| Wylie | e-texts produced with BDRC’s OCR application |
གྱུར་ལོ་ཙ་བ་ཆེན་པོ་བོད་ཀྱི་ལྷ་བཙན་པོ་བླ་མ་དགེ་སློང་ཞི་བའི་འོད་ཀྱི་ཞལ་སྔ་ནས་བསྒྱུར་ཅིང་ཞུས་ཏེ་གཏན་ལ་བབ་པ། རྒྱ་གར་སྐད་དུ། ་ཏུར་དེ་བི་ཏི་པ་རི་པྲྀཙྪ། བོད་སྐད་དུ། ལྷ་མོ་བཞིས་ཡོངས་སུ་ཞུས་པ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། ལྷ་མོ་བཞི་དང་མཉམ་ལྡན་ཞིང་།། སངས་རྒྱས་གཟུགས་ཀྱིས་ཉེར་བརྒྱན་པ། ་ཤིན་ཏུ་དགའ་བའི་སྦྱོར་ཆེན་ལ།། རྡོ་རྗེ་སེམས་དཔའ་ཆེར་བཞུགས་སོ།། འོད་ཟེར་འཆང་ཞིང་འཁྲིགས་པ་ཡི།། གསང་ཆེན་ཆོས་ཀྱི་འབྱུང་གནས་ལ།། བྱང་ཆུབ་སེམས་ནི་འཕྲོས ་ནས་སུ།། ཆོས་ཀྱི་དབྱིངས་གནས་ཞུ་མཛད་དོ།། ཞུ་བའི་དངོས་པོ་དེ་མཐོང་ནས།། ལྷ་མོ་སྤྱན་མས་ཡོངས་ཞུས་པ།། བཅོམ་ལྡན་རྡོ་རྗེ་སེམས་དཔའ་ལ།། ཚིག་འདི་དག་ནི་གསོལ་བ་སྟེ།། ཆོས་ཀྱི ་དབྱིངས་རྣམས་འཕྲོ་བ་ནི།། གང་ལས་སྐྱེ་བར་འགྱུར་བ་ལགས།། དང་པོ་ཇི་ལྟར་འོང་བ་ཡིན།། དེ་བཞིན་ཕྱིར་འགྲོ་ཇི་ལྟར་ལགས།། ཡན་ལག་མེད་པ་གང་དེ་ནི།། ཡན་ལག་དང་བཅས་འགྱུར ་ནས་སུ།། ལུས་དངོས་འགྱུར་བ་ཇི་ལྟར་ལགས།། མིག་དང་རྣ་བ་སྣ་དང་ནི།། དེ་བཞིན་ལྕེ་དང་ལུས་དང་ཡིད།། དབང་པོ་ཕུང་པོའི་དངོས་རྣམས་དང་།། ཁམས་རྣམས་སུ་ནི་འཇུག་པ་ཡང་།། ་མ་རིག་བག་ཆགས་སྲེད་པ་ཡིས།། བཅིངས་པའི་ཉོན་མོངས་འདོད་ཆགས་སོགས།། རྣམ་པར་ཤེས་པ་སྣ་ཚོགས་པ།། ཇི་ལྟར་དངོས་སུ་འདུས་པ་ལགས།། དངོས་པོ་མེད་པ་སྒོམ་པ ་གཟུགས།། གཟུགས་སོགས་སྤྱོད་ཡུལ་མཚན་ཉིད་རྣམས།། རང་བཞིན་མེད་ཅིང་དམིགས་མེད་ལ།། དམིགས་པ་དང་བཅས་ཇི་ལྟར་ལགས།། དེ་དག་ངོ་མཚར་ཆེན་པོ་ནི།། བདག་གི་ཐེ་ཚོམ ་ལྷས་བཀའ་སྩོལ།། དེ་ལྟར་ཞུས་མ་ཐག་ཏུ་ནི།། བཅོམ་ལྡན་རྡོ་རྗེ་སེམས་དཔས་གསུངས།། ཤེས་རབ་ཟབ་པ་ཟད་མེད་ནི།། ཉོན་ཅིག་སྤྱན་མ་བཤད་པར་བྱ།། དཔྱད་དུ་མེད་ཅིང་ཤེས་བྱ ་མིན།། དེ་བཞིན་དཔྱད་མཁན་གྱིས་ཤེས་དཀའ།། སངས་རྒྱས་ཀུན་གྱི་གསང་ཆེན་ནི།། ནམ་མཁའི་སྤྱོད་ཡུལ་ལོ།། མི་ཤེས་མུན་པས་བསྒྲིབས་པས་ན།། ཉན་ཐོས་རྣམས་ཀྱིས་ཤེས་པ་མིན།། ་སྤྱོད་ཡུལ་བག་ཆགས་ཤེས་མཁན་ནི།། རང་སངས་རྒྱས་སུ་སྤྲུལ་པ་སྟེ།། དེ་དག་ཀུན་གྱིས་ཀྱང་མི་ཤེས།། ཤེས་མེད་སོ་སོའི་སྐྱེ་གནས་དང་།། མ་འོངས་པ་དང་འདས་པ་དང་།། ད་ལྟར་བྱུང ་བའི་དུས་གསུམ་ལ།། བྱོལ་སོང་བག་ཆགས་ལས་བྱུང་བའི།། དུད་འགྲོ་ཡི་དགས་སྐྱེ་བ་རྣམས།། དེ་ཀུན་གྱིས་ཀྱང་མི་ཤེས་ཏེ།། སངས་རྒྱས་སྒྲོལ་ཡུལ་གསང་ཆེན་ནོ།། སྙིང་པོ་ཤིན་ཏུ་སྙིང ་པོའི་མཆོག། གང་དེ་ཀུན་བདག་ལ་གནས་པའི།། སངས་རྒྱས་ཀུན་གྱི་གསང་ཆེན་ནི།། ལྷ་མོ་ཁྱོད་ལ་བཤད་པར་བྱ།། བྱང་ཆུབ་སེམས་དག་འོད་གསལ་བ།། ཟླ་བ་ཤེལ་དང་མཉམ་པའི ་འོད་། དེ་ཉིད་ཡེ་ཤེས་ལྔ་ཡི་དངོས།། ཡུངས་ཀར་ཆེ་བའི་ཚད་ཙམ་མོ།། དེ་ཡི་དབུས་སུ་བཞུགས་པའི་ལྷ།། མི་གསལ་གསལ་བའི་གཟུགས་ཅན་ཏེ།། ཕྱེད་ཚད་ཙམ་གྱི་ཕྲ་མོའི་མཆོག། ཡིད ་ཀྱི་དངོས་པོའི་ཐིག་ལེའི་གཟུགས།། རྟག་ཏུ་སྙིང་གི་དབུས་གནས་པ།། འོད་ཟེར་ཆེན་པོ་འབར་བ་ཅན།། ཇི་སྙེད་དགུ་པའི་བར་དུ་ནི།། དཔྲལ་བ་ལ་གནས་རྐང་མཐིལ་བར།། ཐིག་ལེ་དེ་ཁོ་ནར ་བསྡུ་སྟེ།། ལྟེ་བའི་དབུས་སུ་རྣམ་པར་གནས།། ཆ་ཤས་ལྔ་པ་ཅན་ཡིན་ཏེ།། བཅུ་གཉིས་ཀྱི་ནི་ཐ་མ་ལ།། ཆ་ཤས་དྲུག་གིས་མཚན་པ་ཉིད།། ང་རོ་ཐིག་ལས་བརྒྱན་བྱེད་པ།། རྡོ་རྗེ་ཁོང་ནས ་ཕྱུང་ནས་སུ།། ས་བོན་སྐྱེ་གནས་དབུས་བཞག་སྟེ།། ཆོས་ཀྱི་དབྱིངས་ནི་ཞུ་བར་བྱེད།། དེ་ནི་རིམ་པར་སྐྱེད་བྱེད་ན།། སྒོ་དགུ་ལ་ནི་ཀུན་ཏུ་འགྲོ།། ཁྱབ་ཅིང་ཁྱབ་གནས ་འགྲོ་ཀུན་ལ།། མི་གཡོ་ལ་སོགས་གཡོ་དང་བཅས།། ཚངས་སོགས་ལྷ་དང་ལྷ་མིན་གྱི།། གཞི་ནི་དེ་ལས་གྱུར་པའོ།། གང་ལས་གཙོ་བོར་སྐྱེད་བྱེད་ལ།། ས་དང་ནམ་མཁའི་དེ་ཞེས་གསུངས།། ་ཇི་སྙེད་ལུས་ལ་གནས་པའི་བར།། དེ་ཡིས་ལས་དང་ལུས་མིན་བྱེད།། དག་དང་མི་དགེ་བསམ་པ་ཡང་།། བྱ་བའི་ལས་ཀུན་བྱེད་པ་ཡིན།། སྦྱོར་བ་རྟག་ཏུ་དེ་གསུངས་ཏེ།། མཆོད་པ་སྒོམ་པར ་གསུངས་པ་ཡིན།། གང་ཚེ་ལས་ཀྱི་ལུས་ཞིག་ནཱ།། དེ་ཚེ་དེ་ཡི་རང་མཐུ་ཡིན།། དེ་འདྲའི་ལུས་སུ་དེ་འགྱུར་ཏེ།། གང་གིས་གཡོ་དང་མི་གཡོ་ཁྱབ།། ནམ་མཁའ་མཉམ་པ་ཉིད་འདྲ་བ།། དེ་ནི ་གནས་པར་ཤེས་པར་བྱ།། བཅུ་ཡི་གཉིས་མཐའི་ཚིག་གི་དོན།། གང་གིས་རྟག་ཏུ་བསྒོམ་བྱས་ན།། དེས་ནི་དངོས་གྲུབ་རྒྱས་པ་ཡི།། རྡོ་རྗེ་འཛིན་པར་བདག་ཉིད་འགྱུར།། སོ་དང་མཆུ་དང་དཀུན ་དང་རྩེ།། མགུལ་གནས་གང་ལ་ཡོད་པ་ནི།། གང་ལ་དེ་ནི་ཡིག་འབྲུ་ཉིད།། དེ་ནི་ཟད་དང་གནས་ཕྱིར་རོ།། བརྗོད་པ་མེད་ཅིང་ཐེ་ཚོམ་མེད།། སྐུ་ཡིག་རྣམ་པར་སྤངས་པ་ནི།། རང་གི་ཕྱི་ནང་དེ་བཞིན ་ཉིད་། བྱང་ཆུབ་སེམས་ནི་འདིར་གསུངས་སོ།། ལྷ་མོ་བཞིས་ཡོངས་སུ་ནུས་པ་ལས། ལྷ་མོ་སྤྱན་མས་ཡོངས་སུ་ནུས་པའི་ལེའུ་སྟེ་དང་པོའོ།། ། དེ་ནས་ལྷ་མོམ་མ ་ཀཱིས་རྡོ་རྗེ་ཅན་ལ་འདི་ཞུས་ཏེ།། བྱང་ཆུབ་སེམས་ཀྱི་རིམ་པ་ཡིས།། ཁ་སྙིང་ལྟེ་བ་གསང་བྲ་ལ།། འགྲོ་དང་ཕྱིར་འོང་བསྟན་པ་ནི།། རྡོ་རྗེ་ཆེན་པོས་བཀའ་སྩལ་འཚལ།། ཆ་ཤས་རྣམ་པ་དུ། ་ཞིག་གསུངས།། གནས་ཀྱི་རྣམ་པར་སྒྱུར་བ་དུ།། ཁ་དོག་རྣམ་པ་དུ་ཞིག་གསུངས།། དེ་བཞིན་གདན་ཡང་ཇི་ལྟར་འཚལ།། རྡོ་རྗེ་ཅན་གྱིས་བཀའ་སྩལ་པ།། ཆ་ཤས་བཞི་དང་མཉམ་ལྡན ་ཞིང་། པདྨ་བཞི་ལ་ཡང་དག་གནས།། སྙིང་ཁའི་པདྨ་ལ་གནས་གནག། ཁ་ཡི་པདྨ་ལ་གནས་དཀར།། ང་རོ་ལྟེ་བའི་པདྨར་གནས།། གསང་བའི་པདྨ་ང་རོ་མཐའ།། སྐྱབས་ཀྱི་མཐའ་རུ་འགྲོ། ་བྱེད་པས།། ཐིག་ལེའི་སྦྱོར་བར་རབ་ཏུ་གནས།། བསྣམ་བྱེད་པ་དང་ཐོས་བྱེད་པ།། དེ་ཚེ་མཐོང་བྱེད་ཟ་བྱེད་པ།། རེག་པར་བྱེད་ཀྱང་དེ་གོ་ནས།། བདེ་དང་སྡུག་བསྔལ་ཚོར་བྱེད་པའོ།། གང ་ལས་བཞད་བྱེད་བཟླ་བྱེད་པ།། དེ་བཞིན་ཆོ་དེ་དང་ངུ་བ།། འབྱེད་པ་གཅོད་པ་དེ་ཁོ་ནས།། ཆོ་ག་རྣམ་པ་མང་པོ་ཤེས།། རྒྱལ་པོ་དོན་ཡང་བྱེད་པར་འགྱུར།། དབང་ཕྱུག་དོན་ཡང་བྱེད་པར་འགྱུར།། ་བྲམ་ཟེ་རྒྱལ་པོ་རྗེའུ་རིགས་དང་།། དམངས་རིགས་སྨད་པའི་རིགས་རྣམས་དང་།། བུད་མེད་དུ་མ་སྤྲུལ་པར་བྱེད།། དུད་འགྲོ་ཡི་དྭགས་སྐྱེ་བ་དང་།། གཟུགས་ཅན་རྣམས་དང་གཟུགས་མེད་དང་།། ་དེ་བཞིན་འདོད་པའི་སྲིད་རྣམས་ལས།། འབྱུང་བ་ཐམས་ཅད་སྐྱེད་བྱེད་པ།། དེ་ཉིད་ཁོ་ན་རྫུ་འཕྲུལ་གནས།། མོ་གཟུགས་དང་ནི་པོ་ཡི་གཟུགས།། བདེ་བ་ཆེན་པོ་གོ་འཕང་གནས།། དེ་ལྟར་དེ ་བཞིན་ཉིད་ཤེས་པ།། དམ་པའི་ཡིག་འབྲུ་ཤེས་པ་གང་།། དེས་ནི་གསང་ཆེན་ཤེས་པ་སྟེ།། གང་དེ་བདག་ཉིད་ཀུན་གནས་པ།། ཁ་དོག་མེད་ཅིང་ཁ་དོག་དམར།། ཁ་དོག། ་དཀར་དང་སེར་བ་ཡི།། ཐིག་ལེའི་གཟུགས་སུ་བསྒྱུར་བ་འདིས།། འགྲོ་དང་ཕྱིར་འོང་རྣམ་པར་བསྟན།། གང་དེ་རིག་པ་རྫུ་འཕྲུལ་ཆེ།། མཐའ་ཡས་བཅས་པ་སྣ་ཚོགས་གཟུགས།། སྐྱེ་དང་བསྡུས ་ང་འཇིགས་པ་ལ།། ཐིག་ལེའི་གཟུགས་སུ་རབ་གནས་སོ།། གང་གིས་བརྒྱད་ཁྲི་རྩ་བཞིའི་ཆོས།། སྟོང་ཕྲག་བརྒྱ་རུ་ཤེས་ན་ཡང་།། དེ་ཡིས་དེ་ཉིད་མི་ཤེས་ཏེ།། དེ་དག་ཀུན་ཀྱང་འབྲས་མེད་དོ།། ་བཅུ་གཉིས་ལྔ་ཡི་ལྔ་པ་ཡང་།། བརྒྱད་ཀྱི་མཐའ་རུ་འབྱུང་བ་འདུས།། སྒྲ་ཡིག་དང་པོ་ཡི་གེ་ཨ།། ལྔ་པ་ཡིས་ནི་ཡང་དག་བརྒྱན།། སྙིང་རྗེ་ཆེན་པོ་ལས་བྱུང་བ།། ཁ་མར་བལྟས་པའི་དྲུག་པས། ་བཏགས།། གདོད་མ་མཐའ་མ་མེད་པའི་ལྷ།། དེ་ནི་སྤྱི་བོར་བསྟན་པ་ཡིན།། དེ་དག་གསང་ཆེན་དམ་པ་ཡིན།། ལྷ་མོ་བདག་གིས་རབ་བསྟན་ནོ།། ལྷ་མོ་བཞིས་ཡོངས་སུ་ཞུས་པ་ལས། ལྷ་མོ་མཱ་མ ་ཀཱིས་ཞུས་པ་སྟེ་ལེའུ་གཉིས་པའོ།། ། དེ་ནས་ལྷ་མོ་གོས་དཀར་མོས།། ཡན་ལག་ཀུན་གྱིས་བཏུད་ནས་སུ།། ཐལ་མོ་སྙིང་ཁར་སྦྱར་བྱས་ཏེ།། རྡོ་རྗེ་སེམས་དཔའ་ལ་གསོལ་པ། ་ཆོས་ཀྱི་དབྱིངས་ཀྱི་བསྡུ་བ་དང་།། སྐུ་གསུང་ཐུགས་ཀྱི་རྡོ་རྗེ་ཡི།། རང་བཞིན་ཉིད་ནི་ཇི་ལྟར་ལགས།། ལྷ་ཡི་དབང་ཕྱུག་ཁྱོད་ལ་ཞུ།། གང་གིས་འོད་ཀྱི་གོང་བུར་བསྡུ།། རྡོ་རྗེ་སེམས་དཔའ་ཇི་ལྟར་ལག། ་གསུངས་ཤིག་དེ་ཉིད་ཡིག་འབྲུའི་ཚིག། འདུས་པ་གསུངས་པ་ཇི་ལྟར་ལགས།། ཆུ་ཁམས་དང་ནི་མེ་ཡི་ཁམས།། ཇི་ལྟར་རོ་ན་མཉམ་པོར་འགྱུར།། མ་ལས་སྐྱེ་བ་གསུང་ཅ་དང་།། དེ་བཞིན་པ་ལས་སྐྱ་བ་གསུམ།། དེ་དག་དྲུག ་སོགས་གོང་བུ་ལས།། ཇི་ལྟར་མི་རྣམས་སྐྱེ་བ་ལགས།། སངས་རྒྱས་གཟུགས་ནི་བདག་མི་འཚལ།། ཐུབ་པ་ཆེན་པོས་བཀའ་སྩལ་མཛོད།། རྡོ་རྗེ་ཅན་གྱིས་དཀའ་སྩལ་པ།། གསང་བ་ཤིན་ཏུ ་གསང་གྱུར་པ།། ཉོན་ཅིག་ལྷ་མོ་བཤད་པར་བྱ།། སྐྱེ་གནས་དབུས་སུ་རྩ་གཉིས་ནི།། གཡོན་དང་དེ་བཞིན་གཡས་པ་སྟེ།། གཡོན་དུ་བྱང་ཆུབ་སེམས་ཤེས་བྱ།། གཡས་སུ་དེ་བཞིན་རཀྵའོ།། ་དེ་གཉིས་ཕྲད་ནས་གཅིག་འགྱུར་བ།། ཆོས་ཀྱི་དབྱིངས་ནི་འདུས་པ་ཡིན།། མུན་པ་སྐུ་སྟེ་རྡུལ་གསུང་གཟུགས།། ཐུགས་ཀྱི་རང་བཞིན་སྙིང་སྟོབས་ཏེ།། རྡུལ་ནི་རོཀྟ་བྱང་ཆུབ་སེམས།། མུན་པ་དེ ་བཞིན་བསྐྱེད་པ་ཡིན།། རྡོ་རྗེ་པདྨ་མཉམ་སྦྱར་ནས།། རང་བཞིན་མཉམ་པའི་རོར་འགྱུར་རོ།། དྲི་ཆེན་ཆུ་དང་ཤེལ་མེ་ཏོག། དེ་བཞིན་ལྔ་པ་བྱང་ཆུབ་སེམས།། བདུད་རྩི་ལྔ་དངོས་གོང་བུར་བསྡུས། ་དེ་ལས་རྡོ་རྗེར་འདིར་གསུངས་སོ།། ཆ་ཤས་གཉིས་པ་དང་ལྡན་པ།། དེ་བཞིན་དགུ་པ་དག་ཡིན་ནོ།། དེ་སྐད་གསུངས་པ་བཅུ་དང་ནི།། དེ་བཞིན་ལྔ་པའི་ས་བོན་ཏེ།། ཆ་ཤས་གཉིས་པ་ལྔ་ཡི་ནི།། དྲུག་གིས ་བཏགས་པ་དེས་བྱུང་བ།། དེ་ནི་ཐིག་ལེར་གསུངས་པའོ།། ཆོས་ཀྱི་དབྱིངས་ཀྱི་ཡི་གེ་བྲུཾ།། སྐྱེ་གནས་པདྨ་ལ་གནས་པ།། དེ་ཉིད་ས་བོན་སྭཱ་ཧཱ་མཐའ།། འདུས་པ་ལ་ནི་ཤེས་པར་བྱ།། ཆུ་ཁམས་པ ་ལས་སྐྱེས་ཤེས་བྱ།། མེ་ཡི་ཁམས་ནི་མ་ལས་སྐྱེས།། ཤ་དང་ཁྲག་དང་པགས་པ་ཡང་།། མ་ལས་སྐྱེས་པ་ཞེས་བཤད་དོ།། ཚིལ་དང་རྐང་དང་ཁུ་བ་ནི།། པ་ལས་སྐྱེས་ཞེས ་བཤད་པ་ཡིན།། གོང་བུར་ཡང་དག་འདུས་པ་ནི།། དེ་དག་ཙམ་དུ་བཤད་པ་ཡིན།། གཟུགས་དང་ཚོར་བ་འདུ་ཤེས་དང་།། དེ་བཞིན་འདུ་བྱེད་རྣམ་ཤེས་རྣམས།། སངས་རྒྱས་དངོས་པོ་ལྔ་ཡི ་གཟུགས།། ཕུང་པོར་ཞེས་བྱར་བཤད་པའོ།། ལྷ་མོ་བཞིས་ཡོངས་སུ་ཞུས་པ་ལས། ལྷ་མོན་བཟའ་དཀར་མོས་ཞུས་པ་སྟེ་ལེའུ་གསུམ་པའོ།། དེ་ནས་བཞད་པའི ་ཞལ་གྱུར་ཏེ།། ལྷ་མོ་སྒྲོལ་མ་བཅོམ་ལྡན་མས།། རྡོ་རྗེ་སེམས་དཔའ་ལ་ཞུས་པ།། ཆོས་ཀྱི་དབྱིངས་ཀྱི་སྒྲུབ་པ་ནི།། གསུངས་ཤིག་རྡོ་རྗེ་ཅན་ཆེན་པོ།། རྫས་རྣམས་སྒྲུབ་པ་བཀའ་སྩལ་འཚལ། ་དེ་བཞིན་རིག་པའི་སྔགས་རྣམས་ཀྱང་།། དཀྱིལ་འཁོར་རྣམས་ནི་བཏགས་པ་དང་།། སྦྱིན་སྲེག་སོ་སོར་བྱ་བ་དང་།། དེ་བཞིན་མཆོད་པའི་ཆོ་ག་ཡང་།། ཁྱད་པར་དུ་ཡང་བཀའ་སྩལ་འཚལ།། དེ། ་ལྟར་ལྷ་མོས་ཞུས་མ་ཐག། རྡོ་རྗེ་སེམས་དཔས་བཀའ་སྩལ་པ།། ཆོས་ཀྱི་དབྱིངས་ཀྱི་སྒྲུབ་ཐབས་ནི།། ཉོན་ཅིག་ལྷ་མོ་བཤད་པར་བྱ།། གཟུགས་དང་སྒྲ་དང་དྲི་དང་ནི།། དེ་བཞིན་རོ་དང་རེག་ལ ་སོགས།། ཁམས་བཅོ་བརྒྱད་པོ་དེ་དག་ཀྱང་།། ཆོས་ཀྱི་དབྱིངས་ཤེས་བྱ་བའོ།། དེ་དག་ཉིད་ལས་བྱུང་བ་ནི།། བྱང་ཆུབ་སེམས་ཞེས་ཤེས་པར་བྱ།། བྱང་ཆུབ་སེམས་ལས་གོང་བུ་སྟེ།། གོང་བུ ་ལས་ཀྱང་ཡིད་སྐྱེད་དོ།། ཡིད་ལས་ནམ་མཁའི་ཁམས་ཀྱང་ནི།། ཁམས་རྣམས་དང་ནི་སྐྱེ་མཆེད་རྣམས།། དབང་པོ་ཕུང་པོ་འབྱུང་བ་རྣམས།། དེ་ལྟར་དབྱིངས་སུ་བསྡུ་བ་སྟེ།། བསྡུ་བ་དེ་ནི ་བསྟན་བྱས་པ།། ཆོས་ཀྱི་དབྱིངས་ཀྱི་སྒྲུབ་པ་ཡིན།། དེ་བས་ནན་ཏན་ཐམས་ཅད་ཀྱིས།། སྒྲུབ་པ་ཡང་དག་སྤྱད་པར་བྱ།། འདི་ལྟར་གལ་པོ་ཞེས་དངོས་ཀྱིས།། བསྒྲུབ་པར་བྱ་བ་རབ་ཏུ་བརྟག ་ཆོས་དབྱིངས་སྒྲུབ་པ་བཤད་ནས་སུ།། རྫས་བརྒྱད་ཡན་ལག་སྒྲུབ་པ་བཤད།། རིལ་བུ་མོག་སྤྱན་དངོས་གྲུབ་དང་།། ས་འོག་རལ་གྲིའི་དངོས་གྲུབ་དང་།། ནམ་མཁར་འཕུར་དང་མིག་སྨན་དང་། ་འཆི་བ་མེད་དང་ནང་འཇོམས་དང་།། མི་དང་གླང་པོ་ཆེ་དང་རྟ།། གླང་དང་ཁྱི་དང་བོང་བུ་དང་།། རྔ་མོ་མ་ཧེ་སྤྱང་ཀཱི་རྣམས།། ཆ་ནི་མཉམ་པོར་བྱ་བའོ།། མཐེ་བོང་ཚིགས་ཚད་ཙམ་དུ་ནི།། ཤིན་ཏུ་མཉམ ་པར་བཞག་ནས་སྦྱར།། དྲི་ཆེན་ཆུ་དང་རཀྵ་དང་།། བྱང་ཆུབ་སེམས་ནས་ཚད་ཙམ་ནི།། སྔགས་བཟླས་ནས་ནི་སྦྱར་བྱས་ཏེ།། བྱིན་གྱིས་བརླབས་ཀྱང་བྱ་བའོ།། ཕྱག་འཚལ་དང་ནི་ཡི་གེ་ཨཱཿ། ་དབུས་སུ་དེ་བཞིན་ཧཱུཾ་བྱས་ཏེ།། འབར་བའི་ཧྲི་ཡིག་འབར་བྱེད་པ།། དགུ་པོ་དེ་ནི་རབ་ཏུ་སྒྲུབ།། ལན་ནི་ཉི་ཤུ་རྩ་གཅིག་ཏུ།། སྔགས་བཟླས་ནས་ནི་ཕྱེ་མར་བཏགས།། ཡུངས་ཀར་ལྔ་ཡི་ཚད་ཙམ ་དུ་ལ་ལྔ་དང་ལྔ་ནི་འབྱོར་པར་བྱ།། ཚེས་བརྒྱད་དང་ནི་བཅུ་བཞི་ལ།། རིལ་བུ་རྣམས་ནི་བྱས་ནས་སུ།། པདྨའི་སྣོད་ལ་བཞག་བྱས་ཏེ།། སྟོང་ཕྲག་བརྒྱར་ནི་བཟླ་བར་བྱ།། མཚམས་བཞི་ལ་ནི་བསྒོམ ་བྱས་ནས།། ཉིན་དང་མཚན་དུ་བཟའ་བར་ཡང་།། དེ་ནི་བསྐུལ་པའི་མཐའ་བར་ཡང་།། དངོས་གྲུབ་རྒྱས་པར་འགྲོ་བ་སྟེ།། གཟི་བརྗིད་མདངས་དང་སྟོབས་བརྩོན་འགྲུས། ལྔ། ་པ་ལ་ནི་སྨོན་ལམ་ཡང་།། མངོན་པར་ཤེས་པ་ལྔ་ཐོབ་པ།། རིལ་བུ་ཆེན་པོ་ཟོས་ཕྱིར་རོ།། རྫས་ཀྱི་སྒྲུབ་པ་རྣམས་རྫོགས་ནས།། རིག་པའི་སྔགས་རྣམས་བདག་ལ་སྩོལ།། ཡི་གེ་ཨེ་དང་བཾ་ཡིག་དང་། ་ལཾ་ཡིག་དབུས་སུ་ཡང་དག་གནས།། དང་པོའི་མདོག་ནི་དམར་པོ་སྟེ།། གཉིས་པ་ཡི་ནི་མདོག་དཀར་བ།། གསུམ་པ་ཁ་དོག་སེར་བ་རྣམས།། བྷ་གའི་དབུས་སུ་བསྒོམ་པར་བྱ།། འཁོར་ལོ་ལྟར་ནི་བསྐོར། ་བ་ནི། གཉིན་བྱེད་དང་ནི་མཚན་ཕྱེད་ལ།། རིག་པ་དེ་ནི་རབ་འབྱོར་ན།། དེ་ནི་སྐད་ཅིག་ཁོ་ནར་འགྲུབ།། ལྷ་མོ་ལྷ་མིན་བུ་མོ་དང་།། མི་ཡི་བུ་མོ་རྣམ་པ་བཞི།། ས་ཡི་དཀྱིལ་འཁོར་ཀུན་ཏུ་ནི།། སྔགས་ཀྱིས ་བཀུག་ནས་སྤྱད་པར་བྱ།། སྒོམ་པ་དེ་བཞིན་རིག་པའི་སྔགས།། བདག་གིས་བཤད་པ་ཟིན་བྱས་ཏེ།། དཀྱིལ་འཁོར་རྣམས་ནི་བཤད་པར་བྱ།། དགའ་མ་སེམས་ཀྱིས་རྩེ་གཅིག་ཉོན།། དཀྱིལ་འཁོར ་ལུས་ཤེས་གསུངས་པ་སྟེ།། དཀྱིལ་འཁོར་བྷ་གར་བསྟན་པ་ཡིན།། དཀྱིལ་འཁོར་བྱང་ཆུབ་སེམས་དང་ནི།། དཀྱིལ་འཁོར་གསུམ་དུ་བརྟགས་པ་ཡིན།། བརྟགས་པ་རྣམས་ཀྱང་འདུས་པ་སྟེ།། གང ་དུ་གཙོ་བོ་སྐྱེད་པར་བྱེད།། ཕུང་པོ་རྣམས་ནི་སངས་རྒྱས་གསུངས།། འབྱུང་བ་རིག་མར་བརྟགས་པའོ།། ཆགས་པ་ལྕགས་ཀྱུ་ཁོ་ན་སྟེ།། ཞགས་པ་པདྨར་ཆུང་བྱེད་པ།། ཁ་ཕྲད་པ་ནི་སྒྲོག་ཡིན་པར།། ་སྒྲ་བསྒྲགས་པ་ནི་དྲིལ་བུར་བཤད།། སྤོས་ནི་དྲི་ཆེན་ཞེས་གསུངས་ཏེ།། མེ་ཏོག་རཀྟ་ཞེས་འདོད་དོ།། མར་མེ་ཤ་རྣམས་ཁོ་ན་ཡིན།། དྲི་ནི་བྱང་ཆུབ་སེམས་ཞེས་འདོད།། སྒེག་མོ་ལིང་གར་བསྟན་པ། ་འཕྲེང་བ་བྷ་ག་ཁོ་ན་ཡིན།། དབྱངས་མ་དབུགས་སུ་བསྟན་པ་དང་།། གར་མཁན་མ་ནི་རྣལ་འབྱོར་ཏེ།། བཅོམ་ལྡན་འདས་ཀྱིས་བཟང་པོར་གསུངས།། དེ་རྟོགས་པ་ནི་སྐལ་བཟང་ཡིན། ་རྟོགས་པ་དེ་རྣམས་བྱམས་པ་སོགས།། དེ་ལྟར་ནང་གི་བདག་ཉིད་གསུངས།། དཀྱིལ་འཁོར་གཞན་ནི་སྔོན་བཤད་ཟིན།། སྦྱིན་སྲེག་ལས་ནི་བཤད་པར་བྱ།། ཉོན་ཅིག་སྦྱིན་སྲེག་རྣམ་པ་བཞི ་སྦྱིན་སྲེག་ཕྱི་དང་ནང་གསུངས་ཏེ།། ཕྱི་ནི་སྔོན་དུ་བསྟན་པ་ཡིན།། ཉོན་ཅིག་ཁྱོད་ཀྱིས་ནང་གི་ནི།། པདྨ་བཞི་རྣམས་འབྱོར་པ་ནི།། ལུས་ཀྱི་དབུས་སུ་ཉེ་བར་གནས།། མེ་དང་དེ་བཞིན་རླུང་དང་ནི།། ་ད་དང་ཆེན་དང་ནི་ཆུ་དེ་བཞིན།། རླུང་གིས་མེ་ནི་འབར་བྱས་ཏེ།། ཆུ་ཡིས་ཡོངས་སུ་སྨིན་པར་བྱེད།། དབང་ཆེན་དཀྱིལ་འཁོར་ལས་བྱུང་བ།། གང་དུ་མེ་ནི་བསྐྱོད་པའོ།། ར་ཡིག་མངོན་སྤྱོད་ཡི ་གེ་སྟེ། ཡ་ཡི་དབང་གི་ལས་ཁོ་ན།། ལ་ཡིག་རྒྱས་པར་འགྱུར་བ་སྟེ།། བ་ཡིག་ཞི་བ་ཞེས་གསུངས་སོ།། གང་ཞིག་ཟས་དང་བཏུང་བ་ནི།། དེ་དག་ཐམས་ཅད་ཚུ་ལ་སྟེ།། པདྨར་ཀྵ་ཡིག་ཁ་མར་ལྔ། ་སྙིང་གི་པདྨར་བཙུད་པར་བྱ།། ལྟེ་བའི་པདྨར་འགྲོ་ཕྱི་རོལ།། ཁ་སྦྱོར་ཚུལ་གྱི་སྦྱོར་བ་ཡིས།། གསང་བའི་པདྨར་འགྲོ་མ་ཐག། ཐལ་བར་མཐའ་རུ་རྣམ་པར་བསྟན།། དེ་ལྟར་སྦྱིན་སྲེག་བདག ་བ་ཤད་པ།། ཉིན་དང་ཉིན་དུ་བྱ་བ་སྟེ།། རྟག་པར་རྒྱུན་དུ་ཟས་ཟོས་ན།། ཚེ་འདི་ཁོ་ནར་འགྲུབ་པར་འགྱུར།། རྒས་པ་མེད་ཅིང་ནད་ཀྱང་མེད།། འཆི་བ་མེད་ཅིང་འབྲས ་རྣམས་མེད།། དེ་ནི་གློ་བུར་འཆི་བ་མེད།། འཚེ་བ་ཐམས་ཅད་ཟད་འགྱུར་ཞིང་།། རྨི་ལམ་ངན་ཡང་ཞི་བར་འགྱུར།། བཟང་པོ་སྐལ་བར་གསོན་པ་སྟེ།། སེམས་ཅན་ཐམས་ཅད་དགའ་བར་སྒྲ། ་མཐོང་བ་ཙམ་གྱིས་སྐུལ་བྱེད་དོ།། སྦྱིན་སྲེག་ལས་རྣམས་བཤད་བྱས་ནས།། ལྷ་མོ་མཆོད་པ་བསྟན་པར་བྱ།། དྲི་དང་འཕྲེང་སོགས་གོས་རྣམས་དང་།། སྤོས་མེད་ཟས་དང་ལྷ་བཤོས ་ཀྱིས། དབང་པོ་གཉིས་ནི་རབ་འབྱོར་ནས།། བདག་ལ་མཆོད་པ་རྣམས་ནི་བྱ།། བདག་ནི་ཐམས་ཅད་སངས་རྒྱས་ཉིད།། སངས་རྒྱས་ཀུན་གྱི་གནས་ཡིན་ཏེ།། དེ་བས་ནན་ཏན་ཐམས་ཅད ་ཀྱིས། རྣལ་འབྱོར་པས་ནི་རྟག་ཏུ་མཆོད།། གང་ཞིག་འགའ་ཡང་བྱ་བའི་ལས།། རྣལ་འབྱོར་པ་ཡིས་མཆོད་པར་སྒོམ།། ཟས་དང་བཏུང་བ་དེ་བཞིན་གོས།། དེ་བཞིན་དྲི་དང་འཕྲེང་ཁོ་ནས།། ་རིག་མ་བཞི་ཡིས་རྣམ་བརྒྱན་པའི།། བདག་ཉིད་ལྷ་ཉིད་བསམ་པར་བྱ།། དེ་ལྟར་བཤད་ནས་རྡོ་རྗེ་དེ།། ཅང་མི་གསུང་བའི་དངོས་པོར་བཞུགས།། དེ་ནས་ལྷ་མོ་བཞི་རྣམས་ཀྱིས།། ཕྱག་གིས ་ཐལ་མོ་སྦྱར་གྱུར་ཏེ།། དགྱེས་པས་རབ་ཏུ་ཞལ་བཞད་ནས།། རབ་ཏུ་དང་བའི་སེམས་ཀྱིས་ནི།། རྣམ་པར་མི་རྟོག་པ་ཐོབ་སྟེ།། ཅང་མི་གསུང་བར་བཞུགས་གྱུར་ཏོ།། ལྷ་མོ་བཞིས་ཡོངས་སུ ་ནུས་པ་ལས། ལྷ་མོ་སྒྲོལ་མས་ཞུས་པའི་ལེའུ་སྟེ་བཞི་པའོ།། ཐམས་ཅད་ཀྱི་གསང་བའི་མཆོག་དམ་པ་གསང་ཆེན་ཞེས་བྱ་བའི་རྒྱུད་ལྷ་མོ་བཞིས་ཡོངས་སུ་ནུས། ་པ་དཔལ་ཨོཾ་རྱན་གྱི་ཡུལ་ནས་བྱུང་བ་རྣལ་འབྱོར་མ་ཆེན་མོའི་དེ་ཁོ་ན་ཉིད་རྫོགས་སོ།། ། རྒྱ་གར་གྱི་མཁན་པོ་སྨི་ཏི་ཛྙཱ་ན་ཀིརྟི་ཉིད་ཀྱིས་བསྒྱུར་ཅིང་ཞུས་ཏེ་བཤད་ནས ་གཏན་ལ་ཕབ་པའོ།། རྒྱ་གར་སྐད་དུ། བཛྲ་ཛྙཱ་ན་ས་མུཙྪ་ཡ་ནཱ་མ་ཏནྟྲ། བོད་སྐད་དུ། ཡེ་ཤེས་རྡོ་རྗེ་ཀུན་ལས་བཏུས་པ་ཞེས་བྱ་བའི་རྒྱུད། ་