Wylie

e-texts produced with BDRC’s OCR application

རྒྱལ་པོའི་མདོ་ཞེས་བྱ་བ། ཐེག་པ་ཆེན་པོའི་མདོ་རྫོགས་སོ།། @#རྒྱ་གར་གང་དུ། ཨཱམྱ་སུ་པཱ་ལ་ཀོའུ་ཤ་ལྱ་ནཱ་མ་མ་ཧཱ་ལཱན་སཱཏྲ། དོད་སྐད་དུ། ་འཕགས་པ་ཐབས་མཁས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ།། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ་འདི་སྐད་བདག་གིས་ཐོས་པ་དུས་གཅིག་ན།། བཅོམ་ལྡན་འདས་མཉན་དུ་ཡོད་པ་ན། འཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་བརྒྱད་ཁྲི་བཞི་སྟོང་གི་དགེ་འདུན་ཆེན་པོ་དང་། ་ཐབས་གཅིག་ཏུ་བཞུགས་སོ།། བྱང་ཆུབ་སེམས་དཔའ་མངོན་པར་ཤེས་པ་གཟུངས་ཐོབ་པ། སྤོབས་པ་ཐོགས་པ་མེད་པ། ཁྲི་དྲུག་སྟོང་དང་ཡང་ཐབས་གཅིག་སྟེ། ཡང ་དེའི་ཚེ་ན། བཅོམ་ལྡན་འདས་ནང་དུ་ཡང་དག་འཇོག་ལས་བཞེངས་པར་གྱུར་ཏེ། འཁོར་བརྒྱ་སྟོང་དུ་མས་བསྐོར་ཞིང་མདུན་དུ་བདར་ནས་ཆོས་འཆད་དོ།། ཡང་དེའི་ཚེ་ན། བྱང་ཆུབ ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་མ་ཞེས་བྱ་བ་ཞིག་འཁོར་དེར་འོངས་ཏེ་འདུག་པར་གྱུར་ཏོ།། དེ་ནས་བྱང་ཆུབ་སེམས་དཔའ་སེམས་དཔའ། ་ཆེན་པོ་ཡེ་ཤེས་བླ་མས་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བབཏུད་ནས་བཅོམ ་ལྡན་འདས་ལ་འདི་སྐད་ཅེས་གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བདག་ལ་སྐབས་ཕྱེན་བཅོམ་ལྡན་འདས་ལ་བདག་ལ་ཕྱོགས་འགའ་ཞིག་ཞུའོ་ཞེས་དེ་སྐད་གསོལ་བ་དང ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་མ་ལ། རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པ་ལ་ཅི་དང་ཅི་འདོད་པ་དྲིས་ཤིག་དང་། དྲིས་པ་ལུང་བསྟན་པ ་དེ་དང་དེ་ཉིད་ཀྱིས་ངས་ཁྱོད་ཀྱི་སེམས་རངས་པར་བྱའོ་ཞེས་དེ་སྐད་ཅེས་བཀའ་སྩལ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཡེ་ཤེས་བླ་མས་འདི་སྐད་ཅེས་གསོལ་ཏོ།། ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐབས་མཁས་པ་། ཐབས་མཁས་པ་ཞེས་བགྱི་བའི་ཐབས་མཁས་བདེ་གང་ལགས། དེ་སྐད་ཅེས་གསོལ་པ་དང ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་མ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་འདི་ལ་བྱང་ཆུབ་སེམས་དཔའ་སེམས་དཔའ ་ཆེན་པོ་ཐབས་མཁས་པ་ནི་ཟས་ཁམ་གཅིག་གིས་ཀྱང་སེམས་ཅནྡན་ཐམས་ཅད་ལ་ཁྱབ་པར་བྱེད་དོ།། དེ་ཅིའི་ཕྱིར་ཞེ་ནུ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས ་མཁས་པ་ནི། བྱོལ་སོང་དུ་གཏོགས་པའི་ལ་ཟས་ཁམས་གཅིག་སྦྱིན་པར་བྱེད་པ་དེ་ཡང་ཐམས་ཅད་མཁྱེན་པ་ཉིད་ཀྱི་སེམས་དང་ལྡན་པ་ཡིན་ཏེ། དགེ་བའི་རྩ་བ་དེ་ཡང་སེམས་ཅན་ཐམས་ཅད ་ལ་བསྔོའོ།། དེ་ནི་རྒྱུ་གཉིས་ཀྱིས་སེམས་ཅན་ཐམས་ཅད་ལ་ཁྱབ་པར་བྱེད་དོ།། གཉིས་པོ་གང་ཞེ་ན། ཐམས་ཅད་མཁྱེན་པ་ཉིད་ཀྱི་སེམས་དང་བསྔོའོ།། རིགས་ཀྱི་བུ་གཞན་ཡང་བྱང་ཆུབ ་སེམས་དཔའ་སེམས་དཔའ་ཆེན་པོ་ཐབས་མཁས་པ་ནི་ཕ་རོལ་གྱི་དགེ་བའི་རྩ་བ་ལྔ་ཡིད་རང་བར་བྱེད་དོ།། ཡིད་རུང་བར་བྱས་ནས་སེམས་ཅན་ཐམས་ཅད་ལ་བསྔོ་སྟེ། ཐམས་ཅད་མཁྱེན ་བའི་སེམས་དེས་སྦྱིན་པར་བྱེད་པ་དང་། སྦྱིན་པའི་བདག་པོ་དེ་དག་ཟིལ་གྱིས་གནོན་ཏོ།། གང་ལེན་པར་བྱེད་པ་དེ་དག་ཀྱང་ཟིལ་གྱིས་གནོན་ཏོ།། རིགས་ཀྱི་བུ་གཞན་ཡང་བྱང ་ཆུབ་སེམས་དཔའ་ཐབས་མཁས་པ་ནི་ཕྱོགས་བཅུན་ཤིང་ལས་བྱུང་བའི་མེ་ཏོག་གང་ཅི་ཡོད་པ་ཕྲ་མོ་ཡོངས་སུ་མ་བླངས་པ་རྣམས་དང་། ཕྱོགས་བཅུ་ན་གང་སྤོས་ཀྱི་ཤིང་ཡོད་པ ་རླུང་གིས་ཁྱེར་བ་ཡོངསུ་མ་བླངས་པ། བདག་པོ་མེད་པ་དེ་དག་ཀྱང་། སངས་རྒྱས་ཐམས་ཅད་ལ་འབུལ་ཞིང་དགེ་བའི་རྩ་བ་དེ་ཡང་ཐམས་ཅད་མཁྱེན་པ་ཉིད་དུ་བསྔོ་བར་བྱེད་དོ།། ་རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མ་ཁས་པ་ནི། ཕྱོགས་བཙུནསམས་ཅན་གང་ཇི་སྐད་བདེ་བའི་ཚོར་བ་མྱོང་བདུ་ཐམས་ཅད་ལ་བདམས། ་རྗེས་སུ་ཡི་རང་བར་བྱེད་དོ།། རྗེས་སུ་ལཾ་རང་ནས་ཨཱ་ལ་མཁྱེན་པ་ཉིད་དུ་བསྔོ་བར་བྱེད་དོ།། གང་སྣང་ཕྱོགས་བཙུན་སེམས་ཅན་སྡུག་བསྔལ་བའི་ཚོར་བ་མྱོང་བ་དེ་ཐམས ་ཅད་ནི་འཆགས་སུ་འཇུག་སྟེ། གང་སེམས་ཅན་དེ་དག་གི་སྡུག་བསྔལ་ནི་བདག་ལ་ཤློག་ཤིག། དེ་དག་ནི་བདེ་བར་གྱུར་ཙོག་ཅེས་དེ་ལྟ་བུའི་གོ་མ་གྱོན་ཞིང་དགེ་བའི་རྩ་བ་དེ་བྱང་ཆུབ ་ཆུ་བལྔ་བར་བྱེད་དོ།། རིགས་ཀྱི་སུ་གཏན་ཡང་བྱང་ཆུབ་སེམས་དཔའི་ཐབས་མཁས་པ་ནྟི་བཞིན་གཤེགས་པ་གཅིག་ལ་ཕྱག་འརྟུལ་ན།། དེ་བཞིན་གཤེགས་པ་ཐམས་ཅད་རྒྱུ ་འཚལ་བར་ང་ལྟར་འཛིན་ཏེ། དེ་ནི་འདི་ལྟར་སློབ་བོ།། སངས་རྒྱས་ཐམས་ཅད་ཀྱི་ཆོས་ཀྱི་དབྱིངས་གཅིག་གོ།། ཚུལ་ཁྲིམས་གཅིག་གོ།། ཏིང་ངེ་འཛིན་གཅིག་གོ།། ཤེས་ས་གཅིག ་གོ།། དགོངས་པ་གཅིག་གོ།། རྣམ་པར་གྲོལ་བ་གཅིག་གོ། རྣམ་པར་གྲོལ་བའི་ཡེ་ཤེས་མཐོང་བ་གཅིག་གོ།། ཞེས་ད་ལྟར་སློབ་ཅིང་། དེ་ལྟར་དེ་བཞིན་གཤེགས་པ་གཅིག་ལ་དྲུག་འཚག ་དེ་བཞིན་གཤེགས་པ་ཐམས་ཅད་ལ་ཕྱག་འཚལ་བར་འཛིན་ཏོ།། དེ་ཐབས་མཁས་པ་དེས་སངས་རྒྱས་གཅིག་ལ་བཀུར་སྟི་བྱས་ནས། སངས་རྒྱས་ཐམས་ཅད་ལ་བཀུར་སྟི་བྱེད ་ཕྱོགས་བཅུའི་སངས་རྒྱས་དེ་དག་ལ་མཆོད་པར་འགྱུར་བ་དེ་སྙེད་ཡོད་པ་དེ་དག་ཐམས་ཅད་ཀྱང་ཡོངས་སུ་ལེན་ཏོ།། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི ་ནམ་ཞིག་ཤེས་རབ་རྨོངས་པ་ཅན་དུ་རེད་ན་ཡང་། དེ་ནི་བདག་ལ་ཡི་མི་གསོད་ཀྱི་གཟེང་བསྟོད་པར་བྱེད་དོ།། ཆུང་ངུ་ན་རྩ་བ་ཚིགས་བཞི་པའི་ཚིགས་སུ་བཅད་པ་གཅིག་ཁ་དོན་དུ་འདོན་ན་ཡང་། ་བ་བཞི་པའི་ཚིགས་སུ་བཅད་པ་གཅིག་གི་དོན་གང་ཡིན་པ་གསུང་རབ་ཏུ་གཏོགས་པ་ཐམས་ཅད་ཀྱི་དོན་ཡང་དེ་ཡིན་ནོ་ཞེས་དེ་དེ་ལྟར་སློབ་ཅིང་། དེས་ཚིགས་སུ་བཅད་པ་དེ་ཁ་དོན་དུ་བྱས་ནས། སེམས ་ནྡན་གང་ཇི་སྙེད་ཀྱིས་བདག་གིས་རྩ་བ་བཞི་པའི་ཚིགས་སུ་བཅད་པ་འདི་ཐོས་པ། དེ་ཐམས་ཅད་སངས་རྒྱས་ཀྱི་སྤོབས་པ་ཐོབ་པར་ཤོག་ཤིག། ཅེས་དེ་ལྟར་མ་ཞུམ་པའི་སེམས ་ཀྱིས་སྨོན་ལམ་འདེབས་ཏེ། དེ་དགེ་བའི་རྩ་བ་དེས་སེམས་ཅན་ཐམས་ཅད་ཀྱི་ཐོས་པ་མཐའ་མེད་པ་དེ་བ་མེད་པ་ཟིལ་གྱིས་གནོན་ཅིང་། སངས་རྒྱས་ཀྱི་སྤོབས་པ་ཡང་ལེན་པར་བྱེད་དོ།། ་རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི་ནམ་ཞིག་གལ་ཏེ་བརྒྱ་ལ་དབུལ་པོར་གྱུར་ན། དེའི་ཚེ་ན་ཆུང་ངུ་ན་གཞན་གྱི་ལས་ཀྱང་བྱས་ནས། ཟས་གཟར་བུ་གང ་ཐོགས་ཏེ་སེམས་མ་ཞུམ་པས་དགེ་འདུན་ནམ་གང་ཟག་ལ་སྦྱིན་པར་བྱེད་དོ།། བྱིན་ནས་ཀྱང་འདི་ལྟར་སློབ་སྟེ། བཅོམ་ལྡན་འདས་ཀྱིས་ས་ཆ་བའི་ཕྱིར་སྦྱིན་པར་ཆེ་བར་འགྱུར་རོ་ཞེས་གསུངས་ཀྱིས ་བདག་གི་སྦྱིན་པ་ཆུང་ངུ་ཟིན་ཀྱང་ཐམས་ཅད་མཁྱེན་པ་ཉིད་ཀྱི་སེམས་ནི་དཔག་ཏུ་མེད་པའོ་སྙམ་ནས། དེ་ཐམས་ཅད་མཁྱེན་པ་ཉིད་ཀྱི་ཟས་གཟར་བུ་གང་པོ་སྦྱིན་པར་བྱེད། ་ཅིང་དགེ་བའི་རྩ་བ་འདིས་སེམས་ཅན་ཐམས་ཅད་འདི་ལྟ་སྟེ་དཔེར་ན་ད་ལྟར་གྱི་དེ་བཞིན་གཤེགས་པ་ཕྱག་ན་རིན་ཆེན་བཞིན་དུ་ཤོག་ཤིག་ཅེས་ཟས་གཟར་བུ་གང་པོ་དེ ་ཉིད་ཀྱིས་སྦྱིན་པའི་རང་བཞིན་དང་། ཚུལ་ཁྲིམས་ཀྱི་རང་བཞིན་དང་། བསྒོམ་པའི་རང་བཞིན་གྱིས་བསོད་ནམས་བྱ་བའི་དངོས་པོ་མངོན་པར་བྱེད་དོ།། རིགས་ཀྱི་བུ་གཞན་ཡང་བྱང་ཆུབ ་སེམས་དཔའ་ཐབས་མཁས་པ་ནི། ཉན་ཐོས་དང་རང་སངས་རྒྱས་རྣམས་དང་། ལྷན་ཅིག་ཏུ་གནས་ཀྱང་དེ་དག་ལ་འདོད་པར་མི་བྱེད་དོ།། གལ་ཏེ་ཡང་ཉན་ཐོས་དང་། རང་སངས ་རྒྱས་དག་ལ་བཀུར་སྟི་བྱས་པ་མཐོང་ན་དེ་རྒྱུ་གཉིས་ཀྱིས་བདག་ཉིད་ཁོང་དུ་ཆུད་པར་བྱེད་དོ།། དེ་རྒྱུ་གཉིས་གང་ཞེ་ན། བྱང་ཆུབ་སེམས་དཔའ་ལས་ནི་སངས་རྒྱས་བཅོམ་ལྡན་འདས ་རྣམས་འབྱུང་། སངས་རྒྱས་ལས་ནི་ཉན་ཐོས་དང་། རང་སངས་རྒྱས་རྣམས་འབྱུང་བས་དེ་དག་ལ་བཀུར་སྟི་བྱས་ནས་བདག་ཉིད་ལ་ཐོག་མ་ཁོ་ནར་བཀུར་སྟི་བྱས་པ་ཡིན་གྱི། དེ་དག་ལ ་ནི་མ་ཡིན་པ་དང་། དེ་དག་ནི་བདག་གི་ཕའི་ནོར་ལ་སྤྱོད་མོད་ཀྱི། དེ་བདག་གིས་འདོད་པར་མི་བྱ། ཕྲག་དོག་ཏུ་མི་བྱ་སྙམ་དུ་སེམས་པའོ།། རིགས་ཀྱི་བུ་གཞན་ཡང་བྱང་ཆུབ ་སེམས་པའ་ཐབས་མབྱས་པ་ནི་སྦྱིན་པ་སྦྱིན་པ་ནི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དོ།། ཇི་ན་མོངས་སུ་རྫོགས་པར་བྱེད་ཅེན་འདི་ལ་བྱུང་ཆུབསེམས་དངས། ་གང་གི་ཚེ། སློང་བ་མཐོང་ན། དེ་སྡེར་རྩཝའི་སེམས་ཚར་གཅོད་པར་བྱེད། གཏོང་བ་ཆེན་པོ་འབྲེལ་བར་བྱེད་དེ། དེ་ནི་དྲིའི་སྦྱིན་པའི་ཕ་རོལ་ཏུ་ཕྱིན་པའོ།། གླང་ཚུལ་ཁྲིམས་དག་པར ་བླངས་ནས། ཚུལ་ཁྲིམས་དང་ལྡན་པ་ལ་སྦྱིན་པར་བྱེད་པ་དང་། གང་དང་ཚུལ་ངན་པ་ས་ད། ཚུལ་ཁྲིམས་ལ་འཇོག་པར་བྱེད་ཅིང་།། སྦྱིན་པ་ཡང་སྦྱིན་པར་བྱེད་པ་དེ་ནི་ངང་ཚུལ་ཁྲིམས་ཀྱི་ཕ་རོལ་ཏུ་ཕྱིན ་པའོ།། གང་བྱམས་པར་སེམས་པ་དང་། སེམས་མ་འཁྲུགས་པ་དང་། ཕན་པར་སེམས་པ་དང་། སེམས་རྩེ་གཅིག་པར་གྱུར་ནས། སྦྱིན་པ་སྦྱིན་པར་བྱེད་པ་དེ་ནི་དེའི་བཟོད་པའི་ཕ ་རོལ་ཏུ་ཕྱིན་ཕྲིན་པའོ།། གང་བཟའ་བ་དང་བཅའ་བ་དང་མྱང་བར་བྱ་བ་དེ་དག་ལ་ལུས་དང་ངག་དང་སེམས་འཇོག་ཅིང་། འགྲོ་བ་དང་འོང་བར་བྱེད་པ་དེ་ནི་དྲིའི་བརྩོན་འགྲུས་ཀྱི་ཕ་རོལ་ཏུ་ཕྱིན ་པའོ།། སྦྱིན་པ་བྱིན་ནས་གང་རྩེ་གཅིག་པ་དང་། དབུགས་ཕྱིན་པར་མི་འཛིན་པ་དེ་ནི་དེའི་བསམ་གཏན་གྱི་ཕ་རོལ་ཏུ་ཕྱིན་པའོ།། གལ་ཏེ་སྦྱིན་པ་དེ་བྱིན་ནས་ཆོས་ཉིད་ལ་བརྟེན་ཏེ། ་འདི་སུས་བྱིན། འདི་སུས་ཟོས་སུ་ལ་རྣམ་པར་སྨིན་པར་འགྱུར། ཞེས་དེས་དེ་ལྟར་བརྟགས་ན། གང་གིས་བྱིན་པ་དང་། གང་ལ་སྦྱིན་པ་དང་། གང་ལ་རྣམ་པར་སྨིན་པར ་མྱོང་བར་འགྱུར་བའི་ཆོས་གང་ཡང་མ་དམིགས་པ་དེ་ནི་དེའི་ཤེས་རབ་ཀྱི་ཕ་རོལ་ཏུ་ཕྱིན་པའོ།། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་ཐབས་མཁས་པ་སྦྱིན་པ། ་སྦྱིན་པར་བྱེད་ན། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཡེ་ཤེས་བླ་མས་འདི་སྐད་ཅེས་གསོལ་ཏོ།། ་བཅོམ་ལྡན་འདས་དེ་འདྲ་བར་ཐབས་མཁས་ཏེ། སྦྱིན་པ་གང་གིས་སེམས་ཅན་གཞན་དག་འཁོར་བ་ཡོངས་སུ་ལེན་པར་བགྱིད་པའི་སྦྱིན་པ་དེ་ཉིད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ། ་སངས་རྒྱས་ཀྱི་ཆོས་རྣམས་ལྡན་པར་བགྱིད་པ་ངོ་མཚར་ཏོ།། བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ།། རིགས་ཀྱི་བུ་ཇི་སྐད་སྨྲས་པ་བཞིན་ཏེ། བྱང་ཆུབ་སེམས་དཔའ ་ཐབས་མཁས་པ་ནི། སྦྱིན་པ་ཉུང་ངུ་ཡང་མང་པོར་བྱེད་སྦྱིན་པ་མང་པོ་ཡང་དཔག་ཏུ་མེད་པར་བྱེད་དོ།། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས ་དཔའ་ཆེན་པོ་ཡེ་ཤེས་བླ་མ་ལ་བཀའ་སྩལ་པ་རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི། ལྟུང་བ་ལྕི་བ་ཡང་ཐབས་པར་སྲབ་མོར་བྱེད་དོ།། ཇི་ལྟར་སྲབ ་མོར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་ཐབས་མཁས་པ་ནི། ནམ་ཞིག་བརྒྱ་ལ། ལ་ལ་ཞིག་ཏུ་སྡིག་པའི་གྲོགས་པོའི་དབང་གིས་ལྟུང་བ་བྱུང་ན། དེ་འདི ་ལྟར་སློབ་སྟེ། གལ་ཏེ་བདག་གིས་ཕུང་པོ་འདི་དག་གིས་མྱ་ངན་ལས་འདའ་བར་བྱ་ན་ནི། དེ་ལྟར་བདག་གིས་སེམས་ཡོངས་སུ་གདུང་བ་དང་ལྡན་པར་ཡང་གྱུར་ན། བདག་གིས་སེམས། ་ཅན་ཡོངས་སུ་སྨིན་པར་བྱ་བའི་ཕྱིར། ཕྱི་མའི་མཐར་ཐུག་པར་འཁོར་བ་ན་གནས་པའི་གོ་ཆ་དེ་ལྟ་བུ་བགོས་པས་བདག་གིས་སེམས་གདུང་བར་ནི་མི་བྱའི་བྱང་ཆུབ་ཇི་ལྟ་ཇི ་ལྟར་འཁོར་བར་འགྱུར་བ་དེ་ལྟ་དེ་ལྟར་སེམས་ཅན་ཡོངས་སུ་སྨིན་པར་བྱའོ།། ལྟུང་བ་འདྲི་ཡང་ཆོས་བཞིན་དུ་བྱའོ།། ལྟུང་བ་གཞན་ཡང་མ་བྱུང་བར་བྱའོ་སྙམ་དུ་སེམས་སོ།། རིགས་ཀྱི་བུ ་ཡོངས་སུ་བརྟག་པོ་བཟུང་ན། གལ་ཏེ་རབ་ཏུ་བྱུང་བའི་བྱང་ཆུབ་སེམས་དཔའི་ལྟུང་བའི་རྩ་བ་བཞི་པོ་ཐམས་ཅད་འདས་པར་གྱུར་ཀྱང་། ཐབས་མཁས་པ་འདིས་སྦྱོང་བར་བྱེད་ན། བྱང་ཆུབ ་སེམས་དཔའ་ལྟུང་བར་མི་འགྱུར་ངས་བཤད་དོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཡེ་ཤེས་བླ་མས་འདི་སྐད་ཅེས་གསོལ་ཏོ།། བཅོམ་ལྡན་འདས ་ཇི་ལྟར་ན་བྱང་ཆུབ་སེམས་དཔའ་ལྟུང་བ་དང་བཅས་པ་ལགས།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་མ་ལ་འདི་སྐད ་ཅེས་བཀའ་སྩལ་ཏོ།། རིགས་ཀྱི་བུ་བྱང་ཆུབ་སེམས་དཔའ་སོ་སོར་ཐར་པའི་བསླབ་པ་སློབ་པ་ན། བསྐལ་པ་བརྒྱ་སྟོང་དུ་ཡང་རྩ་བ་དང་འབྲས་བུ་ཟ་བར་འགྱུར་ལ། སེམས་ཅན་ཐམས་ཅད ་ཀྱིས་སྙན་པར་སྨྲས་པ་དང་། མི་སྙན་པར་སྨྲས་པ་ཡང་བཟོད་ཅིང་། ཉན་ཐོས་དང་རང་སངས་རྒྱས་ཡིད་ལ་བྱེད་པ་དང་ཡང་ལྡན་པར་གནས་པར་དེ་ནི་བྱང་ཆུབ ་སེམས་དཔའི་ལྟུང་བའི་རྩ་བ་ལྕི་བ་ཡིན་ནོ།། རིགས་ཀྱི་བུ་འདི་ལྟ་སྟེ་དཔེར་ན། ཉན་ཐོས་ཀྱི་ཐེག་པ་ལ་གནས་པ་ལྟུང་བའི་རྩ་བ་བྱུང་ན། ཕུང་པོ་དེ་ཉིད་ཀྱིས་ཡོངས་སུ་མྱ་ངན་ལས་འདའ་བའི་བསྐ། ་པ་མེད་པ་དེ་བཞིན་དུ། རིགས་ཀྱི་བུ་བྱང་ཆུབ་སེམས་དཔའ་ཡང་ལྟུང་བ་མ་མཐོང་ཞིང་། ཉན་ཐོས་དང་རང་སངས་རྒྱས་ཡིད་ལ་བྱེད་པ་མ་བཏང་ན་སངས་རྒྱས་ཀྱི་སར་ཡོངས་སུ་མྱ་ངན་ལས་འདའ། ་བའི་སྐལ་པ་མེད་དོ།། དེ་ནས་བཅོམ་ལྡན་འདས་ལ་ཚེ་དང་ལྡན་པ་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་བསོད་སྙོམས་ཀྱི་ཕྱིར་མཐར་གྱིས་སྤྱོད། ་པན། བྱང་ཆུབ་སེམས་དཔའ་འོད་མང་ལྡན་གྱིས་རྒྱལ་པོ་ཁང་པ་ཞིག་ན། བུད་མེད་དང་ཁྲི་གཅིག་ལ་ལྷན་ཅིག་མཆིས་པར་མཐོང་སྟེ། ལྟུང་བ་བྱུང་བ་མཐོང་ན་མ་བཅབ་ཤིག། ཚངས་པ་མཚུངས་པར ་སྤྱོད་པ་གཞན་དག་ལ་ཟློས་ཤིག་ཅེས་བཅོམ་ལྡན་འདས་ཀྱིས་བཀའ་སྩལ་ན། དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་སྟོན་པ་ལགས་ཏེ། དེ་བཞིན་གཤེགས་པ་ལ་ཅུང་ཟད་ཀྱང་མི་མཁྱེན ་པ་འམ། མ་གཟིགས་པ་འམ། ཐུགས་སུ་མ་ཆུད་པ་མ་མཆིས་པས། དེའི་སླད་དུ་བདག་བཅོམ་ལྡན་འདས་ལ་གསོལ་ཞེས་ཚེ་དང་ལྡན་པ་དགའ་བོས་དེ་སྐད་ཀྱི་ཚོགས་སྨྲས་ནས། རིང་པོ་མ ་ལོན་པར་དེ་ནས་དེའི་མོད་ལ་ས་གཡོས་པར་གྱུར་ཏོ།། དེ་ནས་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་ཤིང་རྟ་ལ་གང་ཙམ་དུ་སྟེང་གི་བར་སྣང་ལ་འདུག་ནས ་དང་ལྡན་པ་དགའ་བོ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་དགའ་བོ་དེ་ཇི་སྙམ་དུ་སེམས། ལྟུང་བ་བྱུང་བའི་ཆོས་ཅན་གྱིས་བར་སྣང་ལ་འདུག་པར་ནུས་སམ། ཡང་ཚེ་དང་ལྡན་པ་དགའ ་བོ་བྱང་ཆུབ་སེམས་དཔའི་ལྟུང་བའི་ཆོས་ཇི་ལྟ་བུ་གྲགས་ཞེས། དེ་བཞིན་གཤེགས་པ་མངོན་སུམ་དུ་བཞུགས་པ་འདི་ལ་ཞུས་ཤིག། དེ་ནས་ཚེ་དང་ལྡན་པ་དགའ་བོ་ཡུལ ་ཡུལ་པོར་གྱུར་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལྟུང་བ་འཆགས་པ་གང་དག་བདག་གིས་སྐྱེས་བུ་བལ་གླང་ཆེན་པོ་ལྟ་བུ་ལ། ལྟུང་བ་བཙལ་བ། ་བཅོམ་ལྡན་འདས་ནོངས་ཏེ། ནོངས་པ་འཆགས་སོ་ཞེས་དེ་སྐད་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་དགའ་བོ་ལ་འདི་སྐད་ཅེས་བཀའ་སྩལ་ཏོ།། དགའ ་བོ་ཁྱོད་ཐེག་པ་ཆེན་པོ་ལ་གནས་པའི་སྐྱེས་བུ་དམ་པ་ལ་ཉེས་པར་འདུ་ཤེས་མ་སྐྱེད་ཅིག། དགའ་བོ་འདི་ལྟ་སྟེ། ཉན་ཐོས་ཀྱི་ཐེག་པ་ལ་གནས་པ་གཅིག་པུ་གཉིས་སུ་མེད་པ་ནི་ཟག་པ་ཟད ་པར་བྱ་བ་ལ་བར་ཆད་མེད་པར་འདོད་པར་བྱའོ།། དགའ་བོ་དེ་བཞིན་དུ་བྱང་ཆུབ་སེམས་དཔའ་ཐབས་མཁས་པ་ཡང་ཐམས་ཅད་མཁྱེན་པ་ལ་བར་ཆད་མེད་པར་འདོད་པར་བྱའོ།། དེ་ཅིའི་ཕྱིར། ་ཞེན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གང་དཀོན་མཆོག་གསུམ་ལ་གཞོལ་བར་མི་འགྱུར་བའི་གཡོག་འཆང་བར་མི་བྱེད་དོ།། དཀོན་མཆོག ་གང་ཞེན། སངས་རྒྱས་དཀོན་མཆོག་དང་། ཆོས་དཀོན་མཆོག་དང་། དགེ་འདུན་དཀོན་མཆོག་གོ། དགའ་བོ་གང་གི་ཚེ་བྱང་ཆུབ་སེམས་དཔའི་ཐེག་པ་ལ་གནས་པའི་རིགས་ཀྱི་བུ་ཐམས ་ཅད་མཁྱེན་པ་ཉིད་ཀྱི་སེམས་དང་མ་བྲལ་བར་འདོད་པ་ལྔའི་ཡོན་ཏན་གྱིས་བརྩེ་དགའ་ཞིང་ཡོངས་སུ་སྤྱོད་པར་མཐོང་ན། དགའ་བོ་དེའི་ཚེ། ཁྱོད་ཀྱིས་སྐྱེས་བུ་དམ་པ་དེ ་བཞིན་གཤེགས་པའི་དབང་པོ་ལྔ་དང་ལྡན་པར་ཤེས་པར་གྱིས་ཤིག། དགའ་བོ་ཁྱོད་ཡང་ཅིའི་ཕྱིར་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་བུད་མེད་དང་ལྷན་ཅིག་ཏུ་ཁྲི་གཅིག་ལ ་འདུག་པ་དེ་ཉོན་ཅིག། དགའ་བོ་སྲིང་མོ་དེ་ནི། འདས་པའི་དུས་ན། ཚེ་རབས་ཉིས་བརྒྱར་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོའི་ཆུང་མར་གྱུར་ཏེ། དེ་སྔོན་གྱི་བག་ལ་ཉལ། ་དེ་ཉིད་ཀྱིས་རིགས་ཀྱི་བུ་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་དེའི་དཔལ་དང་གཟི་བརྗིད་དང་། ཚུལ་ཁྲིམས་དང་། སྟོབས་བསྐྱེད་པ་མཐོང་ཡང་། བརྗེད་ནས་གནས་ངན་ལེན་གྱི ་ཚིག་སྨྲས་ཏེ། དེ་གཅིག་པུ་ལྐོག་ཏུ་སོང་ནས། གལ་ཏེ་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་བདག་དང་ལྷན་ཅིག་ཏུ་ཁྲི་གཅིག་ཏུ་འདུག་ན། བདག་གིས་བླ་ན་མེད་པ་ཡང་དག ་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ་སྙམ་དུ་དེ་ལྟར་སེམས་པར་འགྱུར་རོ།། དགའ་བོ་དེ་ནས་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོའི་སེམས་ཀྱིས་སྲིང་མོ་དེའི་སེམས་ཀྱི། ་ཡོངས་སུ་རྟོག་པ་ཤེས་ནས། དེ་ཉིད་ཀྱི་ནུབ་མོ་འདས་པ་དང་། དེའི་ཁྱིམ་དུ་འོངས་ཏེ། གང་ནང་གི་སའི་ཁམས་དང་། གང་ཕྱིའི་སའི་ཁམས་སུ་གཅིག་པའི་ཆོས་ཀྱི་སྒོས་འདྲ་བའི ་སེམས་དེས། སྲིང་མོ་དེ་ལག་པ་གཡས་པས་བཟུང་སྟེ། ཁྲི་གཅིག་ལ་འདུག་གོ། འདུག་མ་ཐག་ཏུ་ཚིགས་སུ་བཅད་པ་འདི་སྨྲས་སོ།། སངས་རྒྱས་འདོད་པ་བསྔགས་མི་མཛད།། དེ་ནི ་བྱིས་པའི་སྤྱོད་ཡུལ་ཏེ།། འདོད་པའི་སྲེད་པ་སྤངས་ན་ནི།། སངས་རྒྱས་མི་ཡི་མཆོག་ཏུ་འགྱུར།། དགའ་བོ་དེ་ནས་སྲིང་མོ་དེ་དགའ་ཞིང་རབ་ཏུ་མགུ་བ་སྐྱེས་ནས། ཁྲི་དེ་ལས ་ལངས་ཏེ། བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོའི་རྐང་པ་ལ་ཕྱག་འཚལ་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ།། སངས་རྒྱས་ཀྱིས་ནི་གང་སྨད་པ།། འདོད་པ ་སླན་ཆད་བདག་མི་འཚལ།། འདོད་པའི་སྲེད་པ་སྤངས་ན་ནི།། སངས་རྒྱས་མི་ཡི་མཆོག་ཏུ་འགྱུར།། བདག་གི་སེམས་ཀྱིས་གང་བསམས་པའི།། ནོངས་པ་དེ་ནི་ཁྱོད་ལ་བཤགས།། ་སྲོག་ཆགས་ཀུན་ལ་བདེ་བའི་ཕྱིར།། བྱང་ཆུབ་ཏུ་ནི་མོས་བསྐྱེད་དོ།། དགའ་བོ་འདི་ལྟ་སྟེ། བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་ཐབས་མཁས་པ་ངེས ་སྲིང་མོ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བསྟབས་ནས། སྟན་ལས་ལངས་ཏེ་སོང་ངོ་།། དགའ་བོ་ལྷག་པའི་བསམ་པའི་ཁྱད་པར་ལྟོས།། ་ངས་སྲིང་མོ་དེ་ལུང་བསྟན་ཏོ།། འདི་ནས་ཤི་འཕོས་ནས་བུད་མེད་ཀྱི་ལུས་བརྗེས་ཏེ། བསྐལ་པ་གྲངས་མེད་པ་བརྒྱ་སྟོང་ཕྲག་དགུ་བཅུ་རྩ་དགུ་ན། ཀུན་ནས་ལྡང་བ་དང་བྲལ་ཞེས་བྱ། ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་བར་འགྱུར་ཏེ། དགའ་བོ་ཁྱོད་རྣམ་གྲངས་དེས་ཀྱང་བྱང་ཆུབ་སེམས་དཔའ་ནི་གང་ལྷུང ་བའི་ཆོས་ཅན་དུ་འགྱུར་བའི་གཡོག་མི་འཆང་བར་རིག་པར་བྱའོ།། དེ་ནས་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་བར་སྣང་དེ་ལས་བབས་ཏེ། བཅོམ་ལྡན་འདས ་ཞབས་ལ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་ཐབས་མཁས་པ་དང་། སྙིང་རྗེ་ཆེན་པོ་ལ་གནས་པར་བགྱིའོ།། ་བཅོམ་ལྡན་འདས་འདི་ལ་བདག་འདི་སྙམ་དུ་བགྱིད་དོ།། གལ་ཏེ་བྱང་ཆུབ་སེམས་དཔའ་སེམས་ཅན་གཅིག་གི་དགེ་བའི་རྩ་བ་སྐྱེ་བར་འགྱུར་ན། ལྟུང་བ་དེ་འདྲ་བར་འབྱུང་ཞིང་ཇི་ལྟ་བུའི་ལྟུང ་བ་བྱུང་བས་བསྐལ་པ་བརྒྱ་སྟོང་དུ་སེམས་ཅན་དམྱལ་བར་གཙོ་བར་གྱུར་ཀྱང་། བཅོམ་ལྡན་འདས་བྱང་ཆུབ་སེམས་དཔའ་ལྟུང་བ་འབྱུང་བ་དང་། སེམས་ཅན་དམྱལ་བའི་སྡུག་བསྔལ་དེ་ལ ་སྤྲོ་བ་ཉིད་དོ་བགྱིའོ།། སེམས་ཅན་གཅིག་པོའི་དགེ་བའི་རྩ་བ་ཡོངས་སུ་གཏོང་བ་དང་ཡོངས་སུ་འབྲི་བར་ནི་མི་བགྱིའོ།། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས།། ་དཔའ་འོད་མང་ལྡན་གྱི་རྒྱལ་པོ་ལ་ལེགས་སོ་ཞེས་བྱ་བ་བྱིན་ནས། ལེགས་སོ་ལེགས་སོ།། སྐྱེས་བུ་དམ་པ་བྱང་ཆུབ་སེམས་དཔའ་དག་ནི་སྙིང་རྗེ་ཆེན་པོ་འདིས་ལྟུང་བ་ཐམས་ཅད་སྤོང་། ་སྟེ། རིགས་ཀྱི་བུ་ངས་མངོན་པར་ཤེས་པ་འདས་པའི་དུས་བསྐལ་པ་གྲངས་མེད་པའི་ཕ་རོལ་གྱི་ཡང་ཤིན་ཏུ་ཕ་རོལ་ན། ཁྱེའུ་སྐར་མ་ཞེས་བྱ་བ་ཞིག་ཡོད་དེ། ནགས་ཀྱི་འདབ་ན་ལོ ་བཞི་ཁྲི་ཉིས་སྟོང་དུ་ཚངས་པར་སྤྱོད་པ་སྤྱད་ནས། དེ་ལོ་བཞི་ཁྲི་ཉིས་སྟོང་འདས་པ་དང་། རྒྱལ་པོའི་ཕོ་བྲང་འབྱོར་པ་ཞེས་བྱ་བར་ཕྱིན་ནས། དེ་གྲོང་ཁྱེར་ཆེན་པོ་དེར་སོང་བ་དང་། ཆུ་ཆུན ་མ་ཞིག་གིས་ཁྱེའུ་བཟང་པོ་དེ་མཐོང་ནས། འདོད་པའི་འདོད་ཆགས་ཀྱིས་ཡོངས་སུ་ཟིན་པའི་སེམས་དང་ལྡན་པས་ཁྱེའུ་དེའི་མདུན་དུ་བརྒྱུགས་ཏེ་ཕྱག་འཚལ་ཏོ།། ་དེ་ནས་རིགས་ཀྱི་བུ་ཁྱེའུ་སྐར་མས་བུད་མེད་དེ་ལ་འདི་སྐད་ཅེས་སྨྲས་སོ།། སྲིང་མོ་ཁྱོད་ཅི་འདོད།། མོས་དེ་ལ་འདི་སྐད་ཅེས་སྨྲས་སོ།། ཁྱེའུ་བདག་ཁྱོད ་འཚལ་ལོ།། ཁོས་དེ་ལ་འདི་སྐད་ཅེས་སྨྲས་སོ།། སྲིང་མོ་ཁོ་བོ་ནི་འདོད་པ་དགོས་པ་མ་ཡིན་ནོ།། མོས་དེ་ལ་འདི་སྐད་ཅེས་སྨྲས་སོ།། གལ་ཏེ་བདག་ཁྱོད་དང་མཇལ་བར་མི ་འགྱུར་ན་བདག་འགུམ་པར་འགྱུར་རོ།། དེ་ནས་ཁྱེའུ་སྐར་མས་འདི་སྙམ་དུ་བསམས་སོ།། གང་བདག་གིས་ལོ་བཞི་ཁྲི་ཉིས་སྟོང་གི་བར་དུ་ཚངས་པར་སྤྱོད། ་པ་སྤྱད་ནས། བརྟུལ་ཤུགས་གཞིག་པ་ནི་བདག་གིས་མི་ཆུའོ་སྙམས་ནས། ནན་གྱིས་ཐེན་ཏེ་བུད་མེད་དེས་བཏང་ནས། གོམ་པ་བདུན་འཕགས་པ་དང་། དགོམ་པ་བདུན་ལ་གནས ་ནས་སྙིང་རྗེ་སྐྱེས་ཏེ། བདག་གིས་བརྟུལ་ཤུགས་འདི་བཤིག་ནས། སེམས་ཅན་དམྱལ་བར་སོང་བར་གྱུར་ཀྱང་། སེམས་ཅན་དམྱལ་བའི་སྡུག་བསྔལ་དེ་མྱོང་བར་བཟོད་ཀྱི། བུད་མེད ་འདི་ཤིར་འོང་གིས་བདེ་བར་གྱུར་ཅིག། རིགས་ཀྱི་བུ་ཁྱེའུ་སྐར་མ་དེ་སླར་ལོག་སྟེ། བུད་མེད་དེ་ལ་ལོག་པ་གཡས་པས་བཟུང་ནས། སྲིང་མོ་ཁྱེད་ཅི་འདོད་པ་ལོངས་ཤིག། ཅེས་སྨྲས་སོ།། ། ་དེ་ནས་ཁྱེའུ་སྐར་མ་ལོ་བཅུ་གཉིས་ཀྱིས་བར་དུ་ཁྱིམ་ན་གནས་ནས་སླར་ཡང་མངོན་པར་བྱུང་སྟེ། ཚངས་པའི་གནས་བཞི་བསྐྱེད་ནས། ཤི་འཕོས་པ་དང་། ཚངས་པའི ་འཇིག་རྟེན་དུ་སྐྱེས་སོ།། རིགས་ཀྱི་བུ་ཁྱོད་དེའི་ཚེ་དེའི་དུས་ན། ཁྱེའུ་སྐར་མ་ཞེས་བྱ་བ་དེ་གཞན་ཞིག་ཡོན་སུམ་དུ་མ་ལྟ་ཞིག། དེ་ཅིའི་ཕྱིར་ཞེ་ན། དེའི་ཚེ་དེའི་དུས་ན་ང་ནི་ཁྱེའུ་སྐར་མར ་གྱུར་ཏོ།། གྲགས་འཛིན་མ་ནི་ཆུ་ཆུན་མར་གྱུར་ཏོ།། རིགས་ཀྱི་བུ་ང་འདོད་པ་ངན་པ་དང་ལྡན་པའི་སྙིང་རྗེ་ཆེན་པོའི་སེམས་བསྐྱེད་པས་ཀྱང་། བསྐལ་པ་སྟོང་ཕྲག་བཅུའི་བར་དུ་འཁོར ་བརྒྱབ་ཀྱིས་ལྟས་ཤིང་སྤངས་པར་གྱུར་ཏོ།། རིགས་ཀྱི་ལྟོས་གང་སེམས་ཅན་གཞན་དག་སེམས་ཅན་དམྱལ་བར་སྐྱེ་བར་འགྱུར་བ་དེ། བྱང་ཆུབ་སེམས་དཔའ་ཐབས་མཁས་པ་ནི། ་ཚངས་པའི་འཇིག་རྟེན་དུ་སྐྱེ་བར་འགྱུར་རོ།། རིགས་ཀྱི་བུ་གལ་ཏེ་དགེ་སློང་མོའུ་འགལ་གྱི་བུ་དང་། ཤཱ་རིའི་བུ་ཐབས་མཁས་པ་དང་ལྡན་དུ་ཟིན་ན་ནི། དགེ་སློང་ཀོ་ཀ་ལི་ཀ་དེ ་སེམས་ཅན་དམྱལ་བར་འགྲོ་བར་མི་འགྱུར་རོ།། དེ་ཅིའི་ཕྱིར་ཞེ་ན། རིགས་ཀྱི་བུ་ངས་མངོན་པར་ཤེས་པ་འདས་པའི་དུས་ན། དེ་བཞིན་གཤེགས་པ་ལོག་པར་དད་སེལ་གྱི་གསུང་རབ ་ལ་དགེ་སློང་དྲི་མ་མེད་པ་ཞེས་བྱ་བ་ཞིག་བྱུང་སྟེ། དེ་དགོན་པའི་བྲག་ཕུག་གཅིག་ན་གནས་པ་ནས། རྒྱང་མི་རིང་བ་ཞིག་ན་དྲང་སྲོང་ལྔ་གནས་པ་ལས། དེའི་ཚེ་དུས་མ་ཡིན་པའི་སྤྲིན་ཆེན་པོ། ་བྱུང་། དུས་མ་ཡིན་པའི་ཆར་པ་ཡང་ཆེར་བབ་པ་དང་། དེ་ནས་བུད་མེད་གཉིས་ཤིག་ཆར་པའི་སྐྱབས་ཀྱི་ཕྱིར་དགེ་སློང་དྲི་མ་མེད་པའི་བྲག་ཕུག་ཏུ་ཞུགས་ཏེ། སླར་བྱུང་བ་དང་དྲང་སྲོང ་རྣམས་ཀྱིས་མཐོང་ནས། ཨེ་མའོ།། དགེ་སློང་དྲི་མ་མེད་པ་འདི་སྡིག་འདོད་པའོ།། ཚངས་པར་སྤྱོད་མ་ཡིན་པའོ།། ཞེས་ཡིད་བྱུང་བར་གྱུར་ཏོ།། དེ་ནས་དགེ་སློང་དྲི་མ་མེད་པའི ་སེམས་ཀྱིས། དྲང་སྲོང་དེ་དག་གི་སེམས་ཀྱི་ཡོངས་སུ་རྟོག་པ་ཤེས་ནས། དེའི་ཚེ་ནམ་མཁའ་ལ་ཤིང་རྟ་ལ་བདུན་ཙམ་དུ་འཕགས་སོ།། དེ་ནས་དྲང་སྲོང་དེ་དག་གིས་དགེ་སློང་དྲི་མ་མེད ་པ་བར་སྣང་གི་ནམ་མཁའ་ལ་འདུག་པ་མཐོང་ནས། བདག་ཅག་གི་གཙུག་ལག་ལས་འབྱུང་བ་ལྟར་ན། ཚངས་པར་སྤྱོད་པ་མ་ཡིན་པར་ནམ་མཁའ་ལ ་འཕགས་མི་ནུས་སོ་སྙམ་དུ་སེམས་པར་གྱུར་ནས་དེའི་ཚེ་ཡན་ལག་ལྔས་ཕྱག་འཚལ་ཏེ་ཉེས་པ་བཤགས་སོ།། རིགས་ཀྱི་བུ་གལ་ཏེ་དགེ་སློང་དྲི་མ་མེད་པ་ནམ་མཁའ ་ལ་མ་འཕགས་སུ་ཟིན་ན། དེའི་ཚེ་དྲང་སྲོང་ལྔའི་ལུས་སེམས་ཅན་དམྱལ་བར་ཆེན་པོར་ལྟུང་བར་འགྱུར་རོ།། རིགས་ཀྱི་བུ་དེ་ཇི་སྙམ་དུ་སེམས། དེའི་ཚེ་དེའི་དུས་ན། དགེ་སློང་དྲི་མ ་མེད་པ་ཞེས་བྱ་བ་དེ་གཞན་དུ་གྱུར་པ་སྙམ་དུ་ཁྱོད་དེ་ལྟར་མ་ལྟ་ཞིག། བྱང་ཆུབ་སེམས་དཔའ་བྱམས་པ་དེའི་ཚེ་དགེ་སློང་དྲི་མ་མེད་པ་ཞེས་བྱ་བར་གྱུར་ཏོ།། རིགས་ཀྱི་བུ་གལ་ཏེ་དགེ་སློང་ཤཱ་རིའི ་བུ་དང་མོའུ་འགལ་གྱི་བུ་ནམ་མཁའ་ལ་འཕགས་སུ་ཟིན་ན་ནི། དགེ་སློང་ཀོ་ཀ་ལི་ཀ་སེམས་ཅན་དམྱལ་བར་འགྲོ་བར་མི་འགྱུར་རོ།། རིགས་ཀྱི་བུ་རྣམ་གྲངས་དེས་ན། བྱང་ཆུབ་སེམས་དཔའ ་ཐབས་མཁས་པའི་ཡེ་ཤེས་གང་དུ་འཇུག་པ་དེ་ནི་ཉན་ཐོས་དང་རང་སངས་རྒྱས་རྣམས་ཀྱི་ཡུལ་མ་ཡིན་པར་རིག་པར་བྱའོ།། རིགས་ཀྱི་བུ་འདི་ལྟ་སྟེ། སྨད་མཆོང་མ ་ཐབས་དྲུག་ཅུ་རྩ་བཞི་དང་ལྡན་པའི་ཤིན་ཏུ་ལོབས་པ་ནོར་འདོད་པ་ནི། སྐྱེས་བུ་དེ་ལས་ནོར་མ་གྲུབ་ཀྱི་བར་དུ་སེམས་ཅན་དེ་དག་གི་དྲུང་ན། ཅི་ནས་ཀྱང་བདག་གིས་ལུས་། གཏོང་བ་ཡང་སྟོན ་བ་དང་། ཡོ་བྱད་ཐམས་ཅད་ཀྱང་མི་སྦེད་པར་དེ་ལྟ་དེ་ལྟར་གནས་སོ།། དེ་ནས་ཕྱིས་དེ་ལ་མི་ལྷ་མི་སེམས་པར་འདོར་ཏེ། དེའི་ཕྱིར་དེ་ལ་འགྱོད་པར་ཡང་མི་འགྱུར་རོ།། རིགས་། ་བུ་དེ་བཞིན་དུ་བྱང་ཆུབ་སེམས་དཔའ་ཐབས་མཁས་པ་ཡང་ཐབས་མཁས་པ་གང་གིས་སེམས་ཅན་འདི་དག་བདག་གིས་ཡོངས་སུ་སྨིན་པར་བྱ་བར་ཤེས་ན། སེམས་ཅན་རྣམས་ཀྱི་དགེ ་རྩ་བ་ལ་དགའ་བས་ཅུང་ཟད་ཀྱང་མི་སྦེད་ཅིང་བདག་གི་ལུས་གཏོང་བར་བྱེད་པ་སྟོན་པའི་བར་དུ་སེམས་ཅན་དག་གི་དྲུང་ན་དེ་ལྟ་དེ་ལྟར་གནས་ཏེ། ནམ་ཞིག་ཨེ་མའོ་སེམས་ཅན་འདི་དག་དགེ ་བའི་རྩ་བ་སྐྱེད་པ་ཡིན་ཏེ། ཕྱིན་ཆད་དེ་ལས་ལྷག་པར་གཞག་ཏུ་མི་ནུས་པར་ཤེས་ནས་ནི། དེ་ལ་མི་ལྟ་ཞིང་དགའ་བ་དང་རྩེ་བ་ཐམས་ཅད་ཀྱང་བཏང་སྟེ་འགྲོའོ།། དེ་ལ་རག་ལུས་པའི་སེམས ་ཀྱང་མེད་དོ།། རིགས་ཀྱི་བུ་འདི་ལྟ་སྟེ། བྱོལ་སོང་དུ་གཏོགས་པའི་སྲོག་ཆགས་ཀྱི་རྣམ་པ་བུང་བ་ཞེས་བྱ་བ་དེ་མེ་ཏོག་ཐམས་ཅད་ཀྱི་དྲི་ལ་སྡོམ་ཡང་གང་དུ་ཡང་རྟག་པར་སྲེད ་པ་མི་སྒོམ་མོ།། དྲི་དང་ལོ་མ་ཡང་མི་འཕྲོག་གོ།། དེ་བཞིན་དུ་ཐབས་མཁས་པའི་བྱང་ཆུབ་སེམས་དཔའ་ཡང་འདོད་པའི་དགའ་བ་དང་། རྩེ་བ་ཐམས་ཅད་ཀྱང་སྤྱོད་ཀྱང་གང་དུ་ཡང་རྟག་པར ་སྲེད་པ་མོ་སྐྱེ། བདག་དང་གཞན་ཉམས་པར་ཡང་མི་བྱེད་དོ།། རིགས་ཀྱི་བུ་འདི་ལྟ་སྟེ། དཔེར་ན་ས་བོན་ཡོངས་སུ་གདུངས་པ་ནི་ཁ་དོག་ཉམས་པ་མེད་ཀྱང་ལྗང་བུ་འབྱུང་བར་མི་ནུས་སོ།། ་རིགས་ཀྱི་བུ་དེ་བཞིན་དུ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ཤེས་རབ་ཡོངས་སུ་བསྒོམས་པའི་ཉོན་མོངས་པ་ནི་དགའ་བ་དང་། རྩེ་བ ་ཐམས་ཅད་ལ་སྤྱོད་ཀྱང་དེ་ལྟུང་བར་འགྲོ་བ་ཡོངས་སུ་མི་ལེན། སངས་རྒྱས་ཀྱི་ཡོན་ཏན་ལས་ཀྱང་ཡོངས་སུ་མི་ཉམས་སོ།། རིགས་ཀྱི་བུ་འདི་ལྟ་སྟེ། དཔེར་ན་ཉ་པ་ཤིན་ཏུ་བསླབས་པ་ནི།། ་སྐུད་པ་གཅིག་ལ་གཟན་མ་བཏགས་པའི་མཆིལ་པ་སྦྱར་ནས་མཚོ་ཆེན་པོར་བཅུག་སྟེ། དེ་གང་དང་གང་གི་ཚེ་ན་འདོད་པ་དེ་དང་དེའི་ཚེ། སྐུད་པ་དེ་མཚོ་ཆེན་པོ་ནས་འདྲེན་ནོ།། རིགས་ཀྱི་བུ་དེ ་བཞིན་དུ་ཐབས་མཁས་པའི་བྱང་ཆུབ་སེམས་དཔའ་ཡང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ཡོངས་སུ་བསྒོམས་པའི་སེམས་ཐམས་ཅད་མཁྱེན་པ་ཉིད་ལ་བརྟན་པོར ་འབྲེལ་ནས། འདམ་རྫབ་ཆེན་པོར་ལྟུང་ཞིང་དེ་ཐམས་ཅད་མཁྱེན་པ་ཉིད་ཀྱི་སེམས་དེ་བསྲུངས་པས། གང་དང་གང་གི་ཚེ་འདོད་པ་དེ་དང་དེའི་ཚེ་ཤི་འཕོས་ནས་ཚངས་པའི་འཇིག་རྟེན་དུ་སྐྱེའོ།། ་རིགས་ཀྱི་བུ་འདི་ལྟ་སྟེ་དཔེར་ན་སྔགས་ཀྱི་རིགས་འཛིན་གྱི་སྐྱེས་བུ་རྒྱལ་པོས་བཟུང་སྟེ། ཞགས་པ་ལྔ་ཡིས་བཅིང་བས་བཅིངས་སུ་ཟིན་ཀྱང་དེ་གང་གི་ཚེ་འགྲོ་བར་འདོད་པ་དེ་སྔགས་ཀྱི ་རིག་པའི་སྟོབས་བསྐྱེད་པ་གཅིག་གིས་བཅིངས་པ་ཐམས་ཅད་གཏུགས་ཏེ་འགྲོའོ།། དེ་བཞིན་དུ་བྱང་ཆུབ་སེམས་དཔའ་ཐབས་མཁས་པ་ཡང་གང་གི་ཚེ། འདོད་པའི་ཡོན་ཏན་ལྔས་དགའ་བ ་མྱོང་ཞིང་དེ་དག་གིས་རྒྱས་པར་གྱུར་ཀྱང་། གང་གི་ཚེ་འདོད་པར་བྱུང་བ་དེའི་ཚེ། ཤེས་རབ་ཀྱི་རིག་པའི་སྟོབས་བསྐྱེད་པ་ཐམས་ཅད་མཁྱེན་པ་ཉིད་ཀྱི་སེམས་གཅིག་གིས་འདོད་པའི་ཡིན ་ཏན་ཐམས་ཅད་རབ་ཏུ་བཅོམ་སྟེ། ཤི་འཕོས་ནས་ཚངས་པའི་འཇིག་རྟེན་དུ་སྐྱེའོ།། རིགས་ཀྱི་བུ་འདི་ལྟ་སྟེ། དཔེར་ན། མདའ་དང་། མཚོན་གྱི་སློབ་དཔོན་རལ་གྱི ་རྣོན་པོ་གཅིག་མི་མངོན་པར་ཐོགས་ནས་འགྲོན་པོ་མང་པོའི་བསེལ་བྱེད་ན། དེ་ལ་སེམས་ཅན་གང་མི་ཤེས་པ་དེ་དག་ནི་མདའ་དང་། མཚོན་གྱི་སློབ་དཔོན་དེ་ལ་མི་འཛིན་མངའ་གཞུ་ཡང ་མེད་མཚོན་ཆ་གཞན་ཡང་མེད་གཡོག་ཀྱང་མེད་དེ། འདི་ནི་བདག་གི་སྐྱབས་ཀྱང་མི་ནུས་ན། འགྲོན་པའི་ལྷ་ཅི་སྨོས་མི་རྒོད་ལས་རྒྱལ་བར་ལྟ་ག་ལ་ནུས་ཏེ། འདི་ནི་དེ་དག་ཏུ་མི་རིག ་པར་སྡུག་བསྔལ་བར་འགྱུར་རོ་ཞེས་སྙིང་རྗེ་བསྒོམ་མོ།། དེ་ནས་མདའ་དང་མཚོན་གྱི་སློབ་དཔོན་དེ་འབྲོག་དགོན་པའི་དབུས་སུ་ཕྱིན་ཏེ། མི་རྒོད་མང་པོ་བྱུང་བ་དང ་མཚོན་གྱི་ཕྱིར་གོ་ཆ་ལེགས་པར་བགོས་ནས། མཚོན་ཆ་དེ་ལ་ཡོངས་སུ་དེ་ལ་ཡོངས་སུ་བརྟགས་ཏེ། མི་རྒོད་དེ་དག་ལ་འདེབས་སོ།། དེས་མི་རྒོད་དེ་དག་ཐམས་ཅད་སྲོག་དང ་ཕྲལ་ཏེ་སླར་ཡང་མཚོན་ཆ་དེ་ལག་པར་འཇོག་གོ།། དེ་བཞིན་དུ་རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་ཤེས་རབ་ཀྱི་ཕ་རོལ་ཏུ་ཕྱིན་པའི་མཚོན་ཤིན་ཏུ་ཐོགས་ནས། ་ཐབས་མཁས་པས་འདོད་པའི་ཡོན་ཏན་ལྔས་རྩེ་དགའ་ཞིང་ཡོངས་སུ་སྤྱོད་དེ་དེ་ལ་གང་དག་དེའི་ལུས་ཀྱི་དབང་པོ་མཐོང་ན། དེ་དག་མ་དད་པར་བྱེད།། ་ཅིང་འདི་ནི་འདི་ལྟར་བག་མེད་པར་གནས་ཏེ། འདི་ནི་བདག་ཐར་པར་ཡང་མི་ནུས་ན་སེམས་ཅན་གཞན་ལྟ་ཅི་སྨོས་བདུད་ལས་རྒྱལ་བ་ལྟ་ག་ལ་འགྱུར་ཞེས་སྙིང་རྗེ་བསྐྱེད་པར་བྱེད ་མོད་ཀྱི། བྱང་ཆུབ་སེམས་དཔའ་དེ་ཐབས་མཁས་པ་ཤིན་ཏུ་ཡོངས་སུ་བླངས་པས་ནམ་འདོད་པ་དེའི་ཚེ། དེས་ཤེས་རབ་ཀྱི་མཚོན་གྱིས་ཉོན་མོངས་པའི་དྲ་བ་དྲལ་ནས། སངས ་རྒྱས་ཀྱི་ཞིང་ཡོངས་སུ་དག་པ་བུད་མེད་མེད་པ་གཡེམ་པ་མེད་པ་གཞན་དུ་འགྲོའོ།། ཡང་དེའི་ཚེ་ན་བྱང་ཆུབ་སེམས་དཔའ་དགའ་བར་བྱེད་པ་ཞེས་བྱ་བ་མཉན་དུ་ཡོད་པའི་གྲོང་ཁྱེར་ཆེན ་པོར་བསོད་སྙོམས་ཀྱི་ཕྱིར་སོང་སྟེ། དེ་བསོད་སྙོམས་སྤྱོད་པ་ལས་ཁྱིམ་བདག་གཅིག་གི་ཁྱིམ་དུ་ཕྱིན་པ་དང་། དེ་ན་བུ་མོ་བསོད་ནམས་ལྡན་མཆོག་ཅེས་བྱ་བ་ཁང་ཐོག་ན་འདུག ་པས་དགེ་སློང་གི་སྒྲ་ཐོས་ནས་ཟས་བླངས་ཏེ། བྱང་ཆུབ་སེམས་དཔའ་དགའ་བར་བྱེད་པ་ག་ལ་བ་དེར་སོང་ངོ་།། དེ་ནས་བུ་མོ་བསོད་ནམས་ལྡན་མཆོག་གིས་མཐོང་མ་ཐག་ཏུ ་བྱང་ཆུབ་སེམས་དཔའ་དགའ་བར་བྱེད་པའི་སྐད་དང་བལྟས་པ་ལས་རྗེས་སུ་རྟོག་པའི་མཚན་མ་གཟུང་ནས་འདོད་ཆགས་ཀྱིས་ཡོངས་སུ་བཟུང་བའི་སེམས་ཀྱིས་འདོད་ཆགས་ཀྱི ་ཡོངས་སུ་གདུང་ཞིང་འགྲེང་བཞིན་དུ་ལུས་ཐམས་ཅད་ཀྱང་རྡུལ་ནས་འཆི་བའི་དུས་བྱས་ནས་བྱང་ཆུབ་སེམས་དཔའ་དགའ་བར་བྱེད་པས། བུ་མོ་བསོད་ནམས་ལྡན་མཆོག ་མཐོང་སྟེ། འདོད་ཆགས་ཀྱི་སེམས་ཀྱིས་ཚུལ་བཞིན་མ་ཡིན་པ་ཡིད་ལ་བྱེད་པའི་རྣམ་པར་རྟོག་པ་བྱུང་བ་དང་། དེའི་ཚེ་དེ་ལ་ཆགས་པ་ཞེས་བྱ་བའི་ཆོས་དེ་གང་ཡིན་ཞེས་དྲན་པ ་སྐྱེས་ནས་ཅི་མིག་དེ་ཆགས་པ་འམ་ཞེ་ན། མིག་ཀྱང་ཚོར་བ་མེད་པ། བྱེད་པ་མེད་པ་འདུས་བྱས་པ། ཤའི་ཕོང་པོ་སྟེ། རང་བཞིན་གྱིས་སྟོང་པའི་ཕྱིར་ཚོར་བ་མེད་དོ།། འོ་ན ་རྣ་བ་དང་སྣ་དང་ལྕེ་དང་ཡིད་ཆགས་པ་འམ་ཞེ་ན། དེས་ནང་ན་ཡང་རུང་ཕྱི་ཡང་རུང་། འདོད་ཆགས་པར་འགྱུར་བ་འམ། ཞེ་སྡང་བར་འགྱུར་བའི་ཆོས་དེ་གང་ཡང་མ་དམིགས ་སོ། དེས་མ་དམིགས་ནས་འདོད་ཆགས་ཀྱི་སེམས་དེ་བསལ་ཏེ། དེའི་ལུས་ལྤགས་པ་དང་ཤས་གཡོགས་པའི་རྐང་པའི་མཐིལ་ཡན་ཆད་སྤྱི་བོའི་བར་དུ་བརྟགས་སོ ་དེས་ཡང་དག་པ་ཇི་ལྟ་བར་བརྟགས་ནས། ཆོས་ཐམས་ཅད་མི་སྐྱེ་བར་རྟོགས་ཏེ། མི་སྐྱེ་བའི་ཆོས་ལ་བཟོད་པ་ཐོབ་པ་དང་། དེ་དགའ་བ་དང་། རབ་ཏུ་དགུ་པ་དེ་ཉིད་ཀྱིས་སྟོང ་གི་བར་སྣང་ལ་ཤིང་ཏ་ལ་གང་ཙམ་དུ་འཕགས་ནས། མཉན་དུ་ཡོད་པའི་གྲོང་ཁྱེར་ཆེན་པོ་ལན་བདུན་དུ་བསྐོར་ཏེ། བཅོམ་ལྡན་འདས་ག་ལ་བ་དེར་སོང་བ་དང་། བཅོམ་ལྡན་འདས ་ཀྱིས་བྱང་ཆུབ་སེམས་དཔའ་དགའ་བར་བྱེད་པ་བར་སྣང་ལས་ངང་པའི་རྒྱལ་པོ་བཞིན་དུ་ཐོགས་པ་མེད་པར་འོང་བ་གཟིགས་སོ།། གཟིགས་ནས ་ཚེ་དང་ལྡན་པ་དགའ་བོ་ལ་བཀའ་སྩལ་ཏོ།། དགའ་བོ་ཁྱོད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བར་བྱེད་པ་བར་སྣང་ལས་འོང་བ་མཐོང་ངམ། གསོལ་པ ་བཅོམ་ལྡན་འདས་མཐོང་ངོ་།། བཅོམ་ལྡན་འདས་ཀྱིས་བཀའ་སྩལ་པ། དགའ་བོ་བྱང་ཆུབ་སེམས་དཔའ་དགའ་བར་བྱེད་པ་དེས་ནི། འདོད་ཆགས་ཀྱི་སེམས་ལས་ཆོས་ཐམས ་ཅད་ཡོངས་སུ་བརྟགས་ཡོངས་སུ་རྟོགས་སོ།། བདུད་ཀྱི་སྡེ་འདུལ་ལོ།། ཆོས་ཀྱི་འཁོར་ལོ་བསྐོར་རོ།། དེ་ནས་བུ་མོ་བསོད་ནམས་ལྡན་མཆོག་ཤི་མ་ཐག་ཏུ་བུད་མེད་ཀྱི་ལུས ་ལས་བསྒྱུར་ཏེ། ཤི་འཕོས་པ་དང་མཐོ་རིས་ཀྱི་འཇིག་རྟེན་དུ་སུམ་ཅུ་རྩ་གསུམ་གྱི་ལྷ་རྣམས་དང་བསྐལ་བ་མཉམ་པར་སྐྱེས་སོ།། དེ་སྐྱེས་མ་ཐག་ཏུ་གཞལ ་མེད་ཁང་རིན་པོ་ཆེ་སྣ་བདུན་ལས་བྱས་པ་དཔག་ཚད་བཅུ་གཉིས་པ་ཡང་བྱུང་། གཡོག་བྱ་བའི་ཕྱིར་ལྷའི་བུ་མོ་ཁྲི་བཞི་སྟོང་ཡང་བསྐྱེད་ནས། དེའི་ཚེ་དགེ་བའི་རྩ་བ་གང་གིས ་འདིར་སྐྱེས་པར་གྱུར་ཅེས་ཤེས་པ་སྐྱེས་ཏེ། དེས་བསམས་པ་དང་འདི་སྙམ་དུ་གྱུར་ཏེ། བདག་ནི་མཉན་དུ་ཡོད་པའི་གྲོང་ཁྱེར་ཆེན་པོ་ན་ཁྱིམ་བདག་གི་བུ་མོར་གྱུར། ་པ་ལས། དེ་ནས་བདག་གིས་འདོད་ཆགས་ཀྱི་སེམས་ཀྱིས་བྱང་ཆུབ་སེམས་དཔའ་དགའ་བར་བྱེད་པ་མཐོང་ནས། བདག་གིས་སེམས་འདོད་ཆགས་ཀྱིས་ཀུན་ཏུ་ཟིན་ཏེ། འཆི་བའི་དུས། ་བྱས་པ་དང་། བདག་བུད་མེད་ཀྱི་ལུས་ལས་གྱུར་ཏེ། བདག་གིས་སྐྱེས་པའི་ལུས་ཐོབ་ནས། བདག་གིས་རྫུ་འཕྲུལ་དཔག་ཏུ་མེད་པ་འདི་དག་ཐོབ་བོ་སྙམ་མོ།། དེ་ནས ་ལྷའི་བུ་དེ་འདི་སྙམ་དུ་སེམས་ཏེ། འདོད་ཆགས་ཀྱི་སེམས་ཀྱི་རྣམ་པར་སྨོན་པ་ཡང་འདི་ཡིན་ན། གང་བདག་གིས་བྱང་ཆུབ་སེམས་དཔའ་དགའ་བར་བྱེད་པ་ལ་ཕྱག་བྱ་བ་འམ། བསྙེན་བཀུར་བྱ་བ། ་ལྟ་ཅི་སྨོས་ཀྱིས་གང་བདག་རྩེ་བ་འམ། དགའ་བར་བྱེད་པ་དེ་རིགས་པར་འགྱུར་བ་མ་ཡིན་གྱི། དེ་ལྟར་བདག་བཅོམ་ལྡན་འདས་ག་ལ་བ་དང་དགའ་བར་བྱེད་པ་ག་ལ་བ་དེར་འགྲོའོ་སྙམ ་དེ་ནས་ལྷའི་བུ་དེ་འཁོར་དང་བཅས་ཏེ། མེ་ཏོག་དང་དྲི་དང་ཕྲེང་བ་དང་། བྱུགས་པ་རྣམས་ཐོགས་ནས། ཁ་དོག་ཚད་མེད་པས། བཅོམ་ལྡན་འདས་ག་ལ་བ་དེར་སོང ་སྟེ། མེ་ཏོག་དང་ཕྲེང་བ་དང་། བྱུག་པ་དེ་དག་གིས། བཅོམ་ལྡན་འདས་ལ་མཆོད་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ ་ལན་གསུམ་བསྐོར་ནས། བཅོམ་ལྡན་འདས་ཀྱི་སྤྱན་སྔར་ཐལ་མོ་སྦྱར་ཏེ། ཚིགས་སུ་བཅད་པ་འདི་དག་སྨྲས་སོ།། སངས་རྒྱས་མི་མཆོག་རྣམས་ནི་བསམ་མི་ཁྱབ།། བྱང་ཆུབ་རབ ་མཆོག་གནས་རྣམས་བསམ་མི་ཁྱབ།། དེ་བཞིན་གཤེགས་པའི་ཆོས་རྣམས་བསམ་མི་ཁྱབ།། གྲགས་པ་རྣམས་ཀྱི་སྤྱོད་པ་བསམ་མི་ཁྱབ། བདག་ནི ་མཉན་དུ་ཡོད་པར་བུ་མོར་གྱུར།། ཚོང་དཔོན་བུ་མོ་མིང་ནི་བསོད་ནམས་མཆོག། བཟང་མོ་ན་ཚོད་དང་མོ་དང་ཡང་ལྡན།། ཕ་དང་མ་ཡང་བྱམས་ཤིང་ཡིད་དུ་མཆི།། གང་ཡང་སངས་རྒྱས ་མ་སྤང་བ་ཡི་སྲས།། དགའ་བར་བྱེད་ཅེས་བགྱི་བ་མཐུ་བ་ཆེ།། མཉན་དུ་ཡོད་པར་བསོད་སྙོམས་ཕྱིར་མཆིས་པ།། བདག་གི་ཕ་ཡི་ཁང་པར་ཕྱིན་པ་དང་།། ཡིད་དུ་མཆི་ཞིང་སྙན་པའི ་སྒྲ་ཐོས་ཏེ། བདག་ནི་རབ་ཏུ་དགའ་བས་བཤོས་ཐོགས་ནས།། དེ་བཞིན་གཤེགས་པའི་སྲས་པོ་དགའ་བྱེད་པ།། མཐུ་བོ་ཆེ་དག་ག་ན་བར་མཆིས་ནས།། མཐོང་མ་ཐག་ཏུ་བདག་ཏུ ་བདག་གིས་སེམས་སྐྱེས་པ།། ཚུལ་བཞིན་མ་ལགས་འདོད་ཆགས་ལྡན་པར་གྱུར།། གལ་ཏེ་བསམ་པ་བཞིན་དུ་མ་གྲུབ་ན།། བདག་ནི་མི་འཚོ་འཆི་བའི་དུས་བགྱི་སྙམ།། ་ཚིག་ཀྱང་སྨྲ་བ་ཉིད་དུ་མ་ནུས་ཏེ། བསོད་སྙོམས་དེ་ཡང་དབུལ་བར་མ་ནུས་ནས།། ཚུལ་བཞིན་མ་ལགས་འདོད་ཆགས་ཀྱིས་གདུངས་ཏེ།། དེ་ཉིད་དག་ཏུ་རྟུལ་ནས་གུམ ་པར་གྱུར།། ལུས་ཀུན་རྡུལ་ཤིང་ཤི་བར་ཤེས་གྱུར་ནས།། བུ་མོའི་ཕ་དང་མ་ནི་ངུ་བར་བགྱིད།། རོ་ལགས་པར་ནི་རབ་ཏུ་གནས་པར་སེམས།། གང་ཕྱིར་དགེ་སྦྱོང་ལ་ཡང་ཚིག ་གཅིག་དུ། བཅོམ་ལྡན་བདག་ནི་འཆི་འཕོ་གྱུར་མ་ཐག། དེ་ཚེ་བདག་ནི་བུད་མེད་ལུས་བོར་ཏེ། འོད་གསལ་སྐྱེས་པའི་ལུས་འདི་ཐོབ་པར་གྱུར།། གུམ་ནས་བདག་ཀྱང་། ་མཐོ་རིས་འཇིག་རྟེན་སྐྱེས།། བདག་གི་གཞལ་མེད་ཁང་འདི་མཆོག་གྲུབ་པ།། རིན་ཆེན་རྒྱུ་སྟེ་དེ་འདྲ་སུ་ལང་མོད།། ལྷ་ཡི་བུ་མོ་སྟོང་ཕྲག་བཅུ་བཞི་འདི།། བདག་གི ་གཡོག་ཏུ་ཐོབ་བོ་བཅོམ་ལྡན་འདས།། དེ་ཚེ་བདག་ཀྱང་དེ་འདྲའི་སེམས་སྐྱེས་ཏེ།། འདི་འདྲ་རྣམ་སྨིན་བཟང་པོ་ལས་དག་གིས།། དེ་ལྟར་བསམས་ནས་འདི་སྙ་མ་དུ། ་གྱུར་ཏེ།། འདི་ནི་འདོད་ཆགས་སེམས་ཀྱིས་རྣམ་སྨིན་ནོ།། དགའ་བྱེད་མགུ་བྱེད་མཁས་པ་འོད་བྱེད་ལ།། བདག་གི་ཆགས་པའི་སེམས་ཀྱིས་བརྟགས་པ་དང་།། དེ་ཡི།། ་ལས་ཀྱི་རྣམ་སྨིན་འདི་འདྲ་སྟེ།། དེ་ཚེ་བདག་ནི་འབར་བའི་མཐུ་ཅན་གྱུར།། བདེ་བར་གཤེགས་པའི་ཡེ་ཤེས་གར་འཇུག་པ།། དེར་ནི་ཉན་ཐོས་དག་དང་རང་སངས་རྒྱས། ་དེར་དག་སར་ནི་གཞར་ཡང་མི་འགྱུར་ཏེ།། འདོད་ཆགས་སེམས་ཀྱིས་འབྲས་བུ་འདི་འདྲ་ན།། བདག་གིས་བཀུར་སྟི་བགྱི་བ་ཅི་སྨོས་ཏེ།། བདག་གིས་རྒྱལ་བ་འདི ་ཡིས་སྤྱན་སྔར་ནི།། སངས་རྒྱས་ཡེ་ཤེས་བྱང་ཆུབ་མཆོག་ཐོབ་སྤོན།། བསྐལ་པ་གངྒཱའི་བྱེ་མ་སྙེད་དུ་སྤྱད།། བདག་གི་ཡི་དམ་བཏང་བར་མི་བགྱི་ཞིང་།། དགེ་བའི་བཤེས ་གཉེན་དགའ་བར་བྱེད་པ་ལ།། མཆོད་པ་ཡངས་ཤིང་རྒྱ་ཆེན་དག་ཀྱང་བགྱིད།། མངོན་པར་བྱང་ཆུབ་ཕྱིར་ཞུགས་མ་གཏོགས་པར།། གཞན་དུ་འདྲེན་པ ་རྣམས་ལ་མཆོད་མི་འགྱུར།། བྱང་ཆུབ་སྤྱོད་པ་དམ་པ་ཀུན་སྤྱོད་བཅིང་།། འདོད་ཆགས་སེམས་ཀྱིས་བདག་ལ་གང་བལྟ་བ།། དེ་དག་བུད་མེད་ལུས་ནི་སྤངས་གྱུར་ནས།། ་ཐམས་ཅད་མི་འཇིགས་སྐྱེས་བུར་འགྱུར་བར་ཤོག། སངས་རྒྱས་མཐུས་ནི་ལྷ་ཡི་བུ་ཕོ་དེས།། ཕ་མའི་དྲུང་དུ་སོང་སྟེ་ཚིག་སྨྲས་པ།། དགེ་སྦྱོང་ལ་ནི་ཞེ་སྡང་ཁྲོ་མ་བྱེད།། ་ཡུན་རིངས་དུས་སུ་སྡུག་བསྔལ་གྱུར་ཏ་རེ།། གང་ཡང་བསོད་ནམས་ལྡན་མཆོག་ཤི་བ་དེ།། སུམ་ཅུ་རྩ་གསུམ་པ་དང་བསྐལ་པ་མཉམ།། འདིར་ནི་བུད་མེད་ལུས་ཀྱང་བརྗེས་གྱུར ་ནས་འོད་གསལ་ལྷ་ཡི་བུ་མོ་མཛེས་པར་གྱུར།། བདེ་བར་གཤེགས་པ་དེ་ཡི་གནས་སོང་སྟེ།། ཁྲོ་སེམས་ཉེས་པ་དེ་ནི་བཤགས་པར་གྱིས།། སངས་རྒྱས་དེ་བཞིན་གཤེགས ་པ་མ་གཏོགས་པར།། སེམས་ཅན་དག་གིས་མགོན་སྐྱབས་གཞན་མེད་དོ།། འཇིགས་པ་མེད་པ་དེས་ནི་བསྐུལ་བ་དང་།། པ་དང་མས་ཀྱང་སངས་རྒྱས་སྒྲ་ཐོས་ནས།། ཐམས་ཅད་ཚོགས་ཏེ། ་ལྷན་ཅིག་འགྲོགས་གྱུར་ནས།། ཤཱཀྱ་ཐུབ་པའི་དྲུང་དུ་སོང་བར་གྱུར།། སྐྱེས་བུ་དམ་པའི་ཞབས་ལ་ཕྱག་བཙལ་ཏེ།། ཁྲོ་སེམས་ཉེས་པ་དག་ཀྱང་བཤགས་བྱས་ནས།། དེ་བཞིན་གཤེས ་པ་ལ་ཡང་སྐྱབས་སོང་སྟེ། བདེ་གཤེགས་རང་བྱུང་ལ་ཡང་ཞུ་བ་ཞུས།། ཅི་ཛམ་གྱིས་ན་འདྲེན་ལ་མཆོད་པར་འགྱུར།། ཆོས་དང་དགེ་འདུན་ལ་ཡང་ཇི་ལྟར་མཆོད།། ཞུས་པ་དེ་ཡང་སོ།། ་སོར་ལུང་བསྟན་གསོལ།། ཐོས་ནས་དེ་བཞིན་ལགས་ཀྱིས་མཆི་བར་བགྱི།། རྒྱལ་བས་དེ་དག་གི་ནི་སེམས་མཁྱེན་ནས།། འཇིག་རྟེན་མགོན་གྱིས་ཡང་དག་ཚིག་གསུངས་པ། ་གང་ཞིག་སངས་རྒྱས་ཀུན་ལ་མཆོད་འདོད་པ། བྱང་ཆུབ་ཕྱིར་ནི་བརྟན་པའི་སེམས་སྐྱེད་ཅིག། བུ་མོའི་ཕ་དང་མ་དང་གཉེན་པ་རྣམས།། ལྔ་བརྒྱར་མི་ཉུང་ཚང་བ་དེ་དག་ཀྱང་།། ་སྐྱེས་བུ་ཁྱུ་མཆོག་གི་ནི་ཚིག་ཐོས་ནས།། དེའི་ཚེ་བྱང་ཆུབ་ཕྱིར་ནི་སེམས་བསྐྱེད་དོ།། དེའི་ཚེ་དགའ་བོ་དག་ལ་བཀའ་སྩལ་པ།། ཇི་སྐད་སྨྲས་པ་བཞིན་དུ་དགའ་བོ་ཉོན།། བྱང་ཆུབ ་སེམས་དཔའི་བསམ་སྤྱོད་བསམ་མི་ཁྱབ།། ཐབས་ལ་མཁས་པའི་ཤེས་རབ་དེ་བཞིན་ནོ།། དགའ་བྱེད་སྨོན་ལམ་ཕྱི་ཕྱིར་འདེབས་པ་ནི།། བུད་མེད་གང་དག་ཆགས་སེམས་ཀྱིས ་བལྟ་བ།། དེ་ནི་བུད་མེད་ལུས་ཀྱང་ཡོངས་སྤངས་ཏེ།། སྐྱེས་བུ་ཡངས་པའི་སེམས་ཅན་འགྱུར་བར་ཤོག། དགའ་བོ་འདི་ཡི་ཡོན་ཏན་ཅི་འདྲ་ལྟོས།། གང་གིས་སེམས་ཅན་གཞན ་དག་དམྱལ་འགྲོ་བ།། དེ་ཉིད་དགའ་བོ་དག་ལ་ཆགས་བསྐྱེད་ནས།། མཐོ་རིས་སུ་ནི་སྐྱེས་བུར་འགྱུར་བར་ཤོག། ལྷ་ཡི་བུ་དེས་ང་ལ་བཀུར་སྟི་བྱས།། གུས་དང་བཅས་པས་བྱང་ཆུབ ་མཆོག་གནས་སོ།། བསྐལ་པ་མང་པོར་སངས་རྒྱས་མཆོད་བྱས་ནས།། ཤིན་ཏུ་གཟིགས་ཤེས་བྱ་བའི་རྒྱལ་བར་གྱུར།། ལྔ་བརྒྱ་གང་དག་བྱང་ཆུབ་ལ་གནས་པ། ་དེ་དག་རྣམས་ཀྱང་མི་ཡི་མཆོག་ཏུ་འགྱུར།། དེ་ལ་དད་ཕྱིར་བདེ་ས་བསམ་ཡས་ན།། མགོན་པོ་ལ་ནི་བཀུར་སྟི་སུ་མི་བྱེད།། གང་དག་དགའ་བར་བྱེད་ལ་ཆགས་སེམས་པ།། བུད་མེད་ལུས ་སྤངས་སྐྱེས་པར་གྱུར་པ་ནི།། གཅིག་དང་གཉིས་དང་གསུམ་ནི་མ་ཡིན་གྱིས།། བྱེ་བ་ཁྲག་ཁྲིག་སྟོང་ཕྲག་མང་པོ་སྟེ།། རྩི་ཡི་རྒྱལ་པོ་གྲགས་པ་ཆེན་པོ་ཡི།། བྱང་ཆུབ་དེ་ལ་ཞེ་སྡང ་སུ་ཞིག་བསྐྱེད།། ཉོན་མོངས་ལས་ཀྱང་བདེ་བ་སྦྱིན་བྱེད་ན།། དེ་ལ་བཀུར་སྟི་བྱེད་པ་སྨོས་ཅི་དགོས།། དེ་ནས་བཅོམ་ལྡན་འདས་ལ་ཚེ་དང་ལྡན་པ་དགའ་བོས་འདི་སྐད ་ཅེས་གསོལ་ཏོ།། བཅོམ་ལྡན་འདས་འདི་ལྟ་སྟེ་དཔེར་ན། རིའི་རྒྱལ་པོ་རི་རབ་ལྷུན་པོའི་དྲུང་དུ་གང་སེམས་དད་ཀྱང་རུང་། སེམས་ཞེ་སྡང་ཡང་རུང་སེམས ་ཆགས་པ་ཡང་རུང་། ཆོས་ལ་བར་ཆད་བགྱིད་པའི་སེམས་ཀྱང་རུང་སྟེ། མཆི་ན་དེ་ཐམས་ཅད་ཁ་དོག་གཅིག་ཏུ་འགྱུར་བ་ནི་འདི་ལྟ་སྟེ་གསེར་གྱི་ཁ་དོག་གོ།། བཅོམ ་ལྡན་འདས་དེ་བཞིན་དུ་གང་སུ་ཡང་རུང་། བྱང་ཆུབ་སེམས་དཔའི་དྲུང་དུ་སེམས་དད་དམ། སེམས་ཞེ་སྡང་ངམ། སེམས་ཆགས་པ་འམ། ཆོས་ལ་བར་ཆད་བགྱིད་པའི་སེམས ་ཀྱང་རུང་སྟེ། མཆི་ན་དེ་དག་ཐམས་ཅད་ཁ་དོག་གཅིག་ཏུ་འགྱུར་བ་ནི་འདི་ལྟ་སྟེ། ཐམས་ཅད་མཁྱེན་པ་ཉིད་ཀྱི་སེམས་ཀྱི་ཁ་དོག་གོ།། བཅོམ་ལྡན་འདས་དག་ནི་དེ་རིང་ཕན་ཆད་བྱང་ཆུབ ་སེམས་དཔའ་རྣམས་ལ་རི་རབ་ལྷུན་པོ་དང་འདྲ་བར་འཛིན་ཏོ།། བཅོམ་ལྡན་འདས་འདི་ལྟ་སྟེ་དཔེར་ན། སྨན་གྱི་རྣམ་པ་བལྟ་ན་བཟང་བ་ལ་སེམས་ཅན་སུ་ཡང་རུང་སྟེ། ནང་རྣམ་པ་སྣ་ཚོགས ་ཀྱིས་ཉོན་མོངས་པ་རྣམས་ཀྱིས་བལྟས་ན་ནད་དེ་དག་ཐམས་ཅད་རབ་ཏུ་ཞི་བར་འགྱུར་རོ།། བཅོམ་ལྡན་འདས་དེ་བཞིན་དུ་གང་སུ་ཡང་རུང་སྟེ་སེམས་དད་པ་འམ། སེམས་ཞེ་སྡང་བ་འམ། ་སེམས་ཆགས་པས་བྱང་ཆུབ་སེམས་དཔའ་ལ་བལྟས་ན། དེ་ཐམས་ཅད་ཀྱི་འདོད་ཆགས་དང་ཞེ་སྡང་གཏི་མུག་གི་ནད་རྣམས་རབ་ཏུ་ཞི་བར་འགྱུར་རོ།། དེ་ནས་བཅོམ ་ལྡན་འདས་ཀྱིས་ཚེ་དང་ལྡན་པ་དགའ་བོ་ལ་ལེགས་སོ་ཞེས་བྱ་བ་བྱིན་ནས། དགའ་བོ་དེ་བཞིན་ནོ།། དགའ་བོ་ཇི་སྐད་སྨྲས་པ་དེ་བཞིན་ནོ་ཞེས་གསུངས་སོ།། དེ་ནས་བཅོམ ་ལྡན་འདས་ལ་ཚེ་དང་ལྡན་པ་འོད་སྲུངས་ཆེན་པོ་འདི་སྐད་ཅེས་གསོལ་ཏོ།། བཅོམ་ལྡན་འདས་ངོ་མཚར་ཏོ།། བདེ་བར་གཤེགས་པ་རབ་ཏུ་ངོ་མཚར་རོ།། བྱང་ཆུབ་སེམས་དཔའ་ཆེན། ་པོ་རྣམས་ནི་ཞི་བའི་ཏིང་ངེ་འཛིན་ལ་གནས་ཀྱང་སེམས་ཅན་རྣམས་ལ་སྙིང་བརྩེ་བའི་སླད་དུ་སླར་ཡང་འདོད་པའི་ཁམས་སུ་ཡང་གདའོ།། སྟོང་པ་ཉིད་དང་། མཚན་མ་མེད་པ ་དང་སྨོན་པ་མེད་པ་ལ་གནས་ཤིང་ཉན་ཐོས་དང་རང་སངས་རྒྱས་ཀྱི་ཆོས་རྣམས་ལ་ཡང་མ་རེག་ལ་ཐམས་ཅད་མཁྱེན་པའི་སེམས་ལ་ཡང་འབ ་པར་བགྱིད་དོ།། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བསམ་གྱིས་མི་ཁྱབ་པའི་ཐབས་མཁས་པ་ལ་གནས་ལ། དེ་ནི་འདི་ལྟ་སྟེ། ཆགས་པར་འགྱུར། ་བ་གཟུགས་དང་། སྒྲ་དང་། དྲི་དང་། རོ་དང་། རེག་བྱ་ཐམས་ཅད་ལ་སྤྱོད་ཀྱང་དེ་དག་ལ་ཆགས་པར་མི་བགྱིད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས ་ལས་བརྩམས་ཏེ། དཔེ་ཅུང་ཟད་ཅིག་གཅིག་གསོལ་བར་བཅོམ་ལྡན་འདས་བདག་སྤོབས་སོ།། བདེ་བར་གཤེགས་པ་བདག་སྤོབས་སོ།། བཀའ་སྩལ་པ་འོད ་སྲུངས་ཁྱོད་སྤོབས་པར་གྱིས་ཤིག། བཅོམ་ལྡན་འདས་འདི་ལྟ་སྟེ་དཔེར་ན་འཕྲོག་དགོན་པ་ཞིག་མཆིས་ལ། འབྲོག་དགོན་པ་དེ་ན་རྩིག་པ་འཁོར་བའི་རྩེ་མོའི་བར་དུ་ཕྱིན་པ ་ཞིག་ཀྱང་མཆིས་པར་གྱུར། དགོན་པ་དེ་ན་ཆབ་སྒོ་ཡང་གཅིག་པུ་ཞིག་མཆིས་པར་གྱུར། འབྲོག་དགོན་པ་དེ་ནས་ཤིན་ཏུ་རྒྱང་མི་རིང་བ་ཞིག་ན་གྲོང་ཁྱེར་ཞིག་ཀྱང ་མཆིས་ལ་འབྱོར་པ་དང་། བདེ་བ་དང་། ལོ་ལེགས་པ་དང་། མིའི་སྐྱེ་བོས་གང་བར་གྱུར། གང་དག་གྲོང་ཁྱེར་དེར་མཆིས་པ། དེ་དག་ཀྱང་རྒ་བ་དང་། འཆི་བར ་མི་འགྱུར། གྲོང་ཁྱེར་ཆེན་པོ་དེའི་ཤུལ་ནི་མཐོ་གང་ཙམ་དུ་གྱུར་ལ། དེ་ན་གཡས་གཡོན་དུ་གཡང་ས་ཁྲུ་འབུམ་མཆིས་པར་གྱུར་ཅིང་འབྲོག་དགོན་པ་དེའི་དབུས་ན་སེམས། ་ཅན་མཁས་པ་ཞིབ་པ་ཡིད་གཞུངས་པ། དོན་འཚལ་བ་ཕན་པར་འཚལ་བ་འབྱོར་པ་དང་། བདེ་བར་འཚལ་བ་གཅིག་ཅིག་སྐྱེས་ལ་དེས་འབྲོག་དགོན་པ་དེར་སེམས་ཅན་དེ་དག་ལ ་འབྲོག་དགོན་པ་འདི་ནས་ཤིན་ཏུ་རྒྱང་རིང་བ་ཞིག་ན་གྲོང་ཁྱེར་ཞིག་ཡོད་དེ། དེར་སུ་འགྲོ་བ་དེ་ནི་རྒ་བ་དང་འཆི་བར་མི་འགྱུར་གྱིས། ཀྱེ་སེམས་ཅན་དག་ཚུར་ཤོག། གྲོང་ཁྱེར་ཆེན་པོ་དེར ་འདོང་ངོ་།། ངས་ནི་ཁྱེད་ཡོངས་སུ་དྲང་ངོ་ཞེས་དེ་སྐད་སྒྲ་བསྒྲགས། དབྱངས་ཀྱིས་བསྙད་པ་དང་། དེ་ན་གང་དམན་པ་ལ་མོས་ཤིང་འབྱུང་བའི་བསམ་པ་མཆིས་པ་དེ་དག་ནི། བདག ་ཅག་བསྟན་པ་དེ་དང་། ཡུལ་དེར་མཆི་ཡང་འཚལ་ན་འདི་ནས་ཀྱང་མི་འཕག་ལ། གང་གྲོང་ཁྱེར་དེ་ན་ཡོན་ཏན་མཆིས་པ་དེ་དག་ཀྱང་འདི་ན། མཆིས་བཞིན་དུ་འབྱུང་བར་གྱུར་ཅིག ་ཅེས་མཆིའོ།། གང་ཆེན་པོ་ལ་མོས་པ་དེ་དག་ནི་བདག་ཅག་ཀྱང་མཆི་སྟེ། ཁྱོད་ཇི་ལྟ་བ་བདག་ཅག་ཀྱང་དེ་འདྲའོ་ཞེས་དེ་སྐད་མཆིའོ།། གང་བསོད་ནམས་ཆུང་བ་དེ་དག་ནི་སྒྲ་དེ་ཐོས ་བ་དང་། ཐོས་ནས་ཡིད་ཆེས་པར་མི་བགྱིད་དོ།། དེ་ནས་སྐྱེས་བུ་མཁས་པ་དེ་འབྲོག་དགོན་པ་དེ་ནས་བྱུང་ནས་ལམ་དེ་མཐོང་ངོ་།། དེས་ཤུལ་མཐོ་གང་ཙམ་པ་དེ ་མཐོང་ནས་སོང་བ་དང་། ལམ་གྱི་གཡས་ཕྱོགས་ན་གཡང་ས་ཁྲུ་འབུམ་དང་། གཡོར་ཕྱོགས་ན་གཡང་ས་ཁྲུ་འབུམ་མཆིས་ན། ལམ་དེའི་གཡས་གཡོན་དུ། ་དེས་རྩིག་པའི་རྟེན་བཅས་ཏེ། གྲཝ་བཞིས་ཤུལ་དེ་རྒལ་བར་བགྱིད་ཅིང་གཡས་སུ་ཡང་མི་ལྷ་གཡོན་དུ་ཡང་མི་ལྷ་དེའི་རྒྱབ་ནས་དགྲ་རྣམས་སྒྲ་བསྒྲོགས་ཅིང་འཇིགས་པར་སྟོན་ཀྱང་དེ་ཁ་ཕྱིར་ཡང། ་མི་ལྟ་སྟེ། ལམ་དུ་ཞུགས་པ་དང་། ཇི་ལྟ་ཇི་ལྟར་མཆི་བ་དེ་ལྟ་དེ་ལྟར་གྲོང་ཁྱེར་ཆེན་པོ་མཐོང་ངོ་།། དེ་ལྟ་དེ་ལྟར་དེའི་འཇིགས་པ་ཐམས་ཅད་ཀྱང་མ་མཆིས་སོ།། གྲོང་ཁྱེར་ཆེན་པོ་དེར་ཕྱིན ་ནས་སེམས་ཅན་དཔག་ཏུ་མ་མཆིས་པ་རྣམས་ཀྱིས་དོན་ཡང་བགྱིད་དོ།། བཅོམ་ལྡན་འདས་འབྲོག་དགོན་པ་ཞེས་བགྱི་བ་ནི་དེ་ལྟར་འཁོར་བའི་འབྲོག་དགོན་པར་བལྟ་བར་བགྱིད་དོ།། ་རྩིག་པ་འཁོར་བའི་རྩེ་མོའི་བར་དུ་ཕྱིན་པ་ཞེས་བགྱི་བ་ནི་དེ་ལྟར་མ་རིགས་པ་དང་། སྲེད་པ་དང་། སྲིད་པར་ལྟ་བར་བགྱིའོ།། སྲོག་ཆགས་བརྒྱ་སྟོང་མང་པོ་འབྲོག་དགོན་པ་དེ་ན་མཆིས་ཤེས ་བགྱི་བ་ནི་དེ་ལྟར་བྱིས་པ་ལྟ་བུ་སོ་སོའི་སྐྱེ་བོ་ཐམས་ཅད་དུ་བལྟ་བར་བགྱིའོ།། ཆབ་སྒོ་གཅིག་ཅེས་བགྱི་བ་ནི་དེ་ལྟར་ཐེག་པ་གཅིག་གི་ལམ་དུ་བལྟ་བར་བགྱིའོ།། སྐྱེས་བུ་མཁས་པ་ཞེས ་བགྱི་བ་ནི་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོར་བལྟ་བར་བགྱིའོ།། སེམས་ཅན་དམན་པ་ལ་དད་པ་འབྱུང་བའི་བསམ་པ་མཆིས་པ་གནས་དེ་ནས་ཀྱང་མི ་འཕགས་ལ་གྲོང་ཁྱེར་གྱི་ཡོན་ཏན་ཀྱང་འཚལ་ཞེས་བགྱི་བ་ནི་ཉན་ཐོས་དང་རང་སངས་རྒྱས་སུ་བལྟ་བར་བགྱིའོ།། གཞན་དག་བདག་ཅག་ཀྱང་མཆི་སྟེ། ཁྱོད་ཅི་འདྲ་བ་བདག ་ཅག་ཀྱང་དེ་འདྲ་བོ་ཞེས་མཆི་བ་ནི་དེ་ལྟར་བྱང་ཆུབ་སེམས་དཔའ་དག་ཏུ་བལྟ་བར་བགྱིའོ།། སྒྲ་ཐོས་ཀྱང་ཡིད་ཆེས་པར་མ་གྱུར་ཅེས་བགྱི་བ་ནི། དེ་ལྟར་མུ་སྟེགས་ཅན་གཞན ་དག་ཏུ་བལྟ་བར་བགྱིའོ།། འབྲོག་དགོན་པ་ནས་འབྱུང་ཞེས་བགྱི་བ་དེ་ལྟར་ཐམས་ཅད་མཁྱེན་པར་བསྔོས་པའི་བརྩོན་འགྲུས་སུ་བལྟ་བར་བགྱིའོ།། ཤུལ་མཐོ་གང་ཙམ་ཞེས ་བགྱི་བ་ནི་དེ་ལྟར་ཆོས་ཀྱི་དབྱིངས་སུ་བལྟ་བར་བགྱིའོ།། གཡས་གཡོན་ན་གཡང་ས་ཁྲུ་འབུམ་མཆིས་ཤེས་བགྱི་བ་ནི། དེ་ལྟར་ཉན་ཐོས་ཀྱི་ས་དང་རང་སངས་རྒྱས་ཀྱི་སར ་བལྟ་བར་བགྱིའོ།། གཡས་གཡོན་གྱི་ཕྱོགས་སུ་རྩིག་པའི་རྟེན་བཅས་ཞེས་བགྱི་བ་ནི། དེ་ལྟར་ཐབས་མཁས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང ་ལྡན་པའི་བརྩོན་འགྲུས་སུ་བལྟ་བར་བགྱིའོ།། གྲཝ་བཞིས་མཆི་བར་བགྱིད་ཅེས་བགྱི་བ་ནི་བསྡུ་བའི་དངོས་པོ་བཞིས་སེམས་ཅན་གྲངས་མ་མཆིས་དཔག་ཏུ་མ་མཆིས་པ་རྣམས ་སྡུད་པ་ལ་བགྱིའོ།། རྒྱབ་ལོགས་ནས་དགྲའི་མི་དག་འཇིགས་པ་སྟོན་ཞེས་བགྱི་བ་ནི་དེ་ལྟར་བདུད་དང་བདུད་ཀྱི་རིས་ཀྱི་ལྷ་རྣམས་སུ་བལྟ་བར་བགྱིའོ།། དེ་བཞིན་དུ་གང་སེམས་ཅན ་མ་རུངས་པ་བྱང་ཆུབ་སེམས་དཔའ་རྣམས་ལ་བཙལ་བར་བགྱིད་བསྟིང་བར་བགྱིད་སྤོད་པར་བགྱིད་པ་གཞན་དག་ལ་ཡང་བལྟ་བར་བགྱིའོ།། ཁ་ཕྱིར། ་མི་ལྟ་ཞེས་བགྱི་བ་ནི་བཟོད་པའི་ཕ་རོལ་ཏུ་ཕྱིན་པ་དང་བསམ་པ་ལྷག་པའི་ཚིག་བླ་དགས་ལགས་སོ།། གཡས་གཡོན་དུ་མི་ལྟ་ཞེས་བགྱི་བ་ནི་ཉན་ཐོས་དང་རང་སངས་རྒྱས ་ཀྱིས་མི་འཚལ་བས་ཐམས་ཅད་མཁྱེན་པའི་ཡེ་ཤེས་ཀྱི་ཚིགས་བླ་དགས་ལགས་སོ།། ཇི་ལྟ་ཇི་ལྟར་གྲོང་ཁྱེར་མཐོང་བ་དེ་ལྟ་དེ་ལྟར་འཇིགས་པ་མ་མཆིས་པར་འགྱུར་ཞེས་བགྱི ་བ་ནི་དེ་ལྟར་ཇི་ལྟར་སངས་རྒྱས་ཀྱི་ཡོན་ཏན་མཐོང་ཞིང་སངས་རྒྱས་ཀྱི་སྤྱོད་པ་དང་། ཡེ་ཤེས་ལྟ་རྟོག་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་མཁས ་པ་ལ་བསླབས་པ་དེ་ལྟ་དེ་ལྟར་སེམས་ཅན་རྣམས་ལ་མི་འཇིགས་ཤིང་ཐེ་ཙོམ་མ་མཆིས་པ་ལ་བགྱིའོ།། གྲོང་ཁྱེར་དུ་ཕྱིན་ནས་སེམས་ཅན་དཔག་ཏུ་མ་མཆིས་པའི་དོན་བགྱིད ་ཅེས་བགྱི་བ་ནི། དེ་བཞིན་གཤེགས་པའི་ཚིགས་བླ་དགས་ལགས་སོ།། བཅོམ་ལྡན་འདས་བྱང་ཆུབ་སེམས་དཔའ་ནི་ཡེ་ཤེས་དང་ལྡན་པ་ལགས་ཏེ། བཅོམ ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་ཀྱི་ཚེ་དང་ལྡན་པ་འོད་སྲུངས་ཆེན་པོ་ལ་ལེགས་སོ་ཞེས་བྱ། ་བ་བྱིན་ཏེ། འོད་སྲུངས་ལེགས་སོ་ལེགས་སོ།། འོད་སྲུངས་ཁྱོད་ཀྱིས་འདིར་དཔེ་བཤད་པས་ལྷ་དང་མིའི་སྐྱེ་དགུ་སྲོག་ཆགས་ཁྲི་ཉིས་སྟོང་གིས་བླ་ན་མེད་པ་ཡང་དག་པར། ་རྫོགས་པའི་བྱང་ཆུབ་ཏུ་སེམས་བསྐྱེད་དོ།། འོད་སྲུངས་བྱང་ཆུབ་སེམས་དཔའ་ཐབས་མཁས་པ་ལ་གནས་པ་ནི། ཡོན་ཏན་དཔག་ཏུ་མེད་པ་དང་ལྡན་པ་ཡིན་ཏེ། འོད ་སྲུངས་བྱང་ཆུབ་སེམས་དཔའ་ནི་གང་བདག་ལ་གནོད་པར་འགྱུར་བ་དང་། གཞན་ལ་གནོད་པར་འགྱུར་བའི་ལས་དེ་ལྟ་བུ་ནི་མི་བྱེད་དོ།། དེ་སྐད་ཅེས་བཀའ་སྩལ་པ ་དང་བཅོམ་ལྡན་འདས་ལ་བྱང་ཆུབ་སེམས་དཔའ་ཡེ་ཤེས་བླ་མས་འདི་སྐད་ཅེས་གསོལ་ཏོ།། བཅོམ་ལྡན་འདས་འོ་ན་ཇི་ལྟར་ན་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པས ་དེ་བཞིན་གཤེགས་པ་འོད་སྲུངས་ཀྱི་གསུང་རབ་ལས་མགོ་རེག་འདི་མཐོང་བས་ཆོག་གོ།། དགེ་སྦྱོང་མགོ་རེག་འདི་ལ་བྱང་ཆུབ་ག་ལ་ཡོདབྱང་ཆུབ་ནི་ཤིན་ཏུ་དཀོན་པའོ་ཞེས ་ཚིག་སྨྲས་པར་གྱུར། བཅོམ་ལྡན་འདས་དེ་སྐད་སྨྲས་པའི་དོན་གང་ལགས་དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཡེ་ཤེས་བླ ་མ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་ཆོག་གོ། དེ་བཞིན་གཤེགས་པ་དང་། བྱང་ཆུབ་སེམས་དཔའ་ལ་དྲོད་མ་འཛིན་ཅིག། དེ་ཅིའི་ཕྱིར་ཞེ་ན། བྱང་ཆུབ་སེམས ་དཔའ་ནི་ཐབས་མཁས་པ་བསམ་གྱིས་མི་ཁྱབ་པ་དང་ལྡན་པ་ཡིན་ཏེ། སྐྱེས་བུ་དམ་པ་དེ་དག་ནི་ཇི་ལྟར་ཅི་ནས་ཀྱང་། སེམས་ཅན་འདུལ་བར་འགྱུར་བ་དེ ་ལྷ་དེ་ལྟར་གནས་པ་ཡིན་ནོ།། རིགས་ཀྱི་བུ་ལེགས་པར་ཤིན་ཏུ་ཉོན་ལ་ཡིད་ལ་ཟུང་ཤིག་དང་། ཐབས་མཁས་པ་ཞེས་བྱ་བའི་ཆོས་ཀྱི་རྣམ་གྲངས་ཁྱོད་ལ་བཤད་དོ།། ་བྱང་ཆུབ་སེམས་དཔས་མར་མེ་མཛད་ཚུན་ཆད་བསམ་གྱིས་མི་ཁྱབ་པའི་ཐབས་བསྟན་པ་དེ་ལས་ཆུང་ཟད་ཙམ་ཞིག་བསྟན་ཏོ།། རིགས་ཀྱི་བུ་གང་གི་ཚེ་ན། བྱང་ཆུབ ་སེམས་དཔས་མར་མེ་མཐོང་མ་ཐག་ཏུ་མི་སྐྱེ་བའི་ཆོས་ལ་བཟོད་པ་ཐོབ་པ་ཚུད་ཆདབྱང་ཆུབ་སེམས་དཔའ་ལ་འཁྲུལ་པ་མེད། ཅ་ཅོ་མེད། དྲན་པ་ཉམས་པ་མེད་དེ། རིགས་ཀྱིས ་བྱང་ཆུབ་སེམས་དཔའ་བཟོད་པ་ཐོབ་པ་ནི་འདོད་ན་ནུབ་བདུན་གྱིས་བྱང་ཆུབ་ཐོབ་པར་འགྱུར་རོ།། འདོད་ན་སེམས་ཅན་ཡོངས་སུ་སྨིན་པར་བྱ་བའི་ཕྱིར། བསྐལ་པ་བརྒྱས་བྱང་ཆུབ་ཐོབ ་པར་འགྱུར་རོ།། གལ་ཏེ་སླར་ཡང་སྲིད་པར་འོངས་ན་ཤེས་རབ་ཀྱི་སྟོབས་ཀྱི་མཐུ་སྐྱེད་པས་གང་གི་ཚེ་འདོད་པ་དེའི་ཚེ་འཚང་རྒྱའོ།། འདོད་ན་ཕྱི་མའི་མཐར་ཐུག་པར་གནས་ཀྱང་སྐྱོ་བར་མི ་འགྱུར་ཏེ། དེ་ནི་བྱང་ཆུབ་སེམས་དཔའི་ཐབས་མཁས་པར་ཤེས་པར་བྱའོ།། རིགས་ཀྱི་བུ་གཞན་ཡང་ཉན་ཐོས་ནི་ཇི་ལྟར་བྱང་ཆུབ་སེམས་དཔའི་ཞི་བའི་ཏིང་ངེ་འཛིན་ལ ་སྙོམས་པར་འཇུག་པ་བཞིན་དུ་ཏིང་ངེ་འཛིན་ཞི་བ་ཡིན་ཏེ། དེའི་ལུས་ཀྱང་མི་གཡོ།། དེའི་སེམས་ཀྱང་མི་གཡོ་ཞིང་བདག་ཡོངས་སུ་མྱ་ངན་ལས་འདས་པར་འཛིན་ཏོ།། བྱང་ཆུབ་སེ། ་དཔའ་སེམས་དཔའ་ཆེན་པོ་ནི་ཞི་བའི་ཏིང་ངེ་འཛིན་དེ་ལ་སྙོམས་པར་ཞུགས་ནས། སེམས་ཅན་སྨིན་པར་བྱེད་ཅིང་བསྡུ་བའི་དངོས་པོ་བཞིའི་བརྩོན་འགྲུས་ཀྱང་མི་གཏོང་ཕ་རོལ་ཏུ་ཕྱིན ་པ་དྲུག་གི་བརྩོན་འགྲུས་ཀྱང་མི་གཏོང་སྟེ། དེ་ཡང་བྱང་ཆུབ་སེམས་དཔའི་ཐབས་མཁས་པའོ།། རིགས་ཀྱི་བུ་བྱང་ཆུབ་སེམས་དཔའ་ནི་འདོད་ན། དགའ་ལྡན་གྱི་ཁང་པ་ན་འདུག་བཞིན ་དུ་བྱང་ཆུབ་མངོན་པར་རྫོགས་པར་འཚང་རྒྱ་ཞིང་ཆོས་ཀྱི་འཁོར་ལོ་ཡང་བསྐོར་བར་འགྱུར་ན། གང་འཛམ་བུ་གླིང་གི་མེ་དེ་དག་ཆོས་ཉན་པའི་ཕྱིར་ལྷའི་ཁང་པར་འགྲོ་མ ་ནུས་ནས། བྱང་ཆུབ་སེམས་དཔའ་འདི་སྙམ་དུ་སེམས་ཏེ། ལྷ་དག་ནི་ཆོས་ཉན་པའི་ཕྱིར་འཛམ་བུའི་གླིང་དུ་འབབ་ནུས་ཀྱིས་འཛམ་བུའི་གླིང་གི་མི་རྣམས་ནི་ཆོས་ཉན་པའི།། ་ཕྱིར་ལྷའི་ཁང་པར་འགྲོ་མི་ནུས་སོ་སྙམ་ནས་དེའི་ཕྱིར་བྱང་ཆུབ་སེམས་དཔའ་འཛམ་བུ་གླིང་དུ་བྱང་ཆུབ་མངོན་པར་རྫོགས་པར་འཚང་རྒྱ་སྟེ། དེ་ཡང་བྱང་ཆུབ་སེམས་དཔའི ་ཐབས་མཁས་པར་བལྟའོ།། བྱང་ཆུབ་སེམས་དཔའ་ནི་འདོད་ན་དགའ་ལྡན་གྱི་གནས་ནས་ཤོ་འཕོས་ཏེ། མའི་མངལ་གྱི་ཁྱིམ་དུ་མ་ཞུགས་པར་དེའི་མོད་ཉིད་ལ་བྱང་ཆུབ ་མངོན་པར་རྫོགས་པར་འཚང་རྒྱ་བར་འགྱུར་ན། དེ་ལ་སེམས་ཅན་ཁ་ཅིག་ཐེ་ཙོམ་སྐྱེ་བར་འགྱུར་ཏེ། འདིས་འམ་དྲི་ཟླའམ། སྤྲུལ་པ་ཞིག་གམ་འདི་ག་ལས ་འོངས་པ་ཞིག་ཅེས་དེ་དག་ཐེ་ཙོམ་དུ་གྱུར་ནས། ཆོས་ཉན་པར་མི་འགྱུར་བས་རྒྱུ་དེ་དང་རྐྱེན་དེའི་ཕྱིར་བྱང་ཆུབ་སེམས་དཔའ་མངལ་དུ་གནས་པར་སྟོན་ཏེ། དེ་ཡང་བྱང་ཆུབ་སེམས་དཔའི་ཐབས་མ ་པར་ཤེས་པར་བྱའོ།། རིགས་ཀྱི་བུ་ཡང་བྱང་ཆུབ་སེམས་དཔའ་ནི་མངལ་གྱི་མལ་དུ་ཞུགས་སོ་སྙམ་དུ་ཁྱོད་དེ་ལྟར་མ་ལྟ་ཞིག། བྱང་ཆུབ་སེམས་དཔའ་ནི་མངལ་གྱི་མལ་དུ་ཞུགས་པ་མེད་དོ།། དེ། ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་བྱང་ཆུབ་སེམས་དཔའི་ཏིང་ངེ་འཛིན་དྲི་མ་མེད་པ་ཞེས་བྱ་བ་དེ་ལ་སྙོམས་པར་ཞུགས་ནས་མ་སོང་བཞིན་དུ་བྱང་ཆུབ་ཀྱི་སྙིང་པོ་ལ་འདུག་སྟེ། དགའ ་ལྡན་གནས་ཀྱི་ལྷ་རྣམས་ཀྱང་བྱང་ཆུབ་སེམས་དཔའ་ཤི་འཕོས་སོ་སྙམ་དུ་འཛིན་ཅིང་དེ་ན་དེ་མི་མཐོང་མོད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་དགའ་ལྡན་གྱི་གནས་ནས་ཀྱང་མི་མ། ་ལ་སྤྲུལ་པས་བྱ་བ་ཐམས་ཅད་དང་། མངལ་དུ་འཇུགས་པ་དང་། སྐྱེ་བ་དང་། མངོན་པར་འབྱུང་བ་དང་། དཀའ་བར་སྤྱོད་པ་ཐམས་ཅད་སྟོན་ཏེ། དེ་ཐམས་ཅད་ནི་བྱང ་ཆུབ་སེམས་དཔའི་སྤྲུལ་པ་ཡིན་ནོ།། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་གཙང་མར་སྤྱོད་པས་སླར་ཡང་མངལ་གྱི་མལ་དུ་མི་འཇུག་སྟེ། དེ་ཡང་བྱང་ཆུབ་སེམས་དཔའི ་ཐབས་མཁས་པར་ཤེས་པར་བྱའོ།། ད་ཅིའི་ཕྱིར་ཤེ་ན། བྱང་ཆུབ་སེམས་དཔའ་བ་གླང་གི་བུ་དཀར་པོར་བསྒྱུར་ཏེ། མའི་མངལ་དུ་འཇུག་པར་སོན་ཅན། དཀར་བ་ཕྱོགས་ཡིན ་པའི་ཚིག་སྟེ། བྱང་ཆུབ་སེམས་དཔའ་སེམས་ཅན་ཐམས་ཅད་ཁྱད་ཞུགས་པས་དེའི་ཕྱིར། ཅི་ནས་ཀྱང་ལྷ་དང་ཡང་མེ་འདྲ་མི་དང་ཡང་མི་འདྲ་བར་དེ་ལྟར་འཇུག་པ་བསྟན་པར་བྱ་དགོས ་ཏེ་དེ་ཡང་བྱང་ཆུབ་སེམས་དཔའི་ཐབས་མཁས་པར་ཤེས་པར་བྱའོ།། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའི་མའི་མངལ་ན་ཟླ་བ་དགུར་མི་གནས་པར་ཟླ་བ་བཅུར་གནས ་ཤཱསེམས་ཅན་ཁ་ཅིག་ཀྱི་མའོ།། འདི་ནི་མང་ལྡན་གནས་པའི་དུས་མ་ཚང་བས། དབང་པོ་ཉམས་པ་ཞིག་བྱུང་ངོ་ཞེས་དེ་ལྟར་སེམས་པའི་ཕྱིར། མངལ་ན་དབང་པོ་ཡོ ་རྫོགས་པར་སྟོན་པས་ཟླ་བ་བཅུར་གནས་ཀྱི་དགུར་མ་ཡིན་ཏེ། དེ་ཡང་བྱང་ཆུབ་སེམས་དཔའི་ཐབས་མཁས་པར་ཤེས་པར་བྱའོ།། ཅིའི་ཕྱིར་ན། བྱང་ཆུབ་སེམས་དཔའ་གྲོང ་དང་གྲོང་ཁྱེར་དུ་མ་སྐྱེས་ཀྱི་དགོན་པར་སྐྱེས་ཤེ་ན། བྱང་ཆུབ་སེམས་དཔའ་ནི་ཡུན་རིང་པོ་ནས་དགོན་པ་ཤིན་ཏུ་དགོན་པའི་བསྔགས་པ་བརྗོད་པར་བྱེད་ལ། དབེན་པ་ན་གནས་ཤིང ་གཙང་མར་སྤྱོད་པ་དང་། ཁྱིམ་གྱི་ནང་དུ་སོང་བར་གྱུར་པ་ན། ལྷ་དང་ཀླུ་དང་། གནོད་སྦྱིན་རྣམས་ཀྱིས་ལྷའི་དྲི་དང་ཕྱེ་མ་དང་། མེ་ཏོག་དག་གིས་རྒྱུན་མ་ཆད་པར་མཆོད་པ ་བྱེད་མི་ནུས་པ་དང་། གྲོང་ཁྱེར་སེར་སྐྱའི་སེམས་ཅན་དག་རབ་ཏུ་དགའ་བར་གྱུར་པས་རྒྱུ་དང་རྐྱེན་དེའི་ཕྱིར་བྱང་ཆུབ་སེམས་དཔའ་དགོན ་པར་སྐྱེས་སོ།། ཅིའི་ཕྱིར་ན། བྱང་ཆུབ་སེམས་དཔའ་མའི་དགུར་བརྟོལ་ཏེ། མའི་མངལ་གྱི་མལ་དུ་ཞུགས་ཤིན། སེམས་ཅན་གང་དག་བྱང་ཆུབ་སེམས ་དཔའ་ནི་ཕྲ་མའི་མེར་མེར་པོ་ལས་གྱུར་པ་ཡིན་གྱི། བརྫུས་ཏེ་སྐྱེས་པ་མ་ཡིན་ནོ་སྙམ་དུ་སེམས་དཔའི་སེམས་ཅན་དེ་དག་གི་ཐེ་ཙོམ་གཅོད་པའི་ཕྱིར། བྱང་ཆུབ་སེམས ་དཔའ་མའི་དགུ་བརྟོལ་ཏེ་ཞུགས་སོ།། ཞུགས་ནས་ཀྱང་རྨ་དང་། བུ་གར་མ་གྱུར་ལ་ཡུམ་སྒྱུ་མ་ཡང་དེའི་ཚེ་བདེ་བ་མྱོང་བ་ལྟ་བུ་སྔོན་མ་མྱོང་ངོ་།། ཅིའི་ཕྱིར་ན་བྱང ་ཆུབ་སེམས་དཔའི་མ་ཤིང་བླགས་ཤའི་ཡལ་ག་ལ་འཇུས་ཏེ། ཤ་འཆུས་སུ་བྱས་ནས་བྱང་ཆུབ་སེམས་དཔའ་སྐྱེས་ཤེ་ན། སེམས་ཅན་གང་དག་ལྷ་མོ་སྒྱུ་མ་ནི་བུད་མེད ་གཞན་བཞིན་དུ་སྡུག་བསྔལ་བའི་ཚོར་བས་བྱང་ཆུབ་སེམས་དཔའ་བསྐྱེད་དོ་སྙམ་དུ། ནི་ལྟར་སེམས་དཔའི་སེམས་ཅན་དེ་དག་ལ་བདེ་བར་བསྟན་པའི་ཕྱིརབྱང་ཆུབ ་སེམས་དཔའི་མམི་ཤིང་གྲགས་ཤའི་ཡལ་ག་ལ་འདུས་ནས་ཤ་འཚུལ་སུ་བྱས་ཏེ། བྱང་ཆུབ་སེམས་དཔའ་བབྱུང་།། ཅིའི་ཕྱིང་ན། བྱང་ཆུབ་སེམས ་གནས་དང་ལུས་ཀྱི་ཕྱོགས་གཞན་ནས་མི་འབྱུང་བར། མའི་མངལ་བརྟོལ་ཏེ་དྲན་བཞིན་དུ་ཤེས་བཞིན་དུ་མལ་ནས་འབྱུང་ཞེ་ན། བྱང་ཆུབ་སེམས་དཔའ་ནི་གཙང་མར་སྤྱོད་ལ།། ་འཇིག་རྟེན་གསུམ་པོ་ཐམས་ཅད་ཀྱི་མཆོག་ཡིན་པས། དེ་སྐྱེ་གནས་ལའང་མི་སྐྱེ་ཞིང་སྐྱེ་བ་བསྟན་དགོས་ལ། སེམས་ཅན་ཐ་མ་གཞན་དག་དང་ཡང་མི་འདྲ་སྟེ། དེ་བས་ན་བྱང་ཆུ ་སེམས་དཔའ་མའི་སྐུ་བརྟོལ་ནས། མངལ་གྱི་མལ་ནས་འབྱུང་ཞིང་སྐྱེས་མ་ཐག་ཏུ་དེའི་ཚེ་ན་གློ་ལ་རྨ་ཡང་མེད་དོ།། ཅིའི་ཕྱིར་ན། བྱང་ཆུབ་སེམས་དཔའ་སྐྱེས་མ་ཐག་ཏུ་བརྒྱ་བྱིན ་ལྷའི་དབང་པོས་བླངས་ཤིང་། མིར་གྱུར་པ་གཞན་དག་གིས་མ་ཡིན་ཞེ་ན། བྱང་ཆུབ་སེམས་དཔའི་དགེ་བའི་རྩ་བ་ཤིན་ཏུ་འབར་བ་དང་། བྱང་ཆུབ་སེམས་དཔའ་སྐྱེས་མ་ཐག ་ཏུ་དེ་ལྟར་བརྒྱ་བྱིན་ལྷའི་དབང་པོས་བླངས་པར་ཤོག་ཤིག་ཅེས་སྨོན་ལམ་བཏབ་པའི་ཕྱིར་རོ།། ཅིའི་ཕྱིར་ན། བྱང་ཆུབ་སེམས་དཔའ་སྐྱེས་མ་ཐག་ཏུ་མ་བླངས་པར་གོམ་པ་བདུན ་བོར་གྱི། དྲུག་དང་བརྒྱད་མ་ཡིན་ཞེ་ན། རྫུ་འཕྲུལ་དང་། རྣམ་པར་འཕྲུལ་པ་དང་། སྐྱེས་བུ་དམ་པར་སྔོན་སུས་ཀྱང་མ་བསྟན་པ་བསྟན་དགོས་ལ། སེམས་ཅན་གང་དག་གི་དོན་གོམ་པ ་བདུན་བོར་ཏེ་བྱ་བ་དེ། གོམ་པ་དྲུག་གིས་ཀྱང་མི་ནུས་ལ་གོམ་པ་བརྒྱད་བོར་ན་ཡང་ལྷག་པར་གྱུར་པས། དེའི་ཕྱིར་བྱང་ཆུབ་སེམས་དཔའ་སྐྱེས་མ་ཐག་ཏུ་མ་བླངས་པར་བདུན་པོར་གྱི ་དྲུག་དང་བརྒྱད་མ་ཡིན་ནོ།། ཅིའི་ཕྱིར་ན་བྱང་ཆུབ་སེམས་དཔའ་གོམ་པ་བདུན་བོར་ནས་ང་ནི་འཇིག་རྟེན་ན་གཙོ་བོ་ཡིན་ཏེ། སྐྱེ་བ་དང་རྒ་བ་དང་། འཆི་བ་མཐར་བྱའོ།། ་ཞེས་ཚིག་ཏུ་སྨྲ་ཞེ་ན། འཁོར་དེ་ན་ཚངས་པ་དང་། ལྷ་མཐུ་ཆེ་བ་དག་ལྷགས་ཤིང་འཁོད་དེ། ང་རྒྱལ་ཅན་དུ་གྱུར་པ་དེ་དག་བདག་ཅག་གཙོ་བོ་ཡིན་གྱི། འདི་ནི་མ་ཡིན་ནོ་སྙམ་དུ་སེམས ་ཤིང་དེ་དག་བྱང་ཆུབ་སེམས་དཔའ་ལ་འདུད་པར་མི་བྱེད། ཡང་དག་པར་འདུད་པར་མི་བྱེད་པས་དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་སེམས་ཏེ། ཚངས་པ་དང ་ལྷ་འདི་དག་ཡུན་རིང་པོར་ཕན་པར་མེད་པར་གྱུར་དུ་འོང་ངོ་ཞེས། དེའི་ཕྱིར་བྱང་ཆུབ་སེམས་དཔས་འཇིག་རྟེན་ན་མཆོག་གོ། སྐྱེ་བ་དང་། རྒ་བ་དང་། འཆི་བ་མཐར་འབྱིན་ཏོ་ཞེས་སྨྲ་ཞི ་སྒྲ་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་བསྒོ་བ་དང་། གང་བྱང་ཆུབ་སེམས་དཔའ་མ་ལྤགས་པ་དེ་དག་ཀྱང་སྒྲ་དེས་ལྤགས་པར་གྱུར་ནས། དེའི་ཚེ་ཚངས་པ ་དེ་དག་དང་ལྷའི་བུ་དེ་དག་བྱང་ཆུབ་སེམས་དཔའ་ལ་ཐལ་མོ་སྦྱར་ནས་འདུད་པར་གྱུར་ཏོ།། རྒྱུ་དེ་དང་རྐྱེན་དེའི་ཕྱིར་བྱང་ཆུབ་སེམས་དཔའ་འཇིག་རྟེན་ང་མཆོག་གོ། ང་མཆོག་གོ།། སྐྱེ་བ ་དང་ངན་བ་དང་། ཤི་བ་མཐར་འབྱིན་ནོ།། ཞེས་དེ་སྐད་ཀྱི་ཚིག་སྨྲའོ།། ཅིའི་ཕྱིར་ན། བྱང་ཆུབ་སེམས་དཔའ་གད་མོ་ཆེར་དགོད་ཅེ་ན། བྱང་ཆུབ་སེམས་དཔའ་ནི་གཡེམ་པའི་དགོད་པ་འམ། ་དགོད་པ་མེ་མོད་ཀྱི། བྱང་ཆུབ་སེམས་དཔའ་ནི་འདི་སམ་དུ་སེམས་ཏེ། སེམས་ཅན་འདི་དག་ན་འདི་ཉིད་དུང་དང་ལན་ཅིག་ཏུ་བྱུང་ཆུབ་ཏུ་སེམས་བསྐྱེད་ན། དུས་བྱུང་ཆུབ ་ང་ཀྱང་འདི་དག་ལེ་ལོར་བྱུང་བས། དདུང་འཁོར་བསྲུག་པོར་ལས་ཏེ། ཀྱེ་མའོ་སེམས་ཅན་འདི་དག་ནི་ཐམས་ཅད་མཐུན་པར་འགྱུར་བའི་ཐར་པའི་ལམ་ལ་བརྩོན་འགྲུས་མི་རྩོམ་།། དེ་དགས ་བདག་ལ་ཕྱག་འཚལ་ན། དེ་དག་ཇི་སྲིད་ན་ཐམས་ཅད་མཁྱེན་པ་ཉིད་ལ་བརྩོན་འགྲུས་བསྒོམ་པར་འགྱུར་ཞེས་སྙིང་ཀྱི་ཆེན་པོ་བསྐྱེད་ནས་དམར་པ་དང་། བག་མེད་པའི་སེམས་ཅན་དང་། ་བདག་གི་བསམ་པ་ཡོངས་སུ་རྫོགས་པ་ཤེས་ནས། བྱང་ཆུབ་སེམས་དཔའ་གད་མོ་ཚོར་དགོད་དོ།། ཅིའི་ཕྱིར་ཞེ་ན། བྱང་ཆུབ་སེམས་དཔའ་དྲི་མ་མེད་བཞིན་དུ་ཁྲུས་བྱེད་ཅེ་ན། @ ་བྱིན་དང་ཚངས་པས་མཆོད་པའི་ལས་བྱས་པའི་ཕྱིར་ཏེ། བྱང་ཆུབ་སེམས་དཔས་ནི་ངེས་པར་འཇིག་རྟེན་ཤེས་པའི་རྗེས་སུ་འཇུག་པར་བྱ་དགོས་ཏེ། སྐྱེ་བ་མཐོང་ནས་བྱང་ཆུབ་སེམས་དཔ ་དྲི་མ་མེད་ཀྱང་ངེས་པར་ཁྲུས་བྱའོ།། འཕགས་པ་ཐབས་མཁས་པ་ཞེས་བྱ་བ་ཐེག་པ་ཆེན་པོའི་མདོ།། བམ་པོ་གཉིས་པ་སྟེ་ཐ་མའོ།། ་ཅིའི་ཕྱིར་ན། བྱང་ཆུབ་སེམས་དཔའ་དགོན་པར་སྐྱེས་མ་ཐག་ཏུ། བྱང་ཆུབ་ཀྱི་སྙིང་པོར་མི་འགྲོ་བར་དེ་ནས་སླར་ཁྱིམ་དུ་འཇུག་ཅེ་ན། དབང་པོ་ཡོངས་སུ་རྫོགས་པར་བྱ་བ་དང ་སླས་པའི་ཕྱི་བསྟན་པའི་ཕྱིར། དགའ་བ་དང་རྩེ་བ་ཆེན་པོ་དེ་དག་བསྟན་ནས་ཁྱིམ་ནས་མངོན་པར་འབྱུང་བར་བྱེད་དོ།། གླིང་ཆེན་པོ་བཞི་སྤང་བར་བསྟན་པས་ན།། ་ངའི་རྗེས་སུ་སློབ་པ་གཞན་དག་ཀྱང་དགའ་བ་དང་། རྩེ་བ་ཆེན་པོ་སྤངས་ནས་རབ་ཏུ་འབྱུང་བའི་ཕྱིར་ཁྱིམ་ནས་མངོན་པར་འབྱུང་སྟེ། རྒྱུ་དེ་དང་རྐྱེན་དེས་ཕྱིར་བྱང་ཆུབ་སེམས་དཔའ ་སླར་ཁྱིམ་དུ་ཞུག་སོ།། ཅིའི་ཕྱིར་ན། བྱང་ཆུབ་སེམས་དཔའི་མ་ཉི་མ་བདུན་ལོན་པ་དང་། འཆི་བའི་དུས་བྱེད་ཅེ་ན། ལྷ་མོ་སྒྱུ་མེ་ཚེ་ཟད་ནས་འཆི་བའི་དུས་བྱས་ཀྱི་བྱང་ཆུབ ་སེམས་དཔའོ་ཉེས་པ་ནི་མ་ཡིན་ནོ།། འདི་ལ་བྱང་ཆུབ་སེམས་དཔའ་དགའ་ལྡན་གྱི་གནས་ཉིད་ན་གནས་ཤིང་། ལྷའི་མིག་གིས་ལྷ་མོ་སྒྱུ་མའི་ཚེ་ལ་བརྟགས་ནས། ནམ་ལྷ་མོ་སྒྱུ་མའི་ཚེ ་ཟླ་བ་བཅུ་དང་། ཉི་མ་བདུན་ལུས་པར་ཤེས་པ་དང་། དེའི་འོག་ཏུ་བྱང་ཆུབ་སེམས་དཔའ་དགའ་ལྡན་གྱི་གནས་ནས་ཤི་འཕོས་ཏེ་མའི་མངལ་དུ་འཇུག་གོ།། དེ་བས་ན་རྣམ་གྲངས་དེས་ཀྱང ་ལྷ་མོ་སྒྱུ་མ་ནི་ཚེ་ཟད་ནས་འཆི་བའི་དུས་ཀྱིས། བྱང་ཆུབ་སེམས་དཔས་ཉེས་པ་མ་ཡིན་ནོ།། ཅིའི་ཕྱིར་ན། བྱང་ཆུབ་སེམས་དཔའ་བཟོ་སློབ་ཅེ་ན། འཇིག་རྟེན་གྱི་རྗེས་སུ་འཇུག་པའི ་ཕྱིར་དུ་ཟད་ཀྱི། བྱང་ཆུབ་སེམས་དཔའ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གཙུག་ལག་གམ། གླུ་འམ་གར་རམ་སྔགས་སམ་རིག་སྔགས་སམ། ཐབས་སམ། ་དགོད་པ་འམ། ཆ་བའམ། རྩེ་བ་འམ་བསྡུ་བ་གང་ཡང་ཐོག་མུར་མ་བསླབས་པ་མེད་དོ།། ཅིའི་ཕྱིར་ན། བྱང་ཆུབ་སེམས་དཔའ་ཆུང་མ་ལེན་ཅེ་ན། བྱང་ཆུབ་སེམས་དཔའ་ནི་འདོད་པ། ་དགོས་པར་བྱེད་པ་མ་ཡིན་ནོ།། ཅིའི་ཕྱིར་ན། སྐྱེས་བུ་དམ་པ་དེ་ནི་དེའི་ཚེ་འདོད་པ་དང་བྲལ་བ་ཡིན་མོད་ཀྱི་བྱང་ཆུབ་སེམས་དཔས་ནི་ངེས་པར་སྐྱེས་པར་བསྟན་དགོས་ཏེ། སེམས་ཅན་ཁ་ཅིག ་བྱང་ཆུབ་སེམས་དཔའ་ལ་སྐྱེས་པ་མ་ཡིན་གྱི་ང་ལ་མ་ནིང་གི་རང་བཞིན་ཅན་ནོ་ཞེས་དེ་སྙམ་དུ་སེམས་པར་མི་འགྱུར་ཞིང་། དེ་དག་གི་ཐེ་ཙོམ་གཅོད་པ་དང་། འདི་ལྟ་སྟེ། སྲས་ནོར་སྦྱིན་ལེན ་བསྟན་པའི་ཕྱིར། བྱང་ཆུབ་སེམས་དཔས་ཤཱཀྱའི་གྲགས་འཛིན་ལ་སོགས་པ་བླངས་སོ།། ནོར་སྦྱིན་འཛིན་མེར་མེར་པོ་ལས་གྱུར་པའོ་ཞེས་གང་དེ་འདི་སྙམ་དུ་འཛིན་ན། དེ་ལྟར་མོ་ལྷོའི་ན ་སྦྱིན་འཛིན་ནི་ལྷ་ལས་ཤི་འཕོས་ཏེ། འདིར་སྐྱེས་པས་ཕ་མའི་མེར་མེར་པོ་ལས་གྱུར་པ་མ་ཡིན་གྱི། རྫུས་ཏེ་སྐྱེས་པར་ཤེས་པར་བྱའོ།། ཡང་སྔོན་གྱི་སྨོན་ལམ་གྱིས་ཤཱཀྱའི་བུ་མོ་གྲགས ་འཛིན་བླངས་པ་ཡིན་ཏེ། མར་མེར་མཛད་ཚུན་ཆད་སྐྱེ་བའི་ཐ་མའི་བར་དུ་ཁྱོད་ཀྱི་ཆུང་མར་གྱུར་ཅིག་ཅེས་སྨོན་ལམ་བཏབ་ལ། སངས་རྒྱས་ལ་དགེ་བའི་རྩ་བ་བསྐྱེད་པ་དེ་ཡང་བསླུ ་བར་མི་འགྱུར་བས་ན། དེའི་ཕྱིར་ཤཱཀྱའི་བུ་མོ་གྲགས་འཛིན་བླངས་སོ།། ཡང་སེམས་ཅན་འདི་དག་ནི་འདོད་པའི་ཉེས་པ་ཅན་ཁྱིམ་གྱིས་བྱ་བ་ཞེན་པ་ཡིན་པས་དེ་དག་སྤངས ་ཏེ། རབ་ཏུ་འབྱུང་བར་མི་ནུས་ནས། དེ་དག་གི་ཕྱིར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གཡོག་ལེན་ཏོ།། ཡང་འདི་ནི་ཆུང་མ་བཟང་མོའི་གཡོག་འདི ་ལྟ་བུ་སྤངས་ཏེ། རབ་ཏུ་བྱུང་ནས་བདག་ལྟ་ཅིའི་ཕྱིར་རབ་ཏུ་མི་འབྱུང་ཞེས་དེ་སྙམ་དུ་སེམས་པར་འགྱུར་ཞིང་། ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པའི་ནང་ན་གང ་བུད་མེད་གཞོན་ནུ་དག་ཡོངས་སུ་སྨིན་པར་བྱས་ནས་དེ་དག་ཀྱང་མཛབ་འདི་གཅུགས་པས་སྲིད་པ་ཐ་མའི་བར་དུ་བདག་ཅིག་ཁྱོད་ཀྱིས་ཆུང་མར་གྱུར་ཅིག་ཅེས་སྨོན་ལམ་བཏབ་ལ ་དེ་དག་གི་ཆོས་དཀར་པོ་དེ་རྣམས་ཀྱང་ཤིན་ཏུ་ཡོངས་སུ་སྨིན་པར་བྱ་བའི་ཕྱིར། བྱང་ཆུབ་སེམས་དཔའ་གཡོག་ལེན་ཏེ། དེ་ལ་བྱང་ཆུབ་སེམས་དཔའ་སླས་ཀྱི་ནང་ན་གནས་ནས་བུད་མེད། ་བཞི་ཁྲི་ཉིས་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ།། ལྷག་མ་དག་ཀྱང་མི་ལྟུང་བའི་ཆོས་དང་ལྡན་པར་བྱས་སོ།། རྣམ་གྲངས་དེའི་ཕྱིར་ཡང ་བྱང་ཆུབ་སེམས་དཔའ་གཡོག་ལེན་གྱིགང་བུད་མེད་ཀྱི་འདོད་ཆགས་ཡོངས་སུ་གདུང་བས་ཡོངས་སུ་གདུངས་པ་དེ་ཡང་བྱང་ཆུབ་སེམས་དཔའ་མཐོང་མ་ཐག་ཏུ་བདག་འདོད་ཆགས ་དང་བྲལ་བར་ཤེས་སོ།། ཡང་བྱང་ཆུབ་སེམས་དཔའ་ནི་བདག་གི་ཆུ་ཞེང་དང་འདྲ་བར་སྤྲུལ་པ་དག་སྤྲུལ་ནས། བུད་མེད་དེ་དག་སྤྲུལ་པ་དེ་རྣམས་དང་རྩེ་དགའ་ཡོངས་སུ་སྤྱོད་ཅིང ་བདག་ཅག་ནི་བྱང་ཆུབ་སེམས་དཔའ་དང་ལྷན་ཅིག་ཏུ་རྩེ་དགའ་ཞིང་ཡོངས་སུ་སྤྱོད་དོ་སྙམ་དུ་སེམས་མོད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང་ཏིང་ངེ་འཛིན་གྱི ་དགའ་བ་དང་བདེ་བ་ལ་གནས་སོ།། འདི་ལ་སྤྲུལ་པ་རྣམས་ཀྱང་འདོད་པ་ལ་དགའ་བ་དང་ཡོངས་སུ་སྤྱོད་པ་ཇི་ལྟ་བ་མར་མེ་མཛད་ཚུན་ཆད་ཀྱི་བྱང་ཆུབ་སེམས་དཔའི་འདོད་པ་ལ་ཡོངས་སུ ་སྤྱོད་པ་ཐམས་ཅད་ཀྱང་དེ་བཞིན་དུ་བལྟའོ།། བྲན་ཙཱན་ད་ཀ་དང་རྟ་ཀན་ཐ་ཀ་ཡང་སྔོན་གྱི་སྨོན་ལམ་ལས་གྱུར་པར་བལྟའོ།། ཅིའི་ཕྱིར་ན། བྱང་ཆུབ་སེམས་དཔའ་ཤིང་འཛམ་བུའི་གྲིབ་མ ་ན་བསམ་གཏན་བྱེད་ཅེ་ན། བྱང་ཆུབ་སེམས་དཔའ་དེ་ན་གནས་པས་ལྷ་བྱེ་བ་ཕྲག་བདུན་ཅུ་བརྟུལ་ཞིང་དེ་ངེས་པར་མངོན་པར་ཁྱིམ་ནས་འབྱུང་བར་ཕ་མ་ལ་བསྟན་པའི་ཕྱིར་རོ།། ཅིའི་ཕྱིར ་ནབསྐྱེད་མོས་ཚལ་དུ་སོང་ཞེ་ན། རྒས་པ་དང་ནད་ཀྱིས་བཏབ་པ་དང་འཆི་བ་བསྟན་པའི་ཕྱིར་ཏེ། གཉེན་དག་ནི་བྱང་ཆུབ་སེམས་དཔའ་རྒ་བ་དང་ན་བ་དང་འཆི་བས་འཇིགས་སྐྲག་ནས་ཁྱིམ ་ནས་མངོན་པར་འབྱུང་གི། གཉེན་ལ་གནོད་པར་འདོད་པ་ནི་ཡིན་ནོ་ཞེས་དེ་ལྟར་ཤེས་པར་འགྱུར་རོ།། ཅིའི་ཕྱིར་ན། བྱང་ཆུབ་སེམས་དཔའ་མཚན་མོ་ནམ་ཕྱེད་ཀྱི་དུས་ཀྱི་ཚེ། ཁྱིམ་ནས ་མངོན་པར་འབྱུང་གི་ཉིན་མོ་ནི་མི་འབྱུང་ཞེ་ན། དེ་ན་འདུག་ན་དགེ་པའི་རྩ་བ་མི་འཕེལ་ནས། ཆོས་དཀར་འདོད་པས་ནམ་ཕྱེད་ནམ་དྲིས་པར་དེ་ནས་འགྲོ་བར་བྱ་བ་དང་བདེ་བའི་ཡོ། ་བྱད་ཀྱང་སྤང་བར་བྱའི། ཆོས་དཀར་བར་ཕྱོགས་ནི་ཡོངས་སུ་གཏོང་བར་མ་བྱའོ་ཞེས་སེམས་ཅན་རྣམས་ལ་བསྟན་པའི་ཕྱིར་རོ།། སོའི་ཕྱིར་ན། སྐྱེ་བོ་ངཿ། ་གཉིད་ཀྱིས་ལོགས་པར་བྱས་ཤེ་ན། ལྷ་རྣམས་ཀྱིས་ཉེས་པར་བསྟན་པའི་ཕྱིར་ཏེ། སྐྱེ་བོ་དག་བྱང་ཆུབ་སེམས་དཔའ་ལ་ཞེ་སྡང་གི་ཐ་བ་སྐྱེ་བར་མི་འགྱུར་བ་དང་། དེ་དག་ཡུན་རིང ་བོར་གནོད་པ་དང་མི་ཕན་པ་དང་། ལྟུང་བར་མི་འགྱུར་བར་བྱ་བའི་ཕྱིར། ལྷ་རྣམས་ཀྱིས་གཉིས་ལོག་པར་བྱས་ཏེ། ལྷ་རྣམས་ཀྱིས་སྒོ་ཕྱེ་ནས། ལྷ་རྣམས་ཀྱིས་བར་སྣང་ལས་ཁྲིད ་བས་ལྷ་རྣམས་ཀྱིས་ཉེས་ཀྱིས། བྱང་ཆུབ་སེམས་དཔའི་ཉེས་པ་མ་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོས་མཉེས་སོ་ཞེས་དད་པ་མ་རྙེད་པར་མཐོང་ནས། གཉིད་ལོག་པར ་བྱས་སོ།། ཅིའི་ཕྱིར་ན། བྱང་ཆུབ་སེམས་དཔའ་རང་གིས་རལ་གྲིས་སྐྲ་བཅད་ཅེ་ན། དེ་ལྟར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ལྷ་འམ་ཀླུ་འམ། གནོད་སྦྱིན་ནམ ་མི་འམ་ཅི་གང་ཡང་བྱང་ཆུབ་སེམས་དཔའ་དཔལ་དང་གཟི་བརྗིད་ཟིལ་གྱིས་མནན་ཏེ། སྐྲ་གཅོད་ནུས་པ་སུ་ཡང་མེད་ཅེས་རྒྱལ་པོ་ཟས་གཙང་མ་དེས་ཐོས་ན་ཡང་། ཇི་ལྟར་བྱང་ཆུབ་སེམས་དཔའ ་ཉིད་ཀྱིས་སྒྲ་གཅད་པར་མཐོང་ནས། ཁྲོ་བར་མི་འགྱུར་ཞིང་སུས་ངའི་བུའི་སྒྲ་གཅད་ཅེས་དེ་ལ་བསད་པ་འམ། ཆད་པར་མི་འགྱུར་བར་བྱ་བའི་ཕྱིར་རོ།། ཅིའི་ཕྱིར་ན་རྟ་དང་རྒྱན་རྣམས ་བྲན་ཙུན་དཀའི་ལག་ཏུ་བྱིན་ཅེ་ན། ཆོག་ཤེས་པ་དང་། བྱང་ཆུབ་སེམས་དཔའ་གསེར་དངུལ་མི་འདོད་ཅིང་དངོས་པོ་ཐམས་ཅད་ལ་མི་ལྟ་བར་རབ་ཏུ་འབྱུང་བར་བསྟན་པའི་ཕྱིར་རོ།། ་ཡང་བྱང་ཆུབ་སེམས་དཔས་སྐྱེ་བོ་ཕ་མ་དག་བསླབས་དགོས་ཏེ། བསྟན་པ་འདི་ལ་གང་རབ་ཏུ་འབྱུང་བ་དེ་དག་ངའི་རྗེས་སུ་བསློབ་ཅིང་དངོས་པོ་ཐམས་ཅད་ལ་མི་ལྟེ་བར་འཕགས་པའི་རིགས ་བཞི་ལ་གནས། རབ་ཏུ་འབྱུང་བར་འགྱུར་གྱི་ཐོག་མ་ཉིད་ནས་རབ་ཏུ་འབྱུང་བའི་འཚོའི་ཕྱིར་རབ་ཏུ་འབྱུང་བར་མི་འགྱུར་བར་བྱ་བའི་ཕྱིར་རོ།། ཡང་རིགས་ཀྱི་བུ་ཅིའི་ཕྱིར་ན ་བྱང་ཆུབ་སེམས་དཔས་ལོ་དྲུག་ཏུ་དཀའ་བ་སྤྱད་པ་ཉོན་ཅིག། བྱང་ཆུབ་སེམས་དཔའི་ནི་ལས་ཀྱིས་བསྒྲིབས་པའི་ཉེས་པས་བཀའ་བ་སྤྱོད་པ་སྤྱད་པ་མ་ཡིན་གྱི། བྱང་ཆུབ་སེམས་དཔའི། ་ཐབས་མཁས་པས་ནི་ངེས་པར་སེམས་ཅན་རྣམས་ལ་ལས་ཀྱི་བྱ་བ་བསྟན་དགོས་ཏེ། རིགས་ཀྱི་བུ་བྱང་ཆུབ་སེམས་དཔས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི ་སངས་རྒྱས་འོད་སྲུངས་ཀྱི་གསུང་རབས་ལ་མགོ་རེག་ལ་བྱང་ཆུབ་ག་ལ་ཡོད་ཅེས་སྨྲས་པ་དེ་ཡང་བྱང་ཆུབ་སེམས་དཔའི་ཐབས་མཁས་པར་བལྟའོ།། དགོངས་པའི་ཚིག་ཏུ་བལྟའོ།། བྱང་ཆུབ ་སེམས་དཔས་ཇི་ལྟར་དགོངས་ཏེ་ཚིག་དེ་སྐད་སྨྲས་ཤེ་ན། རིགས་ཀྱི་བུ་འདི་ལྟ་སྟེ། དེའི་ཚེ་དེའི་དུས་ན། ཁྱེའུ་སྐར་མ་སྐྱོང་གི་ནིའུ་ལྗང་བྲམ་ཟེའི་བུ་ཤིང་སཱ་ལ་ཆེན་པོ་ལྟ་བུ། བྱང་ཆུབ་སེམ ་དཔའི་ཐེག་པ་ལ་གནས་པ་ལྔ་ཡོད་དེ། དེ་དག་སྡིག་པའི་གྲོགས་པོའི་དབང་གིས་བྱང་ཆུབ་ཀྱི་སེམས་བརྗེད་པར་གྱུར་ནས། རིགས་ཀྱི་བུ་ལྔ་པོ་དེ་དག་སངས་རྒྱས་ཀྱི། ་བརྟུལ་ཞུགས་ཅན་མ་ཡིན་གྱི། མུ་སྟེགས་ཀྱི་བརྟུལ་ཞུགས་ལྡན་པ། མུ་སྟེགས་ཀྱི་གསང་སྔགས་ལ་བརྩོན་པར་བྱས་བདག་ཅག་གི་ཡང་བྱང་ཆུབ་ཡོད་དོ།། བདག་ཅག་ཀྱང་སངས་རྒྱས ་སོ་ཞེས་བདག་ཉིད་སྟོན་པར་འཛིན་ཏོ།། དེ་ནས་ཁྱེའུ་སྐར་མ་སྐྱོང་གིས། རིགས་ཀྱི་བུ་ལྔ་པོ་དེ་དག་སྣོད་དུ་གྱུར་པར་རྟོགས་ནས་མགོ་རེག་ལ་བྱང་ཆུབ་ག་ལ་ཡོད་བྱང་ཆུབ་ནི་ཤིན་ཏུ ་དཀོན་ན།། དེ་མཐོང་སྟེ་ཅི་རུང་ཞེས་མུ་སྟེགས་ཅན་དེ་དག་གི་དྲུང་དུ་ཚིག་དེ་སྐད་སྨྲས་སོ།། ཁྱེའུ་སྐར་མ་སྐྱོང་གིས་མུ་སྟེགས་ཅན་དེ་དག་གི་དྲུང་དུ་མགོ་རེག་ལ་བྱང་ཆུབ་ག་ལ་ཡོད། བྱང་ཆུབ་ནི་ཤིན ་ཏུ་དཀོན་པའོ་ཞེས་ཚིག་དེ་སྐད་སྨྲས་པས་རིགས་ཀྱི་བུ་ལྔ་པོ་དེ་དག་རིམས་ཀྱིས་ཡོངས་སུ་སྨིན་པར་བྱས་པར་གྱུར་ཏོ།། འདི་ལྟ་སྟེ། རིགས་ཀྱི་བུ་ཁྱེའུ་སྐར་མ་སྐྱོང་ནེའུ་ལྗང་ལྔ་པོ་དེ་དག་དང་། ་སའི་ཕྱོགས་གཞན་ཞིག་ན་འདུག་པར་གྱུར་པའི་དུས་ཀྱི་ཚེ་ཡོད་དེ། དེ་ནས་རྫ་མཁན་རྫེའུ་བྱེད་པ་ཞིག་སའི་ཕྱོགས་དེ་ག་ལ་བ་དེར་སོང་ནས། དེ་བཞིན་གཤེགས་པ་དགྲ་བཅོམ ་པ་ཡང་དག་པར་རྫོགས་པའི་སངས་རྒྱས་འོད་སྲུངས་ཀྱི་བསྔགས་པ་བརྗོད་ཅིང་། ཁྱེའུ་སྐར་མ་སྐྱོང་ལ་ཚུར་ཤོག། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི ་སངས་རྒྱས་འོད་སྲུང་གི་དྲུང་དུ་འདོད་དོ་ཞེས་དེ་སྐད་ཅེས་སྨྲས་པ་དང་། དེ་ནས་ཁྱེའུ་ཀར་མ་སྐྱོང་འདི་སྙམ་དུ་གྱུར་ཏོ།། ཀྱེ་མའོ་སེམས་ཅན་འདི་དག་ནི་དགེ་བའི་རྩ་བ་ཡོངས ་སུ་སྨིན་ན། གང་བདག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུངས་ཀྱི་བསྔགས་པ་བརྗོད་ལ། མུ་སྟེགས་ཅན་གྱི་ནི་མི་བསྔགས་པ་བརྗོད ་དང་རིགས་ཀྱི་བུ་དེ་དག་དོགས་ཤིང་འོང་དུ་མི་བཏུབ་པར་འགྱུར་རོ་སྙམ་ནས་ཁྱེའུ་སྐར་མ་སྐྱོང་གིས་ཐོག་མའི་ཡི་མ་དེ་ཉིད་སྲུང་ཞིང་། ཤེས་རབ་ཀྱི་ཕ་རོལ་ཏུ་ཕྱིན་པའི་ཡེ་ཤེས་དང་སྒྲ་མཐུན ་པའི་ཐབས་མཁས་པས་མགོ་རེག་ལ་བྱང་ཆུབ་ག་ལ་ཡོད། བྱང་ཆུབ་ནི་ཤིན་ཏུ་དཀོན་པའོ་ཞེས་དེ་སྐད་ཀྱི་ཚིག་སྨྲས་སོ།། ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པའི་ཡེ་ཤེས་དང་རྒྱུ་མཐུན ་པ་ཡིན་ཞེ་ན། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། བྱང་ཆུབ་ཏུ་འདུ་ཤེས་པར་མི་འགྱུར། སངས་རྒྱས་སུ་འདུ་ཤེས་པ་མེད། སངས་རྒྱས་ཀྱི ་ཤེས་སུ་འདུ་ཤེས་པ་མེད། བྱང་ཆུབ་སེམས་དཔར་ཡང་མི་མཐོང་། བྱང་ཆུབ་ནང་དུ་ཡང་མི་མཐོང་། བྱང་ཆུབ་ཕྱི་ལོགས་སུ་ཡང་མི་མཐོང་། བྱང་ཆུབ་ནང་དང་ཕྱི་ལོགས་སུ་ཡང ་མི་མཐོང་སྟེ། བྱང་ཆུབ་ནི་ཤིན་ཏུ་སྟོང་ངོ་སྙམ་དུ་སེམས་ཤིང་། ཁྱེའུ་སྐར་མ་སྐྱོང་དེས་ཆོས་ཐམས་ཅད་མ་དམིགས་ནས་ཐབས་མཁས་པས་མགོ་རེག་ལ་བྱང་ཆུབ་ག་ལ་ཡོད།། བྱང ་ཆུབ་ནི་ཤིན་ཏུ་དཀོན་པའོ་ཞེས་དེ་སྐད་གྱི་ཚིག་སྨྲས་སོ།། དེ་ནས་ཁྱེའུ་སྐར་མ་དང་ནེའུ་ལྗང་ལྔ་པོ་དེ་དག་དང་ལྷན་ཅིག་ཏུ་ཆུ་འགྲམ་ཞིག་ན་གནས་པ་དང་། དེ་ནས། ་སངས་རྒྱས་ཀྱི་མཐུས་རིགས་ཀྱི་བུ་ལྔ་པོ་དེ་དག་ཀུན་འདུལ་བའི་དབང་དུ་བྱ་བའི་ཕྱིར་རྫ་མཁན་རྗེའུ་བྱེད་པས། སྐར་མ་སྐྱོང་མི་འགྲོ་བ་དང་སྐྲ་ནས་བཟུང་སྟེ། ཡང་དག་པར་རྫོགས ་པའི་སངས་རྒྱས་འོད་སྲུངས་ག་ལ་བ་དེར་སོང་སྟེ། གཞོན་ནུ་ལྔ་པོ་དེ་དག་གིས་ཀྱང་རྫ་མཁན་རྗེའུ་བྱེད་པ་དེ་ལ་ཚུགས་མ་བྱེད་བཞིན་དུ་ཡང་དག་པར་རྫོགས་པའི་སངས་རྒྱས་འོད་སྲུངས་ག ་ལ་བ་དེར་ཕྱིན་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུངས་མཐོང་མ་ཐག་ཏུ་སྔོན་གྱི་དེ་བཞིན་གཤེགས་པའི་ཟླ་བའི་རྒྱུན་གྱིས་དད་པ་རྙེད་དོ།། ་དེ་དག་དད་པ་རྙེད་ནས་ཁྱེའུ་སྐར་མ་སྟོང་ལ་འདི་འདྲ་བའི་སྟོན་པ་བཞུགས་ན། ཐོག་མར་མི་ཟིན་པར་ཞེས་གཤེ་བར་གྱུར་ཏོ།། དེ་ནས་བྲམ་ཟེའི་བུ་ཤིང་སཱ་ལ་ཆེན་པོ ་བུ་ལྔ་པོ་དེ་དག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུངས་ཀྱི་དཔལ་དང་གཟི་བརྗིད་དང་། སྤོབས་པ་མཐོང་ནས། བླ་ན་མེད་པ་ཡང་དག ་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུངས་ཀྱིས་ཅི་ནས་ཀྱང་རིགས་ཀྱི ་བུ་ལྔ་པོ་དེ་དག་གིས་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་བའི་དེ་ལྟ་དེ་ལྟར་བྱང་ཆུབ་སེམས་དཔའི་སྡེ་སྣོད་ཕྱིར་མི་ལྡོག་པའི་འཁོར་ལོའི་ཆོས་ཀྱི་རྣམ་གྲངས་བཤད་དོ།། རིགས ་ཀྱི་བུ་དེ་འདི་ལྟ་སྟེ། ང་ནི་སངས་རྒྱས་ཀྱི་ཡེ་ཤེས་ཀྱིས་ལུང་བསྟན་ཏོ།། རིགས་ཀྱི་བུ་གལ་ཏེ་ཁྱེའུ་སྐར་མ་སྐྱོང་གིས་དེ་བཞིན་གཤེགས་པ་འོད་སྲུངས་ཀྱི་བསྔགས་པ་བརྗོད་དུ་ཟིན་ན། ་རིགས་ཀྱི་བུ་ལྔ་པོ་དེ་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུངས་ཀྱི་དྲུང་དུ་འགྲོ་བའི་གནས་དང་སྐབས་མེད་དེ། རིགས་ཀྱི་བུ་འདི་ལྟ་སྟེ། ་བྱང་ཆུབ་སེམས་དཔའ་ནི་སངས་རྒྱས་དང་བྱང་ཆུབ་ལ་ཐེ་ཙོམ་མེད་མོད་ཀྱི་བྱང་ཆུབ་སེམས་དཔའ་ལྔ་པོ་དེ་དག་ཡོངས་སུ་སྨིན་པར་བྱ་བའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ ་དང་རྒྱུ་མཐུན་པས་མགོ་རེག་ལ་བྱང་ཆུབ་ག་ལ་ཡོད། བྱང་ཆུབ་ནི་ཤིན་ཏུ་དཀོན་ནོ་ཞེས་དེ་སྐད་ཀྱི་ཚིག་སྨྲས་ཏེ། དེ་ཡང་བྱང་ཆུབ་སེམས་དཔའི་ཐབས་མཁས་པར་ཤེས་པར་བྱའོ།། ་བྱང་ཆུབ་སེམས་དཔའ་ལྔ་པོ་དེ་དག་ཀྱང་སྨིན་པར་བྱས་དགོས་ལ། ལས་ཀྱི་རྣམ་པར་སྨིན་པའང་བསྟན་དགོས་པས། ལས་དེའི་ཕྱིར་ངས་དཀའ་བ་སྤྱོད་པ་སྤྱད་དེ། སེམས་ཅན ་གཞན་དག་མི་ཤེས་པར་ཚུལ་ཁྲིམས་དང་ལྡན་པའི་དགེ་སྦྱོང་དང་། བྲམ་ཟེ་དག་མཐོང་ནས། ཚིག་ཏུ་སྨྲ་བར་མི་འགྱུར་བ་དང་། ཤེས་སམ་མི་ཤེས་ཀྱང་རུང་སྟེ། སྨྲས་ན་དེའི ་ཕྱིར་དེ་དག་ཡུན་རིན་པོར་གནོད་པ་དང་མི་ཕན་པ་དང་མི་བདེ་བ་དང་། སྡུག་བསྔལ་པ་དང་། ལྟུང་བར་འགྱུར་རོ་ཞེས་སེམས་ཅན་དེ་དག་གི་ལས་ཀྱི་བྱ་བ་ཡང་བསྟན ་པའི་ཕྱིར་རོ།། དེ་བཞིན་གཤེགས་པ་དེ་ལས་སྟོན་མོད་ཀྱིས་བྱང་ཆུབ་སེམས་དཔའི་ལས་ཀྱི་སྒྲིབ་པ་ནི་གང་ཡང་མེད་དོ།། ཡང་ཚུལ་ཁྲིམས་དང་ལྡན་པ་ལ་གང་དག་གིས་ཚིག ་རྩུབ་པོ་སྨྲས་ནས་བདག་ཅག་ནི་རྣམ་པར་གྲོལ་བའི་བསྐལ་བ་མེད་དོ་སྙམ་སྟེ་འགྱོད་པ་ལ་གནས་ཤིང་ཕྱིན་ཆད་མི་བརྩོན་པའི་སེམས་ཅན་དེ་དག་གི་ཐེ་ཙོམ་གསལ་བའི་ཕྱིར ་བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེ་བ་གཅིག་གིས་ཐོགས་པས་དེ་སྐད་ཀྱིས་ཚིག་སྨྲས་ན་དེ་ཡང་རྣམ་པར་གྲོལ་བའི་ཕྱིར་སྐལ་བ་ཡོད་ན། བདག་ཅག་མི་ཤེས ་པ་ལྟ་ཅི་སྨོས་ཞེས་དེ་དག་ཉེས་པ་དེ་འཆགས་ཤིང་གཞན་དག་ཀྱང་མི་བྱེད་པའི་ཕྱིར་དེ་སྐད་ཀྱིས་ཚིག་སྨྲས་སོ།། ཡང་རིགས་ཀྱི་བུ་མུ་སྟེགས་ཅན་རྣམས་གདུལ་བའི་ཕྱིར་ངས་ལོ་དྲུག ་ཏུ་དཀའ་བ་སྤྱད་ཀྱིས་སྒྲིབ་པའི་ཕྱིར་ནི་མ་ཡིན་ནོ།། དགེ་སྦྱོང་དང་བྲམ་ཟེ་དག་ཏིལ་དང་རྒྱ་ཤུག་དང་འབྲས་ཀྱི་འབྲུམ་བུ་རེ་རེ་ཟ་བས་ལོ་དྲུག་འདས་པར་བྱས་ཏེ་དེ་ཡང་འཕགས་པའི ་ལམ་མ་ཐོབ་ནས། ཟས་ངན་པས་རྣམ་པར་དག་པར་མི་འགྱུར་ཏེ། རྒྱུ་དེ་དང་རྐྱེན་དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོས་མགོ་རེག་ལ་བྱང་ཆུབ་ག་ལ་ཡོད།། ། ་བྱང་ཆུབ་ནི་ཤིན་ཏུ་དཀོན་ནོ་ཞེས་དེ་སྐད་ཀྱི་ཚིག་སྨྲས་ཏེ། ལས་ཀྱི་བྱ་བ་དེ་ལ་དམིགས་ཤིང་ལོ་དྲུག་ཏུ་དཀའ་བ་སྤྱོད་པ་སྤྱད་དེ། བྱང་ཆུབ་སེམས་དཔས་ལོ་དྲུག་གིས་དམན་པ་ལ་དད ་པའི་ལྷ་དང་ཕྱི་རོལ་གྱི་དྲང་སྲོང་འབུམ་ཕྲག་ལྔ་བཅུ་རྩ་གཉིས་ཀྱིས་ཡེ་ཤེས་རྟོགས་པའི་དོན་བྱས་པར་གྱུར་ཏོ།། དེ་དག་ཀྱང་དམན་པ་ལ་སྤྱོད་པས་ཡོངས་སུ་སྨིན་པར་བྱས་ཏེ། རིགས་ཀྱི་བུ་དེ་ཡང ་བྱང་ཆུབ་སེམས་དཔའི་ཐབས་མཁས་པར་ཤེས་པར་བྱའོ།། ཅིའི་ཕྱིར་ན། བྱང་ཆུབ་སེམས་དཔའ་ལུས་རིང་བཞིན་དུ་བྱང་ཆུབ་ཀྱི་ཤིང་དྲུང་དུ་མི་འགྲོ་བར་ཟས་ཟོས་ལ་སྟོབས་དང་མཐུ་བསྐྱེད་དེ་འགྲོ་ལ ་ཞེ་ནབྱང་ཆུབ་སེམས་དཔའ་ནི་ཟས་མེད་པར་ལུས་རིད་པར་བྱང་ཆུབ་མངོན་པར་རྫོགས་པར་འཚང་རྒྱ་བར་ནུས་མོད་ཀྱི། བྱང་ཆུབ་སེམས་དཔའ་ཕྱི་མའི་སྐྱེ་བོ་དག་ལ་སྙིང་བརྩེ་བའི་ཕྱིར ་ཟས་ཟོས་ཏེ་སེམས་ཅན་མི་མཁས་པ་དག་ཟས་མེད་པར་ཡེ་ཤེས་ཚོལ་བར་མི་འགྱུར་བར་བྱེད་དེ། དེ་དག་བཀྲེས་པས་ཉེན་ན་ཡེ་ཤེས་སྒྲུབ་མི་ནུས་སོ།། དེ་ཅིའི་ཕྱིར་ཞེ་ན། བདེ་བར་གྱུར་པ ་རྣམས་ནི་ཆོས་མངོན་པར་སྨྲའི་སྡུག་བསྔལ་བ་རྣམས་མ་ཡིན་ཏེ། ཅི་ནས་ཀྱང་ངའི་རྗེས་སུ་སློབ་ཅིང་སེམས་ཅན་དེ་དག་བདེ་བ་བསྟན་པའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན ་པོས་ཟས་ཟོས་སོ།། གྲོང་གི་བུ་མོ་བྱང་ཆུབ་ཀྱི་ཕྱོགས་ཡོངས་སུ་རྫོགས་པར་བྱང་བའི་ཕྱིར་ཡང་བྱང་ཆུབ་སེམས་དཔས་དེའི་ཟས་ཟོས་ཏེ་བྱང་ཆུབ་ཐོབ་མོད་ཀྱི། བྱང་ཆུབ་སེམས་དཔའ་ནི་ཏིང་། ་ངེ་འཛིན་གཅིག་གིས་བསྐལ་པ་སྟོང་དུ་འདུག་ནུས་སོ།། ཅིའི་ཕྱིར་ན། བྱང་ཆུབ་སེམས་དཔའ་རྩཝ་དག་ཚོལ་ཞེ་ན། སྔོན་གྱི་དེ་བཞིན་གཤེགས་པ་དགྲ་བཅོམ་པ་ལ། ་དག་པར་རྫོགས་པའི་སངས་རྒྱས་རྣམས་ཀྱང་། རྩཝའི་གདིང་བ་ལ་དགྱེས་ཀྱི་སྟན་ལ་དགྱེས་པར་མི་མཛད་པས། ཆོ་ག་ཤེས་པར་བྱ་བ་དང་། རྩཝ་བུན་བཀྲ་ཤིས་ལྡན་བྱང་ཆུབ་ཀྱི་ཕྱོགས་ཡོངས་སུ ་རྫོགས་པར་བྱ་བའི་ཕྱིར་ཏེ། དེའི་ཕྱིར་བྱང་ཆུབ་སེམས་དཔའ་ལ་རྩཝ་ཕུལ་བས་རིགས་ཀྱི་བུ་དེ་ནི་མ་འོངས་པའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་རྣམ་པར་སྣང་མཛད་ཅེས་བྱ་བར་འགྱུར་བར་ངས་དེ་ལ་ལུང་བསྟན་ཏོ།། ཅིའི་ཕྱིར་ན། བྱང་ཆུབ་སེམས་དཔའ་བྱང་ཆུབ་ཀྱི་ཤིང་དྲུང་དུ་འདུག་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱད ་ཆུབ་ཏུ་མངོན་པར་རྫོགས་པར་འཚང་མི་རྒྱ་བར་འདུད་ལ་སྡོད་ཅེ་ན། རིགས་ཀྱི་བུ་བདུད་སྡིག་ཅན་ནི་བྱང་ཆུབ་སེམས་དཔས་སྐབས་མ་ཕྱེ་མ་བསྐུལ་བར་འོང་གནས་དང་སྐབས་མེད་དེ། དེ་ལྟ་བུའི ་གནས་མེད་ཀྱང་རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་ཀྱི་ཤིང་དྲུང་དུ་འདུག་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་དབང་དང་ལྡན་པ ་གང་ཡིན། སེམས་ཅན་འདི་དག་བདུད་སྡིག་ཅན་དེའི་དྲུང་དུ་འགྲོ་བར་མཐོང་ངོ་།། དེ་ནས་བྱང་ཆུབ་སེམས་དཔའ་འདི་སྙམ་དུ་གྱུར་ཏོ།། གང་བདག་ནི་དེ་ཉིད་དང་འཐབ་པར་བྱའོ།། དེ ་བཏུལ་ན་འདོད་པའི་ཁམས་ཐམས་ཅད་བཏུལ་བར་འགྱུར་རོ།། ལྷའི་འཁོར་ཆེན་པོ་འདུལ་བར་འགྱུར་རོ།། བདུད་ཀྱི་འཁོར་དང་གནོད་སྦྱིན་གྱི་འཁོར་དང་། སྲིན་པོའི་འཁོར་དང་། ་ཀླུའི་འཁོར་དེ་དག་ཀྱང་བྱང་ཆུབ་སེམས་དཔའི་རྣམ་པར་རོལ་པ་འདི་མཐོང་ནས། བྱང་ཆུབ་ཏུ་སེམས་བསྐྱེད་པར་འགྱུར། དད་པ་རྙེད་པར་འགྱུར་རོ།། གང་ཆུང་ངུ་ན་ཐོས་པ་འམ ་མཐོང་ན་དེ་དག་ཀྱང་ཡོངས་སུ་མྱ་ངན་ལས་འདའ་བའི་རྒྱུར་འགྱུར་རོ།། རིགས་ཀྱི་བུ་དེ་ནས་བྱང་ཆུབ་སེམས་དཔའ་བྱང་ཆུབ་ཀྱི་ཤིང་དྲུང་ནས་སོང་བས་སྨིན་མཚམས་ཀྱི་མཛོད་སྤུ་ནས ་འོད་སྲུང་། འོད་དེས་བདུད་ཀྱི་ཁང་པ་ཐམས་ཅད་ཀྱང་མོགོ་མོག་པོར་བྱས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཀྱང་སྣང་བར་བྱས་ཏེ། འོད་ཟེར་དེ་ལས་ཤཱཀྱའི ་བུ་འདི་ནི་ཤཱཀྱའི་རིགས་ལས་ཁྱིམ་ནས་མངོན་པར་བྱུང་སྟེ། དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། ཁྱོད་ཀྱི་ཡུལ་ལས་འདའ་བར་བྱེད ་དོ།། སེམས་ཅན་དཔག་ཏུ་མེད་པ་གཞན་ཡང་འབྱིན་པར་བྱེད་དོ།། བདུད་ཀྱི་གཡོག་མེད་པར་འགྱུར་གྱིས་སོང་ལ་དེ་དང་འཐབ་མོ་ཁྱེ་ཤིག་ཅེས་དེ་སྐད་ཟེར་བའི་སྒྲ་བྱུང་བ་དང་། རིགས་ཀྱི་བུ ་དེ་ལྟར་བདུད་བསྐུལ་མ་ཐག་ཏུ་མྱ་ངན་གྱི་ཟུག་རྔུ་ཆེན་པོས་བཏབ་པར་གྱུར་ནས། དེ་དེའི་ཚེ་དཔུང་གི་ཚོགས་ཡན་ལག་བཞི་པ་བཤམས་ནས། དཔག་ཚད་སུམ་ཅུར་བདུད་ཀྱི་སྡེས་གང་བར་བྱས་ནས། ་བྱང་ཆུབ་ཀྱི་ཤིང་དྲུང་དུ་སོང་བ་དང་། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོས་བྱམས་པ་ཆེན་པོ་ལ་གནས་ཤིང་། རིན་པོ་ཆེའི་བསོད་ནམས་ལས ་སྐྱེས་པའི་ཕྱག་གིས་བདུད་ཀྱི་སྡེ་ཕམ་པར་བྱས་ནས། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མི་འམ་ཅི་དང་ལྟོ་འཕྱེ་ཆེན་པོ་བྱེ་བ་ཕྲག་བརྒྱད་ཅུ་རྩ་བཞི་བླ་ན་མེད་པ་ཡང་བླར་རྫོགས ་པའི་བྱང་ཆུབ་ཏུ་སེམས་སྐྱེས་པར་གྱུར་ཏེ། དེ་ཡང་བྱང་ཆུབ་སེམས་དཔའི་ཐབས་མཁས་པར་བལྟའོ།། ཅིའི་ཕྱིར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས ་རྒྱས་བྱང་ཆུབ་ཐོབ་ནས། ཉི་མ་བདུན་དུ་སྐྱིལ་མོ་ཀྲུང་མ་ཤིག་ཅིང་། ཤིང་གི་རྒྱལ་པོ་ལ་མིག་མི་འཛུམས་པར་ལྟ་ཞེ་ན། གཟུགས་ཀྱི་ཁམས་ན་སྤྱོད་པའི་ལྷའི་བུ་སྤྱོད་ལམ་ཞི་བ་དེ་དག་གིས། ་དེ་བཞིན་གཤེགས་པ་དགྲ་བཅོམ་པ་སྐྱིལ་མོ་དཀྲུང་བཅས་ཤིང་བཞུགས་པ་མཐོང་ནས་ཆེར་དགའ་བར་གྱུར་ཏོ།། དེ་དགའ་ཞིང་རབ་ཏུ་མགུ་བ་སྐྱེས་ནས། གང་བདག་ཅག་གིས་དགེ་སྦྱོང་གོའུ་ཏ་མའི ་སེམས་གང་ལ་གནས་པ་བཙལ་ལོ་སྙམ་དུ་གྱུར་ནས། དེ་དག་གིས་ཉིན་ཞག་བདུན་དུ་བརྟགས་ཀྱང་སེམས་ཀྱི་གནས་གཅིག་ཀྱང་མ་རྙེད་དོ།། དེ་ནས་ལྷའི་བུ་སུམ་ཁྲི་ཉིས་སྟོང ་གིས་ཤིན་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏེ། བདག་ཅག་ཀྱང་མ་འོངས་པའི་དུས་ན་འདི་འདྲ་བར་རབ་ཏུ་ཞི་བའི་སྤྱོད་ལམ་དང་མ་བྲལ་བར་གནས་ཤིང ་དེ་ལྟར་བྱང་ཆུབ་ཀྱི་ཤིང་ལ་ལྟ་བར་བྱའོ་སྙམ་མོ།། རྒྱུ་དེ་དང་རྐྱེན་དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་བྱང་ཆུབ་ཐོབ་ནས། ་ཉི་མ་བདུན་དུ་དཀྱིལ་མོ་ཀྲུང་མ་བཤིག་ཅིང་མིག་མ་བཙུམས་པར་ཤིང་གི་རྒྱལ་པོ་ལ་བལྟའོ།། ཅིའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཐོབ་ནས། སེམས ་ཅན་གྲངས་མེད་དཔག་ཏུ་མེད་པ་དབུགས་ཕྱུང་ཞིང་གཉེར་བར་བྱས་ནས། ཚངས་པས་མ་གསོལ་བར་ཆོས་མི་འཆད་ཅེ་ན་འདི་ལ་དེ་བཞིན་གཤེགས་པ་འདི་སྙམ་དུ་དགོངས་ཏེ། ལྷ་དང ་མི་དག་ཕལ་ཆེར་ཚངས་པ་ལ་བརྟེན་ཏེ། བདག་ཅག་ནི་ཚངས་པས་སྐྱེད་པའོ།། འཇིག་རྟེན་ན་ཚངས་པ་མ་གཏོགས་པར་སྟོན་པ་གཞན་མེད་དོ་སྙམ་དུ་འཛིན་པས་དེ་ལ་དེ་བཞིན་གཤེགས་པ ་འདི་སྙམ་དུ་དགོངས་ཏེ། གང་ངས་ཚངས་པ་དགུག་གོ། ཚངས་པས་ང་ལ་བསྟོད་དོ།། ཚངས་པས་ཕྱག་འཚལ་བ་དང་། ལྷ་དང་མི་ཚངས་པ་ལ་རྟེན་པ་ཐམས་ཅད་ཕྱག་འཚལ་བར་འགྱུར ་རོ། འཆོས་ལེན་པར་སེམས་དཔར་འགྱུར་རོ།། དེ་བས་ན་གསོལ་ནས་དེ་བཞིན་གཤེགས་པ་འཆད་ཀྱི་མ་གསོལ་བར་ནི་མ་ཡིན་ནོ།། དེ་བཞིན་གཤེགས་པའི་མཐུ་ཉིད་ཀྱིས་ཚངས ་པའི་ཆོས་གསོལ་བའི་ཕྱིར། དེ་བཞིན་གཤེགས་པའི་དྲུང་དུ་སོང་གི་ཚངས་པ་ཉིད་ཀྱི་བདག་གིས་དེ་བཞིན་གཤེགས་པ་ལ་ཆོས་གསོལ་ལོ་སྙམ་དུ་སེམས་ཤིང་ཡིད་ལ་བྱེད་པ་ཡང ་མེད་དོ།། ཚངས་པ་ལ་རྟེན་པའི་སེམས་ཅན་རྣམས་ཚངས་པ་ལ་བརྟེན་པ་དང་བྲལ་བའི་ཕྱིར། དེ་བཞིན་གཤེགས་པས་ཚངས་པ་བཀུག་སྟེ། གང་གི་ཚེ་ན ་ཚངས་པ་ཆེན་པོས་དེ་བཞིན་གཤེགས་པ་ལ་ཆོས་ཀྱི་འཁོར་ལོ་བསྐོར་བར་གསོལ་པ། དེའི་ཚེ་ན་ཚངས་པ་འབུམ་ཕྲག་དྲུག་ཅུ་རྩ་བརྒྱད་ཀྱིས་དེ་ཉིད་འཚོའོ།། དེ་ཉིད་མཆོག་གོ་སྙམ་ནས ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། རིགས་ཀྱི་བུ་དེ་བཞིན་གཤེགས་པས་ལས་ཀྱི་རྒྱུད་བཅུ་བསྟན་པ་དེ་ལ་ཡང་ཐབས་མཁས་པར་བལྟའོ།། དགོངས ་བའི་ཚིག་ཏུ་ཡང་ཤེས་པར་བྱའོ།། རིགས་ཀྱི་བུ་བྱང་ཆུབ་སེམས་དཔའ་ནི་དཔེར་ན་མི་དགེ་བའི་རྩ་བ་སྐྲའི་རྩེ་མོའི་ཆ་ཤས་ཙམ་དང་ཡང་ལྡན་ཞིང་། བྱང་ཆུབ་ཀྱི་ཤིང་དྲུང་དུ་འགྲོ་བ ་སྐབས་མེད། དེ་ལྟ་བུའི་གནས་མེད་དོ།། རིགས་ཀྱི་བུ་དེ་བཞིན་གཤེགས་པ་ནི་ཆོས་དཀར་པོ་ཐམས་ཅད་དང་ལྡན་ཞིང་། མི་དགེ་བའི་ཆོས་ཐམས་ཅད་སྤངས་པས། དེ་བཞིན་གཤེགས ་པ་ལ་བག་ཆགས་ཀྱི་མཚམས་སྦྱར་བ་སྤངས་པ་ཡང་མེད། ལས་ཀྱི་སྒྲིབས་པས་ཉེས་པར་འགྱུར་བ་དེ་ལྟ་བུའི་གནས་ཀྱང་མེད་མོད་ཀྱི། སེམས་ཅན་ལས་ཀྱི་རྣམ་པར་སྨིན་པ་རབ་ཏུ་སྟོ ་བ་ལས་ཀྱི་རྣམ་པར་སྨིན་པ་ལ་ཡིད་མི་ཆེས་པས། སེམས་ཅན་དེ་དག་ལ་ལས་ཀྱི་རྣམ་པར་སྨིན་པ་བསྟན་པའི་ཕྱིར། དེ་བཞིན་གཤེགས་པ་ལས་ཀྱི་རྒྱུད་སྟོན་ཏེ། ཆོས་ཀྱི་རྗེང་ཉིད་ལ ་ཡང་ལས་ཀྱི་རྣམ་པར་སྨིན་པ་འབྱུང་ན། ཁྱེད་ལྟ་ལ་ཅིའི་ཕྱིར་སྨིན་པར་མི་འགྱུར་ཞེས་དེ་དག་ལ་སྟོན་མོད་ཀྱི་།། དེ་བཞིན་གཤེགས་པ་ལ་ནི་ལས་ཀྱི་སྒྲིབ་པ་ཅུང་ཟད་ཀྱང་མེད་དོ།། རིགས་ཀྱི ་བུ་འདི་ལྟ་སྟེ། སློབ་དཔོན་ཡི་གེ་དང་ཕྱག་རྒྱ་བསླབས་པས་བྱིས་པ་ལ་བསྟན་པའི་ཕྱིར་བྱིས་པ་བཟློས་སུ་བཞུག་པའི་ཚུལ་གྱིས་ཡི་གེའི་ཕྱི་མེ་ཀློག་མོད་ཀྱི་དེ་ལ་མི་ཤེས་པ་ཡང་མེད། ་ལས་ཀྱི་སྒྲིབ་པ་ཡང་མེད་དེ། ཅི་ནས་ཀྱང་བྱིས་པ་དགྲ་བདག་ལས་ཐོས་ནས་བསླབ་པར་འགྱུར་བར་ཡི་གེ་ཕྱི་མོ་ཀློག་གོ།། རིགས་ཀྱི་བུ་དེ་བཞིན་དུ་དེ་བཞིན་གཤེགས་པ་ནི་ཆོས་ཐམས ་ཅད་ལ། ལས་ཀྱི་སྒྲིབ་པ་ཡོངས་སུ་དྲག་མོད་ཀྱུ། ཅེ་ནས་ཀྱང་སེམས་ཅན་གཞན་དག་ལས་ཡོངས་སུ་དག་པར་འགྱུར་བར་དེ་ལྟར་འཆད་དོ།། དེ་ལྟར་ཆོས་སྟོན་ཏོ།། རིགས་ཀྱི་བུ ་འདི་ལྟ་སྟེ། ནད་ཐམས་ཅད་ཤིན་ཏུ་ཞི་བར་བྱ་བའི་བསླབས་པའི་སྨན་པ་ནི་ནད་མེད་ཅིང་། སེམས་ཅན་ནད་པ་རྣམས་ཀྱི་མདུན་དུ་སྨན་ཚ་བ་དེ་དག་བཞག་ནས། དེ་དག་ནད་ལས་ཡོངས ་སུ་ཐར་བར་བྱེད་དོ།། རིགས་ཀྱི་བུ་དེ་བཞིན་དུ་དེ་བཞིན་གཤེགས་པ་ཡང་སྨན་པའི་རྒྱལ་པོ་སྟེ། ནད་ཐམས་ཅད་ཡོངས་སུ་ཐར་ཅིང་སྒྲིབ་པ་མེད་པ་ཐོབ་ནས། ལས་འདིའི་འབྲས་བུ ་རྣམ་པར་སྨིན་པ་འདི་ནི་ཡིན་ནོ་ཞེས་ལས་སྟོད་ཅིང་། ཇི་ལྟར་ན་སེམས་ཅན་ལས་ཀྱིས་འཇིགས་ཤིང་སྐྲག་པ་རྣམས་དང་ཡིད་ཡོངས་སུ་དག་པར་འགྱུར་ཞེས་ཆེད་དུ་ནད་སྟོན་ཏོ།། ་རིགས་ཀྱི་བུ་འདི་ལྟ་སྟེ། དཔེར་ན་ཚོང་དཔོན་གྱི་བུ་བྱུང་ནས། རིང་པོར་མ་ལོན་པ་དེ་ལ་ཕ་དང་མས་བྱིན་པའི་མ་མ་ཡོད་དེ། དེ་ནི་མ་མ་དེ་ཁྱེའུ་དེའི་འོ་མ་དག་པ ་བྱ་བའི་ཕྱིར་ནད་མེད་བཞིན་དུ་ཚ་བ་དང་ཁ་བའི་སྨན་དེ་དག་ཏུ་འཐོང་ངོ་།། རིགས་ཀྱི་བུ་དེ་བཞིན་དུ་སེམས་ཅན་ཐམས་ཅད་ཀྱི་ཕ་དེ་བཞིན་གཤེགས་པ་ཡང་ལས་ཀྱི་བྱ་བ་རབ་ཏུ་སྟོན་པའི། ་སེམས་ཅན་རྣམས་གཟིགས་ནུས་ནད་མེད་པར་གྱུར་བཞིན་དུ། ང་ལས་ཆེ་གེ་མོ་ཞིག་བྱས་པ་དེའི་ལས་ཀྱི་རྣམ་པར་སྨིན་པ་འདི་ཡིན་ནོ་ཞེས་ནད་སྟོན་ཅིང་དེ་དག་སེམས་ཅན་རྣམས་ཀྱིས ་ཐོས་ནས་སྐྱོ་བ་ཐོབ་པར་འགྱུར་ཏེ། རིགས་ཀྱི་བུ་དེ་ཡང་ཐབས་མཁས་པར་ཤེས་པར་བྱའོ།། རིགས་ཀྱི་བུ་སྔོན་འདས་པའི་དུས་ན། ཚོང་པ་ནོར་འདོད་པའི་ཕྱིར་རྒྱ་མཚོ་འཆིང་རྣམ་ཆེན་པོར ་ཞུགས་པ་ལྔ་བརྒྱ་ཙམ་ཡོད་དེ། ཡང་དེའི་ཚེ་ན་ལམ་གྲོགས་དེ་དག་གི་ནང་ན། མི་ལས་ངན་པ་ཅན་སྡིག་པའི་ལས་ཅན། མདའ་དང་མཚོན་ལ་བསླབ་པ། རྐུ་བ་ཕ་རོལ་གྱི་ནོར་འཕྲོག་པ ་ཚོང་པའི་ཚུལ་དུ་འདུག་པ་ཞིག་ཡོད་དེ། ཤིན་ཏུ་བརྟུལ་བའི་ཕྱིར་གྲུ་དེར་ཞུགས་པར་གྱུར་ཏོ།། དེ་ནས་མི་གཡོ་ཅན་དེ་ནི་བདག་གིས་ཚོང་པ་འདི་ཐམས་ཅད་སྲོག་དང་ཕྲལ་ལ་ནོར ་ཐམས་ཅད་ཁྱེར་ཏེ། འཛམ་བུ་གླིང་དུ་འགྲོའོ་སྙམ་དུ་སེམས་པར་གྱུར་ཏོ།། ཡང་དེའི་ཚེ་ན་ལམ་གྲོགས་ཀྱི་གྲུ་ན་འདུག་པ་དེ་དག་གི་ནང་ན། དེད་དཔོན་སྙིང་རྗེ་ཆེན་པོ་ཅན་ཞེས ་བྱ་བ་ཞིག་ཡོད་དོ།། དེ་ནས་དེད་དཔོན་སྙིང་རྗེ་ཆེན་པོ་ཅན་དེ་གཉིད་ལོག་པའི་རྨི་ལམ་དུ་གང་རྒྱ་མཚོ་འཆིང་རྣམ་ཆེན་པོ་དེ་ན། ལྷ་འདུག་པ་དག་གིས་ལམ་གྲོགས་ཀྱི་གྲཝ། ་འདི་ན། མི་མིང་འདི་ཞེས་བྱ་བ་འདི་ལྟ་བུ་བསླུ་བར་བྱེད་པ་གཞན་གྱི་ནོར་འཕྲོག་པ་ཞིག་ཡོད་དེ། དེ་ནི་ཚོང་པ་འདི་ཐམས་ཅད་སྲོག་དང་ཕྲལ་ལ། ནོར་ཐམས་ཅད་ཁྱེར་ཏེ་འཛམ་བུ་གླིང ་དུ་འགྲོའོ་སྙམ་དུ་སེམས་ཀྱིས། དེ་བས་ན་མི་འདིས་ནི་ཚོང་པ་འདིས་དག་གསོད་པར་འགྱུར་རོ།། སྡིག་པའི་ལས་མི་བཟད་པར་བྱེད་པར་འགྱུར་རོ།། དེ་ཅིའི་ཕྱིར་ཞེ་ན། དེ་ལྟར་ཚོང ་པ་ལྔ་བརྒྱ་པོ་དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་གནས་པ་བྱང་ཆུབ་སེམས་དཔའ་ཕྱིར་མི་ལྡོག་པ་རྣམས་ཡིན་ཏེ། གལ་ཏེ་མི་དེས་བྱང་ཆུབ་སེམས་དཔའ་དེ་དག ་གསད་དུ་ཟིན་ན། དེ་ལས་ཀྱི་སྒྲིབ་པའི་ཉེས་པ་འདིས་བྱང་ཆུབ་སེམས་དཔའ་རེ་རེའི་ཕྱིར་ཡང་བྱང་ཆུབ་སེམས་དཔའ་རེ་རེའི་ཕྱིར་ཞིང་ཇི་སྲིད་ཀྱིས། བླ་ན་མེད་པ་ཡང་དག་པར་རྫོགས ་པའི་བྱང་ཆུབ་བསྒྲུབས་པར་འགྱུར་བ་དེ་སྲིད་དུ་སེམས་ཅན་དམྱལ་བ་ཆེན་པོར་འཚོ་བར་འགྱུར་ཏེ། དེ་ལ་དེད་དཔོན་ཁྱོད་ཀྱིས་ཅི་ནས་ཀྱང་མི་འདི་ཡང་དེ་ལྟར་སེམས་ཅན་དམྱལ་བར་མ་སོང་བ་དང་། ་དེ་དག་ཀྱང་གསོད་པར་མི་འགྱུར་བ་དེ་འདྲ་བའི་ཐབས་སོམས་ཤིག་ཅེས་རྨི་ལམ་དུ་བསྟན་ཏོ།། རིགས་ཀྱི་བུ་དེ་ནས་དེད་དཔོན་དེ་འདི་སྙམ་དུ་གྱུར་ཏེ། ཚོང་པ་འདི་དག་ཀྱང་མི་གསོད་ལ། ་མི་འདི་ཡང་སེམས་ཅན་དམྱལ་བར་མི་སོང་བར་བདག་གིས་བྱ་བའི་ཐབས་གང་ཡོད་ཅེས་སེམས་པར་གྱུར་ཅིང་། གཞན་ལ་ཡང་ཅུང་ཟད་ཀྱང་མི་སྨྲ་བ་ལས ་ཞག་བདུན་རླུང་མ་བླངས་ནས། ཞག་བདུན་འདས་པ་དང་། དེ་འདི་སྙམ་དུ་གྱུར་ཏེ། མི་འདི་སྲོག་དང་བྲལ་བ་ལས་ཐབས་གཞན་མེད་དོ་སྙམ་ནས་དེ་འདི་སྙམ་དུ་སེམས་ཏེ། གལ ་ཚོང་པ་ཐམས་ཅད་ལ་སྨན་དང་། དེ་དག་ནི་མི་དགེ་བའི་སེམས་ཀྱིས་མི་བསད་ཅིང་དེ་དག་ཐམས་ཅད་ཀྱང་སེམས་ཅན་དམྱལ་བར་གྱུར་དུ་འོང་ངོ་སྙམ་ནས། གལ་ཏེ་བདག་གིས་མི་འདི་སྲོག་དང་ཕྲལ་ཏེ། ་དེའི་ཕྱིར་བདག་སེམས་ཅན་དམྱལ་བར་སྐྱེས་ཀྱང་བསྐལ་པ་བརྒྱ་སྟོང་དུ་ཕྱི་ཕྱིར་སེམས་ཅན་དམྱལ་བ་ཆེན་པོར་སྐྱེ་བ་བཟོད་ཀྱི་མི་འདིས་ཚོང་པ་འདི་དག་བསད་ནས་སྡིག་པ་འཕེལ་བར་མ་གྱུར་པར་བྱའོ།། ་སྙམ་དུ་སེམས་སོ།། རིགས་ཀྱི་བུ་དེ་འདི་ལྟ་སྟེ། དད་དཔོན་སྙིང་རྗེ་ཆེན་པོ་ཅན་དེས་བྱང་ཆུབ་སེམས་དཔའ་དེ་དག་བསྲུང་བའི་ཕྱིར་སྙིང་རྗེ་ཆེན་པོ་དེས་དང་ཐབས་མཁས་པ་དེས་ཚད་དུ་བསམ། ་ཏེར་མི་དེ་མཚོན་ཤག་ཏིས་བསད་དོ།། ང་ནི་དེའི་ཚེ་དེད་དཔོན་སྙིང་རྗེ་ཆེན་པོ་ཅན་ཞེས་བྱ་བར་གྱུར་ཏེ། རིགས་ཀྱི་བུ་ངས་ནི་ཐབས་མཁས་པ་དེ་དང་སྙིང་རྗེ་ཆེན་པོ་དེས་བསྐལ་པ་བརྒྱ་ཕྲག་སྟོང་དུ་འཁོར་བ། ་རྒྱབ་ཀྱིས་ཕྱོགས་པར་བྱས་སོ།། མི་དེ་ཡང་ཤི་འཕོས་མཐོ་རིས་ཀྱི་འཇིག་རྟེན་དུ་སྐྱེས་སོ།། གང་ཚོང་པ་ལྔ་བརྒྱ་པོ་གྲུར་ཞུགས་པ་དེ་དག་ནི་ཕྱིས་བསྐལ་པ་བཟང་པོ་ལ་སངས་རྒྱས་ལྔ་བརྒྱ་འབྱུང་བའོ།། ་རིགས་ཀྱི་བུ་དེ་ཇི་སྙམ་དུ་སེམས། གང་གིས་བསྐལ་པ་བརྒྱ་ཕྲག་སྟོང་དུ་ཐབས་མཁས་པའི་ཡེ་ཤེས་ཀྱིས་འཁོར་བ་ལ་རྒྱབ་ཀྱིས་ཕྱོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ། ལས་ཀྱི། ་སྒྲིབ་པ་ཅུང་ཟད་ཀྱང་ཡོད་དམ། རིགས་ཀྱི་བུ་ཁྱོད་དེ་ལྟར་མ་ལྟ་ཞིག། དེ་བཞིན་གཤེགས་པ་ནི་སེམས་ཅན་གྱི་ལས་ཀྱི་བྱ་བ་སྟོད་ཏོ།། གང་གི་ཚེ་ན་དེ་བཞིན་གཤེགས་པའི་ཞབས་ལ་སེང་ལྡེང་གི་ཚལ་བུ་ཟུག ་པ་དེ་ཡང་སངས་རྒྱས་ཀྱི་མཐུ་ཡིན་པར་བལྟའོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་རྡོ་རྗེའི་སྐུ་ཡིན་མོད་ཀྱི། རིགས་ཀྱི་བུ་མཉན་དུ་ཡོད་པའི ་གྲོང་ཁྱེར་ཆེན་པོ་འདི་ཉིད་ན། སྐྱེས་བུ་སྲིད་པ་ཐ་མར་གྱུར་པ་ཉི་ཤུ་དང་། སྐྱེས་བུ་ཉི་ཤུ་པོ་དེ་དག་གི་དགྲ་བོ་སྐྱེས་བུ་ཉི་ཤུ་ཡོད་དེ། དེ་ནས་སྐྱེས་བུ་དགྲ་བོ་ཉི་ཤུ་པོ་དེ་དག་བདག་གི་གཡོས་དགྲ་བྱེད་པ་བདག ་ཅག་ནི་མཛའ་བོ་ལྟར་བྱས་ལ་ཁྱིམ་དུ་སོང་ནས། སྲོག་དང་དཔྲལ་ལོ་སྙམ་དུ་དེ་ལྟར་རྟོག་ཅིང་གཅིག་ལ་གཅིག་ཀྱང་མི་སྨྲའོ།། རིགས་ཀྱི་བུ་དེ་ནས་སྲིད་པའི་ཐ་མར་གྱུར་པའི་སྐྱེས་བུ་ཉི་ཤུ་པོ་དང ་གང་སྐྱེས་བུ་དེ་དག་གསོད་པར་བྱེད་པའི་དེ་རྣམས་སངས་རྒྱས་ཀྱི་མཐུས་དེ་བཞིན་གཤེགས་པ་དེ་ག་ལ་བ་དེར་དོང་ངོ་།། རིགས་ཀྱི་བུ་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས ་པའི་སངས་རྒྱས་ཀྱིས། སྐྱེས་བུ་བཞི་བཅུ་པོ་དེ་དག་གདུལ་བའི་དབང་དུ་བྱ་བ་དང་། དེའི་ཚེ་འགྲོ་བ་མང་པོ་ཡང་འདུལ་བའི་དབང་དུ་བྱ་བའི་ཕྱིར། མོའུ་འགལ་གྱི་བུ་ཆེན་པོ་ལ་བཀའ་སྩལ་པ། ་མོའུ་འགལ་གྱི་བུ་འདི་ནས་ས་ཆེན་པོ་ལས་སེང་ལྡེང་གི་ཚལ་བ་འབྱུང་སྟེ། དེ་ནི་དེ་བཞིན་གཤེགས་པའི་ཞབས་གཡས་པ་ལ་ཟུག་པར་འགྱུར་རོ།། དེ་བཞིན་གཤེགས ་པས་དེ་སྐད་ཀྱི་ཚིགས་གསུངས་ནས། རིང་པོ་མ་ལོན་པར་དེ་ནས་དེའི་མོད་ལ་ས་ཆེན་པོ་ལ་སེང་ལྡེང་གི་ཚལ་པ་མཐོ་གང་ཙམ་བྱུང་ངོ་།། དེ་ནས་དེ་བཞིན་གཤེགས་པ་ལ། ཚེ་དང་ལྡན་པ་མོའུ་འགལ ་གྱི་བུ་ཆེན་པོས། བཅོམ་ལྡན་འདས་བདག་གིས་སེང་ལྡེང་གི་ཚལ་པ་འདི་འཇིག་རྟེན་གྱི་ཁམས་གཞན་དུ་དོར་རོ་ཞེས་དེ་སྐད་གསོལ་པ་དང་། ངས་དེ་ལ་མོའུ་འགལ་གྱི་བུ་ཁྱེད་ཀྱིས་མི་ནུས་སོ་ཞེས་དེ ་སྐད་སྨྲས་སོ།། རིགས་ཀྱི་བུ་དེ་ནས་གནས་བརྟན་མོའུ་འགལ་གྱི་བུ་ཆེན་པོས་ཅི་ནས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རབ་ཏུ་གཡོས་པར་འགྱུར་བ་དང་། གྱེན་དུ་འཕགས་པར ་འགྱུར་བ་དེ་འདྲ་བའི་ཤུགས་སེང་ལྡེང་གི་ཚལ་པ་ནི་སྐྲའི་རྩེ་མོའི་ཆ་ཤས་ཙམ་ཡང་མ་འཕགས་སོ།། དེ་ནས་དེ་བཞིན་གཤེགས་པ་ཚངས་པའི་འཇིག་རྟེན་དུ་མངོན་པར་འཕགས་པ་དང་། སེང་ལྡེང ་གི་ཚལ་པ་ཡང་ཚངས་པའི་འཇིག་རྟེན་དུ་མངོན་པར་འཕགས་སོ།། དེ་ནས་དེ་བཞིན་གཤེགས་པ་གདན་ལ་བཞུགས་པ་དང་། སེང་ལྡེང་གི་ཚལ་པ་ཡང་སྔ་མཁོ་བཞིན་དུ་འདུག་གོ ་དེ་བཞིན་དུ་རྒྱ་མཚོ་འཆིང་རྣམས་ཀྱི་དབུས་སུ་བཞུགས་པ་དང་། སེང་ལྡེང་གི་ཚལ་པ་ཡང་དེ་ན་འདུག་གོ།། ཡང་དེ་བཞིན་གཤེགས་པ་རིའི་བྲག་ཏུ་གཤེགས་པ་དང་། དེ་ནའང་སེང་ལྡེང་གི་ཚལ་པ ་འདུག་གོ་དེ་ནས་དེ་བཞིན་གཤེགས་པ་གདན་ལ་བཞུགས་པ་དང་། སེང་ལྡེང་གི་ཚལ་པ་ཡང་སྔ་མཁོ་བཞིན་དུ་འདུག་ནས། དེ་བཞིན་གཤེགས་པས་ཕྱག་གཡས་པས་ཞབས ་གཡས་པ་བཟུང་སྟེ། སེང་ལྡེང་གི་ཚལ་པའི་སྟེང་དུ་བཞག་གོ་དེ་ནས་ང་ལ་ཚེ་དང་ལྡན་པ་དགའ་བོས། འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པས ་སྔོན་འཕྲིན་ལས་གང་བགྱིས་ན་དེའི་རྣམ་པར་སྨིན་པ་འདི་ལགས། ངས་དེ་ལ་དགའ་བོ་སྔོན་ང་རྒྱ་མཚོ་འཚང་རྣམ་ཆེན་པོར་སོང་བ་དང་། མཚོན་ཤག་ཏིས་ཚོང་པ་བསད་པ་དེའི་ལས་ཀྱི་རྣམ ་པར་སྨིན་པའི་ལྷག་མ་འདི་ཡིན་ནོ་ཞེས་དེ་སྐད་སྨྲས་སོ།། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་གསུངས་སོ།། གང་དུ་གནས་ཀྱང་ལས་རྣམས་མི་འབྱུང་བ།། དེ་ལྟ་བུ ་ཡི་ས་ཕྱོགས་ཡོངས་མེད་དེ། བར་སྣང་མ་ཡིན་རྒྱ་མཚོའི་དབུས་མ་ཡིན།། རི་ཡི་བྲག་ཏུ་ཞུགས་ཀྱང་མ་ཡིན་ནོ།། རིགས་ཀྱི་བུ་དེ་ནས་མི་ཉི་ཤུ་པོ་དེ་དག་འདི་སྙམ་དུ་གྱུར་ཏེ། དེ་བཞིན་གཤེགས ་པ་ཆོས་ཀྱི་རྗེ་ལའང་རྣམ་པར་སྨིན་པར་འགྱུར་ན། ད་བདག་ཅག་ལྟ་ཅིའི་ཕྱིར་རྣམ་པར་སྨོན་པར་མི་འགྱུར་སྙམ་ནས། དེ་ནས་དེའི་ཚེ་དེ་བཞིན་གཤེགས་པའི་སྤྱན་སྔར། བཅོམ་ལྡན་འདས ་བདག་ཅག་གིས་གདོན་མི་འཚལ་བར་སྲོག་བཅད་པར་བགྱིས་སྟེ། དེ་བཞིན་གཤེགས་པའི་སྤྱན་སྔར་ནོངས་པ་བཤགས་སོ་ཞེས་ཉེས་པ་བཤགས་པ་དང་ཅི་ནས་ཀྱང་སྐྱེས་བུ་བཞི ་བཅུ་པོ་དེ་དག་ཡེ་ཤེས་རྟོགས་པར་འགྱུར་བ་དང་། སྲོག་ཆགས་སུམ་ཁྲི་ཉིས་སྟོང་རྡུལ་མེད་ཅིང་དྲི་མ་དང་བྲལ་བའི་ཆོས་ལ་ཆོས་ཀྱི་མིག་རྣམ་པར་དག་པར་འགྱུར་བ། ་དང་རྔ་ལས་ཟད་པར་བྱ་བའི་ཕྱིར་ལས་ལས་བརྩམས་ནས། དེ་ལྟར་དེ་བཞིན་གཤེགས་པས་ཆོས་བཤད་དེ། རྒྱུ་དེ་དང་རྐྱེན་དེའི་ཕྱིར་དེ་བཞིན་གཤེགས་པའི་ཞབས་ལ་སེང་ལྡེང་གི ་ཚལ་པ་ཟུག་སྟེ། དེའང་དེ་བཞིན་གཤེགས་པའི་ཐབས་མཁས་པ་ཡིན་གྱི། ལས་ཀྱི་སྒྲིབ་པ་མ་ཡིན་ནོ།། ཅིའི་ཕྱིར་ན་དེ་བཞིན་གཤེགས་པ་ནད་དང་བྲལ་བ་སྨན་པ་འཚོ་བྱེད་ཀྱི་དྲུང་དུ་མེ་ཏོག ་ཨུཏྤ་ལའི་བཀྲུ་སྨན་ལ་སྣོམ་པར་མཛད་ཅེ་ན། དེའི་ཚེ་ན་སོ་སོར་ཐར་པ་དང་བཅས་ནས་རིང་པོ་མ་ལོན་པར་དགེ་སློང་སོ་སོའི་སྐྱེ་བོ་སྲིད་པ་ཐ་མར་གྱུར་པ་ལྔ་བརྒྱ་ནགས་སྟུག་པོ་ཞིག་ན་འཁོད་པ་ལས ་དེ་དག་སྨན་ཁུ་བ་ཕྱུང་བས་ཞི་བར་བྱ་མི་ནུས་པ་དེ་འདྲ་བའི་ནད་ཀྱིས་བཏབ་པར་གྱུར་ནས། དེ་དག་དེ་བཞིན་གཤེགས་པ་ལ་གུས་པས་སྨན་གཞན་ཡང་མི་ཚོལ་ལོ།། རིགས་ཀྱི་བུ་དེ་ནས་དེ ་བཞིན་གཤེགས་པ་འདི་སྙམ་དུ་དགོངས་པར་འགྱུར་ཏེ། ངས་ཀྱང་མ་གནང་ལ་དགེ་སློང་དེ་དག་ཀྱང་སྨན་ཚོལ་བར་འགྱུར་བ་དེ་ལྟ་བུའི་ཐབས་ཅི་ཡོད་སྙམ་མོ།། དེ་ཅིའི་ཕྱིར་ཞེ་ན། གལ་ཏེ་དེ་བཞིན ་གཤེགས་པས་གནང་དུ་ཟིན་ན་ནི། དེའི་ཕྱིར་དུས་ཕྱི་མ་ལ་འཕགས་པའི་རིགས་ཉམས་པར་འགྱུར་རོ།། དེ་བས་ན་དེ་བཞིན་གཤེགས་པ་ཐབས་མཁས་པས་སྨན་པ་འཚོ་བྱེད་ཀྱི་དྲུང་དུ་མེ་ཏོག ་ཨུཏྤ་ལའི་བཀྲུ་སྨན་ལ་བསྡམས་པ་དང་། དེ་གནས་གཙང་མའི་རིས་ཀྱི་ལྷའི་བུ་རྣམས་ཀྱིས་དགེ་སློང་དག་ལ་སྦྲན་ཏེ། ཚེ་དང་ལྡན་པ་དག་འཆི་བའི་དུས་མ་བྱེད་པར་སྨན་གཞན་ཚོལ་ཅིག ་ཅེས་བྱས་པ་དང་། དགེ་སློང་དེ་དག་གིས་བདག་ཅག་གི་ནིདེ་བཞིན་གཤེགས་པའི་བསླབས་པ་ལས་འདའ་བར་མི་ནུས་ཀྱིས། གུམ་པར་གྱུར་ཀྱང་རུང་གི་དེ་བཞིན་གཤེགས་པའི་བསླབས་པ ་ལས་འདའ་བར་མི་ནུས་སོ་ཞེས་སྨྲས་སོ།། དེ་ནས་གནས་གཙང་མའི་རིས་ཀྱི་ལྷའི་བུ་དེ་དག་གིས་དགེ་སློང་དེ་དག་ལ། དེ་བཞིན་གཤེགས་པ་ཆོས་ཀྱི་རྗེ་དེ་ཉིད་ཀྱིས་ཀྱང་སྨན་ཁུ་བ་ཕྱུང་བ་མ་གཏོག ་པར་སྨ་ན་གཞན་བཙལ་ན། དེ་ཁྱེད་ཅིའི་ཕྱིར་ཚོལ་བར་མི་སེམས་ཚེ་དང་ལྡན་པ་དག་སྨན་གཞན་ཚོལ་ཅིག་ཅེས་དེ་སྐད་ཅེས་སྨྲས་སོ།། དེ་ནས་དགེ་སློང་ལྔ་བརྒྱ་པོ་དེ་དག་གིས། ་འགྱོད་པ་མེད་པར་གྱུར་ཏེ། སྨན་གཞན་བཙལ་བ་དང་དེ་དག་ནད་དེ་ལས་ཡོངས་སུ་ཐར་བར་གྱུར་ཏོ།། རིགས་ཀྱི་བུ་གལ་ཏེ་དེ་བཞིན་གཤེགས་པས་སྨན་གཞན་བཏང་དུ་ཟིན་ན། གང་དགེ་སློང་དེ་དག ་སྨན་གཞན་ཚོལ་བར་གྱུར་པའི་གནས་མེད་སྐབས་མེད་དོ།། ནད་དེ་ལས་ཡོངས་སུ་ཐར་པར་འགྱུར་བ་འམ། དགྲ་བཅོམ་པར་འགྱུར་བ་དེ་ལྟ་བུའི་གནས་ཀྱང་མེད་དོ།། ཅིའི་ཕྱིར་ན། དེ་བཞིན་གཤེགས ་པ་བསོད་ནམས་ཐམས་ཅད་ཡང་དག་པར་འཕགས་པ་བསོད་སྙོམས་ཀྱི་ཕྱིར་གྲོང་དུ་ཞུགས་པ་ལས་ལྷུང་བཟེད་ཇི་ལྟར་བཀྲུས་པ་བཞིན་སླར་བྱུང་ཞེ་ན། དེ་བཞིན་གཤེགས་པ་ལ་ལས་ཀྱི་སྒྲིབ་པ་ནི ་མེད་མོད་ཀྱིས། དེ་བཞིན་གཤེགས་པས་ཕྱི་མའི་འགྲོ་བ་དག་བསྲུང་བའི་ཕྱིར་ཏེ། དགེ་སློང་གང་ལ་ལ་ཞིག་གྲོང་དང་གྲོང་རྡལ་དང་། ཕོ་བྲང་དང་གང་རྒྱལ་པོའི་ཕོ་བྲང་འཁོར། ་དུ་སོང་བ་ལས། བདག་གི་བསོད་ནམས་ཆུང་བས། བསོད་སྙོམས་མ་རྙེད་ན་དེའི་ཚེ་དེ་དག་དེ་བཞིན་གཤེགས་པ་བསོད་ནམས་ཀྱི་ཚོགས་བསགས་པ་ཉིད་ཀྱང་ལྷུང་བཟེད་ཇི་ལྟར་བཀྲུས་པ་བཞིན་དུ ་སླར་བྱུང་ན། བདག་ཅག་དགེ་བའི་རྩ་བ་ཆུང་ངུ་ལྡན་པ་ལྟ་ཅི་སྨོས་ཏེ། བསོད་སྙོམས་མ་རྙེད་པའི་ཕྱིར་ཡོངས་སུ་གདུང་བར་མི་བྱའོ་ཞེས། དེ་བཞིན་གཤེགས་པ་ཡིད་ལ་བྱེད་པར་འགྱུར་བས ་དོན་དེ་གཟིགས་ནས་དེ་བཞིན་གཤེགས་པ་གྲོང་དུ་གཤེགས་པ་ནས། ལྷུང་བཟེད་ཇི་ལྟར་བཀྲུས་པ་བཞིན་དུ་བྱུང་ངོ་།། ཡང་བདུད་སྡིག་ཅན་གྱིས་བྲམ་ཟེ་དང་ཁྱིམ་བདག་ཅི་ནས་ཀྱང་བསོད་སྙོམས་མི ་སྟེར་བར་བྱིན་གྱིས་བརླབས་སོ་ཞེས་བྱ་བ་ཡང་དེ་ལྟར་མི་ལྟའོ།། དེ་ཅིའི་ཕྱིར་ཞེ་ན། བདུད་ནི་དེ་བཞིན་གཤེགས་པ་ལ་བསོད་སྙོམས་ཀྱི་བར་ཆད་བྱེད་མི་ནུས་མོད་ཀྱི་སངས་རྒྱས་ཀྱིས་བྱིན་གྱིས ་རླབས་ཀྱིས་བདུད་ཀྱིས་བྲམ་ཟེ་དང་ཁྱིམ་བདག་ཕྱོགས་སུ་བྱིན་གྱིས་བརླབས་ཀྱིས། དེ་བཞིན་གཤེགས་པ་ལ་ནི་ལས་ཀྱི་སྒྲིབ་པ་ཅུང་ཟད་མེད་དེ་སེམས་ཅན་དེ་དག་ཡོངས་སུ་སྨིན་པར་རུང ་བའི་ཕྱིར་ཐབས་མཁས་པ་བསྟོན་ཏོ།། དེ་ལ་དེ་བཞིན་གཤེགས་པས་ཆོས་བཤད་པ་དང་། བདུད་དང་བདུད་ཀྱི་རིས་ཀྱི་ལྷ་རྣམས་དང་། ལྷ་གཞན་དག་དགེ་སྦྱོང་གོའུ་ཏ་མ་འམ་དེའི ་ཉན་ཐོས་དག་ཡིད་མི་བདེ་བར་མི་གནས་གྲང་ཞེས་དེ་བཞིན་གཤེགས་པ་ཉན་ཐོས་ཀྱི་དགེ་འདུན་དང་བཅས་པའི་སེམས་ལ་ཏོག་སྟེ། དེ་དག་ཉིན་མཚན་དུ་དེ་བཞིན་གཤེགས་པ་ཉན་ཐོས་བྱ། ་དགེ་འདུན་དང་བཅས་པའི་སེམས་ལ་བརྟགས་ཀྱང་། སེམས་ཀྱི་གནས་གཅིག་ཀྱང་ཡིད་མི་བདེ་བར་མ་མཐོང་སྟེ། མ་ཁེངས་མ་དུད་ཅིང་སྔོན་ཇི་ལྟ་བ་ཕྱིར་ཀྱང་དེ་བཞིན་ཕྱིས་ཇི་ལྟ་བ ་སྔོན་ཀྱང་དེ་བཞིན་ནོ།། དེ་ནས་དེའི་ཚེ་ལྷའི་བུ་བདུན་ཁྲི་སེམས་དང་ནས། དེ་བཞིན་གཤེགས་པ་ལ་ཕྱག་འཚལ་བ་དང་དེ་བཞིན་གཤེགས་པ་ཅི་ནས་ཀྱང་དེ་དག་ཐམས ་ཅད་ཆོས་ལ་ཆོས་ཀྱི་མིག་རྣམ་པར་དག་པར་ཆོས་བཤད་དེ། དེ་ཡང་དེ་བཞིན་གཤེགས་པའི་ཐབས་མཁས་པ་ཡིན་གྱི་ལས་ཀྱི་སྒྲིབ་པ་ནི་མ་ཡིན་པར་ཤེས་པར་བྱའོ།། ཅིའི་ཕྱིར ་ན་བུ་མོ་ཙན་ཙས་ཤིང་གི་གཞོང་བ་ལྟོ་བ་ལ་བཅིངས་ནས་དེ་བཞིན་གཤེགས་པ་ལས་ཀྱི་སྒྲིབ་པའི་ཉེས་པ་གང་ཡང་མེད་ལ་དེ་བཞིན་གཤེགས་པས་བུ་མོ་ཙན་ཙ་འཇིག་རྟེན་གྱི་ཁམས ་གངྒཱའི་ཀླུང་གི་བྱེ་མ་སྙེད་དུ་འཕང་ནུས་མོད་ཀྱི། དེ་བཞིན་གཤེགས་པས་ཐབས་མཁས་པས་ལས་ཀྱི་བྱེད་པ་སྟོན་ཏོ།། བསྟན་པ་འདི་ལ་རབ་ཏུ་བྱུང་བ་ལ་བསྐུར་པ་བཏབ་པ་དག་འབྱུང་། ་དེ་དག་མི་བདེན་པར་སྐུར་བར་འགྱུར་རོ།། དེ་དག་འགྱོད་པ་ཙམ་དུ་འགྱུར་ཏེ། སྐུར་པ་བཏབ་དང་། དེ་བཞིན་གཤེགས་པ་ཆོས་དཀར་པོ་ཐམས་ཅད་དང་ལྡན་པ་དེ་ལ་ཡང་མངོན་སུམ་དུ ་སྐུར་པ་འབྱུང་ན་བདག་ཅག་ལྷ་ལ་ཅིའི་ཕྱིར་མི་འབྱུང་ཞེས་སྨྲ་ཞིང་དེ་དག་དེའི་ཚེ་སྐུར་པ་ཟིལ་གྱིས་མནན་ནས་ཡོངས་སུ་དག་པ་ཡོངས་སུ་དཀར ་བའི་ཚངས་པར་སྤྱོད་པ་སྤྱད་པར་འགྱུར་གྱི། འབྲི་བར་ནི་མི་འགྱུར་རོ།། བུ་མོ་ཙན་ཙ་ནི་སྡིག་པའི་ལས་ཀྱིས་གཡོག་ན་རྨི་ལམ་ནའང་དེ་བཞིན་གཤེགས་པ་ལ་སྐུར་པ ་འདེབས་པ་སྟེ། དེ་ཤི་འཕོས་མ་ཐག་ཏུ་ཡང་སེམས་ཅན་དམྱལ་བར་འགྲོ་བར་འགྱུར་རོ།། དེ་སྟེ་དེ་བཞིན་གཤེགས་པ་དེ་སྲུང་ནུས་པར་མཁྱེན་ན་ནི་དེ་བསྲུངས་པར་འགྱུར་རོ།། དེ་ཅི ་ཕྱིར་ཞེ་ན། དེ་བཞིན་གཤེགས་པས་ནི་སེམས་ཅན་གང་ཡང་ཡོངས་སུ་བཏང་བ་མེད་པའི་ཕྱིར་རོ།། ཅིའི་ཕྱིར་ན། མཛེས་མ་ཀུན་ཏུ་རྒྱུ་བ་སྲོག་དང་བྲལ་བས་འཛེ་ཏའི་ཚལ་ཏུ་སྦས་ལ། ་དེ་བཞིན་གཤེགས་པ་ཐམས་ཅད་མཁྱེན་པས་ཀྱང་གཡེལ་བར་བོར་ཞེ་ན། དེ་བཞིན་གཤེགས་པ་ནི་ཐོགས་པ་མེད་པའི་ཡེ་ཤེས་དང་ལྡན་པས་དེ་འདྲ་བར་འགྱུར་བར་ཡང་མཁྱེན་ལ། ་དེ་བཞིན་གཤེགས་པས་ཅི་ནས་ཀྱང་མཛེས་མ་ཀུན་ཏུ་རྒྱུ་བ་མཚོན་གྱིས་མི་ཟུག་པ་དང་། གཞན་དུ་འཕང་བར་བྱ་བ་དེ་ལྟ་བུའི་རྫུ་འཕྲུལ་བྱིན་གྱིས་བརླབས་ཀྱང་ནུས་མོད་ཀྱི། དེ་བཞིན་གཤེག། ་པ་བ་མཛེས་མ་ཀུན་ཏུ་རྒྱུ་ཚེ་ཟད་པས་དེ་ངེས་པར་འཚོ་དགོས་ལག་རྣམ་གྲངས་དེས་ཀྱང་མུ་སྟེགས་ཅན་གཞན་དག་རང་གི་ཉེས་པས་ཤིན་ཏུ་ཚར་གཅོད་པར་འགྱུར་བར་མཁྱེན་ཏེ། ཆོས ་དཀར་པོ་རྣམས་འཕེལ་བར་བྱ་བའི་ཕྱིར། གང་དེ་བཞིན་གཤེགས་པ་བྱིན་གྱིས་བརླབས་པ་དེ་ནི་སངས་རྒྱས་ཀྱི་ཡེ་ཤེས་སོ།། དེ་བས་ན་དེ་བཞིན་གཤེགས་པ་ཞག་བདུན་དུ་གྲོང་དུ་མ་གཤེག། ་ཏེཛལྷ་བྱེ་བ་ཕྲག་དྲུག་ཅུའང་བཏུལ་ལོ།། ཞག་བདུན་པོ་དེ་འདས་ནས་འཁོར་བཞི་བཅོམ་ལྡན་འདས་ཀྱི་དྲུང་དུ་ལྷགས་ནས། དེ་བཞིན་གཤེགས་པས་ཅི་ནས་ཀྱང་སྲོག་བརྒྱད་ཁྲི ་སྟོང་གིས་ཡེ་ཤེས་རྟོགས་པར་འགྱུར་བ་དེ་ལྟ་དེ་ལྟར་དེ་དག་ལ་ཆོས་བཤད་དོ།། ཅིའི་ཕྱིར་ན། དེ་བཞིན་གཤེགས་པས་ཟླ་བ་གསུམ་རྟའི་ཆོས་ཀྱི་ནས་གསོལ་ཞེ་ན། དེ་བཞིན ་གཤེགས་པས་བྲམ་ཟེ་དང་། ཁྱིམ་བདག་འདི་དག་ང་སྤྱན་དྲངས་ནས་མི་སེམས་པར་འགྱུར་རོ།། སྙམ་དུ་མཁྱེན་མོད་ཀྱི་དེ་བཞིན་གཤེགས་པས་མཁྱེན་བཞིན་དུ་དེར་ཚུལ་དུ་ཞུགས་སོ།། ། ་ཅིའི་ཕྱིར་ཞེ་ན། གང་རྟ་ལྔ་བརྒྱ་པོ་དེ་དག་གི་ཆས་ལ་དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པས་ཟླ་བ་གསུམ་དུ་གསོལ་ཏོ།། རྟ་དེ་དག་ཐམས་ཅད་ཀྱང་བྱང་ཆུབ་སེམས ་དཔའི་ཐེག་པ་ལ་གནས་པ་སྔོན་གྱི་རྒྱལ་བ་ལ་བསྙེན་བཀུར་བྱས་པ་ཡིན་ན། དེ་དག་སྡིག་པའི་གྲོགས་པོའི་དབང་དུ་སོང་བས་སྡིག་པའི་ལས་བྱས་ཏེ། དེའི་ཕྱིར་བྱོལ་སོང་གི་སྐྱེ་གནས་སུ་སྐྱེས་སོ།། ་རྟ་ལྔ་བརྒྱ་པོ་དེ་དག་གི་ནང་ན། རྟ་ཅང་ཤེས་དེ་ནི་བྱང་ཆུབ་སེམས་དཔའ་ཉི་མའི་སྙིང་པོ་ཞེས་བྱ་བ་ཡིན་ཏེ། སྨོན་ལམ་གྱི་དབང་གིས་ཆེད་དུ་དེར་སྐྱེས་ནས། བྱང་ཆུབ་སེམས་དཔའ་ཉི་མའི་སྙིང་པོ་དེས ་རྟ་ལྔ་བརྒྱ་པོ་དེ་དག་བྱང་ཆུབ་ལ་བཀོད་དེ། དེ་དག་ཡོངས་སུ་ཐར་བར་བྱ་བའི་ཕྱིར་དེར་སྐྱེས་སོ།། རྟ་ཅང་ཤེས་དེའི་མཐུས་རྟ་ལྔ་བརྒྱ་པོ་དེ་དག་ཐམས་ཅད་སྔོན་གྱི་ཚེ་རབས། ་དྲན་ཏེ། དེའི་ཕྱིར་དེ་དག་བྱང་ཆུབ་ཏུ་སེམས་བསྐྱེང་བ་བྱུང་།། རིགས་ཀྱི་བུད་སྟ་བསན་ཏུ་ལྔ་བ་པོ་དེ་དགྲ་ལ་ཐུགས་བརྩེ་བའི་ཕྱིར་དེ་བཞིན་གཤེགས་པ་དེརང་ཚུལ་དུ་ཞུགས་ཏེ། དེ་ལ་དསང་ཤེས་བྱ ་ཆས་དེ་ལས་ཕྱེད་ནི་དེ་བཞིན་གཤེགས་པ་ལ་འབུལ་ལོ།། གང་རྟ་ལྔ་བརྒྱ་པོའི་ཆས་དེ་ལས་ཆེད་ནི་དགེ་སློང་ལྔ་བརྒྱ་པོ་ལ་འབུལ་ཏེ། རྟ་ཅང་ཤེས་ཡང་རྟ་ལྔ་བརྒྱ་པོ་དེ་དག་ལ་རྟའི་སྐད་ཀྱིས་ཉེས་པ ་འཆགས་སུ་འཇུག་ཅིང་སངས་རྒྱས་ལ་སོགས་པའི་དགེ་སློང་གི་དགེ་འདུན་ལ་ཕྱག་འཚལ་དུ་འཇུག་སྟེ། དེ་ལྟར་ཟླ་བ་གསུམ་འདས་ནས་རྟ་ལྔ་བརྒྱ་པོ་དེ་དག་འཆི་བའི་དུས་བྱས་ཤིང་། ཤི་འཕོས་སུ་གྱུར། ་མ་ཐག་ཏུ་དགའ་ལྡན་གྱི་ལྷ་རྣམས་དང་སྐལ་བ་མཉམ་པར་སྐྱེས་སོ།། ཡང་དེ་དག་ལྷར་གྱུར་པས་དེ་བཞིན་གཤེགས་པ་ལ་མཆོད་ནས། དེ་བཞིན་གཤེགས་པས་ཅི་ནས་ཀྱང་བླ་ན་མེད་པ་ཡང་དག ་པར་རྫོགས་པའི་བྱང་ཆུབ་ཏུ་གདོན་མི་ཟ་བར་འགྱུར་བ་དེ་ལྟར་དེ་ལྟར་ཆོས་བཤད་དོ།། གང་རྟ་ལྔ་བརྒྱ་པོ་དེ་དག་འདུལ་ཞིང་འཚོ་བར་གྱུར་པ་དེ་བཞིན་གཤེགས་པས་སེམས་ཤིན་ཏུ ་དུལ་བ་ཞེས་བྱ་བའི་རང་སངས་རྒྱས་སུ་ལུང་བསྟན་ཏོ།། ཡང་རིགས་ཀྱི་བུ་དེ་བཞིན་གཤེགས་པའི་ཞལ་ཟས་ནི་མཆོག་ཏུ་མི་འགྱུར་བ་ཅུང་ཟད་ཀྱང་མེད་དེ། རིགས་ཀྱི་བུ་གལ་ཏེ་བོང་བ་དང་། ་གསེག་མ་དང་། གྱོ་མོ་ལ་གསོལ་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་དེ་འདྲ་བའི་རོ་བྲོ་བ་མེད་དོ།། གང་བོང་བ་དང་གསེག་མ་དང་གྱོ་མོ་ལས་གྱུར་པ་དེ་འདྲ་བའི་ར ་མཆོག་ཏུ་འགྱུར་བའང་མེད་དོ།། དེ་ཅིའི་ཕྱིར་ཞེ་ན། དེ་ལྟར་དེས་ནི་རོའི་རོ་མཆོག་ཅེས་བྱ་བའི་སྐྱེས་བུ་ཆེན་པོའི་མཚན་ཐོབ་པའི་ཕྱིར་རོ།། རིགས་ཀྱི་བུ་རྣམ་གྲངས་དེས་ཀྱང་དེ་བཞིན་གཤེགས་པའི ་ཞལ་ཟས་ཐམས་ཅད་མཆོག་ཡིན་པར་ཤེས་པར་བྱའོ།། རིགས་ཀྱི་བུ་གནས་བརྟན་དགའ་བོས་དེ་བཞིན་གཤེགས་པ་ནི་འཁོར་ལོས་བསྒྱུར་བའི་མིང་བོར་ཏེ་ནས་གསོལ་བར་གྱུར་ཏོ་ཞེས་སྙིང་རྗེ་བར ་གྱུར་པ་དང་། དེ་བཞིན་གཤེགས་པས་དེའི་སེམས་ལ་བརྟགས་ནསནས་ཀྱི་འབྲུམ་བུ་གཅིག་བྱིན་ཏེ། དགའ་བོ་འདི་ཅིའི་རོ་ཤེས་སམ་ཞེས་བྱས་པ་དང་། དེས་ཟོས་ནས། ངོ་མཚར་ཐོབ་པར ་གྱུར་ཏེ་ང་ལ་འདི་སྐད་ཅེས་སྨྲས་སོ།། བཅོམ་ལྡན་འདས་བདག་ནི་རྒྱལ་པོའི་ཕོ་བྲང་དུ་སྐྱེས། རྒྱལ་པོའི་ཕོ་བྲང་དུ་སྐྱེད་ན། འདི་ལྟ་བུའི་རོ་མཆོག་སྔོན་འཚལ་མ་མྱོང་ངོ་ཞེས་ཚེ་དང་ལྡན་པ ་དགའ་བོས་དེའི་མཐུས་དགའ་ཞིང་བདེ་སྟེ། ཟས་མེད་པར་ཉི་མ་བདུན་འདས་སོ།། རིགས་ཀྱི་བུ་ཁྱོད་ཀྱིས་རྣམ་གྲངས་དེས་ཀྱང་དེ་བཞིན་གཤེགས་པ་ལ་ནི་གང་ན་ཡང་ལས་ཀྱི་སྒྲིབ་པ་མེད་པར ་ཤེས་པར་བྱ་སྟེ། ཡང་སེམས་ཅན་གང་ཚུལ་ཁྲིམས་དང་ལྡན་པའི་དགེ་སློང་དག་མགྲོན་དུ་གཉེར་ནས་སྦྱིན་པར་མི་བྱེད་པའི་སེམས་ཅན་དག་ཇི་ལྟར་སྨྲས་པ་དེ་བཞིན་དུ་བྱེད་པར་བསྟན་པའི་ཕྱིར ་ལས་ཀྱི་རྒྱུད་འདི་དག་བསྟན་ཏོ།། རིགས་ཀྱི་བུ་དེ་བཞིན་གཤེགས་པའི་ཁྱད་པར་ལ་ལྟོས། གང་གིས་དེ་བཞིན་གཤེགས་པ་སྤྱན་དྲངས་ཏེ་མ་ཕུལ་བ་ཏེ། དེ་ཡང་། ་ལྟུང་བའི་ཆོས་མེད་པར་ལུང་བསྟན་ཏོ།། རིགས་ཀྱི་བུ་ཡང་དེ་བཞིན་གཤེགས་པ་དང་ལྷན་ཅིག་ཏུ་ཚུལ་དུ་ཞུགས་པའི་དགེ་སློང་ལྔ་བརྒྱ་པོ་དེ་དག་ལས། དགེ་སློང་བཞི་བཅུ་འདོད་ཆགས་སྤྱོད ་ཅིང་སྡུག་གུའི་མཚན་མ་ལ་སྤྱོད་པར་གྱུར་ཏེ། གལ་ཏེ་དེ་དག་ཟས་མཆོག་ཟོས་པར་གྱུར་ན། དེ་དག་ཤིན་ཏུ་འདོད་ཆགས་དང་ལྡན་པའི་རྟོག་པ་སྐྱེ་བར་འགྱུར་བ་ལས་དེ་དག་ཟས་ངན་པའི་རྟོག ་པ་དེ་སྲབ་མོར་གྱུར་ཏེ། དེ་དག་གིས་ཞག་བདུན་གྱིས་དགྲ་བཅོམ་པ་ཐོབ་པར་གྱུར་ཏོ།། ཅིའི་ཕྱིར་ན། དེ་བཞིན་གཤེགས་པ་ང་རྒྱབ་ན་ནས། འོད་སྲུངས་བྱང་ཆུབ་ཀྱི་ཡན་ལག་ཤོད་ཅིག་ཅེས ་གསུངས་ཞེ་ན། རིགས་ཀྱི་བུ་དེ་ལྟར་ལྷའི་བུ་ཉན་ཐོས་ཀྱི་ཐེག་པ་ལ་གནས་པ་བརྒྱད་སྟོང་ལྷགས་པར་གྱུར་ལ། དེ་དག་ཀྱང་སྔོན་འོད་སྲུང་གིས་སངས་རྒྱས་དང་། ཆོས་དང་། དགེ་འདུན་དང ་བག་བྱེད་པ་ལ་བཀོད་པར་གྱུར་ཅིང་། ལྷའི་བུ་དེ་དག་གིས་བྱང་ཆུབ་ཀྱི་ཡན་ལག་གི་གཏམ་ཕྱི་ཕྱིར་ཞིང་ཐོས་པས། གལ་ཏེ་འོད་སྲུངས་མ་གཏོགས་པར་ལྷའི་བུ་དེ་དག་ལས་སངས་རྒྱས་སྟོང་གིས་ཆོས་བཤད ་ཀྱང་ཤེས་པར་འགྱུར་བ་འམ། ཤེས་པ་འཛིན་པ་མེད་ནས། འོད་སྲུངས་ཀྱིས་བྱང་ཆུབ་ཀྱི་ཡན་ལག་རབ་ཏུ་དབྱེ་བ་རྒྱས་པར་བཤད་པ་དང་། ལྷའི་བུ་བརྒྱད་སྟོང་པོ་དེ་དག་གིས་ཀྱང་ཡེ་ཤེས་རྟོགས ་པར་གྱུར། སེམས་ཅན་གང་ན་སྟེ་ཆོས་ཉན་པར་མི་འགྲོ་བའི་སེམས་ཅན་དེ་དག་ཀྱང་དེ་བཞིན་གཤེགས་པ་ཆོས་ཀྱི་རྗེ་ཡང་བྱང་ཆུབ་ཀྱི་ཡན་ལག་བརྗོད་པ་གསན་ནས། ནད་ལས་ཡོངས་སུ་ཐར་ན་བདག ་ཅག་གིས་ལྔ་ཅིའི་ཕྱིར་ཆོས་མཉན་པར་མི་བྱ་སྙམ་དུ་སེམས་དཔར་གྱུར་ཏེ། རིགས་ཀྱི་བུ་འདི་ལྟ་བས་ན་ལྷའི་བུ་དེ་དག་གདུལ་བའི་དོན་དུ་བྱ་བ་དང་། སེམས་ཅན་ནད་པ་དག་ཆོས་ཉིད་བསྟན་པའི་ཕྱིར། ་དེ་བཞིན་གཤེགས་པས་ང་རྒྱབ་ན་ནས། འོད་སྲུངས་བྱང་ཆུབ་ཀྱི་ཡན་ལག་ཤོད་ཅིག། ཅེས་དེ་སྐད་ཀྱི་ཚིག་སྟེ། དེ་ཡང་དེ་བཞིན་གཤེགས་པའི་ཐབས་མཁས་པ་ཡིན་གྱི། ལས་ཀྱིས་སྒྲིབས་པ་ནི། ་མ་ཡིན་ནོ།། ཅིའི་ཕྱིར་ན་ཤཱཀྱ་རྣམས་ཁ་བཏགས་པས་དེ་བཞིན་གཤེགས་པ་ང་ཀླད་པ་ན་སྟེ་མི་བཟོད་དོ།། ཞེས་གསུང་ཞེ་ན། རིགས་ཀྱི་བུ་འདི་ལ་སེམས་ཅན་ཁ་ཅིག་དེ་བཞིན་གཤེགས་པ་ནི་གཉེན ་རྣམས་ཀྱི་དོན་མི་བཞེད། ཕན་པར་མི་བཞེད། བདེ་བར་མི་བཞེད། ཕན་པ་དང་བདེ་བར་མི་བཞེད་པས། དེའི་ཕྱིར་རྒྱལ་པོའི་རིགས་ཐམས་ཅད་ཁ་གདག་གོ།། སྙམ་དུ་སེམས་ཀྱི། དེ་བཞིན་གཤེག ་པས་གཉེན་རྣམས་ཀྱིས་ཐོག་མ་མེད་པའི་སྡུག་བསྔལ་གྱི་ཕུང་པོ་མཐར་ཕྱུང་བར་ནི་མི་ཤེས་པའི་སེམས་ཅན་དེ་དག་གིས་སེམས་བསྲུངས་པའི་ཕྱིར་གནས་བརྟན་དགའ་བོ་ལ། ང་ནི་ཀླད་པ་ན་སྟེ། ་མི་བཟོད་དོ་ཞེས་དེ་སྐད་ཀྱི་ཚིག་གསུང་སྟེ། རིགས་ཀྱི་བུ་གང་གི་ཚེ་ན་དེ་བཞིན་གཤེགས་པ་གནས་བརྟན་དགའ་བོ་ང་ནི་ཀླད་པ་ན་སྟེ། མི་བཟོད་དོ་ཞེས་དེ་སྐད་ཀྱི་ཚིག་གསུངས་པ་དེའི ་ལྷའི་བུ་ཆད་པར་སྨྲ་བ་སུམ་སྟོང་དང་། སེམས་ཅན་སྲོག་གཅོད་པར་བྱེད་མང་པོ་ལྷགས་ནས་ལྷའི་བུ་དེ་དག་དང་སེམས་ཅན་དེ་དག་ལས་ཀྱི་བྱ་བ་ལ་གཞུག་པའི་ཕྱིར། ་དེ་བཞིན་གཤེགས་པའི་སྲོག་གཅོད་པའི་ལྷག་མ་ལུས་པར་དེ་བཞིན་གཤེགས་པའི་དབུ་སྲུང་བར་གྱུར་ཏོ་ཞེས་ལས་ཀྱི་རྒྱུད་དེ་བསྟན་ཏེ། དེ་བསྟན་པའི་ཚེ་དེ་བཞིན་གཤེགས་པས་ལྷ་དང ་མིའི་སྐྱེ་དགུ་སྟོང་ཕྲག་བཅུ་བཏུལ་ཏེ། དེ་ཡང་དེ་བཞིན་གཤེགས་པའི་ཐབས་མཁས་པ་ཡིན་གྱི། ལས་ཀྱི་སྒྲིབ་པ་ནི་མ་ཡིན་ནོ།། ཅིའི་ཕྱིར་བྲམ་ཟེ་བ་ར་དྭ་ཛས་དེ་བཞིན་གཤེགས་པ་ལ ་མི་སྙན་པ་ལྔ་བརྒྱ་སྨྲས་ན། དེ་བཞིན་གཤེགས་པ་ཡང་བཟོད་པར་མཛད་ཅེ་ན། དེ་བཞིན་གཤེགས་པ་ནི་བྲམ་ཟེ་བ་ར་དྭ་ཛསམི་སྙན་པར་སྨྲ་བ། ཕྱོགས་གཞན་དུ་འཕང་བ་འམ། ་ངག་གི་ལས་གཅིག་མི་འབྱུང་བར་ཡང་ནུས་མོད་ཀྱི། འཁོར་དེའི་ནང་ན་ལྷ་དང་མི་མང་པོ་ཚོགས་པར་གྱུར་པས། དེ་དག་གིས་དེ་བཞིན་གཤེགས་པའི་བཟོད་པའི་སྟོབས་བསྐྱེད་པར་མཐོང་སྟེ། ་དེ་བཞིན་གཤེགས་པ་མ་ཁེངས་མ་དུད་ཅིང་སེམས་མཉམ་པ་བདེ་བའི་དངོས་པོ་དང་ལྡན་པ་སེམས་བརྟན་པ། སེམས་མཉེན་པ་ངེས་པར་མཐོང་ནས་སྲོག་ཆགས་བཞི་སྟོང་གིས་བླ་ན་མེད ་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏེ། དོན་དེ་གཟིགས་ནས། དེ་བཞིན་གཤེགས་པས་བྲམ་ཟེ་བ་ར་དྭ་ཛས། མི་སྙན་པར་སྨྲ་བ་བཏང་སྙོམས་སུ་བཞག ་གིས་དེ་བཞིན་གཤེགས་པ་ལ་གང་ན་ཡང་ལས་ཀྱི་སྒྲིབ་པ་མེད་དེ། དེ་ཡང་དེ་བཞིན་གཤེགས་པའི་ཐབས་མཁས་པ་ཡིན་གྱི་ལས་ཀྱི་སྒྲིབ་པ་ནི་མ་ཡིན་གྱིགང་ཡང་ལྷ་སྦྱིན་ཚེ་རབས། ་ཐམས་ཅད་དུ་བྱང་ཆུབ་སེམས་དཔའ་སེམས་དཔའ་ཆེན་པོའི་རྗེས་སུ་འབྲང་བར་གྱུར་པ་དེ་ཡང་བྱང་ཆུབ་སེམས་དཔའི་ཐབས་མཁས་པ་ཡིན་ནོ།། དེ་ཅིའི་ཕྱིར་ཞེ་ན། ངས་ནི་ལྷ་སྦྱིན་ལ ་གནས་ཏེ། ཕ་རོལ་ཏུ་ཕྱིན་པ་ཡོངས་སུ་རྫོགས་པར་གྱུར་ཅིང་། སེམས་ཅན་དཔག་ཏུ་མེད་པའི་དོན་བྱས་སོ།། རྣམ་གྲངས་གང་གིས་ཞེ་ན། རིགས་ཀྱི་བུ་འདི་ལ་གང་གི་ཚེ། སེམས་ཅན་དག ་བདེ་བ་དང་ལྡན་པས་བྱས་པ་དེའི་ཚེ། སྦྱིན་པར་ཡང་མི་ཤེས། ལེན་པར་ཡང་མི་ཤེས་ནས། ལྷ་སྦྱིན་བྱང་ཆུབ་སེམས་དཔའི་གན་དུ་འོངས་ཏེ། བུ་སློང་ཆུང་མ་སློང་རྒྱལ་སྲིད་སློང ་ལག་པ་དང་རྐང་པ་དང་མིག་དང་མགོ་དང་དེ་ལ་སོགས་པ་གཞན་དག་ཀྱང་གང་དཀའ་བར་སྤྱོད་པ་སེམས་ཅན་རྣམས་ཀྱི་དགེ་བའི་རྩ་བ་བསྐྱེད་པར་བྱེད་པ་དག་སློང་ནས། བྱང་ཆུབ་སེམས ་དཔའ་མ་ཞུམ་པར་གྱུར་ཅིང་སྦྱིན་པར་བྱེད་དེ། དེ་མཐོང་ནས་ཀྱང་སེམས་ཅན་དཔག་ཏུ་མེད་པ་དག་དགའ་ཞིང་སྦྱིན་པ་ལ་མོས་པར་གྱུར་ཏེ། བདག་ཅག་ཀྱང་འདི་འདྲ་བར་གྱུར་ཅིག་ཅེས ་བྱང་ཆུབ་ཏུ་སྨོན་ལམ་འདེབས་ཤིང་ཚུལ་ཁྲིམས་འཛིན་པར་བྱེད་དེ། གང་ཚུལ་ཁྲིམས་འདྲལ་བར་འདོད་པ་དག་ཀྱང་། དེ་ན་བྱང་ཆུབ་སེམས་དཔའ་ཚུལ་ཁྲིམས་མི་འདྲལ་བས་དེ ་མཐོང་ནས་ཀྱང་སེམས་ཅན་དཔག་ཏུ་མེད་པ་དག་ཚུལ་ཁྲིམས་ལེན་པར་བྱེད་དེ། བརྒྱད་དམ་བརྟགས་སམ་སྤྱོས་ཀྱང་མི་ཁྲོ་ཞིང་དེ་དག་བཟོད་པ་རྫོགས ་པར་འགྱུར་བས། རྣམ་གྲངས་དེའི་ཕྱིར་སེམས་ཅན་དཔག་ཏུ་མེད་པའི་དོན་བྱས་སོ།། གང་ཡང་ལྷ་སྦྱིན་གྱིས་དེ་བཞིན་གཤེགས་པ་བསད་པར་བཤམས་པ་དང་། བ་གླང་ནོར་སྐྱོང ་བཏང་བ་དང་། རྡོའི་སྒྱོགས་འཆར་བཅུག་པ་དེ་ཡང་དེ་བཞིན་གཤེགས་པའི་ཐབས་མཁས་པར་ཤེས་པར་བྱ་སྟེ། ལས་ཀྱི་སྒྲིབ་པའི་ཉོན་མོངས་པ་ནི་མ་ཡིན་ནོ།། དེ་ཅིའི་ཕྱིར་ཞེ་ན། ་ཐབས་མཁས་པ་འདི་ལ་གནས་ནས་སེམས་ཅན་དཔག་ཏུ་མེད་པའི་དོན་བྱས་སོ།། རིགས་ཀྱི་བུ་མདོར་ན་ལྷ་སྦྱིན་གྲགས་པར་འདོད་པ་དེ་ནི་ངའི་སྟོན་པ་ཡིན་ནོ།། ལས་ཀྱི་རྒྱུད་བཅུ་པོ ་ཐམས་ཅད་ཀྱང་དེ་བཞིན་གཤེགས་པའི་ཐབས་མཁས་པར་ཤེས་པར་བྱ་སྟེ། ལས་ཀྱི་བྱ་བ་ཤིན་ཏུ་སྟོན་པའི་སེམས་ཅན་ལས་ཀྱི་རྣམ་པར་སྨིན་པ་ལ་མི་འཇུག་པའི་སེམས་ཅན་རྣམས ་ལ་ཆེ་གེ་མོ་ཞིག་གིས་ལས་ཀྱི་རྣམ་པར་སྨིན་པ་ནི་འདིའོ།། ཆེ་གེ་མོ་ཞིག་གི་ལས་ཀྱི་རྣམ་པར་སྨིན་པ་འདིའོ་ཞེས་དེ་བཞིན་གཤེགས་པ་ཐབས་མཁས་པས་ལས་ཀྱི་རྒྱུད་བསྟན་ཏེ། ་དེ་ཐོས་ནས་ཕན་པར་བྱེད་པར་འགྱུར་རོ།། དེ་ལྟ་བས་ན་རིགས་ཀྱི་བུ་ཐབས་མཁས་པ་བསྟན་པ་འདི་གསང་བར་གྱིས་ཤིག། སེམས་ཅན་དགེ་བའི་རྩ་བ་ཆུང་ངུ་དང་ལྡན་པ་རྣམས ་ཀྱིས་མདུན་དུ་མ་འཆད་ཅིག། དེ་ཅིའི་ཕྱིར་ཞེ་ན། བསྟན་པ་འདི་ནི་ཉན་ཐོས་དང་། རང་སངས་རྒྱས་ཀྱི་ས་ཡང་མ་ཡིན་ན། སེམས་ཅན་དགེ་བའི་རྩ་བ་ཆུང་ངུ་དང་ལྡན་པ་རྣམས་ཀྱི་ལྟ་ཅི ་སྨོས་དེ་ཅིའི་ཕྱིར་ཞེ་ན། དེ་དག་ཐམས་ཅད་བསླབས་པ་མ་ཡིན་པས། འདི་ནི་དེ་དག་ལ་མི་དགོས་སོ།། བྱང་ཆུབ་སེམས་དཔའ་གང་དག་བསྟན་པ་འདི་ལ་སློབ་པར་འགྱུར་བ་མ་གཏོགས ་པར་གཞན་ཐབས་མཁས་པ་བསྟན་པ་འདི་སྣོད་དུ་གྱུར་པ་གང་ཡང་མེད་དོ།། འདི་ལྟ་སྟེ། རིགས་ཀྱི་མཚན་མོ་ས་སྲོས་པའི་མུན་པར་མར་མེ་བུས་ན་ཁྱིམ་ན་སྣོད་དུ་ཐམས་ཅད་སྣང་བར་འགྱུར། ་བ་དེ་བཞིན་དུ། བྱང་ཆུབ་སེམས་དཔའ་ཡང་ཐབས་མཁས་པ་བསྟན་པ་འདི་ཐོས་ཏེ། མོས་པར་གྱུར་ནས། སངས་རྒྱས་ཀྱི་སྤྱོད་པ་ཐམས་ཅད་མཐོང་བར་འགྱུར་ཞིང་སེམས་ཅན་དག་ལ ་ཡང་སློབ་པར་འགྱུར་རོ།། རིགས་ཀྱི་བུ་ཁྱོད་ལ་བསྒོའོ།། ཁོང་དུ་ཆུད་པར་བྱའོ།། བྱང་ཆུབ་འདོད་པའི་རིགས་ཀྱི་བུ་འམ་རིགས་ཀྱི་བུ་མོས་ཐབས་མཁས་པས་འདི་གང་ན་རྣར་གྲགས་པར ་འགྱུར་ན། དཔག་ཚད་འབུམ་དུ་ཡང་འགྲོ་བར་བྱའོ།། ཅིའི་ཕྱིར་ཞེ་ན། དེ་ལྟར་བསྟན་པ་འདི་ཐོས་ན་སྣང་བ་ཐོབ་པར་འགྱུར། སངས་རྒྱས་ཀྱི་ཆོས་ཐམས་ཅད་ལ་འགྱོད་པ་མེད་པར་འགྱུར ་ཐེ་ཙོམ་དང་བྲལ་བར་འགྱུར་རོ།། དེ་ནས་ལྷ་དང་འཇིག་རྟེན་དུ་བཅས་པའི་འཁོར་བཞི་ལས་སེམས་ཅན་གང་དག་སྣོད་དུ་གྱུར་པ་དེ་དག་གིས་ནི་ཆོས་ཀྱི་རྣམ་གྲངས་འདི་ཐོས་སོ།། ་གང་སྣོད་དུ་མ་གྱུར་པ་དེ་དག་གིས་ནི་རྣ་ལམ་དུ་ཡང་མི་གྲགས་སོ།། ཆོས་ཀྱི་རྣམ་གྲངས་འདི་བཤད་པའི་ཚེ། སྲོག་ཆགས་བདུན་ཁྲི་ཉིས་སྟོང་གིས་བླན་མེད་པ་ཡང ་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། ཚེ་དང་ལྡན་པ་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས་འདི་ཇི་ལྟར་བཟུང་བར ་བགྱིབཅོམ་ལྡན་འདས་ཀྱིས་བཀའ་སྩལ་པ། དགའ་བོ་ཆོས་ཀྱི་རྣམ་གྲངས་འདི་ནི། ཐབས་མཁས་པའི་ཕ་རོལ་ཏུ་ཕྱིན་པར་བསྟན་པར་ཟུང་ཤིག། སངས་རྒྱས་ཐམས་ཅད་ཀྱི་ཐབས ་མཁས་པར་གསུངས་པའི་ལེའུ་ཟུང་ཤིག། བཅོམ་ལྡན་འདས་དགྱེས་ཤིང་། དེ་སྐད་བཀའ་སྩལ་པ་དང་ག། དགའ་བོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་མ ་དང་རྔ་ལྷ་དང་མི་དང་ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རང་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་འོ།། ཐབས་མཁས་པ་ཞེས་བྱ་བ་ཐེག་པ་ཆེན ་པོའི་མདོ་རྫོགས་སོ།། ། རྒྱ་གར་སྐད་དུ.ཨཱརྱ་ཏྲི་སྐན་དྷ་ཀ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཕུང་པོ་གསུམ་པ་ཞེས ་