H259

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H259</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H259&coll=lhasa">see text in Tibetan script</a></table>385a<br><font size=+1>


rgya gar skad du/ sarba ta thA ga ta s+ya gu h+ya sid+d+h+ya r+tha a b+hi sa ma ya he tu sarba bo d+hi satwa s+ya tsaR+Ya sa mu dra de sha bud+d+hoSh+N+Shi Sha shU rang+ga nA ma ma hA yA na sU tra/ bod skad du/ de bzhin gshegs pa'i gsang ba sgrub pa'i don mngon par thob pa'i rgyu/ byang chub sems dpa' thams cad kyi spyod pa rgya mtsho ston pa/ sangs rgyas kyi gtsug tor dpa' bar 'gro ba zhes bya ba theg pa chen po'i mdo/ bam po dang po/ 'di skad bdag gis thos pa dus gcig na/ bcom ldan </font><hr>385b<br><font size=+1>


'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na stong nyis brgya lnga bcu'i dge slong gi dge 'dun chen po dang thabs cig tu bzhugs so/ /thams cad kyang dgra bcom pa/ zag pa zad pa/ shAkya'i sras po chos la dbang thob pa/ srid pa thams cad las rnam par grol ba/ grong khyer gyi skye bo la sman par mdzad pa/ sangs rgyas dang lhan cig chos kyi 'khor lo bskor ba/ tshos kyi tshul ston par nus pa/ 'dul ba'i tshul gtsang ba/ khams gsum las 'phags pa'i spobs pa can/ rdzu 'phrul dpag tu med pa/ gdul bya sgrol bar byed pa/ ma 'ongs pa'i 'gro ba 'dren pa/ sdug bsngal gyi 'obs las brgal ba sha stag la 'di lta ste/ gtso bor gyur ba ni/ nyan thos chen po shA ri'i bu dang / maung+gal gyi bu chen po dang / gsus po che dang / gang po byams ma'i bu dang / rab 'byor dang / nye rgyal sogs nyan thos chen po rnams dang / gzhan yang rang rgyal slob pa dang mi slob pa'i dge 'dun dang / gsar du zhugs pa'i nyan thos grangs med pa rnams dang lhan cig tu dbyar gnas pa las dgag dbye'i dus su phyogs bcu'i byang chub sems dpa' thams cad kyang the tshom gcod pa'i slod du bcom ldan 'das la chos ston par gsol bar lhags nas bcom ldan 'das la thugs brtse bas rjes su gdams pa dang / gsang ba'i gnas yongs su zhu bar 'khod </font><hr>386a<br><font size=+1>


@#/ /pa na| bcom ldan 'das kyis chos kyi gsang ba 'di 'chad par mdzad pa'i phyir gdan bshams pa la sku drang por bsrangs nas bzhugs te/ 'khor 'dus pa rnams kyis thos par dka' ba'i chos kyi rnam grangs ngo mtshar rmad du byung ba 'di/ gsung ka la ping+ga'i dbyangs kyis phyogs bcur khyab par mdzad de ston par mdzad do/ /de'i tshe gang+gA'i klung gi bye ma snyed kyi byang chub sems dpa' thams cad kyang 'dus par gyur te/ byang chub sems dpa' 'jam dpal dbyangs gtso bor gyur pa'o/ /dus de'i tshe rgyal po gsal rgyal gyis rang gi yab kyi dus mchod bya ba'i phyir bcom ldan 'das la gdugs tshod gsol bar pho brang du gdan drangs so/ /rang nyid kyis bsus te zhal zas bla na med pa'i ro mchog dang ldan pa rgya chen po bshams/ byang chub sems dpa' rnams kyang thabs cig tu gdan drangs shing pho brang gi bram ze dang / rig byed mkhas pa rnams kyang dus ston la mgron du gnyer ro/ /de dag thams cad kyis kyang bcom ldan 'das rang rang gis gnas su dus ston gsol bar 'dod pa na/ bcom ldan 'das kyis 'jam dpal dbyangs la bka' stsal pa/ khyod kyis byang chub sems dpa' rnams dang / dgra bcom pa rnams la sbyin pa dag gi khyim so sor dus ston spyod par byed du chu gcig gsung ngo </font><hr>386b<br><font size=+1>


kun dga' bo ni/ /snga logs shig nas gzhan zhig tu phyin nas dus ston der ma 'dus pa las re zhig na gnas brtan dang / slob dpon gzhan med par rang nyid gcig pur 'ongs pa na gdugs tshod yol bas lhung bzed thogs te bsod snyoms la khyim nas khyim du rgyu ba na 'di snyam du sems te/ bdag gis ci nas kyang sbyin bdag mchog gam dman pa yang rung ste| rgyal rigs dang / gdol ba'i rigs sogs gtsang ba dang / smad pa mtha' dag snyoms par sems pas/ sbyin pa po mtha' dag gi dge ba dpag tu med pa rdzogs par bya'o/ / ci'i phyir na/ bcom ldan 'das kyis 'od srung chen po dang / rab 'byor la 'di skad ces nyan thos chen po khyed cag gis sems mi snyoms pa ma byed cig ces nan tar zlog par mdzad pas so| |zhes sangs rgyas kyi dgongs pa la brten te sems kyi sgrib pa bsal te the tshom dang smad par 'gyur ba'i gnas spangs te lam srang mthar gyis bgrod nas pho brang gi sgor sleb pa na gzugs drang por bsrangs te dran pa mngon du byas nas slong ba'i spyod lam zhi bas rgyu ba'i tshe smad tshong ma'i sgo khang du sleb pa na/ sgyu ma'i g.yo thabs kyi 'phrul can ma ting+ga dang phrad pa na des ka pi la zhes bye ba'i tshangs pa'i rig sngags btab bas kun dga' bo rang dbang med par rig sngags kyis gzir te rjes su 'brangs nas khang par sleb pa na nom nyug </font><hr>387a<br><font size=+1>


@#/ /byed par brtsams shing / mi tshangs par spyod par byed pa na/ bcom ldan 'das kyis kun dga' bo sgyu ma'i sngags rdzas kyis gzir ba mngon par mkhyen nas la 'ur zhal zas gsol te phyir gshegs so/ /de'i tshe rgyal po dang / blon po dang / khyim bdag dang / rje'u rigs rnams 'dus te bcom ldan 'das las chos nyan pa'i phyir slad kyis 'brangs pa na/ bcom ldan 'das kyi spyi bo'i gtsug nas 'jigs pa med pa'i nor bu brgya pa zhes bya ba'i 'od zer spros pa'i rtse mor pad+ma 'dab ma stong dang ldan pa zhig byung ba la sangs rgyas kyi sprul pa'i gzugs skyil krung gis bzhugs pas gsang sngags kyi tshigs bka' stsal to/ /de nas bcom ldan 'das kyis bka' stsal pa/ 'jam dpal/ khyod kyis rig sngags 'dis kun dga' bo bskyab par gyis la sgyu ma'i sngags rdzas 'jig par gyis shig gsungs pa dang / 'jam dpal gyis bka' ji lta ba bzhin bgyis pas/ ma ting+ga dang kun dga' bo yang 'jam dpal gyi slad bzhin bcom ldan 'das ga la bar 'ongs pa dang / kun dga' bos bcom ldan 'das mthong ba dang phyag 'tshal te mchim blags nas ji ltar na/ bdag sngon nas mang du thos pa lags na'ang rtogs pa'i chos kyi rom myong snyam du 'gyod pas gdungs bzhin du gus pa chen pos nan tar gsol pa/ phyogs </font><hr>387b<br><font size=+1>


bcu'i de bzhin gshegs pa rnams kyi byang chub mngon du mdzad pa'i zhi lhag gi ting nge 'dzin phul du byung ba bde blag tu 'thob pa'i thabs bshad du gsol zhes zhus pa dang / de'i tshe gang+gA'i klung gi bye ma snyed kyi byang chub sems dpa' dang / gzhan yang phyogs bcu'i nyan thos chen po dang / rang sangs rgyas kyi rigs la zhugs pa mang po dag kyang chos ston pa nyan par 'dod pas mchis shing / rna ba blags te cang mi smra bar 'khod do/ /bcom ldan 'das kyis kun dga' bo la bka' stsal pa/ khyod bdag dang rigs gcig pa lags te/ sngon chad khyod kyis kho bo'i bstan pa'i tshul la legs pa ci zhig mthong nas drin dang ldan zhing snying du sdug pa dang phangs pa dag bor nas rab tu byung bar gyur/ kun dga' bos gsol pa/ kho bos bcom ldan 'das kyis mtshan sum cu rtsa gnyis kyis spras pa ngo mtshar zhing dag cing gsal ba gzhan las khyad par du 'phags pa mthong nas rtag tu 'di ltar sems lags te/ bai DUR+Ya ltar rnam par dag pa'i sku'i bkod pa 'di ni/ 'dod pa dang sred pa'i zag pa dang 'dres pa ma yin te/ ci'i phyir zhe na/ 'dod pa dang sred pa ni/ dri ma dang snyigs ma mi gtsang bas sbrel pa/ khu khrag 'dres pa las ni/ ngo mtshar zhing khyad par du 'phags pa gser btsom lta bur dag cing gsal ba'i sku'i bkod pa de lta bu 'khrungs par mi rigs so/ /de bas na/ rgyu 'di </font><hr>388a<br><font size=+1>


@#/ /sems gus pas dad cing skra bregs te khyod kyi rjes su rab tu byung ba lags/ bcom ldan 'das kyis bka' stsal pa/ legs so/ /kun dga' bo/ khyed cag gis 'di ltar blta ste/ thog ma med pa nas skye 'chi gcig nas gcig tu brgyud pas 'khor ba na rang gi de kho na nyid dag cing 'od gsal ba rtag tu gnas pa ma rtogs pas mngon zhe na nye bar blangs te/ 'dod pa 'di ni/ gsog 'ba' zhig pas na kun tu brgyud mar 'khor zhing 'phyan to/ /khyod da ste bla na med pa'i byang chub don dam pa'i de kho na nyid nan tan du tshol bar sems na/ rnam par dag pa'i yid kyis lan smros shig /phyogs bcu'i de bzhin gshegs pa thams cad kyang bgrod pa gcig pa'i dbu ma'i lam 'di sa skye 'chi brgal ba ste/ sems dang ngag dbu ma'i lam du gnas pa'i phyir ro/ /mthar thug pa'i bar gyis dang lam la gnas pa thams cad kyang dbu ma'i lam 'di las rnam pa gzhan du 'dren pa ma mchis so/ /kun dga' bo/ kho bos khyod la dri bar bya ste/ khyod kyis dang por de bzhin gshegs pa'i sku mtshan sum cu rtsa gnyis la sems can/ ji ltar na mtshan bzang por blta bar bya/ gang gis na blta bar bya/ kun dga' bos gsol ba/ ston pa/ kho bos mig dang yid kyis mthong zhing 'dod pa ste/ mig gis gsal bar bcom ldan </font><hr>388b<br><font size=+1>


'das kyi sku khyad par du 'phags pa mthong ba las yid kyis mngon par 'dod pa lags so/ /de ltar na bdag gis skye 'chi spangs par 'khums \?\ lags so/ /bcom ldan 'das kyis kun dga' bo la bka' stsal pa/ khyod kyis mig gis mthong zhing yid kyis 'dod na/ mig dang yid gang la gnas pa ma shes na nyon mongs dang sdug bsngal spang bar mi nus te/ dper na| rgyal po 'ga' zhig chom po ba 'ongs pa dmag gis bzlog par 'dod pa na dmag gi dpung des kyang chom po pa gang du gnas pa shes par bya dgos pa bzhin no/ /mig dang yid dag nyid kyis 'khor bar bsdams pa ste/ mig dang yid dag nyid gang du gnas pa khyod la dri bar bya'o/ /kun dga' bos gsol pa/ ston pa/ 'khor ba'i sems can thams cad sems can du gdags pa'i rnam grangs bcus bsdus pa so so ba nyid na'ang de dag thams cad kyis rnam par shes pa lus kyi nang du gnas par blta'o/ /bcom ldan 'das kyi spyan mthon mthing pad+ma lta bu yang zhal gyi dkyil 'khor du mchis par blta'o/ /bdag gi yul bzhi 'dzin pa'i dbang po gzugs can dwangs pa bzhi ni/ bdag gi gzugs nyid la gnas te/ bdag gi rnam par shes pa ni/ lus kyi nang du gnas par blta lags so/ /bcom ldan 'das kyis kun dga' bo la bka' stsal pa/ da lta khyod sangs rgyas kyi chos kyi 'dun sar </font><hr>389a<br><font size=+1>


@#/ /gnas pa na rgyal byed kyi tshal gang du gnas par blta/ kun dga' bos gsol pa/ ston pa/ chos kyi 'dun sa rnam par dag pa'i kun dga' ra ba 'di ni/ mgon med zas sbyin gyi gnas lags te/ rgyal byed kyi tshal ni/ phyi logs su mchis so/ /bcom ldan 'das kyis bka' stsal pa/ kun dga' bo/ khyod kyis chos kyi 'dun sa 'dir je ci zhig mthong / kun dga' bos gsol pa/ ston pa/ bdag gis je bcom ldan 'das dang / de nas dge 'dun dang / phyi logs su kun dga' ra ba tshal dang bcas pa mthong ngo / /bcom ldan 'das kyis kun dga' bo la bka' stsal pa/ kun dga' bo/ ji ltar na/ khyod kyis kun dga' ra ba tshal dang bcas pa mthong ba yin/ kun dga' bos gsol pa/ ston pa/ kun dga' ra ba gseng yab dang / mthong rgya che ba 'di'i nang du bdag gnas bzhin du mthong ngo / /de'i tshe bcom ldan 'das kyis phyag gser gyi mdog can brkyang kyi 'khor 'dus pa'i nang nas kun dga' bo'i spyi bor bzhag ste 'khor 'dus pa rnams la bka' stsal pa/ sangs rgyas thams cad kyi gtsug tor dpa' bar 'gro ba'i rgyal po spyod pa thams cad yongs su rdzogs pa zhes bya ba'i ting nge 'dzin yod de/ phyogs bcu'i de bzhin gshegs pa thams cad ngo mtshar rmad du byung ba'i lam 'di nyid dang / sgo 'di nyid nas </font><hr>389b<br><font size=+1>


mngon par gshegs pa yin no/ /khyod kyis legs par nyon cig gsungs pas/ kun dga' bos phyag 'tshal te gus pas 'dud cing 'dug go /bcom ldan 'das kyis bka' stsal pa| khyod kyis kun dga' ra ba gseng yab dang / mthong rgya che ba 'di'i nang du gnas bzhin du phyi'i kun dga' ra ba nags tshal dang bcas pa mthong bar smra na/ ci sems can 'ga' zhig 'dir gnas bzhin du de bzhin gshegs pa ma mthong bar kun dga' ra ba'i phyi logs mthong ba lta mchis sam/ kun dga' bos gsol pa/ ston pa/ sems can 'ga' zhig 'dir gnas bzhin du de bzhin gshegs pa ma mthong bar kun dga' ra ba'i phyi logs mthong ba 'ga' yang ma mchis so/ /bcom ldan 'das kyis bka' stsal pa/ kun dga' bo| khyod nyid de kho na yin te/ khyod kyis rnam par shes pa gsal ba nyid na thams cad gsal bar rigs te/ khyod kyi rnam par shes pa gsal ba lus kyi nang na lta mchis sam/ de lta na lus kyi nang nyid gsal bar rigs na/ sems can gyi nang na 'ga' zhig thog mar shes pas lus kyi nang gsal bar byas nas gzod phyi'i yo byad gsal bar byed pa 'ga' mchis sam/ ji ltar na/ snying / mchin pa/ mcher ba/ pho ba lta zhog /sen mo dang / skra'i khams dang / chu rgyus dang / rtsa rgyu sa g.yo ba yang mi gsal bar snang bzhin du shes pa </font><hr>390a<br><font size=+1>


@#/ /nyid gsal bar 'gyur/ ji ltar na/ de dag gsal bar mi 'gyur/ des na/ nges par nang gsal ba nyid ma yin na/ phyi gsal ba nyid du lta ga la 'gyur/ des na/ 'di ltar rtogs par bya ste/ khyod kyis rnam par shes pa gsal zhing rig pa lus kyi nang du yod par smras pa ni/ gnas med pa'o/ /kun dga' bos phyag 'tshal te bcom ldan 'das la gsol pa/ bdag gis bcom ldan 'das la chos kyi dbyings 'di 'tshal ba ltar na/ gdon mi za bar rnam par shes pa ni/ lus kyi phyi na gnas par 'khums lags te/ ci'i slad du na/ dper na/ khang pa'i phug tu sbar ba'i sgron me nang gsal ba nyid kyis sgo nas khyams cher gsal bar byed do/ /sems can thams cad kyis nang gi bdag nyid mi gsal bar lus kyi phyi rol gsal ba 'di yang mar me'i 'od kyis phyi'i dngos po gsal bar byed kyi nang gi dngos po ma yin pa bzhin no/ /'di ni/ nges par 'di lta ste/ gdon mi za bar ston pa'i dgongs pa la 'bab par 'gyur ba kho na lags sam/ bcom ldan 'das kyis bka' stsal pa/ khyod kyis gang nga'i rjes su 'brangs te mnyan yod nas kham gyi zas bsod snyoms la rgyu bas rgyal byed kyi tshal du zas spangs pa'i dge slong la ltos shig /ci gcig gis 'tshal ma 'tshal bas thams cad 'grangs par 'gyur lags sam/ </font><hr>390b<br><font size=+1>


kun dga' bos gsol pa/ ston pa/ de ltar ma lags so/ /ci'i slad du na/ dge slong 'di dag dge slong nyid du mtshungs na'ang lus dang srog tha dad pa lags pas ji ltar na/ gcig gis 'tshal ma 'tshal bas thams cad 'grangs par 'gyur/ bcom ldan 'das kyis bka' stsal pa/ rnam par shes pa gsal zhing rig pa phyi rol tu mchis na lus dang sems tha dad pas 'brel ba med par 'gyur la/ sems nyid kyis mthong ba na lus kyis myong bar mi 'gyur la/ lus nyid kyis myong ba na sems kyis rtogs par mi 'gyur ro/ /bcom ldan 'das kyi phyag shing bal ltar 'jam pa 'di mthong na khyod kyi sems bye brag phyed par 'gyur ram/ kun dga' bos gsol pa/ ston pa/ de ltar lags so/ /bcom ldan 'das kyis bka' stsal pa| de ltar na/ rnam par shes pa ji ltar phyi rol tu mchis zhes bya/ des na/ 'di ltar rtogs par bya ste/ khyod kyis rnam par shes pa lus kyi phyi rol tu gnas par smras pa 'di ni| gnas med pa'o/ /kun dga' bos gsol pa/ ston pas bka' stsal pa ltar na/ lus kyi nang nyid gsal ba ma yin pas na sems nang du mi gnas la/ lus sems phan tshun du 'brel zhing mi 'bral bas na/ sems lus kyi phyi rol du yang ma mchis te/ bdag gis 'tshal ba ltar na/ gnas pa'i gnas gcig mchis lags so/ /bcom ldan 'das </font><hr>391a<br><font size=+1>


@#/ /kyis bka' stsal pa/ gang du gnas par blta/ kun dga' bos gsol pa/ shes pa gsal zhing rig pa nang du yang ma yin kyang phyi rol mthong nus pa las na/ bdag gis 'tshal ba ltar na/ khams kyi nang du gab pa ste/ dper na/ 'ga' zhig gis bai DU R+Ya'i kong bu mig gnyis la bkab par gyur kyang snang yul la sgrib pa med pa bzhin du dbang po des mthong bar gyur la bye brag phyed par 'gyur ro/ /rnam par shes pa gsal zhing rig pa lus kyi nang gsal ba ma yin pas na khams kyi nang du gnas shing / phyi rol rnam par gsal bar byed pa la mi sgrib pas na/ dbang po'i spubs na gab cing gnas so/ /bcom ldan 'das kyis bka' stsal pa/ khyod kyis smras pa ltar mig gi dbang po'i sbubs su bai DUR+Ya'i kong bu mchis na/ 'on te mi 'ga' zhig bai DUR+Ya'i kong bus mig 'gebs bzhin blta ba na ri klung mtha' dag mthong bas ci bai DUR+Ya'i kong bu nyid mthong bar 'gyur ram mi 'gyur/ kun dga' bos gsol pa/ de ltar lags te/ bai DUR+Ya nyid kyang mthong lags so/ /bcom ldan 'das kyis bka' stsal pa/ sems bai DUR+Ya'i kong bu dang mtshungs pa lta na/ ri klung mtha' dag mthong ba bzhin du mig nyid kyang ci'i phyir mi mthong / gal te mig nyid kyang mthong na ni/ mig nyid yul du 'gyur te/ 'brel </font><hr>391b<br><font size=+1>


ba med par 'gyur ro/ /mig nyid mi mthong na ni/ ji ltar na dbang po'i spubs su gnas shing bai DUR+Ya'i kong bu dang mtshungs par 'gyur/ des na/ 'di ltar rtogs par bya ste/ khyod kyis rnam par shes pa gsal zhing rig pa khams kyi nang du gnas shing bai DUR+Ya'i kong bu dang mtshungs par smras pa 'di ni/ gnas med do/ /kun dga' bos gsol pa/ bcom ldan 'das/ bdag gis yang 'di ltar sems te/ sems can gyi lus don dang snod nang na gnas shing / sgo dang sbubs ni/ phyi rol du mchis la nang na gnas pas mun par red la/ phyin \?\ gnas pas gsal ba ste/ bdag gis bcom ldan 'das kyi thad nas mig phye ste bltas pa'i tshe gsal bar mthong ba nyid la phyi rol gsal bar bsnyad la/ mig btsums pa na mun pa mthong ba nyid la nang gsal bar bsnyad pa ste/ ci 'di lta bu yin lags sam/ bcom ldan 'das kyis bka' stsal pa/ mig btsums pas mun pa mthong ba na mun pa'i khams dang mig 'phrad dam/ ma 'phrad pa zhig yin grang / 'on te 'phrad na ni/ mun pa nyid mig gi mdun rol du snang bar 'gyur bas ji ltar na nang du gnas par 'gyur/ ci ste nang du gnas na ni| de'i tshe/ mun pa 'thug po'i phug nyi ma dang zla ba dang mar me'i snang ba mi 'jug pa'i mun bde nyid kyang khyod kyi nang rol dang 'dra ba nyid du 'gyur/ gal te ma 'phrad na ni/ ji ltar </font><hr>392a<br><font size=+1>


@#/ /na mthong bar 'gyur/ phyi rol mthong ba dang bral bas na/ nang gi bdag nyid 'phrad pas grub pa mig btsums pas mun pa mthong bas lus kyi nang mthong bar bsnyad la/ mig phye ba'i tshe snang ba mthong na/ ci'i phyir byad bzhin mi mthong bar 'gyur/ bzhin mi mthong ba zhig na/ nang bdag nyid dang 'phrad par 'gyur ba mi 'thad do/ /bzhin mthong ba nyid na rnam shes gsal zhing rig pa mig gi khams dang bcas pa phyi rol gyi bar snang nyid du 'gyur gyi nang gi bdag nyid du mi 'brel bar 'gyur ro/ /'on te phyi rol gyi bar snang na yod pa zhig na/ rang gi lus dang mi 'brel bar 'gyur la/ bcom ldan 'das kyis kyang khyod kyi bzhin mthong bas ci khyod kyi lus dang 'brel bar 'gyur ba zhig gam/ khyod kyis mig gis mthong ba tsam du 'gyur gyi khyod nyid kyis ci yang mi shes par 'gyur ro/ /ci ste shes pa dang khyod nyid gnyis kas shes pa zhig na/ rgyud gnyis su thal bar 'gyur la/ khyod nyid sangs rgyas pa'i tshe yang rgyud gnyis su thal bar 'gyur ro/ /des na 'di ltar rtogs par bya ste/ khyod kyis mun pa mthong ba nyid las nang gsal bar bsnyad pa'o/ /zhes smra ba 'di ni/ gnas med do/ /kun dga' bos gsol pa/ bdag gis bcom ldan 'das kyis kun tu 'khor rnam bzhi la bka' stsal pa thos pa las na shes pa yod pas na shes bya </font><hr>392b<br><font size=+1>


sna tshogs pa yod la/ shes bya yod pas na shes pa sna tshogs pa skye bar gsungs pas na/ bdag gis 'di ltar sems te/ sems kyi dngos po 'di nyid ka bdag gi sems kyi rang bzhin lags te/ yul dang 'phrad pa na sems rjes su skye ba zhig kho na yin gyi phyi dang / nang dang / bar na'ang med do/ /bcom ldan 'das kyis bka' stsal pa/ khyod kyis shes bya yod pas shes pa sna tshogs pa 'byung la yul dang 'phrad pa na sems rjes su skye bar smra na/ de lta na shes pa dngos po med pa nyid kyis ji ltar yul dang 'phrad par 'gyur/ ci ste shes pa dngos po med pa nyid yul dang 'phrad par smra na/ yul bdun pa dang / khams bcu dgu pa nyid 'phrad pa zhig tu 'gyur la/ don 'di ni/ med pa nyid do/ /'on te shes pa dang dngos po yod pa nyid na/ khyod kyi lag pas rang gi lus la reg pa nyid na rtogs pa'i sems de nang nas 'byung ba nyid dam/ phyi rol nas 'jug pa zhig yin grang / nang nas 'byung ba zhig na yang lus kyi nang nyid gsal bar 'gyur ro/ /'on te phyi rol nas 'jug pa zhig na sngon du rang gi bzhin gsal bar 'gyur ro/ /kun dga' bos gsol pa/ mig nyid kyis mthong bar 'gyur la/ shes pas ni/ rtogs par 'gyur mod kyi/ mig nyid kyis ma yin la/ shes pa kho na sa \?\ mthong ba yang gnas ma yin no/ /bcom ldan 'das kyis bka' stsal </font><hr>393a<br><font size=+1>


@#/ /pa| gal te mig nyid kyis mthong bar nus pa nyid na/ khyod nyid khang pa'i nang du 'dug pa'i sgo nyid kyis kyang mthong bar 'gyur ram/ shi ba'i rol yang mig gi dbang po snang bas des kyang mthong bar rigs la/ des kyang mthong na ni/ ji ltar shi ba nyid yin/ kun dga' bo/ gal te rnam par shes pa gsal zhing rig pa dngos bor smra ba nyid na/ dngos po ngo bo gcig pa zhig gam/ 'on te du ma zhig yin grang / da lta khyod kyi lus la khyab pa nyid dam/ ma khyab pa'i dngos po zhig yin grang / gal te dngos po gcig pa zhig na/ lag pas yan lag gcig la reg pa na yan lag bzhi po thams cad kyis myong bar rigs la/ thams cad kyis myong na ni/ reg pa nyid mi 'thad par 'gyur ro| |reg pa yod na ni/ ngo bo gcig pa mi 'grub bo/ /gal te du ma zhig yin na ni/ yang gang zag rgyud du mar 'gyur la/ de lta na gang zhig khyod kyi yin par 'gyur/ gal te khyab pa zhig yin na ni/ sngon du reg pa'i tshe brjod pa dang mtshungs la/ gal te ma khyab pa zhig yin na ni/ khyod kyis dus gcig car mgo bo dang rkang pa la reg pa'i tshe mgo bos ni/ myong bar 'gyur la/ rkang pas ni/ mi myong bar 'gyur ba zhig na khyod kyi 'di mi 'thad pa zhig go /des na/ 'di ltar rtogs par bya ste/ khyod kyis yul dang 'phrad pa na sems rten </font><hr>393b<br><font size=+1>


su skye bar smras pa 'di ni/ gnas med do/ /kun dga' bos gsol pa/ ston pa/ bdag gis bcom ldan 'das kyis 'jam dpal la sogs pa'i rgyal ba'i sras rnams la yang dag pa ji lta ba 'chad pa'i tshe ston pas shes pa nang na yang ma yin/ phyi rol na yang ma yin zhes kyang gsungs pa thos pa las na/ bdag gis 'di lta bu bsam ste/ nang na gsal bar bya ba'ang ma mchis la/ phyi rol tu phan tshun gsal ba yang ma mchis la/ nang du gsal bar byed pa ma mchis pas nang du yod par mi 'grub la/ lus sems 'brel bas na phyi rol tu yang mi 'grub pas/ 'di ltar na nang du yang gsal bar ma mchis pas dbus nyid na mchis par 'os so/ /bcom ldan 'das kyis bka' stsal pa/ khyod kyis dbus nyid du smras pa de dbus nyid yin na gsal bar gnas pa nyid du mngon pas na khyod kyi dbus nyid gang zhig na mchis/ gnas ga ge mo zhig gam/ lus nyid na gnas grang / khyod kyis dbus nyid ston cig /gal te lus nyid nang du gnas pa lta na/ de bas na logs shig tu gnas pas dbus nyid ma yin te/ dbus nyid kyi nang du na lus kyi nang du gnas pa dang mtshungs pa nyid do/ /'on te gnas shig na yod na ni/ drang thig yod pa zhig gam/ drang thig med pa zhig grang / drang thig med pa zhig na/ gtan nas med pa dang mtshungs so/ /yod na </font><hr>394a<br><font size=+1>


@#/ /ni| yang drang thig ma nges pa nyid de/ ci'i slad du na/ dper na/ mi 'ga' zhig gis drang thig bslab nas drang thig dbus su byas te shar nas bltas pa'i tshe nub kyi ngos su 'gyur la/ lho nas bltas pa'i tshe byang gi ngos su 'gyur bas drang thig 'chol ba nyid kyis sems kyang 'chol bar 'gyur ro/ /kun dga' bos gsol pa/ bdag gis smras pa'i dbus ni/ de lta ma lags te/ ston pas mig dang gzugs 'dus pa las mig gi rnam par shes pa 'byung ngo gsungs pa las na mig gis ni/ bye brag 'byed par 'gyur la/ gzugs ni/ shes pa dang bral ba ste/ rnam par shes pa ni/ de 'di bus nyid nas 'byung bas 'di ni/ sems kyi gnas so/ /bcom ldan 'das kyis bka' stsal pa/ khyod kyis dbang po dang yul gyi dbus su sems gnas par blta na/ dbang po yul dang lhan cig pa'am/ lhan cig pa ma yin pa zhig yin grang / lhan cig pa nyid na/ dbang po dang yul 'chol bar 'gyur te/ dbang pos ni/ rtogs la yul gyis ni/ ma yin pas tha dad pa nyid du zad pas na/ ji ltar lhan cig pa'i dbus su 'gyur ro/ /'o na te gnyis/ lhan cig pa ma yin na ni/ rtogs pa dang mi rtogs pa med pa nyid kyis dngos po rang bzhin med pa nyid du 'gyur bas dbus na gnas ba ji ltar 'thad par 'gyur/ / </font><hr>394b<br><font size=+1>


des na| 'di ltar rtogs par bya ste/ dbus na gnas par smra ba 'di ni/ gnas med do/ /kun dga' bos gsol pa/ ston pa/ bdag gis sngon bcom ldan 'das maung+gal gyi bu chen po dang / rab 'byor dang / gang po dang / shA ri'i bu ste/ nyan thos chen po bzhi dang lhan cig chos kyi 'khor lo bskor ba mthong ba na rtogs shing shes la bye brag phyed pa'i sems kyi rang bzhin nang du yang mi gnas/ phyi rol na yang ma yin/ dbus na'ang med la/ gnas med pas na thams cad du thogs pa med do/ /zhes rtag tu gsungs pa thos pa las na/ 'di ni/ sems kyi gnas lags te/ thams cad du thogs pa med pa 'di nyid ka sems kyi rang bzhin du bsnyad par bgyi'am/ bcom ldan 'das kyis bka' stsal pa/ khyod kyi rnam par shes pa gsal zhing rig pa'i rang bzhin gnas med par smra na/ 'jig rten na bar snang dang / chu dang / skam la lding zhing g.yo ba dang brtan pa'i dngos po thams cad kyi rnam pa 'di la thams cad ces bsnyad pa ste/ khyod kyis thogs pa med pa 'di la gnas yod pa zhig gam/ med pa zhig yin grang / gnas med pa zhig na ni/ rus spal gyi spu dang / ri bong gi rwa dang mtshungs pas ji ltar na yang thogs pa med par smra bar byed/ 'on te thogs pa med pa 'di yod pa zhig na ni/ yod pas na ji ltar yang med par gdags par bya rigs/ dngos po med pa ni/ med </font><hr>395a<br><font size=+1>


@#/ /pa nyid yin la/ med pa ma yin pa ni/ dngos po yod pa nyid do/ /dngos po yod pa nyid ni/ sdod lugs su yod pa ste/ ji ltar na thogs pa med par gdags/ 'di ltar rtogs par bya ste/ thams cad du thogs pa med pa nyid sems kyi rang bzhin du smras pa 'di ni/ gnas med do/ /de'i tshe kun dga' bos dge 'dun gyi dbus su stan las langs te bla gos phrag pa gcig tu gzar te pus mo g.yas pa'i lha nga sa la btsugs nas thal mo sbyar te gus pas btud nas bcom ldan 'das la 'di skad ces gsol to/ /bdag ni| bcom ldan 'das kyi nub bo tha chung lags te/ bcom ldan 'das kyis thugs brtse bas rjes su bzung ste da lta rab tu byung nas kyang snying du sdug pa nyid glo ba la gcags shing mang du thos pa lags kyang zag pa zad par ma gyur pas/ ka pi la'i rigs sngas bcom zhing gzhig par ma nus pas de'i dbang du gyur nas smad tshong ma'i gnas su 'khrid par gyur pa lags te/ yang dag pa'i mtha' la 'jug pa'i tshul rtogs par ma gyur pas/ bcom ldan 'das kyis thugs byams pa dang / brtse ba chen pos bdag cag rnams la sha ma tha ting nge 'dzin gyi lam rjes su bstan du gsol/ log sred can rnams drang du gsol/ log par lta ba gzhom du gsol zhes gsol nas yan lag ldas sa la gtugs te phyag 'tshal </font><hr>395b<br><font size=+1>


nas 'khor 'dus pa thams cad dang lhan cig mngon par phyogs te dad pas rtse gcig tu chos 'chad pa la rna ba blags te 'dug go /de'i tshe bcom ldan 'das kyi dpral ba nas 'od zer sna tshogs ba kha dog tha dad pa nyi ma brgya stong dang mtshungs pa bkye ste/ sangs rgyas kyi zhing thams cad rnam pa drug tu g.yos par gyur pa dang / de bzhin du phyogs bcu'i rdul phra rab snyed kyi 'jig rten gyi khams dus gcig tu gsal bar gyur te/ zhing thams cad kyang bcom ldan 'das kyi gzi brjid kyi dpal gyis gcig tu mnyam par gyur to/ /zhing de dag thams cad na yang byang chub sems dpa' chen po ji snyed cig yod pa thams cad kyang rang rang gi zhing na 'khod bzhin du thal mo sbyar te chos ston pa la mnyan par sems shing 'dug go /bcom ldan 'das kyis kun dga' bo la bka' stsal pa/ sems can rnams thog ma med pa nas shing tog a kra gu dang mtshungs pa'i phyin ci log gi rnam pa sna tshogs pa'i las kyi sa bon dang gis smin pas| kun tu dka' thub spyod pa rnams bla na med pa'i byang chub thob par ma nus te/ phyir zhing nyan thos dang / rang sangs rgyas dang / gzhan yang mu stegs byed dang / lha dang / bdud kyi ris kyi dbang po dang / bdud kyi sde thams cad du 'jug go /de ni/ rgyud kyi rnam grangs gnyis mi shes par gzhan du 'khrul pa la zhugs pa dag /bye ma btsos pa la zas kyi mchog </font><hr>396a<br><font size=+1>


@#/ /tu 'gyur bar rlom pa dang mtshungs pas/ rdul phra rab snyed kyi bskal pa'i bar du brtson par byas kyang byang chub 'thob par mi nus so/ /ji ltar na/ rnam grangs gnyis yin zhe na/ kun dga' bo/ rnam grangs gcig ni/ thog ma med pa'i skye 'chi'i rtsa ba ste/ da lta khyod cag sems can rnams kyi dmigs pa can gyis sems nyid rang gi sems kyi rang bzhin du blta ba'o/ /rnam grangs gzhan ni/ thog ma med pa nas 'bral du med pa'i byang chub dang / myang 'das rnam par byang ba'i ngo bo nyid de/ da lta khyod kyi rang bzhin gyis 'od gsal ba'i rnam par shes pa'i khams/ rnam 'gyur thams cad skyed par byed pa/ rang gi ngo bo rnyed par dka' ba ste/ sems can rnams kyis rang gi ngo bo yongs su stor bas na/ nyin bzhin du 'bad par byas kyang phyin ci log gi rigs sna tshogs su don med par 'khyams par gyur te rang gi rang bzhin ma rtogs so/ /kun dga' bo| da ste ting nge 'dzin gyi lam gyis skye 'chi'i rang bzhin spong bar 'dod na/ 'di khyod la dri bar bya'o/ /zhes bka' stsal te/ de'i tshe bcom ldan 'das kyi phyag gser gyi mdog can khu tshur mdzad nas brkyang ste kun dga' bo la bka' stsal pa/ khyod kyis 'di mthong ngam/ kun dga' bos gsol pa/ mthong lags so/ /bka' stsal pa/ ji ltar </font><hr>396b<br><font size=+1>


mthong ba yin/ gsol pa/ de bzhin gshegs pa'i khu tshur gser gyi mdog can gyis bdag gi yid dang mig snang bar byas lags so/ /bka' stsal pa/ khyod kyis ci zhig gis mthong / gsol pa/ bdag cag 'khor 'dus pas mig gis mthong lags so/ /bka' stsal pa/ khyod kyis de bzhin gshegs pa'i khu tshur gser gyi mdog can gyis khyod kyi mig dang yid snang bar byas par smra na/ khyod kyi mig gis mthong mod kyi/ khyod kyi sems gang zhig bdag gi phyag gis snang bar bgyi ba'i yul du 'gyur/ kun dga' bos gsol pa/ bcom ldan 'das kyis sems gang du gnas pa 'dri na/ bdag gis sems btsal te dpyad cing nan tar gtugs pa na dpyod cing gtugs pa 'di ni/ sems lags so snyam du sems so| |bcom ldan 'das kyis bka' stsal pa/ thong / 'di ni/ khyod kyi sems yin no/ /zhes so/ /kun dga' bo dngangs te stan las langs te thal mo sbyar nas bcom ldan 'das la gsol pa/ 'di nyid bdag gi sems ma yin na/ ci zhig bdag gi sems yin/ bka' stsal pa/ 'di ni/ phyi rol don gyis stongs pa'i sems kyi rnam pa rdzun pa ste/ yang dag pa'i sems kyi rang bzhin rnyog par byed do/ /khyod kyis thog ma med pa nas da lta'i bar du rkun po la rang gi bur rlom pas/ sems kyi rang bzhin gyi ngo bo nyid stor bas na 'khor bar 'khor </font><hr>397a<br><font size=+1>


@#/ /ro| |kun dga' bos gsol pa/ ston pa/ bdag ni/ bcom ldan 'das kyi nu bo tha chung lags te/ bdag gis bcom ldan 'das las mngon par dad pas rab tu byung ste/ bdag gis bcom ldan 'das nyid la bsnyen bkur ba nas gang+gA'i klung gi bye ma snyed kyi zhing khams kyi mthar thug pa'i bcom ldan 'das bshes gnyen la dge ba'i rtsa ba sgrub pa'i snying stobs chen po bskyed de bya bar dka' ba'i spyod pa spyad pa mtha' dag sems 'di kho na'i bgyi ba lags so/ /dam pa'i chos la skur pa 'debs shing dge ba'i rtsa ba smad par byed pa rnams kyang sems 'di nyid lags so/ /da lta rnam par dpyod pa'i sems 'di nyid ma yin par gsungs na/ da ni/ sems nyid med par 'gyur te/ sa dang shing lta bur 'gyur ro/ /sems gsal ba nyid dang bral na ni/ gzhan ci zhig yod par 'gyur/ bcom ldan 'das/ ji ltar na/ 'di ltar gsungs te/ 'di sems nyid ma yin par gsungs te/ bdag dngangs par ma zad nyan thos 'di dag kyang the tshom med pa ma mchis so/ /thugs rje chen pos bdag cag gi rmongs pa bsal du gsol/ de'i tshe ston pas kun dga' bo nyan thos kyi 'khor 'dus pa dang bcas pa thams cad mi skye ba'i chos la bzod pa thob par bya ba'i phyir yongs su 'chad par mdzad pas/ bcom ldan 'das seng+ge'i khri la bzhugs pa nyid kyis kun dga' bo'i spyi </font><hr>397b<br><font size=+1>


bor phyag bzhag ste bka' stsal pa/ bcom ldan 'das kyis kun tu 'chad pa na/ chos thams cad kyi 'byung ba ni/ sems las 'byung ba ste/ 'jig rten rdul phra rab yan chad kyi rgyu dang 'bras bu thams cad kyang sems kyi rgyu las dngos por red par bshad de/ kun dga' bo/ 'jig rten na yod pa'i chos thams cad kyi nang na rtswa dang / lo ma dang / snal ma dang / 'jur mdud yan chad kyang rgyu'i rnam pa dang bcas pa ste/ stong pa'i ngo bo dag kyang ming dang / rnam pa dang bcas so/ /'od gsal ba'i sems rmad du byung ba rnam pa sna tshogs pa'i sems kyi khams ni/ ji ltar na dngos po med par 'gyur/ gal te khyod kyis ci nas rnam par 'byed pa rtog cing dpyod pa'i sems kun tu gsal ba 'di nyid ga sems kyi bdag nyid du mngon par zhen na| de lta na gzugs dang / dri dang / ro dang / reg bya sogs las su bya ba'i yul thams cad dang bral ba'i gzhan du sems kyi dngos po yongs su rdzogs pa zhig yod par 'gyur ro| |de ltar khyod kyis bcom ldan 'das kyis chos 'chad pa nyan pa na rnam par 'byed pa'i rtog pa 'di ni/ chos kyi sgra nyid las 'byung zhing / phyi rol gyi gzugs dang sgra yongs su chad pa'i zhi ba'i sems kho nar yongs su brtags par gnas pa na yang chos kyi yul gyis bcings te/ rdul gyi gzugs brnyan la rnam par dpyod pa dang 'dra ste/ bdag gis khyod la sems </font><hr>398a<br><font size=+1>


@#/ /med par blta bar bshad pa ma yin te/ gzhan du na khyod kyis sems nyid la so sor rtog bas dpyod par gyis shig /gal te yul gyi rnam pa dang bral ba'i rnam par 'byed pa'i sems nyid ka khyod kyi sems yin na/ rnam par 'byed pa'i sems yul gyi rnam pa dang bral ba ni/ dngos po med par 'gyur la/ 'on te 'di nyid ka yul gyi rnam pa rnam par rig pa'i rdul gyi gzugs brnyan dang 'dra na/ yul ni/ mi rtag pa ste/ de nyid 'gag pa'i dus su phyin pa na sems nyid rus spal gyi spu dang / ri bong gi rwa dang mtshungs par 'gyur ro/ /khyod kyi chos nyid kyi sku dang lhan cig chad pa dang 'gag par 'gyur bas gang zhig gis skye ba med pa'i chos la bzod par 'gyur/ de'i tshe kun dga' bo 'khor 'dus pa dang bcas pa cang mi smra bar ngo mtshar zhing 'khod do/ /bcom ldan 'das kyis kun dga' bo la bka' stsal pa/ 'jig rten na lam yongs su slob pa rnams da ltar mthar gyis snyoms 'jug dgu la bslab kyang zag pa zad pa'i dgra bcom par mi 'gyur te/ skye 'chi'i rnam par rtog pa sems nyid la bden par rlom pas so/ /de yang kun dga' bo khyod kyang mang du thos pa nyid na'ang 'phags pa'i 'bras bu thob par ma gyur ro/ /kun dga' bos de skad thos pa dang / yang mchi </font><hr>398b<br><font size=+1>


ma blags te yan lag lngas sa la gtugs nas pus mo btsugs te thal mo sbyar nas bcom ldan 'das la gsol pa/ bdag gis ston pa'i zham 'bring par rab tu byung nas ston pa'i gzi byin gyi mthu las rtag tu bsam pa na bdag gis yongs su 'bad pa med par ci zhig nas bcom ldan 'das kyis ting nge 'dzin stsal par bgyid do snyam du sems lags te/ lus sems tha dad du yongs su ma rtogs lags pas/ bdag gis sems kyi de kho na nyid stor bar gyur na/ lus kyis tshangs par spyad na'ang sems kyis 'bras bu mngon du ma byas te/ dper na/ bu dbul pos rang gi pha bskyur te bros pa bzhin no/ /da ste mang du thos na'ang bsgoms pas yid la ma byas na ni/ ma thos pa dang mtshungs par 'gyur te/ gzhan gyis zas bzang por bsnyad kyang ro ma myong ba bzhin no/ /ston pa/ bdag cag ni/ da lta sgrib pa gnyis kyis bcings pas/ sems kyi de kho na nyid rtogs par ma gyur lags te/ bcom ldan 'das/ bdag cag ma gon med skyabs med rnams la thugs brtse bas sems kyi de kho na nyid gsal bar mdzad cing chos kyi mig 'byed par mdzad du gsol zhes gsol pa dang / de'i tshe bcom ldan 'das kyi thugs kyi dpal be'u las 'od zer gyi tshogs kha dog brgya stong 'khrug pa spros te/ phyogs bcu'i rdul phra rab snyed kyi sangs rgyas kyi zhing thams cad dus gcig tu bskor te/ zhing bkod </font><hr>399a<br><font size=+1>


@#/ /pa de dag gi sangs rgyas kyi gtsug tor la reg nas slar 'khyil te kun dga' ba dang / 'khor 'dus pa rnams kyang snang bar byas so/ /kun dga' bo la bka' stsal pa/ bdag gis khyod kyi slad du chos kyi rgyal mtshan chen po bsgreng zhing / phyogs bcu'i sems can thams cad la yang zab cing gsang ba'i de kho na nyid dang / dag cing gsal ba'i sems kyi rang bzhin gsal bar byed cing rnam par dag pa'i mig 'thob par byas so/ /kun dga' bo/ khyod kyis sngar lan gsol ba'i tshe bcom ldan 'das kyi phyag 'od 'phro ba'i khu tshur rgyu cis na/ yod par smra/ ji ltar na/ khu tshur du grub/ ci zhig gis mthong bar gyur/ kun dga' bos gsol pa/ bcom ldan 'das kyi sku dzam+bu chu bo'i gser gyi mdog can rin po che'i ri bo dang mtshungs pa dag cing gsal bar 'khrungs pas na/ 'od zer gyis rgyas lags te/ bdag cag gi mig lam du snang ba na phyag sor gyi 'khor lo rnam par bzlums te ston par mdzad pa las na/ khu tshur gyi rnam par snang ngo / /bcom ldan 'das kyis bka' stsal pa/ bcom ldan 'das kyis da ste bde ba'i bka' yis gsal bar bgyi ste/ blo gros dang ldan pa rnams ni/ dpes bsnyad pa na rtogs par 'gyur te/ kun dga' bo/ /dper na/ bcom ldan 'das kyi khu tshur ni/ bcom </font><hr>399b<br><font size=+1>


ldan 'das kyi phyag ma mchis na/ bcom ldan 'das kyi khu tshur du mi 'grub la/ khyod kyi mig ma mchis na/ khyod kyis mthong bar mi 'grub ste/ khyod kyi mig gi dbang po bcom ldan 'das kyi phyag dang dper bgyis pa na 'dra bar mchis sam/ kun dga' bos gsol pa/ de de bzhin te/ ston pa/ bdag gi mig gi dbang po dang bral na ni/ bdag gis mthong bar mi 'grub ste/ bdag gi mig gi dbang po bcom ldan 'das kyi phyag dang dper bgyis pa ni/ don mtshungs pa lags so/ /bcom ldan 'das kyis bkal stsal pa/ khyod kyis 'dra bar bsnyad pa ni/ don 'dra ba ma yin te/ ci'i phyir na/ lag pa med pa'i mi la khu tshur nyid med par rigs te/ dper na/ mig med pa'i mis mthong ba rnam pa thams cad du med par mi rung ngo / /de ci'i slad du na/ khyod kyis lam du 'gro ba'i long ba rnams la khyod kyis ci zhig mthong zhes bgam ste 'di bar bya ste/ des ni/ gdon mi za bar mun pa nyid mthong bar 'gyur te gzhan mi mthong ngo / /zhes smra ba las brtsams te bsam pa na yul gyi rnam pa ni/ mun pa ste/ mthong ba ni/ dri ba med do/ /kun dga' bos gsol pa/ long ba'i mdun du mun pa snang ba la ji ltar na mthong bar bsnyad par bgyi/ bcom ldan 'das kyis bka' stsal pa/ long bas mthong ba'i mun pa dang / mig ldan pas mthong ba'i phug </font><hr>400a<br><font size=+1>


@#/ /gi mun pa gnyis la khyad par mchis sam/ 'on te ma mchis/ kun dga' bos gsol pa/ de de bzhin te/ ston pa/ phug na gnas pa'i mun pa dang / long bas mthong ba'i mun pa gnyis la tha dad du bya ba ci yang ma mchis so/ /bka' stsal pa/ kun dga' bo/ long bas mun pa mthong bar gyur na/ glo bur du mig dang ldan par gyur na mdun gyi yul gyi rnam pa kha dog sna tshogs pa mthong bar 'gyur ram/ de lta na mun pa'i phug na gnas pa'i skyes bus mdun gyi mun pa mthong ba na blo bur du sgron me sbar ba'i tshe yul gyi rnam pa kha dog sna tshogs pa mthong ba na sgron mes mthong bar bsnyad par rigs so/ /gal te sgron me mthong bar 'gyur na ni/ sgron me nyid kyis mthong bar nus pas sgron mer bsnyad par mi bgyid la/ gal te sgron me mthong bar gyur ni/ mig la rag ma lus pa nyid do/ /des na/ 'di ltar rtogs par bya ste/ sgron mes gzugs snang bar nus pa dang mthong ba 'di ni/ mig nyid de sgron mes ma yin pa/ mig gis gzugs gsal bar nus pa nyid la rang bzhin mthong ba ni/ sems kyis mthong ba yin gyi/ mig gis ni/ ma yin no| |zhes gsungs pa dang / kun dga' bo/ /'khor 'dus pa dang bcas pas ston pa'i bka' 'di yang thos par 'gyur te chang mi smra bar 'khod kyang da dung sems kyis rtogs par </font><hr>400b<br><font size=+1>


ma gyur te/ slad kyis kyang bcom ldan 'das kyis thugs rje chen pos rjes su bzung bar gsol ba'i slad du thal mo sbyar te gus pas btud de bcom ldan 'das ga la ba der phyogs te blta zhing 'dug go /de'i tshe bcom ldan 'das kyis shing bal ltar 'jam zhing dra bas 'brel ba'i phyag gser gyi 'od can brkyang ste phyag sor gyi 'khor lo yongs su phye ste 'khor 'dus pa dang bcas pa'i kun dga' bo la bka' stsal pa/ bdag gis bdud rtsi thog mar rnyed nas drang srong smra ba ri dwags kyi nags su kun shes kaun+Di n+ya la sogs pa dge slong lnga sde dang 'khor rnam bzhi la/ sems can thams cad byang chub ma thob cing dgra bcom par ma gyur pa ni/ yul gyi mgron po nyon mongs pa'i tshogs kyis bslad pa'o/ /zhes 'chad par mdzad de/ de'i tshe ji ltar na yongs su rdzogs par khyed cag gis 'phags pa'i 'bras bu thob par gyur/ de'i tshe kun shes kaun+Di n+ya stan las langs te bcom ldan 'das la gsol pa/ bdag ni/ na tshod yol ba lags te/ 'khor 'dus pa'i nang na rnam par grol ba'i gnas mngon du byas pa ste/ yul gyi mgron po zhes pa'i tha snyad las 'bras bu thob pa lags so/ /ston pa/ dper na/ mgron po 'ga' zhig mgron khang du sleb ste nyal ba'am za bar brtsams te don mngon par 'grub pa na/ byes kyi chas rnams bsnams te yang lam du 'gro bar brtsams nas 'dug par mi sems pa ste/ gal </font><hr>401a<br><font size=+1>


@#/ /te gzhir 'khod pa zhig na gzhan du 'gro bar mi byed de/ bdag ni/ 'di ltar sems te/ mgron po ni/ mi sdod cing gzhir 'khod pa ni/ sdod pa ste/ sdod par mi byed pa nyid la mgron po/ zhes brjod snyam mo/ /yang dper na/ nam mkha' drangs pa na nyi ma'i zer snod du phog pa na rdul phra mo'i tshogs nam mkha'i khams la gsal bar 'gyur te/ rdul phran g.yo ba nyid na'ang nam mkha'i khams zhes bya ba ni/ g.yo ba med de/ bdag gis 'di ltar bsam ste/ dwangs shing mi sgrib pa ni/ stong par bsnyad de/ g.yo zhing 'gyur ba ni| yul du bsnyad par sems lag ste/ g.yo zhing 'gyur ba nyid las yul du brtags pa'o/ /bka' stsal pa/ de de bzhin no/ /gsungs pa de'i tshe bcom ldan 'das kyis 'khor 'dus pa'i nang du phyag sor gyi 'khor lo 'byed pa dang sdum pa res mos su mdzad bzhin pas kun dga' bo la bka' stsal pa/ da ltar ji ltar mthong / kun dga' bos gsol pa/ bdag gis bcom ldan 'das kyis rin chen brgya ltar mdzes pa'i phyag gi 'khor lo 'khor 'das pa'i nang du 'byed sdum mdzad pa mthong ngo / /bcom ldan 'das kyis bka' stsal pa| khyod kyis bcom ldan 'das kyi phyag 'khor 'dus pa'i nang du 'byed 'dzum byed par mthong ba ni/ bcom ldan 'das kyi phyag la 'byed sdum yod pas de ltar mthong </font><hr>401b<br><font size=+1>


ba'am/ khyod kyi mthong ba nyid la 'byed pa dang sdum pa yod pa las de ltar gyur/ kun dga' bos gsol pa/ ston pa'i rin po che'i phyag 'khor 'dus pa'i nang du 'byed cing sdum pa bdag gis mthong ba ni/ bcom ldan 'das kyi phyag nyid la 'byed sdum yod pa las te/ bdag gi mthong ba nyid la 'byed sdum yod pas ni/ ma yin no/ /bcom ldan 'das kyis bka' stsal pa| gang zhig ni/ g.yo ba yin la/ gang zhig ni/ dwangs par 'gyur/ kun dga' bos gsol pa/ bcom ldan 'das kyi phyag ni/ g.yo ba ste/ bdag gi mthong ba nyid la gnas pa yang ma mchis na g.yo ba lta ga la zhig /bcom ldan 'das kyis bka' stsal pa/ de de bzhin no/ /de'i tshe bcom ldan 'das kyi phyag gi mthil nas rin po che'i 'od zer kun dga' bo'i g.yas logs su spros pa la/ kun dga' bos g.yas su kyogs te blta zhing / slar yang 'od zer gcig kun dga' bo'i g.yon logs su spros pa la kun dga' bos g.yon du kyogs te blta ba na/ bcom ldan 'das kyis bka' stsal pa/ kun dga' bo/ khyod kyi mgo bo da lta ji ltar na g.yo bar 'gyur/ gsol pa/ bcom ldan 'das kyi rin po che'i 'od zer mdzes pa spros pa bdag gi sna ma logs g.yas g.yon du 'khyug pa na g.yas g.yon du blta ba'i slad du mgo bo g.yo bar gyur/ bka' stsal pa/ kun dga' bo/ khyod </font><hr>402a<br><font size=+1>


@#/ /kyis bcom ldan 'das kyi 'od zer blta bar g.yas g.yon du mgo bo g.yo ba na ci mgo bo nyid g.yo ba'am mthong ba nyid g.yo bar 'gyur/ gsol pa/ ston pa| bdag gi mgo bo nyid g.yo ba ste/ mthong ba ni/ dwangs pa yang ma dmigs la g.yo ba yang ma mchis so/ /bcom ldan 'das kyis bka' stsal pa/ de de bzhin no/ /de'i tshe bcom ldan 'das kyis 'khor 'dus pa la bka' stsal pa/ de ltar na sems can rnams kyis g.yo ba nyid las yul du bsnyad la/ mi sdod pas na mgron por bsnyad pa ste/ khyed cag gis kun dga' bo'i mgo bo nyid g.yo bar byed la mthong ba nyid mi g.yo bar ltos shig /yang bcom ldan 'das kyi phyag 'byed sdum byed la/ mthong ba nyid la 'byed sdum mad pa la ltos shig /ji lta na da lta g.yo bas ni/ lus su bsnyad la/ yang g.yo bas ni/ yul du bsnyad par 'gyur/ /mgo nas mjug gi bar dran rtog gis skye 'gag byed pas/ de kho na nyid stor bas phyin ci log tu spyod do/ /sems kyi de nyid bden pa stor bas phyi rol gyi yul la rang gi de nyid du 'khrul bas 'khor ba 'dir rang nyid 'phyan pa 'ba' zhig len to/ /de bzhin gshegs pa'i gsang ba sgrub pa'i don mngon par thob pa'i rgyu/ byang chub sems dpa' thams cad kyi spyod pa rgya mtsho ston pa/ sangs rgyas kyi gtsug tor dpa' bar 'gro ba zhes bya ba </font><hr>402b<br><font size=+1>


theg pa chen po'i mdo/ bam po gnyis pa/ de'i tshe kun dga' bo 'khor 'dus pa dang lhan cig tu bcom ldan 'das kyis rjes su stsal pa'i bka' thos pas lus sems sim pa myong ste/ thog ma med pa nas rang gi de kho na nyid stor bas/ phyi rol gyi yul rdzun pa la bden par zhen te gzugs brnyan rnam par 'byed par gyur pa las/ da ste legs par rtogs pas nu ma stor ba'i byis pa glo bur du brtse ba'i ma dang 'phrad pa ltar gyur te/ thal mo sbyar nas phyag 'tshal te 'di skad ces bcom ldan 'das kyi bka' rjes su mnyan par sems pas/ lus sems mngon du byas te| don dam dang kun rdzob bam/ bden pa dang rdzun pa da lta mngon sum du mthong ba'i skye 'gag yod pa dang / skye 'gag dang bral ba'i rang bzhin rnam pa gnyis bcom ldan 'das kyis gsal bar mdzad du gsol zhes re zhing sdod do/ /de'i tshe rgyal po gsal rgyal langs te bcom ldan 'das la gsol pa/ bdag gis sngon sangs rgyas rnams kyis chos bstan pa ma thos pa'i tshe ka t+yA na dang yang dag rgyal ba can sogs kyis shi ba'i tshe bem rig rgyun chad pa la myang 'das zhes smra ba thos so/ /da ste sangs rgyas mjal ba na bdag gi yid nem nur du gyur te/ ji ltar na/ da lta'i sems 'di skye 'gag med pa'i gnas gsal bar mdzad par 'gyur snyam ste/ 'khor 'dus pa'i so so'i skye bo thams cad kyang de kho na ltar sems lags so/ /bcom ldan 'das </font><hr>403a<br><font size=+1>


@#/ /kyis rgyal po gsal rgyal la bka' stsal pa/ bdag gis khyod la 'di 'dri ste/ khyod kyi sha rus rdos bcas kyi lus 'di rdo rje ltar gzhom du med bzhig gam/ 'on te 'gyur zhing 'jig pa dang bcas grang zhes smra/ gsal rgyal gyis gsol pa/ ston pa/ bdag gi lus 'di mthar 'jig pa'i chos can nyid lags so/ /bcom ldan 'das kyis gsal rgyal la bka' stsal pa/ khyod da lta gson bzhin du ji ltar 'jig pa'i chos can du shes/ gsal rgyal gyis gsol pa/ ston pa/ bdag gi lus mi rtag cing 'jig pa'i chos can da lta ma zhig mod kyang / bdag gi sems da lta dran rig da lta yang skye zhing yang 'jig pa glo bur glo bur du 'gyur zhing mi brtan pa/ mes thal bar byed pa ltar 'phral 'phral du 'jig cing 'gag pa mthong ba las na/ 'gag pa rang 'jig pa med par mi 'gyur bas nges na/ bdag gi lus mthar 'jig pa'i chos can du nges par rtogs so/ /bcom ldan 'das kyis bka' stsal pa/ de de bzhin no/ /rgyal po/ khyod ni/ da lta lang tsho yol te byad bzhin dar la babs pa'i skabs las rnam pa gzhan du 'gyur ba lags mod/ gsal rgyal gyis gsol pa/ ston pa/ bdag byis pa'i skabs su sha pags 'jam zhing 'khril chags la/ dar la babs pa'i skabs su rtsal stobs yongs su rgyas pa las/ da lta lang </font><hr>403b<br><font size=+1>


tsho yol bas rtsal stobs rgud cing dran pa rmongs pa la thug pas lus kyi rang bzhin 'gyur la zungs dma' zhing khams rnyog pas/ skra dkar gnyer ma lhags pas ring por mi thogs te/ ji ltar na| sngon gyi dar la babs pa'i gnas skabs dang 'dra bar gyur/ bcom ldan 'das kyis bka' stsal pa/ rgyal po/ khyod kyi lang tsho glo bur du rgas par lta mchis sam/ gsal rgyal gyis gsol pa/ bcom ldan 'das/ lang tsho ni/ khad kyis yol ba ste/ mngon pa ma yin par dbyar dgu na dus kyis 'gyur bas rim gyis gtugs par gyur nas tshod 'dir sleb snyam lags te/ ci'i phyir zhe na/ bdag lo nyi shu lon pa na gzhon pa nyid na'ang byad bzhin 'gyur bas/ lo bcu'i dus las rgud par gyur la/ lo sum cu'i tshe nyi shu las kyang rgud la/ da lta ni| lo gnyis kyis lhag pa'i drug cu lags te/ sngon lo lnga bcu'i gnas skabs na 'di bas gzhon sha can lags so/ /ston pa/ rim gyis lang tsho yol ba'i rnam 'gyur rjes su dpag ste| re zhig lo bcu bcu na rnam 'gyur mngon par 'gyur ro/ /yang zhib tu brtags tshe lo khyud kor re la 'gyur bar ma zad lo re bzhin 'gyur ba dang / lo rer ma zad zla rer dang / zla rer ma zad nyin rer yang 'gyur ba dang / zhib tu na skad cig skad cig la yid 'gyur ba'i bar dag tu yang mi brtan pa ste/ des na bdag gi lus mthar 'jig pa'i chos can du ngas </font><hr>404a<br><font size=+1>


@#/ /par rtogs so/ /bcom ldan 'das kyis rgyal po la bka' stsal pa/ khyod kyis rnam par 'gyur zhing mi brtan pa'i ngang tshul mthong bas/ khyod mthar 'jig pa'i chos can du shes na/ ci khyod mthar 'jig pa'i tshe na khyod la mi 'jig pa'i chos 'ga' zhig mchis sam/ rgyal po gsal rgyal gyis thal mo sbyar te bcom ldan 'das la gsol pa/ bdag gis nges par ma 'khums lags so/ /bcom ldan 'das kyis bka' stsal pa/ bdag gis rtogs par bya ste/ rang bzhin ni/ skye 'gag ma mchis so/ /rgyal po| khyod kyis sngon nam zhig na gang+gA'i klung mthong ba yin/ rgyal pos gsol pa/ bdag lo gsum na mas bkur te khyab 'jug gi lha khang mjal bar dong ba'i tshe klung babs pa mthong ste/ de'i tshe gang+gA yin par 'khums lags so/ /bcom ldan 'das kyis bka' stsal pa/ rgyal po/ khyod kyis smras pa lta na lo nyi shu na lo bcu las brgal ba nas bzung ste drug cu'i bar du lo dang / zla ba dang / nyi ma dang / dus tshod re re bzhin yid tsam re rnam par 'gyur bar smra na/ khyod kyis lo gsum na gang+gA'i klung mthong ba las/ lo bcu gsum pa'i tshe mthong ba na ci gang+gA gzhan du 'gyur ram/ gsol pa/ lo gsum gyi tshe mthong ba las gzhan du ma 'gyur zhing / lo drug cu na yang de kho na ltar lags so/ /bcom ldan 'das </font><hr>404b<br><font size=+1>


kyis bka' stsal pa/ khyod da lta skra dkar gnyer ma lhags pas na/ bzhin byis pa'i gnas skabs yos nges par rgas par gyur mod/ khyod kyis sngon byis pa'i gnas skabs su mthong ba las gang+gA gzhan du 'gyur ba'i dbye ba lta mchis sam/ gsol pa/ bcom ldan 'das/ ma lags so/ /bcom ldan 'das kyis bka' stsal pa/ rgyal po/ /khyod kyi bzhin rgas shing / rang bzhin ni/ rgas pa med do/ rgas pa ni/ 'gyur ba zhes bya la/ rgas pa med pa ni/ mi 'gyur ba zhes bya'o/ /'gyur ba ni/ skye 'chi nyams su myong la/ 'gyur ba med pa nyid ni/ gdod nas skye 'chi ma mchis na/ de ji ltar na/ khyod kyis skye 'chi nyams su myong bar 'gyur/ des na ci'i phyir khyod kyis da dung kun tu rgyu sogs kyi rjes su 'brangs te shi ba'i tshe bem rig chad par smra bar bgyid/ rgyal po gsal rgyal gyis de skad thos pa dang / lus 'di brjes pa'i tshe rten 'di bor nas skye ba gzhan len pa/ 'khor 'dus pa dang lhan cig sngon ma thos pa'i gtam gyis lhag par rtsen zhing dga' ba nyams su myong bar gyur to/ /de'i tshe kun dga' bo stan las langs te phyag 'tshal nas thal mo sbyar te pus mo btsugs te bcom ldan 'das la gsol pa/ bcom ldan 'das/ bdag gis gsung 'di 'khums pa lam na/ rang bzhin ni/ skye 'gag ma mchis te/ ji ltar na/ bcom ldan 'das kyis bdag cag so so'i skye bo rnams kyis rang </font><hr>405a<br><font size=+1>


@#/ /gi rang bzhin brlag ste phyin ci log tu spyod par gsungs/ des na byams brtses bdag gi dri ma sbyang du gsol/ de'i tshe bcom ldan 'das kyis phyag gser gyi mdog can 'khor lo rtsibs stong dang ldan pa 'og tu brkyang ste kun dga' bo la bka' stsal pa/ khyod kyis bdag gi phyag rgya 'di mthong ba las gyen du blta bar smra'am/ thur du blta bar smra| kun dga' bos gsol pa/ 'jig rten rnams kyis ni/ 'di la thur du blta bar smra ste/ gang zhig ni/ gyen dang / gang zhig thur du bsnyad par bdag gis ma 'khums lags so/ /bcom ldan 'das kyis bka' stsal pa/ kun dga' bo/ 'jig rten rnams kyis 'di la thur du bsnyad par bgyi na/ gang zhig la gyen du bsnyad par bgyi/ kun dga' bos gsol pa/ bcom ldan 'das kyis phyag bsgrengs te shing bal ltar 'jam pa'i sor mo steng du bstan pa'i tshe de la gyen du bsnyad par bgyi mod/ bcom ldan 'das kyis phyag bsgrengs te kun dga' bo la bka' stsal pa/ 'di ltar steng 'og phan tshun gos brjes pa la 'jig rten pa rnams 'dra bar mthong ba yin snyam na/ khyed cag gi lus dang / bcom ldan 'das kyi dag gsal chos kyi sku gnyis dpe mtshungs su phye ba'i tshe go bar nus yod/ de bzhin gshegs pa'i sku ni/ yang dag par rtogs la/ khyed cag gi lus ni/ rang bzhin </font><hr>405b<br><font size=+1>


phyin ci log tu bsnyad pa de la khyod kyis dpyad cing bltas pa na khyod kyi lus de bzhin gshegs pa'i sku la dper byas pa'i tshe phyin ci log tu bsnyad na ci zhig phyin ci log ces brjod/ de'i tshe kun dga' bo 'khor 'dus pa dang lhan cig bcom ldan 'das la mig 'bur tshugs su mi 'dzum par blta zhing lus sems kyi phyin ci log gang la bsnyad pa ma shes so/ /de nas bcom ldan 'das kyis byams brtse bskyed de kun dga' bo dang / 'khor 'dus pa la thugs kyis bsrang ste rgya mtsho'i rlabs dang mtshungs pa'i dbyangs kyis 'dus pa'i tshogs la bka' stsal pa/ rigs kyi bu rnams| bdag gis rgyun du bstan te/ gzugs dang / shes pa thams cad kyi rgyu/ sems las byung ba thams cad kyi rtsa ba/ kun gyi rgyu'i bdag nyid kyi chos thams cad ni/ sems nyid las byung ba ste/ khyod kyi lus dang / sems thams cad ngo mtshar rmad du byung ba'i sems 'od gsal ba las byung ba yin na/ khyod cag ji ltar rmad du byung ba'i sems 'od gsal ba/ dag pa'i de khon nyid kyi rin po che ster nas ye shes nyid las rmongs pa tshol bar byed/ rmongs pa las ni/ stong pa'i skabs phye zhing / rmongs pa dang / stong pa'i 'jur mdud las gzugs dang / de las yang 'du shes sna tshogs pa 'byung zhing / de las phung por red par 'gyur ro/ /rgyu'i rnams 'dus pa las nang gi g.yeng ba'i rnam rtog gis bskyod pas phyi rol gyi don thams cad la </font><hr>406a<br><font size=+1>


@#/ /rgyug pas 'khrul zhing 'khyams nas rnyog pa'i rnam pa la sems kyi rang bzhin du 'khrul lo/ /de ltar gcig tu rmongs pas na/ gzugs kyi dngos po nyid nang gi rang bzhin du bzung nas rtag tu phyi rol gyi gzugs kyi dngos po ri klung dang nam mkha' stong pas chen po'i bar thams cad rmad du byung ba'i sems 'od gsal ba'i rang bzhin yin pa ma shes so/ /dper na/ dwangs shing gsal ba'i rgya mtsho chen po stong phrag brgya pa yongs su dor nas chu bur phra mo'i rnam pa la rba rlabs su bltas te rgya mtsho chen por rtag tu 'khrul pa bzhin no/ /khyed cag ni/ rmongs pa las kyang cher rmongs pa ste/ da gzod bdag gi phyag thur du bstan pa bye brag ma phyed pa dang 'dra bas na/ bcom ldan 'das kyis khyed cag lhag par byams pa dang / brtse bar bya bar gsungs so/ /de'i tshe kun dga' bos bcom ldan 'das las lhag par brtse ba'i bka' lung mnos te mig mchi mas gang bzhin du thal mo sbyar te bcom ldan 'das la gsol pa/ bdag gis bcom ldan 'das kyi gsung rmad du byung ba de ltar thos pa las rmad du byung ba'i sems 'od gsal ba/ yongs su rdzogs pa/ rtag tu gnas pa rtogs par gyur mod kyi/ bdag gis bcom ldan 'das kyis chos kyi bka' mchid stsal brtogs pa las sems kyi rgyud 'di nyid drangs pas gcig tu gus shing pu dud </font><hr>406b<br><font size=+1>


du byed pa la/ de lta bu'i sems tsam zhig thob mod kyi/ sems de nyid bden pa'i rtsa ba can du lta bar ma nus so/ /bcom ldan 'das kyis lhag par byams pa dang / brtse bas bdag gi the tshom bcad nas bla na med pa'i go 'phang la 'god pa'i chos zab mo bshad du gsol/ bcom ldan 'das kyis kun dga' bo la bka' stsal pa/ khyed cag rgyu dngos po'i sems nyid kyis chos kyi tshul thos par gyur te/ chos kyi tshul la bden par mngon par zhen pas chos kyi de nyid ma rtogs so/ /'ga' zhig gis sor mo'i rtse mos zla ba bstan pa na de las zla ba la blta bar rigs kyi| sor mo nyid zla bar bzung na/ mi des zla bar ring du 'khrul par ma zad sor mo de la'ang ring du 'khrul te/ ci'i phyir na/ ston byed kyi sor mo dwangs pa'i zla ba zhes ring du 'khrul bas sor mor ring du 'khrul ba lta zhog /snang mun kyang mi phyed par 'gyur te/ ci'i phyir na/ sor mo'i rtse mo dwangs pa'i zla bar bzung bas snang mun log par nor bas so/ /khyod kyang de bzhin du blta'o/ /bdag gis dam pa'i chos 'chad pa'i bka' rnam par 'byed nus pa nyid du bzung na/ 'on te bdag gis stsal pa'i bka' dang 'brel ba med pa'i khyod kyi sems nyid gzhan du gyur ba lta mchis sam/ dper na/ mgron po mgron khang du 'ong ba cung zad 'dug cing / 'phral du 'gro bas rgyun du mi gnas la/ khyim gyi bdag po ni/ 'gro bar mi byed pas na/ khyim </font><hr>407a<br><font size=+1>


@#/ /gyi bdag po zer ro/ /de bzhin du sems kyi rang bzhin nyid yin na ni/ gang du yang 'gro bar mi byed pas/ ji ltar na/ sgra dang bral ba'i rnam par rig pa'i rang bzhin yang med par 'gyur/ de ltar na/ sgra la rnam par rig pa'i sems kyi rang bzhin yod par ma zad/ bdag gi bzhin rnam par rig pa yang gzugs kyi rnam pa thams cad las gzhan du khyod kyi rnam par rig pa'i rang bzhin med par 'gyur la/ de ltar na/ sna tshogs pa'i rnam par rig pa thams cad dang bral ba'i bar dang / gzugs ma yin zhing stong pa ma yin pa'i dngos po gnag lhas kyi bu sogs kyis zab mo'i gnas su zhen pa'i bar dang mtshungs so/ /ci ste chos thams cad dang bral ba'i rnam par rig pa'i rang bzhin med par gyur la/ khyod kyi sems kyi rang bzhin so sor ldog cing 'gro ba nyid na gang zhig gnas pa po nyid du gyur/ kun dga' bos gsol pa/ bdag gi sems nyid so sor ldog na/ bcom ldan 'das kyis bka' stsal pa'i rmad du byung ba'i sems gsal rig ji ltar na mi ldog par 'gyur/ thugs brtsebs dgongs te bdag gi slad du bka' stsal du gsol/ bcom ldan 'das kyis kun dga' bo la bka' stsal pa/ khyod kyi mthong ba'i rang bzhin rmad du byung ba'i gsal rig 'di/ rmad du byung ba'i sems kyi de nyid rang bzhin </font><hr>407b<br><font size=+1>


ma yin kyang zla gnyis dang 'dra ste/ zla ba'i brnyan po dang mi 'dra'o/ /khyod kyis legs par nyon cig /bdag gis mi ldog pa'i rang bzhin khyod la bstan par bya'o/ /kun dga' bo/ kun dga' ra ba'i sgo phye ste shar phyogs nas nyi ma shar ba na 'od 'khyug par 'gyur te/ nam gung na zla snang bral ba'i tshe smag dang sprin 'thibs pas mun par 'gyur ro/ /sgo dang skar khung nas ni mthong ba gsal bar 'gyur la/ rtsig pa dang sgrib yol gyis chod pa na mthong ba sgrib par 'gyur ro/ /rnam par 'byed pa'i gnas su ni/ yang yongs su rig par bya'o/ /bar snang la ni/ ci yang stong pa kho na snang ngo / /thag ring po'i rdul 'tshubs pa'i rnam pa ni/ mun par gtibs par snang ngo / /rdul dwangs pa'i tshe na yang dwangs shing gsal bar 'gyur ro/ /kun dga' bo/ khyed cag gis 'gyur ba dang bcas pa'i rnam pa de dag thams cad la ltos shig /bdag gis de dag rang rang gi rgyu'i gnas su ldog pa ston no/ /ji ltar na/ rgyu'i gnas yin zhe na/ kun dga' bo/ 'gyur ba dang bcas pa de dag las/ snang ba ni/ nyi ma'i dkyil 'khor la ldog par bgyis te/ ci'i phyir na/ nyi ma med na snang ba med de/ snang ba'i rgyu ni/ nyi ma yin te/ de bas na/ nyi ma la ldog par bgyi'o/ /mun pa ni/ nam gung gi zla snang bral ba la ldog par bgyi'o/ /mthong gsal ba ni/ skar khung la ldog par bgyi'o/ /sgrib pa ni/ rtsig pa dang sgrib yol la </font><hr>408a<br><font size=+1>


@#/ /ldog par bgyi'o/ /yongs su rig pa ni/ rnam par 'byed pa'i gnas su ldog par bgyi'o/ /bar snang ni/ stong pa la ldog par bgyi'o/ /gtibs pa'i/ rdul 'tshubs pa la ldog par bgyi'o/ /dwangs pa ni/ rdul dwangs pa la ldog par bgyi'o/ /'di ltar na/ 'jig rten na yod pa'i chos rnams ni/ sde tshan 'di rnams las mi 'da'o/ /khyod kyi mthong ba'i sde tshan brgyad kyi snang ba'i rang bzhin gsal zhing rig pa 'di gang du ldog par bgyi/ ci'i phyir na/ gal te snang ba la ldog na ni/ snang ba med pa'i tshe mun pa yang mi mthong bar 'gyur ro/ /snang mun sogs sna tshogs pa'i yul rnam par 'byed pa yod pa'i tshe mthong ba nyid rnam par 'byed pa med la/ ldog par bya ba thams cad ni/ khyod ma yin ba nyid do/ /khyod kyi ldog pa med pa nyid ni/ khyod ma yin pa gzhan su zhig yin/ 'di nyid las khyod kyi sems ye nas dag cing gsal ba rtogs par 'gyur ba zhig na/ khyod rang nyid rmongs pas rang bzhin brlag ste skye 'chi'i 'khrul 'khor du chud pas rnam par 'khyams par 'gyur ro/ /des na de bzhin gshegs pas khyed cag snying re rje zhes brtse bar mdzad do| |kun dga' bos gsol pa/ bdag gi mthong ba'i rang bzhin 'di ldog pa med pa shes kyang gang zhig bdag gi yang dag pa'i rang bzhin yin ji ltar shes par 'gyur/ /bcom </font><hr>408b<br><font size=+1>


ldan 'das kyis bka' stsal pa/ ngas khyod la 'dri bar bya ste/ khyod kyis da lta zag pa med pa'i rnam par dag pa ma thob kyang bcom ldan 'das kyi rdzu 'phrul gyi mthu las bsam gtan dang pa'i bar du sgrib thogs med par 'gyur ro/ /ma 'gags pas ni/ 'dzam bu gling la lta ba'i tshe lag mthil gyi a mra'i 'bras bu bzhin du snang ngo / /byang chub sems dpa' rnams la ni/ 'jig rten gyi khams brgya stong snang ngo / /phyogs bcu'i de bzhin gshegs pa rnams kyis ni/ phra rab rdul snyed kyi dag pa'i zhing gi mthar thug pa'i bar mi gzigs pa ci yang ma mchis so| |sems can rnams kyis ni/ gsal bar bltas pa'i tshe nas dang tshon las mi 'da'o/ /kun dga' bo/ bdag gis khyod dang lhan cig rgyal chen bzhi'i gzhal med khang lta ba dang / de'i bar gyi chu dang / skam dang / bar snang 'gro ba rnams yongs su lta ba na/ snang mun sna tshogs pa'i rnam pa yod kyang mdun rol gyi yul gyi rnam pa so so dang ra zhing bsgrigs pa ste/ gzhan ma mchis pas khyod kyis 'dir rang dang gzhan rnam par 'byed par rigs so/ /da lta ngas khyod kyi slad du snang ba de dag las gang zhig bdag gi rang bzhin yin/ gang zhig dngos po'i rang bzhin 'byed par bgyid/ kun dga' bo/ khyod kyi nus pa ci yod kyis ltos dang / nyi zla'i dkyil 'khor gyi bar ni/ dngos po yin gyi/ khyod ma yin la gser gyi ri bdun gyi bar zhi ba/ </font><hr>409a<br><font size=+1>


@#/ /tu brtags pa'i tshe sna tshogs pa'i 'od bkra ba yang dngos po nyid yin gyi/ khyod ma yin no/ /rim gyis zhib tu brtags pa na sprin ldang ba/ bya 'phur ba/ rlung g.yo ba| rdul 'tshubs pa/ nags tshal/ ri/ klung / rtswa ldum/ mi dang / dud 'gro thams cad kyang dngos po yin gyi/ khyod ma yin no/ /kun dga' bo/ de ltar nye ba dang / ring ba'i rnam pa sna tshogs pa'i dngos po thams cad so so tha dad pa yin kyang khyod kyi gsal zhing rig pa'i snang ba ste/ dngos po de de dag thams cad so so tha dad pa'i dbye ba yod kyang snang ba'i rang bzhin la tha dad med do/ /'di'i rmad du byung ba'i gsal zhing rig pa ni/ khyod kyi snang ba'i rang bzhin no/ /gal te snang ba nyid yul gyi dngos po yin na/ khyod kyis nga'i snang ba yang mthong bar 'gyur ro/ /gal te lhan du mthong ba la nga'i snang ba mthong ba smra na/ ngas mi mthong ba'i tshe ci'i phyir nga'i mi mthong ba'i yul nyid mi mthong bar 'gyur/ gal te nga'i mi mthong ba nyid mthong na/ rang nyid mi mthong ba'i rnam pa can ma yin par 'gyur ro/ /gal te nga'i mi mthong ba'i yul mi mthong na rang nyid dngos po ma yin par 'gyur bas na/ ji ltar na khyod ma yin par 'gyur/ gzhan yang khyod kyis dngos po mthong ba'i tshe khyod kyis dngos po mthong ba dang / dngos po kyang khyod mthong bar 'gyur la/ de ltar na rang bzhin 'khrug par gyur pas </font><hr>409b<br><font size=+1>


bdag dang / khyod nyid 'jig rten dang bcas pa rnam par bzhag pa mi 'grub par 'gyur ro/ /kun dga' bo/ khyod kyis mthong ba'i tshe khyod kyi yin la bdag gi ma yin pa'i snang ba'i rang bzhin khyab par gyur pa khyod ma yin na/ gzhan su zhig yin/ ci'i phyir/ khyod kyi rang gi yang dag pa'i rang bzhin la the tshom za ba'i rang gi rang bzhin mi shes par ci'i phyir phyir zhing bdag la the tshom za zhing 'dri bar bgyid/ kun dga' bos gsol pa/ bcom ldan 'das/ gal te snang ba'i rang bzhin 'di ni/ gdon mi za bar bdag gi yin la gzhan gyi ma yin na/ bdag gis bcom ldan 'das dang lhan du rgyal chen bzhi'i ngo mtshar gter gyi rin chen khang pa brtags pa dang / nyi zla'i dkyil 'khor gyi bar snang ba 'dis yongs su khyab cing mi mjed kyi khams yongs su gtugs bar gyur to/ /phyir log ste bsam gtan gyi khang par sleb pa na kun dga' ra ba kho na mthong bar 'gyur ro/ /bsam gtan gyi khang pa nas mnyam par bzhag pa'i tshe bya 'dab tsam zhig mthong bar snang ngo / /ston pa/ snang ba 'di rang gi ngang gis 'jig rten khams khyab par snang la/ da ste khang pa'i nang du gang bar snang ngo / /snang ba 'di chen po rnams 'dus nas chung bar gyur tam/ rtsig pa dang sgrib yol gyis chod pas bskal par gyur tam/ 'di'i do na gang na gnas pa bdag gis ma shes pas thugs rje chen pos bdag gi slad du rgyas par bka' stsal du gsol/ bcom </font><hr>410a<br><font size=+1>


@#/ /ldan 'das kyis bka' stsal pa/ kun dga' bo/ 'jig rten thams cad kyi las don che chung phyi nang thams cad mdun rol gyi yul snang gis bsdus pa ste/ mthong ba 'di la bkram pa dang / bcum par smra bar mi bya'o/ /dper na/ snod gru bzhi ba'i nang gi stong pa gru bzhi pa mthong ba dang mtshungs so/ /kho bos khyod la yang 'dri bar bya ste/ snod gru bzhi pa 'di'i nang gi stong pa gru bzhi pa snang ba de nges par gru bzhi pa yin nam/ gru bzhi pa ma nges pa yin grang / gal te nges par gru bzhi pa yin na ni/ snod zlum po bzhag pa'i tshe de'i nang gi stong pa zlum por mi 'gyur la/ gal te ma nges pa yin tshe snod gru bzhi pa'i nang du yang stong pa gru bzhi pa med par 'gyur ro/ /khyod kyis don 'di gang du gnas pa ma shes par smra na| don 'di'i rang bzhin ni/ de ltar yin na ji ltar gnas par smra bar bgyi/ kun dga' bo/ gru bzhi dang zlum po med par 'jug na ni/ snod kyi gru bzhi pa gsal bar bya yi stong pa'i dngos po la gru bzhi pa med pas/ bar snang stong pa'i dngos po gru bzhi pa yod pa gsal bar bya'o/ /zhes smra par mi rigs so/ /gal te khyod kyis dris pa ltar khang pa'i nang du gnas pa'i tshe mthong snang bcum nas chung dur byas pa yin na/ gyen du nyi ma la bltas pa'i tshe khyod kyis mthong snang 'di bteg nas nyi ma la sleb par byed dam/ gal te rtsig pa dang sgrib yol </font><hr>410b<br><font size=+1>


gyis bar du bcad de/ sgrib par nus na skar khung chung du brus pa'i tshe ci mthong snang 'thud par 'gyur tam/ don 'di nyid de ltar ma yin no/ /sems can thams cad thog ma med pa nas rang gi rang bzhin dngos po la zhen pas dngos po 'khrul par 'phyan pas na/ de dag stor te las chen po dang chung du zhes rlom par byed do/ /gal te dngos po las mngon par log pa'i tshe na de bzhin gshegs pa dang mtshungs par gyur te/ lus dang sems yongs su ye nas dag cing de bzhin nyid kyi dkyil 'khor las g.yo ba med la/ ba spu'i khung bu gcig la yang phyogs bcu'i zhing rab 'byams chud par byed do/ /kun dga' bos gsol pa/ ston pa/ gal te mthong snang 'di nyid bdag gi rmad du byung ba'i rang bzhin yin na/ rmad du byung ba'i rang bzhin 'di ni/ bdag gi mdun na gnas pas gdon mi za bar mthong ba nyid du bden pas da ni/ bdag gi lus dang sems ci zhig tu 'gyur/ bdag gi lus dang sems ni/ rnam par dbye bar byar yod kyang mthong ba'i rang bzhin des bdag gi lus rnam par dbye bar ma mchis so/ /gal te bdag gi sems bdag la lta ba po'i rang bzhin yin tshe lta ba'i rang bzhin ni/ nges par bdag gi yin par 'gyur la/ lus ni/ bdag gi ma yin par 'gyur ro/ /'di ni/ de bzhin gshegs pas sngon du dngos po bdag la lta bar 'gyur ba mi 'thad par gsungs pa dang cis mi </font><hr>411a<br><font size=+1>


@#/ /mtshungs/ brtse ba chen pos ma rtogs pa'i gnas rnam par 'byed par mdzad du gsol/ bcom ldan 'das kyis bka' stsal pa/ khyod kyis mthong snang 'di khyod kyi mdun du gnas par smras pa ni/ yang dag pa'i don ma yin no/ /gal te nges par mthong snang 'di khyod kyi mdun du gnas shing mthong bar nges pa yin na/ mthong ba'i rang bzhin 'di ni/ phyogs cha dang bcas par 'gyur la/ bstan du med par 'gyur ba ma yin no/ /der ma zad da lta khyod dang lhan cig rgyal byed tshal du bsdad nas nags tshal dang / klung rgyun dang / pho brang dang / kun dga' ra ba dang / yar nyi zla'i bar dang / mdun du gang+gA la phyogs te yongs su bltas pa na/ khyod kyis bdag gi seng+ge'i khri'i mdun nas lag pa brkyang ste rnam pa sna tshogs de dag ston par byed pa na 'thibs po ni/ nags tshal dang / snang ba ni/ nyi ma'i 'od dang / sgrib pa ni/ rtsig pa dang sgrib yol dang / thal byung ni/ stong pa yin te/ de ltar rtswa shing nas spu nyag gi bar che chung so so tha dad pa yod kyang gzugs kyang yin phyin chad bstan du med pa ma yin no/ /gal te mthong snang 'di khyod kyi mdun du nges par gnas pa'i tshe khyod gyis mdzub mos rig par bstan te/ gang zhig mthong snang yin pa ston par rigs so/ /kun dga' bo/ rig par bya ste/ gal te stong pa ni/ mthong snang yin na/ mthong snang du grub </font><hr>411b<br><font size=+1>


pas ji ltar stong par 'gyur/ /gal te dngos po mthong snang yin na/ mthong snang du grub pas ji ltar dngos por 'gyur/ khyod kyis dngos po thams cad la zhib tu gzhigs te phra zhing gsal ba dag cing rmad du byung ba'i mthong snang gi rang bzhin 'di dang 'di zhes bdag la bstan te dngos po de dag dang 'dra bar phye ste gsal bar ma 'dres par gyis shig /kun dga' bos gsol pa/ bdag da lta khang pa brtsegs pa kun dga' ra ba gnas thag ring por chu bo gang+gA'i bar dang / yar nyi zlar bltas pa dang / lag pas bstan cing mig gis mthong du rung ba thams cad dngos po kho na de mthong snang ma yin no/ /bcom ldan 'das/ rgyal bas gsungs pa ltar na/ bdag lta ba'i zag pa dang bcas pa'i nyan thos las dang po pa lta zhog /byang chub sems dpa' rnams kyis kyang dngos po'i rnam pa thams cad las logs su mthong snang phye ste dngos po thams cad dang bral ba'i rang gi rang bzhin bstan par mi nus so/ /bcom ldan 'das kyis bka' stsal pa/ de de bzhin te/ de de bzhin no/ /bcom ldan 'das kyis yang bka' stsal pa/ khyod kyis mthong snang 'di dngos po thams cad dang bral ba logs su rang gi rang bzhin med do/ /zhes smras kyang khyod kyis bstan pa'i dngos po thams cad kyi nang na mthong snang du gdags pa ma mchis so/ /yang khyod la bshad par bya ste/ khyod de bzhin gshegs pa dang lhan cig rgyal byed tshal nas yang nags tshal dang rab nas nyi </font><hr>412a<br><font size=+1>


@#/ /zla'i bar du rnam pa sna tshogs pa la so sor dpyad pa na ci zhig ltar na'ang khyod kyi rmad du byung ba'i mthong snang bstan du med cing / khyod kyis yang dngos po de dag las gang zhig mthong snang ma yin pa ston cig /kun dga' bos gsol pa/ bdag gis rgyal byed tshal la sogs pa bltas pa na de dag las gang zhig mthong snang ma yin pa ma 'khums so/ / ci'i phyir zhe na/ nags tshal nyid mthong snang ma yin na/ ji ltar na nags tshal mthong bar 'gyur/ ci ste nags tshal nyid mthong snang yin na yang ci zhig nags tshal mthong bar 'gyur/ / zhes pa nas ji ltar stong pa mthong snang ma yin na/ stong pa nyid ji ltar mthong bar 'gyur/ gal te stong pa nyid mthong snang yin na/ yang ci zhig stong pa mthong bar 'gyur/ yang bdag gis zhib tu brtags pa na dngos po de dag gi nang nas phra zhib zhib par phye ba'i tshe mthong snang ma yin pa ma mchis so/ /bcom ldan 'das kyis bka' stsal pa/ de de bzhin te/ de de bzhin no/ / de'i tshe 'khor 'dus pa'i slob pa thams cad bcom ldan 'das kyi bka' 'di thos pas sems blong blong bor 'gyur zhing / don de'i mtha' dang mu ma shes pas yud cig dngangs shing nem nur du gyur te dran pa stor ba ltar gyur to/ /bcom ldan 'das kyis de dag rtab rtab bor gyur par gzigs nas byams brtse mngon du mdzad de kun dga' bo dang 'khor 'dus </font><hr>412b<br><font size=+1>


pa rnams la rjes su ston pa'i slad du bka' stsal pa/ rigs kyi bu/ bla na med pa'i chos kyi rgyal po bka' yang dag pa bden pa ste/ ji lta ba nyid ji bzhin du gsungs pa/ rdzun pa med cing bslu ba med la| kun tu rgyu rnam pa bzhis 'chi ba med par brlang pos log par smras pa dang mi mtshungs so/ /khyed cag gis zhib tu brtag par bya ste/ brtse bas bskyangs pa'i re ba ma brlag cig /de'i tshe chos kyi rgyal po'i sras 'jam pa'i dbyangs kyis 'khor rnam pa bzhi la brtse ba'i sems kyis 'khor 'dus pa mang po'i nang nas stan las langs te bcom ldan 'das kyi zhabs la spyi bos phyag 'tshal nas lag pa thal mo sbyar te gus pas 'di skad ces gsol to/ /bcom ldan 'das/ 'khor 'dus pa 'di dag de bzhin gshegs pas gsal bar phye ba'i mthong ba rnam par dag pa gzugs dang stong pa gnyis yin min gyi don ma rtogs so/ /bcom ldan 'das/ 'di'i mdun gyi rkyen gzugs dang stong pa la sogs pa'i mtshan ma rnams gal te mthong ba yin na bstan du yod par rigs so| |gal te mthong ba ma yin na/ mthong bar mi 'gyur bar rigs so/ /da lta don de nyid kyi gnas lugs mi shes pa'i phyir de ltar the tshom du gyur cing skrag par gyur te/ sngon gyi dge ba'i rtsa ba chung ba dag gi spyod yul ma yin no/ /des na de bzhin gshegs pa'i brtse ba chen pos dngos po 'di dag thams cad kyi mtshan ma dang / mthong ba'i rang bzhin rnam par dag pa'i sdod lugs de </font><hr>413a<br><font size=+1>


@#/ /nyid las gang zhig yin pa dang ma yin pa ma 'tshal na/ don 'di gsal bar phye nas bstan du gsol zhes gsol pa dang / sangs rgyas bcom ldan 'das kyis 'jam dbyangs la sogs pa 'khor 'dus pa la 'di skad ces bka' stsal to/ /phyogs bcu'i de bzhin gshegs pa rnams dang / byang chub sems dpa' rnams so sor ting nge 'dzin la snyoms par zhugs pa na der mthong ba dang mthong ba'i rkyen snang ba'i mtshan ma dag nam mkha'i me tog ltar gdod ma nas ci yang med do/ /mthong ba 'di dang rkyen 'di dag gdod ma nas rmad du byung ba'i byang chub kyi dbyings rnam par dag cing gsal ba'i chos kyi sku der yang yin pa dang ma yin pa ni/ ji ltar gnas/ 'jam dpal/ ngas da lta khyod la dri yi/ dper na/ khyod 'jam dpal yin zhing / 'jam dpal zhes bya ba gzhan yang yod dam/ 'on te 'jam dpal de lta bu med bka' stsal pa dang / 'jam dpal gyis gsol pa/ bcom ldan 'das/ de de bzhin no/ /bdag 'jam dpal yin zhing bdag las gzhan 'jam dpal med do/ /de ci'i phyir zhe na/ bdag las gzhan 'jam dpal yod na gnyis su 'gyur ro/ /gzhan yang da lta bdag gis 'jam dpal med ces ma smras so/ /de la yin pa dang ma yin pa gnyis kyi mtshan ma med do/ /de skad ces gsol ba dang / bcom ldan 'das kyis bka' stsal pa/ rmad du byung ba'i mthong ba </font><hr>413b<br><font size=+1>


gsal ba 'di dang / yul stong pa nyid dag kyang de kho na bzhin no/ /gdod ma nas rmad du byung ba'i gsal ba bla na med pa'i byang chub yang dag pa'i sems dam pa'i bden pa yin no/ /rdzun pa'o gzugs dang stong pa thos pa dang mthong bar gyur pa ni/ zla gnyis dang 'dra ste/ gang zhig ni/ zla ba yin la/ gang zhig ni/ zla ba min zhes bya/ 'jam dpal/ zla ba gcig tu bden na/ de la rang ngos nas zla ba yin pa dang / ma yin pa gnyis med do/ /de'i phyir da lta khyod kyi mthong ba dang mthong ba'i yul la rnam pa sna tshogs su gsal bar snang ba 'di ni/ log par rtog pa zhes bya ste/ 'di'i nang nas yin pa dang ma yin pa 'byed par mi nus so/ /de yang dag par rmad du byung ba'i gsal zhing rig pa'i rang bzhin la brten pas na khyod la bstan du yod pa dang / bstan du med pa las 'da' bar nus so/ /de nas kun dga' bos bcom ldan 'das la 'di skad ces gsol to/ /bcom ldan 'das bden pa gsung ba chos kyi rgyal pos bka' stsal ba'i rig pa'i rkyen phyogs bcu'i 'jig rten gyi khams khyab par gsal zhing dwangs pas gtan du gnas pa'i rang bzhin skye 'gag med pa bcom ldan 'das bden pa gsung ba chos kyi rgyal pos bka' stsal pa ltar na/ sngon gyi bram ze ka pi las smras pa'i gsang tshig dang / thal ba byug ba po la sogs pa'i phyi rol pa rnams kyis bdag bden bar yod cing phyogs bcur bya ba pa yin zhes pa 'di dang ji ltar </font><hr>414a<br><font size=+1>


@#/ /mi 'dra lags/ bcom ldan 'das kyis lang+ka'i ri la blo gros chen po la sogs pa byang chub sems dpa' rnams la don 'di rgyas par bka' stsal pa'i tshe phyir rol pa de dag rtag pa rang byung du smra la bdag gis rten cing 'brel par 'byung ba bka' stsal pa 'di ni/ de rnams kyi shes par bya ba'i yul ma yin zhes bka' stsal na/ da lta gal te gsal zhing rig pa 'di'i rang bzhin rang byung skye ba med pa 'gag pa med pa gsob dang / rdzun dang / phyin ci log thams cad dang yongs su bral ba 'di ni/ rten cing 'brel par 'byung ba ma yin pa lta na/ de dag gis rang byung du grub ces smras pa dang 'dra bas ji ltar na rnam par phye ste bstan nas log pa'i lta ba gang la yang mi 'jug cing yang dag pa'i sems kyi gsal zhing rig pa'i rang bzhin rtogs par mdzad du gsol zhes gsol pa dang / bcom ldan 'das kyis bka' stsal pa/ kun dga' bo/ bdag gis da lta de lta bur thabs la mkhas pas phye ste bstan nas khyod la yang dag par bka' stsal pa na/ khyod kyis ma rtogs par rang byung ba'o snyam du rtog go /kun dga' bo/ gal te rang byung du grub par bden na/ gor ma chag par rang byung ba'i dngos po yod par gsol bar 'byed rigs so/ /khyod kyis legs par dpyod cig /rmad du byung ba'i mthong ba gsal ba 'di'i nang na gang zhig bdag </font><hr>414b<br><font size=+1>


mthong ba 'di'i snang ba bdag gam/ mun pa bdag gam/ stong pa bdag gam/ bem po bdag yin/ kun dga' bo/ gal te snang ba bdag yin na/ mun pa mi mthong bar 'gyur ro/ /gal te stong pa rang byung ba'i dngos po yin na/ bem po mi mthong bar 'gyur ro/ /de bzhin du des mtshon nas mun pa'i mtshan ma la sogs pa'i bar bdag yin na/ snang ba'i dus su mthong ba'i rang bzhin rgyun chad nas ji ltar na snang ba mthong bar 'gyur zhes bka' stsal pa dang / kun dga' bos 'di skad ces gsol to/ /da lta mthong ba dam pa 'di'i rang bzhin nges par rang byung min par bka' stsal ba las na/ yang bdag gis gsal bar rten cing 'brel par 'byung ba yin snyam du sems so/ /'on kyang ji lta ba bzhin legs par ma rtogs pas de bzhin gshegs pa la dri ba zhu'o| |don 'di ji ltar rten cing 'brel par 'byung ba dang mthun zhes gsol pa dang / bcom ldan 'das kyis bka' stsal pa/ khyod kyis rten cing 'brel par 'byung ba 'dri zhing gsol na bdag gis slar yang khyod la 'dri'o/ /da lta khyod kyis mthong ba'i rgyu nyid kyis rang bzhin rten cing 'brel par 'byung ba shes so zhe na/ yang mthong ba 'di snang ba la brten nas mthong ngam/ mun pa la brten nas mthong ngam/ stong pa la brten nas mthong ngam/ bem po la brten nas mthong / kun dga' bo/ gal te snang ba la brten pa yin na/ mun pa mi mthong bar rigs so/ /mun </font><hr>415a<br><font size=+1>


@#/ /pa la brten pa yin na/ snang ba mi mthong bar rigs so/ /des mtshon nas stong pa la brten pa dang / bem po la brten pa'i bar du snang ba dang mun pa ltar ro/ / kun dga' bo/ yang mthong ba 'di snang ba dang 'brel bar mthong ngam/ mun pa dang 'brel bar mthong ngam/ stong pa dang 'brel bar mthong ngam/ bem po dang 'brel bar mthong / kun dga' bo/ gal te stong pa dang 'brel ba yin na/ bem po mi mthong bar rigs so/ /bem po dang 'brel ba yin na/ stong pa mi mthong bar rigs so/ /de bzhin du snang ba dang 'brel ba dang / mun pa dang 'brel ba'i bar du stong pa dang bem po ltar ro/ /'di ltar rigs par bya ste/ yang dag cing rmad du byung ba gsal zhing rig pa 'di gdod ma nas rten cing 'brel par 'byung ba yang ma yin/ rang byung du grub pa yang ma yin/ rang byung du ma grub pa yang ma yin/ ma yin pa yang ma yin/ ma yin pa min pa yang ma yin/ yin pa yang ma yin/ yin pa min pa yang ma yin zhing mtshan ma thams cad dang bral ba'i de kho na nyid ni/ chos thams cad kyi rang bzhin no/ /khyod da lta ci'i phyir 'di la sems zhen cing 'jig rten pa thams cad kyi tshig bla dwags kyi ming dang mtshan mas ji ltar so sor 'byed par nus/ dper na/ lag pas nam mkha' stong pa la nyug cing nom ba ji lta ba bzhin du rang dgar rang nyid sdug </font><hr>415b<br><font size=+1>


bsngal bar byed pa tsam las nam mkha' stong pa la khyod kyi 'dod pa bzhin ji ltar 'dzin par nus/ kun dga' bos bcom ldan 'das la 'di skad ces gsol to/ /bcom ldan 'das/ gal te rmad du byung ba'i rig pa'i rang bzhin 'di nges par rten cing 'brel par 'byung ba ma yin na/ ci'i phyir bcom ldan 'das kyis dge slong rnams la mthong ba'i rang bzhin la rkyen bzhi 'di lta ste/ stong pa la brten pa dang / snang ba la brten pa dang / sems la brten pa dang / mig la brten par bka' stsal ba'i don ci lta bu lags/ 'di skad ces gsol pa dang / bcom ldan 'das kyis bka' stsal pa/ kun dga' bo/ bdag gis 'jig rten gyi rten cing 'brel par 'byung ba'i mtshan nyid thams cad bka' stsal pa ni/ yang dag pa'i don ma yin no/ /kun dga' bo/ ngas khyod la slar yang 'dri'o/ /'jig rten gyi skye bo thams cad kyis bdag gis mthong bar nus so/ /zhes smra mod kyang / ji ltar na mthong la ji ltar na mi mthong zhes bka' stsal pa dang / kun dga' pos gsol pa/ 'jig rten gyi skye bo dag nyi ma dang zla ba dang sgron me'i 'od la brten nas dngos po sna tshogs mthong bas na mthong ba zhes bya la/ gal te 'od gsal ba'i snang ba gsum po 'di med na| mthong bar ma nus so/ /kun dga' bo/ /gal te snang ba med pa'i tshe mi mthong zhe na/ mun pa nyid kyang mi mthong bar rigs so/ /gal te nges par mun pa mthong na/ 'di la snang ba </font><hr>416a<br><font size=+1>


@#/ /med cas bya bar rigs kyi/ ji ltar na mthong ba med ces smra/ kun dga' bo/ gal te mun pa'i dus su snang ba'i mtshan ma mi mthong zhes tha snyad 'dogs na da lta snang ba'i dus su mun pa'i mtshan ma mi mthong ba'i phyir yang mi mthong ba nyid ces tha snyad 'dogs par rigs so/ /'di ltar na mi mthong ba zhes bya ba 'di ni/ mtshan ma gnyis ka la 'jug par rigs so/ /gal te mtshan ma gnyis yod na gcig gis gcig phan tshun go skabs 'phrog par 'gyur la/ khyod kyi mthong ba'i rang bzhin 'di nyid re zhig kyang med par gyur pa ma yin no/ /'di ltar na gnyis po thams cad la mthong ba zhes bya bar shes par bya ste/ ji ltar mi mthong bar 'gyur/ de'i phyir kun dga' bo/ khyod kyis 'di ltar rig par bya ste| snang ba mthong ba'i tshe mthong ba de snang ba ma yin/ mun pa mthong ba'i tshe mthong ba de mun pa ma yin/ stong pa mthong ba'i tshe mthong ba de stong pa ma yin/ bem po mthong ba'i tshe mthong ba de bem po ma yin/ don 'di bzhi de ltar yin mod kyang slar yang khyod kyis 'di ltar rig par bya ste/ mthong bya mthong ba'i tshe mthong ba de mthong bya ma yin/ mthong ba de mthong bya dang bral na mthong ba'i don tshang bar mi nus so/ /yang ci'i phyir rten cing 'brel par 'byung ba dang / rang byung dang / 'phrad pa dang / ltos pa'i mtshan ma zhes brjod/ khyod la sogs pa nyan </font><hr>416b<br><font size=+1>


thas rnams gli \?\ rtul zhing rtogs pa med pas dag cing gsal ba'i don dam pa'i mtshan nyid ma rtogs so/ /ngas khyod la bstan par bya'o/ /legs par dpyod cig /byang chub mchog gi lam la le lo ma byed cig ces bka' stsal pa dang / kun dga' bos gsol pa/ bcom ldan 'das/ 'jig rten gyi skyabs bcom ldan 'das kyis bdag cag la bstan pa'i rten cing 'brel par 'byung ba dang / rang byung dang / 'phrad pa dang ltos pa'i mtshan nyid dang / 'phrad pa dang ltos pa ma yin pa'i mtshan nyid la sogs pa bka' stsal pa rnams bdag cag gi sems kyis gsal bar ma rtogs te/ da lta gzhan yang mthong bya mthong ba ni/ mthong ba min pa'o/ /zhes thos pas ches cher 'khyams pa dang / rmongs pa rgyas par gyur to/ /thugs rje chen pos rjes su brtse bar dgongs te bdag cag thams cad la dag la gsal zhing rig pa'i sems gsal bar phye ste bstan du gsol zhes zhus nas ngus shing mig nas mchi ma phyung ste gdung ba'i yid kyis spyi bos phyag 'tshal nas bcom ldan 'das kyi rmad du byung ba'i bka' nod cing 'dug go /de'i tshe bcom ldan 'das kyis kun dga' bo dang bcas pa'i 'dus pa'i 'khor rnams la thugs brtse bar dgongs te gzungs chen po dang / ting nge 'dzin gyi spyod pa rgya chen po mchog tu gyur pa sbyangs pa'i lam rgyas par bka' stsal par dgongs te kun dga' bo la 'di skad ces bka' </font><hr>417a<br><font size=+1>


@#/ /stsal pa/ kun dga' bo/ khyod kyis nan tan du sbyangs pas mang du thos par gyur mod kyi/ don 'di zab cing phra ba'i bsgoms byung gis ji lta ba bzhin du ma rtogs so/ /da lta khyod kyis legs par nyon cig /ngas khyod la gsal bar phye ste bstan par bya'o/ /der ma zad yang slad ma'i dus kyi sems can so so'i skye bo rnams byang chub kyi go 'phang la dgod cing gzhag pa'i phyir du'o/ /kun dga' bo/ sems can ji snyed ba de thams cad 'khor bar 'khor ba ni/ phyin ci log rnam pa gnyis so sor 'byed pa'i mthong ba rdzun pa'i rkyen gyi dbang gis skye ba blangs te/ las kyi dbang gis 'khor bar 'khor ro/ /phyin ci log gi mthong ba gnyis gang zhe na/ gcig ni/ sems can thams cad kyi so so'i las kyi phyin ci log gi mthong ba dang / gcig shos ni/ sems can thams cad kyi spyi mthun gyi las kyi phyin ci log gi mthong ba'o/ /so so'i las kyi mthong ba gang zhe na/ kun dga' bo/ dper na/ 'jig rten na mi zhig nad kyis mig dmar zhing rab rib tu gyur te mtshan mo sgron me'i 'od la bltas pa'i tshe 'od kor zlum po kha dog lnga pa rim par bkra ba mthong ba lta bu'o| |khyod ci snyam du sems/ mtshan mo 'bar ba'i sgron me'i 'od las byung ba'i 'od kor zlum po 'di sgron me'i gzugs sam/ 'on te mthong ba'i gzugs zhes bya'am/ </font><hr>417b<br><font size=+1>


kun dga' bo/ /gal te 'di nyid sgron me'i gzugs zhe na/ mig la rab rib med pa rnams ci'i phyir thun mong du mthong bar mi 'gyur zhing / mig rab rib dang ldan pa kho nas 'od kor zlum po mthong bar 'gyur/ gal te mthong ba'i gzugs zhe na/ mthong ba de nyid gzugs su 'gyur ba zhig na/ mig rab rib dang ldan pa des 'od kor zlum po ji ltar mthong / gzhan yang kun dga' bo/ /gal te 'od kor zlum po 'di sgron me dang bral zhing logs su yod na/ nye logs su yod pa'i yol ba dang / bla bres dang / khri dang / stan la bltas pa na yang grib ma zlum po 'byung bar rigs so/ /gal te mthong ba dang bral nas logs su yod na/ mig gis mthong ba ma yin par 'gyur zhing mig rab rib dang ldan pa de'i mig la grib ma zlum po gang nas mthong bar 'gyur/ 'di 'di ltar rig par bya ste/ gzugs nges par sgron me la yod la mthong ba'i skyon gyis 'od kor du gyur to/ /'od kor dang mthong ba gnyis rab rib kyi skyon du 'gyur gyi/ rab rib mthong ba kho na'i skyon ma yin no/ /mthar gtugs na sgron me 'am/ mthong ba zhes brjod par mi bya na/ de la sgron me ma yin/ mthong ba ma yin zhes brjod du rung ngam/ zla gnyis su snang ba nyid dang 'dra zhing dngos kyang ma yin/ gzugs brnyan yang ma yin no/ /ci'i phyir zhe na/ zla gnyis su snang ba'i rgyu mig 'bras btsir </font><hr>418a<br><font size=+1>


@#/ /ba las byung ba'i phyir mkhas pa'i skye bo gang dag mig 'bras btsir ba nyid gzugs dang gzugs ma yin pa mthong ba dang bral ba dang / ma bral ba zhes mi brjod do/ /'di yang de bzhin te/ mig rab rib tu gyur pa las byung ba'i phyir da lta gang zhig sgron me yin la/ gang zhig mthong ba yin zhes tha snyad mi 'dogs na/ sgron me ma yin| mthong ba ma yin zhes so sor phye ste ci zhig brjod/ spyi mthun gyi las kyi phyin ci log gi mthong ba gang zhe na/ kun dga' bo/ 'dzam bu gling 'dir rgya mtsho chen po'i chu bo'i bar bar du gling stong phrag gsum yod cing dbus kyi gling chen po la shar nub kyi phyogs thams cad la rgyal khams stong phrag gnyis dang sum brgya yod do/ /gling phran gzhan thams cad rgya mtsho'i nang na gnas so/ /gling de dag la lar rgyal khams brgya phrag gnyis gsum dang / 'ga' zhig tu rgyal khams gcig dang gnyis nas brtsams te sum cu dang / bzhi bcu dang / lnga bcu'i bar du yang yod do/ /kun dga' bo/ spyir 'di'i nang du gling phran gcig la rgyal khams gnyis yod pa las rgyal khams gcig gi skye bo dag la spyi mthun gyi las ngan pa'i 'bras bu mya ngan dang 'phrad pa'i sngon du gling phran gyi gnas de'i sems can la ltas dang mtshan ma ngan pa sna tshogs mthong bar 'gyur ba na nyi ma gnyis sam/ zla ba gnyis </font><hr>418b<br><font size=+1>


mthong ba'am/ yang na nyi zla gzas zin pa dang / 'khyims pa'am/ a long dang lcags kyu lta bu'i 'od 'khyug pa dang / gza' dang skar ma du ba can 'char ba dang / skar mda' rgyug pa dang / ltung ba dang / nyi snyan dang / 'ja' zug pa la sogs pa'i ltas ngan pa sna tshogs mthong bar 'gyur ro/ /rgyal khams gcig pu des de ltar mthong ba las gzhan du rgyal khams gcig shos kyi sems can rnams kyis gtan nas mthong blta ci smos/ thos par yang mi 'gyur ro/ /kun dga' bo/ da lta ngas khyod la las gnyis lugs 'byung ldog tu dpe don sbyar zhing grangs te gsal bar bstan par bya'o/ /kun dga' bo/ sems can de dag thams cad kyi so so'i las kyi phyin ci log gi mthong bas mthong ba'i tshe sgron me'i 'od las byung ba'i 'od kor de yul mngon sum pa lta bur gyur pa ni/ gang zag de'i mig rab rib tu gyur pa las byung ngo / /rab rib tu gyur pa ni/ mthong ba phyin ci log tu gyur cing gzugs las grub pa ma yin mod kyi/ de lta na yang rab rib mthong ba ni/ mthar gtugs pa'i mthong ba'i skyon ma yin no/ /'di lta ste/ da lta khyod kyi mig la ri dang / chu klung dang / rgyal khams dang / yul dang / sems can thams cad mthong ba rnams ni/ thog ma med pa nas byung ba'i mthong ba'i skyon no/ /mthong ba dang mthong ba'i rkyen ni/ yul mngon sum pa ltar gyur kyang </font><hr>419a<br><font size=+1>


@#/ /gdod ma nas bdag cag gi gsal zhing rig pa'i mthong ba dang 'brel ba'i rab rib yin pas mthong ba lta bur rig pa nyid rab rib tu gyur to/ /gso zhing rig pa'i sems su gyur cing gdod ma nas rig pa rkyen gyis rab rib tu gyur pa ma yin no/ /rab rib tu gyur pa de rig pas rig na rig pa de rab rib can du mi gnas so// 'di ni| yang dag par mthong ba mthong ngo / /zhes bya'o/ /ci'i phyir yang rig pa dang / thos pa dang / shes pa dang / mthong ba po zhes tha snyad 'dogs par 'gyur/ de'i phyir da lta khyod kyis nga dang khyod la sogs pa 'jig rten thams cad kyi 'gro ba rigs bcu po rnams mthong ba 'di thams cad rab rib tu gyur pas mthong ba yin no/ /mthong bas rab rib tu gyur pa ma mthong ba yin gyi/ mthong ba dngos gzhi de nyid kyi nges par dag pa'i rig pa'i rang bzhin gdod ma nas rab rib tu gyur pa ma yin pa'i phyir de la mthong ba zhes tha snyad mi 'dogs so/ /kun dga' bo/ dper na/ sems can de dag thams cad spyi mthun gyi las kyi phyin ci log gi mthong ba dang ldan pa'i skye bo'i nang du bye brag gi las kyi phyin ci log gi mthong ba dang ldan pa'i skye bo gcig gi mig glo bur du na na skye bo gcig pu des rab rib tu gyur pa'i grib ma zlum po mthong ba ltar skye bo mang po 'di thams </font><hr>419b<br><font size=+1>


cad kyis ltas ngan mthong bar 'gyur ro/ /de thams cad kyi las las sdug bsngal bskyed pa'i dbang gis mthong bar 'gyur ro/ /'di dag thams cad thog ma med pa nas mthong ba rdzun pa las gyur to/ /dper na/ 'dzam bu gling gi gling stong phrag gsum dang bcas rgya mtsho chen po bzhis brgyan pa mi mjed kyi 'jig rten dang / gzhan yang phyogs bcu ji snyed pa'i zag bcas kyi 'jig rten khams nas sems can thams cad kyi bar du 'dra bar de dag thams cad zag pa med pa'i gsal zhing rig pa'i byang chub kyi sems su gyur cing mthong ba dang / thos pa dang / rig pa dang / shes pa phyin ci log tu gyur pa'i skyon dang 'brel bas kun rdzob tsam du 'phrad pa dang ltos pa las skye ba dang 'chi bar 'gyur ro/ /gal te spyir 'phrad pa dang / ltos pa dang / 'phrad pa dang ltos pa ma yin pa'i rkyen dang gtan du 'bral bar nus na/ khyad par du skye ba dang 'gag pa'i rkyen thams cad 'gag cing skye ba dang 'gag pa med pa'i byang chub kyi rang bzhin du mngon par rdzogs nas dag cing gsal ba'i sems kyi rang bzhin dang rig pa'i rang bzhin gtan du gnas par 'gyur ro/ /kun dga' bo/ khyod sngon gdod ma'i rig pa rmad du byung ba gsal ba'i rang bzhin ni/ rten cing 'brel par 'byung ba ma yin/ rang byung ba'i mtshan nyid can ma yin pa rig na'ang gdod ma'i rig pa 'di nyid 'phrad pa dang ltos pa las </font><hr>420a<br><font size=+1>


@#/ /byung ba yang ma yin/ 'phrad pa dang ltos pa las ma byung ba yang ma yin pa gsal bar ma shes so/ /kun dga' bo/ ngas da ltar slar yang yul mngon sum pa las brtsams te khyod la 'dri bar bya'o/ /khyod da lta 'jig rten thams cad kyi log par rtog pa 'phrad pa dang ltos pa la sogs pa rten cing 'brel par 'byung ba'i mtshan nyid du bzung nas rang nyid kyis rnam par rtog cing byang chub kyi sems rdzogs pa ni/ 'phrad pa dang ltos pa las bskrun pa yin snyam du sems mod/ da lta khyod kyi rnam par dag pa'i mthong ba'i rig pa ni/ snang ba dang 'phrad pa yin snyam mam/ mun pa dang 'phrad pa yin snyam mam/ thogs med dang 'phrad pa yin snyam mam/ bem po dang 'phrad pa yin snyam mam/ gal te snang ba dang 'phrad pa yin zhe na| da lta khyod kyis snang ba mthong ba'i tshe snang ba kho na mngon sum du gsal bar mthong bar rigs kyi/ mthong ba'i bya ba sna tshogs 'dres pa ga la rigs/ mthong ba'i mtshan ma 'byed par nus kyi/ sna tshogs 'dres pa ni/ gang gi mtshan ma yin/ gal te mthong ba ma yin zhe na/ ci'i phyir snang ba mthong bar 'gyur/ gal te mthong ba nyid yin zhe na/ ji ltar na| mthong ba mthong bar 'gyur/ gal te mthong ba nyid kyis khyab pa yin zhe na/ gang du snang ba dang 'phrad par 'gyur/ gal te snang bas khyab pa yin zhe na/ gang du mthong </font><hr>420b<br><font size=+1>


ba dang 'phrad pa yin/ gdon mi za bar mthong ba snang ba dang tha dad ce na/ 'dres pa'i dbang gis gdod ma zhes pa'i ming 'dor bar 'gyur te/ 'dres pa yin na/ snang ba'i rang bzhin 'dor bar 'gyur ro/ /des na snang ba 'phrad pa rigs pa ma yin no/ /mun pa dang / thogs med dang / bem po la sogs pa de dag kyang de nyid dang 'dra'o/ /slar yang kun dga' bo/ da lta khyod kyi rnam par dag pa'i mthong ba'i rig pa de snang ba la ltos pa yin snyam mam/ mun pa la ltos pa yin snyam mam/ thogs med la ltos pa yin snyam mam/ bem po la ltos pa yin snyam ma mam/ gal te snang ba la ltos pa yin zhe na/ mun pa'i dus su sleb pa na snang ba'i mtshan ma 'gags nas zhi bar gyur cing mthong ba 'di mun pa la ltos pa ma yin pa'i phyir ji ltar mun pa mthong bar 'gyur/ gal te mun pa mthong ba'i tshe mun pa la ltos pa ma yin gyi snang ba la ltos pa yin snyam na/ de'i tshe snang ba mthong ba ma yin pas/ snang ba mi mthong na ji ltar snang ba la ltos zhes brjod par rigs/ des snang ba mun pa ma yin pa yang shes sla la/ mun pa dang / thogs med dang / bem po la sogs pa de dag kyang de nyid dang 'dra'o de skad ces bka' stsal pa dang / kun dga' bos bcom ldan 'das la gsol pa/ bcom ldan 'das/ bdag gis 'tshal ba ltar na rmad du byung ba'i gdod ma'i rig pa 'di dang / yul gyi rkyen thams cad </font><hr>421a<br><font size=+1>


@#/ /dang / sems dang yid dang rnam par shes pa thams cad 'phrad pa dang ltos pa ma yin lags grang zhes gsol pa dang / bcom ldan 'das kyis bka' stsal pa| khyod kyis da dung yang rig pa 'di 'phrad pa dang ltos pa ma yin zhes smra'am/ ngas slar yang khyod la 'dri bar bya'o/ /rnam par dag pa'i mthong ba'i rig pa 'di 'phrad pa dang ltos pa ma yin zhe na/ snang ba dang 'phrad pa ma yin zhes bya'am/ mun pa dang 'phrad pa ma yin zhes bya'am/ thogs med dang 'phrad pa ma yin zhes bya'am/ bem po dang 'phrad pa ma yin zhes bya| gal te snang ba dang 'phrad pa ma yin zhe na/ mthong ba dang snang ba 'di gdon mi za bar rang rang gi bdag gir gzung ba'i yul yod dgos so/ /khyod kyis legs par dpyod cig /snang ba gang la gnas/ mthong ba gang la gnas/ mthong ba dang snang ba'i bar yul gyi mtshams ji ltar 'byed/ kun dga' bo/ gal te snang ba'i nang du nges par mthong ba med ce na| de gnyis lhan cig mi gnas pa'i phyir rang gi snang ba'i mtshan ma yod pa'i gnas mi shes na yul 'di gang las 'grub/ mun pa dang / thogs med dang / bem po de dag kyang de nyid dang 'dra'o/ /gzhan yang rnam par dag pa'i mthong ba'i rig pa 'di 'phrad pa dang ltos pa ma yin zhe na/ snang ba la ltos pa ma yin zhes bya'am/ mun pa la ltos </font><hr>421b<br><font size=+1>


pa ma yin zhes bya'am/ thogs med la ltos pa ma yin zhes bya'am/ bem po la ltos pa ma yin zhes bya/ gal te snang ba la ltos pa ma yin zhe na/ mthong ba dang snang ba'i rang bzhin so sor tha dad du 'gyur ba'i phyir rna ba snang ba dang phan tshun ltos med don gzhan yin pa bzhin du mthong ba yang snang ba'i mtshan ma yod pa'i gnas mi shes par 'gyur na/ ltos pa dang ma ltos pa'i don ji ltar gsal bar 'byed/ mun pa dang / thogs med dang / bem po de dag kyang de nyid dang 'dra'o/ /kun dga' bo/ khyod yang yul kun rdzob pa thams cad dang / sgyu ma dang / sprul pa la sogs pa'i mtshan ma de nyid las skye zhing / de nyid du 'gag cing zhi ba ma shes so/ /sgyu ma rdzun pa la mtshan ma zhes tha snyad 'dogs te/ de'i rang bzhin nges par rmad du byung ba'i gsal zhing rig pa'o/ /'di nas phung po lnga dang / skye mched drug dang / gzung 'dzin bcu gnyis dang / khams bco brgyad kyi bar thams cad kun rdzob tsam du rten cing 'brel bar 'byung ba dang 'phrad pa dang ltos pa'i rkyen gyis skyes pa zhes bya ba dang / kun rdzob tsam du rten cing 'byung ba dang bral ba'i rkyen gyis 'gag pa'i ming can du 'gyur ro/ /mdor na skye 'gag 'gro 'ong ni/ gdod ma nas de bzhin gshegs pa sangs rgyas kyi ther zug tu gnas pa rnam par dag pa g.yo ba med pa khyab par rdzogs pa de bzhin nyid dam pa'i rang bzhin ma rtogs par bden pa'i rang bzhin gyi nang </font><hr>422a<br><font size=+1>


@#/ /nas 'gro 'ong 'khrul rtog skye 'gag btsal bas nam yang mi rnyed do/ /kun dga' bo/ ji ltar na phung po lnga gdod ma nas de bzhin gshegs pa sangs rgyas kyi de bzhin nyid dam pa'i rang bzhin yin zhe na/ kun dga' bo/ dper na/ skye bo zhig mig shin tu dag pas gsal zhing dwangs pa'i nam mkha' la lta ba bzhin du bar snang nyid las gzhan du ci yang med/ skye bo de rang dgar mig 'bras g.yo med du gtad nas bltas pas ngal te 'khrul na nam mkha' la ra ri sna tshogs tha dad pa mthong zhing / gzhan yang rnam pa sna tshogs pa'i ra ri rdzun pa'i mtshan ma zhi zhing 'byung ste/ gzugs kyi phung po nyid kyang 'di ltar shes par bya'o| |kun dga' bo/ ra ri de dag nam mkha' las byung ba ma yin/ mig las byung ba ma yin no| |kun dga' bo/ 'di ltar rig par bya ste/ gal te nam mkha' las byung ba yin zhe na/ nam mkha' las byung ba de nyid slar yang nam mkha' la thim par rigs so/ /gal te 'byung ba dang thim pa yod na/ nam mkha' stong pa ma yin par 'gyur ro/ /gal te stong pa de stong pa ma yin zhe na/ rang gi ra ri'i mtshan ma de dag rang bzhin gyis spros pa dang zhi ba'i go skabs med pa'i phyir/ kun dga' bo'i lus la lus de nyid thim par mi 'gyur ba dang 'dra'o/ /gal te mig las byung ba yin zhe na/ mig las byung ba de nyid slar yang mig la </font><hr>422b<br><font size=+1>


thim par rigs so/ /gzhan yang ra ri 'di dag gi rang bzhin ni/ mig las byung ba yin zhe na/ mthong ba yod par rigs so/ /gal te mthong ba yod ce na/ nam mkha' la song nas ra rir gyur pa yin na tshur la mig mthong bar rigs so/ /gal te mthong ba med ce na/ nam mkha' la song ste rab rib tu gyur nas tshur mig la sgrib par rigs so/ /yang rab ri mthong ba'i tshe mig la gdod ma nas rab rib tu gyur pa med do zhe na/ ji ltar na/ dwangs pa'i nam mkha' mthong ba la ni/ da gdod dag pa'i mig ces tha snyad 'dogs/ de'i phyir gzugs kyi phung po kun rdzob tsam du gyur cing gdod ma nas rten cing 'brel par 'byung ba ma yin/ rang byung ba'i rang bzhin ma yin zhes shes par bya'o/ /kun dga' bo/ dper na/ skye bo gang zhig rkang lag la nad med cing lus khams snyoms shing bde bar gnas pa la ji mi snyam par dran pa brjed pa ltar rang bzhin la phan pa dang gnod pa mi tshor bar skye bo de rang dgar nam mkha' la lag pa gnyis kyis thal mo sbyar nas mnye bzhin pa las rdzun pa tsam du lag pa gnyis las rtsub pa dang 'jam pa dang grang ba dang tsha ba la sogs pa sna tshogs pa'i mtshan ma 'byung ba ltar tshor ba'i phung po de kho na ltar shes par bya'o/ /kun dga' bo/ reg pa rdzun pa 'di stong pa las byung ba ma yin/ thal mo las byung ba ma yin no/ /kun dga' bo/ 'di ltar rig par </font><hr>423a<br><font size=+1>


@#/ /bya ste| gal te stong pa las byung ba yin zhe na/ ji ltar thal mo tsam la reg la lus la reg par mi 'gyur/ bar snang stong pa 'dis ris su bcad nas reg par mi rigs so/ /gal te thal mo las byung ba yin zhe na/ sbyor mi dgos so/ /gzhan yang thal mo las byung ba yin pas sbyar ba na thal mos tshor dgos so/ /phye ba na reg pa thim par 'gyur zhe na/ dpung pa dang lag ngar dang rus pa dang rkang nas bzung ste thams cad kyis gang nas brgyud de thim pa'i lam tshor bar rigs so/ /gdon mi za bar tshor ba'i sems yod cing 'byung ba dang thim pa shes so zhe na/ dngos po rang mtshan pa zhig yod cing lus la phan tshun du 'gro dgos pa zhig na/ ci'i phyir sbyar ba la ltos nas da gdod reg pa zhes tha snyad 'dogs/ de'i phyir tshol ba'i phung po kun rdzob tsam yin zhing gdod ma nas rten cing 'brel par 'byung ba ma yin/ rang byung ba'i rang bzhin ma yin zhes shes par bya'o/ /kun dga' bo/ dper na/ skye bo gang zhig shing thog sgyur po de'i sgyur ba'i ro gleng zhing smra ba na 'gram chu ldang ba dang / g.yang sa mthon pa'i khar 'breng bar sems pa na/ sgyid pa sgyur ba ltar 'du shes kyi phung po de kho na ltar shes par bya'o/ /kun dga' bo/ skyur po 'di gling zhing smras pa de shing thog skyur po las byung ba ma yin/ kha la </font><hr>423b<br><font size=+1>


zhugs pa ma yin no/ /kun dga' bo/ 'di ltar rig par bya ste/ gal te shing thog skyur po las byung ba yin zhe na/ shing thog rang nyid kyis smra bar rigs kyi/ skye bos smra ba la sgug ci dgos/ gal te kha la zhugs pa yin zhe na/ kha rang nyid kyis thos par rigs kyi/ rna ba la sgug ci dgos/ gal te rna ba kho nas thos pa tsam mo zhe na/ 'gram chu de ci'i phyir rna ba las mi 'byung / g.yang sa mthon po'i khar 'grang bar sems pa de skyur po gleng ba dang 'dra/ de'i phyir 'du shes kyi phung po kun rdzob tsam yin zhing gdod ma nas rten cing 'brel bar 'byung ba ma yin| rang byung ba'i rang bzhin ma yin zhes shes par bya'o/ /kun dga' bo/ dper na/ rgyun drag tu 'bab pa dang gnyer ma dang rlabs rgyun mi 'chad par snga phyi bstud mar mi 'tshol ba ltar 'du byed kyi phung po de kho na ltar shes par bya'o/ /kun dga' bo/ rgyun 'di'i rang bzhin stong pa la brten nas byung ba ma yin/ chu la brten nas byung ba ma yin/ chu'i rang bzhin yang ma yin/ yang stong pa dang chu dang bral ba yang ma yin no/ /kun dga' bo/ 'di ltar rig par bya ste/ gal te stong pa la brten nas byung ba yin zhe na/ phyogs bcu'i mtha' yas pa'i nam mkha' thams cad rgyun mtha' yas par 'gyur ba'i phyir 'jig rten gyi khams thams cad du rang nyid bying bar 'gyur ro/ /gal te chu la brten nas byung ba yin zhe na/ rgyun drag tu </font><hr>424a<br><font size=+1>


@#/ /'bab pa 'di'i rang bzhin chu yin par mi rigs shing de'i gnas dang de'i rnam pa da lta chu las tha dad par mngon sum du 'gyur bar rigs so/ /gal te chu'i rang bzhin yin zhe na/ dwangs pa'i tshe chu'i gnas lugs min zhes bya bar rigs so/ /gal te stong pa dang chu dang bral ba yin zhe na/ stong pa las gzhan du ci yang med cing / chu las gzhan du rgyun mi dmigs so/ /de'i phyir 'du byed kyi phung po kun rdzob tsam yin zhing gdod ma nas rten cing 'brel bar 'byung ba ma yin/ rang byung ba'i rang bzhin ma yin zhes shes par bya'o| |kun dga' bo/ dper na/ skye bo gang zhig bya ma bum thogs nas de'i bug pa gnyis bkag ste de'i nang du nam mkha' stong pas bkang bar rlom zhing khyer nas thag ring dpag tshad stong gi sar phyin nas rgyal khams gzhan la skyel ba ltar rnam shes kyi phung po kho na ltar shes par bya'o/ /kun dga' po/ nam mkha' stong pa phyogs de nas 'ongs pa ma yin/ phyogs 'di nas zhugs pa ma yin no/ /kun dga' bo/ 'di ltar rig par bya ste/ gal te phyogs de nas 'ongs pa yin zhe na/ bum pa'i nang du nam mkha' stong pas bkang ste khyer nas song ba'i phyir bum pa 'di'i rtsa ba'i gnas kyi nam mkha' cung zad bri bar 'gyur bar rigs so/ /gal te phyogs 'di nas zhugs pa yin zhe na/ bum pa phye nas bum pa kha sbub na nam mkha' </font><hr>424b<br><font size=+1>


phyir 'byung ba mthong bar rigs so/ /de'i phyir rnam shes kyi phung po kun rdzob tsam yin zhing gdod ma nas rten cing 'brel par 'byung ba ma yin/ rang byung ba ma yin zhes shes par bya'o| |de bzhin gshegs pa'i gsang ba sgrub pa'i don mngon par thob pa'i rgyu/ byang chub sems dpa' thams cad kyi spyod nga rgya mtsho ston pa/ sangs rgyas kyi gtsug tor dpa' bar 'gro ba zhes bya ba theg pa chen po'i mdo/ bam po gsum pa/ de nas kun dga' bo/ ji ltar na/ skye mched drug gdod ma nas de bzhin gshegs pa'i snying po don dam pa'i de kho na nyid yin zhe na/ kun dga' bo/ mig gis gzugs la gtad nas ngal ba'i rgyus 'khrul nas snang ba'i gzugs brnyan dang mtshungs la/ mig dang bcas pa ngal ba'i 'khrul pa thams cad byang chub kyi chos nyid kyis gtad nas 'khrul pa'i mtshan ma zhes bya ba ni/ snang ba dang mun pa gnyis bden pa ma yin pa'i yul la brten nas bar skabs der blta bar bya ba byung ste/ yul gyi rnam pa myong ba'i phyir lta ba'i de kho na nyid ces bya'o/ /blta bar bya ba 'di ni/ snang ba dang mun pa gnyis dang bral ba na gtan nas med do/ /kun dga' bo/ 'di ltar rig par bya ste/ blta bar bya ba 'di ni/ snang ba dang mun pa las byung ba ma yin/ dbang po las byung ba ma yin/ stong pa las byung ba ma yin no/ /de ci'i phyir zhe na/ gal te snang ba </font><hr>425a<br><font size=+1>


@#/ /las byung ba yin na/ de ma thag tu mun pa 'gag ste slar mun pa mi mthong bar 'gyur ro/ /gal te mun pa las byung ba yin na/ de ma thag tu snang ba 'gag ste snang ba mi mthong bar 'gyur ro/ /gal te dbang po las byung ba yin na/ ngos par snang ba dang mun pa med par 'gyur ro/ /'di ltar na/ blta bar bya ba dang lta bar byed pa'i shes pa gdod ma nas rang bzhin med do/ /gal te stong pa las byung ba yin zhe na/ mdun gyi yul mthong ba na phyir zhing dbang po yang mthong par rigs so/ /yang stong pa rang nyid mthong ba la khyod kyi skye mched la ltos pa 'brel med do/ /de'i phyir yig gi skye mched kun rdzob tsam yin zhing gdod ma nas rten cing 'brel par 'byung ba yang ma yin/ rang byung ba'i rang bzhin yang ma yin zhes shes par bya'o/ /kun dga' bo/ dper na/ skye bo gang zhig lag pa gnyis kyi sor mos rna ba dam du bkag nas rna ba'i dbang po ngal nas 'khrul pa na mgo po'i nang nas 'ur sgra grag pa dang 'dra/ rna ba dang bcas pa ngal ba'i 'khrul pa thams cad byang chub kyi chos nyid kyis gtad nas nga la zhing 'khrul pa'i mtshan ma yin zhing / g.yo ba dang mi g.yo ba gnyis bden pa yin pa'i yul la brten nas bar skabs der mnyan par bya ba 'byung ste/ yul gyi rnam pa myong ba'i phyir mnyan pa'i rang bzhin zhes </font><hr>425b<br><font size=+1>


gdags so/ /mnyan par bya ba 'di g.yo ba dang mi g.yo ba'i yul dang bral ba na gtan nas med do/ /kun dga' bo/ 'di ltar rig par bya ste/ mnyan pa 'di ni/ g.yo ba dang mi g.yo ba las byung ba ma yin/ dbang po las byung ba ma yin/ stong pa las byung ba ma yin no/ /de ci'i phyir zhe na/ gal te mi g.yo ba las byung ba yin na/ de ma thag tu g.yo bas 'gags nas g.yo ba thos par mi 'gyur ro/ /gal te g.yo ba las byung ba yin na/ de ma thag tu mi g.yo ba 'gags nas mi g.yo ba tshor bar mi 'gyur ro/ /gal te dbang po las byung ba yin na/ g.yo ba dang mi g.yo ba nges par med par 'gyur ro/ /'di ltar na mnyan par byed pa'i shes pa gdod ma nas rang bzhin med do/ /gal te stong pa las byung ba yin na/ mnyan pa'i rang bzhin du gyur pas rang nyid stong pa ma yin bar 'gyur ro/ /yang stong pa rang nyid thos pa yin na khyod kyi skye mched la ltos pa 'brel ched do/ /de'i phyir rna ba'i skye mched kun rdzob tsam yin zhing gdod ma nas rten cing 'brel par 'byung ba yang ma yin/ mang byung ba'i rang bzhin yang ma yin zhes shes par bya'o/ /kun dga' bo/ dper na/ skye bo gang zhig sna bug nas nang du rdub cing rdub pas ngal te 'khrul pa na sna'i nang du grang ba'i reg bya tsher bar 'gyur ro/ /reg pa las sna bug 'byed pa dang 'gag pa dang khong stong dang gong bu la sogs pa'i dri bzang ngan sna tshogs pa gsal bar 'byed do/ sna dang </font><hr>426a<br><font size=+1>


@#/ /bcas pa ngal ba'i 'khrul pa thams cad byang chub kyi chos nyid kyis gtad nas ngal zhing 'khrul pa'i mtshan ma yin zhing / /'byed pa dang 'gag pa gnyis bden pa ma yin pa'i yul la brten nas bar skabs der snom par bya bar 'byung ste/ yul gyi rnam pa myong ba'i snom pa'i rang bzhin zhes gdags so/ /snom par bya ba 'di 'byed pa dang 'gag pa gnyis kyi yul dang bral ba na gtan nas med do/ /'di ltar rig par bya ste/ snom par bya ba 'di ni/ 'byed pa dang 'gag pa las 'ongs pa ma yin/ dbang po las byung ba ma yin/ stong pa las byung ba ma yin no/ /de ci'i phyir zhe na/ gal te 'byed pa las 'ongs pa yin zhe na/ 'gag pa'i tshe snom par bya ba 'gag par gyur cing / ji ltar na sna bug 'gag pa shes par 'gyur/ /gal te 'gag pa las 'ongs pa yin na/ 'byed pa'i tshe snom par bya ba med cing dri bzang ngan la sogs pa'i reg pa ji ltar gsal bar 'byed/ gal te dbang po las byung ba yin zhe na/ 'byed pa dang 'gag pa gdon mi za bar med par 'gyur ro/ /'di ltar na snom par byed pa'i rig pa gdod ma nas rang bzhin med do/ /gal te stong pa las byung ba yin zhe na/ snom par bya ba 'di nyid tshur khyod kyi sna la snom par rigs so/ /stong pa rang nyid snom par byed na khyod kyi skye mched la ltos pa 'brel med do/ /de'i phyir sna'i skye </font><hr>426b<br><font size=+1>


mchod kun rdzob tsam yin zhing / gdod ma nas rten cing 'brel par 'byung ba ma yin/ /rang byung ba'i rang bzhin ma yin zhes shes par bya'o/ /kun dga' bo/ dper na/ skye bo gang zhig lces rang gi ma chu la bldag cing bldag nas ngal zhing 'khrul pa na skye bo de nad can yin na kha ba'i ro bro bar 'gyur la/ skye bo nad med yin na cung zad mngar ba'i ro bro bar 'gyur ro/ /lce ma 'gul ba'i dus su ro mngar ba dang kha ba tshor ba lta zhog ro bro ba tsam yang med cing dkyus ma'i gnas tshul mngon du gyur pa dang 'dra'o/ /lce dang bcas pa ngal ba'i 'khrul pa thams cad byang chub kyi chos nyid kyis gtad nas ngal zhing 'khrul pa'i mtshan ma yin zhing / mngar ba dang kha ba'i ro dang / ro mo bro ba ste rnam pa gnyis bden pa ma yin pa'i yul la brten nas bar skabs der shes pa skye ste/ yul gyi rnam pa myong ba'i phyir ro shes pa'i rang bzhin gdags zhes bya'o/ /ro shes pa'i rang bzhin 'di mngar ba dang kha ba'i ro dang / ro mi bro ba ste yul de gnyis dang bral ba na gtan nas med do/ /kun dga' bo/ 'di ltar rig par bya ste/ ro kha ba dang ro mi bro ba nyams su myong ba'i shes pa ro mngar ba dang kha ba las byung ba ma yin/ ro mi bro ba las byung ba ma yin/ dbang po las byung ba yang ma yin/ stong pa las byung ba ma yin no/ /de ci'i phyir zhe na/ gal te ro mngar ba dang kha ba las byung ba yin zhe na/ ro med pa'i tshe shes </font><hr>427a<br><font size=+1>


@#/ /pa 'gag cing ji ltar ro med par shes par 'gyur/ gal te ro med pa las byung ba yin zhe na/ ro yod pa'i shes pa med cing / mngar ba dang kha ba'i ro ji ltar shes par 'gyur/ gal te lce las byung ba yin zhe na/ mngar ba dang kha ba'i ro dang ro mi bro ba gdon mi za bar med par 'gyur ro/ /'di ltar na ro 'di shes pa'i dbang po gdod mnas rang bzhin med do/ /gal te stong pa las byung ba yin zhe na/ stong pa rang nyid kyis myong bar 'gyur zhing khyod kyi khas shes pa ma yin par 'gyur ro/ /yang stong pa rang nyid kyis shes pa yin zhe na/ khyod kyi skye mched la ltos pa 'brel med do/ /de'i phyir lce'i skye mched kun rdzob tsam yin zhing / gdod ma nas rten cing 'brel par 'byung ba ma yin/ rang byung ba'i rang bzhin ma yin zhes shes par bya'o/ /kun dga' bo/ dper na/ skye bo gang zhig lag pa grang mos lag pa dron mol reg pa'i rjes su grang ba'i reg pa shugs che na dro ba de grang bar 'gyur ba dang / dro ba'i reg pa shugs chen grang ba de dro bar 'gyur ba dang 'dra/ de bzhin du 'di gnyis mnyam du 'phrad cing tshor ba'i reg pa 'di bral ba las shes pa mngon du gyur cing / shugs la ltos pa'i phyir tshor ba'i ngal ba 'khrul pa las gyur ba yin no/ /lus dang bcas pa ngal nga'i 'khrul pa thams cad byang chub kyi chos nyid kyis </font><hr>427b<br><font size=+1>


gtad nas ngal zhing 'khrul pa'i mtshan ma yin zhing / 'bral ba dang 'phrad pa gnyis den pa ma yin pa'i yul la brten nas bar skabs der shes pa skye ste/ yul gyi rnam pa myong ba'i phyir shes pa'i rang bzhin zhes gdags so/ /shes pa'i phung po 'di 'bral ba dang 'phrad pa dang phan pa dang gnod pa ste yul de gnyis dang bral ba na gtan nas med do/ /kun dga' bo| 'di ltar rig par bya ste/ shes pa 'di 'bral ba dang 'phrad pa las byung ba ma yin/ phan pa dang gnod pa las byung ba ma yin/ dbang po las byung ba ma yin/ stong pa las byung ba yang ma yin no/ /de ci'i phyir zhe na/ gal te 'phrad pa'i dus su byung ba yin zhe na/ bral ma thag tu 'gag pa'i phyir bral ba ji ltar shes par 'gyur/ phan pa dang / gnod pa'i mtshan ma gnyis de nyid dang 'dra'o/ /gal te dbang po las byung ba yin zhe na/ gdon mi za bar 'bral ba dang 'phrad pa dang phan pa dang gnod pa'i mtshan ma bzhi med par 'gyur ro/ /'di ltar na| khyod kyi lus kyi shes pa gdod ma nas rang bzhin med do/ /gdon mi za bar stong pa las byung ba yin zhe na/ stong pa rang nyid kyis shes par 'gyur ba'i phyir khyod kyi skye mched la ltos pa 'brel med do/ /de'i phyir lus kyi skye mched kun rdzob tsam yin zhing / gdod ma nas rten cing 'brel par 'byung ba ma yin/ rang byung ba'i rang bzhin yang ma yin zhes shes par bya'o// </font><hr>428a<br><font size=+1>


@#/ /kun dga' bo/ dper na/ skye bo gang zhig ngal zhing du ba nas gnyid log log pa las sad par gyur pa dang yul mthong zhing sems kyi kun rtog 'char la sems g.yengs nas 'phral du brjed pa dang 'dra/ de ltar log par rtog pas rim bzhin du skye ba dang / gnas pa dang / 'pho ba dang / 'gag pa'i bag chags smin pa myong ba'i dbang gis rim pa mi 'chol bar 'byung ba ni/ yid kyi shes pa'i dbang po zhes bya'o/ /yid dang bcas pa ngal ba'i 'khrul ba thams cad byang chub kyi chos nyid kyis gtad nas ngal zhing 'phrul ba'i mtshan ma yin zhing / skye 'gag gnyis bden pa ma yin pa'i yul la brten nas bar skabs der shes pa 'dus te/ mthong ba dang thos pa nang du log nas 'jug tu med pa'i yul skye zhing 'gag pa'i nang gi don myong ba'i phyir shes pa'i rang bzhin zhes gdags so/ /shes pa'i rang bzhin 'di sad gnyid dang / skye 'gag ste yul de gnyis dang bral ba na gtan nas med do/ /kun dga' bo/ 'di ltar rig par bya ste/ shes pa'i dbang po 'di sad pa dang gnyid log pa las byung ba ma yin/ skye 'gag las byung ba ma yin/ dbang po las byung ba ma yin/ stong pa las byung ba yang ma yin no/ /de ci'i phyir zhe na/ gal te sad pa las byung ba yin na/ gnyid log nas 'phral du 'gag pa'i phyir gang zhig </font><hr>428b<br><font size=+1>


gnyid log pa yin zhes bya/ gdon mi za bar skyes pa'i tshe byung ba yin zhe na/ 'gag na med pa nyid dang 'dra/ 'gag pa su zhig gis tshor/ gal te 'gag pa las byung ba yin zhe na/ skyes pas 'gag pa gtan nas med cing / skyes pa shes pa po su zhig /gal te dbang po las byung ba yin zhe na/ sad pa dang gnyid log pa'i mtshan ma gnyis lus kyi dbang gis 'byed pa dang sdud par 'gyur ro/ /dngos po 'di gnyis dang bral ba na de shes pa'i shes pa nam mkha'i me tog bzhin gtan nas rang bzhin med do/ /gal te stong pa las byung ba yin zhe na/ stong pa rang nyid shes pa por 'gyur bas khyod kyi skye mched la ltos pa 'brel med do/ /de'i phyir yid kyi skye mched kun rdzob tsam yin zhing / gdod ma nas rten cing 'brel bar 'byung ba ma yin| |rang byung ba'i rang bzhin ma yin zhes shes par bya'o/ /slar yang kun dga' bo/ ji ltar na/ skye mched bcu gnyis gdod ma nas de bzhin gshegs pa'i snying po dam pa'i rang bzhin yin zhe na/ kun dga' bo/ khyod kyis da lta ltos shig /dze ta'i tshal 'di dang / yang chu mig dang rdzing bu la sogs pa sna tshogs su mthong ba 'di ji snyam du sems/ 'di dag gzugs las mig gi yul du gyur pa yin zhe'am/ mig gis gzugs kyi mtshan mar gyur ba yin zhe'am/ kun dga' bo/ gal te mig gi dbang po las gzugs kyi mtshan </font><hr>429a<br><font size=+1>


@#/ /mar gyur pa yin zhe na/ stong pa mthong ba'i tshe gzugs ma yin na/ gzugs kyi rang bzhin zhi bar rigs so/ /zhe na mngon sum du yod pa thams cad ci yang med par 'gyur ro/ /gzugs kyi mtshan ma med par gyur na/ spyir stong pa'i gnas lugs sus shes/ stong pa yang de kho na dang 'dra'o/ /gal te yul gzugs las \?\ mig gis mthong ba yin zhe na/ stong pa mthong ba'i tshe gzugs ma yin pa zhig na mthong ba nyid 'phral du zhi zhing 'gag go /'gag na thams cad ci yang med par 'gyur zhing / stong pa dang gzugs sus shes/ de'i phyir yul can mthong ba dang yul gzugs dang stong pa thams cad skye zhing mched pa'i gnas med do/ /gzugs dang mthong ba'i skye mched kun rdzob tsam yin zhing / gdod ma nas rten cing 'brel bar 'byung ba ma yin/ rang byung ba'i rang bzhin yang ma yin zhes shes par bya'o/ /kun dga' bo/ khyod legs par nyon la dpyod cig /dze ta'i tshal 'di'i nang du zas bshams pa'i rjes su rnga brdung ba dang / dge 'dun mang po 'du ba la dril chen brdung ba'i tshe rnga dang dril chen gyi sgra snga phyi bar mchad par grags par 'gyur ro/ /'di ji snyam du sems/ sgra 'di dang rna ba'i drung du 'ongs pa yin snyam mam/ rna ba sgra'i gnas su song ba yin snyam/ kun </font><hr>429b<br><font size=+1>


dga' bo/ gal te sgra 'di rna ba'i drung du 'ongs pa yin zhe na/ dper na/ nga mnyan yod kyi grong khyer du bsod snyoms la phyin pa na dze ta'i tshal du nga med pa dang 'dra/ sgra 'di gdon mi za par kun dga' bo'i rna ba la 'ongs pa'i phyir maung+gal gyi bu dang 'od srung la sogs pa thams cad kyi rna bar mi thos par rigs na/ 'di'i nang du dge slong stong nyis brgya lnga bcu po dag dril chen gyi sgra thos ma thag tu thams cad lhan cig tu bkad sar 'dus nas 'ong ba lta ci smos/ slar yang khyod kyi rna ba sgra de'i gnas su song ba yin zhe na/ dper na/ nga dze ta'i tshal du 'ongs nas 'dug pa na nga mnyan yod kyi grong khyer du med pa dang 'dra/ khyod kyis rnga'i sgra thos nas rna ba 'phral du rnga brdung ba'i sar song ba'i phyir mnyam du byung ba'i dril chen gyi sgra mi thos par rigs na/ de'i nang du glang po che dang rta dang phyugs dang lug la sogs pa sna tshogs pa'i sgra skad rnams lta ci smos/ gal te 'gro ba dang 'ong ba ni med na yang thos pa nyid med do/ / de'i phyir thos pa dang sgra'i gdangs thams cad gnas kyang med/ thos pa dang yul sgra gnyis kun rdzob tsam yin zhing / gdod ma nas rten cing 'brel bar 'byung ba yang ma yin/ rang byung ba'i rang bzhin yang ma yin zhes shes par bya'o/ /kun dga' bo/ /yang khyod spos snod kyi nang du bsregs pa'i tsan+dan gyi dri la snoms shing / /tsan+dan 'di las cung zad cig bsregs </font><hr>430a<br><font size=+1>


@#/ /pa na mnyan yod kyi grong khyer gyi mtha' skor kun nas rgyang grags bzhi bcu'i nang du dus gcig tu thams cad kyis dri tshor bar 'gyur ro/ /'di ji snyam du sems| tsan+dan gyi dri 'di tsan+dan gyi shing las skyes pa yin snyam mam/ khyod kyi sna las skyes pa yin snyam mam/ yang na stong pa las skyes pa yin snyam mam/ kun dga' bo/ gal te tsan+dan gyi dri 'di khyod kyi sna las skyes pa yin zhe na/ sna las skyes pa de nyid sna las 'byung bar rigs na/ sna de tsan+dan ma yin no/ /ci'i phyir sna'i nang du tsan+dan gyi dri yod par 'gyur/ khyod gyis tsan+dan gyi dri tshor ro zhe na/ snar 'jug par rigs pas sna'i nang nas tsan+dan gyi dri byung ba la tshor ro zhes smra bar mi rigs so/ /gal te stong pa las skyes pa yin zhe na/ stong pa'i rang bzhin rtag pa yin pa'i phyir tsan+dan gyi dri de rtag par 'gyur bar rigs so/ /spos kyi snod kyi nang du shing skam po 'di bsreg ci dgos/ gal te shing las skyes pa yin zhe na/ ci'i phyir tsan+dan bsregs pa 'di las da gdod du ba byung ba yin/ snas tshor ro zhe na/ ci'i phyir du ba'i dri la sgug ci dgos/ du ba de nam mkha' la song nas thag ring por ma phyin pa la rgyang grags bzhi bcu'i bar du thams cad kyis ji ltar dri tshor bar 'gyur/ de'i phyir tsan+dan dang snas dri snom pa thams cad gnas kyang med/ snom pa dang yul dri gnyis kun rdzob tsam yin zhing / </font><hr>430b<br><font size=+1>


gdod ma nas rten cing 'brel bar 'byung ba yang ma yin/ rang byung ba'i rang bzhin yang ma yin zhes shes par bya'o/ /kun dga' bo/ khyod dus gnyis su tshogs mang po dang mnyam du bsod snyoms la 'gro bar 'gyur la/ de ltar 'gro ba na 'ga' zhig tu zho 'o ma mar khu bdud rtsi lta bu rnyed nas zos te ro mchog ces tha snyad 'dogs so/ /'di ji snyam du sems/ ro 'di stong pa las skyes pa yin snyam mam/ lce las skyes pa yin snyam mam/ yang na zas las skyes pa yin snyam/ kun dga' bo/ gal te ro 'di khyod kyi lce las skyes pa yin zhe na/ khyod kyi kha'i nang du lce gcig nyid yin zhing / lce 'di la de'i tshe 'o ma'i ros khyab par gyur pa yin la/ ka ra zos pa na yang ro gzhan du mi 'gyur bar rigs na/ ro gzhan du ma gyur pa de nyid la ro shes pa zhes brjod du mi rung ngo / /gzhan du 'gyur na lce mang po ma yin pa'i phyir ji ltar lce gcig gis ro de snyed cig shes par 'gyur/ gal te zas las skyes pa yin zhe na/ zas la shes pa med cing / ji ltar rang gis shes par 'gyur/ zas rang nyid kyis shes pa yin na/ gzhan gyis zos pa dang 'dra bas khyod kyis ro shes pa 'brel med do/ /gal te stong pa las skyes pa yin zhe na/ nam mkha' stong pa'i ro myong bar gyis shig dang ro ji ltar 'jug /gdon mi za bar nam mkha' stong pa'i ro de lan tshwa'i ro'o zhe na/ khyod kyi lces lan tshwa'i ro myong bar 'gyur zhing / khyod kyi </font><hr>431a<br><font size=+1>


@#/ /bzhin la yang lan tshwa'i ro myong bar 'gyur ro/ /de ltar na 'jig rten 'di'i skye bo thams cad rgya mtsho'i nya dang 'dra bar rtag tu lan tshwa'i ro tshor ba'i phyir ro mi bro ba gtan mi shes par 'gyur ro/ /ro mi bro ba mi shes na lan tshwa'i ro mi tshor bar 'gyur ro/ /gdon mi za bar shes pa med ce na/ ji ltar ro zhes tha snyad 'dogs/ de'i phyir ro dang lce dang bro ba thams cad gnas kyang med/ bro ba dang yul ro gnyis kun rdzob tsam yin zhing / gdod ma nas rten cing 'brel bar 'byung ba yang ma yin/ rang byung ba'i rang bzhin yang ma yin zhes shes par bya'o/ /kun dga' bo/ khyod nang re bzhin du lag bas mgo la byug par byed pa de ji snyam du sems/ byugs nas reg cing shes pa de sus shes pa yin| shes pa de lag pa la yod dam/ mgo la yod dam/ gal te lag pa la yod ce na/ mgo la shes ma med par 'gyur zhing / ji ltar na reg pa tshor ba yin zhes bya/ gal te mgo la yod ce na/ lag pas byug mi dgos pa'i phyir/ ji ltar reg pa zhes tha snyad 'dogs su rung / gal te so sor yod ce na/ kun dga' bo/ khyod kyi lus gnyis su 'gyur bar rigs/ gal te mgo dang lag pa lhan cig tu reg par 'gyur ba yin zhe na/ mgo dang lag pa gnyis yan lag gcig tu 'gyur bar rigs/ gal te yan lag gcig </font><hr>431b<br><font size=+1>


yin na| reg pa de mi 'byung bar 'gyur ro/ /gal te yan lag gnyis yin na/ reg pa de gang la gnas/ reg byed la yod na reg bya ma yin/ reg bya la yod na reg byed ma yin/ stong pa de khyod kyi reg byar mi rigs so/ /de'i phyir shes pa dang reg bya lus thams cad gnas kyang med/ lus dang yul reg bya gnyis kun rdzob tsam yin zhing / gdod ma nas rten cing 'brel bar 'byung ba yang ma yin/ rang byung ba'i rang bzhin yang ma yin zhes shes par bya'o/ /kun dga' bo/ khyod kyi sems rgyud dang 'brel ba'i dge ba dang mi dge ba dang lung ma bstan gsum po de ni/ gdod ma nas rang grub pa'i chos kyi gnas lugs yin no/ /chos 'di sems nyid las skyes pa yin snyam mam/ yang na sems las logs su bral te gnas pa'i gnas yod dam/ kun dga' bo/ gal te sems nyid las skyes pa yin zhe na/ chos kyi gnas lugs de yul ma yin zhing / sems rgyud dang 'brel ba yang ma yin par 'gyur ba'i phyir ji ltar gnas su 'grub par 'gyur/ gal te sems las logs su bral te tha dad du gnas pa'i gnas yod ce na/ chos kyi de kho na nyid de la shes pa yod dam/ shes pa med/ shes pa yod na shes pa de la sems zhes bya la/ khyod las tha dad cing yul ma yin par 'gyur na/ gzhan gyi sems su gyur pa dang 'dra'o/ /khyod nyid khyod kyi sems yin zhe na/ </font><hr>432a<br><font size=+1>


@#/ /khyod kyi sems ji ltar khyod las tha dad du 'gyur/ gal te shes pa med ce na/ yul 'di gzugs sgra dri ro dang 'bral ba dang 'phrad pa dang grang ba dang tsha ba la sogs pa stong pa'i mtshan ma ma yin pa la gang la gnas par 'gyur/ da lta gzugs dang stong pa la mngon sum du bstan du med pa'i phyir 'jig rten na stong pa las gzhan dngos po yod dam/ sems rgyud dang 'brel ba yang ma yin na/ gnas gang la brten nas gnas/ de'i phyir chos kyi gnas lugs dang sems thams cad gnas kyang med/ sems dang yul chos gnyis kun rdzob tsam yin zhing / gdod ma nas rten cing 'brel bar 'byung ba yang ma yin/ rang byung ba'i rang bzhin yang ma yin zhes shes par bya'o/ /de nas yang kun dga' bo khams bco brgyad po 'di gdod ma nas de bzhin gshegs pa'i snying po dam pa'i rang bzhin yin zhe na/ kun dga' bo/ khyod kyis shes pa de mig dang gzugs 'brel ba las mig gi rnam par shes pa skyes pa zhes bya'o/ /rnam par shes pa 'di mig las skyes shing mig gi khams su 'gyur ba yin nam/ yang na gzugs las skyes shing gzugs kyi khams su 'gyur ba yin/ kun dga' bo/ gal te mig las skyes pa yin zhe na/ gzugs dang stong pa rnam pa gnyis med pa la tha dad du byar med do/ /khyod kyi rnam par shes </font><hr>432b<br><font size=+1>


ba ji ltar yod kyang dgos pa ci/ khyod kyi mthong ba yang sngo ser dkar dmar ma yin zhing / mtshan mar bzung nas bstan du mi rung na/ ci zhig khams su 'gyur/ gal te gzugs las skyes pa yin zhe na/ stong pa tsam la gzugs med pa'i tshe khyod kyi rnam par shes pa 'gag par rigs/ ji ltar rnam par shes pas stong pa nyid ces shes pa yin/ gal te gzugs 'gyur ba'i tshe khyod nyid kyi gzugs kyi mtshan ma 'pho zhing 'gyur bar shes par rigs kyi/ khyod kyi rnam par shes pa mi 'pho bas/ khams ji ltar grub pa yin/ mnyam du 'gyur ba yin zhe na/ 'phral du 'gyur ba yin pas/ khams kyi mtshan ma rang nyid med par 'gyur ro/ /mi 'gyur zhe na/ rtag par 'gyur ro/ /gzugs las skyes na/ stong pa'i gnas lugs rnam par shes pas mi shes par rigs/ gal te mig dang gzugs rnam pa gnyis 'phrad pa las byung ba yin zhe na/ 'phrad pa na de dbus dang bral bar 'gyur/ bral na tha dad pa gnyis 'phrad par 'gyur ro/ /rang bzhin 'dres shing 'khrugs pas ji ltar khams su 'grub par 'gyur/ de'i phyir mig dang gzugs 'brel ba las mig gi rnam par shes pa'i khams skye ba'i gnas gsum po thams cad med do/ /mig dang gzugs dang gzugs kyi khams rnam pa gsum gdod ma nas rten cing 'brel bar 'byung ba yang ma yin/ rang byung ba'i rang bzhin </font><hr>433a<br><font size=+1>


@#/ /yang ma yin par shes par bya'o/ /kun dga' bo/ yang khyod kyi shes pa de rna ba dang sgra 'brel nas rna ba'i rnam par shes pa skyes pa zhes bya'o/ /rnam par shes pa 'di rna ba las skyes nas rna ba'i khams su 'gyur ba yin nam/ yang na sgra las skyes nas sgra'i khams su 'gyur ba yin/ kun dga' bo/ gal te rna ba las skyes pa yin zhe na/ g.yo ba dang mi g.yo ba'i mtshan ma gnyis mngon du ma gyur par dbang pos shes par mi nus pa'i phyir gdon mi za bar shes pa med par 'gyur ro/ /shes pa yang med par 'gyur ba la rnam par shes pa'i mtshan ma dang gzugs ji lta bu yin/ gal te rna bas thos par nus she na/ g.yo ba dang mi g.yo ba med par thos pa 'grub par mi 'gyur/ ji ltar rna ba'i gzugs dang reg pa la sogs pa'i yul 'dres pa la rnam par shes pa'i khams zhes tha snyad 'dogs par 'gyur/ 'di la rna ba'i rnam par shes pa'i khams kyang gang la brten nas grub pa yin/ gal te sgra las skyes pa yin zhe na/ rnam par shes pa de sgra las skyes pa'i phyir thos pa la 'brel med do/ /thos pa med na/ sgra'i mtshan ma yod pa'i gnas med do/ /rnam par shes pa de sgra las skyes pa yin zhe na/ sgra de thos pa las brten pa'i rkyen gyis sgra'i mtshan ma yod ces par yang 'gyur ro/ /thos pas rnam par shes </font><hr>433b<br><font size=+1>


pa thos par rigs/ ma thos she na/ khams ma yin par 'gyur/ thos she na/ sgra dang 'dra bar 'gyur la rnam par shes pa de thos par 'gyur na su zhig gis rnam par shes pa thos shing shes pa yin/ gal te shes pa med ce na/ rtswa dang shing 'ba' zhig dang 'dra bar 'gyur ba'i phyir sgra dang thos pa gnyis 'dres pas khams de'i dbus 'grub par mi 'gyur ro/ /khams la gnas dbus ma med na/ phyi nang ge mtshan ma gang las 'grub/ de'i phyir rna ba dang sgra 'brel nas rna ba'i rnam par shes pa'i khams dang skye ba'i gnas gsum po thams cad med/ rna ba dang sgra dang sgra'i khams rnam pa gsum po gdod ma nas rten cing 'brel par 'byung ba ma yin/ rang byung ba'i rang bzhin ma yin zhes shes par bya'o/ /kun dga' bo/ yang khyod kyi shes pa de sna dang dri 'brel nas sna'i rnam par shes pa skyes pa zhes bya'o/ /rnam par shes pa 'di sna las skyes shing sna'i khams su gyur pa yin nam/ yang na dri las skyes shing dri'i khams su gyur pa yin/ kun dga' bo/ gal te sna las skyes pa yin zhe na/ khyod kyis gang zhig sna yin snyam du sems/ sha'i mtshan ma sna gshog gnyis po'i gzugs de yin snyam mam/ yang na snom nas shes pa po/ g.yo ba'i rang bzhin yin snyam/ gal te sha'i mtshan ma yin zhe na/ sha'i gzugs nyid lus yin zhing lus kyi shes pa de nyid reg bya'o/ /lus zhes tha snyad 'dog </font><hr>434a<br><font size=+1>


@#/ /na sna ma yin par 'gyur ro/ /reg bya zhes tha snyad 'dogs na yul nyid du 'gyur ro/ /sna yang tha snyad 'dogs par 'ongs pa'i gnas ma rnyed pa la ji ltar khams gnas par 'gyur/ gal te snom nas shes pa de yin zhe na/ yang khyod kyis gang zhig shes pa yin snyam du sems/ sha de shes pa yin snyam na/ shes shes ba de reg byar 'gyur gyi sna ma yin no/ /stong ba de shes pa yin snyam na/ stong pa rang nyid kyis shes pa'i phyir shes mi tshor bar rigs so/ /des na stong pa nyid khyod nyid du 'gyur gyi khyod kyi lus shes pa ma yin na/ da lta kun dga' bo zhes bya ba med par rigs so/ /dri de shes pa yin snyam na/ shes pa de rang nyid dri'i nang du tshud pa'i phyir khyod la 'brel ci yod/ gal te dri bzang ngan nges par khyod kyi sna las skyes pa yin zhe na/ dri bzang ngan gnyis 'byung ba de/ e raN+Da dang tsan+dan gnyis las mi 'byung bar rigs/ dri gnyis po de ma byung ba'i sngon du khyod kyis snas snom nas ltos shig /dri zhim po yin nam dri nga ba yin/ dri nga ba yin na/ dri zhim po ma yin par 'gyur ro/ /dri zhim po yin na/ dri nga ba ma yin par 'gyur ro/ /gal te dri bzang ngan gnyis po thams cad snom nus na/ khyod mi gcig la sna gnyis 'byung bar rigs/ nga las chos dri ba po'i kun dga' bo gnyis yod pas </font><hr>434b<br><font size=+1>


gang zhig khyod kyi lus su byung ba yin/ gal te sna gcig yin zhe na/ dri bzang ngan gnyis med par 'gyur bar rigs/ dri nga ba yang dri zhim por 'gyur ba dang / dri zhim po yang dri nga bar mi 'gyur na/ rang bzhin gnyis med pa la khams gang la brten nas gnas/ gal te dri las byung ba yin zhe na/ rnam par shes pa dri las byung ba de dper na/ mig gis yul mthong la tshur mi gnyid mthong mi nus pa bzhin/ dri las skyes pa la dri de mi shes par rigs/ shes pa yin zhe na/ dri las skyes pa ma yin no/ /mi shes she na/ rnam par shes pa ma yin no/ /dri de shes pa las byung ba ma yin na/ dri'i khams mi 'grub par 'gyur ro/ /rnam par shes pa des dri mi shes na/ rnam par shes pa'i khams kyang dri la brten nas gnas pa ma yin par 'gyur ro| |dbus ma med na/ phyi nang mi 'grub pa'i phyir snom pa'i rang bzhin de dag mthar gtugs na kun rdzob tsam mo/ /de'i phyir sna dang dri 'brel nas sna'i rnam par shes pa'i khams dang skye ba'i gnas gsum po thams cad med/ sna dang dri dang dri'i khams rnam pa gsum po gdod ma nas rten cing 'brel par 'byung ba ma yin/ rang byung ba'i rang bzhin ma yin zhes shes par bya'o/ /kun dga' bo/ yang khyod kyi shes pa de lce dang ro 'brel nas lce'i rnam par shes pa skyes pa zhes bya'o/ /rnam par shes pa 'di lce las skyes shing lce'i khams su gyur pa </font><hr>435a<br><font size=+1>


@#/ /yin nam/ yang na ro las skyes shing ro'i khams su gyur pa yin/ kun dga' po/ gal te lce las skyes pa yin zhe na/ 'jig rten thams cad kyi bu ram shing dang skyu ru ra dang hong len dang tshwa dang ming can nag po dang sga dang shing tshwa'i ro thams cad med pa'i tshe khyod kyis rang gi lce'i ro myong ba la ltos/ mngar bar snang ngam/ kha bar snang / gal te lce'i rang bzhin kha ba yin zhe na/ su zhig 'ongs nas lce'i ro myong ba yin/ lce rang nyid kyis ro myong bar mi nus she na/ sus rig nas shes pa yin/ lce'i rang bzhin kha ba ma yin zhe na/ ro rang nyid mi skye ba'i phyir ji ltar khams su gyur nas gnas/ gal te ro las skyes pa yin zhe na/ rnam par shes pa ro nyid du 'gyur ro/ /lce'i dbang po bzhin du rang nyid myong mi nus pa'i phyir ji ltar ro dang ro ma yin pa rig nas shes par 'gyur/ yang ro sna tshogs dngos po gcig las skyes pa ma yin zhe na/ ro mang po skyes pa la rnam par shes pa'i phung po yang mang por 'gyur bar rigs/ gal te rnam par shes pa'i phung po gcig yin zhing / nges par phung po ro las skyes pa yin zhe na/ lan tshwa dang ro mi gro ba dang mngar ba dang ro tsha ba rnams sbyar ba dang lhan skyes dang 'gyur ba'i ro sna tshogs pa so so'i mtshan ma thams cad ro gcig tu 'gyur bas na/ so sor </font><hr>435b<br><font size=+1>


dbye bar byar med par rigs/ so sor dbye bar byar med na/ rnam par shes pa zhes tha snyad 'dogs su mi rung ngo / /ci'i phyir lce dang ro dang rnam par shes pa'i khams zhes tha snyad btags/ nam mkha' stong pa khyod kyi yid kyi rnam par shes pa'i ngo bor skye bar mi rigs so/ /lce dang ro 'dres shing 'phrad pa yin zhe na/ 'di'i dbus su gdod ma nas de bzhin nyid med pa la ji ltar khams skye bar 'gyur/ de'i phyir lce dang ro 'brel nas lce'i rnam par shes pa'i khams skye ba'i gnas gsum po thams cad med/ lce dang ro dang lce'i khams rnam pa gsum po gdod ma nas rten cing 'brel bar 'byung ba ma yin/ rang byung ba'i rang bzhin ma yin zhes shes par bya'o/ /kun dga' bo/ yang khyod kyi shes pa de lus dang reg bya 'brel nas lus kyi rnam par shes pa skyes pa zhes bya'o/ /rnam par shes pa 'di lus las skyes shing lus kyi khams su gyur pa yin nam/ yang na reg bya las skyes shing reg bya'i khams su gyur pa yin| kun dga' bo/ gal te lus las skyes pa yin zhe na/ nges par 'phrad pa dang 'bral ba gnyis shes pas rig pa 'brel ba med par 'gyur ba'i phyir lus ci zhig gis shes pa yin| gal te reg bya las skyes pa yin zhe na/ nges par khyod kyi lus med par 'gyur ba'i phyir sus lus med pa la 'phrad pa dang 'bral ba shes par 'gyur/ kun dga' bo/ </font><hr>436a<br><font size=+1>


@#/ /dngos po des reg bya mi shes shing / lus des reg bya yod bar shes so/ /lus kyis shes pa de reg bya nyid do/ /reg bya shes pa de lus nyid do/ /reg bya yin na lus ma yin/ lus yin na reg bya ma yin/ lus dang reg bya'i mtshan ma gnyis gdod ma nas gnas kyang med/ lus dang 'phrad pa na lus kyi phung po'i rang bzhin nyid du 'gyur/ lus dang bral ba na khong stong la sogs pa'i mtshan mar 'gyur ro/ /phyi nang ma grub pa la dbus ji ltar gnas/ dbus mi gnas na phyi nang gi rang bzhin stong par 'gyur ba'i phyir khyod kyi rnam par shes pa skyes pa de gang la brten nas khams gnas/ de'i phyir lus dang reg bya 'brel nas lus kyi rnam par shes pa'i khams skye ba'i gnas gsum po med/ lus dang reg bya dang lus kyi khams gsum po gdod ma nas rten cing 'brel par 'byung ba ma yin/ rang byung ba'i rang bzhin yang ma yin zhes shes par bya'o/ /kun dga' bo/ yang khyod kyi shes pa de yid dang chos 'brel nas yid kyi rnam par shes pa skyes pa zhes bya'o/ /rnam par shes pa 'di yid las skyes shing yid kyi khams su gyur pa yin nam/ yang na chos las skyes shing chos kyi khams su gyur pa yin/ kun dga' bo/ gal te yid las skyes pa yin zhe na/ khyod </font><hr>436b<br><font size=+1>


kyi yid la gdon mi za bar bsam par bya ba yod pa'i phyir khyod kyi yid mngon sum du 'byung bar 'gyur ro/ /gal te mdun gyi chos med na yid skye ba yang med/ 'brel pa dang bral na mtshan ma med pa'i phyir rnam par shes pa ga la dgos/ yang khyod kyi yid kyi rnam par shes pa dang sna tshogs pa'i rtog pa dang spros pa la sogs phye nas shes pa'i rang bzhin 'dra'o snyam mam/ tha dad do snyam du sems yid dang 'dra na yid nyid du gyur pas/ ji ltar yid las skyes pa zhes brjod/ yid las tha dad cing 'dra ba ma yin zhe na/ shes par bya ba med par 'gyur bar rigs| gal te shes par bya ba med na ji ltar yid las skyes pa zhes brjod/ gal te shes par bya ba yod na ji ltar yid kyi rnam par shes pa zhes brjod/ 'di la 'dra ba dang tha dad gnyis kyi rang bzhin mi 'grub pa la khams gang la gnas/ gal te chos las skyes pa yin zhe na/ /'jig rten gyi chos thams cad yul lnga dang mi 'bral lo/ /khyod kyis dpyod la ltos shig /gzugs kyi chos dang sgra dang dri dang ro dang reg bya la sogs pa'i chos rnams kyi mtshan ma dang rnam pa gsal bar dbang po lnga la so sor ngo skal du sbyor ba yin gyi/ yid la yongs su sdud par bya ba ma yin no/ /khyod kyi rnam par shes pa nges par chos la brten nas skyes pa yin zhe na/ da lta khyod kyis legs par ltos shig /sna tshogs pa'i chos rnams la mtshan </font><hr>437a<br><font size=+1>


@#/ /ma ji ltar yod/ gal te gzugs stong pa dang / g.yo ba dang mi g.yo ba dang / 'byed pa dang 'gag pa dang / 'phrad pa dang 'bral ba dang / skye ba dang 'gag dang bral na/ 'di dag mtshan ma mang po las gzhan ci yang med do/ /skyes pa na gzugs dang stong pa la sogs pa'i chos rnams rim gyis skyes la 'gag pa na gzugs dang stong pa la sogs pa'i chos rnams rim gyis 'gag go /gdod ma nas brten pa med pa'i phyir brten nas skyes pa ji ltar rnam par shes pa'i mtshan ma dang rnam par gyur pa yin/ mtshan ma dang rnam pa med pa la khams ji ltar skye ba yin/ de'i phyir yid dang chos 'brel nas yid kyi rnam par shes pa'i khams skye ba'i gnas gsum po thams cad med/ yid dang chos dang yid kyi rnam par shes pa'i khams rnam pa gsum po gdod ma nas rten cing 'brel par 'byung ba ma yin/ rang byung ba'i rang bzhin yang ma yin zhes shes par bya'o/ /kun dga' bos bcom ldan 'das la gsol pa/ bcom ldan 'das/ de bzhin gshegs pa rnams kyis 'phrad pa dang ltos pa dang brten nas 'byung ba'i chos 'ba' zhig gsungs pa na/ 'jig rten du sna tshogs ba'i sgo nas rnam par 'gyur ba dang / skye ba thams cad 'byung ba chen po bzhi 'phrad cing ltos pa las mngon par 'byung ba'o zhes so/ /da lta de bzhin gshegs </font><hr>437b<br><font size=+1>


pas brten nas 'byung ba dang / rang byung ba rnam pa gnyis ci'i phyir yongs su spangs/ da lta 'di'i rgyu mtshan gang yin bdag gis ma 'tshal lags/ sems can thams cad la thugs brtse bas dbu ma'i lam zab mo drang don tsam du ma yin par gsal bar bstan du gsol zhes gsol to/ /de'i tshe bcom ldan 'das kyis kun dga' bo la bka' stsal pa/ khyod sngon theg pa chung du nyan thos dang rang sangs rgyas kyi theg pa las yid byung ste bral bar bya'o snyam du sems bskyed nas bla na med pa'i byang chub gus pas tshol ba'i phyir ngas da lta khyod la nges pa'i don rmad du byung ba phye nas bstan bzhin du ci'i phyir 'jig rten gyi drang ba'i don du rnam par brtags nas brten nas 'byung bas rang nyid dkris shing 'ching bar byed/ khyod mang du thos pa yin na'ang dper na/ sman gyi bye brag smra ba po 'ga' zhig mig sngar sman rnams mthong bzhin du khyad par ngo mi shes pa dang 'dra'o/ /'di la de bzhin gshegs pa rnams kyis phyir zhing thugs brtse ba'i yul nyid do/ /zhes gsungs so/ /deng khyod kyis legs par nyon cig /ngas khyod la khyad par phye zhing bkral te bstan nas slad ma'i dus su theg pa chen pos 'gro ba rnams la don dam pa'i mtshan nyid khong du chud par bya'o/ /zhes bka' stsal pa dang / kun dga' bos bcom ldan 'das kyi bka' la gus pas cang mi smra bar 'dug go /kun </font><hr>438a<br><font size=+1>


@#/ /dga' bo/ khyod kyis smras pa ltar na 'byung ba chen po bzhi 'phrad cing ltos pa las 'jig rten du sna tshogs pa'i sgo nas rnam par 'gyur ba dang / skye ba mngon par 'byung ngo zhes so/ /kun dga' bo/ gal te 'byung ba chen po de dag gi mtshan nyid dang gzugs 'phrad pa dang ltos pa ma yin na/ 'byung ba chen po thams cad lhan cig 'phrad cing ltos par mi nus so/ /dper na/ nam mkha' stong pa bzhin du gzugs thams cad la ltos par mi 'gyur ro/ /gal te 'phrad pa dang ltos pa yin zhe na/ rnam par 'gyur ba dang / skye bar 'gyur ro/ /thog ma dang tha ma gcig las gcig skye zhing / skye ba dang 'chi ba gcig nas gcig tu brgyud de skyes nas 'chi zhing shi nas skye ba dang / skye bzhin 'chi bzhin du mgal me'i 'khor lo 'khor ba ltar rgyun du mi gnas so/ /kun dga' bo/ dper na/ chu yang 'khyags par gyur nas 'khyags pa yang chur 'gyur ba bzhin no/ / khyod dpyod la ltos shig /sa'i khams rags pa ni/ sa gzhi chen por gyur to/ /phra mo ni/ sa rdul phra mo nas rdul phra rab kyi par du gyur to/ /gzugs shin tu phra ba'i mthar thug de cha bdun las grub pa yin no/ /slar yang rdul phra rab bgos na nges par stong par 'gyur ro/ /kun dga' bo/ gal te rdul phra rab 'di nyid bgos pas nam mkha' stong par 'gyur </font><hr>438b<br><font size=+1>


na| nam mkha' stong pa las gzugs kyi rnam pa grub par shes par bya'o/ /da lta khyod kyis dris pa ni/ 'phrad cing ltos pa'i rkyen gyis 'jig rten du sna tshogs pa'i sgo nas rnam par 'gyur ba dang / skye ba'i gzugs skye'o/ /zhes smras pa ma yin nam/ legs par ltos shig /rdul phra rab gcig pu 'di ji tsam pa'i nam mkha' dang 'phrad cing ltos pa las 'byung bar 'gyur/ rdul phra rab rdul phra rab nyid dang ltos pa ma yin no/ /gal te slar yang rdul phra rab bgos te stong par 'gyur na/ ji tsam pa'i rdul phra rab kyi gzugs kyis nam mkha' stong par 'gyur/ gal te gzugs ltos pa yin na/ gzugs ltos pa yin gyi stong pa ma yin/ gal te stong pa ltos pa yin na stong pa ltos pa yin gyi gzugs ma yin no/ /gzugs la bgo bar nus kyi stong pa la ji ltar ltos pa yin/ de lta bas na/ de bzhin gshegs pa'i snying po'i rang bzhin gyi gzugs ni/ yang dag pa'i stong pa'o/ /rang bzhin stong pa nyid ni/ yang dag pa'i gzugs so/ /de ni/ rang bzhin gyis 'od gsal ba'o/ /chos kyi dbyings kun tu khyab pas sems can thams cad kyi yid dang mthun par rang rang gi blo'i skal ba dang 'tsham par las kyi dbang gis mngon du 'gyur ba khyod kyis gtan nas ma rtogs so/ /so so skye bo 'khor ba pa dag rmongs te brten nas 'byung ba dang / rang byung ba'i rang bzhin ni/ thams cad du rig pa dang sems kyis so sor </font><hr>439a<br><font size=+1>


@#/ /phye nas 'dzin par byed do/ /cung zad tsam brjod du yod pa thams cad yang dag pa'i don ma yin no/ /kun dga' bo/ me'i khams la lus med cing / 'brel pa la ltos pa yin/ khyod ltos shig /grong khyer gyi nang du zas ma zos pa'i khang par g.yos byed pa la lag tu me shel thogs nas nyi ma'i thad du gtad nas me sngor ro/ /kun dga' bo/ 'phrad cing ltos pa zhes tha snyad btags pa ni/ dper na/ nga da lta khyed cag stong nyis brgya lnga bcu'i dge slong rnams dang lhan cig tu 'dus pa dang 'dra'o/ /'dus pa gcig yin kyang de'i rigs rus phye na lus so sor yod cing / thams cad la nye du dang rigs dang rus dang ming dag so sor yod do/ /dper na/ shA ri'i bu ni/ bram ze'i rigs dang / lteng rgyas ni/ 'od srung gyi rigs yin pa nas kun dga' bo gau ta ma'i rigs yin pa'i bar ro/ /kun dga' bo/ gal te me'i khams 'di 'phrad cing ltos pa las byung ba yin zhe na/ de'i lag tu shel thogs nas nyi ma'i thad du me sbor ba'i tshe me de shel las byung ba yin nam/ spra ba las byung ba yin nam/ nyi ma las byung ba yin/ kun dga' bo/ gal te nyi ma las byung ba yin zhe na/ khyod kyi lag gi spra ba de nyi ma nyid kyis sbar bar nus na 'od de phog pa'i yul thams cad kyi nags tshal thams cad sreg par rigs so/ /gal te shel las byung ba yin zhe na/ shel </font><hr>439b<br><font size=+1>


na| shel las byung nas rang nyid kyis spra ba sbor nus bzhin du shel rang nyid ci'i phyir zhu bar mi 'gyur/ khyod kyi lag tu 'dzin pa na tshig pa'i rnam pa yang med na/ shel zhu ba smos ci dgos/ gal te spra ba las byung ba yin zhe na/ ci'i phyir nyi ma dang shel la brten nas 'od dang shel phan tshun 'phrad pa las gdod me 'byung bar 'gyur/ khyod slar yang dpyod la ltos shig /shel ni| lag tu bzung ba dang / nyi ma ni/ nam mkha' la shar ba yin zhing / spra ba ni/ sa las skyes pa yin pa la me 'di gang nas byung ste rim pas 'dir sleb pa yin/ nyi ma dang shel phan tshun thag ring pos bar du chod nas 'phrad pa dang ltos pa ma yin/ me lce ni/ rgya med par rang byung ba yang med do/ /de bas na/ de bzhin gshegs pa'i snying pI rang bzhin gyi me ni yang dag pa'i stong pa'o/ /rang bzhin gyi stong pa ni/ yang dag pa'i me'o/ /de ni/ rang bzhin gyis 'od gsal ba'o/ /chos kyi dbyings kun tu khyab pas sems can thams cad kyi yid dang mthun par rang rang gi blo'i skal ba dang 'tsham par snang ba khyod kyis gtan nas ma rtogs so/ /kun dga' bo/ 'di ltar rig par bya'o/ /'jig rten gyi skye bo yul gang du shel thogs ba'i yul der me 'byung bar 'gyur ro/ /chos thams cad kyi dbyings khyab par kun tu song na 'jig rten thams cad du mched par 'gyur ro/ /'jig rten thams cad du khyab par mched </font><hr>440a<br><font size=+1>


@#/ /na phyogs mtshams yod dam/ las kyi dbang gis mngon du gyur pa yin gyi/ so so skye bo 'khor ba bdag rmongs te brten nas 'byung ba dang / rang byung ba'i rang bzhin ni/ thams cad du rig pa dang sems kyis so sor phye nas 'dzin par byed do/ /cung zad tsam brjod du yod pa thams cad yang dag pa'i don ma yin no/ /kun dga' bo/ chu'i khams mi brtan cing / 'bab pa dang 'khyil ba ni/ sdod du 'jug mi nus/ dper na/ mnyan yod kyi grong khyer gyi drang srong ka bi la dang / tsakra dang / pad+ma a si ta la sogs pa'i sgyu ma mkhan chen po dag zla ba'i bcud blangs te sgyu ma'i rdzas bsdebs pa la sgyu ma mkhan de dag mtshan gung nam mkha' drangs par zla ba rgyas pa la lag tu chu shel thogs te zla ba las chu bzed de len no/ /chu 'di shel las byung ba yin nam/ nam mkha' la rang gi ngang gis yod dam/ zla ba las byung ngam/ kun dga' bo/ gal te zla ba las byung ba yin zhe na/ thag ring po nas 'ongs te shel las chu dbyung nus pa yin pa la de brgyud nas 'ongs pa'i gnas thams cad kyi nags tshal dag las rgyun 'bab par rigs kyi/ rgyun de shel las 'byung ba la sgug mi dgos so/ /mi 'bab na/ chu de zla ba las babs pa min par gsal lo/ /gal te shel las byung ba yin na/ shel 'di'i nang nas rgyun du chu 'bab par rigs kyi/ </font><hr>440b<br><font size=+1>


mtshan gung zla ba gsal ba las len pa la sgug ci dgos/ gal te nam mkha' las byung na/ nam mkha'i khams mtha' med pa'i phyir chu yang mtha' med pa 'byung bar rigs shing / mi yul nas lha yul gyi bar du bying bar rigs na/ ci'i phyir chu dang skam dang nam mkha' la 'gro ba dag yod par 'gyur/ khyod slar yang legs par ltos shig /zla ba ni/ nam mkha' la shar ba yin zhing / shel ni/ lag par bzung ba yin la/ shel la bzed pa'i chu'i snod ni/ mi yis sta gon byas pa yin pa la/ chu de phyogs gang nas babs te 'dir 'ong / zla ba dang shel phan tshun thag ring pos bar du chod nas 'phrad pa dang ltos pa ma yin/ chu de'i bcud ni/ rgyu med par rang byung ba yang med do/ /de bas na de bzhin gshegs pa'i snying po'i rang bzhin gyi chu ni/ yang dag pa'i stong pa'o/ /rang bzhin gyi stong pa ni/ yang dag pa'i chu'o/ /de ni/ rang bzhin gyis 'od gsal ba'o/ /chos kyi dbyings kun tu khyab pas sems can thams cad kyi yid dang mthun par rang rang gi blo'i skal ba dang 'tsham par snang ba khyod kyis gtan nas ma rtogs so/ /yul gang du shel thogs pa'i yul de la chu 'byung ngo / /chos thams cad kyi dbyings khyab par song na chos kyi dbyings thams cad skye'o/ /skye ba ni/ 'jig rten kun tu bkang na phyogs mtshams yod dam/ las kyi dbang gis mngon du 'gyur </font><hr>441a<br><font size=+1>


@#/ /ba yin gyi/ so so skye bo 'khor ba pa dag rmongs te brten nas 'byung ba dang / rang byung ba'i rang bzhin ni/ thams cad du rig pa dang sems kyis 'dzin par byed do| |cung zad tsam brjod du yod pa thams cad yang dag pa'i don ma yin no/ /kun dga' bo/ rlung gi khams la lus med/ g.yo ba dang mi g.yo ba ni/ nges pa med/ khyod skabs 'ga' zhig tu gos tshags byas te dge 'dun gyi tshogs chen po 'dus pa'i tshe snam sbyar gyi gra bskyod nas drung gi mi gzhan la reg pa tsam gyis rlung chung ngu des mi'i gdong la phog par byed do| |rlung 'di ni/ snam sbyar gyi gra las byung ba yin nam/ nam mkha' stong pa las byung ba yin nam/ mi de'i gdong las byung ba yin nam/ kun dga' bo/ gal te rlung de snam sbyar gyi gra las byung ba yin na khyod kyis rlung gyon par 'gyur la/ gos de rlung gis bskyod nas khyod kyi lus dang 'bral bar rigs so/ /ngas da lta tshogs kyi nang du chos gsungs pa na gos kyi gra rlung gis bskyod pa la ltos shig /nga'i gos kyi rlung gang du 'dug /gos kyi nang du rlung sbed par mi rigs so/ /gal te nam mkha' stong pa las skyes so zhe na| khyod kyi gos mi bskyod pa'i tshe ci'i phyir rlung mi 'byung / stong pa'i rang bzhin rtag pa nyid du gnas pa'i phyir rlung ni/ rgyun du 'byung bar rigs shing rlung med na </font><hr>441b<br><font size=+1>


nam mkha' stong pa yang 'gag par rigs so/ /rlung 'gag pa shes par nus kyi/ stong pa 'gag pa ji ltar shes par nus gal te skye ba dang 'gag pa yod na nam mkha' stong pa zhes brjod du mi rung ngo / /nam mkha' stong pa yin pa la rlung ji ltar 'byung / gal te rlung phog pa'i gdong las 'byung ba yin zhe na/ de'i gdong las byung zhing khyod la phog par rigs kyi/ khyod kyi gos tshags byas pa la ci'i phyir pha rol gzhan gyi gdong la phog par 'gyur/ khyod kyis legs par dpyod la ltos shig /gos tshags ni/ khyod kyi yin zhing / gdong ni/ gzhan gyi yin la| nam mkha' stong pa ni/ gtan mi g.yo ba la rlung gang nas bskyod de 'dir sleb/ rlung dang stong pa'i rang bzhin tha dad pa'o/ /'phrad pa dang ltos pa ma yin/ rlung gi khams rgyu med par rang byung ba yang med do/ /de bas na/ de bzhin gshegs pa'i snying po'i rang bzhin gyi rlung ni/ yang dag pa'i stong pa'o/ /rang bzhin gyi stong pa ni/ yang dag pa'i rlung ngo / /de ni/ rang bzhin gyis 'od gsal ba'o/ /chos kyi dbyings kun tu khyab pas sems can thams cad kyi yid dang mthun par rang rang gi blo'i skal ba dang 'tsham par snang ba khyod kyis gtan nas ma rtogs so/ /kun dga' bo/ dper na/ khyod mi gcig pu'i gyon pa'i gos cung zad bskyod pa la rlung cung zad 'byung ba ltar chos kyi </font><hr>442a<br><font size=+1>


@#/ /dbyings khyab par song ba na yul khams thams cad 'gengs par 'gyur ro/ /'jig rten kun tu khyab na phyogs mtshams yod dam/ las kyi dbang gis mngon du 'gyur ba yin gyi/ so so skye bo 'khor ba pa dag rmongs te brten nas 'byung ba dang / rang byung ba'i rang bzhin ni/ thams cad du rig pa dang sems kyis 'dzin par byed do/ /cung zad tsam brjod du yod pa thams cad yang dag pa'i don ma yin no/ /kun dga' bo/ stong pa'i rang bzhin la gzugs med/ gzugs dang stong pa'i dbang gis shes shing gsal lo/ /dper na/ mnyan yod grong khyer gyi chu klung nas thag ring po'i sar rgyal rigs dang / bram ze'i rigs dang / rje'i rigs dang / gdol ba'i rigs mang po de dag gzhi gsar pa bzung ste khron pa brkos te chu tshol ba'i skabs su sa khru gang brkos pa na nang du stong pa khru gang yod la/ de bzhin du 'dom do brkos na stong pa 'dom do yod cing / stong pa zab mi zab ni/ brkos te blangs pa'i sa mang nyung gi dbang gis so/ /stong pa 'di ni/ sa las byung ba yin nam/ brkos pa las byung ba yin nam/ yang na rgyu med par rang byung ba yin nam/ kun dga' bo/ gal te stong pa 'di rgyu med par rang byung ba yin zhe na/ sa brko ba'i sngon </font><hr>442b<br><font size=+1>


du stong pa la ci'i phyir gzung du med/ sa gzhi chen po nyid mthong gi stong pa mthong ba gtan nas med do/ /gal te sa las byung ba yin zhe na/ sa brko ba'i tshe stong pa 'jug pa mthong bar rigs la/ sa brko ba la stong pa mi 'jug na/ ci'i phyir sa las skye zhes smra rung / gal te 'byung ba dang 'jug pa med ce na/ stong pa dang sa gtan nas tha mi dad du 'gyur bar rigs/ tha dad ma yin na/ gcig tu 'dra bar 'gyur ba'i phyir sa dbyung ba'i tshe stong pa yang ci'i phyir mi dbyung / gal te brkos pas byung zhe na/ brkos nas byung ba ni/ stong pa yin gyi/ sa phyung ba yin zhes smra mi rung / brkos pas byung ba ma yin zhe na/ sa kho na brkos nas phyung ba yin par rigs kyi/ ci'i phyir stong pa mthong ba yin/ khyod kyis slar yang zhib tu dpyod cing / legs par rtog la ltos shig /brko ba ni/ mi'i lag pas sa ji tsam brkos pa'i tshod tsam gyis bskyis nas len no/ /sa ni/ sa las bskyis nas dbyung ba yin pa la/ stong pa 'di gang nas byung ba yin/ brko ba dang stong bar 'gyur ba dang khong stong dang khong stong ma yin pa rnams phan tshun mtshon du mi rung zhing / 'phrad pa dang ltos pa ma yin/ stong pa rgyu med par rang byung ba zhes smra ru mi rung ngo / /gal te nam mkha' 'dis stong pa'i rang bzhin la khyab par bkang nas gdod ma nas brgyud de mi g.yo bar 'gyur na/ gdon mi za bar mig </font><hr>443a<br><font size=+1>


@#/ /sngar yod pa'i sa chu me rlung thams cad 'byung ba chen po lnga zhes tha snyad du 'dogs pa shes par rigs/ chos thams cad kyi chos nyid yang dag mthar thug ni| de bzhin gshegs pa'i snying po gdod ma nas skye ba dang 'gag pa med do/ /kun dga' bo/ khyod kyi sems mi gsal zhing rmongs pa'i phyir 'byung ba chen po bzhi gdod ma nas de bzhin gshegs pa'i snying por ma shes so/ /nam mkha' stong pa la ltos shig /'byung ba yin nam/ 'jug pa yin nam/ yang na 'byung 'jug ma yin pa'am/ de bas na/ de bzhin gshegs pa'i snying po'i rang bzhin gyi rig pa ni/ yang dag pa'i stong pa'o/ /rang bzhin gyis stong pa ni/ yang dag pa'i rig pa'o/ /de ni/ rang bzhin gyis 'od gsal ba'o/ /chos kyi dbyings kun tu khyab pas sems can thams cad kyi yid dang mthun par rang rang gi blo'i skal ba dang 'tsham par khyod kyis gtan nas ma rtogs so/ /kun dga' bo/ dper na/ khron pa gcig brkos na khron pa gcig gi stong pa 'byung ngo / /phyogs bcu'i nam mkha' stong pa'i bar du yang 'di ltar yin gyis phyogs bcu kun tu khyab na phyogs mtshams yod dam/ las kyi dbang gis mngon du 'gyur pa yin gyi/ so so skye po 'khor ba pa dag rmongs te brten nas 'byung ba dang / rang byung ba'i rang bzhin </font><hr>443b<br><font size=+1>


ni| thams cad du rig pa dang sems kyis 'dzin par byed do/ /cung zad tsam brjod du yod pa thams cad yang dag pa'i don ma yin no/ /kun dga' bo/ rnam par rig pa la shes pa med| gzugs dang stong pa'i dbang gis skye'o/ /dper na/ da lta khyod kyi lus dze ta'i tshal du gnas pa ltar nyin mo snang ba dang / mtshan mo mun par gnas la/ mtshan gung du zla ba yod na 'od dang ldan la/ zla ba med na mun pa'o/ /snang ba dang mun pa'i rkyen gyis rig pa 'byed do/ /rig pa 'di snang ba dang mun pa'i gzugs dang slar nam mkha' stong pa dang lhan du lus gcig yin zhe'am/ lus gcig min zhe'am/ 'dra'am| mi 'dra'am/ yang na gzhan yin nam/ gzhan ma yin nam/ kun dga' bo/ rig pa 'di gal te snang ba dang mun pa dang nam mkha' stong pa dang gdod ma nas lus gcig yin zhe na/ snang ba dang mun pa gnyis kyi gzugs thams cad 'gag par 'gyur ro/ /mun pa'i tshe snang ba med cing snang ba'i tshe mun pa med do/ /gal te mun pa dang gcig yin zhe na/ snang ba yin na reg pa 'gag par 'gyur ro/ /gdon mi za bar snang ba dang lhan du yin na mun pa'i dus su 'gag par rigs 'gag na der zad kyi yang ji ltar snang ba mthong ba dang mun pa mthong zhes rung ngam/ gal te snang ba dang mun pa yin na tha dad rigs pa la skye 'gag med pa yin na ci'i phyir gcig ces </font><hr>444a<br><font size=+1>


@#/ /rung / gal te rig pa 'di'i ngang tshul mun pa dang snang ba dang lhan du lus gcig tu gyur pa ni/ ma yin zhe na/ khyod snang ba dang mun pa dang nam mkha' stong pa las phral te rig pa'i gdod ma'i gnas lugs dbye bar nus sam/ snang ba dang bral zhing / mun pa dang bral la/ nam mkha' stong pa dang bral na/ rig pa 'di'i ngang tshul rus sbal gyi spu dang / ri bong gi rwa dang 'dra'o/ /snang ba dang mun pa dang nam mkha' stong pa rnam pa gsum la 'di so sor tha dad pa'i phyir rig pa gang nas grub/ snang ba dang so sor tha dad pa'i phyir ji ltar 'dra zhes rung ba yin/ rnam pa gsum po 'di las bral na/ gtan nas med pa la ji ltar gzhan zhes rung ba yin/ stong pa la cha phye rig pa la cha phye zhe na/ rang rang gi ngo skal gyi yul 'byed du med cing / ji ltar mi 'dra zhes so/ /mun pa mthong ba dang snang ba mthong ba'i rang bzhin de 'pho zhing 'gyur ba ma yin pa ji ltar tha dad ces so/ /khyod kyis slar yang legs par sgrims la gsal bar gyis shig /rab tu rtog cing dpyod la ltos shig /snang ba ni/ nyi ma las spro/ /mun pa ni/ zla ba med pa'i rjes su 'gro /stong pa ni/ nam mkha' stong par 'gyur la/ stong pa ma yin pa ni/ sa gzhi chen por 'gyur na/ rig pa 'di'i ngang tshul gang gis 'byung / rig pa ni/ tshor pa yin/ stong pa ni/ chad pa yin/ </font><hr>444b<br><font size=+1>


'phrad pa dang ltos pa yang ma yin/ rig pa'i ngang tshul rgyu med par rang byung ba yin zhes smra mi rung / gal te mthong ba dang thos pa dang shes pa'i rang bzhin kun tu khyab cing gdod ma nas g.yo 'gul med na/ gdon mi za bar mtha' med cing mi g.yo ba nam mkha' stong pa slar yang g.yo ba sa chu me rlung dang lhan du 'byung ba chen po drug ces tha snyad 'dogs pa shes par rigs/ chos thams cad kyi chos nyid yang dag mthar thug ni/ de bzhin gshegs pa'i snying po gdod ma nas skye ba dang 'gag pa med do/ /kun dga' bo/ khyod thog ma nas blun pa dang rmongs pas mthong ba dang thos pa dang tshor ba dang shes pa ni/ gdod ma nas de bzhin gshegs pa'i snying por ma shes so/ /khyod mthong ba dang thos pa dang tshor ba dang shes pa 'di la ltos shig /skyes pa'am/ 'gags pa'am/ 'dra ba'am/ mi 'dra ba'am/ skye ba'am/ 'gag par 'gyur ba'am/ 'dra ba mi 'dra ba gang yang ma yin zhe'am/ de bas na/ de bzhin gshegs pa'i snying po'i rang bzhin gyi rig pa ni/ tshor ba'i snang ba yin no/ /tshor ba'i ngang tshul ni/ snang ba'i rig pa'o/ /de ni/ rang bzhin gyis 'od gsal pa'o/ /chos kyi dbyings kun tu khyab pas sems can thams cad kyi yid dang mthun pas rang rang gi blo'i skal ba dang 'tsham par khyod kyis gtan nas ma rtogs so/ /dper na/ mthong ba'i dbang </font><hr>445a<br><font size=+1>


@#/ /po gcig gi mthong ba ni/ chos kyi dbyings la khyab na thos pa dang snom pa dang mya ba dang reg pa dang tshor zhing shes pa'i yon tan dam pa thams cad rgyas par chos kyi dbyings kun tu khyab nas phyogs bcu kun tu khyab na phyogs mtshams yod dam/ las kyi dbang gis mngon du 'gyur ba yin gyi/ so so skye bo 'khor ba pa dge rmongs te brten nas 'byung ba dang / rang byung ba'i rang bzhin ni/ thams cad du rig pa dang sems kyis so sor 'dzin par byed do/ /cung zad tsam brjod du yod pa thams cad yang dag pa'i don ma yin no/ /kun dga' bo/ rnam par shes pa'i khams la rgyu med dbang po drug dang yul la brten nas 'khrul pa skye'o/ /khyod da lta 'phags pa'i dge 'dun gyi tshogs 'di dag la ltos shig /khyod kyis mig gis thams cad la rim gyis lta ba ni/ me long du shar ba bzhin du dbye ba gtan nas 'byed nus pa med do/ /khyod kyi rnam par shes pa nang gi rtog pas re re nas 'di ni/ 'jam dpal dbyangs so/ /'di ni/ gang po'o/ /'di ni/ maung+gal gyi bu'o/ /'di ni/ rab 'byor ro/ /'di ni/ shA ri'i bu'o/ /zhes so sor ngos 'dzin par byed do| |rnam par shes pa 'dis gsal bar shes pa ni/ rig pa las byung ba'am/ gzugs las byung ba'am/ nam mkha' stong pa las byung ba'am/ yang na rten med par glo bur du </font><hr>445b<br><font size=+1>


byung ba'am/ kun dga' bo/ gal te khyod kyi rnam par shes pa'i khams rig pa las byung ba yin zhe na/ snang ba dang mun pa dang gzugs dang stong pa bzhi po 'di dag gtan nas ma byung bas| khyod kyi rig pa gtan med par 'gyur ro/ /rig pa'i khams kyang med pa la gang nas rnam par shes pa skye/ gal te khyod kyi rnam par shes pa'i khams gzugs las byung ba dang / rig pa las byung ba ma yin zhe na/ snang ba la lta mi dgos shing mun pa la yang lta mi dgos pa'i phyir snang ba dang mun pa ma mthong la de lta na gzugs dang stong pa med par 'gyur ro/ /gzugs de yang med pa la rnam par shes pa gang nas skye/ gal te stong pa las byung ba yin zhe na/ gzugs ma yin zhing / rig pa ma yin par 'gyur la rig pa ma yin par phyir dbye bar mi nus so// rang bzhin gyis snang ba dang mun pa dang gzugs dang stong pa shes par mi nus so/ /gzugs ma yin pa'i phyir 'brel pa 'gag cing / mthong ba dang thos pa dang tshor ba dang shes pa dag brten pa'i gnas med par 'gyur ro/ /'di gnyis gzhan la gnas pa'i phyir stong pa yin zhe na/ stong pa ni/ med pa dang 'dra la/ yod pa ni/ dngos po dang 'dra ba ma yin par 'gyur ro/ /khyod kyi rnam par shes pa skye na yang ci zhig dbye bar 'gyur/ gal te brten pa med par glo bur du skyes pa yin zhe na/ ci'i phyir nyin mo zla ba logs su ngos zin par mi 'gyur/ khyod kyis slar yang </font><hr>446a<br><font size=+1>


@#/ /bsgrims te phra zhing gsal bar zhib tu phye ste dpyod cig /rig pa ni/ khyod kyi mig la brten la/ gzugs ni/ mdun gyi yul lo/ /gzugs shar ba la yod par 'jog cing / gzugs ma shar ba la med par 'jog go /'di ltar rnam par shes pa'i 'brel pa gang la brten nas skyes pa yin/ rnam par shes pa ni/ g.yo zhing / rig pa ni/ mi g.yo'o| |'phrad pa dang ltos pa yang ma yin/ snom pa dang thos pa dang tshor ba dang shes pa'i bar ji lta ba bzhin no/ /rnam par shes pa'i 'brel pa rkyen med par rang byung ba yang ma yin no| |gal te rnam par shes pa 'di'i yid gdod ma nas brten pa'i gnas med do zhe na/ gdon mi za bar mthong ba dang thos pa dang tshor ba dang shes pa'i bar gsal bar dbye ba dang / kun nas rnam pa thams cad du khyab pa dwangs shing 'od gsal ba'i rang bzhin la brten pa ma yin zhes shes par rigs so/ /de ltar stong pa dang sa chu me rlung dang lhan du 'byung ba chen po bdun zhes tha snyad btags so/ /chos rnams kyi chos nyid thams cad de bzhin gshegs pa'i snying po gdod ma nas skye ba dang 'gag pa med do/ /kun dga' bo/ khyod kyi sems rags shing rdzun pa'o/ /mthong ba dang thos pas mngon par byung ba nges par shes pa ni/ gdod ma nas de bzhin gshegs pa'i snying por ma rtogs so/ /khyod </font><hr>446b<br><font size=+1>


gdon mi za bar khams drug po 'di rnam par shes pa'i sems mthong bar rigs/ mnyam pa'am/ mi mnyam pa zhe'am/ stong pa zhe'am/ yod pa zhe'am/ mnyam pa dang mi mnyam pa med pa zhe'am/ yang na stong pa dang yod pa ma yin zhe'am/ de bas na de bzhin gshegs pa'i snying po'i rang bzhin gyi rnam par shes pa ni/ 'od gsal snang ba'i shes pa'o/ /tshor ba'i snang ba ni/ yang dag pa'i rnam par shes pa'o/ /rmad du byung ba'i tshor ba rnam par dag pa dwangs pa'o/ /chos kyi dbyings kun tu khyab nas phyogs bcu'i stong pa'i nang du chud cing 'byung ba ma rtogs so/ /'di la phyogs mtshams yod dam/ lus kyi dbang gis mngon du 'gyur gyi/ so so skye bo 'khor ba pa dag rmongs te brten nas 'byung ba dang / rang byung ba'i rang bzhin thams cad rig pa dang sems kyis so sor 'dzin par byed do/ /cung zad tsam brjod du yod pa thams cad yang dag pa'i don ma yin no/ /de'i tshe kun dga' bo dang dge 'dun gyi 'khor 'dus pa dag de bzhin gshegs pas zab cing phra ba'i sgo nas phye ste bstan pa mnos te lus sems dga' bde rgyas shing thogs pa med pa thob pas dge 'dun gyi 'khor 'dus pa de dag rang rang gi sems so so nas phyogs bcur khyab par shes nas phyogs bcur nam mkha' stong pa mthong ba la lag tu thogs pa'i lo ma mthong ba ltar 'jig rten thams cad </font><hr>447a<br><font size=+1>


@#/ /kyi dngos po ji snyed pa thams cad byang chub mchog gi 'od gsal ba'i sems yin pa'i phyir sems kyi ngang tshul yongs su khyab pa'i nang du phyogs bcu thams cad 'dus shing chud do/ /pha ma las skyes pa'i lus la phyir bltas na/ phyogs bcu'i nam mkha' stong pa'i nang du rlung gis bdas pa'i rdul phran ltar sdod du med/ yang mtsho chen po snon po'i steng du g.yengs pa'i lbu ba gcig bzhin du gnas pa dang / 'jig pa ma nges so/ /'dis rang rang gi lus la legs par rig cing / rmad du byung ba'i mchog gi gdod ma'i sems rtag par gnas shing 'gag pa med pa'i don rang gis rnyed pa'i phyir sangs rgyas la thal mo sbyar nas phyag 'tshal zhing sngar ma thos pa'i chos thos so/ /zhes de bzhin gshegs pa'i spyan sngar tshigs su bcad pa'i sgo nas sangs rgyas la 'di skad ces bstod do/ /'gyur med rmad byung 'od gsal khyab bdag rje/ /dpa' bar 'gro ba'i rgyal po srid na dkon/ /bdag cag bskal pa bye ba'i log rtog bsal/ /grangs med tshogs la ma ltos chos sku thob/ /re 'bras rin chen rgyal po mchog grub nas/ /gang+gA'i bye snyed sems can bsgral bar bya/ /zab mo sems 'dis rdul snyed zhing mchod de/ /'di yis brtse ldan rgyal ba'i bka' drin gzhal/ /bcom ldan 'das kyis dbang por mdzad du gsol/ /snyigs ma </font><hr>447b<br><font size=+1>


lnga ru dpa' ba'i dam bca' bya/ /gal te 'gro gcig sangs rgyas ma thob par/ /bdag ne ci nas mya ngan yongs mi 'da'/ /dpa' ba chen po mthu chen snying rje che/ /lkog gyur phra mo'i the tshom bsal du gsol/ /bdag ni bla med byang chub la bkod nas/ /phyogs bcu'i khams su chos kyi dga' ston bya/ /stong pa'i rang bzhin gzhig par nus srid kyang / /mi phyed sems 'di cis kyang 'gyur ba med/ /de bzhin gshegs pa'i gsang ba sgrub pa'i don mngon par thob pa'i rgyu/ byang chub sems dpa' thams cad kyi spyod pa rgya mtsho ston pa/ sangs rgyas kyi gtsug tor dpa' bar 'gro ba zhes bya ba theg pa chen po'i mdo/ bam po bzhi pa/ de'i tshe byams ma'i bu gang po dge 'dun gyi 'khor 'dus pa'i nang du stan las langs te bla gos phrag pa g.yon par gzar te pus mo g.yas pa'i lha nga sa la btsugs nas thal mo sbyar nas bcom ldan 'das la gus pas gsol to/ /dpal yon chen po dang ldan pa'i sangs rgyas bcom ldan 'das ni/ sems can thams cad kyi ched du de bzhin gshegs pa thams cad kyi mnyam pa med pa'i don dam pa'i don gsal bar mdzad pa la mkhas pa lags so/ /bcom ldan 'das kyis/ bdag chos smra ba rnams kyi mchog tu bsngags pa lags na/ da lta de bzhin gshegs pa rnams kyi zab cing phra ba'i chos kyi dbyangs rmad du byung ba thos ba na dper na/ skye </font><hr>448a<br><font size=+1>


@#/ /bo 'on bas gom pa brgya tsam gyi thag ring po'i sar sbrang bu'i skad mnyan pa na de'i gzugs kyang mi mthong na/ skad thos pa smos ci dgos pa bzhin no/ /bcom ldan 'das kyis gsal bar gsungs nas bdag gi sgro 'dogs sel bar mdzad kyang da dung yang don 'di la som nyi med cing the tshom dang bral te gting mtha' rtogs par ma gyur to/ /sangs rgyas bcom ldan 'das/ dper na/ kun dga' bo la sogs pa'i skye bo dag don ji tsam khong du chud kyang goms pa'i bag chags kyi zag pa ma zad la/ bdag la sogs pa zag pa zad pa'i skye bo 'dus pa'i tshogs dag zag pa zad kyang da lta sangs rgyas bcom ldan 'das kyis gsungs pa'i chos kyi dbyangs thos ma thag tu the tshom med par byed mi nus so/ /bcom ldan 'das/ gal te 'jig rten gyi sna tshogs pa'i dbang po dang / yul dang / phung po dang / skye mched dang / khams la sogs pa thams cad gdod ma nas de bzhin gshegs pa'i snying po 'od gsal ba yin zhe na/ ji ltar glo bur du ri dang chu klung dang sa chen po la sogs pa sna tshogs pa'i dngos po'i rnam pa skyes nas rim gyis phan tshun du thog ma dang tha ma med par res mos su 'khor ba lags/ yang de bzhin gshegs pas gsungs pa'i sa chu me rlung gi rang bzhin mnyam pa nyid chos kyi dbyings kun tu khyab nas gsal bar rtag tu gnas pa </font><hr>448b<br><font size=+1>


yin zhes gsungs lags te/ sangs rgyas bcom ldan 'das/ gal te sa'i khams kun tu khyab pa yin zhe na/ chu la ji ltar chud par 'gyur/ chu'i khams kun tu khyab pa yin zhe na/ me skye bar mi 'gyur| yang chu dang me gnyis kyi khams nam mkha' stong pa la kun tu khyab nas ji ltar phan tshun du gnod bya gnod byed du gyur te nyams par byed mi nus zhes byar rung / bcom ldan 'das/ sa'i khams ni/ khong stong ma yin la/ nam mkha'i khams ni/ khong stong yin na/ ci'i phyir 'di gnyis chos kyi dbyings kun tu khyab pa yin zhes bya/ don 'di bdag gis ma 'tshal to/ / de bzhin gshegs pas brtse ba snying rje chen po'i sgo nas bdag sogs 'khor 'dus pa rmongs shing 'khyams pa rnams la blo gros skyed par 'tshal bas gsol pa lags so/ /zhes zhus te/ yan lag lnga sa la gtugs te skom pas gdungs pa ltar de bzhin gshegs pa'i bla na med pa'i rjes su bstan pa nod cing 'dug go /de'i tshe bcom ldan 'das kyis gang po dang bcas pa 'dus pa'i nang du zag pa zad pa mi slob pa'i dgra bcom pa rnams la bka' stsal pa/ de bzhin gshegs pas de ring 'dus pa la dam pa las kyang dam pa'i don gyi rang bzhin bstan nas 'dus pa khyed cag rang bzhin gyi rigs nges pa'i nyan thos dang / bdag med pa gnyis mngon du ma gyur pa/ rang gi theg pa las log ste theg pa mchog la gzhol </font><hr>449a<br><font size=+1>


@#/ /ba'i dgra bcom pa thams cad kyis theg pa chen po kho na'i mya ngan las 'das pa'i sa dang / rnam par dag pa'i sa dang / yongs su sbyong ba'i spyod pa mchog gi gnas thob par bya'o/ /khyed cag legs par nyon cig dang bshad par bya'o/ /zhes bka' stsal pa dang / gang po la sogs pa de dag sangs rgyas kyi chos kyi dbyings mnyan par bya'o// zhes gus pas nod cing 'dug go /sangs rgyas kyis bka' stsal pa/ gang po/ khyod kyis gdod ma nas 'od gsal ba de ci'i phyir glo bur du ri dang chu klung dang sa gzhir gyur pa yin zhes smras na/ yang khyod kyis de bzhin gshegs pas gsal bang gsungs pa'i yang dag pa'i rig pa rmad du byung ba'i 'od gsal pa de gdod ma nas rig pa rmad du byung ba'i 'od gsal bya'o/ /zhes ma thos sam/ gang pos gsol pa/ de de bzhin no/ /bcom ldan 'das/ bdag gis rgyun du bcom ldan 'das kyis gsal bar gsungs pa'i do na 'di thos pa lags so/ /bcom ldan 'das kyis bka' stsal pa/ khyod kyis rig pa 'od gsal ba de rang bzhin gyis 'od gsal ba'i phyir rig pa zhes btags pa 'am/ yang na rig pa de 'od gsal pa med pa'i phyir 'od gsal ba'i rig pa zhes btags/ gang pos gsol pa/ gal te 'di nyid 'od gsal ba med pa'i phyir rig pa zhes btags na/ </font><hr>449b<br><font size=+1>


gsal du med par 'gyur ro/ /bcom ldan 'das kyis bka' stsal pa/ gal te gsal du med pas 'od gsal ba nyid rig pa med par 'gyur ro zhe na/ gzung bar bya ba yod na/ rig pa ma yin la/ gzung bar bya ba med na/ gsal ba ma yin no/ /gsal ba ma yin na/ rig pa yang dwangs shing gsal ba'i rang bzhin ma yin no/ /rang bzhin gyi rig pa ni/ gdon mi za bar gsal ba yin la/ 'khrul nas 'od gsal bar gyur cing sangs pa zhes bya'o/ /gsal bar bya ba ma yin pa gsal ba'i phyir gzung bar bya ba mngon par byas so// 'khrul zhing gzung bar bya ba mngon par byas pas na/ khyod cag gi 'khrul pa'i 'dzin pa skyes so/ /gdod ma nas 'dra ba dang mi 'dra ba med pa la glo bur du gzhan du gyur to/ /de yang gzhan dang gzhan yin pa'i phyir slar yang 'dra ba mngon par byas so/ /'dra ba dang mi 'dra ba phye ste/ 'di las yang mi 'dra ba dang gzhan du med pa gzung bar bya ba mngon par byas so| |de ltar rmongs shing ldongs nas phan tshun res mos su gyur te ngal nas 'khrul pa skye'o/ 'khrul pa brgyud nas yul brtsams te rang nyid 'khyams shing g.yengs nas de las yul gyi 'khrul pa nyon mongs skya zhing rgyas par 'gyur ro/ /skyes pa ni/ 'jig rten gyi gnas su gyur to/ /rang bzhin du gnas pa ni/ nam mkha' stong par gyur to/ /nam mkha' </font><hr>450a<br><font size=+1>


@#/ /stong pa la ni/ 'dra ba zhes bya la/ 'jig rten gyi gnas la ni/ mi 'dra ba zhes bya'o/ /gtan nas 'dra ba dang gzhan du med pa zhes pa de yang dag pa'i dngos po'i chos so/ /sangs pa'i gsal ba dang stong pa'i mun pa gnyis ka phan tshun ltos nas rnam par 'gyur ba can du 'gyur ro/ /de'i phyir rlung gi dkyil 'khor gyis 'jig rten gyi mtha' brten par gyur to/ /stong pa las g.yo ba'i bdag nyid du gyur nas gsal ba rab tu sgrib par 'gyur ro/ /rin po che gser zhes bya ba de gsal zhing dag pas rab tu bzung ba las byung ba yin| de'i phyir gser gyi dkyil 'khor gyis yul khams gnas gzhi thams cad brten par gyur to/ /dag cing brten pa las rin po che gser du gyur to/ /g.yo zhing gsal ba las rlung 'byung ngo / /rlung dang gser gnyis phan tshun ltos pa'i phyi ma'i 'od kyis 'gyur ba dang g.yo ba'i rang bzhin du 'gyur ro/ /rin po che gsal ba las rlan byung ste me'i 'od steng du spros bas chu'i dkyil 'khor phyogs bcu'i mtha'i khongs su chud do/ /me steng dang chu 'og tu phan tshun 'brel te brtan par gnas shing gsher ni/ rgya mtsho chen por gyur to/ /skam pa'i cha ni| gling du gyur to/ /de'i phyir rgya mtsho chen po'i nang du me'i 'od 'phags par gyur te/ gling gi steng du chu bo'i rgyun 'bab bo/ /chu'i nus ba me yis zil gyis mnan nas </font><hr>450b<br><font size=+1>


gong bur chags te ri bo mthon por gyur te/ /de'i phyir ri'i rde la rgyab na me 'byung la bzhugs pa na chur 'gyur ro/ /sa'i nus pa chus zil gyis mnan pas gong bur gyur nas rtsi shing du gyur to| |de'i phyir nags tshal bsregs ban sa'i bdag nyid du 'gyur la btsir na chu 'byung ngo / /phan tshun du 'dres nas sa bon du gyur pa'i phyir rten cing 'brel pa 'di las 'jig rten gyi khams rgyun mi 'chad par gyur to/ /gsal ba'i rdzun pa gzhan med kyi dag pa'i gsal ba la 'khrul lo/ /rdzun pa gcig tu gnas nags la ba'i ngang tshul las 'dar mi rung la rten cing 'brel pa'i chos dag las thos pa ni/ sgra las mi 'da'o/ /mthong ba ni/ gzugs las mi 'da'o/ /gzugs dang dri dang ro dang reg bya la sogs pa'i rdzun pa rnam pa drug 'di las skyes nas mthong ba dang tshor ba dang thos pa dang shes pa rnams so sor bral nas las kyi bye brag mthong nas 'dzin par byed do/ /tshogs pa dang gyes pa las ni/ 'grub pa dang 'gyur ba'o/ /gsal ba mthong nas gzugs mngon du 'gyur ba'o/ /gsal zhing rig pa las 'du shes 'byung ngo / /mthong ba mi mthun pa las ni/ sdang ba skye'o/ /'du shes dang mthun pa las ni/ chags pa skye'o/ / chags pa las rim gyis sa bon du gyur te 'du shes dang 'brel nas mngal chags so/ /'brel ba las skye ba dang skyed pa'i las gcig tu mthun pa'i phyir rten cing 'brel ba'i dbang </font><hr>451a<br><font size=+1>


@#/ /gis mngal dang / sgo nga dang / drod gsher dang / rdzus skyes la sogs pa mer mer po dang nur nur por gyur nas rang rang gi skal ba las mi 'da'o/ /sgo nga las skyes pa yin na/ 'du shes las skyes pa yin la/ mngal skyes yin na/ 'dod pa'i rjes su 'brang ngo / /drod gsher las skyes pa yin na/ tshor ba dang reg pa las 'byung ba yin zhing / rdzus skyes yin na/ skye ba las 'byung ba yin/ bsam pa dbang 'du shes dang tshogs pa dang 'bral ba ni/ phan tshun du 'gyur nas res mos su rang rang gis bsags pa'i las kyi dbang gis skye gnas bzang ba dang ngan par 'gro'o/ /rten cing 'brel pa 'di la sems can thams cad gcig nas gcig tu brgyud pa yin no/ /gang po/ 'du shes dang chags pa lhan du 'brel nas 'dod pas 'bral bar mi nus pa'i phyir 'jig rten thams cad kyi pha ma dang bu dang tshe bor 'gyur zhing skyes nas rgyun mi 'chad do/ /'di dag gi rtsa ba ni/ 'dod pa dang chags pa'o/ /sred pa dang chags pa lhan du rgyas nas chags pa ldog tu mi rung ba'i phyir/ 'jig rten thams cad kyi sgong skyes dang / rdzus skyes dang / drod gsher skyes dang / mngal skyes dag rang rang gi mtha'i dbang gis mthu dang ldan pas mthu med pa za zhing gtsas so/ /'di dag gi rtsa ba ni/ gsod pa dang chags pa'o/ /mis lugs zos pa'i rjes su lug de mir skyes </font><hr>451b<br><font size=+1>


shing / sngar gyi mi de shi nas lug tu skye ba bzhin du sems can gyi ris bcu'i bar du 'chi bzhin skye bzhin du gcig gis gcig la res mos kyis lan glon zhing za bzhin du las ngan pa lhan du rgyas shing phyi ma'i mtha'i bar du thug par 'gyur ro/ /'di dag gi rtsa ba ni/ bku ba dang chags pa'o/ /tshur srog bcad pa'i lan du phar yang lan 'jal bar 'gyur ro/ /rten cing 'brel pa 'di la bskal pa brgya stong 'das na yang skye 'chi las thar par mi 'gyur ro/ /tshur yid 'phrog par byas pa na phar gzugs la chags par byed do| |rten cing 'brel pa 'di la bskal pa brgya stong 'das na yang kun dkris las grol bar mi 'gyur ro/ /srog gcod pa dang / ma byin par len pa dang / log par g.yem pa rnam pa gsum po 'di ci nas kyang rtsa bar gyur ba'i phyir rten cing 'brel pa 'di la las kyi 'bras bu phan tshun du brgyad pa'o/ /gang po/ phyin ci log gsum po 'di brgyud pa ni| dag cing gsal bas yang dag par shes pa'i rang bzhin no/ /shes pa'i phyir gzugs su gyur cing rdzun pa'i rjes su 'brangs nas snang ba mngon du 'gyur ro/ /ri dang chu klung dang sa gzhi'i gzugs dang kha dog thams cad rim gyis res mos su 'khor bzhin du rdzun pa'i 'khrul pa 'di'i rkyen gyis thog ma dang tha ma med par gcig tu 'khor </font><hr>452a<br><font size=+1>


@#/ /ba'o| |gang pos gsol ba/ gal te rmad du byung ba'i rig pa 'di gdod ma nas rmad du byung ba'i gsal ba'i rig pa de bzhin gshegs pa'i snying po ste/ 'phel ba yang ma yin/ 'bri ba yang ma yin pa la ci'i phyir rgyu med par glo bur du ri dang chu klung dang sa chen po dang gzugs thams cad dngos su skye zhe na/ de bzhin gshegs pas da lta rmad du byung ba'i stong pa dang gsal ba dang rig pa brnyes pa yin na/ ri dang chu klung dang sa chen po sogs dngos po rnams dang 'brel zhing goms pa'i bag chags dang zag pa ji ltar yang skye bar 'gyur/ bcom ldan 'das kyis gang po la bka' stsal pa/ dper na/ phyogs bslad pa'i skye bo zhig yul ljongs shig tu lho la byang ngo snyam du sems pa na/ de 'khrul nas phyogs bslad pa'am/ yang na ma 'khrul par phyogs bslad/ gang pos gsol pa/ phyogs bslad pa'i skye bo 'di 'khrul pa yang ma yin/ ma 'khrul pa yang ma yin/ ci'i phyir zhe na/ 'khrul pa la rtsa ba med lags na/ ji ltar de la 'khrul pa zhes bya bar rung / rtogs pa na 'khrul pa mi skye lags na/ ji ltar de la ma 'khrul pa zhes bya bar rung / bcom ldan 'das kyis bka' stsal pa/ 'khrul pa'i skye bo de 'khrul bzhin pa'i tshe glo bur </font><hr>452b<br><font size=+1>


du phyogs shes pa'i skye bos bstan nas shes pa na gang po/ 'di ji snyam du sems/ skye bo 'di ji tsam 'khrul yang yul ljongs der slar yang 'khrul lam zhes bka' stsal pa na gang pos gsol pa/ bcom ldan 'das/ de lta ma lags so/ /bcom ldan 'das kyis bka' stsal pa/ gang bo/ phyogs bcu'i de bzhin gshegs pa thams cad kyang de bzhin no| |'phrul pa 'di la gtan nas rtsa ba med cing / rang bzhin stong pa nyid do/ /gtan nas 'khrul pa med pa la 'khrul pa'o snyam du sems so/ /'khrul pa rig na 'khrul pa de 'gag par 'gyur la slar yang mi skye'o/ /skye bo rab rib can bar snang stong pa lar ri mthong ba dang 'dra ste/ nad dang bral ma thag tu bar snang la ra ri mthong ba med par 'gyur ro| |gal te skye bo blun po stong pa'i ra ri dag nas slar yang stong pa las ra ri snang ba la sgug na khyod kyis de blun po zhes bya'am/ blo dang ldan pa zhes bya/ gang pos gsol pa| bar snang stong pa la gdod ma nas ra ri med do/ /'khrul nas ra ri skye ba dang / ra ri dang bral ba mthong ngo / /ra ri snang ba'i stong pa la ra ri dang bral ba mthong ba ni/ phyin ci log yin pa la/ slar yang de snang du re ba na/ de nges par phyin ci log gi blun po yin/ 'di lta bu phyin ci log gi skye bo la blun po'am blo dang ldan pa zhes ji ltar 'drir rung / bcom </font><hr>453a<br><font size=+1>


@#/ /ldan 'das kyis bka' stsal pa/ khyod kyis phye ste smras pa ltar na/ ci'i phyir de bzhin gshegs pa'i rmad du byung ba'i rig pa 'od gsal stong pa la ci'i phyir yang ri dang chu klung sa chen po 'byung bar 'gyur zhes 'dri bar byed/ yang dper na/ gser khong na yod pa'i gser lhad dang 'dres pa de bzhus pa na slar yang gzhan du mi 'gyur la/ shing thal bar gyur pa de slar yang shing du mi 'gyur ba dang 'dra'o/ /de bzhin gshegs pa thams cad kyi byang chub mya ngan las 'das pa yang de bzhin no/ /gang po| yang khyod kyis dris pa'i sa chu me rlung gi rang bzhin mnyam pa nyid chos kyi dbyings kun tu khyab na chu dang me'i khams phan tshun gnod bya gnod byed du gyur nas mi 'gag gam snyam du rtog cing / yang nam mkha' stong pa dang sa chen po la sogs pa thams cad chos kyi dbyings khyab nas nges par phan tshun du chud par mi rigs so/ /zhes smra na| gang po/ dper na/ nam mkha' stong pa bzhin gzugs ni/ thams cad kyi rnam pa min yang rnam pa sna tshogs pa de dag mngon du gyur pa mi 'gog go /ci'i phyir zhe na| gang po/ nam mkha' stong pa la nyi ma shar na snang bar 'gyur ro/ /sprin gyis sgrib na mog bor 'gyur ro/ /rlung ldang na g.yo ba 'byung la/ sprin dang bral na drangs </font><hr>453b<br><font size=+1>


par 'gyur ro/ /na bun 'thibs na mi gsal bar 'gyur zhing / rdul langs na rnyog ma can du 'gyur ro/ /chu dwangs na gzugs snang bar 'gyur ro/ /khyod ji snyam du sems/ de ltar phyogs thams cad kyi rnam pa dngos po rang rang gi gnas nas skyes sam/ yang na stong pa la yod dam/ gal te rang rang gi gnas las skyes so zhe na/ gang po/ dper na nyi ma shar ba'i tshe 'od de nges par nyi ma'i 'od yin na phyogs bcu'i 'jig rten gyi khams thams cad du khyab par 'gyur gyi/ ci'i phyir nam mkha' la nyi ma'i dkyil 'khor gcig nyid la ltos| gal te nam mkha'i 'od yin zhe na/ nam mkha' rang nyid lham mer 'gyur bar rigs pas/ mtshan gung dang sprin dang na bun 'thibs pa'i tshe ci'i phyir 'od gsal ba mthong bar mi 'gyur/ des na snang ba de nyi ma'i rkyen las byung ba ma yin/ nam mkha'i rkyen las byung ba ma yin/ nam mkha' dang nyi ma tha dad pa'i rkyen las byung ba ma yin zhes shes par rigs/ rnam pa la dpyad na/ gdod ma nas rdzun pa ngos gzung med pa la stong pa'i me tog las stong pa'i 'bras bu chags pa ltar ci'i phyir de'i skabs med par phan tshun gnod bya gnod byed du 'gyur ba'i don 'dri rung ngam/ rang bzhin la dpyad na/ gdod ma nas bden zhing rmad du byung ba'i gsal ba'i rigs de tsam mo/ /rmad du </font><hr>454a<br><font size=+1>


@#/ /byung ba'i sems gsal rig ni/ gdod ma nas chu dang me ma yin pa la ci'i phyir phan tshun du mi chud pa dris/ nges par rmad du byung ba'i gsal rig kyang de bzhin no/ /khyod stong pa nyid 'dod na stong pa nyid mngon du 'gyur ro/ /sa chu me rlung 'dod na de yang so sor gsal bar 'gyur ro/ /gal te yod do cog gsal bar byed na| de dag kyang so sor gsal bar 'gyur ro/ /ci'i phyir thams cad gsal ba yin zhe na/ gang po/ dper na/ chu'i nang du nyi ma'i gzugs brnyan mthong ba ltar skye bo gnyis kyis mnyam du chu'i nang gi nyi ma la blta bzhin du gyes nas phyogs shar nub tu song ba na so sor nyi ma'i gzugs brnyan re re rjes su 'brangs nas 'gro yang shar du gcig dang nub tu gcig gdod ma nas med la nyi ma gcig nyid kyang ci'i phyir so sor 'gro/ /nyi ma so so ba gnyis yin na/ ci'i phyir nyi ma gcig gi gzugs brnyan mthong zhes rgol zhing smra bar mi rigs so/ /yang dang yang du brtags na rdzun dang gsob kho na yin zhing nges pa'i gtad so med do/ /gang po/ khyod gzugs dang stong pa phan tshun 'gal zlar bzung nas de bzhin gshegs pa'i snying por rtog na de bzhin gshegs pa'i snying po nyid gzugs dang stong par gyur nas chos kyi dbyings kun tu </font><hr>454b<br><font size=+1>


khyab pa'o/ /des na de'i nang nas rlung ni/ g.yo zhing / nam mkha' ni/ rang bzhin du gnas so/ /nyi ma ni/ snang bar byed la/ sprin ni/ mog por byed do/ /sems can thams cad rmongs shing 'khyams nas rig pa las gzhan du gyur te yul la ltos pas/ de yis yid nyon mongs te 'khrul pa byung ste 'jig rten gyi gzugs su gyur to/ /nga'i rmad du byung ba'i gsal ba 'gag pa med pa dang skye ba med pas chos thams cad de bzhin gshegs pa'i snying po la ltos phyir de bzhin gshegs pa'i snying po ni/ rmad du byung ba'i gsal rig gcig pus chos kyi dbyings kun tu khyab nas gsal bar byed do/ /de'i phyir 'di'i nang nas gcig dpag tu med par gyur la/ dpag tu med pa yang gcig tu gyur to/ /chung ba las che ba mngon du gyur cing / che ba las chung ba mngon du gyur to/ /chos kyi dbyings las mi g.yo zhing / phyogs bcu'i 'jig rten kun tu khyab bo| |sku la phyogs bcu'i mtha' med pa'i nam mkha' stong pa chud cing / skra'i rtse mo gcig tu sangs rgyas kyi zhing snang bar mdzad do/ /rdul gcig gi nang du bzhugs nas chos kyi 'khor lo bskor ro/ /yul 'gag nas rig pa la ltos pas/ de bzhin nyid rmad du byung ba'i gsal rig gi rang bzhin byung ngo / /de ltar yin pa la de bzhin </font><hr>455a<br><font size=+1>


@#/ /gshegs pa'i snying po rmad du byung ba'i gdod ma'i sems ni/ sems ma yin/ stong pa ma yin/ sa ma yin/ chu ma yin/ rlung ma yin/ me ma yin| mig ma yin/ rna ba dang / sna dang / lce dang / lus dang / yid ma yin/ gzugs ma yin/ sgra dang / dri dang / ro dang / reg bya dang / chos ma yin/ mig gi rnam par shes pa'i khams ma yin pa nas yid kyi rnam par shes pa'i khams kyi bar du ma yin no/ /rig pa dang / ma rig pa dang / rig pa dang ma rig pa zad pa ma yin pa nas rga pa ma yin/ shi ba ma yin/ rga shi zad pa ma yin/ sdug bsngal ba ma yin/ skye ba ma yin/ 'gag pa ma yin/ lam ma yin/ ye shes ma yin/ thob pa ma yin| sbyin pa ma yin/ tshul khrims ma yin/ brtson 'grus ma yin/ bzod pa ma yin/ bsam gtan ma yin/ shes rab ma yin/ pha rol tu phyin pa ma yin/ de bzhin du de bzhin gshegs pa ma yin/ dgra bcom pa yang dag par rdzogs pa'i sangs rgyas ma yin/ mya ngan las 'das pa chen po ma yin/ rtag pa ma yin/ bde ba ma yin/ bdag ma yin/ gtsang ba ma yin te/ 'di dag thams cad ni/ 'jig rten dang 'jig rten las 'das pa ma yin pa'i phyir de bzhin gshegs </font><hr>455b<br><font size=+1>


pa'i snying po rmad du byung ba gdod ma'i gsal rig 'di nyid sems nyid dang / stong pa nyid dang / sa nyid dang / chu nyid dang / rlung nyid dang / me nyid dang / mig nyid dang / rna ba nyid dang / sna dang / lce dang / lus dang / sems nyid do/ gzugs nyid dang / sgra nyid dang / dri dang / ro dang / reg bya dbang / chos nyid do/ /mig gi rnam par shes pa'i khams nyid nas de bzhin du yid kyi rnam par shes pa'i khams nyid kyi bar ro/ /rig pa nyid dang / ma rig pa nyid dang / yang rig pa dang ma rig pa zad pa nas rga ba nyid dang / shi ba nyid dang / rga shi zad pa'i bar nyid do/ /sdug bsngal nyid dang / skye ba nyid dang / 'gag pa nyid dang / lam nyid dang / ye shes nyid dang / thob pa nyid do/ /sbyin pa nyid dang / tshul khrims nyid dang / brtson 'grus nyid dang / bzod pa nyid dang / bsam gtan nyid dang / shes rab nyid dang / pha rol tu phyin pa nyid do/ /de bzhin gshegs pa nyid dang / dgra bcom pa yang dag par rdzogs pa'i sangs rgyas nyid dang / mya ngan las 'das pa chen po nyid dang / rtag pa nyid dang / bde ba nyid dang / bdag nyid dang / gcing ba'i bar nyid do/ /'di dag thams cad ni/ 'jig rten dang / 'jig rten las 'das pa'i phyir de bzhin gshegs pa'i snying po rmad du byung ba gdod ma'i gsal rig nyid </font><hr>456a<br><font size=+1>


@#/ /yin zhing / yin pa dang bral ba dang / ma yin pa dang bral ba nyid ni/ yin pa nyid dang ma yin pa nyid ma yin no/ /'jig rten srid pa gsum du 'khyams pa'i sems can thams cad dang / 'jig rten las 'das pa nyan thos dang rang rgyal rnams rang rang gi rnam par shes pa la dpags nas de bzhin gshegs pa'i bla na med pa'i byang chub dang / /'jig rten gyi gtam gyis sangs rgyas kyi ye shes blta'o/ /zhes ji ltar smra/ dper na/ pi wang rgyud bdun pa dang / rgyud nyer lnga pa dang / rgyud bcu bzhi pa dang / rgyud bzhi pa rnams dang 'dra ste/ ji tsam du dbyangs snyan kyang sor mo mnyen pa ma yin na ji ltar yang 'byin mi nus pa bzhin no/ /khyed cag sems can thams cad 'di nyid dang 'dra'o/ /rin po che lta bu yang dag pa'i sems gsal rig so sor rdzogs par khyab na yang gal te nga'i sor mos mnan pa tsam gyis rgya mtsho lta bu'i phyag rgyas 'od zer lham mer mthong ngo / /khyod kyi sems g.yos ma thag tu dang po kho nar yul dang nyon mongs pa'i 'khrul pa skye'o/ /'di thams cad ni/ bla na med pa'i byang chub kyi go 'phang la nan tan du mi brtson par theg pa dman pa la mos shing 'dod nas cung zad thos pas ngoms pa'i rgyu las byung ba yin no/ /gang pos gsol pa/ bdag </font><hr>456b<br><font size=+1>


de bzhin gshegs pa'i rmad du byung ba yang dag pa'i gsal rigs dwangs pa'i sems de bzhin gshegs pa dang 'dra bar kun tu khyab pa ni/ gzhan du med pa la/ bdag gis thog ma med pa nas rtog pa'i sems kyis bzung nas 'khor bar yun ring du 'khyams pas/ da lta theg pa mchog thob kyang da dung mthar thug pa la shin tu ring ngo / /bcom ldan 'das ni/ 'khrul pa thams cad zad nas gcig pur rmad du byung ba yang dag pa brnyes so/ /de bzhin gshegs pa la spro ba bskyed nas gsol pa/ sems can thams cad ci'i phyir 'khrul pas bzung nas rang gi gsal rig sgrib cing 'di ltar bying nas sdig pa myong ba lags/ bcom ldan 'das kyis gang po la bka' stsal pa/ khyod the tshom zad kyang gtan nas ma zad do/ /ngas 'jig rten du gsal ba'i don gcig bzung nas khyod la 'dri bar bya'o/ /khyod kyis mnyan yod kyi skye bo A dz+nyA ta ti'i tshul ma thos sam/ de snga dro zhig glo bur du rang gi byad bzhin mthong bar 'dod nas me long la bltas te mthong ba na ci'i phyir ma mthong snyam du skrag cing gdung bas ma bzod nas gdon gyi 'khrul du bsam ste myos pa lta bur phyogs kun tu gtol med par rgyu ba 'di la khyod ji snyam du sems/ mi 'di ci'i phyir rgyu mtshan med par myos nas gtol </font><hr>457a<br><font size=+1>


@#/ /med par rgyu ba yin/ gang pos gsol pa/ mi 'di'i sems myos pa yin gyi rgyu mtshan gzhan gtan med do/ /bcom ldan 'das kyis bka' stsal pa| rmad du byung ba'i gsal rig ni/ gdod ma nas ldan pa'i rmad du byung ba'i gsol ba'o/ /mi bden zhes pa tsam du zad kyi brten pa'i rgyu mtshan ci yod/ /gal te brten pa'i rgyu mtshan yod ce na/ ji ltar mi bden zhes brjod du rung / sna tshogs pa'i 'khrul pa'i rtog pa gcig la gcig brten pas 'khyams pa las kyang 'khyams te rdul snyed kyi bskal pa 'das so/ /'di la de bzhin gshegs pas ji tsam gsal bar gsungs kyang khong du chud par mi nus so/ /'di ltar 'khyams pa'i rgyu ni/ 'khrul pa la brten nas byung ba yin gyi/ 'khrul pa'i gzhi med par shes na/ 'khrul pa'i rten mi rnyed do/ /'di la phyir zhing skye ba med pa la 'gag pa ji ltar yod ces bya| byang chub thob pa rnams gnyid sad pa'i mi rmi lam smra ba dang 'dra'o/ /sems ji ltar gsal yang rten 'brel gang la brten nas rmi lam nang gi dngos po len par nus/ 'di gdod ma nas med pa la brten pa'i rgyu med par smos ci dgos/ da lta yang grong khyer de'i nang A dz+nyA ta ti rgyu rkyen gang las rang gi mgo </font><hr>457b<br><font size=+1>


las 'jigs nas bros pa yin/ glo bur du myos pa sangs pa na mgo bo gzhan nas rnyed pa ma yin la/ myos pa ma sangs pa na yang dngos po dor ba med do/ /gang po/ 'khrul ba'i rang bzhin 'di ltar na rgyu gang zhig yod/ khyod gcig pu 'jig rten dang / las kyi 'bras bu dang / sems can thams cad so sor 'byed pa rnam pa gsum pos gcig nas gcig tu brgyud pa'i dbang gis rjes su ni 'brang na/ rnam pa gsum po'i 'brel pa dang bral bas rnam pa gsum po'i rgyu mi 'byung ba'i phyir A dz+nyA ta ti myos pas sangs pa bzhin du khyod kyi sems kyi 'khrul pa rang gi ngang gis sangs par 'gyur la/ sangs ma thag tu byang chub mchog gi sems gsal rig nyid mngon du 'gyur ro/ / gdod ma nas chos kyi dbyings kun tu khyab bzhin par yod kyi gzhan las rnyed pa ma yin no/ /'di la ci'i phyir lus sems ngal zhing dub pa'i dka' thub \?\ brten te thob par 'gyur/ dper na/ skye ba 'ga' zhig rang gi gos kyi nang du yid bzhin gyi nor bu thogs te rang nyid kyis ma shes par gnas gzhan du slong zhing rgyu ba dang 'dra ste/ de ji tsam du dbul na yang nor bu de brlag pa ma yin no/ /glo bur du skye bo mkhas pas de'i nor bu de la bstan pa na rang nyid kyi 'dod pa tshim zhing don thams cad yid </font><hr>458a<br><font size=+1>


@#/ /bzhin du 'grub cing 'byor pa phun sum tshogs nas gdod yid bzhin gyi nor bu gzhan nas rnyed pa ma yin par shes so/ /zhes bka' stsal pa dang / de'i tshe kun dga' bo 'khor 'dus pa'i nang nas bcom ldan 'das kyi zhabs la gus pas phyag 'tshal nas langs te 'di skad ces gsol to/ /bcom ldan 'das/ srog gcod pa dang ma byin par len pa dang log par g.yem pa de dag gsungs pa na/ rnam pa gsum po'i 'brel pa dang bral bas rnam pa gsum po'i rgyu mi 'byung ba'i phyir sems kyi A dz+nyA ta ti myos pa'i rang bzhin rang gi ngang gis sangs so/ /sangs pa na de nyid byang chub kyi go 'phang nyid yin gyi gzhan nas rnyed pa ma yin pa zhes bya'o/ /'di ltar na rten 'brel ni/ shin tu gsal bar mngon du gyur pa yin zhing / de bzhin gshegs pas ci'i phyir rten 'brel gtan nas 'dor/ bdag gis thog ma nas rten 'brel gyis blo phye nas sad do/ /bcom ldan 'das/ don 'di bdag cag nyan thos slob pa na tshod ma yol ba dag kho na ma yin par da lta 'dus pa 'di'i maung+gal chen po dang / shA ri'i bu dang / rab 'byor la sogs pa bram ze rgan po dge sangs rgyas kyi rten 'brel thos pas sems bskyed </font><hr>458b<br><font size=+1>


cing de nyid rtogs te zag med kyi 'bras bu thob pa ma yin nam/ da lta byang chub kyi go 'bang gsungs pa la rten 'brel la mi ltos she na/ rgyal po'i khab kyi klu sha li la sogs pa'i skye bo dag gis smras pa'i rang byung zhes bya ba de don dam pa zhes smra rung ngam/ brtse ba chen pos bdag rmongs te 'khyams pa 'di 'byed du gsol zhes gsol pa dang / bcom ldan 'das kyis kun dga' bo la bka' stsal pa/ da lta yang grong khyer gyi A dz+nya d+ha ti dang myos pa'i rang bzhin gyi rten 'brel 'gag nas sangs na/ myos pa ma yin pa'i rang bzhin rang gi ngang gis byung la/ rten 'brel dang rang byung ba'i tshul 'dar zad do/ /kun dga' bo/ Adz+nyA ta ti'i mgo rang la yod bzhin pa/ gzhi nas yod bzhin pa med bzhin pa ma yin pa/ 'di la rten 'brel gyi rgyu ci las mgo la skrag nas myos te bros/ gal te yod bzhin pa'i mgo ni/ rten 'brel gyis myos pa yin zhe na/ ci'i phyir rten 'brel gyi dbang gis rang byung mi 'dor/ de'i mgo ma dor bzhin du rgyu mtshan med par myos nas skrag pa bskyed na yang 'pho ba dang 'gyur ba gtan nas med do| |rten 'brel la ci ltos te rang myos pa yin zhe na/ lhan skyes su myos nas skrag pa'i gnas yod do/ /myos pa'i sngon du myos pa de gang du sbas pa yin/ rang ma myos she na/ </font><hr>459a<br><font size=+1>


@#/ /mgo la ci yang ma byung ba la/ ci'i phyir myos nas bros/ gal te tshul de rig nas myos te bros pa yin zhe na/ rten 'brel dang / rang byung ba zhes smra ba ni/ rtsed mo'i gtam du 'gyur ro/ /de'i phyir bdag gis 'brel pa rnam gsum dang bral ba ni/ byang chub kyi sems kho na yin no/ /byang chub kyi sems bskyed na skye ba dang 'gag pa'i sems 'gag go/ zhes gsungs so/ /'di ni/ skye ba dang 'gag pa kho na smras pa yin gyi/ skye ba dang 'gag pa rnam par dag na rtsol ba bya dgos pa'i gnas med do/ / gal te 'di ltar rang skye ba'i gnas yod na/ rang sems bskyed nas skye ba dang 'gag pa'i sems 'gag go zhes gal rigs/ 'di nyid skye ba dang 'gag pa yod kyi/ skye 'gag med pa nyid kyis rang byung zhes btags par rigs so/ /dper na/ 'jig rten gyi gzugs thams cad 'phrad cing ltos nas gcig tu gyur pa la 'phrad cing ltos pa ma yin pa ni/ rang byung ba'i rang bzhin zhes bya/ rang byung ba'i rang bzhin dang rang byung ba'i rang bzhin ma yin pa dang / 'phrad cing ltos pa dang 'phrad cing ltos pa ma yin pa dang / 'phrad cing ltos pa dang rang byung ba'i rang bzhin thams cad dang 'bral ba dang / 'bral ba dang 'phrad pa thams cad ma yin no/ /tshig 'di gdod rtsed </font><hr>459b<br><font size=+1>


mo'i tshig ma yin par chos zhes bya bar rigs so/ /byang chub myang 'das da dung thag ring ngo / /khyod gal te bskal pa mang por brtson 'grus kyis dka' ba spyad nas mngon du ma byas na phyogs bcu'i de bzhin gshegs pa thams cad kyi gsung rab yan lag bcu gnyis kyi rmad du byung ba'i lugs mi brjed par bzung nas gang+gA'i klung gi bye ma snyed kyi tshad du gyur kyang rtsed mo'i tshig tsam du zad de nyid la phan par gyur/ khyod rten 'brel dang rang byung ba'i tshul smras pa ni/ shin tu gsal bas 'jig rten na khyod la mang du thos pa rnams kyi mchog ces bsngags shing bskal pa mang por thos pa'i stobs kyis bslab cing sbyangs pa lhag par gyur na yang bu mo ma tang+gi'i 'jigs pa las thar par ma nus so/ /de bzhin gshegs pa'i gtsug tor gyi rig sngags kyis bu mo ma tang+gi'i sems kyi 'dod chags kyi me skad cig la bcil nas phyir mi 'ong gi 'bras bu thob cing bdag gi bstan pa la brtson 'grus kyis nan tan mthar phyin pa grub ste 'dod chags kyi rgyun bskams nas khyod rnam par thar pa la bkod do/ /de'i phyir kun dga' bo/ khyod bskal pa'i snyed du de bzhin gshegs pa'i zab cing phra la rmad du byung ba'i lugs bkod pa mi brjed par bzung ba ni/ nyin gcig gi zag med kyi las la nan tan du byas te 'jig rten gyi chags pa dang </font><hr>460a<br><font size=+1>


@#/ /sdang pa'i sdug bsngal las ring du gyur pa la bsgrun du med do/ /da lta yang bu mo ma ta ng+gi thog ma nas 'dod chags can yin pa la rig sngags kyis de'i 'dod chags 'gags nas da lta bstan pa la dge slong ma rang bzhin can zhes bya bar btags so/ /sgra gcan 'dzin gyi ma grags 'dzin ma dang lhan cig tu skye ba snga ma'i rgyu rigs nas skye ba rnams su 'dod pa dang sred pa'i 'bras bu sdig pa'i 'bras bu myong zhes rtse gcig pa'i sems kyis zag med kyi dge ba la brtson par byas pas la la bcings la las grol lo/ /la la lung bstan thob bo/ /'di la ci'i phyir rang nyid bslus te lta ba dang nyan pa'i don la 'jog /kun dga' bo la sogs pa 'khor 'dus pa de dag bcom ldan 'das kyis bka' stsal pa thos ma thag tu the tshom dang rmongs pa thams cad sangs nas sems kyi yang dag pa'i rang bzhin rig ste lus dang sems shin tu sbyangs pa thob cing / sngar ma thos pa'i chos thos so/ /zhes dad pa'i shugs kyis mchim byung ste yang dang yang du bcom ldan 'das kyi zhabs la phyag 'tshal te gus pas 'dud cing thal mo sbyar nas 'di skad ces gsol to/ /mnyam pa med pa'i thugs rje chen po can/ rnam par dag pa'i rin po che'i rgyal po/ bdag cag gi sems thabs mkhas </font><hr>460b<br><font size=+1>


kyis phyes so/ /'di lta bu rten 'brel rnam pa sna tshogs pa'i sgo nas thabs mkhas kyis bstan cing bslabs nas rmongs shing bying ba'i sems can thams cad sdug bsngal gyi rgya mtsho las drangs shing bsgral lo/ /bcom ldan 'das/ da lta bdag cag chos kyi dbyangs 'di dag thos ma thag tu de bzhin gshegs pa'i snying po rmad du byung ba'i sems gsal rig phyogs bcu kun tu khyab pa der de bzhin gshegs pa'i phyogs bcu'i 'jig rten gyi khams thams cad rnam par dag cing rmad du byung ba rin po che'i bkod pa'i rgyal po'i zhing khams chud par shes pa na de bzhin gshegs pas slar yang mang du thos pa tsam gyis mi pha na/ nan tan du sgom pa la bsgrun du med ces gdams so/ /dper na/ da lta bdag cag lam du 'gro ba dag la go bur du lha'i rgyal pos khang pa bzang po stsal ba ltar khang bzang rnyed na yang gdon mi za bar sgo rnyed pa na gdod 'jug tu yod do/ / bdag cag don du gnyer ba ni/ de bzhin gshegs pas brtse ba chen po sa mi 'dor bar 'dus pa 'di'i rmongs pa'i skye bo thams cad la theg pa dman pa spangs te de bzhin gshegs pa'i lhag ma med pa'i myang 'das dang / rtsa ba'i sems bskyed pa'i lam stsal zhing / yang slob pa rnams gang nas sngon gyi bag chags dang 'brel ba'i </font><hr>461a<br><font size=+1>


@#/ /sems zad cing dag nas gzungs thob ste sangs rgyas kyi yang dag par rdzogs pa'i byang chub thob par mdzad du gsol zhes yan lag lngas sa la gtugs te/ 'khor 'dus pa thams cad sems rtse gcig tu sangs rgyas kyi brtsa ba chen po'i bka' mnyan zhing 'dug go /de'i tshe bcom ldan 'das 'khor 'dus pa'i nang gi byang chub kyi sems la dbang ma thob pa'i nyan thos dang rang rgyal rnams brtse bas gzigs nas slad mar sangs rgyas mya ngan las 'das pa'i rjes bstan pa nub pa'i dus kyi sems can thams cad kyi phyir du byang chub kyi sems bskyed pa dang / bla na med pa'i theg pa'i brtson 'grus mchog gis bsgrub pa'i lam 'byed pa'i slad du kun dga' bo la sogs pa 'khor 'dus pa rnams la bka' stsal to/ /khyed cag snying thag pa nas sems bskyed nas de bzhin gshegs pa'i ting nge 'dzin mchog la sgyid mi lag na thog mar bskyed pa'i sems la rtsa ba'i don gnyis gsal bar mthong bar bya rigs so/ /rtsa ba'i don gnyis po gang zhe na/ kun dga' bo/ don dang po ni/ khyed cag gal te nyan thos kyi bslab pa dor nas byang chub sems dpa'i theg pa la zhugs nas sangs rgyas kyi go 'phang thob par 'dod na rgyu'i dus kyi sems bskyed dang </font><hr>461b<br><font size=+1>


'bras bu'i dus kyi byang chub 'dra 'am mi 'dra zhib par brtag rigs so/ /kun dga' bo/ gal te skye 'gag dang bcas pa'i sems kyis rtsa ba byas nas brtson pa la de bzhin gshegs pa'i skye 'gag med pa'i thag pa tshol na/ de ni/ gnas med do/ /de'i phyir khyod kyis brtag nas gsal bar bya rigs so/ /snod kyi 'jig rten gyi skye rung gi chos sna tshogs pa thams cad skye zhing 'jig go /kun dga' bo/ khyod 'jig rten gyi skye rung gi chos rnams la ltos shig /de dag las gang mi 'jig pa yin/ de ltar smras kyang nam mkha' stong pa zhig go /zhes sngon chad thos pa gtan nas med do/ /ci'i phyir zhe na/ stong pa ni/ gtan nas skye rung ma yin/ 'di'i phyir thog ma nas tha ma'i bar du gtan nas zhig cing zad pa med do/ /khyod kyi lus kyi srab ni/ sa dang / brlan zhing gsher ba ni/ chu dang / dro ba'i reg pa ni/ me dang / g.yo ba ni/ rlung ste/ bzhi po 'dis bcings pa'i tshe khyod kyi rnam par dag pa'i sems rmad du byung ba char bgos nas mthong ba dang thos pa dang rig pa dang dpyod pa skyes nas thog ma nas tha ma'i bar du rnyog pa lnga byung ngo / /rnyog pa gang zhe na/ kun dga' bo/ dper na/ chu dwangs pa dang 'dra ste/ rang bzhin gyis dwangs pa'o/ /rdul dang bye ma la sogs pa de dag ni/ sgrib thogs dang bcas pa'o/ /de gnyis kyi rang bzhin gtan </font><hr>462a<br><font size=+1>


@#/ /nas mthun pa ma yin no/ /'ga' zhig gis sa rdul de dag blangs nas chu la btab na/ sa de sgrib thogs kyi rang bzhin 'dor zhing chu dwangs pa dang bral nas kha dog dang gzugs 'gyur ba la rnyog pa zhes bya'o/ /khyed cag gi rnyog pa lnga po yang de bzhin no/ /kun dga' bo/ khyod nam mkha' stong pas phyogs bcur khyab pa la bltas na/ stong pa'i snang ba 'byed par mi nus so/ /stong pa la lus med/ snang ba la shes pa med/ phan tshun 'dres nas rdzun par skyes pa 'di dang po dus kyi rnyog pa zhes bya'o/ /khyod kyi lus da lta 'byung ba chen po bzhi 'dus nas lus su gyur to/ /mthong ba dang thos pa dang tshor ba dang shes pa rnams las sna tshogs kyi dbang gis khyod la bkag cing sgrib nas chu me rlung sa rnams kyis glo bur glo bur du khyod kyi shes rig de phan tshun 'dres nas rdzun par skyes pa 'di gnyis pa lta ba'i rnyog pa zhes bya'o/ /yang khyod kyi sems kyi 'dzin pa dang shes pa dang smra ba dang slob pa ni/ shes rig gi rang bzhin las byung ngo / /rnam pa ni/ yul rnam pa drug lags so/ /yul dang bral na gzugs med/ tshor ba dang bral na rang bzhin med/ phan tshun 'dres nas rdzun par skyes pa 'di gsum pa nyon mongs kyi rnyog pa zhes bya'o/ /yang khyod kyi snga dro phyi dro skye 'gag rgyun mi 'chad pa dang / shes pa dang / nus pa ni/ 'jig rten du </font><hr>462b<br><font size=+1>


bzhag ces smra ba la/ las kyi dbang gis rgyun du de dang de dag tu rim gyis 'pho bzhin du phan tshun du 'dres nas rdzun par skyes pa 'di bzhi ba sems can gyi rnyog pa zhes bya'o/ /khyed cag gi mthong ba dang thos pa dag gdod ma nas rang bzhin med/ /yul thams cad la sgrib cing brgal nas rgyu med par tha dad du skyes so/ /rang bzhin gyi nang du phan tshun du shes la longs spyod pa'i tshe phan tshun du 'gal lo/ /'dra ba dang 'dra ba ma yin pa'i mtshan nyid mtshang zhing phan tshun 'dres nas rdzun par skyes pa 'di lnga pa tshe'i rnyog pa zhes bya'o/ /kun dga' bo/ khyod da lta mthong ba dang thos pa dang tshor ba dang rig pa ni/ de bzhin gshegs pa rtag pa dang bde ba dang bdag dang gtsang pa zhes bya ba'i don dang legs par bstun no zha na/ thog mar 'chi ba dang skye ba'i rtsa ba'i rgyu phye nas skye 'gag med pa'i yongs grub dag cing dwangs la g.yo ba med pa'i rang bzhin la brten nas dag cing dwangs pas rdzun pa'i skye 'gag de bzlog par rigs so/ / gdod ma'i rig pa bzlog nas gdod ma'i gsal rig skye 'gag med pa'i rang bzhin thob pas rgyu'i gnas skabs kyi sems su gyur nas 'bras bu'i mthar thug par sbyong zhing mngon du byas nas yongs su sgrubs shig /dper na/ chu'i rnyog pa sel ba bzhin du snod gtsang mar bzhag nas zab cing dwangs pa mi g.yo ba'i phyir sa rdul rnams rang bzhin gyi 'og tu bying </font><hr>463a<br><font size=+1>


@#/ /zhing chu dwangs pa mig sngar mthong ngo / /'di la yul gyi nyon mongs pa'i rtog pa thog mar mgo non pa zhes bya'o/ /'dam de bsal nas chu tsam du gyur pa na 'di la rtsa ba'i ma rig pa gtan nas rgyun chad do/ /zhes bya'o/ /gsal ba'i rnam pa sna tshogs su 'gyur zhing skyes pa la nyon mongs pa'i rtog pa zhes mi bya'o/ /thams cad myang 'das kyi dwangs shing gsal ba rmad du byung ba'i yon tan dang mthun par 'gyur ro/ /don gnyis pa ni/ khyed cag gdon mi za bar byang chub tu sems bskyed nas byang sems kyi theg pa la spro zhing brtan pas rol te bden pa'i dngos po can gyi gzugs rnam par spong ngo zhe na/ nyon mongs pa'i rnam rtog gi rtsa ba zhib tu brtag par rigs so/ /'dir thog ma med pa nas da lta'i bar du las 'phel nas rim gyis 'di lta bur gyur pa ni/ sus bskyed cing sus myang / kun dga' bo/ khyod byang chub kyi sems sbyong ba na/ gal te nyon mongs pa'i rnam rtog gi rtsa ba zhib tu ma dpyad na rdzun pa 'khrul pa'i dbang po dang yul gang du phyin ci log tu gyur pa shes par mi nus so/ /gnas mi shes pa la ji ltar na zad cing dag pa'i de bzhin gshegs pa'i byang chub 'thob par 'gyur/ kun dga' bo/ khyod kyis 'jig rten gyi 'ching ba 'grol ba'i skye bo la ltos shig /bcing ba mi mthong na 'grol ba ji ltar shes /khyod </font><hr>463b<br><font size=+1>


kyis stong pa la gsil zhing bshig go /zhes pa gtan nas med do/ /ci'i phyir zhe na/ stong pa ni/ kha dog dang gzugs ma yin zhing / 'ching ba dang dgrol ba med pa'i phyir ro/ /da lta khyod kyi mig dang / rna ba dang / sna dang / lce dang / lus dang / yid de rkun po drug gis sna drangs te khyim gyi nor 'phrog par 'gyur ro/ /de'i phyir thog ma med pa nas sems can thams cad 'jig rten du bcings pas snod kyi 'jig rten las ji ltar yang thar par mi nus so/ /kun dga' bo/ ci'i phyir sems can thams cad dang 'jig rten gyi khams zhes brjod ce na/ dus dang / phyogs te/ dus ni/ 'khor zhing mi gnas pa yin la/ phyogs zhes pa ni/ sa dang gnas yin no/ /khyod kyis da lta shes par bya rigs so/ /shar dang / lho dang / nub dang / byang dang / shar lho dang / lho nub dang / nub byang dang / byang shar dang / steng dang / 'og rnams ni/ phyogs zhes bya'o/ /'das pa dang / ma 'ongs pa dang / da ltar ba ni/ dus zhes bya'o/ / phyogs kyis phye na bcu'o/ /dus kyis phye na gsum mo/ /gang zhig sems can thams cad rdzun pas bslus nas gzugs grub ste de las rim par 'khor nas dus nam yang 'dzad pa'i mtha' med do/ /khams 'di'i rang bzhin phyogs bcu yod cing / gnas pa'i yul ni/ gsal bar byed na nus mod kyang 'jig rten gyi shar nub lho byang tsam ngos zin gyi/ steng </font><hr>464a<br><font size=+1>


@#/ /'og gi gnas med/ dbus na gnas pa'i yul med do/ /bzhi po 'di'i grangs cis kyang mi 'chug pa'i phyir 'dis 'jig rten dang sbyar na gsum tshan bzhi ru byas pa dang / bzhi tshan gsum du byas pa na yang bcu gnyis las mi 'da'o/ /yang rgyas par bsgyur nas rnam grangs gsum bsnan te gcig bcu brgya stong gi bar thog ma nas tha ma'i bar du mdor bsdus nas dbang po drug gi nang du ngo skal gyi longs spyod pa po dang spyad bya stong nyis brgya re yod/ kun dga' bo/ khyod kyis 'di'i yul mang nyung phye nas zungs shig / da lta yang mig gis blta ba dang gtad pa na rgyab kyi yul mi mthong zhing mdun gyi yul mthong ba'i phyir mdun gyi yul sna tshogs thams cad mthong la/ rgyab kyi yul sna tshogs gtan nas mi mthong ba dang / g.yas g.yon gyi yul la cha gsum gnyis tsam mthong ba der sleb tu rung ba'i longs spyod pa po dang spyad bya thams cad 'dril na mi ldang ba'i phyir cha gsum longs spyod kyi cha gcig longs mi spyod do/ /de'i phyir mig gcig pu la longs spyod pa po dang longs spyad bya brgyad brgya yod ces bya bar rigs so/ /rna bas khyab par mnyan pa na phyogs bcu'i sgra thos par 'gyur zhing / ring ba dang nye bar grags pa dag thos par 'gyur ro/ /wal ler gnas na mtha' dang mu med do/ /de'i phyir rna ba'i dbang po la longs spyod pa po dang </font><hr>464b<br><font size=+1>


longs spyad bya stong phrag gcig dang nyis brgya tshang bar shes par bya rigs so/ /snas dri snom pa na dbugs 'byung rdub kyis tshor bar 'gyur ro/ /dbugs 'byung rngub gnyis kyi bar du gzhan med cing / sna'i dbang po nges par na bya ba'i cha gsum las gcig gis dman pa'o/ /de'i phyir sna'i dbang po nyid la longs spyad bya dang spyod byed brgyad brgya yod ces shes par bya rigs so/ /lces smra ba'i tshe 'khor ba dang myang 'das kyi tshul rtogs pa'i shes rab kyis thams cad smra bar nus so/ /smra ba la tshad yod kyi gnas lugs la tshad med do/ /de'i phyir lce'i dbang po nyid la longs spyad bya dang spyod byed stong nyis brgya yod ces shes par bya rigs so/ /lus kyis reg bya tshor ba'i tshe reg bya yid du 'ong mi 'ong shes par nus shing / 'phrad pa'i tshe shes par nus la bral ba'i tshe shes par mi nus so/ /bral ba na gcig pu dang / phrad pa na zung du 'gyur ba'i phyir lus kyi dbang po nges par na bya ba'i cha gsum las gcig gis dman pa'o/ /de'i phyir lus nyid la longs spyad bu dang spyod byed brgyad brgya yod ces shes par bya rigs so/ /sems nang du gnas pa'i tshe phyogs bcu dus gsum gyi 'jig rten dang 'jig rten las 'das pa'i chos thams cad dang so so skye bo dang 'phags pa sogs ma lus pa der chud cing sems kyis de dag thams cad la khyab par byed do/ /de'i phyir </font><hr>465a<br><font size=+1>


@#/ /yid kyi dbang po nyid la longs spyad bya spyod byed stong nyis brgya tshang bar shes par bya rigs so/ /kun dga' bo/ khyod da lta skye 'chi dang 'dod pa'i rgyun las phyir phyogs te rgyun de lugs ldog tu 'gags nas skye 'gag med pa'i gnas su phyin par 'dod na/ dbang po drug po 'di dag gi longs spyod gang mthun la gang mi mthun pa dang / gang zab la gang mi zab pa dang / gang rang byung la gang rang byung ma yin pa'i tshul dpyad cing nges par bya rigs so/ /gal te 'di dag las rang byung gi ye shes kyi rtsa ba rtogs nas thog ma med pa'i 'khrul snang gi las kyi rgyu ba bzlog nas rang byung gi ye shes kyis 'gro ba dang / rang byung gi ye shes ma yin pas 'gro ba la zhag dang bskal pa'i khyad par yod do/ /ngas da lta dbang po drug gi gsal zhing dwangs pa'i rtsa ba longs spyod byed dang spyad bya'i tshad dang grangs tshang zhing rgyas par gsungs pa ni/ 'di ltar ro/ /khyod rang nyid kyi 'dod pas gang nas 'jug pa'i sgo tshol cig dang / ngas gsal bar bshad de khyod mngon par gzhug go /phyogs bcu'i de bzhin gshegs pa rnams kyang khams bco brgyad las gang yang rung ba gcig gi steng nas sbyangs te thams cad mtshungs par bla na med pa yang dag par rdzogs pa'i byang chub thob pas/ de dag la dman mchog med do/ /khyod nyid blo dman pas </font><hr>465b<br><font size=+1>


de'i nang gi rang byung gi ye shes la dbang thob par mi nus pa'i phyir ngas khyod la gsal bar bshad nas khyod zab mo'i lam gcig pur btsud do/ /mi bslu ba'i gnas gcig tu zhugs na| dbang po drug gi shes pa de dag skad cig la rnam par dag par 'gyur ro/ /kun dga' bos bcom ldan 'das la gsol pa/ bcom ldan 'das/ ji ltar na/ rgyun las ldog pa'i lam zab mo gcig pur zhugs na de ma thag tu dbang po drug rnam par dag pa'i rang bzhin du 'gyur ba yin/ bcom ldan 'das kyis kun dga' bo la bka' stsal pa/ khyod da lta rgyun du zhugs pa'i 'bras bu thob nas khams gsum gyi mthong spang rtog pa zad kyang dbang po la gnas pa'i thog ma med pa'i 'khrul pa'i bag chags ma rtogs pas bag chags de sbyangs pas gdod 'gag par 'gyur ba yin na/ de'i nang du skye ba dang gnas pa dang 'gyur ba dang 'gag pa'i cha dang grangs dag yod pa la lta ci smos/ khyod da lta ltos shig /dbang po drug bo gcig yin nam/ drug yin/ kun dga' bo/ gal te gcig yin na/ rna bas ci'i phyir mi mthong / mig gis ci'i phyir mi thos/ mgos ci'i phyir mi 'gro/ rkang pas ci'i phyir mi smra| gal te dbang po drug tha dang pa drug yin na/ da lta yang 'dus pa 'di'i nang du ngas khyod la chos zab mo gsal bar bshad na/ khyod kyi dbang po drug bo gang gis len par byed/ </font><hr>466a<br><font size=+1>


@#/ /kun dga' bos gsol pa/ bdag gis rna bas thos par byed lags so/ /bcom ldan 'das kyis bka' stsal pa/ khyod kyi rna bas thos na/ lus dang kha la ltos ci dgos kyang khas don 'dri zhing lus kyis gus pas len par byed do/ /de'i phyir 'di la gcig nyid ma yin gyi drug la ltos la/ drug ma yin gyi gcig nyid do/ /mthar thug ni| khyod kyi dbang po dag gcig dang drug ma yin par shes par bya'o/ /kun dga' bo/ dbang po de dag gcig ma yin/ drug ma yin/ thog ma med pa nas log par 'khyams shing rmongs pas rang bzhin rnam par dag pa las gcig dang drug ces pa'i don 'di khyod kyis shes par rigs so/ /khyod rgyun zhugs yin pa'i phyir drug po 'di zad na yang gcig nyid ma spangs/ da ltar yang nam mkha' stong pa dang snod kyi dngos po 'dres pas snod kyi gzugs tha dad pa'i dbang gis stong pa yang tha dad pa zhes bya'o/ /snod kyi dngos po bsal nas stong pa la ba ltas na stong pa gcig nyid do/ /nam mkha' stong pa khyod kyi rang dbang du tha dad dang tha mi dad du 'byed par mi nus pa la yang gcig gam gcig ma yin pa zhes brjod du med pa lta ci smos/ khyod kyi longs spyod byed dbang po drug gsal bar shes pa yang de bzhin no/ /snang ba dang mun pa gnyis kyi gzugs phan tshun du rnam pa gsal ba las rmad du byung ba'i rang bzhin </font><hr>466b<br><font size=+1>


der dwangs rkyen las mthong ba gsal bar 'gyur ro/ /mthong ba'i rang bzhin gzugs la gtad pa las gzugs mthong zhing dbang por 'gyur ro/ /dbang po'i rang bzhin rnam par dag pa'i 'byung ba chen po bzhi la brten nas mig gi dngos po zhes bya'o/ /rgun 'brum lta bu dbang yul gzhan bzhi'i dbang gis gzugs la 'jug go /g.yo ba dang mi g.yo ba rnam pa gnyis phan tshun du 'phrad pa las rmad du byung ba'i rang bzhin der dwangs rkyen las thos pa gsal bar 'gyur ro/ /thos pa'i rang bzhin sgra la gtad pa las dbang por 'gyur ro/ / dbang po'i rang bzhin rnam par dag pa'i 'byung ba chen po bzhi la brten nas rna ba'i dngos po zhes bya'o/ /lo ma gsar pa 'khril ba lta bu dbang po yul gzhan bzhi'i dbang gis sgra la 'jug go /'byed pa dang 'gag pa rnam pa gnyis phan tshun du 'phrad pa las rmad du byung ba'i rang bzhin der dwangs rkyen las snom pa gsal bar 'gyur ro/ /snom pa'i rang bzhin dri la gtad pa las dbang por 'gyur ro/ /dbang po'i rang bzhin rnam par dag pa'i 'byung ba chen po bzhi la brten nas sna'i dngos po zhes bya'o/ /sder mo gnyis thur du gshibs pa lta bu dbang po yul gzhan bzhi'i dbang gis dri la 'jug go /ro mi bro ba dang ro bro ba rnam pa gnyis phan tshun du 'phrad pa las rmad du byung ba'i rang bzhin der dwangs rkyen las ro bro ba gsal </font><hr>467a<br><font size=+1>


@#/ /bar 'gyur ro/ /ro bro ba'i rang bzhin ro la gtad pa las dbang por 'gyur ro/ /dbang po'i rang bzhin rnam par dag pa'i 'byung ba chen po bzhi la brten nas lce'i dngos po zhes bya'o/ /zla ba phyed pa lta bu dbang po yul gzhan bzhi'i dbang gis ro la 'jug go /reg pa dang 'bral ba rnam pa gnyis phan tshun du 'phrad pa las rmad du byung ba'i rang bzhin der dwangs rkyen las reg pa gsal bar 'gyur ro/ /reg pa'i rang bzhin reg bya la gtad pa las dbang por 'gyur ro/ /dbang po'i rang bzhin rnam par dag pa'i 'byung ba chen po bzhi la brten nas lus kyi dngos po zhes bya'o/ /zom rnga lta bu dbang po yul gzhan bzhi'i dbang gis reg bya la 'jug go /skye ba dang 'gag pa rnam pa gnyis phan tshun du bstud pa las rmad du byung ba'i rang bzhin der dwangs rkyen las yid gsal bar 'gyur ro/ /yid kyi rang bzhin chos la gtad pa las chos nye bar bsdus nas dbang por 'gyur ro/ /dbang po'i rang bzhin rnam par dag pa'i 'byung pa chen po bzhi la brten nas sems pa'i yid ces bya'o/ /khyim dben pa'i nang du bltas pa lta bu dbang po yul gzhan bzhi'i dbang gis chos la 'jug go /kun dga' bo/ dbang bo drug po 'di gsal zhing rig pa ma rig pas bslad pa las gsal ba'i rang bzhin sgrib ste yul </font><hr>467b<br><font size=+1>


rdzun pa la phyogs pa las spros pa 'byung ngo / /de'i phyir de lta khyod snang mun dang bral na mthong ba'i dngos po med par 'gyur ro/ /g.yo mi g.yo dang bral na thos pa'i dngos po med par 'gyur 'byed 'gag dang bral na snom pa'i dngos po med par 'gyur/ ro bro mi bro med na myong ba'i dngos po med par 'gyur/ 'bral reg med na reg pa'i dngos po med par 'gyur/ skye 'gag med na 'du shes pa gang la brten/ khyod g.yo mi g.yo dang / 'bral reg dang / ro bro mi bro dang / 'byed 'gag dang / skye 'gag dang / snang mun la sogs pa rnam pa bcu gnyis kyi dngos po'i gzugs kyi dbang du mi gtong bar dbang po gang yang rung ba gcig gsal na/ 'khrul ba'i snang ba dang bral nas ma rig pa bcom/ de ma thag tu slar yang gdod ma'i sems gsal rig gsal bar 'gyur ro/ /gsal rig gi rang bzhin gsal bas yul lnga'i bag chags dag pa'i mthus dri ma thams cad dag nas mdun gyi yul lam ltos par shes pa mthong ba 'byung bar 'gyur/ 'di la gsal rig dbang po'i dbang gis mi 'gro yang dbang po'i rkyen gyis gsal rig mngon du 'gyur ro/ /'di nas dbang po drug yul phan tshun la dbye ba med par longs spyod par nus so/ /kun dga' bo/ khyod kyis mi shes sam/ da lta 'dus pa 'di'i nang du ma 'gag pa mig med kyang gzugs mthong / klu'i rgyal po nye dga' rna ba med kyang sgra thos/ </font><hr>468a<br><font size=+1>


@#/ /gang+gA'i lha mo sna med kyang dri tshor/ ba glang bdag lce rnam pa gzhan du yod kyang ro myong / lha shU n+ya ta lus med kyang reg bya tshor zhing sangs rgyas kyi 'od kyis snang bar gyur te skad cig la mthong bar 'gyur yang rlung dang 'dra ba'i phyir 'od dang bral ma thag lus med par 'gyur ro/ /'gog pa'i ting nge 'dzin dang zhi ba la gnas pa'i nyan thos rnams las 'dus pa 'di'i nang du 'od srung chen po lta bu yid kyi dbang po 'gags nas yun ring du lon yang gsal rig gis gsal bar shes pa ni/ rtog cing sems pa ma yin no/ /kun dga' bo/ da lta khyod gal te dbang po thams cad bsal na nang gi gsal rig mngon du 'gyur te phyi'i yul dang snod kyi 'jig rten sna tshogs pa 'di dag 'gyur ba dang skye ba'i gzugs chu khol mos 'khyags pa bzhu ba ltar sems kyi skad cig la gnas gyur te bla na med pa'i ye shes 'grub par 'gyur ro/ /kun dga' bo/ da lta yang 'jig rten gyi skye bo dag blta bya mig gis mthong la gal te myur du btsums na mun pa'i gzugs mdun du mngon par 'gyur/ dbang po drug po mi gsal zhing mun par 'gyur la mgo nas rkang pa'i bar yang 'di nyid dang 'dra'o/ /des skye bo 'ga' zhi ga la lags pas phyi nas nyug na ji ltar mi mthong yang mgo nas rkang pa'i bar du rnam par rig pa tsam </font><hr>468b<br><font size=+1>


du 'dra'o/ /mthong ba snang ba las byung ba yin na mun pa la mi mthong bar 'gyur/ snang ba la mi brten par rang byung ba yin na mun pas gzugs sna tshogs la ring du sgrib par mi nus pa'i phyir dbang po dang yul dag pas gsal rig ji ltar rmad du byung ba'i rang bzhin du 'grub par mi 'gyur/ kun dga' bos bcom ldan 'das la gsol pa/ bcom ldan 'das| da lta yang bcom ldan 'das kyis bka' stsal pa ltar thog ma'i rnam par rig pa'i sems kyi rgyun tshol na/ 'bras bu'i sa dang ming dang grangs mthun pa zhig 'byung rigs so// bcom ldan 'das/ 'bras bu'i sa la byang chub dang myang 'das dang de bzhin nyid dang sangs rgyas kyi rang bzhin dang dri ma med pa'i shes pa dang de bzhin gshegs pa'i snying po stong pa nyid dang me long lta bu'i ye shes te rnam pa 'di bdun gyi ming tha dad kyang rnam par dag pa yongs su rdzogs pa rang bzhin gyis gtan du gnas pa rin po che rdo rje rgyal po ltar sra zhing brtan la gzhom du med pa'o/ /gal te 'di'i mthong ba dang snang ba dang mun pa dang g.yo ba dang mi g.yo ba dang thogs pa dang thogs pa med pa dang bral na gtan nas rang bzhin med par 'gyur ro/ /dper na/ dran pa dang 'dra ste/ mdun gyi yul dang bral na ci yang med/ ji ltar na gtan nas chad pa dang 'gag par 'gyur ba'i rgyu nyams su blangs nas de bzhin </font><hr>469a<br><font size=+1>


@#/ /gshegs pa'i rtag brtan gyi 'bras bu bdun 'thob par 'gyur/ bcom ldan 'das/ gal te snang ba dang mun pa dang bral na mthong ba gtan nas med par 'gyur zhing / mdun gyi yul med na dran rtog gi rang bzhin rang gi ngang gis 'gag go /snga phyi phan tshun du zhib tu brtag cing btsal na gdod ma nas bdag gi sems dang sems las byung ba yang med na/ 'di la gang gis rgyu byas nas bla na med pa'i rig pa tshol bar byed/ de bzhin gshegs pas zab cing phra la rdzogs shing dwangs pa brtan pa zhes bka' stsal na| tshig 'di las brgal nas 'das na rtsed mo'i tshig tu 'gyur ro/ /ji ltar de bzhin gshegs pa'i bka' la yang dag pa zhes brjod/ brtse ba chen pos bdag gi ma rig pa'i mun pa bsal du gsol zhes gsol ba dang / bcom ldan 'das kyis bka' stsal pa/ khyod mang du thos pa la bslab kyang zag pa thams cad ma bsal zhing sems kyis phyin ci log gi rgyu shes pa yin pa la phyin ci log mngon sum du yod pa gtan nas ngo ma shes so/ /khyod nyid kyis zhe thag pa nas bden pa'i don du yid ches sam/ ji ltar ngas da lta 'jig rten pa'i don phal pa la brten nas khyod kyi the tshom bsal bar bya'o/ /zhes bka' stsal nas de bzhin gshegs pas sgra gcan 'dzin la gaN+Di lan gcig brdung du </font><hr>469b<br><font size=+1>


bcug nas kun dga' bo la dris pa/ khyod kyis da lta thos sam ma thos/ kun dga' bo la sogs pa'i 'khor 'dus pa rnams kyis bdag cag thams cad kyis thos so/ /zhes gsol to| |gaN+Di'i sgra yal ba na bcom ldan 'das kyis yang dris pa/ da lta thos sam ma thos/ kun dga' bo la sogs pa'i 'khor 'dus pa rnams kyis ma thos so/ /zhes gsol to/ /de'i tshe sgra gcan 'dzin gyis slar yang gcig brdung ba dang / bcom ldan 'das kyis yang dris pa/ khyed cag gis da lta thos sam ma thos/ kun dga' bo la sogs pa 'khor 'dus pa thams cad kyis thos so/ /zhes gsol to/ /bcom ldan 'das kyis kun dga' bo la dris pa/ khyed cag gis ji ltar thos la ji ltar ma thos/ kun dga' bo la sogs pa 'khor 'dus pa thams cad kyis gsol pa/ gaN+Di'i sgra grags pa na thos la/ brdungs nas ring zhig nas sgra yal ba na gtan nas ma thos so/ /zhes gsol to/ /de bzhin gshegs pas yang sgra gcan 'dzin la bka' stsal te gaN+Di brdung du bcug nas kun dga' bo la dris pa/ khyod kyis sgra yod ces smra'am/ med ces smra/ kun dga' bo la sogs pa'i 'khor 'dus pa thams cad kyis sgra yod ces gsol to/ /yud tsam song nas sgra yal ba na bcom ldan 'das kyis yang dris pa/ khyed cag da lta sgra yod ces smra'am/ med ces smra/ kun dga' </font><hr>470a<br><font size=+1>


@#/ /bo la sogs pa 'khor 'dus pas sgra med ces gsol to/ /cung zad song nas sgra gcan 'dzin gyis yang gaN+Di brdung ba na bcom ldan 'das kyis slar yang dris pa/ khyed cag da lta sgra yod ces smra'am/ med ces smra/ kun dga' bo la sogs pa 'khor 'dus pa thams cad kyis sgra yod ces gsol to/ /yang bcom ldan 'das kyis kun dga' bo la dris pa/ khyod ci'i phyir sgra yod ces smra la/ ci'i phyir sgra med ces smra/ kun dga' bo la sogs pa 'khor 'dus pa thams cad kyis bcom ldan 'das la gsol pa| gaN+Di'i sgra grags pa na sgra yod ces smra/ brdungs te ring zhig song nas sgra yal ba na sgra med ces smra'o/ /zhes gsol to/ /bcom ldan 'das kyis kun dga' bo la sogs pa 'khor 'dus pa thams cad la bka' stsal pa/ khyed cag da lta ci'i phyir rang tshig gis rang nyid 'khrul par byed cing smra/ 'khor 'dus pa thams cad dang / kun dga' bo la sogs pas bcom ldan 'das la gsol pa/ da lta ci'i phyir bdag cag tshig 'khrul par smra zhes bka' stsal/ bcom ldan 'das kyis bka' stsal pa/ ngas khyed cag la thos sam zhes dris pa la khyed cag thams cad thos so/ /zhes smra/ yang khyed cag la sgra yod dam zhes dris pa la khyed cag thams cad sgra yod ces smra/ thos so </font><hr>470b<br><font size=+1>


sgra yod ces pa ltar na/ lan gsol ba la nges pa ma mchis par snang zhing / 'di ltar yin bzhin du ci'i phyir rang tshig ma 'khrul zhes smra/ kun dga' bo/ sgra yal zhing med pa na khyed cag mi thos zhes smra la/ gal te nges par mi thos na thos pas rang bzhin 'gag ma thag tu shing skam dang 'dra bar 'gyur ro/ /slar yang gaN+Di'i sgra grags na/ khyed cag gis ji ltar shes| yod par shes pa dang / med par shes pa yul sgra nyid las yin la/ glo bur du med par gyur pa dang / glo bur du yod par gyur pa thos pa'i rang bzhin de ci'i phyir khyed cag gis yod ces pa dang / med ces pa'i dbang du 'gyur/ thos pa med ce na/ med pa shes pa po su zhig yin/ de'i phyir kun dga' bo/ sgra de thos pa nyid las byung ba yin na/ rang nyid skyes pa dang 'gag pa yod par 'gyur la/ khyed cag gis thos pa'i phyir gdod sgra skyes pa dang 'gag par gyur nas khyed cag gi thos pa'i rang bzhin yod pa dang / med pa la thug pa ni| ma yin no/ /khyod phyir zhing phyin ci log gi blos sgra la rmongs nas thos btsam zhig gi mtshan mar bzung nas 'khor zhing 'khyams te rtag pa la chad par 'dzin pa la smad pa'i gnas ci yod/ ji ltar yang g.yo mi g.yo dang / thogs bcas thogs med dang / 'byed pa dang stong pa sogs thams cad dang bral nas thos pa la rang bzhin med ces smra bar mi </font><hr>471a<br><font size=+1>


@#/ /rigs so/ /dper na/ mi gnyid 'thug po can dang 'dra ste/ khri'i steng du gnyid kyis log pa la khyim der skye bo 'ga' zhig gis sprugs pa dang 'bru gtun tu brdung ba na mi de'i rmi lam du sprug pa dang brdung ba'i sgra thos nas gzhan zhig yin snyam du 'ong ste rnga brdung ba'am/ 'on te gaN+Di brdung ngam snyam nas rmi lam la gaN+Di las shing dang rdo ltar sgra grag go /zhes glo bur du yar nas sad pa'i tshe brdung ba'i sgra yin par nges nas nang mi la smras pa/ nga gnyid log pa'i skabs sgra 'di rnga'i sgra snyam du 'khrul lo/ /zhes smras so| |kun dga' bo/ mi 'di'i rmi lam gal te g.yo mi g.yo dang / 'byed 'gag dang / thogs bcas thogs med bsam pa'i gnas yod dam/ de ji ltar gnyid log kyang thos pa'i rang bzhin nyams par mi 'gyur ro/ /khyod shi nas srog 'gag na yang rang bzhin 'di ci'i phyir khyod dang lhan cig zhig nas 'gag par 'gyur/ sems can thams cad thog ma med pa nas da lta'i bar du gzugs sgra dang ma bral bar rtog pa thams cad 'khor mar brgyud nas so sor 'byed par mi nus so/ /rang bzhin rnam dag rmad du byung ba gtan du gnas pa la rtag pa'i gnas kyi rjes su mi 'brang ngo / /skye 'gag gi dbang gis rjes su 'brang bzhin pa'i phyir de las rim pa rim par bgos pa'i bag chags kyis 'gyur </font><hr>471b<br><font size=+1>


nas 'khor ro/ /gal te skye 'gag spangs nas rtag tu bden pa nyid la gzhol na/ gsal rig mngon sum du gyur te dbang po'i yul can gyi shes rig yud tsam zhig 'gag par 'gyur ro/ /'du shes kyi gzugs la yul zhes bya'o/ /rnam par shes pa'i ma rig pa la dri ma zhes bya'o/ /'di gnyis dang rab tu bral na/ de ma thag tu khyod kyi chos kyi mi rdul dang bral bar 'gyur ro/ /'di la bla na med pa'i gsal rig gi rnam par shes pa mi 'grub pa'i tshul yod dam/ /de bzhin gshegs pa'i gsang bsgrub pa'i don mngon par thob pa'i rgyu/ byang chub sems dpa' thams cad kyi spyod pa rgya mtsho ston pa/ sangs rgyas kyi gtsug tor dpa' bar 'gro ba zhes bya ba theg pa chen po'i mdo/ bam po lnga ba| kun dga' bos bcom ldan 'das la gsol pa/ bcom ldan 'das/ de bzhin gshegs pas don de nyid ji ltar bshad kyang da lta 'jig rten pa dag mdud pa 'grol ba la bltas na/ gal te des mdud pa de thog mar ji ltar mdud pa'i tshul ma shes na/ mi des ji ltar byas kyang 'grol mi nus snyam du bdag sems lags te/ bcom ldan 'das bdag dang 'khor 'dus pa'i nyan thos slob pa dag kyang de bzhin no/ /thog ma med pa nas da lta'i bar du kun tu rmongs pa thams cad dang lhan cig skye zhing 'gag bzhin pa yin pa la/ </font><hr>472a<br><font size=+1>


@#/ /'di lta bu'i mang du thos pa'i dge ba'i rtsa ba thob pa na rab tu byung ba zhes bya ste/ nyin res bar du chod pa'i rims ldang dub pa'i nad kyis btab pa dang 'dra/ snying rje chen pos bdag cag 'dam du bying ba rnams la thugs rjes gzigs nas da lta bdag cag gi lus sems gnyis ji ltar bcings pa dang gang nas bkrol ba bstan nas slad ma'i sems can sdug bsngal ba rnams 'khor bar 'khor ba las grol te srid pa gsum du mi ltung bar mdzad du gsol zhes gsol pa dang / dge 'dun 'dus pa thams cad yan lag lnga sa la gtugs te mig nas mchi ma 'khrug bzhin du snying nas gus pas de bzhin gshegs pa'i bla na med pa'i legs par bshad pa nod cing 'dug go /de'i che bcom ldan 'das kyis kun dga' bo dang 'khor 'dus pa'i slob pa rnams la brtse bas bskyangs te/ yang slad ma'i sems can thams cad kyi don du 'jig rten las 'da' ba'i rgyu dang phyi rabs kyi mig tu bya'o/ /zhes dzam+bu chu bo'i gser lta bu'i phyag gis kun dga' bo'i mgo la byug pa mdzad do/ /de'i tshe phyogs bcu'i sangs rgyas kyi 'jig rten gyi khams rnams drug tu 'ur zhing g.yos so/ /rdul snyed kyi 'jig rten gyi khams na bzhugs pa'i de bzhin gshegs pa thams cad kyi rang rang gi gtsug tor gyi nor bu las 'od </font><hr>472b<br><font size=+1>


zer 'phros te/ 'od zer de dag dus gcig tu 'jig rten so so nas rgyal bu rgyal byed kyi tshal du 'ongs nas de bzhin gshegs pa'i gtsug tor la thim pas 'khor 'dus pa de dag sngar ma mthong ba'i ngo mtshar ba gsar du mthong ngo / /de nas kun dga' bo dang / 'khor 'dus pa de dag thams cad kyis thos par phyogs bcu'i rdul snyed kyi de bzhin gshegs pa thams cad kyis dbyangs gcig gis kun dga' bo la bka' stsal pa/ kun dga' bo/ shin tu legs so/ /kun tu rmongs pa dang lhan cig tu skye bzhin par skye zhing 'gag pa'i 'khor bar 'khor ba'i 'ching ba'i rtsa ba shes par 'dod na/ khyod kyi dbang po drug nyid las dngos po gzhan gtan nas med do/ /yang khyed bla na med pa'i byang chub kyi lam gyis myur du zhi bde'i rnam par grol ba la bkod nas mi 'gyur ba'i zhi ba dam pa rtag pa'i tshul shes par 'dod na/ yang khyod kyi dbang po drug po nyid yin gyi/ dngos po gzhan gtan ma yin no/ /zhes bka' stsal to| |kun dga' bos ji ltar chos kyi dbyings 'di lta bu thos kyang gsal bar khong du ma chud pas phyag 'tshal nas bcom ldan 'das la gsol pa/ bdag skye 'gag gi 'khor bar 'khor ba dang / rmad du byung ba'i zhi ba dang bde ba rtag pa'i gnas thob par byed pa'i rgyu dbang po drug kho na yin gyi/ dngos po gzhan gtan ma yin zhes bka' stsal pa ci lags/ </font><hr>473a<br><font size=+1>


@#/ /bcom ldan 'das kyis kun dga' bo la bka' stsal pa/ dbang po dang yul rtsa ba gcig cing 'ching ba dang grol ba gnyis tha dad pa med/ rnam par shes pa'i rang bzhin rdzun pa nam mkha'i me tog bzhin no/ /kun dga' bo/ yul las 'du shes 'byung zhing dbang po'i rkyen gyis rnam pa skye'o/ /gzugs dang mthong ba la rang bzhin med cing phan tshun brten nas skyes pa 'dam bu'i khyim bzhin no/ /'di'i slad du khyod kyis da lta shes mthong la 'du shes na ma rig pa'i rtsa bar 'gyur la/ shas mthong la mthong ba med nas de nyid myang 'das zag pa med pa'i yang dag pa'i gtsang bar 'gyur bas/ de'i 'di'i nang du dngos po ji ltar chud par 'gyur/ de'i tshe bcom ldan 'das kyis slar yang don 'di gsal bar bya ba'i phyir tshigs su bcad pa bka' stsal to/ /dam pa'i don du ngo bos stong / /brten nas 'byung phyir sgyu ma bzhin/ /dngos po med phyir skye 'gag bral/ /bde na med nam mkha'i me tog bzhin/ /rdzun pa smra bas bden pa gsal/ /bden dang rdzun pa gnyis ka rdzun/ /bden pa ma yin bden med min/ /ji ltar shes dang shes byar brjod de dag par na'ang bden med phyir/ /phan tshun brten pa'i 'dam bu bzhin/ /bcings dang 'grol ba rgyu gcig nyid/ /skye 'phags so sor lam yod min/ /khyod kyis ltos 'brel </font><hr>473b<br><font size=+1>


rang bzhin soms/ /rang bzhin stong dang mi stong min/ /rmongs shing bsgribs pa ma rig ste/ /de nyid sangs ma thag tu grol/ /'ching ba rim gyis grol ba yis/ /drug po grol bas gcig kyang med/ /dbang po btsal bas mngon shes 'grub/ /nang don la zhugs rdzogs sangs rgyas/ /kun gzhi'i rnam shes zab cing phra/ /sa bon chu bo'i rgyun bzhin 'bab/ / bden rdzun log par rtog 'gyur zhes/ /rtag tu ngas ni ma bstan to/ /sems kyis sems nyid rtogs pa na/ /sgyu ma min yang sgyu ma'i chos/ /ma rtogs sgyu ma yang ni med/ /sgyu ma min yang mi skye na/ /sgyu ma'i chos rnams ga la gnas/ /'di ming pad dkar dam pa dang / /rdo rje rgyal po rdzogs sangs rgyas/ /sgyu ma lta bu'i ting nge 'dzin no/ /yud kyis mi slob lam las 'da'/ /'di nyid dam chos mngon pa yin/ /phyogs bcu'i de bzhin gshegs pa rnams kyi/ /lam gcig mya ngan 'das pa'i sgo/ /de nas kun dga' bo dang 'khor 'dus pa thams cad de bzhin gshegs pas bla na med pa'i brtse bas rjes su bstan pa slar yang tshigs su bcad pa sdeb legs shing snyan la don gsal ba thos pas blo gros kyi mig gsal par phye ste sngar ma thos pa'i don thos so/ /zhes ngo mtshar du gyur to/ /kun dga' bos thal mo sbyar te gus pas phyag 'tshal zhing bcom ldan 'das la gsol pa/ bdag da </font><hr>474a<br><font size=+1>


@#/ /lta sangs rgyas kyi 'gog pa med pa'i snying rje chen po'i mthus rang bzhin rnam par dag cing rmad du byung ba rtag cing bden pa'i don can gyi chos kyi tshig thos kyang mdud pa drug po grol bas gcig kyang med par 'gyur ba dang / slar yang 'grol ba dang mdud pa'i rim pa dag gi don da dung blor ma chud lags na/ brtse ba chen pos rjes su bskyangs te 'khor 'dus pa 'di dang / yang phyi ma'i dus kyi skye bo rnams la dgongs te chos kyi dbyangs kyis bdag cag gi dri ma 'khrud par mdzad du gsol| de'i tshe de bzhin gshegs pas seng+ge'i khri la na bza'i chos gos bla 'og rnams legs par bcos shing bsdus te sku la nye bar bcar ba'i rin po che sna bdun gyi stegs bu la phyag brkyang nas 'thab bral gyi lhas phul ba'i dar blangs te 'khor 'dus pa'i mig sngar mdud pa gcig por nas kun dga' bo la bstan te bka' stsal pa/ 'di'i ming ci| kun dga' ba dang bcas 'khor 'dus pa rnams kyis bcom ldan 'das la gsol pa/ 'di la mdud pa zhes bya lags/ de nas de bzhin gshegs pas lha'i der slar yang mdud nas kun dga' bo la 'dris pa/ 'di'i ming ci/ kun dga' bo dang bcas 'khor 'dus pa rnams kyis yang bcom ldan 'das la gsol pa/ 'di la </font><hr>474b<br><font size=+1>


mdud pa nyid ces bya lags/ 'di bzhin du rim pas lha'i dar lan drug gi bar du mdud nas mdud pa rnams phyag tu bsnams te kun dga' bo la dris pa/ 'di dag gi ming ci| kun dga' bo dang bcas 'khor 'dus pa thams cad kyis sngar ltar 'di dag mdud pa nyid do/ /zhes lhan cig tu bcom ldan 'das la gsol pa dang / bcom ldan 'das kyis kun dga' ba la bka' stsal pa/ ngas thog mar lha'i dar la mdud pa bor bar khyed cag gis mdud pa'o/ /zhes smras so/ /lha'i dar 'di thog par gcig yin pa la gnyis pa dang gsum pa la khyed cag ci'i phyir yang mdud pa zhes brjod/ kun dga' bos bcom ldan 'das la gsol pa/ bcom ldan 'das/ rin po che lha'i dar 'di snal ma 'thag nas bsgrub pa na thog mar dngos po gcig yin kyang de bzhin gshegs pas mdud pa gcig bor na gcig ces bya la/ gal te mdud pa brgya bor na yang mthar brgya nyid do snyam du sems so/ /yang 'dir mdud pa drug por ba mthar bdun du mi longs lngar mi gnas pas de bzhin gshegs pas ci'i phyir thog ma'i mdud pa gcig pa btsi la mdud pa gnyis pa dang gsum pa mi brtsi lags so/ /bcom ldan 'das kyis kun dga' bo la bka' stsal pa/ lha'i dar 'di don du gcig nyid yin par khyod kyis shes pa de bzhin la/ </font><hr>475a<br><font size=+1>


@#/ /ngas mdud pa drug por bas drug ces bya bar gyur to/ /khyod kyis zhib tu dpyod la ltos shig /lha '+ki dar dngos po gcig nyid la mdud pa'i dbang gis du mar gyur to/ /khyod ji snyam du sems/ thog mar bor ba'i mdud pa la dang po zhes bya la/ de zhin du mdud pa drug gi bar du yin na/ ngas da lta mdud pa drug pa la dang po zhes brjod na rung ngam zhes bka' stsal pa la/ bcom ldan 'das/ ma lags so/ /gal te drug pa yod bzhin du drug pa 'di la dang po zhes brjod mi rung ngo / / bdag tshe rabs mang bor blo bros kyi mthus ji ltar dpyad kyang mdud pa drug po 'di'i ming gzhan du byed par mi nus so/ /bcom ldan 'das kyis bka' stsal pa/ de de bzhin no/ /mdud pa drug po 'dra ba min zhing rtsa ba'i rgyu la legs par brtags na/ lha'i dar gcig la mdud pa drug bor ba yin te/ phan tshun 'chol na gtan du mi rung ba'i phyir khyod kyi dbang po drug kyang de bzhin te/ gcig nyid las nges par du mi skye'o/ /bcom ldan 'das kyis kun dga' bo la bka' stsal pa/ khyod mdud pa drug mi 'dod cing mdud pa gcig bya bar 'dod na ji ltar byed/ kun dga' bos gsol pa/ gal te mdud pa drug yod na yon min gyi rtsod pa ldang la de las </font><hr>475b<br><font size=+1>


mdud pa 'di mdud pa de ma yin/ mdud pa de mdud pa 'di ma yin zhes smra pa dag 'byung ngo / /de bzhin gshegs pas de ring mdud pa thams cad bkrol nas med par gyur pa na 'di dang de zhes byar med pa'i phyir gcig ces kyang bya bar mi rigs pa la ji ltar na drug tu 'gyur/ bcom ldan 'das kyis bka' stsal pa/ drug bkrol ba na gcig kyang med ces pa ni/ 'di dang 'dra'o/ /khyod kyi thog ma med pa nas sems kyi rang bzhin rlom zhing g.yengs pas 'du shes dang mthong ba rdzun pa skye zhing / skyes nas mi 'gyur par nyon mongs te yul mngon du 'gyur ro/ /dper na/ mig 'bras ngal gyi bar du gtad nas bltas na gsal rig las rgyu med par ra ri 'byung ba ltar 'jig rten thams cad dang ri klung sa gzhi dang skye 'chi dang mya ngan las 'das pa'i chos thams cad kyang rlom zhing nyon mo nges te phyin ci log gi rnam pa skye ba las gzhan med do/ /kun dga' bos gsol pa/ nyon mongs pa'i 'khrul pa'i 'di mdud pa dang 'dra ba lags na/ 'di ji ltar 'grol zhing sel bar byed/ de bzhin gshegs pas phyag gis lha'i dar de de nas g.yon phyogs su drangs nas kun dga' bo la dris pa/ 'di 'grol ba yin nam zhes bka' stsal pa la/ kun dga' bos gsol pa/ bcom ldan 'das/ ma lags </font><hr>476a<br><font size=+1>


@#/ /so| |yang phyogs gis g.yas su drangs nas slar yang kun dga' bo la dris pa/ 'di grol ba yin nam zhes bka' stsal pa la/ kun dga' bos gsol pa/ bcom ldan 'das/ ma lags so/ /bcom ldan 'das kyis kun dga' bo la bka' stsal pa/ ngas da lta phyag gis g.yas g.yon du drangs kyang ma grol na| khyod kyis thabs gang gis 'grol bar nus/ kun dga' bos bcom ldan 'das la gsol pa/ bcom ldan 'das/ mdud pa'i dkyil nas dkrol nas de ma thag tu grol nas so sor phyed par 'gyur lags so/ /bcom ldan 'das kyis kun dga' bo la bka' stsal pa/ de de bzhin no/ /de de bzhin te/ gal te bkrol nas sems bar byed na/ mdud pa'i dkyil nas rtsom par rigs so/ /kun dga' bo/ ngas sangs rgyas kyi chos rten cing 'brel pa las 'byung ba yin zhes gsungs pa ni/ 'jig rten gyi 'phrad pa dang ltos pa'i gzugs rags pa bstan pa ma yin/ de bzhin gshegs pas 'jig rten dang 'jig rten las 'das pa'i chos gsal bar phye nas de brten pa'i rtsa ba'i rgyu gang dang rjes su 'phrel nas ji ltar 'byung ba'i tshul thams cad kyis byung ba shes zhing / de bzhin du gang+gA'i klung gi bye ma snyed kyi 'jig rten gyi khams kyi pha </font><hr>476b<br><font size=+1>


rol la thug gi bar du char gyi thigs pa gcig tshun chad kyi grangs kyang shes so/ /da lta 'dir thang shing drang ba dang / shing tshe ma can 'khyog pa dang / 'dab chags bzhad dkar pa dang / bya rog nag pra la sogs pa'i dngos po sna tshogs pa'i thog ma'i rgyu thams cad kyang shes so/ /de'i phyir kun dga' bo/ khyod kyis dbang po drug las gang 'dod pa zhig bzung la ltos shig gal te dbang po'i mdud pa bsal na/ yul dang gzugs rang nyid 'gags nas rdzun pa thams cad nub cing bzhi bar 'gyur ba'i phyir bden pa mi rnyed pa'i tshul yod dam/ kun dga' bo/ ngas da lta khyod la dri bar bya'o/ /'thab bral gyi lha'i dar 'di la de lta mdud pa drug bor dus gcig la thams cad 'grol bar byed snyam na/ de ltar nus sam zhes bka' stsal pa la/ kun dga' bos gsol pa/ bcom ldan 'das/ ma lags kyi/ mdud pa 'di rnams thog mar rim gyis mdud pa'i phyir da lta'ang rim gyis bkrol bar rigs so/ /mdud pa'i 'di drug gzugs 'dra yang mnyam du mdud pa yin pa'i phyir mdud pa'i 'grol ba na ji ltar gcig car 'grol bar nus/ bcom ldan 'das kyis bka' stsal pa/ dbang po drug grol zhing sel ba yang de bzhin no/ /dbang po 'di grol ma thag tu thog mar gang zag gi stong pa nyid rnyed cing stong pa'i rang bzhin </font><hr>477a<br><font size=+1>


@#/ /kun nas gsal bar 'gyur ba chos las rnam par grol/ chos las rnam par grol bas stong pa nyid gnyis su 'dzin par mi 'gyur ro/ /'di la byang chub sems dpa'i ting nge 'dzin las skyes pa'i skye ba med pa'i bzod pa zhes bya'o/ /zhes bka' stsal to/ /de ltar kun dga' bo la sogs pa'i 'khor 'dus pa rnams de bzhin gshegs pa'i ye shes gsal rig mngon par rdzogs par phye nas bstan pa'i bka' drin gyis the tshom dang rmongs pa sangs par gyur to/ /de 'tshe thal mo sbyar zhing zhabs la phyag 'tshal te bcom ldan 'das la gsol pa/ da lta bdag cag gi lus sems rnyog pa med cing tshad med pa'i dga' ba dang ldan par gyur to/ /mdud pa drug grol bas gcig kyang med par 'gyur ba'i don ji tsam du rtogs lags kyang mngon par byang chub pa'i rtsa ba ma shes so/ /bcom ldan 'das/ bdag cag lta bu'i skye bo rab tu 'khyams nas bskal pa ji snyed kyi bar du dpung gnyen med par dwa phrug lta bur gyur nas ji zhig ltar te de bzhin gshegs pa'i nyed dur gyur lags shing / 'di nyid mas bor ba'i byis pa chung du brtse ldan gyi ma nyid dang 'phrad pa bzhin no/ /yang 'dus pa 'di dang 'phrad nas la mthob par gyur la/ ji ltar thos pa'i gsang ba'i gdams ngag gi </font><hr>477b<br><font size=+1>


don 'di yang thog ma nyid nas rang la yod pa rtogs par gyur pa lags kyi/ gzhan du na rtsa ba nas ma thos pa dang khyad par med par 'gyur ro/ /snying rje chen pos nye bar dgongs te bdag la rmad du byung ba'i zab mo bstan nas de bzhin gshegs pa'i gsal ba mthar thug pa gsal zhing rgyas la rdzogs par bka' stsal du gsol zhes gsol nas yan lag lnga sa la gtugs te phyag 'tshal te phyir rang gnas su 'khod nas bcom ldan 'das kyis rjes su bstan pa nod cing 'dug go /de'i tshe bcom ldan 'das kyi 'khor 'dus pa'i byang chub sems dpa' chen po rnams dang / zag pa thams cad dang bral ba'i dgra bcom pa rnams la bka' stsal pa/ khyed cag lta bu'i byang chub sems dpa' rnams dang / dgra bcom pa rnams pa'i bstan pa la zhugs nas mi slob par gyur pas/ ngas da lta khyed cag la dri bar bya'o/ /dang por sems bskyed nas khams bco brgyad las gang zhig rtogs nas mngon par byang chub pas yin la/ thabs la mkhas pa gang gis ting nge 'dzin la snyoms par zhugs pa yin/ kau Di n+ya la sogs pa'i lnga sde stan las langs te bcom ldan 'das kyi zhabs la phyag 'tshal nas gsol pa/ de bzhin gshegs pa ri dwags kyi nags dang bya ga la dan ka'i tshal na zhugs pa'i tshe thog mar bdud rtsi brnyes pa mthong zhing de bzhin gshegs pa'i </font><hr>478a<br><font size=+1>


@#/ /gsung dbyangs la brten nas bden pa bzhi mngon par rtogs shing de bzhin gshegs pas dge slong rnams la dris pa na bdag gis thog mar rtogs so/ / zhes gsol to/ /de nas bcom ldan 'das kyis bdag la kun shes zhes bya bar ming du stsal zhing bsngags pa mdzad do/ /dbyangs rmad du byung ba zab mo dang ldan pa'i phyir bdag gsung dbyangs la brten nas dgra bcom par gyur to/ /de bzhin gshegs pas mngon par byang chub pa'i rgyu dris pa la/ bdag ltar na gsung dbyangs mchog las byang chub pa zhes bya'o/ /nye sde stan las langs te bcom ldan 'das kyi zhabs la phyag 'tshal nas gsol pa/ bdag de bzhin gshegs pa thog mar bdud rtsi brnyes pa mthong zhing mi sdug pa'i gzugs la yid byung nas gzugs kyi rang bzhin rtog ste mi gtsang ba nas keng rus dang rdul gyi bar du brtags nas stong par gyur pa'i rjes su stong pa dang gzugs kyi dmigs pa dag nas mi slob pa'i go 'phang thob pas de bzhin gshegs pas bdag la/ nye sde zhes bya bar ming du stsal zhing bsngags pa mdzad do/ /yul gzugs kyi dmigs pa dag nas rmad du byung ba'i gzugs kyi gsang ba zab mo rdzogs pas gzugs kyi rnam pa la brten nas dgra bcom par gyur to/ /de bzhin gshegs pas mngon </font><hr>478b<br><font size=+1>


bar byang chub pa'i rgyu dris pa la/ bdag ltar na gzugs las byang chub pa zhes bya'o/ /byang chub sems dpa' gzhon nu spos kyi rgyan zhes bya ba stan las langs te bcom ldan 'das kyi zhabs la phyag 'tshal te gsol pa/ bdag la de bzhin gshegs pas dngos po'i gzugs thams cad la legs par rtogs shig ces bka' stsal pa thos pas de'i tshe bdag de bzhin gshegs pa la gnang ba gsol nas dpen par mnyam par gzhag pa'i tshe dge slong dag gis dri bzang po'i a ka ru bsreg pa mthong nas spos kyi dri snar phog ma thag tu bdag gis dri 'di la brtags pa na shing ma yin/ stong pa ma yin/ du ba ma yin/ me ma yin/ song ba na brten pa'i gnas med/ 'ong ba na skyes pa'i khungs med pas rtog pa sel nas zag pa med pa mngon du gyur pas de bzhin gshegs pas bdag la spos kyi rgyan zhes bya bar ming du stsal nas bsngags pa mdzad do/ /yul gyi dri 'phral du 'gag nas dri'i gsang ba zab mo rmad du byung ba rdzogs pas bdag spos kyi dri la brten nas dgra bcom par gyur to/ /de bzhin gshegs pas mngon par byang chub pa'i rgyu dris pa la/ bdag ltar na spos kyi dri las byang chub pa zhes bya'o/ /sman gyi rgyal po dang sman gyi bla ma zhes bya ba chos kyi rgyal po'i sras gnyis dang / 'khor 'dus pa'i tshangs rigs lha lnga brgya dang bcas ba stan </font><hr>479a<br><font size=+1>


@#/ /las langs te bcom ldan 'das kyi zhabs la phyag 'tshal nas gsol pa/ bdag cag bskal pa thog ma med pa nas 'jig rten gyi sman gyi bla mar gyur te mi mjed kyi 'jig rten 'di'i rtswa dang / shing dang / lcags dang / rdo rnams kyi ro myangs nas ming dang grangs chig 'bum brgyad stong yod pa dag gi ro kha ba skyur ba lan tshwa ba ro mi bro ba mngar ba tsha ba la sogs pa'i ro thams cad brtag cing shes so/ /yang sbyar ba dang / lhan skyes dang / bsgyur zhing 'chos pa la sogs pa'i tsha par 'gyur ba dang / bsil par 'gyur ba dang / dug can dang / dug med pa thams cad kyang shes so/ /de bzhin gshegs pa la bsnyen bkur ba'i tshe ro'i rang bzhin stong pa ma yin/ stong pa ma yin pa ma yin/ lus dang sems las byung ba ma yin/ lus dang sems las bral ba ma yin zhes mngon par rtogs nas ro'i rang bzhin la so sor rtog pas khong du chud pas de bzhin gshegs pa'i bka' drin gyis nged cag spun gnyis la byang chub sems dpa' sman gyi rgyal po dang / sman gyi bla ma zhes bya bar ming du stsal zhing bsngags pa mdzad pa la brten nas da lta 'khor 'dus pa 'dir chos kyi rgyal po'i sras su gyur te/ ro las mngon par byang chub nas byang chub sems dpar gyur </font><hr>479b<br><font size=+1>


to| |de bzhin gshegs pas mngon par byang chub pa'i rgyu dris pa la/ bdag ltar na ro'i rang bzhin las byang chub pa zhes bya'o/ /bzang skyong 'khor skyes bu chen po bcu drug po dang bcas pa thams cad stan las langs te bcom ldan 'das kyi zhabs la phyag 'tshal nas gsol pa/ bdag cag sngon de bzhin gshegs pa gzi brjid sgra dbyangs kyi rgyal po las thos te khyim nas byung lags so/ /rab tu byung ba rnams dang lhan cig tu khang bar zhugs nas khrus byed pa na glo bur du chu'i rkyen gyis dri ma bkrus pa yang ma yin/ lus bkrus pa yang ma yin zhes rtogs nas de dag gi bar nas dngos po'i mtshan ma zhi bar gyur to/ /sngon gyi bag chags ma brjed pa'i stobs kyis da lta de bzhin gshegs pa'i rjes su rab tu byung nas bdag mi slob pa'i gnas la bkod do/ /de bzhin gshegs pa des bzang skyong zhes bya bar ming du stsal zhing rmad du byung ba'i reg bya mngon du gyur te rgyal ba'i sras kyi gnas thob bo/ /de bzhin gshegs pas mngon par byang chub pa'i rgyu dris pa la/ bdag ltar na reg bya las byang chub pa'o/ /zhes bya'o/ /'od srung chen po dang / dge slong ma gser mdog ma la sogs pa stan las langs te bcom ldan 'das kyi zhabs la phyag 'tshal nas gsol pa/ bdag 'das pa'i bskal pa dag gi snga rol tu 'jig rten </font><hr>480a<br><font size=+1>


@#/ /'dir sangs rgyas byon pa mthong ste/ de'i mtshan ni/ nyi zla'i sgron me zhes bya'o/ /bdag gis bsnyen bkur zhing chos mnyan te sgrub pa la bslab bo/ / de bzhin gshegs pa de mya ngan las 'das pa'i rjes su sku gdung la mchod cing mar me rgyun mi 'chad par phul nas gser btso mas de bzhin gshegs pa'i sku gzugs la byugs pas de nas bzung ste skye ba thams cad du lus kun nas gser btso ma'i kha dog ltar gyur to/ /dge slong ma gser mdog ma la sogs pa 'di dag bdag gi nye dur gyur nas dus gcig tu sems bskyed pa lags te/ bdag 'jig rten gyi yul drug gi zag pa la brtags nas stong pa'i dbyings su zhi ba la zhugs te/ 'gog pa'i snyoms 'jug gi mthus lus sems bskal pa brgya stong du gnas kyang se gol gtogs pa tsam gyi yun dang mnyam par byed nus te/ bdag stong pa nyid kyi chos la brten nas dgra bcom par gyur to/ /bcom ldan 'das kyis bdag la sbyangs pa'i yon tan la gnas pa rnams kyi mchog ces bka' stsal to/ /rmad du byung ba'i chos mngon du byas nas zag pa thams cad dang bral bar gyur to/ /bcom ldan 'das kyis mngon par byang chub pa'i rgyu dris pa la/ bdag ltar na chos kyi rang bzhin las byang chub pa'o// </font><hr>480b<br><font size=+1>


zhes bya'o/ /ma 'gag pa stan las langs te bcom ldan 'das kyi zhabs la phyag 'tshal nas gsol pa/ bdag thog mar khyim nas byung ba'i skabs gnyid shin tu 'thug pas de bzhin gshegs pas bdag la phyugs dang 'dra'o/ /zhes smad pas bdag gis de thos nas yi mug cing 'gyod nas zhag bdun gyi bar du gnyid ma log pas mig gnyis 'grib ste/ bcom ldan 'das kyis bdag la gsal mthong rnam par rol pa rdo rje lta bu'i ting 'dzin bstan pa la brten nas mig la ma ltos par phyogs bcu po shin tu gsal bar cung zad kyang ma lus par mthong ba ni/ lag mthil gyi shing thog mthong ba dang 'dra bar gyur pas de bzhin gshegs pas bdag la dgra bcom pa zhes bsngags pa mdzad do/ /de bzhin gshegs pas mngon par byang chub pa'i rgyu dris pa la/ bdag ltar na mthong ba las log ste gdod ma'i rang bzhin la reg pa las byang chub pa'o/ /zhes bya'o/ /lam phran bstan stan las langs te bcom ldan 'das kyi zhabs la phyag 'tshal nas 'di skad du gsol pa/ bdag klog pa'i tshig gzung mi nus par ma zad mang du thos pa'i rang bzhin dang mi ldan pas thog mar de bzhin gshegs pa dang 'phrad cing chos mnyan nas rab tu byung ba'i rjes su de bzhin gshegs </font><hr>481a<br><font size=+1>


@#/ /pas gdams pa'i tshigs su bcad pa gcig bzung nas zhag brgya'i bar du tshig snga ma bzung na phyi ma brjed cing tshig phyi ma bzung na snga ma brjed par gyur pa na bdag dbang po shin tu rtul ba la brtse bar dgongs te drang por 'dug tu bcu gnas dbugs 'byung rdub grongs shig ces bka' stsal pa la/ bdag de'i tshe dbugs shin tu phra mo'i mthar thug gi bar du brtags pa na skye ba dang / gnas pa dang / 'gyur ba dang / 'gag pa'i bya ba thams cad yud tsam du mngon par rtogs nas sgrib pa thams cad dang bral zhing zag pa zad nas dgra bcom par gyur pas/ de bzhin gshegs pa'i drung du 'dug bzhin du bdag la mi slob pa zhes bsngags pa mdzad do/ /de bzhin gshegs pas mngon par byang chub pa'i rgyu dris pa la/ bdag ltar na 'byung 'jug las log ste stong pa la reg pa las byang chub pa'o/ /zhes bya'o/ /ba lang bdag stan las langs te bcom ldan 'das kyi zhabs la phyag 'tshal nas gsol pa/ bdag 'das pa'i bskal par 'jig rten du dge sbyod la 'phya zhing smod pa'i ngag gi nyes pa bsags pas tshe rabs mang por ba lang ltar skyugs bldad bya dgos pa'i skyon dang ldan par gyur to/ /de bzhin gshegs pas bdag la gcig tu rnam par dag pa'i sems kyi snying po'i chos kyi sgo la </font><hr>481b<br><font size=+1>


brtson par gyis shig ces gdams shing bka' stsal pas/ bdag sems kyi rtog pa zhi nas ting nge 'dzin la snyoms par zhugs so/ /ro la rtog pa'i 'du shes lus ma yin/ dngos po ma yin zhes rtogs nas bsam pa tsam gyi mod la 'jig rten gyi zag pa thams cad zad nas nang du lus sems grol zhing phyi 'jig rten gyi rtog pa spangs nas srid pa gsum las ring du grol ba ni/ 'dab chags rgya las thar pa bzhin no/ /rdul dang bral zhing dri ma dag nas chos kyi mig rnam par dag cing dgra bcom par gyur pas de bzhin gshegs pas bdag la mi slob pa zhes bsngags pa mdzad do/ /de bzhin gshegs pas mngon par byang chub pa'i rgyu dris pa la/ bdag ltar na ro las log nas gsal rig la reg pa las byang chub pa'o/ /zhes bya'o/ /pi linada'i bu stan las langs te bcom ldan 'das kyi zhabs la phyag 'tshal nas gsol pa/ bdag thog mar de bzhin gshegs pa'i rjes su lam du 'jug par bya'o/ /snyam du sems pa na de bzhin gshegs pas 'jig rten la bde bar ma 'dzin ces yang yang bka' stsal pa rgyun du thos nas grong khyer du bsod snyoms la phyin cing chos la sems pa na/ mtshor bar lam du gnas pa'i dug gi tsher ma rkang pa la zug pas lus thams cad la zag rdu byung ba na bdag la tshor ba yod pa'i dbang gis 'di </font><hr>482a<br><font size=+1>


@#/ /ltar shin tu gzir ba shes so/ /tshor bas ji ltar gzir ba tshor na yang tshor ba'i rang bzhin gsal rig la gzir ba med la/ zug rdu'i tshor ba med ces bsam nas bdag yang dang yang du zhib tu brtag pa na/ lus 'di la tshor ba gnyis yod dam zhes sems pa la brtson pas ring bor ma lon par glo bur du lus sems dben par gyur te zhag bdun phrag gsum gyi mjug tu zag pa thams cad zad nas dgra bcom par gyur pas de bzhin gshegs pas bdag la mi slob pa zhes bsngags pa mdzad do/ /de bzhin gshegs pas mngon par byang chub pa'i rgyu dris pa la/ bdag ltar na tshor ba rnam par dag cing lus spangs pa las byang chub pa'o/ /zhes bya'o/ /rab 'byor stan las langs te bcom ldan 'das kyi zhabs la phyag 'tshal nas gsol pa/ bdag bskal pa mang po'i dus nas sems kyi sgrib pa med pa thob cing skye ba mang por lus blangs pa dran pa na gang+gA'i klung gi bye ma snyed kyi grangs dang mnyam zhing thog mar ma'i mngal du gnas pa'i tshe stong zhing dben par shes shing de bzhin du phyogs bcu'i bar du yang stong pa'i rang bzhin du mthong bas sems can thams cad kyang stong pa'i rang bzhin mthong ba la dgod par bya'o snyam lags te/ de bzhin gshegs pas gsal </font><hr>482b<br><font size=+1>


rig don dam pa'i de nyid gsal bar mdzad pa'i bka' drin la brten nas stong pa'i rang bzhin gsal rig mngon du gyur te dgra bcom par gyur nas skad cig tsam gyis de bzhin gshegs pa'i rgya mtsho lta bu'i gsal rig stong pa nyid kyi dgongs pa mngon du gyur cing de bzhin gshegs pa'i shes rab dang spyod yul mnyam par gyur pas mi slob pa zhes bsngags pa mdzad do/ /stong pa'i rang bzhin gyis rnam par grol nas bdag bla na med par gyur to/ /de bzhin gshegs pas mngon par byang chub pa'i rgyu dris pa la/ bdag ltar na gzugs sna tshogs pa la gzugs 'gag pa dang 'gag par bya ba thams cad zad nas chos kyi dmigs pa las log ste stong pa la zhugs pa las byang chub pa'o/ /zhes bya'o/ /shA ri'i bu stan las langs te bcom ldan 'das kyi zhabs la phyag 'tshal nas gsol pa/ bdag bskal pa mang po'i dus nas sems kyi mthong ba rnam par dag cing skye ba mang por lus blangs pa gang+gA'i klung gi bye ma snyed kyi grangs dang mnyam par 'khor ba dang mya ngan las 'das pa'i sna tshogs pa'i rnam par 'gyur ba la gcig tu bltas pa na mngon sum du mthong nas sgrib thogs gtan nas med cing / bdag lam du 'od srung mched mnyam du 'gro ba dang 'phrad nas bdag dang rten cing 'brel pa'i tshul rgyas par gleng ba na blo sad nas rtogs </font><hr>483a<br><font size=+1>


@#/ /pa mtha' yas par gyur cing de bzhin gshegs pa'i rjes su rab tu byung ngo / /mthong ba dang rig pa rnam par dag nas bsnyengs pa dang bral bas dgra bcom par gyur cing / de bzhin gshegs pa'i gsung las skyes pa'i sras kyi thu bor gyur to/ /de bzhin gshegs pas mngon par byang chub pa'i rgyu dris pa la/ bdag ltar na sems kyi mthong ba las ye shes spros te 'du shes kyi gnas lugs rtogs pa las byang chub pa'o/ /zhes bya'o/ /byang chub sems dpa' kun tu bzang po stan las langs te bcom ldan 'das kyi zhabs la phyag 'tshal nas gsol pa/ bdag thog ma nas gang+gA'i klung gi bye ma snyed kyi de bzhin gshegs pa chos kyi rgyal po'i sras su gyur to/ /phyogs bcu'i de bzhin gshegs pa de dag rang gi slob ma byang chub sems dpa'i rigs can la kun tu bzang po'i spyod pa la slobs shig ces gdams pa na bdag gi ming 'di las de ltar du btags so| |bcom ldan 'das/ bdag rtogs shing thos pas sems can thams cad kyi 'du shes dang mthong ba'i khyad par shes so/ /de lta gal te zhing gzhan gang+gA'i klung gi bye ma snyed kyi pha rol gyi sems can gcig la kun tu bzang po'i spyod pa gsal bar byed snyam na/ bdag de'i tshe glang po che mche ba drug pa la zhon nas lus stong phrag brgyar sprul </font><hr>483b<br><font size=+1>


te so so'i thad du phyin nas de ji tsam du sgrib pa stug por gyur nas bdag ma mthong yang des ma tshor bzhin du de'i mgo la byug cing srung ba dang / bde legs su byas nas don 'grub par byed do/ /de bzhin gshegs pas mngon par byang chub pa'i rgyu dris pa la/ bdag 'di snyam du rtsa ba'i rgyu rtogs shing thos pa mngon du byas nas so sor 'byed pa la dbang thob pa las byang chub pa'o/ /zhes bya'o/ /gcung dga' bo stan las langs te bcom ldan 'das kyi zhabs la phyag 'tshal nas gsol pa/ bdag thog mar de bzhin gshegs pa'i rjes su rab tu byung nas chos la zhugs shing tshul khrims bsrungs kyang ting nge 'dzin las yengs shing g.yo bas zag pa zad par ma gyur to/ /bcom ldan 'das kyis bdag dang gsus po che gnyis la sna'i rtse mor kha dog dkar po sgoms shig ces gdams pas/ bdag gis thog mar nges par brtag cing zhag bdun phrag gsum 'das nas sna bug gi rlung 'byung 'jug du ba dang 'dra bar gyur pa mthong nas nang du lus sems gsal zhing 'jig rten thams cad rtogs nas thams cad gsal stong du gyur bas bai DUR+Ya ltar gyur cing / du ba'i rnam pa rim gyis yal nas sna'i dbugs dkar por gyur pa'i rjes su blo sad cing zag pa zad de 'byung 'jug gi dbugs 'od du gyur nas phyogs bcu gsal bar gyur cing dgra bcom </font><hr>484a<br><font size=+1>


@#/ /pa thob bo/ /bcom ldan 'das kyis bdag la nges par byang chub 'thob bo/ /zhes lung bstan to/ /de bzhin gshegs pas mngon par byang chub pa'i rgyu dris pa la/ bdag gis ring du dbugs sbyangs pas rig pa skyes te gsal bar rdzogs shing zag pa zad pa las byang chub pa'o/ /zhes bya'o/ /byams ma'i bu gang po stan las langs te bcom ldan 'das kyi zhabs la phyag 'tshal nas gsol pa/ bdag bskal pa shin tu ring po nas spobs pa thogs pa med par gyur to/ /sdug bsngal ba dang stong pa'i tshul 'chad cing yang dag pa'i gnas lugs mngon par rtogs so/ /de bzhin du gang+gA'i klung gi bye ma snyed kyi de bzhin gshegs pa'i gsang ba zab mo'i chos kyi sgo ji snyed pa tshogs kyi dbus su shin tu gsal bar phye ste ston pa la 'jigs pa med pa thob bo/ /bcom ldan 'das kyis bdag spobs pa phun sum tshogs par mkhyen nas dbyangs kyi dkyil 'khor kun tu khyab par sgrogs shig ces bka' stsal pas/ de bzhin gshegs pa'i spyan sngar chos kyi 'khor lo bskor te rgyal ba'i mdzad pa bsgrubs pas/ seng+ge'i sgra sgrog pa lta bur chos smra ba la brten nas dgra bcom par gyur te/ bcom ldan 'das kyis bdag la chos smra ba bla na med pa zhes bsngags pa mdzad do/ /de bzhin gshegs pas mngon </font><hr>484b<br><font size=+1>


par byang chub pa'i rgyu dris pa la/ bdag chos kyi sgras bdud bcom zhing zag pa zad pa las byang chub pa'o/ /zhes bya'o/ /nye bar 'khor stan las langs te bcom ldan 'das kyi zhabs la phyag 'tshal nas gsol pa/ bdag de bzhin gshegs pa'i rjes su 'brangs nas grong khyer las byung ste rab tu byung nas de bzhin gshegs pas lo drug dka' ba spyad cing brtson 'grus brtsams pa mthong zhing / de bzhin gshegs pas bdud bcom zhing mu stegs btul ba dang / 'jig rten gyi 'dod pa dang chags pa'i zag pa thams cad las grol ba yang mngon sum du mthong ngo / /de bzhin gshegs pas stsal ba'i tshul khrims nod nas rtsa ba'i brtul zhugs sum stong dang / yan lag gi brtul zhugs khri phrag brgyad kyi bar du rnam par dag cing lus sems dben pa thob nas dgra bcom par gyur to/ /bdag tshogs kyi nang du mchog tu gyur pas de bzhin gshegs pas bdag gi sems mkhyen nas tshul khrims srung zhing lus sdom thams cad kyi nang nas bdag la bla na med pa zhes bsngags pa mdzad do/ /de bzhin gshegs pas mngon par byang chub pa'i rgyu dris pa la/ bdag lus sbyangs pa'i lus la dbang thob cing rim gyis sems sbyangs nas sems thogs pa med par gyur pa'i rjes su lus sems thams cad don yod par gyur pa las byang chub pa'o/ /zhes bya'o/ /maung+gal gyi bu chen </font><hr>485a<br><font size=+1>


@#/ /po stan las langs te bcom ldan 'das kyi zhabs la phyag 'tshal nas gsol pa/ bdag thog mar bsod snyoms la rgyu zhing lam du phyin pas lteng rgyas 'od srung / ga ya 'od srung / chu klung 'od srung gsum dang 'phrad nas de dag de bzhin gshegs pa'i rten cing 'brel par 'byung ba'i don zab mo rgya cher gleng bas bdag de ma thag tu spro ba bskyed nas ches shin tu gting dpog par gyur te/ de bzhin gshegs pas bdag la snam sbyar stsal pa lus la gyon ma thag tu skra dang kha spu rang byi bar gyur to| |bdag phyogs bcur chags thogs med par 'gro ba'i rdzu 'phrul mngon du gyur pa rnams kyi mchog ces lung bstan cing dgra bcom par gyur to/ /bcom ldan 'das dang / phyogs bcu'i de bzhin gshegs pa thams cad kyi bdag la rdzu 'phrul gyi stobs dang ldan pa gsal zhing rnam par dag pa la dbang zhing 'jigs pa med do/ /zhes bsngags pa mdzad do/ /de bzhin gshegs pas mngon par byang chub pa'i rgyu dris pa la/ bdag ltar na sems dmigs pa la phyir log nas sems 'od gsal bar gyur pa ni/ chu'i rnyog pa dwangs pa ltar rim gyis dwangs par gyur pa las byang chub pa'o/ /zhes bya'o/ /khro bo u ts+tshuSh+ma de bzhin gshegs pa'i spyan sngar thal mo sbyar zhing zhabs la phyag 'tshal </font><hr>485b<br><font size=+1>


nas gsol pa/ bskal pa shin tu ring po'i gnas skabs dran pa na bdag chags pas bcings pa'i rang bzhin can du gyur to/ /de bzhin gshegs pa nam mkha'i rgyal po 'jig rten du byon pa dang 'phrad nas de bzhin gshegs pa des 'dod chags can gyi skye bo'i 'dod chags me dpung dang 'dra zhes bka' stsal nas bdag la lhu tshigs brgya dang / yan lag bzhi dang / sna tshogs pa'i tsha grang gi dbugs la rtogs shing ces gdams pa la sems 'od gsal ba nang du bsdus pas chags pa'i sems zhi na ye shes kyi mer gyur pas/ de nas de bzhin gshegs pa thams cad kyis bdag la khro bo rdo rje'i me zhes btags shing / bdag me'i 'od kyi ting nge 'dzin gyi mthu la brten nas dgra bcom par gyur to/ /bdag 'di snyam du de bzhin gshegs pa thams cad kyis byang chub mngon du mdzad pa na bdag stobs po cher gyur nas bdud kyi dpung bcom zhing 'dul bar bgyid do/ /zhes dam bcas so/ /de bzhin gshegs pas mngon par byang chub pa'i rgyu dris pa la/ bdag lus sems kyi dro ba'i reg bya la yang dag par brtags pas sgrib thogs med par gyur nas zag pa thams cad zad cing sems rin po che'i me lce 'bar te bla na med pa'i rig pa'i mthar thug pa la byang chub pa'o/ /zhes bya'o/ /byang chub sems dpa' sa 'dzin stan las langs te bcom ldan 'das kyi </font><hr>486a<br><font size=+1>


@#/ /zhabs la phyag 'tshal nas gsol pa/ sngar gyi gnas skabs dran pa na de bzhin gshegs pa kun tu 'od 'jig rten du byon pa'i tshe bdag dge slong du gyur nas lam po che dang / 'jug ngogs dang / 'phrang dog po la sogs pa rta dang shing rta bgrod dka' ba'i gnas thams cad bdag gis snyoms par bcos shing / gzhan yang zam pa dang / 'bab stegs btsugs pa dang / sa dang bye ma lcar ba sogs bya ba 'di lta bu 'bad pas brtson bzhin du de bzhin gshegs pa grangs las 'das pa 'jig rten du byon pa dag 'ongs so/ /skye bo 'ga' zhig tshong 'dus kyi sa ra gzhan gyis yo byad 'khyer du bcug pa na de'i yod byad 'dong pa'i gnas su bskyal nas bzhag ma thag tu phyir ldog gi /de las gla rngan len par mi byed do/ /de bzhin gshegs pa thams cad skyob 'jig rten du byon pa'i dus su 'jig rten du mu ge rgyun du byung bas bdag gis gzhan gyi yo byad 'khyer ba na thag nye ring mi brtsi bar pa na re re len par byed do/ /gzhan yang phyugs dang shing rta 'dam du bying ba na bdag gi sgyu rtsal gyi mthus 'khor lo 'dren zhing sdug bsngal las thar par byed do/ /de'i tshe yul de'i rgyal pos de bzhin gshegs pa spyan drangs te zhal zas bstabs pa na bdag lam srang 'chos shing de bzhin gshegs pa 'khor </font><hr>486b<br><font size=+1>


bcas pa sgug cing bsngad do/ /de bzhin gshegs pa thams cad skyob byon nas phyag bdag gi spyi bor bzhag ste bdag la sems kyis snyoms par byas na/ 'jig rten gyis thams cad snyoms par byas pa yin no/ /zhes gdams shing bka' stsal pas/ bdag de ma thag tu blo sad nas lus kyi rdul phra mo dang / 'jig rten gyi khams kyi rdul phra mo gtan nas khyad par med par rtogs nas rdul phra mo'i rang bzhin phan tshun mi reg par ma zad mtshon gyis kyang reg tu med par gyur te/ skye ba med pa'i chos la bzod pa thob nas dgra bcom par gyur te da lta bdag rigs sad nas byang chub sems dpa'i theg pa la zhugs te de bzhin gshegs pa thams cad kyi dam pa'i chos pad+ma dkar po las thams cad mkhyen pa'i ye shes bka' stsal pa thos nas thog mar khong du chud do/ /de bzhin gshegs pas mngon par byang chub pa'i rgyu dris pa la/ bdag gis 'jig rten gyi phyi nang gi rdul rnam pa gnyis khyad par gtan nas med par gdod ma nas de bzhin gshegs pa'i snying po dang / rdzun pa las byung ba'i rdul yin zhing / rdul de zad pa na ye shes rdzogs nas bla na med pa'i go 'phang thob pa las byang chub pa'o/ /zhes bya'o/ /byang chub sems dpa' zla 'od gzhon nur gyur pa stan las langs te bcom ldan 'das kyi zhabs la phyag 'tshal </font><hr>487a<br><font size=+1>


@#/ /nas 'di skad du gsol pa/ bdag gis sngon gyi gnas dran pa na bskal pa gang+gA'i klung gi bye ma snyed kyi snga rol tu de bzhin gshegs pa chu lha zhes bya ba 'jig rten du byon pa na byang chub sems dpa' thams cad la chu la dmigs pa'i sgo nas ting nge 'dzin la zhugs shig ces bka' stsal to/ /de'i phyir bdag lus kyi chu'i khams la so sor rtog cing sgom pas gtan la phab nas dang po mchil snabs dang / de nas khu khrag dang bshang gci la thug gi bar du lus kyi nang gi chu'i bdag nyid du gyur pa ni| 'jig rten gyi khams mtha' yas pa gzhi dang snying po me tog gis brgyan pa'i zhing gi rgya mtsho dang 'dra bar rtogs so/ /bdag de'i tshe thog mar 'di nyid bsgoms pas chu'i rang bzhin kho na mthong yang lus kyi khams zad par ma nus so/ /dge slong du gyur pa'i tshe spyil bur bsam gtan sgom pa'i tshe bdag gi slob ma gcig gis skar khung nas nang du bltas pa na khyim chus gang ba mthong zhing gzhan ci yang ma mthong ngo / /de byis pa'i rang bzhin du gyur pas chu'i nang du gyo dum bsgyur bas chu la sgra phyung ste phyi mig blta bzhin du song ngo / /bdag ting nge 'dzin las langs pa na de ma thag tu snying ga na zhing ji ltar shA ri'i bu gnod byed kyi 'dres gtse ba lta bur gyur to/ /bdag gis nan tan du </font><hr>487b<br><font size=+1>


bsam pa na bdag da lta dgra bcom pa'i go 'phang thob nas na ba'i sdug bsngal dang bral ba la ci'i phyir snying ga glo bur du na bar gyur/ ci ste go 'phang las nyams pa yin nam snyam du brtag cing bsam pa na/ slob bu byis pa de bdag gi gam du 'ongs nas sngar gyi tshul de smras pa la/ bdag gis de la khyod kyis slad nas chu de mthong ba na sgo phye nas chu'i nang du zhugs la gyo dum de sol cig ces smras pa dang / des kyang ji ltar smras pa bzhin mnyan te phyis bdag bsam gtan la snyoms par zhugs pa na/ des chu de nyid kyi nang du gyo dum gcig yod pa mthong nas sgo phye zhing gyo dum blangs nas bsal bas phyis bsam gtan nas langs pa na sngar ltar nad med par gyur to/ /de nas bzung ste de bzhin gshegs pa dpag tu med pa dang / 'phrad cing de bzhin gshegs pa ri'i dbang phyug rgyal po mngon par mkhyen pa'i rgya mtsho'i dus su gdod lus kyi khams nub par gyur cing / phyogs bcu'i spos kyi rgya mtsho'i rang bzhin du 'dres nas nges par stong pa'i rang bzhin mngon du gyur nas gnyis su med par gyur to/ /de bzhin gshegs pa'i spyan sngar nges pa'i gzhon nur gyur pa zhes ming thob nas byang chub sems dpar gyur to/ /de bzhin gshegs pas mngon par byang chub pa'i rgyu dris pa la/ bdag chu'i rang bzhin gcig pu la so sor rtog cing bsgoms pas skye ba med pa'i chos la bzod pa tho </font><hr>488a<br><font size=+1>


@#/ /nas byang chub kyi go 'phang mngon du gyur to/ /zhes bya'o/ /chos kyi rgyal pa'i sras bai DUR+Ya'i 'od ces pa stan las langs te bcom ldan 'das kyi zhabs la phyag 'tshal nas gsol pa/ bdag sngon gyi gnas dran pa na bskal pa gang+gA'i klung gi bye ma snyed 'das pa'i snga rol tu de bzhin gshegs pa dpag tu med pa'i sgra dbyangs zhes bya ba 'jig rten du byon te/ des byang chub sems dpa' rnams la gdod ma'i gsal rig gsal bar bstan te phyi 'jig rten dang / nang sems can gyi lus thams cad rdzun pa'i 'brel gyi rlung gi stobs kyis 'khor ba'i tshul rtogs shig ces bka' stsal to/ /bdag gis de'i tshe 'jig rten chags pa'i tshul la brtags nas 'jig rten gyi 'pho zhing 'gyur ba la rtog cing lus kyi g.yo ba dang mi g.yo ba la rtog la sems kyi rtog pa rgyu ba la yang brtags pas g.yo ba sna tshogs pa dag gnyis su med cing ro gcig tu mthong nas dbyer med par gyur pa de'i tshe g.yo ba'i rang bzhin 'di dag thog mar gang nas 'od ba'i gnas med cing mthar gang du 'gro ba'i gnas med do/ /phyogs bcu'i rdul snyed kyi sems can phyin ci log gis bcings pa rnams rdzun pa'i rang bzhin du rtogs so/ /de nas stong gsum gyi stong chen po'i 'jig rten gyi khams kyi sems can thams cad snod gcig gi </font><hr>488b<br><font size=+1>


nang du tshogs pa'i sprang bu sgra 'byin cing go sa chung ngu zhig tu 'khrug cing 'thobs pa ltar shes so/ /de bzhin gshegs pa dang 'phrad ma thag tu ring por ma thogs par skye ba med pa'i chos la bzod pa thob nas de'i tshe blo sad nas shar phyogs mi 'khrugs pa'i zhing khams mthong zhing chos kyi rgyal po'i sras su gyur te/ phyogs bcu'i de bzhin gshegs pa la bsnyen bkur nas lus dang sems 'od gsal zhing kun tu khyab ste thogs pa med par gyur to/ /de bzhin gshegs pas mngon par byang chub pa'i rgyu dris pa la/ bdag rlung gi stobs kyis brten pa'i gnas med ces brtag cing bsgoms pas byang chub kyi sems rtogs shing ting nge 'dzin la gnas bzhin du phyogs bcu'i de bzhin gshegs pa'i dgongs pa dang mthun pa'i gsal rig mngon du gyur pa las byang chub pa'o/ /zhes bya'o/ /byang chub sems dpa' nam mkha'i snying po stan las langs te bcom ldan 'das kyi zhabs la phyag 'tshal nas 'di skad du gsol pa / bdag de bzhin gshegs pa dang lhan cig tu sangs rgyas mar me mdzad kyi drung du mtha' med pa'i lus bsgrubs shing / de'i tshe bdag gis lag tu yid bzhin gyi nor du bzhi bzung ste phyogs bcu'i rdul phra rab snyed kyi sangs rgyas kyi zhing 'od kyis gsal bar byas te nam mkha'i rang bzhin du snang bar gyur to/ /de nas bdag gi yid las me long zhig byung ste de </font><hr>489a<br><font size=+1>


@#/ /las 'od zer rmad du byung ba rnam pa bcu phyogs bcu'i ri 'phros nas nam mkha'i mtha'i bar du khyab par gyur te gzhi dang snying po me tog gis brgyan pa'i me long gi nang du btsud cing bdag gi lus la zhugs nas lus nam mkha' stong pa dang 'dra bar phan tshun sgreb thogs med cing bdag nyid rdul phra rab snying kyi 'jig rten du song ste sangs rgyas kyi mdzad pa ji ltar 'dod pa bzhin du sgrub pa'i rdzu 'phrul gyi stobs bskyed do/ /bdag gis 'byung ba bzhi la brtag pa na brten pa'i gnas mi rnyed cing 'du shes phyin ci log gis btags pa tsam du zad kyi/ yang dag par na nam mkha' dang 'dra bar mthong nas sangs rgyas kyi zhing thams cad mnyam pa nyid du mthong zhing mnyam pa nyid las rigs skyes nas skye ba med pa'i chos la bzod pa thob bo/ /de bzhin gshegs pas mngon par byang chub pa'i rgyu dris pa la/ bdag nam mkha' mtha' med pa'i ting nge 'dzin la zhugs nas stobs rmad du byung ba'i gsal rig las byang chub pa'o/ /zhes bya'o/ /byang chub sems dpa' byams pa stan las langs te bcom ldan 'das kyi zhabs la phyag 'tshal nas gsol pa/ bdag sngon gyi gnas dran pa na 'das pa'i bskal pa gang+gA'i klung gi bye ma snyed kyi snga rol tu de bzhin gshegs pa nyid zla'i sgron me zhes bya ba 'jig </font><hr>489b<br><font size=+1>


rtan du byon to/ /bdag de bzhin gshegs pa de'i rjes su rab tu byung yang sngon 'jig rten gyi rigs dang gags pa mtho ba la dga' zhing 'grogs 'dris bya ba la 'dun pa lags te/ de'i tshe de bzhin gshegs pas sems rnam par shes pa la rtse gcig tu dmigs pa'i ting nge 'dzin la mnyam par zhog ces gdams pa la/ bskal ba mang por ting nge 'dzin 'di nyid kyis gnas shing de bzhin gshegs pa gang+gA'i klung gi bye ma snyed la bsnyen bkur te 'jig rten gyi grags pa don gnyer gyi blo dang bral bar gyur to/ /de bzhin gshegs pa mar me mdzad 'jig rten du byon pa na bdag gdod bla na med pa'i gsal rig gi rang bzhin rnam par shes pa'i ting nge 'dzin thob nas stong pa yang ma dmigs par gyur te/ de bzhin gshegs pa thams cad kyi zhing dag pa dang ma dag pa la sogs pa thams cad sems kyi rnam 'phrul las byung bar rtegs so/ /bcom ldan 'das/ bdag gis sems kyi rnam par shes pa nyid las 'di ltar gyur pa mngon du rtogs nas rnam par shes pa'i rang bzhin las de bzhin gshegs pa grangs med pa byon zhing gshegs par rtogs te de bzhin gshegs pa'i rjes su zhing 'dir bdag sangs rgyas kyi mdzad pa mdzad par da lta lung bstan to/ /de bzhin gshegs pas mngon par byang chub pa'i rgyu dris pa la/ bdag phyogs bcu'i rnam par shes </font><hr>490a<br><font size=+1>


@#/ /pa tsam gyi de kho na nyid la so sor rtogs pas rnam par shes pa'i gsal rig don dam pa'i yongs grub mngon du gyur cing gzhan dbang dang kun btags kyi 'dzin pa ring du spangs nas skye ba med pa'i chos la bzod pa thob pa las byang chub pa'o/ /zhes bya'o/ /chos kyi rgyal po'i sras mthu chen thob 'khor byang chub sems dpa' lnga bcu rtsa gnyis dang bcas pa stan las langs te bcom ldan 'das kyi zhabs la phyag 'tshal nas gsol pa/ bdag sngon gyi gnas dran pa na 'das pa'i bskal pa gang+gA'i klung gi bye ma snyed kyi snga rol tu de bzhin gshegs pa 'od dpag tu med pa zhes bya ba 'jig rten du byon to/ /de nas bskal pa gcig po de nyid la de bzhin gshegs pa bcu gnyis rim par byon par gyur to| |de dag las tha ma'i mtshan la de bzhin gshegs pa nyi zla'i 'od las 'phags pa zhes bya'o/ /de bzhin gshegs pa des sangs rgyas rjes su dran pa'i ting nge 'dzin sgo ma shig ces gdams so/ /dper na/ skye bo 'ga' zhig las gcig ni/ rtag tu dran pa dang ldan zhing / gcig ni/ brjed ngas che ba yin na/ skye bo de gnyis skabs la lar 'phrad| skabs la lar mi 'phrad/ skabs la lar mthong / skabs la lar mi mthong ba dang 'dra/ gal te de gnyis gcig gis gcig dran par gyur na phyogs gnyis ka phan </font><hr>490b<br><font size=+1>


tshun dran pa'i 'bral ba dam pas de nas skye ba nas skye bar lus dang grib ma bzhin du 'bral ba med par 'gyur ro/ /phyogs bcu'i de bzhin gshegs pa rnams sems can thams cad la dgongs pa ni/ mas bu dran pa ltar ro/ /gal te bu des ma yal bar dor na ma des bu dran kyang dgongs pa ci/ bus ma de dran pa yang ji ltar mas bu dran pa ltar 'gyur na| ma dang bu gnyis skye ba nas skye bar ring du 'bral bar mi 'gyur ro/ /gal te sems can thams cad kyi sems kyis sangs rgyas dran zhing sems pa na 'phral dang yun du gdon mi za bar sangs rgyas mthong bar 'gyur ro/ /sangs rgyas dang mi ring bar gyur na thabs la mkhan pa gzhan mi dgos par rang nyid blo sad nas dri zhim po'i spos kyis byugs pa'i mi'i lus las dri zhim po 'byung ba dang 'dra bas sangs rgyas rjes su dran pa de la spos kyi 'od zer bkod pa zhes bya'o/ /bdag thog mar lam la slob pa'i tshe sangs rgyas rjes su dran pa'i sems kyi skye ba med pa'i chos la bzod pa thob bo/ /da lta 'jig rten 'di'i sangs rgyas rjes su dran pa'i skye bo rnams kyang dag pa'i zhing du brtse bas drangs te de ro spyod par byed do/ /de bzhin gshegs pas mngon par byang chub pa'i rgyu dris pa la/ bdag la dmigs kyis phye ste </font><hr>491a<br><font size=+1>


@#/ /gzung bar bya ba med kyi dbang po drug bsdus te gsal rig gi rgyun nyid la mnyam par bzhag nas ting nge 'dzin thob pa las byang chub pa'o/ /zhes bya'o/ / de bzhin gshegs pa'i gsang ba sgrub pa'i don mngon par thob pa'i rgyu/ byang chub sems dpa' thams cad kyi spyod pa rgya mtsho ston pa/ sangs rgyas kyi gtsug tor dpa' bar 'gro ba zhes bya ba theg pa chen po'i mdo/ bam po drug pa/ de'i tshe byang chub sems dpa' spyan ras gzigs stan las langs te bcom ldan 'das kyi zhabs la phyag 'tshal nas gsol pa/ bcom ldan 'das/ bdag sngon gyi gnas dran pa na 'das pa'i bskal pa gang+gA'i klung gi bye ma snyed kyi snga rol du de bzhin gshegs pa spyan ras gzigs zhes bya ba 'jig rten du byon to/ /bdag gis de bzhin gshegs pa de'i spyan sngar byang chub tu sems bskyed nas de bzhin gshegs pa des bdag la thos pa'i sgo nas sems shing sgom pa'i ting nge 'dzin la gnas par gyis shig ces gdams pa la/ thos pa'i rjes su 'brangs nas yang dag pa'i don la zhugs pas yul dang bral bar gyur to/ /yul rnam par dag nas zhi ba'i rjes su g.yo ba dang mi g.yo ba'i gzugs gnyis gtan nas skyes bar ma gyur to/ /de bzhin du blo rim gyis 'phel nas thos pa dang thos par bya ba zad par gyur to/ / </font><hr>491b<br><font size=+1>


thos pa zad nas de tsam du ma zad kyi rig pa dang rig par bya ba yang stong par gyur to/ /stong pa nyid rig pa'i blo mthar thug pa'i rjes su stong pa dang stong par bya ba zhi bar gyur to/ /skye ba dang 'gag pa zhi ba'i rjes su zhi ba rang nyid mngon du gyur to/ /'di la de ma thag tu sring pa dang zhi ba las 'das nas phyogs bcu gsal rig gi rang bzhin du gyur te rmad du byung ba rnam pa gnyis thob ste/ dang po ni/ yar phyogs bcu'i de bzhin gshegs pa thams cad kyi ye shes dang mnyam pa nyid du gyur cing de bzhin gshegs pa dang 'dra bar snying rje'i stobs dang ldan par gyur to/ /gnyis pa ni/ mar phyogs bcu'i rigs drug gi 'gro ba sna tshogs dang lhan cig tu thugs rjes dgongs par gsol ba 'debs so/ /bcom ldan 'das/ bdag de bzhin gshegs pa spyan ras gzigs bsnyen bkur bas de bzhin gshegs pa de'i bka' drin gyis bdag la sgyu ma lta bur thos pa'i sgo nas zhugs shing thos pa bzhin sgom pa'i rdo rje lta bu'i ting nge 'dzin la bslab par gdams pas de bzhin gshegs pa dang 'dra bar snying rje'i stobs dang ldan par gyur pa'i phyir bdag gang la gang 'dul ba'i 'phrin las sum cu rtsa gnyis bsgrubs shing 'jig rten gyi khams thams cad du rnam par rol zhing spyod do/ /bcom ldan 'das/ byang chub sems dpa' rnams ting nge 'dzin la zhugs nas zag </font><hr>492a<br><font size=+1>


@#/ /pa med pa'i gnas sgom pa la rtogs pa mchog thams cad mngon du gyur pa na bdag de bzhin gshegs pa'i gzugs su sprul te de la chos bstan nas grol bar byed do/ /slob pa gang dag lus sems dben pas gsal zhing mi rtog pa mngon du gyur cing 'phags pa'i ye shes khong du chud pa la mngon du phyogs pa na bdag de'i mdun du rang rgyal bse ru lta bu'i gzugs su sprul te de la chos bstan nas grol bar byed do/ /gang dag rten 'brel yan lag bcu gnyis 'gag cing de'i 'brel pa chad nas don dam pa'i rang bzhin mchog tu gsal ba la mngon du phyogs pa na bdag de'i mdun du rang rgyal gyi gzugs su sprul te de la chos bstan nas grol bar byed do/ /slob pa gang dag bden bzhi'i stong nyid rtogs nas lam sgom zhing 'gog pa thob ste don dam pa'i rang bzhin gsal ba la mngon du phyogs pa na bdag de'i mdun du nyan thos kyi gzugs su sprul te de la chos bstan nas grol bar byed do/ /sems can gang dag 'dod pa'i sems mngon du rtogs nas 'dod chags kyi yul dang mi 'grogs par lus 'od gsal bar 'gyur bar 'dod na bdag de'i mdun du tshangs pa'i rgyal po'i gzugs su sprul te de la chos bstan nas grol bar byed do/ /sems can gang </font><hr>492b<br><font size=+1>


dag lha'i rgyal por gyur nas lha'i gtso bo byed par 'dod na bdag de'i mdun du brgya byin gyi gzugs su sprul te de la chos bstan nas phan pa sgrub par byed do/ /sems can gang dag rang dbang can du gyur nas phyogs bcur gang 'dod du 'gro bar 'dod na bdag de'i mdun du nye dbang gi gzugs su sprul te de la chos bstan nas phan pa sgrub par byed do/ /sems can gang dag rang dbang can du gyur te nam mkha' la 'gro bar 'dod na bdag de'i mdun du dbang phyug chen po'i gzugs su sprul te de la chos bstan nas phan pa sgrub par byed do| |sems can gang dag lha dang 'byung po'i gtso bor gyur nas 'jig rten thams cad skyong bar 'dod na bdag de'i mdun du lha'i sde dpon chen po'i gzugs su sprul te de la chos bstan nas phan pa sgrub par byed do/ /sems can gang dag 'jig rten gyi gtso bor gyur nas sems can thams cad skyong bar 'dod na bdag de'i mdun du rgyal chen bzhi'i gzugs su sprul te de la chos bstan nas phan pa sgrub par byed do/ /sems can gang dag lha'i gnas su skyes nas lha dang 'byung po bkol bar 'dod na bdag de'i mdun du rgyal chen ris bzhi pa'i lha'i bu'i gzugs su sprul te de la chos bstan nas phan pa sgrub par byed do/ /sems can gang dag mi'i rgyal por 'gyur bar 'dod na </font><hr>493a<br><font size=+1>


@#/ /bdag de'i mdun du mi'i rgyal po'i gzugs su sprul te de la chos bstan nas phan pa sgrub par byed do/ /sems can gang dag rigs mthon por skyes nas 'jig rten gyi skye bo dag gi bkur ba'i gnas su 'gyur bar 'dod na bdag de'i mdun du rgyal rigs kyi skye bo'i gzugs su sprul te de la chos bstan nas phan pa sgrub par byed do/ /sems can gang dag rig byed smra ba la mkhas shing lus bde bar gnas pa zhig tu 'gyur bar 'dod na bdag de'i mdun du blon po chen po'i rigs can gyi gzugs su sprul te de la chos bstan nas phan pa sgrub par byed do/ /sems can gang dag rgyal khams bde ba'i thabs sgrub pa dang mtha'i bya ba dag gtan la 'bebs par 'dod na bdag de'i mdun du sna chen po la gtogs pa'i gzugs su sprul te de la chos bstan nas phan pa sgrub par byed do| |sems can gang dag rtsis kyi rig byed slob pa la dga' ba dang lus srung zhing gso bar 'dod na bdag de'i mdun du bram de'i gzugs su sprul te de la chos bstan nas phan pa sgrub par byed do/ /gang dag skyes pa las rab tu byung zhing tshul khrims gtsang ma srung bar 'dod na bdag de'i mdun du dge slong gi gzugs su sprul </font><hr>493b<br><font size=+1>


te de la chos bstan nas phan pa sgrub par byed do/ /gang dag bud med las rab tu byung zhing tshul khrims gtsang ma srung bar 'dod na bdag de'i mdun du dge slong ma'i gzugs su sprul te de la chos bstan nas phan pa sgrub par byed do/ /gang dag skyes pa las bslab pa'i gzhi lnga srung bar 'dod na bdag de'i mdun du dge bsnyen gyi gzugs su sprul te de la chos bstan nas phan pa sgrub par byed do/ /gang dag bud med las bslab pa'i gzhi lnga len par 'dod na bdag de'i mdun du dge bsnyen ma'i gzugs su sprul te de la chos bstan nas phan pa sgrub par byed do/ /bud med gang dag bud med kyi nang khrims gtso bor bzung nas khyim dang nang ma skyong bdag yod na bdag de'i mdun du rgyal yum dang btsun mo dam pa dang bkur 'os kyi btsun mo dang khyim bdag mo che ba'i rigs can gyi gzugs su sprul te de la chos bstan nas phan pa sgrub par byed do/ /sems can gang dag gzhon nu'i lang tsho las mi nyams par 'dod na bdag de'i mdun du gzhon nu'i gzugs su sprul te de la chos bstan nas phan pa sgrub par byed do/ /bu mo gang dag las rang gi lus gces par srung zhing tshul ma yin pa'i 'dod pa don du mi gnyer bdag yod na bdag de'i mdun du gzhon nu ma'i gzugs su </font><hr>494a<br><font size=+1>


@#/ /sprul te de la chos bstan nas phan pa sgrub par byed do/ /lha gang dag lha'i rigs las 'byung bar 'dod na bdag lha'i gzugs su sprul te de la chos bstan nas phan pa sgrub par byed do/ /klu gang dag klu'i rigs las 'byung bar 'dod na bdag klu'i gzugs su sprul te de la chos bstan nas phan pa sgrub par byed do/ / gnod sbyin gang dag gnod sbyin gyi rigs las 'byung bar 'dod na bdag de'i mdun du gnod sbyin gyi gzugs su sprul te de la chos bstan nas phan pa sgrub par byed do/ / dri za gang dag de'i rigs las 'byung bar 'dod na bdag de'i mdun du dri za'i gzugs su sprul te de la chos bstan nas phan pa sgrub par byed do/ /lha ma yin gang dag de'i rigs las 'byung bar 'dod na bdag de'i mdun du lha ma yin gyi gzugs su sprul te de la chos bstan nas phan pa sgrub par byed do/ /mi'am ci gang dag de'i rigs las 'byung bar 'dod na bdag de'i mdun du mi'am ci'i gzugs su sprul te de la chos bstan nas phan pa sgrub par byed do/ /lto 'phye chen po gang dag de'i rigs las 'byung bar 'dod na bdag de'i mdun du lto 'phye chen po'i gzugs su sprul te de la chos bstan nas phan pa sgrub par byed do/ /skye bo gang dag mi lus nyid mi 'dor bar 'dod na bdag </font><hr>494b<br><font size=+1>


de'i mdun du mi'i gzugs su sprul te de dag la chos bstan nas phan pa sgrub par byed do/ /mi ma yin pa dang gzugs dang gzugs med pa dang 'du shes dang 'du shes med pa gang dag rang rang gi rigs las 'byung bar 'dod na bdag de dag gi mdun du de dag dang mthun par sprul te de dag la chos bstan nas phan pa sgrub par byed do/ /'di la rmad du byung zhing rnam par dag pa 'jig rten thams cad la khyab pa'i gang la gang 'dul ba'i 'phrin las sum cu rtsa gnyis zhes bya'o/ /'di dag ni/ thos pa dang thos pa'i don bsam pa'i sgo nas sbyangs pa'i ting nge 'dzin gyi mthus 'bad rtsol med par lhun gyis grub pa'i mthu phul du byung ba las grub lags so/ /bcom ldan 'das/ thos pa dang thos pa'i don bsam pa'i sgo nas sbyangs pa'i rdo rje lta bu'i ting nge 'dzin gyi 'bad rtsol med par lhun gyis grub pa'i mthus phyogs bcu'i 'jig rten gsum gyi 'gro ba rigs drug gi sems can thams cad dang lhan cig tu gsol ba 'debs pa'i phyir sems can thams cad la bdag gi lus dang yid las mi 'jigs pa'i yon tan bcu bzhi thob par byed do/ /dang po ni/ bdag phyi rol gyi sgra la mi gzhol pa nyid kyis phyogs bcu'i sems can sdug bsngal ba dang yid mi bde ba dag so sos bdag gi ming smos pa tsam gyis bdag gis thos shing de dag de ma thag tu grol bar byed </font><hr>495a<br><font size=+1>


@#/ /nus so| |gnyis pa ni/ shes pa mthong pa phyir bsdus pa nyid kyis gal te sems can thams cad me chen po'i nang du chud na yang mes mi 'tshog par byed nus so/ /gsum ni/ blta ba dang mnyam pa phyir bsdus pa nyid kyis gal te sems can thams cad chu bo chen pos khyer na yang chur mi 'bying bar byed nus so/ / bzhi pa ni/ phyin ci log gi sems rgyun 'chad cing gsod pa dang 'tshe ba'i sems med pa nyid kyis gal te sems can thams cad 'dre gnas pa'i yul du gnas na yang 'dres 'tshe bar byed mi nus so/ /lnga pa ni/ mnyan pa las phyir bsdus nas mnyan pa'i rang bzhin la zhugs pas dbang po drug po dag nas sgra dang mnyan byed mnyam pa nyid du gyur pa nyid kyis gal te sems can gang dag gsod du nye ba na ral gri dum bu dum bur chad cing chu la mtshon btab pa dang 'od la phu btab pa bzhin du lus sgul bar mi nus so/ /drug pa ni| thos pa las rim gyis shin tu rnam par dag pa'i chos kyi dbyings 'od gsal ba mngon du gyur pas mi gsal ba dang mun pa'i rang bzhin dang bral ba nyid kyis gal te sems can thams cad la gnod sbyin dang srin po dang srul bum dang 'byung po dang sha za dang srul po la sogs pas nye bar mtho btsams par 'ong na yang mig gis blta ba </font><hr>495b<br><font size=+1>


tsam yang mi nus so/ /bdun pa ni/ sgra'i rang bzhin rnam par dag nas mthong ba dang thos pa phyir bsdus shing yul rdzun pa dang bral ba nyid kyis gal te sems can thams cad lags so dang lcags sgrog gis bcings na yang mnar mi nus par byed do/ /brgyad pa ni/ sgra'i dmigs pa zhi zhing mnyan pa'i rang bzhin la zhugs nas byams pa'i stobs kun tu khyab pa nyid kyis gal te sems can thams cad 'brog dgon pa dang g.yang kha sogs nyam nga ba'i sar phyin pa na rkun pos 'joms mi nus par byed do/ /dgu pa ni/ thos pa las rim gyis yul dang bral nas gzugs kyis 'phrog par ma nus pa nyid kyis sems can 'dod chags can thams cad kyi 'dod chags ring du spong nus par byed do/ /bcu pa ni| sgra'i rang bzhin yul gyis ma gos pas dbang po dang yul mnyam pa nyid du gyur cing ltos bya ltos byed med pa nyid kyis sems can zhe sdang can thams cad zhe sdang dang 'bral nus par byed do/ /bcu gcig pa ni/ yul gyi dmigs pa zad cing phyir bsdus nas chos kyi dbyings dang lus sems baiDU R+Ya ltar gsal zhing sgrib thogs mad pa nyid kyis rtul zhing rmongs pa'i sgrib pa can gyi sems can thams cad gti mug dang 'bral bar byed nus so/ /bcu gnyis pa ni/ rnam pa rnams bsdus nas thos pa'i rang bzhin du zhugs nas chos </font><hr>496a<br><font size=+1>


@#/ /kyi dbyings las mi g.yo bar 'jig rten gyi khams sna tshogs su song ste 'jig rten gyi spyod pa 'jig par yang mi byed la/ phyogs bcu thams cad du phyin nas rdul snyed kyi de bzhin gshegs pa thams cad la mchod cing de bzhin gshegs pa re re'i drung du chos kyi rgyal po'i sras su 'gyur bar byed nus pa'i phyir 'jig rten na bu med pa dag bu don du gnyer na bu bsod nams dang ldan zhing blo gros che ba skye bar byed nus so/ /bcu gsum pa ni/ dbang po drug gi de kho na nyid mthar thug pa gsal bar mkhyen pa ni/ gnyis su med cing phyogs bcu'i 'jig rten gyi khams thams cad de'i nang du chud pa'i me long lta bu'i ye shes su gyur cing stong pa nyid kyis de bzhin gshegs pa'i snying por grub nas phyogs bcu'i rdul snyed kyi de bzhin gshegs pa rnams kyi chos kyi tshul zab mo gus pas nyams su blangs nas mi nyams pa'i phyir 'jig rten na bu mo 'dod na brtan cing dul la tshul bzang ba bsod nams kyi dpal dang ldan pa yid du 'ong zhing kun gyis bkur ba'i bu mo skye bar byed nus so/ /bcu bzhi pa ni/ stong gsum gyi stong chen po'i 'jig rten gyi khams nyi ma dang zla ba bye ba phrag brgya dang ldan pa na da lta bzhugs pa'i chos kyi rgyal po'i sras gang+gA'i klung gi bye ma snyed </font><hr>496b<br><font size=+1>


drug cu rtsa gnyis kyi grangs dang mnyam pa dag gis thabs la mkhas pa tha dad pas bdag nyid chos spyod cing gzhan la bstan nas lam bzang por bkri zhing 'dul ba dang sems can thams cad rang rang gi skal ba dang 'tsham par bdag nyid kyis thob pa'i mngon par byang chub pa'i rtsa ba'i rgyu rna ba'i sgo nas mchog tu gsal bar byas pa'i rjes su lus dang sems kyi nang du shin tu rmad du byung ba'i chos kyi dbyings kun tu khyab pa dag chud pa'i phyir sems can thams cad kyis bdag gi ming nas bos pa dang / gang+gA'i klung gi bye ma snyed drug cu rtsa gnyis kyi grangs dang mnyam pa'i chos kyi rgyal po'i sras dag gi ming nas bos pa'i skye bo gnyis kyi phan yon dang bsod nams mnyam mo/ /bcom ldan 'das/ bdag gi ming dang de dag gi ming mi mnyam pa med par gyur ba ni/ bdag gis brtson pas sbyangs pa las mngon par byang chub po thob pa las byung ba yin no/ /yon tan 'di'i ming ni/ mi 'jigs pa bcu bzhi'i stobs kyis sems can thams cad la khyab par srung zhing skyod par byed pa zhes bya'o/ /bcom ldan 'das/ bdag mngon par byang chub pa thob nas bla na med pa'i lam grub pa'i phyir yang bsam gyis mi khyab cing 'bad rtsol med pa rmad du byung ba'i yon tan bzhi bde blag tu grub bo/ /dang po ni/ bdag thog mar rmad du byung ba'i yang rmad du byung ba thos pa'i sems thob nas sems kyi rang bzhin thos pa dang bral </font><hr>497a<br><font size=+1>


@#/ /zhing mthong ba dang thos pa dang tshor ba dang shes pa'i bya ba so sor ma phye bar yul la 'jug pa'i rin po che gsal rig rang byung gi ye shes grub cing / de bzhin du bdag rmad du byung ba'i gzugs su sprul nas mtha' med pa'i gsang sngags 'chad par nus so/ /de las mgo gcig pa dang / mgo gsum pa dang / mgo lnga pa dang / mgo bdun pa dang / mgo dgu pa dang / mgo bcu gcig pa nas mgo brgya rtsa brgyad kyi bar dang / mgo stong can dang / mgo khri can dang / mi phyed pa'i mgo brgyad khri bzhi stong can gyi bar dang / lag pa gnyis pa dang / lag pa bzhi pa dang / lag pa drug pa dang / lag pa brgyad pa dang / lag pa bcu pa dang / lag pa bcu gnyis pa dang / bcu bzhi pa dang / bcu drug pa dang / bco brgyad pa dang / nyi shu nas nyi shu rtsa bzhi'i bar dang / de las lag pa brgya rtsa brgyad pa dang / lag pa stong can dang / lag pa khri can dang / lag pa brgyad khri bzhi stong gi bar dang / mig gnyis pa dang / mig gsum pa dang / mig bzhi pa dang / mig dgu pa dang / de las mig brgya rtsa brgyad pa dang / mig stong can dang / mig khri can dang / rnam par dag pa'i rin po che'i mig brgyad khri bzhi stong gi bar du sprul zhing / 'ga' zhig tu byams pa dang / 'ga' zhig tu khro ba dang / 'ga' zhig tu ting nge 'dzin dang / 'ga' zhig tu shes rab kyis sems can thams cad srung / </font><hr>497b<br><font size=+1>


zhing skyob pa dang bde ba la 'god par byed do/ /gnyis pa ni/ bdag gi mnyan pa dang sems pa dbang po drug dang bral bas ji ltar skad kyi dbyangs ra bas mi 'gog par thos pa bzhin du sna tshogs pa'i gzugs su sprul nas gsang sngags kyi sgra sna tshogs pa sgrog par byed do/ /gzugs de dang gsang sngags des sems can thams cad la 'jigs pa med par byed nus pas de dang mthun par phyogs bcu'i rdul snyed kyi 'jig rten gyi khams thams cad du bdag la mi 'jigs pa thams cad sbyin pa zhes grags par gyur to/ /gsum pa ni/ bdag thog ma nas mngon par byang chub pa'i gsal rig rmad du byung ba'i rtsa ba'i rgyu la bslab cing sbyangs pas gang du phyin pa'i 'jig rten gyi khams de'i sems can thams cad so so nas rang rang gi rin po che sogs yo byad btang nas bdag gi snying rje bskul zhing gsol ba 'debs par byed do/ /bzhi pa ni/ bdag gis de bzhin gshegs pa'i dgongs pa rnyed cing mthar thug pa'i don gsal bar byed pas rin po che'i yo byad kyis phyogs bcu'i de bzhin gshegs pa rnams la mchod pa sna tshogs pas mchod par byed cing 'jig rten gyi khams kyi rigs drug gi sems can thams cad la snyoms par gang dag bud med 'dod pa la bud med thob par byed| bu 'dod pa la bu thob par byed/ ting nge 'dzin 'dod pa la ting nge 'dzin thob par byed/ tshe ring bar 'dod pa la tshe ring ba thob par byed/ de bzhin du mya ngan las 'das pa chen po 'dod pa la mya nga </font><hr>498a<br><font size=+1>


@#/ /las 'das pa thob par byed do/ /de bzhin gshegs pas mngon par byang chub pa'i rgyu dris pa la/ bdag rna ba'i sgo nas ting nge 'dzin rdzogs par mngon du gyur cing sems la dbang thob nas nang du bsdus pas ting nge 'dzin thob cing byang chub grub pa ni/ mchog ces bya'o/ /bcom ldan 'das/ de bzhin gshegs pa des bdag la mngon par byang chub bde chos kyi sgo thob nus so| |zhes bsngags shing 'khor 'dus pa chen po'i dbus su lung bstan nas spyan ras gzigs zhes ming du stsal to/ /bdag gi mthong ba dang thos pa phyogs bcur rdzogs par gsal zhing de bzhin du spyan ras gzigs kyi ming yang phyogs bcur khyab par gyur to/ /de'i tshe bcom ldan 'das seng+ge'i khri'i steng du sku las rin po che'i 'od zer 'phros shing / phyogs bcu'i rgyang ring po'i rdul snyed kyi bcom ldan 'das dang / gzhan yang chos kyi rgyal po'i sras byang chub sems dpa' thams cad kyi spyi bor phog pas de nas de bzhin gshegs pa thams cad las rdul phra rab kyi 'jig rten gyi rdul snyed kyi rin po che'i 'od zer 'phros te de bzhin gshegs pa'i spyi bo dang 'khor 'dus pa'i byang chub sems dpa' rnams dang dgra bcom ba'i bar du phog pas nags tshal dang / mtsho dang / rdzing bu dag las chos kyi sgra dbyangs byung ngo / /'od zer phan tshun du bsnol zhing 'brel ba rin po che'i dra ba lta bur gyur nas 'khor 'dus pa thams cad kyis sngar ma mthong ba'i ya mtshan mthong ste rdo rje lta </font><hr>498b<br><font size=+1>


bu'i ting nge 'dzin ma lus pa thob bo/ /de'i tshe nam mkha' las rin po che sna tshogs pa'i pad+ma sngon po dang / ser po dang / dmar po dang / dkar po dag spel zhing rnam par bkra ba'i me tog gi char bab bo/ /phyogs bcu'i nam mkha' bar snang rin po che sna bdun gyi kha dog can du gyur te mi mjed kyi 'jig rten gyi khams 'di'i sa gzhi dang / ri dang / chu klung thams cad glo bur du mi snang bar gyur to/ /phyogs bcu'i rdul phra rab snyed kyi 'jig rten gyi khams thams cad 'jig rten gyi khams gcig tu snang bar gyur to/ /chos kyi tshigs su bcad pa'i dbyangs rang grags par gyur to/ /de nas bcom ldan 'das kyi chos kyi rgyal po'i sras 'jam pa'i dbyangs la bka' stsal pa/ khyod da lta byang chub sems dpa' dang / dgra bcom pa mi slob pa nyi shu rtsa lnga po dag so sos smras pa'i thog ma'i thabs la mkhas pas lam grub par smras pa la ltos shig /thams cad kyang mngon par byang chub pa'i lam brtson pas sbyangs so/ /zhes smra'o/ /de dag gi brtson pas sbyangs pa la nges par mchog dman dang / snga phyi'i khyad par med do/ /ngas da lta kun dga' bo la tshul 'di ston par byed na/ spyod pa nyi shu rtsa lnga po de dag las gang zhig de'i dbang po dang 'tsham zhing rtogs par 'gyur/ slar yang nga mya ngan las 'das pa'i rjes su 'jig rten 'di'i sems can thams cad byang chub sems dpa'i theg pa la zhugs nas bla na med pa'i lam 'tshol ba na thabs la mkhas pa gang gis bde blag tu sgrub par byed nus zhes bka' stsal ba dang / chos kyi rgyal po'i sras 'jam pa'i dbyangs bcom </font><hr>499a<br><font size=+1>


@#/ /ldan 'das kyis brtse bas bka' stsal ma thag tu stan las langs te bcom ldan 'das kyi zhabs la phyag 'tshal nas sangs rgyas kyi mthus bcom ldan 'das la tshigs su bcad pa 'di dag gsol to/ /rnam rig rgya mtsho rang bzhin mchog tu dwangs/ /gdod nas gsal ba'i mngon byang rmad du byung / /snang bya'i don kun de yis gsal bar gyur/ /snang bya mngon gyur rang bzhin bag la zha/ /rdzun snang 'khrul pas nam mkha' stong pa byung / /stong la brten nas 'jig rten khams rnams grub/ /sems kyi byed pas yul khams so sor gyur/ /rnam par shes pas sems can khams rnams byung / /stong pa rig pa mchog gi rnam 'phrul te/ /dper na mtsho las chu bur rdol ba bzhin/ /zag bcas 'jig rten khams mang rdul snyed rnams// thams cad stong la brten nas gnas pa yin/ /chu bur zhig na stong pa'ang med 'gyur na/ /srid pa gsum po la ni lta ci smos/ /mthar thug rang bzhin la zhugs gnyis su med/ /bkri byed thabs la mkhas pa'i sgo mo mang / /'phags pa'i rang bzhin kun tu 'gog pa med/ /'jug ngogs tha dad kun kyang bkri ba'i thabs/ /thog mar sems bskyed ting 'dzin la 'jug tshe/ / bul dang myur ba'i tshul ni 'dra ma yin/ /gzugs su rnam par rtog pas yul rnams 'byung / /zhib tu brtag kyang rtog pa'i gting mi phyin/ /'di yi gting mtha' gsal bar mi nus na/ /ji </font><hr>499b<br><font size=+1>


ltar mngon par byang chub 'grub par byed/ /dbyangs dang brjod pa sna tshogs 'dres pa ni/ /ming dang tshig gi brjod pa tsam du zad/ /gcig tu thams cad chud par mi nus phyir/ /ji ltar mngon par byang chub 'grub par byed/ /dri ni 'phrad cing ltos pa dag las shes/ /bral bar gyur na de nas dmigs su med/ /rtag tu shes par 'gyur ba ma yin phyir/ /ji ltar mngon par byang chub 'grub par byed/ /ro yi rang bzhin gdod nas grub ma min/ /nges par myong ba'i tshe ma grub pa yin/ /de yi rig pa gcig tu mi 'gyur phyir/ /ji ltar mngon par byang chub 'grub par byed/ /reg pa reg bya'i yul las gsal bar 'gyur/ /yul gyi gnas med reg ces byar mi rung / /'phrad dang 'bral ba'i rang bzhin mi brtan phyir/ /ji ltar mngon par byang chub 'grub par byed/ /chos zhes bya ba nang gi yul yin te/ /nges par phyi yul la brten gnas yod dam/ /gzung 'dzin ji ltar gyur kyang khyab pa min/ /ji ltar mngon par byang chub 'grub par byed/ /mthong ba'i rang bzhin phyogs bzhir 'dra na yang / /mdun gyi yul mthong rgyab kyi mthong ma yin/ /mthong ba phyogs gcig chad par 'gyur ba'i phyir/ /ji ltar mngon par byang chub 'grub par byed/ /sna dbugs 'byung 'jug 'gog pa med 'gyur na/ /bar du dbugs kyi rgyu ba gzhan mi chud/ /phan tshun 'brel nas 'jug pa ma yin phyir/ /ji ltar mngon par byang chub 'grub par byad/ /lce la ro </font><hr>500a<br><font size=+1>


@#/ /bro rgyu rkyen med ma yin/ /tshor zhing myong ba ro las 'byung ba yin/ /ro 'gag na ni gang yang med pa'i phyir/ /ji ltar mngon par byang chub 'grub par byed/ /reg byed lus ni yul las gzhan ma yin/ /so sor rtogs pa gsal rig ma yin zhing / /gnyug mar gnas kyang rtogs par mi nus phyir/ /ji ltar mngon par byang chub 'grub par byed/ / yid kyi dbang po 'khrul ba'i sems dang 'dres/ /dwangs pa'i rang bzhin gsal bar nus ma yin/ /sems shing dran pa 'bral bar mi nus phyir/ /ji ltar mngon par byang chub 'grub par byed/ /mthong ba'i rnam shes rnam gsum yul dang 'dus/ /gzhi la brtag na gzugs nyid min zhes bya/ /rang gi rnam pa gdod nas nges gzung med| |ji ltar mngon par byang chub 'grub par byed/ /yid kyi thos pa phyogs bcu kun la khyab/ /skyes pa rgyu rkyen nus pa che las 'byung / /ji ltar byas kyang gsar bu'i blo mi 'jug/ ji ltar mngon par byang chub 'grub par byed/ /sna yi shes pa 'phral gyi dbang por 'tsham/ /g.yo ba'i sems nyid gnas pa'i ched du yin/ /dmigs pa gcig la gnas pa'i sems kyi rten/ /ji ltar mngon par byang chub 'grub par byed/ /chos smra sgra dang brjod pa'i byed pa ste/ /bag chags smin pas don gsal rtogs par nus/ /ming dang </font><hr>500b<br><font size=+1>


brjod pa zag med ma yin phyir/ /ji ltar mngon par byang chub 'grub par byed/ /sdom pa lus ni srung bar byed pa ste/ /lus las gzhan du ci zhig srung bar byed/ /gdod nas kun tu khyab pa ma yin phyir/ /ji ltar mngon par byang chub 'grub par byed/ /rdzu 'phrul sngon gyi rgyu las byung ba ste/ /yul gyi chos la rtogs par ci zhig ltos/ / dmigs pa'i dngos po dang ni 'bral du med/ /ji ltar mngon par byang chub 'grub par byed/ /gal te sa yi rang bzhin la rtog na/ /sra zhing 'thas la thogs pa med pa min/ / 'dus shing byas pa 'phags pa'i rang bzhin min/ /ji ltar mngon par byang chub 'grub par byed/ /gang zhig chu yi rang bzhin la rtog na/ /bsam pa'i dmigs pa yang dag don ma yin/ /gdod ma'i rang bzhin rtog ge'i yul ma yin/ /ji ltar mngon par byang chub 'grub par byed/ /gang dag me yi rang bzhin la rtog na/ /srid bral yang dag don la bral ba min/ /gsar bu bkri ba'i thabs mkhas ma yin phyir/ /ji ltar mngon par byang chub 'grub par byed/ /gang dag rlung gi rang bzhin la rtog na/ /g.yo dang mi g.yo phan tshun mi ltos min/ /ltos pa dag ni bla med ye shes min/ /ji ltar mngon par byang chub 'grub par byed/ /gang zhig stong pa nyid la rtog pa na/ /rmongs shing </font><hr>501a<br><font size=+1>


@#/ /blun la gdod nas rig pa med/ /de med phyir na byang chub tshul las gzhan/ /ji ltar mngon par byang chub 'grub par byed/ /gang dag rnam par shes pa la rtog na/ /rnam shes brtag na rtag tu gnas ma yin/ /sems kyi gnas pa bden min rdzun pa'i phyir/ /ji ltar mngon par byang chub 'grub par byed/ / 'du byed thams cad rtag pa ma yin te/ /dran ba'i rang bzhin gzhi nas skye 'gag ldan/ /rgyu 'bras so sor ma 'dres pa nyid phyir/ /ji ltar mngon par byang chub 'grub par byed/ /deng bdag bcom ldan 'das la gsol ba ni/ /ston pa mi mjed 'jig rten khams 'dir 'khrungs/ /phyogs 'di'i yang dag bstan pa'i gzhung lugs ni/ / rnam dag bshad dang nyan pa la ni gnas/ /gang dag ting 'dzin thob par 'dod pa des/ /nges par shos ba nyid las yang dag 'jug /sdug bsngal dang bral rnam grol thob pa yi/ /spyan ras gzigs de e ma rmad du byung / /bskal pa gang+gA'i klung gi bye snyed kyi/ /rdul gyi grangs mnyam sangs rgyas zhing zhugs nas/ /dbang phyug chen po'i mthu dang ldan gyur pas/ /sems can kun la mi 'jigs sbyin pa mdzad/ /rmad du byung ba'i dbyangs ldan spyan ras gzigs/ /tshangs dbyangs rgya mtsho'i </font><hr>501b<br><font size=+1>


rlabs kyi dbyangs dang ldan/ /'jig rten thams cad skyob cing bde bar mdzad/ /'jig rten las 'das rtag pa'i gnas su bkod/ /deng bdag de bzhin gshegs la gsol ba ni/ spyan ras gzigs kyis ji ltar smras pa bzhin/ /dper na mi zhig dben par gnas pa la/ /phyogs bcu kun nas dus gcig rnga brdung ba/ /phyogs bcu'i sgra kun lhan cig thos pa'i phyir/ /'di ni yang dag par ni rdzogs pa yin/ /mig gis bar du chod pa'i gzugs mi mthong / /kha dang sna yang de dang mtshungs pa nyid/ /lus kyis reg na da gdod shes par 'gyur/ /sems dang dran pa mi rtag nges gzung med/ /ra bas chod pa'i sgra la nyan pa na/ /nye dang ring ba kun kyang thos pa yin/ /dbang lnga'i 'jug pa mi mnyam la brten na/ /'di ni yang dag par na rdzogs pa yin/ /sgra dbyangs rang bzhin g.yo dang mi g.yo ba/ /mnyan pa'i lam du yod dang med pas phye/ /sgra med ni na thos pa med ces bya/ / thos pa'i rang bzhin gtan nas med pa yin/ /sgra med pas ni 'gag par mi 'gyur la/ /sgra yod pas ni skye bar yang mi 'gyur/ /skye 'gag gdod nas bral ba nyid kyi phyir/ / 'di ni yang dag par na rtag pa yin/ /rmi lam rmis pa'i yul gyi snang ba yang / /ma bsam par ni med pa yod ma yin/ /rig cing sgom pa sems kyi rtogs las 'das/ /lus dang sems </font><hr>502a<br><font size=+1>


@#/ /kyis phyin par nus ma yin/ /da lta mi mjed 'jig rten khams 'dir ni/ /sgra yi brjod pa la brten gsal bar byed/ /'gro kun thos pa'i rang bzhin la rmongs pas/ /sgra rjes 'brang bas kun tu 'khyams shing 'khor/ /kun dga' bo khyod ji ltar blo ldan yang / /log rtog dra ba'i 'ching ba las mi 'gro la/ /'di ni yul rjes 'brang bas bying min nam/ /nad du bsdus pas bden pa'i don mthong 'gyur/ /kun dga' bo khyod da lta legs par nyon/ /bdag ni de bzhin gshegs pa'i gzi byin mthus/ /'jig pa med par rdo rje'i rgyal po dang / /sgyu ma lta bu smra bsam yul las 'das/ /bder gshegs yum grur yang dag ting nge 'dzin/ /khyod kyis rdul dang mnyam pa'i sangs rgyas kyi/ /gsang ba zab mo'i sgo kun thos na yang / /'dod pa'i zag pa sngon du ma bsal na/ /mang du thos pa 'khrul pa skyed pa'i rgyu/ /thos pas sangs rgyas la ni mngon zhan nas/ /nang du thos pa'i rang bzhin cis mi sems/ /thos pa rang gi ngang gis skyes ba min/ /sgra la brten nas ming du grub pa yin/ /thos pa nang la gzhol bas sgra las grol/ /gang dag grol bar nus de su la brjod/ /dbang po gcig nyid gdong ma'i gzhir gzhol na/ /drug po dag kyang rnam par grol bar 'gyur/ / </font><hr>502b<br><font size=+1>


shes dang thos pa sgyu ma rab rib 'dra/ /srid gsum nam mkha'i me tog dag dang mtshungs/ /thos pa nang gzhol rab rib rtsa ba sel/ /yul mi dmigs na gsal rig rdzogs par 'gyur/ /gsal mthar thug na kun tu khyab par 'gyur/ /zhi ba gsal na mkha' yang nang du chud/ /slar yang 'jig rten dag la bltas pa na/ /rmi lam gyi ni bya byed dag dang mtshungs/ /ma tang+gi mo yang nyid rmi lam 'dra/ /su zhig khyod nyid la ni 'gog par nus/ /dper na 'jig rten gyi ni sgyu ma mkhan/ /sgyu mas skyes ba bud med sprul byas te/ /ji ltar dbang po so sor g.yo mthong yang / /gnad 'gag gcig gi 'phrul la brten pa ste/ /'phrul 'gag zhig ma thag tu mi g.yo pas/ /sgyu ma'i rang bzhin thams cad med par 'gyur/ /dbang po drug kyang de dag nyid dang r+m+tshung+sa/ /gdod nas gsal rig gcig nyid la brten nas/ /'phrad dang ltos pa drug gi cha ru 'gyur/ / yul gcig zad nas nang du gzhol gyur na/ /longs spyod drug pa 'grub par 'gyur ma yin/ /yul gyi dri ma 'dod rgur zad gyur nas/ /rmad du byung ba'i gsal rig 'grub par 'gyur/ /dmigs pa'i lhag ma yod na slob pa ste/ /gsal rig mthar thug gyur na sangs rgyas 'gyur/ /dge 'dun 'dus pa dang bcas kun dga' bo/ /thos pa'i </font><hr>503a<br><font size=+1>


@#/ /'jug pa nang du gzhol gyur nas/ /thos pa'i rang bzhin la ni mnyan par gyis/ /rang bzhin mngon gyur bla na med pa'i lam/ /mngon par byang chub nges par de dang mtshungs/ 'di ni rdul snyed de bzhin gshegs rnams kyi/ /bgrod pa gcig pa mya ngan 'das pa'i sgo/ /'das pa'i sangs rgyas bcom ldan 'das rnams ni// sgro 'di nyid nas byang chub grub pa yin/ /da lta bzhugs pa'i byang chub sems dpa' rnams/ /so so nas ni gsal rig nyid la 'jug / ma 'ongs skye bo lam la slob pa rnams| |chos 'di nyid la brten nas brtson par rigs/ /bdag kyang tshul 'di nyid kyis rtogs pa yin/ /spyan ras gzigs dbang gcig pu ma yin no/ /bcom ldan 'das kyi bka' yis bdag la ni/ /lam la bkri ba'i thabs mkhas thams cad kyis/ /dus mtha'i sems can skyob tshul dris par mdzad/ /'jig rten las ni thar par brtson pa rnams/ /mya ngan 'das sems sgrub par byed pa la/ /spyan ras gzigs kyi tshul 'di mchog ces bya/ /lam la bkri ba'i thabs mkhas 'di las gzhan// thams cad de bzhin gshegs pa'i gzi byin mthur/ /brten nas yul dang kun nyon spang ba tsam/ /rtag tu slob pa'i thun mong lam ma yin/ /zab dang mi zab mnyam par </font><hr>503b<br><font size=+1>


'jug pa min/ /de bzhin gshegs pa'i snying po la phyag 'tshal/ /zag pa med cing bsam gyis mi khyab pa/ /ma 'ongs skye bo dag la byin brlabs nas/ /sgo 'dir the tshom med par mdzad du gsol/ /thabs mkhas 'di yis bde blag 'grub pa'i phyir/ /kun dga' bo yi blo dang shin tu 'tsham/ /tha ma'i dus su bying ba'i sems can rnams/ /dbang po gcig pu 'di la rab sbyangs na/ /mngon byang chub 'di gzhan las khyad par 'phags/ /yang dag pa yi sems ni 'di bzhin no/ /de nas kun dga' bo dang bcas pa 'khor 'dus pa thams cad lus sems shin tu gsal bar gyur te rgyas par bstan pa rnam par rtogs nas sangs rgyas kyi go 'phang dang mya ngan las 'das pa chen po la blta ba ni/ dper na/ skye bo 'ga' zhig dgos pa'i phyir thag ring por song ste phyir ldog par ma nus kyang rang yul du 'gro ba'i lam gsal bar shes pa ltar der 'dus pa'i skye bo thams cad dang / lha dang / klu sogs sde brgyad dang / slob pa dang / theg pa 'bring la brtson pa dag dang / yang sems dang po bskyed pa'i byang chub sems dpa' dang bcas pa gang+gA'i klung bcu'i bye ma snyed thams cad la so sor rtsa ba'i sems rdul gyi dri ma dang bral te chos kyi mig shin tu gsal bar gyur to/ /rigs sad pa'i dge slong mas tshigs su bcad pa thos nas dgra bcom par gyur </font><hr>504a<br><font size=+1>


@#/ /cing / grangs med pa'i sems can thams cad kyis bla na med pa'i yang bla na med pa'i dgra bcom pa yang dag par rdzogs pa'i byang chub tu sems bskyed do/ / kun dga' bos gos chags bcos te 'dus pa thams cad kyi nang nas thal mo sbyar zhing phyag 'tshal nas sems dang yod shin tu dang bar gyur te dga' ba dang skyo ba lhan cig tu skyes shing / ma 'ongs pa'i skye bo thams cad la phan pa'i slad du slar yang phyag 'tshal nas bcom ldan 'das la gsol pa/ thugs rje chen po dang ldan pa sangs rgyas bcom ldan 'das/ bdag gis da lta sangs rgyas su 'gyur ba'i tshul rtogs nas 'di brtson pa na slad nas yid gnyis za ba dang nem nur med par gyur to/ / rgyun du de bzhin gshegs pa las thos pa la rang nyid ched du grol ba don du mi gnyer bar thog mar gzhan dgrol bar bya'o zhes sems pa ni/ byang chub sems dpa' rnams kyi sems bskyed pa'i tshul lo/ /rang nyid kyis khong du chud cing gzhan khong du chud du 'jug pa de de bzhin gshegs pas 'jig rten dang rjes su mthun par 'jug pa'i mdzad pa'o/ /zhes gsungs pa/ bdag grol bar ma gyur kyang snyigs ma'i dus kyi sems can dgrol bar bya'o/ /zhes 'dod do/ /sangs rgyas bcom ldan 'das/ 'di </font><hr>504b<br><font size=+1>


lta bu'i sems can rnams sangs rgyas dang ma 'phrad nas rim gyis rgyang ring du gyur te mi dge ba'i bshes gnyen gyis bshad pa'i tshul gang+gA'i klung gi bye ma snyed du gyur pa las/ /de dag gi sems bsdus nas ting nge 'dzin la 'jug par bya snyam na ji ltar de dag la chos kyi chogs gtan la phab nas bdud kyi las thams cad rgyang ring du bsrings shing gdod byang chub kyi sems las phyir mi ldog cing mi gol bar byed nus zhes gsol pa la/ de'i tshe bcom ldan 'das kyis 'khor 'dus pa'i nang du kun dga' bo la bsngags pa mdzad nas bka' stsal pa/ khyod chos kyi tshogs gtan la phab nas snyigs ma'i dus kyi sems can thams cad 'dam du bying pa lta bu rnams grol zhing skyong ba'i tshul dris pa legs so legs so/ /legs par nyon cig /khyod la bshad par bya'o/ /zhes bka' stsal pa la/ kun dga' bo dang / 'dus pa thams cad gus pas bka'i rjes su bstan pa nod cing 'dug go /bcom ldan 'das kyis kun dga' bo la bka' stsal pa/ khyod kyis ngas gdungs pa'i chos 'dul ba las nan tan du bya ba rnam pa gsum gyi yang dag pa'i don ma thos sam/ sems bsdu ba la tshul khrims zhes bya'o/ /tshul khrims las ting nge 'dzin skye zhing ting nge 'dzin las shes rab skye'o/ /zhes bya ba 'di nyid zag pa med pa'i </font><hr>505a<br><font size=+1>


@#/ /bslab pa gsum zhes bya ba yin no/ /kun dga' bo/ ngas sems bsdu ba la tshul khrims zhes btags pa de ci yin zhe na/ gal te 'jig rten khams kyi rigs drug gi sems can de dag thams cad 'dod pa la mi chag na skye shi gnyis res mos su rgyun mi 'chad pa'i dbang gis ltung bar mi 'gyur/ /khyod ting nge 'dzin la sbyong ba ni/ nyon mongs pa'i 'khrul pa dang 'bral ba'i phyir yin la/ log par g.yem pa'i sems ma bsal na yul dang 'bral bar mi 'gyur ro/ /ji ltar shes rab che zhing ting nge 'dzin mngon du gyur na yang log par g.yem pa ma spangs na nges par bdud kyi ris su ltung bas rab bdud kyi rgyal po dang / 'bring bdud pho dang / tha ma bdud mor 'gyur ro/ /de dag la yang bdud kyi slob ma yod cing so so nas rang nyid bla na med pa'i go 'phang thob bo/ /zhes zer ro/ /mya ngan las 'das pa'i rjes chos kyi snyigs ma'i dus su bdud 'di dag 'jig rten du 'ur zhing dar nas ches cher zhen pas log par g.yem pa byed cing / rang nyid dge ba'i bshes gnyen zhes sgrog cing sems can thams cad 'dod chags kyi lta ba'i dong du ltung bar byas te byang chub kyi lam stor bar byed do/ /khyod kyis 'jig rten gyi skye bo dag la ting </font><hr>505b<br><font size=+1>


nge 'dzin sbyong zhing slob tu 'jug pa na thog mar sems kyis log par g.yem pa chod cig dang / 'di la de bzhin gshegs pas sngon gyi sangs rgyas bcom ldan 'das rnams kyi rab dang / mchog dang / yang dag pa dang / rnam par dag pa rmad du byung ba'i bslab pa dang po zhes gsungs so/ /kun dga' bo/ de'i phyir gal te log par g.yem pa ma spangs par ting nge 'dzin la spyod snyam na/ dper na/ bye ma dang rngo bza' bar bya ba'i phyir 'tshed pa dang 'dra ste/ bskal pa brgya stong gi bar du 'tshed kyang bye ma 'tshir zhes bya ba nyid du 'gyur ro/ /ci'i phyir zhe na/ 'di nyid bzhin sa bza' ba'i nyer rgyu ma yin zhing thog ma nas bye ma dang rdo btsos pa yin pa'i phyir ro/ /khyod kyis log par g.yem bzhin du sangs rgyas kyi go 'phang dam pa tshol bar bya snyam na/ ji ltar de kho na nyid rtogs na yang thams cad log g.yem gyi rgyur 'gyur ro/ /log g.yem rtsa bar gyur na/ ngan song gsum du 'khor nas thar par mi nus pa'i phyir/ de bzhin gshegs pa'i myang 'das su bgrod pa'i lam gang gis gsal bar nus/ nges par log g.yem gyi kun slong lus sems kyis thams cad du spangs shing spangs pa'i rang bzhin yang med par gyur na/ gdod sangs rgyas kyi go 'phang tshol zhing </font><hr>506a<br><font size=+1>


@#/ /don du gnyer bar rigs so/ /ngas bshad pa 'di ltar 'chad na/ sangs rgyas kyis gsungs pa yin no/ /gal te 'di las gzhan du 'chang na/ bdud kyis smras pa yin no/ /gzhan yang 'jig rten khams kyi rigs drug gi sems can thams cad la srog gcod med na/ skye shi gnyis res mos su rgyun mi 'chad pa'i dbang gis ltung bar mi 'gyur ro/ /khyod ting nge 'dzin la sbyong ba ni/ nyon mongs pa'i 'khrul pa dang 'bral ba'i phyir yin la/ srog gcod ma bsal na/ yul dang 'bral bar mi 'gyur ro/ /ji ltar shes rab che zhing ting nge 'dzin mngon du gyur na yang srog gcod ma spangs na nges par mi ma yin gtum po'i rigs su ltung bas skye bo rnams 'dre mthu che ba dang / 'bring mkha' la rgyu ba'i gnod sbyin gyi bdag por 'gyur/ tha ma sa la rgyu ba'i srin por 'gyur ro/ /lha 'dre de dag la yang slob ma yod cing so so nas bla na med pa'i go 'phang thob bo/ /zhes zer ro/ /nga mya ngan las 'das pa'i rjes chos kyi snyigs ma'i dus su lha 'di dag 'jig rten du 'ur zhing dar nas de dag gis sha zos pas byang chub kyi go 'phang thob bo/ /zhes 'chad do/ /kun dga' bo/ ngas dge slong rnams la rnam par dag pa'i sha lnga za bar gnang ba ni/ sha 'di dag nga'i rdzu 'phrul </font><hr>506b<br><font size=+1>


gyis bskyed pa yin gyi srog dang 'brel ba ma yin no/ /khyed cag bram ze'i gnas drod gsher dang ldan pa'i steng du rdo ba dang bye ma dang bcas pos rtswa dang lo ma mi skye bas/ ngas snying rje chen po dang rdzu 'phrul gyis byin gyis brlabs nas 'di lta bu'i byams snying rje chen pos rdzun pa'i sha zhes ming du btags nas khyed cag gis ro myong bar gyur to/ /de bzhin gshegs pa mya ngan las 'das pa'i rjes su sems can gyi sha za bzhin du ji ltar shAkya'i sras zhes bya/ khyed cag shes par gyis shig /skye bo sha za ba 'di dag blo sad nas bsam gtan thob pa ltar gyur na yang de dag thams cad srin por gyur nas las kyi 'bras bu rdzogs te nges par skye 'chi'i sdug bsngal gyi rgya mtshor ltung bo de bzhin gshegs pa'i slob ma ma yin pa'i skye bo 'di dag phan tshun gsod pa dang / mid pa dang / za pa dag rgyun mi 'chad pa la 'di dag khams gsum las ji ltar 'byung bar 'gyur| khyod kyis 'jig rten gyi skye bo dag ting nge 'dzin la slob tu 'jug pa na gzhan gsod pa'i rgyun chod cig dang / 'di la de bzhin gshegs pas sngon gyi bcom ldan 'das rnams kyi yang dag pa'i rnam par dag pa rmad du byung ba'i bslab pa gnyis pa zhes gsungs so/ /kun dga' bo/ de'i phyir srog gcod pa rgyun mi gcod par ting nge </font><hr>507a<br><font size=+1>


@#/ /'dzin la sbyong snyam pa ni/ dper na/ skye bo 'ga' zhig rang gi lag pas rna ba bkab nas rang gi skad chen pos bos pa gzhan gyis thos par mi 'gyur snyam du sems pa dang 'dra ste/ 'di bzhin du 'chad pa las phyir zhing gsal bar gyur pa yod ces bya'o/ /dge slong rnam par dag pa dang / yang byang chub sems dpa' dag lam du 'gro pa na rtswa sngon po brdzi bar yang mi byed na/ lag pas gcad pa lta ci smos/ snying rje chen po can gyi skye bo dag gis sems can gyi sha khrag ji ltar za bar rung / gal te dge slong dag shar phyogs kyi srin bal dang / gos dar dang / phyogs 'di'i ko lpags kyi lha ma dang / slog pa dang / zho dang / 'o ma dang / mar dang / zhun mar la sogs pa'i bar bgo bar mi byed cing bza' bar mi phyed na/ dge slong 'di lta bu 'jig rten las nges par grol nas sngon gyi las kyi 'bras bu rdzogs par smin nas khams gsum du 'khor bar mi 'gyur/ ci'i phyir zhe na/ de dag gi lus las byung ba dag longs spyad na/ de dag dang las kyi 'brel ba can du 'gyur ro/ /da lta'i skye bo dag kyang sa las skyes pa'i 'bru rigs pa rgya dag zos pas rkang mthil sa la mi reg par ma gyur to/ /gdon mi za bar rang gi lus sems kyis sems can gyi lus dang / lus </font><hr>507b<br><font size=+1>


las skyes pa'i dngos po bgo bar mi byed cing bza' bar mi byed na/ ngas skye bo de nges par grol bar 'gyur ro/ /zhes smra'o/ /ngas bshad pa 'di ltar 'chad na/ sangs rgyas kyis gsungs pa yin no/ /'di las gzhan du 'chad na/ bdud kyis smras pa yin no/ /kun dga' bo/ 'jig rten gyi khams kyi sems can thams cad de dag gi sems ma byin len gyi dbang du ma song na/ skye shi gnyis res mos ma rgyun mi 'chad pa'i dbang gis ltung bar mi 'gyur/ khyod ting nge 'dzin la sbyong ba ni/ nyon mongs pa'i 'khrul pa dang 'bral ba'i phyir yin la/ ma byin len gyi sems ma bsal na yul dang 'bral bar mi 'gyur ro/ /ji ltar shes rab che zhing ting nge 'dzin mngon du gyur kyang ma byin len ma spangs na nges par phyin ci log tu ltung bas rab rnams ni/ gdon bgegs su 'gyur/ 'bring 'dre phra mor 'gyur/ tha ma 'byung pos brlams pa'i skye bo dman par 'gyur ro/ /log par spyod pa de dag la yang slob ma yod cing so so nas rang nyid bla na med pa'i go 'phang thob bo/ /zhes zer ro/ /nga mya ngan las 'das pa'i rjes chos kyi snyigs ma'i dus su gdon log par spyod pa dag 'jig rten du 'ur zhing dar nas g.yo thabs nang du sbed cing dge ba'i bshes gnyen lta bur brdzus te rang nyid ring mo zhig nas mi'i chos bla ma thob bo/ /zhe </font><hr>508a<br><font size=+1>


@#/ /skye bo phal pa rnams bslus te de dag yid ches shing dran pa rmongs su bcug nas gang du sleb pa'i yul gyi khyim pa'i skye bo dag brlag cing 'thor bar byed do/ /ngas dge slong rnams la ljongs rgyu zhing bsod snyoms spyod cig ces bka' stsal pa ni/ de dag la ched du zhen pa spong zhing byang chub kyi lam bsgrub pa'i don du yin la/ dge slong de dag rang nyid zas kyi g.yos mi byed par srog gi lhag ma 'tsho ba'i phyir du yin zhing srid pa gsum gyi mgron khang rnams su 'gro ba dang 'ong ba lan gcig byas shing song nas phyir mi ldog go /'di la skye bo rkun po dag rdzun gyis nga'i gos dur smig gyon te de bzhin gshegs pa la brten nas rnyed pa don du gnyer te sdig pa sna tshogs pa byed bzhin du thams cad kyis sangs rgyas kyi bstan pa la rab tu byung ba nyid mi dgos zhes smra zhing bsnyen par rdzogs pa'i dge slong dag theg pa dman pa'o| |zhes smad pa 'di ci zhig /tshul 'dis sems can grangs med pa dag 'khrul du bcug nas mnar med pa'i sems can dmyal bar ltung bar byed do/ /gal te nga mya ngan las 'das pa'i rjes su dge slong gang dag sems bskyed nas nges par ting nge 'dzin la sbyong ba dag yod na/ de bzhin gshegs pa'i sku gzugs kyi mdun du lus </font><hr>508b<br><font size=+1>


la mar me gcig 'jugs pa dang / sor mo'i tshigs gcig sbar ba dang / yang na lus la spos 'bru gcig gis bsreg par nus na/ ngas de la skye ba thog ma med pa'i las kyi 'bras bu dus gcig tu zad nas 'jig rten las ring du gyur te zag pa thams cad dang gtan du 'bral bar 'gyur ro/ zhes smra'o/ /bla na med pa'i byang chub kyi lam 'phral du mngon du ma gyur kyang skye bo de'i sems chos las ldog par mi 'gyur ro/ /gal te 'di lta bu'i lus gtong ba'i rgyu cung zad la ma 'bad na zhi ba thob kyang nges par mi'i skye ba blangs nas skye ba snga ma'i las kyi 'bras bu myong ngo / /ngas sngar rta'i chag zos pa dang 'dra bar shes par gyis shig /khyod kyis 'jig rten gyi skye bo dag ting nge 'dzin la sbyong zhing slob tu 'jug pa na thog mar ma byin par len pa spongs shig dang / 'di la de bzhin gshegs pas sngon gyi sangs rgyas bcom ldan 'das rnams kyi yang dag pa'i rnam par dag pa rmad du byung ba'i bslab pa gsum pa zhes gsungs so/ /kun dga' bo/ de'i phyir gal te ma byin par len pa ma spangs par ting nge 'dzin sbyong bar 'dod pa ni/ dper na/ skye bo 'ga' zhig pug pa brdol ba'i bum par chu blug pa dang 'dra ste/ /de 'geng bar 'dod na bskal pa rdul snyed kyi bar du yang 'geng bar mi nus so/ /gal te dge slong gang dag snam sbyor/ </font><hr>509a<br><font size=+1>


@#/ /dang lhung bzed ma gtogs pa'i yo byad khru dang sor du longs pa tsam yang mi 'chang bar bsod snyoms kyi lhag ma sems can bkres pa rnams la sbyin pa btang zhing / dge 'dun 'dus pa'i tshogs su thal mo sbyar zhing phyag 'tshal ba dang / rang la brdeg pa dang spyos pa dag yod na bsngags pa dang 'dra bar sems pa dang / gdon mi za bar lus sems yal bar dor nas lus kyi sha khrag rus pa sems can la gtad zhing / de bzhin gshegs pa'i ldem po'i dgongs pa'i don gtso bor bshad nas las dang po la lam las gol bar 'gyur ba de lta bu'i mi byed pa de la de bzhin gshegs pas gang zag 'di lta bu dag ni/ yang dag pa'i ting nge 'dzin 'thob par 'gyur ro/ /zhes bsngags pa mdzad do/ /ngas bshad pa 'di ltar 'chad na/ sangs rgyas kyis gsungs pa yin no/ /'di las gzhan du 'chad na/ bdud kyis smras pa yin no/ /kun dga' bo/ da lta 'jig rten gyi rigs drug gi sems can thams cad kyis srog mi gcod pa dang / ma byin par mi len pa dang / log par g.yem pa mi byed/ spyod pa 'di gsum spyod nus na yang gal te rdzun chen po smras na/ ting nge 'dzin dag par byed mi nus so/ /'di la 'dod pa'i lta ba can gyi bdud du gyur nas </font><hr>509b<br><font size=+1>


de bzhin gshegs pa'i rigs stor ba'i phyir des ma thob pa thob bo/ /zhes pa dang / ma rtogs pa rtogs so/ /zhes de skad du smra'o/ /yang 'jig rten gyi rnyed bkur don du gnyer bas skye bo rnams kyi mdun du 'di ltar smra ste/ bdag da lta rgyun du zhugs pa'i 'bras bu la gnas pa dang / lan gcig phyir 'ong ba'i 'bras bu la gnas pa dang / phyir mi 'ong ba'i 'bras bu la gnas pa dang / dgra bcom pa'i 'bras bu la gnas pa dang / rang rgyal gyi theg pa pa dang / sa bcu pa ba dang / sa la gnas pa'i byang chub sems dpar gyur to/ /zhes smras nas thams cad kyis phyag 'tshal ba dang / thal mo sbyor ba la re zhing mchod pa la zhen par 'gyur ro/ /skye bo 'di ngan pa tha chad sangs rgyas kyi kyi go 'phang rlag par byed pa'o/ /dper na/ skye bo 'ga' zhig gis shing ta la ral gris gcod pa ltar skye bo de dge rtsa chad nas shes pa dang nus pa med pa'i sdug bsngal gsum rgya mtshor phyir nas ji ltar gyur kyang mnyam par 'jog pa dang / ting nge 'dzin sgrub pa med par 'gyur ro/ /zhes sangs rgyas kyis bka' stsal to/ /nga mya ngan las 'das pa'i rjes su byang chub sems dpa' thams cad dang / dgra bcom pa rnams gdul bya de dag dang 'tsham pa'i lus kyis chos kyi snyigs ma'i dus su skye ba blangs te sna tshogs pa'i </font><hr>510a<br><font size=+1>


@#/ /gzugs su sprul te 'khor bar 'khor ba rnams grol bar byed do/ /'di la dge sbyong ngam/ skye bo phal pa dang / blon po chen po'i rigs dang / rgyal rigs dang / sna chen po la gtogs pa'i rigs dang / bu dang bu mo yang rung / bud med 'phyon ma dang / yug sa mo dang / gang dag 'khrig pa spyod pa dang / ma byin par len pa dang / bshan pa dang / tshong pa dag gi gzugs su sprul nas de dag dang lhan cig tu mthun par spyod cing sangs rgyas kyi theg pa la bsngags pa brjod nas de dag gi lus sems ting nge 'dzin la sbyor bar byed kyi/ ci nas kyang rang nyid nges par byang chub sems dpa' dang / nges par dgra bcom pa yin no/ /zhes sangs rgyas kyi gsung zab mo sgrog cing las dang po pa rnams kyi mdun du ci bder smra bar mi byed do/ /che 'pho ba na lkog tu tshul de kha chem gyi tshul du bsnyad par byed pa dag ni/ yod do/ /'di lta bu dag ni| sems can thams cad rmongs su bcug nas spyod pa 'khrug pa'i rdzun chen po smra bar ci zhig 'gyur/ khyod kyis 'jig rten gyi skye bo ting nge 'dzin la sbyong zhing slob tu 'jug pa na thog mar rdzun chen po smra ba spongs shig dang / 'di la de bzhin gshegs pas sngon gyi bcom ldan 'das rnams kyi yang dag pa'i rnam par dag pa rmad du byung </font><hr>510b<br><font size=+1>


ba'i bslab pa bzhi pa zhes gsungs so/ /kun dga' bo/ de'i phyir gal te rdzun chen po smra ba ma spangs na/ dper na/ mi'i phyi sa la tsan+dan ltar bcos pa la dri bzang gtan nas 'byung mi srid ba dang 'dra'o/ /ngas dge slong rnams la yang dag pa'i sems kyis tshogs kyi nang du gdams pa na bslab pa rnam pa bzhi nas brtsams te bya ba dang spyod pa gang la yang rdzun dang g.yo sgyu bya mi rung zhes bka' stsal pa bzhin du dang nyid ma'i chos bla ma thob bo/ /zhes spyoms na ji ltar rung / dper na/ mi dbul pos rang nyid rgyal po yin no/ /zhes snyems par byed na/ gsod pa'i nyes pa la thug cing thar par mi nus na chos kyi rgyal po ltar brdzus shing 'chos par ji ltar rung / brten pa'i gnas yang dag pa ma yin na/ 'bras bu brtan por mi 'gyur ro/ /'dis sangs rgyas kyi byang chub la re na skye bo 'ga' zhig rang gi lte ba la so 'debs pa dang 'dra bar de ltar su zhig nus/ gal te dge slong rnams sems gzhu rgyud ltar drang por gyur cing rnam pa thams cad du bden pa'i tshul la gnas nas ting nge 'dzin la mnyam par bzhag na/ nam du yang bdud kyi las mi 'byung ngo / /ngas skye ba de la byang chub sems dpa'i bla na med pa'i rnam par shes pa dang / 'du shes rdzogs par 'grub nus so/ /zhes bsngags pa mdzad do/ /ngas bshad pa 'di ltar 'chad na/ sangs </font><hr>511a<br><font size=+1>


@#/ /rgyas kyis gsungs pa yin no/ /'di las gzhan du 'chad na/ bdud kyis smras pa yin no/ /de bzhin gshegs pa thams cad kyi gsang ba sgrub pa'i don mngon par thob pa'i rgyu/ byang chub sems dpa' thams cad kyi spyod pa rgya mtsho ston pa/ sangs rgyas kyi gtsug tor dpa' bar 'gro ba zhes bya ba theg pa chen po'i mdo| bam po bdun pa/ kun dga' bo/ khyod kyis sems bsdu ba'i tshul dris pas/ ngas khyod la thog mar ting nge 'dzin la snyoms par zhugs nas sgo dam pa la brtson pas sbyangs te byang chub sems dpa'i lam tshol bar 'dod na nges par thog ma nyid bslab pa 'di bzhi ji ltar 'khyags pa dang ba mo ltar dri ma med par srungs shig /'di ltar na nyes spyod kyi yan lag sna tshogs pa dag rang nyid 'phel zhing skye bar mi 'gyur na/ yid kyi rnam gsum dang / ngag gi rnam pa bzhi gang gi rjes su skye bar 'gyur/ kun dga' bo/ bsdam par bya ba rnam pa 'di bzhi gal te ma btang na sems gzugs dri ro reg bya rnams dang 'bral ba med pas na/ las kyi sgrib pa sna tshogs gang las skye/ gal te sngon gyi bag chags sel bar ma nus na/ khyod skye bo de la rtse gcig pa'i sems kyis nga'i gtsug tor gyi 'od zer las byung ba'i gdugs dkar po can gyi bla na med pa'i rig </font><hr>511b<br><font size=+1>


sngags zlos su chug cig /de bzhin gshegs pa'i gcug tor bltar mi mngon pa las dngos po med pa'i chos kyi sku'i bdag nyid mngon par byung ste rin po che'i pad+ma'i gdan la bzhugs nas snying po'i sngags 'di gsungs so/ /re zhig da lta khyod skye ba sngan mar bu mo ma ting+ga dang bskal pa mang por 'brel bas 'dod cing gces pas sngon gyi bag chags bskal pa gcig nyid dang / tshe rabs gcig nyid ma yin pa la ngas lan gcig gsungs pa tsam gyis 'dod chags kyi sems rnam par dag nas dgra bcom par gyur to/ /de yang 'dod chags can gyi bud med yin zhing slob cing sbyong ba'i sems med pa la rdzu 'phrul gyi mthus mi mngon par byin gyis brlabs pas myur du mi slob par gyur na/ khyed cag nyan thos rnams bla na med pa'i theg pa chen po don du gnyer na sangs rgyas thob par mi 'gyur ba'i tshul yod dam/ dper na/ rdul rlung gi rdzi phyogs dang mthun par 'phyar ba ltar dka' ba'i gnas ci zhig yod/ gal te chos kyi snyigs ma'i tshe dkyil 'khor gyi cho ga la 'jug par 'dod pa dag yod na/ des thog mar dge slong gi sdom pa rnam par dag pa bsrung dgos/ de'i phyir gdon mi za bar sdom pa rnam dag dang ldan pa'i dge sbyong mchog slob dpon du bsten/ gal te sdom pa rnam par dag pa dang ma 'phrad na de dag gi </font><hr>512a<br><font size=+1>


@#/ /tshul khrims kyi brtul zhugs ji ltar yang 'grub par mi 'gyur ro/ /sdom pa blangs pa'i rjes su gos gsar pa gyon/ spos sbar/ lus sems dben par 'dug ste sems 'dis de bzhin gshegs pas gsungs pa'i rig sngags lan brgya rtsa brgyad bzlas pa'i rjes su gzhi bcas nas dkyil 'khor bzhengs te phyogs bcu'i 'jig rten gyi khams na bzhugs pa'i sangs rgyas rnams las thugs rje chen po'i 'od zer spros te de'i spyi gtsug tu phog par bsgom mo/ /kun dga' bo/ snyigs ma'i dus der sdom pa rnam dag dang ldan pa'i dge slong ngam/ dge slong ma'am/ khyim bdag gos dkar po can dag 'dod chags kyi sems bsal zhing sangs rgyas kyi bslab pa bzung nas dkyil 'khor gyi nang du byang chub sems dpa'i smon lam btab cing nang du 'jug pa dang phyir 'gro ba thams cad la khrus byas te dus drug tu bsgoms nas 'di lta bu'i tshul gyis mi nyal bar zhag bdun phrag gsum du bsgrubs na/ nga de'i mdun du 'ong zhing zhal dngos su bstan te spyi bor phyag bzhag nas dbugs dbyung zhing de'i blo rgyas par byed do/ /kun dga' bos bcom ldan 'das la gsol pa/ bcom ldan 'das/ bdag de bzhin gshegs pa'i bla na med pa'i thugs rje'i bka' drin las blo phye ste lam </font><hr>512b<br><font size=+1>


bsgoms nas mi slob pa'i go 'phang 'grub pa'i tshul rang nyid mi 'khrul bar shes so/ /chos kyi snyigs ma'i dus su sgom pa'i dkyil 'khor bzhengs par 'dod na/ gzhi ji ltar bya ba dang / bcom ldan 'das kyi dgongs pa dang mthun pa'i cho ga rnam par dag pa ji ltar sgrub ces gsol pa la/ bcom ldan 'das kyis kun dga' bo la bka' stsal pa/ gal te snyigs ma'i dus kyi skye bos dkyil 'khor bzhengs par 'dod na/ thog mar gangs kyi ri'i nye 'dabs su gnas pa'i ba dkar mo stobs dang ldan pa tshol cig /'dis ri las skyes pa'i rtswa snum zhing bzang ba zos pa dang / gangs ri'i chu gtsang ma 'thungs pas de'i lci ba gtsang ngo / /lci ba de blangs te tsan+dan dang bsres nas sa la byug /gangs kyi phyugs ma yin na/ de'i lci ba dri ngan zhing mi gtsang bas sa la byug tu mi rung / de lta ma yin na/ thang bde ba nas sa la khru lnga tsam brkos te 'og gi sa ser po blangs nas tsan+dan/ a ga ru/ shi la/ du ru ka /gur gum| ru rta/ spang rgyan/ spang spos/ spos bya lce can te rnam pa de bcu po phye mar btags nas 'jim pa dang bsres la dkyil 'khor gyi sa la byugs te tha dkar khru bcu gsum zur brgyad pa'i dkyil 'khor byas te/ dkyil 'khor dbus su gser ram/ dngul lam/ zangs sam/ shing las byas pa'i pad+ma dang / de'i steng du lhung bzed bzhag ste lhung bzed kyi </font><hr>513a<br><font size=+1>


@#/ /nang du ston zla 'bring po'i zil ba'i chu blugs nas ji ltar rnyed cing 'os pa'i lo ma dang bcas pa'i me tog gzugs so/ /yang me long zlum po brgyad rang rang gi gnas su bzhag ste me tog dang ldan pa'i lhung bzed la bskor bar bya'o/ /me long gi mthar me tog pad+ma bcu drug dang / spos phor bcu drug spel te gzhag par bya'o/ / spos phor gyi nang du a ga ru 'ba' gzhig bsreg cing me lce mi 'bar bar bya'o/ /ba dkar mo'i 'o ma snod bcu drug tu blug go/ 'o ma'i lde gu dang / ka ra btab pa'i snum 'khur dang / 'o spris dang / dug dang ma 'dres pa'i sman spos dang / sprang rtsis spags pa'i sga dang / mar dang / sbrang rtsi rnams cha bcu drug tu byas te me tog gi mthar bskor te sangs rgyas dang byang chub sems dpa' chen po thams cad la mchod par bya'o/ /nyin gung dang mtshan gung gi dus su sbrang rtsi bre byed dang / mar khyor ba gsum sta gon byas nas dkyil 'khor gyi mdun du spos phor chung ngu gzhag/ dri zhim po'i dur ba'i me la chu skol te khrus gsol nas me de gtsang ma byas te mar dang sprang rtsi bsregs pas sangs rgyas dang byang chub sems dpa' rnams mchod par bya'o/ /phyi'i phyogs bzhir ba dang me tog gi phyang phrul bya'o/ /dkyil 'khor gyi khang pa'i nang gi phyogs bzhir phyogs bcu'i de bzhin gshegs pa </font><hr>513b<br><font size=+1>


dang / byang chub sems dpa' thams cad kyi sku brnyan bzhugs su gsol/ /dbus su rnam par snang mdzad/ shAkya thub pa/ byams pa/ mi 'khrugs pa/ 'od dpag med rnams dang / rdzu 'phrul chen po dang ldan pa spyan ras gzigs la sogs pa'i sku brnyan dang / g.yas g.yon du byang chub sems dpa' rdo rje snying po sogs dang / brgya byin dang / tshangs pa dang / a ts+tshaSh+ma dang / dbyug sngon can dang / kuN+Da li dang / b+h+ri ku Ti dang / rgyal chen bzhi dang / log 'dren rnams sgo'i g.yas g.yon dus brengs te dgod/ yang me long brgyad steng nas 'od tu phyogs par btags te dkyil 'khor gyi nang gi me long dang thad kar 'od phan tshun du phog par byas te gzugs brnyan dag brtsegs mar 'char du bcug /zhag bdun phrag dang po la rtse gcig tu phyogs bcu'i de bzhin gshegs pa dang / byang chub sems dpa' chen po dang / dgra bcom pa rnams kyis mtshan nas brjod cing phyag 'tshal nas dus drug drug tu sngags bzla zhing bskor ba byed la sems rtse gcig pas chos spyod bya'o/ /dus re rer yang rgyun ma chad par lan brgya rtsa brgyad re bya'o/ /zhag bdun phrag gnyis par sems rtse gcig pas byang chub sems dpa'i smon pa'i sems rgyun ma chad par bskyed par bya'o/ /smon sems kyi bslab bya ngas sngar 'dul ba'i sde snod las gsal bar bstan to/ /zhag bdun phrag </font><hr>514a<br><font size=+1>


@#/ /gsum pa la dus bcu gnyis su rgyun gcig gis gdugs dkar po can gyi sngags bzla bar bya'o/ /zhag bdun pa la phyogs bcu'i de bzhin gshegs pa rnams dus gcig tu mngon sum du byon te me long gi 'od zer phog pa der phyag spyi bor bzhag ma thag tu ting nge 'dzin la gzhol bas/ 'di lta bu'i snyigs ma'i dus bai DUR+Ya ltar dag par byed nus so/ /kun dga' bo/ gal te dge slong gi sdom pa blangs pa'i mkhan po dang / 'dus pa'i tshogs dge slong bcu'i nang nas tshul khrims ma dag pa gcig yod na 'di lta bu'i dkyil 'khor gyi sgrub pa phal cher 'grub par mi 'gyur/ zhag bdun phrag gsum gyi rjes su drang zhing mi g.yo bar 'dug ste zhag brgya song ba na/ dbang po rnon po'i rigs yin na stan dang ma bral bar rgyun du zhugs pa'i 'bras bu thob par 'gyur ro/ des lus sems khyad par du 'phags pa'i go 'phang ma thob kyang sangs rgyas kyi go 'phang thob la mi bslu bas yid gnyis ma byed cig /khyod kyis dris pa'i dkyil 'khor sgrub pa'i tshul ni/ 'di ltar ro/ /kun dga' bos bcom ldan 'das kyi zhabs la phyag 'tshal nas gsol ba bdag rab tu byung ba tshun chad du bcom ldan 'das kyis gces par bskyangs pas mang du thos pa la 'bad pa las chos nyid 'dus ma byas mngon du byed ma nus so/ /tshangs pa'i </font><hr>514b<br><font size=+1>


gdams ngag phyin log gi 'ching ba dang 'phrad nas sems kyis gsal bar shes kyang rang rang deb na du ma gyur pas 'jam pa'i dbyangs dang 'phrad pa las bdag rnam par grol lo/ /de bzhin gshegs pa'i gtsug tor nas byung ba'i rig sngags kyis mi mngon par bskyab par mdzad kyang dngos po ma thos so/ /brtse ba chen pos slar yang gsal bar gsungs nas 'dus pa 'di'i slob pa thams cad skyong zhing skyob pa dang / yang ma 'ongs pa'i dus kyi 'khor ba'i skye bo phal pa'i bar du de bzhin gshegs pa'i gsung gsang bas lus sems rnam par grol ba thob par mdzad du gsol zhes gsol pa dang / de'i tshe 'dus pa thams cad so so nas phyag 'tshal zhing de bzhin gshegs pa'i gsung gi gsang ba zab mo mnyan pa don du gnyer zhing 'dug go /de'i tshe bcom ldan 'das kyi gtsug tor nas rin po che'i 'od zer brgya phrag steng du 'phro zhing 'od zer gyi nang nas rin po che'i pad+ma 'dab ma stong dang ldan pa gsal bar byung ste de bzhin gshegs pa'i sprul pa'i sku rin po che'i pad+ma de la bzhugs nas gtsug tor nas rin po che'i 'od zer brgya phrag bcu 'phros shing 'od zer de dag la gang+gA'i klung gi bye ma snyed bcu'i gsang ba'i bdag po phyag na rdo rje dngos su bstan te/ ri bo 'des shing rdo rje bsnams pa nam mkha'i bar du khyab par gyur to/ /thams cad nam mkha' la bltas te skrag pa </font><hr>515a<br><font size=+1>


@#/ /dang dga' ba'i sems lhan cig tu skyabs nas de bzhin gshegs pa la skyes tshol zhing rtse gzig pa'i sems kyis sangs rgyas kyi gsang sngags kyi tshig stsol pa la mnyan cing 'dug go /gtsug tor bltar mi mngon pa'i mtshan gyi 'od zer las byung ba'i de bzhin gshegs pas gsang sngags kyi tshig 'di dag bka' stsal to/ / na mo smi tA ta su ga tA ya/ ar+ha te sa mya k+saM bud+d+hA sh+ya/ si tA ta bud+d+ha ko Ti uSh+Ni ShaM/ nam s+sarba bud+d+ha bod+d+hi satwe b+h+yaH na ma s+s+patA naM sa mya k+saM bud+d+ha ko TI nAM/ sa shra wa ka saM g+hA nAM/ na maH lo ke arta tA nAM/ na maH sro tA pan+nA nAM/ na masas kr-i ta gA mA nAM/ na mo lo ke samyag+ga tA nAM/ samya k+p+ra ti pan+nA nAM/ na mo de wa r-i ShI NAM/ na ma s+sid+d+hi bing+ya d+ha ra NI ShA N+'+raM/ sha pA nu gra ha sa hi sra mA thA nAM/ na mo prah+ma Ne/ na maH in+d+ra ya/ na mo b+ha ga wa te ru trA ya/ u ma pa ti sa hi yA ya/ na mo b+ha ga wa te nA ra ya NA ya/ bany+tsa mahA sa mu dra na ma skra tA ya/ na mo b+ha ga wa te mahA kA lA ya/ tri pu ra na gar bi dra wa Na ka rA ya/ a d+hi muk+ti sh+ma shA na ni wA sa ni/ mA tra ga Na na ma skr-i tA ya/ na mo b+ha ga wa te ta thA ga ta ku lA ya/ na mo pad+ma ku lA ya/ na mo badzra ku lA ya/ na mo ma Ni ku la ya/ na mo ga dza ku la ya/ na mo b+ha ga wa te/ draM D+ha shU ra sain+ya/ pra ha ra Na rA dzA ya/ ta thA ga tA ya/ na mo b+ha ga wa te na mo a mi ta b+hA ya/ ta thA ga tA ya / </font><hr>515b<br><font size=+1>


arta ta sa mya k+saM bud+d+hA ya/ na mo b+ha ga wa te ak+Sho b+h+ya/ ta thA ga tA ya/ ar+ha te samya k+saM bud+d+hA ya/ na mo b+ha ga wa te b+hai Sha dz+ye gu ru bai DUR+Ya pra b+hA rA dzA ya/ ta thA ga tA ya/ na mo b+ha ga wa te saM buSh+pe ta sa len+d+ra rA dzA ya/ ta thA ga tA ya/ arta te samya k+saM bud+d+hA ya/ na mo b+ha ga wa te shA kya mu na ya/ ta thA ga tA ya/ ar+ha te samyak+saM bud+d+ha ya/ na mo b+ha ga wa te rat+na ke tu rA dzA ya/ ta thA ga tA ya/ ar+ha te samyak+saM bud+d+hA ya/ te b+h+yo na ma skr-i twaH i daM b+ha ga wa to si/ ta thA ga to Sh+NI ShaM/ si tA ta pa traM/ nA ma a pa ra dzi ta/ pra t+yaM gi raH sarba b+hu ta gra ha ni gra ha ka gra ha Ni/ pa ra bit+ya ts+tshe da ni/ a ka la mr-it+yu pa ri tra ya ni ka riM/ sarba ban+d+ha na mok+Sha NiM/ sarba duSh+Ta dus+s+wA p+na ni wa ra Ni/ tsa tu ra shI tI nAM gra ha gra ha srA NAny+tsa bid+h+win+sA na ka riM/ aSh+Ta biM sha tI nA nak+Sha trA ny+tsa pra sa d+ha na ka riM/ aSh+TA nAM ma hA gra hA NAM dz+r+waM bi d+h+wa n+sA na ka riM/ sarba sha tru Ni wa ra sh+tsa/ g+ho ra du s+pha nAny+tsa nA sha Ni/ bi Sha sha sta ag+ni u de Ta/ ra sh+tsa/ a pa ra dzi ta g+ho ra/ mahA pra tsaN+Ti/ mahA dIb+ta mahA te dzaM/ mahA shwe ta dz+wa la/ mahA ba la paN+Ta ra wA si nI/ AR+Ya tA rA b+h+r-i ku Ti sh+tse wa/ bi dza ya/ badzra ma li ti bi shru ta/ pad+maM ka badzra dzi h+na tsa/ mA la tse wA pa ra dzi ta/ badzra tsiN+Ti bi sha ra tsa/ shan+ta sha bai de wa pU dza ta/ sau mya rU pa mahA shwe ta/ AR+Ya tA ra mahA bA la/ a pa ra/ badzra shr-i kha le sh+tse wa/ badzra kau ma ri ku lan+d+ha ri/ badzra hasta Ta/ bid+ya </font><hr>516a<br><font size=+1>


@#/ /krany+tsa na ma li ka/ ku sum+b+ha ka rat+na/ bai ro tsa na ku la ya/ e ta doSh+NI ShaM/ bi dzrim+b+hA mA nAny+tsa/ badzra kA na ka pra b+ha/ lo \?\ badzra tu N+Ti Ta shwe taT/ ka ma lA k+Shi sha shi pra b+ha/ ad+ya di mu dra ga Na su bi ra k+ShaM tsa ku wan+tu/ i twAn+ma ma s+ya/ oM r-i Shi ga Na pra sha sta sarba ta thA ga to Sh+NI Sha hUM trUM/ dzam+b+ha na hUM trUM/ tam+b+ha na hUM truM/ pa ra bid+ya sam+b+ha k+Sha Na kA ri hUM trUM/ sarba yak+Sha rak+Sha sa gra hA NAM bi d+h+wan+sA na kA ri hUM trUM/ tsa tu ra shi tI nAM gra ha sa ha sra' NaM/ bi d+h+wa sA na kA ri hUM trUM/ rak+Sha b+ha ga wan+sa ta thA ga to Sh+NI ShaM/ pra gi raH mahA sa ha sra b+hu dze/ sa ha sra shaR+She/ // Ti sa ha sra ne tri/ a b+he de dz+wa li taT+TaM ke/ mahA badzra d+ha re/ tr-i b+hu wa na maN+Ta la/ oM swasti r+b+ha wa nA/ ma ma i twan+ma ma s+ya/ ra dza b+ha ya/ tsau ra b+ha ya/ ag+ni b+ha ya/ u da ka b+ha ya bi Sha b+ha ya/ sha s+t+ra b+ha ya/ pa ra tsa ka b+ha ya/ duH k+Shu b+ha ya/ AH sha ni b+ha ya/ a ka la mr-i t+yu b+ha ya/ d+ha ra Ni b+hu mi kam+pa ka pa da b+ha ya/ /u lka pA da b+ha ya/ rA dza daN+Da b+ha ya/ nA ga b+ha ya/ bid+yu d+b+ha ya/ su par+Na b+ha ya/ yak+Sha gra ha/ rak+Sha sa gra ha/ bre ta gra ha/ pi shA tsa gra ha/ g+hu ta gra ha/ kum+b+ha N+Da gra ha/ pU ta na gra ha/ ka Ta pU ta na gra ha/ skan+d+ha gra ha/ a pasra ra gar ha/ un+ma da gra ha/ ts+tsha ya gra ha/ re wa ti gra ha/ sha ta ha/ ri N+ya/ gar+b+ha ha ri N+ya/ ru d+hi ra ha ri N+ya/ ma sa ha ri N+ya/ me da ha ri N+ya/ ma dz+dza ha ri N+ya/ dza ta ha ri N+ya/ ji bi ta ha ri N+ya/ </font><hr>516b<br><font size=+1>


bi ta ha ri N+ya/ wAn+ta ha ri N+ya/ a shu ts+ya ha ri N+ya/ She Ta ha ri N+ya/ te ShAM sarbe ShUM sarba gra hA NAM/ bi d+yaM/ ts+tshe da yA mi kI la yA mi/ pa ri pra dza ka kr-i taM bi d+h+yaM/ ts+tshe da yA mi kI la yA mi/ DAM ki ni kr-i taM bid+yaM/ ts+tshe da yA mi kI la yA mi/ mahA pa shu pa ti ya ru dra kri taM bid+h+yaM/ ts+tshe da yA mi kI la yA mi/ nA ra ya Na kri taM bid+h+yaM/ ts+tshe da yA mi kI la yA mi/ ta twa ga ru Ta si kr-i taM bid+yaM| |ts+tshe da yA mi ki la yA mi/ mahA kA la ma tri ga Na kr-i taM bid+yaM/ ts+tshe da yA mi kI la yA mi/ ka pA li ka kri taM bid+yaM/ ts+tshe da yA mi kI la yA mi/ dza ya ka ra ma d+hu ka ra sarba ar+tha sa d+ha na kr-i taM bid+h+ya/ ts+tsho da yA me kI la yA mi/ tsa tur+b+ha gi nI kr-i taM bi byaM/ ts+tshe da yA mi kI la yA mi/ b+h+r-i gi ri Ti nand ke shwar ga Na pa ti sa hi ya kr-i taM bid+yaM/ ts+tshe da yA mi kI la yA mi/ nag shra ma Na kr-i taM bid+yaM/ ts+tshe da yA mi kI la yA mi/ artan+ta kr-i taM bi byaM/ ts+tshe da yA mi kI la yA mi/ ts+tshe bi ta rA ga kri taM bid+ya/ ts+tshe da yA mi kI la yA mi/ badzra pA Ni guh+ya guh+ya kA d+hi ba ti kr-i taM bid+yaM/ ts+tshe da yA mi kI la yA mi/ rak+ShaM b+ha ga wa na/ i twam+na ma s+ya/ b+ha ga wa na/ si tA ta pa tre na mo stu te/ a sItA na lA rka \?\ spu Ta bi ka si tA ta ba tre/ dz+wa la dz+wa la| da ra da ra/ bi da ra bi da ra/ ts+tshin+d+ha tsid+haM/ /hUM hUM phaT phaT phaT phaT phaT swAhA/ he he phaT/ a mo g+hA ya phaT/ a pra ti ha tA phaT/ \?\ phaT/ a su ra bi dra ba kA rA ya </font><hr>517a<br><font size=+1>


@#/ /phaT| sarba de wa b+h+yaH phaT/ sarba nA ge b+h+yaH phaT/ sarba yak+She b+h+yaH phaT/ sarba gan+d+ha rbe b+h+yaH phaT/ sarba pU ta ne b+h+yaH phaT/ ka Ta pU ta ne b+h+yaH phaT/ sarba du rlaM g+hi te b+h+yaH phaT/ sarba duSh+p+re kA+e b+h+yaH phaT/ sarba dz+wa re b+h+yaH phaT/ sarba a pasma re b+h+yaH phaT/ sarba shra wa Na b+h+yeH phaT/ sarba ti'ir+thi ke b+h+yaH phaT/ sarba ta ma da ke b+h+yaH phaT/ sarba bid+h+ya rA dza dz+wa re b+h+yaH phaT/ dza ya ka ra ma d+hu ka ra sarba arta sad+ha ke b+h+yaH phaT/ bid+ya tsa re b+h+yaH phaT/ tsa tur+b+ha gi nI b+h+yaH phaT/ badzra kau ma ri bid+ya rA je b+h+yaH phaT/ mahA pra t+yaM tha gi re b+h+yaH phaT/ badzra shraM kha la phra t+yaM gi ri rA dza ya phaT/ mahA kA lA ya mahA ma tri ga Na na maskr-i tA ya phaT/ biSh+Nu bi ye phaT/ prah+ma Ni ye phaT/ ag+ni ye phaT/ mahA kA li ye phaT/ kA la daN+Ti ye phaT/ ma tr-i ye phaT/ rau dri ye phaT/ tsa muN+Ti ye phaT/ kA la ra tr-i ye phaT/ ka pA li ye phaT/ a d+hi muk+ti ka sh+ma sha na wA si ni ye phaT/ ye ke tsitsha twa s+ya ma ma itwan+ma mas+ya| duSh+Ta tsit+ta a mi tra tsit+ta/ oM dze he ra/ gar+b+ha ha ra/ ru d+haM ra ha ra/ wA sa ha ra/ maM sa ha ra/ dza ta ha ra/ dzi bi ta ha ra/ bal+ya ha ra/ gan+d+ha ha ra/ puSh+pe ha ra/ pha la ha ra/ A s+ye ha ra/ pA pa tsit+ta/ duSh+Ta tsit+ta/ ru dra tsit+ta/ yak+Sha ga ha/ rak+Sha sa gra ha/ pre ta gra ha/ pi shA tsa gra ha/ b+hU ta gra ha/ kum+b+ha N+Ti gra ha/ skan+d+ha gra ha/ un+ma da gra </font><hr>517b<br><font size=+1>


ha| ts+tsha ya gra ha/ a pasma ra gra ha/ DA ka DA ki nI gra ha/ re wa ti gra ha/ dza mi ka gra ha/ sha ku ni gra ha/ ma tri nan+di ka gra ha/ a lam+ba gra ha/ gaN+Tha mi ni gra ha/ dz+wa rash+tsa/ e ka hi ka dwI ti yi ka tri tI yi ka tsa tu r+thi ka ni t+ya dz+wa ra/ bi Sha ma dz+wa ra/ bat+ti ka bet+ti ka sh+leSh+mi kasan+ni pat+ti ka sarba dzra ra sh+tsa rak+Sh+yan+ti/ mar+d+ha bA te lu tsi kaM ak+Shi ro gaM mu kha ro gaM gaN+Tha ro gaM gra ha gra raM / kar+Na shu laM/ dan+ta shu laM/ gr-i wa shu laM/ marma shu laM/ par+sh+wa shu laM/ u da ra shu laM/ ka Ti shu laM/ bAs+thi shu laM/ U ru shu laM/ dzaM g+ha shu laM/ ha sta shu laM/ pA da shu laM| swa ang+ga prat+yaM ga shu laM/ b+hu ta/ be ta Ta/ DA ki nI/ dz+wa ra/ dA tru/ kaN+Tu/ ki Ta b+ha/ lu ta/ be sarba/ lo ha ling+ka/ sho Sha/ trA sa na/ ga ra/ bi ShaH yo ga ag+ni/ u da ka ma ra/ b+hi ra gnad ra| a ka la mr-it+yu/ trai m+bu ka trai la Ta/ br-i sh+tsi ka sarba/ nA kU laM/ saM ha/ bya g+h+ra/ rak+Shi/ ta rak+Sha/ mr-i shri b+h+yaH te ShI sarbe ShAM si tA ta pa tre/ mahA badzra uSh+Ni ShaM/ mahA bra t+yaM gi raM/ ya bad+d+wa da sha yo dza na Ab+h+yan+ta re Na/ bi bya bin+d+haM ka ro mi/ te dzo ba n+d+heM ka ro mi/ pa ri bid ban+d+haM ka ro mi/ ta d+ya thA/ oM a na le/ bi Sha te/ bI ri/ badzra d+ha re/ b+han+d+ha ban+d+ha ni/ badzra pA ni phaT/ hUM trUM phaT swAhA/ kun dga' bo/ de bzhin gshegs pa'i gtsug tor las byung ba'i gdugs dkar po can zhes bya ba 'di gsang ba zab mo'i tshigs su bcad pa ngo mtshar rmad du byung ba'i don las phyogs bcu'i de bzhi </font><hr>518a<br><font size=+1>


@#/ /gshegs pa thams cad byung / phyogs bcu'i de bzhin gshegs pa rnams snying po'i sngags 'di la brten nas bla na med pa yang dag par rdzogs pa'i byang chub thob bo| |phyogs bcu'i de bzhin gshegs pa rnams snying po'i sngags 'di bzung bas bdud thams cad bcom zhing mu stegs pa rnams btul lo/ /phyogs bcu'i da bzhin gshegs pa rnams snying po'i sngags 'di la brten nas rin po che'i pad+ma la bzhugs bzhin du rdul snyed kyi zhing khams thams cad du don mdzad do/ /phyogs bcu'i de bzhin gshegs pa rnams snying po'i sngags 'di bzung bas rdul snyed kyi zhing khams su chos kyi 'khor lo rgya chen po bskor ro/ /phyogs bcu'i de bzhin gshegs pa rnams snying po'i sngags 'di bcangs pas phyogs bcu'i sems can gyi spyi bor phyag bzhag nas lung ston par mdzad do/ /sems can de dag rang nyid go 'phang ma thob byang phyogs bcu'i de bzhin gshegs pa las lung bstan thob bo/ /phyogs bcu'i de bzhin gshegs pa rnams snying po'i sngags 'di la brten nas sa phyogs bcu'i sems can rnams sdug bsngal las grol zhing skyong bar mdzad de/ 'di ltar dmyal ba dang / yi dwags dang / dud 'gro dang / zhar pa dang / 'on pa dang / glen zhing lkugs pa dang / mi sdug pa dang 'phrad pa'i sdug bsngal dang / sdug pa dang / </font><hr>518b<br><font size=+1>


'bral ba'i sdug bsngal dang / 'dod pa btsal gyis mi rnyed pa'i sdug bsngal dang / nye bar len pa'i phung po lnga'i sdug bsngal la sogs chags che ba dang nyam nga ba thams cad las dus gcig tu 'grol ba dang / chom rkun gyi 'jigs pa dang / dgra'i 'jigs pa dang / rgyal po'i chad pa'i 'jigs pa dang / btson gyi 'jigs pa dang / rlung dang me dang chu'i 'jigs pa dang / bkres skom dang dbul 'phongs la sogs pa'i sdug bsngal thams cad bsam pa tsam gyis zhi bar 'gyur ro/ /phyogs bcu'i de bzhin gshegs pa rnams snying po'i sngags 'di'i rjes su 'brangs pas phyogs bcu'i dge ba'i bshes gnyen bsten nas spyod lam rnam pa bzhis b+nyen bkur yid bzhin du sgrub nus shing gang+gA'i klung gi bye ma snyed kyi de bzhin gshegs pa'i tshogs su chos kyi rgyal po'i sras kyi thu bo zhes bsngags par mdzad do/ /phyogs bcu'i de bzhin gshegs pa rnams snying po'i sngags 'di spyad pas 'brel pa can la byin gyis brlabs pa dang theg pa dman pa'i skye bo dag gsang ba zab mo'i mdzod thos pas 'jigs pa dang bral bar nus so/ /phyogs bcu'i de bzhin gshegs pa rnams snying po'i sngags 'di bzlas pas bla na med pa'i byang chub grub pa dang byang chub kyi shing drung du bzhugs pa dang mya ngan las 'das pa chen po ston nus so/ /phyogs bcu'i de </font><hr>519a<br><font size=+1>


@#/ /bzhin gshegs pa rnams snying po'i sngags 'di spel bas mya ngan las 'das pa'i rjes su sangs rgyas kyi bstan pa yun ring du gnas pa dang / 'dul khrims dam zhing rnam par dag pa srung bar 'gyur ro/ /gal te nges de bzhin gshegs pa'i gtsug tor nas byung ba'i gdugs dkar po can gyi sngags 'di'i phan yon rtag tu nyin thog thag skad rgyun mi 'chad par tshigs ma zlos par tshul 'di nyid kyis bskal pa gang+gA'i klung gi bye ma snyed kyi bar du brjod kyang zad par mi nus so/ /'di'i ming la de bzhin gshegs pa'i gtsug tor zhes kyang bya/ khyed cag slob pa rnams 'khor ba las ma grol bas sems bskyed de zhe thag pa nas dgra bcom par 'gyur bar bya snyam na spags 'di ma bzlas par chog byas nas lus dang sems kyi bdud kyi las thams cad las rgyang bsring bar 'dod pa ni/ gnas med do/ /kun dga' bo/ 'jig rten gyi khams kyi yul so so'i sems can thams cad rang gi yul du skyes pa'i gro ga'am/ shing shun nam/ ta la'i lo ma'am/ sho gu'am/ ras dkar po la sngags 'di bris te bzang po'i snod du bcug la mi de sems rmongs shing klog pa dang 'dzin par ma nus na lus la 'chang ngam khyim gyi nang du bris na/ mi de ji srid 'tsho'i bar du </font><hr>519b<br><font size=+1>


dug thams cad kyis mi tshugs par shes par bya'o/ /kun dga' bo/ ngas da lta khyod la slar yang bshad par bya'o/ /sngags 'dis 'jig rten bsrungs shing bskyabs nas 'jigs pa thams cad las grol bar nus shing sems can thams cad la 'jig rten las 'das pa'i shes rab bskyed nus so/ /gal te nga mya ngan las 'das pa'i rjes su snyigs ma'i dus kyi sems can thams cad rang nyid kyis klog pa dang gzhan la klog tu bcug na 'di ltar klog pa dang 'dzin pa'i skye bo de dag mes bsreg par mi 'gyur/ chus byid bar mi 'gyur/ dug chen po dang chung dus gnod par mi 'gyur/ de bzhin du lha dang / klu dang / 'byung po dang / lha ma yin dang / bdud dang / gdon dang / gnod sbyin dang| 'dre dag gi rig sngags kyis tshugs par mi 'gyur/ sems mnyam par bzhag pa thob pas ngan sngags dang / byad dang / ro langs dang / dug dang / dug sbyar ma dang / gser dug dang / dngul dug dang / rtswa dang / shing dang / srin bu dang / sbrul la sogs pa dngos po thams cad kyi dug gi rlangs pa skye bo de'i khar song na bdud rtsir 'gyur/ gza' dang rgyu skar drag po rnams dang bcas pa lha 'dres thams cad kyis gnod par brtsams kyang skye bo de la tshugs par mi 'gyur/ log 'dren la </font><hr>520a<br><font size=+1>


@#/ /sogs pa dang gshin rje'i rgyal po 'khor dang bcas pa thams cad de'i bka' drin mnos te rtag tu srung zhing skyob par 'gyur/ kun dga' bo/ khyod kyis 'di ltar shes par bya ste/ rig sngag 'di rdo rje'i rigs gang+gA'i klung gi byem snyed bye ba khrag khrig brgya stong phrag brgyad cu rtsa bzhi rang rang gi 'khor dang bcas pa nyin mtshan rgyun mi 'chad par gzungs kyi rjes su 'brangs nas srung bar byed do/ /gal te sems can sems g.yengs shing 'khrugs nas sems ting nge 'dzin la mi gnas kyang sems kyis dran pa dang ngag gis bzlas na rdo rje'i rigs de dag rgyun du de'i rjes su 'brangs nas srung zhing skyob par byed na/ de lta bu'i rigs kyi bu byang chub kyi sems brtan por gyur pa dag smos ci dgos/ rdo rje'i rigs kyi snying po'i rgyal po 'di dag sems kyi rgyud byin gyis brlabs te myur du blo gros 'phel bar byed do/ /skye bo de dus de nyid du bskal pa gang+gA'i klung gi bye ma snyed brgyad khri bzhi stong gi las dren te thams cad gsal bar nus shing the tshom med par 'gyur ro/ /thog ma'i bskal pa nas phyi ma'i mtha'i bar du skye ba thams cad du nam du yang gnod sbyin dang / srin po dang / sprul po dang / lus srul po dang / grul bum dang / sha za dang / yi dwags la sogs pa'i </font><hr>520b<br><font size=+1>


gzugs dang / gzugs med dang / 'du shes can dang / 'du shes med pa'i gnas ngan par skye bar mi 'gyur/ rigs kyi bu gang dag 'don pa dang / bzla ba dang / 'bri ba dang / 'brir 'jug pa dang / yang na 'chang ba dang / sped pa dang / sna tshogs pas bkur zhing mchod na/ bskal pa thams cad du dbul po dang / dman pa dang / bde bas phongs pa'i yul du skye bar mi 'gyur/ skye bo 'di dag rang nyid kyis dge ba'i bsam byas par yang phyogs bcu'i de bzhin gshegs pa thams cad kyis legs pa'i dpal ji snyed pa skye bo de la stsal bas gang+gA'i klung gi bye ma snyed grangs med pa brjod du med pa'i yang brjod du med pa'i bskal pa rnams su rtag par sangs rgyas thams cad kyi drung du skye zhing dpag tu med pa'i bsod nams kyi phung po dang ldan par 'gyur ro/ /a kra ku'i khyim ltar lhan cig tu 'brel nas nam yang 'bral bar mi 'gyur ro/ /de'i phyir sdom pa nyams pa yang sdom pa rnams par dag par 'gyur/ /sdom pa ma thob pa yang sdom pa thob par 'gyur/ brtson pa dang mi ldan pa yang brtson pa dang ldan par 'gyur/ shes rab dang mi ldan pa yang shes rab dang ldan par 'gyur/ mi gtsang ba yang myur du gtsang bar 'gyur/ shes rab ma byas pa yang smyung ba byas par 'gyur ro/ /kun dga' bo/ rigs kyi bu de dag sngags 'di bzlas shing 'dzin pa na gal te ma bzung ba'i skabs su sdom pa nyams na sngags </font><hr>521a<br><font size=+1>


@#/ /bzung phyin chad nas sdom pa nyams pa'i sdig pa lci yang thams cad gcig car du med par thams cad byang bar 'gyur/ chang 'thung ba dang sgog tsong sogs ro tsha ba'i tshod ma lnga zos pa dang mi gtsang ba'i zas sna tshogs pa zos kyang sangs rgyas dang byang chub sems dpa' thams cad dang / rdo rje pho nya dang / lha drang srong dang / lha dang / 'byung po dag gis de dag la skyon du mi blta'o/ /gal te mi gtsang ba'i gos hrul po gyon nas zhag gcig gnas pa dang dus gcig 'gro ba thams cad la rnam par dag pa dang 'dra bar 'gyur/ dkyil 'khor mi sgrub cho ga mi byed lam la di spyod na yang sngags 'di 'dzin zhing bzlas na dkyil 'khor du zhugs pa dang lam la spyod pa dang tha mi dad par phan yon 'thob bo/ /gal te mtshams med pa lnga byas pa dang / yang dge slong dang / dge slong ma rnams kyi spang bar bya ba rnam pa bzhi dang / rnam pa brgyad spyad na yang sngags 'di bzlas pas de lta bu'i sdig pa shin tu lci ba thams cad rlung drag pos bye ma'i phung po khyer ba bzhin du thams cad zad bar byas nas spu'i nyag ma tsam yang lus pa med par 'gyur ro/ /kun dga' bo/ sems can gang dag bskal pa dpag med grangs med pa nas byas pa'i sdig </font><hr>521b<br><font size=+1>


sgrib lci yang thams cad tshe snga mar bshags pa ma byas kyang sngags 'di 'don pa dang / bzla ba dang / 'dri ba dang / 'drir 'jug pa dang / lus la 'chang zhing 'dzin pa dang / gang du gnas pa'i khang khyim dang / ra ba dang / nye 'khor la sogs pa dag tu bzhugs su gsol na/ de lta bu'i sdig pa bsngags pa thams cad chu tshan gyis kha ba bzhu ba ltar dag par byas nas ring por mi thogs par skye ba med pa'i chos la bzod pa thob par 'gyur ro/ /yang kun dga' bo/ bud med gang bu dang bu mo ma skyes pa bu 'dod pa dag dad pas sngags 'di dran zhing bzlas pa dang / yang na lus la gdugs dkar po can gyi sngags 'di 'chang ba dang / bzlas na khye'u dang bu mo tshe dang bsod nams dang blo dang ldan pa rnyed par 'gyur ro/ /dge ba'i 'bras bu smin par 'dod na myur du smin te lus dang srog dang mtha' thang yang de bzhin du 'gyur ro/ /shi 'phos nas kyang phyogs bcu'i 'jig rten gyi khams gang du smon pa der skye bar 'gyur ro/ /mtha' 'khob kyi mir yang skye bar mi 'gyur na/ shin tu dman pa'i skye gnas sna tshogs su mi skye ba smos ci dgos/ /kun dga' bo/ yul khams dang / grong khyer dang / grong dang / grong rdal rnams su mu ge dang / yams kyi nad dang / yang na pha rol gyi dmag tshogs </font><hr>522a<br><font size=+1>


@#/ /dang / chom kun dang / 'thab rtsod la sogs pa gang dag 'jigs pa dang / 'tshe ba byung ba'i gnas rnams su rig sngags 'di bris nas grong khyer gyi phyogs bzhi'i sgo dang / mchod rten dang / gtsug lag khang dang yang na rgyal mtshan gyi rtse mo la btags nas yul khams der gnas pa'i skye bo dag mngon du phyogs te dad cing gus pas phyag 'tshal zhing sems rtse gcig pas mchod cing bsnyen bkur ba dang / skye bo de dag rang rang gi lus la 'chang ba dang / yang na rang rang gi khyim du bzhugs su gsol na/ mya ngan dang sdug bsngal thams cad zhi bar 'gyur ro/ /kun dga' bo/ gnas gang dang gang du sngags 'di bzhugs pa der sems can de dag la lha dang klu rab tu dga' nas rlung dang char dus dang mthun par 'byung zhing 'bru sna lnga 'phel nas skye bo mang po dag bde zhing skyid par 'gyur ro/ /yang skar ma drag po las ltas ngan pa phyogs phyogs su bstan pa rnams zhi bar byas nas gdon dang sdug bsngal mi 'byung zhing sems can rnams la dus ma yin pa'i 'chi ba med pa dang / lcags sgrog dang / gdos dang / lcags thag rnams de'i lus la phog par mi 'gyur zhing nyin mtshan du bde bar gnyid log ste rmi lam ngan pa med par 'gyur ro/ /kun </font><hr>522b<br><font size=+1>


dga' bo| mi mjed kyi 'jig rten du ltas ngan pa brgyad khri bzhi stong ston pa'i skar ma ngan pa yod de/ rgyu skar nyi shu rtsa brgyad ni/ de dag gi gtso bor gyur cing gza' chen po drag po brgyad rgyu skar de dag gi bdag por gyur te gzugs sna tshogs su sprul pa 'jig rten du mthong nas sems can la gdon dang ltas ngan pa sna tshogs gtor bar byed do/ /sngags 'di yod pa'i gnas su de dag thams cad zhi zhing dag nas dpag tshad bcu gnyis kyi nang tshun tshad du ltas ngan pa thams cad nam yang 'byung bar mi 'gyur ro/ /de'i phyir de bzhin gshegs pas sngags 'di dngos su bstan pa ni/ ched du ma 'ongs pa'i skye bo las dang po pa nan tan gyis slob pa rnams bsrungs shing bskyabs nas ting nge 'dzin la zhugs shing lus sems mchog tu bde zhing brtan par 'gyur bas bdud dang lha 'dre yi dwags lha ma yin la sogs pa'i bar chad mi 'byung ngo / /yang thog ma med pa nas las kyi sha 'khon dang / sgrib pa dang / skye ba snga ma'i lan chags yod pa rnams gnod pa byed du 'ong bar mi 'gyur/ khyod la sogs pa 'khor 'dus pa 'di'i slob pa'i skye bo nas ma 'ongs pa'i 'jig rten gyi slob pa'i skye bo'i bar rnams kyis ngas bshad pa ltar dkyil 'khro la brten nas sdom pa 'dzin pa dang / sdom pa yongs su rdzogs pa'i dge 'dun rnam par dag pa dang 'phrad </font><hr>523a<br><font size=+1>


@#/ /par 'gyur ro/ /snying po'i sngags 'di la the tshom dang yid gnyis mi za na/ rigs kyi bu de pha ma las skyes pa'i lus de nyid kyis bden pa ma rtogs na phyogs bcu'i de bzhin gshegs pa thams cad kyis rdzun gsungs par 'gyur ro/ /de skad ces bka' stsal pa dang 'khor 'dus pa'i nang gi rdo rje'i rigs brgya stong grangs med pa thams cad dus gcig tu bcom ldan 'das kyi spyan sngar thal mo sbyar nas phyag 'tshal te gsol pa/ bcom ldan 'das kyis bka' stsal pa ltar bdag cag snying thag pa nas 'di ltar byang chub kyi lam sgom pa po rnams skyong zhing bsrung bar bgyi'o/ /zhes smras pa'i rjes su de'i tshe tshangs pa dang / lha'i dbang po brgya byin dang / rgyal po chen po bzhi rnams kyang lhan cig tu bcom ldan 'das la phyag 'tshal nas gsol pa/ 'di ltar sgom zhing slob pa'i bsod nams byed pa dag yod na bdag cag gis snying thag pa nas skyong zhing bsrungs nas de la dus rtag tu gang byas pa'i las rnams bsam pa bzhin bsgrub par bgyi'o| |yang grangs med pa gnod sbyin gyi sde dpon chen po dang / srin po'i rgyal po dang / grul bum gyi rgyal po dang / sha za'i rgyal po dang / bgegs kyi rgyal po log </font><hr>523b<br><font size=+1>


'dren dang / bgegs kyi gtso bo de dag bcom ldan 'das kyi spyan sngar thal mo sbyar zhing phyag 'tshal nas gsol pa/ bdag cag kyang dam bcas te skye bo de skyong zhing bsrung ba dang byang chub kyi sems myur du rdzogs par bgyi'o/ /zhes smras so/ /yang grangs med pa'i lha'i bu zla ba dang / nyi ma dang / rlung lha dang / char gyi bdag po dang / sprin gyi bdag po dang / lce 'bab pa'i bdag po dang / glog gi bdag po la sogs pa lo la dbang zhing rgyu ba dang rgyu skar thams cad kyi 'khor dang bcas pa thams cad so so nas bcom ldan 'das la phyag 'tshal nas gsol pa/ bdag cag kyang sgom pa po de skyong zhing srung ste cho ga bya ba'i gnas der 'jigs pa med par bgyi'o/ /zhes gsol to/ /yang grangs med pa'i ri'i lha dang / rgya mtsho'i lha dang / sa'i lha dang / chu dang skam dang mkha' la rgyu ba dang / dngos po thams cad la gnas pa'i lha dang / rlung lha'i rgyal po dang / gzugs med khams kyi lha rnams kyis de bzhin gshegs pa'i spyan sngar dus gcig tu phyag 'tshal nas gsol pa/ bdag cag rnams kyis sgom pa po de skyong zhing srung ba dang byang chub sgrub pa'i tshe bdud kyi las mi 'byung bar bgyi'o/ /zhes gsol to/ /de'i tshe bye ba khrag khrig brgyad khri bzhi stong gang+gA'i klung gi bye ma snyed kyi byang chub sems dpa' rdo rje'i snying po'i rgyal po rnams </font><hr>524a<br><font size=+1>


@#/ /'khor 'dus pa'i nang du stan las langs te bcom ldan 'das kyi zhabs la phyag 'tshal nas gsol pa/ bcom ldan 'das/ bdag cag la sogs pas tshogs bsags nas ring mo nas byang chub grub kyang mya ngan las mi 'da' bar rtag tu sngags 'di'i phyi bzhin 'brang nas snyigs ma'i dus su ting nge 'dzin la spyong zhing sgom pa pho dag la srung zhing skyob par bgyi'o/ /bcom ldan 'das/ 'di ltar sems bsdus nas ting nge 'dzin la brtson pa dag chog la gnas pa dang / 'gro ba dang 'chag pa la sems g.yengs nas ljongs rnams su skyo bsangs la rgyu ba'i bar bdag cag gi slob 'khor rnams rgyun du skye bo de'i rjes su 'brang zhing skyong bar rigs so/ /bdud kyi rgyal po dga' rab dbang phyug gis glags tshol ba na nam du yang glags rnyed par mi 'gyur la lha 'dre phra mo dag skye bo bsod nams can 'di las dpag tshad bcu'i pha rol tu 'bros par 'gyur ro/ /sems rtse gcig pas ting nge 'dzin la mos pa dag ni/ ma gtogs so/ /bcom ldan 'das/ de ltar bdud sdig can dang bdud kyi 'khor rnams kyis skye bo bsod nams can 'di la mtho brtsams pa na bdag gis rin po che rdo rjes de'i mgo la bsnun te mgo bo rdul </font><hr>524b<br><font size=+1>


phran bzhin du rlag par byed do/ /lhag par skye bo 'di'i las kyi mtha' rnams yid bzhin du 'grub par bgyi'o/ /zhes gsol to/ /de nas kun dga' bos stan las langs te/ bcom ldan 'das kyi zhabs la spyi bos phyag 'tshal nas gsol pa/ bdag cag blun zhing rtul ba'i phyir mang du thos pa la gzhol bas sems zag pa thams cad dang bral ba don du mi gnyer la/ de bzhin gshegs pa'i brtse bas gdams pa'i bka' drin las yang dag pa'i lam la brtson pa thob nas lus sems la phan pa dang bde bas tshim par gyur to/ /bcom ldan 'das/ 'di lta bu'i sangs rgyas kyi ting nge 'dzin sgom zhing thob nas mya ngan las 'das pa la ma sleb kyi bar du ji ltar na shes rab rkyang ba'i sa dang / sems bzhi bcu rtsa bzhi zhes bya ba lags/ rim pa gang du sleb pa na sgom pa'i spyan thob pa lags/ gnas gang du sleb pa nas la gnas pa lags/ ji ltar na byang chub sems dpa' rgyun mtha' ba zhes bya bar gyur pa bstan du gsol zhes gsol nas yan lag lngas la gtugs te 'khor 'dus pa thams cad sems rtse gcig pas bcom ldan 'das la mig gis blta bzhin du brtse ba'i bka' nod cing 'dug go /de'i tshe bcom ldan 'das kyis kun dga' bo la legs so/ /zhes bka' stsal </font><hr>525a<br><font size=+1>


@#/ /nas legs so legs so/ /khyed cag 'khor 'dus pa'i dge 'dun rnams dang / yang snyigs ma'i dus kyi skye bo dag ting nge 'dzin la sbyong ba dang theg pa chen po tshol ba la so so skye bo'i sa nas mya ngan las 'das pa chen po'i bar bla na med pa yang dag par sgom pa'i lam rgya cher bstan pa'i slad du gsol bar spobs so/ / khyed cag legs par nyon dang ngas bshad par bya'o/ /zhes bka' stsal pa la/ kun dga' bo la sogs 'khor 'dus pa thams cad thal mo sbyar zhing sems dang bas cang mi smra bar rjes su bstan pa nod cing 'dug go /bcom ldan 'das kyis bka' stsal pa la/ kun dga' bo/ khyed cag shes par gyis shig /rmad du byung ba'i gsal rig gi rang bzhin de ming dang rnam pa dang bral zhing gdod ma nas 'jig rten dang sems can med do/ /rdzun pa'i rkyen gyis skye bar 'gyur la/ skye ba'i rkyen gyis 'gag par 'gyur bas skye ba dang 'gag pa gnyis rdzun pa zhes bya'o/ /rdzun pa bkag pa ni/ bden pa zhes bya la/ 'di ni/ de bzhin gshegs pa'i bla na med pa'i byang chub dang / mya ngan las 'das pa chen po gnyis kyi ming can no/ /kun dga' bo/ khyed cag nges par ting nge 'dzin sgom zhing de bzhin gshegs pa'i mya ngan las 'das pa chen por myur du sleb </font><hr>525b<br><font size=+1>


par 'dod na thog mar sems can dang 'jig rten phyin ci log gnyis kyi rgyu shes par bya rigs so/ /phyin ci log med na 'di nyid de bzhin gshegs pa'i ting nge 'dzin yang dag pa'o/ /kun dga' bo/ ci'i phyir sems can phyin ci log ce na/ kun dga' bo/ rang bzhin ni/ /gsal rig gi sems yin la/ rang bzhin de gsal rig yin pa'i phyir gsal ba las rang bzhin 'byung ngo / /rang bzhin rdzun pa'i mthong ba skyes pas de gzhi med pa las phyir zhing yod la 'grub par 'gyur ro/ /yod pa dang gang yod pa 'di gnyis kyi bar du rgyu dang gang gi rgyu ma yin zhing gnas pa dang gang du gnas pa'i rnam pa mthar thug na gzhi med pas gdod ma nas gnas pa med pa las 'jig rten dang sems can 'grub bo/ /thog ma'i gsal rig 'grib nas rdzun pa byung ngo / /rdzun pa'i rang bzhin la dngos po med pas rten du gzung du mi rung ngo / /'di las bden pa tshol na de nyid kyis na bden pa ma yin no/ /bden pa ma yin pa las tshol na rnam pa ma yin par 'gyur ro/ /de dag skye ba ma yin gnas pa ma yin/ yid ma yin/ chos ma yin pas rim gyis 'khor nas skye'o/ /skye ba'i mthus gsal bar gyur nas bag chags kyi dbang gis las 'byung ngo / /las ni/ 'dra bar gyur na phan tshun bskul zhing de nas rjes mthun bskul </font><hr>526a<br><font size=+1>


@#/ /pa'i las yod pa'i dbang gis phan tshun du 'gag bzhin phan tshun du skye bzhin pa de lta bus sems can phyin ci log tu gyur to/ /kun dga' bo/ ji ltar 'jig rten phyin ci log ce na/ gang gis yod pa 'di dang / gang yod pa de cha so so nas rdzun par skyes pa'i phyir 'di las 'jig rten du gyur to/ /skyed byed dang bskyed bya ma yin| gnas byed dang gnas bya ma yin/ de las rim par 'pho bzhin du mi gnas pas 'di las 'grub bo/ /dus gsum dang phyogs bzhi 'phrad cing ltos pa ni/ phan tshun du zhugs pas sems can rnams 'gyur zhing skyes nas ris rnam pa bcu gnyis su 'grub bo/ /de'i phyir 'jig rten la g.yo ba'i rkyen gyis sgra byung ngo / /sgra'i rkyen gyis gzugs byung ngo / /gzugs kyi rkyen gyis dri byung ngo / /dri'i rkyen gyis reg bya byung ngo / /reg bya'i rkyen gyis ro byung ngo / /ro'i rkyen gyis chos shes par 'gyur ro/ /'khrul pa drug po 'di rdzun pa'i sems kyis las kyi rang bzhin 'grub pa'i phyir ris bcu gnyis su gyur nas de las 'khor bar 'khor ro/ /de'i phyir 'jig rten pa'i sgra dri ro reg bya la sogs pa rigs bcu gnyis su gyur nas lan gcig 'khor ba zhes bya'o/ /'di ltar 'khor ba phyin ci log gi mtshan ma la brten pas 'jig rten na sgo nga las skye pa dang / mngal las skye ba dang / drod gsher las skye ba dang / rdzus te skye ba dang </font><hr>526b<br><font size=+1>


gzugs dang / gzugs med pa dang / 'du shes dang / 'du shes med dang / gzugs can ma yin pa dang / gzugs med ma yin pa dang / 'du shes can ma yin pa dang / 'du shes med pa ma yin pa de dag so sor phye'o/ /kun dga' bo/ 'jig rten gyi rdzun zhing mi bden pas 'khor bar 'khor bzhin du g.yo ba'i byin ci log gis rkyen la 'phrad cing ltos nas dbugs kyi dbang gis 'phur ba dang bying ba brgyad khri bzhi stong 'khrul pa'i 'du shes 'grub bo/ /de'i phyir sgo nga'i nur nur po yod cing yul khams su brgyud de 'khor zhing skyes nas nya dang / 'dab chags dang / rus sbal dang / sprul la sogs pa'i rigs kyis gtams shing gang bar gyur to/ /'jig rten gyi sna tshogs pas bgos nas 'khor bar 'khor bzhin du rtog pa phyin ci log gi rkyen gyis 'phrad cing ltos nas 'dres pas 'greng ba dud pa brgyad khri bzhi stong 'khrul pa'i sems 'grub bo/ /de'i phyir mngal gyi mer mer po yod cing / yul khams su brgyud de 'khor zhing skyes nas mi dang / dud 'gro dang / klu dang / drang srong gi rigs kyis gtams shing gang bar gyur to/ /'jig rten gyi 'dzin zhing 'brel bas 'khor bar 'khor bzhin du 'gro ba phyin ci log gi rkyen gyis 'phrad cing ltos pa'i drod las skyes pa brgyad khri bzhi stong 'pho zhing 'gyur ba'i 'khrul pa'i sems 'grub bo/ /de'i phyir nar nar po yod cing yul khams su brgyud de 'khor </font><hr>527a<br><font size=+1>


@#/ /zhing skyes nas rig pa med pa'i khum pa dang nur pa'i srin bu'i rigs kyis gtams shing gang bar gyur to/ /'jig rten gyi 'pho zhing 'gyur bas 'khor bar 'khor bzhin du bcos ma'i phyin ci log gi rkyen gyis 'phrad cing ltos pa'i reg pas brgyad khri bzhi stong 'khrul pa'i sems gsar rnying 'grub bo/ /de'i phyir rdzus skyes kyi gzugs gor gor po yod cing yul khams su brgyud de 'khor zhing skyes nas lus brje ba dang 'phur ba dang 'gro ba la sogs pa'i rigs kyis gtams shing gang bar gyur to| |'jig rten gyi khams su lus shing thogs pas 'khor bar 'khor bzhin du sgrib pa phyin ci log gi rkyen gyi sa 'phrad cing ltos pa'i 'dzin pas brgyad khri bzhi stong gsal zhing 'tsher ba'i 'khrul pa'i sems 'grub bo/ /de'i phyir rnam pa'i gzugs can gor gor po yod cing yul khams su brgyud de 'khor zhing skyes nas mtshan ma bzang po dang ltas ngan pa shes pa'i rigs kyis gtams shing gang bar gyur to/ /'jig rten gyi zhi ba dang 'thor bas 'khor bar 'khor bzhin du rtog pa phyin ci log gi rkyen gyis 'phrad cing ltos pas mi mngon pa'i gzugs phra mo brgyad khri bzhi stong gi 'khrul ba'i sems 'grub bo/ /de'i phyir gzugs med pa'i gor gor po yod cing yul khams su brgyud da de 'khor bar skyes nas stong ba dang </font><hr>527b<br><font size=+1>


'thor ba dang zhi ba dang byir ba la sogs pa'i rigs kyis gtams shing gang bar gyur to/ /'jig rten gyi gzugs srab mos 'khor bar 'khor bzhin du grib ma'i phyin ci log gi rkyen gyis 'phrad cing ltes pa'i 'dod pas brgyad khri bzhi stong gi mi mngon par 'ching ba'i 'khrul ba'i sems 'grub bo/ /de'i phyir 'du shes kyi rnam pa'i gor gor po yod cing brgyud de 'khor zhing skyes nas lha 'dre bdud dang gdon la sogs pa'i rigs kyis gtams shing gang bar gyur to/ /'jig rten gyi rmongs shing blun pas 'khor bar 'khor bzhin du rmongs pa phyin ci log gi rkyen gyis 'phrad cing ltos pa sems med kyis brgyad khri bzhi stong rtswa skam lta bu'i 'khrul pa'i sems 'grub bo/ /de'i phyir 'du shes med pa'i gor gor po yod cing yul khams su brgyud de 'khor zhing skyes nas dwangs ma 'gyur nas sa shing lcags rdo la sogs pa'i rigs kyis gang bar gyur to/ /'jig rten gyi phan tshun 'grogs pas 'khor bar 'khor bzhin du bcos ma'i phyin ci log gi rkyen gyis 'phrad cing ltos pa'i bgobs brgyad khri bzhi stong gi brten pa dang yid ches pa'i 'khrul pa'i sems 'grub bo/ /de'i phyir gzugs dang gzugs can ma yin pa gzugs su gyur pa'i gor gor po yod cing yul khams su brgyud de 'khor zhing skyes nas chu'i ma zhes bya ba'i srin bu la lcang mos mig byas pa la sogs pa'i rigs kyis gtams shing gang bar gyur to/ /'jig rten gyi gcig gis gcig </font><hr>528a<br><font size=+1>


@#/ /drangs nas 'khor bar 'khor bzhin du rang bzhin phyin ci log gi rkyen gyis 'phrad cing ltos pa'i dmod pa brgyad khri bzhi stong gi 'bod pa dang bsgrags pa'i 'khrul pa'i sems 'grub bo/ /de'i phyir gzugs med ma yin zhing gzugs med pa'i gor gor po yod cing / yul khams su brgyud de 'khor zhing skyes nas mnan pa dang byad dang dmod pa bor ba la sogs pa'i rigs kyis gtams shing gang bar gyur to/ /'jig rten gyi rdzun gyis 'brel ba'i 'khor bar 'khor bzhin du 'khrul pa'i phyin ci log gi rkyen gyis 'phrad cing ltos pa las gzhan brgyad khri bzhi stong phan tshun 'khrug pa'i sems 'grub bo/ /de'i phyir 'du shes can gzugs can ma yin zhing 'du shes can sgrub pa'i gor gor po yod cing / yul khams su brgyud de 'khor zhing skyes nas bung ba dang dar gyi srin bu ltar gzhan gyi lus kyis rang rigs 'grub par byed pa la sogs pa'i rigs kyis gtams shing gang bar gyur to/ /'jig rten gyi 'khon dang gnod pas 'khor bar 'khor bzhin du gsod pa'i phyin ci log gi rkyen gyis 'phrad cing ltos pa ya mtshan can brgyad khri bzhi stong gi pha ma za ba'i 'khrul pa'i sems 'grub bo/ /de'i phyir 'du shes med pa ma yin pa'i gzugs dang 'du shes med pa'i gor gor po yod cing / yul khams su brgyud de 'khor </font><hr>528b<br><font size=+1>


zhing skyes nas srin bya la sogs pa ltar sa'i gong bu las phrug gu byed pa dang bya sdig can du gshing gi 'bras bu las phrug gu byed pa ltar phrug gu grub nas pha ma za bar byed pa la sogs ba'i rigs kyis gtams shing gang bar gyur to/ /'di dag la sems can rigs bcu gnyis zhes bya'o/ /de bzhin gshegs pa'i gsang ba sgrub pa'i don mngon par thob pa'i rgyu/ byang chub sems dpa' thams cad kyi spyod pa rgya mtsho ston pa/ sangs rgyas kyi gtsug tor dpa' bar 'gro pa zhes bya ba theg pa chen po'i mdo/ bam po brgyad pa/ kun dga' bo| rigs sna tshogs pa'i sems can 'di dag rang rang la phyin ci log gi mthong ba bcu gnyis re yod de/ dper na/ mig 'bras btsir na ra ri sna tshogs 'char ba bzhin rmad du byung pa rnam par dag pa'i gsal rig las phyin ci log tu gyur te rdzun pa'i rnam rtog gi sems 'byung ngo / /khyod da lta de bzhin gshegs pa'i ting nge 'dzin nges par bsgom pa la rtsa ba'i rgyu rnam rtog 'di thog ma nas yod pa de rim pa gsum gyi sgo nas sel bar bya'o/ /dper na/ snod gtsang ma'i nang gi dug can gyi sbrang rtsi zhi zhing bsal te dri bzang po'i rdzas sna tshogs pa bskol ba'i chus bkrus shing dag pa na gdod bdud rtsi smug tu rung ba dang 'dra'o/ /rim pa rnam pa gsum gang zhe na/ dang po 'phel ba'i rgyu sbyong ba/ gnyis pa nyes ba rang gi ngo bo sbyong ba/ gsum pa </font><hr>529a<br><font size=+1>


@#/ /ni| rim gyis gong du spel te mngon du gyur pa 'gog pa'o/ /ci zhig 'phel ba'i rgyu yin zhe na/ kun dga' bo/ 'jig rten gyi rigs rnam pa bcu gnyis po rang rang gi stobs kyis rdzogs par mi 'grub/ zas rnam pa bzhi la brten pa ste/ 'di ltar kham gyi zas/ reg pa'i zas/ sems pa'i zas/ rnam shes kyi zas rnam pa bzhi'o/ / de'i phyir sangs rgyas kyis sems can thams cad zas la brten pa yin no/ /zhes bka' stsal to/ /kun dga' bo/ sems can yod do cog thams cad bcud can zos na gsos su 'gyur zhing dug can zos na 'chi bar 'gyur ro/ /de'i phyir sems can rnams ting nge 'dzin tshol na sgog tsong la sogs pa'i tshod ma tsha ba lnga 'dzem par rigs/ tshod ma lnga po 'di tshos pa zos na 'dod chags 'phel zhing rlon pa mid na zhe sdang rgyas par 'gyur ro/ /'jig rten 'di'i tshod ma tsha ba za ba dag gsung rab yan lag bcu gnyis rgyas par 'chad nus na yang phyogs bcu'i lha dang drang srong rnams de'i dri ngan pa la btsog tu bltas nas de dag so so nas ring du 'byol zhing de za ba'i tshe yi dwags rnams kyis de'i kha'i mchu la bldag par byed do/ /des 'dre rnams dang lhan du gnas pa'i phyir bsod nams rim gyis nyams te rgyun du don mi 'grub bo/ /tshod ma tsha ba zos pa 'di dag ting nge 'dzin sgom pa'i tshe byang </font><hr>529b<br><font size=+1>


chub sems dpa' dang lha dang drang srong dang phyogs bcu'i dkar phyogs skyong ba'i lha rnams bsrung zhing bskyab par mi 'gyur ba'i phyir bdud kyi rgyal po mthu chen rnams kyis glags rnyed nas sangs rgyas su sprul te de la chos bstan cing tshul khrims gtsang ma la smod cing 'dod chags zhe sdang gti mug la bsngags nas shi 'phos te bdud kyi 'khor du skye zhing bdud kyi bsod nams la longs spyod pa zad ma thag tu mnar med pa'i dmyal bar ltung bar 'gyur ro/ /kun dga' bo/ byang chub 'grub par 'dod pa dag tshod ma ro tsha ba rnam pa lnga po 'di gtan nas 'dzem par rigs so/ /'di la dang po rim gyis gong du spel zhing bslab pa la sbyong ba'i rim pa dang po zhes bya'o/ /ci zhig rang gi ngo bo yin zhe na/ kun dga' bo/ sems can 'di dag ting nge 'dzin la 'jug par 'dod na/ thog mar zhe thag pa nas tshul khrims rnam par dag pa bsrung zhing log par g.yem pa'i sems rtsa ba nas chod cig /chang dang sha la longs ma spyad cig /gtsang mar btsos pa dag za zhing rjen rlon ma za zhig /kun dga' bo/ tshul 'di la sbyong ba dag gal te log par g.yem pa dang srog gcod la mi 'dzem na khams gsum las grol bar 'dod kyang gnas med do/ /de'i phyir log g.yem gyi 'dod chags la sprul gdug pa dang zhe 'gras pa'i rkun ma dang 'phrad pa lta bur blta bar rigs </font><hr>530a<br><font size=+1>


@#/ /so| /thog mar nyan thos kyi pham pa bzhi dang pham pa brgyad pa srungs nas lus sdom zhing brtan pa thob pa na byang chub sems dpa'i brtul zhugs rnam par dag pa srung zhing sems bsrungs nas g.yo ba med par gyis shig /tshul khrims dang ldan na 'jig rten na phan tshun skye ba dang gsod pa'i las kyi 'bras bu med par 'gyur ro/ /brku ba dang 'phrog pa ma byas na phan tshun du bu lon med pa'i phyir skye ba sngon ma'i lan chags pa bsab mi dgos so/ /'di lta bu'i rnam par dag pa'i skye bo ting nge 'dzin sgom pa la sbyangs pas pha ma las skyes pa'i lus dang lha'i mig la mi ltos par rang nyid kyis phyogs bcu'i 'jig rten gyi khams dag mthong nas de bzhin gshegs pa dang mjal nas chos thos te bka' lung nod cing rdzu 'phrul chen po thob ste phyogs bcu'i 'jig rten gyi khams su thogs med du bgrod nas sngon gyi gnas gsal bar dran zhing sdug bsngal drag po las thar par 'gyur ro/ /'di la rim gyis gong du spel zhing brtson par byed pa'i rim pa gnyis pa zhes bya'o/ /ci zhig mngon gyur yin zhe na/ kun dga' bo/ 'di lta bu'i tshul khrims rnam par dag par srung ba'i skye bo sems la zhen pa'i 'dod chags med pa'i phyir phyi'i yul drug gi rjes su snyegs par mi 'gyur ro/ /snyegs par mi 'gyur bas nang du rang gi gdod ma'i tshul la gzhol par </font><hr>530b<br><font size=+1>


'gyur ro/ /yul dang mi 'brel na dbang po grogs su mi 'gyur ro/ /yul la snyegs pa las logs nas gcig tu gyur ba na longs spyod drug 'byung bar mi 'gyur zhing phyogs bcu'i 'jig rten gyi khams rnam par dag par mthong bar 'gyur ro/ /dper na/ bai D+'+r+ya'i nang du zla ba'i gzugs brnyan shar ba ltar lus sems shin tu bde zhing gsal rig mnyam pa nyid thob nas bde ba chen po brtan par 'gyur ro/ /de nas de bzhin gshegs pa thams cad kyi zab cing rnam par dag pa'i gsal rig rmad du byung ba yongs su rdzogs pa de'i nang du gsal bar gyur nas skye bo 'di mi skye ba'i chos la bzod pa thob par 'gyur ro/ /'di nas rim gyis sbyangs te mngon du gyur pa'i spyod pa dam pa'i gral du bde blag tu chud pa'i phyir 'di la gong du spel zhing brtson par byed pa'i rim pa gsum pa zhes bya'o/ /kun dga' bo/ 'di lta bu'i rigs kyi bu 'dod chags rab tu bsal te dbang po yul dang mi 'brel ba'i phyir da lta'i lus 'di nyid las slar skye ba len par mi 'gyur ro/ /de nas gsal stong gi sems brtan pa las shes rab 'ba' zhig tu gyur to/ /blo'i rang bzhin rnam par dag cing gsal bar gyur te phyogs bcu'i khams su khyab cing shes rab 'ba' zhig tu gyur pa la shes rab rkyang pa zhes bya'o/ /'di ni/ 'dod chags kyi bag chags bsal na yang de bzhin gshegs pa'i chos kyi bdud rtsi'i rgyun dang </font><hr>531a<br><font size=+1>


@#/ /da dung ma 'phrad do/ /de ltar sems 'di bzung nas dbu ma'i lam du gzhol ba'i sgo nas drang por sbyangs na rmad du byung ba'i ye shes gong nas gong du 'phel zhing mngon du 'gyur ro/ /rmad du byung ba'i bden pa yun du gnas pas rnam rtog ngan pa'i sems sna tshogs pa thams cad zad nas dbu ma'i lam bden pa 'ba' zhig par gyur to/ / 'di la yang dag par dad pa'i sems gnas pa zhes bya'o/ /bden pa'i tshul yang dag par mthong nas mngon par byang chub pa thob pa'i phyir phung po dang khams dang skye mched gsum thogs pa med par 'gyur ro/ /de nas 'das pa dang ma 'ongs pa'i bskal pa grangs med pa'i 'jig rten du lus 'dor ba dang lus blangs pa'i bag chags rnying pa sna tshogs pa thams cad mig sngar mngon sum du mthong bas 'di lta bu'i rigs kyi bu dag thams cad du dran zhing mi brjed pa dang mi g.yel bar 'gyur ro/ /'di la dran pa sems la gnas pa zhes bya'o/ /rmad du byung ba'i ye shes mchog tu bden pa thob ste bden pa'i rang gdangs kyi rdzu 'phrul thob nas thog ma med pa'i bag chags rnying pa thams cad gsal ba'i rang bzhin dang 'brel lo/ /'di la gsal ba'i rang bzhin nyid kyis bden pa rnam par dag pa'i sgo nas sgom pa la sbyor ba'i brtson 'grus kyi sems zhes bya'o/ /sems kyi </font><hr>531b<br><font size=+1>


rang bzhin rnam par dag pa mngon du gyur nas ye shes thob pa ni shes rab sems la gnas pa zhes bya'o/ /shes rab gsal ba bzung nas g.yo ba med cing rnam par dag pa khyab par gyur nas rmad du byung ba'i mi g.yo ba rtag par gnas pa la ting nge 'dzin sems la gnas pa zhes bya'o/ /ting nge 'dzin gyi 'od zer gsal bar 'phros shing gsal ba'i rang bzhin zab mor gyur te 'phel ba las ldog par mi 'gyur ro/ /'di la phyir mi ldog pa'i sems zhes bya'o/ /sems lhag par bde bas gnas te skyong zhing bsrungs nas mi 'chor bar 'gyur ro/ /de nas phyogs bcu'i de bzhin gshegs pa rnams kyi rang bzhin nus pa dang mthun pa la chos skyong ba'i sems zhes bya'o/ /gsal rig gis bskyangs shing rmad du byung ba'i nus pas de bzhin gshegs pa'i thugs rje'i 'od zer lus la phog ste sangs rgyas la phyogs te gnas shing me long gnyis kyi 'od phan tshun du phog ste de'i nang du gzugs brnyan rim pa mang po 'char ba dang 'dra'o/ /'di la lus la phog nas sangs rgyas la phyogs pa'i sems gnas pa zhes bya'o/ /sems la 'od zer mi mngon par phog pas sangs rgyas kyi rtag brtan rmad du byung ba'i rnam par dag pa bla na med pa thob nas 'bad med du bde bar gnas shing nyams pa dang chad pa med pa la tshul khrims kyi sems gnas pa zhes bya'o/ /tshul khrims la gnas shing dbang thob </font><hr>532a<br><font size=+1>


@#/ /nas phyogs bcur khyab par song ste ji ltar 'dod pa'i gnas su phyin pa ni/ smon pa'i sems la gnas pa zhes bya'o/ /kun dga' bo/ 'di lta bu'i rigs kyi bu dag nges par thabs la mkhas pas sems rnam pa bcu gnyis 'di dag bskyed nas sems kyi rang bzhin gsal bar phye ma thag tu longs spyod bcu po thams cad gcig gi nang du gcig chud nas sems gcig gis rdzogs par bsgrubs so/ /'di la 'phel bskyed kyi sems la gnas pa zhes bya'o/ /sems kyi nang du gsal bar gyur pa ni bai DUR+Ya dwangs pa'i nang du gser btso ma mthong ba ltar snga ma'i rmad du byung ba'i sems phul du gyur te lam gcig gis 'gro ba la sbyangs pa'i sa la gnas pa zhes bya'o/ /sems dngos 'du shes dang rab tu mthun nas thams cad gsal bar rtogs te phyogs bcur khyab par song ba na gtan nas chags thogs med par 'gyur ro/ /'di la chos sbyangs pa la gnas pa zhes bya'o| /sbyangs pas sangs rgyas dang mnyam par gyur te sangs rgyas kyi nus pa thob nas bar do'i lus kyis pha ma btsal ba ltar bar ma do'i shes pa mi mngon par rdzogs shing de bzhin gshegs pa'i rigs can du 'gyur ro/ /'di la skye ba mchog la gnas pa zhes bya'o/ /sangs rgyas lhums su zhugs nas lus tshor ba mthong ba longs spyod cing skye </font><hr>532b<br><font size=+1>


ba'i lus gsal bar gyur nas mi'i lus ma tshang ba med pa bzhin du 'di la thabs mkhas dang ldan pa la gnas pa zhes bya'o/ /rnam pa dang ngang tshul sangs rgyas dang 'dra zhing sems kyi mtshan ma yang gcig tu gyur pa na 'di la brten pa'i sems la gnas pa zhes bya'o/ /lus sems gcig tu byas nas rim gyis yar ldan du sgrub pa la mi ldog par gnas pa'i sems zhes bya'o/ /lus kyi mtshan dang dpe byad rnam pa bcu dus gcig tu rdzogs par sgrub pa la gzhon nu la gnas pa zhes bya'o/ /gzugs rdzogs par grub nas mngal nas byung ste sangs rgyas las 'khrungs pa'i sras su gyur pa la chos kyi rgyal po'i sras la gnas pa zhes bya'o/ /cher skyes nas dar la babs pa na rgyal po chen pos rgyal srid kyi bya ba rgyal po'i bu la bsgos nas gtad pa ltar rgyal rigs kyi bu cher skyes nas dar la babs pa na gral bsgrigs nas bu thu bo la spyi bo nas dbang bskur ba dang 'dra ba ni/ dbang bskur ba la gnas pa zhes bya'o/ /kun dga' bo/ rigs kyi bu de rgyal ba'i sras su gyur nas yon tan dam pa dpag tu med pa phun sum tshogs te phyogs bcur rjes su mthun pas 'di la rab tu dga' ba'i sbyod pa zhes bgya'o/ /thabs mkhas pas sems can thams cad kyi don byed pas 'di la phan pa chen po sgrub pa'i spyod pa zhes bya'o/ /rang nyid sad pas gzhan sad par byed pa la mi </font><hr>533a<br><font size=+1>


@#/ /mthun pa med pas 'di la khong khro ba med pa'i spyod pa zhes bya'o/ /skye rgu sna tshogs pa las 'das nas ma 'ongs pa'i 'jig rten gyi mtha'i bar du srid pa gsum mnyam pa nyid du shes pas phyogs bcu kun tu khyab pas 'di la zad pa med pa'i spyod pa zhes bya'o/ /rnam pa sna tshogs pa'i chos kyi sgo thams cad ro gcig cing 'gal ba dang nor ba med pa'i phyir 'di la rmongs shing 'khrug pa dang bral ba'i spyod pa zhes bya'o/ /'di la tha mi dad pa las tha dad pa thams cad gsal bar shes shing tha dad pa so so las rang rang gi tha mi dad pa mthong ba'i phyir 'di la mngon du gyur pa'i spyod pa zhes bya'o/ /'di nas phyogs bcu'i nam mkha'i khams rdul phra rab kyis gang ba la rdul re re'i nang du phyogs bcu'i 'jig rten gyi khams gsal bar snang zhing rdul dang 'jig rten gyi khams gcig gis gcig mi bsgrib pa'i phyir 'di la thogs pa med pa'i spyod pa zhes bya'o| |rnam pa sna tshogs gsal bar snang ba ni/ thog mar pha rol tu phyin pa las byung ba yin pa'i phyir 'di la mchog rab kyi spyod pa zhes bya'o/ /'di bzhin du lhun gyis grub nas phyogs bcu'i sangs rgyas thams cad kyi tshad kyi rnam pa dang mthun pas 'di la chos bzang po'i spyod pa zhes bya'o/ /re re nas rnam par dag cing zag pa med pa'i bden pa </font><hr>533b<br><font size=+1>


gcig pu ma bcos pa thams cad gdod ma'i rang bzhin las byung ba yin pa'i phyir 'di la yang dag pa'i spyod pa zhes bya'o/ /kun dga' bo/ 'di lta bu'i rigs kyi bu dag rdzu 'phrul yongs su grub cing sangs rgyas kyi mdzad pa bsgrubs nas bden pa rang bzhin rnam par dag pa gsal bar gyur pas sna tshogs pa'i sems kyi rgud pa dang phral nas sems can thams cad bkri zhing sgrol ba la bkri zhing sgrol ba'i rnam pa 'gag nas 'du ma byas pa'i sems phyir log ste mya ngan las 'das pa'i lam la phyogs pas 'di la sems can thams cad srung zhing skyob pa la sems can thams cad kyi rnam pa dang bral ba'i bsngo ba zhes bya'o/ /gzhom par 'os pa bcom pa dang bral ba thams cad dang ring du bral na 'di la gzhom du med pa'i bsngo ba zhes bya'o/ /gdod ma'i rig pa rnam par dag pas rig pa de sangs rgyas kyi rig pa dang 'dra bar gyur pa na 'di la sangs rgyas thams cad dang mnyam pa'i bsngo ba zhes bya'o/ /bden pa'i rang bzhin mngon du gyur cing / sa ni/ sangs rgyas kyis dang 'dra bar gyur pa na 'di la gnas thams cad khyab pa'i bsngo ba zhes bya'o/ /'jig rten dang de bzhin gshegs pa thams cad phan tshun du chud pa lo sgrib thogs med par gyur par \?\ zad pa med pa'i yon tan mdzod kyi bsngo ba zhes bya'o/ /de bzhin gshegs pa'i sa dang mnyam par gyur pa'i dang nas rang rang gi rnam par dag pa'i rgyu skyes shing rgyu de la brten nas </font><hr>534a<br><font size=+1>


@#/ /'phel bzhin du mya ngan las 'das pa'i lam 'grub na 'di la rigs bzang po dang rjes su ma thun pa'i mnyam pa nyid kyi bsngo ba zhes bya'o/ /yang dag pa'i dge ba'i rtsa ba sgrubs nas phyogs bcu'i sems can thams cad bdag gi rang bzhin yin pa'i phyir rang bzhin yongs su sgrub cing sems can mi gtong bar gyur pa na 'di la sems can thams cad dang rjes su mthun zhing mnyam pa nyid du gzigs pa'i bsngo ba zhes bya'o/ /chos thams cad dang rjes su mthun pa la thams cad kyi rnam pa dang bral zhing rjes su mthun pa dang bral ba rnam pa gnyis la mi gnas na 'di la yang dag pa'i rnam pa'i bsngo ba zhes bya'o/ /yang dag pa thob nas phyogs bcu'i sgrib pa med par gyur pa na 'di la bcings pa med cing rnam par grol ba'i bsngo ba zhes bya'o/ /rang bzhin gyi yon tan yongs su rdzogs shing chos kyi khams tshad med par gyur pa na 'di la chos kyi khams dpag tu med pa'i bsngo ba zhes bya'o/ /kun dga' bo/ 'di lta bu'i rigs kyi du dag rnam par dag pa'i sems bzhi bcu rtsa gcig rdzogs nas rim gyis mchog tu rgyas pa'i sbyor lam rnam pa bzhi sgrub par rigs so/ /de bzhin gshegs pa'i rig pa rang gi sems kyi ngo bor byas nas mngon du gyur ma gyur gtsub shing gtsubs nas shing bsreg go snyam pa ltar gyur </font><hr>534b<br><font size=+1>


pas 'di la drod byung ba zhes bya'o/ /yang rang gi sems sangs rgyas kyi spyod yul can du byas nas ltos pa dang mi ltos pa ni/ ri mthon po'i rtse mor 'dzeg pa na lus bar snad la gnas pa 'dra yang 'gog gi cha sa la reg pa dang 'dra bar gyur pas 'di la rtse mor phyin pa zhes bya'o/ /sems dang sangs rgyas mnyam par gyur cing dbu ma'i lam rnyed nas skye bo bzod pa can 'khon nang du mi 'dzin la phyir yang mngon du mi 'gyur ba dang 'dra bar gyur pas 'di la bzod pa zhes bya'o/ /grangs dang tshad dang bral nas dbu ma'i lam du rig pa dang 'khyams pa gnyis mig gi spyod yul du ma gyur pa na 'di la 'jig rten gyi chos mchog ces bya'o/ /kun dga' bo/ 'di lta bu'i rigs kyi bu dag byang chub chen po rtogs nas rig pas de bzhin gshegs pa'i spyod yul ma lus pa khong du chud pa na 'di la rab tu dga' ba'i sa zhes bya'o/ /sna tshogs pa'i rang bzhin tha dad pa dag tha mi dad du gyur te mnyam pa nyid kyi rang bzhin 'gag pa na 'di la dri ma med pa'i sa zhes bya'o/ /dag pa'i mthar thug nas 'od gsal ba skyes na 'di la 'od byed pa'i sa zhes bya'o/ /'od gsal ba mthar thug nas rig pa rgyas pa na 'di la 'od 'phro ba'i sa zhes bya'o/ /mnyam pa dang mi mnyam pa dag gis glags tshol mi nus pa na 'di la sbyangs dka' ba'i sa zhes bya'o/ /'dus ma </font><hr>535a<br><font size=+1>


@#/ /byas kyi yang dag pa'i rang bzhin mngon du gyur pa na 'di la mngon du gyur pa'i sa zhes bya'o/ /yang dag pa'i mthar phyin pa na 'di la ring du song ba'i sa zhes bya'o/ /yang dag pa'i sems tsam du gyur pa na 'di la mi g.yo ba'i sa zhes bya'o/ /yang dag pa las chos kyi longs spyod rgyas par byed nus pa na 'di la legs pa'i blo gros kyi sa zhes bya'o/ /kun dga' bo/ byang chub sems dpa' rnams 'di nas tshogs lam gyi bar sgom pa'i brtson 'grus brtsams shing yon tan gyi dpal rdzogs nas 'di dag la sogs pa la sgom pa la slob pa'i rim pa zhes bya'o/ /snying rje'i grib ma can rmad du byung ba'i sprin mya ngan las 'das pa'i rgya mtsho g.yogs pas 'di la chos kyi sprin gyi sa zhes bya'o/ /de bzhin gshegs pa zhi bar gzhol ba'i rgyun las ldog cing byang chub sems dpa' 'di dag rgyun dang mthun par phyin nas rig pa la reg cing 'dres pa na 'di la mnyam nyid kyi rig pa zhes bya'o/ /kun dga' bo/ shes rab rkyang pa'i sems nas mnyam pa nyid kyi rig pa'i bar thob nas rig pa 'di thog mar rdo rje lta bu'i sems thob pa la shes rab rkyang pa'i sa zhes bya'o/ /'di ltar rim pa rim par brgyud nas ya dang srung rim pa bcu gnyis 'das nas gdod rmad du byung ba'i rig pa rdzogs </font><hr>535b<br><font size=+1>


shing bla na med pa'i lam grub bo/ /rnam pa sna tshogs pa'i sa 'di dag thams cad so sor rtog pa'i ye shes kyi rdo rje sgyu ma'i dpe zab mo rnam pa bcu bzung ste zhi gnas la gnas nas de bzhin gshegs pa thams cad kyi lhag mthong gi stobs kyis rnam par dag pa'i sgom pa la rim gyis 'jug go /kun dga' bo/ 'di lta bu thams cad rgyu rnam pa gsum mi 'der bar sbyangs pas de lta bu'i lam gyi rim pa lnga bcu rtsa lnga la brten nas yang dag pa'i byang chub kyi go 'phang rdzogs par 'grub par 'gyur ro/ /'di ltar sgom pa la yang dag par sgom pa zhes bya la gal te gzhan du sgom na log par sgom pa zhes bya'o/ /de'i tshe chos kyi rgyal po'i sras 'jam pa'i dbyangs de ma thag tu 'khor 'dus pa chen po'i nang nas stan las langs te de bzhin gshegs pa'i zhabs la phyag 'tshal te 'di skad ces gsol pa/ chos 'di'i ming ci zhes bya/ bdag dang / sems can rnams kyis ji ltar bzung bar bgyi zhes gsol pa dang / bcom ldan 'das kyis bka' stsal pa/ 'jam dpal/ chos 'di de bzhin gshegs pa'i gtsug tor las byung ba'i gdugs dkar po can bla na med pa'i rin po che'i phyag rgya phyogs bcu'i de bzhin gshegs pa rnams kyi rnam par dag pa'i rgya mtsho'i spyan zhes bya'o/ /yang nye du srung zhing skyob cing kun dga' bo dang / yang 'khor 'dus pa 'di'i rang bzhin gyi dge </font><hr>536a<br><font size=+1>


@#/ /slong ma btul zhing thar par byas nas byang chub kyi sems thob ste yang dag par rdzogs pa'i rgya mtshor 'jug par bya ba'i chos zhes bya'o/ /yang de bzhin gshegs pa'i gsang ba'i rgyu mthar thug pa'i don sbyong ba'i tshul gsal bar byed pa'i chos zhes bya'o/ /yang shin tu rgyas pa pad+mo dam pa'i rgyal po phyogs bcu'i rgyal ba'i yum gyi gzungs sngags kyi chos zhes bya'o/ /yang dbang bskur ba'i tshig byang chub sems dpa' thams cad kyi spyod pa rgya mtsho ston pa dpa' bar 'gro ba'i chos zhes bya'o| |khyed cag gis de ltar zungs shig ces bka' stsal pa dang / de'i tshe kun dga' bo dang / 'khor 'dus pa'i dge 'dun rnams de bzhin gshegs pa'i bka' drin las gsang ba'i phyag rgya gdugs dkar po can gyi don gsal bar bstan pa las yang chos 'di'i mthar thug gi ming gi rnam grangs phos pas ting nge 'dzin las 'phags pa'i go 'phang gi bar sgom pa'i tshul mchog tu rmad du byung ba rtogs nas sems mi rtog pa'i stong pa la gnas shing khams gsum gyi nyon mongs phra mo skor drug spangs shing bsal nas de ma thag stan las langs te bcom ldan 'das kyi zhabs la phyag 'tshal nas thal mo sbyar zhing gus pas gsol pa/ dpal chen po dang ldan pa bcom ldan </font><hr>536b<br><font size=+1>


'das kyi brtse ba'i dbyangs rnam pa thams cad pa'i gsung gis sems can thams cad kyi the tshom phra mo thams cad 'byed pa la mkhas pas da lta bdag cag lus sems bde zhing phan pa chen po thob par mdzad do/ /bcom ldan 'das/ 'di lta bu'i gsal rig shin tu rnam par dag pa rmad du byung ba'i sems de gdod ma nas kun tu khyab cing de nas sa chen po dang / rtswa dang| shing dang / g.yo zhing rgyu ba'i srog chags kyi bar thams cad kyi de bzhin nyid de gdod ma nas de bzhin gshegs pa rnams kyi sangs rgyas pa'i rang bzhin yin na de bzhin gshegs pa'i rang bzhin la ji ltar slar yang dmyal ba dang / yi dwags dang / dud 'gro dang / lha ma yin dang / mi dang / lha la sogs pa'i rigs yod par gyur lags/ bcom ldan 'das/ 'di dag gdod ma nas rang byung du yod dam/ yang na sems can rnams kyi 'khrul pa'i bag chags las byung ba yin/ bcom ldan 'das/ dper na/ dge slong ma pad+ma'i dri ldan byang sems kyi sdom pa bzung nas rang nyid log par g.yem nas gzhan la log g.yem ni/ srog gcod pa dang / ma byin par len pa dang mi 'dra zhing 'di la sdig pa'i rnam par smin pa med ces rdzun gyis skur pa btab pas de ma thag tu bud med kyi skye gnas las me 'bar zhing de nas yang lag rnams me rab tu 'bar bas tshig nas mnar </font><hr>537a<br><font size=+1>


@#/ /med du lhung ngo / /yang rgyal po 'phags skyes po dang / dge slong legs pa'i skar ma bzhin rgyal po 'phags skyes pos gau ta ma'i rigs bsad pa dang / dge slong legs pa'i skar mas chos thams cad med ces skur pa btab pas lus de nyid kyis mnar med du lhung ngo / /dmyal ba 'di dag la gnas nges pa can yod dam| yang na de dag sdug bsngal myong ba'i phyir rang rang gi sdig pa'i las kyis gsar du grub pa yin/ thugs rje chen pos byis pa rnams la gsal bar bstan te gang dag tshul khrims bsrung ba'i sems can rnams rnam par nges pa'i don thos nas rab tu dga' zhing dad pas tshangs par spyod pa dang mi 'gal bar 'gyur ba mdzad du gsol/ bcom ldan 'das kyis kun dga' bo la bka' stsal pa/ khyod kyis dris pa legs so/ /'di ltar na sems can rnams lta ba log pa la 'jug par mi 'gyur ro/ /khyod legs par nyon cig dang bshad par bya'o/ /kun dga' bo/ sems can thams cad nges par gdod ma nas rnam par dag pa yin te/ de dag rdzun par mthong bas rdzun pa'i bag chags skyes so/ /rgyu 'dis nang gi yul dang phyi'i yul zhes cha so sor phye'o/ /kun dga' bo/ nang gi yul gang zhe na/ sems can yul gyi nang ngo / /'dod pa dang </font><hr>537b<br><font size=+1>


zhen pa'i rgyus 'khrul pa'i sems skye zhing de'i rgyun 'thud nas mi gcod na 'dod pa'i chu bo 'byung ngo / /de'i phyir sems can rnams kyi sems la ro mngar ba dran na 'gram chu ldang ngo // sems la sngon gyi skye bo dran pa na 'ga' zhig la snying brtse ba dang / yang na khros pa las mchi ma 'byung ngo / /nor la zhen pas tshol na sems la 'dod pa'i rgyun byung ste lus snum bag dang ldan par 'gyur ro/ /'khrig pa yid la byed na pho mo'i dbang po las thig le'i rgyun dang gis 'byung ngo / /kun dga' bo/ 'dod pa tha dad kyang rgyun dang 'ching ba 'dra'o| |rlan gsher gyen du mi 'gro bar nges par thur du 'bab bo/ /'di dang ni/ nang gi yul zhes bya'o/ /kun dga' bo/ phyi'i yul ni/ sems can rnams kyi yul phyi la brjod do// 'dod gdung las sems kun rdzob pa mngon du 'gyur ro/ /de'i rgyun 'thud nas mi gcod na nus pa khyad par can skye'o/ /de'i phyir sems can rnams sems kyis tshul khrims bsrungs na lus shin tu sbyangs par 'gyur ro/ /sems la sngags dang phyag rgya bzung na lta stangs brjid bag dang ldan par 'gyur ro/ /sems la lhar skye snyam na mkha' la 'phur bar rmis par 'gyur ro/ /sems la sangs rgyas kyi zhing bsam na 'phags pa'i spyod yul nyams snang du mthong ngo / /dge ba'i bshes gnyen la brten na lus srog la mi blta'o/ /kun dga' bo/ </font><hr>538a<br><font size=+1>


@#/ /'du shes rnams tha dad kyang yang bas 'phyo ba dang 'dra'o/ /'phur zhing g.yo bas thur du mi gzhol ba'i phyir rang gi ngang gis 'dra'o/ /'di la phyi'i yul zhes bya'o/ /kun dga' bo/ 'jig rten gyi skye 'chi res mos su brgyud nas khams mthun na 'tsho zhing 'gyur na 'chi bar 'gyur ro/ /srog 'gag cing drod ma yal ba'i che skye ba gcig bu 'di'i dag mi dge dus gcig la mngon du 'gyur ro/ /'chi ba'i 'gyur ba dang skye ba'i mthun pa gnyis kyi bag chags phan tshun du 'phrad do/ /'du shes tsam yin na gdon mi za bar gyin du lha yul du 'gro'o/ /gyen du 'gro ba'i sems la bsod nams dang ye shes dang smon lam rnam par dag pa yod na blo rang gis sad nas phyogs bcu'i sangs rgyas kyi zhing rnam par dag pa mthong zhing 'dod pa bzhin du song ste skye bar 'gyur ro/ /sems nyung zhing sems pa mngon yang bas gyen du 'phyo ba mi ring bas mkha' la rgyu ba'i drang srong dang / 'byung po'i rgyal po mthu che ba dang / mkha' la rgyu ba'i gnod sbyin dang / sa la rgyu ba'i srin por gyur nas rgyal chen rigs bzhi'i gnas tshun chad du rnam par rol zhing gang du 'gro yang thogs pa med do/ /'di dag las smon lam dang / sems legs pa dag ni/ nga'i bstan pa bsrung ba dang / yang na sdom pa dang tshul khrims srung ba'i </font><hr>538b<br><font size=+1>


bsam pas tshul khrims srung ba'i gang zag gi rjes su 'brang ba dang / yang na gzungs sngags srung ba'i bsam pas gzungs sngags 'dzin pa'i gang zag gi rjes su 'brang ba dang / yang na bsam gtan srung ba'i bsam pas chos kyi bzod pa srung zhing skyong ba'i phyir 'di dag bcom ldan 'das kyi zhabs 'og tu gnas par 'gyur ro/ /sems gshis dang sems pa mnyam na gyen du mi 'gro zhing 'og tu mi ltung ba'i mi'i 'jig rten du skye bar 'gyur la/ sems pa gsal bas mkhas par 'gyur la sems rmongs pas rtul por 'gyur ro/ /sems gshis mang zhing sems pa nyung na dud 'gro'i rigs su skye zhing lci ba dag phyugs kyi rigs dang / yang ba dag 'dab chags kyi rigs su skye bar 'gyur ro/ /sems gshis cha bdun pa dang sems pa cha gsum pa yin na chu'i dkyil 'khor gyi 'og tu skyes nas me 'bar ba'i drod kyis lus bskams nas yi dwags su gyur te rgyun du mes tshig par 'gyur la chu 'thung du song ba na gzhan gyis gsod par 'gyur te/ 'di ltar bza' btung mi rnyed par bskal pa brgya stong 'da' bar 'gyur ro/ /sems gshis cha dgu pa dang sems pa cha gcig pa yin na me'i dkyil 'khor 'das nas me dang rlung gi mtshams su zhugs nas rnam smin yang ba dag ni/ mnar yod pa dang / lci ba dag ni/ mnar med pa ste/ dmyal ba rigs </font><hr>539a<br><font size=+1>


@#/ /gnyis su skye bar 'gyur zhing / sems gshis rkyang pa yin na mnar med pa'i dmyal bar 'gro'o/ /ltung ba po de'i sems la theg pa chen po la smod pa dang / sangs rgyas kyi bcas pa'i khrims gzhig pa dang / chos log par smra ba dang / sbyin bdag gi rdzas la 'dod nas zhen pas len pa dang / mi 'os pa'i rnyed pa dang bkur sti dang du len pa la sogs pa dang mtshams med pa lnga dang lci ba bcus gos na phyogs bcu'i mnar med rnams su rim gyis skye bar 'gyur ro/ /mi dge ba'i las bsags pa'i 'bras bu'i rjes su 'brangs te sdug bsngal myong ba ni/ rang gis bsags pa'i las kyi 'bras bu yin na yang thams cad kyi spyi mthun gyi las las thog ma nas grub zin pa'i gnas yod do// kun dga' bo/ 'di dag thams cad sems can de dag rang rang gis byas pa'i las kyi 'bras bu yin pa'i phyir bag chags rnam pa bcus rgyu byas pa'i dbang po drug po thams cad kyis rnam par smin pa myong ngo / /rgyu bcu po gang zhe na/ kun dga' bo/ dang po 'dod pa'i bag chags dang 'brel ba ni/ phan tshun du zhen pa las bskyed pa yin la rim gyis zhen bzhin du rgyun chags pa'i phyir de ltar rab tu 'bar ba'i me lce nang nas 'phro zhing 'byung ngo / /dper na/ mi'i lag pa phan tshun mnyes na dro ba'i mtshan ma mngon du 'gyur ba ltar bag chags </font><hr>539b<br><font size=+1>


gnyis phan tshun du zhen pas de ltar lcags kyi khri dang zangs kyi ka ba la sogs pa'i 'bras bu myong ngo / /de'i phyir phyogs bcu'i de bzhin gshegs pa rnams 'dod pa'i las gzigs nas 'dod chags kyi me zhes gdags par mdzad cing byang chub sems dpa' rnams 'dod pa la gzigs nas me'i dong bzhin du byol nas 'gro'o/ /gnyis pa brnab sems kyi bag chags las rtog cing sems pa ni/ rdub pa'i rnam pa byung zhing rdub pa rgyun chags pa tshim pa med pas de ltar lhags sgang gi 'khyags pa'i nang du grang ngad kyis gas par 'gyur ro| |dper na/ mi'i kha nas dbugs nang du rdub na grang ba tshor ba dang 'dra'o/ /bag chags gnyis phan tshun du zil gyis mnan pas de ltar a chu dang kyi hud dang so tham tham la sogs pa'i skad 'don zhing ut+pal dang pad+ma lta bur kha dog 'gyur te 'khyags shing grang ba'i sdug bsngal myong ngo / /de'i phyir phyogs bcu'i de bzhin gshegs pa rnams kun tu len par 'dod pa dag gzigs nas brnab sems kyi chu bo zhes gdags par mdzad cing byang chub sems dpa' rnams brnab sems gzigs nas dug gi rlangs pa can gyi rgya mtsho ltar byol nas 'gro'o/ /gsum pa mthon po'i nga rgyal gyi bag chags kyis zil gyis mnan pa las phan tshun du phrag dog pas bskyed pa yin zhing 'di rgyun ma 'chad pas 'phyo </font><hr>540a<br><font size=+1>


@#/ /zhing 'phyur la 'khrugs pa las chu bo 'byung ste/ dper na/ kha nang na lce bsgyur zhing 'dril na mchil ma 'byung ba dang 'dra'o/ /bag chags 'phel bzhin pa de lta bur khrag gi klung dang / thal skya'i klung dang / bye tshan dang / dug gi mtsho dang / zangs zhun khar ldugs pa dang mid pa la sogs pa'i sdug bsngal myong ngo / /de'i phyir phyogs bcu'i de bzhin gshegs pa rnams mthon po'i nga rgyal la gzigs nas rmongs byed kyi chu 'thung ba dang 'dra'o/ /zhes gdags par mdzad cing byang chub sems dpa' rnams mthon po'i nga rgyal gzigs nas 'dam rdzab chen po dang 'dra bar byol zhing 'gro'o/ /bzhi pa zhe sdang gi bag chags phan tshun du 'tshe ba ni/ phan tshun mi 'dod pas bskyed pa yin zhing mi 'dod pas 'ching bzhin du ma zhin sems gdungs nas me 'bar te khro ba'i rang bzhin lcags ltar 'gyur ro/ /de'i phyir ral gri'i ri dang / lcags kyi dbyug pa dang / shal ma li'i sdong po dang / ral gri'i 'khor lo dang / dgra sta dang / mdung dang / sog le la sogs pa dad 'byung ngo / /dper na/ mi dag sha 'khon du gyur te phan tshun gsod pa dang zhe sdang ba ltar bag chags gnyis kyis phan tshun gsod pas de ltar dpal bcom te mgo gcod pa dang / dus bur byed pa dang / 'bugs pa dang / bsnun </font><hr>540b<br><font size=+1>


pa la sogs pa'i sdug bsngal myong ngo / /de'i phyir phyogs bcu'i de bzhin gshegs pa rnams zhe sdang gzigs nas ral gri rnon po zhes gdags par mdzad cing byang chub sems dpa' rnams zhe sdang gzigs nas gsod pa po dang 'dra bar byol nas 'gro'o/ /lnga pa g.yo sgyu'i bag chags kyis phan tshun du bslu ba ni/ phan tshun du gyod slong ba las bskyed pa yin zhing 'phel zhing rgyun chags pa las de lta bur thag pas bkyig pa dang / shing gis bcu pa dang / nan tur byed pa la sogs pa 'byung ngo / /dper na/ zhing la chu drangs te rtsa shing bskyed pa dang 'dra'o/ /bag chags gnyis phan tshun du 'phel bas de ltar rkang lag lcags sgrog dang / bsdos bskon pa dang / ber ka dang / lcags thag gis bsdams pa dang / lcag tshan dang| dbyug pa dang / be con la sogs pa'i 'bras bu myong ngo / /de'i phyir phyogs bcu'i de bzhin gshegs pa rnams g.yo sgyu gzigs nas g.yo can gyi rkun po zhes gdags par mdzad cing byang chub sems dpa' rnams g.yo sgyu can la gzigs nas 'phar ba dang 'dra mar 'jigs shing skrag go /drug pa phan tshun du rdzun gyis bslu ba'i bag chags ni/ phan tshun du co 'dri bas skyon 'dogs shing tshul de mi gtong bar g.yo sgyu'i bsam pa skyed pa de ltar rdul dang bshad gci dang / /dri nga ba dang / mi gtsang ba sogs 'byung </font><hr>541a<br><font size=+1>


@#/ /ngo| |dper na/ rlung gis rdul 'tshubs langs te mi mthong ba dang 'dra'o/ /bag chags gnyis 'phel nas de ltar 'dam du ltung zhing 'phyo ba dang / skyur ba dang / 'phur ba dang / 'bab pa dang / rgyun gyis 'khyer ba dang / bying ba la sogs pa'i 'bras bu myong ngo / /de'i phyir phyogs bcu'i de bzhin gshegs pa rnams g.yo sgyu byed pa dang bslu ba gzigs nas chom rkun gyis gsod pa dang 'dra zhes gdags par mdzad cing byang chub sems dpa' rnams g.yo sgyu gzigs nas dug sprul rkang 'og tu tshud pa dang 'dra bar sems so/ /bdun pa sha 'khon gyi bag chags las phan tshun du dogs pa dang mya ngan las bskyed pa yin zhing rdo ba 'phen pa dang / gyo mo 'phen pa dang / sgrom du 'jug pa dang / shing rtar 'dzud pa dang / rdza mar 'jug pa dang / phad bur bcug nas bskyur te gsod pa la sogs pa 'byung ngo / /dper na/ skye bo ma rungs pa gdug sems bskyed pa dang 'dra bar bag chags gnyis phan tshun du 'brel bas de ltar brdung ba dang / bskyur ba dang / 'dzin pa dang / 'khyig pa dang / mda' sogs kyis 'debs pa dang / gsod pa dang / bskyur ba dang / lus sgril ba la sogs pa'i 'bras bu myong ngo / /de'i phyir phyogs bcu'i de bzhin gshegs pa rnams sha 'khon can gyi skye bo gzigs nas log par gnod </font><hr>541b<br><font size=+1>


ba'i 'dre zhes gdags par mdzad cing byang chub sems dpa' rnams sha 'khon can gyi skye bo gzigs nas dug gi chang 'thung ba dang 'dra bar sems so/ /brgyad pa lta ba'i bag chags kyis phan tshun gsal ba ni/ nga'o snyam du 'dzin pa dang / lta ba'i 'dzin pa dang / tshul khrims mchog tu 'dzin pa dang / 'du shes log pa'i rigs sdig pa'i 'bras bu thams cad phyin ci log las bskyed nas so sor phyung ba ni/ phan tshun du rgol ba las byung ngo / /de ltar gshin rje'i pho nya dang las byad pa yi ge dpang rgya 'dzin pa dag yod do/ /dper na/ lam du 'gro ba'i mi gcig gis gcig lta ba dang 'dra'o/ /bag chags gnyis phan tshun du mthun pas de ltar dbang rgya 'dzin pa dag gis g.yo sgyu la rtog pa dang / 'dri ba dang / nan tur byed pa dang / rtsa ba tshol ba dang / phra zhing zhib par byed pa dang / legs nyes 'byed pa'i lha dang 'dre dag gi lag tu yi ge bzung nas so sor 'byed pa dag 'byung bar 'gyur ro| |de'i phyir phyogs bcu'i de bzhin gshegs pa rnams lta ba ngan pa gzigs nas lta ba'i dong zhes gdags par mdzad cing byang chub sems dpa' rnams 'di lta bu bden pa ma yin pa'i stong pa la log par bzung ba gzigs nas dug gi gcong rong dang 'dra bar sems so/ /dgu pa bsnyon pa'i bag chags phan tshun du sgro 'dogs pa ni/ </font><hr>542a<br><font size=+1>


@#/ /bsnyon te ngan du smra ba las bskyed pa yin zhing de'i phyir ris btsir ba dang / rdobs btsir ba dang / mchig dang rang thag gis 'thag pa la sogs pa'i 'bras bu myong ngo / /dper na/ skye bo mi srun pas skye bo rang bzhin drang po la nyes pa med par bsnyon 'dzugs pa dang 'dra'o/ /bag chags gnyis phan tshun du 'brel bas de ltar bsrung ba dang / 'tshe ba dang / brdeg pa dang / lcid kyis non pa dang / btsir ba dang / dbyang ba la sogs pa'i 'bras bu myong ngo / /de'i phyir phyogs bcu'i de bzhin gshegs pa rnams gshe zhing bsnyon pa dag gzigs nas mi srun pa zhes gdags par mdzad cing byang chub sems dpa' rnams bsnyon pa dag gzigs nas thog babs pa dang 'dra bar blta'o/ /bcu pa sher sbyang gi bag chags phan tshun du rtsod pa ni/ gsang zhing sbas pas bskyed pa yin zhing de'i phyir me long ston pa dang / 'od kyis snang bar byed pa dag yod do/ /dper na/ nyi ma'i grib ma sbed mi thub pa dang 'dra'o/ /bag chags gnyis phan tshun 'brel bas de lta bu sha 'khon can gyi dgra dang grogs ngan pa dang sdig pa ston pa'i me long dang nor bu sgron mes ring nas bsags pa'i sdig pa rnams rnam par gsal bar byas te mtshan ma ston pa la sogs pa'i 'bras bu myong ngo / /de'i phyir </font><hr>542b<br><font size=+1>


phyogs bcu'i de bzhin gshegs pa rnams rang skyon gsang zhing sbed pa gzigs nas rkun ma g.yo can zhes gdags par mdzad cing byang chub sems dpa' rnams sbed pa la gzigs nas ri chen po spyi bor khur nas rgya mtsho'i nang du gom pa 'god pa dang 'dra bar blta'o/ /rnam par smin pa drug gang zhe na/ kun dga' bo/ sems can thams cad kyis rnam par shes pa drug gis las bsags nas sdig pa'i 'bras bu ni dbang lo drug las 'byung ngo / /ji ltar sdig pa'i 'bras bu dbang po drug las 'byung zhe na/ dang po mthong ba'i rnam par smin pa'i rkyen gyis sdig pa'i 'bras bu 'byung la/ mthong ba 'di'i rnam par smin pa dang mthun par 'chi ba la nye ba na phyogs bcur me 'bar bas gang ba mthong bar 'gyur zhing / 'di la shi 'phos pa'i rnam shes du ba steng 'og tu 'gro ba'i rjes su zhugs nas mnar med du lhung nas mtshan ma gnyis snang bar 'gyur ro/ /dang po gsal ba'i mtshan ma ni| mi sdug pa'i rnam pa sna tshogs mang po mthong zhing tshad med pa'i 'jigs pa 'byung ngo / /gnyis pa mi gsal ba'i mtshan ma ni/ mun pa mun nag gang yang mi mthong zhing tshad med pa'i skrag pa 'byung ngo / /de bzhin du mthong ba'i sems mnyan pa bsregs pa na zangs zhun khol mar 'gyur ro/ /dbugs bsegs pa na du ba nag po dang na bun smug po </font><hr>543a<br><font size=+1>


@#/ /'gyur ro/ /bro ba bsregs pa na lcags bsregs kyi ril bur 'gyur ro/ /reg pa bsregs pa nam ma mur dang sol mer 'gyur ro/ /sems bsregs pa na me stag kun tu 'phro bar 'gyur ro/ /gnyis pa thos pa'i rnam par smin pa'i rkyen gyis sdig pa'i 'bras bu 'byung la/ thos pa 'di'i rnam par smin pa dang mthun par 'chi ba la nye ba na thog mar rba rlabs 'phyur bas sa dang nam mkha' gang ba mthong bar 'gyur zhing / 'di la shi 'phos pa'i rnam shes rgyun gyi shugs kyis mnar med du lhung nas mtshan ma gnyis snang bar 'gyur ro/ /dang po mnyan pa na ku co sna tshogs pa thos shing sems rmongs shing 'khrugs par 'gyur ro/ /gnyis pa mnyan pa bkag na sgra med par gyur te mi gsal zhing bying bar 'gyur ro/ /de'i phyir thos pa'i rba klong du thos pa nub na nyes pa brjod cing chad pa gcod do/ /mthong ba nub na 'brug gi nga ro sgrog cing dug gi rlangs pa 'thib bo/ /dbugs nub na char dang na bun dang srin bu gdug ba can babs nas lus gang bar 'gyur ro/ /ro nub na rnag khrag tu gyur cing sna tshogs pa'i mi gtsang ba dang dri nga bar 'gyur ro/ /reg bya nub na srog chags dang 'dre dang bshang gci'i rdzab tu 'gyur ro/ /yid nub na glog dang ser ba babs te snying gas par </font><hr>543b<br><font size=+1>


'gyur ro/ /gsum pa snom pa'i rnam par smin pa'i rkyen gyis sdig pa'i 'bras bu 'byung la/ snom pa 'di'i rnam par smin pa dang mthun par 'chi ba la nye ba na thog mar dug gi rlangs pas phyogs thams cad gang zhing 'khrigs pa mthong bar 'gyur zhing / 'di la shi 'phos pa'i rnam shes sa la 'dzul zhing byung ste mnar med du lhung nas mtshan ma gnyis snang bar 'gyur ro/ /dang po thos na sna tshogs pa'i dug gi rlangs pas bdugs nas sems rmongs par 'gyur ro/ /gnyis pa thos pa thogs pa na dbugs 'gag cing 'thums nas 'chi ba la thug par 'gyur ro/ /de'i phyir snom pa'i dri dbugs la phog na rgol ba dang brdzi bar byed do/ /mthong ba la phog na me dang 'od du 'gyur ro/ /mnyan pa la phog na zangs zhun khol ma dang phyi sa'i rdzab tu bying bar 'gyur ro/ /ro la phog na rul ba dang myags par 'gyur ro/ /reg bya la phog na shin tu rul nas sha'i ri bo chen por gyur te bug pa brgya stong gi nang du srin bu grangs med pas gzhibs nas zos par 'gyur ro/ /sems pa la phog na thal ba dang dug gi rlangs pa dang rdo char dang bye ma'i char gyis btab nas ma rungs par byed do/ /bzhi pa ro'i rnam par smin pa'i rkyen gyis sdig pa'i 'bras bu 'byung la/ ro 'di'i rnam par smin pa dang mthun par 'chi ba la nye ba na thog mar lcags kyi dra ba'i rgya las me shin tu 'bar nas </font><hr>544a<br><font size=+1>


@#/ /'jig rten thams cad gang ba mthong bar 'gyur zhing 'di la shi 'phos pa'i rnam shes lcags kyi dra ba dral nas spyi'u tshugs su mnar med du lhung nas mtshan ma gnyis snang bar 'gyur ro/ /dang po dbugs rdub pas 'khyags rom du gyur nas grang bas lus gas par 'gyur ro/ /gnyis pa dbugs 'byung ba'i tshe 'thor nas me rab tu 'bar bar gyur te rus pa dang rkang gi bar du rlag par byed do/ /de'i phyir ro myong ba'i tshe ro la smin na bsran zhing bzod dgos par 'gyur ro/ /mthong ba la smin na rdo sreg dang lcags sreg la bldag par 'gyur ro/ /mnyan pa la smin na mtshon rnon por 'gyur ro/ /dbugs la smin na lcags kyi sgrom chen por gyur te 'jig rten gyi khams g.yogs par nus so/ /reg pa la smin na mda' gzhu dang sa mda' dag gis 'phog par 'gyur ro/ /sems pa la smin na lcags sreg gi char pa 'bab par 'gyur ro/ /lnga pa reg pa'i rnam par smin pa'i rkyen gyis sdig pa'i 'bras bu 'byung la/ reg pa 'di'i rnam par smin pa dang mthun par 'chi ba la nye ba na thog mar phyogs bzhi nas ri chen po bzhis btsir ba mthong zhing phyir thon pa'i lam rnyed par mi 'gyur ro/ /shi 'phos pa'i rnam shes lcags kyi ra ba mthong nas kha nas me 'bar ba'i </font><hr>544b<br><font size=+1>


sbrul dang khyi dang stag dang spyang ki dang seng+ge dang dmyal srung gi gshin rje glang mgo dang srin po rta mgo can rnams mdung rtse gsum bzung nas lcags kyi ra ba'i sgo nang du bdas te mnar med du lhung nas mtshan ma gnyis snang bar 'gyur ro/ /dang po reg pa dang mthun pa ni/ ri gnyis kyis btsir zhing rus pa dang sha dang khrag phyir 'byung ngo / /gnyis pa reg pa dang 'bral ba ni/ gri dang ral gri lus la gzir nas snying dang mchin pa dum bur byed do/ /de'i phyir mthun pa'i reg pa reg pa dang 'phrad na lam dang sgo khang dang khrims khang dang cog stags su 'gyur ro/ /mthong ba dang 'phrad na sreg cing 'tshig go /mnyan pa dang 'phrad na brdung ba dang brdeg pa dang gzir ba dang snun par byed do/ /dbugs dang 'phrad na dkris pa dang sbubs su 'dzud par byed do/ /ro dang 'phrad na rmo ba dang kha skam pas 'byed pa dang gcod pa dang dum bur byed do/ /sems pa dang 'phrad na gyen du 'byung ba dang 'og tu bying ba dang 'tshed pa dang sreg par 'gyur ro/ /drug pa sems pa'i rnam par smin pa'i rkyen gyis sdig pa'i 'bras bu 'byung la/ sems pa 'di'i rnam par smin pa dang mthun par 'chi ba la nye ba na thog mar rlung ma rungs pa yul khams kyi gnas dag gshig cing ldang ba mthong zhing 'di la shi 'phos pa'i rnam shes rlung gis nam mkha' la </font><hr>545a<br><font size=+1>


@#/ /khyer nas rjes su mthun par babs nas rlung gi mthus mnar med du lhung ste mtshan ma gnyis snang bar 'gyur ro/ /dang po rig pa shin tu 'khyams nas ma bzod de mi dal bar bros shing byol bar byed do| |gnyis pa rig pa mi 'khyams par sdug bsngal drag po tshor zhing shin tu tsha bar bsreg pa dang 'tshed pa'i zug rdu bzod mi nus par 'gyur ro/ /de'i phyir phyin ci log gis sems pa bcings na gnas gzhir 'gyur ro/ /mthong ba bcings na dbang por 'gyur ro/ /mnyan pa bcings na 'tshir ba'i rdo chen po dang 'khyags pa dang ba mo dang rdul dang na bun du 'gyur ro/ /dbugs bcings na me'i shing rta dang me'i sgrom du 'gyur ro/ /ro bcings na du 'bod chen pos smre sngags 'don no/ /reg pa bcings na lus che chung du 'gyur zhing nyin gcig la khri phrag tsam gyi skye 'chi dang gan bub byed par 'gyur ro/ /kun dga' bo/ 'di na dmyal ba'i rgyu bcu dang sdig pa'i 'bras bu rnam pa drug ces bya'o/ /'di dag sems can rnams kyi ma rig pa 'khrul pas byas pa yin no/ /gal te sems can rnams kyis sdig pa'i las rdzogs par byas na mnar med du skyes nas sdug bsngal dpag tu med pa myong zhing bskal pa grangs med pa 'da' bar byed do/ /dbang po drug po rang gis byed </font><hr>545b<br><font size=+1>


pa dang des byas pa ni/ yul dang dbang po dang bcas na mi 'di mnar med pa'i dmyal ba brgyad du skye bar 'gyur ro/ /lus ngag yid gsum gyis srog gcod pa dang ma byin par len pa dang log par g.yem pa spyad na/ mi 'di dmyal ba bco brgyad du skye bar 'gyur ro/ /sdig pa rnam pa gsum po cig car du mi byed par 'di las yang na srog gcod pa sna gcig gam ma byin par len pa sna gcig byed na/ mi 'di dmyal ba sum cu rtsa drug tu skye bar 'gyur ro/ /mthong byed dang mthong bya'i sdig pa sgo gcig gis byed pa dang yang na sdig pa sna gcig byed na/ mi 'di dmyal ba brgya rtsa brgyad du skye bar 'gyur ro/ /de'i phyir sems can rnams las so sor byas shing so sor bsags nas 'jig rten spyi mthun gyi gnas su 'jug go /thams cad 'khrul pa'i sems las byung ba yin zhing gdod ma nas yod pa ma yin no/ /kun dga' bo/ sems can 'di dag so thar gyi tshul khrims ma nyams pa dang / byang chub sems dpa'i tshul khrims ma nyams pa dang / mya ngan las 'das pa la skur pa ma btab pa ma gtogs las phra mo sna tshogs pa'i 'bras bu la bskal pa mang por bsregs pa'i 'og tu sdig pa'i las kyi lhag ma zad nas 'dre sna tshogs su skye bar 'gyur ro/ /rtsa ba'i rgyu dngos po la zhen pas skye bo 'di sdig pa'i 'bras bu che ba zad nas </font><hr>546a<br><font size=+1>


@#/ /dngos po dang 'phrad nas gzugs su gyur pa rnams la mi sdug pa'i 'dre zhes bya'o/ /gzugs la zhen pas skye bo 'di sdig pa'i 'bras bu che ba zad nas rlung dang 'phrad nas gzugs su gyur pa rnams la than pa gtong ba'i 'dre zhes bya'o/ /g.yo sgyu la zhen pas skye bo 'di sdig pa'i 'bras bu che ba zad nas srog chags dang 'phrad nas gzugs su gyur pa rnams la rmongs byed kyi 'dre zhes bya'o/ /zhe sdang la zhen pas skye bo 'di sdig pa'i 'bras bu che ba zad nas srin bu dang 'phrad nas gzugs su gyur pa rnams la srog chags gdug pa'i 'dre zhes bya'o/ /'khon 'dzin la zhen pas skye bo 'di sdig pa'i 'bras bu che ba zad nas stobs nyams pa dang 'phrad nas gzugs su gyur pa rnams la rims gtong ba'i 'dre zhes bya'o/ /nga rgyal la zhen pas skye bo 'di sdig pa'i 'bras bu tshe ba zad nas rlangs pa dang 'phrad nas gzugs su gyur pa rnams la yi dgas kyi 'dre zhes bya'o/ /bsnyon gtong ba la zhen pas skye bo 'di sdig pa'i 'bras bu che ba zad nas mun pa dang 'phrad nas gzugs su gyur pa rnams la grib gnon gyi 'dre zhes bya'o/ /lta ba log ba la zhen bas skye bo 'di sdig pa'i 'bras bu che ba zad nas gdon dang 'phrad nas gzugs su gyur pa rnams la the'u rang gi </font><hr>546b<br><font size=+1>


'dre zhes bya'o/ /dmod pa la zhen pas skye bo 'di sdig pa'i 'bras bu che ba zad nas snang ba dang 'phrad nas gzugs su gyur pa rnams la pho nya'i 'dre zhes bya'o/ /rtsub spyod la zhen pas skye bo 'di smig pa'i 'bras bu che ba zad nas mi dang 'phrad nas gzugs su gyur pa rnams la khog tu brlams pa'i 'dre zhes bya'o/ /kun dga' bo/ skye bo 'di dag thams cad sems rkyang pas 'og tu lhung nas rnam smin gyi mes bsregs pa'i rjes su steng du 'ongs nas 'dre ru gyur to/ /'di dag thams cad 'khrul pas bsam pa'i rkyen las byung ba'i 'bras bu'o/ / gal te byang chub thob na gsal rig rmad du byung bar gyur nas 'di dag ci yang med do/ /yang kun dga' bo/ 'dre'i lus kyi sdig pa'i 'bras bu zad nas sems pa dang bsam pa thams cad stong zhing 'jig rten du sngon du lon chags pa dang sha 'khon can dang 'phrad nas gdod dud 'gror gyur nas bu lon rnying pa 'jal lo/ /dngos po las byung ba'i mi sdug pa'i 'dre dngos po'i gzugs dor zhing las kyi 'bras bu de zad nas mi'i 'jig rten du skye na phal cher srin bya'i rigs su 'gyur ro/ /rlung las byung ba'i than pa gtong ba'i 'dre rlung gi gzugs dor zhing las kyi 'bras bu de zad nas mi'i 'jig rten du skye na phal cher ltas ngan gtong ba'i srog chags kyi rigs su 'gyur ro/ /srog chags kyi 'dre srog chags kyi gzugs </font><hr>547a<br><font size=+1>


@#/ /dor zhing las kyi 'bras bu de zad nas mi'i 'jig rten du skyen phal cher wa'i rigs su 'gyur ro/ /srog chags gdug pa'i 'dre srin bu gdug pa'i gzugs dor zhing las kyi 'bras bu de zad nas mi'i 'jig rten du skye na phal cher gdug can gyi rigs su 'gyur ro/ /stobs nyams pa'i rims nad gtong ba'i 'dre shin tu rgud cing las kyi 'bras bu de zad nas mi'i 'jig rten du skye na phal cher pho ba'i srin bu'i rigs su 'gyur ro/ /rlangs pa myong ba'i 'dre rlangs pa yal zhing las kyi 'bras bu de zad nas mi'i 'jig rten du skye na phal cher gcan gzan gyi rigs su 'gyur ro/ /grib gnon gyi 'dre mun pa yal zhing las kyi 'bras bu de zad nas mi'i 'jig rten du skyen phal cher srin bya khra bo'i rigs su 'gyur ro/ /'dris pa'i 'dre 'dris pa dang bral zhing las kyi 'bras bu de zad nas mi'i 'jig rten du skye na dus kyi 'dab chags kyi rigs su 'gyur ro/ /pho nya'i 'dre snang ba med cing las kyi 'bras bu de zad nas mi'i 'jig rten du skye na phal cher srog chags dge ba'i mtshan ma can gyi rigs su 'gyur ro/ /khog tu brlams pa'i 'dre mi de shi zhing las kyi 'bras bu de zad nas mi'i 'jig rten du skye na phal cher khyim du gso ba'i srog chags kyi rigs su 'gyur ro/ /kun dga' bo/ 'di dag la sogs pa rnams sdig pa'i </font><hr>547b<br><font size=+1>


me gzhi la nas le lan rnying pa'i lhag ma las dud 'gror skye'o/ /'di dag rang gi 'khrul pa'i rkyen las byung ba yin no/ /gal te byang chub thob na rdzun pa'i 'brel pa gtan nas med do| |nges par khyod kyis smras pa'i dge slong ma pad+ma'i dri ldan dang rgyal po 'phags skyes po dang dge slong legs pa'i skar ma dang 'dra'o/ /mi dge ba'i las 'di dag rang gis byas pa yin gyi nam mkha' las babs pa yang ma yin/ sa las byung ba yang ma yin/ gzhan gyis byin pa yang ma yin/ rang gi 'khrul pa'i sems kyis bsags pa'i las kyi 'bras bu nyid kyis myong bar 'gyur ro/ /byang chub kyi sems la stong zhing rdzun pa 'du shes pa'i sgo nas bzung nas grub pa yin no/ /de nas yang kun dga' bo/ dud 'gro 'di dag lus kyis le lan rnying pa 'jal ba cha gal te le lan gyi tshad las lhag par spyad na sems can 'di dag slar yang mir skyes nas lhag par spyad pa'i le lan bdal bar byed do/ /gal te de stobs dang bsod nams dang ldan na mi'i lus ma spangs par le lan 'jal bar byed do/ /gal te de bsod nams ngar mi ldan na dud 'gror skyes nas des lhag par spyad pa'i le lan 'jal lo/ /kun dga' bo/ khyod kyis shes par bya rigs so/ /gal te yo byad longs spyad pa dang / yang na de'i zho sha la longs spyad na 'jal te </font><hr>548a<br><font size=+1>


@#/ /'bras bu rdzogs na der zad do/ /gal te bar skabs der de'i srog gcod pa'am sha za na de nas bskal pa rdul snyed gcig gis gcig za zhing phan tshun gsod res kyis 'khor lo 'khor ba ltar steng 'og tu 'pho bzhin par sdod pa'i skabs med do/ /'di la snyoms par 'jug pa'i ting nge 'dzin med pa dang yang sangs rgyas 'jig rten du ma byon na de'i rgyun ldog par mi nus so/ /khyod kyis shes par bya rigs so/ /srin bya'i rigs de dag le lan rdzogs nas slar yang mir skye na gdol pa'i rigs su 'gyur ro| |ltas ngan pa gtong ba'i srog chags de dag le lan rdzogs nas slar yang mir skye na phyin ci log gi spyod pa can du 'gyur ro/ /wa'i rigs de dag le lan rdzogs nas slar yang mir skye na nus pa zhan pa'i rigs su 'gyur ro/ /gdug pa can gyi rigs de dag le lan rdzogs nas slar yang mir skye na gtum po'i rigs su 'gyur ro/ /pho ba'i srin bu'i rigs de dag le lan rdzogs nas slar yang mir skye na phongs shing rgud pa'i rigs su 'gyur ro/ /gcan gzan gyi rigs de dag le lan rdzogs nas slar yang mir skye na nyams stobs chung ba'i rigs su 'gyur ro/ /srin bya khra bo'i rigs de dag le lan rdzogs nas slar yang mir skye na ngal dub can gyi rigs su 'gyur ro/ /dus kyi 'dab chags kyi rigs </font><hr>548b<br><font size=+1>


de dag le lan rdzogs nas slar yang mir skye na shes rab can gyi rigs su 'gyur ro/ /dge ba'i mtshan ma can gyi rigs de dag le lan rdzogs nas slar yang mir skye na mdzangs pa'i rigs su 'gyur ro/ /khyim du gso ba'i rigs de dag le lan rdzogs nas slar yang mir skye na shes ldan gyi rigs su 'gyur ro/ /kun dga' bo/ 'di dag le lan rnying pa rdzogs nas slar yang mir skye ba yin no/ /'di dag thams cad thog ma med pa nas bsags pa'i las kyi 'bras bus 'khor bzhin du phan tshun du skye ba dang gsod pa las byung ba yin no/ /de bzhin gshegs pa dang ma 'phrad cing dam pa'i chos ma thos na nyon mongs pa'i dbang gis 'khor bar 'khor ba ni/ chos nyid do/ /kye ma skye bo 'di dag nyam thag pa brtse ba'i yul zhes bya'o/ /kun dga' bo/ yang mir skyes shing yang dag pa'i rigs pa'i sgo nas ting nge 'dzin tshul bzhin sgom pa ma yin par yang dag pa ma yin pa'i sems kyis tshul gzhan du sgoms pas lus sra ba thob nas ri dang nags tshal skye bo'i rgyun lugs med pa rnams su rnam par rol zhing rgyu ba'i drang srong gi rigs bcu yod do/ /kun dga' bo/ sems can de dag sems rtse gcig pas sman gyi ril bu rgyun mi 'chad par 'thung ste nus pa rdzogs pa na 'di sal rgyu ba'i drang srong zhes bya'o/ /sems rtse gcig pas rtswa dang shing gi rtsi </font><hr>549a<br><font size=+1>


@#/ /rgyun mi 'chad par zos pas sman gyi nus pa rdzogs pa na 'di la 'phur 'gro'i drang srong zhes bya'o/ /sems rtse gcig pas gser gyi rdo la brten pa'i gser 'gyur la rgyun mi 'chad par sbyangs pas nus pa rdzogs pa na 'di la rnam par rol zhing rgyu ba'i drang srong zhes bya'o/ /sems rtse gcig pas brtan g.yo'i tshul rgyun mi 'chad par bsgoms pas dbugs dang zungs kyi nus pa rdzogs pa na mkha' la rgyu ba'i drang srong zhes bya'o/ /sems rtse gcig pas mchil ma'i bcud kyis rgyun mi 'chad par gsos pas nus pa rdzogs pa na 'di la lha yul du 'gro ba'i drang srong zhes bya'o/ /sems rtse gcig pas gzugs kyi dwangs ma rgyun mi 'chad par rdub pas nus pa rdzogs pa na 'di la rdzu 'phrul gyis 'gro ba'i drang srong zhes bya'o/ /sems rtse gcig pas gzungs sdags kyi dgos pa rgyun mi 'chad par bsgoms pas sgyu ma'i rig sngags kyi nus pa rdzogs pa na 'di la dngos grub kyis 'gro ba'i drang srong zhes bya'o/ /sems rtse gcig pas sems pa dang dran pa rgyun mi 'chad par bsgoms pas sems pa dang dran pa'i nus pa rdzogs pa na 'di la snang bas 'gro ba'i drang srong zhes bya'o/ /sems rtse gcig pas mnyam par sbyor ba rgyun mi 'chad par bskul ba'i nus pa rdzogs pa na 'di la bcud kyis 'gro ba'i drang </font><hr>549b<br><font size=+1>


srong zhes bya'o/ /sems rtse gcig pas sprul pa rgyun mi 'chad par sprul pas tshor ba'i nus pa rdzogs pa na 'di la khyad par du 'gro ba'i drang srong zhes bya'o/ /kun dga' bo/ 'di dag la sogs pa thams cad mi'i nang nas sems sbyangs pa dag yin yang yang dag pa'i gsal rig la ma sbyangs par de las gzhan ring du 'tsho ba'i dngos grub thob nas tshe lo stong dang| khri thub cing ri phug zab mo dang / rgya mtsho chen po'i dogs su gnas shing skye bos dben par gyur kyang 'di dag 'jig rten gyi 'khrul pa'i sems kyis res mos su 'gyur zhing 'pho bar byed do/ /yang dag pa'i ting nge 'dzin ma sbyangs shing las de'i 'bras bu zad nas phyir log ste skye gnas thams cad du 'gro'o/ /kun dga' bo/ 'jig rten gyi sems can rnams rtag pa'i gnas mi tshol bar bud med dang mdza' bshes spong ma nus par phyin ci log gi 'dod chags kyi rjes su mi 'brang ba dang / sems rnam par dag cing gsal ba bskyed pa dag tshe 'phos pa'i 'og tu nyi zla'i gnas dang mnyam pa'i lhar 'gyur te/ 'di lta bu'i sde la rgyal chen bzhi'i lha zhes bya'o/ /rang gi bud med la chags pa srab par gyur cing kun spyod gtsang bar gnas kyang sems tshul gcig tu gnas mi nus pa dag tshe 'phos pa'i 'og tu nyi zla'i 'od las 'das nas sa dang 'brel ba'i 'jig rten gyi rtse mor gnas te / </font><hr>550a<br><font size=+1>


@#/ /'di lta bu'i sde la sum cu rtsa gsum pa'i lha zhes bya'o/ /'dod pa'i yul dang 'phrad na 'phral du 'jug kyang de las 'das na dran bzhin du mi gnas la mi'i 'jig rten la 'dod pa'i rnam rtog rgyu ba nyung zhing mi rgyu ba mang ba dag tshe 'phos pa'i 'og tu nam mkha' la rang gi 'od kyis bde bar gnas shing nyi zla'i 'od 'phog par mi 'gyur la 'di dag rang rang gi 'od dang ldan te/ 'di lta bu'i sde la 'thab bral gyi lha zhes bya'o/ /dus rgyun du gtsang bar gnas shing yul la reg pa na chags pa spong mi nus pa dag tshe 'phos pa'i 'og tu zab cing rmad du byung ba'i gnas su 'phags nas 'og gi mi dang lha'i gnas las ring du 'das shing 'jig rten 'jig pa'i bskal pa gsum byung yang de'i gnod pa mi 'byung ste 'di lta bu'i sde la dga' ldan gyi lha zhes bya'o/ /gzhi nas 'dod pa'i sems med cing gzhan dang 'brel nas nye bar spyad kyang spra tshil gyi ro myong ba ltar gyur pa dag tshe 'phos pa'i 'og tu sprul pa'i gnas las 'das shing skye ste 'di lta bu'i sde la 'phrul dga'i lha zhes bya'o/ /'jig rten gyi 'dod pa'i sems med cing 'jig rten dang mthun par spyod kyang de la mi rtog par gnas pa dag tshe 'phos pa'i 'og tu sprul pa dang sprul ba med pa'i gnas thams cad las 'das pa </font><hr>550b<br><font size=+1>


ste| 'di lta bu'i sde la gzhan 'phrul dbang byed kyi lha zhes bya'o/ /kun dga' bo/ lha drug po 'di dag lus 'dod pa'i g.ye ba dang bral yang sems de dang 'brel ba yin no/ / 'di man chad la 'dod pa'i 'jig rten gyi khams zhes bya'o/ /de bzhin gshegs pa'i gsang ba bsgrub pa'i don mngon par thob pa'i rgyu/ byang chub sems dpa' thams cad kyi spyod pa rgya mtsho ston pa/ sangs rgyas kyi gtsug tor dpa' bar 'gro ba zhes bya ba theg pa chen po'i mdo/ bam po dgu pa/ kun dga' bo/ 'jig rten gyi lam sgom pa po dag ting nge 'dzin la snyoms par 'jug pa'i tshul mi sgom na/ shes rab 'thob par mi 'gyur ro/ /de lta na'ang lus kyi tshul bsdams nas 'dod chags kyi chos mi spyod cing 'gro 'dug kyang mi dran pas 'dod pa'i rnam rtog mi skye'o/ /'dod khams su mi chags pas skye bo 'di dag bsam pa bzhin du tshangs ris su skye ste/ 'di lta bu'i sde la tshangs ris kyi lha zhes bya'o/ /'dod chags kyi bag chags zad cing 'dod chags dang bral ba'i sems mngon du gyur nas tshul khrims thams cad la 'dod cing dga' bas rjes su mthun pas skye bo 'di dag dus su tshangs pa'i dpal la spyod de 'di lta bu'i sde la tshangs pa mdun na 'don gyi lha zhes bya'o/ /lus sems kyi brtul </font><hr>551a<br><font size=+1>


@#/ /zhugs rdzogs shing rmad du byung la tshul khrims rnam par dag pa'i steng du gsal rig dang ldan na skye bo de dag dus su tshangs ris spyi'i rgyal por gyur te/ 'di lta bu'i sde la tshangs chen gyi lha zhes bya'o/ /kun dga' bo/ mchog gi gnas 'di gsum sdug bsngal thams cad kyis mnar bar mi 'gyur ro/ /yang dag par sgom pa'i ting nge 'dzin ma yin kyang sems rnam par dag pa las zag pa thams cad mi g.yo ba'i phyir 'di dag la bsam gtan dang po zhes bya'o/ /kun dga' bo/ de'i rting ma tshangs ris kyi lha rnams la dbang byed pa'i tshangs pa'i spyod pa rdzogs shing sems gsal la mi g.yo ba rnam par dag pa las 'od 'byung ste/ 'di lta bu'i sde la 'od chung gi lha zhes bya'o/ /'od zer phan tshun 'brel nas 'dzad med du spro zhing phyogs bcu'i 'jig rten gsal bar byas te thams cad bai DUR+Ya ltar gyur te/ 'di lta bu'i sde la tshad med 'od kyi lha zhes bya'o/ /'od zer khyab par spros nas bstan pa'i tshul rdzogs par bsgrubs te rnam par dag pa'i bslab pa bsgrags shing spyod tshul de zad pa med de/ 'di lta bu'i sde la 'od gsal gyi lha zhes bya'o/ /kun dga' bo/ mchog gi gnas 'di gsum yid mi bde ba thams cad kyis mnar bar mi 'gyur ro/ /yang dag par sgom pa'i ting nge 'dzin ma yin kyang </font><hr>551b<br><font size=+1>


sems rnam par dag pa las zag pa chen po lan gcig bcom pa'i phyir 'di lta bu'i sde la bsam gtan gnyis pa zhes bya'o/ /kun dga' bo/ 'di lta bu'i lha rnams rdzogs pa'i 'od zer gsal bar grub nas gsal zhing rmad du byung ba rgyas par rmad du byung ba mngon du gyur nas spyod pa mchog rdzogs par byung zhing 'gog pa'i bde ba la reg ste/ 'di lta bu'i sde la dge chung gi lha zhes bya'o/ /rnam par dag pa'i stong pa mngon du gyur pas rkyen byas te mi zad par byung zhing lus sems shin sbyangs kyis 'gog pa'i bde ba 'grub ste/ 'di lta bu'i sde la tshad med dge ba'i lha zhes bya'o/ /'jig rten dang lus sems yongs su rdzogs shing rnam par dag pa dang gtsang ma'i dpal rdzogs par 'grub nas rmad du byung ba'i rten mngon du gyur te 'gog pa'i bde ba la gzhol ba ste/ 'di lta bu'i sde la dge rgyas kyi lha zhes bya'o/ /kun dga' bo/ mchog gi gnas 'di gsum las su rung ba ches cher rdzogs pas lus sems bde zhing yangs par gyur te tshad med pa'i bde ba thob cing yang dag par sgom pa'i ting nge 'dzin bde zhing yangs pa ma thob kyang sems kyi bde ba thob pa'i phyir 'di la bsam gtan gsum pa zhes bya'o/ /kun dga' bo/ yang lha rnams lus sems mi gdung zhing sdug bsngal gyi rgyu ring mo nas zad kyang bde ba la rtag par gnas pa ma yin/ mthar nges par 'jig go /zhes </font><hr>552a<br><font size=+1>


@#/ /sdug bsngal dang bde ba'i sems gnyis spangs nas rags pa dang lci ba'i rnam pa 'gag cing bsod nams gtsang ma'i rang bzhin skye'o/ /'di lta bu'i sde la sprin med kyi lha zhes bya'o/ /btang snyoms kyi sems mnyam pa nyid du grub cing rmad du byung ba'i tshor ba rnam par dag pa sgrib pa med pa'i bsod nams las yid dang rjes su mthun pa thob nas ma 'ongs pa na khyab par 'gyur ro/ /'di lta bu'i sde la bsod nams skyes kyi lha zhes bya'o/ /kun dga' bo/ lha 'di'i nang du lam rnam pa gnyis su gyes par 'gyur te gal te snga ma'i sems kyi dpag tu med cing rnam par dag la 'od gsal ba'i bsod nams kyi dpal grub pa'i snang ba las yang dag par sgom zhing gnas pa ste| 'di lta bu'i sde la 'bras bu che ba'i lha zhes bya'o/ /btang snyoms kyi sems sdug bsngal dang bde ba gnyis kas skyo ste btang snyoms kyi sems shin tu sbyangs pa rgyun mi 'chad par btang snyoms kyi lam mthar gtugs nas lus sems kyi 'du shes nub nas sems kyi rtog pa thal ba ltar gyur ba na bskal pa lnga brgya 'da' bar 'gyur ro/ / gang zag des skye zhing 'gag pas rgyu byas nas skye ba dang 'gag pa med pa'i rang bzhin mngon du byed mi nus pas bskal pa'i phyed snga ma'i ring la 'gag cing bskal pa'i phyed </font><hr>552b<br><font size=+1>


phyi ma'i ring la skye'o/ /'di lta bu'i sde la 'du shes med pa'i lha zhes bya'o/ /kun dga' bo/ mchog gi gnas bzhi po 'di 'jig rten gyi sdug bsngal dang bde ba thams cad kyis bskyod par mi nus so/ /'dus ma byas kyi mi g.yo ba'i sa ma yin kyang thob pa'i sems yod cing sbyangs pa'i mthu yongs su smin pas 'di la bsam gtan bzhi pa zhes bya'o/ /kun dga' bo| 'di'i nang du phyir mi ldog pa'i lha lnga yod do/ /'og gi 'jig rten du bag chags rnam pa dgu dus gcig tu thams cad spangs shing sdug bsngal dang bde ba nub nas 'og tu gnas par mi 'os pas de lta bur sems kyi rtog pa spangs pa'i skal ba mnyam pa rnams dang gnas gcig tu gnas so/ /kun dga' bo/ sdug bsngal dang bde ba thams cad zad na rtsod pa'i sems mi 'byung ngo / /'di lta bu'i sde la mi che ba'i lha zhes bya'o/ /'jog pa dang sdud pa rang dbang gis 'gro zhing sbyangs te gtan nas ma rnyed na 'di lta bu'i sde la mi gdung ba'i lha zhes bya'o/ /phyogs bcu'i 'jig rten gyi khams su mthong ba rmad du byung ba rnam par dag par rdzogs shing yul gyi gzugs dang sna tshogs pa'i rdul dang dri ma gtan nas med na 'di lta bu'i sde la gya nom snang ba'i lha zhes bya'o/ /mthong ba dam pa mngon du gyur te sems kyi dbang gis brdzus te skye na yang sgrib pa med na 'di lta bu'i sde la shin tu mthong ba'i </font><hr>553a<br><font size=+1>


@#/ /lha zhes bya'o/ /cha phra me'i bar du dpyad nas gzugs kyi rang bzhin gyi rang bzhin mthar thug nas mu mtha' med pa'i gnas la sleb pa na 'og min gyi lha zhes bya'o/ /kun dga' bo/ phyir mi ldog pa'i lha 'di dag bsam gtan bzhi la gnas pa'i lha'i rgyal po rnam pa bzhis kyang thos shing dang pa tsam las mthong bar mi nus so/ /de lta yang 'jig rten du 'brog dgon pa dang thang dang ri bo'i phug zab mo la sogs pa'i gnas dag tu 'phags pa dgra bcom pa gnas kyang 'jig rten gyi skye bo phal pa rnams kyis mthong bar mi nus so/ /kun dga' bo/ lha ris bco brgyad po 'di dag gcig pu 'dod chags dang bral yang gzugs kyi khur dang ma bral bas 'di dag gzugs kyi khams zhes bya'o/ /yang kun dga' bo/ gzugs can gyi mthar thug pa'i gnas 'dir lam gnyis su gyes pa yod de/ gal te btang snyoms kyi sems las ye shes rgyas shing shes rab kyi snang ba rdzogs pa na rdul gyi khams las 'phral du 'das nas dgra bcom par gyur te byang chub sems dpa'i theg pa la 'jug par 'gyur ro/ /'di lta bu'i sde la rigs sad pa'i dgra bcom pa zhes bya'o/ /gal te btang snyoms kyi sems kyis skyo ba dang btang snyoms grub nas lus la sgrib pa'i rang bzhin du </font><hr>553b<br><font size=+1>


mthong nas sgrib pa de zad cing stong par zhugs pa 'di lta bu'i sde ni/ nam mkha' mtha' yas skye mched ces bya'o/ /gal te sgrib ba zad nas med cing sgrib pa zad pa yang ma dmigs pa las kun gzhi'i rnam shes rdzogs par yod cing yid kyi rnam shes kyi phyogs gcig grub pa 'di lta bu'i sde ni/ rnam shes mtha' yas skye mched ces bya'o/ / gzugs med cing stong pa'i snang ba yang med la rnam par shes pa'i bar du 'gags nas phyogs bcur dben zhing brten pa'i gnas gtan nas med pa la 'di lta bu'i sde ni/ ci yang med pa'i skye mched ces bya'o/ /rnam par shes pa'i rang bzhin mi g.yo zhing 'gag pa'i nus pa mthar gtugs te mi zad pa las zad pa'i rang bzhin bskyed pa/ gnas pa lta yang mi gan shing zad pa lta yang ma zad pa 'di lta bu'i sde ni/ 'du shes med 'du shes med min gyi skye mched ces bya'o/ /'di dag la sogs pa stong pa mthar gtugs par 'dod kyang stong pa'i gnas lugs zad par mi nus pas phyir mi ldog pa'i lha las 'phags pa'i lam gyi mthar 'gro ba 'di lta bu'i sde ni/ rigs nges pa'i dgra bcom pa rtul po zhes bya'o/ /gal te 'du shes med pa'i lha phyi rol pa'i lta ba can stong pa'i mthar gtugs nas de'i tshul mi gtong bar rmongs te zag pa dang </font><hr>554a<br><font size=+1>


@#/ /blo gnyis char nyams pa de dag ni/ rtag tu 'khor bar 'khor bar 'gyur ro/ /kun dga' bo/ lha'i nang du gnas pa 'di dag so so skye bo'i las kyi rnam par smin pa rdzogs par myong nas 'khor bar 'khor ro/ /lha'i rgyal po de dag rnams byang chub sems dpa'i ting nge 'dzin la rnam par rol zhing rim gyis yar ldan du gyur te 'phags pa'i rigs la phyogs shing spyod pa sgom pa'i lam sgrub bo/ /kun dga' bo/ gzugs med kyi lha rigs bzhi po 'di lus dang sems 'gags nas ting nge 'dzin gyi rang bzhin mngon du gyur te las 'bras kyi gzugs med de 'di dag ni/ gzugs med kyi khams zhes bya'o/ /'di dag thams cad gsal rig rnam par dag pa'i sems mngon par mi shes shing rdzun pa 'dus pa las skye zhing rdzun pa'i khams gsum grub bo/ /'di'i nang du rdzun pa'i 'gro ba bdun gyi rjes su 'brangs nas bying bar 'gyur la gang zag rang rang gi rigs dang mthun par spyod do/ /yang kun dga' bo/ khams gsum du lha ma yin gyi rigs bzhi yod de/ gal te 'dre'i rigs las chos srung ba'i mthus rdzu 'phrul can du gyur te bar snang la gnas pa 'di lta bu'i lha ma yin ni/ sgo nga las skye zhing 'dre'i phyogs su gtogs so/ /gal </font><hr>554b<br><font size=+1>


te lha'i nang nas dpal nyams shing gnas 'og tu lhung ba dag nyi zla dang gnas mnyam pa 'di lta bu'i lha ma yin ni/ mngal las skye zhing mi'i phyogs su gtogs so/ /lha ma yin gyi rgyal po 'ga' zhig 'jig rten skyong zhing mi 'jigs pa'i stobs dang ldan te tshangs pa dang brgya byin dang rgyal po chen po bzhi dag dang yang rtsod par nus pa 'di lta bu'i lha ma yin ni/ brdzus te skye zhing lha'i phyogs su gtogs so/ /kun dga' bo/ de dag las lha ma yin rigs dman pa dag yod de/ rgya mtsho chen po'i dkyil du skye zhing chu'i klong 'khor gyi sbubs su gnas la nyin mo bar snang la rgyu zhing mtshan mo chu la gnas pa 'di lta bu'i lha ma yin ni/ drod gsher las skye zhing dud 'gro'i phyogs su gtogs so/ /kun dga' bo/ dmyal ba dang / yi dwags dang / dud 'gro dang / mi dang / yang drang srong dang / lha dang / lha ma yin dang bcas pa'i 'gro ba bdun po 'di dag gi gnas tshul zhib tu na 'di ltar yin la/ don du na rmongs shing bying bas 'du byas pa'i dngos po phyin pa'i phyir phyin ci log gi 'du shes kyis skye ba len zhing / phyin ci log gi 'du shes kyis las kyi rjes su 'brang ngo / /'di rmad du byung ba'i gsal rig gtan nas ma bcos pa gdod ma'i sems dang bstun na thams cad nam mkha'i me tog dang 'dra zhing gdod ma </font><hr>555a<br><font size=+1>


@#/ /nas gzhi med la stong zhing rdzun pa tsam du zad kyi rtsa ba med do/ /kun dga' bo/ sems can 'di dag gdod ma'i sems ngo mi shes pa'i phyir 'di ltar 'khor bar 'khor zhing sdig pa'i 'bras bu myong bzhin du bskal pa grangs med pa 'das kyang yang dag pa'i dag pa thob par mi nus so/ /'di dag srog gcod pa dang / ma byin par len pa dang / 'dod pa'i dbang gis song ba'i rkyen las byung ba yin no/ /gsum po 'di las log na srog mi gcod pa dang / ma byin par mi len pa dang / 'dod pas log par mi spyod pa'o/ /'di dag yod na/ ngan song gi rigs zhes bya la med na mtho ris kyi rigs zhes bya'o/ /las de yod med gnyis kyis phan tshun go skabs 'phrog nas 'khor bar 'khor ba'i rang bzhin 'phel la/ gal te rmad du byung ba'i ting nge 'dzin mngon du byed nus na/ rtag brtan rmad du byung bar gyur cing yod med thams cad las 'da' bar 'gyur la yod med las 'das pa nyid kyang mi dmigs par 'gyur ro/ /srog mi gcod pa dang / ma byin par mi len pa dang / 'dod pas log par mi g.yem pa yin pa la ji ltar srog gcod pa dang / ma byin par len pa dang / 'dod pas log par g.yem pa'i bya ba'i rjes su 'brang ba yod/ kun dga' bo/ </font><hr>555b<br><font size=+1>


las gsum ma spangs na rang rang gi rtog pa'i rkyen las byung ba'i phyir rtog pa skal ba mnyam pa dag gnas nges pa med pa ma yin la 'khrul pa las skye zhing 'khrul pa yang rgyu med pas dpyad na 'thad pa'i gnas med do/ /khyod kyis nan tan du sbyongs shig /byang chub thob par 'dod na nges par rtog pa gnas gsum po bsal bar rigs so| |rtog pa gsum po ma bsal na/ ji lta bu'i rdzu 'phrul dang ldan par gyur kyang 'jig rten gyi bya ba'i longs spyod du 'gyur ro/ /bag chags ma bsal bas bdud kyi lam du ltung ngo / /ji ltar 'khrul pa bsal bar 'dod na yang phyir zhing 'khrul pa 'phel bar 'gyur ro/ /snying rje rje zhes de bzhin gshegs pas bka' stsal to/ /khyod kyi 'khrul pa rang gis byas pa yin/ byang chub kyi skyon min no/ /'di skad du smra ba ni/ yang dag pa'i smra ba yin la de las gzhan du smra ba ni/ bdud kyi smra ba'o/ /de nas de'i tshe de bzhin gshegs pa de ltar chos ston pa'i mjug re zhig bsdus nas slar yang sku gser gtso ma'i ri lta bu dam pa'i chos kyi gdan seng+ge'i khri la slar bzhugs te rin po che sna bdun gyi sku rten drangs te de la sku brten nas kun dga' bo la sogs pa'i 'khor thams cad la bka' stsal pa/ khyod la sogs pa nyan thos dang / </font><hr>556a<br><font size=+1>


@#/ /rang sangs rgyas slob pa dang / mi slob pa rnams kyis bla na med pa'i byang chub chen po'i sems bskyed de rmad du byung ba gsal rig blang ba'i phyir ngas de yang dag par sgrub pa'i chos bshad zin na/ khyed cag gis da dung khong du mchud do/ /zhi gnas dang lhag mthong la rnal 'byor du byed pa na shin tu phra ba'i bdud kyi las dang bdud kyi yul mngon sum du snang ste/ khyed cag gis de ma rig na sems yang dag par sbyangs pa zhes mi bya ste/ log pa'i lta bar ltung bas skabs skabs su phung po'i bdud dang / skabs skabs su lha'i bdud dang / skabs skabs su yi dwags dang / lha ma yin gyis glags rnyed cing gdon phra mo dag gis 'tshe bar 'gyur bas nang du sems kyis ma tshor bar rkun po la bur 'khrul te/ yang de las cung zad tsam thob pa la chog shes te bsam gtan bzhi pa la chags pa'i dge slong dang mtshungs te/ de ni/ thos pa med par 'phags lam ma thob pa thob par smra zhing tshe zad khar yang srid len pa mngon du gyur te dgra bcom pa yang phyi ma'i lus len to/ /zhes skur ba btab nas mnar med pa'i dmyal bar ltung ngo / /khyod legs par rab tu nyon la yid la zungs shig dang / ngas khyod la zhib tu phye </font><hr>556b<br><font size=+1>


ste bstan par bya'o/ /de skad ces bka' stsal pa dang / kun dga' bo stan las langs te 'khor 'dus pa dang lhan cig tu rab tu dga' nas spyi bos btud de lus dang sems shin tu gus shing dang bas thugs rjes dgongs pa'i bka' la nod cing 'dug go /de nas bcom ldan 'das kyis kun dga' bo dang bcas pa'i 'khor thams cad la bka' stsal pa| khyod la sogs pas shes par gyis shig /ngo bo nyid kyi gsal rig khyab pa la ni/ phyogs bcu'i sangs rgyas thams cad dang / rigs bcu gnyis kyi sems can zag pa can rnams gnyis su med cing so so ma yin mod kyi/ yang dag pa ma yin pa'i 'du shes 'khrul pa las rmongs pa dang sred pa 'byung zhing skyes so/ /skyes nas 'khrul pa las stong pa'i rang bzhin yod par 'gyur te 'khrul lo/ /'khrul pa las rdzun pa'i snang ba rgyun mi 'chad pa'i phyir 'jig rten byung ngo / de lta bas na/ phyogs bcu'i rdul phra rab snyed kyi zhing rnams kyang bzhag pa ma yin pa med de/ de lta bu ni/ 'khrul pa yang dag pa ma yin pa'i 'du shes kyis bzhag par shes par gyis shig /nam mkha' stong pa khyed cag gi sems kyi nang du chud do/ /dper na/ nam mkha' la sprin gyi dum bu chags pa dang 'dra ste/ nam mkha' yang de'i nang du chud na 'jig rten gyi khams thams </font><hr>557a<br><font size=+1>


@#/ /cad chud pa lta ci smos/ khyed cag yang dag pa 'di la zhugs na phyogs bcu'i stong pa thams cad zhi ste/ de lta na stong pa la gnas pa'i 'jig rten gyi khams thams cad ci'i phyir bshig par mi 'gyur/ khyed cag bsam gtan dang ting nge 'dzin la rnal 'byor spyod pa dang / phyogs bcu'i byang chub sems dpa' dang / zag pa zad pa'i dgra bcom pa rnams kyis sems dwangs shing gsal bar de bzhin nyid la rtse gcig pa'i ting nge 'dzin du gyur na bdud kyi rgyal po thams cad dang / 'byung po dang / lha phal pa rnams rang rang gi khang khyim kun nas nyil zhing sa chen po ni/ rab tu g.yo ba dag mthong bar 'gyur ro/ /chu dang skam na gnas pa dang nam mkha' la 'phur ba dag la mi skrag pa med do/ /skye bo phal pa rmongs pa rnams kyis log par sgro 'dogs par byed do/ /de dag mngon par shes pa lnga dang ldan zhing zag pa ma zad pas 'khor ba la 'dris shing zhen pas ci'i phyir de dag gnas rnams khyed cag la bshig tu bcug /de'i phyir lha ma yin dang / yi dwags dang| lha'i bdud rnams khyed cag bsam gtan sgom pa'i thad du 'ongs nas 'tshe bar byed de/ de lta na yang bdud de dag thams cad cher khros kyang de dag nyon mongs </font><hr>557b<br><font size=+1>


te 'khrul par bying ba yin la/ khyed cag rmad du byung ba'i gsal rig la gnas pa ste/ dper na/ 'od la rlung gis phog pa dang chu la ral gri btab pa ltar cung zad kyang gnod par mi 'gyur ro| |khyed cag chu tshan dang 'dra zhing de dag 'khyag rom sra ba dang 'dra ste/ drod dang nye bas khad kyis 'ju ba ltar de'i rdzu 'phrul phyir zhing nyams te rang nyon mongs pa tsam du zad do/ / de ni| mgron dang mtshungs par glo bur du 'ongs te grub pa'i don bshig shing 'khrug par byed de khyed cag gi sems kyi nang du phung po lnga'i khyim bdag 'khrul na mgron des glags rnyed la| bsam gtan sgom pa'i tshe shes bzhin gyis tshor na bdud kyi rgol bas khyod la glags mi rnyed do/ /phung po zhi zhing gsal ba la zhugs na phyin ci log gi tshogs kun so sor mi snang bar 'gyur te/ snang bas mun nag sel bar nus la nye bar 'ongs kyang rang nyid zad par 'gyur gyi/ bsam gtan la gnod par byed pa ga la spobs/ gal te shes bzhin gyis tshor bar ma gyur na phung pos rmongs par byas te/ kun dga' bo/ khyod bdud kyi bur 'gyur la bdud nyid du 'gyur ro/ /bu mo ma tang+gi lta bu mthu chung yang sngags kyi mthus khyod kyi tshul khrims gzhig pa'i bsam pas spyod pa brgyad khri'i nang nas gcig bshig par 'dod kyang sems yongs su dag pa'i phyir 'dod pa'i 'dam du bying par ma </font><hr>558a<br><font size=+1>


@#/ /gyur to/ /bdud de dag ni/ khyod kyi rin po che'i gsal rig gi lus rdzogs par 'joms so/ /dper na/ blon po chen po'i khyim glo bur du gtor ba na kun tu 'phyar zhing 'thor ba la sus kyang brtse bas skyob mi nus pa dang 'dra'o/ /kun dga' bo/ shes par gyis shig /khyod rnal 'byor sgom pa na rnam tog 'gag pa'i tshe rnam par rtog pa thams cad zad de sna tshogs pa'i sems dang bral zhing kun tu dwangs shing gsal bar 'gyur te g.yo ba dang mi g.yo ba thams cad kyis mi bskyod la dran pa dang brjed pa gnyis mnyam pa nyid du 'gyur ro/ /'dir ting nge 'dzin la mnyam par bzhag pa na dper na/ skye bo mig dang ldan pa mun nag gi nang du phyin pa dang mtshungs te/ rang bzhin gsal zhing dwangs mod kyi/ sems kyi 'od ma byung bas gzugs kyi phung po'i sgrib g.yogs zhes bya'o/ /gal te mig dang ldan pa de mun pa sangs pa na phyogs bcu gsal bar snang zhing mun pa med pa dang 'dra ste/ 'di la gzugs kyi phung po zad pa zhes bya'o/ /skye bo de ni/ bskal pa'i snyigs ma las 'das so/ /don de la brtags na yang dag pa ma yin pa'i 'du shes brtan pa'i rtsa ba bskyed pa'o/ /kun dga' bo/ 'di'i nang gi rmad du byung ba'i </font><hr>558b<br><font size=+1>


gsal rig la zhib par brtags nas 'byung ba chen po bzhi ma 'dres par gyur pa las yud tsam gyis lus sgrib pa dang 'bral nus pas 'di la gsal ba'i rang bzhin spro zhing sdud pa'i 'du 'phrod kyi gzugs mngon du gyur pa zhes bya'o/ /'di ni/ gcig tu brtson zhing sbyangs pa'i mthu las yud tsam zhig 'di ltar gyur pa yin gyi/ 'phags pa'i 'bras bu zhes ni/ mi bya'o/ /'di la 'phags pa'o snyam du ma bsam na/ dge ba'i mngon rtags su rung gi /gal te 'phags pa'o snyam du bsam na log pa'i mthar ltung ngo / /kun dga' bo/ yang sems gsal rig rmad du byung ba 'di la shin tu sbyangs na lus kyi nang dwangs shing gsal ba las skye bo de'i lus kyi nang nas yud tsam zhig tu srin grol ma phyung ba ltar lus sngar bzhin te rmas shing nyams pa yang med do/ /'di la spro zhing sdud pa'i gzugs mngon du gyur pa zhes bya'o/ /'di ni/ gcig tu brtson zhing spyad pa las yud tsam zhig 'di ltar gyur pa yin gyi/ 'phags pa'i 'bras bu zhes ni/ mi bya'o/ /'di la 'phags pa'o snyam du ma bsams na dge ba'i mngon rtags su rung gi |gal te 'phags pa'o snyam du bsam na log pa'i mthar ltung ngo / /yang sems 'di phyi dang nang du shin tu sbyangs nas de'i tshe nye bar len pa'i rnam shes ma gtogs pa sems </font><hr>559a<br><font size=+1>


@#/ /dang yid dang rnam par shes pa rnams phan tshun du 'brel nas mgron dang khyim bdag gi tshul du 'gyur zhing glo bur du nam mkha' stong pa las chos ston pa'i sgra thos pa'am/ yang na phyogs bcur gcig tu zab mo'i don 'chad pa lta bu'i sgra thos so/ /'di la sems dang yid dang rnam par shes pa phan tshun 'du ba dang 'bral ba zhes bya'o/ /dge ba'i sa bon sgrubs pa las yud tsam zhig 'di ltar gyur pa yin gyi/ 'phags pa'i 'bras bu zhes ni/ mi bya'o/ /'di la 'phags pa'o snyam du ma bsam na dge ba'i mngon rtags su rung gi /gal te 'phags pa'o snyam du bsam na log pa'i mthar ltung ngo / /yang sems 'di dwangs shing gsal ba'i nang nas 'od byung ste phyogs bcur khyab par dzam+bu chu bo'i gser gyi kha dog tu gyur te sna tshogs pa'i sems can rnams de bzhin gshegs pa'i skur gyur ma thag de bzhin gshegs pa rnam par snang mdzad lha'i rin po che'i khri 'od 'bar ba la bzhugs te sangs rgyas stong gis bskor zhing bye ba phrag brgya'i zhing pad+ma dang bcas pa lhan cig tu snang ste/ 'di la sems dang rnam par shes pa las ye shes mngon du gyur te sems sbyang ba'i 'od las 'jig rten thams cad snang bar byed pa zhes bya'o/ / </font><hr>559b<br><font size=+1>


de yang yud tsam zhig 'di ltar gyur pa yin gyi/ 'phags pa'i 'bras bu zhes ni/ mi bya'o/ /'di la 'phags pa'o snyam du ma bsam na dge ba'i mngon rtags su rung gi |gal te 'phags pa'o snyam du bsam na log pa'i mthar ltung ngo / /yang sems gsal rig rmad du byung ba 'di la shin tu sbyangs pas dpyod pa rgyun mi 'chad cing 'phro rgod btul te gnas cha tshad las lhag par gyur pa'i tshe skad cig gis phyogs bcu'i nam mkha' rin po che sna bdun gyi kha dog can nam/ yang na kha dog sna brgyar yang gyur nas dus gcig tu khyab la phan tshun gcig gis gcig mi sgrib par sngon po dang / ser po dang / dmar po dang / dkar po dag ma 'dres par snang ste/ 'di la gnas shing 'dul ba la brtson pa'i stobs kyis tshad las 'das pa zhes bya'o/ /de yang yud tsam zhig 'di ltar gyur pa yin gyi/ 'phags pa'i 'bras bu zhes ni/ mi bya'o/ / 'di ni| 'phags pa'o snyam du ma bsam na dge ba'i mngon rtags su rung gi /gal te 'phags pa'o snyam du bsam na log pa'i mthar ltung ngo / /yang sems 'di dwangs shing gsal bar shin tu sbyangs te rang bzhin mi 'khrug par gyur nas skad cig gis mtshan gung mun nag gi khang pa'i nang du dngos po sna tshogs pa nyin mo dang 'dra bar </font><hr>560a<br><font size=+1>


@#/ /mthong ngo / /mun pa'i nang gi sgrib byed zad cing 'gag pa ma yin no/ /'di la sems shin tu phra ba'i mthong ba rnam par dag nas sna tshogs mthong zhing mun pa sangs pa zhes bya'o/ /de yang yud tsam zhig 'di ltar gyur pa yin gyi/ 'phags pa'i 'bras bu zhes ni/ mi bya'o/ /'di ni/ 'phags pa'o snyam du ma bsam na dge ba'i mngon rtags su rung gi /gal te 'phags pa'o snyam du bsam na log pa'i mthar ltung ngo / /yang sems 'di stong pa'i rang bzhin la khyab par zhugs nas skad cig gis yan lag bzhi rtsa dang shing 'dra bar gyur te mes bsregs shing mtshon gyis gtubs kyang mi tshor la/ me'i 'od kyis gdung bar yang mi 'gyur zhing sha bcad na yang shing gzhogs pa dang mtshungs so/ /'di la yul zad cing khams bzhi ma dmigs par de kho na nyid la zhugs pa zhes bya'o/ /de yang yud tsam zhig 'di ltar gyur pa yin gyi/ 'phags pa'i 'bras bu zhes ni/ mi bya'o/ /'di ni/ 'phags pa'o snyam du ma bsam na dge ba'i mngon rtags su rung gi /gal te 'phags pa'o snyam du bsam na log pa'i mthar ltung ngo / /yang sems 'di gsal zhing dwangs par grub ste sems yongs su dag pa'i brtson 'grus kyi mthar thug nas skad cig gis sa chen </font><hr>560b<br><font size=+1>


po dang / phyogs bcu'i ri dang / chu klung thams cad sangs rgyas kyi zhing du gyur nas rin po che sna bdun dang ldan zhing snang bas khyab cing gang ba dang / yang gang+gA'i klung gi bye ma snyed kyi de bzhin gshegs pa thams cad gzhal med khang dang bcas pa nam mkha' gang bar mthong la/ 'og tu sems can dmyal ba dang steng du lha'i gzhal med khang dag mthong zhing sgrib thogs med pa ste/ 'di la dga' ba dang skyo ba'i sems kyis rnam par bzung nas yun ring du sems pa las gyur pa zhes bya ste/ 'phags pa'i 'bras bu zhes ni| mi bya'o/ /'di ni/ 'phags pa'o snyam du ma bsam na dge ba'i mngon rtags su rung gi /gal te 'phags pa'o snyam du bsam na log pa'i mthar ltung ngo / / yang sems 'di sbyangs pa yun ring bas skad cig gis mtshan gung rgyang ring bo'i tshong 'dus dang / grong khyer dang / gnyen bshes dang / nye du dag mthong ba'am/ yang na de dag gi gtam zer pa thos te/ 'di la sems bsgrims te dmigs pa las mngon du gyur nas bar du chod pa'i rgyang ring po mthong ba zhes bya ste/ 'phags pa'i 'bras bu zhes ni| mi bya'o/ /'di ni/ 'phags pa'o snyam du ma bsam na dge ba'i mngon rtags su rung gi /gal te 'phags pa'i snyam du bsam na log pa'i mthar ltung ngo / /yang </font><hr>561a<br><font size=+1>


@#/ /sems 'di shin tu sbyangs nas phra ba'i mthar thug nas dge ba'i bshes gnyen dag gi lus dang cha byad bsgyur zhing yud tsam du rgyu med par rnam pa sna tshogs su bsgyur ba mthong ste/ 'di la phyin ci log gi sems lha ma yin khong du chud pa zhes bya'o/ /yang na lha'i bdud dang 'phrad cing de'i sems la zhugs nas rgyu med par chos zab mo'i don thogs pa med par 'chad pa la mkhas te 'phags pa'i 'bras bu zhes ni/ mi bya'o/ /'di ni/ 'phags pa'o snyam du ma bsam na bdud kyi las zhi zhing zad par 'gyur ro/ /gal te 'phags pa'o snyam du bsam na log pa'i mthar ltung ngo / /kun dga' bo/ rnam pa bcu po 'di ting nge 'dzin la snang ba'i yul te 'di kun gzugs kyi phung po la sems sbyangs pa 'khrul pa las 'di 'dra bar gyur te/ sems can rmongs pa rnams rang gi drod ma zin pas rgyu rkyen 'di lta bu dang 'phrad nas 'khrul ba \?\ la rang nyid kyis ma shes par bdag 'phags pa'o zhes rdzun chen po smras te mnar med pa'i dmyal bar ltung ngo / /khyed cag ngas bstan pa 'di la brten nas nga mya ngan las 'das pa'i 'og tu snyigs ma'i dus su ngas bstan pa'i don 'di dag rgyas par shod cig /gsal bar ston cig /lha'i bu'i bdud kyis </font><hr>561b<br><font size=+1>


skabs mi rnyed par skyong ba dang srung zhing skyob na bla na med pa'i lam thob par 'gyur ro/ /kun dga' bo/ rigs kyi bu dag zhi gnas kyi ting nge 'dzin la snyoms par zhugs te gzugs kyi phung po zad pa na sangs rgyas thams cad kyi sems mthong ba ni/ me long dag pa'i gzugs gsal bar snang ba dang 'dra bar rnyed pa dang 'dra yang longs spyod par mi nus so/ /dper na/ skye bo grib gnon gyis gnon pa ltar rkang lag snga mkho bzhin du yod cing mthong ba dang thos pa ma 'khrul yang sems phyin ci log gis bslad pas lus g.yo mi nus pa dang 'dra'o/ /'di la tshor ba'i phung po'i sgrib g.yogs zhes bya'o/ /gal te non pa de sangs nas 'khrul pa'i sems de lus dang bral te rang ngo shes shing 'gro ba dang 'dug pa la rang dbang du gyur te chags thogs med do/ /'di la tshor ba'i phung po zad pa zhes bya ste/ skye bo de lta ba'i snyigs ma las 'da' bar nus so/ /rgyu 'di la brtags na gsog tu gyur pas yang dag pa ma yin pa'i 'du shes rtsa bar gyur pa'o/ /kun dga' bo/ rigs kyi bu dag 'di'i nang nas 'od gsal ba chen po byung ste de'i sems 'od gsal bar gyur pa la nang du bsgrims te lhag par gnas pa'i dbang gis glo bur du tshad med pa'i snying rje skyes nas sbrang bu phra mo yan chad mthong ba na </font><hr>562a<br><font size=+1>


@#/ /bu gcig pa bzhin du byams shing bltas nas de snying rje'i dbang gis rang dbang med par mchi ma 'byung ste/ 'di la brtson pa'i spyod pas lhag par gyur pa zhes bya'o/ /tshor ba nyes pa med de 'phags pa'i 'bras bu zhes ni/ mi bya'o/ /tshor bas zin te ma 'khrul na ring zhig nas de zhi bar 'gyur ro| |gal te 'phags pa'o snyam du bsam na de nas snying rje'i bdud khong du zhugs pa ste mi dag mthong na snying rje skye zhing mchi ma rgyun mi 'chad par 'byung ste yang dag pa'i gnas stor nas log pa'i gol sar ltung ngo / /kun dga' bo/ rigs kyi bu dag ting nge 'dzin 'di'i nang nas gzugs kyi phung po ni/ zhi bar mthong / tshor ba'i phung po ni/ gsal bar gyur te rmad du byung ba'i rnam pa mngon du gyur pas shin tu rings pa'i sems lhag par gyur te de las glo bur du shin tu dpa' ba'i sems bskyed de brtul phod pa'i sems des sangs rgyas thams cad dang mnyam par bya zhing / sems kyi skad cig la bskal pa grangs med gsum 'da' bar nus so snyam du sems so/ /'di la brtson 'grus spyod pa la brten nas khengs pa lhag par gyur pa zhes bya'o/ /tshor na nyes pa med de 'phags pa'i 'bras bu zhes </font><hr>562b<br><font size=+1>


ni| mi bya'o/ /shes bzhin gyis tshor te ma 'khrul na ring zhig nas de zhi bar 'gyur ro/ /gal te 'phags pa'o snyam du bsam na smyo byed kyi bdud khong du zhugs pa ste mi dag mthong na rgyags pa dang / nga rgyal dpe med pa skyes te/ gong du sangs rgyas la mi brtsi 'og tu mi la mi brtsi ste yang dag pa'i gnas stor nas log pa'i gol sar ltung ngo / /yang rigs kyi bu dag ting nge 'dzin 'di'i nang nas gzugs kyi phung po ni/ zhi bar mthong / tshor ba'i phung po ni/ gsal bar gyur te/ sngon du don gsar pa ma thob cing phyir log pa na gzhi la yod pa'i gnas stor/ ye shes kyi stobs nyams te bar ma dor gnas shing ci yang mi mthong ngo / /sems kyi nang nas glo bur du yid shin tu gdungs te dus thams cad du brjed pa med par gcig tu dran nas de la brtson 'grus kyi rnam par gyur to snyam du sems te/ 'di la sgom pa'i shes rab 'chal zhing rang nyid kyis stor ba zhes bya'o/ /tshor na nyes pa med de 'phags pa'i 'bras bu zhes ni/ mi bya'o/ /gal te 'phags pa'o snyam du bsam na dran pa'i bdud khong du zhugs pa ste nyin mtshan du sems kyis mi gtong bar 'dzin cing gcig tu dmigs te yang dag pa'i gnas stor nas log pa'i gol sar ltung ngo / /yang rigs kyi bu dag ting nge 'dzin 'di'i nang nas gzugs kyi phung po ni/ zhi bar </font><hr>563a<br><font size=+1>


@#/ /mthong / tshor ba'i phung bo ni/ gsal bar gyur te shes rab kyi stobs ni/ zhi gnas lhas lhag par gyur te dpyod pa rnon pos khyer nas rmad du byung ba'i rang bzhin sems la bzhag ste rang nyid rnam par snang mdzad yin no snyam du sems shing cung zad thob pa la chog par 'dzin pa ste/ 'di la so sor rtogs pa las nyams te rang nyid kyis mthong zhing shes pa la zhen pas 'jug pa zhes bya'o/ /tshor na nyes pa med de 'phags pa'i 'bras bu zhes ni/ mi bya'o/ /gal te 'phags pa'o snyam du bsam na dman pas chog shes pa'i bdud khong du zhugs pa ste mi dag mthong na rang gis bla na med pa'i don dam pa thob bo/ /zhes smras te yang dag pa'i gnas stor nas log pa'i gol sar ltung ngo / /yang rigs kyi bu dag ting nge 'dzin 'di'i nang nas gzugs kyi phung po ni/ zhi bar mthong / tshor ba'i phung bo ni/ gsal bar gyur te don gsar pa ni/ ma thob/ snga ma ni/ stor/ de gnyis kyi tshul mthong bas zhum pa'i sems skyes nas glo bur du mya ngan tshad med pa skyes ba \?\ lcags \?\ ba sregs kyi khri la 'dug pa dang mtshungs shing dug 'thungs pa dang 'dra bar 'tsho bar mi 'dod pa'i sems skyes te/ rtag par gzhan la bdag gi srog chod la rnam par grol </font><hr>563b<br><font size=+1>


ba la bzhag par mdzod cig ces gsol bar byed do/ /'di la spyod pa sbyong ba'i thabs la mkhas pa stor ba zhes bya'o/ /tshor na nyes pa med de 'phags pa'i 'bras bu zhes ni/ mi bya'o/ /gal te 'phags pa'o snyam du bsam na mya ngan gyi bdud kyi rigs gcig khong du zhugs pa ste lag tu gri mtshon thogs nas rang gi sha gcod cing srog 'gag par byed do/ /yang na rtag tu mya ngan gyis bros te ri dang nags su 'gro zhing mi dag mthong bar mi 'dod de yang dag pa'i ngas stor nas leg pa'i gol sar ltung ngo / /yang rigs kyi bu dag ting nge 'dzin 'di'i nang nas gzugs kyi phung po ni/ zhi bar mthong / tshor ba'i phung bo ni/ gsal bar gyur te rnam par dag pa'i nang nas sems bde zhing glo bur du rang nyid dga' ba dpag tu med pa skyes nas dga' zhing rol ba de 'gog mi nus par gyur te/ 'di la shin tu sbyangs pa'i bde ba dang bcas kyang shes rab 'chal bas 'gog mi nus pa zhes bya'o// tshor na nyes pa med de 'phags pa'i 'bras bu zhes ni/ mi bya'o/ /gal te 'phags pa'o snyam du bsam na dga' zhing rol ba la sred pa'i bdud kyi rigs gcig de'i sems la zhugs te mi dag mthong na rgod cing lam srang gi bzhi mdor rang nyid glu len zhing gar byad de/ rang nyid thogs pa med pa'i rnam par grol ba thob bo/ /zhes smra zhing yang dag pa'i </font><hr>564a<br><font size=+1>


@#/ /gnas stor nas log pa'i gol sar ltung ngo / /yang rigs kyi bu dag ting nge 'dzin de'i nang nas gzugs kyi phung po ni/ zhi bar mthong / tshor ba'i phung po ni/ gsal bar gyur te/ rang nyid tshim mo/ /zhes smra zhing glo bur du rgyu med par nga rgyal chen po skyes te/ de nas nga rgyal dang che ba'i nga rgyal dang nga rgyal las kyang che ba'i nga rgyal dang mngon pa'i nga rgyal dang cung zad snyam pa'i nga rgyal cig car du skye zhing sems kyis phyogs bcu'i de bzhin gshegs pa la mi gus na theg pa dman pa nyan thos dang rang sangs rgyas rnams la lta ci smos/ 'di la rang nyid rgyal bar mthong zhing rang skyob pa'i shes rab 'chal ba zhes bya'o/ /tshor na nyes pa med de 'phags pa'i 'bras bu zhes ni/ mi bya'o/ /gal te 'phags pa'o snyam du bsam na nga rgyal chen po'i bdud kyi rigs gcig de'i sems la zhugs te mchod rten dang gtsug lag khang la phyag mi 'tshal zhing glegs bam dang sku gzugs bshig par byed de sbyin bdag la 'di skad du 'di dag ni/ gser dang / zangs dang / sa dang / glegs ba ma ni/ shing lo dang / ras la sogs pa'o/ /sha'i lus 'di bden zhing rtag pa yin pa la mi gus par phyir zhing sa dang / shing la bkur ba ni/ phyin ci log go /zhes smra'o/ /de la dad cing yid ches pa dag de'i tshig gis bshig cing dral te sa 'og tu spa'o/ /sems </font><hr>564b<br><font size=+1>


can rnams la the tshom skyed cing log par 'dzin du bcug pas mnar med pa'i dmyal bar ltung ste/ yang dag pa'i gnas stor nas log pa'i gol sar ltung ngo / /yang rigs kyi bu dag ting nge 'dzin de'i nang nas gzugs kyi phung po ni/ zhi bar mthong / tshor ba'i phung po ni/ gsal bar gyur te dwangs shing gsal ba'i nang nas gnas lugs phra mo rtog cing rang dbang du gyur nas de'i sems la glo bur du shin tu sbyangs ba'i bde ba tshad med pa skye ste rang nyid 'phags par gyur cing mchog gi dbang thob bo zhes smra'o/ /'di la shes rab la brten nas shin tu sbyangs pa thob pa zhes bya'o/ /tshor na nyes pa med de 'phags pa'i 'bras bu zhes ni/ mi bya'o/ /gal te 'phags ba'o snyam du bsam na shin tu sbyangs pa la sred pa'i bdud kyi rigs gcig de'i sems la zhugs te bdag nyid rab tu tshim mo/ /zhes smra zhing slar yang 'bad par mi byed do/ /de dag la sogs pa thos pa med pa'i dge slong phal che bas sems can rnams la the tshom skyed cing log par 'dzin du bcug pas mnar med pa'i dmyal bar ltung ste yang dag pa'i gnas stor nas log pa'i gol sar ltung ngo / /yang rigs kyi bu dag ting nge 'dzin de'i nang nas gzugs kyi phung po ni| zhi bar mthong / tshor ba'i phung po ni/ gsal bar gyur te gsal bar rtogs pa'i nang nas stong zhing gsal ba'i rang bzhin thob ste/ de'i nang nas glo bur du rtog pa zhi ba'i 'gog </font><hr>565a<br><font size=+1>


@#/ /pa la zhugs nas rgyu 'bras med do/ /zhes 'dzin cing stong pa rkyang ba la zhugs pas stong pa'i sems mngon du gyur te/ 'di la rtag pa dang chad pa 'gog pa'i sems skye ba la thug pa zhes bya'o/ /tshor na nyes pa med de 'phags pa'i 'bras bu zhes ni/ mi bya'o/ /gal te 'phags pa'o snyam du bsam na stong pa'i bdud de'i sems la zhugs te tshul khrims srung ba dag la theg pa dman pa zhes smod cing / byang chub sems dpa' dag stong nyid rtogs pas srung ba dang bshig pa med ces smra'o/ /des rgyun du sbyin bdag dad pa can gyi khyim du chang 'thung zhing sha za la log par g.yem pa spyod do/ /bdud kyi mthus byin gyis brlabs nas skye bo de dag kyang de la the tshom mi byed cing smod pa'i sems mi skye'o/ /bdud sems la ring du gnas pas bshang gci za ba yang sha chang dang 'dra bar sems so/ /stong pa rkyang pa la zhugs pas sangs rgyas kyi 'dul ba dang tshul khrims bshig cing skye bo rnams la the tshom skyed cing sdig pa la 'god do/ /de nas yang dag pa'i gnas stor nas log pa'i gol sar ltung ngo / /yang rigs kyi bu dag ting nge 'dzin de'i nang nas gzugs kyi phung po ni/ zhi bar mthong / tshor ba'i phung po ni| gsal bar gyur te stong zhing gsal ba'i ro myong zhing snying dang rus pa'i bar zhen cing zhugs pas de'i sems la glo bur du sred pa tshad med pa skye zhing / shin tu sred bas myos te log </font><hr>565b<br><font size=+1>


par g.yem pa spyod do/ /'di la ting nge 'dzin gyi yul mthun zhing bde bar sems la zhugs nas rang la skyob pa'i shes rab med pas 'khrul zhing log par g.yem pa la ltung ba zhes bya'o// tshor na nyes pa med de 'phags pa'i 'bras bu zhes ni/ mi bya'o/ /gal te 'phags pa'o snyam du bsam na 'dod pa'i bdud de'i sems la zhugs te 'dod chags ni/ byang chub kyi lam yin par khyim bdag la ston cing lhan cig tu log par g.yem pa spyod nas de dag la chos 'dzin pa'i bu yin no/ /zhes smra'o/ /bdud kyi rdzu 'phrul gyi mthus snyigs ma'i dus na skye bo phal pa blun po dag 'dus te brgya'am/ de bzhin du nyis brgya'am/ lnga brgya'am/ drug brgya'am/ de las kyang mang ba stong dang khri'i bar du 'du'o/ /de nas bdud de skye bo de la 'tshe bar byed pa'i tshul des skyo ba'i sems skyes nas de'i lus dang bral ba na de gzi brjid med par gyur te rgyal po'i chad pa phog cing skyo bo rnams la the tshom bskyed de log par 'dzin du bcug pas mnar med pa'i dmyal bar ltung ste/ yang dag pa'i gnas stor nas log pa'i gol sar ltung ngo / /kun dga' bo/ rnam pa bcu po 'di ting nge 'dzin la snang ba'i yul te/ 'di kun tshor ba'i phung po la sems sbyangs pa 'khrul pa las 'di 'dra bar gyur te/ sems can rmongs pa rnams rang gi drod ma zin pas rgyu rkyen 'di lta bu dang 'phrad nas 'khrul pa la rang </font><hr>566a<br><font size=+1>


@#/ /nyid kyis ma shes par bdag 'phags pa'o/ /zhes rdzun chen bo smras te mnar med pa'i dmyal bar ltung ngo / /khyed cag ngas bstan pa 'di la brten nas nga mya ngan las 'das pa'i 'og tu snyigs ma'i dus su ngas bstan pa'i don 'di dag rgyas par shod cig /gsal bar ston cig /lha'i bu'i bdud kyis skabs mi rnyed par skyong ba dang srung zhing skyob na bla na med pa'i lam thob bar 'gyur ro/ /kun dga' bo/ rigs kyi bu dag ting nge 'dzin sgom pas tshor ba'i phung po dag zad pa na zag pa ma zad kyang sems lus dang bral nas bya skon pa las thar ba dang 'dra bar rab tu sgrub pas lus phal pa las 'phags pa'i gnas drug cu'i bar yid kyi lus thob ste 'gro ba dang 'ong ba la thogs pa med do| |dper na/ mi la la zhig gnyid kyi brdol gtam smra ba na don gzhan mi shes kyang tshig gi go rim dang 'bru dang dbyangs kyi brjod pa rnams gnyid ma log pa gzhan gyis shes par nus pa dang 'dra ste/ 'di la 'du shes kyi phung bo'i sgrib g.yogs zhes bya'o/ /gal te g.yo ba'i dran pa zad cing 'du shes 'khrul ba zhi zhing dag na gsal rig gi sems rdul gyi dri ma phyis pa dang mtshungs bar 'gyur la 'khor ba'i 'khor lo gcig gi skye shi'i thog mtha' rdzogs par mthong ngo / /'di la 'du shes kyi phung po zad pa zhes bya </font><hr>566b<br><font size=+1>


ste| skye bo de nyon mongs pa'i snyigs ma las 'da' bar nus so/ /rgyu 'di la brtags na kun tu khyab cing chud pa'i yang dag pa ma yin pa'i 'du shes rtsa bar gyur ba'o/ /kun dga' bo/ rigs kyi bu dag tshor ba'i phung po mchog tu stong zhing log par rtog pa la ma thogs par brtan cing rdzogs la gsal ba'i ting nge 'dzin las sems gsal rig la sred pas snying thag pa nas 'bad cing thabs la mkhas pas 'tshol ba na de'i tshe lha'i bdud kyis glags rnyed nas de ma thag tu rdzu 'phrul gyis 'ongs shing mi de la zhugs te ngag gis mdo sde bshad kyang rang nyid la bdud zhugs pa ma tshor bar bla na med pa'i mya ngan las 'das pa thob bo/ /zhes smra zhing rigs kyi bu gang dag thabs la mkhas pa 'tshol ba'i gam du 'ongs nas stan la 'dug ste chos 'chad cing gzugs gcig la mi gnas par skabs la lar dge slong gi gzugs su sprul te skye bo de la ston/ la lar brgya byin du sprul/ la lar bud med du sprul/ la lar dge slong mar sprul/ la lar khang pa mun nag gi nang du nyal nas lus las 'od 'gyed de/ skye bo de 'khrul nas byang chub sems dpa' snyam du yid ches nas des bslab pa bzhin du byed cing lus sems bag yangs su btang ste sangs rgyas kyi 'dul khrims bshig cing lkog tu log g.yem spyod do/ /ngag tu 'jigs pa dang dge ba dang ltas bzang po dang ngan </font><hr>567a<br><font size=+1>


@#/ /pa'i gtam smra bar 'dod la skabs la lar gnas ga ge mo zhig tu de bzhin gshegs pa 'jig rten du byon to/ /zhes smra/ la lar me'i bskal pa 'byung ngo / /zhes smra/ la lar dgra'i 'jigs pa 'byung ngo / /zhes smra zhing skye bo dag skrag par byed cing nor dang yo byad sogs brlag tu 'jug go /'di la mi sdug pa'i 'dre rgas nas bdud du gyur pa zhes bya'o/ /mi de la 'tshe bar byed pa'i tshul des skyo ba'i sems skyes nas de'i lus las bral ba dang slob mar bcas pa la rgyal po'i chad pa phog par 'gyur ro| |khyed cag thog ma nas rig na 'khor bar mi 'jug la 'khrul zhing bslus pas ma rig na mnar med pa'i dmyal bar ltung ngo / /kun dga' bo/ rigs kyi bu dag tshor ba'i phung po mchog tu stong zhing lag par rtog pa la ma thogs par brtan cing rdzogs la gsal ba'i ting nge 'dzin las sems la kun tu rgyu bar 'dod cing shin tu brtson pas sna tshogs pa mthong bar 'dod pa na de'i tshe lha'i bdud kyis glags rnyed nas de ma thag tu rdzu 'phrul gyis 'ongs shing mi de la zhugs te ngag gis mdo sde bshad kyang rang nyid la bdud zhugs pa ma tshor bar bla na med pa'i mya ngan las 'das pa thob bo/ /zhes smra zhing rigs kyi bu gang dag kun tu rgyu bar 'dod pa de'i gam du 'ongs nas stan la 'dug ste chos 'chad cing </font><hr>567b<br><font size=+1>


de'i lus ma 'gyur yang de las chos gnyan pa gzhan dag glo bur du so so nas rang nyid rin po che'i pad+ma'i gdan la 'dug cing lus thams cad gser btso ma'i kha dog tu gyur pa mthong nas chos nyan pa de dag thams cad sngar ma thob pa thob bo/ /zhes mthun par smra'o/ /skye bo de dag 'khrul te 'di la byang chub sems dpa'o snyam du yid ches nas log par g.yem pa'i sems bskyed de sangs rgyas kyi 'dul khrims bshig cing lkog tu log g.yem spyod do/ /ngag tu sangs rgyas thams cad 'jig rten du byon to/ /zhes smra zhing / yul ga ge mo'i mi che ge mo ni/ sangs rgyas che ge mo'i sprul pa 'dir 'ongs ba'o/ /mi che ge mo ni/ byang chub sems dpa' che ge mo'i sprul pa ste/ 'jig rten pa'i skye bo 'dul ba'i don du 'ongs so| |zhes bya ba la sogs pa ston par byed do/ /gzhan dag gis skye bo de dag mthong ba na sems dad cing gdugs nas phyin ci log gi lta ba ma tshor bar rgyas shing yang dag pa'i ye shes 'gag cing nub par 'gyur ro/ /'di la than pa gtong ba'i 'dre rgas nas bdud du gyur pa zhes bya'o/ /mi de la 'tshe bar byed pa'i chul des skyo ba'i sems skyes nas de'i lus las bral ba dang slob mar bcas pa la rgyal po'i chad pa phog par 'gyur ro/ /khyed cag thog ma nas rig na 'khor bar mi 'jug la 'khrul zhing bslus pas ma rig na mnar </font><hr>568a<br><font size=+1>


@#/ /med pa'i dmyal bar ltung ngo / /rigs kyi bu dag tshor ba'i phung po mchog tu stong zhing log par rtog pa la ma thogs par brtan cing rdzogs la gsal ba'i ting nge 'dzin las sems rjes su mthun par gzhol bar 'dod pas shin tu 'bad cing brtson pas tshol ba na de'i tshe lha'i bdud kyis glags rnyed nas de ma thag tu rdzu 'phrul gyis 'ongs shing mi de la zhugs te ngag gis mdo sde bshad kyang rang nyid la bdud zhugs pa ma tshor bar bla na med pa'i mya ngan las 'das pa thob bo/ /zhes smra zhing rigs kyi bu gang dag rjes su mthun pa tshol ba dag gi gam du 'ongs nas stan la 'dug ste chos 'chad cing de dang chos nyan pa bo dag gi lus gzhan du mi 'gyur la/ nyan pa po dag chos ma thos gong nas rang nyid kyis de'i don shes shing skabs la lar sems 'gyur te sngon gyi gnas rjes su dran/ la lar gzhan gyi sems shes/ la lar sems can dmyal ba mthong / la lar mi'i 'jig rten gyi legs nyes shes/ la lar ngag tu tshigs su bcad pa smra/ la lar kha ton byed pa sogs su 'gyur te/ so so nas rol zhing dga' bas sngon ma thob pa thob bo/ /zhes smra'o/ /skye bo de dag 'khrul te 'di la byang chub sems dpa'o snyam du yid ches nas rjes su mthun par 'dod de sangs rgyas kyi 'dul </font><hr>568b<br><font size=+1>


khrims bshig cing lkog tu log g.yem spyod do/ /ngag tu 'di ltar smra bar 'dod de/ sangs rgyas la che chung gi bye brag yod ces pa dang / sangs rgyas de dang de sngon du byon sangs rgyas de dang de rjes su byon/ de la yang yang dag pa'i sangs rgyas dang bcos ma'i sangs rgyas dang / skyes pa'i sangs rgyas dang / bud med kyi sangs rgyas yod cing byang chub sems dpa' la yang de dang 'dra bar yod ces smra'o/ /mi dag gis de mthong ba dang snga ma'i sems 'gyur nas phyin ci log gi lta ba la 'jug go / 'di la rmongs byed kyi 'dre rgas nas bdud du gyur pa zhes bya'o| |mi de la 'tshe bar byed pa'i tshul des skyo ba'i sems skyes nas de'i lus las bral ba dang slob mar bcas pa la rgyal po'i chad pa phog par 'gyur ro/ /khyed cag thog ma nas rig na 'khor bar mi 'jug la 'khrul zhing bslus pas \?\ ma rig na mnar med pa'i dmyal bar ltung ngo / /rigs kyi bu dag tshor ba'i phung po mchog tu stong zhing log par rtog pa la ma thogs par brtan cing rdzogs la gsal ba'i ting nge 'dzin las sems la dngos po rnams kyi rtsa ba'i rgyu dang rang bzhin dang rnam par 'gyur ba dang thog ma dang tha ma'i mthar thug par dpyod pa'i shes rab phra zhing gsal ba bskyed de 'bad pas bye brag 'byed par 'dod pa na de'i tshe lha'i bdud kyis glags rnyed nas de ma thag tu rdzu 'phrul gyis 'ongs </font><hr>569a<br><font size=+1>


@#/ /shing mi de la zhugs te ngag gis mdo sde bshad kyang rang nyid la bdud zhugs pa ma tshor bar bla na med pa'i mya ngan las 'das pa thob bo/ /zhes smra zhing rigs kyi bu gang dag rtsa ba'i rgyu 'tshol ba dag gi gam du 'ongs nas stan la 'dug ste chos 'chad do/ /de'i lus gzi brjid can du gyur te/ tshol ba po dag dad cing 'dun par byas nas chos ma thos gong nas sems mos so/ /skye bo de dag la khyed cag gis sangs rgyas kyi mya ngan las 'das pa dang / byang chub dang / chos kyi sku zhes brjod pa de da lta'i sha'i lus 'dis pha bu rim par brgyud de skye ba nyid chos kyi sku rtag brtan ther zug tu gnas pa'o/ /zhes smra zhing / da lta'i gnas 'di dag sangs rgyas kyi zhing yin gyi 'di las gzhan du dag pa'i zhing dang mtshan bzang po dang gser gyi kha dog med do/ /zhes smra'o/ /mi de dag yid ches pas nges par bzung nas sngar gyi bsam pa de dor nas lus srog la mi blta bar gus pas bsten te sngar ma thob pa thob bo/ /zhes smra'o/ /skye bo de dag 'khrul te 'di la byang chub sems dpa'o snyam du yid ches nas sems gcig tu zhen nas sangs rgyas kyi 'dul khrims bshig cing lkog tu log g.yem spyod do/ /ngag tu mig dang / rna ba dang / sna dang / lce kun sangs rgyas kyi zhing dang / pho mo'i </font><hr>569b<br><font size=+1>


dbang po gnyis byang chub dang / mya ngan las 'das pa'i yang dag pa'i gnas yin no/ /zhes smras pa dang / shes rab med pa de dag tshig ngan pa de la yid ches par byed do/ / 'di la srog chags gdug pa'i 'dre rgas nas bdud du gyur pa zhes bya'o/ /mi de la 'tshe bar byed pa'i tshul des skyo ba'i sems skyes nas de'i lus dang bral ba na slob mar bcas pa la rgyal po'i chad pa phog par 'gyur ro/ /khyed cag thog ma nas rig na 'khor bar mi 'jug la 'khrul zhing bslus pas ma rig na mnar med pa'i dmyal bar ltung ngo / /yang rigs kyi bu dag tshor ba'i phung po mchog tu stong zhing log par rtog pa la ma thogs par brtan cing rdzogs la gsal ba'i ting nge 'dzin las lhag pa'i lha'i byin rlabs 'byung bar 'dod pas sgo sna tshogs nas brtson zhing nang nas bskul bar 'dod pa na de'i tshe lha'i bdud kyis glags rnyed nas de ma thag tu rdzu 'phrul gyis 'ongs shing mi de la zhugs te ngag gis mdo sde bshad kyang rang nyid la bdud zhugs pa ma tshor bar bla na med pa'i mya ngan las 'das pa thob bo/ /zhes smra zhing / rigs kyi bu gang dag byin rlabs 'dod pa dag gi gam du 'ongs nas stan la 'dug ste chos 'chad cing nyan pa po dag gis de mthong ba na lo brgya stong gi bar du 'grogs shing 'dris pa dang mtshungs par de la chags </font><hr>570a<br><font size=+1>


@#/ /te 'bral mi phong bar rang nyid bran bzhin du 'tsho ba rnam pa bzhis mchod pas ngal zhing skyo ba'i sems mi skye'o/ /de'i rjes su 'brang ba de dag so so nas 'di ni/ bdag gi sngon gyi slob dpon dge ba'i bshes gnyen no snyam du dad cing chos la sred pa'i sems khyad par ba'i dbang gis de la chags pa'i sems spyin dang 'byar rtsi brtan pa ltar mi phyed par gyur te sngon ma thob pa thob bo/ /zhes smra'o/ /skye bo de dag 'khrul te 'di la byang chub sems dpa'o snyam du yid ches nas de la brten cing bsnyen nas sangs rgyas kyi 'dul khrims bshig cing lkog tu log g.yem spyod do/ /ngag tu 'di ltar smra bar 'dod de/ bdag sngon skye ba che ge mo zhig tu mi che ge mo zhig bsgral to/ / zhes pa dang / de'i tshe de dag bdag gi chung ma chen dang phu nu dag ste/ da lta khyed cag 'dul ba'i slad du 'dir 'ongs so/ /bdag cag lhan cig par 'jig rten gyi khams ga ge mo zhig tu de bzhin gshegs pa che ge mo zhig la bsnyen bkur byed do/ /zhes smra'o/ /yang 'di ltar smra ste 'od chen po zhes bya ba'i lha'i gnas gcig logs su yod de/ de ni| de bzhin gshegs pa thams cad bzhugs pa'i gnas so/ /zhes smras pa la blo dman pa dag de'i rdzun gyi tshig la yid ches nas sngar gyi bsam pa de dor ro/ /'di </font><hr>570b<br><font size=+1>


la rims gtong ba'i 'dre rgas nas bdud du gyur pa zhes bya'o/ /mi de la 'tshe bar byed pa'i tshul des skyo ba'i sems skyes nas de'i lus las bral ba dang slob mar bcas pa la rgyal po'i chad pa phog par 'gyur ro/ /khyed cag thog ma nas rig na 'khor bar mi 'jug la 'khrul zhing bslus pas ma rig na mnar med pa'i dmyal bar ltung ngo / /yang rigs kyi bu dag tshor ba'i phung po mchog tu stong zhing log par rtog pa la ma thogs par brtan cing rdzogs la gsal ba'i ting nge 'dzin las sems zab mdo la 'jug par 'dod de dka' thub kyis dben zhing zhi ba la mi g.yo bar gnas pa la sred pas mi g.yo ba'i bde ba tshol ba na de'i tshe lha'i bdud kyis glags rnyed nas de ma thag tu rdzu 'phrul gyis 'ongs shing mi de la zhugs te ngag gis mdo sde bshad kyang rang nyid la bdud zhugs pa ma tshor bar bla na med pa'i mya ngan las 'das pa thob bo/ /zhes smra zhing / rigs kyi bu gang dag dben pa 'dod pa dag gi gam du 'ongs nas stan la 'dug ste chos 'chad cing nyan pa po de dag rang rang gi sngon gyi byung ba shes par 'gyur zhing / yang 'ga' zhig tu mi la la dag la khyed da lta ma shi bar dud 'gro'i lus su gyur to zhes smra zhing / yang gzhan gcig la khyod song la de'i mjug ma rdzis shig ces smra zhing des kyang de ltar byas pas mi </font><hr>571a<br><font size=+1>


@#/ /de ldang bar ma nus te/ 'khor gyi skye bo thams cad kyang shin tu dad cing mos par 'gyur ro/ /skye bo la la dag la sems kyi rtog pa skyes pa na de yang shes par nus so/ /sangs rgyas kyi 'dul khrims las nyis 'gyur gyi khrims bcas nas dka' thub bskyed de/ rgyu des dge slong rnams la skur ba 'debs shing rab tu byung ba dag la kha zer/ skye bo dag la klan ka tshol zhing ngo tsha dang khrel med par spyod/ ngag tu ma 'ongs pa'i legs nyes lung ston zhing ji ltar smras pa bzhin dus la bab pa na cung zad tsam yang mi 'khrul bar 'byung ngo 'di la 'dre stobs po che rgas nas bdud du gyur pa zhes bya'o/ /mi de la 'tshe bar byed pa'i tshul des skyo ba'i sems skyes nas de'i lus las bral ba dang slob mar bcas pa la rgyal po'i chad pa phog par 'gyur ro/ /khyed cag thog ma nas rig na 'khor bar mi 'jug la 'khrul zhing bslus pas ma rig na mnar med pa'i dmyal bar ltung ngo / /yang rigs kyi bu dag tshor ba'i phung po mchog tu stong zhing log par rtog pa la ma thogs par brtan cing rdzogs la bsal ba'i ting nge 'dzin las sems la mngon par shes pa 'dod pas brtul zhugs la brtson zhing sngon gyi gnas rjes su dran pa tshol ba na de'i tshe lha'i bdud kyis glags </font><hr>571b<br><font size=+1>


rnyed nas de ma thag tu rdzu 'phrul gyis 'ongs shing mi de la zhugs te ngag gis mdo sde bshad kyang rang nyid la bdud zhugs pa ma tshor bar bla na med pa'i mya ngan las 'das pa thob bo// zhes smra zhing rigs kyi bu gang dag mngon par shes pa tshol ba dag gi gam du 'ongs nas stan la 'dug ste chos 'chad cing / chos 'chad pa'i gam du rgyus med par nor bu rin po che rnyed par gyur la bdud de skabs la lar dud 'gro'i lus su sprul te nor bu de dang / nor bu sna tshogs pa dang / gzhan yang yi ge glegs bu dang / smyu gu la sogs pa ya mtshan pa'i dngos po sna tshogs pa khas bzung ste skye bo dag la byin nas phyis bdud de skye bo de'i lus la gzhug go /la lar nyan pa po dag bslu bar 'dod pas nor bu rin po che dag sa'i 'og tu sbas te des bstan pa na zla 'od lta bu'i snang ba skye bo de dag gis mthong ste sngar ma mthong ba mthong ngo / /zhes smra'o/ /sman dang rtswa sna tshogs pa za zhing kha zas bzang po mi za'o/ /la lar til 'bru gcig tsam dang / nas 'bru gcig tsam re zos kyang bdud kyi mthus de'i lus kyi sha rgyas shing stobs dang ldan par 'gyur ro/ / bdud des dge slong la skur ba 'debs shing rab tu byung ba la kha zer nas ngo tsha dang khrel med par spyod do/ /ngag tu 'di ltar smra bar 'dod de/ yul khams gzhan gyi rin po </font><hr>572a<br><font size=+1>


@#/ /che'i gter dang / phyogs bcu'i 'jig rten dag na 'phags pa rnams sbas pa'i tshul du yod pa dag smra'o/ /de'i rjes su 'brang ba'i skye bo ya mtshan pa dag gzhan gyis mthong bar 'gyur ro/ /'di la ri dang / nags tshal dang / sa'i lha dang / mkhar gyi lha dang / gshin rje'i rigs kyi 'dre dag rgas nas bdud du gyur pa zhes bya'o/ /la lar rang nyid log g.yem spyod de sangs rgyas kyi 'dul khrims bshig cing skye bo gzhan dag kyang de'i rjes su 'brangs nas lkog tu 'dod pa'i yon tan lnga la spyod do/ /la lar brtson 'grus rtsom zhing rtswa dang shing za la/ gcig tu ma nges pa'i las dag byed do/ /mi de la 'tshe bar byed pa'i tshul des skyo ba'i sems skyes nas de'i lus las bral ba dang slob mar bcas pa la rgyal po'i chad pa phog par 'gyur ro/ /khyed cag thog ma nas rig na 'khor bar mi 'jug la 'khrul zhing bslus pas ma rig na mnar med pa'i dmyal bar ltung ngo / /yang rigs kyi bu dag tshor ba'i phung po mchog tu stong zhing log par rtog pa la ma thogs par brtan cing rdzogs la gsal ba'i ting nge 'dzin las sems la rdzu 'phrul gyis sprul bsgyur sna tshogs byed par 'dod nas 'bad pa chen pos rdzu 'phrul gyi rgyu gang </font><hr>572b<br><font size=+1>


las 'byung ba tshol zhing rdzu 'phrul gyi mthu 'dod pa na de'i tshe lha'i bdud kyis glags rnyed nas de ma thag tu rdzu 'phrul gyis 'ongs shing mi de la zhugs te ngag gis mdo sde bshad kyang rang nyid la bdud zhugs pa ma tshor bar bla na med pa'i mya ngan las 'das pa thob bo/ /zhes smra zhing / rigs kyi bu gang dag rdzu 'phrul 'dod pa dag gi gam du 'ongs nas stan la 'dug ste chos 'chad cing mi des lag tu me 'bar ba bzung ste cha mang por bgos nas chos nyan pa po 'khor rnam bzhi'i mgo la bzhag cing / nyan pa po de dag gi mgor bzhag pa'i me lce 'dom gang tsam du 'bar yang tsha ba'i rang bzhin yang med sreg par yang mi byed do/ /skabs la lar chu'i steng du sa bde ba la 'gro ba bzhin du 'gro /la lar par snang la mi g.yo bar bde bar 'dug /la lar ril pa'i nang du 'jug cing snod chung ngu'i nang du yang 'dug go /skar khung gi dra mig dang rtsig pa la yang thogs pa med par 'gro ste/ mtshon cha dang dmag la ni/ rang dbang ma thob bo/ /rang nyid sangs rgyas su khas 'che zhing gos dkar po gyon nas dge slong gi phyag dang du len/ bsam gtan dang tshul khrims la skur ba 'debs/ rab tu byung ba dag la kha zer/ skye bo dag la klan ka tshol zhing ngo tsha dang khrel med par spyod do/ /ngag </font><hr>573a<br><font size=+1>


@#/ /tu rdzu 'phrul la dbang thob par smra zhing la lar skye bo dag logs shig tu sangs rgyas kyi zhing mthong bar byed de/ de dag ni/ bdud kyis byin gyis brlabs pa yin gyi yang dag pa ma yin no/ /des log par g.yem pa la bsngags par byed cing sdig pa chen po la mi 'dzem/ ngo tsha dang bral ba'i tshig la chos kyi gtam mo/ /zhes zer te/ 'di la nam mkha' dang sa'i lha mthu bo che dang / ri'i lha dang / mtsho'i lha dang / rlung gi lha dang / chu klung gi lha dang / sa'i lha dang / rtswa shing gi lha bskal pa'i thog ma nas yod pa rnams dang / yang na klu bdud dang drang srong tshe zad nas bdud du gyur pa dang / yang drang srong tshe zad nas 'chi ba la thug pa lus ma brjes par 'dre gzhan de'i lus la zhugs te rgas nas bdud du gyur pa zhes bya'o/ /mi de la 'tshe bar byed pa'i tshul des skyo ba'i sems skyes nas de'i lus las bral ba dang slob mar bcas pa la rgyal po'i chad pa phog par 'gyur ro/ /khyed cag thog ma nas rig na 'khor bar mi 'jug la 'khrul zhing bslus pas ma rig na mnar med pa'i dmyal bar ltung ngo / /yang rigs kyi bu dag tshor ba'i phung po mchog tu stong zhing log par rtog pa la ma thogs par brtan cing rdzogs </font><hr>573b<br><font size=+1>


la gsal ba'i ting nge 'dzin las 'gog pa la 'jug par 'dod cing yun ring du brtson pas sprul bsgyur gyi rang bzhin la stong pa zab mo tshol ba na de'i tshe lha'i bdud kyis glags rnyed nas de ma thag tu rdzu 'phrul gyis 'ongs shing mi de la zhugs te ngag gis mdo sde bshad kyang rang nyid la bdud zhugs pa ma tshor bar bla na med pa'i mya ngan las 'das pa thob bo/ /zhes smra zhing rigs kyi bu gang dag stong pa tshol ba dag gi gam du 'ongs nas stan la 'dug ste chos 'chad cing 'khor gyi nang du rang nyid kyi lus glo bur du mi snang bar gyur te 'khor gyis mi mthong zhing / stong pa de'i nang nas thol gyis byung ste/ 'byung ba dang nub par byed pa la dbang thob bo/ /la lar lus shin tu dwangs pa baiDUR+Ya ltar ston/ rkang lag brkyang bskum tsam gyis tsan+dan gyi dri 'byin/ la lar bshang gci yang ro sbrang rtsi ltar ston/ rgyu des 'dul khrims la skur ba 'debs/ rab tu byung ba la brnyas shing smod/ rtag par ngag tu rgyu dang 'bras bu med/ lan gcig shi nas slar gtan du mi skye/ 'phags pa dang so so skye bo med ces smra la/ stong pa mngon du gyur kyang lkog tu log g.yem spyod do/ /zhes smra'o/ /de dag 'dod pa dang du blangs te stong pa'i sems thob nas rgyu dang 'bras bu med ces smra'o/ /'di la nyi zla gza' 'dzin gyi </font><hr>574a<br><font size=+1>


@#/ /zer dang / gser dang / shel dang / bkra shis kyi rtswa dang / gyi ling dang / mkha' lding dang / rus sbal dang / khrung khrung dang / gzhan yang lo stong dang khri lon nas mi 'chi bar mi ma yin du gyur cing yul khams su 'byung ste rgas nas bdud du gyur pa zhes bya'o/ /mi de la 'tshe bar byed pa'i tshul des skyo ba'i sems skyes nas de'i lus las bral ba dang slob mar bcas pa la rgyal po'i chad pa phog par 'gyur ro/ /khyed cag thog ma nas rig na 'khor bar mi 'jug la 'khrul zhing bslus pas ma rig na mnar med pa'i dmyal bar ltung ngo / /yang rigs kyi bu dag tshor ba'i phung po mchog tu stong zhing log par rtog pa la ma thogs par brtan cing rdzogs la gsal ba'i ting nge 'dzin las sems la tshe ring bar 'dod pa'i dbang gis lus ngal ba khyad du bsad nas yun ring du 'tsho ba'i thabs tshol zhing las kyi dbang gis skye 'chi dor nas rang dbang gis skye 'chi nus pa'i gzugs phra mos ring du gnas par 'dod pa na de'i tshe lha'i bdud kyis glags rnyed nas de ma thag tu rdzu 'phrul gyis 'ongs shing mi de la zhugs te ngag gis mdo sde bshad kyang rang nyid la bdud zhugs pa ma tshor bar bla na med pa'i mya ngan las 'das pa thob bo/ /zhes smra zhing / rigs kyi </font><hr>574b<br><font size=+1>


bu gang dag ring du 'tsho bar 'dod pa dag gi gam du 'ongs nas stan la 'dug ste chos 'chad cing 'di skad smra ste/ rtag par yul gzhan du thogs pa med par 'gro'o/ /zhes smra zhing / la lar dpag tshad khri'i bar du phyin te dbugs 'byung 'jug tsam du slar 'khor ba na yul de nas yo byad blangs nas 'ongs so/ /la lar khyim gcig na rang dang lhan cig tu 'dug pa dag la khyim de'i shar gyi rtsig drung nas nub kyi rtseg drung gi bar gom pa 'ga' tsam gyi sa la yang lo du mar bgrod kyang mi sleb par byed do/ /des de dag yid ches shing dad nas de nyid sangs rgyas dngos su byon pa'o snyam du sems so/ /yang de'i ngag tu phyogs bcu'i sems can thams cad nga'i bu yin/ bdag las sangs rgyas thams cad skyes/ nga ye nas sangs rgyas 'jig rten du byon pa yin gyi 'jig rten las 'da' ba la lam bsgom pa la brten nas 'byung ba ma yin no/ /zhes zer te| 'di la 'jig rten la gnas pa'i rang dbang can gyi lha'i bdud ces bya'o/ /de'i 'khor du tsa muN+Di dang / rgyal po chen po bzhi dang / sha za'i bu byang chub kyi sems bskyed pa dang / ting nge 'dzin dang bral ba dag la bskul te de dag gi gzi brjid dang mdangs 'phrog par byed do/ /la lar rang nyid slob dpon la ma brten par lam bsgoms </font><hr>575a<br><font size=+1>


@#/ /shing nga ni/ rdo rje 'chang yin zhes bkur du bcug cing / khyod la tshe ring bar bya'o/ /zhes smras te bu mo mdzes mar sprul nas de dang log par g.yem pa shin tu spyod pas ring po ma lon par de'i klad pa dang mchin pa yang skem par byed do/ /rang gcig pu zla med par smra bar byed la gzhan gyis nyan pa na 'dres brlams pa dang 'dra bar 'gyur te/ gzhan gyi sems 'gyur zhing gzhan dag la gnod pa byas pas rgyal po'i chad pa 'byung ngo / /chad pa ma byung yang byung ba dang 'dra bar lus bskams te 'chi'o/ /de lta bu'i skye bo de rmongs shing myos te srog chad pa la thug go /khyed cag thog ma nas rig na 'khor bar mi 'jug la 'khrul zhing bslus pas ma rig na mnar med pa'i dmyal bar ltung ngo / /kun dga' bo/ khyod shes par gyis shig /bdud rnam pa bcu po 'di ni/ snyigs ma'i dus su nga'i gsung rab la rab tu byung ste lam sgrub pa'i skye bo dag gi sems la 'jug par byed la/ res 'ga' ni/ rang gi lus mngon par bstan te bdag ring po nas yang dag par rdzogs pa'i sangs rgyas so/ /zhes smra zhing log g.yem gyi spyod pa bsngags par byed la sangs rgyas kyi 'dul khrims bshig ste/ bdud sdig can slob mar bcas pas log </font><hr>575b<br><font size=+1>


par g.yem pa gcig nas gcig tu 'phel bar byed do/ /'di lta bu'i phyin ci log gi gdon de dag gis sems rmongs su bcug nas nye na tshe rabs dgu /ring na tshe rabs brgya'i bar du de ltar spyod cing bdud kyi gnyen du 'gyur ro/ /tshe 'phos nas bdud kyi ris su 'gyur la de nas kyang rdzogs pa'i sangs rgyas kyi lam dor nas mnar med pa'i sems can dmyal bar ltung ngo / /khyod rnam par grol ba thob kyang 'gog pa la lam 'jug par sngon gyi smon lam mi gtang bar bstan pa'i tha ma la snying rje chen po bskyed de yang dag pa'i sems kyis bltas pas sems can rnams skyob cing grol bar byas te bdud kyis mi tshugs par yang dag pa'i don thob par gyis shig /ngas khyed cag skye shi las thar par byas pas khyed cag sangs rgyas kyi bka' bzhin byed na/ de ni/ sangs rgyas kyi bka' drin bsab pa zhes bya'o/ /kun dga' bo/ rnam pa bcu po 'di ting nge 'dzin la snang ba'i yul te| 'di kun 'du shes kyi phung po la sems sbyangs pa 'khrul ba las 'di 'dra bar gyur te/ sems can rmongs pa rnams rang gi drod ma zin pas rgyu rkyen 'di lta bu dang 'phrad nas 'khrul pa la rang nyid kyis ma shes par bdag 'phags pa'o/ /zhes rdzun chen po smras te mnar med pa'i dmyal bar ltung ngo / /khyed cag ngas bstan pa 'di la brten nas nga mya </font><hr>576a<br><font size=+1>


@#/ /ngan las 'das pa'i 'og tu snyigs ma'i dus su ngas bstan pa'i don 'di dag rgyas par shod cig /gsal bar ston cig /lha'i bu'i bdud kyis skabs mi rnyed par skyong ba dang srung zhing skyob na bla na med pa'i lam thob par 'gyur ro/ /de bzhin gshegs pa'i gsang ba sgrub pa'i don mngon par thob pa'i rgyu/ byang chub sems dpa' thams cad kyi spyod pa rgya mtsho ston pa/ sangs rgyas kyi gtsug tor dpa' bar 'gro ba zhes bya ba theg pa chen po'i mdo/ bam po bcu pa/ kun dga' bo/ rigs kyi bu gang dag ting nge 'dzin la mnyam par bzhag pas 'du shes kyi phung po zad pa na skye bo de rgyun du rmi lam dang 'du shes 'gags nas sad pa dang gnyid log pa 'dra zhing gsal rig dben zhing dwangs pa ni/ nam mkha' dwangs pa dang 'dra'o/ /yang mdun gyi yul gyi rnam pa dang rags pa dang thogs pa med la/ 'di la 'jig rten gyi sa chen po dang ri dang chu klung dag la bltas pa na me long gi nang du gzugs brnyan shar ba bzhin 'ongs pa na gos pa med cing song ba na rjes med/ rdzun pa'i snang ba tsam las sngon gyi bag chags zad de rnam par dag pa'i rang bzhin kho na lus so/ /'di nas skye 'gag gi rtsa ba mngon par rig par 'gyur zhing / phyogs bcu'i </font><hr>576b<br><font size=+1>


rigs bcu gnyis kyi sems can gyi rigs kyi rtsa ba shes par 'gyur ro/ /so so'i skye ba'i rgyu ma mthong yang mtshungs par skye ba'i rtsa ba'i rgyu ni/ smig rgyu g.yo ba dang 'dra ste/ gsob tu gyur pa'i dbang po dang yul gyi mthar thug pa'i gnad kyis gnas shes so/ /'di la 'du byed kyi phung po'i sgrib g.yogs zhes bya'o/ /gal te smig rgyu dang 'dra bar g.yo ba de rang gi rang bzhin la zhugs te sngon gyi bag chags zad pa na rlabs dang bral ba'i chu dang bar 'gyur ba dang 'dra ste/ 'di la 'du byed kyi phung po zad pa zhes bya'o/ / skye bo de sems can snyigs ma las 'da' bar nus so/ /rgyu 'di la brtag na dben zhing mi mngon pa rdzun pa'i 'du shes rtsa bar gyur pa'o/ /kun dga' bo/ shes par gyis shig / yang dag pa'i shes rab thob ste lhag mthong gi ting nge 'dzin la snyoms par 'jug pa'i rigs kyi bu dag yang dag pa'i don la sems gsal zhing mi g.yo bar gyur pas lha'i bdud rigs bcu pos glags mi rnyed la/ gdod rang rang gi rigs kyi rtsa ba phra zhing mthar thug par dpyad de shes par nus so/ /yang so so'i rigs kyi rgyu'i rtsa ba mngon du gyur kyang de la khad kyis g.yo ba'i rgyu la dpyad pa na rtswa ba'i rgyu las gal te rnam par rtog pa skyes na skye bo de rgyu med pa'i lta ba gnyis su ltung ngo / /de la dang po ni/ rtsa ba'i rgyu med </font><hr>577a<br><font size=+1>


@#/ /par mthong ste/ de'i phyir zhe na/ skye bo de skye ba'i rtsa ba mthong ba na mig gi dbang po yon tan brgyad brgya dang ldan pa'i mthu la brten nas bskal pa brgyad khri tshun chad kyi sems can rnams skye shi rim par brgyud de 'khor bar 'khor ba mthong ngo / /sems can rnams 'khor bar 'khor ba'i gnas bskal pa brgyad khri phan chad mi snang ba'i rtog pa skyes nas phyogs bcu'i 'jig rten gyi sems can rnams bskal pa brgyad khri tshun gyi 'di dag rgyu med par rang bzhin gyis yod snyam du rtogs so/ /de ltar rtogs pas yang dag pa'i lta ba stor nas mu stegs kyi lta bar ltung ste byang chub kyi ngo bo nyid la 'khrul lo/ /gnyis pa ni/ da lta'i rgyu med par mthong ste/ ci'i phyir zhe na/ skye bo de skye ba'i rtsa ba mthong ba na mi nas mir skye ba dang / bya nas byar skye bar shes/ bya rog ni/ gzhi nas nag /gzhad ni/ gzhi nas dkar/ mi dang lha ni/ gzhi nas 'greng / dud 'gro ni/ gzhi nas dud/ dkar po ni/ bkrus pa ma yin/ nag po ni/ kha bsgyur ba ma yin te/ bskal pa brgyad khri'i bar du yang gzhan du 'gyur ba med do/ /da lta'i lus 'di phyi ma'i mtha'i bar du yang 'di kho na bzhin la/ ngas gzhi nas byang chub ces bya ba ma mthong na/ ji ltar byang </font><hr>577b<br><font size=+1>


chub sgrub pa'i bya ba yod/ 'di la da lta'i dngos po sna tshogs pa'i rnam pa gzhi nas rgyu med par shes par gyis shig ces smra'o/ /de ltar rtog pas yang dag pa'i lta ba stor nas mu stegs kyi lta bar ltung ste byang chub kyi ngo bo nyid la 'khrul lo/ /'di la dang po rgyu med par smra ba'i grub mtha' 'dzin pa'i mu stegs can zhes bya'o/ /kun dga' bo/ ting nge 'dzin de la gnas pa'i rigs kyi bu dag yang dag pa'i don la sems gsal zhing mi g.yo bar gyur pas lha'i bdud rigs bcu pos glags mi rnyed la/ gdod rang rang gi rigs kyi rtsa ba phra zhing mthar thug par dpyad de/ gal te kun tu rtag pa'i don la rnam par rtog pa'i sems skyes na skye bo de kun tu rtag par lta ba bzhir ltung ngo / /de la dang po ni| sems dang yul gnyis rang bzhin la dpyad nas gnyis ka la rgyu gtan nas ma rnyed pas bsgom zhing sbyang bzhin du bskal pa nyi khri'i nang gi phyogs bcu'i sems can rnams skye 'gag rgyun mi 'chad par 'khor te rang bzhin de las 'da' ba med par mthong nas 'di ni/ rtag pa'o snyam du sems so/ /gnyis pa ni/ skye bo de 'byung ba chen po bzhi'i rtsa ba'i rgyu la dpyad de khams bzhi'i rang bzhin rtag par gnas so snyam du rtogs nas bsgom zhing sbyang bzhin du bskal pa bzhi khri'i nang gi phyogs bcu'i sems </font><hr>578a<br><font size=+1>


@#/ /can rnams kyi skye 'gag rtag par gnas te rang bzhin de las 'da' ba med par mthong nas 'di ni/ rtag pa'o snyam du sems so/ /gsum pa ni/ skye bo de skye mched drug dang / nyon yid dang / kun gzhi sogs dang / sems dang yid kyi rnam par shes pa'i rtsa ba'i rgyu'i mthar thug par dpyad de rang bzhin rtag pa'o snyam du bsam nas bsgom zhing sbyang bzhin du bskal pa brgyad khri'i nang gi phyogs bcu'i sems can rnams 'khor bar 'khor yang gdod ma nas rtag par gnas pa'i rang bzhin mi 'gyur bar mthong zhing de la dpyad nas rtag pa'o snyam du sems so/ /bzhi pa ni/ skye bo de 'du shes skye ba'i rgyun 'gag pa'i rjes su slar yang rgyun 'dug pa dang / gnas pa dang / 'khor ba'i gnas med la/ skye ba dang / 'gag pa'i 'du shes gcig tu 'gag pa'i phyir rang skye zhing 'gag pa med par rigs so snyam du sgro btags nas rtag pa'o snyam du sems so/ /de ltar rtag par 'dzin pas yang dag pa'i lta ba stor nas mu stegs kyi lta bar ltung ste byang chub kyi ngo bo nyid la 'khrul lo| |'di la gnyis pa kun tu rtag par smra ba'i grub mtha' 'dzin pa'i mu stegs can zhes bya'o/ /ting nge 'dzin de la gnas pa'i rigs kyi bu dag yang dag pa'i don la </font><hr>578b<br><font size=+1>


sems gsal zhing mi g.yo bar gyur bas bdud kyis glags mi rnyed la/ skye ba'i rigs kyi rtsa ba phra zhing mthar thug par dpyad de rtag pa dang mi rtag pa'i rtog pa khad kyis skyes nas bdag dang gzhan du sgro 'dogs pa na skye bo de phyin ci log bzhi'i nang du lhung nas kha cig ni/ rtag /kha cig ni/ mi rtag par lta ba'i lta bar ltung ngo / /de la dang po ni/ skye bo de rmad du byung ba'i gsal rig phyogs bcu'i 'jig rten gyi khams su khyab par mthong nas de'i mthar thug pa na rang nyid 'phags pa'o snyam du bsam nas lus 'di nyid kyis phyogs bcur khyab cing rnam par mi g.yo la/ sems can thams cad nga'i sems kyi nang du rang skye zhing rang 'chi bar snang ngo snyam nas rang gi sems kyi rang bzhin ni/ rtag pa yin la/ gzhan skye ba dang / 'gag pa ni/ mi rtag pa'o/ /zhes smra'o/ /gnyis pa ni/ skye bo de rang gi sems la mi blta bar phyogs bcu'i gang+gA'i klung gi bye ma snyed kyi 'jig rten gyi khams thams cad la dpyad pa na mthar bskal \?\ pas 'jig pa'i gnas su mthong nas sna tshogs pa'i rang bzhin gyi mi rtag pa'o/ /zhes smra la/ mthar bskal pas mi 'jig pa de ni| rtag pa'o/ /zhes smra'o/ /gsum pa ni/ skye bo de rang gi sems cha shas su phye ste dpyad pa na shin tu phra zhing lkog tu gyur pa rdul phra rab lta bur phyogs bcu kun tu 'gro yang </font><hr>579a<br><font size=+1>


@#/ /rang bzhin 'gyur ba med la/ lus 'di skyed par yang byed/ 'jig par yang byed cing de'i 'jig pa med pa'i rang bzhin ni/ nga'i rang bzhin yin la/ skye 'chi thams cad nga las byung zhing mi rtag pa'i rang bzhin no/ /zhes smra'o/ /bzhi pa ni/ skye bo de 'du shes kyi phung po zad par ni/ shes/ 'du byed kyi phung po'i rgyun 'jug par ni/ mthong ste/ 'du byed kyi phung po rgyun du 'jug pas rtag pa'i rang bzhin no snyam du rtogs la/ gzugs dang tshor ba dang 'du shes la sogs pa ni| gcig tu 'gag zin pas mi rtag go /zhes rtogs te/ kha cig ni/ rtag pa dang / kha cig ni/ mi rtag pa'o snyam du sems pas mu stegs can gyi lta bar lhung nas byang chub kyi ngo bo nyid la 'khrul lo/ /'di la gsum pa rtag par lta ba'i mu stegs can zhes bya'o/ /yang ting nge 'dzin de la gnas pa'i rigs kyi bu dag yang dag pa'i don la sems gsal zhing mi g.yo bar gyur pas bdud kyis glags mi rnyed la skye ba'i rigs kyi rtsa ba'i mthar thug par dpyad de rtag pa dang mi rtag pa'i rtog pa khad kyis skyes nas rang gi cha shas la rtog cing dmigs pa na skye bo de bdag tu lta ba bzhir ltung ngo / /de la dang po ni/ skye bo de'i sems la skye ba'i rtsa ba'i rgyu </font><hr>579b<br><font size=+1>


kun tu 'khor zhing rgyun 'jug pa gcig tu mi sdod par sems pas 'das pa dang ma 'ongs pa'i mtha' yod la/ rim par 'thud pa'i sems kyi rgyun la mtha' med do snyam du sems so| |gnyis pa ni/ skye bo de brtags pa na bskal pa brgyad khri'i nang gi sems can rnams mthong la bskal pa brgyad khri phan chad ni/ mthong ba dang thos pa'i gnas med pas de lta bu ni/ mtha' dang bral ba yin la/ sems can yod pa'i gnas ni/ mtha' yod pa'o snyam du sems so/ /gsum pa ni/ skye bo de 'di snyam du bdag gis thams cad shes pa'i tshul la brtags pa na mtha' dang bral ba'i rang bzhin khong du chud par snang ngo / /sna tshogs pa'i sems can sems kyis gsal bar mthong ngo / /bdag las gzhan sems can de dag la rang bzhin mthong ba'i sems yod par mi shes so snyam du bsam pas de dag gi mtha' dang bral ba'i sems thob par mi 'gyur la/ mtha' yod pa'i rang bzhin nyid yod do snyam du sems so/ /bzhi pa ni/ skye bo de 'du byed kyi phung po'i stong pa la dpyad nas rang gi sems shes pa'i dbang gis sems can thams cad kyi sems la dpags shing brtags nas de dag las 'ga' zhig ni/ skye ba dang / 'ga' zhig ni/ 'chi'o snyam ste 'jig rten thams cad las phyed ni/ mtha' yod/ </font><hr>580a<br><font size=+1>


@#/ /phyed ni/ mtha' med la/ 'di ltar mtha' yod pa dang / mtha' med pa las brtags pas mu stegs kyi lta bar lhung nas byang chub kyi ngo bo nyid la 'khrul lo/ /'di la bzhi pa mtha' yod par lta ba'i mu stegs can zhes bya'o/ /yang ting nge 'dzin de la gnas pa'i rigs kyi bu dag yang dag pa'i don la sems gsal zhing mi g.yo bar gyur pas bdud kyis glags mi rnyed la skye ba'i rigs kyi rtsa ba mthar thug par dpyad de rtag pa dang mi rtag pa'i rtog pa bags kyis skyes nas 'du shes kyi mthong ba'i nang nas rtog pa skyes te skye bo de phyin ci log bzhis gcig tu ma nges par sna tshogs su smra ba'i rdzun pa'i lta ba'i ltung ngo / /de la dang po ni/ skye bo de sems 'gyur ba'i rgyu la brtag pa na 'pho zhing 'gyur bar mthong ba ni/ mi rtag pa zhes bya la/ rgyun mi 'chad par mthong ba ni/ rtag pa zhes bya zhing / gang mthong bar bya ba ni/ skye ba zhes bya/ gang mi mthong ba ni/ 'gag pa zhes bya ste/ rim par 'thud pa'i rgyu'i rang bzhin mi 'chad pa ni/ 'phel ba zhes bya/ rim par brgyud pa las 'brel ba'i dngos po bral ba ni/ 'grib pa zhes bya/ so sor skye ba ni/ yod pa zhes bya/ so sor 'chi ba ni/ med pa zhes bya'o/ /gnas lugs ltar kun tu brtags pa na lta ba </font><hr>580b<br><font size=+1>


gzhan mthong zhing chos tshol ba po dag gis de'i don dris pa na lan du nga da lta skye ba yang yin/ 'gag pa yang yin/ yod pa yang yin/ med pa yang yin/ 'phel ba yang yin/ 'grib pa yang yin zhes 'khrul ba'i tshig ma nges par smra ste/ dri ba po'i sngar yid la nges pa'i tshig don stor bar byed do/ /gnyis pa ni/ skye po de sems la brtags pa na gang yod pa'i gnas ma rnyed pas med par rtogs nas gzhan gyis dris pa na lan du ci yang med do/ /zhes lan gcig pu smra la med ces bya ba'i tshig ma gtogs pa gzhan mi smra'o/ /gsum pa ni/ skye bo de sems la brtags pa na gang du yang med pa'i gnas ma rnyed pas yod par rtogs nas gzhan gyis dris pa na lan du yod do/ / zhes lan gcig pu smra la/ yod ces bya ba'i tshig ma gtogs pa gzhan mi smra'o/ /bzhi pa ni/ skye bo de yod pa dang med pa gnyis kar mthong nas de gnyis phan tshun 'gal bas de'i sems 'khrul nas dri ba po dag la lan du yod pa yang yin/ med pa yang yin/ med pa'i nang nas yod/ yod pa'i nang nas med do/ /zhes rnam pa thams cad du 'khrul pa'i tshig smra bas gzhan gyis zhib tu brgal zhing 'dri ba'i skabs mi rnyed do/ /'di ltar rtog cing sems pas kun tu 'khrul zhing rdzun smra ba'i mu stegs </font><hr>581a<br><font size=+1>


@#/ /can gyi lta bar ltung ste byang chub kyi ngo bo nyid la 'khrul lo/ /'di la lnga pa phyin ci log bzhi'i rang bzhin kun tu 'khrul zhing mi 'chi ba smra ba'i mu stegs can zhes bya'o/ /yang ting nge 'dzin de la gnas pa'i rigs kyi bu dag yang dag pa'i don la sems gsal zhing mi g.yo bar gyur pas bdud kyis glags mi rnyed la skye ba'i rigs kyi rtsa ba mthar thug par dpyad de rtag pa dang mi rtag pa'i rtog pa khad kyis skyes nas rnam rtog gi rgyun zad pa med par skye zhing / shi ba'i 'og tu gzugs yod ces phyin ci log gi rtog pa 'khrul bas res 'ga' rang gi lus rtag par bzung nas gzugs nga'o snyam du sems so/ /res 'ga' rang nyid kyis thams cad la khyab par mthong nas nga la gzugs yod snyam du sems so/ /res 'ga' mdun gyi yul rnams la rang dbang du longs spyad pas nga gzugs la dbang snyam du sems so/ /res 'ga' 'du byed kyi 'brel ba rgyun ma chad pa la brten nas nga gzugs la gnas so snyam du sems so/ /'di ltar rnam par rtog cing shi pa'i 'og tu gzugs yod do/ /zhes smra'o/ /de bzhin du phung po gzhan rnams la rigs pa spos te rnam pa bcu drug yod par rtog go /'di nas yang na kun nas </font><hr>581b<br><font size=+1>


nyon mongs pa kho nar 'gyur la yang na rnam par byang ba kho nar 'gyur zhing de gnyis kyi rang bzhin gcig tu gnas kyang phan tshun du mi sgrib bo zhes smra'o/ /'di ltar shi ba'i 'og tu gzugs yod do/ /zhes rnam par rtog pas mu stegs kyi lta bar ltung ste byang chub kyi ngo bo nyid la 'khrul lo/ /'di la drug pa phung po lnga'i nang nas shi ba'i 'og tu gzugs yod do/ /zhes phyin ci log tu smra ba'i mu stegs can zhes bya'o/ /yang ting nge 'dzin de la gnas pa'i rigs kyi bu dag yang dag pa'i don la sems gsal zhing mi g.yo bar gyur pas bdud kyis glags mi rnyed la skye ba'i rigs kyi rtsa ba'i mthar thug par dpyad de rtag pa dang mi rtag pa'i rtog pa khad kyis skyes nas sngar gzugs dang tshor ba dang 'du shes rnams 'gag pa las rnam par rtog pa skyes pas skye bo de shi ba'i 'og tu gzugs med ces phyin ci log gi sems skye ste gzugs 'gag par mthong ba na lus kyi rten med par 'gyur ba dang / 'du shes 'gag par mthong ba na sems chags pa'i yul med ba dang / tshor ba 'gag par mthong ba na phyi ma'i 'brel ba med par 'gyur ro/ /phung po'i rang bzhin zhi zhing 'gag na skye ba tsam yod kyang tshor ba dang 'du shes med pa rtsa shing dang 'dra ste/ 'di nyid da lta thob pa med na shi ba'i 'og tu lta ga la yod/ 'di la </font><hr>582a<br><font size=+1>


@#/ /zhib tu brtag na shi ba'i 'og tu gzugs med ces smra'o/ /'di bzhin du rigs pa spos te dpyad na gzugs med pa rnam pa brgyad yod do snyam du sems so/ /'di nas brtsams te mya ngan las 'das pa dang / rgyu dang / 'bras bu thams cad stong par mthong zhing ming tsam du zad kyi/ ye nas chad pa'o/ /zhes smra'o// 'di ltar shi ba'i 'og tu gzugs med do/ /zhes rtog pas mu stegs kyi lta bar ltung ste byang chub kyi ngo bo nyid la 'khrul lo/ /'di la bdun pa phung po lnga'i nang nas shi ba'i 'og tu gzugs med do/ /zhes phyin ci log tu smra ba'i mu stegs can zhes bya'o/ /yang ting nge 'dzin de la gnas pa'i rigs kyi bu dag yang dag pa'i don la sems gsal zhing mi g.yo bar gyur pas bdud kyis glags mi rnyed la/ skye ba'i rigs kyi rtsa ba mthar thug par dpyad de rtag pa dang mi rtag pa'i rtog pa khad kyis skyes nas 'du byed gnas shing yod pa'i tshe tshor ba dang 'du shes gnyis 'gag ste med pas yod pa dang med pa de gnyis ka la brtag ste so sor 'jig par mthong la/ skye po de shi ba'i 'og tu thams cad med ces phyin ci log gi lta ba la 'jug go /yang gzugs dang tshor ba dang 'du shes yod par snang yang yod pa ma yin la/ 'du byed </font><hr>582b<br><font size=+1>


'pho ba dang g.yo ba'i nang du med par snang yang med par mi 'gyur ro/ /'di bzhin du rigs pa spos nas phung po'i mthar thug par dpyad de med pa ma yin par gyur pa'i gzugs brgyad skyes nas gang yang rung ba'i 'brel ba gcig dran pa na shi ba'i 'og tu gzugs yod pa dang med pa'o zhes smra'o/ /yang 'du byed thams cad kyi rang bzhin 'gyur zhing 'khrul ba la brtags pas mngon par shes pa'i sems bskyed de yod pa dang med pa thams cad ma yin par rtogs shing stong pa yang dag pa'i tshad zin par ma gyur pas 'di ltar shi ba'i 'og tu thams cad ma yin zhes brtags nas phyi ma'i mtha'i bar du rmongs shing brjod du rung ba rnyed par mi 'gyur bas mu stegs kyi lta bar ltung ste byang chub kyi ngo bo nyid la 'khrul lo/ /'di la brgyad pa phung po lnga'i nang nas shi ba'i 'og tu thams cad ma yin zhes phyin ci log tu smra ba'i mu stegs can zhes bya'o/ /yang ting nge 'dzin de la gnas pa'i rigs kyi bu dag yang dag pa'i ting nge 'dzin la gsal zhing rnam par mi g.yo bar gyur pas bdud kyis glags mi rnyed la/ skye ba'i rigs kyi rtsa ba mthar thug par dpyad de/ rtag pa dang mi rtag pa'i rtog pa khad kyis skyes nas skye ba'i phyi mtha' la brtags pa na skye ba phyi ma phyi ma dag med do snyam </font><hr>583a<br><font size=+1>


@#/ /nas de la nor ba'i phyir skye bo de chad par lta ba rnam pa bdun du 'gyur te/ res 'ga' lus 'gag /res 'ga' 'dod pa zad par 'gag /res 'ga' sdug bsngal zad par 'gag /res 'ga' rab tu dga' ba 'gag /res 'ga' btang snyoms yang 'gag par 'gyur ba sogs 'di bzhin sngon dang phyi ma la zhib tu brtags nas rnam pa bdun gyi mthar thug par dpyad de/ da lta ba 'gag cing 'gag pa'i rjes su slar mi skye'o snyam du sems so/ /'di ltar shi ba'i 'og tu skye ba ci yang med do| |zhes rtog pas/ byang chub kyi lam ni/ gol te/ 'di la dgu pa shi ba'i 'og tu phung po lnga chad par lta ba'i phyin ci log gi mu stegs can zhes bya'o/ /yang ting nge 'dzin de la gnas pa'i rigs kyi bu dag yang dag pa'i ting nge 'dzin gsal zhing mi g.yo bar gyur pas bdud kyis glags mi rnyed la/ skye ba'i rigs kyi rtsa ba mthar thug par dpyad de/ rtag pa dang mi rtag pa'i rtog pa khad kyis skyes nas yang srid phyi ma phyi ma dag yod do snyam du 'dzin pa'i rtog pa skyes shing / skye bo de mya ngan las 'das par lta ba rnam pa lngar ltung ngo / /res 'ga' 'chi 'phos te 'dod pa'i khams su skye ba la yang dag pa'o snyam du sems so/ /'od gsal ba mthong nas 'dod cing chags pa'i sems </font><hr>583b<br><font size=+1>


bskyed pa dang / res 'ga' sdug bsngal gyi rang bzhin med snyam pa'i phyir bsam gtan dang po la dang / res 'ga' sems la mya ngan med snyam pa'i phyir bsam gtan gnyis pa la dang| res 'ga' rab tu dga' zhing yid bde ba'i phyir bsam gtan gsum pa la dang / res 'ga' bde ba dang sdug bsngal ba gnyis ka 'gag ste 'khor bar 'khor ba dang / skye 'gag gi rang bzhin gyi dbang du mi 'gro'o snyam pas bsam gtan bzhi pa la sems so/ /zag pa dang bcas pa'i lha'i gnas 'di rnams zhi ba 'dus ma byas so snyam du 'khrul te/ gnas de lnga dga' zhing bde la rnam par dag cing rmad du byung ba'i gnas su sems so/ /'di ltar kun tu sgro btags nas gnas 'di lnga la mthar thug pa'o/ /zhes smra'o/ /de ltar mya ngan las mngon par 'das pa lnga la rnam par brtags pas mu stegs kyi lta bar ltung ste byang chub kyi ngo bo nyid la 'khrul lo/ /'di la bcu pa phung po lnga'i nang du phyin ci log gi mya ngan las 'das pa lnga yod par smra ba'i mu stegs can zhes bya'o/ /kun dga' bo/ rnam pa bcu po 'di ting nge 'dzin la snang ba'i yul te 'di kun 'du byed kyi phung po la sems sbyangs pa 'khrul pa las 'di 'dra bar gyur te sems can rmongs pa rnams rang gi drod ma zin pas rgyu rkyen 'di lta bu dang 'phrad nas 'khrul pa la rang nyid kyis ma shes par bdag 'phags </font><hr>584a<br><font size=+1>


@#/ /pa'o| |zhes rdzun chen po smras te mnar med pa'i dmyal bar ltung ngo / /khyed cag ngas bstan pa 'di la brten nas nga mya ngan las 'das pa'i 'og tu snyigs ma'i dus su ngas bstan pa'i don 'di dag rgyas par shod cig /sems can thams cad la don 'di gsal bar ston cig /rang gi sems las rtog pa'i bdud kyi dbang gis nyes pa bsgrub par ma byed cig /bsrung zhing bskyang ste log pa'i lta ba rnam par gsal zhing / de dag gi lus dang sems phye ste yang dag pa'i don rig par bgyis la bla na med pa'i lam las gol ba'i gnas su 'gror ma 'jug cig /cung zad tsam gyis chog par 'dzin pa'i sems bskyed du ma bcug par rig pa mchog gi rgyal po mngon du gyis la gzhan la phyi mor mtshon par gyis shig /kun dga' bo/ rigs kyi bu dag zhi gnas kyi ting nge 'dzin la snyoms par zhugs te 'du byed kyi phung po zad pa na 'jig rten thams cad kyi rang bzhin dben zhing dwangs pa g.yo ba phra mo dang ldan pa'i skye ba'i rigs kyi rtsa ba phra zhing bag la zha ba rtsa bar gyur pa glo bur du bshig nas gang zag gi rnam par smin pa'i nus pa 'jug pa'i rtsa ba chad pas mya ngan las 'das pa'i rang bzhin gsal bar mngon du 'gyur ba la </font><hr>584b<br><font size=+1>


nye'o/ /dper na/ skya rengs shar ba'i tshe bya gag skad 'byin pa dang shar phyogs su bltas pa na nam langs pa'i mtshan ma mthong ba dang 'dra ste/ dbang po drug stong zhing dwangs pas rnam par rtog pa zhi zhing phyi nang kun tu dwangs shing gsal bar gyur te 'jug pa med pa'i gnas su 'jug par 'gyur zhing / phyogs bcu'i rigs bcu gnyis kyi sems can rnams tshe nye bar len pa'i rtsa ba khong du chud nas don la brtags shing rtsa ba bzung bas skye rgu thams cad kyis bkri bar mi nus so/ /'di la phyogs bcu'i 'jig rten gyi khams de dang 'dra bar mthong nas dwangs pa'i gzugs ma nub pas lkog tu gyur pa thams cad dben zhing dwangs pa'i gzugs su snang bar 'gyur te/ 'di la rnam par shes pa'i phung po'i sgrib g.yogs zhes bya'o/ /gal te g.yo ba thams cad mnyam pa nyid du mthong ba las sgo drug sbyong zhing 'chos bzhin du mthun zhing phye ba sgrub ste mthong ba dang thos pa sogs nye 'khor na gnas pa bzhin du phan tshun yul la sbyad pa la bsgribs pa med pas phyogs bcu'i 'jig rten gyi khams dang sems can rnams baiDUR+Ya lta bur phyi nang thogs pa med par snang ste/ 'di la rnam par shes pa'i phung po zad pa zhes bya ste/ mi de ni/ tshe'i snyigs ma las 'da' bar nus so/ /don 'di la brtags na gzugs </font><hr>585a<br><font size=+1>


@#/ /kyi yang dag pa ma yin pa'i gzhi rdzun pa phyin ci log gi 'du shes rtsa bar gyur ba'o/ /kun dga' bo/ shes par gyis shig /rigs kyi bu de dag 'du byed thams cad stong zhing rtsa ba'i gnas rnam par shes pa la zhugs pas skye ba dang 'gag pa zhi bar gyur kyang 'gog pa'i rang bzhin rnam par dag pa ma rdzogs pas/ 'di la lus kyi dbang po'i bar du chod pa rnams sbyar zhing phye nas phyogs bcu'i rigs thams cad kyi skyes bu'i rnam par shes pa dang mthun par gyur te rtsa ba'i gzhi la 'jug par nus so/ /gal te de'i gnas de yang dag pa'i rgyu yin no zhes khyad par du 'phags par rtog na/ skye bo de rten dang brten par 'dzin pa'i lta ba la ltung ste/ ka pi la'i gsang ba'i don la gnas nas de'i 'khor du 'gyur ro/ /sangs rgyas kyi byang chub la ni/ nor/ shes pa dang mthong ba ni/ 'khrul zhing stor bar 'gyur ro// 'di la dang po thob pa'i sems gnas su btsugs nas 'bras bu sgrub pa zhes bya'o/ /mngon par byang chub pa las ring du 'gyur te mya ngan las 'das pa'i grong khyer la rgyab kyis phyogs nas mu stegs kyi rigs su skye'o/ /kun dga' bo/ rigs kyi bu de dag 'du byed thams cad stong zhing rtsa ba'i gnas rnam par shes pa la zhugs </font><hr>585b<br><font size=+1>


pas skye ba dang 'gag pa zhi bar gyur kyang 'gog pa'i rang bzhin rnam par dag pa ma rdzogs pas/ gal te de'i gnas pa'i gnas la rang gi lus su mthong nas nam mkha'i khams kyi rigs bcu gnyis kyi skye bo thams cad bdag gi lus dang 'dra bar rigs gcig las rgyun du byung ngo / /zhes khyad par du 'phags par rtog na/ skye bo de nus pa dang mi nus par 'dzin pa'i lta bar ltung ste/ mtha' yas pa'i lus ston pa'i dbang phyug chen po'i 'khor du 'gyur ro/ /sangs rgyas kyi byang chub la ni/ nor/ shes pa dang mthong ba ni/ 'khrul zhing stor bar 'gyur ro/ /'di la gnyis pa skyed nus pa'i sems gnas su btsugs nas bya ba nus pa'i 'bras bu bsgrub pa zhes bya ste/ /mngon par byang chub pa las ring du 'gyur zhing mya ngan las 'das pa'i grong khyer la rgyab kyis phyogs nas nga rgyal che ba'i lha bdag thams cad la khyab par smra ba'i rigs su skye'o/ /yang rigs kyi bu de dag 'du byed thams cad stong zhing rtsa ba'i gnas rnam par shes pa la zhugs nas skye ba dang 'gag pa zhi bar gyur kyang 'gog pa'i rang bzhin rnam par dag pa ma rdzogs pas/ gal te de'i gnas pa'i sa la brten nas gnas thob pa'i rkyen gyis de'i lus sems de las rgyun du byung zhing / phyogs bcu'i nam mkha' thams cad kyang de las skyes so/ /zhes pa 'di nyid byas pa dang rgyas </font><hr>586a<br><font size=+1>


@#/ /pa'i gnas dag yang dag pa'i rtag pa'i lus yin zhing / skye ba dang 'gag pa med do snyam du sems na/ de nyid skye ba dang 'gag pa'i nang du gnas bzhin du thog ma nas rtag par gnas so snyam du sems pas mi skye ba 'khrul zhing skye ba dang 'gag pa la rmongs so/ /'di ltar shin tu rmongs pa la bde bar gnas so zhes khyad par du 'phags par rtog na/ skye bo de rtag pa ma yin pa la rtag par 'dzin pa'i lta bar ltung ste/ rang dbang pa'i lha'i rigs su skye'o/ /sangs rgyas kyi byang chub la ni/ nor/ shes pa dang mthong ba ni/ 'khrul zhing stor ro/ /'di la gsum pa rgyu'i sems la brten nas rdzun pa'i 'bras bu sgrub pa zhes bya ste/ mngon par byang chub pa las ring du 'gyur zhing mya ngan las 'das pa'i grong khyer la rgyab kyis phyogs nas rdzogs byed kyi rigs su skye'o/ /yang rigs kyi bu dag 'du byed thams cad stong zhing rtsa ba'i gnas rnam par shes pa la zhugs nas skye ba dang 'gag pa zhi bar gyur kyang 'gog pa'i rang bzhin rnam par dag pa ma rdzogs pas/ gal te shes bya thams cad la shes pas khyab po| |zhes shes pa la brten nas byung bar bsam zhing / phyogs bcu'i rtswa shing thams cad la sems yod cing sems can dang khyad par med la/ rtswa shing yang sems </font><hr>586b<br><font size=+1>


can du gyur cing sems can yang phyogs bcu'i rtswa shing du 'gyur ro/ /zhes thams cad la khyad med par shes pa yod do snyam du khyad par du 'phags par rtog na/ skye bo de shes pa med pa la shes pa yod par 'dzin pa'i lta bar ltung ste/ thams cad la sems yod par 'dzin pa'i b+h+ya ta sa nA'i 'khor du 'gyur ro/ /sangs rgyas kyi byang chub la ni| nor/ shes pa dang mthong ba ni/ 'khrul zhing stor ro/ /'di la bzhi pa sems kyis khyab par rtogs shing rdzun pa'i 'bras bu sgrub pa zhes bya ste/ mngon par byang chub pa las ring du 'gyur zhing mya ngan las 'das pa'i grong khyer la rgyab kyis phyogs nas log par shes pa'i rigs su skye'o/ /yang rigs kyi bu dag 'du byed thams cad stong zhing rtsa ba'i gnas rnam par shes pa la zhugs pas skye ba dang 'gag pa zhi bar gyur kyang 'gog pa'i rang bzhin rnam par dag pa ma rdzogs pas/ gal te rdzogs par chud cing dbang po phan tshun 'jug cing rjes su mthun par gyur pas rdzogs par chud pa las sprul te thams cad skyed par nus so snyam du bsam nas me'i 'od 'dod pa dang / chu'i gtsang zhing dwangs pa la dga' ba dang / rlung gi kun tu rgyu ba la sred pa dang / sas sna tshogs bsgrub pa la brtags pas/ so sor gtso bor byas te/ 'di la </font><hr>587a<br><font size=+1>


@#/ /yul thams cad dbyung zhing skyed pa'i rtsa ba'i rgyu yin no/ /zhes yun ring du gnas shing khyad par du 'phags par rtog na/ skye bo de skye pa dang skye ba med par 'dzin pa'i lta bar ltung ste/ 'od srung dang bram ze dka' thub kyis lus sems gdungs shing me dang chu lha bkur bas skye 'chi las thar pa'i don du brtson pa dag gi 'khor du 'gyur ro/ /sangs rgyas kyi byang chub la ni/ nor/ shes pa dang mthong ba ni/ 'khrul zhing stor ro/ /'di la lnga pa bkur pa gtso bor 'dzin pas sems 'khrul te dngos po la zhen cing rdzun pa'i rgyu'i srol btsugs nas rdzun pa'i 'bras bu sgrub pa zhes bya'o/ /mngon par byang chub pa las ring du 'gyur zhing mya ngan las 'das pa'i grong khyer la rgyab kyis phyogs nas phyin ci log tu sprul pa'i rigs su skye'o/ /yang rigs kyi bu dag 'du thams cad stong zhing skye ba dang 'gag pa zhi bar gyur kyang 'gog pa'i rang bzhin rnam par dag pa ma rdzogs pas/ gal te rdzogs par gsal ba'i nang nas stong pa'o snyam du rtogs te skye ba sna tshogs pa spong zhing bsal nas gtan du dgag pa la brten par bya'o snyam du rang nyid kyi brten pa'i gnas su bsam zhing khyad par du 'phags par rtog na/ skye bo de gnas pa dang </font><hr>587b<br><font size=+1>


mi gnas par 'dzin pa'i lta bar ltung ste/ 'du shes med pa'i lha dag las stong pa'i lha zhes bya ba'i 'khor du 'gyur ro/ /sangs rgyas kyi byang chub la ni/ nor/ shes pa dang mthong ba ni/ 'khrul zhing stor ro/ /'di la drug pa rdzogs par stong zhing sems med pa stong pa'i 'bras bu bsgrub pa zhes bya ste/ mngon par byang chub pa las ring du 'gyur zhing mya ngan las 'das pa'i grong khyer la rgyab kyis phyogs nas chad cing 'gog pa'i rigs su skye'o/ /yang rigs kyi bu dag 'du byed thams cad stong zhing skye ba dang 'gag pa zhi bar gyur kyang 'gog pa'i rang bzhin rnam par dag pa ma rdzogs pas/ gal te lus kun tu rtag par gnas te kun tu dwangs pa dang mthun zhing / 'jig cing 'pho bar mi 'gyur ro snyam du khyad par du 'phags par rtog na/ skye bo de chags pa dang ma chags par 'dzin pa'i lta bar ltung ste/ drang srong tshe ring por grub pa'i 'khor du 'gyur ro/ /de lta na sangs rgyas kyi byang chub la ni/ nor/ shes pa dang mthong ba ni/ 'khrul zhing stor ro/ /'di la bdun pa srog gi rtsa ba la zhen cing de nyid brtan por bsgrub pa'i rgyu rdzun pa la tshe ring por rjes su 'jug pa'i 'bras bu la brtson pa zhes bya ste/ mngon par byang chub ba las ring du 'gyur zhing mya ngan </font><hr>588a<br><font size=+1>


@#/ /las 'das pa'i grong khyer la rgyab kyis phyogs nas rdzun pas tshe ring por sgrub pa'i rigs su skye'o/ /yang rigs kyi bu dag 'du byed thams cad stong zhing skye ba dang 'gag pa zhi bar gyur kyang 'geg pa'i rang bzhin rnam par dag pa ma rdzogs pas/ srog la brtags shing phan tshun du 'brel ba la dpyad de/ yul gyi 'khrul pa zhi zhing zad du dogs nas phyir zhing skabs 'dir pad+ma'i khang bzang du 'dug ste/ rin po che sna bdun mang du sprul zhing bu mo bzang mo dag 'dus nas sems rang nyams su btang ste khyad par du 'phags par rtog na/ skye bo de yang dag pa dang yang dag pa ma yin par 'dzin pa'i lta bar ltung ste/ 'dod pa'i dbang phyug gi 'khor du 'gyur ro/ /de ltar na sangs rgyas kyi byang chub la ni/ nor/ shes pa dang mthong ba ni/ 'khrul zhing stor ro/ /'di la brgyad pa log par rtog pa'i rgyu bskyed de yul gyi 'khrul pa rgyas pa'i 'bras bu sgrub pa zhes bya ste/ mngon par byang chub pa las ring du 'gyur zhing mya ngan las 'das pa'i grong khyer la rgyab kyis phyogs nas lha'i bdud kyi rigs su skye'o/ /yang rigs kyi bu dag 'du byed thams cad stong zhing skye ba dang 'gag pa zhi bar gyur kyang 'gog </font><hr>588b<br><font size=+1>


pa'i rang bzhin rnam par dag pa ma rdzogs pas/ gal te sog gi don gsal ba las phra ba dang rags pa phye zhing yang dag pa dang yang dag pa ma yin pa la sgro 'dogs bsal/ rgyu dang 'bras bu ma 'tshol ba la yid ches na 'bras bu nges par 'byin pa la re bas rnam par dag pa'i lam la gol bar 'gyur ro/ /'di lta sdug bsngal ni/ shes/ kun 'byung ni/ spangs/ 'gog pa ni/ mngon du byas/ lam ni bsgoms te 'gog pa tsam la gnas pas gong ma'i khyad par la mi brtson par khyad par du 'phags par rtog na/ skye bo de rigs nges pa'i nyan thos kyi nang du ltung ste/ thos pa nyung zhing mngon pa'i nga rgyal can gyi dge sbyong gi sder 'gyur ro/ /de lta na sangs rgyas kyi byang chub la ni/ nor/ shes pa dang mthong ba ni/ 'khrul zhing stor ro/ /'di la dgu pa mchog tu brtson pas mos pa bzhin du sgrub pa'i zhi ba'i 'bras bu thob pa zhes bya'o/ /mngon par byang chub pa las ring du 'gyur zhing mya ngan las 'das pa'i grong khyer la rgyab kyis phyogs nas 'gog pas bcings pa'i rigs su skye'o/ /yang rigs kyi bu dag 'du byed thams cad stong zhing skye ba dang 'gag bzhi bar gyur kyang 'gog pa'i rang bzhin rnam par dag pa ma rdzogs pas </font><hr>589a<br><font size=+1>


@#/ /gal te kun chub cing rnam par dag pa'i gsal rig la sbyangs pas zab cing phra la rmad du byung ba mngon du gyur pa tsam la mya ngan las 'das pa'i tshul lo snyam du gong ma'i khyad par la mi brtson par khyad par du 'phags par rtog na/ skye bo de rigs nges pa'i rang sangs rgyas su ltung ste/ tshogs dang bse ru lta bu'i rigs las phyir mi ldog pa'i rang rgyal gyi sder 'gyur ro/ /de ltar na sangs rgyas kyi byang chub la ni/ nor/ shes pa dang mthong ba ni/ 'khrul zhing stor ro/ /'di la bcu pa rdzogs pa'i rigs las mi g.yo ba'i 'bras bu rnam par dag cing gsal bar sgrub pa zhes bya ste/ mngon par byang chub pa las ring du 'gyur zhing mya ngan las 'das pa'i grong khyer la rgyab kyis phyogs nas gsal rig rnam par dag kyang rigs mi 'gyur ba'i rigs su skye'o/ /kun dga' bo/ ting nge 'dzin rnam pa bcu po de ni/ bar ma dor nga rgyal skye zhing rgyu des 'khrul nas ma rdzogs pa la rdzogs par sems so/ /'di dag kun rnam par shes pa'i phung po la sems sbyangs pa 'khrul pa las 'di 'dra bar gyur te/ sems can rmongs pa rnams rang gi drod ma zin pas mngon du gyur pa dang </font><hr>589b<br><font size=+1>


'phrad nas rang rang gi 'dod pa'i dbang gis sngon gyi bag chags la sems g.yengs te rang nyid gnas nas de la mthar thug pa'i gnas so snyam du sems shing rang nyid bla na med pa'i byang chub kyi go 'phang rdzogs so/ /zhes smra la/ 'di ltar rdzun chen po smra ba'i las bsags te log par lta ba'i mu stegs pa dang bdud du gyur pa'i las kyi 'phen pa zad nas mnar med pa'i dmyal bar ltung ngo / /de dag las nyan thos dang rang sangs rgyas dag ni/ gong ma'i khyad par 'thob par mi 'gyur ba tsam du zad do/ /khyed cag rnams de bzhin gshegs pa'i lam yid la bzhag nas chos kyi sgo 'di nga mya ngan las 'das pa'i 'og tu snyigs ma'i dus su gcig nas gcig tu spel zhing / sems can rnams la don 'di gsal bar khong du chud par gyis shig /lta ba'i bdud kyi dbang gis rang nyid log par ltung bar ma byed cig /bsrung zhing bskyab ste log pa'i rkyen bsal nas de dag gi lus dang sems sangs rgyas kyis ji ltar mkhyen cing gzigs pa'i lam du zhugs te thog ma nas tha ma'i bar du rgol ba'i lam du 'gror ma 'jug cig /sngon 'das pa'i bskal pa gang+gA'i klung gi bye ma snyed kyi rdul phra rab dang mnyam pa'i de bzhin </font><hr>590a<br><font size=+1>


@#/ /gshegs pa rnams chos kyi sgo 'di la brten nas rigs sad cing lam thob bo/ /gal te rnam par shes pa'i phung po zad pa na khyed cag gi dbang pos yul mthong ba phan tshun du 'pho zhing spyod par nus la/ de las byang chub sems dpa'i rdo rje lta bu'i shes rab sbyangs pa la 'jug par nus shing / gsal rig gi rang bzhin sems kyi nang nas sprul pa'i nus pa ni/ dper na/ gtsang zhing dwangs pa'i baiDUR+Ya'i nang du zla ba'i gzugs brnyan shar ba bzhin no/ / 'di ltar tshul 'di nyid kyis dad pa bcu dang / gnas pa bcu dang / spyod pa bcu dang / bsngo ba bcu dang / sbyor lam bzhi dang / byang chub sems dpa'i spyod pa rdo rje lta bu'i sa bcu dang / yang sangs rgyas dang mnyam pa nyid kyi rig pa mchog tu gsal ba mngon du gyur te de bzhin gshegs pa'i phra zhing rmad du byung ba'i bkod pa'i rgya mtsho chen por 'jug go /byang chub kun tu rdzogs nas thob pa med pa la gnas pa ste/ 'di ni/ sngon 'das pa'i sangs rgyas bcom ldan 'das rnams kyi zhi gnas dang lhag mthong gi phra zhing zab pa'i bdud kyi las rnam par phye ba'i ting nge 'dzin yin no/ /bdud kyi spyod yul mngon sum du mthong </font><hr>590b<br><font size=+1>


ba| khyed kyis ngo shes par byas te sems kyi dri ma sbyangs shing bsal nas log pa'i lta ba la ltung bar mi 'gyur zhing / phung po'i bdud ni/ zhi zhing 'gag /lha'i bdud ni bcom zhing btul/ yi dwags dang lha ma yin mthu bo che rnams sems stor nas 'bros par byed/ ltas ngan pa dang gdon dang nye bar 'tshe ba rnams skye zhing 'byung bar mi 'gyur bas byang chub ma thob kyi bar du phongs shing nyams pa dang / lam dman pa dag la brtson par mi 'gyur zhing mya ngan las 'das pa la rmongs te sems 'khrul par mi 'gyur ro/ /gal te snyigs ma'i dus kyi sems can rmongs pa rnams ting nge 'dzin gyi tshul mi shes shing / chos bshad pa'i don ma rtogs kyang ting nge 'dzin sgom par 'dod pa dag la khyed kyis de dag phyin ci log tu 'gyur bar dogs na/ sems rtse gcig pas nga'i gtsug tor chen mo'i sngags 'di zungs shig /gal te bzla bar mi nus na bsam gtan gyi khang bu la 'dri ba'am/ yang na lus la btags na bdud kyis 'tshe bar mi nus so/ /khyod kyis phyogs bcu'i de bzhin gshegs pa thams cad kyi mthar thug pa'i go 'phang bsgrub pa'i phyir gong ma'i khyad par thob pa la brtson cig /phyi ma'i zhal chems bzhag pa yin gyi/ ches cher gus par gyis shig ces bka' stsal to/ /de'i tshe </font><hr>591a<br><font size=+1>


@#/ /kun dga' bos bcom ldan 'das kyis de ltar gdams shing rjes su bstan pa thos nas stan las langs te spyi bos phyag 'tshal zhing mchog tu gus pas yid la bzung ste 'khor 'dus pa'i nang du bcom ldan 'das la slar yang 'di skad ces gsol to/ /bcom ldan 'das kyis phung po lnga'i mtshan ma las rdzun pa'i 'du shes rnam pa lnga rtsa bar gyur pa'o/ /zhes bka' stsal lags na/ bdag cag sngon chad de bzhin gshegs pas 'di ltar zab cing phra bar phye ste bstan pa thos par ma gyur lags/ yang phung po 'di gcig car du zhi zhing zad par 'gyur ram/ 'on te rim gyis zad par 'gyur/ phung po lnga'i mtha' ni/ gang zhig lags/ de bzhin gshegs pas thugs rje chen pos dgongs te 'khor 'dus pa 'di dag la yid dang mig shin tu dwangs shing /snyigs ma'i sems can rnams kyi mig tu don 'di bka' stsal du gsol zhes gsol pa dang / bcom ldan 'das kyis kun dga' bo la bka' stsal pa/ rmad du byung ba'i gsal rig gi ngang tshul ni/ gdod ma nas rnam par dag pa ste/ skye shi dang rdul gyi dri ma thams cad yod pa ma yin zhing / 'di nas bzung ste nam mkha' stong pa'i bar thams cad kyang phyin ci log gi 'du </font><hr>591b<br><font size=+1>


shes kyis bskyed pa yin la/ de'i tshul ni/ rmad du byung ba'i gsal rig rnam par dag pa las yang dag pa ma yin pa'i snod kyi 'jig rten thams cad skye'o/ /A dz+nyA ta ti 'khrul nas grib ma la yid ches pa lta bu ste/ yang dag pa ma yin pa la gdod ma nas rgyu med do/ /phyin ci log gi 'du shes pa las rten cing 'brel bar 'byung ba'i mtshan nyid rnam par bzhag ste/ rten cing 'brel bar 'byung ba la 'khrul na rang byung du smra'o/ /stong pa'i rang bzhin de yang yang dag pa ma yin pa las byung zhing / rten cing 'brel bar 'byung ba dang rang byung ba zhes bya ba thams cad sems can rnams kyi yang dag pa ma yin pa'i sems kyis gdags pa'o/ /kun dga' bo/ yang dag pa ma yin pas de dag byas par shes na yang dag pa ma yin pa'i rten cing 'brel par 'byung ba smra'o/ /gal te yang dag pa ma yin pa gdod ma nas med par shes na yang dag pa ma yin pa'i rten cing 'brel bar 'byung ba gdod ma nas ci yang med par rtogs par 'gyur ba la/ de ltar mi shes pa dag gis rang byung du smra ba lta ci smos/ de'i phyir de bzhin gshegs pas khyed cag la phung po lnga po thams cad yang dag pa ma yin pa'i 'du shes kyi rtsa ba'i rgyu las byung bar </font><hr>592a<br><font size=+1>


@#/ /gsal bar bstan to/ /khyod kyis lus ni/ sngon pha ma'i 'du shes kyis rgyu byas pa las byung ba yin zhing khyod kyi 'du shes ni/ de lta ma yin na skye srid du 'ong bar mi nus te/ 'di ltar na 'du shes brgyud nas srog thob par 'gyur ro/ /dper na/ ngas sngar smras pa bzhin sems la ro skyur po bsam na 'gram chu ldang la/ brag mthon po la 'dzeg par bsam na rkang mthil 'dar zhing skyur ro/ /yang mthon po der yod pa ma yin zhing ro skyur po yang kha la 'phos pa ma yin no/ /khyod kyi lus de dag dang mtshungs par rdzun pa ma yin na/ ci'i phyir ro skyur po gleng pa na 'gram chu ldang / de'i phyir tshul 'di shes par gyis shig / khyod kyi da lta'i lus sra zhing mkhrang ba zhes bya ba phyin ci log gi 'du shes las byung ba ste dang po'o/ /sngar bshad pa'i mthon po la 'dzeg par sems pa'i 'du shes kyis nges par khyod kyi lus 'dar bar byed nus pa ltar na/ tshor ba'i rkyen gyi dbang gis lus g.yo bar nus so/ /khyod da lta yid du 'ong ba dang 'phrad na phan pa dang / yid du mi 'ong ba dang 'phrad na gnod par 'gyur ba'i tshor ba rnam pa gnyis phan tshun ltos te 'jug pas rdzun pa'i rnam rig phyin ci log </font><hr>592b<br><font size=+1>


gi 'du shes las byung ba ste gnyis pa'o/ /khyod kyi dran pas khyod kyi lus bkol ba ste khyod kyi lus dran pa dang gcig ma yin pa la khyod kyi lus ci'i phyir dran pas rang dbang du bkol zhing / sna tshogs pa'i rnam pa 'char bar 'gyur/ sems g.yo na lus kyi tshor ba 'byung bas dran pa dang phan tshun mthun par 'jug go/ de'i phyir gnyid sad na 'du shes kyi sems g.yo zhing gnyid log na rmi lam sna tshogs pa 'byung ste/ khyod kyi dran pa'i sems kyis yang dag pa ma yin pa'i rtog pa g.yo bar 'gyur te/ kun tu 'jug pa'i yang dag pa ma yin pa'i 'du shes te/ gsum pa'o/ /'gyur ba'i rang bzhin sdod pa med par skad cig skad cig gis mi mngon par 'pho bas rim gyis san mo dang skra skye ba dang zungs nyams shing gdong la gnyer ma byung bdag nyin mtshan rgyun mi 'chad par rgyug kyang shes shing tshor bar mi 'gyur ro/ /kun dga' bo/ gal te de ltar ma yin na khyod kyi lus ci'i phyir 'gyur bar snang / gdon mi za bar yang dag pa yin na khyod kyis ci'i phyir mi tshor/ de'i phyir 'du shes thams cad ni/ dran tsam dran tsam du rgyun mi 'chad par 'gyur ba la dben zhing mi mngon par yang dag pa ma yin pa'i 'du shes </font><hr>593a<br><font size=+1>


@#/ /te| bzhi pa'o/ /yang khyod kyi dwangs shing gsal ba'i rang bzhin rtag brtan mi g.yo bar gnas pa la rtag pa'o snyam du bsam na lus la mthong ba dang thos pa dang tshor ba dang shes pa las 'da' bar mi 'gyur ro/ /gal te yang dag pa'i rang bzhin ni/ bden na rdzun pa'i bag chags mi 'jug par rigs so/ /khyod ci'i phyir sngon ngo mtshar ba 'ga' zhig mthong nas lo ring du song bas brjed pa dang dran pa gnyis ka med par gnas pa las phyis glo bur du sngon gyi de mthong ba na ji lta ba bzhin du ngos zin nas mi 'khrul zhing brjed par mi 'gyur ro/ /des na gsal ba'i rang bzhin rtag brtan mi g.yo ba las dran pa'i bag chags rgyun du 'jug pas bsam du ci zhig yod/ kun dga' bo/ rtag brtan 'di yang dag pa ma yin par shes par gyis shig /dper na| gting zab pa'i 'bab chu dang 'dra ste/ bltas pa na mi g.yo ba ltar snang yang de ni/ myur bar rgyu ba ma mthong ba yin gyi/ mi rgyu ba ma yin no/ /ci ste 'du shes rtsa ba ma yin na rdzun pa'i bag chags ji ltar bsgo/ khyod kyi dbang po drug ni/ phan tshun du 'pho zhing spyod de phye zhing sbyor bar ma nus na/ phyin ci </font><hr>593b<br><font size=+1>


log gi 'du shes 'di 'gag pa'i dus med do/ /de bas na khyod kyi da lta mthong ba dang thos pa dang tshor ba dang shes pa rnams la bag chags rnams 'dres shing mi mngon par gnas so/ /rnam par dag cing gsal ba las yang dag pa ma yin pa'i snang tsam gyi zab cing phra ba phyin ci log gi 'du shes te lnga pa'o/ /kun dga' bo/ nye bar len pa'i phung po lnga po 'di yang dag pa ma yin pa'i 'du shes lnga las grub pa ste/ khyod da lta phung po'i mtha' zab pa dang mi zab pa shes par 'dod na/ gzugs dang stong pa ni/ gzugs kyi mtha' yin/ reg pa dang bral ba ni/ tshor ba'i mtha' yin/ dran pa dang brjed pa ni/ 'du shes kyi mtha' yin| skye ba dang 'gag pa ni/ 'du byed kyi mtha' yin/ dwangs pa la 'jug pa dang dwangs pa la thim pa ni/ rnam par shes pa'i mtha' yin no/ /phung po 'di'i rtsa ba rim gyis bskyed de/ skye ba'i tshe rnam par shes pa nas rim gyis skye/ 'gag pa'i tshe gzugs nas rim gyis 'gag /gnas lugs ni gcig car du rtogs \?\ la/ gnas lugs rtogs pas rnam par rtog pa thams cad zhi bar 'gyur/ las kyi bag chags ni/ gcig car du dag par mi 'gyur gyi/ rim </font><hr>594a<br><font size=+1>


@#/ /gyis zad par 'gyur ro/ /ngas sngon khyod la lha'i dar gyi mdud pa bstan zin na/ khyod kyis ci'i phyir ma shes par slar yang pa la 'dri khyod yang dag pa ma yin pa'i 'du shes kyi rtsa ba rtogs shing rnam par phye nas ma 'ongs pa snyigs ma'i dus kyi lam la slob pa'i skye bo dag la spel zhing bstan te/ yang dag pa ma yin pa'i don rig par byed pa dang / rang gi skye shi la skyo zhing mya ngan las 'das pa yod par shes nas khams gsum la mi chags par bya bar rigs so/ /kun dga' bo/ gal te skye bo la la zhig gis phyogs bcu'i nam mkha'i khams khyab par rin po che sna bdun gyis bkang ste rdul phra rab snyed kyi sangs rgyas thams cad la bla mar byas te mchod cing bsnyen bkur bas cung zad kyang skyo bar mi 'gyur na/ khyod de ji snyam du sems/ skye bo de de ltar sangs rgyas la phul ba'i rgyus bsod nams mang du bskyed dam/ kun dga' bos gsol pa/ nam mkha' la mtha' med pa'i phyir rin po che la yang mtha' med do/ /sngon gyi dus su skye bo zhig gis pa na bdun sangs rgyas la phul te shi ba'i 'og tu 'khor los bsgyur ba'i rgyal por gyur na/ nam </font><hr>594b<br><font size=+1>


mkha'i khams kyi mthar thug pa'i sangs rgyas kyi zhing thams cad rin po ches bkang ste phul ba'i bsod nams la bskal pa'i mtha'i bar du brjod cing sems pas tshad gzung bar mi nus na/ de'i bsod nams kyi mtha' ma mchis pa lta ci smos/ bcom ldan 'das kyis kun dga' bo la bka' stsal pa/ de bzhin gshegs pa thams cad ni/ rdzun mi gsung ste/ gal te skye bo 'ga' zhig gis lus kyis phas pham pa bzhi dang / rtsa ba'i ltung ba bcu la spyad nas dbugs 'byung 'jug tsam du 'jig rten gyi khams 'di dang gzhan gyi mnar med pa'i dmyal bar skye zhing / de nas kyang phyogs bcu'i mnar med pa'i sems can dmyal ba ma zad kyi bar du 'gro ba de dag sa gol gtogs pa tsam du de la dad cing chos kyi sgo 'di snyigs ma'i dus kyi las dang po pa dag la phye zhing bstan te khong du chud par byed na/ skye bo de'i sdig pa'i las bsam pa tsam gyis yongs su dag cing sems can dmyal ba'i sdug bsngal gyi rgyu las thar nas bde ba'i zhing du skye bar 'gyur te/ bsod nams thob pa 'di la snga ma'i sbyin pa btang ba'i bsod nams kyis brgya'i cha dang /stong gi cha dang / bye ba brgya stong gi cha dang / de bzhin du rtsis dang / grangs dang / dpe'i bar du yang bsgrun du med do </font><hr>595a<br><font size=+1>


@#/ /kun dga' bo/ gal te sems can la la dag mdo sde 'di kha ton du 'di na zhing / sngags 'di 'dzin pa dang 'chang na de'i phan yon rgyas par ngas bskal pa'i bar du bshad kyang zad par mi nus so/ /ngas bstan pa \?\la \?\ brten nas ji ltar bslab pa bzhin du bsgrubs na/ bde blag tu byang chub sgrub par nus shing bdud kyi \?\ las yongs su thar par 'gyur ro/ /bcom ldan 'das kyis de skad ces bka' stsal pa dang / dge slong dang / dge slong ma dang / dge bsnyen dang / dge bsnyen ma dang / 'jig rten thams cad kyi lha dang / mi dang / lha ma yin dang / zhing gzhan las 'dus pa'i byang chub sems dpa' rnams dang / theg pa gnyis kyi 'phags pa dang / rig pa 'dzin pa'i bu gzhon nu dang / sems dang por bskyed pa'i 'byung po mthu bo che dang bcas pa rnams dga' zhing mgu la yi rang ste phyag 'tshal zhing bcom ldan 'das kyis gsungs pa la mngon par bstod do// //mdo 'di'i 'gyur byang logs su yod pa ltar gong ma gnam skyong gi dus su rgya las bsgyur ba'o// </font><hr>

</table>