བོད་ཡིག

e-texts based on the ACIP/ALL Input

/ //rgya gar skad du/ sh+rI mad+gA dI rA dza sA d+ha naM/ bod skad du/ dpal ldan ngag gi rgyal po'i sgrub thabs/ 'phags pa 'jam dpal gzhon nur gyur pa la phyag 'tshal lo/ /'gro ba ma lus pa la yang dag bde ba'i mchog 'dod rang gi bde ba ni/ /chung ngu yang ni 'dod min rang bzhin chen po yang dag bla ma'i bka' yis ni/ /blo gros dman zhing chung la shes rab chu skyes rnam par rgyas byed mkhas pa yi/ /bcom ldan 'jam pa'i dpal gyi sgrub thabs bdag gis yang dag rab tu bri bar bya/ /dad pas dge ba'i mA ma yang dag nyer ston cing/ /gang gis mi dge'i bya ba yang ni yongs spangs shing/ /de bzhin yid ni ngag pas bla ma la thos nas/ /bcom ldan rtag tu bsgom pa la sogs rnam par bya/ /dang po yid la mngon 'dod dri med dben pa'i phyogs/ /dri bzangs me tog la sogs rnam pa mang po dang/ /tshom po sgra dang 'tshe ba la sogs rnam spangs par/ /bya ba kun zin gzhan yang bde bar rab tu 'dug/ g.yo ba'i sems ni 'bad pa yis/ /rtse gcig tu ni nges par bya/ /gzhan don byed pa'i bsam pa yis/ /bsgom bya de yi rjes su ni/ /byams pas sems can rnams la lus gcig la skyes mtshungs shing gnyen gyi mtshan nyid ldan/ /snying rjes sdug bsngal las kyang sdug bsngal rgyur gyur 'gro rnams mngon par 'don par spro/ /dga' ba'i sems kyis khyad 'phags mtshan nyid ldan pa'i yang dag dga' ba mdza' yas pa/ /btang snyoms log bar mngon zhen zad pa'i rang bzhin dang bcas mkhas pas bsgom par bya / de yi rjes su ji srid yid kyis 'dod par rab brkyang byas/ /dri med 'od 'phro bsil zer byed pa'i dkyil 'khor dkar po'i mdog de'i steng shin tu gzhon cing dri med gser gyi kha dog can/ /chu skyes 'dab ma dri med 'dab ma brgyad pa bsgom par bya/ /zla ba chu skyes dag gi 'od zer rnam par brkyang zhing rnam par g.yo ba'i mchog /steng du 'phen 'gyur 'od zer rang bzhin phug na gser mdog 'dra ba yi maM yig la/ /sngon ma dag gis g.yogs bzhin 'gro ba rnams la phan phyir sngags pas ring du bsgom/ /shin tu mchog gyur 'jam pa'i rdo rje go 'phang mngon 'dod mi mchog rnams kyis so/ /phyin skye dang rga dang mi mthun smod dang lkugs sogs sdug bsngal 'khrugs rnams la/ /zla skyes zung la maM gyi yi ge las byung 'od kyis 'khrigs bya ste/ /khams gsum blta zhing blta bas bde ba'i mchog rnams kun gyi sangs rgyas dang mtshungs pa / bdag gis legs byas 'dir yang yid ni yongs rdzogs bdag nyid rnam par blta bar bya/ /phyi nas phyogs bcu rnams na bzhugs pa'i bla ma dang ni de bzhin gshegs rnams dang/ /de bzhin dpal ldan byang chub sems dpa' sku rnams thams cad 'od kyis gdan drangs te/ /de rnams mdun byas yid kyi shing rta'i rang bzhin las skyes mchod pa'i cho ga yis/ /sna tshogs me tog dri bzangs bdug spos sna tshogs rnams kyis yang dag mchod byas te/ /de rnams mdun du dang por yang ni sdig pa bshags pa la sogs rnams byas nas/ /de nas de las de bzhin 'od zer rnams kyis ba spu'i khung zhugs gcig tu son/ /tshogs pa'i rnam pa de yis rab zhugs snying gar blta zhing de nas des byung ba'i/ /rmongs pa'i ri bo chen po 'joms par mkhas khyab bdag 'jam pa'i rdo rje bsgom par bya/ /dri med bcu drug lo lon ltar mdzes seng ge sngon po'i steng du bzhugs mdzad cing/ /phyag gi pad+ma bzung dag bshad pa'i tshul du rnam 'khrigs zhabs g.yon skyil krung phyed/ /tshogs la brten las mtshungs med shin tu mdzes shing shin tu ring min thung du min/ /rin chen gser dang nor bu'i rnam pa sna tshogs rgyan gyi phreng bas kun nas brgyan/ /bden pa ma yin brdzun pa 'ang min pa'i me long mthil du gzugs brnyan lta bur gsal gyur pa/ /'gro ba kun la yongs su skyabs sbyin smra ba'i mgon po dpa' bo gzhon nu bsgom par bya/ /phyi nas bdag nyid de bzhin sdig pa rnams ni rnam par byang gyur 'jam pa'i rdo rje'i skur gyur ba/ /mkhas pas ji srid bcom ldan sku dang mtshungs par ma gyur bar du ring du yang ni bsgom par bya/ /bsgoms pas ngal na sngags bzlas te/ /ta mdza' ra mdza' sa mdza' dang/ /de bzhin gsal byed rim pa'i sna tshogs/ /ai yig dang ni sna ldan bcas/ /'di yi khyad par gzhan rnams ni/ /bla ma dam pa'i gsung bzhin du/ /dri med rnam dag rab tu bzung bya blo ldan mkhas pa yi/ /rab mchog bla ma'i bka' yis bsam gtan sngags kyi bya ba bya/ /khyad par kun nas gsungs pa mdza' dag bdag gis shes mi nus /gal te yid kyis kyang ni 'jam dpal shin tu ngo mtshar zhing/ /yang dag sgrub byed bcom ldan rtag tu 'dzin byed gyur pa yi/ /dngos grub bla ma dam pa'i gsung las blo gros dang ldan zhing/ /de bzhin du yang mi shes mun pa'i tshogs rnams des 'joms 'gyur/ /yang dag bla ma'i bka' drin gyis ni blo gros dman pa bdag gis 'jam pa'i dpal/ /gzhon nu'i sgrub thabs 'di byas dpag med bsod nams tshogs ni gang zhig bsags gyur pa/ /de yis 'dir ni mi dge spangs shing dpal ldan 'jam pa'i rdo rje dpe med pa/ /dpal dang yid bzhin nor dang dpag bsam ljon pa lta bu 'gro kun thob gyur cig / dpal ldan ngag gi rgyal po'i sgrub thabs/ /paN+Di ta dpal ldan yid bzhin nor bus mdzad pa rdzogs so// //rgya gar skad du/ Arya bA dI rA dza many+dzu sh+rI sA d+ha naM/ bod skad du/ 'phags pa 'jam dpal ngag gi rgyal po'i sgrub thabs/

CLOSE WINDOW