བོད་ཡིག

e-texts based on the ACIP/ALL Input

/ /'od gsal 'char ba'i rim pa/ dpal gshin rje gshed dmar po la phyag 'tshal lo/ /gang zhig shin tu goms pa yis/ /spros pa nyid kyis yid yongs na/ /bla ma'i man ngag la brten nas/ spros pa de nyid spros med bya/ ri bo'i rtse sogs rab dben par/ /maN+Dal la sogs tshogs byas la/ /bdag bskyed mchod dang bum pa bzlas/ /ji skad bshad bzhin 'grub pa na/ /shin tu dad dang ldan pa yi/ /slob ma rjes su bzung bar bya/ /khrus sogs sngon 'gro bgegs bskrad la/ /thun mong pa dang khyad par gyi/ yongs su rdzogs pa'i sdom pa sbyin/ /rang snying la gnas dbyug pa dkar/ /rdo rjes mtshan pa bsgom par bya/ /sna tshogs sgros pa'i yid 'di nyid/ /spros dang bral bar gdod nas grub/ /spros dang spros med gzhan min phyir/ /zung du 'jug pa'i sems bskyed bya/ /aoM badzra yo ga tsat+totpa da yA mi su ra ta sa ma ya ste/ de nas 'jam dpal 'dus pa yis/ /dkyil 'khor cho ga las gsungs ltar/ /'byung ba lnga dang phung lnga la/ /gnas pa'i nyon mongs lnga sbyangs nas/ /bde gshegs lnga dang ye shes lnga/ /dbang bar byed pa dbang lnga sngon/ /da nas bsgrub dang bsgrubs pa yi/ /bde ba thig le'i man ngag bya/ /rdo rje rnam rtog gzhom pa yi/ /g.yo 'dzin rlung gi man ngag dbab/ /de yi 'og tu zab mo ni/ /sangs rgyas kun gyi thugs kyi gsang/ /mkha' 'gro'i bka' yis gdams gyur pa/ /rnam rtog 'od gsal zhal las gzung// de nas nam zhig rtogs gyur pas/ /skad cig nyid la ye shes 'char/ /grol dang grol ba ma yin pa'i/ /'ching ba kun ni spangs par 'gyur/ /nor dang go 'phang mnyam pa dang/ /mkha' 'gro dang kun mthong dang/ /mkha' 'gro bran du bya la sogs/ /ci 'dod pa yi bsam pa 'grub/ /de ltar shin tu gsang pa bla ma dam pa'i drin las byung gyur pa/ /gsal par byas pa gang yin des ni srid pa gsum du 'ching ba kun/ /spangs nas srid gsum bde chen ngo gcig dpal ldan las 'bras kun gzigs pa/ /zhi las 'jam dbyangs shin tu khros pa gshin rje gshed du dpal thob gyur cig/ dpal gshin rje gshed dmar po'i byin gyis brlabs pa'i man ngag 'od gsal 'char ba'i rim pa slob dpon mthu stobs kyi mgon po dpal ba rungs mdzad pa rdzogs so/ / //rgya gar gyi paN+Da te bar n+d+ra ba'i zhal snga nas dang/ chag lo tsa dge slong chos rje dpal bzang pas bsgyur ba'o/ / //rgya gar skad du/ su ni pra pany+tsa tat+to pra pany+tsa tat+ta pa de shanA ma/ bod skad du/ shin tu spros pa med pa de kho na nyid kyi man ngag ces bya ba/ bcom ldan 'das 'jam dpal dbyangs la phyag 'tshal lo/

CLOSE WINDOW