| Wylie | e-texts produced with BDRC’s OCR application |
གར་གྱི་མཁན་པོ་ཛི་ན་མི་ཏྲ་དང་དཱན་ཤཱི་ལ་དང་། ཞུ་ཆེན་གྱི་ལོ་ཙ་བ་བན་དྷེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་བཅད་ཀྱིས་ཀྱང་བཅོས་ནས་གཏན་ལ་ཕབ་པ། @ ་གར་སྐད་དུ། ཨ་མྲྀ་ཏ་བྷ་བ་ན་ས་དྷཱ་ར་ཎི་བོད་སྐད་དུ། བདུད་རྩི་འབྱུང་བ་ཞེས་བྱ་བའི་གཟུངས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱང་ཆུབ་ཀྱི་ཤིང་དྲུང་ན། འཁོར་རྣམ་བཞི་དང་། ལྷ་དང་མི་རྣམས་ཀྱིས ་བསྐོར་ནས་བཞུགས་སོ།། དེ་ནས་འཁོར་རྣམས་ཀྱི་ནང་ནས་ཁྱིམ་བདག་བཟང་སྐྱོང་གིས་བཅོམ་ལྡན་འདས་ཀྱི་འཁོར་རྣམ་པ་བཞི་དང་། རིགས་དྲུག་གི་སེམས་ཅན་ཐམས་ཅད་ལ་སྤོས་དང ་སྨན་དང་ཞལ་ཟས་ཀྱི་མཆོད་པ་ཆེན་པོ་བཤམས་ནསབཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བཟའ་བ་དང་བཅའ་བ་དང་། བཏུང་བ་འདི་རྣམས་སེམས། ་ཅན་རྣམས་ཀྱི་དོན་དུ་བྱིན་གྱིས་བརླབ་ཏུ་གསོལ། དེ་ནས་བཅོམ་ལྡན་འདས་ཀྱིས་བདུད་རྩི་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞལ་ཟས་ཀྱི་སྟེང་དུ་ཟླ་བའི་དཀྱིལ་འཁོར་གྱི་སྟེང ་དུ་རཾ་དཀར་པོ་ལ་ཆོས་ཐམས་ཅད་རྡུལ་དང་བྲལ་བའོ་ཞེས་བྱ་བའི་སྒྲ་བྱུང་བས་ཞལ་ཟས་ཀྱི་དྲི་མ་དག་པར་གྱུར་ཏོ།། ཡང་ཟླ་བའི་དཀྱིལ་འཁོར་གྱི་སྟེང་དུ་ཨ་དཀར་པོ་བསམས་ཏེ། ཞལ་ཟས་ལྷའི་བདུད་རྩི་དང ་ཡོ་བྱད་དུ་གྱུར་ཏོ།། ཡང་ཟླ་བའི་དཀྱིལ་འཁོར་གྱི་སྟེང་དུ་ཨོཾ་ཞེས་པས་འཕགས་པ་དང་སེམས་ཅན་ཐམས་ཅད་མཉེས་ཤིང་ཚིམ་པར་གྱུར་ཏོ།། དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལྟར་བྱས་ཏེ ་གཟུངས་འདི་གསུངས་སོ།། ཨོཾ་སརྦ་དྷརྨ་ཏཱ་བཛྲ་སིདྡྷ་ཧཱུཾ། ཨོཾ་ཨ་མྲྀ་ཏ་ཧཱུཾ། ན་མཿསརྦ་ཏ་ཐཱ་ག་ཏེ་བྷྱོ། བི་ཤྭ་མུ་ཁེ་བྷྱཿ། སརྦ་གྷཱལ~ཾ་ཨུ་ག་ཏྱེ་སྥ་རཱ་ཎ། ཨི་མཾ་ག་ག་ན་ཁཾ་སྭཱཿ། ཨོཾ་ན་མཿ ་སརྦ་ཏ་ཐཱ་ག་ད་ཨ་བ་ལོ་ཀི་ཏེ་ས~ཾ་བྷ་ར་ས~ཾ་བྷ་ར་ཧཱུ~ཾ། ཨོཾ་ནུ་རུ་སཱུ་རུ་ཛྭ་ལ་ཏིཥྛ་སིདྡྷ་ལོ་ཙཱ་ནེ་སརྦ་ཨརྠ་སདྷ་ནི་སྭཱ་ཧཱུ~ཾ། ཞེས་གཟུངས་འདི་བརྗོད་མ་ཐག་ཏུ་མཆོད་པའི་ཞལ་ཟས་ཀྱིས་མཆོད་ནུསག་འཕགས་པ ་ཐམས་ཅད་མཉེས་པ་དང་། སེམས་ཅན་ཐམས་ཅད་བདེ་བར་གྱུར་གྱུར་ཏོ།། དེ་ནས་ཁྱིམ་བདག་བཟང་སྐྱོང་གིས། བཅོམ་ལྡན་འདས་ཀྱི་སྤྱན་སྔར་ཐལ་མོ་སྦྱར་ནས་འདི་སྐད་ཅེས་གསོལ་ཏོ།། སངས་རྒྱས ་དང་བྱང་ཆུབ་སེམས་དཔའ་ཐམས་ཅད་ཀྱི་མཐུ་དང་། ཆོས་ཀྱི་དབྱིངས་རྣམ་པར་དག་པའི་བྱིན་གྱི་རླབས་ཀྱི་མཐུ་དང་། བདག་གི་བསམ་པ་རྣམ་པར་དག་པའི་སྟོབས་ཀྱིས་འཕགས་པ་ཐམས་ཅད་ཀྱི་ཕོ་བྲང་དང་། ་སེམས་ཅན་ཐམས་ཅད་ཀྱི་གནས་དང་། སེམས་ཅན་ཐམས་ཅད་ཀྱི་རྒྱུད་ལ་ཆོས་དང་ཟང་ཟིང་གི་ལོངས་སྤྱོད་དཔག་ཏུ་མེད་ཅིང་བརྗོད་ཀྱིས་མི་རྫོགས་པ་འབྱུང་ཞིང་རྒྱས་པར་གྱུར་ཅིག། སངས་རྒྱས་ཀྱི་བདེན ་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། གསང་སྔགས་དང་། རིག་སྔགས་དང་། ཕྱག་རྒྱ་དང་། ཏིང་ངེ་འཛིན་གྱི་བདེན་པའི་བྱིན་གྱི་རླབས་ཀྱིས་ཕ་རོལ་ཏུ་ཕྱིན་པ་ལ་སོགས ་ཏེ་ཆོས་ཀྱི་སྦྱིན་པ་དང་། བདག་གི་བང་ཟིང་གི་སྦྱིན་པ་འདིས་བདེ་བ་དང་དགའ་བར་གྱུར་ཅིག། བཅོམ་ལྡན་འདས་ཀྱིས་ལེགས་སོ་ཞེས་བྱ་བ་བྱིན་ཏེ། ཁྱིམ་བདག་པའང་སྐྱོང་ལེགས་སོ།། དཀའ་བའི་སྤྱོད་པ ་འདི་ལྟ་བུ་བྱེད་པ་ལེགས་སོ།། ངའི་འཁོར་ལྷ་དང་མི་རྣམས་ཀྱིས་ཀྱང་འདི་ལྟར་མཆོད་པར་བྱའོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན ་པའི་འཁོར་དང་ཁྱིམ་བདག་བཟང་སྐྱོང་རྗེས་སུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ་དགའ་བར་གྱུར་ཏོ།། བདུད་རྩི་འབྱུང་བ་ཞེས་བྱ་བའི་གཟུངས་རྫོགས ་སོ་@། ཡི་དགས་ཁ་ནས་མེ་འབར་བ་ལ་སྐྱབས་མཛད་པའི་གཟུངས་དེའི་ཚེ་བཅོམ་ལྡན་འདས་ཡུལ་སེར་སྐྱ་ན། དགེ་འདུན་གྱི་གནས་ན་དགེ ་