བོད་ཡིག

e-texts based on the ACIP/ALL Input

/ / !/ /rgya gar skad du/ badzra tsar tsi ka sA d+ha naM nA ma/ bod skad du/ rdo rje sems ma bde ba'i sgrub thabs zhes bya ba dpal rdo rje sems dpa' la phyag 'tshal lo/ /thabs kyi rgyal po la 'dud shes rab go cha can/ /byams pa rnam par dag pas sems can brtse skyong ba/ /thabs chen sad pa'i mnga' yis ma rig srog gcod cing/ /gti mug rnam par dag pa ye shes yul can la/ /btud de zhe sdang thams cad rnam par mthar byed cing/ /snying po 'khor lo bsgrub phyir rab tu bshad par bya/ /dang po sngags pas tho rangs cha/ /khrus kyi bum pa legs byugs nas/ /gur kum chus byugs rdo dag gis/ /sgo dgu la ni brdeg par bya/ /de nas gos sogs tshul bsdams nas/ /shu kra dkar po'i maN+Dal bya/ /bdag nyid lha ru gsal ba yis/ /rnam dag bdun dang tshad med bzhi/ /byas nas phyi nas chos la blta/ /sngags rkyen gyis ni rnam thar bsgom/ /bdag bsrung ba ni ye shes la/ /gzhan bsrung 'khor lo chen po'o/ /ma chags dang ni 'od zer bsil/ /rdo las chos kyi 'khor lo bskor/ /spro bsdus nga rgyal brtsam par bya/ /aoM badzra tsar tsi ka At+ma ko haM/ gyur pas sku mdog dkar la zhi/ /cung zad skem zhing phral 'jam/ /dkar sngo dmar ba'i zhal gsum ma/ /gri gug 'khor lo ral gri dang/ /rin chen chu skyes 'dzin pa'i phyag /stag gi pags pas smad dkris te/ /dbu skra ser brdzes thod pa lngas/ /dbu brgyan lnga bcu'i phreng ba can/ /zhi zhing sgeg pa me dbus kyi la/ /g.yon bskum g.yas pa brkyang pas gnas/ /rang snying sa bon rdzogs pa dang/ /yig 'bru gsum la rdo rje gsum/ /skye mched la ni rdo rje drug /rig pa'i dbang bskur gshin rje gshed/ /dzagsang ba'i mchod pa bya/ /lag pa rdo rje dril ldan pas/ /rdo rje zhi ba byang chub sems/ /gti mug rdo rje nyid dbyer med/ /chos kyi dbyings kyi bdag chen po/ /rdo rje sems dpa' phyag 'tshal bstod/ /spro dang bsdu ba byed pa'am/ /ji srid mi skyo'i bar du bya/ /zhi rgyas dbang dang drag po yis/ /phrin las mthun par gsang sngags bsgrub/ /aoM mo ha ra ti badzra hUM hUM hUM phaT phaT swA hA/ rdo rje tshig ni mi gsal zhing/ /sngags pa'i yid gsal bzlas par bya/ /gal te spros pa'i rnal 'byor gyis/ /ngal ba sob 'di lta ste/ /chos kun zhi ba rim bzhin du/ /pad+ma chos 'byung la thim bya/ /chos kun yi ge gsum ldan pas/ /go rim a yi sgras bskul te/ /skye med 'od gsal bsgom par bya/ /gti mug rab tu rmongs pa'i mun chen dang/ /nga bdag chings chen rab tu bcad pa'i phyir/ /rgyud chen las byung bcom ldan mngon sum du/ /thos nas bris pa'i gzhung 'dis kun grol shog /rdo rje sems ma bde ba sgrub pa'i thabs zhes bya ba slob dpon mkhas pa chen po mar me mdzad kyis mdzad pa rdzogs so// // rnal 'byor pa pradz+nyA sh+rI dz+nyA na kIrtis rang 'gyur du mdzad pa'o/ / // !/ /rgya gar skad du/ badzra DA ki yo gi ni sA ha na nA ma/ bod skad du/ rdo rje mkha' 'gro ma rnal 'byor ma'i sgrub thabs zhes bya ba/ dpal rdo rje sems dpa' la phyag 'tshal lo/

CLOSE WINDOW