oM maH/ sha ni ja/  la/ su ru su ru/ rba tsa su ru/ san ku ma ra mu rba biSh+Ta bA sa pa/ d+ha na da ri'i NA ya kaM/ ba tu bi bi d+ha be Shad+ha ra/ b+ha ra d+ha/ sa man+ta/ a ba lo ki ta/ bi lo ki ta/ lo ke tsar/ ma se shwa ra/ mu ya mu sa mu ny+tsa muny+tsa/ ban d+ha ban d+ha na tA Da na tardza na/ rA dza taska ra/ ag+ni ud ka/ bi Sha shas+t+ra pa ri mo tsa ka/ ka Na ka Na/ tsa la tsa la/ bo d+h+yaM ga/ tsa tu rAd+ya sat+ya saM pra kA sha ka/ ta ma ta ma/  sa ma sa ma/ ma sa ma sa/ ma hA ta mon d+ha kA ra/ pra sha ma na/ mi li mi li/ e Ne ya/ tsarma pa ri ka ra/ e h+ye hi/ ma Ta ma Ta/ bi shud+d+ha bi Sha ya ni bA si na/ ma hA kA ru Ni ka/ shwe ta ya d+ho pa bI ta/ rat+na mu kurba mA lA d+ha ra/ sarba dzA shi ra si kr-i ta/ ka ra pu Ta/ sa mA d+hi pra kaM bya/ Sha Ta pA ra mi tA/ pa ri pU ra ka/ ma hA sarba satwa san+ta/ ti pa ri pA tsa ka/ sarba mA rA di duSh+Ta pra marba ka/ sarba sid+d+h+ya A shA pa ri pU ra ka/  a b+hi Shiny+tsa tu mAM/ sarba ta thA ga tA bi She kai ra/ b+ha ga bAn/ a mo g+ha rA dza hUM phaT/ na mo sU te swAhA/ khro bo'i rgyal po don yod pa'i zhags pa'o// oM bi kri ta doSh+Te/ a mo g+ha sa ma ye a b+hi Shiny+tsa mAM/ sarba bid+yA a mo g+ha a b+hi She kai ra hUM mi li mi li swA hA/ de khro bo'i rgyal po'i snying po'o// de nas 'phags pa spyan ras gzigs dbang phyug gis don yod pa chen po'i snying po gsungs ma thag tu/ de nas ri chen po po Ta la rnam pa drug tu rab tu g.yo bar brtsam te klu'i tshogs ni 'khrugs so/ / lha'i tshogs thams cad ni dga' bar gyur to// sdang ba'i gnod sbyin dang / srin po dang / bgegs dang / log 'dren ni 'bar bar gyur to/ / bdud la sogs pa sdang ba ni yang dag par rab tu zhi bar gyur to// ngan song gi sdug bsngal thams cad ni rab tu zhi'o// dkyil 'khor gyi lha thams cad ni mchog tu dga' bar gyur to/ / sdang ba dang / rab tu sdang ba thams cad dang / gdon thams cad ni mi snang bar gyur to// nad thams cad ni rab tu zhi'o// rims thams cad las ni rnam par grol lo// nyon mong pa'i sgrib pa thams cad las yongs su grol lo/ / me tog gi char chen po rab tu bab ste/ de bzhin gshegs pa la mchod par gyur to// sems can thams cad ngan song gi sdug bsngal thams cad las yongs su grol bar gyur to/ / de nas dus gsum du gshegs pa'i de bzhin gshegs pa dang / dkyil 'khor la brten pa'i lha rnams kyis/ byang chub sems dpa' sems dpa' chen po 'phag pa spyan ras gzigs dbang phyug la tshig gcig tu legs so zhes bya ba byin te legs so legs so/ / snying rje chen po can mchog tu don yod pa'i rig sngags 'di smras zin gyis// de bzhin gshegs pa'i rigs tham cad dang / rigs spyi'i dam tshig dang / snying po dang / khro bo'i de kho na nyid gsang ba dang / dkyil 'khor dang / sgrub pa'i cho ga don yod pa'i rgyal po'i dkyil 'khor rab tu smros shig/  de nas byang chub sems dpa' sems dpa' chen po 'phags pa spyan ras gzigs dbang phyug gis don yod pa'i zhags pa'i snying po khro bo'i rgyal po'i dkyil 'khor de bzhin gshegs pa'i spyan sngar bshad / dkyil 'khor gru bzhi pa shin tu mdzes pa/ ko la'i tshad tsam shin tu 'byes pa'i grwa bzhi dang / sgo bzhi dang / them skas bzhi dang / rta babs dang / mda'i kha khyer dang / kun nas rdo rje'i rnam ba dag kyang bya ste/ tshon rtsi sna tshogs rnam par 'byes pa'i thig skud kyis dkyil 'khor thig gdab par bya'o// ri mo mkhan gtsang mas snod gsar pa dang pir gtsang mas dkyil 'khor dam pa legs par bri'o/ / dkyil 'khor snying po rnams dbye ba// dbus su legs par rnam phye la// kun nas pad+ma'i 'phreng ba dang // rdo rje mdung rtse gsum pa dgod// dbus su 'khor lo rtag bri ba/ / shin tu blta sdug 'khor lo dgod// dbus der rgyal ba gzhag par bya// shAkya'i rgyal po de bzhin gshegs// g.yas su khro bo'i rgyal po yi// 'jig rten dbang phyug 'dren pa po//  g.yon du rdo rje 'dzin gzhag pa// rnga yab rdo rje lag thogs gzhag/ de'i 'og tu 'od zer dang ldan par bya ba ni lcags kyu dang / dgra sta dang / go cha dang / dbyug pa dang / zhags pa dang / ragra sta gu rgyud can dang / mdung rtse gsum pa dang / glegs bam mo// 'phags pa spyan ras gzigs dbang phyug gi 'og tu dkar sham chen mo dang / gos dkar mo dang / dkar mo chen mo ral pa can dang /  dbyug pa dang / ril ba skyi blugs phyag na thogs pa bya'o// de'i 'og tu srin mo ralnga pa gcig ma zhes bya ba ni mche ba gtsigs pa/ 'jigs su rung zhing mi sdug pa/ sbrul se ral khar thogs pa phyag bzhi pa/ g.yas pa na rdo rje dang dgra sta/ g.yon pa'i sor mo gcig lha ma yin dang log 'dren la bsdigs shing khrag 'dzag pa'i mgo'i tso to nas 'dzin pa dang / khrag gi snod yongs su 'dzin pa/ glang po che'i pags pa rlon pa'i stod g.yogs 'phyang ba dang smad g.yogs can bya'o/ / mtha'i grwar pad+ma dang rdo rje gzhag pa ni 'bar ba'i 'breng ba can shin tu bzang po gzhag par bya'o// shar phyogs kyi sgor rje 'jigs byed mig de'i sku 'bar ba'i 'phreng ba can gzhag par bya'o/ / lho phyogs kyi sgor ki li ki la zhes bya ba'i rdo rje'i log 'dren de nyid rdo rje dang / dgra sta dang / zhags pa phyag na thogs par bya'o//  nuchu phyogs kyi sgor pad+ma chen po'i rigs mdzes ma zhes bya ba'i log so bya ba ni phyag na pad+ma thogs par bya'o// byang phyogs kyi sgor rdo rje chen po'i rtse mo zhes bya ba'i tshogs rdo rje dang zhags pa phyag na thogs pa'o//  de nas 'jug pa'i sgor tsan dan gyi chu gur kum dang / gla rtsi dang / ka pur gyis bsgos pa'i chus bum pa bkang la ras dkar pos dkris shing rgyan gyis brgyan pa rin po che sna bdun can rtag tu gzhag par bya'o//  ji snyed pa'i gtor ma sna tshogs yongs su bshams pas kyang mchod par bya/ rnam pa sna tshogs pa'i dkyil 'khor legs par brgyan par bya'o// bdug spos kyis bkang ba dang / mar me'i 'phreng ba dang /  me tog dang / pri dang / byug pas mchod par bya'o// ji srid 'jug gi bar du slob ma rnams tshogs bsrungs la/ de nas don yod pa'i snying po bzlas brjod bya zhing don yod pa'i khro bo'i dbang bskur bar bya'o//  dbang bskur ba tsam gyis kyang dus gsum gyi de bzhin gshegs pa thams cad kyis yongs su bzung bar 'gyur ro// 'jig rten gyi mgon po'i byin gyis brlabs kyis/ de bzhin gshegs pa'i rigs thams cad kyi dam tshig gi rjes su zhugs par 'gyur ro/ / don yod pa'i zhags pa'i rigs kyi dam tshig dang dngos grub thams cad mngon du 'gyur ro// gang bsam pa dgang bcol ba de thams cad 'byor par 'gyur ro/ / de bzhin du dam tshig thams cad kyi rjes su zhugs par 'gyur ro// dam tshig dang / dkyil 'khor dang / gsang sngags dang / phyag rgya dang / cho ga zhib mo thams cad mngon du 'gyur ro/ / sdig pa dang / gdug pa dang / las kyi sgrib pa thams cad las rnam par grol bar 'gyur ro// de bzhin gshegs pa'i yon tan thams cad dang ldan par 'gyur ro// lha dang / lha ma yin dang /  klu dang / gnod sbyin dang / dri ba dang / gsang ba pa dang / rig sngags 'chang gi gnas phug dri ma med pa dang / nam mkha'i rjes su rgyu ba dang / chu na rgyu ba dang / nags dang skyed mos tshal dang na spyod pa'i rig sngags 'chang gi 'khor los sgyur ba'i drug cha la thams cad du dbang bar 'gyur ro/ / gsang ba pa thams cad kyang 'di'i mngag gzhug par 'gyur ro// gang zhig de la mi phan par 'dod pa'i lha dang /  klu dang / gnod sbyin dang / dri za dang / lha ma yin dang / nam mkha' lding / mi 'am ci dang / lto 'phye chen po dang / mi dang / mi ma yin pa gang rig sngags 'chang la mi phan par sems pa de thams cad kyi de dag gi gnas dang lus nyid rnam par gzhig pa'i phyir sdig pa rnams 'bab par 'gyur ro/ / de nas dngul las khro bo'i rgyal po sor bcu gnyis kyi tshad tsam byas te/ shin tu mdzes pa/ shin tu tshad dang ldan pa/ zhal gsum pa/ ral pa'i thor tshugs bcings pa/ rgyan thams cad kyis brgyan pa/ rgyal ba 'od dpag tu med pa'i dbu brgyan can/ zla ba dbu la thogs pa/ zhal dang po khro bo'i gzugs/ g.yon pa dang g.yas pa zhi ba'i gzugs/ zhal cung bad 'dzum pa/ spyan gsum pa/ phyag bzhi pa/ pad+ma 'dzin pa/ zhags pa 'dzin pa/ ral gri dang mdung rtse gsum pa 'dzin pa'o// g.yas su lha mo sgrol ma me tog 'bul ba rgyan thams cad kyis brgyan pa'o/ / g.yon du lha mo rig sngags kyi rgyal mo nor bu rin po che chen po 'bul ba rgyan thams cad kyis brgyan pa'o// 'jig rten dbang phyug gi zhabs kyi drung du rig sngags 'chang pus mo btsugs pa/ lag na pog por dang bgrang 'phreng thogs te bcom ldan 'das la lta ba'o// gzugs brnyan de nyid kyi mdun na tsan dan dkar po'i dkyil 'khor bya zhing gur kum gyi mchod par bya'o/ / dkyil 'khor de'i steng du khro bo'i rgyal po bzhag ste/ de'i spyan sngar bzlas brjod stong phrag brgya bya'o// de nas gzugs brnyan de 'gul zhing g.yo bar 'gyur// 'chag par 'gyur/  'od zer 'byung bar 'gyur/ tshig 'byin par 'gyur/ legs so zhes bya ba sbyin par 'gyur/ phyag g.yas pa spyi bor 'jog par 'gyur/ yid la bsams pa dang mchog thams cad yongs su rdzogs par 'gyur ro/ / rig sngags 'chang de'ang bdag nyid 'bar bar 'gyur/ nam mkha' la 'phags par 'gyur zhing don yod par yangs par snang ba/ dngos grub dri ma med par grags pa zhes bya ba'i rig sngag 'chang gi 'khor los sbyar bar 'gyur ro/ / rig sngags 'chang gi 'khor los sgyur ba brgya stong phrag drug cu rtsa brgyad po rnams kyi gtso bo dang rgyal por 'gyur ro// tshe lha'i bskal ba khrag khrig brgya stong phrag bdun cu rtsa gnyis su 'gyur ro/ / bskal pa'i mjug rdzogs te de nyid kyi mtshan mo 'das pa dang byang chub mngon par rdzogs par 'tshang rgya'o// ji ltar bde ba can bzhin du 'jig rten gyi khams 'di gzhal med khang gi rnam par 'phrul par 'gyur zhing / tshe'i tshad bskal pa dpag tu med par 'gyur ro// don yod pa'i rnam par thar pa'i dkyil 'khor dang / phyag rgya dang / cho ga zhib mo thams cad kyi chos ston par 'gyur ro/ / de'i 'og tu 'jig rten pa'i sgrub pa ni de nyid kyi spyan sngar bzlas brjod brgyad stong bya'o// bzlas brjod rdzogs pa'i mod la 'phags pa spyan ras gzigs dbang phyug khro bo'i rgyal po rang gi gzugs kyi mdun na bzhugs par 'gyur te/ 'jig rten pa'i cho ga zhib mo dang / gsang sngags dang / phyag rgya dang / dkyil 'khor thams cad dang / mig 'phrul dang /  bzhad gang dang / phu rabs gdab pa dang / bsreg pa dang / 'phang ba dang / gsad pa dang / dbang du bya ba dang / sgyu ma bstan pa dang / bdag bsrung ba dang / gzhan bsrung ba dang / mi snang ba'i cho ga sba ba dang / nor bsgyur ba smra ba dang / sa ga'i sba ba dang / rgya ba dang / nam mkha' la 'gro ba dang / chu ba rgal ba dang / me dang / chu dang / dug dang / mtshon cha las brgal ba dang / rmongs byed dang /  rmugs byed dang / rengs byed dang / bcing ba dang / rgya mtsho chen po bskyod pa dang / ro langs bslang ba dang / shi ba gso ba dang / zla ba dang nyi ma dbab pa dang / dgug pa dang / bden pa bstan pa dang / nad la sogs pa thams cad rab tu zhi ba dang / dgos pa thams cad 'grub par 'gyur ro// gnod sbyin dgug pa dang / srin po dgug pa dang / 'byung po dgug pa dang / k+Sha dang lnga dkrug pa dang / bud med dang / skyes pa dang / khye'u dang / bu mo dgug pa dang / gtang ba dang / dgos pa la sogs pa thams cad 'grub par 'gyur ro// dran pa tsam gyis mod la dngos grub tham cad thob par 'gyur/ las thams cad byed par 'gyur ro// bklag pa tsam gyis las dang / dngos grub dang / sgrub pa thams cad ston par 'gyur/ phyir rgol ba dang / dgra dang / pha rol gyi dmag tshogs dang / 'thab pa dang / rtsod pa dang / 'gyed pa dang / sdang ba'i sems can thams cad phyir zlog par 'gyur ro// dran pa tsam gyis mchog tu 'grub par 'gyur te/  skal ba ngan pa dang / nor chung za ba dang / mi 'grub pa dang / sdig pa'i rmi lam ngan pa dang / ltas ngan pa dang / sgrib pa dang / sdig pa gzhig par bya ba la mchog tu grub pa yin no//  ba'i rgyal po'i zhabs nas bzung ste/ bzlas brjod stong rtsa brgyad byas na/ sngon bsags pa'i bsod nams dang gal ba mngon du 'gyur te/ tshe'i mthar thug gi bar da dpal chen po dang che ba nyams su myong bar 'gyur ro/ / zhal du bltas te bzlas brjod stongs brgyad byas nas dbang phyug chen po'i dngos grub thob par 'gyur ro// rked pa'i gnas nas bzung ste bzlas brjod brgya rtsa brgyad byas na sngon gyi tshe rabs rjes su dran par 'gyur/ rgyal po btsun mo dang 'khor dang bcas pa rnams dbang du gyur nas gnas te/ bdag nyid dang nor gyis ji srid 'tsho'i bar du nye bar gnas par 'gyur ro/ / cod pan la lan brgya rtsa brgyad yongs su bzlas te/ khro bo'i rgyal po'i dbu la bcing na nges par dbang bskur ba 'thob par 'gyur te/ 'di la the tsom dang yid gnyis bskyed par mi bya'o//  / 'phags pa don yod pa'i zhags pa'i cho ga zhib mo'i rgyal po bam po nyi shu rtsa gcig pa// / de nas phyag na rdo rje don yod pa'i rdzu 'phrul rnam par 'phrul pa'i cho 'phrul gyi 'khor gyi dkyil 'khor der nam mkha' las babs nas/ 'khor gyi dkyil 'khor chen po'i mdun du bcom ldan 'das la mchod pa chen po dang bkur sti mngon du byas te/ bcom ldan 'das la lan brgya stong du bskor ba byas nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la mchod pa byas nas phyag 'tshal te song nas/ byang chub sems dpa' sem dpa' chen po 'phags pa spyan ras gzigs dbang phyug gang na ba der logs su song ste phyin nas/ byang chub sems dpa' sems dpa' chen po 'phags pa spyan ras gzigs dbang phyug la lha rdzas kyi mchod pa chen pos mchod pa byas so/ / me tog dang / bdug spos dang / rbi dang / 'breng ba dang / thug pa dang / gos dang / rgyan dang / lbab lhab dang / sil san dang / reg rdob pa rnam pa su chom kyis mchod nas lan bdun bskor ba byas so/ / ri bo Ta la'i gzhal med khang na gnas pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang /  lto 'phye chen po de dag gis kyang mchod pa byas so// dkyil 'khor gyi lha de dag la'ang mchod pa byas so// 'khor chen po de dag la'ang mchod pa byas so// lhan cig lhags pa'i 'khor de dag thams cad la'ang mchod pa dang / mngon du bstod pa dang / phyag byas nas gnod sbyin gyi sde dpon chen po lag na rdo rje yud tsam zhig ci yang mi smra bar 'dug par gyur to// de nas gnod sbyin gyi sde dpon chen po lag na rdo rje 'gying bag dang brjid pag gi 'gros kyi langs nas/ bcom ldan 'das gang na ba der logs su song ste phyin nas rdo rje gsor zhing / bcom ldan 'das la lan gsum bskor ba byas nas zhabs gnyis mgo bos phyag 'tshal te/ bcom ldan 'das gang na ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das 'phags pa spyan ras gzigs dbang phyug gi don yong ba'i zhags pa'i snying po byang chub sems dpa' thams cad kyis phyag bgyis pa/ rnam par thar pa'i dkyil 'khor gyi cho ga zhib mo 'di shin tu zab pa/  shin tu rtogs par dka' ba/ rgya mtsho chen po lta bu shin tu phab pa/ ri rab chen po lta bur shin tu mi g.yo zhing mi bskul ba/ mchog tu rnyed par dka' ba/ shin tu gzung bar dka' ba'i phyag rgya mang po dang / gsang sngags mang po dang / dkyil 'khor sgrub pa mang po dang / ri mo'i sku gzugs bri ba mang po dang / sgrub pa gsang ba rnam pa mang po dang / de bzhin gshegs pa'i rnam par 'phrul pa mang po dang / 'phags pa spyan ras gzigs dbang phyug gi rnam par 'phrul pa don yod pa bklags pas 'grub par 'gyur ba mang po la bcom ldan 'das bdag mchog tu ya mtshan du 'gyur na/  ji ltar 'gyur bar rngo thogs/ ji ltar nges par gzung bar rngo thogs lags/ gsang sngags tha dad pa dang / phyag rgya tha dad pa dang / dkyil 'khor sgrub pa tha dad pa dang / ras kyi ri mo'i sku gzugs tha dad pa dang / gtor ma tha dad pa dang / me tog dang / bdug spos dang / dri dang / 'phreng ba dang / byug pa dang / mchod yon dang / zhabs bsil dang / spyan drang ba dang / gshegs su gsol ba dang dgug pa dang / dam tshig dang / khrus dang / smyung ba dang / phyag rgya bcing ba dang / rab tu 'jug pa dang / bzlas brjod dang / sbyin sreg dang / slar gshegs su gsol ba 'am/ nges par gzung ba 'ag/  dran par bgyi bar rngo thogs/ bcom ldan 'das rmongs pa chen po sems kyi spyod pa rmugs par gyur pa'i rigs kyi bu rnams sam/ rigs kyi bu mo rnams sam/ dge slong ngam/ dge slong ma 'am/  bsnyen nas/ dge bsnyen ma la/ dge slong ngam/ bram ze 'am/ rgyal rigs sam/ rje'u rigs sam/ dmangs rigs sam/ rig sngags 'chang de rnams kyis don yod pa'i cho ga zhib mo'i rgyal po 'dis par gzung bar ji ltar rdo thogs/ rig sngags 'chang de rnams kyis ji ltar sgrub par rngo thogs/ bcom ldan 'das bdag gi snying la mchog tu ya mtshan skyes pa de dag bcom ldan 'das kyis the tsom gcad ba'i slad du bka' stsal du gsol/ bcom ldan 'das the tsom gcod pa'i slad du zhus pa lung bstan tu gsol/ de nas bcom ldan 'das de bzhin gshegs pa shAkya thub pas/ gnod sbyin gyi sde dpon chen po lag na rdo rje la 'di skad ces bka' stsal to/ / lag na rdo rje dngos grub kyi spyod pa dang gsang ba rnam pa sna tshogs gsang sngags sgrub pa po sgrub pa bsgrub pa la/ gang gi tshe dngos grub las dbugs phyung ba de'i tshe blo gros chen bo'i chen por 'bogs par 'gyur/ / dngos grub chen po'i chen po 'grub par 'gyur/ bsod nams kyi phung po chen po'i chen po rab tu skye bar 'gyur/ dge ba'i rtsa ba chen po'i chen po dang ldan par 'gyur pha rol tu phyin pa drug gi dngos grub chen po'i chen po 'thob par 'gyur/ lag na rdo rjes gsol pa/ bcom ldan 'das dngos grub gang gis sgrub pa'i cho ga'i dngos grub 'thob par 'gyur ba'i dngos grub dam pa de gang lags/ bcom ldan 'das kyis bka' stsal pa/ lag na rdo rje gang la yungs kar gyi 'bru tsam gyi byang chub kyi sa bon gyi 'bras bu thob pa yod pa de la lag na rdo rje dngos grub dam pa mchog tu 'gyur ro/ / lag na rdo rje rigs kyi bu 'am/ rigs kyi bu mo 'am/ dge slong ngam/ dge slong sa 'am/ dge bsnyen nam/ dge bsnyen ma 'am/ dge sbyong ngam/ bram ze 'am/  rgyal rigs sam/ rje'u rigs sam/ dmangs rigs sam/ gzhan gang su'ang rung ba bud med dang / skyes pa dang / khye'u dang / bu mo gang gi lag tu de bzhin gshegs pa'i sku'i ring bsrel yungs kar gyi 'bru tsam zhig thob par 'gyur la/ des ring bsrel de za ma tog gi nang du bcug ste nyin gcig bzhin du mchod pa dang / dkyil 'khor dang / khrus la sogs pa byed cing bdug pa dang / dri dang / 'breng ba dang /  byug pa dang / phye ma dang / gos dang / gdugs dang / rgyal mtshan dang / ba dan ngag gis mchod pa byed na/ lag na rdo rje rig sngags 'chang de dngos grub dam pa dang / mchog dang / bla na med pa 'thob par 'gyur ro/ / gang dang gang du dgos par sbyar ba de dang der dngos grub chen po mchog tu 'gyur ro// ring bsrel sungs kar gyi 'bru tsam gcig la mchod pa byas pa de rigs kyi bu 'am/ rigs kyi bu mo 'am/ dge sbyong ngam/ bram ze 'am/ rgyal rigs sam/ rje'u rigs sam/ dmangs rigs sam/ gzhan bud med dang / skyes pa 'am/ khye'u 'am/ bu mo de dag gis de bzhin gshegs pa bye ba phrag khrig brgya stong phrag gad+hA'i klung gi bye ma dang mnyam pa la skad cig gcig gis mchod pa byas par 'gyur/ rjed pa dang / gus pa dang / bstod pa dang / phyag byas par 'gyur ro// de bzhin gshegs pa de dag gi drung du dge ba'i rtsa ba bskyed par 'gyur/ de dag gi drung du bsod nams kyi phung po chen po dang ldan par 'gyur ro// de bzhin gshegs pa de dag gi drung du rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nas/  dge bsnyen ma 'am/ gzhan gang su'ang rung ba dge sbyong ngam/ bram ze 'am/ rgyal rigs sam/ rje'u rigs sam/ dmangs rigs sam/ skyes pa 'am/ bud med dam/ khye'u 'am/ bu mo de dag de bzhin gshes pa'i byin gyi rlabs kyis byin gyis brlabs par 'gyur ro/ / de bzhin gshegs pa thams cad kyis lung bstan par 'gyur ro// shes rab dang thabs la mkhas pa'i dge pa'i rtsa ba dpag tu med par 'gyur ro//  rig sngags 'chang chen po'i dngos grub dpag tu med par 'gyur ro// don yod pa'i cho ga zhib mo'i dkyil 'khor dang / phyag rgya dang / gsang sngags kyi dngos grub dpag tu med pa 'thob par 'gyur ro// don yod pa'i zhags pa'i snying po byang chub sems dpa' thams cad kyis phyag byas pa/ rnam par thar pa'i dkyil 'khor gyi cho ga zhib mo'i rgyal po chen po'i rig sngags rim par phye ba'i dngos grub dpag tu med pa 'thob par 'gyur ro/ / lag na rdo rje de ltar ring bsrel yungs kar gyi 'bru tsam gcig la mchod pa byed pa de yon tan chen po'i chen por brjod pa'i rnam par 'phrul pa'i byin gyis brlabs kyi rdzu 'phrul gyi ting nge 'dzin 'thob par yang dag par 'gyur ro/ / de ltar dngos grub chen po'i chen po 'thob par 'gyur ro// de lta mod kyi lag na rdo rje khyod song la byang chub sems dpa' sems dpa' chen po 'phags spyan ras gzigs dbang phyug la yoH su dris shig dang / dris pa de'i lan ldon par 'gyur ro// de nas gnod sbyin gyi sde dpon chen po lag na rdo rje dga' ba dang / mgu ba dang / yid rangs pa dang / rab tu dga' ba dang / dga' ba dang / yid bde ba skyes nas bcom ldan 'das kyi zhabs gnyis la mgo bos phyag 'tshal te song nas/ byang chub sems dpa' sems dpa' chen po 'phags pa spyan ras gzigs dbang phyug gangan pa de logs su song ste phyin nas/ byang chub sems dpa' sems dpa' chen po 'phags pa spyan ras gzigs dbang phyug gi rkang pa gnyis la mgo bos phyag byas te/ lan gsum bskor ba byas nas bzhin 'dzum pa dang /  gdong khro gnyer med pas 'phags pa spyan ras gzigs dbang phyug la mig mi 'dzum par blta zhing / 'phags pa spyan ras gzigs dbang phyug gi mdun du 'dug nas rdo rje gsor zhing gdong du bltas te rtog cing 'dug go/ / de nas byang chub sems dpa' sems dpa' chen po 'phags pa spyan ras gzigs dbang phyug gis/ gnod sbyin gyi sde dpon chen po phyag na rdo rje la 'di skad ces smras so// lag na rdo rje khyod mi gso bar mdun du 'dug ste rdo rje gsor zhing ngal ci zhig blta/ ci zhig yongs su dri bar 'dod/ tso zhig gsol ba 'debs par 'dod/ lag na rdo rje nga la spros shig/ lag na rdo rje khyod la skabs phyes yongs su dris shig dang / dris pa de thams cad lung bstan pas khyod kyi sems rangs par bya'o// de nas gnod sbyin gyi sde dpon chen po phyag na rdo rjes/ byang chub sems dpa' sems chen po 'phags pa spyan ras gzigs dbang phyug la 'di skad ces smras so/ / bcom ldan 'das don yod pa'i zhags pa'i snying po'i cho ga zhib mo shin tu rtogs par dka' ba/ shin tu zab pa/ byang chub sems dpa' bam cad kyis phyag bgyis pa/ rnam par thar pa'i dkyil 'khor gsang sngags mang po dang / phyag rgya mang po dang / dkyil 'khor sgrub pa mang po dang / ras kyi sku gzugs bri ba mang po yongs su bsgrags pa 'di bcom ldan 'das ji ltar nges par gzung bar nus/ dngos grub ji ltar shes par bgyi/ rgya mtsho chen po ltar zabs che ba/ ri rab dang mtshungs par mi g.yo ba/ nam mkha' ltar mthar thug pa ma mchis pa/ shin tu rtogs par dka' ba 'di ji ltar shes par bgyi/ gnas ni gang / 'gro ba ni gang / 'byung ba ni gang / sgrub pa'i gnas ni gang / dngos grub dam pa'i gnas ni ga / snga ma ni gang phyi ma ni gang / dbus ni gang / tha ma ni gang lags/ mang du yongs su zhu'o// dkyil 'khor dang / phyag rgya rim par phye ba dang / gsang sngags dang / sgrub pa'i cho ga dang / dam tshig so so tha dad pa byang chub sems dpa' sems dpa' chen po 'phags pa spyan ras gzigs dbang phyug gis don yod pa'i rgyal po chen po'i cho ga zhib mo/ / byang chub sems dpa' thams cad kyis phyag bgyis pa rnam par thar pa'i dkyil 'khor chen po rim par phye ste rjes su gzung ba de nges par gzung bar ji ltar nus/ bcom ldan 'das bdag gi the tsom chen po dang / mchog tu ngo mtshar du gyur pa de thugs rje chen bos bdag la bka' stsal du gsol/ ji ltar grub na phyag rgya dang gsang sngags dang bcas pa'i dkyil 'khor rim par phye ba dang / ras kyi ri mo'i cho ga mtha' dag nges par gzung bar 'gyur ba the tsom gcad pa'i slad du'o/ / sems dpa' chen pos bka' stsal du gsol/ de nas byang chub sems dpa' sems dpa' chen po 'phags pa spyan ras gzigs dbang phyug gis/ gnod sbyin gyi sde dpon chen po phyag na rdo rje la 'di skad ces smras so/ / lag na rdo rje yun ring po zhig nas spobs pa gang zhig skyes te nga la yongs su 'dri/ lag na rdo rje nyon gcig dang bshad par bya'o//  gang yang phyogs bcu'i sangs rgyas kyi zhing thams cad kyi sangs rgyas bcom ldan 'das ni kha dog gcig pa/ rtags gcig pa/ chos gcig la zhugs pa/ dbyings dang / khams dang / snying po gcig pa/ sangs rgyas 'byung ba dang / chos kyi 'khor lo rab tu bskor ba gcig pa'o// de lta mod kyi lag na rdo rje gang 'das pa dang / ma byon pa dang / da ltar byung ba'i sangs rgyas bcom ldan 'das de bzhin gshegs pa de dag ni sangs rgyas kyi zhing sna tshogs pa nyid dang / rdzu 'phrul gyi rnam par 'phrul pa dang / sku tshe'i 'du byed sna tshogs pa nyid dang / sems can yongs su smin par mdzad pa sna tshogs pa nyid dang / lung bstan pa sna tshogs pa nyid dang / nyan thos dang rang sangs rgyas kyi dge 'dun sna tshogs pa nyid dang / byang chub sems dpa'i tshogs sna tshogs pa nyid dang /  gzhan yang sangs rgyas kyi sku tha dad pa nyid du yang dag par shes so// de lta mod kyi lag na rdo rje de bzhin du 'phags pa spyan ras gzigs dbang phyug gi snying po don yod pa'i zhags pa byang chub sem dpa' thams cad kyis phyag byas pa/ rnam par thar pa'i dkyil 'khor 'di'ang gcig nyid las de thams cad rjes su 'gro'o// sgyu ma lta bu'i ting nge 'dzin gyi rnam par 'phrul pa sna tshogs kyis rnam par 'phrul pa'i rdzu 'phrul gyi dngos grub kyi gnas dang / sems can yongs su smin par byed pa'i gnas/ bsam pa yongs su rdzogs par byed pa la ji lta ji ltar 'dul bar byed pa de lta de ltar dngos grub rjes su 'thob cing / de lta de ltar bsam pa dag pa 'thob par 'gyur ro// de lta de ltar dge ba'i rtsa ba chen po skyed par 'gyur ro// de lta de ltar bsod nams kyi phung po chen po dang ldan par 'gyu ro/ / de lta de ltar de bzhin gshegs pa thams cad kyis dgongs par 'gyur ro// de lta de ltar byang chub sems dpa'i yul la rnam par 'phrul pa sgyu ma lta bu'i ting nge 'dzin gyi rdzu 'phrul gyi cho 'phrul dang ldan par 'gyur ro/ / de lta de ltar gzungs dang ting nge 'dzin yong su dag pa 'thob par 'gyur ro// de lta de ltar dpa' bar 'gro ba'i ting nge 'dzin 'thob par 'gyur ro// rdo rje lta bu'i ting nge 'dzin dang /  rgyal mtshan gyi rtse mo'i dpung rkyen gyi ting nge 'dzin dang / nyon mongs pa spong ba'i ting nge 'dzin dang / spyan ris gzigs dbang phyug gis ting nge 'dzin dang / rnam par 'bar ba'i ting nge 'dzin dang /  zer rab tu 'gyed pa'i ting nge 'dzin dang / dga' ba spong ba'i ting nge 'dzin dang / stobs bkod pa'i ting nge 'dzin dang / chos la rnam par lta ba'i ting nge 'dzin dang / lag na rin chen phyag rgya'i ting nge 'dzin dang / dri ma med pa'i 'byung gnas kyi ting nge 'dzin dang / rnam par snang mdzad kyi snying po'i ting nge 'dzin dang / nyi ma rab tu grol ba'i ting nge 'dzin dang / rin po che'i snying po'i ting nge 'dzin dang / zla ba'i snying po'i ting nge 'dzin dang / kun tu lta ba'i 'od zer gyi ting nge 'dzin dang / chos kyi sgron ma'i ting nge 'dzin dang / de bzhin gshegs pa thams cad kyi spyi gtsug la rnam par lta ba'i ting nge 'dzin dang / yul la rnam par 'phrul pa kun tu bkod pa'i ting nge 'dzin dang / sgron ma 'bar ba'i ting nge 'dzin dang / chags pa med pa'i ting nge 'dzin dang / phyir mi ldog pa'i 'byung gnas kyi ting nge 'dzin dang / zla ba rdzogs pa'i ting nge 'dzin dang / shin tu rab tu gnas pa'i ting nge 'dzin dang / shin tu rab tu sangs rgyas pa'i ting nge 'dzin dang / 'gro ba yongs su dag pa'i ting nge 'dzin dang / nyi ma kun tu lta ba'i ting nge 'dzin dang / yid gnyis yang dag par 'joms pa'i ting nge 'dzin dang / kun tu phyag rgya'i rnam pa'i ting nge 'dzin dang / kun nas dkyil 'khor yongs su dag pa'i ting nge 'dzin dang / phyag rgya'i mtshan nyid la kun tu lta ba'i ting nge 'dzin dang / dkyil 'khor yongs su dag pa yang dag par 'dzin pa'i ting nge 'dzin dang / kun tu lta ba 'od zer gyi ting nge 'dzin dang / pad+ma bkod pa'i ting nge 'dzin dang / don mad pa kun tu lta ba'i ting nge 'dzin dang / der sod pa drim med pa'i ting nge 'dzin dang / kun tu don yod pa rnam par 'phrul pa'i ting nge 'dzin dang / rgya chen po dbugs 'byin pa don yod pa rin po che'i ting nge 'dzin dang / dpung brgyan gyi ting nge 'dzin dang / dpung rgyan gyi rgyal mtshan gyi ting nge 'dzin dang / rgyal mtshan gyi rtse mo'i dpung brgyan gyi ting nge 'dzin dang / sgrib pa thams cad rnam par dag pa'i ting nge 'dzin dang / don yod pa'i lcags kyu'i ting nge 'dzin dang / pad+ma'i lcags kyu'i ting nge 'dzin dang / dri ma med pa'i lcags kyu'i ting nge 'dzin dang / kun nas 'dren pa'i lcags kyu'i ting nge 'dzin dang / don yod pa'i 'od zer gyi lcags kyu'i ting nge 'dzin dang / kun tu lta ba'i gzi brjid kyi ting nge 'dzin dang / rtogs pa dri ma med pa thob pa'i ting nge 'dzin dang / kun tu lta ba'i rab tu gsal ba'i ting nge 'dzin dang / rnam pa thams cad yongs su rdzogs pa'i ting nge 'dzin dang /  ting nge 'dzin gyi gtso bo lnga bcu rtsa gnyis po 'di dag 'thob par 'gyur te/ ting nge 'dzin re re la'ang 'khor bye ba brgya stong phrag gang+gA'i klung gi bye ma dang mnyam pa de thams cad rjes su 'thob par 'gyur ro//  lag na rdo rje don yod pa'i zhags pa'i snying po rnam par 'phrul pa 'di'i byin gyis brlabs kyis kyang don yod pa'i zhags pa'i snying po bklag pa dang / 'chang ba dang / brjod pa dang / bsgrub pa dang / phyag rgya 'ching bas yon tan de dag 'thob par 'gyur ro/ / lag na rdo rje don yod pa'i zhags pa'i snying po 'chang ba dang / rjod pa dang / klog pa dang / kha ton byed pa dang / nyin lan gsum mtshan lan gsum dran par byed na/ lag na rdo rje sems can de dngos grub don yod pa 'thob par 'gyur te/ rnam par 'phrul pa don yod pa dang / de bzhin gshegs pa lta ba don yod pa 'thob pa dang / gzungs don yod pa 'thob pa dang / ting nge 'dzin don yod pa 'thob pa dang / bsod nams sogs pa don yod pa 'thob pa dang / de bzhin gshegs pa'i yul la rnam par 'phrul pa don yod pa dang / byang chub sems dpa' yul la rnam par 'phrul pa don yod pa dang / de bzhin gshegs pa'i byin gyis brlabs kyi rnam par 'phrul pa don yod pa dang / pha rol tu phyin pa drug yongs su rdzogs pa don yod pa dang / byang chub kyi snying por 'gro ba don yod pa dang / chos kyi 'khor lo rab tu bskor ba don yod pa dang / phyir mi ldog pa'i gnas su 'gro ba don yod pa dang / blo rgyas pa don yod pa dang / shes rab bab mo rnam par 'phel ba don yod pa dang / pha rol tu phyin pa bcu yongs su rdzogs pa don yod pa dang / de bzhin gshegs pa thams cad la mchod pa dang / rim gro dang / bla ma la gus par bya ba don yod pa de'i phyir/ lag na rdo rje don yod pa'i zhags pa zhes ming du gdags pa byas na/ lag na rdo rje rig sngags 'chang rnams la ji ltar rmongs pa skye bar 'gyur/ sems 'khrug par 'gyur/ dran pa dang blo gros rmongs par 'gyur te/  de'i gnas na mi snang na su zhig smra bar nus/ de bzhin gshegs pa thams cad kyi ye shes ni don yod pa ste/ de bzhin gshegs pa'i ye shes gang yin pa de don yod pa zhags pa'i ming du dmigs so// byang chub sems dpa' rnams kyi ye shes ni don yod pa ste/ ye shes don yod pa gang yin pa de don yod pa'i zhags pa'i snying po'i ming du dmigs so// sgyu ma lta bu'i ting nge 'dzin byang chub sems dpa' sems dpa' chen po 'phags pa spyan ras gzigs dbang phyug gi rnam par 'phrul pa ni don yod pa ste/ sgyu ma lta bu gang yin pa de don yod pa'i zhags pa'o// ye shes gang yin pa de zhags pa'o// de'i snying po'o//  snying po gang yin pa de don yod pa'i zhags pa'i snying po ste/ byang chub sems dpa' sems dpa' chen po 'phags pa spyan ras gzigs dbang phyug gi snying po zhes don yod pa'i zhags pa'i snying po'i ming du dmigs so/ / gang yid la sems pa dang / gang don du gnyer ba de thams cad 'dren par 'gyur/ 'gugs par 'gyur/ len par 'gyur te/ shin tu ring por nas kyang ye shes kyi zhags pas 'gugs par 'gyur ro/ / lag na rdo rje de bas na de don yod pa'i zhags pa'i snying po'i ming du dmigs so// lag na rdo rje gang gis ting nge 'dzin 'di 'thob pa de la ji ltar rmongs pa skye bar 'gyur/ blo dman par 'gyur te/  gnas 'di ni mi snang ngo // lag na rdo rje gzhan yang gzungs kyi sgo du ma 'thob ste/ gang gis gzungs 'thob pa des dong yod pa'i zhags pa'i snying po'i cha ga zhib mo 'di gas sngags mtha' dag rdzogs pa dang /  gsang sngags dang / phyag rgya dang / gsang sngags rim par phye ba dang / dkyil 'khor kha ton nyid du gnas te/ tham par so sor yang dag par shes so// 'di lta ste/ don yod pa'i rgya mtsho zhes bya ba'i gzung dang / don yod pa'i lcags kyu zhes bya ba'i gzungs dang / don yod pa pad+ma'i lcags kyu zhes bya ba'i gzungs dang / don yod par rab tu gnas pa zhes bya ba'i gzungs dang / don yod pa rnam par snang mdzad kyi za ma tog ces bya ba'i gzungs dang / don yod pa lhun po'i snying po yangs pa zhes bya ba'i gzungs dang / don yod pa dri ma med pa'i pad+ma zhes bya ba'i gzungs dang / don yod pa'i 'od zer rab tu snang ba zhes bya ba'i gzungs dang / don yod pa'i yid bzhin gyi nor bu'i rgyal mtshan zhes bya ba'i gzungs dang / don yod pa rnam par 'phrul pa'i 'od zer zhes bya ba'i gzungs dang / don yod pa'i phyag rgya zhes bya ba'i gzungs dang / don yod pa'i rdo rje zhes bya ba'i gzungs dang / don yod pa rab tu gnas pa zhes bya ba'i gzungs dang / don yod pa yangadra ba snang ba zhes bya ba'i gzungs dang /  don yod pa'i dngos grub ces bya ba'i gzungs dang / don yod pa dri ma med pa'i 'byung gnas zhes bya ba'i gzungs dang / don yod pa'i blo rgyas pa zhes bya ba'i gzungs dang / don yod pa'i 'bar ba'i phyag rgya zhes bya ba'i gzungs dang / don yod pa nyi ma'i snying po zhes bya ba'i gzungs dang / de bzhin gshegs pa dang / byang chub sems dpa' thams cad kyi dkyil 'khor gsang ba don yod pa zhes bya ba'i gzu 'thob ste/ gang gis gzungs de rnams thob pa tsam gyis don yod pa'i zhags pa'i snying po byang chub sems dpa' thams cad kyis phyag byas pa/ rnam par thar pa'i dkyil 'khor gyi phyag rgya dang /  gsang sngags rim par phye ba'i dkyil 'khor mtha' dag rdzogs pa dang / gsang sngags dang / cho ga dang / cho ga zhib mo rgya chen po kha ton du gnas shing thams cad so sor yang dag par shes te/  gang gis mthu 'di rab tu thob pa la rmongs pa skye bar mi 'gyur/ dran pa nyams par mi 'gyur/ dran pa gzhan par mi 'gyur/ dran pa rmugs par mi 'gyur/ dran pa 'khums par mi 'gyur/ dran pa mi brtan par mi 'gyur/ dran pa gzhan du rgyu bar mi 'gyur/ 'dod chags dang / zhe sdang dang / gti mug dang / nga rgyal dang / ser sna dang / phrag dog gi rjes su 'gro bar mi 'gyur/  dran pa sdig pa can du mi 'gyur/ dran pa 'jig rten pa'i mi dge ba byed par mi 'gyur te/ rtag tu blo yangs shing rab tu gsal bar 'gyur ro// rtag tu mi mnyam pa dang mnyam pa'i dran pa dang / blo rgya mtsho lta bur 'gyur ro// rtag tu dran pa zab cing rgya mtsho chen po bsags pa lta bur 'gyur ro// lag na rdo rje don yod pa'i zhags pa'i snying po'i gzungs cho ga zhib mo rgyal po de ltar go skabs yangs pa la/ gang gis gzungs 'di thob pa de/ lag na rdo rje ji ltar dran pa rmongs par 'gyur/ gzhan yang tshad med grangs med dpag tu med pa'i lus yongs su dag pa dang / yid yongs su dag pa dang / sems yongs su dag pa dang / mdangs yongs su dag pa dang / mig yongs su dag pa dang / rna ba yongs su dag pa dang / sna yongs su dag pa dang /  lce yongs su dag pa dang / dbang po yongs su dag pa 'thob par 'gyur ro// don mong zhags pa'i snying po bklags pa tsam dang / mnyan pa tsam dang / mthong ba tsam dang / lhag pa'i # pa tsam gyis de rnams yon tan gyi phan yon chen po'i chen po 'di 'thob ste/ gang gis mthu 'di rab tu thob pa de la/ lag na rdo rje ji ltar rmongs pa skye bar 'gyur/ de lta mod kyi lag na rdo rje yud tsam zhig sdong cig dang / de bzhin gshegs pa'i 'khor mang po 'di'i dbus su ji ltar mngon sum du 'gyur ba bcom ldan 'das kyi spyan sngar bab par bstan par bya'o// don yod pa'i zhags pa'i snying po byang chub sems dpa' thams cad kyis phyag byas pa/ rnam par thar pa'i dkyil 'khor gyi cho ga rnam par 'phrul pa'i cho 'phrul gyi rdzu 'phrul dam pa'i yul gyi mthu chen po'i chen po bstan par bya'o//  de nas gnod sbyin gyi sde dpon chen po phyag na rdo rjes/ byang chub sems dpa' sems dpa' chen po 'phags pa spyan ras gzigs dbang phyug gi drung nas don yod pa'i yon tan bkod pa'i rnam par 'phrul pa'i ting nge 'dzin 'di dag dang / gzungs kyi sgo 'di dag mngon sum du thos nas dga' ba dang / mgu ba dang / mi rangs pa dang / rab tu dga' ba dang / dga' ba dang /  yid bde ba skyes te/ snying dga' bas dga' ba chen po nyid thob par gyur nas smras pa/ bdag lus dang sems shin tu sbyangs pas/ yongs su dga' ba yid la bgyid pas nges par gnas par bgyi'o/  yid la bgyid pa mchog tu dag pa dang / ngo mtshar du gyur pa dang / som nyid du gyur pa dang bral ba dang / 'gyod pa ma mchis pas gnas par bgyi'o// rnam par thar pa'i dkyil 'khor byang chub sems dpa' thams cad kyis phyag bgyis pa/ 'phags pa spyan ras gzigs dbang phyug gi don yod pa'i zhags pa'i snying po'i mthu'i rnam par 'phrul pa 'di ni mchog tu rnyed par dka' ba'o//  de nas gnod sbyin gyi sde dpon chen po phyag na rdo rjes/ byang chub sems dpa' sems dpa' chen po 'phags pa spyan ras gzigs dbang phyug la dri ma med par kun tu snang ba'i nor bu rin po che chen po chos kyi dgrub par phul nas rkang pa gnyis la mgo bos phyag byas te/ lan gsum bskor ba byas nas song ste tshad du brjod pa 'di ched du brjod cing / 'gying bag dang brjid bag gi 'gros kyis song nas rang gi stan la 'dug ste bzhin 'dzum pas/ bcom ldan 'das kyi zhal du bltas nas snying yongs su dga' bas bcom ldan 'das la rtog cing 'dug go// de nas byang chub sems dpa' sems dpa' chen po 'phags pa spyan ras gzigs dbang phyug ngo mtshar mchog tu rmad du byung ba/ snying rje dam pa rgya chen po'i lhag pa'i bsam pa'i dmigs pas sems can thams cad bsgral ba'i phyir/ 'od zer dri ma med par snang ba'i nor bu rin po che chen po de phyogs bcu'i de bzhin gshegs pa thams cad la phul te nam mkha' la 'phags so// byang chub sems dpa' sems dpa' chen po 'phags pa spyan ras gzigs dbang phyug gis nor bu rin po che de nam mkha'i dkyil du 'phags ma thag tu/ stong gsum gyi stong chen/  po'i 'jig rten gyi khams 'di cher g.yos par gyur to// 'od zer gyi snang ba chen po nyi ma bye ba brgya stong pas lhag pa'i 'od zer byung bar gyur to// snang ba gang gis 'dzam bu'i gling gi sems can thams cad kyi lus la reg pa tsam gyis sdig pa thams cad dang / dmyal ba dang / yi dgas dang / dud 'gro'i skye gnas dang / gshin rje'i 'jig rten du ngan song gi 'gro ba las yongs su grol bar gyur to/ / gang yang gling bzhi pa'i yi dgas dang dmyal ba de dag la'ang snang ba de snang bar gyur pas nyi tshe ba'i dmyal ba rnams kyi gtub pa med par gyur te/ sems can de dag kyang yongs su thar nas bde ba can gyi 'jig rten gyi khams su skal ba nyam par skyes te/ lus yongs su dag par gyur to// gang yang mnar med pa'i dmyal ba chen po bcu drug po de dag kyang 'od zer gyi snang ba des reg pas dmyal ba de dag thams cad du pad+ma'i mtsho byung bar gyur te/ sems can de dag kyang yongs su bar nas rgyan thams kyis brgyan te/ bde ba can gyi 'jig rten gyi khams su skal pa mnyam par pad+ma las rdzus te skyes so/ / grang ba'i dmyal ba gang yin pa de dag kyang dro zhing bde ba dang / reg na bde bar gyur to// tsha ba'i dmyal ba gang yin pa de dag kyang bsil bar gyur ci reg na bde ba dang / rab tu dga' bar gyur to// gang yang dud 'gro'i skye gnas su song ba ri dgas dang / bya dang / tha na sbrang bu dang / sha sbrang dag kyang 'od zer des reg pas dud 'gro'i skye gnas su song ba de dag thams cad dga' ldan du lha rnams kyi nang du skyes so/ / sems can gang dag bcings par gyur pa de dag kyang 'od zer des reg pas sems can bcings pa las yongs su grol bar gyur to/ / su mi 'dod pa dang / lcags sgrog dang / lcags kyu lu gu rgyud kyis bcings pa de dag kyang dum bur gyur to// gang snod ma yin pa de'ang 'od zer de phog pas mthong ba yongs su dag pa 'thob bo//  gang sha bkra dang mdze'i nad kyis lag pa dang / rkang pa dang / rna ba dang / sna ma tshangs pa'ang 'od zer de phog pas lus yongs su rdzogs pa dang / lus yongs su dag par gyur to// gang 'bras bu'i shing ljon pa dang /  me tog gi shing ljon pa'i shing ljon pa yongs su bskams par gyur pa'ang 'od zer de reg pas me tog dang / 'dab ma dang / 'bras bu byung bar gyur to// sangs rgyas kyi zhing du gtogs pa gang du 'od zer bab pa'i sangs rgyas kyi zhing du gtogs pa de na yang / sangs rgyas kyi zhing so so'i de bzhin gshegs pa dgra bcom pa yang dag par rdzogs pa'i sangs rgyas bye ba khrag khrig brgya stong phrag gang+gA'i klung gi bye ma dgu bcu rtsa dgu snyed bzhugs te/ de bzhin gshegs pa so so'i rin po che sna bdun gyi khang pa brtsegs pa'i gzhal med khang dang / seng ge'i khri dang bcas pa'i zhal med khang byung bar gyur to// nam mkha'i dkyil gang du 'ong zer gyi snang bas reg pa'i nam mkha'i dkyil der yang phyogs bcu kun tu rin po che'i rang bzhin gyi sprin brtsegs pas khebs par gyur te/ lha rdzas kyi nor bu rin po che chen po sna tshom kyi char rab tu 'bab bo/ / lha rdzas kyi rgyan dang / cod pan dang / dpung rgyan dang / gdu bu dang / do shal dang / se mo do dang / rna rgyan dang / gser gyi spang ba sna tshogs kyi char rab tu 'bab bo//  tshon kha dog rnam pa sna tshogs pa'i lha rdzas kyi gos rmad du byung ba sna tshogs kyi char rab tu 'bab po// lha rdzas kyi dri sna tshogs kyi char rab tu 'bab po// lha rdzas kyi byug pa sna tshogs kyi char rab tu 'bab po/ / lha rdzas kyi bdug pa sna tshogs dang tsan dan sbrul gyi snying po'i char rab tu 'bab po// tshon kha dog sna tshogs pa'i lha rdzas kyi gos dang ba dan sna tshogs kyi char rab tu 'bab po// lha rdzas kyi me tog sna tshogs pad+ma dang / ku mu da dang / pad+ma dkar po dang / ut+pal sngon po dang / ba Ta sha ka dang / tsam pa ka dang / a d+hi muk+ta ka dang / a sho ka dang / s+ya snar dang / ka dam pa dang /  mnad rab dang / man da rab chen po'i me tog gi char rab tu babs te/ phyogs bcu'i de bzhin gshegs pa thams cad la mchod pa'i las byed do// bcom ldan 'das shAkya thub pa'i yang rin po che sna bdun gyi khang pa rtsegs pa yang dag par gnas par gyur te/ gru bzhi pa/ ka ba bzhi dang sgo bzhi dang ldan pa/ shin tu 'bar ba/ lha rdzas kyi me tog sna tshogs lan kan gyis yongs su bskor cing mu//  gi dra ba sna tshogs kyis brgyan pa// gser gyi dril bu sgo rdzom 'phyang gagos sna tshon kyi phreng bas mdzes par byas pa/ chu shing gi rgyal mtshan sna tshogs bsgreng ba/ nor bu rin po che sna tshogs bkram pa/ g+hur lha rdzas kyi rdzal pa sna tshogs kyis mdzes par byas pa/ go skabs rgya che ba'i 'khor gyi dkyil 'khor chen po 'byung zhing snang ngo // nam mkha'i dkyil na'ang lha rnams lha rdzas kyi me tog dang / bdug spos dang / dri dang /  'phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / rol mo'i sgra sna tshogs dang / sil snyan dang / pheg rdog pas bcom ldan 'das la mchod pa byed cing 'khod do/ / de ltar don yod pa'i cho 'phrul gyi rnam par 'phrul pa'i byin gyis brlabs rmad du byung ba chen po'i chen po rab tu bstan cing ya mtshan rmad du byung ba'i rdzu 'phrul gyi rnam par 'phrul pa chen po'i chen po sngar bstan to/ / de nas byang chub sems dpa' sems dpa' chen po 'phags pa spyan ras gzigs dbang phyug gis rdzu 'phrul gyi rnam par 'phrul pa'i cho 'phrul 'di bstan nas rnam par 'phrul pa'i bkod pa chen pos rang gi stan las langs te/ bcom ldan 'das ga la ba de logs su song ste phyin nas/ bcom ldan 'das la lan brgya stong bumar bskor ba byas nas/ bcom ldan 'das la mngon sum du bltas nas bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das bdag la don yod pa'i zhags pa'i snying po rnam par thar pa'i dkyil 'khor byang chub sems dpa' thams cad kyis phyag bgyis pa/  phyag rgya dang dkyil 'khor rim par phye ba/ gsang sngags kyi snying po gsang ba/ rig sngags kyi rgyal po chen po bdag gi snying po gsang ba/ rig sngags kyi rgyal po don yod pa'i lcags kyu dang /  don yod pa'i khro bo'i lcags kyu dang / rig sngags kyi rgyal po don yod par 'dren pa/ nor bu rin po che chen po gsum mchis te/ bcom ldan 'das bdag gis de bcom ldan 'das kyi spyan sngar 'khor mang po'i nang du yongs su bsgrags par bgyi'o/ / gang gis dran pa tsam gyis don yod pa'i snying po'i cho ga zhib mo phyag rgya dang / dkyil 'khor dang / gsang sngags dang / cho ga rim par phye ba mtha' dag rdzogs par mngon du gnas par 'gyur te/ thams cad som nyidar gnas so// gsang sngags 'dis gzir bas thas cad du mngon du gnas so// de bzhin gshegs pa shAkya thub pas byang chub sems dpa' sem dpa' chen po 'phags pa spyan ras gzigs dbang phyug la legs so zhes bya ba byin te/ sems can dag pa chen po khyod kyis spyan ras gzigs dbang phyug gi snying po rig sngags kyi rgyal po don yod pa'i sngags kyu smras pa legs so legs so/ / rig sngags 'chang thams cad kyi don dang sems can thams cad kyi don chen po'i phyir sems can dag pa chen po khyod kyis de'i dus la bab par shes nad smos shig/ de ma bya sems dpa' sems dpa' chen po 'phags pa spyan ras gzigs dbang phyug gis/ bcom ldan 'das kyis bskul bar rig nas bzhin 'dzum zhing mig mi 'dzums par bcom ldan 'das ga la ba logs su mngon du phyogs te/ bcom ldan 'das kyi spyan sngar 'khor mang po'i nang du 'phags pa spyan ras gzigs dbang phyug gis snying po'i lcags kyu don yod pa'i zhags pa 'di smras so// dus gsum du gshegs shing so so na bzhugs pa'i de bzhin gshegs pa dang / byang chub sems dpa' thams cad la phyag 'tshal lo// 'phags pa rdo rje 'dzin rig sngags kyi dbang po chen po 'khor gyi tshogs dang bcas pa la phyag 'tshal lo//  dkyil 'khor gyi rig sngags kyi lha thams cad dang / phyag rgya dang / gsang sngags rim par phye ba dang / cho ga zhib mo thams cad la phyag 'tshal lo// rang sangs rgyas dang 'phags pa nyan thos kyi dge 'dun 'das pa dang / ma byon pa dang / da ltar byung ba thams cad la phyag 'tshal lo// 'phags pa byams pa la sogs pa dga' ldan gyi byang chub sems dpa' sems dpa' chen po 'khor gyi tshogs la phyag 'tshal lo/ / 'phags pa de bzhin gshegs pa 'od dpag med bde ba can na gnas pa'i byang chub sems dpa' chen po'i dkyil 'khor gyi tshogs la phyag 'tshal lo// phyogs bcu mtha' yas mu med pa'i 'jig rten gyi kham kyi de bzhin gshegs pa dang / dkyil 'khor gsang ba dang / gsang sngags dang / phyag rgya rim par phye ba cho ga zhib mo dang bcas pa thams cad la phyag 'tshal lo// dkon mchog gsum la phyag 'tshal lo//  byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug rig sngags dang / dkyil 'khor thams cad kyi sgra sems can thams cad la byams pa kun nas don yod pa'i dkyil 'khor gyi rig sngags kyi rgyal po la phyag 'tshal lo/ / bgegs dang / log 'dren dang / sdang ba dang / bdud la sogs pa thams cad rab tu zhi bar mdzad pa'i sems dpa' chen po mchog sbyin lcags kyu la phyag 'tshal lo/ / tad+ya thA/ oM A kaR+Sha ya/ pad+ma hasta/ ma hA a mo g+ha a~M ku shi/ tsa ra tsa ra/ tsa tsa ra/ sany+tsa ra/ sa man+te na/ ma hA pA sha/ aM ku sha b+hu dza ba ra da b+hu dza aM ku sha pA sha d+ha ra d+ha ra d+ha ra/ sa man+ta mu dra/ man+t+ra maN+Da la/ pa Ta la/ d+ha ra aM ku sha/ pA she na/ d+ha ra ya hUM hUM/ ma hA brah+ma/ be Sha d+ha ra a mo g+ha rU pa/ aM ku sha d+ha ra/ ta ra ta ra/  ta ta ra/ sa man+ta rA ya/ ma hA mu drA/ maN+Da la/ a mo g+ha aM ku sha ba ra d+ha/ mahA kA r+ra Ni ka/ tri lo tsa na/ pa shu pa ti/ be Sha d+ha ra/ I shwa rA/ ma he shwa ra/ pa ra ma kA ru Ni ka/ ma hA b+hu te/  shwa ra ya ma ba ru Na/ na mas+thi ta/ ku mA ra/ tAM lo kya ba ra da ma hA ka sha ma ka/ shAs ka/ rak+Sha ka/ mahA bid+yA/ a mo g+ha/ maN+Da la/ b+hu dzi ta/ rat+na mu kuT/ mA lA d+ha ra/ d+hu ru d+hu ru/ ma oM kra sha ak+Sha d+ha ts+tshats+tsha/ b+ha ra b+ha ra/ sa~M b+ha ra sa~M b+ha ra/ sa man+ta mu drA/ man tA la maN+Da la~M mA ra ya/ hU~M trA~M/ tha~M pa oM ku shi/ a ba mo ka ya/ mAnas b+h+ra ma sid d+hi / a kauR+Sha sa~M/ mu man+t+ra/ maN+Da la/ pa Ta lam/ sa ma ya/ big+h+nAn prA sA d+ha ya mA raM/ hA ra ha rA/ sarba pA pa kil+li ShA ma / mAd sar+ya/ hu ru tsu ru/ ma hA aM ku shi/ hU~M hUM bud+d+ha bud+d+ha/ bo rna ma bo d+hA ya/ tu ru tu ma ma hA bo d+hi satwa aM ku sha rat+na pa sha d+ha ra/ nA nA bo tsi tra/ A b+ha ra Na bi b+hU Shi ta/ a mi tA b+hA/ dzi na mu ku Ta d+ha ra/ d+ha ra d+ha ra/ pad+ma pA sha aM ku sha d+ha ra/ sarba bi d+yA mu trA maN+Da la/ pra ba ra sA d+ha ya sA d+ha ya/ bi shwa rU pa d+ha ra/ sa ha sra b+hu dza/ sra ha sra nai tra/ sau mya mu khaM pa ra ma kA ru Ni ka satwa ba ta sa la/ sarba man+ta mu drA pra sa ha ka/ ma hA ba ra da satwa na mo stu te/ a mo g+ha aM ku sha/ pad+ma b+hu dza swAhA/ byang chub sem dpa' sems dpa' chen po 'phags pa spyan ras gzigs dbang phyug gis 'di smras ma thag tu ri bo bo rdal chen po brag dang / nags tshal dang / skyed mos tshal du bcas pa'i gnas kyi gzhal med khang rnam pa drug tu ras tu g.yos te/ lha rdzas kyi me tog gi char chen po 'bab po/ don yod pa'i zhag pa'i snying po byang chub sems dpa' thams cad kyis phyag byas pa/ rnam par pa'i dkyil 'khor phyag rgya dang gsang sngags dang bcas pa'i dkyil 'khor rim par phye ba'i cho ga zhib mo 'di'ang so sor le'ur bye ba mtha' dag rdzogs par nam mkha' la gnas so/ / gang gsang sngag kyi yi ka 'bru'ang gser la bai DUR+Yas yi ger bris pa sprin gyi rim pa na snang ste/ yi ge'i 'phreng ba mnyam zhing gsal la zur phyin par bris pa/ thig gi 'phreng ba gshibs pas brgyan pa snang ngo //  gang lag pa'i phyag rgya rang pad+ma'i nang nas byung ba/ phyag rgya bcing ba sna tshogs 'od zer 'bar ba nam mkha' la gnas so// gang mtshan ma'i phyag rgya 'ang rin po che sna bdun gyi pad+ma la rab tu gnas pa nam mkha' la gnas par gyur to/ / gang ras kyi ri mo'i sku gzugs rnam pa sna tshogs 'dzin pa/ rnam par bkra ba/ cho ga dang yo byad dang bcas pa rim par phye ba bris pa'ang nam mkha' la gnas so/ / gang dkyil 'khor rim par phye ba de dkyil 'khor rnam pa sna tshogs gru bzhi pa/ grwa bzhi cha mnyam pa/ rnam par bye ba/ dkyil 'khor shin tu spras shing brgyan pa/ gzugs rnam pa sna tshogs kyis mdzes pa'i gzhal med khang yang nam mkha' la gnas pa'o// dkyil 'khor chen po na gnas pa'i rig sngags kyi lha po nya dang / khro bo dang bcas pa gzhal med khang na rjes su rgyu ba dag kyang nam mkha'i dkyil na gnas te/ bcom ldan 'das la mchod pa byed do// phyogs so so'i de bzhin gshegs pa mang po bye ba khrag khrig brgya stong gang+gA'i klung gi bye ma snyed kyang phyogs bcu kun gyi nam mkha'i dkyil na de bzhin gshegs pa'i sku bzhugs par gyur to/ / de bzhin gshegs pa'i sgra de dag thams cad kyis kyang / byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ spyan ras gzigs dbang phyug legs so legs so// rig sngags kyi mchog dam pa/ don yod pa'i lcags kyu'i rig sngags kyi rgyal po mtha' dag rdzogs par smras pa/ gang gis don yod pa'i zhags pa'i snying po rnam par thar pa'i dkyil 'khor gyi cho ga zhib mor gas sngags dang / phyag rgya dang / gsang sngags rim par phye ba de dag thams cad don yod pa'i lcags kyu'i gsang sngags kyi zhags pas kun nas drangs so// 'khor 'di'i nang na nam mkha'i dkyil na rab tu gnas pa de phyi ma'i tshe phyi ma'i dus na rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ dge sbyong ngam/ bram ze 'am/  rgyal rigs sam/ rje'u rigs sam/ dmangs rigs sam/ gzhan su'ang rung ba bud med dam/ skyes pa 'am/ khye'u 'am/ bu mo rig sngags 'dzin pa thams cad kyis don yod pa'i zhags pa'i lcags kyu 'phags pa spyan ras gzigs dbang phyug gi snying po'i gzungs 'di dran par byed na/ lan cig dran pa tsam gyis kyang mod la don yod pa'i zhags pa'i snying po byang chub sems dpa' thams cad kyis phyag byas pa/ 'phags pa spyan ras gzigs dbang phyug gi snying po rnam par thar pa'i dkyil 'khor gyi phyag rgya dang / gsang sngags dang / dkyil 'khor rim par phye ba dang / cho ga zhib mo de thams cad so sor de la kha ton nyid du gnas te/ de dag thams cad rim gyis dran pa dang / blo rgya mtsho bsags pa dang / shes rab 'phel bar 'gyur ro// gsang sngags dang / phyag rgya dang / gsang sngags rim par phye ba so so la blo 'jug par 'gyur ro// nam yang blo dman par mi 'gyur zhing / nam yang brjed ngas par mi 'gyur ro// de nas bcom ldan 'das de bzhin gshegs pa shAkya thub pas/ byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ mchog chen po sbyin pa/ lag na pad+ma mchog tu snying rje can khyod kyis cho ga rgya chen po smras pa legs so legs so/ / de nas gnod sbyin gyi sde dpon chen po phyag na rdo rjes rdzu 'phrul gyi rnam par 'phrul pa'i cho 'phrul gyi yon tan mtha' yas pa 'di mthong nas dbugs cher 'byin par gyur cing mchog tu dga' ba thob po/ / de nas byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das kyi spyan sngar 'khor 'di'i nang bu 'phags pa spyan ras gzigs dbang phyug gi snying po don yod pa'i lcags kyu'i zhags pa zhes bya ba'i yo byad dang cho ga bshad do/ / bcom ldan 'das de nas rig sngags 'chang gang 'phags pa spyan ras gzigs dbang phyug gi snying po don yod pa'i zhags pa'i byang chub sems dpa' thams cad kyis phyag bgyis pa/ rnam par thar pa'i dkyil 'khor 'di sgrub par 'tshal ba dang / gang yang rigs kyi bu 'am/ rigra kyi bu mo 'am/ dge slong ba 'am/ dge slong ma 'am/ dge bsnyen nam/ dge bsnyen ma 'am/ dge sbyong ngam/ bram ze 'am/ rgyal rigs sam/ rje'u rigs sam/ dmangs rigs sam/ gzhan su'ang rung ba bud med dam/ skyes pa 'am/ khye'u 'am/ bu mo don yod pa'i zhags pa'i snying po 'di bklag par 'tshal ba dang / bstan par 'tshal ba dang / bzlas brjod kyi cho ga bgyi bar 'tshal dang / mtha' dag rdzogs par bsgrub par 'tshal ba des sngon rol tu phyogs bcur thal mo sbyar te phyag 'tshal nas shar phyogs su kha bltas te mchis la/ gzhan mi smra bar don yod pa'i lcags kyu'i snying po 'di lan gsum dran par bgyi zhing / yang thal mo sbyar te phyag bgyi'o// des na dran pa tsam gyis mod la byang chub sems dpa' sems dpa' chen po 'phags pa spyan ras gzigs dbang phyug bkug par 'gyur te/ ri po Ta la'i gzhal med khang dang bcas pa dang / 'khor gyi dkyil 'khor dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang bcas pa bkug par 'gyur ro/ / // 'phags pa don yod pa'i zhags pa'i cho ga zhib mo'i rgyal po bam po nyi shu gnyis pa// / don yod pa'i zhags pa'i snying po byang chub sems dpa' thams cad kyis phyag bgyis pa/ rnam par thar pa'i dkyil 'khor phyag rgya dang bcas pa gsang sngags rim par phye ba'i cho ga zhib mo dang / sgrub pa'i cho ga'i rnam pa rgya chen po mtha' dag rdzogs pa 'di'ang bkug par 'gyur ro/ / dkyil 'khor na gnas pa'i rigs kyi lha 'khor dang bcas pa bkug par 'gyur te/ thams cad yid rab tu dga' gyur pas dngos grub dam pa rjes su stsol bar 'gyur ro/ / de nas don yod pa'i rgyal po'i snying po dran par bgyi ste/ ji ltar shin tu rgya cher yid la bgyis pa de ltar bsgrub par 'gyur ro// 'phags pa spyan ras gzigs dbang phyug nyid kyi kha nas dran pa mnyan zhing rgya che ba dang / blo dang mdangs dri ma mchis par 'jug par bgyid de/ zhugs pa tsam gyis mod la lce pad+ma'i 'dab ma lta bur 'jam par gyur cing kha nas ut+pa la'i dri 'byung bar 'gyur ro/ / dbyangs snyan cing gnyen pa dang / 'jam pa dang / zab pa dang / tshig rnam par dag par 'gyur ro// mi 'am ci'i dbyangs dang / sgra snyan pa dang /  dbyangs mnyen pa dang / dga' bar byed pa'i dbyangs su 'gyur zhing / ka la bing ka'i dbyangs su 'gyur ro// ci ste dus gsum du lan gsum du dran par bgyid na/ gsang sngags dang / cho ga zhib mo dang / dkyil 'khor dang / phyag rgya rim par phye ba dang / cho ga thams cad dang / de bzhin gshegs pa thams cad kyi rigs spyi'i dngos grub de rdzogs par 'gyur zhing spyod par 'gyur ro// bgegs dang / log dang / bdud la sogs pa sdang ba'i 'jigs pa thams cad dang bral bar 'gyur ro// sngon gyi sgrib pa dang dmyal bar 'chi ba'i sdig pa thams cad dang bral bar 'gyur ro// 'phags pa spyan ras gzigs dbang phyug gi snying po rig sngags kyi rgyal po chen po don yod pa'i lcags kyu 'di lan gsum dran par bgyis pa tsam gyis skad cig de nyid kyi mod la bdag rang dang / rang gi gnas kyi khang pa dang / slob ma dang / bsnyen bkur dang / 'khor dang bcas pa mi gtsang ba'ang gsang bar 'gyur/ yongs su ma dag pa'ang shin tu yongs su dag par 'gyur ro// dri ma dang bcas pa'ang shin tu dri ma mchis par 'gyur ro/ / zhe sdang dang bcas pa'ang zhe sdang dang bral bar 'gyur ro// gti mug dang bcas pa'ang gti mug dang bral bar 'gyur ro// 'dod chags dang bcas pa'ang 'dod chags dang bral bar 'gyur ro/ / sgrib pa dang bcas pa'i bsgrib pa dang bral bar 'gyur ro// bgegs dang bcas pa dang / bdud dang log 'dren gyis yongs su zin pa'ang bgegs dang /  log 'dren dang / bdud la sogs pa dang bral bar 'gyur ro// sems kyi sdig pa'ang sdig pa dang bral bar 'gyur ro// thun mong ma yin pa'ang thun mong du gyur cing bsrungs par 'gyur ro//  mi smra ba'i brtul zhugs ma mchis pa'ang mi smra ba'i brtul zhugs chen po dang ldan par 'gyur ro// smyung ba ma bgyis pa'ang smyung ba bgyis par 'gyur ro// rig sngags kyi gnas dang / yul dang /  dkyil 'khor thams cad du tshangs par mi spyod pa'ang tshangs par spyod pa chen por 'gyur ro// tshangs pa'i gnas chen po la gnas par 'gyur ro// dge ba mi spyod pa'ang dge ba chen po dang ldan par 'gyur ro/ / chos mi spyod pa'ang chos spyod pa chen po dang ldan par 'gyur ro// bsod nams mi bgyid pa'ang bsod nams kyi phung po chen po 'phel bar 'gyur ro// dul ba'i spyod pa ma mchis pa'ang dul ba'i spyod pa chen po dang ldan par 'gyur ro/ / dkyil 'khor dang / phyag rgya dang / gsang sngags ma mthong ba dang / dam tshigs ma mchis pa'ang dkyil 'khor dang / phyag rgya dang / gsang sngags mthong ba dang / dam tshig 'tshal bapar 'gyur ro// rig sngags kyi gnas dang / 'khor thams cad du sangs rgyas dang chos mthong bar mi 'tshal ba'ang byang chub dang / chos dang / dam tshig dang ldan par 'gyur ro// byang chub sems dpa' thams cad kyis ma bsams pa'ang byang chub sems dpa' thams cad kyis bsams par 'gyur ro/ / sangs rgyas kyi sa bon gyi yul du ma gyur pa'ang byang chub kyi sa bon dang ldan par 'gyur ro// pha rol tu phyin pa drug gi spyod pa dang mi 'bral zhing pha rol tu phyin pa drug yong su rdzogs par bgyi ba la mkhas par 'gyur ro/ / tshul khrims dang mi 'bral zhing ting nge 'dzin rab tu 'thob par 'gyur ro// sbyin pa dang yongs su gtong ba dang mi 'bral zhing sbyin pa dang /  yongs su gtong ba dang / sbyin pa'i tshogs chen po dang ldan par 'gyur ro// bzod pa dang mi bral zhing bzod pa chen po'i bzod pa'i rjes su spyod par 'gyur ro// brtson 'grus dang mi 'bral zhing brtson 'grus kyi stobs chen po'i go cha brtan pa bgos par 'gyur ro/ / bsam gtan dang mi 'bral zhing bsam gtan chen po 'thob pa dang ting nge 'dzin dang ldan par 'gyur ro// shes rab dang thabs la mkhas pa rgya chen por 'gyur ro/ / rig sngags dang gsang sngags nyams pa'ang gsang sngags dang / phyag rgya yongs su tshang ba dang / cho ga la mkhas par 'gyur ro// dge ba'i gshes gnyen dang bral ba'ang dge ba'i bshes gnyen chen po'i lam la rab tu gnas par 'grub par 'gyur ro/ / 'jig rten thams cad du snying du sdug pa dang bla mar bgyis par 'gyur ro// sems can thams cad kyis mchod pa dang mngon du phyag bgyi bar 'gyur ro/ / tshig btsun par yang 'gyur ro// bsam pa yongs su dag par yang 'gyur ro// de ltar don yod pa chen po'i cho ga rgya chen po 'di dag ni thams cad du dngos grub don yod pa/ mchog tu rnyed par dka' ba/ dge ba don yod pa 'di don yod pa'i lcags kyus 'dren par bgyid do// dngos grub thams cad 'gugs par bgyid do//  sgrub pa thams cad 'dren par bgyid do// sangs rgyas kyi chos ji snyed pa de bzhin gshegs pa'i stobs bcu dang / sangs rgyas kyi chos ma 'dres pa bco brgyad dang / mi 'jigs pa bzhi dang /  'phags pa'i lam yan lag brgyad dang / de bzhin nyid dang / yang dag pa'i mtha' dang / don dam pa dang / stong pa nyid 'dren par bgyid de/ don yod pa'i lcags kyu 'dis 'dren par bgyid yangs par bgyid/ dngos grub mchog 'dren par bgyid do// de ltar mthu che ba dang / phan yon che ba dang / yon tan chen por brjod pas/ bsod nams kyi 'bras bu chen po rtsol bar bgyid do//  de ltar dge ba'i rtsa ba chen po dang ldan zhing kun tu sogs par bgyid pas rig sngags kyi rgyal po don yod pa'i lcags kyu/ 'phags pa spyan ras gzigs dbang phyug gi snying po ni mchog tu grub pa bla na med pa lags so/ / de nas rig sngags 'chang rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ dge sbyong ngam+ba/ bram ze 'am/ rgyal rigs sam/ rje'u rigs sam/ dmangs rigs sam/ gzhan su'ang rung ba/ bud med dam/ skyes pa 'am/ khye'u 'am/  bu mo 'phags pa spyan ras gzigs dbang phyug rang gi gzugs kyis dgug par 'tshal ba dang / 'phags pa spyan ras gzigs dbang phyug bdag nyid kyi rang gi gzugs su mthong bar 'tshal na des cho ga 'di bgyi'o/ / gtsang ma shin tu khrus bgyis pa/ gos gtsang ma bgos pa/ ba'i rnam lnga'i chus bsang ba'i mchod phyir thogs btags pas ras dmar po'i skud pa'i mchod phyir thogs kha dog bzang po gnas bdun du yongs su bzung ste/ 'tshogs ma dang / spyi gtsug bcing ba dang / gnas gsum po dpung pa gnyis su bcing ba dang / lag ngar gnyis su bcing ba dang / de nas rked par bcings pas sa phyogs gtsang mar 'dug nas sam/ gnas gzhan gang yang rung ba dben zhing 'khrugs pa ma mchis pa dang / dkyil 'khor gyi stegs gru bzhi pa shin tu rnam par 'byes pa/ khru bzhi'i tshad tsam pa la 'phang sor brgyad kyi tshad tsam kun nas zlum po legs par byugs pa shin tu 'jam par bgyi'o// de nas tshon sna tshogs kyi skud pa rnam par 'byas par thig gdab cing tshon rtsi sna tshogs kyis bris par bgyi'o/ / snying po'i dkyil 'khor ni khru gang tsam gyi tshad la gru bzhi pa/ rnam par phye ba/ shin tu mdzes pa/ gru bzhi kun nas kha khyer gyi rnam pa can bgyi'o/ / dbus su pad+ma bgyi ste/ 'dab ma brgya rtsa brgyad pa/ 'dab ma thams cad la lcags kyu bri zhing / dbus kyi snying po ge sar dang bcas pa rin po che sna tshogs kyis brgyan pa bgyi'o//  'od kyi 'phreng ba zlum po tshon rtsi sna tshogs kyi rnam par 'byes par bgyi'o// snying po'i dkyil 'khor gyi grwa bzhir lcags kyu dang zhags pa kun nas zlum po'ang bgyi'o// phyi rol gyi dkyil 'khor kun tu mtshan ma'i phyag rgya sna tshogs kyang bri bar bgyi'o/ / dkyil 'khor gyi grwa bzhir rnam par phye bar rgyal po chen po bzhi 'bar ba'i nang na go cha bgos pa/ drag shul gyi gzugs can 'jigs par bgyid pa bri'o//  sgo bzhi rnam par phye bar yang dkyil 'khor gyi lha bri bar bgyi ste/ shar phyogs kyi sgor rdo rje 'chang zhi ba'i gzugs can/ bzhin 'dzum pa/ rdo rje 'gying bag can du 'dzin pa/ ri rab kyi steng na 'bar ba'i nang na mchis pa bri'o/ / lho phyogs kyi sgor khro bo'i rgyal po drag shul gyi gzugs can/ 'jigs par bgyid pa/ pad+ma dang zhags pa thogs pa/ me tog kha phye ba'i steng na 'bar ba'i nang na mchis pa'o/ / nub phyogs kyi sgor dbang po rdo rje thogs pa/ mig gsum pa/ ri'i steng na 'bar ba'i nang na mchis pa bri'o// byang phyogs kyi sgor don yod pa'i zhags pa gdong khro gnyer can/ pad+ma dang zhags pa thogs pa/ pad+ma'i 'dab ma'i steng na 'bar ba'i nang na lcags kyu dang lhan cig mchis pa bri'o// dkyil 'khor lo ra khor yug tu gos dang / ba dan dang / mda' dang / rgyal mtshan kun gyis brgyan pa bgyi'o// tshon sna lnga'i skud pas kho ra khor yug tu dkris par bgyi'o// gtor ma thams cad dkar po gzhag go// dkyil 'khor gyi phyi rol kun tu dngul dang gser gyi snod rnam pa sna tshogs pa gzhag go/ snying po'i dkyil 'khor kho ra khor yug tu dngul gyi snod bkang ba bzhi dang / 'o mas bkang ba bzhi dang / mchod yon dang / zhabs bsil gyis bkang ba'i snod bzhi dang / dri'i snod bzhi dang / dris bkang ba'i snod bzhi dang / dngul gyi pog por a ka ru dang / tsan dan dang / du ru ka'i bdug spos bsregs pa bzhi gzhag go/ phyi rol gyi dkyil 'khor kho ra khor yug tu sa la byas pa'i snod bkang ba dang / gtor ma'i snod bum pa yongs su bkang ba drug cu rtsa bzhi dang / bdug pa sna tshogs bsregs pa'i pog por brgyad 'jigs pa med par gzhag par bgyi'o/ / de nas rig sngags 'chang gis tshes bcu bzhi nas zla ba nye ba'i tshes bco lnga'i bar gyi nyin zhag gcig smyung ba bgyis pas/ 'bras yos dang yungs kar la don yod pa'i rgyal po'i snying pos lan brgya rtsa brgyad yongs su bzlas pas dkyil 'khor du gtor bar bgyi'o/ / yungs kar dang dri chab la khro bo'i rgyal pos lan brgya rtsa brgyad yongs su bzlas pas dkyil 'khor kun tu gtor zhing dkyil 'khor dbang bskur bar bgyi'o/ / dkyil 'khor gyi phyi rol tu mar me drug cu rtsa bzhi spar bar bgyi'o// me tog ji snyed pa mang po dgram zhing kho rakhor yug tu 'phreng ba gzhag par bgyi'o//  rig sngags 'chang gis don yod pa'i lcags kyus yungs kar la lan nyi shu rtsa gcig yongs su bzlas pas dkyil 'khor kun dang / phyogs bzhi dang / steng dang / 'og tu gtor na dkyil 'khor bcing ba bgyis par 'gyur ro/ / phyogs bcing ba dang / spyi gtsug bcing ba dang / bdag bsrung ba bgyis par 'gyur ro// bgegs dang / log 'dren dang / 'byung po dang / gnod sbyin dang / srin po dang / bdud la sogs pa thams cad bcings par 'gyur ro// lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag mthong ba/ de bzhin gshegs pa'i bslab pa'i gzhi 'dzin pa de dag thams cad bkug par 'gyur ro// dkyil 'khor kun nas bsrung ba'i slad du gshin rje dang / chu lha dang / gzhon nu dang ku bai ra dang / rgyal po chen po bzhi dpung dang 'khor dang bcas pa/ lcags kyu dang zhags pas bkug par 'gyur te/ dkyil 'khor kun nas srung ba dang / sgrub pa dang / sba ba bgyid par 'gyur ro//  'og gi sa'i lha mo sa'i 'og na gnas pa rnams dang lhan cig dkyil 'khor bsrung ba dang / bskyab pa dang / sba ba'i slad du mchis par 'gyur ro// ste nga nas nam mkha' la tshangs pa dang / khyab 'jug dang / dbang phyug chen po dang / brgya byin dang / mtshan mo'i lha dang / nyi ma dang / zla ba rgyu skar dang bcas par bsrung ba dang / bskyab pa dang / sba ba bgyis par 'gyur ro/ / de nas rig sngags 'chang gis phyis bgyi ba'i las bgyi ste/ rig sngags 'chang gis rtswa ku sha'i bam po'i steng du shar phyogs kyi sgor dkyil 'khor la mngon du phyogs par skyil mo krung bcas te mchis la/ gzhan mi smra bar don yod pa'i zhags pa'i snying po lan brgya rtsa brgyad yongs su bzlas pa bgyis la/ dkyil 'khor gyi snying por 'phags pa spyan ras gzigs dbang phyug gzhag par bgyi zhing / me tog re re la bzlas brjod bgyis pas 'phags pa spyan ras gzigs dbang phyug gi mdun du dor bar bgyi'o// de nas khro bo'i rgyal pos yungs kar gyi 'bru re re la lan brgya rtsa brgyad bzlas brjod bgyis pas gtor bar bgyi'o/ / de nas 'phags pa spyan ras gzigs dbang phyug gi snying po don yod pa'i zhags pa'i lcags kyus bzlas brjod stong rtsa brgyad bgyis pas dbul bar bgyi'o/ / ril bu re re la bzlas brjod bgyis pa'i bdug spos dbul bar bgyi'o// yungs kar re re la bzlas brjod bgyis la/ snying po'i dkyil 'khor gyi steng du dor bar bgyi'o/ / stong rtsa brgyad rdzogs pa dang / thun tha ma'i nam nangs kar gya nom pa/ yid du 'ong zhing dga' ba dang / rab tu dga' bar bgyid par sa g.yo bar 'gyur zhing / sgra mnyen pa dang /  snyan cing 'jebs pa dang / yid du 'ong ba zab mo zab mo dang / ka la bing ka dang / mi 'am ci'i sgra dbyangs lta bu 'byung bar 'gyur te/ rig sngags 'chang gis sems brtan por bgyi zhing mchog tu dga' ba yid la bgyid pas bzlas brjod bgyi'o/ / de nas dkyil 'khor gyi snying po nas 'od zer rnam pa sna tshogs mang po 'byung zhing phyogs dang phyogs mtshams kun tu mchi zhing snang bar 'gyur te/ nam mkha'i dkyil na sprin brtsegs pa'i phung po bzhin du 'od zer gyi gdugs su gyur nas gnas par 'gyur ro// de nas sngon ma byung ba'i dri zhim po rmad du byung ba 'byung bar 'gyur zhing lha'i tsan dan dang / gor shi sha'i tsan dan dang / tsan dan sbrul gyi snying po dang / ga pur dang / gla rtsi'i dri 'byung ste/ dpag tshad brgya kho ra khor yug tu dri gnas par 'gyur ro// lha rdzas kyi bdug spos kyi dri zhim po sngon ma byung ba rmad du byung ba bai DUR+Ya sngon po'i sprin brtsegs pa lta bu'i bdug spos kyi sprin nam mkha'i dkyil na gnas par yang 'gyur te/ phyogs bcu kun tu bdug spos kyi dri rgyas par 'gyur ro/ / de nas snying po'i dkyil 'khor gyi dbus nas 'phags pa spyan ras gzigs dbang phyug bdag nyid kyi rang gi gzugs kyis 'byung bar 'gyur te/ tshangs pa bzang po'i cha lugs can/ ral pa'i thor tsugs kyis brgyan pa/ don yod pa'i zhags pa'i gzugs lag pa bzhi pa/ pad+ma dang zhags pa thogs pa/ rgyal ba 'od dpag tu med pa'i dbu rgyan can/  dbu rgyan zla ba tshes pas brgyan pa/ mdung rtse gsum pa thogs shing dbugs 'byin pa/ rgyan thams cad kyis brgyan pa/ mtshan dang dpe byad bzang pos lus brgyan pa/ rang gi 'od dang gzi brjid kyis shin tu 'bar ba/ bzhin 'dzum zhing nyi ma stong pas lhag pa'i 'od zer gyi snang ba dang ldan pa/ khru brgyad tsam gyi bzang pos dkyil 'khor gyi snying po'i pad+ma'i stan las langs te/ nam mkha' la mchis nas zhi ba'i gzugs can/ byams pa'i sems dang snying rje chen po yid la bgyis pas dkyil 'khor kun tu lta zhing phyogs bcur rtog par bgyid do// de nas rig sngags 'chang la legs so zhes bya ba'i sgra 'byung ste/ rig sngags 'chang chen po legs so legs so// lag pa g.yas pa brkyang ba'i lag mthil shin tu bzang po 'od zer bye ba brgya stong phrag stong gis legs par brgyan pa'i lag pa rig sngags 'chang gi spyi bor 'jog par 'gyur ro/ / 'phags pa spyan ras gzigs dbang phyug gi lag pa spyi bor bzhag ma thag tu/ de nas rig sngags 'chang de nam mkha' la mchis te/ don yod pa'i zhags pa dang lcags kyu rgya chen po'i 'od zer snang ba bkod pa rnam par 'phrul pa zhes bya ba sgyu ma lta bu'i shugs kyi dkyil 'khor zhes bya ba'i ting nge 'dzin thob ste ting nge 'dzin gzhan yang bye ba khrag khrig brgya stong gi bye ma snyed 'thob po/ / kun tu don yod par lta ba nor bu'i snying po rgya chen por grags pa don yod pa'i lcags kyu'i gzungs 'phags pa spyan ras gzigs dbang phyug gi snying po'i gzungs 'thob par 'gyur te/ gang gis gzungs thob pa'i mod la don yod pa'i zhags pa'i snying po'i phyag rgya dang / gsang sngags rim par phye ba'i cho ga zhib mo byang chub sems dpa' thams cad kyis phyag bgyis pa/ rnam par thar pa'i dkyil 'khor mtha' dag rdzogs par bton nyid du gnas so// gzhan yang pad+ma rgya chen po'i dkyil 'khor mtha' dag dang / rdo rje rigs dang / de bzhin gshegs pa'i rigs dang / nor bu'i rigs dang / glang po che'i rigapa dang / de bzhin gshegs pa thams cad kyi rigs kyi dam tshig dang / gsang ba chen po'i snying po dang /  phyag rgya dang bcas pa'i gsang sngags rim par phye ba gsang ba dang / cho ga zhib mo'i rnam pa thams cad kha ton nyid du gnas so// rig sngags 'chang gi 'khor los sgyur ba bye ba khrag khrig brgya stong phrag gad+hA'i klung gi bye ma dgu bcu rtsa gnyis pa rnams kyi gtso bo dang / mchog dang / rig sngags 'chang gi 'khor los sgyur ba'i rgyal por 'gyur ro// de nas 'phags spyan ras gzigs dbang phyag gis/ rig sngags 'chang de la smras pa/ rig sngags 'chang ji ltar yid la byed pa dang bsam pa smos shig dang / mchog de thams cad rjes su sbyin par bya'o// de nas rig sngags 'chang gis ji ltar yid la bsams pa dang / mchog mngon par 'dod pa de thams cad smra zhing / mchog yid la re ba thams cad byin par 'gyur ro// gzhan yang 'jig rten pa dang 'jig rten las 'das pa'i dgos pa sna tshogs da ltar 'byung ba rnams smra zhing / 'das pa dang / ma 'ongs pa dang / da ltar byung ba smra'o// lo legs pa dang / lo nyes pa dang / bde ba dang /  nad dang / 'jigs pa dang / lhag par 'jigs pa dang / pha rol gyi dmag tshogs dang / rang gi dmag tshogs dang / phyir rgol ba dang / dgra bo dang / yams kyi nad dang / mi ngas dang /  gnod pa dang / nad 'go ba dang / 'tshe ba dang / gza' 'thab pa dang / 'thab mo dang / rtsod pa dang / mtshang 'bru ba dang / 'gyed pa dang / g.yul 'gyed pa dang / char ches pa dang / char dkon pa dang / dus ma yin pa'i char dang / tshe ring ba dang / tshe thung ba dang / tshe yongs su zad pa dang / dus ma yin par 'chi ba dang / 'byor pa dang / rgud pa dang / dge ba dang / mi dge ba dang / skye ba dang / 'gag pa dang / 'grub pa dang / mi 'grub pa dang / bgegs dang / bgegs med pa dang / bdud kyi bar chad dang / 'bru 'phel ba dang / nor 'phel ba dang /  nad mang ba dang / nad dang bral bar 'gyur ba gang yin pa de thams cad byang chub sems dpa' sems dpa' chen po 'phags pa spyan ras gzigs dbang phyug rig sngags 'chang la smra bar 'gyur ro/ / sems can dmyal ba dang / yi dgas dang / lha ma yin gyi 'jig rten dang / gnod sbyin dang / srin po dang / 'byung po dang / sha za dang / grul bum dang / mi 'am ci dang / lto 'phye chen po dang / mi dang / mi ma yin pa dang / dud 'gro'i skye gnas pa ri dgas dang bya'i skye ba dang 'chi ba de dag thams cad phyin ci ma log par smra zhing / de dag gi thabs thams cad kyang ston par 'gyur ro/ / lhar skye ba dang / klur skye ba dang / sangs rgyas kyi zhing du 'gro zhing skye ba dang / rgyal po nyid dang / bud med dang / skyes pa nyid dang / bu rnyed pa de ngadag thams cad smra bar 'gyur ro/ / bram ze'i rigs su skye ba dang / rgyal rigs su skye ba dang / khyim bdag gi rigs shing sA la chen po lta bur skye ba de thams cad smra bar 'gyur ro//  gzhan yang rigs mthon po dang / dma' ba dang / smad pa'i rigs su skye ba sna tshogs de dag thams cad ston cing smra la/ thabs kyang ston par 'gyur ro// de nas rig sngags 'chang gis ji ltar bsams pa'i dond de thams cad 'phags pa spyan ras gzigs dbang phyug dang mngon sum du smra zhing thams cad gtam zer ro/ / gzhan yang 'phags pa spyan ras gzigs dbang phyug gis 'jig rten pa'i mchog sna tshogs dang / sgrub pa dang / grub pa de thams cad de la stsol bar bgyid de/ 'di lta ste/ nor bsgyur ba smra ba dang / zhing smra ba dang / mig sman gyi dngos grub dang / mi snang ba dang / mig 'phrul dang / gter smra ba dang / phug tu 'jug pa dang / nags su 'jug pa dang / spo ba dang / dbang du bya ba dang / dbab pa dang /  ro langs bslang ba dang / nad zhi bar bya ba dang / gos 'thob pa dang / gropa 'thob pa dang / yul gyi bdag po nyid dang / chu klung chen po brgal ba dang / dug bzal dang / gsang sngags sna tshogs bsgrub pa'i dngos grub dang / 'jigs pa chen po brgyad zhi bar bya ba dang / dgug pa dang / drang ba de thams cad stsol bar bgyid do// gzhan yang ji ltar yid la bgyid pa de thams cad stsol bar bgyid do/ / de dag thams cad kyi dgos pa thams cad don yod pa'i zhags pa'i lcags kyu'i snying pos 'dren cing don yod pa'i zhags pas cings par 'gyur ro// bsam pa dang /  don du gnyer ba dang / yid la re ba'i dgos de thams cad shin tu ring po nas kyang don yod pa'i zhags pas bcing nas thams cad drangs te lag tu thob par 'gyur ro// sgrub pa mchog gi dngos grub de kho na nyid thams cad 'grub par 'gyur te/ / mi snang bar gyur/ rig sngags 'chang nam mkha' la mchi bar 'gyur ro// 'jig rten gyi khams gang du sangs rgyas kyi zhing khams gang dang gang du mchi 'tshal ba de dang de thams cad du mchi bar 'gyur te/ thams cad du gtso bor 'gyur ro// thams cad du mchod par 'gyur ro// ci ste rmi lam mthong bar 'tshal na gu gul la lan brgya rtsa brgyad yongs su bzlas nas/ nyal kar 'phags pa spyan ras gzigs dbang phyug la bdug spos su phul te nyal na/ 'phags pa spyan ras gzigs dbang phyug rgyal po'i cha byad du mthong ba stsol cing / gang bsams pa dang / gang don du gnyer ba dang / gang dris pa de thams cad smra bar 'gyur ro// ji ltar bsams pa'i mchog stsol cing sgrib pa dang sdig pa thams cad ma mchis par 'gyur ro/ / stobs dang / brtson 'grus dang / mdangs 'jug par 'gyur ro// tshangs pa dgug par 'tshal zhing mthong bar 'tshal na/ de'i tshe shing arka'i 'o ma dang / gu gul dang / rgya skyes ril bur bgyis pa la bzlas brjod brgya rtsa brgyad bgyis la/ tshangs pa la bdug spos su phul na/ tshangs pa rang gi gzugs kyis mdun na mchis shing mchog 'tshal ba thams cad rjes su stsol to//  tshangs pa'i 'jig rten la thug pa'i bar gyi tshangs pa'i gnas dang gzhal med khang mthong bar 'gyur zhing / tshangs pa'i gzugs kyi cha byad 'chang ba'i mchog stsol bar 'gyur ro// lha'i gnas thams cad du mes po yin no zhes tshig mngon par brjod par 'gyur ro/ / 'jig rten thams cad dang / 'dzam bu'i gling pa'i mi bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u rigs dang / dmangs rigs de thams cad thams cad du tshangs pa'o zhes sems par 'gyur ro// rgyal po btsun mo dang 'khor du bcas pas mchod pa'i sprin chen po bgyid par 'gyur ro/ / de nas sred med kyi bu dgug par 'tshal na/ des lha'i gnas su sred med kyi bu'i gzugs brnyan gyi mdun du nye bar sbyin sreg gi/  cho ga bgyi ste/ rig sngags 'chang gtsang mar gyur pa/ shin tu khrus bgyis pa/ gos gtsang ma bgos pa/ sna ma dang shing arga'i yam sreg shing gis me sbar ba la gu gul dang / yungs kar dang / sbrang rtsi dang / zhun mar bsres pa'i sbyin sreg brgyad stong bgyi'o// brgyad stong rdzogs pa dang sred med kyi bu rang gi gzugs kyis mdun na mchis shing rig sngags 'chang la/ rig sngags 'cha legs so legs so zhes smra'o/ / sgrub pa dam pa 'di don yod pa'i lcags kyus 'gugs shing / rig sngags kyi rgyal po'i chos lugs chen pos bkug na rig sngags 'chang ci zhig bya/ dgos pa ni ci zhig yod/ mchog ni ci zhig don du gnyer ba de smros shig dang / thams cad rjes su sbyin par bya'o// de nas rig sngags 'chang gis don gang yin yid la bsams te smras pa de thams cad stsol bar 'gyur/  gzugs sna tshogs pa'i mchog kyang rjes su stsol bar 'gyur ro// gzhan yang gzugs sna tshogs pa'i mchog gtso bo dang / dgos pa'i las sgrub pa'i mchog rjes su stsol bar 'gyur ro// de nas lha chen po dgug par 'tshal na rig sngags 'chang gtsang ma shin tu khras bgyis pa gos gtsang ma bgos pa des lha'i gnas su mchis pa la/ lha chen po'i mdun du gu gul dang / pad+ma'i phye ma dang / zhun mar bsres pa'i sbyin sreg stong rtsa brgyad bgyi'o/ / stong rtsa brgyad rdzogs pa dang / lha chen po rang gi gzugs kyis mdun na mchis par 'gyur ro// de nas nag po chen po dgug par 'tshal na rig sngags 'chang shin tu khrus bgyis pa gos gtsang ma bgos pas dur khrod du mchis la/ zla ba mar gyi ngo'i tshe bcu bzhi la nyin zhag gcig smyung ba bgyis pa pad+ma gsar pa'i phye ma dang / gu gul dang / ra'i khrag dang yungs kar dang / zhun mar dang sbyar ba brgyad stong don yod pa'i lcags kyu'i bzlas brjod kyis dur khrod kyi shing gi me la bzlas brjod bgyi'o// ra khrag gi gtor ma dang / 'bras thug po che'i chan gyi lha bshos dang / me tog dmar po dbul bar bgyi'o// las 'di yongs su rdzogs par bgyis na nag po chen po ma mo'i tshogs kyi 'khor dang bcas pa mdun na mchis shing / rig sngags 'chang la legs so legs so zhes bya ba gsol te/ rig sngags 'chang legs so legs so// sgrub pa'i cho ga bzang po 'dis bdag yongs su mgus/ rig sngags 'chang smos shig dang / mchog rjes su sbyin par bgyi'o//  mchog 'dod pa thams cad rjes su long zhig dang / ji ltar yid la byed pa'i re ba de thams cad rjes su sbyin par bgyi'o// khyod bsrung ba dang yongs su bskyang ba'i don du bdag rtag/ rjes su 'brang bar bgyi'o//  de nas rig sngags 'chang gis mchod yon dang zhabs bsil dbul bar bgyi'o// ji ltar bsams pa de mngon sum du smras na/ gang don du gnyer ba de thams cad thob cing thams cad rjes su 'brang bar 'gyur ro/ / thams cad du thams cad bgyid par 'gyur ro// dran pa tsam la sogs pas las thams cad bgyid cing nye bar gnas par 'gyur ro// rtag tu lta zhing spyir thams cad bgyid par 'gyur ro/ / gzhan yang dgos pa sna tshogs dang / las su bgyi ba bgyid par 'gyur ro// ma mo'i tshogs kyi 'khor thams cad dbang du gyur nas gnas te/ las thams cad bsgo ba bzhin du bgyid par 'gyur te/ nam yang nyams par mi bgyid do// thams cad rjes su 'brang zhing las thams cad bgyid par 'gyur ro// ci ste 'dod pa'i gzugs can ma dgug par 'tshal na/ de nas rig sngags 'chang gtsang ma shin tu khrus bgyis pa gos gtsang ma bgos pas shin tu dri zhim po'i dris lus lhag par bsgos la/ gang na me tog gi shing ljon pa mchis pa der mchis la/ zla ba mar gyi ngo'i tshe bcu bzhi nyin zhag gcig smyung ba bgyis pas shin tu dri zhim po'i dri'i shing gi me sbar ba la/ pu shel ci dang / ta ka ra dang / spang spos dang / yungs kar dang /  zho dang / sbrang rtsi dang / zhun mar dang sbyar ba'i sbyin sreg lan stong rtsa brgyad bgyi'o// gla rtsi dang / ga pur dang / tsan dan gyi chus bsgos pa'i 'bras yos dang / me tog gis bkang ba'i mchod yon gyi snod bum pa gsar pa brgyad srul lo/ / dkar gsum gyi gtor mas bkang ba ga pur gyis bsgos pa'i gtor ma'i bum pa gsum srul lo// me tog shin tu dri zhim po skul bar bgyi zhing / gla rtsi dang / tsan dan dang / ga pur dang / kun tu ru'i bdug spos stsal bar bgyi'o// de nas las yongs su rdzogs pa dang / 'dod pa'i gzugs can ma bzang mo de lha'i gzhal med khang du mchis shing mdun na mchis te/ de mthong nas ma 'am/ sring mo 'am/ chung ma 'am/ las byed pa 'am/ mngag gzhug ma 'am/ pho nya mo rnam pa ji lta bur ji ltar tshig tu brjod pa de la smros shig dang / ci ste mar gyur na de'i tshe bu bzhin du snying nas yongs su skyong bar byed do// nor dang / 'bru dang / dbyig dang / gser dang / gos dang / rgyan dang / lhab lhub dang /  mal ches yongs su skyong bar bgyid do// ci ste sring mor gyur na de'i tshe longs spyod thams cad kyis yongs su sbyong bar bgyid do// ji ltar yid la bsams pa'i bud med dpag tshad brgya'i pha rol nas kyang bkug ste/ yongs su longs spyad pa'i phyir yongs su spyod par bgyid cing / phyir yang de nyid du gtong bar bgyid do// ci ste chung mar gyur na de dang lha rdzas kyi gzhal med khang dam pa yongs su longs spyod pa'i gzhal med khang mthong ste/ lha rdzas kyi bza' ba dang / btu ba dang / longs spyod stsol bar bgyid do// ro bro ba'i mchog ro brgya dang ldan pa ches khyad par du 'phags pa'i longs spyod stsol bar bgyid do/ / mchog tu dga' ba'i rtsed mos 'dod pa'i yon tan lnga'i longs spyod la yongs su spyod par bgyid do// lha rdzas kyi dri dang / me tog dang / 'phreng ba dang / byug pa dang / lha rdzas kyi gos dang / rgyan dang / ltab lhub kyis brgyan pa'i gzhal med khang du 'gyur ro// nor dang / 'bru dang / mdzod dang / bang ba yongs su gang zhing mchis par 'gyur ro/ / nor bu dang / gser dang / rdo rje dang / bai DUR+Ya dang / gser phye dang / shang ka shi la dang / b+hu ru dang / dngul dang / sa le sbram dang / dngul stsogs dpag tu med pa thob pa'i gter stsol par bgyid do/ / rta dang / ba lang dang / ma he dang / phyugs dang / bran pho dang / bran mo rab tu mang por 'phel zhing mchis par 'gyur ro// mal cha'i longs spyod sna tshogs stsol bar bgyid do/ / lha rdzas kyi chung ma'i longs spyod bud med gzugs sna tshogs pa'i 'khor brgyad dang ldan pa nyin gcig bzhin du gnas par 'gyur ro// yo byad thams cad phun sum tshogs pas ji srid 'tsho'i bar du gnas par 'gyur ro/ / tshe lha'i lo stong thub par 'gyur ro// rig sngags 'chang gis bag yod par bgyi ste/ dkon mchog gsum la mchog tu gus pa dang / 'phags pa spyan ras gzigs dbang phyug dang / rdo rje 'dzin la mchog tu gus par bgyi'o// rtag tu sbyin pa la mngon par dga' bar bgyi zhing / sems can thams cad la mchog tu snying brtse bar bgyi'o/ / gzhan du mi smra bar bgyi'o// gal te las byed par gyur na de'i tshe rgyal po la bgyi ba bzhin du las thams cad bgyid de// shin tu yongs su rdzogs kyi bar du las la mngon par brtson par 'gyur ro/ / ci ste mngag gzhug mar gyur na gnas gang du mngags pa de'i gnas thams cad du mchi ste/ dpag tshad stong gi pha rol tu mchi zhing /  skad cig gis slar yang mchi'o// thams cad du gter chen po 'byin par bgyid/ 'dren par bgyid do// dpag tshad stong gi pha rol na sa bud med 'gugs par bgyid cing / nor dang /  'bru dang / glang po che dang / ma he dang / rta dag 'gugs par bgyid do// slar yang gtong bar bgyid do// bag yod pas bsgo bar bgyi ste/ bdag nyid shin tu ring po'i yul dang gnas su 'phen par bgyid/ gnod sbyin dang / srin po dang / 'byung po dang / lha ma yin gyi gnas su 'deg par bgyid de/ der srog gi bar chad du mi 'gyur bar bgyid do// ci ste pho nya mo gyur na phyogs bcu thams cad du mchi ste/ lha'i 'jig rten du mchi'o// klu'i 'jig rten du mchi'o// lha ma yin gyi gnas su mchi'o// nam mkha' lding gi gnas su mchi'o//  mi 'am ci'i gnas su mchi'o// lto 'phye chen po'i gnas su mchi'o// gnod sbyin dang srin po'i gnas su mchi'o// 'byung po'i gnas su mchi zhing thams cad du pho nya'i bya ba bgyis nas slar mchi'o/ / skad cig gis dpag tshad stong du mchi zhing slar mchi'o// skad cig gis dpag tshad stong du thams cad kyi gnas thams cad du phyin nas pho nya'i bya ba bgyid do// rdzi srid sa'i 'og gi bar du 'jug cing phyir yang mchi'o/ / bya ba shin tu yongs su rdzogs par bgyis nas bag yod pas kyang las zas cad bgyi de/ nyin gcig bzhin du mchod yon dang / rkang pa bkru bas stsal bar bgyi'o// thams cad kyi gnas thams cad du phyin cing bya ba 'grub pa bla na ma mchis par 'gyur ro// de nas gnod sbyin mo/  dgug par 'tshal na rig sngags 'chang des gzhan gyis ma reg pa'i shing leb gsar pa la gnod sbyin dang gnod sbyin mo rgyan thams cad kyis brgyan pa bri bar bgyi zhing / gnas dben zhing 'khrug pa ma mchis pa gtsang ma'i gnas su gzhag par bgyi'o/ / rig sngags 'chang gtsang ma shin tu khrus bgyis pas gos gtsang ma bgos pas 'o ma dang 'bras thug po che'i chan gyi gtor ma stsal bar bgyi'o/ / shing ka ra wI ra'i me sbar ba la/ yungs kar dang / gu gul dang / ra'i khrag dang / zhun mar dang bsres pa'i sbyin sreg stong rtsa brgyad bgyi'o// stong rtswa brgyad rdzog pa dang / me tog dmar po sA la na gnod sbyin mo de'ang rang gi gzugs kyis mdun na mchis te/ rig sngag 'chang sdong shig ces smra bar 'gyur ro// rig sngags 'chang gi khyod nga'i ci bgyi zhes bya ba byed pa yin no/ / nga'i las thams cad byed pa yin no// nga la dbyig mang po byin cig ces brjod par bgyi'o// de'i tshe gnod sbyin dang gnod sbyin mo de ltar legs so zhes smras nas mi snang bar 'gyur ro/ / gang gi tshe dgos pa byung ba de'i tshe yungs kar dang gu gul la yongs su bzlas nas mer gtor na de mchi zhing ci bgyi zhes bya ba thams cad bgyid par 'gyur// dbyig stong stsol bar 'gyur/ ji srid mtsho'i bar du mchis par 'gyur/ rtag tu ci bgyi ba'i bya ba bgyid par 'gyur/ de nas lha ma yin gyi bu mo dgug par 'tshal na rig sngags 'chang des spra tshil las lha ma yin gyi bu mo rgyan thams cad kyis brgyan par bgyi'o/ / de nas rig sngags 'chang gis gnas 'khrug pa ma mchis pa dang / dben pa dang / sa phyogs gtsang ma'i gnas su gzhag par bgyi'o// rig sngags 'chang gtsang ma shin tu khrus bgyi ba gos gtsang ma bgos pas zhag gsum zan bcad par bgyis la/ de'i mdun du skyil mo krung bcas te mchis la gu gul gyi bdug spos stsal cing dkar gsum gyi gtor ma stsal bar bgyi'o/ / don yod pa'i lcags kyu bzlas brjod yungs dkar la bzlas pas bu mo de la lan stong rtsa brgyad brdeg par bgyi'o// las yongs su rdzogs pa dang / de nas lha ma yin gyi bu mo de rang gi gzugs kyis mdun na mchis te/ gang dang gang du dgos pa de dang der dgos pa'i rjes su 'brang bar 'gyur ro// de'i las thams cad bgyid par 'gyur/ thams cad du mchis par 'gyur//  ji srid 'tsho'i bar du mchis par 'gyur ro// ci ste srin po dang srin mo dgug par 'tshal na gu gul dang ba glang gi sha skam po dang lhan cig bsres pa la don yod pa'i lcags kyus lan stong rtsa brgyad bzlas brjod bgyis pas/ dur khrod du mtshan thog tha ga bdugs na srin po'i gnas thams cad kyi sgo phye bar 'gyur te/ srin po dang srin mo rnams dbang du gyur nas gnas te/ ci bgyi ba'i bya ba bgyid par 'gyur/ ci bsgo ba de bgyid par 'gyur ro// rtag tu phyi bzhin 'brang zhing ji srid 'tsho'i bar du mchis par 'gyur ro// gdugs gcig bzhin du dngul srang khri stsol bar bgyid do//  de nas rig sngags 'chang gis cha gsum du dbye bar bgyi ste/ gcig ni dkon mchog la mchod par bgyi'o// cha gnyis pa ni nyin gcig bzhin du sbyin par gtang ngo // srin po rnams la zan dang tshod sngon rlon pa'i gtor ma stsal bar bgyi'o/ / de nas srin po 'khor dang bcas pa de rnams tshim par 'gyur ro// de nas srin po 'khor dang bcas pa shin tu mgyogs par 'gyur te/ shugs chen pos dgos pa thams cad sgrub cing nam yang gzhan du bgyid par mi 'gyur ro/ / gtor ma gtsang ma stsal bar bgyi'o// ci ste sha za dang sha za mo dgug par 'tshal na ba glang gi mkhris pa dang / de'i so dang / gu gul dang / shing arga'i 'o ma sbyar te lam gyi bzhi mdor bdug par bgyi zhing / lhag ma dang 'bags pa'i gtor ma stsal na/ sha za mo de mchi zhing rig sngags 'chang gi mdun du mchis ci bgyi ba'i bya ba bgyid pa'i bran du 'gyur/ las thams cad bgyid par 'gyur ro// dpag tshad stong gi pha rol tu mchi zhing / skad cig gis slar yang mchi'o// dgos pa thams cad sgrub par bgyid do/ / dus gsum du gtor ma'i lhag ma'i gtor ma sgo drung du stsal bar bgyi'o// nyin gcig bzhin du gser gyi dong tshe brgya sngas su 'jog par 'gyur te/ des thams cad zad par bgyis na phyir zhing 'phel bar 'gyur ro/ / ci ste rgyal po'i btsun mo dgug par 'tshal na rig sngags 'chang gtsang ma shin tu khrus bgyis pa gos gtsang ma bgos pa des yungs kar dkar po dang / ske tshe'i sa bon dang / gi'u wang dang / pad+ma'i 'dab ma dang / rgyam tshwa dang / lan tshwa bsres pa la lan brgya rtsa brgyad yongs su bzlas nas phye ma'i rdzas su bgyis la/ yungs kar dang /  ske tshe'i sa bon dang / sbrang rtsi'i sa bon lan cig mnyes la/ yang lan stong rtsa brgyad bzlas brjod bgyis te/ rgyal po'i sgo 'am/ lam gyi bzhi mdo 'am/ lam po che 'am/ grong khyer gyi sgor gtor na gang der gom pa bor ba tsam gyis dbang du gyur nas gnas te ci bgyi ba'i bya ba bgyid do/ / rgyal po btsun mo'i 'khor dang bcas pa bkug cing dbang du 'gyur ro// thams cad du ci bgyi ba'i bya/  ba bgyid cing bsgo ba bzhin bgyid par 'gyur ro// gang bslangs pa de ster te dngul dang / gser dang / gos dang / rgyan dang / lhab lbub dang / spud pa dang / bzhon pa dang / mal cha dang / 'bru la sogs pa stsol bar bgyid do/ / gang smras pa de bgyid cing gang bsgo ba bgyid par 'gyur ro// de'i yul gcig tu'ang 'jig rten gsum po thams cad kyis mchod pa chen po bgyid par 'gyur zhing thams cad dbang du 'gyur ro/ / de nas bram ze dbang du bgyi bar 'tshal na/ rig sngags 'chang des nas dang / til dang / 'bras sA lu dang / zho dang / sbrang rtsi dang / zhun mar dang bsres pa'i sbyin sreg stong rtsa brgyad bgyis na/ rig byed bzhi dang ldan pa'i bram ze thams cad kyis spyi bor bkur ba gcig pur 'gyur ro// thams cad du mchod pa bgyid par 'gyur zhing / bram ze thams cad la dbang bgyid pa thogs pa med par 'gyur ro// rgyal rig dbang du bgyi bar 'tshal na til dang / 'bras thug chen po dang / sran mung ga dang / zho dang / sbrang rtsi dang / zhun mar bsres pa'i sbyin sreg bgyi ste/ sbyin sreg stong rtsa brgyad gyi bar du bgyis na thams cad la dbang sgyur zhing mchod pa'i 'os chen por 'gyur ro//  thams cad dbang du 'gyur bar bgyid do// ji srid 'tsho'i bar du bgyid de/ ci bgyi ba bgyid cing bsgo ba bzhin bgyid par 'gyur ro// de nas dmangs rigs dbang du bgyi bar 'tshal na lan tshwa dang / 'bras sA lu'i phub ma dang / su mu kha'i sa bon dang / zho dang / sbrang rtsi dang / zhun mar sbyar ba'i sbyin sreg brgyad stong bgyis na dmangs rigs thams cad bran du gyur nas gnas te/  ji srid 'tsho'i bar du mchis par 'gyur ro// dgra dang / phyir rgol ba dang / phas kyi dgra thams cad bzlog par 'tshal na rig sngags 'chang nges shing mngar gyi shing gis me sbar la sa bon 'dun dang zho dang / sbrang rtsi dang / zhun mar dang sbyar ba'i sbyin sreg brgyad stong bgyi'o// brgyad stong rdzogs pa dang / dgra dang / phyir rgol ba dang / phas kyi dam thams cad bzlog par 'gyur ro//  pha rol gyi dmag tshogs thams cad bzlog par 'tshal na shing tsher ma can gyi me sbar ba la 'bras yos dang / yungs kar dang / zho dang / sbrang rtsi dang / phun mar dang sbyar ba'i sbyin sreg brgyad stong bgyi'o/ / brgyad stong rdzogs na pha rol gyi dmag tshogs thams cad bzlog par 'gyur ro// g.yul 'gyed pa bzlog par 'tshal na ske tshe'i sa bon dang / gu gul dang / b+hang ga'i sa bon dang / zho ga chu dang / zhun mar dang sbyar ba'i sbyin sreg brgyad stong bgyis na g.yul 'gyed pa'i nang du son pa'i sems can thams cad slar bzlog par 'gyur zhing thams cad du rgyal ba thob par 'gyur ro/ / de nas gdon thams cad las thar bar bgyi bar 'tshal na/ rig sngags 'chang des bdug pa 'di sbyar bar bgyid par 'tshal te/ k+She ma ka dang shing mngar dang // tsa rong dang ni gu gul dang / / mu ra yak+Sha mu ra dang // b+hu ta ke shI mnyam par gzhal/ phub ma dang ni ba li ka/ khyim bya'i sgo nga'i shun lpags dang // sbrul lpags dang ni yungs rnam gnyis/  b+haM ga'i sa bon pa lang mkhris// nya dang legs par sbyar bgyis te// ra yi gcin gyis bsgos pa la// lcags kyu'i gsang sngags bzlas pa yis// bdug pa dam pa'i gtso bo 'di/  thams cad du ni rigs pa ste// stong phrag brgyad cu rtsa bzhi'i gdon// gang dgas steng / gnas pa rnams// bdug pa'i dri 'dis 'jig 'gyur zhing // mi bzad gdon rnams 'bros par 'gyur/ / phyogs bcu dag ni g.yo 'gyur zhing // sum cu'i lha dang ri rab g.yo// gnod sbyin srin po'i gnas dag dang // sdang ba'i srog chags chen po 'tshig/  gzhan yang sna tshogs dug bcas pa'i// srog chags thams cad 'jig 'gyur ba// dri tsam gyis ni dog pa med// bdug pa 'dis ni bdug byas na// der ni rims nad mi gnas te//  nyin gcig pa yi rims dang ni// nyin gnyis pa dang bzhi pa'i rims// gang yang mi bzad khyab 'jug rims// de dag thams cad 'jig 'gyur zhing // skad cig gis ni gtan nas 'joms// /  / 'phags pa don yod pa'i zhags pa'i cho ga zhib mo'i rgyal po bam po nyi shu gsum pa// / de nas mig bslu ba'i sman brjod par bya ste/ gdon tham cad 'joms pa gang gis mig la bslus pa tsam gyis gdon ma rungs pa 'bros par 'gyur ro/ / ro stod kyi nad thams cad 'joms par 'gyur te/ mig la bskus pa tsam gyis de thams cad med 'a kya te dogs pa mi bya'o/ / mig gi nad ni ling tog dang / skya bor gyur pa dang / rab rib dang / chu bur can dang / chu zag pa dang / tshag po dang / haM sa ra dza dang / byis pa'i mchim dang / mig tu sme ba byung ba dang / khrag dang / rlung dang / ban kan dang / mkhris pa dang / rdul 'byung ba dang / 'brum bu dang / g.ya' ba dang / mig bskam pa dang / mdongs klad pa na ba dang / klad pa'i gzhogs phyed na ba dang / kha nad dang / kha na ba dang / dpral ba na ba de dag thams cad 'joms par 'gyur ro// mig sman gyis mig bskus pa tsam gyis rims thams cad rab tu zhi bar 'gyur ba dang / nad thams cad sel ba dang / mod la nyon mongs pa thams cad spong ba dang / sdig pa thams cad rnam par 'jig par 'gyur ro// de ltar na mig sman mchog tu grub pa/ bgegs thams cad sel ba dang ma rungs pa thams cad rab tu zhi bar byed pa/ sems can thams cad la dbang byed pa/ thams cad du rgyal bar byed pa/ mig sman rtag tu mchog tu dkon pa/ gsang ba la thug pa thar par byed pa/ btson ra nas gang thar par byed pa/ rgyal po dag gang la khros pa las dgod cing smra bar 'gyur te/ nam 'tsho'i bar du rtag tu bu bzhin yongs su skyong zhing gnas pa/ dug thams cad mod la med par byed pa ni mig sman mchog yin no// bsam pa ngan cing sdang ba'i sems can dang / dgra dang / phyir rgol ba dang / dgra dang / 'gyed pa dag mig sman gyis bsdus pas mthong na dbang du 'gyur te gnas so/ / ma he gtum po dang / glang po che dang / rlung dang / ser ba dang / kha mthon po nas g.yang du ltung ba dang / me'i phung po chen po dang / khyim rdib pa dang / g.yang sar ltung ba rnams mig sman gyis mig bskus pas mthong na zhi bar 'gyur zhing / gzhan yang bya ba rnam pa sna tshogs byed de/ 'di la dogs par mi bya'o/ / yung ba dang / skyer pa dang / na le sham dang / pi pi ling dang / shi ri ga be ra dang / 'bras bu gsum dang / ut+pal sngon po dang / ldong ros dang / gur kum la sog pa'i mig sman dang / rgya ma tshwa dang / spang spos dang / rgya mtsho'i lbu ba dang / dung phye dang / 'di rnams lhan cig tu phye ma zhib mor byas pa la gsang sngags lan bdun bzlas te ga pur dang / gla rtsir bsnan pa'i mig bsku ba'i sman lcags kyu'i rig sngags kyi rgyal po'i gsang sngags stong rtsa brgyad bzlas brjod byas te/ mig la bskus na dri ma thams cad sel cing sdig pa dang gzhan sdug bsngal thams cad las grol bar 'gyur ro/ / mun pa thams cad kyi nang du nyi ma bzhin du skye bo thams cad kyi nang du mdzes par 'gyur ro// de nas ril bu bshad par bya ste/ sdig pa thams cad rnam par 'jig pa/ nad thams cad sel bar 'grub pa/ bgegs thams cad med par byed pa/ gdon thams cad rnam par 'joms pa/ sgrib pa thams cad rnam par sbyong ba/ mod la dug thams cad med par byed pa/ nyon mongs pa'i dri ma thams cad sel ba/ bcings pa thams cad gcod par byed pa/ g.yul thams cad las rgyal ba sbyin zhing dge ba/ dgra thams cad rab tu 'joms pa/ rtag tu dug thams cad 'joms pa/ rgyal po'i sgor mdzes par 'gyur ba/ nor dang 'bru 'phel bar 'gyur ba/ rgyal po dang / rkun po dang / chu dang / me dang / dug dang / glang po che med par byed pa/ sbrul ma rungs pa dang / byi ba'i dug gis 'jigs pa dang / khyim 'jig pa dang / ri nyil ba dang / seng ge dang / stag dang / dom la sogs pa rab tu rgyu ba dang / gnod pa dang bcings pa'i tshe 'gro bar dka' ba 'byung ba dang / nad dang rims 'joms pa dang / dus ma yin par 'chi ba med par byed pa/ tshe dang nad med par byed pa 'phel ba/ skyes pa dang / bud med dang / gzhon nu ma rnams mchog tu bde bar 'gyur ba ste/ gang gis ril bu bcangs na thams cad du rgyal ba 'thob cing gdon 'byung bar mi 'gyur/ rnam par log 'dren gyis ma yin no// gnod sbyin dang / srin po dang /  'byung po dang / sha za dang / brjed byed ma rungs pa rnams ril bu mthong ba tsam gyis phyogs bcur 'bros par 'gyur ro// 'dir byis pa gsod par mi bya'o// sman 'di la reg pa tsam gyis khyim der dus ma yin par 'chi ba dang / na ba thams cad dang / nad las yongs su grol bar 'gyur ro// 'bras dang / phol mig dang / lhog pa dang / 'brum phran mched pa dang / shu ba dang / g.yan pa dang /  mdze dang / 'brum bu mched pa dang / sha bkra la bskus pa tsam gyis byang bar 'gyur ro// lus thams cad du zhugs pa'i nad la chu dron po dang 'thungs pa tsam la sogs pas yongs su byang bar 'gyur ro/ / 'jigs skrag pa thams cad las rtag tu rgyal bar 'gyur ro// 'jigs pa chen po las thams cad rjes su 'brang bar 'gyur ro// gnas thams cad du song ba la sbyar ba byas na thams cad du mkho bar 'gyur ro/ / de nas rdzas su bya ba ni pu shel tsi dang / tsan dan dang / rmya spos dang / ru rta dang / rdo dreg dang / pad tra dang / tsha ma ka dang / sha mi dang pad+ma pa tra dang / ut+pa la dang / na la dang / 'bras bu gsum dang / tsha ba gsum dang / sug spel dang / btsod dang / su ga ri dang / ra dzaN+ya rnam gnyis dang / spri ka dang / sra rtsi pog dang /  gur kum la sogs pa dang rab tu ldan pa dang / de dag kun bsres te zhib mor btags la kha ra dang chu dang sbyar bas ril bu byas la/ gsang sngags brgya rtsa brgyad bzlas brjod byas te grib ma la bskams pa de ni sman grub pa yin te/ thams cad rgyal bar byed cing dge ba yin no// rnga dang / rnga bo che dang / dung la ri lu mchog bslus te gnas mthon por song ste/ dung gi sgra dang / rnga che dang / rnga sgra ji srid du thos pa de srid tsam du 'jig pa med par 'gyur ro// dug dang bcas pa ni thams cad dug med par 'gyur te dogs pa mi bya'o// nad thams cad dang / mi ngas thams cad dang / yams kyi nad dang / lo nyes thams cad rab tu zhi bar 'gyur ro// bde zhing lo legs pa nyid du 'gyur ro// gang dag mtshams med pa byed pa'i sems can sdig pa can dmyal ba la gzhol ba dag gis sgra thos pa tsam gyis sdig pa thams cad byang ste/ bde bar 'chi ba'i dus byas nas bde ba can du skye bar 'gyur ro// gos la bdugs na bdag nyid mchod pa chen po 'thob cing thams cad la dbang byed par gnas pa dang / don grub pa bla na med pa yin no// nor dang 'bru rab tu 'phel zhing dgos pa sgrub pa bla na med pa yin no// thams cad mchod pa dang rtag tu tshig gzung bar 'os par 'gyur ro// rgyal po gang la khros pa las rgod cing smra bar 'gyur ro/ / bud med rnams kyi gnang chen du 'gyur zhing rtag tu nad med par 'gyur ro// rtag tu brtson 'grus dang ldan pa dang / stobs dang ldan pa dang /  rtag tu dpal dang ldan pa dang / gzi brjid dang ldan pa dang / rtag tu glang po che bcu'i stobs dang ldan pa dang / shi nas mtho ris su skye bar 'gyur ro// // byang chub sems dpa' sems dpa' chen po 'phags pa spyan ras gzigs dbang phyug gis yang / bcom ldan 'das la 'di skad ces gsol to// bcom ldan 'das bdag la mchis pa ni don yod pa'i zhags pa'i lcags kyu zhes bya ba don yod pa'i lcags kyu'i gzungs chen po'i cho ga zhib mo'i dkyil 'khor dang / don yod pa'i zhags pa'i snying po dang / dkyil 'khor chen po lta ba dang / sgrub pa dang /  bklags pas 'grub pa/ don yod pa chen po rnam par 'phrul pa/ de bzhin gshegs pa thams cad kyi byin gyis brlabs kyi dam tshig grub pa lags so// gang gis pad+ma rgyas pa'i dkyil 'khor chen po mtha' dag dang / phyag rgya dang / rim par phye ba dang / gsang sngags dang / cho ga dang / bde bar sgrub pa mtha' dag ni rigs kyi spyi thams cad kyi dam tshig chen po'i rjes su 'jug pa 'grub par 'gyur ba lags so/ / 'di lta ste/ de bzhin gshegs pa'i rigs dang / pad+ma'i rigs dang / rdo rje'i rigs dang / nor bu'i rigs kyi dkyil 'khor chen po 'od dpag tu med pa'i snying po mchog dang po rdo rje rin po che rtse mo'i mchog dang po'i dkyil 'khor gyi dam tshig la thams cad du rjes su zhugs shing dam tshig shes par 'gyur ba dang / thams cad du byin gyis brlabs par 'gyur ba de rig sngags 'chang ba de thams cad mchog tu grub par bgyi ba'i phyir dang / sems can thams cad la rjes su brtse ba'i slad du bdag gis bcom ldan 'das kyi spyan sngar 'khor mang po'i dbus su bsgrags par bgyi'o/ / rigs bzhi'i 'jig rten gyi bud med dang / skyes pa dang / khye'u dang / bu mo rnams kyi sdig pa dang sgrib pa thams cad rnam par gzhig pa'i phyir bshad par bgyi'o/ / grub pa yang dag pa rjes su stsal bar bgyi'o// de nas bcom ldan 'das de bzhin gshegs pa shAkya thub pas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ / sems can dag pa chen po khyod kyi dge ba'i rtsa ba rnams dag cing shin tu yongs su dag pa yin te/ legs so legs so//  rig sngags 'chang ba thams cad dang / sems can thams cad dang / dge sbyong dang / bram ze dang / rgyal rigs dang / rje'u rigs dang / dmangs rigs dang / bud med dang / skyes pa dang /  khye ru dang / bu mo rnams la bstan par bya ba shod cig/ de bzhin gshegs pa thams cad kyis spyan ras gzigs dbang phyug la rigs thams cad kyi spyi'i grub pa dam tshig gi rjes su 'jug par byin gyis brlabs so/ / ngas kyang de bzhin du de dag byin gyis brlabs so// de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyi spyan sngar don yod pa'i rgyas pa'i pad+ma'i snying po'i dkyil 'khor chen po bshad pa/ don yod pa'i lcags kyu'i yang dag pa mchog grub pa/ sgrub pa dam pa ni sa dang ba'i lci ba bsres pas dkyil 'khor gru bzhi bya ba ni shin tu mdzes pa shin tu 'jam por bya'o/ / tsho sna lngas rnam par dbye ba ni grwa dang bcas par rnam par dbye bar bya'o// tshon sna tshogs kyis bri ba dang dkyil 'khor gru bzhir thig gdab pa ni mnyam par thig gis dbye ba bya ste/ sgo bzhir cha dbye bar bya'o// chu zheng du khru bzhi'i tshad tsam du dbye bar bya'o// dbus kyi dkyil 'khor gyi snying po ni tshad khru do par byas la tshon sna lnga'i sgal bu dang tshon sa las dbye bar bya'o/ / dbus kyi dkyil 'khor gyi snying po la pad+ma dkar po kha bye ba zlum por bya'o// pad+ma kha bye ba'i dbus su zhags pa dang / lcags kyu dang / pad+ma gnas par bya ba ni klu mgo'i gdengs kA 'dra ba lcags kyu dang bcas pa dang / lag pa dang bcas pas pad+ma'i lcags kyu 'dzin pa dang / 'bar ba'i nang na 'dug par bya'o// tshon sna tshogs kyis bri'o/ / pad+ma 'a phye ba'i phyi rol gyi sgal bu ni lcags kyu dang bcas pa'i sgal bur bya'o// nang dang phyi'i bar du rin po che sna tshogs kyis brgyan par bya'o// lcags kyu'i phyi rol gyi skal bu ni zla ba yid du 'ong ba dri ma med pa'i me tog gis bya'o/ / zla ba yid du 'ong ba dri ma med pa'i phyi rol gyi sgal bu ni mdung rtse gsum pa bri bar bya'o// mdung rtse gsum pa'i 'phreng ba'i phyi rol gyi sgal bu ni phyag rgya phyag na thogs par bri bar bya ste/ mtshon cha sna tshogs dang me tog rnams so// kun la 'bar ba'i 'phreng ba dang 'od zer kha dog sna tshogs bri bar bya'o// phyag gi phyag rgya'i phyi rol gyi skal bu ni stegs bu dang 'dra bar bya'o/ / stegs bu'i phyi rol gyi skal bu ni 'khor bar lcags kyu bri bar bya'o// snying po'i dkyil 'khor gyi grwa ni rgyal po chen po bzhi go bgos pa/ lcags kyu dang mdung rtse gcig pa thogs pa/ 'bar ba'i nang na 'dug pa/ rgyan thams cad kyis brgyan pa/ skyil mo krung phyed du bcas te pad+mo'i gdan la 'dug par bya'o//  dkyil 'khor gyi phyi rol thog thag tu 'jigs pa med pas phyag mtshan rnams thams cad pad+ma la 'dug pa bri bar bya'o// sgo bzhi'i gnas su pad+ma'i dkyil 'khor gyi lha rnams bri ba ni shar gyi sgor lag na rdo rje/ lhor ral pa gcig ma/ nub tu rdo rje lcags sgrog ma/ byang du pho nya mo dang rig sngags kyi lha mo rnams bri bar bya'o// dkyil 'khor gyi phyi rol gyi skal bu ni me tog gi stegs bu 'dra bar bya'o/ / phyi rol gyi dkyil 'khor ni kun ba'i lci bas bya'o// phyi rol gyi dkyil 'khor de la nas phyes pad+ma bri bar bya'o// dkyil 'khor kun bum pa gang ba dang / dar btags pa'i mda' dang / dri'i snod bkang bas brgyan cing byug pa'i chu dgang ba dang / bdug spos kyi snod kyis brgyan pa dang / me tog sna tshogs kyis brgyan pa dang / dri chab dang / mchod yon gyis chab dang / 'bras bu dang / yon chab dang / dngul gyi me tog dang / gser gyi me tog dang / zangs kyi me tog gis 'jigs pa med par brgyan par bya'o// mu tig dang /  byu ru dang / rin po che bai DUR+Ya sngon po dang / mar gang dang / pad+ma rA ga rnams kyis de bzhin du brgyan to// dkyil 'khor kun tu dung dang / dril ba dang / rtswa dar b+ha dang / gser dang /  dngul gyis brgyan par bya'o// dkyil 'khor gyi don du mchod pa'i phyir dkyil 'khor gyi lha bkra shis pa rnams dang / sgo bzhi'i gnas su dri chab kyi bum pa dar gyis brgyan te gzhag par bya'o//  dkyil 'khor gyi phyi rol thog thag tu ro sna tshogs kyi gtor ma gzhag pa dang / bum bu dang / bya ma bum dang / bum pa dang / rte gu dang / kham por dang / bum pa gang ba rnams byas te gzhag go/ / bog por dang / gtor ma bzang po sna tshogs dang / me tog sna tshogs bkram par bya/ 'phreng ba bzang pos brgyan par bya/ tshon sna lnga pa'i ba dan gdags/  tshon sna lnga pa'i srad bu seng ldeng gi phur pa la btags pa gzugs par bya'o// kun tu mar me'i 'phreng ba dang mar me'i sdong po bzhi'ang de bzhin no// mkhas pas dkyil 'khor gyi nang du bdug pa dbul ba ni a ka ru dang / tsan dang / du rus ka dang / spri ka rnams kyi bdug pa ga pur dang gla rtsis bsgos pa bya'o// dkyil 'khor gyi phyi rol gyi bdug pa ni gu gul dang / sa la li ka dang / kun tu ru'i bdug pa dbul bar bya'o/ / de nas rig sngags 'chang bas gos gsar pa bgos te gtsang mar byas nas maN+Dal gyi las su bya ba'i cho ga dang / lcags kyu'i rig sngags bzlas brjod bya ba dang / slob ma gzhug cing dkyil 'khor gyi dam tshig dang / phyag rgya dang / ba'i rnam lnga la reg par bya ste/ mkhas pas phyag rgya dang gsang sngags brjod cing don yod pa'i lcags kyu'i rig sngags chen mo ni thams cad la sbyar bar bya'o/ / mtshams bcing ba dang / phyogs bcing ba dang / spyi gtsug bcing ba dang / 'jug pa dang / dam tshig dang / khrus bya ba dang / gos bgo ba dang / phyag 'tshal ba dang / bskor ba dang / de dag thams cad la sbyar ba bya'o/ / sbyin sreg dang bzlas brjod kyi cho ga zhi ba dang / rgyas pa dang / mngon spyod dang / dgug pa dang / spyan drang ba dang / gshegs su gsol ba dang / de bzhin du yang dag par sprul pa dang / las thams cad la rig sngags 'chang bas thams cad du sbyar na myur zhing rdzogs par 'chang zhing / des na grub pa bla na med par 'gyur ro// bgrang 'phreng dang / khrig ma'i gdu bu dang /  srad bu se ral kha gtsang ma dang / rtswa dar b+ha dang / yungs kar dang / chu dang bsre ba dang / rtswa dar b+ha'i stan la mchod phyir thogs te skyil mo krung bcas nas las bya zhing / pad+ma dang mchod yon gyis dkyil 'khor la dbul ba dang / de dag rtag tu rgyun mi 'chad par dus thas cad du nges par bya'o// don yod pa'i lcags kyu'i rig sngags dran par bya ste/ grub pa mchog dang / las thams cad sgrub pa dang / gang dang gang dgos pa la dran par bya'o// gsang sngags de nyid kyis slar gshegs su gsol lo// gsang sngags gzhan dang bsre bar mi bya ste/ phyag rgya dang gsang sngags 'di ni dpa' bo gcig tu bklags pas grub pa'i mchog/ sangs rgyas thams cad dang byang chub sems dpa' thams cad kyis byin gyis brlabs pa/ 'phags pa spyan ras gzigs dbang phyug gis kyang byin gyis brlab pa ste/ yang dag par 'grub cing mchog sbyin par byed pa yin no// don yod pa'i lcags kyu'i dkyil 'khor dam pa'i dkyil 'khor 'di mthong ba ni sdig pa thams cad rnam par 'dag cing / sgrib pa dang sdig pa thams cad dang / sngon gyi sgrib pa mi bzad pa sngar bsags pa rnams rnam par zhig par 'gyur ro// 'jig rten pa'i grub pa bde ba dang / 'jig rten pha rol tu 'bras bu chen po bde ba dang / shi ba'i nus byas nas bde ba can du song ste/ pad+ma'i nang nas rgyal ba'i spyan sngar rdzus te skye ba dang / kha ton byed na tshe rabs dran par 'gyur ba dang / gang zhig 'chad pa ni de bzhin gshegs pa'i sangs rgyas kyi zhing stong phrag bye ba khrag khrig snyed thams cad kyi sgo phye ste 'dug cing gang 'dod pa der 'jug par 'gyur ro/ / rgyal ba thams cad kyis rnam par gzigs shing spyi bor phyag bzhag ste/ dbugs 'byin par mdzad cing dus kun tu bla na med pa'i byang chub tu lung ston par 'gyur ro// 'di ni skye ba'i tha ma yin te/ chos kyi 'khor lo bskor ba'i bar dang / byang chub kyi snying po la 'dug gi bar du yin gyi/ gzhan du skye bar mi 'gyur ro// 'jig rten 'di na dga' bar 'gyur zhing / bla ma dang / chos can dang / nor gyis mchod pa dang / sems can kun gyis mchod par 'os pa ni ston pa de bzhin gshegs pa bzhin du 'gyur ro/ / nor dang 'bru 'phel ba dang / gos dang rgyan gyis brgyan pa dang / rgyal po dang btsun mor bcas pa thams cad bya ba ci yod ces bran bzhin du gnas par 'gyur ro/ / lcags kyu'i dkyil 'khor du zhugs pa ni phyir mi ldog pa thob par 'gyur ro// 'di ngan 'gror yang 'gro bar mi 'gyur zhing / rtag tu bde zhing dga' ba dang //  sems can thams cad dga' ba dang / byams par 'gyur ro// lha thams cad kyis lus can shin tu bsrungs par 'gyur ro// tshangs pa dang / khyab 'jug dang / dbang phyug chen po rnams kyi mchod par 'gyur ro/ / bsod nams kyi phung po 'phel bar 'gyur zhing nyi ma bzhin du gzi brjid 'bar bar 'gyur ro// sdug cing bzang ba mchog tu blta bar 'os par 'gyur ro// dpal gyis dus rtag tu 'bar zhing shin tu rgyas par 'gyur ro/ / de bzhin gshegs pa 'bum phrag bye ba khrag khrig dgu bcu rtsa gnyis ga d+hA'i klung gi bye ma dang mnyam pa snyed kyi de bzhin gshegs pa rnams kyi drung nas dge ba'i rtsa ba chen po yongs su bzung bar 'gyur ro/ / bsod nams chen po dang ldan par 'gyur ro// lcags kyu'i dkyil 'khor du gang zhig zhugs pa tsam dang / dkyil 'khor de lta bu la me tog gcig dbul ba dang / ril bu gcig tsam gyi bdug pa 'bul ba'i sems can de dag ni gang+gA'i klung bye ma dgu bcu rtsa dgu pa 'bum phrag bya ba khrag khrig snyed kyi sangs rgyas kyi zhing gi me to//  sna tshogs kyis legs par brgyan par 'gyur ro// sangs rgyas kyi zhing re rer yang gang+gA'i klung gi bye ma dgu bcu rtsa dgu pa 'bum phrag bye ba khrag khrig snyed kyi de bzhin gshegs pa rnams la sna tshogs kyis mchod pa byas par 'gyur ro/ / bdug pa mang po rnam par bye ba'i sprin las tsan dan sbrul gyi snying po dang go shir sha'i bdug pa 'byung bar 'gyur ro// de bzhin gshegs pa thams cad la mchod pa'i sprin rim par phye ba rab tu 'khrigs par 'gyur ro/ / de la sangs rgyas bcom ldan 'das thams cad kyis legs so zhes bya ba rab tu sbyin par mdzad de/ rigs kyi bu legs so legs so//  de bzhin gshegs pa rnams la mchod pa 'di ni mchog tu grub pa bla na med pa yin no// de dag gis me tog dang bdug pas dkyil 'khor mchod pa ni bsod nams kyi phung po chen po'i dge ba'i rtsa ba yongs su rdzogs pa dang / pha rol tu phyin pa drug yongs su rdzogs par 'gyur ro// sgrub pa chen po 'grub par 'gyur ro// 'phags pa spyan rag gzigs dbang phyug rtag tu mchog sbyin pa mdzad par 'gyur ro/ / rtag tu mthong bar bzhed par 'gyur ro// rtag tu rjes su 'brang bar 'gyur ro// rtag tu don yod pa'i lcags kyu grub pa 'grub par 'gyur ro/ / tshig gzung bar bya bar 'gyur ro// rtag tu bzhin 'dzum par 'gyur ro// rgyal po chen po bzhi dang / gshin rje dang / chu lha dang / lus ngan po dang / gzhon nu dang /  dbang phyug dang / dbang phyug chen po dang / lha'i bu rnams srung ba dang / sbed pa dang / skyob pa'i phyir rjes su 'brang ba chen por 'gyur ro// de bzhin gshegs pa thams cad kyis phyag rgyas btab cing byin gyis brlabs par 'gyur ro/ / de'i sa phyogs kyang mchod rten snyam du sems shing mchod rten ring bsrel can du 'gyur ro// sems can gang dag de la lta ba'i phyir song ba'i sems can de dag sdig pa dang / sgrib pa dang / dug thams cad las yongs su thar par 'gyur ro// 'jigs pa dang / rims dang / mya ngan thams cad las bral bar 'gyur ro//  nad dang bral bar 'gyur ro// rtag tu sangs rgyas dang byang chub sems dpa' thams cad kyis dgongs par 'gyur ro// rtag tu 'jig rten thams cad kyi bla mar 'gyur ro// dgra thams cad las phyir rgol ba thams cad dang / mi mdza' ba'i 'jigs pa las thar bar 'gyur ro// dus ma yin pa'i 'chi ba'i 'jigs pa las yongs su thar par 'gyur ro// 'di nas shi nas bde ba can gyi 'jig rten gyi khams su skye bar 'gyur ro/ / tha na ri dgas dang bya dag gnas te phyogs su nye bar song ba de dag sgrib pa thams cad dang / de'i sngon gyi tshe la yongs su bsags pa de dag lhag ma ma lus par yongs su byang bar 'gyur ro/ / de dag thams cad bde 'gro la gzhol bar 'gyur ro// ngan song dang ngan 'gro'i 'jigs pa med par mtha' byang chub la thug gi bar du'o/ / de nas don yod pa'i lcags kyu ras la sku gzugs bri ba'i cho ga brjod par bya ste/ gnas thams cad du bla na med pa 'grub pa ni sdig pa thams cad mod la sreg par byed pa dang /  nyon mongs pa thams cad 'phrog pa/ de bzhin du nad thams cad sel ba/ sgrib pa thams cad rnam par sbyong ba/ 'jigs pa thams cad las rnam par thar pa/ sems can thams cad la phan par bya ba'i phyir gang dkyil 'khor chen por kun tu lung bstan pa/ mi 'jigs pa sbyin pa/ mchog tu dkon pa/ yid la re ba thams cad 'phral du yongs su rdzogs par 'gyur ba/ bkra shis thams cad sgrub pa/ bsod nams thams cad sogs pa/ myur du nor dang 'bru sbyin par mdzad pa/ sgrub pa yang dag par grub par bya ba'i phyir gsang sngags 'grub pa/ bzlas brjod 'grub pa/ yid la re ba thams cad yongs su rdzogs par 'grub pa/ pha rol tu phyin pa bcu yongs su rdzogs pa de kho na nyid rnam par mthong ba zhes bya ba'i bsod nams chen po skye bar 'gyur ro/ / nam byang chub yang dag par 'thob kyi bar du dge ba'i rtsa ba chen po rab tu skye bar 'gyur ro// don yod pa'i lcags kyu cho 'phrul chen po'i ras kyi sku gzugs chen po mthong ba la sogs pa ni phyis ngan 'gro'i gnas su mi 'gro zhing / sdig pa'i las kyis mi gos pa dang / sngon gyi sgrib pa dang / sdig pa thams cad rnam par 'jig pa dang / sdig pa thams cad rnam par sel ba dang / ngan song las thar par 'gyur ba dang / dmyal ba mi bzad pa rnams las thar par 'gyur ro// tshe rabs kun tu bde ba dang / da ltar gyi 'di la mchog tu dgon pa'i bde ba lhun gyis grub thob par 'gyur ro/ / bkren pa'ang longs spyod dang phyug po mtshungs pa med pa mchog mod la thob par 'gyur ro// lha'i dpal thob par 'gyur ro// 'khor bzang po bdog par 'gyur ro/ / rgyal po rnams kyis bla mar bya zhing / rtag tu dus thams cad du mchod par 'os par 'gyur ro// dge sbyong dang / bram ze dang / rgyal rigs dang / rje'u rigs dang //  dmangs rigs dang / bud med dang / skyes pa rnams rtag tu dbang du bya ste/ 'dug cing thams cad bsnyen bkur byed cing 'dug pa ni ras kyi sku gzugs la mchod pa bla na med pa yin no// ras gru bzhi khyon kun khru gang ngam/ khru do pa la legs par btags pa/ ras 'jam po thag ran bzang po gnyen po shin tu dag par bkrus pa gtsang mar byas pa 'am/ yang na dar yug gam/ yang na mon dang ram/ shun phrags la zla ba yar gyi tshes bco lnga tshang ba'i bar du ras kyi sku gzugs bla na med pa bri bar bya'o// snod gtsang ma gsar pa'i nang du tshon lhag pa pa yin pa blugs te/ ras kyi sku gzugs gsal bar bri ba ni tshon sna tshogs kyis rnam par dbye bar bya'o/ / dbus su 'phags pa spyan ras gzigs dbang phyug mgon po bri ba ni skyil mo krung bcas te bzhugs pa/ spyan gsum pa/ zhal gsum ba/ mchog tu bzang ba/ zhal dang po ni mdzes shing sdug pa/ dbu lcang lo dang thor tsugs kyis brgyan pa/ cod pan la 'od dpag med kyis brgyan pa/ dbu skra 'khyil bar bya'o// me tog gi 'brang bababacings par bya'o/ / 'phreng ba'i gong du 'od dpag mad bya'o// cod pan la zla ba phyed pa dang 'od 'dom gang ba bya'o// kun tu lcags kyu bya'o// kun tu 'bar ba'i 'phreng ba bya'o// phyag bzhi la phyag g.yon na pad+ma'i lcags kyu/ g.yas na mdung rtse gsum pa'i lcags kyu/ g.yon gcig na don yod pa'i zhags pa'i waH/ g.yas gcig na rdo rje lcags kyu dbugs 'byin par bya'o// gdan seng ge'i pad+mo bya'o/ / g.yon du lha mo sgrol ma'o// g.yas su dkar mo ste/ me tog sna tshogs thogs pa/ bcom ldan 'das kyi zhal lta ba/ rgyan thams cad kyis brgyan pa/  pad+ma la bzhugs pa/ 'bar ba'i nang na bzhugs par bya'o// 'phags pa spyan ras gzigs dbang phyug gi rgyab tu rin po che'i shing lkug phran dang / yal ga dang chas pa rin po che sna tshogs kyis spras par bya'o/ / ne tso dang / ri skegs dang / shang shang te'u dang / rma bya dang / bya ka la bing ka rin po che'i gseb na rgyu bar bya'o// shing gi gong spyi bo la khang bu brtseg ma dang bcas pa'i gzhal med khang gi nang du de bzhin gshegs pa gsum rgyan thams cad kyis brgyan pa bzhugs par bya'o/ / spyan ras gzigs dbang phyug gi g.yon du srin mo ral pa gcig ma bya'o// g.yas su lag na rdo rje khros pa'i gad mo 'byin pa'i gzugs mche ba gtsigs pa/ skra gyen du brdzes pa/ lcang lo dang cod pan gyis brgyan pa/ rdo rje thogs shing rdo rje gsor ba/ nam mkha' la blta bar bya'o// smad du gshin rje dang /  chu lha dang / lus ngan po dang / gzhon nu dang / rgyal po chen po bzhi bya'o// gong du dbang po dang / dbang phyug dang / dbang phyug chen po lha'i bu bcom ldan 'das la mchod pa byed pa bya'o// g.yas byog su tshangs pa dang / khyab 'jug dang / dbang phyug chen po rnams btud de/ bcom ldan 'das la mchod pa byed pa bya'o// g.yon du dga' bo dang / bsnyen dga' bo dang / klu'i rgyal po rgya mtsho rnam bcom ldan 'das la mchod pa byed pa bya'o/ / g.yas kyi gnas gcig tu rig sngags 'chang 'phags pa spyan ras gzigs dbang phyug gi zhabs drung du pus mo btsugs te/ bcom ldan 'das kyi zhal du lta zhing me tog sna tshogs kyi sdong bu dang / pog por dang / bgrang 'phreng lag na thogs pa bya'o// phyogs bzhi ngos kun tu ris bskor ba la ri dgas kyi tshogs sna tshogs kyis gang ba/ shing sna tshogs me tog dang lcug ma can bya'o/ / rdzing bu chu zag pa bya'o// 'bras bu sna tshogs can gyi shing dang lcug ma bya'o// gnas so sor drang srong rnams dang / grul bum gyi shing bya'o// tshul de ltar don yod pa'i lcags kyu ras la bris te gnas gtsang ma dben par bzhag la/ rig sngags 'cha bas 'bad pa chen pos mchod par bya'o// a ka ru dang / du rus ka dang / tsan dan gyi bdug pa dbul bar bya'o/ / ci nus par don yod pa'i lcags kyu'i rig pa'i rgyal po bzlas brjod bya'o// nyi ma re rer ras la sku gzugs bris pa mthong ba tsam gyis mod la mtshams med pa lnga la sogs pa'i sdig pa dang / sgrib pa dang / mnar med par gzhol ba dang / dam pa'i chos spong ba rnams yongs su dag cing zad par 'gyur ro// 'jig rten dang / 'jig rten las 'das pa'i sdug bsngal gyi 'jigs pa mi bzad pa dang / nad thams cad yongs su zad pa dang / rnam par dag par 'gyur ro// rnam 'jig par 'gyur ro// dri ma dang bral bar 'gyur ro// ser sna dang phrag dog dang bral bar 'gyur ro//  gzungs grub pa chen po so sor thob par 'gyur ro// mthong ba tsam gyi mod la de ma thag tu 'bras bu chen po rnyed pa rgya chen por 'gyur ro// lan 'ga' yang log par ltung bar 'gro bar mi 'gyur ro/ / de bzhin gshegs pa thams cad mthong ba thob par 'gyur ro// byang chub sems dpa' thams cad kyis dgongs par 'gyur ro// lha thams cad kyis rgyun du bsrungs shing rjes su bzung bar 'gyur ro/ / ras kyi sku gzugs 'di'i 'phags pa spyan ras gzigs dbang phyug mthong ba tsam gyis 'phag pa spyan ras gzigs dbang phyug zhal mngon du mthong ba dang 'dra bar rig par bya'o/ / gang zhig ras kyi sku gzugs 'di la legs par 'gyur ba'i tshul gyis bya ba byed pa dang / mchod pa dang bsnyen bkur byed pa de ni phyogs bcu kun gyi sangs rgyas kyi zhing gang+gA'i klung gi bye ma dgu bcu rtsa dgu dang mnyam pa'i de bzhin gshegs pa 'bum phrag bye ba khrag khrig snyed kyi sangs rgyas kyi zhing la mchod par 'gyur ro/ / de nas rang rang gi sangs rgyas kyi zhing na rab tu bzhugs pa'i de bzhin gshes pa de dag gi bsod nams kyi phung po chen po yongs su bzung bar 'gyur ro/ / dge ba'i rtsa ba rgya chen po dang ldan par 'gyur ro// de bzhin gshegs pa thams cad kyi phyir mi ldog pa'i gnas thob par 'gyur ro/ / dge ba bsam pa yongs su dag pa chen po dang ldan par 'gyur ro// // de nas byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das la 'di skad ces gsol to// bcom ldan 'das bdag gis rig sngags 'chang thams cad grub par bgyi ba'i phyir dang / sems can gyi don dang / phan pa dang / bde bar bgyi ba'i phyir dang / sdig pa dang sgrib pa thams cad las yongs su grol bar bgyi ba'i phyir/ don yod pa'i lcags kyu rig sngags kyi rgyal po rim par phye ba rnams bstan pa lags so// bcom ldan 'das yang bdag la mchis pa ni don yod pa'i lcags kyu'i khro bo'i rgyal po'i dkyil 'khor te/ rig sngags 'chang thams cad kyi khro bo chen po'i las grub pa mchog tu 'gyur ba dang / bsam pa dang yid la re ba thams cad yongs su rdzogs par 'gyur ba dang / ma rungs pa/ brtson pa med pa dang / brtse ba'i bsam pa med pa ni gnod sbyin dang / srin po thams cad dang / 'byung po dang /  lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad zag 'jug pa/ ma rungs pa'i bgegs dang log 'dren thams cad rab tu dul bar mdzad pa/ bdud la sogs pa ma rungs pa thams cad rab tu zhi ba dang phung bar byed pa/ sems can ma rungs pa thams cad skrag par byed pa/ phyir rgol ba dang dgra thams cad 'ching ba dang /  gcod pa dang / rab tu 'bigs pa dang / rdung ba dang / gtor ba dang / lus rnam par zhig par byed pa de ni/ bcom ldan 'das 'dir bdag gis pad+mo rgyas pa'i dkyil 'khor don yod pa'i zhagra pa'i snying po cho ga zhib mo'i dkyil 'khor gyi skabs su/ bcom ldan 'das kyi spyan sngar 'khor mang po'i nang du don yod pa'i khro ba'i ljags kyu brjod par bgyi ste/ dkyil 'khor dang cho ga zhib mo thams cad du srung bar byed pa/ 'chos par byed pa/ dam tshig 'dzin pa/ gnas thams cad la rjes su sbyong ba ste/ de ni sgrub par byed pa/ sgrub pa 'grub par byed pa'i mchog de bcom ldan 'das kyis thugs brtse ba chen po'i slad du/ bcom ldan 'das khro bo'i rgyal po chen pos byin gyis brlabs shing rjes su gnang ba mdzod cig dang / rig sngags 'chang thams cad mchog tu 'grub pa'i snying po dag sems can thams cad kyi bsam pa yongs su rdzogs par bgyi ba'i slad du/ bcom ldan 'das rjes su stsal bar bgyi'o// de nas de bzhin gshegs pa bcom ldan 'das shAkya thub pas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to// spyan ras gzigs kyi dbang phyug phyag rgya chen pos phyag rgyas btab ste ngas kyang byin gyis brlabs so/ / sngon gyi de bzhin gshegs pa dgra bcom pa yang dag par rdzogs pa'i sangs rgyas kyis kyang phyag rgyas btab cing byin gyis brlabs kyis/  smros shig/ gsang ba pa lag na rdo rje dang / rdo rje 'chang ba dang / rdo rje'i snying po thams cad dam tshig la gnas pa'i lha dang / klu dpag nod sbyin dang / dri za dang / lha ma yin dang / nam mkha' lding pa dang / mi 'am ci dang / lto 'phye chen po thams cad kyis yongs su bzung ba smos shig/ spyan ras gzigs dbang phyug rig sngags 'chang thams cad kyi bsam pa yongs su rdzogs pa'i go skabs dang mchog grub par byos shig/ de nas byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das kyis bka' bsgo zhing dbugs phyung ba thos nas snying dga'/ smin ma bskums/ dpral ba phyed khros par byas/ gdong khro gnyer du byas/ mche ba ni gtsigs/ spyan ras gzigs kyi lus 'khor mang po'i nang du bcom ldan 'das kyi spyan sngar 'dug nas/ don yod pa'i zhags pa khro bo'i rgyal po 'di smras pa/ dus gsum na bzhugs pa'i de bzhin gshegs pa thams cad la phyag 'tshal lo// byang chub sems dpa' thams cad dang / 'phags pa rdo rje 'chang ba dang / dkyil 'khor chen po'i lha rnams la phyag 'tshal lo// 'das pa dang / ma 'ongs pa dang / da ltar byung ba'i rang sangs rgyas dang / 'phags pa nyan thos kyi dge 'dun rnams la phyag 'tshal lo/ / yang dag par song ba rnams la phyag 'tshal lo// yang dag par zhugs pa rnams la phyag 'tshal lo// shA ra dwa ti'i bu blo gros can la phyag 'tshal lo/ / drang srong chen po'i tshogs la phyag 'tshal lo// rgyal tshab tu dbang bskur ba byams pa la sogs pa byang chub sems dpa'i tshogs thams cad la phyag 'tshal lo// khams gsum pa'i bdag po nag po chen po ma mo'i tshogs kyis bskor ba la phyag 'tshal lo/ / de bzhin gshegs pa 'od dpag med la phyag 'tshal lo// khro bo'i rgyal rig sngag kyi rgyal po chen po'i tshogs la phyag 'tshal lo/ / dkon mchog gsum la phyag 'tshal lo// byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ / tad+ya thA/ oM bi kr-i ta/ ba da na ma hA kro d+ha rA dzA/ ba laM ka ra/ ma hA b+hoSh+Ta/ AHTa hA sA na/ dz+wa la dz+wA la/ ma hA dz+wa laM/ mA la ma hA ro dra/ rU pa b+ha sa~M ka ran/ ha na ha na/ sarba duSh+Ta/ yak+Sha rAk+Sha san/ da ha drA ha/ sarba duSh+Ta/ nA gA nAn/ pa tsa pa tsa/ sarba duSh+Ta/ bi g+h+na/ bi nA ya kan/ pA ta ya pA ta ya/ sarba duSh+Ta satwA nAM/ b+ho b+hi mahA kro d+ha rA dza/ ma Ni ka na ka badz+ra/ bai DUR+Ya/ a lang kr-i ti sha rI ran/ badz+ra pa ra shu pA sha hastA ya/ ma hA pad+ma/ i ku sha b+hu dzA ya/ ma hA pad+ma A sa nA ya/ ma hA pad+ma bi ka tsa gar+b+ha ya/  a mo g+ha a pra ti ha ta/ ba la pa rA kra mA ya/ sa ha sra/ bi d+yA ya/ sarba b+hU ta/ b+ha yaM ka rA ya/ sarba de ba b+ha ba na/ kAm ba ud b+ha bA ya/ ma hA bi kr-i ta/ ba da nA ya/ na ra si ha mu ShA ya/ d+ha ra d+ha ra/ badz+ra dzA la/ d+hu ru d+hu ru/ ma hA tsaN+Da/ be ga d+ha ra/ tsa ra tsa ra/ tsa tsa ra/ tsa tsa ra/ ni shA tsa ra/ I shwa ra/ b+h+r-i ku TI mu kha/ hUM hUM phaT/ sa ra sa ra/ pra sa pra sa ra/ sarba pA pa/ kilpi Sha ha ra/ many+dza ma Ni/ te dza d+ha ra/ pad+ma hasta/ oM pad+ma aM ku sha/ b+hu dze/ ta rA ya/ man+t+ra ma ya/ bik+taM/ shA sa ya/ duSh+TAn/ nA sha ya/ sarba pA pa ba raNA/  hUM phaT swAhA/ pA sha hastA ya swAhA/ pad+ma d+ha ra ya swA hA/ sa mA shwA sa kA ya swAn+d+ha/ a mo g+ha b+ha ra d+ha rA ya swAhA/ kro d+ha ra dze b+ha yaM ka rA ya swA hA/ brah+ma be Sha d+ha rA ya swA hA/ trai lo kya pU dza tI ya sAr+tha/ ya ma ba nra Na/ ku ba ra/ na maHkr-i tA ya swAhA/ badz+ra d+ha ra pU dzI tA ya swAhA/ ma hA kA la ma tri ga NA/ ban di ta/ pU dzi t+tA ya sASh+Ta/ de ba ga Na/ ban di tA ya swAhA/ nA ga a kaR+Sha ya swAhA/ oM b+ha ra b+ha ra/ b+hi ri b+hi ri/ b+hu ru b+hu ru/ sarba maN+Da la a d+hiSh+Thi ta sa ma ya sAhA/ sarba mu drA a d+hiSh+Thi ta su drA ya sAhA/ oM a me g+ha ba ra de/ ma hA daSh+T+wA/ aM ku sha badz+re hUM/ mi hA pad+ma/ A shwa sa d+ha ra/ na mo sU te/ a mo g+ha aM ku sha hUM phaT swA hA/ khro bo'i rgyal po chen po'i gzungs 'di smras pa dang / lha'i gnas dang bcas pa dang / ri rab dang bcas pa'i rgya mtsho gnas dang bcas pa dang / gzhal med khang rnams kun tu 'gul lo// stong gsum gyi stong chen po'i 'jig rten gyi khams rnam pa drug tu g.yos so// ma rungs pa'i klu dang /  lha ma yin dang / gnod sbyin dang / srin po dang / 'byung po dang / sha za thams cad dang / bdud la sogs pa dang / log 'dren ma rungs pa dang / gdon ma rungs pa rnams la sbub tu 'gyel lo/ / ma rungs pa thams cad kyi khyim kun tu tshig ste 'bar ba/ kun tu 'bar/ rab tu 'bar/ 'bar ba gcig tu gyur cing bsregs pa dang / dra zhing 'dre ldog ste/ tshor ba drag po mi bzad pa chen po myong ngo // lha thams cad shin tu 'khrugs shing skrag go// bdud kyi rigs rnams bred nas khas btags so// 'jig rten gsum gyi bdag po thams cad kun tu 'khrugs so/ / rgya mtsho na gnas pa'i klu dang / rgya mtsho'i klu chen po dga' bo dang / bsnyen dga' bo dag kyang kun tu 'khrugs shin tu skrag ste snying 'dar ro// gzhan yang sa'i steng na klu stong phrag brgya gnas pa dang / rgya mtsho ri chu'i nang gi klu gang dag dang / ri la gnas pa gang yin pa de dag thams cad kun tu 'khrugs shing skrag ste gcig tu 'bar bar gyur cing gdung so/ / rgyal po chen po bzhi rnams gnas na 'dug na'ang skrag go// nag po chen po dang / tshogs chen po'i gtso bo dang / ma mo'i tshogs kyis bskor ba de dag thams cad skrag cing snying 'dar ro/ / gnas la brten pa'i bdud kyi gnas rnams 'dar ro// 'bar kun tu 'bar te gnas dang bcas par sreg go// de nas 'khor de'i nang gi lha dang klu rnams bcom ldan 'das kyi steng rol nas bcom ldan 'das la mchod pa bya ba'i phyir me tog sna tshogs 'thor ro/ / lha rdzas kyi rgyan sdud pa sna tshogs dang chos gos kyi char pa 'bebs so// mchod pa'i las byed cing tsan dan gyi chu'i char pas sa la chab chag 'debs so/ / lha rdzas kyi gser dang dngul gyi me tog dang / rin po che sna bdun rnam pa sna tshogs kyi char pas bcom ldan 'das la mchod pa byed do//  de nas gnod sbyin gyi sde dpon chen po phyag na rdo rje lus 'bar zhing rdo rje gsor te/ shin tu 'gying bag tu seng ge'i 'gros kyi byang chub sems dpa' sems dpa' chen po 'phags pa spyan ras gzigs dbang phyug ga la ba de logs su song ste nye bar phyin nas/ byang chub sems dpa' sems dpa' chen po bcom ldan 'das spyan ras gzigs dbang phyug gi zhabs la mgo bos phyag 'tshal nas zla ba yid du 'ong ba dri ma med pa'i me tog gi rin po che sna tshogs kyis spras pa'i 'phreng ba bcom ldan 'das phyag na pad+ma la phul te/ zla ba yid du 'ong ba dri ma med pa'i me tog gi 'phreng ba rin po che sna tshogs kyis spras pa 'di dbu la longs spyod pa'i phyir dang / bdag la thugs rtse ba'i slad du thugs rje chen pos bzhes su gsol/ gang gis bdag yun ring por phan pa dang bde bar 'gyur ba lags so//  khro bo chen po'i yang chen po bshad cing gang dran pa tsam gyis stong gsum gyi stong chen po'i 'jig rten gyi khams rnam pa drug tu g.yos so// gang dag bdud ma rungs pa dang / gang dag klu ma rungs pa dang /  gnod sbyin dang / srin po dang / 'byung po dang / sha za ma rungs pa dang / log 'dren ma rungs pa rnams khyim dang bcas te lus kun tu tshig cing rab tu 'bar nas la sbub tu 'gyel cing sreg go/ shil thug pa dang srog bskams par 'gyur ba'i don yod pa'i lcags kyu khro bo'i rgyal po chen po ni dus thams cad du mgo'i spyi bor blang bar bgyi'o/ / bcang ngo // bsgom mo// mchod do//  rgyas par bgyi'o// rig sngags 'chang gang gi lag na khro bo'i rgyal po 'chang bar 'gyur ba dang / rigs kyi bu dang / rigs kyi bu mo dang / dge slong dang / dge slong ma dang / dge bsnyen dang / dge bsnyen ma dang / dge sbyong dang / bram ze dang / rgyal rigs dang / rje'u rigs dang / dmangs rigs kyi lags na thogs pa 'am/ lus la thogs pa 'am/ lta ba 'am/ dri ba 'am/ tha na khro bo'i rgyal po nyan pa tsam de'ang bcom ldan 'das bdag gis khur du bskur bar bgyi'o/ / spyi bor blang bar bgyi'o// bsrung bar bgyi'o// yongs su bskyang bar bgyi'o// bsam pa dang yid la re ba thams cad yongs su rdzogs par bgyi'o/ / grub pa chen po'i chen po rjes su stsal bar bgyi'o// gnod sbyin dang / srin po dang / bgegs dang / log 'dren dang / ma rungs pa thams cad so sor bsal bar bgyi'o//  rta tu rjes su 'brang zhing bsrung ba dang / bskyab pa dang / sba bar bgyi'o// rtag tu dus thams cad du mthong ba rjes su sbal bar bgyi'o// rtag tu rgyun mi 'chad par yo byad thams cad kyis mi brel cing phun sum tshogs par yongs su bskyang bar bgyi'o/ / lus la stobs dang / brtson 'grus dang / gzi brjid bskyed cing bsod nams dang ye shes kyi grogs bgyi'o// dgra thams cad so sor bsal bar bgyi'o/ / nor dang / 'bru dang / bza' ba dang / btung ba dang / gos dang / spud pa dang / rgyan rjes su stsal bar bgyi'o// bu gcig pa 'dra bar rjes su bskyang bar bgyi'o//  dad pa dang gus pas dus kun tu mchog tu mos par bgyi'o// de nas byang chub sems dpa' sems dpa' chen po 'phags pa spyan ras gzigs dbang phyug gis/ gnod sbyin gyi sde dpon chen po lag na rdo rje la 'di skad ces lag na rdo rje khyod kyis khas blangs pa mchog tu bzang po byas pa 'di legs so legs so zhes smras te/ lag pa g.yas pa brkyang nas zla ba yid du 'ong ba dri ma med pa'i me tog gi 'phreng ba rin po che sna tshogs kyis spras pa blangs te/ lag na rdo rje la rjes su brtse ba'i phyir dang / de bzhin gshegs pa thams cad kyis yongs su longs spyod pa'i phyir dang / dkyil 'khor na gnas pa'i lha thams cad kyis yongs su longs spyod pa'i phyir dang / lha dang / klu dang / gnod sbyin dang / dri za dang / lha ma yin dang / nam mkha' lding dang /  mi 'am ci dang / lto 'phye chen po dang / mi dang / mi ma yin pa thams cad dkyil 'khor gang yin pa 'dir 'dug cing dam tshig la gnas pa rnams yongs su longs spyod pa'i phyir ji lta ba bzhin du 'dug ste/ de bzhin gshegs pa'i dbu'i gong du gtor ro// de nas 'phreng ba de nam mkha' de la gtor ma thag tu phyogs bcu'i de bzhin gshegs pa thams cad kyi dbu'i steng du zla ba yid du 'ong ba dri ma med pa'i me tog de khang bu brtsegs pa/ rin po che sna tshogs kyis spras pa/ 'od 'tsher ba/ ka ba bzhi dang sgo bzhi legs par rnam par 'byes pa/ gru bzhi lham pa/ chu zheng shin tu rgya che ba/ shin tu nang yangs pa/ me tog ka da l+ya dag gis mdzes pa/ gzhal med khang sna tshogs yongs su gyur te gnas so// de dag byang chub sems dpa'i dbu'i steng thad kar yang de bzhin du zla ba yid du 'ong ba dri ma med pa'i me tog rin po che sna tshogs spras pa'i khang bu brtsegs pa'i gzhal med khang du shin tu gnas so/ / de lag na rdo rje'i dbu'i steng gi zad kar yang zla ba yid du 'ong ba dri ma med pa'i me tog khang bu brtsegs par shin tu gnas so/ / de 'phags pa spyan ras gzigs dbang phyug gi steng thog thag tu'ang zla ba yid du 'ong ba dri ma med pa'i me tog khang bu brtsegs pa nor bu rin po che chen po sna tshogs kyis spras pa me tog ka ta lcis mdzes par byas te gnas so/ / khang bu brtsegs pa'i nye 'khor kun gshin rje dang / chu lha dang /  lus ngan po dang / dga' bo dang / nye dga' bo dang / dbang phyug dang / dbang phyug chen po'i lha'i bu dang / tshangs pa dang / khyab 'jug dang / dbang phyug chen po rnams lag na rdza yab thogs nas g.yob cing 'dug go/ / de dag kyang 'khor 'dus pa chen po mang pos yongs su bskor cing mdun du byas so// dkyil 'khor gyi rig pa'i rgyal po'i lha de dag thams cad kyang nam mkha' la zla ba yid du 'ong ba dri ma med pa'i me tog khang bu brtsegs pa'i 'phreng ba rin po che sna tshogs kyis spras pa'i khang bu brtsegs pa'i nang na 'khod pa ni/ nyi ma dang zla ba sba ba bzhin dang / nam mkha' la zla ba nya ba na rgyu skar dang skar ma'i tshogs kyis yongs su bskor ba sba ba bzhin du spa bar gnas so/ / me tog de dag gi nang na lha rdzas kyi zla ba yid du 'ong ba dri ma med pa'i me tog sna tshogs dang /  lha rdzas kyi pad+ma dang / ku mu da dang / puN+Da ri ka dang / man da ra dang / mahA man da ra dang / me tog ro tsa dang / ma hA ro tsa dang / me tog sa la dang / tA la ka dang / me tog ta ma la dang tsam pa ka dang / me tog a d+hi mug ta ka dang / me tog a sho ka dang / me tog pa ta la dang / me tog nI la dang / ma hA nI la dang / me tog gan d+ha b+haR+Sha ka dang / me tog su ma na dang /  ta ra Na dang / ku ya ka'i me tog gi char gyi rgyun phab bo// bcom ldan 'das la mchod pa dang / dkyil 'khor chen po de la mchod pa'i phyir dang / lha rdzas kyi chos gos spud pa dang rgya kyi char ji srid du char 'bab cing / phyogs bcu'i de bzhin gshegs pa thams cad la mchod do// de ltar na cho 'phrul che ba'i che ba dag snang ngo // rol mo'i sgra yan lag lnga pa dag kyang ma brdung nam mkha' la sgra byung ngo / / / 'phags pa don yod pa'i zhags pa'i snying po'i cho ga zhib mo'i rgyal po bam po nyi shu bzhi pa// / de nas de bzhin gshegs pa bcom ldan 'das shAkya thub pas/ byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/  sems can dag pa chen po mchog tu dkon pa'i khro bo'i rgyal po 'di smras te/ rig sngags 'chang thams cad mchog tu grub par bya ba'i phyir ma rungs pa thams cad 'joms pa/ sdig pa thams cad sreg pa bshad pa legs so legs so/ / 'di ni phyi ma'i tshe phyi ma'i dus na rig sngags 'chang ba rnams kyis lan cig dran pa tsam gyis dgos pa thams cad byed par 'gyur ro//  yid la re ba thams cad yongs su rdzogs par 'gyur/ 'phags pa spyan ras gzigs dbang phyug mthong ba'i sbyin par 'gyur/ gnas thams cad du gtogs pa'i grub pa chen po rab ston par 'gyur/ rig sngags 'chang ba rnams kyis yangs shing rgya che ba'i chen po thams cad byed par 'gyur/ phyi ma'i tshe phyi ma'i dus na 'di ni 'jig rten las 'das pa gcig pu mchog 'grub par 'gyur te/ las sgrub pa yang dag par 'grub pa'i phyir ro// de nas khros pa'i gad rgyangs spyi gtsug 'bar ba zhes bya ba'i gnod sbyin gyi sde dpon chen po gnod sbyin chen po stong phrag brgya'i bdag po stobs che ba/ dpung che ba/ brtan zhing pha rol gnon pa chen po gang gi lag mthil gcig gis ri'i rgyal po lhun po chen po srul bar byed pa/ lha'i gnas gzhal med khang dang bcas te rgya mtsho chen po na gnas te 'khor bye ba phal po che dang ldan pa/ drag po gzi brjid drag po stobs che ba/ pha rol gyi dpungs 'joms par byed pa de stan las langs nas/  bcom ldan 'das ga la ba de logs su song ste nye bar phyin nas/ bcom ldan 'das la lan gsum bskor ba byas te/ bcom ldan 'das kyi zhabs la mgo bos phyag 'tshal nas/ bcom ldan 'dra kyi zhabs la btud de 'di skad ces gsol to/ / bcom ldan 'das byang chub sems dpa' sems dpa' chen po 'phags pa spyan ras gzigs dbang phyug gis/ khro bo'i rgyal po chen po'i gzung rig sngags kyi rgyal po shin tu mi bzad pa'i gsang sngags bshad pas ni bcom ldan 'das gzhal med khang dang bcas pa bsregs so/ / gnod sbyin du ma stong phrag bye ba khrag khrig 'khor dang bcas pa 'bar ba gcig tu gyur te bsregs so/ / bcom ldan 'das bdag ni zhig ste tshig cing zhu bar gyur to// bcom ldan 'das de la bdag gis ji ltar bsgrub par bgyi/ bdag la skyob pa su lags//  dpung gnyen du 'gyur pa su lags/ bcom ldan 'das bdag ni srog rnam par zhig go// dus kyi zhags pas bcings so// bcom ldan 'das bdag la phan gdags su gsol/ bde bar gshegs pa bdag la bskyab tu gsol/ de nas de bzhin gshegs pa bcom ldan 'das shAkya thub pas/ khros pa'i gad rgyangs spyi gtsug 'bar ba gnod sbyin gyi sde dpon chen po la 'di skad ces bka' stsal to//  @gnod sbyin gyi sde dpon chen po khyod ma 'jigs par khro bo'i rgyal po lcags kyu'i dkyil 'khor gyi rjes su song zhig/ byang chub sems dpa' sems dpa' chen po 'phags pa spyan ras gzigs dbang phyug la skyabs su nye bar song zhig/ byang chub sems dpa' sems dpa' chen po 'phags pa spyan ras gzigs dbang phyug 'di ni khyod kyi skyabs dang / dpung gnyen dang / skyobs pa dang /  rten du 'gyur te/ gang gis 'khor gyi tshogs dang bcas pa'i gnod sbyin stong phrag brgya'i srog dang bral bar mi 'gyur ba yin no// kye gnod sbyin chen po myur bar myur bar song ste skyabs su 'gro bar byos shig/ de nas khros pa'i gad rgyangs can gtsug pud 'bar ba'i gnod sbyin gyi sde dpon chen po bcom ldan 'das kyis dbugs phyung ba rtogs nas/ byang chub sems dpa' sems dpa' chen po 'phags pa spyan ras gzigs dbang phyug ga la ba de logs su song ste/ byang chub sems dpa' sems dpa' chen po 'phags pa spyan ras gzigs dbang phyug la ngu zhing brgyal nas lag pa brkyang ste/ zhabs la btud nas 'di skad ces gsol to// bcom ldan 'das bdag bskyab tu gsol/ thugs rje chen po bdag bskyab tu gsol/ bdag la srog stsal bar mdzad du gsol/  bcom ldan 'das bdag ni bsregs shing gcig tu 'bar bar gyur to// bcom ldan 'das gnod sbyin du ma stong phrag brgya bye ba 'khor dang bcas pa srog dang 'bral bar 'gyur ro// shes pa ni stor/  stobs dang / brtson 'grus dang / spro bar byed pa ni nyams na/ bcom ldan 'das bdag gi lus su zhig gis gso bar bgyid/ byang chub sems dpa' spyan ras gzigs dbang phyug gis khros pa'i gad rgyangs spyi gtsug 'bar ba'i gnod sbyin gyi sde dpon chen po la 'di skad ces bka' stsal to/ / kye gnod sbyin gyi sde dpon chen po nyon cig/ nga ji srid ston gyi bar du yud tsam zhig sdod cig/ gnod sbyin gyi bdag po khyod kyis 'dzam bu'i gling gi sems can mang po la rnam par gtse bar byas/ khyod kyis bud med dang / skyes pa dang / khye'u dang / bu mo mang po ni zos na/  khyod kyis 'phags pa'i spyan mang po ni nyams par byas/ khyod kyis rig sngags dang / dkyil 'khor dang / cho ga zhib mo mang po'i bar chad ni byas/ grub pa rnams ni med par byas/ ma grub pa rnams kyang med par byas/ skal ba can mang po ni med par byas/ skal ba med pa ni yod par byas/ mi 'tshe ba dang / srog dang / longs spyod kyi bde ba ni med par byas/ 'tshe ba dang srog rnam par 'jig pa ni 'phel bar byas/ khyod kyis legs par bshad pa ni yongs su bor/ khyod kyis nyes par bshad pa dang ser sna ni mang du byas/ rig sngags 'chang thams cad dang sems can thams cad la khyod nag po dang rnam par 'jig pa rab tu gnas/ khyod kyis ngan sems thams cad ni spel/ khyod kyis dge ba'i rtsa ba rnams ni nub par byas/ lha dang bcas pa'i 'jig rten na khyod shin tu mi bzang pa sdig pa can yin/ gshin rje'i 'jig rten gyi gnas dang bcas/ bdud dang bcas/ tshangs pa dang bcas pa'i nang na khyod gcig pu ngan sems can bar chad byed par skyes pa yin te/ rgyu des na gnas skabs 'di 'dra ba thob pa yin pas/ kye gnod sbyin gyi bdag po dam tshig dang / bslab pa dang / sdom pa khas blang ba dang / dge ba'i chos byos shig/ 'on tang kho bo khyod kyi skyabs dang dpung gnyen du 'gyur bar bya'o/ / khyod sdug bsngal bas nyam thag pa dang / bcing ba mi bzad pa dang / me 'bar ba mi bzad pa'i 'jigs pa las ngas yongs su thar par bya'o//  mtho ris kyi lam du 'jug par bya'o// de nas khros pa'i gad rgyangs spyi gtsug 'bar ba gnod sbyin gyi sde dpon chen po 'khor gnod sbyin bye ba khrag khrig brgya stong du mas/ byang chub sems dpa' sems dpa' chen po 'phags pa spyan ras gzigs dbang phyug gi zhabs gnyis la btud nas/ byang chub sems dpa' sems dpa' chen pos phags pa spyan ras gzigs dbang phyug la 'di skad ces gsol to//  bcom ldan 'das deng slan chad byang chub sems dpa' sems dpa' chen po 'phags pa spyan ras gzigs dbang phyug khyod kyi bka' lung bzhin bgyis te dam tshig la gnas par bgyi'o// chos kyi rjes su sems dpa' dang / dkon mchog gsum la skyabs su mchis pa la gnas par bgyi'o// khro bo'i rgyal po 'di dang / rig sngags kyi rgyal po lcags kyu'i gzungs dang / cho ga zhing mo dang / gang yang rigs kyi bu dang / rigs kyi bu mo dang / dge slong dang / dge slong ma dang / dge bsnyen dang / dge bsnyen ma rnams yongs su bskyang bar bgyi'o// don yod pa'i lcags kyu'i gzungs rig sngags kyi rgyal po 'di 'chang ba dang / klog pa dang / 'don pa dang / bzlas brjod kyi cho ga kun spyod pa de la ni/ bdag gnod sbyin brgya stong du ma rnams kyis 'og dang bla dang / phyogs bzhi kun tu bsod nams su dmig te/ bsrung ba dang / sba ba dang / bskyab par bgyi'o// yongs su bskyang bar bgyi'o// lus la stobs dang / spro ba dang /  gzi byin mang du bskyed par bgyi'o// de'i yul phyogs su 'thab pa dang / rtsod pa dang / 'gyed pa dang / mtshang 'dru ba dang / ma legs pa dang / lo nyes pa dang / mings dang / rims dang / gnod pa dang / 'khrug pa dang / nyam thag par byed pa'i gdon dang bcas pa dang / nad dang / gcong dang / nyon mongs pa dang / sgrib pa thams cad rab tu zhi bar bgyi'o//  rab tu bsal bar bgyi'o// rkun po dang / zol po dang / mi rgod dang / gcan gzan khro bo'i 'jigs pa rnams bsal bar bgyi'o// dus ma yin par 'chi ba'i 'jigs pa las so sor bzlog par bgyi'o/ / rmi lam ngan pa dang / ltas ngan pa dang / bkra mi shis pa byung ba thams cad so sor bzlog par bgyi'o// char ches pa dang / char mi 'bab pa dang /  dus ma yin pa'i char dang / sad dang / than pa dang / byi ba'i 'jigs pa rnams so sor bsal bar bgyi'o// dben pa dang / nyams dga' ba dang / lo legs ba dang / 'byor pa sbyar bar bgyi'o// sems can mi dge ba spyod pa las bzlog par bgyi'o// dge ba la sbyor bar bgyi'o// sems can dge ba spyod pa rnams kyi grogs bdag 'khor dang bcas pas bgyi'o/ / yang dag par dad pas rjes su 'brang bar bsgrub par bgyi'o// bud med dang / skyes pa dang / khye'u dang / bu mo dang / dge sbyong dang / bram ze dang / sems can thams cad bu gcig pa bzhin du yongs su bskyang bar bgyi'o/ / chos la zhugs pa'i yid dang / ngo tsha shes pa dang / khrel yod pas gnas par bgyi'o// thams cad du bdag mchi bar bgyi'o//  ji ltar rang gi srog 'di yongs su bskyang ba bzhin du/ gzungs dang rig sngags grub pa 'di'ang yongs su bskyang bar bgyi'o// spyi bos blang bar bgyi'o// khur du bskur bar bgyi'o// sgrub par 'grub pa chen po stsal bar bgyi'o/ / bgegs dang / log 'dren thams cad dang / sems can ma rungs pa dang / gnod sbyin gyi chad pasu so sor gnod pa so sor bzlog par bgyi'o// de nas byang chub sems dpa' sems dpa' chen po 'phags spyan ras gzigs dbang phyug gis/ khros pa'i gad rgyangs spyi gtsug 'bar ba gnod sbyin gyi sde dpon chen po la 'di skad ces bka' stsal to// gnod sbyin gyi sde dpon chen po legs so legs so/ / khyod kyis de bzhin du bya bar rigs so// sems can thams cad rjes su gzung ba chen pos gzung bar bya'o// rig sngags 'chang ba la bdag nyid kyis bsrung ba dang bcas par bya'o/ / de nas gnod sbyin gyi sde dpon chen po de skyabs gsum pa la gnas shing / dkyil 'khor chen po'i dam tshig dang / de bzhin gshegs pa'i bslab pa'i dam tshig 'dzin pa la gnas par gyur to/ / rigs thams cad kyi dam tshig dang ldan par gyur to// de nas de bzhin gshegs pa bcom ldan 'das shAkya thub pas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ / yon tan gyi phung po mchog tu bzang ba la gnod sbyin gyi bdag po khas len du bcug cing bzhag pa legs so/  legs so// khro bo'i rgyal po'i cho ga nye bar spyad pa de smros shig/ rig sngags 'chang de rnams ji ltar mchog 'grub par 'gyur ba dang / lan cig dran pa tsam gyis ji lta ji ltar myur ba myur bar las sgrub pa 'grub par 'gyur ba dang / ji lta ji ltar dran pa tsam gyis ji ltar bsams pa dang yid la reb 'byor par 'gyur ba dang / don yod pa'i lcags kyu khro bo'i rgyal po 'di myur du 'grub par 'gyur ba de ltar byin gyi rlabs kyis byin gyis rlobs shig/ de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyis bka' lung stsal pa rtogs nas nye bar bshad pa'i cho ga smras pa/ bcom ldan 'das rig sngags 'chang ba rigs kyi bu 'am/ rigs kyi bu mo 'am/ dge bsnyen nam/ dge bsnyen ma gang yin pa 'am/ gzhan dge sbyong dang / bram ze dang / rgyal rigs dang / rje'u rigs dang / dmangs rigs dang / bud med dang / skyes pa dang / khye'u dang / bu mo rnams khro bo'i rgyal po 'di sgrub par 'dod na/ des zla ba yar gyi ngo'i tshes bco lnga la 'bras chan dang 'o ma za zhing / nang par sngar langs la 'phags pa spyan ras gzigs dbang phyug gi sku gzugs kyi spyan sngar skyil mo krung bcas te 'dug nas mi smra bar gaN+DI brdung ba'i dus la bab kyi bar du 'bras chan khyor ba bkang ste/ gtor ma brgya rtsa brgyad dbul ba byas na/ des khro bo'i rgyal po sgrub pa'i cho ga de dag 'grub par 'gyur zhing mchog tu 'grub par 'gyur ro/ / de ltar bsgrubs nas/ de nas bzlas brjod gcig dang dran pa gcig gis thams cad 'grub par byas na/ thams cad du bya ba thams cad mchog tu 'grub par 'gyur ro//  de nas rig sngags 'chang ba las byed par 'dod cing / don yod pa'i zhags pa'i snying po sgrub par 'dod na/ khro bo'i rgyal po lan cig dran par bya'o// dran pa tsam gyi mod la bgegs dang log 'dren thams cad skrag par 'gyur zhing / dpag tshad tshun chad du rig sngags 'chang ba'i drung du 'ong bar mi nus te/ rgyang ring po na 'dug go// 'di lan cig dran pa tsam gyis bzlas brjod dang / cho ga dang /  sgrub pa bde bar 'grub cing dgos pa sgrub pa thams cad grub pa bla na med pa thob par 'gyur ro// 'phags pa spyan ras gzigs dbang phyug mchog sbyin par mdzad par 'gyur ro// dpag tshad tshun chad du 'bar ba'i lcags kyu chen po 'phang du ri chen po tsam 'byung bar 'gyur te/ dpag tshad gsum gyi tshad tsam dang / 'og tu g.yang sar gyur te/ su 'ang 'ong bar mi nus so// lha dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang bcas pas gnas der 'ong bar mi nus na//  mi ma yin pa phal pa dang / bgegs dang / log 'dren rnams kyis lta smos kyang ci dgos te gnas med do// rig sngags 'chang ba 'jigs pa med par yang dgos pa thams cad grub pa sgrub par byed do/ / bgegs med par thams cad du sgrub pa 'grub pa 'thob par 'gyur ro// de nas rig sngags 'chang las thams cad bya bar 'dod cing / gdon bsal bar 'dod na gu gul dang yungs kar la lan cig bzlas brjod byas te/ gdon la bdug pa sbyin par bya'o// yungs kar gyis brdeg par bya'o// lan cig dran par bya'o// lag pa g.yas pa'i mdzub mos khros pas bsdigs par bya'o//  bdug pa dang / brdeg pa dang / dran pa lhan cig tu byas na mod la gdon thams cad 'jig par 'gyur ro// ci ste nag po chen po rang nyid dam/ lha ma yin gyi dbang po 'am/ sgra gcan nam/ 'jigs byed kyang 'jig par byed na/ gdon gzhan 'ong bar lta ga la 'gyur te/ mod la gcig tu 'jigs par 'gyur ro// 'byung po dang gdon gyis yongs su zin pa thams cad la dur khrod kyi thal ba la lan cig bzlas brjod byas te/ spyi bor gtor zhing lan cig dran par byas na/ mod la 'byung po dang gdon 'bros par 'gyur ro// na la da dang / an da ni dra ka ba tsa dang / gu gul dang ha sa dang / ba la ka dang / ma tu la dang / pad+ma dang / kuSh+ma rnam gnyis dang / ra dza ni dang / yungs kar dang / shing kun dang / na ra pad+ma dang / bi sha ra dang / tsan tri ka rnams ra'i gcin gyis sbrus te/ ril bu nas kyi 'dzel ma tsam byas te grib la bskams la/ lcags kyu lan bdun bzlas pa byas nas las thams cad la bdug pa'i rgyal po mchog gi ril bu gcig bdug pa byas na stong gsum gyi stong chen po'i 'jig rten gyi khams ri dang / nags tshal dang / gcong rong dang bcas pa rnams 'gul lo// rgya mtsho chen po ni 'khrugs so// ri rab chen po ni g.yos so/ / sum cu rtsa gsum gyi gnas gzhal med khang dang bcas pa ni cher g.yos te 'gul lo// lha thams cad skrag go// lha ma yin thams cad ngu zhing phyogs phyogs su 'bros so// sa ni g.yos so/ / klu gang dag rgya mtsho na gnas pa dang / gnod sbyin dang / srin po dang / 'byung po dang / yi dgas dang / brjed byed dang / gsang ba pa dang / tshangs pa'i srin po dang / bgegs dang /  gdon mi bzad pa gzhan ma rungs pa de dag thams cad dri tshor ba tsam gyis rnam par zhig par 'gyur te/ dogs par mi bya'o// lus rnam par zhig par 'gyur/ bcom ste rus pa lhags par 'gyur/  'chi bdag gi zhags pa'i khar 'gro bar 'gyur/ des rnam par zhig par 'gyur ba de la dogs par mi bya'o// dug dang bcas pa ni mod la dug med par 'gyur ro// klu 'jog po dang nor rgyas kyis gal te zin pa 'am/ sbrul gyis zin pa la bdugs pa dang byugs pa tsam gyis thams cad du dug med par 'gyur ro// gang dag 'jig rten na dug sna tshogs mi bzad pa yod pa la bdug pa'i dri/  tsam dang / bskus pa dang / ril bu tsam gyis mod la dug tham cad med par gyur te the tsom mi bya'o// 'bras dang / pho la mig dang / lu ta dang / shu ba dang / sha bkra dang / rkang shu dang /  mdze dang / 'brum bu dang / lhog pa rnam pa mang po dang / nad mched pa dang / lba ba'i 'phreng ba dang / khong 'bras dang / rkub na ba dang / skan dang / 'khru ba dang / rtsib logs na ba dang /  snying kha na pa dang / gre ba 'gags pa dang / rna ba na ba dang / so na ba dang / mig na ba dang / mgo bo na ba dang / gzhogs phyed na ba la ril bu bskus pa tsam dang / chu dron 'thungs pa tsam dang /  bdugs pa tsam dang / bsnams pa tsam gyis thams cad de ma thag tu rab tu zhi bar 'gyur te/ thams cad la ril bu dam pa lan cig bzlas brjod byas te byin na thams cad du dgos pa thams cad byed pa bla na med pa yin no/ / shin tu char che ba dang / char mi 'bab pa dang / dus ma yin pa'i char dang / rlung dang / ser ba dang / 'byung po dang / ma mo'i tshogs dang / mtsho'i klu de dag thams cad dbang du 'gyur ro/ / char dus su 'bebs so// lo tog dang / 'bras bu dang / me tog yod par 'gyur ro// phyis ser ba mi 'bab bo// sad dang / rlung dang / than pa mi 'byung ngo / / phun sum tshogs pa thams cad grub par byed cing bkra shis pa thams cad grub par byed do// rims drag po ma rungs pa kun tu 'jugs pa'i rims mi bzad pa dang / 'dus pa mi bzad pa drag po'i rims dang / rims drag po'i 'jigs pa chen po dang / me 'bar ba shin tu che ba dang / zhag bzhi pa'i rims mi bzad pa dang / grang ba'i rims sdug bsngal che ba dang / rims gang dag 'chi ba'i zhags pa 'bar ba 'khrug pa drag po mi bzad pa dang / zlos pa'i rims gso dka' ba dang / nyin gcig pa'i rims dang / nyin gnyis pa'i rims dang / nyin gsum pa'i rim dang / de bzhin du rlung las gyur pa dang / 8da kan las gyur pa dang / mkhris pa las gyur pa dang / mchil ma las gyur pa'i rims dang / rims rnying pa dang / zug gzer dang / gzhang 'brum dang /  gcin sgri ba mi bzad pa dang / rims thams cad la bdugs pa tsam gyis the tsom med par rnam par 'jig par 'gyur ro// nam mkha' lding gi gdon dang / gang dag mi 'am ci'i gdon dang / lto 'phye chen po'i gdon dang / mi ma yin pa'i gdon dang / gang dag gzhan mi'i gdon thams cad bdug pas btugs pa des mod la thams cad rnam par bral bar 'gyur ro//  lcags kyu'i gas bsngags dam pa lan cig dran par byas na skem byed dang / bskams pa dang / brjed byed dang / gdon ra za yag sh+lA dang / bdag nyid ngan par byang ba dang / grib gnon dang / 'thab pa dang / rtsod pa gang du skye bo zhe sdang ba rnams 'byung ba dang / gang du gnod pa dang / 'khrugs pa dang / nyon mongs pa mang po rnams la yid du 'ong ba bdugs pa tsam gyis thams cad las de thar par 'gyur ro/ / rgyal po khros pa dang / gang zhig rkun po dang / mi rgod kyi nang du song ngam/ btsong rong bgrod dka' ba'i nang du song ngam/ dog pa mi bzad pa'i nang du chud pa la lcags kyu lan cig dran pa dang / bdug pa mchog gis bdugs na thams cad du rtag tu bde bar 'gro ba dang / gang dang gang du 'gro ba na bde bar 'gyur ro//  de'i lus la seMs mi tshugs/ chu chen pos 'khyer bar mi 'gyur ro// lcags kyu'i rig sngags dran pa dang / bdug pa mchog gis bdugs na tham cad du pha rol phyin pa dang / bde zhing legs pa shin tu rgyas par 'gyur ro/ / de'i lus la mtshon gyis mi tshugs/ dug gis ma yin/ gsang sngags mchog tu drag pos ma yin/ de la byad kyis mi tshugs/ nad kyis ma yin/ nyon mongs pa drag pos ma yin/ gsang sngags dran pa tsam dang / bdug pas bdag bdug pa ni thams cad du 'jig pa thams cad las thar par 'gyur te/ 'di la dogs pa mi bya'o/ / dgra dang phyir rgol ba'i mi sems can ma rungs pa mi bzad pa rnams dang / 'thab mo 'gyed cing g.yul 'gyed pa na bdag nyid bdug pas gdug cing rig sngags lan cig dran par byas na thams cad du rgyal bar 'gyur te/ / mthong ba tsam la dog par mi bya'o// gang zhig rig sngags 'grub par mi 'gyur ba dang / gang zhig bgegs kyis zin te nyams pa dang / blo zhan cing le lo can la bdug pa 'di sbyar bar bya zhing / gsang sngags lan cig bzlas brjod byas na des mchog tu dkon pa 'grub par 'gyur ro// skal ba med pa bdag nyid bdug pa dang / ril bu mchog gis bkru ba dang / mig bsku ba dang / mchog thig la byas na thams cad du skal ba can dang / dga' ba dang / dbang phyug mtshungs pa med par 'gyur ro/ / nor dang 'bru 'phel zhing rgyal po dang 'dra bar 'gyur ro// thams cad du stobs thogs pa med par 'gyur ro// thams cad du mchog 'grub pa dang / rtag tu rgyun mi 'chad par dus thams cad du gnod sbyin gyi sde dpon chen po bzhis bsrung ba dang / bskyab pa dang / sba bar bya ba'i phyir nyin mtshan du rjes su 'brang zhing gnas par 'gyur ro// bsrung ba'i phyir rgyal po chen po bzhi dpung 'khor dang bcas pa rig sngags kyi rjes su 'brang bar 'gyur ro/ / bde ba thams cad kyis tshim pa thob par 'gyur ro// gnas gcig nas ril bu bdun blangs la khro bo'i lcags kyu lan nyi shu rtsa gcig bzlas brjod bya'o/ / de nas rig sngags 'chang ba 'am/ gzhan gang yang rung ba nas/ dge sbyong dang bram ze bkren pa sdug 'phongs pa'i bud med dam/  skyes pa 'am/ khye'u 'am/ bu mo'i don du ril bu gcig gis khrus byas/ gcig gis bdag bdug/ gcig gis gos bdug/ gcig ni ba'i rnam lnga dang sbyar te btung bar bya/ gcig ni mgo'i spyi bor gzhag/ gcig ni dpung pa g.yas par gdags/ ril bu gcig ni rked par btags na thams cad du 'byor pa thob par 'gyur zhing / thams cad du mchog bla na med pa 'grub par 'gyur ro// bsam pa 'grub par 'gyur/ rgud pa thams cad rnam par zhig par 'gyur ro// rma dang / nyam chung ba dang / de bzhin du chag grugs dang / bgegs kyis zin pa dang / gdon ra za yag shas zin pa de dag thams cad rab tu sbyar ba tsam gyis rnam par zhig par 'gyur te dogs par mi bya'o/ / sgrib pa thams cad rnam par zhig par 'gyur te/ sngon bsags pa'i sgrib pa thams cad mod la rnam par zhig bar 'gyur te/ gsang sngags bsten pa dang / gsang sngags dran cing dran pa dang / bdug pa mchog gis bdug par byas pas dogs par mi bya'o// mnar med pa dang / mi bzad pa'i sdig pa dang / dug dang / sems can ma rungs pa dang / las ngan pa dang / phung ba rnams thams cad mod la med par 'gyur ro// mes phye ma leb bzhin rtag tu myur du/  sreg par 'gyur ro// gsang sngags lan cig dran par bya zhing bdug pa 'dis bdugs na dus ma yin par 'chi ba thams cad zhig par 'gyur ro// thams cad du sbyar ba la dog par mi bya'o//  'khor los sgyur ba thams cad kyis khro bo'i lcags kyu spyi gtsug 'bar ba zhes bya ba'i bdug pa'i rgyal pos khyim dang sgo chen por nam langs ka dang mun pa sros khar bdug cing gsang sngags lan cig dran par byas na/ khyim gyi nang der gang dag mi snang bar 'dug par 'gyur ro// gnod sbyin dang / srin po dang / 'byung po dang / sha za dang / brjed byed dang / grib gnon ma rungs pa dang / mi ma yin pa thams cad snang bzhin du phyir 'byung zhing ngus te/ kyi hud zer ba'i sa 'byin par 'gyur ro// khyim gang yin pa 'gul ba dang / khyim dang rta babs rnams 'bar bar 'gyur zhing dmyal ba'i srung ma mi bzad pa thams cad phyogs bslad par 'gyur ro/ / gnod sbyin dang / srin po dang / 'byung po dang / lha ma yin dang / nam mkha' lding dang /  dri za dang / mi 'am ci dang / lto 'phye chen po dang / klu mthu bo che thams cad bdug pa'i dri bla na med pas skrag par 'gyur ro// bsam pa ngan pa gang dag gnas pa'i khyim thams cad 'bar ba dang / lus bsregs pa dang / phyogs dang phyogs mtshams 'khrul pa dang / bdug pa'i rgyal po'i mthus 'jigs pa mi bzad pa thams cad rab tu zhi bar 'gyur ro// g.yul 'gyed pa dang / 'thab mo dang / rtsod pa dang / 'thab cing 'gyed pa thams cad rab tu zhi bar 'gyur zhing rtag tu rgyal bar 'gyur ro// bde zhing legs par rgyal ba 'grub pa dang / thams cad du dpal thob par 'gyur ro/ / lha dang / lha ma yin dang / dri za dang / gnod sbyin dang / srin po dang / klu rnams kyis bsrung ba'i phyir nyin mtshan du rjes su 'brang bar 'gyur ro// de bzhin du rjes su skyong ba dang / dus thams cad bla na med pa'i gzi byin skyed par byed do// khro bo'i rgyal po'i lcags kyu bla na med pa 'grub pa'i thig le brjod par bya'o// thig le skar ma lta bu ni/ lha yi nyi ma bzhin du dpa'/ / nyi ma bye ba'i 'od dang mtshungs// bsod nams gzi brjid dag gis 'bar// mun khrod sgron chen 'od bzhin du// mun pa'i nang na snang bar 'gyur// tshogs kyi dkyil na mdzes pa ni/ skar ma'i tshogs ldan zla ba bzhin// bsod nams bye ba stong phrag dang // dpag med gzhal du med pa yis// lus 'di dag ni brgyan par 'gyur// mkha' la rin chen mchod sdong ltar/ / mtshan dang dpe byad bzang pos brgyan// ril bu bsten pa byas na ni// lus ni bsod nams tshogs kyis bskyed// gang zhig lus ni 'bar ba dang // shin tu bzang po kho nar 'gyur//  'jig rten mgon po dus rtag tu// phyag ni spyi bor 'jog par mdzad// rtag tu mchog ni sbyin pa dang // kun tu bla med grub par 'gyur// cho ga zhib mo 'grub pa dang /  gsang sngags 'grub cing phyag rgya dang // dkyil 'khor 'grub cing dkyil 'khor gyi// rim par phye ba 'grub 'gyur te// kun tu 'grub pa bla na med// gi'u wang dang / gur kum dang /  ru rta cha bskams te sbyar la khro bo'i lcags kyu'i gsang sngags brgya rtsa brgyad bzlas brjod byas la/ tshangs par spyod pa mnyam par bzhag pa/ khrus legs par byas pa/ gos gtsang ma bgos shing gtsang mas zla ba yar gyi ngo tshes bcu gsum skar ma rgyal la bab pa'i tshe chu gtsang ma dang zhib tu btags la rgya shug gi 'bru tsam byas te grib ma la bskams pa la/ gang gi tshe dgos pa rtsom pa de'i tshe khro bo'i rgyal po'i lcags kyu la lan nyi shu rtsa gnyis bzlas brjod byas te smin mtshams su thig le bya'o/ / smin mtshams su thig le bzang po de bzhin gshegs pa thams cad kyi byin gyi rlabs kyis byin gyis brlabs pa mtshan nyid bzhin du thig le byas te byin gyis brlabs pa byas pa'i mod la/ de bzhin gshegs pa thams cad kyi gtsug tor gyi mtshan nyid rnam par mdzes pa'i thig le dang mnyam par mtshungs par brgyan par 'gyur ro/ / thams cad du mchod par bya ba dang / rtag tu bla ma la gus pas dam tshig ma nyam pa dang / rgyal po dang mtshungs pa'i blon po dang btsun mo'i nang du song na thams cad dga' bar 'gyur zhing / thams cad du mchod par 'os par 'gyur ro// sems can kun gus pa dang dga' ba ji ltar 'jig rten 'dren pa la bya ba bzhin byed do//  nor dang / 'bru dang / lha'i dpal thob par 'gyur ro// lha thams cad kyis mchod par 'gyur ro// dbang po dang / tshangs pa dang / khyab 'jug dang / dbang phyug chen po dang / 'jig rten skyong ba grags chen dang / klu rnams kyis rtag tu mchod par 'os pa chen por 'gyur ro// gnod sbyin dang / dri za dang / gsang ba pa dang / lha ma yin dang / nam mkha' lding dang /  mi 'am ci dang / lto 'phye chen po rnams kyis rtag tu mchod pa chen por 'gyur ro// dbang phyug dang / stobs dang / brtson 'grus dang / tshe 'phel bar 'gyur ro// nad med pa dang /  rims nad med pa dang / sdig pa thams cad spangs pa dang / sgrib pa thams cad las rnam par grol ba dang / nyon mongs pa'i dri ma dang / sdig pa dang / dgra thams cad rab tu 'joms pa dang / dmag gi g.yul 'gyed pa'i nang du rtag tu thams cad du rgyal ba sbyin par 'gyur ro// dgra dang phyir rgol ba rnams las gnas thams cad du rtag tu kun tu rgyal ba chen po sbyin par 'gyur ro/  thig le de lta bu byas te khro bo'i lcags kyu lan cig dran par byas la/ yungs kar la lan cig bzlas brjod byas te phug gi sgor gtor na phug thams cad sgo gdang par 'gyur ro// ji ltar dga' bar 'jug par 'gyur ro/ / lan gsum zhugs kyi bar du sgo gtan 'jug pa'i gnas su khro bo'i lcags kyu 'ba' zhig bzlas brjod byas na/ de'i tshe lha'i bu mo can/  thams cad kyis brgyan pa/ bzang zhing mdzes pa/ blta bar 'os pa/ mchog tu mdog sdug cing 'khrig pa dang ldan pa/ dpal gyis shin tu dpa' zhing 'bar ba/ bzhin 'dzum pa lus ngo tsha tsha ltar byed pa/ 'gros 'gying bag tu 'ong bar 'gyur te/ spyi bo yid tsam btud nas gser gyi snod rin po ches bkang ba thogs te rig sngags 'chang la 'bul bar byed do// rig sngags 'chang bas cang mi smra bar bya'o/ / rin po che'i snod kyang blangs par mi bya'o// gsang sngags 'ba' zhig dran par bya zhing yungs kar gyis gzhon nu ma la brdeg par bya'o// ci ste mi sdug pa 'byin cing bzhin bsgyur ba/ khro bo'i gzugs mchu 'phyang ba/ mche ba gtsigs pa/ skra ral pa ser la gyen du brdzes la/ ral pa cod pan gyis brgyan par ston na/ rig sngags 'chang bas skrag par mi bya'o/ / khro bo'i lcags kyu 'ba' zhig dran par bya'o// yang yungs kar gyis mgo'i spyi bor brdeg cing khros pa'i gzugs kyis dran par byas na/ ro'i tshe de sa la 'gyel te 'dre ldog cing / kye rig sngags 'chang thugs rje can khyod rig sngags 'chang khyab 'jug gi gzugs can gum mo gum mo zhes sgra 'byin to// de nas rig sngags 'chang bas rjes su brtag te/ gal te la chu dbu bar 'byung na rig sngags 'chang bas de blangs la rkang pa dang byin pa bskus na rlung gi phung po bdun pa'i rlung la zhon te nam mkha' la 'gro bar 'gyur ro// rig sngags 'chang ba 'khor lo sgyur bar 'gyur zhing / rig sngags 'chang ba'i 'khor brgya phrag bye ba dgu bcu rtsa dgus bskor bar 'gyur ro// skad cig la stong gsum gyi stong chen po'i 'jig rten gyi khams kyi mthar song zhing slar yang 'ong bar 'gyur ro/ / gal te reg na ni skyes nas lo bcu drug lon pa dang 'dra zhing sgra yid tsam 'khril zhing 'khyil ba rna chag du bu dri ma med cing spen tog 'phyang ba dang / mkhrig ma gdu bus brgyan pa/ lus pad+ma 'dra zhing dkar sham du 'gyur ro// tsha bskal pa stong phrag bdun bcu rtsa gnyis thub par 'gyur ro// rig sngags 'chang ba'i 'khor los sgyur ba stong phrag brgya dgu bcu rtsa gnyis kyi 'khor gyis bskor bar 'gyur ro/ / gnas thams cad du dpon por 'gyur ro// gal te thig le byas te mi snang bar gyur na gnod sbyin dang / srin po dang / 'byung po thams cad kyis khyim gyi sgo phye ste 'dug par 'gyur ro// gnod sbyin dang / srin po dang / 'byung po 'khor dang bcas pa thams cad bgyi ba cimachi zhes dbang du 'gyur zhing bka' bzhin du 'dug go/ / mngags pa'i dgos pa thams cad byed par 'gyur ro// khyim thams cad du re rer yang dpon po dang bka' bzhin byed pa'i rgyal por 'gyur ro/ / gal te 'tshogs mar thig le byas na brgya byin dang / lha rnams kyi dbang po sum cu rtsa gsum gyi ris kyi bdag po'i lha dang / sum cu rtsa gsum gyi ris kyi lha'i bu dang bcas pa thams cad kyis mchod par 'gyur te/ rig sngags 'chang ba la bya ba thams cad kyis bsnyen bkur byed par 'gyur ro// shin tu mthong ba'i lha'i rigs kyi lha rnams dang lhan cig tu rtsa dga' kun tu spyod par 'gyur ro/ / tshe lha'i lo stong legs par thub par 'gyur ro// lte ba'i gnas su thig le byas te klu mtshor zhugs pa tsam gyis mod la klu'i rgyal po dpung dang g.yog tu bcas/ chung ma dang bu mo gzhon nu ma 'am/ thams cad mdun na 'dug cing 'di skad smra ste/ rig sngags 'chang ba bka' stsol cig dang / las bgyi ba dang / dgos pa thams cad bgyi zhing nam 'tsho'i bar du nye bar gnas par bgyi'o/ / yo byad thams cad kyis mi bral bar bsgrub par bgyi'o// klu'i lha'i longs spyod mchog tu longs spyad pas rtse bar bgyi'o// lha'i lo stong gi bar du rjes su gnas par bgyi'o/ / nor thams cad rjes su stsal bar bgyi'o// rin po che rnam pa sna tshogs gser dang / dngul dang / bai DUR+Ya dang / shang ka shi la dang / byu ru dang / sa le sbram dang / gser dang / mu tig dang / in+d+ra nI la dang / ma ra ka ta dang / pad+ma rA ga dang / bai DUR+Ya dang / shin tu bzang po rnams su stsal bar bgyi'o// lha rdzas kyi bza' ba mchog dang / lha rdzas kyi nor gyi phung pos ba mdzod rnams rab tu dgang bar bgyi'o/ / shin tu char ches pa gcad par bgyi'o// char dkon pa na char dbab par bgyi'o// dus ma yin pa'i char gcad par bgyi'o// dus su char dbab pa dang / dus su char pa'i rgyun 'byung bar bgyi'o// lha rdzas kyi me tog sna tshogs dang / lha rdzas kyi 'bras bu sna tshogs nye bar bsgrub par bgyi'o// nam 'tsho'i bar du gnas te bsnyen bkur bgyi'o/ / rig sngags 'chang ba'i rkang pa spyi bos blang bar bgyi'o// rig sngags 'chang ba de'i tshig dang bsam pa rjes su bskyang bar bgyi'o// dpung pa gnyis kyi bar du thig le byas na glang po che stong gi stobs yod par 'gyur te/ phyir rgol ba dang dgra thams cad kyi stobs kyis mi thub par 'gyur ro// 'thab cing dmag gi g.yul 'gyed pa thams cad kyi nang du pha rol gnon pa'i stob thogs pa med de rgyal ba sbyin par 'gyur ro/ / lha ma yin kun las kyang rgyal bar 'gyur ro// lha thams cad 'di la bsrung ba dang / sba ba dang / bskyang ba'i phyir rtag tu zhabs 'bring du 'brang bar 'gyur ro/ / thabs pa dang / rtsod pa dang / 'gyed pa dang / dngogs 'byin pa dang / mtshang 'dru ba dang / g.yul 'gyed pa thams cad du rgyal ba sbyin par 'gyur ro// lto bar thig le byas te khro bo'i lcags kyu'i rig sngags lan cig dran par byas la/ yid la ji ltar bsams pa ji bzhin byas na ci 'dod pa'i kha zas thob par 'gyur te/ 'khor nyi shu dang bcas pas ji ltar 'dod pa thob par 'gyur ro//  sker thig le byas te khro bo'i lcags kyu sker lan cig bzlas brjod byed cing rgyal po'i pho brang du song na ji tsam 'dod pa'i gos dang / sdud pa dang / rgyan thob par 'gyur ro// rtag tu rgyal bo dang btsun mo'i 'khor dang bcas pas mchod par bya bar 'os pa'i mchog tu 'gyur ro/ / dbang phyug chen po'i chen po thob pa 'grub par 'gyur ro// lag mthil du thig le byas te lan cig bzlas brjod byas na gang la reg pa de dbang du 'gyur ro/ / gang 'dod pa de thams cad sbyin zhing bsgo ba de thams cad byed par 'gyur ro// lag pa g.yas pa la bskus la lan cig bzlas brjod byas te/ grong khyer gyi sgo la brdabs na grong khyer na gnas pa'i gnod sbyin dang srin po thams cad dbang du 'gyur te mdun na gnas shing / de thams cad bsgo ba bzhin byed par 'gyur ro// grong de na skye bo gang dag gnas pa bud med dang / skyes pa dang / khye'u dang / bu mo de dag thams cad dbang du 'gyur te mdun na gnas shing / ji srid grong khyer der 'dug par 'dod pas de srid du thams cad ci bya ba thams cad byed cing gnas pa dang mdun na 'dug par 'gyur ro/ / lag pa g.yon pa la bskus te rgyal po'i sgo la brdabs na ji srid 'dug par 'dod na de srid du thams cad dbang du gyur pa sbyin par 'gyur ro// lag pa g.yas pa la bsku zhing lan cig bzlas brjod bya ste/ phug gi gsang ba'i sgo la brdab pa byas na gsang ba'i khyim thams cad sgo phye ste 'dug cing / khyim na gnas pa de dag thams cad dbang du gyur te 'dug go//  rkang pa gnyis la bsku zhing gsang sngags lan cig dran par byas te dur khrod du song na/ dur khrod na gnas pa'i gnod sbyin dang / srin po dang / 'byung po dang / sha za thams cad mdun na gnas shing dbang du 'gyur ba dang / khyim gyi sgo thams cad phye ba dang / thams cad bya ba ci yod pa byed par 'gyur ro// brla gnyis la bskus te nags tshal gyi nang du zhugs na zhugs pa tsam gyis khyim na gnas pa thams cad mdun na gnas shing khyim gyi sgo thams cad phye ste 'dug par 'gyur ro/ / sman gyi rdzas thams cad dang / rtswa dang / shing gel ba'i sman dang / rtswa dang / mgo lcogs kyi nags tshal gyi rang gi ngo bo thams cad ji ltar 'dod pa blangs pa bzhin du mdunan 'dug par 'gyur ro/ / dpal lha mo chen mo'i nu ma'i bar du bsku zhing khros pas gsang sngags lan cig bzlas brjod byas shing / gu gul la bzlas brjod byas te bdug pa dbul zhing mig mi 'dzums par bltas na/ dpal lha mo chen mo bka' stsol cing mchog thams cad sbyin par byed do// nor shin tu mang rnyed pa sbyin par mdzad do/ / dpal lha mo chen mo rtag tu khyim na gnas par 'gyur ro// yo byad rnam pa thams cad kyis yongs su skyong bar 'gyur ro// nam 'tsho'i bar du bsnyen bkur byed par 'gyur ro/ / mi'i 'o ma dang lhan cig tu brdar la lan cig bzlas brjod byas te mig la bskus na gter thams cad mthong bar 'gyur ro// mtshan mo'ang nyin par bzhin du mthong bar 'gyur ro//  mchu'i thor to la thig le bya zhing lan cig bzlas brjod byas na gang la smra ba de dbang du 'gyur zhing / gang 'dod pa de thams cad thob par 'gyur ro// tshig gzung bar bya bar 'gyur ro/ / kha nas ut+pa la'i dri mnam par 'gyur ro// gdon la thig le byas na zin pa dang ma zin pa 'bab par 'gyur ro// gdon thams cad la thig le bya zhing lan cig gsang sngags dran par byas na mod la tshangs pa'i srin po la sogs pa'i bar du thams cad ngu zhing 'bros par 'gyur ro/ / thig le tsam dang dran pa tsam gyis thams cad las yongs su thar par 'gyur ro// 'jigs pa thams cad la thig le byas na yongs su thar par 'gyur ro/ / phrag pa gnyis la thig le bya zhing khro bo lan cig dran par byas na phrag pa gnyis 'bar bar 'gyur ro// mtshal dang sbyar te dri chab dang bsres nas lag pa dang rkang pa la bsku zhing gsang sngags lan bdun dran par byas nas pu zhes byas na me 'bar bar 'gyur te/ ji tsam 'dod kyi bar du 'bar ba 'byung bar 'gyur ro// mchu la bsku zhing bzlas brjod byas na dbugs rgyu ba rnams me 'bar bar 'byung bar 'gyur ro/ / lus mtha' dag bsku zhing gsang sngags mang du bzlas brjod byas na lus mtha' dag 'bar bar 'gyur ro// chu dang nyungs kar gyis bskrad nas bum pa dang bum pa la zhi ba'i thig le byas te/ dri chus steng du gtor ba dang bcas pa byas na phyir yang gnas par 'gyur ro// ral gri dang / gtun shing dang /  dgra sta dang / 'khor lo dang / mdung rtse gsum pa dang / rdo rje dang / tho ba dang / mda' bo che dang / mdu la bsku zhing rjes su dran par byas na skad cig tu thams cad 'bar bar 'gyur ro//  lhung bzed la bskus na 'bar bar 'gyur ro// mgo la bskus na sgra 'bar bar 'gyur ro// dung la bskus te de gnas mthon por bus na sgra gang thos pa tsam gyis sems can thams cad kyi khro ba thams cad dang sdig pa thams cad rab tu zhi bar 'gyur ro/ / ngan pa dang ma rungs pa thams cad zhi bar 'gyur ro// sprin logs su bus na rlung sprin dang ser ba thams cad zhi bar 'gyur ro/ / grong khyer gyi sgo bzhir bus na byung dang / gnod pa thams cad dang / lo nyes dang / nad ma rung ba dang / 'thab pa dang / rtsod pa dang / 'gyed pa dang / mtshang 'dru ba dang / mi bde ba dang / 'khrug pa thams cad zhi bar 'gyur ro// 'byung po dang / gnod sbyin dang / srin po dang / sha za dang / yi dgas dang / skam byed dang / grib gnon gyi 'jig pa thams cad 'byung bar mi 'gyur ro/ / rims thams cad zhi bar 'gyur ro// nad thams cad zhi bar 'gyur ro// gsang sngags dang / byad dang / sdod gtong dang / dug gi 'jig pa thams cad las yongs su thar par 'gyur ro/ / rgyal po'i sgor bus na pha rol gyi dmag tshogs kyi 'jigs pa thams cad dang / dgra dang phyir rgol ba'i 'jigs pa thams cad rab tu zhi bar 'gyur zhing lan 'ga' yang 'byung bar mi 'gyur ro/ / ba lang 'chi ba dang / phyugs 'chi ba dang / mi 'chi ba dang / rta 'chi ba dang / glang po che 'chi ba dang /  rnga mo 'chi ba dang / byur dang / lo zhes pa dang / nad dang / mig nad dang / nad thams cad kyi 'jigs pa chen po 'byung ba la khang pa'i steng du skad drag po lan cig dung sgra 'bud cing bzlas brjod byas na/ bus pa tsam gyis mod la thams cad rab tu zhi bar 'gyur ro// char mi 'bab pa'i tshe klu'i gnas 'tsho 'gram du bus na mod la klu'i rgyal po rnams char ba'i rgyun gtong bar 'gyur ro//  char ches pa'i tshe sprin logs su bus na shin tu char che ba zhi bar 'gyur ro// lan 'ga' yang mtshan ma ngan pa dang bkra mi shis pa 'byung bar mi 'gyur ro// mtshams chen po gcad na ri mthon po'i khar bus te/ ji tsam dung sgra thos pa de tsam tshun chad mtshams chen po bcad par byas par 'gyur ro// dkyil 'khor gyi mtshams gcad na bskor zhing bus na dkyil 'khor gyi mtshams bcad par byas par 'gyur ro/ / de nas khro bo'i rgyal po'i sbyin sreg gi cho ga sgrub pa bla na med pa thams cad bya ba la/ sems can thams cad zhi bar bya ba ni nas dang nyungs kar mar dang bsres la shing arga'i me bus te/ lan nyi shu rtsa gcig sbyin sreg byas pa tsam gyis dpag tshad kyi nang kun tu zhi ba chen por 'gyur ro// yams kyi nad kyi gnod pa thams cad dang / 'thab ba dang / rtsod pa dang / 'gyed pa thams cad rab tu zhi bar 'gyur ro// lan brgya rtsa brgyad sbyin sreg byas na dpag tshad brgya tshun chad kun tu zhi ba chen po'i las byas par 'gyur ro// rgyas pa byas na yungs kar dang / 'bras sA lu dang / kha ra dang / sbrang rtsi dang / mar dang bsres te sbyin sreg bya ba ni lan bdun sbyin sreg byas na dpag tshad brgya kun tu rgyas pa chen por 'gyur ro// lan nyi shu rtsa gcig sbyin sreg byas na dpag tshad brgya tshun chad rgyas pa chen por 'gyur ro/ / lan brgya rtsa brgyad sbyin sreg byas na dpag tshad brgya stong kun tu rgyas pa chen por 'gyur ro// shing dri mi zhim pa'i me bus te/ 'bras kyi phub ma dang / lan tshwa dang / yungs kar mar dang bsres te shing tsher ma can gyi yam shing gis me sbar te sbyin sreg lan bdun nam/ nyi shu rtsa gcig gam/ brgya rtsa brgyad byas na yid la ji ltar sems shing 'dod pa thams cad du mngon spyod kyi las rnams byed par 'gyur ro/ / gsang sngags sgrub par 'dod na 'bras yos dang / nyungs kar dang / zho dang /  sbrang rtsi rnams mar dang sbyar te/ shing arka'i yam sreg shing gis me sbar te sbyin sreg lan bdun byas na rang gi khro bo'i gsang sngags sgrub pa 'grub par 'gyur ro// lan bcu bzhi byas na don yod pa'i lcags kyu grub par 'gyur ro/ / nyi shu rtsa gcig bzlas brjod dang sbyin sreg byas na don yod pa'i zhags pa'i snying po 'grub par 'gyur ro// lan brgya rtsa brgyad bzlas brjod sbyin sreg byas na de bzhin gshegs pa thams cad kyi rigs kyi spyi grub par 'gyur ba 'di lta ste/ de bzhin gshegs pa'i rigs dang / nor bu'i rigs dang /  pad+ma'i rigs dang / rdo rje'i rigs rnams so// gzhan yang khro bo chen po stong phrag brgya mchog tu grub pa chen por 'gyur ro// til dang / 'bras so ba dang / zho dang / sbrang rtsi dang mar rnams sbyar te chang ba bdun sbyin sreg byas na bram ze thams cad dbang du 'gyur ro/ / lan brgya rtsa brgyad sbyin sreg byas na brgya byin la sogs pa lha thams cad lha'i tshogs dang bcas pa'ang 'ong zhing rig sngags 'chang ba la bsnyen bkur byed cing dbang du 'gyur ro/ / nyi ma dang zla ba dag kyang 'ong bar 'gyur zhing rig sngags 'chang ba'i rkang pa la 'dud par 'gyur ro// gnod sbyin dang srin po dbang du byas na 'bras sA lu dang / til dang / yungs kar dang / gu gul dang / zho dang / sbrang rtsi rnams mar dang bsres te sbyin sreg lan nyi shu rtsa gcig byas na gnod sbyin dang srin po'i tshogs rnams dbang du 'gyur ro/ / klu char 'bebs par bya na 'bras yos dang / yungs kar dang / nA ka puSh+pa dang / zho dang / sbrang rtsi rnams pa mar dang sbyar te/ lan nyi shu rtsa gcig sbyin sreg byas na/ des na klu rnams char pa'i rgyun chen po 'bebs par 'gyur te/ ji tsam 'dod par char pa'i rgyun gtong zhing 'bebs so// shin tu char che ba gcod na de nyid kyi thal ba nam mkha' la gtor na shin tu char che ba gcod par 'gyur ro/ / pha rol gyi g.yul bzlog par 'dod na ske tshe'i 'bru dang / zho dang / sbrang rtsi rnams mar dang sbyar te lan nyi shu rtsa gcig sbyin sreg bya'o//  'thab pa dang / rtsod pa dang / 'gyed cing mtshang 'dru ba thams cad la pri yang ku'i me tog dang / zho dang / sbrang rtsi rnams mar dang sbyar te lan nyi shu rtsa gcig sbyin sreg byas na thams cad du rgyal bar 'gyur ro/ / 'thab rtsod dang 'gyed pa rnams kyi smra ba'i lan thebs par 'gyur ro// nad thams cad zhi bar bya ba la sran ma ku lan tha dang / zho dang / sbrang rtsi rnams mar dang sbyar te sprin sreg lan nyi shu rtsa gcig byas na nad thams cad rab tu zhi bar 'gyur ro/ / bud med dbang du byas na su ma na'i me tog gis lan nyi shu rtsa gcig sbyin sreg byas na bud med thams cad mchog tu dbang du byed pa'i dam pa yin zhing thams cad du mchog grub par 'gyur ro/ / de nas sdig pa thams cad rnam par sbyang bar 'dod na rig sngags 'chang ba des 'bras sA lu dang / til dang / yungs kar dang / pad+ma'i 'dab ma dang / zho dang / sbrang rtsi rnams mar dang sbyar te/ lan nyi shu rtsa gcig sbyin sreg byas na sdig pa dang sgrib pa thams cad rnam par dag par 'gyur ro// 'on te tshwa bo'i rgyal po sgrub par 'dod na seng ldeng gi phye ma dang / yungs kar dang / gu gul rnams mar dang sbyar te sbyin sreg byas na thams cad du khro bo'i gsang sngags grub pa chen po 'grub par 'gyur zhing / khro bo'i gsang sngags thams cad spyan drangs par 'gyur ro// // 'phags pa don yod pa'i zhags pa'i cho ga zhib chos rgyal po bam po nyi shu rtsa lnga pa rdzogs so/ / / de nas hUM zhes bya ba dran pas khro bo'i rgyal po gshegs par 'gyur ro// las 'grub pa ston pa dang / mthong ba sbyin pa dang / 'dod pa'i mchog thams cad rab tu sbyin par 'gyur ro// 'on te 'phags pa spyan ras gzigs dbang phyug dang khro bo'i rgyal po spyan drang bar 'dod na/ shing su ra bis me sbar la/ 'bras yos dang / pad+ma dang / ut+pa la dang / yungs kar dang / tsan dan dang / zho dang / sbrang rtsi rnams mar dang sbyar te brgya rtsa brgyad sbyin sreg bya'o// rig sngag 'chang bas khrus legs par bya zhing gos gtsang ma bgos te gtsang bar bya'o/ / de nas 'phags pa spyan ras gzigs dbang phyug dang khro bo'i rgyal po'i sku mdun na bzhugs shing rig sngags 'chang ba la dbugs 'byin par mdzad do/ / mchog gang ci 'dod cing gsol ba'i mchog de thams cad sbyin par mdzad do// phyag g.yas pa mgo bo'i spyi bor 'jog par mdzad do/ / gal te skal ba chung ba zhig ste mngon du zhal mi mthong na de'i tshe rmi lam du bstan te// thams cad bka' stsol cing ji ltar 'dod pa'i mchog sbyin te/ gsang sngags grub pa chen po dang / cho ga zhib mo grub pa dang / dkyil 'khor dang / phyag rgya dang / rim par phye ba grub par sbyin no// dam tshig grub pa chen po rab tu ston to// dbang phyug thob par bya na 'bras so ba sU ra sa dang / zho dang / sbrang rtsi rnam mar dang sbyar te sbyin sreg brgya rtsa brgyad byas na dbang phyug so sor thob par 'gyur ro// grong thob par bya na tan tu li ya kha dang / zho dang /  sbrang rtsi rnams mar dang sbyar te lan brgya rtsa brgyad sbyin sreg byas na grong thob par 'gyur ro// yul gyi bdag por bya na 'bras sA lu dang ras bal gyi sa bon rnams mar dang bsres te brgya rtsa brgyad sbyin sreg byas na yul thob par 'gyur ro/ / mi snang bar bya na ske tshe dang lan tshwa'i sbyin sreg bya'o// nam mkha' la 'gro bar bya na sha ta pad tri ka'i me tog gi sbyin sreg bya'o//  sangs rgyas kyi sku mthong bar bya na shing li dang / tsan dan gyi phye ma dang / du ru ka rnams til dang sbyar te lan brgya rtsa brgyad sbyin sreg byas na de bzhin gshegs pa'i sku mang po mthong bar 'gyur ro//  de bzhin gshegs pa de dag gis rig sngags 'chang ba legs so legs so zhes gsung zhing dbugs 'byin to// de bzhin gshegs pa de dag thams cad kyis mgo'i spyi bor phyag 'jog cing mchog grub pa chen po stsol bar mdzad do/ / thams cad du mchod par 'os pa chen por 'gyur ro// shi nas bde ba can gyi 'jig rten gyi khams su skal ba mnyam par skye bar 'gyur ro// tshe rabs dran par 'gyur ro/ / 'jig rten kun gyi bla mar 'gyur ro// dgra thams cad gzhom par 'dod na 'bras ma grugs pas sbyin sreg bya'o// gter bskul na de nas don yod pa chen po'i spyan brjod par bya te/ khro bo'i rgyal po'i dngos grub chen po sgyu ma'i dngos grub bla na med pa/ bklags pas grub pa/ so sor bstan pa'i dngos grub bla na med pa/ grub pa rig sngags 'chang gi rnam par 'phrul pa ston pa lhur len pa/ bde ba skyed pa la mkhas pa rnams kyi rig sngags 'chang gi dngos grub kyi de kho na nyid/ de bzhin gshegs pa thams cad kyi de kho na nyid mchog tu gsang ba/ byang chub sems dpa' rnams kyi rdzu 'phrul gyi rnam par 'phrul pa/ ngogs su zhugs pa rnams kyi rab tu sgrub pa/ dad pa'i rjes su 'brang ba rnams kyi rnam par sel ba/ don gyi stegs mchog tu grub pa/ mal cha dang stan med pa rnams kyi gos/ sems can thams cad kyi mchod par bya ba chen po/ thams cang du las thams cad legs par grub pa/ sdig pa dang sgrib pa thams cad 'phrog pa/ gdug pa thams cad 'joms pa/ rgyal po mnyes par byed pa/ rnam par thar pa dang dul ba'i grong khyer nyid de dge bsnyen rnams kyi mchog tu skyid pa/ dge bsnyen ma rnams kyi dga' ba 'phel bar byed pa/ rig pa'i rgyal po'i yod pa yang du byung ba'i de kho na nyid sgrub pa grub pa rnams gtsang ma gtsang sbrar spyod pa/ gos gtsang ma bgos te bza' ba mchog shin tu gsang ba dang bag yod cing bden par smra ba/ dkon mchog gsum la mchog tu dad pa/ bla ma la gus pa/ rtag par rgyun du byams pa'i sems la mnyam par bzhag pa/ sems can thams cad la brtse bar gyur pa/ sbyin pa la mngon par dga' ba'i yid can/ 'byung po thams cad la brtse ba'i sems dang byams pas bla na med pa'i sgrub pa 'di bya'o/ / bslab pa dang sdom pa blangs pa/ don yod pa chen po'i sgyu ma bla na med pa ni 'di'o// gi'u wang dang / sprika dang / pu shel ci dang / tsan dan dang / ldong ros dang /  shing kun dang / spang spos dang / na la da dang / ru rta dang bcas pa dang / de bzhin du 'bras dgang ste/ 'di rnams thams cad cha mnyam ste phye mar byas nas thams cad zhib mor btags la/  ga pur dang gla rtsis bsgos te snyigs ma 'di dag tsha ba'i til mar gyis btsos pa/ nye'u shing dang / bil ba dang / me tog brgya pa dang / puSh+ka ra dang / gan+d+ha pri yang ku dang / rgya spos dang /  sa mu sta dang / pra puN+Da rI ka dang / shing mngar rnams chu bre bdun gang bar sbyin par bya ste/ drug cha lhag mar lus pa dang / snyigra ma bre gang dang / 'o ma'i snyigs ma bor te til mar srang gnyis la rtag tu btso bar bya'o/ / legs par grub pa'i gsang sngags bzlas brjod byas la gtor ma dang / dkyil 'khor du me tog dang / dri bzang po'i bdug pa dang / til mar btso ba'i cho ga bzhin du rab tu sbyar la/ gang las grub pa khyad par du bskyed cing babs pa'i til mar byas pa bsrung ba'i cho ga bya ste/ snod gtsang ma bkang nas slar yang gsang sngags lan nyi shu rtsa gcig tu bzlas brjod byas nas gsang ba'i gnas su gzhag par bya'o/ / de nas las thams cad byad du gzhug ste/ rig sngags 'chang khrus legs par byas pa/ dris bsgos pa'i til mar rtag tu lus la byugs pa 'dis lus de mi snang zhing dngos po med par ston par byed do// ngag thos la legs par mi byed do// gang gis lus khrus ma byas kyi bar de srid du bag nyid mi snang ste lus mi mthong ngo / / dpral bar thig le byas nas yan lag dang nying lag rnams la reg ste/ gsang sngags lan cig bzlas brjod byas na nam mkha' la 'gro bar 'gyur te/ skad cig la dga' bar byed pa dang / lha dang bcas pa'i rig sngags 'chang gi dbang po mkha' la spyod pa rnams kyis lhan cig tu til mar mgo la byugs pas mdog sngo ba dang / sgra cung zad le zhing 'khyil bar 'gyur ro// til mar grub pa'i rig sngags 'chang thams cad kyi 'khor los sgyur ba'i mnga' bdag tu 'gyur ro// reg pa tsam gyis tshe bskal pa khri thub par 'gyur ro/ / lus pad+ma dkar sham lta bur 'gyur ro// lus rdo rje ltar brtan pa dang / gnas kyi sgo thams cad bye ste 'dug go// gang du 'dod par 'jug par byed do/ / dkyil 'khor sgrub pa'i dus su rig sngags 'chang la thig le byas nas lag tu rdo rje dang nor bu byas na nam mkha' la 'phur bar 'gyur te/ mod la dkyil 'khor grub pa ston par byed do/ / til mar gyis rkang pa la byugs na nam mkha' la 'ong bar byed do// lus la byugs na mi snang bar ston par byed do// mtshal dang til mar lhan cig sbyar te/ yan lag dang nying lag la thig le byas na lus 'bar ba'i snying po mthong bar byed do// 'di dag rig sngags 'chang gi rnam 'phrul so sor bstan pa'o// yungs kar la bzlas te lan cig bskus sam/ dkyil 'khor gyi steng du gtor na dkyil 'khor g.yo bar 'gyur te/ 'khor lo bzhin du skor bar byed do// gtor ma'i snod gang ba rnams dang /  bum pa gang ba rnams sor mo brgyad kyi tshad du nam mkha' la 'phags te 'dug go// rang nyid se gol gyi sgras yongs su 'don par byed na slar yang snod nam mkha' la 'phags te 'dug pa rang rang gi gnas su gnas par 'gyur ro/ / 'di rnams dkyil 'khor gyi dgos pa bla na med pa'i dngos grub po// de nas seng ge'i khrag dang til mar lhan cig sbyar te/ bdag nyid kyi lus la byugs na mi'i seng ge chen po'i gzugs su mthong bar 'gyur te/ ji srid lus khrus ma byas pa de srid du mi'i seng ger kun tu gnas so// gzhan yang ji ltar bsams pa bzhin du nam mkha' la 'phags te 'dug pa dang / mi snang bar 'gyur ba dang / me 'bar ba ston par byed do// phag gi khrag dang sbyar na phag gi gzugs su ston par byed de/ shugs dang stobs chen por ston par byed do// glang po che'i khrag dang sbyar bas tshogs kyi dbang phyug chen po'i gzugs su ston par byed do// rta'i khrag dang sngon po lhan cig sbyar ba lus la byugs pa tsam gyis rta mgrin gyi gzugs su ston par byed do/ / ji srid khrus ma byas pa de srid du mthong bar byed do// ba lang gi mkhris pa dang lhan cig sbyar na khyu mchog chen po la zhon par mthong bar 'gyur ro/ / nya'i mkhris pa dang lhan cig sbyar na klu'i rgyal po chu bdag chen po'i gzugs su mthong bar 'gyur ro// sbrul dmar po'i khrag dang bsres nas sbyar na sbrul chen po'i gzugs su mthong bar 'gyur ro/ / ra'i khrag dang bsres pas ra chen po'i gzugs su mthong bar 'gyur ro// pad+ma'i lo ma dang / phye ma dang / rtsa ba dang bcas pa dang / 'dab ma dang / me tog dang / sdong bu dang bcas pa til mar gyis lhan cig sbyar bas yungs kar la bskus te lus la byugs la til mar gyi thig le bya'o//  mkhas pas yan lag dang nying lag la byugs pa byas na rgyal po chen po'i cha lugs su mthong bar 'gyur te/ ma mo'i tshogs dang bcas pas yongs su bskor bas dgos pa sna tshogs pa dang / rgyal po'i dgos pa rnams byed par 'gyur ro// yidas bsams pa'i dgos pa thams cad sgrub par byed par 'gyur ro// ldong ros kyi mig sman dang lhan cig bsres nas mig la byug na 'khor chen po'i dbus su spyan ras gzigs dbang phyug gi gzugs su mthong bar 'gyur ro/ / rig pa'i rgyal po bzlas te yungs kar de nam mkha' la gtor na 'bras bu sna tshogs kyi char 'bab par mthong bar 'gyur ro/ / pad+ma'i sti mo sbyor na pad+ma chen po'i char 'byung bar 'gyur ro// ut+pal sngon po'i khu bas sbyar na ut+pa la sngon po chen po'i char 'byung ba mthong bar 'gyur ro/ / ji ltar me tog gi khu bas sbyar ba de lta de ltar me tog gi char chen po 'byung bar 'gyur ro// ji ltar yid la 'dod pa'i gzugs dang / kha dog dang / rtags dang / dbyibs su mthong bar 'dod pa de lta de ltar lha'i til mar snying dang lhan cig sbyar na de lta de ltar de dang de nyid kyi gzugs su mthong bar 'gyur ro/ / gzhal yas khang yang mthong bar 'gyur ro//  lag pas nor bu gcig blangs te yid la rjes su dran par byas na rnam pa sna tshogs pa du ma'i bdag nyid du mthong bar 'gyur ro// gos dang sna tshogs pa rnams ston par byed do// lag pa snod la bzung na snod sna tshogs pa ston par byed do/ / lag pas bum pa la bzung na bum pa brgya stong phrag ston par byed do// rkang pa'i mthil la bskus na gang du rdo ba la rkang pa bzhag pa de dang de nyid du rkang pa'i rjes 'jog par byed de/ mar gsar la nye bar 'jog pa ji lta ba bzhin du/ mar gsar mnyen pa bzhin du rdo ba'ang 'dra bar 'gyur ro/ / gtun shing la byugs na rtags 'byung bar 'gyur ro// ma mo'i dkyil 'khor gyi gnas su zhugs na ma mo'i lha rnams kyi so so tha dad pa'i rdul bzung ste/ til mar dang lhan cig sbyar nas so so'i gdong la byugs na lha de dang de lta bu'i gzugs su ston par byed do/ / gzhan yang dgos pa rnam pa sna tshogs pa rnams rang gi 'dod pa'i blos las bya'o// de nas blo 'phel bar byed pa ni til mar dang 'o ma lhan cig zos na blo dang dran pa chen po 'phel bar 'gyur ro/ / nub gsum gyi sbyor bas tshigs su bcad pa stong klog par byed cing 'dzin par byed de//  zhag bdun gyi sbyor bas blo gros rgya mtsho chen po lta bu 'phel bar byed cing sogs par byed do// zhag bcu bzhi'i sbyor bas tshe lha'i lo stong du 'gyur ro// zhag nyi shu rtsa gcig gi sbyor bas bcud len sgrub pa'i dngos grub 'byung bar 'gyur te/ gnyer ma dang skra dkar spangs pa dang / skra cung zad 'khyil bar 'gyur ro// lus 'jam zhing mnyen pa dang pad+ma'i kha dog dang 'dra bar 'gyur ro/ / skyes nas lo bcu lon pa dang 'dra bar gzugs dang lang tsho dang ldan par 'gyur ro// glang po che stong phrag bcu'i stobs su 'gyur ro// zhag nyi shu rtsa brgyad kyi sbyor bas glang po che sa srungs kyi stobs su 'gyur ro/ / zhag sum cu so lnga'i sbyor bas nam mkha' lding chen po'i stobs su 'gyur ro// zhag bzhi bcu rtsa gnyis sbyor bas lha ma yin gyi dbang po sgra gcan dang 'dra bar brtson 'grus dang stobs chen por 'gyur ro/ / zhag bzhi bcu rtsa dgu'i sbyor bas ri rab lhun po chen po'i dkyil 'khor dang 'dra bar 'gyur te/ klu'i rgyal po dga' bo dang nye dga' bos yongs su bskor ba/ mi g.yo zhing mi bskul ba/ reg par bya ba ma yin zhing mi mthong ba/ mi ma yin pa rnams kun tu spyod pa/ lha rnams thams cad kyi phyag byas shing phyag bya ba'i 'os su gyur pa/ drang srong rnams kyis bstod pa'i 'os su gyur pa/ gnod sbyin dang srin po rnams kyis phyag bya ba'i 'os su gyur pa/ de bzhin gshegs pa thams cad kyis byin gyi rlabs kyi byin gyis brlabs pa/ byang chub sems dpa' thams cad kyis rab tu bsngags pa'i 'os su gyur pa/ rig sngags 'chang ba'i dbang po thams cad kyis gsang ba'i dam tshig sgrub pa/ lha'i dbang po rnams kyis lhan cig 'gran pa'i 'os su gyur pa/ tshangs pa dang /  khyab 'jug dang / dbang phyug chen po rnams kyis mngon du smra ba'i 'os su gyur pa/ klu'i dbang po thams cad kyis nye bar bgrod par bya ba ste/ de ltar don yod pa'i lcags kyu'i khro ba'i rnam par 'phrul pa zhes bya ba til mar gyi rgyal po'i rnam par 'phrul pa yon tan chen po rmad du byung ba brgya stong phrag gis gang ba'o/ / til mar gyi rgyal po'i rig sngags 'chang 'dis til mar gyi rgyal po ral gri la byugs na byugs pa tsam gyis ral gri 'bar bar 'gyur ro/ / rig sngags 'chang gi 'khor los sgyur bar 'gyur te/ ral gri'i rig sngags 'chang gi 'khor los sgyur ba thams cad kyi mchog tu 'gyur ro/ / rdo rje la byugs na rdo rje 'bar bar 'gyur te/ rig sngags 'chang gi 'khor los sgyur ba nam mkha' la 'gro zhing / rdo rje'i rig sngags 'chang gi 'khor los sgyur bar 'gyur ro/ / 'khor lo la byugs na 'khor lo 'bar bar 'gyur te/ rig sngags 'chang nam mkha' la 'gro bar 'gyur ro// blta na sdug pa'i 'dor lo'i rig sngas 'chang gi 'khor los sgyur bar mod la 'gyur ro/ / dgra thams cad rab tu 'joms so// mdung rtse gsum pa la byugs na 'bar bar 'gyur te/ rig sngags 'chang gi 'khor los sgyur bar 'gyur te nam mkha' la gnas par byed do/ / stobs dang / brtson 'grus dang / pha rol gnon pa dbang phyug chen po dang 'dra bar 'gyur ro// 'bras dang / phol mig dang lhog pa dang / me dpal dang / shu ba dang / mdze dang / rkang shu dang / rtsa'i rma dang / mgul pa 'gags pa dang / rna ba'i rtsa nang dang / mtshan par rdol pa dang / dmu chu dang / sman dang /  rlung dang / mkhris pa dang / bad kan dang / 'dus pa nyid la'ang mkhas pas chu dron mo 'thungs pa tsam dang / byugra pa tsam gyis nad thams cad sel lo// til mar gyis nad thams cad sel ba de bzhin du rtsib logs na ba dang / tshad pa dang / snying na ba dang / mchin pa na ba dang / bshang ba 'khyim pa dang / pho ba'i nad kyi nyes pa de rnams thams cad 'thungs pa tsam gyis rnam par 'jig par the tsom med do/ / nyams pa dang / zad pa dang / de bzhin du rgyal po'i dpal bcom pa dang / gsos spyad ngan pa rnams bskus pa tsam mam zos pa tsam gyis stobs dang ldan par 'gyur ro/ / lus rnams rgyas pa dang / mgu ba dang / spro ba chen por 'gyur ro// gdon rnam pa sna tshogs par gsungs pa dang / brjed byed mi bzad pa la'ang reg pa tsam gyis de dag thams cad rnam par 'jig par the tsom med do/ / byad mi bzad pa dang / sdug bsngal dang / dug dang / sbyar dug nyid kyang reg pa tsam gyis rnam par 'jig par 'gyur ro//  brtan pa dang g.yo ba'i dug gang yin pa dang mche ba 'am/ sbrul go rdzas dang sdig pa'ang rung / srin bu dang phye ma leb gdug pa 'am/ nor rgyas kyi bu dang 'jog po 'am/ sbrul gyis mthong ba'i dug gam/ dbugs kyi dug mi bzad pa gang yin pa dang / reg pa'i dug gang yin pa dang / hA lA ha lA'i gdug pa gang yin pa dang / gzhan da ra da'i dug gang yin pa dang / rtsa ba'i dug gang yin pa dang / sdong po'i dug dang / 'dab ma'i dug dang / me tog gi dug dang / mdangs kyi dug gang yin pa dang / gzhan dug rnam pa sna tshogs pa de rnams thams cad rnam par 'jig par 'gyur ro/ / til mar reg pa tsam gyis lam mchog dang lam gol bar song ba rnams dang / rgyal po'i sgo drung du song ba'ang rung / gsad par 'os par gyur pa gang yin pa dang / bcings par gyur pa gang yin pa dang / 'thab pa dang / rtsod pa dang / 'gyed pa gang yin pa dang / gzhan yang dgra'i gze ba dang / pha rol gyi dmag tshogs kyi 'jigs pa nyid dang / mi mdza' ba dang / phyir rgol ba gang yin pa'ang til mar 'di mngon par sbyar bas skad cig de la thams cad 'joms so// rgyal po khros pa gang yin pa 'dzum bzhin du bka' stsol to/ / g.yul 'gyed pa'i nang du 'am phan tshun 'thab bzhin pa thams cad la til mar rgyal po bla na med pas rtag tu rgyal ba ster ro// mkhas pas mig la byugs na/ mi thub cing thams cad du 'gro bar 'gyur ro// gzhan gyis kyang dgos pa thams cad la rab tu sbyar bar bya ste/ dngos grub kyi gnas thams cad kyi mchog yin pa'i phyir ro/ / de nas khro bo lcags kyu bla na med pa/ sdig pa thams cad sel ba/ mod la gdug pa thams cad 'jig par byed pa/ nad thams cad rab tu zhi bar byed pa/ mod la thams cad du grub pa bla na med pa/ nad thams cad zhi ba/ de kho na nyid khro bo lcags kyu bla na med pa'i ras ris kyi sku gzugs brjod par bya ste/ ras ris kyi sku gzugs bla na med pa 'di mthong ba tsam gyis mod la bsod nams kyi phung po chen po thob pa dang / dge ba'i rtsa ba chen po bskyed par 'gyur ba dang / rig pa'i gnas thams cad rtogs par khong du chud par 'gyur ba dang / de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed bye ba khrag khrig brgya stong phrag dgu bcu rtsa gnyis mthong ba dang / mchod pa dang / rim 'gro bya ba dang / zhe sar bya ba dang / bla mar bya ba dang / de bzhin gshegs pa de rnams kyi spyan sngar bsod nams kyi phung po chen po'i dge ba'i rtsa ba dang ldan par 'gyur ba dang / ras ris kyi sku gzugs gang yin pa 'di mthong ba tsam gyis mod la mthas klas pa tsam dang 'di mtshungs par 'gyur te/ 'di dang mtshungs pa'i bsod nams kyi phung po'i dge ba'i rtsa ba bskyed par 'gyur/  ro// de bzhin gshegs pa dang / byang chub sems dpa' thams cad dang / lha thams cad kyis dgongs par 'gyur ro// ras gru bzhi pa gru bzhir cha mnyam pa/ shin tu thags bzang ba/ shin tu gsar ba/ shin tu 'jam pa/ mchog tu mdzes pa/ khru gnyis pa'i tshad kha tshar ma bcad pa sgra dang bral ba 'am/ yang na dar gtsang ma gru bzhi shin tu rnam par 'byes pa la ri mo mkhan gcang ya smyung bar gnas pas lhag ma ma yin pa'i tshon snod gsar par bzhag la/ tshon sna tshogs rnam par 'byes pa 'phags pa don yod zhag pa'i khro bo lcags kyu bri bar bya'o/ / 'phags pa spyan ras gzigs dbang phyug zhal bzhi pa/ zhal dang po ni zhi ba/ spyan gsum pa/ ral pa'i cod pan gyis brgyan pa/ 'od dpag med cod pan du 'chang ba/ zla bas nye bar mdzes pa/ phyag bzhi pa/ rgyan thams cad kyis rnam par brgyan pa/ g.yas pa'i zhal drag po'i gzugs can/ 'jigs par byed pa/  tshems kyis ma mchu mnan pa/ dbu skra gyen du brdzes pa'i ral pa'i thor tsugs kyis brgyan pa/ g.yon pa drag po chen po mche ba gtsigs pa/ zhal rnam par 'gyur ba/ dbu skra 'khyil zhing gyen du brdzes pa'i ral pa kun tu bcings pa/ 'od dpag med kyi cod pan can/ drag tu bzhad pa'o// zhi ba'i zhal ral pa'i cod pan gyis brgyan pa'i steng du sku phyed pa'i khro bo'i rgyal po 'bar ba'i snying por chud par bya ste/ sku ut+pa la sngon po'i kha dog can/ dbu skra dmar po cung zad 'khyil pa/ 'od dpag med kyi cod pan can/ rgyan thams cad kyis rnam par brgyan pa/ phyag gnyis kyi gcig gis ral gri dang / gnyis pas tho ba 'bar ba can bya'o// phyag gnyis gcig gis pad+ma 'chang ba ste/ pad+ma'i ge sa ra'ayang ba'i snying po can no//  gnyis pas lcags kyu dang mdung rtse gsum ste/ g.yas pa na'o// g.yon pas khro bo chen po drag po drag tu rgod pa'i gzugs can/ don yod pa'i zhags pa 'dzin pa'o// g.yas pa dbugs 'byin pa'i rin po che chen po'i char 'bebs pa/ phyag thams cad 'bar ba'i snying po 'od zer kha dog sna tshogs pa bya ste/ pad+ma'i gdan la skyil mo krung gis bzhugs pa bya'o// rgya mtsho'i snying por ri rab la gnas pa/ klu'i rgyal po dga' bo dang nye dga' bos dkris pa bya'o// nya dang / chu srin dang / nor bu rin po che sna tshogs kyis dkris pa/ pad+ma dang / ut+pa la dang /  ku mu da dang / pad+ma dkar pos gcal du bkram pa/ ngang pa dang / bzhad dang / ngur pa dang / shang shang te'us khyab par bya'o// g.yas logs su lha mo sgrol ma dbu cung zad 'dud pa/ thal mo sbyar ba 'chang ba/ rgyan thams cad kyis rnam par brgyan pa/ 'dzem bag dang bcas pa'o// dkar sham chen mo thal mo sbyar te cung ca 'dud pa/ rgyan thams cad kyis rnam pabar brgyan pa/ 'dzem bag dang bcas pa bya'o// srin mo chen mo ral pa gcig ma khrag 'dzag pa'i thod pa dang / drag mo drag tu rgod pa bya ste/ 'bar ba'i snying por khro bor lcags kyu la lha bzhin pa/ lag pa bzhi pa/ lag na ral gri dang / dgra sta dang / zhags pa dang / rdo rje thogs pa/ rgyan thams cad kyis rnam par brgyan par bya'o// g.yon phyogs su gnod sbyin gyi dbang po bya ste/ zhal khro gnyer can drag po'o// dbu skra gyen du brdzes pa/ 'jigs par byed pa/ 'bar ba'i snying po'i pus mo g.yas pa btsugs pa/ ral gri dang dgra sta thogs pa/ phyag gnyis thal mo sbyar ba 'chang ba/ rgyan thams cad kyis rnam par brgyan pa/ khro bo'i rgyal po lcags kyu la nges par blta bzhin pa/ kho ra khor yug tu 'od 'dom gang pa/ 'od zer sna tshogs 'bar bar bya'o// lcags kyu dang bcas pa'i kho ra khor yug gi steng du tshangs pa dang / khyab 'jug dang dbang phyug chen po dang / gshin rje dang / chu lha dang / lus ngan po bya ste/ me tog sna tshogs kyi phur ma thogs te mchod pa byed bzhin pa bya'o// khro bo'i rgyal po don yod lcags kyu'i rgyab tu rin po che sna bdun las byung ba'i shing ljon pa bya ste/ yal ga dang / 'dab ma dang / lo ma rnam par bkra ba bya'o// khro bo'i rgyal po'i zhabs kyi drung du rig sngags 'chang bya ste/  pus mo btsugs pa/ me togs sna tshogs thogs shing / lag na bgrang 'phreng 'dzin pa/ khro bo'i rgyal po la steng du blta bzhin pa bya'o// zhabs gnyis pa'i drung gi gnas su pho nyam bya ste/ zur mig can/ drag mo lag na ral gri thogs pa/ rnam par 'gyur ba/ phyag thal mo sbyar ba/ rgyan thams cad kyis rnam par brgyan pa bya'o// ras ris kyi sku gzugs kyi bya ba yongs su mthar phyin nas byin gyis brlabs te/ de'i 'og tu gsang ba'i gnas su gzhag par bya'o// de'i drung du gtsang mas zas mi bza' bar de'i spyan mngar khro bo lcags kyu brgya rtsa brgyad bzlas brjod bya ste/ me tog dang / bdug pa dang / mchod yon dang / zhabs bsil ji ltar rnyed pa dbul bar bya'o// ras ris kyi sku gzugs sgrub pa'i cho ga 'dis sgrub pa'i cho ga rgyas pa gzhan yang bya'o//  de'i 'og tu rig sngags 'chang gis nyi ma re rer ras ris kyi mdun du gtsang mas zas mi za bar de'i spyan sngar me tog dang bdug spos phul nas/ khro bo'i rgyal po lan cig bzlas par bya'o//  de nas las thams cad dang dgos pa thams cad bya'o// 'di ni de kho na nyid kyi dngos grub bklags pas 'grub pa ste/ rig sngags 'chang gis gsang ba mchog gi las bsgrub pa bya'o/ / de nas sku gzugs mthong ba tsam la sogs pas mtshams med pa lnga dang / mnar med pa la gzhol ba dang / dam pa'i chos spangs pa rnams 'di mthong ba tsam gyis thams cad yongs su dag par 'gyur ro/ / sdig pa thams cad dang / sgrib pa thams cad dang / sngon gyi sgrib pa bsags pa dang bcas pa/ bskal pa brgyar bsags pa'i sdig pa de dag thams cad rnam par 'jig par 'gyur ro/ / nad dang 'jig pa thams cad las yongs su grol bar 'gyur ro// sdig pa thams cad dang / dgra thams cad dang / phyir rgol ba thams cad dang / mi mdza' ba rnam par 'jig par 'gyur ro// ras ris kyi sku gzugs shin tu chung ba byed pa gang yin pa de'ang phan pa byed par 'gyur te/ me tog gam/ bdug pa 'am/ dri 'am byug pa 'am/ dkyil 'khor dang bcas pa byed pa 'am/ khrus kyi bum pa gang ba bkod pa 'am/ rdul sel bar byed pa tsam yang rung ste/ rig sngags 'chang de'i rig kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen mas de bzhin gshegs pa gang+gA'i klung gi bye ma snyed bye ba khrag khrig brgya stong phrag dgu bcu rtsa dgu'i de bzhin gshegs pa'i drung du dge ba'i rtsa ba chen po skyed par 'gyur ro/ / bsod nams kyi phung po chen po yongs su 'dzin par 'gyur ro//  pha rol tu phyin pa drug yongs su rdzogs par yang 'gyur ro// mtshams med pa lnga rnam par sbyang shing bskal pa'i mthar thug par 'gyur ro// sangs rgyas dang byang chub sems dpa' thams cad kyis gzigs 'dod par 'gyur ro/ / skye ba brjes nas kyang 'jig rten gyi khams bde ba can du 'gro bar 'gyur te/ pad+ma las rdzus te skye bar 'gyur ro//  skye ba'i skye ba dran par yang 'gyur ro// rnam par grol ba'i dkyil 'khor gsang ba pad+ma yang ba'i dkyil 'khor/ don yod zhags pa'i snying po// don yod pa'i khro bo'i lcag kyu'i gzungs 'di'ang mtha' dag yongs su rdzogs par kha ton du gnas par 'gyur ro/ / de bzhin gshegs pa thams cad kyi gsang ba'i rigs kyi dam tshig gsang ba rnams dang /  gsang sngags rim par phye ba dang / phyag rgya dang / gsang sngags dang / dkyil 'khor rim par phye ba dang / cho ga zhib mo thams cad mngon sum du 'gyur ro// sangs rgyas kyi zhing nas sangs rgyas kyi zhing du 'gro bar 'gyur ro/ / de bzhin gshegs pa thams cad mngon sum du mthong bar 'gyur ro// yon tan thams cad kyi pha rol tu phyin pa yongs su rdzogs par yang 'gyur ro/ / dge ba'i rtsa ba thams cad yang dag par sdud par yang 'gyur ro// bsod nams kyi tshogs chen po dang ldan par 'gyur ro// 'jig rten tham cad kyi bla mar yang 'gyur ro/ / tshig btsan par yang 'gyur ro// 'jig rten thams cad dga' bar yang 'gyur ro// thams cad du mchod par 'os par yang 'gyur ro//  rig sngags thams cad grub par 'gyur ro// yid la bsam pa thams cad yongs su rdzogs par 'gyur zhing / dgos pa thams cad grub par yang 'gyur ro// thams cad du thogs pa med pa mkhas pa'i blo ru 'gyur ro/ / de nas khro bo'i lcags kyu'i dkyil 'khor cho ga zhib mo thams cad kyi dkyil 'khor dang gsang ba'i phyag rgya bla na med pa bshad par bgyi'o/ / khor yug tu them skas bzhi dang ldan pa/ sa dang ba byung bsres pa'i dkyil 'khor gru bzhi pa bya ste/ gzings kyi rgyu dang tshad mnyam pa shin tu tshad la bab cing legs par rnam par 'byes pa/ legs par byugs shing shin tu 'jam pa/ 'jam zhing mnyen pa dang ldan pa'o// tshon sna tshogs pra rnam par phye ba dang /  dkyil 'khor mchog gi thig btab la/ sna tshogs tshon rtsis rnam par dbye/ sgo bzhi shin tu rnam 'byes pa// khor yug them skas bzhi dang ldan// rta bab bzhi yis brgyan pa ste/ / dbus kyi dkyil 'khor snying por yang // shin tu rnam 'byes tshad la bab// khru yi tshad du bya ba'o// dkyil 'khor gru bzhi mnyam pa yi// snying po'i dkyil 'khor dbus su yang / / mkhas pas shin tu rnam 'byes pa'i// pad+ma 'dab ma bcu gnyis bya// lcags kyu phyogs dang rtse gsum dang // ge sar pad+ma'i khor yug tu// snying por gyur pa'i dbu mchog la/ / khro bo zhags pa yang bya'o// drag po'i gzugs can 'jigs par byed// ral gri dang ni dgra sta'i phyag/ ral pa'i cod pan gyis brgyan cing //  rgyan rnams kun gyis rnam par brgyan// lus phyed pa dang / zhags pas kun nas dkris pa// mdung rtse gsum pa/ nam mkha' la phyir phyogs pa/ pad+ma dang bcas pa byas pa la/ grA grwar 'bar ba'i gdong bya'o// mdung rtse gsum dang pad+ma la rab tu gnas pa/ drag po'i zhal 'jigs par byed pa chen po mche ba rnam par gtsigs pa/ zhal 'jigs su rung ba 'bar ba'i snying por chud pa'o/ / nang gi ri mo la lcags sgrogs dang mdung rtse gsum pa'i gdong bri bar bya ste/ 'bar ba'i snying po dang bcas pa/ kha dog sna tshogs pa'i tshon rtsi bya'o/ / ri mo gnyis pa'i nang du pad+ma kha phyed bye ba ge sar 'bar ba dang bcas pa'i pad+ma bya'o// ri mo gsum pa'i nang du 'khor lo'i rnam pa bya'o// mu khyud kyi phyi rol tu lag pa'i phyag rgya rang bri bar bya ste/ mtshon cha sna tshogs pa 'dzin pa'o// ral gri dang / zhags pa dang / mdung rtse gsum dang / rtsa ba la dang / mdung rtse gnyis dang / dung dang /  tid+ya dang / 'khor lo dang / rtse gsum kha gdengs dang / tho ba dang / mdung dang / ral gri dang / nor bu dang / mdung rtse gsum dang / mda' bo che dang / las kyi rdo rje dang / rtse lnga dang /  baR+sha s+phu la dang / rdo rje zur gsum dang / pad+ma dang / rtse gsum dag kha dog sna tshogs 'bar ba khor yug tu yongs su bskor ba bri bar bya'o// kha khyer gyi rnam pas brgyan pa la kha khyer gyi phyi rol gyi dkyil 'khor gyi gnas su mtshan ma sna tshogs bri bar bya ste/ rigs chen po bzhi thun mong ba'i dkyil 'khor gyi phyag rgya bri bar bya'o// shar gyi gnas su de bzhin gshegs pa'i rigs kyi mtshan ma'i phyag rgya'ang bri bar bya'o/ / lhor pad+ma yangs pa'i mtshan ma dkyil 'khor gyi phyag rgya'o// nub kyi gnas kyi dkyil 'khor du nor bu'i rigs kyi mtshan ma'i phyag rgya rnams kyang bri bar bya'o/ / byang du rdo rje'i rigs kyi mtshan ma'i phyag rgya'ang yang dag par bri'o// shar gyi sgor de bzhin gshegs pa'i rigs kyi khro bo'i rgyal po sgor bri bar bya'o/ / lhor pad+ma yangs pa'i dkyil 'khor gyi khro bo rnams so// nub tu nor bu'i rigs kyi khro bo'o// byang du rdo rje'i rigs kyi khro bo bri bar bya'o// khro bo thams cad kyi gzugs 'bar ba'i snying po rgyan thams cad kyis rnam par brgyan pa/ lag pa bzhi pa/ mtshon cha sna tshogs pa 'dzin pa bya'o// ri rab la gnas pa/ skyil mo krung phyed pa/ lus cung zad bskum pa bya'o// phyi'i ri mo'i dkyil 'khor du nor bu dang / rdo rje dang / me tog dang / mdung rtse gsum pa dag go// khor yug tu kha khyer 'bar bas dkyil 'khor gyi khor yug tu brgyan pa'o// lhab lhub dang / ba dan dang / rgyal mtshan dang / tshon sna lnga pa'i skud pas kun nas dkyil 'khor la yang dag par brgyan pa'o// ro bro ba'i mchog dang ldan pa'i gtor mas gang ba'i snod ci 'byor pa dang / gtor ma'i las kyi cho gas 'byor pa dang / rjes su mthun par gzhag par bya'o// bum pa gang ba dang / pog por dang / bum bu dang / bum pa dang / gtor ma dkar pos bkang ba dang / 'bras bu rnam pa sna tshogs pa nyid dang / dri dang / 'phreng ba dang / byug pa dang / me tog kun nas gcal du dgram mo// 'bras yos dang yungs kar gyis gtor bar bya'o// snying po'i dkyil 'khor gyi grwar mchod yon dang / zhabs bsil gyi snod dang / rin po che sna bdun rab tu dgram mo// dri'i chus bkang ba'i bum pa dang / legs par brgyan pa'i bum pa byas nas/ mkhas pas dang bzang pos bcings te dbus kyi dkyil 'khor du gzhag par bya'o/ / sgo bzhir dri chab kyis gang ba'i bum pa dar gyis bcings pa gzhag par bya'o// mkhas pas sgo dang sgo ru ni/ bu ram dang / sha la ra dang / sbrang rtsi'i ro dang / gtor ma gzhag par bya'o// mdung rtse gsum la zho dang / 'o ma dang / zan dang / mchog gi bza' ba ma nyams pas shin tu mdzes pa'i gtor ma gzhag bar bya'o/ / de bzhin du 'khur ba dang / 'khur ba zlum po nyid dang / snum 'khur dang / be Ti ma ka dang / sa rA'i la du dang / mung ge'i la du dang / hwags dang / kham+b+ha ni bzang po rnams gzhag par bya'o/ / gtor ma'i las la khor yug tu me tog bzang po dgram zhing 'phreng bas brgyan par bya'o// 'bru'i rnam pa rnam pa sna tshogs pa gzhag par bya'o// 'bras bu'i ngo bo rnam pa sna tshogs pa dang / ne'u gsing sngo bsangs dang / lo ma mdzes pa bkram ste gzhag par bya'o// kho ra yug tu mar me'i 'phreng ba dang / de bzhin du a ka ru dang / tsan dan dang sprik+ka dang / tu ruSh+ka dang / dpal gyis dkris pa dang / gu gul dang / kun tu ru dang / sbrang rtsi dang / hwags sbyar ba'i bdug pa dang ste/ bdug pa 'di dag dbul bar bya'o/ / dkyil 'khor gyi khor yug tu bdug pa 'thul ba'i pog por gzhag par bya ste/ dkyil 'khor gyi lha la bdug pa dbul bar bya'o// phyogs bcing ba dang dkyil 'khor bcing ba bya ste/ gtsug tor bcing zhing bdag bsrung ba dang gzhan bsrung ba bya'o// de'i 'og tu 'jug par bya'o// rig sngags kyi dkyil 'khor mchog mthong ba dang / phyag bya zhing bskor ba nyid dang /  dam tshig kyang sbyin par bya'o// rtag tu gsang ba'i las byas te/ de kho na bzhin du gsang sngags bzlas pa'ang bya'o// dkyil 'khor gyi cho ga tshad ma las dgos pa 'di dag thams cad byas nas/ de'i 'og tu rig sngags 'chang gis las thams cad kyi dngos grub bla na med pa'o// rgyal ba rigs bzhi'i yongs su bskor ba'i dkyil 'khor du zhugs pa de dag thams cad ni 'gro ba bzang por skye bar 'gyur ro/ / de bzhin du bde ba can du 'od dpag med kyi spyan sngar pad+ma las rdzus te skye bar the tsom med do// lha'i gzugs shin tu 'dzes pa/ rgya ma thams cad kyi rnam par brgyan pa/  'jig rten las 'das pa'i dngos grub chen po thob par 'gyur te/ 'di la the tsom mi bya'o// 'jig rten pa'i dkyil 'khor gyi dngos grub bla na med pa dang / cho ga zhib mo'i dngos grub dang /  phyag rgya'i dngos grub dang / khro bo'i rgyal po'i dngos grub bla na med pa dang / sdig pa dang sgrib pa thams cad sel ba dang / mod la gdug pa thams cad 'jig pa dang / dgra thams cad zlog pa dang /  mod la nad thams cad rab tu zhi ba dang / dgos pa thams cad dang / thams cad du dngos grub bla na med pa gang yin pa grub par 'gyur ro// 'jig rten thams cad kyi mnga' bdag dang rtag tu dga' bar 'gyur ro/ / rtag tu rjes su 'brang bar 'gyur ro// rtag tu rgyal po dang blon por bcas pa rnams kyis dus rgyun du bla na med pa'i mchod pa'i gnas su 'gyur ro// gzhan yang ljongs thams cad blta zhing mchod pas rjes su 'brang bar 'gyur ro/ / de bzhin nyid du 'ang dge sbyongs rnams dang / bram ze rnams dang / rgyal rigs dang / rje'u rigs dang / dmangs rigs dang /  skyes pa dang / bud med dang / khye'u dang / bu mo thams cad kyang dga' bar 'gyur ro// rtag tu tshig btsan pa dang / rtag tu lha rnams kyis mngon pa bsrungs pa dang / skabs gsum gyi dbang po dang / rdo rje 'chang ba nyid dang / rdo rje snying po bdag nyid chen po dang / tshangs pa dang / khyab 'jug dang / dbang phyug chen po dang / gzhon nu dang / dga' byed dbang phyug dang / gshin rje dang / chu lha nyid dang / de bzhin du rgyal po chen po bzhi rnams rtag tu rjes su 'brang bar 'gyur ro// khro bo'i dkyil 'khor du zhugs shing mthong ba la'ang dus rtag tu srung ba dang rjes su 'brang bar 'gyur te the tsom mi bya'o/ / yun ring du 'tsho bar 'gyur/ rtag tu smra ba nyung zhing mkhas pa dang / thams cad du dngos grub thob par 'gyur ro// dkyil 'khor mthong ba dang 'jug pa la dga' bar 'gyur/ sangs rgyas dang byang chub sems dpa' thams cad kyis kyang dgyes pa dang bcas pas byin gyis rlob par 'gyur ro// sangs rgyas rnams dang / 'jig rten las 'das pa dang / de bzhin gshegs pas dbugs 'byin par 'gyur/ sangs rgyas thams cad kyi thugs las skyes pa'i sras ji lta ba bzhin no// 'di ni de rnams kyi mngal gyi gnas su skye ba'i tha ma yin no// rtag/  tu skye ba'i skye ba dran par 'gyur te/ 'di la the tsom mi bya'o// sangs rgyas kyi byang chub tu 'gro ba dang / rtag tu rgyal ba rnams kyi de kho na nyid mthong ba dang / rtag tu sangs rgyas thams cad la mngon sum du chos nyan par the tsom med do/ / 'di ni skye ba'i tha ma yin te/ ji srid du sangs rgyas kyi byang chub tu rdzogs par sangs rgyas par 'gyur ro// dgos pa gzhan rnam pa sna tshogs pa dang / khro bo lcags kyu'i las brgya phrag stong rnams rang gi 'dod pa'i blos bya'o/ / thams cad du lan cig bzlas brjod byas la/ thams cad du las thams cad bya'o// bklags pas 'grub pa'i cho ga'o//  / de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyi zhal du bltas te/ bzhin 'dzum pas khro bo chen po lcags klu'i gzungs kyi kun tu snang bzhin pa'i 'od zer sna tshogs 'bar ba'i snying po lus las phyung ngo / / gang gis stong gsum gyi stong chen po'i 'jig rten gyi khams kun tu snang bar byas so// 'od zer gyi snang ba gang gis stong gsum gyi stong chen po'i 'jig rten gyi khams su rin po che sna bdun gyi char 'bab pa'i snying po rab tu 'bebs par 'dod pa'i don dang / lha'i me tog sna tshogs kyi char 'bebs pa'i don dang / lha'i dri dang mthun par gsal ba'i dri dang / rjes su mthun pa'i dri rnam pa bkra ba'i char rnams kyis bcom ldan 'das dang 'phags pa spyan ras gzigs dbang phyug la phab po// rab tu dgyes pa'i thugs kyis lha'i chu gsal zhing rgya che ba/ dri 'phro bas rnam par mdzes pa'i dpral ba'i chu mu tig dang mnyam zhing mtshungs pa/ dzA ti'i 'bras bu dang 'dra bar rnam par mdzes pa'i dpral ba'i lha'i chus yongs su dbang bskur te/ thigs pa nam mkha' dang mnyam pa bzhu ba'i mig 'bras las lhung ba'i chu skar ma las rab tu lhung ba'i gos/ de lta bu'i dpral bar thig le 'bar ba nyi ma dang smig rgyu rnam par mdzes pa'i 'od zer sa la lhung ste/ bcom ldan 'das kyi spyan sngar zhabs kyi drung du lhung ngo // pad+ma'i 'dab ma brgya stong phrag kha bye ba ltar rab tu 'dzum pas rnam par mdzes pa/ pad+ma'i ze'u 'bru ltar mnyen pa byung bar gyur to// bai DUR+Ya'i sdong bu nyi ma brgya stong phrag pas lhag pa'i mthu stobs dang ldan pa'i 'od zer snang bas 'bar bzhin pa/ bcom ldan 'das la mi gang gi tshad lta bur gnas par 'gyur to/ / de nas rig pa 'dzin pa'i dbang po chen po rdo rje 'chang gis chu'i thigs pa 'dab ma mnyam pa/ bai DUR+Ya mchog tu mdzes shing 'brar ba pad+ma la bye ba de mthong nas thugs ngo mtshar dpaya mtshan skyes te/ bcom ldan 'das dang byang chub sems dpa' sems dpa' chen po 'phags pa spyan ras gzigs dbang phyug gi zhabs gnyis la phyag 'tshal te 'di skad ces gsol to/ / sems dpa' chen po shin tu ngo mtshar ba mthong lags so// rmad du byung ba'i cho 'phrul chen po mthong lags so// sems dpa' chen po bdag gis ltad mo'i mchog mthong lags so/ / sems dpa' dag pa chen po khyod kyis bdag gi ltad mo'i the tsom med par mdzod cig ces so// de nas byang chub sems dpa' sems dpa' chen po 'phags pa spyan ras gzigs dbang phyug gis/ gnod sbyin gyi sde dpon chen po lag na rdo rje la 'di skad ces smras so// lag na rdo rje bdag la don yod pa pad+ma dri ma med pa chu skyes kyi zhabs kyi lcags kyu zhes bya ba don yod zhags pa'i snying po/ / rig sngags kyi rgyal po'i dkyil 'khor chen po dang / phyag rgya dang / lha rnams yod de/ de bdag gis bcom ldan 'das kyi spyan sngar 'khor chen po'i dbus su de bzhin gshegs pa'i spyan sngar yongs su bsgrags par bgyi'o/ / de'i mthu dang rig sngags kyi rgyal po'i mthu stobs kyi rdza 'phrul gyi cho 'phrul gyi rnam par 'phrul pa 'di mthong ngo / / de'i mthus pad+ma 'di byung ngo // rig sngags kyi rgyal po 'di bdag gi dpral ba nas byung bas cho 'phrul gyi rnam par 'phrul pa che zhing che ba dang yang dag par ldan par gyur to/ / de nas gnod sbyin gyi sde dpon chen po lag na rdo rjes/ byang chub sems dpa' sems dpa' chen po 'phags pa spyan ras gzigs dbang phyug gi zhabs gnyis la mgo bos phyag byas nas/ lan gsum bskor ba byas te mchod pa byas nas song ngo // bcom ldan 'das ga la ba de logs su song nas/ bcom ldan 'das kyi spyan sngar 'dug ste byis pa'i cha byad bzung nas/ bcom ldan 'das la bsil yab g.yob par byed bzhin du 'dug go// de nas bcom ldan 'das de bzhin gshegs pa shAkya thub pas/ byang chub sems dpa' sems dpa' chen po 'phags pa spyan res gzigs dbang phyug la 'di skad ces bka' stsal to/ / sems dpa' chen po don yod pa pad+ma dri ma med pa chu skyes kyi zhags pa'i snying po zhes bya ba don yod pa zhags pa'i snying po/ / rig sngags kyi rgyal po'i dkyil 'khor chen po dang / phyag rgya dang / lha rnams smros shig/ gang gis smras pa tsam gyis de bzhin gshegs pa thams cad kyi rigs kyi dam tshig gsang ba'i dkyil 'khor rim par phye ba dang / phyag rgya dang / gsang sngags 'di rnam par dbye ba byas par 'gyur ro// bsgribs pa med par dkyil 'khor mthong ba kun tu gnas par byed do/ / cho ga zhib mo thams cad dang / gsang sngags dang / dam tshig dang / phyag rgya rnams rjes su mthun par phyogs te gnas par byed do/ / dkyil 'khor gyi dam tshig gi de kho na nyid dang / rig sngags kyi rgyal po'i lha thams cad mdun na nye bar gnas par byed do// sgrub pa'i de kho na nyid kyi dngos grub mthong bar 'gyur ro/ / rig sngags 'chang phyis kyang rnam pa gzhan du mi 'gyur ro// las thams cad sgrub pa'i cho ga rnams la legs par sgrub pa'i cho gar yang 'gyur ro// rtag tu rig sngags 'chang gis rjes su 'brang zhing / phyi bzhin phyi bzhin lhan cig rjes su 'brang bar 'gyur ro zhes so// byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyis gnang bar rig nas/ sems can thams cad la rjes su brtse ba'i don du rig sngags 'chang thams cad kyi mchog gi sgrub pa bklags pas grub pa/ bcom ldan 'das kyi spyan sngar 'khor chen po'i dbus su bzhin 'dzum zhing mig mi 'dzum pas rig sngags kyi rgyal po 'di smras so// dus gsum du gshegs shing bzhugs pa'i sangs rgyas dang / byang chub sems dpa' rab 'byam thams cad dang / de bzhin gshegs pa'i gsang ba'i dkyil 'khor dang / phyag rgya dang / gsang sngags rab 'byam rgya mtsho rnams la phyag 'tshal lo/ / 'phags pa rdo rje 'dzin pa rigs thams cad kyi gsang ba dang / rig sngags 'chang gi dbang po rab zhugs pa rnams la phyag 'tshal lo// 'das pa dang /  ma byon pa dang / da ltar byung ba'i 'phags pa nyan thos kyi dge 'dun rnams dang / rang sangs rgyas thams cad la phyag 'tshal lo// dkyil 'khor gyi gsang ba thams cad dang / rig sngags kyi rgyal po chen po'i sgrub pa grub pa rnams la phyag 'tshal lo/ / dkon mchog gsum la phyag 'tshal lo// byang chub sems dpa' sems dpa' chen po 'phags pa spyan ras gzigs dbang phyug thugs rje chen po can/ rig sngags thams cad kyi dkyil 'khor gyi rgyal po'i bdag nyid chen po'i rnam par 'phrul pa grub pa rnams dang phyag rgya thams cad la phyag 'tshal lo// tad+ya thA oM bi ma le/ bi ma le gar+b+ha/ bi ma la am+bu dza pad+me sUr+ya brtsa se/ sa ha sra rasmi ki ra Ni ma hA rasmi dzA la a ba b+ha Shi te/ tsa ra tsa ra/ tsa ra tsa ra/ sany+tsar pad+mod ri pad+ma gan+d+he/ pad+ma b+hu dze/ su bi ma la am+bu dza bi ma le ma Ni ka na ka badz+ra bai DUR+Ya in+d+ra nI la ma ra ka ta/ pad+ma rA ga bi bi d+ha ma hA ma Ni rat+na lo kr-i ta sha rI re/ d+ha ra d+ha ra/ ma hA pad+ma d+hA ra/ pa ra pa ra ba ra shu pA sha d+hA ra/ sa ra sa man+ta bai ro tsa na/ sarba ta thA ga ta gu h+ya a d+hiSh+Thi te/ ku la sa ma ya ba ri pU ra Ni/ ba ra ba ra/ badz+ra dz+wa la mA lA gar+b+he/ badz+ra badz+re badz+ra a d+hiSh+Thi ta pad+me hUM hUM/ ma Ni ma Ni ma hA ma Ni tsin+tA ma Ni ba sha b+ha ra/  hu ru su ru pad+ma pad+ma go re pad+ma pA Ni ba ra de/ a mo g+ha ban+de/ oM pad+mi ni pad+ma Ni badz+ra d+han+tu/ sarba ta thA ga ta ku la sA nA mya sa ma ya a d+hiSh+Tha te/ mahA bi bu la b+hu dze/ b+ha ra b+ha ra sam+b+ha ra/ b+hu ru b+hu ru b+hu ri Ni/ b+hi ri b+hi ri/ sa man+ta a ba lo ki ta bIr+yA rA dze pra sa ra pra sa ra s+thA bi ma le/ sarba bid+yA maN+Da la de ba tA na mas+thi te/ ta ra ta ra/ tA ra ya tA ra ya/ sa man+ta pa ri pU ra Ni sarba bo d+hi satwA a b+hi She tsA ne sarba ta thA ga ta a mo g+ha i b+hi Shik+ti a b+hi Shiny+tsa ya maM sarba bid+yA man+da la ku la sa ma ya b+hi She kaMHsarba ta thA ga ta pA Ni ba ra de/ pad+ma gau re pad+ma pra b+he/ pad+ma bi ka tsam+bu dza gar+the/  hUM hUM/ badz+re badz+re/ badz+re pad+ma ta thA ga ta ku la a d+hiSh+Tha te/ a mo g+ha ba ra de/ sarba sA pa ri pU ra Ni sarba pA pa duHkha pra sha ma ni/ a mo g+ha hr-i da ya sid+d+hi sA d+hA ya bi ma le hUM phaT/ oM ba ra re pad+ma b+hu dze na mo stu te pad+ma su te swA hA/ byang chub sems dpa' sems dpa' chen po 'phag pa spyan ras gzigs dbang phyug gis/ don yod pa dri ma med pa pad+mo'i chu skyes kyi pad+ma'i lcags kyu don yod zhag pa'i snying po rigs kyi rgyal po gzungs chen po kun nas rnam par snang bar byed pa/ de bzhin gshegs pa thams cad kyi thun mong gi rigs kyi dam tshig gi phyag rgya'i snying po 'di smras pa'i de ma thag gi 'og tu pad+ma ze'u 'bru dang bcas pa'i ge sar gsal bar rnam par bye ste/ dper na grong khyer gyi phyogs gcig gi sgo bye nas rgyal mo byung ba bzhin du/ lha'i gzugs blta na sdug pa/ 'od mtha' yas pa/ phyag bzhi pa/ rgyan gyis rnam par brgyan pa/ phyag na pad+ma/ don yod zhags pa'i ngo bo zhags pa'i phyag dang / yid bzhin gyi nor bu rin po che'i rgyal mtshan chen po'i phyag dang /  mdung rtse gsum pa'i phyag/ spyan gsum pa/ zhal gsum pa/ zla ba'i cod pan 'chang ba/ zhi ba/ zhi zhing 'dzums pa'i zhal/ sku la 'od zer sna tshogs 'bar ba'i snying po/ pad+ma dang seng ge'i gdan la bzhugs pa/ pad+ma la bye ba'i snying por bcom ldan 'das kyi spyan sngar 'khod nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba byas nas/ mgo bos phyag 'tshal zhing thal mo sbyar ba btud de/ bcom ldan 'das kyi spyan sngar 'dug ste mig mi 'dzum par blta zhing 'khod do// de nas bcom ldan 'dra de bzhin gshegs pa shAkya thub pas/ don yod pa pad+ma dri ma med pa chu skyes kyi zhags pa'i lcags kyu rig sngags kyi rgyal mo bud med kyi gzugs 'dzin pa la 'di skad ces bka' stsal to//  sems can dag pa chen po khyod ci'i phyir mig mi 'dzum par blta/ mchog ci don du gnyer bzhin du 'khod ces so// rig sngags kyi rgyal mos gsol pa/ bcom ldan 'das bdag de bzhin gshegs/  ba thams cad kyi gsang ba'i dkyil 'khor rnams kyi spyi'i phyag rgya dang / sngags dang / dam tshig gsang ba'i rjes su 'jug par bgyi'o// bcom ldan 'das kyis 'di skad ces bka' stsal to//  rig sngags rgyal mo nyon cig/ khyod de bzhin gshegs pa thams cad kyis thams cad du dam tshig gi dkyil 'khor dang phyag rgya'i gsang bar lung bstan cing / khyod de bzhin gshegs pa rnam par snang mdzad kyis dkyil 'khor thams cad kyi mchog tu lung bstan no/ / ngas kyang de bzhin gshegs pa thams cad kyi gsang ba dang / dkyil 'khor dang / phyag rgya'i dam tshig thams cad kyi mchog tu 'gyur bar lung bstan no/ / tur+N+Na dang / dkar sham dang / sgrol ma dang / khro gnyer can dang / pad+ma rigs mdzes ma dang / lha mo chen mo ki lI ki lI dang /  rdo rje pho nya mo dang / dri med byed ma dang / pad+ma'i spyan ma dang / rdo rje lu gu rgyud ma dang / rdo rje khro gnyer can ma dang / lha mo pad+ma rab snang ma dang / pad+ma spyod byed ma dang / rig sngags kyi rgyal mo chen mo don yod pa'i phyag dang / longs spyod ldan ma dang / dpal mo dang / 'jigs ma dang / dpe med ma dang / dbyangs can ma dang / ral gcig ma spyan stong pa/ phyag stong pa/  dbu stong pa/ don yod pa'i pad+ma dang / rin chen lha mo dang / rin chen 'byung gnas dang / 'jig rten dbang phyug nyid dang / rig pa'i dbang phyug nyid dang / lha mo chen mo phyag rgya'i dbang phyug dang / rigs kyi dkyil 'khor gyi lha mo dang / hu hra bzlas pa'i sbyin sreg dang / zhi ba'i las dang / lha mo rigs mdzes ma dang / rig sngags 'chang chen po rdo rje mdzes ma nyid dang / phyag na 'a lo grub pa dang / de bzhin du ral gri bzang po'i rig pa 'dzin pa dang / khro bo nyid dang / khro bo'i rgyal po dang / dus kyi mtshan mo dang / zhal rnam par 'gyur sa dang / mche ba gtsigs ma dang / ser skya ma nyid dang / rang gsal ma dang / phyag na rin chen ma nyid dang / sa'i dkyil 'khor gyi lha mo dang / de bzhin du rdzas yongs su 'dzin pa'i lha mo dang / mchod yon dang / zhabs bsil dang gtor ma nyid kyi lha dang / a gri Ni dang / me tog dang / bdug pa dang / 'phreng ba dang / byug pa'i lha dang / thams cad du rjes su song ba'i lha mo khyod dang / gsang sngags thams cad la dbang sgyur ma dang / bud med kyi gzugs 'dzin pa'i rig sngags kyi rgyal po'i mchog sgrol bar byed pa dang / bdag gi gsang sngags thams cad 'dzin pa'i rig sngags kyi rgyal mo'i mchog ma dang / rig sngags 'chang gi dbang mo dang / rigs kyi gsang ba dang / de bzhin gshegs pa thams cad kyis rig sngags kyi rgyal mo chen po nges par sbyin pa/ 'jig rten dbang phyug skyes pa nyid du dpral ba'i smin ma'i bar du lha'i chu'i dngul las nges par skyes shing byung ba/ skar ma'i rnam pa dang mtshungs pa/ sna tshogs pa'i gzugs can du gyur pa'o// zhes las sna tshogs dang / dbyangs can gang yin pa 'di 'chang bar byed do/ / 9de bzhin gshegs pas lung bstan pa dang du blangs nas gsungs so// rig sngags thams cad kyi dngos grub mnyam par skyob pa thob pa dang / de bzhin du chog zhib mo'i sgrub pa dang / phyag rgya dang / gsang sngags thams cad kyi dngos grub rnam pa sna tshogs pa dang / don yod pa'i dngos grub kyang thob par byed do// don yod pa'i 'bras bu mthong ba dang / bklags pas grub pa'i rgyu mtshan gzhan dang / thams cad du rigs spyi'i dkyil 'khor dang / phyag rgya'i dngos grub kyi phyir dang / spyi'i dkyil 'khor dang / phyag rgya'i dam tshig nyid kyang 'di dran pa tsam kyis thams cad thob par byed do/ / dkyil 'khor dang / phyag rgya dang / gsang sngags dang / lha de dag thams cad kyang dran pa tsam gyis rjes su 'brang bar 'gyur bar the tsom med do/ / rig sngags kyi rgyal po'i dkyil 'khor dang lha rnams dam tshig la kun tu gnas par byed do// de lta bas na 'bad pa thams cad kyis zung zhig/ de bzhin du thub pa rnam par snang mdzad dang / shAkya'i rgyal pos rig sngags kyi rgyal por lung bstan pa/ de bzhin gshegs pa thams cad kyis ming kun tu gzigs shing thams cad rjes su 'gro ba ste/ de'i phyir spyan ras gzigs pad+ma zhes bya ba rig sngags kyi rgyal po bla na med pa/ rdo rje'i dngos grub dngos grub chen po/ pad+ma'i rigs kyi dngos grub bla na med pa/ de bzhin gshegs pa'i rigs kyi dngos grub sgrub pa grub pa/ dkyil 'khor chen po'i rigs dang nor bu chen po'i rigs kyi dam tshig gi dngos grub sgrub pa grub pa/ don yod pa'i snying po 'di dkyil 'khor thams cad du mchog gi dngos grub/ mchog gi dang po rdo rje'i rigs su bstan pa/ rdo rje rtse mo chen po'i lha dang / de bzhin du rdo rje sa 'og gi dngos grub kyi phyir rdo rje 'phreng ba rim par phye ba'i grangs dang / rdo rje mchu'i mchog gi dngos grub rnams la spyan ras gzigs pad+ma dang / pad+ma mdzes pa dang / de bzhin du'ang ming smos pa tsam gyis mod la rjes su 'brang zhing 'ong bar byed do// de bzhin du rdo rje yang po dang / rdo rje 'dzin pa dang / lag na rdo rje dang / dbang phyug chen po rnams rtag tu rjes su 'brang bar 'gyur ro// de lta bas na rtag tu shes pas rig sngags smra ba dang / ming gang gi mchog 'dzin pa la de bzhin gshegs pas rtag tu rnam par gzigs par 'gyur ro/ / de bzhin nyid du byang chub sems dpa' thams cad dang / thub pa rnam par snang mdzad kyis rtag tu lung ston par 'gyur bar the tshom med do//  bcom ldan 'das kyis rig sngags kyi rgyal po 'di lung bstan ma thag tu sa rnam par 'gyur ba drug tu g.yos so// g.yos/ rab tu g.yos/ 'gul/ rab tu 'gul/ ldeg/ rab tu ldeg/ 'ur 'ur/ rab tu 'ur 'ur/ chem chem/ rab tu chem tsham mo// lha'i me tog gi char bab ste/ 'di lta ste/ zla ba mdog mdzes dang / dri med mdog mdzes dang / mdog mdzes chen po dang / man dA ra ba dang / man dA ra ba chen po dang / pad+ma dang / ku mu da dang / pad+ma dkar po dang / ut+pa la sngon po dang / ut+pal dmar po dang / mya ngan tshang dang / s+ya nar dang / dun+d+ha ga dang / gan+d+ha ga bA rI ka dang / kon+ta dang / a d+hi muk+ta ka dang / pA lA sha dang / mthon ka dang / mthon ka chen po dang / tsam pa ka dang / sau gan+d+hi ka dang / san+na bA ri Na dang / nA ga puSh+pa dang /  sna ma dang / pU thi ka dang / na ba mA li ka dang / ta ra Na dang / ma ru ba ka dang / ku bya ka'i me tog gi char 'bab pa'i don dang / tshon rtsi sna tshogs pas bcos pa'i lha'i gos kyi 'char 'bab pa'i don dang / rin po che sna bdun gyi lha'i brgyan dang / lhab lhub dang / rgyan cha'i char 'bab pa'i don dang / lha'i gser gyi me tog gi char 'bab pa'i don dang / lha'i dri tsan dan dang /  ta mA la dang / ga pur dang / gra rtsi dang / gur kum dang / lha'i gos dang / dri bzang pos bsgos pa'i phye ma'i char 'bab pa'i don dang / lha'i dri chab kyi char 'bab pa'i don dang / ma dkrol bar nam mkha'i mthil du rol mo'i sgra 'byung ba dang / sum cu rtsa gnyis pa'i ris kyi lha'i bu me tog sna tshogs 'thor bar byed pa dang / gos dang / rin po che sna tshogs 'thor bar byed pa dang /  sum cu rtsa gsum pa'i ris kyi lha rnams lha'i mu tig gi do shal dang / gdu bu dang / dpung rgyan dang / rgyan zla gam can dang / mu tig dmar po dang / ka shi ka'i gos sna tshogs pa 'thor bar byed par gyur to/ / lha'i dbang po brgya byin dang / tshangs pa dang / khyab 'jug dang / dbang phyug chen po dang / gshin rje dang / chu lha dang / gzhon nu dang / rgyal po chen po bzhi dang /  dbang phyug la sogs pa lha'i bu 'bum phrag dgu bcu rtsa dgus lha'i gzhal yas khang rnam pa sna tshogs pa dang / lha'i gos dang / me tog dang / dri dang / 'phreng ba dang / byug pa rnams dang / rin po che sna bdun las byung ba'i gdugs sna tshogs pa rnams nam mkha'i mthil du kun tu gtor nas/ bcom ldan 'das shAkya thub pa dang / 'phags pa spyan ras gzigs dbang phyug dang / phyag na rdo rje dang / rig sngags kyi rgyal po'i 'khor la mchod pa'i sprin chen por gyur te mchod pa chen po byed par gyur to// rdzu 'phrul chen po'i cho 'phrul chen po mthong bar gyur to/ / dngos grub chen po'i mtshan ma byung bar gyur pa rnams yang dag par mthong ngo // phyogs bcu'i sangs rgyas kyi zhing thams cad na de bzhin gshegs pa'i 'khor gyi dkyil 'khor thams cad yang dag par mthong bar gyur to/ / de bzhin gshegs pa thams cad kyi gsang ba'idakyil 'khor rnams kun tu yang dag par bya'o// lha'i gzhal yas khang sna tshogs pa byung bar gyur pa mthong ngo / / de nas yang gnod sbyin gyi sde dpon chen po lag na rdo rjes/ bcom ldan 'das ga la ba de logs su song nas lhags te/ bcom ldan 'das la lan gsum bskor ba byas te/ zhabs gnyis la mgo mos phyag 'tshal te rdo rje gsor bzhin du bcom ldan 'das kyi spyan sngar 'khor nas bzhin 'dzum pas/ bcom ldan 'das la 'di skad ces gsol to//  bcom ldan 'das rdzu 'phrul gyi rnam par 'phrul pa che zhing che ba yang dag par snang ba dang / mchod pa'i sprin gyi char che zhing che ba rab tu 'bab pa dang / bcom ldan 'das dngos grub kyi mtshan ma che zhing che ba snang ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang /  mi ma yin pa'i 'khor chen po 'dus par gyur pa'i rig sngags kyi rgyal po skyes par mthong bar snang ba dang / cho 'brul che zhing che ba snang ba dang / rdzu 'phrul gyi rnam par 'phrul pa mthong ba dang / byang chub sems dpa' sems dpa' chen po 'phags pa spyan ras gzigs dbang phyag gi rig sngags chen po 'byung bar snang ba ni/ bcom ldan 'das rgyu ci lags/ rkyen ci lags/ de ci'i mthus sngon gyi mtshan ma yang dag par snang ba lags/ 'di rdzu 'phrul gyi rnam par 'phrul pa gang zhig yang dag par snang ba lags/ bcom ldan 'das bdag gi sems la the tsom de skyes par gyur pas/ de nges par bstan du gsol/ zhu ba lung ston par 'gyur ba gang gis bdag gi dog pa rnam par sel ba dang / som nyi rnam par sel bar byed pas bcom ldan 'das kyis bdag la skabs dbye ru gsol/ de nas bcom ldan 'das de bzhin gshegs pa shAkya thub pas/ gnod sbyin sde dpon chen po lag na rdo rje la 'di skad ces bka' stsal to// lag na rdo rje nges par bstan par bya ba nyon cig/ lag na rdo rje 'di ni byang chub sems dpa' sems dpa' chen po 'phags pa spyan ras gzigs dbang phyug gi sgyu ma lta bu'i ting nge 'dzin gyi rnam par 'phrul pa'o/ / sgyu ma lta bu'i ting nge 'dzin dang / rdo rje lta bu'i ting nge 'dzin dang / dpa' bar 'gro ba'i ting nge 'dzin la sogs pa ting nge 'dzin gang+gA'i klung gi bye ma snyed bye ba khrag khrig brgya stong phrag dgu bcu rtsa dgus rnam par 'phrul pa'o// lag na rdo rje spyan ras gzigs dbang phyug gi mthus rdzu 'phrul gyi cho 'phrul snang bar byed do/ / don yod pa rnam par 'phrul pa kun tu snang ba'i dkyil 'khor chen po dang / phyag rgya dang / cho ga zhib mo dang / gsang sngag dang / gzungs dang / rigs sngags kyi rgyal po'i rnam par 'phrul pa dang / rig sngags kun tu snang ba dang / rig sngags kyi rgyal po rnam par snang bar byed do// de'i mthus snang ba 'di dang /  rdzu 'phrul gyi rnam par 'phrul pa dang / cho 'phrul 'di snang ngo // lag na rdo rje rig sngags kyi rgyal po 'di mthong ba dang / ming bzung ba tsam gyis kyang de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma bye ba khrag khrig brgya stong phrag dgu bcu rtsa gnyis kyi rdul phra rab dang mnam pa mngon sum du mthong ba dang / mtshan bzung ba'i dge ba'i rtsa ba bskyed pa'i bsod nams kyi phung po chen po dang ldan pa yongs su 'dzin par 'gyur ro/ / de bzhin gshegs pa thams cad kyi rigs kyi dam tshig dang / rig sngags dang / phyag rgya dang / gsang sngags rim par bye ba dang / snying po'i mthu sab tu 'jug par 'gyur ro/ / dam tshig gi dkyil 'khor gsang bar rab tu zhugs par 'gyur ro// de bzhin gshegs pa thams cad kyi cho ga zhib mo'i rjes su 'jug par 'gyur ro/ / rig sngags kyi rgyal po 'di lan cig bzlas pa de rnams kyang / de bzhin gshegs pa rnams kyi drung du 'das pa dang / ma 'ongs pa dang / da ltar byung ba'i dus gsum du gshegs pa'i sangs rgyas bcom ldan 'das rnams kyi snying po dang / phyag rgya dang / gsang ba'i dkyil 'khor gyi dam tshig dang / gsang sngags chen po rim par phye ba'i sgrub pa la rjes su 'jug par 'gyur ro//  de ci'i phyir zhe na/ lag na rdo rje rig sngags kyi rgyal po 'di ni rdzu 'phrul che zhing mthu che ba'i phyir ste/ 'di lta ste/ 'di ni de bzhin gshegs pa thams cad kyis 'das pa dang / ma 'ongs pa dang /  da ltar 'byung ba'i sangs rgyas bcom ldan 'das kyi drung du snying po dang / phyag rgya rim par phye ba dang / dkyil 'khor gsang ba la rab tu zhugs shing dbang sgyur ba'i rjes su zhugs pa ni rig sngags kyi rgyal po'i snying por gyur pa gcig pu'o/ / 'di lta ste/ 'o ma dang chu yang dag par 'byung ba bzhin no// snying po gcig pu 'di rigs thams cad kyi dkyil 'khor dang / phyag rgya'i rim par phye ba dang /  cho ga zhib mo'i rjes su zhugs pa'o// des na lag na rdo rje khyod kyis rig sngags kyi rgyal po 'di kun nas rjes su 'jug pa zhes bya'o// lag na rdo rje rgyu de na rigs kyi bu 'am/ rigs kyi bu mo 'am/  dge slong ngam/ dge slong ma 'am/ dge bsnyen nam/ dge bsnyen ma rig sngags kyi rgyal po 'di'i ming lan cig bzung ba tsam gyis dus gsum du gshegs pa'i sangs rgyas bcom ldan 'das thams cad kyi drung du gsang ba thams cad kyi snying po dang / gzungs dang / gsang sngags dang / phyag rgya rim par phye ba dang / cho ga zhib mo rab tu ston pa dang / mtshan bzung bar byas par 'gyur ro// dus gsum du gshegs pa'i de bzhin gshegs pa de rnams kyi drung du bsod nams kyi phung po chen po yongs su bzung bar 'gyur ro/ / dge ba'i rtsa ba chen po dang ldan par 'gyur ro// dus gsum du gshegs pa'i sangs rgyas bcom ldan 'das de rnams dang / byang chub sems dpas legs so zhes bya ba stsol bar 'gyur ro// don yod pa yangs pa chen po'i dngos grub rab tu stsol bar 'gyur ro// mchog tu grub pa chen por 'gyur ro/ / de bzhin gshegs pa thams cad kyi spyi'i rigs kyi dam tshig gi dngos grub so sor rnyed par 'gyur ro// byang chub sems dpa' thams cad kyi rnam par 'phrul pa dang / rig sngags kyi snying po dang / ting nge 'dzin dang / rdzu 'phrul gyi yul dang / byang chub sems dpa'i sems kyi rgyan dang / pha rol tu phyin pa drug gi rjes su song bar 'gyur ro// rig sngags kyi rgyal po'i dkyil 'khor gyi lnga thams cad kyi rjes su sbyor zhing dam tshig gi rjes su 'jug par 'gyur ro/ / lag na rdo rje de bzhin du rig sngags kyi rgyal po'i mthu chen po'i rnam par 'phrul pa/ de bzhin gshegs pa bcwa cad kyis byin gyis brlabs pa/ byang chub sems dpa' thams cad kyi rnam par 'phrul pa'o// lag na rdo rje de bas na de rnams rig sngags kyi rgyal po'i mthu chen po'o// lag na rdo rje rig sngags kyi rgyal po 'di me tog gam/ bdug pa 'am/ dri dang / byug pa dang / rol mo gcig gis mchod pa dang / lan cig tsam gyis kyang dus gsum du gshegs pa'i de bzhin gshes pa de rnams kyi snying po gsang ba dang / mchod pa rnams byas pa dang / mnyes par byas pa dang / klog par byas par 'gyur ro// de bzhin gshegs pa thamaca kyi rig kyi gsang ba'i dam tshig dang / dkyil 'khor dang / phyag rgya dang / gsang sngag dang / gzungs dang / rim par phye ba dang / cho ga zhib mo'i rgyal po mchod pa byas par 'gyur ro// rig sngags kyi rgyal po 'di dran pa tsam gyis gnod sbyin dang / srin po dang / bgegs dang / log par 'dren pa dang / bdud kyi rigs kyi lha de rnams thams cad phyogs dang phyogs mtshan rnams su 'bros par byed do// yams thams cad dang / nye bar 'a ba thams cad dang / nad 'gro ba thams cad dang / gdon thams cad dang / nad thams cad dang / 'thab pa dang / 'thab mo dang / rtsod pa dang / 'gyed pa rnams thams cad dang / gtam ngan gyi 'jigs pa rnams rab tu zhi bar byed pa'o/ / gdug pa thams cad dang / phyir rgol ba thams cad dang / mi mdza' ba rnam rab tu zhi bar byed do// sdig pa dang sgrib pa thams cad rnam par grol bar byed do/ / mtshams med pa lnga la sogs pa sdig pa dang / sgrib pa dang / nyon mongs pa rnams rnam par grol bar byed do// de bzhin gshegs pa thams cad kyis dbugs 'byin par 'gyur ro//  byang chub sems dpa' thams cad kyis dgongs par 'gyur ro// lha rnams thams cad kyis kyang kun tu srung bar 'gyur ro// lag na rdo rje rig sngags 'chang gi dbang po rjes su 'brang bar 'gyur zhing / srung ba dang / sgrub pa dang / sred par byed do// gnod sbyin gyi sde dpon chen po lag na rdo rje bcu rtag tu rjes su 'brang bar 'gyur ro// rgyal po chen po bzhi'ang dpung dang bcas/ 'khor dang bcas pra kun nas phyogs bzhir srung par byed do/ / thams cad du cho ga zhib mo dang / gsang sngags dang / phyag rgya'i dngos grub mchog sbyin par 'gyur ro// de bzhin gshegs pa thams cad kyi rigs kyi dam tshig gi dngos grub chen po sbyin par 'gyur ro/ / pad+ma yangs pa'i dkyil 'khor 'di dang / don yod zhags pa'i snying po rnam par grol ba'i dkyil 'khor gyi gsang ba don yod pa'i de kho na nyid kyi dngos grub tu 'gyur ro/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po thams cad kyang rtag tu rjes su 'brang bar 'gyur ro/ / sems can thams cad kyi drung du mchod pa chen po byed par 'gyur ro// bkra shis dang yid la bsams pa thams cad yongs su rdzogs par 'gyur ro// /  gshed byed dang / byang stems dang / gsang sngags dang / ro langs dang / sems bsgyur ba dang / srod gtong gi sbyor ba dang / mkha' 'gro ma rnams thams cad 'byer bar byed do//  dug dang / sbyar dug dang / phye ma'i sbyor ba rnams thams cad 'byer bar byed do// rims rnams thams cad 'byer bar 'gyur ro// nyin gcig pa dang / nyin gnyis pa dang / nyin gsum pa dang /  nyin bzhi pa dang / mtshan gcig pa dang / nyin gcig pa dang / grang ba'i rims dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / mgo zer dang / phol mig dang / g.yan pa dang / mig nad dang / gzhog byed na ba dang / ma ro tsa ka dang / mtshan mar rdol pa dang / po ba'i nad dang / bshang ba 'khyil ba dang /  rna ba na ba dang / so na ba dang / rtsib logs na pa dang / mchin pa na ba dang / tshad pa dang / gcin nad dang / gsud pa dang / lto ba na ba dang / lag pa na pa dang / rkang pa na pa dang / yan lag na ba dang / nying lag na ba de dag thams cad dran pa tsam gyis rnam par 'jig par byed do// sha bkra dang / mdze dang / 'bras dang / bol mig dang / lhog pa dang / rkang shu dang / me dpal dang /  shu ba dang / 'brum bu phra mo dang / rma dang / mgrin pa 'gags pa de dag thams cad byabs pa tsam gyis rnam par 'jig par byed do// phyis kyang nam yang tshugs par mi 'gyur ro// 'di de ltar go skabs yangs la rgya che ba yin no/ / lag na rdo rje rig sngags kyi rgyal po don yod pa pad+ma dri ma med pa'i chu skyes kyi zhags pa rig sngags kyi rgyal po don yod zhags pa'i snying po zhes bya ba/  dus gsum du gshegs pa'i de bzhin gshegs pa thams cad kyis byin gyis brlabs pas rdo rje gsang ba'i snying po dam tshig byin gyis rlob pa'i rnam par 'phrul bapa zhes bya'o// de nas yang gnod sbyin gyi sde dpon chen po phyag na rdo rjes/ bcom ldan 'das kyi spyan sngar zhus pa'i dge mtshan dang / bkra shis pa gsang ba byin gyis rlob pa rig sngags kyi rgyal po chen po'i rnam par 'phrul pa thos nas/  tshim pa dang / mgu ba dang / yi rangs pa dang / rab tu dga' ba dang / dga' ba dang / yid bde ba skyes nas/ bcom ldan 'das la 'di skad ces gsol to// bcom ldan 'das rig sngags kyi rgyal po yon tan phun sum tshogs pa thams cad kyi mchog sbyin par byed pa 'di ni shin tu dkon no/ / bcom ldan 'das rig sngags kyi rgyal po dge ba'i rtsa ba thams cad dang / bsod nams kyi tshog thams cad dang / gsang ba'i dkyil 'khor gyi dam tshig gi dngos grub bla na med pa thams cad yang dag par rdzogs par byed pa'i rig sngags kyi rgyal po mchog tu dkon te/ de bzhin gshegs pa dang mnyam par blta bar bgyi'o/ / de bzhin gshegs pa byang chub kyi snying po dang / dam pa'i chos kyi 'khor lo bskor ba dang mnyam pa'o// bcom ldan 'das rig sngags kyi rgyal po 'phags pa spyan sa gzigs dbang phyug gi dpral ba'i bar nas nges par byung ba ni/ rig pa 'dzin pa de dag thams cad la phan pa'i don dang / dngos grub mthong ba'i de kho na nyid kyi sgrub pa grub pa'i ched du 'gyur ro/ / dge ba'i rtsa ba mchog tu nye bar bsags par 'gyur ba las gzhan ma yin no// rig sngags kyi rgyal po 'di dran pa tsam gyis bsod nams kyi phung po dge ba'i rtsa ba'i tshogs gzhal du med pa dang / tshad med pa dang / grangs med pa nye bar bsags par 'gyur gyi/ gzhan du ma yin no// bcom ldan 'das nyin mtshan du'ang rig sngags kyi rgyal po 'di dran par bgyi ba skad cig kyang mi brjed par bgyi'o/ / bcom ldan 'das ci ste slar yang snga dro'am/ nyin mo 'am/ mtshan mo 'am/ zla ba 'am/ sor yang rung ste/ rig sngags kyi rgyal po 'di brjed na/ sangs rgyas dang byang chub sems dpa' thams cad brjed par 'gyur/ / yongs su dor bar 'gyur/ bsod nams kyi tshogs thams cad yongs su dor bar 'gyur ro// bcom ldan 'das de bzhin gshegs pa shAkya thub pas bka' stsal pa/ lag na rdo rje de de bzhin no// ji ltar khyod kyis smras pa de de bzhin te/ rig sngags kyi rgyal po 'di lag tu son par 'gyur ba'i sems can de ni dge ba'i rtsa ba chung ngu skyed pa ma yin no//  lag na rdo rje gang+gA'i klung gi bye ma bye ba khrag khrig brgya stong phrag bcu rtsa dgu'i dus gsum mnyam pa nyid kyi de bzhin gshegs pa rnams ma mthong ba dang / bsnyen bkur ma byas pa dang / phyag rgya dang /  dkyil 'khor dang / dam tshig dang / gsang sngags rim par phye ba dang / rig sngags kyi cho ga zhib mo'i rgyal po ma thos shing ma zhugs pa gang yin pa des ni/ lag na rdo rje rig sngags kyi rgyal po 'di de'i lag tu phyin par mi 'gyur ro/ / mi thos shing mi mthong la/ ming gi sgra grags pa tsam du'ang mi 'gyur ro// lag na rdo rje rig sngags kyi rgyal po 'di gang gi lag tu son par 'gyur ba des ni/ lag n a rdo rje gang+gA'i klung gi bye ma bye ba khrag khrig brgya stong phrag dgu bcu rtsa dgu'i dus gsum mnyam pa nyid kyi de bzhin gshegs pa dgra bcom pa yang dag par rdzogs pa'i sangs rgyas rnams de'i lag tu son par 'gyur ro/ / de bzhin gshegs pa de rnams kyi drung du rigs kyi dam tshig gi dkyil 'khor dang / phyag rgya dang / gsang sngags rim par phye ba dang / snying po dang / gsang ba'i cho ga zhib mo thams cad lag tu son par 'gyur ro/ / gnas thams cad du song zhing rjes su zhugs par 'gyur ro// thams cad rjes su so bzhing dam tshig shes par 'gyur ro// rig sngags thams cad dang / gsang sngags rim par phye ba dang / phyag rgya yang dag par spyod par 'gyur ro// rig sngags 'chang thams cad kyi mchog dang / gtso bo dang / thu bor 'gyur ro// de bzhin gshegs pa de rnams thams cad kyi drung na sras kyi gtso bor dus gsum du gshegs pa'i de bzhin gshegs pa rnams kyis lung ston par 'gyur ro/ / dge ba'i rtsa ba nye bar ston pa dang bsod nams kyi tshogs yongs su 'dzin par 'gyur ro//  lag na rdo rje rig sngags kyi rgyal po 'di gang gi lag tu son cing thob par 'gyur ba'i sems can gang yin pa de ni de'i yon tan dang phan yon gzhal du med pa thob par 'gyur ro//  rig sngags kyi rgyal po 'di gang gis lag tu son par 'gyur ba de/ sangs rgyas kyi phun sum tshogs pa thams cad so sor rnyed par 'gyur ro// de nas byang chub sems dpa' sems dpa' chen po 'phags pa spyan ras gzigs dbang phyug gis rig sngags kyi rgyal po 'di smras nas/ rang gi gzugs kyi bdag nyid kyi dngos po pad+ma'i ze'u 'bru'i dbus su rig sngags kyi rgyal po 'phags par bltas nas/ don yod pa yid bzhin nor bu'i 'od ces bya ba nor bu rin po che chen po rig sngags kyi rgyal po bcom ldan 'das la phul bar gyur to// oM a mo g+ha tsin+tA ma Ni ba ra da pad+me dz+wa la dz+wa la na b+hU dze hUM/ 'di ni don yod pa pad+ma dri ma med pa'i chu skyes kyi zhags pa'i rtsa ba'i snying po'o// 'phags pa spyan ras gzigs dbang phyug gis bcom ldan 'das phul ba'i do ma thag/ de nas rig sngags kyi rgyag po thams cad bcom ldan 'das kyi spyan snga na bcom ldan 'das la spyan mi 'dzum par blta zhing 'khod do/ / bcom ldan 'das shAkya thub pas don yod pa yid bzhin nor bu'i 'od rig sngags kyi rgyal po nor bu rin po che chen po de la'ang rig sngags kyi rgyal pos spyi bo nas dbang bskur ro/ / bcom ldan 'das kyis rig sngags kyi rgyal po 'dis dbang bskur ma thag tu stong gsum gyi stong chen po'i 'jig rten gyi khams ri dang / nak+sha dang / 'brog dkon par bcas pa rnams rnam par 'gyur ba drug tu g.yos so// phyogs bcu kun nas de bzhin gshegs pa thams cad mthong bar 'gyur to// des na dus gsum du bzhugs pa'i de bzhin gshegs pa dgra bcom pa yang dag par rdzogs pa'i sangs rgyas thams cad nam mkha'i dbyings su rdzu 'phrul gyi bzhugs te/ bcom ldan 'das de bzhin gshegs pa shAkya thub pa la legs so zhes bya ba byin te/ shAkya thub pa mchog tu rnyed par dka' ba'i mngon par dbang bskur ba'i rgyal po 'dis mngon par dbang bskur ba ni legs so legs so// dus gsum du gsheg pa'i de bzhin gshegs pa snga ma rnams kyis kyang de bzhin du rig pa'i rgyal po 'di dbang bskur ro/ / nged thams cad kyis kyang tshig gcig tu mthun pas don yod pa yid bzhin nor bu'i 'od la rig sngags kyi rgyal po chen pos mngon par dbang bskur ro/ / dus gsum du gshegs pa'i de bzhin gshegs pa de rnams kyang phyag gser gyi kha dog can brkyang nas/ de rnams thams cad la rig pa'i rgyal po'i spyi bo'i gtsug nas mngon par dbang bskur ro/ / 'di ni mngon par dbang bskur ba'i phyag rgya mngon par dbang bskur ba dang ldan pa'o// oM a mo g+ha bai ro tsa na ma hA su drA ma Ni pad+d+ha dz+wA la pra pad+hA ya hU~M/ phyag rgya chen pos mngon par dbang bskur ma thag tu bcom ldan 'das la legs so zhes bya ba byin to/ / rang rang gi sangs rgyas kyi zhing du gshegs nas mi snang bar 'gyur to// de nas rig pa'i rgyal po de de bzhin gsheg pa tham cad kyi bya dbang bskur bar rig nas/ bcom ldan 'das la g.yas su bskor ba gsum byas nas thal mo sbyar ba btud de phyag byas nas spyan sngar 'dug ste sems par gyur to// de nas bcom ldan 'das rig sngags 'chang de'i rig pa'i rgyal po sems par gzigs nas/ ji ltar da ltar yid la byed pa yang dag par rab tu gsal bar mdzad do// oM a mo g+ha maN+Da la pad+ma a b+hi Sha kaM ma Ni badz+ra sarba ta thA ga ta a b+hi She ke hUM/ rig pa'i rgyal po des dkyil 'khor du mngon par dbang bskur bas mngon par dbang bskur ma thag tu de bzhin gshegs pa thams cad kyi gsang ba'i dkyil 'khor rigs thun mong ba'i dam tshig rdo rje chen po'i tshul gyis sa gzhi byin gyis brlabs so/ / de bzhin gshegs pa'i rigs dang / pad+ma'i rigs dang / rdo rje'i rigs dang / nor bu'i rigs rnam par thar pa chen po'i dkyil 'khor bcom ldan 'das kyi spyan sngar cher 'khrigs pa'i dkyil 'khor du brtags pa mthong ngo / / rang rang gi dge ba'i rtsa bas rig pa'i rgyal po'i dkyil 'khor ba'i lha thams cad mthong ngo / / rmad du byung ba'i cho 'phrul che zhing che ba dag byung ngo // don yod pa'i rnam par 'phrul pa chen po shin tu ngo mtshar ba dag mthong ngo // de nas byang chub sems dpa' sems dpa' chen po 'phags pa spyan ras gzigs dbang phyug gis dkyil 'khor chen po'i rnam par 'phrul pa 'di lta bu mthong nas/ don yod pa'i mchod pa'i nor bu'i rdo rje byin gyis rlob pa de bzhin gshegs pa'i mngon par dbang bskur ba bcom ldan 'das kyis rjes su gnang ba dang ldan pa'o/ / oM a mo g+hu pU dza ma Ni pad+ma badz+re ta thA ga ta bi lo ki te sa man+ta prA sa hUM/ 'phags pa spyan ras gzigs dbang phyug gis don yod pa mchod pa'i nor bu'i snying po byin ma thag tu mchod pa rgya chen po rnam pa sna tshogs pa du ma rab tu byung ste/ ji ltar rang rang gi cho ga ji lta ba bzhin du mchod pa chen po rnams rab tu byung ngo / / lha rdzas rnam pa sna tshogs pa rnam par bkra ba yangs pa rgya chen po go skabs kun tu gnas par gyur to// de bzhin gshegs pa'i rnam par 'phrul pa che zhing che ba'i byin gyi rlabs kyi bkod pa rig sngags kyi dkyil 'khor chen po yang dag par mthong ngo / / de nas rig pa'i rgyal po don yod pa pad+ma dri ma med pas bcom ldan 'das la lan gsum bskor ba byas nas/ zhabs gnyis la mgo bos phyag 'tshal te/ bcom ldan 'das las ring por 'phags pa spyan ras gzigs dbang phyug la mngon du phyogs nas stan la 'dug go/ de nas bcom ldan 'das kyis/ gnod sbyin gyi sde dpon chen po phyag na rdo rje la bka' stsal pa/ phyag na rdo rje 'phags pa spyan ras gzigs dbang phyug gi rnam par 'phrul pa/ ting nge 'dzin gyi stobs byin gyis rlob pa'i khyad par phyag rgya chen po dang / gsang sngags dang / gzungs dang / cho ga zhib mo'i mthu stobs pad+ma yangs pa chen po'i gsang ba don yod zhags pa'i rnam par 'phrul pa/ rig pa'i rgyal po'i de kho na nyid kyi snying po grub pa/ dam tshig dang rjes su 'thun pa/ mthu stobs dang 'on sa 'byung ba la phan pa/ de bzhin gshes pa thams cad kyi snying po'i rnam par 'phrul pa yid kyi shing rta re ba thams cad kyi mchog rab tu sbyin pa la ltos/ 'phags pa spyan ras gzigs dbang phyug gis re ba thams cad yongs su rdzogs par rjes su sbyin te/ rig pa'i rgyal po 'di phyi ma'i dus phyi ma'i tshe sangs rgyas kyi mdzad pa byed par 'gyur ro// rig pa'i rgyal po 'di sems can thams cad kyi snang ba byed par 'gyur ro/ / skyabs dang / dpung gnyen dang / 'khras dang / yid kyi shing rta re ba thams cad yongs su rdzogs par byed do// sdig pa thams cad rab tu zhi bar byed do// dgra thams cad rab tu 'dul bar byed do/ / bgegs dang log par 'dren pa thams cad rnam par 'jig par byed do// char tshas pa rab tu zhi bar byed do// char med na char 'babs so// rlung dang / sad dang /  ser ba zlog par byed do// mu ge'i dgon pa rab tu zhi bar byed do// nad thams cad zlog par byed do// gdug pa thams rab tu zhi bar byed do// tshe dang nad med pa 'phel bar byed do//  bsod nams sbyin pa dang / dbang phyug sbyin pa dang / nor sbyin pa dang / 'bru 'phel bar byed do// de nas byang chub sems dpa' sems dpa' chen po 'phags pa spyan ras gzigs dbang phyug gis don yod pa dri ma med pa'i chu skyes kyi gzungs kyi snying po'i yo byad dang / cho ga bklags pas 'grub pa'i dngos grub gsungs so// de nas snying po 'di bklags pas 'grub par 'gyur te/ rig pa'i rgyal po bklags pas dkyil 'khor gyi lha thams cad 'gugs par 'gyur ro/ / stong phrag brgya bzlas pas pad+mo yangs pa'i dkyil 'khor dang / gzhal med khang gi rgyan mtha' dag dang / rig pa'i rgyal po dang bcas pa'i lha rnams dang / de bzhin gshegs pa thams cad dang / 'phags pa spyan ras gzigs dbang phyug gi gzhal med khang dang / dkyil 'khor dang / gzhal med khang mtha' dag mthong ngo / / de la lha rnams rab tu 'jug par byed do// dam tshig shes par yang 'gyur ro// rig sngags kyi dkyil 'khor du mngon par dbang bskur bar yang 'gyur ro// phyag rgya rim par phye ba dang rjes su mthun par yang 'gyur ro/ / dang po rmi lam mthong ba tsam gyis 'gro'o// gnyis par rmi lam mthong ba la de bzhin gshegs pa'i rigs kyi dkyil 'khor mthong ngo // de bzhin gshes pa dang / byang chub sems dpa'i tshogs thams cad dang / rig sngags kyi dkyil 'khor gyi lha rnams kyis rang gi rgyan dang dkyil 'khor du brtags pa mthong ngo // gzhal yas khang rgya chen po dang bcas pa'ang mthong ngo / / der yang rab tu 'jug par byed de dam tshig kyang 'dzin par byed do// phyag rgya dang / dkyil 'khor dang / gsang sngags dang / mngon par dbang bskur ba'ang so sor thob bo// rig sngags dang bcas pa'i dngos grub rab tu thob bo/ / gsum par rmi lam mthong na rdo rje rigs kyi dkyil 'khor mthong ste/ de bzhin gshegs pa dang / byang chub sems dpa'i tshogs thams cad dang / rig sngags kyi dkyil 'khor gyi lha rnams dang bcas pa rang gi rgyan dang dkyil 'khor du brtags pa dang / gzhal med khang rgya chen po dang bcas pa mthong ngo // de la'ang rdo rje 'chang rab tu 'jug par byed do/ / dam tshig gi phyag rgya sbyin par byed do// mngon par dbang bskur bas mngon par dbang bskur bar byed do// rig sngags thams cad dang / don yod pa'i rim par phye ba'i dngos grub chen po dang / mngon par dbang bskur bas mngon par dbang bskur bar byed do// rdo rje'i rigs kyi dngos grub chen po dang dam tshig thams cad so sor thob bo// bzhi par rmi lam mthong ba na nor bu'i rigs chen po'i dkyil 'khor dang / phyag rgya'i rim par phye ba dang / cho ga zhib mo dang / rang gi rgyan dang / dkyil 'khor mthong ngo // de bzhin gshegs pa dang / byang chub sems dpa'i tshogs thams cad dang / lha'i tshogs dang / dkyil 'khor du gnas pa'i lha dang / rig pa'i rgyal po'ang mthong ste/ de la'ang rab tu 'jug par byed do// phyag rgya dang / dam tshig dang / cho ga dang bcas pa rjes su thob ste/  mngon par dbang bskur ba'ang rab tu thob po// dngos grub chen po dang mchog sbyin pa'ang so sor thob cing thams cad du mngon par dbang bskur bar yang 'gyur ro// lnga par rmi lam mthong ba na rnam par thar pa'i dkyil 'khor du brtags pa dang / don yod zhags pa'i dkyil 'khor du brtags pa dang / po Ta la ka'i ri'i gzhal med khang dang bcas pa mthong ngo // de bzhin gshegs pa dang / byang chub sems dpa'i tshogs thams cad dang / lha dang bcas pa dang / rig pa'i rgyal po'i dkyil 'khor gyi lha rnams mthong ste/ de la'ang 'phags baspyan ras gzigs dbang phyug rang nyid sems can de la rab tu 'jug par byed do/ / dam tshig dang / phyag rgya dang / dkyil 'khor dang / gsang sngags dang / gzungs kyi dngos grub so sor thob bo// rang nyid kyang don yod pa'i rig sngags kyi dbang gis mngon par dbang bskur te mngon par dbang bskur bar byed do/ / cho ga zhib mo thams cad dang dngos grub kyang rjes su stsol bar byed do// mchog thams cad rab tu sbyin pa so sor thob po//  drug par rmi lam mthong ba na dkyil 'khor chen po mthong ste/ 'phags pa spyan ras gzigs dbang phyug phyag stong pa mthong ngo // gzhal med khang dang bcas pa'i byang chub sems dpa'i tshogs dang g+ha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po mthong ste/ de la'ang rab tu 'jug par byed do// phyag rgya dang /  gsang sngags dang / dam tshig dang / mngon par dbang bskur ba so sor thob ste/ rig sngags thams cad kyi dngos grub kyi mchog sbyin pa so sor thob po// bdun par rmi lam chen po mthong bas de bzhin gshegs pa byang chub kyi snying por gshegs nas rdo rje'i gdan la bzhugs pa mthong ste/ chos kyi 'khor lo bskor ba dang bdud 'dul ba mthong ngo // de la'ang de bzhin gshegs pa rnam par snang mdzad phyag gser gyi kha dog can brkyang ste/ rang nyid kyi phyag gis bzung nas rab tu 'jug par byed do// rang nyid mngon par dbang bskur zhing mngon par dbang bskur bar byed do/ / de bzhin gshegs pa'i rigs thams cad kyi dam tshig dang / phyag rgya dang / gsang sngags kyi dngos grub kyi mchog sbyin pa rjes su stsol bar byed do// de bzhin gshegs pa thams cad kyi sangs rgyas kyi zhing ston par byed do/ / nad sna tshogs pa dang ldan pa'i 'jig rten pa thams cad rig sngags 'chang gi rgyal po gcig pur 'gyur ro// skye ba brje ba 'chi 'pho ba'i dus su dran pa nye bar gnas shing dus byed par 'gyur ro/ / bde ba can gyi 'jig rten gyi khams su pad+ma las rdzus te skye ba'i skal ba dang bcas par 'gyur ro// don yod pa'i rig sngags 'chang gi 'khor los sgyur bar skye bar 'gyur ro/ / de bzhin gshegs pa bye ba khrag khrig brgya stong phrag dgu bcu rtsa dgus mchod par byed do// yang dag par rdzogs pa'i sangs rgyas mngon sum du mthong nas nye bar ston par byed do// thams cad du'ang de rnams rang rang gi sangs rgyas kyi zhing nye bar ston par byed do/ / thams cad du'ang rang gi gsang ba de bzhin gshegs pa rnam par snang mdzad kyi dam tshig nye bar ston par byed do// bskal pa brgya stong phrag gi bar du'ang sngon gyi skye ba rjes su dran par byed do/ / de bzhin gshegs pa'i khyu mchog thams cad kyi rdzu 'phrul dang / rnam par 'phrul pa dang / ting nge 'dzin dang / gsang ba'i dam tshig dang / dkyil 'khor gyi rim par phye ba dang / gsang sngags dang / gzungs sngags rnams la mngon du phyogs par 'gyur ro// skye ba skye bar yang rang gi bsod nams kyi las kyi tshogs dge ba'i rtsa ba rjes su dran par 'gyur ro/ / thams cad du gnas thams cad du yongs su dag pa'i las kyi sgrub thabs kyi cho ga'i dngos grub tu 'gyur ro// zhes pa rtsa ba'i snying po'i dngos grub bla ni med pa bklags pas 'grub pa'o/ / de nas 'di'i yo byad dang cho ga sems can thams cad kyi re ba yongs su rdzogs par byed pa'i dngos grub tu 'gyur ro// sdig pa thams cad nges par sreg pa la brgya rtsa brgyad bzlas pas sdig pa dang sgrib pa thams cad rnam par nyams par byed do/ / gang dang gang gi las kyi sgrib pa rnams rjes su bcings par 'gyur ro// de'ang nyi ma bdun gyis rang gi lus de'ang rang gi gzugs kyis nges par 'gro ste mdun du nye bar 'dug ste sbyin par byed pa dang / sngon gyi sgrib pa nye bar bsags pa 'di dang / sdig pa thams cad yongs su zad pa nyid dang / dge ba'i rtsa ba thams cad yongs su rdzogs pa dang / bdag zhum pa dang / 'khrug pa mtha' dag bzlas pa tsam gyis yang dag par smra bar byed cing mi snang bar byed do// rims thams cad la srud pa dkar po la mdud pa nyi shu rtsa gcig byas te/ brgya rtsa brgyad bzlas pas rims thams cad yongs su grol bar byed do// nad thams cad la byabs pas yongs su grol bar byed do// mtshon chas sam/ rma bya'i sgros sam/ mdas kyang rung ste nad thams cad las yongs su grol bar byed do// gdon thams cad la tshon skud sna lnga'i skud pa la 'dud pa lan nyi shu rtsa gcig byas te/ bzlas brjod lan brgya rtsa brgyad byas te gdon gyis zin pa de'i mgul par bcing te lan bdun du byab par bya'o/ / gu gul gyi bdug pa sbyin par bya/ bzlas brjod lan bdun bya bzhin pa dang bcas pas gang dang gang gi gdon gyis zin par gyur pa de'ang rang gi lus kyis nges par 'gro ba ste/ rig sngags 'chang gi mdun du nye bar 'dug nas thams cad smra bar byed do// rang gis dris pa de thams cad smra bar byed do// bka' bsgo ba thams cad byed par 'gyur ro/ / 'thab pa dang / 'thab rtsod dang / rtsod pa dang / 'gyed pa rnams thams cad la smra ba'i mchog tu 'gyur ro// gzhan yang bsam gtan dang sbyin sreg gis yongs su grol lo/ / khar mur te rgyal po'i khab tu zhugs na rgyal po 'khor dang bcas pa dbang du gyur nas gnas so// dug 'thungs pas chu la yongs su bzlas te sbyin par bya ste dug med par 'gyur ro//  dug gi zos pa la khyab par bya ste dug med par 'gyur ro// dug dang / byad stems dang / gsang sngags dang / bye ma'i sbyor ba thams cad la dri dang bsros pa'i bum pa la stong phrag brgyad yongs su bzlas pa byas la bkru bar bya ste/ bkrus pa tsam gyis mod la thams cad nyams par byed do// gang yang lus zad pa dang / nyams pa dang / bskams pa dang / rgyal po'i dpal med pa dang / lus yongs su gdungs pa la rig sngags 'chang des ma reg pas dri'i chus yongs su gang ba'i bum pa dgu yungs kar gyis gtor te stong phrag brgyad yongs su bzlas brjod bya'o// de nas An+ta ra sap+pa dang / bI ka dang / A Ta dang / bi la ba dang / shu ti dang / nye'u shing dang / e kas thA na dang / mo lo kya dang / lus kyi mar gyis bsku mnye byas nas lan brgya rtsa brgyad bzlas brjod byas te A Ta byug par bya'o/ / gzugs brnyan bya ste gong bu de mtshon chas dum bu brgyad du bya ste/ snod yongs su gang pa bzhi mtshams bzhir 'phang bar bya zhing / snod gang pa bzhi mtsham bzhir 'phang bar bya'o/ / de nas snying pos lan brgya rtsa brgyad du byab par bya'o// de nas ne'u gsing sngon po gang du ru rgyun 'bab par dri'i chu'i bum pas khrus byas zhing gos dkar po dgus g.yogs par bya'o/ / 'phags pa spyan ras gzigs dbang phyug la mchod pa bya zhing / dkon mchog gsum la mchod pa bya'o// ji ltar 'byor pa'i bram ze'i ston mo yon dang bcas pa bya'o//  de nas rang nyid byams pa dang ldan par bya'o// ji ltar 'byor pa gya nom pa gya nom pas dkar ba'i zas kyi bza' ba dang btung bas tshim par bya'o// de nas dpal med pa thams cad dang / nad tham cad dang / bgegs dang log par 'dren pa thams cad kyis mi reg pa dang / 'byung po dang / gnod sbyin dang / srin po dang / grib gnon dang / brjed byed dang / gza' dang / log 'dren gyis zin pa las yongs su grol lo// bza' nyes dang / 'gom nyes dang / 'jigs pa thams cad las yongs su grol bar byed do// lus kyi phung po yongs su rdzogs par 'gyur ro/ / thams cad du 'jigs pa 'jigs par byed pa'i 'jigs pa med par 'gyur ro// sdig pa dang / sgribs pa dang / kun nas nyon mongs pa thams cad las yongs su grol bar 'gyur ro// /  ring du 'tsho bar 'gyur ro// nad thams cad dang bral bar 'gyur ro// skye ba brjes nas bde ba can gyi 'jig rten gyi khams su skye bar 'gyur ro// skye ba'i skye ba dran par 'gyur ro// de bzhin gshegs pa thams cad kyis rtag tu'ang dgongs par 'gyur ro/ / byang chub sems dpa' dang lha thams cad kyis ji srid byang chub tu mngon par rdzogs par sangs rgyas kyi bar du de 'dzin par 'gyur ro/ / mig nabs la A sha'i chu dang / shing mngar gyi chu dang / dri ma med pa'i chu la lan brgya rtsa brgyad yongs su bzlas te sbyar bar bya ste mig nad 'phral du zhi bar byed do// mgo bo'i zug rngu dang gzhogs phyed na ba la mar dang til mar la lan brgya rtsa brgyad yongs su bzlas nas 'jam par bsros pas sngan shu ti la bsgos nas mgo la bsku mnye byas na/ mgo bo'i nang thams cad dang gzhogs byed na pa'i nad thams cad las yongs su grol mo/ / so'i zug rdul me tog ska ma dang so shing la lan brgya rtsa brgyad du yongs su bzlas nas bza' bar byas na so'i drun tu yongs su grol lo// rna ba'i zug rdul shu ti dang til mar la brgya rtsa brgyad yongs su bzlas pas bkang bar bya ste/ rna ba'i zug rngu thams cad yongs su grol lo// kha na ba la sman ma shU ro'o chu dang mar la brgya rtsa brgyad bzlas nas 'jam par bsros pa btung bar bya ste/ kha'i nad thams cad las yongs su grol lo// lto ba'i zug rdul lan tshwa dang chu la lan brgya rtsa brgyad yongs su bzlas nas btung bar bya ste/ lto ba'i zug rdzu yongs su grol lo/ / snying gi zug rngu la so so rtsa lam dang / go snyod dang / pu ska ra'i rtsa ba rnams bzhi 'gyur gyi chus sum cha lhag mar lus kyi bar du bskol bar byas nas btung bar bya'o//  lan brgyad bzlas pas snying gi zug rngu dang / gzhogs na ba dang / mchin pa na ba dang / mtshan par rdol ba dang / gsung pa dang / smyug bro ba dang / gcin nad rnams te/ de bzhin du nang thams cad 'phral du sel bar 'jig rten gyi mgon pos 'di gsungs so/ / rgyal po'i 'jigs pas 'jigs pa rnams kyis yungs kar la yongs su bzlas nas rgyal po rnam kyi sgor gtor bar bya ste/ rgyal po'i 'jigs pa'i 'jigs pa thams cad yongs su grol bar 'gyur te/ thams cad du'ang rgyal ba ster bar 'gyur ro// na le sham la stong rtsa brgyad yongs su bzlas te nA le sham kyi 'bras bu la'i rtse sor bcug ste bcangs na gang smras pa de dbang du 'gyur ro/ / gang blangs pa de so sor rnyed do// gnas thams cad du 'gro ba rnams rgyal ba'i mchog chen po sbyin par 'gyur ro/ / klu'i char 'bebs pa la bal po se'u'i lcug ma bya ste gang du 'dod pa der klu'i char 'bebs so// klu'i mtshor song nas mtshan mo bdun du zho dang / sbrang rtsi dang /  mar dang / yungs kar gyi sbyin sreg lan stong rtsa brgyad du byas na gter chen po rnyed par 'gyur ro// dbang phyug thob pa la 'bras yos dang / yungs kar dang / mar dang bsres pas sbyin sreg lan stong rtsa brgyad du byas na dbang phyug chen po so sor thob par 'gyur ro/ / dgra 'joms pa la sA lu'i phub ma dang / lan tsha dang / cha ba'i til mar dang bsres pas lan stong rtsa brgyad du sbyin sreg byas na dgra rnams thams cad med par 'gyur ro/ / dgra rnams thams cad rab tu 'dul bar 'gyur ro// smod par 'dod pas de nyid kyi thal ba la lan nyi shu rtsa gcig tu bzlas te dgra'i sgor gtor bar bya ste/ mtshan mo gcig tu mi gnas te phyogs dang phyogs mtshams rnams su 'bros par byed do/ / 'khrug pa'i g.yul ngor 'jug par 'dod pas yungs kar la lan stong phrag brgyad du yongs su bzlas te 'khrug pa'i g.yul ngo'i dbus su gtor bar bya ste/ thams cad du rmugs pa dang / rengs pa dang / rmongs par 'gyur te/ thams cad du rgyal ba ster bar 'gyur zhing / thams cad phyogs dang phyogs mtshams rnams su 'bros par byed do/ / gnas na gnas pa thams cad kyi'ang rgyal bster bar 'gyur ro// thams cad du thogs pa med pa'i stobs dang / brtson 'grus dang / pha rol gnon par 'gyur ro/ / ldong ros la lan stong phrag brgyad yongs su bzlas te/ mig gi mig sman du byas na mi snang bar 'gyur te/ 'byung po dang / gnod sbyin dang / srin po thams cad kyis mi mthong bar 'gyur ro/ / gi haM la lan stong phrag brgyad yongs su bzlas te thig le byas na bu ga thams cad du rab tu 'jug par byed cing / bu ga'i sgo thams cad bye ste sgor gnas par byed do// gang du 'dod pa der 'jug par byed do/ / gi haM gi snying khar thig le byas na gang du 'jug par byed pa de dang de nyid du mchod pa chen por 'gyur te/ nor che ba dang 'bru 'phel ba 'thob po// lag pa gnyis la byugs pas gang la reg pa de dbang du 'gyur te/ gang blangs pa de thams cad so sor rnyed do// rgyal po dbang du byed par 'dod pas lag pa g.yas pa la gi haM gis byugs nas lan stong rtsa brgyad yongs su bzlas te/  rgyal po'i sgo la thal lcag sbyin par bya ste/ rgyal po dang / btsun mo sras dang / 'khor dang bcas pa bdag nyid dang nor gyis kyang dbang du 'gyur ro// bud med dbang du byed pa la me tog dang 'bras bu la lan stong phrag brgya rtsa brgyad du yongs su bzlas nas sbyin par bya/ yang na mngag par bya ste 'phral nyid du dbang du byed par 'gyur ro// gang du 'dod pa de dang de nyid du 'gro'o// slar yang 'ong ngo // yang na ming smos pas nam mkha' la 'bang bar bya ste/ gang gi ming smos pa de 'gugs par 'gyur zhing mtshan mo 'ong bar byed do// mthu stobs kyis slar yang phyir ldog ste 'gro'o//  skye ba dbang du byed pa la dzA ti dang sna ma'i me tog la lan bdun yongs su bzlas te sbyin par bya'o// yang na mngag par bya ste reg pa tsam gyis bdag nyid dang nor gyis kyang dbang du byed par 'gyur ro// gang smras pa dang gang blangs pa de thams cad byed do/ / 'bangs dang ci bsgo ba byed par 'gyur ro// gzhon nu ma dbang du byed pa la 'bras bu la lan brgya rtsa brgyad yongs su bzlas te sbyin par bya ba 'am mngag par bya ste bzung ba tsam gyi dbang du 'gyur ro/ / grib ma bzhin du rjes su 'brang bar 'gyur zhing ji srid 'tsho bar nye bar gnas par 'gyur ro// rje'u rigs dbang du byed pa la ba sha ka'i me tog la lan brgya rtsa brgyad yongs su bzlas te sbyin par bya ste dbang du gyur nas nye bar gnas so/ / bram ze dbang du byed pas zho dang 'o ma'i bza' ba la lan brgya rtsa brgyad yongs su bzlas nas sbyin par bya ste/ bram ze dbang du byed pa grub po/ / rgyal rigs dbang du byed pa la bu ram dang 'o ma la lan brgya rtsa brgyad yongs su bzlas nas sbyin par bya ste dbang du 'gyur ro// dmangs rigs dbang du byed pa la gang dang gang gi bza' ba la lan brgya rtsa brgyad yongs su bzlas te sbyin par bya ste zos pa tsam gyis mod la dbang du 'gyur ro/ / rang gi 'dod pa'i bya ba gzhan rnam pa sna tshogs pa bya ba rnams ni bklags pas grub par 'gyur ro/ / don yod pa pad+ma'i chu skyes kyi rtsa ba'i snying po'i yo byad dang cho ga'i sgrub babs so// / de nas don yod pa'i phyag rgya dbang bskur ba'i gzungs kyi yo byad dang cho gar 'gyur te/  gzungs 'di rig sngags 'chang gis dran pa tsam dang / bklags pa tsam dang / phyag rgya bzung ba tsam gyis de bzhin gshegs pa thams cad kyi yid bzhin gyi nor bu'i gsang ba'i phyag rgya dang dbang bskur ba'i phyag rgya dran par 'gyur ro/ / rig pa'i rgyal po'i gzungs stong phrag bzlas pa 'dis dus gsum du gshegs pa'i de bzhin gshegs pa thams cad kyis gsang ba'i phyag rgyas mngon par dbang bskur bar 'gyur ro/ / rig sngags 'chang des kyang dang por rmi lam gyi nang du mthong ngo // dus gsum du gshegs pa'i sangs rgyas bcom ldan 'das thams cad kyis rnam par snang mdzad yid bzhin nor bu'i phyag rgya'i dbang bskur bu mngon par dbang bskur bar byed do/ / de'ang de bzhin gshegs pa'i rigs kyi mngon par dbang bskur ba dang / dkyil 'khor dang / phyag rgya la rab tu 'jug par byed do// de bzhin gshegs pa rang rang rnams kyang de bzhin gshegs pa'i gsang ba'i dbang bskur ba rjes su sbyin par 'gyur ro/ / legs so zhes bya ba'i sgra brjod par mdzad do// sangs rgyas kyi zhing thams cad kyi sgo rnams bye bar gyur pa'i sgor mthong ngo / / gang du 'dod pa der 'jug go// des kyang de bzhin gshegs pa gang+gA'i klung gi bye ma bye ba khrag khrig brgya stong phrag dgu bcu rtsa dgu dang mnyam pa'i sangs rgyas bcom ldan 'das rnams rig sngags 'chang de ji srid 'tsho'i bar du rtag tu rjes su 'brang bar 'gyur ro/ / rtag tu mthong ba dang ldan par gnas so// stong phrag gnyis pa bzlas pas gnyis par rmi lam mthong bar blta'o/ / pad+ma'i rigs kyi dkyil 'khor gang la'ang yid bzhin gyi nor bu'i phyag rgya dang / gzungs dang / gzhal med khang mtha' dag yongs su rdzogs par mthong ngo // der yang dus gsum du gshegs pa'i gzhal med khang thams cad mthong ngo / / de bzhin gshegs pa'i gzhal med khang mthong ngo // de la'ang de bzhin gshegs pa pad+ma'i rigs thams cad kyi yid bzhin gyi nor bu'i phyag rgya'i dbang bskur bas mngon par dbang bskur bar 'gyur ro/ / rang rang gi de bzhin gshegs pa'i gsang ba'i phyag rgyas mngon par dbang bskur ba dang dkyil 'khor rnams ston par mdzad do/ / rig sngags 'chang rang nyid la'ang mngon par dbang bskur bar byed do// legs so legs so zhes bya ba'i sgra rjod par byed do// pad+mo yangs pa'i dkyil 'khor thams cad du'ang phyag rgyas mngon par dbang bskur bar 'gyur ro/ / de bzhin gshegs pa thams cad kyis byin gyis rlob pa yid bzhin gyi nor bu chen po'i phyag rgyas mngon par dbang bskur bas mngon par dbang bskur bar 'gyur zhing yongs su 'dzin par yang 'gyur ro/ / stong phrag gsum pa bzlas pas rmi lam chen po gsum pa bstan pa mthong ste/ gzhal med khang mtha' dag rab tu gnas pa'i rdo rje'i rigs kyi phyag rgya dang /  mngon par dbang bskur ba rjes su stsol bar mdzad do// de bzhin gshegs pa thams cad dus gsum du gshegs shing rab tu bzhugs pa'i de bzhin gshegs pa'i yid bzhin gyi nor bu rdo rje byin gyis rlob pa'i mngon par dbang bskur ba dang phyag rgya'ang mthong ngo / / de'ang dus gsum du gshegs pa'i de bzhin gshegs pa rnams thams cad rig sngags 'chang la rdo rje'i phyag rgyas mngon par dbang bskur ba dang / yid bzhin gyi nor bu'i phyag rgyas mngon par dbang bskur bas yid bzhin gyi nor bu'i phyag rgyas mngon par dbang bskur bar mdzad do// rang rang rnams kyang rdo rje'i phyag rgyas mngon par dbang bskur pa rjes su stsol bar mdzad do/ / de bzhin gshegs pa thams cad rdo rje'i dam tshig la rab tu 'jug par mdzad do// rdo rje byin gyis brlabs pa'i mngon par dbang bskur ba legs so lags so zhe bya/  ba'i sgra rjod par mdzad do// de bzhin gshegs pa thams cad rdo rje'i rigs yang dag par byin gyis rlob pa'i dngos grub nye bar ston par mdzad do// thams cad du rdo rje'i rigs kyi phyag rgyas mngon par dbang bskur bar 'gyur ro/ / stong phrag bzhi pa bzlas pas nor bu'i rigs kyi dkyil 'khor chen po'i phyag rgya'i dbang bskur ba thob bo// de la'ang nor bu'i rigs chen po'i dkyil 'khor gyi phyag rgya'i dbang bskur ba thob po/ / rmi lam ston pa de'ang dus gsum pa'i de bzhin gshegs pa nor bu'i phyag rgya'i dbang bskur ba'i dkyil 'khor rnams mthong ngo // dus gsum pa'i de bzhin gsheg pa de rnams thams cad kyang rig sngags 'chang de la nor bu'i rigs kyi dam tshig gsang ba dang / phyag rgya dang / dkyil 'khor dang / mngon par dbang bskur bas yang mngon par dbang bskur bar byed do/ / rang rang rnams kyang de bzhin gshegs pa de rnams kyi nor bu gsang ba'i phyag rgyas dbang bskur ba gtsug gi nor bu byin gyis rlob pa dang / yid bzhin gyi nor bu'i phyag rgyas mngon par dbang bskur bar byed do/ / de bzhin gshegs pa thams cad sangs rgyas kyi zhing gi nor bu'i dkyil 'khor rnams nye bar ston par mdzad do// yid bzhin gyi nor bu'i dngos grub kyi dam tshig gis dbang bskur ba dang / yid bzhin gyi nor bu'i phyag rgyas mngon par dbang bskur bar bya'o// legs so legs so zhes bya ba'i sgra rjod par byed cing rtag tu rjes su 'brang bar 'gyur ro// de bzhin gsheg pa de rnams kyang ji srid sangs rgyas kyi bar du de bzhin gshegs pa thams cad kyi rnam par 'phrul pa byin gyis rlob par yang dag par dgongs par 'gyur ro/ / yid bzhin gyi nor bu'i rigs chen po'i phyag rgyas mngon par dbang bskur bar 'gyur ro/ / de bzhin gshegs pa thams cad kyi nor bu'i rigs kyi gsang ba'i snying po'i mchog tu 'gyur ro// bzlas pa lnga pas rmi lam chen po'i phyag rgya ston par byed ba ni/ dkyil 'khor chen po mtha' dag rdzogs par phyir mi ldog pa'i gnas kyi mngon par dbang bskur bar mthong ngo // de bzhin gshegs pa thams cad kyis kyang phyir mi ldog pa chen po'i dkyil 'khor chen por mngon par dbang bskur bar mdzad do/ / dkyil 'khor chen po thams cad du phyag rgya chen pos mngon par dbang bskur bar 'gyur ro// bzlas pa drug pas rmi lam yang dag par ston pa ni/ de bzhin gshes pa thams cad byang chub kyi snying por gshegs te/ rdo rje'i gdan byin gyis rlob pas byin gyis brlabs te mngon par dbang bskur bar 'gyur ro// dus gsum pa'i de bzhin gshegs pa thams cad bzhug pa mthong ste seng ge'i gdan la bzhugs pa'o/ / de bzhin gshegs pa de rnams kyang rang rang gi rig sngags 'chang phyir mi ldog par mngon par dbang bskur bar mdzad do// legs so legs so zhes bya ba'i gsung brjod par mdzad do/ / dgongs pa cher brtan pas dgongs par 'gyur ro// ji srid sangs rgyas kyi byang chub la mtha' thug gi bar du de bzhin gshegs pa thams cad rjes su 'brang bar 'gyur ro// /  bzlas pa bdun pas rmi lam chen po ston pas de bzhin gshegs pa mngon par rdzogs par sangs rgyas te chos kyi 'khor lo skor ba dang / bdud 'dul ba dang / dam pa'i chos kyi char 'bebs pa dang / chos kyi sgron me spor ba dang / chos kyi rgyal mtshan sgreng ba dang / dam pa'i chos kyi dung 'bud pa dang / de bzhin gshegs pa thams cad phyag rgya chen pos mngon par dbang bskur bar mthong ngo // de bzhin gshegs pa de rnams kyis kyang phyag rgyas mngon par dbang bskur ba dang / chos kyi 'khor lo skor ba dang / bdud 'dul ba dang / phyag rgyas dbang bskur bas mngon par dbang bskur bar mdzad do// legs so legs so zhes bya ba'i sgra rjod par mdzad do/ / phyag rgya chen po dang / dkyil 'khor dang / kun nas gsang ba dang / rnam par thar pa'i dkyil 'khor de kho na nyid kyi dngos grub dang /  mngon par dbang bskur bar mdzad do// de bzhin du bklags pa dang bzlas pa tsam gyis cho ga dang las kyi 'bras bu ston par mdzad do// don yod pa'i nor bu rnam par snang mdzad kyi phyag rgya chen po'i gzungs kyi rnam par 'phrul pa'i cho ga 'di'ang rnam par spyod par 'gyur ro/ / 'di bklags pa dang dran pa tsam gyis de bzhin gshegs pa thams cad kyi rnam par snang mdzad kyi dkyil 'khor chen por rjes su 'jug par 'gyur ro/ / thams cad du gnas la gnas pa'i dam tshig shes par 'gyur ro// bzlas pa tsam gyis mod la dus gsum du gshegs pa'i de bzhin gshegs pa thams cad kyi mtshan nas smos nas mngon sum du ston par mdzad do/ / de bzhin gshegs pa rnam par snang mdzad ston par mdzad par 'gyur ro// mtshan smos nas 'dzin par 'gyur ro// de bzhin gshegs pa thams cad rnam par snang mdzad kyi phyag rgya 'dzin par 'gyur ro/ / de bzhin gshegs pa thams cad kyi gsang ba'i mchog tu 'gyur ro// sdig pa dang / sgrib pa dang / gdug pa thams cad dang / mtshams med pa lnga la sogs pa sngon gyi sdig pa dang / sgrib pa rnam par 'joms par byed do// bklags pa tsam dang / lan cig bzlas pa tsam gyis de thams cad yongs su zad pa dang / yongs su gtugs par 'gyur ro// sems can gyi sdig pa'i chos gang cung zad kun tu spyad pa dang / mtshams med pa lnga byed pa mnar med pa la mchog tu gzhol ba'i sems can de'i mdun du lan gsum du dbyangs gsangs bstod pas brjod cing dran par bya ste/ de'i sgra thos pa tsam gyis mod la sdig pa dang / sgrib pa thams cad dang / mtshams med par song ba thams cad dang / mnar med pa la mchog tu gzhol ba rnams yongs su dag par 'gyur ro// sems can de'ang sdig pa thams cad las yongs su grol bar 'gyur ro/ / yang na sdig pa can gyi sems can shi bar gyur pas bsod nams kyi don du bsod nams 'dod pas/ sems can de'i don du yungs kar la lan nyi shu rtsa gcig yongs su bzlas ste/ sems can de'i don du ro bsregs pa'am/ ma chad pa 'am/ sbas pa 'am/ rus pa'i keng rus sam/ dur khrod kyi dbus su de'i steng du gdab cing der gtor bar bya'o/ / gtor ba tsam gyis mod la sems can de gang dang gang du skyes pa de dang de nyid du sems can de'i lus la byang chub chen po'i yan lag gi chu'i dri'i mchog bsgos par 'gyur ro// 'phral nyid du dmyal ba dang / dud 'gro dang / yi dgas dang / gshin rje'i 'jig rten dang / lha ma yin gyi lus las yongs su grol bar 'gyur ro// sdig pa dang sgrib pa thams cad yongs su zad par 'gyur ro// der yang ngan 'gro rnams las 'phos par 'gyur zhing / bde ba can gyi 'jig rten gyi khams su skye bar 'gyur ro// 'di la som nyid nga yid gnyis bskyed par mi bya'o// gang gi tshe nang drag pos thebs par gyur pa de'i tshe/ rig sngags 'chang gis rna bar bzlas brjod brgya rtsa brgyad sbyin par bya ste/ de'ang nang yun ring po las grol te rang gi gnas su 'gyur ro// nad kyi sdug bsngal thams cad las yongs su grol bar 'gyur ro/ / spyi bo'i gtsug tu phyag rgyas btab ste lan nyi shu rtsa gcig brjod par bya ste 'phral nyid du yongs su grol lo// gal te nag po chen pos rang gi phyag rgyas btab na de ltar de nyid la bltas pas phyag rgya thams cad 'byed par 'gyur ro/ / gal te yun ring du ma grol na gang gis phyag rgyas btab par gyur pa de'i mig gnyis po dag 'byin par 'gyur ro// gdon gyis zin pa thams cad la tshon skud sna lnga'i skud pa la bzlas brjod nyi shu rtsa gcig byas nas mdud pa nyi shu rtsa gcig byas la bcing bar bya ste/ gdon dang brjed byed thams cad las yongs su grol bar 'gyur ro// nad thams cad la skud pa dkar pos bcing bar bya ste nad thams cad las yongs su grol lo/ / 'thab pa dang / 'thab mo dang / rtsod pa dang / 'gyed pa rnams thams cad du 'gro ba la lan brgya rtsa brgyad yongs su bzlas te kha ton du bzung na thams cad du smra ba'i mchog tu 'gyur ro/ / na le sham dang / n+ya spos dang / ru rta dang / yung pa gnyis dang / ro'i mig sman la sngags stong rtsa brgyad du bzlas la phye ma zhib mor byas te/ mig sman dang mnyam par sbyar nas gdon gyis zin pa rnams kyi mig la bskus na bskus pa tsam gyis mod la gdon thams cad yongs su grol lo// gal te yun ring por ma grol na gdon gyi mig gnyis 'byin par 'gyur ro/ / rims nyin bzhi pa la mig gnyis la bsku bar bya'o// gal te yun ring du ma grol na mgo bo tshal ba bdun du 'gas par 'gyur ro// lus la me 'bar bar 'gyur ro// rims thams cad la bskus pa tsam gyis yongs su grol lo/ / gal te yun ring du ma grol na mgo bo dum bu bdun du 'gas par 'gyur ro// dug gis zos pa'i mig la bsku bar bya zhing mngag gzhug par bya'o//  dug 'thungs pa la bskus na dug med par 'gyur ro// shi ba'i mig la bskus na ldang bar 'gyur te/ de smra bar byed do// chu dang yungs kar brdegs na slar yang 'gyel bar byed do// mgo bo'i thug rngu dang gzhon byed na pa rnams kyi mig la bskus te phyag rgya thams cad 'jig par byed do/ / rgyal po khros pa gang gis skye bo gnas nas 'byin pa dang / de bzhin du mtshon cha mang po 'bab pa dang / phyir rgol ba dang / dgra bo nyid la'ang 'dis bskus pa'i mig gis bltas na thams cad dga' bar 'gyur ro/ / de rnams thams cad rtag tu dbang du gyur nas gnas te 'di la the tshom mi bya'o// don yod pa'i phyag rgya'i dbang bskur ba'i snying po dang gzungs kyi cho ga'i sgrub thabs so/ / / de nas don yod pa'i dkyil 'khor chen po pad+ma'i dbang bskur ba'i nor bu'i gzungs kyi snying po layo byad du 'gyur te/ de bzhin gshegs pa thams cad kyi dkyil 'khor gyi rigs thun mong bar rjes su 'jug par 'gyur ro/ / stob rtsa brgyad bzlas pas mi 'bam pa'i de bzhin gshegs pa thams cad kyi dkyil 'khor pa d+ma chen po'i dbang bskur ba ying bzhin gyi nor bu'i badz+ra /  pas spyi bor mngon par dbang bskur bar 'gyur ro// de nas dus gsum pa'i de bzhin gshegs pa de rnams kyis bzlas pa tsam gyis mod la de'i rmi lam mthong ba nye bar ston par byed do//  dkyil 'khor chen po yangs pa'i rnam par 'phrul pa yang dag par mthong ba dang cho 'phrul ston par byed do// gzhal yas khang dang bcas/ rnam par 'phrul pa dang bcas/ lha'i tshogs dang bcas pa'i rig pa'i rgyal po'i dkyil 'khor ba'i lha rnams nye bar ston par byed do/ / 'di lta ste/ de bzhin gshegs pa'i rigs kyi dkyil 'khor dang / pad+ma'i rigs kyi dkyil 'khor dang / rdo rje'i rigs kyi dkyil 'khor dang /  nor bu'i rigs kyi dkyil 'khor dang / don yod zhags pa'i snying po rnam par thar pa'i dkyil 'khor gyi dkyil 'khor chen po dang / rnam par snang mdzad kyi snying po'i dkyil 'khor chen po de rnams thams cad kyang so so so so'i dkyil 'khor du dbang bskur bas mngon par dbang bskur ro/ / rig pa'i rgyal po'i dkyil 'khor gyi lha rnams mtha' dag nye bar ston par byed de/ ji srid du byang chub kyi snying po gshegs pa dang / chos kyi 'khor lo bskor ba dang / bdud 'dul ba'i bar gyi dkyil 'khor nye bar ston par byed do// dus gsum pa'i de bzhin gshegs pa de rnams kyis kyang dkyil 'khor chen po de rnams kyi so so so so'i dkyil 'khor du mngon par dbang bskur bas mngon par dbang bskur bar mdzad do/ / dkyil 'khor gyi mchog thams cad du mngon par dbang bskur bas mngon par dbang 'gyur ra mdzad do// de nas rig sngags 'chang de de lta bu'i rmi lam chen po mthong nas/ dga' ba chen po rgyas par 'gyur ro// dga' ba dang rab tu mgu ba'i snying des kyang don yod pa pad+ma dri ma med pa'i mngon par dbang bskur ba'i ting nge 'dzin so sor thob bo// de bzhin gshegs pa de rnams kyi kyang rig sngags 'chang de la legs so legs so zhes rjod par mdzad de/ rig sngags 'chang chen po de bzhin gshegs pa thams cad kyi dkyil 'khor chen po'i rigs thun mong ba'i dam tshig gis mngon par dbang bskur bas khyod mngon par dbang bskur ro/ / grub pa thob pa de rnams rig sngags 'chang chen po dang dkyil 'khor gyi gsang ba'i rjes su 'jug cing / de bzhin gshegs pa thams cad kyi sras kyi thu bor 'gyur ro zhes so sor sad do/ / de nas rig sngags 'chang gis bzlas pa dang bklags pa tsam gyis de ma thag par rgya chen po'i yon tan gsal ba de lta bu skye bar 'gyur ro// slar yang 'di'i gong nas gong du rnam par 'phrul pa ston par byed do/ / rig sngags 'chang gang yang rigs kyi bu 'am/ rigs kyi bu mo gzhan gang yang rung bar gyur kyang rung / dge slong dang / dge slong ma dang / dge bsnyen dang / dge bsnyen mar gyur kyang rung ste/ dus gsum pa'i de bzhin gshegs pa thams cad la mchod pa dang dbang bskur bar byed par 'dod pa des/ gzungs kyi snying po 'di'i bgrang 'phreng ngam/ cod pan nam/ dar dbyangs sam/ dbu rgyan la lan stong rtsa brgyad du yongs su bzlas te de bzhin gshegs pa'i dbu la bcings nas/ spyan ras gzigs dbang phyug gis mngon par dbang bskur te/ rig sngags 'chang de'am/ rigs kyi bu 'am/ rigs kyi bu mo 'am/ dge slong ngam/  dge slong ma 'am/ dge bsnyen nam/ dge bsnyen mas gsang ba'i dkyil 'khor chen po re re'i dus gsum pa'i de bzhin gshegs pa rnams dang / byang chub sems dpa'i tshogs 'khor dang @# p a rnams kyis rin po che sna bdun las byung ba'i rnam par snang mdzad kyi snying po'i nor bu chen po yid bzhin gyi nor bu rin po che'i dbu rgyan 'od zer sna tshogs brgya stong phrag 'bar bas yang dag par brgyan pa'i dbu rgyan chen po dang / dar dbyangs kyis dbang bskur bas de bzhin gshegs pa thams cad mngon par dbang bskur bar 'gyur zhing / byang chub sems dpa'i tshogs 'khor dang bcas pa mngon par dbang bskur bar 'gyur ro//  de ltar rgya che zhing yangs pa che ba'i gzhal med khang 'di mchod pa dang bsnyen bkur ba nye bar gnas par 'gyur ro// gang gis dus gsum pa'i de bzhin gshegs pa byang chub sems dpa'i 'khor dang bcas pa thams cad dang /  dkyil 'khor gyi lha rnams la dbang bskur ba dang / mchod pa dang / bsnyen bkur ba chen po byas par 'gyur ro// snying po 'di bzlas pa tsam gyis rig sngags 'chang gi sdig pa dang / sgrib pa dang / gdug pa thams cad rab tu zhi bar 'gyur/ rnam par nyams par byed/ rnam par zhig par byed/ lus dang / ngag dang / yid yongs su dag par 'gyur ro// nyon mongs pa dang sgrib pa dang bral zhing nges par grol bar 'gyur ro// bsod nams kyi phung po chen po sogs par 'gyur ro/ / dge ba'i rtsa ba chen po dang ldan par 'gyur ro// dngos grub chen po'i mchog tu 'gyur ro// thams cad du thogs pa med par 'gyur ro// mchod pa dang / bsnyen bkur ba dang / tshig btsun par 'gyur ro// sdig pa thun tshags dang bral bar 'gyur ro// lus la dri bzang po 'byung bar 'gyur ro// rtag tu de dran pas la nas ut+pa la'i dri 'byin no// lus tsan dan gyi dris bsgos par 'gyur ro/ / sems can thams cad mchog tu byams pa dang mchod pa'i 'os su 'gyur ro// thams cad du dngos grub chen po'i mchog tu 'gyur ro// bgegs dang log par 'dren pa thams cad rab tu 'dul bar 'gyur ro/ / 'byung po dang / gnod sbyin dang / srin po dang / yi dgas dang / sha za thams cad mthong ba tsam gyis ring du 'bros par 'gyur ro// ji srid 'tsho ba'i bar du nye bar gnas par 'gyur / 'phags pa spyan ras gzigs dbang phyug gis mchog sbyin par 'gyur ro// rtag tu'ang mthong bar 'byung bar 'gyur ro// rig pa'i rgyal po'ang rtag par rgyun du rjes su 'brang bar 'gyur ro// dus rgyun du rtag tu mthong ba rjes su 'brang bar 'gyur ro/ / rtag tu rjes su 'brang ba dang dngos grub tu 'gyur ro// thams cad du dkyil 'khor gyi slob dpon gyi mngon par dbang bskur bar 'gyur ro// thams cad du don yod pa'i dngos grub kyi mchog tu 'gyur ro/ / don yod pa pad+ma'i dkyil 'khor gyi dbang bskur ba'i gzungs so// / de nas don yod pa'i nor bu'i mchod pa'i sprin gyi nye bar spyod pa'i cho gar 'gyur te/ dran pa dang / bklags ba dang / bzlas pa tsam gyis gzhal med khang chen po rgya che ba yangs pa'i mthu stobs yangs pa 'byung bar 'gyur ro// mthu stobs chen po'i yon tan 'byung zhing mchod pa'i sprin gyi char chen po 'bab par 'gyur ro//  de bzhin gshegs pa thams cad la mchod pa'i sprin gyi char chen po 'bab par 'gyur ro// bsod nams kyi phung po'i tshogs kyi rnam par 'phrul pa chen po 'byung bar 'gyur ro// rig pa'i rgya po 'di dran pa tsam dang bzlas pa tsam gyi mod la phyogs bcu'i sangs rgyas kyi zhing kun tu de bzhin gshegs pa thams cad kyi 'khor gyi dkyil 'khor chen por mchod pa'i sprin gyi chang chen po 'bab par 'gyur ro/ /  'di lta ste/ pad+ma dang / ut+pa la dang / ku mu da dang / pad+ma dkar po dang / man dA ra ba dang / man tA ra ba chen po dang / mdog mdzes dang / mdog mdzes chen po dang / many+dzu Sha ka dang / zla ba mdzes pa dang /  dri ma med pa ste/ lha rdzas kyi me tog sna tshogs kyi char 'byung bar 'gyur ro// 'di lta ste/ skam las skyes pa'i me tog sA la dang / ta mA la dang / tsam pa ka dang / mya ngan 'chang dang / a ti muk+ta ka/  dang / s+ya nar dang / mthon ka dang / mthon ka chen po dang / ka dam pa dang / dong ka dang / sin d+hu bA ri ka'i me tog dang / sna ma'i me tog dang / yU thi ka dang / mA li ka sar pa dang / ta ra Na dang / ku pya ka dang / ma ru ba ka'i me tog gi char 'bab par 'gyur ro// lha rdzas sna tshogs pa rnams dang / ku mu da'i rigs rnams dang / gzugs dang / kha dog sna tshogs pa dang / ri dang / chu dang / dkon dung dang /  thibs po dang / chu rlabs dang / nags dang / nags 'dab dang / skyed mos tshal dang / chu klung dang / lte ka dang / rdzing bu dang / a sA hi ta dang / phug dang / dgon par 'bab pa'i sa las skyes pa'i cha tog dang / dri ma med pa'i lha rdzas dang / lha rdzas kyi dri bzang dang / yid du 'ong ba'i gzugs dang / kha dog dang / shin tu gzhon sha chags pa dang / rab tu sim par byed pa'i reg pa las skyes pa'i char 'bab par byed do/ / me tog chen po dang me tog skyes pa rnams kyi phung po chen po gcal du bkram pa rnams bcom ldan 'das kyi spyan sngar mchod pa'i sprin du 'byung bar 'gyur ro// de bzhin du dran pa dang bsams pa tsam gyis me tog gi mchod pa chen po byed do/ / 'di lta ste/ dran pa dang bsams pa tsam gyis gos dang rgyan rnam pa sna tshogs rnam par bkra ba'i mchod pa'i sprin chen po phyogs bcu kun tu de bzhin gshegs pa thams cad kyi mchod par 'byung bar 'gyur ro/ / 'di lta ste/ do shal dang / gdu bu rgyan can dang / dpung rgyan dang / rna rgyan dang / gser skud dang / mu tig gi dra ba dang / rked chings dang / nyis skor dang / sum skor dang /  skar ma'i 'phreng ba dang / gtsug tor 'ching ba dang / zla ba phyed pa can dang / gser phyed pa can dang / gdu bu rgyan can zla ba phyed pa dang / shang shang te'u can dang / dbu rgyan dang / cod pan gyi dra ba dang /  gser gyi dra ba dang / oM bi ka dang / kaN+Da pa li ka dang / pra tsa ka dang / tAm+pa'i skud pa dang / mchod phyir thogs dang / kaspa'i 'brang ba dang / gser gyi 'phreng ba dang / rin po ches smras pa'i 'phreng ba dang /  rin po che sna bdun gyi dril bu dang / rna ba gang ba dang / gtsug tor 'ching ba dang / yongs su bkri ba dang / gtsug gi nor bu'i char rab tu 'bab par 'gyur ro// de bzhin gshegs pa thams cad kyi mchod pa'i sprin du 'gyur ro/ / de bzhin gshegs pa thams cad kyi dkyil 'khor gsang ba rnams kyi mchod pa'i sprin chen por 'gyur ro// de bzhin gshegs pa thams cad kyi dkyil 'khor gsang ba rnams kyi mchod pa'i sprin chen por gyur nas/ rang rang gi gzhal med khang gi 'byor par rab tu 'gyur ro// char dang tshon sna tshogs su bcos pa'i phyogs bral gyi gos sna tshogs pa'i mchod pa'i sprin du 'gyur ro/ / de bzhin gshegs pa thams cad phyogs bcu'i sangs rgyas thams cad kyi zhing rnams kyi de bzhin gshegs pa thams cad kyi gsang ba'i dkyil 'khor rnams dang rjes su 'thun pa'i ri mos gos dang / ri mo'i gzhal med khang gi mchod pa'i sprin gyi char 'bebs so// 'di lta ste/ yul ka shi ka'i gos tshon sna tshogs su btsos pa dang / gos kyi gzhal med khang dang / dar gos rnams kyi char 'bebs so/ / 'di lta ste/ nyi ma'i 'od dang / zla ba dang / seng ge skyes dang / dar thod dang / ka shi ka dang / ko sa la pa'i mi'i dbang po dang / nyi ma dang / zla ba'i snang ba dang / pad+mo dang / ut+pa la can gyi kha dog dang / ko dri kA dang / gser gyi gdu bu dang / mu tig gi 'bras bu dang / klu'i go cha dang / rnam par snang ba dang / lha'i rgyan dang / me tog sna ma dang / ko sha dang / tsam pa ka dang / kha dog can dang dar thod can dang / kan+ta ra'i tshogs dang / zla ba'i rgyan can dang / dong ka'i me tog can dang / pad+ma dkar po can zhes bya ba dang / ba ma laM ka dang / ko shA ta ki dang / rdzogs par 'phel bar byed pa can dang / sngon gyi yul dang gling dang ldan pa kun nas 'od gsal ba dang / gdu bu ring po dang / dga' ba 'khyil ba dang / rgyan skor ba dang / sna ma'i me tog gi kha dog can dang / kan ra'i 'dab ma can dang / dak+Shi NA kaM dang / kany+tsi nA sa'i kha dog can nam bskor ba dang / gser mdog dang / rin po che'i mdog dang / zla ba'i kha dog gi lag pa dang / me'i kha dog can dang / bai DUR+Ya'i kha dog can dang / nam mkha'i kha dog can dang / ka nag+ni shu kaM dang / kun nas 'khyil zhing yid bde ba'i ba spu rnam par snang zhing rnam par gsal ba can dang / kun nas 'od gsal zhing dri ma med pa'i rig sngags 'chang gi gcod pan can yang ngo zhes so/ / gos rnam pa sna tshogs pa gzhal du med pa'i char 'bebs te/ bcom ldan 'das rnams gzhal du med pa'i mchod pa'i sprin dang bcas pa'i char 'bebs so// de bzhin gshegs pa tham cad kyi gsang ba'i dkyil 'khor du gnas pa'i rig sngags kyi lha thams cad dang / byang chub sems dpa'i tshogs rnams dang / rdo rje 'chang dang / rig sngags 'chang gi dbang po rig sngags 'chang gi tshogs kyis yongs su bskor ba'i mchod pa'i sprin du 'gyur ro/ / de ltar rig sngags dran pa tsam gyis de bzhin du rnam pa sna tshogs pa'i mchod par 'gyur ro// dri sna tshogs pa'i chu gzhal du med pa dang / dri'i bye ma gzhal du med pa dang / bdug pa gzhal du med pa'i mchod par 'gyur ro// 'di lta ste/ tsan dan go shIR+Sha dang ta ma la'i 'dab ma dang / tsan dan dang / tsan dan dmar po dang / pad+ma can dang /  dri zhim pa dang / sa ra laM dang / gur kun dang / gos dang / ldan pa dang / dri dang ldan pa dang / pu shel ci dang / rgya spos dang / tu ru ka dang / sbrik+ka dang / bo la dang / sra rtsi log dang / na me ru dang / shrI baSh+Ta ka dang / pog dang / sal+la ki dang / gu gul gyi bdug pa dang / hwags dang / sbrang rtsi dang / lnga bskor ba dang / ka dzo ka dang / bal+li ka'i shing dang / bal+li ka dang /  ga pur dang / gla rtsi dang / rnam pa sna tshogs rnam par bkra ba'i bdug pa gzhan sbyar ba rnams dang / dri'i chu'i rnam pa rnams dang / rnam pa sna tshogs pas bsgos pa'i phye ma dang ldan pa 'byung bar 'gyur ro// /  de bzhin gshegs pa mchod pa'i sprin gyi char 'bebs so// sgron ma'i shing sna tshogs pa sbar ba gzhal du med pas snang bar byed bzhin pa 'bar bar byed do// phyogs bcu rnams su kun nas sgron ma'i shing gad+hA'i klung gi bye ma bye ba khrag khrig brgya stong phrag dang mnyam pa'i sgron ma'i shing rab tu 'byung ngo / / 'di lta ste/ tu ru ka'i til mar dang / tsam pa ka'i til mar dang / ut+pa la'i til mar dang / sna ma'i til mar dang / bAR+Shi ka'i til mar dang / kon+ta'i til mar dang / a ti muk+ta ka'i til mar dang / pa la sha'i til mar dang / tsan dan gyi til mar dang / dzA ti'i 'bras bu'i til mar dang / bal+la'i til mar dang / a sho gan+d+ha la sogs pa'i til mar la sgron me rab tu byed de/ de bzhin gshegs pa mchod pa'i sprin du 'gyur ro// 'di lta ste/ ro brgya pa'i kha zas rnam phyogs bcu'i de bzhin gshegs pa dgra bcom pa yang dag par rdzogs pa'i sangs rgyas yul dang dus su nye bar bzhugs pa rnams kyi spyan sngar rab tu 'byung bar 'gyur ro/ / 'di lta ste/ ro bro ba'i mchog rnam pa sna tshogs pa'i gzugs dang / rnam pa dang /  zhim zhing mnga' ba/ myang bar 'os pa/ dga' bar bya ba/ yid dga' ba/ tse ya dz+ya dang / tshim par 'os pa dang / dri'i rigs lha rdzas rnam pa sna tshogs pas dus gsum du gshegs pa'i bcom ldan 'das de bzhin gshegs pa 'khor gyi tshogs dang bcas pa dang / byang chub sems dpa'i tshogs 'khor dang bcas pa dang / nyan thos kyi dge 'dun dang bcas pa dang / rig sngags kyi dkyil 'khor gyi lha dang bcas pa rnams kun tu tshim par byed pa'i 'bras bu rnam pa sna tshogs pa dang / ro bro ba'i mchog rnam pa sna tshogs pa dang / sbrang rtsi mngar ba'i ro myong ba dang ldan pa bcom ldan 'das 'khor gyi tshogs dang bcas pa'i spyan sngar rab tu 'byung bar 'gyur te/ de bzhin gshegs pa thams cad tshim par byed pa'i mchod pa'i sprin chen por 'gyur ro// 'di lta ste/ lha rdzas kyi rol mo'i sgra rnam pa sna tshogs pa dga' bar 'os pa'i rol mo pheg rdib pa rnams dang / 'di lta ste/ dbyangs kyi yan lag lnga dang ldan pa'i mi 'am ci dang dri za'i glu dbyangs rnam pa sna tshogs pa dang bcas pa dang / klu'i bu mo dang / lha ma yin gyi bu mo dang / lha'i bu mo dang / chu las byung ba'i bu mo rnams kyis rnam pa tha dad rnam pa sna tshogs pa'i gsang sngags kyi glu dbyangs kyi rol mo'i sgra rab tu 'khrol bzhin pa rnams kyis phyogs bcu'i de bzhin gshegs pa de rnams thams cad kyi dus gsum pa'i rol mo chen po'i mchod pa'i sprin du 'gyur ro/ / rnam pa sna tshogs par mdzes pa'i bstod pa'i rnam pas rol mo'i cho ga zhib mo ji lta ba bzhin du gsang ba'i phyag rgya dang /  dkyil 'khor gyi rim par phye ba dang rjes su 'thun pas yang dag par bstod par 'gyur ro// byang chub sems dpa'i tshogs dang bcas pa'i rig sngags kyi lha dang / dkyil 'khor gyi lhas rjes su 'dzin par 'gyur ro//  yang dag par bstod pa rnams kyang mtshan smos pas yang dag par bstod pa byas par 'gyur ro// de bzhin du yangs pa dang ldan pa'i gzungs 'phags pa spyan ras gzigs dbang phyug gis gsungs pa/ mchog thams cad sbyin pa po/ / thams cad du mchod pa'i sprin du gyur pa/ bla na med pa dpag bsam gyi shing lta bu'o// sna tshogs pa'i rdzu 'phrul dang rnam par 'phrul pa sgyu ma lta bu'i ting nge 'dzin byin gyis rlob pa'i rnam par 'phrul pas rig sngags 'chang thams cad kyi rmad du byung ba'i mchog gi dngos grub ster bar byed pa'o/ / sems can thams cad kyi ma dang par gyur pa'o// sems can thams cad kyi bsam pa yang dag par gyur pa'o// gsang sngag 'dzin pa thams cad kyi mchog gi dngos grub dang bsam pa yongs su rdzogs par byed pa'o/ / sems can thams cad kyi sdig pa dang / nyon mongs pa dang / sgrib pa thams cad yongs su sbyong bar byed pa'o// nad thams cad sel bar byed pa'o/ / sdug bsngal mi bzad pa gtug pa thams cad 'joms par byed pa'o// bkra shis pa dang yid kyi shing rta thams cad yongs su rdzogs par byed pa'o// de bzhin gshegs pa thams cad kyis yang dag par skul bar byed pa'o/ / byang chub sems dpa' thams cad kyis dbugs 'byin par byed pa'o// rig sngags kyi dkyil 'khor gyi lha thams cad spyan 'dren par byed pa'o// de bzhin gshegs pa thams cad kyi gsang ba'i dkyil 'khor rnams ston par byed pa'o/ / klu thams cad 'gugs par byed pa'o// gnod sbyin dang / srin po dang / 'byung po dang / yi dgas dang / sha za dang / bgegs dang / log par 'dren pa thams cad zlog par byed do/ / sems can thams cad kyi mchog gi dngos grub sbyin par byed pa'o// dbugs ma phyin pa rnams kyi dbugs 'byin par byed pa'o// ma grol ba rnams grol bar byed pa'o// skyabs med pa rnams kyi skyabs so/ / dpung gnyen med pa rnams kyi dpung gnyen no// mgon med pa rnams kyi mgon du gyur pa'o// 'khras med pa rnams kyi 'khra sa'o// bsnyen gnas ma byas pa rnams la bsnyen gnas sbyin pa'o// /  gtsang sbra ma byas pa rnam la gtsang sbrar spyod pa'o// mi tshangs par spyod pa'i gnas la zhen pa rnams la tshangs par spyod pa'i gnas sbyin pa'o// thub pa'i brtul zhugs ma byas pa rnams la thub pa'i brtul zhugs sbyin pa'o/ / chos ma yin pa la spyod pa rnams chos la sbyor ba'o// mi dge ba'i las kyi lam la spyod pa rnams dge ba'i chos la sbyor ba'o// 'jigs pas nyam thag pa rnams la mi 'jigs pa sbyin pa'o//  dbul po rnams la nor sbyin pa'o// 'bru dang bza' ba dang bral ba rnams la 'bru 'phel ba chen po sbyin pa'o// mu ges nyam thag pa rnams la skya rgyal gyi tshogs pa la nges par sbyor bar byed pa'o// lom nyams pa rnams kyi lam ston par byed pa'o/ / dus ma yin par 'chi bar 'gyur ba rnams kyi dus ma yin pa'i 'chi ba so sor 'gog pa'o// long ba rnams kyi mig sbyin par byed pa'o// 'on pa rnams kyi rna ba sbyin par byed pa'o/ / sna nyams pa rnams kyi sna rnam par sbyong bar byed pa'o// reg pa med pa rnams kyi bde ba'i reg pa la nges par sbyor bar byed pa'o// longs spyod kyi nyam thag pa rnams kyi longs spyod sbyin par byed pa'o/ / dran pa nyams pa rnams kyi dran pa yongs su sbyong bar byed pa'o// bsam pa nyams pa rnams kyi bsam pa yongs su dag par byed pa'o// tshul khrims nyams pa rnams kyi tshul khrims sbyin pa'o/ / sbyin pa las rgyab kyis phyogs pa rnams la pha rol tu phyin pa drug yongs su rdzogs par byed pa'o// brtson 'grus nyams pa rnams la stobs dang brtson 'grus kyi mchog sbyin pa'o// bzod pa dang bral ba rnams la bzod pa dang zhi ba sbyin pa'o/ / bsam gtan nyams pa rnams la bsam gtan dang ting nge 'dzin yongs su rdzogs par byed pa'o// shes rab nyams pa rnams la shes rab kun tu snang ba dang / blo gsal ba dang //  shes rab chen po'i snang ba yongs su rdzogs par byed do// dam tshig mi shes pa rnams la dam tshig sbyin pa'o// phyag rgya dang bral ba rnams kyi phyag rgya yongs su sbyong bar byed pa'o// rig sngags dang gsang sngags mi mkhas pa rnams la rig sngags dang gsang sngags rab tu sbyin pa'o/ / mu stegs rnams la mu steg smra ba dang / 'jug ngogs bzang po dang / lam rab tu sgrub par byed pa'o// sangs rgyas kyi byang chub las rgyab kyis phyogs pa rnams la sangs rgyas kyi byang chub chen po'i mchog sbyin pa'o/ / 'khor ba las ma bsgral ba rnams sgrol bar byed pa'o// mun pas long par byed cing bsgribs pa rnams la myos pa'i mun pa sel ba sbyin par byed pa'o/ / sgrib par bya ba rnams kyi sgrib pa dang bral bar byed pa'o// mtshams med pa lnga'i 'gro ba rnams kyi mtshams med pa lnga sbyong bar byed pa'o// ngag nyams pa rnams kyi ngag rnam par dag par byed pa'o/ / ma grub pa rnams la mchog gi dngos grub sbyin pa'o// thun tshags dang bcas pa rnams kyi thun tshags dang bral zhing yongs su dag par byed pa'o// ngan pa rnams la mchog sbyin pa'o//  mya ngan las ma 'das pa rnams kyi mya ngan las 'das pa'i mchog go/ brda mi phrad pa rnams la brda sprod par byed pa'o// kun nas 'khrugs pa rnams kyi sems gnas pa'i mchog go// mchog med pa rnams la mchog sbyin pa'o/ / rmi lam ngan pa mthong ba rnams la rmi lam chen po'i mchog ston pa'o// bkres pa rnams la kha zas kyi mchog sbyin pa'o// skom pa rnams btung ba chen po'i ro la yongs su longs spyod par byed pa'o/ / gcer bu rnams kyis gos dang bgo ba so sor thob cing grub pa'o// mdze can rnams kyi mdze dang bral bar byed pa'o// sha bkra can rnams kyi sha bkra yongs su sbyong bar byed pa'o/ / rims kyis btab pa rnams kyi rims dang bral bar byed pa'o// gdon gyis zin pa rnams kyi gdon dang / gshed byed dang / gdul dka' ba rnams 'dul bar byed pa'o// dgra bo phyin ci log pa rnams kyi dgra rnams dang bral bar byed pa'o/ / dbul po rnams la nor sbyin par 'gyur ro// bu bza' sa rnams kyi bu bza' cher 'phel bar 'gyur ro// mun pas long bar byas pa thams cad kyi sgron ma'i shing dang nyi ma'i 'od zer stong gis kun tu snang ba'o/ / rgyal pos bcom pa rnams la longs spyod rgya chen po cher byin pa'o// lon pa rnams gcig tu byed pa'o// ser sna can rnams kyi ser sna shin tu 'joms pa'o/ / 'dod chags la chags pa rnams kyi 'dod chags rab tu 'joms pa'o// rmongs pa chung ba ma yin pa rnams kyi rmongs pa dang bral bar 'gyur ro// mi dge ba'i lam gyis rab tu nyams pa rnams kyis dge ba'i lam gyi yid chos kyi nang du chud par 'gyur ro/ / gzhan gyi dbang du gyur pa'i sems can rnams kyi 'jigs pa med par 'gyur zhing yid chos kyi nang du chud par 'gyur ro// /  log par ltung ba rnams kyis shes rab dang / blo dang / shes bzhin dang / brkam pa rnams kyi blo bsnyen par mi 'gyur ro// sangs rgyas ma mthong ba rnams de bzhin gshegs pa thams cad mthong bar 'dod par 'argyas chos thos pa dang bral ba rnams kyis chos chen po'i ro rgya chen po thos par 'gyur ro/ / dge bdun la bsnyen bkur byed pa dang bral ba rnams kyis lha dang nyan thos kyi dge 'dun la bsnyen bkur byed par 'gyur ro//  dbang po nyams pa rnams kyi dbang po yongs su rdzogs par 'gyur ro// yan lag rnam par nyams pa'i sems can rnams kyi so so'i yan lag yongs su rdzogs par 'gyur ro// byang chub sems dpa' mthong ba dang bral ba rnams kyis byang chub sems dpa'i tshogs chen po mthong bar 'gyur ro/ / lhas yongs su spangs pa rnams kyi lha'i tshogs thams cad kyis yang dag pa'i 'dzin par 'gyur ro// nyon mong pa dang sgrib pas dkris pa'i sems can rnams kyi nyon mongs pa dang sgrib pa thams cad las yongs su grol bar 'gyur ro/ / phyag na rdo rje don yod pa'i mchod pa'i nor bu'i snying po'i gzungs spyan ras gzigs dbang phyug gis gsungs pa ni de ltar rdzu 'phrul che ste/ de bzhin gshegs pa thams cad kyi mchod pa'i sprin/ byang chub sems dpa' thams cad kyi mchod pa'i sprin/ sangs rgyas kyi zhing thams cad du rin po che sna bdun gyi mchod pa'i sprin gyi char 'bebs pa/ sangs rgyas kyi zhing gi de bzhin gshegs pa thams cad dang mtshungs par dus gsum du gshegs shing bzhugs pa rnams kyi dpag bsam gyi shing chen po'i mchod pa'i sprin gyi char 'bebs par byed pa'i mchod pa'i sprin 'byung bar 'gyur ro/ / de bzhin gshegs pa thams cad kyi rigs kyi dam tshig rig sngags kyi dkyil 'khor gyi de kho na nyid sgrub par byed pa/ rmad du byung ba'i dngos grub yang dag par ston par byed pa'o// rig sngags kyi dkyil 'khor gyi lha thams cad dang / rig pa'i rgyal po'i lha rnams dang / gsang sngags kyi lha thams cad spyan 'dren zhing 'gugs par byed pa'o/ / 'di ni pha rol tu phyin pa drug yongs su rdzogs par byed pa'o// 'di ni thams cad du gsang ba'i sgo ston par byed pa'o// lag na rdo rje don yod pa'i mchod pa'i snying po'i gzungs 'di ni dus ma yin pa'i char dang / mu ge dang / dus kyi chu rnam par nyams pa la so sor skyed pa'o// de nas rig sngags 'chang gtsang mas khrus byas gos gtsang ma bgos te/  yid rtse gcig tu byas nas sems can thams cad la mchog tu brtse ba dang byams pa'i sems bsgom par bya'o// mchod rten gyi yan lag dang nye ba 'am/ khang stong ngam/ ri bo 'am/ nags thibs po 'am/  dgon pa 'am/ skyed mos tshal lam/ dge 'dun gyi kun dga' ra ba 'am/ chu klung ngam/ mtshe'u 'am/ rdzing bu 'am/ klu gnas pa'i mtsho 'am/ lha'i gnas sam/ rgyal po'i pho brang yang rung ste/ der rig sngags 'chang gtsang mar gnas pas sa gzhi yongs su brtags pa cha mnyam pa mdzes par khru gnyis kyi tshad kyi dkyil 'khor byas la/ sa dang ba byung du ldan pas gru bzhi par cha gzhal te legs par byi dor byas la shin tu 'jam par bya'o/ / der de'i steng du tsan dan dang dri'i chus byug par bya'o// gur kum gyis rnam pa sna tshogs pa'i mtshan ma dang phyag rgya rnams ri mor bri'o// de la dkyil 'khor gyi dbus kyi snying po klu mgo bo dgu pa skyil mo krung gis 'dug pa bri'o/ / grwa bzhi'i nang du chud par don yod zhags pa bri'o// dkyil 'khor gyi phyi rol gyi khor yug tu ji ltar thob pa'i phyag rgya dang gsang sngags rnams bri bar bya'o/ / sgo bzhi rnam par dbye bar bya ste/ ji ltar 'byor pa'i gtor ma sna tshogs pa'i ro'i gtor ma dkar po dang / me tog dang / bdug pa dang / dri dang / mar me dang / gang ba'i bum pa dang / gtor ma dang bdug pa'i pog por gyis nye bar mdzes par bya'o/ / rig sngags 'chang gis ches mngon du don yod zhags pa lan bdun bzlas par bya'o// khro bo'i rgyal po la yan cig bzlas pas mngon par dbang bskur bar bya'o//  don yod pa'i lcags kyu dang khro bo lcags kyu dus gcig tu brjod do// rig sngags kyi rgyal po lan gsum du brjod par bya'o// de nas rig sngags 'chang gis dkyil 'khor la mngon du phyogs te bzlas pa'i cho ga bya'o/ / don yod pa'i mchod pa nor bu'i snying po lan stong rtsa brgyad du bzlas brjod bya'o// nA ga ge sar dang / na la di na dang / rgya spos dang / gur kum dang / tsan dan dang / yungs kar dang /  khi kha ra mnyam par sbyar ba'i bdug pa la bzlas brjod brgya rtsa brgyad bya ste/ klu'i dkyil 'khor du bdug pa dbul bar bya'o// klu'i lte ba'i steng du bdug spos kyi pog por gang ba gzhag par bya'o// lan stong rtsa brgyad du bzlas pa'i mo nyid la klu'i zhags pa chen po las char gyi rgyun chen po 'byin te ji srid 'dod pa'i bar du char 'bebs so/ / klu'i rgyal po'i ming nas bzung ste bzlas par bya'o// klu'i rgyal po rgya mtsho dang / dga' bo dang / nye dga' bo dang / nor rgyas kyi bu dang / 'dzag po dang / hu lu dang / u lam bu la dang / chu lha dang / yid ldan dang / e la'i 'dab ma dang / klu'i rgyal po kun nas 'khor ba'i gdugs te/ klu'i rgyal po rnams las gcig smos par bya ste/ klu'i rgyal po de rnams kyis bden par dam bcas pas rnam par bzhag po'i modo nyid la char gyi rgyun 'byin par byed de/ ji srid 'dod kyi bar du kun nas sbyor bas char stong phrag 'bebs so/ / yang na yungs kar la stong rtsa brgyad du bzlas pas klu'i rgyal po'i snying kha'i steng du sbyin sreg bya'o// sbyin sreg byas pa tsam gyis mod la 'phral nyid du stong phrag du mar a bi rA yaM char gyi rgyun 'byin par byed do/ / spar mo gang gis nyin mtshan gcig tu rgyun mi 'chad par char 'bebs so// spar mo gsum gyis nyin mtshan gsum du char 'bebs so/ / spar mo bdun gyis nyin mtshan bdun du char gyi rgyun chen po klu'i rgyal pos 'byin par byed do// yang dag pa kho nar char gyi rgyun ltung ngo // yang na klu'i ras ris bya ste/ khru gang gi tshad la kun nas gru bzhi pa'i tshad kyi ras la ri mor bya'o/ / de'i dbus su rig pa'i rgyal po 'phags pa spyan ras gzigs dbang phyug bri bar bya ste/ skyil mo krung gis 'dug pa/ phyag bzhi pa/ ral gri dang rtse gsum pa dang / zhags pa dang / pad+ma thogs par bya'o// zhal khro gnyer can/ rgyan thams cad kyis rnam par brgyan pa/ ral pa'i cod pan gyis spyad pa/ 'od dpag med kyi cod pan can/ ral ba zla ba phyed pas nye bar mdzes pa/ 'od 'dom gang bas yang dag par brgyan pa/ chu dang bcas pa'i pad+ma'i gdan bya'o// klu'i rgyal po de dag pus mo g.yas dang g.yon pa btsugs pa bya'o// klu'i gdengs ka dang bcas pa/ thal mo 'chang bas skyabs su 'gro bar byed pa bya'o// de nas rig sngags 'chang des ras ris de la mngon du phyogs te smra ba bcad nas don yod pa'i mchod pa'i nor bu'i snying po'i gzungs stong rtsa brgyad du bzlas par bya ste/ yungs kar la lan stong rtsa brgyad du bzlas nas klu'i rgyal po rgya mtsho la bsnun par bya'o// stong rtsa brgyad rdzogs pa dang char gyi rgyun chen po 'bab par byed do// gal te lo stong du char mi 'bab par 'gyur ba las 'phral nyid du lhas char 'bebs par byed par the tsom med do/ / rlung dang / sad dang / ser ba'i dus su de'i ras ris khang pa'i steng du gzhag ste/ rlung dang / sad dang /  ser ba thams cad phyir zhing mi 'byung ngo // phyogs gang du ras ris rnam par lta bar byed pa de'i phyogs kyi gnas su rlung dang / sad dang / ser ba mi 'bab ste/ ri 'am dgon dung 'khrigs par yang mi 'bab bo// /  yang na rig sngags 'chang gis ras ris de gzungs nas klu'i gnas kyi mtshor song nas gnas kyi mtsho der gzhag par bya'o// don yod zhags pa'i mchod pa'i nor bu'i snying po'i gzungs stong rtsa brgyad du chu la bzlas te gnas pa'i mtshor 'phang bar bya'o/ / 'phangs pa tsam gyis mod la gnas der gnas pa'i klu khye'u'i gzugs kyis lus phyed gnas de gnas 'thon te/ ras ris de la phyag 'tshal bar byed do// rig sngags 'chang ba la smras pa/ rig sngags 'chang gis bka' bsgo ba ci yin pa bdag gis bgyi'o zhes so// rig sngags 'chang gis smra bar bya ste/ klu chen po 'dzam bu'i gling kun tu lta bar gyis shig/ khye'u de'ang phyogs bzhi kun tu rnam par lta bar byed do/ / ji lta ji ltar mtshan ma mthong ba de lta de ltar rig sngags 'chang la mtshan ma smra bar 'gyur te/ legs par byas pa 'am/ nyes par byas pa de thams cad smra bar byed do//  @de nas rig sngags 'chang gis brjod par bya ste/ klu chen po char phob la tshim par gyis shig/ 'dzam bu gling ba'i rtswa dang / nag kyi bdag po dang / ri dang / tshang tshing dang / dgon pa dang / zhing dang / kun dga' ra ba rnams thams cad du char gyi rgyun 'byin par gyis shig/ lha'i chus kun nas char phob cig/ sems can thams cad kyi lha'i chu'i char gyi rgyun chen po phob cig/ klu'i khye'u la smras pa/ kye bcud len mchog tu gya nom pa'i rig sngags kyi ga'i byin cig ces/ rig sngags 'chang gis brjod par bya'o// klu'i khye'u bdud rtsi bcud kyi len gyi mchog zung zhig ces so// de nas klu'i khye'u de rig sngags 'chang la mngon du phyogs te thal mo sbyar nas nye bar 'dug go/ rig sngags 'chang gis klu chen po nyon cig ces brjod par bya'o// de nas rig sngags 'chang gis rten cing 'brel par 'byung ba bstan par bya/ 'phags pa'i bden pa bzhi po rnams dang / sangs rgyas kyi chos ma 'dres pa bco brgyad dang / 'phags pa'i lam yan lag brgyad pa bstan par bya'o// don yod zhags pa'i mdo'ang bstan par bya'o/ / gang gi tshe rig sngags 'chang de lta bu'i de bzhin gshegs pa'i chos ston bzhin pa na/ klu'i lus la bdug pa 'khrigs pa'i sprin chen po nges par 'thon te nam mkha'i dkyil du g.yog par byed cing gnas so/ / chos ston pa'i skad cig thang cig yud tsam de la char gyi rgyun chen po 'bab par byed de/ sa'i mtsho der char pa 'bab pa ma yin no// rig sngags 'chang dang ras ris kyi steng du klu'i khye'u de ras ris de la mchod pa byed de/ rig sngags 'chang de la yon dang bcas pas chos la mchod pa 'bul bar byed do// rig sngags 'chang gis smras pa/ rig sngags 'chang gi sar khyod zhugs shig de rnams 'di skad ces rig sngags 'chang rang gi khyim gyis mchog go/ / rig sngags 'chang gis smra bar bya ste/ gal te dge ba bcu'i las kyi lam 'khor dang bcas pa yang dag par len par byed na/ de'i tshe nga khyod kyi gnas mchog tu 'jug par bya'o/ / gal te mi byed na 'jug par mi bya'o zhes so// de nas khye'u de gal te byed na dge ba ston pa mthong ba de'i tshe rang gi gzugs kyis gnas par byed de/ lha rdzas/  kyi rna rgyan dri ma med pa g.yo ba/ sgra'i cod pan 'chang ba/ rgyan thams cad kyis rnam par brgyan pa'o// gal te mi byed na khye'u de'i gzugs mi snang bar 'gyur te slar yang mi mthong ngo // yang na rdzu 'phrul chen po can gyi klu'i rgyal po mthong bar 'dod pa'i rig sngags 'chang des zangs kyi 'dab ma la don yod pa'i mchod pa'i nor bu'i snying po'i gzungs de'i steng du bri bar bya ste sbrang rtsis byug par bya'o/ / yungs kar la lan brgya rtsa brgyad du yongs su bzlas te gtor bar bya ste gnas pa'i mtsho der 'phang bar bya'o/ / gu gul zho gcig gi tshad kyis mchod nas bdug pa sbyin par bya'o// ji srid du gu gul phyed kyi cha shas kyi lha ma las kyi bar du bsreg par bya'o/ / skad cig yud tsam thang cig de la klu'i rgyal po rgya mtsho bram ze'i gzugs kyis klu'i mtshor nye bar 'dug ste/ rig sngags 'chang la shis parjod par byed do//  rig sngags 'chang gis kyang nad med par gyur cig ces brjod par bya'o// kye chos kyi don gyi tshig nyon cig/ chos dang 'jig rten mang po'ang skyongs shig ces so// bram ze de'ang dga' ste/ rig sngags 'chang ci 'dod pa'i don gang yin pa'i don de smros shig dang / thams cad smra bar 'gyur ro zhes rjod par byed do// de nas de bzhin gshegs pa chen po bdun dang / byang chub sems dpa' chen po bdun dang / nyan thos chen po bzhi'i mtshan nas smos par bya'o// de nas bram ze de rnam pa de lta bu'i tshig gi sgra thos nas yid rab tu dga' ste snying mgu ba chen por 'gyur nas/ rig sngags 'chang la legs so zhes bya ba'i sgra brjod par byed de/ legs so legs so zhes sgra 'byin par byed do// mtshan shin tu bsngags pa gang yin pa de khyod kyis yongs su 'dzin pa dang / legs par yod su grags pa'i mtshan shin tu mnyan par 'os pa mchog tu rnyed par dka' ba ste/ mtshan khyod kyis yongs su bsgrags pa mchog tu rnyed par dka' ba nyid rig sngags 'chang gang gis 'di lta bu'i sems can de rin popoche don yod pa chen po'i rnam par 'phrul pa'i mtshan 'dzin par byed pa sems can rnams kyi mchog thos par byed do zhes so/ / de nas bram ze de bram ze'i gzugs kyi cha byad de mi snang bar byas nas/  klu'i rgyal po rgya mtsho'i gzugs kyi cha byad dang rtags kyis ji lta ba bzhin du/ rig sngags 'chang gi mdun du 'dug ste smra bar yang byed do// rig sngags 'chang mchog ji ltar mngon par 'dod pa smos shig/  thams cad rjes su stsal bar bgyi'o// de nas rig sngags 'chang gi ji ltar mngon par 'dod pa'i mchog tham brjod pa de ster bar 'gyur ro// yang na mchog tu 'jug par byed do// klu'i rgyal po 'khor dang bcas pa thams cad dbang du gyur nas nye bar gnas so/ / las thams cad bka' bsgo ba tsam gyis byed par 'gyur te/ 'di la dogs pa dang yid gnyis bskyed par mi bya'o// sbyar ba tsam gyis mod la bya ba 'di rnams thams cad 'grub par 'gyur ro/ / de nas ras ris blangs te rgyal mtshan gyi rtse mo la btag par byas nas/ zhing dang kun dga' ra ba thams cad la g.yas phyogs su bskor bar bya ste/  rlung dang / tshad ba dang / sad dang / ser ba dang / sbrang bu dang / sbrang bu mchu rings dang / cha ga pa dang / byi ba dang / ne'u le dang / khyi dang / lce spyang dang / grog srur dang / sbrul go Na sa dang /  sdig pa dang / sbrang pu traM ma bu ga dang / sbrang bu tri la Ta dang / sbrul gdug pa dang / dug gi 'jigs pa 'byung bar mi 'gyur te/ 'phral nyid du yongs su grol bar 'gyur ro// lo tog dang / me tog dang / 'bras bu rnams legs par yongs su smin par 'gyur ro// ro bzang ba dang legs par smin par 'gyur ro// don yod pa'i nor bu'i mchod pa'i snying po'i klu'i char 'bebs pa'i cho ga'o//  / de nas 'thab mo dang / rkyod pa dang / byed pa dang / pha rol gyi dmag tshogs dang / 'brog mgon pa'i 'jigs pa rab tu zhi bar 'dod pa'i rig sngags 'chang des rig pa'i rgyal po 'ba' zhig ras la bri bar bya ste/ dpal lha mo'i gzugs dang / kha dog dang / rtag dang / dbyibs dang / rgyan thams cad kyis rnam par brgyan pa/ 'od dpag med kyi cod pan 'chang ba'i rgyal po chen po bzhi bri bar bya'o//  tshon sna tshogs pa rnam par bkra ba'i rgyal mtshan gyi mchog gdags par bya'o// klu'i rgyal po'i pho brang du 'jug par bya'o// don yod pa'i zhags pa'i mchod pa'i nor bu'i snying po'i gzungs 'di'ang brjod par bya zhing 'jug par bya ste/ dang por rgyal mtshan gyi mchog mthong ba tsam gyis mod la bud med dang / skyes pa dang / khye'u dang / bu mo thams cad kyi nad thams cad dang / 'jigs pa thams cad dang / sgrib pa thams cad dang / sdig pa thams cad dang / nad thams cad yongs su grol lo// nyes par byas pa dang sdig pa thams cad yongs su grol lo// dug dang / byang snyems dang / phye ma'i sbyor ba'i dug dang /  dug gi 'jigs pa thams cad yongs su grol lo// dgra'i 'jigs pa thams cad yongs su grol lo// sdig pa thams cad yongs su grol lo// rgyal mtshan gyi mchog la btags pa mthong nas mthong ba tsam gyis mod kho na la sngon gyi sdig pa dang / sgrib pa dang / mtshams med pa lnga'i 'gro ba rnams las yongs su grol bar 'gyur te/ 'di la the tsom dang / yid gnyis bskyed par mi bya'o// dang por grong khyer gyi rgyal po'i pho brang du rgyal mtshan gyi mchog 'di zhugs pa tsam gyis mod la mi ngas dang / mu ga dang / yams kyi nad dang / 'brog dgon pa'i nye bar 'tshe ba dang / 'go ba'i nang dang / 'khrug pa thams cad dang /  gdon dang / 'byung po dang / gnod sbyin dang / srin po dang / yi dgas dang / sha za dang / grib gnon dang / brjed byed thams cad dang / log par 'dren pa'i 'jig pa mi bzad pa thams cad rab tu zhi bar byed do/ / 'thab pa dang / 'thab mo dang / rtsod pa dang / 'gyed pa'i 'jigs pa thams cad rab tu zhi bar byed do// pha rol gyi dmag tshogs dang / phyir rgol ba dang / dgra'i 'jigs pa thams cad rab tu zhi bar byed do/ / chom rkun dang / g.yon can dang / rkun mo'i 'jigs pa thams cad rab tu zhi bar byed do// rmi lam ngan pa dang / mtshan ma ngan pa dang / bkra mi shis pa'i dngos po thams cad rnam par nyams par byed do/ / yul dang / grong dang / dgon pa pa dang / nags tshang tshing dang / grong khyer dang / rgyal po'i pho brang rnams thams cad du'ang bde ba byed par 'gyur ro// lo legs pa dang / dga' bar 'os pa dang / sems can thams cad nye bar 'tshe ba med pa dang / nad med par 'gyur ro// sems can de rnams thams cad du'ang phan tshun du dga' ba dang / rab tu mgu ba chen pos phan tshun byams pa'i sems su 'gyur ro//  don yod pa'i mchod pa'i nor bu'i snying po'i gzungs 'di yid rtse gcig pas tshes bco lnga'i nya la nyin mtshan thog thag tu smyung bar gnas pas gtsang ma gos gtsang ma bgo bar bya'o// ba byung lnga'i nye reg gis gtsang sbra dang / khrus dang / dri'i chus tsam gyis rjes su mthun pa'i byug pa byas te/ skyil mo krung du 'dug nas rig po'i rgyal po la mngon du phyogs nas bzlas brjod bya'o// mtshan thog thag tu mchod pa chen po rgyun mi 'chang bar bsgrub par bya'o/ / dri'i til mar gyi mar me dbul bar bya zhing / bgrang 'phreng dpag tu med pa byas pa'i bzlas brjod dbul bar bya'o// lan re re bzlas pas lan brgya stong phrag yongs su bzlas par 'gyur ro/ / ji srid du rig pa'i rgyal po'i bris sku 'bar bar byed de/ 'di lta ste/ 'od zer sna tshogs pa 'byin par byed do// rig sngags 'chang dga' bar byed cing spyi bo'i gtsug nas 'bar bar byed do/ / nam mkha' nas rig sngags 'chang khyod kyis bzlas brjod kyi cho ga mchog tu byas pa legs so legs so zhes sgra 'byin par byed do// 'di ni rig sngags 'chang rnams kyi mchog gi bzlas pa'i cho ga ste/ khyod kyis don yod pa'i zhags pa'i snying po rnam par thar pa'i dkyil 'khor dang / byang chub sems dpa' thams cad la phyag byas par grub po// khyod kyis don yod pa'i mchod pa'i nor bu'i snying po'i gzungs kyi dngos grub kyang grub bo/ / khyod kyis de bzhin gshegs pa thams cad kyi gsang ba'i dkyil 'khor dang / phyag rgya'i rim par phye ba dang / thun mong gi snying po dang / gzungs smras pa/ rig pa 'dzin pa'i mchog de thams cad rjes su mthun par stsol bar 'gyur ro// 'di lta ste/ gsang sngags kyi dngos grub bam/ gzungs kyi dngos grub bam/ cho ga zhib mo'i dngos grub bam/ rigs thun mong ba'i dkyil 'khor gyi de bzhin gshegs pa'i dngos grub bam/ phyag rgya'i dam tshig gi dngos grub bam/ nam mkha' la 'gro ba 'am/ mi snang ba 'am/ gzugs sna tshogs su bsgyur ba 'am/ mig 'phrul lam/ rdzu 'phrul ston pa 'am/ klu'i gzhal med khang ngam/ lha'i gzhal med khang ngam/ gnod sbyin gyi gzhal med khang ngam/ dri za'i gzhal med khang ngam/ lha ma yin gyi gzhal med khang ngam/ nam mkha' lding gi gzhal med khang ngam/ mi 'am ci'i gzhal med khang ngam/ lto 'phye chen po'i gzhal med khang ngam/ nyi ma'i gzhal med khang ngam/ zla ba'i gzhal med khang ngam/ skar ma'i tshogs kyi gzhal med khang ngam/ rgyu skar gyi gzhal med khang ngam/ srin po'i gzhal med khang ngam/ 'dod pa'i gzugs kyi gzhal med khang yang rung ste/ de thams cad rjes su 'dzin no// 'di ni khyod kyis bya/  ba thams cad bklags pas 'grub cing bzlas pa tsam gyis 'grub par 'gyur ro// kye rig sngags 'chang bya ba rnam pa sna tshogs pa de rnams rjes su 'dzin no// 'di lta ste/ nor sgyur ba smra ba dang / zhing smra ba dang /  nor bu smra ba dang / zhags pa'i dngos grub dang / mig sman sgrub pa dang / thig le sgrub pa dang / dbang phyug dang / blon po dang / bkrabs pa dang / mdun na 'don nyid dang / stobs che ba nyid dang / longs spyod la dmigs pa dang / yul gyi bdag po nyid dang / dbang phyug dang / nor 'phel ba dang / gter g.yo ba dang / nyo tshong gi grogs byed pa dang / 'gugs pa dang / khung du 'jug pa dang / ri la 'jug pa dang / nags su 'jug pa dang / me la 'jug pa dang / sa 'og tu 'jug pa dang / klu'i char 'bebs pa dang / char gyi rgyun dang / ser ba'i rgyun dang / ser ba 'bebs pa dang / grong lta ba dang / g.yul du 'jug pa dang /  rig sngags 'chang nyid dang / sangs rgyas kyi zhing mthong ba nyid dang / ldong ros kyi mig sman sgrub pa dang / ral gri sgrub pa dang / rdo rje sgrub pa dang / rtse gsum sgrub pa dang / 'khor lo sgrub pa dang / dung sgrub pa dang / gtun shing sgrub pa dang / dgra sta sgrub pa dang / mda' bo che sgrub pa dang / tho ba sgrub pa dang / dril bu sgrub pa dang / rdzas sgrub pa dang / sman sgrub pa dang / bcud kyi len sgrub pa dang / ro langs slong bar byed pa dang / rang gi gnas 'bebs pa dang / gos 'bebs pa dang / rims 'bebs pa dang / shi ba slong bar byed pa dang / gdon thams cad 'bebs pa dang / thod pa 'bebs pa dang / bum pa 'bebs pa dang / bum bu 'bebs pa dang / lteng ka 'bebs pa dang / dril bu 'bebs pa dang / tho ba 'bebs pa dang / ral gri 'bebs pa dang / me long 'bebs pa dang / pad+ma 'bebs pa dang / bud med dang / skyes pa dang / khye'u dang / bu mo 'bebs pa dang / mdzes par byed pa dang / gar byed pa de rnams thams cad bklags pas grub pa dang bzlas pas 'grub pas rig sngags 'chang rjes su 'dzin te/ don mtha' yas shing don mtha' yas pa de rnams thams cad grub pa'i ched du gyis shig ces so// dgos pa thams cad yongs su rdzogs par byed de/ rig sngags 'chang khyod dge ba 'grub cing rig pa ste/ rig sngags 'chang 'grub pa khyod kyis 'jig rten dang 'jig rten la 'dra pa'i bya ba byed par 'gyur ro// rig sngags 'chang khyod shi 'phos nas bde ba can gyi 'jig rten gyi khams su 'gro'o//  dus gsum gyi de bzhin gshegs pa thams cad kyis khyod phyir mi ldog par lung bstan no// 'di ni skye ba tha ma ste/ mngal gyi dri mas ma gos par pad+ma las rdzus te skye bar 'gyur ro// skye ba'i skye ba dran par yang 'gyur ro/ / khyod dge ba'i rtsa ba thams cad la mngon par phyogs pa dang / de bzhin gshegs pa thams cad kyi gsang ba'i dkyil 'khor dang / phyag rgya dang / gsang sngags dang / gzungs kyi rim par phye ba dang / cho ga zhib mo la ji srid byang chub la mtha' thug pa'i bar du mngon par phyogs par 'gyur ro// de bzhin du sgras lung ston par byed pa smras nas mi snang bar 'gyur ro// de nas rig pa'i rgyal po'i ras ris de'i smin ma'i bar nas 'od zer kha dog sna tshogs pa rnam par bkra zhing bkra ba 'byin par byed de/ de ma thag tu kun nas snang bar byed do// kun nas snang bar byas nas kyang rig sngags 'chang gi lus la bab ste mi snang bar 'gyur ro/ / mi snang bar gyur pa'i de ma thag tu rig sngags 'chang des ting nge 'dzin stong phrag brgya thob par 'gyur ro// 'di lta ste/ phyir mi ldog pa'i ting nge 'dzin dang /  rnam par snang bar byed pa'i ting nge 'dzin dang / kun nas sgo'i ting nge 'dzin dang / kun nas 'od kyi dkyil 'khor gyi ting nge 'dzin dang / 'od yangs pa'i dkyil 'khor gyi ting nge 'dzin dang / don yod pa rnam par 'phrul pa'i ting nge 'dzin dang / don yod pa mchod pa'i nor bu'i ting nge 'dzin dang / don yod pa nor bu zhes bya ba'i ting nge 'dzin dang / dngos grub gsal ba zhes bya ba'i ting nge 'dzin dang / kun tu gzigs pa zhes bya ba'i ting nge 'dzin dang / phyag rgya rim par phye ba'i ting nge 'dzin dang / dkyil 'khor gsang ba'i ting nge 'dzin dang / don yod pa'i gzungs kyi ting nge 'dzin dang / kun tu gzigs pa'i nor bu'i rgyal po'i ting nge 'dzin dang / dus kyi rjes su 'brang ba'i ting nge 'dzin dang / pad+ma mchog ces bya ba'i ting nge 'dzin dang / pad+ma rnam par blta ba zhes bya ba'i ting nge 'dzin dang / zhags pa rab tu gnas pa zhes bya ba'i ting nge 'dzin dang / rtag par khong du chud pa zhes bya ba'i ting nge 'dzin dang / rgyal ba'i 'od zer zhes bya ba'i ting nge 'dzin dang / rgyu skar kun tu gzigs pa zhes pa'i ting nge 'dzin dang / dngos grub kyi 'od zer dri ma med pa zhes bya ba'i ting nge 'dzin dang / kun nas nor bu'i gzi brjid ces bya ba'i ting nge 'dzin dang / dbang phyug gi mthu stobs dri ma med pa zhes bya ba'i ting nge 'dzin dang / 'od zer kun nas snang ba zhes bya ba'i ting nge 'dzin dang / blo yang dag par 'dzin pa zhes bya ba'i ting nge 'dzin dang / gsal bar khong du chud pa zhes bya ba'i ting nge 'dzin dang / phyag rgya kun tu gzigs pa zhes bya ba'i ting nge 'dzin dang / phyag rgya kun tu gzigs pa'i pad+ma zhes bya ba'i ting nge 'dzin dang / rtag par char 'bebs pa zhes bya ba'i ting nge 'dzin dang / dri ma med pa'i snying po zhes bya ba'i ting nge 'dzin dang / dngos grub yangs pa zhes bya ba'i ting nge 'dzin dang /  me tog ldan pa zhes bya ba'i ting nge 'dzin dang / kun nas kun tu gzigs pa zhes bya ba'i ting nge 'dzin dang / kun nas kun tu rnam par sbyong ba zhes bya ba'i ting nge 'dzin dang / lce'i mchog dang ldan pa zhes bya ba'i ting nge 'dzin dang / yi ge rnam par dag pa zhes bya ba'i ting nge 'dzin dang / chu yongs su sbyong ba zhes bya ba'i ting nge 'dzin dang / gzi brjid dang ldan pa zhes bya ba'i ting nge 'dzin dang / yangs par byin gyis brlabs pa zhes bya ba'i ting nge 'dzin dang / blo 'gugs par byed pa zhes bya ba'i ting nge 'dzin dang / me tog mngon par bkram pa zhes bya ba'i ting nge 'dzin dang / rnam par 'phrul pa bkod pa zhes bya ba'i ting nge 'dzin dang / gzung rnam par dag cing dri ma med pa zhes bya ba'i ting nge 'dzin dang / gzi brjid yan lag ces bya ba'i ting nge 'dzin dang / thams cad yongs su dag pa zhes bya ba'i ting nge 'dzin so sor thob bo// mdor bsdu na ting nge 'dzin 'di rnams bklags pa tsam dang bzlas pa tsam gyis 'jig rten pa'i sgrub pa'i dngos grub so sor thob bo/ / gang zhig bzlas pa tsam gyis 'jig rten pa'i ting nge 'dzin dang / gsang sngags dang / rnam par 'phrul pa rnams so sor thob bo/ / ting nge 'dzin gzhan de rnams ni ting nge 'dzin gyi rnam par 'phrul pa'i dngos grub so sor thob bo// lag na rdo rje 'jig rten las 'das pa'i ting nge 'dzin gzhan yang bklags pas grub pa dang bzlas pa tsam la so sor thob po/ / gang gis 'jig rten las 'das pa'i dngos grub de bzhin gshegs pa thams cad kyi gsang ba rim par phye ba dang / dkyil 'khor dang / gsang sngags dang / phyag rgya de bzhin gshegs pa thams cad kyi rigs thun mong bar gyur pa mthong ba'i dngos grub so sor thob po/ / ting nge 'dzin gyi rnam par 'phrul pa gang gis de bzhin gshegs pa thams cad kyi dus gsum pa'i ting nge 'dzin dang / dkyil 'khor gyi gsang ba dang / gsang sngags dang / phyag rgya dang / spyi gtsug kun tu gzigs par 'gyur ro// phyag rgya dang / gsang sngags dang / dkyil 'khor dang / cho ga zhib mo gang yin pa de rnams de bzhin gshegs pa thams cad kyi rigs kyi gsang ba'i rgyal mtshan gyi mchog tu kun tu gnas so/ / gang gis skye ba brjes pa'i mod dang bsgom pa'i mod la rgyal mtshan gyi mchog dang ldan pa'i sgo mchog tu gnas so/ / 'di lta ste/ don yod pa'i ye shes bkod pa zhes bya ba'i ting nge 'dzin dang / dpa' bar 'gro ba zhes bya ba'i ting nge 'dzin dang / rgyal mtshan gyi rtse mo'i dpung rgyan ces bya ba'i ting nge 'dzin dang /  gzungs kyi bdag po zhes bya ba'i ting nge 'dzin dang / dge ba'i me tog gtsang ma zhes bya ba'i ting nge 'dzin dang / spyi gtsug kun tu rnam par blta ba zhes bya ba'i ting nge 'dzin dang / seng ge rnam par rtse ba zhes bya ba'i ting nge 'dzin dang / 'od 'bar bar byed pa zhes bya ba'i ting nge 'dzin dang / gzi brjid ldan pa zhes bya ba'i ting nge 'dzin dang / rin chen 'byung gnas zhes bya ba'i ting nge 'dzin dang / gzungs kyi phyag rgya zhes bya ba'i ting nge 'dzin dang / rnam par snang mdzad kyi snying po zhes bya ba'i ting nge 'dzin dang / dri ma med pa'i 'od ces bya ba'i ting nge 'dzin dang / nor bu rin po che chen po'i char 'bebs par byed pa zhes bya ba'i ting nge 'dzin dang /  don yod pa dri ma med pa'i bdag po zhes bya ba'i ting nge 'dzin dang / don yod pa zab mo'i sgra sgrogs pa zhes bya ba'i ting nge 'dzin dang / don yod pa'i dngos grub kyi zhags pa zhes bya ba'i ting nge 'dzin dang / don yod pa'i rgyal mtshan zhes bya ba'i ting nge 'dzin dang / yid bzhin gyi nor bu'i 'od kyi snang ba rgyas pa zhes bya ba'i ting nge 'dzin te/ 'di rnams la sogs pa'i ting nge 'dzin mang po rnams so sor thob cing / ting nge 'dzin gzhan 'jig rten las 'das pa brgya stong phrag bklags pa dang bzlas pa tsam gyi grub par 'gyur ro/ / rig pa'i rgyal po'i gzungs kyi snying po 'di yon tan che ba dang / phan yon che ba dang / rdzu 'phrul dang rnam bar 'phrul pa che ba ste/ don yod pa lcags kyu'i cho ga zhib mo dang / don yod pa nor bu'i mchod pa zhes bya ba'i gzungs 'phags pa spyan ras gzigs dbang phyug gis don yod zhags pa'i snying po'i gzungs gsus pa/ sems can thams cad la phan pa rjes su 'brang ba/ dge ba'i rtsa ba thams cad skye bar byed pa/ sdig pa dang sgrib pa thams rnam par sbyong bar byed pa/ gzungs kyi tshig gi snying po gang zhig bklags pa tsam dang bzlas pa tsam gyis 'di rnams byed pa'i dngos grub so sor thob po/ / sgrub pa 'di rnams thams cad ni las kyi rnam 'phrul du 'gyur ba ma yin no// de nas rig sngags 'chang de smyung bar gnas te bzlas pa gcig dang bklags pa'i dngos grub kyis de lta bu'i rgyas shing gsal ba thob po/ / de kho na nyid kyi dngos grub kyang so sor thob ste/ don rgya che ba dang / longs spyod dang ldan pa dang / gzungs kyi dngos grub chen po so sor thob bo/ / bkod pa yangs pa rnam par blta ba zhes bya ba'i ting nge 'dzin dang / gzungs kyi gsang ba so sor thob po// dpag bsam gyi shing yang dag par gang ba'i char 'bebs pa dang / gzungs kyi rnam par 'phrul pa'i bkod pa so sor thob po/ / yid bzhin gyi nor bu chen po'i rgya mtsho dang / rin po che sna bdun gyi char 'bebs pa dang / kun nas kun tu gzigs pa'i rgyal mtshan gyi gzungs kyi gsang ba'i char 'bebs pa'i dngos grub so sor thob po/ / kun nas gser gyi rgyal mtshan gyi char 'bebs pa'i gzungs kyi bkod pa rnam par bstas pa dang / don yod pa'i bkod pa rab 'byams kyi dngos grub rab tu thob po/ / de bzhin gshegs pa thams cad kyi gtsug tor rnam par lta ba'i rgyal mtshan gyi gzungs kyi rnam par 'phrul pa so sor thob po// de bzhin gshegs pa thams cad kyi gsang ba'i snying po dang / dkyil 'khor rnam par lta ba'i dngos grub so sor thob po// rnam par thar pa'i dkyil 'khor yangs pa thams cad so sor thob po// phan yon chen po dang rnam par 'phrul pa chen po byin gyis brlab pa 'di rnams so sor thob bo/ / de bzhin gshegs pa thams cad kyi byin gyi rlob pas byin gyis brlabs pas don yod pa'i nor bu'i mchod pa'i snying po'i gzungs gang bklags pa tsam gyis yon tan dang phan yon rjes su bsngags pa dang / rnam par 'phrul pa chen po so sor thob po// de nas gnod sbyin gyi sde dpon chen po phyag na rdo rje mchog tu dga' ba skyes shing mchog tu kyi bung zhes byed pa skyes nas/  bcom ldan 'das shAkya thub pa'i zhabs la btud de 'di skad ces gsol to// bcom ldan 'das byang chub sems dpa' sems dpa' chen po 'phags pa spyan ras gzigs dbang phyug gis gsungs pa'i don yod pa'i nor bu'i mchod pa'i snying po'i gzungs gang yin pa 'di mchog tu rnyed par dka' 'o/ / yid bzhin gyi mo bur gyur pa'i snying po'i gzungs gang yin pa ni mchog tu rnyed par dka' 'o// mthu chen po dang / phan yon chen po dang / yon tan chen po skyes pa dang mthun pa rnam par 'phrul pa dang cho 'phrul che bar blta bar bya'o// de ci'i slad du zhe na/ bcom ldan 'das rig pa'i rgyal po de rigs kyi bu 'am/  rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ dge sbyong ngam/ bram ze 'am/ rgyal rigs sam/ bud med dam/ skyes pa 'am/ khye'u 'am/  bu mo 'ang rung ste/ lan gcig bzlas pa dang / dran pa tsam dang / bklags pa tsam gyis bsod nams kyi phung po dang dge ba'i rtsa ba dang ldan par 'gyur ro// bcom ldan 'das sdig pa thams cad zad par 'gyur ba de ci lags/ bcom ldan 'das 'jig rten pa rnams grub par 'gyur ba ci lags/ 'jig rten las 'das pa'i lam yongs su dag par 'gyur ba ci lags/ bcom ldan 'das de bzhin gshegs pa rnam par gzigs par 'gyur ba ci lags/ bcom ldan 'das 'phags pa spyan ras gzigs dbang phyug gis rtag tu mchog stsol ba de ci lags/ bcom ldan 'das bdag la de'i skabs dbye bar mdzad du gsol/ de lta bu phan yon phul du byung ba ni bcom ldan 'das mchog tu ngo mtshar bar gyur pa'o// bcom ldan 'das kyis bka' stsal pa/ lag na rdo rje legs so legs so// lag na rdo rje mchog tu rnyed par dka' ba'i dri ba dris pa de ngas ji lta ba bzhin du da lta bshad par bya yi nyon cig/ lag na rdo rje 'di ni bklags pa tsam gyis mod dang brjod pa tsam gyis mod la byang chub sems dpa' 'phags pa spyan ras gzigs dbang phyug rtag tu dga' ba dang bcas pas phyag g.yas pa spyi bor 'jog par byed do/ / mngon gsum du rang gi gzugs kyi mdun na nye bar gnas te/  dbugs 'byin par yang byed do// de ji ltar zhe na/ 'di ni 'phags pa spyan ras gzigs dbang phyug rang bzhin gyis lus yongs su dag pa bzung ba'i gzungs kyi snying po'o// 'di ni don yod pa'i rang bzhin gyi snying po'o/ / 'di ni sgyu ma lta bu'i ting nge 'dzin dang gzungs kyi rnam par 'phrul pa'o// 'di ni 'phags pa spyan ras gzigs dbang phyug gi rang bzhin mthong ba'o// 'di ni bcu gcig zhal mthong ba'o/ / 'di ni 'phags pa spyan ras gzigs dbang phyug gi sna tshogs pa'i gzugs mthong ba'o// 'di ni 'phags pa spyan ras gzigs dbang phyug gi sprul pa'i sprin mthong ba'o//  'di ni mgrin pa mngon po dang sred med kyi bu'i gzugs mthong ba'o// 'di ni 'jig rten gsum mthong ba'o// 'di ni rta mgrin mthong ba'o// 'di ni pad+mo yangs pa'i gsang ba'i dkyil 'khor mthong ba'o/ / 'di ni de bzhin gshegs pa thams cad kyi mchod pa'i sprin gyi rnam par 'phrul pa'o// 'di ni rdo rje'i snying po chen po mthong ba'o// 'di ni mgo'i snying po chen po'o// 'di ni sna tshog pa'i gzugs kyi rang bzhin mthong ba'o/ / 'di ni don yod pa'i gzugs dang dngos grub kyi rnam par 'phrul pa'o// 'di ni des thams cad du 'gugs pas na zhags par brjod par bya'o// don yod pa yid bzhin gyi nor bu'i mchod pa'i snying po'i gzungasu brjod par bya ste/ don yod zhags pa'i snying po 'phags pa spyan ras gzigs dbang phyug dam par gyur pa'i ngo bo nyid kyi sku gzhan du gyur pa mthong ba mtshungs pa ste/ don yod pa'i nor bu'i mchod pa'i snying po'i gzungs 'di dag mthong ba dang mtshungs par 'gyur ro// bklags pa dang brjod pa tsam gyis mod la dus gsum du gshegs pa'i de bzhin gshegs pa thams cad kyi thugs kyi sras gcig pur 'gyur ro/ / de bzhin gshegs pa thams cad yongs su dag pa'i sku shin tu dri ma med cing yongs su dag pa dang mnyam par 'gyur te/ de bzhin gshegs pa'i snying po'i skur yang 'gyur ro// dus gsum pa'i de bzhin gshegs pa thams cad kyis phyir mi ldog par lung ston cing / bla na med pa'i sangs rgyas kyi byang chub tu lung ston par 'gyur ro/ / byang chub sems dpa' thams cad rtag tu rgyun mi 'chad par mthong bar 'gyur ro// lha thams cad kyis yang dag par dbugs 'byin par 'gyur ro// bdud la sosra pa dang / gdug pa'i rmi lam dang / log par 'dren pa thams cad tsa'i bcad par byas par 'gyur ro// bcing ba lngas bcings shing gzir ba dang / gnod sbyin dang / srin po dang / 'byung po dang /  za dang / yi dgas dang / grul bum dang / brjed byed dang / tshangs pa'i srin po rnams thams cad ring du 'bros par 'gyur ro// rims thams cad dang / nad thams cad dang / 'bras dang / phol mig dang / brtsog shu dang / lhog pa dang / mtshan par rdol pa dang / g.yan pa dang / mdze dang / rkang shu thams cad rnam par nyam pa byed do// lus kyi gzer thams cad nye bar zhi bar byed do/ / ji ltar shel yongs su dag pa ji lta ba bzhin du de bzhin gshegs pa'i sku yongs su dag par 'gyur ro// tshig btsan par yang 'gyur ro// gsang sngags dang cho ga zhib mo thams cad kyi dngos grub tu'ang 'gyur ro/ / 'jig rten thams cad dga' bar yang 'gyur ro// rgyal po dang / bram ze dang / rgyal rigs dang / khyim bdag gis cher mchod par bya bar 'gyur ro/ / sems can thams cad kyis mchod par 'os pa gcig pur 'gyur ro// nor dang 'bru 'phel bar yang 'gyur ro// bsam pa dang yid kyi shing rta thams cad yongs su rdzogs par yang 'gyur ro/ / chom rkun dang / g.yo can dang / rkun pos rnam par skrag pa dang / gcan gzan khro bo dang / g.yang sa dang / khyim rdib pa dang / gsod pa dang / 'ching ba dang / gcan gzan khro bo'i 'jigs pa rnams thams cad 'byung bar mi 'gyur ro// me dang chus dus byed pa dang / rlung dang / tshad pa dang / sad dang / ser ba rnams kyis mi tshugs so//  dgra thams cad kyis 'jigs par mi 'gyur ro// thams cad byams pa'i yid du 'gyur ro// bud med dang / skyes pa dang / khye'u dang / bu mo thams cad dbang du 'gyur bar byed do//  'di ni bklags pa tsam gyis 'jig rten pa rnams kyi yon tan chen po skye ba dang rnam par 'phrul par 'gyur ro// de 'chi 'pho ba'i dus kyi tshe de bzhin gshegs pa bye ba khrag khrig brgya stong phrag dgu bcu rtsa gnyis mngon sum du mthong bar 'gyur te/ rigs kyi bu tshur shog/ bde ba can gyi 'jig rten gyi khams su song dang / khyod kyis lam yongs su dag par byas pa'o// 'chi ba'i dus su gyur pa na bsams pa nyid kyis mod la pad+ma las rdzus te skye bar 'gyur ro/ / rgyan thams cad kyis rnam par brgyan pa dang / tshe rabs dran par yang 'gyur ro// de bzhin gshegs pa 'od dpag med mngon sum du mthong ba tsam gyis phyir mi ldog par 'gyur te/ bla na med pa yang dag par rdzogs pa'i byang chub tu lung ston par 'gyur ro// rnam par thar pa'i dkyil 'khor dang / pad+mo yangs pa'i gsang ba mtha' dag rdzogs pa dang /  don yod zhags pa'i snying po'i cho ga zhib mo mngon du 'gyur zhing kha ton du kun tu gnas so// de bzhin gshegs pa thams cad kyi gsang ba'i dkyil 'khor rjes su dran par byed do// thams cad du sangs rgyas kyi zhing kun tu de bzhin gshegs pa thams cad kyis mngon sum du mtshungs par lhan cig lung ston pa so sor thob ste/ nam du'ang phyir zhing rnam par grol bar 'gyur ba dang / ji srid du sangs rgyas kyi byang chub tu lung bstan pa'i bar dang / ji srid du yongs su mya ngan las 'das pa'i lus su gyur kyi bar du 'jig rten las 'das pa'i phan yon dang rnam par 'phrul pa bklag pas grub par 'gyur ro/ / de nas bzlas pa tsam gyis dngos grub bshad par bya ste/ snga dro gcig bzlas pa tsam gyis mod la mtshams med pa lnga'i sdig pa dang / mnar med pa'i mthar gtugs pa'i sdig pa dang / ri rab lhun po chen po bdun gyi tshad tsam pa spu'i khong bu re rer sgrib pa bsags pa dang / bskal pa stong phrag tu bsags pa'i sngon gyi sdig pa dang sgrib pa de rnams thams cad snga dro gcig bzlas pa tsam gyis sdig pa dang las kyi sgrib pa rnam par nyams par byed de/ zad pa dang yongs su gtugs par 'gyur ro// dmyal ba'i 'gro ba chen po bcu drug tu gzhol ba de rnams thams cad skad cig gcig gis yongs su grol lo/ / smyur bar gnas pa gcig gis bzlas pas dus gsum pa'i de bzhin gshegs pa'i sangs rgyas kyi zhing rnams su kun tu bzang po chen po nyid thob po/ / gang yang de bzhin gshegs pa'i rigs dang / pad+mo yangs pa'i rnam par thar pa'i dkyil 'khor dang / don yod zhags pa'i snying po thams cad du dngos su rjes su 'jug par byed do//  thams cad du dam tshig chen po yang dag par 'dzin par 'gyur ro// 'phags pa spyan ras gzigs dbang phyug rang gi gzugs kyis dngos su mthong ba sbyin par byed do// dus gsum pa'i de bzhin gshegs pa rnams rang gi gzugs kyis dngos su mthong bar nye bar gnas par byed do/ / dkyil 'khor ba'i lha thams cad dngos su rjes su 'brang zhing gnas te/ rtag tu rnam par blta bar 'gyur zhing cher bcings par 'gyur ro/ / rig pa'i rgyal po mam cad kyang rtag tu rjes su 'brang zhing dngos su mthong bar gnas par byed do// brgya stong phrag bzlas pa tsam gyis lce rdo rje ltar brtan par 'gyur zhing / rdo rje'i snying po dang mnyam zhing mtshungs pa dang / pad+ma'i 'dab ma lta bu'i kha dog dang 'dra bar 'gyur te/ phyir zhing de'i lus la reg pa ngan pa 'byung bar mi 'gyur ro// phyir zhi ba lus 'pho ba'ang mi nus shing / yongs su dag cing dri ma med pa'i lus su 'gyur ro// lus pad+ma dkar po'i kha dog dang mtshungs par yang 'gyur ro// gdug pa thams cad dang / phyir rgol ba dang / dgra thams cad dang / 'byung po dang / gnod sbyin dang / srin po thams cad dang / bgegs dang / log par 'dren pa rnams dang / klu ma rungs pa mi bzad pa dang / bdud kyi ris kyi lha thams cad kyis lus dang phung po la za bar mi 'gyur ro/ / lus pad+ma dkar po'i kha dog dang mtshungs par 'gyur te/ lha rnams lhan cig tu rjes su rgyu bar byed do// kha nas lha rdzas kyi ut+pal sngon po'i dri 'byung bar 'gyur ro//  lus la lha rdzas kyi tsan dan gyi dris bsgos par 'gyur ro// rkang pa dang lag pa gzhon sha can du 'gyur ro// mig gis legs par mthong bar 'gyur ro// bzhin gyi dkyil 'khor yongs su rgyas par 'gyur ro/ / snyan pa thos par yang 'gyur zhing lha rdzas kyi dris tshor bar yang 'gyur ro// bzang po la reg pa'i lus su'ang 'gyur ro// skra bung ba dang mtshungs par li zhing 'khyil ba'i sgrar 'gyur ro/ / nam yang phyir zhing lus kyi nang gi rlung gi las dang dris ngan pas bsgos par mi 'gyur ro// dri ma thams cad bsal bar 'gyur ro// 'jam pa dang / snyan pa dang /  mnyen pa'i ngag tu'ang 'gyur ro// lha'i nga ro dang / nga ro bzang ba dang / nga ro zab pa snyan cing mnyen pa dang / mi 'am ci'i sgra lta bu dang / ka la bing ka'i sgra dbyangs su 'gyur ro// mdzes par 'gro ba dang zab par 'gro bar yang 'gyur ro/ / lag mthil shin tu 'jam pa dang / sor mo ring ba dang / lag pa'i ri mo shin tu rnam par bkra bar yang 'gyur ro// seng ge'i 'gros dang rtsal gyis 'gro bar 'gyur ro/ / thams cad du thogs pa med pa'i 'gros su 'gyur ro// sems can thams cad kyi gtso bo gcig pur mchod pa'i 'os su'ang 'gyur ro// dpal rnam thos sras rjes su 'thun par rjes su 'brang bar 'gyur ro/ / tshig mi mthun pa'ang rjes su mthun par 'gyur ro// thams cad du ngag rnam par dag par yang 'gyur ro// 'jig rten pa'i bzlas pa'i dngos grub po// 'jig rten las 'das pa ni skye ba brjes nas/ bgra pa gser gyi kha dog lta bu dang / bsams pa nyid kyis mod la skye bar 'gyur te/ 'od dpag med kyi spyan sngar mdun gyi pad+ma'i snying po las rdzus te skye bar 'gyur zhing / rgyan thams cad kyis rnam par brgyan pa dang / tshe rabs dran par yang 'gyur ro// dus gsum du gshegs shing bzhugs pa'i de bzhin gshegs pa thams cad kyi lung bstan pa dang / mngon par dbang bskur ba'i mchog byang chub tu lung ston pa dang / mngon par dbang bskur ro// de bzhin gshegs pa'i rnam par 'phrul pa byin gyis rlob pas kyang byin gyis brlabs so zhes pa 'jig rten las 'das pa'i bzlas pa'i cho ga'i dngos grub bo/ / de nas bsod nams kyi phung po brjod par bya ste/ 'di bzlas pa tsam gyis bsod nams kyi phung po dang dge ba'i rtsa ba dang ldan par 'gyur ro// rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dag bsnyen ma gang yang rung bas stong gsum gyi stong chen po'i 'jig rten gyi khams nor bu rin po che chen po sna bdun gyis yongasu bkang bar byas pa dang / gser gyi me tog dang / dngul gyi me tog gis yongs su bkang nas dus gsum pa'i de bzhin gshegs pa thams cad kyi/ nyi ma re re zhing de bzhin gshegs pa stong gsum gyi stong chen po'i 'jig rten gyi khams gang ba la nor bu rin che chen po sna bdun dang / gser gyi me tog dang / dngul gyi me tog gis bkang nas phul ba de bas kyang dge ba dang bsod nams kyi phung po ches mang bar bskyed do/ / gang zhig dus gsum pa'i de bzhin gshegs par mchod par byed cing / nyi ma re re zhing de bzhin gshegs pa mchod pa de kho na bzhin du 'di bzlas pa tsam gyis dge ba'i rtsa ba dang bsod nams kyi phung po chen po dang ldan par 'gyur ro/ / de rnams gang gis nor bu rin po che chen po byin pas de rnams kyi dge ba'i bcu drug gi char yang mi phod do// de bzhin du bsod nams kyi phung po dang dge ba'i rtsa ba chen po bskyed par 'gyur ro zhes so/ / 'jig rten pa'i cho ga sna tshogs pa'i tshogs dang / 'jig rten las 'das pa'i bsod nams kyi phung po stong gsum gyi stong chen po'i 'jig rten gyi khams bye ba brgya stong phrag rnams nor bu rin po che chen po sna bdun gyis bkang ba/ rin po che sna bdun gyi me tog dang / gser dang dngul gyi me tog gis bkang ba rnams kyis dus gsum pa'i de bzhin gshegs pa thams cad la/ de bzhin gshegs pa re re zhing la'ang stong gsum gyi stong chen po'i 'jig rten gyi khams kun tu bkang nas phul bar 'gyur ro// mchod pa'i sprin chen por 'gyur te/ ji srid byang chub kyi snying po la mthar thug gi bar du mi zad de/ de lta bu'i bsod nams kyi phung po chen po yongs su 'dzin par 'gyur zhing / bsod nams kyi phung po chen por yang 'gyur te/ bsod nams kyi phung po chen po dang ldan par yang 'gyur ro// 'jig rten dang 'jig rten la 'das pa'i bzlas pa'i dngos grub dang / pha rol tu phyin pa drug yongs su rdzogs par 'gyur ro/ / de bzhin du phan yon chen po dang / rnam par 'phrul pa chen po dang / sbyin pa yongs su gtong ba chen po gang yin pa dang / bzlas pa'i cho ga chen po dang / mchod pa'i sprin chen por 'gyur ro//  de bzhin du yon tan bskyed pa dang rnam par 'phrul pa'i cho ga'i khyad par so sor thob bo// dus rtag par rgyun du bzlas pa'i cho ga dang ldan par 'gyur bar bya'o// rtag tu'ang byang chub sems dpa' thams cad mthong 'dod par 'gyur ro/ / rtag tu 'ang dge ba'i rtsa ba dang yang dag par 'grogs par 'gyur ro// lag na rdo rje gang yang rig pa'i rgyal po'i cho ga zhib mo dang / don yod pa'i mchod pa'i nor bu'i snying po 'di tha na sgra tsam yang rna ba'i bu gar lhung bar 'gyur ba dang / bris pa rnams lta ba dang / po ti 'am/ yi ge 'am/ rtsig pa 'am/ gyang la bris pa lta bar byed de/ mtshams med pa lnga'i sdig pa thams cad yongs su zad cing yongs su gtugs par 'gyur ro/ / sngon bsags pa'i mnar med par gzhol ba'i sdig pa dang sgrib pa de thams cad rnam par nyams par byed do// yongs su gtugs par 'gyur ro/ / shi phos nas bde ba can gyi 'jig rten gyi khams su skye bar 'gyur te/ pad+ma las rdzus te skye bar 'gyur ro// nam yang phyis mngal du gan+d+ha pa'i dri mas gos par mi 'gyur ro//  ji srid du byang chub la mthar thug gi bar du sangs rgyas kyi zhing gang dang gang du skye bar 'gyur ba'i sangs rgyas kyi zhing thams cad du pad+ma las skye bar 'gyur zhing tshe rabs dran par yang 'gyur ro// phyag na rdo rjes gsol ba/ bcom ldan 'das ji ltar cho ga zhib mo'i rgyal po don yod pa'i nor bu'i mchod pa'i snying po'i gzungs 'di bri bar bya/ bcom ldan 'das 'di 'dri bzhin pa de'i bsod nams kyi phung po rab tu skyed pa ci lags/ dge ba'i rtsa ba ci dang yang dag par ldan par 'gyur/ bcom ldan 'das kyis bka' stsal pa/ lag na rdo rje 'di'i yon tan dang phan yon dpag tu med do// don yod pa'i lcag klu'i rig pa'i rgyal po 'di'i don yod pa'i nor bu'i mchod pa'i snying po'i gzungs 'dri bzhin pa'i bsod nams kyi phung po rab tu skye ste/ phan yon dpag tu med pa dang yon tan dpag tu med pa las byung ba'i rnam par 'phrul pa so sor thob po/ / gang yang don yod pa'i zhags pa'i lcags kyu rig pa'i rgyal po don yod pa'i nor bu'i mchod pa'i snying po'i gzungs 'di 'dri bar 'gyur ba nyon cig/ lag na rdo rje rgya mtsho chen po'i 'og tu dpag tshad stong phrag brgyad bcu rtsa bzhi pa/ chu dang zheng du dpag tshad stong phrag brgyad bcu rtsa bzhi pa de la chu'i thigs pa'i tshad kyi thigs pa re re'i grangs su byed par 'dod pa 'am/ de lta bu'i tshad kyi ngos gnyis par mtsho chen po las thigs pa re re nas bcu par bya ste/ de la thigs pa ra re nas bgrangs te gtor bar bya'o// de nas rgya mtsho chen po chu'i thigs pa'i grangs kyis zad par 'gyur zhing chu skam par byed do// mtsho chen po gnyis pa las chus yongs su gang bar 'gyur gyi/ don yod pa'i lcags kyu rig pa'i rgyal po 'di dang / don yod pa'i nor bu'i mchod pa'i snying po'i gzungs kyi cho ga zhib mo de 'dri bzhin pa'i bsod nams kyi phung po'i tshad ni gzungs par nus pa ma yin no/ / de ltar rgya che ba/ de ltar zab pa/ de ltar yangs pa'i yon tan bskyed par bya ba ni/ don yod pa nor bu'i mchod pa'i snying po'i gzungs kyi cho ga zhib mo'i cho ga'i rgyal po'o/ / lag na rdo rje 'on kyang ri'i rgyal po ri rab chen po ni dpag tshad stong phrag brgya cu rtsa bzhi 'og tu rgya mtsho chen po'i nang du nub bo// dpag tshad stong phrag brgyad cu rtsa bzhi steng nyid du gnas so//  skyes bu stobs chen po dang ldan par gyur pa gang la la ri'i rgyal po ri rab chen po gang yin pa'ang yungs kar gyi 'bras bu'i tshad tsam du byed pa dang / ngos gnyis par rgya mtsho chen po'i ri'i rgyal po ri rab chen po cho ga de lta bus yungs kar gyi 'bras bu tsam du byas pa las/ slar yang ri'i rgyal po ri rab tu rab tu gnas par byed par nus kyi/ cho ga zhib mo'i rgyal po gang yin pa 'di 'dri bzhin pa'i bsod nams kyi phung po'i dge ba'i rtsa ba ni mi nus te/ de bzhin gshegs pa thams cad kyi sangs rgyas kyi spyan dang / de'i gsung gi tshad gzung bar mi nus so// de bzhin du yon tan dang phan yon rgya che zhing bsod nams kyi phung po chen po yongs su 'dzin te/ dge ba'i rtsa ba chen po bskyed par byin gyis brlabs par 'gyur ro zhes so// rdo rje 'dzin pas gsol pa/ bcom ldan 'das rig pa'i rgyal po'i cho ga zhib mo dang phyag rgya 'di ji ltar bri bar bgyi/ bcom ldan 'das kyis bka' stsal pa/ lag na rdo rje nyon cig/ rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ dge sbyong ngam/  bram ze 'am/ rgyal rigs sam/ rje'u rigs sam/ dmangs rigs sam/ bud med dam/ skyes pa'am/ khye'u 'am/ bu mo gang la la cho ga zhib mo'i rgyal po 'di 'dri bar byed pa de/ phyag rgya dang / gsang sngags rim par phye ba dang / dkyil 'khor gyi las dang / yo byad dang bcas pa'i cho gas/ don yod pa nor bu pad+ma zhags pa'i snying po'i gzungs/ don yod pa'i zhags pa'i snying po 'phagra ba spyan ras gzigs dbang phyug gi rnam par 'phrul pa'i 'khor lo dang / dkyil 'khor chen po dang / phyag rgya dang / dkyil 'khor chen po klu'i zhags pa'i rnam par 'phrul pa 'di 'dri bar byed do// des yongs su dag pa'i ngag dang yid kyis dang / lhag pa'i bsam pa dang / gus pa dang bcas pa dang / yid der gyur pa dang / mchod pa'i mchog dang / gus pa la sogs pa'i 'dri mkhan gyis bri bar bya'o// mchog tu gus pa dang zhes dang bcas pas kha zas mi mthun pa spangs te/ legs par yongs su rdzogs pa'i kha zas ro bro ba'i mchog dang / legs par 'dus byas shing yid dga' ba'i me tog dang 'bras bu'i btung ba gus pa dang bcas pas/ gnas su gi'u wang gi dkyil 'khor dang / me tog gcal du bkram nas dris bdugs te/ dar gyis spras pa'i chos kyi stan la 'dug pas bri bar bya'o// legs par khrus byas shing mgo la dris byug/ lus la gos bgos la mchod pa bya'o// tshes brgyad dam bco lnga la so so'i cha shas dang bcas pa'i dkyil 'khor rnam par phye nas gtor ma dang nye bar spyod pa dbul bar bya'o// mchog tu dga' ba'i yid kyis bya ste/ yon dang bcas pas gser gyi rna rgyan sbyin par bya'o// bri bar bya ba yongs su phye nas ma spangs par don yod par bya'o// lag pa brkyang bas bya'o// legs par sbyang ba byas pra bya'o/ / 'di'i cho gas 'dri bar byed pa gang yin pa des de bzhin gshegs pa thams cad kyi rigs kyi gsang ba'i dam tshig dang / dkyil 'khor dang / phyag rgya rim par phye ba dang / gsang ba bris par 'gyur ro//  'di lta ste/ de bzhin gshegs pa'i rigs dang / nor bu'i rigs dang / pad+ma'i rigs dang / rdo rje'i rigs gang ci yin pa dang / de bzhin gshegs pa rnam par snang mdzad kyi snying po'i dkyil 'khor chen po de thams cad 'dri bar 'gyur ro/ / 'di lta ste/ chu gang yin pa thams cad chu klung chen po dang rgya mtsho chen po'i rjes su zhugs nas ro gcig tu 'gyur ro// 'di lta ste/ nyi ma shar ba na mun pas ldongs pa thams cad kun tu snang bar byed do/ / de kho na bzhin du don yod pa'i lcags kyu'i rig pa'i rgyal po'i snying po 'di dang / don yod pa'i nor bu'i mchod pa'i snying po 'di dang / don yod pa'i nor bu pad+ma'i zhags pa'i snying po 'phags pa spyan ras gzigs dbang phyug gi snying po dang / rnam par 'phrul pa dang / dkyil 'khor dang / dkyil 'khor chen po dang / phyag rgya dang / dkyil 'khor ba'i klu'i zhags pa'i rnam par 'phrul pa 'di tham cad du mtshungs par de bzhin gshegs pa thams cad kyi gsang ba'i rjes su 'jug go/ / dam tshig dang / phyag rgya dang / snying po rnams mtshungs par dus gsum pa'i de bzhin gshegs pa'i rigs su rab tu skyes pa'o//  thams cad du mtshungs par mchod pa'i sprin gyi rnam par 'phrul pa'o// gang yang dus gsum pa'i de bzhin gshegs pa'i rdul phra rab dang lhan cig pa'i de bzhin gshegs pa'i gsung gi tha snyad kyi de kho na nyid yang dag pa'i snying po'o/ / don yod pa'i nor bu mchod pa'i snying po'i gzungs dang / don yod pa nor bu pad+ma'i zhags pa'i snying po dang / 'phags pa spyan ras gzigs dbang phyug gi snying po dang / gzungs kyi rnam par 'phrul pa dang / 'khor lo dang / dkyil 'khor chen po dang / phyag rgya'i dkyil 'khor pa dang / klu'i zhags pa'i rnam par 'phrul pa dang / de bzhin gshegs pa rnam par snang mdzad kyis gsungs pa de thams cad gsang ba'i dam tshig gcig tu byin gyis brlabs so/ / rgyu de'i phyir 'di ni don yod zhags pa'i don yod pa'i las sgrub par byed pa'i mthu stobs kyi dngos grub ste// don yod zhags pa'i snying po dang / don yod zhags pa'i rnam par 'phrul pa'o zhes brjod par bya'o// de bzhin du 'dri bzhin pa'i dge ba'i rtsa ba dang bsod nams kyi phung po chen po yongs su 'dzin par 'gyur ro// de bzhin gshegs pa thams cad kyi gsang ba dang mtshungs pa gcig gis mtshungs pa'o/ / don yod pa'i zhags pa'i lcags kyu'i snying po'i cho ga zhib mor byin gyis brlabs so// 'dri bar byed pa dang / 'don par byed pa dang / klog par byed pa dang / bzlas pas ni mchod pa'i sprin du byin gyis brlabs so// de'i phyir 'di ni rig sngags 'chang gis legs par rab tu dang ba dang las la spro zhing brtson pas bya'o// shin tu gsal ba dang / spro ba dang / mchog tu dga' ba dang / dad pas bri bar bya'o// shin tu 'bad pas phyag rgya dang / gsang sngags kyi snying po dang / gzungs dang / phyag rgya'i dkyil 'khor dang / klu'i zhagra ba'i rnam par 'phrul pa bri bar bya/ bklag par bya/ mnyan par bya'o// mthu stobs kyis mnyan par bya'o// mthu stobs kyis bri bar bya/ mthu stobs kyis mchod pa dang bsnyen bkur bya'o// mthu stobs kyis dam pa'i chos mchod pa dang / gus pas 'dri bar byed pa dang / 'dri bzhin pa la bsnyen bkur dang / bla ma la sri zhu byed par bya'o// 'di ni mchog tu gsang ba'o// don yod zhags pa'i rnam par thar pa'i dkyil 'khor gyi gsang ba'o/ / nor bu rin po che chen po de bzhin gshegs pa thams cad kyi gsang ba dang / dkyil 'khor dang / phyag rgya dang / gzungs kyi gsang ba byin gyis brlabs pa ni gnyis te/  gcig ni don yod pa'i mchod pa'i snying po'i gzungs so// gnyis pa ni don yod pa'i nor bu'i pad+ma zhags pa'i snying po'o// 'phags pa spyan ras gzigs dbang phyug gi snying po rnam par 'phrul pa dang / 'khor lo dang / dkyil 'khor chen po'i snying po dang / phyag rgya dang / dkyil 'khor chen po'i klu'i zhags pas rnam par 'phrul pas sprul pa'o// 'di ni yid bzhin gyi nor bu rin po che chen por 'gyur ba ste/ don yod pa'i dpag bsam gyi shing gi mchod pa chen po de bzhin gshegs pa thams cad kyi snying po don yod pa'i zhags pa'i gsang ba de bzhin gshegs pa thams cad kyis byin gyis brlabs pa'o/ / 'phags pa spyan ras gzi dbang phyug dam par gyur pa'i snying po don yod pa'i yid bzhin gyi nor bu ste/ 'di ni gnyis par rig sngags 'chang rnams kyi nor bu rin po che chen po ste/ don yod pa'i rnam par 'phrul pa sgyu ma lta bu'i ting nge 'dzin gyi rnam par 'phrul pa yin no/ / de nas phyag na rdo rje la sogs pa rig sngags 'chang thams cad kyi dbang po du ma rig sngags 'chang brgya stong phrag gis yongs su bskor ba dang / rig pa'i rgyal po'i lha brgya stong phrag du ma dang / dkyil 'khor gyi lha brgya stong phrag du ma dang / dbang po dang / lha'i dbang po dang / tshangs pa dang / khyab 'jug dang / dbang phyug chen po dang / gtsang ma'i gnas kyi ris kyi lha'i bu brgya stong phrag rnams dang / gshin rje dang / chu lha dang / lus ngan po dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang /  lto 'phye chen po'i tshogs stong phrag rnams kyis de lta bu'i gsung gi sgra dbyangs thos nas dga' ba dang / mgu ba dang / yi rangs pa dang / rab tu mgu ba dang / dga' ba dang / yid bde ba skyes par gyur to// /  de bzhin du gnyis par nor bu rin po che chen po nyan pa la de rnams thams cad lhan cig tu mthun par rgyal po chen po bzhi sngon du 'gro bas/ bcom ldan 'das ga la ba der dong ste phyin nas/ bcom ldan 'das la me tog dang / bdug pa dang / dri dang / 'phreng ba dang / byug pa dang / rol mo dang / pheg rdob pa sna tshogs pas mchod pa byed par gyur to// 'phags pa spyan ras gzigs dbang phyug de la'ang mchod pa byed par gyur cing / rig pa'i rgyal po de la'ang mchod pa byed do// bcom ldan 'das la lan brgya stong phrag du mar bskor ba byas nas legs so zhes rjod par byed de/ bcom ldan 'das legs so legs so/ / bcom ldan 'das mchog tu rnyed par dka' ba gang yin pa dang / bcom ldan 'das gnyis par nor bu rin po che chen po don yod zhags pa'i snying po rnam par thar pa'i dkyil 'khor 'dzam bu gling du rab tu bzhag go zhes so/ / bcom ldan 'das kyis kyang byin gyis brlabs so// 'phags pa spyan ras gzigs dbang phyug gis gsungs pa'o// 'di ni de bzhin gshegs pa thams cad kyi gsang ba'i snying por gyur pa thun mong bar mtshungs pa'o/ / thams cad du gsang ba phyag rgya dang / gsang sngags rim par phye ba dang / dkyil 'khor thams cad dang / de bzhin gshegs pa thams cad kyi mchod pa'i sprin gyi rnam par 'phrul pa mchog tu rnyed par dka' bar gsungs pa'o/ / bcom ldan 'das bdag de dag thams cad mthun par gyur pas lhan cig pa kho nar rtag tu rjes su 'brang zhing / rig pa'i rgyal po 'di yang dag par rjes su 'brang bar bgyi'o/ / 'di yongs su bsrung bar bgyi'o// 'di lta ste/ 'dzin pa dang / 'don pa dang / mchod pa dang / bsnyen bkur byed pa dang / 'dri ba dang / 'drir 'jug pa dang / nyan pa dang / bzlas pa'i las su 'gyur bar bgyi'o/ / rig sngags 'chang de la'ang rtag tu rgyun mi 'chad par bsrung ba dang / bskyab pa dang / sba bar bgyi'o// dngos grub kyang stsal bar bgyi'o// rigs kyi bu 'am/ rigs kyi bu mo 'am/ dge slong ngam/ ngan slong ma 'am/ dge bsnyen nam/ dge bsnyen ma 'am/ dge sbyong ngam/ bram ze 'am/ rgyal rigs sam/ bud med dam/ skyes pa 'am/ khye'u 'am/ bu mo gang yin pa de'ang cho ga zhib mo'i rgyal po 'di'i ming thos pa tsam gyis kyang de la bdag cag thams cad mthun par rtag tu rjes su 'brang bar bgyi/ bsrung ba dang / bskyab pa dang / sba ba dang / stobs dang / brtson 'grus dang / mdapas dang / dga' ba bsgrub par brtse/ sdig pa dang sgrib pa bam rab tu zhi bar bgyi/ nang pam cad bsal bar bgyi/ 'jim pa dag 'thab mo dang / 'thab pa dang / rtsod pa dang / 'gyed pa thams cad rab tu zhi bar bgyi/ yams dang / nye bar 'tshe ba dang / nad 'go ba dang / 'khrug pa dang / mu ge dang / mi ngas dang / 'brog dgon pa'i 'jigs pa thams cad so sor phyir bzlog par bgyi/ bde ba la yang dag par reg pa dang mchog tu dga' ba bsgrub par bgyi/ bsrung bar bgyi/ yongs su bskyang bar bgyi/ don med pa'ang so sor bzlog par bgyi/ don la'ang yang dag par sbyar bar bgyi/ don thams cad rjes su stsal bar bgyi/ rtag tu mchog stsal bar bgyi'o// bcom ldan 'das shin tu rgyas pa'i cho ga cho ga zhib mo'i yo byad du dgongs pa'o// de nas yang bcom ldan 'das kyis phyag na rdo rje sngon du 'gro bas rgyal po chen po bzhi dang / rig pa'i rgyal po'i lha de rnams dang / lha dang / klu dang / gnod sbyin dang / dri za dang / nam mkha' lding dang / mi 'am ci dang / lto 'phye chen po de rnams la legs so zhes bya ba byin te/ legs so legs so// drang srong chen po de lta bu byed pa de rnams yongs su bskyang bar bya/ bsrung bar bya/ dngos grub kyang sbyin par bya'o// ngas tshi ga zhib mo'i rgyal po rgya mtsho'i dkyil 'khor dang / gsang sngags dang / dkyil 'khor gyi cho ga zhib mo 'di yongs su bsrung ba'i mched dang / sems can de rnams thams cad yongs su bsrung ba'i ched dang / yongs su bskyang ba'i ched du'ang grogs po rnams la rjes su gtad do/ / 'di'ang bsrung bar bya'o zhes so// / de nas yang bcom ldan 'das kyis/ 'phags pa spyan ras gzigs dbang phyug la 'di skad ces bka' stsal to// phyag rgya dang dkyil 'khor gyi rim par phye ba'i cho ga spros shig/ don yod pa'i nor bu'i mchod pa'i snying po'i gzungs kyi cho ga dang / rig sngags 'chang thams cad kyi snying po'i gsang ba mchog gi dngos grub 'di thams cad du thun mong ba'i snying po grub pa'o// de nas byang chub sems dpa' chen po 'phags pa spyan ras gzigs dbang phyug gis don yod pa lcags kyu'i cho ga zhib mo'i rgyal po'i rig pa'i rgyal po don yod pa nor bu'i mchod pa'i snying po'i gzungs kyi phyag rgya dang / dkyil 'khor gyi cho ga dang / ras ris rnams gsungs pa/ de nas 'di'i dkyil 'khor bshad par bya'o// don yod pa mchod pa'i nor bu'i snying po bla na med pa ni dkyil 'khor gru bzhi pa byas te/ kun nas shin tu rnam par phye ba/ sa dang ba byung gis legs par byugs shing shin tu 'jam pa la tshon sna tshogs pas bkra ba'i srad bus char gzhal cing bcad la/ dkyil 'khor bla na med pa'i dbus kyi dkyil 'khor gyi snying por bdag gis khru'i tshad kyis kun nas khru bzhi pa sgo bzhi rnam par bye ba bya'o/ / thams cad du gsang ba thun mong ba'i dkyil 'khor dang / dbus kyi dkyil 'khor gyi snying por yang pad+ma bya ste/ pad+ma stong phrag gis shin tu mdzes pa lnga lnga'o// pad+ma dkar po bla na med pa la ze 'bru dang ge sar gyi tshad la bab pa/  yid bzhin gyi nor bu'i ge sar dang ze'u 'bru bkra ba'i dra ba'i snying po lus dang lag tu 'chang zhing / lag pa'i phyag rgya g.yon pa dang g.yas pas bya'o// dar dbyangs dang 'khyil pas spras pa/ zur zur du dpag bsam gyi shing shin tu tshad la bab pa cho ga ji lta ba bzhin du byed du gzhug go/ snying po'i dkyil 'khor gyi re la'ang cho ga ji lta ba bzhin du shin tu tshad dang ldan par bya'o// me tog dang 'bras bu sna tshogs pa bya zhing / de nas me tog gi bar du re la bya'o/ / rgyan sna tshogs kyis rnam par brgyan pa/ gos sna tshogs pas mdzes pa'o// sna tshogs pa'i rgyan gyi phyi rol tu pad+ma dang ut+pa la sngon po'i 'phreng ba'i ri mo'o// ut+pal sngon po'i 'phreng ba'i phyi rol tu nor bu rin po che sna tshogs pas rnam par bkra ba'i ri mo 'bar ba'i 'phreng bas mdzes pa'o/ / me tog snu ma dang tsam pa ka'i 'phreng ba dag la sngags kyi nor bu'i ri mo'ang bya'o// de'i phyi rol gyi khor yug tu snam bu'i rnam pa bya'o// ri bo la sna tshogs pa'i sngon shing dang / lcug ma bkram pa dang / me tog sna tshogs kyis nye bar mdzes pa'o// khor yug tu chu 'bab pa'i snying po'i dkyil 'khor 'di bri zhing / phyi rol gyi dkyil 'khor gyi khor yug tu 'ang bri bar bya ste/ dkyil 'khor bla na med pa phyag rgya sna tshogs dang / me tog sna tshogs kyi dang / bum pa dang / mchod pa'i rin po che'i snod sna tshogs pa dang / gang ba'i bum pa rnam pa sna tshogs pa bri'o// mtshan ma dang / phyag rgya dang / rin po che sna tshogs pa'i ya la ga dang / pad+ma dang /  ut+pal 'chang ba/ gos dang rgyan sna tshogs pa thogs pa bya'o// phyi'i dkyil 'khor gyi khor yug tu me tog sna tshogs pa ku mu da dang / pad+ma dkar po dang / mnad rab dang / a ti muk+ta ka dang / lA nI ka dang / tsam pa ka dang / ut+pa la sngon po dang / sna ma dang / spya nar dang / yu thi ka dang / ka dam pa'i me tog gi 'phreng bas mdzes par bya'o// sgo bzhi'i gnas su rgyan thams cad kyis rnam par brgyan par bya ste/ rin po che'i lcug ma sna tshogs pa dang bus pa gang thogs par bya'o/ / dkyil 'khor gyi snying por ba dan gyis brgyan par bya'o// gang ba'i bum pa yongs su bsags pa dang / me tog dang / 'bras bu sna tshogs pa dang / sna tshogs pa'i gzugs dang / bza' ba'i kha zas ro bro ba'i cho gzhag par bya/ sna tshogs pa'i bdug pas bdugs la bdug pa'i pog por yongs su bsham par bya'o// rig sngags 'chang gtsang mas gos gtsang ma bgo bar bya/ legs par khrus byas shing dri bzang po'i dris bsgos te/ rnam pa sna tshogs pa'i bdug pas bdugal ba byung lngas nye reg bya ste/ don yod pa nor bu'i mchod pa'i snying po'i gzungs 'di lan stong rtsa brgyad du bzlas par bya'o// dus gsum du gshegs pa'i de bzhin gshegs pa rdul phra rab kyi grangs dang mnam pa yid la bya/ mchod pa'i sprin chen po yid la bya zhing bzla ste/ phyogs bcu kun nas sangs rgyas kyi zhing thams cad kyi nang du gtogs pa'i sangs rgyas bcom ldan 'das rnams sangs rgyas kyi zhing re re'i dus gsum du gshegs pa'i de bzhin gshegs pa rdul phra rab rnams/ de bzhin gshegs pa'i mchod pa'i sprin gyis ji ltar dkyil 'khor du yongs su bsags shing / rnam pa sna tshogs su gzhal du med pas ji lta ba bzhin du yongs su bsags pa'i de bzhin gshegs pa re re'ang dkyil 'khor chen po gzhal du med pa brgya stong phrag yongs su bsags pas/ bcom ldan 'das kyi spyan sngar mchod pa'i sprin chen po byed do// sna tshogs pa'i gos dang / sna tshos pa'i rgyan dang / lhab lhub dang / lha rdzas kyi me tog sna tshogs pa dang / lha rdzas kyi dri sna tshogs pa dang / lha rdzas kyi bdug spos sna tshogs pa dang / lha rdzas kyi 'bras bu sna tshogs pa dang / ro brgya pa'i kha zas kyi mchog ro bro ba'i mchog rnam pa sna tshogs pa dang / sgron ma'i shing sna tshogs pa brgya stong phrag rnams kyis de bzhin gshegs pa re re'i 'khor gyi dkyil 'khor dang bcas pa la mchod pa'i sprin chen po byed do//  yan lag lnga dang ldan pa'i lha rdzas kyi rol mo'i sgra rnams kyi mchod pa'i sprin byed do// de lta bu'i cho ga rnams phyogs bcu rnams su sangs rgyas kyi zhing re re'i de bzhin gshegs pa re re'i mchod pa'i sprin chen pos dus gsum du gshegs pa'i de bzhin gshegs pa rdul phra rab kyi grangs rnams mchod par 'gyur te/ 'khor gyi dkyil 'khor dang bcas pa thams cad tu lhun grub tu 'byung bar 'gyur ro// dkyil 'khor chen po gzhal du med pa'i mchod pa'i sprin gyis mchod pa byed do/ / gang yang dkyil 'khor chen po rer rjes su zhugs pa'i sems can dge sbyong dang / bram ze dang / rgyal rigs dang / rje'u rigs dang / dmangs rigs dang / bud med dang / skyes pa dang /  khye'u dang / bu mo gang yin pa de rnams thams cad pha rol tu phyin pa drug yongs su rdzogs par 'gyur ro// de la mthong bar 'dod pa dang / rjes su yi rang ba dang / lhan cig 'gro ba 'am/ than thos pa tsam gang yin pa de rnams thams cad phyir mi ldog par 'gyur zhing / pha rol tu phyin pa drug yongs su rdzogs par 'gyur ro// sbyin pa chen po yongs su gtong ba yongs su btang bar 'gyur ro// bsod nams kyi phung po dang dge ba'i rtsa ba bskyed par 'gyur ro/ / sems can re re'i yang sangs rgyas bcom ldan 'das ga d+hA'i klung gi bye ma phrag dgu bcu rtsa dgu dang mnyam pa de'i drung du dge ba'i rtsa ba dang bsod nams kyi phung po bskyed par 'gyur ro// dkyil 'khor mthong ba tsam gyis mod dang / rjes su yi rang ba tsam gyis mod la 'phral nyid du mtshams med pa lnga'i sdig pa yongs su zad par 'gyur ro// nad thams cad las yongs su grol bar yang 'gyur ro// sems can thams cad kyi bla ma gcig/  bur 'gyur ro// 'chi 'pho zhing skye ba brje ba'i dus su son te 'chi ba'i mthar thug pa na/ de bzhin gshegs pa bye ba phrag dgu bcu rtsa gnyis mngon sum du ston zhing snang bar 'gyur ro// lam nye bar ston par byed cing dbugs 'byin par byed do/ / sangs rgyas kyi zhing sna tshogs pa rnams su skal ba mnyam pa nyid kyis skye bar byed de/ rgyan thams cad kyis brgyan par pad+ma la rdzus te skye bar 'gyur ro// skyes pa tsam gyi mod la skye ba thams cad rjes su dran par byed/  de bzhin gshegs pa thams cad kyi gsang ba phyag rgya dang / gsang sngags rim par phye ba dang / cho ga zhib mo dang / don yod zhags pa'i rnam par thar pa'i dkyil 'khor mtha' dag rdzogs par kha ton du gnas par byed do// ji srid sangs rgyas kyi byang chub la mthar thug gi bar du thams cad rgyal mtshan gyi rtse mor bcings te gnas par byed do zhes so/ / 'di ni skye ba'i tha mar 'gyur te/ mchod pa dang / dkyil 'khor gyi cho ga 'dis tha na dud 'gro'i skye gnas su song ba'i ri dgas dang bya de dag thams cad phyir mi ldog par 'gyur zhing / pha rol tu phyin pa drug yongs su rdzogs par 'gyur te/ mir gyur pa rnams kyis lta ci smos so// de ltar yon tan dang phan yon chen po'i mchod pa dang dkyil 'khor gyi cho ga'o/ / don yod pa nor bu'i mchod pa'i snying po'i gzungs kyi rnam par 'phrul pa dang / phan yon gyi cho ga'i sgrub thabs so// / de nas rig pa'i rgyal po'i ras ris bshad par bya ste/ sems can thams cad la phan par byed pa/ sdig pa thams cad sel ba/ 'phral du nad thams cad zlog par byed pa/ dngos grub thams cad byed pa'i gnas mchog thams cad sbyin pa bshad par bya'o/ / ras sam/ gos gzhan nam/ rgya dar la kun nas khru bzhi pa la gtsang mas gtsang ma'i gnas su ri mo mkhan gtsang ma nyid kyis khrus byas/ gos gtsang ma bgos te/ dri sna tshogs pas bdug la/ tshon sna tshogs pa rnam par bkra zhing lhag pa ma yin pa snod gsar par bzhag pas ras ris bla na med pa bri bar bya'o/ / dbus su de bzhin gshegs pa shAkya thub pa bya ste/ gzhal yas khang gi khang pa brtsegs par seng ge'i khri la pad+ma'i rdzing bur klu'i rgyal po dga' bo dang nye dga' bo dang bcas pas bcom ldan 'das la me tog 'thor bar byed bzhin pa'o/ / g.yon du 'phags pa spyan ras gzigs dbang phyug bya ste/ don yod zhags pa skyil krung phyed pas bzhugs pa/ ral pa'i cod pan gyis brgyan pa/ tshangs pa'i cha byad 'chang ba/ rgyan thams cad kyi rnam par brgyan pa/ 'od dpag med kyi cod pan can/ phyag bzhi pa/ spyan gsum pa/ mdung rtse gsum 'dzin pa/ pad+ma 'dzin pa dang / zhags pa 'dzin pa dang / nor bu rin po che 'dzin pa/ bcom ldan 'das la nye bar 'dud par byed bzhin pa'o// g.yas su rig pa'i rgyal po bya ste/ phyag bzhi pa/ 'phags ma sgrol ma'i cha byad 'chang ba/ 'od dpag med kyi cod pan can/ rgyan thams cad kyis rnam par brgyan pa sna tshogs pa'i gos 'dzin pa/ pad+ma dang / zhags pa dang / ral gri 'chang zhing / nor bu rin po che chen po'i rgyal mtshan thogs te/ bcom ldan 'das la nye bar 'dud par byed pa/ skyil krung phyed pas bzhugs pa'o// 'phags pa spyan ras gzigs dbang phyug gi rgyab tu lha mo sgrol ma bya ste/ thal mo sbyar ba smad pa/ rgyan thams cad kyis rnam par brgyan pa'o// lha mo sgrol ma'i rgyab tu gos dkar mo bya ste/ rgyan thams cad kyis rnam par brgyan pa/ rab tu bzhad cing smin ma dpral bar g.yo zhing / bcom ldan 'das la zur mig gis lta bar byed pa bya'o// rig pa'i rgyal po'i rgyab tu 'phags pa dpal mdzes pa bya ste/ rgyan thams cad kyis rnam par brgyan pa/ bcom ldan 'das la lta bar byed bzhin pa/ sna tshogs pa'i me tog gi phur ma 'chang bar byed pa'o// thams cad la pad+ma'i gdan bya ste/ skyil krung phyed pas bzhugs pa bya'o// gos dkar mo'i rgyab tu khro bo chen po lcags kyu bya'o// dkar po'i gzhogs su don yod pa'i lcags kyu bya'o/ / rig pa'i rgyal po'i 'og tu ral pa gcig ma ste/ phyag brgyad pa/ zhal mche ba gtsigs pa/ ral pa gyen du brdzes pa/ rgyan thams cad kyis rnam par brgyan pa/ mtshon cha sna tshogs pa 'dzin pa ste/ ral gri dang / dgra sta dang / zhags pa dang / ral gri dang / mdung rtse gsum dang / rdo rje dang / pad+ma 'chang ba bya zhing / sdigs mdzub byed pa bya'o// steng du phyogs pa/ skyil krung phyed pas bzhugs pa/ bcom ldan 'das la lta bar byed bzhin pa'o/ / khang pa brtsegs pa'i steng du de bzhin gshegs pa bdun bya ste/ 'od dpag med kyang dbus su bya'o// lhas mchod pa byed bzhin pa bya'o// phyag g.yon dang g.yas su rdo rje 'dzin pa/  bcom ldan 'das la zas gsar pa 'dren par byed bzhin pa'o// gzhogs g.yas dang g.yon du khro ba'i rgyal po rdo rje 'chang ba bya'o// 'og gi gzhogs g.yas su rgyal po chen po pa'i bya'o// gzhogs g.yon du gshin rje dang chu lha dang / lus ngan po dang / gzhon nu rnams rang rang gi mtshon cha 'dzin pa bya ste/ thams cad glu len bzhin pa bya'o// bcom ldan 'das kyi 'og phyogs kyi rdzing bu'i g.yas logs su rig sngags 'chang pus mo btsugs pa bya ste/ bdug pa'i pog bor dang me tog 'dzin cing bgrang 'phreng thogs pa/ bcom ldan 'das la lta bar byed bzhin pa bya'o// ras ris kyi kho ra khor yug tu ri bo bri bar bya ste/ sna tshogs pa'i me tog gi mgo stsogs bkram zhing / rin po che'i ljon shing sna tshogs pas brgyan pa/ chu bo 'bab cing rjes su spyod pa/ ri dgas dang byas yang dag par brgyan pa bya'o// sna tshogs pa'i ri'i lha dang shang shang te'us kun tu khyab pa/ rnam pa sna tshogs pa'i chu gdengs ka dang mtshungs pa'i gnas su gnas par bya'o/ / de nas yongs su sbyang ba byas zin pa dang / ras ris la tshon sna tshogs pas bkra bar bya'o// de nas rig sngags 'chang gtsang mas gos gtsang ma bgo bar bya'o// legs par khrus bya ste/ skyil mo krung gis 'dug ste smra ba bcad la/ don yod zhags pa'i snying po lan brgya rtsa brgyad dang / rig pa'i rgyal po'i gzungs lan brgya rtsa brgyad du bzlas so// de'i tshe ras ris 'bar bar 'gyur ro// 'od zer kha dog sna tshog pa 'byin par byed de/ phyogs bcu kun tu snang bar byed do// rig sngags 'chang dga' zhing 'dod par 'gyur te/ rig sngags 'chang gis bdag gi don yod zhags pa'i snying po dang / don yod zhags pa'i lcags kyu dang / rig pa'i rgyal po'i snying po 'di'i dngos grub tu shes par bya'o/ / de nas las thams cad byed du gzhug cing 'jig rten dang 'jig rten las 'das pa'i mchog 'grub par 'gyur ro// rigs kyi bu 'am/ rigs kyi bu mo 'am/ dge slong ngam/  dge slong ma 'am/ dge bsnyen nam/ dge bsnyen ma 'am/ rgyal po 'am/ blon po 'am/ bram ze 'am/ rgyal rigs sam/ khyim bdag gam/ bud med dam/ skyes pa 'am/ khye'u 'am/ bu mo gang ras ris chen po 'di mthong nas/  mthong ba tsam gyis mod la mtshams med pa lnga'i sdig pa rnam par sbyangs shing thun tshags su 'gyur ro// mnar med pa'i sdig pa dang sgrib pa rnams 'phral du yongs su grol lo// bsod nams kyi tshogs dge ba'i rtsa ba chen po bskyed par 'gyur ro/ / rig pa'i rgyal po'i dkyil 'khor 'dod pa thams cad dang / yid kyi shing rta dang / 'dod pa'i dngos grub thams cad dang / rigs thun mong ba la 'jug pa'i thams cad du thun mong ba'i dam tshig dang / de kho na nyid dang / de bzhin gshegs pa thams cad kyis byin gyis rlob pa dang / thams cad du dngos grub byed pa'i gnas/ rdo rje'i gdan gyi dkyil 'khor mchog byang chub kyi snying por nye bar bgrod par byed pa/ de kho na nyid kyi chos kyi 'khor lo bskor bar byed pa'i dkyil 'khor phyir mi ldog par 'jug par byed pa/ de bzhin gshegs pa thams cad kyi gsang ba'i dkyil 'khor gnas thams cad du son pa'i dngos grub/ cho ga zhib mo'i dkyil 'khor thams cad du 'jug par byed pa/ phyag rgya thams cad 'gugs par byed pa'i phyag rgya dang / sangs rgyas kyi zhing thams cad du rab tu 'jug par byed pa bshad par bya'o// de nas rig sngags 'chang gi gnas yongs su brtags te/ sa'i cha mdzes par gtsug lag khang ngam/ dgon pa 'am/ gnas nyid dam/ ri bug gam/ tshang tshing ngam/ rgyal po'i gnas sam/ lam gyi bzhi mdo 'am/ gzhan yang brangs 'am/ dge 'dun gyi kun dga' ra ba 'am/ skyed mos tshal lam/  nags 'dab nyid dang / kun dga' ra ba 'am/ chu klung ngam/ lteng ka 'am/ 'bab chu'i dngo'am/ mtsho phran nam/ mtshe'u dag dang / rdzing bu rnam par bkra ba 'am/ de bzhin gshegs pa'i tshon nam/ ne'u gsing sngon po 'am/ me tog skye ba'i gnas sam/ thams cad du rjes su mthun par brtag par bya'o// gnas gtsang mar ma nyams pa'i mod la dkyil 'khor der dgod par bya ste/ sa dang ba byung dang yang dag par ldan pa'i dkyil 'khor gru bzhi bya'o/ / khor yug tu khru bzhi pa/ legs par byugs shing shin tu 'jam pa/ bai DUR+Ya'i kha dog tu bya'o// dkyil 'khor la tshon sna tshogs pa mdzes pas phye ba'i thig gdab ste/ cha mnyam par rnam par phye nas zur bzhi pa/ logs bzhi pa/ sgo bzhi rnam par phye ba'i dkyil 'khor mchog gi thig gdab po// dbus kyi dkyil 'khor gyi snying por yang dkyil 'khor khru'i tshad la re kha lnga byas pa sna tshogs pa'i gzugs mdzes pas thig gdab po/ / pad+ma'i ri mo dang / mdung rtse gsum dang / rdo rje'i ri mo gsum pa dag go// ut+pal bzhi pa 'am/ nor bu rin po che chen po ni lnga par bshad do// snying po'i dkyil 'khor gyi khor lug tu 'bar ba'i 'breng ba byed du gzhug go/ dbus kyi dkyil 'khor gyi gnas su pad+ma dkar po zhes bya ba 'dab ma sum cu rtsa gnyis pa/ ge sar dang ze'u 'bru dang bcas pa'i pad+ma bya ste/ de la rig ba'i lha mo gzugs ji ltar mdzes pa dgod par bya'o/ / ji ltar ras ris 'di la gzugs mdzes pa de bzhin du dkyil 'khor bri bar bya'o// pad+ma dkar po zhes bya ba de lta bu bris nas dkyil 'khor gyi lha rnams mdzes pa dang /  zhi ba dang / khro gnyer can ma/ drag po sna tshogs gzugs 'chang ba/ mtshon cha sna tshogs thogs pa/ dkyil 'khor gyi tshad ji lta ba bzhin du'o// rgyan thams cad kyis rnam par brgyan pa/ gos sna tshogs pa 'chang ba/  skyes pa lo bcu drug pa'i gzugs dang / bud med lo bcu drug pa'i gzugs 'dzin pa bsres pa rtag tu bris nas/ pad+ma'i gdan gyis brgyan cing / thams cad pad+ma 'chang ba byed du bzhug go/ snying po'i dkyil 'khor gyi grwa bzhir rgyal po chen po bzhi byed du gzhug ste/ go cha dang ya lad bgos pa/ drag po'i gzugs 'jigs par byed pa'o// phyi'i dkyil 'khor rnam par phye ba bya ste/ khor yug tu mtshan ma'i phyag rgya thams cad la pad+ma'i gdan 'chang ba'o/ / sgo bzhi'i gnas rnams su dkyil 'khor gyi lha bya'o// gang+gA dang / shI tA dang / 'jigs ma dang / dpe med ma dang / nor bu bzang po dang / kI li ki la dang / gtsigs zhal ma ste/ dkyil 'khor gyi lha rnams bri bar bya'o/ / phyi rol gyi dkyil 'khor gyi khor yug tu ri bo'i 'phreng ba dag la me tog dang ljon shing sna tshogs pa'i lcug mas khyab cing / tshon sna tshogs pas rnam par 'byes pa bri bar bya'o// dkyil 'khor gyi bya ba legs par mthar phyin pa dang / de nas dkyil 'khor gyi rgyan la kho ra khor yug tu tshon sna lngas mdzes pa'i ba dan brgya dang / sna tshogs pa'i gzugs mdzes pa dang / rnam par bkra ba'i bum pa gang ba dang / gtor ma dang / dril bu mdzes pa dang / gang ba'i bum pa dang / bum bu dang / dri sna tshogs kyi chus yongs su gang ba dang / ro sna tshogs pa'i gtor ma bzhag nas/ kham por dang / ril ba gang ba dang / dri sna tshogs kyi byugs pa dang /  bdug pa sna tshogs pas mdzes pa dang / me tog gi 'phreng ba gcal du bkram pa dang / 'bras yos dang / yungs kar nyid dang / sna tshogs pa'i 'bras bu rnams dang / bza' ba'i rnam pa gzugs sna tshogs pa bzhag nas/ 'bras bu sna tshogs mdzes pa rnams bzhag ste/ khor yug tu mar me'i 'phreng ba dang / gser dang dngul las byung ba'i snod dris gang ba rnams gzhag go/ thams cad ji ltar 'byor pa bya ste/  dkyil 'khor gzhal du med pa las dman pa nyid du mi bya'i/ lhag pa nyid byed du gzhug go// dkyil 'khor gyi las rnams ji lta ba bzhin du gus pa dang / stobs dang / brtson 'grus kyis bya'o// rig sngags 'chang gis gtsang mar gyur nas/ legs par khrus byas te gos gtsang ma bgos nas/ bsrung ba'i cho gas phyogs bcing ba dang / dkyil 'khor bcing ba dang / mtshams bcing ba dang / bsrung ba chen po'ang byed du gzhug go/ / de nas gsang sngags kyi las dang / phyag rgya'i las bla na med pa bya'o// de nas sems can gzhug par bya ste/ dkyil 'khor gang 'dod par bcug nas thams cad kyi dam tshig dang phyag rgya sbyin du gzhug go/ phyag bya ba dang bskor ba la thams cad bcug nas/ snyan gsan dbab pa dang spyan drang bar bya/ las kyi cho gas gtor ma sbyin par bya/ me tog dang btug pa dbul bar bya/ bzlas pa'i las rnams dang / las thams cad mdor bskus pa byas nas gshegs su gsol ba 'dir bya'o/ / dkyil 'khor na gnas pa'i lha rnams la gtor ma'i las kyi cho ga dang / de bzhin du me tog dang bdug pa phul nas dkyil 'khor na gnas pa rnams gshegs su gsol lo/ / gang gi tshe gsang sngags rnams dang / cho ga zhib mo chen po'i gzungs rab tu 'jug pa na sa'i mthil du ras ris 'bar ba'i mod la 'od zer 'byin par byed de/ dkyil 'khor mthong zhing rig sngags 'chang yang bar snang la gnas so/ / de'i skad cig la ting nge 'dzin thob ste/ dkyil 'khor du zhugs pa'i mod la cho ga zhib mo'i dngos grub bla na med pa dang / dngos grub thams cad rtag tu myur du 'byung la/ rig pa'i rgyal po'i dkyil 'khor gyi dbus nas legs so zhes bya ba'i sgra thos par 'gyur ro/ / rig pa'i rgyal po'i dngos grub bla na med pa dang don yod zhags pa'i dngos grub brjod do// ji ltar yid la byed pa thams cad myur du 'dzin no// 'jig rten dang 'jig rten las 'das pa'i dngos grub thob ste/ 'di la the tsom med do// sems can dkyil 'khor du zhugs pa gang yin pa de rnams thams cad phyir mi ldog pa dang / bla na med pa yang dag par rdzogs pa'i byang chub tu lung bsngon par yang 'gyur ro/ / byang chub kyi snying por 'dug nas chos kyi 'khor lo skor bar byed do// sems can gang dkyil 'khor de mthong nas sdig pa dang sgrib pa thams cad dang / mtshams med pa lnga la sogs pa rnams dang / mnar med par gzhol ba de thams cad rnam par nyams par byed cing / bde blag tu sangs rgyas nyid du 'gro'o// de nas don yod pa'i lcags kyu'i cho ga zhib mo chen po dang / khro bo lcags kyu dang / rigs pa'i rgyal po dang / don yod zhags ba'i snying po'i dkyil 'khor chen por de bzhin gshegs pa thams cad kyi rigs thun mong ba'i phyag rgya dge ba'i las thams cad byed pa/ 'byung po thams cad skrag par byed pa/ gnod sbyin dang srin po thams cad 'bros par byed ba bgegs thams cad rnam par skrag par byed pa/ 'dod pa'i ris rnams sreg par byed pa/ gdug pa'i klu rnams 'khrug par byed pa/ sa'i mthil g.yo bar byed pa/ lha'i me tog dang rin po che sna/  tshogs kyis mdzes pa dang / lha'i gos dang lhab lhub kyi char 'beb par byed pa/ dus gsum du gshegs pa'i sangs rgyas rnams yang dag par skul bar byed pa/ phyogs bcu'i de bzhin gshegs pa thams cad la snyan gsan 'bebs par byed pa/ sum cu rtsa gsum gyi gnas na gnas pa'i lha thams cad spyan 'dren par byed pa/ byang chub sems dpa' thams cad kyis dbugs 'byin par byed pa/ rig pa'i rgyal po dang dkyil 'khor gyi lha thams thang 'gugs par byed pa/ bde ba thams cad dang phyir mi ldog pa'i gnas thob par byed pa/ bla na med pa byang chub kyi snying por 'gro bar byed pa/ chos kyi 'khor lo skor bar byed pa/ chos kyi sgron me 'bar bar byed pa/ chos kyi dung 'bud par byed pa/ phyag rgya dang chos kyi rgyal mtshan sgreng bar byed pa/ cho ga zhib mo dang gsang sngags bla na med pa thams cad grub pa/ 'dod pa thams cad rab tu sbyin pa/ phyag rgya dang mchog thams cad sbyin par byed pa/ gsang sngags thams cad 'chang ba/ gzungs rnams kyi khyad par grub pa/ de bzhin gshegs pa thams cad kyi thun mong gi gsang ba'i dkyil 'khor thams cad du 'jug par byed pa/ gang gis rnam par snang mdzad dang thub pa brgyad pa'i dam tshig gi gnas thams cad la gnas pa/ sdig pa thams cad nyams par byed pa/ sgrib pa thams cad rnam par dag par byed pa/ kun nas nyon mongs pa rnams sreg par byed pa/ rtag tu 'khor ba las 'don par byed pa/ bdud dang ma rung ba rnams sgrol ba po/ rtag tu chos kyi zam stegs mchog/ rga ba dang / skye ba dang / 'chi ba las grol bar byed pa/ srid pa mi bzad pa ston par nus pa/ tshul khrims dang / gtong ba dang /  brtson 'grus dang / bsam gtan dang / shes rab dang / ting nge 'dzin rnams kyi dri zhim po sbyin zhing srung bar byed pa/ pha rol tu phyin pa drug yongs su rdzogs par byed pa/ sbyin pa'i rin po che'i phung po chen po rtag tu sbyin pa/ sangs rgyas dang byang chub sems dpa' dang / lha thams cad la mchod par byed pa/ bsam pa thams cad yongs su rdzogs par byed pa/ de bzhin gshegs pa thams cad kyi phyag rgya byin gyis rlob pa/ sgyu ma lta bu'i ting nge 'dzin rnam par 'phrul pa thams cad ston par byed pa/ gzugs sna tshogs dang rdzu 'phrul sna tshogs kyi rnam par 'phrul pa mthong bar byed pa/ rdzu 'phrul yongs su rdzogs par byed pa/ chos kyi dbyings kyi phyag rgya rab tu ston par byed pa/ chos kyi dbyings kyi snying po 'di la gnas par byed pa/ de bzhin gshegs pa thams cad kyi rnam par 'phrul pa/ ma rungs pa thams cad dang / gdon dang nad thams cad rtag tu rnam par 'jig par byed pa/ phyir rgol ba dang / dgra dang / pha rol gyi dmag tshogs thams cad zlog par byed pa sgrub par byed pa'o/ / 'jig pa rnams thams cad dang / 'jigs pa mi bzad pa brgyad po rnams kyis 'jigs pa med pa'o// dug dang / byang snyems dang / phye ma'i sbyor ba thams cad nyams par byed par the tsom med pa zhes bya ba bshad par bya'o/ / lag pa gnyis bzlog nas lag pa gnyis kyi mthe bo'i sor mo dang sdigs mdzub nyid bskums la/ sor mo gsum brkyang la snying kha'i gnas su gzhag par bya ste/ 'di ni don yod pa'i lcags kyu'i phyag rgya yid bzhin gyi nor bu dang mnyam par mchog sbyin pa ste/ phyag rgya brgya stong phrag bye ba gnyis tsam du bcings par 'gyur ro// gzhan yang de bzhin gshegs pa'i rigs kyi phyag rgya dang / pad+ma yangs pa'i dkyil 'khor gyi phyag rgya gang yin pa dang / rdo rje'i rigs kyi phyag rgya gang yin pa dang / nor bu'i rigs kyi phyag rgya gang yin pas te/ phyag rgya so so so so ba 'di rnams thams cad phyag rgya bye ba brgya stong phrag rnams su 'gyur ro/ / bsod nams kyi phung po rab tu byed do// phyag rgya 'di ni yid bzhin gyi nor bu'i mchog sbyin pa po 'jig rten dbang phyug mgon po don yod pa'i snying po'o// shin tu gsang ba'i las thams cad du don yod pa'o/ / dus gsum pa'i de bzhin gshegs pa thams cad kyi bla na med pa dang / rigs thun mong ba'i gsang ba dang / dam tshig thams cad du mthong ba'o// phyag rgya 'dis da ltar ba'i 'dod pa thams cad dang yid kyi shing rta yongs su rdzogs par 'gyur ba'o/ / mchog thams cad sbyin par 'gyur ba'o// phyag rgya 'di nyid kyis gung mo'i sor mos mthe bong gi sor mo bskums la sdigs mdzub kyis bsdigs par bya/ ming med dang mthe'u chung dag gcig tu brkyang la/ sen mos sen mo mnyam par bzhag nas snying kha'i gnas su gzhag ste/ khro bo'i blta ba dang mtshungs par bzhag pas hUM yig gis btsir bar bya'o// 'di ni khro bo lcags kyu'i phyag rgya khro bo thams cad kyi mchog dang gtso bor brjod par bya ste/ rig bya ba brgya stong phrag rnams kyi thun mong pa'i phyag rgya thams cad rab tu 'jug par 'gyur ro// phyag rgya 'dzin pa tsam gyis khro bo'i phyag rgya dang de bzhin gshegs pa'i rigs su brjod pa dang / de bzhin du pad+ma'i rigs gang yin pa dang / rdo rje'i rigs su brjod pa gang yin pa dang / khro bo'i rdo rje drag pos 'jigs par byed do// khro bo'i rgyal po 'di ni thams cad du khro bo'i rgyal por brjod par bya ste/ nor bu'i rigs gang yin pa'i khro bo rnams kyi phyag rgya rnams gdug pa rnams 'jigs pa sbyin pa'o// thams cad du phyag rgya'i gtso bo zhes bya ba/ khro bo'i rgyal po bla na med pa'o// de bzhin du khro bo'i lcags kyu'i phyag rgya 'di 'ching bzhin pa/ ri rab lhun po brgya stong phrag dang rgya mtsho'ang skams par byed do// ri rab lhun po'i ri ni rdul phra rab ji lta bar rnam par 'thor bar byed do// rgya mtsho thams cad kyang skam par byed do/ / ri dang ri bo'ang nyams par byed do// lha ma yin ma rungs pa rnams dang / lha ma yin gyi dbang po sgra gcan dang / de'i gnas kyi klu ma rungs pa rnams sreg par byed do// de bzhin du gnod sbyin dang /  srin po dang / 'byung po dang / gdon ma rungs pa dang / bgegs byed pa'i lha ma rungs pa gang yin pa dang / bdud kyi rigs rnams gcig tu 'bar bar 'gyur la/ phyag rgya 'dzin pa tsam gyis de rnams thams cad rtag tu nyams par byed cing / skad cig de la 'jig par byed do// phyag rgya 'dzin pa tsam gyis phyir rgol ba dang / dgra dang / de bzhin du ma rungs pa'i sems can 'jigs par byed pa de rnams thams cad skyabs su 'gro bar byed do//  phyag rgya dang / gsang sngags dang / dkyil 'khor thams cad du bya ba thams cad 'grub par byed do// thams cad 'grub pa don yod cing dge ba thams cad 'grub par byed do// phyag rgya 'di nyid las sdigs mdzub gnyis rdo rje'i rnam par bskums la/ gung mo yid tsam bskums te/ ming med dang mthe bong gis sor mo'i sen mos sen mo mnyam par bzhag ste/ mthe'u chung brgyad du snying pa'i gnas su bzhag pa 'di ni rig pa'i rgyal po'i phyag rgya chen po don yod pa'i phyag rgya rmad du byung ba chen po/ / de bzhin gshegs pa thams cad kyi dkyil 'khor thams cad du rigs thun mong ba'i phyag rgya rig pa'i rgyal po thams cad kyi bla na med pa/ 'jig rten gyi khams mgon pos snyan par brjod cing lung bstan pa/ de bzhin gshegs pa thams cad kyis de bzhin gshegs pa'i rigs kyi gtso bo zhes brjod pa/ de bzhin du pad+ma'i rigs kyi gtso bo dang /  rdo rje'i rigs kyi gtso bo zhes brjod pa dang / de bzhin du nor bu'i rigs kyi gtso bo dang / rig pa'i rgyal po dang / phyag rgya dang / gsang sngags dang / dkyil 'khor thams cad du gtso bo ste/ gang gis phyag rgya 'di 'ching ba de gang+gA'i klung gi bye ma bye ba brgya stong phrag gi phyag rgya rnams ji lta ba bzhin du bcings par 'gyur ro/ / sdig pa dang / nyon mongs pa mi bzad pa dang / gdug pa thams cad rnam par nyams par byed do// bsod nams kyi phung po brgya stong phrag bskyed par 'gyur ro/ / dge ba'i rtsa ba rnams kun nas bskyed par 'gyur ro// phyag rgya 'dzin pa tsam gyis de bzhin gshegs pa thams cad kyis rnam par gzigs par byed cing dgongs par byed de the tsom med do/ / byang chub sems dpas thams cad du mchog sbyin par 'gyur ro// lha rnams kyis rtag par rgyun du srung bar byed do// phyag rgya 'di'i phan yon sngar brjod pas gzhal du med cing grangs med la tshad med par rab tu bsgrags shing the tsom med do/ / phyag rgya 'di mthong ba dang bcings pa tsam gyis bsod nams kyi phung po rab tu skyed do// lag pa g.yas pa'i mthil du gcig brkyang la dpung pa bskums te/ ming med dang mthe bong gi sor mo 'dud la mthe'u chung bskum par bya'o/ / ming med kyi mthar reg la/ gung mo bskum la sdigs mdzub rab tu brkyang ste/ snying la'i gnas su 'di g.yo ba tsam mo// me tog gam/ dri dang / bdug pa dang / 'phreng ba dang / byug pa dang / gos dang / rgyan dang / sdud pa rnams kyang lag pa g.yon du bzung nas dbul bar bya ste/ de bzhin gshegs pa dang / byang chub sems dpa' thams cad dang / lha rnams dang / de bzhin du rig pa'i rgyal po rnams dang / de bzhin du dkyil 'khor ba'i lha rnams kyis de rnams thams cad mchod par 'gyur ro// lha rdzas kyi mchod pa bla na med pa dang / mchog dang / rab mchog dang / gya nom pa'i mchod pa 'di rnams byed de/  ro sna tshogs pa'i bza' ba rnams dang / ro brgya pa'i 'bras bu rnam pa sna tshogs pa dang / btung ba rnam pa sna tshogs pa bdud rtsi bcud kyis len gyi mchod pa 'di rnams byed do// phyogs bcu rnams su kun nas rin po che sna bdun gyi char 'byung ngo / / gser dang dngul gyi me tog bla na med pa dang / rin po che rnam pa sna tshogs rnam par bkra ba nyi ma dang gzi brjid mtshungs pas 'bar bar byed do// phyag rgya 'dzin pa tsam gyis don yod pa mchod ba'i nor bu zhes bya ba 'di yid bzhin gyi nor bu ste/ rtag tu phyag rgya'i gsang ba dang gsang sngags rnams yid kyis bsams pas de rnams thams cad 'byung bar 'gyur ro// dpag bsam gyi shing dang mnyam zhing mtshungs bar ji ltar yid la bsam pa bzhin du mchod pa thams cad byed de/ sangs rgyas kyi zhing gad+hA'i klung gi bye ma bye ba brgya stong phrag stong rnams kyi sangs rgyas kyi zhing re re'i dus gsum pa'i de bzhin gshegs pa rnams phyag rgya 'di'i mthus bla na med pa'i mchod pa thams cad kyis mchod par byed do/ / de'i phyir phyag rgya 'di rtag tu byed pa ni pha rol tu phyin pa drug yongs su rdzogs par 'gyur ro// phyag rgya bzung bzhin pa ni mchod pa bla na med pa dang tshegs chung ngus mchod pa chung ngu'ang tshad med par rab tu 'gyur ro/ / sbyin pa'i bsod nams kyi phung po bsam gyis mi khyab cing mtshungs pa med pa byed do// ri rab lhun po bye ba brgya stong phrag rnams dang / rin po che sna bdun gyi phung pos stong gsum gyi stong chen po'i 'jig rten gyi khams bkang ste/ de bzhin gshegs pa re re la phul ba de bzhin du/ phyag rgya 'dzin bzhin pas de bzhin gshegs pa re re la de lta bu'i mchod pa'i cho ga byed do/ / de lta bu'i phyag rgya'i cho ga'i rnam par 'phrul pa ni 'dren pa 'jig rten dbang phyug gis byin gyis brlabs pa'o// phyag rgya 'di nyid las sdigs mdzub gung mo la reg pa ni dkyil 'khor du dbang bskur ba dang / mtshams bcing ba dang / spyan drangs pa dang / dam tshig la 'jug pa dang / skor ba byed pa dang / me tog dang / bdug pa dang / de bzhin du dri dang / mar me dang / 'phreng ba dang / byug pa dang / gtor ma 'bul bar byed ba dang / de bzhin du khrus dang / nye rig cid dang / gos bgo ba dang / gtsug tor bcing ba dang / srung ba dang / gzhan srung ba dang / de bzhin cing du grogs srung ba dang / dazlas bzhin pa dang / mnyam pa nyid dang / skyil ma krung bcing ba dang / sbyin sreg gi las dang / gzhan spyan drang ba nyid dang / gsang sngags spyan drang ba nyid dang / dngos byu sgrub pa nyid pa thams cad nas thams cad du bya ba thams cad phyag rgya 'dis byed de// gnas thams cad du song ba dang / gnas grub pa dang / bya ba thams cad legs par bsngags pa dang / thams cad du mchog gi phyag rgya don yod pa'i las rab tu grub pa dang / yon tan thams cad skyed pa dang / thams cad du rigs thun mong ba'i dkyil 'khor du don yod ba sgrub pa po'i phyag rgya don yod pa'i cho ga zhib mo sgrub par byed pa'o/ / don yod pa'i las zhes bya ba'i phyag rgya 'di don yod pa'i mchog sbyin pa zhes brjod par bya'o// phyag rgya chen po lnga po 'di rnams rmang du byung ba'i de kho na nyid mthong ba dang / don yod pa thos pa nyid dang / don yod pa'i 'bras bu mthong ba dang / don yod pa'i bsod nams bsags pa'i de kho na nyid dang / don yod par sdig pa nyams pa dang / sgrib pa thams cad zad pa dang / nyon mongs pa thams cad rnam par 'joms pa'i phyag rgya dang / don yod par sangs rgyas rnams mthong ba dang / don yod par sangs rgyas kyi zhing mthong ba dang / don yod par tshe 'phel bar byed pa'i phyag rgya dang / don yod par dngos grub kyi mchog sbyin par byed pa mchog tu gyur pa'o/ / snying po dang phyag rgya 'di 'jig rten dbang phyug gis sems can thams cad la phan pa'i don du bsgrags pa'o// rig sngags 'chang rnams kyis khyad par du nyin mtshan du dang / thun mtshams su rang phyag rgya 'di 'ching na bkra shis pa'i mchog dang / bsod nams dang / dag pa dang / sdig pa nyams pa dang / don yod pa'i dngos grub dam par gyur pa'i mchog sbyin par byed do// 'di ni thar pa mchog gi gnas mya ngan las 'das pa mchog tu dge ba'o/ / phyag rgya'i gsang sngags rnams su 'gyur te/ oM a mo g+haM ku sha dz+wa lAM hUM/ oM a mo g+ha kro d+ha daMSh+Te hUM/ oM bid+yA rA dza pad+me dz+wa la hUM/ oM a mo g+ha bi bi d+ha a mo g+ha tsin+tA ma Ni pa bar+d+ha ya hUM/ oM a mo g+ha sarba tra sA d+ha ya shi be hU~M/ phyag rgya 'dzin pa'i sngags so// de nas dge ba'i las thams cad byed pa'i gsang sngags thams cad du sgrub pa'i thabs kyis de kho na nyid kyi gnas thams cad la 'jug par byed pa bshad par bya ste/ oM a mo g+ha maN+Da le hUM/ dkyil 'khor bcing ba'o// oM sa ma man+ta shu b+hi pr-i thi bI sa hA hUM/ sa yongs su sbyong ba'i sngags so// oM a mo g+ha pa ri sho d+ha ni hUM/ dkyil 'khor yong su sbyong ba'i sngags so/ / oM a mo g+ho pr-i thi bI sa ra s+tha le hUM/ sa dang ba byung gi sngags so// oM a mo g+ha dza laHshra ba Na hUM/ chu'i sngags so// oM a mo g+ha a mr-i ta ba re swAhA/ dbang bskur ba'i sngags so//  oM a mo g+ha bi b+hak+ta bA ba na ba re hUM/ thig rnam par dbye ba'i sngags so// oM nA nA rat+na ba re dz+wa ya hUM/ tshon rtsi'i ri mo'i sngags so// oM dz+wa la bi ma le a mo g+ha shud+d+he hUM/ khrus kyi sngags so// oM sid+d+hi dza le a mo g+ha bud+d+hi hUM/  nye reg gi sngags so// oM a mo g+ha bste ts+tshad hUM/ gos bgo ba'i sngags so// oM a mo g+ha ma Ni hUM/ gtsug tor bcing ba'i sngags so// oM a mo g+ha rak+Sha Ni ba rad hUM/ bdag srung ba'i sngags so// oM satwa ra~M Ni a mo g+ha da~MSh+To ts+tsha/ thams cad du gzhan srung zhing bde ba'i ched du srung ba'i sngags so// oM a mo g+ha pra bi sha b+hu ba ne hUM/ gnas su 'jug pa'i sngags so// oM na mo a mo g+ha ba ti n+tu/ phyag byed pa'i sngags so// mr-i a mo g+ha tsakre hUM/ bskor ba'i sngags so// oM sa ma ya sid+d+hi a mo g+ha ba ti hUM/ dam tshig gi sngags so// oM a mo g+ha puSh+pe pra ba tsa gan+d+hi dzi sa swAhA/ me tog dang / dri dang / 'phreng ba dang / byug pa dang bdug pa'i sngags so/ / oM a mo g+ha sa ra saM pU ra Ni ra sa ra sa pra ba ti hUM/ thams cad du gtor ma'i sngags so// oM a mo g+ha tu Ti swAhA/ mar me'i sngags so// oM a mo g+ha ba ti tsa ra bi tsa ra san+na ra swAhA/  thams cad du gnas pa dang / gnas thams cad du song ba na rig pa'i rgyal pos bya'o// thams cad du las thams cad byed par rig pa'i gsang sngags sbyar bar bya'o// gshegs su gsol ba nyid kyang sngags 'dis bya'o/ / las shin tu rgyas pa gzhan thams cad ni rig pa'i rgyal pos bya'o// legs par byas pa'i las dang / bya ba rnams dang / bya ba thams cad sgrub par byed pa gzhan rnams ni don yod pa'i lcags kyu dang / khro bo lcags kyu dang / rig pa'i rgyal po'i gsang sngags chen po dang / dpa' bo gcig pa'i gsang sngags 'di rnams dang / de bzhin gshegs pa thams cad kyi rang rang gis las rnam bya'o/ / rtsa ba'i rig pa 'di nyid kyis las thams cad bya'o// de las phyi rol du gyur pa'i rig pa gzhan ni med do// rig pa 'di ni bklags pas grub pa'o// de nas de la yangs shing rgya che ba'i brtson pa bya ste/ 'byor pa ji lta ba dang / tshad ji lta ba dang / ji ltar gsal ba rnams 'byor pa dang bcas shing yongs su rdzogs pa dang / shin tu gsal bar bya ba rnams bya'o// gtsang ma gtsang mas khrus byas /  gos gtsang ma bgo bar bya/ dad pa dang / gus pa dang / mchog tu dang ba bskyed par bya/ bden par smra bar bya/ bden pa phyi rol du 'byung bar bya/ bden par spro ba dang brtson bas 'byung bar bya/ lkog tu smra ba dang / phra ma dang / ser sna med par 'gyur bar bya/ lag yangs par bya/ sangs rgyas kyi byang chub kyi lam dang / bklags pas grub pa'i rig pa 'di sgrub par byed par 'gyur bar bya/ sems can thams cad la brtse ba mchog tu bya/ bri bar bya/ 'drir gzhug par bya/ bklag par bya/ kha ton du bya/ mchod par bya/ ri mor bya/ kun nub par bya/ cho ga zhib mo'i rgyal po chen po 'di gsungs pa dang / don yod zhags pa'i rnam par thar pa'i dkyil 'khor yang dag par rmad du byung ba 'di byang chub sems dpa' thams cad kyis phyag byas pa de bzhin gshegs pa thams cad kyi rigs kyi dam tshig thun mong gi gsang ba/ dkyil 'khor rim par phye ba thams cad kyi gsang ba/ phyag rgya dang gsang sngags thams cad kyi gsang ba'i chog zhib mo 'di 'phags pa spyan ras gzigs dbang phyug gis gsungs so/ / de nas yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / g+ho 9 chen po dang / mi gang yin pa rnams kyang byang chub sems dpa' sems dpa' chen po 'phags pa spyan ras gzigs dbang phyug 'khor gyi dkyil 'khor chen po dang bcas pa ga le ba dang / de bzhin gshegs pa mngon sum du gyur pa ga la ba der song ste lhags nas/ byang chub sems dpa' sems dpa' chen po 'phags pa spyan ras gzigs dbang phyug gi spyan sngar song ste/ zhabs gnyis la mgo bos phyag 'tshal te thal mo sbyar bar gyur pas 'di skad ces gsol to/ / bcom ldan 'das 'di bdag gis gzung bar bgyi'o// don yod pa'i lcags kyu cho ga zhib mo'i rgyal po'i yang lhag pa'i rgyal po/ cho ga zhib mo 'di yongs su srung ba'i don dang / mi nub cing rgyas par 'gyur ro// cho ga zhib mo'i rgyal po ji ltar rnyed pa de bzhin bris pa 'di yongs su rdzogs so// / 'di ni sngon gyi lo tsa ba mkhas pa bzhi tsam gyis bgos nas bsgyur ba la/ <br><br><a href="javascript:window.close();">CLOSE WINDOW</a>