/ kun mkhyen ye shes rnam bsgom pa// 'gro snying rnam dag ces bya la// thub pa chen po bzhugs pa yin// ma rig pa dang 'du byed dang // rnam par shes dang ming dang gzugs/ / skye mched drug dang reg pa dang // tshor ba dang ni sred pa dang // nyer len srid pa skye ba dang // rga shi zhes bya rig ma yin// nga rgyal che ba'i nga rgyal dang // nga'o snyam nga rgyal mngon pa rgyal// gzhan yang nga rgyal las nga rgyal// cung zad nga rgyal log par bcas// 'di dag rdo rje mtha' can mchog/ byang chub sems dpa' de bzhin gshegs// de rnams brjod mi lang ba'i grangs// brjod kyis mi lang nyid du gyur/ / sangs rgyas zhing ni grangs med pa'i// ri rab rdul phran grangs mnyam pa// byang chub sems dpa' sems dpa' che// til gyi gang bu mtshungs pa dang // de bzhin gshegs pa rnams kyis kyang / / nam mkha'i khams kun gang bar snang // de nas dpal ldan rnam snang mdzad// sku gsung thugs kyi rdo rje can// 'khor gyi dkyil 'khor la gzigs nas// de nyid gsum skyes skur mdzad do/ / tshangs pa khyab 'jug lha chen dang // 'dod dang rig byed de bzhin zung // tshangs lha de bzhin zla ba ste// phung po la sogs grangs dang mnyam// sgra sgrogs de bzhin dga' byed dang // skya bsing skem byed thub pa dang / / sna yon dang ni dkon mchog gsum// de bzhin gshegs kun gcig pu nyid// de tshe phyung la gsol ba yi// gsang sngags gsungs pa dang po nyid// thub chen byang chub sems tshul du/ / mdzad pa gnyis pa yin par bshad// rnam lnga mngon par byang chub pa'i// phra mo rnal 'byor gsum pa yin// dbang bskur ba ni rnam pa bzhi// gzugs kyi dkyil 'khor nyid bzhi pa/ srung ba'i bslab bzhi rnam bzhi dang // spyod pa'ang 'dir ni lnga pa ste// drug pa rang sangs rgyas nyid kyi// ting 'dzin phra mo'i rnal 'byor ro// bdun pa de nyid mchod par bshad// gsang ba'i dbang du gtso bos mdzad/ / phyag rgyas dbang bskur brgyad pa bstan// dam tshig bzhi po dgu pa yin// rnam pa bcur phye yang dag rtog/ bzlas pa'i sngags kyang gsungs pa yin// bcu gcig ming du byung ba ni/ / phyag rgya gcig par bshad dkyil 'khor// bcu gnyis pa yi bdag nyid sku// nyan thos byang chub ston par mdzad// de bzhin rig pa spyod grub pa// mngon shes lnga ni bcu gsum pa// bcu dang bzhi par bzhi po dang / / 'phreng sngags bla ma ston par mdzad// phyogs dang skya bseng nyid gyur pa// dngos grub dkyil 'khor bu med pa'o// sgra sgrogs dus dang yang dag ldan// dkyil 'khor rdul tshom ldan pa'o/ / slob ma dbang bskur nyi zla dag/ chags bral sna tshogs nyid gyur pa// sna tshogs tshig gi don gyi brda// sna tshogs ming can ming gcig pu// de ltar rnam pa sna tshogs pa'i// so sor sdud pa rab tu bstan/ / gcig dang du ma las grol ba// yang dag mthong nas yongs su bsgom// yongs su bsgoms par gyur pa'i bdag/ rten 'brel du yang bstan par bya// de nas ma skyes sbyor ba la/ thub pa rnam pa snang mdzad che/ / rten 'brel yan lag bcu gnyis pa'i// ting 'dzin de 'og ston par mdzad// 'dod pa'i yan lag 'gro ba'i tshogs// gnyis pa thams cad de bzhin gshegs/ / 'dod chags che tshul zhes bya ba'i// ting nge 'dzin la snyoms par zhugs// de bzhin gshegs kun gtso bo yi// rang gi sku la zhugs par mdzad// byang chub sems dpa' sems dpa' che/ / rgyun de la ni sbyor bar gyur// de nas de bzhin gshegs kun dang // de bzhin byang chub sems dpa' rnams// de bzhin gshegs bdag mnyes bya'i phyir// de rnams zhugs nas byung gyur pa/ / srog dang gyen rgyu thur sel dang // mnyam gnas khyab byed ces bya dang // klu dang rus sbal rtsangs pa dang // lha sbyin gzhu rgyal zhes bya ba// 'di dag tu ni nyid sku mdzad// bud med gzugs su slar sprul te// rang gi ngo bo ji bzhin du// de yi sku las byung bar gyur// de nyid gsum ni mnyam sbyor las// rang gi gsang sngags de dag bsgom// yan lag kun las nges grol zhing / / shin tu phra ba nyid du gyur// dbu dgos ming las byung ba ni// zhi gnas dang ni lhag mthong ste// dngos med ngo bo nyid yin pas// rang nyid kyang ni mi shes so// 'on kyang 'di ltar thub pa la// de bzhin gshegs rnams gsol ba 'debs// bcom ldan dgongs pa lung bstan pa// chos kyi mchog ni bstan du gsol// khyab bdag khyed ni chos 'di rnams/ / dngos med nyid ni thugs su chud// 'gro ba'i don ni rab grub pas// yid bzhin nor bu lta bur mdzes// gang zhig yang dag shes gyur na// 'jig rten pa dang rtsod med cing // de bzhin 'jig rten 'das pa dang // 'jig rten shin tu 'das de bzhin// gang 'di zhi ba nyid kyi chos// zhi gnas shin tu sngon 'gro ba// byang chub sems dpas thos na yang // de bzhin nyid kyi bde ba byed/ / de nas sa snying la sogs pa'i// byang chub sems dpa' sems dpa' che// mgon po rnam snang chen po la// de dag gis ni zhus gyur pa// gang shes bla med byang chub ni// ma 'ongs skye bos thos 'gyur ba'i// gsang sngags de nyid don 'byung ba// rnal 'byor bcom ldan bshad du gsol// lan gnyis gsol yang mgon po ni// mi gsung bar ni rnam par bzhugs// rdo rje can gyis de shes nas// de nas slar yang zhus par gyur// gang 'di zhi gnas la sogs pa'i// rnal 'byor zab mo bra med pa// 'di ni 'di ltar sngags pas bsngags// 'tshal 'gyur de ni gtso bos gsungs/ / bya ba dag bya'i rnal 'byor dang // rnal 'byor 'ba' zhig pa nyid dang // lung ni yang dag gang yin pa// de ni bstan par mdzad pa'i rigs// zhus pa'i don ni mkhyen nas ni/ / bcom ldan rdo rje can gyis gsungs// gsang sngags tshul ni mchog 'gyur 'di// gsang ba khyod la bstan par bya// 'di skad ces bya'i gsang sngags che// gsang sngags kun don sngar ster ba'o// der ni lnga yi bdag gyur cing // sbyor ba bzhi dang bcu yi bdag/ lnga pa lnga po'i ming 'di ni// gsal dang mi gsal dag tu sbyar/ rgyu mngon phyogs pa'i sbyor bshad pa// dkyil 'khor lnga yis brgyan pa yin// bcu bdun zhes ni bshad pa 'di'i// gsungs pa'i don de ma shes pas// sngags pas gsang sngags sbyor ba dag detshe ji ltar byed par 'gyur/ / don 'di rtogs par gyur nas ni// sna tshogs don ni ston pa dang // 'gro ba'i don ni rab sgrub pa// gsang sngags rig pa mchog rnams byed// bdag ni stong dang yang dag sbyar/ / yi ge a ni steng du gnas// phye ma zhes bya gnas byas la// sngags pas sems can don rnams bya// yi ge a gnyis sbyor ba gang // a sgo las skyes nyid du 'gyur// steng 'og phyogs kyi rnam pa de/ / dngos po med pa'i ngo bo nyid// gang zhig 'di las gsungs pa ni// bsam mi khyab pa'i thabs chos nyid// bdag gis zhes rtogs de 'gyur ba// thogs med rtog pa 'di gnas so// / ston pa po dang bstan dang gnas// phra rab tsam gyi ngo bo nyid// kun rdzob dus gsum sbyor gcig la// sngags pa rnams kyis thos de 'gyur// shin tu grangs med bskal pa ru// sangs rgyas rnams kyis gang mkhyen pa/ / sngags pa rnams kyis dus gcig na// skad cig la rdzogs byang chub thob// kun mkhyen kun rig thugs chud pa// gsang sngags ston pa'i chos can te// de nyid kho na bcom ldan mchog/ sku gsung thugs rdo rje las skyes// mi rtog nam mkha' ji bzhin de// gsang sngags thams cad nyi ma 'dra// sa la rlung bzhin sngags pa ni// 'dod pa kun la nye bar spyod// thams cad 'gyur/ ba gang gang yin// de de stong pa nyid du 'gyur// de bzhin sbyor ba de mthong bas// kun rig de ni de bzhin gshegs// de bzhin nyid gzugs brnyan gyur pa// de ni sku yi rdo rjer gyur// 'gro ba yang dag tshim par 'byung / / mi phyed gsung gi rdo rjer gyur// nam mkha'i gnas kyi sbyor ba gang // bsam mi khyab par spro bdag nyid// de nyid ye shes rgya mtsho la// thugs kyi rdo rje yang dag 'byung // sems can kun gyi sems gang yin// nam mkha' yongs su brtag pa ste// de yang de ru kun gnas pas// bud med chos gcig pu yi gzugs// sangs rgyas kun gyis gang brten pa// sar gyur de ni bcu gsum pa// de ni bud med ces bshad de// de bas chos de b+ha ga yin// bya ba la sogs ji skad bshad// dam tshig gsum po gcig tu gyur// dngos med chos nyid gcig pu ru/ / 'di ni de dag mnyam par 'gyur// dam tshig sku gsung thugs dang ni// ting 'dzin de bzhin rgyal ba dang // sa dang chu dang de bzhin me// rlung dang nam mkha' nyid dag dang // gzugs dang sgra dang dri dang ro/ / reg dang de bzhin chos kyi dbyings// 'di rnams rdo rje'i mtha' can byung // byang chub sems dpa' rdzu 'phrul che// de ltar brjod mi lang zhes pa// brjod mi lang ba nyid gyur rnams/ / sangs rgyas zhing gi ri rab kyi// rdul phran gyi ni grangs mnyam pa'i// byang chub sems dpa' sems chen dang // nam mkha' mnyam pa'i de bzhin gshegs// mi bskyod rnam snang mdzad rin chen// dpag med tshe dang gdon mi za// 'di dag nam mkha'i khams mnyam pa'i// rdo rje snying po de bzhin gshegs// dper na til 'bru mtshud pa yi// de bzhin gshegs pa thams cad kyis/ / nam mkha'i khams ni yongs khengs pa// de rnams der ni yang dag snang // de nas mgon po rnam snang mdzad// de bzhin nyid dang gcig tu gyur// gang yang dam tshig sngon 'gro dang / / sku rdo rje sogs ming can gyis// byang chub sems dpa' sems chen dang // don yod thams cad de bzhin gshegs// 'di rnams sku yi yan lag grags// zhi gnas bsam mi khyab las byung / / ma skyes gcig pu gzigs pa ni// 'dod chags chen po'i tshul du gyur// 'dod chags chen po'i tshul mchog gi/ ting nge 'dzin la snyoms zhugs te// de bzhin gshegs pa kun gyi tshogs// de ni de bzhin gshes pa kun/ / de ni rnam par snang mdzad che// 'di nyid mnyes par bya ba'i phyir// nyid sku bud med nyid du mdzad// de nas mgon po bsam yas las// bud med gzugs su byung bar gyur// de ni sangs rgyas spyan 'dra dang / / mA ma kI 'dra sbyor ba dang // gos dkar mo 'dra'i gzugs dang ni// sgrol ma'i gzugs su yang dag gnas// sgra yi ngo bo'i gzugs can dang // dri yi ngo bo'i gzugs dang ni/ / de bzhin ro yi ngo bo'i gzugs// reg gi ngo bo'i gzugs can dang // la la gzugs kyi ngo bo yis// de bzhin gshegs pa de rnams bzhugs// de nas tshul gsum don gcig dang / / mi bskyod pa yang bstan phyir dang // 'jig rten rgyang 'phan gdul don du// 'jig rten 'das pa'i tshul byung ngo // gnyis med mnyam pa nyid rnal 'byor// rdo rje bud med b+ha ga mchog/ dam tshig chen po'i dkyil 'khor du// de ni mi bskyod yang dag bri// zur bzhi pa la sgo bzhi pa// sbyor bzhi gcig tu sbyor ba nyid// dri ma med par byin brlabs pa// kun nas shin tu gsal ba'i gzugs/ / sangs rgyas sprin gyis kun tu khyab// 'bar ba mang pos rnam par 'khrug/ gsal ba la sogs dkyil 'khor ldan// de bzhin gshegs pa kun gyi gnas// de nas de ni bcom ldan 'das/ / de bzhin gshegs kun bdag po 'di// dkyil 'khor chen po'i dbus su yang // rnam par gzhag ste bzhugs par gyur// mi bskyod rin chen dpag med dang // don grub rnam snang de bzhin gshegs/ / de rnams byang chub sems rdo rje'i// thugs la rnam par bzhugs par gyur// de rnams zil gyis mnan pa'i phyir// de bzhin gshegs pa byang chub sems// dngos med ngo bor gcig par ni// mkha' 'dra rdo rje las byung gzigs// shes rab ting 'dzin gzhi gcig pu// de ni grib ma ltar thugs chud// rdo rje'i rang bzhin skur mdzad nas// 'gro don mnyam dang mi mnyam mdzad/ / ji ltar mtshams gnas nyi ma yis// 'gro ba gnyid log sad par gyur// de bzhin de bzhin gshegs pa kun// byang chub sems kyis sad par byed/ / sku gsung thugs ni rdo rje gcig/ de rnams skye bar bzhed pa yis// byang chub sems kyi ngo bo yis// rdo rje'i sngags su mdzad par gyur// rig pa skyes bu'i gzugs dag ni// sngags kyis byin rlabs bla na med/ / der ni zhal gsum pa lta bur// de bzhin gshegs pa kun gyis gzigs// de nas mgon po bcom ldan gyis// thugs rjes bzhugs pa las byung ste// byang chub sems ni rab bskor la/ / lan gsum ched du brjod pa mdzad// bsam mi khyab cing dpag med gang // de bzhin gshegs pa kun gyi gsang // rdo rje byang chub sems gcig las// spyod yul der ni gyur pa yin// de nas gsang tshul thos pa dang // de 'og gsang ba'i bdag pos ni// khyab bdag rnam par snang mdzad la// ji bzhin tshul du de btud zhus// phung po khams la sogs pa'i chos// 'dus la gang zhig gnas pa'i rnams/ / rten 'brel las skyes yin par ni// khyed chos ston par mdzad pas khums// dman pa'i chos rnams 'di dag ni// zhe sdang la sogs rkyen dang ldan// 'di dag ji ltar bde gshegs dang // / rdzu 'phrul chen po rigs ma lags// byang chub sems dpa' sems chen de// lus la sogs pa ji ltar 'gyur// gang zhig phyi dus skye bo yis// 'di dag 'tshal bar mi 'gyur ro// de nas bcom ldan rdo rje can/ / 'od chen ldan pas bka' stsal pa// ma 'ongs skye bo mthong nas ni// gang zhig khyod kyis 'dris pa// legs so legs so sems dpa' che// gsang ba'i bdag po khyod legs so// smras don ji lta ji lta bar/ / de ltar khyod la lung bstan bya// ma 'ongs dus na mi rnams ni// 'jig rten rgyang 'phan mchog gzhol 'gyur// log par lta ba la gnas te// ci dga' bar yang spyod par byed// la la glu dang gar la dga'// rgod dang sgeg la mchog tu gzhol// dri dang 'phreng ba la dga' zhing // de bzhin 'khrig pa la dgar 'gyur// rmongs pa la la sdang ba dang // de bzhin gti mug la rab gzhol/ / la la de bzhin 'dod chags zhe na// shes pa gzhan dag 'dod par 'gyur// nya dang sha dang de bzhin chang // bshang gci khu ba khrag rnams ni// skyes bu glen pa za byed cing // med par smra ba chos su sgrogs// ma dang sring mo la sogs pa// bgrod min la ni bgrod pa dang // pha dang ma yang gsod pa dang // de bzhin srog chags gzhan rnams gsod// brdzun gyi tshig nyid smra ba dang / / khyad par du yang rku ba dang // gzhan gyi chung ma'i thad 'gro zhing // smad pa gzhan yang byed par 'gyur// la la dam chos spong ba dang // de bzhin mtshams med byed pa ste// sna tshogs sdig pa byas nas kyang / / sngags pa dngos grub 'dod par 'gyur// gzer nad dug dang sbyar ba'i dug/ sna tshogs nad ni mi bzad pa// 'di rnams kyis ni gzir gyur nas// zhi ba nyid ni 'dod par 'gyur/ / 'dor bar byed pa rmongs pa de// mi bzad sdig pa byas pa dang // log par lta la mchog gzhol rnams// ngan song gsum du 'gro bar 'gyur// de rnams rjes su gzung pa'i phyir/ / gsang ba 'di ltar bstan pa yin// gang zhig yang dag thob pa nyid// 'dir ni de bzhin gshegs par 'gyur// gsang ba'i bdag po mkhas rnams kyis// tshul mchog 'di ni rnyed gyur nas/ / don gsal yang dag rnyed pa dang // de yang nga rgyal dag tu ltung // de rnams ting 'dzin zhi nyid dang // shes rab nyid kyang shin tu ring // rab tu dga' dang ldan pa yis// rnal 'byor pa ni bdag nyid ces/ / mngon pa'i nga rgyal la rtag dga'// rgyu dang bcos ma'i chos dang ldan// mya ngan 'das dang gzhan 'gro ba// phan tshun dag ni sun yang 'byin// gsang sngags smra ba la brten nas// gcig la gcig ni rtsod par 'gyur// de rnams bdud kyi byin rlabs kyis// gal te dngos grub phra thob na// des ni mngon par nga rgyal bas// mkhas pa snyam du shes par 'gyur// tshogs pa'i nang du rtsod pa dang / / khyi bzhin kha zas la spyod yul// rang las 'bras las byung ba yi// phan pa la ni gnod pa byed// de rnams dge dang mi dge rnams// bdag cag rnams kyi stobs yin zer// mngon sum sangs rgyas 'dra ba yi/ / slob dpon smod cing bsnyen bkur med// skad cig gcig gis sdang byed cing // de la skad cig gis rjes chags// khyi dang phag dang khwa rnams kyi// spyod pa dag ni ston par byed// de rnams phan tshun rnam 'tshe bar// mngon par dga' bar byed par 'gyur// gsang ba 'dus pa mi shes par// dam tshig la sogs byed par 'gyur// gsang ba srung bar mi byed par// thams cad du ni ston par byed/ / 'jig rten la ni smad byas nas// gzhan dag la ni rab gsal byed// bdag nyid rtsa ba med pa ni// dam tshig 'das par byed par 'gyur// sgra bcas spror ldan gyis bskul bas// rang la rang gis glags rnyed med// de nyid ye shes 'byung ba yi// ting 'dzin de yis shes mi 'gyur// nyes pa cung zad tsam gyi phyir// mngon spyod rab tu byed par 'gyur// rnal 'byor rab sbyor dman pa yi/ / sngags pa rnams ni 'grub mi 'gyur// phyi rol bstan bcos la rtag dga'// de yi sbyor la gcig tu mkhas// rang gi dam tshig yongs spangs nas// lcags kyu med pa bzhin du spyod/ / sngags dang phyag rgya'i sbyor ba yis// de rnams 'tsho ba bsgrub par 'gyur// gang du rnyed pa thob 'gyur bar// dam tshig chos ni ston par byed// de rnams yang dag sdud byed pa'i// gsang ba dgongs pas bshad pa yin/ / dam tshig nyams te gnas pa rnams// 'di yis thams cad dgug par bya// rang gi rjes rig mi shes na// de rnams zhi bar ga la 'gyur// de bas rjes su gzung don du/ / tshul 'di dag ni gyur pa yin// de nas bcom ldan de bzhin gshegs// gcig tu 'dus par gyur nas su// de bzhin gshegs kun bdag po la// rang mchod de nyid dam tshig sprin// yang dag 'byung bas legs mchod de// phyag 'tshal nas ni 'di skad gsol// de bzhin gshegs pa gsang ba mchog/ de bzhin gshegs pa kun bsdus pa// 'dus pa gnyis med rnal 'byor pa'i/ / nyams dga' rdo rje snying po 'di// de nyid bsdus pa rnams kyi mchog/ de nyid bcom ldan pa shad du gsol// de nas de bzhin gshegs kun la// bcom ldan 'das kyis slar gsungs pa/ / gang yang 'di ltar gsol 'debs pa// de bzhin gshegs rnams legs so legs// 'di ni de bzhin gshegs rnams kyang // the tshom skye bar byed yin na/ / byang chub sems gzhan ci smos shes// de bzhin gshegs de rnams la gsungs// de nas ngo mtshar rmad byung nas// the tsom thams cad gcod mdzad pa'i// bcom ldan de bzhin gshegs kun gyi/ / bdag po la ni 'di skad zhus// bcom ldan de bzhin gshegs kun gyis// yon tan kun gyis phul phyung yang // gtso bo 'dir ni ston mdzad par// ji ltar spro ba mnga' ma gyur// byin gyis brlab pa'i gnas mdzad de// de bzhin gshegs yid bde la sogs// ye shes rgyu 'bras thob pa'i phyir// de ni yang dag bshad du gsol// de bzhin gshegs kun bdag po ni// de rnams zhu bar mkhyen nas su// ye shes sgron ma rdo rje grags// ting 'dzin zhe sdang rigs 'byung ba// gtso bos mi bskyod snying po ni// sku gsung thugs ni dpal ldan pas/ / de nas yang dag phyung ba ni// badz+ra d+h+r-ika ces bya ba'i sngags// de nas 'di ni gsungs tsam gyis// zhe sdang rigs byung las skyes pa// de ni rig pa skyes bur 'gyur/ / mi bskyod rgya chen thabs kyis sbyor// zhal gsum gnag dang dkar dang dmar// bdag nyid chen po de zhal yin// rdo rje gsum 'dir de bzhin gshegs// bzhugs pa ye shes zhes bya'o/ / de nas de bzhin gshegs bdag po// dam tshig 'byung rdor zhes bya yi// ting nge 'dzin la gtso bo ni// snyoms par zhugs pa nyid du mdzod// de nas dzi na dzika ces pa'i// snying po de bzhin yang dag phyung // de nas gsungs pa tsam gyis kyang // gti mug rigs byung las skyes pa// rig bcas skyes bur gyur pa ni// rnam par snang mdzad de bzhin gshegs// dkar dang gnag dang dmar bcas pa'i/ / zhal gyis mdun du bzhugs par gyur// de nas rin chen byung ba yi// dpal zhes bya ba'i ting 'dzin la// snyoms par zhugs nas bder gshegs kun// bde dang yid bder gyur pa'i phyir/ / yid bzhin nor bu rin chen rigs// de bzhin gshegs kun bdag po 'di// de nas rat+na d+h+rika ces bya'i// snying po dpal ldan de tshe phyung // de ni phyung ba tsam gyis ni// / rigs dang bcas pa'i skyes bur gyur// ser dang dkar dang gnag pa yi// zhal dang rin chen 'byung ldan ni// rdo rje gsum gyi bdag po yi// lho phyogs logs su bzhugs par gyur// de yang byang du gzigs gyur te/ / mnyam nyid ye shes zhes bya'o// de nas bcom ldan bdag po de// rdo rje gsum gyi dam tshig bdag/ 'dod chags chen po las byung ba// rdo rje zhes ni bya ba yi/ / ting nge 'dzin la snyoms zhugs te// 'dod chags chen po'i rigs las byung // A ro lika ces bya snying po// rdo rje gsum las de nas phyung // de nas phyung ba tsam gyis ni// de 'og bcom ldan gtso bo ni/ / rigs dang bcas pa'i skyes bur gyur// 'jig rten dbang po 'od dang mtshungs// dmar dang dkar dang gnag pa'i zhal// dpal ldan rigs chen po yi bdag/ de bzhin gshegs pa'i bdag po yi/ / nub phyogs su ni bzhugs par gyur// de nas bcom ldan sna tshogs pa// don yod dam tshig ces bya ba'i// ting 'dzin rdo rje yang dag phyung // gtso bo de la snyoms zhugs nas/ / snying po mchog gi mchog ces bya'o// dam tshig rnams ni dgug pa'i rigs// snying po pradz+nyA d+h+r-ika ces pa// rdo rje gsum zhes bya las 'byung // de nas phyung ba tsam gyis ni// don yod rdorje sbyor ba yi/ / de nyid mgon po bcom ldan 'das// sku gsung thugs kyi rdo rje can// rigs dang bcas pa'i skyes bur gyur// ljang dang gnag dang dkar ba'i zhal// de bzhin gshegs pa'i bdag yid dbyang phyogs su ni bzhugs par gyur/ / zhe sdang gti mug rigs dang ni// de bzhin yid bzhin rin chen dang // 'dod chags dam tshig ces bya ba// 'dod dang thar pa rab bsgrubs pa'o// de nas khyab 'dzi/ 'do chags das tshig 'byung ba yi zhing nge 'dzin su rloms zhugs / rdo rje 'dzin pa btsun mo s+ho// thA k+shas gyul gi rdzas/ da sa can thamagasas pa/ ma zhes kyi sa yang dag bsha/ don de bzhin gshegs bdag po// ga bya lam btsun so na so// sra dang gsung dang thugs pa byung hUM zhes byar grags/ / rig pa skyes bu zhes bya ba'i// de ni bud me gzugs 'dzin nas// zhal gsum lta bu'i gzugs kyis ni// ma ye phyogs su rnam par bzhugs// de nas rjes rdo rje lags/ / sku gsung thugs rdo rje las byung // ting nge 'dzin la snyoms 'jug ste// rdo rje gsus las byung ba ni// de ni mo par 'i u0f7f// gang phyir de bzhin gshegs pa'i yang / rig ba tha byung ba ste/ / zhal gsum tha'i nas 'byor sa// gnyis med mnyas pa'i rnal 'byor pas// sangs rgyas kun gyi yid 'ong zhig/ gsang ba bsdus pa'i sbyor ba yis// bden thal phyogs rnam par bzhugs/ / denas rjes gas rjen/ tha 'ad+mo rjeg la skyes// ting nge 'dzin pa snyoms grags nas// bde ba chen po byung ba ni// 'di skad dag zung // nam mthugapa can te/ / gtso ba phung me gzugs 'dzin pa// nani rig pa skyes par gyur// gos med pa shes las byung ba// rdo rje gsum kyidam tshig sog/ de bzhin gi gsas pa'i du pa rlung gi phyogs su rnam par bzhugs/ / de nas bcom ldan 'das bdag po// rdo rje gsum gyi dam tshig can// bslu ba rdo rje zhes bya ba'i// ting nge 'dzin la snyoms zhugs nas/ / de bzhin gshegs kun btsun mo mchog/ zhal gsum lta bu'i gzugs can ma// badz+ra ra ti zhes bya ba// rdo rje gsum las phyung bar 'gyur// de ni phyung ma thag tu yang // gtso bo rig ma skyes bur gyur/ / bud med kyi ni gzugs 'dzin te// dbang ldan phyogs su rnam par bzhugs// de nas bcom ldan mgon po de// rnam snang rdo rje las byung ba'i// ting nge 'dzin la snyoms zhugs te/ / sku gsung thugs kyi rdo rje la// dkyil 'khor 'dir ni gshin rje gshed// khro bo chen po phyung ba dang // phyung nas de bzhin gshegs pa rnams// bsnyungs par bya ba'i shar phyogs bzhugs/ / de nas bdag po bcom ldan 'das// de bzhin gshegs pa thams cad kyi// mngon byung rdo rje zhes bya yi// ting nge 'dzin la snyoms zhugs te// khro bo chen po phyung ba ni// pradz+nyAn+ta krita rdo rje can/ / de nas dpal ldan phyung ba ni// rig pa skyes bur yang dag phyung // dkyil 'khor chen po'i sbyor ba las// 'od chen phung bu'i gzugs lta bu// rdo rje dam tshig bsnyengs byed pa// lho yi sgor ni rnam par bzhugs/ / de nas rin chen 'byung gnas grags// ting nge 'dzin la snyoms zhugs te// gsung gi dkyil 'khor kun gyi gtsor// rdo rje gsum las khro bo che// pad+mAn+ta kr-ita 'od po che// bdag po de nas phyung bar gyur// de nas phyung ba tsam gyis 'dir// gtso bo'i rig pa skyes bur bcas// de bzhin gshegs pa thams cad kyi'ang // gsung gi tshul du rnam sprul zhing // gos med ye shes bla med pa/ / nub kyi sgor ni bzhugs par gyur// bcom ldan de nyid sna tshogs pa// thugs kyi rdo rje ting 'dzin la// kun nas snyoms par zhugs nas ni// de nas gtso bos phyung bar gyur// khro bo chen po rnam phyung ba// kun nas bgegs mthar byed pa ste// thugs kyi dkyil 'khor sbyor ba yis// byang gi sgor ni rnam par bzhugs// de nas dpal ldan rdo rje 'dzin// dkyil 'khor mchog 'di thos pa dang / / mgon po rnam par snang mdzad che// de la slar yang zhus gyur pa// mkha' dang dbyer med sbyor gcig cing // dngos med de bzhin gshegs pa rnams// dga' ba'i mchog sogs bgyis nas ni/ / ji ltar de rnams zhu bar 'gyur// 'di dag thog mtha' yod min na// 'di yi gtso bo ji ltar 'gyur// phyogs kyi cha rnams bzhag pa la// 'di ni gang gis rnam par sbyang / / gsang ba 'di ni mi srid ces// theg pa gsum po rtog pa dang // so so'i skye bo'i tshig gis kyang // spang ba dag kyang bgyid par 'gyur// gang zhig nyan thos rnams dang ni// de bzhin mdo sde las spangs pa'i// zhe sdang sogs dang 'dod lnga sogs// de bzhin gshegs rnams bsten mdzad pa// rjes su spyod dang thun mong ba'i// bya ba de dag phyin ci log/ dga' mtha'i spyod pa de rnams ni/ / de bzhin gshegs de rnams mdzad pa// tshig gcig la ni dpag med don// gsang ba dam pa 'di dag ni// mgon po gang zhig ma 'ongs pa'i// skye bos ji ltar 'tshal bar 'gyur/ / de nas bcom ldan bka' stsal pa// phyag na rdo rje tshul 'di ni// dgongs pa gsang ba bla med pa// dris pa rnams ni bshad par bya// zhe sdang gti mug de bzhin chags// lus la sogs pa'i phung po lnga// 'di dag bdag med rtogs nas ni// rdzogs sangs rgyas ni tshul gsum gnas// pha ni zhi gnas yin zhes bya// ma ni lhag mthong yin par bshad// de bzhin nyid shes lus su gyur/ / zhi ba rnal 'byor pa yi zas// ji ltar bzo bos bder gshegs kyi// sku yi gzugs brnyan byas pa ltar// gang zhig sku lta bu yi sku// de bzhin gsung gi rnam pas gsung/ thugs kyi rnam pas thugs su ni// zhi gnas la sogs pa las byung // phung po la sogs chos rnams ni// stong zhing rten 'brel las byung mthong // ye shes nyi ma shar ba'i gzugs// zhi las rnal 'byor pa rnams byed/ / de bas sku gsung thugs rdo rje// grib ma lta bur byung ba yin// de bzhin phung po khams la sogs// dam tshig gcig la rnam par gnas// de nas tshul gsum don gcig pa/ zhi gnas la sogs pa las byung // de nas rdo rje tshul yid 'ong // gsang ba'i bdag po mnyan par gyis// stong pa rten 'brel las byung bar// rnal 'byor pa yi rdo rje zhes// nam mkha' mtha' yas rnal 'byor ni/ / phung po la sogs chos byung ba// lus dang ngag sems kun rtog ni// phung po sogs byung 'byung las gyur// 'di dag dngos med yang dag sbyar// de las ting 'dzin skye bar 'gyur// / 'di dag ting 'dzin gnyis med sbyor// mi phyed rdo rje nyid du 'gyur// zab dang rgya chen rtog byang chub// de rtogs pas ni sems dpar gyur// 'di dag nam mkha' mtshungs gyur pa// chen po zhes bya shes byed pa'o/ / de la rtogs pa mtha' yas pa// rdo rje theg par ston pa yin// ting nge 'dzin ni de nyid las// rdo rje'i theg pa byung ba yin// 'di las 'jig rten 'das 'gyur zhing // de bzhin 'jig rten shin tu 'das// dgongs don de bzhin nyid gcig pu// gsang ba 'jig rten pa zhes bshad// ma skyes pa las byung ba ni// kun rdzob dang ni don dam yin// bdud gyur lha yi bur bshad de/ / phung po nyon mongs 'chi bdag bcas// 'di las dngos med pas rgyal bas// rgyal ba'i rdo rjer rnam par bshad// lus sogs phyi yi phung por bshad// 'byung dang 'byung las gyur bshad gang // byang chub sems dpa' sems dpa' che// 'di dag rdo rje'i rigs can 'gyur// dngos po gang dang gang dag gis// phung po lnga po brtags 'gyur ba/ / de rnams de bzhin yang dag dmigs// de bzhin gshegs pa rnams su 'gyur// ji ltar me long mtshungs gsal ba// dngos po kun gyi bdag nyid can// der ni bdag gis bdag nyid mthong / / dkyil 'khor mchog 'gyur rnal 'byor pa// phung po de bzhin gshegs par 'gyur// de bzhin nyid las spro bya ba// chos kyi sku can rgyal ba yid mchod pa chen por de 'gyur ro/ / 'di ni spros dang bsdus pa dag/ de ni dga' bar yongs su grags// sems can gang zhig longs spyod cig/ de ni gsol 'debs zhes bshad do// yang dag shes rab thabs gnyis te// mkha' dbyings dbyer med rab sbyor ba'i// de ni 'dod chags che tshul 'gyur// rnal 'byor pa ni mngon bzhugs pa'o// rdo rje theg pa rnal 'byor cher// bdag nyid nges par sbyor ba gang // dbang po thams cad bde skyed pa'i// yid bde ba ni skye bar 'gyur// zhal gsum rnam thar gsum du gang // mthong zhing de la phung po sogs// lha yi bdag nyid rig 'gyur ba/ / de nyid gsum du bshad pa yin// dngos med pa ni lam gyi mchog/ mya ngan 'das par gnyis med 'jug/ 'on kyang so sor 'gyur pa ste// chos kyi sku las zhe sdang 'gyur// bcom ldan bdag po de nyid ni// de bzhin gangashegs pa'i rigs 'byung zhing // mya ngan 'das tshul rdo rje can// de nyid bdag po kun byed pa'o// dam tshig la sogs 'byung ba'i chos// rang gis rig par ma gyur kyang / / der ni gnas pa yang dag bshad// de ni gti mug de bzhin sems// gang gis ji ltar brtags chos kyis// longs spyod rdzogs zhes bya byed pa// de ni yid bzhin rin chen 'byung / / rin chen chen po'i rigs kyi gtso// de nyid bcom ldan 'dod chags ni// kun mkhyen ye shes las byung ba// gnas med gnas pa'i sbyor gyur pa// 'dod chags chen po'i tshul gyi mchog/ ji ltar 'dam dbus pad+ma ni// de yi nyes pas kos mi 'gyur// de bzhin rnal 'byor rig pa mchog/ 'dod pa kun la nye bar spyod// 'gro ba gcig tu 'dod pa khyab// de nyid rdo rje rigs mchog yin// chos dang longs spyod sprul pa ste// gsum po de dag mdor bsdus pa'i// zhe sdang gti mug de bzhin chags// rdo rje dga' ba'i mtha' can gtso// ngan 'gro gsum 'don pas bud med/ / gcig pu yin yang du mar gyur// gsum po yang dang 'dug gyur pa// gshin rje shes rab gyur de bzhin// pad+ma bgegs 'gyur khro bo ste// mthar byed mtha' yi ming can no/ / 'jug pa la sogs gsum nyid la// phung por grags te de bzhin gshegs// skrag byed gshin rje gshed kyis kyang // thams cad 'byung ba'i dkyil 'khor ro// rdo rje dam tshig skrag par byed/ / de bzhin shes rab mthar byed gtso// pad+mo'ang gsung zhes bya bar gyur// 'chi bral rnal 'byor grub pa yin// bgegs mthar byed kyang thugs kyi gtso// rags pa'i bdag nyid can bdag po// 'di ltar rtag spyod rnal 'byor pa/ / gsang ba'i lus kyis rnam par spyod// dgongs pa lung ston la gnas par// gang zhig yid ni bzod gyur pa// des ni de bzhin bya ba dang // de nas gsang ba yang dag 'byung / / nu zho zas kyis bu gso bzhin// srid pa gsum na bcom ldan gtso// sems can bsam dbang ji bzhin du// chos kyi bdud rtsis tshim par mdzad// chos dang longs spyod sprul pa yis// sku gsum gcig tu sbyor ba las// bcom ldan gsang ba dgongs mdzad pa// bden pa ma yin brdzun pa'ang min// zhe sdang gti mug rin chen dang // 'dod chags sna tshogs rigs byung ba// dgongs pa'i rigs kyi brdar gyur pas// gleng gzhi yin te dang po'o// // de nas de bzhin gshegs bdag la// slar yang de bzhin gshegs pa kun/ / lhag par mchod pa byas nas ni// thub chen de la 'di skad gsol// dgongs pa'i rdo rje dam pa ni// de bzhin gshegs pa kun ye shes// byang chub sems ni bla med pa/ / gsang ba bcom ldan bshad du gsol// bcom ldan 'das kyis de rnams kyi// zhu ba yang dag thugs chud cing // byang chub sems dpa' yongs rtog pa// thub nyid kyis ni rnam mkhyen pa/ / de nas byang chub sems kun la// bcom ldan 'das kyis de skad gsungs// lus sems de dang 'dra ba dang // de bzhin ngag ni tshig brjod blta'i// byang chub sems ni/ za med pa// khyed kun gyis ni bskyed par bya// de ltar byang chub sems dpa' la// ston pas ji bzhin ston par mdzad// de nas de bzhin gshegs rnams kyis// sku dang thugs dang de bzhin gsung / / de 'dra'i tshul du sbyar nas ni// byang chub sems dpa' sems dpa' che// sku gsung thugs rdo rje can la// ched du brjod pa ched du brjod// e ma kun tu bzang po yi// rten cing 'brel 'byung las skyes pa// skye ba med pa'i tshul gyis ni// skye ba 'dir ni rab tu bsgrags// de nas de bzhin gshegs bdag po// de bzhin gshegs pa'i rdo rje gsum// de bzhin gshegs pa thams cad kyi// mngon rdzogs byang chub rdo rje yi// ting nge 'dzin la snyoms zhugs nas// dpal ldan byang chub sems 'di gsungs// dngos po med pa'i dngos gnas na/ / dngos dang dngos med gnyis ka'ang min// de ltar dngos po dngos med pas// sgom pa dngos por yod ma yin// de nas dpal ldan rnam snang mdzad// de bzhin gshegs pa thams cad kyi/ / gnyis mang dam tshig rdo rje grags// ting nge 'dzin la snyoms par zhugs// de bzhin gshegs pa kun gyi mchog/ gsang ba dgongs pa rdo rje can// byang chub sems ni thams cad nas/ / 'di ni yang dag bka' stsal to// dag pa de bzhin gshegs kun gyi// phung po khams sogs rnam spangs shing // gzung dang 'dzin pa las grol ba// chos bdag med pa'i stong nyid can/ / byang chub sems ni 'di gsungs pa// rten cing 'brel 'byung ming can te// thog ma med nas ma skyes bdag/ rang sems mnyam pa nyid kyang yin// de nas mi bskyod de bzhin sems/ / kun gyi gnyis med mi zad pa'i// ye shes ting 'dzin snyoms zhugs te// byang chub sems ni 'di gsungs so// dngos po 'di dag ma skyes pas/ / phung por grags pa'i chos nyid med// nam mkha' lta bur blta dka' ba'i// bdag med byang chub ces bya'o// de nas bcom ldan dkon mchog dpal// bdag med rdo rje zhes bya ba'i// ting nge 'dzin la snyoms zhugs nas// byang chub sems 'di rab tu gsungs// chos rnams thams cad dngos med cing // chos kyi mtshan nyid rnam spangs pa// bdag med chos las yang dag 'byung // byang chub tshul 'di bstan pa'o// de nas 'od dpag med mtshan can// ye shes 'bar ba sgron rdo rje'i// ting nge 'dzin la snyoms zhugs te// byang chub sems ni 'di gsungs so// ma skyes pa yi chos rnams la// dngos po med cing sgom pa'ang med// nam mkha'i tshul du sbyor ba yis// dngos po zhes ni rab tu bshad// de nas de bzhin gdon mi za// zil gyis gnon pa'i rdo rje yi// ting nge 'dzin la snyoms zhugs te// byang chub sems ni 'di gsungs so// chos 'di rang bzhin 'od gsal zhing // gzod nas dag pas mkha' dang mtshungs// byang chub med cing mngon rtogs med// byang chub sems ni yin par bshad// de nas dpal ldan rdo rje 'dzin/ / byang chub sems ni thos pa dang // dgongs pa'i don ni rab bshad par// rnam par snang mdzad che la gsungs// dngos po med cing dmigs med pa// byang chub sems dpa' mkha' dang mtshungs/ / gsang ba'i tshul ni 'di thos nas// dang po yi ni rtog pa skye// lus la sogs pa gsung sbyor bas// sems ni de rnams skyed par byed// yang dag byang chub du ma'i mthar// 'di la so / so skya bo smra// thub pa'i gsung ni de rnams la// rang gi sgra bzhin 'dzin par byed// bsam pa'i dbang ni ji bzhin du// 'gro ba'i don du bka' stsol cig/ de nas bcom ldan bdag po 'di// rnam bar snang mdzad thub pa che/ / legs shes lan gsum gsungs nas ni// lag na rdo rje la 'di gsungs// rnam par mi rtog don de nyid// rab tu phye ste bshad par bya// tshig tu brjod pa dmigs par bshad/ / brda dang don dam pa yin no// rkyen dang nyan thos rnams kyis kyang // mdo dang gsang sngags spyod rnams kyis// de bzhin gshegs pas gsungs pa yi// byang chub sems 'di bla na med/ / de bzhin yang dag sbyor ba 'di// dgongs pa'i gsang ba tha na med// gnyis med dam tshig rdo rje dang // pad+ma de las skyed par byed// tshig tu brjod pa thun mong ste// sangs rgyas sku ni dmigs can yin/ / gsang sngags de nyid ces bya brda// de bzhin nyid ni don dam pa'o// dang po gcig ni dgu dbus na// gang zhig bcu yis ma bcings pa// de ni bcings med ces bya ste/ de shes pa ni mchog gi gnas// dbyangs dang gsal byed yi ge ste// grangs dgu yi ni rjes 'jug pa// as bcings phan tshun sbyor ba las// gang gis shes te 'gro ba'i tha// gang zhig shes pa rnam grol ba/ / 'bras bu phun tshogs grub 'dod pa// de ni de nyid grub 'dod pa// gzugs med pa ni gzugs spangs pa// 'byung ba'i mtha' ni yang dag ldan// cha la sogs pa bcu drug gnas/ / lnga pa lnga dang yang dag ldan// bzhi ni gsum du nges par sbyar// yi ge aM bcas ring por bcas// yon tan sbyor sogs phyis dang mtshungs// thung ngu ma lus ngag tu 'grur gcig min du ma ma yin no/ / ya yi don gyis gang yang rung // bya ba'i dngos grub 'dod gyur pa// ra la sogs pa gsum nyid kyis// 'gro ba'i don la rab tu 'jug/ yi ge gang zhig sngar bshad dang / / gang yang mngon du phyogs pa rnams// bud med skyes pa ma ning ste// khams la sogs par rab tu brtag/ 'og nas steng du bcas par ni// shes nas blos ni nges par sbyar// drug bshad bzhi dang gsum dang gcig/ dngos med ngo bo gcig las byung // de ni ya sogs don sbyar na// dus gsum shes pa'ang 'byung bar 'gyur// mkhas pas sgyu ma mig 'khrul bzhin// 'gro ba rnams ni sgyu mthar bya/ / brjod pa yi ni sngags 'di dag/ dngos med ngo bo las byung ba// de ni yongs su gyur pa'i gzugs// lha ru nye bar mtshon pa gang // brda yis de nyid gsum gnas pa// rang bzhin bzlas pa'i mtshan nyid do/ / ming med brjod du med pa ste// byang chub sems mchog 'di yin no// gsum po de nyid gcig gyur pa// 'gro ba med cing 'ong ba med// 'gag med rab tu zhi ba ste// rtag dang chad pa rnams spangs pa/ / dus gsum mkhyen pas ma byas pa'i// rtog pa nam mkha' dbyer med mtshan// 'di nyid kho na don dam ste// so sor rang rig mtshan nyid do// de 'di sems can kun zhes bya'i/ / sangs rgyas byang chub ngo bo nyid// byang chub sems gcig yang dag 'byung // rten cing 'brel 'byung rang bzhin can// gang 'di byang chub sems dag nyid// rnal 'byor pa ni nyid 'drar 'gyur// 'di ni rnam rtog kun bral yang // rigs kun la ni 'jug par 'gyur// sreg dang skems dang bde can dang // kun zar 'jug pa'i me bzhin no// 'di ni lhas kyang mchod bya bar// sems can kun la rnam par gnas/ / byang chub sems 'dod bdag nyid de// 'dra ba bu gcig bzhin lta zhing // gang zhig bdag dang mnyam gnas pa// byams pa chen po de bskyed bya// phyin ci ma log 'di mthong nas// byang chub sems ni yang dag 'byung // des ni snying rje cher gyur nas// des ni 'khor ba nges par 'joms// sems can kun dang de bzhin bdag/ byang chub sems las ma mthong na// 'on kyang 'gro ba'i don byed pa/ / de las dga' ba skye bar 'gyur// 'khor ba dngos po yod min la// sems can rnams kyang de dang 'dra// byang chub sems ni mthong nas ni// btang snyoms chen por gyur pa yin// de nas rdo rje 'dzin pa yis/ / thos pa'i byang chub sems dran zhing // slar yang de don mtshan nyid ni// rnam par snang mdzad che la zhus// 'khor dang cig shos zhes bya ba// 'di kun byang chub sems yin na/ ji ltar so sor gyur nas ni// phan tshun 'gal bar rab tu gnas// bdag nyid kyis ni bdag nyid la// gnyis su 'gog byed gang yang med// gang zhig nor bu gcig las byung / / mi mthun phyogs su ji ltar snang // dman dang bar ma de bzhin mchog/ 'khor bar nyon mongs mi bzad pas// sems can kha cig gzir ba dang // byang chub sems la'ang sbyar bar gyur/ / de lta'i rnam rtog kun rtog par// ma 'ongs skye bo bgyid 'gyur gyi// rten cing 'brel 'byung las byung ba// 'di dag 'tshal bar mi 'gyur ro// dngos po med pa'i chos rnams la// byis pa rnams ni brtsod par 'gyur// de rnams rtsod pa med pa'i phyir// dgongs pa bshad par mdzad du gsol// de nas bdag po bcom ldan 'das// rdo rje can la gsang dgongs pa// shin tu rnyed dka' byang chub sems/ / 'di ni yang dag bka' stsal to// phyi ma'i mtha' gang stong pa gcig/ sngon gyi mthar thug de bzhin te// sems de mngon du byas nas ni// ci dga' bar ni bya ba yin/ / sems ni de yis ma mthong bas// lta ba so sor gyur pa yin// de bas de rnams 'khor pa ru// 'gro ba drug gi ming du gyur// des na tshangs pa khyab 'jug dang // dbang phyug che la kun tu brten/ / zla ba nyi ma bya ba yi// kun tu spyod pa de rnams byed// sum cu rtsa gsum par bshad dang // dga' ldan gyi ni gnas dag dang // de bzhin gzhan dag dmyal bar yang // lta bas skad cig dag gis 'gro/ / yi dgas su yang 'gro ba dang // 'gro ba sna tshogs dag tu 'gro// gang tshe ma rig kun brten pas// bdag nyid kyang ni mi shes so// 'du shes can dang 'du shes med// sems can du brtags 'di gnas pa/ / de rnams rlung las byung ba ste// rlung las slar yang 'gag pa yin// nyin dang mtshan mo'i cha yis kyang // rang gi rnam par rtog par ltung // de nas 'khor bar skrag bzhin du/ / sna tshogs 'gro bar de dag 'gro// mi rtog pa yi sems de ni// 'khor ba'i rgya mtshor gnas gyur kyang // di ni phyin ci log gyur pas// khyi dang ce spyad glang po dang // sems de ltar yang 'gro bar 'gyur/ / de bzhin du ni phag nyid dang // mi yi rigs ni smig mkhan dang // sme sha can dang rigs ngan dang // bza' dang mi bza' bya kun tu// byang chub sems de skye bar 'gyur// bram ze la sogs 'jig rten shes/ / byang chub sems las 'byung bar 'gyur// phung sogs dngos po med 'gyur las// rang gi myong ba shes par 'gyur// de ni 'jig rten shes zhes bshad// 'jig rten pa ni byang chub sems/ / nye bar dmigs pa'i sbyor ba yis// sangs rgyas sku ru 'di 'byung ste// sgyu ma lta bu'i rang bzhin nyid// tshig gis brjod pa tsam du 'gyur// de nas bcom ldan rdo rje can// rdo rje snying po'i don gsungs pa/ / 'gro ba'i bla ma gcig pu la// phyag 'tshal nas ni slar gsol pa// 'jig rten pa yi lung nyid ni// byang chub sems ni rab gsungs nas// ji ltar 'jig rten las 'das pa/ ma 'ongs pa yis ji ltar rtogs// lta ba thams cad rab spang phyir// khyed kyi chos rnams ston mdzad na// ji ltar byang chub sems de nyid// lta ba de ni rab bstan 'gyur// dgongs pa'i tshig la rmongs pa rnams// gsungs pa'i don ni ma rtogs nas// gsungs pa 'di las gzhan min zhes// de ni ji bzhin slar 'dzin to// de nas bcom ldan sna tshogs pas// lag na rdo rje la gsungs pa/ / khyed gsung dgongs pa ma rtogs pa// 'dri bar byed pa legs so zhes// byang chub sems ni rlung gyur cing // nam mkha' la ni rnam gnas pa// sems can kun gyi srog gyur gang / / lnga yi bdag nyid bcu ming can// rten 'brel bcu gnyis zhes grags pa// ngo bo nyid rnam gsum du 'gyur// rlung zhes bya ba'i byang chub sems// dbang po kun gyi gtso 'di yin// ji ltar mi mngon phra ba las// rtag tu gsal bar brjod pa yin// 'gro ba yul sogs las byed pa// 'dir ni de la brten pa yin// zhi ba dang ni rgyas pa dang // dbang dang de bzhin mngon spyod rnams/ / de nyid gsum gnas la brten nas// de kun byang chub sems kyi byed// ji srid 'jig rten btags pa dang // de bzhin btags pa sna tshogs rnams// rnam rtog byang chub sems zhes pa'i/ / rlung las rtag tu 'byung ba yin// bde sdug la sogs chos rnams kyi// sa bon lta bur bshad pa yin// byang chub sems kyi ngo bo 'di// phung sogs gnyis med mkha' dang mnyam// / shes rab thabs dang sbyor ba yis// byang chub sems ni 'gro bar 'gyur// klog dang bsam gtan rnam spangs par// bdag por bdag nyid zlos pa de// nyin dang mtshan mo'i dbye ba yis// nyi zla rab tu sbyor ba yis// dngos po med par 'gro khyab pa// byang chub sems kyi rlung gcig pu// dge dang mi dge 'bras spangs nas// nam mkha' 'dra bar 'gyur ba yin// 'gro ba'i don ni shes pas kyang / / ming ni de bzhin nyid ces bya// dbyangs kyi thung ngu nyin mor bshad// ring po mtshan mo yin par bshad// dbyangs dang gsal byed dbye ba las// de nyid ming las sbyar bar bya// e ma'o 'gro ba'i bya ba byung // de nyid gzhan las de nyid gsal// de las 'jig rten pa yi brda// myur du mngon par shes par 'gyur// de nas gsang ba'i bdag pos ni// byang chub sems 'di thos pa dang / / gtso bo rnam snang chen po las// khyab bdag la ni slar gsol pa// sems can thams cad skyed pa po// sna tshogs gzugs can sems 'di ni// de bas dngos po med gyur kyang // srid pa dag tu rab tu grags// byang chub sems ni mkha' mnyam pa// legs par rjes su myong mdzad pa// 'gro ba'i don ni mdzad pa po// skye bo mchog la de bstan gsol// sgrub pa yi ni thabs tsas zhig/ shes nas rgyud la rgyab kyis phyogs// 'di ltar bdag ni slob dpon zhes// ma 'ongs pa na smra bar 'gyur// bdag gi tshig ni 'di nyid dag/ yin zhes smra zhing byas pa'ajig/ des ni dgongs pa'i byang chub sems/ / ji bzhin don du mi shes so// de bzhin 'jig rten pa rnams ni// skal med chos kun rnams spangs la// rig pa yang ni mi mthong bas// de rnams la yang gnas med 'gyur/ / de bas byang chub sems bdud rtsi// de ni smra bar rigs pa yin// 'brel ba'i nyi ma thob pa ni// ma 'ongs pa na 'byung bar 'gyur// de nas bcom ldan sna tshogs pas// grags ldan rdo rje 'dzin pa las/ byang chub sems kyis nges pa'i don// slar yang de nyid la gsungs pa// nang na ma yin phyi rol min// gnyis ka ming du'ang 'gyur ma yin// rtag pa ma yin skad cig min/ / de ni so so rang rig yin// mi rtog nam mkha' ji bzhin du/ byang chub sems ni rdo rje 'dzin// de bzhin gshegs pa 'gro ba'i don// yid bzhin nor bu lta bur byung // 'das dang ma 'ongs pa nyid dang / / da ltar zhes ni bya ba dang // sangs rgyas sku yang 'byung 'gyur ba// don dam gcig ni kun rdzob yin// rig byed dus dang me yi sgra// nyi zla rlung gi gzugs can te// bzhi byed gsum pa dag las byung / / byang chub sems gcig dbye ba nyid// de ni shes rab thabs zung 'brel// de bzhin bde byed 'dzin pa dang // ha ni so la gnas pa yang // gnas skabs ji snyed de bzhin du/ / ming ni yod pa ma yin pa// de 'di byang chub sems su 'gyur// rdo rje nang du zhugs gyur pa// bsam bya'i snying po'ang de nyid yin// lhod pa gnas zhes bya ba ni// tshag drag bcas pa'i rlung yin no/ / rang nyid lhod par byed pa'i mchog/ de ni srog dbang yid kyang yin// nga rgyal dang ni de bzhin tho// de dang ldan pa byang chub sems// bzhir grags cha las yang dag byung // yod med rab tu zhi ba cam/ dngos po med pa'i sems 'di ni// rang rig gcig pu'i spyod yul yin// de nyid don ni rig byed pa// dgongs pas yang dag bshad pa yin// de nas gsang ba'i dgongs pa 'di// chos kyi yi ge mchog thos nas/ / byams pa zhes la sogs pa yi// byang chub sems dpa' sems dpa' che// ngo mtshar rmad byung legs skyes nas// ched du brjod pa ched du brjod// e ma'o sangs rgyas e ma'o chos// e ma'o chos ni ston mdzad pa// dngos kun dag pa'i don gcig pu// dag pa'i de nyid don dag ste// rnam par mi rtog mkha' mtshungs bshad// byang chub sems la phyag 'tshal lo// bdag med chos las yang dag byung / / byang chub tshogs ni rdzogs byed pa// ngo bo med cing dmigs su med// byang chub sems la phyag 'tshal lo// kun bzang gcig las yang dag byung // dgongs don byang chub ster ba po// / byang chub spyod mchog rdo rje mchog/ byang chub sems la phyag 'tshal lo// dag pa de bzhin gshegs pa'i thugs// sangs rgyas byang chub rab sgrub pa// rdo rje gsum ni rang bzhin gcig/ byang chub sems la phyag 'tshal lo/ / dgongs pa lung ston la dad par// gang gis yid ni bzod gyur pa// dam tshig gsum gyi rdo rje las// des ni de bzhin bya ba yin// de bzhin gshegs pa thams cad kyi/ / mkha' dbus sangs rgyas dkyil 'khor du// de rnams kyang ni ji ltar 'gyur// cig shos phyi rol du bsgoms pa// dkyil 'khor sangs rgyas ming can ni/ / dngos po med pa'i dngos po la// sgom pa po rnams ji ltar brtag/ mgon po phra mo'i rnal 'byor 'di// dkyil 'khor gang zhig bka' stsol ces// gang zhig ma 'ongs pa rnams ni 'di ltar mchog tu'ang som nyi 'tshal/ / lag na rdo rje grags ldan pa// phra mo'i rnal 'byor de nyid skyes// 'gro ba gnyis med sbyor ba yis// phra ba dgongs pas gsungs pa yin// rnam lnga mngon par byang chub 'di/ / ma 'ongs skye bo'i rgyur gyur te// chos ni yang dag sdud 'gyur gang // ji lta ji ltar ston par byed// phung po nyid ni sangs rgyas gyur// byang chub don gyi rkyen las byung // de yang de bzhin gshegs bshad pa// de nyid gnyis med sbyor bas so// ston dang 'jog pa po 'di ni// blo yi dngos grub ston pa po// thog mtha' med pa rnal 'byor ni// phra mo zhes ni bya bar brtag/ mi gsal gsal bar yang dag sbyor// dngos med ngo bo las skyes pa'o// gzod ma nyid nas rang grub pa// gcig dang du ma rnam spangs pa// rten 'brel chos zhes grags pa ste// dngos po thams cad gcig tu byung / / bdag nyid 'di 'drar byas nas ni// chos kyi dkyil 'khor yang dag bri// dmar dang gnag dang de bzhin ser// dkar po nyid ni mdo ru ste// bzhi bzhi gcig tu sbyor ba yang / / gos dkar la sogs yang dag bri// de rnams dbus su lha mor bcas// zhi sbyor mchog dang mchog min dang // steng dang thad ka mnyam dang 'og/ ji lta ji ltar gos dkar sogs/ / me dang rlung dang dbang chen dang // chu ste so so'i dkyil 'khor la// bco brgyad dag tu yang dag bshad// de yang 'di nyid dag la bshad// ji ltar 'o ma khyad par ni// mar gsar gnas par gyur pa yin/ / de bzhin gos dkar la sogs la// zhi ba nyid ni de gnas so// gzugs la sogs pa nang gi chos// mthong ba de ni lhag mthong yin// mi bskyod la sogs grangs ji bzhin/ / rtog pa dag ni zhi gnas yin// 'di gnyis dngos po med pa'i bdag/ de bzhin nyid ni zhi zhes bya// de bzhin nyid kyi dkyil 'khor du// sangs rgyas thams cad bzhugs par bya/ / rnal 'byor pa yi dbugs rngub dbyung // sbyor ba de nyid gcig pa nyid// shes rab thabs la gnas nas ni// sngags kyi yan lag ma nyams bzlas// bya ba thams cad nyid du yang // rnal 'byor rig pas nyal sogs la// ming med brjod du med pa dang // dus gsum 'das pa rtag tu bzla// gos dkar la sogs bzlas bshad pa// brgya phrag gnyis dang nyi shu lnga/ bzhi pa legs par bsgres pa yis// sbyor bzhis bsdus pas brgya phrag dgu// dgu brgya dag tu gang bstan pa// nyi shu rtsa bzhi'i rim gyis ni// de ni so sor 'byung ba las// nyi shu tshig stong drug brgya'o// de 'dir gsang bdagongs pa yis// phra mo'i rnal 'byor bstan pa yin// srog dang bsam gtan med mod kyi// 'on kyang bzlas pa yin par bshad// de ltar rnam pa mang po y-i/ 'gro sa phan pa'i gsung thos nas// de bzhin gshegs kun bdag po la// rdo rje chen gyis slar yang zhus// gang zhig bsgoms na ma 'ongs 'gro// thams cad mi rtog par 'gyur ba// rdo rje gsum kyi sring po mchog/ snying po bcom ldan bshad du gsol// de nyid gsum gnyis med sbyor ba// de ni phra mo'i rdo rje sgom// myur ba la sogs gsum spangs pa'i// rnal 'byor par yang bdag cag 'gyur/ de ni bdag rig yid ches shing // zhi ba nyid ni mi shes 'gyur// tha mo'i rnal 'byor gtso spangs te// log pa'i rnal 'byor kun tu bsten// ston pa po yi sbyor ba bzhin// phra mo zhes bya de nyid ni/ ma 'ongs dus na spongs 'gyur ba// de nyid de ni nges par byed// de nas rdo rje 'dzin smra ba'i// lung bstan pa ni gsan pa dang // de bzhin gshegs pa kun bdag po// chos nyid ngo bo nyid ces bya'i// ting nge 'dzin de kun nas ni/ / snyoms par zhugs pa nyid du mdzad// dpal ldan snyoms par zhugs mdzad nas// gsang sngags 'di ni bka' stsal to// sku gsung thugs ni rdo rjer bshad// khyad par du ni byin rlab pa/ / gnyis med rdo rje gsum sbyor bas// de ni yang dag bshad par bya// oM ni dang por shes par bya// d+harma zhes bya gnyis pa'o// d+hA tu zhes bya gsum par bshad// swa b+hA bar grags bzhi pa'o// At+ma kaHni lnga pa yin// a haM du gyur drug par 'dod // sngags 'di brjod nas de 'og tu// sgom pa bdag nyid can gyis bsgoms// rin chen kha dog sna lnga pa// yungs kar gyi ni 'bru tshod tsam/ nyams dga' ri rab rtse mo ru// rnal 'byor pa yis rtag par bsgom// rin chen mi g.yor gyur nas spro// mi g.yor ma gyur spro mi bya// sangs rgyas 'bar ba'i 'od 'dra ba// mchog rab sprin rnams spro bar bya/ / 'khor lo rdo rje sprin tshan dang // pad+ma ral gri mtshon cha mchog/ byang chub sems dpa'i sprin chen rnams// spro ba'i bdag nyid can gyis spro// phra mo'i dkyil 'khor dbus gnas par// rdo rje dkyil 'khor bsgom par bya// bzlas dang sgom pa'i sbyor ba yang // pad+ma'i dkyil 'khor dag tu bsgom// rin chen lta bu'i dkyil 'khor du// dngos la brtson pas rin chen bsgom// dkyil 'khor sbyor ba las byung ba/ / nam mkha'i dkyil 'khor du bri bya// 'di dag sangs rgyas rab mchog gi/ phra mo rdo rje gsum sgrub pa'o// rdo rje dkyil 'khor las byung ba// thams cad mkhyen pa'i tshul thob pa'o// dgongs pa gsang ba zhes pa yi// lung ston dam pa 'di la ni// gang gis sems ni bzod gyur pa// de ni de bzhin byed pa yin// de bzhin gshegs pa kun gyi gsang // rdo rje phra mo de nyid las// 'di ni rdo rje dkod pa'i mchog/ le'u gsum pa nyid yin no// // de nas bcom ldan 'das thams cad// gnyis su med par gyur nas ni// slar yang rdo rje gsum bdag la/ bstod pas de rnams gsol ba 'debs// de bzhin gshegs pa thams cad kyi// zhi ba gnas rnams mchog gyur pa// chos kun gcig tu bdag med pa// dkyil 'khor mchog 'di bshad du gsol/ / yongs su rdzogs par yang dag brgyan// mtshan rnams kun gyis mtshan pa'o// kun tu bzang po sku yi mchog/ dkyil 'khor dam pa bshad du gsol// ye shes spyod pa'i don las byung / / zhi ba'i chos ni sbyor ba po// kun tu bzang po gsung gi mchog/ dngos mchog dkyil 'khor bshad du gsol// rang bzhin gyis ni dri med dag/ sems ni kun tu bzang po nyid/ / sems can kun gcig che ba'i mchog/ dkyil 'khor snying po bshad du gsol// de nas ston pa bcom ldan 'das// khams gcig khams ni gsum pa po// 'jig rten gsum mchog rdo rje mchog/ 'jig rten gsum gyi ston pa'o// nyams dga' de bzhin gshegs pa'i gnas// de bzhin gshegs pa kun dag la// thugs de dkyil 'khor 'dra ba ste// dkyil 'khor dam pa bka' stsal to/ / de nas sems kyi dkyil 'khor mchog/ rdo rje ye shes rab 'dra ba// sku dang gsung dang thugs rnams kyi// dkyil 'khor rab tu bshad par bya// 'di ni gsal ba'i bdag nyid mchog/ legs sgril de bzhin nyid bstan pa'o// sna tshogs lung gi mtshan ma ni// mtshan ma bzang por de bshad do// kun rdzob dang ni don dam ngag/ gnyis su med pa mdzes pa yin// shes rab 'di ni thig yin te// thabs ni de yi rjes 'jug pa'o// shes rab thabs kyi thig gcig gis// chos dang longs spyod rdzogs mchog ni// sems kyi dkyil 'khor thig gdab ste/ rten 'brel yan lag bcu gnyis pa// 'phags pa'i bden bzhi ngos bzhi ste// tshangs pa'i gnas bzhi grwa bzhi yin// bsdu dngos bzhi grags sgo yin te// re re'ang bzhi yi ming can no// / chos kyi de nyid don gyi brda// 'khor lo'i nang gi dkyil 'khor ro// mi phyed ye shes mtshan ma ste// rdo rje in+d+ra nI la rgya// rnam pa lnga yis rab phye ba'i// rtse mo 'khor ba 'jig byed pa'o// shar nas me long ngo bo ni// 'khor lo 'bar ba'i 'od kyis brgyan// lho ru kun mnyam ye shes yin// gcig gi ming can rin po che// nub tu so sor rtog pad+ma// pad+ma rA ga'i 'od 'dra ba/ byang du gong ma'i sems gang yin// 'gro ba'i rnam rtog 'joms byed pa// bya ba sgrub pa ral grir 'gyur// 'od 'phro 'bar ba 'dra ba'i mdog/ shar lho byams pa'ang spyan yin te// sprin sngon dang ni mnyam pa'i 'od/ / lho nub snying rje zhes bya ba// mA ma kI ni rigs rdo rje// nub byang pad+ma zhes bya ba// dga' ba legs par gnas pa bzhin// byang shar ut+pal ltar snang ba'i// btang snyoms bcas pa sngon po 'dra/ / de bzhin shar sgor sbyin pa ni// tho ba mdangs ldan 'od dang bcas// de bzhin snyan smra zhes grags pa// dbyig pa 'od bzang rdo rje 'bar// nub tu don spyod ces bya ba// rta mgrin gyi ni pad+ma'o// don 'thun pa ni rdo rje ste// rdo rje 'khyil ba'i rdo rje can// phyag rgya dgod pa'i mtshan nyid de// 'dini legs par bshad pa yin// ji ltar dbyibs kyis mchod pa ni/ / rnam gsum bsgoms pas 'gyur ba yin// dang por chen po yod pa yi// phyag rgya'i dkyil 'khor yin par bshad// de ltar mkha' dang mtshungs gyur dang // shes nas 'gro la phan par 'gyur/ / rdo rje gsum dang lhan cig 'byung // de tshe zla gzer 'phreng ba yi// skad cig la sogs dus dbye bas// lo grangs bcu drug pa yi ming // ma skyes par 'byung zhi ba ni// bud med ces ni nges par bshad/ / zhi ba'i chos dang rjes dran pa// mdangs bzang 'od ni yin par gsungs// rten 'brel bag chags dri yin te// ye shes kha phye me tog go// dngos po med par rigs yin te// kun mkhyen ye shes dbus nyid do/ / chos dbyings nyid kyi bud med ni// shes rab 'di 'dras mnyes par byas// nang na ma yin phyi ma yin// gnyis kar ma yin gzhan nas min// gnas med gnas pa'i rnal 'byor gyur// de bas mA ma kIr bshad do/ / de yi ngo bo nyid gcig pa// byin gyis brlabs pas de bshad do// nam mkha' dang ni gcig tu gnas// sangs rgyas zhi ba'i gnas su 'gyur// de bas yul du rnam brtags pa// bsdu ba dag ni bshang ba yin/ / ye shes dbang po stong pa gcin// rnam dag chos nyid khu ba yin// thams cad mkhyen pa'i ye shes khrag/ rang bzhin chos su yongs brtags pa// de nyid lha rnams zhes bya ste/ dngos med pa ni dbul ba yin// de byas sangs rgyas sras po rnams// khyad par du ni mnyes par 'gyur// gang yang 'jig rten pas brtags pa// de rnams ji skad bshad pa nyid// mi phyed rdo rje gsum bsgoms pa/ / gsar ba nyid du bkal legs dang // shin tu tshad ldan mdzes pa yi// thig gi mkhas pas thig gdab bo// blo ldan dkyil 'khor brtag bya ba// khru ni bcu gnyis tshad tsam la/ / dngos bzhi dang ni grwa bzhir ldan// rta babs kyis ni mdzes par bya// de yis dbus su 'khor lo ni// dgongs pas dang por bshad pa ste// de las bzlog pa'i tshul gyis ni// 'di na 'jig rten pa rnams rtogs/ / gang zhig 'jig rten 'das la gnas// de ni gzungs kyis dbang bskur ba// dngos med pa ni 'dzin pa dag/ yid ni rtag tu mkha' dang mtshungs// dam pa 'jig rten shin tu 'das/ / 'khor ba dang ni cig shos spang // len pa ma yin gtong ba min// med pa ma yin gnas ma yin/ khro ldan kun tu 'di shes pa// rnal 'byor thams cad rig pa mchog/ thugs kyi dkyil 'khor le'u 'di ni/ / nges pa'i rnal 'byor pa zhes bshad// dgongs pa lung bstan yid 'ong la// gang zhig yid ni bzod gyur pa// de rnams shes rab thabs dag ni// ji ltar gnas pa de ltar byed// gsang ba'i dgongs pa lung bstan las// thugs kyi dkyil 'khor gyi le'u ste bzhi pa'o// / de nas de bzhin gshegs pa mchog/ rdo rje gsum bdag 'gro ba'i bla/ slar yang rdo rje 'dzin pa la// sngags spyod don gyis de nyid zhus// sngags kyi brtul zhugs spyod pa cig/ khyad par du ni bsrung bslab pa// de rnams kyi ni dgongs pa'i gsung // spyod pa bcom ldan pa shad du gsol// de nas bdag po de bzhin gshegs// rdo rje 'dzin pa dag gi tshig/ gsan nas 'gro ba'i don gcig pu// gsungs pa'i don can bka' stsal to// mi rtog don las yang dag byung / / zhe sdang la 'jug mtshan nyid yin// dngos med la gnas gti mug ste// 'dod chags 'dod chags las byung ba// 'dod chags ldan pa'i ming can yin// theg pa mchog ni bla med pa/ / 'dod chags zhe sdang gti mug ste// 'di dag rigs su yang dag bshad// dngos grub de ni 'di sgrub bo// rigs ngan myur bar shes par bya// smig mkhan dag ni dal ba yin// mtshams med byed pa gnyis ka ste/ / gsod pa don gnyer sems pa po// theg pa chen po bla med pa'i// theg pa mchog 'di 'grub par 'gyur// sems can sdig chen byas pa dang // gzhan yang mtshams med byed pa pos gang yang slob dpon smod pa yis/ / bsgrubs kyang 'grub par mi 'gyur ro// 'di nyid dad pas myur du ni// zhe sdang dag la gnas pas gnas// gang zhig phung sogs dngos med par// zhi gnas las byung sems kyis byas/ / de ni srog gcod byed pa ste// theg pa mchog la gnas pa yin// nang dang de bzhin phyi rol dag/ rten 'brel gnyis su ston pa ni// de ni brdzun smra dga' ba ste// gnas med la gnas rnal 'byor pa'o/ / rdzogs sangs rgyas kyi ye shes gang / de ni rdzas su shes bya ste// de 'phrog dang tshul gang yin pa// gzhan gyi nor la chags par 'dod// gang zhig de nyid dngos gcig pa// de bzhin nyid la rtag sbyor ba// sems can de de 'dod la dga'// sgrub pa mchog la dam par 'gyur// de yi stong nyid gti mug la// yul ni bshang ba zhes grags te// dbang po gci ba zhes bya la// de dag zhi ba za ba yin/ / theg pa chen po chos mchog 'dir// de dag sgrub pa'i snod du 'gyur// de tshe brdzun de 'dod pa dang // bshang gci zas su byed pa po// shes rab pha rol phyin shes rab// chos kyi sku ni ma gcig pu/ / gnyis med de bzhin nyid sbyor ba// dngos med ces bya 'dod spyod pa// longs spyod rdzogs dang mnyam gang yin// de nyid sring mo yin par 'dod// rang lha'i rnal 'byor ldan pa yis// gsang sngags lus kyis mnyes par bya/ / bshang gci zas su byed pa yi// sprul sku'i gzugs can bu mo de// sgrub pa pos ni bsgom par bya// ma dang sring mo bu mo ni// 'di 'dra rnal 'byor pas mnyes byas// theg pa mchog gi chos nyid la// dngos grub rgya chen des thob bo// ji ltar mi rtog nam mkha' ni// kun tu khyab par gnas gyur pa// 'di ni sgom pa zhes bshad de// ting 'dzin bsam mi khyab ces bya// de nyid 'jig rten par byung ba/ / rtog pa dga' ba'i ming can no// sangs rgyas yul gyi ye shes la// 'dod spyod gos par mi 'gyur te// rnam par mi rtog sbyor gcig gis// myur du sangs rgyas des thob 'gyur// de nas bcom ldan 'das gsungs ni// sgrib kun sel ba la sogs pa'i// byang chub sems dpa' sems dpa' ches// thos nas ngo mtshar rmad du gyur// 'di ni bdag po bcom ldan 'das/ / de bzhin gshegs pa kun gyi bdag/ ci yi slad du tshig ngan pa// de bzhin gshegs 'khor nang du gsung // 'dod chags bral dang chags bcas dang // gti mug bral ba rmongs bcas dang / / zhe sdang bral ba sdang bcas pa'o// rigs kyi dngos grub ston mdzad cing // gang gzhan sdig pa'i nyes pa dang // 'tshe ba la sogs yongs spangs pa// 'di ni de byed sems can rnams/ / snod yin zhes ni thub gsung ngam// de nas mgon po thugs rje can// sems can kun la phan dgyes pas// de bzhin gshegs pa thams cad dang // byang chub sems dpa' la gsungs pab 'di ni sa khams dang mnyam pa/ / sems can kun 'dzin gcig pu pa// chu khams rtog dang bral ba po// sna tshogs gsal bar 'gyur ba yin// bdag po me yi gzugs can te// thams cad za bar nye bar sbyor/ / de bzhin phyi nang bdag nyid mchog/ 'gro la gos pa'i dri gcig pu// bcom ldan sna tshogs nam mkha' mtshungs// thams cad snang zhing za ba po// de nyid bdag nyid bdag yin par/ / bsgoms na rkang gnyis mchog tu 'gyur// snying po zhes bya sangs rgyas kyi// chos nyid dag pa 'di yin zhing // sngags kyi spyod don spyod rnams kyis// byang chub spyod pa'i mchog 'di yin/ / de nas brjod mi lang zhes pa// brjod mi lang ba nyid gyur pa// sangs rgyas zhing rdul grangs mnyam de// sgrib pa thams cad sel la sogs// byang chub sems dpa' sems dpa' ches// kun nas 'jigs shing skrag gyur nas// 'khor gyi dkyil 'khor de thams cad// gcig tu brgyal ba nyid gyur to// de nas gsang dbang rdo rje gsung // gnyis med de bzhin gshegs kun gyis/ byang chub sems dpa' rgyal ba ru// gzigs nas gtso la 'di skad gsol// mgon po sgrib kun sel la sogs// byang chub sems dpa' sems dpa' che// rang bzhin chos nyid ji lta bar/ / 'di rnams bslang bar mdzad du gsol// mi g.yo ba 'di gsang ba ste// zhi ba gcig pu bde ba'i mchog/ rdzogs pa'i byang chub thob byed pa// 'di ni dgongs pas gsungs pa yin// dngos po med cing 'khrug pa med// yid 'ong rdo rje tshig gcig pu// 'gro ba'i bsam pa'i dbye ba yis// bye brag mang por gyur pa yin// nam mkha' mtha' yas sbyor ba yis// gzugs la sogs pa mtha' yas te/ / de yang de bzhin gshegs mchog dang // byang chub sems dpa' nyid du gyur// de las spro zhing bsdu ba dang // zhi ba nyid las rab sbyor bas// ye shes lus can ye shes can// brgyal lo zhes ni shes pa ni// yan lag dbye ba gang dang gang // 'gro ba zhes ni grags bdag pa// de de rang lha'i sbyor ba las// dkyil 'khor mchog ni 'byung bar 'gyur// dkyil 'khor rang lus gang yin pa/ / de nyid bsdus pa 'di lta bu// 'di ni 'jig tshogs lus rtog la// byang chub sems dpa' brgyal bar gyur// des ni bden 'di ma shes pas// dbyangs bcas rgyal la bskul ba ni/ / byang chub sems dpa' sems dpa' tsha/ rgyal ba zhes ni bshad pa yin// de nas gsang ba rdo rje gsum// dgongs pa'i tshig gis bshad pa dag/ rdo rje 'dzin pa'i tshig gsan nas/ / ting nge 'dzin ni mngon du mdzad// gnyis su med par mnyam rdo rje// 'gro la gzigs pa zhes bya ba'i// 'di nyid gsum yul 'jig pa po// ting nge 'dzin la snyoms par bzhugs/ mgon po snyoms par zhugs pa yi// 'od gang chen por gyur pa yin// byang chub sems dpa' des reg pas// rang gi stan la gnas par gyur// de nas de bzhin gshegs pa kun// ngo mtshar rmad du gyur spyan dang / / dgyes shing mgu ba skyes gyur nas// chos kyi dbyangs ni 'di skad gsungs// e ma'o chos e ma'o chos// e ma'o chos kyi don byung ba// bdag med chos ni yang dag dag/ chos kyi rgyal po la phyag 'tshal/ / rdo rje gsung gcig dag pa'i don// dri med mkha' dang mnyam pa'o// mi 'gyur don las yang dag byung // rdo rje sku la phyag 'tshal lo// thub mchog gcig pu de bzhin gshegs/ / dus gsum dag gi lam du byung // rdo rje dbyings gcig rdzogs longs spyod// nam mkha'i lam gcig phyag 'tshal lo// sku gsung thugs ni nam mkha' ste// spyod pa'i mchog ste/ chos gcig ldan// de nyid gsum ston sna tshogs pa// spyod pa'i gnas la phyag 'tshal lo// dgongs pa lung bstan la gnas nas// gang zhig spyod mchog 'di rten pa// gsang ba yang dag srung ba dag de ni ci dga' bar yang byed/ / de bzhin gshegs pa thams cad kyi// dam tshig gsum gyi rdo rje mchog/ sngags rnams kun gyi dam pa yi// spyod pa'i le'u lnga pa yin// / de nas dpal chen mi bskyod pa/ / sku gsung thugs kyi gsang ba can// ting nge 'dzin la snyoms zhugs nas// thugs byin brlab pa zhes bya ba'i// gsang sngags 'di ni gsungs pa yin// oM zhes bya ba dang po / yin// sarba ta thA ga ta gnyis// tsit+ta gsum par yongs su brtag/ badz+ra bzhi pa'i gong mar ldan// swa b+hA wa At+ma ko lnga pa// a haM dus kyi ming can yin// sku drug gsum pa'i ming can no// de nas dpal ldan rnam snang mdzad// rdul phran rdo rje zhes bya yi// ting nge 'dzin la snyoms zhugs nas// sku ni byin gyis brlab pa gsung // oM zhes bya ba tshangs par bshad// sarba ta thA ga ta gnyis/ kA ya chags thogs dbang phyug ste// badz+ra rig byed yin par bsgrags// swa b+hA wa At+ma ko 'dod lha// a hai skem byed ces brjod de// dgongs pa yis ni yang dag brtags// shes rab dbye bas dbye bar bya/ / de nas tshe dpag med ces pa'i// kun tu mi gnyis rdo rje can// ting nge 'dzin la snyoms zhugs nas// gsung ni byin gyis rlob pa gsung // oM ni dang por bsgrags pa yin// sarbata thA ga ta gnyis/ / bAka ces bya ba gsum pa yin// badz+ra dus kyi ming du 'gyur// swa b+hA wa At+ma ko lnga pa// a haM zhes pa drug pa ste// gsum po 'di dag bshad pa rnams// re re zhing drug gsum du bshad/ / thugs dang sku dang de bzhin gsung // rim dang rim gyis min pas gsung // bdag po las ni gcig pu las// rdo rje gsum zhes bya ba 'byung // yon tan chos 'di rdo rje gsung // de nyid gsum gyi dam tshig mchog/ de bas 'di ni sgom pa mchog/ g.yel ba med par rdzogs par bya// 'di bshad pa yi blo ldan pa// rab mchog rdo rje gsum byung bas// sgom pa'i bdag nyid can gyur cing / sngags kyi mtshan nyid mtshan mar bya// de nas dkon mchog dpal 'di yang // sgron ma rdo rje zhes bya ba'i// ting nge 'dzin la snyoms zhugs te// de nas gsang sngags 'di gsungs so// oM ni zung gi dang por ldan// sarba ta thA ga ta zung // de bzhin nyid ni ye shes tshogs// thams cad me long ming can no// a nu rA ga skye med de// de ni gsum pa yin par gsungs// rkyen dang nyan thos kyis bshig dka'i// badz+ra yang ni bzhi bar gyur/ / dngos med bdag nyid can ye shes// swa b+hA wa At+ma ko zhes bshad// ye shes lnga po nyid kyi ming // chos kyi dbyings kyi ngo bo nyid// a haM so so na rdzogs longs spyod// dngos po med pa'i rang bzhin can/ / bde ba chen po'i ming gyur pa// mchod pa drug pa'i ming can no// dngos med gnas pa'i bdag nyid can// de yi rjes su mnyes bya'i mchog/ de lta'i chags pa'i de bzhin gshegs// mgon po thams cad mnyes par bya// de nas dpal chen gdon mi za// don yod rdo rje zhes bya ba'i// ting nge 'dzin la snyoms zhugs te// des ni gsang sngags 'di gsungs so// oM zhes bya ba dang por / ldan// sarba ta thA ga ta gnyis// pU dza rnam par thar pa'i ming // badz+ra sems ni rnam sgom pa// swa bA wa At+ma ko zhes bshad// a haM pha rol phyin zhes bya// lnga po drug dang gsum du bshad// gzugs dang sgra dang dri dang ro/ / reg bya dang ni chos kyi dbyings// de dag dngos med gyur byas pa// de ni sangs rgyas mchod mchog yin// mig sogs zhes las yang dag byung // mngon shes lnga yis nye bar mdzes/ mchod pa lnga bshad 'di rnams kyis// myur du sangs rgyas nyid thob 'gyur// de nas dpal ldan rdo rje 'chang // so sor byang chub ston mdzad pa// rdo rje gsum rig gsang dbang po// thub pa chen pos yang gsungs pa/ / sku gsung thugs la dmigs pa la// gang tshe yid ni mgu gyur pa// de nyid gsum la nyer sbyor ba// dngos grub rab mchog de thob 'gyur// bdag med par ni sems dmigs shing // lus dang ngag kyang rnam par sgom// mkha' dang mnyam pa'i gnas sgom zhing // sbyor ba rnam gsum rdzogs par bya// rdo rje de nyid gsum dmigs na// shin tu phra ba'ang yod ma yin// sngags kyi rang bzhin sbyor ba yis/ / sgom pa med cing byang chub med// rdo rje gsum gcig mtshan nyid du// mdor na rnam par brtags nas su// sngags la sbyor ba'i ting nge 'dzin// gnas la gnas med bsgom par bya// de nas de bzhin gshegs dbang po'ang // de bzhin gshegs pa kun gyis mchod// kun mkhyen sangs rgyas kun mchog gis// bsgom pa'i mchog 'di bka' stsal to// nam mkha'i dbyings kyi dbus gnas par/ / zla ba'i dkyil 'khor bsgom par bya// sangs rgyas gzugs ni rnam bsgoms nas// phra mo'i rnal 'byor brtsam par bya// yungs kar gyi ni 'bru tshod tsam// sna yi rtse mo'i bdag nyid can/ / rgyu dang mi rgyur yang dag ldan// de ru gnas par mkhas pas bsam// blo ldan ye shes kyis brtags pa'i// gsang ba'i ye shes gnas bsgom mo// gsang ba mchog ces bshad pa ste/ de nyid gsum ni dam tshig mchog/ nam mkha'i dbyings kyi dbus gnas par// nyi ma zhes bya'i dkyil 'khor sgom// sangs rgyas sku ni rnam bsgom te// de yi steng du gnas bzhag go// dbang phyug chen po skeskam byed de/ / gzhi phyed nam mkha' mtshon pa dag/ bdud rtsi zhes ni btags pa gang // de ni hUM zhes bya bar 'gyur// nam mkha'i dbyings kyi dbus gnas par// 'khor lo dkyil 'khor yid 'ong sgom// spyan gyi gzugs su yang dag sbyor// rdo rje pad+mo gnyis sgom pa'o// nam mkha'i dbyings kyi dbus gnas par// rin chen dkyil 'khor bsgom par bya// dang po'i sbyor ba nan tan gyis// de yi steng du rnam par sgom// nam mkha'i dbyings kyi dbus gnas par// 'od kyi dkyil 'khor 'di nyid sgom// sangs rgyas zhi ba'i gnas dgod pa// 'khor rnams kyis ni kun nas bskor// ut+pal mthon ka'i mdog 'dra ba// rtse mo lnga pa 'od po che/ / nas kyi 'bru tsam nan tan gyis// ri rab rtse mor rnam par bsam// tsa na ka yi 'bru tshod tsam// 'dab ma brgyad pa ge sar bcas// sna yi rtse mo ri rab rtse// byang chub 'dod pas 'di bsgom bya// 'khor lo la sogs sgom pa ni// de yi khyad par dag tu brtag/ yid 'ong dngos grub kun gyi gnas// byang chub gnas mchog bla med pa'o// sangs rgyas yang dag byang chub bzhugs// mdor na da ni spro bar bya// gang tshe chos ni legs mtshan pa// rdo rje gcig ni bsgom par bya// de nas de bzhin gshegs dbang po// dag pa chos rnams kun gyi mchog/ 'gro kun don du ston pa pos// gsang ba mchog ni bka' stsal to/ / skad cig thang cig yud tsam dang // zla phyed zla ba lo yi dus// bskal pa grangs med gsum po ni// skad cig gcig tu mnyam par bshad// zla ba drug bshad de nyid yin// dngos med rdzogs par longs spyod pa'o/ / skad cig gcig tu bsngags pa ste// dus gsum las 'das yin par dgongs// gzugs dang sgra dang ror ldan pa// rnal 'byor pas ni zla drug sgom// mchod chen de ni byas nas su/ / gsang ba'i bde nyid rnam par sgom// yul dang dbang po sems pa ni// bshang gci zas su byed pa po// byas na de 'dra'i dngos grub ni// bza' ba rnam rtog med pa'o// de nyid 'di ni bla med pa/ / byang chub sems gcig las byung ba'o// rtog med 'dus ni ma byas shing // mi rtog don ni 'grub par 'gyur// ma ni mA ma kIr bshad de// sa ni mngon par byang chub pa'o// bsam gtan de ni dga' spyod pa/ / sha zhes bya bar de bshad do// nam mkha' mtha' yas rnal 'byor ni// sha chen de ni yin par bshad// gsang ba pa yi go 'phang mchog rdo rje gsum ni myur du 'grub/ / dam tshig chen po glang chen rta// de bzhin khyi la sogs pa'i sha// phung po la sogs rigs dbye bas// gang gsungs mnyam pa'i grangs kyis so// gang zhig rnal 'byor gnyis med zas/ / bsam gtan dga' ba'i ming gcig pu// 'jig rten rgyang 'phan 'jig rten pa// bza' ba'i rang gi ngo bor gyur// dge ba'i bshes gnyen brtag pa dang // de bzhin drod gsher las skyes pa/ / 'jig rten 'das dang 'jig rten pa'i// 'di dag zas su kun tu bshad// de nas rdo rje gsum dgongs pa// bcom ldan 'das las thos pa dang // de bzhin gshegs pa kun bdag po/ / lag na rdo rjes tshig gsol ba// nyan thos rnams kyi dam tshig kyang // phra mo'i rnal 'byor ston mdzad cing // mgon khyod 'jig rten pa dang ni// 'jig rten 'das pa dag kyang gsungs// chu dang 'o ma gcig 'gyur bzhin// khyod ni chos rnams ston par mdzad// 'jig rten 'ga' las yang dag pa// ngang pas 'o ma ji bzhin len// ji ltar skom pas gdungs pa yin/ skyes bu la la de bsres 'thung / / de bzhin 'jig rten shin tu 'dus// chos kyi bdud rtsi de rnams 'thung // dgongs pas sngags kyi de nyid du// gang zhig gsum du gsungs pa 'di// ji lta ji ltar 'jig rten sogs// mgon po gsal bar bshad du gsol/ / de nas de bzhin gshegs mchog gis// grags ldan lag na rdo rje la// bu khyed legs so cher legs te// bye brag gsum khyod la bshad bya// rkyen dang nyan thos zhes grags dang / / de bzhin mdo sde la spyod rnams// 'di dag 'jig rten pa rnams te/ bya ba sbyor ba'i bya bar gnas// rnal 'byor grub nas 'jig rten gnas// 'jig rten 'das par gyur pa yin// de ni ting 'dzin rnal 'byor yang / / de dang 'dra bar byed ma yin// gang yang 'jig rten shin tu 'das// rnam par mi rtog 'jigs med pa// de ni de bzhin nyid dngos cig/ 'khor ba dang ni cig shos spangs// brtul zhugs bzang po'i rnal 'byor 'dis// sangs rgyas rnams ni mnyes 'gyur zhing // blo ldan byang chub sems rnams kyis// byang chub myur du thob par 'gyur// 'dod khams kyi ni dbang phyug dang / rnal 'byor go 'phang 'thob par 'gyur// gzi ldan stobs kyis phyug pa dang // mdangs bzang mthong na dga' ba dang // mthong ngam tshig gi bskul ba yis// 'jig rten 'di dag dbang du byed// gsang ba 'di ni mchog yin te/ / sangs rgyas byang chub dam pa yin// de nyid sngags kyi gsang ba 'di// rdo rje gsum las 'das pa'i mchog/ dgongs pa lung bstan yid 'ong la// skyes bu gang zhig gnas gyur pa/ / gsang ba yang dag srung ba po// de rnams ci dgar byed par 'gyur// de bzhin gshegs kun dam pa ste// dam tshig las ni dam tshig mchog/ rdo rje gsum gyis byin brlab pa'i le'u drug pa yin par ba shwad/ / de nas rdo rje gsum gsang dbang // dam tshig chen po de nyid gcig/ ting 'dzin gsang sngags spyod pa'i mchog/ mngon rdzogs byang chub 'di gsungs so/ / de nyid dam tshig bzhi po gang // 'dod pa thams cad tsas te bshad// de rnams longs spyod ldan pa yis// ci 'dod par ni bsten par bya// rang gi lhar ni bdag sbyor bas/ / bdag dang gzhan ni mchod par bya// de ni 'jig rten mchod 'gyur ba// 'jig rten 'das pa zhi ba nyid// dka' thub myur ba de yin la// sdom pa dam pa yin par 'dod// mi zad pa ni gnyis ka ste/ / 'dod pa'i longs spyod thams cad kyang // gzungs sogs lha rnams yin par 'dod// de dag bsgom pa'i sbyor ba yis// sgrub pa po rnams myur du 'grub// tha dad yi ge slong mo yin/ / de 'don pa ni za ba ste// gang zhig zlos la dga' ba de// de dag slong mo za bar 'dod// dka' thub dag ni mi bya zhing // sdom pa mi bzad nyid kyang min// 'dod gsum de nyid longs spyod cing // sngags kyi de nyid ma nyams bzlas// rdo rje gsum dbye ba de gnas na// sngags rig byang chub thob par 'gyur// gzhan du dus min 'chi ba dang // shi nas dmyal bar 'gro bar 'gyur// sangs rgyas byang chub sems dpa' dang / / gsang sngags spyod pa'i mchog rnams gang // mi 'gyur chos ni brnyes pa yang // rdzogs pa'i sangs rgyas rkang gnyis mchog/ kun mkhyen ye shes chags ldan pas// 'dod pa'i yon tan lnga rnams bsten/ / byang chub sems dpa' mnyes bya zhing // byang chub pha rol phyin chags bya// de ltar gzugs la gsum shes nas// mkhas pa yis ni mchod par bya// de nyid gtso bo bcom ldan 'das/ / sna tshogs rnam par snang mdzad che// sgra la rnam gsum shes byas nas// lha rnams la ni dbul bar bya// 'di ni bcom ldan sna tshogs pa// sangs rgyas rin chen 'byung gnas gtso/ / dri la rnam gsum shes byas nas// lha rnams la ni dbul bar bya// de nyid bcom ldan sna tshogs pa// 'dod chags chos ni 'dzin pa'i gtso// ro la rnam gsum shes byas nas/ / lha rnams la ni dbul bar bya// de nyid don yod rdo rje grags// sna tshogs gtso bo bcom ldan 'das// reg la rnam gsum shes byas nas// rang gi rigs la dbul bar bya// de nyid bcom ldan rdo rje can/ / mi bskyod me long gzugs can no// nang dang de bzhin phyi rol dang // gnyis ka rjes su mi dmigs pa// gzugs la sogs gsum de yin te// lha rnams la ni dbul bar bya// gzugs sgra ro la sogs pa la// sems ni rtag tu sbyar bar bya// gsang ba bsdus par gyur pa ni// snying po sangs rgyas kun skyed de// mkhas pas gzugs sgra la sogs pa// lha nyid du ni rtag tu sgom// de bzhin rigs su sgom pa ni// sgom pas der ni bsgom par bya// nam mkha'i rdo rje sbyor ba ni// sangs rgyas rjes su dran par bshad// sangs rgyas rjes dran sbyor bas kyang // chos ni rjes su dran pa sgom/ rdo rje gsum sgom rnal 'byor pas// rdo rje rjes dran sgom pa'o// rigs dbye ji skad bshad pas kyang // chos dang longs spyod sprul skur byung // rigs ni rjes dran sbyor gyur pa/ de bzhin khro bo rjes dran pa'o// de nyid gsum yongs gyur pa gcig/ rdo rje gsum nyid med chos nyid// lha rnams rjes dran sbyor ba ste// de sgom byang chub thob par 'gyur// bzhi po dag ni re re bzhi// ji lta ji ltar mgu bcas sogs/ / de nyid lo yi grangs yin te// bcu drug par ni yongs su brtag/ sangs rgyas kun gyis bstan pa yi// bud med lo grangs bcu drug pa// gzugs bzang phra dang mchod pa ni/ / dben pa zhes byar brtsam par bya// byin gyis brlabs nas yid 'ong ba// khyad par gsum zhes bya ba yi// de bzhin gshegs pa btsun mo che// spyan sogs nyid ni bsgom par bya// bsgrub bya de nyid yang dag sbyor/ / dbang po gnyis ni mnyam sbyor ba'i// dang por sbyor ba 'di bsgoms na// sangs rgyas dngos grub thob par 'gyur// yi ge hUM dang de bzhin oM// phaT kyang der ni bsgom par bya// de nyid gsum tshul gsum bdag nyid// ci rigs par ni rnam par spro// 'od zer rnam pa lngas khyab pa'i// rdo rje pad+ma 'di mchog ste// gsang dang snying kha sna rtse ru// rnal 'byor pas ni 'di bsgom bya// 'bar bcas zla 'od bzhin dkar bar// shes rab de ni rtag tu sgom// gang phyir yid ni dgar gyur pas// de bas de nang yid 'ong ba'o// gnas med gnas par legs sbyor bar// bzhi mtshungs gcig/ tu sbyor ba rig/ sangs rgyas rjes dran sbyor la sogs// byang chub 'dod pas bsgom par bya// nyams dga' sangs rgyas kun gyis bsten// b+ha ga zhi ba gcig pu'i ming // rang gi de nyid gnyis med byung // / rdo rje de bdag nyid du sbyor// sangs rgyas rjes dran sbyor ba ste/ b+ha ga ling ga yin par bsgrags// gzhug pa gnyis med sbyor ba ste// sangs rgyas gzugs su sgom pa'o// de las zo ldan gyis spro ba/ spu'i bu ga'i rtse mor gnas// mnyam pa med pas khyad par du// sangs rgyas sprin rnams der spro'o// chos rjes dran pa'i sbyor ba yang // rdo rje chos kyi rab sbyor bas// rdo rje pad+ma yang dag sbyar// b+ha ga'i ling gar brtag pa'o/ / de nas pa spu'i bu ka las// 'bad pas chos kyi sprin rnams spro// de nyid bsam kun rdzogs byed pa'o// 'di na chos kyi bdag po yin// rdo rje rjes su dran pa sgom// dngos med gcig bu la sbyor ba/ / stong la rdo rje rab sbyor 'gyur// b+ha ga ling ga zhes bshad do// de nas ba spu'i bu ga nas// rdo rje sprin rnams kun tu spro// rdo rje byang chub sems sgom nyid// myur du dngos grub 'thob bar 'gyur/ / rigs rjes dran pa'i sbyor ba yis// mkhas pas stong nyid rdo rje las// de bzhin rnal 'byor pas spros nas// rigs kyi dngos grub 'thob par 'gyur// khro bo rjes dran sbyor ba la'ang / / stong dang rdo rje gnyis ldan pa'i// khro bo'i ba spu'i bu ga nas// khro bo'i sprin rnams spro bar bya// de nas dpal ldan rdo rje 'dzin// khyab bdag rnam snang mdzad chen la// rjes dran sbyor ba'i dgongs pa ni/ / thub pa che la slar zhus pa// thub khyod kyis ni gang gsungs pa// b+ha ga'i ling ga'i sbyor ba ni// 'jig rten 'das pa'i sbyor 'di las// sangs rgyas la sogs spro gyur pa/ / tshul 'di ma 'ongs skye bo la// phyi dus kun rmongs skyes pa ste// bde gshegs rnams kyi bdag pos ni// ci phyir gsungs zhes de rnams smra// 'gro bas nam mkha' mtshan ma can/ / rten 'byung khyod nyid mi shes shing // de rnams shin tu rmongs dbye bas// ji bzhin par ni rtogs par byed// mgon khyod bde ba chen po ste// sangs rgyas kun gyi ston gcig pu// sku med srid gsum bdag nyid can// dgongs pa gnyis ka'i mtshan dang ldan// de bas khyod ni chos kun gyi// yon tan gsum bdag de nyid gsum// dgongs pa bya ba dri med gsum// sangs rgyas kyi ni bdud rtsi 'byung / / khyod 'dir b+ha ga khyab 'jug ste// ling ga drag po'i ming can nyid// khyod ni sa bon tshangs la brtags// khyod ni rten 'byung 'gro ba 'byung // dus gsum las 'das rnal 'byor che/ / dus dang rtsis su gyur pa nyid// shes dang shes bya rnam par grol// de bas khyod ni 'gro ba'i bla// de nas rdo rje 'dzin pa yis// de la sogs pa'i tshig gsan nas// dam tshig rjes su dran sgom pa/ / bcom ldan 'das ni ston par mdzad// rang gi rdo rje pad+mar ldan// dbang po gnyis ni rab sbyor las// rang gi khu ba'i thigs skyes pa'i// sangs rgyas rdo rje sems dpa' sgom// dkyil 'khor rjes su dran bdag nyid// dbang po gnyis nyid sbyor ba las// rang gi tshangs pa rtag drangs te// rnal 'byor pas ni kyil 'khor bya// sku rjes dran pa'i sbyor ba yang // sangs rgyas rnams kyi phung po lnga/ / sangs rgyas de nyid sogs brtag pa// bdag kyang de dang 'dra bar rig/ gsung rjes dran pa'i sbyor ba lnga// rdo rje chos gsung phun sum tshogs// de yi gsung ci 'dra bar 'gyur/ bdag kyang de dang 'drar chos 'dzin// thugs rjes dran pa'i sbyor ba gang // rdo rje 'dzin pa'i thugs dang ni// kun tu bzang po'i thugs gang yin// bdag kyang de dang 'dra bar 'gyur// sems can rjes dran sbyor ba gang / / sems can rjes dran rdo rje nyid// spyod pa mkha' mtshungs ji bzhin du// bdag kyang de dang 'dra bar 'gyur// sngags sku rdo rje gsum zhes pa// de sbyor dran pa sgom pa ni/ / rdo rje sngags kyi sku gang yin// gsung dang sku ni rnam sgom pa// de nyid gsum mnyam gcig pa nyid// rtag tu gsum 'das gyur pa yi// sngags 'dzin mchog ni ci 'dra ba// bdag kyang de dang 'dra bar 'gyur/ / dam tshig rjes dran rnams kyis ni// de bas tshangs pa shin tu dbyung // dngos med gcig tu sbyor ba yis// mkhas pas cho ga bzhin du gsung // de bzhin gshegs mchog che ba ni/ / dngos med ces bya bsad pa ste// blo dang ldan pas 'di bsad na// dngos grub sngags mchog thob par 'gyur// shes rab dam tshig sbyor gyur pa// rjes su dran pa zhes bshad do// pha rol phyin pa zhes grags pa// yod med gnyis dang bral ba'o// thams cad rang bzhin dri ma med// ma skyes pa dang zad pa med// byang chub med cing mngon rtogs med/ khams med 'byung ba'ang med pa'o// ma skyes rjes su sbyor ba gang // der ni ci yang brjod min zhing // ma skyes ming ni gcig pu pa// dran pa de ni yin par bshad// ji ltar nam mkha' 'od gsal ba// mtshan ma med cing 'gyur ba med// rang bzhin mkha' dang 'drar gyur cing // gnyis med gnyis su yod min zhing // yan lag bcu gnyis sbyor gcig gang // zhe sdang rdzogs longs spyod pa'i ming // sangs/ rgyas kun gyis bsten gyur cing // de ni rigs rjes dran zhes bya// rten 'byung las skyes rdzogs sangs te// bud med lo grangs bcu gnyis pa// brtan pa'i sems ni thob pa las// rang gi khu bas mchod par bya dngos med bdag nyid dag pa gang / / de ni dag par bshad pa yin// de nyid kyis ni mchod par bsngags// shes rab pha rol phyin pas 'gro// 'di yis lus la mchod pa dang // khyad par du ni de bzhin gshegs/ / rdo rje 'dzin bshad de bzhin thugs// chos 'dzin pa yi sku gsung thugs// sku gsung thugs ni gang dag grub// tshe 'di nyid la thob par 'gyur// gang bshad rigs ni dman bshad pa// de la'ang tshul de grub par 'gyur/ / de nyid mchod par bshad pa nyid// de bzhin so sor rab tu brtag/ mi phyed rdo rje'i sbyor ba yang // gsung gi dbang bskur ba nyid gsal// dgongs pa lung bstan la gnas nas// gang zhig sems ni ma rmongs pa// mkha' la gnas pa'i nyi ma bzhin// de ni ci dgar spyod par byed// de bzhin gshegs pa thams cad kyi// rdo rje gsum gyi gsang ba ste// sngags spyod pa yi// mchog gyur pa// le'u bdun pa rab tu bstan// / de nas dpal ldan de bzhin gshegs// dkon mchog dpal ni 'od chen po// de bzhin gshegs pa thams cad kyi// bla ma rdo rje gsum gyi bdag/ mgon po rdo rje 'dzin chen po// dbang phyug dbang phyug dam pa dang // sangs rgyas kun gyi ston pa la// bstod pa 'di yis gsol ba btab// nam mkha'i spyod pa rdo rje mchog rdo rje sems dpa' thub pa che/ / theg pa chen po'i rnam snang ba// kun tu bzang po brtul zhugs bzang // dngos kun dngos po gcig pa'i mchog/ rigs mchog thams cad yang dag 'byung // rgyal ba'i dam pa'i mchod pa'i mchog/ mchod pa kun mchog bshad du gsol// 'dod chags chen po zhe sdang che// gti mug chen po blo gros che// theg pa gsum po rab ston cing // rdo rje theg pa ston pa po/ / nam mkha' gcig pu dngos po'i mchog/ ye shes rgya mtsho tha ma che// rdo rje gsum po chags med pa// rgyal gnas mchod pa bshad du gsol// rdo rje gsum po lam gyi mchog thar lam gcig pu ston pa po/ / sangs rgyas skal mchog shin tu dag/ mi mchog mchod pa bshad du gsol// dngos po kun gcig shin tu dag/ byang chub sems ni rgya mtsho che// chos kyi 'khor lo gcig bskor ba/ / rten 'brel ye shes las byung ba// rdo rje gsum gcig rnam dag don// sna tshogs sangs rgyas bya ba mdzad// bdag med med chos shin tu dag/ phyag 'tshal rdo rje theg pa la'o/ / de nas de bzhin gshegs bdag po// thams cad nam mkha' mi 'gyur che// thams cad dbang bskur kun dbang po// kun don rin chen mchog 'dzin pa'ang // na chung mig yangs btsal nas ni/ / gzugs dang na tshod rnams kyis brgyan// lo grangs nyi shu lnga lon pa// rnyed nas mi yi skye gnas brtag/ rnam par dben nam gtsang ba yi// sa phyogs su ni rgyal bdag nyid zhe bzhi pa'i gnas yid 'ong / / bshang gci chu yis byugs nas ni// sangs rgyas byang chub rab ster ba'o// rtag tu mchod pa nyid bya'o// de bzhin gshegs pa mchod pa yi// phung po zhes bya sna tshog skyes/ / rdo rje gsum po mi phyed khams// rgyal ba zhes ni bya bar bshad// kun mkhyen ye shes lang tsho ste// len pa mi gsal la sbyor la// de nyid na chung yin par brtag/ 'jig rten pa rnams 'thob byed rgya'agro ba'i don ni rab grub pa/ / gang zhig dngos med ces bshad pa// mtha' skyes bzhin du brtag pa yin// gtsang ba rnam dag sems yin te// rnam par dben pa dngos med pa// sa ni spyan zhes bya ba yin/ / sa phyogs rgyal ba 'byung ba yin// zhi ba sna tshogs nges 'byung ba// zhi ba'i gnas ni myur la sogs// bshang gci yul dang dbang por grags// chu ni shes rab la sogs drug/ 'odi dag gis gang byugs gyur pa/ / rdzogs longs spyod pa'i 'dod 'byung ba// de dag rgyal ba'i chos bshad pa// dgongs pa sbyor ba chos nyid do// mchod pa'i yan lag gnyis pa yis// bkod pa'i yan lag mtshan nyid bshad/ / 'jig rten shin tu 'das spyi bo// 'jig rten 'das pa'i snying kha ru// rkang pa'i bar dang lte ba dang // rked pa gsang ba 'jig rten pa// rgyal sras rnams kyi bkod pa ni// rigs ni lnga po bya ba yin/ / nam mkha'i khams kyi dbus gnas par// ye shes rgya mtsho rnam par sgom// bdag nyid zla ba'i nang gnas par// brtul zhugs can gyis snying khar sgom// chu de sbyor bar gyur pa ni// ma ma kIr ni yongs su brtag/ zhi ba rdo rje 'dzin 'dod pas// bsdu ba de yang rab tu bya// rin chen rang bzhin mchod rten ni// 'od zer sna tshogs nyid kyis brgyan// ye shes rgya mtsho dus gsum pa// gnas de ru ni bsam bya ba/ / blo ldan pa spu'i bu ga las// ji lta ji ltar spro bar bya// rnal 'byor rnal 'byor mchog gzhol bas// mchod pa'i sprin ni des spro bya// gos dkar pad+mar yang dag dgod// rnam lnga gcig la rnal 'byor ma/ / me yi sbyor ba bshad pa ni// de yang mi gsal zhi la gnas// sgron mar ut+pal nyid gyur pa// rlung ste sbyor ba lnga pa'o// 'jug dang gnas dang skye ba dang // de bzhin spang ba'i ming can no// de nyid rnam pa gsum byas pas// rdo rje gsum gyi dam tshig gnas// de nas blo ldan gyis dbul ba// lha rnams kyi yang dngos med nyid// de nas de bzhin gshegs pa mchog/ khyab bdag rnam sdang chen po las/ @me tog dgongs pa thos nas ni// rdo rje can gyis thub chen zhus// me dang rlung dang dbang chen dang // chu ru yongs su brtag pa yin// re re'ang dang po sbyor zhes bya// me tog de lnga gsum du bshad/ / bya rgod me tog za ba dang // bung ba sha za zhes zer zhing // me tog 'di yi dgongs pa ni// ma 'ongs skye bos mi shes so// ma rtogs pas ni de rnams kyi// dngos grub ring du gnas par 'gyur/ / 'di ltar bdag ni skal min zhes// smra zhing de rnams bdag nyid smod// de ltar bdag nyid kyis smad pas// sangs rgyas thams cad smad par 'gyur// sangs rgyas thams cad smad gyur pas/ mi las 'das nas gzhan du 'gro// gtso bo sangs rgyas nang na min// phyi rol na min gnyis kar min// tshogs pa las ni ma yin te// rkyen gyis 'gro ba dag la gnas// de bzhin de bzhin gshegs sangs rgyas/ / lus la gsang sngags 'di nyid las// gsang sngags 'grub par dka' ba'i rgyus// des ni bdag dang de dag smod// de rnams rjes su gzung ba'i phyir// dgongs pas de ni bshad du gsol/ / rang gi ngo bo ma 'tshal na// mkhas pa dag ni nyams par 'gyur// de nas bcom ldan sna tshogs pas// gsang ba'i bdag po la gsungs pa// nyin dang mtshan mo dbye ba yis// me tog don ni bshad par bya/ / pad+ma ut+pal nyin mor bshad// dzA ti mtshan mo yin zhes bshad// lnga yi bdag nyid gsum dang gcig/ gnyis lnga gcig dang gsum du 'gyur// de yi thabs ni nyin mor bshad// mtshan mo shes rab ces bshad do// nyin dang mtshan mo'i dbye ba yis// 'jug tu 'byung ba nyid du 'gyur// de gnyis dbus kyi sbyor ba gang // dgongs pas yongs su brtag pa yin// de ni sangs rgyas snying por 'gyur/ / de bas lha tshogs kyis de min// rnal 'byor pa dang sngags pa rnams// dgongs pa'i chos la rab brtson bya// dgongs pa byin rlabs rgyu yis ni// de rnams kyis ni 'grub par 'gyur/ / gang zhig rlung ni bcur grags pa// de ni pad+ma ut+pal ming // de nyid ces grags rdo rje gsum// dzA ti gcig pu gsum du 'dod// kar ni ka dang ma li ka/ yug ti ka ra bI ra ni/ go rims bzhin tu spyan sogs te// sa la sogs par 'dir sbyar ro// dngos med go 'phang la bkod pas// lha rnams kyi ni skur sbyor bas// gcig tu sangs rgyas kun mnyes pa'i// mchod pa chen por de 'gyur ro/ / lnga po'i bdag nyid yang dag bzhag/ lnga bcu dag ni gnyis 'gyur byas// de nyid gsum sbyor 'khor lo ni// dpag tshad brgya yi dkyil 'khor ro// der ni mkhas pas rtag par ni/ / rigs rnams rab tu dgod par bya// pad+ma 'khor lo rdo rje dang // de bzhin ut+pal rtag tu sgom// dpag tshad bzhi po sbyor gcig pa// dpag tshad rgya khyon de nyid gsum// byams pa la sogs gru bzhir 'gyur/ / mdzes pa phung pos brgyan pa yin// gru bzhi de ni rigs su gyur// zhi ba sbyor ba gcig ming can// mchod rten ye shes sems rang bzhin// gsal zhing rang bzhin dri ma med/ / rigs rnams mchod phyir de nyid ni// shes rab can gyis gnas sgom mo// mngon shes lnga yi gnas 'dod rnams// de yi mchod pa rgya mtshogs la// rin chen ye shes spro bdag nyid/ / gos ni bsdu ba zhes bya'o// mchod pa mchog rnams de dag gis// byang chub 'dod pas mchod par bya// shes rab can gyis mchod mchog las// lha rnams rtag tu mnyes par bya// sbyor gcig de las yang dag byung / / rin chen 'byung gnas na chung min/ dga' mgu yang dag ldan pa yin// dngos grub shin tu grub pa'i phyir// nga rgyal la sogs bdun zhes bya// rin chen thams cad dbul bar bya/ / chos dang rdzogs longs spyod las byung // rin chen bdun gyi nor de ni// des bkang ba yi zhing 'di ni// shes rab thabs gcig las byung ba'i// dngos grub 'dod pas sbyin pa'i phyir/ zhing de nyin re dbul bar ni// nam mkha' mtha' yas rnal 'byor pa'i// sbyin pa'i pha rol phyin 'dir 'gyur// sangs rgyas dkyil 'khor dbus su de// phyag rgya'i bdag por mnyam bzhag ste// 'dod chags blo ldan sangs rgyas la// reg par yang dag sbyor ba dbul// nam mkha'i dbyings kyi dbus gnas par// bkod pa'i dkyil 'khor dam pa sgom// bdag nyid de bzhin gshegs pa'i sku/ / yul dang dbang po sun 'byin pa// dngos med gcig par yang dag 'byung // yul dang dbang po zhes bya ba'i// bshang gci ji lta ji lta bar// de nyid mchod pa rnams kyis mchod// skal bzang bzhin ni mdzes pa yi/ bud med gzugs bzang rnyed pa dang // gsang sngags yi ge'i gnas 'gyur bas// rnal 'byor ma de byin brlabs la// byas nas gnyis med sbyor gcig pu/ rang gi lus ni nang du gzhug/ spyan sogs ji lta ji lta bar// byin gyis brlabs pa'i gnas bkod de// mig bzang dag pa'i bya ba yi// rang byung khu ba blangs nas mchod// gang zhig de ltar rtog pa de/ / blangs pas rdo rje 'chang bar 'gyur// sa la sogs pa'i dkyil 'khor gang // spyan la sogs par rab brtag pa// de ni 'jug sogs sbyor ba yang // de ni khu ba za bar 'gyur// 'di ni sngags rnams thams cad kyi// sku gsung thugs kyi mchod pa ste// rdo rje ye shes can gsang gi/ gsang sngags dngos grub byed pas mchog/ rin chen kun gyi 'byung gnas mchog dgongs pa lung bstan la gnas nas/ / gang zhig sems ni bzod gyur pa// de ni ji bzhin nyid du'ang byed// de bzhin gshegs pa thams cad kyis// rdo rje gsung gi gsang ba las// bshad gci'i dam tshig ces bya ba'i/ / le'u brgyad pa yin par bshad// / de nas de bzhin gshegs mchog gtso// thams cad nam mkha' mi 'gyur che// sangs rgyas dbang bskur spyod pa'i mchog/ gzugs don dbang phyug dam pa yin// rdo rje gsum nyid longs spyod pa// rdo rje mi phyed gsum dkyil 'khor// sangs rgyas ye shes sbyor gcig pa'o// gsang ba nyam ni dga' bar bshad/ / nam mkha'i dbyings kyi dbus gnas par// sangs rgyas dkyil 'khor bsgrub par bya// rdo rje rtse gcig rdo rje yang // sgom pa'i bdag nyid can gyis bsgom/ / 'od 'phro mang po 'bar ba dang // 'od zer sna lngas rab tu gang // dus gsum sangs rgyas yang dag 'byung // bsgoms la rdo rjes phye mar brlag/ rdo rje gsum gcig longs spyod ni// rdo rjes phyir brlags med gyur pa'i/ / thugs kyi dngos grub byed bsam gtan// bsgoms na myur du thob par 'gyur// rdo rje mchog ces bya ba yi// rdo rje gsang ba 'di lta bu// rdo rjes rdo rje 'dzin pa ni// sems can thams cad bsad na ni// de ni myur bar mi bskyod pa'i// rgyal ba'i sras su skye bar 'gyur// zhe sdang rigs chen de nyid kyis// zhing de 'gengs par byed par 'gyur// de nas dgongs pa chos gcig pu/ / gtso bo kun mkhyen thams cad rig/ dam tshig de nyid gsungs pa yi// mgon la phyag na rdo rjes gsol// 'di ltar dngos med mchog gyur pa// khyod ni chos rnams ston mdzad pa// 'jig rten pa dang 'gal tshig gis// mgon khyod ci phyir ston par mdzad// gang zhig de bzhin nyid dngos gcig/ dus gsum byung ba'i sangs rgyas rnams// chos sku gcig pu las 'khrungs pa// ji ltar rdo rjes phye mar brlag/ de ni phyer brlags gyur pa las// ji ltar yang dag sems 'grub 'gyur// chos sku gcig pu las byung las// lhag par zhes bya gyur nas su// dus gsum 'byung ba'i sangs rgyas rnams/ / phye mar brlag par ji ltar nus// phyir brlag byed pas dngos med pas// phye ma nyid kyang khyad par du// sangs rgyas sngags don rnal 'byor pa// nus pa bsam mi khyab ldan la// de 'dra bar ni phyer brlag par// sngags pa gzhan gyis mi nus so// sems can gyis ni sems can bzhin// sangs rgyas phyir brlag pas// 'di gnyis khyad par med do zhes// ma 'ongs skye bo smra bar 'gyur/ / sangs rgyas gcig pu mthar thug pa// min zhes mi rnams nges smra zhing // gang zhig sangs rgyas kyis gsungs bzhin// rab tu spong bar byed par 'gyur// theg bzang bsgrubs na 'tshang rgya ba/ dgongs pa'i bum pa bzang po mchog/ de ni bcom ldan myur sbyor bas/ mi bskyod zhing du skyes 'gyur ram// sems can 'khor bar 'khor gyur pa// de tshe zhe sdang che skye 'am// snying rjes gsad par bya'o zhes// sngags pa rnams ni de mi spong // 'das tshe stong par gyur pa dang // da lta rjes su ston mdzad dang // mnyes bya ma 'ongs sangs rgyas rnams// sangs rgyas byang chub stsol ba'o/ / mi bskyod gzugs can rdo rje yis// de rnams ji ltar gzhom par bgyi// de nyid sna tshogs don ldan tshig/ de rnams kyis ni ji ltar rtogs// gang zhig shes pas rgyal sras rnams/ / dgongs pa'i don la rtog med 'gyur// ma 'ongs sde bo'i don du ni// de nyid bcom ldan bshad du gsol// de nas rdo rje 'dzin smra yis// 'gro la phan pa'i tshig gsan nas/ de nas gtso bo rdo rje 'chang // khyab bdag gis ni slar gsungs pa// legs so bu khyod cher legs te// kun tu bzang po khyod legs so// dgongs pas bshad pa'i don du ni// khyod kyis nga la gang dris pa// gsungs don ji lta ji lta bar// de ni nga yis bshad par bya// phung sogs yan lag gang gyur pa// sangs rgyas sems can rab brtan zhing // sngags dang phyag rgya'i sbyor ba yang / / dbye ba sna tshogs rab tu bstan// 'khor ba mi bskyod ming can te// de'i sngags rdo rje zhes bya ba// mi gsal rdo rje zhes bshad de// dngos med gcig pu rdo rje nyid// des bshig pa ni bas po ste/ / sangs rgyas sems can khyad par du// sna ni tshogs kyi dbang po yi// kha ni rang bzhin nyid du g.yo// rnal 'byor pa yi lag gyur pa// 'gro ba rlung gi ming can no// mi bskyod rdo rje'i sbyor ba nyid/ / lag tu rdo rje gzhag nas ni// de tshe myur la sogs bya ba// klu yi rang bzhin sna tshogs nyid// phung sogs brtag pa'i sangs rgyas rnams// sku gsung thugs las yang dag 'byung // de yi yan lag phung por bshad/ / de ni phyir 'gyur bsad pa yin// 'di ni zhe sdang rigs yid 'ong // mi bskyod ye shes rdo rje nyid// de yi zhing skyed dam pa yin// dngos grub chen po des 'thob 'gyur// de nas dpal ldan bde chen po/ / ye shes thar pa rab sgrub pa// rang bzhin dag gis gos med pa// byang chub spyod pa rab sgrub pas// phyag na rdo rje 'od chen po// gsang ba gsum gyi gtso bo la// bos nas yang dag rdzogs sangs rgyas/ / sgrub pa'i dam tshig de nyid gsungs// nam mkha'i dbyings kyi dbus gnas par// rdo rje dkyil 'khor dam pa la// rnam par snang mdzad bsgom bya zhing // sangs rgyas thams cad rnam par sgom/ / rin chen kun gyi sbyor ba yis// rdo rje gzugs ni rnam par sgom// rdo rje gsum mnyam sbyor ba yis// rdzas rnams thams cad dbrog par bya// shes dang dbang po ldog par 'gyur// / rnam smin dngos po med pa gang // de nyid dbrog pa'i rdo rje ste// sangs rgyas thams cad rab sgrub bo// rin chen rdo rje mchog sbyor ba// rgyal ba'i sras su 'gyur ba dang // nor gyi rgya mtshos gang ba yi/ / yid bzhin nor bu 'dra bar 'gyur// 'di ni gti mug rigs de nyid// dam tshig yin par yongs su bsgrags// rigs kun rgya mtsho zhes bya ste// de las thub pa'i skyes mchog 'gyur/ / de nas bdag po bcom ldan 'das// 'dod chags thar par rab 'jug pa// gsang ba dag pa gnas med pa// dkyil 'khor mchog ni bka' stsal to// nam mkha'i dbyings kyi dbus gnas par/ / rin chen dkyil 'khor bsgom par bya// dpal med chos ni rnam bsgoms te// sangs rgyas kun gyis rab tu dgang // bud med lta bu'i sbyor ba yang // ting nge 'dzin gyis sbyor ba yis/ / thams cad de ru bsgom par bya// 'di ni rdo rje tshul mchog yin// dngos med bsam pa'i sbyor ba yis// gsal mi gsal la yang dag sbyar// chos dang rdzogs longs spyod sbyor ba// gsang sngags kyis sprul dbang po gnyis// sbyor ba bzhi yi sbyor ba yis// dbang po gnyis ni rab 'byor pa'i// snyoms zhugs sbyor ba de yi ni// de dag thams cad bar spyod/ / sku gsum mi phyed sngags rnams kyi// 'di ni sgom pa mchog de yin// de nyid dam tshig sbyor ba 'di// 'dod chags rigs gcig sgom pa'o// 'di ni sangs rgyas thams cad kyi// 'dod chags chen po'i tshul mchog ste// sngags pa rnams kyis nyin re zhing // rab tu 'bad pas bsgom par bya// de nas gsang dbang rdo rje gsum// rdo rje sngags don sgrub pa'o// bdag med ye shes las byung bas/ / gsung ni 'di skad bka' stsal to// nam mkha'i dbyings kyi dbus gnas par// sangs rgyas dkyil 'khor bsgom par bya// don yod rdo rje rnam bsgoms te// sangs rgyas thams cad bsgom par bya/ / rdo rje tshig gi brdzun smra ba// rgyal ba thams cad bslu ba ste// 'di ni sangs rgyas thams cad kyi// nam mkha'i gsung ni dri med pa'o// gang zhig brdzun du smra bshad pa/ brdzun de nyid ni dam pa ste// dpa' bo gang zhig sgom byed pa// de ni rgyal ba'i mchog tu 'gyur// gsang ba'i ye shes dam pa ste// sangs rgyas dngos grub byed pa'i mchog/ dam tshig 'gugs par gang gyur pa'i/ / rigs kyi dam tshig la 'jug pa'o// kun tu kun nas 'bad pa yis// ji bzhin don du drang byas te// so sor rtog pa'i sbyor ba yis// de ni dngos grub rgya chen 'thob// de nas bcom ldan sna tshogs pa/ / mi byed rdo rje gsum rgyal bdag// rdo rje'i dngos grub rab ston pas// gsung ni 'di skad bka' stsal to// nam mkha'i dbyings kyi dbus gnas par// der ni dkyil 'khor bsgom par/ sangs rgyas sku ru rab brtag pa'i// dam tshig de ni yang dag bshad// dkon mchog dpal ni rab bsgoms te// gzugs rnams kun gyis sa 'di gang // phung po la sogs grangs mnyam pa'i// sangs rgyas kun gyis thams cad du// rtsub pa'i ngag la sogs pa ni// sa rnams dman pa zhes bya ba'i// bsgoms na dngos grub thob 'gyur zhes// bcom ldan thub pas de skad gsungs// de bzhin gshegs pa kun bkod pa/ / sna tshogs gzugs can 'od po che// bsam pas dpal ldan gcig pu nyid// dpag tu med par gyur pa yin// de nas gang zhig dam tshig sogs// chos dbyings rdo rje gsum nyid ni/ / de bzhin gshegs pa thams cad kyis// dam tshig rdo rje dpal la sogs// byang chub sems dpa' sems dpa' che// ngo mtshar rmad du gyur nas ni// tshig lam rdo rje zhes bya 'di/ / de ni de rnams brjod par byed// ci ni mgon po bcom ldan 'das// de bzhin gshegs pa kun gyi bdag/ gang zhig khams gsum las 'das shing // 'jig rten thams cad las 'das bang de bzhin gshegs pa kun mchog dang / / byang chub sems dpa'i tshogs chen gyi// 'khor gyi dkyil 'khor dbus su ni// ngo mtshar che ba'i tshig gi lam// gtso bo'i yang dag rdo rje'i tshig/ dgongs pas ci slad gang gsungs shes// brjod kyis mi lang ba yi yang // brjod mi lang ba rnams kyis gsol// de nas de bzhin gshegs kun gyis// brjod kyis mi lang ba yi yang / / brjod kyis mi lang grangs kyi ni// ri rab rdul phran dang mnyam pa'i// de bzhin gshegs pa thams cad dang // dam tshig rdo rje dpal sogs pa'i/ byang chub sems dpa' sems chen la// dngos med las byung gsal ba gsungs// dman dang smad pa'i 'du shes ni// rgyal ba'i sras rnams ma skyed cig/ ci'i phyir zhe na de bzhin gshegs// 'byung ba gang 'di spyod mchog yin// 'di ltar sngags kyi spyod mchog 'di// rnam par dag yin rigs kyi bu// sangs rgyas mnyam med 'byung 'gyur 'di// gsang ba'i sngags don spyod pa nyid// 'di ltar dper na rigs kyi bu/ / nam mkha' kun tu song ba ste// chos rnams kun kyang der rtogs shing // rab dbye'i sbyor bar gyur pa nyid// 'dod pa'i khams na mi gnas shing // de ni gzugs kyi khams mi gnas/ / de bzhin gzugs med khams na'ang min// 'byung ba bzhi la de mi gnas// rigs kyi bu chos thams cad kyang // de ltar don gyi dbang mkhyen nas// dgongs pa'i dbang gis rgyal ba rnams// de bzhin gshegs rnams dgongs nyid kyis// chos rnams ston par mdzad pa yin// de bzhin du ni khyed rnams kyis// mdor na khong du chud bar bya// yang dag byang chub don rnams kyis// nam mkha'i nges tshig sbyor bas ni/ / de bzhin gshegs pa'i sbyor ba byung // dam tshig rjes su rig par bya// 'di ltar dper na rigs kyi bu// gtsub shing gtsub stan bcas pa dang // skyes bu'i lag pa bskyod pa yis/ / rkyen las du ba 'byung bar 'gyur// de nas me yang 'byung mod kyi// gtsub shing la sogs re re nas// 'di ltar so sor brtags na go/ me de ganga'ang mi gnas so// khrag cha dang ni gzugs brnyan dang / / sgyu ma dang ni smig rgyu dang // de bzhin chu zla rmi lam ste// chos rnams thams cad de dang 'dra// mgon po pi wang sgra lta bu// rkyen don las tshig yang dag byung // de bzhin 'gro 'ong gnas pa rnams// cung zad tsam yang yod ma yin// gnas med gnas pa'i sbyor ba yis// gnas pa nam mkha'i mtshan nyid yin// des na khyed kyis rdo rje yis// dam tshig rjes su rig par bya/ / de ltar chos rnams dngos med ces// gsang ba'i de nyid don mkhas pas// rnam par smin pa ldog bya'i phyir// phung po de bzhin gshegs pas gsungs// de nas byang chub sems dpa' rnams/ / ngo mtshar rmad du byung nas ni// rngams pa yis ni mig gdangs te// tshig ni 'di skad ces gsol to// chos 'di ngo mtshar rmad byung ste// nam mkha' dang ni mtshungs pa yi// mi rtog rnam par dag pa yang // kun rdzob tu ni bshad par mdzad// dam tshig chen po yang dag gnas// dgongs pa lung ston mchog la ni// gang zhig yid 'ong bzod gyur pa// de ni de bzhin spyod pa yin/ / mchog tu dga' ba'i de nyid don// gsang ba chen po zhes bya ba// dam tshig tshul ni yang dag bshad// le'u dgu pa rdzogs pa yin// / de nas de bzhin gshegs pa kun/ / rdo rje gsum 'byung bcom ldan 'das// slar yang dgongs pa 'dus nas ni// bla ma chen po bcom ldan 'das// dam tshig rdo rje de nyid gnas// mngon par byang chub deng dpon nyid/ / sku dang gsung thugs gtsang gtso la// btud de de bzhin gshegs pas gsol// snying po sngags ni kun bsdus pas// gsang ba yang dag rdo rje gsum// dngos grub chen po'i tshul gyi mchog/ de nyid bcom ldan bshad du gsol// de bzhin gshegs pa kun ye shes// sku gsung thugs kyi dngos grub gsol// gsung gcig du ma'i rnam par rtog/ yang dag bsdus don de bzhin gsung / / de nas bdag po bcom ldan 'das// nyon mongs kun gyi rgya mtsho gtso// 'bar ba drag po spyan yangs pas// gsung ni 'di skad bka' stsal to// sku la sogs pa'i rdo rje gsum/ / sku dang gsung thugs sgom pa ni// mnyam zhing rnam par mi rtog pa// dmigs pa med cing gnas med pa'o// de nas mgon po bcom ldan 'das// rang bzhin dag pa'i de bzhin gshegs// pha rol phyin pa sngags tshul gyi// rdo rje zhes bya'i ting 'dzin la// dpa' bo chen po snyoms zhugs te// de bzhin gshegs kun la gsungs pa// gang phyir sangs rgyas bcom ldan 'das// de bzhin gshegs pa kun 'di na/ / mgon po mi bskyod la sogs pa'i// de bzhin gshegs pa du ma dang // rig pa bye ba khrag khrig ni// brgya stong du ma zhes bya dang // sems can don bya la rol dang / mchog ni de rnams ston par mdzad// phyogs bcu'i 'jig rten khams mchog tu// 'dod pa'i yon tan lngar ldan pas// rol cing dgyes par gyur pa dang // yongs su spyod pa yod kyang ni// sngags spyod pa la brtson rnams la/ / kye ma dpa' bo de bzhin gshegs// rang gtso gsang sngags spyod tshul mchog/ chos bdag med pa'i rang bzhin can// 'di dag rdzogs par gyur mnyam nas/ spyan ras kyis ni 'tsho mi mdzad// de ltar rnam par spyad pa'i don// gsang sngags brtul zhugs spyod rnams la// yang dag par ni byin brlabs phyir// de ni ston par mdzad 'di yin// de nas de bzhin gshegs pa mchog/ thub la phyag na rdo rjes gsol// mgon po de bzhin gshegs de rnams// so so skye bar gyur pa la// dngos po med cing dmigs su med// nam mkha'i khams dang mnyam gyur nas/ / 'dod pa'i yon tan lngar ldan nas/ ji ltar de rnams rol par mdzad// de rnams phyogs bcu'i 'jig rten du// nges par gyur pa'i 'khor rnams dang // sems can don gyi bya ba kun/ / 'dod pas ston par mdzad pa yin// mgon po 'dod pa'i yon tan rnams// sbyin sogs drug ces bya bar 'byung // thams cad dag kyang de nyid 'byung // pha rol phyin par mnyam gzhag nyid/ / de ltar pha rol phyin 'byung ba'i// 'dod pa'i yon tan lnga dang ldan// 'gro ba'i don gyi bya ba yang // 'dod pa lnga po 'di yis mdzad// 'di rnams kyis ni mgon po 'di/ / mi bskyod la sogs rgyal ba rnams// rol cing dgyes par mdzad pa dang // 'gro ba'i don yang mdzad gyur cing // 'jig rten pa dang 'gal bya rnams// de yang de bzhin mdzad gyur pa// dag pa rdo rje'i tshig mchog 'di/ / de rnams kyis ni rtogs par 'gyur// phyag byar 'os pa'i rig pa ni// nges par ldan pa nges par 'dod// yod med la sogs byed pa ni// gnyis gyur mtshan ma can du 'gyur/ / phyogs bcu lam du chos gsungs pa// gang zhig 'jig rten phung po lnga// khams la sogs par mtshon pa gang // gzugs sogs zhes bya'i ming can yin// 'di ni yan lag thams cad ni/ / bya ba nyan thos theg pa'o// de nyid rkyen gyi theg pa ste// tshig de ston par mdzad pa 'di// gang zhig rdo rje theg par gnas// de bzhin ji bzhin sgra ru 'dzin// shes rab pha rol phyin pa la/ / nges par 'byung ba'i tshul gsum po// chos sku ngo bo la sogs pa// mkha' dbyings mtha' yas rnal 'byor pa// gnas med gnas par sbyor ba yis// 'gro ba'i snying du rnam rol pa/ / zhi ba gcig la gnas pa'i mgon// 'khor ba dang ni cig shos spangs// sngags las yang dag 'byung ba de// mi bskyod la sogs par brtags rnams// dngos med gnas la gnas pas na/ / sgrub pa po rnams gzigs mi 'gyur// gsang sngags rkyen gyi sbyor ba yis// de ni rdzogs longs spyod gzigs 'gyur// bcom ldan gsang ba gsungs pa 'di// don de 'tshal bar ma gyur pas/ / rnam rtog du ma'i kun rtog las// chos nyid de yis shes mi 'gyur// ji skad gsungs pa mi shes pas// phyi dus skye bo la la smra// 'jig rten pa rnams drang bya'i phyir// gsang bar gyur pa bstan du gsol/ / de nas bcom ldan sna tshogs pas// lag na rdo rje grags pa che// dgongs pa'i don ni rtogs gyur pa// bu khyod shes rab chen po legs// gang zhig shes pas ma 'ongs pa'i// skye bo rnam par mi rtog 'gyur/ / tshig gcig la yang sna tshogs don// yang dag bsdus nas khyod kyis bshad// de nas dam pa bcom ldan 'das// bla ma kun mkhyen thams cad rig/ skyes bu dam pa de dag la/ spyan ras kyis ni 'tsho bya'i phyir// rdo rje gsum gyi gsang ba 'di// de bzhin gshegs pa kun gyi mchog/ sku gsung thugs kyi rdo rje yi// gsang ba yi ni mchog gi gnas// snying po sngags rnams thams cad kyi/ / bskul ba gcig pu zhes bya ba// de bzhin gshegs kun gsang gcig pu// mchog las mchog tu gsungs gyur pa// sku gsung thugs kyi yang dag rtogs// dam tshig la ni dmigs pa dang / / rdo rje 'dzin pa'i sku gsung thugs// dam tshig la ni dmigs pa dang // chos 'dzin pa yi sku gsung thugs// dam tshig la dmigs de bzhin no// nyid sku gsung thugs rdo rje las// tshig las nges par brjod pa ni/ / de nyid sngags su yang dag bsdus// sna tshogs gsung ba gzugs gcig pu// yi ge hUM ni sku gsungs la// de nas yi ge oM gsungs te// de bzhin mgon pos yi ge AH/ / swA ni de bzhin bzhi pa yin// hA yang 'dod lhar gyur pa ste// de ni 'di ltar sangs rgyas lnga// hUM oM AHswA de bzhin hA// 'di ni gsungs pa tsam gyis ni// sangs rgyas sras dang bcas pa kun/ / rab tu 'dar zhing brgyal bar gyur// de rnams gnyis med sbyor la gnas// rdo rje sems dpa' rjes su dran// zhi ba'i sbyor bar chos gcig pa'i// rnam par mi rtog chos gcig skyes// de nas bcom ldan 'das de yang / / de bzhin gshegs kun bdag po yis// de yi byin rlabs sbyor don du// dam tshig 'di dag bka' stsal to// nam mkha'i dbyings kyi dbus gnas par// dkyil 'khor bkod pa zhes bya ba/ / re re'ang gsum gyi sbyor ba yis// sgom par sbyor ba bsgom par bya// bye brag gsum po gcig brtags pa'o// bkod pa mi gsal ba nyid do// zla ba'i dbus gnas yi hUM/ rang gi gzugs gcig rab tu brtag/ rdo rje 'od zer rab 'bar ba// rnam par 'phro ba bsam par bya// sangs rgyas rnams kyi sku gsung thugs// snying la de yis rnam bsgoms nas// dpal ldan de 'dis cig der/ / rdo rje gsum gyi rdo rje 'dzin// rdo rje sems dpa' dbang chen gtso// 'di ni kun mchog chen por skye// rang gi sngags kyis bskyed bya ba// sngags kyi cho ga dam pa'o// snying po rang gi rdo rje sngags/ rdo rje bsdus pa zhes bshad do// rang sngags tshul las byung ba'o// skyes bu'i gzugs su bsgom par bya// sbyor ba bzhi po sbyor gcig pus// gnas bzhi dag tu de dgod do// kha dog gsum po zhal gsum lha'i/ / de nyid gsum gcig rnam sgom zhes// bcom ldan 'das mchog nam mkha' ni// rdo rje dam tshig gtso bos gsungs// de nas de bzhin gshegs pa mchog/ zhi ba'i bdag nyid thub pa che/ gtso la phyag na rdo rje yis// gsang ba 'di ni slar zhus pa// hUM oM AHdang swA hA zhes// de nas 'di ni gsungs gyur pas// sangs rgyas sras dang bcas pa kun// de nas rab 'dar brgyal gyur cing / rdo rje sems dpa' rjes dran pa/ thub chen de 'dir ji lta bur// mgon po de ni phyi dus na// ji skad gsungs pa mi rtogs la// gcig pu mkha' mnyam sangs rgyas dang // byang chub sems dpa' mthu chen rnams/ / rab tu 'dar zhing brgyal gyur zhes// byis pa rnams kyis mi rtogs so// lan brgya stong dang bye ba yi// grangs dag tu ni ston mdzad cing // ston pa sna tshogs ston mdzad kyang // 'dar zhing brgyal ba de ma gyur/ / ma 'ongs dus na'ang 'byung 'gyur ba// mi ni mkhas pa'i nga rgyal can// bla ma'i lung ni blangs nas su// rtags ni rang nyid 'dzin par byed// de ni sngags don gsungs pa yi// mtshan nyid gsang 'di mi shes par/ / sngags don de nyid mkhas pa yis// gzhan rnams la ni mi snyan sgrogs// 'khrul pa cung zad tsam mthong na// bzhad gang dag ni byed par 'gyur// reg na dug dang mtshungs pa yi/ / mi de zhi bar mi 'gyur ro// gang zhig yid ni rin chen 'dra'i// 'gro la phan pa'i sngags pa rnams// 'di ni ma 'ongs dus su yang // dngos grub mchog ni thob par 'gyur/ de rnams yang dag bsdu ba'i phyir// skad cig rjes gsungs grub don du// sbyor bar dgongs pa'i bsam pa can// bcom ldan 'di ni bshad du gsol// de nas ston pa bcom ldan 'das// 'gro phan phyag na rdo rje de ltar sbyor ba yang dag sbyor/ / sgom pa'i dngos po rtog byed pa// dbang po nyi ma thub pa nyid// gang zhig phyogs bcur gnas pa rnams// sras bcas sangs rgyas zhes bya ba'i// de bzhin gshegs pa thams cad gyur/ / phung po la sogs grangs mnyam pa'i// lus las skyes te yod pa 'di// stong pa'i rkyen du sbyor ba las// sangs rgyas sras dang bcas gyur 'dod// sngags de sngags pa sangs rgyas de// bdag nyid de sras yang dag sbyor// zhi sogs mnyam pa'i sbyor ba las// zhi ba'i bde ba de nas brtsam// bdag nyid rang bzhin gyis dag cing // rang bzhin dri ma med byas la// dal dang myur dang gnas pa yi/ / sna tshogs de gcig dag la gzhug/ yid dman rim la sogs pas kyang // sbyor ba de nyid dag la gnas// de nas dbang po med gyur pa// gang tshe zhi ba'i bde gcig pu/ rang bzhin dag pa'i sbyor ba ste/ / de yi chos ni lta ba po// de nas rdzogs longs spyod pa'i sngags// sangs rgyas thams cad 'jam las byung // gang phyir rang ni zlo gyur pa// yi ge hUM gi gsang sngags lnga// de tshe snying las rab 'dar zhing / / dbang po thams cad brgyal bar gyur// gang yang phung sogs yan lag ni// sras bcas sangs rgyas thams cad de// de nyid kyi ni grangs mnyam pa'i// rnal 'byor pa yi lus rab 'dar// nye bar mtshon sogs tshig rnams ni/ / phung po la sogs bshad pa gang // sangs rgyas sras bcas par gyur te// de ni brgyal zhing 'dar bar 'gyur// de gnyis la ni snyoms 'jug pa// sangs rgyas thams cad sras dang bcas/ / rdo rje sems dpa' nyid dran te// de sngags bdag nyid dngos las byung // de 'dir mchog tu bshad pa yin// rdo rje gsang ba rmad byung ba// phra mo'i snying gong dbus gnas par// dkyil 'khor rnam par bsam pa'o/ / de yi dbus gnas zhi ba yi// go 'phang mchog ni bsam par bya// de hUM zhes bya'i 'od po che// de yongs gyur pa'i rdo rje ni// 'di ni mchog gyur rtse lnga pa// rnal 'byor pa yis rtag tu sgom/ / rdo rje lcags kyu'i sbyor ba yis// rdo rje gsum ni bsam par bya// de yi snying khar bsdams nas ni// lha rnams rab tu bskul bar bya// 'di ni sangs rgyas thams cad kyi// rdo rje thams cad rab sgrub pa'o/ / 'khor lo pad+ma'i rigs sogs pa'ang // rol mo 'di ni dag pa ste// rdo rje lcags kyu rnams bsgoms nas// snying kha ru ni bskul bar 'gyur// rdo rje yi ni tshul mchog 'di// zhag bdun par du byas nas ni/ / ye shes rdo rje can gyi gsang // rdo rje gsum po yang dag sgrub// phung po la sogs sangs rgyas gang // de ni dngos po med lta ba// de nyid mchog gi gsang sngags kyis// skrag pa rnam smin mthong ba la/ / skrag pa mi rnams 'di dag ste// gsang sngags gnyis med sbyor gcig byung // mthong bas skrag ste mchog ster cing // 'di dag 'di nyid brtags pa yin// zhi ba gcig pu'i spyor ba la sngags lus rdzogs pa nyid gyur nas/ / yid la mgu zhing dag 'gyur ba'i// dngos grub rgya cher ster bar 'gyur// phung po la btags sangs rgyas dang // de bzhin byang chub sems dpa' rnams// sngags kyi sbyor ba'i don sgrub pas/ / rmongs pas 'da' ba byas nas ni// de yi srog ni der zad 'gyur// zhi ba nyid kyi sbyor gcig las// 'di ni 'jig rten 'das pa mchog/ de las bzlog pa 'jig rten pa'o// de nas bdag po bcom ldan 'das/ / 'jig rten gsum gtso ston pa po// 'jig rten gsum mchog rdo rje gtsos// gsung ni 'di skad bka' stsal to// gang zhig sngags kyi skyes bur bshad// rdo rje gsum gyi ye shes gzug/ 'di ni dbang po gnyis sbyor ba'i// gcig par sgom pa rtag tu byed// bdag dmigs sems can yod min pa'i// sngags kyi dbang po rnam sgom pa// dbang po gnyis sbyor bzang po ste// dngos po thams cad rnams brtags pa'o/ / 'di ni sangs rgyas thams cad kyi// sngags kyi dam tshig mchog sgom pa'o// rang gzugs rdo rje yang dag sbyor// rig ma dbang phyug bdag kyang sgom// gnyis med gnyis su med chags pa/ lta ba dam tshig dkyil 'khor ro// gsang ba zhes bya der sbyar ba// de nyid mnyam pa'i bdag nyid do// de nas ston pa bcom ldan 'das// thams cad dbang bskur dam pa ni// mi phyed rdo rje gsum grub pa/ gsang ba'i dgongs pa bka' stsal to// nam mkha' mtha' yas sbyor ba yis// phung po bdag nyid mi dmigs pa// chos kyi dbyings la sogs pa'i rim// bud med de ni rgya chen 'gyur// rab tu sbyor ba 'di yis ni/ / 'gro ba'i bud med ces bya ba// gsang sngags de nyid don gsang nyid// de ni gsang bar nye bar spyod// der ni yid 'ong sangs rgyas rnams// bye ba grangs med rdo rje 'dzin// sngags rig dam pa spro 'ong zhes/ / der ni bcom ldan gtso bos gsungs// byang chub sems dpa'i dam tshig ni// ston pa 'dir ni bla ma cher// 'jig rten pa la 'dir bshad de// 'jig rten 'das pa bzlog pa'o// nam mkha' lta bu'i byang chub ni// 'di yis shin tu 'thob par 'gyur// byang chub sems kyi yon tan mtsho// rdo rje sems dpa' mchog des 'thob// dgongs pa lung bstan gsang ba la// gang zhig/ sems ni dang gyur pa// gsang ba 'bad de yang dag srung // de ni rtag tu legs par byed// rdo rje gsum gyi gsang ba las// de bzhin gshegs pa kun gyi yang // de nyid bskul ba zhes bya ba// le'u bcu pa yin par bshad/ / / de nas ston pa bcom ldan 'das// rdo rje gsum mchog mchog gsal ba// de bzhin gshegs pa kun mchog cig/ nyi shu rtsa lnga mchog ces bya'i/ / ting nge 'dzin la snyoms zhugs nas// de bzhin gshegs kun rdo rje yis// sngags rig skyes bu zhes bya ba'i// le'u 'di ni bka' stsal to// sngags mchog de ni phyag rgya che// rdo rje gsum gyi ye shes sgos/ / rtogs dang bri ba 'thob pa'i phyir// rdo rje ye shes dag gis kyang // tshangs pa la sogs yang dag bshad// ye shes snying po dam pa ste// gsum sogs bshad gyur pa// sku yi rdo rje 'thob byed pa'o// AHdang zung ni gsung rdo rje// byang chub bdag med 'thob byed pa'o// hUM ni rdo rje gsum mtha' nyid// sku gsung thugs ni 'thob byed pa'o/ de ni 'jug sogs gnas nyid dang // ldang ba dag tu rab tu bshad// nyi shu lnga sogs ming can gyi// skyes bu'i gzugs su 'di 'gyur ro// de bas re re'ang gsum nyid de// rdo rje gsang sngags nyid du gyur/ / brjod med sa bon brgyad pa las// de ni nam mkha' las rgyal 'gyur// brgya phyed rlung ni gcig pu la// de las nges par nyi shu lnga// skyes bu nyid du byung ba na// mgrin bcu zhes bya'i ming can dang / / sgra sgrogs gsod pa'i dga' byed 'gyur// de nas tshangs pa gcig nyid gyur// tshangs pa khyab 'jug drag po ste// 'jug pa la sogs rim du bshad// 'di dag bsnyengs med de gcig pu/ / de ni zhi ba dngos med nyid// de las kyang ni yang dag 'byung // longs spyod rdzogs sku dam pa'o// de nas sngags gcig sprul pa las// 'gro ba'i don gyi bya bar 'gyur// mtshams dang skye mched nor lha'o/ / zla ba zung gcig rig byed de// de la sogs pa'i grangs gyur rnams// de ni rig pa'i skyes bur gnas// 'di rnams las gcig gzung nas ni// sangs rgyas rol mo bstan par bya// rdo rje sems dpa' de nyid 'di// nam mkha' rdo rje dbus su bsam// dkyil 'khor brgyan pa zhes bshad pa// yi ge b+h+rUM ni des bsam mo// rdo rje sprin ni spro bskyed pa'i// de bzhin gshegs pa drug gi sku/ de dbus gnas pa'i rnal 'byor par// sgom pa'i bdag nyid can gyis bsgom// sngags rnams kun gyi gtsug tor ni// sngags kyi skyes bu gsang ba pa// gcig pu nyid ni bdag por gyur// sngags spyod don ni sgrub pa po/ / chos 'khor lo gcig 'khor lo mchog/ rgyal dang rmad byung che gtsug tor// lus dang rnam par rgyal de bzhin// bya ba mchog tu yang dag bshad// sbyor dang bya ba gnyis med bzhin// sbyor ba 'ba' zhig nyid la 'di// b+h+rUM ni gtsug tor yin par bstan// ye shes rdo rje snying po 'di// dus sbyor gcig gi ming can no// nam mkha'i khams dang mnyam nyid ldan// sngags kyi skyes bu dngos grub stsol/ / rdo rje'i dkyil 'khor dbus gnas par// oM zhes bya ba de ru sgom// phra mo'i dkyil 'khor dbus gnas par// yi ge AHni rnam par sgom// chos kyi dkyil 'khor sbyor ba la'ang // yi ge hUM ni de ru sgom// yi ge bruM ni gnas ming can// rdo rje gsum 'byung bsgom par bya// gsang ba'i dam tshig de nyid de// rdo rje gsum 'byung bka' stsal to// snying po dus gsum sangs rgyas kyi// rdo rje gsum ni mnyes byed mchog/ sku dang gsung thugs thog ma mtha'// oM AHhUM gi grangs dang mnyam// sangs rgyas sku mchog gsung gi lam// thugs kyi ye shes 'jigs su bya// rang nyid 'don pa nyid du ni/ / re re zhing ni yang dag bshad// sngags kyi skyes bu'i sbyor ba yang // rgyu yi bdag nyid ming can yin// byang chub tshul mchog 'di yin te// sangs rgyas byang chub rab sgrub pa'o// / rdo rje ye shes sprul pa ste// sangs rgyas 'bras bu thob byed pa'o// sngags kyi rig pa zhes bsgrags pa// 'di ni sangs rgyas skyes bu yon// rdo rje gsum mnyam mi phyed pa// rdzogs pa la sogs sgom pa yi/ / de bzhin gshegs kun rdo rje ni// gsum po ye shes rdo rje stsol// byin rlabs dpal chen zhes bya ba'i// dam tshig ting 'dzin gyur pa yin// rnam par dben dang ci rigs pa'i// stan dag la ni sbyor ba bzhi// rig pa'i skyes bur yang dag sbyor// brtul zhugs can gyis kun tu brtsam// thabs dang shes rab nyi zla phyed// thun gcig tu ni rab tu brtag/ de yi phyed nyid zla phyed kyis// rdo rje gsum ni nges par 'grub// 'jig rten 'das pa'i rang bzhin nyid// 'jig rten pa'i yang phyin ci log/ rdo rje gsum sbyor stsol dngos grub// grub par 'gyur ba the tshom med// nam mkha'i rdo rje dbus gnas par/ / phra mo'i dkyil 'khor bsam par bya// rang gi sngags kyi dam tshig dus// bskyed pa yi ge oM bsgom bya// sbyor ba bzhi yi gtan tshigs gang // snying por yongs su brtags pa yin// sna rtse dang nirtsa ba nyid/ / spyi bo mtha' ni dga' ldan gnas// gcig dang gsum gyi dngos por 'gyur// dag pa'i gnas kyi grong khyer ba// phye sa gsum gyi ming can ni// rigs kyi dbye ba rdo rje gsum// sna yi rtse mo sbyor ba yis/ / rdo rje gsum sbyor brtul zhugs can// mA ma kI dang gos dkar mo// sgrol ma gtogs pa sangs rgyab spyan// 'od zer lnga yi sprin chen po// rnam par snang mdzad gnyis med gnas// rdo rje rnam snang de/ las ni// dngos grub rgya chen gsol bar 'gyur// sangs rgyas sku yi 'od 'dra ba// skad cig der 'grub rnal 'byor pa// ye shes lnga po bsten nas ni// rdo rje bskal pa gsum du gnas// ye shes 'das dang ma 'ongs dang / / da ltar byung ba rdo rje gsum// de 'dir bskal par brtags gyur pa// grangs med ces bya de nyid do// sku yi gsang ba de nyid 'di// 'jig rten 'das pa'i rim par gsungs// zhi ba'i bde las shes bya ba/ / rang myong sbyor ba gcig las de// sku yi gsang ba mchog 'di ni// de bzhin gshegs pa kun gyis gsungs// rdo rje 'od zer bkod pa yi// ting 'dzin yang dag bka' stsal to// / a dang u ni lkog ma'i dbus// rkan gyi steng gi ming can no// i dang tsa ni lag g.yon nyid// u dang mu ni g.yas par brtag/ ri dzu 'di ni gsang bar dgod// li ti rkang pa cig shos la// dkyil 'khor gcig ni de nyid do/ / dkyil 'khor lnga las rgyal gyur pa// ha ni lus skyes gtsug tor dang // gcod ni gsum po gcod pa can// yon tan bzhi yi bzhi po de// lnga po'i lnga po de 'gyur ro// nam mkha'i rdo rje gcig phyed sbyor/ / de ni 'od zer lngar 'gyur ro// rig pa chen po de nyid 'di// cha zhes bya bar de yongs bsgrags// dus can bdag nyid sbyor dbang po// de yi rang sbyor gzugs can gcig/ A ni thabs 'gyur sbyor ba ni/ / dbang po gnyis po gcig tu'o// nam mkha'i rdo rje dbus gnas par// chos kyi dkyil 'khor mchog bsam pa// rang sngags skyes bu bsams nas ni A ni ngag gi lam du bzhag/ kha dog lnga yis kun nas ni// brgyan pa'i rdo rje chen po dag/ 'jig rten dbang phyug mchog bsgoms pas// dam tshig ye shes bsgom par bya// gsung gi dam tshig spros par bshad/ / khyab bdag mi zad rtag pa ste// thog mtha' med pa'i mthar thug pa// zhi ba mya ngan 'das zhes bya// chos kyi gsung las rnal 'byor dbang // rdo rje chos dang 'dra bar 'gyur// ye shes lnga ldan bsten na ni// rdo rje gsum gyi bskal par gnas// gsung gi gsang ba 'di nyid ni// de bzhin gshegs pa kun gyis gsungs// dam tshig 'byung ba zhes bya ba// ting nge 'dzin du yongs su bsgrags/ / nam mkha' rdo rje dbus gnas mchog/ rdo rje'i dkyil 'khor dam pa ni// der ni rang sngags skyes bu dag/ hUM ni sems la gnas rdzogs bya// dam tshig chen po de nyid can// kha dog rnam lnga bsgom par bya/ / rdo rje kun dang rgyal ba'i gnas// ye shes rdo rje dag gis bya// ston pa rdo rje'i thugs 'dra ba// yang dag ye shes yon tan mtsho// ye shes lnga ldan bsten na ni// rdo rje bskal pa gsum du gnas/ / lkog ma rkan dang de nas mchu// spyi bo sa yi ming can te// rdo rjes gsum thugs gsang ba gcig/ de nas haM las zhugs pa yin// de bzhin gshegs kun ye shes ni// dam tshig rdo rje zhes bya ba/ / rdo rje ye shes gcig las byung // ting 'dzin gsang bar bshad pa yin// ye shes dkyil 'khor dbus gnas par// rdo rje chen por bsams nas ni// lus kun la ni khams dmigs na// rdo rje ye shes skye bar 'gyur// dngos po med don gsal byed pa// khams nyid kyis ni thams cad bshad// rlung gi rkyen dang kun sbyor las// khaM du'ang 'gro bar gyur pa yin// sangs rgyas byang chub sems dpa' yis/ / yang dang yang du mchod pa dang // rdo rje gsum gyi dam tshig gnas// gnyis med lhun gyi ngo bo nyid// sangs rgyas de bzhin nyid sbyor ba// so so ru ni yang dag gnas// nam mkha' rdo rje dam tshig che/ / chos rnams de ni mi gzigs so// sangs rgyas kun ni gnyis med rang // mi snang 'di yi dam tshig yin// dngos po med pa'i gnas thob na// sangs rgyas kyis kyang mi gzigs so// sku gsung thugs las yang dag byung // mi snang rdo rje gsum 'di yin// de yi bkod 'phreng zhes bya ba// ting nge 'dzin ni yang dag gsungs// ma 'dres pa yi chos bdag nyid// sku dang ldan pa'i 'od po che/ rdo rje dkyil 'khor dbus gnas pa'i// rang sngags skyes bu bsam par bya// haM ni rdo rje bzhir bshad pa// snying kha ru ni yaM mdzes pa// rtag tu sbyor bas gzhug pa ni// 'od zer rnam par bsgom par bya// sku gsung thugs kyi longs spyod ni// 'jam pa'i dam tshig rdo rje can// sa bcu rab tu gnas na ni// dgongs don de tshe kun tu byung // ye shes nyid ni zla ba 'di// byang chub sems dpa' rdo rje can// sdang ba can zhes bya ba yi/ / ting nge 'dzin ni yang dag bshad// nam mkha'i dbyings kyi dbus gnas par// b+h+rUM ni 'bar ba'i 'od bzang ba// mtshon cha mchog ni rdo rje yis// rdo rje sku dang 'dra bar 'gyur/ / 'di ni rdo rje mkha' 'dra sbyor// dam tshig bkod pa'i gnas gyur pa// ting 'dzin dam tshig mi snang ba'i// b+h+rUM ni yang dag 'byung ba bshad// sangs rgyas mngon par shes gnas pa// dam tshig tu ni yang dag bshad/ / mngon shes lnga dang 'dra ba ni// de ni skyes bu mchog tu 'gyur// sangs rgyas mngon shes mchog sgrub pa// 'di ni dam pa yin par bshad// de yi dngos grub thams cad kyis dngos grub chen po sgrub pa'i mchog/ nam mkha'i dbyings kyi dbus gnas par// sangs rgyas dkyil 'khor dam pa bsam// sangs rgyas dgongs pa'i mchog bsgoms la// yi ge oM ni bsgom par bya/ / rdo rje gsum gyi gsang ba 'di// yi ge oM ni mi zad gtso// 'di ni mi phyed sbyor ba yis// bsgom pas mi bskyod 'dra bar 'gyur// mi bskyod pa yi dam tshig mchog/ de sku byang chub rdo rje can/ ting nge 'dzin du yang dag bshad// de ni skyes bu dam pa yin// mi bskyod mtshungs pa'i sku dang ni// gsung thugs rtse gcig 'dzin pa las// 'jig rten khams ni thams cad du// rdo rje can gyis mchod par 'gyur/ / nam mkha'i dbyings kyi dbus gnas par// sangs rgyas dkyil 'khor brgyan par bsam// nam mkha'i rdo rje rab bsgoms te// de nas rdo rje rnam par bsgoms// rdo rje dam tshig gsum bsgoms pas/ / dkon mchogadapal dang 'od 'dra zhing // dkon mchog gsum dpal mtshungs pa yi// bcom ldan dkon mchog dpal 'dra zhing // sku gsung thugs sbyor rdo rje yis// ye shes gsang ba'i gnas su 'gyur// ting 'dzin dpag med las byung ba// rdo rje ye shes 'dzin de 'gyur// longs spyod dam tshig ces bya ba// rin chen rdo rje gcig tu 'byung // de nyid gsum gsang dgongs pa las/ / rin chen rdo rje de gnas 'gyur// nam mkha'i dbyings kyi dbus gnas par// sangs rgyas dkyil 'khor bsam par bya// 'jig rten dbang phyug rab bsgoms la// der ni chos kyi oM sgom mo// chos kyi oM ni de tshe yang // rdo rje gsum mnyam sbyor ba yis// rdo rje dpag med 'dra ba ni// bcom ldan dpag med rdo rje can// lus dang ngag sems rdo rje yis// dpag med tshe dang 'dra bar 'gyur/ / theg pa chen po lam gyi mchog/ 'gro ba'i don ni rab bsgrub pa// ye shes rgya mtsho dpal dang ldan// 'gro don gcig tu 'byung bar 'gyur// don yod pa yi dam tshig mchog/ sems can don ni sgrub gyur pa// 'od zer ye shes mchog ces bya'i// ting nge 'dzin du yang dag bshad// sems can khams ni ma lus pa'i// longs spyod kun tu 'gyur ba yi// nam mkha'i dbyings kyi dbus gnas par/ / sangs rgyas dkyil 'khor dam pa bsam// de ni rnam snang rdo rjer bshad// 'od zer der ni rab tu sgom// rnam par rgyal ba'i yi ge oM// 'od chen der ni rab tu sgom// de nas 'di ni rdo rje gsum/ / rnam par snang mdzad 'dra bar 'gyur// de ni bcom ldan mgon pos bshad// rnam snang rdo rje can de yin// rdo rje gsum gnyis med sbyor las// rnam par snang mdzad 'dra ba'i 'o/ / de nyid ye shes rdzogs byang chub// rdo rje sku gsum sgrub pa po// sku dang gsung thugs rdzogs byang chub// de la dmigs pa'i rdo rje can// ting 'dzin zhi ba nyid sbyor ba// 'gro ba'i / don ni rab sgrub pa'o// tshig gcig la ni sna tshogs don// sngags kyi de nyid gsal gyur pa'o// de nas de bzhin gshegs mchog la// de nas gsang ba'i bdag po ni// gsang dgongs rdo rje zhes bya ba thub pa che la slar yang zhus/ / oM AHhUM ni gsum la sogs// b+h+rUM sogs thog mar gnas pa yis// sku gsung thugs kyi rdo rje can// sngags kyi skyes bur de 'gyur ro// oM ni rnam snang rdo rjer 'gyur/ / AHni 'jig rten dbang phyug gtso// hUM ni rdo rje sems dpar ba shad// skyes bu rdo rje can du 'gyur// b+h+rUM ni gnas kyi mchog tu 'gyur// khaM ni nges par mi snang ba// haM ni 'jam dpal yang dag bshad/ / k+ShaM ni rdo rje bkod ces bya// rdo rje sems dpa' rin po che// 'jig rten dbang phyug dngos grub stsol// de bzhin mgon po rnam snang mdzad// oM la sogs pa lnga las skyes// oM AHhUM ni de nyid gsum/ / rnam snang rdo rje can gyur pa// sku gsung thugs kyi rdo rje grags// shin tu rnam par nges par bshad// gsang sngags dkyil 'khor rnal 'byor pa// lnga po bco lngar yang dag bshad// khrag gi sbyor ba las byung ba// gsang sngags skyes bu zhes bya ba// gsang sngags chen po'i sbyor ba yang // ting 'dzin skyes bu dam pa yin// sna tshogs sngags don de nyid 'gyur// phyag rgya gcig par dkyil 'khor te/ / de dag gsang bar bshad pa ni// dgongs pa gcig las yang dag 'byung // dga' ba gcig cing dga' ba'i ming // de dag ji ltar rtogs par 'gyur// mgon po rkyen dang bral ba'i mi/ / pi wang sgra ni mchis ma lags// de bzhin phyag rgya med pa ni// gsang sngags dngos grub mi 'byung ngo // brda gsum gyi ni de nyid 'di// gang gi don du rab gsungs pa// lag pa'i sbyor bas rab sgrub pa'i/ / phyag rgya ji ltar gnas par mdzad// sngags dang phyag rgya sbyor ba ni// phyag rgya gcig pu'i sbyor ba dang // gsang sngags gcig pus mi 'grub ces// khyod ni chos rnams ston par mdzad/ / 'dir ni sngags sbyor gcig pu las// phyag rgya bstan par ma mdzad na// gsang sngags gcig skyes dngos grub ni// 'jig rten pa rnams ji ltar sgrub// sngags la dmigs pa'i sbyor gyur pa// lha rnams kyis kyang sbyor las byung // 'gro ba'i don ni rab sgrub pa// yid bzhin nor bur lta bur 'gyur// 'jig rten 'das pa zhes bya dang // yang na shin tu 'jig rten 'das// mgon po 'jig rten pa rnams kyi ji ltar 'gro la de phan 'gyur/ / spyan drangs pa dang gshegs su gsol// 'dir ni ji ltar legs par brjod// gang gis 'dir ni dngos grub 'grub// lha rnams mngon phyogs ji lta bu// 'di dag ma 'ongs skye bo yis/ / gang zhig shes na yang dag par// nges par rnam rtog med 'gyur ba// mi yi skyes bu 'di dag gsungs// de nas mgon po bcom ldan 'das// dgongs pa'i gsang ba dam pa ste/ / phyag rgya'i nges pa 'jig rten pa'i// phyag na rdo rje la gsungs so// rnam rtog sna tshogs lcags zhes bya// nyes pa gsum tshogs bdag nyid las// gsang sngags skyes bu'i sbyor ba yis/ / de ni mi mchog dag tu 'gyur// gser 'gyur rtsi yi rnam pa yis// lcags ni gser du byed pa yin// de bzhin sngags kyi de nyid kyis// mi ni bder gshegs byed pa yin// nges byas sbyor ba'i gsang sngags ni/ / zhi bde dngos grub ster bar 'gyur// phyag rgya med pa'i sngags gcig pus// sngags kyi skyes bur 'gyur pa yin// dngos med pa las yang dag skye// sngags kyi skyes bu 'byung ba ste/ / 'di ni phyag rgya chen po ste// 'gro ba'i don ni rab sgrub pa'o// spyan drang bar ni bzhugs pa yis// myur ba yis ni gshegs su gsol// gnas pa yis ni de sgrub pa'o// yid ston dngos grub dam pa yin// de ni skyes bu'i sbyor ba yis// phyag rgya che dang gcig sgrub las// myur ba la sogs gsum ldan pa// de ni phyag rgya yin par bshad// 'bad de bla mas slob ma yi/ rna ba'i drung du bshad par bya// myur ba dang ni 'jug pa dang // gnas pa'i rjes su sbyor ba rnams// spyan drang ba dang gshegs su gsol// 'di dag phyag rgyar yang dag gyur// sgrub pa la ni myur la sogs// ci rigs pa ni nges par sbyar// phung po la sogs chos rnams kun// stong zhing rten 'brel las byung ba// mthong zhing de bzhin sbyor ba las// chos kyi skur ni de gnas 'gyur// 'dir ni gsang sngags sbyor 'gyur med/ / phyag rgya'ang chos sku 'di nyid yin// de lta na yang 'gro ba'i don// yid bzhin nor bu lta bur byed// 'on te rdo rje 'dzin gang zhig/ sbyor ba gsum dang ldan pa'i mi// spyan drang ba dang gshegs su gsol/ / de bzhin du ni gnas gyur pa'o// nye ba'i tshig ni spyan drang ba// ring nas lag par rab tu sbyor// de bzhin gsang sngags de nyid kyang // gnyis ka la ni yang dag sbyor// rigs kyi dbye ba sbyor ba yis// phyag rgya bud med yin par bshad// sems kyi rkyen sbyor bdag nyid ni// 'jig rten par ni rab tu brtag/ rang gi mtshan mar yang dag sbyor// rigs kyi dbye ba'i sbyor ba yis// phyag rgyas sa gsum la gnas pa/ / sa 'og klu yi bu mo yang // brtul zhugs can gyi sems kyis dgug/ gzhug pa'i rim pa nyid dang ni// de rnams gnas pa'i sbyor ba nyid// dngos med de nyid gcig pu yis// 'gro ba thams cad dgug par bya/ / gzhan yang gsang ba pa yi mchog/ sems kyi rkyen ni nyid ltos dang // dngos med byang chub 'thob pa la// gsang sngags med cing phyag rgya med// 'jig rten na ni rdog ci rnyed/ / dus gsum du ni kun 'byung ba// de ni dngos med sems gcig las// rnal 'byor pas ni skad cig rtogs// byang chub kun rdzob ma yin la// de las gzhan du'ang rnyed mi 'gyur// gnyis ka las min gzhan las min// mun pa'i sgron ma mtshungs par 'gyur// sems can bsam pa'i dbang gi sngags// gsang ba 'di ni rab ston te// de ni sgrub dang bsgrub bya dang / / rnam par mi rtog brtags pa'o// sems can kun gyi longs spyod du// sngags kyi skas bu rab tu gnas// nam mkha' mnyam pa'i sbyor ba ni// rnam par dben par rab tu brtag/ gsal dang mi gsal yang dag ldan// klung dang 'bab chu la sogs yin// mya ngan 'das pa gnas sbyor ba// dur khrod la sogs pa yi ming // 'di ni sngags rig mchog rnams kyi// bsam gtan bsdus las spyod pa'o/ / 'jig rten 'das pa de nyid 'dir// 'jig rten pa ni bzlog pa'o// mi bskyod ye shes la sogs pa// rdo rje nam mkha'i dkyil du bsam// mngon shes lnga yi sbyor ba yis// sangs rgyas mchog gi gnas su sgom// rdo rje mngon shes rdo rje che// dam tshig mchog tu bka' stsal to// rdo rje chen po rab mdzes pa// rtse lnga pa la de bzhin 'bar// rang bzhin lnga ru sbyor ba yis/ mngon shes lnga po 'gyur ba yin// mngon shes lnga yi ting 'dzin la// gnas nas bla na med pa brtag/ gtso bo me stag mang po 'khrug/ rang sngags 'khor lo bsgom par bya// rdo rje la rab dgod byas pas/ rdo rje mngon shes skye bar 'gyur// nam mkha' rdo rje dbus gnas par// 'khor lo rdo rje 'bar 'od 'dra// sangs rgyas 'jug par rab bsgoms na// sangs rgyas mchog dang 'dra bar 'gyur// sangs rgyas dkyil 'khor dbus gnas par/ / lus la rnam par snang mdzad gzhag/ snying khar yi ge oM bsams na// sngags la mngon shes sgom par 'gyur// 'gog pa rdo rje gyur pa'i sems/ nam zhig bdag nyid bdag las skyes// sangs rgyas kun mchog 'byung ba yi// dpal ldan yid bzhin nor bur 'gyur// sangs rgyas dkyil 'khor dbus gnas par// der ni mi bskyod rab tu sgom/ / hUM ni snying kha'i zla gnas par// bsams la sems ni de ru gzhag/ sangs rgyas dkyil 'khor dbus gnas par// tshe dpag med pa rab tu sbyor// AHni snying kha'i thig kher gnas/ / bsams la rdo rje'ang yang dag gzhag/ 'di ni dgongs pa'i mchog gi mchog/ rdo rje mi phyed gsum sbyor skyes// 'gog pa'i dam tshig ye shes te// sangs rgyas dngos grub cher 'byung ba'o/ / nam mkha'i rdo rje dbus gnas par// sangs rgyas dkyil 'khor bsgom par bya// sku gsung thugs kyi yi ge oM// bsams na bskal pa gcig tu gnas// nam mkha' rdo rje dbus gnas par/ / sangs rgyas dkyil 'khor bsgom par bya// lus dang ngag sems yi ge AH// bsams na bskal pa dag tu gnas// mkha' dbyings rdo rje dbus gnas par// rdo rje dkyil 'khor bsgom par bya/ / lus dang ngag sems yi ge hUM// bsams na de ni bskal par gnas// bcom ldan bdag po rdo rje gsum// dam tshig rtog pas de skad gsungs// dgu mtha' can gyi yi ge 'di/ / sngags kyi skyes bu mchog tu 'gyur// brjod du med cing ming med la// shes dang shes bya rnam spangs pa'ang // kun rdzob la ni legs gnas na// tshig gi sngags su 'di brjod do// rdo rje gsum gyi rdo rje can// rnal 'byor 'dir 'gyur phyin chad ni// gang zhig klog gam sems kyang rung // rdo rje ye shes lta bur 'gyur// ji ltar gsang ba'i rgyal dbang po/ / dgongs pa lung ston 'di gyur pa// sangs rgyas kun gyis de lung bstan// khyad par du yang byin gyis rlob// klog cing sgom dang ldan par ni// bris nas gang du 'jog gyur pa// de nas sangs rgyas thams cad kyi/ / rigs skyes rgyal ba'i sras su 'gyur// khams gsum thams cad bcom nas ni// myur ba de bzhin gshegs 'gyur zhing // 'khor lo sgyur ba'i bu bzhin du// byang chub myur du des 'thob bo// khams gsum sku dang gsung thugs kyi// sngags pa'i yan lag gyur pa ni// sangs rgyas 'dus la brten pa yis// de ni dngos po med par 'joms// dngos med gcig pu rdzogs longs spyod// phung sogs yan lag don las spyod// bde gshegs sems can spangs pa ni// sngags pa sngags las gyur pa yin// ji ltar nam mkha' rang mtshan nyid/ / skad cig kyang ni 'dor mi byed// de 'isangs rgyas thams cad kyang / rigs las skyes la byin gyis rlob// dgongs pa lung ston la gnas nas// gsang ba'i rin chen yang dag srung / / mig gzugs rang gi ngo bo nyid// spyod pa ci dga' byed par 'gyur// de bzhin gshegs kun ye shes ni// gsang ba'i dgongs pa'i ming can te// sku dang gsung thugs gsang ba dang / / gsang sngags dam tshig de nyid byung // de ni rig pa skyes bu mchog/ bcu gcig par ni yang dag bshad// ras ni bris dang mtshungs par 'byung // 'thob pa'i phyir ni le'ur gyur/ / de nas dpal ldan rnam snang mdzad// bskyed pa ye shes bla ma gtso// de nyid dam tshig mchog gyur pa// rdo rje gsung gis bka' stsal to// mkha' dang mtshungs shing mi rtog la/ rang bzhin gyis ni dam chos can// dngos med shin tu dri med la// dam tshig gcig tu gyur kyang ni// gar dang glu dang rol mo dang // dgod dang sgeg pas rab mdzes pas// 'jig rten sangs rgyas gar mkhan gyi/ / rol mo 'di dag rab tu sgom// gzhon nus bsgrubs pa'i sems can ni// ji lta ji ltar ston pa bzhin// gar sogs rtsed mos byang chub ni// myur du de nyid las 'thob 'gyur// 'dod pa'i yon tan lngar ldan pa// de yi ming ni yid ldan pa// dkon mchog gsum la skyabs su gnas// lhun gyis grub pa'i sangs rgyas 'gyur// sems can gang 'di mthong ba dang // thos shing reg par gyur pa ni// de ni u dum pa ra yi// me tog 'dra bar gyur pa yin// sems can kun gyi gtso bo 'di// gsung gi rdo rje chos nyid skyes// gcig dang du ma las grol ba// rten 'byung gsal bar byed pa yin/ / de nas gsang ba'i bdag mchog de// chos kyi de nyid rab ston pa// thub chen rnam par snang mdzad la// thal mo sbyar ba byas nas zhus// mgon// po de nyid bsdus pa las// rol mo 'dir ni gyur pa dang // 'jig rten pa de gar byed pa// gsungs te ma 'ongs skye bo ni// chos dbyings de ni gar min na// gtso bo ji ltar gar bgyid lags// rmongs pa'i 'jig rten rgyang phan gar// gsang mthon myos pas bskul ba yin// chos dbyings de ni glu min na// gtso bo ji ltar glu len 'gyur// rmongs pa'i 'jig rten rgyang phan gru// gsang mthon myos pas bskul ba lags/ / chos dbyings de ni rol mo min// gtso bo ji ltar rol mor 'gyur// 'jig rten rgyang pan rmongs rol mo// gsang mthon myos pas bskul ba lags/ chos dbyings de dgod ma lags na// gtso bo ji ltar rgod par 'gyur// rmongs pa'i 'jig rten rgyang phan rgod// gsang mthon myos pas bskul ba lags// chos dbyings de sgeg ma lags na// gtso bo ji ltar sgeg par 'gyur// rmongs pas 'jig rten rgyang phan sgeg/ gsang mthon myos pas bskul ba lags// de ltar rnam pa mang po la// gzhan rnams kyang ni sbyor byed cing // bza' dang min las sbyor ba yis// rnal 'byor pa ni bdag yin snyam// rdo rje yi ni tshig mchog 'di// yod med rab tu zhi ba nyid// de yi rang bzhin gcig sbyor ba dag/ yang dag mchog bsdus de nyid mchog/ de nas de nyid yang dag bzung // rnal 'byor rigs mchog rnal 'byor pa// de nyid gsum mnyam nyid sbyor ba// sangs rgyas kyi ni rol mo ston// sna tshogs tshul gyis rnam dgod pas/ / nor can ming ni nyams la sogs// gcig pu'ang dpag med dngos bshad pa'i// gar gyis skye dgu dga' bar byed// rdzogs pa'i byang chub sogs dngos grub// sna tshogs khyed kyis gsungs pa rnams// sems zhi ba yi rnal 'byor pa// de rnams lhun gyis grub par 'gyur// mgon po shes rab 'di srid du// thabs kyis mchil par nye bar sbyor// sngags kyi gzan gyi sbyor ba yis// khyed ni 'jig rten pa rnams 'dzin// shar du zin kyang mi rig pa// dgongs pa'i gsang ba dam pa ni// gzhan rnams la ni ston mdzad pa// ngo bo nyid ni gzhan min pa'o/ / phyi rol sngags don dngos grub ni// de nyid du ni tshol mod kyi// 'gal ba'i rjes 'jug chos nyid can// der yang 'grub par 'gyur ma yin// de rnams gsang ba mi srung zhing // sred pa yis ni ston par byed// bcom ldan 'das gsung gsang ba ni// gsang mchog tshig gis sgrogs par byed// khyod bka' las 'das dman pa rnams// sngags kyi nus pa rnam spangs pa/ 'jig rten pa rnams sdang 'gyur zhing // de rnams 'grub par 'gyur ma yin// sred pa 'am dad pa dag gis kyang // rkyen dang de bzhin nyan thos rnams// gsang ba la ni smig rgyu bzhin// rigs skyes gzhan yang ltung bar 'gyur/ / mgon po de ni der gnas shing // nyams shing blo gros dman par gnas// de nas tshig min gyur par 'byung // tshig gi bdud rtsi sbyor ba las/ / chos kyi tshul 'di thos pa dang // phyi nas 'jigs shing skrag par 'gyur// byang chub sems dpa' lhung 'gyur bar// bdag nyid che de byed par 'gyur// de bzhin byang chub 'gyur ba dang // sngags pa rnams kyang gsang ba lags// shes rab pha rol phyin sbyor ba// gsang ba mdo sde rnams smra ba// gdong g.yogs pa yi sbyor ba yis// de tshe chog gis rig skyes pa// gsang sngags la sogs chos rnams la/ / dad pa rnams ni skyed mi byed// log pa mkhas pa'i nga rgyal ni// byis pa phyi nas byed par 'gyur// a yi dog pa'i ras 'di ni// sbyor ba shes rnams kyi 'di ma yin// de rnams dad pas rjes 'jug pa// gtam dag yang ni byed par 'gyur// sgra ni g.yo yi tshul gyis na// rgyal po rnams ni slu bar byed// steng du g.yogs pa dag gis ni// brgyad gnyis pa la tshul du byed/ / de ni ma skyes pa yi bdag/ ras kyi rgyu med pa nyid ni// A yi dog ras nyid rgyal po'i// yang dag dngos grub byed pa'i mchog/ dam pa'i skye ba nyid mthong na// de ni longs spyod lam skyed min/ / de bas skye bo med gcig pu// bya ba'i sems ni rab tu 'jug/ der ni mche ba can mi 'gro// de la brtsal ba 'ba' zhig yin// rgyal po dngos grub chen po'i ras// bar chad shin tu mang po pa/ / bya ba de ni rnam par 'joms// sgrib pa med pa'i rnal 'byor can// de ni tshig de thos pa dang // rgyal po'i bar du yid dga' zhing // dngos grub chen po'i rigs mchog las// su zhig bdag ni zlog par byed// ras kyi bar chad byed pa dag/ de la chad pas gcad par bya// 'di la 'jigs pa'i sems bor la// skye bo med par khyed kyis ni// rgyal rigs dag gam rigs bzang ngam/ / ngag zhig mi bsrun rigs can rnams// dog pa med pa ras 'jig pa// de dag thams cad brlag par bya// de nas rgyal po sbyin pa ni// rgyud kyi slob dpon bdag nyid che// rin chen rin thang med lnga sogs/ / bde ba kun gyi 'bras bu'o// 'di yis gdong ni g.yogs nas su// rgyal po 'bras bu longs spyod cig/ A yi dog pa ras de byin// ji ltar skye bzhin rgyal po byas rin chen rin thang med blangs rnams/ / 'di ni ji ltar bzhag nas su// de nas de ni mi snang ba// rgyu ma can des ni de tshe byas// de la sogs pa'i sna tshogs tshig/ rigs skyes pa la de rnams smra// rang nyid 'jigs shing gzhan rnams kyang // skrag par byed cing the tsom med// de nas de bzhin gshegs bdag po// 'byin pa ston pa mnga' bdag gtso// phyag na rdo rje go byed pa// snyan pa'i gsung gis bka' stsal pa/ / rdo rje rdo rje chen po legs// rdo rje thal mo bstan byas te// rdo rje 'di ni zhus gyur pa// de nyid bsdus pa dam pa'o// rdo rje thal mo de nyid 'di// lung bstan bya yis de nyon cig de nyid gsum du gyur pa ni/ / rdo rje thal mor yongs su brtag/ de nyid gsum ni lnga gsum ste// tshangs dang khyab 'jug dbang phyug che// de ru nga ni lha gsum 'gyur// oM AH/ hUM dang grangs mnyam pa'i// gsang sngags 'jug pa thams cad ni// sna tshogs lus can gcig ming can// zhi ba nyid ni gang du ston// der ni nga yang gnas pa yin// dpral yon de la bzhin mi sdug/ de yi skyes bu ming ldan ming // de rnams lag pa'i dbus nas ni// mtheb sogs ji bzhin grangs su bshad// lag pa g.yon ni drag por 'gyur// g.yas pa de bzhin khyab 'jug ste// gnyis po sbyor ba tshangs pa yin// de bas yon tan gsum bdag dang // rig dang mchod sbyin snyan tshig ste// rig byed der gyur gsum du bshad// srid bsrungs zhi ba nga yin te// mthar ni 'gro ba gnas pa yin/ / lag pa gnyis pa 'di dag ni// bzhi pa'i phyed phyed rnam brgyad pa// byeng po'i tsham gyi haM mchog ni// rab tu zhi bar rab tu bsgrags// nyi ma zla ba mi rnams der// so sor yongs su bsgrag pa yin/ / yi ge phyed tsam mchog gyur dang // shis pa zhi ba skyon med pa// yon tan oM dang yi ge phyed// oM zhes gsal bar brjod pa yin// sna yi rtse mor yang dag ldan// gtsug mtha' dang ni lag par gnas/ / nyi ma zla ba'i sbyor ba las// ye shes me ni nges par skye// lce dang rkan gyi mtshan ma ni// sbyor las thar par de bshad de// A 'og tu a dang yang dag ldan// de steng yi ge A nyid de// thang ka ru ni ma bshad de/ / khyod ni yig phyed zhi ba nyid// yi ge oM ni tshangs pa ste// A ni khyab 'jug yin par bshad// hUM ni rlung du gyur pa yin// de nyid drag po zhes bya'o// zhi ba'i phyed phyed ces bya ba/ der ni bdag yongs bsgrubs pa yin// gnas dpa 'pho dang skye ba dang // gzhan gyi lus las yang dag 'pho// ye shes rang nyid me yin te// khyab par 'dzin pa de bzhin no// ral gri la sogs dngos grub der byang chub phyi rol nyid 'grub 'gyur/ / gnyis po 'di dag gnas pa yi// rnam dag 'di dag rab tu brtag/ tshangs pa la sogs pa rnams der// ma 'ongs pa rnams sgom par 'gyur// de ni mtho ris sogs 'gag pas/ / de bzhin 'byung ba sel ba yin// rnal 'byor pa rnams srog spangs nas// gnyis spyad par ni rnam par gnas// shin tu sbyor gcig gyur song bas// 'jug 'gyur ba ni drag po yin// nam dgag pa yi sbyor ba yang / / tshangs par gzhol ba'i bdag nyid can// mngal gyi gzugs gyur khyab 'jug ste// de yi dbus na dbus bzung ba// spu yi cha ni stong las gcig/ zhi de rnam par mi rtog nyid// thar pa gcig par de ston bya// thar pa'i ngo bo nyid ma yin// de lta bas na 'di log pa// zhi ba nyid ni sgrogs pa'o// ston pa de rnams phye nas ni// zhi ba'i chos rnams smra bar 'gyur// thabs chen de bzhin shes rab dag/ 'di 'dra mthong bar mi 'gyur ro// tshangs la sogs pa'i lha rnams kun// khyed kyi thal mo dag la gnas// de rnams phyag rgya ston byed cing // sngag ni bye ba mtha' yas pa// 'di nyid du ni nyi zla dang / / sbyin sreg las can me dang ni// lo dang zla ba'i sbyor ba dang // rtag tu 'char dang 'phel 'grib dang // de nyid gsum gyi sbyor skyes 'di// de nyid gcig pu rnam par gnas/ / zhi ba nyid kyi sbyor chos la// de yang gcig dang du ma spangs// khyed kyi thal mo las byung ba// de bas de ni 'da' mi bya// de bzhin gshegs kun spangs 'gyur bas// de ni spong bar mi bya zhing // 'di dag dngos med la ltos pas// rnal 'byor pa ni mchog tu 'dod// gzhan du rnam rtog nyid las ni// dngos grub 'bras bu'i snod mi 'gyur// de bas thal mo sbyor ba 'di// sems can rjes bzung dam pa yin/ / ma bsdus pa yi sems can rnams// bsdu ba'i don du khyod kyis bya// smad bya 'on pa lkugs pa dang // de bzhin long bar gyur pa dang // gang zhig 'phye bo la sogs gyur// de rnams la ni phan phyir bya/ / de la sogs pa mdor bsdus pa// de ni khyed kyi thal mor gnas// de ni 'jig rten 'das gtsor gyur// de nyid bsdus pa'i rgyun can no// de ni nang min phyi ma yin// gnyis min gzhan gyi rgyu las min/ / phyag rgya tshogs pa las skyes min// 'jig rten rkyen las byung ba min// rdo rje thal mo bsdams pas na// ming ni rdo rje thal mo gyur// sems can rnams kyis rtogs dga' ba'i// snying po brtag par bya ba'i mchog/ phyag rgya 'di lta bu 'di yin// phyi nang gnyis kyis ming can no// mi bskyod rin chen dpag med de// dngos grub rnam snang de bzhin gshegs// 'di dag lag pa g.yas pa yi// mthe'u chung la sogs rnams la gnas/ / gnyis pos gcig gyur dge 'dun te// de ni skyabs ni gsum yin te// sangs rgyas chos dang dge 'dun rnams// gcig dang gsum du brtags pa yin// phan tshun bcings pa'i rdo rje nyid/ / shes rab thabs kyi gnas mchog yin// thal mo bcings pa tsam gyis kyang // sangs rgyas thams cad nyid thob 'gyur// skyabs mchog gsum dang de nyid gsum// rdo rje gsum dang rnam thar gsum/ / zhal gsum mdog gsum spyan gsum dang // lha gsum dang ni khams gsum dang // dus gsum dam tshig mchog gyur gsum// tshul gsum dkyil 'khor gsum du 'gyur// sbyor ba gsum dang lam gsum ste/ / ji srid rtogs pas brjod pa rnams// de ni thal mo sbyor 'di yin// 'dod nor yon tan gsum gyi mchog/ rim dang bslab pa ster ba dag/ ma 'ongs skye bos 'thob par 'gyur// de nyid du ni der 'gyur na/ / gcig dang du mar rnam par spangs// chos bshad bshad pa dngos med pa// 'gro ba rkyen gyis yang dag sdud// 'di ni mkha' ltar rang bzhin gcig/ gnas med gnas pa zhes bya ba/ / bsdu ba byas par gyur pas kyang // sku gsum don gyi chos nyid do// 'di ni thog mtha' med ste// dngos po med cing gnas med pa// mtha' med zad pa med par 'byung // sku gsung thugs kyi rkyen las ni/ / rnam pa'i 'jug pa'i ye shes te// de las sangs rgyas snying por gyur// hUM gis sems can yang dag 'byin// sangs rgyas skur ni rab tu brtag/ oM ni thams cad sdud pa ste/ / A ni gnas pa par 'gyur ro// gcig pu rnam gsum de bzhin lnga// gsal dang mi gsal sbyor ba ni// rten 'brel chos nyid 'di yin te// de nyid kyi ni sngags bshad pa'o/ / zlos na bsam gtan rnam bral bar// de yi lhun grub 'bras bu ster// rang bzhin grub pa 'di yin te// 'dod pa'i bzlas par de bshad do// rnal 'byor pa la de gsal te// byis rnams de la phyin ci log/ rkyen las byung ba de nyid gsum// dngos po med par de bshad do// de nyid bsdus pa bshad pa ni// yid min pa yi bzlas par 'gyur// yid ston gcig ni mdor bsdus las/ / rings dang dal dang gnas pa rnams// zhi ba'i chos nyid la skye ste// nam mkha'i dbyings dang mnyam par thim// dngos po med pa'i de nyid 'di// rten 'byung chos zhes bya ba yin// longs spyod rdzogs pa'i bsdus te gyur// sprul pa bsam mi khyab ces dben// sdud pa por ni gang gyur pa// de yang phul du gyur pa'i ming // rdo rje la sogs yang dag sbyar// sems can rnams ni de sbyor byed/ / dam tshig la sogs sngon de ni// de nyid kyi ni rdo rjer sbyar// sems can dgongs pa'i sbyor ba yis// de yi chos rnams ston par byed// rnam pa dgu po thog mtha' can// sdud pa po rnams byas pa yin/ / gsang sngags de nyid gnas dgod pas// sems can rnams ni der 'jog ste// gsol ba 'debs dang phyag 'tshal dang // 'jig rten rnams la gsol ba dang // rdzogs sangs rgyas rnams mnyes byed de/ / khyod kyi thal mor gnas pa yin// gang zhig sems can sangs rgyas gyur// de bzhin gnyis med chos nyid can// gnas med gnas pa'i sbyor ba yis// thams cad sangs rgyas rnams gnas so/ / sna tshogs mtshon pa de nyid do// mthong ba gsal byed thal mo yin// de bas de rnams mgu gyur pa// chos kyi de nyid rkyen las so// rgyu med rang gi de nyid 'di// khyed kyi phyag rgya'i sbyor las byung / / gang zhig shes pas 'dod 'grub pa'i// dngos grub des ni 'thob par 'gyur// A nyid der ni mi gsal ba'i// rgyu las sbyor bar gyur pa yin// dog par de ni yod bshad de/ / dngos po med par ras kyi ming // 'phags pa gshin rje gshed bsgoms la// gzhon nu'i gzugs su'ang bsgom par bya// dog pa de yi ras don las// mi snang ba la sogs grub cing // yid bzhin nor bu 'dra ba'i mchog/ 'gro ba'i don gcig yang dag byung // A yi dog ras mtshon pas ni// 'jig rten pa la dgongs pas bshad// 'di ni chos dang rdzogs longs spyod// sprul pas de ni gsum du 'gyur// byis pa rtogs par bya ba'i phyir// de ni rnam pa lngar yang 'gyur// tha mal byis pa'i chos rnams gang // rnam lnga gcig pa'i rnal 'byor pa// de yang shin tu ldan sems can/ / sems can sogs la rnam par gnas// rtag pa ltar ni so sor snang // 'gro ba dus gsum mtshan nyid gcig/ skye ba med las skyes pas na// gcig dang du ma rnam spangs pa'o// shes 'dod de tshe sngags pa ni// 'gro ba byis pa de tshe spyod// de nas gsang sngags grub 'gyur ba// rnam par mi rtog cig shos nyid// ya yi sde sogs gnas byas te// sngags ni na ri bri bar bya// rang gi sde bcas gnas dag ni// yi ge a bzhin sngon 'gro ba// so so gzhan pa'i bzhi pa ni// i u dang ni ring por bcas// a ai au u ya ste mtha'// bzhi po dang bcas zlum por bri/ / bsam gyis mi khyab sbyor ldan pa'i// 'gro ba mnyam gzhag bskyed pa yin// 'di dag rang skyes gnas gzugs kyi// chu yi yi ger zhugs par 'gyur// de nas gzhon nu'i gzugs nyid kyang / / rnam par bsgoms pas skye bar 'gyur// cha bcas dbang gnas sngags pa ni// bla med dngos grub 'thob par 'gyur// ra ga yi ni grangs bzhin du// skud sogs sbyor la gang gnas pa/ / nyi shu yi ni sngon ma yang // de ni ras te bzhi pa'ang yin// sngon med cha lugs gzugs kyis ni// khams gsum dag ni lta bar 'dod// 'gro ba'i don ni byed gyur pa'ang // mnyam nyid ye shes de nyid las/ / yon tan gsum ni brdar byas pa// yon tan med pa'i yon tan ming // gzhon nu'i spyod pa'i lus kyi ming // lta ba 'di ni bar skyes// de ni sgo glegs mtha'i yin te// e u dang ni ring por bcas// yi ge gsum bcas thig ler ldan// tsheg drag mtha' yi ring sde can// yi ge a ni yig sbyor ba'ang // bcu gcig par yang gyur pa yin// de nyid ring po ring po'i mthas// bcu gnyis pa yi grangs su 'gyur// de nyid yi ge ur sbyor las// yi ge au zhes brjod pa yin// snga ma'i ri mo'i sbyor ba yis// ming ni bcu bzhi par 'gyur ro// ci ste a las sngags pas ni// AHnyid du ni blta bar bya// de bzhin A yi sbyor ba las// yi ge a ni ci 'dod par// ji bzhin grangs kyis yang dag blta// re re'ang a yi sbyor bas bsgo// i ri li u'i tshogs las kyang // sngags pa ya ra la wa'i gzugs// lkog ma mkha' dang bar dang ni// rkan dang spyi bor gang gnas pa// gang tshe a ka'i sde grangs las// a yi kha yi rgyab na gnas// i tshan phrag pa lag pa dang / / tshigs rnams la ni de bzhin no// dpung pa dang ni lag pa dang // lag pa g.yon par rab tu brtag/ dpyi dang baR+Ya dang byin pa dang // rkang pa g.yas g.yon de bzhin no// gzugs de yi/ ni grangs mnyam pas// ta tshan shin tu dngos grub ster// u tshan de bzhin dbus dang ni// lag pa ru ni yongs su bshad// rkang pa yang ni ri ti'i tshan// 'das pa'i tshul du bzhugs pa yin// de bzhin nyid kyi sbyor ldan pa'i// sngags pa rnams kyis shin tu mthong // lhun gyis grub pas dngos grub pa// me tog gis mdzes 'phreng ba bzhin// rang rgyud kyi ni nang nyid du// lha mchog dag ni bya ba yin/ / dgongs pa la sogs rnam pa kun// de nyid las ni bdag 'grub 'gyur// tsha ba'i bzhi bzhi snga sbyor bas// mkhas pa yi ni sgo rnams bya// ka tsa Ta ta pa tshan yang // dbus dang shar la sogs sngon 'gro/ / 'gro la phan pa'i 'dod pa yang // ma spel bar ni mthong ba yin// thams cad kyang ni rdzogs yi ge/ yi ge hU yis mchod par bya// sna tshogs pa ni 'byin byed cing // 'gro ba dus gsum gcig pa'i dngos// yi ge a ni lus su bya// lhag ma rnam pa dang bcas pa// mtshams med lnga yi sbyor ba las// sngags pa 'gro ba phan par ston// sha thog mthar gnas sngags las skyes/ / dbang bskur gsum po spyi las skye// gzugs med rtogs pa'i chos rnams ni// skad cig gcig gis nges sbyor gyur// de tshe dkyil 'khor med byas pa// 'jig rten pa rnams chos dgar 'gyur// a ku ha gnas byang phyogs gnas// yod pa nyid kyang dus gsum 'das// gang dang gang nas byung ba yi// gsang sngags bsam pas mi khyab gsungs// de dang de ni bzhugs gyur pa// rang gi mtshan ma cig shos nyid/ / gzugs med 'di la gnas yod pa// cha ni gsum zhes bya bar 'gyur// steng 'og phyogs kyi cha rnams su// dngos med pa ni rnam par gnas// dngos po gcig gyur mthong ba dang // 'gro bcas tshangs pa 'gro bdag nyid/ / tshangs pa'i gnas pa bzhi po las// smon lam la sogs bsgom bya ba'o// 'gro ba don gtogs 'dod pa'i yon tan gyur rnams la// dgyes pa'i bde mchog dga' ba'i 'dod pa mdzod/ / sngon chad mdzad pa'i smon lam rab mchog dgongs nas ni// thub pa rdo rje'i tshig mchog rnam par dbye bar gsol// nor bu rin chen dag gis rnam brgyan sku yi mchog/ 'gro ba'i don byed sring mo bdag la brten par mdzad/ / lhag pa'i snying rje las byung rab mchog ldan pa'i sku// bdag ni yongs su bzung la chos rnams don yod mdzod// sring mos kyang ni khyad par du// de ltar bskul ba tsam gyis ni// de nas yongs su 'dzin mdzad de// rig pa'i pad+ma dpal du mdzad// shin tu snyan cing yid 'ong dbyangs kyis ni// phan pas myur du 'gro ba gnyis med 'dir snod gyur// bla ma bdag ni gal te gson par mchis bzhed na/ / dga' ba las byung chos dga' ba dag la dgyes par mdzod// 'gro ba dang ni 'ong dang gnas pa tsam 'di ni// nam yang lhod par gyur pa dag gi mnga' ba lags// kun tu song ba'i bdag nyid can gyi dam tshig ston/ / 'dod pa'i yon tan rnams dang khyed bdag 'dod pa mdzod// dgongs pa'i ye shes rdo rje yis// sangs rgyas yon tan gcig la bzhugs// bzlas brjod sbyin sreg de bzhin 'khrus/ / dkyil 'khor yongs su brtags pa mdzad// 'dod pa med cing chags la zhi// de yang don dam dag gyur yin// spyod dus de bzhin sngags pa ni// bzlas brjod dngos po med pa yin// bsnyengs pa yang ni yid bzang ldan// mda' dang rig byed yon tan dang // phung dang zla dkyil rnal 'byor pa// dbyangs kyi yi ge gzhag par bya// ha yi sde tshan ka sde dang // bcu gnyis phyed phyed dag tu sbyar/ / gshin rje gshed kyi gzugs 'di ni// nyi ma'i dkyil 'khor dag la dgod// de nas sngags pa mdun 'dug ste// dgongs pa'i don gyis brtag par bya// phung po khams la sogs lta ga/ brda las ji ltar lus yin bzhin// ma byin len pa byang chub sems// kun rdzob bstan pa brdzun smra ba// phung po srog chags gyur pa ste// tshangs pa'i gnas bzhi bud med yin// mi sbyin tshig dang rkang pa ste// de bzhin rten pa nyid kyang ni// dus gsum sbyor ba gcig pu ru// sngags pa yis ni de bya'o// bshang ba zhes ni yul la bshad// gci ba zhes ni dbang po yin// de dag za bar bshad pa ni/ / ma skyes gcig pur mthong ba'o// khrag ni pags par yang dag bshad// sa bon lus zhes bya ba yin// rkang ni sems kyis kun rtog pa// za ba dngos med gyur pa'o// smon lam dbang gis 'di rnams ni/ / bi mu ra shu pa sa 'di// lha rnams sbyor ba'i chos nyid du// bdud rtsi zhes ni brjod pa yin// dgongs pa yis ni bshad pa la// byis pa rnams ni yi ger rtog/ rdo rje theg la gnas khyod kyang / / chos nyid de yang mi shes so// rtog pa kun las rnams 'das pas// chos kyi dbyings te mkha' dang mtshungs// de 'dra 'jig rten rgyang phan pa// mthon po'i gsang gis rtog par byed/ / yi ge gang gis mi gang zhig/ 'gro la gsal bar rtog byed pa// 'gro don gcig pa'i sbyor ba las// de nyid kyis ni de nyid mthong // gang zhig rnam smin smin pa yi// sems ni dngos grub la gzhol ba/ / rdzogs longs spyod pa'i skur sbyor las// dngos po med pa nyid du byung // bdag nyid bsam gyis mi khyab gzugs// kun rdzob don gyi gnyen por 'byung // sprul pa'i lus las bsngags pas ni/ / sgyu ma bzhin du ston par byed// gsang ba'i dgongs pa de nyid 'di// 'jam dpal ye shes dam pa'o// rdo rje gsum gnas sbyor ba yis// sgom pa'i bdag nyid can gyis sgom// nam mkhar brtags pa'i rnal 'byor la// phung po dgon pa chen por 'dod// gnas med gnas pa'i sbyor ba yis// de bzhin nyid gnas sa phyogs yin// longs spyod rdzogs pa'i dpag bsam shing // dngos grub sna tshogs me tog ldan// sprul pa'i 'bras bu shin tu mdzes// yang dag rdzogs pa'i byang chub ri// dngos med dben pa nyams dga' ba// rdo rje zhes bya des bsgrub bya// phung sogs yan lag thams cad de/ / sangs rgyas 'byung ba dngos grub gyur// sngags 'don par ni gang gyur pa// bsdus pa sngags ni gcig pu pa// lus sogs rdo rje gsum la ni// rdo rje 'jam pa bsgom par bya/ / lus la sogs pa rdo rje gsum// de nyid gsum nas spro bar bya// rdo rje gsum dang legs sbyor las// 'jam pa'i rdo rje 'dra bar 'gyur// nam mkha' mtha' yas yang dag rtog sems sbyor ba ni dpag tshad yin/ / lnga bcu gnyis gyur gang yin pa// brgya po rgyab nas mngon phyogs la// ci rigs gcig pa'i yang dag rtogs// sna tshogs rdo rje 'bar gcig stsol// dpag tshad brgya yi khyon tsam du/ / 'bar ba'i rdo rje snang ba yis// sa la sogs pa brgyan pa ni// de ni snang ba zhes bshad do// tshangs pa dbang po la sogs lha// dad pas de la phyag kyang byed// 'di ni mi snang byed pa ste/ / ting 'dzin 'jam pa'i rdo rje nyid// rnam par smin pa ldog gyur cing // ji skad gsungs pa 'grub par 'gyur// phung po la sogs grangs mnyam par// mi bskyod la sogs rab tu brtag/ bshang gci spyang las der gyur pa// gang zhig dam tshig ces bya'o// dam tshig rtse bya de dag mchog/ mi phyed rdo rje gsum 'byung bas// dkon mchog gsum ni mnyam byas te// bdag med pa yang bsgom par bya/ / dkon mchog gsum ni lcags gsum yin// bdag med ces bya kha yin te// gang 'di rnam rtog gcig nyid du// bcug pa ril bu yin par 'dod// sangs rgyas rnams kyis mi phyed pa'i/ / sgom pa sems kyi dam pa'o// de ltar de nyid shes bsgoms nas// skad cig gis 'jam rdo rjer 'gyur// 'khor lo 'od 'phro mtshungs par 'gyur// rang gi sngags kyis rnam bsgoms nas/ / sangs rgyas kun gyis gnas bsgoms nas// sangs rgyas 'dra bar 'gyur bar bshad// sum cu rtsa drug gnas sbyor ba'i// ri rab kyi ni rdul phran rnams// de snyed de yi rjes 'brang rnams/ / dam tshig rdo rje zhes bya'o// gnas ni lha yi sbyor ba ste// sna ni ri rab ces bya'o// bdag nyid chen po sum cu bdun// nam mkha' spro ba bsam mi khyab// 'jam pa'i rdo rje bdag po ste// 'di dag 'khor du gyur pa yin// 'jig rten pa yi ngo bo ru// phyi yi ri rab brtag pa yin// dam tshig rdo rje zhes bya ba'i// 'khor lo'i ting nge 'dzin ces bya// 'khor lo dngos grub rnyed sla ba// skad cig sbyor bas sgrub pa'o/ / rdo rje chen po rang sngags kyis// dkyil 'khor dbus su rab bsgoms pa// rdo rje kun gyi gnas mchog ste// thugs kyi rdo rje 'dra bar 'gyur// ri rab sum cu rtsa drug gi/ rdul phran ji skad yod pa yi/ / de snyed bud med de yi ni// gsum 'gyur gnas su 'gyur ba yin// khams gsum gyi ni rdo rje che// drag po yis ni phyag byas 'gyur// rdo rje dam tshig ces bya ba'i// ting 'dzin 'di ni yang dag bshad/ / pad+ma chen po 'dab brgyad pa// rang sngags rdo rje las byung ba// chos rnams kun gyi gnas bsgoms na// rdo rje chos dang 'dra bar 'gyur// sum cu rtsa drug gnas sbyor ba'i/ / ri rab rdul phran grangs snyed kyi// sangs rgyas rdo rje mchog gi ni// dkyil 'khor la ni bdag nyid 'jog/ gos med mnyam nyid ye shes kyi// rdo rje pad+mo gru bcas sbyin// so sor rtog pa zhes bya ba'i/ / ting nge 'dzin ni yang dag bshad// shin tu grangs med bskal par ni// grangs kyi ming gis gnas par ni// gnas shing sgom par byed pa yin// de yi ye shes lngar ldan pa/ sangs rgyas kun gyis dgongs pa ni// 'jig rten phan phyir gsungs pa rnams// phyogs bcu'i sangs rgyas mtha' yas pa'i// yon tan gsum ni yongs su brten// 'od zer lnga yi mdog 'dra ba'i/ / rang sngags las byung ral gri ni// blo ldan lag par de bzhag na// rdo rje rig pa 'dzin par 'gyur// rang gi sngags kyi khongs chud 'di// ho ho hUM de khams gsum pa// pad+ma spangs pa'i tshangs pa cher/ / rnal 'byor pa de 'gyur ba yin// khams gsum kun gyis cher mchod cing // tshangs dang lha min phyag byas pa// stong gsum mi yi mchog gcig pu// dbang chen po yi tshangs par 'gyur/ / thugs kyi rdo rje mchog bsgoms pas// dngos grub ji ltar 'dod pa dag/ sku gsung thugs kyi rdo rje las// de ni de ma thag tu 'thob// rang gi rdo rje ting 'dzin 'di// dngos med gcig pu yang dag byung / / byang grol la yang de mi gnas// ral gri kha dang 'dra bar 'gyur// oM ni ril bu tsa na ka'i// 'bru tshad tsam du bsams nas ni// dbus su rang gi lha yi gzugs/ / bsams te khar bcug rnam bsgoms na// byang chub ye shes 'od po che// blo ldan de ma thag tu 'gyur// 'dzam bu chu bo'i gser mdog gam// nyi ma 'char ba'i mdog 'dra ba'i// tsan ka yi 'bru tshod tsam// yi ge'i dam pa AHbsam mo// de yi dbus su lha yi gzugs// khar bcug nas ni rnam bsgoms na// byang chub ye shes 'od po che// de ni de ma thag tu 'gyur// 'dzam bu chu bo'i gser mdog dang // nyi ma 'char ka'i mdog 'dra ba'i// nam mkha'i dbus na gnas pa yi// tsa na ka yi 'bru tshod tsam// yi ge hUM ni rnam bsams te// dbus su rang gi lha bsams nas/ / khar bcug nas ni rnam bsams na// rdo rje sems dpa' 'od po che// dpal ldan de ma thag tu 'gyur// 'dzam bu chu bo'i gser mdog dang // nyi ma 'char ka'i mdog 'dra ba'i// rnam par snang mdzad mkha' dbyings kyi// dkyil 'khor dbus su rab bsgoms la// lag tu 'khor lo rnam bsgoms na// 'khor lo'i rig pa 'dzin par 'gyur// rdo rje'i sku mdog sbyor ba yang / / 'di ni ye shes mchog sgrub pa'o// 'khor lo chen po'i rigs bsgoms te// ye shes rdo rje dag gis bya// 'dzam bu chu bo'i gser mdog gam// nyi ma 'char ka'i 'od 'dra ba'i/ nam mkha'i dbyings kyi dbus gnas par// rdo rje mi phyed rab bsgoms te// lag tu rdo rje bsgoms na ni// rdo rje'i rig pa 'dzin par 'gyur// rdo rje mchog gi sgrub pa 'di// rdo rje sku yi sbyor ba las// rdo rje rigs kyi mchog bsgoms pas/ / ye shes rdo rje dag gis bya// nam mkha'i khams kyi dbus gnas par// rI chen la ni rin chen sgom// de nyid lag tu legs bzhag na// rin chen rig pa 'dzin par 'gyur/ / rin chen mchog gi sgrub pa 'di// rin chen sku yi sbyor ba las// rin chen rigs kyi mchog bsgom pa// ye shes rdo rje dag gis bya// nam mkha'i dbyings kyi dbus gnas par// tshe dpag med pa rab bsgoms la// lag tu pad+ma bsgoms na ni// pad+ma'i rig pa 'dzin par 'gyur// pad+ma mchog gi sgrub pa 'di// pad+ma'i skur ni sbyor ba las// pad+ma'i rigs chen bsgoms pa ni/ / ye shes rdo rje dag gis bya// nam mkha'i dbyings kyi dbus gnas par// don yod mchog ni rab bsgoms la// lag tu ral gri rab bsgoms na// ral gri'i rig pa 'dzin par 'gyur/ / dam tshig mchog ni 'di sgrub pa// sku yi dam tshig sbyor ba las// dam tshig rdo rje rigs bsgoms pa// ye shes rdo rje dag gis bya// bsgrub bya'i rdo rje'i dbye ba yis/ mdung thung rdo rje lcags kyu sogs// sku gsung thugs kyi sgrub pa yis// bsam gtan nyid kyis sgrub par 'gyur// dam tshig chen po 'byung ba yis// dam tshig dngos grub ces bya ba'i// mi phyed rdo rje gsum dbang phyug/ sna tshogs bcom ldan 'das kyis gsungs// sdug bsngal dang ni kun 'byung nyid// 'gog dang lam ste bzhi po ni// lam gyi bzhi mdor yang dag bshad// sgrub pa po ni gnas ming can/ / shing gcig drung du yang dag rtog/ chos dang rdzogs spyod ming can du// sna tshogs mtshan gcig yang dag dgod// mtshan ma rkyen gyi gzugs can no// 'byin dang rngub pa nyid dang ni// gnas/ pa yis ni nyer mdzes pa// yid ston pa yi mnyam sbyor la// rab tu zhi ba'i zhi gnas su// dus gsum rtog pa gcig las 'das// rdo rje lcags kyu khyad par dang // sgrub pa po ni rtag tu sgrub// sbyor gsum sngags kyi skyes bu ni/ / sbyor gsum rdo rje can bsam pa// sku gsung thugs kyi lcags kyu'o// sangs rgyas ye shes blo can gyi// mi gsal gsal bar yang dag ldan// de bzhin nyid kyi ngo bo las/ / 'gro ba thams cad dgug par bya// rlung gi dkyil 'khor mchog gnas pa// sangs rgyas dgug pa dam pa yin// gnas med gnas pa'i sbyor ba yis// de nyid sngags don rnal 'byor pas// 'gro ba 'dod pa'i longs spyod kyang // mi gsal sbyor bas sbyor bar byed// gang yang dam tshig phyogs rnams ni// mkha' dbyings dbye bas gnas pa rnams// de nyid rdo rje bkug nas ni// sngags rig pas ni sprad par bya/ / nam mkha'i khams ni dgug pa 'di// dam tshig chen po rdo rje can// sngags kyi de nyid gcig sbyor las// lcags kyu de rnams 'grub par 'gyur// dam tshig rnams ni dgug pa'i mchog/ rgyal gnas lcags kyu bsams nas ni// rnam par snang mdzad 'khor lo che// rdo rje pad+ma la sogs bya// me long lta bu'i sngags pas ni// sangs rgyas sku ni rnam par sgom// lag tu sku dang gsung thugs kyi/ / lcags kyu la sogs rab tu sgom// de ni sbyor ba 'di nyid kyis// de nyid las ni lha rnams dgod// de ni de ma thag tu yang // dngos grub kun ster las byed 'gyur// sku dang gsung thugs thams cad ni/ / mtshan nyid gcig par bsgom par bya// lce yi rdo rje sbyor ba yis// gsung gi rdo rjer de mnyam sgom// brtul zhugs can gyis phyi nang gnyis// gsang ba'i mchog mchod do/ / dngos med dam tshig sbyor ba yis// ji lta ji ltar rab sgrub pa// dam tshig gsum gyi rnal 'byor pa'i// de ni yang dag yin par bshad// gsang ba'i snying po bsdus pa yis/ / dngos grub kun gyi mchog tu 'dod// bcom ldan dam tshig chen po yi// rnal 'byor pas ni de skad gsungs// de nas phyag na rdo rje ni// go byed gsang ba yang dag gsungs// gang zhig shes na rnal 'byor pa'i/ / mnyam gzhag mchog ni 'thob 'gyur ba'i// gsang dbang de nyid dam pa yi// de ni de yis yang dag bshad// rnal 'byor chen po gcig bdag nyid/ / nam mkha' dang ni mnyam pa'i gnas// byas na dam tshig yang dag pa// sha chen la ni yang dag sbyar// dngos med pa yi sha chen gyi// dam tshig mchog la gnas nas ni// blo ldan padag nyid sgom pa ni// rdo rje dngos grub longs spyod ster// rdzogs longs spyod yul bshang ba yin// de nyid ye shes dbang po gci// dam tshig 'di dag nyid kyis ni// rig pa 'dzin pa'i gtso bor 'gyur/ / longs spyod rdzogs phung las byung ba// glang po'i shar ni de rab brtag/ dam tshig gcig tu legs sbyor las// mngon shes lnga bdag thob par 'gyur// dbang po gnyis ni rta sha ste/ / dngos med de nyid las sbyor las// dam tshig gcig tu legs sbyor na// mi snang gnas kyi mchog tu 'gyur// dgongs pas cig shos zlos pa yin// phung sogs yan lag gang gyur pa/ / dngos med de ni khyi sha yin// dam tshig gcig tu yang dag sbyor// dngos grub thams cad rab sgrub pa'o// rdzogs sangs rgyas can pa lang sha// khro bo'i rgyal po 'grub par 'gyur// dam tshig gcig tu yang dag sbyor// rdo rje dgug pa'i dam pa'o// 'di ni 'jig rten par gyur las// dgongs pas cig shos bzlog pa yis// sha chen dang ni bshang gci dang // glang po rta khyi ba lang dag/ mi rtog gcig pa'i sgrub pa yis// dam tshig gcig tu de 'grub 'gyur// brtan pas 'di ni sgrub pa ni// sngags kyi longs spyod rnal 'byor pa// rdo rje sbyor ba'i gsang ba yis// sgrub pa 'di dang ldan par 'gyur/ / de ni sangs rgyas byin rlob cing // rnam kun rdo rje can gsum dang // snying khar ye shes dam tshig dang // dbu rgyan la ni rdo rje 'dzin// sangs rgyas thams cad tshim 'gyur ba'i/ / 'di ni dam tshig sdom pa'o// dngos grub thams cad ster ba'i mchog/ dam tshig mchog 'dis rab tu bya// dam tshig kun gyi dam pa ste// rdo rje zas kyi ting 'dzin no// de nas 'gro la phan pa'i mgon/ / gtso bo rnam snang chen po la// gsang ba'i dgongs pa dam pa ni// rdo rje 'dzin pas slar yang zhus// gang zhig spyi bor brtags pa ni// gcig pu nyid du gyur pa des// ri rab sum cu rtsa drug tu/ / mu stegs rnams kyis 'tshal mi 'gyur// rang gi bstan bcos brda yis ni// phyi rol pa de rnam rtog la// ting 'dzin brtags pa 'di dag kyang // 'di la rang gi ngo bo med// tshangs sgo mdzod kyi rgyud la ni// ri rab gcig dang bcas par bshad// byis pa mchog ni rmongs byed pa// gsung 'di skye bo ltung bar 'gyur// de nas bcom ldan bdag po 'dis// rdo rje can la slar gsungs pa/ / legs so rdo rje legs pa che// skyes bu dam pa khyod legs pa// rkyen dang nyan thos theg pa dang // 'dir ni nga yis gsal bshad pa// sangs rgyas kyis bshad ye shes dag/ theg pa chen po mi mthong ngo // tshad yod dang ni yongs chad pa'i// rang gi lus la gang bshad de// ye shes de rnams dri med 'dod// khron pa'i rus sbal zhes bya'o// nam mkha' dang ni mnyam ye shes// rdo rje theg pa bla med pa// mchog sbyin nga ni khyed bzhin du// rgya chen de yis mi mthong ngo // rdo rje theg pa rgya mtsho ste// de yis yang dag ma mthong bas// rang gi lung ni tshang ma yis// gzhan yod pa ni min zhes smra// theg pa che la gsang ba rnams// srang la bcal te de smra ba// de rnams sngon bzhin gsal min zhes// nga yi tshig las bltas te smrangade nyid rjes su gzung ba'i phyir/ / rdzogs sangs rgyas la sgom pa rnams// gang gis shes na rtog med 'gyur// gsang ba dgongs pas gsungs pa yin// sngags kyi de nyi don byang chub// sna tshogs dngos grub 'bras bu star// dgongs don ji lta ji lta bar// de ni nga yis yang dag bshad// dam tshig rdo rje lce la ni// rdo rje can gyis hUM bsams te// rnal 'byor pas ni bdud rtsi lnga/ / zos na rdo rje gsum thob 'gyur// AHdang oM gyi gsang ba dag/ 'di ni rdo rje gsum mchog ste// 'di lta bu yi sbyor ba yis// rdo rje sems dpa'i 'od chen 'gyur// 'di ni rdo rje bdud rtsi yi/ / 'phreng 'gyur dam tshig rdo rjer bshad// rdo rje sems dpa' yang dag 'byung // ting nge 'dzin ni bshad pa yin// rdo rje gsum gyi dam tshig mchog/ sku gsung rdo rje can du 'gyur// de nyid sems can thams cad kyi// yid bzhin nor bu'i rgya mtsho che// 'jig rten khams ni thams cad du// sangs rgyas sku dang 'dra bar 'gyur// rdo rje dam tshig dngos grub mchog/ rdorje bdag nyid de snang byed/ / gang+gA'i klung gi bye ma snyed// sangs rgyas zhing ni thams cad du// grub nas 'di ni der sbyor ba'i// rig pa 'dzin par de 'gyur ro// sku yi rdo rje sgom bdag nyid// grub mchog dam tshig la gnas pa// mi snang gyur pa kun gyi mchog/ stong gsum dag ni snang bar byed// lha yi bu mo mchog phrogs nas// sangs rgyas rnal 'byor mar legs sbyor// gang+gA'i bye snyed ces bya ba'i/ / rdzogs pa'i sangs rgyas ma lus kun// dpe de dang ni grangs gcig pa// sangs rgyas dus gsum rnam spangs pa// lag tu skyu ru ra gzhag bzhin// rdo rje mig gis mthong 'gyur/ / sangs rgyas zhing ni gang dag tu// sgra grag pa ni ji snyed pa// rna ba la gnas ma nor bar// skad cig gis ni de kun thos// gang+gA'i byi snyed zhing dag dang // sku la sogs pa gsum gyis mtshan/ / sems zhes bshad pa'i sgom pa mchog/ sems can rnams kyi de nyid rig/ bskal pa gang+gA'i bye snyed du// sangs rgyas rdo rje mchog gis 'gengs// rdo rje bsam mi khyab sngon 'gro/ rang gi rna ba sems bcas pa// gang+gA'i bye ma'i ming can gyi// gnas kyi dngos po bshad pa yin// sangs rgyas rnams kyi mngon shes nas// 'di ni yang dag bka' stsal to// mngon shes drug ni don grub bo/ / de ni sangs rgyas 'dra bar 'gyur// gang+gA'i klung gi bye snyed kyi// 'khor rnams kyis ni rab mdzes pas// sku sogs rdo rje gsum 'di ni// 'jig rten khams rnams kun tu spyod/ / yid rton bden gcig bsnyen pa ste// de nyid gsum mnyam gnyis med pa// brten te dam tshig gcig gyur pa// ye shes nye bar sgrub pa'o// yid rton mnyam pa'i sbyor ba las/ / sgrub pa yi ni dam tshig 'gyur// 'bras bu mngon sum byas sbyor ba// sgrub pa chen po bzhi pa'o// rkyen dang nyan thos mdo sde pa// 'di dang ldan pa rab tu bsngags// sems la dmigs dang 'dir sbyor ba// skad cig gis kyang de 'grub 'gyur// bsnyen pa'i dam tshig sbyor gcig dang // nye bar bsgrub par gang gyur dang // sgrub pa'i dam tshig nyid dang ni// sgrub pa chen po bzhi pa yin// 'di la yang dag 'jug 'gyur ba// ji lta ji ltar 'jig rten sogs// sa dang shing gi rin chen sogs// lha nyid du ni rab tu brtag/ chos kyi dbye bas shes par bya/ / rdo rje ye shes sgrub pa po// bsten pa'i dam tshig yang dag sbyor// byang chub mchog ni rnam par sgom// gzugs dang sgra dang de bzhin dri// ro dang reg bya chos rnams la// dngos grub mchog ni rnam dpyad pa/ / de ni nye bar sgrub par 'gyur// sngags bdag gang yin bsgoms nas ni// bskul ba sgrub par 'gyur ba yin// rang sngags rdo rje can gyi gzugs// 'di ni sgrub pa chen por 'dod// bsnyen pa rdo rje bdud rtsi dag/ sngags pas kun tu brtag par bya// dngos grub 'dod pas gnas pa ni// dbu rgyan la ni mchog gang bsam// 'di ni sngags rnams thams cad kyi// de nyid gsum gsang yang dag 'byung / / sngags kyi de nyid don gnyer ba'i// sgrub pa pos ni dben pa bstan// sna tshogs lung gi yang dag rtog/ sngags ni dgon pa chen por 'dod// de yi dpag bsam shing longs spyod/ / sa phyogs zhes ni yongs su bsgrags// mkha' dang mnyam pa'i sbyor ba ni// rnam pa'i dben pa chen por bshad// ri 'or rdzogs pa'i sangs rgyas dang // de rigs dngos med las byung ba'o/ / de 'dra'i dben pa'i mtshon pa ru// der ni 'od chen rnam gnas te// gnas med pa yi sbyor ba yis// rtag tu dngos grub thob par 'gyur// bcom ldan rdo rje'i sgrub pa ni// chen pos de skad bka' stsal to/ / dgon pa chen po'i sa phyogs sogs// 'jig rten pa rnams smra ba gsal// bsnyen pa sku yi brtul zhugs mchog/ blo dang ldan pas rdo rje bzhis// rdo rje gsum gnyis med sbyor bas/ / bsgoms na dngos grub 'thob par 'gyur// me long zhes bya dgon pa che// rin chen zhes bya dben pa'o// chen po zhes bya 'od dpag med// don yod pa ni ri 'or yin// chu ngogs dag pa'i chos kyi cha/ / gnas lnga dag tu rab tu brtag/ ji srid don ni sbyor ba bzhis// yi ge oM ni sdom par 'gyur// ji ltar nam mkha'i mtshan nyid gcig/ rang gi mtshan nyid 'dor mi byed/ de bzhin de nyid gsum bzhi'i byed// yi ge oM gcig sdom pa'o// gnas med gnas pa zhes bya ba'i// oM gcig gis ni 'gro la khyab// de nyid mi gsal sbyor dbang po// gtso bo rang nyid zlog pa yin// la la glang po spangs nas ni// rjes la dbyibs ni tshol bar byed// de bzhin ma 'ongs sngags pa ni// oM las sdom pa bzhin du 'dod// gcig gnyis gsum dang bzhi dang lnga/ / dus thub de bzhin nor can dang // phan tshun sbyor gnas brjod pa las// bsam mi khyab pa'i grangs su 'gyur// bcom ldan gcig kyang du ma ste// tshig tu brjod pa rnam par spangs/ / brda tsam du ni oM zhes bya// dngos med sbyor ba'i chos nyid yin// chos dang longs spyod sprul pa ste// sku gsum du ni yang dag bshad// gsum po yang dag 'dzin pas ni// des na oM ni sdom pa yin/ / dang po gcig pu mi bskyod dgod// de nyid sdom par gyur pa yin// brda ru brjod pa sna tshogs pa// bsams nas sdom pa kun tu bshad// mi phyed nam mkha'i sbyor ba yis// bsam dang gdon dang rnam par bral// rten 'brel rig las yang dag 'byung // rjes bcas zhes bya de bsgom bya// rtag tu 'byung ba'i ye shes gzhag/ mig la sogs pa bdun brgya la// g.yas dang cig shos zla phyed de// shes rab thabs kyang sgrub pa'o// 'di dag zung gyur zla ba ste// rdo rje ming can phyed dang gnyis// de ni sbyor ba 'di nyid kyis// dngos grub sbyar du thob par 'gyur/ zhag ni thub pa sla phyed dang // zla gcig zla ba phyed gnyis pas// 'jig rten pa yi zhag dbye bas// rgya cher ngas ni bshad pa yin// gsang ba mchog las byung ba ni// zla ba phyed kyis sgrub par gsungs/ / de nyid nye bar 'grub bshad pa'i// sdom pa'i yul ni dam pa yin// gang tshe shes rab thabs ye shes// de bzhin nyid shes las byung ba// sangs rgyas sku 'dzin dpal dang ldan/ / rdo rje mi phyed gsum bsgoms pas// rdo rje byin rlabs mdzad par 'gyur// 'das dang ma 'ongs sangs rgyas dang // gang zhig phyogs bcur bzhugs pa rnams// chos sku mchog gi rnal 'byor pa/ / sangs rgyas de rnams byin gyis rlob// 'das pa rnams ni chos sku yis// bsam mi khyab pa'i phyogs na bzhugs// sngags mchog bsam gyis mi khyab pas// ma 'ongs rnams kyis byin gyis rlob/ / sangs rgyas gsum la dbye ba ni// cung zad tsam yang yod ma yin// 'on kyang dngos med las byung ba'i// sngags pa rnams la byin gyis rlob// phyogs bcur bzhugs pa'i sangs rgyas rnams/ / mi phyed rdo rje gsum bsgoms la// sku ni ji lta bar 'tsham pa// de ltar byin gyis rlob par mdzad// rig dang ma rig yang dag ldan// srog la sogs te bcu gnyis bshad/ / dus kyi nyis 'gyur lam la sogs// de nyid zla ba la sogs 'gyur// zla ba la sogs grangs mnyam pas// nyi ma bcu gnyis ming can yin// khyab 'jug de nyid dbye ba yis// lam rtsom pa'i ni brtags pa yis// de nyid du ni sgrub pa mchog/ sdom pa yul zhes bshad pa yin// sngags dang dngos med de byed pa// mgal me 'khor lo bskor dang mtshungs/ / rtog pa las byung de 'di ni// dngos med pa ni bsgoms pas so// ma 'ongs pa yi skye bo ni// lha yi gzugs la 'dud par byed// mig dang de bzhin rna ba dang // lce dang de bzhin lus dag dang / / pags pa rkang par yang dag ldan// 'dzin pa dag ni mi nus pa// lta dang nyan dang dri dang ro// reg bya rnams ni dngos med pa// rang bzhin sems med gyur pa yi// 'jim gzugs sangs rgyas sku can te/ / 'on kyang 'gro ba'i bla ma'i sku// sangs rgyas byin gyi byin rlabs kyis// de bzhin sngags sbyor bdag nyid can// dngos med rdo rje'i sku nyid yin// shing dang sa dang rin chen sogs// rang gi lha yi gzugs byas la// rang gi chos ni spangs nas su// tshig gi lam de ston par byed// sku gsung thugs dang ldan pa mchog/ cho 'phrul de la ga las byung // de nas dang sogs yang dag pas// slar yang de la gsol 'debs kyang // gsol ba 'debs pa tsam gyis ni// de dang 'dra bar ga la 'gyur// phyi rol chos la gang zhig dga'// lha rnams thams cad spong ba yin// de ltar sku las sku byung ba/ / dpal ldan chos 'di'ang gsum gyi lam// byin rlabs pa dag longs spyod na// gsung gi rdo rje can du byed// 'das dang ma 'ongs sangs rgyas rnams// phyogs bcu na ni gang bzhugs pa// byung dang 'byung 'gyur de rnams ni// mi phyed gsum gyi lam du 'gyur// yid rton bde ba zhi bdag nyid// de bzhin nyid shes las byung ba// yi ge gcig ni gsum drug 'di// rang nyid 'gro ba'i khar brjod do/ / de yis byin gyis brlab pa'i gnas// rdo rje mi phyed rdo rje can// gang gzhan sangs rgyas kyis gsungs dang // 'gro ba'i sgrar ni 'di gyur te// dus gsum bzhugs pa'i sangs rgyas rnams/ / rdo rje mi phyed gsum rnal 'byor// gsung gi rdo rje mi phyed pa// rdo rje can mchog de byin rlob// 'jug pa gnas pa'i sbyor ba dang // ldang ba dang ni yang dag ldan// gsung gi rdo rje dngos med pa/ de ni sangs rgyas byin gyis rlob// ji ltar 'khor los sgyur rgyal ni// tshig gis lam gyi las byed 'jug/ gsung byin brlabs pas sngags pa ni// de bzhin don yod nyid du byed// der ni yang dag bshad pa 'di/ / sgrub pa chen po zhes bya ba'o// sangs rgyas de rnams byin rlob pa// sdom pa yul ni dam pa'o// rdo rje thugs ni 'dzin rgyal po// de ni bdag la byin rlob mdzad// mi phyed rdo rje gsum sbyor bas/ / nam mkha'i khams dang mnyam pa'i gnas// gang zhig byung dang 'byung 'gyur ba'i// phyogs bcur bzhugs pa'i sangs rgyas rnams// de yi byin gyis brlab pa'i gnas// lan gsum las ni byung ba mdzad/ / sku yis ston pa'i mdzad pa mchog/ rang sangs rgyas ni sgom pa yin// mdo sde pa dang nyan thos kyi'ang // smra ba sgrub pa por gyur yin// sems ni rnal 'byor ldan mchog gis// 'gro ba'i don ni rab sgrub pa'o// 'gro 'ong gnas dang bral ba ni// rdo dang sa dang dbyig byed pa// lus la sogs pa mtshon pa yis// 'on kyang de ni gsung du 'gyur// sems dang lus dang mi ldan pa'i// de bzhin nyid ni 'gro don can// sku gsung thugs kyi rdo rje gcig/ gyur kyang so sor brtan pa yin// sangs rgyas rdo rje chos dag gam// de bzhin rdo rje sems dpa' yang rung / / sku gsung thugs kyi sangs rgyas sogs// rdo rje gsum po mi phyed brtags// de 'das rmongs pa'i bdag nyid can// so sor rtog pa 'gags par 'gyur// sku la sogs pa'i grangs mnyam par/ / sangs rgyas kyang ni gang rtogs gyur// stong pa shin tu sbyor ba yang // de ni gsal bar the tsom med// sna tshogs sbyor gyur sngags rnams ni// gang zhig stong par mngon sum byed// 'das pa dag ni de thams cad// rmongs pa'i bdag nyid de 'gas 'gyur// nyan thos rang sangs rgyas rnams kyi// byang chub bsdus nas bshad pa yin// 'jig rten pa yi gang bshad pa// mdor bsdus pa ni 'di yin no/ / sangs rgyas yang na rdo rje chos// yang na rdo rje sems dpa' yang rung // rmongs pas 'di las 'das na ni// de ni 'gags par the tshom med// dgongs pa lung bstan la gnas nas// gsang ba dam pa yang dag srung // lhun gyis grub pa'i sbyor ba yis// dngos grub mchog ni bsgrub par bya// sku la sogs pa'i gsang ba mchog/ rdo rje sbyor ba zhes bya ba'i// dam tshig sgrub pa'i mchog bstan pa'i/ / le'u bcu gnyis gsungs pa yin// dgongs pa lung bstan pa zhes bya ba'i rgyud rdzogs so// / rgya gar gyi mkhan po d+har+m+ma shrI b+ha dra dang / zhu chen gyi lo tsa ba dge slong rin chen bzang pos bsgyur cing zhus te gtan la phab pa/

CLOSE WINDOW