Wylie

e-texts produced with BDRC’s OCR application

སྟོང་ཕྲག་གི་ཚང་དུ་ཉི་མའི་དཀྱིལ་འཁོར་ཆེན་པོ་བྱིན་གྱིས་བརླབས་ནས། དེའི་དབུས་སུ་གནས་པར་གྱུར་ཏོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས ་ཅད་སླར་ཡང་འདུས་པར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་རྗེ་བོ་ལ་གསོལ་བ་བཏབ་བོ།། རྡོ་རྗེ་ཆོས་ཕྱིར་ཁྱོད་ལེགས་སོ།། རྡོ་རྗེའི་སྤུན་ཕྱིར་ཁྱོད་ལེགས་སོ།། རྡོ་རྗེ་ཡེ་ཤེས་ཕྱིར་ཁྱོད ་ལེགས།། སངས་རྒྱས་ཡེ་ཤེས་ཕྱིར་ཁྱོད་ལེགས།། གོང་བཞིན་དུ་སྦྱར་རོ།། དེ་ནས་བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད། བཅོམ་ལྡན་འདས་རྡོ་རྗེ་འཆང་ཆེན་པོ་ལ་ཕྱག་འཚལ ་ནས་འདི་སྐད་ཅེས་གསོལ་ཏོ།། སངས་རྒྱས་ཀུན་ལ་ཕན་པར་མཛད།། སེམས་ཅན་མགོན་ལ་གསོལ་བ་ནི།། ཁྱབ་བདག་ཐེག་པ་ཆེན་པོའི་ཚུལ།། ཐེག་པའི་མཆོག་ནི་བསྟན་དུ་གསོལ།། དེ་ནས་བཅོམ་ལྡན ་འདས་ཕྱག་ན་རྡོ་རྗེས། དེ་བཞིན་གཤེགས་པ་རྣམས་ཐམས་ཅད་ལ་འདི་སྐད་ཅེས་བཀའ་སྩལ་ཏོ།། བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་དེ་སྐད་མ་ཟེར་ཅིག། སློ་བ་མཆོག་གི་དེའི ་ན་ཉིད་ཀྱི་ཚུལ་ངེས་པར་བསྟེན་པར་དེ་བཞིན་གཤེགས་པ་ཐམས་ཅད་ཀྱིས་རབ་ཏུ་གསུངས་སོ།། ཅིའི་རྒྱུས་རྡོ་རྗེ་འཛིན་རབ་ཏུ་གསུང་། བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་ཀྱིས་དགོངས།། ་དེ་ཉིད་ཀྱི་ཚེ་འཁོར་ཆེན་པོའི་དཀྱིལ་འཁོར་དུ་བྱམས་པ་ལ་སོགས་པའི་བྱང་ཆུབ་སེམས་དཔའ་ཆེན་པོ་རྣམས་ཐེག་པ་ཆེན་པོ་མཆོག་གི་དོན་གྱི་ཚུལ་ཆེན་པོ་འདི་ཐོས་ནས། རྣམ ་པསྟོང་དུ་རྣམ་པར་བསྙིལ་བར་གྱུར་ཏོ།། དེ་བཞིན་གཤེགས་པ་ཐམས་ཅད་ལ་གསོལ་པ། ཁྱོད་ཀྱིས་ཞི་བར་དྲིན་བརླབས་པས།། སངས་རྒྱས་རྣམས་ཀྱི་རྣམ་པ་ཅན།། ཁྱབ་བདག་དེ་ཉིད་རྡོ་རྗེ་ཅན།། ་བྱིན་རླབས་མཉམ་པར་ཀུན་ཏུ་སྤྱོད།། དེ་ནས་བཅོམ་ལྡན་འདས་ཕྱག་ན་རྡོ་རྗེས་སྤྱན་གདངས་ནས། དེ་བཞིན་གཤེགས་པ་ཐམས་ཅད་ལ་ལེགས་སོ་བྱིན་ནས། དེ་བཞིན་གཤེགས་པ་ཐམས་ཅད་ཀྱིས ་འཁོར་ལོ་ཆེན་པོའི་འོད་ཟེར་གྱིས་བཀང་ནས། དེ་བཞིན་གཤེགས་པ་ཐམས་ཅད་ཀྱི་ཐུགས་ཡང་དག་པར་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས ་མ་ཐག་ཏུ་ཉི་མའི་དཀྱིལ་འཁོར་ཆེན་པོ་བཞི་རབ་ཏུ་བྱུང་བར་གྱུར་ཏེ། ཤར་གྱི་ཕྱོགས་སུ་མི་ཟད་པའི་གཟུགས་འཛིན་མ་ཞེས་བྱ་བའི་ཉི་མའི་དཀྱིལ་འཁོར་ཆེན་པོ་རབ་ཏུ་ཤིན་ཏུ་བྱུང་བར་གྱུར་ཏོ།། ལྷོ་ཕྱོགས ་སུ་རིན་པོ་ཆེ་ཡིད་བཞིན་གྱི་ནོར་བུའི་རྡོ་རྗེ་ཞེས་བྱ་བའི་ཉི་མའི་དཀྱིལ་འཁོར་ཆེན་པོ་རབ་ཏུ་ཤིན་ཏུ་བྱུང་བར་གྱུར་ཏོ།། ནུབ་ཕྱོགས་སུ་འཆི་མེད་རྡོ་རྗེ་ཞེས་བྱ་བའི་ཉི་མའི་དཀྱིལ་འཁོར་ཆེན་པོ་རབ་ཏུ ་ཤིན་ཏུ་བྱུང་བར་གྱུར་ཏོ།། བྱང་ཕྱོགས་སུ་དོན་ཡོད་པའི་དམ་ཚིག་གི་རྡོ་རྗེ་ཞེས་བྱ་བའི་ཉི་མའི་དཀྱིལ་འཁོར་ཆེན་པོ་རབ་ཏུ་ཤིན་ཏུ་བྱུང་བར་གྱུར་ཏོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན ་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱི་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ཞེས་བྱ་བའི་རྟོག་པའི་རྒྱལ་པོ་ཆེན་པོ་སྟོན་ཏོ།། རྡོརྡོ་སྤྱོད་མངོན་པར་བརྩོན་པ། ་ཞེས་བྱ་བའི་དེ་བཞིན་གཤེགས་པ་ཐམས་ཅད་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཀྱི་ཕྱོགས་བཅུ་རྣམས་སུ་དེ་བཞིན་ནོ།། དེ་བཞིན་དུ་ཡོན་ཏན་ཁྱད་པར་དུ་འཕགས་པའི་རྫུ་འཕྲུལ་དང་། ་དེ་བཞིན་དུ་ཡོན་ཏན་དང་ལྡན་པའི་འཁོར་གྱི་དཀྱིལ་འཁོར་དང་ཐབས་ཅིག་ཏུ་ཕྱོགས་བཅུར་བཞུགས་སོ།། འདི་ལྟ་སྟེ། ཡང་སྟོང་གསུམ་གྱི་སྟོང་ཆེན་པོ་ཞེས་བྱ་བའི་འཇིག་རྟེན་གྱི་ཁམས ་མཁའ་སྣང་གི་འོད་ཟེར་གྱིས་གཡོགས་པར་གྱུར་ཏོ།། ཉི་མའི་དཀྱིལ་འཁོར་ཐམས་ཅད་ཀྱི་འོད་ཟེར་གྱིས་ལྷན་ཅིག་པ་དང་འཐུན་པ་ཙམ་དུའང་མི་བཟོད་པའི་འོད་ཟེར་དུ་བྱས་པ་དེ་ལྟ་ཁོ་ནར་དེ ་བཞིན་གཤེགས་པ་ཐམས་ཅད་ཀྱི་འོད་རྡོ་རྗེ་སེམས་དཔའི་འོད་ཀྱིས་མོག་མོག་པོར་གྱུར་ནས་ཀུན་ཏུ་གནས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཕྱག་ན་རྡོ་རྗེ་ལ་བྱང་ཆུབ ་སེམས་དཔའ་དང་དེ་བཞིན་གཤེགས་པ་ཐམས་ཅད་མཆོད་པའི་སྤྲིན་རྣམས་ཀྱིས་ཡང་དག་པར་མཆོད་དེ། ཀུན་ཏུ་བཟང་པོ་ཞེས་བྱ་བ་བསྐྱེད་དེ་ཅང་མི་གསུང་བའི་རྣམ་པར་གནས་པར་གྱུར་ཏོ།། ་དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན་པོ་བྱང་ཆུབ་སེམས་དཔའ་ཐམས་ཅད་ཀྱི་རང་གི་ཐུགས་ལ་བཞག་ནས་ཡེ་ཤེས་ཀྱི་རིགས་དེ་བསྐྱེད་པོ་གསང་ཆེན་དང་བཅས་པ། དེ་བཞིན་གཤེགས་པ་ཐམས ་ཅད་ཀྱི་གསང་བ་གསལ་བར་བྱེད་པའི་རྒྱུ་རང་གི་ཏིང་ངེ་འཛིན་ལ་སྙོམས་པར་ཞུགས་ཏེ། ཡེ་ཤེས་ཀྱི་རིགས་རང་གི་ཏིང་ངེ་འཛིན་སྟོན།། ལོགས་བཞི་པ་ལ་ཟུར་བ་ནི་པ།། རིན ་ཆེན་བཞི་དང་ཡང་དག་ལྡན།། འོ་མ་ཞེ་ནི་ཀུན་བཀྲམ་པར།། བྱས་ནས་བསམ་གཏན་ཡང་དག་བརྩམ།། དེ་ཡི་དབུས་སུ་པདྨ་ཆེ།། ཤེལ་དང་ཟླ་བ་མཉམ་པའི་འོད།། གསལ་བའི་དཀྱིལ་འཁོར་ཡང་དག ་ལྡན་དཀྱིལ་འཁོར་རྒྱུན་དུ་བསྒོམ་པར་བྱ།། འབར་བའི་འདུས་པ་དེ་རྣམས་སུ།། སངས་རྒྱས་གཟུགས་ནི་རྣམ་པར་སྒོམ།། ཀུན་ནས་ཡོངས་སུ་ཟླུམ་པོ་ནི།། ཁྲུ་ནི་ཉི་ཤུ་བསམ་པར་བྱ།། ཆོ་ག་ཤེས ་པས་དེ་དབུས་སུ།། རང་གཟུགས་དགེ་བ་བསྒོམ་པར་བྱ།། བདག་དང་བདག་གིར་རྣམ་པ་རྟོག་པ།། དོར་བའི་བསམ་གཏན་ཡང་དག་བརྩམ།། ཡེ་ཤེས་རིགས་ཀྱི་ཆོ་ག་ཡིས།། གསང་སྔགས་སེམས ་ལ་རྗེས་དྲན་བྱ།། ཨོཾ་སརྦ་ཏ་ཐཱ་ག་ཏཱ་ཛྙཱ་ན་ཀུ་ལ་སྭ་བྷཱ་བ་ཨཱཏྨ་ཀོ&ཧཾ། འདིས་ཕྱག་རྒྱ་མཉམ་པར་འདུས་པས། སྡིག་པ་ཐམས་ཅད་ཡོངས་སུ་དོར་བར་བྱའོ།། འོད་ཟེར་སྟོང་ཕྲག་བཅུ་པ་ནི།། དང་པོར ་བསམས་ནས་དྲི་མ་དབྱུང་།། ཡེ་ཤེས་རིགས་ཀྱི་ཆོ་ག་ཡས།། རིག་པའི་རྒྱལ་པོ་རྣམ་པར་སྒོམ།། འོད་དཀར་ཕྲ་མོ་འབར་བ་ནི།། དང་ནི་ཀུན་ཏུ་རྣམ་པར་དགོད།། ཐམས་ཅད་དེ་ཉིད་དུ་བྱ་སྟེ།། བསྒོམ་པར ་བྱ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབང་བསྐུར་བ་འདི་གསུངས་སོ།། རང་ལུས་ཤིན་ཏུ་བསྟན་བྱས་ནས།། འོད་ཀྱི་ཚུལ་གྱི་ཆོ་ག་རྣམས།། སངས་རྒྱས་གཟུགས་ནི ་འདུས་པས་ནི།། མཚོན་པས་རྡོར་སེམས་བསྐྱེད་པས་སོ།། ཆོ་ག་ཤེས་པས་རབ་བརྩམས་ན།། དེ་ཡི་དངོས་གྲུབ་རྙེད་མི་དཀའ།། རང་གི་གཟུགས་ནི་མི་གཡོ་བར།། བྱས་ནས་རྡོར་སེམས་ཆོ་ག ་རྣམས།། ཇི་སྲིད་ནམ་མཁའ་འགོངས་གྱུར་པ།། ཆོ་ག་ཤེས་པས་སྤྲོ་བར་བྱ།། སངས་རྒྱས་གཟུགས་དང་རང་གཟུགས་ཤིང་།། བྱས་ནས་ཀུན་སྦྱོར་མཚན་ཉིད་ཀྱི།། རྣལ་འབྱོར་བསམ་གཏན་དུས ་སུ་ནི།། རྫོགས་བྱ་དེ་ལ་རབ་ཏུ་གཞུག། རང་གི་གཟུགས་དང་སངས་རྒྱས་གཟུགས།། ཇི་ལྟར་གནས་ལྟར་བློ་དང་ལྡན།། ཇི་ལྟར་རིགས་པར་སྦྱོར་བ་ནི།། རྡོ་རྗེ་སེམས་དཔར་བསྒོམ་པར་བྱ།། དེ ་བཞིན་གཤེགས་པ་ཀུན་གྱི་རྗེ།། བཅོམ་ལྡན་འདས་ཀྱིས་འདི་གསུངས་སོ།། འབར་བའི་འཕྲེང་བ་འཁྲུགས་པའི་འོད།། རང་ལུས་བསྒོམ་བྱ་རྣལ་འབྱོར་པ།། དེ་ཉིད་རྡོ་རྗེའི་ཚུལ་གྱིས་ནི།། རྡོ་རྗེ ་དབྱེར་མེད་དེ་སྒོམ་མོ།། འོད་ལྔ་ཤིན་ཏུ་ཕྱུང་ནས་ནི།། བྱང་ཆུབ་སེམས་ནི་རྣམ་པར་སྒོམ།། སྙིང་ཁར། སངས་རྒྱས་ཀུན་ནི་མཆོད་པར་བྱ།། དེ་བཞིན་གཤེགས་པ་ཀུན་གྱི་རྗེ།། བཅོམ་ལྡན་འདས། ་ཀྱིས་འདི་གསུངས་སོ།། འབར་བའི་འཕྲེང་བ་འཁྲུགས་པའི་འོད།། དཀྱིལ་འཁོར་ལྔ་ནི་བསམ་པར་བྱ།། སངས་རྒྱས་གཟུགས་ནི་འདུས་པས་ནི།། བཀང་སྟེ་སྔགས་ནི་བསྒོམས་པ་ལས། ་སངས་རྒྱས་གཟུགས་བརྙན་ལྷར་བྱས་ནས།། སྒོམ་པའི་བདག་ཉིད་ཅན་བསྒོམ་བྱ།། རང་གི་གཟུགས་ནི་དེར་བསམ་བྱ།། རྟོག་པ་བསྐྱེད་པའི་ཆོ་ག་ལས།། ཐུགས་ལ་བྱང་ཆུབ་སེམས་ཀྱང་ནི།། ་བསྒོམ་བྱ་དེ་ལ་རྣལ་འབྱོར་སྐྱེས།། རྡོ་རྗེ་སེམས་དཔས་རྣམ་པར་བརྒྱན།། ཆོ་ག་ཤེས་པས་དབྱུང་བར་བྱ།། དེར་ཡང་རྡོ་རྗེ་སེམས་དཔའ་ལ།། སངས་རྒྱས་གཟུགས་ནི་རྣམ ་བསྒོམ་བྱ།། ཆོ་ག་ཤེས་པས་སངས་རྒྱས་གཟུགས།། ཡི་གེ་ཕྲ་མོ་རྣམ་པར་བསྒོམ།། ཡི་གེ་རྣམས་སུའང་ཐམས་ཅད་དུ།། སངས་རྒྱས་གཟུགས་ནི་རྣམ་བསྒོམ་བྱ།། དེ་རྣམས་དང་ནི་ཡི་གེ་གཉིས། ་རང་གཟུགས་རྣམ་པར་མཉམ་བསྒོམས་ལ།། ཉི་མའི་དཀྱིལ་འཁོར་ཚུལ་གྱིས་ནི།། མཁས་པས་རང་གཟུགས་བསྒོམ་པར་བྱ།། ཇི་སྲིད་ནམ་མཁའ་འགོངས་གྱུར་པ།། ཞིང་འདི་ཁྱབ་པར་གཡོག། ་པར་བྱ།། ཉི་མའི་དཀྱིལ་འཁོར་ཚུལ་གྱིས་ནི།། རྡོ་རྗེའི་རྣལ་འབྱོར་རྣམ་བསྒོམ་བྱ།། སྦྱོར་རྣམས་སུ། སངས་རྒྱས་གཟུགས་ནི་རྣམ་བསྒོམ་བྱ།། ཉི་མའི་དཀྱིལ་འཁོར་ཚུལ་གྱིས་ནི།། འཇིག་རྟེན ་ཁམས་འདིར་སྤྲོ་བར་བྱ།། ཇི་སྲིད་ནམ་མཁའ་འགོངས་གྱུར་པའི།། ཞིང་འདི་ཁྱབ་པར་གཡོག་པར་བྱ།། ཟླ་བའི་དཀྱིལ་འཁོར་ཚུལ་གྱིས་ནི།། ཉི་མའི་དཀྱིལ་འཁོར་བསྒོམ་པ་ལས།། ཉི་མའི་དཀྱིལ ་འཁོར་ཚུལ་གྱིས་ནི།། སངས་རྒྱས་གཟུགས་ནི་རྣམ་བསྒོམ་པ།། སངས་རྒྱས་གཟུགས་ནི་རྣམ་བསྒོམས་པས།། ཟླ་བའི་དཀྱིལ་འཁོར་རྣམ་བསྒོམ་པ།། ཟླ་བའི་དཀྱིལ་འཁོར་ཚུལ་གྱིས་ནི།། སངས་རྒྱས ་གཟུགས་ནི་རྣམ་བསྒོམ་པ།། ཆོས་ཀྱི་རྒྱལ། པདྨའི་རྣལ་འབྱོར་ཆོ་ག་ཡིས།། བསྒོམ་པ་ཐམས་ཅད་བརྟག་པར་བྱ།། བསྒོམ་པ་ལ་སོགས་ཡོངས་འཛིན་ལས།། གཞན་དུ་མཆོད་བྱ་མིན་པ་ཉིད།། ་སངས་རྒྱས་གཟུགས་ནི་རྣམ་བསྒོམས་ནས།། ཤིན་ཏུ་བརྟན་པར་བརྟན་པའི་སེམས།། བྱང་ཆུབ་སེམས་ནི་ཡང་དག་བསྐྱེད།། རྒྱུན་དུ་བདག་ཉིད་རྣམ་བསྒོམ་བྱ།། འདི་ནི་རྡོ་རྗེའི་ཚུལ་ཞི་བ།། རྣོན་པོ ་བཞི་དང་མཉམ་པའི་འོད།། རྡོ་རྗེ་སེམས་དཔའ་རྣམ་བསྒོམས་པས།། ཆོ་ག་ཤེས་པས་དགང་བར་བྱ།། ཞེས་བཅོམ་ལྡན་འདས་ཀུན་ཏུ་བཟང་པོས་གསུངས་སོ།། དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན ་བོ་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ལས་ཕྱུང་ངོ་།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ནམ་མཁའི་ཁམས་ཐམས་ཅད་བཀང་སྟེ། བྱང་ཆུབ་སེམས་དཔའ་ཐམས། ་ཅད་མཆོད་པའི་སྤྲིན་རྣམས་ཀྱིས་ཡང་དག་པར་མཆོད་དེ། བཅོམ་ལྡན་འདས་རྡོ་རྗེ་འཆང་ཆེན་པོ་ལ་འདུད་པ་དང་ལྡན་པར་ཀུན་ཏུ་གནས་པར་གྱུར་ཏོ།། དེ་ནས་དེ་བཞིན་གཤེགས་པ་ཐམས་ཅད་སླར ་ཡང་འདུས་པར་གྱུར་ནས། ཀུན་ཏུ་བཟང་པོ་བྱང་ཆུབ་སེམས་དཔའ་ཆེན་པོ་ལ། དེ་བཞིན་གཤེགས་པ་ཐམས་ཅད་མཆོད་པའི་སྤྲིན་ཆེན་པོ་རྣམས་ཀྱིས་ཡང་དག་པར་མཆོད་དེ་ཕྱག་འཚལ་ནས། བྱང་ཆུབ ་ཀྱི་སེམས་རྡོ་རྗེ་ལ་རབ་ཏུ་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་ཀུན་ཏུ་གང་སྟེ། འོད་ཟེར་དེ་རྣམས་དེ་བཞིན་གཤེགས་པ་ཐམས་ཅད་ཀྱི་འབྱུང་གནས་ཡང་དག་པར་བསྐུལ་བར ་གྱུར་ཏོ།། དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན་པོ་དེ་བཞིན་གཤེགས་པ་ཐམས་ཅད་བརྟན་པར་མཛད་ནས། ཡེ་ཤེས་ཀྱི་རིགས་འདི་རྒྱས་པར་བྱེད་པའི་རྒྱུད་རང་གི་གཟུགས་རྣམ་པར་སྣང་མཛད་ཀྱི ་གཟུགས་སུ་བྱིན་གྱིས་བརླབས་ནས། རང་གི་གཟུགས་ཀྱི་རྣམ་པའི་འོད་ཟེར་རྣམས་ཀྱིས་ཕྱུང་སྟེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་སྙིང་པོ་ཡེ་ཤེས་རིགས་ཀྱི ་ཏིང་ངེ་འཛིན་གྱི་ལེའུ་གསུམ་གསུངས་སོ།། དེ་ཉིད་ཐམས་ཅད་བྱེད་བཞིན་པའི།། བསམ་གཏན་ཀུན་སྦྱོར་མཚན་ཉིད་ཀྱིས།། ཆོ་ག་ཤེས་པས་རབ་ཏུ་བརྩམ།། འདི་ནི་དེ་ཉིད་ཚུལ་དག་པའོ།། ཉི་མའི ་དཀྱིལ་འཁོར་མཆོག་གྱུར་པས།། ཁྲུག་ནི་སྟོང་ཕྲག་བསམ་པར་བྱ།། ཟླ་བའི་དཀྱིལ་འཁོར་དབུས་གནས་པར།། ཝ་ཡིག་དེ་ལ་བསྒོམ་པར་བྱ།། ཀུན་ནས་ཡོངས་སུ་ཟླུམ་པོར་ནི།། མཐེའུ་ཆུང་མ་ཙམ ་བསམ་པར་བྱ།། འབར་བ་དེ་ལ་ཆོ་ག་ཤེས།། སྣ་ཚོགས་ཁ་དོག་རྣམ་པར་སྒོམ།། དེ་ནི་འབར་བ་ཡང་དག་སྐྱེས།། སངས་རྒྱས་གཟུགས་ནི་རྣམས་བསྒོམ་བྱ།། ཕྱོགས་རྣམས་ཀུན་ཏུ་ཨོཾ་ཡིག་ནི།། ཁ ་དོག་སྣ་ཚོགས་རྣམ་བསམ་བྱ།། རྣམ་སྣང་ལ་སོགས་རྣམས་བསྒོམས་པས།། ཆོ་ག་ཤེས་པས་བསྐྱེད་པར་བྱ།། ཉི་མའི་དཀྱིལ་འཁོར་དབུས་གནས་པར།། ཟླ་བའི་དཀྱིལ་འཁོར་སྒོམ་པའོ།། བདག ་ཉིད་དེ་ལ་བསམ་པ་ནི།། དགའ་བ་སྐྱེད་པའི་ཆོ་ག་ལས།། སྙིང་གི་དབུས་སོན་ཕྲ་མོ་ནི།། དྲི་མེད་ཟླ་བའི་དཀྱིལ་འཁོར་ལ།། སྔགས་ཡིག་ཕྲ་མོའི་གཟུགས་རྣམས་ཀྱིས།། དེ་དེ་སེམས་ལ་བསམ་པར་བྱ།། ་ཨོཾ་ཡིགེ་འོད་ཟེར་ཡང་དག་སྦྱོར།། འབར་བའི་འཕྲེང་བ་མཉམ་པའི་འོད།། སངས་རྒྱས་གཟུགས་སོགས་མཚན་ཉིད་ཀྱིས།། ཆོ་ག་ཤེས་པས་དབྱུང་བར་བྱ།། སངས་རྒྱས་གཟུགས་རྣམས་ཐམས་ཅད་དུ། ་ཟླ་བའི་དཀྱིལ་འཁོར་སྒོམ་པ་ནི།། སངས་རྒྱས་བསྐྱེད་པའི་ཆོ་ག་ལས།། རང་གི་གཟུགས་སུ་དེ་ལ་བྱའོ།། ཉི་མ་ལྔ་ནི་དགོད་བྱ་བ།། རྡོ་རྗེ་ཐུགས་སུ་ཆོ་ག་ལས།། ཉི་མ་ལྔ་ནི་དགོད་བྱ་བ།། སྔགས་པས ་ཟླ་བའི་དཀྱིལ་འཁོར་ཅན།། དཔྲལ་བ་རུ་ནི་རྣམ་པར་སྒོམ།། འོད་ཟེར་འབར་བ་མཉམ་པའི་འོད།། སངས་རྒྱས་གཟུགས་སུ་རྣམ་པར་སྒྲོམ།། འཇིག་རྟེན་ཁམས་རྣམས་རིམ་པར་འདས།། སླར་ཡང ་དེ་ལ་རབ་གཞུག་བྱ།། ཁྲུ་ཡི་ཚད་ལས་འདས་པ་ཡི།། ཟླ་བའི་དཀྱིལ་འཁོར་སྒོམ་པ་ནི།། རྡོ་རྗེ་སེམས་དཔའ་ཡང་དག་བསྐྱེད།། རང་གི་གཟུགས་ཉིད་བསྒོམ་པར་བྱ།། བཅོམ་ལྡན་འདས་ཀུན་ཏུ ་བཟང་པོས་དེ་སྐད་ཅེས་གསུངས་སོ།། ཡེ་ཤེས་ཀྱི་རིགས་རྣམ་པར་རྒྱལ་བ་ཞེས་བྱ་བའི་ཏིང་ངེ་འཛིན་ཏོ།། ཉི་མའི་དཀྱིལ་འཁོར་དབུས་གནས་པར།། རང་གི་གཟུགས་ནི་བསྒོམ་བྱ་དགེ། ཟུར་དུ ་རྣམ་སྣང་གཞག་བྱ་སྟེ།། རྡོ་རྗེ་སེམས་དཔའ་རྣམ་བསྒོམ་བྱ།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། ཆོ་ག་ཤེས་པས་གཟུགས་བཅུ་དྲུག། ཁ་དོག་བཞིར་ནི་རྣམ་བསམ་བྱ།། སྙིང ་ཁ་རྣམས་དང་ཐམས་ཅད་དུ།། ལྷ་རྣམས་དེ་ལ་བསྒོམ་པར་བྱ།། ཞེས་བཅོམ་ལྡན་འདས་རྡོ་རྗེ་འཆང་གིས་གསུངས་སོ།། རང་གི་གཟུགས་ལ་བགེགས་འཇོམས་པར།། སེམས་ལ་བརྟན་པར་བསྒོམ་པར། ་བྱཧཱུཾ་ཡིག་དབུགས་ནས་ཕྱུང་ནས་ནི།། འོད་ཟེར་རྣམ་པར་རབ་ཏུ་གཞུག། ཅེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ།། རང་གཟུགས་ལ་སོགས་མཚུངས་པའི ་འོད་། ལྷ་རུ་སྐད་ཅིག་དེ་འགྱུར་རོ།། ཡི་གེ་རྣམས་ཀྱི་ཚད་ཀྱིས་ནི།། ཝ་ཡིག་གཟུགས་ནི་རྣམ་བསྒོམ་བྱ།། སྔགས་པས་དབུས་སུ་ཡི་གེ་ཉིད།། བྱིན་ནས་ལས་ནི་ཀུན་ཏུ་བརྩམ། ་སྔགས་པས་དཔྲལ་བའི་སྟེང་ནས་ནི།། ཇི་སྲིད་ལྟེ་བ་ཞེས་པར་དྲན།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན་པོ་ལས། རྣམ་པར་དགོད་པའི་ལེའུ་དང་པོ་རྫོགས་སོ།། ་ཤིང་རྟའི་འཁོར་ལོའི་ཚད་དུ་ནི།། པདྨ་ཆེན་པོ་རྣམ་བསྒོམ་བྱ།། ཉི་མའི་དཀྱིལ་འཁོར་དབུས་གནས་པར།། པདྨའི་ཆུ་བ་དེ་རྣམས་སྒོམ།། ལས་ཀྱི་རྡོ་རྗེ་ཡང་དག་བསྐྱེད།། རང་གཟུགས་དེ་ལ ་བསྒོམ་པར་བྱ།། ལས་ཀྱི་རྡོ་རྗེ་རབ་བསྒོམས་པས།། རྡོ་རྗེ་སེམས་དཔའ་མཉམ་པར་འགྱུར།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། འོ་མ་དང་ཞོ་བྱས་ནས་ནི།། དབུས་སུ་པདྨ་རྣམ་པར ་སྒོམ་རང་གཟུགས་སངས་རྒྱས་ལྷར་བྱས་ནས།། མཁས་པས་རང་གཟུགས་རྣམ་བསྒོམ་བྱ།། ནམ་མཁའི་ཁམས་ནི་ཀུན་བཀང་སྟེ།། སླར་ཡང་དེ་ཉིད་སྦྱར་བྱ་སྟེ།། འོ་མ་དང་ཞོ་མཉམ་བྱས་ནས།། སྣ ་ཚོགས་ཁ་དོག་མཉམ་པའི་འོད།། ཟླ་བའི་དཀྱིལ་འཁོར་ཚུལ་གྱིས་ནི།། ཉི་མའི་དཀྱིལ་འཁོར་སྒོམ་པ་ནི།། རང་གཟུགས་སངས་རྒྱས་མཚུངས་པ་ནི།། ཆོ་ག་ཤེས་པས་དབྱུང་བར་བྱ།། རང་གི་གཟུགས ་དང་ཐམས་ཅད་དུ།། ལྷ་ལ་སོགས་པ་རྣམ་སྒོམ་བྱེད།། ཁྲུ་གང་ཙམ་ལས་འདས་པར་ནི།། ཉི་མའི་དཀྱིལ་འཁོར་སྒོམ་པ་ནི།། བགེགས་རྣམས་འཇོམས་པ་ལྟར་བྱས་ནས།། འཇིག་རྟེན་ཁམས་སུ་འདི་སྔོ་བྱ། ་རང་གི་ཕྱག་རྒྱ་སྙིང་ལ་རུ།། བསམས་ནས་ཉི་མའི་དཀྱིལ་འཁོར་དབུས།། སངས་རྒྱས་རྣམ་པར་ཆོ་ག་ཤེས།། འོད་ཀྱི་དཀྱིལ་འཁོར་བསྒོམ་པར་བྱ།། དེ་དབུས་ཡི་གེ་བྱིན་ནས་ནི།། འཇིག་རྟེན་ཁམས་སུ་འདི། ་སྤྲོ་བྱ།། གདུལ་བ་ལ་སོགས་ཅན་བྱས་ནས།། སླར་ཡང་དེ་ཉིད་ལ་སྦྱར་བྱ།། ཁྲུ་གང་ཙམ་ལས་འདས་པར་ནི།། ཟླ་བའི་དཀྱིལ་འཁོར་བསྒོམ་པར་བྱ།། རྡོ་རྗེ་རལ་གྲི་ཡང་དག་བསྐྱེད།། འཇིག ་རྟེན་ཁམས་ནི་ཡོངས་བགྲོད་བྱ།། པདྨ་དཀར་པོའི་འོད་འབར་དང་།། བྱང་ཆུབ་སེམས་ཀྱིས་རྣམ་པར་བརྒྱན།། དབུས་སུ་རང་གི་ལྷ་ཡི་གཟུགས།། གཞོགས་སུ་བཙུན་མོ་དགོད་པར་བྱ། ཆོ་ག ་ཤེས་པས་དེ་ལྟར་གཟུང་།། རང་གི་རྡོ་རྗེ་དེ་ལ་གཞུག། འཇིག་རྟེན་ཁམས་ནི་ཐམས་ཅད་དུ།། སངས་རྒྱས་ཉིད་ཀྱིས་མཆོད་པར་བྱ།། ཞེས་བཅོམ་ལྡན་འདས་ཀུན་ཏུ་བཟང་པོས་གསུངས་སོ།། ་ཇི་སྲིད་ཡང་དག་ཐོབ་སྦྱོར་སྐྱེས།། སྔགས་པས་སླར་ནི་བསྡུ་བར་བྱ།། མཐོ་གང་ཙམ་ལས་འདས་པར་ནི།། ཉི་མའི་དཀྱིལ་འཁོར་སྒོམ་པར་ནི།། རང་གཟུགས་ཤིན་ཏུ་བརྟན་བྱས་ནས།། ལྷ་ལ ་སོགས་པ་རྣམ་པར་སྒོམ།། སྙིང་ཁར་སྔགས་ཀྱི་ཡིག་བྱིན་ནས།། སངས་རྒྱས་ཀུན་ནི་མཆོད་པར་བྱ།། མཐོ་བདུན་ཙམ་ལས་འདས་པར་ནི།། དཀྱིལ་འཁོར་བཞི་ནི་སྒོམ་པར་བྱེད།། ལྷཡི་གཟུགས ་ཀྱི་དབུས་གནས་པར།། སྙིང་ཁར་དེ་ལ་བསྒོམ་པར་བྱ།། ཞེས་བཅོམ་ལྡན་འདས་རྡོ་རྗེ་དམ་ཚིག་གིས་ནི་གསུངས་སོ།། རང་གཟུགས་སྤྱན་ཞེས་བྱ་བར་ནི།། བྱས་ནས་སངས་རྒྱས་རྣམ་པར་སྒོམ། ་ཐུགས་ཀ་ཉིད་དང་ཐམས་ཅད་དུ།། མཁས་པས་རང་གཟུགས་བསྒོམ་པར་བྱ།། དེ་རུ་སྙིང་པོའི་ཚུལ་གྱིས་ནི།། སེམས་དཔའི་རྣལ་འབྱོར་རྣམ་པར་སྒོམ།། རྒྱང་གྲགས་ཙམ ་ལས་འདས་པར་ནི།། སངས་རྒྱས་གཟུགས་ནི་རྣམ་བསྒོམ་བྱ།། གཟུགས་ཀྱིས་ནམ་མཁའ་འགོངས་པར་ནི།། སྙིང་པོ་རྣམས་ལས་ཡང་དག་བསྐྱེད།། རྒྱང་གྲགས་ཙམ་ལས་འདས་པར་ནི།། གསལ། ་བའི་དཀྱིལ་འཁོར་སྒོམ་པ་ནི།། རང་གི་རྣལ་འབྱོར་ལེགས་བརྟན་བྱས།། སངས་རྒྱས་ཡང་དག་རྣལ་འབྱོར་སྒོམ།། རྒྱང་གྲགས་ཙམ་ལས་འདས་པར་ནི།། བྱང་ཆུབ་སེམས་ནི་རྣམ་པར་སྒོམ།། ལྷ་ནི ་ཡང་དག་བསྐྱེད་ནས་ནི།། སྔགས་ཀྱི་ཡི་གེ་རྣམ་པར་སྒོམ།། མཐོ་གང་ཙམ་ལས་འདས་པར་ནི།། པདྨའི་ཚུལ་དུ་རྣམ་པར་སྒོམ།། རང་ལུས་དྲི་མ་མེད་བྱས་ནས།། གསལ་བའི་དཀྱིལ་འཁོར་སྒོམ་པའོ།། རེ། ་དབུས་ལེགས་པར་བརྟན་བྱས་ནས།། རང་གཟུགས་དང་ནས་དང་པོར་སྐོམ།། འོད་དཀར་འབར་བའི་འཕྲེང་བ་སོགས།། པདྨ་ལྔ་པོ་རྣམ་བསྒོམ་བྱ།། དེ་ཡི་དབུས་སུ་རང་གཟུགས་དང་།། གཞོགས་སུ། ་བཙུན་མོ་དགོད་པར་བྱ།། རང་གི་ཁུ་བ་དེང་སོགས་འབྱུང་།། ཆོ་ག་ཤེས་པས་སྤྲོ་བར་བྱ།། སངས་རྒྱས་གཟུགས་ཀྱིས་ནམ་མཁའི་ཁམས།། ཀུན་ཏུ་གང་བར་སྒོམ་པ་ནི།། རང་གཟུགས་རལ་གྲི་ལྟར་བྱས། ་ནས། ཀུན་གྱི་སྙིང་ཁར་དགེད་པར་བྱ།། རང་གཟུགས་སངས་རྒྱས་ཡང་དག་སྦྱོར།། མཚན་ཉིད་ལ་སོགས་ཆོག་རིམ་གྱིས།། བྱང་ཆུབ་སེམས་དཔའ་ནམ་མཁའི་ཁམས།། ཡང་དག་གང་བར་རྣམ་བསྒོམ ་བྱུ་རང་གཟུགས་ཞགས་པ་ཡང་དག་སྦྱོར།། ཁྱབ་བདག་སངས་རྒྱས་གཟུགས་དགོད་བྱ།། ཇི་སྲིད་ནམ་མཁའི་དཀྱིལ་འཁོར་དུ།། ཆོ་ག་ཤེས་པས་དགུག་པར་བྱ།། རང་གཟུགས་སངས་རྒྱས་ཡང་དག། ་སྦྱོར།། བྱང་ཆུབ་སེམས་སུ་རྣམ་སྒོམ་མོ།། སྔགས་ཀྱི་ཡི་གེ་སོགས་སྦྱོར་གྱིས།། དེ་ཡི་རྣམ་པར་མྱུར་བསྒོམ་བྱ།། བྱང་ཆུབ་སེམས་ཀྱིས་ཡང་དག་བསྐྱེད།། འོད་ཟེར་འབར་བས་རྣམ་པར་བརྒྱན།། རང་གཟུགས ་སངས་རྒྱས་མཚུངས་པར་ནི།། ཆེ་ག་ཤེས་པས་དབྱུང་བར་བྱ།། རང་གཟུགས་དེ་ལ་གཟུགས་གནས་པར།། འབར་བའི་འཕྲེང་བ་མཉམ་པའི་འོད།། སྤྱན་ཞེས་བྱ་བ་ཡིད་དགའ་བ།། ཆོ་ག་ཤེས་པས་དབྱུང་བར་བྱ།། ་ཟླ་བའི་དཀྱིལ་འཁོར་དབུས་གནས་པར།། སྤྱན་ནི་སྙིང་ཁར་རྣམ་པར་དགོད།། ཆོ་ག་ཤེས་པས་འོད་རྣམ་པར།། རྡོ་རྗེ་སེམས་དཔའ་རབ་གཞུག་བྱ།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། ་རང་གཟུགས་མྱུར་བའི་དཀྱིལ་འཁོར་དུ།། རྡོ་རྗེ་སེམས་དཔའ་ཡང་དག་བསྐྱེད།། ལྷ་ཡི་རྣམ་པར་ཡང་དག་སྦྱོར།། བསྒོམ་བྱ་རྣམ་པ་གཞན་མིན་ནོ།། ཉི་མའི་དཀྱིལ་འཁོར་དབུས་སུ་ནི།། རྡོ་རྗེ་སེམས་དཔར ་ཡང་དག་བསྐྱེད།། ལྕགས་ཀྱུའི་རྣམ་པ་ཞགས་པ་སོགས།། བྱས་ནས་སློབ་མ་རབ་གཞུག་བྱ།། རྡོ་རྗེ་སེམས་དཔའ་ཡང་དག་བསྐྱེད།། རང་གཟུགས་སྙིང་ཁར་རྣམ་དགོད་བྱ།། དགོད་པས་བྱས་ནས་ལག་སོགས ་ཀྱིས། དེ་ནས་གྲངས་ནི་ཡང་དག་བརྩམ།། བཟླས་པ་སོགས་སམ་བཏུང་བྱ་བ།། བློ་ལྡན་དེས་ནི་དེ་བྱའོ།། སྒྲུབ་པོ་རྣམས་ཀྱིས་རྣམ་བཟླས་བྱ།། གཞན་དུ་ཡང་དག་གྲུབ་མིན་ཉིད།། བཅོམ་ལྡན་འདས་དེ་བཞིན ་གཤེགས་པ་ཐམས་ཅད་ཀྱི་དམ་ཚིག་གིས་དེ་སྐད་ཅེས་གསུངས་སོ།། རང་གི་གཟུགས་ནི་ཡང་དག་བསྐྱེད།། དབུས་སུ་རང་གི་རིགས་སྒོམ་མོ།། མཐར་ཡང་དགྲ་དང་དགེགས ་འཇོམས་པར།། སྙིང་པོ་དེ་རུ་བསྒོམ་པར་བྱ།། འདི་རྣམས་ཀྱི་ནི་ཆོ་ག་ཡིས།། སྒོམ་པ་ལ་སོགས་ཆོ་གའི་རིམ།། ཉི་མའི་དཀྱིལ་འཁོར་ཚུལ་གྱིས་ནི།། རིག་པའི་རྒྱལ་པོ་རྣམ་བསྒོམ་བྱ།། འདར་བའི་འཕྲེང ་བ་འཁྲུགས་འབར་བའི།། ཁྲོ་བོའི་གཟུགས་སུ་བསྒོམ་པར་བྱ།། ཁ་དོག་གང་དེ་ཁོ་ནར་བརྗོད།། དེ་ཉིད་མཐར་ཐུག་དེ་ཉིད་བརྗོད།། དེ་ཉིད་དེ་ཡིས་བསམ་པར་བྱ།། གཞན་དུ་གྲུབ་པ་མིན་པ་ཉིད།། ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཀུན་ཏུ་བཟང་པོས་དེ་སྐད་ཅེས་གསུངས་སོ།། རང་གཟུགས་དཀྱིལ་འཁོར་བྱས་ནས་ནི།། དབུས་སུ་འབར་ང་མཉམ་པའི་འོད།། འཇིག ་རྟེན་ཁམས་རྣམས་ཐམས་ཅད་དུ།། དེ་ཉིད་ཤེས་པས་སྙིང་ཁར་དགོད།། དེ་ལ་བདག་ཉིད་ཡང་དག་བསྐྱེད།། དེ་ཡི་རང་བཞིན་དེར་བརྩམ་བྱ།། རང་གཟུགས་པདྨའི་དབུས་གནས་པར།། སྣང་བྱེད ་ལ་སོགས་མཉམ་པའི་འོད།། སྙིང་ཁར་ཡི་གེ་བྱས་ནས་ཀྱང་།། རྡོ་རྗེ་སེམས་དཔའ་རྣམ་བསྒོམ་བྱ།། རྡོ་རྗེ་སེམས་དཔའ་འདུས་པ་ལ།། སངས་རྒྱས་གཟུགས་སུ་རྣམ་བསྒོམ་བྱ།། རིག་པའི་ཚུལ་དུ་ཡང ་དག་བསྐྱེད།། དངོས་གྲུབ་ཐམས་ཅད་ཀུན་ཐོབ་འགྱུར།། དེ་ཕྱིར་སྔགས་པས་ཁྱད་པར་གྱི།། རིག་པའི་ཚུལ་ནི་མཆོག་ཏུ་འགྱུར།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས ་དེ་སྐད་ཅེས་གསུངས་སོ།། ཐམས་ཅད་དེ་ཉིད་བྱ་བ་ནི།། ཉི་མའི་དཀྱིལ་འཁོར་དབུས་སུ་ནི།། གཟུགས་ནི་རྣམ་སྣང་མཛད་བསམས་ནས།། སྙིང་ཁར་སྔགས་ནི་རྣམ་བསྒོམ་བྱ།། དེ་ཉིད་སྔགས་སུ ་རྗེས་སུ་དྲན།། རིག་པའི་ཚུལ་གྱི་ཆོ་ག་ལས།། སློབ་དཔོན་ཡིད་ནི་དགའ་བ་རུ།། ཆོ་ག་ཤེས་པས་དབྱུང་བར་བྱ།། སྙིང་ཁ་རྣམས་དང་ཐམས་ཅད་དུ།། ཟླ་བའི་དཀྱིལ་འཁོར་སྒོམ་པའོ།། རང ་གི་གཟུགས་ནི་ཡང་དག་བསྐྱེད།། དེ་ལ་རལ་གྲི་ལ་སོགས་སྒོམ།། ཆོ་ག་ཤེས་པས་ཡང་དག་བསྐྱེད།། འབར་བ་ལྔ་ནི་རྣམ་པསྒོམ་བྱ།། གཟུགས་དང་ཁ་དོག་རྣམ་པར་ཤེས།། འཇིག་རྟེན་ཁམས ་སུ་འདི་སྤྲོ་བྱ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྤྱན་གྱིས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ ་ལས་ཡེ་ཤེས་རིགས་ཀྱི་ཏིང་ངེ་འཛིན་གྱི་ལེའུ་སྟེ་གཉིས་པའོ།། ། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཟླ་བའི་དཀྱིལ་འཁོར་ལ ་གནས་ཏེ། རྣམ་པར་སྣང་མཛད་ཀྱི་གཟུགས་སུ་བྱིན་གྱིས་བརླབས་ནས། དེ་རྣམས་ཀྱང་དཀྱིལ་འཁོར་ཆེན་པོ་འདུས་པ་རྣམས་སུ་རང་གི་གཟུགས་སུ་གཞག་གོ།། བསྡུས་པའི་རིགས་ཀྱི་ཏིང་འཛིན ་གྱིས། ལེའུ་བཀའ་རྣམས་སྩལ་བར་མཛད།། འོ་མ་དང་ཞོར་བསམས་ནས་སུ།། འཕགས་པའི་དམ་ཚིག་བཞི་པོ་དང་།། དབུས་སུའང་སྔགས་པས་ཨུཏྤལ།། བསྒོམ་བྱ་གཞན་དུ་མི་བསམ་མོ།། ་ཡེ་ཤེས་དཀྱིལ་འཁོར་ཡང་དག་སྦྱོར།། དེའི་སྟེང་དུ་རྣམ་བསྐོམ་དུ།། ཁྲོ་བོའི་རྣམ་པ་ཡང་དག་བསྐྱེད།། འོད་ཟེར་ཡང་དག་སྦྱོར་བསྒོམ།། དེར་ནི་འོད་ཟེར་འདུས་རྣམས་སུ།། ་རྡོ་རྗེ་སེམས་དཔའ་རྣམ་བསྒོམ་བྱ།། ཆོ་ག་ཤེས་པས་དེར་རང་གཟུགས།། དབུས་སུ་ཡང་དག་གཞག་བསྒོམ་བྱ།། བཅོམ་ལྡན་འདས་དམ་ཚིག་རྡོ་རྗེས་དེ་སྐད་ཅེས་གསུངས་སོ།། ཨོཾ་སརྦ་ཏ་ཐཱ་ཏྲཿ། ་ཛྙཱ་ན་སྭ་བྷཱ་བ་ཨཱཏྨ་ཀོ&ཧཾ། གསང་སྔགས་རྒྱལ་པོ་འདི་ཡིས་ནི།། རང་གི་རྣམ་རྟོག་ཡོངས་འདོར་བྱ།། རང་གཟུགས་ཧཱུཾ་ཡིག་ཅེས་བརྗོད་པ།། བྱས་ནས་ཀུན་ཏུ་རྣམ་བསྒོམ་བྱ།། ཆོ་ག་ཤེས་པས་དེ་རྣམ ་སུའང་།། ཧ་ཡིག་མཐར་ཐུག་རྣམ་བསམ་བྱ།། རང་གཟུགས་ལ་སོགས་མཚུངས་པའི་འོད།། ལྷ་དེ་སྐད་ཅིག་དེ་ལ་འགྱུར།། གསལ་བའི་དཀྱིལ་འཁོར་ཡང་དག་སྦྱོར།། སྙིང་ཁར་དེ་ལ་རྣམ་བསམ ་བྱ། ཆོག་ཤེས་པས་གསང་སྔགས་ཡིག། ཆོ་ག་མཐོང་བས་བསྒོམ་པར་བྱ།། བཅོམ་ལྡན་འདས་དམ་ཚིག་རྡོ་རྗེས་དེ་སྐད་ཅེས་གསུངས་སོ།། གནས་ལྔར་ཡང་དག་སྦྱར་བྱ་བ།། རྩེ་མོ་ལྔ་རུ་རྣམ ་བསྒོམ་བྱ།། སྔགས་ཀྱི་ཡི་གེ་ཐམས་ཅད་དུ།། རྡོ་རྗེ་སེམས་དཔའ་རྣམ་བསྒོམ་བྱ།། སངས་རྒྱས་གཟུགས་ནི་རྣམ་བསྒོམས་པས།། ཆོ་ག་ཤེས་པས་སྤྲོ་བར་བྱ།། བཅོམ་ལྡན་འདས་དེ་བཞིན་གཤེགས ་པ་ཐམས་ཅད་ཀྱི་སྲས་ཀྱི་གཙོ་བོས་དེ་སྐད་ཅེས་གསུངས་སོ།། རང་གཟུགས་སེམས་དཔའི་ཚུལ་གྱིས་ནི།། སེམས་དཔའི་མཚན་མར་བསྒོམ་པར་བྱ།། སངས་རྒྱས་ཞིང་རྣམས་ཀུན་ཏུ་ནི།། ཆོ་ག ་ཤེས་པས་སྤྲོ་བར་བྱ།། རང་གཟུགས་སེམས་དཔའི་ཚུལ་གྱིས་ནི།། ལྷ་ཡི་སྙིང་ཁར་བསྒོམ་པར་བྱ།། སངས་རྒྱས་གཟུགས་དེ་དབྱུང་བར་བྱ།། འཇིག་རྟེན་ཁམས་འདིར་སྤྲོ་བར་བྱ།། རང་གཟུགས་པ ་ཤེས་ཞེས་བརྗོད་པ།། འབར་བའི་འཕྲེང་བས་རྣམ་པར་བརྒྱན།། བྱང་ཆུབ་སེམས་སུ་དེ་ཕྱུང་ན།། འཇིག་རྟེན་ཁམས་སུ་འདི་སྤྲོ་བྱ།། རང་གི་གཟུགས་ཞེས་བརྗོད་པ་ནི།། འབར་བའི་འཕྲེང་བ་མཉམ ་པའི་འོད།། རང་གི་གཟུགས་ཀྱི་འོད་ཟེར་གྱིས།། ཞིང་འདིར་ཁྱབ་པར་རྣམ་བསྒོམ་བྱ།། རང་གཟུགས་ལྕགས་ཀྱུར་བཅས་བྱས་ནས།། རང་གི་གཟུགས་ཀྱི་ལག་པར་དགོད།། ཆོ་ག་ཤེས་པས་ཀུན་ནས ་ཀྱང་།། སངས་རྒྱས་གཟུགས་ལ་རབ་གཞུག་བྱ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྗེ་བོས་དེ་སྐད་ཅེས་གསུངས་སོ།། རང་གི་གཟུགས་ཀྱི་ཚུལ་གྱིས་ནི།། གསང་སྔགས་ཡི་གེ ་རྣམ་པར་སྒོམ།། རྡོ་རྗེ་སེམས་དཔའ་རྣམ་བསྒོམས་པས།། ཆོ་ག་ཤེས་པས་སྤྲོ་བར་བྱ།། བྱང་ཆུབ་སེམས་སུ་རང་གཟུགས་ནི།། དེ་ཉིད་སྒོམ་པས་བསྒོམ་པར་བྱ།། བགེགས་ནི་སྔགས་ལས་ཡང་དག ་བསྐྱེད།། འཇིག་རྟེན་ཁམས་སུའང་སྤྲོ་བར་བྱ།། མི་སྡུག་གཙིགས་ཤིང་འཇིགས་པ་ནི།། དགེགས་ཀྱི་དགྲ་དེ་དབྱུང་བར་བྱ།། བྱང་ཆུབ་སེམས་སུ་དེ་ཕྱུང་ནས།། འཇིག་རྟེན་ཁམས་འདིར་སྤྲོ་བར་བྱ།། ་རང་གཟུགས་ཉི་མའི་དབུས་གནས་པར།། རྣོན་པོ་འབར་བས་རྣམ་པར་བརྒྱན།། ལས་ཀྱི་རྡོ་རྗེ་ཤིན་ཏུ་མཛེས།། ཆོ་ག་ཤེས་པས་དབྱུང་བར་བྱ།། དང་པོའི་རྣལ་འབྱོར་ཡང་དག་བསྐྱེད།། ཤིན་ཏུ་བརྟན་པ་བརྩ། ་པའི་སེམས།། ཆོ་ག་ཉེ་བར་མཐོང་བ་ཡི།། དང་པོའི་རྣལ་འབྱོར་ཡང་དག་བརྩམ།། རང་གཟུགས་ཨུཏྤ་ལར་བསམས་ནས།། སྣ་ཚོགས་འོད་ཟེར་མཉམ་པར་ལྡན།། ལྷ་མི་གཟུགས་སུ ་ཡང་དག་སྦྱོར།། དེའི་སྟེང་དུ་རྣམ་བསྒོམ་བྱ།། ཇི་སྲིད་ནམ་མཁའི་དཀྱིལ་འཁོར་དུ།། སྔགས་པས་འཇིག་རྟེན་གསུམ་དུ་སྤྲོ།། སངས་རྒྱས་གཟུགས་ནི་ཡང་དག་བསྐྱེད།། ཁ་དོག་དཀར་པོ་ཤིན་ཏུ་མཛེས།། ་ཟླ་བའི་དཀྱིལ་འཁོར་དབུས་གནས་པར།། ཡིད་དགའ་བ་ནི་བསྒོམ་པར་བྱ།། ཐོ་བའི་རྣམ་པ་ཡང་དག་སྦྱོར།། ཆོ་གས་རྟག་ཏུ་བསྒོམ་པར་བྱ།། རྡོ་རྗེ་སེམས་དཔའ་སོགས་གསུངས་པས།། ཇི་ལྟར་རིགས ་པར་བི་ཊུའི་ཏ།། རང་གཟུགས་གསལ་བ་འབར་བའི་འོད།། མཱ་མ་ཀཱི་སོགས་རྣམ་བརྒྱན་པས།། རྡོ་རྗེ་སེམས་དཔའ་ཡང་དག་བསྐྱེད།། འཇིག་རྟེན་གསུམ་དུ་ཡང་སྤྲོ་བྱ།། རྡོ་རྗེ་ཡེ་ཤེས་ཡང་དག་བསྐྱེད། ་ཁྲོ་བོའི་ཡང་དག་སྦྱོར་བསྒོམས་པས།། རང་གཟུགས་འབར་བ་མཚུངས་པ་ཡིས།། ཆོ་ག་ཤེས་པས་སྤྲོ་བར་བྱ།། ཉི་མའི་དཀྱིལ་འཁོར་དབུས་གནས་པར།། མཁས་པས་རང་གི་གཟུགས་བསྒོམ་བྱ།། ་རྩེ་མོ་ལྔ་ཡི་རྡོ་རྗེ་ཆེ།། འཇིག་རྟེན་ཁམས་སུ་ཡང་སྤྲོ་བྱ།། ཁྲོ་བོའི་གཟུགས་སུ་ཡང་དག་བསྐྱེད།། རང་གི་སྔགས་ཀྱི་ཡི་གེས་བརྒྱན།། སངས་རྒྱས་གཟུགས་སུ་རྣམ་བསྒོམ་བྱ།། ཆོ་ག་ཤེས་པས་འཁོར་ལོ་ལྷའི།། ་འོད་ཟེར་ཚུལ་དུ་རྣམ་བསྒོམ་བྱ།། བཅོམ་ལྡན་འདས་རྡོ་རྗེའི་རང་བཞིན་གྱིས་དེ་སྐད་ཅེས་གསུངས་སོ།། རང་གཟུགས་འཁོར་ལོའི་ཚུལ་གྱིས་ནི།། འབར་བའི་འཕྲེང་བས་རྣམ་པར་བརྒྱན།། རང་གཟུགས ་སངས་རྒྱས་དང་མཚུངས་པ།། ཆོ་ག་ཤེས་པས་དབྱུང་བར་བྱ།། རང་གཟུགས་འཁོར་ལོའི་ཚུལ་གྱིས་ནི།། རལ་གྲིའི་འོད་ཟེར་གྱིས་བརྒྱན་པ།། འབར་བའི་འཕྲེང་བ་འཁྲུགས་གསལ་བ།། ཀུན་ནས ་རྣམ་པར་འཕྲོ་བའོ།། པདྨ་རང་སྙིང་དབུས་གནས་པར།། བྲམ་ཟེ་ཚངས་པ་རྣམ་པར་བརྒྱན།། བྱང་ཆུབ་སེམས་སུ་ཡང་དག་བསྐྱེད།། དེ་ལ་སྔགས་ཀྱི་ཡི་གེ་དགོད།། སྙིང་པོར་ཨུཏྤ་ལར་བསམས་ནས།། སྣ ་ཚོགས་འོད་ཟེར་རྣམ་པར་བརྒྱན།། ཆོ་ག་ཤེས་པས་བྱང་ཆུབ་སེམས།། བསམས་ནས་སྔགས་གསུམ་རྣམ་བསྒོམ་བྱ།། སྙིང་ཁའི་དབུས་སོན་བླ་མོ་ནི།། ཨིནྡྲ་ནཱི་ལ་མཚུངས་པའི་འོད།། ཡེ་ཤེས་སྦྱོར ་བ་ཀུན་བསྐྱེད་ནས།། སངས་རྒྱས་གཟུགས་སུ་བསྒོམ་པར་བྱ།། རང་གཟུགས་ཕྲ་མོའི་དབུས་གནས་པར།། སྣ་ཚོགས་འབར་བ་མཉམ་པའི་འོད།། སྙིང་པོར་ཡི་གེ་བསམས་ནས་ནི།། རང་གཟུགས ་དེ་ལ་བསྒོམ་པར་བྱ།། བཅོམ་ལྡན་འདས་རྡོ་རྗེ་ཡེ་ཤེས་ཀྱིས་དེ་སྐད་ཅེས་གསུངས་སོ།། ཁྲུ་གང་ཙམ་ལས་འདས་པ་ཡི།། ཕྲ་མོའི་དཀྱིལ་འཁོར་སྒོམ་པ་ནི།། རང་གཟུགས་ཡི་གེར་ཡང་བྱས་ནས། ་རྡོ་རྗེ་འབར་བར་རྣམ་བསྒོམ་བྱ།། ཁྲུ་གང་ཙམ་ལས་འདས་པ་རུ།། ཡེ་ཤེས་དཀྱིལ་འཁོར་སྒོམ་པ་ནི།། དབུས་སུ་གཟུགས་ནི་ཡང་དག་བསྐྱེད།། བསམས་ནས་བཟླས་པ་བརྩམ་པར་བྱ།། ཁྲུ་གང ་ཙམ་ལས་འདས་པར་ནི།། ཉི་མའི་དཀྱིལ་འཁོར་སྒོམ་པ་ནི།། རྡོ་རྗེ་སེམས་དཔའ་ཡང་དག་བསྐྱེད།། བསམས་ནས་བཟླས་པ་བརྩམ་པར་བྱ།། ཁྲུ་གང་ཙམ་ལས་འདས་པ་རུ།། ཆོས་ཀྱི་དཀྱིལ་འཁོར ་སྒོམ་པ་ནི།། བགེགས་དགྲར་ཡང་དག་བསྐྱེད་བསམས་ནས།། བཟླས་པ་ཀུན་ཏུ་བརྩམ་པར་བྱ།། བཐོ་གང་ཙམ་ལས་འདས་པ་རུ།། ཡེ་ཤེས་དཀྱིལ་འཁོར་སྒོམ་པ་ནི།། རྣམ ་སྣང་མཛད་ཀྱི་གཟུགས་བསམས་ནས།། འཇིག་རྟེན་ཁམས་སུ་འདི་སྤྲོ་བྱ།། མཐོ་གང་ཙམ་ལས་འདས་པ་རུ།། པདྨའི་དཀྱིལ་འཁོར་སྒོམ་པ་ནི།། དབུས་སུ་གཟུགས་ནི་ཡང་དག་བསྐྱེད།། གཞོགས་སུ ་སངས་རྒྱས་ཡང་དག་སྒོམ།། རྒྱང་གྲགས་ཙམ་ལས་འདས་པར་ནི།། ཕྲ་མོའི་དཀྱིལ་འཁོར་སྒོམ་པ་ནི།། དབུས་སུ་གཟུགས་ནི་ཡང་དག་བསྐྱེད།། འཇིག་རྟེན་ཁམས་འདིར་སྤྲོ་བར་བྱ།། བཅོམ་ལྡན ་འདས་རྡོ་རྗེ་ཅན་གྱིས་དེ་སྐད་ཅེས་གསུངས་སོ།། རྒྱང་གྲགས་ཙམ་ལས་འདས་པར་ནི།། ཟླ་བའི་དཀྱིལ་འཁོར་སྒོམ་པ་ནི།། སངས་རྒྱས་གཟུགས་ནི་ཡང་དག་བསྐྱེད།། གཞོགས་སུ་བཙུན་མོ་དགོད ་པར་བྱ།། བཙུན་མོ་རྣམས་ནི་ཐམས་ཅད་དུ།། འོད་ཟེར་ལྔ་ནི་རྣམ་བསྒོམ་བྱ།། མེ་ཏོག་ཡིང་དགའ་འདི་རྣམས་ཀྱིས།། ཆོ་ག་ཤེས་པས་མཆོད་པར་བྱ།། འཕྲོག་བྱེད་དྲི་ཡི་སྤྲིན་ལ་སོགས།། བསམས་ནས ་སངས་རྒྱས་མཆོད་པར་བྱ།། བཅོམ་ལྡན་འདས་རྡོ་རྗེའི་སྤྱན་གྱིས་དེ་སྐད་ཅེས་གསུངས་སོ།། ཆོ་ག་ཤེས་པས་བཙུན་མོ་ནི།། སེར་པོ་ལྟ་བུར་བསམས་ནས་ནི།། སངས་རྒྱས་སྲས་པོ་འདུས་པ་ནི།། རྣལ་འབྱོར ་བསྐྱེད་དེ་བསྒོམ་པར་བྱ།། དེ་དབྱུང་ཇི་ལྟ་བར་བཀོད་ལ།། རྡོ་རྗེ་སེམས་དཔའ་རྣམ་བསྒོམ་བྱ།། རྡོ་རྗེ་སེམས་དཔའ་ཡང་དག་བསྐྱེད།། རིགས་ཀྱི་དབྱེ་བ་བསྒོམ་པར་བྱ།། རྒྱང་གྲགས་ཙམ་ལས་འདས་པར་ནི།། ་ཡེ་ཤེས་ཕྲ་མོ་རྣམ་པར་སྒོམ།། རང་གི་གཟུགས་ཀྱི་ཚུལ་གྱིས་ནི།། དབུས་སུ་ཡང་དག་བཞག་བསྒོམ་བྱ།། ཆོ་ག་ཤེས་པས་རྡོ་རྗེའི་རྩེར།། རྣམ་པ་ལྔ་རུ་རྣམ་བསྒོམ་བྱ།། དཀར་པོ་ཡེ་ཤེས་རིགས་རབ་བརྗོད།། ་ནག་པོ་བསྡུས་པའི་རིགས་སུ་དྲན།། དམར་པོ་པདྨའི་རིགས་ཞེས་བྱ།། སེར་པོ་འདོད་པའི་རིགས་སུ་དྲན།། མཛེས་པའི་གཟུགས་ནི་རབ་གསལ་བར།། རིག་ནས་སྣ་ཚོགས་རྒྱན་གྱིས་བརྒྱན།། པདྨ་རབ་ཏུ ་རྒྱས་བྱས་ནས།། རང་གི་རྡོ་རྗེ་དེ་ལ་གཞུག། བཅོམ་ལྡན་འདས་རྡོ་རྗེ་སེམས་དཔས་དེ་སྐད་ཅེས་གསུངས་སོ།། དེ་ལྟར་བྱས་པས་གང་ལྡན་པ།། དེ་ལྡན་ཡེ་ཤེས་རྙེད་པར་དཀའ།། རང་གཟུགས་ཤིན་ཏུ ་བརྟན་བྱས་ནས།། བསམ་གཏན་བརྩོན་པ་རབ་ཏུ་གཞུག། མཛེས་ལྡན་མ་དགའ་ལྟ་བ་ན།། གཟུགས་དང་ལྡན་པར་དེ་འགྱུར་རོ།། བཙུན་མོ་མཐོང་བ་ཙམ་གྱིས་ནི།། འཐུང་འགྱུར་འདི་ནི་ཐེ་ཚོམ་མེད།། རྡོ་རྗེ ་སེམས་དཔས་ཞིང་འདིར་ནི།། ཡོངས་སུ་གང་བར་རྣམ་བསྒོམ་བྱ།། སངས་རྒྱས་གཟུགས་ནི་བརྟན་བྱས་ནས།། རྡོ་རྗེས་རྣམ་པར་ལྷུང་བར་བྱ།། བཅོམ་ལྡན་འདས་རྡོ་རྗེ་གསུམ་དབྱར་མི་བྱེད་པས་དེ་སྐད་ཅེས ་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ་ལས། རིགས་བསྡུས་པའི་ཏིང་ངེ་འཛིན་གྱི་ལེའུ་གསུམ་པ་རྫོགས་སོ།། དེ་ནས་བཅོམ་ལྡན ་འདས་ཕྱག་ན་རྡོ་རྗེས་ཆོས་ཀྱི་རིགས་ཀྱི་ཏིང་ངེ་འཛིན་གྱི་ལེའུ་དཀའ་སྩལ་ཏོ།། དཀྱིལ་འཁོར་ཆེན་པོའི་ཚུལ་དུ་ནི།། ཐམས་ཅད་དུ་ནི་དེ་ཉིད་བྱ།། ཆོས་ཀྱི་དཀྱིལ་འཁོར་རྣམ་སྒོམ་པ།། ཆོ་ག་ཤེས་པས་རབ་ཏུ ་བརྩམ།། ཆོས་ཀྱི་ཀུན་སྦྱོར་མཚན་ཉིད་ཀྱི།། རྣམ་པར་རྟོག་པ་ཡོངས་དོར་བྱ།། གསུང་སྔགས་དབྱེ་བ་བརྗོད་ནས་ནི།། ཐམས་ཅད་རྣལ་འབྱོར་རྣམ་བསྒོམ་བྱ།། ཨོཾ་སརྦ་ཏ་ཐཱ་ག་ཏཱ་དྷཿ ་ཛྙཱ་ན་སྭ་བྷཱ་བ་ཨཱཏྨ་ཀོ&ཧཾ། དམ་ཚིག་ཆེན་པོའི་རྣལ་འབྱོར་ཉིད།། ཆོ་ག་ཤེས་པས་ཡང་དག་བརྗོད།། དངོས་པོ་ཐམས་ཅད་ཡང་དག་བསྐྱེད།། དངོས་མེད་བསྒོམ་བྱ་མིན་པ་ཉིད།། བཅོམ་ལྡན་འདས་འཇིག་རྟེན ་དབང་ཕྱུག་གིས་དེ་སྐད་ཅེས་གསུངས་སོ།། བློ་གྲོས་ལྡན་པས་པདྨ་བསམ།། པདྨ་རཱ་གའི་དབང་མཚུངས་པ།། དཀྱིལ་འཁོར་དེ་ལ་བསམ་བྱ་བ།། གཟུགས་བརྙན་དབུས་སུ་རྣམ་བསྒོམ་བྱ།། རིག་པའི་རྒྱལ་པོ་ཡང ་དག་བསྐྱེད།། འབར་བའི་འཕྲེང་བ་མཚུངས་པའི་འོད།། འབར་བའི་འདུས་པ་དེ་རྣམས་སུ།། འཇིག་རྟེན་དབང་ཕྱུག་རྣམ་བསྒོམ་བྱ།། བཅོམ་ལྡན་འདས་འཇིག་རྟེན་དབང་ཕྱུག་གིས་དེ་སྐད་ཅེས་གསུངས་སོ།། ་ནམ་མཁའི་ཁམས་ནི་ཀུན་ཏུ་དགང་།། སླར་ཡང་དེ་ཉིད་ལ་བསྡུ་བྱ།། རང་གི་གཟུགས་དང་ཟླ་དབུས་གནས།། སྣ་ཚོགས་ཁ་དོག་མཚུངས་པའི་འོད།། སྙིང་ཁ་རུ་ནི་རྣམ་བསྒོམས་ནས།། ལྕེ་ལ་གསང་སྔགས ་སྒོམ་པའོ།། རང་གཟུགས་དེ་ཡི་དབུས་གནས་པར།། སངས་རྒྱས་ཡེ་ཤེས་རྣམ་པར་བརྒྱན།། འཇིག་རྟེན་དབང་ཕྱུག་ཡང་དག་བསྐྱེད།། འཇིག་རྟེན་ཁམས་འདིར་སྤྲོ་བར་བྱ།། རིག་པའི་རྒྱལ་པོ་ཡང་དག་བསྐྱེད།། ་པདྨའི་དཀྱིལ་འཁོར་དབུས་སུ་ནི།། འཇིག་རྟེན་དབང་ཕྱུག་རབ་བསྒོམས་ནས།། གཟུགས་ཀྱིས་ནམ་མཁའ་འགེངས་པར་བྱེད།། ཆོས་ཀྱི་དཀྱིལ་འཁོར་དབུས་སུ་ནི།། འཇིག་རྟེན་དབང་ཕྱུག་རབ་བསྒོམས་ནས། ་རྡོ་རྗེ་སེམས་དཔའ་ཡང་དག་བསྐྱེད།། འཇིག་རྟེན་ཁམས་སུ་འདི་སྔོ་བྱ།། བཅོམ་ལྡན་འདས་ཀུན་ཏུ་བཟང་པོས་དེ་སྐད་ཅེས་གསུངས་སོ།། ཆོས་ཀྱི་དཀྱིལ་འཁོར་དབུས་སུ་ནི།། རྡོ་རྗེ་སེམས་དཔའ་ཡང་དག ་བསྐྱེད།། ཇི་ལྟར་རིགས་པར་གནས་ལྔ་རུ།། ཁྱབ་བདག་འཇིག་རྟེན་དབང་ཕྱུག་དགོད།། ཅེས་བཅོམ་ལྡན་འདས་འཇིག་རྟེན་དབང་ཕྱུག་གིས་དེ་སྐད་ཅེས་གསུངས་སོ།། སྙིང་པའི་དབུས་སོན་ཕྲ་མོ་ནི།། ཆོས ་ཀྱི་དཀྱིལ་འཁོར་མཆོག་གྱུར་པ།། ཆོས་དེར་ཡང་དག་བསྐྱེད་ནས་སུ།། འཇིག་རྟེན་ཁམས་སུ་འདི་སྤྲོ་བྱ།། སྙིང་ཁའི་དབུས་སོན་ཕྲ་མོ་ནི།། ཆོས་ཀྱི་དཀྱིལ་འཁོར་དྲི་མེད་པ།། པདྨ་དེ་ལ་རྣམ་བསྒོམས་ཤིང་།། ་སངས་རྒྱས་གཟུགས་ནི་རྣམ་བསྒོམས་ནས།། སངས་རྒྱས་གཟུགས་རྣམས་ཐམས་ཅད་དུ།། འཇིག་རྟེན་དབང་ཕྱུག་རྣམ་སྒོམ་པའོ།། བཅོམ་ལྡན་འདས་ཆོས་འཆང་བས་དེ་སྐད་ཅེས་གསུངས་སོ།། སྙིང་ཁའི ་དབུས་སོན་ཕྲ་མོ་ནི།། ཆོས་ཀྱི་དཀྱིལ་འཁོར་མཆོག་གྱུར་པ།། སངས་རྒྱས་ལྔ་ནི་རྣམ་བསྒོམས་ན།། དེར་ཡང་དེ་བཞིན་བསྒོམ་པར་བྱ།། ལྟེ་བའི་དབུས་སོན་ཕྲ་མོ་ནི།། ཆོས་ཀྱི་དཀྱིལ་འཁོར་མཆོག་གྱུར་པ། ་རང་གཟུགས་ལ་སོགས་རྣམ་བསྒོམས་པས།། ཆོ་ག་ཤེས་པས་བསྐྱེད་པར་བྱ།། མཐོ་གང་ཙམ་ལས་འདས་པར་ནི།། ཆོས་ཀྱི་དཀྱིལ་འཁོར་དབུས་སུ་ནི།། ཆོ་ག་ཤེས་པས་རིམ་པ་བཞིན།། འཇིག་རྟེན་ཁམ། ་སུ་མཆོད་པར་བྱེད།། བཅོམ་ལྡན་འདས་ཆོས་འཆང་བས་དེ་སྐད་ཅེས་གསུངས་སོ།། རྒྱང་གྲགས་ཙམ་ལས་འདས་པར་ནི།། ཆོས་ཀྱི་དཀྱིལ་འཁོར་སྒོམ་པར་ནི།། འཇིག་རྟེན་དབང་རབ་སྒོམ་པ་ཡིས།། ་རང་གི་གཟུགས་ནི་རྣམ་བསྒོམ་བྱ།། རྒྱང་གྲགས་ཙམ་ལས་འདས་པར་ནི།། པདྨའི་དཀྱིལ་འཁོར་སྒོམ་པ་ནི།། གཞོགས་སུ་བཙུན་མོ་བྱས་ནས་སུ།། སངས་རྒྱས་གཟུགས་ནི ་མཆོད་པར་བྱ།། གསལ་བའི་དཀྱིལ་འཁོར་ཚུལ་གྱིས་ནི།། ཆོས་ཀྱི་དཀྱིལ་འཁོར་སྒོམ་པ་ནི།། འཇིག་རྟེན་ཁམས་ནི་ཀུན་ནས་སུ།། ཆོ་ག་ཤེས་པས་མཆོད་པར་བྱ།། གསལ་བའི་དཀྱིལ་འཁོར་ཚུལ ་གྱིས་ནི།། འཁོར་ལོའི་དཀྱིལ་འཁོར་སྒོམ་པ་སྟེ།། ཉི་མའི་དཀྱིལ་འཁོར་མཆོག་བྱས་ནས།། རང་གི་གཟུགས་ནི་དགོད་པར་བྱ།། སྔགས་པས་སྟེང་གི་རིམ་པར་ནི།། ཇི་སྲིད་ནམ་མཁའ་འགེངས་པ་ཞེས། ་པདྨ་རཱ་གའི་འོད་མཉམ་པའི།། པདྨ་ལྔ་ནི་རྣམ་བསྒོམས་ནས།། ཆོ་ག་ཤེས་པས་རང་གཟུགས་ནི།། དབུས་སུ་ཡང་དག་གནས་བསྒོམ་བྱ།། སངས་རྒྱས་གཟུགས་ནི་ཀུན་འབྱུང་བ།། ཤར་དུ་རྣམ་པར། ་བསྒོམ་པར་བྱ།། ལྷོར་ནི་བསྡུས་པ་ཞེས་བྱས་ནས།། རྣལ་འབྱོར་ཡང་དག་བརྩམ་པར་བྱ།། ནུབ་ཏུ་ཆོས་འཆང་བྱས་ནས་ནི།། བྱང་དུ་འདོད་པ་འབྱུང་བའོ།། འཁོར་ལོ་ཡེ་ཤེས་རིགས་ཞེས ་བརྗོད།། རལ་གྲི་ཆོས་ཀྱི་རིགས་ཞེས་བརྗོད།། རྡོ་རྗེ་བསྡུས་པའི་རིགས་སུ་གྲགས།། རྩེ་གསུམ་འདོད་པའི་རིགས་སུ་བཤད།། ནམ་མཁའི་ཁམས་ནི་ཀུན་གང་བར།། བྱས་ནས་ཁྱབ་བདག་ཆོས་འཆང ་བ་ལག་ཏུ་རལ་གྲི་ཡང་དག་བསྐྱེད།། རང་གཟུགས་ཀྱིས་ནི་གཞོམ་པར་བྱ།། འདོད་མཆོད་ཀྱིས་ནི་འཇོམས་བྱས་ནས།། ཆོས་ཀྱི་དབྱིངས་ཀྱི་ཆོ་ག་རིག། ལག་ཏུ་མདུང་ནི་ཡང་དག་བསྐྱེད།། རང་གཟུགས། ་ཀྱིས་ནི་བྱེ་མར་བརླག། གསལ་བའི་དཀྱིལ་འཁོར་ཚུལ་གྱིས་ནི།། ཡེ་ཤེས་རིགས་ནི་ཟློག་པར་བྱེད།། ཡེ་ཤེས་དཀྱིལ་འཁོར་ཚུལ་གྱིས་ནི།། བསྡུས་པའི་རིགས་ནི་རྣམ་ལྟུང་བྱེད།། ཆོས་ཀྱི་དཀྱིལ ་འཁོར་ཚུལ་གྱིས་ནི།། ཆོས་ཀྱི་རིགས་ནི་ངེས་ལྟུང་བྱེད།། ཟླ་བའི་དཀྱིལ་འཁོར་ཚུལ་གྱིས་ནི།། ཆེན་པོའི་རིགས་ནི་ངེས་ལྟུང་བྱེད།། ཉི་མའི་དཀྱིལ་འཁོར་ཚུལ་གྱིས་ནི།། རིགས་ཀུན་ངེས་པར་ལྷུང་བར ་བྱེད།། བཅོམ་ལྡན་འདས་རྡོ་རྗེ་འཆང་བས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན་པོར།། ཆོས་ཀྱི་དཀྱིལ་འཁོར་གྱི་ཏིང་ངེ་འཛིན་ཏེ་ལེའུ་བཞི་པ་རྫོགས ་སོ།། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་དེ་རྣམས་ཐམས་ཅད་རང་གི་རྡོ་རྗེ་ཆེན་པོ་ལ་གཞག་ནས། ཡེ་ཤེས་ཀྱི་རིགས་ལ་སོགས་པ་ཅན་དེ་ལ་ཡེ་ཤེས ་ཀྱི་དཀྱིལ་འཁོར་ཆེན་པོའི་ཚུལ་གྱིས་རབ་ཏུ་བཅུག་ཅིང་བརྟན་པར་བྱས་ནས། དཀྱིལ་འཁོར་ཆེན་པོ་དེ་རྣམས་སུ་རང་གི་གཟུགས་ཀྱི་རྣམ་པས་ཀུན་ཏུ་གནས་པ་དང་། གཟུགས་ཆེན་པོ་ལྷ་ཆེན་པོའི་ལྷའི་རྣམ ་བར་ཡང་དག་པར་སྦྱར་ནས། འདོད་པའི་རིགས་ཀྱི་ཏིང་ངེ་འཛིན་འདི་གསུངས་སོ།། དཀྱིལ་འཁོར་ཆེན་པོའི་ཚུལ་ལས་ནི།། ཐམས་ཅད་དེ་བཞིན་ཁོ་ནར་བྱ།། ཆོ་ག་ཤེས་པས་རབ་བརྩམ་བྱ།། གཞན་དུ་བསྒོམ ་བྱ་མིན་པ་ཉིད།། འདོད་པའི་རིགས་ཀྱི་ཆོ་ག་ཡིས།། གསང་སྔགས་རིག་པ་རྗེས་དྲན་བྱ།། ཨོཾ་ཀཱ་མ་ཛྙཱ་ན་སྭ་བྷཱ་བ་ཨཱཏྨ་ཀོ&ཧཾ། ཇི་ལྟར་རིགས་པར་བརྗོད་ནས་ནི།། རྣལ་འབྱོར་འདིས་ནི་ཡང་དག་བརྩམ།། ཀར་ནི་ཀ་ར ་མཚུངས་པའི་འོད།། པདྨ་ཆེན་པོ་ཡང་དག་བསྐྱེད།། དེ་ཉིད་དཀྱིལ་འཁོར་བྱས་ནས་ནི།། རང་གི་གཟུགས་ནི་དགོད་པར་བྱ།། འདོད་མཆོད་གཟུགས་ནི་ཀུན་བསྐྱེད་ནས།། འཇིག ་རྟེན་ཁམས་སུ་འདི་སྤོ་བྱ།། རང་གཟུགས་འདོད་མཆོད་ཚུལ་གྱིས་ནི།། གཟུགས་ཀྱིས་ནམ་མཁའ་འགེངས་པར་བྱེད།། སྣ་ཚོགས་འབར་བ་རྣམ་བརྒྱན་པའི།། ཚངས་པའི་གཟུགས་ནི་ཡང་དགན་ན། ་འདོད་མཆོད་གཟུགས་ནི་ཀུན་བསྐྱེད་ནས།། འཇིག་རྟེན་ཁམས་སུ་འདི་སྤྲོ་བྱ།། ཆོ་ག་ཤེས་པས་རེ་རེ་བར།། གཟུགས་གསུམ་རྣམ་པར་བསྒོམ་པར་བྱ།། བཅོམ་ལྡན་འདས་འདོད་པའི་མཆོད་པས་དེ་སྐད ་ཅེས་གསུངས་སོ།། ཁྲུ་གང་ཙམ་ལས་འདས་པར་ནི།། པདྨ་ཆེན་པོ་རྣམ་སྒོམ་པ།། ཚངས་པའི་གཟུགས་ཀྱི་སྲིད་པ་འདིར།། ཆོག་ཤེས་པས་སྤྲོ་བར་བྱ།། ཁྲུ་ནི་བརྒྱ་ཕྲག་འདས་པར་ནི།། པདྨ་ཆེན ་པོ་རྣམ་བསྒོམ་བྱ།། འདོད་མཆོད་གཟུགས་ནི་ཡང་དག་དབྱུང་།། སངས་རྒྱས་དེ་ཉིད་ལ་བསྒོམ་བྱ།། ཁྲུ་ནི་བརྒྱད་བརྒྱ་འདས་པར་ནི།། པདྨ་ཆེན་པོ་རྣམ་བསྒོམ་བྱ།། ཁྱབ་འཇུག་གཟུགས་ནི་ཡང་དག ་བསྐྱེད།། ཚངས་པའི་གཟུགས་ཀྱིས་འདི་སྤྲོ་བྱ།། ཆོས་ཀྱི་གཟུགས་ནི་ཡང་དག་བསྐྱེད།། ཁྱབ་འཇུག་གཟུགས་ཀྱིས་འདི་སྤྲོ་བྱ།། སེམས་དཔའི་གཟུགས་སུ་བསྟན་བྱས་ནས།། འདོད་མཆོད་མཚུངས། ་པའི་གཟུགས་རྣམས་ཀྱིས།། འཇིག་རྟེན་ཁམས་ནི་ཀུན་ཏུ་ཡང་།། ཆོ་ག་ཤེས་པས་སྤྲོ་བར་བྱ།། ཁྲུ་གང་ཙམ་ལས་འདས་པར་ནི།། ཚངས་པའི་གཟུགས་ཀྱིས་རྣམ་བསྒོམ་པ།། སྙིང་ཁར་དེ་རྣམས་ཡང་དག ་བསྐྱེད།། སངས་རྒྱས་གཟུགས་སུ་རྣམ་བསྒོམ་བྱ།། ཆོ་ག་ཤེས་པས་སངས་རྒྱས་གཟུགས།། གཟུགས་ལ་གཟུགས་སུ་རྣམ་བསྒོམ་བྱ།། བཅོམ་ལྡན་འདས་འདོད་པའི་མཆོད་པས་དེ་སྐད་ཅེས་གསུངས ་སོ་ཁྲུ་གང་ཙམ་ལས་འདས་པར་ནི།། ཁྱབ་འཇུག་གཟུགས་ནི་རྣམ་སྒོམ་པ།། སྙིང་ཁར་དེ་རྣམས་ཀུན་བསྐྱེད་ནས།། སངས་རྒྱས་གཟུགས་སུ་རྣམ་བསྒོམ་བྱ།། སངས་རྒྱས་གཟུགས་རྣམས་ཐམས་ཅད ་དུ་འདོད་པའི་མཆོད་པ་མཚུངས་པའི་གཟུགས།། སྒེག་པའི་རྒྱན་གྱིས་བརྒྱན་གྱུར་པ།། ཆེ་ག་ཤེས་པས་དབྱུང་བར་བྱ།། ཇི་སྲིད་གཟུགས་སུ་ཡང་དག་སྦྱོར།། དེ་སྲིད་དུ་ནི་བཙུན་མོར་འགྱུར།། ་བཅོམ་ལྡན་འདས་འདོད་པའི་མཆོད་པས་དེ་སྐད་ཅེས་གསུངས་སོ།། རིགས་ཀྱི་དཀྱིལ་འཁོར་ཚུལ་གྱིས་ནི།། གཟུགས་སུ་བསྐྱེད་ནས་བསྒོམ་པར་བྱ།། ཆོ་ག་ཤེས་པས་དང་པོའི་སྦྱོར།། མཉམ ་པར་གཞག་པས་བསྒོམ་པར་བྱ།། ནམ་མཁའི་ཁམས་ནི་ཀུན་བཀང་བར།། མཁས་པས་བྱས་ནས་བརྗོད་པའི་རྣམ་པར་གསོལ་བ་གདབ།། མཉམ་པར་བཞག་པས་དེ་ལྷུང་བྱ།། ཆོ་ག་ཤེས་པས ་ལྷའི་རྣམ་པ།། སངས་རྒྱས་འོད་དང་མཉམ་པའི་གཟུགས།། ཇི་ལྟར་རིགས་པར་སྔགས་པས་སྦྱིན།། གཞན་དུ་འགྲུབ་པར་མི་འགྱུར་རོ།། ཆོ་ག་ཤེས་པས་ལྷ་མོ་ལྔའི།། རང་གི་གཟུགས་ནི་རྣམ ་བསྒོམ་བྱ།། གཞན་དུ་རྡོ་རྗེ་སེམས་དཔའ་རྣམས།། དཀར་སོགས་ཆོ་ག་འབྱུང་བ་ཡི།། སྒེག་པའི་རྐྱེན་གྱིས་བརྒྱན་གྱུར་པའི།། རང་གཟུགས་རྣོན་པོའི་ཚུལ་གྱིས་ནི།། ཆོ་ག་ཤེས་པས་ལྷ་མོ་དེར།། ་བྱས་ནས་མཚོན་ཆ་རྣམ་བསྒོམ་བྱ།། ཆོ་ག་ཤེས་པས་རྡོར་པདྨ།། ཀུན་སྦྱོར་ཆོ་ག་འབྱུང་བ་ཡིས།། རིགས་ཀྱི་གཟུགས་ནི་ཀུན་བསྐྱེད་ནས།། རང་གི་ཁྲུ་བས་དེ་ནི་མཆོད།། རྒྱལ་བ ་ཆུ་སྐྱེས་རིགས་ཀྱི་།། གཞན་དུ་ཐུང་པ་ཉིད་མི་འགྱུར།། ཕྱགན་རྡོ་རྗེའི་རིག་ས་བརྗོད་པའོ།། སྒྲ་ཉི་རྔུག་པའི་དུ་མི་འགྱུར།། དང་པོ་དང་མཐར་ཐམས་ཅད་དུ།། འདོ་ནི་ཐུན་མཚམས་བཞིརཿ། ་རྒྱལ་བ་ཆུ་སྐྱེས་རྡོ་རྗེ་སྐྱེས།། གཞན་དུ་འགྲུབ་པ་ཉིད་མ་ཡིན།། མ་མོའི་གཟུགས་ནི་ཀུན་བསྐྱེད་ནས།། འོད་ཟེར་སྣ་ཚོགས་མཉམ་པའི་འོད།། རང་གཟུགས་འདོད་མཆོད་ཚུལ་གྱིས་ནི།། ཁམས་གསུམ ་པར་ཡང་སྤྲོ་བར་བྱ།། འདོད་པའི་མཆོད་པ་མཚུངས་པའི་གཟུགས།། སྲིང་མོ་བཞིར་ནི་ཡང་དག་སྦྱོར།། གཟུགས་ཀྱི་མཚན་ཉིད་ཚུལ་གྱིས་ནི།། མཉམ་པར་བཞག་པས་སྨྲ་བར་བྱ།། གེ་སར་སེར ་པོ་དང་མཚུངས་པའི།། ཚངས་པའི་གཟུགས་ནི་རྣམ་བསྒོམས་ནས།། ཆོ་ག་ཤེས་པས་སངས་རྒྱས་གཟུགས།། བྱས་ནས་དེ་ནི་རབ་བསྒོམ་བྱ།། བཅོམ་ལྡན་འདས་རྡོ་རྗེ་འཆང་བས་དེ་སྐད་ཅེས་གསུངས ་སོང་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ་ལས། འདོད་པའི་རིགས་ཀྱི་ཏིང་ངེ་འཛིན་གྱི་ལེའུ་སྟེ་ལྔ་པ་རྫོགས་སོ།། དེ་ནས་བཅོམ ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་རང་གི་དཀྱིལ་འཁོར་དུ་བཞག་ནས་རང་གི་ཏིང་ངེ་འཛིན་ལ་སྙོམས་པར་ཞུགས་ཏེ། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པ ་ཆེན་པོར་དངོས་གྲུབ་ཐམས་ཅད་ཀྱི་དམ་ཚིག་གི་ཡེ་ཤེས་མཆོག་གི་ལེའུ་འདི་བཀའ་སྩལ་ཏོ།། བློ་ལྡན་འདོད་པ་ཐམས་ཅད་ལ།། རྣམ་རྟོག་བྱ་བ་མིན་པ་ཉིད།། སངས་རྒྱས་ཐམས་ཅད་འཇོམས་པ་ནི།། ་སེམས་དཔའ་སྤང་བྱ་མིན་པ་ཉིད།། དགའ་དང་རྩོད་པའི་མཚན་ཉིད་ཀྱིས།། སངས་རྒྱས་ཐམས་ཅད་སླུ་བ་དང་།། གཞན་དུ་དེ་ལ་ལྷའོ་ཞེས།། སེམས་ནི་བརྟན་བྱ་མིན་པ་ཉིད།། སངས་རྒྱས་ཀུན་གྱི་རྫས ་གང་ཡིན།། སྐྱེ་བ་མེད་པས་ཡོན་ཏན་འབྱུང་།། སེམས་ནི་ཤིན་ཏུ་བརྟན་བྱས་ལ།། བཙུན་མོ་ལ་སོགས་རྣམ་པར་སྒོམ།། འཇིག་རྟེན་གསུམ་པའི་དབང་ཕྱུག་མ།། རིག་མ་ཆེན་མོ་སྤྱན་མར་གྲགས།། དེ་ཡང ་བཙུན་མོར་བྱས་ནས་ཀྱང་།། ཀུན་ཏུ་ཉེ་བར་ལོངས་སྤྱོད་དོ།། ཆོ་ག་ཤེས་པས་ཡེ་ཤེས་རིགས།། ལྷན་ཅིག་འཇོམས་པར་ཡང་དག་བརྩམ།། སྲོག་ཆགས་རྣམས་ཀྱི་དགེ་འཇོམས་པ།། བསྡུ་བའི་དོན་ནི ་རྟག་ཏུ་བྱ།། ཆགས་ལ་ཆགས་པས་སྦྱོར་བྱ་བ།། ཆོས་ཀྱི་རིགས་ལ་རྟག་ཏུ་བྱ།། འདོད་མཆོད་རིགས་ནི་མཚུངས་པ་ལ།། རྟག་ཏུ་བརྫུན་ཡང་སྨྲ་བར་བྱ།། ཀུན་ལ་རང་དེ་ལྟར་འདྲི་བྱ།། གཞན་དུ་གྲུབ་པ ་མིན་པ་ཉིད།། སངས་རྒྱས་གཟུགས་ནི་རྣམ་བསྒོམས་ནས།། སྙིང་ཁར་དེ་ནི་རྣམ་བསྒོམ་བྱ།། ཐམས་ཅད་དེ་བཞིན་ཁོ་ནར་བྱ།། གཞན་དུ་དེ་དག་མི་འགྱུར་རོ།། ཡེ་ཤེས་རིགས་ནི་རྣམ་འཇོམས་པས།། དགའ ་ལྡན་རྣམས་སུ་ཉེ་བར་སྐྱེ།། ཆོས་ཀྱི་རིགས་ནི་རྣམ་འཇོམས་པས།། བདེ་ལྡན་དུ་ནི་སྐྱེ་བར་འགྱུར།། ཆོས་ཀྱི་རིགས་སོགས་དབྱེ་བ་ཡིས།། བསྡུས་པ་ཞེས་ནི་གྲགས་པར་འགྱུར།། འདོད་མཆོད་རིགས་ནི ་འཇོམས་པ་ཡིས།། ཁམས་གསུམ་པ་ལ་སོགས་པར་འབྱུང་།། གནས་མེད་ལུས་དང་བྲལ་བ་ཡི།། ལུས་དང་ལྡན་པས་གནས་པར་འགྱུར།། དེ་ཡི་གདོང་ནི་གཟི་རྒྱས་པར།། ཆོས་རྣམས ་ཀུན་ཏུ་སྐྱེ་བར་འགྱུར།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྗེ་བོས་དེ་སྐད་ཅེས་གསུངས་སོ།། སེམས་ཅན་ཁམས་ཀྱི་མཐར་ཐུག་པར།། བདག་ནི་རྡོ་རྗེ་ལྟ་བུར་བརྟན།། སྲིད་པ་སྒྲོལ ་བར་ཡང་དག་སྦྱོར།། སངས་རྒྱས་བཀའ་ཡིས་དགོད་པར་བྱ།། ཡེ་ཤེས་དགེ་བ་ཀུན་འབྱུང་བ།། སངས་རྒྱས་ཆོས་ཚུལ་འདི་རྣམས་ཀྱི།། སེམས་དཔའ་བསྡུས་པ་ཡང་དག་འབྱུང་།། གཞན་དུ་མཆོད ་བྱ་མིན་པ་ཉིད།། ཤེས་རབ་ཕ་རོལ་ཕྱིན་པའི་ཐབས།། ཡེ་ཤེས་ཆེན་པོ་ཀུན་བཏུས་པས།། སེམས་ལ་རྟག་ཏུའང་སྦྱར་བར་བྱ།། ཆོས་བསྡུས་པ་ནི་ཐོབ་པར་འགྱུར།། བྱང་ཆུབ་སེམས་ནི་སེམས་ཆེན་པོ།། ་རྡོར་སོགས་མཚན་ཉིད་མིན་པ་ཉིད།། དེ་བཞིན་དུ་ནི་ཡེ་ཤེས་ཀུན།། སྙིང་པོ་ཀུན་ལས་བཏུས་པ་འདི།། ཕ་རོལ་ཕྱིན་པ་བཏུས་པ་འདིར།། སངས་རྒྱས་རྣམས་ཀྱི་བཙུན་མོ་བརྟན།། དེ་རྣམས་སངས ་རྒྱས་ཐོབ་པར་གྱུར།། ཀུན་སྦྱོར་མཚན་ཉིད་འདི་རྣམས་ཀྱིས།། སྒྲ་དྲི་རོ་ལ་སོགས་པ་རྣམས།། ཇི་ལྟར་ནུས་པར་འབུལ་བར་བྱེད།། རང་གཟུགས་སངས་རྒྱས་ཚུལ་གྱིས་ནི།། དེ་ལ་དབུས་སུ་རྣམ ་བསྒོམ་བྱ།། འོད་ཟེར་འབར་བ་འཁྲུགས་བྱས་ནས།། སྙིང་ཁར་དེ་རྣམས་རབ་གཞུག་བྱ།། བཅོམ་ལྡན་འདས་རྡོ་རྗེ་འཆང་བས་དེ་སྐད་ཅེས་གསུངས་སོ།། བསྡུས་པ་ཞེས་རིགས་སུ་བརྗོད་པའི། ་གར་མཁན་ཆེན་པོ་ཡང་དག་འབྱོར།། དེ་ལ་ངོ་མཚར་གསོལ་བཏབ་པ།། དེ་ལ་འཇོམས་པར་བྱེད་པར་དགོངས།། ཕྱག་རྒྱ་ཆེན་པོའི་གོ་འཕང་བརྗོད།། མི་རྣམས་རིགས་ནི་བཞི་པོ་ཡང་།། བྱས་ནས་དམ ་ཚིག་ཚུལ་གྱིས་ནི།། མཉམ་པར་གཞག་པས་བསྒོམ་པར་བྱ།། སེམས་ནི་སེམས་ཅན་ཐམས་ཅད་ཀྱེ།། རང་བཞིན་ཕུལ་བྱུང་ཆེན་པོ་སྟེ།། རྣམ་རྟོག་དམ་ཚིག་ལ་གནས་པ།། སྐྱེ་བ་རྣམས་དང་དམན་པར ་སྨྲ་བསོད་ནམས་བསོད་ནམས་ཀྱིས་དེའི་ལུས།། གོས་པའམ་ཡང་ན་དེ་མིན་ཉིད།། དེ་ལྟར་ཤེས་ནས་ཅི་རིགས་པར།། གཞན་དུ་བསྒོམ་བྱ་མིན་པ་ཉིད།། པདྨ་ཨུཏྤལ་ལ་སོགས་པ།། འདམ་སྐྱེས་རང ་ངག་བྱུང་མ་སྐྱེས།། སེམས་ལ་སོགས་པའི་མཚན་ཉིད་ཀྱང་།། དེ་ཉིད་ལ་ཀུན་ཤེས་པར་བྱ།། བྱང་ཆུབ་སེམས་ནི་བརྟན་བྱས་ནས།། སངས་རྒྱས་རྣམས་ཀྱང་ཡོངས་སུ་གཟུང་།། རྡོ་རྗེ་དེ་ཉིད་ལས ་སྐྱེས་ཏེ།། གཞན་དུ་འབྱུང་བ་མིན་པ་ཉིད།། སེམས་ཅན་གྱི་ནི་ས་རྣམས་ཀྱིས།། འགྲུབ་པར་འགྱུར་བར་གྲགས་པ་ཡིན།། དེ་བཞིན་གང་འདི་དག་པ་ཆེ།། ཡེ་ཤེས་ལྕགས་ཀྱུའི་ཚུལ་ཆེན་ནོ།། བཅོམ ་ལྡན་འདས་ཀུན་ཏུ་བཟང་པོས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར། དངོས་གྲུབ་ཐམས་ཅད་ཀྱི་དམ་ཚིག་གི་ཡེ་ཤེས་མཆོག་གི་ལེའུ་ས ་དྲུག་བརྩོས་ལོ། དེ་ས་བཅོས་དྲན་འདས་བྱ་རྗེ་བ་ག་ཤེགས་པ་ནཔས་མམས་ཅད་ངེས་པར་བྱུ་ས་ཀྱང་སེསསདཔའ་ཆན་པ་སླ་འི་ཀྱིལ་འའཛི ་གྱིས་བརླབས་པར་ཀུན་ཏུ་གནས་པར་གྱུར་ཏོ།། དེ་ནས་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོ་རྡོ་རྗེ་ཐམས་ཅད་ཀྱི་དམ་ཚིག་གི་ཡེ་ཤེས་བྱིན་གྱིས་རློབ་པ་ཞེས་བྱ་བའི་ཏིང་ངེ ་འཛིན་ལ་སྙོམས་པར་ཞུགས་ནས། དང་པོའི་རྣལ་འབྱོར་དམ་ཚིག་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་འདུ་བར་བྱེད་པ་བསྐྱེད་པ་དང་བཅས་པའི་གསང་ཆེན་བཀའ་སྩལ་ཏོ།། སངས་རྒྱས་གཟུགས། ་སུ་ཡང་དག་བསྐྱེད།། འོད་ཟེར་སྣ་ཚོགས་མཚུངས་པའི་འོད།། འོད་ཟེར་སྙིང་པོ་སོགས་ཚུལ་གྱིས།། འཁོར་ལོ་དཀར་པོ་དང་མཚུངས་པ།། ཙ་ན་ཀ་ཡི་འབྲུ་ཚད་ཀྱིས།། ཀུན་ནས་ཡོངས་སུ་ཟླུམ་པོ་རུ།། ་སྔགས་པའི་དཔྲལ་བའི་སྟེང་དུ་ནི།། མཉམ་པར་གཞག་པས་བསྒོམ་པར་བྱ།། ཆོ་ག་ཤེས་པས་ཟླ་བ་གཅིག། དེ་ཡིས་དེ་ལྟར་འདི་སྤྲོ་བྱ།། ནམ་མཁའ་ལ་སོགས་རབ་འབྱམས་དུ།། ཟླ་གཉིས་ནང་དུ་རྒྱས ་པར་བྱ།། ཛཱ་ཏིའི་མེ་ཏོག་སོགས་གཡོགས་པར།། དཀྱིལ་འཁོར་དེ་རུ་རྣམ་བསྒོམ་བྱ།། མཚན་མ་ཕུལ་བྱུང་བཅས་མཐོང་ནས།། མཚན་ཉིད་བརྗོད་པས་མཚོན་པར་བྱ།། འབར་བའི་འཕྲེང་བས་རྣམ ་བརྒྱན་པའི།། རྡོ་རྗེ་སེམས་དཔའ་རྣམ་བསྒོམས་ནས།། གང་དུ་དཀྱིལ་འཁོར་སོགས་ཚུལ་གྱིས།། ནས་ཙམ་དུ་ནི་བསྒོམ་པར་བྱ།། རྩེ་མོ་ལྔ་པའི་རྡོ་རྗེ་ཆེ།། སཱ་ཡི་རྩེ་ར་ནི་རྣམ་བསྒོམ་བྱ།། ཨིནྡྲ་ནཱི་ལ་སོམ ་ཚུལ་གྱིས།། དེ་ཡི་ཁ་དོག་རྣམ་སྒོམ་མོ།། ཨུཏྤལ་ལ་སོགས་གཡོགས་པ་ལ།། དཀྱིལ་འཁོར་དེ་ལ་བསྒོམ་པར་བྱ།། ཀུན་ཏུ་དེ་ཉིད་བྱ་བ་ནི།། ཡེ་ཤེས་རིགས་ཀྱི་ཆོ་ག་ལས།། ཆོ་ག་ཤེས་པས་ཆོས ་སེམས་དཔའ།། བསྐྱེད་ནས་བསྒོམ་པར་བྱ་བ་ནི།། ནམ་མཁའི་ཁམས་ནི་ཀུན་བཀང་བར།། བྱས་ནས་འོད་ཟེར་ཡང་དག་བསྡུས།། རྒྱ་ཤུག་ཚིག་གུའི་ཚད་ཀྱིས་ནི།། པདྨ་ཡང་དག་སྦྱར་བསྒོམ་བྱ།། ་པདྨ་རཱ་གའི་འོད་མཚུངས་པའི།། འདབ་མ་བརྒྱད་པ་རྣམ་བསྒོམས་ནས།། ཇི་ལྟར་རིགས་པར་སྙིང་ཁར་དེ།། བསྒོམ་བྱ་གཞན་དུ་མི་བསམ་མོ།། ཐོག་མ་པར་ནི་རྣམ་སྤངས་ནས།། སྒོམ་པ་དེ་ཡི་དགོངས ་པ་འོ་མེ་ཏོག་པདྨ་སོགས་གཡོགས་པར།། དེ་ཕྱོགས་སུ་ནི་རྣམ་བསྒོམ་བྱ།། ཆོ་ག་ཤེས་པས་འདོད་མཆོད་པའི།། སེམས་དཔའ་འོད་མཚུངས་བསྒོམ་པར་བྱ།། འོད་ཟེར་འབར་བས་རྣམ་བརྒྱན་པའི།། ་རྩེ་གསུམ་ཤིན་ཏུ་བརྟན་བྱས་ནས།། ཆོ་ག་ཤེས་པས་ནས་ཙམ་དུ།། བསམས་ནས་ལྟེ་བར་བསྒོམ་པར་བྱ།། ཀར་ནི་ཀར་སོགས་མེ་ཏོག་ཆེ།། སེར་པོ་འབར་བ་བསྒོམ་པར་བྱ།། བཅོམ་ལྡན་འདས ་ཀུན་ཏུ་བཟང་པོས་དེ་སྐད་ཅེས་གསུངས་སོ།། ཀུན་ཏུ་རྣལ་འབྱོར་བཞི་རྣམས་སུ།། རྣམ་པ་བཞི་པོ་རྣམ་བསྒོམ་བྱ།། ཇི་སྲིད་ནམ་མཁའི་དཀྱིལ་འཁོར་དུ།། ཆོ་ག་ཤེས་པས་སྤྲོ་བར་བྱ།། གང་ཡང ་སྔགས་པས་ཟླ་གཉིས་སུ།། ཐུན་བཞིར་རྣམ་པར་བསྒོམ་པར་བྱ།། རྣམ་པར་དབེན་དང་ཡིད་འོང་དང་།། སྐྱེ་བོ་བྲལ་བར་བསྒོམ་པར་བྱ།། ཉ་དང་ཤ་སོགས་ཅན་བཟའ་ལ།། བརྟུལ་ཞུགས་ཅན་གྱིས ་མར་གསར་བཏུང་།། བསླུས་པ་དང་ཡང་ས་ལ་འཇིགས།། དེ་ལྟར་གང་འདི་བརྟུལ་ཞུགས་ཅན།། ཆོ་ག་ཤེས་པས་སངས་རྒྱས་གཟུགས།། དངོས་ཉིད་དུ་དེ་ལྟ་བར་བྱེད།། རང་གཟུགས་རྣམ་ཤེས ་བྱ་མིན་ཉིད།། སྒྲ་ནི་ཉན་པར་བྱེད་མིན་ཉིད།། རྣམ་པ་གཉིས་སུ་དེ་ཡི་སེམས།། སྐྱེ་བ་མིན་ཞིང་ཡང་ཡང་མིན།། གང་ཞིག་ཁོ་ནར་བསྒོམ་པར་བྱ།། གཞན་དུ་དེ་དག་མི་འགྱུར་ཉིད།། ་གསལ་བའི་དཀྱིལ་འཁོར་སྦྱོར་ལ་སོགས།། བསྐྱེད་ནས་དེ་ལ་བསྒོམ་པར་བྱ།། བདག་པོའི་རྣལ་འབྱོར་ཀུན་བསྐྱེད་ནས།། མཉམ་པར་གཞག་པས་བསྒོམ་པར་བྱ།། འབྲས་བུའི་ཆོས་སུ་སྐྱེད་འགྱུར ་ཏེ། གཞན་དུ་བསྐྱེད་པར་འགྱུར་མིན་ཉིད།། བཅོམ་ལྡན་འདས་བྱང་ཆུབ་ཀྱི་སེམས་ཀྱིས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ ་ལས་དང་པོའི་ཡེ་ཤེས་ཀུན་ལས་བཏུས་པའི་ལེའུ་སྟེ་བདུན་པའོ།། ། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་དེ་རྣམས་ཐམས་ཅད་རང་གི་བ ་སྤུའི་ཁུང་བུ་རྣམས་སུ་རབ་ཏུ་བཅུག་ནས། དམ་ཚིག་ཐམས་ཅད་ཀྱི་ཡེ་ཤེས་འབྱུང་བ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་མ་ཐག་ཏུ་ཡང ་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་དེ་རྣམས་ཐམས་ཅད་རང་གི་གཟུགས་བུད་མེད་ཀྱི་གཟུགས་སུ་བྱིན་གྱིས་བརླབས་པ་ཁོ་ནར་བ་སྤུའི་ཁུང་དུ་རྣམས་ནས་མངོན་པར་རུང ་བར་གྱུར་ཏོ།། དེ་ནས་བཙུན་མོ་དེ་རྣམས་ཐམས་ཅད་ཀྱིས་ཡེ་ཤེས་ཆེན་པོའི་རིན་པོ་ཆེ་དེའི་མཆོད་པ་ཐམས་ཅད་ཀྱི་བཀོད་པས་ཡང་དག་པར་མཆོད་དེ། ནམ་མཁའི་ཁམས་ཐམས་ཅད་ཀུན་ཏུ ་བཀང་ཞིང་སྣང་བར་བྱས་ནས་སུ་དང་། གསུང་དང་། ཐུགས་རྣམས་སུ་གནས་པར་གྱུར་ཏོ།། དེ་ནས་བཅོམ་ལྡན་འདས་ཕྱག་ན་རྡོ་རྗེས་བཙུན་མོ་ཐམས་ཅད་ཀྱི་བྷ་ག་རྣམས་སུ་རང་གི་རྡོ་རྗེ་ཡང་དག་པར། ་སྦྱོར་བའི་རྣམ་པས་ཡང་དག་པར་སྦྱར་ནས་རང་གི་གཟུགས་དེའི་ཚད་དུ་བྱིན་གྱིས་རློབ་པར་བྱེད་པས་བྱིན་གྱིས་བརླབས་ནས། དེ་བཞིན་གཤེགས་པ་ཐམས་ཅད་ཀྱང་དེའི་ཚེ་ཚད་དེ་བཞིན་ཁོ་ན་བཞིན ་དུ་མཁས་པ་རྣམས་ཀྱིས་སྔ་མ་ཇི་ལྟ་བའི་ཕྱག་ན་རྡོ་རྗེ་རིགས་ཐམས་ཅད་དམ་ཚིག་གི་ཡེ་ཤེས་དེ་ཁོ་ན་ཉིད་བྱིན་གྱིས་རློབ་པ་ཞེས་བྱ་བ་ཡེ་ཤེས་ཆེན་པོའི་དམ་ཚིག་བཀའ་སྩལ་ཏོ།། དཀྱིལ་འཁོར ་བཞི་ཡི་ཚུལ་གྱིས་ནི།། དབུས་སུ་སྔགས་སུ་རྣམ་བསྒོམ་བྱ།། སྙིང་ཁར་དཀྱིལ་འཁོར་བྱས་ནས་ནི།། རྡོ་རྗེ་སེམས་དཔའ་བསྒོམ་པར་བྱ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྗེ ་བོས་དེ་སྐད་ཅེས་གསུངས་སོ།། དཀྱིལ་འཁོར་བཞི་ཡི་ཚུལ་གྱིས་ནི།། རྣམ་སྣང་ལ་སོགས་རྣམ་སྒོམ་པ།། དེ་ཉིད་ཀྱིས་ནི་ཀུན་བསྐྱེད་ནས།། དེ་ཉིད་མཆོད་པར་བྱེད་པར་འགྱུར།། དཀྱིལ་འཁོར་བཞི ་ཡི་ཚུལ་གྱིས་ནི།། རྡོ་རྗེ་སེམས་དཔའ་བསམ་པར་བྱ།། སངས་རྒྱས་གཟུགས་ནི་ཡང་དག་བསྐྱེད།། དེ་ཡི་མཆོད་པ་བྱེད་པར་བཤད།། དཀྱིལ་འཁོར་བཞི་ཡི་ཚུལ་གྱིས་ནི།། རང་རིགས་ལ་སོགས ་རྣམ་པར་སྒོམ། དབུས་སུ་གཟུགས་ནི་བརྟན་བྱས་ནས།། དེ་ཡི་མཆོད་པ་བྱེད་པར་བཤད།། སྣ་ཚོགས་རྒྱན་གྱིས་བརྒྱན་པ་ཡི།། སྤྱན་ནི་ཡང་དག་བསྐྱེད་ནས་སུ།། གསལ་བའི་དཀྱིལ་འཁོར ་ཚུལ་གྱིས་ནི།། དམངས་རིགས་དཀར་མོ་རྣམ་བསྒོམ་བྱ།། ཀུན་སྦྱོར་ལ་སོགས་མཚན་ཉིད་ཀྱིས།། སྣ་ཆོ་གཅན་དང་ཡང་དག་ལྡན།། ཨུཏྤ་ལ་སྔོན་པོ་དང་མཚུངས་པའི།། མཱམ ་ཀཱི་ནི་རྟག་བསམ་བྱ།། མེ་ཏོག་ཆུན་སོགས་ཀྱིས་དོན་བཞིན།། ཇི་ལྟར་རིགས་པར་རྣམ་བརྒྱན་པ།། རིག་མ་ཆེན་མོ་དཀར་མོར་གྲགས།། ཁྲག་དང་མཚུངས་པར་བསམ་པར་བྱ།། ཡིད་ཀྱི་ཀུན་སྦྱོར་བུན ་ཚོགས་ཀྱིས།། བསྡུས་པ་ཡིས་ནི་རྣམ་པར་བརྒྱན།། ཨུལླ་ན་མཚུངས་སྐལ་བཟང་མོ།། སྔགས་པས་རྟག་ཏུ་བསམ་པར་བྱ།། བཅོམ་ལྡན་འདས་ཀུན་ཏུ་བཟང་པོས་དེ་སྐད་ཅེས་གསུངས་སོ།། མར ་གསར་ལ་སོགས་ཀུན་སྦྱོར་གྱིས།། ཡིད་དུ་འོང་བ་དེ་བསྒོམ་བྱ།། ཆང་ཉིད་ཡིད་ཀྱིས་སྦྱོར་བྱེད་པ།། གང་དེ་ཉིད་ནི་སྒོམ་བཞིན་དུ།། ཟླ་བའི་དཀྱིལ་འཁོར་དབུས་སུ་ནི།། རང་གི་སྔགས་ཀྱིས་ཡང ་དག་བསྐྱེད།། སྨོད་པར་བྱེད་པས་ཆོ་ག་ཀུན།། འདིར་ནི་བསྐྱེད་ཅིང་བསྒོམ་པར་བྱ།། ལག་པས་མགྲིན་པ་ལ་སོགས་བཟུང་།། རྐང་པ་དེ་ལ་སྦྱར་བར་བྱ།། མེ་ཏོག་གཉིས་སོགས་མཚན་ཉིད་ཀྱིས། ་རང་གི་རྡོ་རྗེ་གཞུག་བསམ་བྱ།། ཟླ་བའི་དཀྱིལ་འཁོར་ཡང་དག་སྦྱོར།། ཁུ་བ་དེ་ལ་ལྟུང་བར་བྱ།། བཅོམ་ལྡན་འདས་རྡོ་རྗེ་འཆང་གིས་དེ་སྐད་ཅེས་གསུངས་སོ།། ནམ་མཁའི་ཁམས་ནི་ཀུན་བཀང་བར།། ་བྱས་ནས་དེ་ཉིད་ཀྱིས་བསྒོམ་བྱ།། མེ་ཏོག་བཞི་ལ་སོགས་ཚུལ་གྱིས།། དེ་ལ་མཆོད་པར་བྱེད་ཅེས་དགོངས།། ཉེར་སྤྱོད་ལྔ་ཡི་མཆོད་པ་ཡིས།། མཆོད་བདག་ཀུན་སྦྱོར་ལས་མཆོད་བྱ།། དྲི་གསུམ། ་རོ་དང་རེག་བྱ་ནི།། ཐམས་ཅད་དུ་དེ་ཉིད་ཀྱིས་སྦྱིན།། རྡོར་སེམས་རྣམས་ནི་བློ་ལྡན་གྱི།། སངས་རྒྱས་ཀུན་གྱིས་བསྐྱེད་པ་དང་།། མཉེས་དང་མཆོད་པར་རབ་ཏུ་བརྗོད།། དགེས་པར་ཡང་ནི་བརྗོད་པ་སྦྱིན། ་འདི་ཡིས་གསང་སྔགས་གྲུབ་པ་ནི།། སྒྲུབ་པ་པོ་རྣམས་རྣམ་པར་འགྱུར།། གསལ་བྱེད་རྒྱས་པར་སྒྲུབ་དོན་དུ།། སངས་རྒྱས་ཉིད་སོགས་ཡང་དག་འཐོབ།། གལ་ཏེ་ཆོས་ཉིད་མི་འགྱུར་བ།། འདི་ནི ་སངས་རྒྱས་ཆོས་ཉིད་དོ།། སངས་རྒྱས་སོགས་ཀྱིས་ཡོངས་བཟུང་བ།། གཞན་དུ་འཐོབ་པར་མི་འགྱུར་རོ།། སེམས་ཀྱི་མི་དགེ་བྱ་མིན་ཉིད།། སྨད་པའི་ཀུན་སྤྱོད་བྱ་མིན་ཉིད།། འདི་ནི་སངས་རྒྱས ་ཐམས་ཅད་ཀྱི།། ཆོས་ཉིད་མི་འགྱུར་ཀུན་ལས་བཏུས།། གང་གཞན་བཙུན་མོ་རྣམས་ཉིད་ནི།། འདོད་པ་ཉེ་བར་ལོངས་སྤྱོད་པའོ།། ཉི་མའི་དཀྱིལ་འཁོར་སྦྱོར་བ་ནི།། ཇི་ལྟར་འོས་པར་མཆོད་བྱ་བ། ་སྦྱིན་དང་ཚུལ་ཁྲིམས་དེ་བཞིན་བཟོད།། བརྩོན་འགྲུས་སུ་ཡང་བརྟན་པར་བརྗོད།། འདི་ནི་སྔགས་པ་མཁས་པ་ཡིས།། ཆོ་གས་ལྷག་པར་གནས་པར་བྱ།། རང་གི་སྔགས་ནི་ཡང་དག་བརྗོད།། ཟླ་བ་ལྟ ་བུར་སྦྱར་བར་བྱ།། དེར་ནི་རྡོ་རྗེ་ལ་བསྡུས་པས།། སླར་ཡང་སྔགས་པས་གཞུག་པར་བྱ།། གཞོགས་སུ་རིན་ཆེན་རྣམ་སྒོམ་པ།། ཟེ་འབྲུ་ཉིད་ལ་བྱ་བའོ།། དྲི་རྣམས་ཁ་དོག་བསྡུས་པ་ཡིས།། རིགས་ཀྱི ་བརྟོགས་པར་བྱ།། རིགས་གསུམ་ལ་ཡང་ཐུན་མོང་དུ།། རྡོ་རྗེ་སེམས་དཔའི་ཡོན་ཏན་འབྱུང་།། དེ་ཡི་ཡི་གེ་ཡང་དག་བསྐྱེད།། གཞུག་ལ་བསམ་གཏན་ལྷུར་ལེན་པས།། ལས་ཀྱི་དབྱེ་བ་སོགས་རྣམས་ཀྱིས། ་བྱ་བའི་མཚན་ཉིད་དེ་རབ་གྲགས།། ཡེ་ཤེས་རིགས་ལ་མུཏྤལ་ལོ།། བསྡུས་པ་ཤེས་པ་ལ་ཡང་གྲགས།། འདོད་མཛོད་རིགས་ལ་པདྨ་དང་།། ཆོས་ཀྱི་རིགས་ལའང་དགོངས་པཞིན།། ་གཤེས་པས་ལོ་བཅུ་པའི།། བཙུན་མོ་ཡེ་ཤེས་རིགས་ལ་ཤེས།། བསྡུས་པ་ཞེས་ལ་བརྟག་བྱ་བ།། ཡོན་ཏན་མདངས་ལྡན་བཅུ་གཉིས་ལོ།། སྔགས་པས་རྟག་ཏུ་ཆོས་ཤེས་པར།། བཅུ་དྲུག་ལོ་མ་ཀུན་ཏུ ་བརྩམ།། ཀུན་ཏུ་འདོད་མཆོད་རིགས་ལ་ནི།། ཉི་ཤུའི་ལོ་ཅན་བསྟན་པར་བྱ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དཀྱིལ་འཁོར་གྱིས་དེ་སྐད་ཅེས་གསུངས་སོ།། ་སྲིད་ཁུ་བ་ཡང་དག་བསྡུས།། བཅུ་གཉིས་ལོ་དང་ལྡན་པར་བྱ།། མདོར་ན་གང་གྲང་འདོད་གྱུར་པ།། སྣ་ཚོགས་རྒྱན་དང་ཡང་དག་ལྡན།། མེ་ཏོག་ཆུན་པོ་སོགས་བརྒྱན་པ།། ཇི་ལྟར་རིགས་པར་བྱ་བ་ཡིན། ་རྣམ་པར་སྣང་མཛད་སོགས་བྱས་ནས།། དེ་ནས་མཆོད་པ་ཡང་དག་བརྩམ།། རིགས་ཀྱི་དབྱེ་བས་ལས་རྣམས་ནི།། ཙན་དན་གུར་ཀུམ་རབ་ཏུ་བརྗོད།། བདེ་བར་བཞུགས་ཤིང་མཛེས་བྱས་པ།། དཀྱིལ ་འཁོར་དེ་ཉིད་ཀྱིས་དེ་བྱ།། ཐམས་ཅད་བསྡུས་པ་དེ་བྱ་བ།། ཇི་ལྟར་དབྱེ་བ་མི་ཤེས་ན།། གལ་ཏེ་དབྱེ་བ་དེ་ཡིནི།། སངས་རྒྱས་ཀྱང་ནི་འགྲུབ་མི་འགྱུར།། བཅོམ་ལྡན་འདས་དེ་བཞིན་གཤེགས་པ་ཐམས ་ཅད་ཀྱི་ཐུགས་ཀྱིས་དེ་སྐད་ཅེས་གསུངས་སོ།། མཚན་རྣམས་ཀུན་གྱིས་བརྒྱན་པ་ཡིས།། རྒྱན་དུ་བྱས་པའི་བུ་མོ་བདུན།། བཅུ་དྲུག་ལོ་ཡི་རྣམ་པ་དེས།། ཇི་སྲིད་བཅོ་བརྒྱད་ལོ་ལོན་པར།། ཤིན་ཏུ་རིང་མིན ་ཐུང་བ་མིན།། ཕྲ་མིན་རྣམ་པར་སྐྱེས་པའང་མིན།། མཚུངས་མེད་གཞོན་ནུ་མ་བསྒྲུབ་བྱ།། གཞན་དུ་འགྲུབ་པར་མི་འགྱུར་རོ།། ཆོ་ག་ཤེས་པས་དེ་བཟུང་ལ།། དེ་ཉིད་སྒྲུབ་ཐབས་ཀྱིས་བསྒྲུབ་བྱ།། འཛམ ་དུའི་གླིང་དུ་དབྱངས་སོགས་ཀྱི།། མཚན་ཉིད་ཐམས་ཅད་ཀྱིས་བརྒྱན་པ།། བཅུ་དྲུག་བསྒྲུབས་ན་ཆོ་ག་ཤེས།། འགྲུབ་འགྱུར་འདིར་ནི་ཐེ་ཙོམ་མེད།། ཁྲུ་བཞི་པ་ཡི་དཀྱིལ་འཁོར་ནི།། བྲིས་ནས་རྟག ་ཏུ་བསྒྲུབ་པར་བྱ།། རིག་པའི་ཚུལ་གྱི་ཆོ་ག་ཡིས།། མཁས་པས་འབུམ་ཕྲག་ལྔ་རུ་བཟླས།། མར་མེ་ལ་སོགས་ཚད་ཀྱིས་ཏེ།། གཞན་དུ་བསྒྲུབ་བྱ་མིན་པ་ཉིད།། བཅོམ་ལྡན་འདས་སངས་རྒྱས་ཐམས ་ཅད་ཀུན་ཏུ་སྣང་བས་དེ་སྐད་ཅེས་གསུངས་སོ།། ཁྲུ་ཡི་ཚད་ཀྱི་དཀྱིལ་འཁོར་དུ།། རྡོ་རྗེ་སེམས་དཔའ་ཡང་དག་བསྐྱེད།། བདུད་རྩི་ཞེས་བྱའི་ཁྲོ་བོ་ཆེ།། བྱིན་ནས་ཡང་དག་ལས་རྣམས་བརྩམ།། ་ཆོ་ག་ཤེས་པས་དེ་རུ་ཡང་།། མཚན་མ་བཀོད་ནས་བསྒྲུབ་པར་བྱ།། དྲི་དང་མེ་ཏོག་སོགས་མཆོད་པ།། བྱས་ནས་བསྒྲུབ་བྱ་གཞན་དུ་མིན།། མཚོ་དང་ཆུ་འགྲམ་ཡིད་འོད་དང་།། རི་བོ་དབེན་པ་རྣམས་སུ ་ཡང་། ཆོ་ག་ཤེས་པས་བསྡུས་པ་ཡིས།། རང་ཉིད་དཀྱིལ་འཁོར་བྲི་བར་བྱ།། རིན་ཆེན་ཀུན་གྱི་མཆོད་པ་ནི།། རྡོ་རྗེ་སེམས་དཔའི་མཆོད་པ་སྟེ།། སྤྱན་རས་གཟིགས་ཀྱི་མགོན་པོ་ཡི།། མཆོད་པ་ཞེས ་ནི་དེ་ལ་བཤད།། ཐུན་ཚོད་དང་པོ་ལས་འདས་པར།། གཉིས་པར་ཡང་དག་ཉེར་གནས་པས།། རྣལ་འབྱོར་པ་ཡི་སྒྲུབ་པར་སྒྲུབ།། དེ་ཁོ་ཉིད་ཀྱིས་འགྲུབ་པར་འགྱུར།། ཐུན་ཚོད་བྱེད་དུ་ཡང་དག་འབྱུང་།། ་ལྔ་ལི་བར་མ་ཆད་རྣམས་སུ་དང་།། ཕྱུགན་རྡོ་རྗེ་བྱིནྱ་བརླབས་པས།། སྒྲུབ་པོ་རྟག་ཏུ་འགྲུབ་པར་འགྱུར།། རིགས་ཀྱི་བདག་པོ་ལྟར་གྱུར་ནས།། འཇིག་རྟེན་ཁམས་ནི་ནྡཿ ་ཡང་།། བཙུན་མོ་གྲངས་མེད་པོ་ཊི་ཡིས།། དངོས་གྲུབ་རྟོགས་ཕྱིར་རྣམ་པར་སྤྱོད།། དེ་ཡི་བྱ་བས་སངས་རྒྱས་ཉིད།། རི་རབ་ཀྱི་ནི་རྡུལ་ཕྲན་གྱི།། ཕྱག་ན་རྡོ་རྗེ་ཀུན་འབྱུང་བ།། སེམས་ཅན་རྣམས་ཀྱི ་བྱེད་པ་ཡིན།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར། དམ་ཚིག་ཐམས་ཅད་ཀྱི་སྒྲུབ་ཐབས་ཆེན་པོ་གསང་བའི་མཆོད་པའི་ལེའུ་སྐྱེ་བརྒྱད་པ་རྫོགས་སོ།། ་དེ་ནས་དེ་བཞིན་གཤེགས་པ་ཐམས་ཅད་སླར་ཡང་ཡང་དག་པར་འདུས་ནས། བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས ་དེ་བཞིན་གཤེགས་པ་རྣམས་ཐམས་ཅད་ཀྱི་ཡེ་ཤེས་ཁོང་དུ་ཆུད་པ་ཞེས་བྱ་བའི་གསང་སྔགས་ཆེན་པོའོ།། དམ་ཚིག་སྒྲུབ་པ་པོ་རྣམས་ཀྱི་སེང་གེ་རྣམ་པར་རོལ་པས་དམ་ཚིག་གི་ཡེ་ཤེས་བྱེད་པ ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བ་བསྟན་དུ་གསོལ། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས ་བཞིན་གཤེགས་པ་དེ་རྣམས་ཀྱི་ཚིག་ཉེ་བར་གསན་ནས། རྡོ་རྗེ་དེ་རང་གི་སྙིང་ཁར་བཞག་སྟེ་དེ་བཞིན་གཤེགས་པ་དེ་རྣམས་ལ་གསུང་འདི་སྐད་ཅེས་བཀའ་སྩལ་ཏོ།། བཅོམ་ལྡན་འདས་དེ ་བཞིན་གཤེགས་པ་རྣམས་རྒྱུ་ཅིའི་ཕྱིར་དེ་སྐད་གསུང་།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གང་ངེས་པར་བསྟན་ནུས་པ་ནི་མེད་དོ།། ཡང་བཅོམ་ལྡན་འདས་དེ་བཞིན ་གཤེགས་པ་འདི་ལ་ཡེ་ཤེས་ཀྱི་འོད་ཟེར་ཡང་རྣམ་པ་སྟོང་དུ་རྣམ་པར་ཞིགས་པར་གྱུར་ཏོ།། གཞན་དུ་ན་ག་ལ་འགྱུར་ཞེས་སོ།། དེ་བཞིན་དུ་ནི་དེ་ལྟ་བུ་བྱས་ནས་དེ་ཉིད་བཅོམ་ལྡན་འདས་ཕྱག ་ན་རྡོ་རྗེ་དེ་བཞིན་གཤེགས་པ་རྣམས་ཐམས་ཅད་ཀྱི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀཱ་དང་སྤྱི་བོར་ཟླ་བའི་དཀྱིལ་འཁོར་གྱི་སྟེང་དུ་རང་གི་གཟུགས་སུ་གནས་པར་བྱེད་དོ།། དེ་ནས ་བཅོམ་ལྡན་འདས་ཕྱག་ན་རྡོ་རྗེས་ཡེ་ཤེས་ཀྱི་དམ་ཚིག་ཁོང་དུ་ཆུད་པ་ཞེས་བྱ་བའི་གསང་སྔགས་ཀྱི་དམ་ཚིག་བཀའ་སྩལ་ཏོ།། གྲངས་མེད་འབྱུང་པོ་ཐམས་ཅད་ནི།། དེ་ཉིད་སྦྱོར་བས་གསད ་པབཔར་བྱ།། སྐྱེ་བ་འདིར་ཉིད་སངས་རྒྱས་ཉིད།། ཐོབ་འགྱུར་འདི་ལ་ཐེ་ཙོམ་མེད།། སངས་རྒྱས་བྱེ་བ་ཡོངས་རྫོགས་པ།། ཡེ་ཤེས་སྦྱོར་བས་གསད་པར་བྱ།། སྐྱེ་བ་འདིར་ཉིད་འགྲུབ་འགྱུར་ཏེ། ་རྡོ་རྗེ་སེམས་དཔའ་ཐོབ་པར་འགྱུར།། པདྨ་ཆེན་པོ་ཚད་ཀྱིས་ནི།། སེམས་ཅན་ཕུང་པོ་རྣམ་གཞོམ་བྱ།། ཆོས་ཀྱི་དེ་ཉིད་ཏིང་འཛིན་གནས།། བཅོམ་པས་དངོས་གྲུབ་ཐོབ་པར་འགྱུར།། ཆོ་ག་ཤེས ་བས་པདྨའི་ཚད།། འཇོམས་བྱེད་འདྲེན་པ་གསད་པར་བྱ།། འདོད་མཆོད་དེ་ཉིད་བསྒོམས་པ་ཡིས།། དེ་ཡི་དངོས་གྲུབ་ཆེ་ཞེས་བྱ།། བཅོམ་ལྡན་འདས་ངོ་བོ་ཉིད་དག་པས་དེ་སྐད་ཅེས་གསུངས་སོ།། ་ནམ་མཁའི་ཁམས་ནི་ཀུན་བཀང་བར།། མཚན་ཉིད་དེས་ནི་གསད་པར་བྱ།། དེ་ལྟར་ཡང་འདིར་སངས་རྒྱས་ཉིད།། སྐྱེ་བ་འདི་ཉིད་ཁོ་ན་ལ།། རྣམ་པ་སྣ་ཚོགས་ཡང ་ངག་ཐོབ།། སེམས་ཅན་སེམས་ནི་ཆོ་ག་ཡིས།། ཡང་དང་ཡང་དུ་སྦྱང་བར་བྱ།། གསོད་པའི་བདག་ཉིད་སོགས་འབྱུང་བ།། གཞན་དུ་སྦྱོར་བར་མི་འགྱུར་ཉིད།། སེམས་ཅན་ཀུན་གྱི་སེམས་གང་ཡིན།། ་གསལ་བཞི་པ་འོད་གསལ་བར།། སྣ་ཚོགས་དངོས་པོ་མ་གོས་པས།། སེམས་སུ་བརྗོད་པའི་དེ་ཉིད་སྒོམ།། ཚིག་ཤེས་པས་སངས་རྒྱས་མུན།། དེ་ཉིད་ཉེ་བར་ལོངས་སྤྱད་བྱ།། གསང་སྔགས ་དགེ་བ་འབྱུང་བ་ཀུན།། གཞན་དུ་གྲུབ་པ་ཉིད་མི་འགྱུར།། དེ་དེ་སྔགས་པ་མ་ལུས་པས།། མཆོག་གི་ཚོགས་ནི་ཡང་དག་འབྱུང་།། རྡོ་རྗེ་སེམས་དཔའ་དགེ་འབྱུང་བ།། གཞན་དུ་དགེས་པར་འགྱུར ་མིན་ཉིད།། ཉེ་བར་ལོངས་སྤྱོད་བྱ་ཀུན་ཏུ།། ཉེ་བར་ལོངས་སྤྱོད་ཀུན་བརྩམ་བྱ།། གཞན་དུ་གལ་ཏེ་བདག་རྨོངས་པས།། མིནར་མེད་ལྟ་བུར་འཚེད་པར་འགྱུར།། ཐམས་ཅད་བདག་ཉིད་བཟའ་བར ་བྱ་ཆང་ངམ་གཞན་ཡང་རང་གིས་བཏུང་།། སངས་རྒྱས་ཀུན་གྱི་སྦྱིན་པར་འགྱུར།། མྱུར་དུ་འགྲུབ་པར་འགྱུར་བ་ཉིད།། ཤ་ཆེན་རྟག་ཏུ་བཟའ་བར་བྱ།། ཏིལ་མར་ཡང་རུང་རང་བཏུང་བྱ།། ཆོ་ག ་ཤེས་པས་བཤང་གཅིའང་རུང་།། བཟའ་བའི་བདག་ཉིད་ཅན་གྱིས་བཟའ།། མ་ཡི་སྒོ་ལས་བྱུང་བའང་མིན།། སངས་རྒྱས་སོགས་ལ་དངུལ་བར་བྱ།། མེ་ཏོག་དྲི་ཞེས་སྤྲིན་ཆེན་པོ།། བྱས་ནས་ཐམས ་ཅད་དོན་ཇི་བཞིན།། སྔགས་པས་རྟག་ཏུ་སྤད་པ་ཡིས།། བཏུང་བ་ཉིད་ནི་འབྱུང་བར་བྱ།། འདི་ནི་སངས་རྒྱས་ཐམས་ཅད་ཀྱི།། ཡེ་ཤེས་བློ་ཡིས་དམ་ཚིག་བརྗོད།། བཅོམ་ལྡན་འདས་དེ་བཞིན་གཤེགས ་པ་ཐམས་ཅད་ཀྱི་རྗེས་སུ་གནང་བར་བྱེད་པས་དེ་སྐད་ཅེས་གསུངས་སོ།། སྔགས་པས་རྟག་ཏུ་དཀྱིལ་འཁོར་ནི།། བཤང་དང་གཅི་བས་སོ་སོ་རུ།། ཉལ་བར་བྱེད་པ་ལ་སོགས་སམ།། བསམ་པ ་ཤིན་ཏུ་སྲ་བརྟན་བྱ།། བཤང་དང་གཅི་བས་བཀང་བ་ཡི།། གྲུ་བཞི་ཀུན་ཏུ་བསྐྱེད་ནས་ནི།། རང་གཟུགས་དེ་ཡི་དབུས་སུ་ནི།། སྣ་རྩེར་ནས་ཀྱིས་དགང་བར་བྱ།། བཅོམ་ལྡན་སངས་རྒྱས་འབྱུང་བ་ནི།། ་དེས་ཆགས་བདག་པོ་དཀའ་བ་མིན།། གང་གཞན་གསུམ་པོ་བསྡུས་པ་ཡིས།། འདིར་གཞན་སོ་སོར་གནས་དེ་མིན།། ཆོ་ག་ཤེས་པས་ཕྱི་འདིར་ནི།། བྱ་དེ་གཞན་རྣམས་དང་སྦྱར་བྱ།། ཡེ་ཤེས་འཁོར། ་ལོས་བསྐུལ་བ་ཡིས།། དངོས་གྲུབ་ཡངས་པ་དེར་འགྲོ་འགྱུར།། རང་ངམ་གལ་ཏེ་གཞན་ཡང་རུང་།། དེ་ཉིད་སྦྱོར་བར་མི་བྱེད་དོ།། ཇི་སྲིད་ནམ་མཁའ་ཀུན་འབྱུང་བ།། སངས་རྒྱས་ཉིད་ནི་ཐོབ་མི་བྱེད།། ་ང་ནི་མནཱར་མེད་ང་འཇིགས་རུང་།། ང་ནི་སྡུག་བསྔལ་ང་བདེ་བ།། ཞེ་སྡང་ང་ལ་དེ་བཞིན་རྨོངས།། ང་ནི་འདོད་ཆགས་སོ་སོར་གནས།། ཞེས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི ་རྟོག་པའི་རྒྱལ་པོ་ཆེན་པོར། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཁོང་དུ་ཆུད་པར་བྱེད་པ་ཞེས་བྱ་བའི་མཆོག་ཏུ་གསང་ཆེན་གྱི་ལེའུ་སྟེ་དགུ་པ་རྫོགས་སོ།། དེ་ནས ་བཅོམ་ལྡན་འདས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཐོབ་པའི་འབྲས་བུ་དང་རྒྱུ་དག་གིས་རྡོ་རྗེ་སེམས་དཔའ་ཐམས་ཅད་ཀྱི་བཅུད་ཀྱི་དམ ་ཚིག་ཆེན་པོ་བཀའ་སྩལ་པ། དགྲ་བཅོམ་ལ་ཕྱག་བྱ་མིན་ཉིད།། དགེ་སློང་ཡང་རུང་ཕྱག་བྱ་མིན།། སངས་རྒྱས་རྣམས་ཀྱི་སངས་རྒྱས་ཉིད།། ཐོབ་པ་ཕྱག་སྟེ་ཕྱག་བྱ་མིན།། རང་གཟུགས་སུ་ནི་རང ་གཟུགས་ཀྱིས།། བསམས་ནས་དེ་ཉིད་ཆོ་ག་ལས།། སྙིང་ཁར་རྡོ་རྗེ་སོགས་བྱས་ནས།། ཡང་དག་མཆོད་བྱར་དེ་སྦྱར་བྱ།། གལ་ཏེ་རྡོ་རྗེ་སེམས་དཔའ་ཡང་རུང་།། ཁ་ཅིག་ཕྱིས་འདི་ལས་འགོངས།། ་ན་རང་གི་བྱང་ཆུབ་སེམས་སྨྲས་པས།། མགོ་བོ་ཚལ་པ་བདུན་དུ་འགས།། བྷ་གར་ལིང་ག་རབ་བཞག་ནས།། གསང་སྔགས་ཡང་ནས་ཡང་དུ་བཟླས།། རྡོ་རྗེ་སེམས་དཔའ་ཡང་དག་བསྐྱེད།། རང ་གཟུགས་ལ་ནི་བསྒོམ་པར་བྱ།། སངས་རྒྱས་སློབ་དཔོན་དེ་ཉིད་འདི།། རྟག་ཏུ་སྲུང་བའི་ཁྱད་པར་ལས།། གཞན་དུ་སློབ་དཔོན་རྣམས་ཀྱིས་ནི།། སངས་རྒྱས་ཉིད་ནི་འཐོབ་མི་འགྱུར།། རང་གི ་གཟུགས་སུ་རྣམ་བསྒོམས་ནས།། དེ་ཉིད་ལས་ནི་ཕྲ་མོའི་གཟུགས།། བྱང་ཆུབ་སེམས་ནི་ཡང་དག་བསྐྱེད།། སློབ་དཔོན་སངས་རྒྱས་སུ་བསྒོམ་བྱ།། སྒྲུབ་པོ་རྣམས་ཀྱི་ཡེ་ཤེས་འདི།། དེ་ཉིད་དམ ་ཚིག་འབྱུང་བའོ།། དམ་ཚིག་ལ་སོགས་སྦྱོར་བ་འདིས།། སངས་རྒྱས་ཀྱི་ཡང་འགྲུབ་མི་འགྱུར།། དམ་རྒྱ་ཤིན་ཏུ་རྣལ་འབྱོར་གྱིས།། རང་གི་སྙིང་ཁར་གཟུགས་བསྒོམ་བྱ།། དེ་ལ་རྡོ་རྗེ་ཡང་དག་བསྐྱེད།། ་ཇི་སྲིད་འདོད་པས་བསྟེན་པར་བྱ།། དུས་ལ་ལྟོས་པ་ལ་སོགས་ལྡན།། འདི་ནི་དམ་ཚིག་མཆོག་ཡིན་ནོ།། ཇི་སྲིད་དངོས་གྲུབ་བསྒྲུང་བྱ་བ།། རྟག་ཏུ་དེ་ཡིས་བསྲུང་བར་བྱ།། བཅོམ་ལྡན་འདས་བྱང་ཆུབ། ་ཀྱི་སེམས་ཀྱིས་དེ་སྐད་ཅེས་གསུངས་སོ།། རང་གི་གཟུགས་ནི་ཡང་དག་བསྐྱེད།། རང་གཟུགས་ལ་སོགས་མཚན་ཉིད་ཀྱི།། སྙིང་ཁར་བདུད་རྩིར་བརྗོད་པ་ནི།། དེ་ཡི་སྔགས་ནི་ཡང་དག་བརྩམ།། འདི ་ཡང་དམ་ཚིག་ཡེ་ཤེས་ཏེ།། ཀུན་ཏུ་དྲི་མ་བསལ་བ་ཉིད།། འདོད་པའི་དངོས་གྲུབ་བརྟན་པ་ནི།། བརྟུལ་ཞུགས་བརྩོན་པས་བསྲུང་བར་བྱ།། སངས་རྒྱས་ཐམས་ཅད་རྣམ་བསྒོམ་ནས།། བསྒྲུབ་བྱའི་རྣམ ་པར་བསམ་པར་བྱ།། རྡོ་རྗེ་སེམས་དཔའ་ཡང་དག་བསྐྱེད།། སྙིང་པོ་དེ་ལ་བསྒོམ་པར་བྱ།། ཆོ་ག་ཤེས་པས་འདི་རྟག་ཏུ།། དུས་གསུམ་དུ་ནི་བསྒོམ་པར་བྱ།། གལ་ཏེ་གཞན་དུ་བཟླས་བྱས་སམ།། སྒྲུབ ་ན་དེ་ཉིད་མ་ཡིན་ཉིད།། རིག་མ་གཟུགས་དང་གཟུགས་སོགས་ཅན།། འབར་བའི་འཕྲོང་བས་རྒྱན་བྱེད་པའི།། སེམས་དཔའ་རིན་ཆེན་ཡང་དག་བསྐྱེད།། དེ་ཡི་ལག་ཏུའང་རྣམ་བསྒོམ་བྱ།། བསྡུས་པ ་ཡིས་ནི་སྒྲོམ་བཞིན་དུ།། ཇི་སྲིད་དངོས་གྲུབ་རབ་མཐོང་བྱེད།། གཞན་དུ་གལ་ཏེ་བདག་རྨོངས་ངན།། དེ་ཡི་སྦྱིན་པ་དེར་མི་འགྱུར།། ཤིན་ཏུ་རྣམ་བཀྲ་ཤིན་དྲི་མེད།། ཡེ་ཤེས་རིན་ཆེན་ཅོད་པན་དུ།། བཞག་ནས ་སྒྲུབ་པ་ཡི་ནི་མཆོག། ས་སྟེངས་ལྷན་ཅིག་རྒྱུ་བར་བྱེད།། རྡོར་སེམས་བདག་ཉིད་དངོས་གྲུབ་པ།། རྡོ་རྗེ་སེམས་དཔས་བྱིན་གྱིས་བརླབས།། རྟག་ཏུ་རྡོ་རྗེ་ཡེ་ཤེས་ཆོས།། གོ་འཕང་དུ་ནི་བསྒྲལ་བར་བགྱི། ་ཡེ་ཤེས་རྡོ་རྗེས་དངོས་གྲུབ་།། བདུད་རྩི་ཞེས་སོགས་བྱིན་གྱིས་བརླབས།། ནམ་མཁའ་མཆོག་ཏུ་ཕྲ་བ་ཡི།། བཟང་པོ་ང་ནི་རྣམ་དཔྱོད་བྱེད།། བཅོམ་ལྡན་འདས་རྡོ་རྗེ་འཆང་ཆེན་པོས། ་དེ་སྐད་ཅེས་གསུངས་སོ།། དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་དང་། ཡེ་ཤེས་ཀྱི་གསང་སྔགས་ཡོངས་སུ་དག་པའི་དེ་ཁོ ་ན་ཉིད་བྱིན་གྱིས་རློབ་པ་ཞེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་བཀའ་སྩལ་ཏོ།། རྡོ་རྗེ་སེམས་དཔའ་སྐྱེ་སྒོམ་པ།། ཐུགས་ཀྱི་རྡོ་རྗེ་ཞེས་རང་བརྗོད།། སེམས་ལ་དེ་ནི་བསྒོམས་ནས་ནི།། ་ཡེ་ཤེས་རྡོ་རྗེ་རབ་གཞུག་བྱ།། རྡོ་རྗེ་རང་བཞིན་དག་པའི་དོན།། གསུང་བའི་རྡོ་རྗེར་ཡོངས་སུ་བརྟག། དག་པའི་ཡེ་ཤེས་རྣམ་བསྒོམས་པས།། སྐུ་གསུང་དག་པ་རྣམ་བསྒོམ་བྱ།། རྡོ་རྗེའི་བྱིན་རློབ་ཤིན་ཏུ ་གསལ།། མི་ཕྱེད་རྡོ་རྗེའི་སྐུ་ཉིད་དོ།། སངས་རྒྱས་སྐུ་ཡི་རང་བཞིན་ཉིད།། ཆོ་ག་ཤེས་པས་བྱིན་གྱིས་བརླབས།། རྡོ་རྗེ་འདི་ཡིས་བྱིན་བརླབས་པ།། འདི་ཡིས་བྱང་ཆུབ་ཐོབ་པར་བྱེད།། ཆོ་ག་ཤེས་པས་ཟླ ་དྲུག་གིས།། སངས་རྒྱས་ཉིད་འདིར་ཐོབ་པར་གྱིས།། ཆགས་སྐྱེས་ཆོས་ཀྱིས་མ་གོས་པའི།། རྡོ་རྗེ་དེ་རྣམས་ཐམས་ཅད་འབྱུང་།། དེ་ལྟར་དེ་ཉིད་ཆོ་ག་བྱས་ནས།། དངོས་གྲུབ་ཐམས་ཅད་བསྡུས་པ་ཡིན།། ་དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཀུན་ཏུ་སྤྱོད་པའི་དམ་ཚིག་བཀའ་སྩལ་ཏོ།། མི་སྲུ་བ་ཡི་ཚུལ་གྱིས་ནི།། རྡོ་རྗེ་ཡེ་ཤེས་གསུམ་འབྱུང་བས།། དེ་ཀུན་ཉེ་བར་ལོངས་སྤྱོད། ་བ་སངས་རྒྱས་ཀུན་སྤྱོད་ཉིད་དུ་འགྱུར།། ནམ་མཁའི་ཁམས་ནི་ཀུན་བཀང་བའི།། སངས་རྒྱས་རྣམས་ནི་གལ་ཏེ་བཅོམ།། སྐྱེ་བ་འདིར་ཉིད་སངས་རྒྱས་ཉིད།། རྡོ་རྗེ་སློབ་དཔོན་བསྡུས་པའོ།། ཉི་མའི།། ་དཀྱིལ་འཁོར་དབུས་སུ་ནི།། རྡོ་རྗེའི་གཟུགས་ནི་ཡང་དག་བསྐྱེད།། མཁའ་ཁམས་སངས་རྒྱས་གཟུགས་ཀྱིས་ནི།། ཡོངས་སུ་གང་བར་རྣམ་བསྒོམ་བྱ།། སྙིང་ཁར་སྔགས་ནི་ཡང་དག་བསྐྱེད།། མཉམ་པར། ་བཞག་པས་བསྐུལ་བར་བྱ།། ཀུན་ཏུ་དགྱེས་པའི་དམ་ཚིག་གང་།། རྡོ་རྗེ་སློབ་དཔོན་རྟག་བསྒོམ་བྱ།། ཉི་མའི་དཀྱིལ་འཁོར་དབུས་གནས་པར།། རང་གི་སྔགས་ནི་ཡང་དག་བསྐྱེད།། མཁའ་ཁམས ་གཟུགས་ཀྱིས་ཡང་དག་བཀང་།། སྙིང་ཁར་ཐམས་ཅད་རྣམ་བསྒོམ་བྱ།། དེ་ཉིད་དེ་ནི་བྱེད་བཞིན་པས།། སངས་རྒྱས་བཀའ་ཉིད་གོ་འཕང་གནས།། ཟླ་བའི་དཀྱིལ་འཁོར་དབུས་གནས་པར།། ་རང་གི་སྔགས་ནི་ཡང་དག་བསྐྱེད།། ཆོ་ག་ཤེས་པས་གཟུགས་རྣམ་པར།། གནས་ལྔ་རྣམས་སུ་བསྒོམ་པར་བྱ།། བྱང་ཆུབ་སེམས་ནི་ཡང་དག་བསྐྱེད།། དེ་ཀུན་བསྐུལ་བྱ་བརྟུལ་ཞུགས་ཅན།། ཆོས་ཀྱི ་དཀྱིལ་འཁོར་དབུས་སུ་ནི།། རང་གི་སྔགས་ནི་ཡང་དག་བསྐྱེད།། ཅོད་པན་དུ་དེ་རྣམ་བསྒོམས་ནས།། མཆོད་པར་བྱ་ཞིང་བསྒོམ་པར་བྱ།། སངས་རྒྱས་སློབ་དཔོན་དེ་ལྡན་གང་།། དེ་ཉིད་རྣལ་འབྱོར་པའི ་བདེ་དེ།། ཀུན་ཏུ་སྐྲག་པ་ཀུན་སྤངས་པའི།། སྔགས་པ་སེང་གེ་བཞིན་དུ་སྤྱོད།། སྐྱེ་བ་འདིར་ཉིད་སངས་རྒྱས་ཉིད།། སྐད་ཅིག་དེ་ལ་ངེས་སྦྱོར་བྱེད།། བཅོམ་ལྡན་འདས་དེ་བཞིན་གཤེགས་པ་ཐམས་ཅད ་ཀྱི་དམ་ཚིག་གིས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར། དམ་ཚིག་གི་ལེའུ་སྟེ་བནྡྷ་པའོ།། ་དེ་ནས་དེ་བཞིན་གཤེགས་པ་ཐམས་ཅད་བསྡུ་བས་བྱོན་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་དང་། ཡེ་ཤེས་ཀྱི་མཆོད་པའི་སྡེར་གྱི་བཀོད་པས ་བཅོམ་ལྡན་འདས་ཕྱགྲ་ན་རྡོ་རྗེ་ལ་ཡང་དག་པར་མཆོད་དེའི་དི་སྐད་ཅེས་གསོལ་ཏོ།། དངོས་གྲུབ་ཐམས་ཅད་བྱེད་བསམ་གཏན།། བསམ་གཏན་དཀྱིལ་འཁོར་མཆོག་གྱུར་པ།། དཀྱིལ་འཁོར་ཆེན་པོ ་མཆོག་གྱུར་པ།། དེ་ཉིད་བཅོམ་ལྡན་པ་ཤད་དུ་གསོལ།། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་འདེབས་པར་བྱེད་པའི་ཚིག་གསན་ནས། དེ་བཞིན ་གཤེགས་པ་ཐམས་ཅད་ཀྱི་དམ་ཚིག་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམ་ཚིག་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་ཀུན་ཏུ་སྤྱོད་པའི་ཕྱིར་དཀྱིལ་འཁོར་ཆེན ་པོ་འདི་སྟོན་པར་མཛད་དོ།། དེ་ནས་ཡང་དག་བཤད་བྱ་བ།། དཀྱིལ་འཁོར་ཆེན་པོ་དམ་པ་སྟེ།། རྡོ་རྗེ་ཡེ་ཤེས་ལྟ་བུ་སྟེ།། སངས་རྒྱས་བྱང་ཆུབ་རབ་གསལ་བྱེད།། འོ་མ་དང་ཞོར་བསམ་བྱ་ཞིང་།། པདྨ ་རྔཐ་མོས་ཉེ་བར་མཛེས།། སྣ་ཚོགས་མེ་ཏོག་ཆུན་པོས་གང་།། རབ་ཏུ་འབད་པས་བསྒོམ་པར་བྱ།། ལོག་བཞི་པ་དང་ཟུར་བཞི་པར།། མཁས་པས་རབ་ཏུ་བརྟག་པར་གྱིས།། འཛམ་བུ་ནཱད་ཡང་དག་བྱུང་། ་དེ་ལ་དབུས་སུ་བསྒོམ་པར་བྱ།། ཁྲུ་ནི་བཅུ་དྲུག་ཏུ་བྱུ་བ།། སངས་རྒྱས་སློབ་དཔོན་ཆོ་ག་གནས།། ཆོ་ག་ཤེས་པས་གྲཝ་རྣམས་སུ།། རྩེ་མོ་ལྔ་པ་རྣམ་བསྒོམ་བྱ།། ཇི་ལྟར་རིགས་པའི་གནས་ལྔ་རུ།། ཟླ་བ་ཡི་ནི། ་དཀྱིལ་འཁོར་བརྟག། དཀྱིལ་འཁོར་རྣམས་ནི་སླེབ་བྱེད་པ།། ལག་པ་གཅིག་ཏུ་ཡང་དག་བསྐྱེད།། ཇི་ལྟར་རིགས་པས་ཤར་གྱི་ནི།། མི་བསྐྱོད་ཡོངས་སུ་བརྟག་པར་བྱ།། ཆོ་ག་ཤེས་པས་ལྷོ་ཡི་ནི།། དང ་ནིརིན་ཆེན་དགོད་པར་བྱ།། ནུབ་ཀྱི་དཔག་མེད་ཅེས་བརྗོད་པ།། བྱང་དུ་དོན་ཡོད་གྲུབ་པའོ།། ཆོ་ག་ཤེས་པས་སེར་པོའི་མདོག། དེ་ཉིད་སྒོམ་པས་བསྒོམ་པར་བྱ།། དབུས་སུ་ཁྱད་བདག་རྣམ་སྣང ་མཛད།། སངས་རྒྱས་བསྐྱེད་ནས་བསྒོམ་པར་བྱ།། སློབ་མའི་རྣམ་པར་ཐམས་ཅད་དུ།། ཆོ་ག་ཤེས་པས་རྣམ་པསྒོམ་བྱ།། རིག་མ་ཆེན་མོ་སྤྱན་ལ་སོགས།། གྲཝ་རྣམས་ཉིད་དུ་རྣམ་བསྒོམ་བྱ།། ཆོ་ག ་ཤེས་པས་བདུད་རྩི་ཞེས།། སྒོ་རྣམས་ཀུན་ཏུ་བསྒོམ་པར་བྱ།། དེ་རྣམས་ཁ་དོག་བསྡུས་པ་ཡིས།། སོ་སོ་སོ་སོར་རྟོགས་པར་བྱ།། དེ་རྣམས་ཀུན་གྱི་གཟུགས་རྣམས་སུ།། རྡོ་རྗེ་སེམས་དཔར་རྣམ་སྒོམ ་བྱ་འབོད་ཟེར་ལྔ་པོ་ཡང་དག་བསྐྱེད།། འདོད་ཡོན་ལྔ་རྣམས་བསྡུས་པ་ཡིས།། ཁྱབ་བདག་ལ་ནི་དབུལ་བར་བྱ།། སངས་རྒྱས་སློབ་དཔོན་ཆོ་ག་ལས།། མཁའ་ཁམས་སངས་རྒྱས་ཀུན་གྱིས་ནི།། ་ཡོངས་སུ་གང་བར་རྣམ་པསྒོམ་བྱ།། དེ་ནི་ཁུ་བ་ཐམས་ཅད་ཀྱིས།། མཆོད་པ་སྒོམ་པར་གྲགས་པ་ཡིན།། དམ་ཚིག་ཐམས་ཅད་ཀྱི་དངས་གྲུབ་ཅེས་བྱ་བ་བསམ་གཏན་གྱི་དཀྱིལ་འཁོར་རྫོགས་སོ།། ་དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་གདོན་མི་ཟ་བའི་དམ་ཚིག་ཅེས་བྱ་བའི་བསམ་གཏན་གྱི་དཀྱིལ་འཁོར་གསུངས་པ། བློ་ལྡན་སངས་རྒྱས་སློབ་དཔོན་གྱིས།། དེ་བཞིན། ་ཉིད་དུ་ཐམས་ཅད་དྱ།། ཕྲ་མོའི་དཀྱིལ་འཁོར་ཚུལ་གྱིས་ནི།། ཐམས་ཅད་དེར་ནི་རྣམ་བསྒོམ་བྱ།། ཤར་གྱི་ཆོས་རྣམས་ཀུན་གྱི་མཆོག། རྡོ་རྗེ་སེམས་དཔའ་དགོད་པར་བྱ།། སྔགས་པས་ལྷོ་རུ་བརྟག་པ་ནི། ་རྡོ་རྗེ་སེམས་དཔའ་དགོད་པར་བྱ།། ནུབ་ཏུ་ཡེ་ཤེས་རྫོགས་བྱང་ཆུབ།། སངས་རྒྱས་སློབ་དཔོན་དགོད་པར་བྱ།། བྱང་དུ་ཐམས་ཅད་ཀུན་སྐྲག་པ།། རྡོ་རྗེ་སེམས་དཔའ་དགོད་པར་བྱ།། དབུས་སུ་ཁམས་གསུམ ་པ་མཉམ་པ།། རྡོ་རྗེ་གཟུགས་སུ་རྣམ་བསྒོམ་བྱ།། དཀར་པོའི་མདོག་ཏུ་རྣམ་བསྒོམས་ནས།། ནག་པོའི་དབུས་སུ་བསྒོམ་པར་བྱ།། བཙུན་མོ་རྣམས་ནི་ཁ་ཕྱེ་ནས།། དེ་ཉིད་ལ་ནི་རྡོ་རྗེ་གཞུག། རྡོ་རྗེ་སེམས་དཔའི ་དབང་ཕྱུག་མ།། གནས་གཞི་རྣམས་སུ་འབད་པས་སོ།། ཇི་ལྟར་རིགས་པར་མདོག་ཀུན་དང་།། སངས་རྒྱས་གཟུགས་སུ་རྣམ་བསྒོམ་བྱ།། ཆོ་ག་ཤེས་པས་ཐམས་ཅད་དུ།། ཁྲོ་བོའི་མཆོག་གི་རྣམ་པར ་བསམ།། སྔགས་པས་འདོད་ཡོན་ལྔ་རྣམས་ཀྱིས།། སྔགས་ཀྱི་མཆོད་པ་ཡང་དག་བརྩམ།། མཁའ་ཁམས་རྡོ་རྗེ་སེམས་དཔས་ནི།། ཡོངས་སུ་གང་བར་བསྒོམ་པར་བྱ།། རྡོ་རྗེ་ཀུན་གྱི་ཁུ་སོགས་ཀྱིས།། ་མཆོད་པ་རུ་ནི་རྣམ་བསམ་བྱ།། དོན་མི་ཟ་བའི་དམ་ཚིག་ཅེས་བྱ་བ་བསམ་གཏན་གྱི་དཀྱིལ་འཁོར་རྫོགས་སོ།། ། དེ་ནས་ཕྱག་ན་རྡོ་རྗེ་སླར་ཡང་དེ་བཞིན་གཤེགས་པ་ཐམས་ཅད ་ཀྱི་དམ་ཚིག་འབྱུང་བ་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདོད་ཆགས་ཆེན་པོའི་ཆོས་ཞེས་བྱ་བ་དེ་བཞིན་གཤེགས་པའི་དཀྱིལ་འཁོར་འདི་གསུངས་པ། ཆོས། ་ཀྱི་དཀྱིལ་འཁོར་ཚུལ་གྱིས་ན།། ཐམས་ཅད་དེར་ནི་རྣམ་བསམ་བྱ།། ཆོ་ག་ཤེས་པས་ཤར་གྱི་ནི།། ཆོས་འཆང་འབར་བ་དགོད་པར་བྱ།། ལྷོ་རུ་ཡེ་ཤེས་ཆོས་ནི་དང་།། སྒོམ་པའི་བདག་ཉིད་ཅན་གྱིས་བསྒོམ། ་ནུབ་ཏུ་པདྨ་ལོངས་སྤྱོད་པ།། བྱང་དུ་ཆོས་ཀྱི་དབྱིངས་ལས་སྐྱེས།། ཇི་ལྟར་རིགས་པར་བསྒོམས་བྱས་ནས།། དབུས་སུ་ཆོས་ཀྱི་དབང་ཕྱུག་དགོད།། དཀར་པོའི་མདོག་ཏུ་རྣམ་བསྒོམས་ནས།། དབུས་སུ་དམར ་པོ་རྣམ་པར་སྒོམ།། ཚོགས་ཆོས་ཀྱི་དབང་ཕྱུག་མ།། གྲཝ་བཞི་རུ་ནི་བསྒོམ་པར་བྱ།། ཁྲོ་བོ་ཆེན་པོ་རྩཝ་ཞེས་པ།། སྒོ་རྣམས་ཉིད་དུ་རྣམ་པས་མ་བྱ།། ཆོས་ཀྱི་རྣལ་འབྱོར་ཐམས་ཅད་ལ།། འདོད་ཡོན་ལྔ་ཡིས་མཆོད ་པར་བྱ།། རྡོ་རྗེ་སེམས་དཔའ་ཡང་དག་བསྐྱེད།། གཞོགས་སུ་རྣམ་པར་བསྒོམ་པར་བྱ།། ཁུ་བ་ཉིད་ཀྱིས་ནམ་མཁའི་ཁམས།། རིན་ཆེན་གང་བར་རྣམ་བསམ་བྱ།། ཇི་ལྟར་རིགས་པར་ཆོས་ཀྱི་སྐུ།། དེ་ཉིད ་སྦྱོར་བས་མཆོད་པར་བྱ།། འདོད་ཆགས་ཀྱི་ཆོས་ཞེས་བྱ་བའི་བསམ་གཏན་ཆེན་པོའི་གསང་ཆེན་རྫོགས་སོ།། ། དེ་ནས་ཕྱག་ན་རྡོ་རྗེས་སླར་ཡང་དམ་ཚིག་ཐམས་ཅད་འབྱུང་བའི ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདོད་ཆགས་ཐམས་ཅད་ཀྱི་ཚུལ་ཞེས་བྱ་བའི་བསམ་གཏན་གྱི་དཀྱིལ་འཁོར་ཆེན་པོ་འདི་གསུངས་སོ།། སྐུ་ཡི་དཀྱིལ་འཁོར་ཚུལ་གྱིས་ནི། ་ཐམས་ཅད་དེར་ནི་རྣམ་བསམ་བྱ།། ཤར་དུ་དགྲ་རྣམས་ངེས་འཇོམས་པ།། སྣ་ཚོགས་མདོག་ཏུ་རྣམ་པསམ་བྱ།། ལྷོ་རུ་མེ་ཏོག་ཡང་དག་སྦྱོར།། ངོ་བོ་ཉིད་ཀྱིས་བསྒོམ་པར་བྱ།། ནུབ་ཏུ། ་ཡེ་ཤེས་ཡང་དག་དག། ཞི་བའི་གཟུགས་ནི་རྣམ་བསམ་བྱ།། བྱང་དུ་རྣམ་རྒྱལ་ཞེས་བྱ་ཡང་།། བརྩོན་པའི་བསམ་པས་བསྒོམ་པར་བྱ།། དབུས་སུ་འདོད་མཆོད་རང་དག་སྦྱོར།། རང་གི་གཟུགས་ཀྱི། ་སྒོམ་པ་ལས།། ཆོ་གས་འདོད་པའི་དབང་དྲུག་པར།། བསམ་བྱ་སེམས་དཔའི་བདག་ཉིད་ཅན།། ཆོ་ག་ཤེས་པས་པདྨའི་ཕྱག། གྲཝ་རྣམས་ཉིད་དུ་རྣམ་པསམ་བྱ།། འདོད་ཡོན་ཀུན་གྱིས་མཆོད་པ་ལ། ་མཆོད་པར་བྱས་ནས་མཆོད་པར་བྱ།། རྡོ་རྗེ་སེམས་དཔའ་དེ་ཕྱུང་ནས།། གཞོགས་སུ་རྣམ་པར་བསམ་པར་བྱ།། ཁུ་བ་འདོད་མཆོད་ཚུལ་གྱིས་ནི།། བསྐྱེད་ནས་ཁྱབ་བདག་མཆོད་པར་བྱ།། འདོད ་པའི་སློབ་དཔོན་གྱིས་བརྟག་བྱ།། མཆོད་པ་ལ་སོགས་ཡོངས་སུ་གཟུངས།། འདོད་ཆགས་ཐམས་ཅད་ཀྱི་དམ་ཚིག་བསམ་གཏན་གྱི་དཀྱིལ་འཁོར་ཆེན་པོ་རྫོགས་སོ།། ། ་འདི་ཉིད་ཀྱི་ནི་དཀྱིལ་འཁོར་དུ།། སངས་རྒྱས་སློང་དཔོན་རྟག་ཏུ་བྱ།། ཐམས་ཅད་དུ་ཡང་དཀྱིལ་འཁོར་དུ།། རྡོ་རྗེའི་སློབ་དཔོན་གྱིས་བསྒོམས་ནས།། འདོད་པའི་སློབ་དཔོན་ཅི་གསུངས་པས།། བྱའོ་དཀྱིལ ་འཁོར་གཞན་དུ་མིན།། དེ་ནས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་སྙིང་པོ་ཀུན་ཏུ་སྐུལ་བར་བྱེད་པའི་དེ་ཁོ་ན་ཉིད་བྱིན་གྱིས་རློབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས། ་བར་ཞུགས་ནས། གཙུག་ཏོར་ཐམས་ཅད་ཀྱི་སྙིང་པོ་བསྐུལ་བ་ཞེས་བྱ་བའི་བསམ་གཏན་གྱི་དཀྱིལ་འཁོར་འདི་གསུངས་སོ།། ཞོ་རུ་བྱས་པ་བསམས་ནས་ནི།། པདྨ་མཛེས་པ་སོགས་བརྒྱན་པ།། ཤེལ་དེ་ཡི ་ནི་དབུས་སུ་ནི།། ཐམས་ཅད་དུ་ནི་རྣམ་བསམ་བྱ།། ལོགས་བཞི་པ་ལ་གྲཝ་བཞི་པ།། སྒོ་བཞི་པར་ནི་རབ་ཏུ་བརྟག། ཆོས་ཀྱི་དཀྱིལ་འཁོར་དམ་པར་ནི།། དེ་ལ་དབུས་སུ་བསྒོམ་པར་བྱ།། སྔགས་པ་ཆོ་ག་ཤེས ་བས་དབུས།། འཁོར་ལོས་སྒྱུར་བ་དགོད་པར་བྱ།། ཆོ་ག་ཤེས་པས་རྣམ་སྣང་མཛད།། ཤར་ཉིད་དུ་ནི་རྣམ་བསྒོམ་བྱ།། ཆོ་ག་ཤེས་པས་བྱང་དུ་ནི།། གྱེན་འཕགས་ཞེས་བྱ་རྣམ་བསྒོམ་བྱ།། ལྷོ་རུ་དཔག་མེན ་ཞེས་བྱ་ནི།། བསམ་པ་བརྟན་པས་བསྒོམ་པར་བྱ།། ཇི་ལྟར་རིགས་པར་རུབ་ཏུ་ནི།། གཟི་བརྗིད་ཕུང་པོ་རྣམ་བསྒོམ་བྱ།། བཙུན་མོའི་རྣམ་པ་མཚུངས་པ་ཡི།། ཆོས་ཀྱི་གཟུགས་ནི་ཡང་དག་བསྐྱེད།། མཚན་མ་རྡོ་རྗེ ་སོགས་མཚན་ཉིད།། ཆོ་ག་ཡིས་ནི་དེ་རྣམས་སྦྱིན།། རིག་མ་ཆེན་མོ་སྤྱན་ལ་སོགས།། གྲཝ་རྣམས་ཀུན་ཏུ་བསམ་པར་བྱ།། གཞན་གྱིས་མི་ཐུབ་དྲི་བོ་ཆེ།། སྒོ་དང་སྒོར་ནི་རྣམ་བསྒོར་བྱ།། རྡོ་རྗེ་སེམས་དཔའ་ཡང་དག་དུང ་དེ་ཁོ་ཉིད་གང་སྦྱར་བར་བྱ།། ཡེ་ཤེས་སྦྱོར་བས་ཐམས་ཅད་ལ།། འདོད་ཡོན་ལྔ་ཡིས་མཆོད་པར་བྱ།། ཁུང་དེ་ལ་ཡང་དག་བསྐྱེད།། མཆོད་པར་བྱེད་པ་བསྐྱེད་པར་བཤད།། མཁའ་ཁམས་གཙུག་ཏོར་ཐམས་ཅད་ཀྱིས། ་འོངས་སུ་གང་པོར་རྣམ་བསྒོམ་བྱ། ག། གཙུག་ཅོར་གྱི་སྙིང་པོ་ཀུན་ཏུ་སྤྲུལ་བར་བྱེད་པའི་དཀྱིལ་འཁོར་རྫོགས་སོ། དེ་ནས་ཕྱག་ན་རྡོརྗེས་སླར་རང་འདོད་པའི་ཁམས་ཐམས་ཅད་མཉམ་པ། ་འཇུག་པ་འབྱུང་བར་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རིགས་ཐམས་ཅད་ཀྱི་ཐུན་མོང་གི་སེང་གེ་རྣམ་པར་རོལ་པ་ཞེས་བྱ་བའི་བསམ་གཏན ་དཀྱིལ་འཁོར་ཆེན་པོ་འདི་གསུངས་པ། ཆོ་ག་ཤེས་པས་སྣ་ཚོགས་མདོག། འོ་མ་དང་ཞོར་རྣམ་བསྒོམ་བྱ།། རིན་ཆེན་བཞི་ཡི་རང་བཞིན་དབུས།། རི་བོ་དེ་ལ་བསྒོམ་པར་བྱ།། ལོགས་བཞི་པ་ལ་གྲཝ་བཞི་པ།། སྐེ ་བཞི་པར་ནི་རབ་ཏུ་བརྟག། པདྨ་ཨུཏྤལ་ཀུན་ཏུ་བཀྲམ།། གཞོགས་རྣམས་སུ་ནི་རྣམ་པར་བསམ།། རིན་ཆེན་ཀུན་གྱི་གདན་དང་ནི།། རྟག་ཏུ་ཟླ་བའི་དཀྱིལ་འཁོར་ཉིད།། སངས་རྒྱས་སློབ་དཔོན་ཁྱད་པར ་གྱིས། བསམ་གཏན་བརྩོན་པས་སྦྱར་བར་བྱ།། སྔགས་པས་ཉི་མའི་དཀྱིལ་འཁོར་ཅན།། དེ་ཡི་དབུས་སུ་བསྒོམ་པར་བྱ།། མཐེའུ་ཆུང་མཐོ་ལས་འདས་པ་ལས།། སོར་བཞིའི་ངོས་དང་གྲཝ་རྣམས་སུ། ་ངོས་རྣམས་སུ་ནི་རྟག་ཏུ་བྱ།། བདུད་རྩི་ཞེས་ནི་བསྒོམ་པར་བྱ།། འབར་བའི་འཕྲེང་བ་ལ་སོགས་གང་།། མེ་སྡུག་མཆེ་གཙིགས་འཇིགས་པར་བྱེད།། སྔགས་པ་ཟླ་བའི་དཀྱིལ་འཁོར་ཅན།། གནས་ལྡརྣམ། ་སུ་རྣམ་བསྒོམ་བྱ།། དབུས་སུ་རྡོ་རྗེ་རལ་གྲི་ནི།། ཤིན་ཏུ་རྣམ་མཛེས་ཤིན་ཏུ་མཛེས།། འོད་ཟེར་འབར་བས་འཁྲུགས་ཤིང་འབར།། པདྨ་རཱ་ག་དབང་པོ་མཚུངས།། འོད་དཀར་འབར་བའི་འཕྲེང་བ་གསལ།། ་ཁ་དོག་དཀར་པོ་ཤིན་ཏུ་མཛེས།། རལ་པའི་ཅོད་པན་ཀུན་རྫོགས་པ།། སྣ་ཚོགས་རྒྱན་གྱིས་བརྒྱན་གྱུར་པ།། སངས་རྒྱས་སློབ་དཔོན་ཚེ་ག་ཡིས།། ཤར་ཕྱོགས་སུ་ནི་རྣམ་བསྐོརམ་བྱ།། རྡོ་རྗེ་སེམས་དཔའ་ཡང་། ་དབ་བསྐྱེད།། སྣ་ཚོགས་རིན་ཆེན་རྣམ་བརྒྱན་པ།། འབར་བའི་འཕྲེང་བས་འཁྲུགས་ཤིང་འདར།། ཨུཏྤལ་སྔོན་པོ་དང་མཚུངས་པ།། ལྷོ་རུ་རྟག་ཏུ་སློབ་དཔོན་གྱིས།། བསྒོམ་བྱ་གཞན་དུ་མི་སྒོམ་མོ།། ཆོས ་ཀྱི་རྡོ་རྗེ་ཡང་དག་བསྐྱེད།། པདྨ་རཱ་ག་མཚུངས་པའི་འོད།། མེ་ཏོག་ཆུན་པོ་དམར་ངོས་གང་།། ནུབ་ཕྱོགས་སུ་ནི་བསྒོམ་པར་བྱ།། འོད་ཟེར་འབར་བས་རྣམ་བརྒྱན་པའི།། འདོད་པའི་རྡོ་རྗེ་ཡང་དག་བསྐྱེད།། ་གསེར་དག་གི་ནི་ཡེ་ཤེས་རྫོགས།། བྱང་དུ་ཡང་ནི་བསྒོམ་པར་བྱ།། གྲཝ་རུ་ལྷ་མོ་རི་དབང་ཕྱུག། ཇི་ལྷའི་གནས་སུ་གནས་བསམ་བྱ།། བུད་མེད་མཚན་ཉིད་ཡོངས་རྫོགས་པ།། མི་མོའི་རྒྱན་གྱིས་ངརྒྱན ་གྱུར་པ།། ཆགས་དང་ཆགས་དྲལ་སྐད་ཅིག་མ།། སྔགས་པས་ཡིད་འོང་བསྒོམ་པར་བྱ།། སྒོ་ཡི་ཕྱོགས་རྣམས་ཐམས་ཅད་དུ།། རིག་མ་གཞན་གྱིས་མི་ཐུབ་མ།། གཡས་བརྐྱང་ཞབས་ཀྱིས་མནན་པ་ཡི།། འཇིག ་རྟེན་གསུམ་འཇིག་འཕྲོག་པ་མོ།། དེ་རྣམས་ཐམས་ཅད་རང་གཟུགས་སུ།། རྡོ་རྗེ་སེམས་དཔའ་རྣམས་བསྒོམ་བྱ།། སངས་རྒྱས་སློབ་དཔོན་དེ་རྟག་ཏུ།། འདོད་ཡོན་ལྔ་ཡི་མཆོག་རྣམས་ཀྱི།། འདུལ་བར་བྱེད་པ་རྟག་ཏུ ་བྱ་དེ་ལྟས་དབྱེས་འགྱུར་གཞན་དུ་མིན།། རང་གི་ཁུ་བ་ཡང་དག་བསྐྱེད།། མཆོད་པ་བསྐྱེད་པར་བཤད་པ་ཡིན།། གཟུགས་བརྙན་དེས་ནི་ནམ་མཁའི་དབྱིངས།། ཡོངས་སུ་གང་བར་རྣམ་བསྒོམ་བྱ།། དཔག ་བསམ་ལྗོན་ཤིང་རིན་ཆེན་ཆེ།། ཡིད་བཞིན་ནོར་བུ་ཤིན་ཏུ་མཛེས།། རིགས་ཀྱི་དབྱེ་བ་ཤེས་པ་ཡིས།། དེ་རྣམས་ཁ་དོག་རྣམ་བསྒོམ་བྱ།། ཇི་སྐད་གསུངས་པའི་གཟུགས་དེས་ནི།། དབང་བསྐུར་བ་ནི་གཟུང ་བར་བྱ།། ཆོ་ག་ཤེས་པས་དེ་ཡི་ཚེ།། བྱ་བ་བུམ་ནི་བསམ་པར་བྱ།། སངས་རྒྱས་གཟུགས་སོགས་ཐམས་ཅད་ཀྱིས།། མཆོད་བཞིན་པར་ནི་རྣམ་པར་བསམ།། ཡང་དག་སྦྱོར་བའི ་མཚན་ཉིད་འདིས།། ཤིན་ཏུ་དབང་བསྐུར་མཉམ་པ་ཅན།། སྐྱེ་བ་འདིར་ཉིད་སངས་རྒྱས་ཉིད།། ཐོབ་སྟེ་འདིར་ནི་ཐེ་ཚོམ་མེད།། རང་སྔགས་ཁྲོ་བོ་མཚུངས་པ་ཡི།། ཕན་པའི་སྦྱིན་པ་སྦྱིན་པར་བྱེད།། དེ་ནི ་དུས་ཡུན་མི་རིང་བས།། དངོས་གྲུང་སྐྱེ་བ་ལྟ་བུར་ཐོབ།། བློ་ལྡན་སངས་རྒྱས་སློབ་དཔོན་གྱི།། རྟག་ཏུ་དེ་ཡི་དམ་ཚིག་ནི།། གང་ཁོ་ན་ཡི་རིགས་འབྱུང་བ།། འབད་པ་ཡིས་ནི་འདི་ལྟར་འོས།། གཉིས་སུ ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན་པོར། བསམ་གཏན་ཆེན་པོའི་ལེའུ་སྟེ་བཅུ་གཅིག་པའོ།། ། དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་ནམ ་མཁའི་ཁམས་ཅད་ཡེ་ཤེས་ཀྱི་སྣང་བས་ཡང་དག་པར་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དམ་ཚིག་ཆེན་པོའི་དེ་ཁོ་ན་ཉིད་སྐྱེད་པར་བྱེད་པའི་སྔགས་འདི་གསུངས ་པ.ོཾ་སརྦ་ཏ~ཾ་ཐཱ་ག་ཏ་དཱ་ནོད་བྷ་བཱ་ཡ་སྭཱ་ཧཱ། སྔགས་འདི་གསུངས་མ་ཐག་ཏུ་སངས་རྒྱས་ཀྱི་ཞིང་གྲངས་མེད་པ་བརྗོད་མེད་པའི་ཡང་བརྗོད་དེ་དང་རྒྱ་སྟོང་དྲག་ག་ཤོས་ཤིང་རབ་ཏུ་གཡོས་སོ།། དེ་ནས་བཅོམ་ལྡན་འདས ་ཕྱག་ན་རྡོ་རྗེས་སླར་ཡང་ཀུན་ནས་ཀུན་ཏུ་སྣང་བའི་དམ་ཚིག་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་འདི་ལ་སྙོམས་པར་ཞུགས་ཏེ་སྔགས་འདི་གསུངས་སོ།། ཨོཾ་སཾ་གྲ་ཧ་ཛཱ་ནོད་བྷ་པཱ་ར་སྭཱ་ཧཱ། དེ་ཁོ་ན ་ཉིད་སྙིང་པོ་ཆེན་པོ་འདི་གསུངས་མ་ཐག་ཏུ། དེ་ནས་གང་ནམ་མཁའི་ཁམས་ཐམས་ཅད་འོད་ཟེར་འབར་བ་ཆེན་པོས་ཀུན་ཏུ་སྣང་ཞིང་ཡང་དག་པར་མཐོང་བར་གྱུར་ཏོ།། དེ་ནས་བཅོམ་ལྡན་འདས་ཕྱག་ན ་རྡོ་རྗེས་སླར་ཡང་རང་བཞིན་དག་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྔགས་འདི་གསུངས་སོ།། ཨོཾ་དྷརྨ་ཛྙཱ་ནོད་བྷ་བཱ་ཡ་སྭཱ་ཧཱ། བཅོམ་ལྡན་འདས་ཀྱིས་འདི་གསུངས་མ་ཐག་ཏུ་སངས ་རྒྱས་ཀྱི་ཞིང་གི་མཐར་ཐུག་པར་ཡེ་ཤེས་ཀྱི་རྗེས་སུ་འཐུན་པས་ཀུན་ཏུ་སྣང་བར་གྱུར་ཏོ།། དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་རང་བཞིན་གྱིས་དཔལ་ཀུན་ཏུ་འབྱུང་བ་ཡང་དག་པར་འབྱུང་བ་རྡོ་རྗེ་བྱིན ་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྔགས་འདི་གསུངས་སོ།། ཨོཾ་ཀཱ་མ་ཛྙཱ་ནོད་བྷ་བཱ་ཡ་སྭཱ་ཧཱ། དེ་བཞིན་ཉིད་དུ་ཀུན་ཤེས་ཕྱིར།། དེ་ཉིད་དུ་ནི་སྦྱར་བར་བྱ།། རང་གི་གཟུགས་ཀྱིས ་བཞག་ནས་ནི།། དེ་ཀུན་དེ་ལ་བསྒོམ་པར་བྱ།། བསྐྱེད་པ་ལ་སོགས་ཀུན་འབྱུང་བ།། རང་གི་སྔགས་ཉིད་ཀྱིས་ནི་བྱ།། མང་པོ་ཕན་ཚུན་ཡང་དག་སྦྱོར།། ཕྱག་རྒྱ་དེར་ནི་རྣམ་བསྒོམ་བྱ།། བློ་ལྡན་ཡེ་ཤེས་རིགས ་ལ་ནི། སེར་མོའི་རྣམ་པ་སྦྱོར་བར་བཤད།། རྡོ་རྗེའི་རྣམ་པས་ཀུན་སྦྱར་ནས།། རིན་ཆེན་རྣམ་པས་སྦྱར་བར་བྱ།། པདྨའི་རྣམ་པས་ཀུན་སྦྱར་ནས།། འདི་ནི་ཆོས་ཀྱི་རིགས་སུ་བརྗོད།། རྩེ་གསུམ་རྣམ་པའི ་དབྱེ་བ་ཡིས།། དེ་ཉིད་དུ་ནི་བཅིང་བར་བྱ།། བཅོམ་ལྡན་འདས་བྱང་ཆུབ་ཀྱི་སེམས་ཀྱིས་དེ་སྐད་ཅེས་གསུངས་སོ།། བསམ་གཏན་གྱི་དཀྱིལ་འཁོར་ཞེས་བྱ་བ་སེམས་དཔའ་ཆེན་པོ་སྐྱེད་པའི་བར་བྱེད ་པའི་ལེའུ་སྟེ་བཅུ་གཉིས་པ་རྫོགས་སོ།། ། དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་བསམ་པ་ཐམས་ཅད་ཡོངས་སུ་རྫོགས་པའི་དམ་ཚིས ་འབྱུང་བ་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམ་ཚིག་ཆེན་པོའི་དངོས་གྲུབ་ཀྱི་དཀྱིལ་འཁོར་ཆེན་པོ་འདི་གསུངས་སོ།། དེ་ནས་ཡང་དག་རབ་བཤད་བྱ། ་དཀྱིལ་འཁོར་ཆེན་པོ་དམ་པ་འདི།། རྡོ་རྗེ་ཡེ་ཤེས་ལྷ་དུ་སྟེ།། དངོས་གྲུབ་ཆེན་པོ་ཞེས་བཤད་དོ།། གསར་པ་ལེགས་པར་བཀལ་བ་ཡི།། ཚད་དང་ལྡན་པ་མཛེས་པ་ཡི།། ཐིག་གིས་མཁས་པས་ཅི་ནུས་ཀྱིས ་དཀྱིལ་འཁོར་ལ་ནི་ཐིག་གདབ་བོ།། གྲཝ་བཞི་པ་ལ་སྒོ་བཞི་པ།། རྟ་བབས་བཞི་ཡིས་བརྒྱན་པ་དང་།། ཐིག་བཞི་དང་ནི་ཡང་དག་ལྡན།། དར་དང་མེ་ཏོག་ཆུན་པོས་བརྒྱན།། གྲཝ་ཡི་ཆ་རྣམས་ཐམས་ཅད་དང་། ་སྒོ་ཁྱུད་ཀྱི་ནི་མཚམས་རྣམས་སུ།། རྡོ་རྗེ་རིན་ཆེན་གྱིས་སྤྲས་པར།། ཕྱི་ཡི་དཀྱིལ་འཁོར་ཐིག་གདབ་བོ།། རྟག་ཏུ་བསྡུས་པའི་ཆོ་ག་ཡིས།། རིམ་པ་གསུམ་ནི་བྱ་བ་ཡིན།། ཆོ་ག་ཤེས་པས་ཤར་དུ་ནི།། ་ཡེ་ཤེས་ཞེས་ནི་དགོད་པར་བྱ།། ལྷོར་ནི་འབད་པས་བསྡུས་པ་ཞེས།། བརྗོད་པ་རྟག་ཏུ་བྱ་བའོ།། ཆོ་ག་ཡིས་ནི་བྱང་ཕྱོགས་སུ།། ཆོས་ཀྱི་རིགས་ནི་རྟག་ཏུ་བྱ།། སྔགས་པས་འདོད་པ་ཀུན་རིགས་ལ། ་གསུམ་པ་རུ་ཡང་མཉམ་པར་དྲི།། ཤར་དུ་སངས་རྒྱས་བཅོམ་ལྡན་འདས།། རྒྱལ་བའི་གཙུག་གཏོར་གདུགས་དཀར་དང་།། རིག་མ་ཆེན་མོ་སྤྱན་དང་ནི།། མཛོད་བུ་ཡང་ནི་ཉེ་བར་རོ།། རྡོ་རྗེ་འཆང་གི་ལྷོ་རུ ་ནི། བདུད་རྩི་ཞེས་དང་སྟོབས་པོ་ཆེ།། རྡོ་རྗེ་ཁུ་ཚུར་མཱ་མ་ཀཱི།། ཉེ་བ་ཉིད་དུ་གཞག་པར་བྱ།། བཅོམ་ལྡན་འདས་ཀྱི་བྱང་དུ་ནི།། པདྨ་འཆང་བཞི་པ་བསྐྱེད།། ཁྲོ་གཉེར་རིམ་པར་ལྡན་པ་དང་།། རིག་མཆེན། ་མོ་དཀར་ཞེས་དང་།། ཁྲོ་གཉེར་ཅན་མའང་མཉམ་པར་བྲི།། ཆོ་ག་ཤེས་པས་དེ་དབུས་སུ།། རིག་མ་མི་ཐུབ་ཅན་མ་བྲི།། ཕྱག་རྒྱ་ཐམས་ཅད་ཉིད་དུ་ནི།། རྩེ་མོ་ལྔ་པ་རྣམ་བསྒོམ་བྱ།། དཀྱིལ་འཁོར་གསུམ ་པ་སློབ་དཔོན་གྱིས།། ཡང་ཏྲི་ཙྪ་ཡ་ས་སཱུ་ཏྲཾ་བྲི་བར་བྱ།། སྒོ་རྣམས་ཐམས་ཅད་ཉིད་དུ་ནི།། རྡོ་རྗེ་ལྕགས་སྒྲོག་ལ་སོགས་བྲི།། ཇི་ལྟར་རིགས་པ་ཕྱོགས་ཀུན་ཏུ།། འཇིག་རྟེན་སྐྱོང་བ་དགོད་པར་བྱ།། ་ཤར་ཕྱོགས་དབང་པོ་ལྷ་རྒྱལ་དང་།། འདོད་པ་སྤྱོད་པའི་ལྷ་རྣམས་དང་།། གནས་གཙང་མ་ཡང་དགོད་པར་བྱ།། མེ་ཕྱོགས་ཀུན་ཏུ་མེ་ཡི་ལྷ།། དྲང་སྲོང་ཆེན་པོ་ལྔ་མངོན་ཤེས།། ལྕེ་ཕྱོགས་ཡི་དགས ་རྣམས་ཀྱི་བདག། གཤིན་རྗེ་དང་ནི་མ་མོ་བདུན།། བདེན་བྲལ་ཕྱོགས་སུ་ཡི་དགས་ཀྱི།། དབང་པོ་དང་ནི་འབྱུང་པོ་ཀུན།། ནུབ་ཀྱི་ཕྱོགས་སུ་ཀླུ་ཡི་བདག། ཆུ་ལྷ་དང་ནི་ཀླུ་རྣམས་ཀུན།། རླུང་གི་ཕྱོགས ་སུ་རླུང་ལྷ་དང་།། རིག་པ་འཛིན་པ་ཐམས་ཅད་དང་།། བྱང་གི་ཕྱོགས་སུ་གནོད་སྦྱིན་བདག། ལུས་ངན་དང་ནི་གནོད་སྦྱིན་ཀུན།། དབང་ལྡན་ཕྱོགས་སུ་དབང་ཕྱུག་ནི།། འབྱུང་པོ་ཀུན་གྱི་བདག་པོ་དང་།། ཇི ་སྐད་གསུངས་པ་ཆོ་ག་ཡིས།། བུམ་པ་དགོད་དང་གདན་སོགས་བྱ།། ལྷ་རྣམས་ཀུན་གྱི་རྒྱལ་པོ་ནི།། དེར་ནི་དགོད་པར་བྱ་བ་ཡིན།། མཁས་པས་མེ་ཏོག་དྲི་སོགས་ཀྱིས།། མཆོད་པའི་ཆོ་ག་བྱས་ནས་ནི།། ་མཉེས་པའི་རིགས་པས་མཉེས་པར་བྱ།། དེ་ལྟར་དགེས་འགྱུར་གཞན་དུ་མིན།། འདིར་ནི་སྔོན་མཐར་དེ་རྣམས་ཀྱི།། ཉ་དང་ཆང་སོགས་རབ་སྦྱིན་བྱ།། ཆོ་ག་ཤེས་པས ་གསང་བའི་མཆོད།། སྒོ་བཞི་རྣམས་སུ་བརྟག་པར་བྱ།། ཁུ་བ་དེ་ནི་བཟུང་བྱས་ནས།། ཐམས་ཅད་དུ་ནི་དབུལ་བར་བྱ།། རིག་མའི་ཚུལ་གྱི་ཆོ་ག་ཡིས།། དེ་ནི་ཡང་ཡང་དགྱེས་པར་བྱ།། མཁས ་པས་དགའ་བའི་རྣམ་པ་ཡིས།། ཐོག་མར་གཏོར་མ་སྦྱིན་པར་བྱ།། ཆོ་ག་ཤེས་པས་འཕྲོག་མ་ཡི།། གཉིས་པ་རུ་ནི་ཡང་དག་གཟུང་།། སྔགས་པས་ཁྱད་པར་གསུམ་པ་རུ།། སངས་རྒྱས་རྣམས ་ཀྱི་སྦྱིན་པར་བྱ།། དེ་ཉིད་བརྗོད་པ་དེ་ཡིས་ནི།། གང་གསུངས་སྦྱིན་སྲེག་ལས་རྣམས་བྱ།། དེ་ཚེ་སློབ་མ་དབང་བསྐུར་བའི།། ག་ལས་རྣམས་སོ་སོར་བསྒྲུབ་པར་བྱ།། དེ་བཞིན་བསམ་པས་བུམ་པ་རུ།། ། ་རྡོ་རྗེ་སེམས་དཔའི་རབ་སྦྱོར་གྱིས།། ལྷག་མའི་སངས་རྒྱས་ཞེས་བྱ་བར།། དེ་ཉིད་རིགས་པར་ཡང་དག་བསྐྱེད།། རྟག་ཏུ་སངས་རྒྱས་སློབ་དཔོན་གྱིས།། དེ་ཡི་ཚུལ་ནི་སྨྲ་བར་བྱ།། སངས་རྒྱས་ཀུན ་གྱི་དམ་ཚིག་གང་།། ལམ་གསུམ་ལམ་ནི་འཇུག་བྱེད་པ།། དབང་བསྐུར་ཆེན་པོ་དེ་ཡི་ནི།། ནམ་མཁའ་ཇི་སྲིད་ཡང་དག་འབྱུང་།། ཁྱད་པར་དུ་ཡང་འདིར་སྨྲས་པ།། བདག་གི་ཡང་འདི་ཡང་དག་འབྱུང་། ་ཡིད་བཞིན་རིན་ཆེན་ནོར་བསྟེན་ནས།། དེ་ཉིད་འབྱུང་བས་འདིར་དབང་བསྐུར།། གཞན་ཡང་གལ་ཏེ་སེམས་ཅན་གང་།། མཐོང་བར་འགྱུར་ཞེས་བྱ་བ་ཉོན།། སྐྱེ་བ་བདུན་གྱི་ནང་དུ་ས།། ཐོབ་ཅིང་ཕྱག་འོས ་མཆོག་ཏུ་འགྱུར།། སངས་རྒྱས་སློབ་དཔོར་གང་ཉིད་དུ།། ཡེ་ཤེས་རྒྱ་མཚོ་གནས་པར་འགྱུར།། ཐུབ་ཆེན་དེ་ཉིད་ཤེས་པ་གང་།། རྟག་ཏུ་སངས་རྒྱས་མཆོད་བྱེད་པ།། སངས་རྒྱས་སློབ་དཔོན་ཅིག་སུང་། ་བའདེ་ཡི་རང་གི་སློབ་མ་དེའི།། དམ་ཚིག་ལྔ་པོ་བྱིན་ནས་ནི།། རབ་ཏུ་འབད་པས་སྨྲ་བར་བྱ།། སངས་རྒྱས་ཀུན་གྱི་དམ་ཚིག་ཚེ།། དཀྱིལ་འཁོར་དེ་ཉིད་ཤེས་དཀྱིལ་འཁོར།། སྦུབ་པོ་རྣམས་ཀྱིས་ཅི་འདྲ ་དེར་ཡིད་བཞིན་ནོར་བུ་ལྟ་བུར་དྲང་།། དམ་ཚིག་ཆེན་པོའི་དཀྱིལ་འཁོར་རྫོགས་སོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་སླར་ཡང་དེ་བཞིན་གཤེགས་པ་ཐམས་ཅད ་ཀྱི་ཐུགས་ལ་བཞུགས་སོ།། དེ་ནས་བཅོམ་ལྡན་འདས་རྣམ་པར་སྣང་མཛད་ནམ་མཁའི་ཁམས་ཐམས་ཅད་དུ་སྤྲོ་བའི་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ་སྙོམས་པར་ཞུགས་མ་ཐག་ཏུ་བཅོམ་ལྡན་འདས་དེ། བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ་ནམ་མཁའི་ཁམས་ཐམས་ཅད་དུ་སེམས་ཀྱིས་གང་བར་བྱས་ནས། དེ་བཞིན་གཤེགས་པ་ཐམས ་ཅད་ཀྱི་སྐུ་དང་། གསུང་དང་། ཐུགས་ཀྱིས་བཅོམ་ལྡན་འདས་རྣམ་པར་སྣང་མཛད་ལ་རབ་ཏུ་སྩལ་ཏོ།། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་དེ་བཞིན་གཤེགས་པ་ཐམས་ཅད་ཀྱི་དམ ་ཚིག་སྒྲུབ་པའི་མཆོག་ཅེས་བྱ་བ་རིག་མའི་ཚུལ་ལ་སོགས་པའི་ལས་ཅན་གསུངས་པ། ཁྲུ་ནི་སུམ་ཅུའི་ཁྱོན་ཙམ་དུ།། ཀུན་ནས་ཡོངས་སུ་ཟླུམ་པོར་ནི།། ཨིནྡྲ་ནཱི་ལ་མཚུངས་པའི་འོད།། འོད་ཟེར་འབར ་བདེ་བྱུང་ནས།། ནམ་མཁའ་རུ་ནི་འདི་བྱས་པ།། བསམ་གཏན་སྦྱོར་བས་བསམ་པར་བྱ།། འཛམ་བུའི་གླིང་ནི་ཐམས་ཅད་དུ།། འོ་མ་དང་ཞོས་ཀུན་ཏུ་འཁྲུགས།། ཤིང་རྟའི་འཁོར ་ལོའི་ཚད་ཀྱིས་ནི།། པདྨས་གཡོགས་པ་རྣམ་བསྒོམ་བྱ།། ཁྲོ་བོ་ཆེན་པོ་གཤིན་རྗེ་གཤེད།། དྲག་ཏུ་རྒོད་པ་ཆེན་པོ་སོགས།། རྟག་ཏུ་དེ་ཡི་དཀྱིལ་འཁོར་གྱི།། དེ་ཡི་གཟུགས་ནི་རྣམ་བསྒོམས་ནས།། ཁྲོ་ཆེན་ཁྲོ ་གཉེར་རིམ་པར་ལྡན།། འབར་བའི་འཕྲེང་བ་འཁྲུགས་པའི་འོད།། ཇི་ལྟར་རིགས་པར་ཀུན་བསྐྱེད་ནས།། སྒོམ་པར་བྱེད་པ་དེ་དེར་བཤད།། ཁྲོ་བོ་ཆེན་པོ་དབྱུག་པ་སྔོ།། འཇིག་རྟེན་གསུམ་འཇིག་འཕྲོག་བྱེད ་པ། སངས་རྒྱས་ཀུན་གྱི་ཡེ་ཤེས་སུ།། འཇོམས་པ་པོ་ནི་རབ་ཏུ་གནས།། ཇི་སྐད་གསུངས་པའི་གཟུགས་གསུམ་གྱིས།། ནམ་མཁའི་ཁམས་ནི་ཀུན་ཏུ་གང་།། ཡི་གེའི་གཟུགས་ནི་ཀུན་བསྐྱེད་ནས།། བདག ་ཉིད་སྙིང་ཁར་རྣམ་བསམ་བྱ།། སྙིང་ཁའི་གཟུགས་ནི་དེ་རྣམས་སུ།། ལྷ་ཡི་རྣམ་པར་སྒོམ་པར་བྱེད།། སླར་ནི་སྔགས་པས་བསྡུ་བར་བྱ།། དེ་ཉིད་ལ་ནི་གཞུག་པར་བྱ།། ཆོ་ག་ཤེས་པས་བསྐལ་པའི་མེར ་བསམས་ནས་བསམ་གཏན་ཡང་དག་བརྩམ།། ཟླ་འོད་ལྟ་བུར་འབྲར་བ་ནི།། བཙུན་མོ་རྟག་ཏུ་བསྒོམ་པར་བྱ།། ལྷ་ཉིད་ཡང་དགྲ་བསྐྱེད་ནས་ནི།། དེ་ཡི་དབུས་སུ་རྣམ་བསྒོམ་བྱ།། རང་གཟུགས་སྙིང་ཁར ་བསམས་ནས་ནི།། དེ་ཡི་དབུས་སུ་རྣམ་བསྒོམ་བྱ།། རང་གཟུགས་སྙིང་ཁར་བསམས་ནས་ནི།། ཧ་ཡིག་ཏུ་ནི་རྣམ་བསྒོམ་བྱ།། འདི་དེ་སྔགས་རྣམས་ཐམས་ཅད་ཀྱི།། བསམ་པ་ཐམས་ཅད་ཡོངས་རྫོགས་བྱེད།། ་འདི་ནི་དང་པོའི་བསམ་གཏན་བརྗོད།། རབ་ཏུ་འབད་པས་བསྒོམ་པར་བྱ།། རྟག་ཏུ་རིགས་ཀྱི་བདག་པོ་ཡིས།། བསྐལ་པར་བསྲེགས་པར་རྣམ་བསྒོམས་ནས།། སྔགས་པས་དེ་ཡི་རྣམ་པ་དེ།། བསམ་གཏན ་བརྩོན་པས་བསྒོམ་པར་བྱ།། སངས་རྒྱས་གཟུགས་ཀྱིས་རབ་སྦྱོར་གྱིས།། ཟླ་བའི་དཀྱིལ་འཁོར་སྒོམ་པ་ནི།། རང་གི་གཟུགས་ཀྱིས་ཀུན་བསྐྱེད་ནས།། བ་སྤུའི་ཁུང་བུ་འདི་སྤྲོ་བྱ།། ཇི་སྐད་གསུངས་པའི ་གཟུགས་གསུམ་གྱིས།། ནམ་མཁའི་ཁམས་ནི་ཀུན་ཏུ་བཀང་།། འོད་ཟེར་ལྔ་ཡི་རབ་སྦྱོར་གྱིས།། རང་ལུས་སུ་ནི་རབ་གཞུག་བྱ།། རིག་མའི་རྒྱལ་མོ་སོགས་སྦྱོར་བས།། དེ་རྣམས་ཐམས་ཅད་ཡོངས་བརྟག ་བྱ་སངས་རྒྱས་ཀུན་གྱིས་མཁའ་ཁམས་ནི།། ཡོངས་སུ་གང་བར་རྣམ་བསྒོམ་བྱ།། རང་ལུས་སུ་ནི་རྣམ་བསྒོམས་ནས།། ཐམས་ཅད་དེར་ནི་རབ་གཞུག་བྱ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ ་བའི་རྟོག་པའི་རྒྱལ་པོ་ཆེན་པོར། རིག་མའི་ཚུལ་ལ་སོགས་པའི་ལས་ཅན་གྱི་ལེའུ་སྟེ་བཅུ་གསུམ་པ་རྫོགས་སོ།། །། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས ་གསང་སྔགས་ཐམས་ཅད་ཀྱི་གསང་ཆེན་རིག་མའི་ཚུལ་གྱི་ལས་གསུངས་པ།། ནམ་མཁའི་ཁམས་ཀྱི་དབུས་གནས་པར།། དཀྱིལ་འཁོར་ཆེན་པོ་མཆོག་གྱུར་པ།། དཔག་ཚད་ཀྱི་ནི་གྲངས་ཀྱི་ཁྱོན།། ཀུན། ་ནས་ཡོངས་སུ་ཟླུམ་པོར་ནི།། གསལ་བ་གསལ་བར་མཚུངས་བསམས་ནས།། དབུས་སུ་བདག་ཉིད་རྣམ་བསམ་བྱ།། འབད་པས་གནས་ལྔ་རྣམས་སུ་ནི།། རྣམ་སྣང་མཛད་ཆེན་གཟུགས་བསམས་ནས།། ་ཉི་མའི་དཀྱིལ་འཁོར་དབུས་གནས་པར།། དེ་རྣམས་ཐམས་ཅད་ཡོངས་བརྟག་བྱ།། སྙིང་ཁར་རྡོ་རྗེ་སེམས་དཔའ་ནི།། ཡང་དག་བསྐྱེད་ནས་རྣབ་བསྒོམ་བྱ།། ཆོག་ཤེས་པས་ཉི་རྣམ་པར།། ་ནམ་མཁའི་ཁམས་ནི་གང་བར་བྱེད།། ལྷ་ལ་སོགས་པའི་སྦྱོར་བ་ཡིས།། སླར་ཡང་དེ་ནི་རབ་གཞུག་བྱ།། དེ་ཉིད་ཚུལ་ནི་དགེ་བ་འདི།། རིགས་ཀྱི་དབྱེ་བས་རྟོགས་པར་བྱ།། གཞན་དུ་གསང་བའི་བསམ་གཏན།། ་ནི། རྣམ་པར་སྤངས་པས་འགྲུབ་མི་འགྱུར།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར། རིག་མའི་ལས་ཀྱི་ལེའུ་སྟེ་བཅུ་བཞི་པ་རྫོགས་སོ།། ་དེ་ནས་བཅོམ་ལྡན་འདས་རྣམ་པར་སྡང་མཛད་ལྷ་ཐམས་ཅད་ཀྱི་དེ་ཁོ་ན་ཉིད་ཀྱི་ཚུལ་བཟླས་པའི་ཆོ་ག་སྟོན་པར་མཛད་དོ།། ནམ་མཁར་འབྲུ་ནི་སྟོན་པར་རམ།། གང་དུ་སེམས་ནི་རབ་དགྱེས་བྱེད།། དབང་ཆེན ་དཀྱིལ་འཁོར་བསམས་ནས་ནི།། རང་གི་དཀྱིལ་འཁོར་མཆོད་བསྒོམ་བྱ།། མེ་ཏོག་བཟང་པོ་དེ་དབུས་སུ།། དེ་ཉིད་སྦྱོར་བས་བསྒོམ་པར་བྱ།། རང་གཟུགས་ཕྱག་རྒྱ་ཆེན་པོ་ནི།། བསྒོམ་བྱ་གཞན་དུ་བརྩོན་མི ་བྱ་སྙིང་ཁའི་དབུས་སོན་ཕྲ་མོ་ནི།། དྲི་མེད་ཡེ་ཤེས་དཀྱིལ་འཁོར་ནི།། གསལ་བ་འོད་དཀར་འབར་ལ་སོགས།། ཆུ་ཡི་རྣམ་པར་དགོད་པར་བྱ།། དེ་ལ་སྔགས་ཀྱི་ཡི་གེའི་ཚིག། དང་པོ་གསང་བ་རྣམ ་བསྒོམ་བྱ།། རྩེ་མོ་ལྔ་པ་རྣམ་བསྒོམས་ནས།། སླར་ཡང་དེ་ཉིད་ལ་སྦྱར་བྱ།། བློ་དང་ལྡན་པས་གནས་ལྔ་རུ།། གཟུགས་བརྙན་ཡང་ནི་ཡང་དག་བསྐྱེད།། དེ་ཉིད་ཡི་གེའི་ཚུལ་མཐུན་པས།། བསམ་གཏན ་འབྱུང་བ་བསྒོམ་པར་བྱ།། ཆོ་ག་ཤེས་པས་ཡིག་རྣམས་ཀྱིས།། འཕྲེང་བ་བསྐྱེད་ནས་བསྒོམ་པར་བྱ།། ནས་ཀྱི་ཚད་འདི་ཐམས་ཅད་དུ།། བསམ་གཏན་འབྱུང་བ་བསྒོམ་པར་བྱ།། རབ་ཏུ་འབད་པས ་འོག་དེར་ནི།། རྟག་ཏུ་ནམ་མཁའ་གང་བར་བྱ།། དེ་ཉིད་སངས་རྒྱས་ཐམས་ཅད་ཀྱི།། གང་ང་དེ་ལ་གྲགས་པ་ཡིན།། ཡི་གེ་གཅིག་གི་གསང་སྔགས་ཀྱི།། རང་གཟུགས་རྣམ་པར་བསྒོམ་པར་བྱ།། རིགས་ཀྱི ་བདག་པོ་འབྱུང་བ་ནི།། ཡི་གེ་གསུམ་གྱིས་རྟག་ཤེས་བྱ།། ཡི་གེ་ལྔ་ལ་སོགས་བཟུང་བས།། ཇི་སྲིད་ཡི་ག་འབྱུང་བའོ།། འོད་དཀར་འབར་བའི་འཕྲེང་བ་སོགས།། འབར་བའི་འཕྲེང་བ་མཉམ་པའི་འོད། ་རིགས་ཀྱི་དབྱེ་བས་ལས་རྣམས་ཀྱི།། ཐོག་མ་ཐ་མ་འདི་བྱའོ།། ཨུཏྤལ་སྔོན་པོའི་འདབ་རྣམ་པར།། ཨིནྡྲ་ནཱི་ལ་མཚུངས་པའི་འོད།། འོད་ཟེར་འབར་འཁྲུགས་གཙོ་བོའི་ཡུམ།། ཡིད་ཀྱི་བསམས་པས་འགྲུབ ་པར་གྱུར།། པདྨ་རཱ་ག་དབང་མདོག་འོད།། དམར་པོ་འབར་བ་མཚུངས་པའི་འོད།། འཇིག་རྟེན་ཁམས་ནི་ཀུན་ནས་སུ།། ཆོ་ག་ཤེས་པས་སྣང་བར་བྱ།། གེ་སར་སེར་པོ་དང་མཚུངས་པ།། སེར་པོ་འོད་ཟེར་འབར ་ལ་སོགས།། སྒོམ་པའི་གོ་འཕང་གིས་བསྒོམ་བྱ།། ཐེ་ཙོམ་མེད་པར་བསྒྲུབ་པར་བྱ།། དེ་ཉིད་འབྱུང་བ་གང་གསུངས་པ།། རང་གཟུགས་ཡང་དག་བསྐྱེད་ནས་ནི།། སྙིང་ཁར་མེ་ཏོག་བསམས་ནས་ནི།། དཀྱིལ ་འཁོར་དེ་ལ་བསྒོམ་པར་བྱ།། ཆོ་ག་ཤེས་པས་དེའི་སྟེང་དུ།། སྙིང་པོ་ཕྱག་རྒྱ་རྣམ་བསྒོམ་བྱ།། ཇི་ལྷའི་གོ་འཕང་ཀུན་བསྐྱེད་ནས།། ཡེ་ཤེས་དེ་ཉིད་རྣམ་བསྒོམ་བྱ།། བྷ་གར་ཨ་ཡིག་ངེས་ཕྱུང་ནས།། སངས་རྒྱས ་མཆོད་པ་ལ་སོགས་བྱ།། འཇིག་རྟེན་ཁམས་ནི་ཀུན་ནས་སུ།། ཆོག་ཤེས་པས་སྤྲོ་བར་བྱ།། ཐོག་མ་པར་དང་ཐ་མར་ནི།། སླར་ཡང་བསྡུ་བར་བསམ་པར་བྱ།། ཟླ་འོད་ལྟ་བུར་ཡང་དག ་སྦྱོར་རང་ལུས་སུ་ཡང་བསྒོམ་པར་བྱ།། འདི་ནི་དེ་ཉིད་ཚུལ་དགེ་བ།། རིགས་གསུམ་དུ་ཡང་རྟོག་པར་བྱ།། བྱ་དང་བྱེད་པ་ཡང་དག་སྦྱོར།། སྐེམང་དེ་ནི་འགྲུབ་པར་བྱེད།། སེམས་ཀྱི་ཀུན་སྦྱོར་མཚན་ཉིད་ཀྱི།། ་གྲལ་ཏེ་ཆགས་ལ་ཆགས་པར་འགྱུར།། བསམ་གཏན་འདུས་ལ་རང་ཞུགས་ནས།། དེ་ལ་གཞུགས་པར་བསྒོམ་པར་བྱ།། འདི་དེ་སངས་རྒྱས་ཐམས་ཅད་ཀྱི།། སྐུ་གསུང་ཐུགས་ཀྱི་སྒྲུབ་པའོ།། སྒྲུབ་པོ་རྣམ ་ཀྱི་དེ་ཉིད་འདི།། དངོས་གྲུབ་སྒྲུབ་ལ་དམ་ཚིག་མཆོག། སངས་རྒྱས་གཟུགས་སུ་རྣམ་བསྒོམས་ནས།། རལ་པའི་ཅོད་པན་འཛིན་བཞིན་པ།། སངས་རྒྱས་སློབ་དཔོན་ཡང་དག་བསྐྱེད།། སྙིང་ཁར་དེ་ནི་དགོད ་པར་བྱ།། དྲག་སྔགས་མཆོག་གི་ཕྱག་རྒྱ་ནི།། བསམས་ནས་དེ་ཡི་སྙིང་ཁར་དགོད།། འཐུང་དང་ཟ་བའི་དུས་རྣམས་སུ།། ཉེ་བར་ལོངས་སྤྱོད་བྱེད་རྣམས་སུའང་།། དྲི་དང་གཟུགས་སོགས་བྱ་བ་རྣམས།། ་འདི་ནི་དེ་ཁོ་ན་ཉིད་བརྗོད།། ལྷ་སྦྱོར་སངས་རྒྱས་སློབ་དཔོན་གྱི།། རང་གི་བདེ་བརྟག་ཏུ་ནི།། ཆོ་ག་ཤེས་པས་དབུལ་བར་བྱ།། གཞན་དུ་འགྲུབ་པར་མི་བྱེད་ཉིད།། འདི་ནི་སྔགས་རྣམས་ཐམས་ཅད་ཀྱི། ་བསམ་པ་ཐམས་ཅད་ཡོངས་རྫོགས་བྱེད།། ཡེ་ཤེས་རྣམས་ནི་ཀུན་གྱིས་གསང་།། སྔགས་ཀྱི་དངོས་གྲུབ་བྱེད་དེ་ཉིད།། རང་གཞན་སེམས་ཅན་ཐམས་ཅད་ཀྱི།། འཆི་བདེ་བཞིན་འཕྲོག་པར་བྱེད།། དེ་བཞིན་རང ་གཟུགས་བསམས་ལ་སོགས།། བསྙེན་དང་ཡོན་རྣམས་ཀུན་དང་ལྡན།། འདི་དེ་སངས་རྒྱས་ཐམས་ཅད་ཀྱི།། སངས་རྒྱས་ཡེ་ཤེས་རབ་སྒྲུབ་པའོ།། རྡོ་རྗེ་སེམས་དཔའ་རངབ་སྒྲུབ་པས།། རྡོ་རྗེ་ཡེ་ཤེས་སྤྲུལ་པའོ།། ་གནས་བཞི་རྣམས་ཀྱི་ཀུན་སྦྱོར་གྱིས།། ལྷ་ཡི་སྦྱོར་བ་མཚུངས་པ་ལ།། ཆོ་ག་ཤེས་པས་གཟུང་བར་བྱ།། རིག་པ་འཛིན་པར་དེ་བརྗོད་བྱ།། འདི་དེ་སངས་རྒྱས་ཐམས་ཅད་ཀྱི།། དེ་ཉིད་བྱ་བ་དྲི་མེད་བཟང་།། དེ ་ཡི་སྔགས་ཀྱི་སྐུ་བྱེད་པ།། བསྡུས་པ་ཡིས་ནི་བསྒོམ་པར་བྱ།། ཐུན་བཞིར་བསམ་གཏན་འདི་ཉིད་ནི།། དེ་ཉིད་དམ་ཚིག་གར་མཁན་ནོ།། ཐམས་ཅད་དུ་ནི་རིགས་དབྱེ་བ།། བསྡུས་པ་ཡིས་ནི་བསྒོམ་པར ་བྱང་སངས་རྒྱས་གཟུགས་ནི་རྣམ་བསྒོམས་ནས།། འཁོར་ལོ་དེ་ཡིས་རྣམ་བསྒོམ་བྱ།། རང་ལག་ཏུ་ནི་ཡང་དག་བསྐྱེད།། ཇི་སྲིད་སྲོག་དེ་གཏང་མི་བྱ།། རྡོར་སེམས་ལ་སོགས་སྒོམ་བྱེད་པ།། བསྡུས ་པ་ཡིས་ནི་རིགས་གསུམ་དུའམ།། རྡོ་རྗེ་སེམས་དཔའ་བྱིན་གྱིས་རླབས།། སྒྲུབ་པོས་རྟག་ཏུ་བསྒྲུབ་པར་བྱ།། འདི་དེ་སངས་རྒྱས་ཐམས་ཅད་ཀྱི།། དངོས་གྲུབ་ཐམས་ཅད་རབ་བསྒྲུབ་པའོ།། སྔགས་རྣམ ་ཀུན་གྱིས་མཉེས་པ་དང་།། དངོས་གྲུབ་དམ་ཚིག་སྟོན་པ་པོ།། དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་ཡིད་བཞིན་གྱི་ནོར་བུའི་དམ་ཚིག་རྡོ་རྗེ་ཞེས་བྱ་བའི་ཏིང ་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་འབྱུང་བའི་རྡོ་རྗེ་ཞེས་བྱ་བའི་དཀྱིལ་འཁོར་འདི་སྟོན་པར་མཛད་དོ།། དམ་ཚིག་དཀྱིལ་འཁོར་དུ་གསུངས་པ།། གང་དེ་ཐམས ་ཅད་ཉིད་བྱ་སྟེ།། ཤར་དུ་རང་གི་ཕྱག་རྒྱ་ཡིས།། མི་བསྐྱོད་པ་ནི་དགོད་པར་བྱ།། ལྷོ་རུ་དེ་ལ་ཆོ་ག་ལས།། རིན་ཆེན་འབྱུང་ལྡན་བྲི་བར་བྱ།། ཆོ་ག་ཤེས་པས་ནུབ་ཏུ་ནི།། འོད་དཔག ་མེད་ནི་མཉམ་པར་བྲི།། ཆོ་ག་ཤེས་པས་བྱང་ཕྱོགས་སུ།། དོན་ཡོད་གྲུབ་པ་མཉམ་པར་བྲི།། དབུས་སུ་རྟག་ཏུ་བསྡུས་པ་ཡིས།། སངས་རྒྱས་སློབ་དཔོན་ཀུན་ཏུ་བྲི།། རྩེ་མོ་ལྔ་པའི་རྡོ་རྗེ་ཆེ།། འབར་བའི ་འཕྲེང་བས་རྣམ་བརྒྱན་པ།། རྣམ་ཀུན་སངས་རྒྱས་སློབ་དཔོན་གྱིས།། རབ་ཏུ་འབད་པས་བསྒྲུབ་པར་བྱ།། ཕྱག་རྒྱ་རྣམས་ནི་ཐམས་ཅད་དུ།། ཨུཏྤལ་སྔོན་པོ་མཚུངས་པའི་འོད།། རྩེ་མོ་བཅུ་གཅིག་ཆེན་པོ་ཡི།། ་རྡོརྗེའི་རྣམ་པ་ཀུན་ཏུ་བྲི།། ཟླ་བའི་དཀྱིལ་འཁོར་དབུས་གནས་པར།། ཕྱག་རྒྱ་ཐམས་ཅད་ཀུན་ཏུ་བྲི།། མཁས་པས་ཕྱག་རྒྱ་ཆེན་པོ་ནི།། འཁོར་ལོས་སྒྱུར་བ་ཞེས་བཤད་དོ།། སྙིང་པོའི་དཀྱིལ་འཁོར་གྲཝ ་རྣམས་སུ།། པདྨ་དང་ནི་ཨུཏྤལ་བྲི།། རིན་ཆེན་བཞི་ཡི་ཁ་དོག་ཏུ།། དེ་རྣམས་དབུས་སུ་མཉམ་པར་བྲི།། འདོད་པས་ལྷ་རྣམས་ཐམས་ཅད་ཀྱི།། ལྷ་གཞན་དེ་ནི་ཡང་དག་འབྱུང་།། སྒོ་རུ་བདུད་རྩི་འབྱུང་བ་དང་། ་མཐུན་པ་རུ་ནི་མཉམ་པར་བྲི།། དཀར་པོ་ནག་པོ་དེ་བཞིན་དམར།། སེར་པོ་ལྗང་ཁྲུ་ཉིད་དང་ནི།། རྟག་ཏུ་བསམ་གཏན་གདན་ལ་གནས།། དེ་ལ་དགོད་པར་བྱ་བ་ཡིན།། ཆོ་ག་ཤེས་པས་དེ་རེ་རེར།། འཇོམས ་བྱེད་བདག་ཉིད་ཅན་གྱིས་གཞོམ།། དེ་ལ་རྟག་ཏུ་གསང་བའི་མཆོད།། སྒོ་བཞི་རུ་ནི་རབ་ཏུ་བརྩམ།། སློབ་མས་མ་དང་ཆུང་མ་མཆོག། སྲིང་མོ་དང་ནི་བུ་མོ་བྲི།། ཆོག་ཤེས་པས་ལོངས་སྤྱད་བྱ།། དཀྱིལ་འཁོར། ་དེ་ཡི་དབུས་སུ་ནི།། རྒྱལ་བྱེད་རྒྱལ་བའི་རིགས་དེ་ལ།། ཕྱག་རྒྱ་དགོད་པར་རབ་ཏུ་གྲགས།། ཛིཿ། རྡོ་རྗེ་ཆེན་པོའི་རིགས་མཆོག་ལ།། ཛཿཡིག་རྣམ་པར་རྟག་ཏུ་བྱ།། ཛཿཕྱག་ན་པདྨའི་རིགས་བྱུང་ལ།། ཨཿ ་ཡིག་དག་ནི་རྟག་ཏུ་བྱ།། ཨཱཿའདོད་པའི་རིགས་ཀྱི་ཆོ་ག་ལས།། ཇི་ལྟར་རིགས་པའི་ཨཱཿཡིག་གོ།། ཨཱཿདེ་བཞིན་གཤེགས་པ་ཐམས་ཅད་འབྱུང་བའི་རྡོ་རྗེ་ཞེས་བྱ་བའི་དཀྱིལ་འཁོར་ཆེན་པོ་རྫོགས་སོ།། ་དེ་ནས་བཅོམ་ལྡན་འདས་སྒྲུབ་པ་དང་ཉེ་བའི་སྒྲུབ་པ་སྟོན་པར་མཛད་དོ།། ཉ་ཆང་བཟའ་བའི་གསང་མཆོད་སོགས།། མངོན་དགྱེས་གྱུར་ནས་གང་དུ་སེམས།། སེམས ་ཅན་མི་ལྡན་གནས་པར་བྱེད།། དེ་ལ་དམ་ཚིག་ཆེན་པོ་ཡི།། རྣལ་འབྱོར་བརྩམ་པར་བྱ་བ་སྟེ།། དེ་ཡི་སངས་རྒྱས་སོགས་དངོས་གྲུབ།། ཟླ་བ་གཅིག་གིས་དེ་མཐར་ཕྱིན།། ཡེ་ཤེས་འཁོར་ལོས་བསྐུལ ་བ་ཡིས།། དེ་ཚེ་དེ་བཞིན་འགྲུབ་པར་འགྱུར།། ཐོག་མར་ཟླ་བ་གསུམ་དུ་ནི།། དང་པོའི་རྣལ་འབྱོར་བརྩམ་པར་བྱ།། ཕྱག་ན་རྡོ་རྗེའི་རིགས་འབྱུང་ལ།། འདིར་ནི་སྔགས་ཆེན་བསྒྲུབ་པར་བྱ།། དེ་ནས་བཅོམ ་ལྡན་འདས་ཡེ་ཤེས་ཀྱི་རིགས་ལ་སོགས་པ་རྣམས་ཀྱིས་དངོས་གྲུབ་ཀྱི་དམ་ཚིག་རིན་པོ་ཆེ་འཆང་བར་བྱེད་པ་གསུངས་པ། རྣམ་པར་སྣང་མཛད་ཅེས་གཟུགས་སུ།། དེ་རུ་བདག་ཉིད་ཡང་དག་བསྐྱེད།། ་རང་སྔགས་ཙཀྲྀ་ཞེས་བརྗོད་ན།། འཁོར་ལོའི་རིག་པ་འཛིན་པར་འགྱུར།། རྣམ་པར་སྣང་མཛད་ཅེས་པར་བཤད།། དེར་ནི་བདག་ཉིད་ཡང་དག་བསྐྱེད།། རང་སྔགས་ཁཌྒ་ཞེས་བརྗོད་ན།། རལ་གྲིའི་རིག ་པ་འཛིན་པར་འགྱུར།། རང་ཉིད་རྣམ་པར་སྣང་མཛད་ཅེས།། དེར་ནི་བདག་ཉིད་ཡང་དག་བསྐྱེད།། རང་སྔགས་པདྨེ་ཞེས་བརྗོད་ན།། པདྨའི་རིགས་པ་འཛིན་པར་འགྱུར།། རང ་ཉིད་རྣམ་པར་སྣང་མཛད་ཅེས།། དེར་ནི་བདག་ཉིད་ཡང་དག་བསྐྱེད།། རང་སྔགས་ཏྲི་ཤཱུ་ལཾ་ཞེས་བརྗོད།། རྩེ་གསུམ་རིག་པ་འཛིན་པར་འགྱུར།། རྣམ་པར་སྣང་མཛད་ཅེས་བཤད་པར།། དེར་ནི་བདག ་ཉིད་ཡང་དག་བསྐྱེད།། རང་སྔགས་བཛྲ་ཞེས་བརྗོད་ན།། རྡོ་རྗེའི་རིག་པ་འཛིན་པར་འགྱུར།། རང་སྔགས་རྣམ་པར་སྣང་མཛད་ཅེས།། དེར་ནི་བདག་ཉིད་ཡང་དག་བསྐྱེད།། རང་སྔགས་ཨཾ་ཀུ་ཤཾ་བྱས ་ན་ལྕགས་ཀྱུ་ཞེས་པར་མངོན་པར་བརྗོད།། རང་ཉིད་རྣམ་པར་སྣང་མཛད་ཅེས།། དེར་ནི་བདག་ཉིད་ཡང་དག་བསྐྱེད།། རང་སྔགས་པཱ་ཤཾ་ཞེས་བརྗོད་ན།། ཞགས་པའི་རིག་པ་འཛིན་པར་འགྱུར།། ་ཕྱག་རྒྱ་ཆེ་སོགས་མཚན་ཉིད་ཀྱིས།། རང་གི་གཟུགས་ནི་ཡང་དག་བསྐྱེད།། དེ་ཉིད་ཡིད་བཞིན་ནོར་བུ་མཆོག། རིགས་གཞན་དབྱེ་བས་རྟོགས་པར་བྱ།། འདི་ནི་དམ་ཚིག་སྒྲུབ་ཐབས་ཏེ།། སྒྲུབ ་པ་པོ་ཡིས་བསྒྲུབ་པར་བྱ།། སྐྱེ་བ་འདིར་ནི་གྲུབ་པར་འགྱུར།། རང་སྔགས་དྲིལ་བུའི་ཚུལ་གྱིས་ནི།། རང་ཉིད་བདག་ནི་རང་ཉིད་དུ།། ཁྲུ་གང་ཙམ་དུ་ཡང་དག་བསྐྱེད།། སངས་རྒྱས་ཀྱིས་ཀྱང ་མཐོང་མི་འགྱུར།། ཆོ་ག་ཤེས་པས་བཞི་རྣམས་ཀྱིའང་།། དེ་ཉིད་སྦྱོར་བས་བསྒོམ་པར་བྱ།། གཟུགས་ནི་དབུས་སུ་རྣམ་བསྒོམས་ནས།། མྱུར་དུ་འགྲུབ་འགྱུར་གཞན་དུ་མིན།། གཟུགས་སུ་སྦྱོར་བའི ་མཚན་ཉིད་ཀྱིས།། དེར་ནི་བདག་ཉིད་ཡང་དག་བསྐྱེད།། རང་སྔགས་ཨུཏྤ་ལཾ་བྱས་ནས།། ཡེ་ཤེས་རིག་པ་འཛིན་པར་འགྱུར།། ཟླ་བའི་གཟུགས་སུ་རྣམ་བསྒོམས་ནས།། ནམ་མཁའི་སྟེང་དུ་ཡང་དག ་བརྩམ།། སྙིང་ཁར་རྡོ་རྗེ་ཡང་དག་བསྐྱེད།། ཡེ་ཤེས་རིག་པ་འཛིན་པར་འགྱུར།། ཟླ་བའི་གཟུགས་ནི་ཡང་དག་བསྐྱེད།། རྡོ་རྗེ་རིན་ཆེན་རྣམ་བསྒོམ་བྱ།། ཇི་སྲིད་དག་པའི་བདག་ཉིད་འདོད།། དེ་སྲིད ་མཁའ་ལ་འགྲོ་བར་འགྱུར།། ཟླ་བའི་གཟུགས་སུ་ཡང་དག་བསྐྱེད།། རྡོ་རྗེ་པདྨ་ལག་པར་དགོད།། པདྨའི་སྤྱན་ནི་བསྒོམ་པར་བྱ།། ས་བདུན་གྱི་ནི་དབང་ཕྱུག་འགྱུར།། ཟླ་བའི་གཟུགས་ནི་རྣམ་བསྒོམ། ་ནས། འབར་བའི་འཕྲེང་བས་འཁྲུག་པའི་འོད།། སངས་རྒྱས་གཟུགས་ནི་ཀུན་བསྐྱེད་ནས།། སངས་རྒྱས་རིག་པ་འཛིན་པར་འགྱུར།། རྡོ་རྗེའི་གཟུགས་སུ་རྣམ་བསྒོམས་ནས།། སངས་རྒྱས ་ལྔ་རུ་རྣམ་བསྒོམ་བྱ།། འོད་ཟེར་ལྔ་ཡིས་ཀུན་བཀང་ནས།། སངས་རྒྱས་སྐུ་དང་མཚུངས་པར་འགྱུར།། རྒྱས་པའི་ཉི་གཟུགས་རྣམ་བསྒོམས་ནས།། ལས་ཀྱི་རྡོ་རྗེ་སྙིང་ཁར་དགོད།། རང་གི་སྔགས་ནི ་ཡང་དག་བསྐྱེད།། རྡོ་རྗེའི་སྐུ་དང་མཉམ་པར་འགྱུར།། ཟླ་བའི་གཟུགས་ནི་རྣམ་བསྒོམས་ནས།། བཛྲེ་ཧཾ་ཞེས་བསྒོམ་པར་བྱ།། སྙིང་ཁར་རྩེ་མོ་ལྔ་པ་འམ།། རྡོ་རྗེའི་སྐུ་དང་མཉམ་པར་འགྱུར།། ཟླ་བའི ་གཟུགས་སུ་རབ་བསྒོམས་ནས།། རྡོ་རྗེ་འབར་བས་རྣམ་བརྒྱན་པ།། རྡོ་རྗེ་སེམས་དཔའ་རང་གི་གཟུགས།། སེམས་དཔའི་གཟུགས་ནི་འཛིན་པར་འགྱུར།། ཟླ་བའི་གཟུགས་སུ་ཡང་དག་བསྐྱེད།། འཁོར། ་ལོ་འབར་བས་རྣམ་བརྒྱན་པ།། རང་གི་གཟུགས་ནི་སངས་རྒྱས་གཟུགས།། སངས་རྒྱས་གཟུགས་ནི་འཛིན་པར་འགྱུར།། ཟླ་བའི་གཟུགས་ནི་ཡང་དག་བསྐྱེད།། པདྨ་འབར་བས་རྣམ ་བརྒྱན་པ།། རང་གི་གཟུགས་ནི་ཆོས་ཀྱི་གཟུགས།། ཆོས་ཀྱི་གཟུགས་ནི་འཛིན་པར་འགྱུར།། ཟླ་བའི་གཟུགས་ནི་ཡང་དག་བསྐྱེད།། དཀར་པོ་འབར་བས་རྣམ་བརྒྱན་པ།། འདོད་པའི་མཆོད་པ་རང་གི ་གཟུགས།། འདོད་མཆོད་གཟུགས་ནི་འཛིན་པར་འགྱུར།། དང་པོར་ཡི་གེ་གཅིག་པ་སོགས།། རིག་པའི་རྒྱལ་པོ་སྟོབས་པོ་ཆེ།། རིགས་ཀྱི་བདག་པོའི་ཕྱག་རྒྱ་ཡིས།། རང་གི་ཕྱག་རྒྱ་སོགས་བསྒོམས ་པས་སྐུ་གསུང་ཐུགས་ཀྱི་རྡོ་རྗེ་རུ།། མཆོག་ཏུ་ཕྲ་བའི་བདག་ཅན་བྱ།། དེ་ཉིད་དམ་ཚིག་དབུས་སུ་ནི།། རྡོ་རྗེའི་གཟུགས་ནི་སྒོམ་པའོ།། ཉི་མའི་གཟུགས་ནི་རྣམ་བསྒོམས་ནས།། མུ་དྲོ་ཧཾ་ཞེས་སྒོམ་པ ་ནི། སྙིང་ཁར་སྔགས་ཡིག་བྱས་ནས་ནི།། བསྐྱེད་དེ་འདིར་ནི་ཐེ་ཙོམ་མེད།། སྔགས་པས་ཉི་མའི་དཀྱིལ་འཁོར་ཅན།། བསམས་ནུས་དབུས་སུ་གཟུགས་བསྒོམ་བྱ།། རྡོ་རྗེའི་གཟུགས་ནི་ཡང་དག་བསྐྱེད།། ་བསམ་གཏན་འབྱུང་བས་བསྐྱེད་པར་འགྱུར།། ཉེ་སྒྲུབ་ཆོ་ག་བྱས་ནས་ནི།། དངོས་གྲུབ་མཆོག་ནི་བསྒྲུབ་པར་བྱ།། རྡོ་རྗེ་སེམས་དཔའི་ཆོ་ག་ལས།། དེ་ཡིས་འཇིག་རྟེན་གསུམ་སྒྲུབ་འགྱུར།། དང་པོར་རང ་གནས་རི་གནས་སུ།། ཟླ་བ་དྲག་ཏུ་བཟླས་བྱས་ནས།། སྒྲུབ་པ་པོ་ཡིས་རྟག་ཏུ་བསྒྲུབ།། རྡོ་རྗེ་སེམས་དཔའ་ལྷག་པར་གནས།། ཇི་ལྟར་ཀླུ་མོ་ལྷའི་བུ་མོ།། མི་མོ་འམ་ཡང་ན་ལྷ་མིན་མོ།། ཇི་ལྟར་རིགས་པར་བཀུག་ནས་ནི།། ་གསང་བའི་མཆོད་པ་ཡང་དག་བརྩམ།། རྣམ་པར་དབེན་དང་ཡིད་འོང་དང་།། ནགས་དང་དགོན་པ་རྣམས་སུ་ཡང་།། དེ་རུ་བཀུག་ནས་ཉེར་ལོངས་སྤྱོད།། འདོད་ཡོན་ལྔ་ཡི་མཆོག་རྣམས་ཀྱིས།། ཡེ་ཤེས་རྡོ་རྗེ་རབ་བསྐུལ། ་བས་དམ་ཚིག་མཉན་པར་བྱ་བ་ཡིན།། རྡོ་རྗེ་སེམས་དཔའ་རང་ཉིད་ཀྱང་།། ཆོ་ག་ཤེས་པས་དགུག་པར་བྱ།། རང་གི་ཕྱག་རྒྱ་དེ་རྣམས་གཟུགས།། རང་གི་བརྗོད་པ་དེ་རྣམས་སྔགས།། དེ་ཉིད་ཕྱག་རྒྱ་བཅིངས་ནས ་ནི་རང་གི་སྔགས་འདི་བཟླས་པར་བྱ།། མཚན་མོ་བྱེད་དུ་ཇི་ལྟར་བྱ།། ཉི་མའི་གུང་ལའང་དེ་བཞིན་བརྗོད།། ལྕགས་ཀྱུའི་སྙིང་པོ་དེ་ཉིད་ཀྱིས།། དེ་རྣམས་རབ་ཏུ་བསྒྲུབ་པར་བྱ།། བསྐལ་པ་བསྲེག་པ་ལྟར ་བསམས་ནས།། རྡོ་རྗེ་མཚུངས་པས།། སྙིང་པོས་ལྕགས་ཀྱུ་སྦྱོར་བྱས་ནས།། བཀུག་ལ་དབང་དུ་བྱ་བ་ཡིན།། ཁྲོ་བོ་ཆེན་པོ་གཤིན་རྗེ་གཤེད།། དེ་བཞིན་དུ་ནི་རྟ་མགྲིན་དང་།། རྡོ་རྗེའི་དབྱུག་དང་བཅོམ་ལྡན ་འདས།། འཇིག་རྟེན་གསུམ་གྱི་བདག་པོར་བརྗོད།། ཁྲོ་བོ་ཆེན་པོ་མི་གཡོ་བ།། ཁྲོ་གཉེར་ཅན་ཡང་གང་ཞིག་འགྱུར།། ཁྲོ་བོ་ཆེན་པོ་སྟོབས་པོ་ཆེ།། ཁམས་གསུམ་ཡང་དག་དབང་དུ་བྱེད།། དདུད ་རྩི་ཞེས་བྱའི་ཁྲོ་བོ་ཆེ།། སྟོབས་ཆེན་ཕ་རོལ་གནོན་པ་པོ།། རྡོ་རྗེ་མི་ཕྱེད་གསུམ་གནས་པ།། སངས་རྒྱས་ཀྱང་ནི་སྐྱོད་པར་བྱེད།། རིག་མ་ཆེན་མོ་དྲི་སོགས་ནི།། བཅས་པའི་ཕྱག་རྡོར་སྟོབས་ཀྱིས་ནི།། ་རྡོ་རྗེ་སེམས་དཔའ་རང་ཉིད་ཀྱང་།། ཁམས་གསུམ་པ་ཡང་འབེབས་པར་བྱེད།། ཕོ་ཉ་ཆེན་མོ་རྡོར་སེན་མོ།། རང་གཏུམ་ལ་སོགས་རྡོ་རྗེ་ཅན།། ནམ་མཁའི་ཁམས་ཀུན་གང་བ་ཡི།། དུག་ནི་སྐད་ཅིག ་ལ་འཇོམས་བྱེད།། དེ་ནས་བཅོམ་ལྡན་འདས་རྣམ་པར་སྣང་མཛད་དམ་ཚིག་ཐམས་ཅད་རྣམ་པར་སྐྲོད་པར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས ་རྡོ་རྗེ་གཤིན་རྗེ་མཐར་བྱེད་ཅེས་བྱ་བའི་རྡོ་རྗེའི་སྔགས་འདི་གསུངས་སོ།། ན་མོ་བཛྲ་ཛྙཱ་ནཱ་ཡ། ས་མ་ཡ་སཏྭཱ་ནཱ། ཀ་ར་ཀ་ར། ཀུ་རུ་ཀུ་རུ། མ་མ་ཀཨཱརྱེ་བྷཉྫ་བྷཉྫ་སརྦ་བིགྷྣ་ད་ཧ་ད་ཧཱ། སརྦྦ་བི་ནཱ་ཡ་ཀཱ་མུརྞ་ཊ་ཀཱ། ་ཛཱི་བི་ཏཱནྟ་ཀ་ར། མ་ཧཱ་བི་ཀྲོ་ཏ། རཱུ་པི་ནེ་པ་ཙ་པ། སརྦ་དུཥྚཱཾ། མ་ཧཱ་ག་ཎ་པ་ཏི། ཛཱི་བེ་ཏཱིནྟ་ཀ་ར་བནྡྷ་བནྡྷ། སརྦ་གྲ་ཧཾ། ཥ་མུ་ཁ་ཥཊྚ་བྷུ་ཛ། ཥཊ་ཙ་ར་ཎཾ། རུ་དྲ་མཱ་ན་ཡ། དྲྀཥྚ་པཱ་ན་ཡ། བྲདྡྷཱ་དྷི་སརྦ་ད། ་བཱ་ནཱ་ན་ཡ། མཱ་བི་ལམྦ་མ་བི་ལམྦ། ལ་ཧུ་ལ་ཧུ། མཎྜ་ལ་མ་དྷྱཻ། པྲ་བེ་ཤ་ཡ་ས་མ་ཡ། མ་ནུ་སྨ་ར་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། དེ་ནས་འདི་ནི་གསུངས་པ་ཙམ་ལ་བཅོམ་ལྡན་འདས་རྣམ་པར་སྣང་མཛད་ཆེན ་པོ་དེ་ཉིད་སྣ་ཚོགས་པའི་གཟུགས་འཛིན་པར་གྱུར་ནས། ནམ་མཁའི་ཁམས་ཐམས་ཅད་ཀྱི་རྡུལ་ཕྲ་མོ་དང་མཉམ་པའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀའི་སྟེང་དུ་ཟླ་བའི་དཀྱིལ་འཁོར་དུ་གནས ་པར་གྱུར་ཏོ།། རང་གི་གཟུགས་ཀྱིས་ནམ་མཁའི་ཁམས་ཀུན་ཏུ་བཀང་ནས། ཆེད་དུ་བརྗོད་པས་ཆེད་དུ་བརྗོད་པར་མཛད་དོ།། ཨེ་མའོ་སྔགས་རྣམས་ཀུན་གྱིས་ནི།། རྡོ་རྗེ་མི་ཕྱེད་བླ་ན་མེད།། དེ་བཞིན ་གཤེགས་པའི་རྡོ་རྗེ་གང་།། ས་ཡི་གོང་བུར་འགྱུར་བར་བྱེད།། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་ངོ་བོ་ཉིད་ཀྱི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་སྒྱུར་མར་བརྗོད ་པ་ཞེས་བྱ་བའི་སྔགས་འདི་སྟོན་པར་མཛད་དོ།། ཨོཾ་བཛྲ་ཁུར་བི་ཀྲྀ་ཏཱ་ནཱ་ན་ཧཱུཾ་ཕཊ། དེ་ནས་འདི་ནི་གསུངས་ཙམ་ལ།། བཅོམ་ལྡན་ཆོས་འཆང་དེ་ཉིད་ནི།། དེ་བཞིན་གཤེགས་ཀུན་ཀུན་སྐྲག་པའི།། ཆེད་དུ ་བརྗོད་འདི་ཆེད་བརྗོད་མཛད།། ཨེ་མའོ་སྔགས་རྣམས་ཐམས་ཅད་ཀྱི།། རྣམ་ཀུན་དེ་ཉིད་སྟོང་པ་པོ།། འཇོམས་བྱེད་རྡོ་རྗེ་རྒྱལ་མཚན་གྱིས།། སངས་རྒྱས་ཐམས་ཅད་བཞག་པར་གྱུར།། དེ་ནས་བཅོམ ་ལྡན་འདས་རྣམ་པར་སྣང་མཛད་ཆེན་པོ་ནམ་མཁའི་ཁམས་ཐམས་ཅད་ཀུན་ཏུ་སྣང་བར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྔགས་ཆེན་པོ་འདི་སྟོན་པར་བྱེད་དོ།། ་ཨོཾ་བཛྲ་ཀྲོ་དྷ་མ་ཧཱ་བ་ལ་ཧ་ན་ད་ཧ་པ་ཙ་བི་དྷྭཾ་ས་ཡ་ཨུཙྪཥྨ་ཀྲོ་དྷ་ཧཱུཾ་ཕཊ། དེ་ནས་འདི་གསུངས་པ་ཙམ་ལ་བཅོམ་ལྡན་འདས་རྡོ་རྗེ་འཆང་དེ་ཉིད་ནམ་མཁའི་ཁམས་ཐམས་ཅད་ཀུན་ཏུ་སྣང་བར་བྱས ་ནས་དེ་བཞིན་གཤེགས་པ་ཐམས་ཅད་ཀྱི་འཁོར་ལོའི་འོད་ཟེར་གྱིས་ཀུན་ཏུ་བཀང་ནས་ཆེད་དུ་བརྗོད་པས་ཆེད་དུ་བརྗོད་པར་མཛད་དོ།། ཨེ་མའོ་སྔགས་རྣམས་ཀུན་གྱི་ནི།། སྔགས་ཀྱི་ཚུལ་གྱི ་བདག་ཉིད་དང་།། སངས་རྒྱས་ཀུན་གྱིས་སངས་རྒྱས་ཉིད།། ཟླ་བ་དྲུག་གིས་ཐོབ་པར་འགྱུར།། དེ་ནས་བཅོམ་ལྡན་འདས་སླར་ཡང་ནམ་མཁའི་ཁམས་ཐམས་ཅད་ཀྱི་ངོ་བོ་ཉིད་ཀྱི་ཚུལ་གསལ་བར་བྱེད ་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མི་གཡོ་བ་ཞེས་བྱ་བའི་སྔགས་འདི་གསུངས་སོ།། ན་མཿས་མནྟ་བཛྲ་ཎཱཾ། ཨ་ཙ་ལ་ཀཱ་ན་ཧེ་ཧེ་མོ་ཧ་ཡ་མོ་ཧ་ས། ཧ་ས་ཧ་ས། ཏིཥྛཥྛ། ་ཨཱ་བི་ཤ་ཨཱ་བི་ཤ། མ་ཧཱ་བ་མནྟ་ཙ་ལ་དྷུ་ན་དྷུ་ན། ཏི་ན་ཏི་ན། ཁཱ་ད་ཁཱ་ད། བིགྡྷ་མཱ་ར་ཡ་མཱ་ར་ཡ། དུཥྚཾ་དྷཀྵ་ཡ་བྷཀྵ་ཡ། སརྦྦཾ་ཀ་ར་ཀ་ར། ཀི་རི་ཀི་རི། མ་ཧཱ་བི་ཥ་མ་བཛྲ་སྥོ་ཊ་ཡ། ་སྥོ་ཊ་ཡ་ཧཱུཾ་ཧཱུཾ་ཏྲི་བ་ལི་ཏ་རདྷྭ་ནནྟ་ཀ་ཨཱ་ཧཱུཾ་ཨཱཾ་ཧཱཾ་ཨཱ་ཧཱཾ། ཨེ་ཙ་ལ་ཙི་ཊ། སྥོ་ཊ་ཡ་སྥོ་ཊ་ཡ། ཧཱུཾ་ཨ། ས་མནྟི་ཀེ་ཏྲ་ཊ། མ་ཧཱ་བ་ལ་སཱི་ཏ་ཡ། ཏྲཾ་ཧཱ་མཱཾ་ཤུདྡྷནྡྷ་ལོ་ཀ་སཱུ་ཥྱ་ཏུ། བཛྲཱ་ན་མོ་སཱུ་ཨ་པྲ་ཏི་ཧ་ཏྭ་བ་ལེ་བྷྱོ་ཛྫ། ་ལ་ཡ་ཏྲ་ཊ། ཨ་ས་ཧ་ན་མཿསྭཱ་ཧཱ། དེ་ནས་མངག་གཞུག་གི་ཁྲོ་བོ་འདི་གསུངས་པ་ཙམ་ལ་བཅོམ་ལྡན་འདས་གཟུགས་སྣ་ཚོགས་འཆང་ཆེན་པོ་དེ་ཉིད་ཐམས་ཅད་ཡང་དག་པར་བསྐྱེད་ནས། དེ་བཞིན་གཤེགས ་པ་ཐམས་ཅད་ཀྱི་སྙིང་པོའི་དཀྱིལ་འཁོར་དུ་ཆེད་དུ་བརྗོད་པ་འདི་བརྗོད་པར་མཛད་དོ།། ཨེ་མའོ་གསང་སྔགས་ཀུན་གྱི་ནི།། དེ་ཉིད་འབྱུང་བ་བསྟན་པ་ང་།། རྡོ་རྗེ་མི་ཕྱེད་རང་བཞིན་གྱིས།། ཡེ་ཤེས་ཏོག་གིས ་སྐྱེད་པར་བྱེད།། དེ་ནས་བཅོམ་ལྡན་འདས་སླར་ཡང་དེ་བཞིན་གཤེགས་པ་ཐམས་ཅད་ཀུན་ཏུ་སྐྲག་པར་བྱེད་པའི་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ཆེན་པོ་ཁྲོ ་གཉེར་ཅན་ཞེས་བྱ་བའི་སྔགས་འདི་གསུངས་སོ།། ན་མོ་བྷ་ག་བ་ཏྱེ་བྷྲྀ་ཀུ་ཊཾ། ཨོཾ་བྷྲྀ་ཀུ་ཊི་ཏ་རངྒ་བི་ཛྲིམྦྷི་ཏ་བཛྲ་མ་ཧཱ་བ་ལ་ཧཱུཾ་ཕཊ། དེ་ནས་འདི་གསུངས་པ་ཙམ་ལ་འདོད་ཆགས་ཆེན་པོ་དེ་ཉིད་དེ་བཞིན་གཤེགས ་པ་ཐམས་ཅད་ཀྱི་དེ་བཞིན་གཤེགས་པ་ཀུན་གྱི་ཆོས་ཀྱི་ཀུན་ཏུ་སྣང་བ།། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་གནས་པ་ཆེད་དུ་བརྗོད་པ་འདི་ཆེད་དུ་བརྗོད་པར་མཛད་དོ།། ཨེ་མའོ་སྔགས་རྣམས ་ཀུན་གྱི་ནི།། ཆོས་ཀྱི་འདོད་ཆགས་ཀུན་བསྡུས་པ།། རྡོ་རྗེ་ཡེ་ཤེས་ལྟ་བུ་སྟེ།། སྔགས་ཀྱི་དངོས་གྲུབ་ཅེས་བཤད་དོ།། དེ་ནས་བཅོམ་ལྡན་འདས་སླར་ཡང་ཀུན་ནས་སྤྲོ་བའི་རྡོ་རྗེ་བྱིན་གྱིས་རློབ་པ་ཞེས་བྱ ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་སྟོབས་པོ་ཆེ་ཞེས་བྱ་བའི་སྔགས་འདི་གསུངས་སོ།། ཨོཾ་བཛྲ་ཀྲོ་དྷ་མཱ་ཧཱ་བ་ལ་ཧ་ནད་ཧ་པ་ཙ་དེ་དྷི་ས་ལ་ཨུཙྪཤྨ་ཀྲོ་དྷ་ཧཱུཾ་ཕཊ། དེ་ནས་འདི་གསུངས་པ ་ཙམ་ལ་བཅོམ་ལྡན་འདས་གསང་བ་ཆེན་པོ་འཛིན་པ་དེ་ཉིད་དེ་བཞིན་གཤེགས་པ་ཐམས་ཅད་ཀྱི་གསང་བ་རྣམས་ཀྱི་དེ་བཞིན་གཤེགས་པ་ཐམས་ཅད་ཀྱིས་གསུངས་པ་གང་ཡིན་པ་ཆེད་དུ་བརྗོད་པ་འདྲི་ཆེད ་དུ་བརྗོད་པར་མཛད་དོ།། ཨེ་མའོ་སྔགས་རྣམས་ཀུན་གྱི་ནི།། རྡོ་རྗེའི་དབྱེ་བ་བླ་ན་མེད།། དེ་ཉིད་དམ་ཚིག་ཀུན་ཏུ་དག། རྡོ་རྗེ་ཡིད་བཞིན་ནོར་བུར་བཤད།། དེ་ནས་བཅོམ་ལྡན་འདས་སླར་ཡང་དེ་བཞིན ་གཤེགས་པ་ཐམས་ཅད་མི་ཕྱེད་པའི་ངོ་བོ་ཉིད་ཀྱི་རྡོ་རྗེ་བྱིར་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་བདུད་རྩི་ཐང་སྦྱོར་དུ་བརྗོད་པ་ཞེས་བྱ་བའི་སྔགས་ཆེན་པོ་འདི་གསུངས ་སོ། ཨོཾ་ཁ་ཁ་ཁཱ་ཧི་ཁཱ་ཧི། ཏིཥྛ་ཏིཥྛ། བན་དྷུ་བན་དྷ། གྲྀཧྞ་གྲྀཧྞ། ཧ་ན་ཧ་ན། གརྫ་གརྫ། བི་སྥོ་ཊ་ཡ་བི་སྥོ་ཊ་ཡ། ཛྭ་ལ་ཛྭ་ལ། པྲ་ཛཱ་ལ་པྲོ་ཛཱ་ལ། གྲ་ས་གྲ་ས། སརྦ་བིགྷྣ་བི་ནཱ་ཡ་ཀཱཾ། དིདྱ་དྷ་ར ་ཀ་ལཱི་ཀི་ལ་ཛྭ་ལི་ཏ་ཧུ་ཏ་བ་ཧ་ཤི་ར་མ་ཧཱ། བྷཻ་ར་བེ་ནིརྒྷོ་ཥ། སཾ་ཙྪིནྡ་ཙྪིནྡ་མ་ཧཱ་བཛྲ་དྷ་ར་ཏིཥྛ་ཏིཥྛ། བྷན་དྷ་བྷན་དྷ། བདག་ཆེ་གེ་མོའི་བི་ནཱ་ཡ་ཀ་ཧྲྀ་ད་ཡཱཾ་སྥོ་ཊ་ཡ། གནྡྷརྦ་ཧྲྀ་ད་ཡཱཾ་སྥོ་ཊ་ཡ། ནཱ་ག་ཧྲྀ་ད་ཡཱཾ་སྥོ་ཊ ་ཡ། ཡཀྵ་ཧྲྀ་ད་ཡཱཾ་སྥོ་ཊ་ཡ། བྲཧྨ་རཱཀྵ་ས་ཧྲྀ་ད་རཱཾ་སྥོ་ཊ་ཡ། སརྦ་གྲ་ཧ་ཧྲྀ་ད་ཡཱཾ་སྥོ་ཊ་ཡ། སརྦ་ཛྭ་ར་ཧྲྀ་ད་ཡཱཾ་སྥོ་ཊ་ཡ། སརྦ་ཙཱ་ཏུརྠི་ཀ་ཧྲྀ་ད་ཡཱཾ་སྥོ་ཊ་ཡ། ཧཱུཾ་ཀཱ་རེ་ཕཊ་ཕཊ། ཧ་ན་ཧ་ན། ་ད་ཧ་ད་ཧ། པ་ཙ་པ་ཙ། བི་ཀུརྦ་བི་ཀུརྠ། ཨཱ་བི་ཤ་ཨཱ་བི་ཤ། མ་ཧཱ་བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། དེ་ནས་འདི་གསུངས་པ་ཙམ་ལ་བཅོམ་ལྡན་འདས་རྡོ་རྗེ་འཛིན་པ་ཉིད་དེ་བཞིན་གཤེགས་པ་ཐམས་ཅད ་ཀུན་ཏུ་དགྱེས་པ་ཆེད་དུ་བརྗོད་པ་འདི་ཆེད་དུ་བརྗོད་པར་མཛད་དོ།། ཨེ་མའོ་སྔགས་རྣམས་ཀུན་གྱི་ནི།། དེ་ཉིད་རྡོ་རྗེ་བླ་ན་མེད།། དམ་ཚིག་ཐམས་ཅད་ཡང་དག་འབྱུང་།། དེ་ཉིད་མི་ཕྱེད་ཀུན་བསྡུས ་པའོ།། དེ་ནས་བཅོམ་ལྡན་འདས་རྣམ་པར་དག་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་གནྡྷ་རི་ཆེན་མོ་འདི་གསུངས་སོ།། ཨོཾ་ཨེ་ཧྱེ་ཧི་བྷ་ག་བ་ཏི་མ་ཧཱ་བཛྲ་གནྡྷ་རི་ཏྲ་ཡཱ་ནཱ། ་རརཱཏྣནྟུ། སཏྱེ་ན། སྱཱ་ཌྜྷྱ་སཱ་ཀཱཌྜྷྱ། བ་ལ་དེ་བཾ། མ་ཧེ་ཤྭ་རཾ། གཱཪྻཱཿ། བིཥྚ། ཀུནྡུ་རཱཾ། བྲཧྨཱཎཱཾ། ཨིནྟེ། ནྡ། ཨཱདཾཥྚ། སྱཱ་མཾ། བཱ་རཱཿ། ཀུ་དྭེརྵུ། དྷྲྀ་ཏཱ་རཱཥྚཾ། བི་རཱུརྞ་ཀཾ། བཱིཪྻཱ་བཱརྟཱ། ་ཤངྐུ་ཀཱརྞྞཾ། དྭི་ཀཎྜཾ། ཏྲྀ་ཀརྞྞཾ། གོ་ཀརྞྞཾ། སྠཱ་ལ་ཀརྞྞཾ། མ་ཧཱ་ཀཱརྞྞཾ། ནནྡི་ཀེ་ཤྭ་རཾ། བྷྲྀ་གི་རཱི་ཊི། ནཱ་ཡ་ཀི། བི་ནཱ་ཡ་ཀཱཾ། པཱཉྩི་ཀཽ། ལོ་ཧ་ཀོ། ཥཥྚི་དི་བཱི། ཀོ་ཊ་གི་རི། ཨོཾ་ཀ་རཾ། དུརྦྲྀ་ཀཱ་ཏྱཱ་ཡ་ཎཱཾ། ཙཎྜཱ་ཀྵཱ ་ཏྲཱ་ཡ་ཛྙོ། མ་ཧཱ་ཀཱ་ཏཱ་ཡ་ཛྷི། ཨཻ་ཤཱ་ནཱི། ནཻ་རྀ་ཥྚཾ། ཀཱ་ལཱི། མ་ཧཱ་ཀཱ་ལཱི། བཛྲ་ཀཱ་ལཱྀ། ཡ་ཤ་སྭི་ནཱི། ས་ཀཱ་ལཱཾ། བྷ་དྲ་ཀཱ་ལཱི། ཨགྣེ་ཡཱཾ། བཱ་ལ་བྱཾ། ཧ་ལི་ཀཱ། བིརྟཾ། ཤཱིཀྟཾ། ཤ་ཏཱ་ཀྵི། ཨིནྡྲཎཱཾ། ་པྲདྡྷཱ་རྟྟི། ཀཽ་བི་བཱི་མཱ་ཧེ་ཤ་རཱི། བེནྡྷ་བྷྲཱུ~ཾ། སྭ་བྷཱཥྚ། ཙཱ་མུདྡྷཱ། རཱྀ་དྷི། བཱ་ར་ཧཱི། ཀཽ་བི་རཱི། ཡེ་ནཱ་ནརྀ། མ་མ་ཡིན། ཏིཥྛནྟེ་ཏཱ་ནཱ་བ་ཏ་ཡི་བྷ་མི་ཤྲཱི་ཙཱ་གྲྀཧྞ་གྲཧྞ། ཧུ་ལུ་ཧུ་ལུ། ནུལཱནྡ་ལུ་ཨུ་མྲ། ་མུ་ལྲྀ། དྷ་མ་དྷྱམ། རངྒ་རངྒ། པཱུ་ར་ཡ་པཱུ་རཱ་ཡ། ཨཱ་བི་ཤཾ་ཨཱ་བྲི་ཤ། བྷ་ག་བ་ཏི། མ་ཧཱ་བཛྲ་གཱནྡྷ་རི་སིདྡྷཙྪཿ། བཛྲ་པཱ་ཎི་རཱ་དཱ་པ་ཡ་ཏི། ཧྲཱིཧཱཿཧཿཧཿ5\ུ0f7fཧཱུཾ་ཕཊ་སྭཱཧཱ། འོ་གསུངས་པ ་ཙམ་ལ་དེ་བཞིན་གཤེགས་པ་ཐམས་ཅད་རྡོ་རྗེ་ཆེན་པོའི་ཚུལ་གྱིས་བསྐོར་བར་འགྱུར་ཏོ།། དེ་ནས་དེ་བཞིན་གཤེགས་པ་ཐམས་ཅད་ཀྱི་རིག་མ་དེ་སྒོམ་པར་བྱེད་པ་འདི་ཆེད་དུ་བརྗོད་པ་འདི་ཆེད ་དུ་བརྗོད་པར་མཛད་དོ།། ཨེ་མའོ་སྔགས་རྣམས་ཀུན་གྱི་ནི།། ཀུན་གཞི་འབེབས་པར་བྱེད་པ་བདག། རྡོ་རྗེ་རྩཝ་ཅན་གང་འདི་དྲན།། སངས་རྒྱས་ལ་སོགས་འབེབས་པར་གྱུར།། དེ་ནས་བཅོམ་ལྡན ་འདས་སླར་ཡང་ཞི་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་སན་མོ་ཞེས་བྱ་བའི་ཕོ་ཉ་མོ་ཆེན་མོ་འདི་གསུངས་སོ།། ཨོཾ་ཨ་ཧྱེ་ཧི་བཛྲ་ན་ཁི་བཛྲ་མུ་ཁི། ཧ་ན་ཧ་ནཱ། པཿ ་བཙ་རངྒ་རཱངྒ། ཨལྤ་ཨཱ་ལྱཱ། ཨཱ་བི་ཤ་ཨཱ་བི་ཤ། ཧ་ཡ་གྲཱི་པཱ་པ་ཡ་ཏི་སྭཱཧཱ། དེ་ནས་འདི་གསུངས་པོ་ཙམ་ལ་ཇི་སྲིད་དུ་དྲུག་ཆེན་པོ་དེ་རྣམས་ཐམས་ཅད་དེ་རབ་ཏུ་བསྒོམས་པས་བཅོམ་བཞིན་དུ་གྱུར ་ཏོ། དེ་ནས་རིག་མ་དེ་དེ་བཞིན་གཤེགས་པ་ཐམས་ཅད་ལ་རབ་ཏུ་བཏུད་ནས་ཆེད་དུ་བརྗོད་པ་འདི་ཆེད་དུ་བརྗོད་པ་མཛད་དོ།། ཨེ་མའོ་སྔགས་རྣམས་ཀུན་གྱི་ནི།། དུག་རྣམས་ཐམས་ཅད་སེལ་བ་བདག ་པོ་ཉའི་མཆོག་གང་དེ་བརྟེན་ནས།། སངས་རྒྱས་ཐམས་ཅད་རྣམ་པར་སྦྱངས།། དེ་ནས་བཅོམ་ལྡན་འདས་སླར་ཡང་རྡོ་རྗེ་གསུམ་མི་ཕྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས ་པར་ཞུགས་ནས།། རྡོ་རྗེ་གཞན་གྱིས་མི་ཐུབ་པ་ཞེས་བྱ་བའི་སྔགས་འདི་གསུངས་སོ།། ཨོཾ་ཛི་ནི་རི་ཊི་ཊ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེ་ནས་འདི་གསུངས་པ་ཙམ་ལ་བཅོམ་ལྡན་འདས་རྣམ་པར་སྣང་མཛད་ཆེན་པོ་འདི ་སེམས་ཅན་ཐམས་ཅད་ཀྱི་བདེ་བའི་ནོར་གྱིས་ཉེ་བར་བཀང་ནས་ཆེད་དུ་བརྗོད་པ་འདི་ཆེད་དུ་བརྗོད་པར་མཛད་དོ།། ཨ་མའོ་སྔགས་རྣམས་ཀུན་གྱི་ནི།། བསྐྱེད་པ་ཡང་དག་འབྱུང་བ་དག། སངས་རྒྱས་བྱང་།། ་ཆུབ་རབ་སྒྲུབ་དོན།། བསྐལ་པའི་རྒྱ་མཚོར་བ་དག་གནས་སོ།། དེ་ནས་བཅོམ་ལྡན་འདས་སླར་ཡང་ཆོས་ཀྱི་དབྱིངས་སུ་སྤྲོ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་རལ་པ་གཅིག། ་མ་ཞེས་བྱ་བའི་རིག་མའི་རྒྱལ་པོ་མཆོག་འདི་གསུངས་སོ།། ན་མཿསརྦ་ཏ་ཐཱ་ག་ཏེ་བྷྱཿསརྦ་བིདྱཱ་ག་ཎེ་བྷྱཿོཾ་ཨཻ་ཧྱེ་ཧི་བྷ་ག་ཝ་ཏི། ཡཀྵི་ཎཱི་ཡེ། མཱ་པེ་ཊི་ཨི་ཊི་པ་ཊཾ་ཛོ་སུ་ར་སུ་ར་པྲ་མ་ཐ་ནི། ཨེ་ཀ་ཛ་ཊི་ནི་རཀྵ་ས་ཙི། ་དེ་བ་མ་བི་ཧེ་ཐ་ཡ་ནི། རི་པི་ཏི་རི་ཀ་རི། ཏ་པཱི་རི། ཀ་པཱ་ལ་ཙྪ་དྲ། པྲི་ཡེ་མ་ཧཱ་ཀ་པཱ་ལི་བ་ལེ། མེ་ཧ་ཙ་པ་ལེ། སི་དྷེ་སརྦ་ཨརྠ་སཱ་ཡ། སརྦ་སཏྭ་བིགྷྣ་པྲ་ཤ་མ་ནི་སྭཱ་ཧཱ། དེ་ནས་འདི་གསུངས་པ་ཙམ་གྱིས་བཅོམ ་ལྡན་འདས་པདྨ་འཆང་བ་དེ་ཉིད་ནམ་མཁའི་ཁམས་ཐམས་ཅད་རྣམ་པར་སྤྲོས་ནས། དེ་བཞིན་གཤེགས་པ་ཐམས་ཅད་ཀྱི་ཅོད་པན་དུ་གནས་ན་ས་ཆེད་དུ་བརྗོད་ནས་ཆེད་དུ་བརྗོད་པར་མཛད་དོ།། ཨེ་མའོ ་སྔགས་རྣམས་ཀུན་གྱི་ནི།། སྔགས་ཀྱི་བདག་ཉིད་ཅན་འབྱུང་བ།། རྒྱལ་བ་ཀུན་གྱི་ཞི་གང་དེ།། རྣམ་པར་བསྒོམས་པས་མཆོད་པར་བྱེད།། དེ་ནས་བཅོམ་ལྡན་འདས་འཁོར་ལོ་ཐམས་ཅད་ཀུན་ཏུ་སྐྲག ་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ཆེན་པོ་ཁྲོ་གཉེར་ཅན་འདི་གསུངས་སོ།། ཨོཾ་བྷ་ཡ་ནཱ་ཤཱ་ནི་ཏྲཱ་ས་ཡ་ཏྲཱ་སཱ་ཡ། བྷྲྀ་ཀུ་ཊི་ཏ་ཊི་བཻ་ཏ་ཊི་ཤྭེ་ཏེ་ཛཱ་ཊི་ནི་སྭཱ་ཧཱ། དེ་ནས་འདི ་གསུངས་པ་ཙམ་ལ་བཅོམ་ལྡན་འདས་ཞི་བ་འཆང་བ་དེ་ཉིད་དེ་བཞིན་གཤེགས་པ་ཐམས་ཅད་ཡང་དག་པར་མཆོད་ནས་ཆེད་དུ་བརྗོད་པ་འདི་ཆེད་དུ་བརྗོད་པར་མཛད་དོ།། ཨེ་མའོ་སྔགས་རྣམས ་ཀུན་གྱི་ནི།། ཊ་གང་སངས་རྒྱས་ཡང་དག་འབྱུང་།། ཆོས་ཀྱི་ཡུམ་ནི་རབ་སྒྲུབ་དོན།། འདི་ནི་བསྐྱེད་པར་གསུངས་པ་ཡིན།། དེ་ནས་བཅོམ་ལྡན་འདས་སླར་ཡང་ཡེ་ཤེས་འདུ་བར་བྱེད་པ་རྡོ་རྗེ་ཞེས་བྱ་བའི ་ཏིང་ངེ་འཛིན་ལ་སྙོམས་པར་ཞུགས་ནས། རང་གི་རིགས་ཀྱི་སྙིང་པོ་འདི་གསུངས་སོ།། ཨོཾ་ཨཱུ་རོ་ལི་ཀ། དེ་ནས་བཅོམ་ལྡན་འདས་སེམས་ཅན་ཐམས་ཅད་ཀྱི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ། ་སྙོམས་པར་ཞུགས་ནས། རིགས་ཀྱི་ཡུམ་འདི་གསུངས་སོ།། ཨོཾ་རུ་རུ་སྥཱ་རུ་ཛྭ་ལ་ཏིཥྛ་སིདྡྷ་ལོ་ཙ་ནེ་སརྦ་ཨརྠ་སཱ་ནི་སཱུ་ཧཱ། དེ་ནས་བཅོམ་ལྡན་འདས་སླར་ཡང་རང་གི་སྐུ་རྣམ་པར་དག་པ་ཞེས་བྱ་བའི ་ཏིང་ངེ་འཛིན་ལ་སྙོམས་པར་ཞུགས་ནས། སྔགས་འདི་གསུངས་སོ།། ཨོཾ་ཤངྐ་རེ་ཤཱནྟི་ཀ་ར་གྷུ་ཊ་གྷུ་ཊ་གྷུ་ཊི་ནི་གྷུ་ཊི་ནི། གྷཱ་ཏ་ཡ་གྷཱ་ཏ་ཡ། གྷུ་ཊི་ནི་ཕཊ་ཧཱུཾ་སྭཱ་ཧཱ། དེ་ནས་བཅོམ་ལྡན་འདས་དེ་བཞིན ་གཤེགས་པ་ཐམས་ཅད་ཀྱི་ཡེ་ཤེས་བསྐྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རང་གི་སྔགས་འདི་གསུངས་སོ།། ཨོཾ་ཤྭེ་ཏེ་པཱཎྜ་ར་བཱ་སཾ་ནི་ཛ་ན་མུ་ཀུ། ་ཊ་དྷཱ་རི་ཎི་སྭཱ་ཧཱ། དེ་ནས་བཅོམ་ལྡན་འདས་སངས་རྒྱས་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིག་པའི་རྒྱལ་པོ་འདི་གསུངས་སོ།། ཨོཾ་དྷཱཿ། དེ་ནས་བཅོམ ་ལྡན་འདས་ཀྱིས་རིག་པའི་རྒྱལ་པོ་ལ་བཀའ་སྩལ་པ། ཨོཾ་སུམྦྷ་ནི་སུམྦྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག་ཝཱ་ན་བིདྱཱ་རཱ་ཛ་ཧཱུཾ་ཕཊ་སྭཱ་ཧཱ། དེ་ནས་བཅོམ་ལྡན་འདས་ཆོས་རྣམ ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྔགས་འདི་གསུངས་སོ།། ཨོཾ་ཨ་མྲི་ཏོ་དྷི་བོདྡྷ་པཱ་ཡ་སྭཱ་ཧཱ། དེ་ནས་བཅོམ་ལྡན་འདས་ཉོན་མོངས་པ་འཇོམས་པའི་རྡོ་རྗེ་ཞེས་བྱ་བའི་ཏིང ་ངེ་འཛིན་ལ་སྙོམས་པར་ཞུགས་ནས། ཉོན་མོངས་པ་ཟ་བའི་སྔགས་གསུངས་སོ།། ཨོཾ་ཀླེ་ཤཱ་ཥ་ནི་བི་ཛ་ཡེ་སྭཱ་ཧཱ། དེ་ནས་བཅོམ་ལྡན་འདས་དམ་ཚིག་ཆེན་པོའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས ་ནས་རྩཝ་ཆོས་ཀྱི་འཁོར་ལོའི་གཙུག་ཏོར་འདི་གསུངས་སོ།། ཨོཾ་ཙྪིནྡ་ཙྪིནྡ། ཧ་ན་ཧ་ན། ད་ཧ་ད་ཧ། དཱིཔྟ་ཙཀྲྀ་ཧཱུཾ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གཟི་བརྗིད་ཀྱི་མཆོག་ཅེས ་བྱདྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གཟི་བརྗིད་ཀྱི་ཕུང་པོ་འདི་གསུངས་སོ།། ཨོཾ་ཛྭ་ལཛྭ་ལ། དྷ་ཀ་དྷ་ཀ་། ད་ར་ད་ར། བི་ད་ར་བི་ར། ཙྪིནྡ་ནཱིནྡ། བྷིནྡེ་བྷིནྡ། ཧཱུཾ་རཱུ་ཕཊ་སྭཱཧཱ། དེ་ནས ་བཅོམ་ལྡན་འདས་སླར་ཡང་རྣམ་པར་རྒྱལ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྒྱལ་བའི་གཙུག་ཏོར་འདི་གསུངས་སོ།། ཨོཾ་ཛ་ཡོཥྞཱི་ཥཛྭ་ལ་ཛྭ་ལ་བནྡྷ་ནྟ་དམ་དམ། ཧཱུཾ ་ཧཱུཾ་ཧཱུཾ། ཧ་ན་ཧ་ན་ཧཱུཾ་ཕཊ། དེ་ནས་བཅོམ་ལྡན་འདས་དཀར་པོ་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གཙུག་ཏོར་གདུགས་དཀར་པོ་འདི་གསུངས་སོ།། ཨོཾ་མ་མ་མ་མཉྫུ ་མྲྀདེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིག་མ་ཆེན་མོའི་མཆོག་འདི་གསུངས་སོ།། ཨོཾ་ཏཱ་རེ་ཏུཏྟཱ་རེ་ཏུ ་རེ་སྭཱ་ཧཱ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ངེས་པར་སྒྲོགས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཁྲོ་བོ་གཟེགས་མའི་སྔགས་ཆེན་པོ་འདི་གསུམ ་སོ། ཨོཾ་ཀ་ནི་དྷུ་ནི་ཧཱུཾ་ཕཊ། འཇིག་རྟེན་གསུམ་འགུགས་པར་བྱེད་པའི་སྔགས་ཤིན་ཏུ་ན་མ་རུངས་པའི་ལས་ཏེ། ཇི་སྲིད་དུ་གདོན་གཞན་འབྱུང་བ་གང་ཡིན་པ་དེའང་དེ་ཁོ་ན་ཉིད་ཀྱི་རྣལ་འབྱོར་བསྒོམས་པས ་ལས་རྣམ་པ་གསུམ་བྱེད་དོ།། མི་གཡོ་ཞེས་བྱ་ཁྲོ་བོ་ཆེ།། གཤིན་རྗེ་མཐར་བྱེད་གསུམ་འབྱུང་བ།། ཀུན་ནས་སངས་རྒྱས་ཞེས་རྣམས་སུ།། ཁམས་གསུམ་པ་ཡང་ངེས་འཇོམས་བྱེད།། ཁྲོ་བོ་ཆེན་པོ་རྟ། ་མགྲིན་དང་།། ཁྲི་གཉེར་རིམ་པར་ལྡན་གྱུར་གང་།། རྡོ་རྗེ་སེམས་དཔའ་རང་ཉིད་ཀྱང་།། ཁྲོ་བོ་འདི་ཡིས་འཇོམས་པར་བྱེད།། སྟོབས་ཆེན་བདུད་རྩི་ཞེས་གྲགས་དག། མི་ཤེས་འཇིག་ཅིང་འཕྲོག ་བྱེད་པ།། ནམ་མཁའི་ཁམས་དང་མཚུངས་པ་ཡང་།། ཐེ་ཚོམ་མེད་པར་འཇོམས་པར་བྱེད།། འབུམ་དུ་བཟླས་པའི་སྦྱོར་བ་ཡིས།། ཀུན་ཏུ་སོན་པར་བྱེད་པ་ཡིན།། བློ་ལྡན་སངས་རྒྱས། ་ཉིད་ཐོབ་པའང་།། འགུགས་པར་བྱེད་པར་ཐེ་ཚོམ་མེད།། ཁྲོ་གཉེར་ཙི་ཀ་ཊ་རིག་མ།། འཇིགས་པ་ཡང་ནི་འཇིགས་པར་བྱེད།། ལྷ་མིན་ཆེན་པོ་སོགས་སྦྱོར་བས།། གཡུལ་དུ་རྒྱལ་བར་བྱེད་པ་ཡིན།། རྡོ ་བོ་གཟེགས་མི་མཆོག་རྩེར་སྐྱེས།། སྔགས་པས་འབུམ་ཕྲག་གཅིག་བཟླས་བྱ།། ཁྲོ་བོའི་སེམས་ཀྱིས་སྦྱར་བྱས་ནས།། ངེས་པར་སངས་རྒྱས་ཀྱང་འཇིག་བྱེད།། ལག་པར་དེ་ནི་ཡང་དག་བསྐྱེད།། མི ་སྤ་དེར་སོན་བསམ་པ་ཡི།། ཕ་རོལ་དཔུང་ནི་རེངས་པར་བྱེད།། བརྒྱ་བྱིན་གྱི་ཡང་ཐེ་ཚོམ་མེད།། གཟི་བརྗིད་ཕུང་པོ་བཟླས་ནས་ནི།། འབུམ་ཕྲག་གསུམ་དུ་ལེགས་བསྐོར་ནས།། བརྒྱ་བྱིན་སྡེ་ཡང་རེངས ་པར་བྱེད།། འགའ་ཞིག་མིན་པར་འཇོམས་པར་བསྟན།། སྒྲོལ་མ་སྒྲོལ་ལེན་ཡང་དག་འབྱུང་།། འབར་བའི་ཡེ་ཤེས་དགེ་འབྱུང་བ།། འོག་གི་སྦྱོར་བ་བསྒོམས་པ་ཡིས།། རྡོ་རྗེའི་སྡེ་ཡང་རེངས་པར་བྱེད།། ་དེ་ཡི་སྙིང་པོའི་མཆོག་སྐྱེས་གང་།། རིགས་དང་རིགས་དབང་རིགས་པར་བྱེད།། དེ་དང་ཡང་ནི་འདི་ཉིད་དུ།། སྦྱོར་བར་བསམས་ནས་བསམ་གཏན་གྱི།། ཏིང་འཛིན་བསྒོམས་པས་སེར་པོ་འམ། ་གཞན་དུ་དམར་པོར་ངེས་སྦྱར་བྱ།། བཅོམ་ལྡན་འདས་རྣམ་པར་སྣང་མཛད་ཀྱིས་དེ་སྐད་ཅེས་གསུངས་སོ།། སྔགས་ཐམས་ཅད་ཀྱི་རྡོ་རྗེ་འབྱུང་བ་ཞེས་བྱ་བའི་ལེའུ་བཅོ་ལྔ་པ་རྫོགས་སོ།། ་དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་སྔགས་ཐམས་ཅད་ཀུན་ལས་བཏུས་པའི་ལེའུ་གསུངས་སོ།། ཞི་བ་རྒྱས་པ་སོགས་ལས་ལ།། རང་གཟུགས་རྣམ་པ་བསྒོམས་པ་ཡིས།། ཐུགས། ་ཀར་ཡེ་ཤེས་ཡང་དག་འབྱུང་།། ཅོད་པན་ཡེ་ཤེས་ཆོས་དབང་ཕྱུག། སངས་རྒྱས་གཟུགས་སུ་རྣམ་བསྒོམས་ནས།། རིན་ཆེན་སྣ་ཚོགས་མཚུངས་པའི་འོད།། རྣལ་འབྱོར་པས་བསྡུས་གོང་བུར་བྱ།། ་སངས་རྒྱས་གཟུགས་ནི་རྣམ་བསྒོམ་བྱ།། ཁྲོ་བོ་རྣམས་ཀྱི་སྟོན་པ་འདི།། རྡོ་རྗེ་འབྱུང་བ་སྒོམ་བྱེད་པ།། དེ་ཡི་ངོ་བོ་རྣམ་བསྒོམས་པས།། རིགས་དང་རིགས་སུ་འདི་བསྟན་ནོ།། རིགས་ཀྱི་དབང ་ཕྱུག་རྣམ་བསྒོམ་ནས།། ཁ་དོག་ལྔ་པ་ལེགས་མཛེས་པར།། བསྒོམས་པའི་གོ་འཕང་གིས་བསྒོམ་བྱ།། སླར་ཡང་རིགས་ཀྱི་བདག་པོའི་སྔགས།། འདི་ཉིད་བསྒོམ་པར་བྱ་བ་སྟེ།། གཙུག་ཏོར་ཡང ་ནི་རྣམ་བསྒོམ་བྱ།། འདི་ནི་སྔགས་རྣམས་ཐམས་ཅད་ཀྱི།། དགྱེས་དང་མགུ་བར་བྱེད་པར་བཤད།། དངོས་གྲུབ་ཐམས་ཅད་བྱེད་པར་འདོད།། རྡོ་རྗེ་ཡེ་ཤེས་སོགས་རྫོགས་བྱེད།། རིག་མ་ལ་སོགས ་ཐམས་ཅད་ཀྱིའང་།། རིག་པའི་རྒྱལ་པོ་རྣམ་འཇོམས་བྱེད།། ཕོ་ཉ་མོས་ཀྱང་ཐམས་ཅད་ཀྱི།། རྡོ་རྗེ་སེམས་དཔའ་རྣམ་བསྒོམ་པ།། འདོད་འགྱུར་སྔགས་རྣམས་ཐམས་ཅད་ཀྱི།། རང་གཟུགས་རྣམ་པ ་བསྒོམ་པས་སོ།། འདི་ནི་སྔགས་རྣམས་ཐམས་ཅད་ཀྱི།། སྔགས་ཀྱི་དམ་ཚིག་འབྱུང་བ་སྟེ།། སངས་རྒྱས་ཀུན་གྱིས་ཕན་འདོད་པས།། རྡོ་རྗེ་དཔའ་བོའི་མཆོག་གིས་གསུངས།། སྔགས་ཐམས ་ཅད་ཀུན་ལས་བཏུས་པའི་ལེའུ་བཅུ་དྲུག་པ་རྫོགས་སོ།། ། དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་སྐྲོད་པར་བྱེད་པའི་ལས། ་འདི་གསུངས་སོ།། སྐྲོད་པ་ལ་སོགས་བྱ་བ་ལ།། སངས་རྒྱས་དེ་ཉིད་ཡེ་ཤེས་ཅན།། ཁྲོ་བོ་གསུམ་པོ་བསྡུས་པ་ཡི།། རྡོ་རྗེ་འབྱུང་བས་གྲགས་པ་ཉིད།། གཤིན་རྗེ་གཤིན་ནི་ཡེ་ཤེས་རིགས།། བསྡུས ་པའི་འདོན་ལ་མཆོག་རྩེར་སྐྱེས།། ཁྲོ་བོ་ཆེན་པོ་རྟ་མགྲིན་ནི།། ཆོས་ཀྱི་ཡེ་ཤེས་རིགས་སུ་བཤད།། སྟོང་ཕྲག་གམ་ནི་བརྒྱ་ཡང་རུང་།། ཐེར་འབུམ་གཅིག་ཏུ་བཟླས་ནས་ནི།། རང་ཉིད་སངས་རྒྱས་ཞེས ་པ་ཡང་།། ཆོ་ག་ཤེས་པས་སྤྲོད་པར་བྱེད།། ཐོད་པ་གསུམ་ལ་ཀུན་བཞུག་ནས།། ལྷོ་ཡི་ཕྱོགས་ཀྱི་དུར་ཁྲོད་དུ།། འདོད་པ་འདི་ནི་ཡང་དག་བརྩམ།། རྡོ་དང་ཤིང་གི་སྦྱོར་བ་ཡིས།། དངོས་པོ་མེད་པས། ་ཡང་དག་བརྩམ།། རྡོ་དང་ཕུབ་མ་ཡང་དག་ལྡན།། གཟའ་དང་གསལ་བྱེད་རྣམ་པར་སྤངས།། ཁྲག་དང་ཕབས་སུ་ཡང་དག་ལྡན།། ནིམ་པའི་འདབ་མས་བཟའ་བྱ་བ།། ཏ་ལའི་འདབ་མ་ལ་བྲི་བྱ།། ་སྔགས་པས་འཁྲུལ་ཁོར་སྨད་པར་བྱ།། ཚེར་མ་ཅན་གྱིས་བྲིས་ནས་ནི།། ནིམ་པའི་འདབ་མཁར་བཅུག་ནས།། སྦྱོར་བའི་གནས་སུ་གཞག་པར་བྱ།། ལྷ་ཆེན་པོ་ཡི་འོག་ཏུ་ནི།། དྲི་མ་མེད་པ་ཀུན ་བཟང་བྱ།། ཆོ་ག་ཤེས་པས་ལན་བདུན་དུ།། མངོན་པར་བསྔགས་ཏེ་ཡང་དག་བརྩམ།། དགྲ་ཡི་སྒོ་ལམ་ཡང་ན་གྲོང་།། གྲོང་ཁྱེར་རམ་ནི་ཀུན་འབྱུང་བའོ།། གནས་འདི་རྣམས་སུ་ཕུང་པོ་ནི།། ཀུན་ནས་རྨོད། ་པར་བྱེད་པ་ཡིན།། སྙིང་པོ་དེ་ལ་མདོར་བསྡུས་པས།། བྱ་བ་ཙོག་པུའི་རྟེན་ལ་འདུག། དྲི་མ་མེད་པའི་གཟུགས་བྱས་ནས།། ཁྲོ་བོ་ཁྲོ་བོའི་མཆོག་འབྱུང་བ།། ཡོན་ཏན་སྟོང་ཕྲག་ཀྱང་བསྐྱེད་ནས། ་རྟག་ཏུ་སངས་རྒྱས་ཀྱང་ཐོབ་བྱེད།། ཉི་མ་བདུན་ནམ་སོ་སོར་བྱས།། གལ་ཏེ་འགའ་ཞིག་མི་འགྲོ་ན།། མགོ་བོ་ཚལ་པ་བདུན་དུ་འགས།། མི་ཕྱེད་རྡོ་རྗེ་རང་གིས་གསུངས།། དེ་བཞིན་གཤེགས་པ་ཐམས ་ཅད་སྐྲོད་པའི་ལེའུ་སྟེ་བཅུ་བདུན་པ་རྫོགས་སོ།། ། དེ་ནས་བཅོམ་ལྡན་འདས་ཀྱིས་རྣམ་པར་སྣང་མཛད་ཆེན་པོ་རྡོ་རྗེ་སེམས་དཔའ་མཉེས་པར་བྱེད་པའི་ལས་འདི་གསུངས་སོ།། ་སངས་རྒྱས་སློབ་དཔོན་འདབ་བཟང་ཉིད།། རྡོ་རྗེའི་སྐྱིལ་ཀྲུང་དུ་གནས་ཏེ།། བྱ་དཀའི་ཉེ་བར་ལོངས་སྤྱོད་ཀྱིས།། གང་དེ་འཚོ་ཞིང་གནས་པར་བྱེད།། བརྗོད་པའི་ལྷག་མ་བསྟན་པར་བཤད།། འགྲོ ་བ་དང་ནི་གར་ཉིད་དང་།། དེ་བཞིན་འབེལ་གཏམ་དུ་མི་འགྱུར།། མཐོན་པོ་མིན་ཉིད་སློབ་མ་ཡིས།། ཆོས་ཀྱི་དུས་སུའང་སྡིག་པ་སོགས།། གནས་བྱ་གལ་ཏེ་རྨོངས་པ་དེ།། མནར་མེད་གནས་སུ་འཚེད ་པར་འགྱུར།། སྔགས་ཙམ་གལ་ཏེ་ཚངས་པ་ལ།། ལག་པ་གཉིས་ཀྱིས་ཡང་དག་བརྩམ།། ཇི་སྲིད་ནམ་མཁའ་ཡང་དག་འབྱུང་།། མནར་མེད་གནས་སུ་འཚེད་པར་འགྱུར།། བུད་མེད་གསང་མིན་བརྗོད ་བྱ་མིན།། གང་ཞིག་ལ་ལ་སློབ་དཔོན་ཆེད།། བདེ་དང་ལུས་སེམས་སྡུག་བསྔལ་བ།། སྦྱོར་བ་ཇི་སྲིད་འཚོ་ཡི་བར།། གལ་ཏེ་སློབ་དཔོན་རྣམས་ཀྱི་བཀའ།། དགའ་བའི་སེམས་ཀྱིས་བྱས་གྱུར་ན།། ་བདག་ལ་སངས་རྒྱས་སོགས།། འགྲུབ་འགྱུར་འདིར་ནི་ཐེ་ཚོམ་མེད།། དེ་ལ་ཇི་སྲིད་འཚོ་ཡི་བར།། བརྡ་ཡིས་ཀུན་ཏུ་གནས་པར་བྱ།། དཀུ་རུ་བརྟེན་པའི་ལག་པ་སོགས།། ཇི་སྲིད ་འཚོ་བར་མི་བྱའོ།། དངོས་གྲུབ་འབྲས་བུ་དོན་གཉེར་བས།། སློབ་དཔོན་མིང་ནས་སྨོས་མི་བྱ།། ཇི་སྲིད་ནམ་མཁའ་ཡང་དག་འབྱུང་།། མནར་མེད་དམྱལ་བར་འཚེད་པར་འགྱུར།། དེ་བཞིན་གཤེགས་པ་ཇིས ་པ་དེ་བཞིན་དུ་བྱའོ་ཞེས་སོ།། བཟའ་བ་ལ་ཡང་རང་སློབ་ཤེས།། སངས་རྒྱས་གཟུགས་སུ་རྣམ་བསྒོམ་བྱ།། དེ་ཡི་མིང་གི་ཡི་གེ་གང་།། ཇི་སྲིད་འཚོ་བར་བརྗོད་མི་བྱ།། སངས་རྒྱས་གྲངས་མེད་བསད་བྱས་ནས།། ་སྡིག་པ་འདི་ནི་ཁྱད་པར་འཕགས།། གང་ཚེ་ཁ་ཅིག་ཡོན་ཏན་འདིས།། བསྟོད་ན་བསོད་ནམས་ཡང་དག་འབྱུང་།། དེ་ཚེ་སློབ་དཔོན་རྟོགས་མེད་པས།། གཞན་དུ་གལ་ཏེ་རྨོངས་པ་བདག། དེ་ཚེ་ངུ་འབོད ་དུ་འཚེད་འགྱུར།། གང་གང་ཚེ་དེ་བེ་མཱ་པཱ་ཏི།། གུས་པས་ཉན་སོགས་བསྙེན་པ་གང་།། དེ་ཚེ་སློབ་མ་སྔགས་ཞུ་དང་།། ཇི་ལྟར་ཁ་ཅིག་སློབ་དཔོན་རྣམས།། བདེ་བ་དངོས་སུ་མཐོང་བར་འགྱུར།། གང་ཞིག ་ལ་ལ་སློབ་དཔོན་རྣམས།། བདག་ཉིད་ཐིག་ནག་འཚོད་ཅིང་འཚེད།། དེ་དག་ངུ་འབོར་དུ་འཚེར་འགྱུར།། སློབ་དཔོན་གང་ཉིད་ཚོལ་བྱེད་པ།། དེ་ནི་དེ་ལ་དབུལ་བར་བྱ།། གཞན་དུ་དངོས་གྲུབ་མེད་པ་ཉིད།། ་ཇི་སྲིད་སློབ་མའི་མ་རྟག་སློབ་དཔོན་གྱི།། ཆུང་མའི་དོན་དུ་བསྒྲུབ་པར་བྱ།། ཡང་ན་སྲིང་མོ་དེ་བྱིན་ནས།། འགྲུབ་འགྱུར་འདིར་ནི་ཐེ་ཚོམ་མེད།། སློབ་དཔོན་གང་ཞིག་སློབ་མའི་ཕྱིར།། ཕྱག་འཚལ་བ་ནི་བསྒྲུག ་བར་བྱ།། བསྐལ་པ་དྲུག་ཅུར་དེ་དམྱལ་བའི།། སྡུག་བསྔལ་མྱོང་བར་འཚེད་པར་འགྱུར།། དེ་ལྟར་ཡོན་ཏན་ཁྱུད་འཕགས་ཀྱི།། ཟླ་བ་དྲུག་གིས་རང་གསལ་བྱ།། གལ་ཏེ་གཞན་དུ་བདག་རྨོངས་ན།། མནར། ་མེད་ལྟ་བུར་འཚེད་པར་འགྱུར།། གང་ཉིད་སློབ་དཔོན་ཚོལ་བྱེད་པ།། དེ་ཉིད་སོ་སོར་བསྒྲུབ་པར་བྱ།། རྡོ་རྗེ་ཡེ་ཤེས་རབ་བསྐུལ་བས།། དངོས་གྲུབ་ཡངས་པར་དེ་འགྲོ་འགྱུར།། ཡོན་ཏན་འདི་རྣམས་གང ་གིས་འགས།། བསོད་ནམས་འབྱུང་བར་ཤེས་པར་བྱ།། སློབ་དཔོན་འདི་ཡི་རྒྱུད་ལ་སོགས།། དེ་ལྟ་བུ་སོགས་གསལ་བྱ་མིན།། དེ་ལྟར་བདག་ཉིད་དག་པ་ཐོབ།། ཆོས་ཀྱི་དེ་ཉིད་ཆོ་གས་གནས། ་དེ་ཡི་སློབ་རབ་གསལ་བར་བྱ།། མྱུར་དུ་འགྲུབ་འགྱུར་གཞན་དུ་མིན།། སངས་རྒྱས་གནས་ལ་གནས་པ་ཡིས།། གང་དེ་མགུ་ནས་རྡོར་སེམས་མཆོག། མྱུར་དུ་འགྲུབ་བྱེད་གཞན་དུ་མིན།། སངས ་རྒྱས་སངས་རྒྱས་ཉིད་འཐོབ་པ།། དེ་མགུ་བྱེད་པ་མཆོག་འབྱུང་འགྱུར།། དེ་ཡིས་འཇིག་རྟེན་གསུམ་འགྲུབ་སྟེ།། སངས་རྒྱས་ཡེ་ཤེས་ཉིད་ཀྱང་ངོ་།། དེ་བཞིན་གཤེགས་པའི་གསང་བ་རྡོ་རྗེ་སེམས ་དཔའ་མཉེས་པར་བྱེད་པའི་ལེའུ་བཅོ་བརྒྱད་པ་རྫོགས་སོ།། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་སྔགས་ཐམས་ཅད་ཀྱི་ལེའུ་གསུངས་སོ།། སྐྱེད་མོ། ་ཚལ་དང་རྣམ་པར་དབེན།། ཆུ་ཀླུང་རབ་ཏུ་འབབ་པ་དང་།། རི་དང་རྣམ་པར་བཀྲ་བ་རུ།། སྒྲུབ་པའི་གོ་འཕང་གིས་བསྒྲུབ་བྱ།། ཟླ་བ་གཅིག་གིས་གྲུབ་པར་འགྱུར།། གལ་ཏེ་མིན་ན་དེ་འགྲུབ་མིན།། དབེན ་དང་གཞན་པའི་ཡུལ་རྣམས་སུ།། སེམས་ནི་གང་དུ་རབ་དགྱེས་བྱེད།། གསང་སྔགས་འབར་བས་བྱིན་བརླབས་པ།། དེ་ལས་སངས་རྒྱས་ཉིད་འགྲུབ་འགྱུར།། རྒྱ་མཚོ་དང་ནི ་ཆུ་ཀླུང་ནི།། རི་བོ་ཆེན་པོའི་རྩེ་རྣམས་སུ།། ཡན་ལག་ཐ་དད་མིན་སྔགས་བཟླས།། ངེས་པར་ཟླ་བས་འགྲུབ་པར་བྱེད།། སྐེ་ཚེ་དུག་དང་ཡང་དག་ལྡན།། རིག་ཏའི་ཤིང་གི་སྦྱིན་སྲེག་གིས།། བསྙེན་པ ་སོགས་ནི་དེ་བསྐྱེད་ནས།། གསང་སྔགས་སྒྲུབ་པ་ཀུན་སྤྱད་བྱ།། དེ་ལ་སྡོམ་པ་བཟུང་ནས་ནི།། ངེས་པར་འགྲུབ་བྱེད་གཞན་དུ་མིན།། གསང་སྔགས་ཆོ་ག་ཀུན་ཐོབ་ནས།། སྔགས་པས་བསྙེན་པར་འགྲུབ། ་བར་བྱེད།། དེ་ཕྱིར་སྔགས་པས་ཁྱད་པར་གྱི།། སྡོམ་པ་སོ་སོར་བསྒྲུབ་པར་བྱ།། གང་ཉིད་སྡོམ་པར་ཡང་དག་བརྗོད།། དེ་ཉིད་བརྟུལ་ཞུགས་ཅན་གྱིས་བསྲུང་།། གཞན་དུ་ནམ་མཁའ་ཇི་སྲིད་པར།། ་མནར་མེད་དམྱལ་བར་ཀུན་ཏུ་འབྱུང་།། ཇི་སྲིད་འཚོ་བར་ཆོ་ག་བཞིན།། སློབ་དཔོན་སྡོམ་པ་སྲུང་བ་ལ།། དེ་ཡི་སངས་རྒྱས་ཉིད་དུ་འགྲུབ།། སྣ་ཚོགས་འཛིན་པ་ཀུན་གཞི་འོ།། མཉམ་མེད་གསང ་སྔགས་བཟླས་ནས་ནི།། སྒྲུབ་པའི་བདག་ཉིད་ཅན་གྱིས་བསྒྲུབ།། ཟླ་ཉ་གཅིག་གིས་འཇིག་རྟེན་གསུང་།། དེ་ཡིས་འགྲུབ་འགྱུར་ཐེ་ཚོམ་མེད།། རྣམ་ཤེས་ལས་ཀྱང་བྱུང་བའི་སྔགས།། འབུམ ་ཕྲག་དྲུག་ཏུ་བཟླས་ནས་ཀྱང་།། རྡོ་རྗེ་སེམས་དཔའ་ཕྱག་བྱས་ནས།། ཟླ་བ་ཉ་ལ་དེ་འགྲུབ་འགྱུར།། སྔགས་དང་ཕྱག་རྒྱའི་རབ་དབྱེ་བས།། ངེས་པར་སངས་རྒྱས་ཀྱང་ཐོབ་བྱེད།། ཕྱག་རྒྱའི་དབྱེ་བ་རབ ་བཀོད་པ།། ངེས་པར་ལྷ་རྣམས་སྤྱན་དྲངས་མེད།། ངག་བདག་གང་ཉིད་ཚོལ་བྱེད་པ།། དེ་ཉིད་རྟག་ཏུ་འབད་བྱའོ།། མཁས་པས་རབ་མཆོག་སངས་རྒྱས་ལ།། སོགས་པའི་ཕྱག་རྒྱ་བཅིངས་བྱས ་ནས། དེ་རྣམས་སྔགས་ནི་བཟླས་ནས་ནི།། རྟག་ཏུ་ངེས་པར་སྦྱིན་པར་བྱ།། སྔགས་པས་རྒྱལ་པོའི་བུ་མོ་གང་།། གལ་ཏེ་སངས་རྒྱས་བུ་མོའང་རུང་།། བཟུང་ནས་ཉེ་བར་ལོངས་སྤྱད་བྱ།། ཇི་སྲིད་ཡིད་ནི། ་ཚིམ་པར་གྱུར།། དུག་དང་སྐེ་ཚེ་ཡང་དག་ལྡན།། ཡུངས་ཀར་ཏིལ་མར་བསྲེས་པ་དང་།། རུས་པ་རྡོ་བར་ཡང་དག་ལྡན།། མ་ཏྲི་ཏྲཾ་དེ་ཕྱེ་མར་བྱ།། བཤང་དང་གཅི་བ་རབ་བཅུག་ནས།། བརྟུལ་ཞུགས ་ཅན་གྱི་ཁྱད་པར་གྱིས།། ཟུར་གསུམ་མགྲིན་པའི་མ་ལ་བསྲེག། ངེས་པར་མྱུར་དུ་འགྲུབ་པར་བྱེད།། ལྷ་སྦྱིན་ཞེས་ནི་བྱས་ནས་ནི།། གང་གིས་འདི་ནི་རབ་གསལ་བྱེད།། གལ་ཏེ་འདིརི་ནི་སངས ་རྒྱས་རུང་།། གང་གིས་ཐལ་བར་བྱེད་པར་འགྱུར།། མཁས་པས་མཚན་མོ་ཕྱེད་ལ་ཡང་།། ཉི་མའི་གུང་ལ་སྦྱིན་སྲེག་བྱ།། བསྐལ་པ་གཅིག་གི་བར་གྱི་ཡང་།། སྦྱིན་བྱེད་གཞན་དུ་ནམ་ཡང་མིན། ་གལ་ཏེ་སངས་རྒྱས་སམ་འགའ་ཞིག། རྨོངས་པའི་སེམས་ཀྱིས་འདས་ན་ནི།། མགོ་བོ་ཚལ་པ་བདུན་དུ་འགས།། བྱང་ཆུབ་སེམས་ནི་རང་གི་གསུངས།། རངས་དང་འབེབས་པ་དང་པོར་གྲགས།། ་གཉིས་པ་ས་ཞེས་བྱ་བར་བརྗོད།། གསུམ་པ་ལྷ་ཡི་མཆོག་ཡིན་ནོ།། བཞི་པ་འཕགས་པའི་ཡུལ་དུ་ཡང་།། ཕྱག་ན་རྡོ་རྗེར་གྲགས་པ་ཡིན།། སྙིང་པོ་ཀུན་གྱི་སྦྱོར་བ་ཡིས།། བྱ་བ་མྱུར་དུ་འགྲུབ་པར ་བྱེད། རིག་པ་སྣ་ཚོགས་སོགས་དང་གནས།། སྐྱེད་མོས་ཚལ་དང་དགའ་སྟོན་ཚེ།། དཀྱིལ་འཁོར་དེ་ལ་བྱ་བ་ནི།། བདུག་པ་བྱིན་ནས་ཡང་དག་བརྩམ།། གལ་ཏེ་བརྒྱ་བྱིན ་ནམ་ཚངས་པ།། སངས་རྒྱས་སམ་ཡང་བློ་གྲོས་ཆེ།། ཆོ་ག་ཤེས་པས་ཞག་བདུན་གྱིས།། འཇོམས་འགྱུར་འདིར་ནི་ཐེ་ཚོམ་མེད།། ཆོ་ག་ཤེས་པས་ཁྲག་གིས་བྱུགས།། རང་ཉིད་རང་གི་ལུས་སུ་བྱ། ་སྐྲ་གྲོལ་གཙུག་ཏོར་གྱུར་ནས་ནི།། མི་སྡུག་མཆོག་གཙིགས་འཇིགས་པར་བྱེད།། དུར་ཁྲོད་ཁྱིམ་དུ་ཡང་དག་སྦྱོར།། རང་གིས་དེ་ཡི་མིང་བྲི་བྱ།། སྟོང་ཕྲག་གཅིག་ཏུ་བཟླས་ནས་ནི།། ངེས་པར་སངས ་རྒྱས་ཀྱང་འཛིན་བྱེད།། ཆོ་ག་ཤེས་པས་གཤར་བའི་གོས།། ཁྲོ་བོའི་སེམས་ཀྱིས་རབ་ཞུགས་ནས།། ལིང་ག་རྐང་པས་མནན་ནས་ནི།། སངས་རྒྱས་ཀྱང་ནི་ངེས་པར་འཇོམས།། ཁྱབ་འཇུག་ལྷ་མིན་ལ ་སོགས་ལྷ།། རྐང་པར་བྱས་ནས་བརྩམ་པར་བྱ།། ཆོ་ག་ཤེས་པས་ཉིན་བདུན་གྱིས།། ཁམས་གསུམ་པོ་ཡང་འཇོམས་པར་བྱེད།། བཅོམ་ལྡན་འདས་རྣམ་པར་སྣང་མཛད་ཆེན་པོ་སྔགས་ཐམས་ཅད ་འཆང་བས་དེ་སྐད་ཅེས་གསུངས་སོ།། ལེའུ་བཅུ་དགུ་པ་རྫོགས་སོ།། ། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་སྒྲུབ་པོ་ཐམས་ཅད་ཀྱི་སྡོམ་པའི་ལེའུ་གསུང ་སོ། བཤང་དང་གཅི་བ་བཟའ་བར་བྱ།། སེམས་ཅན་ཀུན་ལ་བདེ་བ་སྦྱིན།། རྡོ་རྗེ་འཆང་རྒྱལ་དེ་ཉིད་ནི།། ཀུན་མཆོག་ས་ཡི་དབང་ཕྱུག་གོ། སླ་དགུ་ལས་ནི་ཡང་དག་བྱུང་།། འགའ་ཞིག་ཏུ་ནི་བཟའ ་བར་བྱ།། རྡོ་རྗེ་འཛིན་པ་ཀུན་གྱི་རྒྱལ།། ཀུན་མཆོགས་ཡི་དབང་ཕྱུག་གོ།། འདོད་ཆགས་བཟའ་བར་བྱ་བ་ནི།། ཕན་དང་བདེ་བ་ཐམས་ཅད་སྦྱིན།། དེ་ནི་རྡོ་རྗེ་འཆང་རྒྱལ་པོ།། ཀུན་མཆོག་ས་ཡི་དབང ་ཕྱུག་གོ།། ཞེ་སྡང་བཟའ་བར་བྱ་བ་ནི།། རྡོ་རྗེ་ཡེ་ཤེས་རབ་རྟོགས་བྱེད།། དེ་ཉིད་རྡོ་རྗེ་འཆང་རྒྱལ་པོ།། ཀུན་མཆོག་ས་ཡི་དབང་ཕྱུག་གོ།། གཏི་མུག་བཟའ་བར་བྱ་བ་ནི།། ཡེ་ཤེས་ཐམས་ཅད་རྟོག་པའོ།། ་དེ་ཉིད་ཞི་བ་འཛིན་རྒྱལ་པོ།། སངས་རྒྱས་རྣམ་པར་སྣང་མཛད་གཞི།། བདེ་སྡུག་བཟའ་བར་བྱ་བ་ནི།། སློབ་དཔོན་ཇི་སྲིད་འཚོ་ཡི་བར།། དེ་ཉིད་ཞི་བ་འཛིན་རྒྱལ་པོ།། སངས་རྒྱས་རྣམ་པར་སྣང་མཛད་གཞི།། ་སློབ་དཔོན་ཇི་སྲིད་འཚོ་ཡི་བར།། ཆོས་དང་ཆོས་མིན་བཟའ་བར་བྱ།། དེ་ཉིད་རྡོ་རྗེ་འཆང་རྒྱལ་པོ།། ཀུན་མཆོག་དེ་ཉིད་སྟོན་པ་པོ།། ཇི་སྲིད་འཚོ་བར་འགའ་ཞིག་ཏུ།། སེམས་ཅན་ཁམས་ནི་བཟའ ་བར་བྱ།། དེ་ཉིད་རྡོ་རྗེ་འཛིན་རྒྱལ་པོ།། ཀུན་མཆོག་ས་ཡི་དབང་ཕྱུག་གོ། ཇི་སྲིད་འཚོ་བར་སྨད་པ་ཡི།། བྱ་བ་ཐམས་ཅད་མི་བྱའོ།། དེ་ཉིད་པདྨ་འཆང་རྒྱལ་པོ།། ཀུན་མཆོག་ས་ཡི་དབང་ཕྱུག་གོ ་དེ་ནས་དེ་བཞིན་གཤེགས་པ་རྣམས་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཆོས་ཉིད་དང་ཡི་གེ་ཐོས་ནས་ངོ་མཚར་ཐོབ་ནས། རྡོ་རྗེ་འཆང་ཐམས་ཅད་ལ་འདི་སྐད་ཅེས་གསོལ། ་ཏོ། རིགས་ཀྱི་བུ་འདི་ནི་ངོ་མཚར་ཏེ། གང་དུ་ཐམས་ཅད་མཁྱེན་པའི་ཡེ་ཤེས་ཀྱི་བདག་པོ་དེ་དག་གི་མིང་ཡང་ཤེས་པར་བྱ་བ་མ་ཡིན་ན་གཞན་ལྷ་ཅི་སྨོས་ཞེས་སོ།། དེ་ནས་བཅོམ་ལྡན་འདས ་ཕྱག་ན་རྡོ་རྗེ་བཅོམ་ལྡན་འདས་རྣམ་པར་སྣང་མཛད་ཆེན་པོའི་ཐུགས་ཀར་གནས་ནས་འདི་སྐད་ཅེས་གསུངས་སོ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་དེ ་བཞིན་གཤེགས་པ་ཐམས་ཅད་ཀྱི་སྔགས་ཡིད་བཞིན་ནོར་བུའི་ལེའུ་བསྟན་པར་བྱའོ།། དེ་བཞིན་གཤེགས་པ་ཐམས་ཅད་ཀྱིས་གསོལ་པ། བཅོམ་ལྡན་འདས་དེ་བཞིན་གཤེགས་པ་ཐམས ་ཅད་ནི་གཡོ་བར་བྱེད་པ་ཞེས་བྱ་བ་བསྟན་དུ་གསོལ། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་དེ་བཞིན་གཤེགས་པ་ཐམས་ཅད་ཀྱི་གནས་ལྔར་ཡིད་བཞིན་གྱི་ནོར་བུའི་སྔགས་ཀྱི་ཏིང ་ངེ་འཛིན་གྱི་ལེའུ་འདི་གསུངས་སོ།། བྱིན་རླབས་ལ་སོགས་སྔགས་སོགས་ཀྱིས།། དེ་ཉིད་སྣ་ཚོགས་རྣམ་སྒོམ་པ།། ཆོ་ག་ཤེས་པས་དེ་སྟེང་དུ།། ཡི་གེ་བཞི་ནི་རྣམ་སྒོམ་པ།། བདག་ཉིད་དབུས། ་སུ་སོན་བྱས་ནས།། རང་གི་གཟུགས་སུ་གཟུགས་མཚོན་པ།། རང་སེམས་བྱང་ཆུབ་ཡང་དག་འབྱུང་།། ཆོ་ག་ཤེས་པས་ཀུན་དགེད་བྱ།། དེ་ཡིས་སངས་རྒྱས་ཉིད་འགྲུབ་འགྱུར།། སྒོམ་པ ་འདི་ཉིད་རབ་སྒྲུབ་བྱེད།། ཟླ་བའི་དཀྱིལ་འཁོར་དབུས་གནས་པར།། ཤེལ་དང་ཟླ་བ་མཚུངས་པའི་འོད།། ཉི་མའི་དཀྱིལ་འཁོར་དབུས་སུ་ནི།། ལྔ་ཡི་ཡི་གེ་རྣམ་བསྒོམ་ནས།། ཡི་གེ་ལྔ་ནི ་རྣམ་བསྒོམ་བྱ།། སྔགས་པས་ལུས་ཀྱི་དབུས་སོན་པར།། ཨོཾ་ཡིག་སེར་པོ་དང་མཚུངས་པ།། འོད་ཟེར་ལྔ་པོ་ཀུན་ཏུ་འཁྲུགས།། དེར་སོན་བདག་ཉིད་སྔགས་པས་བསྒོམས།། དབུས་སུ་ཧཱུཾ་ཡིག ་ཡང་དག་སྦྱོར།། རང་གཟུགས་དགེ་བ་བསྒོམ་པར་བྱ།། འཛམ་བུ་ནཱ་ད་མཚུངས་པའི་འོད།། གཟུགས་བརྙན་ཚུལ་གྱིས་བསྐྱེད་ནས་ནི།། མཚན་ཉིད་ཐམས་ཅད་ཡོངས་རྫོགས་པ།། ཡིད་དུ་འོང་བསྒོམ ་པར་གྱིས།། སངས་རྒྱས་གཟུགས་བརྙན་དེ་རྣམས་སུ།། འོད་ཟེར་ལྔ་ནི་རྣམ་བསྒོམ་བྱ།། རྣམ་སྣང་མཛད་གཟུགས་འོད་ཟེར་གྱིས།། ནམ་མཁའི་ཁམས་ནི་ཀུན་བཀང་བར།། བསམས་ནས་ཆོ་ག་ཤེས་པས ་དེར། བསྡུས་ནས་དེ་ལ་ལྷུང་བར་བྱ།། ཟླ་བ་འཆར་བས་མཚན་པ་ཡི།། མཉམ་མེད་གཟུགས་ནི་བསྐྱེད་ནས་ནི།། གསལ་བའི་རལ་པ་འཆང་ཞི་བ།། ཅོད་པན་ལྔ་ནི་འཛིན་པ་པོ།། སྣ་ཚོགས་འོད ་ཟེར་མཉམ་པའི་འོད།། སངས་རྒྱས་གཟུགས་སུ་རྣམ་བསྒོམས་ནས།། དཀྱིལ་འཁོར་དུ་གཞུག་བསམས་ནས་ནི།། དེ་ཡིས་སྔགས་ནི་རྣམ་བསྒོམ་བྱ།། སངས་རྒྱས་གཟུགས་ནི་དེ་རྣམས་སུ།། རྡོ་རྗེ་སེམས ་དཔའ་རྣམ་བསྒོམས་པས།། གཙུག་ཏོར་དེ་ཡི་བཟླས་པ་བྱ།། ཁྲོ་བོ་གང་གཞན་འབྱུང་བས་ཀྱང་།། རིགས་རྣམས་ཐམས་ཅད་ཉིད་ཀྱི་ཡང་།། བསྐྱེད་པའི་ཆོ་གར་འགྱུར་བ་ཡིན།། རྡོ་རྗེ་གསུམ་ཀུན་ཏུ་འབྱུང་བ ་ཞེས་བྱ་བའི་ཏིང་ངེ་འཛིན་རྫོགས་སོ།། དེ་ནས་བཅོམ་ལྡན་འདས་ཀྱིས་རྡོ་རྗེ་འཆང་ཆེན་པོ་རྡོ་རྗེ་གསུམ་གྱི་ཡེ་ཤེས་ཞེས་བྱ་བའི་ཏིང་ངེ་འཛིན་གསུངས་སོ།། ཆོ་ག་ཤེས་པས་དེ ་ཐམས་ཅད།། ཨོཾ་ཡིག་དབུས་སུ་རྣམ་བསྒོམ་བྱ།། འབར་བའི་འཕྲེང་བས་རྣམ་བརྒྱན་པའི།། ཧཱུཾ་ཡིག་མཐར་ནི་རྣམ་བསྒོམས་ནས།། དབུས་སུ་རྡོ་རྗེ་འཆང་བསམས་ནས།། ཨིནྡྲ་ནཱི་ལ་མཚུངས་པའི་འོད། ་ཞི་བ་རལ་པའི་ཅོད་པན་འཆང་།། ཕྱག་ན་རྡོ་རྗེ་རྣམ་བསྒོམ་བྱ།། རྣམ་པར་སྣང་མཛད་རྣམ་བསྒོམས་ནས།། འོད་ཟེར་སྣ་ཚོགས་མཚུངས་པའི་འོད།། བསམས་ནས་དེ་ཡི་ཐུགས་ཀ་རུ། ་ཟླ་བར་སྔགས་ཀྱི་ཡི་གེ་སྒོམ།། བཅོམ་ལྡན་འདས་རྡོ་རྗེ་སེམས་དཔའི་ཏིང་ངེ་འཛིན་རྫོགས་སོ།། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་བཅོམ་ལྡན་འདས་སྤྱན་རས་གཟིཿ། ་དབང་ཕྱུག་གི་ཏིང་ངེ་འཛིན་འདི་གསུངས་སོ།། དེ་བཞིན་ཉིད་དུ་ཀུན་བྱས་ནས།། དབུས་སུ་ཧཾ་ཡིག་སྒོམ་པ་ནི།། ངོས་སུ་རང་གི་གཟུགས་ལྟར་བྱ།། རྡོ་རྗེ་དམར་པོ་རྣམ་བསྒོམ་བྱ།། དབུས་སུ་ཆོས་འཆང་བསམས ་ནས་ནི།། པདྨ་རཱ་གའི་དབང་མཚུངས་པ།། ཕྱག་ན་པདྨ་འདབ་བརྒྱན་པ།། དེ་ཡི་དབུས་སུ་རྣམ་བསྒོམ་པ།། ཐུགས་ཀར་ཟླ་བའི་དཀྱིལ་འཁོར་ནི།། བསམས་ནས་སྔགས་ནི་རྣམ་བསྒོམ་བྱ།། བཅོམ་ལྡན ་འདས་ཆོས་ཀྱི་དབང་ཕྱུག་གི་ཏིང་ངེ་འཛིན་གྱི་ཆོ་ག་རྫོགས་སོ།། ། ཆོ་ག་ཤེས་པས་གཟུགས་བྱས་ནས།། ངོས་སུ་ཧཾ་ཡིག་ཡང་དག་སྦྱར།། དབུས་སུ་རང་གི་རྣམ་པ་སྒོམ།། འཛམ ་དུ་ནཱ་ད་མཚུངས་པའི་འོད།། འདོད་མཆོག་གཟུགས་ནི་བསྐྱེད་པར་བྱ།། ལག་ཏུ་མདུང་རྩེ་གསུམ་བསྒོམས་ནས།། དེ་ཡི་སྙིང་ཁར་དཀྱིལ་འཁོར་དགོད།། ཆོས་ཀྱི་དབང་ཕྱུག་གཟུགས་བསྒོམས་ནས། ་བྱིས་ནས་བྱ་བ་ཡང་དག་བརྩམ།། སྒྲོན་མ་འབྱུང་བ་ཞེས་བྱ་བ།། བཅོམ་ལྡན་འདས་འདོད་པའི་མཆོད་པའི་ཏིང་ངེ་འཛིན་རྫོགས་སོ།། ། ཡང་ན་བརྟུལ་ཞུགས་ཅན་གྱིས་ནི། ་བསྡུ་བས་སངས་རྒྱས་གཟུགས་བསྒོམ་བྱ།། གཙུག་ཏོར་སྔགས་དང་ཁྲོ་བོ་དང་།། རིག་པའི་རྒྱལ་པོ་རིག་བཅས་པ།། ལས་རྣམས་ཐམས་ཅད་པ་ཡི་སྔགས།། གོ་རིམས་བཞིན་དུ་དེ་བཟླས་བྱ།། དབུས ་སུ་བདག་པོ་བསྒོམས་ནས་ནི།། ངོས་སུ་ལྷ་རྣམས་དགོད་པར་བྱ།། སྙིང་པོ་སྦྱོར་བ་དེ་རྣམས་སུ།། ཟླ་བའི་དཀྱིལ་འཁོར་བསྒོམ་པར་བྱ།། སྔགས་ཀྱི་ཡི་གེ་མཆོད་བསྒོམས་ནས།། དེ་ཡིས་ལྷ་རྣམས ་རྣམ་བསྒོམས་པ།། ཐམས་ཅད་ཀྱི་ནི་ལག་པར་ནི།། རྡོ་རྗེ་འཁོར་ལོ་པདྨ་སྒོམ།། མདུང་དང་ཡིད་བཞིན་ནོར་བུ་ཡང་།། བསྒོམས་ནས་མྱུར་དུ་སྒྲུབ་པར་བྱེད།། སྔགས་པས་རང་སྔགས་བཟླས་བྱ་སྟེ། ་ཟླ་བའི་དཀྱིལ་འཁོར་བསྒོམས་པ་ཡིས།། ངོས་སུ་ཟླ་བ་ཡང་དག་སྦྱོར།། དབུས་སུ་སེར་པོ་རྣམ་བསྒོམ་བྱ།། བསྡུས་ཏེ་གོང་བུའི་ཚུལ་གྱིས་ནི།། རང་གི་ལུས་ལ་དགོད་པར་བྱ།། སངས་རྒྱས་ཐམས ་ཅད་རབ་བསྐུལ་བས།། འདི་ནི་རེངས་པར་བྱེད་པའི་མཆོག། དུས་རྣམས་ཀུན་ཏུ་རྣམ་བསྒོམས་ནས།། ངེས་པར་བསྐལ་པར་དེ་གནས་འགྱུར།། ཆོ་ག་ཤེས་པས་མི་བསྐྱོད་སོགས།། ཉི་མའི་དཀྱིལ ་འཁོར་ལ་དགོད་བྱ།། རིགས་ཀྱི་དབང་ཕྱུག་རྣམ་བསྒོམས་ར།། ཟླ་བའི་དཀྱིལ་འཁོར་དགོད་པ་ནི།། ཐོག་མ་ཐ་མར་བསམ་གཏན་འདི།། བཞི་ཡི་དབུས་སུ་བསམ་པར་བྱ།། དེ་ཡིས་སངས་རྒྱས ་ཉིད་སྒྲུབ་ན།། ཡུན་མི་རིང་བར་སངས་རྒྱས་འགྱུར།། དེ་ཡི་རང་གི་སྔགས་ཀྱི་མཆོག། ཕྱག་རྒྱ་ཤེས་ནས་སྒྲུབ་པ་པོ།། ཆོ་ག་ཤེས་པས་བསྐྱེད་པར་བྱ།། མྱུར་དུ་འགྲུབ་བྱེད་གཞན་དུ་མིན།། ཕྱག་རྒྱ ་ཞི་ལ་མེ་ཡི་དབུས་སོན་པར།། བདུད་རྩི་ལྟ་བུ་བསྒོམ་པར་བྱ།། དེ་ཉིད་ལ་ནི་ལྷ་ཡི་གཟུགས།། རང་གི་ཚུལ་གྱིས་བསྒོམ་པར་བྱ།། བདག་ཉིད་བདག་པོའི་ཚུལ་གྱིས་ནི།། འདི ་ནི་རྡོ་རྗེའི་ཚུལ་ལས་བྱུང་།། ཁ་ནི་རབ་ཏུ་གདངས་བྱས་ནས།། མེ་སྟག་འཐིབས་པས་འཁྲུགས་པ་ཡི།། སྔགས་པས་ལྕེ་ཡི་དབུས་སོན་པར།། ཧཱུཾ་ཡིག་དེ་ཡིས་བསམ་པར་བྱ།། བཅོམ་ལྡན་འདས ་སྦྱིན་སྲེག་རྡོ་རྗེས་དེ་སྐད་ཅེས་གསུངས་སོ།། ཆོ་ག་ཤེས་པས་འོ་མ་སྤང་།། མར་ནི་ཞི་བའི་རིགས་ལ་སྤྱད།། མར་ཁུ་ཆེན་པོའི་བྱེ་བྲག་ལས།། ཡེ་ཤེས་རྡོ་རྗེའི་རིགས་སུ་བརྗོད།། ཞི་བ་རྡོ་རྗེ་སློབ ་དཔོན་གྱི།། སྙིང་ཁའི་དབུས་སོན་རྣམ་བསྒོམ་བྱ།། ཡིད་བཞིན་ནོར་བུ་ལག་བསམས་ནས།། འདི་ནི་དག་པའི་ཚུལ་མཆོག་གོ།། རྣམ་པར་སྣང་མཛད་གཟུགས་བརྙན་ཆེ།། པདྨའི་ཡོན་ཏན་འབྱུང་བ ་ལ་གཟུགས་ནི་འདོད་ཆགས་རིགས་མཆོག་གོ།། གཟུགས་ནི་འདོད་མཆོད་རྡོ་རྗེ་ཅན།། ལས་བཞིའི་རབ་ཏུ་དབྱེ་བ་ལས།། སྔགས་ཀྱི་ཡི་གེ་དགོད་བྱས་ནས།། བཅོམ་ལྡན་འདས་གསང་བའི ་སྦྱིན་སྲེག་རྡོ་རྗེ་འཆང་ཆེན་པོས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར།། དེ་བཞིན་གཤེགས་པ་ཐམས་ཅད་ཀྱི་སྔགས་ཡིད་བཞིན ་གྱི་ནོར་བུའི་ལེའུ་སྟེ་ཉི་ཤུ་པ་རྫོགས་སོ།། ། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་སྟོབས་ཀྱི་སྔགས་ཀུན་ལས་བཏུས་པ་ཞེས ་བྱ་བའི་ལེའུ་འདི་གསུངས་སོ།། སངས་རྒྱས་རྡོ་རྗེ་ཆོས་ཆེན་པོ།། འདོད་པའི་དམ་ཚིག་དགྱེས་པ་པོ།། སྔགས་རྣམས་ཐམས་ཅད་ཡང་དག་དམིགས།། དེ་ཡི་བསམ་གཏན་རབ་བསྐུལ་བྱ།། དམ་ཚིག་ཡེ ་ཤེས་སངས་རྒྱས་ཀུན།། རིགས་དམིགས་དཀྱིལ་འཁོར་ཚུལ་གྱིས་ནི།། གཟུགས་ནི་སངས་རྒྱས་མཚུངས་པའི་འོད།། ཨོཾ་ཡིག་ཡེ་ཤེས་དབྱེ་བ་ཡིས།། འདི་ནི་རྡོ་རྗེའི་ཚུལ་བསྟན་པའོ།། རལ་བའི ་ཅོད་པན་ལོངས་སྤྱོད་པ།། ཁ་དོག་དཀར་པོ་ཤིན་ཏུ་མཛེས།། ཕྱག་བཞི་པ་ལ་སྤྱན་ཡང་པ།། མེ་སྟག་འཐིབས་པས་ཀུན་ཏུ་འཁྲུག། རྣལ་འབྱོར་མཆོད་ཕྱིར་ཐོགས་ལ་སོགས།། བརྒྱན་ཅིང་དཀྱིལ ་འཁོར་ལ་སོགས་པ།། ཅོད་པན་དུ་ནི་རྡོ་རྗེ་སེམས།། མཛེས་པའི་གཟུགས་ནི་རྒྱལ་བའི་གཞི།། དབང་པོ་གཉིས་ནི་རབ་སྦྱོར་བས།། འདི་ནི་བསམ་གཏན་ཚུལ་མཆོག་གོ།། སྐུ་ཡི་རྡོ་རྗེ་སྦྱོར་སོགས། ་ཀྱིས་མངོན་ཤེས་ལྔ་ཡི་རབ་སྦྱོར་ལས།། རྐང་གཉིས་མཆོག་དེ་ཉིད་ཤེས་པས།། ཐོད་པ་ཅན་གྱིས་གཙོ་བོ་བརྗོད།། སངས་རྒྱས་ཀུན་གྱི་འདི་ཡེ་ཤེས།། རིགས་ཞེས་བྱ་བའི་ཏིང་འཛིན་ནོ།། ་དེ་ནས་བཅོམ་ལྡན་འདས་ཕྱག་ན་རྡོ་རྗེས་རྡོ་རྗེ་འཛིན་པ་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ཐམས་ཅད་ཀྱི་དམ་ཚིག་གི ་སྙིང་པོ་འབྱུང་བ་རྡོ་རྗེ་ཞེས་བྱ་བ་འདི་གསུངས་སོ།། རྡོ་རྗེའི་དཀྱིལ་འཁོར་ཚུལ་གྱིས་ནི།། དབུས་སུ་གཟུགས་ནི་རབ་བརྟག་བྱ།། ནག་པོ་ཤིན་ཏུ་རྣམ་འགྱུར་བ།། མ་རུངས་ཞལ་ནི་རྣམ་པར་གདངས། ་ཆེན་པོར་རབ་བསྒོམས་ནས།། ནམ་མཁའི་ལམ་གྱི་དབུས་ལས་ནི།། དབུས་སུ་ཉི་མ་དང་མཚུངས་པའི།། དཀྱིལ་འཁོར་དགེ་བ་བསྒོམ་པར་བྱ།། སྔགས་པས་དཀྱིལ་འཁོར་ལས ་ངོས་སུ།། ཟླ་བའི་དཀྱིལ་འཁོར་བསྒོམ་པར་བྱ།། བདག་པོའི་གཟུགས་ནི་ཡང་དག་བསྐྱེད།། དེ་ཡིས་མི་གཡོ་བསྒོམ་པར་བྱ།། རིན་ཆེན་བཞི་བྱུང་སྒོ་ང་རུ།། སྦྲང་རྩི་མར་གྱིས་རབ་ཏུ་དགང་།། སྔགས་ཀྱི། ་ཡི་གེ་རྣམ་བསྒོམས་ནས།། བསམ་པ་དེ་ཡིས་སྦྱིན་སྲེག་བྱ།། དཀྱིལ་འཁོར་ལྔ་ཡི་ཚུལ་གྱིས་ནི།། དབུས་སུ་ཧཱུཾ་གི་ཡི་གེ་འགེངས།། འབར་བའི་འཕྲེང་བའི་འཐིབས་པ་ནི།། ཀུན་ནས་རྣམ་པར་འཕྲོ་བར། ་བྱེད།། དེ་ལ་གནས་པས་ལྷ་ཡི་གཟུགས།། ཚིམ་པའི་དམ་ཚིག་གསུམ་འབྱུང་བས།། ཆོ་ག་ཤེས་པས་གཙུག་ཏོར་གྱིས།། གཙུག་ཏོར་རྣམས་ནི་བསྒོམ་པར་བྱ།། བདག་པོའི་སྔགས་ནི་ཡང་དག་བསྐྱེད།། ་མཉམ་པར་བཞག་པས་བསྒོམ་པར་བྱ།། ཀུན་ནས་སོར་མོ་བཅུ་གཉིས་པའི།། ཨུཏྤལ་ཆེན་པོ་འདབ་བརྒྱད་པ།། ཆོས་ཀྱི་དཀྱིལ་འཁོར་དབུས་གནས་པར།། དེ་ཉིད་ཀྱིས་ནི་བསྒོམ་པར་བཤད།། ་རྩེ་མོ་ལྔ་པའི་རྡོ་རྗེ་ཆེ།། ཨུཏྤལ་སྔོན་པོ་མཚུངས་པའི་འོད།། འཕྲེང་བ་བཅུ་དྲུག་ཡང་དག་ལྡན།། རྟག་ཏུ་བསྒོམ་བྱ་འགྲུབ་པར་འགྱུར།། སྔགས་པས་སོར་མོ་ཉི་ཤུ་པའི།། རྩེ་གསུམ་སེར་པོ་དང ་མཚུངས་པ།། ཆོ་ག་ཉིད་ཀྱིས་བསྒོམས་བྱས་ནས།། འགྲུབ་འགྱུར་འདིར་ནི་ཐེ་ཚོམ་མེད།། པདྨ་ལས་ཀྱི་རྡོ་རྗེ་དང་།། ཡིད་བཞིན་ནོར་བུ་གསུམ་པ་ཅན།། བདག་པོའི་སྔགས་ནི་ཡང་དག་བསྐྱེད།། མྱུར་དུ། ་སྒྲུབ་བྱེད་གཞན་དུ་མིན།། འཁོར་ལོ་དེ་བཞིན་པད་རྡོ་རྗེ།། བསམས་ནས་རྡོ་རྗེའི་ཆོ་ག་ལས།། སྒོམ་པའི་གོ་འཕང་གིས་བསྒྲུབ་བྱ།། གཞན་དུ་འདི་ནི་འགྲུབ་མི་འགྱུར།། རྡོ་རྗེ་ཆེན་པོ་དུང་སོགས་བཅས། ་འབར་བའི་འཕྲེང་བ་མཚུངས་པའི་འོད།། ཀུན་གྱི་ལས་ཅན་གསང་སྔགས་ཀྱི།། བརྗོད་པ་རྣམས་ཀྱིས་བརྗོད་བྱས་ནས།། རལ་གྲི་འབར་བས་འཁྲུགས་པའི་སེམས།། འཕྲོ་ཞིང་འཐིབས་པའི་ཀུན་ཏུ་འཁྲུག། ་ཁྲུ་གང་ཙམ་དུ་ཡང་དག་བསྐྱེད།། ཁྲོ་བར་བྱེད་པས་ཁྱད་པར་བྱ།། ཕོ་ཉ་མངག་གཞུག་སོགས་སྔགས་རྣམས།། རྡོ་རྗེའི་དཀྱིལ་འཁོར་སྒོམ་པའོ།། ཉི་མའི་དཀྱིལ་འཁོར་སྦྱོར་བ་ལས།། སྒོམ་པས ་མཆོག་ཏུ་མཐེ་བར་འགྱུར།། དབྱུག་པ་ཐོ་བ་དགྲ་སྟ་དང་།། ཞགས་པ་པཊཱི་ས་སྒོམ་པས།། ཆོ་གས་བསྒོམ་པར་བྱས་ནས་ནི།། རྡོ་རྗེ་འཆང་རྣམས་མཉེས་པར་བྱེད།། འདི་དེ་སྔགས་རྣམས་ཐམས་ཅད ་ཀྱིསྐུ་གསུང་ཐུགས་ཀྱི་སྒོམ་པ་སྟེ།། རྡོ་རྗེ་ཡེ་ཤེས་ཅན་གྱིས་གསང་།། ཡེ་ཤེས་དངོས་གྲུབ་ཅན་དུ་བརྗོད།། བཅོམ་ལྡན་འདས་རྡོ་རྗེ་འཆང་གིས་དེ་སྐད་ཅེས་གསུངས་སོ།། གང་ཞིག་དངོས་གྲུབ ་མཆོག་འདོད་ན།། ཆོ་ག་ཤེས་པས་སྦྱིན་སྲེག་བྱ།། དེ་ཉིད་གསང་བའི་ཏིང་འཛིན་གནས།། རྣམ་པ་སྣ་ཚོགས་སྦྱིན་སྲེག་བརྩམ།། དཀྱིལ་འཁོར་བཞི་ཡི་སྦྱོར་བ་ལས།། རིགས་ཀྱི་ལས་ནི་སྒྲུབ་པར་བྱེད།། ་ཨོཾ་ཡིག་སྔགས་ཀྱི་དབྱེ་བ་ཡིས།། སྒོམ་པས་དངོས་གྲུབ་ཐོབ་པར་འགྱུར།། ཞི་བ་ཅན་ལ་དཀྱིལ་འཁོར་ཟླུམ།། རྒྱས་པ་ཅན་ལ་ཟུར་བཞི་པ།། མངོན་སྤྱོད་ལ་ནི་གྲུ་གསུམ་མཆོག། དབང་བྱ་གཞུ་ཡི་རྣམ་པའོ།། ་མེ་སྟག་འཐིབས་པོ་འབར་བ་སྟེ།། འཇིགས་པ་ཡང་ནི་འཇིགས་པར་བྱེད།། ཕྱག་བཞི་པ་སྟེ་རབ་འབད་པས།། དབང་པོ་གཉིས་ཀྱི་རབ་སྦྱོར་ལས།། འདི་ནི་རྡོ་རྗེ་ཚུལ་བརྫུན། ་པའོ།། རྡོ་རྗེ་ཐུགས་སོགས་ཡང་དག་གྲུབ།། རབ་ཏུ་གནས་པས་དེ་བསྒྲུབ་བྱ།། འདོད་ཆགས་རྡོ་རྗེ་རབ་བསྐུལ་བས།། དངོས་གྲུབ་ཐམས་ཅད་བསྒྲུབ་པར་བྱ།། རྡོ་རྗེ་དམ་ཚིག་ཅེས་བྱ་བའི ་ཏིང་ངེ་འཛིན་ཏོ།། དེ་ནས་བཅོམ་ལྡན་འདས་ཕྱག་ན་རྡོ་རྗེས་ཆོས་ཐམས་ཅད་འཆང་བའི་དམ་ཚིག་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆོས་འཆང་བའི། ་དཔལ་ཞེས་བྱ་བ་འདི་གསུངས་སོ།། ཆོས་ཀྱི་དཀྱིལ་འཁོར་སྦྱོར་བ་ལས།། དབུས་སུ་གཟུགས་ནི་རྣམ་བསྒོམ་བྱ།། དམར་པོ་འདོད་ཆགས་འཛིན་པ་འབར།། སྣ་ཚོགས་རྒྱན་གྱིས་བརྒྱན་པ་ཡི།། ཕྱག ་བཞི་པ་ལ་ཡིད་འོང་བ།། དབང་པོ་གཉིས་ཀྱི་རབ་སྦྱོར་བས།། འདི་ཡི་ཆོ་ག་བསྒོམས་པ་ནི།། འདི་ནི་འདོད་ཆགས་ཚུལ་བསྟན་པའོ།། གསུང་གི་རྡོ་རྗེ་གཙོ་དངོས་གྲུབ།། རྡོ་རྗེ་ཆོས་རབ་སྦྱོར་སོགས ་ཀྱིས་སྙིང་རྗེའི་བདག་ཉིད་རྒྱན་གྱིས་སྒྲུབ།། སྒྲུབ་པ་ཡང་ནི་མྱུར་འཐུང་བྱེད།། ཆོས་འཆང་བའི་དམ་ཚིག་གི་དཔལ་ཞེས་བྱ་བའི་ཏིང་ངེ་འཛིན་ཏོ།། དེ་ནས་བཅོམ་ལྡན་འདས་ཕྱག་ན་རྡོ་རྗེས་རྡོ ་དམ་ཚིག་གི་རིགས་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེའི་རིགས་ཀྱི་དམ་ཚིག་གི་མཆོག་ཅེས་བྱ་བའི་ཏིང་ངེ་འཛིན་འདི་གསུངས་སོ།། འདོད་པའི་དཀྱིལ་འཁོར ་བསམ་གཏན་གྱིས།། གཟུགས་ནི་དབུས་སུ་དགོད་པར་བྱ།། ཁྱབ་བདག་ཞི་བ་སེར་པོའི་མདོག། སྤྱན་གསུམ་བརྟུལ་ཞུགས་ཅན་གྱིས་བསྒོམ།། ཀུན་ཏུ་དག་པའི་ཤེལ་དང་མཚུངས།། མེ་སྐྲག་ཆོག ་ནི་ཀུན་ཏུ་འཁྲུགས།། ཕྱག་བཞི་པར་ནི་ཆོ་ག་ཡིས།། བསྒོམ་བྱ་མྱུར་དུ་འགྲུབ་པར་བྱེད།། རྡོ་རྗེའི་མཐར་ཐུག་ནོར་དངོས་གྲུབ།། རབ་ཏུ་གནས་པས་དེ་བསྒྲུབ་བྱ།། འདི་དེ་སྔགས་རྣམས་ཐམས་ཅད་ཀྱི།། ཐར ་པའི་ཏིང་འཛིན་སྙིང་པོ་ཅན།། སྐུ་གསུང་ཐུགས་ཀྱི་བསྒོམས་པ་ནི།། རྡོ་རྗེ་སེམས་དཔས་སྤྲུལ་པ་ཡིན།། རྡོ་རྗེ་མདུང་གི་དམ་ཚིག་ཅེས་བྱ་བའི་ཏིང་ངེ་འཛིན་ཏོ།། ཇི་སྲིད་གཟུགས་ནི་ཀུན་སྦྱོར་བ།། དེ་ལ་ལྷ ་ཉིད་རབ་ཏུ་གྲགས།། སླར་ཡང་འདི་ཡི་ཚུལ་གྱིས་ནི།། སྐྱེད་པར་བྱེད་པའི་ཆོ་གར་འགྱུར།། བཅོམ་ལྡན་འདས་རྡོ་རྗེ་སེམས་དཔས་དེ་སྐད་ཅེས་གསུངས་སོ།། རང་གི་སྔགས་ཡིག་དབྱེ་བས་སམ།། ཡང་ན ་རིགས་ཀྱི་རིག་པ་ཡིས།། རིགས་ཀྱི་བདག་པོའི་སྔགས་ཀྱིས་སམ།། བརྟུལ་ཞུགས་ཅན་གྱི་རིག་རྒྱལ་པོ།། ཐམས་ཅད་ལས་ཅན་སྔགས་ཀྱིས་དང་།། གཙུག་ཏོར་སྔགས་ཀྱིས་རྣམ་བསྒོམ་བྱ།། འདི་དེ ་སྔགས་རྣམས་ཐམས་ཅད་ཀྱི།། གསང་བའི་དེ་ཉིད་གསུངས་པ་ཡིན།། བཅོམ་ལྡན་འདས་ཕྱག་ན་རྡོ་རྗེས་དེ་སྐད་ཅེས་གསུངས་སོ།། ཞི་བའི་ལས་ཀྱི་རབ་དབྱེ་བས།། རིགས་ཀྱི་སྔགས་སུ་རབ་ཏུ་གྲགས། ་རྒྱས་པ་ཅན་ལ་རིགས་ཀྱི་སྔགས།། སྒོམ་པས་ངེས་པར་འགྲུབ་པར་བྱེད།། དབང་དུ་བྱ་བའི་ཆོ་ག་ལས།། རིག་པའི་རྒྱལ་པོས་བསྒོམ་པར་བྱ།། ཐམས་ཅད་ལས་ཅན་སྔགས་ནས་ནི།། མངོན་སྤྱོད་རྣམ ་པར་སྒོམ་པར་བྱེད།། སྐྲོད་པར་བྱེད་པའི་ཆོ་ག་ལ།། གཙུག་ཏོར་དུ་ནི་རྣམ་པསྒོམ་བྱ།། སྔགས་ཤེས་པས་ནི་ཕུར་གང་བ་སོགས།། ཕོ་ཉ་བོའི་མོ་བས་མ་བྱ།། བཅོམ་ལྡན་འདས ་ཕྱག་ན་རྡོ་རྗེས་དེ་སྐད་ཅེས་གསུངས་སོ།། འོད་ཟེར་ལྔ་ཡི་ཚུལ་གྱིས་ནི།། རྟོག་པས་དེ་ལ་བསྒོམ་པར་བྱ།། གཞན་དུ་དངོས་གྲུབ་མེད་པ་ཉིད།། སྒོམ་པ་རྣམས་སུ་ཤེས་པར་བྱ།། རིགས་ཀྱི་ལས་ཀྱི་རང ་དབྱེ་བས།། དཀྱིལ་འཁོར་རྣམས་ཀྱི་རྣམ་བསྒོམས་པའོ།། སྔགས་ཀྱི་ཡི་གེའི་རབ་དབྱེ་བས།། བསྒོམ་བྱ་དངོས་གྲུབ་ཐོབ་པར་འགྱུར།། སྙིང་ཁའི་དབུས་སོན་ཕྲ་མོ་ནི།། དཀྱིལ་འཁོར་རྣམས་ཀྱི་རྣམ ་བསྒོམ་པ།། སྟོང་དུ་བཀོད་པའི་དབྱེ་བ་ཡིས།། འདི་ནི་བསམ་གཏན་ཚུལ་མཆོག་གོ། དཀར་གནག་དམར་པོའི་སྦྱོར་བ་ལས།། བསམ་གཏན་ཐམས་ཅད་དུ་བརྟག་བྱ།། གཞན་དུ་དངོས་གྲུབ་མེད་པ ་ཉིད་སྔགས་རྣམས་ཀུན་ཏུ་བཟླས་པར་བྱ།། ཧཱུཾ་ཡིག་ཨོཾ་ཡིག་དབྱེ་བ་ཡིས།། སྭཱ་ཧཱ་ཧཱུཾ་ཡིག་གཞན་གྱི་གཟུགས།། བསྐྱེད་པའི་ཆོ་ག་བྱས་ནས་ནི།། བསྙེན་པ་གང་ཞིག་ངེས་བསྒྲུབ་བྱ།། རིགས ་གསུམ་ལ་ཡང་ཧཱུཾ་ཡིག་དང་།། ཨོཾ་ཡིག་ཡེ་ཤེས་རིགས་མཆོག་ཡིན།། སྔགས་ཀྱི་ཡི་གེ་ལཾ་སོགས་རྣམས།། དཔྲལ་བར་བཀོད་ནས་རྣམ་བསྒོམ་བྱ།། བཅོམ་ལྡན་འདས་རྡོ་རྗེ་འཆང་གིས་དེ་སྐད་ཅེས ་གསུངས་སོ།། ཐུན་བཞིའི་སྦྱོར་བ་ལ་སོགས་ཀྱིས།། རྡོ་རྗེ་ཅན་ལ་བདུད་རྩིའི་གཟུགས།། སྤྲོ་བ་དང་ནི་གནས་པར་བྱ།། འདི་ནི་དངོས་གྲུབ་ཚུལ་བསྟན་པའོ།། སྒྲུབ་པ་རང་གི་ལྷ་ཡི་གཟུགས།། རྡོ་རྗེ ་ཅན་ལ་བདུད་རྩིའི་གཟུགས།། ཉེ་བར་སྒྲུབ་པ་འདུས་པ་ལ།། འདི་ནི་དངོས་གྲུབ་ཚུལ་མཆོག་གོ།། བདག་གི་སྒྲུབ་པའི་ལས་ཅན་ལ།། བདག་པོའི་གཟུགས་དང་ཡང་དག་ལྡན།། བསྟེན་པའི་དུས་སུ་རབ ་སྒྲུབ་པ།། གཙུག་ཏོར་གཟུགས་དང་ཡང་དག་ལྡན།། མེ་སྡུག་འཐིབས་པས་འཁྲུགས་པ་ཡི།། རང་ལྷའི་གཟུགས་དང་ཡང་དག་ལྡན།། རྡོ་རྗེ་ཕྲ་རབ་དབྱེ་བ་ཡིས།། དུས་གསུམ་སངས་རྒྱས་བཞུགས་པའོ།། ་གྲགས་པར་ལྡན་པའི་དངོས་གྲུབ་ཀུན།། འདི་ཉིད་ཀྱིས་ནི་བྱང་ཆུབ་ཐོབ།། དེ་ཡི་མཆོག་ཏུ་བསྒྲུབ་པར་བྱ།། དངོས་གྲུབ་ཆེན་པོའི་ཡོན་ཏན་འབྱུང་།། བཅོམ་ལྡན་འདས་ཀུན་ཏུ་བཟང་པོ་རྡོ་རྗེ་འཆང་ཆེན ་པོས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར། སྔགས་ཐམས་ཅད་ཀུན་ལས་བཏུས་པ་ཞེས་བྱ་བའི་ཏིང་ངེ་འཛིན་གྱི་ལེའུ་སྟེ་ཉི་ཤུ་རྩ ་གཅིག་པ་རྫོགས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སླར་ཡང་འདུས་པར་གྱུར་ནས། ཕྱག་ན་རྡོ་རྗེ་བྱང་ཆུབ་སེམས་དཔའ་དེ་བཞིན་གཤེགས ་པ་ཐམས་ཅད་དགྱེས་པའི་རྡོ་རྗེའི་བཀོད་པས་ཡང་དག་པར་མཆོད་ནས། གསུང་གི་རྡོ་རྗེ་ཆོས་ཀྱིས་གསུང་གི་ལམ་ངེས་པར་བསྐྱེད་པའི་རྡོ་རྗེ་ཚུལ་འདི་སྟོན་པར་མཛད་དོ།། གསང་བ་དག་པ་དམིགས། ་པམེད།། ཡེ་ཤེས་ཡོན་ཏན་ཀུན་གྱི་གཞི།། ཀུན་ནས་ཡེ་ཤེས་བདག་མེད་པ།། གསང་བའི་ཡེ་ཤེས་ཕྱག་འཚལ་བསྟོད།། གསང་བའི་དེ་ཉིད་དོན་དང་ལྡན།། མཆོག་གི་སྤྱོད་པ་རྒྱ་མཚོ་ཆེ།། ཀུན་ནས ་འདོད་པ་ཡང་དག་འབྱུང་།། རྡོ་རྗེ་ཡེ་ཤེས་ཕྱག་འཚལ་བསྟོད།། གཙོ་བོའི་ཡེ་ཤེས་ཇི་ལྟར་གནས།། རྡོ་རྗེ་མི་བྱེད་གསུམ་གནས་པ།། རིགས་ཀྱི་ཕ་རོལ་ཕྱིན་པ་ཐོབ།། བྱང་ཆུབ ་སྤྱོད་ལ་ཕྱག་འཚལ་བསྐྱོད།། སེམས་ཅན་ཀུན་སྐྱེས་ཅན་གྱི་མཆོག། སངས་རྒྱས་བྱང་ཆུབ་རབ་བཞུགས་མཛད།། རང་བཞིན་དག་པ་དག་པའི་མཆོག། སེམས་ཅན་སྐྱོབ་ལ་ཕྱག་འཚལ་བསྟོད། ་ཆོས་སྐུ་ཐར་པ་ཆེན་པོ་སྟེ།། ཡིད་བཞིན་ནོར་བུ་མཐོང་བ་ཆེ།། སེམས་ཅན་ཀུན་དགྱེས་བྱེད་པ་པོ།། དག་པའི་སྤྱོད་ལ་ཕྱག་འཚལ་བསྟོད།། དེ་ནས་ཡང་ཡིད་བཞིན་ནོར་བུའི་དམ་ཚིག་རྡོ་རྗེ་ཞེས་བྱ་བའི ་བྱང་ཆུབ་སེམས་དཔས།། ཕྱག་ན་རྡོ་རྗེ་བྱང་ཆུབ་སེམས་དཔའ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དེའི་མཐོང་བའི་ཆོས་ཀྱི་ཡོན་ཏན་གྱི་ཁྱད་པར་སོ་སོར་འདོད་པར་བྱ། ་བ་གང་ཇི་ལྟར་ལགས། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས། བྱང་ཆུབ་སེམས་དཔའ་དེ་ལ་འདི་སྐད་ཅེས་བཀའ་སྩལ་ཏོ།། ཐེ་ཚོམ་མེད་པར་མཉམ་པར་ཤེས། ་སངས་རྒྱས་ཆོས་སུ་འདོད་པར་བྱ།། ཐེ་ཚོམ་མེང་བར་འདུ་ཤེས་པ།། ཆོས་རྣམས་ཐམས་ཅད་འདོད་པར་བྱ།། ཐེ་ཚོམ་མེད་པར་འདུ་ཤེས་པ།། འདུ་བྱས་ཐམས་ཅད་འདོད་པར་བྱ།། འདི་ལྟ་སྟེ། ་རིགས་ཀྱི་བུ་ཞེས་བྱ་བ་བྱང་ཆུབ་སེམས་དཔའི་ཆོས་ཀྱི་སྤྲིན་གྱི་ས་ལ་རབ་ཏུ་གནས་པ་སྟེ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་སྐུ་དང་། དེ་བཞིན་གཤེགས་པ་ཐམས་ཅད་ཀྱི་ལོངས་སྤྱོད ་རྫོགས་པའི་དུ་དང་། དེ་བཞིན་གཤེགས་པ་ཐམས་ཅད་ཀྱི་སྤྲུལ་པའི་སྐུ་རྣམས་སུ་རྣམ་པར་རྟོག་པ་མེད་ཅིང་ཐེ་ཚོབ་མེད་པ་དེ་བདག་གོ་ཞེས་ཆོས་ཐམས་ཅད་ཀྱང་རྣམ་མཁར་མཐོང་བར་གྱུར་ཏོ།། ་རིགས་ཀྱི་བུ་མདོར་བསྡུས་ན་བྱང་ཆུབ་སེམས་དཔའ་རྡོ་རྗེ་ཡེ་ཤེས་ཞེས་བརྗོད་པར་བྱའོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ངོ་མཚར་དུ་གྱུར་ནས། བཅོམ་ལྡན་འདས ་དེ་བཞིན་གཤེགས་པ་ཐམས་ཅད་ཀྱི་སྐྱེས་བུའི་མཆོག་ལ་ཕྱག་འཚལ་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་སྔགས་ཀྱི་སྤྱད་པ་སྤྱོད་པར་བྱེད་པའི་བྱང་ཆུབ་སེམས་དཔའ་འདི་དོན ་དམ་པའི་གསང་བ་ལ་དད་པར་ཇི་ལྟར་འགྱུར།། འདི་ལྟ་སྟེ། ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཅེས་བྱ་བ་སྟོང་གསུམ་གྱི་འཇིག་རྟེན་གྱི་ཁམས་སུ་སངས་རྒྱས་བཅོམ ་ལྡན་འདས་རྣམས་སུ་ཡང་དག་པར་བྱང་ཆུབ་ནས་མངོན་པར་རྫོགས་པར་སངས་རྒྱ་བར་ཇི་ལྟར་འགྱུར། དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། བཅོམ་ལྡན་འདས་དེ་བཞིན་ག ་པ་གཅིག་པུ་མངོན་པར་རྫོགས་པར་འཚང་རྒྱ་བར་འགྱུར་རོ།། རྡོ་རྗེ་འཆང་བས་གསོལ་པ། ཇི་ལྟར་མངོན་པར་རྫོགས་པར་འཚང་རྒྱ་བར་འགྱུར།། འདི་ལྟ་སྟེ། གཞན་ཡང་སྟོང་གསུམ་གྱི་སྟོང་ཆེན་པོའི ་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་ཆ་ཤས་སུ་གྱུར་པའི་གཞིའི་སེམས་ཅན་རྣམས་མངོན་པར་རྫོགས་པར་འཚང་རྒྱ་ངར་འགྱུར་རོ།། དེ་བཞིན་དུ་བཅོམ་ལྡན་འདས་དེ་བཞིན་གཤེགས་པ་ཐམས་ཅད ་ཕྱག་ན་རྡོ་རྗེའི་ཚུལ་འདིར་བལྟ་བར་བྱའོ།། དེ་ནས་བྱང་ཆུབ་སེམས་དཔའ་དེ་རྣམས་ལ་མཚན་རྗོབ་ཅིང་དགའ་ཞིང་རབ་ཏུ་མགུ་བ་ཐོབ་ནས་དེ་ལྟ་བུའི་དབྱངས་འདི་གསུངས་སོ།། ། ་མའོ་ཡེ་ཤེས་ཡེ་ཤེས་ཆེ།། རྡོ་རྗེ་ཆེན་པོ་རབ་ཏུ་མཐོང་།། རྨད་དུ་བྱུང་བའི་འཇིག་རྟེན་གྱི།། ཡེ་ཤེས་མིག་ནི་རྣམ་སྦྱངས་པའོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི ་བདག་པོས། དེ་བཞིན་གཤེགས་པ་ཐམས་ཅད་དང་གཉིས་སུ་མེད་པ་མཉམ་པ་ཉིད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་མ་ཐག་ཏུ་བཅོམ་ལྡན་འདས་ཀྱིས ་གངྒཱའི་ཀླུང་གི་བྱེ་མ་དང་མཉམ་པའི་འོད་ཟེར་བྱེ་བ་ཁྲག་ཁྲིག་བརྒྱ་སྟོང་ཕྱུང་ནས། ཤར་དང་ལྷོ་ལ་སོགས་པའི་ཕྱོགས་མངོན་པར་བརྗོད་དུ་མེད་པའི་ཡང་མངོན་པར་བརྗོད་དུ་མེད་པའི་གངྒཱའི་ཀླུང་གི་བྱེ་མ ་སྙེད་ཀྱི་སངས་རྒྱས་ཀྱི་ཞིང་རྡུལ་ཕྲ་རབ་དང་མཉམ་པའི་སྐུ་གསུམ་གྱི་ཡེ་ཤེས་ཀྱིས་གང་བ་མཛད་དོ།། དེ་ནས་དེ་བཞིན་གཤེགས་པ་དེ་རྣམས་བྱོན་ནས་བྱང་ཆུབ་ཀྱི་སེམས་འདི་གསུངས་སོ།། བྱང་ཆུབ་རང ་བཞིན་ཡང་དག་ཐོབ།། བྱང་ཆུབ་སེམས་དཔའ་སྙིང་པོ་བྱིན།། ནམ་མཁའི་ཁམས་ལ་ལོངས་སྤྱོད་པའི།། རྡོ་རྗེ་བྱང་ཆུབ་རབ་ཏུ་གནས།། མཚན་ཉིད་མེད་པའི་ཆོས་རྣམས་ལ།། སྤྲོས་པ་དག་ནི་ཡོད་མ་ཡིན།། ་རྡོ་རྗེའི་རང་བཞིན་ཡེ་ཤེས་ཀྱི།། ནམ་མཁའ་ལྟ་བུར་དྲི་མ་མེད།། ཅེས་སོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་ཏིང་ངེ་འཛིན་ལས་བཞེངས་ནས། རྡོ་རྗེ་ཆོས་ལ་བོས་པར་གྱུར་ཏོ།། སེམས་དཔའ་ཆེན་པོ ་དམ་ཚིག་གང་ཡིན་པ་དེ་མཐོང་ངམ། བཅོམ་ལྡན་འདས་མཐོང་ལགས་སོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་སྐྱེས་བུ་ཆེན་པོ་དེའི་སྐུ་དང་། གསུང་དང་། ཐུགས་ཀྱི་དབྱེ་བ་རིན་པོ་ཆེ་སྒྲོམ་དུ་ངེས། ་པར་རིག་ནས། དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་རྣམས་རང་གི་ཐུགས་སུ་ཞུགས་པར་མཛད་དོ།། དེ་ཇི་ལྟ་བ་བཞིན་དུ་བཅོམ་ལྡན་འདས་དེ་བཞིན་གཤེགས་པ་ཐམས ་ཅད་ཀྱི་བདག་པོས་རང་གི་སྐུ་དང་། གསུང་དང་། ཐུགས་ནམ་མཁའ་ལྟ་བུར་སྦྱོར་བས་ཡང་དག་པར་གནས་པར་གྱུར་ཏོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས ་ཡོངས་སུ་དག་པའི་ངོ་བོ་ཉིད་ཀྱི་རྡོ་རྗེ་ཞེས་བྱ་བའི་ལེའུ་ཉི་ཤུ་རྩ་གཉིས་པ་རྫོགས་སོ།། །། འཕགས་པ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ཞེས་བྱ་བའི་རྟོག ་པའི་རྒྱལ་པོ་ཆེན་པོ་རྫོགས་སོ།། མཁན་ཆེན་ཐར་པ་ལོ་ཙ་བའི་ཕྱག་དཔེའི་གསེབ་ནས་ཤོག་ཡར་ལྔ་བྱུང་བ་སྔར་བསྒྱུར་བ་ལས། ཕྱིས་ཉང་སྟོད་སྨོན་འགྲོའི་གཙུག ་ལག་ཁང་ནས་རྒྱ་དཔེ་ལྷག་མ་རྣམས་རྙེད་ནས་བསྒྱུར་བར་རྩོམ་པ་ན། དཔལ་དུས་ཀྱི་འཁོར་ལོའི་ཕྱི་ནང་གཞན་གསུམ་གྱི་ཚུལ་ལ་མི་འཇིགས་པའི་སྤོབས་པ་ཐོབ་པའི་བླ་མ་ཡང་དག་པའི་དག ་བའི་བཤེས་གཉེན་ཆེན་པོ། ལེགས་པར་སྦྱར་བའི་སྐད་ཀྱི་བརྡ་སྤྲོད་པའི་ཚུལ་ལ་བློ་གྲོས་ཤིན་ཏུ་བྱང་བའི་འཇིག་རྟེན་གྱི་མིག་ཆོས་གྲགས་དཔལ་བཟང་པོའི་བཀས་བསྐུལ་ཞིང་སྦྱིན་བདག ་མཛད་ནས། བུ་སྟོན་གྱིས་བསྒྱུར་བའི་ཡི་གེ་པ་ནི་དགེ་སློང་རིན་ཆེན་རྒྱལ་མཚན་ནོ།། རྒྱུད་མིན་རྒྱུད་ལྟར་བཅོས་པ་ཡིས།། ཆོས་མིན་སུན་དབྱུང་བྱ་བྱིར་དང་།། དམ་ཚིག་སྣང་། ་ངསྤེལ་བའི་ཕྱིར།། ཇི་ལྟར་ནུས་བཞིན་བསྒྱུར་བ་ལགས།། འདི་དོན་འབྱེད་པའི་འགྲེལ་པ་དང་།། རྒྱ་པེའི་དཔེ་དབང་མ་རྙེད་ཅིང་།། དོན་ཟབ་སྒྲ་ནི་རྟོགས་དཀའ་ལ།། སཾ་སྠི་ཏི་ལམ་བྱང་བས།། སྒྲ་དོན་རྫི ་བཞིན་མ་འབྱོར་པའི།། ནོངས་དེ་མཁས་རྣམས་བཟོད་མཛད་ཅིང་།། ཕྱིས་འབྱུང་སྐད་གཉིས་སྨྲ་རྣམས་ཀྱིས།། མ་དག་ཤེས་ན་བཅོས་པར་ཞུ།། རྒྱུད་ཆེན་འདི་ནི་བསྒྱུར་བ་ལས།། དགེ་བ་བདག་གིས ་གང་ཐོབ་པ།། དེ་ཡིས་མཐའ་ཡས་འགྲོ་བ་ཀུན།། རྡོ་རྗེ་འཆང་ཆེན་ཉིད་གྱུར་ཅིག།། རྒྱ་གར་སྐད་དུ། ཨཱརྱ་ནཱི་ལཱམ་བ་ར་དྷ་ར་བཛྲ་པཱ་ཎི་རུ་དྲ་ཏྲི ་