'phags pa rig sngags kyi rgyal po dbugs chen po zhes bya ba/ sangs rgyas dang / byang chub sems dpa' thams cad la phyag 'tshal lo/ /de nas bcom ldan 'das la gling bzhi pa'i dbang phyug 'byung po'i bdag po chen po mche ba gtsigs pa ser skya zhes bya bas 'di skad ces gsol to/ /bcom ldan 'das bdag ni 'byung po thams cad kyi bdag po lags te/ bdag gis gling bzhi pa'i 'jig rten gyi khams na mchis pa'i 'byung po thams cad la 'tshe bar bgyid/rdeg par bgyid/ 'ching bar bgyid/ 'jig rten gyi khams 'di nas 'jig rten gyi khams gzhan du 'phen par bgyid/ yan lag dang / nying lag rnams rnam par gcod par bgyid lags so/ /bcom ldan 'das gang ga tshe bdag bkres par gyur pa na dbugs gtong ste/ dbugs des gling bzhi pa'i 'jig rten gyi khams kun tu 'gengs par bgyid cing / bcom ldan 'das bdag mi dang mi ma lags pa thams cad kyi gzi byin 'phrog par bgyid lags te/ dbugs chen pos sems can rnams la reg ma thag tu bro nad sna tshogs dag 'byung lags so/ /bcom ldan 'das gang na rig sngags kyi rgyal po dbugs chen po zhes bgyi ba 'di spyod pa der bdag gi dbugs kyis mi tshugs pa dang / 'byung po rnams 'tshe bar mi 'gyur ba dang / rigs kyi bu'am rigs kyi bu mo gang la la zhig gis sangs rgyas dang / chos dang / dge 'dun rnams la phyag bgyi nas/ mgo'am/ mgul du btags te 'chang ba der rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa'i bro nad rnams 'byung bar mi 'gyur bar bdag deng slan chad de bzhin gshegs pa'i spyan sngar yi dam 'tshal lags so/ /tad+ya thA/ Da ra Da ra/ Da Da ra/ Da Da ra/ tha ra tha ra/ tha tha ra/ ma ra ma ra/ ma ma ra/ ma ma ra/ hu d+hu hu/ ha ha ha/ 96-1-112b sa ra sa ra sa ra/ tsu tsu tsu/ bu bu bu/ ki li ki li ki li/ sarba b+hU ta a d+hi pa te/ pra dra dra/ bra bra bra/ khu khu khu/ kra kra kra/ ya sa ya sa ya sa/ pAN+Da re/ pAN+Da re/ pAN+Da re/ hu lu hu lu hu lu/ hu hu hu/ bdag la srungs shig /srungs shig /tsi li tsi li tsi li/ mi li mi li mi li/ kh+sho kh+sho kh+sho /gau ri gau ri gau ri/ bdag gi nad thams cad rab tu zhi bar gyur cig swA hA/ ma tA shwA sA ya swA hA/ ma hA b+hu ta a d+hi pa ta ye swA hA/ gau ri ye swA hA/ u grA ya swA hA/ bdag bde legs su gyur cig /daM Sh+TI ka rA la ping ga lA dz+nyA ba ya ti swA hA/ 'phags pa rig sngags kyi rgyal po dbugs chen po zhes bya ba rdzogs so/ /rgya gar gyi mkhan po pradz+nya ba rma dang / zhu chen gyi lo ts+tsha ba ban+do ye shes sdes bsgyur cing zhus te gtan la phab pa// |