| Wylie | e-texts produced with BDRC’s OCR application |
དག་པར་ཡོད་པས་ཡིད་ཆེས་ཀྱི་གནས་སོ།། གཞན་འཁྲུགས་ཆད་ཡོད་པ་མང་བར་སྣང་སྟེ་གླེགས་བམ་མང་དུ་བལྟས་སོ།། །། 6 ་རྒྱ་གར་སྐད་དུ། ད་ཤ་སམ་ཛྙཱ་དེ་ཤ་སཱུ་ཏྲ། བོད་སྐད་དུ། འདུ་ཤེས་བཅུ་བསྟན་པའི་མདོ། དཀོན་མཆོག་གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། ་བཅོམ་ལྡན་འདས་ཀུ་ཤའི་གྲོང་ཁྱེར་གྱུད་ཀྱི་ཉེན་ཀོར་ཤིང་སཱ་ལ་ཟུང་གི་ཚལ་ནུ་བཞུགས་ཏེ། ཡོངས་སུ་མྱ་ངན་ལས་འདའ་བུར་དགོངས་པའི་དུས་ཀྱི་ཚེ། བཅོམ་ལྡན ་འདས་ཀྱིས། འཁོར་བཞི་པོ་རྣམས་ལ་བཀའ་སྩལ་པ། དགེ་སློང་དག་འཆི་ཀའི་དུས་ཀྱི་ཚེ། འདུ་ཤེས་བཅུ་མངོན་དུ་བསྒོམ་པར་བྱའོ།། བཅུ་གང་ཞེ་ན། ཚེ་འདིའི་སྤྱོད་ཡུལ་ལ་མ་ཆགས་པའི ་འདུ་ཤེས་དང་། སེམས་ཅན་ཐམས་ཅད་ལ་སྙིང་རྗེ་དང་བྱམས་པའི་འདུ་ཤེས་དང་། ཁོན་དུ་འཛིན་པ་ཐམས་ཅད་ཡོངས་སུ་འདོར་ཞིང་སྤོང་བའི་འདུ་ཤེས་དང་། ཚུལ་ཁྲིམས་འཆལ་ཅིང་ཉམས་པ། ་ཐམས་ཅད་བཤགས་ཤིང་ཚུལ་ཁྲིམས་ཐམས་ཅད་ཡང་དག་པར་བླང་བའི་འདུ་ཤེས་དང་། བདག་དང་གཞན་གྱིས་ཉེས་པ་ཆེན་པོ་བྱས་པ་དག་ལ་ཡང་བའི་འདུ་ཤེས་དང་། བདག་དང་གཞན་གྱིས ་དགེ་བའི་རྩ་བ་ཆུང་ངུ་བྱས་པ་དག་ལ་འབྲས་བུ་དང་ཕན་ཡོན་དེ་ཆེ་བའི་འདུ་ཤེས་དང་། འཇིག་རྟེན་ཕ་རོལ་ཏུ་ཕྱིན་པའི་ངག་ལ་མི་སྐྲག་ཅིང་འཇིགས་པ་མེད་པའི་འདུ་ཤེས་དང་། འདུ་བྱེད་ཐམས་ཅད ་ལ་མི་རྟག་པའི་འདུ་ཤེས་དང་། ཆོས་ཐམས་ཅད་ལ་བདག་མེད་པའི་འདུ་ཤེས་དང་། མྱ་ངན་ལས་འདས་པ་ནི་བདེ་བ་དང་ཞི་བའོ་སྙམ་དུ་འདུ་ཤེས་པ་མངོན་པར་བསྒྲུབ་པར་བྱའོ།། ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགེ་སློང་དག་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འདུ་ཤེས་བཅུ་བསྟན་པའི་མདོ ་རྫོགས་སོ།། @རྒྱ་གར་སྐད་དུ། ཤཱ་རྡུལ་ན་ཨ་བ་དྷཱན། བོད་སྐད་དུ། སྟག་ནའི་རྟོགས་པ་བརྗོད་པ། སངས་རྒྱས་དང་བྱང་ཆུབ་སེམས། ་