 340a ༄#། །ཚེ།་བར་སྐབས་སུ་ཡང་འདི་ལྟ་བུའི་གཏམ་བརྗོད་དེ། ཀྱེ་གྲོགས་པོ་དག། སངས་རྒྱས་འབྱུང་བ་རྙེད་པར་དཀའ། མིར་སྐྱེ་བ་རྙེད་པར་དཀའ། དལ་བ་ཕུན་སུམ་ཚོགས་པ་རྙེད་པར་དཀའ། དེ་བཞིན་གཤེགས་པའི་བསྟན་པ་ལ་དད་པ་རྙེད་པར་དཀའ། རབ་ཏུ་འབྱུང་བ་རྙེད་པར་དཀའ། དགེ་སློང་གི་དངོས་པོ་རྙེད་པར་དཀའ། ནན་ཏན་བྱེད་པ་རྙེད་པར་དཀའ། སེམས་ཅན་གང་དག་བྱས་པ་གཟོ་ཞིང ། བྱས་པ་ཤེས་ལ་གང་དག་བྱས་པ་ཆུང་ངུ་ཡང་ཆུད་མི་གསོན་ན། མང་པོ་ལྟ་ཅི་སྨོས་ཏེ། དེ་དག་ཆེས་རྙེད་པར་དཀའ། དེ་བས་ཀྱང་སེམས་ཅན་གང་དག་དེ་བཞིན་གཤེགས་པའི་བསྟན་པ་ལ་ཡིད་ཆེས་པ་དེ་དག་ཆེས་རྙེད་པར་དཀའ། དེ་བས་ཀྱང་སེམས་ཅན་གང་དག་དེ་བཞིན་གཤེགས་པའི་བསྟན་པ་ལ་ཡིད་ཆེས་ནས། ནན་ཏན་གྱིས་སྒྲུབ་པ་དེ་དག་ཆེས་རྙེད་པར་དཀའ། དེ་བས་ཀྱང་སེམས་ཅན་གང་དག་དེ་བཞིན་གཤེགས་པའི་བསྟན་པ་ལ་མཛེས་པ་དེ་དག་ཆེས་རྙེད་པར་དཀའ། འཁོར་བ་ལས་གྲོལ་བ་རྙེད་པར་དཀའ་ན། ཅི་བདག་ཅག་ཉན་ཐོས་ཀྱི་ཐེག་པས་ཡོངས་སུ་མྱ་ངན་ལས་འདའ་བར་བྱའམ། འོན་ཏེ་རང་སངས་རྒྱས་ཀྱི་ཐེག་པས་སམ། འོན་ཏེ་ཐེག་པ་ཆེན་པོ་བླ་ན་མེད་པས་ཡོངས་སུ་མྱ་ངན་ལས་འདའ་བ་བྱ་ཞེས་མཐུན་པར་འདུས་ཏེ་འཁོད་པ་དེ་དག་ཐམས་ཅད་དེ་ལྟ་བུའི་དཔྱོད་པ་སྐྱེས་ནས། བདག་ཅག་ཐེག་པ་ཆེན་པོ་བླ་ན་ |
