བོད་ཡིག

e-texts based on the ACIP/ALL Input

/des ni srid gsum tsher ma 'byin cing zhi bzhi rtog ldan pa/ /rgyal ba lnga yi cod pan 'dzin dang 'gro ba rjes su mnyam par shog /kun tu bzang po'i zhes bya ba'i sbyin sreg gi cho ga rdzogs so// //bcom ldan 'das dpal rdo rje sems dpa' la phyag 'tshal lo/ /dpal ldan rdo rje sems dpa' la/ /kun nas dang bas phyag 'tshal te/ rgyud rnams thams cad las bsdus te/ /rab gnas cho ga bshad par bya/ /de la dang po re zhig rnal 'byor pa dkyil 'khor du zhugs shing dbang thob pa/ rigs pa'i sdom pa gzung pa/ gsang ba'i cho ga'i bya ba shes pa/ dpal brtan pa spro ba che ba/ dul ba phrin las rnam pa bzhi'i spyod pa dang ldan pa/ gsang ba'i ye shes bslab pa/ phyag rgya bzhi bsgom par mos pa'i rnal 'byor pa dang/ sgrub pa'i grogs po byang chub tu sems bskyed pa/ gsang ba'i cho ga'i bya ba shes pa/ gtsang ma/ gsang ba'i bya ba la mkhas pa/ blo dang ldan pa dang/ snying stobs dang ldan pa'i rnal 'byor pas/ grong khyer ram grong rdal lam/ nags tshal lam/ ljongs sam/ kun dga' ra ba'am/ gtsug lag khang du lugS su blugs pa'am/ 'bur du brkos pa'am/ ri mor bris bzhi pa'am/ dbang dam rgyas pa'am/ mngon spyod la sogs pa'i sku rab tu gnas pa byed par 'dod na/ dkyil 'khor gyi sa gzhi nye 'khor du dris nye bar byug nas dkon mchog gsum dang/ rab tu gnas par byed pa'i lha dang/ rdo rje slob dpon la dmigs te/ maN+Dal lnga byas nas mchod pa lnga bshams nas/ stod g.yogs dang smad g.yogs bgos nas cod pan dang rgyan btags te/ phreng ba dang dag byed dang ldan pas/ skar ma rgyal dang gza' phur bu'i nyin par khrus byas shing zas dkar gsum zos par gdugs dang rgyal mtshan dang bdan dang dril bu rnams bres te/ gu gul gyi dud pas bdug pa dang/ yungs kar gyis bgegs bzlog nas bsnyems pa dang/ de la re zhig rnam par rtog pa shas chung na/ stong pa nyid kyi khrus bya ba/ lce byin gyis brlab pa dang/ lag pa byin gyis brlab pa dang/ khro bo bzhi'i lus bskyed pa dang/ khro po gsum gyis bgegs bsal ba dang/ khro bo drug gis phyogs bcing ba dang/ khro bo gsum gyis rab dang dra ba byas la/ mchod pa byin gyis brlabs nas/ rdo rje 'khor los dkyil 'khor sbrul la/ mchod pa dang phyag btsal ba dang/ sdig pa bshags pa dang/ rjes su yi rang ba dang/ chos kyi 'khor lo bskor bar bskul pa dang/ mya ngan las mi 'da' bar gsol ba gdab pa dang/ mchod pa'i sprin dang lus dbul ba dang/ dge ba'i rtsa ba sngo ba dang/ byang chub tu sems bskyed pa dang/ sdom pa bzung ba dang/ gzugs brnyan gyi lhar bskyed na/ mnyam pa'i thal mo dang/ rdo rje sdams pa dang/ bsdams pa dral ba dang/ ye shes dbab pa dang dbab pa nye bar bsdu ba dang/ ngan song dgug bcing sdig pa dang dral ba dang/ dkyil 'khor snying gar bsdu ba dang/ mngon par byang chub pa lngas lhar bskyed la/ byin gyis brlab pa dang/ ting nge 'dzin gyis bsgom pa dang/ snying gang dbang bskur ba dang/ phrin laS gyi brtul zhugs blang ba dang/ rnal 'byor chen po bskyed pa dang/ rjes su rnal 'byor de bzhin gshegs pa'i khams bzhugs pa dang/ byin gyis brlab pa dang/ dbang bskur ba dang/ mchod pa dang bstod pa byas la/ bdag nyid thabs kyi 'khor lo rdzogs par byas la/ ye shes kyi sbyor bstong ba nyid bsgom pa dang/ rdo rje'i sa sbyong ba 'byung ba rim brtsegs gzhal yas khang gdan dang bcas pa bskyed pa dang/ 'chi ba'i srid pa ri rab kyi rtse mos lus bzhag pa dang/ srid pa bar ma do bsam gtan gzugs nang pa bsgom pa dang/ skye ba'i rnal 'byor byang chub sems dpa' don grub tu bskyed pa dang/ mi g.yo ba'i ting nge 'dzin las bslang nas dang po'i sbyor ba dang/ dkyil 'khor rgyal po mchog dang/ las rgyal mchog bsgoms la/ ye shes sems dpa' gzhug pa'i las brgyad kyis ye shes sems dpa' bcug la/ rgyas btab nas dbang bskur ba dang/ mchod pa thams cad kyis mchod la/ ji lta ba bzhin du bsgom par bya'o/ /de ltar mchin ma ma thob kyi bar du bsgom pa 'am/ gtso bo la 'bum dang/ 'khor rnams la khri khri bzlas pa dbul ba dang/ rgyud phyi ma'i phyi ma bzhin du/ zla ba bzhi 'am zla ba drug tu bsnyen pa bya'o/ /de ltar bsnyen pa byas nas sa sbyar pa'am ma sbyangs pa'i gnas sa'i cho ga ji lta ba bzhin du byas te/ lhag par gnas par bya'o/ /de la mchod pa bshams pa dang/ rdzas bsags te rgyan thams cad kyis brgyan la gdong dri zhim par byas la/ me tog gi phreng ba btags te/ rgyu skad rgyal gyi zhag dang gza' phur bu la/ bsrung ba'i 'khor lo rten dang bcas pa dang/ tshogs sogs pa'i dmigs pa'i yul dang bcas pa dang tshigs kyi lam dngos sems bskyed pa dang bcas pa dang/ rdo rje dbab pa chog bzhin du bya ba dang/ phyag rgya chen po cho ga bzhin du bcing ba dang/ mdun du sems dpa' cho ga bzhin du bskyed de/ bdag nyid rdzogs par byas nas// 'byung ba ri rab dang bcas pa bskyed pa'i steng du sa'i lha mo spyan drangs la/ cho ga bzhin du de nas dbang du gsol te ji ltar bzhin du spro ba bskyed par bya'o/ /de nas bsam gtan dang gzugs med kyis ting nge 'dzin gsum du byas nas/ 'og min du don grub kyi gzugs su skyes par bsams la/ phyogs bcu sangs rgyas thams cad spyan drang bar bya'o/ /de nas dang por sbyor ba dang/ dkyil 'khor rgyal mchog dang/ las rgyal mchog bsgoms la/ bsod nams kyi tshogs sogs pa'i cho ga ji lta ba bzhin du byas nas/ sgrub pa'i grog kyis mtshan brgya rtsa brgyad pas gsol ba btab la/ bdag nyid 'khor lo sgyur ba'i phyed du brjod par bya ste/ dkyil 'khor nam mkha' la khro bo'i bstod pa dang/ bgegs la bka' bsgo ba byas nas/ rdo rje'i lta bas rab dang/ dra ba byas nas/ stang stabs gyis? dgegs bsal ba dang/ sngags dang phyag rgyas bsrung ba'i 'khor los byas la/ gsang ba'i dkyil 'khor bkug nas/ de'i yan lag phur bu ji lta ba bzhin du btab nas/ rdo rje gnod sbyin gyi bgegs bsal la dri'i thig le dang me tog tshom bu bkod la/ lha lhag par gnas par bya'o/ /de nas bum pa lhag par gnas pa dang/ sbyin sreg lhag par gnas pa dang/ gtor ma lhag par gnas pa ji lta ba bzhin du bya'o/ /de nas shing bu gru gsum gyi nang du/ kham por bzhag nas/ der me blugs la zur gsum du bag zan gyi skor bu gsum byas te/ der me mar btang nas bag zan gyi chang ba gsum byas nas/ rdo rje gtsug tor gyi sngags sam/ rdo rje gnod sbyin gyi sngags kyis/ yungs kar gyis bgegs bzlog par bya'o/ /sku gzugs sam glegs bam la sogs pa rab gnas gang byed pa de ras kyis g.yogs la/ hUM bruM h+rI:gsum gyis bsrungs nas gzhag par bya'o/ /de nas snyan gsan dbab par bya ste/ ji ltar sangs rgyas thams cad kyis/ /dga' ldan du ni bzhugs pa na/ /lha mo sgyu 'phrul lhu ma bzhags ltar/ /de bzhin gzugs brnyan 'dir bzhugs shig /'dir mgon po brtan bzhugs nas/ /byang chub sems ni bskyed pa dang/ /che ge mo yi don slad du/ /bdag ni 'byor pa nyid kyis ni/ /ci 'byor pa yi mchod pa rnams/ /me tog la sogs 'di bzhes shig /bdag dang slob mar bcas pa la/ /rjes su brtse bar dgongs su gsol/ /kun gyis 'di la byin brlab cing/ /de nyid du ni bzhugs par rigs/ /de nas nyi ma shar khar dkyil 'khor thig btab pa chen? dgye zhing lha dgod pa'i dkyil 'khor gyi cho ga las bshad pa bzhin byas la/ rdzas bsags nas/ dkyil 'khor blangs te/ lhag pa dang mtshang ba/ bskangs la/ bum pa gzhug par bya'o/ /dkyil 'khor gyi byang phyogs su khrus kyi khang pa yid du 'od ba/ shes gyis gzhi la rin po che'i ka bas brgyan pa/ mu tig dang rin po ches spras pa brtsigs pa 'am bris la/ rab tu gnas pa byed par 'dod pas/ thog mar khrus gyi khang pa der lha spyan drangs la/ khri'i steng du bzhag pa 'am ras ris po ti la sogs pa yin na mdun du bzhag la/ me long bstan la bum pa rnams kyis sku khrus gsol ba bstod dbyangs dang bcas pa bya ste/ de la bstod dbyangs ni/ ji ltar bltams pa tsam gyis ni/ /lha yi chu ni dag pa yis/ /de bzhin gshegs kun khrus gsol ltar/ /de bzhin bdag gis sku khrus gsol/ /yoM sarba ta thA ga ta a b+hi She ka sa ma ya sh+rI ye hUM/ de nas rnam pa kun gyi mchog dang ldan pa'i/ lha'i sku la gnam gsum du/ yi ge aoM A:hUM gsum gyis byin gyis brlabs la/ gser dngul lam zangs las byas pa bum pa lto ba yangs pa mgrin pa ring ba mchu 'phyang ba/ sman dang 'bru dang rin po che lnga dang ldan pa/ ras sar pas mgul la bcings pa/ ldum bcas lcug mas kha brgyan la/ sngar bsnyen pa byas pa'i dre'i chus gang ba slob dpon gyis yongs su bzung nas/ me long dri'i thig le lnga dang/ til mar thigs pa lnga dang/ me tog gi tshem bu lnga dang/ 'dag chal dang bcas pa'i pir? gyis sbyangs la/ bkra shis kyis tshigs su bcad pa dang/ rdza rnga la sogs pa rol mo'i sgra dang bcas pas sku khrus gsol bar bya'o/ /de la til mar gyi sngagS ni/ aoM sarba ta thA ga ta kA ya bi sho d+ha na ye swA hA/ dri'i sngags ni/ gan d+ha ma la ya swA hA/ dUr ba'i pir sngags ni/ aoM ma lA saM sho d+ha ne swA hA/ de nas sku khrus gsol ba'i bstod dbyangs ni/ /gzugs kyi phung po rnam dag pa/ /nyon mongs gti mug spyod byed pa// me long lta bu'i ye shes kyis/ /dpal ldan sku'i khrus gsol lo/ /chor ba'i phung po rnam dag pa/ /nyon mongs nga rgyal sbyong ba yi/ /mnyam pa nyid kyi ye shes kyis/ /dpal ldan yon tan dbang bskur ro/ /'du shes phung po rnam dag pa/ /nyon mongs 'dod chags spyod byed pa'i/ /so sor rtog pa'i ye shes kyis/ dpal ldan gsung gi dbang bskur ro/ /'du byed phung po rnam dag pa/ /nyon mongs phrag dog sbyong byed pa/ /bya ba nan tan ye shes kyis/ /dpal ldan phrin las dbang bskur ro/ /rnam shes phung po rnam dag pa/ /nyon mongs zhe sdang spyod byed pa'i/ /chos kyi dbyings kyi ye shes kyis/ /dpal ldan thugs kyi dbang bskur ro/ /ji ltar dam pa tog dkar dga' ldan nas/ /lha mdzas lhums nas bltams la khrus gsol lhar/ /sku gdung ring bsrel dri ma med par bcas sprul sku yid 'ong rnams la khrus gsol lo/ /zhes bya ba dang/ aoM sarba ta thA ga ta sun su pra tiSh+Thi ta swA hA/ zhes bya bas sran phye dang/ bag phye'i tshal dang/ yung ba dang/ 'bras yos dang/ til mar dang/ sbrang rtsi dang/ 'o ma dang/ 'gan ta pa dang bcas pa sku gzung? nyid dam/ me long gi steng du btab la/ tsandan dang ga bur gyi dri'i thig le byas la/ me tog dang bcas pa la ku sha'i bir gyis bkru bar bya'o/ /de ltar sku la sogs pa lan gsum mam lnga lnga bkrus nas/ gos gtsang ma'i dris bgos pas sku phyis te/ de bzhin gshegs pa'i sku gzugs rnams la ni/ bla gos dang snam sbyang gsol bar bya'o/ /byang chub sems dpa' rnams la gos sna tshogs pa dang/ khro bo rnams la ni gos sngon po dang/ dmar po dbul zhing bkra shis tshigs su bcad par gdon par bya'o/ /de la snam sbyar gsol bsang sngags ni/ aoM di pa pra ba ye swA hA/ de la dri dbul ba'i sngags ni/ aoM badzra gand+he swA hA/ de la byang chub sems dpa' la sogs pa la rgyan dbul ba'i sngags ni/ aoM A ba ra na b+hi bu Sha Ne swA hA/ de nas dkyil 'khor chen po spyan drangs la gtsug ? khang yin na/ /mdun nam phyogs su ma lo zhing drang bar sku gzugs mdzes par bkod la/ dkyil 'khor gyi lha rnams gtso bo dang bcas pa mdun du der bstan la dkyil 'khor bsgrubs nas bdag dang gtso bo dang tha mi dad par bsgoms la pU dza bya'o/ /da ltar bdag nyid kyi dkyil 'khor/ pU dza rdzogs pa'i rjes la rab gnas kyi lha la pU dza lnga phul nas dam tshig sems dpa' i yi ge hUM gis gsal bar byas la/ ye shes sems dpa' spyan drangs te rgyud las 'byung ba'i phyag rgya bzhis rgyas btab la dbang bskur nas dngos su 'byor pa'i sU dza lnga dang/ yid kyis sprul pa brgyad dang/ rig ma bcu drug gis mchod par bya'o/ /de la me tog dbul ba'i tshigs su bcad pa ni/ chu dang thab las skyes pa yi/ /me tog dam pa mchog 'di dag /mchog tu dar bas 'bul lags na/ /khyod kyis ci bder bzhes su gsol/ /aoM badzra puShpa? a:hUM/ lhan cig skyes dang sbyar byung ba'i/ /lha rdzas dam pa'i bdug pa 'di/ /mchog tu dad pas 'bul lags na/ /khyed kyis ci bder gshes su gsol/ /aoM badzra d+hu pe A:hUM/ lhan cig skyes dang sbyar byung pa'i/ /lha dang mi yi dri mchog 'di/ /mchog tu dad pas 'bul lags na/ /ci bde bar ni bzhes su gsol/ /aoM badzra gand+ha A:hUM/ bza' dang bca' pa phun tshogs pa'i/ /kha dog dri dang do ldan pa'i/ /thams cad 'byor pa'i zhal zas 'di/ /bdag gi 'bul gyis bzhes mu gsol/ /aoM badzra nai be b+ha Abya'o/ /rdo rje dbyings kyi las kyi dkyil 'khor nas 'byung ba'i rig ma bcu drug gi phyag rgya dang bcas pas kyang mchod par bya'o/ /de nas gzugs rin chen sna bdun dang/ dpag bsam gyi shing dang/ buM pa bzang po dang/ 'dod 'dzo'i ba dang/ bkra shis kyi rdzas brgyad dang/ sgra rol mo cha byad bcu dang/ dri'i snod brgya 'am stong dam/ rol snod brgya'am steng dam/ reg bya res gzung stong dam/ tha ma yang spyir zung gcig dbul lo/ /de ltar 'dod pa'i yon tan thams cad kyis mchod la/ sbyin sreg dang gtor ma byas nyin mo nyal nas/ phyi de nang bar nyi ma shar kar spyan dbye bar bya ste/ ji ltar mig mkhan rgyal po yis/ /'jig rten ling tog bsal ba ltar/ /de bzhin rgyal ba rnams kyi spyan/ /sems can don du dbye bar bgyi/ /aoM tsak+Shu tsak+Shu sa man+ta tsak+Shu bi shod+ha ne swA hA/ zhes bya bas gser la sogs pa'i thur mas spyan dbye bar bya'o/ /de nas snyan dbye bar bya ste/ gser la sogs pa'i rna 'bru thogs la/ 'gro rnams thos pas phongs gyur pa/ /rgyal bos chos kyi rnga brdungs ltar/ /de bzhin sems can don gyi phyir/ /rgyal ba'i snyan ni dbye bar bgyi/ /aoM di bya kar+Na ye swAhA/ de nas shangs dbye bar bya ste/ gser la sogs pa'i smad tsher thogs te/ zag bcas phung po dri spangs pa'i/ /'gro ba'i sems can don bgyid phyir/ /rnam par dag pa dri rnyed ltar/ /rgyal ba'i shangs ni dbye bar bya/ /di bya g+ha Na ye swAhA/ de nas thur ma thog ? la zhal dbye bar bya ste/ 'gro ba thams cad tshim mdzad ltar/ /ro mchog brgya ldan zhal zas dam pa 'di/ /dbul phyir rgyal ba'i zhal ni dbye bar bya/ /aoM dbye mu kha ye swA hA/ de nas sdu gri thogs la/ rab tu byung ba'i gzugs yin na/ skra bzhang ba ltar byas te/ ji ltar rang byung mchod rten drung/ /ston pas khyim pa'i rtags spangs ltar/ /'gro ba sems can don gyi phyir/ /khyim pa'i rtags rnams spang bar bya/ /snam sbyar dang/ sham thabs dang/ bla gos gsol nas/ ji ltar sman pa'i rgyal po 'tsho byed kyis/ /rgyal ba'i sku la na bza' gsol ba ltar/ /de bzhin 'gro ba rnams la phan bya'i phyir/ /ngo tsha khrel yod gos mchog gsol bar bgyi/ /aoM di bya bstan ye swAhA/ chu tshags dang/ lhung bzed thogs la/ aoM ai na yugs pa ri kar ye swAhA/ de nas thugs kar rdo rje bzung la/ mtshan dang dpe byang la sogs bskyed pa'i phyir/ /dung dang dpal be'u g.yung drung 'khyil pa dang/ /bkra shis rdzas brgyad dag gis rnam brgyan pa/ rgyal ba'i thugs la rnam par brgyan par shog /aoM hwa? tri sha da mahA pu ru Sha ? Ni shi ti a nu byany+dza nA ya swAhA/ po ti dang glogs pa ma yin na yi ge Agnyis chos kyi 'khor lo bskor ba'i phyag rgya 'dzin pa/ g.yas kyi gnyis pa na bgrang phreng /g.yon gyi gnyis pa na pad+ma'i steng na shes rab kyi pha rol tu phyin pa'i glegs bam bsnams pa bskyed la/ ye shes sems dpa' bcug nas rgyas btab ste/ dbang bskur nas mchod pa thams cad kyis mchod la/ byang chub kyi yan lag bdun gyi na bza' gsol te/ rgya rim pa bdun gyis gdab ste yig 'bru'i rang bzhin du zhu bar bsam mo/ /de la na bza' dbul ba'i sngags ni/ dbyi ba sra ye swA hA/ na bza' i steng du mdud pa btang la/ spra tshil las sin d+hu ra'i rgyas btab la/ aoM badzra mu dra ba na da ya a d+hi tiSh+Tha swAhA/ zhes brjod do/ /na bza' dbul ba'i tshigs su bcad pa ni/ byang chub yan lag rnam dag pa'i/ /dam chos gsung gi 'od zer gyis/ /na bza' dri ma med pa 'di/ /dam pa'i chos la dbul bar bya// zhes brjod de/ mchod rten yin na/ rigs rnam pa lnga'i sprul pa'i sku bskyed la/ ye shes sems dpa' bcug nas/ rgyas btab cing dbang bskur nas/ mchod pa thams cad kyis mchod la/ mthar mchod rten gyi tshul du bzhugs pa la/ aoM a ra dze bir dze swAhA/ zhes bya bas sa dkar gsol lo/ /aoM ha ra myA ye swAhA/ zhes bya bas bre gzugs par bya'o/ /tsakra ba bar tsa ta mA ye swAhA/ zhes pas 'khor lo gzugs pa dang/ aoM tshtsha traM ye swA hA/ zhes gdugs gzugs pa dang/ aoM ku b+hi ra d+hwa dzA ye swAhA/ zhes pas chu srin gyi rgyal mtshan gzugs pa dang/ aoM pa ta ka d+hwa dza ye swAhA/ zhes pas ba dan gzugs pa dang/ aoM pa Ta laM bA ye swAhA/ zhes bya bas dar dbyangs gzugs pa dang/ aoM puShpa? mA lA ye swAhA/ zhes bya bas me tog gi phreng ba gdags pa dang/ aoM tsa ma dA ya swAhA/ zhes pas rnga ? kyi g.yab bar bya'o/ byang chub sems dpa' i cha lugs yin na so mangs dang/ khab dang/ bslung bu dang/ gri dang/ chu gri rnams phul la/ 'gro ba sems can kun la phan pa'i phyir/ /rig pa'i gnas lnga dag la bslab bya zhes ji ltar thugs dam rgya che ba zhes ba bzhin/ /mkho ba'i yo byang rnams ni dbul bar bya/ /aoM A pa yu ka sa pa ri skar ye swA hA/ de nas de bzhin gshegs pa 'am/ byang chub sems thun mong du rin po che sna bdan dang/ bkra shis gyi rdzas brgyad dang/ 'jig rten pa? bkra shis pa'i bil pa dang/ sta rkad da/ zho dang ras yug dkar po dang/ gdugs gser gyi lu ba can rnams dbul bar bya ste/ dang bor las thams cad pa'i chus bsangs la dri'i thig le dang/ me tog gi tshom bu bkod nas ji ltar mi dbang 'khor lo sgyu rang? yis/ /rin chen sna bdun tshogs dang bcas pa ltar/ /rgyal ba rnams dang byang chub sems dpa' la/ /rin chen sna bdun tshogs ni dbul bar bya/ /lha'i dbang po lha min g.yul rgyal nas/ /bkra shis lha mo brgyad kyis mchod par bgyis/ /rgyal pa rnams dang byang chub sems dpa' rnams/ /bkra shis rdzas brgyad dag gis mchod par bgyis/ /'jig rten khyim bdag rnams kyi dpal rnyed na/ /bil ba stad bum pa bzang dang bcas/ /mdun du bsngar nas bkra shis byed pa ltar/ /rgyal ba sras dang bcas la dbul bar bgyi/ /de nas 'byor pa yong na sbyin sreg bya'o/ /med na skyed bu dkar po gsum btsugs la/ /sa las byas pa'i snod gtsang mar/ dkar gsum dang/ mngar gsum gyi gzhi la sman sna tshogs btab ste/ /sbyin sreg gi me 'am/ rig pa'i me la yi ge brgya pa zlos shing bskol bar bya'o/ /de nas ? du dbul bar bya'o/ /de nas dkyil 'khor gyi lha gshegs su gsol pa ni/ rdzogs sangs rgyas dang de yi sras/ /tshangs sogs lha yi tshogs rnams dang/ /gang dag cho ga ma tshang ba/ /de dag bzod pa mdzad par rigS// kun bzhi dang rgyas dang ni/ /yon bdag che la rab mdzad nas/ /sangs rgyas yul du gshegs nas kyang/ /slar yang 'byon par mdzad du gsol/ /sa dang chu dang me rlung gis/ /ji srid bskal pa 'jig par ru/ /lha rnams kun gyi sku bzhugs la/ /de srid bcom ldan bsrung bar mdzod/ /thugs bzangs dgyes bar gyur pa yi/ /slob dpon slob mar bcas pa yi/ /bu dang tshi bo bsrung mdzad nas/ /rang gnas dge bar bshegs su gsol/ /de nas dam tshig sems dpa' rang la bsdu'o/ /de nas yon bdag dang slob dpon gnyis kas sku'i gdan khri nas bzung nas me tog gi phreng ba phul te/ ji srid ma dang chu dang ni/ /rlung gis bskal pa 'jig par du/ /sems can kun gyi don gyi phyir/ /bcom ldan khyod ni bzhugs par mdzod/ /de nas phyogs skyong dam/ /mahA kA la dang/ yul gyi bgegs la gtor mi byin la/ /'gro ba sems can don slar du/ /bder gshegs rnams ni bzhugs kyi bar/ /bdag dang gzhan gyi don gyi phyir/ /sprul pa'i gzugs brnyan bsrung bar mdzad/ /ces bya ba dang/ bcom ldan phyag na rdo rje la yang mchod pa phul la/ bde bar gshegs pa'i sprul pa'i sku/ bsrung bar zhal gyis bzhes pas/ ji srid bcom ldan 'das bzhugs kyi bar du bsrung bar mdzad du gsol/ zhes brjod pa dang /rab tu bsrung ba'i gnas brtan dang/ khyim pa'i gtso bo rnams la yang/ snyigs ma lnga'i dus kyi sprul pa'i sku ni 'di yin gyis/ 'di khyod kyis ma nyams par bsrungs zhes brjod par bya la/ lugs ma 'am/ ras ris sam/ po ti yin na/ na bza' bzang po drangs la/ shing rta las bskyon nas dri'i thig le byas te/ 'gro ba rnams dad par bya ba'i phyir grong khyer rnams bskor bar bya'o/ /yon gyi bdag po rnams kyang glu dang/ gang dang/ brgyan gdags pa dang/ bkra shis pa rnams byed do/ /de la rab gnas kyi dus ni/ dpyid zlar ba 'am 'bring po 'am/ zhes pa nas/ skye dang skye ba 'grub par 'gyur/ /zhes pa'i bar de/ rgyu dang mthun no/ /gsang sngags rdo rje theg pa la/ /bstan pa'i snying po ma nus pas/ /rnal 'byor so so'i mos pa yis/ /'dzam gling 'di ru sprul pa'i sku/ /ji ltar 'dod bzhin gshegs pa'i sku/ /lugs sku la sogs gzugs brnyan la/ /rab tu gnas pa'i cho ga ni/ byas pas sprul sku thob par shog / rnal 'byor gyi rgyud kyi rab tu gnas pa'i cho ga /rab gnas kyi rgyal po zhes bya ba rdzogs so// //rdo rje dbyings kyi dkyil 'khor gyi cho ga bzhugs// //rgya gar skad du/ badzra d+hA tu mahA maN+Da la lo pa ai ka sarba badzrod ya nA ma pi Na DArtha/ bod skad du/

CLOSE WINDOW