བོད་ཡིག

e-texts based on the ACIP/ALL Input

/stong nyid snying rje'i rang bzhin can/ /pad+ma spyan ras gzigs phyag 'tshal/ /lha nyid rnam pha du ma ni/ /ga nyid spangs pa min pa gang/ /thugs rjes mchog tu chags gyur pa/ /'jig rten mgon 'di rgyal bar byed/ /chos bdag med pa dam pa'i dngos/ /rmad byung mthar gnas pa yang de/ /du ma'i dkyil 'khor ba gang nyid/ /thugs rje chen po rnam par 'jog /phun sum tshogs pa kun gyi rgyu/ /pad+ma dra ba dpal la brten/ /ji ltar bla mas nyer bstan pa/ /de yi sgrub thabs rim par brjod/ /ye shes shes rab thabs rang bzhin/ /sgrub thabs sems la kun phan pa/ /tshig don phal cher rnam gsal ba/ /bdag dang blo mnyam rnams la phan/ /dang po re zhig yang dag pa'i byang chub kyi sems bskyed nas sems can gdon pa la kun tu dmigs te smon lam sngon du bya'o/ /'jig rten 'di thams cad nyid bdag gis 'khor ba'i sdug bsngal las bton nas sangs rgyas nyid la nges par sbyar ba dang/ /sangs rgyas nyid thob pa'i rgyur sngags kyi theg pa chen po theg pa thams cad kyi mchog gi mchog bla ma'i drin gyis nye bar bstan pa las yang dag par rtogs te?/ /thos pa dang/ bsam pa dang bsgom pa'i rim pas ji ltar rigs par kun du spyod pa la rab tu 'jug pa brtsam par bya'o/ /sngags kyi chul chen po nyid gang las byang chub sems dpa' rnams thams cad kyi byang chub thob po/ /gang gsungs pa/ sku gsung thugs kyi rdo rje can/ /sangs rgyas lam gsum yang dag byung/ /yang dag gsang sngags rab bsgoms pas/ /ye shes mnyam med yang dag thob ces so/ /de'i phyir sngags kyi tshul brjod pa bsgom pa'i stobs las dus yun mi ring pa kho nas bsod nams dang ye shes kyi tshigs yongs su rdzogs par byas nas bde bar gshegs pa'i go 'phangs thob par byed de/ /de la byams dang snying rje mnyam par sbyor ba las yid ni rdzogs pa'i byang chub byas/ /sangs rgyas rnams kyi shin tu zab pa'i tshul tuAng lhag par mos par ldan/ /sbyin pa chul khrims la sogs kun rdzogs srid pa'i longs spyod las phyir phyogs/ /sems la sdug bsngal dang ni dub pa med par lha nyid mnyes par byed/ /chu dang cod pan dang/ /rdo rje dang bdag po dang/ ming dang gsang ba dang/ shes rab ye shes dang/ brtul zhugs dang dbugs dbyung ba la sogs pa'i dbang bskur ba'i cho ga dang ldan pa/ tshogs par sbyor ba bla ma'i drin gyis byin zhing rjes su gnang ba/ gnyug me'i gsang sngags dngos su bya spya? ba'i mkhas pas yid dang rjes su mthun pa'i sa 'dzin la sogs pa gang yang rung bar bde ba'i stan la sems dpa' i skyil mo krung gis nye bar 'dug ste/ /bdag dang rnal 'byor bsrung ba'i don du/ rje btsun bgegs mthar byed yud tsam gyis dran par bya'o/ /aoM a mri ta ha na ha na sarba big+h+nAn da ha da ha sarba bA paM hUM phaT/ de nas rnam par thar pa'i sgo gsum rnam par sbyangs nas/ /byams pa la sogs pa'i sgom pa sngon du 'gro bas rang gi snying gar pad+ma dang zla ba'i dkyil 'khor la h+rIM gi yi ge bsams nas nam mkha' i m thil du rdo rje til gyi gang bu bzhin du bar mtshams med par rang gi 'dod pa'i lha'i dkyil 'khor gyi 'khor lo dang de dang tha mi dad pa'i bla ma rnams kyi sku dang de bzhin gshegs pa rnams kyis kyang yeng su gang bar kun tu dmigs nas driMl as gzugs dang sgra dang dri dang dri dang ro dang reg bya rdo rje'i lha mo dang phyi rol gyi rnam pa sna tshogs pa'i me tog la sogs pa thams cad kyis mchod pa'i lha mo rnams spros nas yang dag par mchod nas bdag nyid de rnams kyi mdun du 'dug ste gus pa dang dul pa'i sems kyis thal mo sbyar bar byas te bus mo'i lha nga btsugs nas phyag 'tshul bar blta'o/ /'di ltar sngar brjod gzugs sogs dang/ /de bzhin rin chen sogs phung pos/ /mchod pa rnam par brtag byas nas/ /sngags pas de rnams 'bad pas mchod/ /de ltar de rnams mdun 'dug nas/ /bus gtsugs thal mo sbyar byas te/ /sdig pa la sogs mi dmigs pas/ /bshags pa la sogs pa bya'o/ /bdag gi sdig kun bshags par bgyi/ /dge la mchog dags rjes yi rang/ ji srid 'gro gnas gang don du/ /bcom ldan dam chos rin chen dang/ /dkon mchog gsum la mngon par skyabs su mchi/ /byang chub yid la bzung zhing de yi lam/ /yang dag bsten zhing dge ba'i gter rnams ni/ /rdzogs pa'i byang chub ched du yang dag bstem/ de bzhin dkon mchog gsum la bdag skyabs so/ /zhes pa la sogs thams cad bklag nas so/ /de nas sems can thams cad la lha nyid kyi bde ba nye bar sgrub pa'i byams pa bsgom par bya'o/ /de nas de rnams kho na la sdug bsngal thams cad sel ba'i rnam pa snying rje dang/ /de nas de rnams kho na la/ /bde ba dang mi 'bral ba'i rnam pa dga' ba dang/ /de nas de rnams kho na la 'jig rten las 'das pa'i dge ba thams cad nye bar bsdung ba'i rnam pa btang snyoms so/ /de nas gzung ba dang 'dzin pa'i rang bzhin dang bral ba stong pa/ /de'i rnam pa'i ye shes nang gi skye ba med pa'o/ /de bzhin kho nar khams gsum pa'i mthar thugs pa las zlog pa'i sems can med pa'i phyir mtshan ma med pa'i ye shes tsam mo/ /rnam par rtog pa med cing sems pa med pas gang la yang smon pa med pa gang yin pa de las rgyub dang bcas pa dang/ rgyu ba med pa'i dngos po ma lus pa la smon pa med pa'o/ /de ltar rnam pa sna tshogs pa'i rnam par thar pa'i sgo'i rang bzhin rang gi sems la rang gi so sor rig pas bltas nas slob dpon gyis 'chad bar 'gyur pa'i gsang sngags kyi don la lhag par mos pas byin gyis brlab par bya'o/ /aoM swa b+hA ba shud+d+hamchog tu mi 'gyur pas/ /de phyir rang yid rtag tu ni/ /shes rab thabs kyi bdag nyid bya/ /nam zhig sangs rgyas kyi na zhang/ /rnam par ma dge sangs rgya/ /des na dang por zhing dag phyir/ /rang sems nyi ma bsgom par bya/ /de la gzi brjid phung po'i gzugs rang gi sems ni blta bar bya/ /hUM yig yongs su gyur pa las skyes pa'i rdo rje phra me rnams so/ /de rnams kyis 'og dang steng gi phyogs bzhing rdo rje'i ra ba dang gung bsam par bya'o/ /de phyir thog ma dbus mdza' gol/ /skye dang zad pa spangs pa yi/ /ye shes rtsal gnas pa'i chos/ /thams cad dag pa'i go 'phang gnas/ /'di ltar ji skad bshad ye shes/ /rdzogs pa yongs su 'jug pa ni/ /chos 'byung phyag rgya gru gsum pa/ /dkar po steng du gnas bsam bya/ /sna tshogs chu skyes rdo rje'i dbus gnas pa/ /nam mkha' i mthar thug pa yi gzugs can no/ /de nas rlung me chu sa'i dkyil 'khor du/ /a yig yongs gyur zla ba de la de'i/ /steng du zla bar paM yig ser po ni/ /yongs su gyur pa'i sna tshogs pad+ma'o/ /de yi ze 'brug zla bar b+h+ruM yig las/ / skyes pa'i 'khor lo/ /de yongs su gyur pa las rnam par snang mdzad kyi rang gi ngo bo ye shes kyi mchod rten khang pa brtsegs pa blta bar bya'o/ /ji ltar gru bzhi pa la sgro bzhi pa/ /rta babs bzhi yis brgyan pa dang/ /bra ba dra phyed me tog phred/ /me lang la sogs pas brgyan pa/ /shin tu rnam par dag pa yis/ /chos kyi dbyings las skyes pa'i phyir/ /nyer spyod lnga yis brgyan pa dang/ /'gro ba ma lus pa shin tu rnam par dbyer med par brjod pa'i phyir/ der gyur pa'i nyes pas rjes su gos p a med pa'i phyir sdong bu gcig la rim pa gsum 'dab ma sum cu rtsa drug pa'i sna tshogs pad+ma'i gdan nye bar mdzas pa'i lha'i gnas sems can thams cad kyi nyon mongs pa'i kun tu gdung ba zhi bar byed pa'i phyir dang dge ba'i rtsa ba nye bar bsags pa'i phyir dang/ /thugs rje chen po'i rang bzhin nyid kyi phyir/ /'dab ma so sor zla ba'i gdan la rjes su son pa ma rig pa'i mun pa rnam par bzlog pa'i phyir dang/ mi dge ba'i 'dam skems pa'i phyir dang/ byang chub kyi sems kyi myu gu smin par byed pa'i phyir/ / shes rab kyi rang bzhin can nyid kyi phyir sgo dang zur du nyi ma'i gdan la gnas pa'o/ /thugs rjes brlan pa nyid kyi phyir dang bsod nams kyi tshogs yongs su rdzogs pa nyid kyi phyir bum pa gang ba rnams kyis yongs su brgyan pa'o/ /ye shes lding rang bzhin gyis rin po che lnga'i rang bzhin no/ /de bzhin du/ /rang gi sems de rnam par dag gyur pa/ /khang pa brtsegs pa'i rang bzhin khang pa ru/ /de la dbus su zla ba'i gang na la ni/ /bcug nyis 'gyur gyi ni dbyangs rnams kyi/ /sum cu rtsa gnyis mtshan gyis tshogs pa yaM/ /nus pas rdzogs par byed par lta bar bya/ /lugs dang mthun dang lugs las bzlog pa yi/ /phreng ba gnyis su nges par gnas pa yis/ /dag pa zla bar shel gyi rnam pa yis/ /rnam par 'phreng ba'i 'od zer phreng rnams kyis/ /de nas ka la sogs pa'i sum cu bzhi/ /de rnams Da d+ha da d+ha ya la dang bcas pa rnams 'bad pa chung pa dang ldan pa nyid kyi phyir rab tu bcug nas bzhi bcur bya'o/ /de rnams kho na nyis 'gyur du bya ste/ dpe byad brgyad cu bo rnams so/ /de rnams las skyes pa zla ba'i dkyil 'khor gnyis pa'o/ /de bzhin du/ sku yi byin rlabs las sgrub pa/ /de ni gang las 'byung bar 'gyur/ /Da d+ha da d+ha la ya bdag /bcug nas nyis 'gyur ka sogs bya/ /de las kyang zla bsam byas nas/ /dpe byad sgrub par byed pa'o/ /byang chub sems kyi rang bzhin phyir/ / snying rje'i rtsa ba las byung drag cas so/ /de'i phyir kun gzhi rnam par shes pa dang/ /nyon mongs pa can gyi yid dang 'jug pa'i rnam par shes pa gnas gyur pa/ /me long dang mnyam pa nyid dang/ /so sor rtog pa dang/ bya ba rjes su sgrub pa dang/ shin tu rnam par dag pa'i chos kyi dbyings te/ ye shes lnga'i rang bzhin h+rAM rtsi gi yi ge'i sa bon yongs su gyur pas bdag nyid dpal pad+ma spyan dag pa yang dag par gsal bar byed pa'i nyal bzhi par blta bar lus tshad med pa dang/ bsdu pa'i dngos po dang skad cig dang dga' ba bzhin rnam par dag pa yang dag par gsal bar byed pa'i zhal bzhi par blta bar bya'o/ /'gro ba tshim par byed pa po nyid kyi phyir rtsa ba'i zhal dang lus gang ba'i zla ba ltar dkar pa g.yas pa dang/ rgyab dang g.yon pa'i zhal sngon po dang dmar po dang ljang gu'o/ /sngags dang bdag dang lha'i de nyid gsum gsal bar byed pa po nyid kyi phyir spyan gsum rnam par thar pa brgyad kyi tshul gyi phyir phyag brgyad do/ /stong pa nyid dang snying rje chen po dag mnyam pa'i bdag nyid can gyi dngos po'i phyir dang shes rab dang thabs kyi bdag nyid dam pa'i sku gsal bar byed pa po nyid kyi phyir rnam pa gnyis sgron mas kun tu snang bar byed pa ltar rang snang gi rig ma gos dkar mo g.yon gyi pang du phyag gis 'khyud de 'dzin pa'o/ /srid pa'i 'ching ba grol ba'i phyir dang/ ting nge 'dzin rnam bar chad pa yang dag par bsrung ba'i phyir skyil krung phyed pa'o/ /gzugs la sogs pa'i phung po lnga rnam par dag pa'i rang bzhin gyi phyir dang/ /me long la sogs pa'i ye shes lnga rnam par dag pa'i phyir g.yas pa'i phyag dang por gnas pa'i rtse mo lnga pa'i rdo rjes g.yon gyi phyag dang por gnas pa'i pad+ma 'byed bzhin pa'o/ /ji ltar pad+ma dmar po ni/ /gnas kyi nyes pas mi gos pa/ /de bzhin grub pa'i rnal 'byor ldan/ /gnas nyes sna tshogs kyis kyang ngo/ /de phyir pad+ma zhes brjod do/ /gdul dka' ba 'gugs par byed pa'i phyir pad+ma'i lcags kyu gdengs pa'o/ /gdul bya ma yin pa 'ching bar byed pa nyid kyi phyir pad+ma'i zhags pas mtshan ma'i phyag go /don dam pa las chos thams cad bdag med pa'o/ /zhes gsal bar byed pa'i phyir ye shes kyi bdung rtsis gang ba'i thod pa phyag tu'o/ /skye mched drug la sogs pa'i lus 'jog pa spangs pa'i phyir ro/ /mgo bo la sogs pa rkang pa'i mthar thug pa'i rnam par dpyang pa las/ /stong pa nyid du ro gcig cing dbye ba med pa'i mgo bo/ /g.yo ba med pa'i dngos po'i phyir dag pa'i shel dang/ dung dang kun da dang zla ba ltar dkar ba'i kha TwAM ga bsnams pa dam pa'i chos sbyin pa po nyid kyi phyir phyag tu rin po che'o/ /spros pa med pa'i shes rab kyi bdag nyid dang bcas pa nyid kyis lha mo'i nu ma la reg cing dga' ba'o/ /sdug bsngal gsum gyis gzir ba'i 'gro ba la so sor rtog pa'i mchog nyid kyi phyir 'od dpag med kyi cod pan can no/ /bcung lan yongs su rdzogs pa'i phyir dang ye shes kyi zla ba'i cha'i myu gu can gyi ral pa'i tshogs kyis brgyan pa de kho na nyid kyi cha shas bsdus par byas pa rnam par 'joms pa po ma yin pa nyid kyi phyir pad+ma dkar pos dbu la mtshan pa'o/ /de bzhin du sems can rjes su 'dzin pa'o/ /thugs rjes rjes chags yang dag byung/ /yang dag rdzogs pa'i dge chos kyis/ / nyon mongs thams cad nges 'dul byed/ /kun gyis brgyan pa'i gzugs rnams kyis/ /zhi dang sgeg pa 'chang pa po/ /shes rab thabs bdag dam pa'i sku/ /mtshan mor byed pa mchog 'bar byed ces dang/ /gzhan yang/ bcom ldan 'das ma'ang thams cad dud bcom ldan 'das mtshungs bsam par bya zhes so/ /yang na phyag gnyis pad+ma dmar po rnam par rgyas par byed bzhin pa'o/ /de bzhin du sna tshogs sprul pa'i rnam g.yeng gis ma lus 'gro don bya de mchog /bcom ldan 'das gzugs bdag nyid ni/ /bsams nas bsgom pa brtsam par bya/ /zhes pa de lte bu ni dang po skyor ba zhes bya ba'i ting nge 'dzin rang gi don sgrub byed do/ /de nas dkyil 'khor rgyal po mchog /gzhan gyi don du so sor bsgom par bya'o/ /de'i rjes su 'gro ba mdza' dag la thugs rjes bstan nas/ snying gang ye shes sems dpa' h+ri:? yig gi sa bon las 'od zer kun tu spros nas phyogs bcur gnas pa'i de bzhin gshegs pa'i bdag nyid rnams bkug nas rab tu bcug nas bsam par bya'o/ /de rnams kyang mthar de'i gzugs kyis rnam pa yongs su gyur pas 'gro ba rjes su gzung ba'i phyir rab tu byung nas 'di lha'i gzugs kyi yongs su gyur nas sngar brjod pa'i zla ba'i dkyil 'khor rnams la ka yig la sogs pa'i sa bon dang mtshan ma rnams su gnas pa bsam par bya'o/ /de bzhin du/ sangs rgyas tshogs rnams bkug nas? ni/ /rang gi sa bon nang gzhug bya/ /slar yang yid kyis phyung nas ni/ /gnyug ma'i sa bon rim ji bzhin/ /'di yi dgod pa'i rim pa ni/ /dang po'i 'dab ma brgyad kyi rim pa la shad du pad+ma spyan ma lha mo bsgom pa blo ldan pas/ /lto ru rin chen pad+ma zhes/ /nub tu pad+ma rdo rje can/ /de bzhin g.yon du pad+ma sgrol ma/ /me ru pad+ma gos ma ste/ /pad+ma 'bar ma bden bral du/ /pad+ma sngon mo'i khro gnyer can/ /rlung gi zung du yang dag gnas/ /pad+ma rtse mo dbang ldan du'o/ /drug gnyis 'dab ma'i rim par lha mo rnams so/ /de rnams ming ni rim par bshad pa ni/ /pad+ma skar mda' pad+ma sgyu ma dang/ /de bzhin pad+ma 'dod pa'i dbang phyug ma/ /pad+ma ldan ma pad+ma mtshungs ma dang/ /de bzhin pad+ma gtum po'i dbang phyug ma/ /pad+ma gsad ma pad+ma chen po dang/ /pad+ma zla ba phyi mar bshad pa'o/ /pad+ma snang ma pad+ma gau ri ma/ /pad+ma mdzod ma dang ni bcu gnyis po zhes so/ /de nas gsum pa 'dab ma bcu drug pa de la lha mo rnams rim pa'i lta ba bzhin te/ pad+ma dbang phyug pad+ma'i gdong ma dang/ /pad+ma gtum mar rab tu grags pa dang/ /pad+ma rig pa mchog ma'i ming dang ni/ /slar yang pad+ma rgya mtsho ma dang ni/ /pad+ma snang byed ma zhes rab brjod pa/ de bzhin pad+ma yid bzhin nor bu dang/ pad+ma 'dod ma pad+ma 'gro ma dang/ /pad+ma dbyangs ma pad+ma ri mo dang/ /pad+ma nag mo pad+ma bde ma dang/ /bcu bzhi ma ni pad+ma spyan ma ste/ /gzhan yang pad+ma sngon ma'i gter ma dang/ /pad+ma rnal 'byor dbang phyug ma ni mdzes/ /zhes pa rim pa gsum pa'i lha mo rnams/ /'di ni kun da zla ba ngo shal dang/ /gar bu gang ba lta bur yan lag gsal/ /dga' ba'i tshogs rnams rnam rgyas dgod pa dang/ mkhur ba'i ri mo cung zad dkar dmar te/ /rnam bkra spyod ma sgeg pa rgyun chags par/ /gar sdud glu yis rten la rab tu 'jug / autpal rnam par rgyas pa'i rdzi mas mchen/ /spyan gsum kun nas mdzes pa'i zhal gcig pa/ /thod pa'i phred ba mthil du 'byar bye ba/ /rnam rgyas ge sar dam pa'i 'dab bkra ba/ /mtsho las skyes pa rnam par kha bye ba/ /dag pa mgo la cod pan du 'chang ba/ /bsnyems bcas gyen du brang por bsgreng ba'i lus/ /kha TwAM ga la cung zad gzigs par bcas/ /g.yas min la dang g.yas pa'i phyag gnas pa/ /thod pa'i snod ni 'od dang rnam sgeg pa/ phyag gi rtse mong rnam bkra'i zhags pas rol/ /phyag gzhan du ni drag po'i lcags kyus brel/ /dga' ba dga' bcas mi dal gar byed do/ /khor yug kun tu nyams dang bcas par drag /ces pa bskyod pa'i nyams kyis 'khor lo bcings pas gar bya'o/ /de bzhin de bzhin du glu 'di blang bar bya ste/ /ji ltar aoM de bzhin gshegs kun la sogs rnam pa sna tshogs mchog gi gzugs 'chang ba/ /rnam pa sna tshogs rnam bkra sems can 'dul ba mchog tu grub pa mchog /sems can dag pa pad+ma mchog gi dra ba dga' ba blta bar gyis/ /a la la la ho/ /pad+ma spyan ras gzigs pa yi ni dbang phyug thar pa'i dga' ba'o/ /aoM sangs rgyas khyod/ rdo rje 'dzin pa khyod/ tshangs pa dang khyab 'jug dang dbang phyug tshan po khyod/ zla ba nyi ma khyod/ a la la la he pad+ma dzA la sh+rI: zhes glu blang/ slar yang prA kri ta'i skad kyis glu len pa rnam pa mang po 'dul ba'i rnam pa yi ni gnas/ /rab legs gar gyis sdud pa'i sangs rgyas gar dbang phyug/ tshogs ni rnam sad yid ni rnam par rmongs pa'i gar/ /gang gyis gang gyis ma 'dres glu 'di slar gsad bcas/ /zhes phri kra ta'i glu yis glu len par byed do/ /phyi rol tu pi wang ma la sogs pa'i lha mo'i tshogs dang lhan cig tu pad+ma pheg rdob kyi rol mos bcom ldan 'das la yang dag par bstod cing pheb rdob brjod par byed de/ /aoM pad+ma p ad+ma h+rignas la sogs pa'i rab dbye ba las ra yig spangs pa rjes su sna ldan la sogs pa dang bcas pa rjes su sna ldan la sogs pa dbyangs thung du ni thabs so/ /ring po ni shes rab kyi rang bzhin no/ /de'i phyir rnal 'byor mdza' yas pa'i dkyil 'khor gyi 'khor lo spro bar byed pa'i bdag nyid dkyil 'khor gyi 'dren pa dbus kyi ze 'brul blta bar bya'o/ /de la 'phags pa'i lam yan lag brgyad pa rnam par dag pa pad+ma brgyad pa'i nang gi rim pa'o/ /rten cing 'brel par 'byung ba bcu gnyis rnam par dag pa gnyis pa'o/ /stong pa nyid bcu drug rnam par dag pa gsum pa'o/ /zhes khong du chud nas de'i rjes su h+rIthams cad de bzhin gshegs pa nyid la so sor bkod nas de bzhin gshegs pa de rnams bkug nas de'i sa bon nang du bcug na dkyil 'khor gyi 'khor lo bsrung ba'i ched du khro ba'i gzugs kyis dbyung bar bya'o/ /de lam dang phung po 'jig lta dang/ /shes bya'i sgrib pa zad pa dang/ /dad pa'i rang bzhin bzang po ni/ /shar sgor pad+ma lcags kyu'o/ /kha dog dkar po chen po'i sku/ /rab spros khro bos kun tu 'khrugs/ /sngon po dmar por snang ba'i zhal/ /spyan gsum 'jigs pa'i gzugs can te/ lcags kyu thob 'khor lo dang/ /thod pa kha TwAM sdigs mdzub rnams/ /'chang zhing nyi ma'i dkyil 'khor dbus/ /son cing rtag tu bzhugs pa'o/ /le lo nyon mongs pa yi bdung/ /mthar 'dzin lta ba mi mthun phyogs/ /rnam dag brtson 'grus yang dag byung/ /'bar ba'i gser gyis mtshungs pa ste/ /sor dang sngon po'i zhal la ni/ /sbyan ni gsum po 'chang bar byed/ /dbyug pa zhags pa thod pa dang/ /kha TwAM sdigs mthub nor bu'o/ /ma lus sangs rgyas rnams kyi chogs/ /'dul ba'i don du yang dag gdangs/ /nyi ma'i gdan ni kun tu gnon/ /pad+ma zhags blnga? lho phyogs su'o/ /'che? dang brjed ngas log lha dang /chos kyi sgrib pa mi mthun phyogs/ /rnam dag dran pa yang dag byung/ /pad+ma lcags sgrogs nyi ma'i 'od/ /dmar gnag dkar ba'i spyan gsum gyis/ /dmar ser me yi 'od rnams kyis/ /gsal ba'i zhing gyis khros pa yi/ /'od kyi nam mkha' kun g.yogs pa/ /thod pa kha TwAM ga bsnams shing/ /sdigs mdzub 'khor lo 'chang ba po/ /g.yas brkyang gnas su gnas pa po/ /lcags sgrog pad+ma phyag gi mnan/ /nub kyi phyogs su kun song ste/ nyi mar thugs rje'i gter bsam bya/ /rnam g.yeng lta ba mchog 'dzin dang/ /lha yi bu bdud bya ba'i sgrib/ /rnam par g.yeng bas rab gtum 'od/ /dam pa'i ting nge 'dzin rang bzhin/ /ldang gnag dkar ba'i rnam pa yis/ /zhal gyis kyang ni rnam par brgyan/ /bai DUrya 'od spyan gsum pa/ /pad+ma 'babs pa pad+ma chen po/ /rdo rje ral gri kha TwAM ga/ sdigs mdzub snod kyis brgyan par byas/ /de nas 'gro ba'i bya byas nas/ /de yi mi mthun phyogs zad skyes/ /de bsdus brtan par bltas nas ni/ /byang gi sgo ru nyi ma la'o/ khros pas stag gi pags pa'i gos/ /sgrul gyi rgyan gyis brgyan pa dang/ /thod pa'i phreng ba'i cod pan can/ /thong cog lnga ni 'char ba dang/ /dgug dang rab gzhug 'ching ba dang/ /de bzhin du ni mnyes par byed/ /rnam par gzhom du med pa'i las/ gzhan 'di khyad par las shes bya/ /zur cha rnams su mkha' 'gro ma/ /zhal gcig pa la phyag bzhi pa/ /spyan gsum kha dog sna tshogs pa/ /gtsigs pa'i zhal gyis 'jigs par byed/ /snod dang cang te'u kha TwAM ga/ dril bu zhes pa 'chang zhing bstod/ /sna tshogs chu skyed? bla? ?? gnas/ /de bzhin phyogs rim g.yas brkyang bcas/ /ro langs drag po'i sgra ldan ma/ /rdo rje mche ma stobs chen ma/ /yan lag thams cad sdug pa'i rgyus/ /kun tu 'khod cing rnam gnas pa/ /dkyil 'khor pa nyid bsam byas nas/ /dkyil 'khor bdag po la mngon phyogs/ /de'i rjes su 'di rnams kyi sa bon gyi yi ge rnams ni/ /aoM traM hUM khaM hUM lAM mAM pAM tAM b+h+ruM khaM h+riM h+roM hUM paM aoM hUM gaM raM khaM hUM aoM Adang khams dang lus dang ngag dang yid rnams thams cad du ji ltar rigs par thams cad dgad par bya'o/ /gzhan yang gsung pa guM hUM aM h+ri khaM lAM mAM pAM tAM dzagyi stan la brten pa'i sku'o/ /gzugs la sogs pa ni gzugs rdo rje ma la sogs pa'o/ /sa la sogs pa ni spyan ma la sogs pa'o/ /gzugs la sogs pa'i phung po lnga po ni rnam par snad mdzad la sogs pa'i sangs rgyas rnams so/ /de bzhin du mig la sogs pa rnams su bcug pa'i sa'i snying po la sogs pa rnams kyang ngo/ /legs brtan nyid kyi sems dpa' yis/ /dang po thar pas shes byar grags/ /zhes pa de ltar kun nas grub/ /dam tshig dkyil 'khor bltas nas ni/ /snying ka'i ye shes sems 'od kyis/ /ye shes dkyil 'khor dgug par bya/ /'di ni dkyil 'khor rgyal po mchog gi ting nge 'dzin du yongs su grags pa'o/ /de nas snying gi'o sngags kyi 'od zer gyis ye shes kyi dkyil 'khor bkug nas dam tshig gi dkyil 'khor gyi 'khor lo 'boms ?? ma bzhin gcig tu 'dres pa'i dngos pos rab tu zhugs par bsam par bya'o/ /shes rab dang thabs las byung ba bde ba chen po'i ting nge 'dzin gyi mchog tu ro myang ba dang dkyil 'khor gyi 'khor lo mdza' dag blta bar bya'o/ /de'i rjes su mchod yon gyi sdod du me tog rang tsan dran la sogs sbyar bar bsams nas/ /pad+ma lcags kyu la sogs pa'i khro bo rnams kyis dkyil 'khor gyi 'khor lo la bsrung ba byas te mchod yon dang me tog dang tsan dan la sogs pa dbul bar bya'o/ /de nas rang gi snying ga'i sa bon gyi 'od zer gyis bkug pa'i de bzhin gshegs pa rnams la mchod pa lta mo spros pa rnams kyis yang dag par mchod nas dbang bskur bar gsol ba gdab par bya'o/ /de nas de rnams ye shes lnga'i rang bzhin gyis gang ba'i nor bu'i bum pas/ dkyil 'khor gyi bdag po dang dkyil 'khor la mngon par dbang bskur bar bsams par bya'o/ /aoM sarba ta thA ga ta a b+hi She ka sa ma ye sh+rA ye hUM de bzhin du rnam par bsams nas mchod par bya ba dang/ mchod pa po dang/ mchod pa'i bdag nyid sems tsam mo zhes rnam par bsams nas/ sngags 'di brjod par bya'o/ /aoM sarba ta thA ga tA pU dzA badzra swa b+hA ba adma ko haM/ slar yang dkyil 'khor gyi 'khor lo la sngar brjod pa'i rim pas mchod par bya'o/ /de'i rjes su sgra brnyan bzhin du sgra'i tshogs mdza' dag nges par btags nas dkyil 'khor gyi lta mo rnams 'chang bzhin pa'i bstod pa zhal nas brjod par bsams nas/ rdo rje chen po phyag 'tshal 'dud/ /bde ba chen po phyag 'tshal 'dud/ /dga' ba chen po phyag 'tshal 'dud/ /phrin las chen po phyag 'tshal 'dud/ /khyab bdag chen po phyag 'tshal dpu'/ /khyod las rdo rje ngang sems dpa' / /khyod las pad+ma legs ?? ??/ /khyod las rin chen lha mo che/ /sna tshogs rdo rje de bzhin nyid/ /khyod las sangs rgyas dpa' bo che/ /yang dang yang du yang dag 'byung/ /khyod las chos dang dge 'dun yang/ /khyod las pha rol phyin pa'i tshogs/ /byang chub sems dpa' sems dpa' tshe/ /khyod las gzugs kyi dkyil 'khor dang/ /khyod las phyag rgya dang sngags kyang/ /slar yang khro bo'i rgyal po'i tshogs slar yang ?? ?? ?? ta'i skad kyis bstod pa/ /yon tan mchog thob shin tu dga' / /bde ba chen po mchog gyur? pa/ /a? la la la holas/ +rIbcas par byas nas yud tsam gyis dkyil 'khor gyi 'khor lo bsam par bya'o/ /gzi brjid dang thig les skyes pa'i 'od zer gyi phung pos lce dang mgo la ngag dang lus la sogs pa sphros nas thig le la gzi brjid 'phrog par byed par bsams nas thig le tsam gyis nga rgyal gyis gnas par bya'o/ /slar yang gzi brjid 'phrog par byed par byas nas rang gi lus las nges par snang bar bya'o/ /de bzhin du yang nas yang du 'phro ba dang bsdu bar byed pa nyid kyis thig le'i rnal 'byor bsgom par bya'o/ /rnal 'byor pa ni rgyal ba dang/ /mngon par shes pa dang grub pa rnyed ngo zhes pa man ngag go/ yang na sna'i rtse mor rang gi lha'i mtshan ma phra mo de'i nang du dkyil 'khor gyi 'khor lo mdza' dag bsgom par bya'o/ /snying rje dang shes rab ma bral bar bsgom par byed pa 'di ni phra mo'i rnal 'byor bsgom par bya'o/ /ji srid brtan par gyur par blta bar bya ste/ /brtan par gyur pa phra mo'i rnal 'byor sgro dang bsdus pa byed pa ni myur du dkyil 'khor gyi 'khor lo'i dngos grub thob par byed do zhes pa dgyod? pa'i nus pa ji lta ba bzhin du gsungs pa/ zla ba'i dkyil 'khor rdzogs pa la/ /de yi nang du gnas bsams pa/ /dang por smig rgyu'i rnam pa ste/ /du ba'i rnams gnyis pa can/ /gsum pa mkha' snang dang mtshungs pa/ / bzhi pa sgrol ma lta bu ste/ lnga pa rtag tu snang ba ni/ /spran med nam mkha' lta bu'o/ /de ltar rim par byas pa 'am/ /so so re rer nges med pa/ /srog ni spra zhing dbyung bar bya/ /de ltar mtshan ma lnga yis ni/ /sems ni brtan par gyur pa yi/ /'gro ba'i don ni rab sgrub byed/ /rnal 'byor pa ni phul byung zhes pa thig le'i rnal 'byor la sogs pa bsgom pa'o/ /de nas sangs rgyas kyi ting nge 'dzin la gnas pa rang dang sngags dbyer mi phyed par byas pa las phan tshun ma 'khrul ba gsal ba myur ba ma yin pa thogs pa ma yin par gsang sngags gdon par bya ste/ /da ltar aoM yig la sogs pas khyab par bya'o/ /de la 'di ni sngags te h+rEM hUM A rmes kha su hA mar shwa te ki la barmA sa pi h+raM aoM h+rAM ni si wathams cad kho na yis/ /ming dang sngags ni nges sbyar bya/ /aoM yig dang por spal ba yis/ /phyi nas de la h+ripa'i/ de bzhin dza hUMkho na'i tshogs/ /sngar brjod gsang sngags brjod par bya/ /de bzhin rim yar bya ba ni/ /re re 'am 'khrul med ma yin par/ /dbyung zhing spro ba'i bsam gtan dang/ /sngags kyi mthar yod yang dag bsdu/ /rtsol ba'i rlung gis bkug nas ni/ rang gi sa bon der nges gzhag/ byang chub rang sa bon dar blo/ /bsam gtan bzlas pa'i cho gar gnas/ /zhes pa bzlas pa'i cho ga'o/ /bsam gtan nam bzlas pa byed pa gang gi tshe bying ba dang rgod pa'i sems la lta ba de'i tshe bying pa'i sems la lha mo'i glus bskul ba bzhin du 'khor lo mched par bya ba dang bsgom pa brtsam par bya'o/ /rgod na thig la'i rnal 'byor la sogs pa bsgom par byed pas dngos po rnams kyi cig dang gcig min la sogs pas rnam par dpyad par bsam/ de bzhin du bying ba'i sems la ni le lo dang rgod pa la zhi gnas zad do/ /zhes pa zhum pa nges par gzung ba las lha mo rnams kyis glus yang dag par bskul ba sa dang rgod pa la thig le'i rnal 'byor la sogs pas de lo na nyid bsgoms pas sam dngos po rnams kyis rnam par dpyad pas stong pa nyid kun tu dmigs pa'i phyir ro/ /de bzhin rnal 'byor pa'i sems yong pas chung du nas 'khor ba nyid blta bar bya'o/ /de'i cho mgo bo las mtho gang tsam gyis a yig gis zla ba'i dkyil 'khor bsgom par bya'o/ /de'i steng du bdud rtsi'i gzugs can gyi aoM yig bsams nas snying kha dang mgo bo las sngags kyi 'od zer spro nas aoM yig zla ba dang bcas pa de zhu bar bltab nas de'i bdud rtsis lus kyi nang bum pa bzhin du yongs su gang bar bsams nas bdud rtsis nang dang phyi rol pa spu'i khung rnams su gang bas zil pa bzhin du gang bar bsams pa las dub pa nye bar zhi bar bya'o/ /de ltar dal ba sos pa dang skad cig gcig la bde ba'i tshogs ma 'khrug pa'i thig le la sogs pa bsgoms pas sdar bzhin du gsang sngags ma 'khrugs par bzlas par bya'o/ /de nas bsgom pa dang bzlas pa dag gis dub par gyur na phyi rol gyi mchod pa 'am cho gas yung tsam gyis stong pa nyid du bsgom par byas nas rnam par smin pa las byung ba'i lus kyis langs te phyi rol mchod pa'i dus su rang gi lha'i rnal 'byor dmigs te bris sku la sogs pa'i mdun na bcom ldan 'das kyi mdun du dkyil 'khor byas nas bdag nyid la mchod te/ dkyil 'khor ba rang gi snying gnas gzugs brnyan lta bu'i dkyil 'khor gyi 'khor lo spros nas gsang pa dang phyi'i lha sprul pa'i mchod pa rnams kyis mchod nas rang gi snying ga'i sngags kyis dkyil 'khor gyi 'khor lo la mchod par bya'o/ /de nas zas kyi dus su yung tsam gyis rang gi lha'i rnal 'byor byas nas zas la aoM yig la sogs pa'i yi ge gsum gyis rim gyis bdud rtsir byas nas mchog tu rnam par dag pa'i sems kyis tshim par bya'o/ /thun mtshams kyi dus su yud tsam gyis rang gi lha'i 'khor lo bsgom byas nas sdar brjod pa'i chogs bsgom pa byas nas bzlas pa bya'o/ /de nas zla ba'i snying gar bsams nas rnal 'byor pa bde bar gnyid log par bya'o/ /slar yang tho rangs rab tu sad par gyur pa na lha mo'i glu rnams kyis bskul bzhin par bdag nyid bsams par bya'o/ /langs nas sngar brjod pa'i cho gas bsgom pa byas nas bzlas pa bya'o/ /de bzhin du ji srid pa de srid du rgyud las gsungs pa'i mtshan ma thob pa de srid du nyi ma so sor ro/ /de nas de bzhin du ji ltar nus pa dang ji ltar tshogs pa bzhin du mchod pa'i cho ga byas nas mthar gshegs su gsol bar bya'o/ /ba de ba'i sgrub thabs dam pa'i gzhung rig byas gang 'dir/ /bsod nams las byung sgrub pa thob pa las/ /pad+ma dra dpal sgrub pa kho na nyes spangs des/ /skye bo'i tshogs rnams byang chub mchog bde thob gyur cig ces pa pad+ma dra ba dpal 'byung pa'i sgrub thabs rgyal ba dpal ye shes kyi mdzad pa rdzogs so/ / //kha che'i paN Di ta su ma na sh+rI dang/ bod kyi lo tsa ba dag slod rin chen grub kyis bsgyur cing zhus te gtan la phab pa'o// //rgya gar skad du/ /pad+ma A ba lo gi te shwa bya pad+ma dzA la kra me Na b+ha ga ba te maN+Dal pU dzA bi d+hi/

CLOSE WINDOW