བོད་ཡིག

e-texts based on the ACIP/ALL Input

/aoM b+h+riM swAhA/ khro gnyer can gyi sgrub thabs rdzogs so// //rgya gar skad du/ kal po k+haM tA rong b+ha ba ku ru kul+le sA d+ha naM/ bod skad du/ sgrol ma'i rtogs pa las 'byung ba'i ku ru kul+le'i sgrub thabs/ ku ru kul+le phyag 'tshal lo/ /dang por re shig sngags pas yid dang 'thun pa'i gnas 'ga' zhig tu stan bde ba la nye bar 'dug ste/ /bcom ldan 'das ma'i bris sku la sogs pa bkram ste/ /phyi'i mchod pa rnams byas nas rang gi snying khar dri ma med pa'i zla ba yongs su gang ba'i rnam pa la dbyangs yig dang po las byung ba'i zla ba yid kyis rnam par bsams nas de'i steng du sa bon dgod par bya'o/ /dro ba rnams kyi bzhi pa ni/ /me yig steng du nye bar gnas/ a'i yig dang ni yang dag ldan/ /mkha' gnyis kyis ni rnam par brgyan/ /de'i 'od zer sna tshogs kyis/ /'gro ba rnams ni dri med byas/ /chen po la sogs khams dag ba'i/ /ku ru kul+le'i rab bzhugs nas/ de'i 'od kyi yang dag bskul/ /sgrol ma yid kyis mdun du byas/ /mkhas pas de ya sa bon brgyan/ /mchod pa'i sprin chen spros bya ste/ /me tog bdug spos mar me dang/ /de bzhin dri dang zhal zas tshogs/ sgeg mo phreng ma gar ma glu/ sil snyan la sogs rnams kyis mchod/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang/ /sangs rgyas byang chub yid kyis gzung/ /zhes pa'i sngags ni lan gsum brjod/ /de nas bzod par gsol bya ste/ /de la tshigs bcad 'di yis/ /bdag ni slar yang blo rmongs pas/ /nyes pa 'ga' zhig ci bgyis pa/ /lus can kun gyi skyabs gyur pa'i/ /lha mo khyod la bzod par gsol/ /byams pa'i sems ni gnas pa yis/ /de tshe slar yang sdug par blta/ /snying rje'i sems ni 'jug par bya/ /phyi nas kun la btang snyoms pas/ sems tsam du ni rnam par bzhag /de nas rang bzhin rnam bral pa'i/ /stong pa nyid ni bsam par bya/ /stong nyid me yis bsregs pa yis/ phung po lnga po slar mi 'byung/ /aoM shU n+ya tA dz+nyA na badzra swa b+hA ba Ad ma ko haM/ skad cig stong nyid sbyor ba yis/ /sems nyid kyis ni ngal song bya/ sngon gyis dam bca' dran byas la/ sa bon tsam ni slar yang bsam/ /bdag nyid gcig pu myang 'das ni/ /bdag gis sems can yongs su bsrus srid pa'i rgya mtsho gting med las/ /de las ji ltar gdon par bya/ /sems can rnams la brtser zhugs pa'o/ /sems bral stong nyid spang bar bya/ /chos kyi dbyangs kyi rang bzhin du/ sems nyid kyis ni sems bskyed bya/ /sangs rgyas byin brlabs sa bon las/ /de las aud pa lar bshad do/ /a'i dbyangs las byung ba yis/ /aud pa la zla ba'i dkyil 'khor la/ /zla ba de la slar yang ni/ /sa bon las byung de la sbyor/ /'jig rten khams rnams ma lus pa/ 'di yis rnam par sbyangs par bsam/ /sbyangs shing rtogs pas de yis ni/ /'od kyis sangs rgyas bye ba rnams/ /bskul zhi pa de las aud pal te/ /de yis sgrol ma bskyed par bsam/ /sku mdog dmar mo phyag bzhi pa/ pad+ma dmar po'i steng bzhugs shing/ /gos zung dmar po dang ldan pa/ rna rgyan dmar po dang bcas shing/ phyag g.yas mi 'jigs pa dang mi/ mnga' ni bsnams shing slar yang 'gengs/ g.yon pa gzhu 'dzin gnyis pa na/ shin du dmar pa'i aud pal bsnams/ /ku ru kul+le 'phug gnas shing/ /'od dpag med kyi dbu brgyan can/ pad+ma dmar po'i stan gyi 'og /sgra gcan gyi sna steng gnas pa'i/ 'dod lha'i chung ma'i steng du ni/ /myos par byed pa bsgom par bya/ /rdo rje dkyil krung gis gnas shing/ /sgyu rtsal sna tshogs kun ldan pa/ /rgyan rnams kyis yang dag brgyan/ /bcom ldan 'das ma bsam par bya/ /dam tshig ku ru bsdus sogs kyis/ /ye shes 'khor lo mtshon par bya/ /skad cig rnam pa yangs rdzogs pas/ ye shes 'khor lo mdun du gnas/ /dzamo ming med dag/ ring du rtse mor byas pa yis/ /rtse mo'i nang du ming med de/ 'dzub mo dag ni gung mor 'khyung/ /mtheb chen dag ni 'og tu son/ /'di bzhin bcings nas dam tshig gi 'khor lo la ni gzhug par bya/ /de nas dbang bskur ba zhu bar bya ste/ /sangs rgyas la zhes pa'i tshigs su bcad pa klag par bya'o/ /byang chub rdo rje sangs rgyas la/ mchod chen ji ltar byin pa ltar/ /bdag kyang bskyab pa'i don gyi phyir/ /nam mkha' i rdo rje dang bdag gsol/ /de byin chen por gyur pa yis// rgyal srid ming gi dbang bskur ba me tog dbang bskur de bzhin rgyal/ /spyan ma la sogs lha rnams kyis/ /dbang bskur ba ni rdo rje che/ /khams gsum kun gyis phyag byas pa/ sangs rgyas kun gyi gsang gsum gyi/ /gnas las byung ba sbyin par bya/ /sangs rgyas dbang bskur sgrol ma yis/ /chos ni gtsug tor nor bur bya/ /'od zer dmar po sna tshogs pa/ /'gro ba gsum po gsal bar mdzed/ /rin chen dbang bskur thob gyur nas/ /dngos grub thams cad bsgrub par bya/ /cho ga ji ltar sngon gsungs pa/ lo phyed bcad par 'jug pa yis/ /thun mtshams gsum du gtor ma dbul/ /bsgom pa sngon du bya ba yis/ /sgrol ma yis ni snying po 'di/ /mnyam par bzhag nas sngags bzlas so/ /aoM ku ru kul+le h+ribsnyen pa yi ge'i 'bum bzlas nas phyis las yang dag par brtsams par bya'o/ /cha shas kyis ni shes rab 'phel/ /yan lag gzhan gyis dbang du byed/ /yan lag gsum pas de bzhin du/ mi yis ? ni 'gugs par byed/ /'jig rten pa ni thams cad kyis/ /shin tu byos shing sgeg pa yis/ /bud med rnams kyis mchod par bya'o/ /ji ltar 'dod bzhin sngags bzung na/ /lha'i bu mo yid 'ongs rnams/ /zas dang ston mo sbyar bar byed/ /mkhas pas rim par goms pa yis/ /dngos grub phra mo 'gru chen po yang/ /grub par 'gyur bar the tshom med/ /sgrol ma'i rtogs pa las 'byung ba'i/ /ku ru kul+le'i sgrub thabs rdzogs so// //rgya gar skad du/ muk+ta ke na tA rong b+ha ba ku ru ku ru l+le sA d+ha naM/

CLOSE WINDOW