བོད་ཡིག

e-texts based on the ACIP/ALL Input

/langs pa'i tshe yang de bzhin du dbang bskur ba dang/ /bsrung ba la sogs pa byas te/ /bde ba'i thal mos dgyes pa bskyed nas ci dga' gnas par bya'o/ /aoM rdo rje sems dpa' sdud pa dang/ /rdo rje rin chen bla na med pa/ /rdo rje chos ni gsung ba dang/ /rdo rje las ni byed par 'gyur/ /a ho su kha zhes pa'i ming/ /rdo rje sems gang gang klog pa/ /sdig pa kun las grol 'gyur zhing/ /bsod nams rnams ni byin brlabs 'gyur/ /bcom ldan 'das bde ba chen po rdo rje sems dpa' i sgrub pa'i thabs rdzogs so// // */ /rgya gar skad du/ sh+rI badzra satwA nusmi ti nAmo bi d+hi/ bod skad du/ dpal rdo rje sems dpa' rjes su dran pa'i cho ga zhes bya ba/ dpal rdo rje sems dpa' la phyag 'tshal lo/ /rang gnas yul tshogs nyams dga' bar/ /kun rdzob 'phrul pa'i dkyil 'khor la/ /rnam dag gnyis med yul kun sbyor/ /byang chub sems byung rgyal ba'i mchog / de la de snang rol mo'i chos/ /srid mdza' mi dmigs dus gsum 'gog /rnam bcas bya ba'i rgyud ldan zhing/ /rigs bdag dkyil 'khor bstod pa'i gnas/ /nges pa'i gsang mchog rtsa ba'i rgyud/ /de nyid sgrub pa'i thabs chen po/ /gnyis dang gnyis med theg pa'i mchog /rjes su dran pa skyed byed pa'i/ /cho ga bzang po rmad du byung/ /gsang don brgyud pa rdo rje'i tshig /dus gsum rgyun gyi mtshan ldan bcing// rigs bdag dkyil 'khor bstod pa'i gnas/ /'khor ba'i bya ba kun gnas 'dug /dpa' bo gcig pa'i dkyil 'khor bzang/ /bsnyen sgrub yan lag dang bcas bshad/ /sangs rgyas kun gyi dgongs pa'i yul bya ba'i yan lag kun rdzogs shing/ /nges pa'i gsang ba ston mdzad pa'i/ /'bras bu'i dkyil 'khor bla na med/ /thams cad dus zhes bya ba yi/ /lta ba la sogs 'byung ba'i chos/ /nyon mongs gnas kun rnam dag cing/ /rang bzhin mnyam pas spros dang bral/ /yang dag sangs rgyas bde ba che/ /kun tu goms pas gsal byed pa'i/ /yan lag lan gnyis rdzogs pa'i grogs/ /rab sbyangs pas ni 'jug 'gyur zhing/ /rig 'dzin gnas kun 'grod byed cing/ /rgyu rkyen cha shas kun rdzogs shing/ /thun mong bye brag rkyen gyi stobs/ /snga ma las byung phyi ma'i rgyun/ /'bras bu tshogs pa'i bdag nyid do/ /sa dang sar gnas rig 'dzin kun/ /rang rig sbyor ba'i tshul gyis ni/ /gsang gsang phyag rgya'i gnas kun dang/ /mi mthun gnyen po bye brag mthus/ /dngos grub mdza' yas rtags ldan zhing/ /ting 'dzin chos kun rdzogs pa'i mthar/ /sangs rgyas kun gyi gnas mthong zhing/ /nges pa'i sa mchog rdzogs par 'gyur/ /rigs kyi 'khor lo kun bskor zhing/ /rigs kyi gnas rnam rnam dag pas/ /rig mchog yon tan bzang po'i tshogs/ /rigs kun rgyal bas mnyam sbyor ba'o/ /yang dag nges pa'i thig le'i mchog /dam pa las byung dam pa'i yul/ /de gnas tshul gyi phreng ba nyid/ /yang dag bsdeb pas brgyan du byas/ /dkyil 'khor chen po dga' 'tshal dag /chos kyi rgyal po'i grong khyer mchog /chos kyi 'khor lo rim 'jug pas/ /chos kyi 'bras bu bzang po nyid/ /shin tu sbyor bas yang dag skyes/ /me tog tshal las kha dog dri/ /'dod pa'i tshogs rnams tshim gyur ltar/ /rang gnas byang chub yan lag phreng/ /bsnyen dang nye bar bsnyen pa dang/ /sgrub dang sgrub pa chen po yi/ /yan lag cha shas kun rdzogs pas/ /zhi sogs bye brag rnam par bkod/ /sangs rgyas theg pa'i yan lag gis/ /nye bar sbyar ba'i rnal 'byor 'grub/ /sa mtshams mkhas pa'i spyod yul nyid/ /rkyen bcas stobs kyis rab tu rdzogs/ /dkyil 'khor yan lag stobs ldan pa'i/ /bla ma lhag gnas brtul zhugs can/ /yon tan rin chen 'bras bu'i bdag /byang chub mchog sems rnam dag pa/ /yang dag mos pas bstod byas te/ sgo gsum dang bas gsol ba gdab/ /gdams pa'i yan lag kun 'dzin cing/ /nye bar 'khor ba'i dga' ston mchog /dkyil 'khor chen por dgyes byas pas/ /rab tu rdzogs par 'khor lo dbang/ /de nyid yan lag dam tshig bcas/ /nges par 'jug pas bstan byas ba'o/ /gsang ba'i rgyud don sna tshogs dag /'dren pa'i yan lag bla na med/ /nges par bstan pa'i phyag rgya yis/ /yan lag rdzogs pas theg pa'i mchog /dben pa yi ni gnas dag gam/ /rang gi skyed mos tshal sogs par/ /kun tu sna tshogs skal bzang po/ /kun tu sna tshogs bde mchog gis/ /kun tu sna tshogs dgos pa rnams/ /ci bde bar ni bsgrub par bya/ /gnas kyi nye 'khor phyag dar dang/ /dri zhim chus bcas dag byas te/ /dkyil 'khor sa gzhi bzang po'i mchog /bkra shis dag byed rdzas kyi byug /phyogs bcur bla re rgyal mtshan dang/ /phan gdugs lhab lhub rnga yab dang/ /rin chen me tog phreng ba'i tshogs/ /bza' btung 'dod yon rnam 'phrul ba'i/ /phyag rgya gos dar rgyan bcas pas/ /ma lus kun tu nye bar mdzes/ /thabs dang shes rab brtul zhugs mchog /bde ba'i ye shes rol mo'i dbyings/ /rnam par 'phrul pas bsam byas pas/ /bya ba'i 'khor lo brtan par bya/ /ji snyed mchod pa'i tshogs rnams dang/ /gtor mas gnas kun nyer brgyan dag /gsal sbyangs bkra shis byin gyis brlab/ /rim bzhin sngags dang phyag rgyas gnas/ /'gro gnas kun gyi nyon mongs tshogs/ /mi dge stobs sogs sdig pa'i mthus/ /gnas kun nyam thag gzir bas 'joms/ /bdag gzhan kun rgyud klag par byed/ /de dag thugs rje chen po'i rlos/ /ma lus yul bcas sgrol ba'i phyir/ /dran pa gcig pa'i ye shes sku/ /ting 'dzin dag pas rnam par grol/ /phyi nang chos rnams thams cad kyis/ /rang bzhin gnyis med byang chub sems/ /der snang yul las langs pa nyid/ /lhun gyis grub pa'i chos nyid do/ /tshul 'di rnam par sdangs pa yi/ /de nas de las de bzhin rgyud/ /kye ma thugs rje chen po'i yul/ /rigs kyi dkyil 'khor rdzogs pa nyid/ /rnam gsum lha yi ting 'dzin gyis/ /rnam gsum sngags dang phyag rgyar sbyor/ /byin brlabs nus mthu rdzogs byas nas/ /bdag gzhan sbyang zhing gsal byas te/ /rigs mchog sku gsung thugs kyi bdag /gsal ba'i dkyil 'khor rgyas pa nyid/ /tshul gsum phyag rgya'i cha lugs kyis/ /shin tu bkod pa legs 'byung ba'i// tshad med bzhi yi gnas rdzogs 'gyur/ /kun nas spyan drangs brtan byas pa/ /nye bar sbyor ba'i phyag rgya nyid/ /aoM yang dag brtan pas stobs rdzogs pa'i/ /rang bzhin dkyil 'khor rdzogs pa'i tshogs/ /thugs rjes bdag nyid rnam grol ba/ /dkyil 'khor rdzogs pa'i las la dgyes/ /mi shes yul rnams bcom mdzad cing/ /rig pa'i gnas chen snyoms 'jug par/ /phyag rgya bde ba'i tshul sbyor bas/ /grong khyer brtan par mdzad du gsol/ /aoM badzra satwa hUM/ dz+nyA na sa ma ya stwaM/ dzakhams pho brang dag par brjod/ /aoM badzre tsakra maN+Dal pa na sa pa ri hUM/ /rab tu gus pa'i tshul gyis ni/ /mngon par dmigs byas dag pa'i mchog /thabs dang shes rab rdzogs byed pa'i/ /yul kun rang bzhin rnam par dag gang 'dir yon tan sngags pa'i gnas/ /rgyal ba bde gshegs 'dren pa'i gtso/ /rigs mchog rdo rje sems dpa' i gnas/ /ngo mtshar yul kun rnam par dag /aoM na mostu sti bandA naM ga ro ya mi/ /me na dA ga ho/ /kun 'byung yon tan rdzogs pa yi/ /me tog 'bras bu bzang ldan zhing/ /kun tu bzang po'i rgyan rnams dang/ /'dod pa'i lha mo rgyan ldan cing/ /yul kun chags pa rnam grol ba/ /phyag brgya'i dkyil 'khor bla med pa/ /lha dang lha mo bsam yas pas/ /phyogs bcu kun nas rnam par 'khrigs/ /bya ba'i yul kun ma lus dag/ /yang dag bsngo ba bla na med/ /gnyis med byang chub sems kyi dngos/ /gnyis su med pa'i rol ba dag /mnyam nyid rol mo'i dkyil 'khor ?? aoM sarba pu dza me k+Shu pra tIts+tsha ho/ /thog med yun rings 'khor ba'i gnas/ /ma lus nye bar bsags pa'i tshogs/ /kun spyod gnas gsum las skyes la/ /thams cad yul la nye bar bshags/ /rab rtogs nye bar bsags pa'i chos/ /tshul khrims brtul zhugs sdom pa dang/ /nyer mdzes brgyan pa'i yan lag rnams/ /rab bsngags bstod pas yi rang mchog /sangs rgyas kun gyi lam ston cing/ /don bzhin bstan pas 'dul mdzad de/? sbyor ba'i stobs bcad shes rab tshogs/ /thabs kyi theg chen bshad du gsol/ /phyogs bcu'i mgron gnas ji snyed mdza' / /mya ngan kun sgrol mgon po rnams/ /sku gsum bstan pa'i tshul gyis ni/ /dus gsum 'gyur ba med pa'i dbyibs/ /ma lus srid dngos 'gro ba'i tshogs 'don cing/ /yang dag gnyis med bstan par byed pa'i yid/ /byang chub sems mchog bla na med pa'i don/ /yang dag brtan gnas kun tu rgyas par bya/ /smin cing grol bar byed pa'i tshogs rnams kyis khyad par lam kun yang dag rdzogs par 'gyur/ /bsnyen sgrub phyag rgya'i yan lag sna tshogs pas/ /bdag gzhan gzung zhing yan lag rdzogs par spyad/ /thugs rje rnam dag dkyil 'khor rdzogs pa'i tshogs/ /rab tu grol bas gnyis med mnyam ldan pa'i/ /thams cad mthun pa'i tshul rnams mdzad bcas pas/ /bdag gis cha shas rab tu dmigs pas dbul/ /thams cad mi gnyis ye shes chen po bdag /bya byed rtog pa'i tshogs rnams rnam dag cing/ /sgyu ma rnam dag bya rtsal bde ba'i mchog /mkha' 'gro sgyu ma'i don rdzogs mnyam pa nyid/ /mgon po dus gsum sgrib bral sangs rgyas kun/ /dngos grub phrin las yul rnams nye bar ston/ /rang gnas nyams dga' mnyan nyid mchog gi bdag / rnam dag bya ba'i tshul gyi yul las 'das/ /aoM badzra satwa sa ma ya/ ma nu pA la ya/ badzra satwa twe no pe tiSh+Tha/ dri Dho me d+ha ba/ su toSh+yo me b+ha ba/ su bo Sh+yo me b+ha ba/ a nu rak+to me b+ha ba/ sarba sid+d+hiM me/ pra yats+tsha/? sarba karma su tsa me/ tsit+taM sh+re ya:/ ku ru hUM/ ha ha ha ha ho/ badzra mA me muny+tsa/ badzra b+ha ba/ mahA sa ma ya satwa Aphyag rgya gsang sngags sbyor ba'i mthus/ /lha mo'i dkyil 'khor sna tshogs nyid/ /'gro gnas sdug bsngal las grol zhing/ /bde ba'i mchog kun mthar phyin te/ thar pa mya ngan las 'das par/ /btang snyoms kun tu mi dmigs pa'i/ /drag po'i tshogs bcas ma lus kun/ /rab tu zhe na rtog stobs kyis 'jug /de dag thugs rje chen po yis/ /'dul byed stobs chen he ru ka /phyag rgya dbyings dang mnyam par sbyor/ /rnam par 'phrul pa'i ting 'dzin gyis/ /phyogs bcu'i bgegs tshogs 'dul bar mdzad/ /yang dag dkyil 'khor brtan byas te/ /mtshon cha me 'od 'bar ba yi/ /dkyil 'khor kun nas brgyan pa la/ /bgegs kyi rgyal po kun bsdus te/ /phyag rgya bzhi yis dbang byas nas/ /myos shing gzir gnon rnam par dgod/ /thugs kyi ye shes rab 'bar ba/ /ye shes phyag rgya'i gnas kyis 'jug /kun nas 'phro zhing bsdu ba'i mthus/ /khro bo'i dkyil 'khor bstan 'gyur ba'o/ /zhal gsum phyag drug 'jigs par byed/ /rgyan chas mtshon cha'i tshogs rnams dang/ /cha lugs rngam pa'i tshe byad ldan/ /rigs kyi sprul pa'i bsam yas pa'o/ /gsang ba'i phyag rgya bzhi ston cing nges par brjod pa'i sngags rnams kyis/ /kun nas brtan pa'i dkyil 'khor rnams/ /yang dag sbyor bcas rdzogs par 'gyur/ /aoM badzra kro d+ha mu sa la ts+tshinda ts+tshinda hUM/ hu lu hu lu/ tiSh+Tha tiSh+Tha/ band+ha band+ha/ ha na ha na/ sh+rI he ru kro d+hI shwa ri hUM phaT/ /thams cad kun nas rdzogs pa'i chos/ /rnam gsum yul kun rnam dag pa'i/ /byang chub sems nyid rang byung ba/ /thams cad rdzogs pa'i gnas nyid do/ /aoM ma hA shU n+ya tA dz+nyA na badzra swa b+ha ba At+ma konyahaM/ thugs rje chen po'i rgyun gyis ni/ /thams cad khyab mdzad rin chen tshogs/ /don kun snang ba'i gnas rdzogs te/ /sangs rgyas mdzad pa rnam par dag /aoM d+harma d+hA tu badzra swa b+ha ba At+ma konyahaM/ /rnam par 'phrul ba'i ting 'dzin mchog /'og min gnas mchog nyams dga' bar/ /phyag rgya rdzogs pa'i cha lugs kyis/ /pad+ma'i dkyil 'khor la gnas pa'o/ /thugs rje chags pa'i ting 'dzin dang/ /gsang ba sngags kyi byin brlabs kyis/ /pho brang rnam par dag pa'i tshogs// rnam par 'phrul pas bskyed pa'i tshul/ /thugs kyi gsang sngags kun 'gyur gnas/ /rim bzhin sbyor ba'i byin brlabs kyis/ /sa bon gsang sngags spro bya ste/ /rten gyi dkyil 'khor rdzogs par mdzad/ /e las nam mkhar dkyil 'khor nyid/ /chos 'byung gru gsum gyen bsgreng dkar/ /yaM las rlung dkyil gzhu'i dbyibs/ /dung kha sra 'khregs rgyal mtshan can/ /baM las chu dkyil sna tshogs 'byung/ /kar zlum kun 'byung bum pas mtshan/ / laM las dbang chen sa gzhi dbyibs/ /gru bzhi gser mdog rdo rjes rgyan/ /khaM las rim bzhin brtsegs pa'i mchog /kha dog dbyibs brgyan kun rdzogs pa/ /saM las ri'i rgyal po ste/ /rin chen sna tshogs las grub pa'o/ /de las me'i dkyil 'khor mchog / dmar ser gru gsum ra yis mtshan/ /de dbus bruM las gzhal yas khang/ /gru bzhi sgo khang sgo khyud bcas/ /ra ba rim gsum dur khrod dang/ /kun 'byung rin chen phreng bas mdzes/ /rigs kyi dkyil 'khor mtshan ldan pa'i/ /rgyal tshogs rnam par sbas pa la/ /'od gsal thugs rje byang chub sems/ /rnam dag dkyil 'khor mdzes pa'i mchog /pho brang 'khor lo'i lte dbus su/ /ri che'i phreng ba rdo rjes mdzes/ /bdag gi dkyil 'khor rnam bkod pa'i/ /ma 'dres par ni dag pa'i don/ /dbus kyi 'khor lo la gnas pa'i/ /sangs rgyas rdo rje 'dzin pa nyid/ /rab tu 'od 'bar phyag rgya'i tshogs/ /rigs dang rigs bcas mnyam par sbyor/ /phyogs bcu sangs rgyas thams cad kyis/ /glu dbyangs 'od bcas bskul bar mdzad/ /thams cad rdzogs pa'i dkyil 'khor gyis/ /de gnas mdza' rnams bsrung ba'i phyir/ phyag rgya'i rol pas mnyes 'gyur zhing/ /rtog med byang chub sems kyi sku/ /shes rab 'od gsal bcu drug phreng/ /'od zer 'phro dang 'du ba'i mthus/ /'gro rnams bde gshegs yul sbyor te/ /rang gnas sum cu rtsa gnyis brgyan/ /thabs mchog thugs rje gsal byed phreng/ /sbyor ba rnams gnyis mdzad bcas rdzogs/ /sangs rgyas dpe byad bzang po nyid/ /g.yas g.yon phreng ba 'khor lo'i tshul/ /thams cad gcig tu sbyar ba'i mthus/ /rin chen kha dog sna lnga po/ /hUM mdzes byed rdo rje'i phyag rgya rdzogs/ /dkar gsal 'od mdangs lnga yis brgyan/ /rab tu sbyor ba'i ting 'dzin gyis/ /phyag rgya rdzogs pa'i nga rgyal nyid/ /'od zer rigs kyi dkyil 'khor tshogs/ /drug bcas bcu drug gnas rnams dag /mi 'dres theg pa bsam yas kyis/ /sku gsung thugs kyi dkyil 'khor bsdus/ /rab 'bar gsal bas brjid pa'i sku?/ /gsang sngags yi ge'i phreng bas mdzes/ /aoM mahA su kA badzra satwa adkar zla ba'i dkyil 'khor bzhin/ /g.yas sngo g.yon dmar rgyab ser po/ /rin chen rgyan gyis rnams par mdzes/ /thugs rje chags pa'i don mdangs ldan/ /phrin las rnam bzhi cha lugs bcas/ /g.yas na rdo rje rtse lnga 'bar/ /g.yon pa kha TwAM dril bu 'khor/ /'og gnyis zhi gnas lhag mthong rgya/ /'od mdangs lnga yi phreng bas mdzes/ /rin chen rgyan dang na bza' dang/ /phyag rgya rnam lnga mtshan dpe rdzogs/ /'od kyi rig ma dang sbyor cing/ /bde ba'i rol pas kun spyod mdzad/ /mkha' dbyings dbang phyug phyag rgya yis/ /gnas kun byin gyis brlab par bya/ /lus dang ngag sems rdo rje yi/ /mtshan ma'i phyag rgya ldan byas te/ /thams cad 'byung ba'i sbyor ba yis/ /bdag gi ltar ni bdag nyid bya/ /thugs gsal nyi ma la gnas pa'i/ /ye shes sems dpa' hUM dang bcas/ /'od zer 'phro 'du sbyor ba yis/ /rang bzhin dkyil 'khor dgug byas te/ /gnyis med sbyor ba'i byang chub sems/ /bdud rtsi'i bum bcas lha mo'i tshogs/ /gnas rnams kun tu khrus byas pas/ / rigs kyi bdag pos nye bar mdzes/ /mthe bong sems dpa' i skyil mo krung/ /mdzub mo gnyis kyi rtse mo dgug /gung mo gnyis ni mnyam por sbyor/ /lhag ma rdo rje thal mo nyid/ /spyi bo dang ni dpral ba dang/ /'gram pa gnyis dang lhag par ro/ /aoM a b+hi Shiny+tsa laM/ /thod skam phyag rgyas brtan byas pas/ /rim bzhin gnas kun brgyan par bya/ /hUM a b+hi Shiny+tsa maM/ rin chen myu gu'i phyag rgya yis/ /rgyan rnams nye bar bdags byas te/ rin chen phreng ba dar dbyangs bcing/ / rdo rje rgya gram khro bor bcas/ /ska nan rgyan thag bgos pa dang/ /mnyes pa'i thal mos brtan par bya/ /aoM ratna mA la a b+hi Shiny+tsa traM/ aoM pa ta laM a b+hi Shany+tsa hUM/ /aoM badzra tu sh+ya ho/ /rjes su chags pa'i rnam mang dga' pa'i pad+ma rnams/ / dag pa'i mchod pas gsal bar rjes su mchod byas pa/ /mchog tu rtag pa'i rnal 'byor pas bde ba grub par mdzod/ /e ma ho mchog tu bde ba'i dam tshig ngo bo nyid/ /mchog tu bde ba'i rnal 'byor bskal bzang mchog /rang gi dam tshig rtag la rol cig ho/ /mkha' gdang dbyangs dang ye shes rgya/ /sa bon rdo rje pad+mar btsas/ /ling ga 'greng bar rang 'byung ba/ /brla'i dbus su gzhug pa ste/ /ling ga rdo rjer byin brlabs pas/ /rdo rje sems sogs sngar bskyed ngo/ /'od 'phro kun tu khyab pa yis/ /sangs rgyas thams cad mnyes mdzad cing/ /dgro ba'i gnas chen rnam dag par/ /mkha' gsang rdzogs pa'i dkyil 'khor nyid/ /hUM las bskyed pa'i rdo rje sems dpa' ni/ /gsang gnos dbus kyi gdan la gzhug/ aoM las gling bu traM pi waM/ baM las rnga chen dza rdza rnga/ /a las me tog A spos me/ /a las mar me ai dri chab/ /phyogs dang mtshams su rim pa bzhin/ /mchod pa'i lha mo brgyad rnams/ /dzabzhi ru/ rta mgrin 'phar mtho la sogs bskyed/ /b+ha gar ling ga bcug byas nas/ /der ni mtshan ma bsgom par bya/ /rdo rje sems dpa' i phyag rgya che/ /sku gnyis ldan par spro bya'o/ /kun tu don mdzad 'dus pa dang/ /thabs dang shes rab rdzogs par sbyor/ /gling bu sngon mo rdo rje mtshon/ /rdo rje lcags sgrog shar gyi phyogs/ /pi waM ser mo rdo rjes mtshan/ /pog thegs bden bral mtshams su gnas/ /mar me dmar mo rdo rjes mtshan/ /glu dbyangs drug ldan lho yis phyogs/ /rnga chen dmar mo rdo rje'i rnga ? brdung mdzad nub kyi phyogs na gnas/ /rdza rnga ljang gu rdza rnga la/ /rdo rjes mtshan brdung byang gi phyogs/ /me tog dmar ser rdo rjes mtshan/ /gzhong thogs me yi mtshams su gnas/ /spos me dkar sngon rdo rjes mtshan/ /pog thags bden bral mtshams su gnas/ /mar me dmar mo rdo rje mtshan/ /gsal 'dzin rlung gi phyogs su gnas/ /dri chab ljang gu rdo rjes mtshan/ /dag 'thor dbang ldan mtshams su gnas/ /rta mgrin 'phang mthe dkar mdangs can/ /lcags kyu rta mgrin ljang gu shar/ /phag gdong nag mo zhags pa g.yon/ /g.yas pa mche ba lho yi sgor/ /nyi zla lcags sgrog nub kyi phyogs/ /thal byed ljang ku g.yas dril bu/ /g.yon pa band+ha sku bcas pa/ /aoM he ra ti badzra pi la/ si na tra tha/ he ra ti g+hi te te haM/ he ra ti badzra he se ha ta baM/ he ra ti badzra nri? twe pe ba le ba dzaM/ aoM badzra puShpe/ aoM badzra d+hu pe/ aoM badzra A lo ka/ aoM badzra gand+ho/ aoM badzra a ku sha dzashing/ /glu dbyangs rol mo'i gar du bcas/ /lha mo bcu gnyis rang snang rdzogs/ /dbang po drug la sangs rgyas kyi/ /gsang sngags phyag rgya sbyor ba'i mthus/ /rigs kyi bdag po yum dang bcas/ /rnam dag mngon shes ye shes rdzogs/ /lag gnyis rol mo'i brtul zhugs kyis/ /gnas gsum rol pa'i brtul zhugs kyis/ /gnas gnas rdo rje 'ching sbyor cing/ /rdo rje se gol brdab bya ste/ /sangs rgyas thams cad bsdu bar bya/ /aoM stong pa shin tu yod med rnal 'byor mthus/ /nam mkha' nyid du dam tshig nye bar gnas/ /bde gshegs bde bar gshegs pa bzhengs su gsol/ /rdo rje sems dpa' skal bzang dpal khyod bdag /dzad zamed ye shes gnyis can rnam mdza' yas/ /snang stong bde chen mnyam nyid dbyings la rol/ /kun 'byung yon tan stsol med lhun grub snang/ /rgyan gyi dkyil 'khor rnam bkod rang las byung/ /mdzad pa rgya chen 'gog med lhun grub pas/ / tshogs bcas rol pas bya ba kun rdzogs gnas/ /sku gsung thugs mchog ston 'phrin las rgyar/ dkyil 'khor mdzes pa'i lha la phyag 'tshal lo/ /aoM Aldan g.yon pa 'gying pa'i thabs/ /g.yas pa ba dan gsum par bya/ /sri zhu byas shing btag pa'i mchog/ bdag nyid rdo rje sems dpa' dpal/ /'dzum dang bcas pa'i mig gis blta/ /bsam pa g.yos pas phyag 'tshal lo/ /aoM bde bar / gshegs pa bcom ldan 'das/ /rgyal ba rgya mtsho ye shes kyis/ /srid pa'i rgya mtsho mdza' yas kun/ /kun bzang mchod sprin mchog tu rol/ /aoM na matshad med bzhi yi phyag rgya yis/ /mdun gyi dkyil 'khor mnyes pa dag /dam tshig dkyil 'khor la gzhug cing/ /mnyes nas dges shing brtan par mdzod/ /rdo rje sems dpa' i ting 'dzin mchog /phyag rgya chen po'i cha lugs lan/ /khams gsum kun tu rgyas btab cing/ /rigs kyi dkyil 'khor gsang ba'i bdag/ aoM badzra satwa hUM/ ma hA mu dra stwaM/ rdo rje sems dpa' skal bzang dpal khyod bdag /bdag cag sgrubs la rtogs par mdzad du gsol/ /rigs mchog sangs rgyas thams cad 'dus pa yi/ /byin brlabs dbang bskur chu 'phrul bla na med/ /a la la la ho/ lcags kyi padmo mtshan bcas dkyil/ /'od zer sbyor ba'i sngags dang bcas/ /aoM na magrub spyan gyi phyag rgya nyid/ /dam tshig gnas su bzhag par bya/ /aoM badzra satwa sa ma ya hUM/ srin lag mthe'u chung yan lag dbus/ /mthe bong legs bzhugs dam par bcings/ /rdo rje khu tshur so so yi/ /mdzub ma lcags kyu lta bur bya/ /aoM badzra satwa ka? ra ma nu dra hUM/ aoM badzra ba na be nu su ra ta ti pu pa ra mu sa ma yo ga si ta A hUM/ aoM Amchod pa chen po thams cad grub par mdzod/ /mnyam pa chen po'i gnas la rol tu gsol/ /gyen du 'thor dang thur du 'bebs/ /mar me 'debs sogs so so'i rgya/ /gling bu dang ni pi wang dang/ /rgyud mangs rgyud drug sil snyan dag /dngos 'byor sprul pa gang yang rung rim bzhin sngags dang sbyar te dbul/ /aoM 'gyur ba lnga las thams cad byung/ /rang las ma byung gang yang med/ /gtsang sme'i dri rtog kun bral ba'i/ /bdud rtsi byang chub sems chen pos/ /bdag sogs gnyis su med pa'i phyir/ /mnyam pa chen po'i gnas la rol/ /aoM na manas/ /byang sems bde ba'i mchog pas rnam par rol/ /aoM mahA su kha bo d+hi tsit+ta a la le ho/ /aoM mnyam nyid mi g.yo mnyam nyid mchog gi chos nyid can/ /thugs rje'i bdag nyid 'gro ba'i sdug bsngal sel bar mdzad/ /yon tan mdza' yas dngos grub thams cad sbyin mdzad pa/ /dri med mi g.yo mnyam med med pa'i chos mchog can/ /aoM yon tan shin tu phra ba'i cha la'ang? tshang med de/ /dpe ni nam mkha' dang yang bskrun du yod ma yin/ /dngos grub mdza' yas mnyam med dpe dang bral ba rnams/ /sems can khams la dngos grub mchog rnams nges par gsol/ /aoM rtag tu dri ma med pa'i thugs rje shugs la byung/ /smon lam grub pa 'gag pa med pa'i chos nyid can/ /'gro ba'i don mdzad mdza' yas par? mdzad pa/ /thugs rje bdag nyid rnam par gnas/ /aoM tshad med tshad dang bral ba shin tu rdzogs pa yi/ /bde bar gshegs pa'i go 'phang dam pa rnyed gyur kyang/ /khams gsum rnams la dngos grub mchog stsol mdzad pa yi/ /thugs rje'i skyong? pa mi g.yo 'gag par yod mi 'gyur/ /aoM shin tu bzang po'i chos nyid mchog dang ldan/ /mchog sbyin rnams kyi nang na go 'phang mchog mnyes pa/ /mgon po dus gsum sgrib pa med par rab mkhen cing/ /dam tshig mchog gsum dngos grub bdag la stsol/ /dam tshig la gnas brtul zhugs mchog /gsang sngags theg pa'i spyod pa nyid/ /dang rdzogs byang chub kun don bzhin/ /'khor lo bla med rdzogs gyur cig /thugs rje che mnga' thabs ldan pas/ /rigs kyi dngos grub brtan par mdzod/ /bya ba'i ye shes mdza' yas mchog /phrin las gnas chen rdzogs gyur cig /rigs kyi sems dpa' gsum ldan pa/ /phyag rgya'i mtshan ma yi ger bcas/ /? 'phro gsal ba rnam gnyis kyis/ /thabs dang shes rab rnam gnyis rgyun/ /rin chen thig le rnam gnyis 'ong/ /rigs kyi 'khor lo rdzogs byed pa'o/ /aoM ma hA su kha badzra satwa Abyed pa'o/ /yan lag cho ga kun bsdus te/ /rin chen 'bar ba'i gong bu la/ /mtshan ma rnam pa rim bzhin rdzogs/ /phyag rgya'i dkyil 'khor spro bsdu kun/ /mtshan ma lnga'i mthar ji srid yul kun brtan gnas pa/ /de gnas dmigs pa med pa'i chos/ /phyag rgya'i gsang gnas dkyil 'khor du/ /yi ge mtshan mo phra mo sku/ /rim bzhin rdzogs pas las mdzad cing/ /phyag rgya bstan pa'i ting 'dzin/ /khams gsum yul bcas rnam dag pa'i/ /byang chub sems mchog bde ba'i rgyun// 'khor lo bzhi gnas rim pa bzhin/ /dga' bzhis bskyod pa'i zla ba'i rgya/ /gong gi phyag rgya'i tshogs dang bcas/ /rab tu chags pas rnam grol sems/ /sku gsung thugs kyi sbyor ba yis/ /gnas gsum bde ba me mar bzhin/ /rnam par spro zhing bsdu bya ste/ /'dod pa'i yan lag rdzogs pa yi/ /thig le mnyam dang mnyam sbyor bas/ /dga' bcas byang chub sems bzhi bdag /'byor tshogs yang dag sbyor ba'i mthus/ /skye 'gags chos kun rnam par spangs/ /rdo rje sems dpa' dpal 'byor pa/ /ji lta'i gzugs dang dbyibs su ldan/ /bde ba nyid kyis kun gyi bdag /kun gyi bdag la bzhugs par bya/ /chags pa med cing ma chags med/ /dbu mar yang ni dmigs su med/ /bud med kun gyi sgyu sbyor zhing/ /gnyis med pa'i theg pa mchog / thun mtshams sbyor ba'i phyag rgya yis/ /rigs kyi dam tshig sngags gsal zhing/ /bzlas brjod la sogs grangs kyis 'jug/ /ye shes rdzogs pa'i 'khor lo zhing/ /dam tshig yul kun mnyam sbyor zhing rim dang cig car yan lag gis/ /mtshan bcas mtshan ma med gnas dag /rab tu brtan pas gnyis med rdzogs/ /mang du gsang ba'i rdzas rnams kun/ /dag pa'i snod rnams bkang byas te/ /nye bar sgyur ba'i byin brlabs kyis/ /gnyis med bdud rtsi chen po bsgrub/ /bsnyen pa rab gsal rdzogs pa las/ /nye bar gnas pa'i byin brlabs rgyas/ /sgrub pa bdag gzhan 'bras bu nyid/ /yang dag brtan 'gyur dga' chen po/ /'jig rten mgron tshogs ma lus pa/ /rang gi sngags dang phyag rgyas dgug/ /gtor ma'i rdzas rnams bsag pa dang/ /dus gcig thugs kyi sems bsreg shing/ /gsung gi bdud rtsi dag par mdzad/ /sku yi byin brlabs ye shes lnga/ /nye bar bkod pa'i sprin rnams kyis// thams cad dkyil 'khor brtan pa'i tshogs/ /thabs kyi dkyil 'khor mnyam sbyor zhing/ /shes rab yum bcas rol ba nyid/ /de dag sngags dang phyag rgya yis/ / dbang bskur byin brlabs rdzogs par mchod/ /spyod lam kun tu ma nyams blos/ /phyag rgya'i dkyil 'khor brtan byas te/ /thabs dang shes rab gar sogs kyis/ /ral pa'i 'phro 'du rgyun bzhin gnas/ /nges pa'i gsang mchog phyag rgya'i tshogs/ /nyer gsal bshad pa'i tshul dag gis/ /don kun sku gsung thugs kyi tshul/ /rab sbyangs brtan par rdzogs pa nyid/ /mi shes dri ma kun sel cing/ /yang dag ye shes gnas gsal byed/ /rigs mchog 'khor lo rdzogs pa yi/ /sgrub pa'i thabs 'dis rgyas par shog/ //dpal rdo rje sems dpa' rjes su dran pa'i cho ga zhes bya ba/ slob dpon chen po thu bo rA dza ha tis mdzad pa rdzogs so/

CLOSE WINDOW