e-texts produced with BDRC’s OCR application

བའི་རྩ་བའི་ཚོགས་ཐམས་ཅད་ཀྱང་གྱིས་ཤིག་ཅེས་ང་སྨྲའོ།། ཡི་དྭགས་མེ་ཁ་འབར་མ་དབུགས་དབྱུང་བའི་གཏོར་མའི་ཆོ་ག་རྫོགས་སོ།། ། ཨོཾ་ཛྙཱ་ན ་བ་ལེ་ཀི་ཏེ་ས་མནྟ། སྥ་ར་ཎ་རཱ་ཤྲཱི་བྷཱ་བ་ས་མ་ཡ། མ་ཧཱ་མ་ཎི་དུ་རུ་དུ་རུ་ཧྲྀ་ད་ཡ་ཛ་ལ་ནི་ཧཱུ~ཾ། འབབ་ཆུ་འམ་མཚོའི་འགྲམ་དུ་འདུག་སྟེ་ལག་པ་གཡས་པའི་ཁྱོར་བར་ཆུ་བླུགས་ལ་ཡེ་ཤེས་སྐར ་མདའི་སྙིང་པོ་འདི་ལན་བདུན་བཟླས་ཏེ། ཆུ་ཁྱོར་བ་བདུན་འབབ་ཆུ་འམ་ཆུར་གཏོར་ན་སངས་རྒྱས་ཀྱི་སྤྱན་གྱིས་གཟིགས་པའི་ཡི་དགས་ཇི་སྙེད་ཡོད་པ་དེ་དག་ཐམས་ཅད་ལྷའི་ཁ་ཟས་ཀྱི་རོ་དང་བཏུང་བའི་རོ་མཆོག་དང ་ལྡན་པ་འཐོབ་ཅིང་། ཡི་དགས་རེ་རེའང་ཁ་ཟས་དང་བཏུང་བ་ཡུལ་མ་ག་དྷའི་ལྔ་བྲེ་བདུན་བདུན་གྱིས་ཚིམ་པར་བྱས་པར་འགྱུར་ཞིང་། ཆུ་དེ་འཐུངས་པ་ཙམ་གྱིས་དེ་དག་ཐམས་ཅད་ཡི་དགས་ཀྱི་སྐྱེ་གནས་ལས་ཐར ་ཅིང་བདེ་འགྲོ་མཐོ་རིས་ཀྱི་གནས་སུ་སྐྱེ་བར་འགྱུར་རོ།། སྐྱེས་པ་འམ། བུད་མེད་དམ། ཁྱེའུ་འམ། བུ་མོ་འམ། གཞན་ཡང་བྱོལ་སོང་གི་སྐྱེ་གནས་སུ་གཏོགས་པ་ཡི་དགས ་སམ་བྱ་འམ། ཆུ་ལ་གནས་པ་ལ་སོགས་པ་གང་གིས་ཆུ་དེ་འཐུངས་པ་དེ་དག་ཐམས་ཅད་སྡིག་པ་དང་སྒྲིབ་པ་ཐམས་ཅད་བྱང་ཞིང་བདེ་འགྲོའི་ལམ་དུ་འགྲོ་བར་འགྱུར་རོ།། ཡེ་ཤེས་སྐར་མདའི་སྙིང་པོའོ།། ་