བོད་ཡིག

e-texts based on the ACIP/ALL Input

/'jig rten dbang phyug dmar po'i sgrub thabs so/ /dge slong tshul khrims rgyal mtshan gyis bsgyur ba'o/ //*/ /rgya gar skad du/ AryA ba lo ki te shwa ra sA d+hA ni/ bod skad du/ 'phags pa spyan ras gzigs dbang phyug gi sgrubs thabs/ sngar bshad pa'i tshul gyis stong pa nyid bsgom pa'i rjes thog la nam mkhar las re las nges par byung ba'i nyi ma la gnas pa'i yi ge hUM las byung ba'i sna sogs rdo rje yongs su gyur pa las/ rdo rje'i ra ba dang rdo rje'i gur rnams par bsgom par bya ba'o/ /de'i dbus su shin tu 'jigs par dur khrod do/ /de'i yang dbus su pad+ma dmar po 'dab ma brgyad pa'o/ /de'i dbus su yang yi ge h+rI/ sngon po las yang dag par gyur pa bcom ldan 'das 'phags pa spyan ras gzigs dbang phyug ste/ sku mdog nag po g.yas brkyang ba'i gnas pas nyi ma'i dkyil 'khor la bzhugs pa/ zhal lnga ba spyan gsum pa phyag bcu gnyis pa g.yas kyi zhal gnyis ni dkar ba dang dmar pa'o/ /de bzhin du g.yon gyi zhal gnyis ni ser po dang ljang gu'o/ /g.yas kyi phyag rnams na ni Da ma ru dang kha twAM ga dang lcags kyu dang zhags pa dang rdo rje dang mnga' bsnams pa'o/ /g.yon gyi phyag rnams na ni sdigs mdzub dang thod pa dang pad+ma dmar po dang/ nor bu dang 'khor lo dang gzhu bsnams pa'o/ /zhal thams cad kyang mche ba rnam par gtsags pa'o/ /phyag rgya drug dang ldan pa 'jigs pa dang? yi ge ? phreng bas sku la rgyan du byas pa gcer bu sku thams cad kyang shin tu mdzes par bdag nyid skad cig gis rtogs par byas la/ dus phyis snying gar zla ba la yi ge h+ridza:zhes bya ba'i sngags 'di phreng ba byas la bzlas pa bya ba'o/ /mtshams med pa lnga byas pa rnams kyis kyang 'bus brlas na 'grub bo/ /sgyu 'phrul gyi dra ba'i lugs kyi 'phags pa spyan ras gzigs dbang phyug gi sgrub thabs pa Ni ta chen po shAn+tA ka ra'i zhal snga nas dge slong tshul khrims rgyal mtshan gyis bsgyur ba'o/ / //rgya gar skad du/ s+thi ra tsakra sU d+ha ni/ bod skad du/ brtan pa'i 'khor lo'i sgrub thabs/ aoM brtan pa'i 'khor lo la phyag 'tshal lo/

CLOSE WINDOW