| Wylie | e-texts produced with BDRC’s OCR application |
སོ་@། ཡི་དགས་ཁ་ནས་མེ་འབར་བ་ལ་སྐྱབས་མཛད་པའི་གཟུངས་དེའི་ཚེ་བཅོམ་ལྡན་འདས་ཡུལ་སེར་སྐྱ་ན། དགེ་འདུན་གྱི་གནས་ན་དགེ ་སློང་གི་དགེ་འདུན་དང་། བྱང་ཆུབ་སེམས་དཔའ་གྲངས་མེད་པས་ཡོངས་སུ་བསྐོར་བ་ལ་ཆོས་སྟོན་ཏོ།། དེའི་ཚེ་ན་ཚེ་དང་ལྡན་པ་དགའ་བོ་བས་མཐའ་ཞིག་ན་ཆོས་ཡིད་ལ་བྱེད་ཅིང་དྲན་པ་མངོན་དུ་བཞག ་ནས་འདུག་པ་ལས། དེའི་ནུབ་མོ་ནམ་གྱི་ཆ་སྨད་ལ་ཡི་དགས་ཁ་ནས་མེ་འབར་བ་ཞེས་བྱ་བ། གཟུགས་བྱེད་མི་སྡུག་པ། ཤིན་ཏུ་རིད་ཅིང་སྐེམ་པ། ཁ་ནས་མ་འབར་བ། མགྲིན་པ་མོ་ཁབ་ཙམ་དུ་ཕྲ་བ ་སྒྲ་འཛིངས་པ། སེན་མོ་དང་མཆེ་བ་རིང་ལ་རྣོ་བ་ཤིན་ཏུ་འཇིགས་སུ་རུང་བ་ཞིག་དགའ་བོའི་དྲུང་དུ་འོངས་ནས། དགྲའ་བོ་ལ་འདི་སྐད་ཅེས་སྨྲས་སོ།། ཁྱོད་ད་སྟེ་ཞག་བདུན་ན་ཚེའི་དུས་བྱས་ཏེ། ཡི་དགས ་ཀྱི་ཁམས་སུ་སྐྱེ་བར་འགྱུར་རོ་ཞེས་སྨྲས་སོ།། དགའ་བོས་དེས་སྨྲས་པ་ཐོས་ནས་ཤིན་ཏུ་འཇིགས་སྐྲག་སྟེ། ཡི་དགས་དེ་ལ་འདི་སྐད་ཅེས་སྨྲས་སོ།། བདག་ཚེའི་དུས་བྱས་ནས་ཡི་དགས་ཀྱི་ཁམས་སུ ་སྐྱེ་བར་འགྱུར་བ་འདི་ཐབས་ནི་བྱས་ན་སྡུག་བསྔལ་དེ་ལས་ཡོངས་སུ་ཐར་བར་འགྱུར། དེ་ནས་ཡི་དགས་དེས་དགའ་བོ་ལ་འདི་སྐད་ཅེས་སྨྲས་སོ།། གལ་ཏེ་ཁྱོད་ཀྱིས་སང་གཉིས་ལ་ཡི་དགས་བཤཱའི ་ཀླུང་གི་བྱེ་མ་ཁྲག་ཁྲིག་བརྒྱ་སྟང་སྣོད་ལ་གཏོར་མ་བྱིན་ཏེ། བྲམ་ཟེ་དང་དྲང་སྲོང་བརྒྱ་སྟོང་སྙེད་ལ་ཡུལ་དབུས་འགྱུར་ཚལ་གྱི་བྲེ་ཚད་མ་རེ་རེའི་ཞལ་ཟས་མཆོག་དམ་པ་ཕུལ་ཏེ། ཁོ་བོའི་ཕྱིར་དཀོན་མཆོག་གསུམ་ལ ་མཆོད་པ་བྱས་ན། ཚ་རིང་ཞིང་ཡི་དགས་ཀྱི་སྡུག་བསྔལ་དང་བྲལ་ཏེ་མཐོ་རིས་ཀྱི་ལྔར་སྐྱེ་བར་འགྱུར་རོ།། དེའི་ཚེ་དགའ་བོས་ཡི་དགས་ཁ་ནས་མེ་འབར་བ་ལུས་མི་སྡུག་པ་དང་། ཤིན་ཏུ་རིད་ཅིང་སྐམ་པ་དང ་ཁནས་མེ་འབར་བ་དང་། མགྲིན་པ་མོ་ཁབ་ལ་སྐྱེ་འཛིངས་པ་དང་། སེན་མོ་དང་མཆེ་བ་རིང་ཞིང་རྣོ་བའང་མཐོང་ལ་ཡིད་དུ་མི་འོང་། མི་འདོད་པའི་ཚིག་ཀྱང་ཐོས་ནས་ལུས་སྤྱི་བུང་ཞེས་བྱེད་པ་ཙམ་དུ་འཇིགས་སྐྲག ་ནས་འདུག་པ་ལས་ལངས་ཏེ། མྱུར་བར་བཅོམ་ལྡ་འདས་ག་ལ་བ་དེར་སོང་ངོ་།། བཅོམ་ལྡན་འདས་ཀྱི་སྤྱན་སྔར་ཕྱིན་ནས་ལུས་སྨད་ལྔ་ས་ལ་གཏུགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས། ་ལུས་འདར་བཞིན་དུ་སྡུག་བསྔལ་གྱིས་གདུངས་པའི་དཔུང་གཉེན་མཛད་དུ་གསོལ་ཞེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བདག་པས་མཐའ་ཞིག་ན་ཆོས་ཡིད་ལ་བགྱིད་ཅིང་མཆིས་པ་ལས ་ཡི་དགས་ལ་ནས་མེ་འབར་བ་ཞེས་བགྱི་བ་དེས་བདག་ལ་འདི་སྐད་ཅེས་མཆིའོ།། ཁྱོད་ད་སྟེ་ཞག་བདུན་ནས་ངེས་པར་ཚའི་དུས་བྱས་ཏེ་ཡི་དགས་ཀྱི་ཁམས་སུ་སྐྱེ་བར་འགྱུར་རོ་ཞེས་མཆིའོ།། བདག་གིས་དེ་ལ ་ཐབས་ཅི་བགྱིས་ན་ཡི་དགས་ཀྱི་སྡུག་བསྔལ་དེ་ལས་ཡོངས་སུ་ཐར་པར་འགྱུར་ཞེས་དྲིས་ན། དེས་བདག་ལ་ཁྱོད་ཀྱིས་ཡི་དགས་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་ལ་གཏོར་མ ་བྱིན་ཏེ། བྲམ་ཟེ་དང་དྲང་སྲོང་ལ་སོགས་པ་བརྒྱ་སྟོང་སྙེད་ལ་ཞལ་ཟས་མཆོག་དམ་པ་ཕུལ་ན་ཚེ་རིང་བར་འགྱུར་ཞེས་མཆི་ན་བཅོམ་ལྡན་འདས་བདག་གིས་ཇི་ལྟ་བུར་ཡི་དགས་དང་དྲང་སྲོང་ལ་སོགས་པ་དེ་སྙེད་ཀྱི ་ཁ་ཟས་འབྱོར་པར་འགྱུར། དེ་ནས་བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ཁྱོད་འཇིགས་པར་མ་བྱེད་ཅིག། ཁྱོད་ཀྱིས་ཡི་དགས་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་དང་། བྲམ་ཟེ ་དང་དྲང་སྲོང་ལ་སོགས་པ་ལ་ཁ་ཟས་དང་གཏོར་མ་མང་པོ་འབྱོར་པའི་ཐབས་ངལ་ཡོད་ཀྱིས་ཡིད་བློང་བར་མ་བྱེད་ཅིག། དེ་ནས་བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ང་ལ ་གཟུངས་སྔགས་གཟི་བརྗིད་ཚད་མེད་པའི་དབང་དུ་གྱུར་པའི་འོད་ཟེར་རྣམ་པར་རྒྱལ་བའི་ཤུགས་ཞེས་བྱ་བ་ཡོད་དེ། གང་ཞིག་གིས་གཟུངས་འདི་བརྗོད་ན་ཡི་དགས་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ ་སྟོང་སྙེད་དང་བྲམ་ཟེ་དང་། དྲང་སྲོང་ལ་སོགས་ཏེ་མང་པོའི་ཁ་ཟས་དང་གཏོར་མ་ཆོག་པར་འགྱུར་ཏེ། དེ་དག་ལ་སོགས་པ་གཅིག་ཀྱང་ཁ་ཟས་ཡུལ་དབུས་འགྱུར་ཚལ་གྱི་བྲེ་ཚད་མས་བརྒལ་བའི ་བྲེ་བདུན་བདུན་སྙེད་ཐོབ་པར་འགྱུར་རོ།། དགའ་བོ་ངའང་བྲམ་ཟེར་གྱུར་པ་ན། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་དེ་བཞིན་གཤེགས་པ་དབང་སྒྱུར་ཡོན་ཏན་ཞེས་བྱ་བ ་ལས་གཟུངས་འདི་ཐོས་པས་ན་དེའི་དབང་གིས་ཡི་དགས་ཚད་མེད་པ་སྙེད་དང་། དྲང་སྲོང་མང་པོ་ལ་ཁ་ཟས་དང་གཏོར་མ་བྱིན་པར་གྱུར་ཏེ། ཡི་དགས་ཀྱི་ཁམས་སུ་སྐྱེས་པ་དེ་དག་ཀྱང་སྡུག ་བསྔལ་ལས་རྣམ་པར་གྲོལ་ནས་མཐོ་རིས་ཀྱི་ལྷུར་སྐྱེས་པར་གྱུར་ཏོ།། དགའ་བོ་ཁྱོད་ཀྱིས་ཟུང་ཞིག། བསོད་ནམས་དང་ཚེའི་ཚད་ཀྱང་འཕེལ་ཞིང་སྐྱེ་བར་འགྱུར་རོ།། དེའི་ཚེ་བཅོམ་ལྡན་འདས་ཀྱིས ་དགའ་བོ་ལ་གཟུངས་སྔགས་འདི་བཀའ་སྩལ་ཏོ།། ན་མཿསརྦ་ཏ་ཐཱ་ག་ཏ་ཨ་བ་ལེ་ཀི་ཏེ། སཾ་བྷུ་ར་སཾ་བྷ་ར་ཧཱུཾ། བཅོམ་ལྡན་འདས་ཀྱིས། དགའ་བོ་ལ་བཀའ་སྩལ་པ། རིགས་ཀྱི་བུ་འམ་ཀ་རིགས་ཀྱི་བུ་མོ ་གང་ལ་ལ་ཞིག་ཚེ་རིང་བར་འདོད་དུམ། བསོད་ནམས་ཆེ་ཞིང་འཕེལ་བ་དང་། སྦྱིན་པའི་ཕ་རོལ་ཏུ་ཕྱིན་པ་མྱུར་དུ་ཡོངས་སུ་རྫོགས་པར་བྱ་བར་འདོད་ན། རྟག་ཏུ་སྔ་དྲོའི་དུས་སམ། ཡང་ན་དུས་ཐམས་ཅད་དུ ་བྱས་ཀྱང་བར་ཆད་དུ་འགྱུར་བ་མེད་དོ།། སྣོད་གཙང་མའི་ནང་དུ་ཆུ་གཙང་མ་བླུགས་ལ་ཆེན་ནས། ཕྱེ་འམ། འཁུར་བ་ལ་སོགས་པ་ཅུང་ཟད་ཅིག་བཏབ་སྟེ། ལག་པ་གཡས་པ་སྣོད་ཀྱི་སྟེང་དུ་བཞག་སྟེ། གཟུངས་འདི ་ལན་བདུན་བསྔགས་ནས། དེ་བཞིན་གཤེགས་པ་བཞིའི་མཚན་ནས་བརྗོད་པར་བྱའོ།། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ།། དེ་བཞིན་གཤེགས་པ་རིན་ཆེན་མང་གི་མཚན་ནས་བརྗོད་པའི ་བྱིན་གྱི་རླབས་ཀྱིས། ཡི་དགས་ཐམས་ཅད་སྐྱེ་བ་མང་པོའི་སེར་སྣ་བྱས་པ་མི་དགེ་བའི་ལས་བཅོམ་ཞིང་བསོད་ནམས་ཡོངས་སུ་རྫོགས་པར་འགྱུར་རོ།། དེ་བཞིན་གཤེགས་པ་གཟུགས་དམ་པ་ལ་ཕྱག་འཚལ ་ལོ།། དེ་བཞིན་གཤེགས་པ་གཟུགས་དམ་པའི་མཚན་ནས་བརྗོད་པའི་བྱིན་གྱི་རླབས་ཀྱིས། ཡི་དགས་མང་པོ་བྱང་གཟུགས་མི་སྡུག་པ་བཅོམ་ཞིང་གཟུགས་དང་མཚན ་ཕུན་སུམ་ཚོགས་པར་འགྱུར་རོ།། དེ་བཞིན་གཤེགས་པ་སྐུ་འཇམ་ཀླས་ལ་ཕྱག་འཚལ་ལོ།། དེ་བཞིན་གཤེགས་པ་སྐུ་འཇམ་ཀླས་ཀྱི་མཚན་ནས་བརྗོད་པའི་བྱིན་གྱི་རླབས་ཀྱིས།། ཡི་དགས་མང ་པོའི་སྒོམ་པ་སྤངས་ཤིང་ཚིམ་པར་འགྱུར་ཏེ། སྦྱིན་པའི་གནས་ཡིད་བཞིན་དུ་ཟ་བ་དང་ཆོག་ཅིང་འགྲངས་པར་འགྱུར་རོ།། དེ་བཞིན་གཤེགས་པ་འཇིགས་པ་དང་བྲལ་བ་ལ་ཕྱག་འཚལ་ལོ།། དེ་བཞིན་གཤེགས ་པ་འཇིགས་པ་དང་བྲལ་བའི་མཚན་ནས་བརྗོད་པའི་བྱིན་གྱི་རླབས་ཀྱིས། ཡི་དགས་མང་པོའི་འཇིགས་པ་ཐམས་ཅད་དང་བྲལ་ཏེ་ཡི་དགས་ཀྱི་ཁམས་ཞི་བར་འགྱུར་རོ།། བཅོམ་ལྡན་འདས་ཀྱིས་དགའ ་བོ་ལ་བཀའ་སྩལ་པ། རིགས་ཀྱི་བུ་ལ་སོགས་པས་དེ་བཞིན་གཤེགས་པའི་མཚན་ནས་བརྗོད་དེ་བྱིན་གྱིས་བརླབས་པའི་འོག་ཏུ་སེ་གོལ་ལན་གསུམ་བྱས་ཏེ། གཏོར་མའི་སྣོད་བླངས་ནས་ལག་པ་བརྐྱང་སྟེ ་ས་གཙང་མར་བླུགས་པར་བྱའོ།། དེ་ལྟར་གཏོར་མ་བྱིན་པར་བྱས་ན། ཕྱོགས་བཞི་ནས་ལྷགས་པའི་ཡི་དགས་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་སོ་སོ་ནས་ཡུལ་དབུས་འགྱུར་ཚལ་གྱི་བྲེ་ཚད ་མས་བཅལ་བའི་བྲེ་བདུན་བདུན་ཐོབ་པར་འགྱུར་རོ།། ཁ་བོས་དེ་དག་ཡི་དགས་ཀྱི་ཡིད་བཞིན་དུ་ཟ་བ་དང་ཆོ་ག་འགྲངས་པ་དང་ཡི་དགས་ཀྱི་ཁམས་སྤོང་བ་དང་མཐོ་རིས་ཀྱི ་ལྷུར་སྐྱེ་བར་འགྱུར་རོ།། དགའ་བོ་གལ་ཏེ་དགེ་སློང་པ་འམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ཞིག་རྟག་ཏུ་གཟུངས་འདིས་ལཟས་ལ་བསྔགས་ཏེ་ཡི་དགས་ལ་སྦྱིན་པ་བྱིན་ན ་བསོད་ནམས་ཚ་མེད་པ་སྙེད་ཡོངས་སུ་རྫོགས་པར་འགྱུར་ཞིང་། དེ་ལས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་སྙེད་ལ་མཆོད་པ་བྱས་པའི་བསོད་ནམས་དྲང་ཁྱད་པར་མེད་དེ་ཚེ་རིང་བདང་བསོད་ནམ་དང་། ་མདངས་དང་སྟོབས་སྐྱེ་ཞིང་འཕེལ་བ་དང་། དག་པའི་རྩ་བ་ཡོངས་སུ་རྫོགས་པ་དང་། མི་མ་ཡིན་པ་དང་། གནོད་སྦྱིན་དང་། སྲིན་པོ་དང་། ཡི་དགས་མ་རུངས་ཐམས་ཅད་ཀྱིས ་གཙེ་ཞིང་གནོད་པར་བྱེད་མི་ནུས་པ་དང་། གཞན་ལ་གཟི་བརྗིད་ཚད་མེད་པ་དང་ལྡན་པར་འགྱུར་རོ།། གལ་ཏེ་གང་ཞིག་བྲམ་ཟེ་དང་དྲང་སྲོང་ལ་སྦྱིན་པ་བྱེད་འདོད་ན། ཁ་ཟས་ཡོངས་སུ་དག་པ་སྣོད་གཅིག་གི་ནང ་དུ་བཀང་སྟེ་གཟུངས་སྔགས་ལན་བདུན་བཟླས་ཏེ་འབབ་ཆུ་གཙང་མར་གཏོར་ན། དེ་ལྟར་བྱས་པས་ལྷ་རྫས་ཀྱི་ཞལ་ཟས་མཆོག་དམ་པར་གྱུར་ཏེ། དེས་ན་བྲམ་ཟེ་དང་དྲང་སྲོང་དེ་དག་ཀྱང་སྔགས་ཀྱིས་བཏབ ་པའི་ཟས་ཐོབ་ནས་སྔགས་ཀྱི་བྱིན་གྱིས་སོ་སོ་ནས་སྔོན་ཆད་ཅི་དང་ཅི་ལ་དགའ་ཞིང་མོས་པའི་དགེ་བའི་རྩ་བའི་བསོད་ནམས་སུ་ཡོངས་སུ་འགྱུར་བས། སོ་སོ་ནས་མཐུན་པར་དུས་གཅིག་ཏུ་དེ་ལ་ཚེ་རིང་བ་དང་། ་མདངས་དང་། སྟོབས་སུ་ལྡན་ཏེ་བདེ་ཞིང་སྐྱིད་པར་གྱུར་ཅིག་ཅེས་སྨོན་ལམ་འདེབས་སོ།། གཞན་ཡང་མི་དེ་སེམས་བསམ་པ་བཞིན་དུ་མཐོང་བ་དང་ཐོས་པའི་སྒོ་ནས་ཡོངས་སུ་དག་ཅིང་། ཤེས་པ ་མི་ནོར་བ་དག་ཚངས་པའི་ལྷའི་སྤྱོད་པ་མཆོག་དང་ལྡན་ཞིང་ཡོངས་སུ་རྫོགས་པར་འགྱུར་རོ།། གཞན་ཡང་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ ་སྡོང་སྙེད་ལ་མཆོད་པ་བྱས་པའི་བསོད་ནམས་དང་འདྲ་སྟེ། ཕས་ཀྱི་རྒོལ་བ་ཐམས་ཅད་ཀྱིས་གནོད་པ་བྱེད་མི་ནུས་པར་འགྱུར་རོ།། གལ་ཏེ་དགེ་སློང་ཕ་འམ་དགེ་སློང་མ་འམ། དགེ་བསྙེན་པ་འམ ་དགེ་བསྙེན་མ་གང་ཞིག་སངས་རྒྱས་དང་། ཆོས་དང་། དགེ་འདུན་ལ་མཆོད་པ་བྱེད་པར་འདོད་ན། སྤོས་དང་། མེ་ཏོག་དང་། ཞལ་ཟས་དམ་པ་ལ་གཟུངས་སྔགས་འདི་ལན་ཉི་ཤུ་རྩ་གཅིག་ཏུ ་བཟླས་ཏེ། དཀོན་མཆོག་གསུམ་ལ་དབུལ་བར་བྱའོ།། དེ་ནས་རིགས་ཀྱི་བུ་ཕོ་དང་། རིགས་ཀྱི་བུ་མོ་དེས་ཕུལ་བའི་ཞལ་ཟས་དེ་ལྷ་རྫས་ཀྱི་ཞལ་ཟས་དུ་གྱུར་ཏེ། ཕྱོགས་བཅུའི་འཇིག་རྟེན་གྱི་ཁམས་ན ་སངས་རྒྱས་དང་། ཆོས་དང་། དགེ་འདུན་ལ་མཆོད་པ་བྱས་པར་འགྱུར་རོ།། དེ་ནས་བསྟོད་པ་དང་། གསོལ་བ་འདེབས་པ་དང་། རྗེས་སུ་ཡི་རང་བའི་བསོད་ནམས་དང་ལྡན་པར་འགྱུར་ཏེ། རྟག་ཏུ་སངས་རྒྱས ་བཅོམ་ལྡན་འདས་ཀྱིས་བསྔགས་ཤིང་དགོངས་པར་འགྱུར་རོ།། ལྷ་མང་པོས་རྟག་ཏུ་སྲུང་ཞིང་སྐྱོབ་པ་དང་། སྦྱིན་པའི་ཕ་རོལ་ཏུ་ཕྱིན་པའང་རྫོགས་པར་འགྱུར་རོ།། དགའ་བོ་ཁྱེད་ཀྱིས་འདི་རྗེས་སུ་ཆོས་བཞིན་ཡིད ་ལ་བྱས་ཏེ། སེམས་ཅན་ཐམས་ཅད་ཀྱིས་མཐོང་ཞིང་ཐོས་པར་བྱ་བའི་ཕྱིར་ཡོངས་སུ་རྒྱས་པར་སྟོན་ཅིག་དང་། བསོད་ནམས་ཚད་མེད་པ་ཐོབ་པར་འགྱུར་རོ།། ཡི་དགས་ཁ་ནས་མེ་འབར་བ་ལ་སྐྱབས་མཛད་པའི ་གཟུངས་རྫོགས་སོ།། ཡི་དུགས་མོ་ཁ་འབར་མ་དབུགས་དབྱུང་བའི་གཏོར་མའི་ཆོ་ག་དཀོན་མཆོག་གསུམ་ལ་ཕྱག་འཚལ་ལོ།། ་