| Wylie | e-texts produced with BDRC’s OCR application |
ཞུས་ཏེ་གཏན་ལ་ཕབ་པ། དུས་ཕྱིས་དཔལ་ས་སྤྱིའི་དབེན་གནས་སུ་བསྒྱུར་ཅིང་ཞུས་ཏེ་དག་པར་བྱས་སོ།། རྒྱ་གར་སྐད་དུ། ཤྲཱི་བུདྡྷ་ཀ། ་པཱ་ལ་ནཱ་མ་ཡོ་གི་ནཱི་ཏནྟྲ་རཱ་ཛ། བོད་སྐད་དུ། དཔལ་སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ། དཔལ་སངས་རྒྱས་ཐོད་པ་ལ་ཕྱག་འཚལ་ལོ།། འདི་སྐད་བདག་གིས་ཐོས ་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེའི་དཀྱིལ་འཁོར་ཆེན་པོ་རྒྱན་དང་ལྡན་པའི་དབུས་སུ། དེ་བཞིན་གཤེགས་པ་ཐམ ་ཅད་དང་། རྣལ་འབྱོར་མ་རྣམས་དང་ལྷན་ཅིག་ཏུ་བཞུགས་ཏེ། འཕགས་པ་ཀུན་དགའ་བོ་ལ་སོགས་པ་འདོད་ཆགས་དང་བྲལ་བའི་གཙོ་བོ་རྣམས་དང་། འཕགས་པ་སྤྱན་རས་གཟིགས་དབང ་ཕྱག་ལ་སོགས་པའི་བྱང་ཆུབ་སེམས་དཔའ་བྱེ་བ་ཕྲག་བརྒྱད་ཅུ་དང་ཡང་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་རྡོ་རྗེ་འཆང་ཕྱག་རྒྱ་ཆེན་པོའི་རྡོ་རྗེའི་ཚོག་གིས་རྡོ་རྗེ་ཆེན་པོའི་གནས ་སུ་རྒྱུད་ཐམས་ཅད་དང་སྔགས་ཡང་དག་པར་བཤད་ནས། དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་དང་པདྨ་ཡང་དག་པར་སྦྱར་བས། བཙུན་མོའི་བྷ་གར་ཡོངས་སུ་མྱ་ངན་ལས་འདས ་སོ། དེ་ཡོངས་སུ་མྱ་ངན་ལས་འདས་པ་མཐོང་ནས། བྱང་ཆུབ་སེམས་དཔའ་ཐམས་ཅད་དང་། རྣལ་འབྱོར་མ་ཐམས་ཅད་རྨད་དུ་གྱུར་ཏེ་གཅིག་ལ་གཅིག་ལྔ་ཞིང་། ཨེ་མའོ་བཅོམ་ལྡན་འདས ་དེ་བཞིན་གཤེགས་པ་ཐམས་ཅད་ཀྱི་བདག་པོ་དཀྱིལ་འཁོར་ཆེན་པོ་རྒྱན་དང་ལྡན་པའི་དབུས་སུ་ཇི་ལྟར་ཡོངས་སུ་མྱ་ངན་ལས་འདས། དེ་ནས་རྣལ་འབྱོར་མ་སྣ་ཚོགས་སྡེ་མ་ལ། བྱང་ཆུབ ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ།། ལྷ་མོ་སེམས་ཅན་བསོད་ནམས་དམན་པ་རྣམས་ནུས་པ་ལ་ཞོན་པར་འགྱུར་བའི་ཐབས་ཅུང་ཟད་མཆིས་སམ ་གསུངས་པ། རྣལ་འབྱོར་གྱི་རྒྱུད་ལ་བྱེ་བ་ཕྲག་དྲུག་ཉིད་དོ།། རྣལ་འབྱོར་མའི་རྒྱུད་ལ་ནི་བྱེ་བ་ཕྲག་བཅུ་དྲུག་ཉིད་དོ།། མདོ་སྡེ་སོ་སོ་ལ་ནི་བྱེ་བ་ཕྲག་བརྒྱད་ཅུའོ།། དེ་བཞིན་དུ་ཕ་རོལ་ཏུ་ཕྱིན ་བའི་ཐེག་པ་ལ་ནི་བྱེ་བ་བསྒྲེས་པའི་འབུམ་ཕྲག་ལྔའོ།། འདི་དག་ཐམས་ཅད་ནི་ཐུབ་པའི་དབང་པོས་གསུངས་སོ།། སྔགས་དང་བྲལ་ན་ནི་རྒྱུད་ཀྱི་ནུས་པ་མི་སྣང་སྟེ། རྒྱུད་ལ་ལར་ནི་ཅི་ནས ་སྔགས་བྱེ་བ་བཟླས་པར་གསུངས་སོ།། བསོད་ནམས་འབྲིང་པོ་རྣམས་ཀྱིས་ནི་སྔགས་འབུམ་བཟླས་པས་མྱུར་བར་འགྲུབ་པར་གསུངས་སོ།། བསོད་ནམས་ཆེ་བས་ཁྲི་བཟླས་པས་ཤིན་ཏུ་མྱུར། ་བར་འགྲུབ་བོ།། དེ་ལྟར་རྡོ་རྗེ་ཆེན་པོ་རྒྱུད་ཐམས་ཅད་ཀྱི་བདག་པོའི་གཙོ་བོས་གསུངས་སོ།། བསོད་ནམས་ཆུང་བའི་སེམས་ཅན་རྣམས་ཀྱིས་ནི་བྱེ་བ་བཟླས་པར་གསུངས ་སོ།། སེམས་ཅན་འབད་རྩོལ་ཆུང་བ་རྣམས་ཀྱིས་ནི་འབུམ་བཟླས་པར་བདག་སྨྲའོ།། སེམས་ཅན་སྒོམ་པ་ལ་ཞན་པ་རྣམས་ཀྱིས་ནི་ཁྲི་ཁོ་ན་བཟླས་པར་བྱའོ།། སེམས་ཅན་འདོད་ཆགས་ལ་ཞུགས ་པ་རྣམས་ཀྱི་སྔགས་ཀྱི་བཟླས་པ་ཇི་ལྟར་ལགས། བླུན་པོ་དང་ལྐུགས་པའི་རིགས་ཅན་རྣམས་ཀྱི་སྔགས་ཀྱི་གྲངས་ཇི་ལྟར་ལགས། ཤིན་ཏུ་སེམས་ལ་དམིགས་པ་སྔགས་ཀྱི་བཟླས་པ་ཇི ་ལྟར་ལགས། འདི་ལྟར་ཕན་ཚུན་སྨྲ་བས་བཟླས་ན་དངོས་གྲུབ་གཞན་དུའང་འགྱུར་རོ།། གལ་ཏེ་དམན་པའི་སེམས་ཀྱིས་ཉོན་མོངས་བཞིན་པས་བྱེ་བ་བརྒྱ་བཟླས་པ་དེའི་ཚེ་བསྐལ་པ་སྐར་མ་ལྟ་བུ ་བྱེ་བར་ཡང་དེ་ལ་དངོས་གྲུབ་མེད་དོ།། དེ་ལྟར་ཐོས་ནས་རྣལ་འབྱོར་མ་སྣ་ཚོགས་སྡེ་མ་བཅོམ་ལྡན་འདས་ཀྱི་ཞལ་ལྟ་བར་བྱེད་ཅིང་ཟུར་མིག་དང་བཅས་པའི་ཆགས་པས་བལྟས་ཏེ། ཤིན་ཏུ ་ཁྲོ་བས་འཇིགས་པར་བྱེད་ཅིང་སྙིང་རྗེའི་ཐུགས་འཁྲུགས་པས། བདུད་ཀྱི་དཔུང་རབ་ཏུ་བཅོམ་མོ།། དེ་ལྟར་བཞུགས་པའི་ལྷ་མོ་ཆེན་མོ་རྒྱུད་ཐམས་ཅད་ཀྱི་བདག་པོའི་དབང་ཕྱུག་ལ་དེ་ནས ་དེས་གཟིགས་པ་ཙམ་གྱིས་བཅོམ་ལྡན་འདས་ཀྱི་དབུ་ལས་སྔགས་ཕྱུང་ངོ་།། ཨོཾ་བུདྡྷེ་སིདྡྷེ་སུ་སིདྡྷེ། ཨ་མྲི་ཏ་ཨ་ར་ཛེ་བུདྡྷ་ཀ་པཱ་ལ་སྥོ་ཊི་ན་སྥོ་ཊ་ཡ་ཏྲཱ་ས་ལ་ཧོ་ཧཱུཾ་ཕཊ། དེ་ལྟར་སྔགས་ཀྱི ་མཆོག་སོན་པས་ས་རིམ་པ་བདུན་གྱི་འོག་ཏུ་ཆུད་པའི་ཀླུ་རྣམས་བཅོམ་པར་བྱས་ཤིང་ཕྱེ་མར་བྱས་ནས་སླར་འོངས་ཏེ་སྣ་ཚོགས་སྡེ་མའི་ཞལ་དུ་བཞུགས་ཏེ། པདྨའི་ནང་ནས་བྱུང་ནས་སླར་ཐོད་པར ་ཞུགས་སོ།། སྔགས་འདིའི་མཐུས་ཀླུ་རྣམས་ཞིག་སྟེ། སྐྲག་ཅིང་དྲུག་བྱུག་པར་གྱུར་ཏོ།། རྡུལ་བྱུང་བར་གྱུར་ཏོ།། ནོར་རྒྱས་ལ་སོགས་པའི་རྫུ་འཕྲུལ་ཆེན་པོའི་ཀླུ་ཐམས་ཅད་ལྷགས་ཏེ། ་ཀྱི་རྒྱུ་དང་། དུང་སྐྱོང་དང་། འཇོག་པོ་དང་། མཐའ་ཡས་དང་། པདྨ་དང་། པདྨ་ཆེན་པོ་ལ་སོགས་པ་ཀླུ་ཆེན་པོ་རྣམས་དང་། གཞན་གང་ཡང་རུང་བ་དུག་ལས་བྱུང་བ་ཐམས་ཅད་ཀྱང་ལྤགས་སོ།། ་རྣལ་འབྱོར་མ་སྣ་ཚོགས་སྡེ་མ་ལ་ཁ་ཕྱོགས་ཏེ་ཀླུ་ཐམས་ཅད་ཀྱིས་ཞུས་པ། ལྷ་མོ་བཀའ་ཅི་སྩོལ་ཅི་ཞིག་བགྱི་ཞེས་སྨྲའོ།། གསུངས་པ་དང་། གང་ཡང་སངས་རྒྱས་ཉམས་སུ་མྱོང་བ་དེ ་ལྟར་གྱིས་ཤིག། དེ་ལྟར་ཐོས་པ་ཙམ་གྱིས་དཀྱིལ་འཁོར་ཆེན་པོ་རྒྱན་དང་ལྡན་པའི་དབུས་སུ་བཅོམ་ལྡན་འདས་ཀྱིས་ཐོད་པ་ཁ་ཕྱེ་སྟེ་གླེགས་བམ་བྱུང་ངོ་།། ནམ་མཁའ་ལ་སྒྲ་བྱུང་ངོ་།། ལྷ ་མོ་སྣ་ཚོགས་སྡེ་མ་ཟུང་།། སེམས་ཅན་ཀུན་ལ་ཕན་འདོགས་མ།། རྒྱུད་འདི་རྒྱལ་པོ་ཆེན་པོ་སྟེ།། རྣལ་འབྱོར་མ་ཡི་གོང་ན་མེད།། སངས་རྒྱས་ཐོད་པ་ཞེས་བྱ་བ།། སེམས་ཅན་ཀུན་ལ་ཕན ་བྱེད་པའོ།། དེ་ལྟར་ཐོས་ནས་སྣ་ཚོགས་སྡེ་མས་གླེགས་བམ་ཡང་དག་པར་བཟུང་སྟེ། ཕྱག་ན་རྡོ་རྗེ་ལ་ཉེ་བར་གཏད་དོ།། ཕྱག་ན་རྡོ་རྗེ་རྒྱུད་འདི་ཟུང་།། སེམས་ཅན་ཀུན་ལ་བདེ་འབབ་པ།། རྣལ ་འབྱོར་མ་ཡི་དངོས་གྲུབ་ཀུན།། འབྲས་བུ་མྱུར་དུ་སྟེར་བྱེད་པའི།། མནན་དང་སྦར་བ་ཡེ་ཤེས་ཆེ།། གོང་ན་མེད་པ་རྙེད་དཀའ་བ།། གསང་བ་མཆོག་གི་ཉམས་དགའ ་བ་ལུས་ཀུན་ལ་ནི་རྣམ་པར་གནས།། ནམ་མཁའ་ལྡིང་དང་ཆར་དབབ་དང་།། དངུལ་ཆུ་བཅུད་ཀྱིས་ལེན་པ་དང་།། བསྐྲད་དང་དབང་དུ་བྱ་ཉིད་དང་།། རྨོངས་དང་མངོན་སྤྱོད་ཉིད་དང་ནི། ་དཔུང་ལ་སོགས་པ་རེངས་ཉིད་དང་།། དུས་སུ་ཟིན་པ་བཟློག་པ་དང་།། ཕུར་བུས་གདབ་དང་གསད་པ་དང་།། རྟག་ཏུ་སྒྲུབ་པ་བྱེད་པ་དང་།། སྣ་ཚོགས་སྔགས་རིམ་ཇི་བཞིན་དང་།། ཇི་བཞིན ་རྣལ་འབྱོར་མ་བསྐྱེད་དང་།། དཔལ་ཆེན་ཧེ་རུ་ཀ་ཡི་ནི།། བསྐྱེད་པ་དང་ནི་གནས་བརྒྱད་དང་།། དངོས་དང་དངོས་མེད་སྤྲོས་མེད་དང་།། སྲིད་དང་སྤྱོད་ཅིང་དགོས་མེད་དང་།། དགོངས་པས་བཤད ་པ་མཆོག་ཆེན་དང་།། རྣལ་འབྱོར་མ་ཡི་མཆོག་ཆེར་དང་།། རྣལ་འབྱོར་མ་ཡི་འདུས་པ་དང་།། ནུས་པ་རྣམ་པ་མང་གསུངས་པ།། ཐོས་པ་ཙམ་གྱིས་འགྲུབ་པར་འགྱུར།། གཟུགས་བརྙན ་དག་པ་ཉིད་དང་ནི།། དེ་བཞིན་བསྟན་པ་སྐྱོང་བ་དང་།། དུར་ཁྲོད་འཇིགས་པ་ཆེ་བཟང་དང་།། རོ་ལངས་སྒྲུབ་ལ་སོགས་པ་དང་།། སྟོབས་པོ་ཆེ་རྣམས་དགུག་པ་དང་།། དེ་བཞིན་འཇིག་རྟེན ་གསུམ་དགུག་དང་།། རིམས་ཀྱི་གདུང་བ་འཇིགས་ཆེན་དང་།། དགྲ་ཡི་ཁ་སོགས་བཅིངས་པ་དང་།། དེ་བཞིན་གསད་དང་བསླུ་བ་དང་།། མི་སྣང་བྱེད་པ་མཆོག་དང་ནི།། མིག་སྨན་དང་ནི་རིལ ་བུ་ཉིདཔ་བཅུད་ལེན་རལ་གྲི་ཉིད་དང་ནི།། སངས་རྒྱས་ཐོད་པའི་སྦྱོར་བ་ཡིས།། ཐོས་པ་ཙམ་གྱིས་འགྲུབ་པར་འགྱུར།། མི་སྣང་བ་ནི་མཆོག་ཆེན་དང་།། སྣ་ཚོགས་སྒྱུ་འཕྲུལ་རྣམ་འཕྲུལ་དང་།། ་རང་གི་གཟུགས་ནི་བསྒྱུར་བ་དང་།། གཞན་གྱི་ལུས་ལ་གཞུག་སོགས་དང་།། སངས་རྒྱས་བྱེ་བས་རབ་བསྲུངས་པའི།། སངས་རྒྱས་བུ་མོ་མཆོག་ཆེན་རྣམས།། ཁྲོས་པ་ཙམ་གྱིས་འགུགས། ་བྱེད་ན།། གཞན་དགེ་སྨོས་ལྟ་ཅི་ཞིག་དགོས།། མིག་འཕྲུལ་བྱེད་པ་ཉིད་དང་ནི།། དགེ་མཚན་རྣམ་པ་མང་ཤེས་པ།། འདོད་པ་ལྔ་ནི་བསྟེན་བཞིན་པས།། འདི་རུ་འགྲུབ་པར་གདོན ་མི་ཟ། འཇིགས་ཤིང་འཇོམས་པའི་རྩོད་ཆེན་པོ།། གཅིག་གིས་འབུམ་ལས་རྒྱལ་བར་བྱེད།། སྐྱེས་པ་གཅིག་གིས་འདོད་ཆེན་གྱིས།། བུད་མེད་འབུམ་ཕྲག་འཛག་བྱེད་ཅིང་།། ་རྡོ་རྗེ་བྱེད་པ་རྙེད་དཀའ་བ།། གཅིག་གིས་ཐམས་ཅད་འདོད་པ་སྤྱད།། དེ་ནས་གཞན་ཡང་རབ་བཤད་པ།། མཁའ་ལྡིང་སྦྱོར་བ་རིམ་ཇི་བཞིན།། རྒྱུད་ཀུན་ཏུ་ཡང་རྙེད་དཀའ་བ།། མུ ་སྟེགས་རྣམས་ཀྱི་ཡུལ་མིན་པ།། རྒྱུད་གཞན་དུ་ཡང་མ་གསུངས་སོ།། སངས་རྒྱས་ཐོད་པའི་གཞུང་ཇི་བཞིན།། རྡོ་རྗེ་མགོན་པོས་གསུངས་པ་ཡི།། མཁའ་ལྡིང་ཤིན་ཏུ་རྨད་བྱུང་བ། ་འཇིག་རྟེན་གསུམ་ན་རྙེད་དཀའ་བའི།། སྦྱོར་བ་རྣམ་པ་བཅོ་བརྒྱད་གསུངས།། ཤ་ལི་ཀ་ཡི་སྦྱོར་བ་དང་།། རིག་པ་འཛིན་དང་རྒྱན་པོ་འགྱེད།། རྔ་རྡུང་བུད་མེད་འཕྲོག་པ་དང་།། ཤིན ་བསྣུན་ཞགས་པས་འཆིང་བ་དང་།། ཁུ་བྱུག་པདྨས་འབྱེད་པ་དང་།། རྟག་བྱེད་ཆུ་བླུགས་དུང་འབུད་དང་།། ཐོད་ལེ་ཀོར་འཕྲོག་སྐྱུག་པ་དང་།། རས་གཡོག་ཐལ་ལྕག། ་བརྡབ་པ་དང་།། ཡིག་གསུམ་བསམ་གཏན་གྱི་ནི་གཏམ།། འདི་རྣམས་ཀྱིས་ནི་དགུག་པར་བྱ།། མཁའ་ལྡིང་སྦྱོར་བ་བཅོ་བརྒྱད་དོ།། འཇིག་རྟེན་གསུམ་ན་རབ་རྙེད་དཀའ།། སེམས་ཅན ་རྣམས་ལ་ཕན་བྱེད་པ།། རྡོ་རྗེ་མགོན་པོ་ཉིད་ཀྱིས་གསུངས།། དེ་ནས་གཞན་ཡང་རབ་བཤད་པ།། མཆོག་གི་ཡེ་ཤེས་ཇི་བཞིན་པ།། བྷ་གའི་དབུས་སུ་རྣམ་པར་བཞུགས།། བདེ་བ་ཆེན་པོ ་སྟེར་བྱེད་པ།། དེ་ཉིད་དུ་ནི་ཀུན་གནས་ཀྱང་།། བྱིས་པ་རྨོངས་པས་མི་ཤེས་སོ།། དེར་ནི་བཅུད་དང་བཅུད་ལེན་ཏེ།། དེ་ཉིད་དུ་ནི་སངས་རྒྱས་བཞུགས།། དེར་ནི་དཀྱིལ་འཁོར་བཟང་པོའོ།། ་དེར་ནི་སློབ་མ་དབང་བསྐུར་བའོ།། དེར་ནི་ཧེ་རུ་ཀ་དཔའ་བོ།། ཉི་ཤུ་རྩ་བཞིའི་དབང་གཙོ་བོ།། དེར་ནི་ནམ་མཁའ་ལྡིང་འཇིགས་པ།། དེ་ཉིད་དུ་ནི་རོ་ལངས་བསྒྲུབ།། དེར་ནི་དུར་ཁྲོད ་བརྒྱད་པོ་རྣམས།། སྐད་ཅིག་ཙམ་གྱིས་བསྐྱེད་པའི་རྒྱུ།། དེར་ནི་སངས་རྒྱས་བདག་ཉིད་ཆེ།། སྟོང་ཕྲག་གསུམ་ནི་རྣམ་པར་བཞུགས།། དེར་ནི་འཇིག་རྟེན་ཁམས་ཀུན་ཏེ།། དེ་ཉིད་བཅོམ ་ལྡན་འདས་ལྷ་མོ།། སངས་རྒྱས་ལ་སོགས་བསྐྱེད་པའི་ཡུམ།། བྱང་ཆུབ་སེམས་དཔའ་དཔལ་ཆེན་པོ།། ཤེས་རབ་ཕ་རོལ་ཕྱིན་དཔུང་གཉེན།། དེ་ཉིད་བསོད་ནམས་ཀུན་སྟེར་མ།། ་ཉིད་ཐར་པ་སྟེར་བྱེད་མ།། ཕྱག་རྒྱ་ཆེན་པོ་ཟགས་ཆེན་པོ།། དངོས་གྲུབ་ཀུན་ནི་འདོད་བྱེད་མ།། མ་དང་ཚ་མོ་སྲིང་མོ་དང་།། བུ་མོ་བུད་མེད་རབ་བརྟན་མ།། ཤེས་རབ་མཉེས་ཤིང་འཇིགས ་བྱེད་མ།། འགྲོ་དྲུག་བདེ་སྡུག་བག་ཆགས་བཅས།། འཁོར་བ་མྱ་ངན་འདས་ཉིད་དང་།། བདག་ཉིད་ཆེན་པོ་དེ་ཉིད་དེ།། རྣམ་རྟོག་ཀུན་ཏུ་རྟོག་པ་ཉིད།། དེ་བཞིན་འཆར་དང་ནུབ་པ ་དང་། ཉིན་མཚན་མལ་སྟན་བཟའ་བ་དང་།། ངེས་པའི་བརྟུལ་ཞུགས་རྩིས་དང་གྲངས།། རྣམ་པར་མི་རྟོག་ཡང་དག་རྟོག། དམན་དང་མཆོག་དང་བར་མ་དང་།། གཞན་དང་གང་དང་དེ་དང ་ནི། དེ་ཉིད་བདག་ཉིད་ཆེན་པོ་གཅིག། སེམས་ཅན་ཀུན་ལ་བདེ་བ་འབབ།། དེ་ལྟར་ཐོས་ནས་ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་དང་། འདོད་ཅན་མ་ལ་སོགས་པ ་རི་རབ་ཀྱི་རྡུལ་ཕྲ་རབ་སྙེད་ཀྱི་རྣལ་འབྱོར་མ་རྣམས་དགའ་བའི་སྤྱན་གདངས་ནས་སྣ་ཚོགས་སྡེ་མ་ལ་ཡང་དང་ཡང་དུ་བཏུད་དེ། འདི་ལྟར་གསོལ་ཏོ།། ཨེ་མའོ་སྣ་ཚོགས་སྡེ་མ་རྣལ་འབྱོར་མ། ་སེམས་ཅན་ཀུན་ལ་བདེ་འབབ་མ།། གླེགས་བམ་དོན་དང་ལྡན་གང་ཞིག། དེ་ཀུན་སངས་རྒྱས་བྱིན་བརླབས་བཤད།། དེ་ནས་ཕྱག་ན་རྡོ་རྗེའི་ཕྱག་གཉིས་གླང་པོ་ཆེའི་ལག་པ་ལྟར་རབ་ཏུ ་བརྐྱང་སྟེ། གླེགས་བམ་ཡང་དག་པར་བླངས་སོ།། དེ་ནས་སངས་རྒྱས་ཀྱི་བྱིན་རླབས་ཀྱིས་ཕྱག་རྒྱ་ཆེན་པོའི་རྡོ་རྗེའི་གནས་སུ་དོན་དང་བཅས་པའི་གཞུང་ཞུ་བར་གྱུར་ཏོ།། ཕྱག་ན་རྡོ་རྗེའི ་སྙིང་ཀ་ནས་བྱུང་སྟེ། སྣ་ཚོགས་སྡེ་མའི་ཐུགས་སུ་ངལ་སོས་སོ།། དེ་ནས་ཕྱག་ན་རྡོ་རྗེ་གནོད་སྦྱིན་གྱི་བདག་པོ་ཆེན་པོ་ས་རྣལ་འབྱོར་མ་ཆེན་མོ་ལ་འདི་ལྟར་གསོལ་ཏོ།། སྔགས ་ཀྱི་བཟླས་པ་གང་ཞིག་ལགས།། ལས་ཀྱི་ཚོགས་རྣམས་ཇི་ལྟར་འགྲུབ།། སྔོན་དུ་བསྙེན་པ་གང་ཞིག་ལགསོ།། མཁའ་ལྡིང་འགྲུབ་པའི་ངེས་པ་གང་།། དངུལ་ཆུ་བཅུད་ལེན་སྣ་ཚོགས་པ།། ་དངོས་གྲུབ་སྟེར་བྱེད་གང་ཞིག་ལགས།། སྦར་དང་མནན་པ་གང་གསུངས་དང་།། དུས་དང་བ་བྱའི་ངེས་བཅས་དང་།། དངོས་གྲུབ་ཐོབ་དུས་གང་ཞིག་ལགས།། སངས་རྒྱས་ཇི་ལྟ་བུ་རུ ་བརྗོད།། དེ་བཞིན་ཐོད་པ་ཇི་ལྟ་བུ།། སྣ་ཚོགས་སྡེ་མའང་ཇི་ལྟ་བུ།། ཐེག་པ་ཆེན་པོ་ཇི་ལྟ་བུ།། རྣལ་འབྱོར་མ་ཡི་རྣམ་ངེས་ཅི།། གསུངས་པ། རྒྱུད་འདིར་སྔོན་དུ་བསྙེན་པ་མེད།། ་དེ་བཞིན་ཡུལ་དང་དུས་ཆོས་དང་།། གཟའ་དང་རྒྱུ་སྐར་སྦྱོར་མེད་པ།། བློ་དང་ལྡན་པས་རྟག་ཏུ་བསྟེན།། དུས་དང་བྱ་བའི་ངེས་མི་བྱ།། སངས་རྒྱས་ཟད་པའི་སྦྱོར་བ་ཡིས།། ཐོས་པ ་ཙམ་གྱིས་འགྲུབ་པར་འགྱུར།། སངས་རྒྱས་རྡོ་རྗེ་ཞེས་སུ་གསུངས།། ཐོད་པ་གྲུ་གསུམ་ཡང་དག་འབྱུང་།། སྦྱོར་བ་དང་ལྡན་ཇི་ལྟ་བུ།། སྦྱོར་བ་གསང་བར་གནས་པའི་རྩ།། དྲི་ཡི་སྣ ་ཚོགས་ངོ་མཚར་བྱེད།། སྡེ་ནི་བདེ་ཆེན་ཡེ་ཤེས་སོ།། འདི་ཉིད་ཐེག་པ་ཆེན་པོ་སྟེ།། རྣལ་འབྱོར་མ་ཡི་རྩ་ལས་བྱུང་།། དེ་ནི་རྨད་བྱུང་ཆེ་མཆོག་སྟེ།། སངས་རྒྱས་ཐོད་པའི་སྦྱོར་བ ་ཉིད་པ་དེ་ཉིད་ཧེ་རུ་ཀ་དཔའ་བོ།། འཁོར་བའི་འཇིགས་ལས་སྒྲོལ་བྱེད་པ།། སངས་རྒྱས་ཐོད་པའི་སྦྱོར་བ་ཡིས།། སངས་རྒྱས་ཀུན་གྱིས་བདེ་བ་འབབ།། རྣལ་འབྱོར་ཆེན་མོ་སྣ་ཚོགས། ་བདེ་ལ་དཔའ་དབང་བདག་མོ་དབང་ཕྱུག་མ།། དེ་ཡི་ཐོད་པའི་དཀྱིལ་འཁོར་ལ།། སྔགས་དང་རྒྱུད་ནི་རྣམ་པར་གནས།། དེ་ཡི་ཡེ་ཤེས་བཟང་པོ་ནི།། ལྷན་ཅིག་སྐྱེས་པ་དག་ལས་བྱུང་།། ་དེ་ནི་རིག་པའི་དབང་ལྔ་དང་།། སངས་རྒྱས་བདུན་གྱི་མཚན་ཅན་ཏེ།། སྣ་ཚོགས་སྦྱོར་དང་ཚེ་འཕེལ་དང་།། དངོས་གྲུབ་ཐམས་ཅད་སྒྲུབ་པ་ནི།། སངས་རྒྱས་ཐོད་པའི་སྦྱོར་བ་ཡིས།། ་འགྲུབ་པར་འདིར་ནི་གདོན་མི་ཟ།། མན་ངག་ལམ་ལས་གང་ཤེས་པ།། བླ་མའི་དྲིན་ལས་ཤེས་པར་བྱ།། སངས་རྒྱས་ཐོད་པའི་རྒྱུད་ཆེན་པོ་རྣལ་འབྱོར་མ་རྣམས་ཀྱི་གོང་ན་མེད་པ་གས ་བའི་ཡང་ཤིན་ཏུ་གསང་བ་ཞེས་བྱ་བ་ལས། དངོས་གྲུབ་ཐམས་ཅད་དང་། ཡེ་ཤེས་གཏན་ལ་དབབ་པ་དང་། ཐོད་པ་ཁ་ཕྱེ་བ་ལས་གླེགས་པམ་བྱུང་བའི་ལེའུ་སྟེ་དང་པོའོ།། ། ་དེ་ནས་ཡང་དག་རབ་བཤད་པ།། སྔགས་ལེའུ་ཇི་བཞིན་གསུངས་པ་སྟེ།། མཁའ་འགྲོ་མ་མོ་འབྱུང་པོ་རྣམས།། སྔགས་གང་གིས་ནི་འགྲུབ་འགྱུར་བ།། དེ་ནི་བདག་གིས ་རབ་བཤད་ཀྱིས།། ཁྱོད་ཀྱིས་དད་པ་བརྟན་པས་ཉོན།། ཨོཾ་བུདྡྷ་ཀ་པཱ་ལི་ནི་ཏ་ཊ་སྥོ་ཊ་ཡ་སརྦ་ཤུ་བྷ་པྲ་དཱ་ཡི་ནི་ཧཱུཾ་ཕཊ། སྤོས་དབུལ་བའི་སྔགས་སོ།། ཨོཾ་བུདྡྷ་ཀ་པཱ་ལི་ནི་མ་ཊ། ་མ་ཊ་ཨཱ་སྭཱཧཱ། མེ་ཏོག་དབུལ་བའི་སྔགས་སོ།། ཨོཾ་མ་ཧཱ་ཀ་པཱ་ལ་བཛྲི་བ་ར་བ་ར་ཏ་ཊ་ཏ་ཊ་སྟ་ཊ་ཡ་སྟ་ཊ་ཡཱ་མ་ཊ་མ་ཊ་ཧཱུཾ་ཧེ་ཧྲཱིཿསྭཱཧཱ། དྲི་དབུལ་བུའི་སྔགས་སོ།། ་ཨོཾ་བུདྡྷ་ཀ་པཱ་ལི་ནི་གྲྀ་ཧྞ་གྲྀཧྞ་གྲྀ་ཧྞཱ་པ་ཡ་གྲྀ་ཧྞཱ་པ་ཡ་བ་ར་བ་ར་ཏ་ཊ་ཏཊྚ། སྟ་ཊ་ཡ་སཱ་ཊ་ཡ་མ་ཊ་ཧཱུཾ་ཧཱུཾ་ཧཱུཾ་སྭཱཧཱ། མར་མེ་དབུལ་བའི་སྔགས་སོ།། ཨོཾ་བུདྡྷ་ཀ་པཱ་ལི་ནི། གྲྀ་སྟ་གྲྀ་ཧྞ་གྲྀ ་སྟ་པ་ཡོ་གྲ་དྷ་པ་སྱ་ཝཱ་ཁཱ་ཧཱུཾ། བྷཱུ་བཤོས་དབུལ་བའི་སྔགས་སོ།། ཨོཾ་མ་ཧཱ་ཀ་པཱ་ལི་ནི་བཛྲ་དྷརྨ་དྷརྨེ་མཾ་གྷེ་བ་རེ་པྲ་བ་རེ་བ་རེ་བ་ར་བ་ར་ཀ་ར་ཀ་ར། ཏཊ་ཏ་ཊ་ཧེ་ཧེ་སྭཱ་ཧཱ། གོས་དབུལ་བའི ་སྔགས་སོ།། ཨོཾ་ཧཱཾ་ཧོ་ཧི་ཧེ་ཧོ་ཧ་ཧ། གོ་ཆའི་སྔགས་སོ།། ཨོཾ་བྲདྡྷ་ཀ་པཱ་ལི་ནི་ཨ་ཁཾ་ཀྲོ་དྷྭཾ་ཤྲཱི་ཨཿ་ཧཱུཾ་ཧཱུཾ་ཧཱུཾ་ཕཊ། སྤྱན་དྲན་པའི་སྔགས་སོ།། ཨོཾ་མ་ཧཱ་ཀ་པཱ་ལི་བཛྲི་ཎི་ག ་གཙྪ་ཨུ་ཏིཥྛ་ཨུ་ཏིཥྛ། ཛ་ཛ་ཛ་ཧ་ཛཾ་ཛེ་ཛེ། ཏྲཻ་ལོ་ཀྱཾ་བི་ཊ་པཱ་ཎི་ཧཱུཾ་ཕཊ། གཤེགས་སུ་གསོལ་བའི་སྔགས་སོ།། ཨོཾ་མ་ཧཱ་ཀ་པཱ་ལ་བཛྲེ་ཙི་ཏྲེ་སུ་ཙི་ཏྲེ་ཨ་ལམྦ་ནེ་པྲི་ན་ཡཱ། སརྦ ་བྷུ་ཏ་ན་མ་ར་ཎ་ཀཱི་ལ་ཡ་སརྦ་དུཥྚཱན་ཨུཙྪ་ཊ་ཡ་སརྦ་བིགྷྣ་བི་དྲ་པ་ཡ་བྷ་ག་བ་ཏི་ཡཀྵ་རཀྵ་ས་པི་ཤཱ་ཙ་ན་ཤོ་ཥ་ཡ་ཏ་ཊ་ཡ་སཔྟ་པཱ་ཏཱ་ལ་གཱ་ཏ་ན། ས་ར་ས་ར། པྲ་ས་ར་པྲ་ས་ར། ཧཱུ་ཧཱུཾཿ། ་ཕཊ་ཕཊ་ཕཊ། འབྱུང་པོ་ཐམས་ཅད་པའི་གཏོར་མའི་སྔགས་སོ།། འབྲས་སཱ་ལུ་བླངས་ཏེ་འོ་མས་བཀྲུས་ལ་བུ་མོ་གཞོན་ནུ་མས་དེ་ཤིན་ཏུ་ཞིབ་པར་བཏག་པར་བྱ། དེའང་ཤེས ་རབ་ཅན་གྱིས་གཟུགས་བརྙན་བྱས་ཏེ། ཞལ་གཅིག་ཕྱག་བཞི་པ་གཞུང་བཞིན་ཅང་ཏེའུ་དང་། ཁ་ཊྭཱཾ་ག་དང་། རལ་གྲི་དང་། ཐོད་པ་འཛིན་པའོ།། དེ་ནས་རེ་བ་སྲེགས་པའི ་སོལ་བ་ཕྱེ་མར་བྱས་ལ་རྡོ་རྗེ་གཙུག་གིས་མཉེ་བར་བྱའོ།། དེ་ནས་དེས་གཟུགས་བརྙན་ལ་བྱུག་པར་བྱའོ།། མེ་ཏོག་དཀར་པོས་མཆོད་པར་བྱས་ཏེ། སངས་རྒྱས་ཐོད་པའི་རྣལ་འབྱོར ་པས་ཧེ་རུ་ཀའི་རྣམ་པའི་སྦྱོར་བས་སྔགས་བརྒྱ་རྩ་བརྒྱད་བཟླས་པར་བྱའོ།། ཨོཾ་མ་ཧཱ་བཛྲ་ཧེ་རུ་ཀ་བཛྲེ། དྷ་ར་དྷ་ར། དྷུ་རུ་དྷུ་རུ། མ་ཧཱ་ཛྙཱ་ན་སྥོ་ཊ་ནེ་ཤྲཱི་གྷྲཾ་སཱ་དྷ་ཡ་སྟཾ་བྷ་ཡ་ཀཱི་ལ་ཡ ་ཧཱུཾ་ཕཊ། སྔགས་འདི་ཆུ་ལ་ལན་བདུན་དུ་མངོན་པར་བཟླས་ཏེ་གཟུགས་བརྙན་དེ་བཀྲུ་བར་བྱའོ།། ཆུ་དེས་རང་གི་གདོང་བཀྲུས་ན་མི་སྣང་བར་བྱེད་དོ།། ལྷ་རྣམས་ཀྱིས་ཀྱང་རྙེད་པར ་དཀའ་འོ།། ནགས་ཀྱི་ནང་དུ་སྟག་གིས་ཀྱང་མི་མཐོང་ངོ་།། གཞན་དག་གིས་ཀྱང་དེ་མཐོང་བར་མི་འགྱུར་རོ།། སྲོག་ཆགས་འབུམ་གྱི་ནང་དུ་སོང་ན་ངོ་མཚར་སྣ་ཚོགས་བྱེད་དོ།། ་གང་གིས་ཀྱང་མི་མཐོང་ངོ་།། ལྷའི་བུ་མོ་འཕྲོག་ཅིང་ལྷ་རྣམས་ཀྱིས་ཀྱང་མི་མཐོང་ངོ་།། འོ་མས་གདོང་བཀྲུས་པ་ཙམ་གྱིས་ནི་མཐོང་བར་འགྱུར་རོ།། གཟུགས་བརྙན་དེའི་སྙིང་ཀར་ཤིང ་འབའ་བོ་ལས་ཕུལ་ཏེ། དུར་ཁྲོད་ཀྱི་མེ་ལ་འབའ་བོ་ལས་དང་ཚངས་པ་རྡོ་རྗེས་རབ་ཏུ་སྦར་ལ། དེའི་ཐལ་བ་ཡང་དག་པར་བླངས་ཏེ། ཁམ་པོར་དུ་གཞག་པར་བྱའོ།། ཡང་ན་པདྨའི་སྣོད་དུའོ།། ་སྔགས་འདི་བརྒྱ་རྩ་བརྒྱད་དུ་མངོན་པར་བཟླས་པར་བྱའོ།། ཨོཾ་བུདྡྷ་ཀ་པཱ་ལི་ནི་ཏྲ~ཾབྷྲཱུ~ཾ། ཨོཾ་བཛྲ་བི་ལི་སི་ནི་ཧྲཱིདྷཱུ། ཨོཾ་ཀ་མི་ནཱི་ཁ་ངྐུ། ཨོཾ་པཱ་ཏཱ་ལཱ་བ་སཱི་ནཱཾ་ཨཿཧཱུཾ། ་ཙི་ཏྲཿསེ་ནཱ་ས་མ་ཡ་ཏིཥྛ་ཡ་ཧྲཱིཿཧཱུཾ། སྔགས་འདི་དག་ནི་སངས་རྒྱས་རྣམས་ཀྱིས་ཀྱང་ཤིན་ཏུ་རྙེད་པར་དཀའ་འོ།། ཐལ་བ་དེ་དང་རྡོ་རྗེ་གཙུག་གིས་ལུས་བྱུག་པར་བྱས་ན། ཇི་སྲིད་དུ ་ལུས་ལ་མཚོན་ཆས་ཕོག་པ་དེ་སྲིད་དུ་མི་ཚུགས་སོ།། སླར་ཞིང་དགྲ་ཐམས་ཅད་ཀྱི་མགོ་བོ་འཆད་པར་འགྱུར་རོ།། གང་སྡང་བ་ལ་བལྟས་ན་དེ་ལོང་བར་འགྱུར་རོ།། གང་ཞིག་སྡང་བའི ་སེམས་འཛིན་པ་དེ་སྐྱོ་བར་འགྱུར་རོ།། ཐལ་བ་དེ་ཉིད་དང་མར་ཁུ་བཟང་པོས་མིག་བྱུགས་ན་དཔག་ཚད་སྟོང་མཐོང་བར་འགྱུར་རོ།། གང་ཅིའང་རུང་བའི་སའི་འོག་ན་གནས་པའི་གཏེར་དཔག ་ཚང་སྟོང་གི་འོག་ཏུ་སོན་པའི་དངུལ་དང་། གསེར་དང་། རིན་པོ་ཆེ་གང་ན་ཡོད་པ་དེ་ཐམས་ཅད་ལྔ་སྲིན་ལག་གིས་སྡིགས་མཛུབ་བྱས་པ་ཙམ་གྱིས་ཐམས་ཅད་མདུན་དུ་ལྷགས་ཏེ་གསོལ་བ ་འདེབས་སོ།། ཀྱི་སངས་རྒྱས་ཐོད་པའི་རྣལ་འབྱོར་པ་གཏེར་ལོང་ལ་སེམས་ཅན་གྱི་དོན་གྱིས་ཤིག། དེར་གཏེར་བླངས་ན་གང་འདོད་པ་དེ་བྱེད་དོ།། ཐལ་བ་དེ་དང་གོ་རོ་ཙན་ལྷན་ཅིག་བསྔོས། ་ཏེ། མཛུབ་མོས་མཉེས་པས་དཔུང་གི་ཚོགས་ལངས་པའི་ནང་དུ་མཛུབ་མོ་བསྐོར་བ་ཙམ་གྱིས་འབུམ་ཕྲག་སྟོང་གིས་དཔུང་རྣམས་ཁས་ཕུབ་ཏུ་ལྟུང་བར་འགྱུར་རོ།། གང་འདོད་པ་དེ་བྱེད་དོ།། ་བཀྲུས་པ་ཙམ་གྱིས་ལངས་པར་འདི་ལ་ཐེ་ཚོམ་མེད་དོ།། ཐལ་བ་དེ་དང་ཞ་ཉེའི་ཕྱེ་མ་དང་བསྣོས་ཏེ་གཅིག་ཏུ་བྱས་ལ། རྡོ་རྗེའི་གཙུག་རྗེས་སུ་བྱིན་ཏེ་ཁབ་ལེན་གྱི་ལྕགས་ཀྱི་ཕྱེ་མ་བསྲེ ་ཞིང་གསེར་གྱི་ཕྱེ་མའང་ཅུང་ཟད་བསྲེ་བར་བྱའོ།། རྡོ་རྗེའི་ཆུའི་ཁུ་བ་དང་ལྷན་ཅིག་ཏུ་བསྣོས་ཏེ་ཟངས་མའི་སྣོད་དུ་ཉི་མ་བདུན་གྱི་བར་དུ་ཞགས་གོ།། དེ་ནས་མཁྲིས་པ་ཆེན་པོ་མཉེས་ཏེ་ཎའི ་ཁྲག་དང་ལྷན་ཅིག་ཏུ་བསྣོས་ལ། ཡང་སྣོད་དེ་ཉིད་དུ་ཉི་མ་གསུམ་དུ་གཞག་པར་བྱའོ།། དེ་ནས་བཏོན་ཏེ་ལྕགས་ཀྱི་སྣོད་དུ་གཞག་པར་བྱའོ།། ཟངས་མའི་སྣོད་དུ་བཞག་པ་དེ་མེའི། ་ནང་དུ་བཅུག་ན་གསེར་དང་དངུལ་དུ་འགྱུར་བར་སོམ་ཉི་མེད་དོ།། སྲང་གཅིག་ཀྱང་སྲང་སྟོང་གི་རིན་ཐང་དུ་འགྱུར་ཏེ་རིན་པོ་ཆེ་དང་འདྲ་བར་འགྱུར་རོ།། གསེར་དེ་མ་ཤ་གཅིག་དང་དངུལ ་སྲང་གཅིག་བསྲེས་ཏེ་མེ་ལ་བཞུན་སྲང་སུམ་བརྒྱའི་རིན་ཐང་གི་ཚད་དུ་འགྱུར་བར་འདི་ལ་ཐེ་ཙོམ་མེད་དེ།། འདི་ལྟ་བུའི་སྦྱོར་བ་ན་སངས་རྒྱས་རྣམས་ཀྱིས་ཀྱང་རྙེད་པར་དཀའ་འོ།། ་འཇིག་རྟེན་དབང་ཕྱུག་ལ་སོགས་པའི་བྱང་ཆུབ་སེམས་དཔའ་གྲགས་པ་ཆེན་པོ་སྙིང་རྗེ་དང་ལྡན་པའི་བདག་ཉིད་ཆེན་པོ་སྟོབས་ཆེ་བ་དེ་རྣམས་ཀྱིས་ཀྱང་སྦྱིན་པར་མི་ནུས་སོ།། ་འདི་ཡི་སྦྱོར་བ་རྙེད་དཀའ་བ།། སངས་རྒྱས་ཐོད་པའི་རྒྱུད་དུ་གསུངས།། རྒྱུད་གཞན་རྣམས་སུ་སྦས་པ་ཡིན།། འདུས་སོགས་རྣལ་འབྱོར་རྒྱུད་དུ་ནི།། སྦྱོར་བ་རྣམ་པ་མ་གསུངས་པ།། ་གང་ཚེ་སྔོན་དུ་བསྙེན་དེའི་ཚེ།། དེ་ཡི་སྦྱོར་བས་ཅི་ཞིག་བྱ།། བསོད་ནམས་དམན་པའི་སེམས་ཅན་གང་།། མཚམས་མེད་ལྔ་ནི་བྱེད་པ་ཡང་།། སངས་རྒྱས་ཐོད་པའི་སྦྱོར་བ། ་ཡིས།། འདི་ལྟའི་སྦྱོར་བ་འགྲུབ་པར་འགྱུར།། དངོས་པོ་དེ་ཡིས་བློ་ཆེན་རྣམས།། སེམས་ཅན་དོན་ལ་གཅིག་ཏུ་བརྩོན།། སྲང་གཅིག་གིས་བསྲེས་བྱེ་བའི་རིན།། སྦྱོར་བ་ཀུན་ཏུ་རྙེད་པར་དཀའ།། ་སྦྱོར་བ་གླེགས་བམ་ལ་མི་བྲི།། ཐ་མའི་དྲིན་ལས་ཤེས་པར་བྱ།། བླ་མས་དངོས་གྲུབ་ཐ་མས་ཐར།། བླ་མ་སྟོན་པ་རྣམས་ཀུན་པ།། དེས་ན་སློབ་མ་ཐོ་ཅན་གྱིས།། འབད་པས་བླ་མ་མཉེས ་པར་བྱ།། ཐལ་བ་དེ་ཉིད་ཀྱིས་ལྟས་ལྟ་བའི་དོན་དུ་བུ་མོའི་མགོ་ལ་བླུགས་ཏེ་རྡོ་རྗེའི་གཙུག་གིས་བུ་མོ་བཀྲུའོ།། ཡང་ཐལ་བས་ཐིག་ལེ་བྱས་ལ། ཚངས་པ་རྡོ་རྗེས་མཎྜལ་གྲུ་བཞི་བྱས་ཏེ། དེའི ་དབུས་སུ་བུ་མོ་གཞག་པར་བྱའོ།། བདུག་སྤོས་ལྔས་བདུགས་ཤིང་སངས་རྒྱས་ཐམས་ཅད་ཀྱིས་བྱིན་གྱིས་བརླབས་ན་བུ་མོ་ལ་འབབ་པར་འགྱུར་ཏེ། འདས་པ་དང་། མ་འོངས་པ་དང་། ་ད་ལྟར་བྱུང་བ་སྟན་ཏོ།། བུ་དོན་གྱི་འབྲས་ལ་སྔགས་འདི་ལན་བདུན་དུ་མངོན་པར་བསྔགས་སོ།། ཨོཾ་བུདྡྷ་ཀ་པཱ་ལི་ནི་དེ་ཧི། དེ་ཧི་དེ་ཧི་དཱ་པ་ཡ་ད་དཱ་པ་ཡ་ཧེ་ཧེ་བྷ་ག་བ་ཏི་ཤཱི་བྷ~ཾ་ཁད་གཾ་དྷ་ར་ཙི ་བུདྡྷ་ཀ་པཱ་ལ་བཛྲ་སྱ་ཡ་ཛྙཱ་མ་ལེ་གྷ་ཡ་ཧཱུཾ་སྭཱ་ཧྲི་ཕཊ་ཨ་ཕཊ། ཡུངས་ཀར་བསྣུན་པ་ཙམ་གྱིས་ནི།། བུ་མོ་གྲགས་ཆེན་མ་ནི་རྒོད།། དེ་ཡི་ཁ་ནས་རལ་གྲི་བདུན།། འབྱུང་བ་ལ་ནི་ཐེ་ཙོམ་མེད། ་སངས་རྒྱས་ཐོད་པའི་རྣལ་འབྱོར་པས་སྐད་ཅིག་མ་དེ་ཉིད་ལ་འགྲུབ་པར་འདིར་སོམ་ཉི་མེད་དོ།། དེ་ལྟར་རལ་གྲི་གཅིག་གྲུབ་པས་བྱེ་བ་བརྒྱ་སྟོང་གི་རིག་འཛིན་འགྲུབ་པས་བསྐོར་བར་འགྱུར་རོ།། ་འདི་ལྟ་བུའི་སྦྱོར་བ་ནི་འཇིག་རྟེན་གསུམ་ནའང་རྙེད་པར་དཀའ་འོ།། བུ་མོ་བཀྲུས་པ་ཙམ་གྱིས་རྣལ་མར་འགྱུར་རོ།། དེའི་ཐལ་བ་ལྕགས་གསུམ་གྱིས་དཀྲིས་ཏེ་རིལ་བུ་བྱས་ནས་ཁར་བཅུག ་པ་ཙམ་གྱིས་ནི་མི་སྣང་བར་འགྱུར་རོ།། ཤེས་རབ་ཅན་གྱིས་སུམ་ཅུ་པའང་བསྐོར་རོ།། སངས་རྒྱས་ཐམས་ཅད་ཀྱིས་ཀྱང་མི་གཟིགས་སོ།། རིལ་བུ་ལག་པར་བླངས་པས་དངོས་པོ་གང་དང ་གང་ལ་རེག་པ་ཙམ་གྱིས་དེ་དབང་དུ་འགྱུར་རོ།། ཐལ་བའི་སྦྱོར་བ་འདི་དག་ནི།། སངས་རྒྱས་ཀྱིས་ཀྱང་རྙེད་པར་དཀའ།། ཨོཾ་པྲདྡྷ་ཀ་པཱ་ལ་ཛ་ཧཱུཾ་ཁཾ་རཾ་ཨ། འཇིག་རྟེན་གསུམ་སྒྲུབ་པའི་སྔགས ་སོ། ཨོཾ་བུདྡྷ་ཀ་པ་ལི་ནི་ཧྲི་ཧཱུཾ། དགྲ་རླག་པའི་སྔགས་སོ།། ཨོཾ་མ་ཧཱ་ཀ་པཱ་ལ་བཛྲ་ཁ་ཁཱ་ཁཱ་ཧི་ཁཱ་ཧི་སརྦ་དུ་ཐཱན་གྷ་གྷ་གྷ་ཏ་ཡ་གྷཱ་ཏ་ཡ་སརྦ་ཤ་ཏྲུཾ་ཨི་ཧི་ཏྲཾ་ཧཱུཾ་ཕཊ། བསྐྲད་པའི་སྔགས་སོ།། ་སངས་རྒྱས་ཐོད་པའི་རྒྱུད་ཆེན་པོ་རྣལ་འབྱོར་མ་རྣམས་ཀྱི་གོང་ན་མེད་པ་གསང་བའི་ཡང་ཤིན་ཏུ་གསང་བ་ཞེས་བྱེ་བ་ལས། ཐལ་བའི་སྦྱོར་བ་དང་། ལས་སྣ་ཚོགས་གཏན་ལ་དབབ་པ་དང་། ་སྔགས་ཀྱི་ལེའུ་སྟེ་གཉིས་པའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས། སྣ་ཚོགས་སྡེ་མ་ལ་བཏུད་དེ་འདི་སྐད་ཅེས་གསོལ་ཏོ།། ་སེམས་ཅན་དོན་ལ་གཅིག་བརྩོན་པ།། ལེགས་སོ་བཅོམ་ལྡན་འདས་ལྷ་མོ།། འདི་ལྟའི་རབ་ཏུ་སྦྱོར་ཞེས་པ།། རྒྱུད་གཞན་དག་ཏུ་མ་གསུངས་ཤིང་།། སངས་རྒྱས་ཀུན་གྱིས་རབ ་སྦས་པ།། དེ་ནི་འབད་དེ་གསལ་བར་མཛོད།། ལྷ་མོ་ཆེན་པོ་ཁྱོད་ཀྱིས་གསུངས།། ལྷའི་ལེའུ་ནི་ཇི་ལྟ་བུ།། སངས་རྒྱས་ཐོད་པ་རྣལ་འབྱོར་མའི།། དྲུང་ངུ་ས་རྣམས་དུ་ཞིག་གསུངས། ་རུ་གཟུགས་ནི་ཇི་ལྟ་བུ།། གུས་པ་ཡིས་ནི་ཉན་པར་འཚལ།། གསུངས་པ། རེ་ལས་ཉི་མ་བསམ་པར་བྱ།། ཉི་མའི་སྟེང་དུ་ཧཱུཾ་བྱུང་བའི།། རྡོ་རྗེ་ནག་པོ་སྲོག་པའི་བདག། རྡོ་རྗེ་དེ་ཉིད ་འོད་ཟེར་གྱིས།། རབ་དྲ་བའི་མཚམས་བཅིང་ངོ་།། དེ་བཞིན་རྡོ་རྗེ་ནག་གྱུར་པ།། རྡོ་རྗེ་ས་བཞི་བསམ་པར་བྱ།། རྡོ་རྗེའི་ས་བཞིའི་དབུས་ཆུད་པར།། ཨེ་ཡི་རྣམ་པ་བདག་ཉིད་ཆེ།། གྲུ ་གསུམ་ཁམས་གསུམ་བདག་ཉིད་ཅན།། ཡི་གེ་ལེ་གྱུར་ས་ཡི་ནི།། དཀྱིལ་འཁོར་གྲུ་བཞི་རབ་སེར་བའོ།། དེ་ཡི་དབུས་གནས་ས་བོན་ནི།། ཡི་གེ་ཨོཾ་སྟེ་ཆོས་བདག་ཉིད།། ཨོཾ་ལས་བྱུང ་བའི་འཁོར་ལོ་ནི།། རྩ་རྣམས་ཀུན་གྱི་རང་བཞིན་ཅན།། རྣལ་འབྱོར་མ་ནི་རྣམ་པར་བཞུགས།། རྩ་ནི་དྲུག་ཅུ་ལ་རྒྱན་དང་།། སྤྲུལ་པ་དྲུག་ཅུ་རྩ་བཞི་འདབ།། དེས་ན་རྩ་བརྒྱ་ཉི་ཤུའོ།། རྡོ ་སྐུ་ཡི་བདག་ཉིད་ཆེ།། ཤེས་རབ་ཅན་གྱིས་དེ་ལྟར་སེམས།། དེ་ཡི་དབུས་གནས་ས་བོན་ནི།། བཾ་དཀར་ཡི་གེ་ལས་བྱུང་བ།། ཆུ་ཡི་དཀྱིལ་འཁོར་ཟླུམ་པོའོ།། རྩ་རྣམས་ཐམས་ཅད་ཆུ ་ཡི་ནི།། དཀྱིལ་འཁོར་ལ་ནི་ཐིམ་པར་འགྱུར།། སླར་ཡང་བསམ་པར་བྱ་བ་ནི།། རེ་དམར་ལས་བྱུང་མེའི་དཀྱིལ་འཁོར།། གྲུ་གསུམ་འབར་བའི་བདག་ཉིད་ཅན།། རབ་ཏུ་འབར་བཞིན་པ་ཡི་ནི།། ་རྩ་བའི་འཁོར་ལོ་ཡང་དག་བལྟ།། དེ་ནས་བསམ་པར་བྱ་བ་ནི།། ཡཾ་གྱུར་རླུང་གི་དཀྱིལ་འཁོར་ནི།། ཟླ་བ་ཕྱེད་པའི་རྣམ་འདྲ་སྔོ།། རྩ་རྣམས་རབ་ཏུ་གཡོ་བའི་གཟུགས།། ཐིམ་འགྱུར ་འཁོར་ལོའི་རིག་པར་གསུངས།། དེ་དག་ཐམས་ཅད་ཐིམ་གྱུར་པ།། དེ་ཡི་དབུས་གནས་རྣལ་འབྱོར་པ།། དེ་ལྟར་ཤེས་པར་བྱེད་གང་ཞིག། སངས་རྒྱས་ཐོད་པའི་རྣལ་འབྱོར་པས།། ་དེ་ནས་ཟླ་བ་བསམ་པར་བྱ།། ཟླ་བའི་སྟེང་དུ་ཉི་མའོ།། དེ་ཡི་དབུས་ཆུད་ས་བོན་ནི།། ཧཱུཾ་དང་ཨ་ཡི་རང་བཞིན་ནོ།། ཡི་གེ་ཀ་ཡི་ས་ཧ་བརྒྱན་ཏེ།། ཀ་ནི་ཧ་ལ་ཐིམ་པར་འགྱུར།། ་མི་ཕྱེད་པ་ཡི་ཧ་དང་ཧཱུཾ།། གཉིས་ཀའི་བདག་ཉིད་ཅན་བལྟའོ།། ཧ་ནི་མི་ཤིགས་ཤེས་རབ་ཀྱི།། བདག་ཉིད་དབུ་དང་ཡི་གེ་དག། གཉིས་ཀ་གཅིག་ཏུ་གྱུར་པ་ནི།། ཡི་གེ་ཧཱུཾ་གི་མཆོག ་བལྟའོ།། ཧཱུཾ་ལས་བྱུང་བའི་འོད་ཟེར་རྣམས།། དེ་ཡི་བདེ་བ་ཆེ་བསྐུལ་ཏེ།། བ་མོ་ལྟ་བུའི་རི་བོང་ཅན།། ཉི་མར་ལྷན་ཅིག་ཞུ་གྱུར་ཅིང་།། དཀྱིལ་འཁོར་གཉིས་ཀ་གཅིག་གྱུར་པ།། ཉི་མའི ་མཆོག་ཏུ་བལྟ་བར་བྱ།། ཡང་ནི་ཧཱུཾ་བྱུང་འོད་ཟེར་དེས།། རྩ་བའི་འཁོར་ལོ་ཐམས་ཅད་ལ།། རེག་མ་ཐག་པའི་མོད་ལ་ནི།། རྩ་ཡི་འཁོར་ལོ་ལས་འབབ་འགྱུར།། ཞུ་བ་དེ་ཡིས་ས་བོན་བཀྲ།། ་ཧཱུཾ་གྱུར་པ་ལས་རྡོ་རྗེ་སྟེ།། དབུས་སུ་དེ་ཉིད་ཀྱིས་བྱིན་བརླབས།། ས་བོན་རྡོ་རྗེ་ལས་བྱུང་བ།། དཔའ་བོ་ཁྲག་འཐུང་མདོག་སྔོན་པོ།། ཞལ་གཅིག་པ་ལ་ཕྱག་བཞི་པ། ་གཙོ་བོ་ཧཱུཾ་ཞེས་འདོན་པ་སྟེ།། སྐྱིལ་ཀྲུང་ཕྱེད་པའི་གར་གྱིས་གནས།། གཉིས་ཀའང་ཁྲོ་བའི་བདག་ཉིད་ཅན།། སྟག་གི་པགས་པའི་ན་བཟའ་མནབས།། མགོ་བོ་རློན་པའི་འཕྲེང་བ་འཆང་།། ་བསོགས་སུ་མཆོད་ཕྱིར་ཐོགས་པ་ཡི།། ཤིན་ཏུ་བཞད་པས་འཇིགས་ཆེ་བའི།། གཙོ་བོ་སྙིང་རྗེའི་བདག་ཉིད་བལྟ།། དཔུང་རྒྱན་མགུལ་དོ་འཁོར་གདུབ་དང་།། གཅེར་བུ་རུས་པའི་སྐ་རགས། ་འཆིང་།། གཡེར་ཀ་བཅས་པའི་རྐང་གདུབ་ཅན།། མ་ལུས་བདུད་རྣམས་འཇོམས་པར་བྱེད།། རལ་པའི་ཅོད་པན་ཡང་དག་ལྡན།། སངས་རྒྱས་རྣམ་པ་ལྔ་ཡིས་བརྒྱན།། ཟླ་བ་ཕྱེད་པ ་འཛིན་པའི་ལྷ།། དབུ་ལ་སྣ་ཚོགས་རྡོ་རྗེས་མནན།། འཁོར་ལོ་རྣ་ཆག་དུ་བུ་དང་།། ཕྱག་རྒྱ་རྣམ་པ་ལྔ་ཡིས་མཚན།། ཐལ་བའི་རྡུལ་ཅན་འཇིགས་པར་བྱེད།། ཐོད་པ་གཏི་མུག་གིས་བརྒྱན ་བའི་། དཔའ་བོ་འཁོར་བ་སྒྲོལ་བྱེད་པ།། བྱང་ཆུབ་ས་བོན་རང་བཞིན་ནོ།། གཙོ་ཆེན་དེ་ཡེ་ཤེས་རབ་མ།། སྣ་ཚོགས་སྡེ་མ་རྣལ་འབྱོར་མ།། གཅེར་བུ་མགོ་བོའི་འཕྲེང་བ་སྤངས།། རྒྱན ་མེད་མཆོད་ཕྱིར་ཐོགས་མེད་མ།། བདེ་བ་ཀུན་གྱི་གཟུགས་ཅན་མ།། ཕྱག་གཉིས་སྐྲ་ནི་གྲོལ་བའོ།། ཧེ་རུ་ཀ་ལ་འཁྱུད་གནས་མ།། དེ་ལྟར་ཕ་རོལ་ཕྱིན་ལྷ་མོ།། ཁ་དོག་དམར་མོ་རྣམ་གསལ་མ།། ་ཞལ་ནི་ཤིན་ཏུ་རྣམ་འགྱུར་བ།། ཅུང་ཟད་མཆེ་བ་གཙིགས་འཇིགས་པ།། གཡས་ན་ཅང་ཏེའུ་གྲི་གུག་སྟེ།། གཡོན་ན་ཁ་ཊྭཱཾ་ཐོད་པའོ།། རང་གི་ལུས་སྐྱེས་འོད་ཟེར་གྱིས།། རྩ་ཡི་འཁོར་ལོ་བསྐུན། ་བར་བྱ།། དེ་ཡིས་བསྐུལ་བ་ཙམ་གྱིས་ནི།། རྩ་ཡི་འཁོར་ལོའི་རང་བཞིན་ལས།། འཛག་འགྱུར་འདིར་ནི་ཐེ་ཙོམ་མེད།། འཛག་པ་དེ་ལས་རྣལ་འབྱོར་མ།། བརྒྱད་པོ་བུ་མོ་རྣམས་ཀྱི་མཆོག ་མཆོད་པ་སྣ་ཚོགས་འཛིན་པ་ཡིས།། མགོན་པོ་ཧེ་རུ་ཀ་མཆོད་དོ།། རྡོ་རྗེ་མགོན་པོའི་ཤར་གནས་པ།། རྡོ་རྗེ་མཆེ་བ་མ་ཡིས་ནི།། ཐོད་པ་ཁྲག་གིས་བཀང་བཟུང་སྟེ།། གཟི་བརྗིད་ཆེན ་པོ་གསོལ་བར་མཛད།། རྡོ་རྗེ་ཕོ་ཉ་བདག་ཉིད་ཆེ།། དབང་ལྡན་དུ་ནི་ཅང་ཏེའུ་རྡུང་།། རྡོ་རྗེ་གདུང་མ་དྲི་སྣོད་དང་།། མེ་ཡི་ཕྱོགས་སུ་རྣམ་པར་གནས།། རྡོ་རྗེ་ཅན་མ་གྲགས་ཆེན་མོ།། མཆོད ་ཡོན་སྣོད་ཅན་བདེན་བྲལ་ན།། རྡོ་རྗེ་གཙིགས་མ་ལྷོ་ཡི་ནི།། ཕྱོགས་ན་རྔ་བོ་ཆེ་འཛིན་གསུངས།། རླུང་དུ་རྡོ་རྗེ་ལྟེ་བ་མ།། རི་བོང་ཅན་གྱི་སྣོད་འཛིན་ནོ།། ནུབ་ཏུ་རྡོ་རྗེ་འཇིགས་མ་ནི།། ་སྤྱང་ཕྱག་ན་འཛིན་པར་གསུངས།། བྱང་དུ་འདོད་ཆགས་རྡོ་རྗེ་མ།། ལྷ་མོའི་ཆགས་པས་གཙོ་བོ་མཆོད།། དེ་ལྟར་ཧེ་རུ་ཀ་བསམས་ནས།། རྣལ་འབྱོར་མ་ནི་བརྒྱད་ཀྱིས་མཆོད།། སྣ་ཚོགས ་ཟས་དང་སྣ་ཚོགས་སྐོམ།། སྣ་ཚོགས་རོལ་མོ་མཆོག་གསུངས་དང་།། དྲི་ཞིམ་ལྔ་དང་མེ་ཏོག་སྤོས།། འདི་དག་གིས་ནི་གཙོ་བོ་མཆོད།། མཆོད་ཡོན་ཞལ་བསིལ་དེ་བཞིན་ཁྲུས།། གླུ་ཡི་མཆོད་ནི ་རྣམ་མང་པོས།། མགོན་པོ་ཁྲག་འཐུང་བདག་ཉིད་ཆེ།། འདི་དག་གིས་ནི་མཆོད་པར་བྱ།། དཔའ་བོ་རྫོགས་པར་མཐོང་ནས་ནི།། རྩ་ཡི་འཁོར་ལོ་ལས་ནི་འཛག། འཛག་པ་དེ་ལས ་རྣལ་འབྱོར་མ།། རྣམ་མང་བརྩེ་བ་ཆེར་ལྡན་པ།། བདེ་གཤེགས་ཀུན་གྱིས་བྱིན་བརླབས་མ།། སྣ་ཚོགས་རྒྱན་གྱིས་རྣམ་པར་ཀླུབས།། སྣ་ཚོགས་པ་ཡི་ན་བཟའ་མནབས།། གཟུགས་ནི་ལང ་ཆོ་གཞོན་པས་བརྒྱན།། ལོ་ནི་བཅུ་དང་གཉིས་ལོན་པ།། ཕྱག་གཡས་བྱང་ཆུབ་སེམས་བཀའ་བའི།། བུམ་པ་ཨ་མྲའི་ལྕུག་བཅས་བསྡམས།། ཞལ་ནི་རབ་བཞད་དང་བ་ཡིས།། ཧེ་རུ་ཀ་ནི ་རྒྱལ་གྱུར་ཅིག། རྒྱལ་གྱུར་ཅིག་ཅེས་འདི་ལྟར་སྨྲ།། མགོན་པོས་མདུན་དུ་བལྟས་ནས་ནི།། དབང་བསྐུར་མཆོག་སྟེ་གསོལ་བ་གདབ།། བརྩེ་དང་ལྡན་པའི་གྲགས་ཆེན་མོ།། འཁོར ་བའི་འདམ་དུ་བྱིང་བ་བདག། དབང་བསྐུར་བ་ཡིས་བདག་བསྒྲལ་ཕྱིར།། རྡོ་རྗེ་རྣལ་འབྱོར་མས་ཁྲུས་ཤིག། དཔེར་ན་བུ་ཚ་མེད་པའི་ཁྱིམ།། ཤི་བ་ཙམ་གྱིས་སྟོངས་པ་ཉིད།། དེ་བཞིན་དབང་།། ་དང་བྲལ་ན་ནི།། ཡེ་ཤེས་ཀུན་གྱིས་སྟོངས་པ་ཉིད།། དཔེར་ན་པི་ཝང་སྦྱོར་ཀུན་ཚོགས།། རྒྱུད་དང་བྲལ་ན་རྡུང་མི་རུང་།། དེ་བཞིན་དབང་དང་བྲལ་ན་ནི།། སྔགས་དང་བསམ་གཏན་འགྲུབ ་མི་འགྱུར།། རྨོངས་པ་གང་ཞིག་དབང་མེད་པར།། བདག་ནི་དབང་བསྐུར་ཞེས་སྨྲ་བ།། ཇི་སྲིད་སངས་རྒྱས་བཞུགས་ཀྱི་བར།། སློབ་མར་བཅས་ཏེ་དམྱལ་བར་འགྲོ།། དེ་ལྟར་ཤེས་བྱ་རྣལ ་འབྱོར་པས།། སླར་ཡང་བདག་ལ་དབང་བསྐུར་ཅིག། ཡང་དང་ཡང་དུ་ཕྱག་འཚལ་ཏེ།། ཐལ་མོ་སྦྱར་ནས་གསོལ་བ་གདབ།། གལ་ཏེ་དབང་བསྐུར་མེད་ན་ནི།། ཧེ་རུ་ཀ་རུ་བདག་གྱུར་ཅིག ་དེ་ནས་རྣལ་འབྱོར་མ་དེ་རྣམས།། རྒྱལ་གྱུར་རྒྱལ་གྱུར་ཅེས་སྨྲ་ཞིང་།། བཅོམ་ལྡན་དབང་བསྐུར་ཁྲུས་གསོལ་ལོ།། ཕྱི་ནང་གསང་བར་བཅས་པ་ཡི།། དབང་བསྐུར་ཙམ་གྱིས་ནམ་མཁའ ་ཡི། དཀྱིལ་ནས་རྔ་ཡི་སྒྲ་གྲགས་ཅིང་།། མེ་ཏོག་ཙན་དན་ཆར་འབབ་འགྱུར།། དེ་ནས་རྣལ་འབྱོར་མ་དེ་རྣམས།། རྩ་ཡི་འཁོར་ལོ་ལ་ནི་ཐིམ།། སངས་རྒྱས་ཐོད་པའི་རྒྱུད་རྣལ་འབྱོར ་མའི་གོང་ན་མེད་པ་གསང་བའི་ཡང་ཤིན་ཏུ་གསང་བ་ཞེས་བྱ་བ་ལས། ལྷ་བསྐྱེད་པ་དང་དབང་བསྐུར་བའི་ལེའུ་སྟེ་གསུམ་པའོ།། །། རྡོ་རྗེ་སྡེ་ལ་ཕྱག་བྱས་ནས ་འདི་སྐད་ཅེས་གསོལ་ཏོ།། ཅི་ཡི་ཕྱིར་ན་བདག་ཅག་རྣམས།། འོད་ཟེར་གྱིས་ནི་འཚལ་ཏེ་མཆིས།། བཅོམ་ལྡན་བདག་ལ་བཤད་དུ་གསོལ།། དེ་ནས་ཕྱག་ན་རྡོ་རྗེ་གནོད་སྦྱིན་གྱི་བདག། ་པོས།། རྣལ་འབྱོར་མ་སྣ་ཚོགས་སྡེ་མ་ལ་འདི་སྐད་ཅེས་གསོལ་ཏོ།། ནོར་རྒྱས་ལ་སོགས་བདག་ཉིད་ཆེ།། ཀླུ་རྣམས་ཅིའི་ཕྱིར་དགུག་པ་ལགས།། རྣལ་འབྱོར་ཆེན་མོ་བདག་ལ་གསུང། ་དེ་ནས་སྣ་ཚོགས་སྡེ་མའི་སྙིང་གི་འོད་ཟེར་གྱིས་ཀླུ་ཐམས་ཅད་ཀྱི་སྙིང་ཀ་དང་སྤྱི་བོའི་མཐར་ཐུག་པར་ཞུགས་ཏེ།། ཚིམ་པར་བྱས་ནས་སླར་ལོག་གོ། དེ་ནས་ཀླུ་དེ་རྣམས་ཐམས་ཅད་ཀྱིས ་ཕྱག་འཚལ་ཏེ་འདི་སྐད་ཅེས་གསོལ་ཏོ།། ལྷ་མོ་བཀའ་ནི་ཅི་ཞིག་སྩོལ།། ཀྱེ་ལགས་ཇི་ལ་བུ་ཞིག་བགྱི།། གསུངས་པ། མུ་སྟེགས་ལ་སོགས་མཁའ་ལྡིང་སྔགས།། ཡེ་ཤེས ་ལས་བྱུང་ཇི་ལྟ་བུ།། དུས་སུ་ཟིན་པ་ཇི་ལྟ་ཡིན།། ཇི་ལྟར་དུག་ནི་སྐྱེ་བར་འགྱུར།། སྦྲུལ་གྱིས་ཟིན་པ་ཙམ་གྱིས་ནི།། སྔར་ཡང་སེམས་ཅན་འཆི་འགྱུར་ཞིང་།། ཞུས་པ། ཁྱབ་འཇུག་དབང་ཕྱུག ་སོགས་ལྷ་དང་།། ཚངས་པ་ཚངས་པ་མདུན་ནུ་འདོན།། དེ་རྣམས་ལ་ནི་འཆི་འཕོ་མཆིས།། དུག་གི་ཉེས་པས་གནོད་པར་འགྱུར།། དེ་ལྟར་དུས་སུ་ཟིན་ཅེས་སྦ།། སྦྲུལ་གྱི་དྲུག་ནི་སེལ་བ་མེད། ་དེ་བཞིན་སྦྲུལ་ལ་དུག་ནི་ཡོད།། སྦྲུལ་ཟིན་འཚེ་འམ་མི་འཚོ་བ།། བདེ་བྱེད་ལ་སོགས་རྫུ་འཕྲུལ་ཆེ།། ལྷ་དེ་རྣམས་ནི་དེ་ལྟར་སྨྲ།། སྟོང་པ་སྟོང་ཉིད་ངེས་གསུངས་པ།། བཅོམ་ལྡན་རྡོ་རྗེ་འཆང ་པས་གསུངས།། ཆོས་རྣམས་ཐམས་ཅད་སྟོང་པ་ལ།། སྦྲུལ་གྱི་དུག་ནི་ཇི་ལྟར་ཡོད།། གང་གིས་འཛིན་ཅིང་གང་ཞིག་འཛིན།། དུས་དང་དུས་མིནཇི་ལྟར་འགྱུར།། ཇི་ལྟར་སྤྱོད་ཅིང་ཇི ་ལྟར་བསྡུ།། གང་ཕྱིར་འཛིན་ཅིང་གང་དུ་འཛིན།། སེམས་ཅན་དུག་ཟིན་མི་འཆི་བ།། སློང་ཉིད་སྨྲ་བའི་ངེས་པ་ཡིན།། འདོད་ཆགས་གཏི་མུག་སྟོང་པ་ཉིད།། གྲགས་ཆེན་ཡུལ་ནི་སྟོང་པ ་ཉིད་ཡུལ་གྱི་རང་བཞིན་དྲི་མ་མེད།། དྲི་མ་དང་བྲལ་ཇི་ལྟར་དུག། སྦྲུལ་གྱིས་ཀྱང་ནི་ཅི་ཞིག་བྱེད།། ཐ་མལ་པ་ཡི་ཡུལ་ནི་སྦྲུལ།། ཡུལ་གྱིས་ཉེས་པ་དུག་ཉིད་དོ།། ལྷ་རྣམས་ཡུལ་རྣམས། ་ཀྱིས་ནི་བསྒྲིབས།། ཐམས་ཅད་དུས་སུ་ཟིན་པ་ཡིན།། ཡུལ་གྱི་ཉེས་པ་སྦྱངས་པ་ཉིད།། སྟོང་པ་ལོངས་སྤྱོད་གོས་མི་འགྱུར།། སངས་རྒྱས་ཐོད་པའི་རྣལ་འབྱོར་པས།། འདོད་ཀུན་ཉེ་བར་ལོངས ་སྤྱོད་བྱ།། རི་སྐེགས་སྦྱོར་བ་རྙེད་དཀའ་དང་།། སངས་རྒྱས་ཐོད་པའི་སྦྱོར་ལྡན་པས།། འདིར་ནི་ཀླུ་རྣམས་ཐམས་ཅད་ལྷགས།། དེ་ཕྱིར་རབ་ངེས་ལྷ་མོ་ཀྱེ།། དུས་ཟིན་ཐེ་ཙོམ་མེད་པ་རུ། ་མེ་མུ་སྟེགས་ཅན་དེ་སྨྲ།། འདི་ལྟར་སྨྲས་ཏེ་ཀླུ་རྣམས་ཀྱིས།། སྣ་ཚོགས་སྡེ་མར་ཕྱག་འཚལ་ཏེ།། རང་རང་གི་ནི་གནས་སུ་དོང་།། དེ་ནས་བཅོམ་ལྡན་འདས་མས་ཡུལ་གྱི་ཉེས་པ་སྤོང ་བའི་སྔགས་གསུངས་པ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ&ཧཾ། སྣོང་དང་སྟོང་མིན་མཐའ་དག་བཅས།། སྒྱུ་མ་རྨི་ལམ་ལྟ་བུར་གཅིག། འཇིག་རྟེན་མཐའ་དག་བརྫུན་གྱིས་བཅིངས།། ་ཀྱེ་ལགས་བཤེས་མོ་འདི་ལྟར་ལྟོས།། དེ་ནས་ཕྱག་ན་རྡོ་རྗེ་གནོད་སྦྱིན་གྱི་བདག་པོ་ཆེན་པོས། བཅོམ་ལྡན་འདས་མའི་ཞབས་ལ་སྤྱི་བོས་གཏུགས་ཏེ་འདི་སྐད་ཅེས་གསོལ་ཏོ།། རི་སྐེགས ་སྦྱོར་བ་རྙེད་དཀའ་བ།། ལྷ་མོ་ཡི་ནི་བཤད་དུ་གསོལ།། སེམས་ཅན་དོན་ལ་གཅིག་ཏུ་འབད།། དེ་རུ་བདག་ལ་ལྟད་མོ་མཆིས།། གསུངས་པ། དཀྱིལ་འཁོར་མེད་པར་སྦྱིན་མི་བྱ།། ་སློབ་མ་བསྡུ་བར་མི་བྱའོ།། གཙོ་བོས་ཇི་ལྟར་གསུངས་པ་ཡི།། དཀྱིལ་འཁོར་ལས་ནི་སྨྲ་བར་བྱ།། མཐོ་ལྔ་པ་ཡི་ས་བཟུང་སྟེ།། ཁོར་ཡུག་ཏུ་ནི་གྲུ་བཞིའོ།། དེ་ཡི་ཕྱེད་ཀྱི་ཟླུམ་པོ་ལ།། ་བརྒྱད་ལས་འདམ་སྐྱེས་འདབ་མ་བརྒྱད།། ཨོཾ་ཧཱུཾ་གྱི་ཆུ་ཁ~ཾ་དྷུ་ཨ་ངྐུ་ཏིཥྛ་ཏིཥྛ་བཛྲ་ས་མ་ཡ་ཨ་དྷིཥྛ་ཡེད། ས་སྦྱང་བའི་སྔགས་སོ།། བཛྲ་ཧེ་རུ་ཀ་བཛྲ་ས་མ་ཡ་ཏྲི་སརྦ་དུཥྚ་ས་མ། ་ཡ་མྲ་དྲཱ་པྲ་བྷཾ་ཛ་ཧ་ཧཱུཾ་རུ་ལུ་རུ་ལུ་བྷྱོ་ཧཱུ~ཾ་ཧཱུ~ཾ་ཕཊ། ས་སྦྱང་བའི་དུས་སུ་གཏོར་མ་གཏང་བའི་སྔགས་སོ།། ཨོཾ་སརྦ་ཏ་ཐཱ་ག་ཏ་ཨ་དྷི་བྷཱ་ནཱ་ཨི་དཾ་སུ་ཏྲ་ཏིཥྛ་མ་ཙ་ལ་ཧེ་ཧེ་བུདྡྷ་ཀ་པཱ་ལ་བཛྲ་ཧེ་རུ་ཀེ་ཧཱུ་ཧཱུཾ ་ཐཐ། སྔགས་འདིས་ལན་བདུན་དུ་སྲད་བུ་ལ་མངོན་པར་བསྔགས་པར་བྱའོ།། ཐིག་སྐུད་ཀྱི་སྔགས་སོ།། གྲུ་བཞི་པ་ལ་སྒོ་བཞི་པ།། རྟ་བབས་བཞི་དང་ཡང་དག་ལྡན།། ཁ་ཁྱེར་སྣམ་། ་སྤངས་པ་ལ།། བ་དན་རྣམ་པ་བརྒྱད་ཀྱིས་བརྒྱན།། སངས་རྒྱས་ཐོད་པའི་སྦྱོར་བ་ཡིས།། རྡུལ་ཚོན་གཞན་དང་འདྲེས་མེད་པའི།། རྡུལ་ཚོན་དམར་པོར་རྫོགས་པར་བྱ།། དེ་རུ་བུམ་པ་བཞི ་པོ་རྣམས།། པྲ་དང་གྲཝ་རུ་རྣམ་པར་གཞག། བུམ་པར་མཚན་མ་བྲི་བྱ་བ།། ཐོད་པ་དང་ནི་ཁ་ཊྭཱཾ་ག། གྲི་གུག་དང་ནི་ཅང་ཏེའུ་དང་།། ཅང་ཏེའུ་གནས་སུ་རྡོ་རྗེ་བྲི།། རྡོ་རྗེའི་སྟེང་དུ་འདམ་སྐྱེས་ཏེ།། ་དེ་ལྟར་བུམ་པར་བྲིས་བྱས་ནས།། ཆུ་ཡིས་ཡོངས་སུ་དགང་བར་བྱ།། བུམ་པ་ལ་ནི་རས་ཀྱིས་བརྟན།། རིན་ཆེན་རྣམ་པ་ལྔ་གཞུག་ཅིང་།། བུམ་པར་ཀུན་ནས་འབྲུ་ལྔ་དང་།། ཨ་མྲའི ་ལྕུག་མས་དགབ་པར་བྱ།། དེ་ནས་འོ་མའི་སྣོད་བཞག་སྟེ།། དེ་རྗེས་སློབ་དཔོན་བློ་ཆེན་གྱིས།། སངས་རྒྱས་ཐོད་པའི་སྦྱོར་དང་ལྡན།། པདྨའི་སྟེང་དུ་ཉི་མ་སྟེ།། ཉི་མའི་སྟེང་དུ་ཧཱུཾ་ཡིག ་བསམ།། ཧཱུཾ་གྱུར་པ་ལས་རྡོ་རྗེ་ནི།། སྔོན་པོ་ཧཱུཾ་གི་བདག་ཉིད་སྐྱེས།། ཧཱུཾ་དང་རྡོ་རྗེ་བྱུང་དཔའ་བོ།། ཧེ་རུ་ཀ་ནི་བདག་ཉིད་ཆེ།། སྐུ་མདོག་སྔོན་པོ་ཕྱག་བཞི་པ།། གཙོ་བོ་ཆེན་པོ་ཞལ་གཅིག། ་པ་གཡས་ནི་གྲི་གུག་ཐོད་པ་སྟེ།། གཡོན་ན་ཁ་ཊྭཱཾ་རྡོ་རྗེའོ།། སྐུ་ལ་མི་ལེ་རུས་པས་བརྒྱན།། ཀླུ་རྣམས་སྐྲག་པར་བྱེད་པ་པོ།། སྐྱིལ་ཀྲུང་བྱེད་པའི་གར་གྱིས་བཞུགས།། གཅེར་བུ ་འཇིགས་བྱེད་རང་བཞིན་ཏེ།། ཞལ་གྱི་མཆེ་བ་ཅུང་ཟད་གཙིགས།། དབུ་སྐྲ་སེར་ཞིང་གྱེན་དུ་འབར།། ཐོད་པས་སྤྱི་བོ་བརྒྱན་བྱས་པ།། ས་འོག་བདུན་ནི་འཁྲུག་པར་བྱེད།། དཔའ་བོ་དེ ་ལྟར་གསམ་པར་བྱ།། ཕྱིས་ནི་ཕྱོགས་ཀྱི་འདབ་མ་ལ།། ཨོཾ་དང་ཧཱུཾ་དང་ཁཾ་དང་སྭཱ།། ཡི་གེ་ཡོངས་སུ་གྱུར་པ་ལས།། རྣལ་འབྱོར་མ་ནི་རྣམ་པ་བཞི།། སྣ་ཚོགས་སྡེ་མ་འདོད་ཅན་མ།། ་ས་འོག་གནས་མ་རབ་བཟང་མ།། ལྷ་མོ་དེ་དག་མདོག་སྔོན་མོ།། གྲགས་ཆེན་ཞལ་གཅིག་ཕྱག་བཞི་མ།། ཉི་མའི་དཀྱིལ་འཁོར་རྣམ་པར་བཞུགས།། གཡོན་བརྐྱང་བ་ཡི་ཞབས་ཀྱིས ་བཞུགས།། གཡས་ན་གྲི་གུག་ཐོད་པ་འཛིན།། གཡོན་ན་ཁ་ཊྭཱཾ་ཅང་ཏེའུ།། རུས་རྒྱན་ལྷ་མོ་ཀུན་འཇིགས་མ།། ཞལ་གྱི་མཆེ་བ་ཅུང་ཟད་གཙིགས།། སྟག་གི་པགས་པའི་ན་བཟའ་མནཔས།། ་སྐྲ་ནི་སེར་པོ་གྱེན་དུ་འབར།། ཐོད་པའི་འཕྲེང་བས་སྤྱི་བོ་བརྒྱན།། དེ་རྣམས་མགོ་བརྒྱུས་འཕྲེང་བ་ཅན།། ལྷ་མོའི་འོད་ཟེར་སྤྲོས་གྱུར་པས།། ཀླུ་རྣམས་སྐྲག་པར་མཛད་མའོ།། ཕྱོགས་ཀྱི་འདབ ་བཞུགས་ཆེར་བཞད་མའོ།། བློ་ལྡན་མཚམས་ཀྱི་འདབ་བཟང་ལ།། ཉི་མ་བཞི་ལ་ཧཱུཾ་ཡིག་བཞི།། ཧཱུཾ་ཡིག་སོ་སོར་གྱུར་པ་ལས།། ཆང་འཚོང་མ་དང་འབྱུང་པོ་མ།། བཞིན ་བཟང་ནམ་མཁར་འགྲོ་མ་སྐྱེ།། མཚམས་ཀྱི་འདབ་མར་གནས་ལྷ་མོ།། ཁ་དོག་སེར་མོ་གྲགས་ཆེན་མོ།། ཐམས་ཅད་ན་བཟའ་སེར་པོ་མནཔས།། གཡས་བརྐྱང་བ་ཡི་ཞབས་ཀྱིས་གནས།། ་ཞལ་གཅིག་མ་ལ་ཕྱག་བཞི་མ།། ཀླུ་བརྒྱད་རྒྱན་བྱས་ལྷ་མོ་ནི།། གཡས་ནི་གྲི་གུག་ཅང་ཏེའུ་འཛིན།། གཡོན་ན་ཁ་ཊྭཱཾ་ཐོད་པའོ།། སྐུ་ལས་འོད་ཟེར་སེར་པོ་འཕྲོ།། ཤིན་ཏུ་སྒེག་པའི ་ཉམས་དང་ལྡན།། ཅུང་ཟད་མཆེ་བ་གཙིགས་པའི་ཞལ།། ཐམས་ཅད་གྲར་བྱེད་སྐྲ་སེར་མ།། ཀླུ་རྣམས་སྐྲག་པ་སྐྱེད་བྱེད་མ།། མཚམས་ཀྱི་ཆ་རུ་རྣམ་པར་གནས།། དེ་ནས་བསམ། ་པར་བྱ་བ་ནི།། སློབ་དཔོན་ཧེ་རུ་ཀ་ས་རང་གི་ལུས་ལས་སྐྱེས་པའི་འོད་ཀྱིས་ཕྱོགས་བཅུར་བཞུགས་པའི་དེ་བཞིན་གཤེགས་པ་རྣམས་ལ་ཡང་དག་པར་རེག་པར་བྱས་ནས།། སླར ་ལོག་སྟེ་དེ་བཞིན་གཤེགས་པ་རྣམས་ལ་ཡང་དག་པར་རེག་པའི་འོད་ཟེར་ལས་ལྷ་མོའི་ཚོགས་ཡང་དག་པར་སྤྲོས་པས། ཧེ་རུ་ཀ་དང་རྣལ་འབྱོར་མ་བརྒྱད་ལྷན་ཅིག་ཏུ་བཀྲུས་སོ།། ་བཀྲུས་པ་ཙམ་གྱིས་དེ་བཞིན་གཤེགས་པ་རྣམས་ཅོད་པན་དུ་གྱུར་ཏོ།། དཀྱིལ་འཁོར་རྫོགས་པར་མཐོང་ནས་ནི།། སློབ་དཔོན་བདག་ཉིད་ཆེན་པོ་ཡིས།། ཕྱིས་ནི་གཏོར་མ་གཏང ་བར་བྱ།། ཁྱད་པར་དུ་ནི་འོ་མའོ།། སངས་རྒྱས་ཐོད་པའི་སྦྱོར་ལྡན་པའི།། ཤེས་རབ་ཅན་གྱིས་ཆང་བཏུང་ཞིང་།། མར་མེ་བཞི་ནི་དབུལ་བར་བྱ།། འབྲས་བུ་བཞི་ཡང་དབུལ་བྱ་ཞིང་།། དེ་ནས ་སློབ་མ་བློ་ཆེན་གྱིས།། རས་ཟུང་གསུམ་ནི་དབུལ་བར་བྱ།། དེར་ནི་གདན་ཡང་བསྒྲུབ་པར་བྱ།། སློབ་དཔོན་བདག་ཉིད་ཆེན་པོ་ཡིས།། དེ་རུ་རྣལ་འབྱོར་མ་མཆོད་དོ།། བློ་གྲོས་ཆེན་པོ་ཐུགས ་དགྱེས་པས།། སྣ་ཚོགས་ཟས་དང་སྣ་ཚོགས་སྐོམ།། དཔའ་བོ་རྣལ་འབྱོར་མ་ཚིམ་བྱ།། མགུ་བར་སེམས་པའི་ཡིད་ཀྱིས་ནི།། འཁོར་ལོ་ཁྱད་པར་ཆེ་བྱ་སྟེ།། ཕྱིས་ནི་སློབ་དཔོན་བརྩེ ་ཆེན་བདག། ཕྱི་རོལ་ས་རུ་བྱུང་ནས་ནི།། བདེ་བ་ཡི་ནི་གདན་བཞུགས་ཏེ།། སློབ་མས་མཎྜལ་གསུམ་བྱས་ལ།། བླ་མ་མེ་ཏོག་སྣ་ཚོགས་མཆོད།། ཞབས་ལ་སྤྱི་གཏུགས་འདི་སྐད ་གསོལ།། སྟོན་པ་བཅོམ་ལྡན་བླ་མ་ཀྱེ།། སེམས་ཅན་དོན་ལ་གཅིག་བརྩོན་པ།། ནམ་མཁའ་ལྡིང་བཟང་སྦྱོར་བ་དང་།། ཤ་ལི་ཀ་ཡི་སྦྱོར་བ་འཚལ།། དུས་སུ་ཟིན་པ་བཟློག་པ ་ཡི་ལ་སེམས་ཅན་དོན་ནི་བཟང་པོ་འཚལ།། སངས་རྒྱས་ཐོད་པའི་རྣལ་འབྱོར་པ།། སྟོན་པ་ཆེན་པོས་དེ་དག་གསུངས།། བདག་གི་ཐེ་ཙོམ་བཟློག་པ་དང་།། སེམས་ཅན་དོན་ནི་མཐར ་ཐུག་བགྱི།། བརྟན་པ་དང་ནི་རྒྱུ་བ་དང་།། ཡན་ལག་སྐྱེས་དང་བཅོས་མ་ཡི།། དུག་རྣམས་དུག་མེད་པར་བགྱི་ཞིང་།། སེམས་ཅན་ཐམས་ཅད་འཚོ་བགྱི་བ།། བླ་མ་ཆེན་པོ་དེ་དག་གསུང་།། ་དེ་ནས་སློབ་དཔོན་བརྩེ་བ་ཡིས།། བྱིན་གྱིས་བརླབས་པའི་ཐུགས་ཀྱིས་ནི།། ཁྲག་འཐུང་གོ་འཕང་གནས་པ་ཡི།། སློབ་མ་ལ་ནི་སོ་ཤིང་སྦྱིན།། སོ་ཤིང་སྔགས ་ནི་སྦྱིན་པར་བྱ།། ཨོཾ་ཧཱུཾ་ཧེ་བྷ་ག་ཝ་ཏཱི་མུ་ཁཾ་པ་རི་ཤུདྡྷཾ་ཀུ་རུ་སྭཱ་ཧཱ། ལན་བདུན་མངོན་པར་བསྔགས་བྱས་ལ།། སོ་དྲུད་ནས་ནི་ཁ་བ་ཤུལ་ཏེ།། སློབ་མ་ལྷག་པར་གནས་པར་བྱ།། རང ་གི་ལག་པ་བྱུག་བྱ་ཞིང་།། མེ་ཏོག་གིས་ཀྱང་དཀྲི་བར་བྱ།། མགྲིན་པ་ལག་པར་ཟླ་བ་བསམ།། ཟླ་བའི་ཟེར་གྱིས་ཕྱོགས་བཅུ་ཡི།། སངས་རྒྱས་སྤྱན་དྲངས་གདོན་མི་ཟ།། སངས ་རྒྱས་ཚོགས་ཀུན་ཟླ་བར་བལྟ།། གྲགས་ཆེན་ཐམས་ཅད་རབ་ཞུགས་ཤིང་།། ཟླ་བ་ཞུ་བར་གདོན་མི་ཟ།། སློབ་དཔོན་སྒོམ་པའི་ནུས་པ་ཡིས།། སློབ་མའི་མགོ་རུ་ལག་བཞག་སྟེ། ་ལྷག་པར་གནས་པའི་གསང་སྔགས་བཟླས།། ཨོཾ་སརྦ་བུདྡྷ་ཨ་ཏྲ་ཨ་མུ་ཀ་སྱ་ཀཱ་ཡ་མ་དྷིཥྛཱ་ན། ཡནྟ་མ་ཙ་ལ་མ་ཙ་ལ་ཏིཥྛ་ཏིཥྛ་ཧ་ར་ཧ་ར། བི་དྷ་ར་བི་དྷ་ར་དྷ་ར་དྷ་ར། ཏྲ་པ་ཏྲ་པ། བྷྱོ་བྷ ་ག་བྷྲྀ་ཏ་སརྦ་བུདྡྷ་ཀ་པ་ལ་བཛྲ་ས་ཀ་ཏཾ་མ་ལ་ཡ་ཤྲི་གྷྲཾ་ཀུ་རུ་ཀུ་རུ་ཧཱུཾ་ཧཱུཾ་ཧ་ཧ། སྔགས་འདི་ལན་བདུན་དུ་བཟླས་པས་ལྷག་པར་གནས་པར་བྱའོ།། སངས་རྒྱས་དེ་དག་ཐམས་ཅད་ཀྱིས ་དེའི་ལུས་ལ་ཡང་དག་པར་བྱིན་གྱིས་རློབ་པར་འགྱུར་རོ།། ལྷག་པར་གནས་པ་ཙམ་གྱིས་རྫུ་འཕྲུལ་ཆེན་པོའི་ཀླུ་རྣམས་སྐྲག་ཅིང་དུག་གི་བུམ་པའང་འདོར་རོ།། ནོར་རྒྱས་ལ་སོགས་པའི ་ཀླུ་སྟོབས་པོ་ཆེ་རྣམས་དཔྱོད་པར་འགྱུར་རོ།། ཀྱེ་མའོ་སངས་རྒྱས་ཀྱིས་གསུངས་པའི།། ལྷག་པར་གནས་པ་ཙམ་གྱིས་ནི།། འདི་ལྟའི་སྡུག་བསྔལ་ཐོབ་འགྱུར་ན།། མཁའ་ལྡིང་རྟོག ་པའི་སེམས་ཅན་གྱིས།། བདག་ནི་ཇི་ལྟར་འགྲོ་བར་འགྱུར།། དེ་མ་ཐག་ཏུ་སློབ་དཔོན་གྱིས།། དཀྱིལ་འཁོར་ནང་དུ་མེ་ཏོག་ནི།། རྣམ་པ་སྣ་ཚོགས་དབུལ་བར་བྱ།། སྣ་ཚོགས་སྤོས ་དང་ལྷ་བཤོས་དབུལ།། དུང་ཆོས་ཟངས་ཆོས་སྣོད་དག་ནི།། མན་ཇིའི་སྟེང་དུ་གཞག་པར་བྱ།། མཆོད་ཡོན་གྱི་ནི་དོན་ཆེད་དུ།། བུམ་པ་རྣམས་ལ་ལྷག་གནས་བྱ།། ཁྲག་འཐུང་གོ ་འཕང་གནས་པ་ཡིས།། རྣལ་འབྱོར་མ་བརྒྱད་བསྐོར་བ་ཡི།། ཁྲག་འཐུང་རྣམ་པ་སྤྱན་དྲངས་ཏེ།། དཀྱིལ་འཁོར་ཇི་བཞིན་ཡང་དག་ལྡན།། མདོག་དང་མཚན་མར་ལྡན་པ་ཡི།། དེ ་བཞིན་གཤེགས་རྣམས་ས་བོན་གྱི།། འོད་ཟེར་གྱི་ནི་རྣམ་པར་བསམ།། བདག་ཉིད་ཆེན་པོ་གྲགས་ཆེན་པོ།། བུམ་པ་རུ་ནི་ཞུགས་ཙམ་གྱིས།། དམ་ཆོག་དཀྱིལ་འཁོར་ཞུ་བར་གྱུར།། ་རྣལ་འབྱོར་ལྡན་པའི་སེམས་དང་ནི།། སློབ་དཔོན་གྱིས་ནི་འདི་ལྟར་བལྟ།། དེ་ནས་ཟངས་མའི་སྣོད་དུ་ཆུ་བླུགས་ཤིང་དུང་ཕོར་ཆུས་བཀང་སྟེ།། མན་ཛིའི་སྟེང་དུ་གཞག་པར་བྱའོ།། ་ཡང་ཕྱིར་བྱུང་ནས་སློབ་མའི་དོན་དུ་བདག་ཉིད་ཀྱིས་རས་ཀྱིས་མིག་དགབ་པར་བྱའོ།། རས་གསུམ་གོན་པར་གྱུར་པའི་སློབ་མ་ཕྱིས་དཀྱིལ་འཁོར་གྱི་སྒོར་བཞག་ལ་ཆུས་གཏོར་ཏེ་སྔགས། ་བཟླའོ།། ཨ་བྷི་ཥིཉྩནྟུ་མཱཾ་སརྦ་ཡོ་གི་ནི་མ་ཀུ་ཊ་ཨ་དྷིཥྚ་ཡཻ་ཏུ་ཨ་ཙི་ཏུ་ཧཱུཾ་སྭཱ་ཧཱ། ཅོད་པན་བྱིན་གྱིས་བརླབ་པའི་སྔགས་སོ།། དེ་ནས་སློབ་དཔོན་གྱིས་ཀྱེ་ཁྱོད་སུ་ཞེས ་སྨྲའོ།། སློབ་མས་བདག་ནི་རྒྱལ་བའི་སྲས་ཞེས་སྨྲའོ།། དེའི་རྗེས་ལ་དཀྱིལ་འཁོར་གྱི་དབུས་སུ་མེ་ཏོག་ལན་གསུམ་དུ་གཏོར་ལ། མིག་རས་བསལ་ཏེ་དཀྱིལ་འཁོར་མཆོད་པར་བྱའོ།། ་ཨོཾ་ཧེ་རུ་ཀ་བཛྲ་པུཥྤ་ཡེ་པྲ་ཏཱིཙྪ་ཧཱུཾ། དབུས་སུའོ།། ཡ~ཾ་ཙ་ཏྲ་སནཱ་པུཥྚཱ་ཡཾ་པྲ་ཏཱིཙྪ་ཏྲཱཾ། ཤར་དུའོ།། ཨོཾ་ཀཱ་མི་ནཱི་པུཥྤ་ཡཾ་བྷཱུ་ཏིཙྪ་བྷྱཱཾ། ལྷོ་ཡིའོ།། ཨོཾ་པཱུ་ཏཱ་ལ་བྷཱ་སི་ནི་པུཥཱ་ཡ་པྲ་ཏཱིཙྪ་ཧཱུཾ། ་ནུབ་ཏུའོ།། ཨོཾ་སུ་བྷ་དྲ་པུཥྤ་ཡཾ་པྲཱ་ཏཱིཙྪ་ཧཱུཾ། བྱང་དུའོ།། ཨོཾ་ཤོ་ཌི་ནི་པུཥྚ་ཡཾ་པྲ་ཏཱིཙྪ་ཧཱུཾ། མེར་རོ།། ཨོཾ་བུདྡྷི་ནི་པུཥྤ་ཡ་པྲ་ཏཱིཙྪི་ཧཱུཾ། བདེན་བྲལ་དུའོ།། ཨོཾ་ཙ་ཏུར་བྷ་ཏྲ་པུཥྤ་ཡཾ་པྲ་ཏིཿ ་ཧཱུཾ་རླུང་ངུའོ།། ཨོཾ་ཨ་ཀཱ་ཤ་བཱ་སི་ནི་པུཥྤ་ཡཾ་པྲ་ཏཱིཙྪ་ཧཱུཾ། དབང་ལྡན་དུའོ།། དེ་ནས་དཀྱིལ་འཁོར་གྱི་ལྷའི་སྐུ་མདོག་ཇི་ལྟ་བུ་དང་མཚན་མ་ལ་སོགས་པ་དེ་བཞིན་དུ་སློབ་མ་ལ་བསྟན ་པར་བྱའོ།། ཡང་དུང་ཕོར་བླངས་ཏེ་ཆུ་བཏུང་བར་བྱའོ།། དེ་འཐུངས་པ་ཙམ་གྱིས་ཀླུ་ཐམས་ཅད་སྐྲག་ཅིང་སྐྱོ་བས་དུག་སྐྱུག་པར་འགྱུར་རོ།། བརྟན་པ་དང་གཡོ་བའི་དུག་གང་ཡིན ་བ་དང་། གཞན་ཡང་སྦྱར་བ་དང་ཉེ་བར་སྦྱར་བའི་དུག་གང་ཡིན་པ་དང་། མདའ་དུག་དང་། བྱུག་པའི་དུག་དང་། དགྲ་རྣམས་ཀྱིས་གང་སྦྱར་བ་དང་། བུད་མེད་རྣམས་ཀྱིས་གང་སྦྱར་བའི ་དུག་དེ་རྣམས་ཉེ་བར་འཕོ་བར་འགྱུར་རོ།། གལ་ཏེ་ཀླུ་ཡིས་ཟིན་པ་ཡང་།། དེ་རུ་དེ་ནི་ངེས་པར་འགྲོ།། གཞན་ཡང་སྦྲུལ་གྱི་དུག་ཀྱང་རུང་།། ཆུ་ནི་འཐུངས་པ་ཙམ་གྱིས་ཀྱང་།། དེ་དག་ཐམས་ཅད། ་འཆི་བར་འགྱུར།། དེ་ཡི་ཕྱིར་ན་དུང་གི་ཆུ།། འདི་རུ་བ་ཏུང་བར་ཐེ་ཙོམ་མེད།། དེ་ནས་སློབ་མ་དྲི་བར་བྱ།། འདིར་ནི་ཤཾ་ལི་ཀར་བྱེད་ཅིང་།། མཁའ་ལྡིང་ཤེས་པའི་སློབ་དཔོན་འགྱུར།། བསམ ་པ་རྣམ་པར་དག་ཤེས་ནས།། ཕྱིས་ནི་བཀས་གནང་སྦྱིན་པར་བྱ།། སྟོང་ངམ་བརྒྱ་རུ་གསོལ་བ་གདབ།། དེ་ནས་སྔགས་ཀྱི་མན་ངག་སྦྱིན།། ཇི་སྲིད་སྦྲུལ་གྱིས་ཟིན་དུས་དང་། ཇི ་སྲིད་མཁའ་ལྡིང་རིགས་ཡོད་པར།། དེ་སྲིད་དེ་དང་དེ་ལས་ཀྱང་།། ཇི་སྲིད་དུས་སུ་ཟིན་མེད་པར།། སངས་རྒྱས་ཐོད་པའི་རྣལ་འབྱོར་པས།། དེ་སྲིད་འབད་རྩོལ་བྱ་བ་མིན།། དུས་ཟིན ་འཆི་བའང་ཤེས་བྱ་སྟེ།། ནམ་མཁའ་ལྡིང་གི་བྱ་བ་བྱ།། དུས་སུ་ཟིན་ནོ་ཞེས་སྨྲ་བ།། དེ་སྲིད་རྣལ་འབྱོར་ཆེ་འདི་ཞེས།། དེ་རུ་ལྔས་ནི་བརྩམ་པར་བྱ།། བདག་ཉིད་ཧེ་རུ་ཀར་གྱུར་ཅིང་།། ་རྣལ་འབྱོར་མ་བརྒྱད་ཡང་དག་ལྡན།། བློ་ལྡན་སྔོན་གསུངས་གསང་སྔགས་ཀྱིས།། ཕྱིས་ནི་གཏོར་མ་སྦྱིན་པར་བྱ།། དེ་རྗེས་དཀྱིལ་འཁོར་བྱས་ནས་ནི།། སྔོན་དུ་གསུངས་པའི་གསང ་སྔགས་ཀྱིས།། གནས་དགུ་རུ་ནི་མཆོད་པར་བྱ།། མཁས་པ་ཡིས་ནི་མཆོད་བྱས་རྗེས།། མཉམ་པར་བཞག་པས་ལས་རྣམས་བརྩམ།། གང་དུ་རྫུ་འཕྲུལ་ཆེ་ཀླུ་ཡོད།། དེ་རུ་སེམས ་བཟང་འོད་ཟེར་སྤྲོ།། ཀླུ་རྣམས་ཀྱི་ནི་སྙིང་བསྐམས་པས།། ཅི་ཞིག་བགྱིའོ་ཞེས་ནི་སྨྲ།། གསུངས་པ། ལྷ་མོ་སྣ་ཚོགས་སྡེ་མ་ཡིས།། སངས་རྒྱས་ཐོད་པར་སྔོན ་དུ་གསུངས།། ཀྱེ་ཀྱེ་གྲགས་པ་ཆེ་བའི་ཀླུ།། སོང་སྟེ་འདི་དུས་ཟིན་གྱུར་པའི།། དུས་ཟིན་འཛིན་དང་གཟུང་བ་མེད།། དུག་མེད་སྦྲུལ་ཡང་མེད་པའོ།། གང་ཕྱིར་དོགས་པས་རྨོངས་གྱུར ་པ། དེ་ཕྱིར་སྐྱེ་བོ་རྣམས་འཆིར་འགྱུར།། དེ་ནས་འོད་ཟེར་སྲར་ལོག་སྟེ།། སིང་ཀ་རུ་དྲི་ཐིམ་པར་འགྱུར།། ཡང་ནི་སེམས་ནི་མཉམ་བཞག་པའི།། སློབ་དཔོན་གྱིས་ནི་ངོ་མཚར ་བསྟན།། དེ་ནས་ས་ལ་མ་ལྷུང་བའི་ལྕི་བ་བླངས་ཏེ་འདབ་ཆགས་རི་སྐེགས་གཉིས་བྱ་ཞིང་སྣོད་དཀར་པོ་བྱས་ཏེ།། རོ་བསྲེགས་པའི་སྲོལ་བ་གཞག་པར་བྱའོ།། རོ་བསྲེགས་པའི ་སོལ་བ་ལ་སྣག་ཚ་བྱས་ཏེ། སེམས་ཅན་གྱི་དོན་རིག་པས་དབེན་པར་སྔགས་བྲི་བར་བྱའོ།། ཨོཾ་བུདྡྷ་ཀ་པཱ་ལི་ནི་ཧྲཱི་ཏད་ཐ་བ་ཡ་བྷོ་ཤ་ལི་ཀ་ན་ཨ་ན་ཡ་ན་བུདྡྷ་ཀ་པཱ་ལ་བཛྲ་སྱ་ཨཱ ་མ་ལ~ཾ་གྷེ་ཡ་ཧཱུཾ་ཧཱུཾ་ས་རེ་ཏུ་སརྦ་དཱ་ཊཱི་ཀ་པ་ཏི་ཀ་ཙེ་ཏ། མཾ་དྷྱ་གྷི་ཏི་སརྦ་ཛ་ཨི་ན་སུ་ནཾ་ཏི་པ་ཡ་ག་རེ་རེ་ཀ་ར་ཀོ་ཊ་ཀ་པྲ་བྷཱི་ཏ་ཡ་ནཱ་ག་རཱ་ཛ་ན་སཱུ་ཏཾ་ཏི་མུ་རྡ་ན་རེ་རེ་ས་སྨ་ཨ་བ་ས་སྱཱ་མ་ཙ་ལ་ཧཾ ་མ་བུ་ལ་ཧ་ཛ་ཨོཾ་ཙ་ལ་ས་པྲ་ལ་ཧ་རེ་རེ་བྷ་རུ་ཀྲི་པྲ་བྷཱི་ཏ་ཡ་རཱ་ག་རཱ་ཛ་ན་ཨུ་ཧ་པྲཊ་ཊ་མུ་དྷི་པྲ་ན་ཛ་ཨི། ཞེས་པ་ནི་ཤ་ལི་ཀའི་སྙིང་པོའི་སྔགས་སོ།། དེ་ནས་བློ་ཆེན་རྣལ་འབྱོར་པས། ་སེམས་ནི་ཤིན་ཏུ་མཉམ་བཞག་པས།། ཡོངས་རྫོགས་ཤ་ལི་ཀ་བྱས་ལ།། ཕོ་དང་མོ་རུ་བརྟག་པར་བྱ།། སྣག་ཚྭ་ཡིས་ནི་བྲི་བར་བྱ།། མིག་གི་སྔོན་དུ་མི་བཞག་ཅིང་།། ཤ་ལི་ཀ། ་བཟང་པོས་ཕྱོགས་བལྟ།། དེ་ནས་ལྕུག་མ་སྔགས་ཀྱིས་སྔགས།། ཨོཾ་ཧཾ་ཧ་ལ་ཁྱབ་འཇུག་གི་ས་བོན་ནོ།། ཨོཾ་བཾ་ཚངས་པའི་ས་བོན་ནོ།། ཨོཾ་སོ་ཞེས་བྱ་བ་ནི་ཞི་བྱེད་ཀྱི་ས་བོན ་ནོ། ཨོཾ་ཧ་ཧ་ཧ་ཧ་ཧ་ཧ་ཧཾ་སྭཱ་ཧཱ། མངག་པའི་སྔགས་སོ།། འདི་ལྟ་བུ་ཡི་སྔགས་ཀྱི་མཆོག། སྟོང་གསུམ་ན་ཡང་རྙེད་པར་དཀའ།། ལན་བདུན་བསྔགས་པ་ཙམ་གྱིས་ནི།། འགྲོ ་བར་འདིར་ནི་ཐེ་ཙོམ་མེད།། ཀླུ་རྣམས་སྐྲག་པར་བྱེད་པ་ཡི།། མཁའ་ལྡིང་ཉམས་དགའ་སོང་ནས་ནི།། ཀླུ་ཡི་གནས་སུ་ཞུགས་དེའི་ཚེ།། མཁའ་ལྡིང་བྱེ་བའི་སྟོབས་དང་ལྡན།། ་རིང་ནས་ཀྱང་ནི་གཤོག་རླུང་གིས།། སྟོབས་པོ་ཆེ་ཡི་ཀླུ་རྣམས་སྐྲག། མཐོ་རིས་མི་ཡུལ་ས་འོག་དང་།། གང་ཡང་གཞན་ན་གནས་པ་དང་།། གཞན་ཡང་རུང་སྟེ་དེ་ཐམས་ཅད།། ་སྐྲག་ནས་ཅི་བགྱི་ཞེས་ནི་སྨྲ།། ཀླུ་གང་གིས་ཟིན་པ་དེ་གལ་ཏེ་ཡང་ཤི་ན། བདག་ཉིད་ཆེན་པོ་ཤ་ལི་ཀ་མཐོང་མ་ཐག་ལོང་བར་འགྱུར་རོ།། ཀླུ་དང་སྦྲུལ་དེ་དག་གིས་ཤ་ལི་ཀ་ལ་འདི ་སྐད་ཅེས་གསོལ་ཏོ།། ཀྱེ་ཤ་ལི་ཀ་གཞན་དུ་གསུང་བར་མ་མཛད་ཅིག། དེ་ལྟར་ཐོས་ནས་ཤ་ལི་ཀ་མགུ་བའི་སེམས་ཀྱིས་དུག་གིས་ཟིན་པའི་མདུན་དུ་སྦྲུལ་ལོང་བ་ཁྱེར་ཏེ་འཇོག་གོ།། ་དེ་ནས་སློབ་དཔོན་གྱིས་བལྟས་ཏེ། སའི་གོང་བུ་བླངས་ལ་ཤ་ལི་ཀ་མངག་པའི་སྔགས་ཀྱིས་སྦྲུལ་ལོང་བ་ལ་བསྣུན་ནོ།། སྐད་ཅིག་དེ་ཉིད་ལ་དེའི་མིག་དབྱེ་བར ་འདིར་སོམ་ཉི་མེད་དོ།། དུག་གིས་ཟིན་པ་འགྱེལ་ཏེ་ཤི་བ་སྦྲུལ་གྱིས་མཐོང་ནས། དེའི་ལུས་ལ་འགྲོ་བ་དང་འོང་བར་བྱེད་པས་དུས་སུ་ཟིན་པ་དུག་མེད་པར་འགྱུར་ཞིང་།། དགའ་བའི ་སེམས་ཀྱིས་ལྡང་ངོ་།། ཟིན་པ་ལངས་པ་ཙམ་ཉིད་ན་ཤ་ལི་ཀེ་ས་སྦྲུལ་བཟུང་སྟེ་མི་སྣང་བར་འགྱུར་རོ།། སྐད་ཅིག་མ་དེ་ཉིད་ལ་སློབ་དཔོན་གྱིས་སྟོང་པ་ཉིད་ཀྱི་ཡེ་ཤེས་བསྒོམ་པར་བྱའོ།། ་སྟོང་པ་དྲི་མེད་ཀུན་རང་བཞིན།། ཆོས་རྣམས་སྟོང་པའི་རང་བཞིན་ཀྱེ།། གང་གིས་འཛིན་ཅིང་གང་ཞིག་འཛིན།། མཐའ་དག་སྒྱུ་མའི་རང་བཞིན་ཀྱེ།། དངོས་པོ་མ་ལུས་པ་མཐའ་དག། ་དང་དུག་ཀྱང་སྟོང་པ་ཉིད་དུ་སངས་རྒྱས་ཐོད་པའི་རྒྱུད་ལས་གསུངས་ཏེ། ཞག་ཉི་ཤུ་རྩ་གཅིག་གི་མཐར་ཐུག་པར་ཇི་སྲིད་དུ་ལུས་མ་ཞིག་པ་དེ་སྲིད་དུ་སློབ་དཔོན་གྱིས་ཡང་དག་པར་བརྩམ ་པར་བྱའོ།། དེ་ལྟར་སློབ་མ་ལ་རྗེས་སུ་གནང་བ་བྱིན་ནས་ཕྱིས་ལུང་བསྟན་པར་བྱའོ།། དེས་ལན་བརྒྱའམ་སྟོང་དུ་གསོལ་བ་བཏབ་ནས། དུག་འཇོམས་པའི་སྔགས་བསྟན་པར ་བྱའོ།། ཨོཾ་བུདྡྷ་ཀ་པཱ་ལི་ནི་ཨཱཿཧཱུཾ། དུག་བཟའ་བའི་སྔགས་སོ།། དེ་ནས་གཞན་ཡང་དོན་དུ་གཉེར་བའི་སེམས་ཅན་དེ་རྣམས་ཐམས་ཅད་ལ་དཀྱིལ་འཁོར་བསྟན་ཏེ། དུང་ཕོར་གྱི ་ཆུ་འཐུངས་པ་དེས་ནི་དུག་མེད་པར་འགྱུར་ཏེ། སྦྲུལ་གྱིས་མི་འཛིན་ནོ།། གལ་ཏེ་འཛིན་ན་དེའི་ཚེ་ཀླུ་འཆི་བར་འདིར་ཐེ་ཙོམ་མེད་དོ།། དེ་ལྟར་སློབ་མ་ཤ་ལི་ཀའི་སྦྱོར་བ་ལ་མངོན་པར་བརྩོན ་པབ་ལ་བཀའ་གནང་བ་བྱིན་ཏེ། གྲོང་གང་དུ་གནས་པ་དེར་དུག་གིས་འཛིན་པ་མེད་དོ།། གལ་ཏེ་ཡོད་ན་དེའི་ཚེ་ཀླུ་འཆི་བར་འགྱུར་རོ།། དེ་ལྟར་ཐོས་ནས་སློབ་མ་རྡོ་རྗེའི་སྦྱོར་བ་དང ་ལྡན་པའི་སེམས་ཀྱིས་གང་ཅིའང་རུང་བའི་ཡོན་དེར་དབུལ་བར་བྱའོ།། དེ་ནས་ཕྱི་རོལ་གྱི་སར་བྱུང་སྟེ། གཏོར་མ་གཏང་བར་བྱའོ།། དེ་ནས་སློབ་དཔོན་གྱིས་དཀྱིལ་འཁོར་གྱི ་སྔགས་ཀྱིས་གཤེགས་སུ་གསོལ་ཏོ།། ཨོཾ་བུདྡྷ་ཀ་པཱ་ལི་ནི་ཧྲཱིཿུ་ཏིཥྛ་གཙྪ་ཧཱུཾ་གཙྪ་ཧཱུཾ་ཕཊ། དཀྱིལ་འཁོར་གཤེགས་སུ་གསོལ་བའི་སྔགས་སོ།། དེ་ནས་ཡང་དག་བཤད ་པར་བྱ།། ཆུ་ཡི་སྦྱོར་བ་བླ་མེད་པ།། གང་གིས་བྱིན་པ་ཙམ་གྱིས་ནི།། དུག་གིས་ཟིན་པ་འཚོ་བར་འགྱུར།། ཉི་མ་བདུན་དུ་འཆི་བ་དང་།། གཞན་ཡང་དུག་གིས་ཉམས་པ་རྣམས།། ་ཆུ་ནི་བྱིན་པ་ཙམ་གྱིས་ནི།། འདི་རུ་འཚོ་བར་ཐེ་ཙོམ་མེད།། སྔགས་འདིས་དཀྱིལ་འཁོར་བྱས་ནས་ནི།། གནས་དགུ་རྣམས་སུ་མཆོད་པར་བྱ།། དུང་པོར་ཆུ་ཡིས་བཀང་བྱས་པ།། ་དཀྱིལ་འཁོར་དབུས་སུ་གཞག་པར་བྱ།། དེ་ནས་བརྩེ་བ་ཆེན་པོ་ཡིས།། བདག་ཉིད་རྣལ་འབྱོར་པ་ཡིས་ནི།། རང་གི་ལག་པ་གཡོན་པ་ལ།། ཟླ་བ་ཡི་ནི་ཁྱད་པར་བསམ།། བཅུ་དྲུག ་ཆ་ལས་ཡོངས་རྫོགས་པའི།། དྲི་མེད་དགེ་བའི་ལུས་ཅན་ཏེ།། དེའི་དབུས་ས་བོན་མི་ཤིགས་དགེ། ཁ་དོག་དཀར་པོའི་ལུས་ཅན་ནོ།། ལག་དེས་སྣོད་ཀྱི་ཁ་བཅད ་དེལ་དེ་ནས་གསང་སྔགས་བཟླ་བར་བྱ།། ཨོཾ་སརྦ་བི་ཥ་ཧ་ར་ཧ་ར་ཧཱུཾ་ཧཱུཾ་ཕཊ་ཕཊ་སྭཱ་ཧཱ། སྔགས་འདིས་ལན་བདུན་གྱི་བར་དུ་མངོན་པར་བསྔགས་ཏེ། མི་ཤིག་པ་དང་ལྷན་ཅིག་ཟླ་བ་ཞུ་བར་གྱུར། ་ནས་ཆུའི་ནང་དུ་ཐིམ་སྟེ། ཆུ་དང་ཟླ་བ་གཅིག་ཏུ་འདྲེས་པས་ཤིན་ཏུ་དཀར་པོར་འགྱུར་རོ།། གལ་ཏེ་དུག་གིས་ཟིན་པ་མ་ཤི་ན་དེའི་ཚེ་ཆུ་བླུད་དོ།། ཡང་ན་ཤི་ལ་ཡིན་ན་མགོ་ནས་རྐང་པའི་མཐར་ཐུག ་པར་ལན་གསུམ་དུ་ཆུ་རྒྱུན་མི་འཆད་པར་ཐུགས་ན་ལངས་པར་འདིར་ཐེ་ཙོམ་མེད་དོ།། དེ་ནས་ཆུ་བྲུད་ན་རྣལ་མར་འགྱུར་རོ།། སངས་རྒྱས་ཐོད་པའི་རྒྱུད་རྣལ་འབྱོར་མའི་གོང་ན་མེད་པ་གསང་བའི ་ཡང་ཤིན་ཏུ་གསང་བ་ཞེས་བྱ་བ་ལས། ཤ་ལི་ཀའི་སྦྱོར་བ་དང་ཆུའི་སྦྱོར་བའི་ལེའུ་སྟེ་བཞི་པའོ།། །། དེ་ནས་ཡང་དག་རབ་བཤད་པ།། ཤིན་ཏུ་རྙེད་དཀའི་བཅུད ་ལེན་ལེའུ།། དེ་བཞིན་གཤེགས་པའི་སྙིང་པོ་མཆོག། རྣལ་འབྱོར་མ་ཡི་གོང་ན་མེད།། གཞོན་ནུ་མ་དང་ཤ་རི་ཀ། གྲུབ་མ་བྱིས་པ་ཅན་མ་དང་།། དེ་བཞིན་ཐོད་བཟང་ཅན་མའོ།། འདི་དག ་སྨན་ནི་ཆེན་པོ་སྦ།། སངས་རྒྱས་ལྔས་ཀྱང་རྙེད་པར་དཀའ།། འདི་དག་ཟོས་པ་ཙམ་གྱིས་ནི།། བསྐལ་པ་བྱེ་བར་དེ་འཚོའོ།། གཞོན་ནུ་མ་ནི་ཟླ་དྲུག་ཏུ།། དེ་བཞིན་ཤ་རི་ཀ་ཟླ་གསུམ།། ་གྲུབ་མ་ཟླ་བ་གཅིག་ཏུའོ།། བྱིས་ཅན་མ་ནི་ཟླ་ཕྱེད་གཉིས།། ཐོད་ཅན་མ་ཡང་ཟླ་བར་ཏེ།། ཚེ་འཕེལ་བ་ཡི་མཆོག་ཡིན་ནོ།། བྱ་རོག་མ་ནི་བྱ་རོག་གཟུགས།། གླང་པོ་མ་ནི་ངང་པའི ་གཟུགས།། དྲོད་མ་དྲོད་ཀྱི་གཟུགས་ཅན་ཏེ།། སྔོ་བསངས་དཀར་མོ་སྔོན་མོའི་མིག། ཁ་སྦྱར་སྦྱོར་བའི་དུས་སུ་ནི།། མིག་ལས་བྱུང་བའི་རྫས་གང་ཡིན།། སྨན་དེའི་མིང་ནི་གཞོན་ནུ་མ། ་འདི་རུ་བསྟན་པར་སོམ་ཉི་མེད།། དེ་ཡི་པདྨ་ལས་བྱུང་རྫས།། རྩ་ཡི་ནང་ན་རྣམ་པར་གནས།། གེ་སར་སྦས་པའི་སྤྱོད་ཡུལ་ཏེ།། སྨན་དེ་ཤ་རི་ཀ་རུ་གསུངས།། མེ་ཏོག་ལྡན་པའི་བུང ་མེད་གང་།། ཁ་དོག་ནག་མོས་རབ་མཛེས་མ།། གང་དུ་ཐབས་ཤེས་གཉིས་འདུས་པ།། དེ་ཡི་ཁ་སྦྱར་སྦྱོར་ལས་བྱུང་།། སྨན་དེའི་མིང་ནི་གྲུབ་མར་བཤད།། སངས་རྒྱས་ཐོད་པའི ་སྦྱོར་བ་ཡིས།། བུད་མེད་རབ་མཛེས་མ་ཉམས་དང་།། དབང་པོ་གཉིས་ཀྱི་སྦྱོར་བ་ཡིས།། མི་ཕྱེད་ཉེ་བར་སྤྱད་པ་ཡི།། དེ་ལས་དང་པོར་བྱུང་བའི་རྫས།། སྨན་དེ་བྱིས་པ་ཅན་ནོ་ཞེས།། ་བདག་ཉིད་ཆེན་པོའི་ལྷ་མོས་གསུངས།། ལྷན་ཅིག་སྐྱེས་དགའ་བྱུང་བའི་རྫས།། བྱང་ཆུབ་སེམས་མཆོག་ཆེན་མར་ཁུ།། ཆགས་པའི་ཡི་ཆུ་དག་དང་ནི།། བསྲེ་འགྱུར་འདིར་ནི ་ཐེ་ཙོམ་མེད།། སྨན་དེའི་མིང་ནི་ཐོད་ཅན་མའོ།། ཟླ་བ་ཉི་མའི་སྦྱོར་བ་ཡིས།། བྱ་བར་འདིར་ནི་ཐེ་ཙོམ་མེད།། ཟླ་བས་ཟླ་བར་ཉི་མས་ཉིད།། དེ་ལུས་སྐྲ་དཀར་གཉེར་མ་ཞི།། ཇི་སྲིད ་སངས་རྒྱས་བཞུགས་ཀྱི་བར།། དེ་ཡི་ཚེ་ནི་རྒྱས་པར་འགྱུར།། སྨན་འདི་གྲུབ་པ་ཙམ་གྱིས་ནི།། དག་པའི་ལུས་སུ་འབྱུང་བར་འགྱུར།། དངོས་པོ་གང་དང་གང་ཡང ་རུང་།། ལྕགས་དང་ཟངས་མའི་སྣོད་དག་ལ།། དངུལ་ནི་བྱུགས་པ་ཙམ་གྱིས་ནི།། དངུལ་དང་གསེར་དུ་འགྱུར་བ་ཡིད།། དེ་ནས་ཡང་དག་རབ་བཤད་པ།། དགོངས་བཤད་ཤིན་ཏུ་རྙེད ་དཀའ་བ།། རྒྱུད་གཞན་དུ་ནི་རབ་སྦས་པ།། འབད་པས་དེ་འདྲིར་རབ་གསལ་བྱ།། དྲི་ཆུ་ཡེ་ཤེས་རྡོ་རྗེ་སྟེ།། དྲི་ཆེན་རྡོ་རྗེ་བཟང་པོ་ཉིད།། ཁྲག་ནི་མར་མེ་རྡོ་རྗེ་ཡིན།། ཁུ་བ་རྡོ་རྗེའི་ཐབ ་བྱུང་ཉིད།། ཤ་ནི་ཆོས་ཀྱི་རྡོ་རྗེ་ཡིན།། དེ་ལྔ་རྣལ་འབྱོར་མ་ཡི་མཆོག། གང་གིས་དམ་ཚིག་རྙེད་དཀའ་བའི།། ཐབས་འདིར་བདག་གིས་བཤད་པར་བྱ།། བ་གྲང་ཤ་ནི་འབར་བ་སྟེ།། ་ཁྱི་ཡི་ཤ་ལ་སྤྲོ་བར་གསུངས།། རྟ་ཡི་ཤ་ལ་བཟའ་བར་བཤད།། གླང་པོའི་ཤ་ལ་ཞུ་བར་གསུངས།། ཤ་ཆེན་ལ་ནི་བཟང་པོར་བཤད།། དེ་ལྔ་རྣལ་འབྱོར་མཆོག་ཏུ་གསུངས།། རྣལ ་འབྱོར་རྣལ་འབྱོར་མ་ལྡན་པར།། གལ་ཏེ་གཅིག་ཏུ་བྱེད་ནུས་པ།། དེ་ཚེ་རྣམ་རྟོག་དེ་ཐམས་ཅད།། འཇིག་འགྱུར་འདིར་ནི་ཐེ་ཙོམ་མེད།། ཟན་ལ་བསོད་ནམས་ཞེས་བྱ་སྟེ།། ཚོད་མ་ལ ་ནི་སྡིག་པ་ཉིད།། རོལ་ཤིན་ཏུ་རྙེད་དཀའ་གསུངས།། བྱིས་པ་ལ་ནི་འགལ་བ་ཉིད།། གསུང་མོ་ལ་ནི་བཟང་མོར་གསུངས།། རུས་པའི་འཕྲེང་ལ་རྫས་ཞེས་བྱ།། སྐྱེས་བུ་ལཞི་རྡོ་རྗེར་གསུངས།། ་བུད་མེད་ལ་ནི་སྣོད་བཟང་ཉིད།། དབང་པོ་གཉིས་ཀྱིས་རབ་སྦྱོར་ལ།། གཟི་བརྗིད་འཕྲེང་ཆེན་དེ་བཤད་དོ།། རབ་ཆགས་ཤིན་ཏུ་མཐོང་བ་ཉིད།། འཁྱུད་པ་ལ་ནི་ཆོས་ཞེས་བརྗོད།། འདྲི་བ་ལ ་ནི་མར་མེའོ།། ཤིན་ཏུ་འདྲིལ་མེ་ཞེས་བྱ།། འགྲོ་བ་ལ་ནི་འཕྲེང་ཅན་ལ།། འོད་ལ་ཤིན་ཏུ་འཕྲེང་ཅན་མ།། མྱུར་བ་ལ་ནི་བྱུག་ཅེས་བྱ།། དཔའ་བ་ལ་ནི་བཟང་དེ་བརྗོད།། པདྨ་རྩ་འཇོ ་འཕྲེང་ཅན་མ།། སྔགས་ཀྱིས་མཚན་ལ་རབ་ངེས་ཤེའོ།། བལྡག་ལ་ལྕེ་འོག་ཅེས་བྱ་སྟེ།། སོ་ལ་བཟའ་བ་སྣ་ལ་བདེ།། མིག་ལ་རོལ་རྩེད་མུ་ཏིག་རྣ།། གསང་བའི་ཡུལ་ལ་རྙེད་དཀའ་ཞེའོ།། ། ་འདི་དག་བཤད་དོ་ལག་ཆེན་པོ།། འཇིག་རྟེན་གསུམ་ན་རབ་རྙེད་དཀའ།། སངས་རྒྱས་ཐོད་པའི་རྣལ་འབྱོར་པ།། མེད་པར་ཕན་ཚུན་སྨྲ་མི་བྱ།། འོན་ཀྱང་བཤད་ཆེན་དེ་ཉིད་འདི།། གཅིག། ་ལ་གཅིག་གིས་སྨྲ་བར་བྱ།། རྒྱུད་རྣམས་ཐམས་ཅད་དུ་སྦས་པ།། རླུད་འདི་རུ་ནི་གསལ་བར་བྱས།། ཉེ་མདུན་གྲོང་མཐའ་ལྷན་ཅིག་ཅེའོ།། འདུས་པ་ཕྱི་རོལ་ཞེས་སུ་གསུངས།། ཉེ་བའི། ་འདུས་པ་ནང་དེ་བཞིན།། གནས་ལ་འབྲས་བུ་ཞེས་སུ་གསུངས།། ཉེ་བའི་གནས་ལ་ཤིང་ཉིད་དོ།། ཀློང་མཐའ་ལ་ནི་ས་བོན་གསུངས།། ཉེ་བའི་གྲོང་མཐའ་མྱུ་གུའོ།། ཚོགས་པ་ལ ་ནི་སྡོང་བུར་གསུངས།། གཅིག་པུ་ལ་ལ་ནི་འདབ་མ་སྟེ།། སྟོང་པ་ལ་ནི་རྩ་བཞིའོ།། དེ་ལྟར་དགོངས་པས་བཤད་པ་ནི།། བདེ་གཤེགས་རྣམས་ཀྱིས་མ་མཁྱེན་ནོ།། སྤྱན་མ་ལ། ་སོགས་རྣལ་འབྱོར་མ།། རྣམས་ཀྱི་ཁོང་དུ་མི་ཆུད་ཅིང་།། བྱང་ཆུབ་སེམས་དཔའི་ཡུལ་མིན་ཞིང་།། བླ་མ་གུས་པའི་རྣལ་འབྱོར་པས།། སྤྲོས་པ་ཐམས་ཅད་སྤངས། ་ནས་ནི།། རྫས་ལ་ཆགས་པ་མི་བྱའོ།། ཤིན་ཏུ་སྟོང་སྒྲོམ་རྣལ་འབྱོར་པ།། འདོད་ཆགས་ཞེ་སྡང་ཕྲག་དྲོག་མེད།། གཏི་མུག་དང་ནི་ང་རྒྱལ་སྤངས།། ཉོན་མོངས་ཐམས་ཅད་རྣམ་པར ་སྤངས།། ཟ་འཐུངས་དེ་བཞིན་གླུ་ལེན་ན།། ཤིན་ཏུ་སྤྲོས་པ་སྤང་བར་བྱ།། བདེ་བས་དགའ་བོ་ཉིད་དང་ནི།། ཤེས་རབ་ཐབས་ཀྱིས་བདག་ཉིད་གསུངས།། བླ་མེད་དེ་ཉིད་ཟླ་ཕྱེད་ཀྱིས།། ་འགྲུབ་པར་ཐེ་ཙོམ་མེད་པའོ།། ཀྱེ་ལགས་གྲོགས་མོ་འགྲོ་ཀུན་གང་།། མཐའ་དག་དྲི་མ་མེད་པ་ཡི།། བལྟ་དང་བྲལ་ལ་སྐྱོ་བོ་ལྟོས།། གསོག་གསོབ་རང་བཞིན་བརྫུན་སླུ་བ།། ་པད་རྩི་གྲིབ་མ་ལྟ་བུར་ལྡོས།། དབང་པོ་ལྔ་ནི་སྒྱུ་འདྲ་ཞིང་།། ལྔ་ཕུང་དག་པའི་རང་བཞིན་གྱི།། རྣལ་འབྱོར་འདི་ནི་བསྒོམས་པས་འགྲུབ།། སངས་རྒྱས་ཐོད་པའི་རྒྱུད་རྣལ་འབྱོར་མའི ་གོང་ན་མེད་པ་གསང་བའི་ཡང་ཤིན་ཏུ་གསང་བ་ཞེས་བྱ་བ་ལས། སྨན་བཟང་པོ་དང་དགོངས་པས་བཤད་པའི་ལེའུ་སྟེ་ལྔ་པའོ།། ། དེ་ནས་ཡང་དག་རབ་བཤད་པ། ་དཀྱིལ་འཁོར་འཇིགས་པ་མཆོག་གསང་བར།། ཐབས་དང་ཤེས་རབ་སྒྲུབ་པ་ཡིན།། གང་གིས་སློབ་མ་དབང་བསྐུར་བ།། ཤེས་རབ་པདྨའི་ནང་དབུས་སུ།། དཔག་ཚད་བྱེ་བའི་དཀྱིལ་འཁོར་ལ།། ་གསུམ་བརྩེགས་དག་པའི་བདག་ཉིད་ལུས།། འཁོར་བའི་འཇིགས་པ་ལས་སྐྱོབ་པ།། དཀྱིལ་འཁོར་དེ་ཡི་དབུས་གནས་པར།། མཁས་པས་སློབ་མ་བཟང་དབང་བསྐུར།། གལ་ཏེ་བྱུང ་ཆུབ་བླ་མེད་འདོད།། ཕྱི་ཡི་དཀྱིལ་འཁོར་བྱ་བ་མིན།། ལྷ་རྣམས་བཤིག་པ་ཙམ་གྱིས་ནི།། སྡིག་པ་ཆེན་པོ་སྐྱེ་བར་འགྱུར།། དེས་ན་རྡུལ་ཚོན་ཙམ་གྱིས་ནི།། དེ་བཞིན་ལྷ་རྣམས་དག་མི ་འགྱུར།། རྡོ་རྗེ་འཁོར་ལོ་རིན་ཆེན་དང་།། དེ་བཞིན་པ་ལ་གྲི་ཉིད། བྱས་ན་སླར་ཡང་འཇིགས་བྱེད་པ།། སྐྱེས་བུ་ཐ་ཤལ་དམྱལ་བར་འགྲོ།། གང་གིས་སངས་རྒྱས་སྤྱན་དྲངས་ཤིང་།། གང་གིས་གཤེགས་སུ ་གསོལ་བ་ཡིས།། རྡོ་རྗེ་སེམས་དཔའ་བྱོན་པ་དང་།། དེ་བཞིན་གཤེགས་པ་བྱོན་པ་རྣམས།། གང་ནའང་བྱོན་པ་མ་ཡིན་ནོ།། དྲི་མ་མེད་ཅིང་དག་པའི་ལུས།། གང་གིས་སྤྱན་དྲངས ་གཤེགས་སུ་གསོལ།། དེ་ཉིད་ཀྱིས་ན་བརྟག་མེད་པར།། དེ་བཞིན་གཤེགས་པ་རྣམས་ཕྱག་བྱ།། ལོ་བཅུ་གཉིས་པའི་བུ་མོ་ནི།། ཚུལ་ཁྲིམས་མ་ཉམས་ཚོགས་ཆུང་བའི།། ་ཐོས་དང་ལྡན་ཞིང་གྲགས་ཆེན་མོ།། ནད་མེད་སྙིང་རྗེ་དང་ལྡན་མ།། སེམས་ཅན་དོན་ལ་གཅིག་ནན་ཏན།། རྒོད་ཅིང་པདྨའི་སྤྱན་དང་ལྡན།། ཟླ་བའི་ཆ་འདྲ་གདོང་མཛེས་མ།། ་མུ་ཅོར་མི་སྨྲ་བརྟན་ཞིང་དུལ།། དེས་ན་སློབ་མ་བློ་ཆེན་པོ།། ཤིན་ཏུ་དད་པའི་སེམས་དང་ལྡན།། འདོད་མེད་དབང་པོ་དུལ་བ་དང་།། ཆགས་དང་ཆགས་བྲལ་རྣམ་པར་སྤངས།། སམ? ་ཅན་དོན་ལ་ཤིན་ཏུ་སྦྱོར།། གཏི་མུག་ཞེ་སྡང་ཕྲག་དོག་སྤངས།། སངས་རྒྱས་ཀུན་གྱིས་བྱིན་གྱིས་བརླབས།། དེ་རྣམས་ལ་ནི་དེ་ཉིད་བཤད།། གསང་བ་བྱི་ཡི་ལྔ ་དང་ནི།། བདུན་དང་བཅུ་བཞིར་བཤད་པ་དང་།། གཉིས་ཀ་གཅིག་ཏུ་འདུས་པའོ།། གསང་བའི་དེ་ཉིད་བཤད་པར་བྱ།། སློབ་མ་ལེགས་དང་ལྡན་པ་དང་།། བརྩེ་ལྡན་སེམས ་གཞན་མེད་པ་ཡིས།། གསེར་ནི་འབུམ་ཕྲག་བཅུ་དྲུག་དང་།། ས་གཞི་ཡུལ་འཁོར་ལྡན་པ་དང་།། གླང་པོ་བུད་མེད་དམ་པ་དང་།། རལ་གྲི་འཁོར་ལོ་རྟ་དང་ནི།། ཡོངས་འདྲེན་སྐྱེས་བུ་རིན ་ཆེན་རྣམས།། སྦྱོར་དང་ལྡན་པའི་སེམས་ཀྱིས་ནི།། དེ་ནི་བླ་མར་དབུལ་བར་བྱ།། ཤིན་ཏུ་དྲི་མེད་སེམས་ཀྱིས་ནི།། དེ་ནས་འདིར་ནི་གསོལ་བ་གདབ།། འཁོར་བའི་འདམ་དུ་བྱེང་བ་བདག། ་དབུན་གཉེན་ཁྱོད་ཀྱིས་བསྒྲལ་དུ་གསོལ།། བདག་ནི་རྩོལ་ཆུང་སྐལ་དམན་ཞིང་།། སངས་རྒྱས་ཆོས་ནི་རྣམ་པར་སྤངས།། ཀྱེ་ཀྱེ་སྟོན་པ་བླ་མ་ཆེ།། མགོན་པོ་ཁྱོད་ཀྱིས་བརྩེ་བར། ་མཛོད།། དེ་ལྟར་གསོལ་འདེབས་ཚིག་གསན་ནས།། དེ་རུ་བླ་མ་མི་གསུང་བཞུགས།། མན་ངག་འདི་ཡི་ཆ་དག་ནི།། གླེགས་བམ་རྣམས་ལས་སྤྱོད་ཡུལ་མིན།། དཀྱིལ་འཁོར་གང ་ལ་གང་གིས་བརྒྱན།། མཚན་མའི་དོན་གཞན་གར་བཀོད་ཀྱི།། སུ་ཡིས་སངས་རྒྱས་སྤྱན་དྲངས་ཀྱེ།། འགྲོ་བ་བརྫུན་འདྲའི་སོམ་ཉིར་ལྷུང་།། མཐའ་དག་སྟོང་པ་གོས་མེད་ཀྱེ།། ཆུ ་ནང་ཟླ་བ་ཅི་འདྲ་བ།། དེ་འདྲའི་དཀྱིལ་འཁོར་པད་དབུས་གནས།། ཀྱེ་ལགས་རྣལ་འབྱོར་མ་ཚོགས་ལྟོས།། དེར་ནི་ཧེ་རུ་ཀ་གཅིག་དང་།། ཐམས་ཅད་སྐྱེད་པར་བྱེད་མ་ཡིན།། འགྲོ་ཀུན་ཟིལ་མ། ་སླུ་བས་ན།། གཏི་མུག་ལས་ནི་བསྐྱེད་པ་ལྟོས།། སངས་རྒྱས་ཐོད་པའི་རྒྱུད་རྣལ་འབྱོར་མའི་གོང་ན་མེད་པ་གསང་བའི་ཡང་ཤིན་ཏུ་གསང་བ་ལས། དཀྱིལ་འཁོར་འཇིགས་པ་བྲི་བ་དང ་སློབ་མ་དབང་བསྐུར་བའི་ལེའུ་སྟེ་དྲུག་པའོ།། །། དེ་ནས་ཡང་དག་རབ་བཤད་པ།། རི་དང་ཕུག་དང་ཚྭང་ཚོང་ངམ།། ཡང་ན་དུར་ཁྲོད་དག་དང་ནི།། གདོད་ནས་གྲུབ་པའི ་གནས་སུ་འམ།། འོན་ཏེ་རྒྱ་མཚོའི་འགྲམ་དག་ཏུ།། ཕྱི་ཡི་དཀྱིལ་འཁོར་བླ་མེད་བྲི།། རྡུལ་ཚོན་སྔོན་པོ་ནི་རོ་བསྲེགས་པའི་སོལ་བ་ལས་བྱའོ།། རྡུལ་ཚོན་དམར་པོ་ནི་དུར་ཁྲོད་ཀྱི་སོ་ཕག ་ལས་བྱའོ།། རྡུལ་ཚོན་ལྗང་ཁུ་ནི་ནིམ་པའི་འདབ་མ་ལས་བྱའོ།། རྡུལ་ཚོན་དཀར་པོ་ནི་མིའི་རུས་པའི་ཕྱེ་མ་ལས་བྱའོ།། རྡུལ་ཚོན་སེར་པོ་ནི་ཡུང་བའི་ཕྱེ་མ་ལས་བྱའོ།། དེ་ལྟར་རྡུལ། ་ཚོན་ལྔ་རྣམས་ཀྱིས།། མཁས་པས་དཀྱིལ་འཁོར་བྲི་བར་བྱ།། ཕོ་བྲང་རིགས་གསུམ་ཟླུམ་པོ་ལ།། རྡོ་རྗེ་གསུམ་གྱིས་ཡོངས་སུ་བསྐོར།། ཕྱི་རོལ་གྲུ་བཞི་ལྷམ་པ་ཡི།། སྒོ་བཞིར་རྟ་བབས ་རྣམས་ཀྱིས་བརྒྱན།། བ་དན་རྣམ་པ་བཞི་ཡིས་བརྒྱན།། དྲ་བ་དྲ་བ་ཕྱེད་པས་སྤྲས།། ཕྱི་རོལ་ཁ་ཁྱེར་དག་པ་དང་།། རིན་ཆེན་ཕ་གུར་ཡང་དག་ལྡན།། པདྨ་ཉི་མའི་ཉི་ཤུ་ལྔའི།། གདན་རྣམས ་ཀྱིས་ནི་ཤིན་ཏུ་མཛེས།། དེ་ཡི་དབུས་ཆུང་ས་བོན་ནི།། ཡི་གེ་ཧཱུཾ་གི་རང་བཞིན་སྔོ།། སྐད་ཅིག་ཙམ་གྱིས་ཧེ་རུ་ཀ། སྐུ་མདོག་སྔོན་པོ་གྲགས་ཆེན་པོ།། གཡས་ན་ཅང་ཏེའུ་གྲི ་གུག་སྟེ།། གཡོན་ན་ཁ་ཊྭཱཾ་ཐོད་པའོ།། སྐྱིལ་ཀྲུང་ཕྱེད་པས་འཇིགས་ཆེན་པོ།། ཞལ་གྱི་མཆེ་བ་ཅུང་ཟད་གཙིགས།། རལ་པའི་ཅོད་པན་གྱིས་བརྒྱན་ཅིང་།། སངས་རྒྱས་ལྔ་ནི་ཅོད་པན་ཅན།། ་དབུ་ལ་སྣ་ཚོགས་རྡོ་རྗེ་མནན།། ཟླ་བ་ཕྱེད་པ་འཛིན་པའི་ལྷ།། སྐུ་ལ་ཐལ་བའི་རྡུལ་གྱིས་བྱུགས།། དཔའ་བོ་ཕྱག་བཞི་ཕྱག་མཚན་འཆང་།། ཤིན་ཏུ་ཧཱུཾ་སྒྲོགས་འཇིགས་བྱེད་པ།། གར་གྱི་སྟ་བ། ་ཀྱིས་རྣམ་པར་བཞུགས།། མགོ་བོ་རློན་པའི་འཕྲེང་བ་ཅན།། མཛོད་ཕྱིར་ཐོགས་པ་འཆང་བའོ།། ཐོད་པ་གཏི་མུག་རྣམ་དག་པ།། འཕྲེང་བ་བརྒྱུས་པས་བརྟན་པའི་ལྷ།། མགུལ ་དང་ནི་འཁོར་ལོ་དང་།། རྐང་གདུབ་དང་ནི་དཔུང་རྒྱུན་དང་།། གང་བུ་རྐེད་པའི་སྐུ་དགས་དང་།། དཔའ་བོན་མ་མཆོག་གིས་བརྒྱན།། འདི་འདྲའི་གཟུགས་ཅན་ནི་རྩུབ་ནི།། ཧྲཱིནས་ཟློས་པར་བྱེད་པའོ།། ་དེསས་བྱུང་བའི་རྡུལ་འབྱོར་པ། ཀྱི་ས་པཞིའི་བདག་ཉིད་རྣམས།། སྲ་མ་དག་སྔོན་མོ་གྲགས་ཆེན་མོ།། ཤིན་ཏུ་འཇིགས་པའི་གཟུགས་ཅན་པ།། ཞལ་གཅིག་ཕྲག་གཉིས་ཐོད་པ་འཆང་། ་སེ་མོ་རི་ང་བཞིན།། དརྣམས་པ་ནི་རབ་ཏུ་བཤད།། འབྲང་བཟང་ས།། འདོད་མཔ། འཇིགས་པ། ཟབ་པ་འ་མ། དགེ་པའི་ག་གས་ས་མ། གཟུགས་ན་པ། རྣམ་རྒྱལཔ། འབྱུང་བནསས། ་ཐོད་ཅན་མ། མཚོ་ཆེན་མ། བྱེད་མ། གསོད་མ། སྒྲོལ་མ། འཇིགས་མ། མཐོང་མ། མི་འཇམ་མ། དགེ་མ། མདུར་བྱེད་མ། དུས་མཚན་མ། གྲགས་ཆེན་མ། མཛེས་སྡུག་མ། ནོར་འཛིན་མ། སྐལ་བཟུང་མ། གྲགས ་མཐོང་མའོ།། འདི་ལྟ་བུ་ཡི་དཀྱིལ་འཁོར་མཆོག། ཁ་དོག་རྣམ་པ་ལྔ་ཡིས་བརྒྱན།། དེ་ཡི་དབུས་གནས་ལྷ་མོ་ནི།། ཧེ་རུ་ཀ་ལ་བདེ་སྟེར་མ།། སྐྱིལ་ཀྲུང་བྱེད་པའི་གར་བྱེད་མ།། མི་ཡི་རུས་པའི ་འཕྲེང་བས་བརྒྱན།། ལྷ་མོ་འོད་ཟེར་དཔག་དཀའ་ཞིང་།། སྐྲ་སེར་གྱེན་དུ་འབར་བ་སྟེ།། དྷྲྀ་གི་བདག་ཉིད་ལས་སྐྱེས་འཇིགས།། ཞལ་ནས་ཁྲག་ནི་འཐོར་བྱེད་མ།། དཀར་མོ་ནག་མོ་ལྗང་ཀུ་མ། ་ཐམས་ཅད་ཁུ་བ་ལྡན་གྱུར་མ།། ལྷ་ཡི་དཀྱིལ་འཁོར་བསྐྱེད་པ་ནི།། ཉི་ཤུ་རྩ་བཞིའི་བདག་ཉིད་གསུངས།། བདག་ཉིད་ཧེ་རུ་ཀ་གཟུགས་ལ།། ཉི་ཤུ་རྩ་བཞིའི་ལྷ་མོས་མཆོད།། ཐོད་པ་བདུད་རྩི ་ལྔས་བཀང་བ།། ཧེ་རུ་ཀ་ཡིས་བཏུང་བར་བྱ།། དེ་ཡིས་འཐུངས་པ་ཙམ་གྱིས་ནི།། འགྲོ་བའི་བླ་མ་བདག་ཉིད་ཆེ།། གཙོ་བོ་ལས་གཞན་ཐ་དད་གཟུགས།། རྣལ་འབྱོར་མ་ཀུན་དེ་དང་འདྲ། ་དེ་ལྟར་ཧེ་རུ་ཀ་མགོན་པོས།། རྣལ་འབྱོར་མ་ཀུན་སྤྱད་པར་བྱ།། ཐམས་ཅད་སྤྱད་པས་ཞུ་གྱུར་ཏེ།། ཉི་མའི་དཀྱིལ་འཁོར་རྣམ་པར་གནས།། དེ་ནི་ཞུ་བར་མཐོང་ནས་ནི།། ཤིན་ཏུ་སྲིད་པ ་སྒྲུབ་པའི་ཕྱིར།། སྒོ་ཡི་རྣལ་འབྱོར་མ་ཡིས་བསྐུལ།། ཅི་སྟེ་འཇིག་རྟེན་སྙན་མནནན།། ཅི་ཕྱིར་ཁྱོད་ནི་མི་དགྱེས་གྱུར།། གལ་ཏེ་ཁྱོད་བདག་ཚིག་གསན་ན།། མི་དགྱེས་གྱུར་པ་མཐའ་དག་ཐོང་། ་སྲིད་འཇིགས་སྐྱེ་བོ་ཀུན་ལྷུང་བས།། སྟོང་པའི་ཐུགས་ནི་མ་མཛད་པར།། ཉིད་ཀྱི་དགོངས་པ་ཀུན་བསྒྲུབས་ཀྱེ།། རྣལ་འབྱོར་མ་ཡི་གྲོགས་པོ་བཞེངས།། གལ་ཏེ་སྔོན ་གཙོ་ཚིག་གསན་ན།། འབྲས་བུ་ཡལ་བར་མ་དེར་ཅིག། ཁྱོད་མི་སྣང་ན་འགྲོ་བ་ཡི།། སྐྱེ་བོ་མཐའ་དག་གདུང་བས་ནོན།། ལོག་པའི་ང་རྒྱལ་མ་མཛད་པར།། སྟོང་པའི་རང་བཞིན་སྤངས་ནས་ནི། ་ཁྱོད་ཀྱིས་དངོས་མེད་ཀུན་ཐོང་ལ།། རྣལ་འབྱོར་མ་ཡི་ཚོགས་ལ་སྤྱོད།། རྣལ་འབྱོར་མ་ནི་བཞི་པོ་ཡིས།། འདི་ལྟ་བུ་ཡི་གླུ་ཡིས་བསྐུལ།། སྔོན་བཞིན་མདོག་དང་མཚན་སོགས་ལྡན།། ཀུནྡྷ ་ནས་རྣལ་འབྱོར་མ་རྣམས་བསྐོར།། འཇིགས་པ་འཁོར་བ་སྒྲོལ་བྱེད་པའི།། དཔའ་བོ་ཆེན་པོ་འདི་བཞེངས་སོ།། སངས་རྒྱས་ཐོད་པ་ཞེས་བྱ་བའི་རྣལ་འབྱོར་མའི་རྒྱུད་བླ་ན་མེད་པ་གསང་བའི ་ཡང་ཤིན་ཏུ་གསང་བ་ལས། དཀྱིལ་འཁོར་དང་ཧེ་རུ་ཀ་བསྐྱེད་པ་དང་བསྒོམ་པའི་ལེའུ་སྡེ་བདུན་པའོ།། ། དེ་ནས་ཡང་དག་རབ་བཤད་བྱ།། སྦྱིན་སྲེག་དཀྱིལ་འཁོར ་མཆོག་བཟང་པོ།། ཞི་བ་དང་ནི་རྒྱས་པ་དང་།། དེ་བཞིན་དབང་དང་མངོན་སྤྱོད་དེ།། སྦྱིན་སྲེག་རྣམ་པ་བཞི་རུ་གསུངས།། ཤིང་གི་སྦྱིར་སྲེག་མི་བྱ་ཞིང་།། འབྲས་དང་འབྲུ་རྣམས་ཀྱིས་ཀྱང ་མིན།། བློ་ལྡན་གལ་ཏེ་ཞི་འདོད་ནོ།། མེ་ཏོག་གིས་ནི་སྦྱིན་སྲེག་བྱ།། མེ་ཏོག་ལྔ་པོ་མཆོག་ཆེན་དང་།། འོ་མར་ཡང་དག་ལྡན་པས་བྱ།། གལ་ཏེ་ཞི་བའི་སྦྱིན་སྲེག་འདོད།། ཞི་བའི་གཟུགས ་སོགས་ལྡན་པ་ཡིས།། ཞི་བའི་ཐབ་ཁུང་གྲུ་བཞི་པ།། ཟབས་དང་རྒྱར་ནི་མཐོ་གང་བ།། ཁ་ལ་རྡོ་རྗེ་རྩེ་ལྔ་པ།། དཀར་པོ་རྩེ་མོ་འདུས་པ་བྲི།། རྡོ་རྗེ་རྩེ་གསུམ་སྔོན་པོ་ནི།། ཞི་བ་ཧཱུཾ་བདག ་འཁོར་བར་ནི།། དེ་ཡི་དབུས་སུ་འཁོར་ལོ་ལ།། གྲུ་གསུམ་པ་ཡི་ཡི་གེས་བརྒྱན།། ཨེ་ཝ་མ་ཡ་མཆོག་ཆེན་གྱི།། ལྟེ་བ་རུ་ནི་བསྐྱེད་པར་གསུངས།། རྩེ་གསུམ་འཇིགས་པའི་རྡོ་རྗེས་བསྐོར།། ་རྡོ་རྗེའི་ནང་དུ་པདྨ་སྟེ།། པདྨའི་དབུས་སུ་ཉི་མ་བས་མ།། ཉི་མའི་དབུས་སུ་ཡི་གེ་ཧཱཾ། ཁ་དོག་དམར་པོའི་འོད་ཆེན་པོ།། མཚམས་དང་མཚམས་སུ་རྡོ་རྗེ་ནི།། རྩེ་དགུ་སེར་པོ་བྲི་བར་བྱ། ་བདག་ཉིད་ཧེ་རུ་ཀར་བལྟ་སྟེ།། ཕྱིས་ནི་སྦྱིན་སྲེག་ཡང་དག་བརྩམ།། ཤེས་ར་བ་ཅན་གྱིས་མེ་ཡི་ལྔ།། སྔགས་འདྲི་ཡིས་ནི་སྤྱན་དྲང་ངོ་།། ཨོཾ་སརྦ་དེ་བཱ་ཧཱི་ད་པྲ་དྷེ་ནེ། ཨ་བི་ཀལྤེ་སུ་ད་ཧ ་ནེ་ད་ཧ་ད་ཧ་ཛཱ་ལ་ཛྭ་ལ། པྲ་ས་ར་པྲ་ས་ར། ཨཱ་གཙྪ་ཨཱ་གཙྪ་ཀ་ཡ་ཏྲི་ཀུཾ་ནེ་ཨ་ཏིཥྚ་ཡ་ཨ་ཏིཥྛ་ཡ། ཏིཥྛ་ཏིཥྚ། ཀི་ལི་ཀི་ལི། ཧེ་ཧེ་ཧོ་ཧཾ་ཧྲཿཧྲི་ཧཱུཾ་སྭཱ་ཧཱ། མེ་ལྷ་སྤྱན་དྲང་བའི་སྔགས་སོ།། ་སངས་རྒྱས་ཐོད་པའི་སྦྱོར་བ་ཡིས།། ཤེས་རབ་ཅན་སྔགས་ལན་བདུན་བཟླས།། སངས་རྒྱས་ཀུན་གྱིས་བྱིན་བརླབས་ཤིང་།། མདོག་དཀར་དུ་བ་དང་བྲལ་བའི།། མེ་ལྷ་རྒྱལ་དབང ་བྱོན་ནས་ཀྱང་།། ཐབ་ཁུང་གི་ནི་དབུས་སུ་བཞུགས།། དེ་ནས་བློ་ལྡན་སྦྱིན་སྲེག་བྱ།། དེ་རུ་སོལ་བ་བཞུགས་བྱ་བ།། ཨ་ཤྭ་ཏ་དང་ནྱ་གྲོ་དྷ།། ཨུ་དུམ་ཝ་ར་ར་ཀ་ཏི།། པ་ལ་ཤ་སྟེ་ཤིང་ལྔ་ལས། ་སོལ་བཱ་ས་དུ་མེད་འབར་བའི་མེ།། བློ་ལྡན་ཐབ་ཁུང་དབུས་སུ་བཞུགས།། གལ་ཏེ་དངོས་གྲུབ་མཆོག་འདོད་ན།། པཛྲ་བརྡྷ་ནི་རྩ་བརྒྱད་དང་།། དེ་བཞིན་ཨུཏྤ་ལ་ཉིད་དང་།། ཀུ་མུ ་དམར་དྲི་ཞིམ་འདྲ།། ཀ་ར་བཱི་ར་གཞན་ཉིས་འགྱུར།། བྱས་ཏེ་བསྲེགས་པས་ཞི་བར་གསུངས།། སྦྱིན་བདག་མདུན་ན་འདུག་པ་ལ།། དེ་ལ་དུ་བ་དབབ་པར་བྱ།། མཁས་པས་གསང་སྔགས་འདི ་བཏོན་ཞིང་།། པདྨ་མཱར་སྔགས་བསྲེག་པར་བྱ།། ཨོཾ་པདྨ་རཱ་ཛེ་ཨིགྣི་ཐི་ན་ཡ་ཨ་མུ་ཀ་སྱ་ཤཱནྟིཾ་ཀུ་རུ་སྭཱ་ཧཱ། མཁས་པ་ཡིས་ནི་སྔགས་བཟླས་ཏེ།། ཨུཏྤལ་འོ་མས་སྦྱིན་སྲེག་བྱ།། ཨོཾ་\ུ0f7f ་གྷ་གྷ་ཏ་ཡ་གྷཱ་ཏ་ཡ་ཏེ་ཛོ་རཱ་ཛ་བི་ནཱ་ཡ་ཤཱནྟི་ཀུ་རུ་སྭཱ་ཧཱ། མཁས་པ་བདེ་གཤེགས་ཀུན་བདག་གིས།། གུ་ར་ཀུ་མ་ཀུ་མུ་ད་བ་སྔགས་བསྲེགས།། ཨོཾ་སུ་པུཥྤེ་སུ་ཀ་ར་ཙ་ལེ་ཛྭ་ལ་ནཱི་ཡེ ་ཤཱནྟིཾ་ཀུ་རུ་སཱཧཱ། གསང་སྔགས་རྒྱལ་པོ་འདི་ཡིས་ནི།། དྲི་ཞིམ་ཙན་དན་སྦྱིན་སྲེག་བྱ།། ཨོཾ་དཱ་མེ་ཧཱ་མ་རཱ་ཛ་ད་ཧ་ད་ཧ་སརྦ་བགྣི་ཤཱནྟིཾ་ཀུ་རུ་སཱཧཱ། ཀ་ར་བྷི་ར་དྲི་ཞིམ་མར།། མཁས་པས ་སྔགས་རྒྱལ་བཟླས་ཏེ་སྲེག། ཨོཾ་ཀ་ལི་ཀ་ར་ཀ་ལ་ཏྲི་སརྦ་པཱ་པ་ད་ཧ་ད་ཧ་ཤཱནྟིཾ་ཀུ་རུ་སཱ་ཧཱ། མེ་ཏོག་རེ་རེ་རེ་རེ་ལ། གསང་སྔགས་རྒྱལ་པོ་ལན་རེ་བཟླ།། ཞི་བའི་སྦྱིན་སྲེག་ཐ་མེད་པ། ་འཇིག་རྟེན་གསུམ་ནི་རྙེད་པར་དཀའ།། མེ་ནི་འོ་མས་ཞི་བར་བྱ།། དེ་ནས་གཞན་ཡང་རྒྱས་པ་ཡི།། སྦྱིན་སྲེག་ཁྱད་པར་བཤད་པར་བྱ།། རྒྱས་ལ་ཐབ་ཁུང་ཟླུམ་པོ་སྟེ།། ཆུ་ཡི་དཀྱིལ ་འཁོར་ལྟར་སྣང་བ།། ཟབས་དང་རྒྱར་ནི་མཐོ་གསུམ་སྟེ།། ཁ་དོག་སེར་པོར་རྣམ་པར་བསམ།། དེ་དབུས་རྡོ་རྗེ་རྩེ་དགུ་པ།། སྔོ་བྲི་དེ་སྟེང་པད་འདབ་བརྒྱད།། བདག་ཉིད་ཧེ་རུ་ཀ་རྣམ ་པ། ཁྲོ་བའི་སེམས་ཀྱིས་བདག་ཉིད་ཀྱིས།། ཤིང་བསྲེགས་པ་ཡི་སྦྱིན་སྲེག་བྱ།། གལ་ཏེ་རྒྱས་པ་མཆོག་འདོད་ན།། ཨ་མྲ་ཀན་ཐཱ་པ་ལ་དང་།། ཨརྒ་བིལ་བ་དུ་དུ་ར།། ཤིན་ཏུ ་རྙེད་དཀའི་ཤིང་ལྔ་ལས།། སོར་བཅུ་གཉིས་ཀྱི་ཚད་ཙམ་དུ།། སློབ་དཔོན་གྱིས་ནི་གཟུང་བར་བྱ།། མ་གས་མ་བསྐམས་མ་བཅད་ཅིང་། ཁུ་ག་ཅན་གྱི་ཤིང་སྤང་ངོ་།། དེ་ཡི ་དབུས་སུ་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་བསམ།། རེ་རེ་ལ་ནི་བརྒྱ་རྩ་བརྒྱད།། བགྲངས་ཏེ་དེ་ནས་སྦྱིན་སྲེག་བྱ།། བདག་ཉིད་ཧེ་རུ་ཀ་ཡི་ཚུལ།། སྐུ ་མདོག་ནག་པོ་འོད་ཆེན་པོས།། མར་དང་ཡམ་ཤིང་ཐམས་ཅད་ནི།། སྔགས་བསྲེགས་འདིར་ནི་ཐེ་ཙོམ་མེད།། ཨོཾ་ག་ག་ནི་ག་ག་ན་བི་ལོ་ཀ་ནེ་ཧཱུཾ་ཕཊ། ཏེ་ཛོ་རཱ་ཛ་པུཥྚིཾ་ཀུ་རུ་སྭཱ་ཧཱ། ཤིང་རྣམས ་ཀུན་གྱིས་སྔགས་འདི་ཡིས།། རེ་རེ་བཞིན་དུ་སྦྱིན་སྲེག་བྱ།། ཕྱིས་ནི་སེར་པོའི་ཆུས་ཞི་བྱ།། འདི་ལྟའི་རྒྱས་པའི་སྦྱིན་སྲེག་ནི།། འཇིག་རྟེན་གསུམ་ན་རྙེད་པར་དཀའ།། རྒྱུད་གཞན་རྣམས་སུ ་སྦས་པ་ནི།། རྒྱུད་འདི་རུ་ནི་གསལ་བར་བྱས།། དེ་ནས་ཡང་དག་རབ་བཤད་པ།། དབང་དུ་བྱ་བའི་སྦྱིན་སྲེག་མཆོག། ཐབ་ཁུང་གྲུ་གསུམ་དམར་པོ་ལ།། ཐབས་དང་རྒྱར་ནི་སོར་མོ་བརྒྱད།། དེ་དབུས ་པདྨ་འདབ་བརྒྱད་དམར།། ཟླ་བ་དམར་ལ་སོགས་པས་བརྒྱན།། གླ་གྲཝ་རུ་ནི་རྡོ་རྗེ་དམར།། བདག་ཉིད་ཧེ་རུ་ཀར་བསམ་པ།། དབར་པོ་ལྟར་སྣང་ཆགས་པའི་བདག། རྡོ་རྗེ་དམར། ་པོ་ཐོད་པ་བསྣམས།། ཡོངས་སུ་གང་བའི་ཁྲག་ཉིད་ཀྱིས།། ཁམས་གསུམ་པ་ལ་རྗེས་སུ་ཆགས།། ཨ་ཤོ་ཀ་ཡི་ཡམ་ཤིང་དང་།། གོ་རོ་ཙ་ནར་ལྡན་པ་ནི།། བློ་ལྡན་བརྒྱ་རྩ་བརྒྱད་བསྲེགས། ་ཏེཝཤིན་ཏུ་མཉམ་བཞག་སྔགས་ནི་འདྲོན།། ཨོཾ་ཨ་ཤོ་ཀ་ནི་སུ་ར་ཀེ་ཨ་ནུ་རཱ་ག་ཡ་ཏྲཻ་ལོ་ཀྱཾ་བ་ཤ་མཱ་ན་ཡ་ཧྲཱིཿསྭཱ་ཧཱ། ཉིན་བདུན་སྦྱིན་སྲེག་བྱས་ཙམ་གྱིས།། ཁམས་གསུམ་དབང་དུ། ་འགྱུར་བ་ཡིན།། ཆུ་ནི་དམར་པོས་མེ་ཞི་བྱ།། དེ་ནས་ཡང་དག་རབ་བཤད་པ།། མངོན་སྤྱོད་དང་ནི་གསད་པ་མཆོག། ཟླ་བ་ཕྱེད་པའི་ཆ་འདྲའི་ཐབ།། ཟབས་དང་རྒྱར་ནི་ཁྲུ ་གང་ཚད།། འཇིགས་ཆེན་མདོག་ནི་ལྗང་ཀུའོ།། གྲཱ་གྲཝ་རུ་ནི་རྡོ་རྗེ་བྲི།། དབུས་ཀྱི་ས་གཞི་སྟོང་པ་རུ།། བློ་ལྡན་ཤ་ལྔས་སྦྱིན་སྲེག་བྱ།། གསོད་པ་ཡི་ནི་སྦྱིན་སྲེག་མཆོག། མངོན ་སྤྱོད་གསོད་པ་རུ་ནི་གསུངས།། དགྲ་ཀུན་བསྟུན་ཅིང་ཟློག་པར་བྱེད།། དགྲ་བོ་ཐུར་དུ་ཁ་བལྟས་ཤིང་།། ཁ་ནས་ཁྲག་ནི་སྐྱུག་པ་ཉིད།། ཤ་ཡི་དབུས་སུ་བསམ་པར་བྱ།། སེང་ལྡེང་སོལ། ་བོས་མེ་བྱ་སྟེ།། མེད་ན་འབའ་འབོ་ལ་ཉིད་ཀྱི།། འབའ་འབོ་ཚེར་མས་ཤ་ཕུག་སྟེ།། བརྒྱ་རྩ་བརྒྱད་དུ་སྔགས་ཀྱིས་སྲེག། ཨོཾ་མཱ་ར་ཡ་མཱ་ར་ཡ་ཀཱི་ལ་ཡ་སརྦ་ཤ་ཏྲུཾ་ནཱ་ཤ་ཡ་ཧཱུཾ་ཕཊ། བདག ་ཉིད་ཧེ་རུ་ཀཱར་གྱུར་ཅིང་།། སྐུ་མདོག་སྔོན་པོ་ཐུགས་འཁྲུགས་པས།། དགྲ་རྣམ་ལམ་ཅད་རླག་པར་ནི།། སྐད་ཅིག་དེ་ལ་ཐེ་ཚོམ་མེད།། ཕྲེད་མཛད་འཇིགས་ཤིང་འཇིགས་པར་བྱེད།། ཧ་ཧ་ཞེས ་མཛད་འཇིགས་པར་མཛད།། གདུག་པ་ཐམས་ཅད་གསད་པར་ནི།། སྦྱིན་སྲེག་ཙམ་གྱིས་ཐེ་ཙོམ་མེད།། འདི་ལྟའི་གསད་པའི་སྦྱིན་སྲེག་དང་།། མངོན་སྤྱོད་ཀྱང་ནི་རྙེད་དཀའ་བ།། རྣལ ་འབྱོར་ལྷ་མོས་རྟོགས་མིན་ན།། སྔགས་སྐྱེས་ཕལ་ལྷ་སྨོས་ཅི་དགོས།། དེ་ཕྱིར་སངས་རྒྱས་ཐོད་པ་ཡི།། རྣལ་འབྱོར་ང་རྒྱལ་དང་བྲལ་བས།། ཤིན་ཏུ་མཉམ་པར་བཞག་པའི་སེམས།། ལྷ་རྣམ། ་ཀྱིས་ཀྱང་རྙེད་པར་དཀའ།། ལྗང་ཀུའི་ཆུ་ཡིས་མེ་ཞི་བྱ།། གང་གིས་བསྲེགས་ཤིང་གྲང་ཞིག་བསྲེགས།། གང་གི་ཞི་བ་གང་ཞི་བ།། གང་གིས་རྣམ་རྟོག་ཀུན་བཅོམ་པ།། དེ་ཡི་སེམས་ནི་མགུ ་བར་བྱེད།། སངས་རྒྱས་ཐོད་པ་ཞེས་བྱ་བའི་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས། སྦྱིན་སྲེག་གི་ཆོ་གའི་ལེའུ་སྟེ་བརྒྱད་པའོ།། ། དེ་ནས ་ཡང་དག་རབ་བཤད་པ།། སྤྱོད་པའི་ལེའུ་ཤིན་ཏུ་རྙེད་དཀའ་བ།། བུད་མེད་ཤིན་ཏུ་མཆོག་གྱུར་དང་།། རྣལ་འབྱོར་གང་གིས་སྤྱོད་ཀུན་བྱེད།། དངོས་གྲུབ་བརྒྱད་དང་ཡང་དག་ལྡན།། དེ་ནས ་སྤྱོད་པ་ཡང་དག་བརྩམ།། སེམས་ཅན་དངོས་གྲུབ་གང་གང་འདོད།། དེ་དེའི་དངོས་གྲུབ་རྟག་ཏུ་སྟེར།། ལག་པས་ཐོད་པ་བཟུང་བྱས་ཏེ།། གཅེར་བུ་སྐྲ་གྲོལ་གྱུར་པ་ཡི།། བརྟུལ་ཞུགས་ཅན། ་གྱི་སྤྱོད་པས་འཁྱམ།། གང་དུ་གང་ཚེ་དེ་ཚེ་དེར།། རྟག་ཏུ་སྤྱོད་པ་ཐམས་ཅད་བྱ།། རྒྱན་རྣམས་ཀུན་ལས་རྣམ་གྲོལ་ཞིང་།། ནམ་མཁའ་དང་མཚུངས་གྱུར་པ་ལི།། ཤེས། ་རབ་ཅན་གྱིས་ཁྱིམ་ཁྱིམ་དུ།། སློང་མོ་བྱ་བར་ཐེ་ཙོམ་མེད།། ཡིད་དང་མཐུན་པ་ཀུན་བླངས་ནས།། བསམ་གཏན་གནས་སུ་ཐེ་ཚོམ་མེད།། དགའ་བའི་སེམས་ཀྱིས་བསམས་ནས་ནི། ་རྣལ་འབྱོར་མ་ཡིས་སློང་མོ་བསླངས།། ཆོས་ལ་གཞོལ་བའི་རྣལ་འབྱོར་པས།། ཐོད་པའི་སྟེང་དུ་བཞག་པ་ཡི།། རྫས་ནི་དེ་ནས་བཟའ་བར་བྱ།། རྫས་ནི་ཟོས་མ་ཐག་ཏུ་ཡང་།། ཁྱིམ ་ཁྱིམ་ཐལ་ཕུད་ཤིང་དྲུང་དང་།། གང་དུ་གང་ཚེ་དྲེར་དེའི་ཚེ།། གང་གིས་དགའ་བའི་སེམས་དེ་ཡིས།། བློ་གྲོས་ཆེན་པོ་གཉིད་ལོག་འཕྲེང་།། འདི་ལྟའི་སྤྱོད་པའི་སྦྱོར་བ་ཡིས།། ་ཕྱག་རྒྱ་ཆེན་པོ་ངེས་པར་འཐོབ།། དེ་ལྟར་ཡང་ནི་རྒྱུད་ལས་གསུངས།། གང་དུ་ཇི་ལྟར་དེར་དེ་ལྟར།། གང་གི་དེ་ཡིས་སངས་རྒྱས་ཏེ།། རང་གི་རྣམ་རྟོག་དག་གིས་ཉམས།། མཐའ་དག ་རང་བཞིན་རྣམ་པར་དག། སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས། སྤྱོད་པའི་ལེའུ་སྟེ་དགུ་པའོ།། ་དེ་ནས་ཡང་དག་རབ་བཤད་པ།། གཅིག་ཏུ་སེམས་ཅན་དོན་རབ་ངེས།། གསེར་དུ་ངེས་པར་བྱེད་པའི་ལེའུ།། སློབ་དཔོན་ལ་ནི་རབ་དང་བས།། མུ་ཏིག་དང་ནི་ཉ་ཕྱིས་དང་།། དངུལ་ཆུ་དང་ནི་བྱཱ། ་རུ་ཡིས།། གང་གི་སེམས་ཅན་ནོར་ལྡན་འགྱུར།། འདི་ནི་ཕྱི་ཡི་སྨན་མིན་ཏེ།། ཤུན་ལྤགས་ལོ་མ་མ་ཡིན་ཞིང་།། དངུལ་ཆུ་བཅུད་ལེན་མ་ཡིན་ཏེ།། མུ་ཟི་ལྒང་ཚེར་མ་ཡིན་ཞིང་།། ལྕགས་དང་ཞ་ཉེ་ཟངས ་མ་ཡིན།། ལྕགས་གཞན་དག་ནི་མ་ཡིན་ཏེ།། གྲུབ་པའི་སྨན་གྱི་མཆོག་ཡིན་ནོ།། འདི་ལྟ་བུ་ཡི་ཚིག་ཐོས་ནས།། ཕྱག་ན་རྡོ་རྗེ་སྟོབས་པོ་ཆེས།། ཞབས་ཀྱི་རྡུལ་གྱི་ཆབཏུད་ནས།། སེམས་དཔའ ་གཅིག་ཏུ་དང་བརྟན་པས།། ལྷ་མོ་ལེགས་སོ་ཞེས་ནི་སྨྲས།། སྨན་གྱི་མཆོག་ནི་གང་ཡིན་ཞིང་།། དངོས་གྲུབ་ཀྱང་ནི་ཇི་ལྟ་བུ།། གུས་པ་ཡིས་ནི་ཉན་པར་འཚལ།། ལྷ་མོ་ཆེན་མོ་ཁྱོད་ཀྱིས་གསུང།། ་གྲུབ་པའི་སྨན་གྱི་མཆོག་གང་ལགས།། གང་གིས་སེམས་ཅན་ནོར་ལྡན་འགྱུར།། ཚེ་འཕེལ་བ་ལ་བརྩོན་པ་གང་།། སྔོན་བསྙེན་ལྟོས་པ་མེད་པ་ཡིས།། སྨན་ཆེན་གྲགས་པས་འགྲུབ་པ་གང་། ་གང་གིས་རྫས་རྣམས་མང་པོར་འགྱུར།། མོ་གཤམ་བུ་དང་ལྡན་གྱུར་གང་།། ཡང་དང་ཡང་དུ་མི་འཆི་ཞིང་།། ཤི་ནས་ཡང་དག་འཚོར་འགྱུར་བ།། ལྷ་མོ་ཆེན་མོ་ཁྱོད་ཀྱིས་གསུངས།། ་བཀའ་སྩལྔ་པ། ཁྱིམ་འདི་ཉིད་དུ་གནས་པ་ཡི།། སྨན་ཆེན་པོ་ཡིས་འགྲུབ་པ་སྟེ།། དེ་ཡང་སྣོད་བཟང་མཆོག་ལ་འགྲུབ། བྱིས་པ་རྨོངས་པས་མི་ཤེས་སོ།། བདག་དོན་གཅིག ་བུབྲལ་འབབ་ཅིང་།། ཀྱེ་མ་གཅིག་ཏུ་དཀའ་འབད་པས།། ཇི་ལྟར་སེམས་ཅན་དོན་འགྲུབ་འགྱུར།། སྣོད་བཟང་ལ་ནི་གནས་པའི་བཅུད།། ཟེ་འབྲུ་གསང་བའི་སྤྱོད་ཡུལ་ཏེ།། རོ་བཅུད ་རྩ་ཡི་ནང་གནས་པའི།། སྨན་ཆེན་རོ་བཅུད་མ་རུ་བརྗོད།། གང་གིས་ལྕགས་ནི་གསེར་འགྱུར་བར།། གཅིག་གིས་ཀྱང་ནི་གྲངས་མེད་འགྱུར།། འདི་ལྟ་བུ་ཡི་སྨན ་ཆེན་མཆོག། རོ་བཅུད་མ་ནི་དེ་བཞིན་གནས།། རབ་འབྱོར་ཆོ་ག་སྔོན་འགྲོ་བས།། སྨན་གྱི་མཆོག་ནི་འགྲུབ་པར་འགྱུར།། དེར་ནི་ཡང་དག་སྦྱོར་བ་བཤད།། དད་པ་བརྟན་པ་ཡིས་ནི་ཉོན།། ། ་མེ་ཏོག་ལྡན་པའི་བུད་མེད་གང་།། གཞོན་ནུ་ཁ་དོག་ནག་མོ་སྟེ།། རྒྱུད་འདི་ཐོས་པ་དང་ལྡན་ཞིང་།། ངོ་ཚ་མེད་ཅིང་ལྟོས་མེད་མ།། འདོད་པ་ཆུང་ཞིང་སེམས་ཅན་བརྩེ།། དེ་བཞིན་གཤེགས་པ། ་རྣམས་སྟོན་ཅིང་།། རྟག་ཏུ་རབ་སྦས་བརྩོག་མེད་མ།། འདི་ལྟའི་བུད་མེད་རབ་བླངས་ཏེ།། སྨན་ཆེན་མཆོག་ནི་ཡང་དག་བརྩམ།། སྐྱེས་བུ་ཤིན་ཏུ་ཆགས་ཆེ་ཞིང་།། མྱུར་དུ་བྱང་ཆུབ ་སེམས་འབབ་པ།། གང་ཡིན་དེ་ལ་དངོས་གྲུབ་མེད།། འདི་ལྟ་བུ་ཡི་སྨན་ཆེན་པོ།། སངས་རྒྱས་ཀྱིས་ཀྱང་རབ་རྙེད་དཀའ།། ཤིན་ཏུ་བརྟན་པའི་སེམས་ཀྱིས་ནི།། བློ་ལྡན་བུད་མེད་དེ་རྣམས། ་བསྟེན།། དེ་ལྟར་ཡང་གསུངས་པ། རབ་ཏུ་བརྟན་པ་གཙོ་བོའི་གནས།། ཞེས་ནི་སྒྲུབ་པ་པོ་རྣམས་སྨྲ།། དེ་ཕྱིར་བརྟན་པའི་སེམས་ཀྱིས་ནི།། སྣོད་བཟང་འབྲས་བུ་བསྐུལ་བར་བྱ།། དེར་ནི་མ ་ཏོག་ལྡན་བུད་མེད།། གསེར་གྱི་སྦྱོར་བ་རྙེད་དཀའ་བརྩམ།། གྲུབ་པའི་བཅུད་ཀྱིས་བྱུགས་པ་ཡིས།། ཟླ་བ་རང་གི་སྙིང་ཀར་བསམ།། སྔོན་དུ་རི་ཡི་རྒྱལ་པོས་བརྒྱན།། དེར་ནི་ཡི་གེ་ཧྲཱི་ས་བོན།། ་སེམས་ཅན་དོན་ལ་གཅིག་ཏུ་འབད།། ཐོ་ལྡན་དགོས་པ་ཡང་དག་བརྩམ།། ཟངས་མའི་དངོས་པོ་སྲང་གཅིག་བཅས།། ཟླུམ་པོ་སྣོད་བཟང་ལ་བཅུག་སྟེ།། གཡོན་པ་བསྐུམ་པའི་གཡས་ཟུར ་གཞག། མེད་ན་ལྕགས་ཀྱང་བྱ་བ་ཡིན།། བརྟན་པའི་སྦྱོར་བའི་སེམས་ཀྱིས་ནི།། དེ་ནས་བློ་ལྡན་ལས་རྣམས་བརྩམ།། རི་རབ་ཟླ་བ་ས་བོན་རྒྱལ།། ཞུ་འགྱུར་ཐེ་ཚོམ་མེད་པ་ཡིན།། སྣོད ་བཟང་དེར་ནི་ངལ་བསོས་པས།། འཕོ་བའི་སྦྱོར་བས་འཛག་པ་ཉིད།། བཟང་པོར་མྱུར་དུ་རབ་བླངས་ཏེ།། མཁས་པ་ཡིས་ནི་བྱུག་པར་བྱ།། རྡོག་པོ་བྱུགས་པ་ཙམ་གྱིས་ནི།། མེ་ཡི ་ནང་དུ་གཞུག་བྱ་ཞིང་།། དེ་ནས་ཤེས་རབ་ཅན་བལྟས་ན།། གསེར་དུ་འགྱུར་བ་ཐེ་ཚོམ་མེད།། དེ་ནི་མ་ཤ་གཅིག་གིས་ནི།། སྲང་བརྒྱ་རུ་ནི་འགྱུར་བ་ཡིན།། དེ་ལྟར་གསེར་གྱི་སྦྱོར་བ ་མཆོག། འཇིག་རྟེན་གསུམ་ནའང་རྙེད་པར་དཀའ།། གལ་ཏེ་སྨན་ཆེན་ཚད་མིན་ན།། དེ་ཚེ་སངས་རྒྱས་ཚད་མ་ཡིན།། རྒྱུད་ཀྱི་རྒྱལ་པོ་ཆེན་པོ་འདིར།། དངོས་པོ་གང་དང་གང་གསུངས ་པ་ལ་སངས་རྒྱས་ཐོད་པའི་སྦྱོར་བ་ཡིས།། དེ་དག་ཐམས་ཅད་བདེན་པར་འགྱུར།། གང་ཞིག་འདི་ཚད་མིན་སྨྲ་བའི།། བློ་གྲོས་ཆེན་པོ་ཐོས་ལྡན་པ།། ཇི་སྲིད་སངས་རྒྱས་བཞུགས་ཀྱི ་བར།། དེ་དག་ཐམས་ཅད་དམྱལ་བར་འགྲོ།། སྨན་འདི་ཙམ་གྱིས་མ་གྲུབ་ན།། ཆོས་ཕུང་བརྒྱད་ཁྲི་བཞི་སྟོང་དང་།། བླ་མེད་རྣལ་འབྱོར་མ་རྣམས་ཀྱི།། དེ་དག་ཐམས་ཅད་བརྫུན་པར་འགྱུར།། ་མཚམས་མེད་ལྔ་ནི་བྱེད་པ་དང་།། སེམས་ཅན་སངས་རྒྱས་ཆོས་ལ་འཚེ།། སྨན་གྱི་མཆོག་ནི་འགྲུབ་འགྱུར་བ།། སྐད་ཅིག་དེ་ལ་ཐེ་ཚོམ་མེད།། སེམས་ཅན་དོན་ལ་གཅིག། ་ཏུ་འབད།། སྒོ་ལྡན་འགྲུབ་པ་ལྟ་ཅི་སྨོས།། སྨན་མཆོག་གསེར་དང་དངུལ་དུ་འགྱུར།། ཇི་སྲིད་སངས་རྒྱས་ཡེ་ཤེས་ཡོད།། མི་ནི་བསྐལ་པ་བྱེ་བར་འཚོ།། དེ་ནས་ཡང་དག་རབ་བཤད་པ།། ་མོ་ག་ཤམ་རྣམས་ཀྱི་བུ་མེད་པ།། ཡང་དག་སྦྱོར་བས་བཀྲུས་ཙམ་གྱིས།། སྐད་ཅིག་དེ་ལ་བུ་ལྡན་འགྱུར།། སྔོན་གྱི་གཙོ་བོས་ཇི་སྐད་གསུངས།། ཁྲུས་ཀྱི་ཆོ་ག་རབ་ཏུ་བཤད།། ཁ་དོག ་ལྔ་ཡི་རྡུལ་ཚོན་ནམ།། ཡང་ན་རྡུལ་ཚོན་དཀར་པོ་ཡིས།། དཔག་དཀའ་སྐྲག་པར་བྱེད་པ་ཡིས།། དཀྱིལ་འཁོར་འཇིགས་པར་བྲི་བར་བྱ།། དེ་ནི་བུམ་པ་ལྷོ་ཆེ་བ།། ཟླུམ་པོ་བཞི་ནི་གཞག ་པར་བྱ།། ཤེས་རབ་ཅན་གྱིས་ཆུ་ཡིས་དགང་།། རས་ཀྱིས་ཀྱང་ནི་དཀྲི་བར་བྱ།། རང་གི་ཁྲག་གིས་མཚན་མ་བྲི།། བུད་མེད་མོ་ག་ཤམྲ་དེ་ཡི་ནི།། ཁམས་ཀྱིས་གཙོ་བོར་བླངས་ནས་ནི།། ་མཁས་པ་ས་བུམ་པའི་ཁ་ལ་བྱུག། དེ་ནས་ཁྲག་འཐུང་གོ་འཕང་ལ།། གནས་པ་སྒོམ་པའི་མཆོག་ལྡན་པས།། ནག་པོ་དམར་མོ་འཇིགས་ཆེན་པོ།། རྡོ་རྗེས་ཧཱུཾ་ལས་ཡང་དག་བྱུང་། ་འཇིགས་པའི་མེ་ལྟར་འཇིགས་བྱེད་པ།། ཞལ་གཅིག་པ་ལ་ཕྱག་བཞི་པ།། བླ་མ་འཇིགས་པའི་གར་བྱེད་ཅིང་།། མཁས་པས་ཧཱུཾ་ནི་སྒྲོགས་བཞིན་པ།། བློ་ལྡན་བུམ་པའི་ནང་དུ་བསམ།། ་དེ་ནས་རལ་གྲི་འཛིན་པ་ཡི།། སྐྱེས་པ་བཞི་པོ་གྲགས་ཆེན་པོ།། ཁྲོ་བོ་གཞན་གྱི་སེམས་དང་ལྡན།། འཇིགས་ཆེན་སྐྱེས་བུ་དེ་རྣམས་ཀྱིས།། རལ་གྲིས་ནམ་མཁར་བསྣུན་ཅིང་གསོད།། སངས། ་རྒྱས་ཐོད་པའི་སྦྱོར་བ་དང་།། འདི་ལྟ་བུ་ཡི་སྦྱོར་ལྡན་པས།། དེ་བཞིན་དུ་ནི་བུད་མེད་བཀྲུ།། སྐད་ཅིག་དེ་ལ་བཀྲས་ཙམ་གྱིས།། བུད་མེད་བུ་དང་ལྡན་པར་འགྱུར།། སངས་རྒྱས་ཐོད ་བ་ཞེས་བྱ་བ་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས། སྨན་ཆེན་པོ་ཁྱད་པར་ཅན་དང་། མོ་གཤམ་གྱི་ཁྲུས་ཀྱི་ཆོ་གའི་ལེའུ་སྟེ་བཅུ་པའོ།། ་དེ་ནས་ཡང་དག་རབ་བཤད་པ།། མཁའ་ལྡིང་སྦྱོར་ལས་བྱུང་བའི་ལེའུ།། སྔོན་དུ་གསུངས་པའི་ཆོ་ག་ཡིས།། མཁས་པས་དཀྱིལ་འཁོར་བྲི་བར་བྱ།། བློ་ལྡན་ཧེ་རུ་ཀ་དང་ནི།། ཀུན ་ནས་རྣལ་འབྱོར་མ་བརྒྱད་བསྐྱེད།། མཚན་མ་ཕྱག་སོགས་སྔོན་གསུང་བཞིན།། ཁ་དོག་དཀར་པོ་འབའ་ཞིག་ཉིད།། ཕྱོགས་ཀྱི་རྣལ་འབྱོར་མ་དཀར་ཞིང་།། མཚམས་ཀྱི་དམར་པོ་ཉིད་ཡིན ་ནོ།། སྔོན་དུ་གསུངས་པའི་ཆོ་ག་ཡིས།། མཁས་པས་དཀྱིལ་འཁོར་བྱིན་གྱིས་བརླབས།། བུམ་པ་རྣམ་པ་བཞི་པོ་ལ།། སྔོན་གསུངས་ཕྱག་མཚན་བྲི་བར་བྱ།། རིག་པ་འཛིན་པའི ་སྦྱོར་བ་ཡིས།། ཕྱིས་ནི་སློབ་མ་རྗེས་སུ་གཟུང་།། སྔོན་གྱི་ཚོ་གས་གསོལ་བཏབ་སྟེ།། སྦྱིན་དང་ཚོགས་ཀྱི་འཁོར་ལོ་དང་།། དེ་ནས་དཀྱིལ་འཁོར་མཆོད་པར་བྱ།། སླར་ཡང་གསང ་སྔགས་འདི་ཡིས་ནི།། སློབ་མ་རྗེས་སུ་གཟུང་བར་བྱ།། ས་སྟེངས་ན་ནི་དུས་ཟིན་ལ།། ཅུང་ཟད་གསྔོ་བར་མི་ནུས་ཏེ།། ནམ་མཁའ་ལྡིང་ཅན་གྱིས་བཏང་ཞིང་།། དུས ་སུ་ཟིན་ཅེས་སྨྲ་བ་ན།། སངས་རྒྱས་ཐོད་པའི་རྣལ་འབྱོར་པ།། བློ་ལྡན་དེ་ནས་ལས་བརྩམ་མོ།། བདག་ཉིད་ཧེ་རུ་ཀར་གྱུར་ཅིང་།། ཀུན་ནས་རྣལ་འབྱོར་མ་བརྒྱད་དེ།། དེ་ཀུན་སྐུ་ནི་དཀར་པོ ་རུ་མཆོ་ག་བཞིན་དུ་སྦྱར་བར་བྱ།། འབྲས་བཏགས་རང་བཞིན་བླངས་ནས་ནི།། རིག་པ་འཛིན་པ་གཉིས་བྱའོ།། ཤིན་ཏུ་མཉམ་པར་བཞག་པ་ཡིས།། དེ་ཡི་ལག་པར་རལ་གྲི་སྦྱིན།། ་དེ་ཡི་སྙིང་ཁར་སྔགས་བྲིས་གཞུག། འདབ་མ་གྲང་དང་གང་དེ་ལ།། མར་ཁུ་ཆེ་བྱས་སྣག་ཚ་དང་།། མཁས་པས་སྔགས་ནི་བྲི་བར་བྱ།། ཨོཾ་བུདྡྷ་ཀ་པཱ་ལི་ནི་ཧཱིདྷ་ཨོཾ་ཀ་པཱ་ལི་ནི་བཛྲི་ཎི། ་ཨ་བི་ཛྙཱ་ས་ཡ་སརྦ་ནཱ་ག་ན་ཨུ་ད་པ་ཡེ་དྱ་དྷ་ར་ཎཱི། བི་བྷ་ཡ་ཀ་ལ་ད་ཤ་ན། བྷོ་བྷོ་བྷ་ག་ཝ་ཏི་བུདྡྷ་ཀ་པཱ་ལི་ནཱི་སརྦ་ན་ཎ་ཀྵ་ཡེ་ཀ་རི་ཧ་ཧ་ཧ་སཱདྡྷེ། རེག་པ་འཛིན་པའི་སྔགས་སོ།། ་དེ་ལྟར་ཡོངས་སུ་རྫོགས་ནས་ནི།། འདབ་མ་སྙིང་ཀར་གཞུག་པར་བྱ།། གསང་སྔགས་འདི་དང་ལྕུག་མ་ཡིས།། ལན་བདུན་བར་དུ་སྤྱན་དྲང་ངོ་།། ཨོཾ་བུདྡྷ་ཀ་པཱ་ལི་ནི་གྷ་ཊ་གྷ་ཊ། ་བྷ་ཌ་གྷ་ཌ་པྲི་ཏྲི་བཿཧཿཧེ་ཧོཧཾ། ལན་བདུན་བསྔགས་པ་ཙམ་གྱིས་ནི།། རིག་པ་འཛིན་པ་རྣམ་པ་གཉིས། ཁར་སྣང་དུ་ནི་ལྡིང་འགྱུར་ཏེ།། གཅིག་ནི་དུམ་བུ་དུམ་བུ་རུ།། ས་ལ ་ལྟུང་བ་རུ་ནི་འགྱུར།། དུས་ཟིན་འདིར་ལངས་ཐེ་ཚོམ་མེད།། གཞན་ཡང་སྦྱོར་བ་རྙེད་དཀའ་གང་།། པང་བཏེག་ལ་སོགས་བཅཝོ་ལྔ་པའོ།། གླེགས་པམ་ལ་ནི་ཐི་མ་བྱས།། བླ་མའི་དྲིན ་ལས་ཤེས་པར་བྱ།། སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས། རིག་པ་འཛིན་པའི་སྦྱོར་བའི་མན་ངག་ངེས་པའི་ལེའུ་སྟེ་བཅུ ་གཅིག་པའོ།། དེ་ནས་ཕྱག་ན་རྡོ་རྗེས། རྣལ་འབྱོར་མ་སྣ་ཚོགས་སྡེ་མ་ལ་ཡང་དང་ཡང་དུ་ཕྱག་འཚལ་ཏེ་འདི་སྐད་ཅེས་གསོལ་ཏོ།། རྣལ་འབྱོར་མ་ཡི་གཙོར་གྱུར་པ། ་ཤེས་རབ་ཆེན་པོ་ལྷ་མོ་ལེགས།། ཁྱོད་ཀྱིས་གསུངས་པའི་སྦྱོར་བ་གང་།། འཇིག་རྟེན་ན་ཡང་རྙེད་པར་དཀའ།། བདག་གིས་རྒྱུད་ཀུན་མཐོང་མོད་ཀྱི།། སྦྱོར་བ་འདི་དག་རྙེད་པར་དཀའ།། ་རྒྱུད་འདིར་ཁྱོད་ཀྱིས་གང་གསུངས་པ།། སངས་རྒྱས་ཀུན་གྱིས་མ་བཤད་དོ།། ཨེ་མའོ་སེམས་ཅན་དོན་ལ་བརྩོན།། ཨེ་མའོ་སངས་རྒྱས་ཀུན་བསྐྱེད་མ།། ཨེ་མའོ་ཕྱག་རྒྱ་ཆེ་ལ་བརྩོན། ་སྔགས་རྣམས་ཀུན་གྱི་རབ་སྦྱོར་བ།། ཤིན་ཏུ་རྙེད་པ་གང་ཡིན་དེས།། རྣལ་འབྱོར་པ་གང་ངོ་མཚར་བ།། སྣ་ཚོགས་བྱེད་འགྱུར་ལྷ་མོ་གསུངས།། དང་པོའི་ལེའུར་གང་གང་གསུངས།། སྦྱོར ་དེ་ལྷ་མོ་བདག་ལ་ཤོད།། འདི་ལྟ་བུ་ཡི་ཚིག་གསན་ནས།། རྣལ་འབྱོར་མ་ནི་སྣ་ཚོགས་སྟེ།། བཞད་ཅིང་ཤིན་ཏུ་བཞད་པ་ཡིས།། ལྷ་རྣམས་ཐམས་ཅད་སྐྲག་པ་དང་།། བདུད་སྡེ་ཐམས ་ཅད་འབྲོས་པ་དང་།། བགེགས་རྣམས་ཐམས་ཅད་འཇིག་པར་འགྱུར།། ཨེ་མའོ་བཞད་པའི་ངེས་པ་ཡིས།། རྒྱལ་བའི་མཆོག་ཀུན་ངོ་མཚར་རོ།། གསུངས་པ། རྒྱལ། ་མཚན་འཕྱང་བ་གླེང་བྱས་ལ།། དེ་ཡི་ཤ་ཡང་བླང་བྱ་ཞིང་།། དེ་ཡི་རྐེད་ཆའི་རུས་པ་ནི།། བླངས་ནས་ཐབ་ཁུང་དུ་ནི་བྱ།། དེ་ཡི་ཐོད་པའི་རྗེས་བཟུང་སྟེ།། རྒྱུས་པ་སྡོང་བུར་བྱས ་ཏེ་གཞག། དེ་ཡི་མར་ཁུས་དགང་བྱ་ཞིང་།། ཐབ་ཁྲང་གྲུ་གསུམ་སྟེང་དུ་གཞུག། གཞན་ཡང་དུད་པ་འབེབས་པ་དང་།། ཇི་སྲིད་དུད་པ་ཆགས་ཀྱི་བར།། སངས་རྒྱས་ཐོད་པའི ་རྣལ་འབྱོར་པས།། གསང་སྔགས་འདི་ནི་བཟླ་བར་བྱ།། ཨོཾ་པྲདྡྷ་ཀུ་པཱ་ལི་ནི་བྷ་ར་བྷ་ར། དྷ་དྷ་ར་དྷ་དྷ་ར། དྷ་རཔྟ་ཡ་དྷཱ་ར་པཱ་ཡ། ཤཽ་ཥ་ཡ་ཤོ་ཥཱ་ཡ། ཏ་པ་ཡ་ཏཱ་པ་ཡ། ཏཱཾ་ཏཱཾ། ཨོཾ ་མེ་སཾ་ར་དྷཾ་ཀུ་རུ་ཀུ་རུ་བྷྱོ་བྷ་ག་ཝ་ཏི་པྲདྡྷ་ཀ་པཱ་ལ་སྱ་ཛྙཱ་མ་ལཾ་གྷ་ཡ་ཤཱི་གྷྲཾ་ཀ་ཛ་ལ་བ་ཏཾ། པ་ཏ་ཡ་པ་ཏ་ཡ། ཏཱཾ་ཏྲཱཾ་ཨ་ཧཱུ~ཾ་སྟམྦྷ་ཡ། བྷོ་བྷ་ག་ཝ་ཏི་ཧཱུཾ་ཨཾ་ཕཊ། འདི་ལྟར་སྔགས་ཀྱི ་རྒྱལ་པོ་ཡིས།། འཇིག་རྟེན་གསུམ་ཡང་སྐེམས་པར་བྱེད།། འབྱུང་པོ་རོ་ལངས་མཁའ་འགྲོ་མ།། སྲིན་པོ་ཤ་ཟ་ལ་སོགས་དང་།། གཞན་ཡང་རུང་སྟེ་བགེགས་དེ་རྣམས།། ཐོས ་པ་ཙམ་གྱིས་འབྲོས་པར་འགྱུར།། ཇི་སྲིད་དུད་པ་མ་བབས་པ།། དེ་སྲིད་སྔགས་ནི་བཟླ་བར་བྱ།། དུད་པ་བབས་མ་ཐག་ཏུ་ནི།། ལག་པ་གཉིས་ཀས་གཟུང་བར་བྱ།། དེ་ནས་བློ ་ཆེན་རྣལ་འབྱོར་པས།། རོལ་རྩེད་འཕྲེང་བ་བཏུང་བར་བྱ།། བུ་མོ་ལོ་ནི་བཅུ་དྲུག་མ།། ལང་ཚོའི་གཟུགས་ལ་བརྩེ་བ་ཅན།། འདི་ནི་རྣལ་འབྱོར་པ་ཡིས་སྤྱད།། གཅིག་ཏུ་སེམས ་ཅན་དོན་འབད་པ།། གཅེར་བུ་སྐྲ་གྲོལ་གྱུར་པ་ཡིས།། མཁས་པས་ཧེ་ཧིའི་སྔགས་བཏོན་ཏེ།། རོལ་རྩེད་འཕྲེང་མ་བཏུང་བར་བྱ།། དེ་ཡི་རྗེས་ལ་རྩེད་འཇོ་བརྩམ།། ཤིན་ཏུ་བནད ་གྱུར་ཕྲེད་མཛད་པའི།། བརྩེ་བ་ཆེན་པོའི་ལག་གཡོན་དུ།། དུད་ཆེན་མཆོག་ནི་གཞག་པར་བྱ།། སྦྱོར་བ་ལ་ནི་མཁས་པ་ཡིས།། ཕྱིས་ནི་པགས་ཀྱིས་བྱ་བ་བྱ།། པདྨ་ལས་བྱུང་རྫས་གང ་ཞིག། དེ་ཉིད་ཀྱིས་ནི་དུད་པ་མཉེ།། མིང་མེད་མཐེ་བོས་མེ་ཏོག་སྦྱིན།། རིལ་བུ་བརྒྱད་དང་རྩ་བརྒྱད་བྱ།། རིལ་བུ་རེ་རེ་རེ་རེ་ལ།། གསང་སྔགས་བརྒྱ་དང་རྩ་བརྒྱད་བཟླ།། ཨོཾ་བུདྡྷ་ཀཱ་པཱ། ་ལི་ནི་ཏྲཱཾ་ཧྲཱིཿཧཱུཾ་ཕཊ། འཇིག་རྟེན་གསུམ་ན་རྙེད་དཀའ་ཞིང་།། རྒྱུད་རྣམས་ཀུན་ཏུ་རྙེད་དཀའ་བ།། རྣལ་འབྱོར་མས་ཀྱང་རྙེད་དཀའ་བའི།། སྔགས་འདི་ཡིས་ནི་དུད་པ་སྒྲུབ།། སྲིན་ལག་གིས ་ནིསོར་མོ་ཡིས།། མིག་ལ་དུད་པ་བྱུགས་ཙམ་གྱིས།། སྟོང་གསུམ་རྡུལ་ཕྲན་ལྟ་བུ་ཡི།། སངས་རྒྱས་ཐམས་ཅད་མཐོང་བར་འགྱུར།། དཔག་ཚད་འབུམ་ཕྲག་བརྒྱད་ཅུ་ཡི།། སྟེང་དང ་འོག་ནི་མཐོང་བར་འགྱུར།། ལག་པ་གཡོན་པས་མཉེས་ཙམ་གྱིས།། སྐད་ཅིག་དེ་ལ་རྣལ་མར་འགྱུར།། མཛུབ་མོས་བྱུགས་པ་ཙམ་གྱིས་ནི།། རྒྱུ་དང་མི་རྒྱུ་མཐོང་འགྱུར་ཏེ།། འབྱུང་པོ ་ཡེ་དགས་ཤ་བ་དང་།། གཞན་ཡང་གྲུབ་པ་རྣམས་དང་ནི།། དཔག་ཆད་བྱེ་བ་སྟོང་ཕྲག་གི། སྲེང་དང་འོག་ནི་མཐོང་བར་འགྱུར།། ལག་པ་གསོན་པས་མཉེས་ཙམ་གྱིས།། ནལ། ་མར་འགྱུར་བར་ཐེ་ཚོམ་མེད།། གུང་མོས་བྱུགས་པ་ཙམ་གྱིས་ནི།། ཤིན་ཏུ་ངོ་མཚར་བྱེད་འགྱུར་ཏེ།། ཕེག་བརྡབས་བདུན་གྱི་སྒྲ་ཚད་དུ།། ནག་པོ་འབར་བྱེད་རྩེ་མོ་ཡིས།། སྤྲིན་རྣམས་ཐམས་ཅད ་འཐོར་བར་འགྱུར།། འདི་ལྟའི་རུང་པ་རྙེད་པར་དཀའ།། ལག་པ་གཡོན་པས་མཉེས་ཙམ་གྱིས།། སྐད་ཅིག་དེ་ལ་མི་རུ་འགྱུར།། མཐེ་བོང་གིས་ནི་དྲད་པ་ཡི།། བདག་ཉིད་ཆེན་པོ་བྱུགས་ཙམ་གྱིས།། ་གཟུགས་བརྙན་མཚན་མ་རི་དང་ཤིང་།། གཞན་དག་གང་ཡང་རུང་བ་རྣམས།། ཁྲོ་བའི་ལྟ་བས་བལྟས་ཙམ་གྱིས།། དུམ་བུ་སྟོང་དུ་འགྱུར་བ་ཡིན།། གཡོན་པས་མཉེས་པ་ཙམ་གྱིས་ནི། ་རྣམསར་འགྱུར་བར་ཐེ་ཚོམ་མེད།། མཐེན་རྒྱང་གིས་ནི་མིག་བྱུགས་ན།། གང་ཅིས་དེ་ལ་མི་སྲང་འཟུར།། སངས་རྒྱས་ཀྱིས་ཀྱང་གཟིགས་མི་འགྱུར།། གད་ཅིགསམ་ཅུ་གསུམ་སུ་མཐོས། ་མཛོད་པ་བུད་མེད་རྫས་ཉིད་དང་།། དངོས་པོ་གང་དང་གང་འདོད་པ།། དུད་པའི་བདག་ཉིད་ཆེན་པོ་ཡིས།། སྐད་ཅིག་དེ་ལ་འབྲོག་པར་འགྱུར།། འདི་ལ་བུ་ཡི་དུད་མཆོག་གི། སྦྱོར་བ་རྣ ་ཚོགས་ལེགས་པར་བཤད།། དེ་ནི་མིག་ལ་བྱུགས་ཙམ་གྱིས།། རང་གི་གཟུགས་ནི་སྒྱུར་བར་བྱེད།། དུད་པ་འདི་ནི་བླུགས་ཙམ་གྱིས།། རིག་པ་འཛིན་པའི་གཙོ་བོར་འགྱུར།། བྱ་རོག ་འུག་པ་བྱ་རྒོད་དང་།། སྦྲུལ་དང་ཁྱི་དང་ཅེ་སྤྱང་དང་།། སྟག་དང་གུང་དང་བྱི་ལ་དང་།། སྦྲང་བུ་གླང་པོ་བོང་བུ་རུ།། དེ་ལྟར་དུད་པ་ཆེན་པོ་ཡིས།། སྣ་ཚོགས་པ་ཡི་ལས་བྱེད་པའོ།། ཀུན་ལ ་ལས་ཀུན་ཡོད་མོད་ཀྱི།། སྦྱོར་བ་འབྲའ་ཞིག་རྙེད་པར་དཀའ།། སྦྱོར་བ་གླེགས་བམ་ལ་མ་བྲིས།། བླ་མའི་ཞལ་ནས་ཤེས་པར་བྱ།། དེ་ནས་ཡང་དག་རབ་བཤད་དེ།། སྦྱོར་བ་ཤིན་ཏུ་རྙེད་དཀའ ་གསྔགས་དང་རུས་པའི་སྦྱོར་བ་ཡིས།། རྟག་ཏུ་སྣ་ཚོགས་ལ་ས་བྱེད་དོ།། གླང་པོའི་རུས་པས་གསད་པའི་སྦྱོར་བ་བྱའོ།། ཨོཾ་བུདྡྷ་ཀཱ་པཱ་ལི་ནྣ་སྣི་དྷུ། ཏ་ཡི་རུས་པས་བསྐྲད་པ་རྙེད་པར ་དཀའ་བ་བྱའོ།། ཨོཾ་བུདྡྷ་ཀ་པཱ་ལི་ནཱི་ཁཾ་ཧྲཱིཿཧཱུཾ་ཕཊ། བ་གླང་གི་རུས་པས་དགྲའི་སྙིང་ཀར་ཕུར་བུ་གདབ་པར་བྱའོ།། ཨོཾ་བུདྡྷ་ཀ་པཱ་ལི་ནཱི་ཏྲཾ་ཧྲཱིཿ། ཁྱིའི་རུས་པས་རེངས་པ་ཆེན་པོ་བྱ་བར་གསུངས ་སོ།། ཨོཾ་བུདྡྷ་ཀ་པཱ་ལི་ནཱི་ཨོཾ་ཨཱཿཧཱུཾ་ཕཊ། རུས་པ་ཆེན་པོས་ནི་དགུག་པར་བྱའོ།། ཨོཾ་བུདྡྷ་ཀ་པཱ་ལི་ནཱི་ཧྲཱིཿབོ་ཥཊ། བོང་བུའི་རུས་པས་རྨོངས་པར་བྱའོ།། ཨོཾ་བུདྡྷ་ཀ་པཱ་ལི་ནཱི་བྲུཾ་ཧཱུཾ། འུག་པའི ་རུས་པས་དབང་དུ་བྱའོ།། ཨོཾ་བུདྡྷ་ཀ་པཱ་ལི་ནཱི་ཏཱ་ཧྲཱིཿཧཱུ~ཾ། བྷུ་རྒོད་ཀྱི་རུས་པས་དབྱེ་བར་བྱའོ།། ཨོཾ་བུདྡྷ་ཀ་པཱ་ལི་ནཱི་ཧཱ་ཕཊཿཊུ། བོང་བུའི་རུས་པས་རེངས་པར་བྱའོ།། ཨོཾ་བུདྡྷ་ཀ་པཱ་ལི་ནཱི་བཛྲི། ་ཏྲཻཅེ་སྤྱང་གི་རུས་པས་གཡུལ་ལས་རྒྱལ་བར་བྱེད་དོ།། ཨོཾ་བུདྡྷ་ཀ་པཱ་ལི་ནཱི་བྷ་ག་ཝ་ཏི་དྷ་ར་དྷ་ར་ཧ་ཧེ་ཧོ་ཧ་ཧ། མ་ཧེའི་རུས་པས་དགའ་ཞིང་རྩེ་བས་ལོ་བཅུ་གཉིས་སུ་ཉིན་དང་མཚན་དུ་དེའི ་བྱང་ཆུབ་སེམས་མི་ལྟུང་ངོ་།། ཨོཾ་བུདྡྷ་ཀ་པ་ལི་ནཱི་ར་མ་ར་མ་ཀྲི་ཊ་ཀྩི་ཊ་ཧཧ། སྦྲུལ་གྱི་རུས་པས་ཤིང་རྩ་ནས་འདོན་ནོ།། ཨོཾ་པྲདྡྷ་ཀ་པཱ་ལི་ནརི་ཥཝ་ཏ་ཊ། རྦ་ཏ་ཡ་\ུ0f7f ་ས་མ་ཏ་སྥོ་ཊ་ཡ་སྥོ་ཊ་ཡ་ཨུཏ་པ་ཊ་ཡ་ཧཱུཾ་ཕཊ། སྟག་གི་རུས་པས་རི་འདེགས་པར་བྱེད་དོ།། ཨོཾ་པྲདྡྷ་ཀ་པཱ་ལི་ཙྪི། གྷཱ་ར་གྷ་ར། མཊ་མཊ། ཏྲ་ཊ་ཡ་ཏཱཊ་ཡ། གྷ་ཊཱ་པ་ལ་གྷབྷཱ་པ་ཡ། ཨཱ་ཊ་པྲུ་\ུ0f7f ་མོ་ཊ་མོ་ཊ་ཡ་སཾ་ཀྲ་མ་ཡ་ཧྲཱིཿདྷུ་ཧཱུ~ཾ་ཕཊ། ལྕགས་ཀྱུས་ནི་ནགས་སྟུག་པོ་སྟོངས་པར་བྱེད་དོ།། ཨོཾ་བྲྀདྡྷ་ཀ་པཱ་ལི་ནཱི་བཛིན་ཤ་ཡཱ་མ་ར་ཡེ། བྷུ་ཊ་བྷུ་ཊི་ནི་སརྦ་བ་ན་ཡ་ཏིར་ཏྲེ་ཡེ་ཡ~ཾ་ཏ་ཊཱ་ཡ་བི་རྦབ་པ། ་ཙ་མོ་ཙ་མ། བྷྲ་མ་ཡ་བྷྲ་མ་ཡ། བྷོ་བྷ་ག་ལ་ཏི་ཨེ་ཨེ་ཏ་ཊ་ཧཱུཾ་ཕཊ། སེམས་གཅིག་དྲི་མེད་མེ་ལོང་བཞིན།། གང་བསམས་དེ་ཡང་གཟུགས་བརྙན་དང་།། རྨི་ལམ་ལྟ་བུར་ཤེས་མོད་ཀྱི།། འོན་ཀྱང་། ་རྣམ་པར་རྟོག་པས་གསུངས།། སངས་རྒྱས་ཐོད་པ་ཞེས་བྱ་བའི་རྣལ་འབྱོར་མའི་རྒྱུད་བླ་ན་མེད་པའི་གསང་བའི་ཡང་ཤིན་ཏུ་གསང་བ་ལས། སྔགས་སྣ་ཚོགས་ཀྱི་རབ་ཏུ་སྦྱོར་བའི་ལེའུ་སྟེ ་བཅུ་གཉིས་པའོ།། ། དེ་ནས་ཡང་དག་རབ་བཤད་པ།། རྣམ་དག་ལེའུ་རབ་རྙེད་དཀའ།། ནེ་ནེ་མོ་དང་ཚ་མོ་དང་།། མ་དང་བུ་མོ་ཆུང་མ་ཉིད།། གལ་ཏེ་ཕྱག་རྒྱ་ཆེ་འདོད་ན།། ་ཤེས་རབ་ཅན་གྱིས་འདི་དག་སྤྱད།། གསུང་མོ་དང་ནི་གར་མཁན་མ།། ཁྲུས་མཁན་མ་དང་གཏུམ་མོ་ཡི།། བུ་མོ་ཀོ་བ་བྱེད་པར་གསུངས།། བློ་དང་ལྡན་པས་འདི་དག་སྤྱད།། དེ་ལྔ་རྣལ་འབྱོར། ་མ་ཡི་མཆོག། དེ་ནས་ཡང་དག་རབ་བཤད་པ།། མ་དག་པ་ཡི་སེམས་སྦྱང་ཕྱིར།། མིག་ནི་སྲིང་མོར་གྱུར་པ་སྟེ།། རྣ་བ་ཚ་མོ་ཉིད་ཡིན་ནོ།། སྣ་ནི་མ་རུ་འགྱུར་བ་སྟེ།། ལྕེ་ནི་བུ་མོ་ཉིད་ཡིན་ནོ།། ་ཡིད་ནི་ཆུང་མར་འགྱུར་བ་སྟེ།། ལྔ་པོ་དེ་རྣམས་མཆོག་ལྷ་མོ།། ཕྱག་རྒྱ་ཆེན་པོ་རབ་སྟེར་མའོ།། གཏི་མུག་གར་མཁན་མ་རུ་འགྱུར།། ཞེ་སྡང་གཡུང་མོ་ཉིད་ཡིན་ནོ།། འདོད་ཆགས་ཁྲུས ་མཁན་མ་ཡིན་ཏེ།། ང་རྒྱལ་གཏུམ་མོ་ཉིད་ཡིན་ནོ།། ཕྲག་དོག་ཀོ་བ་བྱེད་མའོ།། ལྔ་པོ་དེ་རྣམས་བུད་མེད་མཆོག། གཟུགས་ལས་གཏི་མུག་སྐྱེ་བ་སྟེ།། སྒྲ་ལས་ཞེ་སྡང་སྐྱེ་བ་ཡིན།། དྲིལ ་ལོངས་སྤྱོད་པས་འདོད་ཆགས།། རོ་ལས་ང་རྒྱལ་ཉིད་ཡིན་ཏེ།། རེག་བྱ་ལས་ནི་ཕྲག་དོག་སྐྱེ།། སེམས་ཀྱི་དག་པ་ཉིད་ཡིན་ནོ།། དེ་ཕྱིར་རྣལ་འབྱོར་བློ་ཆེན་གྱིས།། ཤིན་ཏུ་སྦྱོར་བའི་སེམས་། ་ཀྱིས་ནི།། སྐྱེ་འདིར་དངོས་གྲུབ་མ་ཐོབ་ཀྱང་།། སྐྱེ་གཞན་སྲིད་པར་དངོས་གྲུབ་འཐོབ།། ཇི་ལྟར་དངོས་པོ་མེད་པར་བསྒོམ།། ཇི་ལྟར་དངོས་པོ་བསྒོམ་པར་བྱ།། དངོས་པོ་བསྒོམ་བྱ་ཇི ་ལྟར་འགྱུར།། སྲིང་མོའི་གཟུགས་ནི་ཇི་ལྟར་ཡིན།། དཀར་མོ་ལྗང་ཀུའི་སྔོན་མོའི་མདོག། འདི་ལྟའི་གཟུགས་དང་ལྡན་པར་ནི།། དག་པའི་སེམས་ཀྱིས་བལྟ་མི་བྱ།། ཚ་མོས་ཇི་ལྟར ་སླ་ཐོས་པའི།། སྤ་ཟགས་པ་ནི་རྣམ་གསུམ་ཉིད།། འདི་ལྟའི་སྦྱོར་དང་ལྡན་པར་ནི།། དག་པའི་སེམས་ཀྱིས་མཉན་མི་བྱ།། རབ་སྦས་སྐྱེས་མ་གང་ཡིན་དེས།། དེ་ནི་རྣམ་པ་གསུམ། ་བལྟས་པ།། ལྷ་མིར་ཡིད་དང་ལྡན་པ་ལ།། ཇི་ལྟར་འདོད་ཆགས་སྐྱེ་བར་འགྱུར།། ལྕེ་དང་ལྷན་ཅིག་ལོངས་སྤྱོད་རྫས།། རོ་དྲུག་མྱངས་པ་ཅི་འདྲ་བ།། མྱངས་པས ་ལོངས་སྤྱོད་ལྡན་པ་ཡི།། མྱངས་པའི་གཟུགས་ནི་ཇིས་བུ།། ཡིད་ཀྱིས་ལོངས་སྤྱོད་དགའ་དེ་ཉིད།། ཡིད་ཀྱིས་གཉིས་ཀ་སྤྱད་པས་བདེ།། དེར་ནི་རྟག་པ་ཡོད་མ་ཡིན།། དངོས་པོ་ལས་ནི་དངོས ་མེད་ཡོད།། དངོས་མེད་ལ་ཡང་དངོས་པོ་ཉིད།། དངོས་དང་དངོས་མེད་གཉིས་ཀ་སྟོང་།། འདི་དག་སེམས་ཀྱི་དག་པ་ཉིད།། དེ་ནས་གཞན་ཡང་རབ་བཤད་པ།། ཕྱི་ཡི་ལུས་ནི་སྦྱང་ཕྱིར་རོ།། ་ལྷ་དང་ལྡན་པ་སྙིང་རྗེ་སྟེ།། འཁྱུད་པ་བྱམས་པར་འགྱུར་བའོ།། དྲུད་པའི་སྦྱོར་བའི་བདག་ཉིད་ནི།། དགའ་བ་ཡན་ལག་མ་ཡི་མཆོག། གཉིས་ཀ་འདུས་ལས་གང་འཛག་པ།། དེ་ནི་བདག། ་གིས་བཏང་སྙོམས་གསུངས།། དེ་ལྟར་དངོས་པོའི་སྦྱོར་ལྡན་པ།། ཇི་ལྟར་འདོད་ཆགས་ཀྱིས་འཆིང་འགྱུར།། མཐོང་བ་ལས་ནི་འདོད་ཆགས་སྐྱེ།། འཁྱུད་ལས་འབྲས་བུ་ཅུང་ཟད་ཙམ།། ་དྲུད་པ་ལས་ནི་དགའ་བ་སྐྱེས།། ཀུན་གྱི་མཐའ་མར་དགའ་བྲལ་ལོ།། དེ་ལྟར་དགའ་དང་དགའ་ཐལ་འབྲས།། ཁམས་གསུམ་པ་ལས་སྐྱེ་བར་འགྱུར།། རབ་འགའ་སེམས་ཀྱི་སྦྱོར་བ ་ཡིས།། དངོས་པོ་གསུམ་གྱིས་འཆིང་མི་འགྱུར།། བཟའ་དང་བཏུང་བ་གང་ཅིའང་རུང་།། བདེ་བ་འབབ་པའི་ཁ་ཟས་རྣམས།། དེ་ཀུན་བཤང་དང་གཅི་སོགས་སུ།། རྣལ་འབྱོར་རིག་པས། ་རྟག་ཏུ་བརྟག། གང་ཅི་རུང་བའི་དགའ་རྩེད་འཇོ།། འཁྱུད་པ་དང་ནི་འོ་བྱེད་དང་།། ཉིད་དང་འཆིར་བ་ཉིད་ཀྱིས་ནི།། ཕྱག་རྒྱ་ཆེན་པོའང་མཐོང་བར་འགྱུར།། འདི་ལྷའི་སྒོམ་དང་ལྡན ་པས་ནི།། འདི་རུ་འགྲུབ་པར་ཐེ་ཚོམ་མེད།། རྣལ་འབྱོར་མེ་ལྔས་སངས་རྒྱས་ཀྱི།། དཔལ་དང་ཕྱག་རྒྱ་ཆེ་སྟེར་བྱེད།། རྣལ་འབྱོར་པ་ཡིས་དེ་མཆོད་ན།། འདོད་པ་རྣམས་ཀྱིས་གོས་མི ་འགྱུར།། ཕྲག་དོག་ལ་སོགས་ཀྱིས་སྔགས་ཀྱང་།། དེ་ལ་ཉེས་པས་གནོད་པ་མེད།། རྣལ་འབྱོར་པ་ཡི་མཆོག་དེ་ཉིད།། སྲིད་པའི་ཉེས་པས་གོས་མི་འགྱུར།། ཇི་སྲིད་ཁམས་ཕྱེ ་དོམ་གསོར།། སངས་རྒྱས་སྐུ་སྲིད་སྡིག་དང་བྲལ།། བྱང་ཆུབ་སེམས་ནི་འཛག་མེད་པ།། གང་ཚེ་ཕུན་སུམ་ཚོགས་པའི་ཤིང་།། སངས་རྒྱས་ཐོད་པ་ཞེས་བྱ་བའི་རྣལ་འབྱོར་མའི ་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས། སེམས་རྣམ་པར་དག་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་དག་རབ་བཤད་པ།། སྣ ་ཚོགས་སྡེ་མས་བསྔགས་པའི་ལེའུ།། དེ་ལྟར་ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་དང་། རི་རབ་ཀྱི་རྡུལ་ཕྲ་རབ་སྙེད་དང་མཚུངས་པའི་རྣལ་འབྱོར་མ་རྣམས ་སྤྱན་དྲངས་ཤིང་མགུ་བའི་སེམས་ཀྱིས་སྣ་ཚོགས་བདེ་མ་ལ་བཏུད་དེ་བསྟོད་པ།། ཀྱི་མའོ་བཅོམ་ལྡན་འདས་ལྷ་མོ།། སངས་རྒྱས་ཐམས་ཅད་སྐྱེད་བྱེད་མ།། དཔལ་དང་གྲགས་པ ་ཆེ་ཞིང་འཇིགས།། སེམས་ཅན་ཀུན་ལ་ཕན་མཛད་མ།། ལྷ་མོ་སྙིང་རྗེ་ཆེ་ལྡན་མ།། ཕྱག་ཏུ་ཆེན་པོ་བློ་ཆེན་མ།། དོན་ཆེན་འབྲས་བུ་སྐྱོན་མཛད་མ།། སངས་རྒྱས ་ཐོད་པ་ཡི་ནི་རྒྱུད།། རྡོ་རྗེ་འཆང་གིས་སྦས་པ་དང་།། སངས་རྒྱས་རྣམས་ཀྱིས་མ་གསུངས་ཤིང་།། བྱང་ཆུབ་སེམས་དཔའི་ཡུལ་མིན་པ།། གསུངས་གཅིག་གིས་ནི་གསལ་མཛད་དེ། ་དེ་ནི་ལྷ་མོ་ཁྱོད་ཀྱིས་གསུངས།། ཨེ་མའོ་སྣོད་ཆེན་ལྷ་མོ་ཁྱོད།། རྣལ་འབྱོར་མ་ཀུན་བསྡུས་བྱས་པ།། དེ་བཞིན་གཤེགས་ཀུན་ཡུལ་མིན་པ།། རྙེད་དཀའ་དངོས་གྲུབ་གང་ཡིན་པ། ་དེ་ནི་ལྷ་མོས་གསལ་བར་མཛོད།། གསུངས་པ། རྣལ་འབྱོར་མ་ནི་ཐམས་ཅད་ཉོན།། བྱང་ཆུབ་སེམས་དཔའ་ཐམས་ཅད་དང་།། འདོད་ཆགས་བྲལ་དང་བདག་ཆེན་ཉོན།། སངས་རྒྱས ་དེ་བཞིན་གཤེགས་པ་ཉོན།། ཀླུ་དང་ལྷར་བཅས་མི་རྣམས་ཉོན།། རྒྱུད་རྒྱལ་འདི་ནི་བཀླགས་ཙམ་གྱིས།། བསོད་ནམས་གང་ཡིན་དེ་ཀུན་གྱི།། བསོད་ནམས་རྗེས་རང་ཡོངས་སུ་བསྔོ།། ་ཕྱག་རྒྱ་ཆེན་པོའི་དོན་དུ་ནི།། སངས་རྒྱས་ཡོན་ཏན་རྣམ་པ་དབུལ།། སྔགས་དོན་ཟབ་མོ་རྣམས་དང་ནི།། སྦྱོར་བ་ཤིན་ཏུ་རྙེད་དཀའ་བ།། གང་ཞིག་གསལ་བྱས་བདག་བཟོད་མཛོད།། ་ཤིན་ཏུ་སྦས་པའི་ཡུལ་དེ་ཡང་།། སེམས་ཅན་དོན་དུ་གསལ་བྱས་པས།། རྒྱལ་པོའི་མཆོག་རྣམས་བདག་བཟོད་མཛོད།། དེ་ནས་ཡང་དག་རབ་བཤད་པ།། སྔགས་ཀྱི་བཟླས་པ། ་སྟོབས་པོ་ཆེ།། གལ་ཏེ་དངོས་གྲུབ་མཆོག་འདོད་ན།། སངས་རྒྱས་ཐོད་སྦྱོར་བཟང་པོ་བཟླ།། ཨོཾ་ཧྲཱིཿབུདྡྷ་ཧཱུཾ་ཀ་པཱ་ལཱི་ནཱི་ཨཱཿའཇུག་པ་ལ་ཡོ། འབྱུང་བ་ལ་ཧྲཱིཿགནས་པ་ལ་བུདྡྷ། བདེ ་བ་ལ་ཧཱུཾ། ནུབ་པ་ལ་ཀ་པཱ་ལི་ནཱི། ལྡང་བ་ལ་ཨཱཿའོ།། དེ་ལྟར་བཟླས་པར་རབ་རྙེད་དཀའ།། སངས་རྒྱས་ཐོད་པའི་སྦྱོར་ཆུད་བཟ།། དེ་ལྟར་ཡིད་ཀྱི་བཟླས་ལྡན་པས།། དངོས་གྲུབ ་འཐོབ་པ་ཐེ་ཙོམ་མེད།། ཨོཾ་བུདྡྷ་ཀ་པཱ་ལི་ནི་ཨཱཿཧྲཱིཿཧེ་ཧཱུཾ་ཕཊ། སྙིང་པོའི་སྔགས་སོ།། ཨོཾ་བུདྡྷ་ཀ་པཱ་ལི་ནཱི་བཛྲི་ཎི་ཧོ་ཧཱུཾ། ཨ་དུར་ལཀྵེ་བྷྲཱུཾ་ཕཊ། ཉེ་བའི་སྙིང་པོའི་སྔགས་སོ།། དེ་ནས ་ཡང་དག་རབ་བཤད་པ།། དབང་དུས་ཆོ་ག་ཇི་བཞིན་དུ།། སློབ་མ་དང་བརྟན་གང་ཞིག་གིས།། ཤེས་རབ་མ་ལ་གསོལ་བ་གདབ།། དྲི་ཞིམ་པ་ཡི་དངོས་པོ་ཡིས།། མཎྜལ་རྣམ་པ་ལྔ་བྱས ་ཏེ། སངས་རྒྱས་ཀུན་གྱི་རྒྱན་བྱས་པ།། ལྷ་མོ་ཆེ་ལ་གསོལ་བ་གདབ།། ཞལ་དུ་བཟའ་བའི་རྫས་མཆོག་བཏབ།། རྫས་དེ་རྣམས་ནི་གསོལ་བ་དང་།། ཡིད་ནི་ཚོམ་ཞིང་ཐུགས་དགྱེས་སོ།། ་ལྷ་མོ་དགྱེས་པར་མཐོང་ནས་ནི།། ཚིག་འདི་དག་གིས་སྨྲ་བར་བྱེད།། རྣམ་པར་རྟོག་པ་མང་པོ་ཡིས།། གཡོགས་པའི་བག་ཆགས་རབ་ལྡན་པ།། འཁོར་བའི་འདམ་དུ་བྱིང་བ་དག། མཛེས་མ ་ཁྱོད་ཀྱིས་སྐྱོབ་པར་མཛོད།། གྲགས་ཆེན་སྙིང་རྗེ་ལྡན་པ་ཡི།། ཝ་མོ་དེ་ནི་ཞི་བར་མཛོད།། དེར་ནི་རྒྱན་རྣམས་ཐམས་ཅད་དང་།། སླེབ་སྲུབ་རྒྱན་རྣམས་དབུལ་བར་བྱ།། དད་པ་བརྟན་པའི། ་སེམས་ཀྱིས་ནི།། དེ་ནས་བདག་ཉིད་དབུལ་བར་བྱ།། སྣ་ཚོགས་ཟས་དང་སྣ་ཚོགས་བཏུང་།། དེ་ཡི་མདུན་དུ་དབུལ་བར་བྱ།། གང་གིས་ཤེས་རབ་མ་མཉེས་པ།། སངས། ་རྒྱས་ཐམས་ཅད་ཀྱིས་ནི་མཆོད།། འདི་ཉིད་ལ་ནི་སངས་རྒྱས་བཞུགས།། གཞན་ཡང་དངོས་གྲུབ་གཙོ་བོ་དང་།། སྙིང་རྗེ་ལྡན་པ་གཞན་གང་ཞིག། མཁའ་འགྲོ་མ་ཀུན་འདི་ལ་བཞུགས།། ་གང་དུ་དབང་པོ་འགགས་གྱུར་པ།། བདག་རྟོག་རང་བཞིན་ཉམས་པ་སྟེ།། ཀྱེ་དེ་ལྷན་ཅིག་སྐྱེས་དགར་གྱུར།། བླ་མའི་ཞལ་སྔ་གསལ་བར་ཞུས།། གང་ཞིག་འཚར་དུས་ཚེན་དཔའ་བོ་དང་། ་ཡུལ་མཉམ་རུབ་གྱུར་དེ་ལ་ཕྱག་འཚལ་ལོ།། མཁས་པ་རྣམས་ཀྱི་སྙིང་སྦས་སུ་སད་ལ།། ཕྱིས་ནི་མངོན་དགའ་རྒྱལ་བའི་མཛེས་སྐུ་གཅིག། སངས་རྒྱས་ཐོད་པ་ཞེས་བྱ་བའི་རྣལ་འབྱོར་མའི ་རྒྱུད་བླ་ན་མེད་པ་གསང་བའི་ཡང་ཤིན་ཏུ་གསང་བ་ལས། སྔགས་ཀྱི་བཟླས་པ་དང་། ཤེས་རབ་མ་ལ་གསོལ་བ་གདབ་པ་དང་། རྒྱུད་ཐམས་ཅད་ཀྱི་གླེང་བཞིའི་ལེའུ་སྟེ་བཅུ་བཞི་པའོ།། ། ་འདི་གསུངས་ནས་སྣ་ཚོགས་སྡེ་མ་ལ་སོགས་པའི་རྣལ་འབྱོར་མ་ཐམས་ཅད་དང་། ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་རང་རང་གི་གནས་ན་འདུག་སྟེ། ་ཅིའང་མི་གསུངས་པར་བཞུགས་སོ།། སངས་རྒྱས་ཐོད་པ་ཞེས་བྱ་བའི་རྒྱུད་རྣལ་འབྱོར་མ་ཆེན་མོས་གསུངས་པ་མཆོག་ཏུ་གསང་བ་རྫོགས་སོ།། །། རྒྱ་གར་གྱི་མཁན། ་བོ་ཤྲཱི་ག་ཡ་དྷ་ར་དང་། བོད་ཀྱི་ལོ་ཙཱབ་གྱི་རྫོ་ཟླ་བའི་འོད་ཟེར་གྱིས་བསྐུར་ཅིང་ཞུས་ཏེ་གཏན་ལ་ཕབ་པ། རྒྱ་གུར་སྐད་དུ། མ་ཧཱ་མཱ་ཡཱཏྟརྠ། ་