| Wylie | e-texts produced with BDRC’s OCR application |
གཉིས་པའོ།། @རྒྱ་གར་སྐད་དུ། སརྦ་ར་ཧ་སྱོ་ནཱ་མ་ཏནྡ་རཱ་ཛ། བོད་སྐད་དུ། ཐམས་ཅད་གསང་བ་ཞེས་བྱ་བ་རྒྱུད་ཀྱི་རྒྱལ་པོ།། བཅོམ་ལྡན ་འདས་ཡེ་ཤེས་སེམས་དཔའ་ལ་ཕྱག་འཚལ་ལོ།། འབྱུང་ལྔ་ཉིད་ཀྱིས་ལྔ་ཡི་བདག་ཉིད་ཅན།། མི་རྣམས་ལུས་ལ་ངེས་པར་མཐོང་བ་དག། རང་སེམས་རབ་ཏུ་བསྒོམས་པར། ་གྱུར་ན་ནི།། དངོས་དེར་བསྒོམས་པས་ངེས་པར་སངས་རྒྱས་འགྱུར།། རབ་ཤེས་གསང་བ་དམ་པ་ནི།། སངས་རྒྱས་ཡེ་ཤེས་བླ་མེད་དེ།། གཉིས་མེད་གཉིས་ཀྱི་ཚུལ་ཅན་ཏེ།། སངས་རྒྱས་རྟག་པ། ་རབ་ཏུ་འདུད།། ཡང་དག་བདག་མེད་ལས་བྱུང་ཞིང་།། གཉིས་མེད་ཡེ་ཤེས་ལས་བྱུང་བ།། སྡུག་དང་མི་སྡུག་རྣམས་སྤངས་པ།། ཅི་ལའང་ཕྱག་ནི་མི་འཚལ་ཏོ།། མ་སྐྱེས་པ་ནི་ཡང་དག་བསྐྱེད།། ་སྐྱེས་པའི་འོག་ཏུ་རྟག་པར་ནི།། སངས་རྒྱས་སྐུར་ནི་སྒོམ་པ་དེ།། རང་གི་ཡེ་ཤེས་མཆོག་ཕྱག་འཚལ།། རྣལ་འབྱོར་པ་དང་སེམས་ཅན་ཀུན།། མ་སྐྱེས་པ་ནི་ཡང་དག་བསྐྱེད།། སྐྱེས་པའི་འོག་ཏུ ་རྟག་པར་ནི།། ཉོན་མོངས་བག་ཆགས་ཀྱིས་སུན་འབྱིན།། ལུས་ཅན་རྣམས་ནི་འཁོར་གྱུར་པ།། སྡུག་དང་མི་སྡུག་རྣམ་འབྱེད་ཡིན།། སེམས་གང་དེ་ཉིད་སྡུག་བསྔལ་ཏེ།། སེམས་ཅན་རྣམས་ཀྱི་ལུས་འབྱུང ་ངོ་སེམས་དེ་ཡི་ནི་རྒྱུན་ཉིད་ཀྱིས།། འགྲོ་བ་སྡུག་བསྔལ་གནོད་པར་འགྱུར།། རྣམ་པར་སྣང་མཛད་རྒྱལ་པོ་མགོན།། སངས་རྒྱས་ཐམས་ཅད་བསྡུས་གཅིག་པ།། སངས་རྒྱས་ཐམས་ཅད་རྟོགས་གྱུར། ་པདན་སངས་རྒྱས་འཁོར་བ་སྒྲོལ་བ་པོ།། སེམས་ཅན་ཀུན་ལ་ཕན་པའི་ཕྱིར།། ཐུགས་རྗེའི་ཉམས་དང་ཡང་དག་ལྡན།། རྒྱུ་ཡི་དེ་ཉིད་མཉམ་སྦྱོར་བས།། འབྲས་བུའི་དེ་ཉིད་རྣམས་ཀྱང་སྟོན།། འབྲས་བུའི་རིཅི ་ཡང་དགཟུགས།། རྒྱུ་ཡི་དེ་ཉིད་མི་འདོད་དོ།། གང་དུ་འདོད་པ་སྐྱེས་གྱུར་པ།། དེ་ཉིད་འཁོར་བའི་བག་ཆགས་ཡིན།། མཁས་པ་ཡི་ནི་ཆོ་ག་ཡིས།། སྒོམ་པ་རུ་ནི་ཡོངས་སུ་བཏགས།། གང་ཞིག་སླར་ལ། ་གཅིག་གྱུར་པ།། རྣལ་འབྱོར་པ་ཡི་ནལ་འབྱོར་བྱུང་།། སངས་རྒྱས་རྗེས་དྲན་ལ་དམིགས་ཤིང་།། ཆོས་ནི་རྗེས་སུ་དམིགས་པ་ཡི།། ཚོགས་གཉིས་ཀྱི་ནི་སྦྱོར་བ་ཡིས།། རྐང་གཉིས་དམ་པ་ཉིད་དུ་འགྱུར།། ་བྷ་གར་ལིང་ག་རབ་གཞག་སྟེ།། སངས་རྒྱས་སྲུང་ནི་རྣམ་པར་སྒོམ།། སངས་རྒྱས་རྗེས་དྲན་རྣལ་འབྱོར་པ།། སངས་རྒྱས་སྤྲིན་ནི་བསྒོམ་པར་བྱ།། བྷ་གར་ལིང་ག་རབ་གཞག་སྟེ།། རྡོ་རྗེ་ཆོས་ནི ་རྣམ་པར་སྒོམ།། ཆོས་ནི་རྗེས་དྲན་རྣལ་འབྱོར་པ།། ཆོས་ཀྱི་སྤྲིན་ལས་ཆར་རབ་འབེབས།། མཚན་ནི་ལིང་ག་ཞེས་བཤད་དེ།། ཕྱག་རྒྱའི་མཚན་མ་རྣམ་པ་བ་ནི།། འཇོམས་པས་བྷ་ག་ཞེས་བཤད་དེ།། ་ཉོན་མོངས་འཇོམས་པའི་དམ་པ་ཡིན།། སེམས་ཅན་ཀུན་གྱི་དངོས་ཀུན་གྱི།། རང་སེམས་ཆོས་ནི་བསྡུས་པ་ཡིན།། ཆོས་བདག་མེད་པའི་སྦྱོར་བ་ཡིས།། བསད་ན་རང་ཉིད་འཆི་བར་འགྱུར།། རང་གི ་སེམས་ཉིད་རྫོགས་སངས་རྒྱས།། རྟོགས་པར་བྱ་བ་སེམས་ཉིད་ཡིན།། རང་གི་སེམས་ཉིད་གསད་བྱ་བ།། སེམས་ཉིད་ཁོ་ན་གསད་པར་བྱ།། སྦྱོར་བ་ཉིད་དང་ཡང་དག་འབྲེལ།། གང་ཡང་སྲིད་པ ་འབྱུང་མ་ཡིན།། གང་ཚེ་སངས་རྒྱས་དེ་ཚེ་ནི།། སྦྱོར་ལྔ་སངས་རྒྱས་བདག་ཅེས་སྒོམ།། ཏིང་འཛིན་ཡེ་ཤེས་ལས་བྱུང་བ།། སངས་རྒྱས་ཉིད་ཕྱིར་མདོར་བསྡུས་པ།། སངས་རྒྱས་རྣལ་འབྱོར་མེད་པར་ནི།། ། ་རྣལ་འབྱོར་པ་ནི་འཚང་མི་རྒྱ།། ཕྲ་མོའི་དངོས་པོ་བཞིན་མཐོང་།། སྡུག་པའི་དངོས་པོར་དེ་བཞིན་ཏེ།། དངོས་དང་དངོས་མེད་ཁྱད་པར་ནི།། སྒོམ་པ་ཀུན་ཏུ་བརྟགས་པ་ཡིན། ་དངོས་པོ་སྒོམ་པའི་དངོས་མ་ཡིན།། བསྒོམ་པར་བྱ་བ་སྒོམ་པ་མིན།། དངོས་པོ་སྒོམ་པར་གྱུར་པ་ཡིས།། རང་གི་སེམས་ནི་ཡོངས་སུ་སྦྱང་།། སངས་རྒྱས་སངས་རྒྱས་ཡུལ་མ་ཡིན།། སེམས་ཅན་ཡུལ ་དུའང་མི་འགྱུར་གྱི།། རང་སེམས་རྟོགས་པས་སངས་རྒྱས་ཏེ།། སངས་རྒྱས་སངས་རྒྱས་རྟོགས་པས་མིན།། གཉིས་མེད་སྦྱོར་བ་འདི་ལ་ཡང་། ཏིང་ངེ་འཛིན་གྱི་ཡེ་ཤེས་བརྟག་རྒྱུ་ཡི་དེ་ཉིད་ཇི ་མཐོང་དང་འབྲས་བུའི་དེ་ཉིད་དེ་ཉིད་ཡིན།། རྒྱུ་ཡི་དེ་ཉིད་ཅུང་ཟད་མེད།། འབྲས་བུའི་དེ་ཉིད་དེ་བཞིན་ནོ།། དེ་ཉིད་དེ་ནི་དེ་བཞིན་ཤེས།། དེ་ཉིད་རྣལ་འབྱོར་པ་ཀུན་སྤྱོད།། རྒྱུ་ཡིས་རྒྱུན་ནི་དངོས་པོར་མིན།། ་འབྲས་བུའི་དངོས་པོར་འབྲས་བུས་མིན།། རྒྱུ་དེ་འབྲས་བུའི་དངོས་པོར་རུང་།། རང་གི་སེམས་ནི་སོ་སོར་སྣང་།། ཡེ་ཤེས་དེ་ནི་རྒྱུ་དངོས་ཏེ།། གསང་དེ་འབྲས་བུའི་དངོས་པོ་ཡིན།། གསང་བ་གཉིས་མེད། ་སྤྱོད་པ་ཡིས།། དེ་ཡི་དངོས་པོས་མཆོག་ཡིན་ནོ།། དེ་ཉིད་དེ་ཉིད་རྟོགས་གྱུར་པ།། གསང་དེ་གསང་བའི་རྣལ་འབྱོར་པ།། གསང་བདེ་རིག་ཤེས་པ་སྟེ།། མཆོག་ནི་མཆོག་གི་རྣལ་འབྱོར་པ།། སྡུག ་པའི་ངོ་བོར་གང་བཤད་པ།། མི་སྡུག་པ་ཡང་དེ་ཡི་དངོས།། སྡུག་དང་མི་སྡུག་གཟུགས་གང་ཡིན།། མི་མཐོང་དེ་ནི་དེ་བཞིན་གཤེགས།། རྣམ་ཤེས་ཙམ་ནི་མེད་པ་རུ།། རྣལ་འབྱོར་རྣལ་འབྱོར་འབྱུང ་མི་འགྱུར།། ཇི་ལྟར་ཡེ་ཤེས་མཆོག་དག་པ།། དེ་ལྟར་དག་པ་དེ་བཞིན་གཤེགས།། རྣམ་པར་ཤེས་པ་རྣམ་པ་བཞི།། ཕྱག་རྒྱ་བཞི་ཡི་ཆོ་ག་ཡིས།། གསང་བ་གཉིས་མེད་སྦྱོར་བ་ཡིས།། སྐུ་གསུང ་ཐུགས་ནི་ཡང་དག་བྱུང་།། ཐུགས་ནི་ཕྱག་རྒྱ་ཆེན་པོ་སྟེ།། དམ་ཚིག་ཕྱག་རྒྱ་ཀུན་ཏུ་འགྲོ།། ཆོས་ཀྱི་ཕྱག་རྒྱ་གསུང་གི་སྟེ།། ལས་ཀྱི་ཕྱག་རྒྱ་སྐུ་ཡི་ཡིན།། རྒྱ་ཡིས་རྒྱས་བཏབ་དངོས་པོ་ནི།། གསང ་བདག་གསང་བའི་རྣལ་འབྱོར་པའོ།། རང་རིག་པ་ཡི་ངོ་བོ་ཉིས།། ཏིང་འཛིན་ཡེ་ཤེས་བརྟག་པ་ཡིན།། ལུས་ངག་སེམས་སུ་རྣམ་བརྟགས་པའི།། བྱ་བ་རྒྱུད་དུ་རྣམ་བརྟགས་པ།། གསང་བ་རྣམ་པ་གསུམ་དུ ་བཤདད། རྡོ་རྗེ་ལས་ཅན་སྣ་ཚོགས་བཞིན།། སངས་རྒྱས་ལྔ་ཡི་བདག་ཉིད་ནི།། གསང་བའི་ཡེ་ཤེས་བླ་མེད་ཡིན།། ཕྱག་རྒྱ་བཞི་པོ་གསང་བ་དེ།། རྣལ་འབྱོར་པ་ཡིས་ལས་གྲུབ་བྱེད།། འབྱུང་བ་ཆེན་པོ། ་བཞི་པོ་ཡང་།། ཕྱག་རྒྱ་བཞི་ཞེས་བཤད་པ་ཡིན།། ཕྱག་རྒྱ་བཞི་ཡིས་མཉམ་སྦྱོར་བ།། ལྷ་མོ་བཞི་དང་ཡང་དག་སྦྱོར།། ས་ནི་སྤྱན་ཞེས་བཤད་པ་ཡིན།། ཆུ་ནི་མཱ་མ་ཀཱི་ཞེ་ས་བཤད།། མེ་དང་རླུང་ཞེས ་གྲགས་པ་ནི།། གོས་དཀར་མོ་དང་སྒྲོལ་མ་ཡིན།། དབང་ཆེན་ས་ཡི་ཁམས་ཡིན་ཏེ།། ཆུ་ཡི་ཁམས་ནི་ཆུ་དཀྱིལ་འཁོར།། མེ་ནི་མེ་ཡི་ཁམས་ཡིན་ཏེ།། རླུང་ནི་རླུང་གི་དཀྱིལ་འཁོར་རོ།། དབང་ཆེན་ཁ་དོག། ་སེར་པོ་སྟེ།། གྲུ་བཞི་པ་སྟེ་རྒྱས་པ་ཡིན།། ཆུ་ཡི་དཀྱིལ་འཁོར་ཟླུམ་པོ་སྟེ།། དཀར་པོའི་མདོག་ཅན་ཞི་བའི་ཡིན།། མེ་ཡི་དཀྱིལ་འཁོར་ཁ་དོག་དམར།། གྲུ་གསུམ་དབང་གི་ལས་རྣམས་ལའོ།། ཆུང ་གི་དཀྱིལ་འཁོར་གཞུ་ཡི་དབྱིབས།། ནག་པོའི་གདུག་པའི་ལས་རྣམས་ལ།། འབྱུང་བ་ཆེའི་བདག་ལས་གྲུབ་པ།། ལས་ཀྱི་དངོས་གྲུབ་ཡོན་ཏན་བ་ནི།། ལས་ཀྱི་དངོས་གྲུབ ་དངོས་གྲུབ་མཆོག། འཁོར་ལོས་སྒྱུར་བ་རྣམ་པ་བཞི།། ཞི་བ་ལ་ནི་སྤུན་གྱི་ཚུལ།། རྒྱས་པ་པདྨའི་རྡོ་རྗེ་ཅན།། དབང་ལ་རྣམ་པར་སྣང་མཛད་གནས།། རྡོ་རྗེ་ཁྲོ་བོ་མངོན་སྤྱོད་ལའོ།། ཞི་བ་དགོངས་ཀ། ་བྱ་བ་ཡིན།། དེ་བཞིན་རྒྱས་པ་སྔ་དྲལ།། གདུག་པའི་ལས་རྣམས་ཉི་མའི་གུང་།། དབང་གི་ལས་ནི་མཚན་ཕྱེད་བྱ།། ཞི་ལ་དཀར་པོ་སྦྱར་བར་བྱ།། སེར་པོར་སྣང་བ་རྒྱས་པ་ལ།། དབང་གི་ལས ་དམར་པོ་སྟེ།། གདུག་པ་ནག་པོར་རབ་ཏུ་སྦྱར།། ཏིང་འཛིན་ཡེ་ཤེས་ལས་བྱུང་བ།། ལས་ཀྱི་སྒྲུབ་པ་དམ་པ་ཡིན།། བཅོམ་ལྡན་དག་པ་བསྒོམ་བྱ་སྟེ།། སངས་རྒྱས་ཀུན་ལས་མི་གཡོ་གྱུར།། བྷ ་གའི་དབུས་སུ་གསང་བའི་བདག། རྡོ་རྗེ་དབྱིངས་ནི་དེ་བཞིན་གཤེགས།། ལྔ་ཡི་བདག་གྱུར་བདག་ཉིད་ནི།། བསྒོམས་ན་གཡོ་བ་མེད་པར་འགྱུར།། སྙིང་ལ་གནས་པའི་ལྷ་མོ་ཆེ།། རྣལ་འབྱོར་པ ་ཡི་རྣལ་འབྱོར་བསྐྱེད།། སངས་རྒྱས་ཐམས་ཅད་སྐྱེད་མཛད་ཡུམ།། རྡོ་རྗེ་དབྱིངས་ཀྱི་དབང་མོར་བཤད།། འདོད་ཆགས་ཞེ་སྡང་གཏི་མུག་སྟེ།། འདི་དག་འཇིག་རྟེན་དུག་གསུམ་ཡིན།། སངས ་རྒྱས་བཅོམ་ལྡན་དུག་མི་མངའ།། རྡོ་རྗེ་དབྱིངས་ནི་དེ་བཞིན་གཤེགས།། ཆགས་དང་སྡང་དང་རྨོངས་པ་རྣམས།། བསྒོམས་ནས་ཁམས་གསུམ་པ་ཡི་བདག། སངས་རྒྱས་བཅོམ་ལྡན་འདས ་གྱུར་ཏེ།། སངས་རྒྱས་བདེན་པས་དུག་བཅོམ་མོ།། རང་སེམས་སོ་སོར་རྟོགས་པ་ཡིས།། གཏི་མུག་སེམས་ནི་དེ་བཞིན་གཤེགས།། རྨོངས་པ་ཉིད་ནི་འཇིག་རྟེན་གྱུར།། སེམས་ཅན་ཀུན་ལ་བསྣ ་བར་བྱ།། ཞེ་སྡང་རྣམས་ནི་དེ་བཞིན་གཤེགས།། ཕྲ་མོའི་ཡེ་ཤེས་ཡང་དག་བསྐྱེད།། སྡང་གྱུར་རྡོ་རྗེ་ཉིད་དུ་གྱུར།། སེམས་ཅན་ཐམས་ཅད་གཞིག་པར་བྱ།། འདོད་ཆགས་སེམས་ནི་དེ་བཞིན་གཤེས ་བྱང་ཆུབ་སེམས་ནི་ཡང་དག་བསྐྱེད།། ཆགས་གྱུར་པབང་པོ་ཉིད་གྱུར་པ།། སངས་རྒྱས་ཐམས་ཅད་ཆགས་པར་བྱ།། བྱམས་པའི་སེམས་ནི་དེ་བཞིན་གཤེགས།། ང་རྒྱལ་ཡང་དག་བསྐྱེད་ནས་ནི།། ་མཛའ་བོར་གྱུར་ཅིང་ཀུན་ཉིད་གྱུར།། སངས་རྒྱས་ཀུན་ལ་འཁྱུད་པར་བྱ།། ཆགས་པའི་ལྟ་བས་བྱམས་པ་སྟེ།། ཐུགས་རྗེའི་ཆོས་ནི་སྨྲ་བ་དང་།། ཀུན་ལ་མི་འཇིགས་སྦྱིན་པ་དང་།། སངས་རྒྱས ་ཐམས་ཅད་མཉེས་བྱ་བའོ།། རྣལ་འབྱོར་སྦྱིན་ལས་རབ་དགའ་སྟེ།། ཚུལ་ཁྲིམས་ལྡན་ལས་དྲི་མེད་འགྱུར།། བཟོད་པ་ལས་ནི་འོད་བྱེད་པ།། བརྩོན་ལས་འོད་འཕྲོ་ཅན་དང་ལྡན།། བསམ་གཏན ་ལས་ནི་སྦྱང་དཀའ་བ།། ཤེས་རབ་ཀྱིས་ནི་མངོན་གྱུར་མཐོང་།། ཐབས་ཆེན་ལས་ནི་རིང་དུ་སོང་།། སྟོབས་དང་ལྡན་ལས་མི་གཡོ་འགྱུར།། སྨོན་ལམ་གྱིས་ནི་ལེགས་བློ་ལྡན།། ཡེ་ཤེས་ལྡན་ལས ་ཆོས་ཀྱི་སྤྲིན།། རྒྱལ་བ་དེ་བཞིན་གཤེགས་པ་ནི།། རང་རིག་བདག་ཉིད་བཅུ་གཅིག་འགྱུར།། ཕ་རོལ་ཕྱིན་པ་བཅུ་རྣམས་དང་།། སྟོབས་དང་དབང་ནི་རྫོགས་གྱུར་ཅིང་།། ས་བཅུ་ལས་ནི་འདས་གྱུར་པ།། ་མཚན་མ་བརྟན་གྱུར་དེ་ལས་ནི།། རྡོ་རྗེ་ཆུ་ནི་རྫོགས་སངས་རྒྱས།། ཆོས་ཀྱི་བདུད་རྩི་བཅུད་ལེན་ཡིན།། སངས་རྒྱས་ཀུན་གྱི་མཐའ་ཡས་པ།། གཟུང་དང་འཛིན་པ་སྤངས། ་པ་ཡིན།། ཆོས་ཀྱི་བདུད་རྩི་བཅུད་ཀྱིས་ལེན།། རྡོ་རྗེའི་ཆུ་ནི་དག་འཐུངས་པས།། རྡོ་རྗེ་སློབ་དཔོན་རྣལ་འབྱོར་པ།། གདོད་ནས་དག་པར་དེ་ཚེ་འགྱུར།། གདོད་ནས་དག་པར་གནས་གྱུར་པ།། དེ ་ནས་བྱང་ཆུབ་སེམས་སུ་འགྱུར།། བྱང་ཆུབ་སེམས་ཀྱི་བདག་ཅན་འགྱུར།། བྱང་ཆུབ་སེམས་དཔའ་དེ་བཞིན་གཤེགས།། རྣམ་པར་གྲོལ་བའི་རས་ཀྱིས་གཡོགས།། བྱང་ཆུབ་སེམས་ནི་བླ་ན་མེད།། ་ཡང་དག་བསྐྱེད་གྱུར་རྣལ་འབྱོར་པ།། རྡོ་རྗེ་སེམས་དཔའ་སྙིང་ལ་འདུག། སེམས་ཅན་ཁམས་ནི་མཐའ་ཡས་པའི།། མར་གྱུར་དམ་ཚིག་འཛིན་བྱེད་པ།། རྡོ་རྗེ་དམ་ཚིག་གིས་སྤྱད་ན།། རྟག་ཏུ་དམ་ཚིག ་གནས་པར་གྱུར།། ཁམས་གསུམ་ལམ་ནི་ཉམས་དགའ་བར།། བུད་མེད་ཅེས་བཤད་ཇི་སྙེད་པ།། ཆོ་ག་བཞིན་དུ་ཀུན་སྤྱོད་ཅིང་།། ཐུགས་ཀྱི་རྡོ་རྗེ་སྨད་མི་བྱ།། རྡོ་རྗེ་གསུམ་གྱི་སྐུ་ལ་གནས།། དམ་ཆི ་ཕྱག་རྒྱ་ཇི་སྙེད་པ།། རྡོ་དམ་ཚིག་གསུམ་གྱིས་བྱ།། གསུང་གི་རྡོ་རྗེ་སྨད་མི་བྱ།། རྡོ་རྗེ་སེམས་དཔའ་ལས་བྱུང་བའོ།། ཕྱག་རྒྱ་ཀུན་ནི་བུད་མེད་བཟང་།། དེ་རྣམས་སྟེན་པའི་རྣལ་འབྱོར་པ།། ཕྱག ་རྒྱ་ཐམས་ཅད་དབང་དུ་འགྱུར།། འཇིག་རྟེན་ཁམས་ནི་ཐམས་ཅད་ན།། བུད་མེད་ཅེས་བྱ་ཇི་སྙེད་པ།། ཕྱག་རྒྱ་ཆེན་པོའི་སྦྱོར་བ་ཡིས།། དེ་དག་ཀུན་ལ་ཉེ་བར་སྤྱད།། གསང་བ་མཆོག་གི་རྣལ་འབྱོར་པ།། ་ཏིང་འཛིན་ཡེ་ཤེས་དམ་པ་ཡིན།། གལ་ཏེ་དངོས་གྲུབ་མཆོག་འདོད་ན།། ང་རྒྱལ་མ་ཡིན་ཧཱུཾ་མ་ཡིན།། རིག་པ་མ་ཡིན་སྔགས་རིག་མིན།། ལག་པའི་ཕྱག་རྒྱའང་མི་བཅའ་འོ།། མཆོད་རྟེན་གྱི་ནི་ལས ་མི་བྱད་དགླེགས་བམ་དག་ཀྱང་བཀླག་མི་བྱ།། དཀྱིལ་འཁོར་དག་ནི་མི་བྱ་ཞིང་།། རྡོ་རྗེ་མཆོག་གསུམ་ཕྱག་མི་བཙལ།། སློབ་དཔོན་སྨད་པར་མི་བྱ་སྟེ།། བླ་མ་སང་རྒྱས་ཀུན་དང་མཉམ།། ཁྱོད་ཀྱིས་སྲོག ་ཆགས་གསད་པར་བྱ།། བརྫུན་གྱི་ཚིག་ཀྱང་སྨྲ་བར་བྱ།། ཁྱོད་ཀྱིས་མ་བྱིན་བླང་བྱ་ཞིང་།། གཞན་གྱི་བུད་མེད་བསྟེན་པར་བྱ།། སྦྱིན་སྲེག་ཡང་ན་བསམ་གཏན་མིན།། ལུས་ངག་ཡིད་ནི་མི་ཕྱེད་པ ་གཞན་མིན་སེམས་ཀྱིས་བྱ་བ་སྟེ།། འདི་ནི་གསང་པའི་མཆོག་ཡིན་ནོ།། སྔགས་རྣམས་ཐམས་ཅད་རབ་ཏུ་འགྲུབ།། རྣལ་འབྱོར་ཀུན་ཀྱང་རྣམ་ཀུན་ཏུ།། དེ་བས་འབད་པ་ཐམས་ཅད་ཀྱིས།། སངས ་རྒྱས་ཆོས་ཉིད་བསྒོམ་པར་བྱ།། མ་འདྲེས་ཆོས་ནི་བཅོ་བརྒྱད་པོ།། སངས་རྒྱས་ཆོས་ཞེས་བཤད་པ་ཡིན།། དེ་རྣམས་རྟག་ཏུ་སྒོམ་པ་ནི།། སངས་རྒྱས་ཆོས་ནི་སྒྲུབ་བྱེད་ཡིན།། བསམ་གཏན་པ་ནི ་དང་གཟུགས་མེད་བ་ཞི།། རྟག་ཏུ་ཐོབ་པར་བྱས་པ་དང་།། འགོག་པའི་སྙོམས་འཇུག་དེ་ཡིས་ནི།། སངས་རྒྱས་བྱང་ཆུབ་རབ་ཏུ་བསྒྲུབ།། བྱང་ཆུབ་ཕྱོགས་ནི་སུམ་ཅུ་བདུན།། ཆོས་སུ་ཡང་དག ་བཤད་པ་གང་།། དེ་རྣམས་བསྒོམས་པས་དག་པ་དང་།། བྱང་ཆུབ་སེམས་དཔའ་འགྲོ་བན་ཡིན།། འགྲོ་བ་རྣམས་ལ་སྤྲོ་བའི་སེམས།། བརྟན་ཞིང་སྙིང་པོ་རབ་བསྒོམས་པ།། སྟོང་པའི་དེ་ཉིད་ལས ་བྱུང་བ།། རྡོ་རྗེ་ཡེ་ཤེས་ཞེས་བྱ་བ་ཤད།། ཆོས་བདག་མེད་ལས་ཡང་དག་བྱུང་།། གཉིས་མེད་ཡེ་ཤེས་དམ་པ་སྟེ།། ཆོས་ཉིད་མཆོག་གི་ཡེ་ཤེས་ནི།། ཆོས་ཀྱི་དབྱིངས་ཞེས ་ཡང་དག་བཤད།། འདི་ནི་ཆོས་དབྱིངས་ཡེ་ཤེས་ཏེ།། རྡོ་རྗེ་ལྟ་བུའི་ཏིང་འཛིན་སྐྱེས།། རྡོ་རྗེ་ཡེ་ཤེས་རང་བཞིན་སེམས།། རྡོ་རྗེ་དབྱིངས་ཞེས་བྱ་བར་བཤད།། སེམས་ཀྱི་སྤྲོ་བའི་སྦྱོར་བ་ཡིས།། ་ཕྲ་མོའི་ཡེ་ཤེས་སོགས་སྦྱོར་བ།། དེ་བཞིན་གཤེགས་ཀུན་ཡེ་ཤེས་ནི།། རྣམ་པར་སྣང་མཛད་ཅེས་བྱར་བཤད།། བྱམས་པ་སྤྲོ་བར་སྦྱོར་བ་ཡིས།། སྦྱོར་བ་སྤྱོད་པར་བྱེད་པའི་མཆོག། ཟག་མེད ་བརྟན་པར་གྱུར་པ་ཡིས།། ཐུགས་ནི་མི་བསྐྱོད་པ་ཞེས་བཤད།། ཐུགས་རྗེ་སྤྲོ་བའི་ཚུལ་གྱིས་ནི།། སེམས་ཅན་ཕན་འདོགས་མཛད་པ་པོ།། ཐུགས་ནི་འགྲོ་དོན་ཡང་དག་ལྡན།། རིན་ཆེན་འབྱུང་ལྡན ་ཞེས་བ་ཤད་དོ།། དགའ་བས་སྤྲོ་བའི་སྦྱོར་བ་ཡིས།། ཐེག་ཆེན་མཆོག་ནི་དྲི་མ་མེད་།། ཐུགས་ནི་འོད་གསལ་དག་པ་ནི།། འོད་དཔག་མེད་ཅེས་དེ་བཤད་དོ།། བཏང་སྙོམས་སྤྲོ་བར་མཛད་པའི་ཤུགས།། ་སེམས་ཅན་ཐམས་ཅད་རྟོགས་མཛད་པ།། དོན་ཡོད་བླ་མེད་བྱ་བ་ནི།། དོན་ཡོད་གྲུབ་པར་དེ་བཤད་དོ།། བྱང་ཆུབ་རང་བཞིན་ཡེ་ཤེས་མཆོག། དེ་འདིར་རྡོ་རྗེ་ཞེས་བཞད་དེ།། རྡོ་རྗེ་ཡེ་ཤེས་ལས་བྱུང་བ།། ་རྡོ་རྗེ་སེམས་དཔའ་དེ་བཤད་དོ།། སངས་རྒྱས་ཐམས་ཅད་སྤྱན་འདྲེན་པ།། རྡོ་རྗེ་ལྕགས་ཀྱུ་ཞེས་བཤད་དེ།། རྡོ་རྗེའི་རིགས་རྣམས་ཀུན་གྱི་རྒྱལ།། རྡོ་རྗེ་རྒྱལ་པོར་དེ་བཤད་དོ།། སངས་རྒྱས་ཐམས་ཅད ་ཆགས་བྱེད་པས།། མཉེས་པར་བྱེད་པ་ཞེས་བཤད་དོ།། བདུད་ཀྱི་སྦྱོར་བ་ཆགས་པ་ཆེ།། རྡོ་རྗེ་ཆགས་པར་དེ་བཤད་དོ།། སངས་རྒྱས་ཐམས་ཅད་མཉེས་བྱེད་ཅིང་།། ལེགས་སོ་ཞེས་པ་རབ་སོགས་པ། ་བྱང་ཆུབ་སེམས་དཔའ་དགའ་བྱེད་པས།། རྡོ་རྗེ་ལེགས་པར་དེ་བཤད་དོ།། བྱང་ཆུབ་སེམས་དཔའི་སྦྱིན་པ་གང་།། མཁའ་མཉམ་རྡོ་རྗེ་ལས་བྱུང་བ།། དོན་ཡོད་རིན་ཆེན་ཆེན་པོ་དེ།། རྡོ་རྗེ་རིན་ཆེན་དེ ་བཤད་དོ།། མ་རིག་བྲལ་བའི་ཡེ་ཤེས་ནི།། ཚོགས་དག་ལས་ནི་ངེས་པར་བྱུང་།། ཐར་པའི་སྣང་བ་ག་བི་བརྗིད་ཆེ།། རྡོ་རྗེ་ཉི་མར་དེ་བཤད་དོ།། རྣམ་པ་ཀུན་གྱི་དངོས་ཡེ་ཤེས།། ཐར་པའི་ལམ་འ ་ཐོབ་མཛད་གང་།། ཆོས་ཀྱི་རྒྱལ་མཚན་ཏོག་ཆེན་པོ།། རྡོ་རྗེ་དཔལ་དུ་དེ་བཤད་དོ།། རྡོ་རྗེ་བཞད་པ་རྣལ་འབྱོར་ཆེ།། སངས་རྒྱས་ཀུན་འབྱུང་རྨད་བྱུང་བ།། འདི་ནི་བྱང་ཆུབ་སེམས་དཔའ་ཆེ།། རྡོརྗེ ་བཞད་པར་དེ་བཤད་དོ།། སངས་རྒྱས་ཀུན་གྱི་རྣལ་འབྱོར་ཆེ།། སངས་རྒྱས་ཆོས་ནི་རྟོགས་མཛད་པ།། དེ་བཞིན་གཤེགས་པའི་ཆོས་དག་པ།། རྡོ་རྗེ་ཆོས་སུ་དེ་བཤད་དོ།། ཤེས་རབ་རྣོན་པོ་ཐེག ་པ་ཆེད་ན་ཉོན་མོངས་ཐམས་ཅད་ངེས་གཅོད་མཛད།། ཤེས་བྱའི་སྒྲིབ་པ་གཅོད་པ་པོ།། རྡོ་རྗེ་རྣོན་པོར་དེ་བཤད་དོ།། སངས་རྒྱས་རོལ་མོའི་འཁོར་ལོ་ནི།། ཆོས་ཀྱི་འཁོར་ལོ་རབ་སྐོར་བས།། སེམས ་དཔའ་ཆེན་པོ་ཐེག་པ་ཆེ།། རྡོ་རྗེ་རྒྱུ་ཞེས་དེ་བཤད་དེ།། ཤེས་རབ་ཡེ་ཤེས་རང་བཞིན་དག། གསུང་གི་སྒྲ་ནི་རྣམ་པར་སྤངས།། འཇམ་པའི་གསུང་གི་བདག་ཉིད་གྱུར།། རྡོ་རྗེ་སྨྲ་བར་དེ་བཤད་དོ།། ་ཕ་རོལ་ཕྱིན་པ་ཀུན་གྱི་ནབས།། ཆོས་རྣམས་ཐམས་ཅད་རྟོགས་མཛད་པ།། སེམས་ཅན་ཀུན་དོན་སྤྲུལ་པ་པོ།། རྡོ་རྗེ་ལས་ཞེས་བྱ་བར་བཤད།། སངས་རྒྱས་རྗེས་དྲན། ་ཡང་དག་གྲུབ།། ཐེག་པ་དམན་པ་རྣམ་སྤངས་ཤིང་།། བྱང་ཆུབ་སེམས་ལ་རབ་ཞུགས་པ།། རྡོ་རྗེ་སྲུང་བར་དེ་བཤད་དོ།། སྡིག་པ་ཐམས་ཅད་ཟད་བྱེད་ཅིང་།། དེ་བཞིན་ཉོན་མོངས་རྣམས་སྲེག་ལ། ་ཉོན་མོངས་ཟད་པ་ཉེར་ལེན་པས།། རྡོ་རྗེའི་གནོད་སྦྱིན་དེ་བཤད་དོ།། སྐུ་གསུང་ཐུགས་ཀྱི་རྡོ་རྗེ་རྣམས།། བཅིང་བ་རུ་ནི་ཡང་དག་གྱུར།། དེ་ཉིད་དེ་ཉིད་ཡེ་ཤེས་ཏེ།། རྡོ་རྗེ་ཁུ་ཚུར་ཞེས་བཤད་དོ།། དམ ་ཚིག་ཕྱག་རྒྱ་ཐམས་ཅད་ནི།། རྡོ་རྗེ་བསྡམས་ལས་ཡང་དག་བྱུང་།། རྡོ་རྗེ་ཁུ་ཚུར་གཉིས་གྱུར་པ།། ལས་ཀྱི་ཕྱག་རྒྱ་ཞེས་བཤད་དོ།། ང་རྒྱལ་མེད་ཅིང་སྣང་བ་མེད།། མཚན་མ་མེད་ཅིང་ཞེན་པ་མེད།། ་བདག་མེད་མཉམ་ཉིད་ཡེ་ཤེས་ནི།། རྡོ་རྗེ་སེམས་དཔའ་ཞེས་བྱར་བཤད།། གསང་བའི་མཉམ་པར་འབྱོར་པ་འདིར།། ཡེ་ཤེས་ཕ་རོལ་ཕྱིན་དགེ་བ།། རྣམ་པ་བཅུ་གཉིས་ཡང་དག་བྱུང་།། རྡོ་རྗེ་པ ་རོལ་ཕྱིན་པའི་འོད།། བྱང་ཆུབ་སེམས་ནི་རབ་བསྒོམས་པས།། ཕ་རོལ་སངས་རྒྱས་ཉིད་སོན་པའི།། ཕ་རོལ་ཕྱིན་ཐོབ་ཡེ་ཤེས་ནི།། རྡོ་རྗེ་སེམས་མར་བཤད་པ་ཡིན།། བསྡུ་བའི་དངོས་པོ་བཞི་རྣམས་ནི།། ་ཤེས་རབ་ཕ་རོལ་ཕྱིན་རྡོ་རྗེ།། ཆོས་བཞི་གཅིག་ཏུ་གྱུར་པ་ནི།། རྡོ་རྗེ་རིན་ཆེན་མེར་བཤད་དོ།། གསང་བའི་ཡེ་ཤེས་ཡེ་ཤེས་ཆེ།། དེ་ཉིད་ཕ་རོལ་བྱིན་དགེ་བ།། ཕ་རོལ་ཕྱིན་པ་ཆེ་ལས་བྱུང་།། རྡོ་རྗེ་ཆོས་མར ་ཤེས་པར་བྱ།། ཕ་རོལ་ཕྱིན་པའི་དགེ་བ་ནི།། སྦྱོར་བའི་ཐབས་སུ་རབ་བསྟན་པ།། རྡོ་རྗེ་ལས་མར་ཤེས་པར་བྱ།། གང་ཕྱིར་དེ་ནི་རོལ་པ་དགེ། སྒེག་མོ་སྦྱིན་པའི་ཕ་རོལ་ཕྱིན།། ཚུལ་ཁྲིམས་ཕ་རོལ་ཕྱིན ་དགེ་བས།། བརྒྱན་པའི་ཡན་ལག་ཡིད་འོང་ཡིན།། གླུ་མ་བཟོད་པའི་ཕ་རོལ་ཕྱིན།། ཆེད་དུ་བརྗོད་པའི་ཆོས་བརྗོད་པའོ།། གར་མ་བརྩོན་འགྲུས་ཕ་རོལ་ཕྱིན།། མྱུར་དུ་སངས་རྒྱས་ཉིད་སྟེར་བའོ།། ་བདུག་པ་ཤེས་རབ་ཕ་རོལ་ཕྱིན།། ཀུན་ཏུ་ཁྱབ་པར་སྤྲོས་ཕྱིར་རོ།། མེ་ཏོག་བསམ་གཏན་ཕ་རོལ་ཕྱིན།། འདོད་པའི་འདམ་གྱིས་མ་གོས་པའོ།། མར་མེ་སྨོན་ལམ་ཕ་རོལ་ཕྱིན།། ཕྱོགས་ཀུན་སྣང་བར ་བྱེད་པ་ཡིན།། དྲི་ནི་ཐབས་ཀྱི་ཕ་རོལ་ཕྱིན།། དྲི་ངན་ཐུར་སེལ་དགེ་བ་ཡིན།། སངས་རྒྱས་ཀུན་གྱི་ཐབས་ཆེན་པོ།། དབྱེ་བ་རྣམ་པ་བཞི་ཡིས་གནས།། ཐམས་ཅད་འདོད་པའི་ཐབས་ཆེན་པོ།། རྡོ་རྗེ ་ལྕགས་ཀྱུ་ཞེས་བཤད་དོ།། བྱང་ཆུབ་སྤྱད་པ་སྤྱོད་བྱེད་པ།། རྡོ་རྗེ་ཞགས་པ་ཞེས་བཤད་དོ།། ཐེག་པ་འདི་ལ་བརྟེན་གྱུར་གང་།། རྡོ་རྗེ་ལྕགས་སྒྲོག་ཅེས་བཤད་དོ།། ཆོས་རྣམས་ཐམས་ཅད་མ་སྐྱེས ་ཤིང་། གདོད་ནས་ནི་བ་མཁའ་དང་མཉམ།། དེ་ལྟའི་ཚིག་ནི་རབ་འཇུག་པས།། རྡོ་རྗེ་དྲིལ་བུ་ཞེས་བཤད་དོ།། ཚོགས་གཉིས་ཀྱི་ནི་སྦྱོར་བ་ཡིས།། སེམས་ཅན་ཀུན་གྱི་དོན་སྟོན་པའི།། སེམས་ནི་རང ་བཞིན་གྱིས་འོད་གསལ།། ཟླ་བའི་དཀྱིལ་འཁོར་ཡིན་པར་བཤད།། ཡང་དག་རྡོ་རྗེ་རྟོགས་པ་སྟེ།། འཛིན་པའི་སྦྱོར་ཉིང་ལྕགས་ཀྱུ་ཡིན།། ཕྲ་བར་འབིགས་པ་མདའ་ཞེས་བྱ།། དགྱེས་པའི་ལེགས་སོ།། ་ཞེས་བྱ་བ།། སྤྲོས་པས་རིན་པོ་ཆེ་རུ་བཤད།། གཟི་བརྗིད་ཅེས་བྱ་ཉི་མ་ཡིན།། སྒྲེང་བས་ཏོག་ཏུ་བཤད་པ་སྟེ།། རྣམ་པར་འབྱེད་པས་བཞད་པར་བཤད།། འདོད་ཆགས་དག། ་པ་པདྨ་ཡིན།། ཉོན་མོངས་དགྲ་བཅོམ་རལ་གྲི་སྟེ།། དཀྱིལ་འཁོར་སྦྱོར་བས་འཁོར་ལོ་ཡིན།། གང་གིས་བརྗོད་པས་སྨྲ་བར་བཤད།། ཀུན་ཉིད་སྣ་ཚོགས་རྡོ་རྗེ་ཡིན།། གཞིག་དཀའི་སྦྱོར་བ་གོ་ཆ་ཡིན།། ་འཇིགས་པའི་སྤྱོད་པས་མཆེ་བ་སྟེ།། ཕྱག་རྒྱའི་སྦྱོར་ཉིད་བཅིང་བ་ཡིན།། དཀྱིལ་འཁོར་དུ་ནི་གང་བཤད་པ།། ཡིད་ཀྱི་དཀྱིལ་འཁོར་དམ་པ་ཡིན།། གཞལ་ཡས་ཁང་ནི་ཡེ་ཤེས་ཏེ།། སེམས་ཀྱི་བརྩེགས ་པ་སྒྲེང་བ་ཡིན།། ཕྱི་ཡི་གྲུ་བཞི་པ་གང་ཡིན།། ཚད་ཀྱིས་མཉམ་པ་ཉིད་གྱུར་པ།། བྱམས་པ་ལ་སོགས་སེམས་གང་ཡིན།། ཐིག་བཞི་ཞེས་ནི་བཤད་པ་ཡིན།། ཆོས་ཀྱི་སྦྱོར་བ་རྗེས་དྲན་ཉིད།། གང་དེ་དོ།། ་ཇེ་ཐིག་ཏུ་བཤད།། ལྟ་བ་ཀུན་ལས་རྣམ་གྲོལ་བ།། ཡེ་ཤེས་ཐིག་ཏུ་བཤད་པ་ཡིན།། ཚུལ་ཁྲིམས་ཚེགས་ཀྱི་དམ་པ་ནི།། གང་ཞིག་རྒྱན་དུ་བཤད་པ་ཡིན།། དང་དབང་ལ་སོགས་སེམས་གང་ཡིན།། 8 ་བ་ལྔར་ནི་ཡང་དག་བྱུང་།། རྣམ་པར་ཐར་པ་བཞི་པོ་ནི།། སྒོ་རྣམས་སུ་ནི་ཡང་དག་བཤད།། ཡང་དག་སྤོང་བ་བཞི་པོ་ནི།། རྟ་བབས་རྣམས་དང་ཀ་བར་བྱུང་།། དྲན་པ་ཉེར་གཞག་བཞི་པོ་ནི།། ཁྱམས ་རྣམས་བཞི་པོར་ཤེས་པར་བྱ།། རྫུ་འཕྲུལ་རྐང་པ་བཞི་པོ་ནི།། དེ་ནི་སྒོ་ཁྱུད་རྣམ་བཞི་ཡིན།། བྱང་ཆུབ་ཡན་ལག་བདུན་པོ་ནི།། འཕྲེང་བ་མེ་ཏོག་ཆུན་བརྒྱན་པ།། འཕགས་ལམ་ཡན་ལག་བརྒྱད་པོ་ནི།། ་ཀ་བ་བརྒྱད་ཅེས་བྱ་བར་བཤད།། སྒྲིབ་པ་གཉིས་ལས་རྣམ་གྲོལ་ཞིང་།། ཏིང་འཛིན་ཡེ་ཤེས་ཀྱིས་བརྟགས་པ།། ལམ་གྱི་ཡེ་ཤེས་ཁྱད་པར་རྣམས།། རྔ་ཡབ་ཅེས་ནི་ཡང་དག་བཤད།། ཉོན་མོངས ་ཐམས་ཅད་ངེས་གཅོད་ཅིང་།། ཉོན་མོངས་འཕྲོག་པས་དྲ་བ་སྟེ།། ཡང་དག་གཅོད་ཅིང་སྤོང་བ་ཉིད།། སེལ་བའི་སྤོང་བ་ལ་གནས་པ།། ཚོགས་གཉིས་ཀྱི་ནི་སྐྱོ་བ་ཉིད།། ཉོན་མོངས་པ་ཡི་ཕྱེད་འཕྲོག་པ། ་དྲ་བ་བྱེད་ཅེས་བྱ་བར་བཤད།། རང་བཞིན་འོད་གསལ་གང་ཡིན་དེ།། བྱང་ཆུབ་སེམས་ནི་བླ་མེད་ཡིན།། སེམས་ནི་དོན་ཀུན་སྐྱེད་བྱེད་པ།། ཟླ་བའི་དཀྱིལ་འཁོར་ཡིན་པར་བཤད།། ཤེས་རབ་ཡེ་ཤེས་རང ་བཞིན་དག། རྡོ་རྗེ་ལྟ་བུའི་ཏིང་འཛིན་སྐྱེས།། ཐར་པའི་སྣང་བ་གཟི་བརྗིད་ཆེ།། ཉི་མའི་དཀྱིལ་འཁོར་ཡིན་པར་བཤད།། ཚོན་རྩི་ལྔར་ནི་ཡང་དག་ཅེས།། ལྟ་བ་ལྔ་ཡི་མེ་ཏོག་ཡིན།། ཡེ་ཤེས་ལྔ་ཡི་ངེས ་སྦྱོར་ཉིད།། སངས་རྒྱས་ལྔ་ཞེས་ཡང་དག་བཤད།། ནམ་མཁའ་བཞིན་དུ་བདག་མེད་པའི།། རྣམ་ཤེས་ཡེ་ཤེས་དམ་པ་ཡིན།། ཡེ་ཤེས་དེ་ཡི་རྒྱན་བཤད་པ།། ཆགས་པའི་སེམས་ཞེས་བྱ་བར་བཤད། ་ཆགས་བྲལ་ལས་ནི་བྱང་ཆུབ་འབྱུང་།། ཆགས་པའི་སེམས་ལས་གཞན་ཡིན།། དེ་བས་ཆགས་དང་ཆགས་བྲལ་བ།། བྱང་ཆུབ་སེམས་ཞེས་ཡང་དག་བཤད།། འཇིག་རྟེན་ཆགས་དང་བྲལ་བས་འདུལ ་ཕྱག་རྒྱའི་དངོས་གྲུབ་ཆགས་ལས་བྱུང་།། དེར་ནི་ཐབས་ཀྱི་སྒོམ་པ་དག། དངོས་གྲུབ་ཐམས་ཅད་སྟེར་བ་ཡིན།། ཇི་ལྟར་འཇིག་རྟེན་འདུལ་འགྱུར་བ།། དེ་ལྟར་རྣལ་འབྱོར་པ་ཡིས་སྤྱད།། ཇི་ལྟར་གདུལ ་བྱ་དག་གྱུར་པ།། ཞེན་པ་ཀུན་ཏུ་མཆོག་པར་འགྱུར།། མཚན་ཉིད་གང་ཞིག་ཡང་དག་བཤད།། མཚན་ཉིད་དེས་ནི་མཚོན་པར་འགྱུར།། སྐུ་གསུང་ཐུགས་ཀྱི་ཕྱག་རྒྱ་ཡིས། ་རྒྱས་བཏབ་ཡེ་ཤེས་ཡིན་པར་བཤད།། ཕྱག་རྒྱ་བསྒོམས་པས་རྣལ་འབྱོར་པ།། རྟག་ཏུ་ཕྱག་རྒྱའི་བདག་ཅན་འགྱུར།། རྒྱས་བཏབ་དངོས་པོ་ཤེས་ནས་ནི།། བསྒོམས་ན་ཕྱག་རྒྱས་བཏབ་པར་འགྱུར།། ་མཚན་དང་མཚན་ཉིད་འབྲེལ་བ་ནི།། ཤེས་ནས་རྣལ་འབྱོར་ཡང་དག་སྤྱོད།། ཇི་ལྟར་མཚན་ཉིད་ཡང་དག་གྲུབ།། དེ་བཞིན་དག་པ་མྱུར་དུ་འགྲུབ།། གཡས་པའི་ཆ་ཡི་མཚན་མ་ནི།། ཤེས་རབ་ཅན་ནི ་རབ་ཏུ་བསྟན།། གཡོན་གྱི་མཚན་མ་ཇི་ལྟར་མཐོང་།། དེ་ཡིས་ཐུགས་རྗེ་མཚོན་པ་ཡིན།། ཕྱག་ནི་གཉིས་ཀའི་མཉམ་སྦྱོར་ལས།། ཏིང་འཛིན་གཉིས་སུ་བཤད་པ་ཡིན།། ཞབས་གཉིས་ཀྱི་ནི་མཚན་མ ་ཡི་ས་ཚོགས་གཉིས་དག་ནི་བསྟན་པ་ཡིན།། སོར་མོ་ལྔ་ཡི་མཉམ་སྦྱོར་ལས།། དཀྱིལ་འཁོར་ལྔ་ཡིས་བརྒྱན་པ་ཡིན།། སངས་རྒྱས་ལྔ་ཡི་མངོན་བྱང་ཆུབ།། རིམ་པ་བཞིན་དུ་བསྟན་བྱ་སྟེ།། གང ་ཞིག་གུང་མོ་སྟོན་པ་ནི།། ནམ་མཁའ་ལས་ནི་བྱུང་བ་མཚོན།། གང་ཞིག་མཛུབ་མོ་སྟོན་པ་ནི།། དེས་ནི་དབང་ཆེན་དཀྱིལ་འཁོར་ཡིན།། སྲིན་ལག་ཏུ་ནི་ཡང་དག་བཤད།། ཆུ་ཡི་དཀྱིལ་འཁོར་ཞེས ་བཤད་དོ།། གང་ཞིག་མཐེ་བོང་སྟོན་པ་ནི།། དེ་ཡིས་མེ་ནི་མཚོན་པ་ཡིན།། གང་ཞིག་མཐེའུ་ཆུང་སྟོན་པ་ནི།། རླུང་གི་དཀྱིལ་འཁོར་ཉིད་དུ་འགྱུར།། གང་ཞིག་ལྟེ་བ་སྟོན་པ་ནི།། རྡོ་རྗེ་དབྱིངས་ཀྱི ་དབང་ཕྱུག་བཤད།། གང་ཞིག་སྙིང་ལ་སྟོན་པ་ནི།། རྡོ་རྗེ་སེམས་པར་རྗེས་སུ་དཔག། གང་ཞིག་སྨིན་མཚམས་སྟོན་པ་ནི།། རྡོ་རྗེ་རིན་ཆེན་མ་ཞེས་བྱ།། གང་ཞིག་ལྐོག་མ་སྟོན་པ་ནི།། རྡོ་རྗེ་ཆོས་མ་ཤེས ་པར་བྱ།། གང་ཞིག་སྤྱི་བོ་སྟོན་པ་ནི།། རྡོ་རྗེ་ལས་མར་ཤེས་པར་བྱ།། བྱང་ཆུབ་ལྔར་མངོན་བྱང་ཆུབ་པའམ།། ཡང་ནི་ཡེ་ཤེས་ལྔ་རྣམས་སམ།། སངས་རྒྱས་ལྔ་དང་ཡང་དག་ལྡན།། དཀྱིལ་འཁོར ་བྱང་ཆུབ་ཡིན་པར་བསྟན།། སྔོན་གྱི་སྒྲར་ནི་ཇི་སྐད་བཤད།། མདུན་དུ་དེ་ནི་རབ་ཏུ་བསྟན།། རྒྱབ་ཀྱི་སྒྲར་ནི་ཇི་ལྟར་བཤད།། ཕྱི་མར་དེ་ནི་ཡང་དག་བསྟན།། གང་དུ་ཐོག་མའི་སྒྲར་གྱུར་པ།། དེ་ནི་རྒྱུ་ཡི ་སྒྲ་རུ་བསྟན།། གང་ཞིག་ཐ་མའི་སྒྲར་གྱུར་པ།། འདིར་ནི་འབྲས་བུར་ཡང་དག་བསྟན།། སངས་རྒྱས་བཅོམ་ལྡན་གཉིས་མི་མངའ།། རྒྱུ་དང་འབྲས་བུར་ལྡན་འགྱུར་མིན།། གང་ཕྱིར་ཐོག་མ་ཐ་མ་མེད།། དེ་ཕྱིར།། ་རྟག་པ་ཞེས་བཤད་དོ།། རང་སེམས་རྟོགས་པས་སངས་རྒྱས་ཏེ།། རྟོགས་པར་བྱ་བའང་སེམས་ཉིད་ཡིན།། སངས་རྒྱས་ཞིང་ཞེས་བཤད་པ་དང་།། བྱང་ཆུབ་སེམས་སུ་ཤེས་པར་བྱ།། རང་བཞིན་དག ་པའི་སེམས་ཅན་ནི།། ཀུན་ཏུ་རིག་པར་ཡང་དག་བཤད།། སེམས་ཅན་རང་བཞིན་དག་པ་ནི།། བྱང་ཆུབ་སེམས་སུ་ཤེས་པར་བྱ།། དང་པོར་གྱུར་པ་སྙིང་ཁར་རྡེབས།། བརྟན་པ་ཉིད་དུའང་རང་ཉིད་འགྱུར།། ་སྒྲ་འཛིན་པ་ནི་རལ་པའི་དབུས།། འོད་དཔག་མེད་དུ་མཉམ་གཞག་ཡིན།། ཙུམྦ་ནར་ནི་རྗེས་བཤད་པ།། དེ་བཞིན་གཤེགས་པ་རྡོ་རྗེ་གསུང་།། དབང་པོ་གཉིས་ནི་མཉམ་སྦྱོར་བ།། རྣམ་པར་སྣང་མཛད ་ཅེས་བཤད་དོ།། བུ་མོ་ལོ་གྲངས་བཅུ་གཉིས་པར།། སྐྱེས་མཆོག་ཐུབ་པས་གང་གསུངས་པ།། ཕ་རོལ་ཕྱིན་པ་བཅུ་གཉིས་སུ།། གསུངས་ཀྱི་གཞན་དུ་མི་བརྟག་གོ།། བུ་མོ་ལོ། ་གྲངས་བཅུ་དྲུག་པར།། དེ་བཞིན་གཤེགས་པས་གང་གསུངས་པ།། རྡོ་རྗེ་སེམས་སོགས་སེམས་དཔའ་ཡི།། སྒོམ་པའི་དོན་གྱི་སྒྲ་ཡིན་ནོ།། ལྷ་མོ་ལོ་གྲངས་ཉི་ཤུ་པར།། འཁོར་ལོས་སྒྱུར་བས་ཇི། ་སྐད་གསུངས།། མཆོད་པ་ཉི་ཤུའི་བདག་ཉིད་ཅན།། ཉི་ཤུ་པོ་དང་རིམ་བཞིན་ནོ།། རང་གི་ཆུང་མ་རང་གི་ལས།། བྱུང་བའི་རང་རིག་ཡིན་པར་བཤད།། གཞན་གྱི་ཆུང་མར་གང་བསྟན་པ།། གཞན་སྡུག ་གཞན་གྱི་རིག་པ་ཡིན།། གཅི་དང་རྡོ་རྗེ་ཞེས་བཤད་པ།། རྡོ་རྗེ་ཡེ་ཤེས་བླ་མེད་ཡིན།། བཤད་དང་པདྨ་ཞེས་བཤད་པ།། ཆོས་ཀྱི་ཡེ་ཤེས་རྙོག་མེད་ཡིན།། ཡོངས་སུ་གསལ་བར་རྣམ་ཤེས་པ།། དཀྱིལ ་འཁོར་ཐུགས་ཀྱི་དམ་པ་ཡིན།། སྐུ་གསུང་ཐུགས་ཀྱི་སྤྱོད་པ་ཡིས།། འབད་པ་ཡིས་ནི་མཆོད་བྱེད་པ།། རང་གི་རྡོ་རྗེ་པདྨར་ལྡན།། དབང་པོ་གཉིས་ལས་བྱུང་བ་ཡི།། རང་གི་ཁུ་བ་ཐིག་ལེ་ཡིས།། རྡོ་རྗེ། ་སེམས་དཔའ་མཆོད་པར་བྱ།། ཚོགས་གཉིས་ཀྱི་ནི་སྦྱོར་བ་ཡིས།། སངས་རྒྱས་ཐམས་ཅད་གཅིག་བསྡུས་པ།། གཉིས་མེད་གཉིས་ཉིད་ལ་བརྟེན་པ།། ཐུགས་རྗེ་ཉམས་དང་ཡང་དག་ལྡན།། དབང ་པོ་གཉིས་ཀྱི་མཉམ་སྦྱོར་བས།། རང་གི་ཁུ་བ་མཁས་པ་ཡིས།། རྣལ་འབྱོར་ཆེན་པོ་བྱུང་ནས་ནི།། དཀྱིལ་འཁོར་ཡང་དག་བྱིན་གྱིས་བརླབ།། དགོད་དམ་རབ་ཏུ་སྨྲ་བ་འམ།། སངས་རྒྱས་རོལ་མོ་གར ་བྱེད་པ།། ལྷ་མོ་བཞི་ཡི་མཉམ་སྦྱོར་བས།། རྒྱུ་དང་མི་རྒྱུ་རྣམས་ཀྱི་ས་རོལ།། གསར་ཞིང་ལེགས་པར་བསྒྲིལ་བ་དང་།། ཚད་དང་ལྡན་ཞིང་མཛེས་པ་ཡིས།། ཤེས་རབ་ཅན་གྱིས་ཐིག་གདབ་པ།། སྐུ ་གསུང་ཐུགས་ནི་བསྒོམས་པས་སོ།། ཟུར་བཞི་པ་ལ་སྒོ་བཞི་པ།། རྟ་བབས་བཞིས་ནི་མཛེས་བྱས་ལ།། ཐིག་བཞིད་ནི་ཡང་དག་ལྡན།། དར་དང་མེ་ཏོག་འཕྲེང་བས་བརྒྱན།། གྲཝ་ཡི་མཚམས་ནི་ཐམས ་ཅད་དང་།། སྒྲོ་ཁྱུད་ཀྱི་ནི་ནང་རྣམས་སུ།། རྡོ་རྗེ་རིན་ཆེན་སྤྲས་པས་ནི།། ཕྱི་ཡི་དཀྱིལ་འཁོར་ཐིག་གདབ་བོ།། རྡོ་རྗེའི་ཐིག་གིས་ཡོངས་བསྐོར་ཅིང་།། ཀ་བ་བརྒྱད་ཀྱིས་ཉེ་བར་མཛེས།། ཀ་བ་བརྒྱད་ཀྱི ་ནང་གནས་པའི།། དཀྱིལ་འཁོར་བརྒྱད་པར་བསྟན་པ་དང་།། གྲཝ་ཡི་དཀྱིལ་འཁོར་དོར་བར་ནི།། རྡོ་རྗེ་ལྷ་མོའི་ཚོགས་ཀྱིས་མཆོད།། འཁོར་ལོ་ལྔ་དང་ཡང་དག་ལྡན།། དཀྱིལ་འཁོར་ལྔ་ཡིས་རྣམ་པར་བརྒྱན ་དྲ་བ་དྲ་ཕྱེད་ཀྱིས་བརྒྱན་ཅིང་།། རྔ་ཡབ་ཀྱིས་ནི་ཉེར་སྤྲས་པ།། ཁྲུ་ནི་བཅུ་གཉིས་བྱ་བའམ།། ཁྲུ་བཅུ་དྲུག་ཏུ་རབ་ཏུ་བརྟགས།། ཡང་ན་ཁྲུ་ནི་ཉི་ཤུ་ཙམ།། ཉི་ཤུ་ལྔ་དང་ལྡན་པ་ཡིས།། ཁྲུ་ནི་ཉི་ཤུ་ལྔ་པ་ཡིས།། ་དཀྱིལ་འཁོར་ཡང་དག་བྱིན་གྱིས་བརླབ།། སྒོ་རྣམས་ཀྱི་ནི་དབུས་མའི་ཆ།། ཆ་དགུ་རུ་ནི་རྣམ་དབྱེ་བ།། དཀྱིལ་འཁོར་སྒོ་རུ་བསམས་ནས་ནི།། སྒོ་ཁྱུད་དང་ནི་བྱ་བ་ཡིན།། སྒོ་ཁྱུད་དཀྱིལ་འཁོར་རྣམ་པ་ནི།། སྙིང ་པོའི་དཀྱིལ་འཁོར་དང་མཉམ་པར།། དགུ་ཆ་རུ་ནི་ནམ་བགོས་ཏེ།། གྲཝ་ཡི་དཀྱིལ་འཁོར་དོར་བར་བྱ།། ཐ་མར་ཁྱམས་དང་ལྡན་པ་ཡི།། དཀྱིལ་འཁོར་ལྔས་ནི་བརྒྱན་པ་དང་།། ཁ་དོག་ལྔ་དང་ཡང་དག་ལྔན། ་གྲུ་བཞི་པར་ནི་བརྟག་པར་བྱ།། ལྟ་བ་ལྔ་པོ་བགྲོད་དཀའ་ཆེ།། ཁ་དོག་ལྔ་ཡི་དེ་བཞིན་གཤེགས།། སངས་རྒྱས་ལྔ་དང་མཉམ་སྦྱོར་བས།། ས་ནི་ཚོན་གྱིས་རབ་ཏུ་བསྒྱུར། ་དཀྱིལ་འཁོར་ལྔ་ཡི་དབུས་སུ་ནི།། སངས་རྒྱས་ལྡན་དགོད་པར་བྱ།། ཁ་དོག་ལྔ་དང་ཏིང་འཛིན་གྱིས།། འདོད་པའི་ཡོན་ཏན་ལྔ་ཡིས་ཁྱབ།། ཤེལ་དང་ཟླ་བའི་འོད་འདྲ་ཞིང་།། སངས་རྒྱས་ཐམས་ཅད། ་གཅིག་བསྡུས་པ།། དེ་བཞིན་གཤེགས་པ་རྣམ་སྣང་མཛད།། དཔའ་བོའི་ལྟ་བ་དེ་བཞིན་གཤེགས།། ཨིནྡྲ་ནཱི་ལའི་འོད་འདྲ་ཞིང་།། རྡོ་རྗེ་ཐམས་ཅད་གཅིག་བསྡུས་པ།། མི་བསྐྱོད་ཡེ་ཤེས་ལས ་བྱུང་བ།། རྡོ་རྗེའི་ལྟ་བ་དེ་བཞིན་གཤེགས།། འཛམ་བུའི་གསེར་གྱི་འོད་འདྲ་ཞིང་།། སངས་རྒྱས་ཐམས་ཅད་གཅིག་བསྡུས་པ།། སེམས་ཅན་ཀུན་གྱི་དོན་དུ་བྱུང་།། འབར་བའི་ལྟ་བ་དེ་བཞིན་གཤེགས། ་དཔའ་བོ་ཆེན་པོ་པདྨ་འདྲ།། པདྨ་རཱ་གའི་ནོར་བུའི་འོད།། ཆོས་ཀྱི་ཡེ་ཤེས་ལས་བྱུང་བ།། ཆགས་པའི་ལྟ་བ་དེ་བཞིན་གཤེགས།། མ་རྒད་ཀྱི་ནི་འོད་འདྲ་ཞིང་།། སངས་རྒྱས་ཐམས་ཅད་གཅིག། ་བསྡུས་པ།། སངས་རྒྱས་ཀུན་གཅིག་ལས་བྱུང་བ།། བྱམས་པའི་ལྟ་བ་དེ་བཞིན་གཤེགས།། དབུས་མའི་ས་ཡི་གཞི་དག་པ།། ནོར་བུ་ཆུ་ཤེལ་མདོག་འདྲ་བ།། ཤར་ཕྱོགས་ཉིད་དུ་སྔོན་པོ་ཆེ།། ་ལྷོ་རུ་སེར་པོ་ཡང་དག་ལྡན།། ནུབ་ཕྱོགས་དེར་ནི་དམར་པོ་སྟེ།། བྱང་དུ་ལྡང་དང་ཡང་དག་ལྡན།། ཀུན་ཏུ་ཁྱམས་དང་ལྡན་པ་ལ།། སྒོར་ནི་ཁྱམས་དང་བྲལ་བའོ།། གང་ཞིག་དབུ་ས་མས་ཡང་དག ་བཤད། སངས་རྒྱས་ཡེ་ཤེས་བླ་མེད་ཡིན།། གཞན་དག་དོན་ཀུན་ཡང་དག་ལྡན།། ཏིང་འཛིན་ཡེ་ཤེས་དམ་པ་ཡིན།། ནམ་མཁའི་དབྱིངས་ཀྱི་དབུས་གནས་པར།། ཕྲ་བའི་དཀྱིལ་འཁོར་དམ་པ།། ་བསམ།། སངས་རྒྱས་སྐུ་ནི་རྣམ་བསྒོམས་ལ།། སྤྱན་ནི་དབུས་སུ་བསམ་པར་བྱ།། བཞིན་བཟང་སྤྱན་ནི་ཡངས་པ་དང་།། ནོར་བུ་ཆུ་ཤེལ་མདོག་འདྲ་ལ།། མཚན་རྣམས་ཐམས་ཅད་ཡོངས་སུ་རྫོགས།། ་བུད་མེད་སྒྱུ་མའི་མཆོག་འཛིན་པ།། ཕྱག་ཏུ་འཁོར་ལོ་བསྒོམ་བྱ་སྟེ།། ཁམས་གསུམ་པ་ནི་དབང་བྱེད་པ།། དངོས་ཀུན་གྲུབ་བྱེད་ཡེ་ཤེས་ནི།། འཁོར་ལོ་ཡིད་བཞིན་ནོར་བུའི་མདོག། ནམ་མཁའི་རྡོ་རྗེ་དབུ ་ཆུད་པར།། ཟླ་བའི་དཀྱིལ་འཁོར་དམ་པ་བསམ།། སངས་རྒྱས་སྐུ་ནི་རྣམ་བསྒོམས་ལ།། ནམ་མཁའི་རྡོ་རྗེ་མཆོག་སྒོམ་མོ།། ཞལ་མཛེས་སྤྱན་ནི་ཡངས་པ་དང་།། ཨུཏྤལ་སྔོན་པོའི་འདབ་མའི་མདོག། ་མཚན་རྣམས་ཐམས་ཅད་ཡང་དག་རྫོགས།། ནམ་མཁའི་སྒྱུ་མའི་མཆོག་བསམ་མོ།། ཕྱག་ཏུ་ཨུཏྤལ་སྔོན་དམར་ཏེ།། ཁམས་གསུམ་པས་ནི་ཕྱག་བྱས་པ།། སངས་རྒྱས་བྱང་ཆུབ་བྱེད་པའི་མཆོག། གས ་པའི་དངོས་གྲུབ་རྡོ་རྗེ་ཅན།། ནམ་མཁའ་རྡོ་རྗེའི་དབུས་ཆུང་བར།། ཟླ་བའི་དཀྱིལ་འཁོར་དམ་པ་བསམ།། སངས་རྒྱས་སྐུ་ནི་རྣམས་བསྒོམས་ལ།། རྡོ་རྗེ་ཆོས་མར་རྣམ་པར་བསམ།། མཛེས་པའི་ཞལ་ལ་སྤྱན ་ཡངས་པ།། པདྨ་རཱ་ག་ལྟ་བུའི་མདོག། སྐུ་མདོག་དམར་པོ་ཡང་དག་བྱུང་།། ཆགས་པའི་པདྨ་འཛིན་སྡུག་པ།། མཚོན་རྣམས་ཐམས་ཅད་ཡང་དག་རྫོགས།། རྒྱན་རྣམས་ཀུན་གྱིས་རྣམ་པར་བརྒྱན།། ཕྱག ་ཏུ་ཨུཏྤལ་དམར་པོ་ནི།། སངས་རྒྱས་ཐམས་ཅད་རབ་བསྒོམས་པའོ།། ཆོས་ཀྱི་ཡེ་ཤེས་བྱེད་པ་མཆོག། གསང་བ་དམ་ཚིག་རྡོ་རྗེ་ཅན།། མཁའ་དབྱིངས་རྡོ་རྗེའི་དབུས་ཆུད་པར།། ཟླ། ་བའི་དཀྱིལ་འཁོར་དམ་པ་བསམ།། སངས་རྒྱས་གཟུགས་ནི་རྣམ་བསྒོམས་ལ།། སྒྲོལ་མ་མཆོག་ནི་བསམ་པར་བྱ།། ཞལ་མཛེས་སྤྱན་ནི་ཡངས་པ་དང་།། སྣ་ཚོགས་རྒྱན་གྱིས་རབ་ཏུ་བརྒྱན།། ཁ་དོག་སེར ་པོ་ཉིད་བསམ་ཞིང་།། བུད་མེད་སྒྱུ་མའི་དྲེགས་བདེ་བ།། ཕྱག་ཏུ་ཨུཏྤལ་དམ་པ་ནི།། སེར་པོ་སྣང་བ་བསྒོམ་པར་བྱ།། རྡོ་རྗེ་ཉིད་འཛིན་ལས་བྱུང་བ།། སེམས་ཅན་ཀུན་གྱིས་ཕྱག་བྱས་པའོ།། ཨོཾ་རུ ་སྥུ་རུ་ཛྭ་ལ་ཏིཥྛ་སིདྡྷ་ལོ་ཙ་ནེ་སརྦ་ཨརྠ་སཱ་དྷ་ནི་སྭཱ་ཧཱ། ཨོཾ་ཤཾ་ཀ་རེ་ཤཱནྟི་ཀ་རེ་གྷུནྶ་ཊི་ནི་གྷཱ་ཏ་ཡ་གྷཱ་ཏ་ཡ་གྷུ་ཊ་ཊི་ནི་སྭཱ་ཧཱ། ཨོཾ་ཀ་ཊེ་བི་ཀ་ཊེ་ནི་ཀ་ཊེ་ཀ་ཊཾ་ཀ་ཊེ་སྭཱ་ཧཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། རིག་པའི་ལྷ་མོ་བཞི ་སྐུ་ནི་ལུས་ཀྱི་ངོ་བོ་ཡིས།། ཐུགས་ནི་སེམས་ཀྱི་རྣམ་པ་ཉིད།། གསུང་ནི་ངག་གི་རྣམ་པ་ཡིས།། མཆོད་ན་མཆོད་པའི་བདག་ཉིད་འགྱུར།། སྐུ་གསུང་ཐུགས་ཀྱི་གསང་བ་ནི།། མཁས་པ་ཡིས་ནི ་བསྲུང་བྱ་སྟེ།། བསྲུངས་ན་མཆོག་ཏུ་གསང་བ་ནི།། རྟག་པར་ཀུན་ཏུ་འབྱུང་བར་འགྱུར།། དངོས་པོ་ཡོངས་སུ་དག་པ་ནི།། མེད་པས་ཀུན་ཏུ་བརྟག་མི་འབྱུང་།། རྣལ་འབྱོར་པ་ཡིས་རྣལ་འབྱོར་ཐོབ།། ་ཚོགས་མེད་ཡང་དག་མི་མཐོང་ངོ་།། དེ་བས་གསང་བའི་ཡེ་ཤེས་འབྱུང་།། རྣལ་འབྱོར་ཀུན་ཏུ་འབྱུང་བར་འགྱུར།། ཤེས་རབ་ཕ་རོལ་ཕྱིན་པའི་ཐབས།། ཏིང་འཛིན་ཡེ་ཤེས་བརྟགས་པ་ཡིན།། ཆོས་རྣམ ་ཐམས་ཅད་རྣམ་དག་པ།། དག་པ་ཉིད་དུ་གྱུར་པ་ནི།། ཇི་ལྟར་ལྷ་ཡི་ནོར་བུ་ནི།། རང་གི་འོད་ཀྱིས་རྟག་ཏུ་སྣང་།། སྲིད་པ་ཡོངས་སུ་དག་པ་ཡང་།། རྣལ་འབྱོར་རྣལ་འབྱོར་ཐོབ་བྱེད་ཡིན།། རྡོ་རྗེ་དབྱིངས་ནི་གསཔ། ་ཆེན་དུ།། གང་ཞིག་དབང་བསྐུར་མཁས་པ་ལ།། ཐུགས་ཀྱི་གསང་བའི་རྣལ་འབྱོར་མཆོག། མཁས་པས་དེ་ལ་བཤད་པར་བྱ།། ཐམས་ཅད་གསང་བ་ཞེས་བྱ་བའི་རྒྱུད་ཀྱི་རྒྱལ་པོ་རྫོགས་སོ།། ་རྒྱ་གར་གྱི་མཁན་པོ་པདྨ་ཀཱ་ར་བ་རྨ་དང་།། ཞུ་ཆེན་གྱི་ལོ་ཙ་བ་དགེ་སློང་རིན་ཆེན་བཟང་པོས་བསྒྱུར་ཅིང་ནུས་ཏེ་གཏན་ལ་ཕབ་པའོ།། @། རྒྱ་གར ་