བོད་ཡིག

e-texts based on the ACIP/ALL Input

(/rim pa bzhi pa'i rnam par 'byed pa bzhugs/) //*/ /rgya gar skad du/ ao la tsa tu sta ya bi b+haM ga nA ma/ bod skad du/ rim pa bzhi'i rnam par 'phyed? pa zhes bya ba/ bcom ldan 'das mkha' 'gro dang mkha' 'gro ma rnams la gus pas phyag 'tshal lo/ /gang gis nyi zla'i dkyil 'khor dang/ /bdud bzhi mnyam par mnan mdzad pa'i/ /gang mdzad de la phyag 'tshal nas/ /rim pa bzhi ni gsal bar dgrol/ /e baM ma yA zhes bya ba ni/ zhes bya ba la sogs pa la/ 'dir e baM ma yA ni/ re zhig thun mong ma yin pa'i theg pa 'di la sdud par mdzad pa ni/ byang chub sems dpa' phyag na rdo rje yin la/ de yang dgongs pa'i skad kyis/ e dang baM ni sdud par mdzad pa'i gsung ma yin gyi/ rdo rje 'chang gi bzhugs pa'i bzhugs gnas brdas bstan pa yin no/ /de yang tshig mdzes pa dang/ legs pa dang/ nges pa'i tshig dang/ sdeb sbyor la mos pa rnams dang/ lha rnams yongs su smin par bya ba'i ched du brjod par bya ba'i gtso bo thabs dang shes rab kyi dngos po ni/ yi ge gnyis kyis bstan pa yin la/ de nyid tshig la bltos pa med pa dang/ spros pa spong ba rnams la de nas gsang ba bshad par bya zhes bya ba la sogs pa yi ge gnyis kyi tshig las gzhan par rgyud de dang/ de las gsungs pa yin no/ /de bas na rdo rje 'chang nyid kyis gdul bar bya ba'i skye bo la dgongs nas dgyes pa'i rdo rje la sogs pa'i rgyud kha cig tu yi ge gnyis kyis bshad de/ de yang dngos po rnams chu dang rlung dang/ nam mkha' rnams kyi bsdus pa ni pha las byung ba ste baM ngo/ /sa'i khams dang/ me'i khams dang/ ye shes kyi khams rnams ni ma las byung ste e'o/ /de bas na e baM ngo/ /de bas na sdud par mdzad pa'i gsung ma yin par bstan pa'i phyir/ e ni las kyi phyag rgya'o/ /baM ni chos kyi phyag rgya'o/ /ma ni phyag rgya chen po'o/ /yA ni dam tshig gi phyag rgya'o/ /zhes bya ba smos so/ /de la e ni rno ba yin pa 'am/ 'og gi chal gnas pa 'am/ b+ha ga'i rnam par gnas pa 'am/ gru gsum du gnas pa 'am/ nam mkha' ltar stong par gnas pa 'am/ gcod cing 'bigs pa'i rang bzhin yin pa'i phyir ram/ sred ba'i rang bzhin yin pa'i phyir/ de skad ces bya'o/ /de yang ji skad du/ 'bum phrag lnga'i kye'i rdo rje las/ shes rab e'i gzugs can ma/ /blo ldan nam mkha' i khams su bsam zhes pa dang/ gzhan yang de nyid las/ rno phyir me yi gzugs ngag tu/ /de yang ma mo rnams su brtags/ /dbyangs yig dang po'i rang bzhin su/ sangs rgyas rnams kyis rab tu brtags/ /zhes gsungs so/ /las zhes bya ba ni lus dang/ ngag dang/ yid bde ba'i las byed pa'i phyir ro/ /rgya zhes bya ba des mtshon par byed pa'i phyir/ de skad ces bya'o/ /gzhan yang baM ni/ chos brjod pa'i yi ge dang 'dra ba 'am/ dkar po'i don brjod pa yin pa 'am/ chu dkar pa yin pa 'am/ nyon mongs pa thams cad 'khru bar byed pa 'am/ bde ba chen po'i mtshan nyid 'dzin pas de skad ces bya'o/ /ma ni kun tu khyab cing rgya che ba'am/ thab pa 'am/ yangs ba dang/ gtos che ba 'am/ rgyun mi 'chad pa'i bde ba yin pa'i phyir/ de skad ces bya'o/ /ya ni 'da' bar bya ba ma yin pa 'am/ ji ltar gnas pa de ltar gnas pa 'am/ ji bzhin pa'i mtshan nyid ston pa 'am/ ji ltar byon pa de ltar gshegs pa 'am/ dam bcas pa ltar gnas pa de'i phyir/ de skad ces bya'o/ /gzhan yang yi ge bzhi ni 'byung ba bzhi'i mtshan nyid can/ lha mo spyan ma la sogs pas byin gyis brlabs pa/ skad cig bzhi dang/ dga' ba bzhi dang/ dbang bzhi dang/ sku bzhi la sogs pa yang yin no/ /gzhan yang yi ge bzhi'i don ston pa zhes gsungs pa yin no/ /de ltar phyag rgya bzhir bstan pa de nyid stong pa nyid dang/ snying rje las gzhan pa yod pa ma yin par bstan pa ni/ e ni shes rab bo/ /baM ni thabs/ /zhes bya ba smos te/ dngos po med pa ston pa ni shes rab yin la/ dngos po'i mtshan nyid ston pa ni thabs yin te/ gong bu gsum gsum ste drug gi bdag nyid do/ /de bas de'i phyir dngos po thams cad ni yi ge gnyis so/ /sprul ba'i 'khor lo dang/ chos kyi 'khor lo dang/ longs spyod kyi 'khor lo dang/ bde ba chen po'i 'khor lo'o/ /zhes bya ba ni lus can rnams la rtsa'i 'khor lo'i gzugs kyi rang bzhin du gnas zhes bya ba'i don no?/ de rnams kyi 'dab ma'i grangs rim bzhin du/ drug cu rtsa bzhi dang/ brgyad dang/ bcu drug dang/ sum cu rtsa gnyis su rig par bya ste/ dbyu gu dang/ thun mtshams dang/ 'pho ba dang/ chu tshod kyi dbye bas rtogs par bya'o/ /de rnams kyi kha dog ni ser po dang/ nag po dang/ dmar po dang/ dkar po ste/ las bzhi'i bye brag gis dbye bar bya'o/ /A li kA li ni g.yon pa dang/ g.yas pa'o zhes pa ni/ g.yon pa ni a la sogs pa bcu drug gi dbyangs su 'ong la/ yon tan zhes bya'o/ /g.yas pa ni ka la sogs pa lnga tshan gyis rang bzhin du 'gro ste/ skyon gyi ngo bo zhes bya'o/ /de pas na ni yon tan gyi rang bzhin zhes bya ba yang yin no/ /gzhan yang g.yas pa dang/ g.yon pa ni zhi ba dang/ nus pa zhes kyang bya'o/ /A a'i a'u ai aau aM/ zhes pa ni bde ba chen po'i 'khor lo'o/ /a ka tsa Ta ta pa ya zhes pa ni/ sprul pa'i 'khor lo la gnas pa'i yi ge rnams so/ /aoM taM haM khaM hUM/ lAM mAM lAM tAM/ chos kyi 'khor lo zhes pa ni/ chos kyi 'khor lo la gnas pa'i yi ge rnams so/ /de'i dbus su yi ge hUM ste/ bde bar gshegs pa lnga'i rang bzhin no/ /de ltar yang gong du bstan pa'i sde tshan rnams kyi rang bzhin ni sprul pa'i 'khor lo zhes bya ste/ de'i lte ba la ni rnal 'byor ma thams cad kyi rang bzhin yi ge aM gnas pa'o/ /longs spyod rdzogs pa'i 'khor lo zhes bya ba ni/ mgrin pa'i 'dab ma bcu drug go /de las gnas pa'i yi ge ni aoM A a'i A ai zhes bya ba rnams so/ /bde ba chen po'i 'khor lo/ zhes bya ba ni/ gong du brjod pa'i chu tshod sum cu rtsa gnyis kyi bdag nyid do/ /de'i lte ba la ni yi ge haM zhes bya ba ste/ sangs rgyas thams cad kyi sdom pa'i bdag nyid do/ /'og tu yi ge k+Sha zhes bya ba ste/ 'og tu sgo bsrung ba'o/ /lus thams cad la 'gro ba dang/ 'ong ba'i sgo gnyis su gnas pa las/ 'og gi sgo bsrung ba ni k+Sha ste 'og sgor ro/ /de nyid ni 'jig rten phan pa rnams la phung po zad par byed pa yang yin no/ /zla ba dang nyi ma dag ni 'og dang steng gnyis so/ / zhes bya ba ni sgo gnyis kyi ming bstan pa yon tan dang skyon gyi rang bzhin can no/ /de yang steng gi ni gdung ba bskyed pa'i sgo yin no/ /'og gi ni lus ngag yid sem par byed pa'i sgo zhes bya'o/ /gnad 'byed pa'o zhes bya ba ni/ steng gi dga' pa'i dbang phyug ste steng na'o/ /de gnyis nyid ni 'gro ba dang 'ong ba ste/ yar la sreg pa'i tshul du 'gro la/ mar ni gso ba'i tshul du 'ong bas na/ 'gro ba dang 'ong ba'o/ /rnal 'byor bzhi zhes bya ba ni 'gro ba gnyis pa la'o/ /myur ba dang zhes bya ba ni me'o/ rlangs pa dang zhes bya ba ni rlung ngo/ /rnam par 'ching ba dang zhes bya ba ni sa'o/ /dal ba zhes bya ba ni chu ste/ de ltar na 'gro 'ong gnyis ni rnal 'byor bzhi'o/ /steng gi logs nas 'dzag pa ni 'og tu'o/ /zhes bya ba ni de ltar 'gro ba'i rnal 'byor gyi stobs kyis steng tshangs pa'i 'jig rten nas 'dzag pa ni mi la sogs pa'i 'og gi yul du'o/ /ting nge 'dzin gsum ste 'gro ba dang 'ong ba de nyid la'o/ /dang po'i rnal 'byor dang zhes pa ni stong pa nyid dam/ yang na tsaN+Da li gyen du bskyod pa'o/ /dkyil 'khor rgyal po mchog dang zhes bya ba ni/ phyag mtshan la sogs pa gyur pa las gzugs yongs su rdzogs pa 'am/ yar na tsaN+Da li 'og tu spyan drangs pa'o/ /las kyi rgyal po mchog go /zhes pa ni sku phra mo'i spro nga 'am/ yang na bde ba'i stobs kyis gzung ba'o/ /de nyid gsal bar bstan pa dgug pa dang/ zhes smos te gtum mos so/ /gshegs su gsol ba dang zhes pa ni gtum mo ste steng du'o/ /gzung ba'o zhes pa ni/ de ltar 'dzag pa de'o/ /yan lag bzhi'i ni zhes pa ni/ sgrub par byed ba'i rnal 'byor rnams pa'o/ /bsnyen pa dang/ nye bar sgrub pa dang/ sgrub pa dang/ sgrub pa chen po zhes pa ni/ rim pa gnyis la gnas pa'i rnal 'byor pas go rim bzhin du bsnyen pa stong pa nyid dang/ nye bar sgrub pa sa bon dgod ba dang/ sgrub pa sku yongs su rdzogs pa dang/ sgrub pa chen pos yan lag gsal ba 'am/ yang na sku phra mo spros pas 'gro ba'i don byed pa'o/ /gcig shos ltar na ni/ bsnyen pa la khro bo gtsug tor zhes bya ba'i rigs su bsgom pa dang/ nyer bar sgrub pa'i dus su khro bo bdud rtsi 'khyil pa zhes bya ba'i gzugs su bsgom pa dang/ bsgrub pa la ni lha'i gzugs zhes bya bar bsgom pa dang/ sgrub pa chen po sangs rgyas kyi bdag po zhes bya ba'i ming can bsgom pa'o/ /de yang khro bo gtsug tor zhes bya ba ni/ rnam par shes pa dang nam mkha' i rigs mi bskyod pa yin te/ bla ma'i zhab nas rtogs par bya ba yin la/ bdud rtsi 'khyil pa'i khro bo ni rlung don yod grub pa'i rigs snying ga na gnas pa yin no/ /lha'i gzugs ni gtum mo spro ba ste/ 'od dpag tu med pa'o/ /sangs rgyas bdag po ni rdo rje sems dpa' chen po ste/ 'dzag pa med pa'i bde ba'o/ /'bras bu bzhi ni zhes pa ni/ ston bzhin pa'o/ /gang yin zhe na/ rgyu mthun pa dang zhes bya ba smos te/ hUM du bskyed pa la sogs pa'i yin no/ /rnam par smin pa dang zhes pa ni/ longs spyod rdzogs pa'i sku'i rang bzhin yin no/ /skyes bu byed pa dang zhes bya ba ni/ mngon par rdzogs par byang chub pa lnga'i tshul du'o/ /bral ba'o zhes bya ba ni de'i stobs kyis gzung bar rtog pa dang/ 'dzin par rtog pa'i dri ma gnyis spong ba zhes bya ba'i don to/ /dbye ba bzhi zhes bya ba ni/ skyes bu grub pa po'i khyad par bstan pa yin no/ /rtul po dang zhes bya ba ni dbang po rtul po ste tha ma'o/ /'bring dang zhes bya ba ni/ dbang po 'bring po ste bar ma'o/ /rnon po zhes bya ba ni skyes bu dbang po rnon po'i yang rnon po ste/ dbang po rab tu gtugs pa'o/ /zhes bya ba'i don to/ / skad cig cos bya ba ni dus kyi khyad par ro/ /rnam pa sna tshogs pa zhes bya ba ni dga' ba'o/ /rnam par smin pa zhes bya ba ni mchog dga' i bdag nyid do/ /rnam par nyed pa dang zhes bya ba ni/ khyad par gyi dga' ba'i skad cig ma'o/ / mtshan nyid dang bral ba'o/ /zhes bya ba ni lhan cig skyes pa'i skad cig go /de nyid blta ba dang/ rgod pa dang/ lag bcangs dang/ gnyis gnyis 'khyud pa'o/ /dga' ba bzhi ni dga' ba dang/ mchog tu dga' ba dang/ khyad par gyi dga' ba dang/ lhan cig skyes pa'i dga' ba'o/ /zhes bya ba ni go sla'o/ /bzang po bzhi ni zhes pa ni/ bdag ni bzang po dang zhes bya ba la sogs pa ste/ bdag nyid lhar skyes pa 'am/ yang na phung po la sogs pa gzod ma nas lha'i rang bzhin yin pa 'am/ gzod ma nas skye ba med pa ni bzang po zhes bya'o/ /dus kyi bzang po zhes bya ba ni/ 'gog pa'i dus sam/ bsam du med pa'i dus la sogs pa'o/ /ye shes kyi bzang po zhes bya ba ni/ de'i stobs kyis 'dzag pa med pas phung po la sogs pa rgyas par 'gyur ro/ /rlung gi bzang po zhes bya ba ni 'gags pas bzang po yin pa 'am/ rgyu ba med pas bzang po yin pa 'am/ yang na rlung bzhi las re re 'grub pa 'am/ yang na me'i ri mo can na gnas pa yin pa 'am/ lang na g.yon pa dang g.yas pa dag las/ g.yon pa'i rgyu ba ni rlung gi bzang po zhes bya'o/ /gnas bzhi na zhes bya ba ni rten par bya ba 'am/ bzhi'i yin pa'i phyir de skad ces bya ba'o/ /gzhan gyi gnas dang zhes bya ba ni gzhan rten la bltos pa'i phyir te/ las sam/ ye shes sam/ bka' o/ /bdag gi gnas dang zhes bya ba ni rnal 'byor pa bdag nyid bde ba'i gnas yin pa'i phyir ro/ /rnal 'byor gyi gnas zhes bya ba ni snyoms par zhugs pa las/ gnyis su med pa ye shes kyi rten gyi bde ba byung ba'i phyir ro/ /de kho na nyid kyi gnas dang zhes bya ba ni/ de rltar snyoms par zhugs pa las/ bde ba rtogs pa 'am/ nyams su myong ba'i phyir ro/ /de kho na gsum zhes bya ba ni/ phyin ci log pas de kho na nyid do/ /de ni bdag gi de kho na nyid dang zhes bya ba ste/ bdag med pa'i bdag nyid yin pa'i phyir ro/ /lha'i de kho na zhes bya ba ni phung po la sogs pa gzod ma nas phyin ci log pa'i lha yin pa'i phyir ro/ /dkyil 'khor gyi de kho na zhes bya ba ni gzod ma nas phung po rnams phyin ci ma log pa'i lha'i gzhal yas khang yin pa'i phyir ro/ /dkyil 'khor gsum ni zhes bya ba ni/ snying po'i gnas sam/ snying po'i len pa 'am/ snying po thim pa yin pas dkyil 'khor ro/ /sku'i dkyil 'khor zhes bya ba ni/ lus 'dom gang gru bzhi pa 'am/ lha'i gnas yin pa'i don to/ /gsung gi dkyil 'khor dang zhes bya ba ni/ de'i nang du sa bon las lhar bskyed pa'i phyir ro/ /thugs kyi dkyil 'khor ro/ /zhes bya ba ni sems nyid thams cad kyi gzhi yin la/ de nyid dkyil 'khor yin te/ de kho na nyid kyi gnas yin pas so/ /shes rab gnyis ni 'bigs pa 'am/ chos rnams rab tu rnam par 'byed pa'o/ /dmigs pa dang bcas pa dang/ dmigs pa med pa'o/ /zhes bya ba ni ming gnyis so/ /dmigs pa med pa ni rdo rje 'dzin gyi dbugs 'byin pa'o/ /zhes bya ba ni dmigs pa med pa la gnas pa'i ting nge 'dzin ni rdo rje ste/ rtogs pa'i go skabs med cing/ dbugs 'byin pa'o/ /sprul pa'i dmigs pa ni/ zhes bya ba ni rtogs pas sprul pas so/ /de bzhin gshegs pa'i dbugs 'byin pa zhes bya ba ni/ bskyed pa'i rim pa'i ting nge 'dzin te/ rags pa'i rtogs pa las dbugs phyung ba'i phyir ro/ /'khor ba'o zhes bya ba ni/ ji srid du dmigs pa med pa la gnas pa de srid du 'khor ba'o/ /sku gsum ni zhes bya ba rgyud las gsungs pa'o/ /chos dang longs spyod rdzogs pa dang sprul pa'o/ /zhes bya ba ni/ sku gsum ni thig le gsum mam/ yi ge gsum gyi bdag nyid 'byung ba 'am/ 'jug pa dang/ gnas pa'i rlung gsum mo/ de bzhin gshegs pa lnga ni zhes bya ba ni rgyud las gsungs pa'i rgyal pa rigs lnga'o/ /gzugs dang zhes bya ba ni rnam par snang mdzad do/ /tshor ba dang zhes bya ba ni rgyal pa 'od dpag tu med pa'o/ /'du shes dang zhes bya ba ni rgyal ba rin chen 'byung ldan no/ /'du byed dang zhes bya ba ni rgyal ba don yod grub pa'o/ /rnam par shes pa'o zhes bya ba rgyal ba mi bskyod pa'o/ /ye shes lnga ni me long lta bu'i ye shes dang/ mnyam pa nyid kyi ye shes dang/ so sor rtog pa'i ye shes dang/ bya ba nan tan gyi ye shes dang/ chos kyi dbyings rnam par dag pa'i ye shes so/ /zhes bya ba ni yid kyi rnam par shes pa la sogs pa yongs su gyur pa'o/ /lha mo bzhi ni zhes bya ba ni/ na bza' dkar mo la sogs pa'o/ /sa'i khams dang/ chu dang/ me dang/ rlung dang zhes bya ba ni lha mo spyan ma la sogs pa go rim bzhin te/ ltung byed ma dang/ gsod byed ma dang/ dgugs par byed ma dang/ gar gyi dbang phyug ma'o/ /byang chub sems dpa' rnams ni mig la sogs pa'i dbang po rnams so// zhes bya ba ni gti mug dang/ zhe sdang dang/ phrag dog dang/ 'dod chags dang/ ser sna la sogs pa rnams so/ /sa bcu zhes bya ba ni rab tu dga' ba la sogs pa'o/ /de nas 'di ltar 'khor lo gsum gyi bdag nyid do/ /gnas ni pul+lI ra ma la ya dang/ dzA land+ha ra dang/ ao Di yA na dang/ arbu ta ste/ bzhi po ni gnas zhes yin no/ /nye ba'i gnas zhes bya ba ni/ go dA ba ri dang/ ra me shwa ri dang/ de bi ko Ti dang/ mA la ba ste/ bzhi po ni nye ba'i gnas so/ /brgyad yin la/ de yang thugs kyi 'khor lo ste mkha' la spyod pa yin no/ zhing dang zhes bya ba ni/ kA ma ru pa dang/ ao dre'o/ /nye ba'i zhing dang zhes bya ba ni/ tri sha ku ne dang/ ko sa la'o/ /tshando ha zhes bya ba ni/ ka ling ga dang/ sam+ba ka'o/ /nye ba'i tshando ha zhes bya ba ni/ kany+tsi ka dang/ hi ma la'o/ /'di ni gsung gi 'khor lo ste sa la spyod pa'o/ /'du ba dang zhes bya ba ni/ yi dags lhag par gnas pa dang/ khyim gyi lha'o/ /nye ba'i 'du ba dang zhes bya ba ni/ sau rASh+Ta dang/ gser gling ngo/ /dur khrod dang/ zhes bya ba ni/ nA ga ra dang sind+hU'o/ /nye ba'i dur khrod dang zhes bya ba ni/ myang dang/ ku mu ta'o/ /nyi shu rtsa bzhir dbye bar bya'o/ /zhes bya ba ni de ltar brjod pa'i rim pas nyi shu rtsa bzhir dbye bar bya'o/ /pul+lI ra ma la zhes bya ba nas/ ku mu ta zhes bya ba yan chad ni go sla'o// 'di rnams rim pa ji lta bas zhes bya ba ni gong du brjod pa de rnams so/ /spyi bo dang zhes bya ba ni/ pu l+li rar ni rab tu gtum ma'o/ /so dang sen mo rab tu bskyed/ ces bya'o/ /spyi gtsug dang/ zhes bya ba ni dzA land+ha rar gtum mig ma/ skra dang spu ni rab tu bskyed ces bya ba'o rna ba g.yas pa dang zhes bya ba ni/ ao DyAn zhes bya ba'i gnas ming ni/ lha mo 'od ldan ma zhes bya ba bags pa dang dri ma skyed pa'o zhes bya'o/ /rtsi ba logs dang zhes bya ba ni/ arbu da na shangs chen ma sha ri rab tu skyed mdzad ma'o zhes bya'o/ /rna ba g.yon pa dang zhes bya ba ni/ go dA pa rir dpa' blo ma/ rgyus pa rab tu skyed par byed ces bya'o/ /smin ma'i dbus dang zhes bya ba ni/ rA me shwa rar mi'u thung ma/ rus pa rab tu bskyed par byed/ ces bya'o/ /mig dag dang zhes bya ba ni/ lang ka'i bdag mo lha mo'i rdzong/ /de ni mchin pa rab tu bskyed/ ces bya'o/ /lag pa'i rtsa ba dag dang ni zhes bya ba ni/ mA la bar ni ljon grib ma/ /snying sprug rab tu skyed par mdzad/ ces bya'o/ /mchan khung dag dang zhes bya ba ni/ kA ma ruAr gnas sa srungs ma/ /mig ni rab tu skyed par byed/ ces bya'o/ /nu ma gnyis dang zhes bya ba ni/ ao drer 'jigs byed chen mo gnas/ mkhris pa rab tu skyed par byed/ ces bya'o/ /lte ba dang zhes pa ni/ tri sha ku ner rlung shugs ma/ /blo ba rab tu skyed par byed/ ces bya'o/ /sna'i rtse mo dang zhes bya ba ni/ ko sa lar ni skyems gsol ma/ /rgyu ma rab tu skyed par byed ces bya'o/ /kha dang zhes bya ba ni/ ka ling ka dang sngo bsangs mo/ /rtsi ba logs skud ba'i rten byed ma'o/ /zhes bya'o/ /phag gong zhes bya ba ni/ shin tu bzang po lam ba kar/ /lto ba'i gnas ni rab tu skyed/ ces bya'o/ /snying dang zhes bya ba ni/ kany+tsi la gnas rta rna ma/ rtag par dri chen skyed par byed/ ces bya'o/ /pho mtshan dang zhes bya ba ni/ gsang ba la gnas bya gdong ma/ /'tshogs pa'i srubs ni skyed par byed/ ces bya'o/ /rtags dang zhes bya ba ni/ pre ta pu rir rab gnas pa/ /'khor lo'i shugs can mchil ma bskyed do/ /zhes bya'o/ /bshad ba'i lam dang zhes bya ba ni khyim gyi lha gnas dum skyes ma/ /rnag ni rtag par skyed par byed/ ces bya'o/ /brang gi gnas dang zhes bya ba ni/ sau raSh+Tar glang sna ma/ /rtag tu rnag ni rab tu skyed ces bya'o/ /byin pa dag dang zhes bya ba ni 'khor lo sgyur ba gser gling gnas/ /rdul ni rtag tu skyed par byed/ /zhes bya'o/ /sor mo rnams dang zhes bya ba ni/ shin tu dbang mo grong khyer gnas/ /tshil ni rtag tu skyed par byed/ zhes bya'o/ /rkang pa'i rgyab dang zhes bya ba ni/ sind+hur stobs chen ma zhes gnas/ /mya ngan bcas shing mchi ma skyed/ ces bya'o/ /mthe bong dag dang zhes bya ba ni/ ma ror 'khor lo sgyur ba gnas/ /rtag par lung pa skam po skyed/ ces bya'o/ /pus mo gnyis dang zhes bya ba ni/ ku lun tar gnas brtson chen ma/ /sna chu rtag tu skyed bar byed/ ces bya'o/ / blta bar bya'o zhes bya ba ni zhes par bya'o zhes bya ba'i tha tshig go / pul+lIr ma la yar ni mgo zug go /zhes bya ba ni yan lag thams cad la thim mo zhes bya ba'i bar gyis ni/ gong du bshad pa'i gnas nyi shu rtsa bzhi por byang chub kyi sems zhes bya ba'i lus kyi khams? sku gsum gyi tshul gyis mgo zug pa dang/ longs spyod pa dang thim pa ni gnas nyi shu rtsa bzhi po re re la yang gsum gsum du blta'o/ /gnas 'di rnams su zhes bya ba ni brjod ma thag pa'o/ / de bzhin gshegs pa rnams zhes bya ba ni byang chub kyi sems so/ /ji ltar bde nas zhes bya ba ni/ ting nge 'dzin gyi bde ba'i bye brag gis so/ /bde ba chen po'i ye shes zhes bya ba ni 'dzag pa med pa'i bde ba'i ye shes bskyed pa'i phyir ro/ /rim pa ji lta bar chos dang longs spyod rdzogs pa dang/ sprul pa'i gzugs kyis zhes bya ba ni gnas nyi shu rtsa bzhi po rim pa ji lta ba bzhin du sku gsum gyi tshul gyis thig le 'byung zhing/ nyams su myong zhes bya ba'i don to/ / bskyed pa dang/ gnas pa dang/ rab tu thim pa'o/ /zhes bya ba ni gong du brjod pa'i tshul gyis te/ dper na nyi ma shar ba dang/ phyed pa dang/ nub pa bzhin no/ /zhes bya ba'i don to/ /ji ltar 'di rnams kyi gtso bo zhes bya ba ni/ de ltar brjod pa'i rim pas mgo zug pa dang/ longs spyod pa dang/ thim pa la sogs pa thams cad kyi gtso bo ni rlung yin zhes bya ba'i don to/ /ao Di yA na zhes bya ba ni rna ba g.yas pa ste 'byung ba'i lam mo/ /gnad kyi sgo phyed pa ste 'byung ba ni smin mtshams su'o/ /rdo rje mkha' 'gro mas bskul ba zhes bya ba ni/ ye shes kyi mes bde ba skul ba'o/ /dza land+ha rar bde ba chen po'i ye shes 'du ba'o/ /zhes bya ba ni/ phyogs bcu na bzhugs pa'i bde bar gshegs pa rnams kyi dbu'i gtsug tor nas zhugs pa'i dam tshig gi 'khor lo'i ming can du bde ba'i ye shes sdud ces bya ba'i don to/ /phyis ni de bzhin gshegs pa rnams kyis sdud par bya'o/ /zhes bya ba ni ye shes rim pa nas ston bzhin ba'o/ /'di nyid dkyil 'khor dang/ sbyin sreg dang/ mchod pa dang/ bzlas pa dang/ bsam gtan dang/ sems dpa' dang/ rdul tshon 'dri ba la sogs pa'i bsod nams 'di'o/ /zhes bya ba ni/ rnal 'byor pa bdag la phyogs bcu na bzhugs pa'i sangs rgyas rnams kyi bdud rtsi lon cing/ bdag gi lus ngag yid sim par phyed pas na sbyin sreg dang dkyil 'khor la sogs pa'i 'di nyid mchog ste/ phyi'i dkyil 'khor la sogs pas lus ngal bar byed pas ci zhig bya ste/ spang bar bya zhes bya ba yin la/ de las gzhan pa gsang sngags kyi sgo'i spyad pa spyod pa'i las dang por gtogs pa rnams kyis spang bar mi bya ste/ 'bad pas spyad par bya zhes bya ba'i don to/ /rgyud kyi rim pa'o/ /zhes bya ba ni rim pa ston par byed pa las/ 'di ni rim pa dang po lus can rnams la rang bzhin du bstan to/ /dpal rim pa bzhi pa'i 'grel pa las rgyud kyi rim pa'i 'grel pa bstan pa ste dang po rdzogs so// //bsrub pa dang bsrub par byed pa'i sbyor ba las zhes bya ba ni rtsa gnyis phrad par byed pa'i sbyor ba 'am/ rtsa gsum la dkrug pa'i sbyor ba'o/ /ye shes kyi me 'di la zhes bya ba ni lte ba na gnas pa'i rang byung gi mi 'di la'o/ /las kyi rlung gis skyed pa zhes bya ba ni g.yas dang g.yon pha'i stobs sam/ bskyod pa las byung bas so/ /lte ba'i dkyil 'khor du du ba dang 'bar ba dang gsal ba dang zhes bya ba ni/ de'i dbang gis dang por du ba ste rlangs pa dang/ de las 'bar ba dang/ de las kun tu gsal pa 'am/ yang na de lta bu'i ting nge 'dzin la gnas na du ba lta bu la sogs pa'i rtags 'byung bar 'gyur zhes bya ba'i don to/ /dam tshig 'khor lor song ste zhes bya ba ni/ bdag gi chos kyi 'khor lor song ba'o/ /bde bar gshegs pa bsregs zhes bya ba ni/ de ni gnas pa'i yi ge thams cad kyi rang bzhin bsregs pa'o/ /longs spyod rdzogs pa'i 'khor lor song zhing/ thams cad la bskor ba gsum byas pa dang/ zhes bya ba ni ye shes kyi me de dam tshig gi 'khor lo nas longs spyod kyi 'khor lor song ste/ thabs de la gnas pa'i ye shes la skor ba gsum byed zhes bya ba'i don to/ /mdzod spur song ste gnad kyi sgo phye ba dang/ zhes bya ba ni dga' ba'i dbang phyug gi ming can de/ bde ba chen po'i 'khor lor ston pa'o/ /ao Di yA na zhes bya ba nas phyung zhing/ zhes bya ba ni bdag gi rna ba g.yas pas ye shes kyi me phyung ba'o/ /phyogs bcu'i 'jig rten gyi khams na bzhugs pa'i de bzhin gshegs pa rnams kyi thugs ka dang/ spyi gtsug gi khung bur song ste/ zhes bya ba ni yang/ ye shes kyi me de ngag gi ao Di yA na nas phyung nas de bzhin gshegs pa rnams kyi dzA land+ha ra'i lam nas 'jug cing/ dam tshig gi 'khor lor gshegs pa'o/ /gser gyi sgo nas zhes bya ba ni de bzhin gshegs pa'i zhabs gser gling nas byung ba'o/ /'bar ba 'dzin pa zhes bya bar bzhugs so zhes bya ba ni slang bdag gi spyi bo nas zhugs pa'o/ /sngon bzhin du 'khor lo thams cad ma lus par bsregs te/ zhes bya ba ni 'ongs nas yang slar 'gro ba'i dus so/ /'gro ba dang 'jug pa yang mi mthong zhes bya ba ni/ yar me'i lam nas yang 'gro ba dang/ mar chu'i lam nas 'ong ba mi mthong ba'o/ /ci'i phyir zhe na skra'i nyag ma gcig brgya stong du bshags pa'i tshad kyi phyir ro/ /zhes bya ba ni shin tu phra ba'i tshul gyis 'gro ba dang/ 'ong bar byed pa 'am/ yang na shin tu phra ba'i tshul du yid bstad par bya zhes bya ba'i don to/ /sngags kyi rim pa'o/ /zhes bya ba ni de ltar rgyud la gnas pa ste/ 'khor lo bzhi gnas pa'i yi ge rnams A li kA li las gzhan ma yin pa 'am/ yang na yar 'gro ba ni kA li'i sgra dang ldan par 'gro la/ mar 'ong ba ni A li'i sgra dang ldan par 'ong ba'i phyir ro/ /dpal rim pa bzhi pa'i 'grel pa las bstan pa ste gnyis pa'o rdzogs so/ / //de nas de bzhin gshegs pa rnams kyi thugs kar song ste/ zhes bya ba ni ye shes kyi me de sngar bzhin ma sreg pa rnams bsregs shing/ sngon gyi lam nas de bzhin gshegs pa rnams kyi bdud rtsi blang bar bya zhing/ phyir thugs kar 'gro'o/ /dam tshig gi 'khor lor dkrugs shing zhes bya ba ni/ de bzhin gshegs pa rnams kyi chos kyi 'khor lo dkrugs pa'o/ /chos kyi dbyings kyi ye shes kyi bdud rtsi khyer nas/ zhes bya ba ni/ de bzhin gshegs pa'i'o/ /gong gi sgo nas phyung ste/ zhes bya ba ni/ de bzhin gshegs pa rnams kyi gser gling nas so/ /'o ma'i rgyun ltar 'ong zhing/ de nyid sgo nas zhugs so zhes bya ba ni/ bdag gi spyi bo'i sgo nas 'jug pa'o/ /so'i mtshams kyi mdza' i bug pa nas 'ongs te/ zhes bya ba ni bdag gi snyil gyi mtshams nas 'ongs pa'o/ /longs spyod kyi 'khor lor ngal gso ste/ zhes bya ba ni gnas de gnas shing bde ba rgyas pa'o/ /bsregs pa'i de bzhin gshegs pa rnams kyi dga' ba bskyed pa ste/ zhes bya ba ni sngar gyi yi ge bsregs pa rnams slar gso zhing dgyes pa bskyed pa'o/ /lte ba'i dkyil 'khor du gnas pa yin no/ /zhes bya ba ni sprul pa'i 'khor lor ye shes thams cad rgyas shes bya ba'i don to/ /'di nyid 'da' bar mi bya ba ste/ mkha' 'gro ma kun gyi sdom pa zhes bya ba yin no/ /'di la yang 'byung ba dang/ 'ong ba dang/ 'jug pa yang mi mthong ste/ sba? nyag ma cig brgya stong du bshags pa'i tshad kyi phyir ro/ /zhes bya ba ni rgyud gong du brjod pa dang mtshungs so/ /ye shes kyi rim pa'o// zhes bya ba ni/ de ltar brjod pa'i sbyor bas bdud rtsi 'dzag pa'i bde ba'i phyir mi 'da' ba ni bde ba'i ye shes su dgongs so/ /dpal rim pa bzhi pa'i 'grel pa las ye shes kyi rim pa bstan pa ste gsum pa rdzogs so// // da ni rgyud dang sngags dang/ ye shes spangs pa zhes bya ba ni gsang ba'i rim pa'i khyad par te rgyud du rtogs pa dang/ sngags su rtogs pa dang/ ye shes su rtogs pa spangs pa 'am dgag pa'o/ /sgo dgag pa 'gro ba dang 'ong ba las rnam par grol ba zhes bya ba ni/ dbang po'i sgo 'gag cing yar 'gro ba dang/ mar 'ong ba las grol ba'o/ /phung po dang khams dang skye mched dang bral ba zhes bya ba ni/ de bzhin gshegs pa dang/ lha mo dang/ byang chub sems dpa' i rtog pa dang bral ba 'am/ yang na mi gtsang ba'i lus spangs nas pags pa dang sha dang khrag rus pa dor te/ rdo rje'i skur gyur pa'o/ /yul rnams las grol ba'o/ /zhes bya ba ni yul rnams la zhen pa med pa ste/ mi rtog pa'i yul la gnas pa'i phyir ro/ /mun pa smag tu gyur pa la zla ba'i nor bu ltar 'od gsal ba zhes bya ba ni/ dper na mun pa 'ga' zhig la mar me 'am/ chu shel 'od dang ldan pa bzhag na gsal bar 'gyur ba ltar/ ma rig pa'i mun pa chen pos smag tu gyur pa la ye shes kyi zla ba'i 'od kyis gsal bar byed pa'i don to/ /rdul dang bral ba zhes bya ba ni nyon mongs pa'i rdul las khrag gi rang bzhin phyir bor ba'o/ /stong pa nyid ces bya ba ni chos rnams gzod ma nas stong par shes pa'o/ /mtshan ma med pa zhes bya ba ni gzod ma nas mtshan ma med par rtogs pa'o/ /smon pa med pa zhes bya ba ni/ smon par bya ba chos gang yang grub pa med par shes pa'o/ /rang dang gzhan dang zhes bya ba ni bdag tu rtog pa spangs pa dang/ gzhan du rtog pa spangs pa'o/ /rang rig pa'i ye shes spangs pa zhes bya ba ni rags pa'i ye shes dang bral ba 'am/ yang ni phyogs gcig pa'i ye shes spangs pa'o/ /phyag rgya chen po'i thabs ni/ bdag rig gzhan rig thams cad rig pa yin pa'i phyir ro/ / mchog tu zhi ba ni bde ba chen po yin te/ 'jig rten pa'i dper bya ba las 'das pa'i phyir ro/ /'dod chags dang zhes bya ba ni rang bzhin du gnas pa'i zla ba'i gzugs 'phral bar gnas pa'o/ /'dod chags dang bral ba ni gsang ba'i rdo rje dang bral ba yin la/ rnam par 'grel pa zhes bya ba ni rang bzhin du gnas pa la zhu ba'i bdag nyid du gyur te/ gsang ba'i rdo rjer zhugs pa dang/ 'dod chags bral ba ste nor bu las phyir mi 'byung ba dang bral ba ste/ 'dres pa zhes bya ba'i don yin no/ / mar la mar blugs pa ltar mya ngan las 'das pa byang chub kyi sems bdag med pa'o/ /zhes bya ba ni/ dper na mar me 'chi ka ma la mar slar bsnam pa na gsal bar 'gyur ba ltar/ de ltar brjod pa'i ting nge 'dzin la yang nas yang du gnas pas bde ba chen po'i ye shes zhes bya ba phyir zhing gsal te/ don dam pa'i byang chub kyi sems bdag med pa rtogs par 'gyur zhes bya ba'i tha tshig go /btsun mo'i b+ha ga zhes bya ba ni bde ba can la'o/ /zhes bya ba ni 'joms pa 'am/ skal pa ston pas b+ha ga'o/ /'jig rten pa dang 'jig rten las 'das pa'i bde ba bskyed pas na de skad ces bya'o/ /bzhugs so zhes bya ba ni gnas pa lta bu'o/ /zhes bya ba ni bde ba 'byung ba'i gnas te khu ba'i gzugs kyis bzhugs zhes bya'o/ /de bzhin gshegs pa thams cad ni phung po la sogs pa'i zhes bya ba ni/ thun mong ma yin pa'i theg pa 'di la phung po lnga ni rgyal ba rnam pa lnga yin la sogs pa'i sgra yis khams rnams lha mo bzhi yin zhing/ skye mched rnams ni byang chub sems dpa' o/ /de rnams kyi sku dang gsung dang thugs ni aoM Ayi ge 'di rnams ni zhes bya ba ni 'bru gsum mo/ /de rnams kyi byang chub kyi sems kyi khu ba'o/ /de rnams te phung la sogs pa'i bde bar gshegs pa de rnams kyi byang chub kyi sems te yi ge gsum mo/ /btsun mo ni mi la sogs pa'i bud med kyi gzugs la sogs pa'o/ /zhes bya ba ni rgyal rigs la sogs pa'i bu mo bzhi'o/ /sogs pa smos pa ni lha dang lha min la sogs pa yang nus can gyis 'gugs pa yin la sogs pa'i sgra gcig gi sprul pa'i gzhon nu ma yang ngo/ /de la bud med kyi don ni de'i b+ha ga'o/ /zhes bya ba ni skal pa ston pa de'i skye gnas so/ /e baM 'di ni zhes bya ba ni/ rgyud las gsungs pa'i legs par sbyar ba'i skad 'di'o/ /e yi cha byad bzang po gang/ zhes bya ba ni skabs khyad par can 'dir ni e'i cha byad zhes bya ba skye gnas dngos/ e'i cha byad du 'dug pa yin la/ yi ge ma yin no/ /bzang po ni bde ba yin pas so/ /dbus su baM gis rnam par brgyan/ zhes bya ba ni e'i dbus gsang ba'i rdo rje baM gi rnam pa lta bu bkod pa yin gyi/ yi ge baM ni ma yin no/ /bde ba thams cad kyi ni gnas/ zhes bya ba ni 'jig rten dang/ 'jig rten las 'das pa'i bde ba thams cad kyi phul du phyin pa ni 'di las gzhan na med zhes bya ba'i don to/ /sangs rgyas rin chen za ma tog/ zhes bya ba ni sangs rgyas ni bar du chud pa'i byang chub kyi sems yin la/ za ma tog ni yi ge gnyis so/ /de la bdag gi longs spyod rdzogs pa'i sku dang/ sprul pa'i sku thos / zhes bya ba ni 'dzag pa'i don la bya'i/ rna ba'i yul du ni ma yin no/ /'dzag pa de nyid byang chub kyi sems te/ sprul pa de 'chad pa dang/ longs spyod pa de/ nyams su myong ba la thos pa zhes bya'o/ /'di nyid kyi phyir na zhes bya ba ni gtan tshigs de bas na'o/ /de bzhin gshegs pa thams cad kyi sku dang gsung dang thugs zhes bya ba ni/ thig le gsum la lcags kyi gzugs so/ /rdo rje btsun mo'i b+ha ga zhes bya ba ni gong du bshad pa nyid do/ /bcom ldan 'das zhes bya ba ni dbang phyug la sogs pa'i yon tan dang ldan pa'o/ /de ltar byang chub kyi sems de bzhugs so/ /zhes bya ba ni dbang phyug la sogs pa'i yon tan dang ldan pa'i bcom ldan 'das ni kun rdzob du byang chub kyi sems so/ /dus gcig na zhes bya ba ni rlung 'gog pa'i dus gcig na'o/ /sa ma cig dang zhes bya ba ni mnyam pa 'am/ mi 'da' ba' i dus gcig na'o/ /'gog pa'i dus dang zhes bya ba ni phyir mi 'byung ba'o/ /dpyid kyi dus ji srid pa'i dus so/ /zhes bya ba ni byang chub kyi sems kyi myu gu skye ba 'am/ dga' ba'i mdza' zhes bya ba'i don to/ /de yang gsal bar bstan pa ni g.yas pa g.yon pa'i sna bug tu song ba zhes bya ba ni g.yas g.yon na gnas pa'i rlung ngo/ /'gog pa thob pa ni 'gags pa'i don to/ /zhes bya ba ni rlung ni de nyid do / de ltar rlung 'gags pa des rtogs pa mi 'gag gam zhes dogs pa la/ /chos gang rgyu byung de dag ni/ /rgyu dang de 'gog gang yin pa/ /de bzhin gshegs pas bka' stsal te/ /dge sbyong chen pos de skad gsungs/ zhes bya ba smos te/ chos thams cad ni rten cing 'brel te 'byung ngo/ /zhes kyang gsungs la/ de bas rnam par rtog pa'i rgyu rlung 'gags na rtog pa yang 'gag la/ gzhan yang g.yas dang g.yon du bkag na me 'bar la/ mes bdud rtsi 'dzag pas de 'dzags pas/ lus ngag yid tshim par byed do/ /des ni sdug pa'i lha mnyes par 'gyur ba ste/ des rdo rje sems dpa' i gnas thob par 'gyur ro/ /srid pa'i rang bzhin dag pa'i phyir/ zhes bya ba ni chos rnams ni gzod mnas rang bzhin rnam par dag pa'i phyir ro/ /lhan cig skyes pa'i rang bzhin shin tu ring du spangs pa'i phyir/ rang bzhin gyis 'byung bral bar byas/ zhes bya ba ni bde ba chen po lhan cig skyes pa zhes bya ba ni/ gdod ma nas bdag la ldan pa las/ bdag la rtog pa med pas ring du spangs shing bral bar byas te/ de bas na sems can rnams kyis bla ma dam pa bsten par bya ba yin no/ /zhes bya ba yin no/ /gsang ba'i rim pa'o zhes bya ba ni/ de lta bu'i lhan cig skyes pa'i bde ba'i ye shes gdod ma nas yod pa/ rang bzhin gyis gsang ba 'am/ yang na 'di lta bu'i lhan cig skyes pa ni gsang bar bya ba yin zhing sba bar bya ba yin no/ /rang gi sems 'di ni rim pa bzhi pa'o// zhes bya ba 'di ni de ltar brjod pa'i rim pa gsum gyi tha ma ni/ gsang ba'i rim pa ste/ rang gis rang gi sems rtogs pa 'byung ba'i phyir de skad ces bya'o/ /de bzhin gshegs pa'i gsung rab chos kyi phung po brgyad khri bzhi stong rtogs pa zhes bya ba ni chos kyi phung po brgyad khri bzhi stong gi brjod pa'i snying po bdag gis rtogs nas zhes bya ba'o/ /rtul zhugs sbyor ba zhes bya ba ni rtul zhugs kyi spyod pa ste/ sems can gyi don du 'gyur ba'i bya ba sna tshogs pa'o/ / slob dpon zhes bya ba ni A tsarya ste/ kun spyod pa 'am/ cho ga'i ngang tshul yod pas de skad ces bya'o/ /dpal rim pa bzhi'i 'brel pa/ A tsarya nag po nyid kyis mdzad pa rdzogs so// // phod kyi lo tsa ba 'bro dge slong shes rab grags kyis bsgyur ba'o/ / // */ (/yi ge bdun pa'i sgrub thabs bzhugs/) / */ /rgya gar skad du/ sapta ak+Sha ra sA d+hA na/ bod skad du/ yi ge bdun pa'i sgrub thabs/

CLOSE WINDOW